Edouard Bamporiki umuyobozi w’itorero ry’igihugu

Ibi akaba yabitangaje kuri uyu wa 8 Ukuboza 2017 ubwo yashyikirizwaga impamyabumenye isoza amashuri y’icyiciro cya gatatu cya kaminuza “Masters” ,muri kaminuza yigenga ya Kigali (ULK), hamwe n’abandi banyeshuri biganaga.

Yagize ati “ngiye gukora ubushakashatsi ku mitekerereze y’abakoze Jenoside kuko birahura cyane n’ibyo nigaga bijyanye n’amategeko mpuzamahanga dore ko twarebaga cyane kubijyane na Jenoside maze nkacukumbura icyateye ndetse n’igitera Jenoside cyane nibanda uko ibyo bitekerezo biza mu muntu”.

Bamporiki ubusanzwe n’umuyobozi w’itorero ry’igihugu avuga ko ibyo yize n’ibyo yiga ashaka ko bigirira umunyarwanda akamaro ndetse nawe bimugirira akamaro.

Ati “ubu bushakashatsi bwanjye ndashaka kuzabushyira ahagaragara mpabwa impamyabumenyi ihanitse (PHD) kandi ndifuza ko buzagirira abantu benshi akamaro”.

Perezida wa kaminuza yigenga ya Kigali ari nawe wayishinze, prof. Rwigamba Barinda yasabye abarangije ko guhanga umurimo bitasaba igishoro.

Yagize ati “kwihangira umurimo bisaba gushirika ubwoba, kubisengera, gushakisha amakuru no kwigirira icyizere wowe ubwawe, ukakigirira Imana ndetse n’igihugu cyawe”.

Umwe mu baturage bo mu miryango itifashije wahawe Biyogazi

Akarere ka Bugesera ni kamwe mu turere twigeze kwibasirwa n’amapfa bitewe no kuba nta biti bihagije bikurura imvura byaharangwaga. Ibiti byinshi byatemwaga ntibyasimbuzwaga, biza kugira ingaruka ku bimera bituma n’imvura ikendera.

Nyuma y’imyaka itari mike Guverinoma igerageza kongera kuhatera ibiti, ubu ako karere ni kamwe mu turere duhagaze neza mu kurengera ibidukikije.

Mu rwego rwo kubungabunga ibidukikije, hagiye habaho ibikorawa binyuranye birimo gukwirakwizwa amashyiga ya Biyogazi mu miryango itishoboye kugira ngo bigabanye ikoreshwa ry’inkwi.

Umuyobozi wa One UN Fode Ndiaye, n’uw’Ikigo gishinzwe Imiyoborere (RGB) berekwa aho amase abyara Biyoagzi abikwa

Uretse gusigasira ibiti n’ibidukikije, ayo mashyiga yafashije abaturage mu buzima bwabo bwa buri munsi, nk’uko bitangazwa na Sebukware Silas umwe mu baturage bubakiwe Biyogazi, uturuka mu muryango utishoboye.

Avuga ko batarabona ayo mashyiga, imyotsi yabicaga amaso bigakubitiraho n’uko byabagoraga kubona ibicanwa.

Agira ati “Kubona inkwi byatugoraga, ikindi kandi twibasirwaga n’indwara z’amaso, ariko kubera Biyogazi baduhaye nta bibazo tuzongera guhira na byo.”

Mukabutera Domina we avuga ko yahuraga n’ikibazo cy’uko abana be bajyaga gushaka inkwi zo guteka bigatuma bakererwa ku ishuri.

Ati “Bajyaga gushaka inkwi mu bihuru no mu ishyamba ngasigara mpangayitse ariko ubu nta kibazo nkigira. Ikindi iyo bajyaga ku ishuri basangaga ibyo kurya bitarashya maze bigatuma batinda kurya ndetse abasubirayo rimwe na rimwe bagakererwa.”

Abayobozi bererekwa aho amase asohokera iyo yuzuye

Urumuri rw’Urukundo ni umuryango utegamiye kuri Leta wafashije abo baturage kureka gucana inkwi,ububakira amashyiga ya Biyogazi,aho umaze kubakira imiryango 80 amashyiga ya Biyogazi, mu Murenge wa Ngeruka mu Karere ka Bugesera.

Nzeyimana Richard ashinzwe gukurikirana imishinga muri uwo muryango, avuga ko impamvu bahisemo Umurenge wa Ngeruka ari uko ugira ikibazo cyo kubura inkwi kuko nta mashyamba ahaba.

Ati “Abaturage usanga bajya gutema ibiti bikikije Ikiyaga cya Cyohoha bashaka inkwi, ibyo bigatuma kitabungabungwa neza, akaba ari yo mpamvu twihaye intego yo kubagezaho biyogazi.”

Ihuriro ry’amashami y’umuryango w’abibumbye mu Rwanda (ONE UN Rwanda), ryatanze inkunga yavuyemo izi Biyogazi, itangaza ko yishimira uburyo inkunga yatanze igira uruhare mu guhindura ubuzima bw’abaturage ibungabunga ibidukikije.

Umuhuzabikorwa w’iyo miryango, Fode Ndiaye, yavuze ko bazakomeza gushyigikira ibikorwa bifasha abaturage mu Rwanda.

Ati “Mbere ya byose iterambere rireba abaturage kuko nibo riba rigenewe, biranshimishije kubona inkunga twatanze irimo igirira abaturage akamaro.”

Ndiaye avuga ko akurikije ibyo yiboneye mu bagenerwabikorwa, bimuteye ishema ku buryo batazazuyaza kongera gutanga inkunga mu myaka itanu iri imbere.

Kugira ngo umuryango ushobora guhabwa amashyiga ya Biyogazi,ugomba kwishyura amafaranga ibihumbi 700Frw. Kugeza ubu mu Karere ka Bugesera harabarurwa imiryango igera kuri 536 ifite Biyogazi.

Izi ntebe uzirebye ntiwapfa kwemera ko zikozwe muri Sima

Aba banyehuri babikora bagamije kurengera ibidukikije cyane cyane ibiti bikoreshwa mu bubaji, bavuga ko bishobora gukendera.

Ndahimana Tharicisse, Nshimiyimana Eric na Simba Aime Jules n’abanyeshuri bahuriye muri Musanze Polytechnique biga mu ishami ry’ubwubatsi. Bishyize hamwe bakora umushinga wo gukora intebe zicarwaho mu ngo bakoresheje isima ndetse n’ibyuma.

Simba yagize ati “Igitekerezo twakigize nyuma yo kubona ko ibiti bikoreshwa mububaji birimo gukendera, intego akaba ari ukugabanya ikoreshwa ry’ibiti ku kigero cya 0,7% buri mwaka.”

Abo ni bo banyeshuri batatu bagize igitekerezo cyo gukora izi ntebe

Mu kwezi kwa Nyakanga umwaka ushize aba basore batsindiye igihembo cyitwa African Entrepreurship Academy. Cyabahesheje uburenganzira byo kujya kwerekana ibikorwa byabo mu mijyi y’i Burayi no muri Aziya.

Izi ntebe zifite ubushobozi bwo kumara imyaka 150 cyangwa inarenga zitarasaza, aho intebe zo mubusitani zigura amafaranga ibihumbi 600 naho izo munzu zikagura ibihumbi 800, nk’uko Twahirwa abisobanura.

Ati “Twaragabanyije kuko twatangiye tuzigurisha miliyoni, kandi Abanyarwanda barimo kugenda bitabira ibikorwa byacu. Ikindi kandi nubwo zikoze mu isima n’ibyuma ntabwo ziremereye.”

Twahirwa avuga ko mu bushakashatsi bakoze ngo basanze ibikoresho bimeze nk’ibyabo byarubatswe mu mwaka w’i 1902 muri Leta z’unze ubumwe z’Amerika muri leta ya Ohio, ariko kugeza n’ubu bikaba bikiriho.

Ati “Ubu biradutunze n’imiryango yacu, sitwe gusa kuko dukoresha abakozi 14, ariko intego akaba ari uko mu mwaka itanu bazaba bikubye gatanu.”

Ibi bikorwa aba banyeshuri bakora babifashwamo n’abarimu babigisha, umwe mubabafashije akaba yitwa Bunani Hermas. Avuga ko bigisha umwana nawe agatinyuka agakora ubushakashatsi ntiyumve ko ibyo mwarimu yamuhaye bihagije, akaba ariyo mpamvu bavumbura ibikorwa nk’ibi.

Ati “Kuba abanyeshuri bakora imishinga nk’iyi n’ikimenyetso cy’ihame ryerekana ko ireme ry’uburezi mu Rwanda rigenda rigerwaho, kandi ibi bigatanga ikizere cy’ejo hazaza h’igihugu.”

Bemeza ko zishobora kumara imyaka 150 zitarasaza

Umuyobozi wa Musanze Polytechnic, Abayisenga Emile avuga ko abanyeshuri bafite imishinga nk’iyi batabatererana ahubwo babafasha kubona ibyangombwa by’ubuziranenge no kumenyekana.

Ati “Dufite abanyeshuri benshi bafite imishinga ariko niyo barangije amashuri dukomeza kubakurikirana ndetse bagakomeza gukorera muri iki kigo tutabishyuza nubwo baba bakorera amafaranga, ibi biha ingufu n’abagenzi babo bakiri ku ntebe y’ishuri bigatuma bakora cyane kuko baba babona aho ababanjirije bamaze kugera.”

Uretse abo banyeshuri bakora intebe, muri Musanze Polytechnique harimo abanyeshuri bafite imishinga isubiza bimwe mu bibazo igihugu gifite, inatanga imirimo ku rubyiruko bagenzi babo.

Abandi bakozi b’Akarere ka Gicumbi batawe muri yombi

Abo batawe muri yombi ni Kagwene Viateur ushinzwe imari n’ubutegetsi, Habyarimana Jean Baptiste ushinzwe iterambere, amakoperative n’ubucuruzi, Mashami Protogene umukozi ushinzwe inyubako ndetse na Mutsinzi Samuel umukozi ushinzwe imirimo rusange mu karere.

Bose bafungiye kuri Sitatiyo ya Polisi y’igihugu ya Byumba, guhera ku itariki ya 16 Ugushyingo 2017.

Umuvugizi wa Polisi y’igihugu mu Ntara y’Amajyaruguru, akaba n’umugenzacyaha muri iyo ntara, IP Innocent Gasasira avuga ko aba bagabo batawe muri yombi ku mugoroba wok u itariki 16 Ugushyingo 2017.

Agira ati “Ibi byaha byose babikurikiranyweho ubwo batangaga isoko ryo kubaka ikigo nderabuzima cya Nyamiyaga mu mwaka wa 2015 na 2016.”

Akomeza avuga ko icyaha bakurikiranyweho gihanwa n’ingingo ya 628 yo mugitabo cy’amategeko ahana ibyaha mu Rwanda, aho iteganya igifungo cyo kuva ku mezi atandatu kikagera ku myaka ibiri no gutanga ihazabu yo kuva ku bihumbi 500RWf kugera kuri Miliyoni 2RWf.

IP Gasasira avuga ko kandi ku cyaha cyo gukoresha inyandiko mpimbano nikiramuka kibahamye bazahanishwa igifungo cyo kuva ku myaka irindwi kugeza ku mwaka 10 no gutanga ihazabu yo kuva ku bihumbi 500RWf kugera kuri miliyoni 5RWf.

Amakuru agera kuri Kigali Today avuga ko aba bayobozi basheshe isoko nta nteguza ryari ryahawe sosiyete “BES and Supply”yubakaga ikigo nderabuzima cya Nyamiyaga maze bariha isosiyete yitwa GECONTRAT LTD na Capital Workshop, ubwo hari hasigaye imirimo itageze kuri 30% maze ntibanarirangiza.

Bafunzwe nyuma y’ibyumweru bibiri abandi bakozi batatu b’akarere ka Gicumbi nabo batawe muri yombi barimo Gitifu w’akarere. Abo bakurikiranweho icyaha cyo gukora inyandiko mpimbano.

Imwe mu mazu yangijwe n’umuyaga mu Karere ka Bugesera

Muri iki gihe cy’imvura, usanga hari uduce tw’igihugu twibasirwa n’ibiza biturutse ku mvura. Benshi mu baturage ibiza biba byangirije bavuga ko ari abakene bigatuma basaba Leta ubufasha.

Bamwe ni ababa basenyewe mu gihe abandi baba bangirijwe ibikorwa birimo imirima bari bacungiyeho amaramuko.

Karamage Vienney atuye mu murenge wa Mareba mu Karere ka Bugesera, ni umwe mu bahuye n’bibazo by’umuyaga wasakambuye amazu yabo mu kwezi kwa Kanama 2017.

Icyo gihe abakozi ba MIDIMAR baje kubabarura ariko kugeza ubu nta nyunga yigeze ibageraho, ngo basimbuze amabati n’ibiti byangiritse ku buryo bitakongera gukoreshwa.

Agira ati “Baraje baratubarura bavuga ko bagomba kuduha inkunga y’amabati mu buryo bwihuse ariko kugeza ubu nta kintu baratumarira kuko duheruka batwandika. Kuva ubwo kugeza n’ubu ndacyacumbikiwe n’umuturanyi.”

Ibiza byiganjemo imiyaga n’imyuzure ni bimwe mu byagiriza abaturage mu gihe cy’imvura

Avuga ko ikibazo cyabo kizwi n’abayobozi kandi ko atari we wenyine, kuko nta bushobozi bafite bwatuma babasha kongera kubona amabati yo gusakara inzu zabo.

Ndayishimye Camille umukozi w’Akarere ka Bugesera ushinzwe kurwanya Ibiza, avuga ko icyo kibazo bakigejeje kuri minisiteri ishinzwe Ibiza ivuga ko igiye kubashakira isakaro ariko nabo bakaba batarasubizwa.

Ati “Abahuye n’ibiza bose bagera kuri 452 muri abo ababashije kubona inkunga bagera ku 139. Icyo dukora ni ukubihanganisha. Ikindi ni uko akarere kagerageza gukorana n’abaterankunga kugirango harebwe uburyo bafashwa, gusa turacyategereje igisubizo cya MIDIMAR.”

Iki kibazo kandi cy’abaturage bahuye n’ibiza batinda guhabwa inkunga, usanga kiri hafi mu turere twose tw’igihugu.

Kabarisa Valens umukozi w’ishinzwe kurwanya ibiza mu Karere ka Kamonyi, avuga ko nabo bahuye nacyo kuko mu baturage 253 bahuye n’ibiza abagera kuri 50 gusa aribo bahawe ubufasha.

Ati “Ibi biterwa n’uko nta ngengo y’imari igenewe Ibiza. Iramutse yarateganyijwe abantu bahita bafasha mu maguru mashya. Gusa icyo tubamarira n’ukubaha ubutabazi bw’ibanze.”

Habinshuti Phillippe ushinzwe ubutabazi no gufasha abahuye n’ibiza muri MIDIMAR, avuga ko impamvu batinda kugeza kubaturage inkunga ni uko ntayo baba bafite.

Ati “Nk’ubu minisiteri y’imari n’igenamigambi yaduhaye miliyoni 71Frw kandi dukeneye asaga miliyoni 850Frw, ibyo bituma ayo tuyonye tuyasaranganya mubahuye n’ibiza.”

Habinshuti avuga ko kuri ubu basabye indi ngengo y’imari yo gufasha abo baturage ariko nta gisubizo barabona. Yizeza abaturage ko nibageraho nabo bazahita bayigeza ku baturage.

MIDIMAR iragaragaza ko abaturage bagera ku 368.500 ari bo bahuye n’ibiza bakeneye ubufasha.

Madame Jeannete Kagame yasabye ababyeyi guha abana babo uburezi bukwiye

Yabitangarije mu karere ka Bugesera kuri uyu wa Gatandatu tariki 4 Ugushyingo 2017, ubwo yifatanyaga n’ikigo cy’amashuri cya Maranyundo Girls School gutaha inyubako nshya zubatswe muri icyo kigo.

Yagize ati “Babyeyi ndagirango mbibutse ko mugomba gukundisha abana banyu ishuri kugira ngo bazabashe guhangana n’umuvuduko w’isi irimo ndetse bikanabaha ububasha bwo gutegura ejo hazaza habo, binabafashe kurerera u Rwanda.”

Madamu Jeannette Kagame kandi yashimiye umuryango w’Abenebikira ucunga iryo shuri, uburyo bakomeje gukora ibikorwa biriteza imbere.

Ati “Hashize imyaka irindwi aba Benebikira bahawe iri shuri ngo baricunge, ibikorwa bakoze n’ibyo gushimya kuko bifasha mu iterambere n’uburezi bw’umwana w’umukobwa.”

Madame Jeannette Kagame yavuze ko uburezi bwiza kuri iki gihe ari wo murage mwiza

Yasabye ababyeyi kandi kurushaho guhangana n’ikibazo cy’abana bata ishuri cyane abatararangiza amashuri abanza maze asaba buri mubyeyi ko agomba kugira iki kibazo icye.

Inyubako zatashwe harimo isomero, inzu y’ikoranabuhanga, icyumba cy’ubugeni ndetse na laboratwari byose bizajya byifashihwa n’abanyeshuri.

Umuyobozi w’iri shuri, umubikira Mukamurama Juvenale yashimiye abateye inkunga izo nyubako barimo itsinda ryitwa Maranyundo Initiative ndetse na Madame Jeannette Kagame.

Ati “Iri shuri ritangira mu mwaka wa 2008 ryari rifite amashuri atandatu n’abanyeshuri 60 none ubu dufite amashuri 15 n’abanyeshuri 392, ibi byose tukaba tubikesha ubufatanye n’abandi bantu, ibi bikaba bitwongerera ingufu.”

Madame Jeannette Kagame yanifatanyije n’ubuyobozi bwa ishuri rya Maranyundo gutaha inyubako nshya yuzuye

By’umwihariko Madamu Jeannette Kagame yafashije iryo shuri kubona umuyobora wa internet wihuta kandi ukwiriye icyo kigo cyose, akazakomeza kuwishyura mu gihe cy’imyaka itatu.

Minisitiri w’uburezi, Dr. Musafiri Papias Marimba yavuze ko ibi bikorwa mu rwego rwo gushyigikira uburezi bw’umwana w’umukobwa.

Ati “Ibi birafasha gahunda igihugu cyihaye cyo gutezimbere abakobwa kwitabira kwiga amasomo ajyanye na siyanse ndetse n’imibare, ibyo bigafasha igihugu kurushaho gutera imbere.”

Abambaye ubururu basoje umwaka wa gatatu

Yavuze ko byagaragaye ko abakobwa nabo bashoboye kuko imitsindire y’abakobwa biga muri Maranyundo igaragaza ko nabo bashoboye nk’abasaza babo.

Ati “Nndashimira cyane Madamu Jeannette Kagame uruhare agira mu mwigire y’umwana w’umukobwa kuko umusanzu we urimo gutanga umusaruro ku bana b’abakobwa.”

Igikorwa cyo gutaha izo nyubako wabaye n’umwanya wo gusezera ku mfura z’iryo shuri zirangije mu mwaka wa gatatu no mu mwaka wa gatandatu, aho basabwe gukoza kwitwara neza.

Abambaye ibara ry’ubururu nibo barangije umwaka wa gatandatu w’amashuri yisumbuye

Kanda AHA urebe andi mafoto menshi.

Amafoto: Plaisir Muzogeye

Gitifu w’Akarere ka Gicumbi yatawe muri yombi

Gitifu n’abo bakozi bari bitabye ubugenzacyaha ku wa gatatu tariki ya 01 Ugushyingo 2017 babazwa ku bijyanye n’ibyo bakurikiranyweho byo kunyereza miliyoni 10RWf. Nyuma y’aho ngo bahise batabwa muri yombi.

Abo bakozi bandi bafunze ni Ntezurundi Jacques,Umuyobozi ushinzwe imiyoborere myiza muri Gicumbi na Mukunzi Focas bakoranaga mu bijyanye n’imiyoborere myiza. Bafungiye kuri Sitasiyo ya Polisi ya Byumba.

Umuvugizi wa Polisi y’igihugu mu Ntara y’Amajyaruguru, akaba n’umugenzacyaha muri iyo ntara, IP Innocent Gasasira avuga ko abo bagabo bakurikiranyweho icyaha cyo gutegura inyandiko mpimbano basabiyeho amafaranga miliyoni 10RWf.

Agira ati "Iyo nyandiko mpimbano nyuma yo kuyikora basaba amafaranga baje kugira amahirwe make maze ifatwa batarayahabwa.Tubakurikiranyeho icyaha cyo gukora inyandiko mpimbano ndetse n’icy’ubwinjiracyaha mu kunyereza umutungo wa Leta."

Akomeza avuga ko bazagezwa imbere y’urukiko vuba kuko iperereza rigikomeje.

Nibaramuka bahamwe n’icyaha cy’ubwinjiracyaha mu kunyereza umutungo wa Leta bazahanishwa ingingo ya 325 yo mu gitabo cy’amategeko ahana ibyaha mu Rwanda.

Iyo ngingo iteganya ko uhamwe n’icyo cyaha ahanishwa igifungo kuva ku myaka irindwi kugeza ku myaka 10 n’ihazabu yikubye inshuro kuva kuri ebyiri kugeza kuri eshanu y’agaciro k’ibyanyerejwe cyangwa se ibyononwe.

N’aho ku cyaha cy’inyandiko mpimbano kibahamye bahanishwa igifungo cy’imyaka itanu kugera kuri irindwi n’ihazabu y’amafaranga y’u Rwanda kuva ku bihumbi 500 kugera kuri miliyoni ebyiri.

Amatora y’Umukuru w’igihugu wa Kenya ari kubera ku cyicaro cya Ambasade ya Kenya mu Rwanda

Urupapuro rw’itora uwatoraga yahabwaga ruriho abakandida umunani,umuntu yaruhabwaga habanje kurebwa ko niba yujuje ibisabwa,nyuma yajyaga mu cyumba kiherereye, agahitamo umukandida umwe ubundi agashyira urwo rupapuro mu gasanduka kabugenewe.

Nuzhat A. Mwinzagu n’umukozi wa komisiyo y’igihugu y’amatora muri Kenya ariko akaba yahagarariye icyumba cy’itora cyari kuri Ambasade ya Kenya mu Rwanda.

Yavuze ko ibiro by’itora byafunguye ku isaha ya saa kumi n’ebyiri za hano mu Rwanda, hakaba hari ku isaha ya saa kumi n’imwe muri Kenya.

Yagize ati“ Hano dufite ibiro by’itora bibiri aho biteganijwe ko abatora 875 ari bo bagomba kuza gutora, kandi turabona bagenda baza tukaba twizera ko ibiro by’itora bifunga bose bamaze gutora”.

Bishimiye ko babashije kwitorera umukuru w’Igihugu ubabereye

Kigali Today ubwo yahageraga ku i saa tatu za mu gitondo,yasanze abantu baza gutora atari benshi, kuko hazaga umwe umwe.

Kinaro Evans Arumba ni Umunyakenya umaze imyaka 10 aba mu Rwanda, aho akora mu kigo gikora insimburangingo z’abafite ubumuga cya Gatagara. Aravuga ko aje gutora kugira ngo ashobore kugira aho aganisha igihugu cye.

Yagize ati“ Utsinda wese nzamushyigikira kuko icyo dushaka ari uko igihugu cyacu kigira amahoro, buri wese akaba mu gihugu yisanzuye”.

Kinaro yamaganye abatitabira gutora kuko igihugu cyabo kitabaho nta muyobozi kigira, kandi ngo n’ubwo bari kure y’iwabo ariko amakuru y’imiryango yabo barimo kuyakurikiranira hafi.

Abajya gutora babanzaga kureba ko bujuje ibisabwa

Undi Munyakenya witwa Ngugi Joseph ukorera ubucuruzi mu Rwanda aravuga ko n’ubwo bari mu Rwanda mu gihugu gifite amahoro, bahangayikishijwe n’umutekano muke uri mu gihugu cyabo.

Ati“ Ndasaba Abanyakenya bagenzi banjye gutuza maze buri wese akubaha mugenzi we, ushaka gutora ntabangamire utajyayo kuko buri wese ari byo yahisemo”.

Joseph arasaba Abanyarwanda n’Abanyafurika muri rusange gusengera igihugu cyabo kuko kiri mu bihe bibi.

Ati” Erega niba igihugu cyacu kiri mu bibazo by’umutekano muke n’ibindi bihugu bigikikije na byo biba bidatekanye kuko Kenya ikorana ubucuruzi n’ibihugu bitandukanye”.

Nubwo bitabiriye amatora bahangayikishijwe n’umutekano muke uri gututumba iwabo

Imibare itangwa na Ambasade ya Kenya mu Rwanda iragaragaza ko Abanyakenya baba mu Rwanda basaga gato ibihumbi bibiri, aho bakora imirimo itandukanye yiganjemo ubucuruzi.

Izi ntebe zakozwe na Kalisa azigurisha ibihumbi 120RWf

Uwo musore ufite imyaka 26 y’amavuko, afite ‘Atelier’ akoreramo izo ntebe mu Mujyi wa Nyamata.

Kalisa wari usanzwe akora umwuga w’ububaji, avuga ko yatangiye gukora intebe mu mapine y’imodoka muri Gashyantare 2017.

Avuga ko mu mezi umunani ashize akora izo ntebe amaze kwinjiza miliyoni 5RWf.

Akomeza avuga ko akora intebe zo mu ruganiriro. Intebe n’ameza bikoze mu mapine abigurisha ibihumbi 120RWf.Ipine y’’imodoka ishaje imwe ayigura 2000RWf.

Kalisa avuga ko yagize igitekerezo cyo gukora intebe mu mapine y’imodoka nyuma yo kubona ko imbaho zo kubazamo ibikoresho bitandukanye zishobora kuzabura kubera ko amashyamba mu Rwanda ari make.

Agira ati “Nibwo narebye ipine nsanga nshobora kuribyazamo ikindi kintu aho kugira ngo baritwike rikanduza ibidukikije babuze aho barishyira. Nibwo nahisemo kurikoramo intebe n’ameza mbona abantu barabikunze nkomeza gutyo.”

Kalisa uri iburyo n’abakozi be bamufasha gukora intebe mu mapine

Akomeza avuga ko nta gishoro gihambaye yatangiranye kuko yatangiye afite ibihumbi 10RWf gusa.

Ati “None kuri ubu maze gukuramo asaga miliyoni 5RWf kandi narishyuye abakozi batatu nkoresha. Ndateganya gufata ibindi bikoresho biba byarashaje na byo nkabibyaza umusaruro, aho kugira ngo bijye birushya abantu babuze aho kubita.”

Kalisa avuga ko bimusaba icyumweru kimwe ngo abe arangije gukora intebe n’ameza byo mu ruganiroro bikoze mu mapine.

Uwo rwiyemezamirimo avuga ko yanitabiriye imurikagurisha ry’Intara y’Iburasirazuba riherutse kubera mu Karere ka Kayonza.

Yemeza ko ubwo yajyanagayo izo ntebe abantu batandukanye bazikunze bamusaba ko nabo yabakorera izo kwicaraho. Ibyo byatumye ahabwa n’igihembo nk’umuntu wagaragaje ibintu bidasanzwe muri iryo murikagurisha.

Kalisa kandi ari muri ba rwiyemezamirimo bakiri bato bahatanira igihembo cyo ku rwego rw’igihugu. Yanahawe igihembo cy’ibihumbi 150RWf n’ubuyobozi bw’Akarere ka Bugesera.

Uwo musore yatanze n’akazi kuko akoresha abakozi batatu ahemba ibihumbi 80RWf buri kwezi.

Iyi ntebe ni iyo yakoze mu mapine

Nzabirinda Jean Baptiste, umwe muri bo avuga ko kuri we byari inzozi kumva ko amapine ashobora kubyazwamo ibikoresho byo mu rugo.

Agira ati “Nabonaga abana bayakinisha andi bakayakoramo inkweto none uyu mugabo yaranzanye ampa akazi anyigisha gukora ibi bikoresho tubikuye mu mapine none ubu amafaranga nkorera aha amaze kungeza kuri byinshi.”

Umuhuzabikorwa w’inama y’igihugu y’urubyiruko mu Karere ka Bugesera, Mutware Antoine avuga ko ari amahirwe ku ruhande rw’akarere kuba bunguka urubyiruko rushobora guhanga imirimo iruteza imbere.

Agira ati “Turabyishimira cyane kuko abahanze utu dushya banagira uruhare mu guha urundi rubyiruko akazi.”

Akomeza agira ati “Akarere kiyemeje kujya buri mwaka gakoresha amarushanwa y’udushya mu kubikundisha urubyiruko kandi uyu Kalisa akaba yarahembwe muri ubwo buryo.”

Mutware yongeraho ko bafata urubyiruko rufite udushya n’indi mishinga, bukabahuza n’ibigo by’imari n’ibigega byunganira urubyiruko.

Reba uko akora intebe mu mapine

Ipine ry’imodoka rishaje ni imari ikomeye kuri Kalisa

Ararifata akarisiga "verni"

Atangiye kuritunganya ngo arikoremo intebe

Kalisa yicaye mu ntebe yakoze

Ubwo bufashwa bugizwe n’ibikoresho by’isuku n’ibiribwa

Byatangajwe ubwo abakozi b’isosiyete ikora ibikorwa byo gufasha abantu kohereza no kwakira amafaranga ndetse no kuyavunja, UAE Xchange bashyikirizaga imfashanyo ibyo bitaro ku wa mbere tariki ya 23 Ukwakira 2017.

Iyo nkunga igizwe n’ibiribwa n’ibikoresho by’isuku, ifite agaciro k’ibihumbi birenga 400RWf.

Umuyobozi wa UAEXchange, Riyaz Naghoor avuga ko bakoze iki gikorwa cy’urukundo mu rwego rwo kwizihiza isabukuru y’imyaka 37 bamaze bakora.

Agira ati “ By’umwihariko mu Rwanda tumaze imyaka irindwi dutangiye kuhakorera, twifuje kwizihiza uyu munsi dusangira n’abarwayi barwariye muri ibi bitaro kugira ngo tubereke ko tubari inyuma mu burwayi bwabo kandi tubifuriza gukira.”

Akomeza avuga ko umufatanyabikorwa wabo wa mbere ari umuturage akaba ariyo mpamvu bakora ibishoboka byose kugira ngo bite no ku mibereho yabo.

Nyirabakungu Pacifique akuriye ishami ry’imibereho myiza mu bitaro bya Ndera avuga ko imfashanyo bahabwa n’abagiraneza bugira akamaro gakomeye.

Atangaza ko bagira ibibazo byo kwita ku barwayi badafite imiryango ibitaho, ibyo bigatuma ikigo mu bushobozi buke gifite gishobora kubitaho.

Agira ati “Hari abarwayi twakira bazanwa na polisi cyangwa abagiraneza ndetse n’abo mu miryango ikennye ku buryo kubitaho bidukomerera cyane, kuko hari abo usanga baba badafite ubwisungane mu kwivuza ariko iyo tubonye inkunga bidufasha kwita kuri aba barwayi.”

Ubwo abakora muri UAEXchange bashyikirizaga inkunga ibitaro bya Ndera

Akomeza avuga ko iyo babonye abagiraneza babaha ibiribwa bibafasha kwita ku barwayi kuko muri ibyo bitaro abarwaza batajya bagemurira abarwayi.

Ati “Uretse Abanyarwanda, twakira n’abanyamahanga baza kwivuza akenshi usanga bo baba badafite kirwaza ku buryo ibitaro bigira igihombo biturutse ku kwita kuri abo barwayi.”

Imibare itangwa n’ubuyobozi bw’ibyo bitaro igaragaza ko kuri ubu bafite abarwayi barenga 200 biganjemo urubyiruko.

Dr. Uwinkindi Francois ukuriye ishami rishinzwe kurwanya kanseri mu kigo cy’igihugu cy’ubuzima (RBC)

Dr. Uwinkindi Francois ukuriye ishami rishinzwe kurwanya kanseri mu kigo cy’igihugu cy’ubuzima (RBC) avuga ko indwara ya kanseri irimo kuzamuka cyane mu bihugu biri mu nzira y’amajyambere kubera uko abantu basigaye babaho, aho abantu batakirya indyo y’umwimerere.

Muganga Uwinkindi avuga ko gusuzuma iyo ndwara byiyongereye bigatuma abantu bashobora kuyimenya ndetse no kumenya niba bayirwaye.

Avuga ko impamvu iyo mibare batayibona yose ari uko hari abapfa bataragera kwa muganga, ariko hakaba hagiye gushyirwaho ingamba zifatika kugira ngo nabo babashe kumenyekana.

Ati “Kugeza ubu mu Rwanda ibitaro bitanu nibyo ushobora kujyaho bakakwemeza niba urwaye kanseri, ibyo ni ibitaro bya Butaro, CHUK, CHUB, King Faycal ndetse n’ibitaro bya gisirikare bya Kanombe”.

Ubusanzwe ubwoko bwa kanseri burenga ijana, gusa Abanyarwanda bibasiwe na kanseri z’ubwoko butanu, ari bwo; kanseri y’inkondo y’umura,kanseri y’ibere, kanseri y’igifu, kanseri y’amara na kanseri zifata mu ijosi mu kanwa n’igice cy’umutwe.

Kuri ubu ibitaro bya Butaro byakira abasaga ibihumbi bitanu by’abarwayi ba kanseri.

Dr. Uwinkindi avuga ko ubuvuzi bwa kanseri bumaze gutera imbere mu Rwanda, gusa inzira iracyari ndende ugereranije n’ibihugu byateye imbere.

Ati “turizera ko mu myaka itanu iri imbere u Rwanda ruzaba rwageze ku rwego rwo hejuru ku buryo nta Banyarwanda batazongera kwivuriza hanze y’igihugu”.

Inyubako y’ibitaro bya Butaro

Yemeza ko n’ubwo bimeze gutyo mu Rwanda ubuvuzi bwa kanseri burimo guhura n’imbogamizi zirimo kubura abaganga b’inzobere.

“ Ubu mu Rwanda harabarirwa abaganga batanu bavura kanseri, ikindi n’ibikoresho, kuko ubundi usanga hari uburyo butatu bwo kuvura kanseri, ubwa mbere n’ugutanga imiti, ubwa kabiri n’ukubaga kuko akenshi usanga aba ari ibibyimba ndetse n’uburyo bwa gatatu bwo gushiririza uturemangingo twa kanseri, ubu buryo akaba ari bwo butaba mu Rwanda”.

Avuga ko uburyo bwa gatatu ari bwo busaba ko umurwayi bamwohereza hanze y’igihugu cyane cyane muri Kenya no mu Buhinde kandi bikaba bihenze cyane.

Yagize ati “ubu mu Rwanda harimo kubakwa ikigo kizajya gishiririza indwara za kanseri kuko mu mpera z’umwaka utaha kizaba cyuzuye ku buryo nta murwayi uzongera kwivuriza hanze ndetse twizeye ko ibyo bizagabanya impfu z’abicwaga n’iyo ndwara”.

Uyu muganga avuga ko bahura n’imbogamizi z’uko abantu bakunda kuza kubivuzaho baba bararembye cyane kandi bakagombye kwisumisha mbere kuko iyo wisuzumishije mbere ushobora kuvurwa ugakira.

Dr. Uwinkindi yemeza ko 40% byo kwandura kanseri umuntu ashobora kubyirinda, iyo yirinze inzoga nyinshi, itabi, umubyibuho ukabije ahubwo agakora siporo.

Mu Rwanda hari gahunda yo gukingira abana mu rwego rwo kwirinda kanseri y’inkondo y’umura, aho abagera kuri 93% bamaze gukingirwa, ibyo bigatuma uyu muganga avuga ko mu myaka iri imbere iyi ndwara izaba itakiri ikibazo.

Avuga ko uretse ibyo bitaro 24 n’ibigo nderabuzima bisaga 200 bibasha gusuzuma kanseri y’inkondo y’umura ndetse, umuntu wese urengeje imyaka 40 agomba kujya kwisuzumisha akoresheje ubwishingizi mu kwivuza.

Mu rwego rwo kwita ku barwayi bafite indwara zidakira zirimo na kanseri hashyizweho urugaga rw’abita kuri abo barwayi babafasha kubaho neza bibarinda gushenjagurika, bakanabafasha kubona imiti igabanya ububabare.

Imibare itangwa n’ishami ry’umuryango w’abibumbye ryita ku buzima rigaragaza ko abantu basaga miliyoni enye bangana na 14% ku isi bafashwa n’iyi gahunda, naho abagera kuri 78% baba bakeneye iyi gahunda kuko intego yayo ari ukugira ngo umuntu apfe mu cyubahiro”.

Kugeza ubu,mu Rwanda harabarurwa abasaga 200 bakora iki gikorwa cyo gusanga abarwayi mu ngo, ariko bakaba bazongerwa kuko intego ari uko muri buri kagari haba harimo abarwaza babiri.

Edmund Kagire n’umwe mu barwaye indwara ya kanseri mu mwaka 2015 ariko aza kuyikira arakangurira buri muntu wese kujya yipimisha rimwe mu mwaka kugira ngo amenye uko ahagaze.

Mu bitaro bya Butaro

Yagize ati “nagiye kwivuza basanga mfite kanseri y’umwijima icyo nakoze nihutiye kwivuza mu Buhinde mbifashijwemo na leta y’u Rwanda ndetse n’inshuti maze ndabagwa nyuma y’umwaka umwe bambwiye ko nakize kuko babashije kuyikurikirana hakiri kare”.

Ibyo kandi binemezwa na Bugingo Karen na we warwaye kanseri ya Lymphoma yibasira ubwirinzi bw’umubiri aho yaje kuyikira kubera ko yakurikiranywe hakiri kare.

Kuva ku itariki ya 7 kugeza ku ya 10 Ugushyingo 2017, mu Rwanda hazateranira inama y’umuryango Nyafurika wita ku bushakashatsi n’amahugurwa ku ndwara ya kanseri, izaba ifite insanganyamatsiko igira iti “ intambwe imaze guterwa mu buvuzi bwa kanseri muri Afurika”.

Jeannette (hagati) n’umugabo we (iburyo bwe) bakikijwe n’abavandimwe be ndetse na se

Uwo mwana bongeye kubona yitwa Jeannette Chiapello. Yatahutse ku itariki ya 02 Ukwakira 2017, aturutse mu Butaliyani aho atuye n’umugabo we witwa Maximo Chiapello n’abana babiri. Afite n’umuryango wamureze mu Butaliyani.

Nyuma yo kongera kubona umwana we nyuma y’imyaka 23, Sebarinda yasazwe n’ibyishimo ashimira abantu bose bamufashije kumubona.

Agira ati “ Ndishimye cyane! Ndashimira abantu bose batumye nongera kubona umwana wanjye.”

Akomeza avuga ko mu gihe cya Jenoside umugore we bamwishe ari kumwe n’umwana w’imyaka ibiri, ariwe uwo watahutse. Icyo gihe uwo mwana yitwaga Nyirambabazi Beata bamuhimba Nyirabuzari.

Jeannette Chiapello wabonanye n’umuryango we nyuma y’imyaka 23

Uyu musaza avuga ko mbere hari amakuru yari yarabwiwe n’uwitwa Harindintwari Anastase, yavugaga ko ubwo umugore we yari amaze kwicwa batoye umwana hafi ya Kiliziya ya Nyamata maze bakamujyana mu kigo cy’imfubyi cy’umupadiri w’umutaliyani witwaga Mingetti.

Harindintwari wakoraga akazi ko kurinda izamu muri icyo kigo, nawe yatanze ubuhamya avuga ko abana bari bari muri icyo kigo baje guhungishwa bajyanwa mu Butaliyani.

Agira ati “Nari mfite abana barenga 100 ariko icyo gihe batwaye abagera kuri 53. Jenoside irangiye nibwo naje kwegera Leonard mubwira ko umwana we bamujyanye mu Butaliyani, mubwira n’uwo bajyanye."

Abana bagiye mu Butaliyani bari kumwe n’umubikira w’umunyarwanda witwa Mukagatana Cecile, wagarutse mu Rwanda mu mwaka wa 2016.

Sebarinda yashakishije umwana we

Kuva icyo gihe Sebarinda yatangiye gushaka umwana we ariko acika intege. Nibwo yabwiye umwana we Twizeyimana Vincent maze akomeza kumushakisha.

Jeannette n’umugabo we baha impano Sebarinda (hagati) umubyeyi wa Jeannette

Twizeyimana ahamya ko mbere bibazaga niba mushiki we yarapfuye cyangwa akiriho bikabayobera. Muri 2006 ngo nibwo yatangiye kumushakisha hirya no hino no kuri murandasi, yifashishije amafoto bari bafite maze muri 2010 aza kubona “e-mail” ye.

Agira ati “Naramwandikiye ambwira ko bidashoboka, icyokora ansaba amafoto y’abo twarokokanye barimo papa, mushiki wanjye na mukuru wanjye ndamwihorera, mbona ko atarabyumva.”

Akomeza avuga ko muri Mata 2017 mushiki we yongeye kumwandikira. Ati “Yanyandikiye ambwira ko akeneye kumenya inkomoko ye. Turabyemeranywa.”

Twizeyimana avuga ko bamaze kubyemeranywa bashatse uburyo bapima ibizamini by’uturemangingo (DNA) twa se n’utw’uwo mushiki we kugira ngo barebe ko bafitanye isano.

Ibyo bizamini byapimiwe mu Bwongereza maze basanga neza Sebarinda ari we se wa Jeannette Chiapello.

Twizeyimana Vincent (ufite micro) avuga ko yakomeje gushakisha mushiki we kugeza amubonye

Twizeyimana avuga ko bimwe mu byamugoye cyane ari ukumenya amazina yandi ya mushiki we kuko ayo yitwaga yahindutse.

Jeannette uvuga ururimi rw’igitaliyani, bagasemura ibyo avuze kuko nta Kinyarwanda azi. Yavuze ko byamukomereye cyane kuko atemeraga ibyo musaza we yamubwiraga.

Agira ati “Umuryango wanjye wo mu Rwanda igihe wanshakaga sinabyiyumvishije ahubwo nashatse abantu bangira inama zo kubyumva barimo umugabo wanjye.”

Akomeza avuga ko yishimiye kubona umuryango we wo mu Rwanda nyuma y’imyaka 23.

Kwakira Jeannette mu muryango byari ibirori bimeze nk’ubukwe kuko byitabiriwe n’abaturage babarirwa mu magana bo muri Ntarama no hafi yaho.

Byari ibirori bimeze nk’ubukwe ubwo bakiraga Jeannette byari

Jeannette ubwo bamwakiraga ku kibuga cy’indege i Kanombe

Jeannette akiri umwana (uwa kabiri aturutse ibumoso)

Jeannette n’umugabo we babereka amafoto yatumye bamubona

Abagororwa basabye imbabazi barazihabwa.

Ngayaberura Ajubu ni umwe mu basabye imbabazi Muhongayire Marie ko yishe abagize umuryango we mugihe cya Jenoside.

Yagize ati “Nndasaba imbabazi imiryango niciye ababo muri Jenoside nkazisaba Abanyarwanda ndetse nabo mu muryango wanjye kuko ntababwije ukuri kw’ibyo nakoze.”

Muhongayire Marie nawe yahise amuha imbabazi na musaza we Mbazumutima Juvenal nawe arazimuha kuko ubu basigaye bajya kumusura muri gereza.

N’igikorwa cyaranzwe n’amasengesho.

Ati “Yishe abana ba mukuru wanjye batatu, data yamukubise umwambi w’ingobe mu rubavu aramushorera, amuta mu kinogo. Uriya mushiki wanjye niwe wa mbere yabanje kumutema mu mutwe, amukubita igihiri gihita kimukomeretsa ubwonko burasohoka, bamuhamba by’agashinyaguro bamurenzaho itaka.”

Avuga ko yabasabye imbabazi none nawe barazimuhaye kandi bazakomeza kubana. Ni igikorwa kandi cyacyiriwe neza n’abagize imiryango y’abakoze ibyaha, kuko bahoraga babeshwa ugasanga bishyizemo ko abantu babo barengana.

