KT TV
Twatangiye ibiganiro - Perezida wa FERWAFA ku kongerera amasezerano umutoza w’Amavubi
Perezida w’Ishyirahamwe ry’Umupira w’Amaguru mu Rwanda, Munyantwali Alphonse yatangaje ko batangiye ibiganiro byo kongerera amasezerano umutoza w’Amavubi, Torsten Frank Spittler mu gihe abura ukwezi kumwe ngo ayo afite arangire.
Ibi Perezida wa FERWAFA yabitangarije mu kiganiro iri Shyirahamwe ryagiranye n’itangazamakuru risobanura ingingo zitandukanye zirera umupira w’amaguru w’u Rwanda aho yavuze ko batangiye ibiganiro byo kongera amasezerano umutoza wa Amavubi Frank Spittler mu gihe ayo afite ari kugana ku musozo.
Ati "Umutoza twatangiye ibiganiro kandi icyavuyemo muzakimenya vuba, ntabwo tuzarindira kugeza mu Ukuboza 2024 (Igihe masezerano asanganywe azarangirira)."
Tariki 1 Ugushyingo 2023, nibwo ishyirahamwe ry’umupira w’amaguru mu Rwanda FERWAFA, ryemeje ko Umudage w’imyaka 61, Torsten Frank Spittler yagizwe umtoza mukuru w’ikipe y’Igihugu Amavubi.
Mu bihe bitandukanye uyu mutoza yagiye avuga ko atari yegerwa ngo hatangire ibiganiro byo kumwongerera amasezerano nubwo yanavugaga ko nyuma y’amasezerano afite izahagarika akazi ko gutoza.
National Football League
Ibitekerezo
Ohereza igitekerezo
|
|
