APR yasezereye Amagaju muri ½ yegukanye igikombe imaze gutsinda igitego kimwe ku busa Espoir yari yasezereye Rayon.

Ubwo igikombe kinjizwaga mu kibuga

Uyu mukino wabereye kuri stade ya Kigali i Nyamirambo watangiye ku isaha ya saa kumi n’imwe n’igice,utangira amakipe asatirana ariko adatsinda maze ku munota wa 37 w’igice cya mbere APR ibona igitego ku mupira Hakundukize Adolphe wa Espoir yashatse gutera imbere bikanga akawuha Djihad Bizimana wahise atsinda igitego.

APR yishimira kwegukana igikombe, inasezera kuri Rusheshangoga ugiye kwerekeza muri Singida yo muri Tanzania

Mu gice cya kabiri Espoir yagarutse ishaka kwishyura igitego yatsinzwe ari nako ba myugariro ba APR barimo Rusheshangoga Michel na Nsabimana Aimable bagarura imipira,iminota 90 y’umukino irinda irangira APR yegukanye intsinzi y’igitego kimwe ku busa.

Abakinnyi babanjemo

Abakinnyi babanjemo ba APR: Kimenyi Yves,Rusheshangoga Michel,Ngabonzza Albert,Imanishimwe Emmanuel,Nsabimana Aimable,Mukunzi Yannick,Bigirimana Issa,Nshimiyimana Imran,Nshuti Innocent,Hakizimana Muhadjiri na Bizimana Djihad.

Ababanjemo ba Espoir: Isingizwe Patrick,Mutunzi Clement,Moninga wa Losambo,Mbogo Ali,Wilondja Jacques,Dushimumugezi Jean,Nkurunziza Felicien,Balola Bao,Renzaho Hussein,Mulungula Albert,Hakundukize Adolphe.

APR imaze gushyikirizwa igikombe cy’Amahoro

Amafoto ku mukino wa APR Fc na ESPOIR

Minisitiri w’ingabo Gen. James Kabarebe asuhuza abakinnyi

Kimenyi Yves umuzamu wa APR nta kazi kenshi yahuye nako

Igikombe APR yatsindiye bakizanye mbere y’umukino

APR Fc yabanje mu kibuga

Amakipe yombi asuhuzanya mbere y’umukino

Abatoza ba APR batarabona igitego bibazaga uko biza kurangira

Abafana basezeye kuri Michel Rusheshangoga waguzwe na Singida yo muri Tanzaniya

Umutoza Jimmy Ndayizeye wa Espoir yari yambaye ikoti ry’ibirori

Mu guhatanira umwanya wa gatatu, Rayon Sports yatsinze Amagaju ibitego 3-0

Byari ibyishimo ku bafana ba APR Fc

Espoir yabanje mu kibuga

Mu wundi mukino wo guhatanira umwanya wa 3 wabanjirije umukino wa nyuma wahuje Rayon Sport yasezerewe na Espoir muri ½ na Amagaju yasezerewe na APR umukino ukaba warangiye Rayon inyagiye Amagaju 3-0.

Ibi bitego byose byagiyemo mu gice cya kabiri aho igice cya mbere cyari cyarangiye ari 0-0,Nova Bayama yatsinze icya mbere ku munota wa 59,ku wa 62 Nahmana Shassir atsinda icya kabiri naho icy’agashinguracumu kinjijwe na Niyonzima Olivier(Sefu)

Ikipe yatwaye igikombe yanahawe Sheki y’amafaranga Miliyoni 10,iya kabiri ihabwa Miliyoni 3 naho iya gatatu yo ihabwa Miliyoni 2.
APR yegukanye igikombe cy’amahoro izahagararira u Rwanda mu mikino nyafurika y’amakipe yatwaye ibikombe iwayo CAF confederation Cup ikazasohokana na Rayon Sport yatwaye igikombe cya Shampiyona yo ikazakina CAF champions League.

Mu kiganiro yagiranye n’abanyamakuru yavuze ko ikipe ya Tanzaniya izahura n’Amavubi ku wa 15 Nyakanga 2017 mu gushaka itike ya CHAN 2018 yavuze ko ayizi ku buryo aho ikomeye n’aho yoroshye ahazi akaba ngo yiteguye kuyisezerera.

Ati”Tanzaniya narayobonye aho yashakaga itike yo kujya mu gikombe cy’Afurika ikina na Lesotho nabonye aho ikmeye n’aho yoroshye,mu minsi 10 dufite tuzagerageza kubyitwaramo neza ku buryo itadutera ubwoba”

Antoine Hey ngo ntaewe ubwoba na Tanzania, ngo aho yoroshye n’aho ikomeye arahazi

Uyu mutoza ariko yanavuze ko kubura Usengimana Danny na Rusheshangoga Michel bamaze gusinyira ikipe yo muri Tanzaniya Singida ari icyuho gikomeye ariyo mpamvu yahamagaye Nshuti Innocent wa APR umaze iminsi witwara neza mu gikombe cy’amahoro.

Uretse Nshuti Innocent wahamagawe bwa mbere undi nawe wahamagawe ku nshuro ya mbere ni Bishira Latif wa Police,hakaba ariko hari abandi bakinnyi batahamagawe barimo Muhadjiri Hakizimana wa APR,Habyarimana Innocent wa APR ndetse na Nshimiyimana Amran nawe wa APR.

Amavubi y’abakina imbere mu gihugu aritegura gukina na Tanzania

Amavubi yahamagawe aazatangira umwiherero kuri uyu wa kabiri tariki ya 4 Nyakanga nyuma y’umukino wa nyuma w’igikombe cy’amahoro uzabera kuri Stade ya Kigali I Nyamirambo ,bakazajya bakora imyitozo kabiri ku munsi.
Abakinnyi bahamagawe:

Abazamu: Ndayishimiye Jean Eric Bakame(Rayon Sports)Kwizzera Olivier(Bugesera),Nzarora Marcel(Police)

Ab’inyuma:Nsabimana (APR),Imanishimwe Emmanuel(APR),Manzi Thierry(Rayon),Muvandimwe Jean Marie(Police),Rucogoza Aimable Mabo(Bugesera),Bishira Latif(AS Kigali)Kayumba Soter(As Kigali),Mpozembizi Mohamed(Police) na Iradukunda Eric (As Kigali)

Abo hagati: Bizimana Djihad(APR),Mukunzi Yannick(APR),Niyonzima Olivier(Rayon),Nshuti Dominique Savio(As Kigali),Muhire Kevin(Rayon Sport) na Niyonzima Ally (Mukura)

Ba Rutahizamu: Nshuti Innocent(APR),Mico Justin(Police),Mubumbyi Barnabe(As Kigali) na Mugisha Gilbert(Pepiniere)

Izi kipe zamenyekanye kuri uyu wa 2 Nyakanga 2017 ubwo zakinaga imikino yazo yo kwishyura ihuza amakipe ane yabaye aya mbere muri shampiyona, zigatsinda imikino yazo ibiri yikurikiranya

Ikipe ya REG ikomeje kwigaragaza muri uyu mukino

Mu bagabo REG BBC yatwaye igikombe cya Shampiyona na Patriots yabaye iya kabiri ni zo zabashije gukatisha itike yo gukina umukino wa nyuma kuko zatsinze imikino yombi.

Patriots BBC yambaye umukara n’umweru niyo izakina na REG ku mukino wa nyuma

REG yari yatsinze Espoir mu mukino ubanza bigoranye amanota 63 kuri 60 yongeye kuyitsinda mu mukino wa kabiri amanota 87 kuri 76 aho Espoir mu duce tubiri tubanza yarushije REG mu gihe mu tundi duce REG yaje irusha imbaraga nyinshi bituma iyishyiramo ikinyuranyo cy’amanota 11.

Patriots nayo yari yatsinze IPRC /Kigali mu mukino ubanza amanota 89 kuri 79 yongeye kuyitsinda mu mukino wa kabiri amanota 74 kuri 69 bituma ariyo igomba gukina umukino wa nyuma na REG BBC yayambuye igikombe cya Shampiyona yari yatwaye mu mwaka wa 2016.

Mu bakobwa IPRC/South WBBC yabaye iya kabiri muri shampiyona yari yatsinze Ubumwe yabaye iya gatatu mu mukino ubanza wabaye kuri uyu wa gatandatu amanota 65 kuri 51 yabonye itike yo gukina umukino wa nyuma aho yongeye gutsinda umukino wa kabiri ku manota 61 kuri 53 kuri iki cyumweru.

IPRC Y’amajyepfo mu bakobwa bashima Imana nyuma yo kubona itike yo gukina umukino wa nyuma

Mu wundi mukino APR yatwaye igikombe cya Shampiyona na The Hoops yabaye iya kane ntiyabashije gukomeza ku mukino wa nyuma kuko buri kipe yatsinze indi kuko mu mukino ubanza APR yari yatsinze The Hoops amanota 61 kuri 56, nyuma The Hoops iyigaranzura mu mukino wo kwishyura aho yatsinze APR amanota 61kuri 48 bituma aya makipe agomba kwisobanura kuri uyu wa mbere tariki ya 3 Nyakanga 2017.

Umukino wa Nyuma uzahuza REG BBC na Patriots mu bagabo naho IPRC/South izahure n’ikipe izarokoka mu mukino uzahuza APR na The hoops zizakina umukino wa Kamarampaka.

Iyi shampiyona yakinwe n’amakipe 16 yari yatangiye tariki ya 14 Ukwakira 2016 itangizwa n’umukino wahuje Rayon Sports yatsinze Police ibitego 3-0 kuri stade ya Kigali, yagaragayemo byinshi aho amakipe amwe yatunguwe, abatoza bakirukanwa ndetse andi arangwa n’ibibazo bitandukanye.

Dore ibintu 10 by’ingenzi Kigali Today yateguye byaranze iyi shampiyona:

1. Ikibazo cy’amarozi cyaravuzwe cyane mu makipe

Ubwo ku munsi wa 9 wa shampiyona Mukura yakiraga Rayon Sports kuri stade Huye habaye akaduruvayo hagati y’abakinnyi ba Mukura na Rayon bakekana kuba baroganye.

Byagaragaye ubwo umunyezamu Mazimpaka Andre yashyiraga ibintu mu izamu hanyuma Rutahizamu wa Rayon Sport Mousa Camara akabikuramo abakinnyi ba Mukura bakamwirukaho ariko ntibamufate akabijugunya.

Icyo kibazo kandi cyanavuzwe mu bakinnyi ba Rayon Sports ubwabo aho hagati yabo bashinjanye kurogana, nk’aho Umurundi Shassir Nahimana yashinjwe na bagenzi be kuba ngo abaroga ntibatsinde ariko ubuyobozi bwaje kubihosha birangirira aho.

Ibi kandi byanagaragaye ku mukino wahuje APR Fc na Marines i Rubavu, aho umunyezamu wari wafatiye Marines kuri uwo mukino yagaragaye ku mashusho ya Azam akura utuntu mu nkweto yari yambaye akadutaba mu izamu yari arimo inshuro ebyiri.

Kubera iki kibazo Ferwafa yakoze inama ifata umwanzuro w’uko ikipe, umutoza ndetse n’abakinnyi bazagaragarwaho n’iyo myumvire bazajya bahanwa.
Byemejwe ko ikipe izajya ibigaragaza inshuro 3 izajya ikurwaho amanota 3 n’igihano cy’mafaranga ibihumbi 500, umukinnyi we bigaragaweho agasiba imikino 3 n’amafaranga ibihumbi 100 naho umutoza wabigaragaje we agacibwa amafaranga ibihumbi 200 no gusiba imikino 4 adatoza, gusa igice kibanza cya Shampiyona kirangiye nta wurahabwa igihano.

2. Rutahizamu wa Police yongeye guhiga abandi yongera gutsinda ibitego byinshi

Umukinnyi Usengimana Danny ni we mukinnyi wabashije kurangiza iyi shampiyona ya 2016-2017 ari we mukinnyi utsinze ibitego byinshi aho yabashije gutsinda ibitego 19 akurikiwe n’uwa Musanze Wai Yeka we watsinze ibitego 18.

Danny Usengimana yabaye umukinnyi watsinze ibitego byinshi inshuro ebyiri zikurikiranya

Usengimana ni nawe kandi wari watsinze ibitego byinshi n’ubundi muri Shampiyona ya 2015-2016 aho yari yabashije gutsinda ibitego 16 aho yabinganyaga na Hakizimana Muhadjiri banahembwe bombi nk’abatsinze ibitego byinshi.

3. Igikombe Rayon yatsindiye hakiri kare ntiyagihawe

Ikipe ya Rayon Sports yegukanye igikombe mbere y’imikino ine ntiyahawe igikombe yatsindiye kuko shampiyona irangiye itagihawe.

Rayon Sports yatwaye igikombe ntiyagihabwa, iracyagitegereje

Impamvu Rayon Sports itagihawe hajemo ibibazo by’ubukeba hagati yayo ndetse na APR aho Rayon Sports yifuzaga ko yagihabwa ubwo yakinaga na APR ku munsi ubanziriza uwa nyuma w’umunsi wa 29 ubuyobozi bwa FERWAFA bwo buvuga butiteguye kugitanga buvuga ko igikombe kizatangwa ku mukino wa nyuma Rayon Sports yakinnye na Kiyovu.

Icyo gihe Rayon Sports yarabyanze ivuga ko idashaka ghabwa igikombe ku mukino itakiriye ahubwo yo ihitamo ko niba itakibonye ku mukino yahuye na APR igomba kuzagihabwa ku mukino wa Gicuti aho ishobora kuzakina na AZAM Fc yo muri Tanzaniya, umukino utaratangazwa itariki uzaberaho.

4. Abakinnyi bavuzwe cyane mu igura n’igurisha bahombeye amakipe yabo

Mu igura n’igurisha rya mbere y’uko shampiyona itangira havuzwe bamwe mu bakinnyi bahinduraga amakipe ndetse bamwe hagenda hazamo n’utubazo hagati y’amakipe ariko bamwe muri abo bakinnyi ntibahiriwe mu makipe yabaguze.

Habyarimana Innocent ntiyahiriwe muri APR Fc

Aha twavuga nk’umukinnyi Rwatubyaye Abdoul wavaga muri APR wanateje impagarara hagati ya APR na Rayon, bituma umukinnyi anigendera atorotse aho agarukiye nta kintu kigaragara yakoze bitewe n’imvune nyinshi zagiye zimuranga ukongeraho Rwigema Yves nawe wavuye muri APR ajya muri Rayon yitezweho byinshi birangira anabuze umwanya wo gukina.

Rwatubyaye Abadul yaravuzwe cyane, ariko Rayon yayikiniye imikino mike kubera imvune

Yves Rwigema ntiyigeze abona umwanya uhagije wo gukina

Abandi bakinnyi ni Imran Nshimiyimana, Habyarimana Innocent bombi bavuye muri Police baguzwe akayabo ariko bakaba nta mpinduka zifatika bagaragaje muri APR.

Abandi bakinnyi bahombeye amakipe ni nka Ndayishimiye Celestin wavuye muri Mukura ajya muri Police ahageze ntacyo yayifashije kuko shampiyona irangiye yicara ku ntebe y’abasimbura.

Ndayishimiye Celestin (ubanza ibumoso) wavuye muri Mukura, imikino yose ayisoreje ku ntebe y’abasimbura

5. Kiyovu yasubiye mu cyiciro cya kabiri nyuma y’imyaka 53

Ikipe ya Kiyovu yavutse mu mwaka wa 1964 irangije shampiyona imanutse mu cyiciro cya kabiri nyuma y’uko mu myaka isaga 53 yari imaze ikina mu cyiciro cya mbere ari ubwa mbere biyibayeho.

Yamanutse nyuma y’uko itsinzwe na Rayon Sports ku mukino wa nyuma usoza Shampiyona ibitego 2-1 nyamara yasabwaga gutsinda igategereza niba Gicumbi na Kirehe bari bahanganiye kutamanuka zitakaza.
Gicumbi yo yari yatsinzwe Kirehe yo iratsinda bituma Kiyovu Sports yatsinzwe nta ngingo yindi iyirengera mu kutamanuka.

6. Ivan Minaert yahawe akazi muri Mukura ayitoroka Shampiyona itararangira.

Umutoza Ivan Minnaert w’umubiligi wigeze gutoza Rayons Sports igihe gito agahita yerekeza muri Gor Mahia nayo yamazemo igihe gito yageze muri Mukura VS muri Mutarama uyu mwaka wa 2017 ubwo yasimburaga Okoko Godefroid wari weguye ku mirimo ye.

Uyu mutoza bisa n’aho ntacyo yafashije Mukura kuko Shampiyona yarangiye yarayitorotse, aho yagiye yatse uruhushya avuga ko agiye iwabo gukemura ibibazo maze hamenyekana amakuru ko yaba yararerekeje mu ikipe ya AS Kaloum muri Guinea Konakry.

7. APR ishobora kutazasohokera U Rwanda mu mikino Nyafurika

Ikipe ya APR yasoje shampiyona itsindwa na Bugesera ibitego 2 kuri 1 igumana amanota 57 yari ifite byatumye irangiza ku mwanya wa 3 inyuma ya Rayon Sports yabaye iya mbere n’amanota 73 ndetse na Police yarangije shampiyona itsinda Marines 4-2 n’amanota 61.

Kurangiza ku mwanya wa 3 bishobora gutuma idasohokera u Rwanda mu mikino nyafurika (Confederation Cup) mu gihe yaba idatwaye igikombe cy’amahoro, aho iyo irangiza ku mwanya wa kabiri byari kuzayishobokera Rayon Sports iramutse itwaye n’igikombe cy’amahoro kuko bahita bareba iyabaye iya kabiri.

8. Abatoza babiri nibo birukanwe abandi begura ku mpamvu zabo bwite

Shampiyona y’uyu mwaka kandi yarangiye bamwe mu batoza barirukanywe n’amakipe yabo aho uwitwa Chidi Ibe Andrew watozaga Sunrise yirukanywe igice kibanza cya Shampiyona kikirangira ashinjwa umusaruro muke no guhimba ibyangombwa by’ubutoza.

Undi mutoza wirukanywe ni Nduhirabandi Coka wa Marines wirukanywe habura umukino umwe ngo shampiyona irangire ashinjwa umusaruro muke.

Uretse aba batoza birukanywe n’amakipe yabo hari n’abandi basezeye bavuga ko babitewe n’impamvu zabo bwite abo barimo Umutoza Kayiranga Baptiste watozaga Pepiniere wasezeye igice cya Shampiyona kikirangira aho yabwiye itangazamakuru ko igihe cye cyari kigeze kugira ngo ahagarike gutoza.

Okoko Godefroid nawe watozaga Mukura yeguye muri Mutarama 2017, aho yandikiye ikipe ya Mukura ayimenyesha ko yeguye .

9. Ikipe ya Sunrise yugarijwe n’ibibazo by’ingutu birimo n’icy’inzara

Ikibazo cy’amikoro cyavuzwe muri amwe mu makipe yakinaga shampiyona aho abakinnyi bakomeje kuvuga ko batahembewe igihe.

Amakipe yavuzwemo iki kibazo ni As Kigali aho abakinnyi bigeze kuvuga ko bamaze amezi 3 badahembwa, Rayon yo ngo yamaze nayo amezi 3 idahemba ukongeraho Gicumbi yamaze amezi 4 idahemba abakinnyi.

Ikipe ya Sunrise niyo kipe yagaragayemo ibibazo by’ingutu birimo icy’inzara

Ikipe ya Sunrise niyo kipe yavuzweho ikibazo cy’amikoro cyane kuko uretse kuba yarigeze kumara amezi 5 idahemba kugeza muri Gashyantare yanongeye kandi kongera kumara andi mezi 4 nabwo idahemba.

Iki kibazo cyo kudahemba ku ikipe ya Sunrise si cyo cyari gikomeye cyane kuko uretse kudahemba abakinnyi ngo nta n’ubwo babonaga ibyo kurya nk’uko bikwiye kuko abakinnyi bakomeje gutaka inzara mu itangazamakuru.

10. Pepiniere yanditse isezera muri Shampiyona yisubiyeho isanga yatewe mpaga

Ubuyobozi bw’ishyirahamwe ry’umupira w’amaguru mu Rwanda FERWAFA mu kwezi k’ukwakira 2016 bwahagaritse ibibuga bwavugaga ko bitari bimeze neza ari byo Nyagisenyi (Ikibuga cy’Amagaju), ,icya Gicumbi ndetse n’icya Sunrise giherereye I Nyagatare.

Nyuma gato ubwo umukino wa shampiyona w’umunsi wa munani wahuzaga Police FC na Pépinière FC ku Ruyenzi kuwa 10 Ukuboza 2016, Ishyirahamwe ry’umupira w’amaguru ryahagaritse by’agateganyo iki kibuga cyari kiretsemo amazi.

Uyu mwanzuro ntiwanyuze Pepiniere kuko Tariki ya 30 Ukuboza 2016 yahise itangaza ko isezeye muri shampiyona y’icyiciro cya mbere mu Rwanda aho yavugaga ko ihohotewe ihita yandikira Ferwafa ibaruwa isezera byanayiviriyemo guterwa Mpaga ebyiri kubera kubura ku bibuga.

Ikipe ya Pepiniere yamanutse yandikiye Ferwafa isezera muri shampiyona nyuma iza kwisubiraho iterwa mpaga y’imikino ibiri itakinnye

Nyuma ikibuga cyayo cyaje gukomorerwa iragaruka ikina imikno yindi itegereza ko imikino ibiri itakinnye ya As Kigali na Marines Ferwafa yayemerera kuyikina birangira itayikinnye iterwa Mpaga.

Nk’uko bitangazwa n’umutoza akaba anahagarariye iryo shuri Ntirenganya Jean de Dieu ngo ikipe ya Rayon Sports yasinyishije Manishimwe Djabel atarageza imyaka ntiyanatanga indezo ku ikipe y’abana yamureze.

Uyu mutoza avuga ko bakomeje gusaba Rayon Sports kubaha indezo ariko yo ntibikozwe bituma mu ntangiriro z’uyu mwaka wa 2017 iri shuri ryandikira Ferwafa risaba ko yabasabira Rayon Sports ikabaha indezo.

Manishimwe Djabel ukinira Rayon Sports

Ntirenganya agira ati”twebwe twatangajwe no kumva Rayon Sports ivuga ko Djabel yazamukiye mu ngimbi zayo kandi ari umwana twirereye barangije bamusinyisha amasezerano yo kubakinira atarageza imyaka 18 kuko yari afite 16
Ubwo rero twandikiye Ferwafa ngo iturenganure ,ibandikira ibaruwa vuba aha hashize ibasaba ko batureba ngo twumvikane none n’ubu baranze”

N’ubwo uyu mugabo atadutangarije indezo bifuza uko ingana,ariko hari amakuru avuga ko ngo Gatsibo Football Academy yifuza ko Rayon sports yabaha miliyoni ebyiri z’Amanyarwanda nk’indezo cyangwa ntizamugurishe ahandi atari bo bamwigurishirije.

Ferwafa nayo yemeje ko yandikiye Rayons Sports iyisaba ko bakwegera abareze Djabel kugira ngo barangize ikibazo mu mahoro nk’uko Umunyamabanga wayo Uwamahoro Latifah yabidutangarije.

Ikipe ya Rayon Sports nayo yemereye Kigali Today ko ibaruwa bandikiwe na Ferwafa ibasaba kumvikana na Gatsibo Football Academy bayibonye ariko bo ngo nta makosa bishinja kuko bavuga ko batanze indezo mu ikipe y’Isonga aho bavuga ko bakuye uwo mukinnyi.

Umunyamabanga wa Rayon Sports Gakwaya Olivier yagize ati ”Bizaterwa nyine n’icyo amategeko avuga ndetse no kureba niba nta ndezo twatanze aho twamukuye,twe twishyuye indezo mu Isonga numva nta kindi,ari mu bakinnyi bavuye mu Isonga na Sec Academy ntitwabatwaye gutya rero ntacyo twishyuye.

Manishimwe Djabel yujuje imyaka 19 muri uyu mwaka wa 2017 kuko yavutse muri 1998, akaba yarasinye amasezerano ya mbere muri Rayon Sports mu mwaka w’imikino 2014-2015 ubwo yavaga mu Isonga

Kuri uyu wa 13 Kamena 2017 nibwo i Kigali hateraniye inama y’iminsi ibiri ihuza umuyobozi wa WADA (World Anti-Doping Agency) ku rwego rw’Afurika ndetse n’abakuriye urwego rwo kurwanya ibiyobyabwenge mu bihugu by’Akarere ka Gatanu aho bari kurebera hamwe uburyo ikoreshwa ry’ibiyobyabwenge mu bakinnyi byacika.

Perezida wa Komite Olempiki atangiza inama

Iyo nama iteraniye i Kigali izamara iminsi ibiri

Radney Swigelaar Intumwa y’Afurika muri WADA yavuze ko bitewe n’uburyo hirya no hino hakomeje kugaragara abakinnyi babikoresha ariyo mpamvu ikigo cy’isi gishinzwe kurwanya ikoreshwa ry’ibiyobyabwenge gikomeje gutanga amahugurwa nk’aya yo kongera ubumenyi ku bijyanye no gukumira ibiyobyabwenge mu mikino.

Intumwa y’Afurika mu kigo gishinzwe kurwanya ibiyobyabwenge ku isi yavuze ko amahugurwa menshi akomeje gutangwa kuko muri Afurika hakunze kugaragara iki kibazo

Yagize ati ”Ikibazo cy’ikoreshwa ry’imiti yongera imbaraga gikomeje kugaragara hirya no hino nk’aho twabonye cyagaragaye mu minsi ishize muri Uganda,Kenya,Ethiopia Sudan no mu Rwanda niyo mpamvu iki kigo gishinzwe kurwanya iyi miti gikomeje gutanga amahugurwa”

Ni nayo mpamvu twateraniye hano aho hagomba kongerwa ubumenyi ku bantu bakuriye ikigo mu bihugu kugira ngo bamenye uko birwanywa ku buryo byacika ariko bizagerwaho ku bufatanye bwa Guverinoma ndetse na za Komite Olempiki”
Munyabagisha Valens umuyobozi wa Komite Olempiki mu Rwanda atangiza iyi nama yavuze ko inama nk’iyi izagira byinshi isigira abayirimo ndetse n’u Rwanda rurimo.

Ati”iyi nama isanzwe iba kandi ibivugirwamo bigamije kurwanya ikoreshwa ry’ibiyobyabwenge abayitabiriye bakabona ubundi bumenyi.
Nkatwe u Rwanda rero bizadufasha ku buryo nko mu myaka ine iri imbere abakinnyi bacu bazajya batoranywa guhagararira igihugu tuzajya tubanza tubapime turebe uko bahagaze”

Umuyobozi wa Komite Olempiki mu Rwanda Munyabagisha Valens yavuze ko iyo nama izafasha abayitabiriye

Abitabiriye inama yo kurwanya ibiyobyabwenge bafashe n’ifoto y’urwibutso

Iyo nama iri kubera muri Marriot Hotel yitabiriwe n’ibihugu 10 byo mu Karere ka Gatanu ari byo Rwanda, Kenya, Uganda, Somaliya,Tanzania,u Burundi, Sudani, Ethiopie, Érythrée na Misiri ikaba yatangiye kuri uyu wa 13 Kamena ikazarangira ku wa 15 Kamena 2017.

Iri rushanwa ribaye ku nshuro yaryo ya kabiri ritegurwa na Gasore Serge wigeze gukina uwo mukino,ryabaye kuri uyu wa 11 Kamena 2017 mu Karere ka Bugesera aho abasiganwa bazengurutse Umujyi wa Nyamata bagasoreza ku Murenge wa Ntarama.

Abasisganwa bakoze ibirometero 20 abahungu n’abakobwa, abandi bakora 8

Iryo rushanwa ritegurwa mu rwego ngo rwo kwerekana Ntarama nshya nyuma y’uko Jenoside yakorewe Abatutsi muri 1994 yayishegeshe,Abakinnyi ba APR bakaba bihariye ibihembo mu ry’uyu mwaka aho bahize abo mu yandi makipe.

APR yitwaye neza kuko muri 12 babaye aba mbere mu bahungu n’abakobwa babonyemo imyanya 10

Mu bahungu uwabaye uwa mbere ni Nizeyimana Alexis wirutse ibirometero 20 agakoresha isaha imwe mu gihe mu bakobwa uwabaye uwa mbere ari Yankurije Martha we wakoresheje isaha imwe n’iminota 12.

Miss uzwi nk"igisabo nawe yari ahari

Gasore Serge wateguye isiganwa ashaka kumenyekanisha Ntarama yashegeshwe na Jenoside yakorewe Abatutsi

Uretse abirutse ibirometero 20 hari n’abirutse ibirometero umunani aho mu bahungu uwa mbere yabaye Niyonzima Olivier wa Mountain Classic Athletic Club(MCAC) naho mu bagore uwa mbere aba Niyirora Primitive wa New Athletic Stars (NAS).

