KT TV
Bane barimo Kwizera Olivier basubukuranye imyitozo na Rayon Sports yitegura APR FC
Abakinnyi bane barimo umunyezamu Kwizera Olivier basubukuye imyitozo mu ikipe ya Rayon Sports iri kwitegura APR FC ku mukino wa nyuma w’Igikombe cy’Amahoro uteganyijwe tariki 23 Gicurasi 2026 nyuma y’uburwayi butandukanye bari bafite.
Aba bakinnyi ni Ndikumana Asman wari warababaye akagombambari, myugari akaba na kapiteni Youssou Diagne, umunyezamu Kwizera Olivier wari ufite ikibazo cy’iryinyo na myugariro Ramazani Tchimanga wari ufite imvune.
Aba bose basubukuranye imyitozo n’abandi ku wa Mbere w’iki cyumweru mu gihe biteganyijwe ko mu mwiherero uteganyijwe gutangira kuri uyu wa Gatatu harajyamo abakinnyi 22.
Uyu mukino wa nyuma w’Igikombe cy’Amahoro 2026 uteganyijwe kubera kuri Stade Amahoro ku wa Gatandatu w’iki cyumweru Saa Kumi n’Ebyiri z’umugoroba mu gihe Kigali Today yamenye ko itike ya macye ari amafaranga ibihumbi 2 Frw naho iya menshi ikazishyurwa miliyoni imwe n’igice.
National Football League
Ibitekerezo
Ohereza igitekerezo
|
|
