Imbyino zashimishije abitabiriye igitaramo

Ni igitaramo kirimo kubera mu nzu mberabyombi “Grand Auditorium” ya Kaminuza y’u Rwanda, Ishami rya Huye ku mugoroba wo kuri uyu wa Gatanu, tariki 10 Werurwe 2017.

Iki gitaramo cyitabiriwe n’abanyeshuri ba Kaminuza y’u Rwanda I Huye ndetse n’abandi baturage batuye mu mujyi wa Huye n’inshuti zabo.

Ahagana saa moya n’iminota 10 ni bwo Umutaramyi Rukizangabo Shami Aloys uyoboye ibiganiro yari afashe ijambo asuhuza abitabiriye igitaramo ndetse abamenyesha ko bidasubirwaho Urukerereza rugiye kubataramira.

Hahise Hakurikiraho Umuhanzi Muyango mu ndirimo y’indamutso “Mwiriwe neza”, abantu barishima cyane. Ayisoje habayeho ijambo ry’ikaze ry’Umuyobozi w’Akarere ka Huye ndetse n’ubutumwa bwa Minisiteri y’Umuco na Siporo (MINISPOC).

Umuyobozi w’Akarere ka Huye, Kayiranga Muzuka Eugene, utanze ikaze ku bashyitsi bitabiriye iki gitaramo, avuze ko bishimishije kubona Urukerereza rutaramira Abanyehuye.

Igitaramo cy’Urukerereza muri Huye

Umunyamabanga Uhoraho muri MINISPOC, Lt. Col. Patrice Rugambwa, yavuze ko iki gitaramo kigamije kwibutsa Abanyarwanda uko bavoma ibisubizo mu muco wabo binyuze mu nzira yo guhiga no guhigura.

Yibukije abitabiriye iki gitaramo ko kuba Abanyarwanda basangiye umuco umwe bakwiriye kuwushingiraho bubaka iterambere rirambye.

Ati “Kuba dusangiye umuco ni byo biba amahirwe yo kuwushingiraho tugera ku iterambere rirambye.”

Avuze ko kuba bataramiye i Ruhande ari mu rwego rwo gususurutsa Abanyehuye ariko na none ngo kuko ari ku gicumbi cy’umuco.

Agize ati “Uyu munsi rero twaje kugira ngo uyu muco tuwusubize iwabo w’umuco hano i Ruhande. Guhitamo i Ruhande ntabwo ari ibintu byatugwiririye, bifite impamvu yabyo.”

Lt. Col. Rugambwa yibukije ko ari umwanya mwiza wo kumenyekanisha ibikorwa byiza by’Urukerereza bibumbatiye indangagaciro zo kwigira.

Yagize ati “Uyu munsi rero tukaba twabasuye tuje kubasusurutsa ngo dufatanye namwe gutarama twizihiza umuco wacu tuvomamo ibisubizo, tukigira kuko iyo umuntu yibuze aragenda.”

Urukerereza rwasusurukije abakunzi b’umuco Nyarwanda i Huye

Nyuma y’ijambo rye ritarengeje iminota ine, ubu Urukerereza rurimo gususurutsa mu buryo bushimishije imbaga iteraniye muri Grand Auditorium.

Abitabiriye iki gitaramo baravuga ko kibashimishije.

Mukanyandwi Patricie, umunyeshuri mu mwaka wa gatatu, Ishami ry’Ubukungu muri iyi kaminuza, yagize ati “birashimishije cyane kuba Urukerereza rwaje hano muri Kaminuza.

Icya mbere bidufasha gusobanukirwa umuco tukamenya uko batarama cyane cyane ko iki ari igitaramo cy’Imihigo y’Intore kandi natwe tukaba turi Intore.”

Igitaramo cyitabiriwe n’abakunzi b’Umuco wa Kinyarwanda batandukanye

Yakomeyeje avuga ko cyabafashije gusobanukirwa umuco w’u Rwanda no kumenya uko abakurambere b’Abanyarwanda bajyaga batarama.

Mbere gato y’uko Urukerereza rugaragara mu ngamba z’igitaramo, Abanyeshuri biga umuziki ku Nyundo babanje gususurutsa Abanyeshuye mu ndirimbo zitandukanye zaririmbanwaga ubuhanga n’amajwi atunganye.

Abayobozi bishimiye Imihigo y’Intore z’Urukerereza

kwa Nkusi Godfrey hafatiwe inzoga zidasoreye amakarito 600

Ibi bicuruzwa byiganjemo inzoga zikomeye zizwi nk’ama-liqueurs na za divayi, byeretswe itangazamakuru mu gitondo cyo kuri uyu wa Gatatu, tariki ya 1 Werurwe 2017, i Gikondo ahazwi nka RWANDEX.

RRA yatangaje ko uwo mucuruzi yamenyekanishije igice kimwe cy’ibicuruzwa, ikindi akagihisha agamije kunyereza imisoro.

Tugirumuremyi Raphael, Komiseri wa za gasutamo muri RRA, yavuze ko ibicuruzwa byafashwe mu buryo bwa magendu kuko bitubahirije amategeko y’imenyekanisha.

Tugirumuremyi avuga ko hafashwe amakarito agera kuri 600 y’inzoga z’uwo mucuruzi kandi ngo baracyarimo kugenzura ku buryo umusoro akekwaho kunyereza ushobora kwiyongera.

Yagize ati “Ugereranyije tukaba tubona harimo umusoro ugera kuri miliyoni 70Frw ariko turacyakora imibare tureba n’andi mamenyekanisha yatambutse ko ibibazo nk’ibyo bitagiye bibamo, ku buryo umusoro wanyerejwe ushobora kwiyongera ukaba warenga ndetse n’izo miliyoni 70Frw.”

Ku ruhande rwe, umucuruzi Nkusi Godfrey, yatangarije Kigali Today ko ibyabaye atari ahari kandi ko atari ukunyereza imisoro ahubwo ko byatewe no kwibeshya kuko ibicuruzwa biba ari byinshi cyane.

Cyakora Nkusi ntiyemeranya na RRA ku mubare w’amakarito 600 kuko we avuga ko ari 90.

Inzoga zafashwe zagombaga gusora agera kuri miliyoni 70

Mu gihe kandi RRA ibara miliyoni 70Frw z’imisoro yari inyerejwe, Nkusi we avuga ko iyo misoro itarenga miliyoni 3,5Frw.

Komiseri Tugirumuremyi yavuze ko inzoga zose za Nkusi Godfrey zafashwe zitarakorewe imenyekanisha ry’imisoro zifite agaciro ka miliyoni 120Frw.

Iyo bigenze gutyo, byitwa magendu kandi nyirabyo ntabisubizwa ahubwo Ikigo cy’Imisoro n’Amahoro kibiteza cyamunara.

Iki kigo gisaba abacuruzi kwirinda magendu zinyereza imisoro kuko imisoro ari yo soko y’iterambere ry’igihugu.

Perezida Kagame ubwo yatangizaga inama ku bwikorezi bw’indege.

Yabitangaje ubwo yafunguraga inama Nyafurika ku bwikorezi bw’indege “Aviation Africa 2017”, i Kigali kuri uyu wa gatatu tariki 22 Gashyantare 2017.

Yagize ati “Mu gihe ikirere cyacu cyaba gifunze, biragoye kugira urwego rw’indege urwizerwa,urw’umutekano kandi ruhendutse.

Niba dushaka kwagura ubwikorezi bw’Umugabane bujyanye n’ikoranabuhanga, tugomba kubikora no mu rwego rw’indege kugira ngo duteze imbere ubukerarugendo, ubucuruzi n’ishoramari muri Afurika n’ahandi ku isi.”

Iyi nama yitabiriwe n’impuguke zitandukanye, zirimo izo mu gihugu no mu mahanga.

Yasobanuye ko mu gihe ikirere cy’umugabane wa Afurika cyaba gifunze, byagorana kugira ngo ubu bwikorezi bw’indege butere imbere kandi ngo kugeza ubu ni imwe mu nkingi zikomeye z’iterambere ry’ibihugu.

Mu ngamba zo guteza imbere uru rwego no kongera umubare w’abakoresha indege mu ngendo zabo ku mugabane wa Afurika, harimo nko gukuriraho Viza Abanyafurika batemberera ibihugu by’uyu mugabane, nk’uko u Rwanda rwabikoze.

Perezida Kagame avuga ko izo ngamba n’izindi zo gutanga ubwisanzure mu kirere zidahagije kugira ngo ubu bwikorezi butere imbere ahubwo ko hakwiye kwiyongeraho ubunararibonye n’ubuziranenge muri uru rwego rw’ubwikorezi.

Rwandair yerekanye tumwe mu gushya imaze kugeraho.

Ati “Kuvanaho imbogamizi ni byo ariko ntibihagije. Tugomba kugira ubunararibonye mu bushobozi butandukanye mu rwego rw’indege.”

Yongeyeho ko ubudakemwa mu bwikorezi bw’indege za Afurika bushingiye ku gutanga serivisi zinoze, zigatanga umudendezo ku bakiliya, bigaherekezwa n’imiyoborere isobanutse no kugendana n’ikorabuhanga rigezweho.

Ati “Tugomba rero guharanira gutanga serivise zirenze izo batwifuzaho kugira ngo tubashe gupiganwa ku rwego rw’isi.”

Andi makopanyi nayo yagiye yerekana uko akora.

Iyi nama y’iminsi ibiri yiga ku bwikorezi bw’abantu n’ibintu mu ndege, yitabiriwe n’abantu bagera kuri 550 bavuye mu bihugu 58. Harimo kandi ibigo by’indege 120 n’ibindi 56 bimurika ibikorwa bijyanye n’ubu bwikorezi.

Inama Nyafurika ku bwikorezi bw’indege ibaye ku nshuro ya kabiri nyuma y’iyabereye i Dubai muri Leta Zunze Ubumwe z’Abarabu mu 2015.

Iyi nama iteraniye i Kigali kuva kuri uyu wa 22 kugeza 23 Gashyantare 2017, ikaba ari yo ya mbere ya Aviation Afurika ibereye ku mugabane wa Afurika.