Iryo siganwa ntiryari iry’amaguru gusa kuko habaye n’isiganwa ry’abahungu n’abakobwa banyonga amagare nabo bakoze ibirometero 20 ibi byose bikaba byari mu rwego rwo kugaragaza Ntarama nyayo nyuma ya Jenoside yakorewe Abatutsi.

Meya wa Bugesera ahemba umukobwa wabaye uwa mbere

Yankurije Martha wa APR niwe wabaye uwa mbere mu bakobwa

Dore Uko barushanijwe:

Intera y’ibirometero 20 mu bagabo

1.Nizeyimana Alexis (APR 1h00’)
2.Sugira James(MCAC 1h00’ 35”)
3.Nzirorera Joseph(APR 1H 01’23”)
4.Hitimana Noel(APR 1H01’59”)
5.Hakizimana John(APR 1H O2’13”)
6.Tuyishimire Christophe(APR 1H03’39”)

Intera y’ibirometero 20 mu bagore

1.Yankurije Martha(APR 1H12’56”)
2.Mukandanga Clementine(NAS 1H 14’32”)
3.Mukasakindi Claudette (APR 1H 16’18”)
4.Niragire Vivine(APR 1H21’32”)
5.Musengimana Pelagie(APR 1H23’55”)
6.Nyirahabimana Geness(APR 1H27’07”)

Intera y’ibirometero 8 mu bagabo

1.Niyonzima Olivier(MCAC 26’31”)
2.Nimubona Yves(MAHAMA refegue Camp 26’ 46”)
3.Nshimiyimana Jean Baptiste(G.s Ntarama 27’ 54”)
4.Turikunkiko Eric(Vision JEUNESSE nouvelle 27’ 54”)
5.Nizeyimana Sylvain(Nyaruguru 28’ 04”)
6.Nkejumuto Ildephonse(NAS Ntarama 28’25”)

Intera y’ibirometero 8 mu bagore

1.Niyirora primitive(NAS 32’ 12”)
2.Nishimwe Bethe(NAS 32’ 31”)
3.Uwambajimana Jeannette(Kamonyi 32’34”)
4.Muhayeyezu Angelique(NAS 33’04)
5.Nayituriki Dorethe(Rwamagana 33’ 33”)
6.Mutuyimana Epiphanie(MCAC 35’50)

Abakobwa bagaragaje iterambere mu mukino wa Karate

Muri iryo rushanwa ritegurwa n’ishyirahamwe ry’umukino wa Karate mu Rwanda FERWAKA, barushanwaga mu byiciro bibiri birimo kwiyereka gikarateka (Kata), ndetse no mu mirwano ya gikaratika bita (kumite).

Mu cyiciro cy’abakobwa biyerekana muri batatu ba mbere MAMARU yagizemo abakinnyi babiri, naho mu gukina barwana habonekamo umukobwa umwe muri batatu.

Ni nako byagenze no mu bagabo kuko gukina biyerekana umwe ku giti cye Mamaru yagizemo abakinnyi babiri muri batatu mu gihe mu kwiyerekana nk’ikipe Mamaru nayo yaje muri batatu.

Iyi kipe yongeye kandi kwigaragaza no mu gukina barwana nk’ikipe aho yaje ku mwanya wa kabiri nyuma ya Lion bishimangira ko Mamaru yabashije kugaragara muri buri cyiciro.

Munyashyaka Vincent wa Mamaru ukomeje kugaragaza ubunararibonye mu marushanwa ya Karate

Mu makipe 26 yitabiriye irushanwa habayeho gutungurana ku makipe amenyerewe ko akomeye hano mu Rwanda aho Lion na APR zitwara neza muri shampiyona y’igihugu zitakunze kugira abakinnyi bitwaye neza mu byicicro bitandukanye.

Dore uko barushanijwe mu byicicro bitadukanye:

Open Kata Female: Kwiyerekana ku bagore umuntu ku giti cye

1. Uwase Lazia-zen
2.Uwizera Eveline-Mamaru
3.Byiringiro Joyce-Mamaru

Uyu mukobwa yagaragaje ubuhanga mu kurushanwa muri kata

Open Kumite Female: Kurwana kw’abagore umuntu ku giti cye

1.Sakima cyuzuzo-Fying bacle
2.Uwizera eveline -Mamaru
3.Ishimwe sandrine-Kibeho

Open Kata Male: Kwiyerekana kw’abagabo umuntu ku giti cye

1.Usengimana omar-Mamaru
2.Munyeshyaka vincent-Mamaru
3.Shyaka victor-Lion

Team Kata Male: Kwiyerekana kw’abagabo nk’ikipe

1.Zen
2.Mamaru
3.UR huye

Muri kumite abahungu bagaragaje ubuhanga

Kumite Team Male: Kurwana kw’abagabo nk’ikipe

1.Lion
2.Mamaru
3.Zen

Icyumba gikorerwamo Sport cya la Palisse Nyandungu

Nsengiyumva Hubert Umuyobozi wa La palisse ati”Twazanye abatoza beza,ibikoresho bihagije ubu dufite amagare 15 ay’abagabo n’ay’abagore,Tapi Zigenda(Tapis Roulants) zigera kuri 6 ni ukuvuga no muri Massage na Sauna byose twarabikemuye”

Ufite ifatabuguzi yemerewe gukorera siporo aho ageze

Ubuyobozi bwa La Palisse bukomeza buvuga ko mu gihe abantu bafashe ifatabuguzi muri rimwe mu mashami ya La palise Nyandungu yemerewe gukorera Siporo aho ageze hose yaba ku Ishami rya La Palisse/Kigali ,ishami riri mu karere ka Bugesera Hotel Tulip ndetse na La Palisse Gashora.

Piscine ya Tulip i Nyamata

Ibyo ngo biri mu rwego rwo kwagura imipaka ku buryo abakiriya batagomba guhura n’imbogamizi izo ari zo zose bitewe n’aho batuye cyangwa bakorera.

Abahakorera Siporo barayishima bitewe n’inyungu bamaze kuhakura.

Bamwe mu baganiriye na Kigali Today bamaze kugana iyi Hotel bahakorera Siporo bavuga ko bamaze kunguka byinshi bitewe n’uko bahaje bafite ibibazo bitandukanye.

Umugiraneza françoise w’imyaka 50 y’amavuko yagize ati”njyewe naje hano mu mezi 8 ashize ariko mbere nahakoreraga Gym tonic ariko nataha umugongo ukandya mpitamo kuza koga kandi ubu nta kibazo cy’umugongo ngira kuko nkora gym nkanoga”.

Undi nawe ukora Gym Tonic Mupenzi Evode nawe yunze murye agira ati”njyewe naje hano mfite ibiro 95 kandi urareba uko ndeshya ntibijyanye n’uburebure bwanjye ariko ubu nsigaranye ibiro 75 mu gihe cy’umwaka maze urumva ko kuza hano muri Gym byamfashije”.

Igice cya siporo muri La Palise kigizwe n’amashami atandukanye arimo koga,Gym Tonic,gukina umukino w’intoki wa Basket ndetse n’igice cya Sauna/Massage.

Piscine Nyamata

Piscine Nyandungu

Icyo gitabo cyanditswe mu rurimi rw’Icyongereza, Nshimiyimana avuga ko ateganya, kugisohora mu mpera z’ukwezi k’Ugushyingo 2017.

Yanditse igitabo cy’ubuzima bwe mu mupira w’amaguru mu rwego rwo kumenyekanisha umupira wo hambere no gukundisha abana gusoma

Ni igitabo ngo kigamije gukundisha abakiri bato gusoma, kinabafasha kumenyekanisha umupira w’amaguru wo hambere.

Aganira na Kigali Today yagize ati” Iki gitabo gikubiyemo ubuzima bwanjye, ibirometero nakoraga n’amaguru nkajya mu myitozo ya Mukura, ifunguro ridahagije n’abantu bamfashije ndetse n’ibibuga nakiniyeho.

Harimo kandi abakinnyi mbona b’ibihe byose, nkanavuga ukuntu amafaranga ya mbere nabonye nahise nyagura igare ry’ibihumbi 6500 n’ibindi.”

Yakiniye Mukura igihe kinini kugeza asoje ruhago

Nshimiyimana avuga kandi ko n’ubwo yarangije kwandika icyo gitabo amikoro yo kugisohora (Printing) ntayo afite, akaba asaba ko umuntu ufite ubushobozi yamutera inkunga kigasohoka.

Nshimiyimana Canisus yakinaga inyuma ku ruhande rw’iburyo aho yakiniye ikipe ya Mukura kuva muri 1998 kugeza muri 2010. Yanakiniye kandi ikipe y’igihugu Amavubi yagiye mu gikombe cy’Afurika bwa mbere.

Nyuma yo gusezera umupira w’amaguru muri 2010 yabaye umutoza wungirije muri Mukura, ubu akaba ari umutoza w’abana bato.

Yanakiniye n’Amavubi yitabiriye igikombe cy’Afurika,

Kwizera Pierrot na Moussa Camara bafashije Rayon Sports gutwara igikombe cya shampiyona barifuzwa n’amakipe yo hanze ariko ngo Rayon Sports yiteguye kubasimbuza abandi beza

Umunyamabanga w’iyo kipe Gakwaya Olivier avuga ko yatangiye kuganira na bamwe mu bakinnyi barangije amasezerano.

Agira ati “Abakinnyi bacu bari kurangiza amasezerano twarabegereye ubu sinakubwira ngo ni kanaka ariko bamwe mu barangiza amasezerano twifuza ko twakomezanya twaraganiriye dusigaranye umukino umwe wa shampiyona ndumva bizagenda neza.

Kugura no kugurisha(Mercato)biri kuvugwa mu makipe yose natwe rero ntitwicaye turi no kuganiriza n’abandi bakinnyi bo mu yandi makipe barangije amasezerano tubona ko bagira icyo badufasha.”

Nubwo Gakwaya atatangarije Kigali Today abakinnyi Rayon Sports yaba yifuza, yatangiye no kuvugana nabo hari amakuru avuga ko yifuza myugariro wa Sunrise FC witwa Serumogo Ally n’uwa Police FC witwa Muvandimwe Jean Marie Vianney.

Gakwaya Olivier yahumurije abafana ba Rayon Sports ababwira ko mu gihe Moussa Camara na Kwizera Pierrot baramutse bagiye mu makipe yo hanze abifuza, bazabasimbuza n’abandi bakinnyi bari ku rwego rwabo.

Ati “Rayon Sports ni ikipe ihora ishaka abakinnyi beza Pierrot na Camara nibagenda tuzashaka abandi bameze nkabo, nk’uko nabo twababonye ku buryo twabashakira no hanze y’u Rwanda mu bindi bihugu byateye imbere mu mupira w’amaguru.”

Abakinnyi barangiza amasezerano muri Rayon Sports barimo Nshuti Dominique Savio,Ndayishimiye Jean Eric Bakame, Munezero Fiston wibereye muri Tanzania,Mugheni Fabrice, Nsengiyumva Mustafa, Nova Byama na Pierrot.

Umunyezamu wa Mukura FC ari mu nzira zerekeza muri AS Kigali

Umunyezamu wa Mukura VS Mazimpaka Andre aratangaza ko yamaze kugirana ibiganiro n’ikipe y’Umujyi wa Kigali, AS Kigali kandi ngo ibiganiro bigeze kure ku buryo yayerekezamo vuba.

Rayon Sports yatangiye ibiganiro n’abakinnyi barangije amasezerano n’abandi yifuza

Uwo mukinnyi wari umaze imyaka ibiri mu ikipe ya Mukura VS, ari na Kapiteni wayo asigaje umukino umwe wa shampiyona ngo amasezerano abe arangiye.

Ariko ngo yamaze kuganira na AS Kigali imwifuza ku buryo ngo ibiganiro bigeze ku kigero cya 70%; nk’uko yabitangarije Kigali Today.

Agira ati “Ni byo namaze kuganira na AS Kigali kuko ndangije amasezerano na Mukura FC kandi ibiganiro bigeze kure ku buryo ibisigaye ari bike cyane kandi na byo tuzabyumvikana ku buryo bigeze nko kuri 70%.”

Nshimiye Joseph umuvugizi wa AS Kigali yirinze kugira icyo avuga kuri uyu munyezamu kuko yavuze ko nta gahunda bafite yo kuganira n’abakinnyi mbere y’itariki 04 Nyakanga 2017, ubwo igikombe cy’amahoro kizaba.

Akavuga ko bafite abakinnyi benshi bashaka kandi ko bazaganira nabo nyuma y’igikombe cy’amahoro.

Agira ati “Hari abakinnyi dutekereza ariko sinabakubwira ariko icyo nakubwira ni uko tuzaganira nabo nyuma y’igikombe cy’amahoro.”

Nshimiye kandi yanakomeje avuga ko bamaze kumvikana n’abakinnyi babiri bari bararangije amasezerano aribo Nsabimana Eric Zidane na Murengezi Rodrigue.

Nkuko amakuru atugeraho abivuga ngo AS Kigali si uyu munyezamu gusa iri gushaka wo muri Mukura VS kuko ngo n’abakinnyi nka Ally Niyonzima na Cyiza Hussein Mugabo nabo ngo baba bari mu biganiro n’iyi kipe y’umujyi wa Kigali.

Uyu mukino wabaye mu gihe mu mukino ubanza wari wahuje amakipe yombi n’ubundi AMAVUBI yari yatsinze ibitego 2-0 wari wabaye ku wa 02 Kamena 2017,naho uwabaye uyu munsi ku wa 4 Kamena 2017 uba warangiye ari 3-0 bwa Maroc

Amavubi yatsinze Maroc yari yiganjemo abakinnyi bakina hanze y’u Rwanda

Ibitego byose by’Amavubi byabonetse mu gice cya mbere nyuma y’uko umutoza Antoine Hey yari yabanjemo ikipe yiganjemo abakinnyi bakina hanze y’u Rwanda, aho igitego cya mbere cyatsinzwe na Nshuti Dominique Savio, icya kabiri gitsindwa na Mugiraneza Jean Baptiste naho icya gatatu kikaba cyatsinzwe na Iranzi Jean Claude.

Ikipe ya Maroc yabanje mu kibuga

Mu gice cya kabiri amakipe yombi yasatiranye aho umutoza w’Amavubi yakomeje kugenda asimbuza n’abakinnyi bari bakinnye ubushize ariko birangira nta gihindutse.

Bizimana Djihad atera koruneri

Umutoza Antoine Hey utoje imikino ibiri kuva yahabwa akazi yavuze ko yashimishijwe na bamwe mu bakinnyi yakinishije kuko ngo bamuhaye isura nyayo y’uko bashobora kwitwara mu mukino wo gushaka itike y’igikombe cy’Afurika ubwo bazaba bakina na Centrafrika tariki ya 11 Kamena 2017.

Agaruka ku bakinnyi bakina hanze y’u Rwanda yavuze ko atishimiye imikinire ya bamwe aha yagize ati ”sinishimiye bamwe mu bakinnyi bavuye hanze kuko bamwe bitwaye neza abandi ntibitwara neza”

Imikino yose uko ari ibiri yabereye kuri Stade Amahoro

El Mami Semamali utoza MAROC we yavuze ko gutsindwa imikino ibiri ari uko yazanye ikipe ikiri nto ariko akavuga ko abakinnyi yazanye bamuhaye icyizere bitewe n’urwego bagaragaje.

Ababanjemo ku mpande zombi:

AMAVUBI: Ndayishimiye Eric Bakame, Fitina Omborenga, Bayisenge Emery, Manzi Thierry, Nirisarirke Salomon, Mugiraneza Jean Baptiste, Haruna Niyonzima, Nshuti Dominique Savio, Iranzi Jean Claude,Tuyisenge Jaques, Kalisa Rachid.

MAROC: Zakaria Arsalane,El Garnaoui Rachid,Komh Nour-Eddine,Abdelialil Lebada,Rassouany Hamza,Saleh Essalami,Salah Eddine Icharane,Iliyass Laghzoui,Achraf Laich,Faraji Karmoune na Lachheb El Habib.

Amavubi yatsinze Maroc

Uyu mukino wabaye mu gihe mu Rwanda no mu yandi mashyirahamwe y’imikino batangije igikorwa cyo Kwibuka abakunzi,abakinnyi ndetse n’abayobozi bishwe muri Jenoside yakorewe abatutsi, aho mu mupira w’amaguru Amavubi yitwaye neza atsinda Maroc 2-0.

Igitego cya mbere cyatinzwe ku munota wa 30 w’igice cya mbere gitsinzwe na Bizimana Djihad kuri penalite nyuma y’uko Amavubi yari yokeje igitutu izamu rya Maroc maze umukinnyi w’inyuma akawukora n’intoki umusifuzi agatanga Penalite.

Amavubi yakomeje kurusha Maroc anayisatira ndetse bagahusha uburyo bw’ibitego byinshi nk’aho Manzi Thierry yahushije uburyo bwari bwabazwe ku munota wa 40 akaba yateye umupira n’umutwe wari uvuye muri koruneri maze ugafata igiti cy’umutambiko maze igice kirangira Amavubi afite 1-0.

Abafana bifatanyije n’amakipe kwibuka

Mu gice cya kabiri Maroc yaje isa n’iyakangutse aho nayo yatangiye gusatira ubona amakipe yombi anganya maze umutoza Antoine Hey atangira gushyiramo bamwe mu bakinnyi babanje hanze nk’aho Nshhuti Dominique Savio yinjiye asimbuye Imanishimwe Emmanuel ku munota wa 63 .

Nyuma Kapiteni Niyonzima Haruna yaje Kujyamo asimbuye Niyonzima Ally naho Tuyisenge Jaques ajyamo asimbura usengimana Sanny wanatsinze igitego ndetse na iradukunda Eric wasimbuye Rusheshangoga Michel baza gukurikirwa na Mugiraneza Jean Baptiste ndetse na Bayisenge Emery.

Rusheshangoga asoma ubutumwa bujyanye no kwibuka

Ku munota wa 67 nibwo Amavubi yaje kubona igitego cya kabiri aho Rutahizamu wa Police Danny usengimana ku mupira mwiza yaje gutsinda igitego cya kabiri ku mupira yari ahawe na Rusheshangoga Michel.

Amakipe yombi azongera gukina undi mukino ku wa 4 Kamena 2017 nyuma y’uko ibindi bihugu byari byatumiwe muri iri rushanwa byanze ubu butumire.
Ababanjemo ku mpande zombe:

Amavubi

AMAVUBI: Nzarora Marcel,Rusheshangoga Michel,Rucogoza Aimable, Manzi Thierry,Nsabimana Aimable,Imanishimwe Emmanuel,Niyonzima Ally,Niyonzima Olivier Sefu,Bizimana Djihad,Usengimana Danny na Mico Justin.

Maroc

MAROC: Jawad Harti,El Garnaoui Rachid,Komh Nour-Eddine,Hamza Errahli,Rassouany Hamza,Saleh Essalami,Salah Eddine Icharane,Iliyass Laghzoui,Achraf Laich,Faraji Karmoune na Yassine El Idrissi

Minisitiru Uwacu Julienne ageza ajambo ku bitabiriye umuhango

Iki gikorwa cyo kwibuka giteguwe ku nshuro ya gatatu kizatangizwa ku mugaragaro kuri uyu wa Gatanu tariki ya 02 Kamena 2017 hakorwa urugendo rwo kwibuka ruzava kuri Kigali Convention Center rusorezwe kuri Stade Amahoro.

Iyi mikino ngarukamwaka haba hazirikanwa abasiporutifu bazize Jenoside yakorewe Abatutsi

Nk’uko bisanzwe bigenda hazaba amarushanwa mu mikino itandukanye ariko ngo batekereje no gufata mu mugongo uwarokotse Jenoside yakorewe Abatutsi utishoboye ku bufatanye bwa Ministeri y’umuco na Siporo ndetse na Komite Olempiki.

Mugwiza Desiré ukuriye akanama gategura aya marushanwa mu kiganiro n’abanyamakuru cyo kuri uyu wa Gatatu tariki ya 31 Gicurasi 2017 yatangaje ko muri icyo gikorwa ngarukamwaka hazabamo kuremera uwacitse ku icumu.

Muri icyo gikorwa buri shyirahamwe mu mashyirahamwe 20 rizatanga ibihumbi ijana. Minisiteri nayo ikazatanga miliyoni 6 naho, Komite Olempiki y’u Rwanda ikazatanga miliyoni imwe.

Mugwiza Desiré ukuriye akanama gategura aya marushanwa

Mugwiza yakomeje avuga ko uzafashwa bamuhisemo aho akomoka mu Karere ka Nyamasheke mu Ntara y’i Burengerazuba hakaba ngo harashyizweho abashinzwe kureba icyo ayo mafaranga azaba yakusanyijwe azakorwamo nko kumwubakira inzu ndetse no kumushakira ibindi bintu byamuvana mu bukene.

Gahunda y’imikino yo kwibuka mu mashyirahamwe atandukanye:

1.Umupira w’amaguru: Tariki ya 2-4 kamena 2017(Stade Ya Kigali)
2.Cricket: Tariki ya 7-12 kamena 2017(IPRC/ Kicukiro Cricket Ground)
3.Handball: Tariki ya 3-4 Kamena 2017(Stade Amahoro,Maison des Jeunes Kimisagara na UR-CE yahoze ari KIE)
4.Basket: Tariki ya 26 Gicurasi-04 Kamena 2017(Petit stade,CSK,Club Rafiki)
5.Tennis de table: Tariki ya 10-11 Kamena 2017(Gymanase NPC)
6.Rugby: Tariki ya 3 Kamena 2017(Stade Amahoro Remera)
7.Taekwondo: Tariki ya 10 kamena 2017(Green Hills Academy Nyarutarama)
8.Golf: Tariki ya 17 Kamena 2017(Golf Club Nyarutarama)
9.Chess: Tariki ya 9-11 Kamena 2017(Classic Hotel Kicukiro)
10.Sports Pour Handicapes:tariki ya 17-18 Kamena( Gymnase NPC)
11.Tennis: Tariki ya 10-17 kamena (Stade Amahoro Remera)
12.Volley ball(:Tariki ya 3-4 Kamena 2017(Petit stade,Gymnase NPC,Club Rafiki, Maison Des Jeunes,Primature)
13.Gymnastique:Tariki ya 17 Kamena 2017(Maisn Des Jeunes Kimisagara)
14.Kung-Fu:Tariki ya 18 Kamena 2017(Petir Stade)
15.Fencing:Tariki ya 10 Kamena 2017(Stade Amahoro)
16.Skating:Tariki ya 18 Kamena 2017(Gymnase NPC)
17.Sport Automobile:Tariki ya 10 Kamena 2017(Stade Amahoro)
18.Karate:Tariki ya 10 Kamena 2017(Petit Stade)
19.Triathron:Tariki ya 17 Kamena 2017(Karongi)
20.Boxe: Itariki ntiramenyekana(Petit stade)

Aya makipe y’ibigo by’amashuri uko ari abiri impamvu ngo atakitabiriye ni uko ku matariki iryo rishanwa rizaberaho iya 3 n’iya 4 Kamena 2017 nayo azaba ari gukina imikino mpuzamashuri.

Ikipe ya Ruhango ntabwo izitabira irushanwa ry’uyu mwaka

Kubwimana Gertrude umuyobozi ushinzwe tekinike mu ishyirahamwe ry’umukino wa Volleyball mu Rwanda (FRVB) akaba n’umunyamabanga w’umusigire yavuze ko imyiteguro ikomeje, irushanwa rikazaba riteguwe neza akavuga ko ayo makipe yamaze kubamenyesha ko atakitabiriye iryo rushanwa.

Umwaka ushize UNIK niyo yegukanye iki gikombe

Aganira na Kigali today yagize ati ”Ubu irushanwa nk’uko bisanzwe twariteguye neza dutegereje umunsi nyir’izina gusa akabazo kabayemo ni amakipe ya hano mu Rwanda y’ibigo by’amashuri, Ruhango VC na St Aloys yavuze ko atazitabira irushanwa kubera imikino y’amashuri ariko ibindi nta kibazo”

Abakinnyi ba Ruhango benshi biga mu ishuri ryitwa Indangaburezi bazaba bafite irusanwa rihuza amashuri

Amakipe yo muri Uganda ni yo yonyine amaze kwemeza ko azitabira

FRVB ivuga ko amakipe yo mu gihugu cya Uganda ari yo yonyine amaze kwemeza ko azitabira irushanwa mu makipe yo hanze yari yatumiwe harimo ayo mu bihugu bya Kenya,Congo-Brazzaville ndetse n’u Burundi.

Ayo makipe yo mu gihugu cya Uganda ni Sports-S (abagabo n’abagore), Sky(abagore gusa) ,Nemo Stars(abagabo n’abagore), KAVC(abagabo n’abagore), KCCA (abagabo n’abagore) ndetse na Espoir(abagore).

Aya makipe yo mu gihugu cya Uganda aziyongera ku yo mu Rwanda RRA VC na APR mu bakobwa ndetse na UTB, Gisagara, Kirehe na KVC mu bagabo mu gihe bagitegereje ko hari andi makipe yatumiwe azemera kwitabira yose akazagera mu Rwanda tariki ya 02 Gicurasi 2017 hagahita hanakorwa tombora .

Biteganijwe ko imikino y’amajonjora izaba ku wa gatandatu tariki ya 3 Kamena 2017,imikino ya ½ ibe ku Cyumweru mu gitondo saa tatu, mu gihe umukino wa nyuma(Final) mu bakobwa uzaba saa munani naho mu bagabo umukino wa nyuma ukazaba saa kumi z’umugoroba.

Umwaka ushize wa 2016 igikombe cyegukanywe na Sports S mu bagore naho mu bagabo igikombe cyegukanywe na Kaminuza y’ u Rwanda ishami rya Kibungo INIK nyuma yo gutsinda Sports S yo muri Uganda.

Uyu munyezamu wigeze gukinira APR unakinira ikipe y’igihugu Amavubi aravuga ibi nyuma y’uko amasezerano yari afitanye na Rayon azarangira mu mpera z’umwaka w’imikino wa 2016-2017 ukazarangirana n’igikombe cy’amahoro, akaba avuga ko we nta kibazo na kimwe afite cyo kuzongera amasezerano.

Ndayishimiye Eric Bakame ngo yiteguye kugumana n’iyi kipe igihe baba bakimwifuza

Bakame kapiteni wa Rayon Sports nyuma y’umukino wa APR Fc aganira n’itangazamakuru

Agira ati”amasezerano yanjye ararangiye muri Rayon Sports ariko mu gihe cyose bazaba(Rayon) bakinyifuza niteguye gukomezanya nabo nimvugana nabo neza yaba ibyo mbasaba nanjye ibyo bansaba nitubyumvikanaho nzagumana nabo ”

Bakame yakomeje ariko anavuga ko mu gihe yaba atumvikanye na Rayon Sports yumva agifite imbaraga zo kwerekeza mu yindi kipe yamushaka yaba iya hano mu Rwanda cyangwa hanze ariko ngo byose bizaterwa na Rayon Sports niba itakimushaka.

Mu myaka ine amaze muri Rayon Sports ngo yashimishijwe no kuba amaze gutwarana nayo ibikombe byubashywe

Ndayishimiye Eric avuga ko mu myaka ine amaze akinira Rayon Sports yumva afite akanyamuneza gaturutse ku kuba amaze kuyitwaramo ibikombe 2 byubashywe hano mu Rwanda ari byo igikombe cya Shampiyona ndetse n’igikombe cy’amahoro.

Ngo ashimishwa no kuba amaze imyaka ine mu ikipe ya Rayon Sports

Avuga kandi ko mu gihe amaze ari kapiteni yashimishijwe n’inama yakomeje kugenda aha bagenzi be bakinana kandi bakazubahiriza akaba atangaza ko nakomeza muri Rayon nta kizahunduka azakomeza gukorana umurava nk’uko asanzwe abigenza.

Bakame yageze muri Rayon Sports avuye muri APR FC mu mwaka w’imikino wa shampiyona wa 2013/2014, mu myaka ine amaze ayikinira yatwaranye na yo igikombe kimwe cya shampiyona batwaye uyu mwaka ndetse n’igikombe cy’Amahoro batwaye umwaka ushize wa 2016.

Rayon Sports yakomeje kotsa igitutu APR

Umukino watangiye amakipe acungana buri yose igerageza kugera imbere y’izamu maze ku munota wa 25 APR ibona igitego cyatsinzwe na Bigirimana Issa ku burangare bw’abakinnyi bakina inyuma ba Rayon Sports

Rayon Sports yamaze gutwara igikombe cya shampiyona, nyuma yo gutsindwa iki gitego yakangutse irasatira cyane.

Ku munota wa 37 umukinnyi Muhire Kevin wari umaze gusimbura Nsengiyumva Mustapha yahushije uburyo bw’igitego maze igice cya mbere kirangira ari 1 cya APR ku busa bwa Rayon Sports.

