Perezida Paul Kagame yakiriye mu biro bye Hugh Evans washinze akaba n’Umuyobozi Mukuru wa Global Citizen, bagirana ibiganiro byagarutse ku ruhare rw’ubufatanye hagati y’u Rwanda n’umuryango ayoboye mu guteza imbere ubukungu bushingiye ku buhanzi mu Rwanda, ndetse n’ibindi bikorwa bikomeje gushyirwa mu bikorwa mu nzego (…)

Abadepite bagize Komisiyo y’Imiyoborere, Uburinganire n’Ubwuzuzanye bw’Abagabo n’Abagore babajije impamvu Akarere ka Kayonza gakunze kwibasirwa n’inzara ndetse n’uko icyo kibazo cyakemuka burundu.

Ubuyobozi bw’Umurenge wa Kicukiro mu Karere ka Kicukiro, ku bufatanye n’amatorero n’amadini akorera muri uwo Murenge, barishimira ko ubukangurambaga bw’ibyumweru bitatu bwakozwe muri uwo Murenge guhera hagati muri Gashyantare 2026 bwatanze umusaruro ufatika, harimo imiryango 11 yari isanzwe ibana, yemeye gusezerana imbere (…)

Komiseri w’Umuryango RPF Inkotanyi, Senateri Niyomugabo Cyprien, n’itsinda ry’Abadepite mu Nteko Ishinga Amategeko, basuye ibikorwa by’abikorera mu Karere ka Muhanga, bemeranya ubufatanye mu gushyira mu bikorwa Manifesito y’Umuryango.

Umuyobozi w’Ikigo cy’Ubucuruzi, ’Tajyire Group’ Lambert Gahungu yabwiye Ikigo cy’Igihugu Gishinzwe Ingufu, REG, ko hari ibisubizo yatanga ku bibazo abakoresha umuriro w’amashanyarazi bahura na byo.

Umuvugizi wa Guverinoma y’u Rwanda, Yolande Makolo, asanga kuba Umuryango w’Ubumwe bw’u Burayi (EU) ugiye guhagarika inkunga watanganga mu bikorwa by’ingabo z’u Rwanda byo kurwanya iterabwoba muri Mozambique, bidakwiye kuba ikibazo kuko n’ubundi u Rwanda rutanga ibirenga inshuro 10 z’amafaranga yatangwaga.

Abadepite bagaragaje ko batewe impungenge no kuba ibyobo bicukurwamo amabuye y’agaciro ntibitabwe bikomeje kwiyongera, ku buryo hari n’ibyacukuwe ku gihe cy’ubukoloni, ariko kugeza magingo aya bikaba bitarasibwa.

François Twagirumukiza ni we utorewe kuyobora Urugaga rw’Abikorera mu Rwanda (PSF), mu matora y’Inzego zigize urwo rugaga, yabaye kuri uyu wa Gatanu tariki 13 Werurwe 2026, akaba asimbuye kuri uwo mwanya Jeanne Françoise Mubiligi.

Mu bucukuzi bw’amabuye y’agaciro mu Rwanda harimo urusobe rw’ibibazo bikibangamiye iterambere ry’uru rwego harimo no kuba hari abaturage badakozwa ibyo kureka ubucukuzi butemewe kuko bafata ubucukuzi bw’amabuye y’agaciro nka gakondo yabo.

Leta y’u Rwanda ifatanyije n’abafatanyabikorwa bayo, bamaze gushora arenga Miliyari 120Frw, mu bikorwa bitandukanye byo gushyigikira impunzi n’abaturiye inkambi.

U Rwanda rwakiriye abandi Banyarwanda 205 baturutse muri Repubulika Iharanira Demokarasi ya Congo (RDC), binjiriye ku mupaka wa ‘La Corniche’ mu Karere ka Rubavu. Barimo abagabo, abagore n’abana. Bavuze ko gutaha kwabo byagizwemo uruhare rukomeye na bagenzi babo batashye mbere, bababwiye ko bakiriwe neza mu gihugu kandi ko (…)

Ku cyicaro gikuru cya Banki ya Kigali (BK) tariki ya 9 Werurwe 2026 habereye igikorwa cyo kwizihiza umunsi mukuru w’Umugore, abakiriya bahabwa impano nk’abafatanyabikorwa beza.

Imiryango 47 y’Impunzi z’Abarundi yari imaze igihe icumbikiwe mu nkambi ya Mahama, iherereye mu Karere ka Kirehe igihe gutaha ku bushake banyuze ku mupaka wa Nemba uhuza u Rwanda n’u Burundi.

Abasenateri bagize Komisiyo y’Ubukungu n’Imari ubwo bagezaga ku Nteko Rusange ya Sena raporo ku gikorwa cyo kugenzura ibikorwa bya Guverinoma byo kugeza amazi meza ku baturage, bavuze ko WASAC Group ikwiye gushyiraho uburyo buhamye bwo gupima ubuziranenge bw’amazi yose atangwa mu baturage.

Abasenateri bahuye n’ihurizo ritoroshye ryo kwandika umwanzuro wo kugeza kuri Guverinoma urebana n’ingano y’amazi ava mu mavomo akagenda ntacyo amariye abakagombye kuyakoresha, bityo bigatera igihombo haba kuri Leta no ku bakayakoresheje.

