Nk’uko we ubwe abyivugira, ngo iyi ndirimbo ishingiye ku nkuru y’ukuri y’ibyamubayeho ubwo yajyaga gukoresha igitaramo akabona umukobwa wamwitegereje cyane bituma amusaba ko babyinana bageza mu gitondo.

Abisobanura muri aya magambo: ‘‘ninjiye muri bwate (night club) ndeba umukobwa mwiza, abyina on the dancing floor, ndahindukira nsanga anshizeho amaso, ndongera ndahindukira nsaga arinjye areba n’ubwo yabyinaga, noneho nanjye ndamwegera musanga aho yabyiniraga, turatangira turabyinana kugeza sakumi n’ebyiri za mugitondo.. chorus ivuga iti. .. ndi mu rukundo n’umubyinnyi (dancer) n’ukuntu ahindura umubiri we, n’ukuntu abyinisha umubiri we byatumye ntwarwa nkamukunda (falling in love.)’’

Umuhanzi nyarwanda TK uba USA.

TK usanzwe amenyerewe mu njyana ya Dance Pop yakomeje atubwira ko iyi ndirimbo ye ikunzwe ngo kuko irashyushye. Yagize ati: ‘‘iyi ndirimbo yanjye irashyushye hano no muri Europe bya hatari, kandi nkunda gukora indirimbo zo kwishima kuko abantu akenshi baba bafite ibintu byinshi bibatesha umutwe mu buzima busanzwe so mba nshaka ko bumvise indirimbo zanjye banyeganyeza umutwe bakishima’’.

Iyi ndirimbo ije nyuma y’indirimbo aherutse gukora yitwa ‘Party Girl’ nayo ngo yakunzwe cyane nk’uko nyir’ubwite yakomeje abitubwira. Hari n’indi ndirimbo iri mu kinyarwanda yakoze ikaba ari indirimbo ‘Muteteri’ yasubiyemo.

TK aba muri Leta Zunze Ubumwe za Amerika aho akora ibyo gutunganya indirimbo (producer) mu nzu itunganya umuziki yitwa Universal Records.

Marie Clemence CYIZA UWIMANIMPAYE