Tidiane Kone watsinze igitego cya Rayon

Mu gice cya kabiri Rayon Sport yaje kwishyura igitego ku munota wa 46 cyatsinzwe n’Umunyamali Tidiane Kone ku mupira yahawe na Muihire Kevin umukino urinda urangira nta gihindutse ari 1-1.

APR kunganya uyu mukino byayibujije amahirwe yo kuvana Police ku mwanya wa kabiri aho yahise igira amanota 57 mu gihe Police yo ifite 58.

Ibi bishobora gutuma APR itazahagararira u Rwanda mu mikino Nyafurika umwaka utaha, mu gihe Rayon yatwara n’igikombe cy’amahoro.

Abakinnyi babanjemo ba Rayon Sports

Mu izamu:Ndayishimiye Jean Luc(Bakame)
Ab’inyuma:Manzi Thierry,Nshuti Dominique Savio,Mugabo Gabriel na Mutsinzi Ange
Hagati:Olivier(Sefu),Kwizera pierrot,Mugheni Fabrice na Manishimwe Djabel
Ba Rutahizamu:Nsengiyumva Mustapha na Tidiane Kone

Abakinnyi babanjemo ba APR

Mu izamu:Kimenyi Yves
Ab’inyuma:Rusheshangoga Michel,Manishimwe Emmannuel,Rugwiro Herve na Nsabimana Aimable
Hagati:Mukunzi Yannick,Nshimiyimana Imran,Tuyishime Eric na Bizimana Djihad
Ba Rutahizamu:Bigirimana Issa na Nkinzingabo Filston

Abafana ba APR nyuma yo gutsinda igitego

Abafana ba Rayon imaze kwishyura igitego

Umufana ukomeye wa Rayon Rwarutabura yari yazanye umwana we

Umufana ukomeye wa APR Rujugiro asaba Rwarutabura ngo amusomye

Stade yari yuzuye

Amafoto: Plaisir Muzogeye

Bamwe mu bafannye Kiyovu kuva ikibaho bababajwe n’ibiri kuyibaho

Nyuma y’umukino wayihuzaga na As Kigali kuri uyu wa 23 Gicurasi 2017, nibwo abafana batangarije Kigali Today ko noneho ikipe yabo igeze habi, aho iri mu makipe ashobora kumanuka, bakabifata nk’ibintu bidasanzwe.

Nyuma y’uwo mukino, Ntare Muhammed ufite imyaka 87 yagize ati ”Natangiye gufana Kiyovu muri 1964 imaze imyaka ibiri ivutse, ariko nta gihe yigeze yitwara nk’uko yitwaye uyu mwaka.

Iramutse imanutse rwose byaba ari igitangaza kuko ntitwumva ukuntu ikipe y’ubukombe nk’iyi igomba kumananuka.”

Mugenzi we Gatarayiha Selemani yunze mu rye agira ati”Nanjye nkunda Kiyovu, ariko aho igeze si heza pe. Igeze aho bayitega kumanuka koko!

Ubundi byaba bibabaje iyi kipe imanutse, ariko buriya Imana ishobora kudufasha ntitumanuke, ariko bitanakunze Kiyovu ikamanuka byaba ari sakirirego.”

Umutoza Kanamugire Aloys yakunze kuvuga ko ikipe ye ifite intego y’imyaka itatu ubundi igatangira gutwara ibikombe, ariko ntibyaje kuyihira kuko ubu iri mu makipe ashobora kumanuka.

Agira ati”Ikipe iri mu bihe bibi ni byo, ariko abafana ntibacike intege turacyafite abakinnyi bataragira ubukure n’ubunararibonye, ariko Kiyovu mu gihe itararangiza gukina imikino ibiri isigaye, ntabwo wavuga ko yamanutse cyangwa izamanuka ni ugutegereza.”

Abatoza ba Kiyovu baratangaza ko ntarirarenga bashobora kutamanuka mu cyiciro cya kabiri

Kugeza ku munsi wa 28 wa shampiyona ikipe ya Kiyovu iza ku mwanya wa 14 n’amanota 27 aho iyanganya na Gicumbi Fc ya 15 ndetse na Marines ya 13.

Aya makipe uko ari atatu agomba kuvamo imwe izajyana na Pepiniere mu cyiciro cya kabiri.

Nshutinamagara Ismael Kodo (hagati) aratangaza ko umwuga w’ubutoza mu mezi abiri awumazemo amaze kungukiramo byinshi

Uyu mugabo ufite imyaka 36 y’amavuko agira ati” Ubu maze kumenya uko umutoza ategura imyitozo itandukanye ku minsi itandukanye, kandi maze kumenya icyo umukinnyi akeneye mu kibuga.

Ikindi maze kunguka ni ukumenya igihe umukinnyi ahindurirwa umwanya cyangwa agasimbuzwa iyo ibyo wapanze byanze n’ibindi byinshi, kandi nizeye ko nkiri kumwe na bo nzagera kure muri uyu mwuga.”

Nshutinamagara Ismael Kodo yabonye impamyabushobozi yo ku rwego rwa D (Licence D) mu kwezi kwa Werurwe 2017.

Ubu asigaye atozanya n’uwahoze ari umutoza we Eric Nshimiyimana muri As Kigali

Yakiniye amakipe akomeye mu Rwanda arimo Marines, Kiyovu, Atraco yaje gusenyuka, APR yanamazemo igihe kinini bagatwarana n’ibikombe bitandukanye ndetse na As Kigali atoza ubu.

Muri gahunda afite ngo arifuza gutoza ku rwego rwo hejuru, ku buryo yatoza ikipe ikomeye mu Rwanda ndetse byanashoboka akaba yanatoza ikipe y’igihugu Amavubi.

Kodo arifuza gutoza Amavubi yigeze gukinira

Yakiniye APR igihe kinini anayibera Kapiteni

Rayons Sport ifite igikombe cy’Amahorocya 2016 irashaka kukigumana 2017

Uyu mutoza arabitangaza mu gihe bamaze gutwara igikombe cya shampiyona hakibura imikino ine akaba avuga ko iyo mikino bagomba kuyikina kugira ngo bayirangize ariko ngo icyo bari gutekereza ni igikombe cy’amahoro banatwaye umwaka ushize kigeze muri 1/4.

Masudi nyuma y’uko ku wa 20 gicurasi 2017 Rayon Sport inganyije na Pepiniere ku munsi wa 27 wa shampiyona yagize ati” imikino isigaye nta mbaraga nyinshi tuzayiha ni umuhango wokuyirangiza, icyo tureba ubu ni igikombe cy’amahoro”

Masudi Djouma avuga ko police yabagoye mu mukino bakinnye wo kwishyura muri shampiyona, akavuga ko ari ikipe yo kwitondera mu mikino ya ¼ kuko ngo abona ubwo police itatwaye shampiyona izaba ishaka byanze bikunze iki gikombe cy’amahoro.

Ati” Murarabizi ko tuzakina n’ikipe ya police. Iyi kipe yatugoye mu mukino wo kwishyura wa shampiyona ndahamya iko izanatugora mu gikombe cy’amahoro kuko icya shampiyona cyo yarakibuze kandi ifite umutoza w’umuhanga nubaha ndetse n’abakinnyi bakomeye.

Ni ikipe rero tugomba kwitegurana ubushishozi ku buryo twazayisezerera tugakomeza ku buryo twanagera ku mukino wa nyuma tukaba twanatwara igikombe tukakisubiza nabyo byarushaho kuduhesha ishema”

masudi Aravuga ko imikino ya shampiyona basigaranye ari ukuzuza umuhango kuko bamaze kuyegukana

Imikino ya ¼ n’iya ½ iteganyijwe mu kwezi kwa Kamena mu gihe umukino wa nyuma uzaba tariki ya 04 Nyakanga 2017.

Uko amakipe azahura muri ¼

Rayon Sports vs Police

APR vs Bugesera

As Kigali vs Amagaju

Espoir vs Marines

Pepiniere ikina na Rayon Sports

Aya makipe yombi yahuye kuri uyu wa 20 gicurasi 2017 ku Ruyenzi mu karere ka Kamonyi mu mukino w’umunsi wa 27 wa shampiyona amakipe yombi anganya ibitego 2-2.

Ikipe ya Rayon Sports yatangiye umukino ikinisha ikipe ya kabiri kuva mu izamu kugera muri ba rutahizamu aho abakinnyi basanzwe bamanyerewe ku banzamo nka Ndayishimiye JEAN Luc Eric Bakame,Nshuti Dominique Savio ,Kwizera pierrot ndetse na Rutahizamu Moussa Camara batabanjemo.

Pepiniere yaje gutungura Rayon Sports aho ku munota wa 15 w’igice cya mbere yabonye igitego cya mbere cyatsinzwe na Kagaba Obed iza no gutsinda ikindi ku munota wa 30 gitsinzwe na Rubega Joseph ku burangare bw’umuzamu Bashunga Abouba usanzwe ari umuzamu wa gatatu igice cya mbere kirangira ari 2-0.

Rayon Sports yabanjemo ikipe ya kabiri

Mu gice cya kabiri Rayon Sports yaje isatira cyane bituma ku munota wa 48 Mugisha Francois yaboneye Rayon Sports Igitego cya mbere,Rayon Sports ikomeza kotsa igitutu ab’inyuma ba Pepiniere bigera ku munota wa 87 nta kirahinduka,Rayon iza kubona igitego cyo kwishyura ku munota wa 88 cya tsinzwe na Nahimana Shassir kuri Coup Franc umukino urangira amakipe yombi anganyije 2-2.

Nyuma y’umukino umutoza wa Rayon Sport Masudi Djouma yavuze ko ashimishijwe no kunganya kubera ko ngo yari afite abakinnyi bafite imvune n’abandi bahagaritswe.

Yagize ati”byari kuba ibyago iyo dutsindwa n’ikipe yamanutse ariko turanganyije.

Twari dufite abakinnyi benshi bafite imvune ariko inota rimwe ubwo naryo turibonye Imana ishimwe ubu turategura imikino iri imbere”

Muhoza Jean paul utoza Ppeiniere we yavuze ko mbere y’umukino yari yabwiye abakinnyi uburyo baza gukina na Rayon Sport bimuhira mu gice cya mbere aho yavuze ko abakinnyi be babuze ubunararaibonye.

Abakinnyi babanjemo ba Rayon Sports

Mu izamu:Bashunga Abouba

Ab’inyuma:Rwigema Yves,Irambona Eric,Munezero Filston na Manzi Thierry

Hagati:Mugisha Francois,Muhire Kevin,Mustapha Nsengiyumva na Nova Bayama

Ba Rutahizmu:Nahimana Shassir na Tidiane Kone

Ababanjemo ba Pepiniere

Mu izamu:Nsabimana Jean De Dieu

Ab’inyuma:Habimana Samuel,Obed Kagaba,Hitimana Omar na Abdoulkharim

Hagati:Kabura Muhammed,Banakure Ndekwe,Habamahoro Vincent na kevin Ishimwe

Ba Rutahizamu:Rubega Joseph na Ndagabu Hussein
Indi mikino y’umunsi wa 27 wa shampiyona uko yarangiye

Ku wa Gatanu tariki ya 19 Gicurasi 2017

AS Kigali 1-1 APR Fc
Marines Fc 1 - 2 Etincelles Fc
Sunrise Fc 2-3 Police Fc
Kirehe Fc 1-2 Bugesera Fc
Musanze 1-2 Amagaju Fc

Ku wa Gatandatu tariki ya 20 gicurasi 2017

Espoir Fc 1-1 SC Kiyovu
Pepiniere Fc 2-2 vs Rayon Sports
Mukura 1-2 Gicumbi Fc

Abasignwa bazerekeza mu karere ka Karongi mu Burengerazuba.

Uyu muhango uzakorwa mu isiganwa rya gatatu rya shampiyona y’amagare Rwanda Cycling Cup 2017 ryitiriwe kwibuka (Race Remember), iryo siganwa rikazaba ku wa 20 Gicurasi 2017 rikazatangirira mu Karere ka Ruhango abasiganwa berekeza i Karongi.

Iri siganwa rizitabirwa n’abagabo, abasore n’abakobwa aho abato bazahagurukira mu Karere ka Muhanga saa tatu n’igice berekeza i Karongi mu gihe abakuru bo bazahagurukira mu Karere ka Ruhango saa yine n’igice.

Abakuru bazagera i Karongi bazenguruke mu mujyi inshuro 10 bakazakora ibirometero 155, abakobwa bo ntibazazenguruka bo bakazakora ibirometero 82 mu gihe abato(Juniors)bo bazazenguruka inshuro 2 bakazakora ibirometero 92.

Isiganwa rya mbere rya Rwanda Cycling Cup ryitirirwe nyakwigendera Byemayire Lambert ryegukanywe na Nsengimana Jean Bosco.

Iri siganwa ryo kwibuka ni irya gatatu rya Rwanda Cycling Cup 2017, aho irya mbere ryitiriwe Kwibuka uwari umuyobozi muri Ferwacy witabye Imana witwaga Byemayire Lambert.

Ryegukanywe na Nsengimana Jean Bosco, mu gihe irya kabiri ryo ryegukanywe na Uwizeye Jean Claude mu gihe mu bakobwa Girubuntu Jeanne D’Arc amaze kuyegukana yombi.

Iri siganwa rizagaragaramo amakipe icyenda harimo ikipe nshya ya Nyabihu izaba isiganwa ku nshuro ya mbere. Iyo kipe ije ikurikira iya Karongi "Karongi Sports Vision Center" nayo imaze gusiganwa inshuro imwe.

Urutonde rw’amakipe azitabira iri siganwa ryo kwibuka:

1. Les Amis Sportifs
2. Bendiction Club
3. Fly Cycling Club
4. Cycling Club For all
5. Muhazi Cycling Generation
6. Ciney Elmay
7. Rwandan Eagles Cycling Team
8. sports Vision Center
9. Nyabihu Cycling Team

Impamvu aba batoza batangaza ibi ngo ni uko usanga amakipe yo mu cyciiro cya mbere ahita atombora ayo mu cya kabiri kandi atanganya ingufu ku buryo ayo mu cyiciro cya kabiri ahita asezererwa hakiri kare.

Amakipe y’icyiciro cya kabiri akinamo abatarengeje imyaka 20, naho mu cya mbere buri wese arabyemerewe ariko ntibibabuza kuyahuza

Abatoza baganiriye na Kigali Today nyuma y’uko ku wa 16 Gicurasi 2017 ikipe ya Muhanga yo mu cyiciro cya kabiri yari isigaye mu gikombe cy’amahoro yasezerewe na Bugesera mu gikombe cy’amahoro, batangaje ko hari hakwiye kujya hakorwa Tombora mu bundi buryo.

Abdu Mbarushimana utoza Muhanga

Mbarushimana Abdou utoza Muhanga yagize ati ”Urebye ntabwo byari bikwiye ko amakipe yo mu cyiciro cya mbere ahita ahura n’ayo mu cya kabiri kuko icya mbere ntibanganya ingufu kuko usanga twe dukinisha abana bakiri bato mu gihe bo bakinisha abakuze bafite ubunararibonye harimo n’abanyamahanga”

Umwana w’Isonga n’umupira, Peter Otema umaze imyaka myinshi mu mupira w’amaguru aramwitegereza

Ikindi n’amikoro ntangana ugasanga gutegura imikino ibiri ku ikipe yo mu cyiciro cya kabiri bigoranye cyane niyo mpamvu ayo makipe yo mu cyiciro cya kabiri ahita avamo kare”

Ikipe ya Muhanga yihagazeho itsinda Bugesera mu mukino ubanza 1-0, nyuma inyagirwa 4-0

Habyarimana Hassan wa La Jeunesse yunze mu rya Mbarushimana Abdou nawe agira ati ”Tombora rwose ntiba ihwitse nta kuntu wahuza amakipe atari ku rwego rumwe ngo bibe byumvikana kuko harimo itandukaniro rinini cyane urebye baba bafashije amakipe yo mu cyiciro cya mbere gusa ”

Hifuzwa ko amakipe yo mu cyiciro cya mbere yajya ahura n’ayo mu cya kabiri nibura muri ¼

Abo batoza bakomeza bavuga ko nibura igikombe cy’amahoro cyajya gikinwa ku buryo amakipe yo mu cyiciro kimwe yahura ukwayo akavananamo hanyuma bagera muri ¼ hakaba tombora aho amakipe yo mu byiciro byombi yatomborana.
Aha bavuga ko bigenze bityo ikipe yo mu cyiciro cya kabiri ishobora kugera muri ½ ndetse ikaba yanatwara igikombe.

Vision yahanganye na APR Fc mu mukino wo kwishyura ariko birayangira

Ku ruhande rwa FERWAFA yo ivuga ko uko tombora ikorwa biba byemerejwe mu nama y’inteko rusange ihuriramo abanyamuryango bose akavuga ko abatoza bavuga ibyo bagombye kujya batuma ba perezida b’amakipe yabo mu nama bagahitamo ubundi buryo.

Umukozi wa FERWAFA ushinzwe amarushanwa muri Ferwafa Jackson Rutayisire yagize ati” Ibyo bavuga nta shingiro kuko abayobozi b’amakipe yabo ni bo babyemereza mu nama y’inteko rusange nibabishaka byahinduka bizaterwa na bo ibyo bemeza mu nama ni byo FERWAFA ikora”

Minisiteri itangaje ibi nyuma y’iminsi 3 abakobwa bari bagize ikipe y’igihugu y’umukino w’intoki "Volley Ball" ariko ikinirwa ku mucanga itwaye igikombe cy’Afurika cyaberaga muri Mozambique.

Aba bakobwa batsinze Maroc ku mukino wa nyuma behukana igikombe cy’Afurika

Kuba abo bakobwa barashoboye gutwara igikombe ngo si impanuka, ahubwo ngo ni imyiteguro ihagije ndetse no kumenya icyo igihugu gikeneye ari naho umuyobozi w’imikino muri Minisiteri ya Siporo Emmanuel Bugingo ahera avuga ko buri kipe y’igihugu yagombye kubireberaho.

Mu kiganiro kihariye yagiranye na Kigali Today yagize ati”ni ishema kuri bariya bakobwa batwaye igikombe cy’Afurika kuko baduhesheje ishema,andi makipe atandukanye y’igihugu nayo agomba kurebera kuri bariya bakobwa kuko nta kindi bakoze uretse imyiteguro myiza no kumenya agaciro ko guhagararira u Rwanda

Umuyobozi wa Siporo muri Minisiteri y’umuco na Siporo Bugingo Emmanuel(iburyo)ngo ibikombe bihesha ishema igihugu ari nayo mpamvu avuga ko amakipe y’igihugu agomba kubiharanira

Andi makipe nayo rero arebereho mu gihe agiye guhagrarira u Rwanda abakinnyi bumve agaciro k’irushanwa no kumenya ko kuritwara bihesha ishema u Rwanda kandi ntacyo Ministeri iba itakoze ngo amakipe yitegure mu buryo bwiza”

Harategurwa umunsi wo gushimira abo bakobwa bahesheje ishema u Rwanda.

Bugingo yakomeje avuga ko Ministeri iteganya umunsi w’ibirori byo gushimira iyo kipe y’abakobwa batwaye igikombe aho bazahabwa ibihembo bitewe n’ishema bateye u Rwanda imbere y’amahanga.

Ati”vuba aha turashaka ukuntu twahura n’iyo kipe yaduhesheje ishema tubashimire by’umwihariko natwe tubereke ko twazirkanye iryo shema,abayobozi nibabona umwanya nibwo tuzakora ibyo birori duhembe iyo kipe nk’uko dusanzwe duhemba abandi bitwaye neza mu mikino”

Ikipe y’u Rwanda yari igizwe na Nzayisenga Charlotte afatanyije na Mutatsimpundu Denyse

Ikipe y’igihugu ya Beach Volley y’abakobwa yatwaye igikombe cy’Afurika itsinze Maroc amaseti abiri kuri 1 imwe mu gihe mu bagabo ikipe y’igihugu y’ u Rwanda yo yegukanye umwanya wa 5.

Nk’uko Ferwafa yabitangaje mu ibaruwa yandikiye amakipe yose yo mu cyiciro cya mbere ngo impamvu yatumye imikino 4 isigaye yigizwa imbere ngo babikoze bagendeye ku ngengabihe y’imyiteguro y’ikipe y’igihugu AMAVUBI.

Umukino Rayon Sports izakiramo APR washyizwe wonyine

Shampiyona ya 2016/2017 ubusanzwe yagombaga gusozwa tariki ya 24 Kamena 2017 ariko kubera izi mpinduka ubu biteganyijwe izasozwa ku itariki ya 15 Kamena 2017.
Umukino uhuza amakipe akomeye APR na Rayon Sport wavanywe tariki ya 17 Kamena 2017 ushyirwa tariki ya 28 Gicurasi 2017 ukazabera kuri stade Amahoro i Remera.

Imikino yahinduriwe amatariki kubera imyitozo y’Amavubi

Uko imikino isigaye iteganyijwe:

Umunsi wa 27 wa shampiyona
Tariki ya 19 Gicurasi 2017

As Kigali vs APR
Marines vs Etincelles
Sunrise vs Police
Kirehe vs Bugesera
Musanze vs Amagaju
Tariki ya 20 Gicurasi 2017
Espoir vs Kiyovu
Peiniere vs Rayons Sports
Mukura vs Gicumbi
Umunsi wa 28 wa shampiyona
Tariki ya 22 gicurasi 2017
Amagaju vs Kirehe
APR vs Marines

Tariki ya 23 gicurasi 2017

Gicumbi vs Musanze
Bugesera vs Pepiniere
Etincelles vs Rayon Sports
Kiyovu vs As Kigali
Mukura vs Sunrise
Police vs Espoir

Umunsi wa 29 wa shampiyona

Tariki ya 26 gicurasi 2017
Musanze vs Mukura
Sunrise vs Espoir
Kirehe vs Gicumbi
Marines vs Kiyovu
As Kigali vs Police
Etincelles vs Bugesera
Pepiniere vs Amagaju

Tariki ya 28 Gicurasi 2017
Rayon Sports vs APR

Umunsi wa 30 wa shampiyona

Tariki ya 15 Kamena 2017
APR vs Bugesera
Kiyovu vs Rayon Sports
Musanze vs Sunrise
Espoir vs As Kigali
Gicumbi vs Pepiniere
Police vs Marines
Mukura vs Kirehe
Amagaju vs Etincelles

Ikipe ya Etincelles irashinja Espoir gusimbuza abakinnyi bagera kuri 4 mu gihe hemewe gusimbuzwa abakinnyi 3 bikaba ari na byo bishobora gutuma isezererwa niharamuka hagaragajwe koko niba ari byo hagendewe kuri raporo y’umusifuzi.

Aya makipe yahuye mu mukino wo kwishyura kuri stade ya Kamarampaka mu karere ka Rusizi wari warangiye Espoir itsinze ibitego 3-0 mu gihe umukino ubanza amakipe yombi yari yanganyije 1-1

Ikipe ya Espoir Fc ngo yaba yararenze ku itegeko

Umutoza wa Etincelles Ruremesha Emmanuel aganira na Kt Sports ikiganiro cya Siporo cya Kt Radio kuri uyu wa mbere tariki ya 15 Gicurasi 2017 yavuze ko bagiye kubaza mu ishyirahamwe ry’umupira w’amaguru mu Rwanda Ferwafa babaze impamvu hasimbujwe abakinnyi 4 kandi hemewe batatu.

Ati”atwe byadutunguye urebye ukuntu basimbuje abakinnyi 4 niyo mpamvu dushaka kubaza impamvu yabyo kuko natwe mu mukino ubanza twashatse kubikora abasifuzi baratwangira ubwo kereka niba mategeko Atari amwe”

Itegeko rigaragaza ko gusimbuza ari abakinnyi batatu

Rutayisire Jackson ushinzwe amarushanwa muri FERWAFA yavuze ko raporo y’abasifuzi itaraza ariko akanemeza ko habaye harakozwe amakosa mu gusimbuza ikipe ya Espoir yahita isezererwa hagakomeza Etincelles.

Ati ”Iyo habayeho ikosa nk’iryo rinyuranyije n’icyo amategeko ateganya harebwa itegeko ryapfuye n’igihano cyaryo ubwo rero nitubona raporo y’umusifuzi koko tugasanga iyo kipe ibyo ivuga bifite ishingiro birumvikana akanama gashinzwe amarushanwa kazicara gafate umwanzuro “

Rutayisire yavuze ko nihagaragara amakosa hatazahanwa ikipe ahubwo ko hazarebwa no kubasifuzi b’umukino bafatirwe imyanzuro n’akanama gashinzwe imisifurire hakarebwa niba baribeshye babigambiriye cyangwa barabikoze kubera amakosa asanzwe.

Espoir niramuka itewe mpaga ikipe ya Etincelles niyo igomba gukina imikino ya ¼ aho igomba guhura na Marines.

Uyu mutoza watoje amakipe akomeye ariko Kiyovu,AS Kigalli ndetse na Police batanduaknye muri Nyakanga 2016 yagiye agerageza kuyitwaramo neza byamuhesheje no gutoza ikipe y’igihugu Amavubi ariko ngo kuba atitwara neza muri Sunrise ngo ntibyakwica izina rye.

Cassa Mbungo abona umusaruro muke wa Sunrise utamwangiriza izina

Yabitangaje ubwo APR Fc yanyagiraga Sunrise ibitego 4 ku wa 13 Gicurasi 2017 ikanayisezerera mu gikkombe cy’amahoro aho yavuze ko n’ubwo ari kwitwa nabi ariko nyuma ashobora kuzakora neza izina rye ntiryangirike.

Yagize ati”mu mupira w’amaguru habamo ukuri kwinshi,uyu munsi ushobora gutsindwa ejo bundi nawe ugatsinda n’ubwo byose bibazwa umutoza ariko hari igihe ushobora kwitwara neza nyuma ibibi bigasibangana nta zina ryanjye rero rizngirika kubera Sunrise kuko urwego rwayo ruri hasi cyane”

Cassa Mbungo yaciye amarenga ko ashobora kuva muri Sunrise.

Uyu mutoza wagiye muri Sunrise asimbuye umyanijeriya Chidi Ibe Andrew bari bananiranywe mu kwezi kwa Gashyantare asa n’uwaciye amarenga ko atazakomeza gutoza iyi kipe bafitanye amasezerano azarangira mu kwezi kwa Kamena 2017.

Mu kiganiro n’abanyamakuru nyuma y’umukino Cassa Mbungo yagize ati”turatsinzwe ibitego byinshi urwego rwacu ruri hasi ni ukureba ko nagera ku ntego yanjye muri shampiyona yo kurangiza ndi ku mwanya wa munani nk’uko twabisezeranye nintabigeraho ubwo bazanyirukana

Ikipe ya Sunrise ishobora gutandukana na Cassa Mbungo nyuma ya Shampiona

Ariko ndumva ngomba kurangiza iyi mikino icya ngombwa ni uko turangizanya neza hasigaye igihe gito nko munsi y’amezi abiri tuzakina umukino wa police,Mukura ndetse na Musanze yo ishobora gusanga nararangije amasezerano ndebe igikurikiyeho”

Ikipe ya Sunrise yibasiwe n’ibibazo birimo amikoro make atuma abakinnyi binubira imirire ndetse ntibanahemberwe igihe iri ku mwanya wa 10 n’amanota 30 ku rutonde rw’agateganyo rwa Shampiyona y’umupira w’amaguru mu cyiciro cya mbere.

APR Fc inyagiye Sunrise

Ni umukino wo kwishyura wa 1/8 waberaga kuri stade Amahoro I Remera aho amakipe yombi yari yanganyije mu mukino ubanza 0-0, buri yose ikaba yashakaga gusezerera indi birangira Sunrise inyagiwe.

Nkinzingabo Fiston niwe wafunguye amazamu ya Sunrise aho yatsinze igitego cya mbere ku munota wa 28 w’igice cya mbere kikanarangira nta gihindutse ari 1 cya APR ku busa bwa Sunrise.

Mu gice cya kabiri APR yazanye ingufu nyinshi ari nabwo yabonaga ibindi bitego 2 hakiri kare nk’aho Bigirimana Issa yatsinze igitego cya kabiri ku munota 46 naho Sekamana Maxime agatsinda icya gatatu ku munota wa 50 w’igice cya kabiri.

Umutoza Cassa Mbungo yumiwe

Ku munota wa 68 Bigirimana Issa Yongeye gutsindira APR igitego cya kane iminota 90 y’umukino irangira ari 4 ku busa bihita bihesha APR bidasubirwaho ibonye itike yo gukina imikino ya ¼ aho igomba kuzahura hagati y’ikipe izakomeza mu mukino uzahuza Bugesera yatsinzwe 1 na Muhanga mu mukino ubanza.

