Bamwe mu bana bo mu muhanda bahawe Noheri na Victorious life Church

Ni igikorwa cyabereye mu karere ka Kayonza mu Murenge wa Mukarange kuri uyu wa 24 UKuboza 2017, kibera ku ishuri rya Victorious Life Academy ryatangije iri torero.

Ibi Ibirori byatangijwe n’amateraniro yo kuramya no guhimbaza Imana, hakurikiraho guha abana umutsima w’umunsi mukuru, ndetse n’andi mafunguro amenyerewe mu minsi mikuru abana batabashaga kubona.

Basangiye umutsima wa Noheri barishima cyane

Bishop Musisi Bob Charles uhagarariye umushinga Victorious Life Ministries avuga ko batekereje iki gikorwa kubera y’uko abana b’inzererezi batagira ubitaho.

Ngo akaba ari muri urwo rwego baberetse urukundo hamwe n’abakirisitu b’iri torero bakaba barakusanyije amafaranga angana na miliyoni eshatu n’igice bagategura iki gikorwa.

Bishop Musisi Yagize ati “Abana bo mu muhanda babaho mu buzima bubi akenshi birirwa ubusa ubundi bakaburara. Twifuje kubereka urukundo bakishima nk’abandi bana dusangira nabo umunsi mukuru wa Noheli.”

Akomeza avuga ko bazakomeza kubakorera ubuvugizi ku bufatanye na Leta n’abandi bafatanyabikorwa, bakazasubira mu miryango, bagasubira mu ishuri cyangwa bakiga imyuga.

Bishop Musisi Bob Charles avuga ko iki gikorwa kigamije kwereka abana urukundo bashushanya urukundo Yesu akunda abana

Abana b’inzererezi bashimishijwe cyane no kuba babonye abagiraneza babaha noheli.

Kizito Nsanzimana yagize ati“Maze imyaka ine ndi mayibobo naje mu Mujyi wa Kayonza nturutse mu Murenge wa Gahini. Icyatumye nza mu muhanda nuko turi abana bane tudahuje papa, mama yari umusinzi cyane bigatuma twugarizwa n’ubukene”.

Benshi muri aba bana bashimye iri torero ryabahaye umunsi mukuru wa Noheli.

Bavuga ko amakimbirane aba miryango baturukamo ariyo atuma bajya kuba mayibobo aho baryama ku ikarito bakiyorosa indi, bakarwara ntibavuzwe, imyenda ikabacikiraho, rimwe na rimwe bakiba kugirango babeho.

Aba bana ngo bazanakorerwa ubuvugizi bafashwe kuva muri ubu buzima butari bwiza babamo

Itorero Victorious Life Church ryiyemeje ko iki gikorwa cyo gusangira noheri n’abana batishoboye ndetse n’abo mu muhanda kizajya kiba buri mwaka.

Aba bana biga muri Green Hills Academy bacurangiye abantu baranezerwa

Abo bana bari bambaye umwenda w’ishuri w’icyatsi n’umweru bacurangiye muri Pariking y’imodoka iri iruhande rw’inzu y’ubucuruzi izwi nka "CHIC" iri mu Mujyi wa Kigali, ku mugoroba wo ku itariki ya 11 Ukuboza 2017.

Abo bana bari bambaye utugofero turanga Noheli tw’ibara ry’umweru n’umutuku, bacuranze ibicurangisho bitandukanye birimo imyirongi, Trumpets ingoma n’ibindi.

Kubera uko bacuranganga mu buryo bunogeye amatwi,byatumye abantu babarirwa mu bihumbi baza kureba no kwiyumvira uwo muziki.

Bacuranga ibicurangisho bitandukanye birimo imyirongi na Trumpet

Bamwe babegereye,abandi bari ahirengeye aho babitegeye neza, wabonaga batangajwe n’uburyo abo bana bacurangaga ibyo bicurangisho.

Abo bana ngo bari barimo kwitoza gucuranga indirimbo ya Noheli bazashyira hanze mbere gato y’umunsi mukuru wa Noheli wegereje.

Bahaga n’abandi bantu bakavuza ibicurangisho byabo

Itsinda ry’Abadepite,Ingabo na Polisi n’abandi banyacyubahiro bunamiye imibiri yashyinguwe

Iyo mibiri yashyinguwe ku itariki 2 Ukuboza 2017 ku Rwibutso rwa Rusiga rusanzwe rushyinguyeho imibiri 6.394 y’abazize jenoside yakorewe Abatutsi muri Mata 1994.

Hon. Depute Kalisa Evariste waje uhagarariye itsinda ry’Abadepite bitabiriye uwo muhango, yavuze ko bigayitse kuba abakoze jenoside n’abo bafatanije badatanga amakuru imibiri ikavumburwa mu materase.

Yagize ati“Biragayitse kuba abakoze jenoside n’abo bafatanije badatanga amakuru kandi bayafite imibiri y’abazize jenoside ikavumburwa mu materase. Ubu hari n’abari mu misarane n’ahandi kandi ababikoze bazi aho babashyize.”

Hashyinguwe imibiri itanu yabonetse hatunganywa amaterasi y’indinganire

Yasabye abantu bazi aho indi mibiri iherereye gutanga amakuru,kugira ngo na yo ishyingurwe mu cyubahiro kuko ari imwe mu nzira y’ubumwe n’ubwiyunge.

Emmanuel Kayiranga Umuyobozi w’Akarere ka Rulindo,yavuze ko nyuma yo kubona iyo mibiri ahatunganywaga amaterasi bihutiye kubashyingura mu cyubahiro, kuko ngo kuyibona ari umugisha.

Ati “Iyi mibiri yabonetse twihutiye kuyishyingura vuba tubasubiza icyubahiro ntibakomeze kubikwa mu tugari kuko kuba yarabonetse ari umugisha nyuma y’imyaka 23 hatazwi aho yari iherereye.”

Imibiri itanu yashyinguwe mu cyubahiro

Ubuyobozi kandi bwakoze ubushashatsi kuri iyo mibiri hamenyekana amazina y’abo bose bishwe uko ari batanu.

Mu Karere ka Rulindo hari inzibutso icyenda zishyinguyeho imibiri 18.756 y’abazize Jenoside.

Hon. Depute Kalisa Evariste witabiriye uwo muhango ashyira indabo ku mva

Emmanuel Kayiranga avuga ko bihutiye gushyingura iyo mibiri kuko ari umugisha kuyibona

Ni umuhango witabiriwe n’abayobozi n’abaturage batandukanye baje kwibuka no gufata mu mugongo imiryango y’ababuze ababo

Ubusanzwe icyayi cy’u Rwanda cyabaga cyanditseho izina ry’uruganda gusa

Ubusanzwe icyayi cy’u Rwanda kigemurwa mu mahanga ariko cyabaga cyanditseho izina gusa ry’uruganda cyaturutsemo ariko hatariho ikirango rusange kigaragaza ko ari icyayi giturutse mu Rwanda.

Ibyo ngo byatumaga hari abakitiranya n’icyo mu bindi bihugu bigatuma ubwiza n’umwimerere wacyo bitamenyekana cyane uko bikwiye nk’icyayi cyamamaye kikanahabwa ibihembo byinshi mu buryohe.

Umuyobozi w’ikigo NAEB Embassador George William Kayonga avuga ko icyo ikirango gishyashya kizatuma icyayi cy’u Rwanda kirushaho kumenyekana mu ruhando rw’amahanga.

Yagize ati”iki ikirango gishyashya duhaye icyayi kizatuma icyayi cy’u Rwanda kirushaho kumenyekana mu ruhando rw’amahanga kuko twohereza icyayi cyinshi hanze kandi hari n’ibindi bihugu bicyohereza”

Akomeza avuga ko kuba buri ruganda rw’icyayi rwagiraga izina ryarwo ryihariye,ariko rudafite ikirango rusange byari imbogamizi.

Inganda z’icyayi zikazagumana amazina y’icyayi rukora ariko hakazaba handitseho izina ry’ikirango rusange gishyashya cyatanzwe na Minisiteri y’ubuhinzi n’ubworozi.

Nsabimana Pascal uhagarariye Koperative Kobatamu ihinga ikanatunganya icyayi cya Kitabi igizwe n’abanyamuryango ibihumbi 4700 avuga ko bishimira kuba igiciro cy’icyayi kizamuka kikabateza imbere.

Yagize ati “icyayi cyahaye akazi abaturage benshi bibarinda ubushomeri,batunze ingo zabo,bishyuirira abana amashuri na za kaminuza,mituweri n’ibindi”

Avuga ko bishimira ko icyayi cyagiye kizamuka mu biciro kikava ku mafaranga yari munsi y’ijana mu myaka ishize.

Umuyobozi w’ikigo NAEB Embassador George William Kayonga

Mu mwaka wa 2016 ikiro cy’ibibabi cyaguraga amafaranga 193 frw,ubu kikaba kigura amafaranga 292frw.

Icyayi cy’u Rwanda gihinze ku buso bungana na hegitari ibihumbi 26.897 cyatangiye guhingwa muri 1961 kikaba gihingwa n’abahinzi ibihumbi 42.840.

Urugero rw’imwe mu nzu zizubakwa. Iyi ni imwe Madame Jeannette Kagame yageneye abakecuru b’incike mu Karere ka Huye

Ku ikubitiro mu 2018-2019 hakazubakwa umudugudu w’icyitegererezo ‘IDP Model Village’ mu Murenge umwe buri karere kazahitamo. Mu myaka izakurikiraho kugeza mu mwaka wa 2024 hazubakwa imidugudu y’icyitegererezo mu Mirenge yose yo mu Rwanda.

Uturere two mu cyaro dusabwa gushaka ubuso bungana na hegitare 5 buzubakwaho iyo midugudu izubakwamo inzu zigerekeranye enye muri imwe za zizwi nka ‘4 in one.’

N’aho mu turere tw’Umujyi wa Kigali,basabwa gutanga ubutaka bufite ubuso bwa hegitare ebyiri, kuko mu mujyi byagorana kubona hegitari eshanu nazo zikazubakwa zigerekeranye,aho inzu umunani zizajya zubakwa mu nzu imwe zizwi nka ‘8 in 1.’

Minisitiri w’ibikorwa remezo Hon.James Musoni, avuga ko izo nzu zizubakwa zizatuzwamo abaturage batuye batatanye n’abatuye mu manegeka, kugira ngo batuzwe neza. Avuga ko hazanashyirwa imbaraga mu kubaka ubwiherero rusange.

Yagize ati “Turifuza u Rwanda ruteye imbere rufite abaturage badatuye mu manegeka. Tugiye kubaka imidugudu myinshi y’icyitegererezo, tuzashyira kandi imbaraga mu kubaka ubwiherero rusange aho bukenewe hose mu rwego rwo kubungabunga isuku.”

Inzego zinyuranye zitabiriye iyi nama

Mpayimana Protais,umukozi ushinzwe imiturire muri Rwanda Housing Authority avuga ko mu myaka irindwi hazimurwa ingo ibihumbi 205 zizatuzwa mu midugudu y’icyitegererezo

Ati “Ku bufatanye na Leta hateganijwe kuzimura ingo ibihumbi 205 zizatuzwa mu midugudu y’icyitegererezo mu gihugu, n’aho muri 2018-2019 hazimurwa ingo ibihumbi 36 zizatuzwa mu midugudu y’icyitegererezo .”

Mu mwaka ushize wa 2016-2017 himuwe abaturage hafi ibihumbi 31. Uyu mwaka wa 2017-2018 hazimurwa abaturage ibihumbi 22, n’aho mu mwaka wa 2018-2019 hakazimurwa abaturage ibihumbi hafi 36.

Ibyo byagaragarijwe mu nama y’igenamigambi yahuje Minisiteri y’Ubutegetsi bw’igihugu (MINALOC), ikigo cy’igihugu gishinzwe iterambere ry’inzego z’ibanze (LODA)n’ikigo gishinzwe imiturire (Rwanda Housing Authority).

Batangiye guhabwa ibyangombwa by’ubutaka bwabo

Kuva ibarura ry’ubutaka ryatangira mu 2009, mu Rwanda hose hamaze gutangwa ibyangombwa by’ubutaka hafi miliyoni 12. Ariko ikibazo gikunze kugaragara ni abantu bagura ubutaka cyangwa ibibanza ntibakurikirane ngo babwiyandikisheho.

Akarere ka Gasabo katangije icyumweru cyahariwe ubutaka (Land Week) Kizamara ibyumweru bibiri hafashwa abaturage kubona ibyangombwa by’ubutaka.

Muri iki gikorwa abaturage baje gushaka ibyangombwa by’ubutaka babitahana uwo munsi batarinze gusiragira igihe kirekire nkuko byari bisanzwe.

Mukamana Esperence umuyobozi w’ikigo cy’imicungire n’imikoreshereze y’ubutaka atanga icyangombwa cy’ubutaka

Umuyobozi w’iki kigo Mukamana Esperence avuga ko kugira ngo umuntu ubutaka bwitwe ubwe ari uko buba bumwanditseho abufitiye icyangombwa cyasinyweho na noteri w’ubutaka.

Agira ati “Hari abantu batajya babaruza ubutaka bitwaje ko babusanganywe abantu babizi cyangwa bamwe bakagura ubutaka ariko ntibihutire guhinduza icyangombwa. Ariko kuva hajyaho itegeko rigena kwandikisha ubutaka rigomba gukurikizwa.”

Mukamana avuga ko ubutaka butanditse ku wabuguze buba atari ubwe imbere y’amategeko

Ashishikariza abaturage gushaka ibyangombwa by’ubutaka birinda kwiteza ibibazo kuko byorohejwe. Avuga ko hashyizweho ba noteri bashinzwe ubutaka ku Mirenge ko bajya babagana bakabaha ibyangombwa hakiri kare.

Avuga ko nta mu noteri ukwiye gutindana dosiye y’umuturage. Yatanze urugero ko hari aho zimara amezi abiri no kuzamura kandi amabwiriza avuga ko bitagomba kurenza icyumweru kimwe.

Umuyobozi w’Akarere Ka Gasabo avuga Ko ngo kuba ba noteri b’ubutaka bakunda kudindiza serivisi ngo ari ukububera ubuke bwabo n’inshingano nyinshi.

Rwamurangwa Stephen umuyobozi w’Akarere Ka Gasabo, avuga ko bimwe mu bibazo bituma ibyangombwa bitinda gutangwa ari ubuke bw’aba noteri b’ubutaka. Yongeraho ko na internet nke ari imwe mu mbogamizi zituma akazi katagenda neza.

Abaturage baje kwaka serivise z’ibyangombwa by’ubutaka bavuga ko icyi cyumweru kibarinda gusiragira ku cyangombwa igihe kirekire kuko bagitahana, nk’uko umwe muri bo Kanyamigina Pierre yabitangaje.

Ati “Maze imyaka itatu niruka ku cyangombwa byaranze, nabona bimwe bakantuma ibindi, byageraho nabura umwanya n’amafaranga nkabyihorera, ariko ubu ngize amahirwe icyangombwa ndagitahanye.”

Kanyamigina Pierre avuga ko yari amaze imyaka imyaka yiruka ku cyangombwa byaranze, akishimira ko uyu munsi yagikoreshe akanagitahana

Mu Karere ka Gasabo hari ibirarane by’ibyangobwa birenga 500 byari bitarahabwa ba nyirabyo. Muri iki cyumweru bari gutunganya no gutanga ibyangombwa 150 ku munsi.

Kwishyura Parikingi hakoreshejwe ikoranabuhanga byanyuze abishyuza

Abashoferi baravuga ko kwishyura parikingi hakoreshejwe ikoranabuhanga rya e-parking byakemuye ibibazo byinshi bahuraga nabyo mu kwishyura aho baparika ibinyabiziga byabo.

Nubwo ari uburyo bushyashya ngo bikaba ntacyahindutse ku biciro bisanzwe kuko ikinyabiziga cyishyura igiceri cy’ijana 100 frw ku isaha. Naho ku munsi bakishyura amafaranga 500frw, bakanarinda umutekano w’ibinyabiziga.

Icyegeranyo cyakozwe muri Gicurasi 2017 kigaragaza imodoka zikora muri Kigali zingana na 74.786. gusa izimaze kwiyandikisha mu buryo bw’ikoranabuhanga e-parking zingana na 29.023, zingana na 30%.

Aha ni parikingi y’imodoka ku gisimenti

Iyi gahunda yo kwishyuza ibinyabiziga ikorwa na koperative y’ingabo zavuye ku rugerero yashinzwe muri 2004, ibarizwa muri komisiyo ishinzwe gusubiza mu buzima busanzwe ingabo zavuye ku rugerero (RDRC).

Hon. Mukantabana Seraphine umuyobozi w’iyi Komisiyo, avuga ko koperative KVCS yashyizweho mu gushakira akazi ingabo zavuye ku rugerero akaba ashima aho bageze mu kwiteza imbere.

Akomeza avuga ko ashyigikiye gahunda ya e-parking na e-payment kuko byorohereza abishyura serivisi n’abazishyuza.

Hon. Mukantabana avuga ko ashyigikiye gahunda ya e-parking na e-payment kuko byorohereza abishyura serivisi n’abazishyuza

Lt. Col Mushabe David Umuyobozi w’iyi Koperative, avuga ko batangije sisiteme y’ikoranabuhanga hagamijwe gukuraho ibibazo byagaragaragamo mu kwishyuza bakoresheje impapuro.

Agira ati “Twahisemo sisiteme y’ikoranabuhanga,aho umuntu yishyura akoresje mobayiromani kuri telefoni bikagabanya umwanya ukaba wakwishyura wanahavuye.”

Ikindi ngo nuko umuntu ashobora kwishyurira rimwe ukwezi kose cyangwa umwaka wose.

Ngo ibi birinda umukiriya gucibwa amande kuko sisiteme imuha mesaje nyuma y’iminsi 5 atarishyura yakwishura bikamurinda gucibwa amende 10.000Frw, kuko ayacibwa ku munsi wa karindwi.

Abatwara ibinyabiziga bavuga ko gahunda y’ikoranabuhanga ntako isa ngo kuko ije gukemura byinshi byababangamiraga.

Evariste Birikunzira yagize ati “Harigihe twaburaga abo twishyura bagiye kwishyuza abandi bikadukereza, hakaba igihe duciwe amende tutabizi kuko nta mesaje twahabwaga.”

Iyi Koperative igizwe n’abanyamuryango 700 bavuga ko gahunda y’ikoranabuhanga ibakuriraho imbogamizi nyinshi bahuraga nazo.

Kaporali Reserve Ndayisenga Theoneste avuga ko ikoranabuhanga ribarinda kuba amafaranga bishyuje yakwibwa no kutamburwa n’abakiriya bamwe bagendaga batabishyuye.

Utwaye ikinyabiziga iyo ahageze bakanda 14 muri sisiteme bashyizeho kuri telefoni yasohoka bagakanda 15.

Ngo ikoranabuhanga rituma bagirirwa icyizere n’abakoresha kuko byagoranaga kumenya niba koko umubare w’amafaranga babahaye ari nyakuri. Iyi koperative kandi yubaka amazu ikayagurisha.

Uyu mugore yashimishije abantu bamurebaga

Uwo mugore witwa Kadhara Charles, yari ari mu Mujyi wa Kigali rwagati hafi y’umuturirwa wa Kigali City Tower mu gace kazwi nka “Quartier Commercial”, kuri uyu wa gatatu tariki ya 02 Ugushyingo 2017.

Yambaye umupira utukura, ipantalo ya ‘jeans” y’ubururu n’umupira w’amaguru mu ntoki, abantu bamuhaga amafaranga akabereka udukoryo dutandukanye akoresheje umupira w’amaguru. Yemeraga gukina iyo bamuhaga 500RWf.

Uko yakomezaga gukina niko abantu buzuraga aho ari bigaragara ko bishimye, yahava bakagenda bamukurikiye bashaka kureba utwo dukoryo akora.

Materinite nshyashya yakira ababyeyi 81

Iyo nzu y’ibyariro ije kunganira materinite ntoya ihari isanzwe yakira ababyeyi 30 gusa,ngo akaba ari yo mpamvu inyubako y’impinja zavutse zitagejeje igihe “Neonatologie”zashyirwaga ahandi, hakaba harimo urugendo rw’iminota itanu.

Ababyeyi bavuga ko uretse impungenge zo kuba bategeranye n’abana babo ngo iyo bagiye kubonsa basanga ibikoresho byabo basize babyibye.

Nyiransabimana Clementine yagize ati “iriya materinite ije ari igisubizo rwose nkanjye iyo nje konsa hano nsubirayo ngasanga ibintu byanjye barabyibye,ngasiragira mu nzira buri kanya njya konsa ntaranakomera umugongo.”

Izo mpinja zavutse zitarageza igihe,ubusanzwe zikenera ahantu hihariye hashyushye hari ibyuma kabuhariwe byazigenewe.

Musabyemariya Frolence utwite avuga ko materinite nshyashya izatuma babyarira ahantu hisanzuye kandi hagezweho ndetse n’ababyara abana badashyitse bikaborohera kubakurikirana no kutibwa ibintu byabo.

Avuga kandi ko bizagabanya ubucucike bw’ababyeyi ku gitanda ngo kuko hari igihe rimwe na rimwe bakiryamagaho ari babiri.

Aho abana bavutse batagejeje igihe baba

Joseph Musabyimana Umuyobozi w’Ibitaro bya Gahini avuga ko byari ikibazo kuba abana bavutse batagejeje igihe bararaga ukubiri mu nyubako itandukanye n’iya ba nyina,kuko aho babyariraga hari hato cyane.

Yagize ati “materinite isanzwe yari ntoya pe kandi itubatse ku buryo bugezweho kuko twaburaga aho dushyira impinja zabo zidashyitse nibura hatari kure cyane”

Akomeza avuga ko iyo materinite bayubakiwe ku bufatanye bwa Minisiteri y’ubuzima na EAR Diyoseze ya Gahini.

Aho abana bavutse batagejeje igihe baba

Ngo bayibonamo igisubizo kuko yakira ababyeyi benshi kandi ikaba inafite serivisi ifasha abana bavutse batagejeje igihe.

Iyo nyubako nshyashya ya materinite yatwaye amafaranga angana na Miliyari 3(3.000.000.000 frw) ikazajya yakira ababyeyi 81.

Amafi y’inkube n’imamba ashobora gupima hagati y’ibiro 10 na 30kg

Ikigega gishinzwe imirire ku isi (FAO) cyemeza ko umuntu agomba kurya amafi nibura 14 kg ku mwaka, mu gihe Umunyarwanda arya amafi angana na 2,3 kg gusa ku mwaka.

Abanyarwanda bamwe bavuga ko biterwa n’uko mu Rwanda nta buryo bwo korora amafi ahagije,nk’ibiyaga cyangwa ibyuzi ugereranije n’ibihugu bikora ku Nyanja.

Ikigo cy’Igihugu gishinzwe ubuhinzi n’ubworozi (RAB) nacyo gisa nk’icyemeza ibyo, kuko gitangaza ko ubworozi bw’amafi mu Rwanda bumaze imyaka irindwi butangiye gukorwa kinyamwuga.

Dr. Rutaganira Wilson, ushinzwe ubworozi bw’amafi n’uburobyiwa muri RAB, avuga ko n’ubwo ubwo bworozi bukorwa,imbogamizi zikiriho, zituma budakorwa neza nk’uko bikwiye. Mu bibazo agaragaza harimo icy’ibura ry’ibiryo bitunga amafi.

Ibyo nibyo biryo amafi arya ariko kubibona biracyagoye aborozi bayo

Agira ati “Umusaruro w’amafi mu Rwanda uracyari hasi kuko hakenewe nibura izindi toni ibihumbi 112 kuko dufite toni ibihumbi 26000 gusa kugira ngo abaturage bihaze ku biribwa by’amafi. “

Kugira ngo ifi ikure ipime ikiro, ngo igomba kurya ibiro 2,5 by’ibiryo byayo byitwa Fish Feed Perrets bikorerwa mu Rwanda n’aho ibiva mu mahanga igakenera ikiro 1,7. Ibiryo by’amafi biva hanze bigura 1.100frw ku kiro n’aho ibiryo bikorerwa mu Rwanda ikiro kimwe kikagura 800frw.

Kuri icyo kibazo RAB yashyizeho inganda zikora ibyo kurya by’amafi, bitangiye kuboneka n’ubwo ngo bidahagije mu bwinshi no bwiza bigatuma hari abakibitumiza mu mahanga.

Hashyizweho kandi ibigo bikora ibiryo by’amafi biri ku Kiyaga cya Kivu, ku Kiyaga cya Muhazi n’ahandi.

Amafi ya Tirapiya akunze kuba mato akundwa n’Abanyarwanda benshi

RAB ivuga ko iri gushyira imbaraga mu bushakashatsi bwo gukora ibiryo bifite intungamubiri zihagije kandi byinshi, kugira ngo ingano y’ibiryo bitumizwa hanze igabanuke.

Guhenda kw’ibiryo by’amafi ngo bituma aborozi baziroba zifite amagarama 500g gusa, aho ifi imwe bayigurisha hagati y’ibihumbi 2000Frw cyangwa 3000Frw.

Mu korohereza aborozi b’amafi kandi n’abashaka gushoramo imari akana k’ifi, RAB ikabahera ku 45Frw harimo no kuyabagereza aho bashaka kuyororera. N’aho abaducuruza ku giti cyabo bakabahera ku mafaranga 80Frw batari buyabatwaze.

Muri yo harimo ayororerwa mu byuzi ndetse n’ayo muri kareremba ari byo biyaga.

RAB irahamagarira ba rwiyemezamirimo gushora imari mu bworozi bw’amafi bakunganirwa

Mu korohereza abashaka korora mafi Leta yashyizeho amaturagiro atandatu harimo iriherereye i Rubavu, Kigembe, Karongi n’ahandi, ayo maturagiro akora abana b’amafi cyangwa ingemwe zingana na miliyoni 8.000 ku mwaka.

Koperative icyerekezo yororera amafi mu Murenge wa Ndego mu Karere Kayonza ifite Abanyamuryango 30 bavuga ko ubwo bworozi bwabateje imbere.

Mukanyandwi Claudette uyihagarariye avuga ko biyubakiye inzu ikodeshwa miliyoni 3Frw buri kwezi. Bamwe mu banyamuryango biyubakiye inzu zo kubamo n’ibindi aho borora amafi ya tirapiya mato, imamba n’inkube.

Bavuga ko bafite isoko rihagije nyuma yo gutangiza igishoro cy’ibihumbi 300Frw mu myaka ibiri ishize, kuri ubu iyo Koperative ikaba ifite umutungo ungana na miliyoni 8Frw.

Abo baturage bavuga ko bafite imbogamizi y’uko amafi manini yo mu bwoko bwa bw’inkube n’imamba Abanyarwanda badakunda kuyagura, bigatuma bayohereza muri Congo.

Minisiteri y’Ubuhinzi n’Ubworozi (MINAGRI) yihanangiriza ba rushimusi baroba amafi akuze avanze n’utwana twayo tutarakura, ivuga ko bigabanya umusaruro w’amafi wari witezwe.

Gatabazi Jean Marie Vianney uyobora Intara y’Amajyaruguru avuga ko abatera inda abana bagomba kubiryozwa

Ashingiye kuri iyi mibare, Guverineri w’Intara y’Amajyaruguru Gatabazi Jean Marie Vianney, avuga ko atifuza kongera kumva abayobozi bamuha raporo y’abakobwa babyariye iwabo, batamwereka ababateye inda ngo babafashe kurera abo bana.

Abatera inda abangavu ngo bagomba kumenyekana bakabiryozwa, kuko kutabamenya ari ugushyira umutwaro utoroshye kuri Leta no kuvutsa abana uburenganzira bwabo bwo kumenya ba se.

Agira ati ”Ku bufatanye na Polisi y’igihugu mu kurwanya ihohoterwa, ndetse no ku bufatanye n’inkiko ndetse n’ikigo cyashyizweho gipima ADN (uburyo bwo gupima uturemangingo tw’umwana bakareba niba duhuje n’utw’umubyeyi we),iby’abatera abana inda bakabigurutsa bizashira burundu.”

Tariki 19 Ukwakira 2017, mu Karere ka Rukindo hatangijwe ubukangurambaga ku miyoborere n’imibereho myiza mu muryango.

Muri uyu muhango Minisitiri w’Uburinganire n’iterambere ry’umuryango, Nyirasafari Esperance yasabye ko ihame ry’uburinganire n’ubwuzuzanye hagati y’umugore n’umugabo, bigomba kuva mu magambo gusa, bikajya no mu bikorwa.

Ibyo ngo bizafasha abashakanye kwirinda amakimbirane bahe umwanya iterambere ry’urugo rwabo n’uburere bw’abana babo, kimwe mu bizafasha no kubarinda ababahohotera babatera izo nda zitateguwe.

Abanyantege nke bitwikira ijoro bagiye kuvoma amazi y’ibirohwa

Iyo tiyo yaciwe n’abakozi b’Ikigo gishiznwe gukwirakwiza amazi (WASAC) ubwo cyatangiraga gukora umuhanda mu ntangiriro za 2017.

Abaturage bavuga ko basigaye bavoma amazi y’ibirohwa mu migezi itemba kandi bagakora ingendo za kure. Hari n’abavuga ko abanyembaraga nke bahakubititwa cyangwa abayavomye akabakururira indwara zo mu nda zirimo inzoka.

bahangayikishijwe no kubura amazi meza

Uwiduhaye Aniziya umwe mu bavoma ku iriba ryitwa mu “Kigina” riherereye mu Kagari ka Kimisagara, avuga ko abanyembaraga nke bahitamo kuvoma amazi atemba mu mugezi wa Mpazi kandi akaba ari yo mabi.

