KT TV
Abageze mu zabukuru bifuza ababegera bakabaganiriza
Bamwe mu bageze mu zabukuru mu Karere ka Nyagatare bavuga ko bahura n’ikibazo cy’ubwigunge kubera kutagera ku bo bifuza no kudasurwa ndetse n’ubukene bukabije kuko barya badakora.
Kagabo Andrew w’imyaka 72 y’amavuko, atuye mu Kagari ka Barija, Umurenge wa Nyagatare. Avuga ko muri rusange imibereho y’abageze mu zabukuru itandukanye bitewe n’uburyo bakuzemo bakibasha kwikorera.
Avuga ko iyo umuntu amaze gukura agashinga urugo atangira no guteganyiriza abamukomokaho haba ku mitungo ndetse n’ubundi buryo ku bakoreye Leta.
Avuga ko uwiteganyirije muri Leta nta kibazo gikomeye ahura na cyo cyane kuko ahabwa amafaranga y’ubwiteganyirize ariko nanone ngo uwizigamiye imitungo na we ahanini nta kibazo.
Ariko nanone ngo hari n’icyiciro cy’abagobokwa n’abana babyaye mu gihe bo bahiriwe n’imirimo barimo.
Yagize ati “Burya iyo urera umwana uba nk’umwikuriza kuko iyo ugeze mu zabukuru ufite abana ni bo bongera kukurera nawe ukaba umwana nk’uko wabareraga ariko noneho n’iyo wizigamiye umutungo, uraguherekeza ukagira n’uwo usiga.”
Akomeza agira ati “Hari n’udahirwa nk’uko akaba yarakoze akagobokwa na Leta ari mu kiruhuko cy’izabukuru. Hari ariko n’ikindi cyiciro kigera mu zabukuru kidafite na gifasha, abo ni bo bagora Leta kandi na yo irabizi buri kwezi barahembwa.”
Kagabo avuga ko mu gihe cyabo bakuze hatari amahirwe menshi nk’ahari ubu kuko hari abatarakoreye Leta ngo buri kwezi babone imperekeza abandi bakaba bataragize amahirwe nk’ahari ubu yo kwizigamira muri Ejo Heza.
Ku rundi ruhande ariko ngo bahura n’ingorane nyinshi kuko batabasha kugera aho bifuza, kutagira abo baganira, kugira ikibazo bakabura uwo bakibwira kuko rimwe na rimwe hari n’abadafite telefone n’ubwo na yo ngo idahagije kubakura mu bwigunge.
Ati “Kutabasha kugera aho wigereraga, uwo mwaganiraga ntakugereho uretse kuri telefone kandi twese si ko tuzifite, mbese urebye twiberaho mu bwigunge, tugira indwara ariko nanone tukabura uko twivuza rimwe ukazagera kwa muganga wararembye. Ikindi ni ubukene bukabije kuko turya tudakora kandi rimwe na rimwe udafite ukwishingira.”
Avuga ko baramutse babona abantu baganira bakamenya imibereho yabo byabarinda ubwigunge ndetse bakagira n’icyizere ko bakiri abantu kuko kwigunga bituma bahora mu bitekerezo byinshi.
Yagize ati “Turifuza kwegerwa tukaganirizwa, tugatanga ibitekerezo, tukajya inama, tugahumurizwa tukumva ko turi mu muryango nyarwanda kuko iyo uri wenyine utangira kwitekerezaho, ibitekerezo bikaba inyanja. Iyo nyanja rero utari bwiyambutse nta n’umusare urumva ni ikibazo.”
Nikuze Anna w’imyaka 80 y’amavuko, atuye mu Murenge wa Musheri. Avuga ko ikimugora cyane ku giti cye ari indwara zirimo rubagimpande n’umuvuduko w’amaraso ariko ahandi ntakibazo kindi kuko yumva agikomeye.
Ibanga ryo kuba agikomeye ngo abikesha indyo ndetse no guhorana umunezero.