Ababanjemo ba APR

Mu izamu:Kimenyi Yves
Ab’Inyuma: Ngabonziza Albert,Imanishimwe Emmanuel,Rugwiro Herve na Nsabimana Aimable
Abo hagati:Nshimiyimana Imran,Mukunzi yannick,Sekamana Maxime na Nkinzingabo Filston
Ba Rutahizamu:Bigirimana Issa na Hakizimana Muhadjiri
Ababanjemo ba Sunrise
Mu izamu:Itangishatse Jean Paul

Abakinnyi ba APR Fc

Ab’Inyuma:Serumogo Ally,Niyonshuti Gad,Manzi Sincere na Mushimiyimana Regis
Abo hagati:Uwambajimana Leon,Omoviare ,Sinamenye Cyprien na Niyibizi Vedaste
Ba Rutahizamu:Alex Orotomal na Ngiladjoe Fred

Abakinnyi ba Sunrise

Indi mikino yarangiye n’iteganyijwe:

Ku wagatandatu tariki ya 13 Gicurasi 2017

SC Kiyovu 2-1 Marines Fc(Marines yakomeje kuko yatsinze 1-0 mu mukino ubanza inatsindira igitego hanze)
Amagaju Fc 3-0 Jeunesse (Forfait)(amagaju yakomeje ku bitego 5-0 mu mikino yombi)

Gicumbi Fc 1 -1 Police Fc (Police yakomeje ku bitego 3-1 kuko yari yatsinze ibiteg 2-0)

Ku cyumwru tariki ya 14 Gicurasi 2017

Rayon Sports vs Musanze Fc (Amahoro Stadium, 15:30)
Espoir Fc vs Etincelles Fc (Rusizi, 15:30)
AS Kigali vs Mukura VS (Stade de Kigali 20:00)

Abakinnyi ba Sunrise bahembwe ibirarane

Iyi kipe igomba gukina na APR kuri uyu wa gatandatu tariki ya 13 Gicurasi 2017, ihembye abakinnyi amezi 2 nyuma yo kumara amezi agera kuri 3 abakinnyi batazi uko umushahara usa bakanataka n’inzara bitewe n’uko imirire ngo yari mibi.

Nyuma yo gukina na APR umukino ubanza wa 1/8 w’igikombe cy’amahoro bakanganya 0-0 ku wa 10 gicurasi 2017, abakinnyi bahise bahembwa umushahara w’ukwezi kumwe mu gihe mbere yo kwinjira mu kibuga bahawe n’ibihumbi 100.

Mu gitondo kuri uyu wagatandatu abakinnyi bahawe umushahara w’ukundi kwezi kwa 2 nk’uko bitangazwa n’umunyamabanga w’iyi kipe Rebero Emmanuel

Yagize ati”nk’uko twabibemereye twamaze kubahemba ukwezi kwabo kwa kabiri amafaranga yatanzwe n’akarere nk’uko gafite inshingano zo gufasha ikipe kandi n’ukundi kwezi turakubaha mu cyumweru gitaha ubu ibibazo byose byari mu ikipe biri gukemuka, n’ibitarakemuka birakemurwa vuba bitarambiranye mu cyumweru gitaha nk’uko maze kubikubwira”

Abakinnyi nabo bemeye ko bamaze kubona imishahara y’amezi 2 nk’uko kapiteni w’iyi Kipe Serumogo Ally abyemeza,
Ati” twahembwe umushahara wa mbere nyuma yo gukina na APR umukino ubanza none n’uyu munsi(ku wa gatandatu)baduhembye undi ubwo hasigaye ukundi kwezi kandi nako batubwiye ko batuduha vuba”

Ubu ni ku nshuro ya kabiri muri uyu mwaka w’imikino 2016/2017 ikipe ya Sunrise imara amezi menshi idahemba abakinnyi dore ko no muri Gashyantare abakinnyi bishyuwe amezi 5 y’ibirarane.

Indi mikino y’igikombe cy’amahoro yo kwishyura iteganyijwe:

Ku wagatandatu tariki ya 13 Gicurasi 2017

APR Fc vs Sunrise Fc (Amahoro Stadium, 15:30)
SC Kiyovu vs Marines Fc (Mumena, 15:30)
Amagaju Fc vs La Jeunesse (Nyagisenyi, 15:30)
Bugesera Fc vs AS Muhanga (Bugesera, 15:30)
Gicumbi Fc vs Police Fc (Gicumbi, 15:30)

Ku cyumwru tariki ya 14 Gicurasi 2017

Rayon Sports vs Musanze Fc (Amahoro Stadium, 15:30)
Espoir Fc vs Etincelles Fc (Rusizi, 15:30)
AS Kigali vs Mukura VS (Stade de Kigali)

Amakuru agera kuri Kigali Today ni uko ngo imibereho y’aba bakinnyi itari myiza dore ko ngo no ku wa 08 Gicurasi 2017 hari ababwiriwe bakanaburara bitewe n’ikibazo cy’ibiryo gikomeje kubabera imbogamizi.

Sunrise yugarijwe n’ikibazo cy’amikoro, ishobora kutabasha gukina umukino wa APR Fc wo kuri uyu wa Gatatu

Iki kibazo cyongeye gufata intera nyamara habura amasaha make ngo iyi kipe ibarizwa mu karere ka Nyagatare mu ntara y’i Burasirazuba ihure na APR mu gikombe cy’amahoro kuri uyu wa gatatu taliki ya 10 Gicurasi 2017, umukino Sunrise igomba no kwakira ku buryo ngo hari igihe itanawukina.

Umwe mu babana n’iyi kipe utashatse ko amazina ye atangazwa avugana na Kigali Today yayihamirije aya makuru aho yagize ati ”Ni byo dukomeje kubaho nabi nk’ejo (ku wa 8 Gicurasi) hari bamwe batariye banywa igikoma gusa kubera batetse akawunga gusa yaba ku manywa na nimugoroba kandi n’ubusanzwe hari abatakarya”

Umutoza wa Sunrise Cassa Mbungo Andre yirinze kugira icyo avuga kuri iki kibazo aho yavuze ko amakuru arambuye y’ibibazo bivugwa mu ikipe dore ko nawe yemeje ko birimo n’ubwo atavuze ibyo ari byo byabazwa ubuyobozi bw’ikipe.

Baritana bamwana ku muntu ugomba gutanga amakuru y’ikipe …

Ndungutse Jean Bosco Perezida w’ikipe ya Sunrise yirinze kugira amakuru atangaza kuko ku murongo wa Telefoni igendanwa yavuze ko nta makuru afite ahubwo ko yabazwa umunyamabanga cyangwa umuvugizi ariko nabo tubahamagaye banga kugira amakuru batangaza aho nabo bavuze ko amakuru y’ikipe atangazwa na Perezida.

APR Fc ishobora koroherwa n’uyu mukino, aho izahura n’ikipe iri mu bibazo

Amakuru yandi atugeraho ni uko ngo n’ako kawunga kaboneka bigoranye dore ko ngo no mu ijoro ryakeye (ku wa mbere) akabonetse ari umuntu ku giti cye watanze amafaranga yo kukagura.

Uretse kandi iki kibazo cy’inzara ngo hari n’ibindi bibazo bugarije ikipe birimo kuba abakinnyi bamaze amezi 3 badahembwa ntibabone n’agahimbazamusyi k’umukino.
Sunrise yatangiye neza Shampiyona ariko igenda isubira inyuma buhoro buhoro ikaba ibarizwa ku mwanya wa 10 n’amanota 30 aho irushwa na Rayon ya mbere amanota 34

Uyu mutoza yabitangaje nyuma y’umukino yari amaze gutsindwa na Marines 1-0 bigahita bishimangira ko Ppepiniere niyo yatsinda imikino 4 isigaye itabasha kuguma mu cyiciro cya mbere.

Pepiniere yamaze kumanuka mu cyiciro cya kabiri

Muhoza abajijwe aho byapfiriye kugira ngo ikipe imanuke ntiyeruye neza ngo atunge agatoki ikintu runaka kuko yavuze ko igitumye Pepiniere imanuka kiri hagati ye ubwe, ubuyobozi bw’ikipe, abakinnyi ndetse ngo na FERWAFA.

Yagize ati ”Kumanuka bisa n’ibyarangiye ariko tuzakina imikino isigaye turebe niba hari amahirwe asigaye ariko icyizere cyo cyayoyotse ubwo rero ikipe kuba imanutse birababaje ni ukubyakira nk’umutoza

"Ikipe kuba imanutse byanze bikunze byaturutse ku bintu byinshi yaba njyewe, abakinnyi, ubuyobozi bw’ikipe ndetse n’abayobora umupira aho hose ntihashobora kubura uwabiteye ubwo ni ukwisuzuma kuri buri ruhande n’ubwo n’ubundi byarangiye ”

Pepiniere yasubiye mu cyiciro cya kabiri bidasubirwaho ku mukino iheruka gutsindwamo na Marines

Uyu mutoza avuga ko imikino 4 isigaye azayikinisha mo abakiri bato bazamukanye n’ikipe kugirango atangire abategurire kuzakina imikino y’icyiciro cya kabiri umwaka utaha.

Iyi kipe ikinira ku kibuga kiri ku Ruyenzi mu karere ka Kamonyi, yatewe mpaga ebyiri z’umukino wa Marines na AS Kigali, aho iyi kipe yari yahagarikiwe gukinira ku kibuga cyayo na Ferwafa bivugwa ko kidatunganye, mu gihe mu ntangiriro za Shampiona komisiyo igenzura ibibuga yari yabemereye kuhakinira

Iyi kipe ya Pepiniere imanutse mu mikino 26 yakinnye yabashije gutsinda imikino 2 gusa ya Gicumbi na Etincelles mu gihe yanganyije imikino 6 harimo n’uwa APR mu gihe yatsinzwe imikino 18, itsinda ibitego 15 ariko itsindwa 42.

Uwizeye Jean Claude yegukanye irushanwa rya kabiri ry’amagare rya Rwanda Cycling Cup 2017

Yatsinze iryo rushanwa ryabaye kuri uyu wa gatandatu tariki ya 6 Gicurasi 2017.

Iri rushanwa ryatangiriye mu mujyi wa Kigali kuri Stade Amahoro aho risorezwa mu Karere ka Nyagatare.

Abasiganwa bakaba bakoresheje ibirometero 152 mu bakuru na 88 mu bakobwa n’ingimbi. Uwizeye Jean Claude ukinira “Les Amis Sportifs”mu bakuze niwe waryegukanye.

Mu batarengeje imyaka 23 uwasize abandi ni Munyaneza Didier niwe wabaye uwa mbere aho mu birometero 152 we yakoresheje amasaha 4 n’iminota 17.

Mu bakobwa no mu bakiri bato b’abahungu bo bahagurukiye mu karere ka Kayonza berekeza i Nyagatare, Girubuntu Jeanne D’arc yongeye gusiga abakobwa bagenzi be akoresheje amasaha 2 n’iminota 42 naho Mbarushimana Jimmy yanikira abahungu akoresheje amasaha abiri n’iminota 17.

Abasiganwa bakuru bahagurukiye Kigali berekeza Nyagatare naho abakobwa n’abahungu b’ingimbi bahagurukira i Kayonza

Ubwo bageraga i Nyagatare

Urutonde rw’amakipe yitabiriye irushanwa

Fly Cycling Club

Cycling Club for all

Muhazi Cycling Generation

Cine Elmay

Les Amis Sportifs

Benediction Club

Rwandan Eagles Cycling Team

Karongi Vision Sports Center

Dore Gahunda ya Rwanda Cycling Cup iteye muri 2017:

1. Taliki 01/04/2017: MEMORIAL LAMBERT BYEMAYIRE (Kigali- HUYE + Kuzenguruka)

2. Taliki ya 06/05/2017: FARMERS’ CIRCUIT (KIGALI - NYAGATARE)

3. Taliki 20/05/2017: RACE TO REMEMBER (RUHANGO KARONGI + Kuzenguruka)

4. Taliki 24/06/2017 Shampiona y’igihugu (Gusiganwa umuntu ku giti cye rizabera i NYAMATA)

5. Taliki 24/06/2017: Shampiona y’igihugu (MUHANGA - KIGALI + Kuzenguruka)

6. Taliki 22/07/2017: RACE FOR CULTURE (NYAMAGABE - NYANZA + Kuzenguruka)

7. Taliki 19/08/2017: CENTRAL RACE (NYAMATA - MUHANGA)

8. Taliki 23/09/2017: MUHAZI CHALLENGE (KIGALI-RWAMAGANA +Kuzenguruka)

9. Taliki 21/10/2017: Irushanwa ritegura Tour du Rwanda (NYANZA - RUBAVU)

Uyu mukino wabereye kuri stade Mumena I Nyamirambo watangiye Police itsinda hakiri kare ibitego bibiri aho umukinnyi Biramahire Christophe watsinze ibitego byombi yatsinze icya mbere ku munota wa 6 w’igice cya mbere aza kongera gutsinda icya kabiri ku munota wa 18 igice cya mbere kirangira ari 2-0.

Police yishimira igitego cya Biramahire Abeddy

Mu gice cya kabiri Kiyovu yagarukanye ingufu nyinshi ku buryo yahanahanaga umupira neza kurenza Police Fc aho yanakunze kurata uburyo bwinsh bwagombaga kuvamo ibitego imbere y’izamu rya Polisi,nyuma ariko Kiyovu iza kubona igitego ku munota wa 70 cyatsinzwe na Mustafa Francis kuri coup-franc.

Aloys Kanamugire utoza Kiyovu, na Djabil Mutarambirwa umwungirije bareba aho biri gupfira

Gutsindwa kwa Kiyovu bitmye iguma ku mwanya wa 13 n’amanota 25 bigatumaiguma ku gitutu cyo gucibwaho na Marines ya 14 itarakina ifite amanota 23 ndetse ikaba ishobora no gusatirwa na Gicumbi ya 15 ifite amanota 21 bityo ikaba ishobora kumanuka mu cyiciro cya kabiri ititwaye neza mu mikino 4 isigaye kugira ngo shampiyona irangire.

Police yatsinze ibitego byombi mu gice cya mbere

Ababanjemo ba Police Fc

Mu izamu:Nzarora Marcel

Ab’inyuma:Mpozembizi Mohammed,Muvandimwe JMV,Twagizimana Fabrice na Hussein Habimana
Abo hagati:Ngendahimana eric,Nizeyimana Mirafa,Mwizerwa Amini na Mico Justin
Ab’imbere:Biramahire Christophe na Danny Usengimana

Ababanjemo ba Kiyovu Sport

Mu izamu:Nzeyurwanda Djihad
Ab’inyuma:Ngirimana Alexis,Hakim Compaore,Yamini Salum na Ngarambe Ibrahim
Abo hagati:Niyitegeka Idrissa,Mustafa Francis,Harelimana Jean Claude na Havugarurema Jean Paul
Ab’imbere:Ibrahim Coulibary na Nizeyimana Jean Claude

Indi mikino iteganyijwe y’umunsi wa 26 wa Shampiyona

Ku wa gatandatu tariki ya 6 gicurasi 2017

APR Fc vs Espoir Fc (Stade ya Kigali)
Gicumbi Fc vs Sunrise Fc (Gicumbi)
Bugesera Fc vs Musanze Fc (Bugesera)
Etincelles Fc vs AS Kigali (Stade Umuganda)
Amagaju Fc vs Mukura VS (Nyagisenyi)

Ku cyumweru tariki ya 7 Gicurasi 2017

Rayon Sports vs Kirehe Fc (Stade ya Kigali)
Pepiniere Fc vs Marines Fc (Stade Ruyenzi)

Karekezi Leandre wari watsinzwe amatora mu buryo butavuzweho rumwe yongeye kwiyamamariza umwanya wo kuyobora FRVB

Ni nyuma y’uko Nkurunziza Gustave wari wamutsinze ku majwi 18 ku icyenda, yeguye ku buyobozi bwa FRVB mu kwezi kwakurikiye itorwa rye, agatangaza ko yeguye ku mpamvu ze bwite.

Mu kiganiro yagiranye na KT Sports, ikiganiro cya Siporo cya KT Radio, Karekezi Leandre yatangaje ko yamaze gutanga ibyangombwa byose byo kwiyamamaza, amatora akaba ateganijwe ku itariki ya 06 Gicurasi 2017.

Ati”Uwo twiyamamazanyije ubushize yavuyemo kubera ko atakibashije gukomeza kubera impamvu ze bwite, nanjye nahisemo kongera kwiyamamaza kandi nkaba n’ubundi nari niyamamaje nshaka kugira ibyo nahindura mu mukino wa Volley ball.

Abanyamuryango nibo bafite uburenganzira bwo gutora, nibangirira icyizere nzafatanya na bo guteza imbere Volley ball”.

Nkurunziza Gustave yeguye atayoboye manda nshya yatorewe

Uyu mugabo wahoze ayobora Akarere ka Gisagara yavuze ko aramutse atowe azita cyane cyane ku kumenyekanisha uyu mukino w’intoki, ku buryo azawuvana mu mijyi akawugeza mu cyaro.

Ikindi kandi ngo arifuza ko Volley ball izajya ikinwa ihereye mu bana bato mu mashuri abanza n’ayisumbuye, hakiyongeraho no kuzamura Volley Ball mu bakuru ikagera ku rwego rwo hejuru muri Afurika.

Karekezi Leandre niwe mukandida rukumbi wiyamamarije uyu mwanya wa Perezida wa FRVB, hakazatorwa kandi n’umubitsi kuko uwari watowe kuri uyu mwanya Uwera Jeanette nawe yeguye kuri uyu mwanya.

Bayingana Aimable uyobora FERWACY avuga ko iyi kipe ije kongera ishyaka mu bakinnyi b’igihugu

Iyi kipe ikivuka izagaragara bwa mbere muri shampiyona y’umukino w’amagare, ku wa 06 Gicurasi 2017, ubwo abasiganwa bazava i Kigali berekeza i Nyagatare.

Umuyobozi wa Karongi Vision Sports Center Mupenzi Christophe Rene, aganira na Kigali Today yavuze ko iyi kipe ifite intego zo kuzamura impano z’abanya Karongi mu mukino w’amagare.

Izanafasha kandi ishyirahamwe ry’umukino w’amagare mu Rwanda (Ferwacy) kurushaho kugira abakinnyi benshi bazajya bafasha igihugu mu marushanwa atandukanye Mpuzamahanga.

Yagize ati” Twashyizeho ikipe y’amagare izasusurutsa Abanya-Karongi,kandi kuba twongereye amakipe bizafasha Ferwacy kubona abakinnyi benshi kandi beza bazayifasha guseruka kuko hazaba harimo uguhangana kw’abakinnyi.”

Perezida w’iyi kipe kandi yakomeje atangaza ko bafite n’intego yo guhatana ku buryo bamwe mu bakinnyi b’ikipe ye bazatoranywa bakazakina Tour Du Rwanda y’uyu mwaka bityo ngo bikabatera imbaraga.

Ku ruhande rw’ubuyobozi bw’Ishyirahamwe ry’umukino w’amagare mu Rwanda, nabo ngo babona kuba iyi kipe nshya ije ari inyungu kuri uyu mukino nk’uko perezida waryo Aimable Bayingana yabitangaje.

Ati”Biradushimishije kandi bizadufasha kuko abakinnyi baziyongera maze biryoshye shampiyona.

Ikindi kandi tuzabyungukiramo no ku ikipe y’igihugu kuko hazabamo guhangana, bityo abakinnyi bakore cyane ku buryo tuzaba dufite abakinnyi bakomeye cyane.”

Iyi kipe yiyongereye ku makipe yari asanzwe yitabira amarushanwa y’amagare mu Rwanda arimo Club Benediction y’i Rubavu, Les Amis Sportifs y’i Rwamagana, Ciney Elmay na CCA y’i huye.

Aba batoza babitangaje nyuma y’umunsi wa 25 wa Shampiyona aho wasize bataye icyizere cyo gutwara igikombe cya Shampiyona cy’uyu mwaka kuo basizwe mu manota n’amakipe ari imbere.

Nshimiyimana Eric utoza As Kigali nyuma yo gutsinda Pepiniere ibitego 2-1 yatangaje ko gutwara igikombe cya Shampiyona cy’uyu mwaka bidashboka ndetse anavuga ko gutwara igikombe bisaba ibintu byinshi bigomba kuba byose bifatanye

Eric Nshimiyimana, Umutoza wa AS Kigali

yagize ati ”Buri hantu hose umuntu aba afite intego kimwe no mu mupira w’amaguru, kuba ntaratwara igikombe cya shampiyona si uko ntagishaka ahubwo hasaba ibintu byinshi, kuko kuba umutoza mwiza ntibihagije ahubwo bisaba ubwitange bw’umutoza, abayobozi, uburyo abafana bagushyikikiye.”

Ikipe ya AS Kigali yizera ko nayo ishobora kuzegukana Shampiona

“Umutoza atwara igikombe ntabwo amakipe yakwirirwa agura abakinyi bashya, ahamagarira abafana kwegera ikipe urumva ko haba ahari ibintu byinshi umutoza agomba gufashwa, ikindi bisaba kuba uri mu makipe yagize gutwara ibikombe umuco, icyo gihe nk’umutoza iyo ugeze muri ayo makipe utwara ibikombe”

Uyu mutoza umaze imyaka isaga 12 atoza avuga ko afite inzozi zo kuzatwara igikombe cya shampiyona ngo kuko akiri muto mu mwuga w’ubutoza.

Si uyu mutoza wa As Kigali uvuga ibi kuko na Seninga Innocent umutoza wa Police Fc nyuma yuko anganyije na APR ntiyashimishijwe n’imyitwrire y’abakinnyi be dore ko yahise anarushwa n’ikipe ya mbere amanota menshi nawe yavuze ko abakinnyi be batazi icyo bisaba ngo batware igikombe.

Police Fc ya Seninga ubu ihagaze ku mwanya wa gatatu

Abajijwe ikibura ngo Police itware igikombe cya Shampiyona yagize ati ”nta bintu byinshi bikenewe uretse kumva ko bagomba kwigirira icyizere bakumva ko batsinda kipe nkuru cyane ikipe zitwara ibikombe, icyo kintu nibamara kugishobora bizashoboka.”

“Ningira amahirwe yo kugumana nabo (abakinnyi) nzagerageza kubaka icyo kintu bakumva ko bagomba kurwanira ibikombe ndetse nkazanagura abakinnyi bakuze, abakinnyi babaye mu bihe byo gutwara ibikombe”

Seninga Innocent, Umutoza wa Police Fc

Amakipe nka APR ndetse na Rayon Sport nyo bimenyerewe ko zikunze gusimburanwa ku bikombe bya Shampiyona kuko kuva mu 1994 APR ifite ibikombe 16 mu gihe Rayon Sports yo ifite 5 naho Atraco na Rwanda Fc nazo zabashije gutwara igikombe kimwe.”

Ubuyobozi bwa Kiyovu bwavuze ko bakoranye inama nawe ku wa 05 Mata 2017 abagaragariza impamvu zatumye aba ahagaritse imirimo yo kuyobora Kiyovu zirimo kuba afite umwanya muto mu gihe cy’amezi 2 avuga ko baba bamuretse agahuguka nabo barabimwemerera.

Kiyovu idahaze neza muri iyi minsi, na Perezida wayo yabaye ahagaritse inshingano ze

Aya makuru yemejwe na Omar Munyangabe umuvugizi wa Kiyovu, aganira na Kigali Today.

Yagize ati: ”Ni byo Perezida yabaye adusezeye kuko yatubwiye ko agiye kuba ahuze kugeza mu kwezi kwa gatanu na twe twabimwemereye kandi nta gikuba cyacitse”

Twifuje kumenya byinshi kuri uku kwegura kwa Gasamagera n’icyabimuteye ariko ku murongo wa telefoni igendanwa ye ntitwabasha kumubona kuko atayitabye, ubu ikipe ngo ikaba igomba kuba iyobowe na Visi Perezida Mvuyekure Francois.

Abafana ba Kiyovu ngo ntibari bishimiye imiyoborere

Kwegura kandi kwa Gasamagera kuje n’ubundi abafana ba Kiyovu bari bamaze iminsi bashinja ubuyobozi kureberera umutoza Kanamugire Aloys utari kwitwara neza.

Abafana basabaga ubuyobozi kwirukana uyu mutoza ariko ntibikorwe bakaba baravugaga ko ubuyobozi bw’ikipe yabo bufite intege nke.

Baravuga ko arebera umutoza Kanamugire utari kwitwara neza

Gusa amakuru atangazwa na bamwe mu bakurikiranira hafi iyi kipe ni uko abanyamuryango banenga imiyoborere y’ikipe aho ngo bishoboka ko n’abandi bashobora kwegura mu buryo butunguranye.

Perezida wa Kiyovu yeguye asize ikipe ya Kiyovu habi aho muri shampiyona y’icyiciro cya mbere mu Rwanda idahagaze neza kuko ifite amanota 22, aho iza ku mwanya wa 13 mu makipe 16 akina iyi shampiyona.

Uyu nyakwigendera witabye Imana mu Ugushyingo 2016, yibutswe n’abakunzi b’umukino w’amagare mu Rwanda ku wa 1 Mata 2017, hakaba hari mu irushanwa ry’amagare mu Rwanda agace kabanza Rwanda Cycling Cup 2017 kamwitiriwe, ubuyobozi bukaba bwaravuze ko bwamwitiriye aka gace mu rwego rwo kumuha gaciro kandi ko batazamwibagirwa bitewe n’umusanzu yatanze mu mukino w’amagare nk’uko byatangajwe na Aimable Bayingana Perezida wa FERWACY.

Yagize ati” Ibikorwa Lambert yakoze byo guteza imbere umukino w’amagare ni igikorwa tuzajya duhora tumwibukira ho wenda n’abandi bafite ibindi bamwibuiraho,twebwe nka Ferwacy n’ubwo tuzi ko hari abandi bawuteje imbere Byemayire we yari afite umwihariko”

Aimable Bayingana yatangaje ko batazibagirwa umurava wa Byemayire mu guteza uyu mukino imbere

“Yashyizemo imbaraga nyinshi,yashyizemo ubushobozi bwe kandi hari n’ubuzima bw’abantu yahinduye batazamwibagirwa ubu bakaba bitunze banatunze imiryango yabo ndtese nkatwe isura Ferwacu ifite uyu munsi twafatanyije nawe kurwana iyo ntambara”

Umuryango wa Lambert Byemayire washimishijwe no kuba ubuyobozi bwa Ferwacy buzirikana uruhare Byemayire yagize mu guteza imbere amagare ndetse bakanahitamo kuzajya bategura isiganwa ngarukamwaka ryo kumwibuka kandi ngo nabo ntibazajya kure y’uyu mukino.

Umugore wa Byemayire Lambert Francine Byemayire yagize ati ”Twebwe umuryango wa Lambert twashimishijwe n’iki gikorwa cy’indashyikirwa kuba rero nk’akarere ndetse n’ishyirahamwe ryarahisemo kuba iki gikorwa ari cyo kibimburira Shampiyona y’amagare twabyishimiye kandi Lambert yabaye muri uyu mukino turabizi, ni umurage yadusigiye tugomba kubaha kandi ni gahunda izaturanga ubuziraherezo”

Umugore wa Nyakwigendera Francine Byemayire ahemba Girubuntu wegukanye isiganwa Memorial Byemayire Lambert Tour

Byemayire Lambert wari umuyobozi wa mbere wungirije w’Ishyirahamwe ry’Umukino w’Amagare mu Rwanda (FERWACY), yari umucuruzi w’umunyemari uzwi cyane mu karere ka Huye, ndetse akaba yari n’umuyobozi w’Urugaga rw’Abikorera (PSF) muri aka karere ka Huye ko mu Ntara y’Amajyepfo.

Mu bijyanye n’umukino w’amagare akaba yari awumazemo imyaka 6 akaba ndetse yari n’umwe mu bayobozi b’ikipe ibarizwa mu karerre ka Huye Cycling Club for all.

Amafoto yaranze Isiganwa "Memorial Byemayire Lambert" ..

Abakinnyi mbere yo guhaguruka ku Giticyinyoni

Umuryango wa Byemayire ...

Hafashwe umunota wo kumwibuka

Mu nzira banyuzamo bagafata utuneke twongera imbaraga

Ryari iri siganwa ribimburira andi muri Rwanda Cycling Cup 2017

Rugamba Janvier ukina muri Les Amis Sportifs y’i Rwamagana, ni umwe mu bakinnyi bakiri bato bagaragaza impano muri uyu mukino

Rugamba Janvier ukina muri Les Amis Sportifs y’i Rwamagana, ni umwe mu bakinnyi bakiri bato bagaragaza impano muri uyu mukino

Aimable Bayingana uyobora Ferwacy ashyira indabo ku mva ya Nyakwigendera Byemayire bakoranye cyane mu kuzamura umukino w’amagare mu Rwanda

Umuryango wa Byemayire Lambert ushyira indabo aho Nyakwigendera ashyinguye

Abana nabo bari baje kureba iri siganwa

Habanje gufatwa umunota wo kwibuka Byemayire Lambert

Iri rushanwa ribaye ku nshuro ya Gatatu ryitiriwe uwahoze ari Visi Perezida wa Mbere muri Ferwwacy witabye Imana Byemayire Lambert ryatangiriye mu mujyi wa Kigali ku giti cy’inyoni aho ryasoreje mu karere ka Huye,abasiganwe bakaba bakoresheje ibirometero 152 bikarangira nsengimana aryegukanaye

Abasiganwa bahagurukiye ku Giticyinyoni

Nsengimana Jean Bosco yahawe igihembo na Sosiyete ya Skol

Mu batarengeje imyaka 23 uwasize abandi ni UkiniwaboJean paul niwe wabaye uwa mbere aho mu birometero 152 we yakoresheje amasaha 4 n’iminota 17,aba nabo bakaba bahagurukanye n’abakuru mu mujyi wa Kigali.