Ibihugu bitatu byari byasabye kwakira iyi nama, ariko u Rwanda rutoranywa kuko rwujuje ibyasabwaga byose kugira ngo iyi nama igenede neza kandi rukaba rwaragaragaje guhanga udushya no gushyigikira ubwikorezi bwo mu kirere.

Kureba andi mafoto menshi y’iyi nama kanda AHA

Iri rushanwa rihuriza hamwe abasizi bakiri bato mu ntego yo kwimakaza uyu mwuga utanga ubutumwa mu ijwi rigamije impinduka mu muryango w’abantu.

Dr Adrea Grieder, uyobora Trans-Poesis, avuga ko ubusizi bufasha nyirabwo kuvuga ibimuri ku mutima, ariko bukaba n’inkingi ikomeye mu iterambere

Dr Adrea Grieder, uyobora Trans-Poesis, avuga ko ubusizi bufasha nyirabwo kuvuga ibimuri ku mutima, ariko bukaba n’inkingi ikomeye mu iterambere ryose, kuko burema impinduka zihereye imbere mu muntu.

Yagize ati “Ntekereza ko ubusizi ari inkingi ikomeye mu iterambere. Iyo ushaka guhindura sosiyete uhera ku muntu, kuko ugomba guhindura umuntu w’imbere kugira ngo ushobore guhindura ubuzima bwe n’umuryango we.”

Uyu Musuwisikazi umaze imyaka 11 mu Rwanda akora ibijyanye n’uburezi ariko akaba yibanda ku busizi, avuga ko imbaraga z’ijambo ry’ubusizi zikomeye cyane mu buryo butuma agera ku ndoto ze.

Agira ati “Nizera ko ubusizi ari inzira yo gusohoza inzozi zawe kuko binyuze mu mbaraga z’ijambo, uvuga ibyo utekereza, uvuga inzozi zawe, uvuga aho ushaka kugana. Ni muri ubwo buryo ubusizi buvuga ikiri mu muntu ariko bukubaka n’iterambere ry’umuryango.”

Abahungu n’abakobwa 12 batoranyijwe ni bo bazahurira i Kigali bavuga imivugo ku nsanganyamatsiko zitandukanye. Intego ikaba ari uguhuza ubusizi bwo ha mbere n’ubw’iki gihe.

Umusizi Tuyisenge Olivier, witabiriye iri rushwanwa ku nshuro ya mbere, avuga ko rigira umumaro wo guha urubuga abasizi kugira ngo bagaragaze impano yabo.

Trans Poesis ni umuryango watangiye gukorera mu Rwanda mu mwaka wa 2015, ukaba ufite intego yo gukura ukagera no mu bindi bihugu.

Mu irushwanwa ngarukagihembwe ry’amezi atatu, “Kigali Itatswe n’Ubusizi”, barushwanwa mu ndimi z’Ikinyarwanda, Icyongereza n’Igifaransa.

Aba mbere bahabwa igikombe kiri mu ishusho ya Nyirarumaga. Uyu yabaye Umugabekazi w’u Rwanda ku ngoma ya Ruganzu II Ndori kandi afatwa nka Nyirakuruza w’abasizi mu Rwanda kuko ari we watangije ubusizi nk’umwuga mu myaka isaga 500 ishize.

Dr Jean de Dieu Basabose uyobora komosiyo "Nzahuratorero"

Iyo komisiyo iyobowe n’abantu batanu barimo batatu bagize nyobozi n’abajyanama babiri.

Itangazo ry’amapaji abiri ryanditswe n’iyo Komisiyo iyobowe na Dr Jean de Dieu Basabose, ryatangiye gucicikana ku mbuga nkoranyambaga mu gitondo cyo kuri uyu wa Kane tariki 19 Mutarama 2017.

Mu bikorwa bashinja ubuyobozi buriho harimo guhatira abakiristo gutanga amafaranga y’imishinga y’itorero, imyitwarire mibi no kwiha ububasha bukomeye kw’abayobozi bakuru bijyana no kwaya umutungo wa ADEPR.

Iyi komite ishinja ubuyobozi buriho gutanga inka za baringa muri gahunda ya Girinka ku bayoboke mu Karere ka Musanze. Bagasaba ubuyobozi gusaba imbabazi Abanyarwanda kuri ayo makosa.

Mu kiganiro na Kigali Today, Dr Basabose, Umuhuzabikorwa w’iyo Komisiyo, yavuze ko ibikubiye muri iryo tangazo ari ukuri kw’abakristo b’Itorero ADEPR bahangayikishijwe n’ibikorwa bidahwitse kandi bigayitse bikorerwa muri iryo torero.

Yagize ati “Turakuze ntabwo twahaguruka ngo tuvuge amafuti.”

Umuvugizi w’Itorero ADEPR, Bishop Sibomana Jean, yabwiye Kigali Today ko ibyo birego nta shingiro bifite, kuko Itorero rya ADEPR ari itorero rifite gahunda kandi ritigeze rizahara.

Bishop Sibomana, umuvugizi wa ADPR, yamaganye iyo komisiyo avuga ko batayizi.

Ati “Umuntu yakwibaza ati ‘Ese Itorero ryarazahaye?’ Ryazahaye rite? Ejobundi turitegura gutaha Dove Hotel, bakavuga ngo itorero ryarazahaye? Umutungo se baravuga ngo tuwukoresha nabi, bigeze baza kudukorera igenzura basanga twarawukoresheje nabi?”

Bishop Sibomana avuga ko iyo komisiyo ayigereranya n’abakirisitu bajya hariya bakavuga ibyo bashaka. Yongeraho ko umutungo w’Itorero rya ADEPR ufite inzego ziwucunga kandi akavuga ko nta kuwaya kwabayeho nk’uko bivugwa muri iryo tangazo.

Ku bijyanye n’ikirego cy’itangwa ry’inka za baringa, iyi komisiyo ishinja ubuyobozi gutanga ibahasha irimo hagati y’amafaranga ibihumbi 70Frw n’I 120Frw, ku miryango yahoze ari iy’abapasiteri binyuze muri gahunda y’“Agaseke” y’iri torero.

Komisiyo ivuga ko ayo mafaranga ari make ku uryo atagura inka, ariko Bishop Sibomana akabihakana.

Ati “Ushobora guhabwa amafaranga ukagenda ukagura itungo, icyo gihe baba baguhaye itungo. Kuko ibyo bavuga ngo niba barahuje abantu bavuye mu rurembo rwose mu ntara yose, ntabwo bagombaga kubagurira inka ngo bazizane hariya ku cyicaro cy’ururembo, abe ari ho bazibahera noneho umuntu uturutse Musanze ayitahane za Kivuye n’ahandi.

Urumva urwo rugendo! Ariko baguhaye amafaranga ahuye n’inka ukagenda ukayigura, baba bamworoje.”

Ku kijyanye n’abahawe amafaranga make atagura inka, Bishop Sibomana yavuze ko atari ukuri kuko icyo gikorwa cyateguwe n’Ururembo rwa ADEPR mu Ntara y’Amajyaruguru kandi ko rwabikurikiranye. Anaheraho yemeza ko nta cyo bishinja ku buryo basaba imbabazi.

ti “Umuntu asaba imbabazi ku cyaha yakoze. Mu gihe nta mutima unshinja icyaha, ntabwo nasaba imbabazi. Kuko niba bavuga ibintu bimeze bityo kandi ntacyo umutima wanjye unshinja, ni iki nasabira imbabazi se? Ni iki cyatuma negura?”

Bishop Sibomana yasabye abayoboke ba ADEPR kudaha agaciro iryo tangazo, kuko ngo nta mwuka mubi uri mu itorero, ahubwo ko ari imyumvire mibi ya bamwe.

“Icyo nabwira abakristo ba ADEPR ni uko nibabona ikintu nk’icyongicyo gikwirakwizwa hirya no hino, bakirinda kuko hari bamwe nyine. Urumva niba itorero rifite abantu bagera kuri miliyoni ebyiri, ntihaburamo umuntu ugira imyumvire ye nk’iyongiyo.”

Komisiyo Nzahura-Torero ivuga ko yafashe umwanzuro wo gushyira ahagaragara itangazo, nyuma yo kwakira amabaruwa agera kuri 700 y’abayoboke ba ADEPR bishyize hamwe bagasaba ko amakosa akorwa n’ubuyobozi bukuru bw’iryo torero yakosorwa.

Dore itangazo rya komisiyo "Nzahuratorero"

Uwayezu Olivier washinze 94Histudio

Uwayezu Olivier, Umuyobozi Mukuru w’iki kigo, avuga ko biri muri gahunda y’iki kigo yo gufasha abantu bafite impano ariko badafite ubushobozi, gutanga ubutumwa bwabo bujyanye no kwibuka Jenoside muri uyu mwaka wa 2017.

Avuga kandi ko iyi gahunda izakomeza no mu yindi myaka.

Mu gutoranya indirimbo 20 bazatunganya iki kigo kizifashisha abahanga mu ndirimbo ndetse n’inzego zishinzwe kwibuka Jenoside, kugira ngo ubutumwa bwazo bube buboneye.

Umunyamabanga Nshingwabikorwa wa IBUKA, Ahishakiye Naphtal, avuga ko iki ari igikorwa cyiza cyo gushima, kuko ari ubwa mbere habonetse ubufasha nk’ubu ku bahanzi batambutsa ubutumwa bwo kwibuka Jenoside.

Yagize ati “Ntekereza ko iki kigo ari icyo gushimwa kuko indirimbo nyinshi zitanga ubutumwa bwo kwibuka, usanga ari abantu ku giti cyabo bafashe iya mbere, bakazikora bagashakisha ubushobozi hirya no hino.”

Umunyamabanga Nshingwabikorwa wa IBUKA Ahishakiye Naphtal

Ahishakiye yaboneyeho kwibutsa abakora ibihangano bijyanye no kwibuka Jenoside kubitegura bitonze kugira ngo ubutumwa bubirimo bube koko buvuga ukuri kuri Jenoside yakorewe Abatutsi.

