Uyu musore, yabwiraga hoteli ko azazitangira ikirego cyangwa akagaragaza amashusho y’uwo mwanda kuri interineti.

Jiang, yadukanye ayo mayeri adasanzwe, akajya ayakoresha mu gihe ashaka gutembera akarara muri za Hoteli zitandukanye kandi adafite amafaranga yo kuzishyura.

Muri Nzeri 2023, nyuma yo gutangira Kaminuza, no kubona uko amafaranga amushiranye, nibwo yatangiye kwiga uwo mutwe w’iterabwoba, akabwira hoteli ko azitangira ikirego kubera umwanda ukabije zifite.

Mu mezi icumi gusa, Jiang ngo yashoboye gukoresha ayo mayeri muri hoteli 63,
akazijyamo zikamuha serivisi zose akeneye, yarangiza ntiyishyure, ahubwo icyumba yarayemo
akagishyiramo imisatsi, inyenzi zapfuye n’udukingirizo twakoreshejwe, ubundi agahita ahamagara
abakora muri hoteli akabibereka, akababwira ko agiye kubishyira ku karubanda, isi ikababona.

Umupolisi utaravuzwe amazina wo mu gace ka Linhai mu Bushinwa, aganira n’Ikinyamakuru South
China Morning Post, yagize ati, “ Mu mezi 10, Jiang yajyaga muri hoteli n’eshatu cyangwa enye ku munsi."

Inyinshi muri izo hoteli zahitaga zemera gukora ibyo Jiang azisaba, zanga ko yazikorera icyo gikorwa cyo kuziharabika.

Ariko umwe mu bacunga za Hoteli, aherutse kwiyemeza guhangana nawe, ngo yanga gukora ibyo asaba, ahubwo ahamagara mu zindi hoteli zo muri ako gace, azibwira kuri uwo mukiriya udasanzwe, nabo bamubwira ko yabajujubije.