Komiseri mu rwego rw’imfungwa n’abagororwa ushinzwe imibereho myiza no kugorora Kabanda Bosco, yasabye abagororwa bataratera intambwe yo gusaba imbabazi no kwihana gutera intambwe, kugira ngo bakureho urwicyekwe ruba ruri hagati y’abagize imiryango yabo n’abiciwe kuko akenshi usanga batarabwije ukuri abo mu miryango yabo, ugasanga bishyizemo ko ababo barenganijwe.

Uyu ari kumwe nabo yiciye bamuhaye imbabazi.

Umunyamabanga nshingwabikorwa wa komisiyo y’ubumwe n’ubwiyunge Fidele Ndayisaba, yabibukije ko gusaba imbabazi no kuzitanga ari imwe mu nzira igeza ku bumwe n’ubwiyunge, bikanafasha abagize imiryango yahemukiranye kwibohora.

Ati Ndagira inama abasaba imbabazi n’abazitanga kutabikora kubera kubura uko bagira kuko n’ubundi nta cyo baba bakoze, ndizeza abagana inzira yo gusaba imbabazi no kuzitanga ko komisiyo izabibafashamo.

Iyi gahunda y’ubumwe n’ubwiyunge ikorerwa mu magereza, ku bufatanye n’umuryango w’ivugabutumwa mu magereza ugamije ubumwe n’ubwiyunge, imaze kugera mu turere dutanu ari two; Bugesera,Gatsibo, Kayonza, Ngoma na Rwamagana.

Mu karere ka Bugesera abagororwa bagera kuri 80 nibo bamaze guhabwa imbabazi nabo biciye muri Jenoside.

Perezida w’Inteko ishinga amategeko, Mukabarisa Donatille.

Ibi yabitangarije mu karere ka Bugesera kuwa gatandatu tariki 1 Nyakanga 2017, ubwo yifatanyaga n’abatuye mu Bugesera mugikorwa cyo kwibuka Abatutsi biciwe muri kiriziya ya Nyamata kuri ubu yagizwe urwibutso.

Hon. Mukabarisa yavuze ko ingabo z’ubu zitandukanye niza mbere kubera ibikorwa byazo.

Yagize ati “Ingabo za mbere zirirwaga zirya inka z’abaturage, zitwara imitungo yabo ndetse zica abo zishinzwe kurinda ariko ubu bitandukanye n’ubu kuko ingabo zacu nyuma yo kurokora abicwaga ntibabatereranye kuko babubakira amazu bakabagabira inka ndetse bakabavura ari nako babaho n’ibikoresho byose bakeneye”.

Abayobozi bakuru baje kwifatanya n’Abanyabugesera.

Yasabye urubyiruko kugera ikirenge mu k’ingabo kuko babahaye umusingi ari nawo bagomba kugenderaho.

Uwaruhagarariye umuryango w’abarokotse Jenoside (IBUKA) Kabandana Callixte yabwiye, abarokotse Jenoside ko ingabo zabarokoye ko ari igihango bagiranye maze asaba ko nabo bagomba kugira uruhare mukurwanya abasebya igihugu bakoresheje imbuga nkoranyambaga.

Igikorwa cyaranzwe n’agahinda.

Ati “Abenshi bamennye amaraso kugirango bahagarike Jenoside yakorerwaga abatutsi, ayo maraso bamennye n’igihango twagiranye nabo none mugomba guhangana n’abasebya igihugu ndetse n’abamwe mubahagaritse Jenoside kandi bo batarabikoze”.

Yibanze ku rubyiruko abasaba ko kurwana iyo ntambara bakoresha ikoranabuhanga dore ko n’ibikoresho bihari mugihugu.

Umuyobozi wa komisiyo y’igihugu ishinzwe kurwanya Jenoside (CNLG), Dr. Bizimana Jean Damascene yagarutse ku mateka y’ukuntu Abatutsi baciriwe mu Bugesera bakuwe hirya no hino mu gihugu anavuga aho icyo cyemezo cyaturutse.

Ati “Iki n’icyemezo cyafashwe n’ababirigi mugihe bakoronizaga u Rwanda kuko abatutsi ba mbere babagejeje mu i Nyamata tariki ya 11 Ugushyingo 1959 bakuwe i Nemba mu Ruhengeri, mugihe kitageze ku mezi atatu bahise bahageza abagera ku bihumbi bitanu”.

Yavuze ko babikoraga kuko ariho babonye bazicirwa n’isazi ya tsetse n’indwara zitandukanye nka malariya kandi ngo benshi barapfuye.

Kiriziya ya Nyamata kuri ubu ikaba yaragizwe ubwibutso aho rushyinguyemo imibiri y’abatutsi basaga ibihumbi 45, ubusanzwe igikorwa cyo kubibuka cyabaga tariki ya 15 z’ukwezi kwa kane buri mwaka, ariko uyu mwaka bikaba bitarashobotse kuko urwibutso rwarimo gusanwa.

Amashuri y’incuke atuma abana bakurana ikinyabupfuka kandi bakunda kwiga

Aba babyeyi batangaza ibi mu gihe muri ako karere hari amashuri y’incuke 18 gusa, ari mu mirenge itandukanye.

Nyiramana Venancie utuye mu murenge wa Rweru muri Kintambwe avuga ko ayo marerero ari make cyane kandi ari kure yaho batuye.

Agira ati “Aho nshobora kumujyana byibuze byansaba gukora ibirometero hafi icumi, ubwo rero bituma ntamujyana kuko ntabasha gukora ibyo birometero, akaba ariyo mpamvu nsaba ko natwe bayatwegereza.”

Mugenzi we witwa Sekamana Paul wo mu murenge wa Mareba avuga ko ubuyobozi bukwiye kubagoboka maze bukabubakira irerero kuko byafasha abana babo.

Agira ati “Abana bacu birirwa bazerera, ibyo bigatuma bajya mubiyaga bakiri bato kuburyo niyo babageze imyaka yo gutangira ishuri batabishobora kuko barigeramo bikabananira kuko baba baratangiye gukorera amafaranga bakiri bato.”

Akomeza avuga ko baramutse babonye irerero byabafasha maze abana babo bagakura bakunda.

Umuyobozi w’Akarere ka Bugesera, Nsanzumuhire Emmanuel yemera ko kugeza ubu amarerero abarizwa muri aka karere adahagije.

Agira ati “Ubu twihaye intego ko umwaka w’ingengo y’imari ya 2016-2017 ugomba kurangira akarere kubatse andi marerero 16 yiyongera ku yarahari.

Ibyo kandi bizakomeza kuko intego ari uko buri mudugudu ugomba kugira byibuze irerero kandi ibyo bigomba kugerwaho bitarenze umwaka wa 2020.”

Umuyobozi w’ishami ry’uburezi mu Karere ka Bugesera, Gashumba Jacques avuga ko ababyeyi bamaze gusobanukirwa ibyiza byo kujyana abana babo mu irerero.

Agira ati “Ubusanzwe twihaye intego yuko umwana ugomba kujya mu irerero agomba byibura kuba afite umwaka n’igice.

Ariko usanga hari abashaka kubazana batarageza kuri icyo gihe tukabangira kuko hari byinshi cyane ibyo kurya byihariye kandi kubibona bikaba byagorana.”

Uyu muyobozi avuga ko ababyeyi bamaze kumenya ko iyo bashyize abana babo mu marerero bituma bakura neza bafite uburere n’uburezi, bigatuma babasha gukora imirimo yabo neza kuko baba bizeye aho basize abana babo.

Ati “ Ubu umwaka utaha nawo twihaye intego yuko ugomba kurangira twubatse andi marerero 12 mu rwego rwo gusubiza ikibazo cy’aho amarerero atari cyangwa ari kure.”

Gahunda ya leta y’u Rwanda ni uko buri mudugudu ugomba kuba ufite irerero. Akarere ka Bugesera gafite imidugudu 581.

RBC ihamya ko igikorwa cy’ingabo z’igihugu cyo gutanga amaraso cyatumye igipimo cy’amaraso kwa muganga cyiyongeraho 18%

Byatangajwe ubwo Ingabo z’Igihugu zo mu ishuri rya gisirikare rya Gako riherereye mu Bugesera zatangaga amaraso azafashishwa indembe, tariki ya 18 Gicurasi 2017.

Mukamazimpaka Alexia, umukozi wa RBC mu ishami rishinzwe gutanga amaraso avuga ko kuba ingabo z’Igihugu zitanga amaraso yo gufasha indembe byatumye atongera kubura.

Agira ati “Ingabo zitaratangira iki gikorwa igipimo cy’amaraso cyari kuri 78% ariko ubu kigeze kuri 96%, ibi bigatuma tutazongera kubura amaraso yo gufashisha indembe.”

Akomeza ahamagarira abaturage kugera ikirenge mu cy’ingabo z’igihugu kuko aya maraso zitanga atabara abantu benshi ndetse imibare y’abakenera amaraso ikaba igenda yiyongera buri mwaka.

Ati “ Mu mwaka ushize wa 2016 twakiriye udupaki tw’amaraso dusaga ibihumbi 60 kandi yose akaba yarashize. Ariko uyu mwaka turateganya kwakira udupaki dusaga ibihumbi 80 kubera iki gikorwa kandi nayo bigaragara ko azakoreshwa agashira.”

Amwe mu maraso yatanzwe n’Ingabo z’Igihugu zo mu ishuri rya gisirikare rya Gako

Umuyobozi w’ishuri rya gisirikare rya Gako, Col. Mpaka Tom atangaza ko ibyo bikorwa birimo gukorwa mu cyumweru cyahariwe ibikorwa by’Ingabo kizwi nka “ Army week”.

“Nk’ingabo tuzajya dukora ibikorwa bitandukanye bigamije gufasha abaturage kugira ubuzima bwiza.”

Imibare itangwa na Minisiteri y’ingabo iragaragaza ko mu minsi 12 iki gikorwa kimaze, ingabo zimaze kuvura abaturage ibihumbi 29878.

Barimo ibihumbi 19310 basuzumwe indwara zitandukanye, 302 babazwe indwara zitandukanye, ibihumbi 2768 basiramuwe n’ibihumbi 6607 bipimishije ku bushake indwara ya Sida.

Ingabo z’Igihugu zo mu ishuri rya Gisirikare rya Gako zitegura gutanga amaraso

Abubatse ibi biro by’Akarere ka Bugesera bamaze imyaka itatu bishyuza

Aba bakozi bavuga ko ubusanzwe bahemberwaga iminsi 15. Ariko ngo iyo minsi yarageze bababwira ko ntayo bafite kuko ngo akarere kari katarasinya fagitire yo kubishyura.

Bakomeje gukora kugeza ubuyobozi bw’Akarere ka Bugesera buhagaritse rwiyemezamirimo maze agenda gutyo atabishyuye.

Bakomeza bavuga ko batangiye kwishyuza amafaranga yabo kuva mu mwaka wa 2013 ariko ntibabishyure. Aho niho bahera bibaza impamvu batabishyura kandi barakoze.

Biziyaremye Faustin wari umufundi avuga ko bamurimo amafaranga angana n’ibihumbi 160.

Agira ati “Ahantu nagiye mfata amadeni bamereye nabi ndetse bamwe bansanga iwanjye nkabihisha. Ibi kandi bikaba byaratumye ngira imibanire mibi hagati yanjye n’umugore kuko anyita umwambuzi kuko avuga ko nayajyanye mu ndaya kandi andenganya.”

Aba baturage bakomeza bavuga ko icyo kibazo bakigejeje ku buyobozi bw’Intara y’Iburasirazuba, no muri Minisiteri y’Ubutegetsi bw’Igihugu (MINALOC) nyamara ngo ntagihinduka kandi inyubako yaramaze kuzura.

Rwiyemezamirimo watsindiye isoko ryo kubaka iyo nyubako, Nemeyabahizi Jean Baptiste nyiri Entreprise ENJB yemera ko abereyemo umwenda abaturage.

Gusa avuga ko, abo baturage bagomba kwishyurwa n’akarere kuko gafite ingwate yatanze mu masosiyete y’ubwishingizi yagahaye mbere yo gutangira ibikorwa.

Agira ati “ Ikindi kandi hari amafaranga batanyishyuye angana na milliyoni 60RWf nyuma yo gusesa amasezerano mu mwaka wa 2015. Ayo rero nibayafate maze bayishyure abaturage mbereyemo umwenda nk’uko twabyumvikanyeho nabo.”

Umuyobozi w’Akarere ka Bugesera, Nsanzumuhire Emmanuel avuga ko akarere kari mu rubanza na sosiyete y’ubwishingizi rwiyemezamirimo yari yaratanzemo ingwate.

Agira ati “Ubu turi mu rubanza n’iyo sosiyete y’ubwishingizi. Bwa mbere yaradutsinze ariko ubu twarajuriye kandi turizera ko noneho tuzabatsinda kuko dufite ibimenyetso bishya. Aha kandi niho akarere gateze amafaranga kazishyura abo baturage.”

Akomeza avuga ko nibatsindwa burundu bazarega rwiyemezamirimo noneho akabona kwishyura abaturage.

Umuyobozi w’Akarere ka Bugesera ntavuga igihe aba baturage bazishyurirwa. Abasaba kwihangana urubanza barimo rukarangira.

Inyubako y’ibiro by’Akarere ka Bugesera yatangiye kubakwa mu mwaka wa 2012, iza kudindira bitewe na rwiyemezamirimo utarubahirije amasezerano.

Iyi nyubako kandi yageze ubwo ifungisha bamwe mu bari abakozi b’akarere barimo n’uwari umunyamabanga nshingwabikorwa wako.

Kuri ubu yamaze kuzura, itwaye asaga miliyari 1.5RWf mu gihe yari iteganirijwe atagera kuri miliyari 1RWf.

Izi nkweto zikorwa n’uruganda rwa Kigali Leather Ltd rukorera mu Bugesera

Ubwo buyobozi bwabitangaje ubwo Minisitiri w’ubucuruzi w’inganda n’umuryango wa Afurika y’Iburasirazuba (MINEACOM), Francois Kanimba ari kumwe na Ambasaderi w’Ubushinwa mu Rwanda, Rao Hongwei basuraga urwo ruganda tariki ya 09 Gicurasi 2017.

Wang Yuan, umuyobozi w’urwo ruganda ruri i Ntarama mu Bugesera, avuga ko rukora inkweto mu mpu ku buryo ngo muri Nyakanga 2017, bazatangira kuzishyira ku isoko.

Akomeza avuga ko ariko n’ubwo bakora inkweto bafite ikibazo cyo kubura impu zo gutunganya kandi ziba zikenewe hirya no hino ku isi.

Agira ati “Uruganda rwacu rufite ikibazo cyo kubura impu zo gutunganya, nyamara zoherezwa mu bihugu byo hanze. Kuri ubu rutunganya toni 7.5 ku munsi nyamara dukenera toni zirenga icumi ku munsi.”

Akomeza avuga ko icyo kibazo cyakemuka bahawe isoko ry’impu zo mu Rwanda.

Minisitiri Kanimba avuga ko bagiye gukorana n’abacuruzi b’impu kugira ngo bajye bazigemura kuri urwo ruganda, rwatangiye gukorera mu Rwanda muri 2014.

Agira ati “Dufite abacuruzi bajyaga ku mabagiro bazijyana mu mahanga! Kuva ubu ntabwo tuzongera kwihanganira abacuruzi bagemura impu hanze y’igihugu kandi uru ruganda ruzikeneye. Nibiba ngombwa tuzakoresha itegeko ariko uru ruganda ntirubure impu zo gutunganya.”

Minisitiri Kanimba ubwo yasuraga uruganda rwa Kigali Leather Ltd

Abacuruzi b’impu bo mu Rwanda bahamya ko nabo biteguye kujya bagemura impu kuri urwo ruganda; nk’uko bivugwa na Bisetsa Joel uhagarariye ishyirahamwe ry’abacuruzi b’impu mu Rwanda.

Agira ati “Iyi ni inkuru nziza kuri twe kuko tubonye aho tuzajya tugemura impu mu buryo butworoheye kuko twajyaga duhura n’ibibazo aho twazigemuraga nko mu Bushinwa, muri Kenya, Uganda n’ahandi.”

Urwo ruganda rwatangiye gukemura ikibazo cy’umwanda uruvamo

Uruganda rutunganya ibikomoka ku mpu rwa Kigali Leather Ltd ubwo rwatangiraga gukora rwatunzwe agatoki ko imyanda iruvamo idafite ahantu habugenewe ishyirwa bigatuma ikamanuka ijya mu mugezi w’Akagera uri hafi yarwo.

Ibintu abantu batandukanye bagiriye ubwoba bavuga ko iyo myanda yangiza amazi y’uwo mugenzi akaba yatera indwara abawuturiye.

Gusa ariko ubwo Minisitiri Kanimba yasuraga urwo ruganda yashimye uburyo bakemuye icyo kibazo, bagacukura umwobo ujyamo iyo myanda.

Uruganda rwa Kigali Leather Ltd rwacukuye imyobo ifata imyanda iruvamo

Wang Yuan umuyobozi w’urwo ruganda yerekanye ko afatanije n’abikorera bacukuye icyobo kijyamo amazi ava muri urwo ruganda, akongera agatunganywa agasubira mu ruganda agakoreshwa.

Bitandukanye na mbere aho yashyirwagamo imiti maze akajya mu ruzi rw’Akagera aho yangizaga ibidukikije.

Collette Ruhamya, umuyobozi w’ikigo cy’igihugu gishinzwe kurengera ibidukikije (REMA) avuga ko ugereranije na mbere, urwo ruganda rugeze ku gipimo cya 95% rutunganya amazi mabi aruvamo.

Agira ati “Twashyizeho itsinda duhuriyeho na REMA na RBS (ikigo cy’igihugu gishinzwe ubuziranenge) rigizwe n’inzobere aho rizaza kureba niba uku gufata aya mazi bitangiza ibidukikije. N’ubwo ari mu cyobo kiyatunganya ariko tuzareba niba atinjira mu butaka ngo yangize ibidukikije.”

Uruganda Kigali Leather Ltd rwatangiye rutunganya impu rukazohereza mu Bushinwa. Nyuma Leta y’u Rwanda irusaba ko rwashinga uruganda rukora ibikomoka ku mpu mu Rwanda, akaba ari nayo mpamvu rwatangiye, rukazakora inkweto, imikandara, amasakoshi n’ibindi.

Biteganijwe ko abafite inganda nto zikora inkweto bazajya bajya kuharangura impu zikannye mu gihe bazikuraga mu bihugu byo hanze.

Uruganda Kigali Leather Ltd rutunganya ubwoko bw’impu butandukanye

Urwo ruganda rufite ubushobozi bwo gukora inkweto 2000 ku munsi. Intego ni uko ruzajya rukora inkweto 5000 ku munsi kugira ngo bahaze isoko ry’u Rwanda no mu karere.

Rukoresha abakozi 160 biganjemo urubyiruko. Ibikorwa byose bimaze kurushorwamo bifite agaciro kangana na miliyoni umunani z’Amadorari ya Amerika, arenga Miliyari 6RWf.

Umunyamabanga uhoraho muri MIFOTRA Musonera Gaspard

Umunyamabanga uhoraho muri MIFOTRA, Musonera Gaspard avuga ko Leta itazakomeza kurebera ikibazo cya ba rwiyemezamirimo bambura abo bakoresha.

Ahamya ko bazajaya babambura ibyangombwa bityo ntibanongere kubona aho bapiganira amasoko ya Leta.

Agira ati “Uretse ibyo bazajya bakwa ibyangombwa ndetse ntibazongere kubona ibyangombwa by’abashaka gukora indi mirimo kuko biba byagaragaye ko ari abahemu”.

Akomeza avuga ko mu minsi ya vuba bagiye gukorana n’abakozi bashinzwe umurimo mu turere bityo bandike abakoresha bafitanye ibibazo n’abakozi babo byo kutabishyura.

Habyarimana Venuste, umwe mu baturage bo mu Murenge wa Rilima muri Bugesera avuga ko yakoreye rwiyemezamirimo wubakaga inyubako y’Akarere ka Bugesera, aramwambura none aho yafataga ibyo kurya muri butiki bamutwaye igare.

Agira ati “Rwose baramutse babafatiye ibyemezo nk’abo batwambuye byadushimisha kuko bajya n’ahandi naho bakambura abandi kandi amafaranga yabo barayabishyuye.”

Bamwe mu bikorera bafite amasosiyete akoresha abakozi mu bikorwa bya buri munsi, bavuga ko bagenzi babo batishyura abo baba bakoresheje babiterwa n’uko bafata amafaranga bagahembye abakozi bakayashyira mu bindi bikorwa; nk’uko bigarukwaho na Murindahabi Innocent umwe muri ba rwiyemezamirimo abisobanura.

Agira ati “Aba baraduha isura mbi mu bakozi! Ni byo koko Leta ikwiye kubafatira ibihano kuko nibwo icyo kibazo gishobora gukemuka burundu.

Ikindi usanga amafaranga baba batayabuze yo kwishyura abakozi bakoresheje ahubwo bahita bayajyana mu bindi.”

Ikibazo cya ba rwiyemezamirimo batishyura abakozi si ubwa mbere kigarukwaho nyamara gikomeje kugaragara.

Imwe mu nzu ya La Palisse Gashora yahiye irakongoka

N’ubwo Ubuyobozi bwa Hotel butabashije kuvugana n’itangazamakuru ako kanya, Umunyamabanga Nshingwabikorwa w’Umurenge wa Gashora, Uwamugira Martha watabaye mu ba mbere, yatangaje ko iperereza ku cyateje iyo nkongi rigikorwa, ariko ngo harakekwa insinga z’amashanyarazi zitari zimeze neza.

Yagize ati “ Twatabajwe n’abantu batubwira ko inzu imwe ya hotel ifashwe n’umuriro, twihutira kuhagera n’abandi baturage ku buryo abakiriya barimo ibintu byabo byakuwemo bitarashya byose.

Impamvu hakekwa amashanyarazi atari ameze neza ni uko iyo nkongi yaturutse mu gisenge cy’inzu”.

Yakomeje avuga ko bahise bitabaza imodoka ebyiri zabugenewe mu kuzimya inkongi zizwi nka Kizimyamoto, zaje zituruka i kigali zikazimya uwo muriro, n’ubwo zasanze ibintu byinshi byari bimaze kwangirika

Harakekwa amashanyarazi atari ameze neza ko ari yo yateye iyi mpanuka

Ati “ kugeza ubu ntiharamenyekana igiciro cy’ibyangiritse, gusa birakegeranywa kuko iyo nzu yahiye yarimo abakiriya bane kandi umwe yari yazindutse ajya i Kigali ku buryo tutaramenya niba hari ibintu bye byahiriye muri iyo nyubako kuko turacyamutegereje ngo tumenye neza ibyahangirikiye”.

Polisi ikaba yahise itangira iperereza kugira ngo hamenyekane neza icyateye iyo mpanuka.

iyi n’inshuro ya kabiri Hotel la Palisse Gashora yibasirwa n’inkongi y’umuriro kuko mu mwaka wa 2011 imwe mu nzu zayo nabwo yahiye, bitewe n’umuriro wakomotse ku nkuba yakubise kuri iyo nzu.

Polisi yahagaritse iyi nkongi

Abantu batanu bo mu Karere ka Bugesera bafunze bakekwaho ingengabitekerezo ya Jenoside

Muri bo harimo umugabo w’imyaka 44 y’amavuko wo mu mu murenge wa Mayange wabwiye uwo bakoranaga akazi ko gupakira ibiti mu modoka ati “ Abatutsi baduha akazi gute!”.

Nyuma yaho yahise atabwa muri yombi kuri ubu afungiye kuri sitasiyo ya Polisi ya Mayange.

Undi ufunze, ni umusaza ufite imyaka 65 y’amavuko, utuye mu murenge wa Rilima. Yabwiye Ruhanga Innocent, warokotse Jenoside yakorewe Abatutsi ko Abatutsi ari babi kandi ko ari abagome.

Ruhanga yahise ajya kumurega ku buyobozi bw’akagari. Ndayizeye Jean D’Amour, ushinzwe iterambere muri ako kagari yafashe umwanzuro wo kubunga ariko yabikoze nyuma yo guhabwa ruswa ya 5000RWf.

Ibyo byaje kumenyekana maze Ndayizeye n’uwo musaza warezwe bombi batabwa muri yombi, ubu bafungiye kuri Station ya Polisi ya Rilima.

Abandi bafunzwe harimo umusore w’imyaka 25 y’amavuko n’undi w’imyaka 24 y’amavuko, babwiye Mukandanga Francine, warokotse Jenoside yakorewe Abatutsi, ko bazongera bakabarangiza. Ubu nabo bafungiye kuri Station ya Polisi ya Rilima.

Umunyamabanga wa Leta muri Minisiteri y’Ubutegetsi bw’Igihugu, Dr. Alvera Mukabaramba ubwo yatangizaga icyumweru cyo kwibuka ku nshuro ya 23 Jenoside yakorewe Abatutsi muri Bugesera, yabwiye abaturage ko bagomba kurwanya ingengabitekerezo ya Jenoside.

Yakomeje avuga ko muri 2016, Intara y’Iburasirazuba yaje ku isonga mu kugira ingengabitekerezo ya Jenoside kuko hagaragaye 88 muri 232 bagaragaye mu gihugu hose.

Iri rerero abatuye Rweru bubakiwe ririmo ibikoresho byose

Iryo rerero ryubatswe n’uwo muryango, ku nkunga y’Intara yo muri Koreya y’Epfo yitwa GyeongGi-Do, ryatashywe ku mugaragaro tariki ya 30 Werurwe 2017.

Abaturage bo mu Murenge wa Rweru bavuga ko iryo rerero rizabafasha cyane kuko mbere baburaga ahantu hatekanye basiga abana babo, nk’uko Uwizeye Clemantine abisobanura.

Agira ati “Najyaga mu murima nta mutima mfite kuko nabaga namusize ku baturanyi nkagenda mpangayitse kandi namujyana simbashe gukora neza kuko buri kanya yabaga arira. Ariko ubu ntibizongera kubaho kuko tuzajya tubasiga mu irerero.”

Mugenzi we witwa Mukamuganga Patricie agira ati “Naramusigaga ariko umunsi umwe nigeze gusanga moto yamugonze n’uwamugonze ntiyamenyekana maze nduha muvuza.

None ubu ndamujyana nabwo bikanyicira akazi kuko buri kanya aba ashaka ko muheka.”

Umuyobozi w’Akarere ka Bugesera, Nsanzumuhire Emmanuel avuga ko iryo rerero rije risubiza gahunda ya Leta, aho yihaye intego ko abana bazajya basigarana n’abantu babyigiye kandi babigize umwuga.

Agira ati “Akarere kacu nako kabishyizemo ingufu aho kihaye intego y’uko buri mudugudu uzaba ufite irerero bitarenze umwaka wa 2020 kandi turabona tuzabigeraho nta kabuza.”

Umyobozi w’Akarere ka Bugesera, Nsanzumuhire Emmanuel n’uyobora Human in Love mu Rwanda, Hyeshin Sung batemberezwa iryo rerero

Hyeshin Sung, umuyobozi wa Human in Love mu Rwanda avuga ko yizeye ko iryo rerero rizafasha abazarinyuramo maze bakarerwa neza. Ibyo bikazagirira akamaro ingo zabo n’igihugu muri rusange.

Agira ati “Igihugu cya Koreya y’Epfo cyahuye n’intambara irakizahaza cyane ariko kubera inkunga twagiye duhabwa n’ibihugu bitandukanye cyane cyane mu bijyanye n’uburezi byatumye igihugu gitera imbere cyane none kikaba ari icya 11 mu bihugu bikize ku isi.

Iyo neza twagiriwe natwe nibyo bidutera gufasha abandi kugira ngo babashe gutera imbere.”

Iryo rerero ryatashywe rigizwe n’ibyumba bitatu n’ibiro n’ubwiherero. Rikaba ryaranashyizwemo ibikoresho byose. Ibyo byose bikaba byaratwaye asaga Miliyoni 41RWf.

Uretse iryo rerero, umuryango "Human in love"urihira ukanatanga ibikoresho ku banyeshuri, barimo umwe wiga muri kaminuza.

Madame Jeannette Kagame arahamagarira Inkubito z’Icyeza guhwitura bagenzi babo

Yabibasabye ubwo yari mu Karere ka Bugesera, mu Murenge wa Mayange ahabereye igikorwa cyo guhemba abakobwa batsinze neza ibizamini bya Leta, aribo Inkubito z’Icyeza, mu byiciro bitandukanye, tariki ya 28 Werurwe 2017.

Agira ati “Mwe mwitwara neza ndabasaba kumfasha kugabanya umubare w’abakobwa baterwa inda zitateganijwe kuko ubu ugeze kuri 7% ndetse n’umubare w’abareka ishuri.”

Yababwiye ko kandi bagomba guhera ku buhamya bwabo maze bagasaba abakobwa kwitwara neza batararikira ibya mirenge kuko akenshi aribyo babafatiraho.

Ati “Ibyo bituma babashuka ngo bagiye kubarangira akazi keza mu mahanga ahubwo bagiye kubacuruza, ndabasabye mubegere maze mubereke ko nabo bafite ubushobozi bwo kuzabigeraho bivuye mu maboko yabo.”

Madame Jeannette Kagame ageza Ijambo ku Nkubito z’icyeza zahembwe kuri uyu wa kabiri

Abakobwa 227 nibo bahawe ibihembo na Imbuto Foundation muri uyu mwaka wa 2017.

Iki gikorwa cyo gushimira aba bakobwa, Imbuto Foundation igikora mu rwego rwo gushyigikira imyigire y’umwana w’umukobwa no kugira ngo bitere abandi bakobwa kwiga bashyizeho ingufu.

Uwimbabazi Bonifilde ni umwe mu bakobwa wahembwe, akaba ari ku nshuro ya gatatu ahembwa, aravuga ko iki gikorwa gituma bigirira icyizere ndetse bituma bakomeza gukora cyane babitewe n’amahuriro bashyirirwaho.

Agira ati “Nabonye igihembo cya mbere ndangije amashuri abanza. Ibi byampaye ingufu numva mfite icyizere ndetse binyuze mu matsinda twashyiriweho n’Imbuto Foundation numva ko ntagomba gusubira inyuma.”

Yashimiye aba bana batsinze neza amasomo abasaba kuba intangarugero kuri bagenzi babo

Uwase Patricie, wahembwe muri 2005 ubwo yarangizaga amashuri yisumbuye, yatanze ubuhamya bw’ukuntu nyuma yo guhembwa yagize ingufu zo kwiga none kuri ubu akaba arangije icyiciro cya gatatu cya kaminuza mu bijyanye n’ubwubatsi muri Leta zunze ubumwe z’Amerika.

Agira ati “Napfushije umubyeyi nkiri muto ariko ntibyanciye intege, ahubwo byampaye intege zo gukora cyane. Akaba ariyo mpamvu nabonye iki gihembo kandi nibyo byatumye ngeze ku rwego ndiho ubu.

Nkubito z’Icyeza tugomba kuba ishema ry’abakobwa kugira ngo tugarurire icyizere uwakiduhaye.”

Kuva mu mwaka wa 2005, Imbuto Foundation imaze guhemba abagera ku bihumbi 4438. Ibi kandi ngo byazamuye umubare w’abakobwa batsinda.

Gato Marcelline umwe mu bana bafite ubumuga bwo kutabona atanga ubuhamya bw’uburyo yitwaye neza mu masomo

Ingazo 200 zaturutse mu bihugu 13 byo muri Afurika zihora ziteguye gutabara aho rukomeye ziri mu myitozo i Gako mu Bugesera

Iyo myitozo y’ingazo za Afurika zihora ziteguye gutabara aho rukomeye, yatangijwe ku mugaragara kuri uyu wa gatandatu tariki ya 25 Werurwe 2017, yatangiye tariki ya 20 Werurwe ikazasozwa tariki ya 31 Werurwe 2017.

Ihuje abasirikare ba ba-ofisiye babarirwa muri 200 bo mu bihughu 13 birimo n’u Rwanda. U Rwanda rufitemo ingabo 90.

Ibyo bihugu uko ari 13 ni Algeria, Angola, Benin, Burkina Faso, Chad, Egypt, Niger, Senegal, South-Africa, Sudan, Tanzania, Uganda n’u Rwanda.

Umuvugizi w’ingabo z’u Rwanda, Lt. Col. Rene Ngendahimana aravuga ko kwakira iyi myitozo bigaragaza icyizere AU yagiriye u Rwanda rwubaka icyizere mu ngabo zigomba gutabara aho rukomeye.

Agira ati "Izi ngabo zizajya zitabara ahabaye ikibazo kandi byihuse nta kurindira ko ingabo za kure ya Afurika ziba arizo ziza gutabara."

Akomeza avuga ko kugira ngo izi ngabo zitabare, zizajya zihabwa uburenganzira n’Umuryango wa Afurika yunze ubumwe (AU).

Kugeza ubu ntabwo izi ngabo ziritabazwa. Gusa ariko avuga ko ziteguye igihe cyose aho bazishaka zatabara byihuse.

Imyitoro ya Utulivu Africa III iri kubera i Gako, ibaye ku nshuro ya gatatu: ubwa mbere ya bereye muri Afurika y’Epfo ubwa kabiri muri Angola

Igihugu cyakiriye iyo myitozo nicyo kiba gifite ubuyobozi. Bivuze ko mu gihe hari aho rukomeye muri Afurika, icyo gihugu nicyo gifata iya mbere mu gutabara ibindi bihugu bigatabara nyuma bitarenze iminsi irindwi.

Major Alexis Ahabyona, waturutse muri Uganda avuga ko biteguye gutabara igihe bitabajwe kandi ko ubushobozi babufite.

Agira ati "Aha turasangira ubunararibonye ndetse n’ubunyamwuga bwo mu bihugu bitandukanye."

Iyo myitozo iri kubera mu Rwanda ibaye ku nshuro ya gatata. Ubwa mbere yabereye muri Afurika y’Epfo naho iyo ku nshuro ya kabiri ibera muri Angola.

Gen. Major Jacques Musemakweri, umugaba mukuru w’ingabo zirwanira ku butaka watangije iyo myitozo yahamagariye abayarimo kuyaha agaciro kuko Afurika ibatezeho kugarura amahoro aho yahungabanye.

Akomeza avuga ko u Rwanda rwiteguye gukora ibishoboka byose kugirango iyo myitozo izagende neza.

Sivuyile Bam, intumwa y’umuryango wa Afurika ushinzwe ibikorwa by’amahoro yasabye ko ibibazo byagiye biba mu bihugu bimwe na bimwe, bitazongera ukundi. Aho yatanze urugero kuri Jenoside yakorewe abatutsi mu Rwanda.

Yatanze kandi amateka yishyirwaho ry’iyo myitozo. Yavuze ko ishyirwaho ryayo ryaturutse mu nama yabereye muri Zimbabwe muri 1997, ihuje abakuru b’ingabo.

I Gako hateraniye ingazo zaturutse mu bihugu 13 byo muri Afurika

Abayobozi b’umuryango wa Afrika yunze bemeje imyanzuro yafashwe muri iyo nama, maze hafatwa umwanzuro wo gushinga umutwe nyafurika uhora witeguye gutabara ahavutse ibibazo by’umutekano muke (ACIRC: African Capacity for Immediate Response to Crises).

Uwo mutwe watangijwe mu 2013 mu rwego rwo kwishakamo ibisubizo nk’Abanyafurika.

Guhabwa impamyabushobozi zitangwa na WDA bituma babona inguzanyo

Rutagengwa Patrick ahagarariye abakorera ububaji mu gakiriro ka Nyamata avuga ko iyi mbogamizi yo kutagira impamyabushobozi itangwa n’ikigo cy’igihugu gishinzwe guteza imbere imyuga n’ubumenyingiro (WDA).

Yagize ati “Ku ikubitiro ntitwemerewe guhabwa inguzanyo yo gutangiza umushinga ingana n’amafaranga y’u Rwanda ibihumbi 500, atangwa ari uko ufite impamyabushobozi ya WDA, aho uwayihawe yishyura kimwe cya kabiri andi akaba ari inkunga”.

Nsengiyumva Jean Marie nawe akorera ubukorikori mu gakiriro ka Nyamata avuga ko leta igomba kubagoboka nabo ikabaha amahugurwa kugirango babashe kubona icyangombwa kibemerera guhabwa inguzanyo.

Ati “Nkatwe twize kera tudafite izi mpamyabushobozi za WDA bagomba kudutekerezaho kuko turazikeneye cyane kugirango natwe tubone kuri ayo mafaranga yo kujya kwikorera”.

Taifa Steven, Umukozi w’Akarere ka Bugesera ushinzwe kongera imirimo muri gahunda ya NEP KORA WIGIRE, arasaba abafite iki kibazo ko bakwishyira hamwe maze ubuyobozi bw’akarere bukavugana na WDA ikaza kubaha ikizamini kugira ngo babone izi mpamyabushobozi”.

Imibare itangwa n’abakorera mu gakiriro ka Nyamata igaragaza ko abagera kuri 50 bagakoreramo nta mpamyabushobozi za WDA bagira .
Ni ikibazo bahuriyeho n’abandi bakorera mu dukiriro dutandukanye two muri aka karere.

Ufite iyi mpamyabushobozi ahabwa amafaranga ibihumbi 500 ari mu mirenge SACCO, kugira ngo afashe abize imyuga kubona intangiriro yo kugura ibikoresho mu rwego rwo gukemura ibura ry’akazi mu rubyiruko.

Minisitiri Kaboneka yabwiye abayobozi b’inzego z’ibanze ko bagomba guhora bitwararika kuko ari indorerwamo y’imiyoborere myiza

Yabibabwiye ubwo yasozaga umwiherero w’abo bari bamazemo iminsi itatu, waberaga mu Karere ka Bugesera, tariki 19 Werurwe 2017.

Agira ati “Muri indorerwamo y’imiyoborere myiza mugomba guhora muyihanagura kugirango itazaho ivumbi cyangwa uwundi mwanda.

Ibyo bivuze ko mugomba gukora mudahutaza abaturage ahubwo mukababera ikiraro kibahuza n’ubuyobozi bw’inzego zo hejuru.”

Akomeza abwira abo bayobozi b’inzego z’ibaanze ko yasabye bagomba kunoza imikorere yabo, abibutsa kwita ku baturage bashinzwe, ntihagire umuturage urenganywa mu bibazo afite ku buryo yumva ko azatabarwa n’ubuyobozi bukuru bw’igihugu.

Ati “Mukemure ibibazo by’abaturage, mugabanye umubare w’ibibazo n’amarira batura Perezida kubera uburangare n’akarengane.

Ndabasaba gutana burundu n’umuco wo gutanga serivisi mbi, ziherekezwa na ruswa ikigaragara muri zimwe mu nzego z’ibanze.”

Ngezahayo Abidan, umujyanama w’Akarere ka Nyamasheke washoje umwiherero avuga ko agomba kuba intangarugero imbere yabo ayoboye.

Agira ati “Ni njye uhagarariye abayobozi b’igihugu ngomba gukora ibibahesha agaciro nirinda icyatuma umuturage atiyumvamo ubuyobozi, nkaba bandebereho kuko ibyo nsaba abaturage gukora arinjye ubanza kubikora akandebaraho.”

Abayobozi b’inzego zibanze bahamagariwe kugabanya ibobazo mu baturage

Nzaramba Lucie, umujyanama w’Akarere ka Gicumbi we avuga ko bagiye kurushaho kwesa imihigo bafatanyije n’abaturage.”

“Ni njye ukwiye kuba intangarugero muri gahunda z’abaturage, mbaha agaciro na serivise nziza nta muruhije mbese akanyibonamo.”

Mu myanzuro 21 yafatiwe muri uwo mwiherero,harimo kwimakaza indangagaciro yo kuvugisha ukuri, kwirinda no kurwanya ruswa, guhanahana amakuru hagati y’inzego.

Hiyongeraho kandi guca umuco wa “ntiteranya” no kwicecekera aho gufata icyemezo ku kibazo gihari kibangamiye inyungu rusange.

Harimo kandi kumenyekanisha ku nzego zitandukanye zikorera mu karere ibyavuye mu mwiherero w’abayobozi bakuru b’igihugu wabereye i Gabiro kuva tariki ya 25/02 kugeza ku ya 02/03/2017 no gukurikirana ishyirwa mu bikorwa ryayo.

Abagize AERG/GAERG basukuye imibiri y’abazize Jenoside bashyinguye mu Rwibutso rwa Jenoside rwa Nyamata

Babitangarije mu Karere ka Bugesera ku Rwibutso rwa rwa Jenoside rwa Nyamata tariki ya 18 Werurwe 2017, ubwo bari mu cyumweru cyahariwe ibikorwa bya AERG/ GAERG.

Abagize iyi miryango bagiye ku rwibutso rwa Nyamata maze basukura imibiri ihashyinguye, isigwa umuti kugira ngo bitume itangirika.

Iyi mibiri ikaba yari yatangiye kwangirika bitewe n’ubukonje n’ivumbi.

Mugirimfura Elias asanga gusukura iyi mibiri ari umwanya wo gusubiza icyubahiro abacyambuwe ndetse bikaba n’umwanya wo kuzirikana k’ubumuntu bambuwe.

Agira ati “Iki gikorwa kirampumuriza ndetse nkumva nongeye gusubirana n’ababyeyi banjye, abandimwe banjye n’abandi bose bazize Jenoside yakorewe Abatutsi.”

Abagize AERG/GAERG bahamya ko gusukura imibiri y’abazize Jenoside bituma bongera kumva ko babasubije icyubahiro

Mujawamariya Rose we avuga ko gusukura imibiri bimwereka ko aba aha agaciro ababyeyi n’inshuti bazize Jenoside.

Agira ati “Mba numva nibuka ijambo yambwiye ngo nzabe umugabo, mba numva nongeye gusubirana nawe maze nkumva ndanezerewe muri njye.”

Umuyobozi wungirije wa Ibuka mu Karere ka Bugesera, Rutayisire Jackson yabashimiye icyo gikorwa bakoze gusa abasaba ko bazongera bakagaruka.

Agira ati “Turashaka ko iyi mibiri izongera gushyingurwa mu mva aho yari iri ariko habanje naho gutunganywa, turabasaba ko mwazagaruka kugira ngo tubashe kuyishyingura yose yarangije gusukura no gusigwa umuti utuma itazongera kwangirika.”

Twahirwa Emmanuel, umuyobozi wa AERG avuga ko batazazuyaza kugaruka gukora iki gikorwa kuko imbaraga bafite ari izo kubasubiza agaciro.

“Ibi biri mu nshingano zacu kandi ntabwo tuzajya ahandi dusize iki gikorwa kitarangiye.”

Urwibutso rwa Nyamata rushyinguyemo imibiri ibihumbi 45 y’abazize Jenoside yakorewe Abatutsi.

Rutayisire Jackson, umuyobozi wungirije wa Ibuka mu Karere ka Bugesera yashimiye abagize AERG/GAERG

Kuri ubu rukaba rurimo gusanwa ndetse imibiri ihashyinguye, imyambaro n’ibindi bikoresho bikaba birimo guterwa imiti ibifasha kugira ngo itangirika.

Icyumweru cyahariwe AERG/GAERG gifite intego eshanu z’ingenzi arizo kubaka igihugu, gushimira abarokoye Abatutsi no guha agaciro abatutsi bazize Jenoside.

Abagize AERG/GAERG kandi basuye imiryango itatu yo mu Bugesera y’abarokotse Jenoside yakorewe Abatutsi, baremeye mu mwaka wa 2016.