Ahishakiye yavuze ko IBUKA ishyigikiye cyane ko abantu bajya bafata umwanya bakaganira n’inzego, bakareba ubutumwa bw’ingenzi bukwiriye gutambutswa mu bihangano.

Ati “Icya mbere ni uko indirimbo nk’izo ziba zivuga ukuri kw’ibyabaye muri iki gihugu, ukuri kuri Jenoside yakorewe Abatutsi.

Ikindi ni uko bukwiye kuba ari ubutumwa bufasha abantu kurwanya ingengabitekerezo ya Jenoside ariko bigakangurira n’abantu gushyira hamwe.”

Ikigo 94Histudio cyatanze buruse 10 ku bashaka kwiga amasomo ya filime

Ikigo 94Histudio gifite n’ishuri ryigisha filime riri i Gikondo mu mujyi wa Kigali, cyatanze amahirwe yo kwiga ku buntu ku banyeshuri 10 biga amasomo ya filime y’igihe gito cy’amezi atatu, akazatangira muri uku kwezi kwa Mutarama 2017.

Iki kigo cyashinzwe mu mwaka wa 2008 kigamije kugaragaza ishusho y’u Rwanda binyuze muri sinema, by’umwihariko amateka ya Jenoside yakorewe Abatutsi mu Rwanda mu mwaka wa 1994.

Iki kigo giherereye i Gikondo mu Mudugudu wo kwa Rujugiro

Abayobozi ba BNR batangaje ibi kuri uyu wa Gatatu, tariki 28 Ukuboza 2016, mu kiganiro n’abanyamakuru cyari kigamije gutangaza ibijyanye na politike y’ifaranga ry’u Rwanda ndetse n’ubusugire n’iterambere by’urwego rw’imari.

Guverineri wa Banki nkuru y’u Rwanda John Rwangombwa avuga ko ubukungu bw’igihugu buhagaze neza

Guverineri wa BNR, John Rwangombwa, yavuze ko mu mezi icyenda ya mbere y’uyu mwaka wa 2016 urwego rw’imari mu Rwanda rwakomeje kuzamuka haba mu mutungo ndetse n’imari.

Yagize ati “Twishimiye ko urwego rw’imari ruhagaze neza mu gihugu cyacu. Ibyo tubirebera ku mabanki, ku bigo by’imari iciriritse n’ibigo bidufasha kwizigamira. Muri rusange, iyo urebe umutungo w’ibi bigo warazamutse.”

Guverineri Rwangombwa yatanze urugero rw’uko umutungo w’amabanki wazamutseho 9.8% bingana na Miliyari 2200 Frw.

Uretse amabanki, BNR yavuze ko umutungo w’ibigo by’imari wazamutseho 13.5% naho uw’ibigo by’ubwishingizi uzamukaho 15%.

Ku rundi ruhande ariko, BNR yatangaje ko umubare w’abatishyura inguzanyo wiyongereye, ukava kuri 6.3% muri 2015 ukagera kuri 7.5% mu mezi 11 ya mbere y’uyu mwaka wa 2016.

Guverineri Rwangombwa avuga ko ibyo bidashobora guhungabanya ubukungu kuko imari shingiro iri mu mabanki n’ibigo by’imari mu Rwanda, ibiha ubushobozi bwo guhangana n’ihungabana ryose byahura na byo kuko ngo nubwo hari abatarishyuye inguzanyo, ntibyabujije amabanki gukomeza kunguka.

Mu mezi icyenda ya mbere y’uyu mwaka, ngo banki zungutse miliyari 32 ugereranyije na miliyari 33 zari zungutse mu mwaka ushize, naho ibigo by’imari iciriritse byunguka miliyari 7.1 bingana na 39% ugereranyije n’ayo byari byabonye mu mwaka ushize.

Rwangombwa avuga ko hashingiwe ku bipimo by’ubusugire n’ubudahangarwa by’urwego rw’imari, u Rwanda ruhagaze neza ku buryo nta kibazo rwagira.

Yagize ati “Twishimira ko imari shingiro y’inzego z’imari zacu zose uko zitandukanye, irahagije guhangana n’ibibazo byose zahura na byo. Uyu munsi duhagaze kuri 22.5%, ubundi igipimo ntarengwa cyo kutajya munsi ni 15%.

Tukaba rero tubona nta cyahungabanya amabanki yacu. Ni na ko bimeze mu bigo by’imari no mu bigo by’ubwishingizi muri rusange.”

Ku bijyanye n’ubusugire bw’ifaranga, BNR yavuze ko kugeza mu mpera z’ukwezi kwa 11 uyu mwaka, ifaranga ry’u Rwanda ryatakaje agaciro kugeza ku 9.3% rivuye kuri 6.3% mu mwaka ushize wa 2015.

Guverineri Rwangombwa avuga ko byatewe n’ikinyuranyo cy’ibyo u Rwanda rutumiza mu mahanga bisumba ibyo rwoherezayo, ariko ngo hari ingamba zashyizweho zo guhangana na cyo nka gahunda yo guteza imbere ibikorerwa mu Rwanda, “Made in Rwanda”.

Mu bibazo byabangamiye ubukungu bw’u Rwanda, harimo icy’amapfa cyahungabanyije umusaruro w’ubuhinzi bigatuma ibiciro by’ibiribwa ku masoko bizamuka, ndetse n’ikibazo cy’igabanuka ry’umubare w’abahabwa inguzanyo.

Mu rwego rwo guhangana n’ibyo bibazo, Banki Nkuru y’u Rwanda yafashe icyemezo cyo kuvugurura politike yayo y’inguzanyo ku mabanki ku buryo mu gihembwe cya mbere cy’umwaka wa 2017 izava kuri 6.5% ikagera kuri 6.25%.mu rwego rwo koroheereza amabanki n’ibigo by’imari gutanga inguzanyo kuri benshi.

Muri urwo rwego ariko, BNR isaba ko hanozwa ubwiza bw’imishinga y’abasaba inguzanyo kuko ari byo bitanga icyizere cyo kwishyura bityo ubusugire n’iterambere ry’imari ntibihungabane.

Me Evode Uwizeyimana ahamagarira abanyaruhango guteza imbere akarere kabo

Me Uwizeyimana yatangaje ibi mu nama nyunguranabitekerezo y’Abanyaruhango yateraniye i Kigali tariki 18 Ukuboza 2016.

Iyo nama yigaga ku ngamba zatuma iterambere ry’ako karere rirushaho kwihuta. By’umwihariko n’Abanyaruhango batuye i Kigali bakagira uruhare mu ishyirwa mu bikorwa ry’imihigo.

Me Uwizeyimana, na we uvuka mu Ruhango yavuze ko nyuma abanyaruhango bakwiriye gushyira hamwe bagafasha akarere kabo mu gushyirwa mu bikorwa ry’imihigo.

Yagize ati “Buri wese agire icyo atanga. Si ukuvuga ngo ni mu buryo bw’amafaranga [gusa]. Niba dushobora gufasha abaturage batagira mituweli kuzibona, niba dushobora kujya dukangurira abaturage kuboneza urubyaro.

Tuzamanuka tureke kwicara hano i Kigali, tujye mu karere tuganire n’abaturage twumve ibibazo byabo; aho ikibazo cyabaye tube twakimenya tugikemure.”

Abavuka muri Ruhango baba i Kigali bari bateraniye mu nama ibahuza

Muri iyi nama, Abanyaruhango bakorera muri Kigali n’ahandi, bahise biyemeza gukusanya umusanzu w’amafaranga yo kurihira ubwisungane mu kwivuza abaturage b’ako karere bagera ku bihumbi 29.

Ubuyobozi bw’Akarere ka Ruhango bweretse abakavukamo batuye muri i Kigali, amahirwe mu ishoramari ririmo ubucuruzi, inganda, ubuhinzi n’ubworozi, ubukerarugendo n’ubwikorezi n’ibikorwa remezo nko kubaka amacumbi.

Bakomeza bagaragaza ikibazo gikomeye cy’uburwayi bw’imyumbati bwibasiye aka karere kaza ku isonga mu kweza icyo gihingwa.

Ibyo ngo byagize ingaruka z’ubukene ku baturage benshi bari batunzwe n’imyumbati. Biturutse kuri iyo mpamvu, bamwe bananiwe gutanga umusanzu w’ubwisungane mu kwivuza.

Umuyobozi w’Akarere ka Ruhango, Mbabazi Francois Xavier avuga ko gahunda y’imihigo ari inkingi ikomeye mu iterambere ry’akarere, bityo guhuriza hamwe imbaraga z’Abanyaruhango batuye muri Kigali bikihutisha ibikorwa.

Agira ati “Gutera imbere kw’akarere guca mu nzira nyinshi, ariko inzira y’ibanze ni imihigo, cyane cyane tureba uruhare aba Banyaruhango batuye, bakorera hano i Kigali, bagira mu guteza imbere akarere no kwesa imigiho ku gipimo gishimishije.”

Abavuka mu Ruhango biyemeje kurihira abaturage ubwisungane mu kwivuza

Madame Agatha Rushemeza, umunyaruhango utuye muri Canada ariko wari waje mu Rwanda mu nama y’umushyikirano, avuga ko yishimiye kubona abantu bashyize hamwe ngo bateze imbere akarere kabo.

Uyu mugore yabwiye Kigali Today ko nasubirayo azafatanya n’abandi Banyarwanda bo muri Diaspora, na bo bagashakisha uko bahuza imbaraga zo guteza imbere akarere.

Umuyobozi w’Akarere ka Ruhango Mbabazi Francois Xavier atanga ikaze muri iyi nama

Rwigema Pierre Celestin umudepite muri EALA nawe ni umunya Ruhango

Nyuma y’inama bafashe ifoto y’Urwibutso

Iki gitaramo cyabereye muri Hotel Serena i Kigali ku mugoroba wo kuri iki Cyumweru tariki 20 Ugushyingo 2016, cyitabiriwe n’abantu babarirwa muri 500.

