Karidinali Kevin Farrell mu butumwa yatangiye muri Casa Santa Marta yavuze ko Papa Francis w’imyaka 88 yitabye Imana mu gitondo cyo kuri uyu wa Mbere ku isaha ya saa moya n’iminota 35.

Yakomeje avuga ko Papa Francis, ubuzima bwe bwose yabumaze yiyegurira umurimo wa Nyagasani na kiliziya ye.

Ati: "Yatwigishije kubaho mu ndangagaciro z’Ubutumwa bwiza mu budahemuka, ubutwari, ndetse n’urukundo ruhebuje dukesha urugero rwiza rwa Nyagasani."

Tariki 23 Werurwe 2025, nibwo Papa Francis yasezerewe mu bitaro nyuma yo kumara hafi ukwezi n’igice mu bitaro ari kuvurwa indwara z’ubuhumekero.

Papa Francis yabaye Umushumba wa Kiliziya Gatolika mu 2013, aba Umunyamerika y’Amajyepfo wa mbere wari uhawe izo nshingano.