Agira ati “Tuvoma nijoro kubera imirongo iba hano ku manywa, ubu mvomye ijerekani 2 gusa nahiriwe, ndaza kugaruka saa munani z’ijoro bagabanutse.”

Yongeraho ati “Aya mazi ni mabi turayoga tukarwara indwara ya tirikomonasi tukishimagura mu gitsina kubera inzoka ziyabamo tukajya kwivuza,urayoga ku mubiri ugahinduka umweru kandi anatera imyate.”

Uyu ni wo muhanda uri kubakwa watumye baca itiyo yazanaga amazi mu tugari twa Kimisagara

Uwajeneza Donatira we avuga ko hari igihe babwirirwa kubera kubura amazi yo guteka n’abanyeshuri bajya kuvoma mu gitondo bagakererwa cyangwa bagasiba ishuri, bityo abana na ba nyina bakarara bavoma nijoro.

Kumesa byo ngo ni rimwe na rimwe kuko ijerekani y’amazi mabi y’iyo soko abayavomye bayibahera 200Frw. Bakenera amazi yo kunywa bakayagura 500Frw ku bayavomye mu Cyahafi mu Murenge wa Gitega.

Ngo iyo bateze moto bakajya kuvoma amazi meza yo kunywa mu Cyahafi, bibatwara 900Frw ku ijerekani imwe kuko moto inabagarura, naho uwagiyeyo n’amaguru agakoresha amasaha abiri kugenda no kugaruka akishyura 100Frw.

Umwanda uba ari wose ahavomerwa, hakaba n’abituma hafi y’uwo mugezi

Samuel Havugimana Umukozi ushinzwe ibikorwa-remezo mu Murenge wa Kimisagara avuga ko kubura kw’ayo mazi byatewe n’umuhanda bari kubaka.

Yagize ati “kubera umuhanda bari gukora uva ku Kidirishya uzamuka ahitwa Nasiyonali ukagera hejuru muri santere ya Muganza muri Mont Kigali, byatumye twumvikana na WASAC gukuramo itiyo nini yajyanaga amazi muri uri utu tugari twose kuko umuhanda utari kuyanyura hejuru.”

Gusa avuga ko imirimo y’uwo muhanda ungana na kilometero imwe na metero 700 wagombaga kuba wararangiye muri Nzeri 2017, ariko hakaza kubamo imbogamizi mu kwimura no kwishyura abantu.

Barizeza abo baturage ko imirimo isigaye ngo umuhanda urangire bongere babone amazi itazarenza ukwezi kumwe itarangiye.

Ibyo bigaragaza ko mu batuye isi hari imyumvire ikiri hasi ku bijyanye n’uburenganzira bwa muntu, uhereye ku bato kugeza ku bakuze.

Ibihugu 18 byo muri Afurika biri kwigira mu Rwanda Uburenganzira bwa Muntu

Ni muri urwo rwego kuri uyu wa 16 Ukwakira 2017, ibuhugu 18 byo muri Afurika byateraniye i Kigali mu mahugurwa ku burenganzira bwa muntu, agamije kurebera hamwe uburyo uburenganzira bwa muntu bwarushaho kwigishwa no kubungabungwa.

Ayo mahugurwa azamara iminsi itatu, yahuriyemo abakozi ba za komisiyo z’uburenganzira bwa muntu baturutse muri ibyo bihugu, akazibanda ku buryo bwo kwigisha uburenganzira bwa muntu hibandwa mu mashuri y’incuke, abanza, ayisumbuye na za kaminuza.

Nirere Madeleine uhagarariye komisiyo y’uburenganzira bwa muntu mu Rwanda, avuga ko imfashanyigisho zigisha ku burenganzira bwa muntu zirimo gutegurwa, zikazashyirwa mu mashuri ndetse n’abarimu batangiye guhugurirwa kuzazigisha.

Yagize ati “Buri muntu wese agomba kumenya uburenganzira bwe, kuko iyo yabumenye bimufasha kubahiriza n’ubw’abandi kandi akamenya n’inshingano ze”

Nirere yanavuze ko banahugura abayobozi b’inzego z’ibanze kugira ngo nabo bahugure abaturage, bityo ngo bigafasha abantu kumenya igikwiye n’ikibujijwe.

Nirere Madeleine uhagarariye komisiyo y’uburenganzira bwa muntu mu Rwanda avuga ko imfashanyigisho zigisha kuburenganzira bwa muntu ziri kongerwa mu mashuri

Margret Muthee uhagarariye porogaramu z’uburenganzira bwa muntu zifite icyicaro i Nairobi muri Kenya, avuga ko amahugurwa nk’ayo agamije kwigisha abaturage n’abanyeshuri bakamenya uburenganzira bafite muri sosiyete.

Ibyo ngo bizabafasha kutagira uvutswa uburenganzira bwe ntabimenye, kandi binatume ntawuvutsa abandi uburenganzira bwabo.

Uhagarariye komisiyo y’Uburenganzira bwa muntu muri ayo mahugurwa, yavuze ko bazasangira ubunararibonye n’izindi komisiyo zo muri Afurika, bikazabafasha kurushaho kunononsora akazi kabo ko kwimakaza uburenganzira bwa muntu mu Muryango Nyarwanda.

Ifoto y’urwibutso y’Ibihugu 18 by’Afrika biri kwiga kuburenganzira bwa muntu mu Rwanda

Ibihugu bya Afurika byitabiriye ayo mahugurwa birimo u Rwanda, Nigeria, Swaziland, Burkinafaso, Sierra Leone, Egypt, Cameroun, Kenya, Malawi, Niger, n’ibindi.

Urwo rubaho ni rumwe mu zo Habiyaremye akora mu birere, urwiri n’ibigorigori

Uyu mugabo w’imyaka 46 y’amavuko, avuga ko yatangiye uwo mwuga we mu mwaka wa 2008 nyuma yo kwigishwa ububaji na Komisiyo y’igihugu ishinzwe gusubiza mu buzima busanzwe abavuye ku rugerero.

Habiyaremye avuga ko bimufata iminota 30 kugira ngo ibyo byatsi birimo urwiri, ibirere ibishishwa by’ibigori n’ibishogoshogo by’ibishyimbo abikuremo urubaho rumeze nka zimwe zikorwamo ibikoresho byo mu biro zizwi ku izina rya “MDF” (Medium-density fibreboard).

Urubaho rumwe rwuzura arutanzeho 3000RWf akarugurisha ibihumbi 15RWf mu gihe izo zindi zisanzwe zigura ibihumbi 45RWf.

Habiyaremye akomeza avuga ko izo mbaho yatangiye kuzigerageza mu mwaka wa 2013. Guhera ubwo ngo nibwo zatangiye kumwinjiriza amafaranga kuburyo guhera mu mwaka wa 2016 zimaze kumwinjiriza ibihumbi 800RWf. Azikoramo ibikoresho bitandukanye birimo ameza.

Uko yatangiye gukora imbaho mu birere

Habiyaremye avuga ko yasezerewe mu gisilikare agasubira mu buzima busanzwe mu mwaka 2007. Nyuma yaho yigishizwe umwuga w’ububaji maze mu mwakwa wa 2008 nawe atangira uwo mwuga.

Ibyo byatsi birimo urwiri arabisya agakuramo ifu (iyo iri mu kadobo) akavangamo kore akora mu macupa ya parasitiki ubundi agakuramo imbaho

Yaje guhura n’imbogamizi zo kubura imbaho zo kubazamo kuko zahendaga bitewe n’uko mu Ntara y’Iburasirazuba nta biti bihagije bihaba.

Nibwo yiyemeje gukora ubushakashatsi bwo gukora imbaho mu birere by’insina maze arabitangira.

Agira ati “Maze kubona ko imbaho zihenda cyane muri iyi ntara, nakoze ubushakashatsi bwo gukora imbaho mu birere mbona havuyemo imbaho nziza za MDF. None ubu ngeze ku rwego rwo gukora imbaho nkoresheje urwiri, ibirere, ibigorigori n’ibishogoshogo.”

Afite imashini isya ibyo byatsi bikavamo ifu akayivangamo kore yikorera avana mu mashashi no mu macupa ya parasitiki, yavuyemo amazi cyangwa umutobe, nyuma yo kuyashongesha.

Habiyaremye avuga ko ikilo cy’ibyo byatsi asya agakuramo imbaho akigura 30RWf naho ikilo kimwe cy’amacupa yashizemo amazi n’imitobe akakigura 500RWf.

Urubaho rumwe rwuzura rutwaye ibiro 15 by’urwiri cyangwa ibigorigori n’ibirere.

Ibyo bikoresho akoramo imbaho abikura mu baturage. Ibyo byose ngo abikora mu rwego rwo kurengera ibidukikije.

Ibyo bikoresho nibyo avanga agakuramo imbaho

Kuri ubu akoresha abakozi bane ariko ngo arateganya gukoresha bakozi 100 azahugura igihe uruganda rwe ruzaba rwuzuye neza.

Agiye kubaka uruganda rukora imbaho mu rwiri

Habiyaremye avuga ko atarangira kwinjiza amafaranga mu buryo buhoraho ayakuye muri izo mbaho akora mu rwiri kuko umushinga we yawushyikirije ikigo cy’igihugu cy’ubushakashatsi n’iterambere ry’inganda (NIRDA) n’ikigo cy’igihugu gishinzwe iterambere ry’imyuga n’ubumenyingiro (WDA).

Kuri ubu ngo ategereje ko bamuha uburenganzira busesuye n’ibikoresho birimo amamashini kugira ngo abashe gutangira gukora neza.

Habiyaremye avuga ko uruganda rwe ruzuzura rutwaye miliyoni 157 n’ibihumbi 640RWf. Amaze gushoramo miliyoni 22 n’ibihumbi 640RWf ku giti cye.

Imashini ateganya gukoresha ngo zizajya zisohora imbaho ibihumbi 10 ku munsi.

Habiyaremye avuga ko agiye gushinga uruganda rukora izo mbaho mu rwiri

Habiyaremye yitabiriye imurikagurisha ry’Intara y’Iburasirazuba ryabereye mu Karere ka Kayonza ryasojwe ku itariki ya 25 Nzeli 2017.

Ubwo ryasozwaga yahawe igihembo kubera kugaragaza ubudasa mu bikorwa by’ubukorikori.

Habiyaremye afite umugore n’abana batanu. Umukuru muri bo agiye kurangiza amashuri abanza.

Ni inama yahuje abakozi ba MINALOC Intara y’Uburasirazuba n’izindi nzego zitandukanye.

Kwaka serivisi ku baturage ni bimwe mu bibabangamira kuko, usanga abenshi basabwa gukora ingendo haba ku turere cyangwa ku mirenge. Benshi bavuga ko bibasaba gukoresha amafaranga menshi abatayafite bakabihomberamo cyangwa bagahitamo kubireka.

Bamwe mu baturage bavuga ko hari ibyangombwa bibasaba kujya mu nzego zo hejuru ariko ugasanga abadafite ubushobozi babirenganiramo kuko bibasaba amatike n’iminsi myinshi yo gushaka ibyangombwa.

Gahigi Abdulkarimu, umwe mu baturage bo mu Karere ka Kayonza, avuga ko guverinoma yari ikwiye kumanura zimwe muri serivisi zihabwa abaturage kugira ngo, bice akarengane, kudakemurirwa ibibazo ku gihe, gusiragira no gutakaza amatike.

Agira ati “Twajya dukemurirwa ibibazo vuba, hari n’ubura amafaranga y’itike n’umwanya wo kujyana ikizazo cye ku murenge cyangwa ku karere, ariko banuye izo serivisi ku tugari,amatike abaturage twakoreshaga twazajya tuyakoresha ibiduteza imbere.”

MINALOC ivuga ko igiye kongerera ubushobozi urwego rw’utugari

Icyo kibazo Guverinoma ivuga ko ikizi, kuko cyanagarutsweho mu nama yahuje Minisiteri y’ubutegetsi bw’Igihugu (MINALOC), Intara y’Uburasirazuba, Ikigo cya leta gishinzwe gutera inkunga imishinga y’uturere n’Umujyi wa Kigali (LODA) n’inzego z’umutekano, tariki 21 Nzeli 2017.

MINALOC ivuga ko icyo kibazo kigiye gukemuka kuko guhera mu kwezi k’Ugushyingo 2017, hafi ya serivisi zose zatangirwaga mu mirenge zizamanurwa mu tugari. Aya mavugurura akazakomeza kugeza n’aho izatangirwaga mu turere zishyirwa mu mirenge.

Yves Bernard Ningabire Umuyobozi mukuru ushinzwe igenamigambi muri MINALOC, avuga ko guha ubushobozi urwego rw’utugari, ibikoresho, amafaranga, abakozi babibona nk’igisubizo, kuko ari zo nzego zegereye abaturage.

Ati “Turifuza kandi kongerera abakozi n’ibikoresho utugari tukaba ihuriro ry’imitangire ya serivisi.”

Iyo nama yigaga ku bizagenderwaho mu igenamigambi ry’imyaka irindwi iri imbere 2018/2024, hibandwa cyane ku kwegereza ubuyobozi n’ubushobozi abaturage no kuvana abaturage mu bukene.

Abacururiza mu isoko rishyashya rya Gasogororo barinubira ko barinyagirirwamo n’imvura kuko ridafite ho kuyugama.

Iryo soko ry’imyaka riherereye mu Mudugudu wa Gasogororo, Akagari ka Kayonza mu Murenge wa Mukarange, ni himuriwe isoko rya Kayonza kubera ko ririmo gusanwa.

Muri iki gihe cy’imvura igwa idateguje, kandi iryo soko rikaba ritanasakaye, usanga byangiza imyaka icururizwa mu isoko n’abariremye bakabura aho bugama, bagahitamo kujya kugama mu ngo z’abaturage barituriye.

Iyo imvurai iguye babura aho bugama ugasanga bagiye kugama mu ngo z’abaturiye iri soko.

Uwayezu Jeanne, umwe mu bacururiza muri iryo soko, avuga ko bimura isoko barishyize ahantu mu murima hadatunganije. Avuga ko bituma iyo imvura iguye babura aho bayugamana n’imyaka yabo bacuruza ikangirika.

Agira ati “Turabangamiwe pe turanyagirwa imvura ikaduhitiraho bimwe biteye ubwoba nk’ubu ibirayi byanjye byaraboze hafi ya byose kubera kunyagirwa, amafu n’amasukari ni uko.”

Abacururiza mu isoko rishyashya rya Gasogororo barinubira ko barinyagirirwamo n’imvura kuko ridafite aho kuyugama

Sabizerwa Jean Paul avuga ko iyo imvura iguye bajya kunyagirirwa munsi y’amakoma y’intoki zihegereye.

Mukeshimana Anasitaziya uturiye iryo soko rya Gasogororo, avuga ko bavuga ko babangamiwe n’ubwinshi bw’abantu barema isoko baza kuhugama no gutira ubwiherero buri kanya kuko bibateza umwanda.

Ati “Ntitwanze isoko ariko ubuyobozi nibububakire aho kugama ndetse n’ubwiherero, kuko iyo baje baba ari benshi cyane bameze nk’ibijumba bisotse ku gataro.”

Abahaturiye nabo bavuga ko babangamiwe n’ingaruka zo kuba iri soko ritagira ubwugamo n’ubwiherero

Avuga kandi ko atari ibintu byoroshye kuba ingo nke zihaturiye zakugamisha isoko ryose. Ngo kandi bituma banatira ubwiherero buri kanya bakabasigira umwanda mwinshi.

Murenzi Jean Claude Umuyobozi w’Akarere ka Kayonza, avuga ko kwimura iryo soko byatewe n’uko bari bagiye gutunganya ahari hasanzwe haremera isoko ry’imyaka.

imirimo yo kubaka ubwiherero bw’agateganyo bazaba bifashisha yatangiye ngo ariko gusakara isoko byo biteganyijwe mu mwaka utaha

Ati “Turi gutunganya ahari ahasanzwe haremera igice cy’isoko ry’imyaka naho ntihari hameze neza kandi naho ntihanasakaye kandi hari na hatoya.

Avuga ko bagiye kubaka ubwiherero bw’agateganyo bazaba bifashisha mu gihe bagitegereje kububakira ubwiherero burambye, n’aho gusakara isoko bikaba biteganijwe mu ngengo y’imari y’umwaka wa 2018.

Muri uyu murima niho isoko rya Gasogororo riremera.

Abapasiteri barindwi bimitswe biyemeje guhangana n’ibiyobyabwenge muri aka karere.

Abo bapasiteri 7 bimitswe n’ikigo cy’ishuri Victorious Academy,barimo Bishop mukuru 1 ubahagarariye bazafatanya kuyobora urusengero batangije rushyashya rwitwa “Victorious Life Church” kuri uyu wa 19 Kanama 2017.

Umushumba mukuru wagizwe Bishop Musisi Bob Charles akaba n’umuyobozi w’icyo kigo avuga ko icyo gikorwa kizagirira akamaro akarere kose muri rusange.

Nyuma y’uko Apotre Ngarambe Aimable waturutse i Burundi asiga amavuta Bishop Musisi Bob Charles na we yasize amavuta abapasiteri batandatu.

Yagize ati “Nka Bishop nifuza cyane kubona umuntu areka gukora ikibi ajya mu byiza, ibikorwa byiza by’iterambere dukorera abaturage ni ukugira ngo imibereho yabo ibe myiza bityo roho nzima iture mu mubiri muzima.

Yavuze ko ari yo mpamvu batangije ishuri ry’imyuga bavana abana b’urubyiruko mu buraya, mu burara, kugarura abana bataye ishuri, ndetse n’abirirwa banywa ibiyobyabwenge kubera kubura ibyo bakora.

Abahawe ubupasiteri barahiriye kuzuzuza inshingano zabo.

Muri abo bapasiteri harimo abagore batatu n’abagabo bane bazafatanya gukora umurimo w’Imana wo kubwiriza ubutumwa.

Bavuga ko bazibanda cyane ku kurwanya ibiyobyabwenge, ndetse n’amakimbirane mu miryango, nk’uko umwe mu barahiye Pasiteri Mukakinani Jeanne D’arc yabitangaje.

Ati “Ikibazo cy’ibiyobyabwenge iwacu mu Murenge wa Kabarondo aho ntuye kirahari, njya mbona kenshi polisi iza ikabatwara nkabona ari ibibazo.”

Abitabiriye umuhango.

Avuga ko n’umugabo we ari Pasiteri aho ngo bazajya bakora ibiterane, bagatanga ubutumwa ahahurira abantu benshi ndetse bakigisha abaturage urugo ku rundi, uburyo bwo kwirinda ibiyobyabwenge n’amakimbirane.

Habineza Emmanuel avuga ko asanzwe abwiriza ubutumwa, ariko ngo kuba yasizwe amavuta y’ubushumba, azarushaho kuwunoza akaba umugaragu w’abo ayobora akigisha abantu benshi bashoboka ijambo ry’Imana.

Yavuze ko ngo babona abantu benshi banywa ibiyobyabwenge harimo n’abasore bane banywa ibiyobyabwenge yazanye kumva ubutumwa bwiza, ngo yizeye ko bazahinduka na bo bakazazana abandi.

Nk’abashumba ngo bakaba bizeye ko imbaraga n’umurava batangiranye bizahindura abantu benshi bakava mu byaha,bikabagirira akamaro ubwabo ndetse n’igihugu, ngo kandi bakazabona n’ubwami bw’ijuru.

Iyi Korali yo muri Tanzania ibyina ikuramo inkweto bishushanya kwihana ibyaha

Iryo tsinda ryaturutse mu mujyi wa Dar es Salaam, ryatangiriye ivugabutumwa mu Karere ka Kayonza, ryakirwa n’abakiririsitu b’Itorero “Lutheran Mission in Africa” ku wa gatanu tariki ya 11 Kanama 2017.

Bazasoza ibyo bikorwa by’ibavugabutumwa mu Rwanda ku itariki 21 Kanama 2017. Bazavuga ubutumwa mu turere dutandukanye.

Iryo tsinda ryaje riherekewje n’amakorali atandukanye aririmba indirimbo zihimbaza Imana.

Ariko imwe muri izo Korali yitwa “Umoja” yasusurukije abari bateraniye aho bitewe n’uburyo yaririmbaga ibyina, abayigize bagakuramo inkweto bakazishyira hasi.

Abagize iyo Korali bavuga ko kuririmba bajugunya inkweto hasi ari ikimenyetso cyo kureka ibibi, bagakiranuka; nkuko umwe muri bo witwa Jakline John abisobanura.

Agira ati “Kuririmba tuzamura inkweto hejuru twarangiza tukazimanura hasi, ni ikimenyetso gishushanya kureka ibyaha n’ibibi byose, tukambara agakiza mbese tugakiranuka”.

Akomeza avuga ko bishimiye kuza kubwiriza ubutumwa mu Rwanda kubera ko n’ubundi nabo basanzwe baza mu gihugu cyabo kubwiriza ijambo ry’Imana.

Aba bavugabutumwa baturutse muri Tanzania bazajya mu turere dutandukanye babwiriza

Dr Alison Manyi, waje ahagarariye iryo tsinda avuga ko Abanya-Tanzania bakunda u Rwanda kandi ko yishimiye bikomeye intsinzi ya Paul Kagame.

Agira ati “Twanejejwe cyane bikomeye no kumva ko Nyakubahwa Paul Kagame yongeye gutorerwa kuyobora igihugu cy’u Rwanda kuko hari aho yakivanye n’aho akijejeje mu guteza imbere abaturage.”

Umuyobozi w’Akarere ka Kayonza, Murenzi Jean Claude yashimiye iryo tsinda ry’abavugabutumwa kuba barahisemo gutangirira uruzinduko rwabo muri Kayonza bakanamuha impano.

Aha bari ku rwibutso rwa Gisozi birebera n’amaso yabo amateka ya Jenoside n’ingaruka zayo.

Babivuze nyuma y’uko hari bamwe mu rubyiruko rw’abayisilamu muri iyi minsi rwagaragaweho ubutagondwa n’ubuhezanguni hirya no hino mu Gihugu, bamwe bakanabyemera kandi bagafungwa, nk’uko bitangazwa na Sheikh Nshimiyimana Mubaraka uhagarariye abayisilamu mu Karere ka Kayonza.

Yagize ati “Mu idini yacu ya Isilamu tumaze iminsi dufata abantu cyane cyane b’urubyiruko bagaragaraho kutumvikana n’abaturage batari abayisilamu bakanafungwa.”

Akomeza avuga ko ibyo byose bizana impagarara mu baturage kandi bishobora kuganisha ku bwicanyi cyangwa Jenoside. Avuga ko ari yo mpamvu bashaka gukumira ibikorwa nk’ibyo bibi, bigisha abayisilamu bagenzi babo kwirinda icyavutsa umuntu ubuzima n’uburenganzira.

Nyuma yo gusobanurirwa ingaruka mbi za Jenoside Abisilamu b’i Kayonza bahagurukiye ubutagondwa bushobora gukurura ubwicanyi.

Nyiraneza Mariamu ushinzwe iterambere ry’abayisilamukazi mu Karere ka Kayonza basaga 1000, nawe avuga ko biyemeje kwamaganira kure ibikorwa by’ubutagondwa.

Ati “Ibikorwa by’ubutagondwa byagiye bigaragara muri iyi minsi kandi ibyo byose bishobora kuganisha ku bwicanyi,kandi muri korowani handitsemo ko kwica ari icyaha gikomeye.”

Kubera inyungu z’abaturage n’Igihugu ngo bakaba barahagurukiye bashize amanga kurwanya abashaka kwigira intagondwa.”

Sheikh Nshimiyimana Mubaraka avuga ko bagiye gukumira no kurwanya ubutagondwa ngo kuko nabwo bushobora gukurura ubwicanyi.

Avuga ko mu Karere ka Nyagatare n’ahandi muri uyu mwaka hafunzwe abayisilamu benshi b’urubyiruko kubera ubutagondwa bazira ko bapfobyaga bagenzi babo batari abayisilamu babita abakafiri bisobanura abahakanyi.

Akomeza avuga ko ibyo byose ari ibikorwa by’ubutagondwa n’ubuhezanguni bibangamira abaturage n’umutekano w’Igihugu.

Mbarubukeye Abou Bakar imamu w’umusigiti wa Gahini ashingiye ku ngaruka za Jenoside yakozwe n’abaranzwe n’amacakubiri. Yiyemeje ko we na bagenzi be bagiye gushishikariza abo bayobora kurangwa n’ibikorwa by’urukundo, birinda kandi kuba intagondwa bagakundana hagati yabo batitaye ku idini.

Kuba imamu bayobora imisigiti hafi ya bose 95% ari urubyiruko bakaba barasobanuriwe amateka mabi ya Jenoside n’ingaruka zayo, ngo bizabafasha kwigisha abo bayobora kwirinda ibikorwa by’ubutagondwa n’ubuhezanguni bituruka ku macakubiri.

Abaturage bo muri Mukarange batangiye kuvoma amazi meza

Abaturage batangaje ibi ubwo bamurikirwaga umuyoboro w’amazi meza ufite ikigega kibika amazi agera kuri metero kibe 1000 m3 , ku itariki ya 21 Kamena 2017.

Uwo muyoboro w’amazi watwaye amafaranga asaga Miriyari 3RWf.

Abaturage batuye muri Mukarange bavuga ko ari ubwa mbere mu murenge wabo hageze umuyobozi w’amazi meza. Ubwo bawumurikirwaga bagaragaje ibyishimo bakoma amashyi baranabyina bagaragaza uburyo baruhutse.

Angelique Nyirabizimana, umwe muri abo baturage avuga ko ubusanzwe bakoraga urugendo rw’amasaha abiri bajya gushaka amazi.

Bamwe bavomaga amazi y’ikiyaga cya Muhazi bakaba ari yo banywa, bakayatekesha bakanayoga. Abafite amafaranga bo ngo bayaguraga ku banyonzi bayagurishaga, ijerekani imwe bakayigura amafaranga abarirwa muri 300RWf.

Agira ati “Ndi umugore navukiye kuri uyu musozi wa Mukarange, nabyukaga saa kumi za mu gicuku tugiye kuvoma kugira ngo tujye kwiga tuvuyeyo.”

Mugenzi we witwa Uwihanganye Jean Pierre avuga ko kwegerezwa amazi meza yabifashe nk’ igitangaza gikomeye. Akomeza avuga ko kuvoma kure byatumaga kumesa no koga babikora rimwe na rimwe.

Iki kigega nicyo kibika amazi abaturage bo muri Mukarange bavoma

Umuyobozi wungurije w’Akarere ka Kayonza ushinzwe iterambere ry’ubukungu, Uwibambe Consolee avuga ko uwo muyoboro w’amazi uzaha amazi abaturage ibihumbi 28 bo mu Murenge wa Mukarange.

Agira ati “Ikibazo cy’amazi muri uyu Murenge wa Mukarange twagikemuye kuko ni Umurenge utuwe n’abantu benshi bigatuma aba make, abenshi bakagura amazi ku magare bahenzwe. Iki kibazo twari twaragishyize mu mihigo none turawuhiguye.”

Ibiro bishya by’Akarere ka Kayonza byuzuye bitwaye asaga miliyoni 700RWf

Barabitanga mu gihe ubuyobozi bw’ako karere bumaze iminsi butashye inyubako nshya y’amagorofa atatu bazajya bakoreramo, yuzuye itwaye asaga miliyoni 700RWf.

Abaturage bo muri Kayonza bahamya ko ibiro bishya by’akarere kabo bizatuma babona serivisi nziza nta kabusa; nkuko umwe muri bo witwa Mukandanga Marie Odette.

Agira ati “Nk’ubu aho twicaraga mbere dutegereje kwakirwa hari mu ihema izuba rikatwica ntibanatubone kuko ahari hari hihishe tukarinda dutaha tudakorewe. Ariko ubu urinjira bagahita bakubona batwakiriye neza ntazuba, harisanzuye.

Mugenzi we witwa Muganwa James ahamya ko ibiro bishya by’akarere kabo bibereye ubuyobozi kuko nta kajagari gahari kandi hakaba hari isuku.

Ibiro bishya by’Akarere ka Kayonza ni inyubako y’amagorofa atatu

Umuyobozi w’Akarere ka Kayonza, Murenzi Jean Claude avuga ko kuba bari gukorera mu nyubako nshyashya ari kimwe mu bizatuma imiyoborere myiza irushaho kunozwa batangira serivisi ahantu heza kandi hagutse.

Agira ati “Kuba turi gukorera mu nyubako nshyashya y’Akarere ahantu heza kandi hisanzuye kurusha inyubako y’Akarere ifunganye twakoreragamo mbere, bizatuma turushaho gutanga serivisi nziza kandi zihuse twakira abantu benshi mu gihe gito.”

Akomeza avuga ko nyuma yo kubona ibiro bishya by’akarere hagiye gukurikiraho kuvugurura ibiro by’imirenge n’iby’utugari.

Abaturage bo muri Kayonza batangiye guhabwa serivisi mu biro bishya by’ako karere

Imbere mu nyubako y’ibiro bishya by’Akarere ka Kayonza

Ibiro bishya by’Akarere ka Kayonza ubirebeye inyuma

Inyubako yari isanzwe ari ibiro by’Akarere ka Kayonza

Imiryango imwe yo muri Kayonza ifite ubwiherero budasakaye butanakinze indi yo ntabwo igira

Umukozi ushinzwe isuku n’isukura muri ako karere, Rugira Jean Baptiste avuga ko iryo genzura barikoze mu mpera za Gashyantare 2017.

