KT TV
Volleyball: Police VC na REG VC zageze ku mukino wa nyuma w’irushanwa rya Climate Action
Amakipe ya REG VC na Police VC mu bagabo na RRA WVC na Police WVC mu bagore yageze ku mukino wa nyuma w’irushanwa rya Climate Action ryateguwe n’Ishyirahamwe ry’Umukino wa Volleyball mu Rwanda rifatanyije n’Ikigo Gishinzwe Kurengera Ibidukikije ’REMA’.
Ni irushanwa riri kubera mu turere twa Gisagara na Huye aho mu bagabo hitabiriye amakipe atatu ariyo REG VC, Gisagara VC na Police VC. Aya makipe yarahuye hagati yayo Gisagara VC itsinda REG VC amaseti 3-1, REG VC itsinda Police VC 3-0 mu gihe Gisagara VC yanatsinzwe na Police VC 3-0.
Hahise habarwa amanota, hakorwa urutonde rwayobowe n’ikipe REG VC, ikurikirwa na Police VC Gisagara irasezererwa aho aya makipe yabaye abiri ya mbere ariyo arakina umukino wa nyuma kuri uyu wa Gatandatu, Saa Kumi z’umugoroba mu nzu y’imikino y’i Gisagara.
Mu bagore naho hitabiriye amakipe atatu aho RRA WVC yatsinze Police WVC amaseti 3-1, Police WVC itsinda RP Huye amaseti 3-0 mu gihe RRA WVC yongeye gutsinda RP Huye amaseti 3-0.
Mu bagore hakozwe urutonde ruyoborwa na RRA WVC ikurikirwa na Police WVC ari nazo zigomba guhurira ku mukino wa nyuma, kuri uyu wa Gatandatu Saa Munani, umukino nawo urabera mu nzu y’imikino y’i Gisagara.
Ibitekerezo
Ohereza igitekerezo
|
|