Abagize AERG/GAERG basuye Kayitesi Theopista utuye i Nyamata baremeye muri 2016

Inzu ya Kayitesi Theopista yuzuye itwaye arenga miliyoni 4RWf

Abagize AERG/GAERG banasuye Mukakayonde Donatille nawe utuye i Nyamata baremeye muri 2016

Abagize AERG/GAERG kandi basuye Ngaboyamahina Athanase utuye mu Murenge wa Ntarama mu Bugesera baremeye muri 2016

Inzu ya Athanase yuzuye itwaye arenga miliyoni 4 RWf

Amafoto: Muzogeye Plaisir

Barasaba kwegerezwa ingemwe z’ibiti by’imbuto

Ibi bamwe mu baturage babishingira ku kuba akenshi babona ingemwe z’ibiti bisanzwe bakanashishikarizwa ku bitera, ariko ntibabone ibiti byeraho imbuto ziribwa kandi bazikeneye ngo bazamure imirire myiza nk’uko Tumukunde Esperance abivuga.

Yagize ati “Kubera ko tumaze gusobanukirwa n’akamaro k’imbuto ziribwa mu kurwanya imirire mibi, niyo mpamvu dusaba ubuyobozi bw’akarere kuzitwegereza”.

Mukarutabana Veneranda nawe avuga ko uretse kubirya bikagirira umubiri akamaro, umuntu yanazigurisha agakuramo amafaranga yatuma yiteza imbere.

Umukozi w’akarere ka Bugesera ushinzwe amashyamba n’umutungo kamere Engenieur Mukunzi Emile, avuga ko kuba ingemwe z’ibiti byeraho imbuto ziribwa zikiri nke biterwa n’uko kuzitegura bisaba ingengo y’imari nini.

Ati “icyakora akarere gafatanije n’abafatanyabikorwa bako turi gufasha amatsinda n’amakoperative y’abaturage mu gutegura ingemwe ku buryo iki kibazo kigiye kubonerwa igisubizo mu gihe cya vuba”.

Uyu mukozi kandi yizeza abaturage ko akurikije ingamba mu gutegura ingemwe bafite, zizagenda ziboneka n’ubwo uyu mwaka zitazaba nyinshi uko zifuzwa.

Ati “aya matsinda n’amakoperative y’abaturage tuyaha bimwe mubikoresho bakenera ndetse n’ingemwe, ariho abaturage bazajya bajya kuzigurira zitabahenze kuko abo tuzabona bahenda abaturage bazahabwa ibihano”.

Gahunda y’akarere ka Bugesera ni uko mu myaka ine iri imbere buri rugo ruzaba rufite ibiti icumi byeraho imbuto ziribwa.

Kugeza ubu ubuso buteyeho ibiti mu karere ka Bugesera bungana na hegitari ibihumbi 724, buri ku kigereranyo cya 13,5%.

Uyu mwana w’imyaka umunani y’amavuko yatwitswe na se ibiganza amuziza guca ikigori mu murima

Aba bana barwajwe n’inshuti z’imiryango yabo kuko ba se bababyara, barafunze kandi ntibabanaga n’abagore babo.

Gusa ariko abo bana ntibagereye mu bitaro bya Nyamata umunsi umwe kuko uwa mbere yahageze ku itari 10 Mutarama 2017 naho undi ahagera ku itariki 19 Mutarama 2017.

Uwagejejwe bwa mbere muri ibyo bitaro ni umwana w’imyaka umunani wo mu murenge wa Kamabuye. Se umubyara yamutwitse ibiganza byombi amuziza ko yaciye ikigori kimwe mu murima.

Murenzi Jean Chrisostome, umuforomo ukurikirana uwo mwana avuga ko afite ubushye mukomeye ariko ngo bizeye ko azakira.

Agira ati “Uyu mwana ise yaramutwitse cyane kuburyo byageze ku magufwa ariko turimo gukora ibishoboka byose kugira ngo uyu mwana akire.”

Uyu mwana akigera mu bitaro nta murwaza yari afite. Ariko kuri ubu arwajwe na se wabo kuko se afungiye kuri Station ya Polisi ya Ruhuha mu Bugesera.

Yabanaga na se gusa kuko nyina yitabye Imana ubwo yamubyaraga. Avukana n’abandi batatu barimo abubatse ingo zabo.

Umwana wa kabiri urwariye mu bitaro bya Nyamata afite imyaka irindwi y’amavuko. Ni uwo mu murenge wa Mareba.

Se yamutwitse ibiganza akoresheje umupanga ushyushye, nyuma yo kubwirwa n’abana bagenzi be ko yibye telefone igendanwa y’umuturanyi.

Se w’uwo mwana nawe bahise bamuta muri yombi, ubu afungiye kuri station ya Polisi ya Ruhuha.

Uyu mwana w’imyaka irindwi nawe yatwitswe na se ibiganza nyuma yo kubwirwa ko yibye telefone

Uyu mwana arwajwe n’umuturanyi wabo witwa Uzarama Vestine kuko se atari akibana na nyina w’uwo mwana.

Uzarama avuga ko babayeho nabi mu bitaro kuko kuva bahagera nta muntu urabagemurira.

Nsengiyumva Emmanuel, umuforomo ukurikirana uyu mwana avuga ko bamusanzemo ubushye bwo mu cyiciro cya kabiri, kuko ubushye bwafashe uruhu rw’inyuma gusa.

Irankunda Marie Gorette, umunyamabanga nshingwabikorwa w’agateganyo w’umurenge wa Mareba, avuga ko umubyeyi w’uwo mwana yahubutse mu guhana umwana we kuko byaje kugaragara ko umwana abeshyerwa atigeze yiba telefone.

Uwo muyobozi akomeza ahamagarira ababyeyi kwitondera ibihano baha abana.

Ingingo ya 218 y’igitabo cy’amategeko ahana ibyaha mu Rwanda, ihanisha umuntu wese wahaye umwana ibihano bikabije, bimujujubya cyangwa bimutesha agaciro, igifungo cyo kuva ku mezi atandatu kugeza ku myaka ibiri. Hiyongeraho ihazabu yo kuva ku bihumbi 100RWf kugeza ku bihumbi 300RWf.

Iyo bimuviriyemo ubumuga ahanishwa igifungo cyo kuva ku myaka itanu kugeza ku myaka irindwi n’ihazabu yo kuva ku bihumbi 500RWf kugera kuri milliyoni 1RWf. Ibyo bihano yamuhaye iyo bimuviriyemo urupfu ahanishwa igifungo cya burundu.

Si ubwa mbere mu Karere ka Bugesera humvikana ababyeyi bahana abana babo bihanukiriye kuko mu mwaka wa 2016 nabwo hari undi mubyeyi wavumbitse ibiganza by’umwana we mu muriro amujijije ko yamutwaye igiceri cya 50RWf.

Umukobwa w’imyaka 33 y’amavuko yagiye kuvoma mu Kiyaga cya Cyohoha cyo mu Bugesera, arohamamo ahasiga ubuzima

Byabereye mu Mudugudu wa Shami, mu Kagari ka Murama, mu Murenge wa Ngeruka, tariki ya 18 Mutarama 2017.

Akimana Velena, umubyeyi wa nyakwigendera avuga ko uyu mwana we yarasanzwe arwaye indwara y’igicuri kuko cyakundaga kumufata. Akeka ko ari cyo cyaba cyaramufashe kikamutura mu mazi.

Agira ati “Yafashe ikivomesho maze ajya ku kiyaga kuvoma amazi nta wundi muntu ubizi kuko ntawari kumukundira ko agenda wenyine. Gusa ntituzi aho yari yagiye kuko twaramubuze tumushakira mu baturanyi turamubura.

Umuturanyi umwe niwe watubwiye ko yamubonye afite ijerekani tugiye ku kiyaga dusanga hari umurambo we yitabye Imana.”

Uyu mubyeyi avuga ko igicuri cyari kimaze kumufata inshuro eshatu yagiye ku kiyaga kuvoma, kikamutura mu mazi akarohorwa n’abo bajyanye. Ngo niyo mpamvu batatumaga yijyana wenyine.

Mugenzi Vincent, umunyamabanga nshingwabikorwa w’Akagari ka Murama ahamagarira ababyeyi bafite abana bafite uburwayi kubitaho cyane.

Agira ati “Ndabagira inama yo kutajya babakoresha imirimo ivunanye ndetse bakabahozaho ijisho, bakabahora hafi.”

Kubera kutagira amazi mu ngo zabo, bamwe mu baturage baturiye ibiyaga n’inzuzi bo mu Karere ka Bugesera usanga bakunze kuvoma amazi yabyo.

Ahazubakwa ikibuga cy’indege niho iyo mibiri yataburuwe.

Gasirabo Gaspard, umunyamabanga nshingwabikorwa w’umurenge wa Rilima, avuga ko iyi mibiri yataburuwe n’imashinzi zihinga, ahahoze urusengero rw’abadivantisite b’umunsi wa Karindwi, ruri mu mudugudu wa Gatare mu Kagari ka Karera mu murenge wa Rilima mu karere ka Bugesera, ku gicamunsi cya kuri uyu wa kane tariki 12 Mutarama 2017.

Yagize ati “Amakuru twahawe na Twahirwa Saveri ni uko yahise abamenya maze avuga ko umwe ari nyina witwaga Kambuguje Agnes ndetse n’umwuzukuru we atabuka amazina ye.”

Gasirabo avuga ko kugira ngo uwo Twhirwa amenye abe byatewe n’imyenda yabo bari bambaye. Twahirwa avuga ko bari barashatse aho bataye umurambo wa nyina barahabuze, kuko abamwishe aho babarangiraga ko bamutaye batamubonaga.

Kuri ubu iyi mibiri izashyingurwa mu cyubahiro nk’uko bitangazwa n’ubuyobozi bw’umurenge.

Umuyobozi w’Akerere ka Bugesera avuga ko abakozi b’ako karere beguye nta cyuho bazise (Photo Internet)

Tariki 27 Ukuboza 2016 nibwo hamenyekanye amakuru ko ba Gitifu b’utugari 20, abakozi bashinzwe iterambere mu tugari 19, abashinzwe imibereho myiza mu mirenge bane n’abashinzwe ubuhinzi mu mirenge bane, basezeye ku mirimo yabo.

Kwegura kw’abakozi bangana gutyo byumvikana ko aho bakoraga bahasize icyuho kuburyo abaturage babura ubaha serivisi.

Umuyobozi w’Akarere ka Bugesera, Nsanzumuhire Emmanuel avuga ko ariko nubwo abo bakozi bose basezeye nta cyuho basize aho bakoraga.

Agira ati “Gusezera kw’aba bakozi nta cyuho bisize kuko hari abandi bakoranaga nabo akaba aribo bagiye gukora akazi bakoraga kandi n’urwego rw’umurenge n’akarere ruzababa hafi ndetse tugiye kureba uburyo twabasimbuza vuba.”

Akomeza avuga ko abo bose bagiye bandika amabaruwa mu bihe bitandukanye. Ariko ngo icyemezo cyabo cyasuzumwe tariki ya 27 Ukuboza 2016 ari naho hemejwe ubwegure bwabo.

Nsanzumihire avuga ko kandi abanyamabanga nshingwabikorwa b’imirenge ibiri nabo bahinduriwe akazi, bakurwa kuri iyo myanya bajyanwa gukorera ku karere.

Tariki ya 23 Ukuboza 2016, ubwo Francis Kaboneka Minisitiri w’ubutegetsi bw’igihugu yari ari mu Bugesera, asozaga itorero ry’abayobozi b’inzego z’ibaze, yababwiye ko bakwiye guhindura imikorere yabo.

Yagize ati “Dukeneye impinduka kuko ntabwo dushaka abatita ku cyateza imbere umuturage, ahubwo bakita ku nyungu zabo bwite. Abo ntitubashaka bagomba kutuvamo.”

Yakomeje avuga ko mu basezera niba harimo abafite amakosa bakoze bakiri mu kazi, bazakurikiranwa bakayahanirwa.

Kwegura kw’abayobozi b’inzego z’ibanze biri kumvikana henshi mu turere tw’igihugu, gusa ariko ntiharamenyekana ukuri nyakwo kw’iyegura ryabo uretse kuba hatangazwa ko beguye ku giti cyabo.

Bamwe mubamotari batishimiye amafaranga y’amande bacibwa

Aba bamotari ubusanzwe ngo bishyura umusoro wa 2000Frw ku kwezi, ariko iyo bakerewe ngo bacibwa 10,000Frw kandi bakagombye gucibwa icumi ku ijana ry’umusoro batanga ku kwezi.

Hategekimana Claude umwe muri aba bamotari ukorera mu Mujyi wa Nyamata, avuga ko ibi bibabangamiye kandi bituma ntacyo bageraho mu kazi kabo.

Agira ati” Iyo ugize ikibazo cyo kutishyura umusoro wa parikingi, ucibwa amafaranga ibihumbi icumbi ndetse bagafata na moto yawe. Ni mpamvu ki se twebwe baduca amafaranga menshi”.

Tuyishimire Jean Paul we avuga ko iki kibazo gikwiye kwigwaho aya mande akagabanywa, kuko umuntu wabuze 2000Frw, kumuca 10,000frw ukanamutwarira moto, ari nk’aho uba umwohereje kwiba cyangwa gusabiriza.

Ruzindaza Eric umuyobozi wungirije w’Akarere ka Bugesera ushinzwe ubukungu n’iterambere, avuga ko ayo mafaranga abamotari bavuga atari amande, ahubwo ari amafaranga yakwa ababa bafite ibirarane byinshi by’imisoro.

Yagize ati “Aya mafaranga bacibwa ntabwo ari amande ahubwo n’ibirarane by’imisoro batatanze.

Twasanze hari abamotari barimo ibirarane byinshi by’umusoro, hafatwa icyemezo cy’uko bagomba kuzajya bayishura buhoro buhoro batanga ibihumbi icumi kugeza barangije iryo deni. Amande yakwa ku watinze gusora ni kimwe cy’icumi cy’umusoro nk’uko babyivugira”

Mbere abamotari bishyuzwaga 5000frw ku kwezi ya parikingi, gusa baje kugaragaza ko ari menshi, inama njyanama y’akarere ishyira uwo musoro ku 2000frw ari nayo bakwa ubu.

Abashinjwa kwica Mbyariyehe ubwo baburanishirizwaga ahabereye icyaha

Mbyariyehe yari umugabo wa Izabiriza. Babyaranye abana batandatu barimo na Tuyishimire. Yishwe ku itariki ya 15 Kanama 2016.

Basabiwe icyo gifungo nyuma yuko urukiko rwisumbuye rwa Gasabo rwababuranishaga, ku itariki ya 23 Ugushyingo 2016.

Urwo rubanza rwabereye ahakorewe icyaha mu mugududu wa Kagoma I, mu kagari ka Kibungo mu Murenge wa Ntarama, mu Karere ka Bugesera.

Tuyishimire Fabien umwana w’imfura wa nyakwigendera yemera icyaha cyo kugira uruhare mu kwica se. Asobanura uburyo bacuze umugambi wo kumwica.

Agira ati “Nahaye abagabo babiri ikiraka cyo kumwica,nyuma yo kubemerera igihembo cy’ibihumbi 50 by’amafaranga y’u Rwanda.”

Akomeza avuga ko nyuma yo kumwica bamuzingiye mu mufuka bamuta muruzi rw’akagera aho yaje kuboneka nyuma y’iminsi itatu.

Avuga ko kandi we na nyina bacuze umugambi wo kwica Mbyariyehe kuko ngo bahoranaga amakimbirane.

Abo bagabo bashinjwa kuba ari bo bishe Mbyariyehe bahakana ibyo bashinjwa bakavuga ko ubashinja ashaka kubagerekaho icyaha.

Izabiriza yabwiye urukiko ko atigeze agira uruhare mu rupfu rw’umugabo we kuko ngo batari bakibana. Umwe yabaga mu nzu ye nubwo zari zegeranye.

Ubushinjacyaha bwo ariko bwagaragaje ko uyu mugore yahozaga umugabo we ku nkeke.

Ibyo ngo byatumye nyakwigendera arega uwo mugore we mu rukiko rw’ibanze rwa Nyamata mu mwaka wa 2015, bamukatira igifungo cy’amezi atandatu.

Icyo gihe ngo nyakwiugendera yahawe igifungo cy’amezi atandatu nyuma yo kumuhamya icyo cyaha.

Ubushinjacyaha bwahise busabira abaregwa igifungo cya burundu kuri buri umwe, imyanzuro ikaba izatangwa tariki ya 22 Ukuboza 2016.

Abaturage bishimiye kuba urukiko rwaje kuburanishiriza urubanza aho icyaha icyaha cyakorewe nk’uko bivugwa n’umwe muri abo Munyakazi Fidel.

Yagize ati “ Kuba urukiko rwaje aha nk’abaturage bidusigira isomo kuko uwaba afite umugambi wo kugirira undi nabi ntaba akibikoze kuko abonye uko byagendekeye kuwabikoze.”

Rwabuhihi Rose umuyobozi mukuru wa GMO

Urukiko rwisumbuye rwa Gasabo rwasomye urubanza Semutwa Aloys yaregeraga indishyi ku mwana we wasambanyijwe akanduzwa Sida, tariki ya 29 Nyakanga 2011.

Uwamuhohoteye yakatiwe igifungo cya burundu, nta mutungo yigengaho yari afite uretse isambu y’umuryango yari ahuriyeho n’abandi bavandimwe be nk’uko Semutwa abivuga.

Yagize ati “Naramutsinze mu nkiko maze arakatirwa, nyuma abavandimwe be bahise bagurisha isambu bari bahuriyeho noneho mbura uko mbona indishyi”.

Umuhuzabikorwa wa (MAJ) itanga ubujyanama mu by’amategeko mu Bugesera, Mukabisanana Yvette avuga ko ikibazo cy’uyu musaza cyasuzumwe n’inzego zinyuranye.

Yagize ati “Twasanze abaguze iyo sambu barayiguze mu buryo bwemewe n’amategeko, tubagejejeho ikibazo bemera guhomba 1/6 kingana n’umugabane w’uwaregwaga, ariko bahahaye Semutwa Aloys arahanga”.

Umusaza Semutwa avuga ko impamvu yanze aho yahawe ari uko hari ku gishanga mu gihe we yashaka ku muhanda.

Ati “Nasanze aho bampa nta gaciro hafite kuburyo ngiye kuhagurisha ntabona byibuze na miliyoni ebyiri muri miliyoni 40 urukiko rwategetse ko ngomba kubona.”

Semutwa avuga ko yanamenye ko abahaguze bashaka kuhashyira uruganda, imyanda ikajya imanukira mu isambu ye, byamubangamira bakamugurira akimuka.

Rwabuhihi Rose, umuyobozi mukuru w’ikigo gishinzwe kugenzura iyubahirizwa ry’uburinganire n’ubwuzuzanye mu iterambere (GMO) avuga ko icyo kibazo bagiye kureba uburyo bagisuzuma hamwe n’inzego bireba.

Ati “Tugiye kureba uburyo twafatanya n’izindi nzego maze harebwe uko umuntu wakoze icyaha, imitungo ye itagurishwa cyangwa ngo ayandike ku bandi mugihe urubanza rukiri mu rukiko”.

Kuri ubu uwo mwana wafashwe ku ngufu afite imyaka 16, abaganga baramukurikiranye maze bamutangiza imiti igabanya ubukana hakiri kare.

Ikamyo yari ihetse isima yaguye ku kiraro cya Rwabusoro ifunga umuhanda

Iyi kamyo yo mubwoko bwa Benz ifite puraki RAD 613 H yakoze impanuka mu ma saa kumi n’ebyiri z’umugoroba ku itariki ya 15 Ugushyingo 2016.

Ikiraro cya Rwabusoro kiri ku mugezi w’akanyaru, gihuza Akarere ka Nyanza mu murenge wa Busoro n’aka Bugesera mu murenge wa Nyarugenge.

Umunyamabanga nshingwabikorwa w’umusigire w’umurenge wa Nyarugenge, Karugwiro Antoinette avuga ko iyo modoka yavaga i Rusizi ivuye kuzana isima iyijyanye kuyicuruza mu murenge wa Ruhuha.

Agira ati “Umushoferi yageze i Nyanza yigira inama zo guca uyu muhanda ariko nta menye ko wagenewe imodoka nto n’amamoto kuko wakozwe muburyo bwo gufasha abaturage, ariko imodoka nini zo ntizemerewe.

Akomeza avuga ko iyo modoka yageze hagati inanirwa gukata kubera uburemere bwayo maze bituma igwa irangirika kuburyo igice cy’imbere cyatandukanye n’ikinyuma.

Ati “Twagize amahirwe nta muntu n’umwe waguye muri iyi mpanuka cyangwa ngo ayikomerekeremo, gusa isima yaritwaye inyinshi yangiritse.”

Igice cy’imbere cyatandukanye n’ikinyuma

Ikiraro cya Rwabusoro cyari cyaracitse tariki ya 15 Ukwakira 2014 nyuma yo gucibwaho n’ikamyo iremereye.

Nyuma go gucika cyarasanwe ariko bagikora ku buryo barambika ibintu bikomeye mu mazi ubundi hejuru bashyiraho ibitaka. Banasize ahantu hanyura abanyamaguru gusa.

Iyo kamyo yongeye kuhanyura yatumye cyongera kwangirika.

Hasigaye igice cy’abanyamaguru gusa

Ubuyobozi bw’umurenge wa Nyarugenge bwaburiye abashoferi b’imodoka ziremereye kutanyura muri uwo muhanda kuko udakomeye. Ariko iyo kamyo yahanyuze uwari uyitwaye adafite ayo makuru.

Gitifu w’akagari ko muri Bugesera arashakishwa nyuma yo gutorokana amafaranga y’abaturage

Umuyobozi w’Akarere ka Bugesera, Nsanzumuhire Emmanuel avuga kuri ubu bamaze kumenya ko uwo muyobozi yatorokanye abarirwa mu bihumbi 220RWf.

Agira ati “Twabonye ibirego by’abaturage bakora mu ishamba rya Gako batubwira ko yabatwaye amafaranga bahembwe ababwira ko agiye kuyabashyirira ku ma nkonti yabo.

Hari n’abandi y’abari mu kimina nayo yatwaye ababwira ko agiye kuyabashyirira kuri konti ariko ntiyayashyiraho.”

Akomeza avuga ko nubwo babaze kubarura ibihumbi 220RWf, hari n’abandi baturage benshi bakijya gutanga ikirego. Ahamya ko hagiye kubarurwa neza umwenda afitiye abaturage.

Nsanzumuhire avuga ko bakimenya ko uwo muyobozi yambuye abaturage, bihutiye kumuhamagara ngo aze yisobanure ariko we ntiyaje kuburyo ngo hashize iminsi ine atorotse.

Uyu muyobozi akomeza asaba abayobozi kuba inyangamugayo imbere y’abaturage.

Agira ati “Niba wowe muyobozi abaturage bakugiriye icyizere bakaguha amafaranga yabo ngo uyabajyanire ku ma konti yabo, ugomba kugaragaza ubunyangamugayo kuko aricyo cy’ingenzi.”

Akomeza avuga ko bagioye gukebura abayobozi kugira ngo bisubireho kuko ibyo byo gutorokana amafaranga y’abaturage bitari bisanzwe.

Polisi y’igihugu ikorera mu karere ka Bugesera itangaza ko kuri ubu yatangiye iperereza ryo kumenya irengero ry’uyu muyobozi no kumenya icyabimuteye.

Abakozi batatu ba SACCO mu Bugesera bafunze bashinjwa kunyereza amafaranga

Muri abo bafunze harimo n’umucunga mutungo w’iyo SACCO.

Gasana John, umukozi ashinzwe iterambere ry’amakoperative n’ibigo bito n’ibiciriritse mu karere ka Bugesera, avuga ko batawe muri yombi ku mugoroba wo ku itariki ya 09 Ugushyingo 2016.

Babafashe nyuma yo kugenzura imikorerere y’iyo SACCO maze bagasanga ayo mfaranga abura.

Agira ati “Twagiye tubatunguye kugira ngo turebe niba amafaranga bafite ahuye nari mu mpapuro nibwo dusanze haburamo miliyoni imwe n’ibihumbi bisaga gato maganatatu.”

Avuga ko umucungamari w’iyo SACCO n’ababandi bakozi babiri batanga amafaranga bahise bemera ko koko ayo mafaranga abura. Bagahamya ko bayatwaye bayigurije, bagomba guhita bayagarura.

Polisi y’igihugu ikorera mu Bugesera yahise ibata muri yombi kuko ibyo bitemewe. Basobanuriwe ko niba barashakaga ayo mafaranga bagomba kubicisha mu nzira zizwi ziciye mu mategeko; nkuko Gasaba abisobanura.

Agira ati “Ibi bifatwa nk’icyaha cyo kunyereza umutungo, akaba ariyo mpamvu bagomba kubihanirwa.

Kuri ubu hakaba hatumujwe itsinda rishinzwe ubugenzuzi mu kigo cy’igihugu gishinzwe amakoperative kugira ngo gikore igenzura ry’umutungo ngo harebwe niba ntamafaranga abura.”

Hari hashize igihe kitagera ku mwaka umwe mu bakozi y’iyo SACCO ya Kamabuye nabwo atwaye asaga miliyoni 8RWf kuri ubu akaba ataraboneka.

Abaturage 60 bo mu Bugesera barohamye mu mugezi wa Nyagisenyi bose bavamo ari bazima

Abo baturage barohamwe muri uwo mugezi uri hagati y’akagari ka Sharita na ka Nkanga kubera impanuka y’ubwato butatu bari barimo yabaye mu gitondo cyo ku itariki ya 09 Ugushyingo 2016.

Ubwo bwato bwari burimo abahinzi bajyaga guhinga mu kirwa cya Sharita mu gishanga cya Kiborera bavuye mu kagari ka Nkanga.

Rubasasa George, umunyamabanga nshingwabikorwa w’akagari ka Nkanga avuga ko iyo mpanuka yatewe n’ingufu z’amazi y’umugezi wa Nyagisenyi kuko yarafite imbaraga nyinshi.

Agira ati “Ayo mazi yasunitse ubwato bw’imbere maze bugonga ubwi’nyuma nabwo bugonga ubwari bubukurikiye niko guhita barohama mu mazi”.

Uyu muyobozi akaba avuga ko bahise batabarwa n’Ingabo z’Igihugu (RDF) zikorera mu mazi (Marine) yo mu kiyaga cya Rweru.

Agira ati “Nubwo abo baturage babashije kurohorwa, ibintu byabo byari biri mu bwato nk’amagare, amasuka n’ibindi bikaba bitabonetse byose kuko ibyinshi byabuze. Gusa turishimira ko ntawahasize ubuzima.”

Akomeza ahwiturira abaturage ko batazongera kwambuka amazi batambaye imyenda yabugenewe ituma badashobora kurohama.

Bamwe mubaturage bari batuye mu kirwa cya Sharika, batujwe mu mudugudu w’ikitegererezo mu kagari ka Batima.

Kenshi bambuka bajya guhinga muri iki kirwa kuko banze kureka imirima yabo. Abandi bo bahasize imyaka itarera aka ariyo mpamvu basubira kuri icyi kirwa kujya kuyireba.

Uyu munyeshuri yakoreraga ikizami mu Murenge wa Mayange mu Karere ka Bugesera

Yajyanywe muri ibi bitaro nyuma yo gufatwa n’uburwayi butunguranye agiye gutangira gukora iki kizami cya nyuma gisoza amashuri abanza, kuri uyu wa Kane tariki ya 3 Ugushyingo 2016.

Gashumba Jacques ushinzwe uburezi muri aka Karere, yavuze ko uyu mwana yakoreraga ikizamini muri GS Kamabuye iri muri uyu Murenge.

Uyu mwana ngo yinjiye mu kizami nta kibazo cy’uburwayi agaragaza, ariko hashize akanya gato atangiye gukora ikizamini yahise afatwa n’uburwayi, atangira kuruka.

Yagize ati “Twihutiye kumujyana kwa muganga bamupimye bamusangamo malariya, bahita bamutera umuti umugabanyiriza umuriro no kuruka,nyuma y’isaha imwe twahise tumuha ibyo yakoreragaho akomeza ikizamini”.

Uyu muyobozi avuga ko yashoje ikizamini nta kindi kibazo agize, gusa akaba akiri mu bitaro yitabwaho ku buryo bishoboka ko atarara mu bitaro ngo kuko yatangiye koroherwa.

Gashumba avuga ko usibye uburwayi bw’uwo mwana, ibizamini bisoza amashuri abanza muri rusange byashojwe neza, naho ubwitabire bwabaye 95%.

Avuga ko 5% batabashije gukora iki kizami, kubera impamvu zitandukanye zirimo abimutse muri ako gace, abaretse ishuri bakajya gushaka amafaranga n’abandi batagaragaza impamvu bagize.

Abaturage bafite icyo kibazo cyane ni abo mu mirenge ya Mayange, Julu na Rilima. Bavuga ko inka zibonera ari iziragirwa ku gasozi. Bakemeza ko inka zona imyaka yo mu mirima ku buryo ntacyo basarura.

Sekamana Venuste, umwe muri abo baturage avuga ko yahinze ibigori kuri hegitari ebyiri ariko inka z’umuturanyi we zirabyona kuburyo nta kintu na kimwe azasarura.

Agira ati “Ejo bundi narazifashe noneho nzishyikiriza ubuyobozi ariko bahise bazirekura none nabuze aho nabariza ngo banyishyure imyaka yanjye zariye. Kandi hadashize n’iminsi ibiri zoneye undi muturage nawe arazifata barongera barazirekura.”

Mugenzi we witwa Mukarubayiza Rose avuga ko aho kugirango bazajye bahinga hanyuma biribwe n’inka bazareka guhinga.

Agira ati “Iyo bagurishije inka ntibaduha, kandi akenshi zitungwa nibyo tuba twahinze, ubuyobozi bubakingira ikibaba ntibahanwe.”

Aba baturage bongeraho ko n’iyo bagerageje gukoma abashumba, hari ubwo babagirira nabi birimo no kubakomeretsa kandi bakaba babona ubuyobozi ntacyo bubikoraho.

Bakomeza bavuga ko ubuyobozi bwahereye cyera buvuga ko buzacyemura iicyo kibazo ariko na n’ubu hakaba nta gikorwa.

Nsanzumuhire Emmanuel, umuyobozi w’Akarere ka Bugesera avuga mu rwego gukemura icyo kibazo mu buryo burambye, inka izongera gutwa yona imyaka y’umuturage nyirayo azajya acibwa amande y’ibihumbi 15RWf kun ka imwe.

Agira ati “Inka imwe izajya ifatwa izajya icibwa amande y’ibihumbi 15 (RWf) bwa mbere. Naho niyongera gufatwa ntizajya isubizwa.

Kandi ibi bihano byatangiye gushyirwa mu bikorwa, n’umuyobozi uzakingira ikibaba uwonesheje azabihanirwa bikomeye”.

Ubuyobozi bukaba busaba abaturage kutihanira ababoneshereje kuko bashobora kubihanirwa. Basabwa ahubwo kigeza ikibazo cyabo ku bayobozi kigashakirwa umuti.

Abadepite basura ikusanyirizo rya Nyamata.

Tariki 29 Ukwakira 2016, aba badepite basuye amakusanyirizo y’amata ari mu mirenge ya Nyamata na Mayange, basanze hari ibibazo birimo kuba umusaruro w’amata wangirika kubera kubura amasoko, hakaba n’ibikoresho byangirika muri ayo makusanyirizo ntibisanwe.

Depite Semasaka Gabriel, umwe mubagize iryo tsinda, yavuze ko Akarere ka Bugesera gakwiye gufasha amakoperative acunga ayo makusanyirizo gushaka amasoko manini y’umusaruro w’amata.

Aha beretswe akuma gapima amata harebwa niba batashyizemo amazi.

Yagize ati “Nk’ubu ikusanyirizo ry’amata rya Nyamata rifite ubushobozi bwo kwakira litiro ibihumbi bitanu ariko ryakira litiro 1000 ku munsi, kubera ko abarishinzwe hari amata y’abaturage banga gufata banga ko yabapfira ubusa.”

Depite Mukabikino Jeanne Henriette, we yagize ati “Turasaba akarere ko kabafasha kubashakira amasoko manini y’umusaruro wanyu upfubusa, nibashake uburyo babahuza n’uruganda rw’i Nyange maze ruzage rubagurira uwo musaruro.”

Ubwo bageraga mu murenge wa Mayange ku kwisanyirizo ry’amata ryo mukagari ka Mbyo, abo badepite basanze ikusanyirizo ritagikora kubera icyuma gikonjesha amata cyapfuye.

Bishimiye ko kumakusanyirizo bahagurira n’imiti y’amatungo.

Habimana Emmanuel uhagarariye koperative y’amakusanyirizo y’amata yabisobanuye ikigega cya mbere cyabuze piyesi hashize amezi ane. Avuga ko ikindi cya kabiri cyari kigenewe kwakira amata acururizwa mu mujyi wa Kigali kiburirwa irengero

Abayobozi b’amakusanyirizo banagaragarije intumwa za rubanda ko hakiri imbogamizi zituruka no ku borozi n’abaturage muri rusange, bataratora umuco w’isuku ufasha mu kubona koko amata yujuje ubuziranenge.

Umugabo yafatiwe mu Karere ka Bugesera afite amafaranga y’amiganano

Umuvugizi wa Polisi y’igihugu mu Ntara y’Iburasirazuba, IP Kayigi Emmanuel avuga ko uwo mugabo yafashwe nyuma y’igihe kitari gito ashakishwa na Polisi.

Agira ati “Yafashwe afite amafaranga y’amahimbano ibihumbi 141(RWf), bikekwa ko yararimo kuyakwirakwiza mu baturage.”

IP Kayigi avuga ko ku itariki ya 26 Ukwakira 2016, Polisi ikorera mu karere ka Bugesera yafashe abagore batatu, bagura ibintu bitandukanye bakoresheje amafaranga y’amiganano.

Umwe muri bo yafashwe agura ibicuruzwa mu iduka, na ho undi yafatiwe mu kabari agura inzoga maze bavuga ko ari we (uwo mugabo) wayabahaye.

Agira ati “Kuva icyo gihe yatangiye kugenda yihishahisha kuko yamenye ko ashakishwa na Polisi. Ariko ku munota wa nyuma tukaba twamufashe, ubu akaba afungiye kuri poste ya polisi y’umurenge wa Rilima.”

Akomeza ashimira abaturage kuko aribo bagize uruhare mu itabwa muri yombi ry’uwo mugabo.

Uwo mugabo naramuka ahamwe n’icyo cyaha azahanishwa ingingo ya 603 yo mu gitabo cy’amategeko ahana ibyaha mu Rwanda, ihana umuntu wese ukwirakwiza amafaranga y’amiganano.

Iyo ngingo ivuga ko umuntu wese wihesheje cyangwa wakiriye abizi amafaranga y’ibiceri cyangwa y’inoti by’amiganano, akanayakwiza mu bandi nubwo ataba umwe mu bakoze ayo mafaranga cyangwa abayinjije mu gihugu, ahanishwa igifungo kuva ku mwaka umwe kugeza ku myaka itatu.

Imirimo yo kubaka ikibuga cy’indege cya Bugesera yatangiranye no gusiza aho kizubakwa

Tariki ya 20 Ukwakira 2016 nibwo ikompanyi ikomoka mu gihugu cya Portugal yitwa Mota-Engil Africa (Mota-Engil Engenharia e Construcao Airport (BIA) yatangiye kugeza bimwe mu bikoresho izifashisha.

Iyo ugeze ahazubakwa icyo kibuga cy’indege ubona hari ibimashini binini biri gusiza n’izindi modoka nini zitwara ibitaka.

Imirimo yo kubaka ikibuga cy’indege cya Bugesera itangiye hari bamwe mu bari bahatuye batarabona ingurane.

Kobucyeye Frank, umukozi w’ikigo cy’igihugu gishinzwe imiturire akaba anashinzwe ibikorwa byo kwimura abo baturage, avuga ko abasigaye hari ibyo bakibasaba gukosora.

Agira ati “Abaturage bagera kuri 99% by’abari bafite imitungo ahazubakwa ikibuga babonye ingurane zabo. Ubu harabarurwa imitungo 77 itarishyurwa ariko ntabwo bituruka kuri Leta.

Ahubwo biraturuka ku baturage ku buryo uku kwezi kwa 10 kuzashira nabo bishyuwe kuko ibyo basabaga byose barabikosoye.”

Igishushanyo mbonera cy’ikibuga cy’indege cya Bugesera

Akomeza avuga ko bamwe muri bo usanga barujuje impapuro nabi, abandi ugasanga nta konti za banki bagira cyangwa se barajujuje nabi maze amafaranga akayoba. Abandi bo ugasanga nta byemezo by’umutungo wabo bagiraga.

Ahateganyijwe kubakwa ikibuga cy’indege cya Bugesera haracyatuye abaturage bagera ku munani bari mubatarishyurwa.

Gasirabo Gaspard, umunyamabanaga nshingwabikorwa w’Umurenge wa Rilima, umwe mu mirenge izubakwamo icyo kibuga, avuga ko bahereye ahadatuye abo baturage. Nyuma yo kubaha ingurane nabo bazimuka, hasizwe.

Imirimo yatangiye ngo ni igice cya mbere cyo kubaka ikibuga cy’indege cya Bugesera

Ikibuga cy’indege cya Bugesera kizubakwa ku butaka bungana na 25,6Km2. Igice cya mbere cyatangiye kubakwa kizarangira gifite ubushobozi bwo kwakira abantu miliyoni 1.7 ku mwaka.

Imirimo yatangiye gukorwa izatwara miliyoni 418 z’Amadolari y’Amerika, arenga miliyari 334RWf.

Ikibuga cyose kizatwara asaga miliyoni 800 z’Amadorali y’Amerika, arenga miliyari 640RWf.

Uruganda rutunganya amazi muri Bugesera ruzagabanya ikibazo cyo kubura amazi

Umuyobozi w’akarere ka Bugesera wungirije ushinzwe ubukungu Ruzindaza Eric avuga ko hagati mu mwaka utaha wa 2017 uruganda ruzatangira gutanga amazi mu kigero cya 40%.

Mu ntangiro z’umwaka wa 2018, rukazaba rurangiye kubakwa rukora neza.

Yagize ati “Uru ruganda ruzatanga metero cube z’amazi ibihumbi 2500, zizafasha mu kugabanya ikibazo cy’amazi mu Bugesera. Kugeza ubu habonekaga metero cube ibihumbi 3600 kandi izikenewe ni metero cube ibihumbi 10”.

Abatuye umurenge wa Gashora bavuga ko ataribo bazabona uru ruganda rwuzuye, kubera uburyo bavunwa no kubona amazi nk’uko Mukamurigo Vallerie abivuga.

Ati “Ubu tuvoma amazi y’uruzi rw’akagera akaba ariyo tunywa ndetse ari nayo dukoresha, ubu bamwe bugarijwe n’indwara nk’inzoka kuko abenshi usanga banywa batanayatetse”.

Turikubwayo Vicent avuga ko bafite amarobine y’amazi murugo ariko asa naho ari umurimbo kuko hajya hashira ukwezi nta mazi amazi aje.

Ati “N’iyo tugerageje guteka amazi y’uruzi rw’akagera ntituba twizeye ko umwanda wabuyemo kuko ubona isafuriya isigayemo isayo”.

Amazi azatunganywa n’uruganda

Uretse uruganda rwa Kanyonyomba, mu murenge wa Ntarama naho harateganywa kubakwa urundi ruganda.

Akarere ka Bugesera kari mu turere dufite ikibazo cy’amazi gikomeye aho ababona amazi meza babarirwa ku gipimo cya 52%. Ibi ngo biterwa n’uko inganda ziyatunganya ziba zihenze.

Uruganda rwa kanyonyombya narwo ruri kubakwa ku bufatanye n’ikigo gishinzwe amazi, isuku n’isukura (WASAC).

Ruzuzura rutwaye miliyari enye z’amafaranga y’u Rwanda, WASAC ikazatanga ebyiri, akarere nako kagatanga ebyiri.

Akarere kavuga ko kamaze guta miliyoni 400, kakaba gateganya gutanga izindi miliyoni 700 muri uyu mwaka w’ingengo y’imari.

Mu Karere ka Bugesera abantu bataramenyekana batemye inka z’umuturage

Umunyamabanga nshingwabikorwa w’umurenge wa Rilima, Gasirabo Gaspard avuga ko izi nka bazitemye mu ma saa saba, bazisanze muri zone y’ikibuga cy’indege, tariki ya 12 Ukwakira 2016.

Agira ati “Bazitemye ku murizo no mu mugongo, barazikomeretsa ariko atari cyane. Kugeza n’ubu turimo gushakisha ababikoze ariko turizera ko k’ubufatanye n’inzego za polisi n’abaturage bazafatwa.”

Gasirabo akomeza avuga ko izo nka bazishakiye umuvuzi akaba yazivuye aho zimwe yanazidoze ibisebe, zikaba zongeye gufata intege zirimo kurisha nta kibazo.

Ati “Twabajije abashumba dusanga nabo igihe bazitemaga batari bahari kuko yari amasaha y’ikiruhuko. Bigaragara ko uwazitemye yahengereye badahari kuko nabo baramubuze kandi nta nuwo bakeka”.

Aho izo nka ziragirwa ni ahazubakwa ikibuga cy’indege cya Bugesera. Himuwe abaturage kuko abaturage babujijwe kuhahinga. Usanga bamwe mu borozi barahagize urwuri rw’inka zabo, ahandi hari ibihuru.

Polisi y’igihugu ikorera mu karere ka Bugesera ivuga ko ikomeje iperereza ryo kumenya uwatemye izo nka. Isaba abashumba baragira kwita ku matungo yabo kuko hashobora kuza n’abashobora kuziba.

Uyu mugore yiyemerera ko ariwe wataye mu musarani uruhinja yari amaze kwibaruka

Uyu mugore ufite imyaka 40 y’amavuko yemera ko uwo mwana ari uwe. Yabyemeye nyuma yo guhatwa ibibazo na Polisi y’igihugu ikorera mu Karere ka Bugesera.

Uyu mugore atangaza ko umwana yamubyaye mu ijoro ryo itariki ya 7 Ukwakira 2016. Yahise ngo amujugunya mu musarani nyuma baza kumukuramo akiri muzima.

Avuga ko impamvu yabikoze ari uko nta bushobozi yari afite bwo kumurera. Afite abandi bana batanu yabyaye nabo ngo bamurushya kurera kuko nta mugabo agira.

Uwo mugore yatawe muri yombi, ubwo abaturage bo mu mudugudu wa Rwanza, mu murenge wa Nyamata, bamenyaga inkuru y’uruhinja rwatoraguwe mu musarani ugicukurwa wa metero 15 z’ubujyakuzimu, tariki ya 10 Ukwakira 2016.

Aba baturage bamuketse kuko bari basanzwe bazi ko atwite nyamara ngo baza kumubona atagitwite.

Bahise bamujyana ku biro by’Akagari ka Kayumba ariko abanza guhakana ibyo bamushinja; nkuko Bankundiye Chantal umuyobozi wako kagari abivuga.

Agira ati “Abaturage bakimuzana yavuze ko atigeze ata umwana, gusa akemera ko yaratwite ariko inda ikaba yaraje kuvamo kuwa gatanu tariki ya 7 Ukwakira 2016. Tumubajije aho yabyariye naho umwana yamushyinguye akavuga ko yabifashijwemo n’abo mu muryango we.”

Uyu mugore asanzwe ari umupagasi, amaze imyaka itatu ageze mu Karere ka Bugesera avuye mu Karere ka Muhanga.

Polisi ivuga ko uyu mugore agomba kugezwa mu butabera maze agakurikiranwa ku cyaha ashinjwa, umwana we azamusubizwa amurere.

Abakozi babiri ba BPR ishami rikorera mu Bugesera barakekwaho gutorokana amafaranga

Umunyamabanga nshingwabikorwa w’Umurenge wa Rweru, Rwabuhihi Jean Chrisostome yemeza ayo makuru avuga ko babimenye babibwiwe n’abaturage ko iryo shami ritigize rifungura ku wa mbere tariki ya 10 Ukwakira 2016.