Avuga ko mu miryango ibihumbi 80 na 157 igize ako karere kose yagenzuwe basanze ingo bihumbi 65 na 442 arizo zifite ubwiherero buboneye, bwubatse neza, busakaye kandi bupfundikirwa.

Naho ingo 3.493 basanze zifite ubwiherero butujuje ibyangombwa. Hari aho basanze butubakiye, budasakaye cyangwa se budakinze.

Naho ingo ibihumbi 11 na 222 basanze nta bwiherero zifite kuburyo abazituyemo biherera mu bisambu cyangwa bagatira ubwiherero mu baturanyi.

Bamwe mu baturage bo muri Kayonza bavuga ko ahanini kutubaka ubwiherero bwujuje ibyangombwa babiterwa no kubura ubushobozi, nk’uko Sekamana Frodouard umwe muri bo abisobanura.

Agira ati “Nkanjye sinishoboye ndi mu cyiciro cya mbere cy’ubudehe mfite umugore n’abana, dutunzwe no guca inshuro, ubwo rero keretse wenda ubuyobozi bumfashije bukanyubakira ubwiherero.”

Mugenzi we witwa Safari Vedaste avuga ko kubaka ubwiherero bwiza bigoye ariko yaje kubigeraho kubera ubukangurambaga bwamugezeho. Ahamya ko aha umuganda abaturanyi be badafite ubwiherero.

Rugira Jean Baptiste avuga ko ikibazo cy’ubwiherero bari kugikoraho bashishikariza abaturage kubwubaka abadafite ubushobozi bagafashwa

Rugira, ushinzwe isuku mu Karere avuga ko ikibazo cy’ubwiherero barimo kugishakira umuti, bashishikariza abaturage kubwubaka cyane cyane abafite ubushobozi ngo kuko hari n’abatabwubaka bategereje ko Leta izabubakira.

Bafatanije n’abafatanyabikorwa ngo bazakomeza gukora ubukangurambaga abafite ubushobozi biyubakire ubwiherero buboneye, naho abatabufite bari mu cyiciro cy’abatishoboye bakazakomeza kubakirwa binyuze mu muganda w’abaturage.

Mukeshimana Venuste utuye i Kayonza yahanze umurimo wo kubaza mu biti inyamaswa ziba mu Kagera none bimwinjiriza atubutse

Mukeshimana, ufite imyaka 29 y’amavuko utuye mu Murenge wa Rwinkwavu abaza amashusho y’imyamaswa ziba muri pariki y’Akagera zirimo Intare, Inzovu, Twiga, Ibitera, Impala n’Indonyi.

Ayo mashusho abaza ayagurisha n’abantu batandukanye bo mu Karere ka Kayonza barimo n’abakerarugendo ariko ngo hari n’andi agemura mu mahoteli atandukanye y’i Kigali.

Bitewe n’ubunini bw’ishusho, hari ayo agurisha 5000RWf, ibihumbi 50RWf n’andi manini agurisha ibihumbi 200RWf. Ngo hari n’abandi bifotorezaho bakamwishyura 500RWf ku ifoto imwe.

Akomeza avuga ko nyuma y’imyaka itanu akora uwo mwuga we w’ubugeni amafaranga yakuyemo yamufashije kubaka inzu yashakiyemo umugore bafitanye umwana umwe.

Yanaguzemo kandi igare rimufasha mu kazi ke ka buri munsi ndetse byanatumye ahanga undi murimo w’ubuvumvu aho afite imizinga 50 imwinjiriza arenga ibihumbi 150.000RWf mu mezi atandatu, iyo agurishije ubuki.

Mukeshimana Venuste w’i Kayonza abaza amashusho y’inyamaswa zitandukanye zirimo inzovu n’intare n’izindi

Mukeshimana avuga ko kandi uwo mwuga we wo kubaza amashusho wonyine umwinjiriza amafaranga ari hagati y’ibihumbi 80RWf n’ibihumbi 100RWf ku kwezi.

Uko yatangiye uwo mwuga we

Mukeshimana, wize amashuri abanza gusa avuga ko nyuma yo kurangiza amashuri abanza nta bushobozi bundi yabonye bwo gukomeza kwiga amashuri yisumbuye.

Kuva icyo gihe ngo yakomeje kubaho mu bushomeri, nyuma nibwo yigiriye inama yo kujya mu Mujyi wa Kigali, atangira gukora akazi ko koza imodoka mu kinamba. Muri ako kazi ngo yahembwaga amafaranga make atagera no 1000RWf ku munsi.

Nyuma yaho ngo yahuye n’umugabo amwigisha ubugeni, amenya kubaza amashusho amaze kubimenya ahita atangira kwikorera.

Agira ati “Natangiriye hasi cyane ku mafaranga ibihumbi 3000RWf gusa, nkora amashusho y’inyamaswa ziba muri Pariki y’Akagera n’izindi nyamaswa zinyuranye zibereye ijisho nkazigurisha.”

Akomeza avuga ko kubona ibikoresho akoresha ayo mashusho bitamugora kuko akoresha ibisigazwa by’ibiti bataye aho babariza.

Mukeshimana Venuste w’i Kayonza amashusho y’inyamaswa ayagurisha ku bantu batandukanye barimo abakerarugendo

Ikindi ngo ni uko rimwe na rimwe ajya agura igiti ku bihumbi 20RWf nabwo ari uko agiye gukora ishusho nini cyane kandi agakuramo amashusho menshi.

Mukeshimana avuga ko amarangi akoresha ayikorera akoresheje imvange y’itaka rifite ibara rijya gutukura, umuhondo (kokobe) n’ibishonyi akavangavangamo kore y’ibiti ariko ngo hari n’igihe agura irangi risanzwe.

Aba ni bamwe mu barwayi bari baje kwivuriza ku Kigo Nderabuzima cya Mukarange. Bavuga ko serivisi bahabwa ari mbi kuko bategereza amasaha menshi

Bamwe mu bo umunyamakuru wa Kigali Today yahasanze ku gicamunsi cyo ku wa kabiri tariki ya 24 Mutarama 2017, bicaye abandi bahagaze byagaragaraga ko barambiwe kubera kuhamara amasaha menshi badahabwa serivisi.

Abarwayi batandukanye baganiriye na Kigali Today bavuga ko baza kwivuza mu gitondo kare bakabarangarana ntibabavure ngo batahe; nkuko umwe muri bo witwa Mukamana Claudine abivuga.

Agira ati “Nageze aha saa kumi n’ebyiri za mu gitondo, none bigeze saa kumi(z’umugoroba) ntaravurwa ngo ntahe nahereye kare mbasaba ikarita yanjye ya Mitiweri ngo njye kwivuza mu ivuriro ryigenga kuko ndembye nabyo babyanze.”

Akomeza avuga ko ahivuriza kenshi, atari ubwa mbere bamurangaranye.

Abandi barwayi nabo batifuje ko amazina yabo atangazwa bahamya ko bahivuriza kenshi ariko ko inshuro nyinshi babarangarana bigatuma barushaho kuremba.

Aha bavuga ko serivisi zitinda cyane ari izo muri Mutuweri, mu gutanga ibizamini no kubarisha.

Umuyobozi w’Ikigo nderabuzima cya Mukarange, Uwanyirigira Chantal ntiyifuje kugira icyo atangaza ku byo abo baturage bavuga. Yabwiye Kigali Today ko nta makuru afite yo gutangaza.

Umukozi ushinzwe iby’ubuzima mu Karere ka Kayonza, Ngarambe Alphonse avuga ko icyo kibazo atari akizi.

Agira ati“ Ntabwo icyo kibazo nari nkizi ariko nabyo byashoboka ko abaganga, abaforomo cyangwa undi mukozi ukora mu buvuzi yarangarana abarwayi bitewe na kamere ye mbi ariko bishobora nanone guterwa n’uko mu buvuzi tugifite abakozi bake.”

Akomeza avuga ko bagiye gukurikirana icyo kibazo bagakebura abakozi baba bakora amakosa yo kurangarana abarwayi.

Ahamagarira abarwayi kujya bavuga ishami ryabarangaranye kugira ngo bamenye neza ishami runaka bagomba guheraho bakebura mu mitangire ya serivisi.

Abaturage bivuriza mu kigo nderabuzima cya Mukarange batangaje ko bahabwa serivisi mbi nyuma y’igihe gito abakora mu rwego rw’ubuvuzi muri Kayonza, bavuye mu itorero.

Ubwo bari baririmo icya mbere bashyize mu mihigo ni ugutanga servisi nziza ku babagana.

Abanyakayonza bavuga ko babangamiwe cyane n’abajura batuma basarura imyaka yabo itarera

Aba baturage bavuga ko nta minsi ishira hatumvikanye aho abajura bateye mu murenge runaka bakiba imyaka cyangwa amatungo magufi ndetse n’inka.

Karangwa Jean Damascene, utuye mu murenge wa Mwili avuga ko nta munsi hadafatwa abajura mu duce dutandukanye tw’uwo murenge.

Agira ati “Tubangamiwe n’abajura bari inaha batwibira imyaka n’amatungo, nkanjye bancukuriye ibirayi barabyiba. Kandi sinjye gusa n’abaturanyi bacu bahora bibwa uretse ko bamwe mu bajura bafatwa bagafungwa.”

Mugenzi we witwa Mukandengo agira ati “Akavura karaguye ubu twejeje utwaka duke turimo gucungiraho, gusa nuko hateye abajura benshi bajya mu myaka yacu nijoro bagacukura ibirayi, bagatema ibitoki ndetse bakiba inka n’andi matungo.”

Bamwe mu baturage bo bahamya ko hari igihe biba ngombwa ko bagurisha imyaka yabo itarera batanguranwa n’abajura.

Umunyamabanga nshingwabikorwa w’Umurenge wa Mwili, Nsoro Alex Bright avuga ko ikibazo cy’ubujura bagifatiye ingamba

Umunyamabanga nshingwabikorwa w’umurenge wa Mwili, Nsoro Alex Bright nawe yemeza ko ikibazo cy’ubujura gihari ariko ngo bari guhangana nacyo.

Agira ati “Abajura bo barahari ndetse n’abandi bananiranye bagahungabanya umutekano. Dufatanyije n’abaturage twakoze urutonde rw’abo bantu, abajura iyo bafashwe barafungwa.”

Akomeza avuga ko izindi ngamba bafashe mu guhanga n’abo bajura zirimo gukaza amarondo. Ibyo ngo byanatumye hafatwa abajura batandatu, bafatanywe ibyo bibye birimo imyaka itandukanye, inka ihene n’intama.

Ikindi kandi ngo banashyizeho irondo ry’umwuga rikorwa n’Inkeragutabara zishyurwa.

Urubyiruko rwaretse ibiyobyabwenge rutanga ubuhamya bw’ububi bwabyo

Ikigo SACCA (The Streets Ahead Children’s Centre Association), kiri mu Karere ka Kayonza mu Murenge wa Mukarange kivana abana mu buzima bubi bwo mu muhanda kikabashyira mu ishuri.

Ni Ikigo cyakira abana b’abakobwa n’abahungu,aho babashyira mu kigo cyabo bakabigisha kureka imico mibi baba barigiye mu buzima bwo mu muhanda bakaba abana nk’abandi.

Kimwe mu byo usanga byaragize imbata aba bana ni ibiyobyabwenge bitandukanye, nk’uko Niyonzima Jean Claude umwe muri bo abivuga. Ariko akemeza ko Sacca yamurokoye.

Yagize ati “Ndi umushoferi ukorera Leta ndubatse sinkodesha,ntwara imodoka y’Akarere ka Kayonza,nabaga mu muhanda ninywera ibiyobyabwenge, kuva ikigo Sacca cyamfata kikandera,naretse kubinywa ntunze umuryango”.

Baretse ibiyobyabwenge none babonye imirimo ibateza imbere

Habimana Emmanuel (Magorwa) avuga ko Sacca yayimazemo imyaka 10, akahigira amashuri abanza,yiga umwuga wo kogosha,ubu akaba afite Salon ye bwite itunganya imisatsi.

Ati “mfite umugore n’abana ndogosha nkoresha abantu 10.
Mbere nanywaga ibiyobyabwenge birimo urumogi,inzoga zinkorano,nkiba,nkarara mu muhanda n’ibindi, none ubu ndi umugabo nk’abandi”.

Niyonshuti Daniel wiga ubuganga avuga ko yari yarihebye akiba mu muhanda ariko akaba abona imbere ye ariheza kuko ari hafi kuba muganga.

Abaretse ibiyobyabwenge bagira inama bagenzi babo kubireka kuko byangiza ubuzima kandi bitatuma bagera ku iterambere.

Ibi babihera ku kuba bafite ubuhamya bw’umwe muri bagenzi babo babana muri iki kigo byagizeho ingaruka zikomeye, akaba atakibasha gutekereza,kuvuga ndetse no kugira icyo akora.

Umuyobozi w’ikigo SACCA Mukamuyenzi Valentine

Umuyobozi w’ikigo SACCA Mukamuyenzi Valentine avuga ko kuva ikigo gitangiye mu mwaka wa 2003, bamaze kwakira abana 4392.

Muri bo 3600 basubijwe mu miryango naho abasigaye 792 baba mu kigo biga mu mashuri abanza n’ayisumbuye ndetse n’ amashuri makuru.

Mukamuyenzi asaba ababyeyi kwita ku nshingano zabo zo kurera,ntibabyarire kohereza abana mu muhanda babavutsa uburenganzira bwabo, kuko iyo bitaweho nabo bigirira umumaro.

Abaturage baratabaye, abandi barahurura.

Iyi nzu itunganya umuziki mu mujyi wa Kayonza yahiye kuri uyu wa 09 Ukuboza 2016 ba nyirayo bari kuyikoreramo basohora utwangushye ibindi bihiramo.

Nkuko nyiri iyi studio yahiye Mubirigi Jean yabitangarije Kt Radio avuga ko ngo ubwo yari ari mu kazi atunganya umuziki yagiye kubona akabona inzu iratse.

Yagize ati “Narimfite mudasobwa ndi gutunganya umuziki ngiye kumva numva insinga ziraturitse,umuriro uhita waka inzu irashya,nsohoramo duke ibindi bihiramo nibwo nahise ntabaza abaturanyi REG na Polisi bazana kizimya moto barayizimya.”

Inzu yatunganyirizwagamo umuziki mu mujyi wa Kayonza yahiye irakongoka bari kuyizimya.

Avuga ko yarokoyemo ibintu bimwe yasohoye umuriro utaraba mwinshi, ibyahiriyemo bikaba bifite agaciro k’amafaranga arenga ibihumbi 300, dore ko yari amezi abiri gusa akoreramo.

Mugabo Jakson uhagarariye ishami rishinzwe amashanyarazi (REG) mu Karere ka Kayonza avuga ko iyi nkongi y’umuriro ngo ishobora kuba yatewe na installation y’insinga zishaje zitari zimeze neza.

Ati “Mu byukuri twasanze insinga zishaje cyane kandi hari naho zigiye zipfundikanyije,ikindi ibyuma uriya muhungu akoresha atunganya umuziki bifite imbaraga zisumba ubushobozi bw’insinga n’umuriro zakiraga.”

Zimwe mu nsinga z’amashanyarazi zitujuje ubuziranenge iruhande rw’inzu yahiye.

Akomeza avuga ko iyo nzu yakorerwagamo umuziki, ifatanye n’izindi nzu 4 ku murongo utambitse kandi nazo zifite installation y’insinga zishinyitse zipfunditseho amashashi zitujuje ubuziranenge.
Ni yo mpamvu REG bafashe icyemezo cyo kuba bahagaritse umuriro muri izo nzu kuko nazo zishobora gushya,hagategerezwa igihe nyiri izo nzu wibera mu mujyi wa Kigali azaza agakora installation y’insinga nzima zujuje ubuziranenge.

Abo baturage bakupiwe umuriro w’amashanyarazi bavuga ko bibabangamiye kuba bari mu kizima ahantu hatabona ngo ariko bihangana bagategereza igihe ikibazo kizakemukira.

Ubuyobozi bw’ikigo gishinzwe amashanyarazi bukaba busaba abaturage bose gukoresha insinga zujuje ubuziranenge mu nzu babamo, inzu bakoreramo hirindwa impanuka y’inkongi y’umuriro yahitana ubuzima bwabo ndetse n’ibintu byabo.

Abaturage bakaba baboneyeho gusaba kwegerezwa kizimyamoto mu Karere ka Kayonza kuko ituruka Rwamagana.

Nyirabahinde Jaqueline umubyeyi w’abana batatu harimo abana babiri bafite ubumuga bw’uruhu avuga ko ahabwa akato n’abaturanyi

Uyu mubyeyi witwa Nyirabahinde Jaqueline, utuye mu Murenge wa Nyamirama, yabyaranye n’umugabo we abana batatu barimo babiri bafite ubumuga bw’uruhu.

Avuga ko imiryango y’abaturanyi, umuryango yashatsemo yose imuha akato, imukwena, imubwira ko abo bana bafite ubumuga bw’uruhu yabyaye ntacyo bamaze.

Agira ati “Abaturanyi barambwira ngo aba bana nimbajugunye,ngo sinkabahe ibere kandi ngo babatera isesemi,ngo ntibarya babareba!

Bikankomeretsa umutima bakambwira ngo nimbajugunye,nanjye byabanje kungora kubyakira ariko nkihangana nkabarera.”

Akomeza avuga ko abo baturanyi banabwira umugabo we ko abo bana bafite ubumuga bw’uruhu atari abo babyaranye ko ahubwo yabyayeye ahandi, yamuciye inyuma.

Bamuhamiriza ko ngo uwo babyaranye ari udafite ubumuga bw’uruhu. Uwo ni imfura yabo ufite imyaka umunani y’amavuko.

Nyirabahinde akomeza vuga ko umwe muri abo bana bafite ubumuga bw’uruhu ufite imyaka itanu y’amavuko, yamujyanye ku ishuri abandi banyeshuri baramuseka bityo yanga gusubirayo.

Uyu mugore n’umugabo we ngo batunzwe no guca inshuro. Indi ngorane bahura nayo ni iyo kubona amavuta yo gusiga abo bana abarindwa ubukana bw’imirasire y’izuba. Ayo mavuta agura ibihumbi 30RWf kandi ngo kuyabona ni ingorane.

Robert Gakumba uhagarariye abafite ubumuga mu Karere ka Kayonza avuga ko agiye kumukorera ubuvugizi kuko ikibazo atari akizi

Robert Gakumba, uhagarariye abafite ubumuga mu Karere ka Kayonza yagize avuga ko ikibazo cy’uwo muryango atari akizi.

Ahamya ko ariko agiye kugikorera ubuvugizi kugira ngo Nyirabahinde n’abana be ubuyobozi bugire icyo bwabafasha.

Akomeza ashimira Leta y’u Rwanda yatumye abafite ubumuga bahabwa ijambo.

Avuga ko ababa bagifite imyumvire idahwitse yo gutoteza no kubwira nabi abafite ubumuga bunyuranye ataribyo. Ahamya ko abafite ubumuga nabo bafite ubushobozi bwo gukora imirimo itandukanye.

Iyi mpanuka yabaye ku gicamunsi cyo ku wa Gatanu tariki ya 2 Ukuboza 2016, ibera mu Murenge wa Kabare mu Karere ka Kayonza.

Iyi modoka ya Fuso ifite plaque 864 L yahitanye babiri ikomeretsa 70.

Aba baturage yari itwaye ngo bavaga ku biro by’Umurenge wa Kabare guhabwa ibiribwa, nyuma y’amapfa bahuye nayo ntibabashe kweza.

CIP Emmanuel Kabanda, umuvugizi w’ishami rya Polisi rishinzwe umutekano wo mu muhanda, yahamije amakuru y’iyi mpanuka, avuga ko bagishakisha uwari utwaye iyi modoka wahise utoroka.

Yagize ati “ Aba baturage batse lifuti umushoferi w’iyi modoka arayibaha, bageze ahitwa kamarashavu ihita yibirandura hapfamo babiri ako kanya, abandi 70 barakomereka”.

CIP Kabanda akomeza avuga ko muri abo 70 barokotse 15 bakomeretse bikomeye, bakaba bahise bajyanwa kwa muganga mu Bitaro bikuru bya Rwinkwavu, abandi ku kigo nderabuzima cya Cyarubale, abandi baherezwa i Kigali ku Bitaro bikuru bya CHUK.

Yavuze ko mu gihe polisi ikiri gukora iperereza ngo imenye icyateye iyi mpanuka, igikomeje no gushakisha umushoferi w’iyi modoka wahise utoroka ikimara kugwa.

CIP Emmanuel Kabanda yemeje iby’iyi mpanuka

Bamwe mu baturage bari muri iyi modoka bavuga ko ngo mbere, iyo modoka yashatse kugwa inshuro zirenga eshatu bagasaba kuvamo, ariko shoferi akababwira ngo nibihangane bakomeze urugendo ntakibazo.

Ubwanyuma imodoka ijya kugwa ngo ni bwo shoferi yababwiye ko ifite ikibazo cya feri abasaba gufata cyane bagakomeza.

Abarokotse iyi mpanuka bahise bagezwa mu bitaro bitandukanye kwitabwaho

Madame Jeannette Kagame na Claudine Talon biboneye uburyo abana bo muri uyu mudugudu bafashwe.

Kuri uyu wa gatatu tariki 9 Ugushyingo 2016, nibwo bari bari muri uyu mudugudu uherereye mu Murenge wa Mukarange, mu rwego rwo kumwereka uko umudugudu wegerege abawutujwemo ibikorwa remezo n’ishuri riswe “Urugo mbonezamikurire (ECD) ryita ku mikurire y’abana bato.

Umudugudu Ndatwa wa Nyagatavu utuwe n’imiryango 90 zigizwe n’abantu 452, bose bavuga ko byabahinduriye ubuzima, nk’uko umwe muri bo Uwicyeza Vestine yabitanzeho urugero.

Yagize ati “Tubayeho neza. Turi abahinzi borozi turashimira Perezida wa Repubulika Paul Kagame watworoje inka, dufite amazi, amashanyarazi, Biogas, uturima tw’igikoni n’ibindi.”

Uwicyeza ufite abana batanu n’umukecuru nyina umubyara, avuga ko mbere bari batuye mu manegeka, ariko ubu bishimira ko begerejwe ibikorwa remezo, bakaba bafite n’umutekano usesuye.

Abana bafite ishuri ribafasha no mu mikurire.

Ngo kuba hamwe n’abandi bibafasha kwibumbira mu makoperative yo kuzigama no kugurizanya bakabona amafaranga yo gukoresha ibyo bakeneye birimo no kwishyurira abana amashuri.

Goverineri w’Intara y’Iburasirazuba Judith Kazayire avuga abaturage basuwe bafite bagenda batera imbere ariko ko bagomba gukomeza bagakora cyane bakarenga aho bageze.

Gusa ngo ingo 18 zitarabona umuriro muri uriya mudugudu wa Nyagatovu bakaba bazabishyira mu ngengo y’imari itaha bigakemuka.

Ababyeyi bashyiriweho n’ikigo kibafasha kwiteza imbere.

Ababyeyi barerera mu Kigo cyasuwe ECD (Early Childhood Development Centre) mu Mudugudu wa Nyagatovu, bavuga ko byatumye nta mwana ugipfa kurwara indwara zituruka ku mirire mibi.

Kuri ubu ikigo ECD cyita ku bana kuva ku mwaka umwe kugeza ku myaka itandatu kikaba gifite abana 147, ngo ibyo babigisha bituma bakurana uburere, ubumenyi, bakisanzura bagakina bikabarinda ubwigunge.

Zimwe mu nka borojwe.

Basoza uruzinduko, basuye ikigo Women Opportunity Center kigamije guteza imbere abagore. Ni ikigo giherereye mu Murenge wa Nyamirama, aho bakora imirimo y’ubukorikori yo kwiteza imbere, irimo kuboha ibiseke n’ibikapu.

Umugore utazwi amazina arashakishwa n’inzego z’umutekano nyuma yo kwiba uruhinja mu bitaro bya Gahini biri mu Karere ka Kayonza.

Amakuru y’iyibwa ry’urwo ruhinja yamenyekanye ku gicamunsi cyo ku itariki ya 01 Ugushyingo 2016, ubwo Mukamazimpaka Gratia warwibarutse, yaruburaga.

Uwo mugore wibye uruhinja ngo yaje mu bitaro bya Gahini rwihishwa, avuga ko agemuriye umuntu, birangira yigize umurwaza wa Mukamazimpaka; nkuko Dr Alphonse Muvunyi uyobora ibyo bitaro abisobanura.

Akomeza avuga ko uwo mugore wibye umwana atazwi amazina kandi ngo yari amaze iminsi mike mu bitaro avuga ko uwo yagemuriye yasanze baramusezereye, ahitamo kurwaza undi ahasanze.

Agira ati “Uwo mugore wibwe uruhinja yari amaze iminsi mu Bitaro kuko yabyaye abazwe, ariko mbere yari arwajwe n’umugabo we waje gutaha akamusigira umugore waje kubitaho akanabagemurira.”

Akomeza agira inama ababyeyi ko bagomba kuba maso bakirinda kwizera abantu batazi babaha abana babo kuko ubujura bw’abana bwateye.

Uretse kubiba bakajya kubarera ngo hari n’igihe babakoresha indi migenzo mibi nko kuba babashyira abapfumu baba barababatumye.

Mukamazimpaka wibwe umwana, afite imyaka 26 y’amavuko. Atuye mu Mudugudu wa Rucaca, Akagari ka Murundi, mu Murenge wa Murundi. Yari amaze ibyumweru bitatu yibarutse uwo mwana.

Si ubwa mbere mu Karere ka Kayonza humvikana amakuru yo kwiba umwana.

Mu mpera za Nzeli, mu murenge wa Kabarondo umugore yabwiye mugenzi we bari mu isoko ngo nazane amufashe umwana, agahita amwiba afatirwa mu Karere ka Ngoma.

abarezi mu bo mu Karere ka Kayonza n’utundi Turere bari kugenda bahugurwa basobanurirwa akamaro ko kugana Sindika

Izi sendika ngo zizabafasha kurenganurwa ku bibazo by’akarengane bakunze gukorerwa n’abakoresha babo.

Barabikangurirwa na Sendika yitwa Syneduc ishinzwe kureberera inyungu z’umukozi, ndetse ikaba ishinzwe kumvikanisha umukozi n’umukoresha mu gihe hagaragaye ubwumvikane bucye.

Nkotanyi Faustin umunyamabanga mukuru w’iyi sendika, avuga ko ibigo byigenga bikunze kurenganya abakozi bikoresha bakabura ubuvugizi.

Agira ati” Abakora mu bigo byigenga bahura n’ibibazo byinshi birimo gukorera ku masezerano y’akazi y’igihe gito, kudahembwa mu mezi y’ikiruhuko cyane cyane ku barezi, kwirukanwa uko biboneye n’abakoresha n’ibindi”.

Akomeza avuga ko kontaro y’igihe gito zihabwa cyane cyane abarezi, zituma batabasha kubona inguzanyo muri Banki bigatuma nta terambere bageraho.

Ati” Hari ikigo Umwarimu Sacco cyashyiriweho guteza imbere umwarimu. Ariko kuko nta masezerano y’igihe kirekire ahabwa ntiyemererwa kuyibona kuko akenshi usanga yanatinze guhembwa”.

Nkotanyi Faustin umunyamabanga mukuru wa Syndicat Syneduc wicaye iburyo arakangurira abakora mu bigo byigenga kugana za sendika

Baraka Barthelemy ushinzwe umurimo mu Karere ka Kayonza, avuga ko abahagarariye ama sendika atandukanye y’abakozi bagabanyije ibibazo byinshi bakiraga mbere.

Ati” Mu myaka ishize sindika zitaraza imanza z’abarimu zarengaga 20 ku mwaka, ariko ubu mu mwaka ushize hagaragaye eshanu gusa”

Uyu muyobozi avuga ko bari kugenda bahugura abakozi bo mu bigo bitandukanye byigenga birimo niby’uburezi, basobanurirwa akamaro ko kuba muri Syndika kugirango bose bazigane.

Ibi ngo bizaca burundu umuco wo kurenganya abakozi ukunze gukorwa n’abakoresha, ndetse binace umuco w’abakozi bitwara nabi mu kazi bishingikirije kuba muri sendika zibakorera ubuvugizi.

Ibisenge by’amazu byaragurutse

Iyo mvura yari ivanzemo umuyaga yaguye mu tugari dutandukanye two mu murenge wa Mukarange, mu ijoro rishyira kuwa 03 Ukwakira 2016. Abo imvura yasenyerye amazu ubu bacumbikiwe n’abatesenyewe.

Umunyamabanga nshingwabikorwa w’umurenge wa Mukarange, Murekezi Claude nawe ahamya ko batunguwe n’iyo mvura.

Agira ati “Natwe twaratunguwe ubwo imvura yagwaga hirya no hino mu tugari twasanze yasenye amazu y’abaturage, ariko cyane cyane ikaba yaratwaye ibisenge, birimo n’ibisenge by’ibyumba bitatu by’ishuri ribanza rya GS Mukarange Catholic.

Ibisenge by’amashuri byagiye

Avuga ko mu Kagali ka Kayonza hagurutse ibisenge by’amazu atandatu, byari bifite byose hamwe amabati 82. Mu Kagali ka Nyagatovu hasenyutse inzu ebyiri, n’ibisenge byagurutse by’inzu esheshatu. Ku Kagali ka Bwiza hagurutse igisenge cy’inzu imwe y’amabati 20.

