Umuvunyi wungirije ushinzwe gukumira no kurwanya ruswa Mukama Abbas yasabye abitabiriye gutangatanga ahantu hose hari ibyuho bya ruswa kuko ruswa ihombya igihugu ikanagiha isura mbi, anabibutsa ko ruswa ishingiye ku gitsina na yo igihari.

Iradukunda Mugunga Sabine yemeza ko buri gihe hakwiye kubaho amahugurwa ku bantu batandukanye no mu bigo bitandukanye kugira ruswa icike mu ngeri zose.

Yagize ati “ruswa igomba gucika mu bic byose kandi ntabwo wamenya uburyo bwo kuyiza uzazi ibyuho icamo”.

Emmanuel Umuhoza akora muri minisiteri y’ubuzima asanga abo bakorana nibamara kumenya uko ruswa imeze ndetse n’uburyo ikorwamo bizafasha kuyirandura burundu mu Rwanda.

Yagize ati “ni byiza ko twese nk’abakora mu rwego rw’ubuzima tumenya uko twirinda ruswa kuko birashoboka ko muri za pharmacies mu ma santre de santé hashobora kuba ruswa cyangwa se mu gutanga amasoko, tuzakora ibishoboka byose tubuze icyuho aho yaturura hose”.

Umuvunyi wungirije ushinzwe gukumira no kurwanya ruswa yasabye abitabiriye aya mahugurwa kutagira ubwoba mu gutanga amakuru kuho babonye ruswa ko bakwiye no kwemera ko babipfira kuko ruswa ituma nta terambere ribaho, abakwiye kuba babona ubutabera ntibabubone n;ibindi byinshi byangiza igihugu, anabibutsa hari na ruswa mbi y’igitsina igaragara.

Yagize ati “nta mpamvu yo kugira ubwoba bwo gutangatanga ruswa aho ikorerwa hose, igihugu kizabakingira ariko uwo muco mubi ucike, ntimuzibagirwe ko hari na ruswa y’igitsina kandi ko mufite inshingano yo kuyikumura no kuyamagana”.

Muri uyu mwaka u Rwanda rwaje ku mwanya wa 41 n’amanita 58 mu bihugu 180 bakifuza ko nibura u Rwanda rwazaza ku mwanya wa mbere muri 2050, izi komite zashyizweho mu bigo bya leta zigamije gufasha kuba ijisho ryo kurwanya ruswa aho bakorera.

Ibyo bikorwa birimo guhemba ba rwiyemezamirimo b’urubyiruko bahize abandi muri gahunda ya Youth Konnect, ndetse no gutangiza "Aguka Fund", ikigega gishya kigamike korohereza urubyiruko kubona inguzanyo iciriritse ku nyungu ntoya.

Imishinga 41 y’Urubyiruko igaragaza icyerekezo cy’iterambere, ni yo yahize iyindi mu Mujyi wa Kigali, ariko mu ntara zose, urubyiruko rwarahembwe, kuko ari gahunda y’igihugu cyose.

Urubyiruko ruyikora ruturuka mu ngeri zinyuranye z’ishoramari riciriritse ariko ryerekana ko umuntu ashobora gutangirira hasi, akagenda yaguka, mu gihe ashyize umutima ku mushinga we.

Umwe mu bahembwe, ni Ndayisaba Eugene ufite ubumuga, akaba akora umwuga w’ubudozi, ariko akaba yarabanje kubura ikizere, yumva ko ntacyo yakwigezaho kandi afite ubumuga.

Yagize ati ‘’Naradodaga nkumva ntaho bizangeza, ngiye kubona mbona nje mu batsinze kuko nari narushanyijwe nanjye. Ubu rero ngiye kugura ibikoresho ntari mfite ndetse nongere n’abakozi, sinzasubira inyuma.’’

Umusore washinze GEN-Z Comedy na we yavuze uburyo yatangiye asetsa ku buntu abantu ntibaze, nyamara ngo atangiye kwishyuza batangira kuza ari benshi, akaba yemeza ko umurimo we na wo utanga amahirwe.

Umunyamabanga wa Leta muri Minisiteri y’Urubyiruko, Umutoni Sandrine ni we wayoboye igi gahunda y’impurirane mu Mujyi wa Kigali, akaba yasabye urubyiruko guhaguruka rugakora kuko amahirwe areba abiteguye.

Yagize ati ‘’Uyu wari umunsi wo kureba aho tugana, ntimuzategereze ko amahirwe abizanira mugomba kuyashakisha kandi arahari, ariko kandi ntiwabigeraho, usinda bikabije, uri umusambanyi n’izindi ngeso mbi.’’

Ku bijyanye n’Ikigega ‘Aguka Fund’ Umutoni Sandrine yagize ati “Uyu munsi kandi twatangije Aguka Fund, igamije korohereza urubyiruko kubona igishoro ku buryo buboneye n’inguzanyo ku nyungu igera kuri 9%, n’ingwate yoroshye ingana na 10%. Iyi ni intambwe igamije kubafasha gutinyuka, no kwagura ibikorwa byanyu.” - Umunyamabanga wa Leta Sandrine Umutoni muri Minisiteri y’Urubyiruko n’Iterambere ry’Ubuhanzi.

Uhagarariye UNDP mu Rwanda ndetse n’uhagarariye Umuryango w’Ubumwe bw’u Burayi bashimiye Leta y’u Rwanda uburyo ikoresha amafaranga batangamo inkunga mu kubaka ejo hazaza h’urubyiruko kandi ko bazakomeza.

Ikigega “Aguka” cyije kuzamura ishoramari mu rubyiruko

Hamwe na gahunda yo guhemba ba rwiyemezamirimo, Minisiteri y’Urubyiruko n’abafatanyabikorwa bayo batangije ikigega cyitwa AGUKA kizajya cyorohereza urubyiruko kubona inguzanyo iciriritse, ku ngwate ntoya.

Ni gahunda yatangijwe mu gihugu cyose mu mpera z’iki cyumweru. Aha, umuntu w’urubyiruko azaba ashobora kubona inguzanyo kugera kuri Miliyoni icumi mu mafaranga y’u Rwanda, ku ngwate ya Miliyoni imwe Frws.

Mu Burasirazuba, Minisitiri w’Urubyiruko Dr. Utumatwishima Jean Nepo Abdallah yasabye urubyiruko gutinyuka bakagerageza amahirwe ahari kuko ubu abamaze kuyageraho barimo gutera imbere. Yabashishikarije kwirinda inzoga z’inkorano n’ibiyobyabwenge, kuko biri mu bituma igihugu gitakaza urubyiruko rwinshi.

Mu Majyaruguru, Umunyamabanga Uhoraho muri Minisiteri y’Umurimo n’Abakozi ba Leta, Clément Kabiligi, yavuze ko urubyiruko rwahawe ibihembo ari urugero rwiza rugaragaza ko kwiteza imbere bishoboka, hashingiwe ku mahirwe aboneka aho batuye. Yarusabye kurangwa n’imyitwarire myiza no gukebura abateshuka ku murongo.

Guverineri w’Intara y’Iburengerazuba, Ntibitura Jean Bosco, we yashimiye ubuyobozi bw’Igihugu n’abafatanyabikorwa badahwema gushyigikira urubyiruko kugira ngo rushobore kwiteza imbere no guteza imbere Igihugu. Yagaragaje ko igikorwa cyo gushimira urubyiruko kigamije gukangurira buri wese kugira icyo akora kimuteza imbere.

Ibi babitangaje ubwo basozaga amahugurwa bari bamazemo iminsi bahugurwa n’umushinga witwa Akazi Kanoze Access, bafatanyije na Plan International, bakaba barahise bashinga ibimina byo kwizigamira ndetse bamwe bakaba barahise batangira imirimo iciriritse.

Uru rubyiruko ruvuga ko gutinyuka ugashaka icyo ukora uhereye ku mafaranga make bisaba kubihugurirwa kugira ngo ufungure amaso ubashe kubona amahirwe agukikije, kuko iyo wageze ku murimo utandukana n’ingeso mbi nk’ubusambanyi no kunywa ibiyobyabwenge.

Umwe muri bo witwa Mukundiyineza Florence yagize ati “mbere yo guhugurwa nahoraga nteze amaboko ariko ndadoda nkabasha gukora ku ifaranga, ndakangurira n’urundi rubyiruko gufungura amaso bakabyaza umusaruro amahirwe twahawe”.

Donatien Hazitayezu ni umuhuzabikorwa wa SDPAY muri Akazi Kanoze Access. Avuga ko mu bana 1200 bamaze guhugurwa mu turere dutatu, nibura 500 batangiye gukora ibikorwa bibyara inyungu ndetse hafi ya bose bakaba baratangiye kujya mu matsinda yo kwizigamira no kugurizanya, akaba yemeza ko ari ikimenyetso ko bagiye kubyaza umusaruro amahugurwa babonye.

Yagize ati “hafi ya bose bamaze kubona ko bafite amahirwe n’imbaraga zo gukora, abenshi bamaze kwinjira mu matsinda yo kwizigamira, ubu batangiye udushinga duciriritse ndetse kandi nibatangira kuzamuka tuzanabahuza n’amabanki, mwumvise ko n’akarere na ko kazashyiramo amafaranga”.

Umuyobozi w’Akarere ka Nyaruguru, Murwanashyaka Emmanuel, yavuze ko uru rubyiruko rugiye kuba umusemburo kuri bagenzi babo mu gushaka icyo bakora kandi bakakinoza, bakava mu bidahesha agaciro nk’ibiyobyabwenge n’ibindi bishuko bitandukanye.

Umuyobozi w’Akarere ka Nyaruguru, Murwanashyaka Emmanuel, yasabye urwo rubyiruko kwita ku biruteza imbere, kandi ko ubuyobozi buzabashyigikira

Yagize ati “kuba muri uru rubyiruko harimo abarangije kaminuza, ayisumbuye, n’abandi ni ikimenyetso ko urubyiruko twahagurukiye kwiteza imbere mu ngeri zitandukanye, ni umusemburo rero ku bandi, nibabyaze amahirwe igihugu cyabahaye natwe tuzakora ibishoboka byose ngo batere imbere”.

Uru rubyiruko ruhugurwa mu buryo bwo kwihangira umurimo, kwiha intego no kuzigeraho, bagahugurwa uburyo bwo kwizigama no guteganyiriza ejo hazaza, bamwe bakajyanwa mu mashuri y’ubumenyingiro ndetse bakanahabwa n’ibikoresho kugira ngo babone intangiriro.

Busingye Antony uyobora Akazi Kanoze Access yaganirije urwo rubyiruko

Abayobozi bashyikirije seritifika n’imashini zidoda bamwe mu rubyiruko

Yabitangaje ubwo yasozaga amahugurwa y’urubyiruko rurenga 400 mu Karere ka Gatsibo ku bijyanye no kwihangira umurimo no kwiremamo icyizere gituma batisuzugura ahubwo bakagerageza amahirwe bafite.

Busingye abona ko urubyiruko rumaze kwigirira icyizere rwiteguye gukoresha imbaraga zarwo ntirutegereze gusabiriza cyangwa kumva hari abandi bagomba kubaha akazi, abibutsa ko nta kazi kagayitse kabaho mu gihe gakozwe neza.

Umuyobozi mukuru w’Akazi Kanoze Access, Busingye Antony

Yagize ati “bamaze kwigirira icyizere, biyemeje kwitabira gahunda za Leta uko bikwiye bajya muri Ejo Heza kandi barizigamira. Iyo wabonye icyo ukora nta muntu wabasha kugushuka. Umenya kuvuga yego na oya mu gihe cyabyo, mbibutsa ko nta kazi kagayitse kabaho iyo wagakoze neza kandi ukakanoza”.

Umuyobozi w’Akarere ka Gatsibo, Richard Gasana, na we avuga ko uru rubyiruko ari urw’agaciro ku isoko ry’umurimo ko iyo ufite icyo uzi udategereza amatangazo y’umurimo ko ahubwo useruka neza ku murimo bityo n’ibishuko wakabonye bikarangira.

Yagize ati “tubitezeho guseruka neza ku isoko ry’umurimo. Iyo umuntu yagize ubumenyi, ibishuko biragabanuka, ntiwongera kuba utekereza ko hari undi uzagira icyo aguha, bivuze ko utatwara inda utateguye cyangwa se ngo wishore mu biyobyabwenge mu buryo bworoshye”.

Umuyobozi w’Akarere ka Gatsibo, Richard Gasana

Murekatete Shakira ni umwe mu bahuguwe wemeza ko mbere rwose yumvaga ko atishoboreye nyamara ko yumvise ko byose bishoboka, ubu akaba ari umuhamya wo gutinyuka.

Yagize ati “nasanze nta mpamvu yo kwiheba kandi mfite akazi kandi mu gihe ngahugiyeho nta muntu wanshuka namenye kwihangira umurimo maze nkura amaboko mu mifuka”.

Uru rubyiruko rurenga 400 ngo ruzaba isoko n’urumuri ku rundi rubyiruko rwibwiraga ko akazi bazagahabwa n’abandi ndetse bakazaba n’umusemburo wo guteza imbere imiryango ndetse n’Igihugu muri rusange.

Ubwo basozaga amahugurwa ku kazi kanoze mu Karere ka Bugesera bamwe muri uru rubyiruko bavuze ko hari uburyo bitinyagamo bakiyumva ko ntacyo bageraho ariko bamaze gutinyuka ndetse ngo bakaba bazikorera.

Uwitwa Tuyizere Rosette avuga ko yari yaratangiye ubworozi akaza kubihagarika bitewe n’uko atari yakabonye amahugurwa yamufasha kumenya uko yacunga akazi ariko ko noneho amaze gutera imbere.

Yagize ati “Mbere ubucuruzi bwanjye nari narabuvuyemo ndetse ncika intege aya mahugurwa yatumye nongera kwigarurira icyizere, nari mfite amatungo mato ariko nababwira ko ejobundi namaze no kugura inka”.

Mugenzi we Hategekimana Jean Pierre yatangaje ko rimwe na rimwe hari urubyiruko rukora rugahomba kubera ko nta mahugurwa ahari mu buryo bw’imikorere no kumenya kuzigama.

Yagize ati “namenye ko kumenya kuzigama no kumenya gucunga neza ibyo mfite bifasha cyane mu kwihangira akazi, kumenya kwiha intego mu kazi urimo bikagufasha kumenya aho uva n’aho ujya.

Busingye Antony, umuyobozi mukuru w’Akazi Kanoze Access avuga ko uru ari urugendo rwo gufasha urubyiruko mu kwivana mu bukene rukamenya kwishakira akazi no kugategura, abo bakoresha n’abo bakorana.

Ibi ngo byatumye imyumvire ihinduka bamenya ko bifitemo ubushobozi bwo gukora no kwizigamira bakagenda bazamuka gahoro gahoro.

Yagize ati “ubu imyumvire yarahindutse bamwe batangiye kuba abacuruzi ku mafaranga make yabo bwite, hano bahigiye uko bajya mu bibina bakizigamira bakishakamo ubushobozi hari abo twafashije mu kwiga imyuga nibarangiza tuzanabaha ibikoresho”.

Uwari uhagarariye Akarere ka Bugesera ushinzwe Business Development and employment asanga urubyiruko nirubona icyo gukora bizagabanya ubushomeri ariko kandi binabarinde kujya mu ngeso mbi.

Yagize ati “Ibi birerekana isura nziza y’uko urubyiruko ruri guhindura imyumvire, nibaba bafite akazi ntabwo tuzongera kumva inda zitateguwe n’izindi ngeso mbi uretse ko bizanagabanya ubushomeri mu Karere kacu ka Bugesera”.

Abanyeshuri bahawe imyamyabumenyi barenga 390 ariko abamaze guhugurwa muri rusange bakaba barenga 1300.

Uyu mushinga Akazi kanoze Access ukaba ukorera hirya no hino bakaba bafasha urubyiruko rukiri ruto kwiteza imbere biciye mu mahugurwa ndetse no kubafasha mu buryo bufatika mu guhanga umurimo.

Padiri Muzungu Bernardin

Padiri Muzungu yize amateka umuco n’ubumenyamana (Teologie) ndetse anabyigisha muri kaminuza y’u Rwanda.

Yitabye Imana yari mu kiruhuko cy’izabukuru yavukiye i Kibeho mu karere ka Nyaruguru.

Bamwe mu bamuzi bamuvuze ibigwi bemeza ko u Rwanda rubuze umuntu w’ingirakamaro w’umuhanga kandi wabaye umubyeyi wa benshi.

Aldo Havugimana yagize ati “RIP Padiri Muzungu. Ni umwe muri bake baminuje mu buhanga bemeye ivanjiri badateye umugongo Imana y’i Rwanda”.

Umushakashatsi Tom Ndahiro yagize ati “Padiri Bernardin Muzungu yatabarutse. U Rwanda rwongeye kubura umunyabwenge, umunyakuri n’umuhamya w’amateka y’ibihe bitandukanye by’igihugu cyacu. Rest In Power our great man!”

Padiri Muzungu Bernardin yari umudominikani akaba yitabye Imana yari asigaye atuye ku badominikani ku Kacyiru.

Yanditse ibitabo ku mateka y’ u Rwanda L’histoire du Rwanda pre colonial, Le patriotism jusqu’au sang n’ibindi byinshi.

Amagambo y’indirimbo ateye amatsiko kuko asa n’ayumvikanisha ko Padiri hari uwo aririmba witwa Uwacu.

Tumubaza, ntiyatweruriye uwo Uwacu uwo ari we. Yagize ati: "Ni ibanga ry’abahanzi, ariko ni true story (inkuru mpamo), ubwo niba hari uwo muzi tuziranye witwa Uwacu mwazamubaza amatsiko agashira nanjye simusubirize niba ahari yakwisubiriza.”

Mu ndirimbo hari aho agaragara ari mu mwicundo uzunguzwa n’inkumi z’abazungu, akaba yasobanuye ko ari amashusho y’abanyeshuri bacumbitse hamwe babimusabye ku isabukuru y’amavuko ye, na we abasaba gukenyera kinyarwanda.

N’ubwo abazungu kubyina kinyarwanda bitaboroheye, ariko icy’ingenzi ngo ni uko bemera kubigerageza.

Padiri Uwimana avuga ko vuba aha n’izindi ndirimbo zitandukanye zizasohoka, kandi ngo nibidahinduka azaza vuba mu biruhuko mu Rwanda avuye aho ari kwiga mu gihugu cy’u Budage.

Reba Video y’indirimbo ‘Uwacu’ ya Padiri Jean François Uwimana

Ishimwe Dieudonné

Ishimwe arimo kuburana mu bujurire ku ifungwa n’ifungurwa, kuko urukiko rw’ibanze rwa Kicukiro rwari rwamusabiye gufungwa by’agateganyo, byatumye ahita abijuririra.

Ishimwe Dieudonné n’umunyamategeko we bari basabye ko baburanira mu ruhame kuko ibyo ashinjwa n’ubundi byasakaye mu itangazamakuru, ndetse n’umwanzuro wo kumufunga by’agateganyo bikabera mu ruhame.

Ubushinjacyaha bwo bwongeye gusaba ko uru rubanza rwabera mu muhezo ku mpamvu z’uko abatangabuhamya bakeneye kubikirwa ibanga, ndetse bakanasigasira umuco mbonezabupfura.

Ibi ni nabyo byaje kwemezwa n’umucamanza bityo urubanza rukomereza mu muhezo.

Prince Kid waje mu myenda y’iroza iranga imfungwa, yatawe muri yombi tariki ya 26 Mata 2022, akurikiranyweho ibyaha bifitanye isano n’ihohotera rishingiye ku gitsina bivugwa ko yagiye akorera abakobwa bitabiriye Miss Rwanda mu bihe bitandukanye.

Aba babyeyi bifuza umwuzukuru

Sanjeev, w’imyaka 57 na Sadhana Prasad w’imyaka 61, bavuga ko bakoresheje amafaranga yose bari barizigamiye mu kurera umuhungu wabo, bamurihira ishuri ryo kwiga kuba umupilote ndetse bamukoreshereza n’ibirori by’ubukwe bihenze.

Barimo gusaba impozamarira ingana n’Amadolari y’Amerika hafi 650,000 (angana na miliyoni 670 mu Mafaranga y’u Rwanda), niba umwuzukuru atavutse mu gihe kitarenze umwaka umwe. Umuhungu wabo n’umugore we nta cyo barabivugaho ku mugaragaro.

Icyo kirego mu rukiko kidasanzwe cyatanzwe hashingiwe ku "itotezwa mu bitekerezo" abo babyeyi bavuga ko bakorewe.

Prasad, se w’uwo mugabo, avuga ko yakoresheje amafaranga yose yari yarizigamiye, mu 2006 akohereza umuhungu we muri Amerika kwiga gutwara indege, bikamutwara Amadolari y’Amerika 65,000 (miliyoni 67 mu Mafaranga y’u Rwanda).

Yasubiye mu Buhinde mu mwaka wa 2007, ariko atakaza akazi ke, bituma umuryango we ugomba kumufasha mu buryo bw’amafaranga mu gihe kirenze imyaka ibiri, nk’uko bitangazwa n’ikinyamakuru The Times of India.

Shrey Sagar, w’imyaka 35, nyuma yaje kubona akazi k’ubupilote. Ababyeyi be bavuga ko mu 2016 bakoresheje ubukwe bwe na Shubhangi Sinha, ubu ufite imyaka 31, bizeye ko bazabona "umwuzukuru wo gukina na bo" mu gihe cyabo cy’ikiruhuko cy’izabukuru.

.
Abo babyeyi bavuga ko barishye kwiyakira ko mu bukwe kwabereye muri hoteli yo mu cyiciro cy’inyenyeri eshanu, imodoka ihenze y’Amadolari y’Amerika 80,000 (miliyoni 82 mu Mafaranga y’u Rwanda) n’ikiruhuko cy’ukwezi kwa buki cyo mu mahanga.

Prasad yagize ati "Umuhungu wanjye amaze imyaka itandatu ashatse umugore, ariko na n’ubu ntibateganya kubyara. Nibura tubaye dufite umwuzukuru wo kumara igihe turi kumwe na we, akababaro kacu kazihanganirwa".

AK Srivastava, umunyamategeko ubunganira, yabwiye ikinyamakuru The National ko abo yunganira basabye ayo mafaranga "kubera ubugome bakorewe mu mutwe".

Yagize ati "Ni inzozi kuri buri mubyeyi kugira umwuzukuru. Bari bamaze igihe kirekire bategereje kugira umwuzukuru".

Ikirego cy’abo babyeyi, cyatanzwe mu rukiko rwo mu mujyi wa Haridwar, cyitezwe kuburanishwa mu rukiko ku itariki ya 17 y’uku kwezi kwa gatanu.

Babitangaje mu birori byo kwishimira umwana ugiye kuvuka bimaze kumenyerwa nka Baby Shower mu rurimi rw’Icyongereza bakorewe n’Abanyarwanda b’inshuti zabo baba muri Leta Zunze Ubumwe za Amerika muri Leta ya Maine.

Clarisse Karasira yanditse ku mbuga nkoranyambaga agira ati “Umugisha umugisha, umutware Bayo yantumye kumenyesha utwana turi amaguru ngo tubwire imisozi n’imidugudu y’abacu yose ko twitegura kwakira igikomangoma umwuzukuru w’Imana n’igihugu, nimwikoranye amashimwe n’amasengesho, impundu n’ikoobe, uzabaha ukwanda araje”.

Yakomeje ashimira abantu bo muri Maine bamushyigikiye mu gukorera ibirori umwana we wenda kuvuka.

Umugabo we Sylvain Dejoie na we yahise amusubiza agira ati “nta cyiza muri ubu buzima nko kugira umwamikazi wanjye none ukaba waguye umuryango nanjye ukangira umubyeyi, umwuzukuru w’Imana n’igihugu”.

Clarisse Karasira ni umwe mu bahanzi bazwiho ubuhanga mu muziki. Azwi mu ndirimbo nka Ntizagushuke, Mwana w’umuntu, Ndagukunda, n’izindi. Yashyingiranywe na Sylvain Dejoie tariki ya 01 Gicurasi 2021.

Uwitije Divine ushizwe imiyoborere muri Hot Point yavuze ko batekereje kuza gusura uru rwibutso mu rwego rwo gukomeza gusobanurira abakiri bato ububi bwa Jenoside yakorewe Abatutsi no kubategura kuzaharanira amahoro kandi bagakomeza gusigasira ibyo u Rwanda rumaze kugeraho.

Yagize ati “Muri Hot Point abenshi dukorana ni urubyiruko n’abanyamahanga. Abenshi muri bo bavutse nyuma ya Jenoside, ni byiza rero ko tumenya amateka yabaye kugira ngo tuzamenye n’uko tuzitwara mu gihe kizaza”.

Yakomeje agira ati “Twigiyemo kandi ko tugomba kuba umuntu umwe kuko Imana yaturemye turi umuntu umwe twize kandi ko tugomba kubungabunga ibyo Igihugu cyacu kimaze kugeraho twigira ku mateka mabi yabayemo”.

Uwamahoro Cathia wamamaye mu gukina Criquet na we ni umukozi wa Hot Point. Avuga ko gusura urwibutso rw’amateka ya Jenoside yakorewe Abatutsi bifasha urubyiruko kubona ukuri ku byabaye, bigatuma nta muntu wapfobya Jenoside kandi bariboneye ukuri ku byabaye.

Yagize ati “bidufasha kumenya aho tuvuye n’aho tujya nk’urubyiruko cyane ko abenshi mu bishoye muri Jenoside barimo n’urubyiruko. Uwamaze kwibonera ibyabaye bifasha kudaha amatwi abapfobya n’abahakana Jenoside, bigatuma nta n’uwagushuka ngo agusubize mu macakubiri. Bidufasha kandi kwigisha abakiri bato ngo bakuremo amasomo azatuma amahano nk’ayo atazongera ukundi”.

Uwamahoro Cathia yanongeyeho ko gusura inzibutso bifasha abanyamahanga na bo kumenya neza amateka y’ibyabaye, atari ibyo babwiwe cyangwa basomye.

Rucagu Boniface

Iyi modoka ye ngo yayise gutya kubera agaciro yagiye ahabwa n’Umukuru w’Igihugu Paul Kagame, akamushinga imirimo itandukanye irimo kuba Perefe, Guverineri ndetse akaza no kuba Umutoza mukuru w’Itorero ry’Igihugu.

Yagize ati “Jyewe Rucagu Boniface ndanyurwa ni yo mpamvu imodoka yanjye nayise Mpatswenumugabo. Birumvikana umpatse uwo ari we, abantu bamwe bakavuga ngo Rucagu ndahakirizwaaaa, ariko ababivuga ni uko batazi igisobanuro cy’amagambo”.

Rucagu ntajya yibagirwa umunsi Umukuru w’Igihugu yasozaga Itorero ry’Igihugu ku banyeshuri bari barangije amashuri yisumbuye biga mu Rwanda n’abandi biga mu mahanga aho umukuru w’igihugu yamuvuze, abwira abana na bo kujya bihesha agaciro.

Yagize ati “Umukuru w’Igihugu yabwiye urubyiruko ati dore muratojwe mugomba kurangwa n’umuco wo kwihesha agaciro, mu myumvire no mu bikorwa, kuba Lwakabamba n’umutoza wanyu Rucagu bicaye hariya ni uko bihesheje agaciro. Narabyumvise ndishima cyane kumva Umukuru w’Igihugu amvuga gutyo, sinjya mbyibagirwa”.

Rucagu w’imyaka 76 yavukiye mu Karere k‘Ububeruka muri komini Nyamugali mu Ruhengeri (ubu ni mu Murenge wa Nemba mu Karere ka Burera, mu Ntara y’Amajyaruguru) akaba yarize amashuri y’ubwarimu ndetse aba n’umwarimu mu mashuri abanza, aza no kuba umuyobozi w’amashuri, aho yavuye ajya muri politiki ku ngoma ya Kayibanda no ku ngoma ya Habyarimana aho yari Umudepite.

Rucagu ni umugabo w’abana 4 akaba avuka mu muryango w’abana 14 akaba imfura kwa nyina kuko nyina yari umugore wa kabiri, kuri ubu asigaranye abavandimwe 5.

Rucagu ni umugabo uzwiho guhanga udushya cyane cyane aho yayoboye muri Ruhengeri

Rucagu akigera muri Perefegitura ya Ruhengeri ari Perefe yahimbye indamukanyo y’abaturage agamije kubaranduramo ingengabitekerezo y’ingoma ya kera, ingoma yasize ikoze Jenosige yakorewe Abatutsi ikavangura Abanyarwanda.

Yagize ati “Nabahaye indamukanyo igira iti ‘gira amahoro ubworoherane ubumwe n’ubwiyunge amashyi ngo kaci kaci’. Kuba bari bamenyereye kuvuga ngo ‘muvoma yacu ramba’ bagombaga kubona ibisimbura ibyo hanyuma bakabiha n’amashyi kugira ngo bibacengeremo, kandi ndabashimira ko byabagiyemo bakanyumvira”.

Rucagu ntajya yibagirwa uburyo yakarabiye imbere y’abaturage ba Ruhengeri ababwira ngo amaraso yabo n’abana babo ntazamuhame kubera uko bashatse gutora Twagiramungu muri 2003 waje kwiyamamaza ‘ashyize imbere ivanguramoko no gutanya Abanyarwanda’.

Yagize ati “Twagiramungu yaturutse mu Bubirigi araza abwira abaturage ngo bazamutore kubera ko ari umuhutu, erega bamwe mu baturage barabyemera! Nafashe icyemezo njya gukoresha inama, ndababwira nti naranigishije mbabwira ko mugomba kuzatora nta marangamutima, mukazatora mushingiye ku kamaro n’ubumwe bw’Abanyarwanda none mwahisemo gutora amacakubiri n’ivangura, nabwiye umushoferi wanjye azana ibase mbakarabira imbere nti amaraso yanyu n’abana banyu ntazambazwe niba muhisemo uzabazanira umwiryane n’ivangura”.

Rucagu avuga ko yahise yurira imodoka akagenda ariko bakamukurikira ngo agaruke akaza bakamwemerera ko bisubiyeho ndetse akaba abashimira ko bamwumviye bagatora neza cyane.

Rucagu avuga ko adakunda gusohoka ngo ajye kwinezeza gusa akavuga ko akunda kumva indirimbo zivuga ubumwe n’ubworoherane.

Rucagu avuga ko yazinutswe umupira w’amaguru akikundira Volleyball ndetse ko atajya awureba bitewe n’uko habamo kuvunana ndetse umusifuzi na we akaba yabogama ugasanga abantu batashye bababaye.

Icyatumye awuzinukwa burundu ni uburyo bari bafite ikipe i Byumba bagakina n’ikipe ya Perefe, buri gihe babatsinda akarakara.

Umunsi umwe rero ngo baje kubatsinda ahamagaye Perefe ngo aze bajye kumwakira, ngo aramusubiza ngo ibyo biryo byabo ntabyo ashaka, kuva ubwo awuvaho burundu.

Rucagu ntajya yibagirwa uburyo yagizwe ruvumwa ku ngoma ya Habyarimana ubwo yari Depite azira ko atemeraga ibijyanye n’ivangura n’amacakubiri, cyane cyane mu mashyaka.

Rucagu asaba urubyiruko gukunda Igihugu no kugihesha agaciro mu bumwe n’ubworoherane akabasaba gushishoza bagasigasira ibyagezweho, u Rwanda rugakomeza gutera imbere.

Ubwiherero bwabo bwarashaje cyane bushobora kubateza ibibazo

Uwingabire Clementine ni umwe mu baturanye n’umudugudu abasigajwe inyuma n’amateka batujwemo, yabwiye Kigali Today ko kutagira ubwiherero kuri bo bituma haza umutekano muke mu baturage.

Yagize ati “Kuba abasigajwe inyuma n’amateka hano ubwiherero akarere kari karabubakiye bwarangiritse ni ibintu biteza umutekano muke, kuko hari ubwo bituma mu myaka yacu. Ikindi kandi niba wabibonye ubwiherero bwabo bashobora kugwamo kuko imbabari zaraboze zirarigita, hasigara ibirangarizwa”.

Sindayiheba Eliab we asanga kutagira ubwiherero muri iyo miryango byakurura n’indwara zikomoka ku mwanda.

Yagize ati “Urabona ko ubwiherero bwabo bwarangaye, kandi bakomeza no kubwihengekamo kubera kubura uko babigenza, ubu rero amasazi avamo ashobora gutuma turwara inzoka, amacinya n’ibindi. Nifuza ko ubuyobozi bwareba uko bububakira ubwiherero kugira ngo tutazafatwa n’indwara zikomoka ku isuku nkeya, ndetse n’amakimbirane agabanuke mu baturanyi”.

Bifuza kubakirwa ubundi bwiherero

Abasigajwe inyuma n’amateka na bo bashimangira ko kutagira ubwirero bibabangamira, kandi bibakurira amakimbirane n’abaturanyi, nk’uko Bigiramana yabibwiye Kigali Today.

Yagize ati “Kuri ubu n’ubwo dufite ikibazo cy’amazu yacu yashaje ariko icy’ingenzi ni uko twabona ubwihero, kuko kujya kubutira biratubangamira. Ubuyobozi bwatwubakiye ubwiherero ntibwamaze kabiri bwahise burigita inkuta nazo ziragwa, ubu ni ukujya mu gisambu cyangwa mu baturanyi, rwose twifuza ko twagira ubwiherero”.

Uwimbabazi Françoise nawe avuga ko kutagira ubwiherero bibatera impungenge ku bana babo.

Yagize ati “Ubu bwiherero bwararigise ni ibyobo byasamye gusa, ubu rero niba tutabonye abagiraneza ngo batwubakire ubndi abana bacu bazagwamo, kandi nta bushobozi dufite bwo kuba twabwiyubakira. Uzi kujya gukinguza umuturanyi ngo agutize ubwiherero? Ni ikibazo, baramutse batekereje kudusanira inzu bahera kuri ubu bwiherero”.

Bantegeye Venantie ni Umukozi w’Umurenge wa Cyanika ushinzwe imibereho myiza y’abaturage no kurengera abatishoboye, yemeza koko ko ikibazo cyo kuba batagira ubwiherero kizwi.

Yagize ati “Ni byo koko bariya basigajwe inyuma n’amateka kuba bafite ikibazo cy’ubwiherero birazwi, ariko kubera ko baturanye twabasabye kujya bakoresha ubw’abaturanyi babo. Kuba batagira ubwiherero ni ikibazo, kuri ubu turimo gukora ubuvugizi kugira ngo babe bakubakirwa ubwiherero, kuko ikibazo cyabo kirenze ubushobozi bw’umurenge”.

Abo basigajwe inyuma n’amateka bamaze imyaka 6 muri uwo mudugudu, ariko ubwiherero bwabo kimwe n’inzu bimaze gusaza.

Umuvugizi w’Urwego rw’Ubugenzacyaha (RIB), Dr Murangira B. Thierry, yabwiye Kigali Today ko Uwihoreye yafunzwe akurikiranyweho gusambanya umwana.

Yagize ati “Ni byo yafashwe”.

Uyu mukobwa yumvikanye mu gahinda kenshi avuga ko yatewe inda na Ndimbati amushukishije ko azamuha akazi mu gukina filime dore ko yari umukozi wo mu rugo bikarangira ahubwo amusindishije, aramusambanya maze amutera inda y’impanga.

Uyu mukobwa avuga ko Ndimbati yanze gutanga indezo kugeza ubwo byabaye ngombwa ko atangaza ibyamubayeho.

Gusa Ndimbati yari yabwiye itangazamakuru ko ashobora kuba atari we wabyaye abo bana kabone n’ubwo yatangaga indezo ahubwo akaba atiyumvishaga impamvu uwo mukobwa yamujyanye mu itangazamakuru.

Rose Muhando i Kigali

Akigera ku kibuga cy’indege cya Kanombe, yavuze ko aje gutaramira Abanyarwanda kandi ko azi ko bamukunda, ndetse ko na we abazaniye impamba izabashimisha.

Mu mafoto yashyize ku rubuga rwe rwa Instagram, yagaragaye yishimye ndetse ahabwa indabyo nk’ikimenyetso cy’uko ahawe ikaze mu Rwanda.

Icyo gitaramo giteganyijwe kuzaba kuri iki cyumweru tariki 6 Werurwe 2022, kizagaragamo abahanzi nka Theo Bosebabireba, Aline Gahongayire, Israel Mbonyi n’abandi benshi.

Uwo Munyatanzaniyakazi yamenyekanye mu ndirimbo nka Nibebe, Utamu wa Yesu, Yesu karibu kwangu n’izindi.

Ni igikorwa cyateguwe na World Star Entertainment mu rwego rwo kuzamura impano mu bakiri bato ndetse n’abandi bumva ko bakifitemo ubushake bwo guhanga.

Byatangiye mu 2020 bitangirana n’abantu benshi gusa si ko bose bagize amahirwe yo gukomeza.

Kugeza ubu hasigayemo abantu barindwi, muri abo barindwi hakazavamo abandi batatu ari na bo bazahabwa ibihembo, ibi bihembo bakazabishyikirizwa n’umuhanzikazi Alyn Sano.

Kubera ko byari muri Guma mu Rugo, abantu bararirimbaga bakohereza amashusho hanyuma hakabaho kujonjorora kw’abakemurampaka ba World Star Entertainment.

Umwe mu bategura aya marushanwa, Sano Panda, avuga ko abatsinze bazahabwa amahirwe yo gutezwa imbere mu buhanzi bwabo cyangwa se mu mpano zabo kandi bagahabwa n’ibihembo.

Yagize ati “Abatsinze bazafashwa gukora indirimo mu buryo bw’amashusho n’amajwi ndetse bakazafashwa mu kumenyekana kw’ibyo bihangano. Tuzabakurikirana ku buryo impano zabo zizakomeza gutera mbere kandi ntabwo bihagarariye aho kuko aya marushanwa azakomeza”.

Sano avuga ko kuri iki Cyumweru abatsinze bazahabwa amafaranga azabafasha mu buhanzi bwabo, gusa yirinze gutangaza ingano yayo mafaranga.

Basohoye indirimbo bise Bafana Bafana

Iyi ndirimbo Knowless yakoranye na BullDog ndetse na Fireman ni indirimbo igaragaramo BullDogg na Fireman bambaye imyambaro yambarwa n’abami b’u Rwanda.

Muri iyi ndirimbo Knowless atangira avuga ko hari abantu babaye abafana nyamara baratangiye batumva neza ibyakorwaga cyangwa bapinga umuziki w’ino aha, ibi byose ngo bikaba bituruka mu gukora cyane.

Yagize ati “Byatangiye imiziki y’ino batayoka ngo abasani b’ino oya ntibashona n’iyo ibakikije burya ntibasora tubakubita imizigo babaye abafana ntabwo bakivuga za mayibobo”.

Muri iyi ndirimbo hari aho Fireman agira ati “Uyu muziki ureba uri mu byankoboye amavi badahwema kuvuga ko bibamena amatwi, ntava ku izima nanze kuba inkomamashyi ngo nce iy’ubusamo ndemera mpabera indushyi mpitamo kubanza kwisuganya menya umwanzi n’umukunzi menya n’indyarya”.

Aba bahanzi bavuga ko baje baje muri muzika no kongera kwereka ibyishimo abafana dore ko ubu ibitaramo byasubukuwe nyuma y’igihe icyorezo cya COVID 19 cyari kimaze cyaribasiye Isi.

Reba indirimbo ‘Bafana Bafana’ Knowless yahuriyemo na BullDogg na Fireman

Claude Muhawenimana

Yavukiye mu Karere ka Karongi mu Murenge wa Rugabano, ni umusore uri hagati y’imyaka 36 na 37 nk’uko abyivugira, akaba avuga ko muri iyi minsi afite umushinga wo kurongora niba Imana izaba ikimutije ubuzima.

Muhawenimana avuga ko yaje i Kigali nyuma yo kubura benshi bo mu muryango we bazize Jenoside yakorewe abatutsi mu 1994, we Inkotanyi zikamurokora.

Akomeza avuga ko yize ibijyanye n’amahoteri akaba ari na byo akoramo, mu myaka myinshi akaba ari na ho yakuye kuyobora abafana b’ikipe ya Rayon Sports.

Ngo ubwo yakoraga kuri Hotel Alpha Palace, yahahuriye n’uwayiyoboraga wari umurayon bituma ategura kenshi inama zayo, atangira kuyibamo cyane no kumenyekana.

Avuga ko yaje kugirirwa icyizere bamugira uwungirije perezida w’abafana, uwitwaga Pasteur waje kuva muri Rayon akaba umufana w’ikipe mukeba ya APR, bigatuma ahita atangira kuyobora abafana ubwo.

Yagize ati “Twaguye mu kantu twumvise ngo uwayoboraga abafana ba Rayon yagiye muri APR, nta kindi cyari gisigaye nahise nziba icyuho, ni gutyo natangiye kuyobora abafana”.

Muhawenimana avuga ko kuyobora abafana ba Rayon bitagoye kuko bayikunda, bityo ko icyo wakora cyose kigamije iterambere ryayo bakiyoboka batizigamye.

Uwo musore ngo ntajya yibagirwa uburyo Rayon yigeze kumara imyaka myinshi idatwara ibikombe, abafana bagacika intege ndetse bamwe bagatangira gushya ubwoba ko Rayon igihe gusenyuka.

Yagize ati “Icyo gihe ni Ceaser Kayisari wayoboraga FERWAFA, twamaze imyaka hafi umunani nta gikombe abafana bose baracitse integer. Nibwo KNC yaje gukora agaspot kagira kati tuyireke ijyende koko! Nibwo abafana bakangutse barisuganya turongera tubyutsa Rayon”.

Muhawenimana kandi ntajya yibagirwa uburyo yarize Rayon yakinnye na As Kigali, yagombaga gutwara igikombe hakaba imvururu bakanamufunga.

Bimwe mu byamushimishije kuva yayobora abafana ba Rayon, ni uburyo umukuru w’igihugu yayivuzeho ubwo yiyamazaga muri 2017 i Nyanza.

Yagize ati “Sinjya nibagirwa uburyo twari twaraharaniye ko Itegeko Nshinga rihinduka, ndetse natwe tukajya kubisaba mu Nteko bakadushyigikira. Nashimishijwe n’uko Intego yacu yagezweho ubwo HE Paul Kagame yavugaga ati banyenyanza na mwe ba Rayon Sports”.

Gapapu imwe mu mpamvu zimuhejeje mu busiribateri

Muhawenimana avuga ko yatindijwe no gushaka umugore kubera ko abakobwa bakundanye babamutwara hakiri kare, cyangwa se bakagenda badasoje umushinga batangiye.

Yagize ati “Ikosa ryanjye nkundana n’abakobwa beza kandi nterwa ishema no kwerekana abo dukundana ngashimishwa no kumva bavuga ko mfite umugore mwiza. Aho ni ho rero bamwe bahera bakabantwara, ariko kandi abakobwa bamwe twakundanye bagiye i Burayi bakantereraho urwenya bavuga ko ntanga visa”.

Muhawenimana ufata icyitegererezo kuri Perezida Paul Kagame, avuga ko yikundira indirimbo za Karahanyuze ndetse agakunda Bruce Melody, Diamond na Fally Ipupa. Yikundira kurya ibiryo bitogosheje akaba anywa ka manyinya mu rugero.

Muhawenimana uzi gutera urwenya rwinshi, asaba abakunzi b’umupira w’amaguru kuwushyigikira no kuwuha agaciro, hakaba amarushanwa akomeye n’amakipe akomeye bityo abantu bagakomeza kuryoherwa na ruhago ikaba umuco, urukundo rwayo rugasakara muri bose.

Muri iyi ndirimbo uyu muhanzi aba ari kubwira umuntu bakuranye akaza kugenda akibagirwa aho yavuye akaba asigaye aterwa isoni n’abo yasize kandi mbere bari ab’agaciro mu buzima bwe atarakira.

Yagize ati “Muvandimwe twasangiye ubuto nyuma umbera gito nkwandikiye uru rwandiko icyo ngusaba ni ukurutekerezaho. Amakuru yanjye ntakigenda ayawe ndayumva, data na mama baragutashya inshuti n’abandimwe na bo ni uko, wa mwari wasize ubwiye ko uzasaba aracyategereje, yirirwa akumbaza”.

Uyu muhanzi amwibutsa ko amazi ashyuha cyane ariko ko ageraho akongera agahora akamubwira ko n’ubwo atamwifuriza gukena ariko ko na byo bishoboka akamusaba kwibuka abo yasize iwabo.

Yagize ati “ntabwo nzibagirwa uburyo wadukundaga ukagorwa no kudusiga none no kutuvuga na byo bisigaye bigutera ipfunwe. Ese uramutse ugarutse wakwakirwa ute n’abo wasize?”

Niyo Bosco asaba abantu bose gukundana no kutibagirwa aho bavuye akavuga ko ibintu byose bitarimo urukundo nta mahoro aba abirimo.

Niyo Bosco azwi mu zindi ndirimbo zirimo iyitwa Piyapuresha, Ishyano, Jolie Femme n’izindi.

Abantu bakomeje gutangarira ubuhanga afite mu muziki kabone n’ubwo afite ubumuga bwo kutabona.

Reba indirimbo ‘Urwandiko’ ya Niyo Bosco

Ndayisabye asanga nta kure Imana itavana umuntu

Ndayisabye avuga ko ajya kugira iki gitekerezo, yabitewe n’umuvandimwe we wakoze impanuka ikomeye akamara igihe ari muri koma abantu bose baramaze kumusezera, ariko akaza gukira.

Yagize ati “Imana ni yo nkuru, umuvandimwe wanjye Niyonkuru Cassien yagiye muri koma amaze gukora impanuka ikomeye, amara igihe kinini ariko papa we yamusura buri gihe agataha avuze ati Imana ni yo nkuru. Byaje kurangira avuyemo ndetse aranakira”.

Eliazar Ndayisabye akimara kubona ibyo, yahumurije abantu bose bibwira ko bari mu bibazo birenze bidashobora kurangira, ko ntaho Imana itagukura.

Yagize ati “N’ubwo twakora impanuka amaraso akuzura mu muhanda, Imana ishobora kudukiza. Inkongi ishobora kumaraho ibyawe ukibwira ko byose birangiye, ubukene bukaza tugasonza nyamara inyuma yabyo hari Imana itubera ibidutunga”.

Muri iyo ndirimbo humvikanamo ijwi ry’umukobwa bayikoranye banaririmbana witwa Marie Ange.

Uyu muhanzi avuga ko amaze gukora indirimbo zirenga 700, ariko ko amaze gusohora izirenga 40 harimo nka Reka nkurate, Ntakiri mu mva, Munyangire n’izindi.

Ku rubuga rwe rwa Instagram, yerekanye icyo kibumbano akiri iruhande ateze amaboko nk’uko nacyo bakibumbye, maze ashyiraho aya amagambo.

Yagize ati “London ifite ibibumbano (Statues) byinshi by’inyamaswa kurusha abagore, none ubu mfite ikibumbano cyanjye i London, uburyo kiremye ni ugutega amaboko nk’uko mu ndirimbo gakondo z’Abanyarwanda babikora. Ntewe ishema no kuba ndi Umunyafurika kandi nshaka kuyihagarira aho ari ho hose hashoboka”.

Ibi bibumbano bikorwa na Adidas mu rwego rwo guha agaciro no gushyigikira abagore b’indashyikirwa, babaye urugero mu rubyiruko.

Sherrie Silver ni umwe mu babyinnyi b’abahanga, yakoranye n’abandi bakomeye nka Wizkid, Diamond Platnumz, Tiwa savege n’abandi, akaba akomoka mu karere ka Huye.

Clarisse na Dejoie ngo bibereye mu ijuru rito

Tariki ya 18 Gashyantare 2021, nibwo uyu muhanzikazi yasezeranye mu mategeko n’umukunzi we, Sylvain Dejoie, mu Murenge wa Rusororo.

Clarisse ni we wabanje agira ati “Umwaka urashize twibera mu ijuru rito kuva twasezerana, ibyishimo, ubuzima bwiza, ‘ukwaguka ndi kugira wagira ngo ndi mu ijuru. Sinigeze mbona umugabo mwiza nkawe kuri iyi si ya Rurema, nta n’umwe nabagereranya rukundo rwanjye, uri ubuzima, Urukundo, inshuti nziza, umugabo w’umunyabwenge ku Mana no ku bantu, Boss wanjye ukaba papa wanjye...”.

Umugabo wa Clarisse Karasira, Dejoie na we ntiyajijinganyije yahise yandika ku rubuga rw’umugore we amagambo akomeye agira ati “Umutima wanjye wuzuye ibyishimo kuba narashakanye n’umugore mwiza w’umunyabwenge nkawe. Ni wowe wenyine nzakunda iteka ryose, warakoze kumpitamo mu batuye isi bose. Ndagukunda cyane umwiza wanye udasanzwe”.

Clarisse Karasira na Dejoie bateye igikumwe ku itariki ya 18 Gashyantare 2021

Bivugwa ko aba bombi basigaye bibera muri Leta Zunze Ubumwe za Amerika, bakaba baravuye mu Rwanda bamaze gukora indirimbo y’urukundo rwabo yitwa Ndagukunda.

Clarisse Karasira akaba yaramamaye mu ndirimbo nka Ntizagushuke, Gira neza wigendere, Rutaremara n’izindi.

Christan ngo ni Miss Rwanda 2022 abandi nibashakire mu myanya ikurikira

Ibi yabitangarije ikinyamakuru gikorera kuri murandasi, Yago TV show, ubwo bamubazaga niba yumva afite icyizere cyo kuzatwara ikamba, agasubiza ko nta gushidikanya azaba Miss Rwanda, ahubwo yifuza kumenya abazamukurikira.

Yagize ati “Naje gushaka ibisonga byanjye gusa, kuko jyewe ndi Miss Rwanda 2022”.

Uyu mukobwa w’ikimero w’imyaka 20 wavukiye i Gikondo mu mujyi wa Kigali, akiga amashuri ye mu gihugu cya Uganda, avuga ko yakoze ibishoboka byose ndetse n’umushinga we wo guteza imbere ibidukikije akaba ashyigikiwe n’ababyeyi we, inshuti n’abandi, yumva nta wundi wamuhiga muri iryo rushanwa rya Miss Rwanda 2022.

Muri iryo rushanwa yambara nomero 13, abakunzi baryo bakaba bakomeje gutora bakoresheje uburyo bw’ikoranabuhanga, kuri ubu uyu mukobwa ari ku mwanya wa gatanu mu bamaze gutora n’amajwi 11,954.

Ngo yumva intsinzi ari iye

Ni umukobwa uri mu kigero cy’imyaka 30 na 35 wavukiye i Nyamirambo mu mujyi wa Kigali. Avuga ko ari ikinege iwabo akaba umwe mu bakobwa bakunzwe cyane kubera ijwi rye rikurura benshi ubwo yakoraga kuri Radio 10 avuga amakuru, kuri ubu akaba akorera kuri Kiss FM.

Avuga ko ari we wazanye uburyo bwo kuririmba buzwi nka Karaoke mu Rwanda, na we akaba yarabitojwe n’umugabo bakoranaga wari uzi uko bikorerwa i Burayi nyamara bikaba byari bitaragera mu Rwanda.

Yagize ati “umugabo twakoranaga witwa Virgil yabonaga nkunda kuririmba no gusubiramo indirimbo arambwira ati ariko wazaretse nkaguha ama DVD y’uburyo bwa karaoke ukajya uza iwanye mu kabari ukajya uririmbira abantu ko byakundwa, mbitangira ubwo nkajya mbikora kandi koko birakundwa cyane”.

Jane avuga ko kuva ubwo yatangiye kubikora bigakundwa ndetse akabyigisha abantu benshi ubu ngubu bakaba babikora mu gihugu cyose.

Jane ashimishwa no kubona aririmbira abantu baje bananiwe akabona barahimbawe bagataha umunaniro washize.

Gusa avuga ko ari akazi katoroshye ku mukobwa uririmbira abantu banyoye agasembuye kandi ku masaha y’ijoro.

Yagize ati “ku mukobwa ukora amasaha y’ijoro kandi aririmbira abizihiwe banasomye ku nzoga, hari ubwo akubwira ngo muhure usoje akazi ashaka kugira ibyo agusaba, cyangwa se akaba yagukorakora, bisaba ikinyabupfura gikomeye bikanagusaba kutanywa inzoga cyane ko jyewe ntanazikunda”.

Jane avuga ko mu buzima bwe yashimishijwe no kubyara umwana w’umukobwa afite ubu. Avuga ko ari ibihe atajya yibagirwa ko n’ubwo byari bimugoye atazi ko aza kubaho, ngo yamaze kubyara agira ibyishimo atazigera abona icyo abigereranya.

Jane akundira umugabo cyangwa umuhungu ibitekerezo bye. Avuga ko n’ubwo yakundaga abasore b’inzobe nyamara kubera ko iyo yakunze aza wese, akaba yarababazwaga cyane n’urukundo, ngo byatumye afata icyemezo cyo kujya akunda imico kurusha isura.

Jane Uwimana nta muhanzi wihariye afataho icyitegererezo kubera ko akunda buri muhanzi bitewe n’igihangano afite ariko by’umwihariko ngo akunda indirimbo za Celine Dion.

Jane avuga ko azi indirimbo ibihumbi n’ibihumbi kandi ko kuba ashobora kuziririmba neza zose abikesha umuhate wo gukunda indirimbo no kuririmba ariko kandi akavuga ko ari impano Imana yamwihereye.

Jane ngo yumva indirimbo inshuro nk’eshatu agahita ayifata, gusa ngo hari izo bimusaba kuzisubiramo kenshi.

Jane avuga ko adakunda kumenya byinshi ku byerekeranye na siporo n’imikino. Yagize ati “utekereze ko higeze kuza ibyamamare mu Rwanda kuri Radio 10 nakoragaho, nari ndi gutegura amakuru ndavuga nti mbese abo bantu ni bande ko bari kudusakuriza, bati yewe yewe ntiwamenye ko ari abastars abandi bari kubifotorezaho none wowe ntacyo bikubwiye?”

Jane asaba abakiri bato n’abakuze gukunda umurirmo no gushimishwa n’ibyavuye mu maboko yabo kuko ari byo bizabageza ku iterambere bifuza.

Ibiyege byenda gusa n’ibihumyo, bikaba bibi ku buzima

Umwe mu baturage bo mu Murenge wa Munyaga wabibonye, avuga ko abo bana bavuye gutashya bafite ibiyege bibeshye ko ari ibihumyo bageze mu rugo barabyotsa basigaho n’umunyu barabirya bahita baremba babajyana kwa muganga, umwe ahita apfa.

Yagize ati “Bakimara kubirya nta minota yashize bahise batangira kuremba bahita babajyana kwa muganga umwe ahita apfa abandi na bo bararembye cyane, ubu tugiye gushyingura uwapfuye, abo bana bari abo mu ngo zitandukanye”.

Umunyamabanga nshingwabikorwa w’umurenge wa Munyaga mu Karere ka Rwamagana, Mukashyaka Chantal yemeje aya makuru avuga ko abandi bana bakiri mu bitaro.

Yagize ati “Ni byo koko abana bane bariye ibiyege umwe ahita yitaba Imana abandi baracyari mu bitaro”.

Abahanga mu bya siyansi bavuga ko n’ubwo ibihumyo ari byiza ku mubiri w’umuntu ariko ko hari ubwoko bwabyo bushobora kwica umuntu cyangwa se bukamugiraho ingaruka ku buzima bwe bakaba basaba abantu bose kwitondera ibiyege n’ibindi byo mu bwoko bwabyo bijya kumera nk’ibihumyo.

Luc Montagnier

Montagnier na mugenzi we mu 2008 bahawe igihembo cyitiriwe Nobel kubera akazi ke ko kwerekana virusi yateraga indwara ya SIDA.
Yashimiwe akazi ke, ariko nyuma aza kunengwa kubera ibyo yavuze bidashingiye kuri siyanse ku ndwara za ’autisme’ na Covid-19.

Ikinyamakuru France Soir kivuga ko yapfuye ku wa kabiri i Neuilly-sur-Seine agaragiwe n’abana be.

Montagnier yatangiye gukora kuri iriya virusi mu ntangiriro y’imyaka ya 1980 mu kigo cy’ubushakashatsi kidaharanira inyungu Institut Pasteur mu Bufaransa.

We n’ikipe ye irimo Françoise Barré-Sinoussi baherewe rimwe igihembo cya Nobel mu buvuzi, basuzumye uduce duto twavanywe ku barwayi b’indwara nshya itari izwi.

Babashije kuvana virusi ya HIV mu rugingo ruto cyane rwitwa ’lymph node’ rubika abasirikare b’umubiri, batangaza ubuvumbuzi bwabo muri mu kinyamakuru cyandikaga kuri Siyansi mu 1983.

Muri icyo kinyamakuru, umuhanga muri siyansi w’umunyamerika Robert Gallo na we yatangaje ubuvumbuzi nk’ubwo, yemeza ko iyo virusi ari yo itera Sida.

Impaka ku wavumbuye iyi virusi mbere zari zikomeye mu myaka yakurikiyeho.

Mu 1991 Gallo yemeye ko virus yabonye yari yavuye muri Institut Pasteur mu mwaka wabanje. Mu 2002 nibwo bombi bemeje ko ikipe ya Montagnier ari yo yavumbuye HIV, ariko Gallo ari we werekanye uruhare igira mu gutera Sida.