Agira ati “Ubusanzwe bakoraga ari babiri muri iri shami, irengero ryabo ntabwo turarimenya kuko baheruka gufungura banki ku wa gatandatu (tariki ya 08 Ukwakira 2016) kuko ku cyumweru ntibakora.

Inkuru natwe tuyimenye ku gicamunsi cyo ku wa 10 Ukwakira 2016 duhurujwe n’abaturage batubwira ko kuva mu gitondo banki itarafungura.”

Rwabuhihi avuga ko bahise batabaza ubuyobozi bwa Banki y’Abaturage ishami rya Gashora kuko aribo baricungaga. Bahageze mu masaha y’umugoroba bamena urugi, batangira kugenzura amafaranga.

Ati “Kugeza ubu ntituramenya amafaranga nyakuri batorokanye kuko ibarura riracyakomeje, gusa hari hamaze kumenyekana asaga miliyoni 14RWf.”

Polisi y’igihugu ikorera mu Karere ka Bugesera itangaza ko yahise itangira iperereza no gushakisha irengero ry’abo bakozi. Bakaba basaba uwaba uzi irengero ryabo ko yabegera agatanga amakuru.

Abaturage baranenga uburyo abantu babiri aribo bakozi bakoraga muri iryo shami ku buryo batasimbuzwaga. Basaba ko n’ahandi bikorwa byahinduka.

Kuri ubu abaturage baganaga iryo shami rya Batima barimo kugana ishami rya Gashora, aho barimo gukora ibirometero bisaga 20 bajya gushaka serivise za banki.

Kuri ubu ishami rya Bitima ryabaye rifunzwe ngo hakomeze iperereza.

Abagabo batanu bo mu Bugesera barashinjwa ubujura bw’inka

Abo bagabo barakekwaho kwiba izo nka, bakazibaga bagahita bajya kugurisha inyama zazo mu mujyi wa Kigali.

Batatu muri abo bagabo biyemerera ko aribo bibye inka y’umuturage witwa Kayitesi Drocelle, barayibaga ubundi bayipakira mu ivatiri itwara abagenzi.

Muri abo bafunze harimo umushoferi w’iyo modoka, umugabo bari bazishyiriye uzicuririza ahitwa kwa Mutangana muri Nyabugogo i Kigali.

Polisi ikorera mu karere ka Bugesera itangaza ko kuri ubu icyaha cy’ubujura bw’amatungo kitakiri mu bubasha bwa komite z’abunzi.

Itegeko rishya rigenga abunzi, ryahaye ububasha polisi kugenza iki cyaha kikaburanishwa mu nkiko. Bivuze ko aba bagabo bari gukorerwa dosiye.

Kayitesi wibwe inka avuga ko, bayitesheje iyayo. Kuri ubu iyo nyana ngo itunzwe n’amata bagura ku baturanyi.

Agira ati “Umushumba niwe wabyutse mu gitondo agiye kuragira asanga inka bayitwaye kare.

Nibwo twatabaje maze hashije umwanya tubona batuzaniye umwe mubayibye bamwikoreje inyama avuga ko bayibaze bagiye kugurisha inyama i Kigali.”

Akomeza avuga ko umuturage avuga ko akurikije uburyo inka ye yarimeze yifuza ko bamuha impozamarira y’ibihumbi 900RWf.

Hari n’abandi baturage barenga icumi baje gutanga ikirego cy’inka zabo zabuze, nabo bakaba bakeka ko aba aribo bazibye.

Abo bagabo bafunze nibahamwa n’icyaha bakazahanishwa ingingo ya 295 iteganya igifungo cy’amezi atandatu kugeza ku myaka ibiri.

Hakiyongeraho n’ihazabu y’amafaranga y’u Rwanda yikubye inshuro kuva kuri ebyiri kugeza kuri eshanu z’agaciro k’icyibwe cyangwa kimwe gusa muri ibyo bihano.

Abaturage bo mu Bugesera batoraguye uruhinja mu musarane

Byabaye ku mugoroba wo ku itariki ya 09 Ukwakira 2016.

Urwo ruhinja barusanze mu musarane wa metero 15 z’ubujyakuzimu barimo gucukura mu nzu itaruzura; nkuko umunyamabanga nshingwabikorwa w’akagari ka Kayumba, Bankundiye Chantal abisobanura.

Agira ati “Abaturage batuye aho bahise badutabaza maze k’ubufatanye na Polisi n’abaturage uwo mwana yaje gukurwa muri uwo mwobo agihumeka, tukaba twamujyanye mu bitaro bya ADEPR Nyamata akaba arimo kwitabwaho n’abaganga”.

Uyu muyobozi avuga ko uwataye uwo mwana ataramenyekana. Bari gukorana n’inzego z’umutekano n’abaturage kugirango barebe ko uwo mubyeyi yafatwa.

Umuyobozi bw’ ibitaro bya ADEPR Nyamata, Dr. Rutagengwa Alfred avuga ko uwo mwana nta kibazo yagize. Kuri ubu ari mu cyuma kimwongerera ubushyuhe.

Ibitaro nabyo byamushakiye amata ahabwa abana bakivuka, akaba ariyo arimo guhabwa.

Agira ati “Tugiye kuvugana n’ubuyobozi bw’Akarere ka Bugesera maze turebe umuryango wakwakira uwo mwana, kuko atakomeza kuba hano mu bitaro”.

Ubuyobozi bwa Polisi mu Karere ka Bugesera buragira inama abakobwa n’abagore ko aho kugira ngo bajye babyara abana maze babajugunye ahubwo bazajya bareka kubyara.

Ingeso yo kubyara abana bakabajugunya irasa n’iyeze mu murenge wa Nyamata kuko mu mezi atatu ashije harabarurwa abana bane bamaze gutoragurwa batawe n’ababyaye.

Abanyarwanda birukanwe muri Tanzaniya bavuga ko batari bamenyereye guhinga

Aba baturage ni imiryango 36, yahawe ubutaka bungana na hegitari zirindwi, ariko kugera ubu, kimwe cya kabiri cyabwo kikaba kidahinze.

Karake Petero umwe muri abo avuga ko impamvu batabyaza umusaruro ubwo butaka ari uko bamwe muri bo bashaje batabasha guhinga.

Yagize ati “Abageze muzabukuru baba bafite intege nke, bigatuma batabyaza umusaruro ubwo butaka, ibyo bituma babwatira abandi baturage noneho bakagabana iyo bejeje”.

Ariko kandi hari n’abavuga ko batari bamenyereye guhinga, nk’uko Mukarutabana Peace umwe muri abo abivuga.

Ati “Mubyukuri ntituzi guhinga kuko twari dutunzwe n’ubworozi, ariko kuko ugeze iburyasazi azirya ari nzima, ubu turimo kubyiga, gusa bagakwiye kutuba hafi kuko bitoroshye”.

Umunyamabanga nshingwabikorwa w’umurenge wa Mayange Nkurunziza Francis, avuga ko nta gahunda ubuyobozi bw’uyu murenge bufite yo guhingira aba baturage.

Ati “Twakoze icyo twagombaga gukora ubwo twabahaga ubu butaka, ndabasaba gukura amaboko mu mifuka bakiga guhinga nk’uko abo basanze babikora”.

Uyu muyobozi avuga ko leta ntacyo itakoreye aba baturage kuko yabubakiye amazu iboroza amatungo magufi ko nabo bagomba gushyiraho akabo.

Ati “N’ubu tuzakomeza kubafasha uko dushoboye ariko nabo bagomba gushyiraho akabo, kuko ntabwo bazakomeza kubona ababaha ibyo kubatunga buri munsi”.

Nkurunziza avuga ko Umurenge uzakomeza gukorera aba baturage nk’ibyo usanzwe ukorera abandi, nko kubagezaho gahunda ya Girinka n’ibindi.

Aha hari hahinze imyaka yose yarengewe

Imyaka yarengewe ni iy’abatutage batuye mu murenge wa Gashora, mu karere ka Bugesera bari barahinze mu nkuka z’urwo ruzi mu gihe cy’impashyi.

Bavuga ko bababajwe no kuba imyaka yabo yarengewe n’amazi bakaba bagiye kwicwa n’inzara kandi bari biringiye ko bagiye kubona ibyo kurya; nkuko Hakuzimana Pierre.

Agira ati “Imvura igwa mu bice bitandukanye ituma uruzi rw’akagera rwuzura noneho yagera kuri iki gishanga bigatuma amazi asandara maze agakwira mu mirima yacu, ubu abahinze ibishyimbo, soya n’ibigori byose byararengewe.”

Uyu mugabo avuga ko yari afite umurima wa metero 180 kuri metero 25, wose warengewe n’umwuzuye, kandi ibishyimbo bihinzemo byari bigiye kwera.

Aha naho hari hahinze ibishyimbo

Mukarutabana Dative avuga ko ubundi hari igihe byajyaga bikunda kubaho ariko bikaba mu kwezi kw’Ukuboza barejeje imyaka. Ahamya ko iyo myuzure ije kare imyaka itarera.

Umukozi ushinzwe ubuhinzi mu murenge wa Gashora, Rugabire Daniel avuga ko hamaze kwangirika imyaka iri ku buso bwa hegitali 50. Ahahinze hose muri icyo gishanga hangana na hegitali 350.

Agira ati “Ariko n’ahasigaye imvura nikomeza kugwa, imyaka nayo izarengerwa. Abaturage bageragezaga gufunga aho amazi asandarira, bahafunga bakoresheje ibiti n’imifuka ariko ubu amazi yabaye menshi ahita abisenya.

Hakwiye gushakwa umuti urambye w’ayo mazi ata inzira yayo isanzwe kuko twe birenze ubushobozi bwacu”.

Aha hahinze soya yose yarengewe

Nsanzumuhire Emmanuel, umuyobozi w’akarere ka Bugesera avuga ko k’ubufatanye na minisiteri y’ubuhinzi n’ubworozi hagiye kuza abatekinisiye barebe uburyo hakorwa inyigo yo kuzibira ayo mazi mu maguru mashya.”

Si ubwa mbere imyuzure nk’iyi mu gishanga cya Gashora ibaye. Abaturage bavuga ko yaherukaga mu mwaka wa 2014. Nayo yaje ikurikira indi yangije imyaka y’abaturage mu mwaka wa 2000.

Inkuka yose yararengewe

Minisitiri Nsengimana asaba urubyiruko rwo muri Afurika guhera kuri bike rufite rukiteza imbere

Tariki ya 27 Nzeli 2016, nibwo iyi minisiteri yagiranye ibiganiro n’abagize inzego zikorana n’urubyiruko zaturutse mu bihugu 14 byo muri Afurika, bari bateraniye mu karere ka Bugesera.

Jean Philbert Nsengimana, Minisitiri w’Urubyiruko n’Ikoranabuhanga mu kiganiro yabagejejeho, yababwiye ko urubyiruko rw’Afurika rukwiye kubyaza umusaruro amahirwe rufite, rutarinze kujya ku yindi migabane y’isi.

Agira ati “Nyamara nta butunzi bugaragara ku yindi migabane nk’uburi muri Afurika. Kubera ko iyi gahunda yafashije urubyiruko rwacu twasanze tutabyihererana.”

Gahunda ya Youth Connekt yatangijwe mu Rwanda, mu mwaka wa 2012, ifite intego yo gufasha urubyiruko rwihangire imirimo hifashishijwe ikoranabuhanga, ruhereye ku mahirwe arwegereye.

Nyuma yo kubona ko igenda itanga umusaruro mu gufasha urubyiruko rw’u Rwanda, yahawe igihembo n’Umuryango w’Abibumbye (UN) mu mwaka wa 2013, nk’agashya u Rwanda rwagezeho.

Ibyo byatumye umuryango w’abibumbye usaba u Rwanda ko rwawufasha iyo gahunda ikagera mu bihugu byose bya Afurika no ku isi.

Abakora mu nzego zishamikiye ku rubyiruko mu bihugu 14 byo muri Afurika baje kwigira kuri Youth Connekt

Umuhuzabikorwa w’amashami y’umuryango w’abibumbye mu Rwanda, Lamin Manneh avuga ko nyuma yo kubona ko iyi gahunda igenda itanga igisubizo cyo kwihangira imirimo mu Rwanda, bishimira ko izagezwa no mu bindi bihugu.

Jean Bosco Nzeyimana ni umwe mu rubyiruko rwafashijwe na gahunda ya Youth Connekt. Afite uruganda Habona Ltd rutunganya imyanda yo mu ngo rukayibyazamo ibicanwa. Asabba urundi rubyiruko guhera kuri bike rufite rukabibyaza umusaruro.

Agira ati “Ndagira inama urubyiruko rwo muri Afurika guhera kuri bike rufite kuko nanjye nta gishoro gihambaye natangije kitari amaboko n’ibinyegereye.”

Imibare itangwa na Minisiteri y’Urubyiruko n’Ikoranabuhanga igaragaza ko gahunda ya Youth Connect imaze gufasha urubyiruko rusaga miliyoni eshanu mu gihe cy’imyaka ine.

Umwe mu baturage watanze ubwisungane abikesha ikimina

Mukarubayiza Jeanne uhatuye, avuga ko mbere byari ingorabahizi kubona ubwishyu, ariko nyuma yo kwibumbira mu bimina ubu basubijwe.

Agira ati ’’Tugenda twizigamira amafaranga make buri kwezi, hanyuma umuntu yashaka akanaguza niba ashaka gukora nk’umushinga ’’.

Habakurama Pascal we avuga ko atarajya mu kimina ngo atangire kwizigamira buri kwezi, yahoranga ashwana n’abayobozi kuko yabaga yabuze amafaranga atanga.

Ati ’’ Ubu ngera mu kwezi kwa Kamena, naramaze kwishyurira urugo rwose rugizwe n’abantu umunani. ‘’

Kuri ubu abamaze gutanga umusanzu w’ubwisungane mu kwivuza wa 2016-2017 muri ako kagari bararenga 90%.

Ubu bwitabire bugenda buzamuka, bwemezwa na Ndagijimana Modeste umunyamabanga nshingwabikorwa w’Akagari ka Nyakayaga . Avuga ko ahanini buri guterwa n’ubukangurambaga bwimbitse bwakozwe.

Ati ’’ Mu baturage basaga 3000, 100 nibo basigaye bataratanga umusanzu. Nabo hari icyizere ko mu mpera z’uku kwezi kwa Nzeli bazaba bamaze kuwutanga’’

Niyonsaba Dancille umuyobozi w’Umudugudu wa Kaje wo muri aka Kagari, avuga ko ibimina byabafashije cyane ku buryo mu ngo 145 ziwugize, hasigaye gusa ingo ebyiri kugira ngo bese umuhigo wo kugira mitiweri ku gipimo cy’i 100%.

Avuga ko muri uyu mudugudu abaturage batangiye no kuzigama umusanzu w’umwaka utaha wa 2017-2018.

Icyegeranyo cy’agateganyo cy’ubuyobozi bw’Akarere ka Bugesera, kigaragaza ko Umurenge wa Kamabuye uza ku mwanya wa kabiri mu kwitabira gutanga ubwisungane mu kwivuza.

Uyu murenge uza ukurikira uwa Mayange uhora uza ku isonga muri aka Karere.

Amavomo amaze imyaka itanu yarafunzwe kubera kutishyura

Dushimimana Alexis utuye mu kagarii ka Kabuye mu murenge wa Nyarugenge,avuga ko bamaze imyaka itanu, ivomo ryabo ryakoreshwaga n’ingo zisaga 300 rifunze.

Yagize ati “Dusigaye tuvoma amazi y’ibishanga n’inzuzi kandi twari dufite amazi meza none ubu indwara z’inzoka zigiye kuzatwica, nimutabare mufungure aya mazi”.

Icyo aba baturage bavuga ni uko, ubuyobozi bwa WASAC nabwo bwagize uruhare mu kutishyurwa, amafaranga akarinda aba menshi.

Bavuga ko bwashoboraga kwishyuza buri kwezi, aho gutegereza ko amezi aba menshi.

Kananga Jean Damascene umukozi w’akarere ka Bugesera ushinzwe amazi n’isukura nawe aratunga agatoki abakozi ba WASAC bashinzwe kwishyuza.

Ati “Iyo babakurikirana bakajya babishyuza buri kwezi ntabwo iki kibazo cyari kubaho, gusa tugiye gukorana nabo kuburyo amavomo yose afungurwa bitarenze ukwezi kwa 11 kuko abaturage aribo baharenganira”.

Umuyobozi wa WASAC ishami rya Bugesera, Vedaste Tuyisenge atangaza ko batazafungura aya mavomo mu gihe cyose ibibazo by’iyi myenda bitarahabwa umurongo wo kuyishyurwa.

Ati “Tuzafungura aya mavomo ari uko akarere cyangwa undi azaduha umurongo wo kwishyura cyangwa baduhaye amafaranga”.

Mu kwirinda ko ibi bibazo byazongera kubaho, Tuyisenge avuga ko ivomo rizajya ricungwa n’ishyirahamwe ry’abaturage benshi (Water User Association).

Ati “Aho kuba umuntu umwe nk’uko byari bisanzwe, hakazanashyirwaho komite zishinzwe amazi kuva mu karere kugeza mu midugudu ndetse na WASAC. Komite zizashyirwaho mu nama izaba tariki 23 z’uku kwezi”.

Mu mavomo rusange 200 abarizwa mu karere ka Bugesera, 120 niyo yafunzwe kubera umwenda w’amafaranga arenga miliyoni 13. Hari ayafunzwe kuva mu mwaka wa 2012.

Muri yo 65 amaze gufungurwa nyuma yo gutanga umurongo wo kwishyura.

Inka enye zo mu Karere ka Bugesera zishwe zirozwe

Byabaye ku mugoroba wo ku itariki ya 08 Nzeli 2016, mu mudugudu wa Rucucu, mu Kagari ka Murama, mu Murenge wa Nyamata. Munyeragwe Epimaque na Nsabimana Innocent ni bo banyiri izo nka.

Munyeragwe agira ati “Twaje dusanga zishwe n’amarozi zaherewe mu bwatsi zarishije, zatezwe n’umwe mu baturanyi bacu kuko ibyatsi byazishe twabisanze mu rutoki rwe kandi aho yabumennye hagiye hababuka”.

Aba bagabo bavuga ko nta kibazo bari bafitanye n’umuturanyi wabo ahubwo bakibaza impamvu yabikoze.

Kayitankore Leonidas, ushinzwe ubworozi mu Karere ka Bugesera, yemeza ko izo nka zahawe uburozi. Avuga ko nyuma yo gutabazwa n’abaturage, bafashe gahunda yo kuzipima basanga zariye ibyatsi byashyizweho “acide”.

Agira ati “Zahise zipfira aho zabiriye kandi twasanze munda, igifu cyahiye kandi twasanze ibyo byatsi bikiri mu gifu”. Izo nka zahise zitwikwa, ziranahambwa kuko abantu batari kuzirya.

Rurangirwa Fred, umunyamabanga nshingwabikorwa w’Umurenge wa Nyamata, avuga ko ubuyobozi bugiye kureba uko bwakongera koroza abo baturage biciwe inka.

Agira ati “Ndasaba abaturage guha agaciro ibyo bagenzi babo baba baragezeho mu iterambere aho kubakoma mu nkokora, ahubwo bakarushaho gukora ngo nabo babigereho”.

Abo bafunzwe nibaramuka bahamwe n’icyaha, bazahanishwa ingingo ya 436 yo mu gitabo cy’amategeko ahana ibyaha mu Rwanda.

Iyo ngingo y’itegeko ivuga ko umuntu wese, ku bw’inabi kandi nta mpamvu, wica cyangwa ukomeretsa bikomeye amatungo y’undi, ahanishwa igifungo kuva ku mezi atandatu, kugeza ku mwaka umwe.

Hiyongeraho ihazabu y’amafaranga y’u Rwanda kuva ku bihumbi magana abiri kugeza kuri miliyoni ebyiri cyangwa kimwe gusa muri ibyo bihano.

Abahinzi ba Kawa bavuga ko 150FRw bahabwa ku kilo ari make cyane

Bamwe mu bahinzi bavuga ko bagenda bacika intege mu guhinga Kawa bitewe n’ibiciro bihora bihindagurika buri mwaka. Bavuga ko 150FRw bari guhabwa ku kiro kimwe ari make cyane.

Bahamya ko ayo mafaranga abagusha mu gihombo bakurikije ayo baba bashoye bayihinga; nkuko Habumuremyi Emmanuel wo mu murenge wa Juru, abisobanura.

Agira ati “Mu myaka yashize baduhereye amafaranga 500 (FRw) ku kiro abantu bose barishima cyane ariko baduhereye amafaranga 150 abantu bose bahise bagira umujinya barazirimbura”.

Undi muhinzi witwa Kariwabo Peter avuga ko umuhinzi ajya muri banki kwaka amafaranga yo kugura ifumbire ndetse n’isaso ariko yajya gusarura ugasanga ntayagaruje.

Ati “Turasaba ababishinzwe ko byibura batazajya bajya munsi y’amafaranga 300 ku kilo cy’ikawa y’ibitumbwe kuko abaye munsi twakorera mu gihombo”.

Maniraguha Dieudonne, umukozi ushinzwe ibihingwa ngengabukungu mu karere ka Bugesera, avuga ko igiciro kigenwa n’Ikigo cy’Igihugu gishinzwe kohereza mu mahanga ibikomoka ku buhinzi mu Rwanda (NAEB) gifatanije n’inganda zitunganya Kawa, hakurikijwe ibiciro biba biri ku isoko mpuzamahanga.

Agira ati “Igiciro si twe tukigena kuko tugendera ku biciro byo ku isoko mpuzamahanga kandi abahinzi nyuma inganda zibagenera ubwasisi kuko ubushize umuhinzi yahawe amafaranga 20 ku kilo”.

Mu Bugesera, igihingwa cya kawa gihingwa mu mirenge 12 kuri 15 ikagize, kuri hegitare 403. Muri 2015 hasaruwe toni zisaga 800. Muri uyu mwa bafite intego yo kuzongera zikagera kuri toni 900.

Gusangirira ku muheha umwe bishobora gutera indwara zandurira mu kanwa

Sikubwabo Jean Damascene avuga ko iyo ari mu kabari k’urwagwa na bagenzi be, nta pfunwe baterwa no gusangirira ku muheha umwe.

Aragira ati “ kuva kera dusangirira ku muheha umwe na bagenzi banjye kandi nta kibazo ndahura nacyo, yewe n’ingaruka bavuga ko nahura nazo sindazibona.”

Karamaga Paul avuga ko mu gihe cyashize ibyo gusangirira ku muheha byigeze gucika, bakajya bakoresha ibikombe. Avuga ko nabyo bitababuzaga gusangira, kuko umwe yanywaga agahereza undi.

Ruzagiriza Vital umunyamabanga nshingwabikorwa w’umurenge wa Musenyi, avuga ko abaturage bari baracitse kuri uyu muco, ubu ukaba umaze kugaruka.

Kugira ngo uyu muco ucike avuga ko bagiye gukorana n’abajyanama b’ubuzima, bakigisha abaturage indwara zituruka kugusangirira ku muheha umwe.

Ati “Kwigisha ni uguhozaho, mu minsi ishize abaturage bari bararetse umuco wo gusangirira ku muheha ariko ubu tugiye kubigisha tubereke ibibi byabyo kuburyo dufatanyije n’abayobozi b’inzego z’ibanze twizera ko batazabisubira.”

Leta y’u Rwanda ikangurira abaturage kureka umuco wo gusangirira ku muheha, kuko byagaragaye ko bashobora kwanduriramo indwara nk’igituntu n’izindi zandurira mu kanwa. Umwanzuro wo guca uyu muco wafashwe mu nama y’umushyikirano y’umwaka wa 2005.

Imwe mu mifuka y’ifumbire ikiri mu bubiko

Muri gahunda yo kurushaho kwegereza abahinzi inyongeramusaruro n’imbuto zo guhinga, umutwe w’inkeragutabara, niwo uzajya ukora ubu bucuruzi.Aha ni uguhera mu gihembwe A cy’umwaka wa 2016-2017.

Kasavubu Aimable perezida wa Koperative y’abacuruzi b’inyongeramusaruro mu karere ka Bugesera, avuga ko bagifite ububiko bwuzuye imbuto n’ifumbire. Bahangayikishijwe no kuba bizabaviramo igihombo.

Yagize ati “Inkeragutabara zizanira ububiko bwazo, ibyo twari dusigaranye twari kuzabicuruza mu gihembwe cya mbere bizabura abaguzi kuko twatswe isoko ryo gucuruza.”

Kasavubu avuga ko ku giti cye agifite toni y’imbuto y’ibigori ataracuruza.

Bahufite Paul umwe mu bacuruzi, avuga ko inkeragutabara zabagurira umusaruro bari basigaranye, ku kiranguzo, zikawuheraho zicuruza, nabo ntibahombe.

Nkinzingabo Jean de Dieu ushinzwe ubuhinzi mu karere ka Bugesera avuga ko aba bacuruzi badakwiye kugira impungenge z’ibicuruzwa babitse

Ati “Ndabizeza ko ubuyobozi bw’akarere buzabafasha maze inkeragutabara zikabibagurira, kuko imbuto bacuruzaga niyo izakomeza guhabwa abaturage.”

Mu karere ka Bugesera habarizwaga abacuruzi b’inyongeramusaruro n’imbuto 16, umwe muri buri murenge.

Kuri ubu hazajya habaho abacuruzi babiri muri buri kagari ku girango ibi bicuruzwa birusheho kwegerezwa abaturage.

Abaturage bo mu karere ka Bugesera batoraguye uruhinja ku nzira babura uwaruhataye

Bamutoye mu mudugudu wa Nyabivumu mu Kagari ka Nyamata Ville, mu masaha y’umugoroba ku itariki ya 04 Nzeli 2916, nk’uko umuyobozi w’uwo mudugudu Tuyishimire Anita, abisobanura.

Agira ati “Uyu mwana yabonywe n’abantu bari bavuye ku kazi batashye maze bihutira ku dutabaza, maze umwana turamutwara dushakisha uwaba yamutaye turamubura”.

Akomeza avuga ko ku bufatanye na Polisi, bashakishije ahantu hose baraheba, ndetse banareba abakobwa n’abagore bakeka ko bari batwite ariko babura uwataye umwana.

Ati “Ubu hari umubyeyi witwa Ntawukuriryayo Dancille wemeye kumurera nta kiguzi, ubu umwana akaba yatangiye kunywa amata kandi nta kibazo na kimwe afite kubijyanye n’ubuzima”.

Mu mezi abiri ashije, hafi yaho batoye uwo mwana, bari bahatoye undi uri mu kigero cy’amezi abiri n’igice. Uwamuhataye nawe ntaraboneka. Uwo mwana ari kurerwa n’ababikira.

Tuyishimire avuga ko ari abaturuka ahandi baza kuhata abana kuko abo mu mudugudu we batwite baba bazwi kubera ko abajyanama b’ubuzima babakurikirana umunsi ku munsi.

Polisi y’u Rwanda ikorera mu karere ka Bugesera itangaza ko ikibazo cy’ababyeyi bata abana igiye kugifatira ingamba, aho igiye kuzajya ikurikirana abantu bose batwite, kuburyo uwo bazabona adafite umwana kandi byari bizwi ko atwite, azajya asobanura aho yamushyize.

Umuriro w’amashanyarazi uri mubirometero bike uvuye aho batuye.

Batangiye kwegeranya amafaranga y’ifatabuguzi kuva mu 2011, ariko kugeza uyu munsi ntibarawuhabwa, nk’uko bivugwa n’umwe muri abo baturage Sekamana Alexis.

Agira ati “Ku ikubitiro umuturage yatangaga ibihumbi 15Frw, byagombaga kugenda byongerwa kuzageza ku bihumbi 56Frw. Uretse ayo hari n’andi mafaranga y’ubudehe yagombaga kutwunganira mu kubona umuriro nayo ntituzi irengero ryayo.”

Mukarutabana Ancile avuga ko kimwe na bagenzi be batazi aho ayo mafaranga yarigitiye kandi bakaba nta n’ibisobanuro bigeze bahabwa.

Ati “Ntituzi niba akiba mu murenge Sacco, ubu twaheze mugihirahiro. Twagiye twumva igihugu kivuga ko baba barayakuyeho bakayajyana mu kigo gishinzwe gukwirakwiza amashanyarazi.”

Aba baturage bavuga ko bahabwa amafaranga yabo kuko imyaka ishize ari myinshi, kuko n’amashanyarazi bashakaga bakaba batarayahabwa kandi nta n’icyizere cyo kuzayabona.

Bureta Rwabishugi Fidel ushinzwe irangamimerere mu murenge wa Ntarama, akaba n’umuyobozi w’umurenge w’agateganyo, avuga ko ayo mafaranga atigeze aribwa kuko akiri kuri konti y’umurenge Sacco wa Ntarama.

Ati “Ikibazo sitwe kiriho kuko ikigo gishinzwe gukwirakwiza amashanyarazi (REG) cyatubwiye ko hari ibikoresho bitaraza kugirango babashe guha amashanyarazi abo baturage.”

Umuyobozi w’ikigo gishinzwe gukwirakwiza amashanyarazi ishami rya Bugesera, Karisa Rosine avuga ko babonye ibaruwa y’abo baturage isaba ko bashyirirwaho amashanyarazi.

Ati “Tugiye gukorana n’akarere kugira ngo turebe niba hari amafaranga maze abo baturage begerezwe amashanyarazi, ubu ibikoresho birahari.”

Amavomo rusange yarenzwe n’ibyatsi nyuma yo gufungwa.

Dukuzimana Paul avuga ko babangamirwa no kuba hari ubwo umuturage ushinzwe ivomero rusange, atwara amafaranga yishyuje ku mazi, nyuma ikigo gishinzwe amazi, isuku n’isukura (WASAC) kigahita gifunga iri vomero nyamara ryari rifatiye runini benshi.

Agira ati “Ibi bituma tujya kuvoma amazi y’inzuzi n’ibishanga maze tukibasirwa n’indwara nk’inzoka n’impiswi kandi bitagakwiye.”

Ikibazo cy’amavomo afungwa kigaragara mu mirenge hafi ya yose igize Akarere ka Bugesera, by’umwihariko mu mirenge ya Ngeruka na Mareba, bagiye kumara imyaka itanu amavomero afunze bitewe naba Kanyamigezi babuze ayo kwishyura WASAC igafunga ayo mavomo.

Usanga nta kimenyetso kigaragaza ko amazi ahaheruka.

Nsanzumuhire Emmanuel n’umuyobozi w’Akarere ka Bugesera, avuga ko bagiye kubahiriza icyifuzo cy’aba baturage ku buryo iki kibazo kitazongera kubaho ukundi.

Ati “Amavomo yari yarafunzwe tugiye kuganira n’ikigo gishinzwe WASAC ishami rya Bugesera maze afungurwe mu gihe cya vuba.”

Nubwo nta mubare utangazwa w’amavomo rusange yose yafunzwe muri ubu buryo mu Bugesera, n’umubare w’amafaranga aberewemo WASAC, bamwe mu Baturage bavuga ko kibagiraho ingaruka zirimo kuvoma amazi mabi mu bishanga.

Bongeraho ko binababangamira muri gahunda ya leta y’uko umuturage atagomba kurenga metero 500 ajya ku ivomo mu cyaro na metero 200 ku bo mu mijyi.

Urwibutso rwa Nyamata ruri muzisabirwa gucungwa na UNESCO.

Muri 2012, ni bwo inama y’abaminisitiri yateranye mu Rwanda, yemeza ko inzibutso za Jenoside yakorewe Abatutsi mu 1994 zashyirwa ku rwego rw’isi zikajya zicungwa n’Ishami ry’Umuryango w’Abibumbye ryita ku Burezi, Ubumenyi n’Umuco (UNESCO).

Ku ikubitiro, inzibutso enye zirimo urwa Nyamata mu Karere ka Bugesera, urwa Murambi muri Nyamagabe, urwa Gisozi mu Mujyi wa Kigali n’urwa Bisesero muri Karongi ni zo zoherejwe muri UNESCO, nk’uko Butoto Jean, ushinzwe iki gikorwa muri CNLG, abivuga.

Avuga ko kuba zacungwa ku rwego rw’isi byatuma amahanga afasha u Rwanda kubungabunga amateka yo muri izo nzibutso, UNESCO igafasha mu guhugura abakozi bazo ndetse ikanakurikiranama imicungire yazo umunsi ku munsi.

Yagize ati “Binyuze muri izi nzibutso amahanga azadufasha kurwanya abahakana n’abapfobya Jenoside”.

Bamwe mu baturage bo mu Karere ka Bugesera bavuga ko mu gihe Urwibutso rwa Nyamata ruzaba rwamaze gushyirwa ku rwego rw’isi, uzaba ari umwanya mwiza wo kumenyesha isi yose ibyabaye mu Rwanda, by’umwihariko mu karere kabo.

Butoto arasobanura bamwe mu baturage bo mu Bugesera uko inzibutso zizacungwa na UNESCO

Odace Udahemuka, umwe muri bo, agira ati “ Ni inyungu kuri twe kuko amateka yacu azarenga imbibi zacu, maze abantu barusheho kumenya amateka ya Jenoside yakorewe Abatutsi ndetse kandi izi nzibutso zizafatwa neza kurusha uko zari zifashwe”.

Biteganijwe ko izi nzibutso zose zizatangira gucungwa na UNESCO bitarenze muri Kamena 2018.

Kuva icyo gihe nta gikorwa kizaba cyemewe gukorerwa kuri izo nzibutso cyangwa hafi yazo.

Nta rwibutso cyangwa ikimenyetso ndangamurage u Rwanda rusanzwe rufite gicungwa na UNESCO, mu gihe ku isi habarurwa ibimenyetso ndangamurage n’inzibutso zicungwa na UNESCO 1,051.

Bifashisha imashini mu kuhira imyaka yabo.

Abahinzi baravuga ko bagikoresha indobo zuhira, batangaga amafaranga ibihumbi 30Frw kuri hegitare yagendaga ku bakozi babaga bavomerera, none ubu bakaba basigaye batanga ibihumbi bine ku munsi kuri hegitare, nk’uko bivugwa na Niyimpa Jean Claude.

Agira ati “Twakoreshaga abakozi 30 bakoresha ‘arosoir’. Ubu dukoresha bane, ibintu byanatumye umusaruro uva hagati ya toni 15 na 18 kuri hegitare zijya hagati ya toni 25 na 30. Aho dukuramo hagati ya miliyoni enye n’esheshatu z’amafaranga y’u Rwanda kandi mbere twarakuragamo miliyoni imwe.”

Myasiro Anastase avuga ko gukoresha izo mashini byatumye batera imbere kurushaho bitandukanye na mbere y’umwaka wa 2013 kandi ko kugeza ubu, koperative eshatu bafite zikoresha imashini 20 ziguriye.

Guverineri Uwamariya Odette yerekwa imwe mu mashini ibafasha kuzamura amazi ajya mu bihingwa.

Agira ati “Zirimo 12 zuhira binyuze mu kirere mu buryo buzwi nka ‘Rain Gun’ ndetse n’izindi 8 zuhira hakoreshejwe imipira, ariko turasaba kunganirwa ngo tujye twuhira no mu mirima itari mu gishanga.”

Guverineri w’Intara y’Iburasirazuba, Uwamariya Odette, asaba aba bahinzi kwishyira hamwe bakagura izo mashini, ubundi Leta ikabaha nkunganire.

Yagize ati “Ntituzabatererana mu gihe bagaragaje ubushake. Imashini zifashishwa zigurwa hariho nkunganire ya 50% bitandukanye na mbere.”

Kandinga Ancila, umwe mu bamaze kwiteza imbere abikesha kuhira imyaka akoresheje imashini.

Kugeza ubu, ubutaka bwuhirwa mu Karere ka Bugesera buragera kuri hegitare 1500 mu bishanga, ku misozi zikaba zigera kuri hegitare 500, ariko uyu mwaka ziziyongeraho hegitare 420 ku misozi, nk’uko ubuyobozi bw’ako karere bubivuga.

Umuyobozi wa koperative y’abarobyi.

Iyi gahunda bayishyizeho nyuma y’ukwiyongera ku musaruro muri iki kiyaga, bitewe n’uko iki kiyaga cyakuwemo amarebe n’ibindi byatsi byabangamiraga uburobyi bwabo.

Simba Aloys, umuyobozi w’iyi koperative, avuga ko mbere batarenzaga ibiro icumi by’amafi ku munsi, none kuri ubu basigaye baroba ibiro bisaga ijana ku munsi.

Yagize ati “Byatumye iyi koperative igera ku iterambere ku buryo ubu yamaze gutangiza gahunda ya Girinka Murobyi. Gahunda biteganijwe ko mu mwaka utaha izaba yageze ku barobyi bose. Ku ikubitiro ikaba yaroroje abarobyi 60 ariko uyu mwaka urashira tworoje ijana.”

Umuyobozi wa koperative y’abarobyi.

Abarobyi bo bemeza ko ubundi iki kiyaga kitaratunganywa ngo amazi abe meza kandi yiyongere bityo amafi abe menshi, iterambere ryabo ryari inzozi, nk’uko bivugwa na Ngayaberura Emmanuel.

Ati “Kuba tugeze ubwo dutangiza gahunda nk’iyi bizarushaho kudubateza imbere, cyane ko izi nka zizacyemura ibibazo bahuraga nabyo bityo bikunganira uburobyi bwacu.”

Guverineri w’intara y’uburasirazuba Uwamariya Odette, ashimira iyi koperative kuba iri gushyigikira gahunda ya Girinka yatangijwe na Perezida wa Repubulika.

Ikiyaga cya Cyohoha nta byatsi bikibamo.

Ati “Ndasaba abarobyi bahawe inka kuzifata neza kugira ngo zizagere no ku bandi baturage binyuze mu kwitura, kuko bizatuma mubasha guterimbere.”

Koperative Isano yatangiye muri 2007 ibona ubuzimagatozi muri 2009, nyuma y’aho ikigo cy’igihugu gishinzwe kubungabunga ibidukikije (REMA) gitangiye gutunganya ikiyaga cya Cyohoha yahawe akazi.

Iyi koperative igizwe n’abanyamuryango 324, imaze kwigurira imodoka ifite agaciro ka milliyoni 17Frw, yaniyubakiye kandi n’inzu ifite agaciro ka milliyoni 20Frw.

Mu Mudugudu wa Rweru haracyagaragara abana birwa bazerera aho kujya kwiga.

Mu ntangiriro za Nyakanga 2016 ni bwo Leta y’u Rwanda yatangiye kwimura abaturage batuye mu birwa bya Mazane na Sharita batuzwa mu Mudugudu w’Icyitegererezo mu Kagari ka Batima mu Murenge wa Rweru.

Mu mpamvu zituma bimurwa harimo no kubafasha kugerwaho n’ibikorwa remezo birimo n’amashuri.

Nubwo aho batujwe hari n’amashuri, kuva bimurwa kugeza ubu hari abana usanga bazerera batarasubira ku ishuri.

Mukasine Agnes ni umwe mu babyeyi bavuga impamvu abana babo batiga biterwa n’ubukene.

Agira ati “Mfite abana bane, impamvu batiga ni uko nta mikoro mfite yo kubagurira ibikoresho by’ishuri birimo inkweto ndetse n’amakayi”.

Gusa, uwitwa Baramvuga Celestin we avuga ko kuba bamwe m ubabyeyi batitabira gushyira abana babo mu ishuri bituruka ku myumvire ikiri hafi.

Ati “Ibi byatangiye tukiba no kirwa aho abana bamwe bakurikiraga ababyeyi mu mazi bajyaga kuroba, ugasanga abo babyeyi batabahwitura ngo bajye mu ishuri”.

Ntibaziyandemye Jean Claude w’imyaka 15 yacikirije ishuri mu mwaka wa mbere w’amashuri abanza.

Agira ati “Njye mbana n’umukecuru utishoboye, nayuye mu ishuri kugira ngo njye mbasha kumushakira icyo kurya. None kuba twarageze aha ndashaka kureba uburyo nasubirayo kuko basigaye baduha ibidutunga”.

Umuyobozi w’Akarere ka Bugesera Wungirije ushinzwe Imibereho Myiza, Uwiragiye Pricille, yamera ko hari abana koko bo muri uwo mudugudu batiga ariko akavuga ko bagifatiye ingamba.

Ati “Tugiye kwihutira gushyira abo bana mu ishuri, ababuze ibikoresho bakabihabwa”.

Imiryango 104 kuri 400 ni yo ku ikubitiro yimuwe mu birwa bya Mazane na Sharita.

Kwizera Samuel ni umuhungu umwe rukumbi uri muri Koperative COVANYA, igizwe n’urubyiruko 54 rw’abakobwa baboha uduseke ndetse n’ibindi bikoresho nk’ibikapu n’ibindi yo mu Murenge wa Nyamata.

Urubyiruko ntirugomba gusuzugura imirimo itanga amafaranga.

Aravuga uburyo yinjiye muri iyi koperative amazemo imyaka ibiri, nyuma y’uko yari arangije amashuri yisumbuye abona nta cyizere cyo gushaka akandi kazi.

Agira ati “ Ndagije ishuri nasanze ntagomba guhora nicaye mu rugo ni bwo negereye iyi koperative ngo banyigishe ibyo bakora nanjye ndabimenya ubwo mba mbonye akazi gutyo”.

Kuba ari kumwe n’igitsinagore muri koperative, avuga ko nta pfunwe bimuteye, ahubwo agahamagarira n’urundi rubyiruko kugana amatsinda n’amakoperative.

Ati“ Benshi bagiye banca intege ngo nkora imirimo y’abakobwa, ariko sinabyitaye kuko nzi icyo nshaka kuko ubu ninjiza amafaranga ibihumbi 60 buri kwezi kandi nakuyemo ibyo mba nashoye”.

Yamuragiye Betty bari muri koperative imwe ashinja urubyiruko rutagira akazi ubunebwe kandi rwagakuye amaboko mu mifuka.

Ati“ Urubyiruko rukwiye kwishyira hamwe rugashaka icyo rukora, birashoboka kuko natwe twumvaga bitashoboka ariko byarakunze”.

Umuhuzabikorwa w’inama y’igihugu y’urubyiruko mu Bugesera Mutware Antoine, avuga ko urubyiruko rugaragaza ikibazo cy’ubushomeri ari urutitabira gahunda za Leta ngo ruhabwe impanuro zarufasha.

Avuga ko igisubizo kuri rwo ari ukurwegera mu Midugudu ngo babumbirwe hamwe mu matsinda no mu ma koperative bakitabwaho n’inzego z’ibanze mu buzima bwa buri munsi.

Imibare iherutse gushyirwa ahagaragara n’ikigo cy’igihugu cy’ibarurishamibare mu Rwanda, igaragaza ko 13,6% by’urubyiruko mu Rwanda nta cyo gukora rufite.

Leta y’u Rwanda ikaba yarashyize muri buri murenge Abantu babiri bagomba kujya bakorera imishinga urubyiruko, kugirango rurusheho kwihangira imirimo.

Iyi mashini irahinga igahita inasanza.

Imibare igaragazwa n’ishami rishinzwe guhingisha imashine muri RAB, igaragaza ko kugeza ubu ubwitabire bw’abakoresha imishini mu buhinzi bugeze kuri 19,2%, bisobanurwa ko hegitare zisaga ibihumbi 27 ari zo zihingwaho n’imashine mu Rwanda hose.

Kuba ubwitabire bukiri hasi, bamwe mu bahinzi bo mu Karere ka Bugesera bavuga ko ibihumbi hagati ya 70Frw na 80Frw bacibwa kuri hegitare kugira ngo bahingirwe ari menshi, nk’uko bivugwa na Myasiro Anastasi umuhinzi wo mu murenge wa Ngeruka.

Umuyobozi wa RAB yereka abaturage uko gukoresha imashini mubuhinzi byoroshya akazi.

Agira ati “Ibi biciro biduca intege, mu gihe ubundi iyo dukoresheje abahinzi bakoresha amasuka asanzwe hegitare imwe tuyitangaho ibihumbi hagati ya 40 na 50.”

