KT TV
Ruhango: Imodoka yakoze impanuka bitewe na moto ku bw’amahirwe ntawe yahitanye
Imodoka yo mu bwoko bwa RAV 4 ifite purake RAC 928 F yavaga Kigali yerekeza Huye, igeze ahitwa mu Gatengezi mu mujyi wa Ruhango, imbere yayo haturuka moto yashakaga gukatira mu muhanda ujya Kinazi ariko itacanye itara ribigaragaza, igihe iyi modoka yafataga feri ishaka kuyibererekera nibwo yahise irenga umuhanda igarurwa n’igiti.
Iyi modoka yarimo abantu bane n’umushoferi wari uyitwaye ariwe Rukemampunzi Jeremie w’imyaka 21, bakomeretse bahita bajyanwa kwa kigo nderabuzima cya Kibingo.
Ababonye iyi mpanuka iba mu ijoro rya tariki ya 05/01/2014 ahagana saa mbiri n’igice, bavuga ko iyi modoka nayo yari ifite umuvuduko mwinshi, ibonye moto igiye kuyikatana ishaka kuyikwepa niko kurenga umuhanda ijya hejuru cyane, mu kugwa igwa ireba aho yaturukaga.
Bakomeza bavuga ko iyo iyi modoka idatangirwa n’igiti yari guhitana abantu banyweraga inzoga hafi aha, kuko aho yaguye hari utubari na twa butike twinshi.
Iyi moto yo yateje impanuka, bivugwa ko yo ntacyo yabaye ahubwo ko yahise yikomereza akaba nta nuwamenye irengero ryayo.
Eric Muvara
Ibitekerezo
Ohereza igitekerezo
|
|
