Dr. Emmanuel Ugirashebuja yagizwe Minisitiri w’Ubutabera

Yanditswe na

Simon Kamuzinzi

17-09-2021 - 16:14' | Ibitekerezo ( 1 )

Perezida wa Repubulika y’u Rwanda, Paul Kagame, yashyize Dr. Emmanuel Ugirashebuja ku mwanya wa Minisitiri w’Ubutabera akaba n’Intumwa nkuru ya Leta.

Ibiro bya Minisitiri w’Intebe ni byo byatangaje aya makuru kuri uyu wa Gatanu tariki 17 Nzeri 2021.

Dr. Emmanuel Ugirashebuja asimbuye Johnston Busingye wari umaze imyaka umunani (kuva muri Gicurasi 2013) ari Minisitiri w’Ubutabera akaba n’Intumwa Nkuru ya Leta akaba aherutse kugirwa Ambasaderi w’u Rwanda mu Bwongereza.

Dr. Ugirashebuja wagizwe Minisitiri w’Ubutabera, yabaye Perezida w’Urukiko rw’Umuryango wa Afurika y’Uburasirazuba ndetse akaba yaranayoboye Ishami ry’Amategeko muri Kaminuza y’u Rwanda.