Sekamana Venuste wo mu Murenge wa Musenyi, nawe avuga ko utanga amafaranga yo gukodesha imashini hanyuma ukanigurira amavuta y’imodoka, umuntu yabireba ugasanga harimo igihombo.

Amasosiyete ageza amamashini ahinga ku bahinzi, avuga ko mu gihe cyose abahinzi bazajya bishyirahamwe bazajya bubagabanyiriza ibiciro, nk’uko bivugwa na Kayumba Remy ukorera isosiyete Renaissance-Main itanga imashini zikoresha mubuhinzi.

Abayobozi bashishikariza abaturage gukoresha imashini mu buhinzi.

Ati “Hari n’ubwo abahinzi bazajya bishyura mu byiciro cyangwa bakishyura bamaze gusarura imyaka yabo, kuko icyo dushaka n’ukuborohereza.”

Umuyobozi w’ ikigo cy’igihugu gishinzwe guteza imbere ubuhinzi n’ubworozi mu Rwanda (RAB) Dr.Daphrose Gahakwa, yasobanuye ko nta nkunganire iri muri iyi gahunda, gusa ariko agaragaza ko igisubizo ari uko abaturage bakwibumbira hamwe kugira ngo babashe guhendukirwa.

Ati “Abaturage bakwiye kwishyirahamwe bagahuza ubutaka kugirango bibahendukire, ndetse turabasaba ko bagerageza kujya kuganira n’abafite imashini kugirango boroherezwe.”

Kuri ubu mu Rwanda harabarizwa amakompanyi ane akodesha amamashini akoreshwa mu buhinzi n’andi abiri azigurisha.

Umuyobozi w’Akarere ka Bugesera, Emmanuel Nsanzumuhire, yizeza abo baturage ko igishanga cyo guhingamo bateganyirijwe kirimo gutunganywa kandi ko bazabaha imirima vuva.

Aba baturage bimuwe ahazubakwa Ikibuga cy’Indege cya Bugesera. Hakuzimana Charles, umwe muri bo, avuga ko nta butaka bafite bwo guhingaho ibibatunga ndetse n’aho bahinga ubwatsi bwo kugaburira amatungo yabo.

Agira ati “Mbere y’uko twimurirwa aha twari twarijejwe ko tuzahabwa ubutaka, cyane ko hafi ya twese twari dutunzwe n’umwuga w’ubuhinzi”.

Mukarutabana Dative, we avuga ko inka bahawe zigiye kwicwa n’inzara kubera kubura ubwatsi.

Ati “Tubonye ubutaka twabona aho duhinga ubwatsi bw’izi nka baduhaye. Uretse n’ibyo ubu twirirwa twicaye nta kazi dufite kuko ubundi twazindukiraga mu murima none ntayo tukigira”.

Umuyobozi w’Akarere ka Bugesera, Nsanzumuhire Emmanuel, avuga ko iyi miryango yagombaga guhabwa imirima mu gishanga cya Rurambi kibegereye ariko kikaba kigitunganywa gikurwamo urufunzo.

Agira ati “Turagira ngo nikimara gutunganwa bazahingemo umuceri nk’abandi baturage bagenzi babo bahawemo imirima”.

Nsanzumuhire ariko, ntagaragaza igihe imirimo yo gutunganya icyo gishanga izarangirira nubwo yizeza abo baturage ko ari vuba.

Mu miryango isaga ibihumbi bibiri yimuwe ahazubakwa Ikibuga Mpuzamahanga cy’Indege cya Bugesera, harimo 62 itishoboye yahisemo gutuzwa i Musovu, buri muryango wubakirwa inzu unahabwa inka.

Umugore afatanyije n’umwana we bwo muri Bugesera yicishije umugabo we.

Mu gitondo cyo kuri uyu wa kane tariki 18 Kanama 2016, nibwo urupfu rw’uyu mugabo wari umaze iminsi ine yishwe rwamenyekanye, kubera abaturanyi be batamubonaga aho yari atuye mu Kagari ka Kibungo mu Murenge wa Ntarama mu Karere ka Bugesera.

Bureta Rwabishugi Fidel ushinzwe irangamimerere mu Murenge wa Ntarama, uri no kuwuyobora by’agateganyo, yavuze bakimekimenya amakuru bahise bajya aho uwo mugabo yabaga bahasanga amaraso, niko guhita bata muri yombi umugore we n’umwana we.

Avuga ko kuva ubwo iperereza ryatangiraga, umwana yaje kwemera ko bamwishe. Ati “Yavuze ko bahaye ikiraka cyo kwica se abagabo babiri ari bo Bimenyimana Emile na Birorimana Marcel, aho babishyuye amafaranga ibihumbi 50Frw.”

Polisi yahise ita muri yombi abo bagabo nabo bahita berekana aho bataye umurambo w’uyu mugabo, ntibahita bawubona ariko nyuma baza kuwusanga mu ruzi rw’Akanyaru.

Polisi yatangaje ko intandaro yo kwica uyu mugabo ari ukugirango basigarane imitungo ye irimo inzu n’amasambu, kuko batumvikana uburyo bwo kuyigabana.

Izabiriza naramuka ahamwe n’icyaha cy’ubwicanyi azahanishwa ingingo 142 yo gitabo cy’amategeko ahana ibyaha mu Rwanda, ahanishwe igifungo cya burundu gihashwa umuntu wishe uwo bashakanye.

Naho Tuyishime Fabien azahanishwa 141 ahana umuntu wishe umubyeyi we, aho ahanishwa igifungo cya burundu.
Abagabo babiri bahawe ikiraka cyo kwica aribo Bimenyimana Emile na Birorimana Marcel bazahanishwa ingingo y’i 140 iteganya igifungo cya burundu.

Izabiriza Alphonsine akaba yaramaranye n’umugabo we Mbyariyehe Francois imyaka 24, ariko bakaba batari barasezeranye byemewe n’amategeko.

Minisitiriri Mukantabana afungura ku mugaragaro imwe mu nzu yahawe uwatahutse uvuye mu mashyamba ya Congo.

Yabitangarije mu Karere ka Bugesera kuri uyu wa kabiri tariki 16 Kanama 2016, ubwo yari mu gikorwa cyo gushyikiriza amazu arindwi yubakiwe bamwe mu Banyarwanda batishoboye batahutse.

Yagize ati “Mmubwire abo muzi bakiri mubuhunzi baze, kuko nyuma y’uyu mwaka ibyo bafashwagamo kugira ngo batahuke bitazongera kubaho ukundi.

Ibyo n’ink’ibyo bahabwa iyo batahutse birimo amatike y’indege kubava kure, guhabwa ibikoresho by’ibanze byo kubafasha ndetse no kubakirwa amazu nk’aya muhawe.”

Buri nzu ifite ikigega cy’amazi.

Minisitiri Mukantabana avuga ko nyuma y’uyu mwaka icyemezo cy’ubuhunzi ku Banyarwanda kitazongera kubaho ukundi. Akababwira ko uzashaka gutahuka nyuma azirwariza kubintu byose.

Abahawe ayo mazu imwe ifite agaciro ka miliyoni 6,8Frw, ni abatahutse batishoboye aho bari baraheze mu mashyamba ya Congo n’umwe watahutse ava muri Cameroun.

Nyirankundabose Esther n’umwe mubahawe inzu avuga ko kuva yatahuka mu 2010 yacumbikiwe n’umuvandimwe we munzu ariko ikaba itarimeze neza.

Ati “Iyo imvura yagwaga narwaga njye n’abana banjye tukarara twicaye kuko ntitwabashaga kuryama kubera imvura, twasaga nkabari hanze. Ariko ubu ndashima ko bitazongera kubaho.”

Banahawe n’ibikoresho byo mu nzu.

Ayingeneye Vestine avuga ko kuva yatahuka mu 2012 uwamucumbikiye munzu yamutegetse kujya amuha umubyizi mu cyumweru.

Ati “Iyo nzu narinshumbikiwemo nayo ntihagije kuko nk’ihene bampaye nararanaga nayo kugirango batayiba kandi ntiyari iduhagije njye n’umugabo n’abana.”

Uwitwa Kitenge Andre we avuga ko yashubijwe ubuzima bushya kuko iyo arebye ibyo akorerwa n’ibyo yakorewe kuva yatahuka ntako yabona yashima.

Amazu bahawe ntawufite uburenganzira bwo kuzigurisha, kuzikodesha cyangwa se kuzigwatiriza.

Amazu bubakiwe imwe ihagaze agaciro ka miliyoni 6,8Frw.

MIDIMAR yubatse aya mazu ku bufatanye n’amashami y’Umuryango w’Abibumbye akorera mu Rwanda mu mushinga bahuriyemo wo gucyura no gusubiza mu buzima busanzwe Abanyarwanda bahunze. Mu gihugu hose hamaze kubakwa amazu agera kuri 115.

Ndayisenga ushakisha se, wamusize agifite amezi ane.

Ubusanzwe Ndayisenga aba mu Mudugudu wa Karambo mu Kagari ka Rugendabari mu Murenge wa Mukarange mu Karere ka Kayonza.

Agira ati “ Mama yatandukanye na data mu mwaka wa 1998 mfite amezi ane, hanyuma mama aza kwitaba Imana mfite imyaka ine nsigara mbana n’abo mu muryango wo kwa mama. Amakuru nagiye mpabwa ni uko bambwiye ko papa yitwa Nsabimana Valens kandi ko aba mu Bugesera mu Murenge wa Gashora akaba ari yo mpamvu naje kumushaka”.

Ndayisenga yegereye Ubuyobozi bw’Umurenge wa Gashora kugira ngo bumufashe kumushaka ariko bukaba na bwo butamubonye.

Gusa, Umunyamabanga Nshingwabikorwa w’Umurenge wa Gashora, Innocent Mushenyi, yamwijeje ko bagiye kumufasha bagakomeza kumushakisha.

Yagize ati “Tugiye gukomeza gushakisha mu tugari twose ndetse n’imirenge no mu midugudu kuko umwana yadusigiye numero ze za terefone, nitumubona tuzahita tubahuza nta kabuza”.

Ndayisenga asaba umuntu wese waba azi se, Nsabimana Valens, kubahuza.

Nubwo bamurangiye ko se Nsabimana Valens aba mu Murenge wa Gashora, ariko ngo si ho ashakira gusa, kuko arasaba uwaba amuzi ko na we yabahuza kuko yifuza kumumenya.

Ndayisenga akaba yegereye n’Ubuyobozi bwa Polisi mu Karere ka Bugesera kugira ngo na bwo bumufashe kumushaka.

Hagati aho, mu gihe uyu mwana agishakisha se, yabaye asubiye iwabo mu Karere ka Kayonza kuko avuga ko hari byinshi birimo kwangirika.

Imwe muri moto zahawe abashinzwe ubuhinzi mu mirenge nk’inyoroshyangendo.

Abo bakozi bavuga ko ubuhinzi ari umurimo ukorwa n’abasaga 90% by’abaturage ba Bugesera kandi bukaba ari bwo bubatunze.

Ibyo ngo bituma abakozi bashinzwe ubuhinzi mu mirenge bagira inshingano ikomeye yo kubegera kugira ngo ubuhinzi butange umusaruro ufatika, babone n’ibyo basagurira amasoko.

Ku rundi ruhande ariko, bavuga ko bahabwa amafaranga make y’urugendo angana n’ibihumbi 69Frw ku kwezi, akaba atabasha kubafasha mu ngendo zose nk’uko babivuga.

Bavuga ko basabwe kugira moto zabo bagendaho, bazihabwa bazigurijwe n’amabanki, ku buryo amafaranga bagenerwa ngo banki iyatwara yose, nk’uko byemejwe n’umwe utashatse ko amazina ye atangazwa.

Yagize ati “Badukata amafaranga aruta ayo batugenera, ku buryo kubona lisansi bisaba gukoresha umushahara wacu. Igihe moto igize ikibazo igapfa, biba ibindi kuko usanga noneho na ya yandi make umuntu yasigaranaga ku mushahara, ahita ashira kuko biba ngombwa ko ayikoresha.”

Undi avuga ko amafaranga y’ingendo yashyizweho mu gihe moto yaguraga milliyoni imwe n’ibihumbi magana abiri, none kuri ubu moto ikaba igura milliyoni ebyiri n’igice z’amafaranga y’u Rwanda.

Ati “Icyifuzo ni uko byibura bajya batugenera amafaranga ibihumbi 100Frw y’ingendo, kuko ari yo yadufasha gukora akazi kacu neza.

Umuyobozi w’Akarere ka Bugesera, Nsanzumuhire Emmanuel, avuga ko bagiye kwiga kuri iki kibazo bakazashaka umuti wacyo, nubwo atavuga igihe nyacyo kizaba cyakemukiye.

Agira ati “Baratwandikiye batumenyesha ikibazo bafite. Dufatanyije n’inzego zibishinzwe, tugiye kugisuzuma mu gihe cya vuba, tuzabaha igisubizo.”

Akarere ka Bugesera kagizwe n’imirenge 15. Abakurikirana ubuhinzi bavuga ko ubunini bwayo bukwiriye gutekerezwaho, bagahabwa amafaranga y’ingendo akwiriye kugira ngo bashobore inshingano bahawe.

Bamwe mu bagenerwabikorwa ba VUP mu Karere ka Bugesera.

Imirenge itatu, ari yo Shyara, Musenyi na Mwogo yo mu Karere ka Bugesera ni yo yatangiriweho ku ikubitiro muri gahunda ya VUP yo gutanga inguzanyo ku mishinga ibyara inyungu y’abaturage binyuze mu mirenge Sacco.

Mu ngengo y’imari y’umwaka ushize wa 2015, akarere kari karateganyije miliyoni zisaga 112, gusa ngo abaturage ntibitabira gufata ayo mafaranga nk’uko bivugwa na Gakwerere John, Umukozi ushinzwe Imibereho Myiza y’Abaturage mu Karere.

Agira ati “Ntabwo barimo kwitabira uko tubishaka kuko ni amafaranga yabo yabagenewe kugira ngo abakure mubukene”.

Kugira ngo umugenerwabikorwa ahabwe ayo mafaranga agomba kuba amaze gukorana na SACCO nibura mu gihe cy’amezi atatu, kuba afite umushinga ukoze neza ndetse akaba afite icyangombwa cy’ubutaka akagitanga nk’ingwate.

Gakwerere avuga ko muri miliyoni zisaga 112 yateganyijwe mu ngengo y’imari y’akarere, hasohotse abarirwa muri miliyoni 38.

Bamwe mu baturage bavuga ko ayo mafaranga agenerwa abantu batazi gukora imishinga ndetse n’iyo bayikoresha ugasanga batamenya kuyigenzura kugira ngo ibashe kubabyarira inyungu.

Uwitwa Dusabinema Callixte agira ati “Aya mafaranga ntayo nafashe kuko nifitiye agasambu gato. Mu gihe se bayampaye hanyuma agahomba bangurishirije agasambu nari nsigaranye abana banjye bazatungwa n’iki!”

Mugenzi we Nyiransabimana Odette, we avuga ko impamvu batitabira kuyafata ari uko mbere bayabahaga ku nyungu ya 2% ariko ubu sacco ikaba ibaca inyungu ya 11%.

Umukozi w’Akarere ka Bugesera ushinzwe Imibereho Myiza y’Abaturage, Gakwerere John, avuga ko batangiye ubukangurambaga bushishikariza abaturage gusaba ayo mafaranga, cyane abasaba kwibumbira mu matsinda.

Gahunda yo kunyuza amafaranga ya VUP muri SACCO yaje nyuma y’aho abaturage bamwe bari bamenyereye guhabwa ayo mafaranga mu ntoki, bigateza ibibazo mu kuyishyura, ngo hari n’abayafataga bazi ko ari impano batazishyura.

Umworozi yerekana uko ashyira ubwatsi mu gisanduku kugira ngo abashe kubuhinika.

Musabe Damas, umwe borozi bo mu mirenge ya Gashora na Rweru bahisemo guhunika ubwatsi bw’amatungo , agira ati “Ubwatsi bwumye bubikwa mu miba, buri muba ufite ibipimo byapimiwe mu isanduku ya centimetre 40 kuri santimetero 80, bukabikwa mu ihunikiro ritageramo umuyaga n’amahuhezi, ubu bwatsi bushobora kubikwa kugera ku myaka itatu”.

Avuga ko nyuma yo kubika ubu bwatsi, iyo umworozi agiye kubuha inka, abanza kubutera amazi arimo umunyu bigatuma inka iburya ifite ubushake, bikanatuma igira inyota nyinshi ikanywa amazi menshi, bitandukanye n’igihe yariye ubwatsi bubisi.

Ati “ Byazamuye umukamo, aho inka yanjye yakamwaga Litiro eshatu z’amata, none ubu isigaye ikamwa Litiro esheshatu ku munsi”.

Biranashimangirwa na Mukarutabana Verena, uvuga ko agafungo k’ubwatsi bw’ibiro 10 buhaza inka kandi ngo bituma bukanabikika neza.

Birasa Andre, Umukozi mu Kigo c’Igihugu cy’ubuhinzi, RAB, ahamya ko ubwo buryo bwo guhunika ubwatsi bugoboka aborozi mu gihe cy’izuba agashishikariza aborozi kubyitabira kuko bitanga umusaruro ku mpande nyinshi.

Agira ati “Ubusanzwe tugira uburyo bubiri bwo guhinikamo ubwatsi, harimo ubwumye ndetse n’ububisi. Guhinika ubwatsi bwumye ni byo dushishikariza aborozi kuko ari byo birimo gutanga umusaruro cyane”.

Gahunda yo guhunika ubwatsi bw’amatungo, yatangijwe nyuma yo kubona ko hari uduce mu gihe cy’izuba tuba twumagaye cyane, bityo amatungo akabura ubwatsi, aho bamwe mu borozi banahitamo kuyagurisha bitewe no kubura ibyo bayagaburira.

Abaturage bari k’umurenge SACCO.

Bamwe muri bo baravuga ko bamaze iminsi itatu baza kuri SACCO batarabona serivise, bagasaba ko iyi SACCO yakongera abakozi cyangwa ikabemerera kujya kwishyuririra mu yandi ma Banki, nk’uko uwitwa Ndikumana Pierre abivuga.

Agira ati “Nageze aha saa kumi n’imwe za mu gitondo nje kwishyura ubwisungane mu kwivuza, kandi maze iminsi itatu yose ariko bigenda kuko iyo amasaha yo gutaha ageze umukozi arigendera. Ubu imirimo yose twarayihagaritse kugira ngo tubashe kuza kwishyura aha.”

Mukamurigo Velentine na we avuga ko amaze iminsi igera kuri itanu azindukira aho aje gufata amafaranga yakoreye muri VUP ariko akaba atarayabona.

Ati “Nzagira umuruho nyakorera ndone ngire n’undi wo kuza kuyatwara nyabure, ubukene buranyishe kandi narakoze kubera ko bafite umukozi umwe, nibashyireho abandi kuko birakabije.”

Umucungamutungo w’iyi SACCO Muragijimana Bonaventure, avuga ko kiri guterwa no kuba bafite umukozi umwe wakira amafaranga.

Ati “Gahunda yo gushyiraho undi mukozi iri umwaka utaha, ndabasaba kwihangana, kuko nta handi aya mafaranga agomba kwishyurirwa, bitewe n’amasezerano SACCO dufitanye n’ikigo cy’ubwishingizi RSSB.”

Umugenzuzi wa Mitiweli mu kigo nderabuzima cya Gihinga, Nzaba Vincent avuga ko abo baturage bashatse bakwishyurira no mu zindi Banki z’ubucuruzi ziherereye mu Mujyi wa Ruhuha, RSSB gifitemo konti.

Ubuyobozi bwa SACCO Shyara buvuga ko muri iyi minsi barimo kwakira ababarirwa mu hagati y’150 na 200, mu gihe bari basanzwe bakira hagati ya 40 na 60 ku munsi.

Bamwe mu barokotse bavuga ko imishinga yabo yadindiye.

Ayo mafaranga yatwawe ni ayo FARG yagiye igenera amatsinda y’abacitse ku icumu amafaranga yo gukora imishinga inyuranye, mu gufasha abacitse ku icumu rya Jenoside yakorewe Abatutsi kwigira.

Mu murenge wa Mwogo mu Bugesera hatanzwe miliyoni 2Frw ku matsinda abiri, buri tsinda rigenerwa miliyoni 1Frw nk’uko bivugwa na Rwabukanga Vedaste, uhagarariye abacitse ku icumu muri uyu murenge.

Agira ati Amatsinda yose yafashe amafaranga agera kubihumbi 600 kuri buri tsinda, noneho agasigaho ibihumbi 400 maze bajya guhinga imyumbati. Ariko nyuma y’igihe gito iyo myumbati indwara ya kabole maze umushinga urahomba.

Rwabukanga Vedaste uhagarariye abarokotse.

Rwabukanga avuga ko hagati aho haje umushinga ubatera inkunga ya miliyoni imwe y’u Rwanda kugira ngo barebe ikindi bakora bakiteza imbere.

Ati Bagiye kuri konti basanga nta faranga na rimwe riri kuri konti kuko umukozi w’umurenge yatwaye agera kuri miliyoni 1,4Frw. Tukaba dusaba ko akarere kadufasha kakayagaruza kuko birimo kudindiza ibikorwa twatangiye ndetse abandi bakaba nta kintu nakimwe bafite bakora.

Umunyamabanga nshingwabikorwa w’Umurenge wa Mwogo, Murenzi Jean Marie Vianney avuga ko amafaranga y’imishinga ya FARG yibwe mu 2013 n’umucungamutungo w’umurenge witwa Ngamije Festus ayatwarana n’andi y’umurenge.

Ati Uretse amafaranga yo gufasha abarokotse yanatwaye andi y’umurenge kuko ubugenzuzi bwasanze yaratwaye agera kuri miliyoni enye arenga, kugeza ubu aracyashakishwa kuko ntarafatwa.

Polisi ivuga ko ikomeje iperereza ryo kumenya irengero ry’uwo mucungamungo. Gusa ikemeza ko kugeza ubu umwirondoro w’uregwa utaramenyekana, bikaba ari imbogamizi ikomeye mu gikorwa cyo kumushakisha.

Umuyobozi bwa FARG buvuga ko abo bacitse ku icumu bazagenerwa andi mafaranga ariko kandi n’aya mbere agakurikiranywa kugira ngo agaruzwe.

Iyi bayitemye ku mugongo.

Byabaye mu ijoro rishyira tariki 31 Nyakanga 2016, mu Mudugudu wa Gateko mu Kagari ka Rebero mu Murenge wa Shyara, aho bazitemye ku munwa, ku mugongo, ku mazuru ndetse n’ibitsi.

Uwo mugabo ukekwaho gutema inka z’iwe, afunganywe n’umugore bivugwa ko yari yaragize inshoreke, na we ukekwaho ubufatanyacyaha muri uwo mugambi mubi.

Uko gukeka kukavuga ko umugabo yaba yazitemye agambiriye guhima umugore bashakanye kuko ngo asigaye amuta akajya gushaka inshoreke.

Umunyamabanga Nshingwabikorwa w’Agateganyo w’Umurenge wa Shyara, Mukantwari Vestine, yavuze ko amakuru bamaze kwakira ashinja uwo mugabo kuba yarabikoze kugira ngo yihimure ku mugore we kuko hari ibyo batumvikanagaho kubera iyo nshoreke, “bigatuma na we ashaka kumwihimuraho atema inka ze”.

Mukantwari arasaba abaturage kutihimurira ku matungo bajya kuyatema cyangwa kuyica mu gihe abantu bafitanye ibibazo, ahubwo ko bajya babigeza ku buyobozi bukabafasha kubikemura.

Abakekwaho ubwo bugizi bwa nabi bafungiye kuri Sitasiyo ya Polisi ya Ruhuha mu gihe iperereza ryimbitse rikomeje.

Iyi yo bayitemye ibitsi.

Polisi y’u Rwanda ikorera mu Karere ka Bugesera itangaza ko abakekwaho ubwo bugizi bwa nabi nibaramuka bahamwe n’icyaha, bazahanishwa ingingo ya 435 yo mu gitabo cy’amategeko ahana ibyaha mu Rwanda.

Iyo ngingo ivuga ko umuntu wese ufata nabi amatungo cyangwa inyamaswa zororerwa mu rugo ku buryo bubangamira ubuzima bwazo, ahanishwa igifungo kuva ku minsi umunani ariko kitarenze amezi atandatu, n’ihazabu y’amafaranga y’u Rwanda kuva ku bihumbi 20FRW kugeza ku bihumbi 500Frw cyangwa kimwe gusa muri ibyo bihano.

Kugeza ubu, izo nka zirimo kwitabwaho n’abaganga b’amatungo kugira ngo harebwe uburyo zakira.

Byabaye mu mpera z’icyumweru gishije, mu mudugudu wa Kivugiza mu Kagari ka Ngeruka mu Murenge wa Ngeruka mu Karere ka Bugesera.

Ugiringoga Masonga Emmanuel, Ukozi ushinzwe Irangamimerere mu Murenge wa Ngeruka wanasigariyeho umunyamabanga nshingwabikorwa uri muri konji, avuga ko Ndayisaba yishe Rugemintwaza amuteye umushito w’icyuma akunze gukoresha ahoma ibikoresho byamenetse.

Agira ati “Ubwo yari agiye kumwishyuza bagiranye ubushyamirane noneho undi kubera umujinya ahita amutera umushito mu rubavu urahinguranya ahita agwa aho”.

Avuga ko Ndayisaba yahise ajyanwa gufungirwa kuri Sitasiyo ya Polisi y’Umurenge wa Ruhuha aho ategereje gushyikirizwa ubutabera naho umurambo wa nyakwigendera ujyanwa ku Kigo ngerabuzima cya Ngeruka.

Uyu muyobozi akaba asaba abaturage kutihanira no kwirinda intonganya, bakajya bageza ibibazo byose bafite ku buyobozi bukabafasha kubikemura.
Ndayisaba yemera icyaha akanagisabira imbabazi, gusa akavuga ko yamwishe atabigambiriye.

Ndayisaba Celestin aramutse ahamwe n’iki cyaha yahanishwa ingingo ya 140 yo mu gitabo cy’amategeko ahana ibyaha mu Rwanda, iteganya igifungo cya burundu.

Yatawe muri yombi ku mugoroba wo ku wa 27 Nyakanga 2016, nyuma y’igenzura ry’umutungo ryakozwe n’Ikigo cy’Igihugu gishinzwe Amakoperative (RCA).

Polisi ikorera mu Karere ka Bugesera, ivuga ko mu gihe igikora iperereza yabaye imufungiye kuri Sitasiyo ya Polisi ya Ruhuha.

Uyu mucungamari ntahakana ko koko ayo mafaranga miliyoni ebyiri yayakuye kuri konti, gusa icyo ahakana n’ukuyanyereza.

Agira ati “Amafaranga nayakuye kuri terefone ya mobile money ya Sacco ngiye kuyajyana kuri konti ya sacco iri muri BK ariko ngiye kuyabitsa ndayabura, ntayo nariye gusa barantuburiye”.

Akomeza avuga ko yemera ikosa ry’uko atigeze abibwira abamukuriye kugira ngo na bo babimenyeshe abanyamuryango ba Sacco kugira ngo harebwe icyakorwa bikarinda bivumburwa n’iperereza rya RCA akaba ari ryo ribivumbura.

Icyaha cyo kurigisa no konona umutungo wa rubanda gihanwa n’ingongo ya 325 yo mu gitabo cy’amategeko ahana ibyaha mu Rwanda.

Iyo ngingo iteganyiriza igifungo kuva ku myaka irindwi kugeza ku icumi n’ihazabu y’amafaranga yikubye inshuro kuva kuri ebyiri kugeza kuri eshanu z’agaciro k’ibyarigishijwe cyangwa ibyonenwe.

Umunyamabanga Nshingwabikorwa w’Umurenge wa Nyamata, Rurangirwa Fred, avuga ko uwo mwana yatawe mu Mudugudu wa Gatare mu Kagari ka Kayumba ku wa 27 Nyakanga 2016 ahagana mu ma saa tatu z’ijoro.

Yagize ati “Twatabajwe n’umuyobozi w’umudugudu atubwira ko batoraguye umwana mu gihuru kiri muri metero 200 uvuye ku muhanda wa kaburimbo.”

Avuga ko muri iryo joro, bahise bashaka aho uwo mwana aba acumbikiwe maze umukecuru witwa Mukantabana Beatrice yemera kumwitaho mu ijoro rimwe.

Ati “Twasanze nta kibazo afite mu bijyanye n’ubuzima, none ababikira bo mu kigo cyita ku bana cy’Abajambo bemeye kumurera kuko bafite n’abandi.”

Rurangirwa yavuze ko aho kugira ngo abantu babyare abana babajugunye ahubwo bazajya babyihorera kuko ari igikorwa kigayitse.

Uyu muyobozi yasabye abaturage kureba abakobwa baba barabyaye vuba ariko bakaba batabana n’abana babo muri iyi minsi, bakamenyesha ubuyobozi bubegereye. Uyu mwana yahise ahabwa izina rya Ihirwe Marie Rose.

Imwe mu mashini baguze.

Koperative Hangumurimo Munyarwanda igizwe n’abanyamuryango 15 biganjemo urubyiruko, rukomoka mu miryango ikennye. Ni Urubyiruko rwafashijwe kwiga n’umuryango Plan Rwanda.

ku nkunga yatanzwe n’umuryango w’ubumwe bw’ibihugu by’uburayi, urwo rubyiruko rwahawe imashini eshatu zibaza zifite agaciro ka miliyoni 30Frw, nyuma y’umwaka narwo rwiguriye indi ubu bafite ennye.

Twagizababyeyi Jean d’Amour ni umwe mu banyamuryango ba koperative Hangumurimo Munyarwanda avuga ko imashini bahawe bazibyaje umusaruro.

Agira ati “Dukoresha intoki twabonaga ikiraka maze nk’urugi tukarukorera iminsi itatu ariko ubu urugi umuntu ararukora mu minota mirongo 30 gusa kubera ibi bikoresho.”

Imwe mu mashini baguriwe n’abaterankunga.

Uyu mugabo avuga ko batarabona ibikoresho yakoreraga 1500Frw ku munsi ariko ubu arimo gukorera amafaranga ibihumbi bitanu.

Shyirahayo Jean Damascene nawe ni umwe mubagize avuga ko kuri ubu amaze kugera kuri byinshi abikesha koperative Hangumurimo.

Ati “Ubu nubatse inzu ifite amabati arenga 40 nshaka umugore ndetse mfite isambu nini nsaruramo imyaka isaga toni 20 z’ibishyimbo, uretse ibyo kandi maze no kwigurira moto ndetse nkaba mfite n’uruhushya rwo gutwara ikinyabiziga byose nkesha aka kazi.”

Aba kimwe n’abandi bo mu yandi makoperative nk’akora ubuhinzi, ubucuruzi,ubworozi n’uburobyi yafashijwe na Plan International Rwanda, yemeza ko ubu ageze ku rwego rwo gufasha n’abandi baturage kwiyubakamo ubushobozi.

Mukabazimya Peace uhagarariye umuryango PLAN International Rwanda mu karere ka Bugesera, avuga ko iyo hataza kubaho umurava n’ubushake bw’abanyamuryango ibi bitari kugerwaho.

Ati “Ndabizeza ko n’ubwo umushinga ushojwe, ariko tuzakomeza kubakurikirana kugirango babashe kugera kuntego bihaye.”

Ubuyobozi bw’Akarere ka Bugesera burizeza uyu muryango ko, ibyo aya makoperative yagezeho buzayifasha kubibungabunga, bityo kandi bikagera ku baturage bose muri rusange, aho bugaragaza ko ari umwenda bufitiye uyu muryango.

Ubu ni ubwato bwo ku Kirwa cya Birwa mu Karere ka Burera. Ifoto: N. Niyizurugero/Kigali Today.

Ku cyambu cya Kinyove cyo mu ruzi rw’Akanyaru, hari ubwato burimo kwambutsa ibintu n’abantu berekeje mu Ntara y’Amajyepfo banyuze mu Murenge wa Mugina mu Karere ka Kamonyi.

Ubwato bakoresha ni ubwo biguriye binyuze muri gahunda y’Ubudehe bw’umudugudu, nk’uko Habineza Protegene ukuriye komite y’Ubudehe mu Mudugudu wa Kinyove abivuga.

Agira ati “Twari dufite ikibazo cy’ubwigunge kuko tutabashaga guhahirana n’utundi duce. Ni bwo twicaye nk’abaturage tusanga ari ikibazo twese duhuriyeho maze tubonye amafaranga y’Ubudehe, twihutira kugura ubwato bune.”

Habineza avuga ko kuva babugura mu mwaka wa 2010, ubu bahahirana n’utundi duce ndetse bikabafasha kujyana ibyo bejeje ku masoko atandukanye.

Uretse kubakura mu bwigunge, amafaranga yishyuzwa abagenzi, yabafashije korora, aho bamaze koroza abaturage 30 inka, abandi borozwa amatungo magufi.

Mukeshimana Francoise, umwe mu borojwe inka, agira ati “Ubudehe bwaradufashije cyane kuko ubu banyoroje inka none yatangiye kunyungura kuko ndabona amata ndetse n’ifumbire, kandi ubu nditegura no koroza mugenzi wanjye.”

Perezida w’iyo komite we, avuga ko uretse inka, buri muturage wese utuye uyu mudugudu amaze guhabwa ihene eshatu kandi ngo byose byavuye ku mafaranga bakura muri ubwo bwato n’icyambu.

Agira ati “Batangiye baduha inkunga y’ibihumbi 600Frw, tuyikoresha neza. Baje kudukorera igenzura basanga turi aba mbere mu karere kose mu gukoresha inkunga y’Ubudehe, maze batwongera andi miliyoni.”

Ubwo budehe bwanabashije kugura icyuma gisya imyaka ndetse banubaka inzu y’imiryango ibiri aho hafi y’icyambu. Inzu ikodeshwa ibihumbi bitandatu by’amafaranga y’u Rwanda buri kwezi.

Umudugudu wa Kinyove utuwe n’ingo 165. Ubudehe ni gahunda igamije kurwanya ubukene hashingiwe ku bikorwa by’abaturage, aho inkunga ihabwa umudugudu igakoreshwa mu guhitamo imishinga ufitiye abawutuye akamaro.

Muri gare ya Nyamata aho abagenzi bategera bajya i Kigali.

Aba bagenzi batunguwe no kubona imodoka zabatwaraga kuri ubu zitarimo kurenga muri gare ya Nyanza ya Kicukiro, kandi batigeze babimenyeshwa, nk’uko bivugwa na Rusanganwa Innocent.

Yagize ati “Nakoreshaga isaha kuva i Nyamata njya Nyabugogo, ariko ubu biransaba kongera gutega Royal ngakoresha hafi amasaha agera kuri abiri kandi byatumye amafaranga nakoreshaga yiyongera ndetse n’igihe nakoreshaga kiyongera.”

Ubusanzwe abagenzi bishyuraga 600Frw kuva Nyamata ukagera Nyabugogo, none kuri ubu barishyura 500 kuva Nyamata kugera Nyanza, bakongera bagatega indi modoka bakishyura 250Frw ibageza muri gare ya Nyabugogo, byamyehiyongeraho 150Frw.

Umwe mubashoferi utwara imodoka ya EXEL iva i Nyamata ijya i Kigali.

Mukarutabana Aline avuga ko byamufashaga mu bucuruzi bwe, kuko iyo agiye Nyabugogo kurangura ibicurizwa byamworoheraga akarangura agahita abipakiza.

Ati “Ubu biransaba amafaranga menshi, ndetse akaba ariyo nungukaga none se ubu urumva ntazafunga mu kazi kanjye.”

Abashoferi nabo bavuga ko cyabatunguye kuko polisi yabibamenyesheje mu gitondo ko batari burenge i Nyanza ngo bakomeze.

Emmanuel Asaba Gatabarwa ashinzwe ubwikorezi mu kigo cy’igihugu gishinzwe imirimo ifitiye igihugu akamaro (RURA), yavuze ko iki cyemezo cyafashwe mu rwego rwo kugabanya ubucucike bw’imodoka akenshi bwanatezaga impanuka.

Ati “Biragoye kugira ngo abantu bose babyumve neza icyarimwe, ariko twe twabibwiye abahagarariye imdodoka zitwara abagenzi ngo babibwire abakozi babo.”

Gatabarwa avuga ko bagiye gukomeza gukora ubukangurambaga, basobanurira abaturage icyemezo cyafashwe kandi ko impinduka iyo zibaye abantu bose batazakira kimwe.

Muri ino minsi hadutse ubujura bwo gutobora amazu.

Habakubaho Pierre, umuturage wo mu Murenge wa Ntarama, avuga ko bugarijwe n’ubujura bwo mu ngo, nko gupfumurirwa amazu, bakibwa ibikoresho byo mu nzu nk’amateleviziyo, amatungo n’ibindi.

Agira ati “Turasaba Polisi ko yajya ihana abajura yihanukiriye, kuko tuyishinja kurekura abajura cyangwa abacyetsweho ubujura, bikaba ari byo biri gutuma ubujura butaranduka burundu.”

Tuyisenge Jonas, utuye mu Murenge wa Nyamata, avuga ko mu minsi ishize bafashe umujura hanyuma bamujyanye kuri Polisi ihita imurekura.

Ati “Baratubwiye ngo nitumujyane mu bunzi ari bo bakemura icyo kibazo, ibyo bituma iyo badafungwa bongera bagakomeza ubujura kuko babona ko ntacyo babatwara”.

Umuyobozi w’Akarere ka Bugesera, Nsanzumuhire Emmanuel, avuga ko igihano atari ugufunga gusa “nk’uko abaturage baba babyifuza, ariko ndabizeza ko ubuyobozi bugiye gukaza amarondo, mu rwego rwo kurandura ubujura, kandi n’abaturage barasabwa uruhare rwabo mu kumenya abantu baba batuye mu mudugudu wabo bafite imico y’ubujura”.

Bahamya ko kuba abajura Polisi ishyikirizwa ihita ibarekura byongera intera ubujura buriho.

Ingingo ya 304 n’iya 305 mu gitabo cy’amategeko ahana mu Rwanda, ziteganya ko ufungirwa ubujura ari uwafatanwe ibikoresho bikomeretsa agerageza kwiba, yaba atibye cyangwa yibye.

Ikindi kandi ni uko ufashwe adafite ibyangombwa aho gufungwa ajyanwa mu kigo cyakira inzererezi, akagirwa inama hanyuma agasubizwa aho akomoka gushaka ibyangombwa.

Umuhanda ureshya na kirometero 3,5.

Ubusanzwe kuva mu Mudugudu wa Rukoronko, byabasabaga kunyura mu Murenge wa Juru bikabatwara isaha irenga none ubu barakoresha iminota 20, nk’uko bivugwa n’umwe uhatuye witwa Mukarubayiza Drocelle.

Agira ati “Uyu muhanda uzadufasha cyane kuko aho ngaho nta muntu wapfaga kuhicisha kuko hari ibihuru, ndetse hakazamo abajura bakambura abantu. Ibyo byatumaga tutahaca ahubwo tukajya kuzenguruka duca muwundi murenge.”

Sekamana George nawe avuga ko iyo imvura yabaga igwa aho hantu nta nigare ryabashaga kuhaca kubera ubunyereri n’amazi menshi.

Umuhanda wahaye abasaga 800 akazi.

Umunyamabanga nshingwabikorwa w’umurenge wa Mwogo Murenzi Jean Marie Vianney, avuga ko byagoraga abaturage kugera ku biro by’umurenge cyangwa ku kigo nderabuzima mu gihe bashaka serivisi z’ubuzima.

Ati “Iyo twakoraga inama n’abaturage bahoraga batubaza impamvu tutabakorera uyu muhanda, nibwo kubufatanye na VUP twawukoze ubu bakaba bagiye kujya bajyana umusaruro wabo ku isoko bitabagoye.”

Ikorwa ry’uyu muhanda rikaba ryarahaye abaturage 800 akazi n’amafaranga bakuyemo yagiye abafasha guteza imbere ingo zabo, nk’uko bamwe muri bo babyemeza.

Umuhanda wabaye nyabagendwa.

Icyakora abaturage basaba ko bakunganirwa n’ubuyobozi bw’akarere bukabafasha kubaka ikiraro gikomeye, ku buryo n’imodoka nini zahanyura dore ko ikiraro bahashyize ari icy’agateganyo gicaho imodoka nto gusa, ibintu ubuyobozi bwahise bubemerera.

Bamwe mu bakoreweho ubushakashatsi bo mu Karere ka Bugesera.

Kuva mu mwaka ushize wa 2015, iki kigo cyatangiye ubushakashatsi bugamije kureba igitera amakimbirane mu miryango no kureba umuti wo kuyarandura.

Ubwo bushakashatsi bukaba bukorerwa mu byiciro bitandukanye birimo ubuyobozi bw’inzego z’ibanze, inzego z’umutekano, abanyamadini, abikorera n’abahagarariye abaturage.

Rwungunuza Felix, umwe mu bakoreweho ubushakashatsi, yemeza ko ku isonga hari ubujiji no kudasobanukirwa amategeko, ari na byo byatumye ihame ry’uburinganire ryakirwa nabi hagati y’abagabo n’abagore.

Agira ati “Ndatunga agatoki bamwe mu bagore bumvise nabi uburinganire ariko kandi bamenye ko umugabo ari we ugomba kuba umutware w’urugo.”

Kamanzi Athanasie yagize ati “Umugore hari ibyo yari yarakumiriweho, nyuma abwiwe ko noneho abifitiye uburenganzira, yumva ko agiye hejuru aho kumva ko hari izindi nshingano ahawe. Birasaba imbaraga zo kwigisha abagabo n’abagore kugira ngo barusheho kumvikana.”

Abakorerwaho ubushakashatsi bose bavuga ko igisubizo cyabonekera mu biganiro hagati y’abashakanye buzuzanya, ariko kandi bagasaba inzego zifite gukemura amakimbirane mu nshingano kugira iki kibazo icyazo.

Ruzima Aimable ushinzwe gukurikirana ibikorwa mu kigo IRDP, avuga ko nyuma yo kurangiza ubu bushakashatsi, hazakurikiraho ubuvugizi mu nzego za Leta zifite mu nshingano kwirinda no gukemura amakimbirane.

Ibyo ngo bizatuma imirongo migari izaba yavuyemo ishyirwa mu bikorwa, cyane ko iri gutangwa n’abaturage ubwabo.

Agira ati “Ikigo IRDP cyizeye ko nubwo amakimbirane ataranduka burundu, azagabanuka ku kigero gishimishije, kuko dukurikije ibitekerezo abaturage barimo gutanga ku mpamvu ziyatera, bigaragara ko ahanini ari ubujiji no kudasobanukirwa.”

Yakomeje agira ati “Inzego zose nizinjira mu kibazo neza, hakabamo kwigisha abana bakiri bato no kwigisha abaturage muri rusange, u Rwanda ruzaba rufite umuryango utagaragaramo amakimbirane.”

Ubu bushakashatsi ku makimbirane yo mu miryango yo mu Rwanda, burimo gukorerwa mu turere icumi, bikaba biteganyijwe ko buzasozwa muri uyu mwaka wa 2016.

Abo bagabo ni uwitwa Habarurema Anastasi w’imyaka 33 y’amavuko na Ntabanganyimana Jean Claude w’imyaka 21 y’amavuko, bari baturtse mu Karere ka Gicumbi.

Polisi ikorera mu Karere ka Bugesera itangaza ko batawe muri yombi kuri uyu wa 13 Nyakanga 2016 ubwo bari mu kabari kari mu Mudugudu wa Remera mu Kagari ka Kagenge mu Murenge wa Mayange, aho bakunze kwita kwa Shukuru barimo kuvunjira umuntu.