Ku ishuri ribanza rya GS Mukarange Catholic, hagurutse ibisenge by’ibyumba bitatu byigiragamo abana 300.

Iyo mvura nyinshi ivanze n’umuyaga ikaba yarangije ubuso bunini bw’insina

Mu tugari twa Rugendabari na Mburabuturo ho iyo mvura nyinshi ivanze n’umuyaga yangije ubuso bunini bw’insina, zitari zaribasiwe na kirabiranya yibasiye urutoki rw’abahatuye.

Amwe mu mazu yasigaye yambaye ubusa

Abasenyewe n’ibiza bacumbikiwe ku baturanyi babo. Ubuyobozi bw’umurenge buvuga ko bwakoze ubuvugizi ku Karere no muri Minisiteri ifite Ibiza mu nshingano zayo (MIDMAR) kugira ngo abo baturage bahabwe ubufasha.

Abize gutunganya imisatsi n’inzara bizeye kutaba abashomeri

Babitangaje tariki 02 Ukwakira 2016 mu birori byo kubaha impamyabushobozi nyuma yo kurangiza amasomo mu ishuri ryigisha gutunganya imisatsi n’inzara (Hair Clinic Salon School) riherereye mu Karere ka Kayonza.

Cyiza Goeffrey wahawe igihembo cyuko ari umwe mu batsinze neza, avuga ko umwuga yize uzatuma arushaho kwiteza imbere.

Agira ati “Kuba ndi umuhungu nsuka neza kuko hari n’abakobwa ndusha, ni umwuga nkunda kandi udashobora kubura ikiraka kuko abakora amasuku ku mitwe yabo bahoraho.”

Mugenzi we witwa Murebwayire Shalon avuga yabonye kwiga imyuga ari iby’agaciro ahitamo kwiga gutunganaya imisatsi n’inzara.

Agira ati “Gusuka ndabikunda, sinshobora kubura amafaranga y’amavuta cyangwa ngo niyandarike kuko ntari umushomeri nkora ibiraka hirya no hino”.

Abarangije kwiga gutunganya imisatsi n’inzara barimo abahungu 12 n’abakobwa 48. 20 mu ribo bo bahise babona akazi ko gusuka no gutunganya imisatsi batararangiza kwimenyereza umwuga. Biga amezi umunani harimo abiri yo kwimenyereza.

Umuyobozi w’ishuri rya “Hair Clinic Salon School”, Zirimabagabo Jean Bosco avuga bamaze guhabwa icyemeze na Ikigo cy’igihugu gishinzwe guteza imbere ubumenyi ngiro (WDA).

Agira ati “Twakira n’abandi bantu basanzwe batunganya imisatsi ariko batarabyize tukabigisha.”

Umuyobozi w’Umurenge wa Mukarange, Murekezi Claude avuga ko abanyeshuri barangije amasomo bari gufasha kwesa imihigo y’umwaka wa 2016-2017, wo guhanga imirimo itari iy’ubuhinzi 200 biyemeje.

Akomeza avuga ko Miliyoni 10RWf ziteganyirijwe urubyiruko rwo muri uwo murenge, bafataho ayo gutera inkunga abo barangije kwiga gutunganya imisatsi n’inzara.

Abaturage b’i Kayonza bibasiwe n’amapfa bari guhabwa imbuto n’ifumbire kugira ngo bahinge kuko imvura yaguye

Abaturage bo mu mirenge itandukanye yo muri Kayonza bahuye n’amapfa kubera izuba ryavuye igihe kirekire. Mu guhangana nayo, ubuyobozi bw’ako karere bwakomeje kubafasha, bubaha ibyo kurya.

Ariko mu gihembwe cy’ihinga 2017 A, cyatangiye mu kwezi kwa Nzeli 2016, kubera ko aribwo imvura yaguye muri Kayonza, ubuyobozi buri guha abo baturage imbuto y’ibishyimbo n’ibigori byo guteza n’ifumbire yo kubifumbiza kugira ngo bahangane n’amapfa mu buryo burambye.

Umuyobozi w’Akarere ka Kayonza, Murenzi Claude avuga ko ibyo biri gukorwa kugira ngo abaturage bibasiwe n’amapfa boye kwiheba.

Agira ati “Nta bushobozi bafite bwo kubona imbuto n’ifumbire niyo mpamvu turi kubibaha kugira ngo bazigobotore aya mapfa”

Abanyakayonza bashimira ko bagushije imvura ubuyobozi bukaba buri kubafasha guhinga

Abo baturage bazahajwe n’amapfa bavuga ko nta kizere bari bafite kuko babonaga abandi bafite ubushobozi batangiye guhinga; nkuko Kamanzi Souzana, umwe muri bo, abisobanura.

Agira ati “Nta kizere twari dufite cyo kuzabona imbuto n’ifumbire kandi nta bushobozi twari dufite bwo kubyigurira. Twagize n’amahirwe akavura karagwa ndetse n’imvura yaradutunguye twari tuzi ko itazagwa kubera ko imaze igihe kinini itagwa, mbese turashima Imana n’ubuyobozi”.

Mugenzi we witwa Nyiransengimana Jeanette yungamo ati “Leta yatugiriye neza cyane kuva amapfa yatera baduha ibyo kurya ibishyimbo n’ibigori, baduhaye imbuto n’ifumbire turigutera nta kibazo. Imvura yaraguye twiteguye kweza tugasarura tukabasha guhangana n’amapfa yaduhangayikishije igihe kinini”

Mu gihe batareza imyaka bari guhinga, ubuyobozi bukomeje kubaha ibyo kurya birimo ibishyimbo n’ibigori kugeza igihe bazaba bejeje imyaka yabo.

Umuyobozi w’akarere ka Rulindo avuga ko bari gukurikirana ikibazo cyabo bakozi kugira ngo babahembe bidatinze

Abo bakozi bari mu makoperative 11 akora isumu mu mirenge 17 igize akarere ka Rulindo, bahamya ko babayeho nabi kubera kudahabwa umushaha bakoreye; nkuko umwe muri bo witwa Ntahombizi Patrice, abisobanura.

Agira ati “Birababaje kubona tumara amezi arenga atanu tutarahembwa tubayeho nabi pe! Ntawe ukidukopa twiswe abambuzi, inzara yaratwishe, nkanjye sindishyurira abanyeshuri, nabuze n’amafaranga yo kwishyura za Mitiweri kandi najyaga nzitanga!”

Aba bakozi bakomeza bavuga ko ubuyobozi w’Akarere ka Rulindo buhora bubabwira ko buzabishyura ariko bagategereza amaso agahera mu kirere. Bahamya ko umushahara bahabwa ariwo bakuramo ibyo bakenera buri munsi.

Emille Ntambara, ushinzwe iterambere ry’imihanda mu karere ka Rulindo, avuga ko impamvu abo bakozi batinze guhembwa ari uko Minisiteri y’Imari n’Igenamigambi (Minecofin) yatinze kohereza amafaranga bagomba guhembwa, bitewe nuko bari bari mu isozwa ry’umwaka w’ingengo y’imari wa 2015-2016.

Miliyoni 11FRw ni zo zigomba guhembwa abo bakozi bose. Ayo mafaranga aturuka muri (Minecofin), akagera ku karere akabona guhabwa abakozi.

Ntambara avuga ko kuri ubu ayo mafaranga yamaze kugera ku karere. Bari kunononsora umushahara buri wese azahembwa kugira ngo babahembe bidatinze.

Umuyobozi w’Akarere ka Rulindo Emmanuel Kayiranga nawe yizeza abo bakozi ko mu gihe kitarambiranye bazabahemba, bakikura mu bukene.

Minisitiri Francis Kaboneka yasabye abatojwe kubaka ubuyobozi bwiza igihugu cyifuza.

Minisitiri Kaboneka yabisabye ku mugoroba wo kuri uyu wa Gatandatu, tariki 27 Kanama 2016, ubwo yasozaga Itorero ry’abayobozi 561 bo mu Karere ka Nyarugenge, bari bamaze icyumweru batorezwa mu ishuri “Tumba College of Education” riri mu Karere ka Rulindo.

Minisitiri Kaboneka yabwiye aba bayobozi bo guhera ku rwego rw’umudugudu kugeza ku karere, ko bakwiriye gutahana impinduka, by’umwihariko barwanya ruswa ikigaragara muri ako karere.

Yagize ati “Turabasaba kubaka ubuyobozi bwiza igihugu cyacu cyifuza. Mutahe mwabaye bashya, abaturage babagarurire icyizere. Mugende mushake umuti w’ibibazo bafite, turabasaba kwamagana ruswa ikigaragara mu Karere ka Nyarugenge, kandi umuyobozi urya ruswa ni umwanzi w’iterambere ry’igihugu.”

Umuyobozi wa Komisiyo y’Itorero ry’Igihugu, Rucagu Boniface.

Umuyobozi wa Komisiyo y’Itorero ry’Igihugu, Rucagu Boniface, yashimiye abagize uruhare mu gutegura amasomo azafasha abayobozi kudahuzagurika mu kazi bakora kandi bakarangwa n’indangagaciro z’umuyobozi ukwiriye.

Umuyobozi w’Akarere ka Nyarugenge, Kayisime Nzaramba, yavuze ko batekereje iri torero mu rwego rwo kongerara ubushobozi abayobozi, by’umwihariko abashya batowe muri Gashyantare uyu mwaka.

Avuga ko bigishijwe byinshi byatumye basobanukirwa ibyabazitiraga, bakaba bazagira impinduka mu mikorere izatanga umusaruro ufatika.

Nzaramba yasabye abayobozi bagenzi be, gushingira ku ndangagaciro z’umuyobozi ubereye u Rwanda, maze bakihutisha serivisi baha abaturage ndetse bagakaza ingamba zongera isuku y’Umujyi wa Kigali.

Umuyobozi w’Akarere ka Nyarugenge, Kayisime Nzaramba, yasabye abatojwe kuzatanga umusaruro ufatika.

Uyu muyobozi avuga ko basanze Itorero rifite akamaro kanini kuko abatojwe mu cyiciro cya mbere, ngo batangiye kugaragaza umusaruro mwiza ku kigero kiri hejuru ya 90%.

Abahuguwe na bo bahamya ko bagiye kuba umusemburo w’impinduka nziza bagatunganya ibyo basabwa kurusha uko babikoraga mbere.

Nzaramba Joy ati “Twasobanukiwe kurushaho ko umuturage ari we shingiro ry’ibyo dukora, tugomba guharanira inyungu n’iterambere ry’abaturage tubakemurira ibibazo ku gihe.”

Abayobozi bahuguwe basabwe kugira uruhare mu kurwanya ubukene mu baturage bihutisha icyerekezo 2020, banasabwa kunoza umurimo kugira ngo amahugurwa bahawe ataba amasigaracyicaro.

Ubuyobozi bw’akarere n’inzego z’umutekano basabye ko inzego zose zakwegera umuturage mu mudugudu.

Umuyobozi w’Akarere ka Rulindo, Emmanuel Kayiranga, avuga ko Umudugudu ari wo shingiro ry’imiyoborere maze agasaba inzego z’ibanze n’iz’umutekano kwegera abaturage kugira ngo babashe kubaha amakuru ku gihe abafasha kubungabunga umutekano.

Yagize ati “Umudugudu ni wo shingiro rya byose. Hari nka bamwe mu bayobozi b’utugari cyangwa b’imirenge badataba aho bakorera umunsi ku wundi ngo bakurikiranire ku gihe ibibazo Bihari. Mwegere abaturage banyu babake amakuru baba bayafite, ibyagaragaye mubifatire ingamba hakiri kare.”

Yakomeje abasaba kujya bamenya neza abantu binjira mu karere n’ikibagenza, basohokamo na bwo bakamenya aho bagiye kandi ko badasize bahungabanyije umutekeno.

Inama y’umutekano yaguye y’Akarere ka Rulindo yo ku wa 26 Kanama 2016, yongeye yasabye Inzego z’Ingabo, Polisi, Inkeragutabara, DASSO n’abanyamabanga nshingwabikorwa b’imirenge, kurebera hamwe no kubahiriza ibyatuma umutekano w’abaturage urushaho kubungabungwa.

Inzego z’umutekano n’abanyamabanga nshingwabikorwa b’imirenge bitabiriye inama.

Lt.Col. Cuba Vianney uhagarariye Ingabo mu turere twa Rulindo na Gakenke, yasabye ko abayobozi b’imidugudu n’abakuriye amarondo bajya batanga raporo hakiri kare kugira ngo niba hari ahari ikibazo gikurikiranwe vuba.

Muri iyo nama, hagarutswe ku kibazo cy’ifungwa ry’ikigo cy’akarere kigororerwamo by’igihe gito (Transit Center) urubyiruko rurangwa n’imyitwarire mibi nk’ubujura n’urugomo

Ni ikigo cyifashishwaga mu gusubiza ku murongo urubyiruko nk’uko ariko guhera mu kwezi kwa mata 2016 kikaba kidakora

Umuyobozi w’akarere avuga ko barimo gushakisha amafaranga kugira ngo kivugururwe cyongere gukora kandi ko gufungwa kwacyo byatewe n’inyubako zacyo zari zishaje cyane.

Umuyoboi wa Polisi mu Karere ka Rulindo, SP Aphrodice Gashumba, asaba abaturage gukomeza ubufatanye mu kwicungira umutekano kandi bagashyira imbaraga mu gukora amarondo no kurwanya ibiyobyabwenge.

Muri aka karere, ibyaha byiganjemo gukubita no gukomeretsa ndetse n’ikoreshwa ry’ibiyobyabwenge, biza ku isonga mu bihyungabanya umutekano.

Abakozi n’inzego zatowe mu Karere ka Nyarugenge mu Itorero i Rulindo.

Mu nsanganyamatsiko igira iti “Twubake ubushobozi bw’inzego zatowe hagamijwe impinduramatwara mu iterambere binyujijwe mu itorero ry’igihugu”, aya mahugurwa arimo kubera muri Tumba College of Technology mu Karere ka Rulindo.

Yitabiriwe n’abantu 456 barimo abagabo 362 n’abagore 94 aho basabwe kwita ku baturage babaha agaciro na serivisi nziza.

Umuyobozi Wungirije ushinzwe Imbireho Myiza y’Abaturage mu Mujyi wa Kigali, Judith Kazayire, afungura ku mugaragaro aya mahugurwa.

Yagize ati “Icyo tubasaba nk’ubuyobozi ni uguha abaturage agaciro bakwiye mubaha serivisi nziza mubakemurira ibibazo, ni cyo babatoreye ni na byo babitezeho, kwaka umuturage ruswa bibe kirazira.”

Yabasabye kuba umusemburo w’impinduka mu iterambere bakabigaragariza mu bikorwa kandi badasobanya; baharanira iterambere ry’umuturage.

Abari mu itorero bahamya ko rizabafasha kuzuza inshingano zabo neza.

Umuyobozi w’Akarere ka Nyarugenge, Kayisime Nzaramba, yagize ati “Ni mwebwe dutezeho impinduka, mudufashe kurwanya akajagari mu myubakire ndetse no micururize n’ibindi, kubahiriza igihe no kwihutisha serivisi duha abaturage bacu ntakubasiragiza kuko ni bo shingiro.”

Aya mahugurwa agamije kongerera ubushobozi abakozi b’Akarere ka Nyarugenge n’abatowe vuba muri Gashyantare/2016 mu kunoza inshingano zabo no kugira umutimanama, indangagaciro na kirazira bibayobora mu gukora akazi kabo neza, no kubasobanurira uruhare rw’abayobozi mu kurwanya ubukene n’ibindi.

Aha bari bari muri morali.

Umukozi ushinzwe Imibereho Myiza n’Iterambere mu Kagari ka Rugarama mu Murenge wa Nyamirambo, Nyiransabimana Jannette wayitabiriye, avuga ko itorero ribafasha gukarishya ubwenge, ko batangiye kugira ibyo baryungukiramo aho bigishijwe ko kizira kumva induru y’umuturage utakemuriwe ikibazo.

Abaturage bahawe amabati bashimiye ubuyobozi kubwo kubatera inkunga kuko bose batari bafite ubushobozi bwo kwiyubakira no kugura isakaro.

Iyi miryango 23, irimo 22 yo mu Murenge wa Cyinzuzi n’undi 1 wo mu Murenge wa Shyorongi yasenyewe n’imvura idasanzwe yaguye mu kwezi kwa Mutarama mu ijoro ryo kuwa 16 rishyira kuwa 17, aho uwitwa Kambera Marisiyana yahasize ubuzima agwiriwe n’inzu.

Nyuma y’ibyo byago abasenyewe bagiye gucumbika mu baturanyi n’imiryango kubera kubura aho bikinga, aribwo Midimar kubufatanye n’Akarere babahaye ibikoresho by’ibanze birimo shitingi, amasafuriya, ibiringiti n’ibindi byari bifite agaciro ka Miliyoni 5.

Umukozi ufite imicungire y’ibiza mu Karere ka Rulindo Eric Mwizere, yihanganisha abasenyewe n’ibiza yabasabye kubaka mu midugudu ko ntawemerwe kongera gutura mu manegeka nkuko babikanguriwe mbere kandi bakazirika ibisenge by’inzu kugirango inzu zikomere ibisenge bitazaguruka.

Kugeza ubu bamwe bakaba baratangiye kuzamura inzu zo kubamo ariko bakagorwa no kutabona isakaro; iyo miryango yose ikaba yahawe amabati yo gusakara kugirango bongere babone aho baba.

Murwanashyaka Jean Baptiste umwe mu bahawe amabati ati “Turashimira Leta y’ubumwe na Minisiteri ifite imicungire y’ibiza mu nshingano kuko yita ku baturage, tumaze igihe ducumbitse bitatworoheye tubangamiye abandi ariko ubu tugiye kongera kwisuganya tubone inzu zacu bwite ubuzima bukomeze”

Umutoniwase Nadine ushinzwe imibereho myiza y’abaturage mu Murenge wa Cyinzuzi yihanganishije abasenyewe n’imvura idasanzwe anabizeza ko ubuyobozi buzakomeza kubaba hafi.

Abaturage bahawe amabati bashimiye ubuyobozi kubwo kubatera inkunga kuko bose batari bafite ubushobozi bwo kwiyubakira no kugura isakaro.

Umutoniwase yashyikirije Rwabuhihi ifoto yashushanyije ya Madame Jeannette Kagame.

Ni umwe mu bakobwa batsinze neza kurusha abandi ku rwego rw’igihugu bari mu cyiciro cy’Inkubito z’Icyeza bahembwa n’Imbuto Foundation ihagarariwe Madame Jeanette Kagame.

Basoje amahugurwa mu ikoranabuhanga bakoreraga mu Kigo cy’ubumenyingiro Tumba College of Technology (TCT) kuri uyu wa 18 Kanama 2016.

Umutoniwase yavuze ko nta kintu yabona ahemba Madame Jeanette Kagame, bitewe n’agaciro yabahaye.

Yagize ati “Twe abakobwa adufasha kwiga neza kuko twari twarasigaye inyuma cyane cyane mu ikoranabuhanga. Ni yo mpamvu nashushanyije iyi foto ngirango mwereke ko umutima wanjye uzirikana cyane ibyo adahwema kudukorera.”

Gasana Jerome, umuyobozi mukuru wa WDA ashyikiriza Umutoniwase seritifika itangwa n’ikigo CISCO gishinzwe ikoranabuhanga ku rwego rw’isi.

Umutoniwase wigiye gushushanya mu ishuri ryisumbuye rya Ecole d’Art Nyundo, yashyikirije iyo mpano Rose Rwabuhihi, kugira ngo azayishyikirize Madame Jeannette Kagame.

Yavuze ko gushushanya ari na byo azakomeza muri Kaminuza, kuko biri mu ndoto ze zo kugira inzu ikorerwamo ibijyanye no gushushya (Gallery D’arts).

Rose Rwabuhihi, uhagarariye urwego rushinzwe uburinganire ku rwego rw’Igihugu waje ahagarariye Imbuto Foundation, yasabye abana b’abakobwa basoje amahugurwa kugira ubumenyi ariko ntibibagirwe imyitwarire myiza igomba kubaranga.

Ati “Ni byiza mwanarushijeho kumenya no gusobanukirwa ikoranabuhanga rizabafasha mu myigire no mu buzima busanzwe, ariko ibyo byonyine ntibihagije murasabwa kwitwara neza, mwirinda ubusambanyi, ubusinzi n’ibiyobyabwenge kuko byazabicira ejo hanyu hazaza mubyitwararike.”

Abahuguwe bose bahawe impamyabushobozi za CISCO.

Umuyobozi mukuru w’ikigo cy’ubumenyingiro ku rwego rw’Igihugu (WDA) Gasana Jerome yasabye Inkubito z’Icyeza kuzabyaza umusaruro ubumenyi bahakuye ariko ntibabyiharire bonyine bakazabyigisha n’abandi.

Amahugurwa y’ikoranabuhanga basoje uyu munsi bakaba bamaze ibyumweru bitatu bayakurikirana, bahawe impamyabumenyi ya TCT n’impamyabumenyi itangwa n’ikigo CISCO gishinzwe ikoranabuhanga ku rwego rw’isi.

Abayobozi mu Karere ka Rulindo n’abatanyabikorwa mu nama yo kugaragaza ibirwa by’imihigo ya 2016-2017.

Hari mu nama bagiranye n’ubuyobozi bw’ako karere, kuru uyu wa 16 Kanama 2016, bagenda bagaragaza ibikorwa bazakora n’agaciro kabyo mu mafaranga y’u Rwanda.

Muri iki gikorwa, akarere n’abafatanyabikorwa basinye imihigo 72 izakorwa mu mwaka wa 2016-2017, harimo imihigo 48 y’ubukungu, 19 y’imibereho myiza n’itanu mu miyoborere myiza.

Hanarebwe kandi ku mihigo 76 y’umwaka ushize 2015-2016 bagaragaza ibyagezweho ndetse n’imbogamizi zabayeho.

Umuyobozi w’Akarere ka Rulindo, Emmanuel Kayiranga, yagize ati “Iyi mihigo twiyemeje turateganya kuyimenyesha abaturage mu midugudu bikazafasha kuyishyira mu bikorwa dufatanyije n’abafatanyabikorwa b’akarere.”

Akomeza avuga mu mwaka ushize imihigo yagenze neza kuko nta muhigo uri munsi y’amanota 67%, ko imyinshi iri hejuru y’amanota 80%.

Umuhigo wabashimishije kurusha indi ngo ni uwo guha abaturage amazi meza dore ko ngo hari igihe ijerekani yagurwaga amafaranga 200Frw none ubu ikaba igura 20Frw.

Umuhigo uzashyirwamo imbaraga nyinshi muri 2016-2017 ngo ni uwo kurangiza kubaka Damu ya Muyanza izuhira hegitari 1100 zo mu mirenge ya Burega na Buyoga.

Perezida wa Njyanama ya Rulindo, Eng. Gatabazi Pascal, asaba inzego z’ubuyobozi gushyira imbaraga mu gukurikirana imihigo.

Bateganya kandi kongera imisoro n’amahoro yinjizwa n’akarere ikava kuri miliyoni 560FRW ikagera kuri miliyoni 600FRW.

Muri iyi mihigo kandi, ngo bazakora amaterasi y’indinganire kuri hegitari 1043, ingo ibihumbi ibihumbi 2 na 503 zihabwe amashanyarazi, hanubakwe imiyoboro y’amazi 29 n’ibindi.

Uhagarariye abafatanyabikorwa mu Karere ka Rulindo, Padiri Augustin Nzabonimana, yatangaje ko amafaranga bateganya gushyira mu bikorwa by’imihigo y’uyu mwaka nk’abafatanyabikorwa, arengaho miliyari.

Perezida w’Inama Njyanama y’Akarere ka Rulindo, Eng. Gatabazi Pascal, yasabye komite nyobozi n’abayobozi b’inzego z’ibanze gukurikirana ishyirwa mu bikorwa ry’imihigo kuko guhiga ngo atari ku munwa no mu nyandiko gusa, ahubwo ari ugushyira mu bikorwa.

Ikibazo cy’urubyiruko n’abagore batagana BDF muri Rulindo gihangayikishije ubuyobozi.

Ikigega cy’imari BDF (Business Development Fund) giteza imbere imishinga mito n’iciriritse n’ikigo cy’igihugu gishinzwe guteza imbere amakoperative (RCA) bashyizeho gahunda ziborohereza kugera kuri izi servisi z’imari.

Bamwe mu rubyiruko n’abagore bavuga ko ikigega BDF batakizi, nk’uko Umurerwa Christine abigaragaza. Agira ati “BDF ntayo nzi rwose sinzi aho iba.”

Mukamana Florence avuga ko BDF yumva bayivuga ariko ataramenya imikorere yayo neza.

Ibigo by’imari byo bigaragaza ko Urubyiruko n’abagore bakiri inyuma mu kwitabira gukorana nabyo kandi baroroherejwe.

Umuhuzabikorwa w’urubyiruko mu Murenge wa Murambi ashima ikigega BDF uburyo gifasha urubyiruko n’abagore batinyuka kukigana kubona ingwate.

Nzigiyimana William Umucungamutungo wa Sacco Ijabo Murambi ikorera mu Karere ka Rulindo mu Murenge wa Murambi, ashishikariza urubyiruko n’abagore kudapfusha ubusa amahirwe bahawe kuko babafasha kubona ingwate ku kigero cya 75% bakabaha inguzanyo, bakanabafasha kuyishyura ku kigero cya 25% cy’ayo bahawe.

Ati “Urubyiruko n’abagore ntibitabira kwaka inguzanyo umubare uracyari hasi cyane, urubyiruko ruri kuri 20% , abagore ni 20%, abagabo nibo benshi bageze kuri 60% kandi ntawatera imbere vuba adakorana na banki.”

Ngo nubwo ubukangurambaga bwakorwaga, bagiye kongeramo imbaraga kugira ngo ibyo byiciro nabyo bizamuke, dore ko ngo ikibazo cyabagoraga cyane kwari ukutagira ingwate ngo bahabwe inguzanyo kandi BDF ikaba yaragikemuye.

Umucungamutungo wa Sacco Ijabo Murambi avuga ko urubyiruko rwaka inguzanyo rukiri hasi cyane kuri 20%.

Gasanganwa Marie Claire umuyobozi wungirije ushinzwe imibereho myiza y’abaturage mu Karere ka Rulindo, asanga abagore n’urubyiruko badakwiye gutinya kwaka inguzanyo kuko ababitangiye berekana ko bashoboye kandi byabateje imbere.

Avuga ko bagiye gukomeza gukora ubukangurambaga kugirango abantu basobanukirwe n’ikigega BDF bakibyaze umusaruro bivane mu bukene.

Umuhuzabikorwa w’urubyiruko mu Murenge wa Murambi, Abarengera Therese ashima ikigega BDF uburyo gifasha urubyiruko n’abagore kwiteza imbere nubwo abenshi batarayisobanukirwa.

Kuko muri buri kigo cy’imari hari umukozi ushinzwe kubafasha kwiga umushinga ngo bagiye gukomeza gukora ubukangurambaga kuko imbogamizi zo kubona ingwate zavuyeho.

Sacco Ejo Heza-Murambi igaragaza ko kuva mu 2009 itangira imaze gutanga inguzanyo ingana na miliyoni zirenga 8Frw.

Inkubito z’icyeza ngo ntakizirutira ikoranabuhanga.

Mu gikorwa ngarukamwaka, abanyeshuri b’abakobwa batsindira ku manota menshi bahembwa n’umushinga Imbuto Foundation uhagarariwe na Nyakubahwa Madame Jeannette Kagame, aho bahabwa ibikoresho birimo mudasobwa zibafasha gutyaza ubumenyi mu ikoranabuhanga.

Abatsinze mu mwaka w’amashuri 2015-2016 ni bo bari gukurikirana ayo masomo muri TCT iherereye mu Karere ka Rulindo azamara ibyumweru bitatu hagamijwe kubongerera ubumenyi mu ikoranabuhanga, dore ko abenshi bemeza ko barangiza hari byinshi batari bazi kuri mudasobwa.

Abaganiriye na Kigali Today bemeza ko kuva ku itariki ya 01 Kanama 2016 batangiye kwiga ikoranabuhanga bamaze kumenya byinshi batari bazi.

Enatha Cyuzuzo, warangije ku ishuri Nyamata Secondary School, yagize ati “Turi muri aya mahugurwa kubera ko twatsinze neza, nari mfite ubumenyi buke kuri mudasobwa ariko ubu bari kubidusobanurira neza birambuye n’uburyo nayikorera igize ikibazo.

Umuyobozi wa TCT. Eng Pascal Gatabazi, asobanura umushinga wabo wo kubyaza amazi mwo amashanyarazi.

Nta muntu wantuburira ayinkorera, bizanamfasha mu ishami nshaka gukurikirana ryo kuzaba Engenieur”.

Umuhoza Liliane ngo yishimira ko ikoranabuhanga rizamufasha mu buzima busanzwe no kwiga neza amasomo ya kaminuza.

Umuyobozi wa TCT, Eng. Gatabazi Pascal, avuga ko kugira ngo babashe guhangana n’abandi ku isoko ry’umurimo, baha abanyeshuri ubumenyi buri mu ntoki atari ugushakisha kuko bafite ibikoresho bihanitse n’abarimu b’inzobere kandi bahora bahugurwa bakanakora ingendo shuri mu bindi bigo, abandi na bo bakaza kubigiraho .