Nsengimana Jean Bosco yanikiye abandi abasiga iminota igera kuri ibiri

Mu bakaobwa no mu bakiri bato b’abahungu bo bahagurukiye mu karere ka Muhanga berekeza I huye Girubuntu Jaenne D’arc niwe wasize abakobwa bagenzi be akaba yakoresheje amasaha 2 n’iminota 34 mu gihe mu bahungu bato(Juniors)

Nsengimana Jean Bosco asoma ku tuzi ngo akabaraga kagaruke

Mu muhanda hagati hakomeje kuba guhangana ku makipe nka Benediction na Les Amis Sportifs

Imanizabayo Eric niwe wabaye uwa mbere akaba yakoresheje amasaha abiri n’iminota 25.

Nsengimana Jean Bosco wabaye uwa mbere mu bakuru yakurikiwe na UkiniwaboJean paul aho mu birometero 152 yakoresheje amasaha 2 n’iminota 17 mu gihe ku mwanya wa gatatu haje Uwizeyimana Bonaventure wakoresheje amasaha 4 n’iminota 1

Mu mwaka wa 2015 ubwo Rwanda Cycling Cup yatangizwaga mu rwego rwo gufasha abakinnyi kwitegura neza Tour D u Rwanda Nsengimana Jean Bosco,mu gihe mu mwaka wa kabiri muri 2016 ryatwawe na Gasore Hategeka.

Dore Gahunda y’uko andi masiganwa ateye muri 2017:

1. Taliki 01/04/2017: MEMORIAL LAMBERT BYEMAYIRE (Kigali- HUYE + Kuzenguruka)
2. Taliki ya 06/05/2017: FARMERS’ CIRCUIT (KIGALI - NYAGATARE)
3. Taliki 20/05/2017: RACE TO REMEMBER (RUHANGO KARONGI + Kuzenguruka)
4. Taliki 24/06/2017 Shampiona y’igihugu (Gusiganwa umuntu ku giti cye rizabera i NYAMATA)
5. Taliki 24/06/2017: Shampiona y’igihugu (MUHANGA - KIGALI + Kuzenguruka)
6. Taliki 22/07/2017: RACE FOR CULTURE (NYAMAGABE - NYANZA + Kuzenguruka)
7. Taliki 19/08/2017: CENTRAL RACE (NYAMATA - MUHANGA)
8. Taliki 23/09/2017: MUHAZI CHALLENGE (KIGALI-RWAMAGANA +Kuzenguruka)
9. Taliki 21/10/2017: Irushanwa ritegura Tour du Rwanda (NYANZA - RUBAVU)
10. Taliki 22/10/2017: Irushanwa ritegura Tour du Rwanda (RUBAVU + Kuzenguruka MUSANZE)
11. Taliki 16/12/2017 : Isiganwa rya nyuma risoza Rwanda Cycling cup (GICUMBI (RUKOMO) - KIGALI + Kuzenguruka)

Aya mahugurwa yatewe inkunga n’Ishyirahamwe ryitwa ‘Play for Hope” yari amaze iminsi 5 akorwa . , yarangije mo abatoza bagera kuri 32 barimo umukobwa umwe, abahuguwe benshi bigeze no gukina umupira w’amaguru bemeza ko aya mahugurwa ababereye inzira igana ku guteza imbere umupira w’amaguru binyuze mu butoza.

Abatoza 32 bahuguwe bahawe Licence D aha baboneyeho gufata ifoto y’’urwibutso

Nshutinamagara Ismael Kodo ukinira As Kigali aganirira na Kigali Today yagize ati” nashatse kwihugurira iby’ubutoza kuko kuva ndi umwana muto nakuze mbana n’umupira urumva ko umupira w’amaguru ntawuvamo, ni bwo buzima bwanjye kuko nawukuriyemo sinawureka burundu rero nzatoza kuko nyuma y’umwaka umwe cyanga ibiri nzasezera”

Nshizirungu Hubert bitaga Bebe yakiniye Kiyovu avuga ko atava mu mupira aho yawukuriyemo akaba nawe ngo aribyo byatumye ashaka guhugurwa

Nshizirungu Hubert bitaga Bebe wakiniye Kiyovu nawe yunze mu rya Kodo aho yagize ati”njyewe no mu bufaransa natozaga abana mbere y’uko nza hano mu Rwanda, n’ubundi mu bana urumva ko nabitangiye kera icyisumbuye ho rero ni iyi mpamyabushobozi ndumva umupira ari bwo buzima nzasaziramo cyane noneho ntoza ”

Rutsindura Antoine umunyarwanda uhagarariye CAF mu Rwanda niwe wahuguye aba batoza akaba yaraberetse uburyo batoza abana n’uko bahagarara mu kibuga

Rutsindura Antoine uhagarariye impuzamashyirahamwe yo ku mugabane w’afurika CAF wahuguraga aba batoza, avuga ko bimwe mu by’ibanze aba batoza b’abatangizi bahawe ari ukubigisha uburyo umwana ukiri muto yagirana isano n’umupira, uburyo umutwe ukinishwa, uko amaguru akinishwa n’uko bigisha abana guhagarara mu kibuga.

Kayiranga Albert ushinzwe iterambere ry’umupira w’amaguru muri Ferwafa yashimye aba batoza barangije amahugurwa, abasaba gukunda akazi kabo kandi bakihanganira ibihe bibi bazahura na byo kandi bakirinda kurarikira amafaranga mbere y’urukundo rw’akazi.

Dusenge Sacha wakiniye Nyanza Fc Na Rayon Sports nawe yarahuguwe

Kayiranga kandi yakomeje anakangurira aba batoza gukomeza gukora amahugurwa kugira ngo bazagere ku rwego rwiza ku buryo banatoza amakipe akomeye haba hano mu Rwanda ndetse no hanze.

Aya mahugurwa yitabirirwe n’umukobwa umwe rukumbi

Aba batoza 32 babonye Licence D biyongereye ku bandi banyarwanda b’abatoza 114 bafite Licence C ya CAF, hakaba abatoza 8 bafite Licence B ya CAF, ndetse n’abatoza 12 bafite Licence A ya CAF.

Iri rushanwa rigomba kubera mu Rwanda kuva tariki ya 31 Werurwe kugeza tariki ya 02 Mata 2017, ryitabirwa n’abakinnyi bo mu bihugu by’Afurika n’ibindi bihugu byatumiwe byo ku yindi migabane bafite ubumuga bw’amaboko.

Abakinnyi bitabira imikino ya Para-Taekwondo ni abafite ubumuga bw’amaboko kuko bakinisha amaguru

Dusabimana Vincent, Kamanzi Emmanuel, Niyitegeka Gadi na Bizimungu Louis ni bo bakinnyi 4 b’u Rwanda muri 12 batazitabira iri rushanwa ribaye ku nshuro ya kabiri bitewe n’uko bafite ubumuga bw’amaguru.

Bagabo Placide, Umunyamabanga w’ishyirahamwe ry’umukino wa Taekwondo mu Rwanda yabwiye Kigali Today ko kuba aba bakinnyi bakuwemo bigabanije amahirwe y’imidari ishobora kuzaboneka kuko ngo bifuzaga imidari myinshi.
Yagize ati”Abakinnyi bacu kuba bavuyemo byatwiciye imibare kuko byagabanije imidari twifuza kuko twifuzaga kubona imidari myinshi ishoboka”

Ibihugu bitegerejwe…

Ibihugu bizitabira iri rushanwa birimo Ubudage , Espagne, Ubufaransa, Autriche, Serbia, u Rwanda, Uzbekistan, USA, Comores, Niger, Mozambique, Nigerie, Lesotho, Ghana, Ethiopie, Burundi, Maroc na Kenya.
Ibihugu 9 gusa muri 19 nibyo byamaze kugera mu Rwanda ari byo Espagne,USA,Ibirwa bya Comores,Uzbekistan,Lesotho,Ghana,Ethiopie,Burundi na Kenya.

Uretse imidari myinshi umutoza afite intego yo kubona itike mu mikino Olempiki y’abafite ubumuga(Paralempic games) 2020.

Bagire Irene Utoza ikipe y’igihugu atangaza ko n’ubwo bafite gahunda yo kubona imidari myinshi muri Para-TEKWONDO Open igiye kubera mu Rwanda ngo anashaka ko bakinnyi be bafite n’intumbero yo kuzabona itike yo kwitabira imikino Olempiki y’abafite Ubumuga(Paralempic Games) izabera I Tokyo mu Buyapani.

Yagize ati “Imyiteguro imeze neza turashaka imidari myinshi ariko turanashaka kuzabona itike izatwemerera kuzitabira imikino Olempiki y’abafite ubumuga kandi dushobora kuzayibona kuko iriya mikino izadusigira ubunararibonye buzatuma dukomeza gushakisha iyo tike“

Abakinnyi ba Taekwondo badafite ubumuga bakunda kwitabira imikino Mpuzamahanga ngo no muri Para-Taekwondo bashaka itike y’imikino paralempique izabera mu buyapani

Abakinnyi 8 bamaze kwemererwa guhagararira U Rwanda:

Manirakiza Jean Pierre
Niringiyimna Jean Claude
Ukwigize Jean de la Croix
Safari Dieudonné
Bizumuremyi J.M.V
Tuyishime Eliezel
Nsanzumukiza Dieudonné
Rukundo Consoleé (umukobwa umwe rukumbi)

Uretse kuba abakinnyi bazitwara neza muri iri rushanwa bazashyirwa ku rutonde rw’abakinnyi bakomeye, hateganyijwe n’ibindi bihembo birimo umudari wa zahabu n’Amadorari 1000 ku mukinnyi uzaba uwa mbere ariko mu bakinnyi bari mu itsinda ritarenze 8, n’Amadorar 500 ku mukinnyi uzaba uwa mbere mu barenze 8 hamwe n’umudari wa Zahabu.

Uyu mukino utegerejwe kuri uyu wa gatatu tariki ya 29 Werurwe 2017 aho Rayon Sports izaba yakirira Sunrise kuri stade ya Kigali, abakinnyi bakaba bavuga ko ngo n’ubwo bazakina uyu mukino badashimishijwe n’ibyo bibazo.

Umwe mu baganiriye na Kigali Today utashatse ko amazina ye atangazwa ku murongo wa telefoni yagize ati” mutuvuganire kabisa kuko ubu amezi abiri agiye gushira tudahembwa urumva ko biba bigoye nk’umuntu ufite umuryango nka njye biba bingoye."

Abakinnyi ba Sunrise baratangaza ko badafashwe neza muri iyi minsi

"Ikindi ni uko no kurya tutarya neza nk’ibijyanye n’ingufu twatakaje, kubona umuntu ashobora kurya Kawunga n’imboga zitarimo ibishyimbo ukongeraho igitoki, ibyo si ibiryo by’abakinnyi biratugora kubyakira” Umukinnyi wa Sunrise

Undi nawe yunzemo agira ati ”byo ni ikibazo kudahembwa amezi 2 kandi tuba twatakaje ingufu biba bigoranye kurya na byo ni ikibazo tubeshya igifu ngo twariye rimwe na rimwe ariko ubu umwaka utaha bamwe dushobora kwishakira andi makipe tukava muri ubu buzima”

Ubuyobozi bwemera ikibazo cy’imishahara itinda ariko buhakana imirire mibi..

N’ubwo abakinnyi bavuga kudahembwa no kurya nabi, ubuyobozi bw’ikipe na bwo bwemera ko imishahara yatinze ariko bukanahakana ibijyanye n’imirire mibi abakinnyi bavuga nk’uko Ndungutse Jean Bosco Perezida w’ikipe yabibwiye Kigali Today.

Yagize ati ”Tumaze ukwezi kumwe tutabahemba icyo turacyemera kandi n’ahandi biraba ukundi ntikurashira kandi tuzi neza ko mu matariki 5 Mata 2017 tuzaba twabonye amafaranga yabo y’amezi 2.

Naho ku bijyanye no kuba bavuga ngo barya nabi ni ukubeshya barya neza ni uko buri wese aba afite uko yifuza kurya, ntushobora kuneza bose kuko hari n’uwo waha inkoko hamara iminsi akavuga ko ashaka inyama z’inka undi ngo ndashaka amafi urumva ntiwashimishiriza rimwe abakinnyi kandi n’ibitageda twitegura kubikemura bijyanye n’imirire”

Ubwo abakinnyi bahembwaga ibirarane by’amezi 5 ku wa 10 Gashyantare 2017 Umuyobozi w’iyi kipe ibarizwa i Nyagatare yari yavuze ko ikibazo cyari cyabaye icy’abafatanyabikorwa babo babatengushye icyo gihe avuga ko kuraranya imishahara bitazongera.

Kuba byongeye na none ngo ni icyo kibazo cyakomeje ariko akaba avuga ko ibibazo biri kuvugwa muri iyi kipe ngo umwaka ushize bizaba byaravugutiwe umuti, kuko ngo akarere n’abo bafatanyabikorwa bandi bazaba barabyiteguye dore ko ngo ikipe ikiva mu maboko y’intara yiburasirazuba bisa n’ibyabatunguye.

Mu gace ka nyuma k’umukino Patroits yarushije cyane 30 Plus

Uyu mukino wabereye kuri Petit stade i Remera, ikipe ya Patriot yarushije cyane iya 30 Plus mu duce tune tw’iminota 15 dukinwa, umukino urangira iyishyizemo ikinyuranyo cy’ibitego 87.

Umutoza wa Patriots Mwinuke Henry yavuze ko gutsinda uyu mukino byabashimishije n’ubwo hagiye habamo amakosa make bagiye gutangira gukosora, kugira ngo bizabafashe guhangana n’ikipe ya REG BBC bafata nk’ikipe ishobora kubabuza gutwara igikombe.

Yagize ati” Ubu turayoboye n’amanota 21 aho duhanganye na REG iri ku mwanya wa Kabiri. Ducunze nabi ishobora kudukura ku mwanya wa mbere, tukazasoza shampiyona turi abakabiri. Iyi niyo Mpamvu tugiye gukaza imyitozo.”

Umutoza wa 30 Plus ntako atagize atanga inama ariko byanze birananirana

Tuyisenge Muhamed utoza 30 Plus, yemeye ko ikipe ye yarushijwe cyane, anavuga ko abakinnyi be biraye mu duce tubiri twanyuma tw’umukino, bituma binjizwa amanita menshi.

Patriots BBC nyuma yo gutsinda yakomeje kuza ku mwanya wa mbere n’amanota 21,REG BBC iza ku mwanya wa kabiri n’amanota 19 mu gihe 30 Plus yo iza ku mwanya wa nyuma wa cyenda n’amanota ane.

Ikipe ya Patriot ijya inama zo guhigika 30 Plus

Uko indi mikino yagenze

Kuwa gatandatu tariki ya 25 werurwe 2017

Patriots 134-47 30 Plus

Espoir 87-65 UGB

IPRC Kigali vs CSK (Warimuwe)

Ndikumana Katawuti umaze igihe kitageze ku mwaka yinjiye mu mwuga w’ubutoza kuko yatangiranye n’umwaka w’imikino wa 2016-2017 yungirije mu ikipe ya Musanze Fc Habimana Sostene banakinanye atangaza ko hari byinshi amaze kumwungukiraho ariko akaba ngo ashaka kugera ku rwego rwo hejuru.

Ngo yifuzaga gutangira gutoza afite amahugurwa yo ku mugabane w’i Burayi ariko ngo yakumiriwe n’ibyangombwa atarabona

Ndikumana Hamad Katawuti mu kiganiro kirambuye yagiranye n’Umunyamakuru wa Kigali Today yatangaje ko gukora cyane no kugira ikinyabupfura aribyo ashyize imbere mu bizamufasha kugera ku rwego rwo hejuru.

Ndikumana Hamad Katauti wahoze ari na Kapiteni w’Amavubi yifuza kuzaba umutoza ukomeye

Ikiganiro kirambuye

Umunyamakuru: Ndikumana Hamad bakunze kwita Katawuti umaze igihe kitageze no ku mwaka uri umutoza mu ikipe ya Musanze ni iki umaze kunguka?

Katawuti: Ntabwo ndarangiza umwaka, ni amezi make ndi kugenda mbona ubunararibonye , ubutoza ni ikintu nashakaga gukora nyuma yo gukina ndumva mu myaka iri imbere nzaba ngeze ku rundi rwego mbifashijwemo no gukora cyane ndetse n’Imana.

Umunyamakuru:Mu gihe gito umaze utoza ni iki umaze kunguka?

Katawuti: Mu byo maze kunguka icya mbere nabonye ikipe ingirira icyizere, ikindi ndi kumwe n’umutoza ufite ubunararibonye umpa umwanya wo kugaragaza icyo nshoboye ndetse akampa n’umwanya wo gusangiza abakinnyi aho nageze ku buryo nabo bazahagera cyangwa bakaharenga

Katawuti(Ibumoso) ajya inama n’abatoza bagenzi be muri Musanze

Umunyamakuru: Ufite gahunda yo kujya gukora amahugurwa ku rwego rwo hejuru?

Katawuti: Yego ndayifite ubundi sinashakaga kwinjira mu butoza ntarahugurwa ariko kubera ko nagize ikibazo cy’ibyangombwa kuko numvaga ntifuza gukorera amahugurwa mu Rwanda cyangwa muri Afurika ariko sindabona ayo mahugurwa ariko ndizera ko shampiyona y’umwaka utaha nzaba mfite amahugurwa y’ibanze nkakomeza gushakisha ibyangombwa ku buryo nazajya i Burayi guhugurwa.

Umunyamakuru : Nk’umuntu wabaye kapiteni ukaba ubu uri umutoza tugereranyirize inshingano za kapiteni n’iz’umutoza imbere y’abakinnyi.

Katawuti: Biratandukanye kuko umutoza ashobora gusimbuza nabi ikipe bikayiviramo gutsindwa riko kapiteni we ni ukwibutsa abakinnyi bagenzi bawe kugira ubushake kugira ngo mugere ku ntego ariko umutoza we aba afite abantu benshi bamuhanze amaso kuba umutoza byo biragoye ho gato.

Katawuti n’ubwo ari umutoza wungirije anyuzamo agatanga inama ku bakinnyi, kimwe mu byo ashimira Sosthene

Umunyamakuru: Ugikina warangizaga umukino wowe na bagenzi bawe mwaba mwatsinze cyangwa mwatsinzwe byagendaga bite? aho ubereye umutoza bwo ubigenza ute?

Katawuti: Njyewe ibyo nakoraga nk’umukinnyi ni nabyo nkora nk’umutoza kuko iyo twatsindwaga sinasinziraga nararaga nibaza aho byapfiriye nkareba niba hari uruhare rukomeye nagize mu gutsindwa kugira ngo nzikosore, n’ubu rero nabwo iyo twatsinzwe ndara ntekereza aho njye na mugenzi wanjye tutakoze neza.

Iyo twatsindaga rero nabwo twarishimaga na bagenzi banjye n’ubu nk’umutoza iyo dutsinze twishimana n’abakinnyi ariko ntitwishime ngo duhereyo tukibuka ko tugomba gukomeza gukora.

Umunyamakuru: Mu kibuga ugikina wahuye n’abasifuzi batandukanye uri umukinnyi usanzwe cyangwa kapiteni uko wabavugishaga niko ubavugisha n’ubu?
Katawuti: Ntaho bitandukaniye kuko umusifuzi uramuvugisha kandi nawe aba abizi waba umukinnyi cyangwa umutoza icyangombwa ni uko umubwira neza ikibi ni uko wamutuka, njyewe rero sinaranzwe no kubwira nabi abasifuzi.

Umunyamakuru: Ese ko tubona abakinnyi batinya abasifuzi ugikina watinyaga abasifuzi nawe? ese ubu nk’umutoza nabwo urabatinya?

Katawuti: Mu buzima bwanjye nk’umukinnyi n’ubu nk’umutoza ijambo gutinya ntabwo nigeze ndiha agaciro gusa ndubaha sintinya n’ubu niko bimeze gusa icyo ntekereza nkibwira umusifuzi kandi mu buryo bwiza.

Umunyamakuru: Ugikina wahawe amakarita atukura angahe? ese kuva watangira gutoza wari wagirana ibibazo n’umusifuzi ku buryo yaguhana?

Katawuti: Mu myaka isaga 25 namaze nkina ndumva ntarabonye amakarita atukura arenga 5 harimo iyo nibuka mu mwaka wanjye wa mbere muri Rayon Sports ubwo nakubitaga umukinnyi wa Kiyovu Bagumaho Amiss, n’izindi zitarenga 4 nabonye nkikina mu Bubiligi no muri Chypre.

Umunyamakuru: Iyo ugereranyije n’imyaka wakinnye urumva uzakomeza kwihangana ntugirane ibibazo n’abasifuzi?

Katawuti: Nakubwiye ko nshaka kugera ku rwego rwo hejuru kandi ntiwarugeraho ugirana ibibazo n’abantu muhurira mu butoza, imyitwaire myiza rero nzayikomeza niyo izamfasha kugera ku ntego yanjye no gukora cyane.

Umunyamakuru:Ni nde mutoza wagufashije cyane mu mwuga wawe uri umukinnyi?

Katawuti:Umutoza Raoul Shungu niwe mutoza twabanye igihe kinni kandi ni nawe wamfashije kugera ku rwego nagezeho nkagera n’aho njya ku mugabane w’Uburayi.

Umunyamakuru:Ni nde mutoza ku isi ukunda?

Katawuti:N’ubwo yasezeye ariko Sir Alex Furguson sinzamwibagirwa yari umutoza nkunda kurusha abandi bose ariko ubu hari ba Jose Mourinho,Pep Guardiola n’abandi nka Wenger n’ubwo muri iyi minsi atari mu bihe byiza na bo mbona ari abahanga.

Katawuti agira umwanya nawe wo kunganira Umutoza mukuru agira abakinnyi inama

Umunyamakuru:Katawuti murakoze cyane kandi uzagire amahirwe masa.
Katawuti:Ndagushimiye nawe akazi keza.

Antoine Hey nyuma yo guhigika abatoza 52 bari basabye gutoza Amavubi yahawe akazi tariki ya 02 Werurwe 2017 aho yasimbuye Johnny McKinstry wirukanwe umwaka ushize wa 2016 ashinjwa gutanga umusaruro utari mwiza .

Nzamwita Vincent de Gaulle uyobora Ferwafa

Uyu mutoza wasinye amasezerano y’umwaka umwe ushobora kongererwa agaciro yahawe inshingano zirimo kujyana Amavubi mu mikino nyafurika y’abakinnyi bakina imbere mu bihugu (CHAN) ndetse no kujyana ikipe y’igihugu Amavubi mu mikino ya nyuma y’igikombe cya Afurika cya 2019 atabikora amasezerano agaseswa.

Itangazamakuru ribaza ibibazo bitandukanye

"Nk’uko mubizi umutoza twatandukanye Johnny Macknstry yatwizezaga kutugeza kure hashoboka twarahabonye, uyu rero we twamuhaye intego ebyiri ari zo kutujyana muri CHAN ariko intego nyamukuru ni ukutujyana mu gikombe cy’Afurika 2019 natabigeraho tuzasesa amasezerano” Nzamwita Vincent De Gaulle umuyobozi wa Ferwafa .

Ku ruhande rwa MINISPOC, Bugingo Emmanuel Umuyobozi wa Siporo muri iyi Ministeri yirinze gutangaza umushahara w’umutoza mushya ariko anabeshyuza amakuru avuga ko azajya ahembwa n’amashyirahamwe abiri, iry’Ubudage n’iry’ u Rwanda ahubwo ko azajya ahembwa n’u Rwanda gusa.

Bugingo Emmanuel (iburyo), Umuyobozi wa Siporo muri MINISPOC yirinze gutangaza umushahara w’umutoza

Ku ruhande rw’umutoza mushya Antoine Hey yavuze ko yashimishijwe no kugirirwa icyizere agahabwa akazi kandi ko yiteguye kugakora agatanga umusaruro kandi ngo akurikije ko atari ubwa mbere atoje muri Afurika azabigeraho.

Yagize ati” Ni iby’agaciro gutoranywa kuba umutoza w’ikipe y’igihugu, dufite imikino idutegereje harimo gushaka itike ya CHAN n’igikombe cya Afurika kandi ndizera ko nitugira intego turi hamwe tuzagera ku byo twifuza kandi ndabyizera kuko icyo nzahora mparanira ni ugutsinda nta kindi“

Uyu mutoza azungirizwa n’umunyarwanda kandi nawe ngo uzaba afite amasezerano y’akazi, Antoine Hey akaba nawe yavuze ko abatoza b’abanyarwanda kuba bazamwungiriza nta kibazo abibonamo kuko ngo bazamufasha kubera aribo bazi abakinnyi bo mu Rwanda.

Antoine Hey yatangaje ko kungirizwa n’umunyarwanda nta kibazo bimuteye

Antoine Hey yabaye umukinnyi w’amakipe arimo Fortuna Düsseldorf, FC Schalke 04 zo mu Budage, Birmingham City y mu Bwongereza akaba yaranatoje muri Afurika aho yatoje Lesotho, Gambia, Liberia ndetse na Kenya.

Amafoto: Muzogeye Plaisir

Nkurunziza Gustave

Ibaruwa isezera yayanditse kuri uyu wa 20 Werurwe 2017 aho yatangaje ko yeguye ku mirimo yari yatorewe ku mpamvu ze bwite. Yari yatowe ku wa 4 Gashyantare 2017.

Asezeye mu gihe yari yafunzwe ku wa 18 Gashyantare 2017 nyuma y’Umunyamabanga Mukuru w’iri shyirahamwe Hatumimana Christian n’Umubitsi Uwera Jeanette, bari bafunzwe tariki ya 8 Gashyantare.

Bari bakurikiranyweho ibyaha byo kunyereza umutungo no gutanga ruswa mu matora y’iri shyirahamwe aheruka kuba ku ya 4 Gashyantare 2017.

Twifuje kumenya impamvu nyayo yateye ubwegure bw’uyu muyobozi wari umaze imyaka ine ayobora FRVB, ariko kuri telefoni ye igendanwa n’iy’umwungirije Kansiime Julius ntibazitaba.

Hari hashize iminsi mike umunyamabanga w’iri shyirahamwe nawe yeguye.

Ibaruwa isezera

Inkuru irambuye turacyayibakurikiranira….

Onze Createurs ije gukina na Rayon Sports

Iyi kipe yageze ku kibuga cy’indege I Kanombe ahagana mu masaha ya sa cyenda n’igice aho ije kwishyura Rayon Sports yari yatsindiye iwabo 1-0.

Umukino wo kwishyura uteganyijwe kuri Stade Amahoro I Remera kuri uyu wa 18 werurwe 2017 I saa cyenda n’igice z’amanywa.

Umutoza w’iyi kipe Djibril Drame akigera I Kigali yavuze ko ikipe ye ije yiteguye neza ku buryo ije gushaka intsinzi, ariko akanavuga ko umukino uzaba ukomeye kuko ngo Rayon Sports mu mukino ubanza yabagoye cyane.

Yagize ati”Tuje twariteguye dushyize umutima ku mukino.
Nk’uko mubizi umutoza wese aba ashaka intsinzi natwe tuje guhagarara ku ishema ry’ikipe y’I Bamako (Onze Createurs de Bamako).”

Onze Createurs yageze i Kigali

Yakomeje agira ati “Umukino utazaba woroshye kuko Rayon Sport twabonye ari ikipe nziza ifite ubushake bwo gukina,ikipe nkuru yaduteje ibibazo mu mukino ubanza.

Ariko tuzagerageza kureba uko twakigobotora mu ngorane yazaduteza ku buryo twakomeza mu kindi cyiciro.”

Uyu mutoza yakomeje abwira Kigali Today ko ikibuga cya Stade Amahoro bazakiniraho ari kimwe mu bizabagora aho yavuze ko ari ikibuga batazi neza kandi ngo nta n’umwanya uhagije bazabona wo kukitoreza ho.

Djibril Drame umutozi w’ikipe ya Mali Onze Createurs

Ikipe izakomeza hagati ya Rayon Sports na Onze Createurs, iziyongera ku zindi 15 zitwaye neza muri iyi mikino uko ari 16, nazo ziyongere ku zindi 16 zasezerewe mu mikino y’amakipe yatwaye ibikombe iwayo(Caf Champions League).

