Abanyarwanda kandi bigaragaje cyane kuko mu myaka itanu ya mbere ari bo bayihariye bonyine. Nsengimana yanashoboye gushiramo ikinyuranyo cy’umunota umwe.
Abasiganwa 51 nibo bahagurutse i Rubavu berekeza i Kigali, aho bagiye bahura n’imvura ariko ntibyababuza kugenda kilometero 156.5 kugera kuri Stade Regional i Nyamirambo.
Abakinnyi b’Abanyarwanda baje kugaragaza ubuhanga ubwo basigaga Abanya-eritrea bazwi cyane mu guterera, aho baje kubasiga ubwo bazamukaga umuhanda w’amabuye wo kwa Mutwe Kimisagara.
I Nyamirambo imbere y’abafana benshi bari bategereje n’amatsiko, Abanyarwanda batanu bayobowe na Nsengimana Jean Bosco baje gutunguka bari imbere ibyishimo bisaga abari aho bose.
Nsengimana Jean Bosco yaje gukoresha amasaha 4,iminota 10 n’amasegonda 22, akurikirwa na Areruya Joseph wakoresheje amasaha ane n’iminota 11.
Ku munsi wa nyuma wa Tour du Rwanda kuri iki cyumweru, abasiganwa barahaguruka Saa tatu n’igice za mu gitondo bazenguruka umujyi wa Kigali inshuro icumi.
Bazahagurukira kuri Stade Amahoro berekeza Kibagabaga na Nyarutarama, bakanyura kuri RDB berekeza Stade Amahoro ari naho bazasoreza hakanamenyekana uwegukanye iri siganwa.
Uko bakurikiranye uyu munsi:
1.Nsengimana Jean Bosco
2.Areruya Joseph
3.Hakuzimana Camera
4.Biziyaremye Joseph
5.Uwizeye Jean Claude
6.Winterberg Lukas
7.Ruhumuriza Abraham
8.Byukusenge Patrick
9.Eyob Metkel
10.Byukusenge Nathan
Urutonde rusange:
1.Nsengimana Jean Bosco:20h52’15"
2.Areruya Joseph:20h54’00"
3.Hakuzimana Camera:20h54’43"
4.Byukusenge Patrick:20h55’06"
5.Winterberg Lukas:20h55’10"
6.Eyob Metkel:20h55’17"
7.Debesay Mekseb:20h55’22"
8.Byukusenge Nathan:20h55’36"
9.Biziyaremye Joseph:20h55’42"
10.Liponne Julien:20h55’48"
Andi mafoto:
Sammy IMANISHIMWE
Ibitekerezo ( 28 )
Ohereza igitekerezo
|
Rwanda Oyeeeeee Nsengimana Bravooo Komezutsindeee
congratulations to all rwandan amazing took team we have ability rising for kigali today
BASORE BACUTURABEMEYE MURAKOMEYE MURAKOMEYE MUKOMEREZAHO TURIKUMWE .
Woooow, twamaganye de Gaulle n’amavubi, dushyigikiye team rwanda y’amagare, we are proud of u guys, go go goòoo