Gusa, ubwo Montagnier na Barré-Sinoussi bahabwaga igihembo cyitiriwe Nobel mu 2008 kubera akazi kabo - komite igitanga, mu buryo butavuzweho rumwe, ntiyigeze ikomoza kuri Robert Gallo.

Iyi nkuru Kigali Today ikesha BBC iravuga ko mu bihe bya vuba, Montagnier yateje impaka no kunengwa nyuma y’ibyo yatangaje bidashingiye kuri siyansi, ku mpamvu z’indwara ya ’autisme’, nyuma no ku nkomoko ya Covid-19.

Uyu mugabo wavukiye mu mujyi wa Chabris hagati mu Bufaransa, yatangiye akazi k’ubushakashatsi muri siyansi i Paris mu 1995.

Yagiye muri Institut Pasteur mu 1972, nyuma y’akazi ke kuri HIV yakuriye icyo kigo mbere yo kujya muri Queens College, City University of New York mu 1997.

Abatabazi basanze Rayan yapfuye

Itangazo ry’Ubwami bwa Maroc ryavuze urupfu rwe, nyuma gato y’uko akuwe muri icyo kinogo.

Kugerageza kurokora uwo muhungu witwa Rayan, kwari kwahagaritse umutima iki gihugu cyo muri Afurika y’Amajyaruguru. Abantu babarirwa mu magana bari bateraniye kuri icyo kinogo bashungereye, naho abandi babarirwa mu bihumbi bakurikiranira ku mbuga za Internet.

Uwo muhungu yageze muri metero 32 mu bujyakuzimu, ubwo yagwaga muri icyo kinogo. Ibikorwa byo kugerageza kumurokora byagiye bihura n’inzitizi z’uko bari bafite ubwoba ko igitaka gishobora kumuridukiraho.

Kera kabaye, abakora ibikorwa by’ubutabazi baje gukura uwo muhungu muri icyo kinogo ku wa gatandatu nimugoroba. Icyo gihe nta kintu cyari cyatangajwe ku kuntu yasanzwe ameze, ndetse icyasaga nko kumutabara mbere cyari cyakiranwe ibyishimo n’imbaga yari ihari, nk’uko byatangajwe na BBC.

Ababyeyi ba Rayan bananiwe kubyakira

Ku mbuga nkoranyambaga, abantu bakoresha intero (hashtag) #SauveRayan (rokora Rayan), yakoreshejwe cyane mu gihugu no hanze yacyo, bari babanje kugaragaza ibyishimo byinshi nyuma y’uko akuwe muri icyo kinogo.

Ariko nyuma y’iminota mike bahise bashengurwa n’agahinda, itangazo rimaze gusohoka ribika urupfu rwa Rayan.

Abakoresha Twitter bahise batangira guha icyubahiro Rayan, ndetse bagaragaza akababaro kabo bakoresheje iyo ntero.

Itangazo ry’ubwami bwa Maroc rigira riti "Nyuma y’impanuka yavuyemo urupfu yatwaye ubuzima bw’umwana, Rayan Oram, Nyiricyubahiro Umwami Mohammed VI yahamagaye ababyeyi b’umuhungu wapfuye nyuma yo kugwa mu kinogo". Iryo tangazo ryongeyeho ko Umwami yifatanyije kandi yihanganishije uwo muryango.

Se wa Rayan yari arimo gusana icyo kinogo cy’iriba ubwo iyo mpanuka yabaga ku wa kabiri.

Abantu babarirwa mu magana bari bahateraniye bareba uko icyo gikorwa kigenda, baririmba indirimbo z’idini, basenga ari na ko batera hejuru bagira bati: "Allahu Akbar" ("Imana ni yo Nkuru"). Bamwe muri bo bari baranakoze inkambi aho ngaho ari ho baba.

Hafid El-Azzouz, umwe mu baturage baho, yabwiye ibiro ntaramakuru AFP ko yari ari aho mu kwerekana ‘kwifatanya n’uyu mwana, ukunzwe cyane na Maroc n’isi yose’.

Abatabazi bavuga ko benda kugera kuri Rayan kandi ko bizeye ko bazamugeraho ari muzima

Uwo mwana wavuzwe mu bitangazamakuru byaho ko yitwa Rayan, yaguye muri icyo kinogo mu minsi ine ishize, ubwo yari arimo gukinira hafi yacyo, mu mujyi wa Tamorot uri mu ntera ya kilometero 100 uvuye mu mujyi wa Chefchaouen.

Byemezwa ko yaguye mu ntera ya metero hafi 32 z’ubujyakuzimu muri icyo kinogo gifunganye. Imodoka za tingatinga zirimo gukoreshwa mu guca umuhora (umuyoboro) iruhande rw’icyo kinogo.

Igihe uwo muhora uba umaze kugira ubujyakuzimu bureshya n’ubw’icyo kinogo, abo bari mu bikorwa by’ubutabazi bashobora gutangira gucukura batambika ngo bagere kuri uwo muhungu, nk’uko uwabibonye yabibwiye ibiro ntaramakuru Reuters.

Ku wa gatanu nyuma ya saa sita z’amanywa, Abdesalam Makoudi, umwe mu bakuriye ibyo bikorwa, yagize ati "Turi hafi kuhagera".

Ati "Tumaze iminsi itatu dukora ubutaruhuka none umunaniro utangiye kutugeramo, ariko itsinda ryose ry’ubutabazi riracyakomeje umutsi".

Ibikorwa by’ubutabazi biyobowe n’urwego rwa Maroc rw’ubutabazi bwa gisivili, byatangiye ku wa kabiri nimugoroba, hakoreshejwe amatara abonesha ahantu hanini kugira ngo bashobore gukora mu mwijima.

Imihanda yerekeza muri uwo mu mujyi yuzuyemo imodoka, mu gihe abantu babarirwa mu bihumbi barimo kubwira abakora ibikorwa by’ubutabazi ngo bakomereze aho.

Se wa Rayan yari arimo gusana icyo kinogo cy’iriba ubwo iyo mpanuka yabaga, yavuze ko we na nyina wa Rayan "bababaye bikomeye kandi bahangayitse cyane".

Ku wa gatatu, yabwiye urubuga rw’amakuru Le360 ati "Muri ako kanya namukuyeho amaso, umwana yaguye mu kinogo. Sindasinzira na gato".

Aganira n’ibitangazamakuru byo muri Maroc, amarira amubunga mu maso, nyina wa Rayan yagize ati "Umuryango wose wagiye kumushaka. Nuko tubona ko yaguye hasi mu iriba. Ndacyafite icyizere ko tuzamukuramo ari muzima".

Amashusho yo ku wa kane yafashwe na kamera (camera) yamanuwemo, yerekanye ko uwo muhungu yari muzima kandi agifite ubwenge, n’ubwo yasaga nk’uwagize ibikomere bito ku mutwe.

Abakora mu bikorwa by’ubutabazi bamanuyemo icyo kumufasha guhumeka kirimo umwuka wa oxygen (oxygen mask), ibiryo n’amazi, ndetse hari n’itsinda ry’abaganga ahari kubera ibyo bikorwa by’ubutabazi, ryiteguye kuvura uwo muhungu.

Indege ya kajugujugu na yo yamaze kuhagera ngo imujyane ku bitaro igihe yaba amaze gukurwa muri icyo kinogo.

Abantu babarirwa mu bihumbi bakomeje kureba ku mbuga nkoranyambaga amashusho y’ibikorwa by’ubutabazi, ndetse hari n’itsinda rinini ry’abantu bateraniye aho bibera barimo gushungera.

Ku mbuga nkoranyambaga muri Maroc, intero #SauveRayan (rokora Rayan), ikomeje gukoreshwa cyane, mu gihe abantu babarirwa mu bihumbi bakurikiranye amakuru mashya atangwa n’ibitangazamakuru, ndetse n’atangwa n’abari aho ibikorwa by’ubutabazi birimo kubera.

Mohamed Yassin El Quahabi, ukuriye ishyirahamwe ry’abakora ibikorwa by’ubutabazi mu misozi no mu buvumo bo mu mujyi wa Chefchaouen, ari mu barimo gufasha mu butabazi.

Abantu benshi bakomeje gusengera Rayan

Yabwiye BBC ko kuba icyo kinogo gifunganye byagoye ibikorwa by’ubutabazi.
Yongeyeho ko uburyo bwinshi bwageragejwe n’abakorerabushake bo muri ako gace, n’abakora mu bikorwa by’ubutabazi bwo kugerageza kwinjirira aho ikinogo gitangirira hejuru, bwamaze kubananira.

AHAVUYE
Umwe mu bari mu itsinda ry’ubutabazi yagize ati "Uko turushaho kwegera, umwobo urushaho gufungana no kugorana kuwunyuramo, bigatuma bigorana cyane kurokora umwana bikozwe n’abakorerabushake. Ni yo mpamvu twigiriye inama yo gukoresha ubundi buryo - ari bwo gucukura".

Ariko abategetsi baracyahangayitse ko hagize ikintu kivanga muri icyo kinogo gishobora gukomeretsa by’impanuka uwo mwana w’imyaka itanu, kubera igitaka gishobora kuriduka kikamugwaho.

Charly na Nina

Biteganyijwe ko baza gutaramira abakunzi babo mu gihugu cya Repuburika ya Demukarasi ya Kongo (RDC), mu gitaramo cyiswe Amani Festival.

Biteganyijwe ko abo bakowa bazaririmbira muri icyo gihugu guhera i saa cyenda n’igice kugeza saa kumi n’igice zo muri RDC, ku munsi w’ejo tariki ya 06 Gashyantare 2022.

Mu butumwa bashyize ku rubuga rwabo bagaragaza ko kwikingiza Covid-19 no gukurikiza amabwiriza y’inzego z’ubuzima aribyo bizakiza isi, akaba ari nabwo butumwa bajyanye muri icyo gihugu.

Bagize ati “Mureke duhangane n’iki cyorezo twese hamwe twubahiriza ingamba z’ubuzima, twikingize. Ntimwibagirwe ko kwikingiza ari ibintu by’agaciro kuko birinda wowe ubwawe bikanarinda abandi”.

Icyo gitaramo cyatangiye ku munsi w’ejo ku wa gatanu kirakomeza uyu munsi. Ejo ku munsi Charly na Nina bazaririmbaho bazatangirira kuri Fanfare de Kivu, hakurikireho Les Algues, Ngoma Ambassadors, Rina Crew, Charly na Nina, na Foyer Culturel de Goma hasoze Alesh.

AbO bakobwa bamamaye mu ndirimbo Indoro, Face to face n’izindi, bemeje ko batazongera gutandukana kandi barimo guteganya kwisunga abahanzi bakomeye muri Afrika, bagakomeza umuziki mu gushimisha abakunzi babo.

Iyi telefoni igezweho ya iPhone 13pro yohererejwe uyu mukobwa ukundana na The Ben ni impano y’umunsi mukuru w’amavuko uyu mukobwa yitegura kwizihiza.

Mu magambo yanditse ku rukuta rwe rwa Instagram, Miss Uwicyeza Pamella yashimiye umukunzi we ku bw’impano idasanzwe, agira ati “Iyi mpano yaturutse ku nshuti yanjye (Fiancé), birandenga nkumva ntagukwiriye mukundwa”.

Miss Uwicyeza Pamella yakundanye igihe kirekire mu ibanga n’uyu muhanzi, abantu batangira kubihwihwisa ariko aba bombi bakabihakana.

Ubwo The Ben yazaga mu Rwanda avuye muri Leta Zunze ubumwe za Amerika nibwo amafoto yagiye agaragara bari kumwe ndetse banabwirana amagambo y’urukundo.

The Ben aherutse kwambika impeta Pamella

Baje kubishyira ku karubanda ubwo bagaragaraga basohokanye hanze y’u Rwanda bibereye ku kirwa rwagati mu Nyanja ndetse bakura abantu mu rujijo bemera ko bakundana ndetse bitegura kuzarushingana.

Muri iyi minsi bagaragaza ko urukundo rwabo rugeze aharyoshye, gusa ntibaratangaza igihe bazakorera ubukwe bwabo.

MC Gatete

MC Gatete wivugira ko ari ‘Gatete kadaterwa ubugabo n’urwagwa’ yavukiye mu Karere ka Nyamagabe aho bita i Nzega mu 1990. Mu 1994 yaburanye n’ababyeyi ye bituma arererwa mu kigo cy’imfubyi mu Mujyi wa Kigali. Arubatse afite abana 2, umuhungu n’umukobwa.

Mu bitangaje kuri MC Gatete ni uko mama umubyara akiriho akaba yaramumenye akuze kuko baburanye mu gihe cya Jenoside yakorewe Abatutsi, mu gihe se yari amaze gutabaruka.

MC Gatete avuga ko uretse kuba Imana yaramuhaye impano yo gusetsa, ashaka umwanya akanasoma ibitabo bya ba Rugamba Sipiriyani na Alexis Kagame mu rwego kwihugura no kurushaho kunoza imvugo iboneye y’Ikinyarwanda.

MC Gatete avuga ko nyuma yo kuvuga umuvugo ugakundwa i Nyamagabe yatangiye kujya atumirwa ahantu hatandukanye. Hamwe mu ho yatumiwe ngo ni muri Village Urugwiro, ubwo Umukuru w’Igihugu yakiraga abana abifuriza umwaka mushya na Noheli.

MC Gatete avuga ko umwuga wo kuyobora ibirori ari umwuga umutunze kandi ko abayeho mu buzima bwiza buri wese yakwifuza kubamo kandi akaba abikesha abamukunda bakanamushima.

Yagize ati “Ubu ntunzwe no kuvuga amazina y’inka ndetse no kuyobora ibirori ni ko kazi nkora buri munsi, ni ibintu byanzaniye inshuti nyinshi ndetse bimpuza n’abakomeye”.

Ikintu atazibagirwa mu buzima bwe ni uburyo abantu bamwitayeho mu gihe akazi ke kari kahagaze kubera icyorezo cya Covid-19 cyadutse mu isi.

Yagize ati “nibwo nabonye ko nkora akazi abantu bakunda, kubona umuntu aguhamagara akakubaza ati sha ko akazi kahagaze ubayeho ute, wajya kubona ukabona akoherereje ibihumbi 100”.

MC Gatete avuga ko akazi akora katagira amafaranga azwi ahubwo buri wese atanga akurikije uko yishimye cyangwa amukunda hakaba n’abantu bamugenera bitewe n’ubushobozi bwabo.

Avuga ko ababazwa no gukora akazi mu birori, uwo yakoreye akamubwira ngo yihangane amafaranga ntiyabonetse kandi yaje yayapangiye.

MC Gatete ntajya yibagirwa uburyo yagiye atumirwa mu birori birimo Umukuru w’Igihugu akabona yanyuzwe n’imivugo ye, ndetse kenshi agatumirwa n’abakomeye mu birori byabo bitandukanye birimo ubukwe bw’abana babo.

MC Gatete asaba urubyiruko gukunda igihugu cyabo no guharanira iterambere ryacyo akabasaba kumenya gushishoza mu gihe basoma ibiri ku mbuga nkoranyambaga.

Ras Giseke asanga umuntu ari nk’undi

Muri iyo ndirimbo ya Ras Giseke, avugamo uburyo iby’isi ari gatebe gatoki akavuga ko buri muntu ku isi akwiye kwigengesera, akabanira neza mugenzi we kuko ibyago ashobora gushyiramo mugenzi we na we bishobora kumugeraho.

Yagize ati “Naritegereje kuri iyi si nsanga buri wese ashobora kugira ibyiza nk’uko yanagira ibibi, usanga muri ubu buzima hari abantu bazi ko bihagije ugasanga barahemukira abandi. Iyo na bo byabagezeho niho bibuka ko abantu twese turi bamwe, kandi burya gira neza wigendere, ineza uzayisanga imbere”.

Ras Giseke avuga ko ashaka kwagura inganzo agahimba indirimbo nyinshi, cyane cyane zikubiyemo ubutumwa bwubaka sosiyete, nk’umurasita asanga buri umwe wese yimakaje amahoro n’urukundo isi yaba nziza, abantu bakabana badatongana kandi bakagera kuri byinshi.

Uretse indirimbo Umuntu ni nk’undi, Ras Giseke yari aherutse gusohora indi ndirimbo na yo ifite ubutumwa bw’amahoro yitwa “Turapfa iki”.

Reba video y’indirimbo ‘Umuntu ni nk’undi’ ya Ras Giseke

Padiri Ingabire Emmanuel ubwo yahabwaga Ubupadiri tariki 21 Kanama 2021 (Ifoto: Diyosezi Gatolika ya Gikongoro)

Mu ibaruwa ndende yanditse mu rurimi rw’Icyongereza, Padiri Ingabire Emmanuel yagaraje ko avuye mu gipadiri akigikunze kandi ko avuyemo atari uko yabuze umuhamagaro ahubwo ko ari uburyo Musenyeri yanze kumwumva no kumushyigikira mu bibazo by’ubuzima bwe.

Uyu mupadiri avuga ko yagize ibibazo by’uburwayi bw’umugongo ariko musenyeri akomeza kumwirengagiza no kumwima amafaranga ndetse amwangira no kujya kwa muganga.

Yagize ati “Wanyimye uruhushya rwo kujya kwa muganga ubizi neza ko ndwaye bikomeye ndetse naranagaragazaga ibimenyetso by’uko nshobora kugagara(paralysis), aho kunyemerera kujya kwivuza wambwiye ko wishinja kuba warampaye ubupadiri. Igitangaje nari narakumenyesheje uburwayi bwanjye mu mezi atanu mbere yo gusezerana, ubiheraho unyima uruhushya rwo kujya kwivuza”.

Uyu mupadiri akomeza avuga ko byageze ubwo ajya kwivuza akaza kwimwa ubufasha bwo kwivuza kandi ari umupadiri wa diyosezi ndetse ko musenyeri yakomeje gukomeretsa umutima we mu buryo bwinshi.

Uyu mupadiri Emmanuel Ingabire avuga ko yasanze kuba atarahawe ubufasha ngo yitabweho n’uwagakwiye kumubera umubyeyi ahubwo ubuzima bwe buri mu kaga byarutwa n’uko yasezera aho gukorera ahantu adakunzwe atanitaweho.

Umwe mu bapadiri ba diyozeyi ya Gikongoro utashatse kujya mu itangazamakuru yemeye ko koko uyu mupadiri yanditse asezera ariko avuga ko biriya bitatuma umupadiri asezera umuhamagaro yahamagariwe, ibyanditswe mu ibaruwa abigereranya n’ubugwari.

Umushumba wa Diyosezi ya Gikongoro, Musenyeri Célestin Hakizimana, yabwiye Kigali Today ko ibyo gusezera k’uwo mupadiri yabibonye ku mbuga nkoranyambaga ariko ko atarakira mu ntoki ibaruwa y’umwimerere nyiri ubwite yiyandikiye, kuko ngo aheruka yaraje i Kigali kwivuza, bityo ibindi uwo mupadiri yanditse Musenyeri akaba ntacyo yabivugaho.

Musenyeri Hakizimana avuga ko ubusanzwe iyo umupadiri yanditse asezera ngo abo yandikiye basuzuma impamvu asezeye niba ari impamvu ifatika, cyangwa se hakabaho kumugira inama, bakamusaba gufata igihe cyo kubitekerezaho, cyangwa se bakandika bamusubiza ko bamwemereye.

Musenyeri Hakizimana yavuze ko ubundi kugira ngo bigende neza uwo mupadiri yandikira Papa akaba ari we utanga uburenganzira kuri uwo mupadiri.

Padiri Emmanuel Ingabire yari amaze amezi atanu ahawe isakaramentu ry’ubupadiri kuko yabuhawe umwaka ushize mu kwezi kwa Kanama 2021.

Ibintu byaje guhindura isura ubwo umunyamakuru Phil Peter yandikaga amagambo akomeye ku mbuga nkoranyambaga, nyuma y’uko hari uwamushinje kuba mu batumye uwo muyoboro wa YouTube uhagarikwa.

Phil Peter yagize ati “Muvandimwe Yago nagira ngo ngusabe ubwize ukuri Abanyarwanda bareke kubateranya n’abandi, Channel yawe iriho ntiyasibwe ahubwo wahishe content (ibyari biyiriho) ku bushake bwawe, impamvu zishobora kuba zarabiteye ni uko ushobora kuba warishe amategeko YouTube igenderaho, ..., wahishe content ngo utongera kwihanangirizwa, TV yawe igafungwa burundu”.

Phil Peter yakomeje asaba Yago ko yashyira hanze ukuri, akabwiza Abanyarwanda ukuri ku bari inyuma yo kumugambanira, cyane ko YouTube yohereza Email isobanura byose birimo abatanze amakuru n’icyo bavuze kandi ko hari benshi bakomeje gutuka Phil Peter bamuhora ubusa.

Yago na we yahise asubiza Phil Peter ndetse ahita amushinja ku mugaragaro nk’umwe mu b’imbere bari ku isonga ry’isibwa rya YouTube channel ye.
Yagize ati “Wowe(Phil Peter) noneho reka nkwerurire wangenzeho kuva kera n’ubwo buryarya bwawe abantu barabuzi, wirirwa untumaho abantu, ibyo uvuga byose kuri jye bingeraho kandi nk’uko abenshi bamaze kukumenya ubu noneho urigaragaje neza byeruye kandi urakoze gutuma rubanda bakumenya”.

Yago TV ni imwe mu miyoboro y’amashusho ikorera kuri Internet yari ikunzwe inarebwa n’abantu benshi bamwe mu bakunzi bayo bakaba barababajwe n’uburyo yasibwe ndetse bakavuga ko byagizwemo uruhare n’abanyeshyari bashaka kwiharira isoko ry’imyidagaduro kuri murandasi.

Umuriro w’umwuka mubi ukaba ukomeje kwaka hagati y’abo banyamakuru, bikaba ndetse bivugwa ko bisanzwe ko cyane cyane abahanzi bakunda kugambanirana buri wese yifuza kuba ari we uvugwa.

Icyakora hari abandi bavuze ko guterana amagambo ari bumwe mu buryo abantu bajya bakoresha bashaka gukomeza kuvugwa cyane.

Padiri Sibomana yavuye mu gipadiri mu mwaka wa 2020, akaba yarakoze ubutumwa butandukanye muri Paruwasi ya Yove, Nkombo na Shangi i Cyangugu.

Akenshi bikunda kuba ibidasanzwe kumva ko padiri yiyambuye ikanzu akiyemeza gushaka umugore, bikunze kubabaza abakristu ndetse na bagenzi be bakoranaga umurimo w’Imana n’abasaseredoti bagenzi be, ariko bikaba byiza kumesa kamwe nk’uko bamwe mu bapadiri bajya babikora.

Ni nyuma y’aho akoze indirimbo ebyiri agashyiramo Abadage biga hamwe. Izo ndirimbo ni ‘Igitangaza’ na ‘Love-d you’ bikaba biri kugaragara ko akomeje gutangaza benshi nk’uko bigaragazwa n’umubare munini w’ibinyamakuru bimaze kumwandikaho.

Mu biganiro agirana n’abanyamakuru, padiri Jean François Uwimana avuga ko abenshi bamubaza uko igitekerezo cyo gukora umuziki mu buryo awukoramo cyaje.

Padiri Jean François Uwimana

Mu kubasubiza agira ati “Jye ariko iwacu bazi ko ndapa. Numvise urubyiruko ruvuga ko rukeneye umuziki utuma banyeganyega kurushaho kuko batakomeza kuririmba mu njyana ya ‘Tubabarire Nyagasani’ nyuma ya misa ngo basinzira, ubwo rero mfata imiririmbire (style) itandukanye nshyiramo amagambo y’iyobokamana ni uko byatangiye”.

Indirimbo ziri kugarukwaho cyane ni ‘Love-d you’ akoze vuba aha na ‘Araturinda’ yakoze mbere y’uko yerekeza mu Budage. Izo nkuru zigaragaza uburyo amaze kwandika izina muri kiriya gihugu mu buryo bw’ivugabutumwa batari bamenyereye, aho usanga kuva ahitwa Thueringen aho yiga kugera i Berlin mu murwa mukuru w’u Budage inkuru bagarukaho ari umupadiri w’umuraperi ukomoka i Rwanda.

Reba indirimbo ya Padiri Jean François Uwimana - Love-d you

Ibi bije mu gihe muri iyi minsi byavugwaga ko uyu muhanzi yaba agorwa no gukoresha imbuga ze rimwe na rimwe bikanamuviramo guterana amagambo n’abafana.

Abahagarariye uyu muhanzikazi Ariel Wayz bavuze ko atazongera gukoresha izo mbuga, ko ahubwo bazajya babimukorera.

Bagize bati “Guhera aka kanya kugeza hatanzwe andi mabwiriza, imbuga nkoranyambaga za Ariel Wayz zizajya zikoreshwa n’abashinzwe kureberera ibikorwa bye. Turashimira buri wese ukomeje gushyigikira ibikorwa bye.”

Ibi bije nyuma y’uko ku mbuga nkoranyambaga hagaragaye ubutumwa bw’ibanga uyu muhanzikazi yagiranaga n’inshuti ye Juno Kizigenza bashinjanya gucana inyuma ndetse bagaragaza ko umubano wabo ukomeje kugana ahabi.

Aba bahanzi kandi muri iyi minsi bavuzweho gukoresha imbuga nkoranyambaga buri wese avuga amagambo mabi ku wundi.

Kenshi bagiye bahakana ko bakundana ariko ubwo butumwa bwashimangiye ko bari bafitanye umubano wihariye, aho Juno yamushinjaga kumubeshya ko ari i Kigali kandi yigiriye kureba uwo bahoze bakundana wo mu mahanga (umudiaspora) ku Gisenyi.

Ibi bije kandi nyuma y’ifoto Ariel Wayz yifotoje yifashe ku myanya y’ibanga, kimwe n’andi yagiye ashyira hanze agaragaza amabere, abamukurikira ku mbuga nkoranyambaga barimo n’abafana be bakamunenga.

Umubyinnyi akaba umuhanzi n’umuyobozi wa Iganze Gakondo, Niganze Lievin avuga ko icyemezo cyo guhagarika ibitaramo kibabaje gusa akavuga ko nta kundi byari kugenda kubera ko iki cyorezo cyagarukanye ubukana.

Yagize ati “twarababaye birumvikana gusa ntabwo twakwirengagiza ko iki cyorezo cyandura ku buryo bwihuse kandi cyica abantu”.

Umuhanzi akaba n’umucuranzi akanayobora Orchestre Imanzi, Papy avuga ko Leta ikwiye kubatekerezaho nk’abahanzi kuko umwuga wo gucuranga ni wo ubatunze ariko na we agasanga nta mahitamo bafite kubera iki cyorezo cya Covid 19.

Yagize ati “turi mu marira menshi kuko hano ni ho twakuraga agafaranga, baduhagaritse mu gihe iminsi mikuru yegereje yewe abana bazajya mu biruhuko vuba bongere no gutangira, Leta nk’umubyeyi ikwiye kugira uburyo bw’ingoboka yajya yibuka abacuranzi kuko nta kandi kazi bagira uretse gucuranga”.

Uwimana Jane ni umuririmbyi akaba azwi nk’umwamikazi wa Karaoke. Avuga ko ukurikije ibyishimo abajya mu bitaramo bagira bigoye ko bakwirinda agasaba ko habaho kwihangana hakarebwa aho iki cyorezo cyerekeza.

Yagize ati “Abakiriya bacu bakwiye kwihangana bagasenga iki cyorezo kikagabanya ubukana nta kundi byagenda, twizeye ko nitwirinda neza kizashira vuba tukongera tugatarama”.

The Bless avuga ko yifuje gukorana n’umugabo w’umuhanga wo muri Uganda mu rwego rwo kwagura amarembo no kurushaho kumenyekanisha ibihangano bye hanze y’u Rwanda.

Yagize ati “Iyi ni gahunda natangiye kugira ngo ibihangano byanjye bitangire bimenywe na benshi nibura muri aka Karere k’Iburasirazuba bwa Afurika. Iyi ni injyana buri wese mu mico itandukanye yakwiyumvamo”.

Iyi ndirimbo ngo ishingiye ku buryo abantu babona abandi cyane cyane abakobwa n’uburyo bagaragaza amarangamutima iyo babakunze.

Bagira bati “Hari igihe ubona umuntu ukamukunda ariko ukagira isoni zo kubimubwira cyangwa se hakabaho kwitinya, dutangira tugira tuti, nyamara uyu mwana nk’uyu kumubona bigakunda ni amahirwe namubonye mu maso ndakwama yasaga n’akazuba mubonye ku kibero sinagenda yasaga n’akanyange...”

The Bless

The Bless avuga ko ari guteganya gukorana indirimbo n’abahanzi bakomeye muri iyi minsi ndetse agakora n’amashusho yazo gusa akaba avuga ko agishakisha ubushobozi kuko bihenze.

The Bless azwi mu ndirimbo nka Police woman, Umugisha, wampaye umwana, ikibazo n’izindi.

Reba video y’indirimbo ‘Aramurika’ ya The Bless afatanyije na Raster JB

Korali Ishema Ryacu yo mu Ruhengeri yateguye igitaramo cy’amateka

Korari Ishema Ryacu yavutse muri 1984 igiye gukora igitaramo muri gahunda yabo ngarukamwaka yo kwifurizanya Noheri nziza n’umwaka mushya muhire.

Umuyobozi w’iyi korari Dr Kamugisha Jean Nepomuscene avuga ko bagiye gukora amateka yo kuririmbira abakunzi babo indirimbo zihimbaza Imana bihimbiye cyangwa se zaririmbwe na korari yabo ariko ko bifuza kuzaryohereza abazitabira babacurangira indirimbo mpuzamahanga zakunzwe.

Yagize ati “Tuzabaririmbira indirimbo zacu ariko tubahishiye indirimbo zamamaye mu mahanga kandi zakoze amateka tuzazibaririmbira mu mwimerere wazo, tuzabaha Noheli n’ubunani bwuzuye kandi nta rungu bazagira tuzaba twabukereye, imyiteguro tuyigeze kure”.

Dr Kamugisha avuga ko umuryango ugizwe n’abana bari munsi y’imyaka 15 bazishyura ibihumbi 10 (10.000fw) mu gihe umuntu umwe azinjira yishyuye ibihumbi 5 by’amanyarwanda (5000frw) utabariyemo ayo kwipimisha COVID-19.

Iri zina Ishema Ryacu ngo barikomora mu ibaruwa Pawulo Mutagatifu yandikiye Abanyagalati aho agira ati “nta kindi nakwiratana atari umusaraba w’umwami wacu Yezu kristu”. Ishema ryabo rero ngo ni umusaraba wa Kristu.

Massamba Intore na Jules Sentore

Intore Massamba aherutse mu gihugu cya Senegal aho yataramiye Abanyarwanda n’abandi bakunda injyana nyarwanda ndetse yakirwa na ambasaderi w’u Rwanda muri icyo gihugu, Karabaranga Jean Pierre.

Mu magambo yatangaje Intore Massamba yavuze ko yanyuzwe cyane n’igitaramo yakoreye muri icyo gihugu.

Yagize ati “abanyasenegal muri aba mbere iki gitaramo ni amateka atazibagirana”.

Masamba yari yarijeje abakunzi be ko batazagira irungu mu mpera z’uyu mwaka kandi akaba yizeza abazareba iki gitaramo kuzatarama bakanyurwa.

Iki ni kimwe mu bitaramo bizaserukamo umugabo bigasiba undi kuko ni igitaramo kizaba gihenze aho buri muntu aziyishyurira amafaranga yo kwipimisha Covid 19, ndetse itike ntoya ikazaba igura amafaranga ibihumbi 20, abantu 6 bicaye ku meza y’icyubahiro bakazishyura ibihumbi 360 by’amanyarwanda bakakirizwa Champagne.

Koffi Olomide

Abategura iki gitaramo bamaze gusohora itangazo bavuga ko nta gisibya iki gitaramo kizaba uko cyateganyijwe kikaba kizaba tariki ya 04 Ukuboza 2021 muri Kigali Arena.

Muri iri tangazo Intore Entertainment bategura iki gitaramo bagize bati “Ntabwo twebwe dufite ubushobozi cyangwa ntituri mu mwanya wo kuvuga ku myitwarire cyangwa ku birego by’ibyaha bishinjwa umuntu, ibyo byaharirwa inzego zibishinzwe cyangwa se ubutabera”.

Bakomeza abagira bati “ku ruhande rwacu tuvuganira kandi tugashyigikira uburinganire n’ubwubahane cyane ku gitsina gore. Twubaha kandi ibitekerezo n’uburenganzira bw’ababona ukundi umuhanzi”.

Aha ni ho abateguye igitaramo bahera bavuga ko mu rwego rwo kubaha abafana bagaragaje inyota yo kureba kiriya gitaramo, igitaramo kizaba kandi kiba mu mutekano n’umucyo usesuye.

Umuhanzi Koffi Olomide w’imyaka 65 y’amavuko ukunze kwiyita Le Grand Mopao amaze iminsi avugwa cyane cyane ku mbuga nkoranyambaga, aho bamwe banenga ko azaza gutaramira mu Rwanda nyamara avugwaho guhohotera abagore.
Iki gitaramo kizaririmbamo n’abandi bahanzi nka King James na Yvan Buravan n’umuhanzi uzamutse vuba witwa Chris Hat.

Abakunda umuziki benshi kandi bashimishijwe no kuba King James agiye kongera kugaragara k’urubyiniro, nyuma yo kumara imyaka nta gitaramo ategurira abafana be.

Kuri uwo munsi kandi w’itariki 4 Ukuboza 2021, Umunyamuziki wo muri Nigeria Ric Hassani na we azaba afite igitaramo muri ‘Kigali Convention Centre’.

Koffi Olomide azwi cyane mu ndirimbo nka ’Selfie’, ’Effrakata’, ’Dossier du Jour’ n’izindi, akazaba aje mu Rwanda ku nshuro ya kabiri uhereye mu 2016.

Amatike yo kwinjira muri icyo gitaramo ubu yatangije kugurishwa nk’uko byatangajwe n’abashinzwe gutegura icyo gitaramo, harimo itike isanzwe igura 10.000 Frw, igura 30.000Frw ya VIP, 50.000Frw kuri VVIP ndetse na 500.000 FRW ku meza y’abantu batandatu.

Koffi Olomide

Bimwe muri ibyo byaha abishinjwa n’abagore yahoze akoresha mu kuririmba no kubyina aho bamushinga kubafata ku ngufu no kubahohotera abakubita.
Hari ibindi bivugwa ko yagiye akorana imibonano mpuzabitsina n’abakobwa batujuje imyaka y’ubukure, nyamara we akaba ngo atari azi ko batayujuje.

Mu kwezi gushize, Koffi Olomide w’imyaka 65 y’amavuko yasabiwe n’abamushinja gufungwa imyaka umunani mu rukiko rw’ubujurire rwa Versailles i Paris.

Umwe mu mpirimbanyi z’uburenganzira bw’abagore yasabye ko iki gitaramo cyasubikwa kuko nk’u Rwanda ruha ijambo abagore rudakwiye no guha ijambo uwabahohoteye.

Yagize ati “Kumwemerera gutaramira hano, cyane cyane muri iyi minsi, ni nk’aho tuba twimye agaciro aba bahohoterwa…ni nk’aho tuba tuvuze tuti ntitubyitayeho.”

Undi yagize ati “Niba yarahamijwe n’inkiko icyo cyaha, igihugu cyacu kikaba kivuga ko kiri mu birwanya ihohoterwa rishingiye ku gitsina ntabwo bitanga isura nziza kuri twe!”

Ku rundi ruhande, abashyigikiye igitaramo cya Koffi Olomide bahise basubiza abadashaka ko Koffi yakorera igitaramo i Kigali, bavuga ko atarahamwa n’ibyaha kandi ko atanabikoreye mu Rwanda ndetse bamwe bakavuga ko ari n’ishyari.

Hari uwagize ati “None se niba yarajuriye kuki hari abari kumushinja icyaha urubanza rwa burundu rutarashira!? Ese ubu mwibagiwe DMX, jackson n’abandi ibihimbano bagiye baregwa!? Yewe na Bruce Melody hari uwigeze kwiyitirira kubyarana nawe, na Davis D ejo bundi ahita aririmba itara. Ni iki mutazi?”

Undi yagize ati “Tugira amatiku ni yo mpamvu tudatera imbere nk’abandi! Aho kwibaza ngo twe abahanzi bacu bazataramira i Kinshasa bate nk’uko Koffi abigenje i Kigali?”

Hari abandi babona iki gitaramo nka kimwe mu bikomeje kugaragaza umubano mwiza hagati y’u Rwanda na Repubulika Iharanira Demokarasi ya Congo aho uyu muhanzi akomoka. Ni igitaramo kandi bamwe babona ko kije cyiyongera ku bindi bimaze iminsi bibera mu Rwanda ndetse bigatumirwamo ibyamamare mpuzamahanga bikaza gususurutsa Kigali, guteza imbere imyidagaduro n’ubukerarugendo, dore ko ari bimwe mu byazahajwe n’icyorezo cya COVID-19.

Kugeza ubu abateguye iki gitaramo ntacyo baratangaza ku bitekerezo byakivuzweho, igitaramo cyo kikaba gikomeje gutegurwa.

Mwiseneza Josiane wabaye Nyampinga watowe nk’uwakunzwe n’abantu benshi mu irushanwa rya Miss Rwanda muri 2019 (Miss Popularity), yambitswe impeta n’umusore byacaga amarenga ko biteguraga kurushinga.

Ku mugoroba wo ku wa Gatandatu tariki 15 Kanama 2020, nibwo ku mbuga nkoranyambaga hasakaye amafoto n’amashusho magufi agaragaza Miss Josiane mu ikanzu y’igitenge, yambikwa impeta abasore basanzwe bambika abo bifuza ko bazarushingana.

Ni ibirori byari byateguwe mu buryo bubereye ijisho, mu cyumba cyari gitatse indabo, ndetse mu mashusho yafatiwe aho hantu humvikanaga amajwi y’abakobwa bavuzaga akaruru basaba Josiane kwegera imbere ngo asanganire umukunzi we aho yari apfukamishije ivi rimwe ari na byo byitwa gutera ivi.

Miss Mwiseneza Josiane yagaragaraga nk’uwari utunguwe, yegereye umukunzi we yipfutse n’ikiganza mu maso, yemera kwambara impeta yari ahawe, abari aho bakomera amashyi icyarimwe.

Icyakora abantu bakomeje gutegereza andi makuru y’urukundo rw’aba bombi ntiyongera kuboneka, ahubwo bikavugwa ko buri wese yaba asugaye afite undi bakundana.

Inkuru z’urukundo rwabo zongeye kugarukwaho nyuma y’aho uyu musore Tuyishimire Christian ashyiriye amafoto ku mbuga nkoranyambaga amugaragaza ari mu bihe byiza n’undi mukobwa, ndetse akayaherekeresha amagambo agaragaza urukundo hagati yabo bombi, ndetse ko baba barimo kwitegura kubana.

Bamwe mu babonye ayo mafoto ntibishimiye no kuba uyu musore yaba yaratandukanye na Miss Josiane, bamwe ndetse bakongeraho ko uyu musore yaba ahemukiye Josiane wari wamwemereye urukundo.

Icyakora hari n’abavuze ko uyu musore na mbere yo kwambika impeta Josiane yari amaze igihe kirekire akundana n’uwo mukobwa, dore ko amwe mu mafoto yabo bari kumwe bigaragara ko ari ayo hambere.

Turacyashakisha icyo izi mpande zombi zibivugaho...

Padiri aba ari kumwe n’abakobwa bigana mu Budage

Padiri avuga ko ari indirimbo ikozwe mu buryo bw’iz’inyamerika, iri mu mujyo w’indirimbo za Chris Brown ndetse na Pop ya Michael Jackson.

Ntibimenyerewe ko umupadiri aririmba urukundo rusanzwe ubundi baririmba indirimbo zihimbaza Imana, kuko n’ubundi batemererwa gushaka no gukundana byeruye, ariko avuga ko atari we ubwe wivugaga ahubwo yabikuye mu nkuru yumvise.

Yagize ati “Impumeko nayikuye mu nkuru yabaye nzi, aho umuntu akunda undi ariko uwo akunda akaba amuryarya atanamwifuriza ibyiza, akavuga ko Imana yo ikunda abakunda bagenzi babo. Muri iyo ndirimbo kandi mvuga ko hari n’igihe umuntu ashaka kukugambanira wenda atanakurusha imbaraga”.

Padiri Uwimana ni gutya agaragara mu ndirimbo I Loved you

Padiri Uwimana avuga ko iyo ndirimbo n’ubwo ari iy’urukundo ariko ko harimo inyigisho ku bakiristu, ko abantu bakwiye kugira umutima ukunda mu buryo bwimazeyo nta gucengana kuko bibabaza umutima.

Yagize ati “Hari ubwo ubabara umutima ukaba wanakwihorera k’uwaguhemukiye, singombwa kugirirwa nabi ngo na we ubikore gusa uhemuka ntakibwire ko ari uko afite imbaraga kukurusha, ahubwo ujye uba umukristu nyawe umubabarire”.

Uwo mupadiri ashimira Producer Mastola wazanye igitekerezo bagafatanya kuyigira indirimbo igezweho, akaba yizera ko abazayumva izabaryohera n’ubwo ifite injyana zisobetse.

Padiri Uwimana ngo ntazacika intege mu njyana zigezweho

Padiri Uwimana Jean François ubu abarizwa mu Budage, ni umupadiri wamamaye mu kuririmba no kubyina Rap, ibintu yemeza ko yakoze ngo afashe abibona mu njyana zose gusingiza Imana, buri umwe mu njyana imunyura, akaba kandi n’ubu akora imirimo ye ya gipadiri irimo gusoma misa n’ibindi.

Reba indirimbo nshya ya Padiri Jean François Uwimana - Love-d you

Iyi nkuru yakiranywe ubwuzu n’abakunzi b’uyu muhanzikazi ubwo birohaga mu mihanda bishimira icyemezo cy’urukiko, benshi bakaba bari baje ku rukiko kumushyigikira basaba ko yahabwa uburenganzira bwo kwigenga ku mutungo we.

Haba Britney Spears cyangwa se nta n’umwe wagaragaye mu rukiko mu rubanza rwamaze amasaha abiri.

Umucamanza Brenda Penny, akaba yafashe icyemezo cyo gukura kuri Jamie Spears, se wa Britney Spears, inshingano zo gucunga imitungo y’umukobwa we ndetse ategeka ko bihita bishyirwa mu bikorwa ako kanya.

Uyu muhanzi yari yarambuwe uburenganzira bwo gucunga umutungo we nyuma y’uko agaragaweho ko yaba afite ibibazo byo mu mutwe bituma urukiko ruha inshingano se umubyara.

Uyu muhanzi akaba yarabaye icyamamare ku buryo anafite imitungo myinshi ibarirwa mu mamiliyari arenga 50 uyabariye mu Mafaranga y’u Rwanda.

.

Polisi iravuga ko yamaze guhosha imirwano y’izo mfungwa

Hamaze kubarurwa abagera ku 116 bazwi bamaze kugwa muri iyo mirwano, ikaba yaratewe n’ubushyamirane hagati y’amabandi ahafungiye, ibintu byabaye bibi cyane mu mateka y’icyo gihugu.

Nibura batanu mu bishwe baciwe imitwe abandi bo bakaba barishwe mu buryo busanzwe.
Abahafungiye ni amabandi afitanye isano n’andi acuruza ibiyobyabwenge akomoka mu gihugu cya Mexique.

Iyo gereza ifatwa nk’imwe mu magereza ateye ubwoba kubera abantu bahafungiye baba barakoze ibikorwa by’ubugome burenze ukwemera.

Ukuriye igipolisi muri ako gace, Fausto Buenaño, yatangaje ko abanyururu bateye za grenade, bisaba ko hoherezwa abapolisi barenga 400 ngo babashe guhosha iyo mirwano.

Ibinyamakuru byo muri Equateur byatangaje ko abafungiye muri iyo gereza ari amabandi ashinjwa gucuruza ibiyobyabwenge afatanyije n’ayo muri Mexique.

Kugeza ubu ntiharamenyekanya icyateye ubu bushyamirane buteye ubwoba gutyo mu gihugu cya Equateur.

Adolphe Higiro wamamaye nka Shema muri Musekeweya

Higiro yavukiye mu Ntara y’Iburasirazuba aho bita i Rukira, yiga amashuri abanza i Rukira, akomereza mu iseminari nto y’i Zaza, Kaminuza ayigira muri ULK.

Higiro avuga ko akiri ku ishuri yakundaga gukina amakinamico ariko akenshi bakamuha gukina ari umukobwa kuko mu iseminari nta bakobwa bahabaga.

Muri 2004 nibwo yapiganiye gukina mu ikinamico y’uruhererekane yitwa Musekeweya, ahabwa kuba umukinnyi wubakiweho ikinamo aho akina n’umukobwa witwa Batamuliza.

Muri iyi kinamico Shema na Batamuliza bakinamo bagaragaza abana bavukiye mu miryango itavuga rumwe kubera amoko, imiryango ikabyivangamo bikaza kurangira imiryango isabanye imbabazi ndetse Shema arashyira arongora uwo yakunze.

Kubera imikinire yabo yakunzwe n’abantu benshi, hari abibwira ko ibyo bakina ari bwo buzima bwabo rimwe na rimwe bikamugora kwisobanura.

Yagize ati “Abantu ntibazi ko nshobora guhura na Batamuliza rimwe mu kwezi tugiye gukina, hari ubwo mpura n’umuntu nkumva arambajije ngo Batamuliza ari he, kubera kubura uko nisobanura ndababwira nti namusize mu rugo”.

Shema asanga ireme ry’ubwanditsi bw’amakinamico bw’iki gihe bwaragabanutse n’ubwo abakinnyi beza bagihari akemeza ko ari na byo bituma amakinamico ya kera agikunzwe kandi akagaragaza ubuhanga kurusha ubu.

Yagize ati “Hari igihe ureba ikinamico ukabona ko yanditse neza hari n’iyo baguha ukavuga uti iyi sinayikina yanyicira izina, mbere habagaho gupigana imyandiko y’ikinamico igatoranywamo hakaboneka ikinamico zikoze neza, bitandukanye n’ubu aho baha isoko umuntu umwe, kuko ari umuntu umwe wumva inganzo idahinduka”.

Adolphe Higiro uzwi nka Shema avuga ko icyamubabaje mu buzima bwe ari uko atagize amahirwe yo kurerwa na se umubyara kuko yapfuye akiri muto.

Icyamushimishije ni ukumva abantu bamwumva kuri radiyo ku isi hose bakamubwira ko bajya bamwumva.

Yagize ati “Nta kintu cyandyoheye nko kumva ndi kwiyumva kuri Radiyo Rwanda, numva nta cyabirusha kuri iyi si, abantu bose ku isi yose bari kunyumva, sinjya nibagirwa bwa mbere niyumva uko byari bimeze numvaga isi nayifashe”.

Mu buzima busanzwe Shema akunda umuziki muri rusange ariko nta muhanzi yemeza ko ari we cyitegererezo kuko buri muhanzi aba afite igihangano amukundira ariko bitavuze ko byose aba abikunda.

Adolphe avuga ko n’ubwo yakuze akina Volley agakunda n’umupira w’amaguru atakibikunda bitewe n’uko yabonye birwaza abantu imitima rimwe na rimwe abantu bakaba banabipfa, afata icyemezo cyo kubiha agaciro gake.

Adolphe yikundira umukobwa ubyibushye kandi ufite amabuno ndetse n’igihe azifuza gushaka yifuza kuzarongora umugore ubyibushye.

Adolphe Higiro uzwi nka Shema mu ikinamico asaba urubyiruko kugaruka ku muco w’ubumuntu kuko asigaye aterwa ipfunwe no kubona rumwe mu rubyiruko nta kinyabupfura rukigira ku mbuga nkoranyambaga, aho usanga umuntu yandika ibintu bikojeje isoni kandi ukabona ko ntacyo bimubwiye.

R Kelly yakomeje guhakana ibyaha ashinjwa akavuga ko ari ubugambanyi

Ntibyari bisanzwe kubona abenshi mu bashinja iki cyamamare ari abagore b’abirabura kandi bashinja umwirabura mugenzi wabo.

R. Kelly ku myaka ye 54 wamenyekanye cyane mu ndirimbo “I believe I can Fly” yahamijwe kandi icyaha cyo gucuruza abantu agamije kubasambanya.

Ibi byaha ashinjwa amaze ukwezi arimo kubiburanishwaho bikaba ari ibyo gusambanya abana, gufata ku ngufu, ibyaha bya ruswa no gukoresha imirimo y’agahato, ni ibyaha yakoze hagati ya 1994 na 2018.

Abavoka ba R Kelly batangaje ko batemera ibyahamijwe umukiriya wabo bakaba bavuze ko bahita bajurira.

Abagore icyenda n’abagabo babiri ni bo batanze ubuhamya bw’uburyo uwo muhanzi yitwaje izina rye akabafata ku ngufu, akabanywesha ibiyobyabwenge, akabafungisha yewe akanakinisha abana filme z’urukozasoni.

Kubera ibyo byaha byamuhamye ashobora kuzahanishwa igifungo cya burundu.

Ubutabera bwa Amerika ku byaha nshinjabyaha bakunda gufata umwanya uhagije mu gusuzuma ibihano, ni yo mpamvu urukiko ruzatangaza ibihano umwaka utaha.

Meddy n’umugore we Mimi

Muri iyi ndirimbo nshya, Meddy n’umugore we Mimi bagaragara baririmbana babwirana amagambo y’urukundo bazengurutswe n’imiryango yabo ndetse na bamwe mu bahanzi bazwi mu Rwanda nka The Ben K8 Kavuyo n’abandi.

Ni indirimbo irimo umwihariko aho Meddy ndetse n’abamukikije baba bambaye imyenda isa nk’abo muri Ethiopia, cyane ko umugore we n’ubundi akomoka muri icyo gihugu.

Undi mwihariko uri muri iyi ndirimbo ni uko iri mu ndimi eshatu ari zo Ikinyarwanda, icyongereza ndetse n’igiswahili.

Ikinyarwanda kirimo hari aho agira ati “ Nsekera mwana nkunda ngaho ngwino unyegere be my Queen of Sheba (ube umwamikazi wanjye w’ i Sheba”).

Nk’uko byavuzwe kenshi ndetse na nyiri ubwite akabicamo amarenga, iyi ishobora kuba ari yo ndirimbo ya nyuma itaramya Imana Meddy akoze, bikaba bivugwa ko Meddy yaba yarabaye umurokore ndetse akaba agiye gutangira kujya aririmba indirimbo zihimbaza Imana gusa.

Reba hano indirimbo nshya ya Meddy yise ‘Queen of Sheba’

Uwo munsi ni bwo imiryango ya Niyomwungeri yari yiteguye kujya gusaba ndetse no gushyingirwa, ariko biza kurangira bibaye amarira kuko umugeni bamutegereje bakamubura.

Niyomwungeri yatangaje ko kuva mu gitondo cy’uwo munsi umukobwa yakuyeho telefone ye, ubwo yari amaze kumubwira ko agiye gukoresha imisatsi.

Uwo mukobwa yaje kuburirwa irengero bakomeza gushakisha baraheba, kugeza ubwo bafashe icyemezo cyo kujya iwabo na bwo baramubura.

Yagize ati “Mu gitondo cya kare twariteguye ngo tujye kuzana umugeni, twahamagaye telephone y’umukobwa turayibura kuva saa kumi z’igitondo. Twagerageje guhamagara musaza we batubwira ko umukobwa yabuze ndetse bitangira kuba birebire uko amasaha yisunikaga, ni ko benshi mu nshuti n’abavandimwe bageragaho”.

Yakomeje agira ati “Ibitekerezo byari bimaze kundenga dore ko n’iwabo bari banze ko duhaguruka, saa cyenda z’igicamunsi ni bwo twafashe umwanzuro wo kujyayo. Twagezeyo dusanga imiryango ye yose irahari batubwira ko babuze umukobwa tugwa mu kantu”.

Yakomeje asaba imbabazi abantu bose bari bamutwerereye, abari bataye umwanya wabo bakaza kumutahira ubukwe.

Yagize ati “Ku bo inkuru yange yagushije bambabarire, ndizera ko nta kiba Imana itakizi, nta kiba ngo cyo kugira iherezo. Ku ruhande rumwe ndababaye kuba ntarabonye uwo nakunze ariko ku rundi mbabajwe n’abantu ba kure bakoresheje amatike yabo baza mu birori ariko ntibabibone”.

Niyomwungeri avuga ko icyo kibazo yamaze kugishyikiriza inzego z’ubuyobozi kuko ngo yabwiwe n’abo mu muryango w’umukobwa ko bamukingiranye ngo adakora ubukwe n’umusore wabahaye inkwano nkeya.

Kugeza ubu ntiturabasha kuvugana n’umuryango w’umukobwa ngo tumenye na bo uko babisobanura nibatuvugisha tuzabibagezaho.

MPC Padiri n’umuhungu we (ufite imisatsi myinshi) bari barabuze

MPC Padiri avuga ko umuhungu wa mukuru we yari yarabuze bizwi ko yapfuye, gusa nta kanunu bari bafite ko yaba akiriho, icyakora baje kumenya ko yaba akiriho ni bwo batangiye gushakisha birangira bimenyekanye ko ariho.

Yagize ati “twari twarihanaguye ko atakiriho, nyamara umuntu yaje kutubwira ko hari uwamujyanye i Burayi, ni bwo twashatse uko yatumenya natwe tukongera tukamubona, yahise agira amatsiko kuko na we yibazaga ko nta wundi muryango afite”.

Uwo musore akimara kumenya ko hari abo mu muryango we bakiriho, yashatse uko yajya i Kigali kubonana na bo, ni na ko byagenze barahura ibyishimo biba byinshi ku mpande zose.

Nyuma yuko uwo muhungu asubiye i Burayi, MPC Padiri kwihangana byaramunaniye ajya kuririmba indi ndirimbo ayita ‘Cyane’, aho aba agira ati “Twaramukumbuye cyane”.

Agira ati “Kuva wa munsi ugenda twahise tugukumbura, akanyamuneza waduteye, uri byishimo byuzuye umutima wacu, amarira twarize waraje urayahoza udusigira ibyishimo, ushimwe kuko wamugaruye nta cyamubayeho, imitima yacu yasubiye mu gitereko”.

Muri iyi ndirimbo MPC Padiri ashimira Imana kuba yaramugaruriye umwana akemeza ko iminsi iba myinshi igahimwa n’umwe, kuko batizeraga ko azagaruka, ati “waturemeye agatima”.

MPC Padiri ni umwe mu bahanzi bamaze kwandika izina hano mu Rwanda, azwi cyane mu ndirimbo nka Turashimira Ingabo z’u Rwanda, Rwatubyaye, I miss you ndetse yanakoranye indirimbo na Kidumu, iherutse gusohoka yitwa Nyampinga (Hose na Hose).

Francine Niyonsaba

Genzebe Dibaba wo muri Ehiopia ni we wari ufite aka gahigo kuko yari yakoresheje iminota 5 n’amasegonda 23, guhera 2017 ni we wari uri imbere mu birukanka metero 2000.

Abarundi ku mbuga nkoranyambaga bakomeje gushima uyu mukobwa wesheje umuhigo udasanzwe bamubwira ko bamushyigikiye kandi ko bakozwe ku mutima n’ibyo yakoze.

Perezida w’u Burundi Evariste Ndayishimiye na we yashimiye Francine Niyonsaba amusabira imigisha ku Mana kubera ishema akomeje guhesha u Burundi.

Yagize ati “Ku izina ry’Abarundi no ku izina ryanjye ndakeje umwigeme Francine Niyonsaba kw’iteka ridasanzwe amaze iminsi atera u Burundi. Imana ibandanye imuhezagira agume atera imbere nk’umuzinga”.

Umugore wa Perezida w’u Burundi na we yahise yerekana amarangamutima atewe no kuba uyu mukobwa yesheje umuhigo, avuga ko biteye ishema buri munyagihugu wese kandi ko yishimiye ko umwana w‘u Burundi yesheje umuhigo.

Boris Hanzekovic Memorial i irushanwa rikomeye ritegurwa n’ishyirahamwe ryo gusiganwa ku maguru ku rwego rw’isi, rikaba ribera mu gihugu cya Croatia. Ryatangiye mu mwaka wa 1951 mu kwibuka Boris Hanzekovic wamamaye mu gusiganwa ku maguru.

Abantu benshi batandukanye bakaba bakomeje kumusabira ko yahabwa ishimwe ridasanzwe kubera ibyo yakoze mu rwego mpuzamahanga.

Révocat Karemangingo

Karemangingo yari asanzwe akora ibikorwa by’ubucuruzi muri icyo gihugu, akaba yishwe n’abantu batahise bamenyekana.

Abo bantu ngo bari mu modoka ebyiri baramwitambika imbere n’inyuma mu gihe na we yari mu modoka ye yenda kugera aho yari atuye mu mujyi wa Maputo aho bita Liberdade.