Aya makipe 16 azahura hagati yayo, azarokoka akaba ariyo azashyirwa mu matsinda 4 yo guhatanira igikombe.

Uyu mukino wabaye kuri uyu wa 12 Werurwe 2017 ku kibuga cya Rwamagana City watangiye Saa munani n’igice urangira ikipe ya Aspor ari yo ibashije gutsinda aho ku munota wa 20 w’igice cya mbere Joseph Ndagijimana yayitsindiye igitego 1 rukumbi cyabonetse muri uwo mukino.

Amakipe yombi ntiyigeze yishimira imisifurire

Nyuma y’umukino abatoza bombi banenze imyitwarire y’umusifuzi Kwizera Olivier, Nsabimana Thierry na Seraphin Mbonigena basifuye uyu mukino kuko ngo babona hari amakosa bakoze abangamira imikinire y’amakipe yabo.

Niyibizi Suleiman utoza Rwamagana City yagize ati “Burya koko umuntu atanga icyo afite uyu musifuzi na we yasifuye ibijyanye n’ubumenyi bwe, abakinnyi banjye bakoze ibyo bagombaga gukora ariko babangamiwe n’umusifuzi aho yakomeje kudukandamiza mu mukino”

Abakinnyi ba ASPOR bahabwa inama n’umutoza kugira ngo batishyurwa igitego bari batsinze

Mugenzi we utoza ASPOR yunze mu ry’uwa Rwamagana City agira ati” Muri rusange umukino wari ukomeye cyane ariko ntahukanye intsinzi ariko abasifuzi batwibye cyane kuko batwibye penaliti banadusifuriye amakosa atari ngombwa ariko Imana ishimwe ko dutahukanye intsinzi”

Rwamagana City yatsindiwe mu rugo ntiyishimiye imisifurire

Rwamagana City na ASPOR ziri mu itsinda rya mbere aho muri iri tsinda ikipe ya Muhanga yamanutse umwaka ushize ariyo iyoboye n’amanota 28, Rwamagana City yo iza ku mwanya wa 3 n’amanota 27 naho ASPOR yo ikaza ku mwanya wa 7 n’amanota 13.

Rwamagana City yambaye umukara yakiniraga ku kibuga cyayo, yari imaze iminsi yitwara neza muri Shampiona

Uko imikino y’umunsi wa 14 yagenze mu matsinda yombi:
Itsinda rya 1

ku wa 11 Werurwe 2017

Vision FC 0-1 Hope FC
Sorwathe Fc 1-0 Gitikinyoni FC

Ku wa 12 Werurwe 2017

UR FC 0-4 Vision JN
Rwamagana City Fc 0-1 Aspor Fc
Nyagatare FC 2-2 Akagera FC
AS Muhanga (yararuhutse)

Itsinda rya 2

Ku wa 11 werurwe 2017

Gasabo United (Yararuhutse)
Rugende Fc 3-2 La Jeunesse
Intare Fc 3-2 Sec Fc
Esperance SK 0-1 Etoile de L’Est
Miroplast Fc 0-0 Heroes FC
Ku wa 12 werurwe 2017
Isonga Fc 2-0 United Stars

Yabitangaje ku wa 12 Werurwe 2017 ubwo yatangizaga ku mugaragaro ku rwego rw’igihugu iri rushanwa mu ishuri ryisumbuye rya Mutagatifu Aloys riherereye mu Karere ka Rwamagana mu Ntara y’iburasirazuba.

Minisitiri w’umuco na Siporo Uwacu Julienne afungura ku mugaragaro amarushanwa yiswe Amashuri Kagame Cup

Minisitiri yavuze ko irushanwa “Amashuri Kagame Cup” ryatekerejwe hagamijwe gukundisha abanyeshuri siporo ndetse no kubibutsa ko umukuru w’igihugu Paul Kagame bitewe n’imiyoborere myiza yifuje ko abayobozi b’ejo hazaza bagomba kugira ubuzima buzira umuze.

Minisitiri Uwacu Julienne yavuze ko siporo igomba gukorwa mu buryo igirwa umuco yibutsa abanyeshuri ko bagomba gukurana umuco wo gukora siporo bagakorera hamwe kandi ngo ibyo bizatuma intsinzi ziboneka mu Rwanda ari na byo bizatuma barushaho gukunda igihugu.

Ati” Iri rushanwa ntiryatekerejwe ku bw’impanuka, muzi ko gukora siporo bituma umuntu agira ubuzima buzira umuze kandi ni mwe bayobozi b’ejo hazaza akaba ariyo mpamvu Paul Kagame yadusabye ko twabafasha kumva akamaro ko gukora siporo mukazagera ikirenge mu cye muyobora neza.”

Minisitiri w’umuco n’Umunyamabanga wa Leta ushinzwe amashuri abanza n’ayisumbuye bifotoranya n’umwana muto wiga mu mwaka wa 6 w’amashuri abanza

“Ikindi mugomba kumenya nk’uko muri abayobozi b’ejo hazaza ntimwayobora neza ngo mugere ikirenge mu cye mudafite ubuzima bwiza, kuko uwakoze siporo ntarangwa n’amatiku ntanarangwa n’imico mibi, mugomba kumenya rero impamvu y’iri rushanwa kandi nimugira uwo muco ni ko gukunda igihugu tuvuga”

Minisitiri Uwacu akina umupira w’intoki wa Volleyball

Munyakazi Isaac Umunyamabanga wa Leta muri ministeri y’uburezi ushinzwe amashuri abanza n’ayisumbuye yibukije abayobozi b’ibigo by’amashuri gufasha abanyeshuri gukora siporo batagendeye ku irushanwa “Amashuri Kagame Cup” gusa kuko ngo gukora siporo bituma abanyeshuri batsinda amasomo yabo neza.

Abasiganwa ku maguru nabo bazaba bahatana muri aya marushanwa

Mu irushanwa Amashuri Kagame Cup yari asanzwe azwi n’ubundi ahuza ibigo by’amashuri ngo yiswe izina rishya mu rwego rwo guha icyubahiro Perezida Paul Kagame bitewe n’urukundo akunda siporo nk’uko byatangajwe n’ubuyobozi bw’ishyirahamwe ry’imikino y’abanyeshuri.

Abanyeshuri bagorora ingingo bitegura gufungurirwa irushanwa rishya

Hanatangijwe umukino w’intoki wa Volleyball

Nyuma bafashe ifoto y’urwibutso

Umwaka ushize umupira w’amaguru ni wo wonyine wari witiriwe Amashuri Kagame Cup ariko muri uyu mwaka hiyongereyeho n’indi irimo umukino w’intoki wa Handball, Basketball ndetse na VolleyBall ukongeraho gusiganwa ku maguru ndetse n’imikino y’abafite ubumuga.

Nyuma y’imyitozo yo kuri uyu wa Kane tariki ya 09 werurwe 2017 APR Fc yakoreye ku kibuga kiriinyuma ya Stade Amahoro, niho uyu mutoza yabitangarije itangazamakuru aho yavuze ko badasuzugura Kirehe kimwe n’izindi ariko ngo barifuza kuyitsinda mu mukino w’umunsi wa 20 wa shampiyona uzabahuza.

Yagize ati ”Twakoze imyitozo myiza, abakinnyi bameze neza turitegura kujya gukina na Kirehe, ni ikipe twatsinze mu mukino ubanza ariko ni ikipe nziza ikomeye kandi noneho ku kibuga cyayo ariko turashaka kuzajyayo gushaka amanota 3 ”.

Muhadjiri (iburyo) nawe yatangiye imyitozo yoroheje nyuma y’imvune, arakorana n’abandi bafite utubazo tw’imvune

Abafana n’ubwo bari bake bari baje kureba imyitozo

Umutoza amaze iminsi asaba abakinnyi kwivana mu bibazo byo kubura amanota.

Jimmy Mulisa akurikirana imyitozo

Uyu mutoza Jimmy Mulisa yakomeje abwira itangazamakuru ko n’ubwo APR imaze iminsi idahagaze neza kuko yatakaje amanota ariko ngo yasabye abakinnyi kwivana muri ibyo bibazo bimaze iminsi mu ikipe.

Ati ”Imikino ishize twayishyize ku ruhande, abakinnyi nabo barabizi bazi ko tumaze iminsi tutitwara neza narabaganirije ko tugomba kwisubiza icyubahiro tugashimisha abafana kandi tugomba kubikora nicyo dusabwa”

APR yakoreye ku kibuga cy’ibyatsi n’ubwo Kirehe ikinira ku kibuga cy’ibitaka

Bamwe mu bakinnyi bashobora kutazagaragara muri uyu mukino wa Kirehe na APR barimo Muhadjiri utarakira neza ariko watangiye imyitozo, Herve Rugwiro wakoze ubukwe, Patrick Sibomana, Aimable Nsabimana na Emmanuel Imanishimwe ndetse na Rusheshango Michel Jimmy Mulisa yavuze ko bafite ibibazo by’imvune.
Biteganyijwe ko APR izerekeza I Kirehe ku wa Gatandatu taliki ya 11 werurwe 2017 mu gitondo.

Ibrahim Mugisha atoza abanyezamu ba APR Fc

Imikino ya shampiyona y’umunsi wa 20 iteganyijwe muri week-end:

Ku wa Gatanu taliki ya 10 werurwe 207

Rayon sport vs Sunrise (warimuwe)

Ku wa Gatandatu taliki ya 11 werurwe 2017

As Kigali vs Amagaju
Pepiniere vs Etincelles
Kirehe vs APR
Espoir vs Gicumbi

Ku Cyumweru taliki ya 12 werurwe 2017

Mukura vs Police
Marines vs Bugesera
Musanze vs Kiyovu

Ku ikubitiro harakina amakipe 22 agomba kuvananamo hagasigara 11 yatsinze, akiyongeraho andi 5 yitwaye neza muri iyi mikino maze uko ari 16 agasanga andi 16 yari yitwaye neza mu gikombe cy’amahoro cy’umwaka wa 2016 agakina 1/16, imikino izakinwa tariki ya 19 Mata 2017.

Igikombe cy’Amahoro gifitwe na Rayon Sports

Ubuyobozi bwa Ferwafa buvuga ko iki gikombe gitangiye kidafite umuterankunga ariko ngo imigendekere yacyo ndetse n’ibihembo bizagenwa n’iri shyirahamwe ry’umupira w’amaguru nk’uko byatangajwe n’umuvugizi wa Ferwafa Ruboneza Prosper.

Yagize ati ”Igikombe cy’amahoro kiratangiye ariko nta muterankunga ni ukuvuga ko imigendekere yacyo n’ibihembo bizagenwa na FERWAFA”

Rayon Sport niyo yegukanye iki gikombe umwaka ushize wa 2016 aho yatsinze APR ku mukino wa nyuma 1-0 cyatsinzwe n’Umunya-Mali Diarra Ismaila, ihabwa igikombe n’amafaranga y’u Rwanda Miliyoni 8, APR yabaye iya kabiri ihabwa Miliyoni 4 naho As Kigali yabaye iya 3 ihabwa Miliyoni 1 n’ibihumbi 500.

Ndayishimiye Eric Bakame, kapiteni wa Rayon Sports ubwo yahabwaga iki gikombe taliki ya 04/07/2016

Dore Uko imikino iteganyijwe:

Kuwa kabiri tariki ya 7 werurwe 2017

Giticyinyoni Fc 1-4 Intare Fc
Hope Fc 2-1 Esperance SK

Ku wa Gatatu tariki ya 8 werurwe 2017

Sorwathe Fc vs Vision JN (Musanze, 15.30)
UR Fc vs Pepiniere Fc (Muhanga, 13.00)
Heroes Fc vs United Stars (Muhanga, 15.30)
Akagera Fc vs Etoile de l’est (Rwamagana, 13.00)
Nyagatare Fc vs Kirehe Fc (Rwamagana, 15.30)
Aspor Fc vs Vision Fc (Ferwafa, 13.00)
Rwamagana City Fc vs Gasabo United (Ferwafa, 15.30)
Musanze Fc vs SEC Fc (Stade de Kigali, 13.00)
Miroplast Fc vs Rugende Fc (Stade de Kigali, 15.30)

Uyu mukino wari wakiriwe na Kiyovu watangiye amakipe asatirana, igice cya mbere kirinda kirangira nta gihindutse ari 0-0.

Mukura yambaye Umuhondo n’umukara yaguye miswi na Kiyovu yambaye icyatsi n’umweru

Mukura yakinishaga abakinnyi 10 kuko uwitwa Lewis Harerimana yari yahawe ikarita itukura ku munota wa 25, yaje gutsindwa igitego kuri penaliti igitego cyatsinzwe na Lomami Andre ku munota wa 71. Mukura yaje kukishyura ku munota wa 85, umukino urinda urangira utyo.

Kanamugire Aloys utoza Kiyovu ntiyishimiye kunganya na Mukura, ngo kuko bagombye kuyitsinda kuko babarushaga umubare w’abakinnyi, avuga ko abakinnyi be biraye.

Yagize ati”Uyu mukino ntunshimishije kuko tunganyirije iwacu kandi twamaze igihe kinini tubarusha abakinnyi.Twashakaga amanota 3 ariko ntabonetse,abakinnyi banjye ntibaramenya icyo gukora mu kibuga.”

Umupira wagaragayemo ishyaka ryinshi ku bakinnyi

Ku ruhande rwa Yvan Minaert utoza Mukura nawe ntiyishimiye kunganya umukino kuko yavuze ko nawe yashakaga amanota yose, akaba ngo batunguwe no kuba bahawe ikarita itukura bagasigara ari abakinnyi bacye no kuba batsinzwe igitego gitunguranye cya penaliti.

Nyuma yo kunganya Kiyovu yahise ifata umwanya wa cumi, n’amanota 21 mu gihe Mukura yo yahise nayo iba iya 11 n’amanota 20.

Igitego cya Kiyovu kijyamo

Uko Indi mikino y’umunsi wa 19 wa shampiyona yagenze

Ku wa gatanu tariki ya 03 werurwe 2017

APR 1-1 Musanze

Ku wagatandatu tariki ya 04 werurwe 2017

Kiyovu 1-1Mukura

Bugesera 0-1 As Kigali

Gicumbi 0-0 Police

Amagaju 1-0 Espoir

Ku cyumweru tariki ya 05 Werurwe 2017

Rayon Sports Vs Marines

Sunrise vs Pepiniere

Etincelles vs kirehe

APR yanganyije na Musanze

Ni umukino w’umunsi wa 19 wa shampiyona wabaye kuri uyu wa Gatanu tariki ya 03 Werurwe 2017 kuri stade ya Kigali aho amakipe yombi yaje kugabana amanota.

Musanze niyo yabanje gutsinda aho ku munota wa 40 Wayi Yeka yaje kubonera Musanze igitego cya mbere kuri penaliti igice cya mbere kirangira Musanze ifite 1 ku busa bwa APR.

Mu gice cya kabiri umutoza Jimmy Mulisa wa APR yakoze impinduka ahita azanamo abakinnyi 2 barimo Nkinzingabo Fiston na Nshuti innocent havamo Nshimiymana Imran na Sekamana Maxime maze APR ibasha kubona igitego cyo kwishyura ku munota wa 81 w’umukino.

Jimmy Mulisa utoza APR yavuze ko atishimiye imikinire y’ikipe ye mu gice cya mbere aho avuga ko abakinnyi bagaragaje imbaraga nke.

Musanze yakinnye na APR

Yagize ati ”Njye mbona ari umunaniro kuko abakinnyi banjye batinze kwinjira mu smukino nyuma baza mu gice ya kabiri bagarukana imbaraga ku buryo no mu myitozo mba mbibona icyo ni icyo kibazo dufite cy’imikino myinshi mu gihe gito.”

Habimana Sostene we utoza Musanze yavuze ko ikipe ye ashima uburyo Musanze yakinnye ngo n’ubwo bishyuwe igitego mu minota yanyuma.

Gutakaza amanota imbere ya gicumbi na Musanze byatumye Rayon byatumye Rayon ikomeza kubaza imbere kandi igifite imikino 2 itarakina aho iza ku mwanya wa mbere n’amanota 40 mu gihe APR ifite 38.

APR izongera gukina undi mukino wa shampiyona tariki ya 11 Werurwe 2017 aho izakina na Kirehe ku mukino w’umunsi wa 20 umukin ukazabera ku kibuga cya kirehe.

Musanze isega nyuma y’umukino

Ababanjemo ba Musanze

Mu izamu:Ndayisaba Olivier

Ab’inyuma:Bizimana Djuma,Hakizimana Francois,Habumugisha imanizabayo na Kimenyi Jacques

Abo hagati:Munyakazi Youssouf,Peter Otema,Niyonkuru Ramadhan na Tuyisenge Pekeyake

Ba Rutahizamu;Wai Yeka na Maombi Jean pierre

Ababanjemo ba APR

Mu izamu:Ntaribi Steven

Ab’inyuma:Ngabonziza Albert,Imanishimwe Emmanuel,Rugwiro Herve na Nsabimana Aimable

Abo hagati:Mukunzi Yannick,Nshimiyimana Imran,Bizimana Djihad na Sibomana Patrick

Ba Rutahizamu:Bigirimana Issa na Sekamana Maxime
Uko indi mikino y’umunsi wa 19 iteganyijwe:

Ku wa gatanu tariki ya 3 Werurwe 2017

APR vs Musanze

Ku wa gatandatu tariki ya 04 werurwe 2017

Kiyovu vs Mukura
Amagaju vs Espoir
Gicumbi vs Police

Bugesera vs As Kigali

Ku cyumweru tariki ya 05 werurwe 2017
Rayon Sports vs Marine (Stade Regional I Nyamirambo)
Sunrise vs Pepiniere
Etincelles vs Kirehe

Police FC na Rayon Sports zanganyije ibitego 2-2. Aha abakinnyi bari kurwabira umupira

Uyu mukino wa 17 wa shampiyona wabaye kuri uyu wa 25 Gashyantare 2017, wagombaga kuba mbere ariko kubera Rayon Sports yari iri mu mikino nyafurika mu rwego rw’amakipe yatwaye ibikombe iwayo, ntiwabaye.

Igitego cya mbere cyabonetse ku munota wa munani gitsinzwe na Kwizera Pierrot ku mupira yari ateye mu izamu, maze umuzamu Bwakweli ntiyabasha kuwufata.

Police FC yishuuye icyo gitego ku munota wa 15, gitsinzwe na rutahizamu Danny Usengimana.

Nyuma y’iminota 14 gusa Police FC yatsinze gitego cya kabiri, cyatsinzwe na Mico Justin ku mupira wari uhinduwe na Danny Usengimana maze igice cya mbere kirangira ari ibitego bibiri bya Police FC kuri kimwe cya Rayon Sports.

Amakipe yagarutse mu gice cya kabiri ashakisha ibindi bitego maze ku munota wa 81, Nahimana Shassir atsinda igitego cyo kunganya umukino urangira ari ibitego 2-2.

Kwizera Pierrot yakomeje gushaka ibitego

Kunganya kwa Rayon kwatumye iguma ku mwanya wa kabiri. Irushwa inota rimwe na APR FC yo yamaze gukina ibirarane byayo bibri. APR FC ifite amanota 38 mu gihe Rayon ihise igira amanota 37.

Gusa ariko isigaje umukino w’ikirarane izakina na Espoir FC, tariki ya 1 Werurwe 2017.

Uyu mukino wa shampiyona warebwe kandi na Perezida wa FIFA Gianni Infantino waje mu Rwanda gushyira ibuye ry’ifatizo kuri Hotel ya FERWAFA, FIFA izanagiramo uruhare mu kuyubaka.

Perezida wa FIFA Gianni Infantino waje mu Rwanda yakurikiranye umukino

Abafana bari bitabiriye umukino baringaniye

Abapolisi bari baje gufana ikipe yabo

Ababanjemo ba Police FC

Mu izamu: Bwanakweli Emmanuel
Ba myugariro: Mpozembizi Mohamed,Muvandimwe Jean Marie Vianney,Uwihoreye Jean Paul na Umwungeri Patrick
Abo hagati: Ngendahimana Eric,Mwizerwa Amin,Nizeyimana Mirafa na Imurora Japhet
Ba Rutahizamu: Usengimana Danny na Mico Justin

Ababanjemo ba Rayon Sports

Mu izamu: Ndayishimiye Jean Luc Bakame
Ba myugariro: Manzi Thierry,Sibomana Abouba,Rwatubyaye Abdul na Mugabo Gabriel
Abo hagati: Mugheni Fabrice kakure, Mugisha Francois ,Nshuti Dominique Savio na Nova Bayama
Ba Rutahizamu: Kwizera Pierrot na Nahimana Shassir

Ubuyobozi bwabitangarije Kigali Today nyuma y’inama yabahuje kuri uyu wa gatatu tariki ya 22 Gashyantare 2017 biga ku myitwarire mibi yaranze umunya-Nigeria wayitozaga Chidi Ibe Andrew byanamuviriyemo guhagarikwa by’agateganyo mu byumweru bibiri bishize.

Cassa Mbungo bivugwa ko yerekeje muri Sunrise

Nyuma yo gusuzuma imyitwarire y’uyu munya-Nigeria wayitozaga ngo basanze nta mwanzuro wo kumwirukana burundu bahita bafata biyemeza kuzongera gukora indi nama mu cyumweru kimwe ariko bakaba bashyizeho umutoza w’agateganyo ariwe Cassa Mbungo Andre.

Perezida wa Sunrise Jean Bosco Ndungutse yemereye Kigali Today ko bahinduye umutoza

Yagize ati ”Nyuma y’inama twakoze twasanze hari ibyo twasuzuma twitonze tukamuhagarika burundu cyangwa tukamubabarira nyuma y’icyumweru twasanze rero ikipe itaguma aho gusa, umutoza twafashe muramuzi ni Cassa Mbungo Andre, twamubwiye ko aza akaba afashe ikipe mu gihe cy’icyumweru kimwe akayitoza byashoboka tukazakomezanya bitashoboka uwo twahagaritse akagaruka”

Perezida yongeyeho ko baramutse birukanye umutoza Andrew Chidi Ibe ibyo bamugomba byose babimuha bagatandukana amahoro.

Sunrise ubu iri ku mwanya wa 13 muri Shampiona

Cassa Mbungo Andre uvugwa ko yahawe iyi kipe ya Sunrise kuyitoza by’agateganyo we ntiyemera cyangwa ngo ahakane ko yahawe ako kazi ariko akavuga ko hari ibiganiro byabaye hagati y’impande zombi.

Ku murongo wa Telefoni igendanwa yagize ati “Njye sinajya gutoza by’agateganyo keretse ndi umutoza wungirije ariko ntiturasinyana amasezerano, twaraganiriye buriya nibirangira neza nzatangaza uko bimeze ariko njye sinatoza by’ikiraka”

Uyu mutoza Cassa Mbungo Andre wari umaze hafi umwaka atandukanye n’ikipe ya Police Fc kuva mu kwezi kwa Kamena 2016, .uyu mutoza akaba yaratoje amakipe atandukanye arimo Isonga, atoza kandi As Kigali na Police Fc yahesheje igikombe cy’amahoro, ndetse n’ikipe y’igihugu Amavubi.

Umutoza wa Sunrise Chidi Ibe Andrew wageze muri Sunrise muri Nyakanga 2016 yahagaritswe by’agateganyo mbere y’umukino wabahuje na As Kigali ku munsi wa 17 wa shampiyona banatsinzwemo 1-0, akaba ngo yari yahagaritswe bitewe n’imyitwarire mibi.

Farouk Ruhinda waburiwe irengero agifite amasezerano y’Imyaka ibiri muri Bugesera FC

Ruhinda ngo ni ku nshuro ya kabiri atorotse akazi kandi agifitanye amasezerano y’imyaka ibiri na Bugasera Fc yasinyanye nayo mu ntangiriro za 2017, nk’uko Gahigi Jean Claude uyobora iyi kipe abitangaza.

Yagize ati “Twahamagaje abakinnyi bacu baba i Kigali nawe arimo, abandi baraza we turamubura kugeza ubu.

Yaherukaga kugenda mu Kwezi kwa Mbere, agarutse tumukata umushahara we w’Ukwezi, ariko ubu naramuka agarutse tuzamufatira ibyemezo birenze ibi bishobora kubamo guhagarikwa cyangwa se kwirukanwa burundu, kugira ngo abandi bakinnyi barebereho batazamwigana.”

Gahingi anavuga ko iki kibazo cyo guta akazi kwa Ruhinda bamaze kugigeza ku buyobozi bwa FERWAFA, babusaba kutazagira indi kipe bazemerera ko Ruhinda ayikinira, kuko afatwa nk’umukinnyi wabo wataye akazi.”

Umutoza wa Bugesera Mashami Vincent we avuga ko uyu mukinnyi yamuganirije ku nshuro ya mbere ubwo yorokaga mu ntangiriro za Mutarama, ariko ngo abona inama yamugiriye atarazubahirije, ubu akaba agomba kwirengera ingaruka z’ayo makossa.

Mashami Vincent utoza Bugesera yagizwe umutoza w’Amavubi

Ruhinda Farouk yakuriye mu ikipe ya Isonga FC, ayivamo ajya mu ikipe ya APR atagiriyemo ibihe byiza kubera ikibazo cy’imvune.

Yavuye muri APR FC ajya gusinyira ikipe ya Bugesera guhera mu Ntangiriro z’ukwezi kwa Mutarama 2017.

Yanakiniye kandi ikipe y’Amavubi mu gikombe cy’Afurika cy’abatarengeje imyaka 17, cyabereye mu Rwanda, ndetse n’icy’isi cyabereye mu gihugu cya Mexique muri 2011.

Moussa Camara yashakishije igitego ashirwa akibonye

Ni umukino wo kwishyura wabereye kuri stade Amahoro i Remera aho Rayon yatsinze iyi kipe ibitego 2-0, no mu mukino ubanza yari yayinyagiye ibitego 4-0 binayihesha gukomeza mu cyiciro gikurikira.

Igitego cya mbere cyabonetse ku munota wa 27 w’igice cya mbere aho Kwizera pierrot yateye kufura umuzamu wa Wau Salaam ntiyabasha gukuramo umupira igice cya mbere kirangira ari 1-0.

Ababanjemo ba Rayon Sports

Ababanjemo ba Wau Salaam

Mu gice cya kabiri Rayon Sport yashatse uburyo yatsinda ikindi gitego aho Camara Moussa yakomeje kotsa igitutu ab’inyuma aza kubonera Rayon Sport igitego cya kabiri ku munota wa 81, umukino urangira ari 2-0

Muri uyu mukino umukinnyi w’inyuma wa Rayon Mutsinzi Ange yaje guhabwa ikarita itukura nyuma yo gukorera ikosa umukinnyi wa Wau Salaam.

Myugariro wa Rayon Mutsinzi Ange yahawe ikarita itukura

Rayons Sport yasezereye Wau Salaam igomba guhura na Les Onze Createurs yo muri Mali mu cyiciro gikurikira.

Abafana bari bake

Abakinnyi ba Rayon Sport babanjemo:

Mu izamu:Ndayishimiye Jean Luc

Ba myugariro:Manzi Thierry,Irambona Eric,Mutsinzi Ange na Mugabo Gabriel

Abo hagati:Kwizera pierrot,Mugheni Fabrice,Manishimwe Djabel na Nsengiyumva Moustapha

Ba Rutahizamu:Nahimana Shassir na Camara Moussa

Abakinnyi babanjemo ba Wau Salaam:

Mu izamu:Simon Farajalla

Ba myugariro:Edwad Julio,Gasper Ayom,Rofino Ambrose na Nnadozie Ahamefule

Abo hagati:Khalid Djuma,Elhadji Atoron,na Rushdi Ekueldito

Ba rutahizamu:Olivier Kangi na Emmanuel Nggeka

Abasifuzi na ba kapiteni b’amakipe yombi

Nizeyimana Mirafa ukinira Polisi niwe wahesheje intsinzi ikipe ya Bugesera, aho ku munota wa 25 yahinduye nabi umupira wari utewe n’umukinnyi wa Bugesera, aho kuwushyira hanze awuganisha mu izamu ry’ikipe ye.

Abakinnyi ba bugesera barushije cyane ikipe ya Polisi

Igice cya mbere cy’uyu mukino cyarangiye ari igitego kimwe cya Bugesera ku busa bwa Polisi Fc, nyuma y’akaruhuko ikipe ya Bugesera ikomeza kurusha iya Polisi, ariko umupira urangira nta gihindutse.

Mashami Vincent utoza Bugesera nyuma y’umukino yavuze ko yishimiye intsinzi kandi ko ashima abakinnyi be bamwumviye ku mabwiriza yabahaye, avuga ko batanga icyizere cy’ejo ha Bugesera.

Ati”Iyi ntsinzi irashimishije. Ndashima abakinnyi banjye bumvise amabwiriza nabahaye, kandi nabo bamaze kumenya icyo kwitwara neza imbere y’amakipe akomeye bivuze, kuko nabo bishobora gutuma babona amakipe meza kuruta iya Bugesera.”

