Minisitiri Murekezi Anastase wayoboraga MIFOTRA niwe wagizwe Minisitiri w’Intebe.

Minisitiri w’Intebe mushya w’u Rwanda yari asanzwe ari minisitiri ushinzwe umurimo n’abakozi ba leta mu Rwanda, umwanya yari amazeho imyaka itandatu kuva muri Werurwe 2008.

Minisitiri Habumuremyi yatangaje ko ashima Perezida Kagame n’umuryango wa FPR-Ikotanyi bamugiriye icyizere bakamutora kuri uwo mwanya ndetse n’abandi bamufashije mu kazi ke.

Dr Pierre Damien Habumuremyi yari Minisitiri w’Intebe kuva mu Ukwakira 2011.

Minisitiri w’Intebe mushya ariko amaze imyaka icyenda ari minisitiri kuko yanayoboze minisiteri y’ubuhinzi n’ubworozi n’iy’ubucuruzi mbere yo kuba minisitiri ushinzwe umurimo. Abaye Minisitiri w’intebe wa gatanu u Rwanda rugize nyuma ya Jenoside yakorewe Abatutsi mu mwaka wa 1994 nyuma ya Faustin Twagiramungu, Pierre Celestin Rwigema, Bernard Makuza na Pierre Damien Habumuremyi.

Minisitiri Murekezi nawe yashimiye Perezida Kagame wamugiriye icyizere akamugira Minisitiri w’Intebe.

Kigali Today