Cyari nk’igitaramo cyo mu muryango kuko nta ruhimbi rusumba imbuga rusange y’abataramyi rwari rwateguriwe abaririmbyi ( Stage), ahubwo abantu bose bari bicaye mu buryo buringaniye.

Hagati hagana imbere ni ho hari hasizwe akanya ku bahaguruka baririmba n’ababyina.

Kayirebwa agisohoka mu rwambariro, yahanitse ijwi aririmba “Indamukanyo”, abantu bose bahita bahaguruka bamugaragariza ko bamwishimiye, arabasuhuza maze akomeza kuririmba agana mu cyicaro cye, aho yari arangamiwe n’abataramyi.

Yari ashagawe n’abataramyi bamuririmbira

Nk’uko byari biteguwe, umwanya munini wahariwe abakunzi ba Kayirebwa barimo abahanzi batandukanye bamuririmbiraga, bamwifuriza isabukuru nziza ndetse no gukomeza kuramba.

Muri abo, hari abaririmbaga indirimbo za Kayirebwa neza bamuhimbaza, ku buryo abantu benshi babanzaga gutekereza ko ari we uziririmbira ariko bagatungurwa.

Kayirebwa na we yanyuzagamo akabakira, maze imbaga y’abari bitabiriye iki gitaramo igahita itera hejuru, bamugaragariza ibyishimo n’urugwiro rwinshi.

Mu bakesheje iki gitaramo, harimo itorero “Inganzo Ngari” zaserutse kigitangira maze zisusurutsa abantu mu ndirimbo, umudiho n’umuhamirizo w’intore.

Mu buryo bw’umwihariko, Kayirebwa yari kumwe n’abahanzi bakuru kandi bakunzwe mu Rwanda nka Muyango, Mariya Yohana na Masamba Intore, bose bamuturaga indirimbo zabo ku isabukuru ye.

Muyango yataramiye Kayirebwa mu ndirimbo no mu mbyino

Mu bahanzi bakiri bato baje gushyigikira Kayirebwa, barimo Jules Sentore, Patrick Nyamitari, Sengabo, Deo Munyakazi n’umusizi Eric 1Key wavuze umuvugo mu rurimi rw’Igifaransa.

Kayirebwa yagiye afata akanya akaganira n’abataramyi, atebya, ariko akanaririmba indirimbo ze zikundwa na benshi, aho yongeye guhamya ko ari umurage yahawe n’ababyeyi kuva akiri muto.

Iki gitaramo cyateguwe nk’ibirori byo kwishimira imyaka 70 Kayirebwa amaze avutse, cyajyanye no kwizihiza umunsi mukuru wa Mutagatifu Cecilia, ufatwa nk’umutwarekazi w’abaririmbyi ku bemera abatagatifu.

Yanyuzagamo akaganira n’abakunzi be

Kayirebwa yabwiye Kigaki Today ko yujuje imyaka 70 tariki 22 Ukwakira 2016, ariko akaba asanzwe yizihiza umunsi mukuru wa Mutagatifu Cecilia tariki 22 Ugushyingo, agakora ibirori aho atuye mu Bubiligi.

Ku isabukuru y’imyaka 70, Kayirebwa avuga ko yifuje kwizihiza umunsi w’uyu mutagatifu w’abaririmbyi ari mu Rwanda kandi ari kumwe n’abakunzi b’inganzo ye, ari na byo yakoze.

Cecile Kayirebwa hamwe n’abo bafatanya, yashinze umuryango udaharanira inyungu witwa “CEKA I RWANDA” ugamije gusigasira umuco Nyarwanda binyuze mu ndirimbo, imbyino n’ibisigo.

Muri iki gitaramo Umuryango "CEKA I RWANDA" uyoborwa na Kayirebwa washimiye kompanyi y’indege ya Brussels Airlines na Kigali Serena Hotel ku nkunga bawuteye kugira ngo iki gitaramo gishoboke.

Intore Masamba na Senateri Tito Rutaremara bizihiwe bacinya akadiho

Ibyishimo byari byinshi muri iki gitaramo

Abakunzi ba Kayirebwa bitabiriye ku bwinshi

Eng. Didier Sagashya (hagati) avuga ko imidugudu izubakwa izaba irimo ibikorwa remezo bikenewe.

Ikigo cy’u Rwanda gishinzwe imiturire (RHA) cyabitangaje tariki 05 Ukwakira 2016, mu kiganiro n’abanyamakuru kijyanye no kwizihiza umunsi mpuzamahanga w’imiturire wizihizwa ku wa mbere ubanza w’Ukwakira.

RHA ivuga ko iyi gahunda igamije gushishikariza abaturage b’icyaro gutura ku midugudu bakazigama ubutaka buhagije butanga umusaruro w’ubuhinzi n’ubworozi.

Umuyobozi Mukuru wa RHA, Eng. Didier Sagashya, avuga ko iyubakwa ry’iyo midugudu riri muri gahunda yaguye yo kubaka iterambere rirambye rishingiye ku miturire myiza.

Agira ati “Ntabwo ari ukumva ngo ni umudugudu w’amazu gusa. Twavuye muri cya kintu cyo kureba umudugudu n’amazu gusa, ugasanga ibindi biribagiranye.”

Iyo midugudu izaba ifatiye urugero ku wa Rweru uri mu Karere ka Bugesera, watujwemo abaturage bimuwe mu birwa bya Mazane na Sharita. Muri iyo midugudu, ikibanza kimwe cyubakwamo inzu enye zibumbiye muri imwe.

Mu Rwanda hagiye kubakwa imdugudu y’icyitegererezo hagendewe kuri uyu wubakiwe abimuwe ku kirwa cya Mazane na Sharita

Eng. Sagashya avuga ko ifite ibikorwa remezo bikenewe, ikazafasha mu gutuza neza abakiri mu manegeka n’abagituye batatanye.

Yakomeje avuga ko hazaba harimo imihanda, amazi n’amashanyarazi, ivuriro n’ishuri, agakiriro n’agasoko, ibiro by’akagari n’umurenge aho bitabaga, ibiraro rusange by’amatungo ndetse na Biogaz.

Muri iyo gahunda, ngo hamaze kuboneka miliyari 30 ari na zo zigiye guherwaho zubaka. Bizageza muri Kamena 2017, buri karere gafite inyubako zizakurikirwa n’ibindi bikorwa remezo.

Muri iyi gahunda ijyana no kubaka ku butaka buto, hatangiye ubukangurambaga bwo kubaka inzu enye zibumbiye muri imwe mu cyaro, naho mu mujyi hakubakwa inzu umunani ziri muri imwe: enye hasi n’izindi hejuru.

U Rwanda rwiyemeje ko kugeza mu mwaka wa 2020, abaturage 70% bamaze gutuzwa neza, aho mu cyaro bazatura mu midugudu naho mu mijyi bave mu kajagari.

Inyubako irimo Hotel CIVITAS yibasiwe n’inkongi y’umuriro.

Igice cyibasiwe n’iyi nkongi cyane ni ihahiro SAHANI Supermarket ry’umugabo uri mu kigero cy’imyaka 34, bigaragara ko byamugoye kwakira ibyamubayeho, nk’uko Umunyamakuru Tabaro Jean de la Croix w’Ibiro Ntaramakuru, KT Press, uri yo abidutangarije.

Ahagana saa kumi n’ebyiri za mugitondo, ngo nib wo abantu batangiye kubona umwotsi mwinshi ucumba uturuka muri iryo hahiro, nyuma gato babona inkongi y’umuriro, batabaza Polisi yahise igoboka bwangu ariko ibicuruzwa byinshi byari byatikiye.

Umucungamari w’iri hahiro, Manirarora Germaine, wahageze saa kumi n’ebyiri n’imota 40, ngo yasanze Polisi yatabaye maze yihutira gukingura avanamo umutamenwa ubikwamo amafaranga ukiri muzima.

Iri hahiro rihiye ryari rimaze amezi agera kuri atatu ritangiye gukorera muri iyi nyubako nyuma yo kwimuka rivuye i Musanze aho ryari rimaze igihe kigera ku myaka itanu.

Birakekwa ko iyi nkongi y’umuriro yaba yatewe n’ibyuma byari bicometse ku mashanyarazi birimo amafirigo.

Iyi nkongi y’umuriro ngo ntabwo yigeze ifata igice cya Hotel CIVITAS nyirizina ndetse na farumasi biri muri iyi nzu.

Iyi nyubako yibasiwe n’inkongi y’umuriro nyuma y’iminsi ine gusa (Ku wa Gatandatu, tariki 2 Nyakanga 2016) Hotel Chez Lando biteganye mu ntera nk’iya metero 100, na yo yibasiwe n’inkongi yatwitse icyumba cy’inama cyayo.

Perezida Kagame asanga intambwe zo kwibohora zijyana n’ibikorwa.

Ibi Perezida Kagame abivugiye i Rweru mu Karere ka Bugesera kuri uyu wa Mbere tariki 4 Nyakanga 2016, mu birori byo kwizihirizwa isabukuru y’imyaka 22 u Rwanda rumaze rwibohoye, byabereye muri ako karere.

Perezida Kagame yavuze ko kwizihiza umunsi nk’uyu byibutsa Abanyarwanda kongera gutekereza ku mpamvu zo kwibohora kugira ngo bakomeze intambwe ziganisha ku bikorwa bibafitiye umumaro.

Yagize ati “Usibye urugamba rw’amasasu n’izindi ntwaro zari zihanganye n’abari bagamije kugirira u Rwanda ibibi, ubu icyo tuba twibuka ni ibyongibyo ariko cyane cyane ukuntu intambwe zo kwibohora zigenda zikurikirana ziganisha ku byifuzo abanyagihugu bafite, twese hamwe.”

Agaruka ku baturage bari batuye ku kirwa cya Mazane cyo mu Murenge wa Rweru bavanywe mu manegeka, bagatuzwa ahantu heza, mu mazu afite ibyangombwa ndetse hari ibikorwa remezo nk’amazi n’amashanyarazi, Perezida Kagame avuze ko kugira ibikorwa by’ibanze ari uburenganzira bw’Umunyarwanda.