Ibyo bakora babifashwamo n’umushinga w’Abayapani JICA (Japan International Cooperation Agency), ukaba kuri uyu wa 04 Kanama 2016 wari wasuye iki kigo.

Baganira n’abashyitsi bo muri JICA n’abanyamakuru, Eng Gatabazi yanasobanuye ibyo bamaze kugeraho ndetse n’imishinga y’ahazaza.

Ngo bakorana cyane n’abikorera kugira ngo bamenye ibikenewe ku isoko ry’umurimo abe ari byo bashingiraho bigisha.

Kuri ubu barimo kubyaza amazi ingufu z’amashanyarazi kuko akenerwa n’abantu benshi.

Buri mwaka, ngo bakurikirana abanyeshuri barangije kugira ngo bamenye ibyo bakora; kuri ubu ngo 70% ngo bakaba bafite akazi harimo n’abihangira imirimo.

Abahawe akazi ngo ababakoresha babo bavuga ko bishimira umusaruro batanga ku kigero cya 90% kuko baba babifitiye umumenyi buhagije.

Minisitiri Valentine Rugwabiza yifatanyije n’Abanyarulindo mu muganda usoza ukwezi kwa Nyakanga 2016.

Minisitiri Rugwabiza yavuze ibi ubwo yifatanyaga n’abaturage b’Akarere ka Rulindo mu muganda rusange usoza ukwezi kwa Nyakanga 2016, wabereye mu Murenge wa Rusiga kuri uyu wa Gatandatu, tariki 30.

Uyu muganda wibanze ku gikorwa cyo guhanga umuhanda ugera ahazubakwa ibiro by’Umudugudu wa Kigarama mu Kagari ka Kirenge. Uwo mudugudu ukaba waratangiye gutuzwamo abaturage bavanywe mu manegeka.

Muri uyu muganda, Umurenge wa Rusiga wahembewe kuba indashyikirwa mu Karere ka Rulindo, mu bikorwa by’umuganda rusange ku bw’uko wakoze imihanda y’imigenderano y’ibilometero umunani muri uwo mudugudu wa Kigarama.

Abaturage mu muganda rusange, barimo guhanga umuhanda.

Mu bihembo bashyikirijwe na Minisitiri Rugwabiza, harimo icyemezo cy’ishimwe ndetse na sheki y’amafaranga ibihumbi 100Frw yo kubafasha kugura ibikoresho bifashisha mu muganda.

Minisitiri Rugwabiza yabwiye abaturage ko kuba barabashije kwikorera ibilometero umunani by’imihanda nta nkunga bahawe, ari ikimenyesto cy’uko bifitemo imbaraga zo gukora ibyo bifuza.

Yagize ati “Ndabashimira ko mwabonye iyi mihanda ikenewe, mwebwe ubwanyu abaturage mukabigiramo uruhare, mugafata iya mbere mu kuyihanga biciye mu muganda. Muri abakozi, mukomereze aho kandi ni mwebwe mugomba kwikemurira ibibazo, abandi bakaza babunganira.”

Umunyamabanga Nshingwbikorwa w’Umurenge wa Rusiga, Uwamahoro Telesphore, yavuze ko iryo shimwe ryabateye imbaraga zo kongera ibindi bikorwa, birimo no kuzageza amashanyarazi kuri abo baturage bavuye mu manegeka.

Guverineri w’Intara y’Amajyaruguru asura Stand y’uruganda Shekinna mu imurikabikorwa.

Iyo sombe yorohereza abateka gukoresha ibicanwa bike ndetse n’igihe gito kitarambiranye nk’uko bikunze kubaho muntu agategereza amasaha n’amasaha kugira ngo isombe ishye.

Mbatezimana Pierre Damien uhagarariye uruganda Shekinna, yagize ati “Twatangiye dutunganya isombe mbisi tukayumisha tuyigemura hirya no hino mu gihugu ndeste no mu mahanga tugerayo kandi irakunzwe cyane kuko ishya vuba cyane kandi ntisaba ibirungo kuko haba harimo inyama, amafi n’ibirungo byayo.”

Avuga ko kubera ko ibyimba, amagarama 200 yayo angana n’ikiro n’inusu cy’isombe mbisi, agura amafaranga ibihumbi 2000Frw. Mu rwego rwo korohereza rubanda rugufi kuyigura, ngo barateganya kujya batanga n’iyamafaranga 500Frw.

Iyi ni isombe yumishije ihira iminota itanu gusa.

Abaturage badafite amafaranga yo kuyigura ngo bazajya bashyira uruganda isombe mbisi, rukabaha iyumishije yo guteka.

Mbatezimana akomeza avuga ko basohoye ubwoko bwa mbere na bwo butatindaga cyane gushya nk’isombe mbisi bwahiraga iminota 30, ariko baza kubona ari ngombwa ko bakora n’indi ishya vuba vuba umuntu agahita arya kuko n’abanyamahanga na bo bayikunda cyane kandi badakunda ibintu bitinda.

Intego y’uru ruganda ngo ni ugukora isombe ifitiye abayirya akamaro kanini kuko ikungahaye ku butare, ikindi akaba ari no guteza imbere abagore, kuko bahaye akazi abazihinga barenga 1200, uruganda rukabagurira umusaruro.

Ubwo yasozaga imurikabikorwa ry’abafatanyabikorwa b’Akarere ka Rulindo ryaberaga kuri Nyirangarama, tariki 17 Nyakanga 2016, Guverineri w’Intara y’Amajyaruguru, Bosenibamwe Aimé, yashyikirije ubuyobozi bw’uru ruganda icyemezo cy’ishimwe ndetse n’igikombe cy’uko batunganya isombe nziza.

Guverineri w’Intara y’Amajyaruguru, Bosenibamwe Aime, ashyikiriza umuyobozi w’uruganda Shekinna icyemezo n’igikombe cy’ishimwe.

Uruganda Shekinna rutunganya toni ebyiri z’isombe yumye byibura buri kwezi, aho iyi sombe igurishwa mu Rwanda muri Leta Zunze Ubumwe za Amerika, Uburayi, Ubuyapani, Ububiligi, Suwede n’ahandi, kuko ngo abanyamahanga bayikunda cyane.

Abaturage basabwe kunoza no kongera ibyo bakora mu bwinshi no mu bwiza, byaba ibifatirwa mu gihugu n’ibyoherezwa mu mahanga, kandi byagerayo bikabasha guhiganwa ku isoko ku buryo amadovise akiyongera.

Guverineri w’Intara y’Amajyaruguru Bosenibamwe Aime yagize ati “Mureke imiyoborere myiza n’umutekano usesuye by’Igihugu cyacu, byubakire ku myumvire myiza y’Abanyarwanda, no ku musaruro mwiza w’ibyo dukora turusheho kuwunoza no kuwongera twihute mu bukungu”.

umushoramari Sina Gerard yashimiwe cyane na Guverineri ku gukora urusenda rwitwa “akabanga” yashimiwe no gutanga interineti ku buntu yakoreshejwe mu imurikabikorwa.

Mu ijambo rye, yakomehje avuga ko nk’ u Rwanda Igihugu cy’igihangange mu miyoborere myiza, abantu badakwiye kuba indorerezi y’ibikorwa byiza bihari, ko ahubwo bagomba kubyongera n’abandi bakabyigiraho bagakora cyane bikaba iturufu yo kwimakaza iby’iwacu no kwiha agaciro”

Abitabiriye imurikabikorwa ngo bakaba barungukiyemo byinshi harimo kwigira ku bandi, kumenyekanisha ibyo bakora no kubona amasoko yagutse.

Uhagarariye Koperative COTEMU ihinga ibijumba bya Orange bikungahaye kuri Vitamini A bikorwamo imigati amandazi n’ibisuguti Muhayimana Marguerite yagize ati “iri murikabikorwa ryatugiriye akamaro kanini kuko twaracuruje, kandi twanabonye ama komande menshi y’abantu bo mu Ntara y’Iburasirazuba tuzajya tugemurira”

Mu imurikabikorwa ry’abafatanyabikorwa rigamije kumurikira abaturage ibyagezweho ndetse n’ibibakorerwa, hashimiwe benshi bagize uruhare mu kumurika ibyo bakora, banahabwa inyemezabumenyi(certificats) n’igikombe cy’ishimwe kuko babaye Indashyikirwa.

Bamwe muri bo, ni umushoramari Sina Gerard wamuritse ibicuruzwa bitandukanye uzwi cyane ku gukora urusenda rwitwa “Akabanga”rugemurwa no mu mahanga kuko ari kimwe mu byakunzwe n’abanyamahanga benshi kandi bikaba bininjiza amadevise mu Gihugu.

Sina yanashimiwe kandi kuba ariwe wahaye ku buntu interineti yakoreshejwe n’abafatanyabikorwa n’abamurikaga mu gikorwa cyose cy’imurikabikorwa; hanahembwa kandi EUCL icuruza umuriro w’amashayanyarazi ku bikorwa yamuritse no kuba yaratanze ku buntu umuriro wose wakoreshejwe muri icyo gikorwa.

Umuyobozi w’Akarere ka ka Rulindo Emmanuel Kayiranga yagize ati “Iri murikabikorwa ry’abafatanyabikorwa ni umwanya mwiza w’abafatanyabikorwa wo kumurika ibyo bagezeho no kumurikira abaturage ibibakorerwa naho bigeze no gufata ingamba zo kureba icyakorwa ngo birusheho kugenda neza.

Basabwe kandi kujya bakoresha ikoranabuhanga mu byo bakora byose kuko ari kimwe mu byihutisha iterambere.

Bamwe mu bagize itsinda“abizerarana” ryoroje inka buri munyamuryango wese. Umugore munini ubanza ibumoso akaba ariwe urikuriye.

Iri tsinda rigizwe n’abagore bishyize hamwe mu rwego rwo kwiteza imbere rikorera mu Murenge wa Cyinzuzi, rihinga inkeri n’ibinyomoro rivuga ko ryiteje imbere ku buryo bufatika kuko hari aho bavuye n’aho bageze.

Mukamazimpaka Margerithe urihagarariye, avuga ko mu myaka itanu bamaze bakora bashoboye koroza buri munyamuryango, ku buryo bose bagezweho 100%.

Agira ati “Duhinga inkeri ibinyomoro ariko mu myaka itanu tumaze dukora, mbere hari abatari boroye n’abari boroye amatungo magufi, ariko ubu buri munyamuryango wacu uko turi 12 afite inka.”

Avuga ko buri kwezi babona hagati ibihumbi 100Frw na 200Frw bayakuye mu mbuto bagurisha, akabafasha kwishyurira abana amashuri n’ubwisungane mu kwivuza.

Umunyamabanga nshingwabikorwa w’Intara y’Amajyaruguru yatangije kumugaragaro imurikabikorwa ry’abafatanyabikorwa b’Akarere ka Rulindo.

Bavuga ko imurikagurisha ribafasha kumurika ibyo bakora bakabona isoko no kungurana ibitekerezo n’abandi. Gusa ngo imbogamizi bafite ni uko bahinga n’indabo ariko zo zikaba zigurwa n’abamamyi bakabahenda cyane kuko nta soko rihamye ryazo barabona.

Iri tsinda ni rimwe mu bari kumurika ibikorwa bitandukanye mu imurikabikorwa ry’abafatanyabikorwa b’Akarere ka Rulindo ribera kuri Nyirangarama.

Ryatangijwe kumugaragaro tariki 14 Nyakanga 2016 rigamije kumurika ibyo abafatanyabikorwa bagezeho mu iterambere ry’abaturage, nk’uko umuyobozi w’Akarere ka Rulindo Emmanuel Kayiranga yabitangaje.

Ati “Iri murikabikorwa ry’abafatanyabikorwa ni umwanya mwiza w’abafatanyabikorwa wo kumurika ibyo bagezeho no kumurikira abaturage ibibakorerwa naho bigeze.”

Yavuze ko bifasha abagenerwabikorwa kumenyekanisha ibyo bakora, n’icyo bibamariye no kugira ngo abandi babyigireho, bigatuma babona n’amasoko yagutse y’ibyo bakora bakiteza imbere.

Abaturage b’Akagari ka Rutonde biyubakiye ibiro by’akagari ka miliyoni 25Frw.

Habiyaremye Jean D’Amour umunyamabanga nshingwabikorwa w’Akagari ka Rutonde, avuga ko bakoze ubukangurambaga ku baturage, babasaba umusanzu mu kwiyubakira ibiro bazajya bakemurirwamo ibibazo.

Agira ati “Twiyubakiye akagari kanini dukemuriramo ibibazo by’abaturage. Twashyizemo ibiro by’abunzi, ibiro byo kuboneza urubyaro n’ibindi, kuko izo ni serivisi abaturage bakenera ku bwinshi.”

Avuga ko buri mwaka w’ingengo y’imari biha ibyo bazakora mu mihigo, ariko bakagira n’indi mishinga biyemeza ku ruhande ibafasha gutera imbere. Avuga ko banateganya kwiyubakira ibiro byo gukoreramo muri buri mudugudu, kugira ngo ibibazo by’abaturage bijye bikemuka ku gihe.

Guverineri w’Intara y’Amajyaruguru Bosenibamwe Aime ashimira byimazeyo Umuyobozi w’Akagari ka Rutonde n’abaturage be.

Guverineri w’Intara y’Amajyaruguru Bosenibamwe Aime, avuga ko aba baturage bagaragaje ko bavugisha ibikorwa kuruta amagambo, bitwe n’uko ibibazo byinshi ari bo babishakira ibisubizo.

Ati “Ibyo bakora birivugira n’impumyi yabibona, ndabashimira cyane byimazeyo kuko ari intangarugero mu tundi tugari twose turenga 400 tugize iyi Ntara y’Amajyaruguru.”

Guverineri Bosenibamwe asaba n’utundi tugari two muri iyi Ntara kwigira ibikorwa kuri aka kagari, kuko bamwe bumva ko bidashoboka nk’abaturage ubwabo gukora imishinga ifatika badategereje gusa inkunga.

Abaturage ba Rutonde bashimirwa kandi ibikorwa byinshi birimo ubuhinzi bw’urutoki ruvuguruye ku buso bunini, no kuba barabashije gukusanya angana n’ibihumbi 600Frw bakigurira sonorizasiyo y’akagari.

Zimwe mu nka zo muri Girinka. (Photo archives)

Veterineri w’Akarere ka Rulindo Dr Joseph Ndagijimana yemeje ko abo bagabo bafunzwe bakekwaho kunyereza inka za Girinka.

Yagize ati “Uwiragiye Assiel we ashinjwa kunyereza inka zigera muri 16 nk’uko byagiye bitangazwa n’abaturage bariborojwe, aho yahise ashinga ibagiro akajya agura inka z’abaturage borojwe muri gahunda ya Girinka akazibaga akabaha udufaranga duke.”

Yavuze ko itsinda ry’akarere rimaze iminsi rikurikirana ibijyanye na Girinka mu mirenge yose, ryatangarijwe ko ngo hari inka zarwaraga uwo mu Veterineri akanga kuzivura zigapfa, yarangiza nazo akazitwara mu ibagiro rye riherereye mu Murenge wa Bushoki, ubundi amafaranga akayarya akabaha udufaranga tw’intica ntikize.

Uwiragiye yanabwiraga abaturage ko inka zabo ari ingumba ko bazimuha akazibaga ubundi akazabagurira inka zibyara, arinda yimurirwa mu Murenge wa Rukozo ntazo abahaye, nanubu amaso yaheze mu kirere.

Ngo ibyo bikaba byaratumaga uwo mu veterineri ataritabiraga akazi uko bikwiriye ngo kuko amasaha menshi yiberaga mu ibagiro rye.

Naho Veterineri Nganimana we wari umaze iminsi yarahunze ubutabera ariko agafatwa kuri uyu wa mbere, ashwinjwa kuba yarafataga inka zigeze mu gihe cyo kwiturwa akaziha umucuruzi akamuha amafaranga n’uwitwa Medari yagurishije inka yari kwiturwa Mukandutiye.

Veterineri w’akarere yavuze ko kandi hari ibindi bimenyetso biri gushakishwa bishobora gutesha muri yombi undi mu veterineri wa gatatu wo mu Murenge wa Tumba, Nyinawumunu Vestine,n awe ukurikiranyweho ukekwaho icyaha cyo guhindura gahunda ya “Girinka” mo gahunda ya “Giringurube”.

Guverineri w’Intara y’Amajyaruguru Bosenibamwe Aime, yihanangiriza abakora uburiganya muri Girinka, avuga ko batazajya bihanganirwa mu gushaka gusubiza inyuma abatishoboye kandi zarabagenewe kugirango bave munsi y’umurongo w’ubukene.

Avuga ko uretse no kuryozwa izo nka, bamwe mu bahamwe n’icyi cyaha barimo kugenda birukanwa ku kazi bari bashinzwe.

Guverineri w’Intara y’Amajyaruguru, Bosenibamwe Aime, yifatanyije n’Abanyarulindo mu bwitange bwo koroza inka abaturage batishoboye.

Iki gikorwa cy’ubwitange cyabereye i Shyorongi tariki 10 Kamena 2016, cyahuje abaturage, ubuyobozi bw’akarere n’abafatanyabikorwa batandukanye barimo inganda, imiryango yigenga, ibigo by’amashuri, amavuriro, amakoperative n’abikorera.

Buri wese cyangwa icyiciro, yiyemezaga umusanzu yatanga kugira ngo gahunda yo koroza inka abaturage igerweho.

Bamwe biyemeje umubare w’inka bazatanga, abandi biyemeza amafaranga bazatanga azagurwamo inka.

Guverineri w’Intara y’Amajyaruguru, Bosenibamwe Aimé wari muri iki gikorwa yagize ati “Ntitwatera imbere hakiri abantu bakiri mu bukene bukabije. Kwitanga ufasha abakene byongera umugisha, kuko ntawakwishimira kurya, mugenzi we yaburaye. Muri duke dufite, dusangire n’abatishoboye kandi ni twe tugomba kubazamura bakabuvamo.”

Abaturage b’Akarere ka Rulindo, abikorera n’abandi bafatanyabikorwa bako, bitabiriye igikorwa cyo kwishakamo izo nka.

Umuyobozi w’Akarere ka Rulindo, Kayiranga Emmanuel, yagize ati “Kugeza ubu, akarere gahangayikishijwe no gushaka izindi nka 8097 kugira ngo mu mwaka wa 2017, nk’uko biri mu igenamigambi, tuzabe tumaze koroza imiryango itishoboye 15500.”

Avuga ko kubera icyuho cy’izo nka 8097 zikibura kandi hasigaye igihe gito, ari yo mpamvu batekereje ubundi buryo bwakunganira gahunda ya Girinka, abaturage bafite ubushobozi bakaba bagenda boroza bagenzi babo muri gahunda bise “Inka y’Akaguru.”

Iyo ni inka ihabwa umuturage akayorora, yamara kubyara agasigarana icyo ibyaye, yo akayiha undi muturage ukennye kugira ngo imubyarire na we, bigakomeza gutyo gutyo.

Mu kwiyemeza; hagaragaye ubwitange aho Akarere, Tumba College of Technolgy, n’ibindi bigo binyuranye byatangaga inka zirenga 10.

Igiteranyo cy’inka zabonetse muri icyo gikorwa cyo kwitanga, ni 877, naho amafaranga ni miliyoni 18 n’ibihumbi 570 by’amanyarwanda. Ayo mafaranga bahise bayabaramo inka 93; zose hamwe zihita ziba inka 970, ariko igikorwa kikaba kigikomeza.

Ibigo bitandukanye byitanze inka n’amafaranga. Umuyobozi w’Ikigo Tumba College of Technology, Gatabazi Pascal, na we yitanze inka 10.

Uhagarariye abafatanyabikorwa b’Akarere ka Rulindo, Padiri Augustin Nzabonimana, yasabye abaturage kugira umutima wo gufasha abakene kuko ngo bitanga umugisha.

Yavuze ko abantu badafasha bagenzi babo ngo bagereranywa n’abamarayika ba Satani, akaba ari yo mpamvu nk’abafatanyabikorwa, bafasha abaturage bababaye.

Guverineri Bosenibamwe yasabye ubuyobozi kuzakurikirana imibereho myiza y’inka zihabwa abatishoboye no kuzirinda bafatanyije na ba veterineri, bagakora ibishoboka kugira ngo gahunda ya Girinka ikomeze kugenda neza.

Uwo mugore wari ufungiye kuri Sitasiyo ya Polisi ya Tumba mu Karere ka Rulindo akurikiranyweho icyaha cyo gushaka gukata igitsina cy’umugabo we Nkurunziza Pascal w’imyaka 44 amushinja ko ngo avuye kumuca inyuma.

Yapfuye bitunguranye nyuma yo gushaka gukata igitsina cy’umugabo we.

Uyu muryango wari atuye mu Murenge wa Kisaro, Akagari ka Kigarama, mu Mudugudu wa Gaseke.

umunyamabanga Nshingwabikorwa w’Umurenge wa Kisaro byabereyemo, Eugene Nkubana, yabitangarije Kigali Today ko byamenyekanye ubwo Nkurunziza yajyaga kurega umugore we ku Kagari, amushinja ko yaratangiye kumukata igitsina agakangukira hejuru.

Yagize ati “Umugabo we Nkurunziza yatubwiye ko yumvise umugore we Nzamwitakuze arimo gukata igitsina cye, ni bwo umugabo na we yahise akangukira hejuru n’umujinya aramukubita, bukeye buri wese ajya kwivuza ku Kigo Nderabuzima cya Tumba bahurirayo.”

Akomeza avuga ko nyuma y’uko abo bombi bajya kwivuza, umuganga wakiriye uwo mugabo yabwiye umunyamabanga nshingwabikorwa w’umurenge ubwo yahageraga, ko koko uwo umugabo yaje kwivuza kuko yari afite igikomere ku gitsina.

Ngo uwo mugore na we yemeraga ko ngo yashatse gukata igitsina cy’umugabo we ariko akavuga ko yabitewe n’uko yakekaga ko yari avuye gusambana, ngo kuko n’ubundi bahoraga babipfa.

Nyuma yo gukurikiranwaho icyo cyaha, ubwo yari amaze iminsi 2 yonyine afungiye kuri Sitasiyo ya Polisi ya Tumba, kuri uyu wa 5 Kamena 2016 yasabye uruhushya rwo kujya kwa muganga araruhabwa, aza gupfirayo.

Umurambo wajyanwe ku Bitaro Bikuru bya Kinihira ngo hasuzumwe icyo yaba yazize.

Abanyamuryango ba FPR Inkotanyi bagabiye inka bagenzi babo batishoboye.

Iki gikorwa cy’inteko y’abanyamuryango ba FPR Inkotanyi mu rwego rw’Umurenge wa Base, cyabaye tariki 3 Kamena 2016, gihurirana no kurahiza abanyamuryango bashya 38.

Umukuru wa FPR - Inkotanyi mu Murenge wa Base, Mbatezimana Ignace, avuga ko bishimira byinshi bagezeho birimo ubuhinzi bwa kijyambere, imibereho myiza, n’isuku, bityo ko basanze bakwiriye gufasha bagenzi babo kugira ngo bongere imbaraga zo kwihuta mu iterambere.

Ntezimana Benita, imfubyi ifite ubumuga bw’ingingo n’ubwo kutabona, yishimiye inka yahawe, avuga ko byose abikesha imiyoborere myiza ya Perezida Paul Kagame.

Abanyamuryango bashya barahiriye kwinjira mu muryango wa FPR Inkotanyi.

Yagize ati “Sinabona uko mbivuga kuko iyi Leta iyobowe neza izirikana n’abafite ubumuga. Ndishimye cyane kuko ngiye kunywa amata nk’abandi kandi iyi nka nzayifata neza izajye impa n’agafumbire.”

Ubuzukwagira Consiriya utuye mu Kagari ka Rwamahwa, avuga ko agize amahirwe adasanzwe yo kubona inka kuko ubusanzwe atunzwe no guca inshuro, atabashaga kuyigurira. Avuga ko agiye kuyorora neza ikazamuvana mu bukene.

Mbatezimana Ignace ukuriye Umuryango FPR Inkotanyi mu Murenge wa Base.

Yagize ati “Ngiye gukora niteze imbere, mpinge kijyambere, mpe abana amata, abuzukuru n’abaturanyi kandi nshimiye Leta y’Ubumwe idushishikariza gukora. Nta guhora umuntu ateze amaboko.”

Abanyamuryango ba FPR Inkotanyi basabwe kubahiriza amahame agenga iri shyaka kandi bagatinyuka gukora ubucuruzi bwambukiranya imipaka, cyane cyane mu bihugu bigize Umuryango wa Afurika y’Iburasirazuba (EAC).

Abanyamuryango ba FPR Inkotanyi bo mu Murenge wa base.

Kuri uyu wa gatanu tariki 3 Kamena 2016, nibwo bakubise uwo musore witwa Banamwana Fidele w’imyaka 28 wabakoreraga akazi ko kujugunya imicanga mu mushinga wo kubaka amadamu mu Murenge wa Buyoga.

Akarere ka Rulindo.

Umunyamabanga nshingwabikorwa w’Umurenge wa Buyoga, Muhigira Antoine, yavuze ko nawe yahurujwe n’ababibonye ahita ajya gutabara.

Yagize ati “Bampuruje ngo umusore arapfuye, bamujyanye kwa muganga ari muri koma atavuga kuko abo bashinwa bamukubise imigeri mu ruhago n’ibipfunsi mu nda nyuma yo guterana amagambo.”

Yavuze ko uwo musore uvuka muri Karongi bari basanzwe bakorana, kuko babanje gukorana mu Ntara y’Amajyepfo.

Uwakubiswe aracyakurikiranwa n’abaganga, mu gihe abo Bashinwa babiri Zhou Li Ming na Zhou Hu bavukana bafungiye kuri sitasiyo ya polisi ya Tumba.

Amamashini akoreshwa mu nganda akoresha ingufu z’imirasire y’izuba akagabanya amafaranga yatangwaga ku mashanyarazi.

Imani Bora w’imyaka 21 y’amavuko, yarangije mu kigo cya TCT yakoze konteri yitwa “Electronic cash water”, ikoresha imirasire y’izuba, kandi ikazanorohereza abaturage kugura amazi y’amafaranga make.

Yagize ati “Namaze kumva raporo y’umugenzuzi w’ibigo bya Leta mu mwaka wa 2013, igaragaza ko ikigo gishinzwe gukwirakwiza amazi (WASAC) gihomba amafaranga arenga miliyari 10 buri mwaka bituma nkora ubu bushakashatsi.”

Avuga ko nta muturage uzongera gucibwa amande kuko atishyuye amazi, ahubwo azajya yishyura mbere bitewe n’amafaranga afite, amazi nashira abone kugura andi.

Imani Bora wakoze konteri z’amazi, zizakuriraho WASAC igihombo cya miliyari zirenga 10 yagiraga ku mwaka.

Avuga kandi ko igihe umuturage yaba ayakeneye byihutirwa ashobora kuzajya aguza amazi muri WASAC akishyura nyuma, nk’uko bikorwa umuntu yiguriza mituyu kuri telefoni.

Umuyobozi w’Ikigo cy’ubumenyingiro cya TCT Eng. Gatabazi Pascal yavuze ko iki kigo buri mwaka gihangwamo udushya mu ikoranabuhanga dukozwe n’abanyeshuri.
Ati “Hashingiwe ku bushakashatsi kuko ikoranabuhanga ni ryo ryihutisha iterambere, dukora amamashini akoreshwa mu nganda akoresha ingufu z’imirasire y’izuba n’ibindi.”

Avuga ubushakashatsi bakora buba bugamije kuba igisubizo cy’ibibazo bitandukanye by’abaturage, kandi ko inyungu zatangiye kubageraho kuko bigisha abaturage mudasobwa, banakora mudasobwa bakaziha ibigo by’amashuri abanyeshuri bagasohokana ubumenyi.

Abatuye aka Karere batangiye kugerwaho n’inyngu z’ibyo iri shuri rikora, kuko bahaye amavuriro ibyuma bikoresha imirasire y’izuba bishyushya amazi y’abarwayi byitwa Solar Water Hunter.

Mu guteza imbere ikoranabuhanga, barashyizeho icyumba abanyeshuri bahuriramo bakiga gukora imishinga, imishinga ibaye myiza igahembwa kandi ikanakorerwa ubuvugizi muri za BDF igakomeza gushyigikirwa, bakihangira imirimo nabo bakaba bayiha.

Umuyobozi w’Umurenge wa Ngoma ukurikiranyweho kunyereza arenga Miliyoni 15Frw.

Musabyimana akaba yarahimbiye umushinga abaturage 338 bagenerwaga inkunga y’ingoboka (Direct support) wiswe Rukozo Investment Company (RIC) ngo wari ugamije guhinga no gutunganya umusaruro ukomoka ku bihumyo.

Umuyobozi w’Akarere ka Rulindo Emmanuel Kayiranga yabwiye Kigali Today ko Musabyimana akiyobora Umurenge wa Rukozo mu mwaka ushize yari yarabwiye abo baturage ko uwo mushinga ugomba gutangizwa na miliyoni 15Frw.

Ati “Uwo mushinga yakoze hamwe na bo, yavugaga ko bazawubafashamo ntabwo hari hagamijwe inyungu z’abaturage, ahubwo yarebaga inyungu ze abinyujije kuri abo bazabibafashamo, bahimba umushinga wa baringa utabaho utagira n’ibyangombwa.”