Ukuriye ishyirahamwe ry’impunzi muri kiriya gihugu Cleophas Habiyaremye yabwiye BBC dukesha iyi nkuru ko yishwe n’abantu bari bamwiteguye kandi babipanze.

Yagize ati "Yari ari hafi kugera iwe, abari mu modoka ya Toyota Fortuner ni bo bamurashe, bamurashe amasasu atandatu."

Bivugwa ko no mu mwaka wa 2016 uyu mugabo bashatse kumwica ariko akarusimbuka nyuma y’uko imodoka yari asanzwe atwara atari yo yatashyemo bamubura gutyo.

Polisi ya Mozambique nta cyo yahise itangaza kuri ubu bwicanyi.

Okivier Kwizera

Uwo mukobwa witwa Kayesu uzwi nka Shazzy ku mbuga nkoranyambaga, yavuzwe cyane mu itangazamakuru kubera ko yafungishije abahanzi Kade na Davis D, yaje no kuvugana kuri Instagram imbone nkubone na Kwizera Olivier, biviramo uyu mukinnyi kwirukanwa mu mwiherero w’ikipe y’igihugu.

Aha ni ho byaturutse ko abantu ku mbuga nkoranyambaga bavuze ko uriya mukobwa ashobora kuba atera umwaku, ibintu Kwizera yahakanye yivuye inyuma.

Mu kiganiro yagiranye na The Choice yagize ati “Abantu bavuga ibyo bashaka ikintu gishobora kukubaho rimwe kabiri gatatu, bakavuga ngo ni umwaku nanjye ni ibizazane bimbayeho kenshi kandi si umwaku”.

Olivier Kwizera kandi yahakanye ko yaba atereta uriya mukobwa, ko batanaziranye cyane gusa ko ari umufana we.

Uyu mukinnyi yikomye abamwirukanye mu ikipe y’igihugu amavubi avuga ko bamurenganyije kuko nta tegeko na rimwe bamubwiye yarenzeho, cyane ko bari bemerewe gukoresha telefoni, ngo yanagerageje kubisobanurira umutoza Mashami amwima umwanya.

Yanavuze ko atasezeye umupira w’amaguru kubera ko yari avuye muri gereza ko ahubwo yifuzaga guha ibyishimo abamwanga, ariko na we bikamuha amahoro.

Yongeyeho ko kuba yaje kwisubiraho akagaruka gukina umupira w’amaguru abitewe n’inama yagiriwe n’inshuti n’abavandimwe, by’umwihariko umubyeyi asigaranye ari we Nyirakuru.

Platini yari ategereje ko Jay Polly ava muri gereza bagakora amashusho y’indirimbo bise ‘Somaho’

Bamwe mu bamunenze bavuze ko atari igihe cyiza cyo gusohora indirimbo yakoranye na Jay Polly mu gihe abantu bakiri mu marira byongeye igasohoka yamamaza inzoga kandi bivugwa ko ari na yo yazize.

Umwe yagize ati "Biteye agahinda ku muhanzi nka Platini utinyuka gushinyagura mu bihe nk’ibi, agatinyuka agasohora indirimbo ngo arye Hit yisunze urupfu rwa mugenzi we Jay, biranavugwa ko atanagiye kumushyingura ibi si byo rwose".

Nyuma yo gukuraho iyo ndirimbo kuri YouTube, umuhanzi Platini abicishije mu kiganiro yatanze ku Isimbi TV yasabye imbabazi avuga ko Jay Polly yari inshuti ye magara ku buryo adashobora kumushinyagurira.

Yagize ati "Ntabwo byabaho ko nshinyagurira inshuti yanjye, mumbabarire ntabwo nari ngamije kurya Hit, abantutse cyane ni uko bari bababaye, sinzi uko byaducitse gusa I’m very sorry".

Platini yavuze ko Jay Polly yari inshuti ye magara kandi ko bari bamaranye igihe ndetse indirimbo Somaho yamamazaga inzoga bari bategereje ko ava muri gereza ngo bakore amashusho.

Akaba yavuze ko akomeje gushengurwa n’urupfu rw’umuhanzi nka Jay Polly wari ukunzwe na benshi kandi akagenda akiri muto agifite byinshi yari atarakora.

Indirimbo ‘Somaho’ n’ubwo hari abanenze igihe yasohokeye, hari abandi benshi bagaragaje ko bayikunze ikimara gusohoka, ikaba yiyongereye ku zindi aba bahanzi bagiye bakorana harimo nk’iyitwa ‘Mumutashye’ na yo yakunzwe n’abatari bake.

Umva indirimbo ‘Somaho’ ya Platini P na Jay Polly

Uyu muhanzi umaze kwandika izina muri Afurika ndetse no ku isi yose yari aherutse gusohora indirimbo yakoranye na Koffi Olomide ikaba imaze kurebwa n’abantu basaga miliyoni 80.

Iyi ndirimbo ijya gusohoka, Diamond yasohoye amafoto ari kumwe n’umukobwa w’uruhu rwera ku mbuga nkoranyambaga abantu bacika ururondogoro bemeza ko ari umukunzi we mushya.

Gusa byaje kugaragara ko uyu mukobwa ari we bakoranye iyi ndirimbo Naanzaje, indirimbo yerekana ikimero gitangaje cy’uyu mukobwa uri mu mashusho y’iyi ndirimbo.

Kugeza magingo aya ntiharamenyekana umukunzi mushya wa Diamond Platnumz nyuma yo gutandukana n’umuhanzi akaba n’umunyamakurukazi, Tanasha Donna.

Mu minsi yashize Diamond yagaragaye yasohokanye na Zari Hassan babyaranye abana 2 ndetse birasakuza ko baba bari mu rukundo, kugeza magingo aya Diamond ntaratangaza ku mugaragaro uwo bari mu rukundo muri iyi minsi.

Reba indirimbo ‘Naanzaje’ ya Diamond Platnumz

Miss Bahati Grace na Murekezi Pacifique bakoze ubukwe

Byari biteganyijwe ko ibyamamare bizabwitabira ari na ko byagenze, kuko abahanzi nka Meddy n’umugore we Mimi, The Ben, Ally Soudy n’abandi bari babukereye.

Ni ibirori byari byitabiriwe n’abazungu n’abirabarura benshi kandi byari biryoheye ijisho.

Kimwe mu byatangaje abantu ni uburyo The ben wari wambaye imyenda y’umweru n’ingofero y’umukara yambarwa na ba Haji, yaserutse aririmba indirimbo ikunzwe cyane muri iyi minsi ya Meddy, ‘My Vow’.

Meddy wari wambaye ikositimu y’umutuku, yaje na we kumwikiriza ibirori bikomeza kuba uburyohe, ari na ko Miss Bahati na Murekezi babyinaga.

Mu bandi bitabiriye ibyo birori harimo mukuru wa Murekezi Pacifique witwa Murekezi Olivier ariko akaba azwi cyane muri Volleball nka Sagihobe (akazina k’agahimbano), hagaragaye kandi Miss Umutesi Kayibanda Aurore, Miss Nimwiza Meghan, Miss Iradukunda Elsa, Ndayishimiye Jean Claude na Jay bazwi mu kwerekana imideli, Cedru wamamaye mu gukora amavidewo y’indirimbo n’abandi benshi.

Aba bakobwa babaye ba Miss berekeje muri Leta Zunze Ubumwe za Amerika bagiye muri ubu bukwe.

Ibi birori biba muri izi mpera z’icyumweru birashimangira urukundo rw’aba bombi bamaze imyaka itatu bakundana nk’uko Miss Bahati yabitangaje.

Miss Bahati amaze iminsi ashyira amafoto agaragaza umunyenga w’urukundo amazemo iminsi na Murekezi Pacifique ndetse mu minsi ishize abakobwa batandukanye bakaba baramukoreye ibirori byo kwitegura gukora ubukwe bizwi nka ‘bridal shower’.

Miss Bahati aherutse gukorerwa ibirori bya Bridal Shower

Miss Bahati ni umwe mu ba miss bavuzwe cyane mu itangazamakuru ubwo yatwaraga inda agifite ikamba rya Miss Rwanda akaza kubyarana n’umuhanzi K8 Kavuyo waje no kumureka, Miss Bahati ntiyacitse intege akomeza kwirwanaho muri Amerika kugeza akundanye na Murekezi bagiye kwibanira.

Ubu bukwe buteganyijwe kuri uyu wa Gatandatu tariki ya 04 Nzeri 2021, muri Leta Zunze Ubumwe za Amerika mu mujyi wa Cedar Rapids muri Leta ya Iowa, bikaba bivugwa ko ari na ho bahuriye bwa mbere bateratana.

Biravugwa ko abahanzi b’ibyamamare mu Rwanda imyiteguro bayigeze kure bitegura kuzasusurutsa ubu bukwe, ku isonga hakazaba hari umuhanzi The Ben ndetse na Meddy.

Meddy n’umugore we bitezweho gutaha ubukwe bwa Miss Bahati na we uherutse kubatahira ubukwe

Kamaro wamamaye mu ndirimbo Mbaya, agiye gusohora indirimbo Ocean

Muri iyo ndirimbo uwo muhanzi aba avuga uburyo ari wenyine uzi gukoresha ingashya n’ubwato ndetse n’inshuti zikabimukundira akazizengurutsa aho zishaka.

Agira ati “Nijye Nigga ya mbere ikoza ingashya muri Ocean, nkozamo ukagira ngo ndimo kwirobera ntinya amazi kuko iteka ntwara nambaye ijile na bagenzi banjye biragoye kugira ngo bashire. Mba mfite commande ninjiye Taillande nibwo ngarutse Islande mpura n’abambuzi bari baje bifunze nk’abaranguzi, mu byo nibwe harimo na Pabuzi”.

Iyi ni indirimbo izasohoka iri kumwe n’amashusho yayo ikaba yarakozwe n’umuhanga mu gukora indirimbo, Sano Patrick uzwi nka Sano Panda.

Umwe mu bumvise iyi ndirimbo ku mbuga nkoranyambaga yavuze ko bitangaje kuba abaririmbyi b’iki gihe basigaye baririmba ibintu bitumvikana, akenshi wumva biganisha ku busambanyi.

Yagize ati “Ariko se urubyiruko rw’ubu rwabuze inganzo ku buryo usanga bashishikajwe no kwandika ibintu bijya kumera nk’ubusambanyi?”

Iyi ndirimbo bayigereranya n’izindi zasohotse nka Ntiza, Amabiya, Ikinyafu, igare n’izindi, zigora guhita wumva ibisobanuro byazo.

Nk’uko byagaragaye ku mbuga nkoranyambaga Muyango ari gukora ku ntoki z’umwana we yari amaze kubyara, Kimenyi yashimiye abamushimiye kubera ibyishimo arimo byo kubyara, ndetse ku mbuga nkoranyambaga akaba yagize ati “nyemerera Data ngushime.”

Byavuzwe kenshi ko Muyango yaba asigaye abana mu nzu na Kimenyi ndetse biza kuvugwa ko yaba atwite bishimangirwa n’uburyo Muyango yagaragaraga ubwo bamutereraga ivi muri Gashyantare 2021, gusa aba bombi birinze kugira byinshi babivugaho.

Mu minsi ishize nibwo Kimenyi yatawe muri yombi n’abandi bakobwa bazira kurenga ku mabwiriza yo kwirinda Covid 19, nyuma yo gutegura ibirori byo gutegurira umwana uzavuka bizwi nka baby shower, gusa yaje kurekurwa nyuma yo gutanga amande.

Miss Muyango wabaye Miss photogenic mu mwaka wa 2019 amaze igihe kinini akundana na Kimenyi Yves akaba umwe mu bantu bakurikirwa cyane ku mbuga nkoranyambaga nka Instagram.

Umumararungu Sandra yamamaye mu mafilime yakunzwe cyane nka Ruzagayura, Kaliza, amarira y’urukundo n’izindi akaba ari na ho yamenyekaniye cyane.

Uyu mukobwa kandi yavuzwe cyane mu rukundo n’umuhanzi Bahati wabaga mu itsinda rya Just Family ryaje gusenyuka.

Sandra yakundanye n’umuhanzi Bahati wo muri Just Family

Umwe mu bo mu muryango we yavuze ko Sandra asize icyuho gikomeye mu muryango kuko yari umukobwa uzi ubwenge kandi akamenya gukora akagira urukundo ku bantu bose.

Yagize ati “Ntabwo yari mwiza gusa ku mubiri, yari na mwiza ku mutima, yari umujyanama mwiza, aduciyemo igikuba gikomeye, twateganyaga kumujyana mu bitaro bya Butaro ngo bamuhe ubuvuzi burushijeho ariko birangira apfuye”.

Biravugwa ko Umumararungu Sandra yaba yazize uburwayi bwa Cancer y’amaraso yari amaranye igihe arwaye.

Bushayija Pascal agiye guhanura urubyiruko rutavana amaboko mu mifuka

Muri iyo ndirimbo avugamo ubuzima umwana muto acamo bwa gitesi aho abona ko ibintu byose bishoboka, yamara gukura akabona ko nta kintu kizana byose bisaba kubiharanira.

Yagize ati “Kera nk’iri umwana sinari nzi ko amafaranga ategeka isi, najyaga mbona abantu bagenda mu mamodoka meza abandi bakaba mu mazu ahenze, numvaga ko babibonera ubusa. Gusa naje kubona ko byose biboneka umuntu yagotse”.

Yongeyeho ati “Aho naciriye akenge nashatse amafaranga ndayaheba, nashatse ishuri ngo nzamere nk’abandi ndaribura, nashatse no kwiba birananira none no gusabiriza simbishoboye, abanduta mungire inama”.

Iyi ndirimbo agiye gusohoka ngo yayitekereje nyuma yo kubona ko hari urubyiruko ruzi ko ibintu byose bashobora kubibona mu buryo bworoshye, ndetse bamwe bajya mu ngeso mbi kugira ngo bakunde babone amafaranga.

Ibi ngo ni ubutumwa yifuza guha uwo ari we wese udakura amaboko mu mufuka akibwira ko hari icyo yageraho adakoresheje ubwonko n’amaboko, ko nta kintu cyakwizanira utagiharaniye.

Bushayija Pascal ni umuhanzi wamenyekanye cyane mu ndirimbo yo hambere yitwa Elina, aza no gukora izindi ndirimbo zikunzwe cyane harimo nka Dina, Nzaririmba, Ndishakira uwanjye, Nyundo n’izindi.

Sadate Munyakazi

Munyakazi Sadate yavutse iwabo ari umwana w’imfura akaba yarakuriye mu muryango w’abana 4, babiri hamwe n’ababyeyi be bahitanwa na Jenoside yakorewe abatutsi 1994 asigarana na murumuna we. Yavukiye mu Karere ka Nyanza ahahoze ari muri Komine ya Ntongwe i Busoro, akaba afite abana 5.

Uyu mugabo yaje kwiga ibijyanye n’ubukungu abiminuza mu bwubatsi akaba apiganirwa amasoko ya Leta mu bwubatsi nka rwiyemezamirimo.

Munyakazi Sadate yaje kwisanga yateye inda umukobwa bakundanaga ku myaka 17 biza kurangira banabanye, umugore yemeza ko yari mwiza kandi yujuje ibyo yakundaga, cyane ko yikundira umugore w’igikara, ufite imisatsi miremire kandi witonda.

Kimwe mu byo atajya yibagirwa ni uburyo uwo mugore yamushyigikiye, ntamutezukeho ubwo induru zari zabaye nyinshi abantu bamutuka ku mbuga nkoranyambaga mu bitangazamakuru bitandukanye n’ahandi henshi, ariko akagumya kumuba hafi.

Yagize ati “Sinigeze ncika intege ndetse n’umugore wanjye n’umuryango wanjye wose bakomeje kumba hafi cyane ko nagiye ku buyobozi bwa Rayon hashize iminsi mbitegura n’ubwo atabanje kubyumva, ariko yagezeho arabyemera ko niba abantu bambonyemo ubushobozi nabafasha”.

Sadate avuga ko n’ubwo yatukwaga hirya no hino atigeze acika intege na rimwe kuko yari azi ko gahunda yari yarihaye yo gushyira Rayon ku murongo no gukorera mu mucyo, byari ukuri kabone n’iyo yabonaga bamurwanya.

Yagize ati “Iyo undwanyiriza mu kuri kwanjye ngira ingufu zo kugukomeraho kandi inzego za Leta zanyerekanga ko zinshyigikiye ndetse zanabonaga ko ndi mu kuri. Mu nama twagize cyangwa n’ibindi bikorwa twahuriyemo nta muntu wambwiye ko ntari mu kuri”.

Ifungwa rya Sadate n’ibyamubabaje mu buzima bwe

Munyakazi Sadate avuga ko yigeze gufungwa azira gahunda ya Girinka ubwo baguze inka zimwe zikaza gupfa, abantu bakamutemeraho itaka agafungwa ariko akaza gufungurwa.

Yagize ati “Nafunzwe iminsi 29 harimo imwe namaze muri gereza ya Muhanga, inzego za Leta zaje gushishoza barandekura ndataha mburana ndi hanze ndetse nza no gutsinda urubanza”.

Sadate avuga ko yananiwe kurya muri gereza bisaba ko umugore azajya amugemurira inyama (Steak), ikaranze yumutse akunda, kugira ngo abashe kubaho, iyi nyama ngo akaba ari na byo biryo bye akunda, ndetse akaba iyo yasohotse ari yo yikundira.

Munyakazi ntateze kwibagirwa Jenoside yamwiciye umuryango, ikamuhekura ndetse ikabasiga iheruheru.

Yagize ati “Umuntu utarahura na Jenoside sinamwifuriza ko yamubaho, uzi kubyuka mu gitondo ukabura byose, abavandimwe inshuti ibintu byose bikagenda, bigakorwa n’abaturanyi mwabanaga muri byose mwakamiye, biteye ubwoba. Kugeza na n’ubu nananiwe kubyakira, wumve ko n’amatongo y’iwacu nabuze imbaraga zijya kuyasana kandi ntabuze ubushobozi”.

Ikindi atazibagirwa ngo ni uko yabyaye afite imyaka 17, akaba afite umwana mukuru kandi bangana, byaratumye akora cyane akiri muto ndetse akaba yifuza kuzakora ibikorwa by’urukundo ageze mu myaka 45, dore ko ubu afite imyaka 40 kubera ko yakoze akiri muto.

Ikindi Sadate yishimira ni uburyo hari abantu, cyane abize bamushimira uburyo yahaye icyerecyezo ikipe ya Rayonsport.

Munyakazi Sadate yahoze yitwa David

Munyakazi Sadate avuga ko yavukiye mu muryango w’abakristu gaturika ndetse akaba yarasomaga agacupa ariko akaza kuba umuyoboke w’idini ya Islam, ndetse izina yakuranye rya David aza kurisimbuza irya Sadate, ibi ni byo byatumye atanywa inzoga ndetse akaba adashobora no kuzisengera.

Munyakazi akunda gusohoka akajya gusura ahantu hatandukanye ari kumwe n’umuryango we, akaba umufana ukomeye w’ikipe ya Liverpool, agakunda imiziki ituje, mu Rwanda akaba umufana w’imena w’umuhanzi Social Mula.

Umuntu afataho icyitegererezo ni Umukuru w’igihugu, Paul Kagame, akavuga ko buri umwe amufasheho urugero yagera aho ashaka hose.

Munyakazi avuga kandi ko yiyiziho inenge anengwa na bose, y’uko akunda kuvuga ibintu uko biri, ikindi ngo nta kunda guhita abona utuntu tudasanzwe ku buryo yabipfuye kenshi n’umugore we.

Yagize ati “Hari ubwo yabaga yambaye nk’agakanzu keza simbibone nkazabimubwira hashize iminsi nk’ibiri, ukabona arababaye gusa uko iminsi igenda ishira nagiye mbimenyera nkabyitaho”.

Munyakazi avuga ko bikwiye ko abantu badashimishwa n’ibibi biba ku bandi, ahubwo bakishimira kubazamura no kubafasha, agasaba urubyiruko kubyaza amahirwe igihugu cyabahaye yo kwiga no kwisanzura nta vangura iryo ari ryo ryose.

Kurikira ikiganiro cyose muri iyi Video:

Kuva ubwo ngo yanze umupira w’amaguru kugeza ubu akaba atajya agira umutima wo kuwureba n’ubwo akunda Rayon sports amenya ko yatsinze ariko ntashobora kureba umupira.

Yagize ati “Nakuranye igikuriro abana twiganaga bakantinya, umunsi umwe tuza gukina amarushanwa hagati y’amashuri, maze ntira inkweto nziza zo gukinana, banshyize mu ba kabiri, abana bose babonaga ko nta muntu wancaho”.

Akomeza agira ati “Umwana yamanukanye umupira ngiye kumuhagarika ngo ntere umupira nkubita ubusa nitura hasi ivumbi riratumuka abantu bose bampa urw’amenyo, si ibyo gusa kuko nashatse no gukubita umupira uri mu kirere nabwo nkitura hasi, abana bose baranseka ngo ndi ikibwa, kuva ubwo mpurwa gutyo umupira”.

Ben Nganji asanzwe azwiho kuba umunyarwenya akaba n’umunyamakuru

Ben avuga ko akunda ibintu bimuhesha ishema bityo kuva yaseba yahise asezera burundu ku kureba umupira ndetse no kuwukina.

Bisangwa kandi yaretse kurwana nyuma y’uko bamukubise kandi abantu baramufataga nk’igisore ndetse bakibwira ko afite imbaraga.

Yagize ati “Agasore twiganaga kahohoteye umukobwa nakundaga aramundegera, ubwo nari ntashye naramubwiye nti uzongera sha nzagukubita, yahise ambwira ngo kabi kabi byo nkorombereza, narongeye ndamubwira nti uzongera nzakumena noneho arankorombereza bikomeye”.

Yakomeje agira ati “Yakomeje kunkorombereza cyane nanga guseba ndagaruka ngo ndebe ko yagira ubwoba wenda akiruka, ahubwo yahise ansatira antura hasi ankubita amakofe ndaseba cyane, by’akarusho umukobwa nakundaga nashakaga kurwanirira witwaga Ramora yarabibonye bantimbagura ndababara ndaseba”.

Bisangwa avuga ko yageze aho yari atuye yabyimbiwe akanga kurya bamureba ariko baza kumuvumbura, mukuru we na we aramukubita amubaza impamvu arwana, kuva ubwo acika ku kurwana, ngo iyo abonye umunyamahane amuhungira kure.

Nyuma y’iminsi ibiri gusa yari imaze kurebwa n’abarenga miliyoni kuri YouTube, ibintu byishimiwe n’abafana be, ariko abandi batangira kubyibazaho.

Uwa mbere wahise abikemanga ndetse yemeza ko hari uburyo Meddy ashobora kuba yaguze views akoresheje software yabigenewe kugira ngo yerekane ko ari igitangaza, ni uwitwa The Cat uzwi cyane ku mbuga nkornyambaga.

Yagize ati “Finally Meddy arafashwe c’est mathematiquement impossible, ibaze kugura views ngo uce kuri Juno na Wayz, ibi bintu nabiherukaga kuri Harmonize, Ali Kiba na Burna Boy. Ibi ni fakeee saaana ese wihanganye ugashimira utu views ducye ubonye byagutwara iki, ndabaza, bafana mwihanganire umukobwa wanyu pressure ibaho”.

Hari abakemanze uburyo uyu The Cat yakomeje kurwanya iyi ndirimbo ya Meddy bakemeza ko ahubwo ashobora kuba ari mu kazi ko gusakaza iyi ndirimbo.

Uwitwa Mahirwe yagize ati “Erega The Cat aba ari mu kazi kose aba ari muri promotion baba babiziranyeho, ubu se iyo avuze atyo mwese ntimwirukankira kuri YouTube kureba uko bimeze so, mbona ari agakino badukina”.

Abenshi ndetse n’abanyamakuru batandukanye bashimye akazi kakozwe na Meddy bemeza ko indirimbo yakoze ari nziza.

Hari abandi bakomeje guterana amagambo n’uyu mugabo witwa The Cat bemeza ko impamvu ahora ahanganye na Meddy, ari uko atajya amucaho ngo amufashe gusakaza indirimbo ze kugira ngo amuhe amafaranga.

Umwe yagize ati “Jya wemera wangu nta competition uriho na Meddy kuko ni international kandi isi yose ntihuje amasaha n’u Rwanda”.

Ibi yari abihereye ku kuba The Cat yari avuze ko abarebye iyi ndirimbo bazamutse cyane mu masaha ya nijoro Abanyarwanda baba batarimo gukoresha cyane imbuga nkoranyambaga.

Undi yagize ati “The Cat ntugakabye rwose Meddy yakoze indirimbo y’imyaka nta n’ubwo ari imyaka, ibi bigaragaza ko yakoze cyane, ca bugufi wemere ko uyu muhungu afite impano kandi uzanamusabe imbabazi”.

Iyi ndirimbo ya Meddy My Vow, yagiye kuri YouTube tariki ya 22 Nyakanga 2021. Nyuma y’iminsi ine imaze kurebwa n’abarenga miliyoni imwe n’ibihumbi 400.

Reba indirimbo ‘My Vow’ ya Meddy

Iby’abahanzi Dorcas na Vestine n’ababahagariye bikomeje gutera urujijo

Abo bakobwa Dorcas na Vestine bamenyekanye ku mbuga nkoranyambaga baririmba ari babiri ndetse kubera impano bagaragazaga bituma Murindahabi Irene, yiyemeza kubabera umujyanama ushinzwe inyungu zabo n’iterambere ryabo (manager).

Mu ibaruwa yanditswe n’umubyeyi w’aba bakobwa yashinjaga uyu wari manager wabo, kubacuruza mu bakunzi babo bakamuha amafaranga akayimirira ndetse n’urubuga rwa YouTube rwabo akarushimuta amafaranga avuyemo na yo akayarya.

Uyu mubyeyi yifashishije abanyamategeko be yasabye ko uyu manager yaba yamaze kubasubiza ibyo yatwaye mu gihe cya vuba.

Ibintu byaje gushyuha cyane ku mbuga nkoranyambaga aho bamwe bavugaga ko hari abihishe inyuma ya kiriya kibazo bagateramo umwuka mubi mu babyeyi ba bariya bana, mu bashyirwaga mu majwi havugwaga cyane uwitwa Mike Karangwa n’undi witwa Aimable.

Gusa Mike karangwa yaje kubihakana yivuye inyuma ko ntaho ahuriye na byo ndetse ko atanazi ababyeyi ba bariya bana, gusa amashusho yaje kujya hanze agaragaza Mike Karangwa n’uwo witwa Aimable bari kumwe n’umubyeyi wa Vestine na Dorcas.

Murindahabi na we yahakanye yivuye inyuma ndetse avuga ko hari abihishe inyuma mu kumugambanira bakamutwara abaclients be.

Urujijo rwaje kuvuka aho mu masaha make ibyo byose bibaye, ababyeyi b’uyu mwana bisubiyeho bemera ko Murindahabi akomeza kubabera umujyana w’abana babo.

Abantu ku mbuga nkoranyambaga bakomeje kudashira amakenga ibyabaye bamwe bati ni agakino kakozwe mu rwego rwo kumenyekanisha bariya bana, abandi bati bishobora kuba byarabaye ahubwo Murindahabi akemera gutanga amafaranga kugira ngo arinde izina rye.

Umwe yagize ati “Ibi bintu bishobora kuba ari agakino bakinnye ngo abantu twese turangare kandi ni nabyo ibintu byashyushye n’utari uzi bariya bakobwa yabamenye”.

Undi yagize ati “Irene azi ibyo arimo yabonye ko izina rye ryangiritse ahita abona ko bariya babyeyi na bo bazi ubwenge abaha amafaranga ubundi yishyiriraga mu gifu”.

Bijya bibaho ko mu myidagaduro hari bamwe mu byamamare bahimba inkuru kabone n’ubwo yaba ari mbi kugira ngo abantu bate umwanya ndetse bazamure uburyo abantu babakurikire cyane, bigakorwa cyane iyo batangiye kutagaragara ku ruhando rw’ibyamamare.

Burna Boy amaze kwerekana ko ari igihangange mu muziki wa Afurika

Ibaye inshuro ya gatatu yikurikiranya Burna Boy yegukana kimwe muri ibi bihembo bitangwa buri mwaka. Zimwe mu mpamvu zituma akomeje guhigika abandi ni uko ari umwe mu bahanzi bamaze kwigarurira abakunzi benshi ku isi, akaba umwe mu bakoze albums zakunzwe cyane, ndetse akaba yaranagurishije cyane ku isoko mpuzamahanga.

Si ibyo gusa kuko n’akanama nkemurampaka gahitamo umuhanzi werekanye ubuhanga kurusha abandi, hakiyongeraho n’amajwi y’abafana.

Mu kwezi kwa Werurwe 2021 Burna Boy yatwaye igihembo cya zahabu n’ishyirahamwe rikomeye ry’abanyamuziki bo muri Amerika rizwi nka RIAA (Recording Industry Association of America). Iki gihembo gihabwa umunyamuziki wakoze akanagurisha indirimbo nyinshi wenyine.

N’ubwo Diamond Platnumz yatsinzwe agataha amara masa, yashimiwe cyane n’Abanyatanzaniya kubera ko yitabiriye itangwa ry’ibi bihembo yambaye kinyafurika afite ingabo n’icumu.

Diamond yihanganishije abafana be, abizeza ko n’ubwo atahawe igihembo kuri iyi nshuro, azagitwara ubutaha.

Diamond ni uku yari yaserutse yambaye

Yagize ati “Ni ishema kubona Tanzania ivugwa mu bihugu bifite abahanzi beza ku isi, ni ikintu cyo gushima Imana....Nizeye ko ikindi gihe igihembo tuzagitwara kandi mfite icyizere ejo n’ejobundi hari undi muhanzi uzahagararira neza igihugu."

BET Awards ni ibihembo bitangwa na televiziyo ikomeye ku isi iba muri Amerika yitwa Black Entertainment Television Network. Uyu mwaka umuhango wo gutanga ibyo bihembo wabereye i Los angeles muri Microsoft Theater bikaba bihabwa abirabura barushije abandi mu bikorwa bya muzika, filime, ibiganiro bya televiziyo n’imikino.

Reba hano indirimbo ‘Kilometre’ ya Burna Boy

Padiri Amerika yasohoye ibitabo 4 birimo amabanga yo kubaka rugakomera

Ubwo yari mu kiganiro cya Buracyeye cya KT Radio, yatangaje ko kuba umusore cyangwa umukobwa yahitamo kudashaka ari uburenganzira bwe mu gihe yakwiyemeza kudakora ibyaha cyangwa ngo agire izindi ngaruka kuri we, ariko agasanga ari nka ya tarenta yatanzwe ntigire umumaro.

Yagize ati “Muri bibiriya hari aho bavuga umuntu wahawe itarenta akananirwa kuyibyaza umusaruro, ntaho ataniye n’umusore cyangwa umukobwa wiyemeza kudashaka atarihaye Imana kandi atarwaye, gusa abyiyemeje akabigeraho adaca ku ruhande ntacyo byaba bitwaye gusa ni nk’ubugwari”.

Padiri Amerika avuga ko Imana yaremye abantu ngo bororoke bityo ko umuntu wese ufite ayo amahirwe adakwiye kureka gufatanya n’Imana kurema uretse wenda abafite uburwayi butatuma bashaka.

Yagize ati “Uretse abihaye Imana bizwi ko batabyara ku mpamvu z’umuhamagaro w’Imana, ubundi abandi bakwiye kuba bashaka kuko abantu bakeneye no kororoka”.

Padiri Amerika aherutse gusohora ibitabo bine bikurikira ibindi yari yaramuritse agamije gufasha umuryango gukomeza kwiyubaka.

Ibi bitabo bine ni “ni wewe” yacyanditse agira inama abitegura gushakana, “Ibanga riramba” ni igitabo yanditse abwira abashakanye kubakira ingo zabo ku Mana, “Iwacu mu rugo” aho yabwiraga abashakanye kumenya kuganira mu rugo ndetse na “Urugendo dufatanyije” akaba avugamo uko umuryango wabaho utekanye.

Ibyo bije bikurikira ibindi bitabo nka “Urarwubake cyane” na “Bazabamenyera ku mbuto mwera”.

Yagize ati “Mu buzima tugira inzozi tukifuza kuzigeraho, gusa hari n’ibitangaza Imana idukorera bigasa no kuzikabya nyamara ari ubuntu bw’Imana burenze ukwifuza kwa muntu.”

Bivugwa ko izi mpanga yazibyaye ku wa 13 Kamena 2021 akaba agize abana batatu imfura yabo ikaba ari umuhungu.

Muri 2015 nibwo uyu muraperi Riderman yashakanye na Miss Agasaro Nadia Farida, byaje bitunguranye kubera urukundo rwari rumaze igihe yari afitanye na Assinah.

Padiri Jean François Uwimana

Nk’uko yabitangarije Kigali Today, avuga ko noneho yakoze mu njyana itari iya Rap ahubwo mu njyana ya kinyafurika, ibintu byamugoye kugira ngo bariya bazungukazi babashe kwibona muri iyo njyana.

Yagize ati “Iyi ndirimbo nayikoreye kuri Kaminuza nigaho hano mu Budage twabyinanye n’abazungu ntabwo byanyoroheye na gato kuko ntibamenyereye kubyina kinyafurika, mu minsi iza ndateganya gukora n’izindi nibiba ngombwa dukore n’ibitaramo ubwo Covid-19 izaba igenjeje make”.

Padiri Jean François Uwimana avuga ko muri iyi ndirimbo asaba abantu gukorera Imana kandi bakayigandukira kuko ihambaye mu byo ikorera abantu buri munsi.

Yagize ati “Ibintu byose ni Imana ibigenga ni umwanya wo guha umwanya Nyagasani, kumubyinira, bityo tukamusaba gukora ibitangaza kuko Uhoraho, abamukunda yabagwirije ibyiza, abirata yabakujeho kuko Imana ntawe itinya igakunda abiyoroshya”.

Padiri Uwimana Jean François ni umupadiri wa Diyosezi ya Nyundo wiyemeje kuririmba injyana zitamenyerewe mu kiliziya cyane cyane ku bapadiri, mu rwego rwo kugeza ubutumwa bwiza bw’Imana kuri buri ngeri zose z’abantu hatitawe ku njyana bakunda.

Uyu mupadiri akaba ari mu gihugu cy’u Budage aho ari gukomereza amasomo.

Reba indirimbo ‘Igitangaza’ ya Padiri Jean François Uwimana hano

Bushayija Pascal ati ndishakira uwanjye akaba asanzwe ari n’umunyabugeni

Ni indirimbo yageneye abakundana bifuza kurushinga ngo bumve umunyenga w’urukundo bajye banayiririmba babwirana ubwo buryohe bw’urukundo kandi bafite umushinga wo kubaka urugo.

Ntibyamworoheye gushaka umuntu ashyira mu mashusho y’indirimbo kuko byamusabye icyumweru ngo abone uwo bajyanamo.

Yagize ati “Kumvisha umugore wanjye ko akwiye kujya mu mashusho y’indirimbo yanjye y’urukundo byabaye ikibazo, kubera ko ari ubwa mbere, akambwira ati se abantu bazagira ngo iki! Nanjye nkamubwira nti hari ikibazo se ko uri umugore wanjye? Byasabye umwanya ngo yemere ariko birangira abyemeye”.

Muri iyo ndirimbo agira ati “Ndishakira uwanjye iteka umucyo wanyigishije gukunda nza kwiga gukunda hari ku zuba rya kiberika utuje untegereje ubwo rugira yari yaraduhuje”.

Akomeza agira ati “Nshuti mpoza ku mutima wanjye nyemerera ikintu kimwe dushime Imana yakunyeretse idushyireho ibiganza byayo kuko ni byo byonyine bizaduha amahoro y’ibihe byose”.

Bushayija yashyize umugore we mu mashusho Ndishakira uwanjye

Bushayisha ni umunyabigwi mu bugeni mu gushushanya akaba umwe mu bahanga mu gucuranga gitari ndetse no guhimba indirimbo zikundwa na benshi.

Nyuma ya Elina yaririmbye izindi nka Nzaririmba, Dina, Rwanda my Counrty, Nyundo n’izindi.

Iyi nyubako igiye kumara imyaka ibiri yuzuye idakoreshwa

Yaba umuyobozi wa Sacco ya Nduba cyangwa uwubatse iyo Sacco, ntibahuza ku mvugo kuko buri wese yerekana ko ibyo yagombaga gukora yabikoze.

Abubatse iyo Sacco ari bo Kayas Ltd bavuga ko bayubatse kuri miliyoni 160 z’Amafaranga y’u Rwanda baza kwishyurwa miliyoni 100 nabwo bigoranye birangira zibonetse none izisigaye ngo babahe inzu zarabuze kugeza magingo aya.

Uwitwa Sindikubwabo Vianney uhagarariye Kompanyi Kayas yubatse iyo Sacco yagize ati “Twubatse inyubako batwishyura nabi cyane ku buryo buri gihe wasangaga abakozi bigaragambije bakishyurwa byabanje kuba imanza, none aho inzu yuzuriye banze kutwishyura miliyoni 60 zisigaye ngo tubamurikire inzu, twayobewe amaherezo”.

Uhagarariye Sacco ya Nduba ari na yo yubatse ishami rya Sacco Gasanze, Frederic Musengimana, avuga ko ibyo bagombaga gukora babikoze ahubwo ko rwiyemezamirimo yabashyizeho amananiza yatumye bagiye kumujyana mu nkiko.

Yagize ati “Twumvikanye na we ko azatumurikira inzu tukamuha miliyoni enye (4) tugasigarana umunani (8) za garanti izamara amezi atandatu, ni byo biri mu masezerano twagiranye, none yatubwiye ko hari andi masezerano twagiranye y’inyongera ya 5 % (avena), ayo ntayo twebwe tuzi”.

Nyamara abaturage bavuga ko bo bakomeje kubihomberamo kuko bayubatse bifuza ko yabagirira akamaro.

Umwe yagize ati “Birababaje kuba amafaranga ava mu misanzu yacu twarayakusanyije twizeye ko tuzayakoresha tukabona inyungu haba mu mafaranga ndetse no kuba Sacco itwegereye none twayobewe amaherezo”.

Umunyamabanga Nshingwabikorwa w’Umurenge wa Nduba, Nibagwire Jeanne, avuga ko icyo kibazo akizi ndetse ko kimaze iminsi, akaba yizera ko inkiko ari zo zizagikemura.

Yagize ati “Ubuyobozi bw’iriya Sacco bwitabaje ubuyobozi ndetse bugisha inama BNR ariko rwiyemezamirimo akomeza kwemeza ko hari amafaranga bamusigayemo, byasabye ko bamujyana mu nkiko reka dutegereze ikizavamo”.

Paul Ruregeya

Paul Ruregeya yavukiye mu Karere ka Ruhango aho bita i Nyamagana akaba yarize amashuri abanza mu Byimana, yiga mu mashuri y’ubwarimu i Byumba, aza kwiga ubuganga aba uwo bitaga Assistant Medicale.

Akimara kurangiza yagiye gukorera mu Ruhengeri aza kwirukanwa mu buryo budasobanutse kubera imvuru za politike zari zihari icyo gihe, nibwo yagiye kubaza ikibazo cye mu Burundi kuko abakoroni bakoronizaga u Rwanda n’uburundi bari bafite icyicaro mu Burundi.

Ageze i Burundi ntiyabonye akazi yashakaga ariko yahawe akazi ko gukora mu biro no gucunga ibikoresho aho yakuye ubumenyi mu gucunga abantu n’ibintu bituma aba umunyarwanda wa mbere wayoboye super market ya mbere yageze mu Rwanda.

Abisobanura agira ati “icyo gihe nagarutse mu Rwanda nyobora (manager) wa super marche ya mbere mu Rwanda yitwaga Ari Rwanda mbikuye ku bumenyi nakuye i Burundi bwo gucunga abakozi n’ibintu”.

Nyuma y’aho Jean Paul Ruregeya yaje gukora akazi ko gufotora aba umunyarwanda wa mbere wazanye amafoto y’amabara mu Rwanda.

Yagize ati “bwa mbere nijye wazanye amafoto y’amabara mu Rwanda hari muri 74 nakoranaga n’uwitwa Benjamin nabikoze imyaka 6 twakoreraga hariya yafi y’ahahoze Trafipro muri iyi Kigali”.

Paul Ruregeya yabaye umunyamuziki gute?
Paul Ruregeya yakunze gucuranga cyane ubwo yabonaga umuhanzi Kolosay wari ukunzwe cyane muri icyo gihe yari uwo muri RDC, yari yaje i Brundi abazungu bakamwifotoreza, ibintu byari bitangaje bitewe n’uko abazungu banenaga abirabura cyane, byatumye akora bwa mbere kuri gitari.

Aho agarukiye mu Rwanda yatangiye kwiga gitari ndetse n’igicurangisho cyitwa accordeon kugeza ubwo umwe mu bapadiri babaga muri Christ roi abahaye ibyuma byo gucurangisha batangira kujya bahimba banacuranga.

Nibwo baje kwihuza n’abandi banyamuzika bashinga orchestre ya mbere yitwaga les Copins yarimo abacuranzi nka Makanyaga Abdul, Condo Gedeon, Karongozi Deo, Nonde Ali, Kitoko, Kijana Gabriel , Iryamabaje Sylvie, Mukamugema Felisita n’abandi.

Yagize ati “twatangiye dukora repetition dukora ibitaramo hirya no hino abantu baradukunda cyane, ku buryo iyo twabaga twacuranze nibura buri muntu yatahanaga nibura ibihumbi 2 by’icyo gihe”.

Uyu musaza Ruregeya avuga ko iyi Orchestre les Copins yari yaravutse tariki 30 Ugushyingo 1967 yaje gusenyuka mu 1977 mu kwezi kwa karindwi bapfuye kutumvikana kubera imikorere batumvikanagaho. Indirimbo za les Copins zizwi ni nka Rubanda ntibakakoshye yasubiwemo na Makanyaga Abdul.

Mu buzima busanzwe Ruregeya akunda umupadiri Eustashe Byusa wahimbye indirimbo nyinshi zirimo Salve Regina yaje guhindurwa n’umuhanzi Kabengera Gabriel akayita Umumararungu.

Ruregeya avuga ko Kabengera yayihinduye akayitura umutwara wo mu marangara Haguma, uyu mutware akaba yari yaramuhatse neza maze aramuririmbira.

Paul Ruregeya avuga ko mu mupira w’amaguru yikundira ikipe ya Kiyovu.

Paul Ruregeya asaba abakiri bato gukataza bashaka ibishya bagakomeza kuzamura umuziki nyarwanda kandi bakiga cyane kugira ngo babikore mu buryo bwuje ubuhanga.

Menya byinshi kuri Paul Ruregeya muri iyi Video

Umushinjacyaha yavuze ko abaganga bemeje ko Jay Polly afite urumogi rugeze kuri dose 385 muri litiro imwe y’inkari mu gihe ubusanzwe umuntu utaranyweye urumog ariko wigeze gufata imiti yashyizwemo urumogi dashobora kurenza 20, Iki kikaba ikimenyetso ko yari yarasabitswe na rwo.

Uwitwa Mutabonwa na we ureganwa na Jay Polly bamusanzemo 338 uwitwa Benedicto basanga afite 155 mu gihe Iyamuremye we afite 198.

Jay Polly yagaragarije umucamanza ko batamusanze ari kunywa urumogi ndetse ko yaruretse kera gusa ko urwo babonye ari urwo yanyweye kera akirunywa.

Yagize ati “naretse urumogi muri 2020 sinongeye kurunywa uretse rimwe muri mutarama 2021 ni ho nongeye kugira igishuko ariko sinongeye nararuretse”.

Jay n’abo bareganwa basabye ko hakorwa ibizamini by’amaraso kuko ngo byo byerekana igihe umuntu aherukira kunywa urumogi, mu gihe mu nkari bahita babona ko urufite hatitawe igihe uruherukira.

Ku kibazo cy’urumogi rwafatiwe iwe mu rugo, Jay Polly yemeza ko ari umuntu waruzanye agamije kubafatisha kuko bamufashe atasomyeho.

Uwitwa Chemusa Mutabonwa yagaragaje ko aheruka kunywa urumogi ubwo yabaga muri Repuburika ya Demokarasi ya Kongo mu gihe uwitwa Benedicto yemeza ko yanywaga urumogi muri Leta Zunze ubumwe za Amerika kuko ho kunywa urumogi byemewe bityo ko adakwiye kubikurikiranwaho.

Aba bose bakaba barasabye gukurikiranwa bari hanze kuko batazatoroka ubutabera ndetse bemera gutanga ingwate n’abishingizi ariko bakaburana bari hanze.

Etienne yasabye abatuye isi kurangwa n’urukundo

Etienne avuga ko yatekereje iyo ndirimbo nyuma yo kubona ukuntu ibyaha byiyongera ku isi abantu bakaba bagenda batakaza ubumuntu bwabo, ndetse ugasanga urukundo rwarakonje, ni bwo yafashe gitari ye aracuranga.

Yagize ati “Iyo urebye ibisigaye bibera kuri iyi si ugira ubwoba, ubugome buriganje, ubumuntu buri gukendera, birakwiye ko Imana itabara isi, urukundo rukagaruka mu bantu”.

Etienne avuga ko iyo ndirimbo ye idashingiye mu guhimbaza Imana, ahubwo ko igamije gukebura abatuye isi kongera bakikebuka kugira ngo isi ibe nziza.

Mu busanzwe uyu muhanzi yihebeye gusubiramo indirimbo z’abandi bahanzi akaba umwe mu bahanga mu gucuranga gitari, akaba avuga ko yatangiye no guhanga injyana ye.

Yagize ati “Ubu nanjye natangiye gukora indirimbo zanjye, byaje ubwo nari mfashe gitari yanjye ndi gucuranga mpita ntekereza uko abantu babayeho ntangira gushyira hamwe ibitekerezo, ni intangiriro kandi sinzasubira inyuma”.

Joe Ligon

Byarangiye babateye ibyuma dore ko bari banasinze bicamo abantu babiri.

Ligon yafashwe mu ba mbere ahita ajya gufungwa. Ngo nta mazina ya nyayo y’izo nshuti ze yari azi, ahubwo yari azi amazina yabo y’amahimbano ananirwa no kubwira polisi abo bantu bafatanyije kwica abo ari bo.

Yajyanywe gufungirwa ahantu kure y’iwabo ndetse n’ababyeyi be bangirwa kumusura, ibi bikaba ngo byaramubabaje cyane igihe cyose yamaze muri gereza.

Icyo gihe yari afite imyaka 15 akaba yarashinjwaga kwica umuntu n’ubwo yabihakanye kenshi gusa akicuza kuba yaba yarateye umuntu icyuma.

Ligon yashinjwe ibyaha byo kwica byo ku rugero rwa mbere bituma bamucira urubanza bamukatira igihano cyo gufungwa ubuzima bwe bwose.

Yagize ati “Bankatiye igihano cya burundu. Ntabwo nigeze ntekereza ko nafungwa igihe kingana gutyo n’ubwo nahoraga niteze ko bazankatira imyaka myinshi”.

Ligon avuga ko gufungwa akiri umwana ataramenya gusoma no kwandika byari bimugoye n’ubwo bitamuteye ubwoba gusa ngo yari ababajwe no gutandukana n’umuryango we.

Ligon avuga ko yakoraga akazi ko guteka cyangwa kumesa ari muri gereza. Akenshi ngo yarakoropaga akaba yarafungiwe mu magereza atandatu.

Yibuka ko atigeze anywa ibiyobyabwenge ubwo yari muri gereza kandi ko atigeze atekereza gutoroka.

Yagize ati “Sinigeze ntekereza kunywa ibiyobyabwenge yewe sinigeze ntekereza no gutoroka nta muntu nigeze ngora”.

Umwunganizi witwa Brigde wo mu ishyirahamwe ry’abunganizi bo muri Pensylvania yatangaje ko yagiye kureba Ligon asanga atazi igihano yakatiwe gusa atangazwa n’uburyo yari afite icyizere ko azagera ubwo afungurwa.

Uyu mubonano ni wo wafunguye amaso Ligon atangira gutekereza uko yajuririra igihano yahawe.

Muri 2006 nibwo urukiko rw’ikirenga rwa Amerika rwanzuye ko abana bose bakatiwe gufungwa burundu bongera kuburanishwa bituma Ligon akatirwa imyaka 35. Yasabye ko yarekurwa bitewe n’igihe yari amaze muri gereza ariko biranga.

Umwunganira yakomeje gukurikirana iki kibazo, birangira atsinze urubanza maze Ligon Joe ararekurwa.

Ligon avuga ko azakomeza akazi yakoraga muri gereza ko gukoropa, gusa abamubonye bemeza ko bimeze nko kuvuka bundi bushya, nk’uko BBC yabitangaje.

Munyu Patrice yari icyamamare ku bakunzi b’igisope mu Rwanda

Umwe mu bari barwaje uyu muhanzi , Sano Yaya, avuga ko Munyu yitabye Imana ahagana mu ma saa cyenda z’ijoro rishyira kuri uyu wa Kane tariki ya 06 Gicurasi 2021, akaba yazize indwara yari amaranye ibyumweru bitatu.

Yagize ati “Yabanje kwivuriza i Nyamirambo biranga tumujyana ku Muhima ni ho yaguye yari afite indwara y’ibihaha n’umuvuduko w’amaraso”.

Yaya avuga ko kubura Munyu ari igihombo gikomeye ku muziki nyarwanda kuko yari umwe ba solistes bakomeye muri uru Rwanda akaba yarakundaga umuziki kandi akawitangira.

Yagize ati “Biteye agahinda, yari umuntu ugira urukundo cyane akamenya gucuranga, abamuzi twemeza ko atakundaga amafaranga nk’abandi bahanzi tujya tubona, Imana imuhe iruhuko ridashira”.

Bamwe mu bakoranye na Munyu bemeza ko ari igihombo gikomeye ndetse basaba ko abakunda umuziki bose bafatana mu mugongo bagashyingura neza uyu mucuranzi.

Yves Didier Muhawenimana yagize ati “Munyu yari ikirangirire yari umuhanga yaje mu Rwanda atazi neza ikinyarwanda ariko yari amaze kwigarurira imitima ya benshi nta kundi turahombye”.

Uwitwa Chantal yagize ati “Uyu mugabo yari umuhanga cyane iyo nabaga ndi kumwe na we numvaga nta kibazo mfite kuko yari umuhanga cyane”.

Munyu apfuye asize abana batatu n’umugore. Yavukiye muri Repubulika Iharanira Demokarasi ya Congo mu 1980 akaba yari amaze imyaka irenga 25 mu Rwanda.

Biteganyijwe ko Rohomoja Munyu Patrice ashyingurwa kuri uyu wa Gatanu tariki 07 Gicurasi 2021.

Padiri Amerika ati buri giti ukibwirwa n’imbuto zacyo

Padiri Amerika yasobanuye ko impamvu yanditse icyo gitabo yari agamije gukangurira abantu bose, abakristu n’abatari bo, abasenga n’abadasenga kwera imbuto nziza, bakimika ibibahuza, ibibatera kuryana no kwishishanya bakabihungira kure.

Yagize ati “Muri iki gihe amadini aravuka umunsi ku munsi ariko ukabona ubwiyongere bwayo butajyana n’ubwiyongere bw’ubumuntu cyangwa urukundo mu bantu. Aho gukwirakwiza inyigisho z’ubuyobe n’iterabwoba abantu bakwiye guharanira kunga ubumwe nk’uko Yezu yabidusabiye ku Mana”.

Padiri Amerika avuga ko amadini amwe avuka nyuma y’imvururu zishingiye ku ndonke no ku nyungu z’abantu ku giti cyabo, andi akaza azanye icengezamatwara y’ubuhanuzi n’ibitangaza bitajya bisohora, andi akaduka agamije kubabuza gukora no kubarangaza ngo isi igiye gushira.

Yagize ati “Buri wese n’aho asengera aharanire kwera imbuto nziza, zimakaza urukundo, ubwubahane no gufashanya, kutagira aho usengera ni igitutsi mu Rwanda gusa ntibivuze ko idini ari ryo rizakujyana mu ijuru. Dukwiye gushingira ku mbuto nziza kandi tukabishyira mu bikorwa bifatika”.

Muri iki gitabo Padiri Amerika Victor asaba abakristu ko badakwiye gusoma bibiliya bunyuguti ngo bikuriremo ibisobanuro bishakiye, ahubwo bakwiye kumenya kuyisesengura no kuyivugisha icyo ishaka kuvuga nyakuri.

Asaba buri muntu aho ari hose n’ibyo akora byose kuba umugisha w’abo babana muri byose bakirinda kujarajara kuko Imana itajya yimuka.

Padiri Amerika ati Muzabamenyera ku mbuto bera

Muri iki gitabo asaba abantu bose kuzasoma ibibazo 50 yasubije akenshi byibazwa n’abantu benshi batandukanye mu myemerere.

Icyo gitabo cyasohotse yifashishije abandi bo mu yandi madini nka Pasteri Mpyisi, Pasiteri Japhet Sengarambe, Padiri Habimana Matabaro, Umubikirira Jacqueline Mukesharugo, Umuhire Emmanuel, Bernard Uwamahoro, gikosorwa na Padiri Jean Paul Maniriho ndetse na Padiri Dr Alexandre Uwizeye.

Bimwe mu bigo bikomeye byatangiye gukoresha iryo koranabuhanga

Ibyo babikoze batekereza gutanga serivisi yihuta no gufata ingamba muri iki gihe cyo kwirinda icyorezo cya Covid-19.

Uhagararire iryo tsinda ry’abantu batatu rya Inmotion Tech, Rushita Arfene, avuga ko ibi bizoroshya uburyo abantu bakoraga mu kazi kabo kandi bikagabanya gukora ku mpapuro ari benshi bityo bakirinda kandi bagahabwa serivisi vuba.

Yagize ati “Ahantu hazajya haba hari iryo koranabuhanga uzajya ugera ku meza ukore scan ya ‘QR’ isanzwe uhite ubona ibyo bacuruza hanyuma usabe ibyo ukeneye kuri terefoni yawe uhite ubona ko babibonye hanyuma babigukorere bakuzanire”.

Rushita avuga ko nka za hoteli zizunguka cyane kuko ngo aho guhamagara no kugira abaseriveri benshi bazajya bakoresha bake kandi ntibisabe kwitaba telefoni kenshi.

Yagize ati “Umuntu uri mu cyumba cyangwa uri muri piscine si ngombwa guhamagara kuko uzajya ubishyira muri system bahite babibona bagukorere ibyo ukeneye bitagombye ko baza kukureba”.

Rushita asaba abantu bose kuzitabira iri koranabuhanga kuko bizagabanya amafaranga menshi batangaga ku bakira abantu, byorohe kumenya uko amafaranga yinjira kuko uzajya wishyura ukoresheje iryo koranabuhanga kandi bibe intwaro ikomeye mu kwingira icyorezo cya Covid-19.

Inmotion Tech bavuga ko Orderfene ari uburyo bwiza bwa ‘Covid Check’, aho umenya abagana aho ukorera utarinze kwandika imyirondoro yabo ku mpapuro.

Bavuga ko uyikeneye ashobora kuyibona mu minsi irindwi kandi ko idasaba gukora ‘downloading’ cyangwa ‘apps’ kandi ko buri wese ashobora kuyikoresha.

Abo bahanzi bavuga ko isuka yari ibatunze wari umuziki bagacuranga mu bukwe bagacuranga mu tubari, za hoteli no mu bitaramo ariko ko kuri ubu byahagaze bakaba bibaza amaherezo yabyo bikabayobera.

Muhawenimana Jean Yves asaba Leta kugira icyo ikorera abacuranzi

Umucuranzi akaba n’umuririmbyi, Jean Yves Didier Muhawenimana, avuga ko mbere y’iki cyorezo cya Covid-19 iyo yabaga yakoze gahoro nibura yinjizaga ibihumbi 100 ku cyumweru ariko ko ubu nta n’ijana yinjiza bityo ko ubuzima barimo buteye ubwoba.

Yagize ati “Iki cyorezo cyaje kidateguje imbabura twarazimanitse, nta bushobozi dufite bwo kwishyurira abana bacu amashuri, ubwisungane mu kwivuza ntabwo twabona, jyewe ngira Imana mfite inzu niyubakiye ariko se nzagura umuriro iki nzatungisha abana iki”?

Muhawenimana asaba ko bakwitabwaho mu buryo budasanzwe kuko ikibazo barimo kigoye kandi ko cyaje mu buryo budasanzwe.

Umucuranzi Iyakare Wenseslas uzwi nka Riqson ucurangana n’umugore we Consolée, avuga ko ubwizigame bacungiragaho bwashize ku buryo ubuzima barimo buteye agahinda ndetse batanakibasha kwigurira internet ngo babashe kurwariza kuri Youtube, agasaba ko hagira igikorwa mu maguru mashya.

Yagize ati “Twebwe twinjizaga nibura ibihumbi 600 buri kwezi kandi tukaba twarashoboraga kuyarenza twakoze neza twabonye ubukwe bwinshi, ariko tumaze umwaka urenga nta kazi ubwizigame twari dufite na bwo bwarashize, Leta nice inkoni izamba irebe icyo yakora kuko tugeze ahantu habi”.