Perezida Kagame avuze ko u Rwanda rugeze kure intambwe yo kwibohora kandi rukaba rufite intego y’uko buri wese abona inyungu zo kwibohora, zikamugeraho kandi na we agatanga umusanzu we mu kubaka igihugu.

Yibukije Abanyarwanda ko urugamba rwo kwibohora rugikomeza kandi bakaba bakiri kure cyane, ku buryo bibasaba imbaraga, nta kujenjeka ahubwo bafite inshingano zo kugera ku byiza byose bifuza.

Perezida Kagame yibukije abaturage ko umutekano ari wo shingiro rya byose, bityo ko bose bakwiriye kuwusigasira.

Ati “Icya ngombwa rero ni ukwiha umutekano. Tugomba gukomeza umusingi wo kwiha umutekano, gukora akazi, kuba hamwe tugahora dukorera hamwe, twuzuzanya, twumvikana, dukoresha ibitekerezo biturimo… bikatuviramo imbaraga zituma twakomeza kubaka igihugu cyacu uko tubyifuza.”

yakomeje agira ati "Nzajya mpora mbibutsa iteka ko ntawe ukwiriye guhora atubwira… aduhitiramo… Buri munsi ariko muzahura na bo. Buri munsi muzahura n’abababwira aho bashaka ko mugana…"

Yabasabye Abanyarwanda kujya batinyuka ntibemere kubwirizwa nk’aho batazi kwihitiramo inzira y’aho bagana.

Ati “Umpitiramo ute aho nshaka kugana? Ubu Abanyarwanda ’twaraparanganye’ ku buryo tutazi aho tugana? Abanyarwanda, Abanyafurika dukwiriye kwihitiramo inzira tuganamo, inzira itubereye, inzira iduha ubuzima bwiza. Kwibohora ni no kumenya WOWE, icyo ushaka. Urabihitamo ute? Urabigeraho ute?”

Andi mafoto

Kureba andi mafoto menshi kanda AHA

Imodoka ikoze impanuka, inka enye zihita zipfa. ifoto: Mari Josee Uwiringira/Kigali Today.

Ibi bibaye mu masaha ya saa kumi z’umugoroba wo kuri uyu wa Kane, tariki 23 Kamena 2016, ubwo iyo modoka yari igeze mu Murenge wa Rugarika.

Umunyamakuru wa Kigali Today, Marie Josee Uwiringira, wageze ahabereye iyo mpanuka ikiba, aravuga ko iyo modoka iguye mu Mudugudu wa Kagangayire mu Kagari ka Sheri ko muri Rugarika, abaturage bakaba bahise bakora ubutabazi bw’ibanze, ubwo inzego z’umutekano zari zitarahagera.

Umushoferi yanze gukomeza kumanuka muri kaburimbo, imodoka ayiyobereza mu gahanda gato, ngo adateza izindi mpanuka. Ifoto: Marie Josee Uwiringira/Kigali Today.

Umushoferi Fazili Magenda wari utwaye imodoka abwiye Kigali Today ko imodoka yabuze feri, akabona agiye kugonga imodoka zaturukaga imbere ye, bityo agahitamo guta umuhanda agonga igiti, ari na cyo gihubuye ba kigingi bagakomereka.

Kugeza ubwo twandikaga iyi nkuru, abakomerekeye muri iyo mpanuka bari bakiri bazima, bategereje imbangukiragutabara (Ambulance).

Iyi ni yo modoka ikoze impanuka, inka enye zihita zipfa. Ifoto: Marie Josee Uwiringira/Kigali Today.

Perezida Idriss Deby Itno amaze kugera mu Rwanda. Ifoto: Junior Sesonga/Kigali Today.

Ageze ku Kibuga cy’Indege Mpuzamahanga cya Kigali i Kanombe, Perezida Idriss Déby Itno yakiriwe na Minisitiri w’Ububanyi n’Amahanga, Louise Mushikiwabo ari kumwe n’Umugaba Mukuru w’Ingabo z’u Rwanda, Gen. Patrick Nyamvumba ndetse n’Umuyobozi Mukuru wa Polisi y’u Rwanda, IGP Emmanuel Gasana.

Birashoboka ko Perezida Idriss Déby aje mu Rwanda kureba ku myiteguro y’inama ya 27 ya Afurika Yunze Ubumwe izateranira i Kigali muri Nyakanga 2016.

Uruzinduko rwa Perezida wa Tchad ruje rukurikira urwo Minisitiri w’Ububanyi n’Amahanga w’u Rwanda, Louise Mushikiwabo, yagiriye mu gihugu cya Tchad tariki 13 Kamena 2016, aho yari yagiye kuganira na Perezida w’icyo gihugu ku myiteguro y’iyi nama.

Perezida Idriss Deby Itno yakiriwe n’abayobozi bakomeye barimo Umugaba Mukuru w’Ingabo z’u Rwanda, Gen. Patrick Nyamvumba ndetse n’Umuyobozi Mukuru wa Polisi y’u Rwanda, IGP Emmanuel Gasana. Ifoto: Junior Sesonga/Kigali Today.

Icyo gihe, Minisitiri Mushikiwabo yakiriwe na Perezida w’icyo gihugu, Idriss Deby Itno, unayoboye Umuryango wa Afurika Yunze Ubumwe muri iki gihe, akaba yaramushyikirije ubutumwa bwa mugenzi we Perezida w’u Rwanda, Paul Kagame.

Minisitiri Mushikiwabo yabwiye Perezida Idriss Deby Itno ko u Rwanda rwiteguye neza iyi nama.

Yagize ati “Nazinduwe no gusangiza Perezida Idriss Déby Itno ku myiteguro y’inama. Kugira ngo mubwire ko u Rwanda rwiteguye, ko turimo kunoza ibya nyuma bijyanye n’iyi myiteguro ndetse no kuvuga gake kuri gahunda.”

Kuva tariki 10 kugeza 18 Nyakanga 2016, i Kigali hazabera imirimo y’inama ya 27 y’Umuryango wa Afurika Yunze Ubumwe.

Aha yasuhuzaga umwana wamwakirije indabo. Ifoto: Junior Sesonga/Kigali Today.

Perezida w’Umuryango wa Afurika Yunze Ubumwe aje mu Rwanda muri iyi minsi itagera ku kwezi isigaye ngo inama ya 27 yawo iterane, akurikiye Perezida wa Komisiyo yawo, Dr. Nkosozana Dlamini Zuma, uherutse mu Rwanda tariki 16 Kamena 2016, agashima imyiteguro y’iyi nama.

U Rwanda rumaze iminsi rutegura aho iyi nama izabera. Inyubako ya Kigali Convention Center (KCC) izakira iyi nama, ifite hoteli y’inyenyeri eshanu irimo ibyumba 292 n’icyumba mberabyombi cyakira abantu bagera ku 2500, ibiro byo gukoreramo n’ibindi byangombwa.

Nyuma y’inama ya 27 y’Umuryango wa Afurika Yunze Ubumwe, ubuyobozi bwa Komisiyo yawo bwari buyobowe na Dr. Dlamini Zuma buzahinduka.

Uyu muryango uvuga ko uwo mwanya urimo guhatanirwa n’abakandida batanu, bakaba barimo n’Umunya-Uganda, Dr Speciosa Kazibwe Wandira.

Imodoka yangiritse cyane. Ku bw’amahirwe, nta mwana upfuye.

Umunyamakuru Tabaro Jean de la Croix w’Ibiro Ntaramakuru bya Kigali Today, KT Press , wanyuze ahabereye iyi mpanuka ubwo yari ajyanye umwana ku ishuri, aravuga ko ahagana saa moya n’iminota 10, iyo modoka yamanukaga mu muhanda wa kaburimbo uva i Kanombe werekeza ahitwa kuri "Cumi na Kabiri" ngo yambuke ijya ku ishuri, maze ibura feri.

Umushoferi ngo yagerageje kurwana na yo ayikatisha, iramunanira, yibirandura igana mu muhanda munini Remera - Kabuga, igarama hafi yawo.

Abakomeretse bose bahise bajyanwa kwa muganga byihuse, mu gihe ubuyobozi bw’ishuri bwarimo guhamagara ababyeyi b’abo bana bubibamenyesha.

Umwe mu babyeyi wahahingutse atabaye nyuma yo kumenyeshwa iby’iyo mpanuka, yatangajwe no kubona umwana we n’abandi ari bazima, ibyishimo bivanze n’ubwoba biramurenga maze araturika ararira.

Imodoka yabirindutse. Ifoto: Tabaro Jean de la Croix/KT Press.

Umuvugizi wa Polisi y’u Rwanda, Ishami rishinzwe Umutekano wo mu Muhanda, Spt. Jean Marie Vianney Ndushabandi, yabwiye Kigali Today ko iyo mpanuka yatewe no kubura feri kw’imodokoka koko.

Yavuze ko mu bana 29 iyo Minibus yari itwaye, icumi ari bo bakomeretse byoroheje bakajyanwa ku Bitaro bya Kanombe, kandi ubwo twavuganaga saa tatu n’iminota 14 z’iki gitondo, yatubwiye ko batandatu muri bo bamaze gutaha mu miryango yabo, hakaba hasigayemo abana bane.

Spt. Ndushabandi yavuze ko iyo modoka yari isanzwe itwara abana, ikaba ifite ubwishingizi ndetse yari yarakorewe igenzurwa ry’ubuziranenge bw’ibinyabiziga (Controle Technique).

Kuba Minibus isanzwe izwiho gutwara abagenzi 18 yari itwaye abana 29, uyu muvugizi w’Ishami ry’Umutekano wo mu Muhanda rya Polisi, yavuze ko bidateje ikibazo kuko umubare w’abantu ikinyabiziga gitwara ngo ushingira ku ngano yacyo n’ubwishingizi gifite.

