KT TV
Nyanza: Njyanama iratabariza ibitaro by’akarere bimaze imyaka 4 bitagira umuyobozi
Inama Njyanama y’Akarere ka Nyanza iravuga ko kuba ibitaro by’Akarere ka Nyanza bimaze imyaka 4 bitagira umuyobozi bifite ingaruka zitandukanye, ku buryo hakwiye gushakwa umuyobozi ubiyobora kugira ngo ibibazo bihari bikemuke.
Ngo kuba ibitaro bya Nyanza bimaze iyo myaka nta muyobozi bifite bituma abakozi bahora bigendera uko babonye, nabyo ngo bikagira ingaruka ku barwanyi kuko batitabwaho uko bikwiye nk’uko iyo raporo ibivuga.
Inama Njyanama y’Akarere ka Nyanza ikomeza ivuga ko mu bitaro bya Nyanza hari n’ibindi bibazo bijyanye na serivisi yo kwakira neza ababagana idakora neza, hanyuma igasoza igaragaza ko hari n’ikibazo cy’imfu z’abana n’ababyeyi.
Kigali Today hari gihamya zimwe na zimwe ifite za bamwe mu babyeyi biyemerera ko bagiye bajya kubyarira mu bindi bitaro basize ibitaro by’akarere ka Nyanza baturiye kubera gutinya ko abana babo bahagwa cyangwa nabo ubwabo bakahasiga ubuzima kubera iki kibazo cy’imfu z’abana n’ababyeyi kihavugwa.
Ikibazo cy’imfu z’abana n’ababyeyi mu bitaro bya Nyanza cyafashe indi ntera
Ubwo bamwe mu bakozi b’urwego rw’umuvunyi bari mu Karere ka Nyanza tariki 20 Werurwe 2015 kugira ngo baganire n’abaturage babagezeho ibibazo bafite, hari umubyeyi witwa Nyirahabimana Evelyne w’imyaka 26 y’amavuko ukomoka mu Murenge wa Nyagisozi weruye asaba kurenganurwa avuga ko hari abaforomokazi b’ibitaro bya Nyanza bamurangaranye kugeza ubwo umwana yari atwite apfa.
Uyu mubyeyi atanga ubuhamya ko imbangukiragutabara yamuzanye yageze mu nzira igaparika ku kabari ngo umushoferi wari uyitwaye n’umuforomokazi banywa inzoga, hanyuma barangije ibyabo babona kumugeza mu bitaro bya Nyanza nta bundi buryo busigaye bwo kurokora umwana yari atwite.
Polisi ikorera mu Karere ka Nyanza ivuga ko iri mu iperereza ku rupfu rw’uwo mwana kugira ngo abaforomokazi bagize ubwo burangare bahanywe n’amategeko.
Jean Pierre Twizeyeyezu
Ibitekerezo ( 33 )
Ohereza igitekerezo
|
|
Njyanama ibanze nayo yisuzume kuko,....
Sauveur se hari uwamwirukane ntiyagiye kubera kumunaniza,nyanza ahaaa
ibitaro bya nyanza ntibizabona umuyobozi,kuko uhageze baramunaniza,reba nkibyo njyanama iba ishyize hanze aho kubafasha,njyanama yisubiremo k
Kugenda kw’abakozi suko nta muyobozi,ahubwo ni stress iba inyanza,habuhazi
akarere ndetse na minisante bicare barebe izi ngaruka ziterwa no kubura umuyobozi maze bamushake kandi abrenganijwe na serevice mbi nabo bazarenganurwe
Ntanze umukandinda Dr Uwilingiyimana J Nepo . Warakoze kandi arahavuka, ubu ayobora Kirehe hospital.Bityo rero twaba TUMUKize aba hano Kirehe. Murakoze.
Inama Njyanama yakarere ka Nyanza ndetse na Nyobozi ntiyarikwiye gutabaza kuko ariyo ifite uruhari runini mugusenya ibitaro byakarere ka Nyanza!! Ibitaro ntibyigeze bibura umuyobozi ahubwo minisante imaze kwohereza abayobozi bane 4 bose bananizwa nabayobozi bakarere ka Nyanza!! Nibashake uwobifuza kwabayoborera ibitaro naho ubundi minisante nundi bazohereza azananizwa na karere nkuko byagenze na mbere. Ibi ndabivuga kandi mbifitiye gihanywa kuko nayoboye ibyo bitaro mugihe kimyaka ibili. Umuco wibwibone, legends, namatiku bikwiye gucika mubitaro byakarere ka Nyanza. Abashinzwe iperereza mubehafi yibitaro byakarere kuko abarwayi nibobaharenganira iyo inzego zigongana. Murakoze. Dr Antoine Tumugire Twahirwa
Dr Jean Sauveur yari Umuyobozi mwiza cyane yari azanye impinduka mu Bitaro bya Nyanza.
Ibyo bibazo byose uyu munyamakuru yavuze bihaboneka, ntabyavugwaga kubwa Dr Jean Sauveur.
Muramutwibukije cyane, rwose twahombye Umuyobozi.
Ibi bivugwa muri iyi nkuru rwose ni ukuri mu bitaro bya Nyanza hakwiye kuba umuyobozi kuko wagira ngo ni ibitaro byatawe na Minisante ikabyegurira abantu ku giti cyabo nabo badashoboye.
Ubuyobozi nk’uko mubivuze buheruka ku bwa Dr Jean Sauveur naho ab’agateganyo bamusimbuye babaye abategetsi kuruta uko bitwa abayobozi abahagana twarumiwe.
There is poor service delivery
Uyu munyamakuru azatohoze neza amenye na raporo zitekinikwa z’imfu z’abana n’ababyeyi zikorwa kugira ngo bitwe abere mu gihe cy’iperereza.