Riqson asaba Leta kugira ubufasha yatanga kugira ngo babeho muri ibi bihe bitoroshye

Mukasa Heri ni umwe mu bacuranzi bari bazwi mu gucuranga no kuririmba igisope, asanga Leta ikwiye kugira ubufasha itanga ku bantu bamaze umwaka urenga badakora kandi bari batunzwe no gucuranga.

Yagize ati “Isuka yanjye yari ugucuranga none akazi karahagaze turabaho gute ko nta n’icyizere ko bizarangira vuba, imiryango yacu iramera ite, ababa mu nzu z’abandi bazirikanywemo, Leta yo mubyeyi yagize icyo ikora ikaramira abaturage bayo koko”.

Ndayisabye yahaye ikaze umushumba mushya Sinayobye Edouard

Eliazar Ndayisabye yahimbye indirimbo ayiririmba afatanyije n’umukobwa witwa Uwayezu Epiphanie ikaba igamije kumucyeza no kumwifuriza ishya n’ihirwe mu mirimo mishya yahawe.

Ndayisabye Eliazar avuga ko Sinayobye amufatiraho urugero rwo kwicisha bugufi no kugira inama nziza zubaka kandi agakunda abantu bityo ko yagombaga kumucyeza mu gihangano ye.

Yagize ati “Nk’umurezi mu iseminari nkuru ya Nyumba(Nyakibanda) azwiho guca bugufi gukundana no kugira abandi inama. twamucyeje tdusaba abakristu bose cyane cyane aba Cyangugu ,abihayimana kumusabira no kumwubaha kugira ngo iyi mirimo yahawe azayirangize neza”.

Ikindi ngo cyateye Ndayisabye kumucyeza ni uko nk’umukristu wa diyosezi ya Cyangugu bari bamaze igihe kinini batagira umwepiskopi bayoborwa n’uwa Gikongoro bikaba ari ibyishimo bikomeye, bikaba ari akarusho noneho kuba yarahisemo intego ishyira hamwe abakristu.

Yagize ati “nyuma yo kubura umwepisikopi wacu yitabye Imana, Jean Damascene Bimenyimana, hari hashize igihe kinini tutagira umusenyeri wacu, biranejeje noneho kuba intego igira iti Fraternitas in Christo (Ubuvandimwe muri kristu) biraduhamagarira kuba umwe mu kivandimwe”.

Ndayisabye asaba umwepiskopi mushya wa Cyangugu kuzumva iyi ndirimbo kandi akajya yisunga Bikiramariya akamwiyambaza iteka.

Ndayisabye ni umwe mu bize mu iseminari akaza kuyivamo agashaka umugore akaba ari umuririmbi n’umuhanzi muri korari Mater Dei yo muri Regina Pacis ndetse akaba aba no muri Choeur International.

Muri iyi ndirimbo yahimbiye umushumba mushya humvikana mo ijwi ry’umukobwa baririmbana witwa Uwayezu Epipfanie.

Biteganyijwe ko amashusho yayo asohoka agaragaramo uko uyu umuhango wo gutanga inkoni y’ubushumba wagenze ku wa 25 Werurwe 2021.

Nelo yemeza ko Agahozo ari igihangano cye bwite n’ubwo hari abandi babihakana

Yagize ati “Indirimbo ‘Agahozo’ ni igihangano cyanjye ijana ku ijana ni indirimbo nahimbiye i Butare tuyiririmbana na Orchestre Impessa harimo uwitwa Bikorimana André twakoreraga mu kigo cy’abascouts, ndabisubiramo n’uwashaka kuyiyitirira nanamujyana mu butabera”.

Akimara gutangaza ibi abantu batandukanye bahise bagaragaza ko ari ikinyoma cyambaye ubusa ndetse basaba ko atakomeza kwiyitirira iyo ndirimbo.

Umwe muri bo utarashatse ko amazina ye ajya hanze yagize ati “Numvise ibyo bintu nshengurwa n’agahinda, Agahozo ni iya Orchestre Impessa turabizi turi bakuru. Ibi nabyibarije abahanzi nka Jean Paul Samputu na DeGaulle abantu nibareke kwiba ibihangano by’abandi”.

Umwe mu nararibonye muri muzika ya kera ndetse akaba n’umunyamakuru André Gromiko Nikobisanzwe yamaganye yivuye inyuma amagambo yatangajwe na Nelo avuga ko bidakwiye ko yakwiyitirira igihangano kitari icye.

Yagize ati “Birababaje kumva umuntu yiyitirira igihangano twese tuzi ko atari icye. Agahozo ni indirimbo ya Bikorimana Andé yaririmbwe na Orchestre Impessa. None se hari ijwi rye mwumvamo koko?”

Umuhanzi Heli Mukasa wahimbye indirimbo ‘Umulisa’ na we yahise yamagana Nelo avuga ko kiriya gihangano ari icya Bikorimana André.

Yagize ati “Ibi ndabizi ijana ku ijana nacuranze igihe gito muri Orchestre Impessa. Ibyo Nelo avuga ni ukubeshya ntaho bihuriye, indirimbo Agahozo si iye, ntaho bihuriye rwose”.

Heli avuga ko hari abantu bakunda kwiyitirira ibihangano bitari ibyabo kugira ngo bavugwe nk’uko ngo hari ubwo ajya yumva hari abiyitirira indirimbo ‘Umulisa’ yihimbiye.

Umuhanzi Emmanuel Bizimana Nelo ni umuhanzi wamamaye mu ndirimbo ‘Ngwino uwo Nkunda’, ‘Mukura Twaje’, ‘Rayon Yacu Sinzaguhara’ n’izindi, akaba yaramamaye cyane mu kwamamaza Rwanda Foam ndetse n’imipira.

Abafasha mu by’amategeko bahuguwe bazakomeza gukurikirana ibibazo by’abasigajwe inyuma n’Amateka bo mu turere twa Nyamagabe, Nyaruguru ndetse na Gisagara

Umunyamabanga Nshingwabikorwa wa COPORWA, Bavakure Vincent afungura amahugurwa ndetse anagaragaza uko COPORWA igiye gufatanya n’abafasha mu by’amategeko mu gukurikirana no gukemura ibibazo by’Abasigajwe inyuma n’amateka

Ni muri urwo rwego na none kandi uburenganzira bwabo burimo kubahirizwa aho bamwe amasambu yabo yagarujwe, abanyeshuri bamwe basubiye mu mashuri, bahawe n’ibikoresho.

Bamwe mu banyeshuri baturuka mu miryango y’abasigajwe inyuma n’Amateka bo mu Karere ka Nyaruguru, Umurenge wa Mata na Munini bahawe ibikoresho n’imyenda y’ishuri

Nikuze Mariya, umwe mu basigajwe inyuma n’amateka utuye muri Nyaruguru avuga ko yari afite isambu ariko ikaza kujyanwa n’abanyamafaranga ariko ko yafashijwe kugaruza isambu ye akaba ashimira LAF ndetse na COPORWA ubuvugizi bamukoreye.

Yagize ati “Abafasha mu by’amategeko batumye mbona isambu yanjye abafite amafaranga bari barayitwaye ndayibura burundu ariko ndishimira ko ubu nabonye aho guhinga”.

Ndayisabye utuye mu Karere ka Nyaruguru, Umurenge wa Munini, avuga ko COPORWA yabafashije kubakorera ubuvugizi none ubuyobozi bw’Umurenge bwabasaniye amazu bakaba batuye heza ndetse ko babonye bimwe mu bikoresho byabagoraga kugira ngo abana bajye ku ishuri.

Yagize ati “Reba ubu bari kudusanira amazu amwe yaruzuye andi ntaruzura bari no kuduha amabati abana bacu bakorewe ubuvugizi babona ibikoresho by’ishuri ntabwo tugipfa kurengana kuko hari abahita badufasha mbere byari bitugoye cyane”.

Bavakure Vincent, Umunyamabanga Nshingwabikorwa wa COPORWA, avuga ko bafatanyije n’ubuyobozi bw’uturere uyu mushinga ukoreramo nka Gisagara, Nyamagabe na Nyaruguru bafashije ibintu bitandukanye kugira ngo abasigajwe inyuma n’amateka bagire ubuzima bwiza.

Yagize ati “Imibereho yabo ntabwo twavuga ko ari mibi cyane kuko abayobozi b’inzego z’ibanze bafatanyije na COPORWA, tugerageza kubafasha nk’umushinga biciye mu mushinga watewe inkunga na Legal Aid Forum/LAF wabafashaga mu bijyane n’amategeko.

Ushaka kujya mu nkiko cyangwa bategereje kubona abavoka barababonye, abari bafunze muri za gereza bararenganuwe barafungurwa (aha twavuga nka Minani Aimable waregwaga urugomo, gukubita no gukomeretsa. Hari na Nshimiryayo Vava waregwaga ubujura buciye icyuho”.

Akomeza avuga ko hari n’undi witwa Akimana Josiane waregwaga gukubita no gukomeretsa bose bo mu Mudugudu wa Nyembaragasa, Akagari ka Ntwali, Umurenge wa Munini, Akarere ka Nyaruguru. Hari n’undi witwa Mupagasi Uriho wo mu Murenge wa Munini, Akagari ka Ngarurira, Umudugudu w’Agatare wari ufungiye kuri station ya Polisi i Kibeho muri Nyaruguru na we yarafunguwe aho yaregwaga kugubita no gukomeretsa.

Ati “Hari ababyeyi bari barateye inda zidateganyijwe bari barihakanye abana babyaye, COPORWA ifatanyije na LAF babakoreye ubuvugizi abateye inda bemeye kwiyandikishaho abana babo no kubafasha. Hari abari bashyizwe mu byiciro badakwiye twafatanyije n’ubuyobozi birakemuka”.

Akomeza agira ati “Hari n’abariganyijwe bahabwa intica ntikize ku butaka bwabo twarabugaruje, twahuje abaturage n’ubuyobozi bakababwira ibibazo byabo tugahamagara ababishinzwe bari kumwe na COPORWA tugakemura ibibazo abaturage bose bahari (legal mobile clinic), benshi bagenda baduterefona ko byakemutse cyane cyane nk’abafunguwe twavuze haruguru”.

Bavakure Vincent, Umunyamabanga Nshingwabikorwa wa COPORWA ari kumwe n’ubuyobozi bw’Akarere ka Gisagara ndetse n’ushinzwe ubutabera/MAJ muri Ministeri y’Ubutabera bakaba bari kumwe n’abasigajwe inyuma n’amateka bo mu Murenge wa Ndora mu gikorwa cya Legal mobile Clinic aho bakemura ibibazo by’akarengane

BAVAKURE Vincent avuga ko bazakomeza gufasha mu buryo butandukanye abasigajwe inyuma n’amateka cyane cyane mu kugabanuka kw’akarengane aho avuga ko kacitse ku kigereranyo cya 80%, ndetse bazakomeza kwegera abasigajwe inyuma n’amateka ndetse COPORWA izakomeza gufatanya n’abahagarariye abasigajwe inyuma n’amateka/ababana n’abaturage(Paralegals/Abafasha mu by’amategeko) mu gukomeza gufatanyiriza hamwe mu guca akarengane.

Laurien Ntezimana ngo yaretse Karate ubu ni umuhanga mu gukina Taichi

Ubwo yari asoje amashuri mu Bubiligi amaze gukora ubushakashatsi n’igitabo (these de doctorat), yangiwe kucyerekana imbere y’akanama kari gashinzwe kumuha amanota kuko bitari byujuje ibisabwa, arabahakanira ababwira ko badakwiye kumutegeka uko yandika ibyo yize kandi yemera.

Ibyo byatumye n’ubwo yari asoje yanakoze ubushakashatsi bwiza, adatahana impamyabumenyi y’ikirenga yari yarigiye.

Yagize ati “Nasanze bidashoboka ko bambwira uko nandika ubumenyamana ko buri wese ashobora kuvuga Imana uko ayizi. Ntabwo bari kuntegeka kuyivuga uko babishaka nahisemo kureka ibyo bansabaga n’ubwo nari nsoje imyaka yose, byari bimeze nko kwiga uko barya umuneke ariko utarawuryaho”.

Laurien Ntezimana avuga ko kuba mushiki we yarabaye intwari na we akaba yarahishe abatutsi mu gihe cya Jenoside ari uko bakuriye mu muryango w’abakristu, papa we akaba yari umukateshiste usenga kandi ubyemera ndetse akaba yarimanye na none abatutsi mu 1959.

Ibi akaba abishyira no mu cyivugo cye aho avuga ko aharanira buri gihe kudasama amagara ye mu gihe ay’abandi yatewe hejuru.

Ubumenyi yakuye ku bumenyamana nibwo bwatumye ahabwa akazi muri Diyosezi ya Butare k’iyogezabutumwa aza kugafatanya n’umugabo witwaga Innocent ndetse na Padiri Mungwarareba Modeste, baje gupfa agahita ashinga umuryango akawubitirira ukitwa Association Modeste et Innocent.

Muri uwo muryango ni ho anyuriza ikarihyabwenge yahimbye aryita “amaboko mahire” aho akangurira abantu kugira urukundo n’ubuvandimwe bakibuka ko icyo bapfa kirutwa kure n’ikibahuza, bityo bakihatira kugira urugwiro, agasani n’imbaraga zo kubaho bakabikora bishakamo imbaraga yise Mpingagasani.

Aha ni ho akorera imyitozo avuga ko igarura imbaraga mu mu biri ndetse zigatuma umubiri ukora neza akaba yarabitangiye ubwo yigeze kurwara indwara itazwi akabura uwayimuvura.

Yagize ati “Nakinaga karate ndetse mfite umukandara w’umukara na dani imwe, ubwo nari mu Bubiligi umuhungu umwe yankubise agatego ngwa nabi mvunika urutugu njya kwivuza, bakankorera massage nkibwira ko nakize ejo bikagaruka bikimukira ahandi, nza kubibwira umwe mu nshuti zanjye andangira kujya kwiga taichi nibwo nakize menya n’uko wakwivura ukoresheje kwivomamo imbaraga”.

Ntezimana mu buzima bwe bwite aratangaje

Laurien Ntezimana avuga ko umugore yashatse yamubonye mu buryo butangaje ubwo yigaga i Kinshasa muri RDC ubu bakaba barabyaranye abana bane.

Yagize ati “Nasanze umuryango we warahungiye i Kinshasa kubera ko umubyeyi we yari yari yarishwe mu banyapolitiki bishwe nyuma ya coup d’Etat ya Habyarimana. Najyaga mu rugo kubasura bakanyishisha bakeka ko naje kubaneka, ku buryo nahageraga uwo nakundaga agasohoka, igitangaje uko nahaje kenshi byarangiye ahubwo bose basohoka akaba ari we uhasigara birangira tunabanye”.

Ntezimana yari azi gukina umupira w’amaguru cyane gusa aza kuwureka ubwo yageraga i Kinshasa agasanga hari ibibuga bibi kandi bagakina banavunana.

Ibyo byakubitiyeho ko yagiraga amagara make abantu bakamubonerana nibwo yafashe icyemezo cyo kwiga karate mu rwego rwo gukina ariko no kwirengera ngo ntihazagire uwongera kumuvegeta.

Ntezimana avuga ko yiga mu mashuri abanza yari umuswa cyane ku buryo yaje kubura amanota amujyana mu mashuri yisumbuye akaza kugobokwa na mushiki we.

Yagize ati “Nari umuswa cyane mbura amanota anjyana muri secondaire, mushiki wanjye Niyitegeka yari umubikira ambwirira Musenyeri Gahamanyi ati nta hantu wambonera unyegekera gasaza kanjye koko ko ari agaswa?”

Yakomeje agira ati “Kuko seminari yari yuzuye banyohereje ku Kimihurura mu Baseleziyani, kuko batangaga amanota buri kwezi kandi banirukana ndetse nkanagira ubwoba ko abana twiganye nasize mu cyaro nka ba Maritini bazanseka ngarutse, nibwo natangiye kwiga cyane ndetse ntangira no kujya mba uwa mbere”.

Laurien avuga ko ajya atekereza ko yigeze kuba umukobwa cyangwa se ko yaba afite imico ya gikobwa kubera ko akunda abakobwa cyangwa abagore kandi akumva yabarwanira ishyaka buri gihe.

Yagize ati “ Hari ubwo njya ntekereza ko nigeze kuba umugore cyangwa se ndi we buri gihe nigisha abantu kuganjisha inabi bakimika ineza ariko hari ubwo numva nagira violence. Umuntu ushobora guhohotera umugore cyangwa umukobwa ndeba bishobora kumubana bibi cyane, nkunda abagore n’abakobwa ku buryo numva nta wabagirira nabi mpari”.

Laurien avuga ko akunda umugabo cyangwa umugore ufite ibitekerezo bizima utirebaho akareba abandi kandi akabakunda, agakunda amakipe y’ibihugu nka Cameroun na Brésil, mu makipe y’iburayi agakunda Real Madrid, mu Rwanda akunda ikipe ya Rayon sports, agakunda umuziki utuje.

Laurien Ntezimana asaba abafite inshingano ku rubyiruko kubigisha ariko banabarera kuko asanga urubyiruko rw’ubu rumeze nk’urwadohotse mu burere buboneye bukwiye umwana w’umunyarwanda.

Sengabo Jodas

Sengabo avuga ko kubana neza, gukundana no gukomera ku muco w’abakurambere ari byo byaranze Abanyarwanda kuva kera, ikaba ari yo mpamvu muri iyo ndirimbo avuga ko u Rwanda rufite umwihariko utazasangana umunyamahanga.

Yagize ati “Ingoma ngabe ni umurage w’Abanyarwanda. Urukundo ni igihango cy’Abanyarwanda, inka ivuga urukundo. Uwaguha inka n’ingoma yabaga aguhaye urukundo n’u Rwanda, ni cyo cyahagarira rero umutima w’u Rwanda”.

Muri iyi ndirimbo Sengabo atanga impanuro ku bakiri bato bakamenya gutahiriza umugozi umwe birinda kugendana n’ibihita bagakunda umurimo kandi bakamenya amateka y’igihugu cyabo.

Agira ati “Mba ntanga inama nk’umubyeyi ubwira umwana we kumenya kubana no guhangana n’ibibazo ashobora guhura na byo mu buzima, hari aho ngira nti ‘uzabona byinshi bidogera ubone abagendana n’ibihinda, umunsi uzabiburira igisubizo uzifurebe amateka, bivuze gutekereza ku rukundo n’imico byiza yarangaga abanyarwanda”.

Sengabo Jodas ni umwe mu bahanzi bibanda kuri gakondo ndetse bafite impumeko yo gusigasira ubuvanganzo bw’umwimerere nyarwanda.

Reba hano indirimbo Kalinga ya Sengabo Jodas

Padiri yashenguwe n’ibibazo abantu barimo muri iyi minsi maze araririmba ati ’Byarakaze’

Padiri avuga ko muri iki gihe hari ibibazo byinshi byugarije isi byatumye bamwe babura akazi abandi bararwara, bamwe barigunga ndetse habaho no gutandukana ku bubatse, ababyeyi bakihakana abana, nibwo yagize intimba ku mutima aririmba ko ibintu byakaze.

Yagize ati “Iyi Corona yazanye ibibazo byinshi, abakozi babuze akazi, imipaka irafunze ingendo ziragabanuka, divorce ziruzuye, ababyeyi bihakana abo bibarutse mu by’ukuri byarakaze cyane, ni yo mpamvu nafashe icyemezo cyo kuririmba ko byakaze”.

Padiri avuga ko iyo ndirimbo yahimbye ari inkuru mpamo z’ibyabaye kuri bagenzi be mu buzima busanzwe bikaba ari ibintu bishegesha umutima, kubona umugabo wakoze ubukwe abantu bakabutaha cyangwa se umugore akagenda aberewe inka zigatangwa, mu gitondo ukumva ngo byarangiye batanye.

Agira ati “Byarakaze pe, gusa abantu bakwiye kwibuka ko ibintu bigeraho bigashira, ibintu byose bisaba kwihangana, umuti mu bibazo si ugutandukana cyangwa kubihunga, ibintu iyo ubihaye igihe bigeraho bigashira, twihangane ibibazo dufite bizashira”.
Iyo ndirimbo ije ikurikira nyinshi Padiri amaze guohora harimo izo yaririmbiye ingabo z’igihugu nka Turashimira, Mbya, I miss you, Bibondo byanjye n’izindi.

The Bless yaririmbiye abapolisikazi

Iyo ndirimbo ngo yayisohoye ubwo yari i Kigali akumva umuntu aganirira undi uburyo hari ahantu hakora umupolisikazi mwiza, ariko akaba yaragize ubwoba bwo kumubwira ko amukunda.

Yagize ati “Umuntu yabwiraga mugenzi we w’umushoferi ukuntu hari ahantu mu muhanda hari umupolisikazi mwiza cyane ariko agahora atinya kubimubwira, ndetse ngo yamucagaho kenshi kugira ngo arebe ubwiza bwe”.

The Bless avuga ko byatumye anibaza niba nta bakobwa batinya kujya mu gipolisi bafite ubwoba ko bazabura abagabo bitewe n’uko hari bamwe mu basore babatinya.

Yagize ati “Burya bariya bashiki bacu bagira umutima mwiza kandi bakora akazi kabo neza, gusa wasanga hari abakobwa bajya bitinya bakeka ko babura abagabo kuko babatinya. Nyamara n’abagabo bakwiye kumenya ko abapolisikazi ari abantu kandi bagira urukundo ndetse nyuma y’akazi baba bashobora gukundana”.

The Bless ni umwe mu bahanzi bakunzwe cyane cyane mu Karere ka Musanze, yaririmbanye na Social Mula indirimbo yise “Mbega wowe”, Ikibazo, Wampaye umwanya n’izindi.

Ni gutya biba bimeze kuri Google Injajwa iba The cat

Abamenyereye gukoresha mudasobwa bazi ko ushobora kumenya igisobanuro cy’ijambo riri mu rundi rurimi ukoresheje ibyo bita Google Translation, Ikinyarwanda na cyo kikaba kiri mu ndimi zifite ibisobanuro kuri Google.

Uyu mugabo bakunze kuvuga ko avuga cyane yatunguwe no kubona izina Injajwa risobanura The Cat, ari ryo zina yiyise ku mbuga nkoranyambaga.

Bamwe mu bafana be babiteyemo urwenya ndetse bamwe bakavuga ko Google ibyo yenda kuvuga ari byo.

Umwe yagize ati “yubahwe google ifite impano yo kwerekwa no kurondora...”

Undi yagize ati “Ni byo mvuye kubyirebera kabisa barakumenye icyamamare The Cat”.

Uyu mugabo udakunda kugaragaza isura azwi cyane mu kuvuga amakuru y’ibyamamare byo mu Rwanda ndetse agakunda no kumenya amakuru aba ahishe, bikaba bivugwa ko ataba mu Rwanda.

Uyu musore akunda kwigaragaza yahishe isura muri ubu buryo

Inkuru bijyanye:

Thecatvevo250 nta gahunda afite yo kwerekana isura ye ku mugaragaro

Bibeshye ko ari urukingo rwa Covid-19 bazana Vodka

Perezida w’icyo gihugu yari yasezeranyije abaturage be ko agiye gutangira kubakingira iyo ndwara, bakaba bari bahisemo gukoresha urukingo rwo mu gihugu cy’u Burusiya rwitwa Sputnik V, gusa batunguwe no kubona indege yibeshya ikazana inzoga ikunzwe cyane yo mu Burusiya izwi nka Vodka, nk’uko byatangajwe n’urubuga ‘archyde.com’.

Ubwo indege yari itegerejwe yageraga ku kibuga cy’indege cya Algeria, byitezweho ko izanye inkingo ibihumbi 500, abasirikare n’abayobozi ndetse n’abanyamakuru bari baje kurwakira batunguwe n’uko abashinzwe ubuziranenge bavuze ko haje inzoga aho kuza inkingo.

Minisitiri w’ubuzima yahise ahatwa ibibazo ngo asobanure uko byagenze akaba yavuze ko habayeho kwibeshya kandi ko inkingo nyazo zigiye guhita zizanwa kandi abisabira imbabazi.

Biteganyijwe ko mu gihugu cya Algeria batangira gukingira abaturage babo mu ntangiriro z’iki cyumweru, mu gihe ubundi bari bijeje abaturage babo ko bazatangira ku wa Gatandatu ushize.

Vodka, inzoga ikunzwe cyane mu Burusiya

Riqson n’umugore we biyemeje gukora umuziki ubuzima bwabo bwose

Umugabo wa Consolée, Riqson, avuga ko akimara gushakana n’umunyamuzikikazi yafashe icyemezo cyo gukora ibintu byagira akamaro ku bakunda umuziki waba uwa kera ndetse n’abakibyiruka bityo afata icyemezo cyo gusubiramo indirimbo za karahanyuze.

Yagize ati “Jyewe n’umugore wanjye tumaze gusubiramo indirimbo zirenga 120 kandi intego ni ukuzisubiramo izizashoboka zose, turazikora mu buryo bugezweho ku buryo buri wese yumva uburyohe bwazo n’ubutumwa bwazo ku buryo zizahora ziryoshye mu bihe byose”.

Riqson aracuranga akanaririmba

Riqson avuga ko icyabateye iryo shyaka ari uko basubiyemo indirimbo nkeya abantu benshi bagakomeza babandikira ndetse babashyigikira bituma biyemeza kujya muri uwo mujyo kandi ko bikomeje kubaha umusaruro.

Yagize ati “Iyo twazikoze tukazishyira kuri YouTube abantu barazikunda cyane bakatubwira ngo dukomereze aho ndetse bakadushyigikira mu buryo bumwe cyangwa ubundi, ndetse ugasanga banadusaba izo bifuza ko dusubiramo, ku buryo hari benshi bafashwa cyane”.

Riqson avuga ko bitababuza bo ubwabo guhimba izabo gusa akemeza ko indirimbo za karahanyuze bigoye kubona izizihiga bityo ko uko iminsi ishira ari na ko zirushaho kuryoha akenshi binyuze mu kuba bazisubiramo zigakomeza kuryoha zikaniyumvwamo n’ingeri zitandukanye yaba urubyiruko cyangwa abakuze.

Consolée na we araririmba akanacuranga

Consolée na Riqson bavuga ko bahujwe n’umuziki kandi umunezero wabo ukaba ushingiye ku muziki kandi ko batazigera batezuka kuri ubwo buryohe ntagereranywa bw’umuziki. Umwe aracuranga undi akaririmba cyangwa undi akaririmba undi agacuranga cyangwa se bakabikorera icyarimwe byombi.

Reba hano imwe mu ndirimbo basubiyemo:

Kazigira (ufite gitari) na mugenzi we bari kumwe n’umuterankunga wabo wabafashije kuririmbira kuri BBC

Kazigira yaririmbye indirimbo ikundwa cyane ikaba ikunze gucurangwa muri karahanyuze yitwa Beretirida, ubwo yari ageze muri BBC yacuranzemo indirimbo yahimbiye umugore we witwaga Ewudiya agapfa atayumvise azize uburwayi, indirimbo avuga ko yashegeshe amarangamutima ye cyane.

Yagize ati “Ewudiya yari umugore wanjye yazize kanseri, yari umugore mwiza bidasanzwe yagiye tutaratongana dukundana bikomeye, yagiye naramuhimbiye indirimbo bigahora binshengura umutima kuko yagiye atayumvise. Nagiriwe ubuntu bwo kujya muri BBC ndamuririmbira, nkaririmba aho akomoka i Rwoga mu Bushenyi mu Ruhango, kuko bari barampaye umugore mwiza”.

Kazigira avuga ko ari umwe mu bacuranze mu ndirimbo ‘Esther mwana wanshavuje’ kuko yahimbwe n’umwe mu bavandimwe witwa Manasseh baririmbanaga, iryo tsinda ryabo rikaba ryarahesheje u Rwanda amanota menshi kubera ibihangano baserukanye mu mahanga bigatangaza abanyamahanga.

Mu ndirimbo Kazigira yaririmbye harimo iyitwa Farmer

Yagize ati “Twarushanyijwe n’abanyamahanga benshi tuza ku mwanya wa kane ndetse tunasusurutsa abantu kuri BBC. Twari dufite ibinyuguri, ingoma yewe umwe acurangisha inkweto, utekereze ko twari duturutse mu cyaro rwose nta bundi bunararibonye twari dufite uretse ko uriya muzungu yatwikundiye akatujyana”.

Kazigira avuga ko afite imishinga myinshi irimo kuba azakora indirimbo nyinshi ze bwite mu rwego rwo gukomeza guha umurage mwiza abakiri bato, mu kubakundisha indirimbo z’umwimerere nyarwanda no gukunda igihugu cyabo.

Baririmbye indirimbo nka Farmer, Rwanda you should be loved, why did you wrong n’izindi...

Iganze Gakondo ngo ihishiye byinshi Abanyarwanda

Baherutse gushyira hanze indirimbo nshya yitwa ‘Ishyamba’ ndetse bahita bashyira hanze indi ndirimbo yabo yitwa ‘Gakondo Yacu Iganze’ bakaba bavuga ko bakataje mu gufasha abakunda u Rwanda gukunda imbyino gakondo n’indirimbo z’umwimerere w’Abanyarwanda.

Uhagarariye Iganze Gakondo, Niganze Lievin avuga ko ari urugamba batangiye kandi ko batangiye kubona imbuto zarwo.

Yagize ati “Burya abantu bakunda imbyino n’indiirimbo gakondo ariko ntibagira umwanya wo kubona aho babibona ngo babikunde, twebwe turashaka kubikora duciye mu miyoboro yose y’itangazamakuru ku buryo Abanyarwanda n’abakunda injyana gakondo bazisanga bafite impamba ihagije mu kuyikunda”.

Iganze Gakondo igizwe n’abasore bahamiriza neza barangajwe imbere n’umuyobozi wabo Lievin (ubanza ibumoso)

Lievin kandi asaba abantu bakoresha imbuga nkoranyambaga n’abanyamakuru muri rusange gufata uyu mwanya bakajya bacuranga imbyino gakondo atari mu bitaramo gusa no mu ndirimbo zisanzwe kugira ngo abazikunda bazumve kenshi n’abatazizi bazimenye.

Yagize ati “Ntabwo indirimbo gakondo cyangwa se imbyino gakondo birebwa mu bitaramo gusa ni byiza ko n’abanyamakuru badufasha zigacurangwa kenshi kandi ndizera ko akeza kigura ni ukubakangura gusa kuko gakondo yo ubwayo iraryoshye”.

Lievin asanga Abanyarwanda bakwiye gufata iya mbere bagashyira imbere icyo yita irangamuntu y’Abanyarwanda ikamamara ku isi yose.

Karangwa avuga ko yazinutswe umurya wa gitari

Karangwa avuga ko yakundaga gucuranga cyane agacuranga gitari iherekeza izindi (accompagnement) akaba yaratangiye gucuranga muri Orchestre Pakita mu 1982 akaza gusoza mu mwaka wa 1987 ndetse akaba atarongera gukora ku murya wa gitari kubera ibyo yabonye.

Yagize ati “Twararirimbaga tugatahira iraha tukanywa byeri gusa n’ibindi. Ntabwo amafaranga baduhaga yashoboraga kugira icyo yamarira umuryango kwari ukwinezeza gusa, watahanaga nk’igihumbi gusa, twari tugeze ahantu habi mu bintu bimeze nk’ubuhemu”.

Karangwa avuga ko hari ahantu henshi bacuranze bagafatira ibyuma byabo cyangwa se na bo ubwabo bakabafata bugwate ibintu byamubabaza cyane akibaza icyo amara mu muziki akayoberwa.

Yagize ati “Hari ubwo twagiye i Rwamagana tugiye gucuranga turahomba bafatira ibyuma byacu kandi twari twabikodesheje kwa Mwitenawe ndetse tutanamwishyuye, uwari udukuriye yarakomeje ashyikirana n’aho twakoreye baradohora ariko byari ibintu bibi”.

Karangwa avuga ko ibibazo byinshi ari byo byatumye Orchestre Pakita isenyuka mu 1987 bakaba bari bararirimbye indirimbo zakunzwe nka “Icyampa umuranga”, ”Leonica”, “Mutimukeye “ n’izindi nyinshi.

Nubwo yazinutswe gucuranga, Karangwa yemeza ko muri icyo gihe Orchestre Impala yari ikunzwe cyane, Nyampinga, Les fellows n’izindi zabicaga bigacika muri icyo gihe.

Karangwa asaba abakiri bato gukunda umuziki kandi bakawukora kinyamwuga baharanira gukora ibintu bw’umwimerere bakareka kwiringira ikoranabuhanga cyane.

Karangwa asaba abakiri bato kutishinga ikoranabuhanga cyane

Dr Deo Habyarimana ngo kuririmba si ukuririmba izihambaza Imana gusa

Dr Deo Habyarimana yemeza ko abantu bose bifitemo uburyohe bwo kwishima, bakagubwa neza kandi bagasabana n’abandi aho bari hose, ari yo mpamvu yakoze indirimbo yibutsa buri wese kuzaryoherwa n’iminsi mikuru nta rutangira.

Yagize ati “Mbazaniye agashya mu ndirimbo Come on in Party aho nsaba buri wese uko waba ungana kose ibyo waba ukora byose gushaka umwanya ukidagadura ukaryoherwa wowe n’abawe”.

Dr Deo Habyarimana avuga ko iyi ari impano ya Noheli n’ubunani ageneye abantu bose bakunda umuziki we.

Yagize ati “Ni umwanya mwiza ndetse n’impano mpaye Abanyarwanda ngo bazagire Noheri nziza n’umwaka mushya muhire bibyinira kandi banyurwa na Come on in Party”.

Uyu muhanzi amaze gusohora indirimbo z’Imana zitandukanye, harimo iyakunzwe cyane yitwa ‘Mana Tabara’, iitabariza abantu bose bari mu kaga, karimo n’ibyorezo bikaze nka Covid-19.

Mu ndirimbo yasohoye, hari iziri kuri Youtube ye, izindi zigakoreshwa mu makorari atandukanye.

Iyi ndirimbo imaze iminsi ibiri amashusho yayo ageze hanze, ariko imaze kurebwa n’abasaga miliyoni 4 n’ibihumbi 300, agahigo kadasanzwe ku bakunda muzika muri Afurika no ku isi.

Nyuma y’iminota 33 video y’iyi ndirimbo igeze hanze, yari imaze kurebwa n’ibihumbi 22, mu minota 48 gusa abantu ibihumbi 100 bari bamaze kureba iyi ndirimbo.

Mu isaha imwe, abantu ibihumbi 200 bari bamaze kuyireba, mu masaha ane ibihumbi 500 byari byayirebye, mu masaha umunani abantu bagera kuri miliyoni imwe bari bamaze kuyireba.

Mu masaha 13 yari imaze kurebwa n’abarenga miliyoni 2 ndetse ihita ica agahigo k’indirimbo zose muri Afurika gukora ibintu nk’ibyo.

Uku kurebwa cyane kw’iyi ndirimbo, Diamond Platnum yakuvuzeho, ashimira abantu bakomeje kumugaragariza urukundo.

Ubwo yari ari gukorana indirimbo na Koffi, Diamond yari yatangarije itangazamakuru rya Tanzaniya ko agiye gukorana indirimbo n’umwami wa Afurika mu muziki.

Yagize ati “Ngiye gukorana indirimbo n’umwami wa Afurika mu muziki kandi indirimbo yacu izaza imeze neza cyane bitarabaho”.

Koffi Olomide we yavuze ko agiye gukora indirimbo n’umuvandimwe we kuko yumva afite amaraso y’Abanyekongo n’Abanyatanzaniya.

Yagize ati “Turi abavandimwe njya numva bavuga ko umwe mu babyeyi banjye akomoka muri Tanzaniya, tugiye gutitiza isi muri muzika”.

Abantu benshi bafite amatsiko yo kuzareba niba iyi ndirimbo ishobora kuzahigika indirimbo zakunzwe cyane ndetse zikanarebwa n’abantu benshi nk’iyitwa Despacito iheruka guca agahigo ko kurebwa na miliyari zirindwi z’abatuye isi mu gihe cy’imyaka itatu.

Reba Video y’indirimbo ‘Waah’ ya Diamond na Koffi Olomide

Ibaruwa Riziki yanditse asaba kurenganurwa

Amabwiriza yatanzwe tariki ya 23 Ugushyingo 2020 yabuzaga buri wese kwemerera uwo Riziki kugira inzu n’imwe akodesha, uretse kuba yaba mu nzu y’ababyeyi cyangwa iyo yiyubakiye, mu rwego rwo kubungabunga umutekano.

Ibaruwa ikubiyemo ayo mabwiriza igira ati “Kubera umutekano muke ujyanye n’ubuhumbu (uburaya), uwitwa Riziki mwene Joseph na Namisigaro Gloriose uba mu isantere ya Gisimbawaga, bimenyeshejwe ko nta nzu n’imwe yo muri Komini Mutumba yemerewe kubamo, uretse mu nzu y’ababyeyi cyangwa agiye kubaka iye. Uzafatwa yarenze ayo mabwiriza azahanwa n’amategeko”.

Riziki na we yahise asubiza asaba ko arenganurwa kuko ibyo akora ari ubuzima bwe bwite, kandi ko nta muntu uramufata ari gusambana kandi ko nubwo yabikora atabihanirwa mu gihe nta mutekano muke yateje.

Yagize ati “Tujye twubahana buri wese mu kazi ke kuko nanjye ako kazi karantunze nta munsi baramfata ngo nibye igitoki cyangwa ngo nazituye itungo! Baca umugani mu Kirundi ngo ‘iyo muntu atize aryitize’.

Abantu benshi byabasekeje ndetse bakaba biteze igisubizo kiza gukurikira izi nyandiko.

Amabwiriza abuza abantu guha Riziki inzu yo gukodesha

Ku rundi ruhande ariko, ku mbuga nkoranyambaga hagaragaye indi nyandiko ivuga ko ibyo bivugwa kuri Riziki ari ibinyoma by’abagamije kumuharabika babinyujije ku mbuga nkoranyambaga.

Iyo nyandiko yo igaragaza ko uyu Riziki yahamagawe n’abantu bamumenyesha ko hari ubutumwa buri kunyuzwa ku mbuga nkoranyambaga bumuharabika, na cyane ko we adaheruka gukoresha izo mbuga.

Youtube yasibye indirimbo, Muyoboke na we yandika asaba ibisobanuro

Iyi ndirimbo yakuwe kuri YouTube ya Chris Hat yitwa ‘Niko yaje’ akaba ari umuhanzi uheruka gusinyana n’ikigo cya Muyoboke Alex gikora ibijyanye no gufasha abahanzi no gutegura ibitaramo, bakaba bararezwe n’umuntu ufite amazina ya Aime Bruno.

Muyoboke rero akaba yasabye ibisobanuro YouTube ababwira ko indirimbo yabo ari umwimerere ko uwababwiye ko bamushishuye yabarenganyije.

Yagize ati “Chris Hat ni umuhanzi wasinyanye na kampani yacu ‘Decent Entertainment’ nyuma y’amasaha make tumaze kumusinyisha twahise dushyiraho indirimbo ye nshya yitwa Niko Yaje,, nyuma uwitwa Bruno Aime avuga ko twamushishuye, uwo muntu simuzi, tubabajwe n’ibyo bikorwa bidakwiye byo kutubeshyera gushishura”.

Muyoboye yahise yerekana abakoze indirimbo n’uburyo byakozwe mu rwego rwo kwerekana ko batigeze bashishura, aho audio yakozwe na Element, mastering ikorwa na Hebert Skils, naho video director ni easy cuts na John’s fashion.

Umuhanzi Muchoma aravuga ko agiye kurega Harmonize

Ibi bije nyuma y’uko uyu muhanzi ashinja Harmonize kuba yarashishuye indirimbo ye yitwa ‘Umutoso’, bigatuma nyuma y’uko indirimbo ye isohotse bimuteza igihombo ndetse abakunzi be bakamubwira ko ashobora kuba ari we washishuye Horminize.

Yagize ati “Namaze gufata icyemezo cyo kurega uyu muhanzi mu gihe ibyo nandikiye abamushinzwe (management ye) baba batabimpereye ibisobanuro bifatika, tuzamurega kuri youtube cyangwa no mu nkiko kuko yaratwangirije cyane”.

Umuhanzi Muchoma Mucomani avuga ko indirimbo ‘Umutoso’ akimara kuyihimba yifuje gukorana n’abahanzi batandukanye barimo na Harmonize, The Ben n’abandi, akaba yarahise ayoherereza Harmonize n’abandi, ni ho rero uyu muhanzi yahise ayumvira ahita akora iye ku giti cye.

Harmonize bivugwa ko yashishuye indirimbo ya Muchoma

Yagize ati “Narayimuhaye ngo tuzakorane ahita afatamo bimwe mu bice byayo akora indirimbo yise ‘Ushamba’, The Ben we yarayikunze yemera ko dukorana ntabwo ari twe twashishuye Hormonize ahubwo ni we wabikoze”.

Muchoma avuga ko indirimbo ‘Umutoso’ ubundi iba ivuga umukobwa mwiza uteye neza akaba yarayikoze kugira ngo arate ubwiza bw’umukobwa kandi amare irungu abantu muri ibi bihe isi ikomeje guhangana n’icyorezo cya Covid-19, cyane ko ari indirimbo nziza kandi ibyinitse neza.

Muchoma aherutse gusaba imbabazi abakunzi be kuri KT Radio z’uko mu ndirimbo iheruka yise ‘Ni Ikibazo’ yatwitse bibiliya yera agamije kwerekana ko hari abakiristu batwika bibiliya kuko banyuranya n’ibyo ibigisha.

Sano na Judith ngo urukundo rwabo rwaba rumaze gufata indi ntera

Hari amakuru avugwa ko nyuma y’aho uyu mugore atandukaniye na Safi Madiba, yakomeje kugira intimba ku mutima no kwigunga bitewe no kubura uwo bambikanye impeta.

Ubu rero asigaye agendana kenshi ndetse agasura kenshi uyu musore Sano Panda akaba ari musaza w’umuhanzi Alyn Sano, ibintu kandi ngo bikaba bigeze kure mu rukundo rwabo, ndetse mu gihe cya vuba akaba ashobora kuzamwambika impeta y’urukundo rudashira.

Sano Panda ntabwo ahakana cyangwa ngo yemeze aya makuru, gusa avuga ko mu gihe cya vuba abatu bazaba bamenye ukuri ku bibavugwaho.

Sano ni umuproducer uzwi ku izina rya Panda

Yagize ati “Aya makuru ntacyo nayavugaho, gusa Judith ni inshuti yanjye nta kindi natangaza ku birenze ibyo, niba koko dukundana ubwo abantu bazaba babimenya kandi niba atari na byo abantu bazabimenya, ubundi urukundo ni urw’abantu babiri mutegereze muzaba mumenya ukuri”.

Kugeza magingo aya ntabwo twabashije kuvugisha Judith ngo atubwira ibibavugwaho, naramuka agize icyo atubwira tuzakibagezaho.

Uburyo bahawe ikimasa n’Umunyarwanda wabaga mu cyahoze ari Zaire (ubu ni Repubulika ya Demukarasi ya Kongo) nyuma yo kubatsinda, byamukoze ku mutima ku buryo atajya abyibagirwa.

Yagize ati “Twagiye gukina muri Kongo Brazzaville turayitsinda haza na Kongo Kinshasa na yo turayitsinda, umwe mu Banyarwanda babagayo wari uyoboye delegation (itsinda) ya Kongo Kinshasa witwa Gedeon yanayoboye komite Olimpike mu Rwanda, yaravuze ati nubwo mudutsinze ariko ndi Umunyarwanda, kubera izo mpamvu mbemereye ikimasa! Sinjya mbyibagirwa”.

Dr Ryambabaje avuga ko nubwo bari bakunzwe cyane muri Kaminuza no hanze yayo, gukina volley byabarinze gusamara no kwiyandarika, ahubwo bigatuma bashyira imbere amasomo ndetse baranayatsinda.

Yagize ati “Buriya umunyamuziki ashobora kunywa inzoga akajya no mu bakobwa bugacya akanaririmba, ariko twe nubwo twari tukiri bato intego yacu yari ukwiga nk’abantu bazajya mu mirimo, kubera gukina volley twanywaga inzoga rimwe ku cyumweru tumaze gukina ubundi tukiga, ibindi wenda byabaga muri vacances (mu biruhuko)”.

Dr Ryambabaje avuga ko yakuriye i Nyanza mu Rukari bigatuma akura akunda ikipe ya Rayon Sports, ndetse yaje no gukina mu ikipe yayo ya Volley, akaba ari umufana wayo mu buryo butaziguye.

Dr Ryambabaje akunda umuziki cyane cyane umuziki wo mu Rwanda indirimbo z’ubu ndetse n’izo hambere, kuri ubu akaba akina Tennis mu rwego rwo gukora siporo no kurwanya ubusaza.

Yakinanye n’abanyabigwi nka Honorable Bernard Makuza, Robert Bayigamba, Habineza Joseph Joe, Karabaranga n’abandi benshi yemeza ko itoto bahorana barikesha gukunda gukina.

Dr Ryambabaje yaretse gukina Volleyball mu mwaka wa 1990 nk’umunyamwuga ubundi agatoza cyangwa se agafasha abakiri bato gukina, nubwo byatangazaga abantu ukuntu akubita ibiro akarusha abato.

Dr Ryambabaje wayoboraga ihuriro rya za kaminuza muri aka karere muri Uganda muri iyi minsi, yatangaje ko agiye gufata ikiruhuko cy’izabukuru ku myaka 60, akaba afite indoto z’uko mu Rwanda hazaba ishuri ry’umukino w’intoki (academy), aho abana bakurira bagatozwa gukina no gukunda uyu mukino kinyamwuga.

Dr Ryambabaje asaba abakiri batoza kwitoza gukora ibyo bibwira ko bitari mu bushobozi bwabo aho gutekereza gukora ibyo n’ubundi bashoboye.

Inkuru bijyanye:

Twaganiriye na Dr Ryambabaje Alexandre wabaye umunyapolitiki, umwalimu n’umukinnyi ukomeye wa Volleyball

Uyu muhanzi umaze kugaragaza ubuhanga mu miririmbire n’ubuhanzi bwihariye, akaba umwe mu bakobwa b’abahanga mu njyana ya Blues na Jazz ikundwa n’abanyamahanga cyane, avuga ko ubuzima bwe bw’urukundo ari ibanga.

Yagize ati “Ntabwo ari jye wivugaga rwose ni ukuri ibijyanye n’ubuzima bwanjye bw’urukundo biracyari ibanga umunsi umwe nzababwira neza uko bimeze, gusa iyi ndirimbo nayituye abakunzi banjye kandi nzi ko izabaryohera”.

Alyn Sano avuga ko indirimbo Joni yashyize hanze ari inkuru mpamo ariko ko yayikoze nyuma yo kubona ibyabaye ku nshuti ye y’umukobwa bituma yiyemeza kubiririmba gusa abikora mu buryo bujimije.

Yagize ati “Ni inkuru mpamo rwose gusa nirinze kuvuga amazina yabo mu buryo bweruye, umukobwa w’inshuti yanjye yakunzwe n’umuhungu akajya ahora amwiryaho akanga kwemera ngo bakundane, gusa byaje kurangira ashyize yemera ko bakomezanya ubu bameze neza barakundana”.

Alyn asanga atari byiza kurushya uwo ukunda ngo wiraze i Nyanza, akibutsa ababikora kwikosora mu rwego rwo kutababaza abakunzi babo.

Alyn ashyize hanze iyi ndirimbo nyuma y’izindi yashyize hanze vuba aha nka Kontorora, Perimana, Naremewe wowe n’izindi.

Dr Ryambabaje Alexandre azwiho kuba yarajyaga atera umupira ugaturika

Ni umugabo uvuga atuje muremure w’ibiro biringaniye, umugabo uzi gusetsa ufite imyaka 60 y’amavuko, akaba umwe mu bahanga u Rwanda rufite wize imibare dore ko ari Dogiteri mu mibare. Iyi mpamyabumenyi yayibonye abikesha gukina umupira w’intoki (Volleyball).

Dr Ryambabaje yize muri kaminuza nkuru y’u Rwanda, ajya kwiga icyiciro cya gatatu cya Kaminuza (Master’s Degree) muri Canada ari na ho bamuboneye ko ari umuhanga muri volleyball atangira gukina atyo mu cyiciro cya mbere muri uwo mukino muri Canada.

Yaje kugaruka mu Rwanda yigisha muri kaminuza ndetse akomeza gukina uyu mukino no kuwutoza. Yakinnye mu ikipe y’igihugu ya Volleyball yasohokeye u Rwanda ahantu henshi hatandukanye ku isi.

Aha yari mu mikino ihuza Abagize Inteko ya Afurika y’Iburasirazuba (EAC)

Yaje kubona buruse kubera kuba intyoza mu mukino wa volleyball ajya mu gihugu cy’u Bufaransa aho yakuye impamyabumenyi y’ikirenga ya Doctorat anakina Volleyball nk’uwabigize umwuga.

Ababonye imikinire ya Dr Ryambabaje bemeza ko yari umuhanga utangaje ku buryo hari ubwo yateraga ikilo agaturitsa umupira.

Avuga kuri ibi, yagize ati “Biragoye ko umuntu yakwivuga ahubwo abandi ni bo bashobora kumuvuga, gusa tukiri abasore twakubitaga umupira indodo zikagaragara tukanakubita ugaturika, niba ari uko imipira y’icyo gihe yari ikoze nabi cyangwa ihaze cyane simbizi gusa warakubitaga rwose ukabona ko harimo ingufu, mu nzu twakiniragamo (Gymnase ya kaminuza) byo twabaga twifuza gukubita ibiro, umupira ugakubita ku byuma biyubatse mu gisenge”.

Mu bintu Dr Ryambabaje atajya yibagirwa, ngo ni uburyo bagiye gukina mu Bufaransa bakababwira ko nta mukino n’umwe baza gutsinda nyamara bakaza gutsinda imwe mu mikino bari babateze.

Ikindi yibuka ni uburyo bagiye gukina muri Kenya bakanga ko aba umutoza bakamugira umukinnyi bagatangira gutsindwa akaza gusaba umutoza we kumuha amahirwe yo gutoza bikarangira atsinze.

Ryambabaje yari Umunyamabanga Nshingwabikorwa w’Ihuriro rya kaminuza za Afurika y’Iburasirazuba

Hari ibyo atajya yibagirwa bibi nk’aho ubwo yatozaga ikipe y’igihugu, umwe mu bari bayoboye imikino mu Rwanda yamubwiye ko ngo atoranya abakinnyi bo mu bwoko bumwe undi akamusubiza ko we atoranya abakinnyi bazi gukina atitaye ku moko yabo.

Yagize ati “Tujya kujya Congo Brazzaville baraje barambwira bati ‘ariko ko ikipe yawe igizwe n’ubwoko bumwe?’ hari muri 1987 mbwira Minisitiri n’umukozi we nti ni bande, bambwira amazina hanyuma ndababwira nti nkeneye abakinnyi 9 mwebwe mugende munshakire abandi, gusa byarangiye bandetse njyana ikipe yanjye yose ndetse tuzana umudari mba n’umukinnyi mwiza w’irushanwa”.

Kada HANO usome inkuru ikurikira iyi wumve uko Dr Ryambabaje yakomeje kubyitwaramo muri ibyo bihe ndetse umenye n’ibyerekeye ubuzima bwe bwite hanze ya Volleyball.

Prof. Ryambabaje yabaga muri Uganda mu kazi ariko agiye gufata ikiruhuko cy’izabukuru

Samuel Eto’o yakoze impanuka Imana ikinga akaboko

Biravugwa ko Samuel Eto’o yakoze impanuka ari mu muhanda wa Nkongsamba ubwo yagongwaga n’imodoka nini yahungaga abashinzwe umutekano.

Umwe mu banyamakuru b’inshuti ya Samuel Eto’o Martin Camus yavuze ko Samuel Eto’o usibye kuba yahungabanye ariko ngo ameze neza, abaganga bari kumwitaho.

Samuel Eto’o biravugwa ko yakoze impanuka avuye mu birori no mu bukwe bwo mu muryango we.

Samuel Eto’o Fils yamenyekanye mu ikipe ya Mallorca aza kuba umukinnyi w’igihangange ubwo yakinaga mu ikipe ya FC Barcelone, yatwaye ibikombe byinshi cyane cyane by’umukinnyi witwaye neza ku mugabane wa Afurika.

Iganze Gakondo ngo bahishiye byinshi Abanyarwanda

Ibi barabivuga nyuma yo gusubiramo indirimbo yitwa ‘Ishyamba’ ndetse n’izindi zabo bagiye bakora mu majwi meza y’umwimerere nka ‘Gakondo yacu’, ‘Iganze’ na ‘Urujeni’.

Mu ndirimbo ishyamba baba bagira bati “Ishyamba rikwiye iki mirindi nyakubyara, ishyamba rikwiye inka mirindi ya ngoma”.

Umuyobozi w’iri torero, Niganze Lievin, yemeza ko ubwo ibitaramo bizaba bisubukuwe bazabadukana ibakwe bakerekana agaciro gakwiye Gakondo.

Iganze Gakondo basusurutsa abantu zigata inyana

Yagize ati “Aho twakoreraga byari bitangiye kuba ibitangaza abantu bari batangiye kuba benshi haba muri ONOMO, +250 n’ahandi, abageraga za Legacy baburaga aho bicara kubera Cyusa. Umunsi ibitaramo bizaba bisubukuwe twiteguye kwerekana ibyo tumazemo iminsi”.

Niganze avuga ko iri tsinda ryatangiye ari abantu bake ariko ko uko iminsi igenda iza bagenda baguka kandi barushaho gushimisha abantu.

Yagize ati “Twatangiye turi abantu 7 haza kugenda babiri, tuza kugira n’abakobwa babiri umwe aragenda ubu turi abaririmbyi 6 n’abacuranzi 3. Intego yacu ni uko dukomeza gukora ibitaramo no gusohora indirimbo tuba twakoze ngo n’abandi bazimenye”.

Iganze Gakondo igizwe n’abasore bahamiriza, barangajwe imbere n’umuyobozi wabo Lievin (ubanza ibumoso)

Mu rwego rwo kuvugurura indirimbo gakondo zakunzwe na benshi, Iganze Gakondo bazisubiramo bakanakora izabo, bakemeza ko nta muntu wasogongeye kuri gakondo ujya usubira inyuma kandi ko uretse n’Abanyarwanda bayikunda, abanyamahanga bo bibabera akarusho.

Ngo ibitaramo nibisubukurwa, Iganze Gakondo bafite intego yo kuzakora ibitaramo bikomeye hirya no hino mu gususurutsa Abanyarwanda no kubereka ubwiza ntavogerwa bw’injyana nyarwanda gakondo.

Sano yize umuziki uri Afurika y’Epfo no muri Uganda

Sano avuga ko yize ibijyanye na muzika aba mu gihugu cya Uganda akaza gufashwa n’ibindi bijyanye na muzika abifashijwemo n’umuntu wo mu gihugu cya Philipines akaza gukomereza amasomo mu gihugu cya Afurika y’Epfo aho yamenyeye gukora indirimbo.

Yagize ati “Nakoreye indirimbo abahanzi bakomeye hano mu Rwanda barimo ba Bruce Melodie, Riderman, Alyn Sano, Hope Irakoze, Mani Martin n’abandi benshi nishimira ko banyurwaga n’uburyo nkora indirimbo kandi nkora ibyo nzi nigiye”.

Sano Patrick ni umwe mu ba producer b’abahanga mu gucuranga piano, gucuranga gitari, accordeon n’ibindi bicurangisho byisnhi, akaba azwiho kugira ijwi ridasanzwe, akaba afasha benshi mu bahanzi rimwe na rimwe mu kubigisha kuririmba.

Umwe mu bahanzi uzwi ku izina rya Padiri avuga ko bishoboka ko nta muhanga uri mu Rwanda uri ku rwego rwa Sano.

Yagize ati “Tujya twumva ngo batanga ibihembo by’abaproducers gusa hari impano idasanzwe iri mu Rwanda abantu benshi batazi iyo mpano ni Sano Patrick”.

Uyu muproducer Sano azwi cyane ku kazina ka ‘Panda Music’ ndetse akenshi indirimbo ze haba harimo akantu kamuvuga ngo Sano Panda, akaba ari musaza w’umuhanzi Alyn Sano.

Mexance mu ndirimbo ye Niyibgena, asaba abantu kwiyoroshya kuko byose ari Imana ibigena

Mexance ngo ntabwo yaririmbye ubuzima bwe bwite, ahubwo yaririmbye ubuzima abantu babamo umunsi ku munsi aho usanga umwe avukira ahantu heza undi akavukira mu bakene rimwe na rimwe agasazana iryo pfumwe. Ngo hari n’abagera aho bakagira ubuzima bwiza bakibagirwa ibihe bibi baciyemo.

Yagize ati “Birababaza kumva umuntu wibwira ko ubuzima bwe yabuharaniye kuko yavutse heza, ugasanga undi ahorana agahinda kuko yavutse nabi, buriya byose ni Imana ibigena. Bibabaza kurushaho iyo wavutse nabi wakira ukibagirwa aho wavuye”.

Mexance yumva ko indirimbo zose zikwiye kuba zitanga ubutumwa bwigisha abantu aho kubayobya akaba ari na wo murongo yihaye. Bituma hari abahanzi ajya aha indirimbo yahimbye kugira ngo batambutse ubwo butumwa.