Abatuye mu Karere ka Karongi by’umwihariko impunzi zicumbikiwe mu Nkambi ya Kiziba n’abayituriye, barishimira ikorwa ry’umuhanda Bwishyura - Kiziba, washyizwemo kaburimbo.

Abagore bo mu Karere ka Muhanga barishimira urwego rw’iterambere bagezeho, kubera amahirwe Igihugu cyabahaye, bakaba batagihezwa mu mirimo imwe n’imwe nk’uko byahoze mbere.

Ibiganiro bya ‘Ndi Umunyarwanda’ byatangiye gutanga umusaruro mu guhindura imyumvire y’urubyiruko, kuko ibyaha bifitanye isano n’ingengabitekerezo ya Jenoside bigenda bigabanuka muri icyo cyiciro mu buryo bugaragara.

Inzego z’ubuyobozi zitandukanye mu Karere ka Ruhango, ziributsa abaturage bose ko ntawe ukwiye kubangamira iterambere ry’umugore, kuko ari imbaraga ku muryango n’Igihugu muri rusange.

Perezida Paul Kagame yitabiriye Inama ya kabiri yiga ku ingufu za Nikeleyeri (Nuclear Energy Summit) iri kubera i Paris, aho ari kumwe n’abayobozi b’ibihugu bitandukanye baturutse mu mpande z’Isi, abayobozi b’imiryango mpuzamahanga ndetse n’abayobora ibigo by’imari.

Abafatanyabikorwa bagira uruhare mu kugura ibikoresho bitandukanye byifashishwa kwa muganga, abo barimo IMPALA muri gahunda yayo izwi nka Goal 3, imaze gusakaza ibikoresho bitandukanye by’ikoranabuhanga bifasha mu kuvura abana barembye ndetse n’abavutse batujuje igihe.

Umugaba Mukuru w’Ingabo z’u Rwanda (CDS), Mubarakh Muganga, yatangaje ko Ingabo z’u Rwanda zishobora kohereza abasirikare bagera ku 1,000 ku rugamba kugira ngo zirinde ubuzima bw’Umunyarwanda umwe, kuko ubuzima bw’umuturage ari ingenzi cyane kurusha ibindi.

Minisitiri w’Ingabo, Juvenal Marizamunda, ubwo yatangizaga ibikorwa by’ingabo na polisi byo gufasha abaturage mu mibereho myiza n’iterambere, yasobanuye ko iterambere ridashoboka ahantu hatari umutekano. Yashimye uruhare rw’abaturage mu gufatanya n’izindi nzego kwicungira umutekano, iyo ikaba ari yo mpamvu inzego z’umutekano (…)

Mu Karere ka Gasabo, Umurenge wa Kinyinya, Polisi n’Ingabo z’u Rwanda batangiye kubaka ibyumba 15 by’amashuri kuri GS Rwankuba, harimo n’azigirwamo abana b’inshuke na bakuru babo ba barenga ibihumbi bibiri, bakaba babyiganira mu byumba 24.

Umuryango Unity Club Intwararumuri ku bufatanye na Minisiteri y’Ubumwe bw’Abanyarwanda n’Inshingano Mboneragihugu (MINUBUMWE) n’izindi nzego za Leta batangije icyiciro cya gatanu cy’ibiganiro “Ndi Umunyarwanda”, bizibanda cyane ku rubyiruko rwo mu mashuri yisumbuye, aho biteganyijwe ko bizagera mu mashuri agera ku 100 mu (…)

Abagize inteko itora mu Rugaga Nyarwanda rw’Abikorera bazindukiye mu matora y’ababahagariye ku rwego rw’Akarere, akaba azakurikirwa n’ayo ku rwego rw’intara n’urwego rw’igihugu muri iki cyumweru n’igitaha.

Perezida Paul Kagame yifurije abagore umunsi mwiza, wizihizwa buri mwaka tariki 8 Werurwe, ababwira ko uyu munsi n’indi bizihiza uruhare rukomeye abagore bakomeje kugira mu mpinduka n’iterambere ry’Igihugu.

Ku mugoroba wo kuri iki Cyumweru Perezida Paul Kagame, yakiriye Umuhuzabikorwa w’amashami y’Umuryango w’Abibumbye (UN Resident Coordinator) ucyuye igihe mu Rwanda, Ozonnia Ojielo, mu rwego rwo kumusezeraho.

Madamu Jeannette Kagame yifurije abagore umunsi mwiza, abasaba kongera kwigenzura bagamije kwiyubaka. Mu butumwa yageneye abagore, yagize ati “Kuri uyu munsi twizihiza abagore, ndabasaba kongera kwigenzura mu marangamutima, imico, imyitwarire, mumenye kwibungabunga, byose bigamije kwiyubaka! Uyu munsi wongere kubibutsa ko (…)

Mu gihe u Rwanda rwizihiza Umunsi Mpuzamahanga w’Umugore, Umuryango w’abanyamakuru b’abagore mu Rwanda, ARFEM, wizihije uyu munsi ubinyujije mu kuganira n’Abanyeshuri bo muri Kaminuza ya East African University Rwanda (EAUR) yigisha Itangazamakuru.