Chelsea ku mwanya wa 16 nyuma yo kwandagazwa na Man City

16-08-2015 - 22:42' | Ibitekerezo ( 2 )

Shampiona y’icyiciro cya mbere mu mupira w’amaguru mu gihugu cy’ubwongereza yari yakomeje,aho ikipe ya Manchester City ku kibuga cyayo yanyagiye ikipe ya Chelsea ibitego 3-0,mu mukino w’umunsi wa kabiri w’iyo shampiona.

Ku munsi wa kabiri wa Shampiona y’icyicro cya mbere mu gihugu cy’ubwongereza,abantu benshi bari bategereje umukino wagombaga guhuza ikipe ya Manchester City yegukanye cya shampiona mu mwka wa 2013/2014,ndetse na Chelsea yagitwaye mu mwaka wa 2014/2015.

Mu mukino wabereye ku kubuga cy’ikipe ya Manchester City (Etihad Stadium), ikipe ya Manchester City niyo yaje gufungura amazamu ku munota wa 31, ku gitego cyatsinzwe na Sergio Kun Aguero,

Sergio Aguero watsinze igitego cya mbere

Ku munota wa 79 w’umukino,ku mupira wari uturutse muri koruneri,Vincent Kompany yaje gutsinda n’umutwe igitego cya kabiri,maze nyuma y’ikosa ryakozwe na Cesc Fabregas agaha umupira abakinnyi ba Manchester City,Fernandinho yaje gutsinda cya 3 ari nako umukino warangiye.

Uko imikino y’umunsi wa kabiri yagenze

Ku wa gatanu,14/08/2015

Aston Villa 0 - 1 Manchester United

Ku wa gatandatu, 15/08/2015

Southampton 0 - 3 Everton
Sunderland 1 - 3 Norwich City
Swansea City 2 - 0 Newcastle United
Tottenham Hotspur 2 - 2 Stoke City
Watford 0 - 0 West Bromwich Albion
West Ham United 1 - 2 Leicester City

Kuri iki cyumweru kandi usibye wahuje Manchester City na Chelsea,habanje umukino wahuje ikipe Crystal palace n’Arsenal,maze urangira Arsenal ikuye amanota atatu hanze ku ntsinzi y’ibitego 2-1.