Yagize ati “Habura ubushobozi ngo dusohore indirimbo zacu nkirinda ko indirimbo yasohoka uko ntayishaka, mfite indirimbo nyinshi hari benshi njya mpa indirimbo zanjye kandi bazibyaza umusaruro. Ni byiza ko duhanga ibifitiye sosiyete akamaro”.

Mexance ni umwe mu bahanzi bazwiho gususurutsa imbaga mu birori bitandukanye, akaba umwe mu banyura abajya bagenda mu mahoteli atandukanye. Mexance azwi muri Gakondo icurangwamo na ba Masamba Intore.

Reba indirimbo Niyibigena ya Mexance

Jay Polly avuga ko agiye kugira studio y’icyitegererezo mu Rwanda

Yagize ati “Ndashaka gukora ikosora hano mu Rwanda, studio idafite amashusho izaba ikomeye ariko iy’amashusho yo abantu bazabona ibitangaza i Kigali”.

Jay Polly yavuze ko biriya byuma bigomba kugera i Kigali kuri iki cyumweru tariki ya 01 Ugushyingo 2020, bigahita bijyanwa ku cyicaro cyayo ku Kimihurura.

Amasezerano yo kugura ibyuma akaba aherutse gusinyirwa i Dubai aho Jay Polly aheruka kugirira igitaramo. Akaba ateganya gusubirayo mu gihe cya vuba.

Yagize ati “kubera Covid-19 nta bitaramo biri gukorwa mu Rwanda ariko ndateganya gusubira muri Dubai ngashimisha abantu baho mu gihe cya vuba”.

Biravugwa ko iyi studio ya Jay Polly izuzura itwaye amafaranga arenga ibihumbi 10 by’amadorari ya Amerika, ni hafi miliyoni 10 z’amafaranga y’u Rwanda.

Muchoma yasabye imbabazi apfukamye kuko yashwanyaguje Bibiliya

Muchoma avuga ko atari agambiriye kubabaza abamukunda ahubwo yashakaga kwerekana ko bamwe mu bakirisitu bitwaza Bibiriya cyane, ariko aho kuyikoresha mu gukora ibyiza ngo ibiyirimo bibabere urugero, bakayitatira, bagakora ibikorwa bibi birimo inzangano, ubujura, ubugome n’ibindi.

Yagize ati “Ntabwo nashwanyaguje Bibiliya byo kuyitesha agaciro ahubwo nabikoze nerekana ko hari abakirisito bahorana Bibiliya bagakora ibikorwa bihabanye na yo kandi biyitesha agaciro, bakayitwika mu bikorwa byabo bakayishwanyaguza uko bwije n’uko bukeye. Icyo nakoze ni ukwishyira mu mwanya w’uwo mukirisitu gito mbyereka abantu”.

Muchoma asaba imbabazi abafana be ndetse akabasaba gukomeza kumushyigikira bagakunda indirimbo kandi agasaba n’Imana imbabazi.

Muchoma yasabye abamukunda kumushyigikira kurushaho

Yagize ati “Ni ubwa mbere ngiye gusaba imbabazi abo nababaje bose ariko jyewe Muchoma Mucomani nsabye imbabazi n’umutima wanjye wose, umuntu wese wababajwe no kumbona nshwanyaguza ngatwika Bibiliya y’Imana. Imana imbabarire n’abandi bose babifashe nabi bambabarire”.

Mucomani ni umwe mu bahanzi bari kubaka izina hano mu Rwanda, avuga ko aririmba ubuzima akanibanda mu kuvuganira abana bo mu muhanda cyane ko na we yababayemo, ndetse akumva afite indoto zo kuzahora abavuganira no kubafasha.

Ni gutya Muchoma agaragara mu ndirimbo ye Ni Ikibazo

Uretse indirimbo ‘Ni Ikibazo’, Muchoma amaze gukora indirimbo nyinshi nka ‘My love’, ‘Haraka’, ‘Ubuhamya’ yakoranye na Mico The Best n’izindi.

Padiri na Sergent Robert bagiye gusohora indirimbo bise ’Onja’

Iyi ndirimbo bagiye gushyira hanze bayise ‘Onja’ bishatse kuvuga ‘sogongera’ cyangwa se guha umuntu duke ngo abanze yumve uko ibisigaye bimeze.

Ngo batekereje kuyita gutyo kubera ko umuziki ari ifunguro rya buri muntu, buri umwe wese uramunyura kandi ukamubera ubuzima.

Padiri yagize ati “Iyi ndirimbo ikoze mu Giswahili ni cyo cyinshi harimo n’Ikinyarwanda, tuba tubwira abantu gusogongera no gusogongeza umuziki, icyo ukora cyose iyo ufite umuziki uryoherwa n’ubuzima, abasirikare n’abasivili iyo bari kumwe barishima bumva umuziki, abahanzi n’abagore babo bikaba uburyohe, abayobozi n’abo bayobora bikaba uko”.

Iyi ndirimbo Padiri agiye kuyikorana na Sergent Major Robert cyane ko bombi baririmbye indirimbo zirata ubutwari bw’ingabo z’igihugu, bakaba barifuje ko bahuza bagakora indirimbo nziza bahuriyeho.

Padiri atangiye kwamamara kubera umuziki

Yagize ati “Naririmbye indirimbo yo kwibohora ndirimba izindi nka ‘Mbaya Golilla ya RPA’ n’izindi ndetse na SM Robert na we arazwi cyane mu ndirimbo za gisirikare, birumvikana ko iyi ndirimbo izaba iryoshye cyane”.

Biteganyijwe ko niba nta gihindutse, iyi ndirimbo ‘Onja’ iza kujya ahagaragara n’amashusho yayo muri iki cyumweru cyangwa igitaha.

MPC (Munyabugingo Pierre Claver) Padiri amaze kwamamara ku ndirimbo ari gukora ziri gukundwa na benshi nka ‘I Miss You’, ‘Rwatubyaye’, ‘Ibihe bibi’ n’izindi nyinshi.

Rasta Gatera Rudasingwa ngo ntazibagirwa Padiri Fraipont Ndagijimana wamureze akiri muto

Hari abazi uwitwa Rasta ariko batazi ko ubusanzwe yitwa Gatera Rudasingwa, akaba ari umugabo uri mu kigero cy’imyaka 66.

Yavutse ari muzima ariko aza kugira ubumuga bw’amaguru akiri muto, umupadiri witwa Charles Ndekwe wari uziranye na Padiri Fraipont Ndagijimana amujyana mu kigo cy’abafite ubumuga i Gatagara kuko ari we wagishinze.

Ibi byabaye ubwo ababyeyi be bari barahunze bakajya i Burundi agasigara mu Rwanda, ni ho yarerewe ndetse aranahakurira amenya no gukora amaradiyo ndetse aza no kumenya gukora ibijyanye n’ubukorikori.

Ibi ni byo byaje gutuma ajya i Burundi, Kenya , Uganda no mu Burayi, akomeza gukora ubucuruzi bwo kugurisha ibikozwe mu bukorikori bwa Afurika (Objets d’art Africains).

Rasta yaje gufungwa ubwo yari anyuze mu Rwanda agana i Burundi afite amafaraga menshi maze yose barayamutwara

Yagize ati “Nanyuze ku kibuga cy’indege i Kanombe nka transit baramfata bajya kumfungira kuri kasho yari iri inyuma y’ibiro bya Habyarimana, nari mfite amafaranga menshi, amadorari ibihumbi 20 n’andi menshi. Nafunzwe n’uwitwa Kamanzi aho bita kwa Lizinde, ngo se na we yari ashinzwe ikibuga cy’indege. Bari banyitiranyije n’uwitwa Gatera ngo wari uwo kwa Rubangura w’Umunyenyanza”.

Rasta akomeza avuga ukuntu baje gusanga baramwibeshyeho hanyuma wa mugabo wamufunze akamuha amadorari 100 na tike y’indege, maze akamujyana ku kibuga cy’indege agataha.

Yaje gushinga ate ikigo cya Mulindi Japan One Love?

Ubwo urugamba rwo kubohora igihugu rwari rushyushye baje gukora fundraising (gukusanya imisanzu) ku Mulindi w’intwari, buri wese yiyemeza icyo azakora nibaramuka bafashe igihugu, we yiyemeza kuzakora ikigo cyizatanga inyunganirangingo ku buntu.

Yagize ati “Jyewe nemeye ko nzatanga inyunganirangingo ku bantu bazaba barakomerekeye ku rugamba, abakomerekejwe na Jenoside n’abandi kandi nkabikora ku buntu”.

Ageze mu Rwanda ni bwo yahise ashinga ikigo cya ‘Mulindi Japan One Love’, iri zina rikaba rikomoka ku isezerano yagiriye ku Mulindi ndetse akaza kurongora umugore w’Umuyapanikazi, ‘One Love’ bikaba bituruka ku rukundo akunda Bob Marley.

Yagize ati “Mulindi bisobanura aho nagiriye isezerano, naje guhura n’umugore tubana nyuma yo gutandukana n’uwo twabyaranye mujyana kwiga ibijyanye n’inyunganirangingo imyaka itanu mu Buyapani, ni we nitiriye Japan hanyuma rero kuko nkunda cyane Bob Marley bivuze One Love”.

Rasta yogoshwe imisatsi ye inshuro ebyiri mu buzima bwe

Rasta yemeza koa amadiredi akomoka mu Rwanda

Gatera Rudasigwa avuga ko yakunze cyane imisatsi y’amaderedi akaba yarayigize akiri muto, yaje kuyogoshwa ubwo yari agiye gushyingirwa mu rwego rwo kutababaza ba nyirasenge n’abandi batari bahuje imyemerere, ndetse yongera kuyikatwa ubwo yari afunzwe.

Rasta mu buryo butangaje yemeza ko amaderedi akomoka mu Rwanda, ndetse ko na ba Bob Marley bayakomoye mu Rwanda. Rasta avuga ko abantu benshi bazi ko abarasta bakunda kunywa urumogi gusa avuga ko we atigeze arunywa na rimwe.

Gatera ni umufana wa Kiyovu kuva kera, ariko yaretse kujya ku bibuga nyuma yo gukubitwa n’abasirikare bafanaga Pantheres Noirs muri Camp Kigali, akaba areba umupira kuri televiziyo gusa.

Gatera asaba urubyiruko gukunda umurimo bakawitangira bakirinda ibibarangaza, agasaba ababyeyi kudateshuka ku nshingano zabo bakamenya ko gukunda abana babo atari ukubagira bajeyi, bakamenya kubacyaha igihe ari ngomba.

Rasta akomeje urugamba rwo gufasha abafite ubumuga, kuri ubu akaba ari kubaka ikindi kigo ku Kimihurura nyuma y’uko icyo yari afite ahazwi nko kwa Rasta hasenywe kuko hari hubatse mu gishanga.

Reba Video y’ikiganiro Gatera yagiranye na Kigali Today

Ivy Kerubo ubwo yari muri studio za KT Radio ati "Turashoboye"

Ivy Kerubo ni umuhanzi wakuriye mu gihugu cya Kenya nubwo ababyeyi be baba mu Rwanda. Avuga ko afite indoto ko umuziki we utazaba uwo kuguma mu Rwanda, ahubwo ko ashaka guhagararira Abanyarwandakazi mu kwemeza abanyamahanga.

Yagize ati “Ndashaka guhagararira Abanyarwanda ndirimba mu Kinyarwanda n’Icyongereza, ni indoto zanjye ko tuzabona umuziki wo mu Rwanda ukunzwe nk’uko za Tanzaniya abahanzi babo babaye ibyamamare ku isi”.

Ivy Kerubo ni umukobwa ukiri muto dore ko afite imyaka 20 gusa. Yemeza ko umuziki w’u Rwanda ukwiye kugira ikiwuranga, uwo ari we wese ku isi akabasha kuwutandukanya n’indi miziki ku isi, akaba asaba bagenzi be b’abakobwa bakora umuziki gufatana urunana bakazamurana, bityo indoto bafite bakazazigeraho.

Yagize ati “Erega dufite amajwi meza, tuzi kuririmba, icyari kitugoye ni ukuririmba mu ndimi z’amahanga no gutinyuka tukamenyekanisha umuziki wacu aho ari ho hose. Turashoboye rwose nidufatanya muzaba mureba”.

IVY Kerubo amaze gushyira hanze indirimbo eshatu harimo ikunzwe cyane yitwa ‘Hallo Hallo’, ‘Mama Africa’ na ‘Nipe’ iri mu rurimi rw’Igiswayire.

Igitabo cyanditswe na Padiri Amerika kigamije kubaka umuryango

Muri iki gitabo, Padiri Amerika avuga uburyo umuryango ukwiye kuba ushingira ku buryo abantu babaho, uburyo barerwa n’uburyo babona ibintu mu buzima busanzwe, akaba ari yo mpamvu abantu bazasoma iki gitabo bazabonamo byinshi byafasha umuryango kwiyubaka.

Yagize ati “Iki gitabo nacyanditse imyaka 10 ngitangira nkiri ku ishuri mu Nyakibanda. Nafatiye urugero ku rugo rwa Rugamba Sipiriyani urugero rw’umuryango mwiza no mu nganzo ye aho agira ati Urugo ni urucyeye. Nacyise ‘Urarwubake Cyane’ mvuga ko urugo rukwiye gushingwa rugakomera kandi rugahama”.

Padiri Amerika avuga ko kubaka atari kamere kandi ko atari karande ahubwo ari ishuri aba ashaka kuvuga ko uko umwana akura ibyo atozwa ingero abona ku bandi bimutegura kuzagira umuryango mwiza bikaba bitandukanye n’abibwira ko hari ababivukana cyangwa bakabikomora mu miryango.

Padiri Amerika avuga ko ubuzima bukwiye gushingira ku ngero nziza

Yagize ati “Ugasanga umuntu aravuga ngo azarongora umukobwa w’ibunaka ngo barubaka cyangwa ngo azashaka mu muryango wo kwa naka ngo ntibasenya, ibyo ni ukwibeshya ahubwo ibyo dutozwa uburyo tubaho biduha umusingi w’uko tuzabaho ejo hazaza, ni byiza rero kureba urugo rw’ejo hazaza dushingiye mu muryango”.

Padiri Amerika avuga ko abantu badakwiye kugira impungege z’ejo hazaza bamwe bagatinya gushinga umuryango abandi bakavuga ko biziritseho igisasu, agasanga abantu bakwiye kwerekana ingero nziza ndetse bagafatanya gufasha ingo zijegajega kwiyubaka aho kwisenya no kwicana.

Padiri Amerika yabwiye kandi abibwira ko abapadiri batamenya ibibera mu muryango ko bakwiye kutabyibeshyaho kuko Padiri aturuka mu muryango kandi ko aho aba akorera aba umujyanama ukomeye w’ingo nyinshi zimugisha inama.

Padiri Amerika ubwo yari kuri KT Radio asobanura igitabo cye

Iki gitabo cyitezweho gufasha abazagisoma kwihugura muri byinshi birimo n’amategeko ndetse n’ibanga bashobora gukoresha ngo barusheho kwizihira umuryango n’igihugu muri rusange.

Iki gitabo avuga ko yahisemo kukimurika tariki ya 10 z’ukwezi kwa 10 kuko amaze imyaka 10 acyandika.

Rukundo Charles Lwanga

Rukundo Charles Lwanga yemeza ko uyu mugore iyo akina arenza cyane uko umwanditsi yabishatse kandi aho wamujyana hose akaba yishyira mu mwanya nk’uwo akina mu buryo butangaje.

Yagize ati “Mukandengo wakinnye ari Anasitaziya muri Musekeweya agakina Kivamvari ari mu Runana, ni umukinnyi ntashobora kwibagirwa ni umukinnyi udasanzwe inshingano zose umushinze agerayo. Hari n’abandi rwose ubona ko babikora neza nka ba Shema n’abandi ari ko we afite umwihariko”.

Charles Rwanga Rukundo ibi abivuga nk’umwe mu nararibonye mu makinamico akaba amaze imyaka isaga 25 abikora ndetse akaba yaragize n’amahugurwa mpuzamahanga mu kwandika amakinamico.

Akomeza yemeza ko imyandikire n’imikinire iyo byabaye byiza, ubutumwa butambuka neza kandi abantu bikabashimisha bikanabaruhura.

Yagize ati “Iyo ikinamico yanditse neza ikagira abakinnyi beza b’abahanga nka Mukandengo Athanasie, bitanga ubutumwa buhamye kandi bigahindura imitekerereze, imico n’imigirire y’abantu. Ibanga ngo abantu ntibabirambirwe ni ugutera abantu amatsiko ukanagerageza kubishyira mu buzima busanzwe kandi bagakuramo n’inyigisho”.

Mukandengo Athanasie uzwi nka Kivamvari

Charles Lwanga Rukundo asanga abantu bakwiye kurushaho gukunda amakinamico kuko yigisha akanaruhura akaba afite icyizere ko hazaboneka ahantu abantu bashobora kwidagadurira bakanareba amakinamico nk’uko mu bindi bihugu bigenda akaba afitiye icyizere Minisiteri ibifite mu nshingano.

Charles Lwanga ni umugabo w’imyaka 46 y’mavuko watangiye yandika amakinamico akiri ku ntebe y’ishuri agatsinda amarushanwa atandukanye, akaba hari amakinamico yahaye Radiyo Rwanda ndetse ubu akaba amaze imyaka myinshi yandika ikinamico y’uruhererekane yitwa Musekeweya.

Lwanga yakoranye n’umwe mu banditsi bamenyekanye cyane mu kwandika amakinamico uzwi ku izina rya Mukahigiro Perpertue witabye Imana, uyu mugabo akaba azwi cyane nk’umwe mu baririmbyi b’inkingi za mwamba wa Chorale de Kigali.

Nizeyimana Didier yahisemo izina ry’ubuhanzi rya ’Muchoma’

Ngo asanga ku isi abantu bakunda kugira ibibazo atari bo baba babiteye akenshi abanyabyaha ugasanga babayeho neza kurusha abanyamahoro.

Nyuma yo kubona videwo yatambutse kuri Kigali Today y’umugabo wavugaga uburyo yahawe inzoga atariye agasinda, ngo Muchoma byamuhaye igitekerezo cyagutse (inspiration) cyo guhimba indirimbo yitwa “Nikibazo”.

Yagize ati “Naritegereje ku isi nsanga abahura n’ibibazo atari bo baba babiteje rimwe na rimwe abakora ibihabanye n’ibyo sosiyete yemera ugasanga ni bo bahiriwe mu buzima “

Yongeyeho ati “Mu ndirimbo yanjye nibaza ukuntu abantu badakora ibyo sosiyete ishima usanga batunze batunganiwe nyamara abakora ibyo sosiyete yemera ugasanga babayeho mu buzima budashimishije nkibaza impmvu Imana yabishatse gutyo”.

Uyu Muchoma uzwi mu ndirimbo nka My Love yakoranye na Danny Nanone,Ubuhamya yakoranye na Mico The Best asaba abakungu gusabira abakene n’abanyantege nke.

Reba indirimbo ‘Nikibazo’ ya Muchoma

Reba Video y’umusinzi yamamaye anenga abamuha inzoga atariye

Umuhanzi MPC Padiri yerekeje muri Tanzania gukora amashusho y’indirimbo ye ’I Miss You’

Padiri yatangarije Kigali Today ko aya mashusho azaba ari ku rwego rwiza kandi ko yayafatiye mu nkengero z’inyanja hariya mu gihugu cya Tanzania, akaba avuga ko binashobotse yakorana na bamwe mu bahanzi bakomeye muri kiriya gihugu.

Yagize ati “Iyi ndirimbo ‘I miss you’ izasohoka imeze neza kandi ifite amashusho meza cyane, harimo umukobwa mwiza cyane ndetse akaba ari gukorwa n’abantu babizobereyemo, nshobora no gukorerayo indi ndirimbo, umwanya mfite n’unyemerera”.

Muri iyi ndirimbo Padiri aba aririmbira umukobwa bakundanaga akaba atamuherutse yaramubuze, akaba yemeza ko uzayibona wese azanyurwa na yo.

Padiri yemeza ko uyu mukobwa uri muri iyi ndirimbo azashimisha benshi

Agira ati “Amatage ni amatindi urukumbuzi ni rwinshi, kubaho ntakubona bintera kwibaza byinshi, reba aho wanyuze amaso yaheze mu kirere nsigaranye ka gafoto wansigiye I miss you (ndagukumbuye), umutima uhishe byinshi iyo ngira amababa mba ngurutse nkakubona nkakwibutsa bya bihe byiza twagiranye”.

Padiri yamenyekanye muri iki gihe cya Covid- 19 nyuma yo gufata umwanya wo gutekereza no guhanga, ibintu atajyaga yiyumvamo mbere, none kubera indirimbo, ‘Turashimira’, ‘Ibihe bibi’, ‘Mbaya’, ‘Bibondo’, ‘I miss you’ n’izindi, amaze kwigarurira imitima ya benshi ndetse akaba yifuza ko bitagarukira mu Rwanda gusa.

Agahwayihwayi wamamaye mu guhamagara kuri Radiyo

Ni umugabo wise umwana we Agaciro Development Fund kubera ko yavutse mu bihe iki kigega cyajyagaho, mu kwishimira iyo gahunda abyitirira umwana we.

Mu busanzwe uyu mugabo yitwa Habanabakize Theoneste uri mu kigero cy’imyaka 32, akaba akomoka ku Kabaya mu Karere ka Ngororero. Avuga ko nyina yamwise Agahwayihwayi kubera ukuntu yavutse ari muto cyane, yaba amuhetse ntamenye ko amuhetse.

Yagize ati “Navutse ndi gato cyane mama anyita Agahwayihwayi kubera nta biro nari mfite, ngo hari ubwo navaga mu ngombyi ntamenye ko navuyemo nituye hasi, kuva ubwo abantu bose batangira kunyita Agahwayihwayi”.

Mu busanzwe Agahwayihwayi akora umwuga w’ubufundi ngo aryoherwa no kumva ko avugira kuri radiyo abantu bakabimukundira, ndetse ngo ni na ho yigiye gusetsa kubera ukuntu yavugaga amakuru y’ibyabereye iwabo akabivuga asakuza mu mvuko idasanzwe.

Yagize ati “Nakundaga gutanga amakuru y’ibyabereye iwacu ndi mu kazi kanjye k’ubufundi, nkavuga nti ‘aloooooo’, wampamagara nkagira nti ‘uraaaaaampamagaye’! Ibi bintu rero byasetsaga abantu cyane nanjye ntangira kubikunda gutyo”.

Agahwayihwayi asaba abantu gukunda ibyo bakora kandi bakabishyiraho umutima. Avuga ko kubera kuba ikimenyabose ndetse bakanamenya ko ari umukozi utiganda ku kazi ke k’ubufundi yigiye ku Kabaya, abona ibiraka byinshi bikaba bimutunze ndetse ari umugabo wifashije mu rugo rwe na we ubwe.

El-Rufai El Nasir Guverineri wa Kaduna

Abagore na bo bazajya bahamwa n’icyaha cyo gukoresha abana bato imibonano mpuzabitsina bazajya bacibwa udusabo ducamo intanga.

Ibi byose bizajya biherekezwa no gucibwa amande akomeye mu rwego rwo kurushaho kurengera abana muri iriya ntara.

Mu busanzwe abahamwaga n’ibi byaha bahanishwaga gufungwa imyaka 21 ku wafashe ku ngufu umuntu mukuru, uwafashe umwana agafungwa ubuzima bwe bwose.

Umuvugizi wa Guverineri w’Intara ya Kaduna Mr Muyiwa Adekeye, yagize ati “uzajya ahamwa n’ibi byaha agomba gushahurwa nta yandi mananiza, ndetse n’abagore bagahanishwa kutongera kubyara cyangwa se kwicwa”.

Mu gihe uwakoze icyaha na we ari umwana, umucamanza akazajya aca inkoni izamba akareba igihano gikwiriye abana. Bishatse kuvuga ko umuntu wese usambanyije umwana utarageza ku myaka 14 y’ubukure azajya ashahurwa cyangwa se akicwa.

Umuntu uzajya ahamwa n’ibi byaha kandi azajya yandikwa mu bitabo bya leta, ndetse atangazwe mu bitangazamakuru.

Ibi bije nyuma y’uko abaturage bamaze iminsi bigaragambya binubira Leta yabo, bayishinja kutagira amategeko ahamye arengera umwana.

Iyi ikaba ari yo Leta ya mbere ishyize mu mategeko igihano nk’iki gikomeye mu mategeko, dore ko abadepite bari bamaze iminsi barisinye mbere y’uko rishyirwaho umukono na Guverineri.

Perimana ya Alyn igiye hanze isaba abakundana kurambana

Indirimbo amabara yari yayikoranye na Bushali, Marina na Amalon akaba ahise ashyira hanze indi vuba cyane.

Mu kiganiro yagiranye na Kigali Today, Alyn Sano yavuze ko iyi ndirimbo yayikoze ashaka guha ubutuma abantu bose bakundana, kwibuka ko urukundo ruryoha kandi rugashimisha ari urukundo rwo kurambana.

Yagize ati “Ni byiza kubwira uwo mukundana ko muzarambana, mwene urwo rukundo ni rwo rwa nyarwo nubwo rwagira ibyiza n’ibibi, ariko urutajya rucogora ni rwo ruba ruhamye kandi ari urwa nyarwo”.

Iyi ndirimbo n’amashusho yayo yakorewe ku Kimihurura, Alyn Sano akaba avuga ko atazahagarara muri iyi minsi, gusohora indirimbo, kugira ngo abakunzi be bakomeze kuryoherwa n’inganzo ye.

Yagize ati “Ntabwo ngomba guhagarara, ntabwo muzicwa n’irungu, nzajya mbaha indirimbo rwose kandi zikoze neza, ibihe turimo ni umwanya mwiza wo gusabana n’abakunzi bacu mu ngeri zose”.

Uretse indirimbo ‘Amabara’ aheruka gushyira hanze, hari na ‘Kontorora’ imaze iminsi ibica bigacika muri kano karere, ‘Naremewe wowe’ yakunzwe cyane n’izindi.

Malik ngo yiyemeje kuba umuhanzi w’ibihe byose

Uyu muhanzi avuga ko yagize igitekerezo nyuma yo kubona ko abantu bamwe bibeshya ko bazi gutwara amagare ntibite ku binogo, ibyondo cyangwa ubuhaname rimwe na rimwe bakisanga kwa muganga ndetse bamwe bakanapfa.

Yagize ati “Natangaga inama ntabwo nari ngamije gusubiza indirimbo yitwa Igare. Ni byiza ko abantu batirukira gutwara amagare cyangwa ibindi binyabiziga batabanje kwitondera umuhanda n’ibyo bashobora guhuriramo, kuko bashobora kwishyira mu kaga ndetse bakaba bakwangiza ubuzima bw’abandi”.

Rich Malik avuga ko yatangiye inzira idasubira inyuma yo kuririmba ibinyuze amatwi kandi bifite ubutumwa bwiza bitanga, akaba yizera ko muri iyi muzika abantu benshi bazishimira ubwiza bw’ibihangano azanye dore ko aririmbira ingeri zose.

Yagize ati “Kimwe mu byo ndebaho cyane ni ugushimisha abantu bo mu ngeri nyinshi waba uri umusore cyangwa inkumi waba umusaza cyangwa umukecuru, ni na yo mpamvu nasubiranyemo indirimbo n’umuhanzi uzwi wa kera Mihigo Francois Chouchou”.

Rich ni umwe mu bahanzi bari kuzamuka, azwi cyane mu ndirimbo Girimbabazi na Lucky, kuri ubu akaba amaze gushyira hanze iyitwa Umuhanda.

Abinyujije ku rubuga rwa Twitter, yagize ati “Biteye agahinda gakomeye kubwira isi ko ikiganiro bakundaga (Keeping up With The Kardashians) kigiye guhagarara”.

Iki kiganiro cyari kimaze imyaka 14 gikorwa kuri televisiyo cyahuzaga abavandimwe ba Kim Kardashian, ababyeyi be, inshuti ze n’abana be.

Ikiganiro cyahuriragamo abagize umuryango

Biteganyijwe ko ikiganiro cya nyuma kizakorwa tariki 21 Mutarama 2021.

Yagize ati “Ndashimira cyane mwese mwakunze kandi mukareba kiriya kiganiro mukanadushyigikira mu buryo butandukanye muri iyi myaka 14, byatweretse abo turi bo kandi nzahorana ku mutima mwese abagize uruhare mu kubaka inzira zacu kandi mugahindura ubuzima bwacu.”

Abagize umuryango wa Kim benshi ntabwo bari bazwi mbere y’uko iki kiganiro kibaho muri 2007, Kim we yajyaga agaragara ari kumwe n’inshuti ye Paris mu biganiro nka biriya ndetse na se Robert wapfuye muri 2003.

Iki kiganiro cyabaga kigizwe na Kim Kardashian, barumuna be Kourtney na Khloe n’inshuti ze ndetse n’abagabo bigeze gukunda na bo.

Kim ku myaka ye 39 yabaye icyamamare ndetse akurikirwa n’amamiliyoni y’abantu ku mbuga nkoranyambaga kubera iki kiganiro n’ubwiza bwe. Yashyingiranywe n’umuraperi Kanye West bakaba bafitanye abana 3 ndetse bakaba babarirwa mu baherwe bafite amamiliyari y’amadolari.

Kubera iki kiganiro, Kim yahawe ibihembo byinshi ndetse iki kiganiro cyakundwaga n’abantu benshi ku isi. Impamvu igiye gutuma iki kiganiro gihagarara ntiyahise imenyekana.

Ethan yapfuye afite imyaka 17

Uyu musore wakurikirwaga n’abantu benshi ku mbuga nkoranyambaga, biravugwa ko ashobora kuba yazize kunywa ibiyobyabwenge byinshi n’ubwo nta rwego rurabyemeza.

Umwe mu nshuti ze za hafi bafatanyaga ku mbuga nkoranyambaga Ava Louise, na we yavuze ko abuze umuntu w’umuhanga kandi ko yari umuntu w’agaciro isi ibuze mu buryo bw’amaherere.

Ibitangazamkuru byinshi byakunze kumwerekana nk’umwe mu bantu bari bazi kwisiga ibirungo by’ubwiza, maze isi yose igatangara ndetse abantu benshi bagacika ururondogoro.

Uyu musore yatangiye aka kazi mu mwaka wa 2017, ndetse yahise agira abamukurira barenga ibihumbi 100, byatumye ahita ava mu ishuri gusa ntibyamukundiye, ahubwo yahise atangira kujya ahandi ndetse ahimba uburyo bwe bw’imyambarire yise ‘Hellboy’.

Amwe mu mafoto ya Ethan

Ibyo yikoraga ku mbuga nkoranyambaga byatumye akurikirwa n’amamiliyoni y’abantu bamwe bakamufata nka shitani, ndetse bamwe bakavuga ko ibyo akora ari uburara, bamwe mu bamukurikira bavugaga ko ashobora kuba aronda uruhu, cyangwa se ko yifitemo urwango ku bo badahuje.

Kinsey Wolanski w’imyaka 24 y’amavuko yerekanye amafoto ari kumwe n’ingagi zo mu birunga, andi amugaragaza ari kumwe n’abana umwe ndetse amuhetse.

Yashyize kuri Instagram ye amagambo asingiza ibyiza yasanze i Rwanda aho yagize ati “Ni inzozi nari mfite igihe kinini nibereye ku mipaka y’u Rwanda, Uganda na Kongo nirebera ingagi nziza. Mu myaka itanu ishize, ingagi zari zimerewe nabi ziri mu marembera, ariko ndashimira ibyakozwe n’abashinzwe kuzibungabunga kugira ngo tubashe kuzisura”.

Kinsey Wolanski ni umunyamerikakazi ufite inkomoko muri Amerika no mu Burusiya. Akina filime akaba yaramamaye ubwo yajyaga mu kibuga abakinnyi bari mu kibuga umupira ugahagarara gato polisi ikamwirukaho kugeza imufashe ikamukura mu kibuga.

View this post on Instagram

Gorilla Trekking Rwanda 🦍 This has been a dream of mine for so long. hiking miles into volcano national park on the boarders of the Rwanda, Uganda and the Congo seeing beautiful wild silverback gorillas. Gorillas 5 years ago were critically endangered and have thankfully made a positive progression due to the conservation made by these gorilla trekking tours ❤️🦍 @rarespeciesfund @gorillatrekkinginbwindi

A post shared by Kinsey (@kinsey) on Sep 2, 2020 at 7:53am PDT

Ed Sheeran yaherukaga kuri Instagram mu kwezi kwa Nzeri umwaka ushize wa 2019, akaba yaragarutse aje kubwira abantu ko yabyaye umwana w’umukobwa.

Yavuze kenshi ko bari mu byishimo bidasanzwe n’umugore we Cherry Seaborn kuba baribarutse akana k’agakobwa ndetse ashyira hanze ifoto y’amasogisi y’ako gakobwa.

Yagize ati “Nzanywe no kubabwira ikintu gikomeye, mu cyumweru gishize tubifashijwemo n’abaganga badufashije, Cherry umugore wanjye yabyaye agakobwa keza kandi kameze neza na nyina ameze neza, turanezerewe cyane kubera umukobwa wacu Lyra Antarctica Seaborn Sheeran”.

Yakomeje agira ati “Twizere ko muzubaha ubuzima bwacu bwite, ndabakunda cyane kandi nzababwira ubwo nzongera kugaruka mu buzima busanzwe bwa gihanzi”.

Ed Sheeran ni umuhanzi ukunzwe ku isi akaba azwi mu ndirimbo nka Prefect, I don’t care, Put it all on me, Bibia yeeee n’izindi.

Uyu mukobwa ni we mwana we wa mbere yabyaranye na Cherry Seaborn.

Brenton Tarrant ngo ntacyo yicuza

Umucamanza yavuze ko ibyo yakoze nta bumuntu burimo, yongeraho kandi ko nta mbabazi yagaragaje.

Igitero cyagaragaye muri Werurwe umwaka ushize wa 2019 cyababaje benshi ndetse kibatera ubwoba.

Igihano cya Tarrant na cyo kigaragaza icyaha cya mbere cy’ iterabwoba mu mateka ya Nouvelle-Zelande.

Ku wa kane umucamanza Cameron Mander mu rukiko rwa Christchurch yagize ati: “Ibyaha byawe ni bibi cyane ku buryo n’iyo wafungwa kugeza upfuye, ntabwo byarangiza ibihano bisabwa.

Ku gutanga igihano cya burundu nta kurekurwa, Justice Mander yagize ati: “Niba atari hano ubwo ni ryari?”

Igihano kidafunguye bivuze ko uwakoze icyaha atazahabwa amahirwe yo kuva muri gereza nyuma yo kurangiza igice cy’igihano cye cyose akazagumamo iteka ryose.

Justice Mander yavuze ko igihano nk’ icyo cy’igifungo cya burundu kigenewe gusa “Ubwicanyi bubi cyane.”

Nouvelle-Zelande ntabwo ifite igihano cy’urupfu mu rwego rw’ ubutabera bwayo.

Aba bose bazize Brenton Tarrant

Minisitiri w’Intebe wa Nouvelle-Zelande Jacinda Arden amaze kumva igihano cya Tarrant yagize ati: “Nta mpamvu yo kumutekereza, kumubona cyangwa kongera kumwumva”.

Ati: “Uyu munsi ndizera ko ari wo wa nyuma aho dufite impamvu iyo ari yo yose yo kumva cyangwa kuvuga izina iterabwoba.”

Nyuma y’ubwicanyi Nouvelle-Zelande yazanye amategeko akaze y’ imbunda.

Ku munsi wa nyuma w’iburanisha ry’ iminsi ine, Justce Mander yamaze hafi isaha n’ igice yibutsa Tarrant kuri buri muntu yishe kandi agakomeretsa. Yongeraho ko nubwo uwitwaje imbunda yemeye icyaha, umuntu witwaje imbunda yagaragaye nta kwishisha cyangwa ngo agire isoni.

Iki cyaha yagikoze ubwo yinjiraga mu misigiti ibiri akarasa abantu 51 b’Abayisilamu abaziza idini ryabo. Icyababaje abantu benshi ku isi ndetse kikabatera ubwoba ni uko uko yabikoraga yifataga n’amashusho.

Brian n’umugore we Erin ntibemeraga ko Coronavirus ibaho

Brian Lee Hitchens n’umugore we Erin, bavuze kenshi ku mbuga nkoranyambaga bemeza ko iyi virusi ya Corona ari impimbano ko ari ibicurane byakozwe ngo bitere abantu ubwoba.

Aba bombi banze gukurikiza amabwiriza yo kwirinda baza kurwara mu kwezi kwa Gicurasi, Brian yaje koroherwa ariko umugore we yakomeje kuremba kugeza ahitanywe n’umutima ariko ukaba warakomejwe na coronavirus.

Uyu mugabo yari yabwiye BBC mu kwezi kwa Nyakanga ko ibivugwa ari impuha ndetse ko Coronavirus itabaho, nyamara umugore we yari mu byuma bitanga umwuka mu bitaro icyo gihe.

Erin umugore we yari asanzwe ari pasitoro akaba yarasanzwe afite uburwayi bwa asima no guhumeka nabi.

Umugabo yavuze ko batigeze bakurikiza amabwiriza yo kwirinda mu ntangiriro, bitewe n’ibyo basomaga ku mbuga nkoranyambaga ndetse na bo bafata icyemezo cyo kwifatanya n’abahakanaga iyi ndwara babatiza umurindi.

Brian yakomeje gukora akazi ke ko gutwara abagenzi be ntacyo bimubwiye, akazanira imiti y’uburwayi busanzwe umugore atitaye ku kwambara agapfukamunwa cyangwa intera hagati n’abantu.

Byaje kurangira barwaye C0vid-19 ndetse biragorana ko bahita babona ubutabazi bwihuse. Brian yabwiye BBC ko ababajwe no kuba yaranze kumvira inama yagirwaga, gusa akaba afite icyizere ko umugore we azamubabarira mu ijuru.

Yagize ati “Iyi virus ni ukuri kandi ijegeza abantu batandukanye sinabasha guhindura ibyahise, icyo nakora ni ukubaho neza uyu munsi kandi ngahitamo neza ejo hazaza”.

Yongeyeho ati “Umugore wanjye ntakibabara ubu yibereye mu mahoro, ubu ngiye mu buzima busanzwe ntamufite ndababaye gusa ndizera ko yageze ahera mu ijuru”.

Brian avuga ko atari yarigeze yemera ko iyi virus ibaho ko yahimbwe ikaba ifitanye isano n’ikoranabuhanga rya 5G cyangwa ikaba inariho ariko igakabirizwa.

Yagize ati “Twiyumvishaga ko Leta yabizanye ngo itubuze amahwemo bihuza n’ibyo twasomaga kuri Facebook natwe tukabishyigikira. Ndasaba ko umuntu wese utembera hanze akwiye kwitonda, sinifuza ko mwaba ibicucu nk’uko jyewe n’umugore wanjye byatugendekeye”.

Video y’indirimbo ‘We don’t care’ yari imaze kujya hanze

Umuhanzi Meddy akibibona yahise ashyira utumenyetso kuri instagram twerekana ko atunguwe no kuba indirimbo ye yasibwe.

Abantu batandukanye ku mbuga nkoranyambaga bahise barya karungu batangira kuvuga ko batishimiye ibyakozwe n’abantu ba Wasafi, ndetse bamwe babifata nko gusuzugura umuhanzi Meddy.

Birakekwa ko bashobora kuba bapfuye amafaranga batishyuwe mbere y’uko indirimbo ijya hanze, cyangwa se ko yaba yashyizwe hanze mbere y’igihe bumvikanye, gusa kugeza ubu nta ruhande ruragira icyo rutangaza ku kuba abantu bo muri Wasafi basibye indirimbo nshya bakoranye na Meddy.

Mu masaha make ashize, Meddy yaje kwandika kuri Instagram ko indirimbo yakoranye n’abo bahanzi yasubiye kuri YouTube, ndetse avuga ko hari habayeho ikibazo cya tekiniki.

Yanditse ati “Twari twagize akabazo kari Technical (ka tekiniki), ariko ibintu byatunganye. Mwakoze kutwihanganira".

Dr. Nyirinkwaya abitse amafoto y’abana bose bavukiye mu bitaro bye

Kigali Today yaganiriye na Dr. Nyirinkwaya Jean Chrysostome, umugabo wabonye izuba mu 1954 agakura yifuza kuzaba umusirikare cyangwa kuba umukanishi, bikaza kurangira yisanze ari umuganga.

Kuba atarabashije kuba umusirikare bisobanurwa n’uko yakuriye mu buhungiro i Burundi, bityo kuba umusirikare uri impunzi bikaba ari ibintu bitoroshye ngo ujye mu ngabo z’ikindi gihugu.

Kuba yarabaye impunzi ngo biri mu bintu atazibagirwa, ndetse akaba ari ibintu asanga bibi yagize mu buzima no kuba yarabuze murumuna we ababyeyi be ndetse n’inshuti.

Imyaka Dr. Nyirinkwaya amaze ari umuganga ni imyaka y’umunezero kuri we, dore ko ari umuganga w’abagore (gynecologue), iyi mpamyabushobozi akaba yarayikuye mu gihugu cya Senegal.

Dr. Nyirinkwaya asanga umwuga w’ubuganga ari umwuga umuntu akuramo ibyishimo kuruta indi myuga, kuko buri munsi wunguka inshuti, byanatumye buri mubyeyi yabyaje asigarana ifoto ye ndetse n’iy’umwana.

Yagize ati “Iyo umukobwa yaje kwivuza muba inshuti ejo akazana na mama we na we mukaba inshuti. Uyu mwuga utanga umunezero cyane cyane ko wunguka inshuti nyinshi, umubyeyi akakuzanira ifoto ye biranezeza. Hari ahantu nashyiraga buri foto ya buri mwana na nyina nabyaje, gusa kubera iterambere nsigaye mbabika muri terefoni yanjye”.

Dr. Nyirinkwaya avuga ko iyo wabaye inshuti n’umuntu bituma muhorana bityo ukanagira amafoto ye. Asaba abakiri bato gukunda kwihugura no gukorera mu ma ‘Cliniques’ ku baganga bakamenya ibintu bishya, bagahora bafite amakuru mashya kandi bakibuka kwerekana urugwiro mu kazi kose bakora cyane cyane abaganga.

Yagize ati “Burya iyo umuntu aje akugana uri muganga akeneye ko umuramutsa ukamwakira nk’umuntu n’urukundo, yaba ari umukire cyangwa umukene aba aje afite ubwoba agukeneye, mufatire umwanya wirinde kurondogora kugira ngo udatinza abandi ariko abone ko wamwitayeho”.

Mu buzima busanzwe, Dr. Nyirinkwaya akunda umuziki no kuwumva cyane cyane ‘country music’, akaba yarigeze gukina mu cyiciro cya gatatu mu ikipe yaje kubyara Vitalo y’i Burundi, gusa kuri ubu asigaye akora siporo yo kugenda n’amaguru kuko ivi rye ryigeze kwangizwa n’impanuka yigeze gukora.

Akunda umupira w’amaguru, agakunda APR FC cyane gusa akavuga ko na Rayon Sports imushimisha, agakunda abakinnyi nka Christiano Ronaldo, Messi, muri Formula one agakunda Hamilton, akaba yarakundaga amagare agikinamo Armstrong.

Video: Salomon George

Bushayija agiye gutambagiza abakunzi be urugendo rwe rw’urukundo na Elina

Nyuma y’uko ubwo Bushayija na Elina bahuriraga mu bukwe ahahoze hitwa ku Gisenyi baje gukundana ndetse bakajya banandikirana bakanasurana, byaje kurangira Bushayija abwiwe ko yabenzwe n’uwo mukobwa bitewe n’uko bakomoka mu bice bitandukanye.

Yagize ati “Nashegeshwe no kumva ko uwo twakundanaga ndetse yarananyemereye ko tuzabana yambenze ngo kubera ndi umunya Gisenyi we yari umunya Butare, gusa ni ababyeyi babimubujije ubwo mbura gutyo uwo nabonaga ari umugore w’inzozi zanjye”.

Bushayija avuga ko uwo mukobwa bamenyanye bombi ari abarimu bakandikirana kenshi bikaza guhagaragara kuko umukobwa atari agisubiza amabaruwa ya Bushayija, kugeza anarongowe.

Kuva ubwo mu myaka ya 1986 baje kongera guhura muri 2015, bibukiranya uburyo bakundanye ndetse n’uburyo Elina yajyaga akurikira radiyo akumva indirimbo yahimbiwe agashengurwa n’agahinda agafunga radiyo.

Yagize ati “Twarahuye duhujwe n’umuntu wamushakishije yambwiye ko iyo yumvaga iriya ndirimbo yahitaga afunga radiyo kubera agahinda, yanansabye ko ntazigera na rimwe muhuza n’itangazamakuru kugira ngo bitazaba igitaramo gikomeye kuri we”.

Uru rukundo rw’aba bombi ni rwo rugiye kujya mu mashusho umuhanzi akereka inzira ikomeye kandi igoye urukundo rwa kera rwacagamo, by’umwihariko mu rukundo rwe na Elina.

Yagize ati “Ni inkuru y’urukundo nifuza kweraka abantu uko byari byifashe neza neza umunsi ku wundi, iyi ndirimbo izaza isobanura neza uburyo Elina yambenze atabishaka kubera umuryango, uburyo nahoraga ngenda njya kureba uwo nkunda akancika atanambwiye bye bye (atansezeye)”.

Bushayija yaje gushaka undi mugore babyarana abana babiri b’abakobwa, gusa umugore na we yaje gupfa, kuri ubu akaba agiye kumara amezi abiri ashatse undi mugore ku myaka isaga 62.

Pasiteri Christopher Ndayisenga acuranga saxophone neza cyane

Ubu bwoba ngo yabugize nyuma yo kubona uburyo iki cyorezo cyayogoje ibihugu bikomeye by’ibihangange, ndetse kugeza ubu umuti cyangwa urukingo ukaba utaraboneka kandi bivugwa ko ntakibananira.

Yagize ati “Umugabane nk’uyu wa Afurika ufite ibihugu byinshi biri mu nzira y’amajyambere nta bushobozi bwinshi bifite, tekereza kiriya cyorezo cyizanye ubukana nk’ubwo twabonye mu bihugu byishoboye wibaze uko byagenda, nasanze nta kindi cyaturamira uretse igisubizo ku Mana”.

Pasiteri Ndayisenga ni umwe mu bahanzi bize gucuranga ‘Saxophone’ akaba afite ebyiri ndetse ikaba yumvikana muri iyi ndirimbo Afurika.

Muri iyo ndirimbo asaba Abanyafurika bose kugandukira Imana kugira ngo iki cyorezo ntikizahungabanye uyu mugabane n’ubundi wisanganiwe ibibazo byinshi.

Iyi ndirimbo iri muri album ya kabiri yakoze, nyuma y’uko iya mbere akiri kuyikosora ndetse akaba yiteze ko mu gihe cya vuba izaba yabonetse.

Yagize ati “Maze gukora indirimbo zirenga kuri 200, nari nakoze album ya mbere nza gusanga harimo amakosa kubera production y’icyo gihe 2012, ubu ndi kugerageza kuyikosora nanononsora album ya kabiri ari na yo iriho Afurika”.

Mu mwaka wa 1994 Pasiteri Christopher yabarizwaga mu Karere ka Musanze aho yakoreraga umurimo w’Imana muri Korali yitwaga ‘Komeza ubutumwa’ yo mu itorero ry’ ADEPR, nyuma aza kuyivamo mu 1995 yerekeza mu yindi Korali yitwa ‘Intumwa’ yo mu Karere ka Musanze, iyo korali akaba ari na yo yatangiriyemo gucuranga kuko yabikundaga cyane.

Iyi Korali yaje kumubonamo impano yo gucuranga, nyuma yaho ni bwo bahise bamushyira ku rutonde rw’abagombaga kwiga umuziki muri iyo korali, ahagana mu mwaka wa 2000 ni bwo Pasiteri Christopher yatangiye kuririmba ku giti cye.

Abaturage barema isoko ry’amatungo rya Rugari barasaba ko ryafungurwa

Aba baturage bavuga ko andi masoko yose yafunguwe akubahiriza amabwiriza yo kwirinda coronavirus, ariko ntibamenye impamvu isoko ry’amatungo ryo ryangiwe gufungura.

Ntabyera Augustin atuye mu murenge wa Macuba, avuga ko yabuze uko agurisha amatungo ye ngo yikenure kandi hari byinshi asabwa mu muryango.

Yagize ati “Nta soko dufite riri hafi aha ry’amatungo, iryo twaguriragaho tukanarihariramo ni irya Rugari. Tuzishyura dute ubwisungane tutari bubashe kugurisha amatungo yacu, kuki andi masoko yafunguye iry’amatungo bakaryangira”.

Nyiransabimana wo mu Murenge wa Gihombo, we asanga abayobozi bakwiye kumva ubusabe bwabo bagakoresha uburyo busanzwe bukoreshwa bwo kwirinda icyorezo cya COVID-19 ariko bakabasha kubona amatungo.

Yagize ati “Ubu ushaka kurya agasake bigusaba kujya mu biturage cyangwa irindi tungo, erega hari ukuntu ubona amafaranga utayagura agatungo agapfa ubusa, turi mu bukene rwose batwumve”.

Umuyobozi wungurije w’Akarere ka Nyamasheke ushinzwe iterambere ry’ubukungu, Ntaganira Josue Michel, yasabye abaturage ba Nyamasheke kwihangana mu gihe gito ko iri soko riza gufungurwa vuba, kuko barifunze bashaka gukingira abaturage icyorezo cya COVID-19.

Yagize ati “Ririya soko ryaremwaga n’abantu benshi baturutse hirya no hino yewe n’abo muri Kongo. Mwumvise ko iki cyorezo cyagaragaye mu Murenge wa Gihombo uri hafi ya ririya soko, urwo rujya n’uruza byari kugorana kurugenzura, gusa ndabizeza ko mu gihe cya vuba cyane cyitarenze icyumweru haba inama y’umutekano itaguye, tukabyigaho kandi hazavamo umwanzuro mwiza”.

Isoko rya Rugari ni isoko mpuzamahanga ry’amatungo riremwa n’abaturage b’ingeri zose mu Rwanda no muri Repuburika ya Demukarasi ya Kongo.

Yagize ati “Namaze gushyiraho itariki ntarengwa ya 15 Nzeri 2020 iyi sosiyete y’Abashinwa ByteDance ntizaba igikorera muri Leta Zunze ubumwe za Amerika, keretse Microsoft y’Abanyamerika cyangwa indi sosiyete yemeye kuyigura”.

Ibi bije nyuma y’uko ibi bihugu bikomeje kurebana ay’ingwe mu bijyanye n’ubukungu na politiki, Amerika igashinja u Bushinwa gukoresha ruriya rubuga nkoranyambaga mu bikorwa by’ubutasi cyane ko u Bushinwa bwanze kenshi gufatanya n’Abanyamerika kumenya ibikorerwa kuri ruriya rubuga.

Imwe muri Sosiyete ikomeye mu bijyanye n’ikoranabuhanga Microsoft ihagarariwe na Satya Nadella yagiranye ibiganiro na Perezida Donald Trump bumvikana ko bagura iriya Tik Tok muri Amerika.

Nyuma y’uko guhura, byemejwe ko ibiganiro bigiye gukorwa bikazaba byagize icyo bigeraho bitarenze tariki 15 Nzeri 2020.

Tik Tok ikoreshwa cyane n’abantu bari hagati y’imyaka 15 na 25 bohererezanya utuvidewo duto. Abo bantu bakabakaba muri miliyari ku isi yose bakohererezanya utuvideho n’utuziki cyangwa inzenya, ibintu Amerika idashira amakenga ikemeza ko niba bidakoreshwa mu butasi, u Bushinwa bwakwemera ko Amerika igira ubushobozi bwo kuyigenzura.

Igitabo cya Padiri Hildebrand Karangwa cyamaze gusohoka

Ni igitekerezo yanditse nyuma y’uko ku itariki 02 Kamena 2018, CNLG itangaje ko Musenyeri Andereya Perraudin yagize uruhare mu iyandikwa rya Manifesite y’Abahutu yo ku wa 24 Werurwe 1957, bityo akaba yaragize uruhare rukomeye mu gusenya ubumwe bw’Abanyarwanda.

Iki gitabo cy’amapaji 331 yacyise ‘PARMEHUTU (1959-1973): IMWE MU NKOMOKO ZA JENOSIDE YAKOREWE ABATUTSI MU 1994.’ Kabgayi na Kayibanda.

Padiri karangwa avuga ko mu bushakashatsi yakoze, yabonye ko Mgr Perraudin yagize uruhare rutaziguye mu mateka ya Parmehutu.

Ntiyigeze afata ikaramu ngo yandike Manifesite y’Abahutu, ariko muri ubu bushakashatsi hagaragaramo uburemere bw’icyo bita ‘contexte’, ni ukuvuga amateka y’ibihe n’ahantu akenshi birusha imbaraga ‘texte’, ni ukuvuga inyandiko nka Manifesite y’Abahutu ubwayo.

Yagize ati “Mgr Perraudin mushyira muri contexte si we wateguye Manifesite y’Abahutu ngo ayandike n’ikaramu, ariko yabikoze mu buryo buziguye, yaje mu buryo bwo kubogamira ku Bahutu yibagirwa Abatutsi, kuba yaremeye ko Parmehutu iganza imyaka 13 ni uburangare n’ubushishozi bukeya”.

Ibi, umushakashatsi Padiri Hildebrand Karangwa abigaragaza ahereye ku byo Musenyeri Perraudin ubwe yanditse muri 2003, aho avuga ko Jenoside yakorewe Abatutsi mu Rwanda mu 1994 nta kidasanzwe kirimo, ndetse n’aho yigeze kuvuga ati “je condamne mais je comprends”.

Mu gitabo cye yanditse icyo gihe muri 2003, Musenyeri Perraudin yongeraho ko ari imikorere y’abirabura, bikerekana ko na mbere hose yari afite imyumvire ya gikoloni.

Iki gitabo kigizwe n’ibice bibiri. Mu gice cya mbere, umushakashatsi yerekana amavu n’amavuko ya Parmehutu n’uruhare rw’abakoloni mu macakubiri.

Mu gice cya kabiri, akibanda ku ruhare rwa ba Musenyeri Classe na Perraudin, umwe abogamira ku Batutsi undi ku Bahutu, birengagije imibereho n’imibanire nyayo y’Abanyarwanda.

Padiri ngo ntiyari azi ko hari impano imwihishemo

Ubwo Abanyarwanda bose bari muri gahunda ya #Gumamurugo kubera icyorezo cya COVID-19, nyuma yo kwitekerezaho akanaririmba, yahimbye indirimbo ndetse ahita ayijyana muri studio birangira akomerejeho.

Yagize ati “Nakundaga kuririmba ngasubiramo indirimbo z’abandi, sinari nzi ko nanjye naba umuhanzi nkaririmba nkabishobora. Nabyiyumvisemo ubwo twari muri Guma mu rugo ni bwo nafashe icyemezo numva inganzo indimo”.

Kugeza ubu Padiri amaze gukora indirimbo icyenda, akaba yarahereye ku ndirimbo ‘Rwatubaye’ avuga ubwiza bw’u Rwanda, akomeza aririmba ingabo zabohoye igihugu agira ati “Turashimira”.

Kuri ubu amaze gushyira hanze indirimbo yatuye umugore we amushimira ko yamubyariye abana beza ndetse amushimira urukundo amwereka buri munsi.

Gukunda kuririmba byatumye Padiri amenya impano atigeze amenya mbere

Yagize ati “Byabaye ngombwa ko ndirimbira umugore wanjye Denise, mbikora mu ibanga njya muri studio ndayikora ndetse nshyiramo n’abana banjye, ubwo nari ndi mu rugo ndayimwumvisha agwa mu kantu, arishima cyane kuko n’ubundi ni uwanjye iteka ryose”.

Padiri avuga ko ababazwa n’abana yabonye bafite impano haba mu miririmbire no guhanga, ariko bakaba badafite uburyo bw’amafaranga ngo bashyire ku mugaragaro imbuto zabo z’ubuhanga.

Izi ndirimbo hafi ya zose yamaze no kuzikorera amashusho kandi akaba avuga ko inganzo afite itazahagarara.

Imwe mu mafoto yarakaje abana b’ibwami

Iki kirego cyatangiwe mu rukiko rw’i Los Angeles, California ku wa Kane w’iki cyumweru, aho umuntu utaravuzwe izina yafotoye umwana wabo w’umwaka n’amezi abiri ubwo uyu muryango wari wibereye mu rugo muri gahunda ya guma mu rugo (lockdown).

Uyu muryango w’ibwami ukaba uvuga ko gushyira hanze ariya mafoto ari ukuvogera ubuzima bwabo bwite.

Umunyamategeko wunganira igikomangoma Harry na Meghan, Michael Kump, yemeza ko amategeko ya Amerika abuza abantu kuvogera ubuzima bwite bw’abandi.

Yagize ati “Buri muntu na buri muryango muri California, amategeko amurinda kuvogerwa mu buzima bwe bwite, nta ndege izo ari zo zose cyangwa ibikoresho bifotorera kure byemerewe kuvogera urugo rw’umuntu”.

