Mu magambo y’ababyeyi ndetse no mu dukino twakinwe n’abana, hagaragajwe ko kujyana umwana mu ishuri ry’inshuke bituma aca akenge byihuse, ndetse akamenya kubana n’abandi akiri mutoya.

Abana biga muri iryo shuri babasha kwiga indimi kuburyo bagera ku myaka itanu babasha kuvugana no kumvikana neza n’abenerurimi.

Nduwayesu Elia, umuyobozi w’umuryango Youth Children Foundandation washinze iri shuri, yavuze ko iri shuri rinakira abana babana n’ubumuga bwo kutavuga, agaragaza ko bishimira uburyo bahawe ijambo ndetse n’ubufasha butuma bigana n’abandi bagatsinda.

Ababyeyi bafashe amagambo muri uyu munsi, bakanguriye bagenzi babo kugana amashuri nk’aya, kuko ariho abana babonera uburezi n’uburere by’ibanze bubaha icyerekezo, bizabafasha mu buzima bwabo buri imbere.

Ishuri Wisdon Nursery and Primary School, nka rimwe mu mashuri yigenga aherereye mu karere ka Musanze, ritanga uburere n’uburezi bwo ku rwego rushimishije, bikagaragazwa n’imitsindire y’abana baharangiza.

Jean Noel Mugabo