Ngo ayo madorari yananiwe kuzura umubare yashakaga wa miliyoni eshatu maze Habarurema ahamagara Ntabanganyimana ngo amuzanire andi basanga ari amakorano bahita bahamagara Polisi ibata muri yombi.

Bafatanywe amadorari y’amakorano arimo inoti z’ijana 21 iza miringo itanu 65. Ayo madorali yose angana n’ibihumbi bitanu na magana atatu na mirongo itanu. (5.350$).

Aba bagabo nibaramukaka bahamwe n’icyaha bazahanishwa igifungo kuva ku meza atandatu kugeza ku myaka iri nk’uko biteganywa n’ingingo ya 603 y’igitabo cy’amategeko ahana y’u Rwanda.

Iyo ngingo ivuga ko umuntu wese wahawe amafaranga y’ibiceri, y’inoti cyangwa impapuro zifite agaciro k’amafaranga, bikoreshwa mu Rwanda cyangwa mu mahanga, byiganwe cyangwa byahinduwe akabitwara yibwira ko bidafite inenge ariko aho ayimenyeye akabikwiza mu bandi, ahanishwa igifungo kuva ku mezi atandatu (6) kugeza ku myaka ibiri (2).

Gasore Foundation mu gufasha abana n’urubyiruko i Ntarama kwiyungura ubumenyi.

Uwizeyimana Fride, umwe muri urwo rubyiruko, avuga ko ubusanzwe urubyiruko rwirirwaga ntacyo rukora bikarutera kujya mu ngeso mbi.

Agira ati “Ibi byatumaga benshi bishora mu busambanyi ugasanga batwaye inda zitateganyijwe ndetse abandi ugasanga barajya mu biyobyabwenge ariko ubu ntibizongera kubaho kuko tuzajya tuza muri iki kigo maze tubashe kuhingira byinshi.”

Mugenzi we Byusa Pierre avuga ko urubyiruko rubona aho ruba ruhuguye rugasangira impano zitandukanye.

Ati “Ubundi ababishobonye twajyaga i Nyamata ku kigo cy’urubyiruko ariko kubera ko ari kure wasangaga benshi batajyayo kubera ko iki kigo kitwegerejwe bigiye kudufasha kuko twasanze hakorerwa ibintu byinshi bizadufasha.”

Thomas Kanyandekwe, ushinzwe Imiyoborere mu Karere ka Bugesera, avuga ko iki kigo kizabafasha kugira urubyiruko rubereye u Rwanda.

Ati «Ubumenyi bazakura aha buzunganira uburere abana bahabwa n’ababyeyi maze bitume bakura bafite indangagaciro, birinda ubwomanzi n’ibyatuma batazavamo abayobozi b’ejo ».

Kanyandekwe yizeza urubyiruko rwo mu yindi mirenge ko bazagenda begerezwa n’ibindi bigo, ariko kandi akanashishikariza n’abandi bavuka muri aka karere kugira uruhare mu gushinga ibigo nk’ibi.

Serge Gasore wahoze ari umukinnyi usigana ku magare uvuka mu Murenge wa Ntarama washinze iki kigo, avuga ko yabikoreye ko yabonaga hari abana benshi bavuka mu miryango ikennye bahuraga n’ibibazo byo kurwara kubera ko ababyeyi batabitayeho.

Ngo ni yo mpamvu iki kigo kizajya gifasha abana kuva ku nshuke, aho ababyeyi bazajya babajyana mu gitondo bakirirwayo batabwaho nta kiguzi.

Ni ikigo kigizwe n’amazu arindwi arimo n’ivuriro riciriritse (poste de sante) izafasha abaturage muri rusange ariko igapima by’umwahiriko urubyiruko Sida, Inzu mberabyombi inafite isomero.

Muri yo nzu mberabyombi, ngo urubyiruko ruzajya ruhidagadurira ruhigishirizwe n’amasomo atandukanye arimo indimi, kubyina kinyarwanda, kwivuga no gusiga ndetse n’amasomo yo kwihangira imirimo.

Abaturage bafite ingando nto barasaba gufashwa kubona ibikoresho bigezweho.

Abaturage bari mu matsinda atandukanye akora ibikorwa by’ubukorikori ndetse no kongerera agaciro ibikomoka ku buhinzi mu Karere ka Bugesera, bavuga ko bigishijwe gukora ibintu ubundi bumvaga ari inzozi.

Ngo baje gutangira kubikora kandi bibahindurira imibereho, abenshi muri bo biyubakira amazu, babona uko barihira abana ishuri ku buryo bworoshye, ndetse no kuzana ubwumvikane mu miryango yabo.

Nubwo aba baturage bavuga ko imibereho yabo igenda iba myiza kubera ibikorwa bakora, baravuga ko kuri ubu babangamiwe no kuba nta mashini zibafasha kubinoza.

Abakorera mu itsinda “Duharanire Kwigira” ritunganya umutobe w’inanasi rikorera mu Murenge wa Ruhuha, bo bavuga ko kuba batawutunganya neza ku buryo bawigereza ku isoko bituma abawurangura bawambura ubuziranenge.

Mukarutabana Jeannette, umwe muri bo, agira ati “Dore ko nk’ubu abacuruzi batugurira ijerekane ku mafaranga ibihumbi bine, nyamara bo bakayigurisha ku bihumbi umunani. Ariko dufashijwe kubona imashini tudafite twajya duha ubuziranenge umutobe wacu maze tukunguka”.

“Duharanire Kwigira” bavuga ko nk’ijerekani y’umutobe baranguza ibihumbi bine, abawucuruza bakora ibishoboka byose bagakuramo nibura ibihumbi umunani.

Mukandori Vallerie, we avuga ko inganda zabo zibura ibikoresho bigezweho naho ubundi ntacyo izindi zibarusha.

Depite Mukazibera Agnes, bagejejeho ibibazo byabo yabasuye, avuga ko Inteko Inshinga Amategeko igiye kubakorera ubuvugizi.

Ati “Tugiye kubakorera ubuvugizi mu miryango nterankunga ku buryo aba baturage bazabona ibikoresho bifuza kuko bigaragara ko barushaho gutera imbere”.

Yabasabye ariko kugira uruhare mu gushakisha amasoko y’ibyo bakora kabone n’iyo ubuyobozi bwaba bubafasha, ariko ntibarindire ko ari bwo gusa buzajya buhora bubashakira ibisubizo by’ibibazo bafite.

Ikiraro rusange izo nka zororerwamo.

Abo baturage bavuga ko hafi ya bose ari ubwa mbere bari batunze inka dore ko bari mu cyiciro cy’abakene.

Kuradusenge Paul, umwe muri bo, agira ati «Bajya kuziduha Veternaire ntiyigeze aduha amahugurwa yadufasha kumenya korora inka, ibi rero ni byo biri gutuma hari inka zivuka zigahita zipfa, bitewe n’uko usanga tutazi ikigero cy’amata inka nto igomba konka ndetse n’inka yarwara ntitubimenye. »

Uwitwa Mukarutabana Dative, we avuga ko n’imiti bari barabahaye yahise ishira hakiyongeraho ikibazo cy’ubwatsi bwo kuzigaburira.

Ati «Inka irarwara ntitumenye uburyo tuyivura, ibyo bikiyongera ko nta mikoro dufite yo kugura imiti. Dufite ikindi kibazo cy’ubwatsi kuko usanga ntaho dufite ho kubuhinga bityo zikicwa n’inzara.»

Umunyamabanga Nshingwabikorwa w’Umurenge wa Juru, Nzaba Muhumuza Benjamin, avuga ko muri izo nka abo baturage bahawe hamaze gupfamo eshanu, akavuga ko ahanini bituruka ku kuba zaratutse kure zika zitamenyereye ikirere n’ubutaka by’aho muri Juru.

Nsanzumuhire Emmanuel, Umuyobozi w’Akarere ka Bugesera, asaba abo baturage gufashanya bagasangizanya ubumenyi ku kwita kuri izi nka, kugira ngo bazanabashe koroza abandi.

Ati «Ubuyobozi bugiye kongera imbaraga mu kubahugura, byiyongeraho n’umuganga w’amatungo tumaze kubaha uzajya ubafasha kuzitaho ».

Imiryango 62 yari isanzwe iri mu cyiciro cy’abatishoboye ni imwe mu yari ituye ahazubakwa Ikibuga cy’Indege cya Bugesera, ituzwa mu Kagari ka Musovu aho yubakiwe umudugudu nyuma yo kubona ko itari kubona aho yimukira bitewe n’uko ingurane yari guhabwa, itari ihagije, ndetse inahabwa inka zororerwa mu kiraro rusange.

Uyu mudugudu w’abimuwe ahagomba kubwakwa Ikibuga cy’Indege cya Bugesera wubatswe n’Inkeragutabara.

Hashize umwaka abo baturage bimuwe batuzwa Murenge wa Juru mu Kagari ka Musozu.

Iyi miryango, ni imiryango yabonaga nibayiha ingurane y’amafaranga kubera ubucye bwayo, atazavamo ibibanza ndetse n’amazu ihitamo ko bayubakira umudugudu umwe.

Uwitwa Nkundimana Callixte avuga ko mbere y’uko bimurwa bari barijejwe ko bazahabwa ubutaka bwo guhingaho ibigomba kujya bitunga imiryango yabo, cyane ko hafi ya bose batunzwe n’ubuhinzi.

Agira ati “None na n’ubu ntaho guhinga turabona, ko twari dutunzwe n’ubuhinzi se ubu baragira ngo dukore iki ko inzara igiye kutwicira mu mazu meza baduhaye”.

Mugenzi we, Mukantwari Dative we avuga ko inka bahawe baziburiye ubwatsi kubera kubura aho kubuhinga kandi ngo nta n’aho babukura none zikaba zitababyarira umusaruro nk’uko bari bawiteze.

Ubuyobozi bw’Akarere ka Bugesera ntibuhakana ko koko hari ikibazo cy’ubutaka kiri muri uyu mudugudu.

Umuyobozi w’Akarere ka Bugesera, Nsanzumuhire Emmanuel, agira ati “Iyi miryango ubutaka yagombaga guhabwa ni imirima yo mu gishanga cya Rurambi kuri ubu ikaba irimo gutunganywa ikurwamo urufunzo. Gusa mu gihe cya vuba iyi mirima bazyihabwa”.

Nubwo nta gihe kizwi agaragaza bazahabwa iyo mirima, Nsanzumuhire avuga ko bashaka ko abo baturage bazajya bahinga umuceri kuko byagaragaye ko ari wo utanga inyungu cyane.

Imiryango 62 ni yo yahatujwe mu Kagari ka Musovu mu Murenge wa Juru, naho iyindi miryango yabonaga ifite ubushobozi bwo kwigurira ibibanza no kwiyubakira ijya gushaka ahandi itura.

Bamwe bitabiriye ibikorwa byo kuhira imyaka mu mpeshyi.

Koperative Jyambere muhinzi yo mu Murenge wa Kamabuye na Ngeruka mu Karere ka Bugesera, ni imwe mu makoperative yiguriye imashini zo kuhiza imyaka yabo. Leta nayo yabateye inkunga izwi nka “Nkunganire” ibaha 50% by’ikiguzi.

Muri iki gihe cy’impeshyi bitabiriye ubuhinzi bw’inyanya mu gishanga cya Cyohoha ya Ruguru.

Kuri ubu ibikorwa byo kuvomerera inyanya birarimbanyije, aho abahinzi 83 bibumbiye muri koperative bihaye intego yo kongera ubuso bahingagaho, nk’uko Myasiro Anastasi Perezida w’iyo koperative abivuga.

Agira ati “Mbere tugikoresha ibikoresho bisanzwe, kuri hegitari twakoreshaga abakozi 10 tubahemba igihumbi ku munsi bukira batararangiza kuhira umurima wose.

Ariko ubu abakozi batanu buhira hegitari na litiro eshanu za mazutu ubundi bakarara barangije. Iyo uretse usanga amafaranga agabanuka iyo ukoresheje imashini.”

Myasiro Anastasi ashishikariza n’abandi bahinzi kwitabira gukoresha imashini mubihe by’imbeshyi.

Abaturage baturiye igishanga cya Cyohoha ya ruguru bishimira ko mu gihe cy’impeshyi babona aho bakura akazi, yaba ako kuhira n’ako gusasira Rutayisire Alexis ni uwe muri abo.

Ati “Ubundi mugihe cy’impeshyi wasangaga twicaye kuko nta kazi twabaga dufite ariko ubu ntitukicara kuko tubona akazi.”

Mukarusine Vallerie nawe avuga ko amafaranga igihumbi bamuhemba ku munsi amufasha kugera kuri byinshi birimo gutunga umuryango. Mu mpera z’uku kwezi kwa munani nibwo umusaruro w’iyi koperative uzatangira kuboneka.

Koperative Jyambere muhinzi ikoresha imashini zuhira 14, ivuye kuri ebyiri yari ifite umwaka ushize. Izindi 12 zaguzwe harimo na nkunganire. Buri mashini ifite agaciro k’ibihumbi 380Frw. Koperative ikishyue ibihumbi 190Frw, andi akishyurwa n’akarere.

Imwe mu mwenda bashyiramo amabara.

Amatsinda y’Abagore bakora ibikorwa birimo gukora ibitenge, amasabune, inkweto n’ibikapu n’itsinda rikora umutobe mu nanasi yo mu Murenge wa Ruhuha n’indi mirenge iyegereye, babitangiye mu 2011.

Kuri ubu abayagize baremeza ko yahinduye ubuzima bwabo mu iterambere, nk’uko bivugwa n’umwe muri abo Mukarubayiza Jean.

Agira ati “Nta bibazo by’ubucyene bikirangwa mu miryango yacu bitewe n’uko duhabwa inguzanyo ku mafaranga tuba twakuye mubikorwa byacu.”

Niyonambaza Vestine nawe avuga ko amaze kuvugurura urutoki rwe ubu yateye fiya ku miringoti ine.

Bereka abashyitsi uko bashyiramo amabara.

Ati “Ibi byabaye intandaro yo gukemura amakimbirane mungo zacu kuko ntitukibiruka inyuma tubaka amafaranga bigatuma batubwira nabi.”

Abagabo bagannye aya matsinda, nabo baremeza ko nta pfunwe baterwa no kuba hamwe n’abagore, Semukanya John ni umwe muri abo.

Ati “Ubu amafaranga nakuye muri iri tsinda yatumye nsana ndetse nagura inzu yanjye, ngura isambu ndetse nda nikenura iwanjye.”

Uhagarariye PLAN International mu Rwanda Marie Gladys Guerrier Archange, ari nayo yatangije aya mahugurwa, yemeza ko ari igikorwa cyo kwishimira kuba abagore bashyira imbaraga mu bikorwa bakora.

Ati “Kubona abagabo babari inyuma biragaragaza ko uburenganzira bwabo bumaze kubahirizwa, ni n’amahirwe kandi ku bana b’abakobwa, kuko biratanga icyizere ko uburenganzira bw’abana by’umwihariko abakobwa bwubahirizwa.”

Depite mu nteko nshingamategeko Mukazibera Agnes, yemeza ko ibi bikorwa bigaragaza ko gahunda ya Leta yo guteza abaturage imbere iba yagezweho. Ati “Ndasaba n’abandi baturage gukora ibibafitiye icyizere kugira ngo bagera ku cyo bashaka.”

Muri aka karere habarurwa amatsinda asaga 180 y’abagore bakora ibikorwa by’ubukorikori, yiganjemo abagore ku bwiganze buri hejuru ya 95%, icyakora kuri ubu abagabo nabo bakaba bagenda babagana ngo bafatanye.

Bamwe mu barokotse Jenoside batishoboye babona aho kuba batujwe n’abagiraneza. Barasaba gusonerwa ubukode bw’ubutaka.

Bamwe muri aba baturage ni abubakiwe amazu n’ikigega FARG, mu Mudugudu wa Rutobotobo, Akagari ka Murama mu Murenge wa Nyamata. Bavuga ko kubona aho kuba babikesha Leta yabafashije kububakira, bityo ko bibagoye cyane kuba babonera umusoro aho hantu batujwe.

Mukarumanzi Chantal avuga ko bamuzaniye igipapuro cyanditseho amafaranga ibihumbi 14Frw kandi ngo ntayo azabona kuko n’ibyo kurya abibona bimugoye.

Yagize ati “Izi nzu ni izo Leta yaduhaye kuko yabonye ko tutishoboye. Turayitakambira rwose kugira ngo idufashe idusonere kuko nta hantu na hato twakura aya mafaranga ndetse abenshi muri twe dufite ubumuga twatewe mu gihe cya Jenoside.”

Uwambaye Dative na we avuga ko nta mikoro bafite yo kuriha ubukode bw’ubutaka, ahubwo ko Leta yakomeza kubafasha ikabasonera ubwo bukode.

Agira ati “Leta nk’uko yatanze ingurane y’ibibanza twubakiweho aya mazu, n’ubu nidufashe kuko abenshi ntacyo dushoboye.”

Umukozi ushinzwe ibijyanye n’imisoro n’amahoro mu Karere ka Bugesera, Mpambara Benoit, avuga ko abo baturage batigeze babinyuza mu nzira zijyanye n’amategeko ngo bandikire inama njyanama y’akarere.

Agira ati “Abandi baturage bose bafite ibibazo by’amikoro tubagira inama yo kwandikira inama njyanama y’akarere kugira ngo yige kuri icyo kibazo, bityo ikagishakira umuti. Na bo rero nibandikire inama njyanama maze yige ku kibazo cyabo.”

Kuva mu mu mwaka wa 2014, inama njyanama y’Akarere ka Bugesera ngo yatangiye kwakira amabaruwa y’abasaba gusonerwa amahoro ku bukode bw’ubutaka.

Umudugudu wa Rutobotobo urimo amazu agera kuri 20 yubakiwe abarokotse Jenoside yakorewe Abatutsi batishoboye.

Amwe mu mashuri yubatswe yigwamo na buri wese.

Bugesera ni agace kahuye n’ihezwa mu mateka y’u Rwanda . Iryo hezwa ryanagaragariye mu burezi aho mu makomini atatu yari akagize, habaga ikigo kimwe cya Leta cy’amashuri yisumbuye.

Iki kigo ariko nacyo ngo cyari cyubakiwe impunzi z’Abarundi zabaga mu Murenge wa Rilima, nk’uko bivugwa na Habiyambere Jean wo mu murenge Rilima.

Agira ati “Izo mpunzi zaturushaga agaciro kuko iryo shuri niryo bubakiwe twe wasangaga ntacyo bibabwiye.”

Ibi kandi biragarukwaho na Mukaruriza Donata, uvuga ko abana bigaga hanyuma bahitamo abajya mu ishuri ryisumbuye ugasanga batarenga batatu kandi habaga hatsinze abarenga 20.

Uretse amashuri buri kagari hubatswe irererero.

Ati “Njye ndi umwe mubanyeshuri babashije gutsinda ariko bambwira ko nta shuri rihari ryo najya kwigamo kuko ndi umututsi. Ibi byarambabaje cyane kuko abana narushaga batazaga inyuma yanjye nibo babonye ishuri maze bajya kwiga muyisumbuye njye ndicara murugo.”

Urugamba rw’amasasu rwo kubohora igihugu rwazanye impinduka nziza no mu burezi by’umwihariko mu Bugesera hari ikigo kimwe cya leta cy’amashuri yisumbuye, ubu harabarirwa ibigo by’amashuri yisumbuye bya Leta 36, n’ibindi bitari ibya Leta bigera kuri birindwi.

Uretse kandi uwo mubare wiyongereye, abaturage baravuga ko ari n’uburezi budaheza, nk’uko bivugwa na Rutabana Jean.

Ati “Ubu abana bose bajya mu ishuri nta pfunwe kuburyo umunyeshuri ahanganye n’undi bigendeye ku bushobozi bw’umwana kuburyo n’umwana ushaka kureka ishuri bamushishikariza kurijyamo.”

Mu bigo 36 by’amashuri yisumbuye ya Leta, 32 ni Ibigo by’amashuri byubatswe muri gahunda y’uburezi bw’ibanze bw’imyaka 9 na 12. Iyi gahunda y’uburezi bw’ibanze no Kwigisha imyuga n’ubumenyi ngiro.

Abanyamuryango ba FPR boroza bagenzi babo.

Aba banyamuryango bavuga ko bamaze koroza imiryango 18 itishoboye muri gahunda ya Girinka kandi ngo bari barahize 14. Uko kurenza igipimo ngo byaturutse ku bufatanye bubaranga.

Abagezweho n’izi nka, bemeza ko byari inzozi kuri bo gutunga inka, bakavuga ko zizakemura ikibazo cy’amata ndetse n’ifumbire, nk’uko Nsekanabo Alphonse worojwe abivuga.

Agira ati “Nari umuhinzi ariko bitewe no kutabona ifumbire, simbashe kubona umusaruro mwinshi, ariko iyi nka bampaye, izatuma mfumbira isambu yanjye, n’umusaruro wiyongere.”

Murekezi Innocent na we worojwe inka, avuga ko igiye gutuma abana babona amata yo kunywa ndetse ikaba igiye kumufasha kuko ngo yari ageze mu zabukuru, atakigira imbaraga, ariko inka bamuhaye ngo izamufasha.

Umuyobozi w’Umuryango FPR Inkotanyi mu Kagari ka Kindama, Kangwiza Anne Marie, yongeraho ko ubu bufatanye ari bwo bwatumye bagera ku mutekano uhagije.

Agira ati “Umuriro w’amashanyarazi n’ibindi birimo na gahunda ya Girinka twabyesheje ku kigero cya 128%. Twari twahize gutanga inka ku miryango 14 none tumaze gutanga 18.”

Cyakora, umuhigo w’ubuhinzi bw’imyumbati washyizwe mu bikorwa ku kigero cya 14% kubera uburwayi bwa kabore bwafashe imyumbati, bagasaba imbuto nzima.

Umuyobozi w’Akarere ka Bugesera Wungirije ushinzwe Imibereho Myiza, Uwiragiye Priscilla, abashimira iterambere bagezeho, ariko akabasaba kurushaho gukora,kugira ngo n’indi mihigo bazayigereho.

Akagari ka Kindama gaherereye mu Murenge wa Ruhuha, gatuwe n’ingo 1614, zirimo abaturage 7231.

Bamwe mubanyamakuru bitabiriye ayo mahugurwa.

Umunyamabanga nshingabikorwa wa MHC Mbungiramihigo Peacemaker, avuga ko bateguye aya mahugurwa nyuma y’ubushakashatsi iyi nama yakoze, igasanga hari ibitanoze mu mikorere ya zimwe mu nkuru n’uburyo ziba zikozemo.

Agira ati “Twafashe icyemezo cyo kongerera ubushobozi abanyamakuru n’ibitangazamakuru, kugira ngo banoze ibyo bageza kubabakurikira.

Hari ikibazo cyo kuba ibitangazamakuru byinshi bikorera i Kigali byibanda gusa ku nkuru z’i Kigali, nyamara no mu tundi turere hari inkuru nyinshi byagakoze, iyi gahunda rero ikaba igomba gucyemura ibyo bibazo byose.”

Yabitangaje kuri uyu wa gatanu tariki 25 Kamena 2016, ubwo yasozaga amahugurwa yagenewe abanyamakuru bakorera ibitangazamakuru bitandukanye byo mu Rwanda, binafashwa kugera no mu bice bitandukanye by’igihugu iby’icyaro kubona amakuru.

Umunyamabanga nshingabikorwa w’inama nkuru y’itangazamakuru mu Rwanda Mbungiramihigo Peacemaker.

Niyibizi Vincent umwe mu banyamakuru bakurikiranye amahugurwa, avuga ko yungukiye byinshi muri aya amahugurwa.

Ati “Nubwo tuba twarabyize mu ishuri, hari ibyo tuba tutanoza neza, dore nk’ubu namenye uburyo ishusho ryajyana n’ibyo ndi kubwira abankurikiye.

Hari amashusho natambutsaga atari meza rimwe umuturage ashobora kurireba akagira ubwoba, ariko ubu nsobanukiwe uburyo ngomba kubikosora.”

Aya mahugurwa yateguwe n’inama nkuru y’itangazamakuru mu Rwanda ku bufatanye n’ishami ry’umuryango w’abibumbye rishinzwe iterambere UNDP.

Ni ikibazo bagejeje k’Umunyamabanga wa Leta muri Minisiteri y’Ubutegetsi bw’Igihugu, Dr Alvera Mukabaramba, ubwo ku wa 8 Kamena 2016 ubwo yifatanyaga n’Ubuyobozi bw’Akarere ka Bugesera mu gukemura ibibazo by’abaturage bo mu Murenge wa Nyarugenge.

Abarundi bahungiye mu Rwanda bashakanye n’Abanyarwanda barasaba ibyangombwa.

Umunyarwanda Kavunanka Michel, w’imyaka 83 y’amavuko washakanye byemewe n’amategeko n’umurundikazi Butoyi Esperance, kuva mu 1979, kuri ubu bakaba bafitanye abana batatu ababazwa n’uko umufasha we nta bwishingizi bwo kwivuza afite ndetse hakaba hari ibyo atabona kandi abyemererwa n’amategeko nk’uko abivuga.

Yagize ati “Umugore wanjye ararwara nkabura uko muvuza kubera amikoro make, ikibazo cyanjye twakigejeje ku buyobozi bw’umurenge ariko ntibwigeze buduha igisubizo, rimwe bigeze kumufitora nziko bagiye kumuha ibyangombwa ariko kugeza n’ubu ntacyo baramumarira”.

Hakorimari Cyriaque, ni undi Murundi washakanye n’Umunyarwandakazi kuva mu 1993 byemewe n’amategeko ariko kugeza ubu ababazwa n’uko adahabwa ibyangombwa byo kuba mu Rwanda ngo na we ahabwe ubwisungane mu kwivuza nk’abandi.

Agira ati “Umugore wanjye n’abana banjye ndabubatangira ariko njye banze ko mbufata, gusa uwampa ikindi cyangombwa kuko birambangamira kuko nshaka gukora ubucuruzi ariko simbishobora kubera kubura ibyangombwa”.

Si aba gusa kuko hari hari n’abandi benshi basangiye na bo ikibazo ubwo bakigezaga ku Munyamabanga wa Leta muri Minisiteri y’Ubutegetsi bw’Igihugu.

Dr. Alvera Mukabaramba yababwiye ko MINALOC igiye kureba icyo amategeko ateganya no kubiganiraho n’izindi nzego abizeza igisubizo vuba.

Yakomeje avuga ko hagati aho hagiye kurebwa icyangombwa baba bahawe kuko bamwe bagaragaje ko batisanzuye kubera kutagira ibibabaranga.

Si Umurenge wa Nyarugenge ugaragaramo iki kibazo gusa kuko ugisanga hafi mu Karere ka Bugesera kose, cyane mu mirenge igera kuri itanu ihana imbibe n’u Burundi.

Byabaye ku mugoroba wo ku wa 5 Kamena 2016 mu Kagari ka Cyugaro mu Murenge wa Nyamata mu Karere ka Bugesera.

I Nyamata umugabo yishe undi amukekaho kumusambanyiriza umugore.

Abaturage bavuga ko hari mu masaha ya saa yine z’ijoro ubwo Biziyaremye yacaga ku kabari ari kumwe n’umugore wa Ndikumana ari na ho we yari ari arimo asangira inzoga n’abandi bagabo.

Ngo Ndikumana yahise ajya mu rugo afata umuhoro araza atemagura nyakwigendera Biziyaremye kugeza ashizemo umwuka.

Abari aho, ngo bagiye gutabara, na bo abatemamo umwe, aramukomeretse, ubundi yadukira n’umugore we aramutemagura.

Polisi ikorera mu Karere ka Bugesera ivuga ko abakomerekejwe bajyanywe kuvurirwa mu Bitaro bya ADEPR Nyamata.

Naho Ndikumana Tharcisse, nyuma yo gukora ayo mahano ngo yahise atoroka ariko ku bufatanye bwa Polisi n’abaturage akaba yatawe muri yombi mu gitondo cyo ku wa 6 Kamena 2016.

Ndikumana aho afungiye kuri sitatiyo ya Polisi ya Nyamata, yemera icyaha akagisabira imbabazi.

Agira ati “ Byose nabitewe n’inzoga ndetse no gufuha kuko sinari nabigambiriye nkaba nsaba imbabazi ko ntazongera”.

Umugore yatemye, bari bamaranye umwaka babana, ariko babanaga mu buryo butemewe n’amategeko dore ko batigeze basezerana. Kuri ubu, na we arimo kwizuriza mu Bitaro bya ADEPR Nyamata.

Polisi ivuga ko uyu mugabo ashinjwa icyaha cy’ubwicanyi gihanwa n’ingingo y’i 140 yo mu gitabo cy’amategeko ahana ibyaha mu Rwanda. Naramuka ahamwe n’icyo cyaha akazahanishwa igifungo cya Burundu.

Byarabaye mu byumweru bishize ariko ntibyahita bimenyekana, bibera aho uyu mugabo atuye mu Murenge wa Ntarama mu karere ka Bugesera.

Byabereye mu Karere ka Bugesera.

Polisi itangaza ko yamenye aya makuru kuwa mbere tariki 31 Gicurasi 2016, ubwo nyirasenge w’umwana yajyaga kubasura yabaza umwana bakamubwira ko adahari yagiye gukina n’abandi bana.

Ngo yarahagumye maze yumva umwana arimo kuvugira munzu amurebye asanga akaboko karatemye katangiye kunuka kuko batamujyanye kwa muganga. Arebye asanga no ku kibuno hariho ibikomere by’ubushye kuko bagiye bamutwika ngo kubera ko anyara kuburiri.

Uyu mubyeyi yahise abimenyesha ubuyobozi nabwo buhuruza polisi nayo ihita ita muri uwo mugabo.

Aho afungiye kuri polisi, Ndohera yemera icyaha akanagisabira imbabazi akavuga ko byose yabitewe n’ubusinzi kuko yageze murugo inzoga zamuganjije.

Agira ati “Sinamujyanye kwa muganga kuko numvaga ko ari icyaha nakoze bahita bamfunga niyo mpamvu umwana twari twaramushyizeho umwenda, kugira ngo igisebe kitagaragara ndetse tukaba twaranamufungiranaga mu nzu kugira ngo hatazagira undi ubimenya.”

Polisi ivuga ko uyu mugabo akurikiranyweho icyaha cyo kubabaza umwana bikabije, kumujujubya no kumuha ibihano bikabije gihanwa n’ingingo ya 218 yo mugitabo cy’amategeko ahana ibyaha mu Rwanda.

Nahamwa n’iki cyaha zahanishwa igifungo cyo kuva ku mezi atandatu kugeza ku myaka ibiri, n’ihazabu yo kuva ku ibihumbi 100Frw kugeza ku bihumbi 300Frw.

Iyo uwo mwana bimuviriyemo ubumuga ahanishwa igifungo cyo kuva ku mwaka itanu kugera kuri irindwi n’ihazabu yo kuva ku bihumbi 500 Frw kugera kuri miliyoni.

Polisi yihutiye kujyana umwana kwa muganga kugira ngo avuzwe ibikomere hanarebwe niba ibyo bikomere yatewe bidashobora kumuviramo ubumuga.

Ubu buryo bwifashisha telefoni zigendanwa zirimo amajwi y’imyandiko n’amagambo byo gusoma no kwandika byateguriwe muri studio biri no mu bitabo bihabwa abanyeshuri.

Umwarimu arimo kwigisha akoresheje uburyo bwa telephone zigendanwa.

Izo telefoni zigacomekwaho indangururamajwi, hanyuma abana bagakurikira hakurikijwe amabwiriza atangwa n’umwarimu wo muri telefoni, agakurikiranwa na mwarimu wo mu ishuri.

Mukanyana Anathalie n’umwarimukazi mu kigo cy’amashuri abanza cya Kindama mu murenge wa Ruhuha, agira ati “Umwarimu wo kuritefenone aramfasha maze bikanatuma mbasha gukurikirana buri mwana, uretse ibyo kandi usanga byaratumye abana bashishikarira gusoma no kwandika.”

Iyi gahunda yatumye abana bakunda ishuri no gusoma no kwandika.

Kizimwoto Edmond, umuyobozi w’ikigo cy’amashuri cya Mayange, avuga ko ubu buryo bufasha abana gusoma no kwndika kandi ugasanga bakunze kwiga.

Ati “Mu isesengura ryakozwe ryagaragaye ko gusoma ari ikibazo, akaba ari yo mpamvu yo kubitoza abana bahereye ku batoya. Ubundi abana basoma gutya babaga biga mu mwaka wa kane cyangwa muwa gatanu, kandi urumva ko aba bana biga muwa kabiri basoma neza.”

Iyi gahunda igezwa mu mashuri n’umushinga EDC, uretse mu Rwanda iyi gahunda ikorerwa mu bihugu nka Madagascar, Mali na Repubulika iharanira Demokarasi ya Kongo.

Mu nama iheruka guhuza abahagarariye abafana mu mirenge y’akarere ka Bugesera ndetse n’ubuyobozi bw’ikipe, abafana bakanguriwe ko bagomba gufasha ikipe yabo kugira ngo ayo mafaranga aboneke maze ikipe ikomeze kwitwara neza nk’uko byasobanuwe n’Umunyamabanga nshingwabikorwa w’ikipe Mbonigaba Silas.

Yagize ati “ mbere y’uko dutangira shampiyona twasanze tuzakoresha miliyoni 115, kubera ukuntu shampiyona yatinze byatwiciye imibare none ubu dufite miliyoni 15 gusa tugasanga bitatworohera kurangiza shampiyona”.

Mbonigaba avuga ko ayo yatanzwe n’akarere ndetse n’ayo FERWAFA yabahaye agera kuri miliyoni imwe na magana atandatu.

Ati “ turasaba abaturage gushyigikira ikipe kuko ari iyabo, tukaba twanashyizeho ibyiciro by’ukuntu bagomba kuyitera inkunga aho icyiciro cya mbere bazajya batanga ibihumbi 100 ku mwaka , icyiciro cya kabiri kigatanga ibihumbi 60 ku mwaka naho icyiciro cya gatatu kikazajya gitanga ibihumbi 12 ku mwaka angana n’amafaranga 1000 ku kwezi”.

Ikipe ya Bugesera FC

Ubwo iyo nama y’abahagarariye abafana ikaba yarahise iteranya miliyoni 19Frws ndetse hanafatwa ingamba z’uko buri murenge wakwegeranya inkunga yayo yo gufasha ikipe.

Kwakirira Rayon Sports i Kigali, ngo ntaho bihuriye no gushaka ayo mafaranga

Abakurikiranira hafi iby’umupira w’amaguru ubwo bumvaga ko Bugesera yazanye umukino i Kigali, benshi bemezaga ko iyi kipe ibikoze kubera igiye gukina n’ikipe ya Rayon Sports bizwi ko igira abafana benshi cyane, kugira ngo bibe byayifasha kwinjiza amafaranga.

Mu kiganiro twagiranye na Mbonigaba Silas, Umunyamabanga mukuru w’ikipe ya Bugesera Fc, yadutangarije ko ibi babikoze kubera ikibuga cyabo kidafite ubushobozi bwo kwakira uyu mukino, atari ukubera gushaka kwinjiza amafaranga.

Ikipe ya Rayon Sports ya kabiri ku rutonde rw’agateganyo rwa Shampiona

Uyu mukino wa Bugesera na Rayon Sports uteganijwe kubera kuri Stade ya Kigali i Nyamirambo guhera ku i Saa Cyenda n’igice z’amanywa zo kuri uyu wa Gatatu.

Imikino yose iteganijwe kuri uyu wa Gatatu, taliki 11-05-2016

Espoir FC-Etincelles FC (Rusizi-15h30)
Amagaju FC-AS Kigali (Nyamagabe-15h30)
Police FC-AS Muhanga (Kicukiro-15h30)
Kiyovu-Mukura (Mumena-15h30)
Bugesera-Rayon Sports (Nyamirambo-15h30)

Habyarimana yatawe muri yombi mu mpera z’icyumweru gishize ashinjwa n’abaturage kubashuka bakamuha amafaranga abizeza kububakira rondereza nyamara amaze guhabwa amafaranga ntiyabikora.

Yabeshye abaturage ko agiye kububakira rondereza abarya utwabo.

Mu mwaka wa 2012 na 2013 ni bwo Habyarimana yegereye Koperetive y’Abasaza n’Abakecuru “Goboka” igizwe n’abanyamuryango 338 maze ababwira ko buri muntu agomba kumuha amafaranga ibihumbi bitanu kugira ngo abashe kububakira rondereza.

Habyarimana yemera icyaha cyo kutubahiriza amasezerano yagiranye n’abo baturage ndetse n’aho yagereageje kugira rondereza yubaka ngo zikaba zarahise zisenyuka.

Cyakora asabira imbazi icyo cyaha ndetse yanatangiye kugenda yishyura abaturage bari baragiranye amasezerano.

Polisia ariko ivuga ko Habyarimana mu kwaka abaturage amafaranga yabikoze abifashijwemo na Perezida w’iyo koperative witwa Nkezabera Pierre ariko watorotse akaba arimo gushakishwa.

Nibaramuka bahamwe n’iki cyaha bakekwaho bazahanishwa ingingo ya 627 y’igitabo cy’amategeko ahana ibyaha mu Rwanda, iteganya igifungo cyo kuva ku myaka 7 kugeza 10 no gutanga ihazabu ingana n’inshuro ebyiri y’ibyo batwaye.

Polisi ikorera mu karere ka Bugesera ivuga ko batawe muri yombi mu cyumweru gishize bafungirwa kuri Sitasiyo yayo ya Ruhuha mu Murenge wa Ruhuha.

Abandi babiri mu Bugesera bakurikiranweho kunyereza iby’abakene.

Umunyamabanga Nshingwabikorwa w’Akagari ka Murambi, Muyoboke Jean Damascene, abaturage bahabwaga inkunga y’ingoboka muri VUP bamushinja kuba yaragendaga abaka amafaranga kugira ngo abashyire kuri lisite y’abagomba kubona inkunga.

Arakekwaho kandi gukora amatsinda ane ya baringa yahawe amafaranga arenga ibihumbi magana inani. Polisi itangaza ko uyu munymabanga nshingwabikorwa w’akagari yemera icyaha akanagisabira imbabazi.

Umucungamari wa Sacco Nyarugenge , we yatawe muri yombi ashinjwa gusohora amafaranga ayaha ayo matsinda ya baringa.

Polisi kandi irimo gushakisha uwitwa Mugwaneza Jean Bosco watorotse, na we wakoraga mu Murenge sacco Nyarugenge, akaba akekwaho ubufatanyacyaha mu gusohora ayo mafaranga agahabwa amatsinda ya baringa.

Irashakisha kandi Umunyamabanga Nshigwabikorwa w’Akagari ka Ngenda mu Murenge wa Nyarugenge witwa Uramukiwe Callixte , na we ukekwaho gukora amatsinda ya baringa y’abagomba guhabwa amafaranga muri VUP, ariko akaba yaratorotse nyuma yo guhamagarwa kwitaba kuri Polisi.

Inzego z’umutekano kandi zirimo gushakisha uwitwa Nkurikiyimana Gaspard wari ushinzwe urutonde rw’abaturage bagomba gukora muri VUP.

We akekwaho guhimbira abaturage akabandika ko bakoze muri VUP kandi batarakoze maze agafata amafaranga.

Aba baose bakurikiranyeho icyaha cyo gukora impapuro mpimbano no gukoresha nabi umutungo wa Leta.

Bibahamye bahanishwa ingingo ya 611 n’iya 623 zo mu gitabo cy’amategeko ahana y’u Rwanda, ziteganya igifungo kuva ku myaka irindwi kugera ku myaka icumi n’ihazabu y’amafaranga kuva ku nshuro ebyiri kugera ku nshuro eshanu z’icyanyerejwe .

Bibaye mu gihe harimo gukorwa iperereza ku ikoreshwa ry’amafanga ya VUP ndetse nyuma y’uko ushinzwe VUP mu Murenge wa Narugenge, Nyecumi Jean Baptiste, yatawe muri yombi mbere ndetse urukiko rumukatira gufungwa iminsi 30 mu gihe hagikorwa iperereza.

Byabereye mu Karere ka Bugesera kuri uyu wa 06 Gicurasi 2016 muri Paruwasi ya Kayenzi i Nyamata, ahaberaye igikorwa cyo kwibuka abari abashumba n’abakirisito bazize Jenoside yakorewe Abatutsi, banataha urwibutso ruriho amazina y’abaguye muri iyo paruwasi.

Aha bari mu rugendo rwo kwibuka abishwe muri Jenoside yakorewe Abatutsi.

Umuvugizi w’ADEPR mu Rwanda, Sibomana Jean, yavuze ko yitandukanyije n’abagize uruhare muri Jenoside yakorewe Abatutsi maze ahita asaba Abanyarwanda imbabazi kubera ibikorwa bibi bakoze.

Yagize ati “Turasaba imbabazi Imana, turasaba imabazi abarokotse Jenoside yakorewe Abatutsi n’Abanyarwanda muri rusange kubera abashumba n’abayoboke bacu.

Ntabwo twahagaze neza ngo twubahirize inshingano zo kurengera abicwaga, rwose mutubabarire, mutubabarire, mutubabarire.”

By’umwihariko, ni ku nshuro ya mbere hibukwa abatutsi baguye muri Paruwasi ya Kayenzi yayoborwaga na Pasiteri Uwinkindi Jean, wahamijwe n’urukiko uruhare muri Jenoside yakorewe Abatutsi maze rumukatirwa gufungwa ubuzima bwe bwose.

Umuvugizi w’ADEPR mu Rwanda, Jean Sibomana, asaba imbabazi mu izina ry’itorero kubera abayoboke n’abashumba baryo bakoze Jenoside.

Pasiteri Nteziryayo Vienney, yagaragaje uburyo Pasiteri Uwinkindi Jean yatoteje abatutsi, abifashijwemo n’interahamwe bakica abatutsi basaga 300 bari barahungiye muri iyo paruwasi.

We n’abandi bakiristo bagenzi be, ni ho bahera basaba ubuyobozi bw’Itorero ry’ADEPR kumwambura inshingano z’ubushumba kuko bidakwiye kuko yagaragayeho ubusembwa, nk’uko bikorerwa abandi ba pasiteri bitwaye nabi.

Ati “Turasaba ko yakwamburwa inshingano za gishumba kuko yakoze ibikorwa bibi by’indengakamere kandi akaba atwangiriza abaturage aho yigisha ingengabitekerezo yitwaje ijambo ry’Imana.”

Bashyira indabo ku rwibutso.

Umunyamabanga Nshingwabikorwa wa Komisiyo y’Ubumwe n’Ubwiyunge, Fidele Ndayisaba, yasabye abayoboke b’amadini n’amatorero kwitandukanya n’abagize uruhare muri Jenoside kandi bagatangazwa, aho bari hose bakamenyekana.

Aho kuri Paruwasi ya Kayenzi hashyizwe urwibutso ruriho amazina 513 y’abaguye kuri urwo rusengero no hafi yarwo.

Ngo icyo gikorwa kizakomeza n’ahandi mu rwego rwo kubungabunga amateka ya Jenoside yakorewe Abatutsi.

Muri Mata 2012, ni bwo RAB, ishami rya Karama riri mu Murenge wa Gashora, yazanye ingamiya eshanu zikuwe mu Misiri. Zari inyana enye n’imfizi imwe, none zarorotse, ubu zigeze kuri zirindwi.

Zimwe mu ngamiya zororerwa mu Bugesera.

Munyanziza Jean Bosco, umwe mubakozi bazitaho, avuga ko ingamiya ari amatungo atungwa n’ibyatsi n’amazi, gusa ngo azirana n’uyendereza.

Yagize ati “Iyo uyikubise irarakara maze ikagushaka ku buryo na yo yihimura. Ikunda kurisha ibyatsi, imiyenzi ndetse na munyegereze kandi ikikubwira ko ihaze ihita ishaka amazi.”