Yakomeje agira ati “Uyu muryango w’umwana w’umwami w’u Bwongereza barashaka gukingira ubuzima bwite bw’umwana wabo wafotowe batabishaka ndetse bagashaka guha gasopo n’abandi bazabigerageza”.

Umunyamategeko wabo kandi avuga ko uriya muryango ukomeje kuzengerezwa na ba paparazzi (bamwe bihisha bagafotora ibyamamare), bakabatera mu rugo rwabo, bagaca za senyenge ndetse bagakoresha n’indege bagamije kubabuza umutekano w’ubuzima bwite bwabo.

Uyu muryango w’ibwami ukaba warabonye amafoto muri Mail on Sunday na Mail Online, ibintu basanga bidakwiye ku muryango wabo.

Hagati aho Meghan yari aherutse gutangaza ko ibwami batamurwanirira kuko bamubujije kwiyama ibinyamakuru byamugendagaho ubwo yari atwite.

Abashyize hanze ariya mafoto bakomeje guhakana ko bayafashe mu buryo budakurikije amategeko no kuvogera umuryango wa Meghan na Harry.

Derek Chauvin n’umugore we batahuweho ko batigeze bagaragaza imisoro babereyemo Leta ya Minnesota, bakaba baranyereje miliyoni zisaga 35 z’amafaranga y’ u Rwanda, angana n’amadorari ya Amerika ibihumbi 38.

Uyu mupolisi yamamaye ubwo yafotorwaga atsikamije ivi ku ijosi ry’umwirabura iminota irenga umunani, akamuheza umwuka kugeza apfuye.

Ibi byateye umujinya ukomeye abantu badakunda irondaruhu bituma bajya mu mihanda bamagana iyicwa ry’abirabura bazizwa ko ari abirabura.

Uyu mupolisi yahise yirukanwa ku kazi ndetse arafungwa ashinjwa kwica umuntu, abo bari kumwe batatu na bo barirukanwe mu kazi bakaba bashinjwa ubufatanyacyaha mu kwica umuntu.

Chauvin n’umugore we Kellie bakaba bashinjwa n’urukiko rwa Washington gutanga amakuru atari yo ku kazi bakoraga n’ibyo bacuruzaga, bagamije kunyereza imisoro ya leta.

Umushinjacyaha Imran Ali, yavuze ko iriya misoro yatangajwe ishobora kuziyongera kuko iperereza rigikomeje, harebwa niba nta handi uyu muryango wabeshye kugira ngo ukwepe imisoro.

Barore Cleophas yamamaye mu gusoma ibinyamakuru byasohotse kuri Radiyo Rwanda

Ni umwe mu banyamakuru bakunzwe cyane kugeza ubu, bitewe n’ubuhanga yagiye agaragaza mu gusoma ibinyamakuru mu kiganiro ‘makuru ki mu binyamakuru’ kuri Radiyo Rwanda kiba buri wa gatandatu, ndetse akundirwa uburyo ayobora ibiganiro kuri Radiyo na Tereviziyo Rwanda.

Barore avuga ko ubu bunanaribonye yabukuye mu kuba yarize mu kigo cy’abihayimana cya IFAK na kaminuza, dore ko yatangiye kwiga yizeye kuzaba umupadiri bikarangira akundanye n’umukobwa watumye ahindura icyerecyezo, kuri ubu akaba yubatse afite umugore n’abana batandatu yabyaranye n’uwo bakuranye banaturanye.

Uyu mugabo wavukiye muri Gicumbi akaza kubana n’umuryango we i Rwamagana, yaje kuba umupasitoro muri ADEPR, nyuma y’uko yari umusinzi ukomeye ndetse ntanatinye kwisengerera udukumi.

Agira ati “Icyo ngiyemo cyose nkijyamo wese. Nari umusinzi ukomeye abo tujyanye mu kabari babaga bazi ko tugiye kunywa bya nyabyo, naranywaga nkanasinda nari narabaye imbata y’inzoga, no mu bakobwa ninyabyagayo gusa ntabwo nigeze mba imbata y’ubusambanyi”.

Barore avuga ko nubwo yijandikaga muri ibyo, n’iyo yageraga ku kazi na ko yagakoraga atiganda kandi mu buhanga n’umurava, ndetse ibyo yashayemo yaje kubivamo arakizwa burundu ndetse aba umurokore.

Mu bintu byamukomereye mu itangazamakuru ni ukuba abanyamakuru batagira umushahara munini, ku buryo umunyamurava utarikunda utanarifitiye umuhamagaro byamugora kurirambamo.

Yagize ati “Kimwe mu bintu byankomereye ni ukuba uyu mwuga wacu nta mishahara ifatika tugira, kabone nubwo wabona akamisiyo rimwe na rimwe. Za Nyarutarama, za Norvege wumva, burya umunyamakuru ntiyapfa kuhatura, usanga muri karitsiye ari ugupfundikanya, icyatumye mpanamba ni uko nagiye muri uyu mwuga nywukunda”.

Barore avuga ko ikindi gihembo gikomeye cy’umunyamakuru ari uko ibyo akora ababyumva n’ababibona bamushimira bikamutera ishema, rimwe na rimwe ubwo bwamamare bukaba bugushayo benshi nko kugurirwa amayoga no gukundwa n’abakobwa.

Barore kandi asanga igihe kigeze ngo ave mu mwuga, ndetse rwose ko abonye ahandi hamuha amasaziro meza yahajya, ibintu ubundi atigeze atekereza mu myaka itambutse.

Bamubwiye ko azayobora ikiganiro n’Umukuru w’Igihugu arara adasinziriye

Mu byo atazibagirwa mu mwuga we w’itangazamakuru ni umunsi bamubwiraga ko azayobora ikiganiro n’Umukuru w’Igihugu Paul Kagame bwa mbere kuri Radiyo na Televiziyo y’u Rwanda.

Yagize ati “Nararyamye ariko nasinziriye amasaha make. Nagize ubwoba gusa numva ko ari inshingano, igihe kigeze umuyobozi wanjye yarambazaga buri kanya ati uri tayari? Nkumva ubwoba bubaye bwose gusa nkihagararaho nti ndi tayari. Aranambwira ati ubu rero umenye ko uduhagarariye twese kandi uhumure tukuri inyuma”.

Barore ashima ko akimara gutangira ikiganiro yabikoze neza ndetse n’ikiganiro kikagenda neza, ahanini akaba yarabikesheje ubunararibonye bwe ariko kandi n’ikipe bagiteguranye ubuhanga.

Mu bundi buzima busanzwe, Barore Cleophas asaba abakiri bato gutekereza ejo hazaza habo, cyane cyane akebura abiyambika ubusa cyangwa bakaririmba indirimbo z’urukozasoni.

Yibutsa n’abanyamakuru ko gukora itangazamakuru kinyamwuga kandi urikunze bitanga imigisha n’ibyishimo.

Paul w’i Mushubi ngo ashima ko atakiri umutebo ahubwo yasirimutse

Ibi ni byo byatumye n’abandi baturage batangira kunga mu ryo yari yatangije na bo batangira kwandikira Inteko Ishinga Amategeko, kugeza Itegeko Nrivuguruwe.

Uyu musore wavukiye mu karere ka Nyamagabe mu Murenge wa Mushubi, avuga ko yagiye ahabwa ibihembo bitandukanye kubera ubutwari yagiye agira abyibwirije nko gukunda guhamagara ku maradiyo atandukanye avuga ibyiza biri iwabo no gusuhuza abantu b’iwabo i Mushubi.

Yagize ati “Naje i Kigali mbana na mukuru wanjye, nari mfite imyaka 17. Numvaga mfite ishyaka ryo guhamagara buri radiyo ngasuhuza abaturage ba Mushubi kuko nari narabasize mu cyaro, nasuhuzaga abantu bakabikunda ndetse na mukuru wanjye bikamugeraho akangurira ama inite yo guhamagaza. Nageze ubwo mvuga n’ibyiza by’iwacu maze abayobozi batangira kubikunda”.

Paul w’i Mushubi yahembwe moto eshatu, imwe yahawe n’Akarere ka Nyamagabe n’izindi yahawe na Polisi y’u Rwanda, ngo akaba yarazifashishije mu kwiteza imbere. Avuga kandi ko yagiye ahabwa ibindi bihembo n’amasosiyete atandukanye kubera kumenyekana.

Gukunda radiyo ngo byaje ubwo yatekeraga abasirikare mu ishyamba rya Nyungwe, kuko bakundaga gukina igisoro bumva radiyo akajya kureba aho bakina, abakunda gutyo ndetse anakunda radiyo. Ibi ngo ni byo byatumye abakurikira akajya abatekera.

Yagize ati “Nakundaga abasirikare cyane kuko babanje gukambika hafi y’iwacu i Mushubi, baje kwimuka ndabakurikira tujya mu ishyamba rya Nyungwe nkajya mbatekera, bakwimuka tukimukana, iyo bahembwaga buri wese yakoraga ku mushahara we bakampemba”.

Mu buzima busanzwe Paul w’i Mushubi ni umushabitsi wikorera ku giti cye, akaba afite indoto zo kuzashaka umugore mu gihe cya vuba ndetse akaba avuga ko azarinda asaza adatezutse guhamagara ku maradiyo avuga ibyiza bigerwaho n’Abanyarwanda ndetse no gusabana na bo, akaba umufana ukomeye wa APR FC.

Paul w’i Mushubi ashima kuba atakitwa umutebo (uko bitaga abaturage ba Gikongoro) ahubwo akaba we n’abaturage b’iwabo baramaze kwiteza imbere ndetse n’inzara itahasibaga ikaba itakiharangwa, byose ngo asanga byaraturutse ku miyoborere myiza iranga iki gihugu cy’u Rwanda.

Perezida wa Afurika y’Epfo yamaganywe cyane n’abanywi b’inzoga

Mu guhangana n’iki kibazo cy’ubwiyongere bw’abarwayi kwa muganga kubera coronavirus, Afurika y’Epfo yongeje kubuza abaturage kugenda nijoro hagamijwe kugabanya impanuka zo mu muhanda, ndetse kwambara agapfukamunwa ku baturage bose bigirwa itegeko mu gihe bari mu ruhame.

Mu kiganiro kuri televiziyo y’igihugu cyatambutse ku cyumweru, Perezida wa Afurika y’Epfo Ramaphosa yavuze ko abo mu nzego zishinzwe ubuzima, bababuriye ko hashobora kubaho ikibazo cy’ibura ry’ibitanda mu bitaro na oxygen mu gihe Afurika y’Epfo yamaze kugera ku kigero cyo hejuru ku banduye covid-19.

Yavuze ko ibitaro bimwe na bimwe byagiye bisubizayo abarwayi ku bwo kubura aho kubashyira kuko ibitanda byaho byuzuye.

Ramaphosa yavuze ko kuva aho gucuruza inzoga no kuzikwirakwiza byongeye gufungurira muri Kamena, ibitaro byagiye byakira umubare munini w’abarwayi, ndetse n’inkomere biturutse ku businzi.

Ubwiyongere bwa covid-19 muri Afurika y’Epfo nk’uko bitangazwa na kaminuza ya Hopkins. Byatumye iza mu myanya y’imbere mu bihugu bifite ubwandu bwinshi, kuko ubu iri ku mwanya wa cyenda mu bihugu bimaze kugirwaho ingaruka na Covid-19.

John Hopkins itangaza ko muri Afurika y’Epfo ubwandu bushya bwiyongereyeho abarenga ibihumbi 10 mu bipimo byemejwe mu minsi ishize.

Igiteye impungenge kurushaho

Afurika y’Epfo ubu ifite 40% ry’ubwandu bwose bugararagara ku mugabane wa Afurika, aho ifite abarwayi 276, 242 hamwe n’ubwandu bushya bungana 12,058 ku munsi umwe.

Byatangajwe ko umubare w’abapfuye ari 4,079, bingana na 25% by’abari bapfuye mu cyumweru cyashize, nk’uko byatangajwe na Perezida Ramaphosa.

Mu gihugu hose hashyizweho itegeko ko nta muntu ugomba kuba ari mu muhanda mu masaha y’ijoro, guhera saa tatu z’ijoro kugeza saa kumi zigitondo, bikaba bigomba kubahirizwa guhera kuri uyu wa mbere.

Kwambara agapfukamunwa na byo byagizwe itegeko ku bantu bose bakora muri servisi zo gutwara abantu, abakozi batandukanye, ba rwiyemezamirimo ndetse n’abubatsi ko bagomba kubahiriza itegeko ryo kwambara agapfukamunwa ndetse no kugenzura ko abaza babagana bagomba kuba bambaye agapfukamunwa.

Ubusinzi budafite rutangira

Perezida Ramaphosa yagaye cyane abaturage bakomeje gukora ibikorwa rusange bihuriza hamwe abantu benshi, harimo ibirori bitandukanye, ndetse no gushyingura bitubahirije amabwiriza yashyizweho, avuga ko bagize uruhare rugaragara mu gukwirakwira kw’iki cyorezo.

Yagize ati “Mu rugamba igihugu cyacu kirimo rwo guhangana n’iyi virus ya corona, hari umubare munini w’abantu bakomeje gutegura iminsi mikuru n’ibirori, bakanywa inzoga ntacyo bishisha, ndetse abandi bakomeza kujya ahantu hahurira abantu benshi nta dupfukamunwa bambaye”.

Afurika y’Epfo ni kimwe mu bihugu byatangaje ingamba zikarishye za guma murugo (lockdown) muri Mata ndetse na Gicurasi, harimo gufunga ibikorwa by’ubucukuzi bw’amabuye yagaciro, inganda n’ibikorwa by’ubucuruzi, ndetse batangaza ihagarikwa ryo kugurisha no gukwirakwiza ibinyobwa bisembuye hamwe n’itabi.

Izi ngamba zari zafashwe zagabanyije umuvuduko w’ubwandu, gusa ubukungu bwa Afurika y’Epfo bwarahazahariye.

Muri Kamena 2020, igihugu cyongeye gusubira mu buzima busanzwe cyoroshya ingamba zari zafashwe aho amamiliyoni y’Abanyafurika y’Epfo bemerewe gusubira mu mirimo. Uku koroshya ingamba byanatumye inzoga zongera gucuruzwa mu masoko yemewe, iminsi ine mu cyumweru.

Nyamara n’ubwo mu byumweru byashize umubare w’abarwayi bashya wakomeje kwiyongera mu bitaro, byatumye Perezida Ramaphosa yongera gutangaza ko icuruzwa ry’inzoga ubu ribaye rihagaritswe.

Abarenga 30% by’abanduye bari mu mujyi w’ubukungu w’Intara ya Gauteng, harimo imijyi minini nka Johnesburg, ndetse n’umurwa mukuru w’ubutegetsi Pretoria.

Ikigo cy’ubukerarugendo cya Cape Town na cyo gifite umubare munini w’abanduye. Umujyi utuwe cyane wa Johnnesburg ndetse n’umujyi w’uburobyi wa Soweto na ho hari mu bafite ubwandu bwinshi nk’uko byemezwa n’ubuyobozi.

Dr. salim uri muri komite yo kurwanya coronavirus ku rwego rw’igihugu igira inama perezida yagize ati “twari tubizi ko koroshya ingamba byagombaga kuzamura umubare w’abandura, gusa igitangaje ni uburyo ubwandu bushya buri ku muvuduko wo hejuru”.

Yakomeje agira ati “Dushobora kwitegura ko imibare mishya y’abandura izakomeza kwiyongera uko ibyumweru bihita”. Agakomeza avuga ko kugera mu kwezi k’Ukwakira bizaba byaratangiye kugabanuka.

Ibi byarakaje cyane abanywi b’agasembuye muri kiriya gihugu ndetse ku mbuga nkoranyambaga bakaba bagaragaje ko batanyuzwe n’iyi gahunda ibabuza kwinywera inzoga ndetse no gusabana bigaragara nko gukerensa iyi ndwara.

Kibonge ni umwe mu bagize uruhare rukomeye mu rugamba rwo kwibohora

Mbabazi Marie Louise uzwi nka Kibonge cya Musituni ndetse akaniyita Hippopotame (imvubu) avuga ko yakuriye mu muryango w’abana 23 akiga wenyine kuko se yari yarashatse abagore batatu ahahoze hitwa Kiyombe, nyamara ko byatumye amenya ubwenge ndetse akaba ageze kuri byinshi.

Kibonge yatangiye gutanga morale Inkotanyi zikiri ku rugamba rwo kubohora igihugu na n’ubu akaba akibikora ibintu yemeza ko ari impano y’Imana byatumye akundwa na benshi ndetse agakorana n’abantu b’ingeri zitandukanye.

Yagize ati “Sinjya nibagirwa uburyo muri 2003 ari jye jyenyine wari uhari mu gushyushya abantu, nazengurutse igihugu cyose ndi kumwe na RPF twamamaza umukandida wacu, ni amateka. Sinzibagirwa 2007 bafungura itorero ry’igihugu uburyo nazamuye Sitade Amahoro yose ikava hasi ikabyina mu mvura ndi jyenyine ”.

Kibonge cya Musituni avuga ko aka kazi ke kamubyariye umugisha wo gukundwa. Byanatumye ahabwa uburyo bwo kwiga ndetse akaba abayeho neza abikesha gutanga morale akabihemberwa akenshi abicishije mu ndirimbo agira.

Kibonge ngo ntajya arakara mu buzima bwe

Si ibyo gusa kuko mu rwego rwo kwerekana ko igihugu kitagokeye ubusa kimugirira icyizere yemeye guhara umushahara we w’ukwezi kwa Mata 2020 ku bushake kugira ngo yifatanye n’abandi Banyarwanda mu kuzahura ubukungu bwazahajwe na Covid-19.

Yagize ati “Nafashe icyemezo cyo gutanga umushahara wanjye w’ukwezi kwa kane ngo mfatanye n’abandi mu kwigomwa muri ibi bihe igihugu cyazahajwe n’iki cyorezo, ntacyo nabona nshimira igihugu cyanjye cyangize uwo ndi we uyu munsi”.

Akundwa n’abantu benshi bikamushimisha

Umwe mu bafana be witwa Mukagasana aherutse kumukubita amaso, amwakirana ubwuzu kwihangana biramunanira araturika ararira amushimira uruhare agira mu gutera Abanyarwanda morale .

Mukagasana yagize ati “Umuntu nk’uyu w’umutima ukomeye udacika intege uhora yisekera kandi wagize akamaro kanini ku gihugu haba mu kubohora igihugu na n’ubu kumubona imbonankubone byankoze ku mutima”.

Mbonimana Lucien ni umwe mu bahuguwe n’uyu Kibonge akaba amushimira ko ari umuhabuzi w’imitima y’abihebye kandi akaba umwalimu mwiza kuko abafasha mu kumva neza ibyo bigishwa.

Yagize ati “Burya indirimbo n’ubutumwa bwazo tubufata vuba kurusha inyigisho nyirizina, uyu Kibonge namumenye ari kuduhugura akatwigisha indirimbo za morale, mufata nk’umwalimu mwiza kandi ukunda igihugu akanakitangira”.

Kibonge mu buhanzi bwe amaze gushyira hanze indirimbo nyinshi nka ‘Mawe Ninkukunda’ aho aba ashimira umubyeyi (nyina) wamubyaye mu bihe bikomeye, se yarabataye, hari ‘Dimba Hasi’, ‘Wimbaza Mama’ , ‘Ingagi Zibarutse’ n’izindi ndirimbo nyinshi agenda ashyira hanze yerekana ibyiza igihugu kigezeho.

Umuti yawise Baranyuzwe

Nyuma yo kumva ibyo Umukuru w’Igihugu yavuze no gusoma ubushakashatsi bwakozwe ku kamaro k’inyabarasanyi, nibwo Natasha Baranyuzwe yiyemeje gukora umuti usukura intoki (Hand Sanitizer) akoresheje inyabarasanyi.

Yagize ati “Nahise mfata iya mbere nkoresha ubumenyi mfite, sinasinziraga kugeza ubwo mvumbuye umuti wujuje ubuziranenge ukoze mu nyabarasanyi”

Baranyuzwe avuga ko uyu muti wapimwe ndetse uhabwa icyangombwa cyo kujya ku isoko kandi ko nta handi wawusanga ku isi ko ari we wenyine wawumbuye agasanga mu minsi ya vuba inyabarasanyi iza kuba igihingwa cy’agaciro.

Yagize ati “mu myaka nka 50 Abanyarwanda bazabona uburyo inyabarasanyi ari igihingwa kidasanzwe bakibonaga nk’igihuru gisanzwe ariko bazabona uburyo ari umugisha ku buzima bw’abantu”.

Baranyuzwe ni umuganga wavumbuye umuti utaba ahandi ku isi

Baranyuzwe avuga ko Abanyarwanda bari bazi ubwiza bw’iki kimera bakagikoresha mu komora abafite ibisebe by’umwihariko mu bakobwa bacaga imyeyo kuko babaga bakomerekeje imyanya ndangagitsina yabo, gusa ngo nticyabyazwaga umusaruro bihagije.

Baranyuzwe asaba Abanyarwandakazi nka we gutinyuka bakibohora nyabyo ubunebwe no gutega amaboko ku bandi kuko bifitemo ubushobozi, kandi bashobora guteza imbere imiryango yabo ndetse n’igihugu cyababyaye.

Laboratwari zikomeye muri Canada, Afurika y’Epfo no muri Zimbabwe zishobora kuba zizahabwa ikiraka mu kumenya igikomeje kwica izo nzovu.

Kugeza ubu inzovu zirenga 350 zimaze kugaragara zapfuye muri aya mezi abiri ashize muri Pariki ya Okavango Delta.

Nta muntu uratahura igikomeje guhitana izi nyamaswa zikomeje kugenda zishira ku isi, cyane ko ba rushimusi bakunda kuzica bashaka amahembe yazo ahenda ku isi.

Umuryango wita ku bidukikije, Conservation Organisation Elephants Without Borders (EWB) wavuze ko ubushakashatsi bwakorewe mu kirere bwerekanye ko inzovu zo mu myaka itandukanye zapfuye nk’uko Reuters yabitangaje.

Dr Niall McCann yabwiye BBC ko abashinzwe ibidukikije ari bo babwiye Leta ya Botswana ibyerekeranye n’urupfu rw’izo nzovu bari babonye nyuma yo kugenda n’indege muri icyo kibaya cya pariki.

Yagize ati “Byari biteye ubwoba kubona mu masaha atatu twahazengurutse twabonye inzovu 169 byari ikintu kidasanzwe, nyuma y’ukwezi kumwe tugenzura twaje kubona inzovu 350”.

Dr Niall avuga ko byari ibintu bitumvikana kubona umubare ungana utyo w’inzovu zapfuye kandi icyo zazize kitazwi.

Leta ya Botswana yari yatanze itegeko ryo kudahiga muri iriya Pariki ku buryo byakekwa ko ari abahigi bazishe.

Icyakora abahanga bemeza ko ari inzovu ziri gupfa gusa ku buryo ziramutse ziri kuzira uburozi n’izindi nyamaswa zagerwaho nk’uko umwaka ushize abahigi bigeze kuziroga.

Dr McCann avuga ko bishoboka ko izi nzovu zishobora kuba zararozwe cyangwa se hakaba hari icyorezo cyazahutsemo.

Uyu muhanga avuga kandi ko byanashoboka ko COVID-19 yaba yarageze mu nyamaswa no mu nzovu akaba asaba ko ubushakashatsi bwakorwa vuba izi nzovu zitarashira.

Andy asanga ibi bihe bazahora babyibuka nk’abacuranzi

Indirimbo Nisaidie ni indirimbo yahimbye ababajwe n’ubuzima abana bo mu muhanda babamo basabiriza agasanga abantu bakwiye kubagirira impuhwe byaba ngombwa bakabakura mu muhanda bakabashakira ibyo bakora.

Yagize ati “Nubwo ntabaye mu buzima bwo mu muhanda bigaragara ko abana bahaba babayeho nabi iyo uhise baragusaba basa nabi, ntibagira aho barara ni byiza ko buri wese ubanyuzeho abagirira impuhwe, ni yo mpamvu nabatekerejeho ndaririmba”.

Andy kandi avuga ko abahanzi bagiye kumara amezi menshi badakora kandi ari cyo kibatunze akavuga ko ari ubuzima bugoye kubwiyumvisha.

Yagize ati “Si ibintu byoroshye kuko akazi kari kadutunze karahagaze ubwo utarashyize udufaranga kuri konti abayeho nabi cyane kandi nta cyizere ko bizatungana vuba ni aha Nyagasani”.

Andy yatangajwe n’uko ibi bihe bitaraza abakunzi babo abahamagaraga buri munsi bakabandikira buri munsi nyamara ubu ngo nta muntu ukibuka ko babaho.

Andy ni umwe mu bacuranzi bazengurutse ibihugu 15 hamwe na Yvan Buravan nyuma yo kwegukana igihembo cya RFI. Muri 2012 yacurangaga mu itsinda rya Kidumu Kibido muri Kenya, muri 2014 acuranga indirimbo M’Penzi yakozwe na Rob Mayer hamwe na Simon.

Andy Mwag azwi cyane mu Rwanda mu murya wa gitari no mu ndirimbo ze ari zo aFREEka, Rafiki, I’ll get there, amarira, Ma Cherie (lemi love you), Meu Amor n’izindi.

Iki gitekerezo kikaba cyaratekerejwe n’umuhanzi Eugenio Ampudia, gishyirwa mu bikorwa ku wa mbere mu ijoro tariki ya 22 Kamena 2020.

Ibyicaro byose byari birimo ibimera bingana na 2,292 byakuwe imihanda yose bikaba byahise bihabwa abakora mu buvuzi nyuma y’igitaramo cyo kubihimbaza no kubiririmbira.

Iyi nzu yasohoye itangazo igira iti “Nyuma y’ibihe bikomeye by’umubabaro twatewe n’icyorezo cya Coronavirus, umuhanzi wa Liceu Blanca De la Torre yaduhaye icyerekezo mu gutangira akazi twari twarasubitse, iki cyerekezo cyatumye twongera kunga ubumwe n’ibidukikije”.

Yakomeje agira ati “igitaramo nikirangira turaha ibi bimera abaganga n’abandi bose bari ku rugamba rwo kuvura abantu bikazaba ikimenyetso cy’ibihe bizaza ko twanyuzwe n’akazi bakoze”.

Iki gitaramo kikaba cyarabaye nyuma y’uko Espanye yoroheje gahunda ya guma mu rugo yari imaze amezi 3.

Ubu abaturage bashobora gutembera ndetse ibihugu by’i Burayi 26 bikaba byemerewe ko abaturage babyo basurana batabanje kujya mu kato.

Iyi nzu y’imyidagaduro yahimbaje ibimera mu gitaramo gikomeye babikoze mu rwego rwo kwerekana ko batangiye imirimo yabo no kwerekana ko ubuzima bwagarutse muri Esipanye.

Padiri Nambajimana Donatien nubwo yavuye mu gipadiri ariko iryo sezerano ryo kwitwa Padiri aracyarifite

Uyu mupadiri yasezeye kuri bagenzi be abaririmbira indirimbo ibasezera ababwira ko babanye neza kandi ko ari abagabo yita “Ntore z’Imana”.

Mu kiganiro yagiranye na Kigali Today, Padiri Nambajimana Donatien avuga ko yabipanze kuvamo amaze imyaka 5 gusa ahawe isakaramentu ry’ubusaserodoti akazitirwa n’uko hari ibyo atari yujuje ngo yizere ko ubuzima bundi azajyamo azabushobora.

Yagize ati “Nasabye Yezu ko yanyereka inzira iboneye, yashima ko najya mu wundi muhamagaro akanyereka ibimenyetso binyereka ko nagenda, namusabye inzu, musaba impamyabumenyi yatuma mpangana ku isoko ry’umurimo n’umukobwa mwiza, uzi gukora uzi ubwenge utazantesha umutwe, ngiye kubona mbona byose ndabibonye nti dore ibyo nasabye”.

Padiri Nambajimana avuga ko yamenyanye n’umukobwa bari baturanye bakuranye ndetse bagatangira kubivugaho, kuva ubwo atangira gutekereza uko yazasezera, cyane ko yumvaga afite intego yo kutazabangikanya umuhamagaro we.

Yagize ati “Najyaga mbona abakobwa nkumva agatima kararehareha kandi nkumva ntashobora gutenguha umuhamagaro mfite kuko nasezeranye ubumanzi, ikindi aho nakoze akazi k’uburezi nabonaga abana nkabona uko bakura nkumva nanjye nazabyara kandi sinari kubyara nkiri padiri ndavuga nti aho kuvanga ibintu reka ngende”.

Padiri Nambajimana Donatien byarangiye avuye mu gipadiri ashaka umugore

Padiri Nambajimana Donatien yemeza ko abapadiri benshi bakunda umurimo wabo kandi ko burya ari indahemuka gusa akavuga ko hataburamo bake bashobora kuba babivanga.

Padiri Nambajimana asaba abagabo n’abagore gukomera ku masezerano y’umuhamagaro wabo ndetse n’abihayimana bagakomera ku masezerano bagiranye n’Imana.

Kugeza ubu Padiri Nambajimana Donatien yashatse umugore basezeranira muri EAR ndetse bamaze kwibaruka umwana w’umuhungu.

Ni umwe mu bahanga mu gucuranga gitari ndetse no guhimba indirimbo z’umwimerere, kandi buri gice cyose cy’ubuzima yaciyemo yagihimbiye indirimbo.

Umva byinshi ku buzima bwa Padiri Nambajimana muri iki kiganiro yagiranye n’umunyamakuru Jean Claude Umugwaneza Rusakara.

Mimi La Rose avuga ko uwari inshuti ye y’umukobwa yatwawe n’umuyobozi wamurushaga amafaranga

Mu kiganiro Urukumbuzi cyatambutse kuri KT Radio ku wa Gatandatu tariki 20 Kamena 2020, Mimi La Rose yahishuye uburyo uwari Directeur wa Electrogaz yamutwariye umukobwa bakundanaga bikarangira anamugize umugore, ibintu byababaje bikomeye Mimi La Rose.

Yagize ati “Bigaragara ko uriya mukobwa yakurikiye amafaranga kuko Directeur wa Electrogaz yari umuntu ukomeye nubwo nanjye nari umusitari (icyamamare), gusa nababajwe n’uko uwo mukobwa yabihakanaga ndetse akanyereka ko turi kumwe kandi ambeshya”.

Ibi ngo ni byo byatumye Mimi La Rose afata icyemezo cyo guhimba indirimbo ‘Sinamurenganya’ aho avuga ko ibyo gukunda abivuyemo kuko ari ukubabaza umutima we ku busa kuko uwo yakundaga yamuhemukiye akamwereka ko amukunda kandi amuryarya.

Yagize ati “Utekereze ko hari ubwo twahuye ari mu modoka y’uyu muyobozi ambonye yubika umutwe kandi narangije kumubona. Byaje kurangira ubwo nagiye kumusura iwabo, wa mugabo akaza akamuntwara ku mugaragaro isoni zikankora ngahita muheba gutyo”.

Mimi La Rose yemeza ko uwo muryango wibera i Burayi kandi ko nta nzika yagize kuko kuva kera ari umukiristu.

Kutamenya gutereta ngo byatumye hari abantu bajyaga bamubonerana bakamutwara abagore nka mama Munyana wamukundaga nyuma yo gupfusha mugabo we hanyuma uwo bacuranganaga akagirira ishyari Mimi La Rose n’uwo mama Munyana, agashaka kumumutwara.

Gusa Mimi La Rose avuga ko mu gihe cyabo n’ubwo bari ibyamamare abantu batakundaga guca inyuma abo bakundana cyangwa se kujarajara mu bakobwa bityo bikaba biri mu byamufashije kubasha gucuranga neza kandi bagatera imbere.

Mimi kandi yaboneyeho no kubeshyuza amakuru yajyaga avuga ko yakundanye n’umukobwa w’uwari Perezida w’u Rwanda Habyarimana Yuvenari aho bavuga ko yanamuhimbiye indirimbo yitwa Mariya Rosa.

Yagize ati “Ibyo bintu nabyumvise kenshi ariko ni ukubeshya uko undeba uku uwo mukobwa sinigeze nanamubona, wenda we yaradukundaga kuko twari abacuranzi ariko rwose ntaho ahuriye n’iriya ndirimbo Mariya Rose kandi ndi mu bayihimbye ndanayicuranga”.

Reba ikiganiro kirambuye Mimi La Rose yagiranye na Jean Claude Umugwaneza kuri KT Radio

Alyn Sano (w’umupira w’umuhondo) na Femi One bagiye gusubiranamo indirimbo ’Kontorola’

Alyn Sano avuga ko yasabye uyu muhanzikazi Femi One ko bakorana indirimbo agahita akunda indirimbo yitwa Kontorola amusaba ko bayisubiranamo bahita bayitangira none ku wa mbere w’icyumweru gitaha izahita ijya hanze.

Yagize ati “Tuzashyira hanze indirimbo yanjye twasubiyemo ni we wabinsabye kuko yarayikunze, ndetse tuzanakorana n’indi ndirimbo. Ni umuhanzi umaze kwandika izina muri iyi minsi azamfasha nanjye kumenyekanisha indirimbo zanjye kuko ntabwo Abanyakenya n’abandi ku isi barazimenya cyane”.

Muri iyi ndirimbo bazashyira hanze, Alyn asaba Abanyarwanda kutazatungurwa n’amashusho bazabonamo kuko yagerageje gukora ibizabashimisha kandi ko izaza isubiza ibyifuzo byabo.

Yagize ati “Muri aya mashusho narirekuye cyane tuzaba twerekana umuhungu wakunze abakobwa babiri kandi abakunda kimwe buri wese azi ko ari we akunda, gusa abazayireba ntibazatungurwe n’amashusho adasanzwe arimo”.

Umuhanzi Alyn Sano azwi mu ndirimbo nka Naremewe wowe, Kontorola n’izindi, akaba azwiho ijwi ridasanzwe akaba umwe mu bahanzi bake baririmba Jazz na Blues mu Rwanda.

Minisitiri w’Ubutegetsi bw’Igihugu, Prof. Shyaka Anastase

N’ubwo gusezerana mu kiriziya ubundi byakorwaga nyuma yo gusaba no gukwa ndetse mu murenge bakabaza abagiye gusezerana niba inkwano yaratanzwe, kugeza magingo aya ntabwo biremerwa mu rwego rwo kwirinda ikwirakwizwa rya coronavirus.

Nyuma y’uko aya mabwiriza asohotse, hari Abanyarwanda bagiye bagaragaza ko bitari bikwiye ko abashyingiranwa bemererwa kujya ku nsengero na kiliziya batabanje gusaba no gukwa nk’uko biri mu muco nyarwanda bagasanga byaragombaga gukomorerwa rimwe kuko bamwe bemeza ko ari impanga.

Minisitiri w’Ubutegetsi bw’igihugu Prof. Shyaka Anastase mu kiganiro yatangiye kuri RBA, yasabye Abanyarwanda kuba bihanganye bakaba bakurikiza amabwiriza yatanzwe, ibyo gusaba no gukwa bikazaba biza nyuma yo kubona uko icyorezo cya COVID-19 gihagaze.

Yagize ati “Dukomeye ku muco wacu kandi ni umuco mwiza ariko dufite icyorezo cyitwugarije, twakomoreye bimwe ntabwo byose twabashaka guhita twemeza ubusugire bwabyo, tube turetse nitumara kunesha byose bizakorwa ntabwo tugamije kwica umuco nyarwanda”.

Prof Shyaka asanga ubundi ari amaburakindi kwemera ko abantu bashyingirwa muri ibi bihe ariko ko buri bantu bagira impamvu zabo kandi zihutirwa gusa akavuga ko mu bijyanye no kwiyakira bagomba kubahiriza gahunda y’abantu 30 kandi bubahiriza amabwiriza ya Minisiteri y’ubuzima.

Yagize ati “Kwiyakira nyuma yo gusezerana biremewe ariko abantu bagomba kubahiriza amabwiriza yo kwirinda ni abantu batarenga 30 kandi bahanye intera, rwose abantu ntibakwiye guhoberana kwegerana n’ibindi bidakwiye kandi bakubahiriza amasaha yagenwe”.

Ingabire avuga ko afite imyaka 58 y’amavuko akaba yarakuriye mu buhungiro aho yabaye muri Kongo n’u Burundi akaza mu Rwanda ahungutse mu 1994, aho yari yaratandukanye n’umugabo bari bamaze imyaka 10 babana ndetse ntagire n’ubushake bwo gushaka undi mugabo.

Nubwo yashatse umugabo, nyamara ngo mu buzima bwe ntiyakunze guta umwanya cyane mu basore n’abagabo kuko yari afite abana akeneye kurera, dore ko avuga ko arera abana batandatu harimo abo yabyaye n’abo arera atarababyaye.

Yagize ati “Sinigeze ntekereza gushaka undi mugabo uretse ko no mu buzima bwanjye ntataga umwanya mu bagabo bihurirana n’uko muri icyo gihe nari nshishikajwe n’imibereho y’abo nareraga”.

Ingabire Marie Immaculée mu busanzwe yanga umugabo utizera umugore we, uca inyuma mugenzi we kandi usesagura umutungo w’urugo.

Yagize ati “Ugasanga umugabo arashaka kureba kuri telefoni yawe kandi ari iyawe, cyangwa agaca inyuma mugenzi we, umutungo w’urugo akawusesagura. Tekereza niba anywera nk’ibihumbi bibiri ku munsi, urumva aba atwaye angahe urumva aba adacuze abandi”!

Ingabire afite ubuzima butangaje n’ubwo agaragara nk’umugore mwiza ndetse bigaragara ko ashobora kuba yari mwiza birenzeho akiri umukobwa, akaba akunda gutera urwenya avuga ko atigeze ashyira amavuta na rimwe mu musatsi we, ndetse ko atigeze adefiriza kuva yabaho, nubwo byongera ubwiza bw’abagore bagasa neza.

Yagize ati “Mfite ukuntu nifitemo imico nk’iy’abagabo niba mbyutse mu gitondo ngiye muri dushe (douche) kandi ndafungura amazi ahere mu mutwe agere ku birenge, sinakwibuka kujya gushaka akantu mfunga mu mutwe ngo imisatsi itagwaho amazi, sinajya nibuka gusigamo amavuta no kujya muri salon kudefiriza gushyiramo ibigudi, mba numva ari umwanya wanjye biri gutwara”.

Marie Immaculée Ingabire ngo akunda gukora cyane ndetse akazi akagaharira umwanya munini ariko kandi ngo akunda gusohokana n’inshuti, akareba imbyino gakondo agakunda abantu batera urwenya bagasabana.

Akaba yanga umugore utagira ibanga, uwamubeshyera kandi ari inshuti ye, mwene uyu akaba nta cyizere yamugirira.

Avuga ku ijwi rye ry’abagabo, Ingabire avuga ko na mama we ariko yavugaga, akemeza ko kwanga ikibi no kutarya iminwa imbere y’ikibi atitaye ku gukomera kw’abo ashinja abiterwa n’uburere yakuranye bwo kwanga ikibi no kukirwanya.

Ingabire ahanura abakiri bato kumenya gucunga ubuzima bwabo cyane abakobwa bakamenya kwikingira mu gihe bagezemo kuko ubuzima ari ubwabo, bakamenya kwambara bikwiye, yaba amaguru n’amabere kuko haberwa uwambaye neza.

Icyo gihe Umwami Mutara III Rudahigwa ni we wafunguye ku mugaragaro urwo ruganda.

Iyi nzoga yari igeze mu Rwanda bwa mbere yanyobwaga n’abakomeye ndetse kuyinywa bikaba icyubahiro.

Primus ni inzoga ishobora kuba inyobwa cyane kurusha izindi mu Rwanda ugendeye ku kureba abayinywa mu tubari, cyane cyane utwinshi two mu byaro na hamwe na hamwe mu mijyi.

Buri muntu bitewe n’uburyohe yayumvisemo n’ubusabane bagiranye yagiye ayiha izina, amwe agafata agakwira andi akamamara agakendera.

Umwami Mutara III Rudahigwa ataha uruganda rwa Bralirwa

Kubera ko yari inzoga ya kizungu nyine, abayikunda bayivugaga mu ruzungu bati “mumpe bière”, Abanyarwanda bahita bayita ‘byeri’ kuva ubwo. Iyo ugize uti “mpa byeri”, bakuzanira Primus, kabone nubwo waba wasabaga indi nzoga.

Haje kuza izina rya Karahanyuze ubwo izindi nzoga nka Mitsingi zari zimaze kwaduka, bituma abanywi ba byeri badukira izo zindi, Primus isigara yitwa Karahanyuze.

Haje kuza izina rya Manyinya kubera ukuntu hari abakundaga kuyinywa ikonje cyane, bakayigereranya n’ubukonje bwitwa manyinya.

Kubera ko yaturukaga ku Gisenyi ahari umugezi wa Sebeya, byatumye bamwe bayita ‘amazi ya Sebeya’, bityo watumira inshuti zawe ngo musangire kamwe, uti “ngwino twisangirire amazi ya Sebeya”, cyangwa babona uwayinyoye ikamusindisha, bati “ni amazi ya Sebeya yamusaritse”.

Andi mazina yamenyekanye kuri Primus, nka Mubimba kubera umubyimba wayo munini, Gahuzamiryango ryakoreshwaga akenshi mu kuyamamaza , Giswi, Bagosora, Ikigage, Mazutu, Ikibyeyi, Rufuro, Rufuku, Mutimbuzi, Bwiza n’andi menshi.

Mu mateka y’abahanzi b’indirimbo mu Rwanda hari abagerageje kuririmba bakomoza kuri iyi nzoga muri twa tubyiniriro twayo.

Umuhanzi Jacques Buhigiro yaririmbye ‘Nimubaze Primus’, John Bebwa aririmba iyitwa ‘Manyinya we undekure ntahe’, hakaba n’imbyino yitwa ‘Manyinya ndagukunda ariko ntugira aho uraza abashyitsi bawe’ ya Muyango, ‘Nzoga iroshya’ ya Orchestre Impala de Kigali aho bagira bati “Zana agati sha!!!” bashaka kuvuga ikaziye ya Primus yari ikoze icyo gihe mu giti.

Uko iminsi isimburana niko uruganda rukora Primus rugenda ruzana impinduka ku macupa, ibirango, amakaziye, ndetse n’ uburyohe bw’iyi nzoga, n’amazina y’utubyiniriro na yo agenda yiyongera.

Muri iyi minsi iyo usabye Knowless bahita baguha Primus iringaniye yitiriwe umugore w’umuhanzi Butera Jeanne Knowless yadutse ari bwo agezweho.

Ushaka kumenya amateka yimbitse kuri iki kinyobwa, kanda HANO

Niba hari andi mazina uzi tutakubwiye, uyongere hepfo mu mwanya wagenewe ibitekerezo.

Nyakwigendera Kobe n’umugore we Vanessa

Vanessa Bryant yubuye idosiye arega isosiyete yabahaye indege yitwa Island Express Helicopters Inc. ndetse n’umupilote w’indege witwa Ara Zobayan.

Umunyamategeko arashinja uburangare bukomeye bwateye urupfu rwa Kobe Bryant n’umukobwa we Gianna hamwe n’abandi bagenzi barindwi, burimo kunanirwa kureba uko ikirere kimeze mbere y’uko indege ihaguruka bigatuma umupilote wari utwaye indege atarabashije gukora neza akazi ke.

Umwunganira mu mategeko yabwiye urukiko ko Umupfakazi wa Kobe akwiye impozamarira ishyitse.

Yagize ati " Nk’impozamarira yateye urupfu rwa Kobe Bryant n’umukobwa we ndetse n’abo bari kumwe ndasaba ko umugore we Vanessa yahabwa impozamarira y’ibyangiritse ndetse n’agahinda yatewe no kubura abe, bikaba n’igihano ku makosa yatumye abura abe n’ibindi urukiko rwasanga ari ngombwa ko bihanishwa icyateye uburangare.”

Uyu mugore wa Kobe arasaba ko yahabwa miliyoni zirenga 100 z’Amadolari nk’impozamarira yetewe no kubura abe n’ibye muri iriya mpanuka.

Iyi mpanuka yabaye tariki ya 26 Mutarama 2020 muri Calabasas muri Leta ya California mu gihugu cya Leta zunze ubumwe za Amerika.

Umuhanzi Nganji uvuga ko muri iyi minsi ahugiye cyane mu gukora amakinamico agezweho agatangaza ko indirimbo ‘Urwo mu mashuka’ ari indirimbo iri hanze ivuga ubushukanyi bukorwa n’abantu babeshanya ko bakundana bikarangira bisamye basandaye.

Yagize ati “Umubiri uragushuka ejo ukaba ibishingwe ukunda sheri ushamaduka akagukunda urwo mu mashuka(ubusambanyi) abasheri b’abashukanyi Nyagasani abaturinde”.

Nganji kandi avuga ko ibyo byose akenshi bizanwa no kwifata nabi kwa bamwe aho usanga uwari umwari mwiza cyangwa umuhungu mwiza yicwa n’ibiyobyabwenge akisanga ari ikibazo muri sosiyete.

Yagize ati “Umusore w‘ibigango iyo atumaguye agatabi aho kurapa ararashya, bivuze ko iyo ugiye mu bibi birangira bigushyize habi, ukandavura ukajya mu ngeso mbi”.

Aha ni na ho yahereye ashyira hanze indi ndirimbo yitwa ‘Struggle’ aho yamagana abantu batita ku bana bo mu mihanda bandagaye.

Yagize ati “Nashatse no kugaragaza ko kugera kure kubi, cyangwa kubaho ubuzima bubi bitavuga kwishora mu byaha. Muri iyi ndirimbo nagaragaje umwana washorwaga mu bugizi bwa nabi akabyanga."

Ben Nganji yongeyeho ati “Nigeze kuganira n’abana bo mu muhanda bambwira uburyo n’amayeri bakoresha ngo babone amaramuko, bamwe bambwiye ko bashobora guhemuka ariko ntibicwe n’inzara. Bariho mu buzima batahisemo, mbona nubwo tubanyuraho ntitubyiteho ariko mbona ari ikibazo kitureba twese."

Ati “Abana babaho muri ubu ubuzima bashobora gushorwa mu byaha bitandukanye bakaba bakoreshwa mu kwangiza ubukungu n’ubuzima dufite. Nkabona ko aba bana atari ikibazo kuri bo gusa n’abababyaye, ahubwo ni ikibazo kigomba guhangayikisha buri muntu”.

Ben Nganji kandi avuga ko ari umwanya we wo kongera guhagurukira Inkirigito igezweho ndetse n’ubundi buhanzi bwe dore ko yemeza ko nta na kimwe yahagaritse ahubwo akora kimwe mu buhanzi bwe kikanazamura ikindi.

Umva indirimbo ‘Urwo mu mashuka’ ya Ben Nganji afatanyije na Salus Populi

Reba Inkirigito ya Ben Nganji

Juru Ornella ngo aje gukosora abitwaza ikimero gusa

Umukobwa ukiri muto avuga ko ikimero, impano n’imibyinire bikwiye kuba byuzuzanya kugira ngo ubuhanzi bube bwuzuye kandi buzakomere ubudasaza.

Yagize ati “Bamwe usanga ubuhanzi bwabo bushingiye ku bwiza kandi wenda baririmba, ni byiza ko uba ufite impano kandi ukanamenya kubyina, iyo kimwe kibuze inganzo irasaza”.

Juru Ornella yashyize hanze indirimbo ye ya mbere ku myaka ye 20 yitwa ‘Ni wowe’ akaba yemeza ko ari intangiriro nziza aho yaririmbaga umuhungu amubwira ko ari we yahisemo kandi ko bazarambana.

Juru yashyize hanze indirimbo ye ya mbere yitwa ’Ni wowe’

Yagize ati “Ibyo ndirimba ni ibintu bibaho sijye byabayeho cyangwa uri kwivuga gusa biba byiza ko niba uri umukobwa cyangwa se uri umuhungu udatinya kuririmbira no kuvuga amagambo y’urukundo ubwira uwo wihebeye”.

Iyo ndirimbo yakorewe kwa Panda Music ngo ni imbarutso kuri uyu mukobwa usanzwe azwiho kubyina cyane akaba ari byo aheraho avuga ko aje kwerekana impano, ikimero (ubwiza bw’umukobwa) n’imibyinire idasanzwe, dore ko umuziki yawutangiye akiri umwana muto cyane.

Reba amashusho (Video) y’indirimbo Ni Wowe ya Juru

Abantu bane bamaze igihe biba amashanyarazi bafashwe

Nyandwi Landouard yafashwe tariki ya 29 Gicurasi 2020 yiba umuriro, aho atuye mu nzu ye mu Karere ka Ruhango, Umurenge wa Ruhango, Akagari ka Buhoro mu Mudugudu wa Rwinkuba.

Kuri uwo munsi ni bwo na Mutungirehe Jean Bosco yatabwaga muri yombi, akaba atuye mu Karere ka Gasabo, Umurenge wa Kinyinya na we akaba ashinjwa kwiba umuriro w’amashanyarazi.

Ku itariki ya 02 Kamena 2020, Nyiransabimana Evelyne na we yafatiwe mu cyuho yiba amashanyarazi, aho atuye mu Karere ka Rulindo, mu Murenge wa Bushoki, Akagari ka Giko mu Mudugudu wa Cyiri.

Iyakaremye Elie na Iyakaremye Jean Baptiste, na bo baguwe gitumo biba amashanyarazi mu nzu zabo batuyemo mu Karere ka Rulindo, mu Murenge wa Bushoki, Akagari ka Giko Umudugudu wa Kigamba.

Kugeza magingo aya, Iyakaremye Jean Baptiste aracyashakishwa, mu gihe undi afungiye kuri RIB ya Bushoki.

Aba bose bafashwe bari bafite amayeri yo kwiba umuriro bakawukoresha batawuguze, nka Nyandwi yaherukaga kugura umuriro mu kwezi kwa Mutarama 2019 kandi yarakomeje gucana amashanyarazi.

Mutungirehe we yaherukaga kugura umuriro mu kwezi kwa Nyakanga umwaka wa 2016, Nyiransabimana we yaherukaga kuwugura tariki ya 29 Nzeri 2015.

Iyakaremye Elie yaherukaga kugura umuriro mu kwezi kwa Nyakanga 2019, mu gihe Iyakaremye Baptiste yaguze umuriro bwa nyuma mu kwezi kwa Kamena 2016.

Wilson Karegeya, umuyobozi ushinzwe ishami ry’ubucuruzi muri EUCL-REG, yamagana ibi bikorwa bigayitse byo kwiba amashanyarazi, akavuga ko REG itazihanganira ibyaha nk’ibi kandi ko ingamba zo gufata abajura b’amashanyarazi zizakazwa.

Akaba kandi yibutsa abantu ko kwiba amashanyarazi bidindiza iterambere ry’igihugu kandi bikaba bishobora guteza ibyago n’impanuka ziturutse ku mashanyarazi.

Ashimira ubufatanye bw’abaturage mu kubasha gutahura bene bariya bagizi ba nabi, kandi ko bakomeje gutanga amatangazo n’ibiganiro mu bitangazamakuru bitandukanye, kugira ngo babashe gufata abakora bene biriya bikorwa bigayitse, kandi ko hari ibihembo biteganyijwe ku batanga amakuru y’abakora bene biriya bikorwa bibi.

Ubujura bw’amashanyarazi ni icyaha gihanwa n’itegeko, harimo gufungwa no gucibwa amande.

Umuhanda Tyazo-Cyato-Yove warangiritse bikomeye

Abaturage batuye muri iyo mirenge n’abahaturiye bakomeje gutaka ko imihanda yabo yangiritse ndetse bagashinja ubuyobozi bw’akarere kubarangarana, kuko ubuhahirane bw’imirenge bwahagaze.

Mutuyimana Focus utuye mu Murenge wa Rangiro, avuga ko ubukene bukomeje kubarembya kuko batakibasha kujyana imyaka yabo ku isoko ndetse n’amatungo yabo ntibabone uko bayagurisha ngo bikenure kuko imihanda itagendeka.

Yagize ati “Biragoye ko wajyana imboga cyangwa itungo ku isoko ngo ubashe kwikenura. Nubwo wabijyana ubigezayo bihenze kuko ubigutwarira araguhenda cyane, ni ikibazo kimaze iminsi, iyi mvura yo yaraje irahica burundu”.

Umwe mu bayobozi b’uruganda bafite icyayi muri kariya gace avuga ko byabahombeje cyane, kuko icyayi kugira ngo kizagere ku ruganda cyangwa se kibagereho biba bigoranye cyane.

Yagize ati “Hano dufite imirima y’ibyayi ariko biragoye cyane gucisha icyayi mu Kirambo, ubwabyo kirapfa kandi bikanahenda cyane”.

Bamwe mu baturage kandi bavuga ko bitoroshye ku batuye muri iriya mirenge kugera ku bitaro bya Kibogora, cyane cyane ku babyeyi badashobora kuhagera mu gihe bagiye kubyara.

Umuyobozi w’Akarere ka Nyamasheke wungiriye ushinzwe iterambere ry’ubukungu, Ntaganira Josué Michel, avuga ko inyigo y’uwo muhanda yarangiye bategereje amafaranga ya Leta kuko ari umuhanda uhenze, gusa akizeza abaturage ko bagiye kwishakamo ibisubizo ku buryo mu kwezi kumwe umuhanda uzaba ari nyabagendwa.

Akarere ka Nyamasheke gasaba Minisiteri ibishinzwe kubibuka amafaranga yo gusana imihanda akaboneka

Yagize ati “Uriya muhanda ufite kilometero 21,5 mu gihe cy’imvura ntuba ari nyabagendwa. Uzakorwa na miliyari 4,4, twawutanze mu buyobozi bukuru ngo badufashe kuwusana, twawushyize mu igenamigambi ry’uyu mwaka”.

Akomeza agira ati “ Turizeza abaturage ko tariki 15 z’ukwezi gutaha uzaba uri nyabagendwa, tuzakora umuganda uhuriweho, akarere gashake ibikoresho ariko twishakemo ibisubizo, mu gihe tugitegereje igisubizo kirambye”.

Ntaganira avuga ko bagiye no kuba bakora indi mihanda ya Shangi-Nyabitekeri ndetse na Ntendezi- Karengera, kugira ngo abaturage babe bayifashisha kuko na yo yangiritse bikomeye mu gihe bagitegereje ko Minisiteri ibishinzwe ishyiramo amafaranga.

Chris yabaye nk’igisimba kubera kwishushanyaho

Uyu mugabo utuye mu burasirazuba bw’Umujyi wa London mu Bwongereza, yiyicarira mu ntebe ze ari kumwe n’imbwa ubundi agashakisha umwanya ku mubiri we wamazwe n’ibishushanyo, ashakisha aho yashyira ibindi.

Ni umugabo utangaje cyane uburyo agaragara nk’igisimba, kandi ari ibishushanyo yikorera akoresheje intoki, agashushanya ibintu by’amoko yose nk’uko tubikesha BBC.

Chris yatangiye kwishushanyaho afite imyaka 18. Hashize imyaka 15 abikora akaba yarabaye imbata yabyo abikuye ku by’amamare bya muzika, maze biza guhumira ku mirari ubwo yamenyaga icyamamare Duncan X uzwi cyane mu bijyanye no kwishushanyaho.

Yagize ati “ Duncan yari anshushanyijeho mfite imyaka 19 maze inshuti zanjye na zo zitangira kunshushanyaho inshuro zirenga 400”.

#GumaMuRugo igitangira byahumiye ku mirari, kuko Chris yari yarishushanyijeho ibishushanyo birenga 1000 ku mubiri we, none ubu amaze kongeraho ibindi 40.

Ubwo abandi batangiraga kuguma mu rugo atakibasha kujya ku kazi ko gushushanya muri studio yari afite, we n’umugore we Emma bafashe icyemezo cyo kwigumira mu rugo bakajya bishushanyaho buri munsi kuzageza ubwo iyo gahunda izarangirira.

Yagize ati “Nisanze nta kindi ndi gukora ndi kurya ibibonetse byose, natangiye kwishushanyaho nibura ngo mfate icyerekezo muri iyi guma mu rugo, abantu badafite icyerekezo muri iyi gahunda nta kazi gahari babuze byose”.

Buri mugoroba guhera saa munani kugeza saa kumi, uyu mugabo Chris aba atangiye kwiyandikaho yerekana ubuzima babayemo bwa guma mu rugo, uko anyweye ikawa akandikaho akantu.

Yagize ati “Kwiyandikaho ubwabyo ni umuti utuma ntigunga kandi bituma nerekana ibiri mu mutima wanjye muri ibi bihe bitoroshye”.

Hari amwe mu magambo yanditse ku ruhu rwe, agira ati “When Will Ii End”?, bisobanuye ngo “Bizarangira ryari”, ubundi arongera yandika ho ngo ‘NHS’ (The National Health Service), mu rwego rwo gushimira abakora mu nzego z’ubuzima uburyo bitanga ngo barokore ubuzima bw’abantu.

Uyu mugabo akaba yarabaye nk’igisimba kubera ibyo yiyandikaho buri munsi, ibiti, ibisimba, abo adaherutse n’ibindi bifitanye isano n’ubuzima abayemo muri iki cyorezo cya Coronavirus, ndetse abantu bakaba bafite ubwoba ko azasohoka abantu benshi bakikanga.

