KT TV
Canada: Trudeau yashwishurije Trump wifuza ko Canada yomekwa kuri US
Minisitiri w’Intebe wa Canada Justin Trudeau ntiyariye amagambo, mu gushwishuriza Donald Trump wavuze ko azakoresha ingufu zishingiye ku bukungu kugira ngo yemeze Canada ko igomba kwiyunga kuri Leta Zunze Ubumwe za Amerika (US) bikaba igihugu kimwe. Trudeau yavuze ko ibyo Trump arimo ari nko kwizera ko ushobora guteka ibuye rigashya.
Trump watorewe kuyobora US, mu minsi ishize yumvijanye kenshi avuga ko Canada niba izi ubwenge, yagombye kwemera ikaba leta ya 51 ya US.
Mu kiganiro n’itangazamakuru kuwa Kabiri mu rugo rwe ruri Florida, Trump yavuze ko bishoboka cyane gukuraho umurongo muhimbano ubundi ngo ukareba ukuntu ari byiza. Aha yakomozaga ku gukuraho umupaka uri hagati ya US na Canada, kuri we agasanga byafasha mu gucunga umutekano w’igihugu. Trumo ati "Canada na US, ibi ntako byaba bisa rwose!"
Trump yongeye gusubiramo iterabwoba rye ku kuzamura imisoro ku bicuruzwa biva muri Canada niba iki gihugu kidashyizeho ingamba zo gukaza umutekano ku mupaka wacyo na US.
Iri terabwoba rya Trump kuri Canada, rije mu gihe iki gihugu kiri mu bibazo bya politike bitacyoroheye. Kuwa Mbere, 06 Mutarama, Justin Trudeau yavuze ko agiye kwegura, nubwo azakomeza akaba minisitiri w’intebe kugeza igihe ishyaka riri ku butegetsi rizatorera umuyobozi mushya, mu matora ateganyijwe mu mpera za Werurwe.
Ibitekerezo
Ohereza igitekerezo
|
|