Umuyobozi w’Agashami k’Ubushakashatsi ka RAB i Karama, Ndayemeye Fanuel, avuga ko zifite ubuzima bwiza kuko zivurwa, ngo nta bintu byihariye zihabwa. Ati “Nta byihariye tuziha kuko tuzivura nk’uko tuvura inka cyangwa ayandi matungo.”

Ndayemeye avuga ko bazakomeza gukora ubushakashatsi kuri aya amatungo kugira ngo hazarebwe akamaro kayo. Gusa, ngo harateganywa ko izizazikomokaho zizatangwa zigakoreshwa mu bukerarugendo.

Ati “Turi mu ikusanyamakuru yo kuzitunga, gusa hano ntabwo turatangira kuzikoresha imirimo yo gutwara ibintu n’abantu, ariko turateganya ko izizazivukaho tuzazishyira ku mahoteri ndetse n’ahahurira abantu benshi kugira ngo bajye bazigendaho hanyuma batange amafaranga.”

Ingamiya itungwa n’ibyatsi n’amababi y’ibiti kuko ari ndende, izwi kandi kugira ipfupfu rinini ariko ikaba ifite n’ubushobozi bwo kumara igihe kirekire itanyweye amazi.

Polisi y’u Rwanda yemeje aya makuru ivuga ko uyu mugabo afungiye kuri Sitatiso ya Polisi ya Nyamata akurikiranyweho gukora no gukwirakwiza amafaranga y’amahimbano.

Uyu mugabo ngo yafatiwe mu Kagari ka Biryogo mu Murenge wa Mayange, aho yari arimo kubitsa ku mukozi wa MTN Mobile Money ibihumbi 40 by’inote za bitanu, muri zo harimo inoti enye z’amafaranga y’amahimbano, ari nab wo byamenyekanaga, agatabwa muri yombi.

Uyu muturage avuga ko Atari azi ko afite amafaranga y’amahimbano kuko ngo yayahawe yagurishije itungo ku isoko.

Umuvugizi wa Polisi y’u Rwanda mu Ntara y’iburasirazuba, IP Emmanuel Kayigi, asaba abaturage kujya bitonda bagashishoza ku mafaranga bahabwa.

Ati “Uyu aramutse ahamwe n’iki cyaha yahanishwa ingingo ya 601 yo mu gitabo cy’amategeko ahana ibyaha mu Rwanda, iteganya ko uhamwe na cyo ahanishwa igifungo kiri hagati y’imyaka itanu n’irindwi.”

Polisi ivuga ko ikomeje iperereza kugira ngo harebwe nib anta bandi bantu bihishe inyuma y’ibi bikorwa byo gukora amafaranga y’amahimbano.

Iyi koperative yitwa KOZARU igizwe n’inkeragutabara, ishinzwe kugurisha no gukanika amagare.

Abakoresha amagare muri Bugesera bari bamaze igihe bahangayikishijwe n’ubujura bwabibasiraga.

Abanyamuryango bayo bavuga ko bamaze kubona ikibazo cy’ubujura bw’amagare ku barema isoko rya Ruhuha yashyizeho ingamba zo kwandika numero za buri gare rigurishijwe kugira ngo niba ryibwe bimenyekane maze rizasubizwe nyiraryo.

Ugurishije igare cyangwa uriguze hari aho yandikwa ndetse na numero z’igare rye. Bituma niba ari igare ry’iryibano rimenyekana rikazasubizwa nyiraryo, nk’uko Ndimba Emmanuel umwe mu bayobozi ba Koperative KOZARU abisobanura.

Ati “Igare iyo turifashe ari iry’ibano turijyana kuri polisi, naho umuturage uje kurigurisha turamwandika tukanandika umwirondoro waryo, ku buryo iyo hari uje avuga ko barimwibye duhita duhamagara uwariguze n’uwarigurishije noneho uwariguze agasubizwa amafaranga yatanze waryibwe agahita arisubizwa.”

Mvuyekure Emmanuel umwe mu baturage wishimiye izi ngamba, avuga ko abatunze amagare n’abayacuruza muri aka karere basigaye bumva batekanye.

Amagare basigaye banayababikira.

Ati “Mbere umuntu yazaga mu isoko afite igare aho yarisigaga ku maduka ugasanga baritwaye, ariko ubu umuntu ajya mu isoko atuje kuko aba aziko igare rye rifite umutekano.”

Murekezi Jean Bosco avuga ko amagare yabo ari yo bakoresha mu gutwara imyaka ku isoko. Avuga ko bayababikira neza bigatuma batagikora gahunda zabo bafite impungenge zo kwibwa.

Ati “ABayatubikira neza ubundi bakaduka agapapuro twagaruka tukabishyura ndetse n’ugurishije igare nawe yumva afite umutekano bitari nka mbere.”

Ubuyobozi bw’umurenge wa Ruhuha butangaza ko izi ngamba zakemuye ikibazo cy’ubujura bw’amagare cyari kimaze gufata indi ntera muri uwo murenge no mu karere ka Bugesera rusange.

Ubujura bw’amagare butarakumirwa, yaribwaga akajya kugurishirizwa mu yandi masoko ya kure cyangwa abayibye bakagurisha ibyuma byayo ku buryo byagorana kongera kumenya igare ryawe.

Byatangajwe n’urubyiruko rugize itsinda Ineza Family, itsinda rigizwe n’urubyiruko rushaka guhindura amateka Ubwo bari mu gikorwa cyo kuremera no gusura umukecuru Mukankusi Joyce w’imyaka 68 warokotse Jenoside yakorewe Abatutsi mu 1994.

Urubyiruko rwubakira umukecuru warokotse utishoboye akarima k’igikoni.

Umuyobozi w’iri tsinda Ineza Olivier Samir, avuga ko n’uko urubyiruko ari rwo rwagize uruhare mu gushyira mu bikorwa Jenoside, urw’ubu ni na rwo rugfite uruhare rwo gukosora ibyo abababanjirije bakoze.

Agira ati “Iyo dukurikiye amateka dusanga kugirango habe Jenoside byarabatwaye imyaka myinshi kandi urubyiruko ni rwo rwayigizemo uruhare cyane. None ubu tukaba tugomba guhindura ayo mateka kugirango urubyiruko bongere batugirire ikizere.”

Ineza Rosine nawe ugize uyu muryango, avuga ko aho kugira ngo atinde mu bikorwa bidafite akamaro, iyo bakoze igikorwa nk’iki baba bumva ari nk’aho bafashije ababyeyi babo.

Abagize itsinda Ineza Family n’umukecuru bafashije.

Ati “Tugomba gufata ababakecuru barokotse nk’aho ari ababyeyi bacu, tubakorera imirimo bakagombye gukorerwa n’abana babo batagifite ubu kandi aho kugirango tujye mu bindi bikorwa twakagombye kubegera.”

Uru rubyiruko rwubakiye akarima k’igikoni, abandi bamuganiriza bamuha n’ibikoresho byo mu rugo.

Mukankusi utuye mu Murenge wa Nyamata, mu Mudugudu wa Rwakibirizi II, wasigaranye umwana umwe w’umuhungu, yavuze ko kubona abamusura bakamuganiriza bimuremamo ikizere, kuko mbere yahoraga yihebye.

Ati “Iyo mbonye abana nkaba baza kunganiriza, numva nongeye kuba umuntu kuko binsubizamo ikizere cyo kubaho nkumva ko mfite nanjye abantu bandore.”

Umuyobozi w’Umudugudu wa Rwakibirizi II Kanuma Celestin, avuga ko kubona abegera abagizweho ingaruka na Jenoside yakorewe Abatutsi, bituma ku ruhande rw’ubuyobozi bagira abaturage batihebye nubwo n’ubuyobozi budahwema kubegera.

Igikorwa cyo kwegera abarokotse Jenoside yakorewe abatutsi, ni igikorwa n’ubuyobozi bwo mu nzego z’ibanze buvuga ko buri gushishikariza urubyiruko, bubabumbira mu matsinda kugira ngo bahuzeimbaraga babashe kubafasha.

Yabitangarije mu Karere ka Bugesera kuri uyu wa gatanu tariki 15 Mata 2016, ubwo yifatanyaga nabo mu gikorwa cyo kwibuka ku nshuro ya 22, hanashyingurwa mu cyubahiro imibiri yabazize Jenoside yabonetse.

Perezidante w’Inteko n’abari bamuherekeje bahawe ubuhamya bwaranze abahahungiye muri Jenoside.

Yagize ati “Ndasaba buri wese kwandika ku mateka ya Jenoside kugirango atazibagirana, ibi bizafasha abavuka ubu n’abazavuka kuzayamenya ndetse bifashe abanyamahanga batayazi kuyamenya byimbitse.”

Hon. Mukabarisa avuga ko kwandika aya mateka bizanatuma abantu barushaho kumenya uko Jenoside yateguwe ni uko yashyizwe mu bikorwa, maze abayagoreka babure uko babigenza.

Ati “ ndasaba urubyiruko kurwanya ingengabitekerezo ya Jenoside, nimurusheho gukoresha imbuga nkoranyambaga munyomoza abayipfobya kuko abenshi muzikoresha.”

Kwibuka ku nshuro ya 22 Jenoside yakorewe Abatutsi byanaranzwe no gushyingura mu cyubahiro imibiri 10 mu rwibutso rwa Nyamata yahoze ari kiriziya, yabonetse aho yari yarajugunywe.

Hanakozwe igikorwa cyo gushyingura imibiri mishya yabonetse.

Kamuhanda Jean Baptiste, umwe mubarokokeye muri iyi kiriziya, mu buhamya yatanze, yavuze ko abishwe bahungiye muri iyo kiriziya bazi ko bari buharokokere ariko atariko byagenze kuko ku itariki 14 Mata interahamwe n’abasirikare bishemo abagera ku bihumbi 10.

Yashimye uburyo leta yitaye kubarokotse Jenoside ibashakira amacumbi abana ibarihira amashuri, gusa asaba urubyiruko rwarokotse Jenoside ko iterambere riri mu maboko yarwo.

Ati “Rubyiruko mumenye ko ubuzima bwanyu buri mu maboko yanyu, mugomba gukora mukiteza imbere, kuko nanjye nahereye ku ihene none mfite inzu ebyiri n’imodoka. Nta wabimpaye ninjye wabikoreye.”

Guverineri w’Intara y’Iburasirazuba, Uwamariya Odette yasabye buri wese kurushaho kwita kubarokotse Jenoside.

Ati“Ndashima ko mu ntara y’iburasirazuba mucyumweru kimwe hegeranyijwe inkunga isaga miliyoni 10010 yo gufasha abarokotse. nidukomeze iki gikorwa kuko ari icyacu.”

Kuri ubu urwibutso rwa Jenoside rwa Nyamata, rushyinguyemo imibiri isaga 45.900.

Umwe mubari abakobwa wafashwe ku ngufu utarashatse ko amazina atangazwa aravuga ko umwana we usanga afite inyota yo kumenya uko yavutse.

Bamwe mu babyeyi bo mu Karere ka Busera ntibarashobora kuvugisha ukuri ku byababayeho.

Yagize ati “Nabuze ahantu muhera ngo mbimubwire kuko umutima wanjye nturabyakira kuko nabonaga akiri umwana numva ko byamuhungabanya. Ariko kuko ari mu mwaka wa gatandatu mu mashuri yisumbuye ndumva akuze ndashaka kuzamwicaza nkamubwira buri kintu cyose kuburyo bitazamugiraho ikibazo.

Uyu mubyeyi atangaza ko atazi niba umwana niba yarabimenye uburyo yavutsemo kuko atarabimubaza na rimwe.

Gusa bamwe mubagize ubutwari bwo kubwira abana babo amateka y’ibyababayeho bavuga ko bifasha umwana kubohoka ndetse bigatuma amenya amateka umubyeyi we yaciyemo, uyu ni umwe mubabwiye abana uko yavutse.

Ati “Yahoraga ambaza papa we kandi iwabo w’umuhungu wamfashe ku ngufu muri Jenoside turaturanye nabob agenda bigamba ko mbafitiye umwana, ibyo byampaye imbaraga maze umwana mbimubwira afite imyaka itandatu, ariko kubyakira byaramugoye kuko kugeza ubu biramugora.”

Avuga ko ni ubwo baturanye n’iwabo w’uwo muhungu nta ruhare na ruto bagira kugirango umwana abamenye kuko ntibashaka no kumwegera kubera ko bafite ipfunwe ry’ibyo umuhungu wabo yakoze.

Yaba bashiki be, nyina ise cyangwa n’abandi bavukana ntibashaka kwegera umwana. Gusa umuhungu niba yarapfuye cyangwa akiriho simbizi kuko muheruka anta munzu ahunga muri Jenoside.”

Imibare itangwa na minisiteri y’ubutegetsi bw’igihugu igaragaza ko abagore n’abakobwa bagera kubihumbi 250 bafashwe ku ngufu, muri abo abagera kuri 800 bibana mungo zabo, imiryango itegamiye kuri leta cyane ifasha abagore ikaba ifasha abana bagera kuri 816 bavutse ku bagore n’abakobwa bafashwe ku ngufu mugihe cya Jenoside yakorewe Abatutsi mu 1994.

Uru rukiko kandi rwategetse ko Nyecumi Jean Baptiste ushinzwe VUP (Vision Umurenge Program) muri uwo murenge akaba anareganwa na Gitifu Nsengiyumva, we afungwa iminsi 30 mu gihe hagikorwa iperereza ku byaha ashinjwa.

Umunyamabanga Nshingwabikorwa w’Umurenge wa Nyarugenge, Nsengiyumva Charles ari kumwe n’abatishoboye bafashwa na VUP.

Mu isomwa ry’urubanza ryabaye kuri uyu wa Mbere, tariki 11 Mata 2016, Urukiko rwavuze ko rwasanze nta cyatuma uyu Munyamabanga Nshingwabikorwa w’Umurenge wa Nyarugenge mu Karere ka Bugesera afungwa kuko ibyaha akekwaho gukora nta bimenyetso bifatika bigaragaza ko yabikoze.

Ikindi ngo niyo yafungurwa, ntiyasibanganya ibimenyetso cyangwa ngo abangamire iperereza.

Umunyamabanga Nshingwabikorwa w’Umurenge wa Nyarugenge, Nsengiyumva Charles n’ushinzwe VUP muri uwo murenge Nyecumi Jean Baptiste, baratawe muri yombi ku matariki ya 25 na 26 Werurwe, 2016 bakekwaho kunyereza amafaranga arenga miliyoni 49Frw yari agenewe abaturage batishoboye bo mu Murenge wa Nyarugenge bafashwa muri gahunda ya VUP.

Ku rwibutso rwa Ntarama hamaze kuzura imva eshatu zubatswe mu buryo bugezweho zigiye kwimurirwamo imibiri y’abazize Jenoside yakorewe abatutsi, yarishyinguye mu cyahoze ari kiriziya ya Ntarama.

Mu rwibutso rwa Ntarama habitse amateka akomeye yaranze Jenoside.

Umuganwa Marie Chantal,umukozi wa Komisiyo y’igihugu yo kurwanya Jenoside (CNLG) ushinzwe imicungire y’urwibutso rwa Ntarama, avuga ko ibikorwa byo gusana urwo rwibutso biri ku musozo.

Agira ati “Kugeza ubu imva nshya zizashyingurwamo zararangiye, ubu harimo gutunganwa ubusitani bwiza kandi bugezweho buzajya bufasha abasura urwo rwibutso kuharuhukira ndetse banarushaho gusobanukirwa amateka y’ibyabereye aha.”

Bamwe mu bafite ababo bashyinguwe muri urwo rwibutso bavuga ko aho imibiri yari iri muri kiriziya ya Ntarama itaheshaga icyubahiro abazize Jenoside yakorewe Abatutsi, bakishimira ko aho igiye kwimurirwa ho ari heza, nk’uko bitangazwa n’uwitwa Mukamunana Marie Rose.

Ati “Aho bari bashyinguye hari hashaje dugasanga hatabaha agaciro n’icyubahiro nk’abantu bacu, ariko aho bagiye gushyingurwa ni heza cyane, tukaba tubyishimiye cyane.”

Uko kubyishimira kandi biranemezwa n’uwitwa Sekamana Leandre, uvuga ko iyo mibiri itimurwa yari kuzangirika.

Ati “Ibi biratuma itangirika kuko wasangaga ijyamo ivumbi riva ku muhanda ariko aho igiye kwimurirwa nta vumbi zizajya riyijyaho.”

Ubuyobozi bwa Komisiyo y’igihugu yo kurwanya Jenoside buvuga ko harimo gutegurwa igikorwa cyo gushyingura iyo mibiri mu mva nshya zuzuye. Urwibutso rwa Ntarama rushyinguyemo imibiri y’abazize Jenoside yakorewe abatutsi isaga ibihumbi bitanu.

Abahashyinguye n’abari bahungiye muri iyo kiriziya ya Ntarama nyuma baza kwicirwa aho n’abagiye bicirwa mu nkengero z’urwo rwibutso.

Umwe mu bana uri mukigero k’imyaka 12 ukomoka mu Karere ka Rubavu, avuga ko nyina yirirwaga arwana na se bigatuma nta wubasha kwita kubana ahubwo bakaburara bakanabwirirwa.

Umunyamabanga wa Leta ushinzwe imibereho myiza y’abaturage muri MINALOC, Alivera Mukabaramba, avuga ko iki kibazo cyahagurukiwe.

Agira ati “Nahise mva murugo nza nitendetse ku ikamyo ingeza i Kigali maze nshaka indi ingeza hano mu Karere ka Bugesera, nkaba nirarira kurubaraza rw’aya maduka.”

Undi uvuga ko ababyeyi be bimukiye i Bugesera, bahageze baratandukana ise yishakira umugore w’Umurundi na ashaka undi mugabo agahora anyurukana, ari nabwo yahise ajya mu muhanda.

Ababyeyi bagenda mu masantere atandukanye yo muri aka karere, bavuga ko babangamirwa n’aba bana, nk’uko bivugwa na Urimubenshi Idephonse.

Ati “Njye ndi umuzamu hano mu mujyi wa Nyamata, aba bana bakorana n’abajura aho usanga bagenda bareba aho abazamu basinziriye maze abo bajura bakaza kwiba. Iki n’ikibazo dufite dusaba ubuyobozi ko bwakidukemurira.”

Uwitwa Murekeyisoni Jeanne avuga ko aba bana bazavamo abajura bakomeye, kuko n’ubundi iyo ucunze gato ushiduka bakwibye.

Umunyamabanga wa leta muri Minisiteri y’Ubutegetsi bw’igihugu ushinzwe imibereho myiza y’Abaturage, Dr Alivera Mukabaramba, avuga ko hari gahunda yo guhana ababyeyi bafite abana mu mihanda.

Ati “Bigaragara ko hari ababyeyi babigiramo uruhare kugira ngo abana bajye mu mihanda gusabiriza, Leta igiye gukora ibishoboka byose iki kibazo kikaranduke burundu kuko ntibyumvikana ukuntu umubyeyi aryama atazi aho umwana we yaraye.”

Iki kibazo cyagarutsweho n’abayobozi bakuru b’igihugu, mu mwiherero uheruka kubera i Gabiro mu Karere ka Gatsibo, aho Perezida Kagame yatunze agatoki inzego zibishinzwe kutagira icyo zigikoraho kugira ngo kirangire burundu.

Babitangaje basoza igihembwe cya mbere mu bikorwa byo ku rugerero, birimo gukora imirimo y’amaboko nko kubaka no gusana amazu y’abatishoboye, gukora ubukangurambaga kuri gahunda za Leta n’ibindi.

Intore zo ku rugerero zinubakira abaturage uturima tw’igikoni zihangana n’imirirere mibi.

Ishimwe Nadine, umwe mu bari ku rugerero, avuga ko uretse kubigisha imirimo batari bazi, bibafasha kumenya gukorera hamwe, ku buryo bishobora kuba igisubizo cy’urubyiruko ruvuga ko rwabuze akazi.

Yagize ati “Dukora ingendoshuri mu makoperative tugahabwa ubunararibonye, aho tubona ko batangiriye kuri bike bakagera kuri byinshi. Ibi biduha ingufu ko natwe twakwibumbira hamwe maze tukabasha gutera imbere duhereye ku buhamya bw’abandi”.

Bushayija Innocent, mugenze we, avuga ko utaritabiriye Itorero yahombye byinshi kuko baryigiramyo byinshi byabagirira akamaro.

Ishimwe Nadine, umwe mu ntore ziri ku rugerero.

Nyirampakaniye Francine, umukecuru w’imyaka 65 y’amavuko wo mu Kagari ka Rugarama mu Murenge wa Mareba wafashijwe n’abari ku rugerero, azishimira ko zamwubakiye akarima k’igikoni no zikanamuhingira, bimukura mu bwigunge.

Ati “Nta muntu wangeragaho ariko kubona abana baza bakanyubakira bakampingira ndabyishimira cyane ni uko ntabona icyo mbaha nabashimira birenzeho”.

Umunyamabanga Nshingwabikorwa w’Umurenge wa Mareba, Sebatware Magella, avuga ko abayobozi bo mu nzego z’ibanze bishimira ko iyi gahunda y’itorero ibafasha mu gushyiraho gahunda za Leta mu bikorwa, dore ko abari mu itorero babafasha mu mutekano no gusobanurira abaturage gahunda za Leta.

Gasarabwe Canisius, ushinzwe Ibikorwa by’Itorero mu Karere ka Bugesera, avuga ko ibikorwa izi ntore zikora byigaragaza, akazisaba gukora gahunda y’ibikorwa kugira ngo ibyo zisaba akarere kubafashamo kabibafashemo ariko babitanze mu nyandiko.

Muri uyu mwaka, mu Karere ka Bugesera hose hari hiyandikishije intore 1800 hitabira 1704, bangana na 95%, ubuyobozi bukavuga ko abataritabiriye, ari uko usanga imiryango yabo yarimukiye ahandi.

Babivugiye mu nama y’iri huriro yateraniye mu Karere ka Bugesera kuwa gatanu tariki 1 Mata 2016.

Perezida wa Sena Bernard Makuza atangiza iyi nama.

Umuyobozi w’iri huriro depite Karenzi Theoneste, avuga ko iri huriro ryashinzwe hagamijwe ko abarigize bagira umusanzu mu kurwanya abahakana, abapfobya n’abafite ingengabitekerezo ya Jenoside yakorewe abatutsi mu Rwanda no mu mahanga.

Yagize ati “Iri huriro rigiye gusakaza ubu butumwa mu nteko zishinga mategeko zo mubindi bihugu, dukorana kugirango duhangane n’abafite ingengabitekerezo ya Jenoside.

By’umwihariko mu Rwanda tugiye gutanga ubu butumwa murubyiruko rwiga mu mashuri y’isumbuye kugirango babashe kurikumira.”

Abagize iri huriro bari bahuriye mu nama.

Umwe mu bagize iri huriro depite Gatabazi Jean Marie Vianney, ashimangira ko intego yo kujya kwigisha urubyiruko mu mashuri ari ukugirango ahazaza h’u Rwanda hazabe hatarangwa ingengabitekerezo ya Jenoside mu minsi iri imbere.

Ati “Tuziko abarenga 70% ari urubyiruko, turashaka ko bagomba kugira imyumvire myiza n’u Rwanda ruzira ingengabitekerezo ya Jenoside.”

Mubikorwa biteganyijwe gukorwa n’iri huriro harimo kwifatanya n’Abanyarwanda n’amahanga kwibuka ku nshuro ya 22 Jenoside yakorewe Abatutsi mu 1994.
Perezida wa Sena Bernard Makuza, yashimangiye ko igikorwa cyo kwibuka Jenoside yakorewe Abatutsi mu 1994, ari uburyo bw’ibanze bwo kurwanya Jenoside n’ingengabitekerezo yayo no kuyikumira.

Ati “Twibuka bifasha kurwanya abahakana n’abapfobya Jenoside, ibyo biganiro kandi muzatanga mu mashuri nabyo bizafasha kuyirwanya maze bitume abanyarwanda baba mu Rwanda ruzira ingengabitekerezo.”

Iri huriro rigizwe n’abanyamuryango basaga 90 ryashinzwe mu 2015, intego yaryo n’ukurwanya ingengabitekerezo ya Jenoside no kuba mu isi izira Jenoside iyo ari yo yose.

Yabibasabye kuri uyu wa 30 Werurwe 2016 ubwo yari mu Karere ka Bugesera atangiza inama yiga ku mpinduka mu bijyanye n’ishoramari mu rwego rw’ubuzima.

Minsitiri Amb Claver Gatete ashishikariza abikorera gushora imari mu by’ubuzima.

Uretse kwigira hamwe ibijyanye n’ishoramari mu bijyanye n’ubuzima, iyi nama iranasuzumirwamo ibyagezweho nyuma y’impinduka zakozwe mu rwego rw’ubuzima mu myaka 15 ishize no kwitegura gushyira mu bikorwa ingamba z’iterambere rirambye (Sustainable Development Goals).

Minisitiri Claver Gatete yagize ati “ nyuma y’uko habayeho ihungabana ry’ubukungu maze rigashegesha isi ndetse habaho ibibazo bitandukanye nk’intambara, byatumye bamwe mubateraga inkunga urwego rw’ubuzima batagitanga inkunga zabo.”

Yakomeje agira ati “Ni yo mpamvu tugomba kwishakamo ibisubizo kugira ngo urwego rw’ubuzima rudasubira hasi kandi dushaka ko buri Munyarwanda bumugeraho”. Aha ni ho yahereye ashishikariza abikorera gushora imari mu rwego rw’ubuzima.

Bamwe mu bikorera bashoye imari mu rwego rw’ubuzima ariko, baravuga ko kuri ubu hatarimo inyungu nyinshi kuko ababagana bakiri bake.

Bamwe mu bitabiriye iyo nama.

Gusa, ngo hajemo abashoramari benshi barushaho kunguka cyane nk’uko bivugwa na Rugenera Marc, Umuyobozi wa Radiant, imwe muri sosiyete zitanga ubwishingizi bwo kwivuza mu Rwanda.

Yagize ati “Dufite imbogamizi kuko turimo guhura n’igihombo muri iyi minsi kuko abatugana bakiri bake ariko turizera ko mu minsi iri imbere icyo gihombo kizavamo kuko abantu bagenda bamenya ibyiza byo kutugana.

Turashishikariza abakoresha ko batugana abakozi babo bakavuzwa maze urwego rwacu na rwo rugatera imbere”.

Minisiteri y’ubuzima, yo yatangaje ko ibyagezweho mu bijyanye n’ubuzima muri iyi mwaka 15 ari ibyo kwishimara, ariko ikavuga ko urugendo rugikomeje kuko bitaragera aho bishimishije.

Akaba ari yo mpamvu bashishikariza abikora gushora imari mu bijyanye n’ubuzima ariko batagamije gushaka inyungu nyinshi ahubwo ari ukugira ngo bagire uruhare mu iterambere ry’igihugu.

Umuvugizi wa Polisi y’u Rwanda, ACP Celestin Twahirwa, kuri uyu wa Kabiri, tariki 29 Werurwe 2016, yemereye Kigali Today ko aba bagabo batawe muri yombi bakurikiranweho icyaha cyo gukoresha impapuro mpimbano bakanyereza amafaranga ya VUP.

Umuvugizi wa Polisi y’u Rwanda, ACP Celestin Twahirwa.

Cyakora, Polisi ntiratangaza umubare w’amafaranga baba baranyereje ngo kuko ikirimo “gukora iperereza ry’ibanze”.

Icyaha bakurikiranweho gihanwa n’ingingo ya 325 yo mu gitabo cy’amategeko ahana ibyaha mu Rwanda.

Iyi ngingo iteganya ko uwo gihamye, ashobora guhanishwa igifungo cyo kuva ku myaka irindwi kugeza ku icumi ndetse n’ihazabu y’amafaranga yikubye inshuro kuva kuri 2 kugera kuri 5 z’amafaranga yanyereje.

Ingingo ya 610 na yo iteganya ko umukozi wa Leta wahimbye inyandiko, ahanishwa igifungo kuva ku myaka irindwi kugeza ku icumi ndetse n’ihazabu kuva ku bihumbi 500 kugeza kuri miliyoni.

Gitifu Nsengiyumva yatawe muri yombi tariki 26 Werurwe n aho ushinzwe VUP yari yatawe muri yombi tariki 25 Werurwe 2016, nk’uko twari twabibatangarije mu nkuru ya mbere.

Polisi y’u Rwanda ntiragira byinshi ivuga ku ifata ryabo ariko ngo harimo gukorwa iperereza, ibirivamo bigatangazwa mu gihe kidatinze.

Umunyamabanga Nshingwabikorwa w’Umurenge wa Nyarugenge, Nsengiyumva Charles, ubwo yari kumwe n’abagenerwabikorwa ba VUP.

Umukozi w’Umurenge wa Nyarugenge utifuje ko amazina ye atangazwa, yabwiye Kigali Today ko gitifu Nsengiyumva Charles yatawe muri yombi ku wa Gatandatu, tariki 26 Werurwe, naho ushinzwe VUP, Nyecumi Jean Baptiste we akaba yaratawe muri yombi tariki 25 Werurwe 2016. Bombi, bakaba bafungiye kuri Sitasiyo ya Polisi ya Ruhuha.

Agira ati “Barakekwaho kunyereza amafaranga yagenewe abatishoboye yo muri VUP (Vision Umurenge Program), aho bakekwa kuba baragiye bakora amatsinda ya baringa ndetse no gukoresha impapuro mpimbano maze bakanyereza ayo amafaranga.”

Ibi byaha, bakekwaho kuba barabikoze hagati y’umwaka wa 2012 na 2014. Cyakora, iperereza ry’ibanze ngo riracyakomeje mbere y’uko bashyikirizwa inkiko.

Aba bayobozi bafunzwe nyuma y’aho uwari Umunyamabanga Nshingwabikorwa w’Umurenge wa Gashora, Muyengeza Jean de Dieu n’ushinzwe VUP mu Murenge wa Kamabuye, na bo bafunzwe bashinjwa kunyereza amafaranga y’abatishoboye.

Abo baje kurekurwa n’Urukiko rw’Ibanze rwa Ruhuha ariko bakaba bakurikiranwa bari hanze.

Nsekanabo Janvier atuye mu Kagari ka Gihinga mu Murenge wa Nyarugenge muri aka karere, avuga ko yari amaze imyaka 16 abana n’umugore we mu makimbirane; ariko nyuma yo guhabwa inyigisho muri gahunda yiswe “Indashyikirwa”, ubu baratuje.

Nsekanabo Janvier n’umugore we Niyibizi Josephine barahamya ko gahunda "Indashyikirwa" yatumye babana neza.

Agira ati “Nari umugabo wahoraga arwana n’umugore. Natahaga nasinze nkagera mu rugo mu ijoro; namukiguza akambwira ngo ninsubire mu ndaya zanjye, nkahita mukubita n’abana; ubwo induru igatangira ubwo kugeza mu gitondo.”

Uyu mugabo avuga ko yari amaze gufungwa inshuro nyinshi no kwihanangirizwa.

Nsekanabo avuga ko “mu minsi micye”, ari bwo yagiye mu rubuga rw’abagore n’abakobwa “Indashyikirwa” baganiriramo ibijyanye n’ihohoterwa, maze abona ko ibyo yakoraga atari byo, none ubu yarahindutse.

Uku guhinduka bishimangirwa n’umugore we, Niyibizi Josephine, wemeza ko byari bigiye gutuma ata urugo rwe agahunga.

Ati “Ubu dusigaye twumvikana mu rugo ku buryo abona ntahari nkasanga yatunganyije imirimo yose. Uretse ibyo, yazaga ampirikira ku buriri ankoresha imibonano mpuzabitsina ku ngufu, ariko ubu dusigaye tubanza kubiganira.”

Nsekanabo n’umugore we baravuga ko ubu basigaye bafasha ingo zibanye nabi zikabana neza kuko baziha urugero rw’uko bari babanye.

Muteteri Betty, Umukozi w’Umuryango “Rwanda Women’s Network, avuga ko Indashyikirwa ari urubuga abagore n’abakobwa baganiriramo ibijyanye n’ihohoterwa. Cyakora, ngo n’abagabo ntibahezwa.

Agira ati “Umugabo uzatugana ntituzamusubiza inyuma kuko tuzamufasha gukemura ikibazo afite ariko cyane tuzibanda ku bagore n’abakobwa kuko ari bo bakunda guhura n’ihohoterwa.”

Uyu muryango wahuguye abazajya bafasha abahura n’ihohoterwa, ku buryo bahura gatatu mu cyumweru.

Umuryango Rwanda Women’s Network wahuguye abahura n’ihohoterwa, urashyira mu bikorwa uwo mushinga ufatanyije n’indi miryango nka Care International n’Umuryango RWAMREC.

Yatorewe mu nama rusange y’abanyamuryango ba FFRP yabereye mu Karere ka Bugesera kuwa 18/03/2016, aho Depite Mutesi Anita asimbuye Depite Nyirarukundo Ignacienne. Umuyobozi mushya avuga ko aje gusigasira intambwe imaze kugerwaho mu kwimakaza uburinganire n’ubwuzuzanye hagati y’umugore n’umugabo.

Perezida w’inteko abaha impanuro

Agira ati “Tugomba gukangurira abagore gukomeza gukora ibikorwa bibateza imbere, ndetse tugakora ibikomeza guteza imbere ihuriro ryacu dusigasira ibimaze kugeraho”.

Perezidante w’umutwe w’abadepite Mukabalisa Donatille, yasabye abagize FFRP kugira uruhare rugaragara mu ishyirwa mu bikorwa ry’imyanzuro iherutse gufatirwa mu mwiherero w’abayobozi bakuru.

Ati “ Ndabasaba kwita ku mwanzuro wo gukumira impamvu zituma abana bajya mu muhanda. Ndabasaba kongera imbaraga mu gushyira mu bikorwa intego mwihaye, harimo gufasha umugore agakomeza kuba umusemburo ukomeye mu iterambere ry’igihugu”.

Mukabarisa yashimangiye ibyo Perezida wa Repubulika akunze kugarukaho ko nta mpamvu n’imwe yo kutagera ku ntego umuntu aba yihaye mugihe haba hari abamushyigikiye mu byo akora.

Abagize inteko rusange copy

Ihuriro FFRP ryashinzwe mu mwaka wa 1996, kuri ubu rigizwe n’abanyamuryango 89, barimo abagabo 28. Abagore ni abanyamuryango nyirizina bafite uburenganzira bwo gufata ibyemezo, baratora bakanatorwa mu gihe abagabo bo ari abanyamuryango b’abafatanyabikorwa ntibafite uburenganzira bwo gutora cyangwa ngo batorwe.

Intumbero ya FFRP niyo kugera ku muryango Nyarwanda urangwa n’ubumwe , uburinganire n’ubwuzuzanye hagati y’abagabo n’abagore.

Ku nkengero z’Ikiyaga cya Gashanga mu Murenge wa Juru, mu Mudugudu wa Mugorore ni urujya n’uruza rw’abaturage bavoma amazi icyo kiyaga.

Leon Victor Mushumba, ukuriye Ishami rishinzwe Amazi muri World Relief, yabizeje ko izo ndobo bahawe zifite ubushobozi bwo kuyungurura amazi ku buryo umuntu yahita ayanywa.

Harimo n’abahita banywa ayo mazi batabanje kuyateka cyangwa ngo bashyiremo umuti uyasukura.

Mukantabana Donatille, umwe muri bo, avuga ko bavoma ayo mazi mabi y’igishanga kuko nta kundi bagira.

Agira ati “Aya mazi tuyanywera aho kuko kuyateka twabonye tutabishobora kandi n’umuti uyasukura urahenze”.

Nzamugurisuka Renata, na we ni umuturage waho uvuga ko mu gihe cy’imvura ikiyaga cyuzura maze bakavoma ari hafi kuko batashobora kujya mu kiyaga batinya kurohama.

Ati “Turasaba ko baduha umuti usukura amazi kuko twe dufite ubushobozi buke tutabasha kubona amikoro yo kugura umuti usukura amazi”.

Kuba Umurenge wa Juru uri kure y’Uruganda rw’Amazi rwa Ngenda, rumwe rukumbi ruri mu Bugesera kuri ubu , bituma uyu murenge uza mu mirenge ifite ikibazo gikomeye cyo kutabona amazi meza.

Umukozi w’Akarere ka Bugesera ushinzwe Amazi n’Isukura, Kananga Jean Damascene, yijeje abo baturage ko icyo kibazo kizakemuka vuba.

Ati “Dufite imishinga igera kuri ine izatuma abaturage babasha kubona amazi meza. Imishinga ibiri yatangiye gushyirwa mu bikorwa ku buryo mu myaka ibiri abaturage bazaba bafite amazi meza”.

Abaturage mu rugendo rwo kugaragaza ko bakeneye amazi.

Mu rwego rwo gukemura iki kibazo, Umuryango World Relief watanze indobo ziyungurura amazi, ndetse hari na gahunda yo gushyira ibigega by’amazi ku nyubako za Leta n’iz’ihuriramo abantu benshi nk’uko bivugwa na Leon Victor Mushumba ukuriye ishami rishinzwe amazi muri World Relief.

Ati “Izi ndobo zikoranye ubuhanga kuko ziyungurura amazi neza ku buryo umuntu ahita ayanywa. Tuzanatanga ibigega 15 ahantu hahurirwa n’abantu benshi”.

World Relief ifite gahunda y’uko abaturage bagera kuri kimwe cya gatatu cy’abatuye Umurenge wa Juru bazahabwa indobo ziyungurura amazi kandi abazihabwa barashishikarizwa ko indobo imwe izajya ikoreshwa n’ingo eshatu.

Ni imiryango yatoranyijwe na RGB igahabwa inkunga y’amafaranga ibihumbi mirongo itatu by’amadorari y’Amerika. Ni ukuvuga asaga miliyoni makumyabiri z’Amanyarwanda, azayifasha gushyira mu bikorwa intego zayo.

Abongererwaga ubushobozi mu gukoresha neza umutungo bafata ifoto y’urwibutso hamwe n’ababahuguye.

Professeur Shyaka Anastase, Umuyobozi wa RGB, avuga ko hari ubwo iyi miryango idakora neza bitewe n’amikoro macye, nyamara Leta ishima imikorere yayo.

Agira ati “Iyi miryango ifasha inzego zitandukanye mu kunoza imikorere, izikebura aho zitakoze neza, bityo rero mu gihe izindi nzego zubakirwa ubushobozi iyi miryango na yo ikaba itasigazwa inyuma, harimo no kubaha aya mahugurwa ayifasha kunoza imikorere”.

Abari mu miryango itegamiye kuri Leta yahawe iyi nkunga, bashimangira ko izabafasha kurushaho kunoza imikorere yabo.

Mukabirori Mariane, ubarizwa muri Komisiyo y’Ubutabera n’Amahoro ya Diyoseze Gatorika ya Gikongoro, avuga ko hari imbogamizi yo kutagera ku baturage benshi.

Ati “Kongererwa ubushobozi bizatuma barushaho kubegera, aho bazarushaho kumenyesha abayoborwa n’abayobozi uburenganzira n’inshingano byabo, bityo bakajya bakorana mu mahoro nta n’umwe ubangamiye undi”.

Aya mahugurwa y’iminsi ibiri yasojwe ku wa 16 Werurwe 2016, RGB yayatangaga ku bufatanye n’amashami atandukanye ya Loni.

Joseph Maerien, uhagarariye Ishami ry’Umuryango w’Abibumbye ryita ku Mibereho Myiza y’Abaturage, UNFPA, avuga ko mu gihe imiryango itegamiye kuri Leta idafite amikoro itabasha gusohoza intego zayo, bityo bikagira ingaruka ku baturage muri rusange.

Yijeje iyo miryango ko Umuryango w’Abibumbye ufatanije na RGB bazakomeza kuyifasha kubaka ubushobozi.

Iyi nkunga yatanzwe ije ari icyiciro cya kabiri, nyuma y’uko indi yari yaratanzwe ku miryango 26, muri gahunda yo gufasha imishinga imiryango itegamiye kuri Leta ifite ariko ikabura ubushobozi bw’amafaranga bwo kuyikora. Ni gahunda RGB yatangiye muri 2014 ikazageza muri 2019.

Rucyahintare wiyise maneko w’u Rwanda ahatwa ibibazo n’itangazamakuru ryo mu Burundi.

Mu Mudugudu wa Migina mu Kagari ka Kintambwe mu Murenge wa Rweru ni aho se, Nsabimana Esdras atuye, akaba ndetse ari ho na Rucyahanintare yari atuye ku nkengero z’Ikiyaga cya Rweru.

Nsabimana Esdras avuga ko umuhungu we atigeze aba mu gisirikare ndetse atigeze abakorera imirimo iyo ari yo yese, yaba no batekera, ahubwo ko yari yarananiranye birirwa bamufunga kubera kwiba.

Nsabimana Esdras, umubyeyi wa Rucyahintare, avuga ko umuhungu we atigeze aba umusirikare.

Agira ati “Twamubuze ku itariki 6 Werurwe 2016 amaze kwiba ibishyimbo ibiro 60 mukase ahita ajya kubigurisha. Ubwo ni bwo tumuheruka kuva ubwo.”

Naho ku kibazo cy’uko yaba yaravukiye mu Burundi, na byo abo muryango we barabihaka bakavuga ko bazi i Burundi kuko nyirasenge ari ho aba ndetse bakaba baranahahungiye muri Jenoside yakorewe Abatutsi mu 1994.

Banintwari Syliveri, mukuru wa Rucyahintare Cyprien bahuje se ariko badahuje nyina, avuga ko nyina wa Rucyahintare yapfuye mu 1997 maze abana bose bajya kurererwa iwabo.

Ati “Yavutse mu 1994, Jenoside yabaye afite amezi atatu kuko twahungiye i Burundi atazi no kuvuga.

Sindikubwabo Syrivestre, Umuyobozi w’Umudugudu wa Migina, yerekana igitabo yandikamo abaturage. Iyo kayi igaragaramo na Rucyahintare.

Yagiye mu ishuri na ryo riramunanira kuko yagarukiye mu mwaka wa 5 w’amashuri abanza, ubundi atangira kujya akora ibikorwa byo kwiba abaturage agahungira i Kigali kwa mubyara wacu maze na ho akahiba akagaruka akiba iwacu na bwo agahungira i Burundi kwa masenge yakumva byaribagiranye akagaruka”.

Uyu mukuru we avuga ko yamuhaye icyumba kimwe cyo kubamo ariko gifite umuryango hanze kugira ngo atazabiba kuko yari umujura ruharwa mu mudugudu.

Iby’uko Rucyahintare Cyprien yari umujura yanabikurikiranyweho n’Urukiko rw’Ibanze rwa Nyamata nk’uko bigaragara kuri kopi y’urubanza yaburanishijwemo tariki ya 14/9/2015, Kigali Today nay o ifitiye kopi, aho yaburanishijwe ku cyaha cy’ubujura budakoreshejwe ibikangisho.

Sindikubwabo Syrivestre, Umuyobozi w’Umudugudu wa Migina mu Kagari ka Kintambwe akaba ari mubyara wa se, avuga ko uyu Rucyahintare yari yarigize igihararumbo mu mudugudu kuko mu bitabo by’umudugudu ariko yari yanditswe.

Yagize ati “Aherutse kwiba umugabo witwa Niyirema Vienney ahiba ibihumbi 150, tumushyikiriza Polisi na yo imugeza mu butabera ariko basanga icyo cyaha kigomba kujya mu bunzi ni bwo yemeye kwishyura ibyo yibye byose nyuma yo kugurisha umunani we”.

Akazu Rucyahintare yabagamo yahawe na mukuru we.

Uyu muyobozi avuga ko ibyo kuba yarabaye umusirikare bitigeze bibaho kuko atigeze abura mu mudugudu igihe cy’amezi abiri kuko yamaraga icyumweru nyuma yo kwiba ubundi akagaruka.