Ati “Ubundi kuramba ni ukwirinda umunabi, ugahora useka wishimye kabone n’ubwo wahura n’ikibazo ntugire agahinda kenshi kandi nabwo ugashakisha uko ukavamo vuba ariko nanone ugasenga. Nanone ariko nkeka ko kutarya ibiryo birimo ubuto (amavuta), byaramfashije kuko sinabikoza mu kanwa.”
Umunyamabanga wa Leta muri Minisiteri y’Ubutegetsi bw’Igihugu, ushinzwe imibereho myiza y’abaturage, Kayisire Marie Solange, asaba abakiri bato kurushaho kwegera abageze mu zabukuru bakumva ibitekerezo byabo ariko na bo bikabafasha kutigunga.
Ikindi ni uko abizeza ko Leta izakomeza kubitaho kugira ngo basaze neza ariko nanone abakangurira kwizigamira hakiri kare muri Ejo Heza mu gihe bafite imbaraga kugira ngo bazagobokwe bakuze.
Ibitekerezo ( 4 )
Ohereza igitekerezo
|
|
Twese yari yaradushyize mu ishuri babiri baza kuva mu ishuri kuko wasangaga batagaburira umunyeshuri wiga mumashuri abanza yewe nuwiga mumashuri yisumbuye yaryaga ariko yaranze amafaranga ntabwo byaribimeze nkubu,kuko Data hari ubwo yakoraga akazi ugasanga ntaribuhebwe uwo munsi cyangwa bakamwambura cyangwa akakabura akuwo munsi yanahembwa akayazana ayishyura aho twafashe ideni ntihagire nayaguma k’umufuka ubwo abo barivuyemo badufashije kujya tubina ibyo kurya noneho Data akamenyera amafaranga y’ishuri mukuru wanjye wigaga mu mwaka2 w’amashuri yisumbuye yaje kurangiza ntiyabona akazi, nyuma ye hari undi warangije na we ntiyabona akazi igihe cyane kugera Bose barashaka,noneho nanjye sinongeye kubona umwe muribyo wamfasha ngo nkomeze nige kuko uwo nikunitagaho wese yambwiraga ibibazo afite mbura epfo naruguru, nibwo negereye ubuyobozi mbubwira ikibazo cyanjye buramfasha ubu ndikwiga,ariko mubana Data yabyaye ntawamugoboka urimo kubera ko na bo ntako bameze Kandi Data kubaho biramugoye cyane kuko ararwaye nicyo kizu kitanakingwa abamo ntakibereyemo ubusa nukuvugango abuze ubukode na bo ntibamuhe akazi yakora ngo gasimbure ubukode cyangwa uburwayi bwe bukubuka ntabone uko ahaguruka dore ko hari n’igihe kugenda bijya byanga isaha kuyindi yajya kuba hanze nukuri ntacyo mutadukorera ariko nkuko murengera abageze muzabukuru mbasabye ninginga nukuri ni murengera Data muraba mukoze Kandi nanjye nzazirikana ineza yariyo yose Igihugu cyangirira kuko nijye Rwanda rwejo
Twese yari yaradushyize mu ishuri babiri baza kuva mu ishuri kuko wasangaga batagaburira umunyeshuri wiga mumashuri abanza yewe nuwiga mumashuri yisumbuye yaryaga ariko yaranze amafaranga ntabwo byaribimeze nkubu,kuko Data hari ubwo yakoraga akazi ugasanga ntaribuhebwe uwo munsi cyangwa bakamwambura cyangwa akakabura akuwo munsi yanahembwa akayazana ayishyura aho twafashe ideni ntihagire nayaguma k’umufuka ubwo abo barivuyemo badufashije kujya tubina ibyo kurya noneho Data akamenyera amafaranga y’ishuri mukuru wanjye wigaga mu mwaka2 w’amashuri yisumbuye yaje kurangiza ntiyabona akazi, nyuma ye hari undi