Abakinnyi ba Polisi bagirwa inama mu karuhuko zo kureba niba bakwishyura igitego batsinzwe na mugenzi wabo

Ku rundi ruhande Seninga Innocent umutoza wa Police we yikomye ikibuga aho yavuze ko n’ubwo hari amakosa amwe yakozwe n’abakinnyi, ngo n’ikibuga cyabangamiye imikinire y’abakinnyi be.

Indi mikino yabaye kuri uyu wa kane, ikipe ya Pepiniere yatsinzwe n’ikipe ya musanze igitego kimwe ku busa, Kirehe itsinda Sunrise ibitego bibiri ku busa, naho marine FC inganya na As Kigali igitego kimwe kuri kimwe.

Kuri uyu wa gatanu imikino ya Shampiyona irakomeza ikipe ya Etinceles ihura na Mukura, Amagaju ahura na Kiyovu Sport

Polisi yageragezaga gusatira ariko bikanga

Zanaco FC ubwo yageraga ku kibuga cy’indege i Kanombe

Zanaco yageze i Kigali mu masaha ya nyuma ya saa sita ku wa kane tariki ya 16 Gashyantare 2017.

Aya makipe ari gukina amarushanwa y’amakipe yabaye aya mbere iwayo, aho mu mukino ubanza wabereye i Lusaka muri Zambia, yanganyije 0-0

Ubwo Zanaco yageraga i Kigali, umutoza wayo Mumamba Numba yagize ati "Ubu tuje gushaka ibitego ku buryo twakomeza kandi amakosa twakoze mbere twarayakosoye."

Yakomeje avugako APR FC ari ikipe nziza ariko akavuga ko yabonye uko ikina ari nayo mpamvu yemeza ko ashobora kuyisezerera.

Ikipe izarokoka hagati ya APR na Zanaco izahura na Young Africans yatsinze umukino ubanza wayo ibitego 5-1.

Umutoza wa Zanaco FC

Bakiriwe n’umunyamabanga mukuru w’ikipe ya APR Adolphe Kamarade

Johnny McKinstry uzaba asimburwa kubera umusaruro muke

Uzatoranywa azaba asimbuye Johnny McKinstry wahoze kuri uyu mwanya, agasezererwa muri kanama umwaka ushize, azira umusaruro muke yagaragaje mu gihe yari mu kazi.

Ruboneza Prosper uvugira FERWAFA yatangarije Kigali Today ko mu batoza 50 bari basabye gutoza Amavubi hatoranyijwemo umunani gusa, kuko ari bo bujuje ibyangombwa bari basabwe na FERWAFA.

Yagize ati” Aba batoza umunani batoranyijwe n’akanama kari kagizwe n’abakozi ba FERWAFA n‘aba Minisiteri ifite siporo mu nshingano. Aba batoranijwe nabo bazahamagazwa bakore ikizamini kitanditse utsinze abe ari we uzatoza Amavubi.”

Uyu muvugizi yanongeye ko nyuma yo kwerekana uwatsindiye gutoza Amavubi, abatoza bandi bazerekwa ibyo yabarushije, kuburyo ntawe uzagenda avuga ko yarenganyijwe.

Nk’uko Ruboneza yakomeje abitangaza, ngo uyu mutoza azaba yamenyekanye mu gihe kitageze ku mezi atatu.

Abatoza umunani bazatoranywamo uw’Amavubi ni aba bakurikira:

1. Antoine Hey (Germany)
2.Georges Leekens (Belgium)
3. Jose Rui Lopes Aguas (Portugal)
4. Paul Put (Belgium)
5. Peter James Butler (England)
6. Winfried ‘Winni’ Schafer (Germany)
7. Raoul Savoy (Switzerland)
8. Samson Siasia (Nigeria)

Umukozi wa Komite Olempiki y’u Rwanda nawe yatawe muri yombi

Mukundiyukuri wari umuyobozi ushinzwe ibikorwa (Directeur Executif) muri CNOSR, yatawe muri yombi kuri uyu wa gatanu tariki ya 10 Gashyantare 2017.

Ibi bibaye nyuma y’iminsi itatu gusa hafunzwe abandi bakozi babiri bo mu ishyirahamwe ry’umukino w’intoki mu Rwanda, Volleyball (FRVB) aho nabo bakurikiranwe ho icyaha cya Ruswa.

Umuvugizi wa Polisi y’u Rwanda, ACP Theos Badege yemeje iby’iyo nkuru.

Agira ati “Uwo mukozi wa Komite Olempiki yafunzwe uyu munsi(Tariki ya 10 Gashyantare 2017) akaba nawe kimwe na bagenzi be bo muri Volleyball, akurikiranweho icyaha cya ruswa ubu iperereza rikaba rikomeje.”

Mukundiyukuri Jean de Dieu wari usanzwe ari umusifuzi mu mikino ya Beach Volleyball yatsindiye, uwo mwanya muri Werurwe 2016.

Yawusimbuyeho Serge Mwambali wirukanwe, kubera amakosa yakoze ajyanye no kutubahiriza inshingano ze

Abakinnyi ba Sunrise bahembwe ibirarane

Iyi kipe yaherukaga guhembwa ukwezi kwa Kanama 2016 yamaze guhembwa amezi 5 yari ashize, nyuma yo kubahemba ubuyobozi bw’iyi kipe bwabasezeranije ko ikibazo cyo kuraranya imishahara kitazongera kubaranga.

Umuyobozi w’iyi kipe ibarizwa I Nyagatare Ndungutse Jean Bosco yavuze ko ikibazo cyabaye icy’abafatanyabikorwa babo babatengushye ariko noneho ngo icyo kibazo cyavuye ho.

Yagize ati”abakinnyi twabahembye kandi icyatumaga badahemberwa igihe ni aho twateganyaga amafaranga mu bafatanyabiikorwa ntabonekere igihe.

Ubu twaricaye nabo bose biyemeza uko bazajya baduha amafaranga buri kwezi kandi azaba aruta imishahara y’abakinnyi”

Kapiteni wa Sunrise Serumogo Ally Omar nawe yemereye ko bamaze guhembwa amafaranga y’amezi 5 aho banavuga ko banakoranye inama n’ubuyobozi bemeranya ko itariki ntarengwa yo kubahembera ho ari iya 3 z’ukwezi gukurikira.

Ati”nibyo baduhembye mu gitondo twakinnye umukino wa As Kigali baduhembye amezi 5 yose kandi banatwijeje ko bitazajya bigera ku itariki 5 bataraduhembye ku buryo nta kirarane kizongera kuba mo.
Ubu igisigaye ni ukongera tukagaruka mu bihe byiza twahozemo”

Nyuma y’uko ikipe ya Sunrise yahoze ari iy’Intara y’Iburasirazuba yimutse ikajya mu karere ka Nyagatare ari nako kayeguriwe yatangiye shampiyona yitwara neza, ariko ikibazo cy’amikoro gituma idahembera abakinnyi igihe.

Ibi ngo ninabyo byanayiviriyemo kwitwara nabi.

Sunrise yari yarangije igice cybanza cya Shampiyona ARPL iri ku mwanya wa 9 n’amanota 18 aho yarushwaga n’ikipe ya Mbere Rayon sports amanota 18.

Haravugwa ruswa mu ishyirahamwe rya volleyball

Aba bakozi barimo umunyamabanga nshingwabikorwa Hatumimana Christian n’umubitsi Uwera Jeannette batawe muri yombi ku wa 08 Gashyantare 2017

Nk’uko umuvugizi wa Polisi y’u Rwanda ACP Badege Theos yabitanagarije Kigali Today ngo abo bakozi batawe muri yombi bakekwaho ruswa mu bikorwa bijyanye n’amatora aheruka Kuba kuwa 04 Gashyantare 2017.

Ku murongo wa telefoni yagize ati" nibyo ayo makuru niyo twafunze abakozi 2 bo muri Volleyball barakekwaho ruswa mu bikorwa bijyanye n’amatora bakaba barafunzwe guhera ejo (ku wa gatatu) nyuma y’iperereza ryakozwe"

Polisi ivuga ko ikomeje iperereza ku bandi baba bafite aho bahuriye n’icyo cyaha cyakozwe n’abo bakozi.

Ikipe y’igihugu y’u Rwanda itarakinnye imikino yatumye u Rwanda rusubira inyuma ho imyanya 7 ku rutonde rwa FIFA

Ishyirahamwe ry’umupira w’amaguru ku isi, FIFA ryasohoye urwo rutonde kuri uyu wa kane tariki ya 09 Gashyantare 2017.

Tariki ya 12 Mutarama 2017, ubwo bashyiraga ahagaragara urutonde rwa FIFA rusohoka buri kwezi, u Rwanda rwari ku mwanya wa 93 none ubu ruri ku mwanya wa 100.

Ku rwego rw’isi nta cyahindutse cyane kuko amakipe 10 y’ubushize ariyo yagarutse. Argentine ikomeje kuyobora urutonde igakurikirwa na Brazil.

Igihugu cy’u Bufaransa cyaguranye na Colombiya aho ubushize Colombiya ariyo yazaga ku mwanya wa gatandatu ubufaransa bukaza ku wa karindwi.

Muri Afurika habaye impinduka cyane kuko ibihugu hafi ya byose byazamutseho imyanya myinshi. Cameroun iherutse gutwara igikombe cya Afurika cy’ibihugu (CAN) yazamutseho imyanya 29 kuko ubushize yari ku mwanya wa 62 ubu ikaba yaje ku mwanya wa 33.

Ibindi bihugu byazamutseho imyanya myinshi birimo Misiri yageze ku mukino wa nyuma wa CAN na Congo (DRC) yageze muri ¼ cy’irangiza, yazamutseho imyanya 15.

Burukinafaso nayo yazamutseho imyanya 15 naho Maroc, Ghana na Nigeria zizamukaho imyanya icyenda.

Mu karere k’Iburasirazuba bw’Afirika n’iyo hagati, Uganda iracyaza imbere n’ubwo yamanutseho imyanya ibiri.

Ubushize yari ku mwanya wa 73 ku rwego rw’isi ariko ubu ikaba yaje ku mwanya wa 75.

Dore uko ibihugu bikurikirana ku rwego rw’isi

1.Argentine
2.Brazil
3.Ubudage
4.Chili
5.U Bubiligi
6.Ubufaransa
7.Colombiya
8.Portugal
9.Urguay
10.Espagne

Uko ibihugu bikurikirana ku rwego rwa Afurika

1.Misiri( 23ku isi)
2.senegal(31 ku isi)
3.Cameroon (33 ku isi)
4.Tunisia (36 ku isi)
5.Kongo Kinshasa(37 ku isi)
6.Burukina Faso(38 ku isi)
7.Nigeria(41 ku isi)
8.Ghana(45 ku isi)
9.Cote D’ivoire(47 ku isi)
10.Maroc (48 ku isi)

Uko ibihugu bikurikirana ku rwego rwa Afurika y’Iburasirazuba n’iyo hagati:

1.Uganda(75 ku isi)
2.Kenya(87 ku isi)
3.Rwanda(100 ku isi)
4.Ethiopia (103 ku isi)
5.Burundi(138 ku isi)
6.Tanzaniya (158 ku isi)
7.Djibuti(205 ku isi)
8.Somalia(205 ku isi)
9.Eritrea (205 ku isi)

Abakinnyi banyuzagamo bakananura imitsi

Ku isaha ya saa saba z’ijoro zo kuri uyu wa gatatu nibwo APR yerekeje muri zambiya gukina n’ikipe yaho yitwa Zanaco Fc, mu mikino Nyafurika y’amakipe yabaye aya mbere iwayo (Caf Champions League).

Mu myitozo ya nyuma ya APR yabereye kuri stade Amahoro i Remera kuri uyu wa 08 Gashyantare 2017, Jimmy Mulisa yavuze ko bagiye gushaka intsinzi mbere na mbere, bitashoboka bakanganya cyangwa bagatsindira hanze igitego.

Yagize ati”abakinnyi bameze neza,tumaze iminsi twitwara neza niyo mpamvu icyo cyizere aricyo tujyanye dushaka intsinzi.

Zanaco ni ikipe ikomeye, nitutayitsinda tuzashaka uko twanganya nayo nka 0-0 ndetse tunashake igitego cyo hanze ku buryo cyadufasha mu mukino w’i Kigali”

Jimmy Mulisa atanga inama ku bakinnyi

Jimmy Mulisa yakomeje avuga ko ibanga we na bagenzi be bakoresheje ubwo bageraga muri ½ muri 2003 mu mikino nyafurika ya Caf Confederation Cup, yatangiye kurihishurira abakinnyi be harimo kwitanga no kwigirira icyizere.

Kapiteni wa APR Ngabo Albert nawe ashimangira ko intego z’umutoza ari zo n’abakinnyi bahagurukanye aho avuga ko umwuka umeze neza mu bakinnyi bagenzi be akaba yizera ko bazitwara neza.

Nyuma y’imytozo basenga

Umukino wa APR na Zanaco uzaba kuri uyu wa gatandatu tariki ya 11 Gashyantare 2017 ukaba uteganyijwe ku isaha ya saa kumi n’igice z’umugoroba hano mu Rwanda.

Dore abakinnyi 18 APR yahagurukanye:

Abazamu:Emmery Mvuyekure na Kimenyi Yves

Ba Myugariro :Rusheshangoga Michel,Emmanuel Imanishimwe,Ngabo Albert (C),Rugwiro Herve, Faustin Usengimana na Aimable Nsabimana

Abakina Hagati :Yannick Mukunzi,Imran Nshimiyimana,Djihad Bizimana,Benedata Janvier,Maxime Sekamana,Patrick Sibomana na Fiston Nkizingabo

Ba Rutahizamu:Issa Bigirimana,Onesme Twizerimana na Nshuti Innocent

IPRC-Kigali BBC niyo yegukanye igikombe cy’Intwari

Yagitwaye ubwo hasozwaga irushanwa ry’igikombe cy’Intwari, kuri iki cyumweru tariki ya 05 Mutarama 2017.

Umukino wa nyuma wabereye kuri Stade Amahoro i Remera, aho IPRC-Kigali BBC yahuye na Espoir BBC maze umukino urangira IPRC-Kigali itsinze Espoir ku manota 76 kuri 65.

Buhake Albert, utoza IPRC-Kigali avuga ko gutwara igikombe byatewe nuko yabwiye abakinnyi be kwikuramo ko Espoire yabatsinze mu mikino y’amajonjora.

Agira ati “Icyadufashije ni uko mbere y’umukino nabwiye abakinnyi banjye kudatinya Espoir yari yadutsinze kandi nabonye byadufashije kuko twagendaga ducunganwa buhoro buhoro tukabarusha mu minota ya nyuma.”

Kapiteni wa IPRC-Kigali ashyikirizwa igikombe na Bugingo Emmanuel ushinzwe siporo muri MINISPOC

Mwiseneza Maxime, umutoza wa Espoir avuga ko gutsindwa umukino wa nyuma byatewe n’abasifuzi. Aho avuga ko bakunze gusifura amakosa ku ikipe ye, amakosa avuga ko atari ngombwa.

Irushanwa igikombe cy’Intwari, ryari ryatangiye tariki ya 27 Mutarama 2017. Rikaba ryari ryitabiriwe n’amakipe umunai mu bagabo n’atatu mu bagore.

Igikombe cyo mu mwaka wa 2016 cyari cyatwawe na Patriots mu bagabo naho mu bagore cyari cyatwawe na Ubumwe ari nayo yongeye kukisubiza muri 2017.

Umuyobozi wa IPRC-Kigali yahawe igikombe ikipe ye yatsindiye akereka abafana

Amakipe yari yitabiriye irushanwa:

Mu bagabo
1. PATRIOTS BBC
2. CSK BBC
3. APR BBC
4. ESPOIR BBC
5. IPRC Kigali BBC
6. UGB
7. IPRC-South BBC
8. REG BBC

Mu bagore

1. UBUMWE BBC
2. THE HOOPS RW G.T
3.APR BBC

Andi mafoto

Mu bakobwa Ubumwe nayo yashyikirijwe igikombe yatsindiye

Amafoto: Batamuriza Natasha

Nkurunziza Gustaze atorewe kongera kuyobora FRVB ku majwi 18

Aya matora yabaye mu gitondo cyo kuri uyu wa Gatandatu tariki ya 4 Gashyantare 2017, abera mu cyumba cy’ inama cya Stade amahoro I Remera ku cyicaro cy’iri shyirahamwe.

Nkurunziza wongeye kugirirwa icyizere cyo kuyobora iri shyirahamwe mu gihe cy’Imyaka ine, yavuze k azibanda cyane mu kongera uburyohe bwa Shampiyona no kongera umubare w’amakipe mu byiciro byombi, icya mbere n’icya kabiri.

Ni ku nshuro ya Kabiri Nkurunziza agiye kuyobora iri shyirahamwe, nyuma ya manda asoje y’imyaka ine yatorewe muri Gashyantare 2013.

Ku yindi yanya yatorwe muri aya matora, hatowe kansime Jilius ku mwanya wa V/perezida wa mbere, hatorwa Libanje Jean Pierre ku mwanya wa V/p wa kabiri,
Umunyamabanga mukuru wa FRVB aba Mfashimana Adalbert, Umubitsi mukuru aba Uwera Jeannette.

Nkurunziza akubye kabiri mu majwi Karekezi Leandre bari bahanganye

Abanyamuryango ba FRVB bari bitabiriye aya matora

Karekezi Leandre wari Uhanganye na Nkurunziza Gustave

KOmite Nyobozi ya FRVB igiye kuyobora iri shyirahamwe mu gihe cy’Imyaka ine

Ikipe ya APR FC yasuye abasilikare bamugariye ku rugamba babashyiriye ibintu bitandukanye birimo imifuka y’umuceri wo kurya

Babasuye kuri uyu wa kabiri tariki ya 31 Mutarama 2017, babashyiriye ibintu bitandukanye birimo Fanta, amazi, imifuka y’umuceri wo kurya n’ibihumbi 600RWf.

Kapiteni wa APR FC, Ngabo Albert avuga ko batekereje iki gikorwa mu rwego rwo kuzirikana umuhate n’umurava bagaragaje babohora u Rwanda.

Agira ati "Twatekereje kubasura kubera ubwitange mwagaragaje mubohora Abanyarwanda! Ni byo byaduteye kubasura tunabazirikana mbere yo kwizihiza umunsi w’Intwari namwe mwabaye Intwari."

Aba basilikare bamugariye ku rugamba batuye mu mudugudu uri mu murenge Nyarugunga, mu Karere ka Gasabo

Jimmy Mulisa utoza APR FC avuga ko gusura abasirikare bamugariye ku rugamba ari ukubereka ko ikipe y’umupira w’amaguru ya APR CF izirikana ubutwari bagaragaje bwo kwitangira igihugu, kugeza ubwo bahamugarira.

Abo abasirikare bamugariye ku rugamba batangarije Kigali Today ko bashimishijwe n’igikorwa bakorewe n’ikipe basanzwe banafana; nk’uko John Ndekezi ubahagarariye yabivuze.

Agira ati "Kuba mwadusuye ni ibintu byiza bitweretse ko mutuzirikana ku byo twakoze kandi ikiduteye ishema kurusha ibindi ni uko muje twitegura kwizihiza umunsi w’intwari ku munsi w’ejo(01 Gashyantare 2017).”

Yakomeje akangurira abakinnyi guharanira kurwanirira igihugu mu gihe bibaye ngombwa.

Ati ”Nubwo mukina ndizera ko umurage wo kurwsnirira igihugu muwufite ku buryo hagize igihungabanya u Rwanda umupira mwawushyira ku ruhande mu karurwanirira.”

Basabye APR FC kudatsindwa na Rayon Sports

Aba basirikare bamugariye ku rugamba rwo kubohora igihugu batangarije ikipe ya APR FC ko basanzwe bayikunda kandi bayizirikana. Akaba ariyo mpamvu bagomba guharanira kujya batsinda mukeba wabo Rayon Sports.

Muvunyi Jonathan yagize ati”Kuva kera tukiri abasirikare twakundaga iyi kipe kandi yashinzwe tungana namwe ariko ikiyiranga ni uguhora ishaka intsinzi ariko by’umwihariko muzatsinde amakipe yose n’iyabatsinda wenda ibe Bugesera aho kuba Rayon Sports.”

APR FC isuye aba basirikare bamugariye ku rugamba mu gihe habura amasaha make ngo ihure na Rayon Sports mu mukino wo guhatanira igikombe cy’Intwari.

Andi mafoto

Ikipe ya APR FC yahaye abasilikare bamugariye ku rugamba inkunga y’ibihumbi 600RWf

Iyi shampiyona ya 2016-2017 yatangiye ku wa 14 Ukwakira 2016 aho yatangiye ihuza amakipe y’ibigugu Rayon Sports na Police Fc, Rayon yari yatwaye igikombe cy’amahoro yatangiye inyagira Police ibitego 3-0 uwo mukino ukaba wari wabereye kuri Stade Regional i Nyamirambo.

APR niyo yaherukaga gutwara igikombe cya Shampiyona yo yatangiye itsinda ikipe y’ Amagaju 1-0 ndetse shampiyona iratangira amakipe 2 ariyo Pepiniere na Kirehe arizo zari zazamutse mu cyiciro cya mbere zivuye mu cya kabiri.
Ibi ni bimwe mu by’ingenzi Kigali Today yakusanyije byaranze igice kibanza:

1. Ikipe ya Sunrise yatangiye neza mu mikino ya mbere iza gusubira inyuma

Nyuma y’uko ikipe ya Sunrise yahoze ari iy’intara y’iburasirazuba yimutse ikajya mu karere ka Nyagatare ari nako kayeguriwe kagomba kuyifasha yatangiye shampiyona yitwara neza.

Ikipe ya Sunrise yatangiranye imbaraga nyinshi, ariko imikino ibanza irangiye iri habi

Ni nyuma y’aho yazaniye abakinnyi 3 n’umutoza bakomoka muri Nijeriya kuko barinze bagera ku munsi wa 4 wa shampiyona iri ku mwanya wa mbere yo na Rayon Sports ndetse inagera ku munsi wa 8 iri mu makipe 3 ya mbere.
Gusa ntibyakomeje kuko yageze ho iza gutakaza amanota ku buryo irangije igice kibanza cya shampiyona iri ku mwanya wa 9 n’amanota 18 aho irushwa n’ikipe ya Mbere Rayon sports amanota 18.

2. Ndoli Jean Claude yareruye avuga ko Rayon na APR zibirwa n’abasifuzi arabihanirwa

Ndoli Jean Claude nyuma y’ibyo yatangaje ku mukino wa AS Kigali yafatiwe ibihano

Ku munsi wa 3 wa Shampiyona Umunyezamu wa As Kigali Ndori Jean Claude ubwo ikipe ye yakinaga na Rayon Sports ikanatsindwa ibitego 2-0 yatangaje ko APR na Rayon zibirwa n’abasifuzi.
Ndoli yabitangaje kuko atari yishimiye imisifurire ni bwo Ferwafa yaje kumuhanisha gusiba imikino 3 ndetse no gutanga amafaranga ibihumbi 100.

3. Ibibuga bimwe byari byarahagaritswe byaje gukomorerwa

Ishyirahamwe ry’umupira w’amaguru mu Rwanda (FERWAFA) tariki ya 12 Ukwakira 2016 habura iminsi 2 ngo Shampiyona itangire ryahagaritse by’agateganyo ibibuga bitatu byagombaga kuzakinirwaho Shampiyona y’icyiciro cya mbere kuko bitujuje ibyangombwa bisabwa.

Ibyo bibuga byahagaritswe ni ikibuga cya Sunirise FC cy’i Nyagatare, icya Nyagisenyi gikinirwaho n’Amagaju FC y’i Nyamagabe, n’icya Gicumbi FC kiri mu Karere ka Gicumbi byakurikiwe n’icya Pepiniere cyo cyafunzwe shampiyona yaratangiye.

Nyuma y’aho akanama kari gashinzwe kugenzura ibyo bibuga gasanze ibyo kasabye ayo makipe yarabikosoye, ibyo bibuga byaje gukomorerwa ubu ayo makipe akaba yabyakiriraga ho nk’uko byari bisanzwe.

4. Amwe mu makipe yavuzwemo ikibazo cy’amikoro cyatumye abakinnyi batinda guhembwa

Muri iki gice kibanza cya Shampiyona ikibazo cy’amikoro cyaranzwe muri amwe mu makipe aho abakinnyi bakomeje kuvuga ko batahembewe igihe.
Amakipe yavuzwemo iki kibazo ni As Kigali aho abakinnyi bigeze kuvuga ko bamaze amezi 3 badahembwa,Rayon yo ngo yamaze nayo amezi 3 idahemba ukongeraho Gicumbi na Sunrise nazo ngo zamaze amezi 4 zidahemba abakinnyi.

5. Bombori bombori muri Police Byaviriyemo bamwe mu bakinnyi kwirukanwa

Mu mpera z’ukuboza 2016 nibwo Police FC yatangaje ko yirukanye abakinnyi 3 barimo abakinnyi babiri bakina inyuma Hertier Turatsinze na Gabriel Mugabo hamwe na Muganza Isaac usatira izamu, ibaziza imyitwarire itari myiza.
Aba bakinnyi birukanywe bashinjwa ngo kuzana umwuka mubi mu ikipe ni bwo umutoza Seninga Innocent yamenyesheje ubuyobozi ko atagikeneye abo bakinnyi bahita birukanwa.

6. APR yatangiye Shampiyona idafite umutoza mukuru nyuma iza kumugira Jimmy Mulisa wanayikiniye

Ikipe ya APR yatangiye shampiyona idafite umutoza mukuru kuko Yves Rwasamanzi wayitozaga yari uw’agateganyo.

Jimmy Mulisa yagizwe umutoza mukuru wa APR Fc

Ni nyuma y’aho ariki 26 Nyakanga 2016 ni bwo ikipe ya APR FC yerekanye ku mugaragaro Kanyankore Gilbert Yaounde nk’umutoza mukuru w’iyi kipe ariko ku wa Gatatu tariki 7 Nzeri 2016 ubuyobozi bw’iyi kipe bweruye bukavuga ko uyu mugabo atakiri umukozi wabo.

N’ubwo APR yatangiye idafite umutoza mukuru,yaje kumugira Jimmy Mulisa wanayikiniye kuva 2002-2005, akaba yareretswe abakinnyi ku wa 29 Ugushyingo 2016.

7. Ikibazo cy’amarozi cyaravuzwe cyane

Ubwo ku munsi wa 9 wa shampiyona Mukura yakiraga Rayon Sports kuri stade i Huye habaye akaduruvayo hagati y’abakinnyi ba Mukura na Rayon bakekana kuba baroganye.

Byagaragaye ubwo umunyezamu Mazimpaka Andre yashyiraga ibintu mu izamu hanyuma Rutahizamu wa Rayon Sport Mousa Camara akabikuramo abakinnyi ba Mukura bakamwirukaho ariko ntibamufate akabijugunya.

Icyo kibazo kandi cyanavuzwe mu bakinnyi ba Rayon Sport ubwabo aho hagati yabo bashinjanye kurogana, nk’aho Umurundi Shassir Nahimana yashinjwe na bagenzi be kuba ngo abaroga ntibatsinde ariko ubuyobozi bwaje kubihosha birangirira aho.

Ibi kandi byanagaragaye ku mukino wahuje APR Fc na Marines I Rubavu, aho umunyezamu wari wafatiye Marines kuri uwo mukino yagaragaye ku mashusho ya Azam akura utuntu mu nkweto yari yambaye akadutba mu izamu yari arimo inshuro ebyiri.

Kubera iki kibazo Ferwafa yakoze inama ifata umwanzuro umwanzuro w’uko ikipe, umutoza ndetse n’abakinnyi bazagaragarwaho n’iyo myumvire bazajya bahanwa.
Byemejwe ko ikipe izajya ibigaragaza inshuro 3 izajya ikurwaho amanota 3 n’igihano cy’mafaranga ibihumbi 500, umukinnyi we bigaragaweho agasiba imikino 3 n’amafaranga ibihumbi 100 naho umutoza wabigaragaje we agacibwa amafaranga ibihumbi 200 no gusoba imikino 4 adatoza.

Gusa igice kibanza cya Shampiyona kirangiye nta wurahabwa igihano.

8. Mukura yabaye iya 3 muri Shampiyona y’umwaka wa 2015-2016 irangije igice kibanza iri inyuma.

Ikipe ya Mukura muri Shampiyona ya 2015-2016 yari yabashije kwitwara neza aho yarangije imikino yayo iri ku mwanya wa 3 nyuma ya APR yatwaye igikombe na Rayon yabaye iya kabiri.

Ikipe ya Mukura ni imwe mu makipe yagowe n’imikino ibanza

Muri shampiyona ya 2016-2017 Mukura yahuye n’ibibazo bikomeye birimo gutakaza abakinnyi bayikiniraga bakomeye nka CelestinNdayishimiye ndetse na Muhadjili Hakizimana bishobora kuba byaranayikozeho kuko igice kibanza cya shampiyona kirangiye iri ku mwanya wa 12 n’amanota 15 aho yatsinze imikino 3, itsindwa 6, inganya 6.