Musabyimana ngo yatangiye kubwira abo baturage ko rwiyemezamirimo ashaka kugura imashini zizabafasha gukora neza, ariko abiziranyeho n’uwo rwiyemezamirimo kuko muri izo mashini zose haje imwe gusa.

Ashinjwa kandi ko mbere yo kuvanwa mu Murenge wa Rukozo akimurirwa mu wa Ngoma, ngo yatse amafaranga abayobozi b’imidugudu, ababwira ko ari ayo kuzagura ibyuma bya "sonorisation" y’umurenge.

Ngo yabatse amafaranga y’ubudehe nk’uko umudugudu usanzwe utegura umushinga, abasaba ibihumbi 480Frw yo kugura sonorizasiyo naho ahava ntayo aguze, ngo uretse ko bitanemewe gufatira amafaranga y’abantu mu byo atari agenewe gukoreshwa.

Musabyimana wari ufite ubushobozi nk’umuhesha w’inkiko, anakurikiranyweho kwishyuriza umuturage ibihumbi 170Frw ntiyayamuha yose.

Ubuvuzi gakondo ahenshi burakemangwa (Photo internet)

Niyigena yavuriraga mu rugo rwe Karemera Manasse w’imyaka 69, wari umaze iminsi itatu aharwariye ariko akaza gupfa ahagana mu ma saa moya n’igice z’ijoro ryo kuri uyu wa Mbere, tariki 23 Gicurasi 2016, nk’uko Umuyobozi w’Akagari ka Kijabagwe, Tayari Innocent yabitangaje.

Yagize ati “Uwo mugore Niyigena Marthe asanzwe avura, ariko nyuma y’uko uwo musaza Karemera yahapfiriye mu ijoro ryakeye, yasabwe ibyangombwa n’ubuyobozi bimwemerera kuvura arabibura.”

Akomeza avuga ko ngo uwo musaza yabanje kwivuriza kwa muganga nyuma abonye adakize, umuryango we ufata umwanzuro wo kumujyana ku muvuzi gakondo.

Iperereza rirakomeje naho uwo musaza wapfuye bateganya ko ajyanwa ku Bitaro bikuru agakorerwa isuzumwa ku bijyanye n’urupfu rwe.

Umukozi ushinzwe imibereho myiza mu Murenge wa Masoro afunzwe akurikiranyweho kunyereza amafaranga ya VUP.

Ku mugoroba wo kuwa kane tariki 19 Gicurasi 2016, nibwo yashyikirijwe inzego z’umutekano, nyuma yo gushinjwa kunyereza amafaranga y’incike ya Jenoside witwa Mukamutara Perpetue w’imyaka 85, nk’uko byemejwe n’umuyobozi w’Akarere ka Rulindo Emmanuel Kayiranga.

Yagize ati “Akurikiranyweho uburiganya bwo kubeshya uwo umukecuru w’incike wacitse ku icumu Mukamutara, amubwira ko niyanga ko amubera umwishingizi ayo mafaranga atazayabona; akaba yaramaze kubikuza amafaranga 433.000 Frw ayatwara.”

Kayiranga yavuze ko uwo mukecuru Mukamutara Perpetue ari nawe wamureze ku buyobozi.

Yongeraho ko yashyize amafoto ye mu gatabo ka Banki k’uwo mukecuru nk’umwishingizi we kandi nta sano bafitanye, akajya ayabikuza akayitwarira. Ibyo birego byigereka ku bindi by’inka eshatu zo muri Girinka yahaye abatazigenewe.

Ati “Raporo yatanzwe ivuga ko yatanze inka eshatu mu buryo butari bwo aziha abo zitagombaga guhabwa; imwe murizo nka, yarayifashe yaragombaga kuva ku wacitse ku icumu igenewe na none kwiturwa uwacitse ku icumu, arangije ayiha utaracitse ku icumu.”

Hagati aho inzego bireba zikaba zigikomeje iperereza.

Abarokotse bifuza ko nta mubiri w’uwarokotse Jenoside wasigara udashyinguwe mu cyubahiro kugira ngo n’abarokotse baruhuke, nkuko uwitwa Gahunde Paulin yabisabye kuri iki cyumweru ubwo bashyinguraga rwa Rusiga imibiri 12 yabonetse.

Abayobozi batandukaye bashyira indabo ku rwibutso rw’abazize Jenoside yakorewe Abatutsi.

Yagize ati “Hari abantu bafite amakuru ahagije ari nabo bishe abantu bazi aho bapfiriye, ndetse n’abandi byabaye bareba bataribihishe badufasha kubona amakuru neza kandi vuba kurusha abahigwaga bari bihishe; bityo gushyingura bikarangira tukabona umwanya wo gukora n’indi mirimo y’iterambere.”

Bizimungu Fidele nawe watanze ubuhamya, yavuze ko kuba hari imibiri y’abantu itaraboneka ngo ishyingurwe, bibashengura cyane kandi hari abazi ahantu iyo mibiri iherereye harimo n’abatarahigwaga ariko binangiye gutanga amakuru mu myaka 22 ishize.

Imwe mu mibiri yashyinguwe.

Hon. Depute Kalisa wari witabiriye uyu muhango, yavuze ko abantu bakwiye gufasa abarokotse bakabaha amakuru y’aho ababo bashyinguye kugira ngo nabo baruhuke.

Ati “Iyo utashyinguye uwawe uhorana intimba, mugire umutima wo gutabarana, mutanga amakuru y’aho imibiri idashyinguye iherereye ishyingurwe mu cyubahiro.”

Abaturage bitabiriye umuhango wo gushyingura ku rwibutso rwa Rusiga.

Umunyamabanga nshingwabikorwa wa Ibuka ku rwego rw’Igihugu Naphtal Ahishakiye, yavuze ko ari ngombwa kwibuka abazize Jenocide yakorewe abatutsi mu ndangagaciro zabarangaga kuzibungabunga kugira ngo zitazazima no kubaka Igihugu kikaba cyiza kurushaho.

Uwo muhango wabereye mu Murenge wa Rusiga, Akagari ka Gako, mu Mudugudu wa Rwintare ku rwibutso rwa Rusiga.

Kuri uyu wa 05 Gicurasi 2016 iyi komisiyo yari iyobowe na Honorable Senateri Mukakalisa Jeanne d’Arc, akaba na Visi Perezida wa Komisiyo y’Ububanyi n’Amahanga, Ubutwererane n’Umutekano basuye Akarere ka Rulindo.

Mu baturage bitabiriye iyo nama hari higanjemo abavuga rikumvwa.

Ni uruzinduko bakoreye mu mirenge ya Base na Rusiga bagamije gusobanurira abaturage amahirwe u Rwanda rufite muri EAC banabasaba kuyabyaza umusaruro.

Honorable Senateri Jeanne d’Arc Mukakarisa yagize ati “Ntabwo igihugu cyacu kikiri kure y’inyanja, mutinyuke mwambuke imipaka kuko byarorohejwe!

Mushake imirimo mu bihugu by’abaturanyi, ntimukitinye, na bo baratinyutse baraza bagakora kandi bateye imbere.”

Yabasobanuriye kandi ko amahirwe yo kuba muri uyu muryango ari menshi kuko abacuruzi boroherejwe imisoro n’amahoro, mu rwego rw’imihahiranire, ndetse n’amafaranga y’ishuri (Minerval) akaba ari amwe n’ay’abanyagihugu muri EAC.

Hon Jeanne d’Arc Mukakalisa asaba abaturage gushirika ubute n’ubwo bakabyaza umusaruro amahirwe bafite muri EAC.

Honorable Senateri Applinaire Mushinzimana, yabibukije ko ari amahirwe akomeye kandi ko kwambuka imipaka byorojwe hakaba hakoreshawa Indangamuntu gusa.

Yagize ati “Nta mwuga usuzuguritse ubaho iyo wawukoze neza! Mwikwitinya ku isoko ry’umurimo mushirike ubute, mwitinyuke mujye no bindi bihugu mukore mubone amafaranga kuko ntawakwishimira kudatera imbere.”

Bmawe mu baturage bagaragje impungenge z’umutekano iyo bagiye muri ibyo bihugu, bakavuga ko bituma batinya kujyayo.

Aba Senateri babasobanuriye ko umutekano umeze neza kuko ibihugu bikorana mu gucunga umutekano, babasaba kudakomeza gushingira ku mpamvu zitari zo bagashira ubwoba bagakora.

Uwo mugabo w’imyaka 27 wo mu Murenge wa Shyorongi, yashyikirijwe polisi kuri uyu wa kane tariki 21 Mata 2016.

Musengayire Violette umugore wa Nsaguriye Samuel ny’iri iyi nka yasambanyijwe, n’agahinda kenshi yavuze ko uwo Twagirayezu yabasambanyirije inka kandi nawe afite iye yahawe muri Gira inka.

Yagize ati “Natashye mvuye ku kazi aho nshururiza mu ma saa yine z’ijoro ryakeye, nsanga uwo mugabo w’umuturanyi Twagirayezu Nepo ari mu kiraro cy’inka yambaye ubusa, ambonye arikanga ahita afata ikabutura arayambara, ndebye nsanga ku gitsina cy’inka hariho amasohoro.”

Yavuze ko yahise yihutira kubibwira ubuyobozi kugirango iyo nka nigira ibibazo bazabimenye, iyo nka yabo ikaba inahaka. Yongeraho ko kandi uwo mugabo yemera ko yasambanyije iyo nka.

Ngo bakaba batewe impungenge n’uko iyo nka yahakaga ishobora kuzabyara ikintu kidasobanutse cyangwa ikaramburura.

Umuyobozi w’Umudugudu wa Karama, Uwizeyima Focas yavuze ko uwo mugabo yemera icyaha yakoze akanagisabira imbabazi. Ati “Turakeka ko yaba yabitewe n’uko yirukanye umugore we hakaba hashize amezi agera muri atanu umugore ntawe uri murugo.”

CIP Innocent Gasasira, umuvugizi wa Polisi w’agateganyo mu Ntara y’Amajyaruguru, yavuze ko gusambanya itungo bihanishwa ingingo y’186 yo mu gitabo cy’amategeko ahana y’uRwanda.

Iyo uwabikoze ahamwe n’icyaha, bingana n’igifungo kuva ku mezi atandatu kugeza ku myaka ibiri.

Kuri uyu wa Kabiri, tariki 19 Mata 2016, ni ho izi mbwa zariye abantu mu bihe bitandukanye.

Bamwe mu bana bariwe n’imbwa.

Umuyobozi w’Akarere ka Rulindo, Emmanuel Kayiranga, yavuze ko mu Murenge wa Murambi mu Kagari ka Mvuzo, mu Mudugudu wa Kabuga, zariye abantu bane, mu Murenge wa Ngoma mu Kagari ka Mugote, mu Mudugudu wa Kabasigi, zariye abana babiri. Naho mu Murenge wa Masoro, mu Kagari ka Kivugiza, mu Mudugudu wa Nyarurembo zirya Umusaza w’imyaka 70 y’amavuko.

Kayiranga yagize ati “Izo mbwa zikimara kurumagura bikomeye abo bantu bose harimo n’abana n’umusaza, bahise bakorerwa ubutabazi bajyanwa kwa muganga ku bitaro bya Rutongo biherereye muri aka karere, bakaba barimo gukurikiranwa n’abaganga.”

Umusaza w’imyaka 70 wariwe n’imbwa akaba ari mu bitaro hamwe n’abandi zakomerekeje.

Yavuze ko iki kibazo kimaze iminsi kigaragara mu mirenge imwe n’imwe muri aka Karere, nk’Umurenge wa Base na Tumba, aho imbwa zo mu gasozi zariye ihene n’intama bigera muri 15 zimwe zigapfa izindi zikavurwa.

Izo zagiye zipfa ba nyirazo babujijwe kuzirya kugira ngo zitabatera ibindi bibazo, ahubwo barazishyingura.

umwe mu bana bariwe n’imbwa uteruwe na nyina bari kwa muganga.

Umuyobozi w’akarere yavuze ko akarere katumije umuti wica imbwa, kugira ngo bazitege ntizikomeze kurya abantu n’amatungo.

Guverineri w’iyi ntara Bosenibamwe Aime, yabitangaje kuwa gatatu tariki 13 Mata 2016, mu gusoza icyumweru cy’icyunamo ku rwego rw’Intara y’Amajyaruguru cyabereye mu Karere ka Rulindo ku rwibutso rwa Mvuzo ruherereye mu Murenge wa Murambi.

Guverineri w’Intara y’Amajyaruguru ashyira indabo ku rwibutso rushyinguyemo abishwe muri Jenoside yakorewe Abatutsi.

Yagize ati “Ndashimira abaturage b’Intara y’Amajyaruguru bakusanyije inkunga amafaranga hafi Miliyoni 170 y’u Rwanda yo gufasha Abarokotse Jenoside bafite ibibazo binyuranye.”

Yasabye abaturage kugaragaza ahari imibiri itarashyingurwa kugira ngo nayo izashyingurwe mu cyubahiro. Avuga ko bibabaje kuba hari abantu bakigaragaza ingengabitekerezo ya Jenoside, ariko ko hari amategeko ateganya ibihano kuri bo.

Yibukije abatuye aka karere ko kwibuka ari ngombwa kugira ngo Abanyarwanda bazirikane amateka yaranze igihugu, bazirikane ububi bwa Jenoside yakorewe Abatutsi mu 1994 bafate n’ingamba zihamye zo kuyikumira ntizasubire ukundi.

Abaturage bibukijwe uruhare rwabo mu kurwanya ingengabitekerezo ya Jenoside.

Umuyobozi w’Akarere ka Rulindo Kayiranga Emmanuel yavuze ko muri aka karere inzibutso za Jenoside zishyinguwemo imibiri 18.373, kandi bakomeje gushyingura indi mibiri igenda iboneka.

Ati “Ibyo bigaragaza ubukana Jenoside yateguranywe ndetse igahitana Abatutsi benshi.”

Yashimiye abaturage ba Rulindo bakusanyije inkunga isaga miliyoni 21 yo gufasha abatishoboye basizwe iheruheru na Jenoside, mu cyumweru cy’icyunamo gusa, abasaba ko gufasha bitagomba kurangirana n’icyunamo gusa.

Kuri uwo munsi hanashyinguwe imibiri ibiri y’Abatutsi bishwe muri Jenoside yiyongereye kuyari isanzwe ihashyinguye isaga ibihumbi bitandatu. Biteganyijwe ko tariki 7 Gicurasi 2016 mu Rwibutso rwa Rusiga hazashyingurwa indi mibiri 15 yabonetse.

Urubanza rwasomewe mu Murenge wa Kisaro, Akagari ka Murama mu Mudugudu Kibingwe ari na ho Ntamunoza Jean De Dieu yaburanishirijwe mu ruhame ku wa 24 Werurwe 2016.

Ntamunoza Jean de Dieu aburanishirizwa mu ruhame.

Mu rubanza rwari ruyobowe na Me Mutabazi Harisson, Ntamunoza w’imyaka 51 y’amavuko, yashinjwaga kwihekura akica umukobwa we Muhawenimana Julienne w’imyaka 26 amutemesheje ishoka inshuro 2 mu mutwe.

Ubushinjacyaha bwamuhamyaga bushingiye ku makuru y’abatangabuhamya barimo n’umugore we witwa Ntamukujije, raporo zagaragajwe n’abaganga ndetse na nyir’ubwite Ntamunoza wemeraga icyaha.

Mu miburanire ye, Ntanumoza yemeraga ko yishe umukobwa we Muhawenimana ariko akisobanura avuga ko atariyabigambiriye ngo kuko yamukubise ishoka azi ko ari igiti.

Ntamunoza kandi, mu rubanza yongeragaho ko ku munsi ubanziriza uwo yamwiciyeho (ku wa 04 Werurwe 2014) uwo mukobwa we, ngo na we yari yamusembuye amutera ibuye ku kuguru barimo gutongana bapfa inka y’uwo mukobwa ise yashakaga kugurisha anamusaba kumwubakira inzu y’uburushyi.

Rukiko rukaba rwamukatiye rushingiye ku Ngingo y’143 yo mu gitabo cy’amategeko ahana y’u Rwanda ivuga ko kwihekura bihanishwa igifungo cya burundu, byahujwe n’ibiteganywa n’ingingo y’110 y’itegeko numero 15/2004 ryo kuwa 12/06/2004 ivuga ko kwemera icyaha ari amagambo avugirwa imbere y’urukiko uburana agira ibyo yemera kandi ko ayo magambo atsindisha uyavuze.

Kubera izo mpamvu zose urukiko rwanzuye ko ntamunoza ahanishwa igihano cyo “gufungwa burundu.”

Umukozi ushinzwe Imiyoborere mu Karere ka Rulindo, Rutayisire Tharcisse, yasabye abaturage kwirinda ibyaha nk’ibyo by’ubwicanyi, gusambanya abana, kunywa ibiyobyabwenge n’ibindi. Ati “Murebere kuri Ntamunoza kuko na we nta nyungu akuyemo.”

Abaturage bo mu Murenge wa Kisaro bashimye urukiko ndetse n’ubuyobozi k’ubwo kuburanishiriza abakoze ibyaha by’indengakamere mu ruhame kuko n’abandi batekerezaga kubikora bakuramo isomo bakaba babireka.

Mu bapfuye harimo abamotari 2 n’umugenzi wari utwawe kuri imwe muri izo moto naho umugenzi wari utwawe kuri moto ya kabiri akomereka byoroheje.

Iyo mpanuka yabereye mu Murenge wa Kisaro, Akagari ka Mubuga mu Mudugudu wa Gako. Moto ifite plaque RB436P yari itwawe n’umumotari witwa Mugabarigira Theodomille yaturukaga kuri Santere ya Mubuga yerekeza Kisaro igongana n’indi moto ifite plaque RC350U yari itwawe n’Ahimana Jules yavaga mu Kisaro yerekeza ku Mubuga.

Umunyamabanga Nshingwabikorwa w’Umurenge wa Kisaro, Nkubana Eugene, yavuze ko aho hantu habereye impanuka ubusanzwe hadateye nabi, ko ahubwo byatewe n’umuvuduko mwinshi abo ba motari bagenderagaho.

Yagize ati “Bari bakomeretse cyane bikomeye mu mutwe no ku bindi bice by’umubiri ku buryo nta numwe wabashije kugenda mu modoka yicaye, bagiye baryamye, bageze ku Kigo Nderabuzima cya Kisaro hashize umwanya muto 2 barapfa; undi 1 ahita ajyanwa ku Bitaro Bikuru bya Byumba aho na we yaje gupfira nijoro”.

Akomeza avuga ko aho hantu habereye impanuka ari ahantu h’umurambi hameze neza, ko ahubwo abatwaye ibinyabiziga iyo bahageze birara kuko ari heza kandi nta n’ibinyabiziga byinshi biwucamo, bakagendera ku muvuduko mwinshi.

Minisitiri Mukeshimana yabitangaje ubwo uru ruganda ruherereye mu Murenge wa Kinihira mu Karere ka Rulindo, rwagabiraga izo nka muri gahunda ya Girinka, kuri uyu wa gatanu tariki uwa 25 Werurwe 2016.

Minisitiri w’ubuhinzi n’ubworozi Mukeshimana Geraldine ashyikiriza inka bamwe mu bazihawe.

Yagize ati “Izi nka ntimwemerewe kuzigurisha, mwazihawe kugirango mutere imbere mubeho neza, ntimuzagurishe amata ngo mwirengagize kuyagaburira umuryango wanyu nkuko bamwe babikora bakarwaza indwara zituruka ku mirire mibi harimo na bwaki kandi boroye!”

Guverineri w’Intara y’Amajyaruguru Bosenibamwe Aime, yasabye abahawe inka kuzifata neza, bagasezerera imirire mibi, anabasaba kwagura ubuso buhingwaho icyayi.

Yirirwahandi Losarie yavuze ko iyo nka yahawe nibyara azaha umuryango amata atazayagurisha gusa kugira ngo atazarwaza bwaki, akazajya anafumbira isambu ye nto afite.

Ati “Mwagure ubuso buhingwaho icyayi mubone amafaranga yo gukemura ibibazo, ariko ndabasaba ko mu mirima isigaye itarimo icyayi mwajya muyifumbira, izo nka mwahawe zikazabibafashamo kugirango umusaruro ukomeze wiyongere murwanye inzara n’ubukene.”

Ushinzwe ishami ry’ubucuruzi bw’icyayi cyoherezwa mu mahanga mu ruganda rwa Sorwahe Andrew Wertheim avuga kuba baratekereje gutanga inka, kwari ukugira ngo bashyigikire gahunda ya Leta ya Girinka yabaye umuco mu Rwanda kuko ivana abaturage mu bukene.

Zimwe mu nka 50 zagabiwe abaturage 50.

Aborojwe inka barishimira iterambere zigiye kubagezaho, biyemeza kuzakora ibishoboka byose ngo zibeho neza kandi zibahe umusaruro, nk’ukuwitwa Yirirwahandi Losarie wayihawe abivuga.

Ati “Nta nka nagiraga, iyi nka Nzayifata neza, sinzayicisha inzara izaturinda imirire mibi, nibyara nzaha umuryango amata sinzarwaza bwaki, kandi kuko narimfite agasambu gatoya nzagafumbira nsarure byinshi.”

Minisitiri yasabye aborojwe ko inka nizibyara dore ko izo bahawe zose zihaka nabo ko bazoroza abandi.

Yibukije ubuyobozi bw’inzego zibanze, aba Veterineri n’akarere, kujya bafasha aborozi gukurikirana imibereho myiza y’inka zabo harimo no kuziteza intanga zikabyara izindi, yanasabye kandi ubuyobozi kuzasomera abaturage amategeko agenga Gahunda ya Girinka.

Insanganyamatsiko y’uyu munsi ikaba igira iti “Dukore twubaka ukwigira n’ishema ry’Umuryango”.

Umuyobozi mukuru wa FPR Inkotanyi ku rwego rw’Intara y’Amajyaruguru Niwemwiza Emilienne yasabye komite nshya gukora cyane bakagaragaza impinduka nziza mu bikorwa

Hatowe umuyobozi mushya w’Umuryango FPR-Inkotanyi uyihagarariye ku rwego rw’akarere ariwe Kayiranga Emmanuel, umwungiririje Komiseri w’imibereho myiza Gasanganwa Marie Claire, n’uhagarariye Urubyiruko.

Umuyobozi mukuru wa FPR Inkotanyi ku rwego rw’Intara y’Amajyaruguru Niwemwiza Emilienne yagize ati “Turifuza ko mukora cyane mukagaragaza impinduka nziza mu bikorwa, kandi bikajya bigaragazwa na raporo ndetse n’amafoto y’ibyakozwe atari ku magambo gusa”

Yakomeje agira ati “Mugomba kugira gahunda y’ibikorwa, mugahera ku byihutirwa kurusha ibindi, ndifuza ko bishobotse mwahera kuguta ishuri kw’abana (drop out), guhagurukira abana baba mu muhanda, gahunda yo kuvana abaturage mu bukene VUP n’ibindi.

Umuyobozi mushya w’Umuryango FPR-Inkotanyi o Kayiranga Emmanuel yavuze ko ataje kunyuranya n’ibyari bisanzwe ko ahubwo azakomereza ku murongo abababanjirije bagenderagaho no kubyo bari bagezeho

Uwanyirigira Leocadie wari wungirije Umuryango FPR-Inkotanyi mu Karere yavuze ko kuba umunyamuryango ari ugushirika ubute ugakora ntube umunyamuryango ku izina gusa, kandi ko kubufatanye bageze kuri byinshi birimo guha abaturage amashanyarazi, imihanda, kugabanya ubukene n’ibindi.

Kayiranga Emmanuel yagize ati “sinje kunyuranya n’ibyari bisanzwe, ahubwo tuzakomereza ku murongo abatubanjirije bagenderagaho no kubyo bari bagezeho, dukomeze gutera imbere kurushaho, tugiye gukorana umurava dufatanyije n’abanyamuryango, ibikorwa bizivugira”

Yibukije kandi abanyamuryango ibyavuye mu mwiherero w’abayobozi wayobowe na Nyakubahwa Perezida wa Repubulika y’uRwanda HE Paul Kagame, wabereye mu Karere ka Gatsibo Werurwe/2016 wari ufite insanganyamatsiko igira iti: “Dukunde iby’iwacu”.

Umushoramari Sina Gerard-Nyirangarama ufite Ese Urwibutso yavuze ko abanyarwanda bamwe batazi agaciro kanini k’iby’iwacu

Umushoramari Sina Gerard-Nyirangarama ufite Ese Urwibutso yavuze ko abanyarwanda bamwe batazi agaciro kanini k’ibyiwacu; kuko we yakamenye cyera yatangiye kubibyaza umusaruro. Yagize ati “sinakabaye ntumiza urusenda hanze y’Igihugu rwo gukoresha akabanga!”

Nyuma yo gushishikarizwa ibyiza byo gukoresha iby’Iwacu, Abanyamuryango biyemeje ko bagiye gukunda gukoresha ibikorerwa mu Rwanda kurusha ibiturutse hanze y’Igihugu mu rwego rwo guteza imbere Igihugu cyacu, ndetse bakanubahiriza n’andi mahame yose agenga umuryango FPR-Inkotanyi.
Marie Solange Mukashyaka

Aba DASSO 22 bashya ni bo, kuri uyu wa 15 Werurwe 2016, barahiriye kwinjira muri uru rwego, biyongera ku bandi 60 basanzwe bunganira Ubuyobozi bw’Akarere ka Rulindo bagacungira umutekano.

Aba DASSO bo mu Karere ka Rulindo barahiriye kunganira abasanzwe bakora aka kazi.

Umuhuzabikorwa wa DASSO muri aka karere, Mululu Nkurunziza Rukamata, yabasabye kurangwa n’ikinyabupfura kandi bagakorana neza n’inzego z’umutekano; bityo bagacunga neza umutekano w’abaturage.

Yavuze ko izo mbaraga bungutse zizabafasha by’umwihariko mu gutahura amakuru ku banywa n’abacuruza ibiyobyabwenge kandi ko umusanzu wabo ku bufatanye n’izindi nzego, ugomba kuba igisubizo ku bibazo by’umutekano.

Mugabo Patrice winjiye muri uru rwego, yavuze ko agiye gukoresha imbaraga n’ubumenyi afite mu nyungu z’abaturage, acunga umutekano wabo n’uw’ibyabo.

Aba DASSO basabwe kurangwa n’ikinyabupfura.

Aba DASSO 22 barahiriye gukorera mu Karere ka Rulindo ni bamwe mu baherutse gusoza amahugurwa y’amezi atatu yaberaga mu Ishuri ry’Amahugurwa rya Polisi rya Gishari mu Karere ka Rwamagana.

Ni mu bukangurambaga ngarukamwaka bwo gushyigikira uburezi bw’umukobwa, bugamije guhemba ku mugaragaro abakobwa batsinze kurusha abandi mu bizamini bya Leta bazwi ku izina ry“Inkubito y’Icyeza”.

Imbuto Foundation yashimiye abakobwa batsinze neza irabahemba.

Minisitiri w’Uburezi, Dr Papias Musafiri Malimba, watangije iyi gahunda mu izina rya Madame Jeannette Kagame (washinze uyu muryango), yasabye abafatanyabikorwa bose kongera imbaraga bakoresha kugira ngo uburezi bw’umukobwa butere imbere kurushaho.

Dr Musafiri yavuze ko guhemba abakobwa atari ugutera ishyari abahungu ahubwo ko ari ukubatera imbaraga nk’abantu batakunze guhabwa amahirwe angana n’aya basaza babo kandi bakaba barahuraga n’ingorane zababuzaga gukomeza kwiga, zirimo n’izishingiye ku muco.

Minisitiri w’Uburezi, Dr. Papias Musafiri ahemba umwe mu Nkubito z’Icyeza.

Imbuto Foundation yatangije ubu bukangurambaga bwo guhemba abakobwa batsinda neza mu mashuri mu mwaka wa 2005. Kuva icyo gihe, abakobwa 4,257 bamaze guhemberwa gutsinda neza ibizamini bya Leta.

Iyi gahunda ikangurira umuryango, ababyeyi, abarezi, imiryango itari iya Leta, abahungu n’abayobozi b’inzego z’ibanze; gufatanyiriza hamwe bashyigikira uburezi bw’umukobwa.

Giramata Muhoracyeye Candide wigaga ku kigo Stella Matoutina cy’i Rulindo, mu ishami ry’Imibare, Ubugenge n’Ubutabire (MPC) ni we wabaye uwa mbere ku rwego rw’igihugu ku manota 73 kuri 73.

Avuga ko kugira intego yo gutsinda neza, kutitinya, kwigirira icyizere no kutarangara; ari byo byatumye atsinda neza. Ashishikaruiza abandi bakobwa kugira ishyaka.

Muhorakeye Candide ashimira Imbuto Foundation ukuntu ishyigikira uburezi bw’umukobwa.

Emelyne Cishahayo, umwe mu bakobwa batsinze neza ubwo yigaga mu mashuri yisumbuye, yahaye ubuhamya abakobwa anabashishikariza gukora cyane kugira ngo bazahore ku isonga.

Cishahayo ubu yigisha mu Ishami ry’Ubuganga rya Kaminuza y’u Rwanda kandi akomeje kongera ubumenyi.

Buri mwaka, Imbuto Foundation ihemba abakobwa 400 mu gihugu cyose.

Ku basoje amashuri abanza, hahembwa Umukobwa wahize abandi ku rwego rwa buri murenge. Ku basoje icyiciro rusange, hahembwa uwa mbere ku rwego rwa buri karere; naho ku basoje ayisumbuye, hahembwa 5, babaye aba mbere mu ntara n’Umujyi wa Kigali.