His Band Voive bakomeje kubyaza imbuga nkoranyambaga umusaruro mu bihe bitoroshye

Bavuga ko ubusanzwe babonaga amafaranga abatunga n’imiryango yabo ari uko bakoze, bikongeraho ko bagira ibiraka mu bukwe no mu birori bitandukanye, nyamara kuri ubu ubuzima bukaba bukomeje kubasharirira.

Umwe mu bahanzi wacurangiraga muri imwe mu mahoteli yo mu Rwanda, yavuze ko aho bigeze no kubona icyo abana barya bigoranye cyane.

Yagize ati “Ibi bintu byaje bitunguranye cyane byatubereye nk’inkuba ikubise. Kuba ntakijya ku kazi kari kantunze byambereye umutwaro ukomeye, ubu no kugira ngo umuryango wanjye ugire icyo urya bisaba gusaba abantu tuziranye nkabaririra”.

Undi we uzwi ku izina rya Steven, avuga ko iri ari isomo babonye ryo kuzigama kugira ngo ibihe bitunguranye bajye babasha kubyigobotora.

Yagize ati “Amafaranga dukorera n’ubundi ni make ariko nibura twayabonaga, byanyeretse ko nibura iyo nzigama duke byari kunsunika iminsi, ni ugusenga cyane gusa byampaye isomo”.

Bamwe mu bacuranzi bavuga ko bayobotse ba mutwarasibo (abayobozi b’amasibo) mu midigudu, ngo barebe ko babagoboka babaha ibyo kurya nk’abandi bakennye.

Hari ababibonamo umwanya mwiza wo gukoresha imbuga nkoranyambaga, guhimba no gusubiramo indirimbo zabo kurushaho.

Mihigo Francois Chouchou na Papy, bavuga ko babonye umwanya wo gukora indirimbo ya Corona no gusubiramo indimbo zabo n’ubwo bitoroshye.

Mihigo yagize ati “Nibura uyu mwanya twarawukoresheje ngo dukangurire Abanyarwanda kwirinda iki cyorezo. Ni igihe cyitoroshye ariko tugomba kubyaza umusaruro”.

Riqson n’umugore we Consolee barazwi mu itsinda ryabo ‘His Voice band’, bavuga ko ibi bihe byaje ari simusiga ariko ko bahisemo kubibyaza umusaruro bahimba ndetse bakora ‘covers’ z’indirimbo zizwi.

Yagize ati “Twafashe icyemezo cyo gusubiramo indirimbo zakunzwe tukazishyira kuri youtube, wenda hari icyo bizatanga ariko ntabwo byoroshye”.

Shaddyboo asanga ubwiza bwe kubucuruza bidakwiye kugira uwo bibangamira

Shaddyboo avuga ko ubucuruzi bwe bwo kwiyerekana, kwerekana amafoto no kwamamaza byakomwe mu nkokora n’ibi bihe, kuri ubu akaba agerageza kwamamariza abantu ariko ibijyanye no kwiyerekana no kugenda byahagaze.

Yagize ati “Ibihombo ni byinshi rwose kubera bino bihe ntiwabishyira mu mafaranga ngo ubivuge, ariko kwamamaza ndacyabikora nk’uko bisanzwe n’ubwo nyine bitandukanye na mbere”.

Shaddyboo avuga ko yari afite ibitaramo bibiri yagombaga kujya kwigaragarizamo mu bihugu bitandukanye, bikaba byaramaze gusubikwa kubera icyorezo cya Coronavirus.

Yagize ati “Mfite igihombo gikomeye kuko nagombaga kujya Kinshasa muri Kongo guhostinga mu kwezi kwa Kamena, ngahita njya mu gihugu cya Canada mu kwezi kwa Nyakanga cyangwa ukwa Kanama, urumva ko nagombaga gushaka ibyangombwa n’ibindi, biragaragara ko bitagishobotse, turabyakira uko bije”.

Nubwo akomeje guhomba, Shaddyboo ngo afite ubufasha yahawe n’abantu batandukanye hirya no hino ku isi, ku buryo azatanga ubufasha muri ibi bihe dore ko byahuriranye n’igisibo cya Ramadhan kandi akaba ari Umuyisilamukazi.

Shaddyboo ngo yasubitse ingendo zo kwiyerekana yagombaga gukora

Yagize ati “Ku irayidi ndetse n’isabukuru yanjye nkora ibikorwa by’ubugiraneza, hari abantu baba hanze bampaye inkunga si ngombwa ko nyitangaza, ariko nzayifashisha abakene”.

Shaddyboo kandi ngo akomeje gutangazwa n’abantu bababazwa n’uburyo akora akazi ke ko kwiyerekana akanacuruza, ko buri wese agira uburyo akoramo akazi gatuma abaho, ndetse akavuga ko hari benshi bamwibeshyaho bakamufata uko atari.

Impala ziracyashimisha abazikunda (Ifoto: Internet)

Orchestre Impala yakunzwe cyane hano mu Rwanda no mu Karere mu bihe bishize ndetse na n’ubu ikaba igikunzwe n’abatari bake.

Mu rwenya rwinshi, umwe mu bayigize uzwi ku izina rya Mimi la Rose (ubusanzwe yitwa Sebigeri Paul), yavuze ko iyi ndirimbo yayitekereje mu rwego rwo kwiteganyiriza ngo umuryango mutagatifu uzamwibuke cyane cyane umubyeyi Bikiramariya.

Yagize ati “Erega ndashaje ngomba gutangira kureba amasaziro yanjye ngo Bikiramariya azanyibuke ubwo nzaba nsoje urugendo hano ku isi”.

Mimi la Rose (hagati) ni umwe mu batangije Orchestre Impala

Mimi la Rose ni umwe mu bayobozi b’iyi Orchestre ikundwa na benshi mu bakunda umuziki mwiza kandi w’imbonankubone (Live). Yavuze ko ari imwe mu ndirimbo iri mu mujyo umwe n’izindi yahimbye kandi zigakundwa mu Rwanda no hanze, akaba yizera ko n’iyi izaryohera benshi.

Yagize ati “Nahimbye indirimbo “Niba Utaravuzwe” irakundwa cyane, mpimba “Annoncita” twahuriye mu misa , “Philomena” n’izindi, n’iyi ivuga ku muryango mutagatifu wa Yezu, Yozefu na Bikiramariya izanyura abazayumva”.

Mimi la Rose asaba abakunzi b’Impala gukomeza gushyigikirana muri ibi bihe bitoroshye bya COVID-19 akababwira ko nyuma yayo amashusho y’ iyi ndirimbo “Umuryango Mutagatifu” na yo azaba yagiye hanze.

Umuhanzi Christophe yaririmbye indirimbo nyinshi zakunzwe zirimo iyitwa ‘Aline’

Byabanje kuvugwa ko yanduye icyorezo cya Coronavirus, gusa ntabwo byigeze byemezwa n’abaganga, kuko yazize indwara y’ubuhumekero yari amaranye iminsi idafite aho ihuriye na COVID-19, nk’uko n’umugore we Véronique Bevilacqua ndetse n’umukobwa we Lucie babyemeje.

Yari yagiye mu bitaro tariki ya 26 Werurwe 2020 mu bitaro bya Brest aho yakomeje kuremba kugeza ashizemo umwuka.

Uyu muhanzi wamamaye mu ndirimbo z’Igifaransa zahogoje benshi harimo yitwa Aline yo mu myaka ya za 1965 ndetse na les mots bleus, yari akibasha kuririmba n’ubwo byagaragaraga ko ageze mu zabukuru.

Ibitangazamakuru hafi ya byose byo gihugu cy’u Bufaransa byafashe umwanya wo kuvuga kuri uyu muhanzi wakunzwe na benshi, ndetse bamwe bemeza ko baza kumwibuka mu bitangazamakuru bitandukanye mu buryo bwihariye.

France Culture ikaza kumwibuka no kumwunamira guhera saa tatu z’umugoroba.

Abahanzi batandukanye batanze ubutumwa bwo gushima uyu muhanzi wagiye barimo umuririmbyikazi uzwi mu Bufaransa witwa Zazie wagize ati “Umugabo udasanzwe, umugabo w’amayobera, uw’ijwi ritagereranywa, isanzure ryihariye, waraturirimbiye turanyurwa, byari ibitangaza, urabeho Christophe”.

Jean Michel Jarre we yagize ati “Tubuze umuntu udasanzwe utazabona umusimbura, wari wihariye haba mu kuririmba no kwigaragaza ku ruhimbi, tuzagumbura Christophe”.

Kanda munsi hagati wumve indirimbo ‘Aline’ ya Christophe

Social Mula

Umwe mu bakoresha izina rya Kasuku Media Rwanda ku mbuga nkoranyambaga yanditse ku rubuga rwe rwa Instagram agira ati “Dukore findraising yo gufasha social mulla nukuri umugore we ambwiye ko benda gupfira mu nzu kandi na social yirirwa yinywera ibimogi.”

Uwo muntu yashyize muri ubwo butumwa na nimero ya telefone ya Social Mula, asaba abantu kuyoherezaho amafaranga bakoresheje uburyo bwa Mobile Money.

Social Mula yahise yamagana yivuye inyuma uyu wiyise Kasuku.media.rw avuga ko uwabyanditse agaragaza urwango amwanga akaba yatangajwe no kubona byanditse ngo mu gihe buri wese afite impungenge z’ubuzima bwe agatungurwa no kuba yanasebeje umuryango we.

Social Mula yagize ati “Ndagusabye ubutaha ntihazagarukemo mama w’umwana wanjye, hanyuma jyewe ujye untuka uko ushatse nta kibazo”.

Ibi Social Mula akaba abibona nk’aho uwabikoze yashakaga kumuhungabanya mu bihe bigoye byo kwibuka ku nshuro ya 26 Jenoside yakorewe Abatutsi.

Social Mula yasabye Polisi gukurikirana uwabikoze, asaba ndetse n’itangazamakuru kwamagana bene iriya migirire.

Mu butumwa yanyujije kuri Twitter, yagize ati “Polisi y’u Rwanda, mu bushishozi n’ubushobozi tuzi ko mufite, turasaba kudufasha gukurikirana uyu wiyita kasuku media uba USA ushishikajwe no guharabika abantu ndetse n’imiryango yabo. Iyi nshuro nanjye nagizweho ingaruka n’ibyo atangaza, sjjye jyenyine hari n’abandi.”

Polisi y’igihugu ifatanyije na RIB yagiye yakira ibirego by’abahanzi n’ibindi byamamare kubera abantu babasebyaga, ndetse bakavuga ko bari gukora iperereza ku byaha byabo bamwe bakaba barafashwe bakanabihanirwa.

Ingingo ya 39 ijyanye no gutanga amakuru y’ibihuha mu gitabo cy’amategeko ahana ibyaha mu Rwanda ivuga ko umuntu wese ubizi wifashishije mudasobwa cyangwa urusobe rwa mudasobwa ashobora guteza ubwoba, imvururu cyangwa ihohoterwa muri rubanda, cyangwa ashobora gutuma umuntu atakarizwa icyizere aba akoze icyaha.

Iyo abihamijwe n’urukiko ahanishwa igifungo kitari munsi y’imyaka itatu ariko kitarenza imyaka itanu (5) n’ihazabu y’amafaranga y’u Rwanda itari munsi ya miliyoni imwe (1,000,000frw) ariko atarenze miriyoni eshatu (3,000,000frw).

Mary Agyeiwaa Agyapong yazize COVID-19, umwana yari atwute ararokoka (Ifoto: Internet)

Ms Agyapong yajyanywe ku bitaro ku wa 07 Mata 2020, basanga afite COVID-19.

David Carter, Umuyobozi nshingwabikorwa (chief executive) wa Bedfordshire Hospitals NHS Foundation Trust, yavuze ko yari umuforomokazi mwiza kandi w’intangarugero mu bitaro bya kaminuza ya Luton and Dunstable trust.

Yongeye ho ati "Twihanganishije kandi twifatanyije n’umuryango n’inshuti bya Mary muri ibi bihe by’umubabaro" .

Umugabo wa Ms Agyapon na we yishyize mu kato kandi yasuzumwe Covid-19.

Iyi nkuru ya BBC itavuga ko abakoranaga na Ms Agyapong wanahawe izina rya Ms Boating amaze gushyingirwa, bakoze urubuga rwo gutanga umusanzu wo gufasha umuryango we.

Uwakoranaga na Ms Agyapong yavuze ati "Yari yaratanze ubuzima bwe kuri NHS nk’umuforomokazi".

Renai Mcinerney yanditse agira ati: "Umuvandimwe Mary yari inshuti, nakoranye na we imyaka mike. Umuryango we ukwiye kwitabwaho nk’uko na we yatanze ubuzima bwe kuri NHS nkumuforomokazi.”

Ati "Iki ni igihe cyo kwimenya tukiyitaho tugasubirana ukwigomwa Marry yahoranye, tugatanga bike ariko byinshi muri iki gihe umuryango we ucyeneye ubufasha. Iruhuko ridashira muvandimwe Marry!”

Umuhanzi Niyomwungere Leonard yakunzwe mu ndirimbo ze zitandukanye harimo iyitwa ’Abantu’ (Ifoto: Internet)

Biravugwa ko we n’umugore we bose bapimwe bagasanga baranduye iki cyorezo ndetse umugore akaba arembeye mu gihugu cya Malawi, nk’uko abari muri icyo gihugu babibwiye Kigali Today.

Uyu mugabo wari ukiri muto kuko yari afite imyaka 44 y’amavuko, yari azwi nk’umuhanzi waririmbye indirimbo zakunzwe cyane mu Burundi no mu Rwanda nk’indirimbo yise ‘Abantu’, aho aba avuga uburyo abantu bagoye ko icyo wakora cyose bakuvuga. Muri iyo ndirimbo avuga ko iyo ufite ibyiza ngo bakuvuga nabi ndetse wagira n’ibibi bakakuvuga kurushaho.

Indi ndirimbo yakunzwe ni indirimbo yise ‘Yozefu Muri Egiputa’ avugamo amagambo ‘Nzunamurira amaso Yesu’, aho avuga inkuru ya Yozefu wo muri Bibiliya wanzwe na bene se, uyu muhanzi na we akavuga ko nubwo isi yahinduka abantu bose bakamwanga azaguma kuri Yesu kuko ari we ugira urukundo nyakuri.

Umva indirimbo ‘Abantu’ y’umuhanzi Leonard Niyomwungere

Nyampinga w’u Bwongereza Bhasha Mukherjee yabaye ahagaritse ibikorwa bye ajya gufatanya n’abaganga guhangana na Coronavirus (Photo:Internet)

Uyu Nyampinga yari yahagaritse akazi k’ubuganga yigiye atangira inshingano ze nshya zo kuba yaratorewe kuba nyampinga mu gihugu cye, nyamara kubera ko icyoreszo cya Covid-19 gikomeje gushegesha igihugu cye cy’u Bwongereza, yahisemo kuba abihagaritse aza gufatanya mu rugamba n’abandi baganga.

Bhasha Mukherjee yatumiwe nk’ambasaderi w’ibikorwa by’ubugiraneza ku isi yose ndetse akaba yari yafashe icyemezo cyo kuba ahagaritse ibyo kuvura.

Yagize ati “Nari natumiwe muri Afurika, Turukiya, u Buhinde, Pakistan, muri Aziya n’ibindi bihugu bitandukanye”.

Nyuma y’ubutumwa bwa bagenzi be biganye ibijyanye no kuvura muri the Pilgrim Hospital i Boston, mu burasirazuba bw’u Bwongereza bamubwira ko Coronavirus iri gushegesha igihugu cye, yahise avugana n’ubuyobozi bw’ibyo bitaro ngo agaruke ku kazi kajyanye n’ibyo yize.

Yabwiye CNN ko nta cyo byaba bimaze kwambara ikamba ari gukora ibikorwa bw’ubugiraneza, mu gihe abantu babuze ubufasha bw’abaganga bakaguma kwicwa na Coronavirus ku isi kandi ari kubisabwa na bagenzi be kubera gukora ubutaruhuka.

Yagize ati “Iyo ukora ibikorwa by’ubugiraneza bisaba kwambara ikamba wahawe ugakomeza ukiyitaho ngo ugaragare neza, nahisemo kugaruka vuba mu rugo ngo nsubire mu kazi”.

Bhasha Mukherjee w’imyaka 24 yatowe mu mu kwezi kwa Kanama muri 2019 nka Miss w’u Bwongereza, akaba yasubiye mu gihugu cye ndetse ahita yishyira mu kato k’iminsi 14, akazakavamo ajya gufatanya n’abandi baganga bagenzi be mu guhangana na Coronavirus.

Mihigo François Chouchou wahimbye indirimbo ya Coronavirus (Photo:Internet)

Iyi ndirimbo akaba yarayiririmbye mu ndimi zitandutakanye ari zo ikinyarwanda, icyongereza, igifaransa ndetse n’igiswahili.

Mihigo yagize ati “Uru ni urugamba dufatanyije twese yaba abakuru, abato, abayobozi, abanyamakuru, abahanzi ndetse n’abatuye isi bose, buri wese akaba agomba umuganda ngo gihashywe burundu”.

Muri ibyo bikorwa rero harimo gukangurira abatuye isi kubahiriza amabwiriza bahabwa n’inzego z’ubuzima, hakaba harimo kuguma mu rugo (stayhome) gukaraba intoki (hagati yamasegonda 40-60), ibi kandi bigakorwa kenshi ku munsi, no kwegera inzego zubuzima mu gihe wumva ufite ibimenyetso bya covid-19.

Uyu muhanzi yagize ati “Mu mashusho y’indirimbo coronavirus nashyize ahagaragara nderekana ibyo bikorwa byose, birimo gukaraba intoki mu buryo buboneye, inyungu n’uburyo bwo kuguma mu rugo ukaguma gufatanya n’abandi muri uru rugamba rwo kwirinda icyi cyorezo cyugarije isi, akaba ari indirimbo izatuma buri wese abona umusanzu afite mu guhashya iki Covid-19”.

Umuhanzi François Mihigo Chouchou, ni umwe mu bahanzi bo hambere bazwiho umwihariko mu gucuranga gitari, yamenyekanye mu ma orchestres nka Nyampinga, Ingeri international n’izindi.

Yamamaye ku ndirimbo yakuzwe na benshi yise ‘mama’ cyagwa ‘kuva nkivuka’, akaba akorera umuziki we mu Bubirigi no mu Rwanda ariko kuri ubu akaba abarizwa mu gihugu cy’ u Rwanda.

Abashinzwe kwimura abaturage ku bw’inyungu rusange baratangaza ko bamaze gushaka umuti urambye uzatuma nta baturage bazongera kutanyurwa n’uburyo bimurwamo ndetse no kwitotombera igenagaciro ry’imitungo yabo.

Ibi babitangje mu nama yateguwe n’umuryango w’abanyamakuru baharanira amahoro (Pax Press), ku bibazo biri mu iyimurwa ry’abaturage ku bw’inyungu rusange, kuri uyu wa gatanu tariki ya 15 Ugushyingo 2019.

Umuhuzabikorwa w’umuryango w’abanyamakuru baharanira amahoro Pax Press, Albert Baudouin Twizeyimana, yatangaje ko basuye abaturage mu turere dutandukanye basanga hari abaturage batanyurwa n’uburyo bimurwa ndetse bakaba batishimira ingurane bahabwa, akaba ari yo mpamvu bateguye iyi nama ngo bigire hamwe icyakorwa.

muhuzabikorwa w’umuryango w’abanyamakuru baharanira amahoro Pax Press, Albert Baudouin Twizeyimana

Yagize ati “Hari aho twagiye tugasanga abaturage bitotomba bati batubujije guhinga, ntabwo baduha ingurane ikwiye n’ibindi, ibyo byose rero ni byo twasabye inzego zibishinzwe ngo biganirwego, ntihazagire umuturage wongera kwitotomba ngo asigarane ibikomere ku mutima we kubera umutungo we”.

Albert Baudouin Twizeyimana asanga itegeko rya 2015 rijyanye no kwimura abantu ryasiba ibyuho birigize bityo abaturage bakanogerwa n’uburyo bimurwamo.

KAmpayana Augustin ushinzwe ishami ry’imiturire mu kigo cy’imiturire mu Rwanda (RHA), avuga ko bikwiye ko iki kibazo gihagurukirwa, ibibazo bikavaho burundu abaturage bakabona ibibagomba ndetse hakabaho n’ibihano ku babahombya.

Yagize ati “Ibibazo byari byinshi mbere y’itegeko ryo muri 2015, nyuma byagiye bigabanuka, turashaka ko bishira burundu umuturage agahabwa ibyo akwiye, yatinzwa kwishyurwa agahabwa indishyi, iminsi yarenga nabwo umutungo we ukongera ugahabwa agaciro ukwiye”.

Kampayana avuga ko bizarushaho kuba byiza ubwo komite ishinzwe kubikurikirana igenwa n’itegeko izaba yashyizweho kandi ko bizwi ko ari ikibazo gikomeye kandi kigomba gushakirwa umuti wa burundu.

Iyi nama yahuje abanyamakuru batandukanye, sosiyete sivile, Ikigo gishinzwe ubwikorezi (RTDA), ikigo cy’igihugu gishinzwe amazi isuku n’isukura (WASAC), umujyi wa Kigali, Pax Press n’abandi bafite aho bahuriye n’iyimurwa ry’abaturage ku nyungu rusange.

Abantu twaganiriye bagiye batubwira tumwe mu tubari twaciye ibintu ku mpamvu zitandukanye, zirimo serivisi nziza, umuziki mwiza, igikoni cyiza n’uburyo twabaga dushyushye (ambiance yaharanze).

Hari utwabayeho mbere ya Jenoside yakorewe Abatutsi tuza gukomeza nyuma yayo ariko turazima, ndetse n’utwavutse nyuma tugakora amateka tukaburirwa irengero kugeza ubu.

1. Café Impala: Ni kabari kabaga hafi y’ahubatse Serena Hotel, karakunzwe cyane kubera ko kabaga gacurangirwamo n’ama orchestres yari akomeye icyo gihe nka Impala, Nyampinga z’izindi.

Aha ni ho hahoze Café Impala

Karakunzwe ariko kaza kuzimira ndetse naho kari kubatse ntihakibaho hari amahema aberamo ibitaramo.

2. Tiamo: Ni akabari kabaga mu Kiyovu cy’abakire kakunzwe cyane mu myaka ya 2010 kuzamura, katumiraga abahanzi batandukanye b’ibyamamare, ndetse n’abacuranga imbona nkubone, nyamara ntawamenye uko kazimiye.

Ahahoze Tiamo

Akabari kitwa La Classe na Dowtown mu mujyi wa Kigali rwagati twakanyujijejo gusa tuza kugenda nka nyomberi.

3. Divinity i Remera Kisimenti: Mu myaka ya 2011, aka kabari kari kazanye amarere gacurangirwamo na Impala kenshi, abantu benshi barakayobotse ntawamenye uko kaje guhomba kaburirwa irengero.

Ahahoze Divinity hari kubakwa

4. Nyirarock: Ni akabari kakunzwe cyane buri weekend abantu barwaniraga kujya kuhasohokera, kabaga hafi ya rond point yo mu mujyi rwa gati.

Aha ni ho hahoze Nyirarock

Habaga n’akabyiniro gusa ngo hakundaga kuba amahane, kaje kuzima ndetse naho kari kubatse harasenywe.

5. Cadillac: Ni akabyiniro kabyiniwemo n’abantu b’ingeri zose kabaga ku Kimihurura.

Ni ko kabyiniro kabaye ak’ibihe byose kaje gushya muri 2012, birangira katongeye kubakwa, nyirako uzwi ku izina rya Cobra ashinga utundi nka Cocobin iri ku Kimihurura.

Aha ni ho Cadillac Night Club yahoze itarashya

Cadillac yari yegeranye n’akandi kabyiniro kitwaga ‘Kigali night’ na ko kakunzwe na benshi ariko kakaza kuzimira.

6. Abraxas: Ni akabari kari kamaze kumenyerwa ku muziki wako wari imbonankubone (live), ahahoze inzu ndangamuco w’u Rwanda n’Ubufaransa, nyuma y’agatotsi k’imibanire y’ibyo bihugu byombi n’inzu bakoreragamo igahagarikwa kahise kazimira.

7. Bar Cosmos: Ni kamwe mu tubari twakunzwe cyane mu mujyi wa Kigali, habagamo akabyiniro abakiri bato bakabyina ku manywa abakuze bagatangira kwinjira mu ma saa kumi n’ebyiri z’umugoroba.

Habaga brochettes zakundwaga na benshi, gusa kaje kuzimira nyuma ya Jenoside kaburirwa irengero.

8. Chene vert: Ni akabari kari kari ku Muhima, kari karabaye indatwa mu kugira inkoko yokeje neza, kabayeho mbere ya Jenoside yakorewe Abatutsi ndetse na nyuma karakomeza, gusa kaza gusenywa n’ikorwa ry’umuhanda.

9. BCR I Nyamirambo: Ni akabari kakunzwe cyane mu myaka ya za 2010 ndetse karamarara, kagakundirwa ko kagiraga abakobwa beza bagakoragamo, gusa kaje kugenda nk’umuyonga ntawamenye aho karengeye.

Aha ni ho hahoze akabari ka BCR

10. Kigali Night: Nako ni akabari kahoze haruguru ya Cadillac, kari kagezweho, ariko kaje kuzimira burundu.

Aha hari Kigali Night

Ntitwareka kuvuga akabari kabayeho mbere ya Jenoside yakorewe Abatutsi kitwa Filao, kabayeho mu myaka ya za 1980 na n’ubu kakaba kakiriho.

Ntitwabura kandi kubabwira utundi tubari twamenyekanye tukaba tutakiriho nka Deviniere, Eden Garden, Imararungu Bar, Rossignol Bar kuri Peage, Oisis Bar, Six heures a Six heures, Carvados, Sun City, Costa Brava,La fraicheur n’utundi.

Ababaye muri Butare itaritwa Huye, baribuka Somborero, Malo Twist, abo ku Gisenyi ntibakwibagirwa Sodevi Gisenyi n’ahandi.

Mirafa yasinyishijwe na Rayon Sports nyuma yo kwirukanwa na APR FC

Mu kiganiro yahaye radiyo Isango star Nizeyimana Mirafa, yavuze ko yatunguwe cyane no kumva ko yirukanywe mu ikipe ya APR FC, agwa igihumure ahita afata icyemezo cyo kuva burundu mu mupira w’amaguru ariko biza kurangira yisubiyeho.

Yagize ati “Nari nagiye gukorera permis ntanze ibyangombwa byo gukora numva barambwiye ngo ese ni wowe birukanyN? nkeka ko banyibeshyeho kuko inama yo kutwirukana sinari nayigiyemo, ubwo inshuti zanjye zampaye imbaraga ndakomeza ndakora ndetse ndanatsinda”.

Mirafa ngo yakomeye ku cyemezo cye kuko ngo atiyumvishaga ibimubayeho cyane ko atumvaga impamvu yo kwirukanwa kwe, gusa ngo ntibyatinze abantu bo muri Rayon baza kumuhamagara yumva yongeye kugarura icyizere.

Yagize ati “nageze mu rugo mfite intege nke bitaratinda abantu bo muri Rayon barampamagara mpita nisubiraho kuko na yo ni ikipe ikomeye ntabwo ibiganiro byacu byagoranye kuko twahise twumvikana”.

Nizeyimana Mirafa (wa kabiri uhereye ibumoso) avuga ko kwirukanwa muri APR FC byatumye atekereza guhagarika umupira w’amaguru

Muri iki kiganiro umukinnyi Mirafa yagaragaje inyota ikomeye yo gukinira ikipe y’igihugu Amavubi avuga ko yifuza kuzakina mu mavubi igihe cyose azaba agikina umupira w’amaguru cyane ko ngo abatoza b’abazungu akenshi bakunda guha amahirwe yo kubanza mu kibuga abakinnyi bahamagarwa mu ikipe y’igihugu.

Mirafa kandi yatangaje ko avukana na Haruna Niyonzima kapiteni w’ikipe y’igihugu kwa se wabo, umuryango uzwiho impano mu mupira w’amaguru.

Umukecuru uhagaze iburyo imbere yari ahagarariye Munganyimana, umwe mu bahawe ubufasha na "Akazi Kanoze Access"

Abaremewe ni Marcel Zigiranyirazo na Azera Munganyimana, bahawe ibikoresho by’ibanze by’ubuzima, birimo ibiribwa, ibiryamirwa ndetse banahabwa ibikoresho by’ubwubatsi birimo amabati na sima.

Zigiranyirazo yahawe ibyo kurya, ndetse anahabwa imifuka icyenda ya sima n’amabati 25 bizamufasha kubaka inzu yo kubamo.

Ubusanzwe ngo yabaga mu kazu gato cyane we yita “umwobo”, akakabanamo n’abana be batatu, kandi nta mugore agira.

Munganyimana we yahawe ibyo kurya, ibiryamirwa ndetse n’amafaranga azamufasha kwikenura ku bindi akeneye, kuko we asanzwe yari afite inzu yubakiwe, ariko akaba ashaje atabashije gukora kandi yaranamugaye.

Abahawe ubwo bufasha batangaje ko bari mu buzima bubi bikabije nta cyizere cy’ubuzima bagifite, none bakaba bongeye kwishimira ko hari abantu bakibazirikana.

Zigiranyirazo wahawe ibikoresho by’ubwubatsi, avuga ko yari amaze igihe afite inzozi zo kubona aho arambika umusaya, none zikaba zigiye kuba impamo.

Yagize ati “Nabaga mu mwobo kurya ari ikibazo. Ibi mbifashe nk’inzozi zigiye kuba impamo, Imana yonyine izabampembere”.

Uhagarariye umuryango ‘Akazi kanoze Access’, Twagizihirwe Valens, yatangaje ko buri munyarwanda wese akwiye kugira uruhare mu kwibuka Jenoside yakorewe Abatutsi, ndetse no gukora ibishoboka ngo Jenoside ntizongere ukundi, bityo ko iki gikorwa kitazahagarara mu muryango ayoboye.

Abayobozi ba Akazi Kanoze Access bunamiye inzirakarengane zazize Jenoside yakorewe Abatutsi

Yagize ati “Iki ni igikorwa twatekereje mu rwego rwo kwifatanya n’abandi Banyarwanda kwibuka Jenoside yakorewe Abatutsi mu 1994 muri iyi minsi 100. Twaremeye n’abarokotse Jenoside batishoboye kandi ni igikorwa tuzajya dukora buri mwaka”.

Umuyobozi ushinzwe ubukungu mu murenge wa Kayenzi, Uwayezu Servire, yavuze ko hari abarokotse bagifite ibibazo by’ingutu bijyanye n’imibereho, bitewe n’ubukana Jenoside yakoranywe bityo n’ibikomere byayo bikaba bitoroshye gukira ariko ko ubuyobozi n’abafatanyabikorwa bagerageza kubishakira ibisubizo.

Ati “Ntibitworohera gusaranganya ubushobozi buke dufite ngo tubugeze ku bakeneye ubufasha bose, gusa dufatanya n’abafatanyabikorwa bacu bityo tukagenda tugera ku bababaye kurusha abandi”.

Umuryango ‘Akazi kanoze Access’, ni umuryango wita ku rubyiruko ubaha amahugurwa y’ubumenyi rusange n’ubumenyi ngiro, ukabafasha no kwihangira imirimo.

Abakozi ba Akazi Kanoze Access nabo babwiwe amateka y’urwibutso rwa Kamonyi

Aba baturage bavuga ko bigoye kweza muri Nyagisozi mu gihe utabashije gufumbira kubera ko ubutaka bwaho busharira, bityo ko iyo bahinze bagomba guhita bateramo ifumbire ngo bizere kuzeza imyaka yabo.

Umwe muri abo bahinzi witwa Ntamabyariro avuga ko buri gihe inyongeramusaruro zibageraho zaratinze igihe cy’ihinga kirimbanyije bityo umusaruro baba biteze ku buhinzi bwabo ukadindira, ibyo bashoye mu buhinzi bikaza ari igihombo aho kuba inyungu kuri bo.

Yagize ati “Imbaraga dushora mu buhinzi n’inyungu tubikuramo birahabanye, buri gihe tubona ishwagara yo gushyira mu butaka bwacu igihe cy’ihinga kigeze hagati, no kubona imbuto y’indobanure bikaba ikibazo, twayobewe uko twabigenza kuko ni ibintu biba buri gihe cy’ihinga”.

Undi muturage wo muri uyu murenge we avuga ko abona bigenda bikosoka ariko agasaba ko habaho guhozaho bityo imvura igatangira kugwa inyongeramusaruro zarageze ku bahinzi cyane ko nta muntu ujya inama n’ikirere.

Yagize ati “Abashinzwe ubuhinzi bizera amatariki n’amezi bakibeshya ko imvura izagwa mu kwa cyenda maze ikabahima igatangira mu kwa munani, kandi iyo imvura iguye twebwe dutangira imirimo y’ubuhinzi. Ni byiza ko izo nyongeramusaruro zajya zitugeraho hakiri kare rwose tukazibikaho imvura itaraganya kugwa”.

Ifumbire n’inyongeramusaruro ya Nkunganire iratinda

Ubusanzwe abaturage babona inyongeramusaruro n’ifumbire biciye muri Tubura na Nkunganire. Ibitangwa na Tubura abaturage bavuga ko bihagerera igihe n’ababikoresheje bagahinga ku gihe, nyamara iyo bigeze kuri Nkunganire yo igatinda. Ni byo umwe muri abo bahinzi asobanura ati “Tubura yo iba yarabikoze kare ndetse ikanaguriza abaturage, abatarayigannye bategereza ibya Leta ni bo bagira ibibazo by’itinda ry’inyongeramusaruro, zanahagera bagatinda kubona amafaranga yo kuzigura”.

Umunyamabanga Nshingwabikorwa w’Umurenge wa Nyagisozi, Umuhoza Josephine, avuga ko ibyo gutinda kw’inyongeramusaruro muri Nyagisozi ari amateka kuko byabaga mu myaka yashize. Umuhoza asobanura ko abaturage batinda kwiyandikisha ndetse ntibihutire gutanga amafaranga hakiri kare ngo batumirizwe ifumbire ari bo bahura n’ibibazo byo kuzibura bakabyitirira gutinda.

Yagize ati “Ibyo gutinda kw’inyongeramusaruro byabayeho mu myaka yo hambere, ubu ziraboneka kandi zikabonekera igihe. Gusa abazigurisha bakoresha amaliste y’abaturage biyandikishije kugira ngo ubwabo bikorere igenamigambi banamenye ifumbire cyangwa imbuto bazatumiza uko bingana, cyangwa bikaza abo biyandikishije batarabona amafaranga”.

Umuhoza avuga ko kubera abakorana n’umushinga wa Tubura babakopa (babaguriza) bo batajya bahura n’icyo kibazo, agasaba abaturage kutarindira umunsi wa nyuma wo gutangira guhinga ngo abe aribwo batekereza gushaka amafaranga yo kugura inyongeramusaruro.

Tubura ni umushinga wigenga ufasha abaturage mu bijyanye n’ubuhinzi no kubona inyongeramusaruro, bakabaguriza bakazishyura bejeje, mu gihe Nkunganire ari gahunda ya Leta aho Leta yishyura igice ku nyongeramusaruro, abaturage bagatanga ikindi gisigaye.

Abaturage b’Umurenge wa Nyagisozi muri Nyaruguru abenshi batunzwe n’ubuhinzi n’ubworozi. Bimwe mu byo bahinga byiganjemo ibishyimbo urutoki n’ibijumba.

Amis des Jeunes bagiye gukora igitaramo bazacurangishamo amenyo n’ibirenge

Hari hashize igihe nta bitaramo by’ama Orchestres bikunze kubaho mu Rwanda.

Aba bahanzi bamenyekanye mu ndirimbo Umutesi, Radio Rwanda, CPGL (Rwanda Paradizo) n’izindi, bavuga ko bahagurutse I Rusizi baje kwerekana ko bahoze ari Orchestre ikunzwe mu Rwanda n’ubu ikaba ikomeje kugaragaza ubuhanga bwayo.

Umwe mu bagize iyi Orchestre akaba n’umwe mu bateguye iki gitaramo, Nteziryayo Isaie avuga ko bifuza kugarura ibitaramo bya Orchestre, aho abantu bafata umwanya bakaza kureba umuziki w’umwimerere ndetse bagasabana n’abahanzi babo.

Yagize ati “Turashaka kwerekana ko ibitaramo bikomeye by’ama orchestres bigikorwa kandi ko bigikunzwe.Ni igihe cyo kwerekana uburyo iyi orchestre yakunzwe ndetse igikomeye kurenza izo twamenye muri iki gihugu”.

Nteziryayo avuga ko abazitabira biriya birori bazabona udushya twinshi batari bamenyereye nko kubyina bidasanzwe no gucuranga mu buryo batamenyereye.

Yagize ati “Kuba dukomoka ahantu haba umuziki cyane (Rusizi) haturanye na Congo, hari udushya twinshi abantu batazi, gucurangisha amenyo, gucurangisha amaguru n’uburyo bw’imibyinire idasanzwe, mu muziki w’umwimerere utavangiye nibyo bazabona”.

Ibi birori bizatangira guhera I saa cyenda birangire saa mbiri z’umugoroba ku Cyumweru, muri Green Garden munsi ya ULK.

Aba bahanzi bazwi mu kuririmba indirimbo za karahanyuze, izigezweho ndetse n’izabo bwite.

Bahuriye mu biganiro basaba ko gutera inda abakiri bato byahagarara

Iyo miryango yaganiriye kuri gahunda yo gusaba abafata ibyemezo gukuraho inzitizi zibuza abakiri bato kubona servisi zijyanye no kwirinda inda zitateguwe.

Abana batarageza ku myaka 18 bakomeje guterwa inda zitateguwe, hirya no hino mu gihugu hakiyongeraho ababyeyi babyara batitaye ku bushobozi bwabo, bishobora kuzatera ikibazo ku gihugu ku igenamigambi ryacyo mu gihe ntacyakorwa ngo bihagarare.

Jean Rene Shema uhagarariye umuryango Global Health Corps mu Rwanda, avuga ko hari amategeko akibangamira abatarageza ku myaka y’ubukure. Hari nk’aho basabwa ko bahabwa serivisi z’ibijyanye no kwirinda inda zitateguwe bari kumwe n’ababyeyi babo nyamara hari ubwo baba batari kumwe n’ababyeyi babo buri gihe, ibi Shema agasanga bikwiye guhinduka.

Yagize ati “Hari ubwo umwana aba ari ku ishuri, hari ubwo umwana aba yaragiye aho atari kumwe n’ababyeyi, bityo akaba akeneye servisi zituma adasama mu gihe bibaye ngombwa”.

Jean Rene Shema umuyobozi wa Global Health Corps mu Rwanda asaba ko inzitizi mu kuboneza urubyaro ku bakiri bato zakurwaho

Shema akomeza asaba abanyamadini n’abakomeye ku muco kutirengagiza ukuri bakareba uburyo isi igenda itera imbere muri byinshi, aho usanga ababyeyi na bo bafite amakuru make ugereranyije n’abana babo, bakanareba uburyo ubwiyongere bw’abaturage bukomeje kuba ikibazo.

Yagize ati “Mureke twese turebe mu maso ikibazo gihari, hari ubwo twibeshya ko ababyeyi bataganira n’abana babo kubera umuco nyamara na bo ubwabo hari ibyo batazi, nko kumenya ko waganiriza umwana bitewe n’imyaka afite, ni byiza rero ko biharirwa ababifitiye ubumenyi, abanyamadini na bo bakwiye kureba ikibazo mu maso kuko kitwugarije”.

Dr Aphrodis Kagaba akuriye umuryango HDI wita ku iterambere ry’ubuzima, avuga ko umwangavu wabyaye agira ingaruka nyinshi zidindiza iterambere rye ndetse n’iry’umuryango bityo ko kurengera no gukuraho inzitizi ahura na zo bifite icyo bivuze ku gihugu.

Yagize ati “Abana bato batewe inda baba ababyeyi bakiri bato, bagata ishuri bakangara n’ibindi bibi byinshi. Amategeko akwiye kubarengera, bakagira ubumenyi ku myororokere yabo”.

Basanga abato na bo bakwiye kubona serivisi zose zo kuboneza urubyaro kwa muganga

Umuhoza Chantal ukorera mu muryango Spectra wita ku bakobwa bakiri bato, asaba ko urubyiruko rumenya amakuru nyakuri ku buzima bwabo ndetse bagahabwa agaciro kuko abenshi bakora imibonano mpuzabitsina bakiri bato.

Yagize ati “Hari abibwira ko abakiri bato badakora imibonano mpuzabitsina nyamara barabikora, hakwiye ko babona amakuru nyayo ku buzima bwabo, kuko iyo bayakuye ahandi hari ubwo bayabona akabayobya”.

Ubwo Minisitiri w’Intebe yitabaga Inteko Ishinga Amategeko muri Nyakanga 2018, yagaragaje ikibazo cy’ubwiyongere bw’abaturage, avuga ko mu mezi atandatu ya 2018 hari hamaze kuvuka abana barenga ibihumbi 160 abenshi babyawe n’abana bakiri bato.

Imiryango ifatanyije na Global Health Corps ikaba igiye kwandikira abafata ibyemezo ibasaba ko hakurwaho inzitizi zose zikumira abana batarageza ku myaka y’ubukure kubona serivizi zo kuboneza urubyaro, nko kubasaba ko bazisaba bari kumwe buri gihe n’ababyeyi babo.

Bagiye biyemeje kuba inararibonye mu bwubatsi

Cecile Uwimana umwe mu bagize urugaga rw’abanjeniyeri, avuga ko mbere y’uko uru rugaga rubaho byasabaga kuba umuntu afite amafaranga batitaye ku bumenyi afite agahita yitwa umunjenyeri, ibintu byashyiraga abantu mu kaga rimwe na rimwe hakaba impanuka ziturutse ku myubakire mibi, hakabura ubibazwa.

Yagize ati “ubu buri wese aza muri uru rugaga akanarahirira inshingano ze, kuko ni umwuga ushobora gushyira abantu benshi mu kaga, ni yo mpamvu umuntu umunjeniyeri agomba kuba afite ubushobozi n’ubumenyi bihagije”.

Akomeza avuga ko ari yo mpamvu bagenera imyimenyerezo abarangije kwiga ubwubatsi bagakorera ahantu hatandukanye, bityo bakabikora babizi kandi babishoboye.

Ku ruhande rw’abagiye kwimenyereza mu bwubatsi bemeza ko abanyeshuri benshi bibanda ku bintu byanditse ugasanga babizi mu magambo ariko batazi kubikora.

Habineza Jean Luc Deo ugiye kwimenyereza, yagize ati “ngiye kubona ubunararibonye kuko hari ibyo nari nzi ariko ntaragira amahirwe yo kubikora”.

Ineza Nora na we ni umukobwa w’umwubatsi wemeza ko kubaka yabikoze nk’umukobwa kubera ko zahoze ari inzozi ze ariko agashimangira ko bigoye kubona ahantu henshi ho kwimenyereza bikaba bigoye ko warangiza kwiga ugahita utangira gukora akazi.

Yagize ati “tugiye gukorana n’abamaze igihe muri aka kazi babifitemo uburambe. Tuzashyira mu bikorwa ibyo twize mu magambo, ku buryo mu mezi atandatu tuzaba natwe turi ba kabuhariwe mu bwubatsi”.

Urugaga rw’abubatsi rwatangiye kubaka ubushobozi bwabo mu mwaka wa 2017 batangiza abanyeshuri 30. Kuri ubu abagera kuri 60 nibo bagiye guhabwa bene aya mahugurwa, abarenga 30 bakaba barahise babona akazi ndetse bakaba bizeye ko n’aba 60 bashobora guhita babona akazi.

IbI byose babifashwa n’ikigo cy’abongereza Royal Academy engineering, bagatoranywa bitewe n’ubushobozi buhari kuko baba baturuka mu makaminuza atandukanye mu Rwanda.

Abanyarwenya ngo bazabasetsa kugeza bucyeye

Ni igitaramo kizaba kuri uyu wa gatanu tariki ya 14 Ukuboza 2018 muri Park In mu Kiyovu muri Club JJ, ni igitaramo bitaganyijwe ko kizatangira guhera I saa kumi n’ebyiri z’umugoroba.

Iki gitaramo kizitabirwa n’abanyarwenya bakomeye nka Napoleon uzwi cyane mu gihugu cya Uganda ndetse n’umugore wahogoje abanya Kenya uzwi ku izina rya Mammito bakazafatanya n’abanyarwenya bo mu Rwanda bagize Comedy Knight.

Umwe mu bateguye iki gitaramo Babou yavuze ko bashaka guha abanyarwanda ubunani na noheri babakiza amavunane, akaba yemeza ko gishobora kuba ari cyo gitaramo cy’urwenya kizaba kibaye mu Rwanda kirimo abanyarwenya byahamye.

Yagize ati “abanyarwanda bazitabira iki gitaramo bazaze bafite imbavu zikora neza kuko tugiye kubaha ubunani baseka buri wese uzahagera azabona ko ari igitaramo kidasanzwe”.

Babou yasabye abazitabira iki gitaramo kuzinduka kuko kizatangira kare kandi ko byaba byiza hatagize igitambuka batarahagera.

Yagize ati “guhera saa kumi n’ebyiri z’umugoroba tuzaba dutangiye, tuzaba turi kumwe n’abami b’urwenya ku buryo nta rungu na mba rizahaba”.

Kwinjira muri ibi bitaramo bizasaba ibihumbi 5 by’amafaranga y’u Rwanda aho guhera I saa kumi n’ebyiri ibirori bizaba bitangiye.

Abaturage basigaye bishimira ko kuhira imyaka bituma bahinga igihe cyose

Aba baturage bavuga ko babikesha gahunda ya Leta yo kuhita imyaka, imaze imyaka igera kuri ine buhira imyaka yabo.

Bavuga ko byahinduye amateka kuko abenshi muri bo bahoraga bashonje, kubera izuba ryakundaga kwibasira agace kabo.

Uwimana Christine umwe mu batuye mu Murenge wa Gashora, wemeza ko nta mpungenge azasarura kuko asigaye yuhira imyaka ye mu ma sizeni yose.

Ati “Nejeje intoryi, mfite ibigori mpinga n’ibindi bihingwa. Nta kibazo na kimwe mfite ko hari ubwo nzabura amazi nkarumbya, kuko dusigaye twuhira imyaka yacu buri gihe. Tubikora nibura kabiri ku munsi.”

Majyambere we avuga ko basuhukaga iyo igihe cy’iziba cyageraga, bakazagaruka imvura yaguye ibintu.
Ati “Ubu nta nzara yatugeraho kuko turakora kandi buri gihe tuba dufite amazi, ntabwo rero twasuhuka mu gihe cy’izuba ryinshi ryajyaga ritwibasira”.

Ariko basigaranye ikibazo cyo kubona amafaranga ya lisansi n’utumashini twapfuye

Ariko abaturage bagaragaza ko ibyuma byuhira bikunze gupfa ndetse no kubona lisansi yo gushyiramo na byo bikababera ihurizo, nk’uko uwitwa Munyawera avitangaza.

Ati “Ibi byuma byuhira bimwe byarapfuye turasaba leta ko yabikoresha. Ariko kandi na lisansi nayo iratugora nkanjye aka karima kanjye gafite are nka 300 nkoresha litiro 2 ku munsi ubwo se ayo mafaranga nayakura he, usanga twunguka duke cyane kandi twagakwiye kuba tubona ibihwanye n’imbaraga zacu”.

Umuyobozi w’Akarere ka Bugesera Richard Mutabazi, avuga ko batari bazi ko ibyuma bizamura amazi byapfuye, akemeza ko bagiye kureba uko ikibazo cyakemuka ndetse n’abad

Ati “Byashyiriweho abaturage. Turareba niba byarapfuye koko tubahe ibindi cyangwa se niba bikeneye gukoreshwa na byo tubikore kuko byagenewe abaturage.

Akomeza agira ati “Twashyize mu mihigo uburyo bwo kuzafasha abaturage benshi abifite n’abafite ubushobozi buke ku buryo mu gihe kizaza bose bazaba bagerwaho n’iyi gahunda”.

Kuhira imyaka ni imwe muri gahunda za leta zashyizwe mu turere nka Bugesera turanywa no kugira amapfa kurenza utundi turere.

Abaturage bashima ko aho iyi gahunda yegze hari byinshi bamaze kugera kuko bakora ndetse bakanihaza mu biribwa.

Umuyobozi w’Akazi Kanoze Access yabaye ceritifika abatuma guhindura ubuzima

Banahawe ibikoresho by’ibanze mu myuga bahuguriwe ku n’umushinga Akazi kanoze Access, nyuma yo gusoza amasomo mu ishuri rya Gacuriro TVET, kuri uyu wa Kabiri tariki 30 Ukwakira 2018.

Nsengiyumva Jean Claude umwe muri bo yavuze ko bumvaga nta bundi buzima bizeraga uretse guhabwa akazi gaciriritse, kunywa ibiyobyabwenge no gukomeza ingeso mbi.

Yagize ati “Nari inzererezi nta kindi cyizere nari mfite. Ubu mbonye ubumenyi buzamfasha kwihangira akazi ndetse nkaba nanjye natanga akazi, cyane ko mbonye ibikoresho by’ibanze”.

Mugenzi we witwa Nyiransabimana Bertilde ati “Nabyariye iwacu n’ubwo naje kubona umugabo nta kindi nari mfite cyo gukora. ngiye gukora niteze imbere jyewe n’umuryango wanjye”.

Bahawe impanuro zo kwishyirahamwe ngo bagere kuri byinshi

Ngabonziza Germain , Umuyobozi w’icyigo cy’imyuga cya Gacuriro TVET, avuga ko abo banyeshuri bamaze kwerekana ko bafite ubushobozi bubakura ku ntera imwe bubajyana imbere.

Ati “Ubu hari abamaze kwishyira hamwe bashinga amakoperative akomeye mu gakinjiro mu kudoda, hari abamaze gushinga amagaraje, abari abantu boroheje bamwe baguze amamodoka”.

Umuyobozi w’a Akazi Kanoze Access Twagizihirwe Valens, avuga ko uyu mushinga uri mu gihugu cyose ugomba gufasha urubyiruko kwihangira umurimo no kubona akazi.

Ati “Turi guha amahirwe urubyiruko rwacikirije amashuri ruri hagati y’imyaka 18 na 30 ngo bamenye kwihangira imirimo no kubona akazi bigaragara ko abenshi bahita babona akazi ndetse abarenga kimwe cya kabiri bamaze kugira akazi.”

Abanyeshuri basoje amasomo uko ari 40 bahawe ibikoresho by’ubudozi n’ubukanishi bifite agaciro ka miriyoni 14Frw.

Abanyeshuri basaga ibihumbi birindwi bamaze guca muri Gacuriro TVET. Nibura 60% barabashije guhindura ubuzima bakagira ubuzima bwiza, abandi babona akazi kababeshaho.

Abana bahawe ibikoresho by’ibanze mu kwihangira umurimo

Aha niho hari hateretse inzoza za Rubingo wishwe na Ruganzu

Amateka avuga ko Rubingo yatinyutse kwica umwami Ndahiro Cyamatare se wa Ruganzu Ndoli anigarurira u Rwanda.

Ruganzu, umwami uzwiho kuba yari afite ubuhanga buhanitse ndetse n’ubugenge bamwe bagereranyaga n’amashitani cyangwa ubuhanga bwa Nyagasani, yakuranye inzika yo kuzahorera se.

Yabigezeho ubwo yigiraga umuhinzi agatunguka aho Rubingo yari atuye agasanga bahingishije na we akabafasha guhinga yarangiza agakubita ifuni wa muhinza Rubingo akamwica.

Byatumye abagaragu ba Rubingo n’ingabo ze bahita bayoboka Ruganzu maze banywa inzoga bari biteretse bashira inyota. Aho hantu basangiriye ni ho hahise hitwa ku nzoga za Rubingo.

Ni ku musozi wa Jali hejuru, ahantu hagaragara nk’ahari ibitare n’utwobo bavuga ko ari two bashingagamo imiheha ubundi bagasangirira ku ntango ya Ruganzu yagabiwe na Rubingo.

Umwe mu bahaturiye witwa Muzatsinda Jean Damascene ufite imyaka 68, avuga ko yakuze bavuga ko kera hahoraga habiramo amazi ndetse hakaba haragaragara ikirenge cy’umwami Ruganzu. N’aho umwami yanyuze agenda ngo bahise mu kiryamo cy’inzovu kubera ko hitse cyane.

Yagize ati “Twakuze tubona aha hantu bahubaha cyane ndetse abantu bahagera bakahasangirira ndetse bakanivuga, bakavuga ko ari ho Umwami Ruganzu yasangiriye n’ingabo za Rubingo amaze kumwica ndetse no gusubiza agaciro u Rwanda.”

Ku nzoga za Rubingo abantu barahahurira bakibuka amateka

Rukizangabo Aloys, umwe mu bakurikira amateka y’u Rwanda yibutsa Abanyarwanda ko nta wundi muntu uzakunda amateka yabo kubarusha.

Ati “Kuki ugera ahantu nk’aha h’amateka ukumva wahakerensa ukavuga ko atari byo, nyamara ugafata indege ukajya muri Isiraheri ugiye kureba ishyamba rya Getsemani cyangwa i Gorogota, nta kindi wahabona uretse ayo mateka bazakubwira cyangwa wasomye! Birakwiye ko natwe dukurikiza urwo rugero ngo twerekane amateka yacu.”

Umwe mu bakozi ba komisiyo y’igihugu ya UNESCO, Kajuga Jerome avuga ko igihe kigeze ngo ibikorwa ndangamateka bibungabungwe kandi bibyare umusaruro ku gihugu.

Ati “Hari ibimenyetso ndangamateka byinshi biri mu Rwanda, bikwiye kubungabungwa abantu bakabimenya ndetse bakagira umwanya wo kumenya amakuru yabyo bityo bigatangira gutanga umusaruro, tuzagenda tubikoraho byose.”

Mu kiryamo cy’inzovu no ku nzoga za Rubingo hamaze gushyirwaho uburyo abantu bashobora kujya bahasura bakabwirwa amateka yaho.

Abafite umwanya wo kuruhuka bakaba baharuhukira, ngo banateganya ko mu minsi ya vuba bazahakora neza kugira ngo harusheho kuba heza no kugira ibikorwaremezo bikwiye byafasha abakerarugendo bahasura.

Amatsinda nk’ibisumizi (ingabo za Ruganzu), Iriba, Ruganzu n’andi akora umukino wo guterera imisozi agamije no gusura ibyo byiza nyaburangwa byaranze amateka y’Abanyarwanda.

Alyn Sano ngo abazungu bamutereta ni benshi kubera injyana aririmbamo

Ibi ngo biterwa n’uko injyana yihebeye ya Jazz na Blues zikundwa cyane n’abazungu. Ubusanzwe akunda kubacurangira mu kazi afatanya n’ubuhanzi ariko ngo iyo bamaze kuryoherwa batangira kumwegera bamusaba kuryamana nabo.

Agira ati “Biba bigoye kubyumva kuko uko ucurangiye abantu nk’abazungu musoza baryohewe ntibagarukire aho kuko baba bashaka ko muryamana.”

Alyn ngo atangazwa n’uko nta Banyarwanda bajya bamugaragariza bene iyo myitwarire. Agakeka ko kuba abazungu babikora ari uko akunda kubaririmbira mu njyana bakunda no mu ndimi biyumvamo.

Ariko ngo yamaze gufatira ingamba abamutesha umutwe

Alyn Sano uzwi mu ndirimbo “Naremewe wowe”, avuga ko yafashe umwanzuro kubwiriza ijambo ry’Imana abamusaba kuryamana na we.

Ati “Abazungu bansaba ko turyamana namaze kubabonera ikibashobora mbabwira ko ntashobora kubabaza Imana yanjye kandi ko ntashobora gucumura kandi ari yo yangize uwo ndiwe, kandi nabonye babyubahiriza.”

Uyu mukobwa Alyn Sano uheruka no kwemeza Yvonne Chakachaka wakoreye igitaramo mu Rwanda mu minsi ishize, yamaze gushyira indirimbo hanze yise “Rwiyoborere”.

Avuga ko yayishyize hanze ashaka kwigisha abakundana ko bakwiye kureka ijwi ry’urukundo rikabayobora aho kubishyiramo imbaraga n’umugaga udakwiye.

Mu Rwanda hasigaye hari laboratwari izobereye mu gupima DNA

Uwo muryango uvuga ko hari byinshi bimaze kugerwaho mu Rwanda muri uru rwego ariko ko hari byinshi bigikeneye gushyirwamo ingufu kugira ngo umwana akomeze abungabungwe.

Umuhuzabikorwa w’uwo muryango, Ruzigana Maximilien avuga ko iyo raporo ije kunganira iyo Leta izatanga muri AU, kuko raporo yayo ihabwa agaciro ari uko habonetse n’iya sosiyete sivile nk’urwego rwigenga kandi ruhagarariye abaturage.