Avuga ko kubera ingano y’abana bato, abana babiri bashobora kwicara mu mwanya wicarwagamo n’umuntu umwe mukuru, bityo ko kuba bari benshi bidateje ikibazo mu gihe bafite ubwishingizi.

Amafoto:

Iyi modoka yibiranduye iragarama. Ifoto: Tabaro Jean de la Croix/KT Press.

Amafoto: Tabaro Jean de la Croix/KT Press.

Nyuma y’ubutabazi bw’ibanze, umuhanda wasukuwe mbere yo kugirwa nyabagendwa.

Umuvugizi wa Polisi y’u Rwanda, Ishami rishinzwe Umutekano wo mu Muhanda, Spt. Jean Marie Vianney Ndushabandi yabwiye Kigali Today ko imirambo y’abahitanywe n’iyi mpanuka yajyanwe mu bitaro, Polisi ikaba ikomeje gushakisha imiryango yabo.

Abandi icyenda bakomerekeye muri iyi mpanuka na bo, ngo bari mu bitaro aho bitabwaho n’abaganga, naho ibinyabiziga byinshi byangirikiye muri iyi mpanuka, byajyanwe hirya no hino mu magaraje kugira ngo bisanwe.

Spt. Ndushabandi yavuze ko iyi mpanuka yatewe no kubura feri kw’ikamyo yamanukaga igana Kicukiro Centre. Iyo kamyo ngo yari yarakorewe igenzurwa ry’ubuziranenge ry’ibinyabiziga (Controle Technique) kandi ngo yari ifite ubwishingizi (Assurance), nk’uko uyu muvugizi wa Polisi yakomeje abitangaza.

Umushoferi wari utwaye iyo kamyo na we ari mu bitabye Imana.

Amafoto:

Ikamyo yateje iyi mpanuka na yo yangiritse cyane.

Polisi yavanye mu nzira ibinyabiziga byari byangirikiye muri iyi mpanuka.

Hangiritse ibinyabiziga byinshi.

Ubutabazi bwatangiye. Abantu ni benshi ku Kicukiro, abenshi ntibarabyakira.

Amafoto: Plaisir Muzogeye

Abiga muri iri shuri bizera kuzahavana ubumenyi mu gukora filime.

Iri shuri ryatangiye i Gikondo mu Karere ka Kicukiro mu kwezi gushize kwa Gicurasi 2016, ngo rifite ubushobozi bwo kwakira abanyeshuri 15 icyarimwe, biga amasomo y’igihe kigufi cy’amezi atatu, bakaba bafite ubumenyi bw’ibanze mu gutunganya filime, abashaka kwimbika bakongeraho ikindi gihe cy’amezi 12.

Umuyobozi Mukuru w’iki kigo, Uwayezu Olivier, avuga ko abiga muri iri shuri bazagira ubushobozi bwo kwandika inkuru ya filime (scriptwriting), gufata amashusho (camera) no kuyatunganya (editing), ndetse no kuyobora filime (Directing).

Uyu muyobozi avuga ko intego nkuru z’iri shuri ari ukubaka ubunyamwuga bushoboza urubyiruko rw’Abanyarwanda kwihangira imirimo mu bijyanye na filime no gutunganya amashusho, ubumenyi bushobora gukenerwa ku mateleviziyo n’ibindi bigo bitunganya amajwi n’amashusho mu Rwanda.

Abiga muri iri shuri bagira igihe cyo kureba filime zitandukanye bakaziganiraho mu rwego rwo kunoza ubunyamwuga.

Intego ya kabiri ngo ni ukubaka ubushobozi butuma Abanyarwanda bakora filime zigaragaza indangagaciro z’umuco nyarwanda ku buryo zishobora kugira impinduka mu buzima bw’abazazireba.

Uwayezu avuga ko mu gihe izo ntego zagerwaho, byakemura icyuho kigaragara ku mateleviziyo atandukanye yo mu Rwanda, aho berekana amashusho menshi n’ibiganiro byo mu mahanga kandi bagakwiriye gukoresha ibyinshi bigaragaza u Rwanda.

Mpore Jean Claude w’imyaka 24, umwe mu banyeshuri biga muri iki kigo, yabwiye Kigali Today ko akurikije ubumenyi yatangiye guhabwa muri iri shuri kandi akabona n’ibikoresho rifite, yizera ko rizamufasha kugera ku ntego yari afite zo gutunganya filime.

Abiga muri iri shuri, biyandikisha banyuze mu buryo bw’ikoranabuhanga rya interineti ku rubuga rw’ikigo.

Uwayezu Olivier, Umuyobozi Mukuru w’Ikigo 94Histudio, avuga ko batanga ubumenyi buzashoboza abahiga gukora filime nziza.

Ikigo 94Histudio ngo gifite intego yo kwigisha abanyamwuga b’Abanyarwanda bakora filime nziza kandi zigurishwa cyane ku buryo urwego rwa Cinema mu Rwanda rushobora kuzaza mu nzego zitanga imisoro myinshi mu gihugu.

Ikigo 94Histudio gikorana n’umufatanyabikorwa e-Ga Media, ikigo kizwiho ubuhanga mu kwigisha no gukora ibya filime cy’i Hollywood mu Mujyi wa Los Angeles, i California muri Leta Zunze Ubumwe za Amerika.

Iki kigo cyashinzwe mu mwaka wa 2008 kigamije kugaragaza ishusho y’u Rwanda binyuze muri sinema, by’umwihariko amateka ya Jenoside yakorewe Abatutsi mu Rwanda mu mwaka wa 1994.

Bafite ibikoresho bigezweho.

Igitaramo cyo kwizihiza iyi sabukuru cyabereye i Huye ku mugoroba wo kuri iki Cyumweru, tariki 1 Gicurasi 2016, kikaba cyitabiriwe na bamwe mu bahoze mu Itorero Isheja, abaritoje ndetse n’abariyoboye

Abagize Itorero Isheja n’abarihozemo bitabiriye iki gitaramo.

Iri torero rigizwe n’urubyiruko rwiga muri kaminuza, rifite umwihariko wo kuririmba no kubyina IKINYEMERA, injyana y’imbyino zishinze imizi mu Burengerazuba bw’u Rwanda, by’umwihariko mu bice bya Bigogwe.

Urubyiruko, rwinshi rukomoka mu bice by’Iburengerazuba n’agace gato k’Amajyaruguru, mu mwaka wa 1995 rwiyemeje gushinga Itorero ISHEJA mu yahoze ari Kaminuza Nkuru y’u Rwanda, kugira ngo bongere basubire ku isoko y’umuco wo gutarama Kinyarwanda warangwaga mu miryango yabo.

Ibi ngo babikoze kugira ngo badahugira mu bindi gusa, bakibagirwa umuco wabo.

Umusaza Nina Gakwisi yitabiriye igitaramo cy’Isheja. Bamufata nk’umutoza w’ikirenga wabo.

Umuyobozi w’Itorero Isheja, Nsababera Gervais, yavuze ko bishimira ko mu myaka 20 iri torero rimaze ribayeho, babashije gusigasira umwihariko wabo wo gutarama ku buryo aho bataramiye hose, umuntu ashobora kumenya uwo mwimerere ubaranga kandi ushimisha abataramyi.

Itorero Isheja ryibanda ku mbyino z’IKINYEMERA, umurindi n’umudiho, gushyenga, kunyobanwa, kwivuga no kuvuga amazina y’inka.

Mu bitabiriye iki gitaramo barimo abigeze kuyobora iri torero nka Musafiri na Sezirahiga ndetse n’umusaza Nina Gakwisi (waririmbye IKIGORI), akaba afatwa nk’umutoza w’ikirenga w’iri torero.

Umunyamakuru wa Kigali Today, Roger Marc Rutindukanamurego uri i Kanombe ku Kibuga cy’Indege aravuga ko Abanyarwanda bagera kuri 13 bahageze ku isaha ya saa kumi n’ebyiri z’uyu mugoroba, bavugana n’itangazamakuru ahagana saa moya.

Abanyarwanda 13 bamaze kugera ku Kibuga cy’Indege i Kanombe.

Aba Banyarwanda baje bahunga urugomo rumaze iminsi rukorerwa Abanyarwanda muri Zambia.

Mu bageze ku Kibuga cy’Indege i Kanombe harimo umuryango ugizwe n’umugore, umugabo n’umwana, naho abandi ni umuntu ku giti cye.

Aba bahungutse barasenyewe n’imitungo yabo irasahurwa, bahungira kuri Ambasade y’u Rwanda muri Zambia bakaba bari bahamaze iminsi itandatu.

Leta y’u Rwanda yiyemeje gufasha aba Banyarwanda gutaha mu ngo zabo, by’umwihariko umunani bataha muri Kigali naho batanu baha kure, baracumbikirwa na MIDIMAR, ikazabafasha kugera mu miryango yabo kuri uyu wa Mbere tariki 25 Mata 2016.

Ni abana bagera ku 120 bari hagati y’imyaka itatu n’itandatu y’amavuko. Abenshi bavutse ku bakobwa b’imfubyi za Jenoside yakorewe Abatutsi, nyuma baza kugenda batwara inda batateganyije kubera imibereho mibi babaga barimo.

Miss Mutesi Jolly yahaye abana b’incuke amata ahita yiyemeza kubakamishiriza mu gihe cy’umwaka wose.

Miss w’u Rwanda wa 2016 yahaye ubufasha abana nyuma yo kubasura muri uwo muryango ubwo yari yitabiriye igikorwa cy’umuganda rusange usoza ukwezi kwa Werurwe 2016, agashima igitekerezo cya Albert Musabyimana wiyemeje kubahuriza hamwe, maze na we yumva agize igitekerezo cyo kubafasha.

Ubwo yageraga aho aba bana bari muri “Peace and Hope Initiative”, Miss Mutesi yasangiye na bo amata mu rwego rwo kubereka ko abifuriza ibyiza, maze atanga n’inkunga yo kubakamishiriza mu gihe cy’umwaka wose, uhereye muri iyi Mata 2016.

