KT TV
U Rwanda na Denmark bikomeje gushimangira umubano n’ubutwererane
Minisitiri w’Ububanyi n’Amahanga n’Ubutwererane, Dr Vincent Biruta, ku wa Kabiri tariki ya 7 Werurwe 2023, yakiriye Umunyamabanga wa Leta ushinzwe iterambere muri Minisiteri y’Ububanyi n’Amahanga ya Denmark, Lotte Machon, bagirana ibiganiro byibanze ku mahoro n’umutekano muri aka karere, n’ubufatanye mu iterambere ry’ibihugu byombi.
U Rwanda na Denmark bisanzwe bifitanye umubano mwiza, kuko mu mwaka wa 2022 ibihugu byombi byemeranyijwe gukorana mu gushaka umuti w’ikibazo cy’abimukira, bagenda bajyanywe n’abantu bacuruza abandi, kugira ngo kibonerwe igisubizo kirambye.
Uretse iby’abimukira, u Rwanda na Denmark bemeranyijwe ku bufatanye mu bijyanye n’iterambere rusange, imiyoborere n’imibereho myiza y’abaturage, Ubucuruzi, ikoranabuhanga, ishoramari, kubungabunga ibidukikije n’ubutabera mu guhererekanya abanyabyaha, aho Denmark yemeye gutanga Miliyoni icumi z’Amayero, azafasha mu bikorwa binyuranye byo kurengera ibidukikije n’imihindagurikire y’ikirere.
Mu rwego rw’ubutabera, Denmark yoherereje u Rwanda abantu babiri bakekwaho kugira uruhare muri Jenoside yakorerewe Abatutsi, barimo Emmanuel Mbarushimana woherejwe muri 2014 na Wenceslas Twagirayezu, woherejwe muri 2018.
Ibitekerezo
Ohereza igitekerezo
|
|