Guhuzagurika kwa Mukura bishobora gutuma n’umutoza wayo Godefroid Okoko asezererwa dore ko amakuru agera kuri Kigali Today avuga ko Mukura yatangiye gushaka undi mutoza.

9. Pepiniere Fc yabaye insina ngufi

Ikipe ya Pepiniere yazamutse mu cyiciro cya mbere ivuye mu cya kabiri yagaragaje imbaraga nke mu gice kibanza cya shampiyona aho amakipe hafi ya yose yagiye ayikuraho amanota.

Iyi ishoje igice kibanza cya shampiyona itsinze umukino umwe yatsinze Gicumbi ku munsi wa 15 ndetse ikanganya imikino 2 irangije ifite amanota 5 gusa.

Iyi kipe uretse kuba ariyo yatsinzwe imikino myinshi igera kuri 12 ni nayo kipe yanatsinzwe ibitego byinshi kuko yatsinzwe ibitego 30 mugihe yo yabashije gutsinda ibitego 10 gusa.

10. APR yayoboye shampiyona icyumweru kimwe gusa

Ikipe ya APR ku munsi wa 14 wa shampiyona yabashije guhagarika umuvuduko wa Rayon itari yatsindwaumukino n’umwe aho yayitsinze 1-0 ihita inayambura umwanya wa mbere yari imazeho igihe kitari gito.

APR Fc ubu iri ku mwanya wa kabiri

Uwo mwanya wa mbere APR yambuye Rayon yari iwugezeho bwa mbere kuva shampiyona yatangira ntiyawumazeho igihe kuko nyuma y’iminsi 7 gusa APR yanganyije na Bugesera 1-1 mu gihe Rayon yo yari yanyagiye Kiyovu 3-0

Ibyo byatumye igice kibanza shampiyona kirangira Rayon Sports ari iya mbere n’amanota 36,APR yo ikayikurikira ku mwanya wa 2 n’amanota 34.

11. Kayiranga watozaga Pepiniere na Okoko wa Mukura bareguye.

Nyuma y’uko ku munsi wa nyuma w’igice kibanza cya shampiyona Pepiniere ibonye amanota 3 ya mbere kuva shampiyona yatangira umutoza Kayiranga Baptiste yahise asezera ku mirimo yo gutoza iyi kipe.

Umutoza Kayiranga Baptiste yabwiye itangazamakuru ko igihe cye cyari kigeze kugira ngo ahagarike gutoza.

Okoko yeguye muri Mukura, n’ubwo andi makuru ahari ari uko yirukanwe

Okoko Godefroid nawe watozaga Mukura, kuri uyu wa 30 Muatarama 2017, yandikiye ikipe ya Mukura ayimenyesha ko yeguye muri Mukura, ndetse ahita anasimbuzwa Umubiligi Ivan Jacky Minnaert, akazayitoza kugeza umwaka w’imikino urangiye.

APR mbere y’umukino basenga

Bugesera niyo yafunguye amazamu aho umunyamali Guindo Abdallah yayitsindiye igitego ku munota wa 20 w’igice cya mbere kiza kwishyurwa ku munota wa 50 gitsinzwe na Issa Bigirimana.

Kunganya kwa APR byatumye itabasha gufata umwanya wa mbere kuko Rayon Sport yahise iyirusha amanota 2 nyuma yo kunyagira Kiyovu kuko ifite 36 mu gihe APR ifite 34.

Bugesera mu gice cya mbere yakunze kwiharira umupira

Jimmy Mulisa utoza APR yavuze ko kuba ikipe ye yanganyije yabangamiwe n’ikibuga.

Yagize ati”Ni umupira turanganyije abakinnyi banjye bagowe n’ikibuga kuko bamenyereye ikibuga cyiza ariko nta kundi bibaho tugiye gutegura imikino yo kwishyura”

Bugesera yagiye ibona Koruneri ariko ntizatanga umusaruro

Abatoza ba APR batarabona igitego bari bumiwe

Ku rundi ruhande Mashami Vincent umutoza wa Bugesera yishimiye kunganya aho avuga ko kunganya n’ikipe ikomeye nka APR byongerera imbaraga abakinnyi be avuga ko bataragira ubunararibonye.

Abafana bari benshi

Rujugiro umufana ukomeye wa APR

Abakinnyi babanjemo muri APR

Mu izamu: Mvuyekure Emery

Ab’inyuma:NgabonzizaAlbert, Imanishimwe
Emmanuel,Usengimana Faustin na Aimable Nsabimana

Abo hagati:Mukunzi Yannick,Nshimiyimana Imran,Sibomana Patrick na Benedata Janvier

Ba rutahizamu: Bigirimana Issa Na Mucyo Fred

Abakinnyi babanjemo muri Bugesera

Mu izamu:Kwizera Olivier

Ab’inyuma:Mugabo Ismael,Uwacu Jean Bosco,Muhire Anicetna Rucogoza Aimable

Abo hagati:Ntwali Jack,Guindo Abdallah,Nzabanita David,Iradukunda Bertrand

Ba rutahizamu:SSentongo Faruk Na Mugenzi Bienvenu

Indi mikino y’umunsi wa 15 uko yarangiye

Kuwa gatanu tariki ya 27 Mutarama 2017

Rayon 3-0 Kiyovu

Kuwa gatandatu tariki ya 28 Mutarama 2017

Bugesera 1-0 APR

As Kigali 1-0 Espoir

Kirehe 3-1 Mukura

Musanze 3-0 Sunrise

Etincelles 1-0 Amagaju

Ku cyumweru tariki ya 29 Mutarama 2017

Marines vs Police

Pepiniere vs Gicumbi

Ni irushanwa ryatangiye kuri uyu wa 27 Mutarama 2017 aho biteganyijwe ko rigomba kuzasozwa ku wa gatanu tariki ya 03 Gashyantare 2017.

Ikipe ya Patriots yegukanye igikombe umwaka ushize yatangiye neza

Patriots bumva inama z’umutoza mu karuhuko

Mu mikino yo mu itsinda rya mbere yabaye kuri uyu wa gatanu, ikipe ya Ptriots yatsinze iya APR BBC amanota 53 kuri 26.

Mu mukino w’umunsi wa mbere, APR ntiyigeze igora Patriots

Agace ka mbere kugeza ku ka nyuma ka kane Patriots yakomeje kugenda isiga APR birinda binarangira Patriots yegukanye intsinzi ku munsi wa mbere.
Mu wundi mukino wahuje ikipe ya REG BBC na UGB BBC warangiye REG inyagiye UGB ku manota 82 kuri 28.

Iri rushanwa rizasozwa tariki ya 03 Gashyantare ryitabiriwe n’amakipe 8 mu bagabo n’atatu mu bagore, igikombe umwaka ushize kikaba cyari cyatwawe na Patriots mu bagabo naho mu bagore cyari cyatwawe na Ubumwe.

Uko mu itsinda rya kabiri batsindanye:

IPRC-Kigali 60 - 76 Espoir
IPRC-South 79 - 27 CSK

Andi mafoto yaranze umunsi wa mbere

Indi mikino iteganyijwe mu mpera z’iki cyumweru

Ku wa Gatandatu taliki 28/01/2017

13:00 APR BBC(W) vs UBUMWE(W) (AMAHORO)

15:00 UGB vs APR BBC (AMAHORO)

15:00 ESPOIR vs CSK (CSK)

17:00 IPRC KGL BBC vs IPRC SOUTH BBC(AMAHORO)

19:00 PATRIOTS BBC vs REG BBC (AMAHORO)

Ku Cyumweru Taliki 29/01/2017

09:00 APR BBC(W) vs HOOPS(W) (AMAHORO)

11:00 ESPOIR vs IPRC SOUTH(AMAHORO)

13:00 REG BBC vs APR BBC(AMAHORO)

15:00 PATRIOTS BBC vs UGB(NPC)

17:00 CSK vs IPRC KGL(AMAHORO)

Amafoto: Sesonga Junior

Aya matora ateganyijwe tariki ya 4 Gashyantare 2017 Karekezi Leandre azaba ahatanye na Nkurunziza Gustave wari umaze imyaka 4 ayobora ishyirahamwe ry’umukino wa Volley Ball.

Karekezi Leandre wambaye numero 6 mu bicaye, yahoze ari umukinnyi ukomeye muri Volley y’u Rwanda

Nk’uko Karekezi yabitangarije Kigali Today mu kiganiro cyihariye yavuze ko yamaze gutanga ibisabwa byose ngo yiyamamarize kuzayobora ishyirahamwe ry’umukino w’intoki wa Volley ball mu Rwanda.

Yifuza umukino wa Volley wagezwa no mu byaro

Yavuze ko zimwe mu mpinduka yazazana ari ukugeza Volleyball mu cyaro ahereye mu bakiri bato ngo kuko usanga utaragerayo nk’indi mikino itandukanye.

Yagize ati ”Namaze gutanga kandidatire yanjye yo kwiyamamariza kuyobora ishyirahamwe ry’umukino wa Volleyball nk’umuntu wayibayemo unayikunda ndashaka kunganira abayoboye mbere n’ubwo hari ibyo bagezeho.

“Nshaka kuzana impinduka zirimo kugeza Volleyball mu cyaro kuko ubu ikinwa n’abanyeshuri ndete n’abanyamujyi njyewe ndashaka ko izagera no mu cyaro nk’uko umupira w’amaguru wagezeyo”

Karekezi avuga ko kuba yarakinnye uyu mukino byamworohera kuwuyobora
Uyu mugabo wayoboye akarere ka Gisagara imyaka 10 avuga ko kuba yarakinnye Volleyball biri mu byamufasha kuwuteza imbere cyane ko ngo azi icyo uyu mukino usaba n’icyo umukinnyi uwukina akenera.

Ati” Nakinnye mu makipe atandukanye nka APR na Kaminuza nkuru y’ U Rwanda nkiga ndetse n’ikipe y’igihugu ya volleyball nzi neza uyu mukino ndetse n’icyo uwukina akeera ibyo byamfasha kudahuzagurika mu kuwuteza imbere”

Nkurunziza Gustave usanzwe ari Umuyobozi wa FRVB nawe azaba yongera guhatanira uwo mwanya

Dore urutonde rw’abiyamamaza mu myanya itandukanye muri FRVB:

Ku mwanya w’Umuyobozi wa FRVB: Nkurunziza Gustave na Karekezi Léandre.
Visi Perezida wa mbere: Kansime Julius (umukandida umwe rukumbi).
Visi Perezida wa kabiri: Ribanje Jean Pierre na Ruterana (KVC).
Umunyamabanga Mukuru: Mfashimana Adalbert (wari usanzwe ari Komiseri muri FRVB)
Umwanya w’umubitsi: Mukamurenzi Providence na Jeannette Uwera.

Uyu mukobwa w’imyaka 21 ukina mu ikipe ya Les Amis Sportif y’i Rwamagana yavuze ko imvune yamubangamiye kuko irushanwa ry’amagare ryasojwe ku wa 21 Mutarama 2017 ataryegukanye ahubwo ryegukanywe na mugenzi we Beatha Ingabire banakinana mu ikipe imwe.

Girubuntu Jeanne D’Arc ukinira Les Amis Sportifs, yababajwe no kutegukana iri siganwa

Ubwo kuwa 21 Mutarama 2016 kuri stade Amahoro i Remera hasozwaga irushanwa ry’amagare (Rwanda Cycling Cup 2016), Girubuntu yabwiye Kigali Today ko kutegukana iryo rushanwa byamuteye agahinda ariko akavuga ko nakira neza azongera akagaruka mu bihe bye byiza yahozemo.

Ati ”Imvune nagize umwaka ushize(2016) yarambabaje kuko yatumye ntitwara neza muri Rwanda Cycling Cup kuko mwabonye ko Beatha yayintwaye ariko n’ubu n’ubwo nkinyonga sindakira neza 100% ndizera ko ninkira neza nzagaruka mu bihe byanjye”

Girubuntu Jeanne d’Arc wabaye uwa mbere mu bakobwa muri Shampiyona y’igihugu 2016

Yakomeje avuga ko aho bigeze yumva yenda gukira neza ndetse ko n’abaganga bakomeje kumwitaho bityo ngo irushanwa ry’uyu mwaka Rwanda Cycling Cup 2017 izatangira ameze neza ku buryo yanaryegukana.

Arakangurira abakobwa bagenzi be gukora Siporo y’amagare kuko byamufashije.

Girubuntu Jeanne D’arc umukobwa w’imyaka 21 ukina mu ikipe Les Amis Sportif y’I Rwamagana umaze kwamamara mu mukino w’amagare aratangaza ko gukora iyo siporo byamufashije cyane.

Avuga ko ubwo yamaraga gutangira uyu mukino mu mwaka wa 2013 yabonaga bitazamugirira akamaro ariko ngo nyuma y’imyaka hafi 4 amaze kubona akamaro kabyo ari nayo mpamvu agira inama abakobwa bagenzi be gukina uyu mukino.

Yagize ati ”Umukino w’amagare maze kubona ko ari mwiza ngereranyije na mbere nkiwujyamo kuko ubu namaze kubona ko umfitiye akamaro kuko ubu hari byinshi nikemurira ntabyatse ababyeyi, ndaruhuka kubera uyu mukino, sinari nzi ko nakurira indege nabyo nabigezeho ndetse n’ibindi bijyanye n’amikoro y’umuryango nagiye mbafasha.

Nkurikije ibyo naboneye muri uyu mukino nakangurira abakobwa bagenzi banjye kuwukina kuko urafasha cyane kuko ntiwanatuma hari ikindi kiguhuza ndetse wanakurinda kugira irari ry’ibintu runaka kuko ubasha kubyigurira”
Girubuntu ngo yifuza ko yazakomereza hanze y’U Rwanda akajay gukina yo nk’ababigize umwuga.

Ku mukino wa Kiyovu na Marine abafana bari bayo bari bake ku kibuga imyanya myinshi iriho ubusa

Ibi byagaragaye ku mukino wahuje Kiyovu Sports na Marine, wabereye kuri Stade Regional Nyamirambo tariki ya 22 Mutarama 2017.

Uwo mukino warangiye Kiyovu itsinzwe na Marine igitego 1-0.

Ubusanzwe iyo Kiyovu yakinaga abafana bayo babaga ari benshi ku kibuga ku buryo iyo yakiniraga kuri Stade Regional Nyamirambo habaga hari abafana bayo barenga 5000. Ibyo ngo byatumaga irushaho gukina neza, ikanatsinda.

Ariko kuri uwo mukino hagaragaye abafana bake cyane batageze no 2000. Hakibazwa impamvu abafana bayo batakigaragara ku kibuga yakinnye.

Abafana bake baza gufana Kiyovu banenga bagenzi babo batereranye ikipe yabo

Perezida w’abafana ba Kiyovu ku rwego rw’igihugu, Minani Hemed yabwiye Kigali Today ko bibabaje kuba abafana baradohotse.

Agira ati “Abafana ba Kiyovu turi bake koko niyo mpamvu iyo dukoze inama tunenga abagiye kure y’ikipe. Hari n’abatanga inkunga ariko waza ku kibuga ukababura. Hari abadatanga inkunga ntibanaze ku kibuga.

Abo nabo ni abo kunengwa ariko na none abayobozi b’ikipe nabo ntibaza kuko nawe warebye! Mbwira niba hari umuyobozi wa Kiyovu wigeze ubona! Ibyo rero si urukundo rw’ikipe, basa n’abayijugunye.”

Minani Hemed Perezida w’abafana ba Kiyovu ku rwego rw’igihugu anenga abafana batakiza ku bibuga ariko akanatunga agatoki abayobozi nabo bataza kureba ikipe yabo

Ibi abyemeranyaho n’abafana bake bakiza ku kibuga aho nabo bemeza ko, abo batereranye ikipe ari abo kunenga kuko babibonamo ubugwari; nkuko umwe mu bafana Zawadi Munyeshyaka Ingabire, abisobanura.

Agira ati “Twe turacyafitiye Kiyovu urukundo ni nayo mpamvu ituma tuyireba imikino yose yakinnye. Ariko ku rundi ruhande turanenga abafana ba Kiyovu bacitse ku kibuga baradutereranye tutibagiwe na bamwe mu bayobozi bacu.”

Mugenzi we Hategekimana Hamza yunze agira ati “Kiyovu nayimenye nkiri muto papa na mama bayifana.

Ni yo mpamvu ntayireka ariko njye mbabazwa n’abafana bacu bacitse ku ikipe kandi iyo dukoze inama turabanenga ikipe niyo yaba mu bihe bibi ugomba kuyiba hafi.”

No mu myanya y’abanyacyubahiro hagaragaye abafana ba Kiyovu mbarwa

Perezida w’abafana ba Kiyovu avuga ko hagiye kuba ubukangurambaga hirya no hino mu gihugu kugira ngo barebe ko mu myaka iri imbere abafana baziyongera ku bibuga aho izaba iba yakiniye.

Bamwe mu badamu bakuze baracyafitiye urukundo Kiyovu bakaza kuyifana

Ikipe ya Marine yabanjemo.jpg

Hari ku munsi wa 14 wa Shampiyona y’icyiciro cya mbere mu mupira w’amaguru, aho Kiyovu yatsinzwe nyamara yari imaze igihe yitwara neza imbere y’amakipe akomeye, aho ku munsi wa 13 wa shampiyona yatsinze As Kigali ndetse no ku wa 12 ikaba yari yatsinze police FC.

Kanamugire Aloys utoza Kiyovu Sport, nyuma y’umukino yavuze ko ba myugariro b’ikipe ye, aribo nyirabayazana yo gutsindwa kuri uyu mukino.

Yagize ati” Twatsinzwe kubera ko kurwana ku izamu byanze. Umuntu yanyuze hagati y’abakinnyi b’inyuma, baramureka aragenda aratsinda.

Icya kabiri ni uko dufite ikibazo cy’ umuzamu kuko ishoti ryose rigiye mu izamu riba igitego nacyo ni ikibazo tugomba kuzareba uko cyakemuka.”

Uyu mutoza yagaragaje ko abakinnyi be bikigoye ko babona itsinzi ngo bayihagarareho, kuko bakigaragaza igihugunga cyane mu kibuga, bigatuma badashyira mu bikorwa ibyo aba yababwiye ngo bakore mu kibuga.

Nduhirabandi Abdoul Karim bakunze kwita Coka utoza Marine FC, yavuze ko yashimishijwe no kuba yatsinze ikipe ikomeye nka Kiyovu akaba avuga ko amanota atatu yayikuyeho ari ingirakamaro, kuko azanamufasha kurangiza igice cya mbere cya shampiyona ihagaze neza.

Ku rutonde rwa Shampiyona Marine ni iya 14 n’amanota 14 mu gihe Kiyovu yo ari iya 8 n’amanota 18.

Uko indi mikino y’umunsi wa 14 wa shampiyona yarangiye:

Ku wa gatanu tariki ya 20 Mutarama 2017:

Police Fc 3-0 AS Kigali

Ku wa gatandatu tariki ya 21 mutarama 2017:

APR Fc 1-0 Rayon Sports

Espoir Fc 1-1 Sunrise Fc

Bugesera Fc 2-0 Etincelles Fc

Ku cyumweru tariki ya 22 Mutarama 2017

Mukura VS 1-1 Musanze Fc

SC Kiyovu 0-1 Marines Fc

Gicumbi Fc 1-1 Kirehe Fc

Amagaju Fc 1-1 Pepiniere Fc

Umutoza Mutokambali avuga ko kuba ikipe y’igihugu itaritabiriye Afro-Basket byabahaye isomo rizabafasha kutazongera kuyiburamo

Imikino ya Afro- Basket ubusanzwe yitabirwa n’amakipe abiri ya mbere muri buri Karere. Akarere ka Gatanu (Zone 5) u Rwanda rubarizwamo, umwaka ushize kahagarariwe n’ikipe ya Misiri n’iya Uganda.

Nyuma yo kutitabira aya marushanwa aba rimwe mu myaka ibiri, Mutokambari Moise yatangarije Kigali Today kuri uyu wa Gatanu ko bakajije imyitozo, kuburyo bazaza muri babiri ba mbere mu marushanwa y’Akarere ka Gatanu ateganyijwe mu mpera za Gashyantare, kugira ngo bemererwe kwitabira Afro –Basket 2017.

Yagize ati” Twatangiye kwitegurana n’abakinnyi bakina mu gihugu hakiri kare, kugira ngo tuzitware neza mu mikino ya Zone 5 izabera mu gihugu cya Congo Brazzaville.

Ubushize Misiri na Uganda zatuje imbere biduha isomo rikomeye ryo gukaza imyitozo, kugira ngo tutazongera kubura itike nk’uko byatubereye muri 2015.”

Byashimangiwe na Mugabe Aristide Kapiteni w’iyi Kipe uvuga ko, kuba baratangiye kwitoza kare bizabafasha kumenyerana bihagije, bakazabasha kwitwara neza mu marushanwa ya zone 5 azabafasha kubona itike ya Afro Basket 2017.

Mutokambali yakajije imyitozo ku bakinnyi bakinira mu gihugu

Mutokambari Yatangaje kandi ko ubuyobozi bwa FERWABA bwatangiye kuganiriza abakinnyi b’abanyarwanda bakinira hanze, ku buryo mu minsi mike baba bageze mu Rwanda, bagakomezanya na bagenzi babo imyitozo.

Yagize ati”Dutegereje abakina hanze mu minsi ya vuba, ariko bose siko nzabafata bizaterwa n’urwego bariho kuko nirwo ruzanyereka uko bahagaze n’icyo mbakeneyeho. ”

Urutonde rw’abakinnyi bategerejwe bakina hanze:

1.Kabange Kami (City Oilers, uganda)
2.Gasana Kenny (Ukina Maroc)
3.Twagirayezu Patrice (Ukina Muri North Calorina USA)
4.Bradeley Cameron (Indiana USA)
5.Hamza Rwezamihigo (Concordier BBC, Canada)
6. Kevin Ndahiro (USA)

Umutoza ari guha Inama abakinnyi mu myitozo

Abakinnyi 18 bahamagawe bakina imbere mu gihugu:

1. Aristide Mugabe (Patriots)
2. Sedar Sagamba (Patriots
3. Ali Kazingufu Kubwimana (Rwanda Energy Group)
4. Jean Jacques Nshobozwabyosenumukiza (Espoir)
5. Parfait Ishimwe (APR)
6. Chris Walter Nkurunziza (Patriots)
7. Dieudonne Ndizeye (IPRC-Kigali)
8. Steven Hagumintwari (IPRC-Kigali),
9. Patrick Nshizirungu (Rwanda Energy Group)
10. Bruno Nyamwasa- (IPRC-Kigali)
11. Sunny Niyomugabo (Patriots),
12. Eric Munyaneza (APR),
13. Pascal Niyonkuru (Espoir)
14. Ali Ruzigande (APR
15. Bievenue Niyonsaba (IPRC-South)
16. Olivier Shyaka (ESpoir)
17 Jean Paul Ndoli (IPRC-Kigali)
18.Kaje Elie(Patriots BBC)

Uyu mugabo w’imyaka 54 wahimbwaga Ladora yakiniye amakipe 2 ariyo Terminus bakundaga kwita Gikondo na Le Calme de Gikondo yakinaga ari myugariro mu mutima w’abugarira ariko ngo kuba yari kapiteni w’Amavubi ntakinire amakipe akomeye bihora bimubabaza.

Myandagaro usigaye ukinira ikipe y’abasaza Inyange Fc yo ku Kicukiro aganira na Kigali Today yagize ati ”Kera nari umukinnyi ukomeye nabaye Kapiteni w’Amavubi muri za 1983 kugeza muri 1987 ndi mu ikipe ya Terminus na Le Calme de Gikondo nagiyemo nyuma, ariko kuba nari Kapiteni sinkinire Panthere Fc yari iya gisirikare na Rayon sport ndetse n’amakipe nka Etincelles na Kiyovu bihora bimbabaza kandi nari nshoboye”

Yavuze impamvu yari kapiteni ariko ntakinire amakipe akomeye

"Mbere akenshi wasangaga hakora ikimenyane ariko na none natwe ntibyatumaga tubitekerezaho cyane kuko aho twakinaga twabaga dufite akazi ntacyo bidutwaye gusa nyine nko kudakina mu makipe afite izina umuntu yabitekerezagaho”

Amavubi yo hambere ntiyagiraga amahirwe yo gukina imikino mpuzamahanga.

Myandagaro Charles agereranya Amavubi yo mu gihe cyabo n’ay’ubu akavuga ko ayabo nta mahirwe yagiraga yo gukina imikino mpuzamahanga ahanini bitewe no kuba ikipe y’igihugu yari iciriritse.

Akomeza avuga ko icyamushimishije ubwo Amavubi yatozwaga na Kanamugire Aloys muri 1985 ni uko twuriye indege tujya gukina na Etiyopiya, tujya mu Bushinwa no muri Sao Tome ariko n’ubwo twagiye twaratsinzwe gusa icyadushimishije ni ugusohoka kuko bitakundaga kubaho.

Myandagaro Charles wahoze ari Kapiteni w’Amavubi hambere

Agira inama abagikina gukunda umupira kurusha gukunda amafaranga

Agaruka ku itandukaniro ry’abakinnyi ba kera n’ab’ubu , avuga ko abakinnyi ba kera bakundaga cyane ishema ry’ikipe ndetse n’ishyaka mu kibuga bitandukanye n’abakina ubu ngo bareba cyane inyungu zabo kurenza iz’ikipe.
Myandagaro agira inama abakina ubu kutita ku mafaranga cyane ahubwo ko bakajya bareba mbere na mbere inyungu z’ikipe.

Ati ”Abana bakina ubu nabagira inama yo gukunda umupira bakagira ishyaka kurenza inyungu zabo kuko ujya kumva ukumva ngo umukinnyi utahembwe ntakina ibyo ntibyabagaho kera”

Uyu mugabo yasoje gukina umupira w’amaguru mu mwaka wa 1995 aho mu gihe cyose yakinnye nta gikombe na kimwe yatwaye.

Abakinnyi bakinanye mu ikipe y’igihugu y’Amavubi harimo Gasangwa Celestin uzwi nka Tigana na Rutagengwa Charles uzwi nka Lunuya bakiniraga Mukura, Issa Ngeze, Poku Jean Pierre, Gatama Kamarondo.

Umukino waragiye hajemo ikinyuranyo cy’amnota 15 bituma REG BBC yegukana intsinzi

Yayitsinze amanota 81-66, mu mukino w’umunsi wa gatanu wa Shampiyona ya Basketball, wabaye kuri iki cyumweru tariki ya 14 Mutarama 2017.

Nyuma y’uyu mukino, umutoza John Bahufite utoza Ikipe ya REG BBC yavuze ko amahirwe yo kuzatwara igikombe cya Shampiyona yiyongereye abihereye ku kuba ikipe bahanganye ya Patriots yatsinzwe.

Agira ati “Uyu mukino wari ukomeye kuko IPRC iri mu makipe akomeye muri iyi Shampiyona,umukino watugoye twatangiye tubasiga aribyo byabagoye.

Gutsinda uyu mukino byatwongereye icyizere kuko ubu twagarutse nibura kuri 80% byo gutwara igikombe kuko Patriots yatsinzwe kandi ariyo tugendana.”

IPRC-SOUTH yagerageje gusatira ariko birangira itsinzwe

Mushumba Charles, umutoza wa IPRC-SOUTH we avuga ko gutsindwa byaturutse ku kuba abakinnyi be batubahirije amabwiriza, ariko akanavuga ko Shampiyona igikomeje bagiye kureba imikino iri imbere ngo barebe uko bazayitwaramo.

Agira ati “Iyo umuntu yatsinzwe aba yarushijwe. Twatsinzwe twarushijwe, rero ikipe yanjye yapfuye cyane mu bwugarizi kandi iyo defense (ubwugarizi)yapfuye n’ubusatirizi burapfa.

Ariko shampiyona ni urugendo rurerure tuzakomeza gukina kugeza shampiyona irangiye turebe uko izarangira twitwaye.”

IPRC-SOUTH mu minota ya nyuma yakunze gukorerwa amakosa

Uyu mwaka w’imikino wa 2016-2017 niwo mwaka wa mbere REG BBC ikinnye Shampiyona kuko ari nshya ariko si ubwa mbere itsinze IPRC-South. Kuko no mu mikino ibanziriza Shampiyona yari yayitsinze 57-51.

Abakinnyi ba REG BBC bahabwa amabwiriza

Indi mikino y’umunsi wa 5 uko yarangiye:

Ku wa gatanu tariki ya 13 Mutarama 2017

APR 71 -70 ESPOIR

IPRC-KIGALI 80 -75 PATRIOTS

Kuwa gatandatu tariki ya 14 Mutarama 2017

REG 81-66 IPRC-SOUTH