Aganira na Kigali Today, Miss Mutesi Jolly, yavuze ko impamvu yatekereje gusangira no gukamishiriza amata aba bana ari uko amata asobanuye “Umugisha” mu muco nyarwanda. Kuri we ngo bikaba kwifuriza umugisha aba bana bato no kubaremamo icyizere cy’uko imbere habo ari heza.

Miss Mutesi kandi yavuze ko azakorera ubuvugizi uyu muryango “Peace and Hope Initiative” kugira ngo abantu bamenye ko ukora ibikorwa byiza, bajye bawufasha mu kwita kuri abo bana.

Ubundi buvugizi avuga ko azakora ni ubujyanye no gushakira abana barangiza amashuri y’incuke muri uwo muryango, kubona amashuri abanza abakira, bagakomeza kwiga neza batadindiye.

Umunyarwanda Albert Musabyimana warokotse Jenoside yakorewe Abatutsi, yagize umutima wo guhuriza hamwe abo bana no kubashingira umuryango w’amahoro n’icyizere mu mwaka wa 2012, nyuma yo kubona ko abo bari babayeho nabi nta n’uburezi babasha kubona bakiri bato.

Miss Mutesi Jolly na Albert Musabyimana washinze umuryango "Peace and Hope Initiative", hamwe n’abana b’incuke biga muri uyu muryango.

Icyo gihe, yashyizeho uwo muryango urimo ishuri ry’incuke, aho biga bagaburirwa bakanahabwa ubundi bufasha butuma babaho neza.

Nyuma, yaje no kwakira abandi bana b’incuke b’i Kinyinya baturuka mu miryango itishoboye kugira ngo bitabweho.

Andi mafoto:

Nyampinga Mutesi Jolly yari yishimanye n’abana.

Nyampinga Mutesi yasuhuzanyaga n’ababyeyi b’abana.

KANDA HANO urebe andi mafoto menshi ya Miss Mutesi Jolly ari kumwe n’abana i Kinyinya.

Amafoto: Plaisir Muzogeye

Iki gitaramo cyabereye mu nzu izwi nka Grand Auditorium ya Kaminuza y’u Rwanda i Butare mu Ntara y’Amajyepfo, cyatangiye ahagana saa mbili n’iminota 50 z’ijoro.

Itorero Indangamuco riri mu gitaramo "Umurage w’Ijambo" ryizihiza isabukuru y’imyaka 20 rivutse.

Umuyobozi w’iri torero, Imanishimwe Berchimas yatangiye ashimira abitabiriye iki gitaramo, abakumbuza umurindi w’Indangamuco.

Nyuma y’agakino gato k’ubutumwa bwo kwimakaza umuco Nyarwanda bitiriye “Umurage”, hahise hakurikiraho indirimbo iranga Indangamuco, maze basuka umudiho wasusurukije abateraniye muri Grand Auditorium.

Abahungu n’abakobwa b’indangamuco bakwiriye urubuga rw’urubyiniro rw’iyi nzu ku buryo, mu bigaragarira amaso, ubona ko ari igitaramo bateguye neza.

Amafoto:

Aba ni abakobwa b’Indangamuco mu gitaramo "Umurage w’Ijambo"

Abateraniye muri Grand Auditorium bari mu gitaramo cy’Indangamuco.

Aha baravuza ikondera.

Mu gitaramo "Umurage w’Ijambo", Indangamuco zageze mu mfuruka z’umuco Nyarwanda.

Abakobwa b’Indangamuco baraberewe mu gitaramo.

Ubwo butaka ni hegitare 20 u Rwanda rwahawe n’igihugu cya Djibouti mu mwaka wa 2013. Iki gihugu giherereye mu ihembe rya Afurika gikora ku byambu bibiri bikomeye birimo Icyambu cya Djibouti n’Icyambu Mpuzamahanga Dubai-Djibouti (Dubai World Djibouti International Port).

Perezida w’u Rwanda, Paul Kagame na Perezida wa Djibouti, Ismail Omar Guelleh, mu kiganiro n’abanyamakuru ku wa 5 Werurwe 2016.

Perezida Kagame yabwiye abikorera ko nubwo ubu butaka buri mu bilometero 2088 uvuye Kigali, byenda gukuba kabiri intera iri hagati ya Kigali n’icyambu cya Dar-es-Salaam (km1400), bushobora guha amahirwe akomeye ubucuruzi bw’u Rwanda.

Mu kiganiro n’itangazamakuru yagiranye na mugenzi we Perezida wa Djibouti, Ismail Omar Guelleh, Perezida Kagame yagize ati “Ubu butaka buramutse butunganyijwe, twagira amahirwe n’inyungu mu nzira zitandukanye zirimo kububyaza umusaruro mu kugeza ibicuruzwa biva mu Rwanda ku byambu.”

Iki kiganiro cyabaye kuri uyu wa Gatandatu, tariki 5 Werurwe 2016, mbere gato y’uko Perezida Omar Guelleh, asoza uruzinduko rwe rw’iminsi ibiri yagiriye mu Rwanda.

Perezida Kagame yasabye abikorera kubyaza umusaruro ubutaka bw’u Rwanda buri muri Djibouti.

Perezida Kagame yavuze ko ibicuruzwa by’u Rwanda byajya bigezwa ku byambu na Sosiyete y’Indege y’u Rwanda, RwandAir, imaze kugaragaza intambwe mu bwikorezi bwo mu kirere.

Perezida Kagame asanga ubu butaka bwaba isoko y’impinduka ku bucuruzi bw’u Rwanda mu gihe igihugu cya Djibouti gikora ku kigobe n’ibihugu by’Abarabu.

U Rwanda rurangamiye gukorana ubucuruzi bukomeye n’ibihugu by’Abarabu, ruhereye kuri Leta Zunze Ubumwe z’Abarabu (United Arab Emirates).

Mu buryo bw’umwihariko, ikawa, icyayi, imboga n’indabo ndetse n’amabuye y’agaciro; biri ku isonga mu byo u Rwanda rushaka gucuruza muri ibi bihugu by’Abarabu.

Perezida Kagame yavuze ko ibihugu byombi bizahuza imbaraga mu kureba uko ubwo butaka bwatanga umusaruro, ariko agaragaza ko intambwe ya mbere ikwiye guterwa n’abikorera bo mu bihugu byombi.

Yagize ati “Turifuza ko abikorera bafata iya mbere mu kugaragaza imbaraga, [Leta] tukaba abafatanyabikorwa.”

Perezida Omar Guelleh ngo yanyuzwe n’ibiganiro yagiranye na Perezida Kagame.

Perezida wa Djibouti, Omar Guelleh, yavuze ko yaganiriye na Kagame inzira nyinshi zatuma ibihugu by’u Rwanda na Djibouti birushaho kubana neza no gukorana bya bugufi, kabone nubwo hari intera ndende hagati yabyo.

Yagize ati “Twaganiriye uburyo bushoboka twahuza gahunda zacu mu nzego zitandukanye zirimo ikoranabuhanga n’Itumanaho, imihanda n’inzira za ‘Gari ya Moshi’ n’utundi dushya tujyanye na byo.”

Yongeyeho, ati “Twanyuzwe n’ingingo zose twaganiriyeho na perezida [Kagame] muri iki gihugu cyiza.”

Minisitiri w’Ububanyi n’Amahanga w’u Rwanda n’uwa Djibouti bagiranye amasezerano y’imibanire myiza mu bya dipolomasi.

Aba baperezida bombi biyemeje gukomeza intambwe mu bubanyi n’amahanga n’ubucuruzi, babihamirije mu masezerano ajyanye n’imibanire myiza y’ibihugu yashyizweho umukono na ba minisitiri bashinzwe ububanyi n’amahanga mu bihugu byombi.

Ku bijyanye n’ubucuruzi, amasezerano yashyizweho umukono hagati y’Umuyobozi w’Ikigo cy’u Rwanda cy’Iterambere (RDB) na Minisitiri w’Ubukungu n’Imari wa Djibouti.

Guverinoma y’u Rwanda yahaye igihugu cya Djibouti ubutaka bwa hegitare 10 mu kibanza kiri mu Gace Kahariwe Inganda, i Masoro mu Mujyi wa Kigali.

Ba Perezida Kagame na Omar Guelleh bakurikiranye isinywa amasezerano hagati y’Umutyobozi wa RDB (Rwanda) na Minisitiri w’Ubukungu n’Imari wa Djibouti.

Abayobozi bakuru mu Rwanda bitabiriye ibiganiro Perezida Kagame na Omar Guelleh bagiranye n’itangazamakuru.

Iyi nama mpuzamahanga u Rwanda rugiye kwakira ku nshuro ya kabiri ku mugabane wa Afurika (nyuma ya Afurika y’Epfo), ifite intego yo guha imbaraga umugore n’umuryango binyuze mu burezi, kubakana no guteza imbere ishoramari rikozwe n’umugore.

Umuyobozi wa "Kora Associates", Mireille Karera, unakuriye ibikorwa byo gutegura iyi nama.

Iyi nama ni imwe mu zitegurwa n’Ihuriro WIN (Women Information Network) rikorera hirya no hino ku isi, rigamije iterambere ry’umugore mu nzego zitandukanye.

Ku bufatanye bw’Umuryango Kora Associates, New Faces New Voices, Ikigo Mpuzamahanga cy’Imari cya Banki y’Isi n’Ihuriro ry’Abagore bikorera, iyi nama yateguwe mu rwego rwo gukangurira abagore kuba ku isonga mu guhanga udushya tugamije impinduka ziganisha ku cyerekezo 2020.

Umuyobozi w’Ikigo “Kora Associates” ari na we ukuriye iki gikorwa, Mireille Karera, yabwiye Kigali Today ko iyi nama igamije guhuriza hamwe abagore bafite ijambo mu nzego zitandukanye kugira ngo bakangure ibitekerezo by’abagore byavamo imishinga y’iterambere.

Karera yavuze ko abo bagore bazagira urubuga rwo gusangiza ubumenyi abandi ku bisubizo birambye byubaka ubushobozi bw’umugore mu bukungu n’ishoramari.