warangije na we ntiyabona akazi igihe cyane kugera Bose barashaka,noneho nanjye sinongeye kubona umwe muribyo wamfasha ngo nkomeze nige kuko uwo nikunitagaho wese yambwiraga ibibazo afite mbura epfo naruguru, nibwo negereye ubuyobozi mbubwira ikibazo cyanjye buramfasha ubu ndikwiga,ariko mubana Data yabyaye ntawamugoboka urimo kubera ko na bo ntako bameze Kandi Data kubaho biramugoye cyane kuko ararwaye nicyo kizu kitanakingwa abamo ntakibereyemo ubusa nukuvugango abuze ubukode na bo ntibamuhe akazi yakora ngo gasimbure ubukode cyangwa uburwayi bwe bukubuka ntabone uko ahaguruka dore ko hari n’igihe kugenda bijya byanga isaha kuyindi yajya kuba hanze nukuri ntacyo mutadukorera ariko nkuko murengera abageze muzabukuru mbasabye ninginga nukuri ni murengera Data muraba mukoze Kandi nanjye nzazirikana ineza yariyo yose Igihugu cyangirira kuko nijye Rwanda rwejo
Murakoze ndi mukarere ka Gasabo umurenge wa Rusororo Akagari ka Ruhanga,Umudugudu wa Rugende.ndacyari umunyeshuri niga mumwaka wa 6 w’amashuri yisumbuye Data yitwa Mazimpaka Bonaventure, Mama wanjye yitwa Nyiraneza Marie mvuka mumuryango w’abana9(icyenda) akaba arijye wa cyenda mama wanjye amaze imyaka 15 apfuye Kandi ababyeyi banjye ni abanyarwanda Kandi imitungo yose iwacu bari bafite bayimariye kuri mama icyo gihe kuburyo iwacu bakennye kuburyo buteye agahinda hahandi umuntu areba amarira akazenga mumaso Data afite imyaka 65 y’amavuko ntagira inzu yo kubamo ahaba nimukizu umukire Ari kubakisha niyuzura yamubwiye ko azayivamo maze banyirayo bakayitaha Data mubihe byahise kuturera wentine byaramunanije cyane dore ko icyo gihe yahisemo kuturera wentine ubwo jye narimfite imyaka irindwi y’amavuko kand nta nikintu afite yirinda kuzana undi mugire ngo bafatanye kuturera kuko yarafite ubwoba bwuko yadufata nabi cyangwa bigatuma ashobora kwirengagiza inshingani ze kuri twe Kandi twese
Murakoze ndi mukarere ka Gasabo umurenge wa Rusororo Akagari ka Ruhanga,Umudugudu wa Rugende.ndacyari umunyeshuri niga mumwaka wa 6 w’amashuri yisumbuye Data yitwa Mazimpaka Bonaventure, Mama wanjye yitwa Nyiraneza Marie mvuka mumuryango w’abana9(icyenda) akaba arijye wa cyenda mama wanjye amaze imyaka 15 apfuye Kandi ababyeyi banjye ni abanyarwanda Kandi imitungo yose iwacu bari bafite bayimariye kuri mama icyo gihe kuburyo iwacu bakennye kuburyo buteye agahinda hahandi umuntu areba amarira akazenga mumaso Data afite imyaka 65 y’amavuko ntagira inzu yo kubamo ahaba nimukizu umukire Ari kubakisha niyuzura yamubwiye ko azayivamo maze banyirayo bakayitaha Data mubihe byahise kuturera wentine byaramunanije cyane dore ko icyo gihe yahisemo kuturera wentine ubwo jye narimfite imyaka irindwi y’amavuko kand nta nikintu afite yirinda kuzana undi mugire ngo bafatanye kuturera kuko yarafite ubwoba bwuko yadufata nabi cyangwa bigatuma ashobora kwirengagiza inshingani ze kuri twe Kandi twese