KT TV
Nyabihu: Abantu 5 bamaze guhitanwa n’ibiza naho amazu 100 amaze gusenyuka
Abantu 5 barimo abana 3 n’abagore 2 bamaze guhitanwa n’inkangu zabagwiriye ndetse amazu agera ku 100 amaze gusenyuka kubera imvura nyinshi yaguye mu karere ka Nyabihu mu ijoro rishyira tariki 10/05/2012.
Ingaruka z’iyo mvura ikomeje kugwa mu Karere ka Nyabihu zagaragaye cyane mu tugari dutatu tw’umurenge wa Jomba; nk’uko Munyansengo Fred, umuyobozi w’umurenge wa Jomba yabitangaje.
Amazu agera ku ijana yatwawe n’umwuzure.
Uretse mu murenge wa Jomba ibyo biza byibasiye umuhanda Mukamira-Ngororero nawo wafunzwe n’inkangu mu duce twinshi twawo. No mu yindi mirenge nka Mukamira n’ahandi imyaka n’amazu by’abaturage nabyo byagiye byibasirwa.
Safari Viateur
Ibitekerezo
Ohereza igitekerezo
|
|
