Madame Jeannette Kagame yasabye abana kuziba icyuho cy’imirimo ya ngombwa, ikenewe mu gihugu

Yanditswe ku itariki ya: 15-12-2012 - Saa: 15:57'
Ibitekerezo ( )

Madame Jeannette Kagame wakiriye abana muri Village urugwiro, mu rwego rwo kubifuriza iminsi mikuru myiza isoza umwaka, yabasabye guteza imbere impano zitandukanye biyumvamo, kugira ngo bazibe icyuho cy’imirimo ya ngombwa ikenewe mu gihugu.

Yabasabye kumubwira impano biyumvamo, aho abenshi bagiye bavuga ko bifuza kuba abaririmbyi n’ababyinnyi. Ariko n’abandi bacye bavugaga ko bifuza kuba abavuzi, umudereva w’indege, umupolisi, umusirikare, umugenzi w’ikirere ( astronaut), padiri, umwarimu, Ministiri w’ubuhinzi, depite, hari n’uwifuza kuba umukuru w’igihugu.

Amaze kumva abenshi bahuriza ku kwifuza imirimo imeze kimwe, kandi imeze nk’aho ntacyo yafasha gikomeye cyane mu guhindura ubuzima bw’igihugu, abasaba kwishakamo imirimo ya ngombwa cyane.

Niyonkuru Claude, wifuza kuzaba umukuru w'igihugu, ahabwa impano y'ibikoresho by'ishuri na Mme Jeannette Kagame.
Niyonkuru Claude, wifuza kuzaba umukuru w’igihugu, ahabwa impano y’ibikoresho by’ishuri na Mme Jeannette Kagame.

Ati: ”Benshi mwavuze imyuga yo kubyina, kuririmba cyangwa guhanga imivugo, ariko hari imyuga ya ngombwa mukwiye gukora, ku buryo mwayibangikanya n’iyo muvuze”.

Abana kandi bigishijwe umuco w’ubupfura, ukubiyemo kwirinda ababashuka, kugira uburere bwiza, gukunda umurimo no kwiga, kugira ngo bazagere ku byifuzo bagiye batangariza Umufasha w’Umukuru w’igihugu.

Buri mpera z’umwaka, Mme Kagame agira igihe cyo guhura n’abana bakomoka mu turere twose tugize igihugu, bakaba bagize ihuriro ryiswe Unity Club; kugira ngo yumve uko umwaka urangiye wabagendekeye, no kubifuriza umwaka mushya muhire.

Simon Kamuzinzi

Andi makuru - Mu Rwanda
Nyange :Uburyo bwa Police Mobile Station ngo butuma ibibazo by’abaturage biba byarapfukiranywe bimenyekana
5/03/2015

Polisi y’Igihugu yifashishije uburyo bwa Polisi yimukanwa bita Mobile Police Station, kuru uyu wa 4 Werurwe 2015 mu kwakira ibibazo n’ibirego by’abaturage mu Karere ka Ngororero (...)
Abavuga ko nabambuye ni abakozi ba baringa- Rwiyemezamirimo Ntarindwa
5/03/2015

Abaturage babarirwa muri 59 bo mu Kagari ka Mukore mu Murenge wa Kageyo mu Karere ka Ngororero barashinja rwiyemezamiromo Ntarindwa Steven kubakoresha mu mirimo y’isoko ryo (...)
Kayonza: Uburiganya muri Girinka ngo butuma hari abo iyi gahunda itageraho
5/03/2015

Ruswa igaragara muri gahunda ya Girinka Munyarwanda ngo ituma bamwe mu bagenerwabikorwa b’iyo gahunda mu Karere ka Kayonza inka zitabageraho nk’uko bamwe mu bo twavuganye (...)
Nyamasheke: Ngo ntazigera atanga ubwisungane mu kwivuza kubera imyeremerere ye
5/03/2015

Nyirabahutu Berancille utuye mu mudugudu wa Kanyovu mu Kagari ka Ngoma mu Murenge wa Bushekeri avuga ko atiteguye gutanga ubwisungane mu kwivuza igihe cyose azaba akiri ku isi (...)
1 | 2 | 3 | 4 | 5 | 6 | 7 | 8 | 9 | ... | 1658

Ibitekerezo

Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

AMAKURU

IBIGANIRO

Inkuru zikunzwe cyane
1
2
3
4
5
Rwanda Districts

Menya amakuru yo muri buri karere ku Rwanda

Dukurikire