RIC kizaba ari ikigo kihariye cya Kaminuza y’u Rwanda, gitanga amasomo yo ku rwego rwa kaminuza mu bijyanye n’Ubwenge Buhangano (Artificial Intelligence) n’Umutekano w’Ikoranabuhanga (Cybersecurity).

Inama y’Abaminisitiri yagaragaje ko ishyirwaho ry’iki kigo rishingiye ku ntambwe ishimishije imaze guterwa na Rwanda Coding Academy (ishuri ryigisha ikoranabuhanga riherereye muri Nyabihu) mu gutegura urubyiruko rufite ubumenyi buhanitse mu ikoranabuhanga.

Biteganyijwe ko RIC izoroshya uburyo abanyeshuri bakomeza amasomo yo ku rwego rwo hejuru mu ikoranabuhanga rya mudasobwa, ikanagira uruhare mu kongera umubare w’impuguke zizafasha u Rwanda gukomeza kubaka ubukungu bushingiye ku bumenyi n’ikoranabuhanga.