Umuyobozi Mukuru wa Imbuto Foundation, Urujeni Feza Bakuramutsa, yashishikarije abakobwa gukomeza ishyaka ryo gutsinda.

Aba bakobwa bahembwa ibihembo birimo ibikoresho by’ishuri kandi bagahabwa amahugurwa ku ikoranabuhanga.

Ku barangije amashuri yisumbuye by’umwihariko, buri wese ahembwa mudasobwa igendanwa (Laptop) agahabwa n’amahugurwa y’ibanze ku ikoranabuhanga.

Inkubito z’Icyeza zose zari zinezerewe.

Ubu bukangurambaga bubaye ku nshuro ya 11 kuva ubwo Madame Jeannette Kagame yatangizaga Umuryango Imbuto Foundation.

Biteganyijwe ko ibi bikorwa byatangiye tariki 5 Werurwe 2016, bizakomereza mu zindi ntara kugeza mu mpera z’iyi Werurwe.

Guverineri W’intara y’Amajyaruguru, Bosenibamwe Aime, asobanura ko intara y’Amajyaruguru ifite imisozi miremire, bitera ko hari aho imvura igwa ari nyinshi ikahatera. Avuga ko kandi kuzamura ibikorwa remerzo nk’amazi mu misozi nabyo biba ingorabahizi.

Mu gikorwa cy’umuganda giherutse, niho Guverineri Bosenibamwe yashyize ibuye ry’ifatizo ahazubakwa umwe mu midugudu izatuzwamo abaturage bari basanzwe batuye nabi.

Agira ati “Gutura nabi ni imwe mu mpamvu zitera ubukene; kandi kubera iyo mpamvu nta muntu utuye nabi uzongera kwegerezwa ibikorwa remezo.”

Uyu muyobozi mushya w’Akarere ka Rulindo, Kayiranga Emmanuel, avuga ko ubuyobozi bwiteguye kumanuka bukegera abaturage bakongera kubasobanurira ibyiz byo kwegerana n’abandi mu mudugudu.

Ati “Twiteguye kwegera abaturage tugakorana neza nabo ntabyo kwicara mu biro gusa; turabashishikariza kandi gutura mu midugudu, kuko iyo imiturire iyo ibaye myiza, niho ibikorwa remezo bigera kubaturage ku buryo bworoshye.”

Niyitegeka Marie Grace, umwe mu bubakiwe agakurwa mu manegeka, avuga ko nubwo abahatuye baba binangira ariko ntawe uyobewe ingaruka zabo, kuko nawe yahoraga ahangayitse yibaza uko byagenda inkangu imusanze ku musozi.

Abaturage nabo batanze umusanzu wabo bafasha guharura ahazubakwa.

Ati “Nari naraheze mu manegeka, nahoraga mpangayitse, ariko ubu ngiye gutura neza negere n’ibikorwa remezo nk’a bandi.”

Mu ibarura ryakozwe n’akarere ryasanze mu ngo zikagize uko ari 68.387, muri izo ngo izituye mu manegeka harimo n’izituye zitatanye zingana na 10.230, akaba arizo zigomba kwimurwa zigatuzwa neza.

Mu isesengura ryakozwe ryasanze abafite ubushobozi bwo kuziyubakira mu middugudu ari 4.860, abazakenera ubufasha bw’isakaro ni 3.950, naho Abadafite ibibanza ni 3.643. intara y’Amajyaruguru yihaye gahunda ko umwaka wa 2018 uzagera iki kibazo kitakiharangwa.

Habanabakize w’imyaka 40, yari atuye mu Murenge wa Kinihira, Akagari ka Rebero, Umudugudu wa Karambi, yapfuye kuri uyu wa Gatatu tariki 24 Gashyantare 2016.

N’ubusanzwe, ngo yahoraga mu makimbirane n’umugore we amushinja iyo ngeso, nk’uko umwe mu baturanyi be abyemeza.

Yagize ati “Uwo mugore yacaga inyuma umugabo we pe! Kenshi gashoboka, akababara cyane; rimwe na rimwe akamukubita ariko akababazwa by’umwihariko n’uko sebukwe na we yajyaga ’akazanura’.”

Umuyobozi w’Umurenge wa Kinihira, Ndahayo Ildephonse, yagize ati “Uwo mugabo Habanabakize, ubusanzwe abaturage bemeza ko yahoraga ashwana n’umugore we bapfa ko uwo mugore we ngo yakundaga kumuca inyuma.”

Yaguye mu Bitaro bya bya Kinihira, aho yari ari kuvurirwa arembye cyane, kubera uwo muti wica imbeba yanyweye tariki 21 Gashyantare 2016.

Ntaganira Cyrus ushinzwe kwamamaza no gukwirakwiza ibikoresho bitangwa n’Umuryango wita ku buzima (Society for Family Health – SFH/Rwanda) birimo n’agakingirizo, avuga ko abantu badakwiriye guhuga na gato imbere y’icyorezo cya SIDA.

Cyrus Ntaganira avuga ko gusobanurira abaturage iby’agakingirizo atari ukubigisha ubusambanyi.

Mu gikorwa cy’imenyekanisha ry’agakingirizo ko mu bwoko bwa “Plaisir” cyabereye mu Murenge wa Base w’Akarere ka Rurindo, tariki 20 Gashyantare, Ntaganira yasobanuriye abaturage ko uretse kwandura SIDA, agakingirizo kanarinda izindi ndwara zandurira mu mibonano mpuzabitsina.

Yagize ati “Kwifata iyo byanze, agakingirizo karatabara. Karinda SIDA n’izindi indwara zandurira mu mibonano mpuzabitsina idakingiye, gutwara inda zitunguranye ku rubyiruko ndetse no ku bashakanye.”

Abakangurambaga ba SFH/Rwanda basobanuriye abaturage imikoreshereze y’agakingirizo.

Umuyobozi w’Ishami ry’Ubuzima mu Karere ka Rurindo, Manirafasha Jean d’Amour, ahamya ko agakingirizo gafasha abaturage kwirinda gutera no gutwara inda zitateganyijwe.

Iyo bibaye ku rubyiruko, ngo bituma rutakaza umurongo w’ubuzima naho ku bashakanye, inda zitunguranye zitera gusubiranamo n’amakimbirane mu ngo. Ibyo bidindiza iterambere ryabo, abana ntibige kandi bakagira n’izindi ngaruka nk’imirire mibi.

Byukusenge Emelienne ufite imyaka 17 wo mu Murenge wa Base, agira ati “Agakingirizo sindagakoresha ariko kuko twasobanuriwe akamaro kako, nta musore wanshuka "gukorera aho" ngo mwemerere.”

Bamwe mu baturage ba Rurindo bahawe inyigisho ku gakingirizo.

Singirankabo Pascal we ati “Indwara zandurira mu mibonano mpuzabitsina ntizigaragarira ijisho. Umuntu uwo ari we wese ushaka gukorana imibonano mpuzabitsina n’uwo batipimishije, agomba gukoresha agakingirizo akirinda; kandi ntakwiriye kugira isoni zo kukagura.”

Umuryango SFH Rwanda ukwirakwiza ibikoresho bitandukanye by’ubuzima birimo udukingirizo, ubigeza ku bacuruzi babirangura kugira ngo byegerezwe abaturage babibone bitabagoye.

Byabaye ku gicamunsi cyo kuri uyu wa mbere tariki 22 Gashyantare 2016, ubwo uyu mukecuru yari avuye gutora kuri site y’itora ya Gs Rubona.

Umuyobozi w’Akagali ka Kamushenyi Nyirahategekimana Beata, ari na ho uyu mukecuru n’umuhungu we bakomoka, yavuze ko yasanze nyina mu muhanda arimo ataha avuye gutora mu ageze mu gasantere ku bucuruzi kitwa Ituze.

Yagize ati “Yamujombaguye icyo cyuma inshuro eshatu zose mu mutwe, kimwe mu gahanga, ikindi mu gihorohori, ikindi mu mutwe inyuma. Abonye ari kuvirirana amaraso ariruka baramubura.”

Avuga ko yigamba ko yamujijije ko yamuhaye umunani w’isambu nto ugereranyije n’uw’abandi bavukana uko ari icyenda. Ikindi ni uko ngo yamushinjaga kumurogera urugo, rugizwe n’umugore we n’abana batatu.

Umuyobozi w’akagali yongeyeho ko Uwo muhungu we Niyonzima kandi yahoraga avuga ko ngo azica nyina.

Akimara gutemagura nyina yahise yiruka aburirwa irengero, ariko inzego z’umutekano ziracyamushakisha magingo aya. Nyina we yahise ajyanwa kwa muganga aho ari kwitabwaho.

Kuri station ya Polisi ya Kajevuba iherereye mu Murenge wa Ntarabana ni ho hangirijwe Ibiyobyabwenge byo mu bwoko butandukanye.

DPC w’Akarere ka Rulindo nyuma yo kwigisha ububi bw’ibiyobyabwenge yafatanyije n’abaturage kwangiza ibiyobyabwenge ku mugaragaro

Ibyo biyobyabwenge birimo inzoga zo mu bwoko bwa Souzi ipaki 30, zebra amapaki 104, sky ipaki 48, chief waragi ipaki 50, gagawizi vodka ipaki 19, premos paki 09, kitoko ipaki 170, kicky ipaki 38, kanyanga litilo 6, n’urumogi bombs 03.

SSP (Senior Superintendant) Bizimana Felix Umuyobozi wa Polisi mu karere ka Rulindo yabwiye abamotari n’abanyonzi bari bitabiriye igikorwa cyo kumena ibiyobyabwenge bagera hafi kuri 300 kwirinda kunywa no gutwara abantu batwaye ibyo biyobyabwenge.

Yagize ati ’’Mu gihe ufashwe utwaye umuntu ufite ibiyobyabwenge waba ufite moto, igare cyangwa imodoka na we urahanwa, kuko n’ufashwe abicuruza na we abihanirwa’’.

Karenzi Benoit Umuyobozi w’abatwara moto muri parikingi ya Cyamutara na Kajevuba yavuze ko bafatanya na Polisi mu kuranga ahantu hari ibiyobyabwenge.

Yagize ati ‘‘Usanga hari za moto zimwe zikunze gukora mu gihe cy’ijoro bakaba batagikora, kuko ngo usanga ari bo bakunze gutwara abafite ibiyobyabwenge’’.

Kubwimana utwara igari muri parikingi ya Kajevuba yavuze ko yigeze gutwara umuntu wari ufite ibiyobyabwenge, abonye Polisi y’Igihugu ahita yiruka.

DPC SSP Bizimana Felix yigisha ububi bw’ibiyobyabwenge n’ubwoko bwabyo

Yagize ati ‘‘Uyu munsi nahakuye isomo rikomeye ko ntazongera gutwara umuntu ufite umutwaro ntazi ibyo atwayemo, kuko ashobora kuba afitemo ibiyobyabwenge’’.

SSP Bizimana Felix yagize ati ’’Umuntu ufatanywe ibiyobyabwenge ahanishwa ingingo ya 594, naho umuntu ubikura mu kindi gihugu ahanishwa imyaka iri hagati ya 3 kugeza kuri 5 n’amande ari hagati y’ibihumbi 500 na Miliyoni 5 by’amafaranga y’u Rwanda’’.

Kuri uwo munsi kandi hanafashwe umugabo uhinga urumogi mu Murenge wa Rusiga uherereye muri aka Karere, atunzwe agatoki n’abaturage kuko bamaze iminsi babishishikarizwa.

Mu minsi ishize uru rutare rwarasuwe cyane aho abantu benshi hirya no hino mu turere dutandukanye, bajyaga muri ako gace gushaka amafaranga bivugwa ko rutanga.

Bamwe bavuga ko uru rutare rutanga amafaranga abandi bakabihakana.

Abaturage bahatuye bavuga ko n’ubu hari abakijyayo kwihera ijisho, ngo barebe niba koko na bo bagira amahirwe bakabona kuri ayo mafaranga.

Umwe mu baturage yagize ati “Uwo musore uvuga ko yabonye amafaranga muri urwo rutare akanayafata turaturaturanye, mbere yarabyemeraga ariko yageze nyuma akajya agenda abihakana.”

Hari n’undi mukobwa na we bavuga ko yemeraga ko urwo rutare ruyatanga kuko ajya kurukorera isuku akahakubura, ariko na we nyuma yo kubona bihuruza abantu benshi, ngo yaje kugenda abihakana.

Abaturage Kigali Today yavuganye na bo bavuga ko uwo musore yari yarahawe misiyo y’amafaranga ibihumbi 50Frw y’imbanzirizabwishyu (avance) yo gushaka igi ry’igihunyira, arangije aribona muri urwo rutare.

Ngo yamaze kurihabona arariharekera ngo aryereka uwarimutumye, nyuma y’aho gato ngo asubiye muri urwo rutare ahasanga ibifaranga byinshi birimo inoti z’ibihumbi bitanu gusa ariko ngo akababwira ko mu mwobo ayo mafaranga yarimo hari harimo n’ikiyoka kinini.

Uwari Umukuru w’Umudugudu wa Rusaya (uwambaye bote) avuga ko nyuma yo kumva abaturage bahwihwisa ko urwo rutare rutanga amafaranga bakurikiranye bakabura gihamya.

Umukuru w’Umudugudu wa Rusayu, Nkundiye Modeste, avuga ko icyo gihuha cyakwirakwiye mu baturage, yababaza bakamubwira uwo cyaturutseho nyamara we yajya kubimubaza akamuhakanira avuga ko bamubeshyera.

Uwo muyobozi agira ati “Urwo rutare rwahise rutangira gusurwa n’abantu benshi cyane uhereye ku batuye muri aka gace ku buryo wagira ngo haremeye isoko, ngo baje gushaka amafaranga.”

Gafaranga Jean Nepomuscene, Umujyanama w’Ubuzima muri uwo mudugudu, avuga ko uretse abaturage, n’abanyeshuri bahajyaga buri munsi, cyane cyane abiga kuri G.S Nganzo ihegereye.

Gusa, ngo nubwo hari abemeza ko urwo rutare rujya rutanga amafaranga, abandi barabihakana kuko bajyayo bagataha amara masa.

Uwo musaza yari atuye mu Karere ka Rulindo, mu Murenge wa Bushoki, Akagari ka Gasiza, Umudugudu wa Ruhanga.

Nk’uko bitangazwa n’Umunyamabanga Nshingwabikorwa w’Umurenge wa Bushoki Nzeyimana Pierre Claver, ngo uwo musaza yari yiriwe mu rugo rw’umuturanyi ku wa 31 Mutarama, aho bari batumiwe, banywa inzoga kuko muri urwo rugo bari bafite ibirori.

Akomeza avuga ko Kurujyibwami yavuye muri urwo rugo ataha ahagana mu ma saa mbiri z’ijoro, yari yitwaje inkoni ageze muri metero nka 40 uturutse aho yari avuye; yikubita munsi y’umukingo abanza umutwe hasi, dore ko basanze wakobaguritse, ahita apfa.

Yaraye muri uwo mukingo ntawe urabimenya; bukeye ku wa 01 Gashyantare 2016 abaturage bahanyuze babona umurambo we munsi y’uwo mukingo baratabaza.

Umurambo we wahise ujyanwa ku Bitaro Bikuru bya Nemba kugira ngo hasuzumwe neza icyaba cyateye urupfu rw’uwo musaza.

Aya mahugurwa yasojwe ku itariki ya 29/01/2016 yahuguraga abari bayitabiriye ku bijyanye n’ubujyanama no gutega amatwi abaturage bafite ibibazo by’ihungabana baje babagana ariko bibanze cyane no kungo zibanye mu makimbirane. Hahuguwe Uturere 2 Akarere ka Rulindo na Gakenke.

umukozi wo muri ARCT-Ruhuka asaba abakangurambaga gutega amatwi abahuye n’ihungabana no gukangurira abaturage kwirinda amakimbirane.

Kayitesi Marie Josee umukozi muri ARCT-Ruhuka (Association Rwandaise des Conseillers en Traumatisme) yagize ati “Ihungabana riterwa n’amateka mabi umuntu aba yaranyuzemo, cyangwa se ibibazo ahura nabyo bya buri munsi, iyo ritavuwe neza bikaba byatuma umuntu ashobora no kuba yahahamuka cyangwa akaba yagira uburwayi bwo mu mutwe”.

Akomeza avuga ko 30% by’abanyarwanda bagaragaza ibibazo by’ihungabana. Ibibazo kandi bituruka kw’ihungabana bikaba imbogamizi ku kubaka urugo rufite amahoro, imbogamizi mu kwinjira muri gahunda za Leta no kugera ku iterambere rirambye.

Patrick Uwihanganye umuyobozi w’ishami ry’iterambere n’imibereho myiza mu Karere ka Rulindo yavuze ko ayo mahugurwa, yabafashije kumenya uburyo wakwitwara ugize ikibazo cy’ihungabana.

Ati “Umubare munini w’abatugezaho ibibazo twakira ni abubatse ingo akenshi ni abagore baza bashinja abagabo babo kubaca inyuma; kubyara inda zitumvikanyweho kubashakanye, ubusinzi n’ibindi.

Nyirabahutu Triphonie umuyobozi wungirije wa Avega mu Karere ka Gakenke yagize ati “ Twakira abantu benshi barenzwe n’ibibazo baza batugana, ariko akenshi bishingiye ku gucana inyuma kw’abashakanye, no gusesagura imitungo, ubu tugiye gukomeza gufasha abaturanyi bahura n’ihungabana ndetse n’ihohoterwa mfite ubumenyi buhagije.

Abahuguwe barimo abakangurambaga barasabwa gukomeza gukoresha tekiniki yo gutega amatwi neza abaje babagana, bakabumva, bakabaha ubujyanama (Cancelling), no guhugura abandi.

Baranakangurira abanyarwanda bose muri rusange gufasha abahungabanye no kurwanya amakimbirane agaragara mu ngo kuko ari kimwe mu bikurura ihungabana mu miryango, kubufatanye bazabashe kubaka neza ingo z’abanyarwanda zizira ihungabana.

Umuyobozi w’Akarere ka Rulindo ucyuye igihe Kangwagye Justus yashimiye aboyobozi bose bamufashije kuyobora, by’umwihariko ashimira abaturage n’abayobozi b’inzego z’ibanze kuko bakoze akazi gakomeye kugira ngo babe barabashije kugera ku bikorwa by’iterambere byagezweho.

Kangwagye Justus umuyobozi w’Akarere ka Rulindo ucyuye igihe ahererekanya ububasha n’Umunyamabanga nshingwabikorwa w’Akarere ka Rulindo

Yagize ati “Nishimiye ko iminsi ya manda bari barampaye, nta munsi n’umwe ubuzeho kandi nishimiye ko inshingano nari narahawe zo gufasha abaturage, kubayobora no gukemura ibibazo byabo hamwe n’abayobozi twafatanyije, inshingano twari twarahawe tuzishoje amahoro kandi neza”.

Kangwagye yasabye ko umushoramari Sina Gerard ufite uruganda ruzwi nka “Entreprise Urwibutso” kuri Nyirangarama, yazahabwa impamyabushobozi ihanitse kubera ubuhanga afite mubyo akora kandi bifitiye abaturage benshi akamaro.

Yifuje ko kandi mu gihe cya vuba hazashyirwaho Radio y’abaturage izavugira mu Karere Ka Rulindo, kugirango izafashe abaturage kuva mu bwigunge no gutanga ibitekerezo byabo, kuko ibyasabwaga kugirango iboneke bisa nkaho byari bigeze ku musozo.

Umunyamabanga nshingwabikorwa w’Akarere ka Rulindo Munyarukato Jean Baptiste ari nawe waherejwe ububasha bwo kuba ayobora aka Karere by’agateganyo, yashimiye ibikorwa by’indashyikirwa byakozwe na komite nyobozi icyuye igihe.

Ifoto y’Urwibutso y’umunsi w’ihererekanya bubasha bwa Komite nyobozi icyuye igihe buri wese afite igikombe cy’ishimwe mu ntoki yahawe

Yagize ati “ Njyewe n’abo tuzaba dufatanyije akazi muri iyi minsi, tuzaharanira gukomeza guteza imbere imibereho myiza y’abaturage, kubatega amatwi, gukemura ibibazo byabo; twiyemeje gusigasira ibikorwa by’indashyikirwa byakozwe turushaho kubiteza imbere kuko nk’abadahigwa ntitwatuma bisubira inyuma kuko byaba ari icyaha gikomeye”.

Umuyobozi w’Akarere ucyuye igihe arasaba abayobozi bagiye kuyobora muri iki gihe cy’inzibacyuho ndetse n’abazayobora nyuma yaho, gusabanisha abaturage bakagira umwuka mwiza hagati yabo mu mikorere n’imikoranire no kububaha, kuko kububaha no kubatega amatwi bituma imikoranire iba myiza cyane.

Abagize Komite nyobozi icyuye igihe buri wese yahawe igikombe cy’ishimwe.

Eng. Gatabazi Pascal Perezida w’Inamanjyanama y’Akarere ka Rulindo icyuye igihe avuga ko muri manda y’imyaka itanu bashoje; Inamanjyanama y’Akarere yaranzwe n’imikorere n’imikoranire myiza hagati yayo na Komite Nyobozi y’Akarere ka Rulindo.

Eng Gatabazi Pascal, Umuyobozi wa Njyanama y’Akarere ka Rulindo icyuye igihe, arasaba abazabasimbura kuzarangwa n’ubwumvikane n’ubwitange.

Agira ati “Kuba twararabashije kugera ku bintu bifatika byazamuye aka Karere ku buryo bugaragara; ni uko mu byo twakoze byose twagiraga ubwumvikane, kuko ubwumvikane budahari nta kintu na kimwe abantu bageraho”.

Yifuza ko muri manda izakurikiraho y’Inama Njyanama hazakora ubushishozi bwimbitse hakazatorwa abayobozi bashoboye, kuko ngo baramutse bashyizeho abayobozi badashoboye bazasubiza inyuma cyangwa bakadindiza ibikorwa byiza bari bamaze kugeraho.

Aha ni ku wa 24 Mutarama 2015 Njyanama ya Rulindo icyuye igihe irebera hamwe ibyo yagezeho.

Bimwe mu byo bagezeho harimo kuba basigaye bafite amashuri makuru abiri ari yo Tumba College of Technology na INATEK-Rulindo; kubaka inyubako z’ Umurenge Sacco 17 mu Mirenge yose, Gutoza abaturage umuco wo kubitsa no kuzigama ku buryo abaturage bamaze kwizigamira amafaranga angana na miliyoni 535FRW, amaterasi y’indinganire yakozwe ku buso bwa hegitari ibihumbi 2 na 46 n’ibindi.

Ifoto y’urwibutso y’abajyanama b’Akarere ka Rulindo bacyuye igihe.

Inama Njyanama y’Akarere ka Rulindo icyuye igihe yatangiye imirimo yayo mu kwezi kwa Werurwe mu mwaka wa 2011, inama yayo ya mbere ikaba yarateranye ku wa 30/03/2011 ishyiraho komisiyo ziyigize.

Guverineri w’Intara y’Amajyaruguru Bosenibamwe Aime yashimye cyane aho Inama njyanama yavanye Akarere ka Rulindo naho ikagejeje

Guverineri w’Intara y’Amajyaruguru Bosenibamwe Aime yashimye cyane aho Inamanjyanama yavanye Akarere ka Rulindo naho ikagejeje.

Yagize ati “ Mu myaka ishize abaturage bari bafite amazi ntibarengaga 10%, ubu bakaba bageze hejuru ya 70%, amashuri abanza yabaye menshi, ibikorwa remezo byarazamutse ku buryo bugaragara, isize Ibitaro bikuru binini 2, ibya Kinihira, n’ibya Rutongo byavuguwe neza, hari ibigo nderabuzima na Poste de santé mu Mirenge 17 yoze.

Mbere Akarere kari gafite Imirenge 4 yonyine irimo amashanyarazi, none ubu ari mu Mirenge yose 17. Bubatse bo ubwabo nk’Akarere ibikorwa by’Ikirenga, birimo inyubako nshya Akarere gakoreramo, Guest House ya Shyorongi, Ikigo Ndangamuco cya Rulindo, Stade ya Shyorongi, kandi tumenyereye ko izindi Stade zubakwa na Leta n’ibindi”.

Eng. Gatabazi Pascal Umuyobozi w’Inama njyanama y’Akarere ka Rulindo yavuze ko mu myaka itanu ishize Inama Njyanama y’Akarere yaranzwe n’imikorere n’imikoranire myiza hagati yayo na Komite Nyobozi y’Akarere ka Rulindo.

Yagize ati “Ubwumvikane ni bwo bwatumye Akarere kagera kuri byinshi mu Iterambere ryako byatumye uturere twinshi two mu gihugu cyacu n’utwo hanze y’Igihugu bakora ingendoshuri muri Rulindo kugirango batwigireho”.

Ifoto y’urwibutso y’inama njyanama

Bimwe mu bikorwa byagezweho harimo, kugabanya ubukene bukabije, ku kigereranyo cya 20.2%; Inka 5,741 zatanzwe muri gahunda ya Girinka; Ibyumba by’amashuri 397 n’ubwiherero 314 byarubatswe; hahujwe ubutaka kugera kuri ha 48,039; hahanzwe imihanda myinshi ifite uburebure bwa km 360.6, ibyuzi by’amafi 81 byarubatswe n’ibindi.

Akarere kakomeje gukemura ibibazo by’abaturage, hatangwa serivisi nziza, kurwanya ruswa ndetse Akarere kabiherewe igikombe ku rwego rw’igihugu. Abari bagize Inamanjyanama na Komite nyobozi icyuye igihe bahawe certificat z’ishimwe.

Habumugisha utuye mu Murenge wa Bushoki Akagari ka Kayenzi mu Karere ka Rulindo, yarangije amasomo ya kaminuza mu ishami ry’ubuhinzi n’ubworozi umwaka ushize. Amasomo ye yayafatanyaga n’ubu buhinzi akiri ku ntebe y’ishuri.

Guhinga ibinyomoro byamufashije kwiga Kaminuza binamurinda Ubushomeri.

Avuga ko mu mirima ye hahinzemo ibiti by’ibinyomoro 800, buri giti kikera byibura ibiro 22kg ku mwaka akaranguza ikilo cy’ibinyomoro kuri 800Frw.

Avuga ko buri mwaka igiti kimwe cy’ikinyomoro byibura kimuha ibihumbi 17Frw; bivuze ko ku biti byose uko 800 bimwinjiriza agera kuri miliyoni 14Frw.

Avuga ari byo byamufashije mu myigire ye, kwishyura amafaranga y’ishuri n’ibindi byinshi bikenerwa ku ishuri.

Yagize ati “Ibinyomoro bishobora kuguha umusaruro ukubye inshuro eshatu uwo ibishyimbo byaguha kuko hagati y’ikinyomoro n’ikindi haba harimo metero ebyiri kuri m 1,5 kuko mbisasira. Nta kindi gihingwa cyaguha umusaruro nkuwabyo ku butaka buto.”

Ibyo binyomoro byerera amezi 12 iyo yakoresheje ifumbire y’imborera n’imvaruganda; naho yaba yakoresheje ifumbire nshyashya yitwa DI Grow (Diamond Interest Grow) bikerera amezi atandatu agasarura kabiri mu mwaka.

By’umwihariko mu murima w’ibinyomoro ateramo ibitunguru by’ibibabi kuko impumuro yabyo ituma ibikoko bihunga, ibinyomoro bikera neza.
Akoresha abakozi batatu ariko nawe nk’uwize iby’ubuhinzi akabigeramo kenshi agakurikirana imikurire yabyo n’iyo hari ikirwaye aracyivurira.

Arashishikariza abantu guhinga ibinyomoro, kuko ku isoko usanga bikenewe n’abantu benshi bikabura kuko bihingwa n’abantu bacye, kandi iyo bihinzwe neza bya kijyambere birimo amafaranga.

Ku wa 19 Mutarama, Minisiteri ifite imicungire y’ibiza no gucyura impunzi mu nshingano (MIDIMAR), ifatanyije n’Akarere ka Rulindo bashyikirije ibikoresho byo mu ngo iyo imiryango 17 yasenyewe n’imvura idasanzwe yaguye mu ijoro rishyira ku wa 17 Mutarama.

Umuyobozi w’Akarere ka Rulindo wungirije ushinzwe imibereho myiza y’abaturage Niwemwiza Emilienne yihanganishije abo baturage ubwo yabashyikirizaga iyo nkunga.

Muri iryo joro hirya no hino mu Karere ka Rulindo haguye imvura nyinshi cyane idasanzwe maze bamwe mu baturage batuye mu Murenge wa Cyinzuzi mu Kagari ka Budakiranya, inzu zabo 17 zitwarwa n’ibitengu amatungo n’ibikoresho byo mu rugo byose bitikiriramo, ndetse n’umukecuru w’imyaka 75 KAMBERA Marcianne akahasiga ubuzima.

Umwe mu baturage basenyewe n’imvura Kabera Stanislas utuye mu Mudugudu wa Nyakabanga yavuze ko kuba yararokotse we n’umuryango we abikesha kuba barumvise imvura ari nyinshi cyane ibitengu bitangiye kwikubita ku mazu bagahita basohoka biruka.

Mu gihe bagiye gutabara umuturanyi wabo wagwiriwe n’inzu basanga n’iyabo iraguye ihitana inka 1 n’ihene 2, ndetse n’ibikoresho byose byo mu nzu.