Avuga ko ari umwanya mwiza wo kugaragariza abagore b’impande zinyuranye z’isi ibyo u Rwanda rwagezeho nyuma ya Jenoside yakorewe Abatutsi mu Rwanda mu 1994 ndetse hakazabaho no gushyigikira ishoramari rikozwe n’abagore.

Inama y’Abagore ku rwego rw’Isi izabera i Kigali mu Rwanda, tariki 8 Werurwe 2016.

Ibyo birimo guhemba abagore bakoze imishinga igaragaza udushya mu iterambere ndetse no guhemba abagore b’intangarugero mu ishoramari kuko batinyura bagenzi babo.

Iyi nama y’Abagore ifatwa mu zikomeye ku rwego rw’isi, ngo izafasha abagore gusobanukirwa uko bahangana n’ingorane bahura na zo mu buzima busanzwe no mu ishoramari.

By’umwihariko, bazigira ku buhamya bw’abagore bateye imbere mu ishoramari, basobanurirwe uko bacunga imishinga, uko bagura ubucuruza n’uko babona amahirwe mashya ajyanye n’ishoramari bakora.

Umuryango “Global Women’s Summits” washinzwe mu mwaka wa 2009 muri Leta Zunze Ubumwe za America. Kugeza ubu, ukorera mu bihugu 22 ku isi birimo n’u Rwanda.

Iyi raporo ikozwe bwa mbere na AfDB ku bipimo by’ibihugu bya Afurika mu kudasaba viza Abanyafurika babyinjiramo (Africa Visa Openness Index 2016), igaragaza ko ibihugu by’umugabane wa Afurika bigisa n’ibifungiranye mu rwego rw’imigenderanire bitewe n’inzira zo gutanga viza zitinda.

Banki Nyafurika itsura Amajyambere (AfDB) yashimye u Rwanda ku bwa politike yo korohereza VIZA Abanyafurika barugana.

Cyakora, ishima u Rwanda kuri politike yarwo yo kwemerera Abanyafurika barugana, kwinjira bidasabye viza ahubwo bakayihabwa bakigera mu gihugu ako kanya.

Moon Mutopola, Umuyobozi muri NEPAD, avuga ko gushyiraho politike yo korohereza abinjira mu gihugu bidasabye viza, ari amahirwe y’iterambere atarakorwaho.

Impuguke zavuze ko iyi politike y’u Rwanda irimo kurufasha mu muvuduko w’iterambere rurimo wo kuzageza muri 2020 ari igihugu gifite ubukungu buciririrtse.

Mu rwego rwo guteza imbere iyi politike, u Rwanda rwavanyeho viza z’akazi ku baturage bose bo mu bihugu bigize Umuryango wa Afurika y’Iburasirazuba (EAC), bituma abagera ku bihumbi 12 babonera ibyo byangombwa mu Rwanda nta kiguzi bibasabye.

Na none kuba u Rwanda, Kenya na Uganda byaremeranyijwe ko abaturage babyo bashobora gutembera bakoresheje indangamuntu gusa, byazamuye ubucuruzi bwambukiranya imipaka ku kigero cya 50%.

Umuntu ufite viza y’ubukerarugendo ya kimwe muri ibi bihugu, agera mu bindi bisigaye ari yo agikoresha. Ibi byongereye umubare w’abakerarugendo basura u Rwanda ku kigero cya 17% mu mwaka wa 2015.

Muri iyi myaka, u Rwanda rugaragaza ingufu mu guteza imbere ubukungu bushingiye ku bukerarugendo, ingufu n’ubucuruzi bwambukiranya imipaka, bityo koroshya ibya viza ikaba imwe mu nzira zo kubigeraho.

Ikigo cy’u Rwanda gishinzwe Iterambere (RDB) kigaragaza ko kugeza ubu, Abanyarwanda 24.5% ari bo babasha kubona ingufu z’amashanyarazi.

Guverinoma y’u Rwanda ifite intego yo kugeza amashanyarazi ku baturage bose; igateganya ko bizageza muri 2017/2018 zigeze kuri 70% kandi inyubako za Leta zose zifite amashanyarazi.

Mu rutonde rw’ibihugu 20 bya mbere AfDB yagaragaje bidasaba viza Abanyafurika, u Rwanda ruri ku mwanya wa cyenda ruhuriyeho n’Ibirwa bya Maurice.

Raporo igaragaza ko Abanyafurika bakora ingendo, bakenera guhagurukana viza kugira ngo babashe kugenda muri 55% by’ibihugu bya Afurika.

Igaragaza ko muri 25% by’ibihugu bya Afurika, ari ho gusa bashobora kubona viza bahageze; bivuze ko ari byo bihugu byemerera Abanyafurika kubyinjiramo nta viza.

Iyi raporo yanagaragaje ko hari ibihugu bya Afurika bibarirwa muri 20%, abakora ingendo batifuza viza zo kubijyamo ku bw’impamvu zitandukanye.

Ahagana saa 22:54 (saa yine z’ijoro) zo kuri uyu wa 18 Ukuboza ni bwo Perezida wa Komisiyo y’Igihugu y’Amatora, Prof. Kalisa Mbanda atangarije kuri Radio na Televiziyo by’u Rwanda ko abagera kuri 98,1% mu turere 21 bari bamaze kubaruramo amajwi, batoye YEGO.

Ibyavuye muri tumwe mu turere twamaze kubarurwamo amajwi.

Prof. Mbanda avuga ko nubwo imibare yose itaratangazwa, aho byerekeza ari uko YEGO izatsinda naho OYA igatsindwa.

Umunyamabanga Nshingwabikorwa w’uru rwego, Charles Munyaneza, wari kumwe na Perezida wa Komisiyo y’Amatora, asobanuye ko gutsinda kw’iyi Referandumu bisaba ko haboneka amajwi 50% wongeyeho ijwi 1% (mbese 51%).

Kuba rero muri 70% by’uturere tw’u Rwanda (uturere 21) hamaze kugaragara ko abasaga 98% batoye YEGO bitanga icyizere cy’uko izatsinda.

Komisiyo y’Amatora isobanuye ko ibitangajwe bidatanga ishusho ndakuka y’ibyavuye mu matora kuko hakiri uturere 9 tutaramenyekana ibyatuvuyemo.

Prof. Mbanda avuze ko imibare y’ibyavuye mu turere twose izatangazwa bitarenze saa tanu z’amanywa yo kuri uyu wa Gatandatu, tariki 19 Ukuboza.

Mu gutangaza aya majwi, Komisiyo y’Amatora ishimiye abafatanyabikorwa batandukanye bagize uruhare kugira ngo aya matora abashe kugenda neza.

Turakomeza kubagezaho ibiva mu tundi turere uko bitangazwa

Perezida Paul Kagame mu gitondo cyo kuri uyu wa 18 Ukuboza 2015, yitabiriye itora rya Referandumu igamije kuvugurura Itegeko Nshinga.

Perezida Kagame n’umuryango we bakigera ku biro by’itora.

Perezida Kagame watoreye ku biro by’itora bya APE Rugunga, yari aherekejwe na madamu we Jeannette Kagame ndetse n’umukobwa we Ange Kagame.

Abajijwe n’itangazamakuru icyo avuga kuri referandumu, Perezida Kagame yavuze ko ibiri kuba ari amahitamo y’Abanyarwanda kandi bikaba biri mu bushake bwabo.

Aha Perezida Kagame yari akigera mu Biro by’Itora.

Perezida Kagame yabajijwe niba, mu gihe Itegeko Nshinga rishya ryatorwa, yakwemera ubusabe bw’Abanyarwanda bwo kongera kwiyamamaza muri 2017, avuga ko atabizi. Yagize ati “Ntabwo mbizi. Tuzabimenya igihe nikigera.”

Mu byumweru bishize, Perezida Kagame yavuze ko nyuma y’ibiza kuva mu itora rya referandumu ari bwo azatangaza aho ahagaze ku kuba yakwiyamamaza muri 2017, nk’uko abaturage bakomeje kubimusaba.

Aha bamwerekaga urupapuro rw’itora.

Amaze gutora kuri uyu wa Gatanu, Perezida Kagame yabwiye itangazamakuru ko ashobora kugira icyo abivugaho “igihe icyo ari cyo cyose.”

Hafi miliyoni 4 z’Abanyarwanda bemerewe gutora, basabye ko Itegeko Nshinga ryo mu 2003 rivugururwa, by’umwihariko ingingo ya 101 yashyiraga imbago kuri manda 2 z’Umukuru w’Igihugu zidashobora kongerwa.

Perezida Paul Kagame atora Referandumu.

Abatanze ubwo busabe bagaragaje ko bifuza gukomeza kuyoborwa na Perezida Kagame, bavuga ko yagejeje u Rwanda ku iterambere ridasubirwaho mu nzego zose.

Madamu Jeannette Kagame na we yajyanye n’umugabo we gutora Referandumu.

Perezida Kagame nyuma yo gutora yaganiriye n’abanyamakuru.

Iri torero ryatangiranye n’urugendo bakoze baturutse kuri Stade Amahoro berekeza mu kigo cy’iteroro cya Nkumba, kuri uyu wa kane tariki 3 Ukuboza bakazagaruka tariki 10 Ukuboza 2015.

Bahagurukiye kuri Stade amahoro i Remera.

Bari baherekejwe na Polisi y’igihugu.

Abanyamakuru bagaragaraga nk’abishimiye kujya guhugurwa ku ndanga gaciro z’umuco Nyarwanda.

Imodoka zari zibatwaye ni uko zari zikurikiranye.

Aha bari bageze mu Nzira za Nyirangarama.

Aha bari bahagaze bari kuruhuka abandi bagura ibyo gufungura.

Umunyamakuru wa Kigali Today, Roger Rutindukanamurego (wambaye umupira utukura) nawe arahari.

Abanyamakuru batandukanye bakigera i Nkumba.

Bakigera mu kigo cya Nkumba.

Imyenda bazaba bambaye mu ngando irabategereje,