Yagize ati “Ni byiza ko tugira ibyo dukeburaho leta kugira ngo ubuzima bw’umwana bubungabungwe,twakoze raporo izuzuza iyo leta yatanze.”

Bimwe mu bikubiye muri iyo raporo, byiganjemo ibishimira Leta y’u Rwanda uruhare ikomeje kugira mu gusigasira uburenganzira bw’umwana.

Ruzigana Maximilien avuga ko umwana akwiye guhabwa umwanya nyawo

Gusa bongeramo ibyo ikwiye gushyiramo ingufu kurushaho, birimo ko abana badakwiye gucibwa amafaranga y’ibizamini byo kwa muganga mu gihe bashaka gupimisha ADN ngo bamenye ababyeyi babo.

Bifuza kandi ko guha umwana yajya ahabwa ijambo mu gihe ababyeyi batandukanye akihitiramo uwo agumana na we.

Ibindi bikubiye muri iyo raporo ni ukudaha abana ibihano birimo kubakubita no kutabagora mu gukuramo inda mu gihe bazitewe.

Ati “Hari ibikenewe kongerwamo ingufu nko gushyiraho amategeko abuza abantu guhanisha abana ibihano biremereye birimo gukubitwa, kwima abana ijambo nko mu gihe ababyeyi bashaka gutandukana n’ibindi.”

Umuryango utegamiye kuri Leta “Umwana ku isonga” ugizwe n’imiryango 19 yibumbiye hamwe.

Uwo muryango ufite intego yo guharanira uburenganzira bw’umwana, ugafasha leta mu gushyira mu bikorwa amasezerano u Rwanda rwashyizeho umukono mu kubungabunga no kurengera umwana.

Iyo ni yo nzu bubakiye uwo mukecuru

Uwo mukecuru witwa Tabu Francoise ufite imyaka 60 y’amavuko,bamwubakiye indi nzu ijyanye n’igihe yo kugira ngo azabone aho asazira heza.

Abo Banyamuryango bavuga ko batazahwema gufasha abaturage bakimerewe nabi, nyuma yo kubohora igihugu.

Rukundo Jean De Dieu, Umuyobozi w’uwo muryango mu Kagari ka Musezero yavuze ko ubu ngo bahanganye n’urugamba rwo gusubiza abaturage mu buzima bwiza bujyanye n’aho isi igeze.

Ati “Twatekereje iki gikorwa mu rwego rw’umuryango tubishyira mu bikorwa ni yo ntego yacu yo kubaka igihugu cyacu ndetse ibikorwa nk’ibi bizakomeza.”

Tabu yavuze ko aho umuryango wa FPR Inkotanyi umushyize hamusubiza itoto. Ati “Ndanezerewe nabaga mu nzu ishaje cyane ubu ndumva nongeye kuba inkumi.”

Tabu yishimiye inzu yubakiwe

Rutagarama Wenceslas Umuyobozi wa Ibuka mu Murenge wa Gisozi avuga ko igikorwa nk’icyo kirema umutima abarokotse Jenoside yakorewe Abatutsi mu 1994.

Ati “Yabaga mu nzu imeze nk’umugina w’imiswa none abonye inzu nziza. Iki ni igikorwa kidusubizamo intege,kitwereka ko hari abantu bazirikana abasizwe iheruheru na Jenosde yakorewe Abatutsi.”

Inzu bubakiye uwo mukecuru ifite agaciro ka Miliyoni 4Frw. Ikazakurikirwa no kubakira indi miryango 14 yo mu Murenge wa Jabana itagira aho iba.

Hari ababyeyi bakirwaza bwaki kubera ubujiji

Bavuga ko ubwo bujiji bushyigikirwa n’ubukene butuma batabona ibyo bakeneye mu gufasha abana kurya neza.

Babitangaje ubwo bafashwaga kwizihiza umwana w’Umunyamufurika n’umuryango Umuhuza, kuri uyu wa kane tariki ya 28 Kamena 2018 i Rutunga.

Aba babyeyi bavuga ko indyo ikwiye abantu benshi badasobanukirwa icyo ari cyo. Bavuga ko hari abatazi ko umwana ukiri muto yitabwaho mu mirire kurusha abakuru kubera ko aba agifite umubiri woroshye.

Umwe yagize ati “Nagize ntya mbona umwana wanjye ararwaye cyane ko yari yavutse adakuze neza, twisangiriraga ibijumba nkumva ntacyo yaba ariko naje kubona ko yarwaye bwaki.

“Gusa namaze kumenya uko bategura nzajya muha imboga muhe amata n’igikoma ntabwo nzongera kurwaza bwaki.”

Bamwe mu bagore ntibatinya gushyira mu majwi abagabo badafatanya nabo mu igaburo ry’abana, rimwe na rimwe ntibatange amafaranga yo guhahira umuryango.

Ndayisabye Jean de Dieu ashinzwe imibereho myiza mu Murenge wa Rutunga avuga ko batangiye kwigisha abaturage no guha amata abakene kugira ngo ikibazo cyo kurwaza bwaki no kugwingiza abana kiranduke burundu.

Yagize ati “Twamaze kubona ko igikomeye ari imyumvire mu minsi mike nta muntu uzaba akizwaza bwaki”.

Umukozi w’umuryango Umuhuza ushinzwe gahunda y’uburere buboneye, Manishimwe Flavien, asanga ababyeyi bifitemo ubushobozi bwo kurera abana babo neza no kubafasha kurya indyo iboneye.

Ati “Ubushobozi babwifitemo kurera barabishboye baranabikora ariko uko babikoramo bagomba kubimenya niyo mpamvu tubaha imfashanyigisho yitwa intera za mbere n’ikinamico ica kuri radiyo.

“Ababyeyi bakamenya uko bakurikirana umwana, bakifashisha uturima duto bafite bagatera imboga, kurinda umutekano w’umwana kumuha urugero rwiza n’ibindi.”

Mu busanzwe umwana w’Umunyafurika wizihizwa tariki 16 Kamena, gusa imiryango ya sosiyete sivile igakomeza kuwizihiza nibura mu minsi 30.

N’ubwo nta mubare uzwi w’abarwaje bwaki, abafite ibi bibazo bijejwe gufashwa haba mu biribwa ndetse n’inyigisho ihoraho.

Umva ikiganiro abo baturage bagiranye na Kigali Today bavuga ko babuze amafaranga yo gutanga mu bwisungane mu kwivuza, abana babo bakaba batabona uko biga neza kuko amafaranga bari bizeye kubona batayabonye.

Abana bbafashwa na Educatebishimira udushya baba bagezeho

Mu byo bagaragaje byabagize indashyikirwa harimo ibijyanye n’ubuvumvu, gukora amasabune, imitobe n’ubukorikori.

Ni amarushanwa yaberaga mu gihugu cyose yateguwe n’umushinga Educate ifatanyije na REB akaba yasorejwe ku kicukiro tariki ya 09 Kamena 2018.

Iyo ugeze aho abana babaye aba mbere mu turere bamurikira ibyo bakora wagira ngo ni ibintu bakuye mu nganda byo kumurika. Utangazwa n’uko bakubwira ko ari bo ubwabo babyikoreye.

Ubona imyenda baboshye, ukabona imitako idasanzwe, imitobe, insenda n’ibindi bintu byinshi ubundi bikorwa n’inganda.

Uyu mukobwa yiga mu kigo cy’amashuri cya Rwaza yitwa Niyigena Hawa avuga ko bakoze laboratwari igendanwa bagakora projecteur n’ibindi.

“Twabashije guhanga laboratwari idufasha kuba wayigendana ahantu hose, bigatuma abavuga ko babuze ubushobozi bwo kuba laboratwari batabyitwaza, dore twakoze projecteur idahenze, utwuma dukuraho ivumbi ni twebwe ubwacu twabyikoreye mu bumenyi dukura mu ishuri”.

Umwe mu barimu muri Stella Matutina Gasore Innocent ngo ubu buryo bushya bwo kwigisha butuma abana bagaragaza ubushobozi bifitemo.

Yagize ati “Abana benshi hari ibyo bakora batari bazi ko babishobora, ibi bizatuma abana bakura bazi icyo bakwikorera, bityo kumva ngo umwana yarize yabuze akazi ntibyongere”.

Umuyobozi wa Educate Rwanda, Donnalee Donaldson, akaba ari na bo bateguye aya marushanwa avuga ko ukurushanwa kw’abana gutuma barushaho gukora neza ibintu bishobora guhangana ku isoko mpuzamahanga kandi bikabaremamo icyizere mu bushobozi bwabo.

Yagize ati “Twabanje kureba uko bikorwa muri Uganda, tubona ukuntu mu Rwanda hari gahunda nziza turabikora kandi biratangaje. Intera bigezeho abana barakora ibintu ugatangara, birasaba ko tugumya guhugura abarimu gushaka izindi mfashanyigisho ndetse no gukomeza amarushanwa nk’aya”.

Umuyobozi w’ishami rishinzwe imicungire n’iterambere ry’abarimu mu kigo cy’igihugu gishinzwe uburezi mu Rwanda, REB, Nzitabakuze Claudien avuga ko uyu ari umusaruro w’integanyanyigisho nshya aho abana basoza amasomo yabo bafite ubushobozi bwo gukora ibyo biga.

Yagize ati “Integanyanyigisho nshya ifasha abana kunguka ubumenyi bakanabushyira mu bikorwa, murabona ko abana batakiga ibyo mu mpapuro gusa bazajya bashyira mu bikorwa ibyo bize bakazabasha kwihangira imirimo ndetse no gufunguka ku isoko ry’umurimo”.

Gusa ngo ikibazo cy’amafaranga n’umwanya kiracyari ikibazo kugira ngo abana babone ibikoresho bihagije no bashyire mu bikorwa ubumenyi bw’indoto zabo.

Ishuri ryisumbuye rya Muhororo mu Ngororero ryahize andi mashuri ryahembwe ibihumbi 300 by’amafaranga y’ u Rwanda.

Ivomero bahawe rizabarinda gukora ibirometero bajya gushaka amazi y’igishanga

Ni ivomo bagezeho ku bufatanye n’umuryango Best Family Rwanda rikaba rikaba ryaratwaye amafaranga arenga miriryoni 6 z’amafaranga y’u Rwanda.

Abaturage batishoboye ndetse n’imwe mu miryango y’abamugariye ku rugamba batuye mu mudugudu wa Kibaya no mu nkengero zawo mu murenge wa Nyarugunga muri Kicukiro, bavuga ko batashoboraga kubona amafaranga yo kugura amazi meza, bikabasaba gukora urugendo rurerure bajya kuvoma amazi y’ibirohwa.

Mbabazi Bernadette yagize ati “Twavomaga mu gishanga cya DIGI abana bakarwara inzoka natwe za amibe zikatwibasira. Abayobozi batubuzaga kuyavoma ariko tukihisha tukabikora kuko ntitwashoboraga kubona amafaranga yo kugura amazi meza kuko ijerekani imwe igura 200, byagera mu gihe cy’Icyi ikagura 400."

Iri vomo ryatanzwe na Best Family ngo rizatuma abaturage batavoma ibirohwa nka mbere

Umuyobozi w’umuryango Best Family Rwanda, Rwagasore Jean Claude, avuga ko nyuma yo kubona bene iki kibazo bahise bafata iya mbere ngo bafashe aba baturage kubona amazi meza, aho gutanga amafaranga 200 bakajya batanga 20 gusa na yo azafasha mu gukora isuku, gucunga umutekano no kuyareberera.

Yagize ati “Twabahaye amazi menshi kandi meza kuko bayabonaga abahenze , hari abana barwaraga indwara z’isuku nke, bamwe bagakererwa amashuri kubera kujya gushaka amazi, ubu turizera ko ubuzima bwabo bugiye kumera neza”.

Rwagasore avuga ko ari igikorwa kizafasha leta mu kugumya guteza imbere abaturage mu bufatanye buhoraho.

Best Family Rwanda ni umuryango watangiye wita ku miryango y’abasirikare bamugariye ku rugamba babohora igihugu.

Nyamara bikaba byarabaye ngombwa ko banareba ku miryango ibakikije itifashije, bakaba bafasha iyo miryango mu burere bw’abana babo barenga 100, babagenera ibikoresho by’ishuri, ibibatunga n’ibikorwa by’amajyambere nk’iri vomo bahaye abaturage.

Yabitangaje ubwo yitabiraga inama ihuje ibihugu bitandukanye muri Afurika mu kwiga uruhare rw’umugabo mu kurushaho kwimakaza amahoro mu muryango, ku bufatanye n’umuryango n’ihuriro ryiyemeje gufasha abagabo kurwanya ihohoterwa rishingiye ku gitsina (RWAMRREC), kuri uyu wa kane tariki ya 24 Gicurasi 2018 muri Hotel Umubano.

Minisitri Nyirasafari yemeza ko uruhare rw’umugabo n’umugore bafatanije mu iterambere ry’umuryango ari ntasimbuzwa.

Gusa akemeza ko abagore n’abana bahabwa agaciro cyane, kuko umwana ari umunyantege nke n’umugore akaba yaragize amateka mabi yo kwimwa agaciro mu muryango.

Aho ni ho yahereye yibutsa abantu bose ko amategeko arengera yaba umugabo cyangwa umugore, bityo bikaba ari ubugwari ko umugabo yahunga inshingano ze akigira mu kabari cyangwa ahandi asize umuryango.

Yagize ati “Kwahukana ukajya mu kabari ntabwo uba ukemuye ikibazo, kuko abana n’umuryango baba bagukeneye ngo ubiteho, ni ukwiyangiza no kwangiza umutungo wawe.”

Yakomeje agira ati “Ntabwo tubwira abagore ngo murengere abagabo ntabwo tubabwira ngo bakore ibitemewe, bakwiye kubana bubahana kandi mu bwumvikane n’ubwuzuzanye, byananirana bakisunga amategeko bagatandukana aho kwicana.”

Rutayisire Fidele umuyobozi wa RWAMREC, avuga ko umugabo afite uruhare rukomeye muri sosiyete nyarwanda, akaba anakwiye kwitabwaho ngo amahoro aboneke mu muryango, gusa akavuga ko bisaba kwigisha buri gihe.

Ati “Hari abacyumva uburinganire nabi. Turacyigisha abameze batyo tubasaba kwitabira ibikorwa byacu, umugabo aracyafatwa nk’umuntu uyoboye sosiyete ni yo mpamvu twateguye iyi nama ngo turebe uruhare yagira mu gusigasira amahoro mu muryango.”

Umwe mu bitabiriye iyi nama akomoka mu Burundi Alice Kankindi, asanga imyumvire igenda ihinduka abagabo bakumva ko kugira urugo rwiza atari ukuruhunga hari ibibazo no kurubamo wica ugakiza ko ahubwo ibyishimo bizanwa no kubahana no kuzuzanya.

Ati “Umugabo iyo yamaze kumva ko atari hariya ngo ategeke gusa biramuryohera kandi akaba mu muryango anezerewe, twebwe i Burundi dutegura udukino n’udukinamico tukabigisha kandi imyumvire igenda ihinduka gusa bisaba guhozaho.”

Iyi nama y’iminsi ibiri ihuje ibihugu nka Zimbabwe, u Burundi, RDC, Siera leone, Liberia, Nigeria, Mali n’u Rwanda.

Izasozwa hafashwe ingamba z’icyakorwa kugira ngo umugabo arusheho kuba umusemburo w’amahoro mu kurwana no gukumira ihohoterwa akenshi rishingiye ku gitsina mu muryango.

Iyi ndirimbo uyu muhanzi akaba yarayikoreye mu butayu bwo muri iki gihugu, ashaka no kwereka abahanzi bagenzi be batuye mu Rwanda ko kugira igihangano cyiza kandi gikeye kizakurura abantu bihenda kandi bisaba kubivunikira.

Yagize ati “Ntacyo wageraho utavunitse. Kujya mu butayu byaratugoye cyane, kuko kuhagenda bisaba kuba ufite ingufu cyane. Aya mashusho kuyafata byadutwaye iminsi n’iminsi kugira ngo tugere ku ntego”.

Yakomeje agira ati “ Abashakanye bakareka gucana inyuma kuko byica umubano hagati y’abakundana. Ariko cyane cyane ndashishikariza abantu bakundana kumenya gusaba Imbabazi igihe urukundo rujemo agatotsi wahemukiye incuti yawe ukibuka kuvuga uti mbabarira sinzongera”.

Uwayezu Thierry ni umuhanzi ufite indoto ko umuziki wo mu Rwanda uzagera ubwo na wo ugira isoko ku isi gusa akavuga ko buri muhanzi akwiye kumva ko bizazanwa no gukora cyane kandi bakarebera ku bandi uko babigenza.

Ishami rya UAE Exchange rizajya rikoreramo abagore gusa ryafunguwe muri CHIC

Ibyo ngo byakozwe mu rwego rwo gukomeza guha umugore ijambo, kumufasha kwiteza imbere ndetse no kumuha umwanya wo kugaragaza ubushobozi bwe.

Iryo shami ryafunguwe kuri iki cyumweru tariki ya 13 Gicurasi 2018 mu nzu ya CHIC, umuhango wahuriranye n’umunsi mukuru mpuzamahanga w’ababyeyi.

Ishami ryafunguye rizajya rikorwamo n’abagore gusa kugeza no ku bacunga umutekano. Rizajya kandi ritanga serivisi ku bantu bose nk’ibisanzwe rikazaba ari umwihariko cyane cyane ko bizwi ko abagore bagira umwihariko mu kwakira neza ababagana.

Bakase umutsima bataha iri shami

Umuyobozi wa UAE Exchange mu Rwanda N. Riyaz avuga ko gufungura iryo shami bizatuma abagore barushaho kutitinya no kwerekana ubushobozi bwabo mu kubaka igihugu.

Yagize ati “Leta y’u Rwanda yahaye umugore agaciro n’ijambo. Natwe turi muri uwo murongo wo gufasha igihugu kwiyubaka dufasha umugore kwiteza imbere no kwerekana uruhare rwe mu miyoborere iboneye”.

Umuyobozi wa UAE Exchange mu Rwanda N. Riyaz

Mutesi Dalia ni we muyobozi w’iryo shami. Ashima iki gitekerezo, akavuga ko byongeye kubaha umwanya wo kwerekana ko bashoboye kandi bizatanga isura nziza ku bantu bashidikanya ku mikorere y’umugore.

Yagize ati “Turishimye cyane tuzaba dufite abakozi babizi babimazemo iminsi. Ibi birerekana agaciro k’umugore kandi natwe tuzerekana ko hari itandukaniro”.

Umwali Liliane ni umwe mu bakozi bakorera UAE Exchange avuga ko kuba iri shami rizakorwamo n’abagore gusa, bigiye kwerekana ko ibyo abantu bavuga ko abagore batanga serivisi nziza cyane cyane iyo bahawe umwanya ari ukuri.

Yagize ati “Nta muntu udakunda kwakirwa neza agahabwa serivisi nziza kandi yihuse. Bikaba akarusho iyo yakiriwe n’abantu beza kandi bamwishimiye.”

Umwali Liliane ni umwe mu bakozi ukorera UAE Exchange

Iri ni ryo shami rya mbere muri Afurika rya UAE Exchange rizaba rikorwamo n’abantu b’igitsinagore gusa, ariko bakazajya bakorera akazi abantu b’ingeri zose, mu kuvunja no kohererezanya amafaranga.

Iri ni ishami rya kabiri ku isi nyuma y’irindi shami rimeze nk’iri ryafunguwe muri leta zunze ubumwe z’Abarabu.

Aba barimu bigisha muri APACOPE bavuga ko hari byinshi bigiye muri Amerika biza kubafasha mu kuzamura ireme ry’Uburezi

Aba barimu bagarutse kuri iki cyumweru tariki ya 29 Mata 2018, bavuga ko bashingiye kubyo babonye muri USA, hakwiye kugira igikorwa mu Rwanda, kugira ngo ireme ry’uburezi rizamuke mu buryo bukwiye.

Donata Niyigena na Bazimya Bernard ni abarimu bavuye muri Amerika muri Anapolis. Bavuga ko babonye ko imyigishirize y’abana baho itandukanye no mu Rwanda aho abana bahabwa umwanya uhagije wo kwivumburira bakoresheje ikoranabuhanga.

Ni mu gihe mu Rwanda ngo uretse kuba hatari n’ibikoresho byinshi, abana badahabwa uwo mwanya ahubwo usanga babaha ibyo bashyira mu mutwe.

Umwe yagize ati “Twabonye ko umwana ari umuntu ushoboye iyo wamuhaye umwanya wo kwivumburira ukaza umwunganira ariko ukamuha uburyo ari we wikorera akabyibonera”.

Don Davy Mbarushimana na Kwisanga Rene na bo baturutse mu gihugu cya Amerika kwiga uburyo bwo kwigisha abana mu buryo buteye imbere. Ngo batunguwe cyane n’uburyo mwarimu ari umuntu wiyubashye cyane, bituma arushaho gukunda umurimo.

Umwe yagize ati “Abarimu hariya bakunda abana nkatwe tubihuriyeho ariko kandi babayeho neza ntacyo bashinja leta. Ikindi dukwiye kwiga gitangaje ni uko iyo ugeze mu kigo cy’ishuri ubona neza ko ari ishuri rwose, ahantu hose haba hatatse ibintu byigisha abana yewe no mu bwiherero haba hatatse ibyigisha abana”.

Aba barimu ngo bizeye ko hari icyo bari buhindure bahereye muri APACOPE

Umuyobozi w’ikigo cya APACOPE, Dusabeyezu Adelaide avuga ko iki gikorwa cyagezweho babifashijwemo na Connect Rwanda bakaba bizeye ko hari impinduka izagaragara mu buryo abarimu bigishagamo kuko bazasangiza abandi ubumenyi bakuyeyo, ndetse ko n’ibikoresho bizafasha bizagenda biboneka bigafasha abana.

Yagize ati “Ntabwo twahita tugera ku rwego rwabo kuko n’igihugu cyateye imbere gusa tuzagenda dushaka ibikoresho buhoro buhoro icy’ingenzi ni uko uyu mwuka wo guha abana umwanya no kumuha icyizere ngo yishakire bikorwa ku barezi bose”.

Uru rugendoshuri ruje rukurikira urwo abarimu bo muri Amerika bakoreye mu Rwanda, ubu bukaba ari ubufatanye iri shuri rya Apacope rikomeje kugira n’abo barimu mu rwego rwo kurushaho kuzamura ireme ry’uburezi no gufasha abana gukura bafite ubumenyi n’uburere buzabafasha kwibeshaho no kubaka igihugu cyabo.

Mgr Hakizimana Celestin uyobora diyoseze ya Gikongoro

Uyu mupadiri yasabwe kwisubiraho muri iki gihe cy’imyaka ibiri, byagaragara koko ko yisubiyeho akaba yababarirwa agasubizwa mu gipadiri.

Musenyeri Celestin Hakizimana uyobora Diyoseze ya Gikongoro, abicishije mu ibaruwa ihagarika uyu mupadiri, yavuze ko uyu mupadiri yahagarikiwe imirimo y’Ubusaseridoti irimo gusoma misa no gutanga amasakaramentu, akaba; nta n’umuntu wemerewe kumugisha inama mu by’iyobokamana.

Muri iyi baruwa Musenyeri Hakizimana yasabye abakiritsu kumusabira ku mana, kugira ngo abashe kwisubiraho agaruke mu muryango w’abana b’Imana.

Mu kiganiro yahaye itangazamakuru Musenyeri Hakizimana, yemeje ko Padiri Ndikubwimana Augustin, yari umupadiri wasomaga agahiye cyane kandi yaba yagasomye imyitwarire igahinduka akaba undi muntu udakwiriye kwitwa Padiri.

Yagize ati “ Ubusanzwe umupadiri asezerana ubukene, kumvira ndetse n’ubumanzi, iyo ayarenzeho uramwiyama, ukamugaya, byamunarira kwisubiraho ukamuhagarika.”

“Ibyo yakoraga byagiraga ingaruka ku bakirisitu (scandale pubilique). Iyo yabaga ari muzima wabonaga ari umupadiri uzi ubwenge wagirira akamaro kiriziya, ariko yamara kugasoma ukabona arahindutse”.

Ibaruwa ya musenyeri Hakizimana ihagarika Padiri ndikubwimana Augustin mu mirimo y’Ubusaseridoti

Nyuma yo guhagarikwa yoherejwe kwiga, anitekerezaho

Muri kiriziya umupadiri basezereye bamuha imperekeza ariko ngo uyu mupadiri banze kumuha imperekeza kubera ko basanze ashobora kuyapfusha ubusa.

Musenyeri wa Gikongoro yagize ati “Twasanze tumuhaye imperekeza nk’uko kiriziya ibiteganya yayapfusha ubusa, twamusabye ko yakwiga tukamurihira ishuri dutegereje ko namara kwiga tukabona yarisubiyeho tuzamubabarira ariko natikosora tuzamuha indi imyaka ibiri hanyuma dukore raporo i Roma bamusezerere burundu”.

Musenyeri kandi avuga uyu mupadiri yihanagirijwe kenshi kugeza ubwo bamuzanye i Kigali ngo asengerwe ariko bikanga bikaba iby’ubusa.

Muri iyi myaka ibiri uyu mupadiri wahagaritswe ngo agiye kuminuza mu mashuri y’Uburezi, nagaruka bazarebe ko yisubiyeho, nibinanirana azasezererwe burundu imperekeza ibe ayo mashuri bamurihiye ajye hanze yirwaneho.

Kugeza ubu ntitwabonye uko tuvugana n’uyu mupadiri ngo twumve niba ibyo ashinjwa ari ukuri gusa aramutse abonetse twabigeza ku basomyi bacu.

Mukamabano yashyize hanze indirimbo ye ya gatatu yise "Nseka ku bwawe"

Hejuru y’ibyo akora nk’umwuga, Gloria Mukamabano yashyize hanze indirimbo nshya “Nseka ku bwawe” nyuma y’umyaka itatu ahagaritse umuziki ngo abanze amenye icyo ashaka guha abazamwumva n’abazamubona.

Uyu muhanzi kazi akaba n’umunyamakuru kazi wa Televiziyo y’u Rwanda avuga ko yafashe umwanya ngo abone umurongo nyawe azajya aririmbiramo bityo afashe abantu kwiyubaka mu bumuntu mu bworoherane n’amahoro.

Yagize ati “Nsanzwe ndi umuhanzikazi natangiye kuririmba kera gusa nari narabihagaritse ngo mbanze nihe umurongo, menye icyo nshaka guha abantu, menye ubutumwa nkwiye kujya mpa abumva indirimbo zanjye”.

Mukamabano asanzwe ari umunyamakuru wa RTV uvuga amakuru

Mukamabano akomeza avuga ko ubutumwa bwe n’umurongo yihaye ari uguhindura ubuzima abantu babamo.

Yagize ati “Umurongo wanjye nafashe ni uwo kuririmba indirimbo zubaka ubumuntu zifite icyo zihindura kuri sosiyete ubutumwa bwubaka amahoro”.

Indirimbo “Nseka ku bwawe” ngo yayikoze agamije guha abantu ubutumwa bushima Imana, akavuga ko ibyiza byose abantu babona babihabwa na yo bakaba bakwiye kuyishima.

Anavuga ko urukundo rwayo rutagaragarira mu kuyivuga no kuyisenga gusa, ahubwo rugaragazwa n’imbuto nziza abayivuga berera abandi.

Mukamabano Gloria avuga ko kuba umunyamakuru bimufasha kugaragaza ikimurimo, umuziki ukamufasha kuruhuka, ubwo bwuzuzanye bugatuma ahorana ibyishimo by’umurimo we.

Iyi ni indirimbo ya 3 uyu muhanzikazi w’umunyamakurukazi ashyize hanze gusa akavuga ko ari intangiriro itazasubira inyuma mu gutanga ubutumwa bwiza bwubaka sosiyete biciye mu bihangano bye.

Iyumvire Indirimbo "Nseka ku bwawe ya Gloria Mukamabano

Umuhanzi Semukanya Aimable avuga ko ibihangano bivuga ku nkundo bikwiye kugabanuka hakiyongera ibyubaka sosiyete

Uyu muhanzi avuga ko indirimbo nyinshi zisohorwa n’abahanzi cyane cyane bo mu Rwanda usanga zishingiye ku nkundo hagati y’abagabo n’abagore, cyangwa se ugasanga bararirimba abahemukiranye, ariko indirimbo zubaka umuryango ugasanga ni nke cyane.

Yagize ati “Abahanzi bamaze kwandika izina ni abavuga rikijyana, nibura buri album yabo aho kuvuga gusa urukundo bashyiramo indirimbo nubwo yaba imwe igamije kubaka sosiyete, waba ari umusanzu ukomeye kuri ejo hazaza h’igihugu cyacu”.

Sema Jackson avuga ko yatekereje guhimba indirimbo “Amateka yacu” agamije gutanga umusanzu we mu kubaka igihugu cyamubyaye, mu kubwira urubyiruko uko Jenoside yateguwe ikanakorwa n’ubutegetsi bubi, akabasaba kudaheranwa nabyo bagakurana umuco wo kutavangura amoko.

Yagize ati “Nk’umuhanzi nabonye ko nkwiye kumenyekanisha amateka mabi igihugu cyacu cyanyuzemo nkabwira urubyiruko rutamenye Jenoside uburyo ubuyobozi bubi bwabibye ivangura rishingiye ku moko kubera inyigisho z’urwango bukayitegura kugeza bukoze Jenoside, twe rero tugomba kubirenga twubaka ejo heza h’igihugu cyacu”.

Sema(Semukanya Aimable) ni imwe mu barokotse Jenoside yakorewe Abatutsi mu 1994, akaba akomoka mu Murenge wa Nyamiyaga aho bitaga muri Muyira akaba yararokokeye mu gihugu cy’u Burundi.

Yiyitiriye Jackson yibuka Michael Jackson umuhanzi afataho icyitegererezo, nk’umwe mu bahimbye indirimbo nziza kandi zubaka sosiyete.

Iyumvire indirimbo Amateka ni ayacu

Perezida Kagame yarabasuye abashimira ibyo bakora, aha bari kumwe n’umuyobozi w’uwo muryango ku rwego rw’isi umukobwa wa George W. Bush

Icyo gihembo cyitwa Skoll Award for Social Enterpreneurship 2018, bazagihabwa nk’abahize indi miryango yose yo ku isi ikora ibikorwa byibanda ku guteza imbere urwego rw’ubuzima.

Ni igihembo kizatangirwa kuri kaminuza ya Oxford mu Bwongereza hagati y’itariki ya 09 na 14 Mata 2018, kigatangwa n’umuryango Skoll Foundation.

Jean Rene Shema, umuyobozi w’umuryango Global Health Corps mu Rwanda, yavuze ko icyo gihembo gihabwa abantu bakoze ibikorwa by’indashyikirwa mu nzego zitandukanye.

Ati "Imiryango mpuzamahanga hafi ya yose iba irimo kugishakisha. Kugira ngo ukibone ni uko abantu bo mu muryango witwa Skoll Foundation ukorera muri Amerika no mu Bwongereza, biyizira bagakora igenzura ryimbitse ku mikorere y’iyo miryango yose yagenwe nk’ifite ibikorwa by’indashyikirwa.

Avuga ko mu isuzuma rikorwa harebwa uburyo inzego z’umuryango ugiharanira zubatse, ibyo bagezeho n’ibyo bateganya kugeza ku bihugu bakoreramo no ku isi muri rusange.

Ati “Baraje mu by’ukuri baratugenzura badufotora hose ntaho basize. Hanyuma batugereranya n’indi miryango myinshi na yo irimo kugerageza kugeza ibyiza bikomeye mu nzego z’ubuzima ku isi, bafata umwanzuro ko ari twebwe dukwiriye icyo gihembo."

Jean Rene Shema avuga ko guhabwa icyo gihembo bibereka ko ibyo bakora bitanga umusaruro kandi bishimwa ku rwego mpuzamahanga.

Ati "Biduteye ingufu cyane zo gukomeza gukorana na Leta y’u Rwanda by’umwihariko nk’umufatanyabikorwa w’ibanze wacu kugira ngo turebe noneho uburyo n’ibitekerezo twunguwe n’iryo genzura byazadufasha kurushaho kunoza imikorere yacu, noneho tukaba twanakwihutisha ibikorwa byacu ari na ko twihutisha n’icyerekezo cya Leta y’u Rwanda mu rwego rw’ubuzima."

Perezida Kagame yarabasuye muri Nyakanga 2015 abaha impanuro bavuga ko zabafashije mu kuba indashyikirwa ku isi

Ni igihembo giherekezwa n’ishimwe rya miliyoni zigera kuri 850Frw. Icyakora inyungu zirimo ahanini ngo si icyo gikombe n’amafaranga agiherekeza, nk’uko Shema abisobanura.

Ati "Inyungu yacyo ikomeye ni ukwinjizwa mu muryango mugari w’abantu bakoze ibintu by’indashyikirwa bagiye babona icyo gihembo ndetse n’abaterankunga bazi neza uko iryo genzura rikorwa, baba batagikeneye kongera kugenzura ukundi igihe umuntu afite ibikorwa ashaka kubereka.”

Global Health Corps ubaye umuryango wa gatatu mu rwego rw’ubuzima ku isi ubashije kubona icyo gihembo.

Abandi bagihawe ni umuryango ‘The Last Smile’ ukorera muri Liberia, wagihawe kubera ibikorwa bakoreraga abaturage no kuba uwo muryango warabashije guhangana n’icyorezo cya Ebola.

Abandi bagihawe ni umuryango Partners in Health na wo ukorera mu Rwanda mu rwego rw’ubuzima.

Biteganyijwe ko ubwo kizaba gitangwa hazaba hari Barbara Pierce Bush washinze uyu muryango. Hazaba hari n’umuyobozi mukuru w’umuryango Global Health Corps ku rwego rw’isi witwa Daniela Terminel n’umuyobozi wa Global Health Corps mu Rwanda.

Bimwe mu byo bateganya nyuma yo guhabwa icyo gihembo, harimo kongera umubare w’abagira amahirwe yo kwinjira muri Global Health Corps.

Global Health Corps ni umuryango wavutse mu 2009 ukaba ukorera mu Rwanda, mu Burundi, Uganda, Malawi, Zambia no muri Leta Zunze Ubumwe za Amerika.

Wavukiye muri Leta Zunze ubumwe za Amerika ushingwa n’abantu batandatu barimo Barbara Pierce Bush, umukobwa wa George W. Bush wahoze ari Perezida wa Leta Zunze ubumwe za Amerika.

Ni umuryango ufasha abantu b’urubyiruko bafite ubushobozi kandi bashaka koko guhindura urwego rw’ubuzima.

Uwo muryango ukabikora uhuriza hamwe Abanyarwanda, n’abandi Banyafurika bagahurizwa hamwe n’Abanyamerika bafite icyo gitekerezo bose bakiri bato batari barenza imyaka 30 y’amavuko.

Prof Shyaka Anastase avuga ko bidakwiye ko hari abayobozi basuzugura ubushobozi bw’abaturage

Nubwo hari bamwe mu bayobozi batekereza gutya, Prof Shyaka atangaza ko urwego ayobora rwishimira byinshi bimaze kugerwaho mu bufatanye bw’abaturage n’abayobozi mu kugena ibibakorerwa.

Yabitangaje ubwo kuri uyu wa kabiri tariki ya 03 Mata 2018, hamurikwaga ibimaze kugerwaho n’umushinga PPIMA wa Norwegian People’s AID, mu cyo bise ikarita nsuzumamikorere, aho basuzumaga uko uruhare rw’abaturage mu kugena ibibakorera ruhagaze.

Prof Shyaka yagize ati “Hari abibwira ko biriya twita imibare cyangwa bya tekinini nk’igenamigambi abaturage batabizi cyangwa ko bibarenze ntibabahe umwanya, kandi nyamara kubimenya si ukumenya guca imirongo cyangwa za tableau.

Iri ni ikosa rikwiye guhindurwa, kuko igikomeye dukwiye gukora nk’abayobozi ni ukumenya uko tubikoramo mu kubibasobanurira”.

RGB igaragaza ko byagaragaye ko 85% by’abaturage bagaragaza ko bishimira uko bisanga mu bibakorerwa nk’amatora n’uburyo bayagiramo uruhare n’ibindi.

Nyamara ngo munsi ya 50% yabo, bagaragaza ko batishimira ibijyanye n’igenamigambi kuko batazi iyo bikorerwa.

Nelson Muhayimana ushinzwe igenamigambi mu karere ka Nyaruguru, yunga mu ry’umuyobozi wa RGB ko hari ubwo koko bibeshya ko umuturage atabizi, bityo bigatuma umuturage atisanga muri ya majyambere bamuha atabigizemo uruhare.

Yagize ati “Abaturage ni abahanga kuko ni bo ubwabo bazi kwikorera igenamigambi. Hari ubwo twibeshya ko tubarenze cyane tukibwira ko batazi imibare.”

Aba bayobozi bamurikirwaga uko uruhare rw’abaturage mu bibakorerwa ruhagaze

Nyemazi John Bosco umuhuzabikorwa w’umushinga PPIMA muri NPA asanga gukoresha ikarita nsuzumamikorere byaragiye bihindura cyane imitekerereze ya bamwe mu bayobozi ndetse biha abaturage gutinyuka kwerekana ibibazo byabo ndetse bagaragaza ko bashoboye mu ngeri zose.

Umwe mu baturage wo mu karere ka Nyaruguru Muhimpundu Annonciatta yavuze ko koko hari ibyo abayobozi bibwira ko badashoboye ndetse na bo bakiheza kuri ibyo bibwira ko batabishoboye ari iby’abaminuje nyamara ari ibintu babamo umunsi ku munsi.

Iyi gahunda yo kugena ibyo abaturage bakeneye mu bibakorerwa, yatumye hari abaturage bagiye basaba imihanda batagiraga, bakabona amasoko cyangwa ibigonderabuzima kuko beretse ubuyobozi ko aribyo bakeneye cyane aho batuye bityo bigahabwa agaciro.

Uyu mushinga watangiye mu mwaka wa 2011 ukaba uri gukorera mu turere umunani, aho abaturage bakomeje gusobanukirwa n’uruhare ntakuka mu miyoborere yabo no kugena ibibabereye.

Abaturage baba baje ari benshi gushinja abahoze bayobora Sacco Dukire ya Ndego

Aba baturage barega uwari uwari umucungamari n’uwari ushinzwe inguzanyo muri iyi Sacco ikorera mu Murenge wa Ndego, guhimba no gukoresha inyandiko mpimbano.

Baregwa kandi kurigisa no kwonona umutungo no kwambura umutungo w’abaturage. Ibyo birego byose bikubiye mu indishyi zibarirwa muri miliyoni 8Frw, mu gihe abo baturage bose baregera miliyoni 61Frw.

Abo bayobozi batawe muri yombi nyuma y’igenzura ryakozwe n’ikigo cy’igihugu gishinzwe amakoperative (RCA) ryakozwe mu Ugushyingo 2017. Iryo genzura ryasanze hari miliyoni hafi umunani zagaragaye ko zanyerejwe.

Ku ikubitiro abanyamuryango 26 ba Sacco Dukire Ndego ni bo bagaragaje ko bafitanye ibibazo n’iyo sacco, bavuga ko bishyuye inguzanyo ariko bigakomeza kugaragazwa ko batishyuye.

Umwenda banditsweho wakomeje kwiyongeraho amande y’ubukererwe, hakaba aho bandikwaho amafaranga menshi aruta ayo bagujije.

Bamwe muri abo baturage baregera indishyi z’akababaro bavuga ko gukurikirana urwo rubanza ruburanishirizwa mu Karere ka Ngoma bibagora kuko bibasaba gukora ingendo ndende.

Bongeraho ko nta n’ikizere bafite ko urubanza ruzarangira vuba, kuko kuva rwatangira mu Ugushyingo 2017 rumaze gusubikwa inshuro zirindwi.

Umwe muri bo avuga ko iryo subikwa rya hato na hato rituma basiragira mu nzira kandi bikabatwara n’amafaranga menshi, bikaba bimaze kubakururira ubukene.

Agira ati “Tuva Kayonza tujya i Ngoma kandi dukurikirana amafaranga yacu yanyerejwe n’abakomeye, biradukomereye kubona ubutabera ntabwo bizatworohera.”

Uyu muturage kimwe na bagenzi be basabye ko urubanza rwaburanwa rukarangira aho gukomeza guhora rusubikwa cyangwa rukimurirwa hafi y’aho batuye mu murenge wa Ndego.

Ati “Turasaba ko urubanza twakorwa rukarangira vuba cyangwa se rukaburanishwa iwacu kuko bigaragara ko hari abazananirwa bakabura uko baharanira amafaranga yabo.”

Umuvugizi w’inkiko, Mutabazi Harrison avuga ko kuba bava mu karere kamwe bajya kuburanira mu kandi, biterwa n’uko amategeko ateganya ko urwo rubanza rugomba kuburanishirizwa ku cyicaro cy’urukiko.

Ibi bivuze ko abaturage bo mu turere twa Ngoma, Kayonza, Kirehe na Rwamagana bose bakora bene izo ngendo baza kuburanira ku ifasi y’Urukiko Rwisumbuye rwa Ngoma.

Ngo kereka habayeho ubuvugizi amategeko akazahindurwa akajya yemera ko zimwe mu manza zibera hafi y’aho ababuranyi batuye. Nyamara hari iz’ubwicanyi zibera aho icyaha cyakorewe.

Mutabazi asobanura ko bikorwa mu rwego rwo kwigisha no gutanga isomo ku bandi bahatuye. Indi mpamvu imanza zose zitegerezwa abaturage ngo ni uko bihenze.

Naho kuba rumaze gusubikwa inshuro zirindwi ngo nta mpamvu n’imwe yaturutse ku rukiko ahubwo biterwa n’uko urubanza ari rurerure hanyuma ku munsi wo kuburana byagera mu masaha y’umugoroba bwije rugasubikwa rukimurirwa ku yindi tariki.

Ati Bararuburanishaga rukagera nka saa kumi n’ebyiri bakarusubika nanone rukaburanishwa kubera ari rurerure, hari undi mu avocat waje atazwi kugira ngo bemeze ko yemewe ku yindi nshuro ababuranyi barabura rusasubikwa, ejo bundi haba impaka z’ibitabo by’anketi si ikibazo cy’urukiko.

Ku bijyanye no gusubika urubanza inshuro zirindwi zose, Mutabazi avuga ko nta mubare ntarengwa urubanza rutagomba kurenza rusubikwa dore ko ngo hari n’imanza zimara amezi n’amezi bitewe n’imiterere yazo.

Icyakora ngo hari icyizere ko uru rwa sacco Ndego nirwongera gusubukurwa ku itariki ya 16 z’ukwa kane uyu mwaka, ruzahita rupfundikirwa.

Abandi bagiye bishyura mu ntoki babisabwe n’abakozi ba Sacco ariko amafaranga ntiyandikwe mu mpapuro zigaragaza ko bishyuye.

10 muri abo 26 ni bo bonyine bakomeje gukurikirana ibibazo byabo kuko abandi ngo babiretse kubera kubura ubushobozi, abandi bikura mu rubanza kuko abo baregaga ngo babahamagaye bakabasaba kubireka babizeza ko bazabishyura bitabaye ngombwa kujya mu nkiko.

Salus Music Band ngo biyemeje kwerekana uburyo bw’umuziki w’umwimerere wacurangwagamo

Salus Music Band ifite umuzi n’inkomoko kuri orchestre yamamaye cyane mu myaka yo hambere yitwa Salus Populi ya kaminuza nkuru y’u Rwanda.

Iri tsinda ry’abantu barindwi ngo risanga hari abitiranya umuziki w’umwimerere n’indi miziki ikorwa muri iki gihe.

Babishingira ko akenshi izo njyana zikorwa na mudasobwa, mu buryo bw’ikoranabuhanga.

Ariko bo bemeza ko bafite intego yo kwerekana ko umuziki ukozwe n’abawuzi, bawugira umwimerere kandi ukaba umeze neza nk’uwakorewe muri mashine.

Patrick uwayisenya umwe mu bacuranga muri iri tsinda avuga ko barimo gukora umuziki bize kandi bakunda.

Agira ati “Dufite icyizere gishoboka ko umuziki w’umwimerere cyane cyane ujyanye n’injyana z’umuco wacu udateze gucika. Turacyari bato kandi tuzajye izo mbaduko zo kuwusigasira.”

Salus Music band bacuranga indirimbo z’ibihe byose ndetse bafite n’izabo bwite

Patrick ngo asanga hari benshi bagorwa n’umuziki wa ‘live’, kuko usaba ibyuma bihenze ariko ko biyemeje guhangana nabyo.

Joachim Kabeza nawe ucuranga muri iri tsinda, asanga kutumvikana ari byo byagiye bisenya amatsinda yabaga agamije gukomeza gukuza umuziki w’umwimerere.

Ati “Twatangiye itsinda ryacu tuzi neza igisenya amatsinda yabanje kutumvikana no gushwana.

“Ni yo mungu ikomeye itumye ama orchestres yaragiye akendera twebwe twifuza kwiyubaka hano ndetse tukaguura amaremba hanze y’igihugu.”

Nkundimana Jean Claude uzwi nka Daddy we ngo injyana si ikibazo ahubwo kuzigira umwimerere ni cyo cyaburaga mu muziki w’u Rwanda.

Ati “Twebwe turirimba injyana z’ibihe byose kandi injyana z’umwimerere, ibi ni byo bituma indirimbo zimaze imyaka myinshi zigikunzwe.”

Salus music Band ni Orchestre igiye kumara umwaka umwe ibayeho. Icurangira muri Bamboo mu mujyi wa Kigali ndetse no muri Ambassadors Park i Gikondo.

Abayigize abenshi bakaba banaririmba muri Chorale Christus Vincit iririmbira i Remera.

Chary na Nina basezeye ku nshuro ya kabiri muri PGGSS

Aba bahanzi bavuga ko iri rushanwa rigiye gutangira mu gihe bataboneka kuko bamaze kubona akandi kazi, bityo bakaba bahisemo kubaha amasezerano bagiranye n’abakiriya babo.

Nina Yagize ati “Twamaze gufata akandi kazi byararangiye ntabwo tuzaboneka muri ririya rushanwa, kubera ko tuzajya gukora ibitaramo ku mugabane w’i Burayi ku buryo bitadukundira.”

Nina kandi yageneye ubutumwa abakunzi babo ko bazakora ibishoboka bakabegera ku buryo batazicwa n’irungu, kabone n’ubwo batazitabira iri rushanwa.

Ati “Abakunzi bacu natwe turabakunda kandi turabizeza ko tutazabatererana tuzakora ibishoboka byose tubegere.”

Bamwe mu bahanzi bakomeye bakomeje bagenda bahunga iri rushanwa, bavuga ko ribasubiza inyuma kandi rikabatwara ingufu nyinshi kandi bakuramo amafaranga make.

Charly na Nina ni bamwe mu bahanzi bari bitezwe muri iri rushanwa, dore ko bamaze kubaka izina muri aka karere, kubera indirimbo zabo zimaze kwigarurira imitima ya benshi.

Platini na TMC ngo bakeneye abagore byihutirwa

Aba basore TMC na Paltini bavuga ko bahura n’abakobwa benshi ndetse beza hakaba ababifuza na bo bakagira abo bifuza, nyamara ngo kugeza ubu nta numwe barabona wababera umugore.

Ngo iri ni ihurizo rikomeje kubakomerera kurisubiza gusa bagasaba ubakunda wese kubafasha kubona abakobwa b’umutima kugira ngo bave mu busore babe abagabo bubatse.

Platini yagize ati “Isaha ntiragera gusa rwose tumaze gukura rwose twabuze abagore kubona n’uwo mukundana ni ikibazo.

Buri muntu udukunda rwose yaturwanaho nkareba ko nibura muri 2020 narongora nkava mu bugaragu.”

Platini avuga ko yamaze gutandukana n’uwo bakundanaga kugeza ubu akaba nta muntu afite ufatika yakwita umugore w’igihe kizaza.

TMC avuga ko bahura n’abakobwa benshi akabanyuzamo ijisho akumva havamo umuntu, ariko akabura uko abageraho nyamara ngo nk’ibyamamare bahura na benshi.

Ati “Duhura n’abakobwa benshi ariko burya si abagore. Rwose njyewe nditeguye akanya kose namubona nabwira abantu ngo bambare amakote banshyigikire.

“Ndasaba abantu badukunda kuturangira kuko igihe kiri kuducika.”

Aba basore bakomeje gushakisha abazababera abafasha, bemeza ko bitababuza gukomeza kwagura umuziki wabo.

Bemeza ko mu minsi ya vuba bitegura gushyira ahagaragara umuzingo wabo bitiriye indirimbo baheruka gusohora bise “Wagiye kare”.

Alain Mukurarinda ngo iki gitabo kizatuma atabazwa buri gihe niba bataratekinitse

Muri iki gitabo Alain Mukuralinda avuga uburyo urubanza rwatangiye nuko rwasojwe, akavuga n’uburyo ibihugu bitandukanye byafashije kugira ngo haboneke ibimenyetso simusiga bishinja icyaha Victoire Ingabire Umuhoza wari Umuyobozi wa FDU Inkingi.

Mu gitabo cye Mukuralinda Alain avuga ko hari byinshi byagiye bivugwa ku rubanza rwa Ingabire Victoire binyuze mu itangazamakuru, ntibitange ibisobanuro nyabyo, abantu bakabyumva ukundi.

Bamwe ngo bavugaga ko urubanza rwe rwabayemo gutekinika no kubeshya, cyane ko Ingabire yashakaga kuyobora u Rwanda, nyamara akavuga ko iyo icyaha cyakozwe ntaho wagihungira kuko amategeko aba agomba kukikubaza.

Yagize ati" Ni henshi njya bakambwira ngo twakoze akagambane, ngo nimbasobanurire uko twatekinitse gusa hari benshi nsobanurira bakabyumva. Iki gitabo nagisohoye kugira ngo ntange ibisobanuro bityo abambazaga ntibazongere kujya bambaza uko byagenze, cyane ko ibyo mvuga byabereye mu ruhame si mu muhezo."

Muri iki gitabo Mukuralinda Alain yerekana ukuntu ibihugu bitandukanye byagize uruhare mu kubona ibimenyetso nka Repuburika iharanira Demukarasi ya kongo yerekanye amatike yohererejwe abantu bo muri FDRL, n’amasaha Ingabire yabonaniyeho na bo. Ingabire we avuga ko abo bantu atabazi bikarangira avuze ko yageze Kinshasa ndetse bikaza no kugaragara ko bose bakiriwe numuntu umwe.

Mu kubona ibi bimenyetso kandi ngo bitabazaga ikoranabuhanga ku bigo byohererezanya amafaranga, bityo ibyo bakuye muri Kongo bigahuza nibyo babonye mu buhorandi.

Iki gitabo Kivuga ukuri ku rubanza rwa Ingabire victoire

Mukuralinda yagaragaje kandi ukuntu abatangabuhamya ba Ingabire bavuze ko bataziranye ko bumvise ibyurubanza rwe kuri BBC bakifuza kumurenganura. Ngo baje gusanga ari ibyo bahawe n’ababuranira Ingabire kugeza ubwo bagiye gusaka muri gereza bagasanga umutangabuhamya afite ibibazo n’ibisubizo yagombaga gusubiza.

Mukuralinda avuga ko byashoboka ko abantu bakwibwira ko habayeho gutekinika mu rubanza rwa Ingabire kuko byabereye mu Rwanda, ariko akavuga ko inyandiko zavanwe mu rugo rwe mu gihugu cy’Ubuhorandi byakozwe n’abapolisi b’icyo gihugu zerekanye uburyo hakorwaga inama ndetse n’uburyo hashyizweho umutwe w’ingabo.

Yagize ati "Ubu se koko twaratekinitse n’Abahorandi baratekinika? Baduhaye inyandiko nkeya kuzo bakuye mu nzu kwa Ingabire, mu zo baduhaye harimo uko bakoraga inama ndetse n’uburyo umunyamabanga wabo yari ashinzwe ibyo gushinga umutwe w’ingabo, ndetse n’uburyo bakoranaga bya hafi na FDRL kandi bakayoherereza amafaranga."

Alain Mukuralinda yavuze ko raporo ya ONU ya 2008 yari yerekanye ko Ingabire Umuhoza Victoire afitanye isano na FDRL, nyamara akaba yaragiye ahakana ko abo bareganwaga hamwe atabazi ko yabamenye ageze I Kigali.

Muri iki gitabo yasobanuye uburyo hari ibintu byinshi byaranze ukwivuguruza no kwanga gusubiza ibibazo bimwe na bimwe mu kubikwepa ndetse no kunyuranya n’abamwunganira.

Alain Mukuralinda avuga ko Ingabire iyo atajurira yashoboraga kuba ari kurangiza ibihano nyamara ko byatumye icyaha cyo gukwirakwiza ibihuha muri rubanda gihabwa agaciro cyari kitahawe agaciro mu rukiko rukuru, bityo mu rukiko rw’Ikirenga rusanga n’ubwo bavugaga ko ibyo bihuha ntawe byahungabanyije, ubwabyo kuba ari ibihuha bigize icyaha.

Mukuralinda ngo ntiyigeze atanga umwanzuro muri iki gitabo aho asaba buri wese uzagisoma kuzafata umwanzuro ku giti cye akurikije ibyabaye mu rubanza rwa Ingabire.

Ingabire Victoire Umuhoza yakatiwe imyaka 15 akaba yari yaje mu Rwanda avuga ko aje kwiyamamariza kuyobora igihugu, mu iturufu y’ishyaka rye FDU Inkingi.

Ni iserukiramuco rihuza abahanzi batandukanye ku isi

Iri serukiramuco rikazamurika filime zakozwe n’Abanyafurika cyangwa izakozwe ku isi yose zivuga ku buzima bw’Abanyafurika zatoranyijwe.

Umwe mu bategura iki gikorwa avuga ko ari umwanya wo kumurikira Abanyarwanda imibereho y’Abanyafurika n’inganzo y’abahimba amafilime ku buzima bw’abanyafurika.

Yagize ati “Ni iserukiramuco ryo kureba abakoze amafilime meza ku buzima bwo muri Afurika, baba baba muri Afurika cyangwa hanze yarwo ariko baranditse inkuru zabo ku buzima bwo muri Afurika.

“Ni umwanya wo kumenyana, kureba ireme ryazo no gusangira imico itandukanye”.

Niyomwungeri avuga ko ku isi hose hoherejwe firime 83 hagatoranywamo hafi 56, bakaba bashingira ku ireme ryayo mu buryo ikinwemo n’inyigisho itanga.

Ababonye ibihembo muri iri serukiramuco rya 3 barahembwe

Avuga ko bibafasha kubona umwanya wo kuganira no kurushaho kunoza ibihangano bivuga kuri Afurika.

Ati “Ni nk’ishuri ku nkuru zivuga kuri Afurika aho abantu bahura bakaganira bakerekana ibyo bakoze bakagira icyo bungukira ku bandi, kandi izibaye iza mbere zigahabwa ibikombe biherekejwe n’amafaranga”.

Niyomwungeri avuga ko amafaranga aherekeza ibikombe adatangazwa mu maserukiramuco. Gusa biteganyijwe ko filime zatoranyijwe zizerekanwa mu mperwa z’ukwezi kwa Werurwe 2018.

Flime zizerekanirwa muri Century Cinema, Kigali Conference and exhibition (Camp Kigali), Maison des Jeunes, Impact Hub, Cine Star, Goethe Institut Kigali.

Iserukiramuco rizatangira tariki 25 kugeza tariki 31 Werurwe 2018.

Iraduknda yashoboye gutsinda bagenzi be anagirwa Nyampinga wagaragaje ubwiza mu kwifotoza (Miss Photogenic).

Kigali Today yaguhitiyeme amafoto 20 atandukanye yaranze iki gitaramo cyabereye mu nzu mberabyombi ya Kigali Convention Center (KCC).

Ababyeyi ba Miss Iradukunda bari baje kumushyigikira

Bamwe mu bagize umuryango we nabo bari baje kumushyigikira

Ibyiciro byose Iradukunda yagiye atorwa mu ba mbere

Itsinda rya Miss Rwanda 2017 ryose ryari rihari

Miss 2017 Iradukunda yari aberewe mu ikanzu y’icyatsi

Akanama nkemurampaka kari kayobowe na Miss France 2000, Sonia Roland

Umuhanzi Buravan yifashishije aba bakobwa mu kuririmba

Mu byo ba Nyampinga bagaragaje harimo n’imbyino z’umuco Nyarwanda

Biyerekanye no mu makanzu yari ababereye

Miss Habibah wamamaye ku mbuga nkoranyambaga nawe yari ahari

Abafanaga uwo bashyigikiye babikoraga nk’abogeza ruhago

Miss Rwanda 2032?

Iradukunda yari ashyigikiwe cyane muri rubanda

DJ Ira, umukobwa uri kubaka izina mu kuvangavanga imiziki

Uko bakurikiranaga ni nako bahanahanaga amakuru kuri za telefone y’uko bimeze

Bamwe bari babyambariye

Ngayo nguko

Bamwe ibitekerezo byari byose bibaza niba ba Nyampinga bashyigikiye hari icyo bari buze gucyura

Ni uko imitegurire yari imeze muri sale ya KCC

Ibirori byabereye mu nyubako ya KCC