Nyuma yo gusenyerwa n’imvura Kabera yagize ati: “Ubu nasubiye iwacu mu rugo, mukecuru niwe uducumbikiye, ni uko ari ukubura uko ngira, inzu ye ni ntoya cyane ni ikibazo pe ndi gushakisha uburyo najya gucumbika ahandi.”

Umuyobozi w’Akarere ka Rulindo wungirije ushinzwe imibereho myiza y’abaturage Niwemwiza Emilienne, yihanganishije abo baturage ubwo yabashyikirizaga iyo nkunga anabizeza ko Akarere kazakomeza kubababa hafi.

Ibikoresho abaturage bahawe birimo ibiringiti shitingi imikeka amasafuriya n’ibindi byose hamwe bifite agaciro ka miliyoni zigera kuri 5

Yagize ati: “Ubuyobozi bw’Akarere bwifatanyije namwe mu byago mwagize, ntibyoroshye kubyakira, mwihangane kandi mukomere, ubuyobozi buri kumwe namwe; twabashije kubona ibikoresho by’ibanze mwaba mwifashishije igihe mutarabona amazu, ariko n’ibindi bizagenda biza n’isakaro turaritekerezaho rizabageraho”.

Imiryango yashyikirijwe ibikoresho icumbikiwe n’abaturanyi bagenzi babo, yashimiye cyane MIDIMAR n’Akarere ka Rulindo kuba babagobotse kuko bari mu bihe bikomeye.

Bahawe ibikoresho birimo ibiringiti, shitingi, imikeka, amasafuriya, n’ibindi byose hamwe bifite agaciro ka miliyoni zigera kuri 5.

Ubujura buherutse ni ubw’insiga z’umuriro mu murenge wa Murambi zivana umuriro ku mapoto ziwujyana mu ngo zifite uburebure bwa metero 400.

Insinga zibasiwe cyane ni iz’ikurura umuriro w’amashanyarazi.

Abaturage batuye muri uyu murenge bavuga ko bahangayikishijwe n’ikibazo cy’ubu bujura ku bikorwaremezo baba bashoyemo amafaranga yabo kugira ngo bibafashe kwiteza imbere.

Umunyamabanga Nshingwabikorwa w’Umurenge wa Murambi, Birimabagabo Edouard, yavuze ko aba bajura bagaragaye cyane mu minsi mikuru bakitwikira ijoro, ariko hakaba harafashwe ingamba zo gukaza amarondo.

Agira ati “Abajura bamaze gufatwa ni babiri, batubwiye ko izo nsinga bazigurishije ntazo bagifite; ubu bakaba bari mu maboko ya Polisi iperereza rikaba rigikomeje kugirango hamenyekane n’abandi.”

Yakomeje avuga ko bagiye kongera imbaraga mu gukora amarondo, akaba yanashishikarije abatuye uwo Murenge kwicungira umutekano ubwabo, guhanahana amakuru ku buryo bwihuse, kugira ngo bakumire ubwo bujura n’ikindi cyose cyahungabanya umutekano.

Umukozi ushinzwe gukurikirana ibijyanye n’umuriro w’ amashanyarazi n’amazi mu Karere ka Rulindo Eng Manzi Migeri Joseph ati “Si ubwa mbere hibwa insinga z’amashanyarazi, ubujura bw’insinga z’amashanyarazi bwabaye icyorezo burakorwa hiryo no hino muri aka Karere ndetse no mu tundi turere muri rusange.”

Yavuze ko usibye uyu Murenge wa Murambi, mu minsi ishize hagaragaye ikibazo cy’ubujura nk’iki mu Murenge wa Shyorongi n’uwa Rusiga yo muri aka Karere.

Uretse ubwo bujura bw’intsinga z’amashanyarazi, imvura nyinshi idasanzwe yaguye mu Karere ka Rulindo ku itariki 17 Mutarama 2016 yagushije amapoto atanu yo kumuyoboro w’amashanyarazi Kinihira-Buyoga –Muyanza na Cyinzuzi, ariko amwe akaba amaze gusubizwamo.

Umurambo we bawusanze mu Mudugudu wa Shagasha, Akagari ka Gahororo, mu Murenge wa Buyoga ahagana saa kumi n’imwe n’igice za Mugitondo yapfuye.

Umunyamabanga Nshingwabikorwa w’Umurenge wa Buyoga, Muhigira Antoine, avuga ko nyuma yo gusanga agacupa ka Tsiyoda ubusanzwe yica imbeba iruhande rw’umurambo we baketse ko yiyahuye.

Akomeza avuga ko abaturage batanze amakuru ko nyakwigendera yari yiriwe mu kabari anywa Suruduwire banareba CHAN. Abamubonye bavuga ko yatashye ahagana mu saa tatu yasinze ariko yitwaje agafuka mu ntoki.

Bamwe mu bagenzi bamunyuzeho bataha bavuze ko ngo bamubonye imyenda yari yambaye itose ameze nk’uwari waguye mu kiziba.

Nshingwabikorwa w’uwo murenge avuga ko nta kibazo na kimwe bari bazi nyakwigendera yaba yari afitanye n’uwo bashakanye cyangwa undi uwo ari we wese.

Umurambo w’uwo mugore woherejwe ku Bitaro Bikuru bya Rutongo kugira ngo uzuzumwe mbere yo gushyingurwa.

Kugwa kw’inzu yahitanye uyu mukecuru wo mu Mudugudu wa Nyakabanga Akagari ka Budakiranya, Umurenge wa Cyinzuzi, kwatewe n’imvura nyinshi yaraye iguye mu Karere ka Rurindo.

Inzu yatengukanywe n’inkangu, iratirimuka mu buryo bukomeye, ibisigazwa byayo bigera hepfo mu migunguzi.

Iyi nzu yari yubakishije amatafari ya rukarakara, isakaje amategura, yatengukanywe n’inkangu, bihurirana n’uko ari ahantu hahanamye, ubutaka n’inzu biratirimuka ku buryo bigoye kubona itongo nyirizina.

Iyi mvura yasenye inzu 17 zo mu midugudu itanu yo muri ako kagari, inka imwe n’ihene ebyiri na byo byagwiriwe n’inzu; byose bigapfa.

Ni ahantu hahanamye ku buryo inzu zasenyutse zatengurwaga n’inkangu zikamanukana n’ubutaka.

Iyi mvura yanangije imyaka y’abaturage ku buryo ubuso n’ingano y’ibyangiritse bitaramenyekana.

Abakobwa babiri b’abuzukuru bari hagati y’imyaka 15 na 16 babanaga n’uyu mukecuru ariko bari baraye mu yindi nzu na yo yasenyutse, ngo ahagana saa kumi za mugitondo bumvise itangiye gutenguka, basohoka biruka, bageze hanze basanga iyo umukecuru yarimo imaze kumugwira.

Nyuma, iyo barimo na yo yaguye bayireba.

Mu ndiba y’uyu musozi ni ho ibisigazwa by’amazu byaruhukiraga.

Umunyamabanga Nshingwabikorwa w’Umurenge wa Cyinzuzi, Dusengimana Augustin, yabwiye Kigali Today ko ibyo biza byatewe n’ubutaha bw’aho hantu bukunda koroha, cyane cyane iyo imvura yaguye.

Dusengimana yavuze ko ubuyobozi bugiye kuba bucumbikishirije abahuye n’ibiza, hanyuma bugategura ahantu ho kwimurira abo baturage hari ubutaka bukomeye kandi hatari ku misozi.

Bigaragarira amaso ko aha hantu ari mu manegeka akabije.

Yavuze kandi ko bamaze kugeza iki kibazo kuri Minisiteri ifite ibiza mu nshingano (MIDIMAR) kugira ngo harebwe uko bafasha abahuye n’ibi bibazo.

Uyu muyobozi w’umurenge yavuze ko bagiye kongera ubukangurambaga bwo kurwanya isuri no kureka amazi ku mazu ngo kuko amazi amanuka ku nzu ari yo akenshi yinjira mu nzu z’abantu, akabasenyera.

Iyi mvura kandi yibasiye Umurenge wa Base, aho yasenye ikiraro kiva kuri Centre ya Base kigana ku isoko rya Base ku buryo nta modoka ihanyura cyangwa ngo umuntu apfe gutambuka; umugezi wuzuye.

Muri uyu murenge ho, imvura yasenye urukuta rw’inzu y’uwitwa Muneza Silas, rugwira Biogaz ye, irangirika ku buryo ubu itarimo gukora.

Umunyamabanga Nshingwabikorwa w’Umurenge wa Base, Niyonshuti Aimé, yavuze ko iyi mvura yanarengeye imirima y’icyayi, bakaba bakirimo kubarura kugira ngo bamenye ubuso bw’aharengewe.

Aha ni mu Murenge wa Base. Urukuta rw’Urugo rwaguye rusenya Biogaz.

Muri rusange, agaciro k’ibyangijwe n’iyi mvura ntikaramenyekana.

Minisitiri w’ubuhinzi n’ubworozi Dr. Mukeshimana yasabye abahinzi gukorana ingufu, bagakura amaboko mu mifuka bagakora bivuye inyuma bakabyaza umusaruro amaterasi y’indinganire afata ubutaka bw’ahahanamye.

Minisitiri Dr. Mukeshimana Gerardine n’abashyitsi baha abana igikoma kiva mu byo abahinzi bahinga mu materasi y’indinganire harimo n’ibigori.

Ayo materasi yubatswe ku nkunga y’umushinga LWH (Land Husbandry, Water Harvesting and Hillside Irrigation), ukorera muri aka karere ibikorwa byo gufata neza ubutaka, kuhira imyaka no kubungabunga amabanga y’imisozi biterwa inkunga na Banki y’isi.

Kuwa gatatu tariki 13 Mutarama 2016 abayobozi batandukanye bari bari bakoreye urugendo muri aka karere mu mirenge ya Buyoga, Cyinzuzi na Burega, mu rwego kureba aho kubungabunga bigeze.

ifoto y’urwibutso ya minisitiri w’ubuhinzi hamwe n’abahinzi bo mu ma terasi berekana umusaruro wa bimwe mu byo bahinga.

Umuyobozi w’Akarere ka Rulindo Kangwagye Justus, yasabye abahinzi ko batagomba gupfusha ubusa amahirwe bahawe. Ati “mugomba gukora cyane kugirango icyerekezo 20-50 muzakigeremo muhagaze neza mu bukungu butajegajega.”

Nyirahabimana Annonciata umwe mu baturage bafashijwe n’aya materasi utuye mu Murenge wa Buyoga, yavuze ko ayo materasi yaje ari igisubizo ku bukungu bw’ingo zabo.

Ati “Ubu dusigaye duhinga tukeza, kubera ko ubutaka butagitwarwa n’isuri. By’umwihariko igihingwa cy’ibigori kirera cyane ifu yabyo tuyiryamo ubugari, ndetse n’abana basigaye banywa igikoma byoroshye tukarwanya imirire mibi.”

Abahinzi bamuritse umusaruro w’ibyavuye muri ayo materasi y’indinganire bahinze harimo ibishyimbo, ibirayi, ibigori, imboga, imbuto n’indabo.

Umushinga LWH umaze gutunganya amaterasi y’indinganire mu Karere ka Rulindo ku buso bwa hegitari 1.050, bateganya gutungaya ubuso busigaye bungana na Hegitari 2.150.

Byabaye mu ijoro ryo kuwa mbere rishyira kuwa kabiri tariki 12 Mutarama 2016, ubwo iyi kamyo yo mu bwoko bwa Romoroki (Remorque) yari igeze Murenge wa Rusiga mu Kagari Gako ipakiye amakaziye 134 y’inzoga za mitsingi yari ivanye i Rubavu.

Amakamyo ya Bralirwa akura guhura n’ibibazo mu muhanda uva Kigali werekeza Rubavu (Foto archive).

Umuvugizi wa Polisi akaba n’umugenzacyaha mu Ntara y’Amajyaruguru, CIP Robert Ngabonziza, yavuze ko abo bajura bayisatiriye hafi sa sita z’ijoro basatura ihema ryari ritwikiriye amakaziye bateruramo amwe barayatwara andi ameneka mu muhanda.

Umushoferi wari uyitwaye ari we Nkundumpatse Celestin yitabaje Polisi ihita ihagera, ifatanyije n’abaturage babasha kugarura amakaziye 27 y’inzoga zuzuye Mitzingi n’andi 60 yari arimo ubusa.

Polisi yavuze ko hakibura andi makaziye agera kuri 47 yuzuye inzoga, ariko bamwe mu bajura bakekwaho kwiba izo nzoga Polisi yafashemo babiri mu gihe abandi bagishakishwa.

Uyu musaza yari atuye mu Mudugudu wa Byimana mu Kagari ka Nyirangarama ho mu Murenge wa Bushoki mu Karere a Rulindo.

Umuvugizi wa Polisi akaba n’Umugenzacyaha mu Ntara y’Amajyaruguru, CIP Ngabonziza Robert, avuga ko urupfu rw’uwo musaza rwabaye mu ijoro ryo ku wa 09 Mutarama 2015 mu gihe bari bamubonye ku mugoroba w’iryo joro ari muzima.

Nyuma yo kumubura, mu gitondo cyo ku wa 10 Mutarama batangiye kumushakisha ahantu hose nko mu ma saa moya n’igice za mu gitondo baza kumusanga mu Mudugudu wa Gatenga ari mu ishyamba yapfuye.

CIP Ngabonziza avuga ariko ko ubusanzwe uwo musaza yari ageze mu za bukuru ko yari yarahumye atarebaga neza.

Umurambo we wahise ujyanwa ku Bitaro Bikuru bya Kinihira mu Karere ka Rulindo ngo barebe icyaba cyamwishe.

Umushoramari SINA Gérard ukorera mu Murenge wa Bushoki hazwi ku izina rya Nyirangarama; muri byinshi akora nka rwiyemezamirimo anahinga imbuto za pomme akazihinga ku musozi wa Tare.

Imbuto za Pomme zihingwa n’umushoramari Sina Gerard.

Agira ati “Impamvu mu byo mpinga nashyizemo na pomme ni uko ari urubuto ruhenda kandi rukundwa n’abantu benshi kubera akamaro rufitiye umubiri wacu, ibyo byatumye ntekereza guhinga urwo rubuto maze ntangira ari nk’igerageza.

Naje gusanga rero Pomme ziberanye n’ubutaka nzihingaho zikahishimira, ndetse na climat yacu ni nziza kurizo bituma niyemeza gukomeza kuzihinga kandi nkongera ubuso nazihingagaho kuko zitanga umusaruro mwiza.”

Ku nshuro ya mbere avuga ko ziteze neza kubera ikirere kitabaye kiza, ariko ibyo ntibyanciye intege; ibanga akoresha ngo abashe kweza cyane abone umusaruro mwinshi kandi mwiza w’izo mbuto.

Avuga ko yakomeje kuzihinga agafumbira anashyiraho abakozi bazitaho kandi bize iby’ubuhinzi nawe akazikurikiranira hafi umunsi ku wundi.

Umusaruro wa pomme SINA Gérard abona avuga ko utarabasha guhaza amasoko, bityo akaba ateganya kwagura ubuhinzi bwe maze agahinga pomme nyinshi ku buryo azagera igihe akazajya azikoramo umutobe ukunzwe na benshi.

Umushoramari Sina Gerard unahinga imbuto za pomme abandi batinya guhinga.

SINA Gérard kandi arashishikariza abandi baturage bo mu Karere ka Rulindo guhinga urubuto rwa pomme kuko rwazamura ubukungu bwabo, kandi bakabona isoko ryazo bitabagoye, kuko nawe yajya azibagurira agakoramo umutobe cyangwa se akazicuruza muri Alimentation ye.

avuga ko mu buzima bwe ahora ashakisha kandi atekereza icyo yakora kugirango ave ku rwego agezeho atere indi ntambwe ijya imbere.

Urubuto rwa pomme ni rumwe mu mbuto ziryoha kandi zihenda kuko ku isoko ryo mu Rwanda kuko akenshi rucuruzwa rwaranguwe hanze y’igihugu, ku buryo rugera ku isoko rugurishwa hagati ya 200Frw na 300Frw bitewe n’umwero w’urwo rubuto uko uhagaze.

Nyakwigendera wari atuye mu Karere ka Rulindo mu Murenge wa Murambi mu Kagari ka Gashubi, Umudugudu wa Bubangu, nyuma yo kwicwa bamujugunye mu ishyamba.

Umunyamabanga Nshingwabikorwa w’Umurenge wa Murambi, Birimabagabo Edouard, avuga ko ku cyumweru abantu banyuze iruhande rw’iryo shyamba bigendera ahagana mu ma saa moya n’igice za mugitondo, bahabona umurambo w’uwo mukecuru.

Uwo nyakwigendera yari atuye muri metero zigera kuri 600 uvuye kuri iryo shyamba yajugunywemo.

Ngo yabaga wenyine mu nzu; ariko bamwe mu bakekwaho kumwica harimo n’umuhungu we, bari mu maboko ya Polisi kuri Stasiyo ya Polisi ya Murambi. Polisi ngo ikomeje kugira ngo hamenyekane neza ababa babigizemo uruhare.

Harebwe imirimo itandukanye urubyiruko rwihangiye hagamijwe kwiteza imbere. Imwe muri iyo mishinga harimo ubukorikori, ubuvumvu, ubudozi ubworozi, ubuhinzi ububaji n’ibindi.

Urubyiruko rwitabiriye y’inkera y’imihigo muri Petit Stade y’i Remera.

Hakazatorwamo imishinga 5 yabaye iya mbere izahembwa igahabwa inkunga izabafasha gukomeza kwagura ibyo bakora, Umushinga wa mbere ukazahabwa Miliyoni 3.

Minisitiri ushinzwe urubyiruko Hon. Jean Philbert Nsengimana yashimiye urubyiruko uburyo rwihangira imishinga ibateza imbere; ariko kwihangira imirimo bikaba ari urugendo rugikomeza.

Yakomeje avuga ko urubyiruko rugomba guhitamo neza ibyaruteza imbere kuko guhitamo kw’Abanyarwanda ari wo musingi w’iterambere n’agaciro by ‘Igihugu.

Kuba bahurizwa hamwe ni ukureba aho bageze bahanga imirimo kandi bikazanababera inzira nziza yo kwigira ku bandi bagenzi babo bateye imbere mu kwihangira imirimo hakanatangirwa hamwe ibitekerezo byatuma urubyiruko rurushaho gutera imbere, hakanatangwa inkunga aho bibaye ngombwa.

Umuyobozi wungirije ushinzwe imibereho myiza mu karere ka Rulindo Niwemwiza Emilienne yavuze ko inkera y’imihigo ari igikorwa cyiza kuko urubyiruko rwiga ukuntu rugomba kurwanya ubushomeri rwihangira imirimo aho bibaye ngombwa bakegera BDF (Business Developpement Fund) ikabibafashamo.

Niwemwiza ati “Nko mu karere kacu urubyiruko nirwo rwinshi kurusha abantu bakuru, birakwiye rero ko urubyiruko muri rusange ko rutagomba guta igihe rutegereje ko Leta ariyo izabaha akazi, ko ababa bafite iyo myumvire baba barigukererwa mu gukirigita ifaranga”.

Hon.Minisitiri w’urubyiruko Philbert Nsengimana asura stands urubyiruko rumurikiraho ibikorwa byarwo.

Habonimana Florien uturuka mu Karere ka Rulindo mu Murenge wa Bushoki nawe ari mu bitabiriye inkera y’imihigo, yamuritse ibyo akora bitandukanye harimo icyuma gicunga umutekano kuko iyo hari uwinjiye mu nzu yawe gihita kibikumenyesha kuri telefoni yawe ngendanwa.

Anafite kandi ubuhinzi bw’urutoki n’ubworozi bw’inka n’ingurube. Akaba akoresha abakozi 6; arashishikariza urundi rubyiruko gutinyuka gukora imishinga kuko kwitinya bituma umuntu adatera imbere.

Muri gahunda inkera y’imihigo y’urubyiruko yatangiye uyu tariki 20/12 ikazamara iminsi itatu, urubyiruko ruri guhabwa amahugurwa abongerera ubumenyi nabo bakazahugura abandi.

Iki gikorwa bakoze ku bufatanye na Banki y’abaturage y’u Rwanda, Diaspora yo muri Arusha n’abandi bafatanyabikorwa, bubakiye inzu yo kubamo abo bakecuru batanu mu Murenge wa Cyinzuzi mu Karere ka Rulindo, yatashywe ku mugaragaro ku itariki 25 Ukwakira 2015.

Unity Club “ Intwararumuri” iyoborwa na Nyakubahwa Madamu Jeannette Kagame, ikaba igizwe n’abagore b’abayobozi n’abigeze kuba mu buyobozi.

Iyo nzu bubakiwe bose babanamo yitwa “Impinga Nzima”; ifite agaciro k’amafaranga asaga Miliyoni 38Frw, ariko hatabariwemo ibikoresho bindi byatanzwe.

Igikorwa cybaye kuri uyu wa gatatu tariki 16 Ukuboza 2015 cyari icyo kureba uko izo ncike zibayeho n’uko zimerewe, nk’uko Eustochie Agasaro Sezibera waje ayoboye iryo tsinda yabitangaje.

Yagize ati “Mu izina rye akaba yadutumye ngo dusure aba bakecuru tunabahe impano ya Noheri kandi tubifurize Noheri nziza; nk’uko n’ubundi abana bajya gusura ababyeyi babo; ariko by’umwihariko cyane cyane mu minsi mikuru; kuko natwe turi ari abana babo mu kimbo cy’abana babo babuze muri Jenoside yakorewe abatutsi mu 1994.”

Unity club yabahaye Televisiyo yatanzwe na Diaspora ya Arusha kugira ngo bajye bareba amakuru atandukanye y’ibikorwa bibera mu gihugu be guheranwa n’irungu.

Bahawe byinshi kandi byinshi birimo ibyo kurya, ibyo kunywa, ibitenge byo kwambara, amakanzu y’amabubu, imipira n’inkweto zo kwambara.

Umwe muri abo bakecuru Nyirabahinde Annonciata w’imyaka 57, yavuze ko yishimiye kuba abayobozi bakomeye nka bariya babaha agaciro bakabitaho.

Ati “Kuko ndi incike, mu minsi yashize nabaga mu nzu njyenyine mu bwigunge, nkabura ibitosi sinsinzire, nkabura uwo ntuma amazi, ariko ubu negeranye na bagenzi banjye irungu ryaragabanutse.”

Abo bakecuru basabwe kutigunga bakigirira icyizere, bakareka guheranwa n’agahinda, kuko ari abantu bafite agaciro gakomeye mu gihugu nk’abandi bose, kandi bagomba kwitabwaho.

Byagaragajwe kuri uyu wa mbere mu nama intumwa za rubanda zagiranye n’abaturage bahatuye, aho abo baturage bavuze ko umunsi wo gutora Referendumu ku wa gatanu ku itariki 18/12 ubatindiye kuko ibikumwe barangije kubitegurira yego.

Bamwe mu baturage bahawe umwanya bakavuga icyo batekereza kuri Referendum aho bose bahurizaga ku gutora yego

Mu kuvugurura izo ngingo, hakaba harashingiwe ku busabe bw’abaturage bwagaragajwe ku bwiganze bugera hafi kuri Miliyoni 4; bifuza ko umukuru w’igihugu Paul Kagame yakongera akabayobora; kubera ko hari byinshi yabagejejeho.

Intumwa za rubanda, Senateri Mucyo, Jean de Dieu, yasobanuye ibikubiye; muri iryo tegekonshinga; ryavuguruwe; aho manda y’uzayobora igihugu; kuva mu mwaka wa 2017; izaba ari imyaka 7 ariko izindi manda zizakurikiraho zikazajya zimara imyaka itanu gusa, gutyo gutyo.

Mucyo yakomeje avuga ko n’undi wese waba wujuje ibisabwa; iri tegekonshinga ryakubahirizwa, nawe akaba yakwiyamamaza.

Senateri Mucyo Jean de Dieu yasobanuye ibikubiye muri iryo tegekonshinga ryavuguruwe mu ngingo yaryo y’101 n’iy’ 172

Mukamunana Julienne wasigajwe inyuma n’amateka yavuze ko Perezida Paul Kagame yakoze ibikorwa byinshi byiza by’umwihariko kuko nabo yabahaye agaciro bari barambuwe, akaba yoroye inka nk’abandi muri gahunda ya girinka n’ibindi.

Ati “Tuzamutora kuko kuko tumubuze, amateka yari yaraduheranye twakongera tukayasubiramo tugasubira inyuma”.

Umuyobozi wungirije ushinzwe ubukungu mu Karere ka Rulindo Mulindwa Prosper yavuze ko abasenateri baziye igihe; kuko abaturage bahoraga bibaza aho ibyo banditse basaba inteko ishinga amategeko ku bijyanye n’ihindurwa ry’ingingo ya 101 bigeze.

Abaturage baje kumva ibyahindutse mu itegekonshinga mu ngingo yaryo y’101 n’iy’ 172

Abaturage batandukanye bashimye uburyo Paul Kagame yabayoboye kandi ko yakongera akabayobora muri manda ikurikiyeho.

Abaturage basabye ko aba senateri ko babingingira Nyakubahwa Perezida Paul Kagame akazemera kongera kwiyamamaza bakamutora yego 100%; kugira ngo bakomeze kwihuta mu iterambere, amahoro n’umutekano adahwema kubagezaho.

Byatangarijwe mu Nteko Rusange y’Umuryango FPR-Inkotanyi ku Rwego rw’Akarere ka Rulindo kuri uyu wa 5 Ukuboza 2015 yabereye mu Murenge wa Rusiga, ku Kigo Ndangamuco cyo ku Kirenge.

Abahagarariye abanyamuryango ba FPR kuva ku rwego rw’Akarere kugeza mu mudugu mu nteko rusange y’umuryango.

Umuyobozi wa RPF-Inkotanyi mu Karere Ka Rulindo, Kangwagye Justus, mu Ijambo rye yashimye ibikorwa by’iterambere byagezweho n’abanyamuryango ba RPF-Inkotanyi, bangana na 95% by’abatuye ako karere.

Yabasabye kuba abanyamuryango b’ukuri, kuko kuba umunyamuryango bihera ku mutima, atari ku izina gusa, bityo ko abasobanya bakaba batabarizwa mu muryango wa RPF.

Urubyiruko rwasabwe kutaba indorerezi gusa, ahubwo na rwo rukongera umubare w’abanyamuryango muri RPF mu kwihutisha iterambere.

Ati “Ubumenyi no guhora bahugura abanyamuryango ni ikintu cy’ingenzi bagomba guhora bakora, ndetse bakanahugura n’abandi batari abanyamuryango”.

Bashishikarijwe kuba intore zidasubira inyuma mu mihigo zihaye, kandi bagaharanira kongera umubare w’intore z’Abanyamuryango.

Umuyobozi wa FPR Inkotanyi mu Karere ka Rulindo akaba n’umuyobozi w’ako karere, Kangwagye Justus ,asobanura ibyo umuryango wagezeho n’ibyo uteganya kugeraho.

Bimwe mu bikorwa byagezweho n’Abanyamuryango ba FPR, harimo ubuhinzi bwa kijyambere, uruhare mu kubaka amashuri, imihanda, inganda zikora ibintu bitandukanye, gukwirakwiza amashanyarazi n’amazi mu baturage, kwigisha abaturage gukora imishinga no kwizigamira, byose byagiye bifasha abaturage kwiteza imbere.

Abanyamuryango ba FPR–Inkotanyi biyemeje kurangwa n’imyitwarire myiza kuko ari yo shingiro y’ubutore mu muryango, gufashanya bakihesha agaciro kandi bagafasha n’abakene kubuvamo, dore ko abaturage batuye mu Karere ka Rulindo bari munsi y’umurongo w’ubukene ari 48%.

Basabwe kuzagaragaza ubwitabire bwinshi n’imyitwarire myiza mu matora ari mbere ateganyijwe kandi bakazatora abayobozi bazabagirira akamaro.

Marie Solange Mukashyaka

Ahagana mu ma saa yine n’igice z’amanywa ku wa 30 Ugushyingo 2015 ni bwo uwo mwana yakubise murumuna we agafuni ahita yitaba Imana.

Umunyamabanga Nshingwabikorwa w’Umurenge wa Tumba, Mukeshimana Clementine, avuga ko abo bana bari bagiye kwica ibihumyo mu murima, bitwaje agafuni ko kubicukuza kugira ngo bidacikiramo hagati.

Ngo babonye avoka imanutse mu giti itangiye kubora, maze uwo mwana agiye kuyikubita agafuni ngo ayisature, bihuza n’uko murumuna we yari agiye kuyitoragura amukubita agafuni mu gihorihori ahita apfa.

Umwana w’umukobwa, mubyara w’abo bana bari bajyanye gushaka ibihumyo, avuga ko uwo mwana byamutunguye atigeze abigambirira kuko batigeze banavugana nabi.

Bikimara kubona uwo mwana apfuye, uwamukubise agafuni ngo yahise yiruka ahunga kubera ubwoba n’igihunga, naho uwo mubyara wabo asubira mu rugo yiruka avuza induru atabaza.

Nyina w’abo bana babiri, uwapfuye n’uwishe, avuka yari atetse akaba atamenye igihe abo bana bagendeye n’ibyo bagiyemo, ngo hashize umwanya yumva induru ivuga ngo umwana yishe undi.

Agira ati “Kubyakira ntibyanyoroheye! Ni ibyashatse kuba kuko ubundi iyo bajyaga gukura ibihumyo ntibajyanaga isuka, ariko nyine ntakundi twabigenza.