Yabibasabye kuri uyu wa mbere tariki ya 14 Kanama 2023, ubwo yafunguraga ku mugaragaro inama nyunguranabitekerezo igamije kurushaho kunoza umurimo no kongera umusaruro mu bigo by’abikorera no mu byiciro by’imirimo bitandukanye.

Ni inama yahurije hamwe abikorera, PSF, abafatanyabikorwa mu iterambere ry’Akarere, abakozi b’Akarere n’abandi bafite uruhare mu iterambere ry’Akarere.

Ni ibiganiro bigamije kungurana ibitekerezo no guhuza imbaraga n’urwego rw’Akarere hagamijwe guhanga imirimo mishya, guteza imbere umurimo no kugira uruhare muri gahunda zo kwigira ndetse no kwimenyereza umurimo muri rusange.

Yavuze ko n’ubwo Akarere kihaye intego yo guhanga imirimo mishya cyane cyane ireba urubyiruko, yavuze ko bitagerwaho hatarimo uruhare rw’abafatanyabikorwa bose.

Yabasabye guhanga imirimo ishingiye ku ikoranabuhanga no gukora mu buryo budasanzwe hagamijwe gukemura ikibazo cy’ibura ry’imirimo.

Yagize ati “Ndabasaba guhanga imirimo ishingiye ku ikoranabuhanga, gukora mu buryo budasanzwe mu rwego rwo gukemura ikibazo cyo kubura imirimo, gutanga amahugurwa n’imenyerezamwuga ku bakozi hagamijwe kubazamurira ubushobozi.”

Mu mwaka w’ingengo y’imari 2022/2023, mu Karere ka Gatsibo, hahanzwe imirimo mishya 7,159 naho muri uyu mwaka wa 2023/2024 hakaba hateganyijwe guhangwa imirimo mishya 7,000.