Mu gihe abaturage n’ubuyobozi bw’inzego z’ibanze bavuga ko Rucyahintare ari umuturage bazi neza kandi baturanye bagahamya ko atigeze aba umusirikare, Leta y’Uburundi, yo ivuga ko ari umusikare w’u Rwanda ubyiyemerera akavuga ko yakoreraga imirimo ye mu Kigo cya Gisirikare cya Gabiro.

Umuvugizi w’igisirikare cy’u Rwanda, Brig. Gen. Joseph Nzabamwita, na we aherutse gutangaza ko u Rwanda nta musirikare rufite witwa ayo mazina ndetse nta n’uwigeze uhaba.

Rucyahintare Cyprien yafatiwe mu Burundi ku wa gatandatu tariki 12Werurwe 2016, na n’ubu aracyafitwe n’inzego z’umutekano mu Burundi kuko zimushinja kunekera u Rwanda.

Hegitari zisaga ibihumbi bine ni zo zateganyijwe gukorerwamo umushinga w’ubworozi bw’inka zitanga inyama mu ishamba rya gisirikare rya Gako.

Bamwe mu borozi bari basanzwe baragira mu ishyamba rya gisirikare rya Gako.

Muri izo hegitari, izibarirwa muri 600 nikaba zahawe abaturage kugirango nabo babashe kuhororera.

Gusa, bamwe muri abo borozi baratangaza ko batazabasha kubona amafaranga ibihumbi 250 yakwa buri mworozi kugira ngo abashe kwifashishwa mu gutunganya urwo rwuri.

Muhinda James, umwe muri bo, agira ati “Twarabyishimiye ariko ntabwo umworozi azabona amafaranga ibihumbi 250 kandi atanaboga n’ibihumbi 20 yakwaga buri mworozi”.

Ikindi kandi abo baturage babwiwe ko urwo rwuri rugomba kujyamo inka za kijyambere mu gihe bo boroye iza gakondo.

Kayinamura Antoine, umwe muri abo barozi, agira ati “Twabwiwe ko nta nka ya gakondo igomba kwinjira muri uru rwuri, kandi twese dufite iza gakondo ndetse ntaho tugomba kuzigurisha kuko isoko ry’inka riba rimwe mu cyumweru ubwo rero tukaba dusaba ko baduha iminsi yo kwitegura”.

Sebukware Silas, Perezida w’agateganyo wa Koperative y’Aborozi baragiraga mu ishyamba rya Gako, arasaba aborozi gusobanukirwa n’uruhare rwabo muri uyu mushinga w’ubworozi bwa kijyambere.

Agira ati “Aborozi bose bagomba kubahiriza ibisabwa kugira ngo babashe kumva neza akamoro k’iki gikorwa”.

Ubuyobozi bw’agateganyo bw’iyo koperative buvuga ko hagiye gusuzumwa uburyo umugabane watangwa mu byiciro.

Aborozi basaga 400 ni bo bari basanzwe baragira mu buryo bunyuranye n’amategeko mu ishyamba rya gisirikare rya Gako aho rimwe na rimwe izafatwaga banyirazo bacibwaga amande y’ibihumbi 15 kuri buri nka.

Ukuriye komisiyo yo kurwanya Jenoside Dr Bizimana yabisabye urubyiruko rwibumbiye muri AERG/GAERG, mu karere ka Bugesera ku wa 04/02/2016, ubwo hatangizwaga icyumweru cyahariwe ibikorwa bya AERG/GAERG, umuryango w’abanyeshuri n’abahoze ari abanyeshuri barokotse Jenoside yakorewe Abatutsi mu 1994 mu Rwanda.

Dr. Bizimana ukuriye komisiyo yo kurwanya Jenoside

Yagize ati “ Mujye mwiga amateka ya Jenoside mutagamije kugira inzika ahubwo ari ukubatera imbaraga kugira ngo musoze ibyo abishwe basize badakoze kandi ababishe ubu bagira bakwishima babonye ibyo abarokotse babayeho nabi”.

Ibikorwa byahariwe icyumweru cya AERG na GAERG, byatangirijwe mu mirenge ya Ntarama na Nyamata, ahubatswe inzu imwe y’umukecuru w’incike ndetse hanasanwa andi mazu abiri y’Abarokotse.

Ngaboyamahina Anastase ni umusaza w’imyaka 58, ubana n’abana be arera wenyine, ari gusanirwa inzu muri iki gikorwa, aho bari kuyitera isima bakanamwubakira urugo rw’imiyenzi.

Basanira uwacitse ku icumu rya Jenoside inzu

Ati “ Nahuraga n’ibibazo byo kuvirwa n’inzu iyo imvura yagwaga, nahoraga mfite impunjyenge ko izagwaho n’abana banjye ariko kuri ubu nkaba nizeye ko bitazongera kubaho”.

Ibintu anahuje na Mukakayonde Donatilla, umukecuru w’imyaka 75 akaba ari incike, utari ufite aho aba kuko yari acumbikiwe n’umuturanyi.

“ Nahoraga mfite ikibazo cyo kubona aho mba ari iwanjye none ubu nzajya nishima kuko nzajya mbona abaza kunsura ndi iwanjye”.

Umuhuzabikorwa wa AERG ku rwego rw’igihugu Mirindi Jean de Dieu, avuga ko ibi bikorwa babikora bagira ngo bahumurize abarokotse Jenoside.

Bikoreye imishoro y’ibiti

Ati “ Tubikora tugira ngo kubereke ko batari bonyine kandi ko tubazirikana. Ikindi kandi nk’uko Jenoside yabaye turi abana tugomba kugaragaza ko twakuze natwe ko hari ibyo dushoboye cyagirira igihugu akamaro”.

Uretse kubaka no gusana amazu; barakora uturima tw’igikoni, gusukura inzibutso, gutunganya ibikorwaremezo bitandukanye, bakazatanga n’inka y’ineza kubagize uruhare mu kurokora Abatutsi muri Jenoside. Bikaba ari ibikorwa AERG na GAERG ivuga ko yateguriye ingengo y’imari y’amafaranga Milliyoni ijana na mirongo itanu.

Iyi gahunda izwi nka AERG/GAERG WEEK yatangirijwe ku rwego rw’Igihugu mu mirenge ya Nyamata na Ntarama mu Karere ka Bugesera, kuri uyu wa Gatanu, tariki 4 Werurwe 2016.

Urubyiruko rwibumbiye muri AERG na GAERG bari mu gikorwa cyo gusanira inzu umusaza warokotse jenoside utishoboye w’i Ntarama mu Karere ka Bugesera

Muri ibi bikorwa, itsinda rimwe ry’abanyamuryango ba AERG na GAERG bakoze umuganda wo kubaka inzu y’umukecuru w’incike ya jenoside wo mu Kagari ka Kayumba mu Murenge wa Nyamata.

Itsinda riri i Nyamata ryasubukuye inzu y’umukecuru w’incike yari imaze imyaka ibiri yarahagaze kubakwa; biyemeza kuyuzuza.

Irindi tsinda ryagiye mu Murenge wa Ntarama mu Kagari ka Cyugaro maze risanira inzu umusaza warokotse jenoside utishoboye, rimwubakira urugo ndetse rimukorera akarima k’igikoni.

Barimo gutera inzu igishahuro mbere y’uko bayitera igipande cya sima.

Bamwe mu bagize itsinda riri i Nyamata kandi bakoze isuku ku Rwibutso rwa Jenoside yakorewe Abatutsi rwa Nyamata.

Barahererekanya amatafari yo kubaka inzu y’umukecuru.

Muri gahunda ya AERG/GAERG WEEK 2016 izasozwa tariki 2 Mata 2016, biteganyijwe ko bazakomeza ibikorwa byo kubakira abarokotse jenoside batishoboye no kubakorera uturima tw’igikoni.

Harimo kandi gusukura inzibutso no gutanga “Inka y’Ineza” ku Banyarwanda bagize uruhare mu kurokora Abatutsi mu gihe cya jenoside.

Umukecuru Mukakayonde Donatille wubakirwa inzu, kugeza ubu acumbikiwe n’abaturanyi.

Batangiye gukora akarima k’igikoni.

Ibi yabitangaje kuri uyu wa 25/02/2016 ubwo yari mu kagari ka Kimaranzara mu murenge wa Rilima mu karere ka Bugesera, mu gikorwa cyo gutangiza igihembwe cya kabiri cy’ubuhinzi.

Aha yari yifatanyije n’abaturage atangiza igihembwe cy’ihinga

Yagize ati “ Ndizeza abahinzi ko mu mwaka utaha; ubuhinzi bw’imyumbati buzaba bwongeye gusubira ku murongo nk’uko bwari mbere; kuko harimo gushakwa imbuto nshya ihangana n’uburwayi”.

Avuga ko bazi neza ko imyumbati ifatiye runini abaturage ko ari yo mpamvu barimo gukorera hamwe kugirango haboneke imbuto nziza ibasha guhangana n’indwara.

Imyumbati ni igihingwa benshi mu baturage bo mu karere ka Bugesera, batangaza ko cyari kibafatiye runini mu buzima bwabo, ariko kuva mu mwaka wa 2014, icyo gihingwa cyahombeye abahinzi bitewe n’uburwayi bwa kabore bwagifashe.

Na nyuma y’aho imbuto bagiye bahabwa nshya zikaba zitarabashije guhangana n’ubwo burwayi, bagasaba gufashwa kubona imbuto nzima, kandi zigatuburirwa ahaberegereye.

Tony Nsanganira yizeza abahinzi ko imbuto y’imyubati igiye kuboneka

Nsengumuremyi Emmanuel ni umuturage wo mu kagari ka Kimaranzara mu murenge wa Rilima aragira ati “ Abantu bateye imyumbati ni bake kuko abagerageje kuyitera yahise isara bituma nta musaruro tubona”.

Songa Francois nawe agira ati “ Imyumbati yari idufatiye runini ariko kubera ko nta mbuto tubona nzima iyo tugerageze kuyihinga iraduhombera nkaba mbasaba ko badushakira imbuto nziza ihangana n’indwara ndetse bakanayitwegereza tukazajya tuyituburira mu midugudu no mu tugari”.

Mu mwaka wa 2014, mu karere ka Bugesera ni bwo Abahinzi bagaragaje ikibazo cy’uburwayi bw’imyumbati; uburwayi bwageze no mu ntara zitandukanye z’u Rwanda, aho n’inganda zitunganya imyumbati zari zaramaze kwiyongera; kuri ubu zigaragaza igihombo zatewe, nabwo kuri ubu zimwe zikaba zaranatangiye gutunganya ibindi bihingwa.

Yatangarije mu Karere ka Bugesera ubwo yatangizaga inama mpuzamahanga y’iminsi ibiri; ihuje impuguke zituruka mu bihugu bitanu n’Umuryango w’Abibumbye, zirimo gusesengura ibipimo bizagenderwaho mu gupima intego z’iterambere rirambye, SDGs(Sustainable Development Goals), mu ngingo yayo ya 16 irebana n’imiyoborere myiza.

Bamwe mu bayoboye ibiganiro uyu munsi.

Yavuze ko u Rwanda, nubwo rutaranduye burundu ubukene muri gahunda y’intego z’ikinyagihumbi MDGs, izi ntego z’iterambere rirambye (SDGs) zizarufasha kuburandura burundu.

Ati “Ntabwo twaburaduye uko twifuzaga kuko bwaragabanutse buva 60% bagera kuri 39% ubundi twifuzaga kugera kuri 30% . ariko kubera ibyakozwe turizera ko mu myaka 15 iri imbere tuzaba twaburanduye burundu”.

Iyi ni inama ya gatatu, igamije gusesengura ibipimo bizagenderwaho mu gushyira mu bikorwa intego z’iterambere rirambye SDGs, zizamara imyaka cumi n’itanu ziri mu cyerecyezo 2030 cy’Umuryango w’Abibumbye.

Ni intego zifite ingingo 17, iya 16 irebana n’imiyoborere, ari na yo irimo gusesengurirwa muri iyo nama.

Aba ni bamwe mu bitabiriye iyo nama.

Umuyobozi w’Ikigo cy’Igihugu cy’Imiyoborere mu Rwanda (RGB), Prof. Shyaka Anastase, atangaza ko hari ibipimo u Rwanda rutajyaga rupima, ariko kuri ubu bikaba bizinjizwa mu bipimo bizajya bipimwa.

Yatanze urugero ku gipimo cyo kwandika abana bakivuka bitagombye gutegereza ibyumweru bitatu cyangwa birenga kugira ngo uwo mwana abashe kwandikwa.

Uhagarariye Ishami ry’Umuryango w’Abibumbye ryita ku Iterambere mu Rwanda (UNDP), Stephen Rodrigues, avuga ko ibizava muri ubu busesenguzi bizashyikirizwa ibihugu byose, hanyuma bibishyire mu igenamigambi ryabyo.

Yagize ati “Tuzakorana n’ibihugu, bibishyire mu igenamigambi ryabyo ndetse no mu ngengo y’imari yabyo kuko izi ntego z’iterambere rirambye zizaziba icyuho, cyagaragaye mu ishyirwa mu bikorwa ry’intego z’ikinyagihumbi. Ibihugu bizarushaho gukorana n’imiryango mpuzamahanga; kugirango izi ntego zibashe gushyirwa mu bikorwa”.

Ubu busesenguzi bwatangiye m’ Ukuboza 2015 bukaba buzasozwa mu Werurwe 2016, Umuryango w’Abibumbye na wo ugahita ubushyishikiriza ibihugu bureba. Ibihugu bitanu biteraniye mu Rwanda muri ubwo busesenguzi harimo u Rwanda, Tunisie, Indonesie, Albanie n’u Bwongereza.

Umuturage mo Murenge wa Ngeruka muri ako karere utashatse ko amazina ye atangazwa, avuga ko bamwe mu bayobozi mu nzego z’ibanze babangamira urugamba rwo guca inzoga itemewe ya Kanyanga.

Rumwe mu nganda za Kanyanga mu Murenge wa Ngeruka.

Haratungwa agatoki bamwe mu bayobozi b’imidugudu, ab’utugari na ba mwe mu bayobora imirenge ngo bakaba bahabwa ruswa n’abenga Kanyanga bigatuma batayikoma mu nkokora ngo icike.

Uwo mmuturage agira ati “Njye nari mu bakozi b’ubafite uruganda rwenga Kanyanga, ariko wasangaga abenshi barabigize akazi gasanzwe kabinjiriza amafaranga.”

Avuga ko impamvu abenya Kanyanga badafatwa ari uko iyo habayeho umukwabu wo gusenya izo nganda no gufata ba nyira zo abayobozi bababwira noneho bagahisha ibyo bakoresha ndetse bakanatoroka, hanyuma Polisi yataha bakagaruka bagakomeza akazi kabo.

Uretse uyu muturage, n’abandi barabyemeza ndetse bagatanga n’ingero z’abafite inganda kandi batarafatwata na rimwe.

Abo baturage bavuga ko abenga Kanyanga hari umubare w’amafaranga begeranya bakayatanga nk’amaturo mu bayobozi.

Ngo buri mutetsi wa Kanyanga usanga atanga byibura amafaranga ibihumbi bitanu buri cyumweru, agahabwa ubahagarariye akaba ari we uyashyikiriza umunyamabanga nshingwabikorwa w’akagari cyangwa uw’umudugudu bityo mu gihe Polisi igiye gukora umukwabu, bakababurira ntibababone.

Abaturage mu gutanga ingero z’abenga Kanyanga hari aho kandi batunga agatoki bamwe mu bayobozi bavuga ko na bo bafite inganda zayo.

Sebarundi Ephrem, Umunyamabanga Nshingwabikorwa w’Umurenge wa Ngeruka, umwe mu mirenge itungwa agatoki cyane n’abaturage kuba indiri n’urwengero rwa Kanyanga, yemera ko koko ikibazo cya Kanyanga gihangayikishije uyu murenge, ariko akavuga ko ku bufatanye n’inzego z’umutekano bari gusenya inganda, ndetse bagafata na ba nyira zo.

Agira ati “Inganda 20 zimaze gusenywa ndetse n’abantu 30 barafashwe aho 15 muri bo bakatiwe bakaba bafungiwe muri geraza ya Rilima.”

Aha havumbuwe n’inzego z’umutekano ku bufatanye n’abaturage.

Avuga ko muri abo bafashwe harimo n’abayobozi b’imidugudu nk’uwa Kagasa n’uwa Murama kuko byagaragaye ko koko bakingiraga ikibaba abenga kanyanga.

Sebarundi kandi yongeraho ko nyuma yo kubona ko abayobozi b’imidugudu bakingira ikibaba abenga iyi nzoga, bafashe icyemezo cyo kujya bajya gukora imikwabu batabamenyesheje.

SP. Kayigi Emmanuel, Umuvugizi wa Polisi akaba n’Umugenzacyaha mu Ntara y’Iburasirazuba, avuga ko iyo abo bayobozi bafashwe bahanwa nk’abandi baturage bose bafatiwe mu kunywa cyangwa kwenga Kanyanga.

Agira ati “Nta muyobozi ukwiye kwitwaza icyo ari cyo, ngo abangamira urugamba rwo guca ibiyobyabwenge, bagomba kurya bari menge”.

Kayigi asaba abaturage ubufatanye mu guca ibiyobyabwenge nka Kanyanga, kuko ari bo bigiraho ingaruka, kandi ari bo igihugu cyubakiyeho.

Igitabo cy’amategeko ahana y’u Rwanda giteganya ko ufashwe anywa Kanyanga ahanishwa igifungo kuva ku mwaka umwe kugera kuri itatu n’ihazabu y’amafaranga kuva ku bihumbi 50 kugeza ku bihumbi 500.

Naho ufashwe ayicuruza cyangwa ayiteka ahabwa igifungo kuva ku myaka 3 kugeza kuri 5 n’ihazabu yo kuva ku bihumbi 500 kugeza kuri miliyoni5, ari na cyo gihano gihabwa uwagize ubufatanyacyaha mu gucukuruza cyangwa guteka Kanyanga.

Mukantwali Judith, umwe mu baturage babaruriwe akaba ategereje kwishyurwa avuga ko hashize amezi atandatu bategreje kwishyurwa bikaba bitarimo gukorwa.

Aba baribega kuri lisite ngo bamenye impamvu amafaranga atagera ku ma konti yabo.

Agira “ Batubaririye imitungo yacu mu kwezi kwa gatandatu umwaka ushize maze batubwira ko bazaduha ingurane z’imitungo yacu mu minsi mike, bamwe barayabonye mu cyiciro cya mbere ariko kugeza ubu twe ntiturayabona”.

Naho uwitwa Mugiraneza Jean Baptiste, we avuga ko babwiwe kenshi ko amafaranga yasohotse, ariko bajya kureba kuri konti ntibayabone.

Ngo m’ Ugushyingo 2015 babwiye ko amafaranga yaje agiye kureba kuri banki, bambwira ko ataragera kuri konti.

Uyu muturage ufitiwe abarirwa muri miliyoni ebyiri agira ati “Nta kuntu meze kuko inzu yanjye barayisenye kandi nta mafaranga mfite yo gukodesha nkaba nsaba ko bayampa kuko yamfasha mu bibazo ndimo”.

Inyandiko aba baturage bafite igaragaza ko amafaranga yo kubishyura , icyiciro cya mbere yageze muri BNR tariki ya 26 Ugushyingo 2015, bamwe barayabona abandi bakaba batarayabona.

Mpingane Jean Baptiste ni umukozi ishinzwe iterambere ry’ubwikorezi muri RTDA, by’umwihariko akaba ashinzwe umushinga w’ikorwa ry’umuhanda ujya ku kibuga cy’indege mu Bugesera, agira ati “Aba baturage turabizeza ko bitarenze ibyumweru bibiri bazaba babonye amafaranga yabo kuko yarasohotse ariko akaba atagera ku ma konti yabo”.

Umushinga w’ikorwa ry’umuhanda ujya ku kibuga mpuzamahanga cy’indege mu Bugesera ureshya n’ibirometero 17, uzishyura indishyi abaturage zibarirwa muri miliyoni 50 z’amafaranga y’u Rwanda.

Abatuye Umurenge Nyarugenge bavuga ko nyuma yo kubona akamaro k’ibigori, bamwe bibumbiye muri “Koperative Tube Umwe Bahinzi”, bahuza ubutaka kuri hegitari 50 kandi ngo byabahaye umusaruro w’ibigori ubasha kubatunga no kubateza imbere.

Ibi ni ibigori bihinze bitegura gusarura.

Perezida w’iyi koperative, Habinshuti Frederic, avuga ko ari ku nshuro ya gatatu iyi koperative igiye gusarura ibigori kandi ko bigenda bitanga umusaruro kurushaho.

Agira ati “Aha hantu ntabwo hari hasanzwe hahingwa ibigori. Hahingwaga mu kajagari hahingwa ibijumba n’amasaka, waza ukabona n’umwanda. Tuza kugira ubuyobozi buratwegera, butugira inama; butubwira ko tugomba guhuza ubutaka tukahahinga igihingwa kimwe twihitiyemo.”

Icyo gihe ngo bahisemo kuhahinga ibigori nyuma y’uko bari bamaze kubona imyumbati yibasirwa n’indwara muri aka gace k’u Bugesera.

Ntahomvura Agustin na we agira ati “Ubu ibintu birahinduka. Igihingwa kimwe kigize ikibazo utarateganyije ikigisimbura, wagira igihombo. Imyumbati yaje kurumba, mbona ko ubuzima buhagaze. Ku bw’amahirwe, twishyize hamwe duhinga ibigori, tugura amafumbire y’imborera batuzanira n’imvaruganda, ubu ibigori ni byiza kandi nta mpinduka biragira.”

Ntahomvura yongeraho ko byera vuba bikabasha kuramira umuturage ku gihe. Agira ati “Niba imyumbati yaramaraga imyaka ibiri kugira ngo itange umusaruro, ku bigori ho, mu mezi ane uba usubije ikibazo.”

Abaturage bamaze kumenyera kurya ibigori na bo bishimira iki gihingwa bakavuga ko cyatumye batagira ikibazo ubwo imyumbati yari ibatunze ku bwinshi yarumbaga.

Umukecuru Ntirivamunda Vanesa w’imyaka 62 y’amavuko, utuye mu Murenge wa Nyarugenge mu Bugesera, avuga ko ku myaka 50 ari bwo yatangiye kurya akawunga (umutsima w’ibigori) akaba yaragasimbuje umutsima w’imyumbati (ubugari) yari yaramenyereye kandi kakaba kamugwa neza.

Akarere ka Bugesera ni kamwe mu turere twahingwagamo imyumbati, ariko hashize igihe iki gihingwa cyaradutsemo n’uburwayi, abahinzi bakahahombera. Bamwe bazibukiriye kongera kugihinga.

Umuyobozi w’Akarere ka Bugesera w’Agateganyo, Hakizimana Elie, avuga ko ibaruwa y’ubwegure bwa Muyengeza yabagezeho mu cyumweru gishize.

Yagize ati “Ibaruwa y’ubwegure twayibonye tariki ya 29/1/2016 agaragaza ko yeguye ku mpamvu ze bwite, natwe tukaba twarakiriye ubwegure bwe”.

Gusa, Muyengeza Jean de Dieu hamwe n’ushinzwe VUP bari baherutse gutwabwa muri yombi bakekwaho kunyereza amafaranga asaga miliyoni eshanu ubwo yayoboraga Umurenge wa Kamabuye muri 2014.

Nyuma yo kugezwa imbere y’Urukiko rw’Ibanze rwa Ruhuha rukaba rwaramurekuye kuko ngo nta kigaragara ko yanyereje ayo mafaranga.

Muyengeza Jean de Dieu yari amaze imyaka isaga ibiri ayobora Umurenge wa Gashora .

Polisi y’Igihugu mu Karere ka Bugesera itangaza ko yataye muri yombi uyu mucuruzi nyuma yo kwakira ibirego by’abantu batanu bamurega ko yabagurishije moto ariko ntabahe ibyangombwa byuzuye.

Yagurishije abaturage moto ntiyabafasha kubona ibyangombwa nk’uko amabwiriza ya RRA abiteganya.

Ntakirutimana Callixte, umwe mu batanze ikirego, avuga ko yaguze moto tariki 26 Nyakanga 2015 ayiguze ibihumbi 910 maze abwirwa ko azahabwa plaque zayo mu gihe gito.

Yagize ati “Kugeza n’ubu sindabona ibyangombwa byayo, ubu iraparitse kuko sinayigendaho kandi irimo kumpombera kuko nayiguze amafaranga natse muri banki.”

Si uwo gusa kuko n’uwitwa Vuguziga Emmanuel yaguze moto umwaka ushize kuri Musemakweri ariko kugeza ubu ntarabona ibyangombwa. Na we ntiyayigendaho kandi idafite ibyangombwa byayo.

Itegeko ry’Ikigo cy’Igihugu gishinzwe Imisoro n’Amahoro (RRA) ku bijyanye na moto, rivuga ko uguze moto agomba gufashwa na nyir’iduka kubona ibyangombwa.

Musemakweri yemera ko amafaranga y’abaturage yayakiriye, akavuga ko ibyangombwa byagombaga gushakwa n’uwo yacururizaga izo moto ari we Rwabuneza Theoneste uhagarariye Abahinde bacuruza moto za Bajaj mu Ntara y’Iburasirazuba, kandi ko n’amafaranga yazo yayamushyikirije.

Rwabuneza we akaba atemera ko Musemakweri yamuhaye amafaranga y’abaguze moto yose ahubwo ngo yamuhaye igice cyayo amubwira ko abaguze moto bazabona ibyangombwa byazo ari uko bamaze kwishyura ikiguzi cyose.

Musemakweri avuga ko aya mafaranga yagiye ayishyura mu byiciro kuri banki ndetse akaba abifitiye impapuro za banki.

Polisi ivuga ko igiye gukomeza iperereza ricukumbuye kugira ngo hamenyekane ukuri.

Kuri ubu, abacuruza moto ni bo bajya gusabira umuturage ibyangombwa bitangwa n’Ikigo cy’Igihugu gishinzwe Imisoro n’Amahoro (RRA). Ibi ngo bikorwa mu rwego rwo korohereza umuturage, bitewe n’uko abagura moto baba ari benshi.

Sebushishi Jonathan ni umwe mu baturage bo mu murenge wa Shyara, uri rwagati mu gishanga cya Migina kiri hagati y’Umurenge wa Shyara n’uwa Musenyi.

Imashini zawukoraga zarahagaze

Avuga ko ku mpande zombi (Shyara na Musenyi) hakozwe umuhanda mu mwaka wa 2011 wagombaga kujya uhuza iyi mirenge. Nyamara ariko imusozi ngo harakozwe neza, bigeze mu gishanga birananirana, dore ko ibyo bahatindishaga byahitaga birigita.

Agira ati “Abaturage tukaba dusaba Ubuyobozi bw’Akarere kureba uko tubigenza uyu muhanda urangire gukorwa. Nk’ubu iyo nshaka kujya i Kigali mfite umuzigo munini birangora nkajya Ruhuha cyangwa i Nyamata kandi nakagombye guhita ngenda bitanduhije”.

Mukarutabana Priscilla avuga ko beza imyaka bakabura ababagurira kubera ko kuba badafite umuhanda bituma baba mu bwigunge.

Ati “Nk’iyo umuguzi aramutse aje aha araduhenda kuko atubwira ko kubyambutsa bimuhenda hanyuma tugapfa kwemera amafaranga aduha”.

Ubuyobozi bw’Akarere ka Bugesera, buvuga ko hagati mu gishanga harenze Ubushobozi bw’Akarere kubera imiterere yaho, dore ko ba rwiyemezamirimo babiri bose basheshe amasezerano, ari na yo mpamvu kuri ubu bwamaze kwitabaza Minisiteri y’Ibikorwa Remezo binyuze mu kigo cyayo gishinzwe iterambere ry’ubwikorezi RTDA.

Umuyobozi w’agateganyo mu ishami ryo kubungabunga imihanda mu kigo cy’igihugu gishinzwe iterambere ry’ubwikorezi, RTDA, Murengerantwari Adolphe, atangaza ko inyigo y’aho hantu iri gukorwa.

Ati “Ndizeza abaturage ko hazakorwa mu mwaka w’ingengo y’imari wa 2016-2017 nibabe bihanganye kuko birasaba ubwitonzi”.

Byari biteganyijwe ko uyu muhanda wagombaga kuzura burundu mu ntangiriro z’umwaka wa 2014.

Kuri ubu, hari umuturage wafashe icyemezo cyo gutindisha ibiti n’ibyatsi akayira gafasha abaturage gutambuka, aho umuturage yishyura amafaranga ijana ariko yiyongera bitewe n’imitwaro afite. Ni akayira ariko igare ritanyuramo ritwaye abagenzi kubera ko n’ubundi gatigita kandi hari n’aho uba uhurira n’amazi.

Yabivuze kuri uyu wa 30 Mutarama 2016 mu muganda usoza ukwezi yakoranye n’abaturage bo mu Kagari ka Kanzenze mu Murenge wa Ntarama ho mu Karere ka Bugesera.

Minisitiri w’Intebe Anastase Murekezi atema ibihuru.

Uyu muganda ukaba wabaye n’umwanya wo gutangiza ubukangurambaga ku isuku no kurwanya Malariya, buzamara umwaka.

Minisitiri Anastase Murekezi yagarutse ku burangare bw’abaturage aho bagabanyije umurego mu kwirinda Malariya, bataryama mu nzitiramibu kandi ntibivurize ku gihe ndetse hakana n’abagira isuku nke ariko anavuga ko na bamwe mu bayobozi babigizemo uruhare.

Yagize ati “Ndanatunga agatoki inzego z’ubuyobozi zatumije inzitiramibu zidafite ubushobozi bwo guhangana n’imibu itera malariya, ibi bikaba byaratumye u Rwanda ruza mu bihugu bifite malariya nyinshi dore ko mu myaka ibiri yonyine umubare w’abarwaye wikubye inshuro enye, kuri ubu hakaba habarurwa abantu miliyoni ebyiri bayirwaye”.

Minisitiri w’Intebe, Anastase Murekezi n’abo bari kumwe mu muganda banakoze uturima tw’igikoni ngo barwanye imirire mibi.

Minisitiri Murekezi kandi yasabye buri muturage ko mu gihe yiyumviseho ibimenyetso bya Malariya, agomba kwihutira kujya kwa muganga.

Yabijeje ko Leta y’u Rwanda igiye gukora ibishoboka byose, amavuriro n’amafarumasi yose akajya ahorana imiti ya Malariya ifite ubushobozi bwo kuvura iyi ndwara neza.

Akarere ka Bugesera kaza mu turere icumi twa mbere twibasiwe n’indwara ya Malariya mu Rwanda, by’umwihariko Intara y’Iburasirazuba ikaba ari yo iza imbere mu kugira iyo ndwara.

Iyi ni yo mpamvu gahunda y’ubukangurambaga ku isuku no kurwanya malariya ari ho yatangirijwe.

Abaturage bo ariko bavuga ko ntacyo baba batakoze ngo birinde. Nkwibonere Petronile wo mu Mukagari ka Kanzenze mu Murenge wa Ntarama, ati “ Yewe ntabyo tudakora kuko dutema ibihuru, turara mu nzitiramibu ariko ntituzi impamvu irimo kwiyongera”.

Banasuye umukecuru wo mu Mudugudu witiriwe Mendela muri ako gace bakoreragamo umuganda.

Leta y’u Rwanda yihaye intego y’uko bitarenze Nyakanga 2016, izaba yamaze kuzana inzitiramibu zifite ubushobozi bwo guhangana n’imibu itera malariya, kandi ko bitarenze Mata 2015 uturere icumi twa mbere twibasiwe na Malariya tuzaba twamaze guterwamo imiti iyirwanya.

Mu mpera z’Ukwakira 2015, ni bwo Sosiyete y’Abashinwa yayobeje amazi y’uruzi rw’Akanyaru mu rwego rwo gukora ikiraro cya Rwabusoro gihuza Akarere ka Bugesera n’aka Nyanza, maze bituma amazi yiroha mu gishanga yangiza imyaka y’abaturage.

Amazi yarengeye imirima y’umuceri

Bimenyimana Dieudonne, umwe mu baturage bangirijwe imyaka, avuga ko yangirijwe imyaka irimo ibishyimbo, soya ndetse n’umuceri ariko akaba nta kintu na kimwe yahawe cy’indishyi.

Nyirakagorama Damarise agira ati “Ubu mfite abana bagomba kujya ku ishuri, ariko nta kintu na kimwe mfite. Ubu ndibaza icyo nakora cyanyobeye kandi nari kugobokwa n’iyi myaka none amazi yarayitwaye.”

Uretse abaturage ku giti cyabo, ayo mazi yangije umuceri wa Koperative Urumuri Nyarugenge ku buryo ngo yabateje igihombo kingana na miliyoni 60 z’amafaranga y’u Rwanda, nk’uko bivugwa n’umunyamabanga w’iyo koperative, Habineza Emmanuel.

Habineza agira ati “Twari dufitemo umuceri uhinze kuri hegitari 120 ukaba wari ugeze hagati ugiye kurindwa utarera neza, amazi aba arawujyanye, tukaba twarateganyaga gusaruramo asaga miliyoni 60 ariko ubu nta kintu na kimwe twabonye.”

Abaturage bavuga ko bagejeje ikibazo cyabo ku nzego zinyuranye kuva mu kwezi k’Ugushyingo 2015. Umurenge wa Nyarugenge ukaba ufite urutonde rw’abangirijwe imyaka basaga 100, utabariyemo abo muri koperative Urumuri 923.

Amazi yishakiye inzira acamo

Umuyobozi w’Akarere ka Bugesera, Rwagaju Louis, avuga ko ikibazo ari bwo kikigera ku karere.

Ati “Abaturage baratwandikiye batubwira ko ibyo bumvikanye na sosiyete y’Abashinwa ikora icyo kiraro itabyubahirije na twe tukaba tugiye gufatanya n’ikigo RTDA maze turebe uburyo cyakemuka.”

Uretse kwishyurwa imyaka yangiritse, abaturage barifuza ko ibikorwa byo kubaka ikiraro cya Rwabusoro byakwihutishwa, maze amazi agasubira mu nzira yayo, bityo bakongera bagahinga mu gishanga kuko kudahingamo birimo kubateza ubukene.

Babikoze nyuma y’uko itsinda ry’abadepite ryari rimaze iminsi umunani risura abaturage mu mirenge itandukanye y’Akarere ka Karere ka Bugesera bagasanga aho hakiri imirire mibi n’isuku nke mu mirenge yose ikagize.

Abadepite baje mu Bugesera

Batunze agatoki abayobozi bo mu nzego z’ibanze kugenda biguru ntege kuri iki kibazo.

Bageze ku kibazo cy’imirire mibi wabonaga byafashe indi ntera nubwo nta mubare ufatika bagaragaza w’abo bagisaganye.

Igiteye inkeke kurushaho ariko ni uko imibare igaragazwa n’inzego z’ubuyobozi iba itandukanye n’itangwa n’ibigo nderabuzima.

Hon Depite Nyirahirwa Veneranda yatanze urugero rw’Ikigo Nderabuzima cya Nzangwa mu Murenge wa Rweru aho inzego z’ibanze zivuga ko abana 12 bari mu muhondo naho 20 bari mu mutuku.

Mu gihe inzego z’ibanze zitanga imibare imeze ityo, bageze ku kigo nderabuzima, cyabagaragarije ko hari 80 bari mu muhondo na 75 bari mu mutuku. Hon Nyirahirwa Veneranda akagira ati "Ubuyobozi bukaba bwarajenjekeye iki kibazo”.

Uku gushinjwa uburangare mu kibazo cy’imirire mibi, byanatumye abayobozi mu nzego z’ibanze bakorana inama, maze basaba imbabazi ku burangare bagize, banavuga ko bagiye gushyiramo imbaraga.

Bankundiye Chantal, Umunyamabanga Nshingwabikorwa w’Akagari ka Kayumba mu Murenge wa Nyamata, yagize ati “Ni byo twagize intege nke mu gukurikirana abaturage, ariko tugiye kubishyiramo imbaraga ku buryo tugiye gukurikirana urugo ku rugo tureba uko icyo kibazo gihagaze”.

Umuyobozi w’Akarere ka Bugesera, Rwagaju Louis, we avuga ko akenshi ikibazo cy’imirire mibi giterwa n’amakimbirane, ugasanga abayobozi bahugira mu kuyakemura bakibagirwa gukora urutonde rw’abafite imirire mibi.

Imibare itangwa n’Ubuyobozi bw’Akarere ka Bugesera, igaragaza ko 1,1% by’abana bari munsi y’imyaka itanu bangana 467 bafite ikibazo cy’imirire mibi ndetse bakaba bagaragarwaho n’ingaruka zabyo.

Cyakora, ukurikije urugero rw’aho abadepite bageze bishoboka ko iyi mibare yaba iri munsi y’imibare nyakuri y’abafite iki kibazo.

Impamvu ikibazo ikibazo cy’imirire mibi ariko ntivugwaho rumwe n’abayobozi mu nzego z’ibanze ndetse n’ababyeyi.

Gusa, abayobozi mu nzego z’ibanze bemera ko gufatanyiriza hamwe mu kugishakira umuti bizatanga umusaruro.

Kuwa gatandatu tariki 23 Mutarama 2016, ubwo iri shuri ryiswe Worldwide E-Learning Campus ryafungurwaga ku gugaragaro, Dr. Rusagara Innocent, umuyobozi waryo yavuze ko barishinze bashaka gufasha abanyabugesera n’Abanyarwanda muri rusange.

Mu mezi ane iri shuri rimaze ritangiye, umubare w’abaneshuri barigana umaze kwikuba kabiri.

Yagize ati “Twamaze gutegura neza umushinga wacu, tugaragaza umushinga tuwugeza muri WDA muri gahunda yawo Skills Development Fund maze babasha kutwemerera miliyoni 26Frw azatangwa mubyiciro bitatu, ubu bakaba baramaze kuduha igice cya mbere twaguzemo ibikoresho.”

Iri shuri rikaba ryaratangiye gutanga amasomo tariki 19 Ukwakira 2015 kandi rifite icyemezo mpuzamahanga rikemerera gukorera mu Rwanda, nk’uko Dr. Rusagara yakomeje abitangaza.

Ati “Twashinze iri shuri tugamije guteza imbere abanyarwanda kugirango babone impamyabumenyi zifite impande zombi, haba ku rwego rw’umurimo ndetse n’uburezi. Ibi bakaba babyita DEO award.”

Inyubako iri shuri rikoreramo mu Karere ka Bugesera.

Uwizeye Diedonne yarangije muri kaminuza y’ubuvuzi ya KHI mu ishami ry’ubugorarangingo aho asanzwe yikorera, ni umwe mu banyeshuri ba Worldwide E-Learning Campus, avuga ko yaje kuhiga kuko yasanze ikoranabuhanga ntaho ridakora kandi bituma abasha gukora akazi ke neza.

Ati “Hano naje kuhiga icyo bita Client relationship Mamanagement (CRM) imfasha kumenya abakiriya bankeneye najye nkabaha amakuru batiriwe bangana nkoresheje telephone zigendanwa zabo ndetse nkanakoresha za mudashombwa aho babona ubutumwa.”

Gahunda uyu munyeshuri ni uko azava muri iri shuri amaze guzakora program ya mudasobwa izafasha abanyarwanda kubaha ubuvuzi bww’ibanze igihe barwaye batiriwe bajya kwa muganga.

Livingstone Byandaga uyobora umushinga SDF ukorera muri WDA, yavuze ko bateye inkunga iri shuri kuko babonye ko ariryo rya mbere rije mu Rwanda rifite aya mashami.

Ati “Twateye inkunga iri shuri kuko twabonye ko rizafasha abantu benshi kwihangira umurimo kandi ibyo bigisha birakenewe ku isoko ry’umurimo.”

Iri shuri ryatangiranye abanyeshuri 27 ariko kuri ubu rifite abasaga 60.

Uyu mugore wari utuye mu mudugudu wa Rutobotobo mu kagari ka Murama mu murenge wa Nyamata .

Ahatukura niho habereye ubwicanyi

Bamwe mu baturage bo mu midugudu ya Rutobotobo na Kamatana mu kagari ka Murama, baratunga agatoki umusaza witwa Kamegeri Appolinaire gutera ivi Nyirangwera Scovia ku cyumweru gishize ubwo bari mu kabari, byanamuviriyemo urupfu kuri uyu wa kane, aho banatunga agatoki ubuyobozi bw’Umudugudu kugenda biguru ntege muri iki kibazo.

Ku ruhande rw’abari bari muri aka kabari, ntibemeranya n’ibyo aba baturage bandi bavuga; kuko bavuga ko ahubwo uyu mugore ari we wahobereye Kamegeri mu rubavu bityo rero bakavuga ko arengana, Kaberamanzi Emmanuel ni nyirakabari bari barimo.

Agira ati “Umugore yaje ahobera umusaza ngo ashaka kumurongora, undi aramuhunga ariko ntabwo yigeze amukubita ivi kuko twararebaga”.

Ibi kandi biranemezwa na Gasuhuke Hamisi umwe mu basangiraga n’abo basaza.

Ati “ Ntabwo yigeze amukubita ivi namba ibyo ni byo abantu kuko batari bahari”.
Umuyobozi w’Umudugudu wa Rutobotobo, Bakobwa Xaveline avuga ko amakuru y’uburwayi bwa Scovia yayamenyesheje Polisi ku wa mbere w’iki cyumweru.

Ati“ gusa icyo gihe hari bamwe mu bo mu muryango wa Scovia bavugaga ko byatewe n’inzoga, abandi bagatunga agatoki KAMEGERI kumutera ivi, narimo kumukorera ibyangombwa by’uko atishoboye ngo afashwe kuvuzwa nyuma ntungurwa no kumva ku wa kane yapfiriye mubitaro bya CHUK, ari na bwo Polisi yahitaga itwara Kamegeri imuta muri yombi bikuraho ibivugwa n’abaturage ko ubuyobozi bwabigizemo uburangare”.

Hagati aho polisi y’igihugu ikorera mu karere ka Bugesera, ivuga ko ikiri gukora iperereza kuri uru rupfu, aho hategerejwe isuzumwa ryo kwa muganga ngo hamenyekane neza icyamwishe

Ku ikubitiro ba CNLG basuye Urwibutso rwa Jenoside rwa Ntarama rushyinguwemo imibiri y’abazize Jenoside isaga ibihumbi bitanu, bareba uko imibiri ihashyinguwe ibitswe n’aho inyubako zigezweho zizimurirwamo imibiri zigeze zubakwa.

Abakozi ba CNLG basura Urwibutso rwa Jenoside rwa Nyamata.

Bakomereje ku Rwibutso rwa Jenoside rwa Nyamata, maze Ndahirwa Jean Louis ushinzwe amategeko muri CNLG, avuga ko iyo gahunda yari igamije ko abakozi bose b’iyi komisiyo bagira imyumvire imwe ku mateka ya Jenoside yakorewe Abatutsi, kugira ngo barushaho kunoza akazi kabo.

Yagize ati “Aabakozi bacu nibaramuka bagize imyumvire imwe ku mateka ya Jenoside yakorewe Abatutsi bizadufasha kurangiza inshingano zacu kuko abenshi bari bafite imyumvire ya buri karere”.

Abakozi ba CNLG basuye izi nzibutso, ntibatandukanya n’ibyo uyu muyobozi avuga, kuko ingendo nk’izi barimo bemeza ko zirimo kubafasha kumenya byinshi batari bazi kandi bizabafasha mu kazi kabo, nk’uko Liberata Gahongayire ushinzwe ubushakashatsi muri CNLG abivuga.

Agira ati “Nkanjye w’umushakashatsi nsanze hari ibindi nshobora gukoraho ubushakashatsi harimo nk’ibikoresho bakoreshakaga bityo bigatuma hamenyekana ubuzima babagaho”.

Ndahirwa Jean Louis ushinzwe amategeko muri CNLG avuga ko izo ngendo ari izo gufasha abakozi yabo kugira imyumvire imwe ku mateka ya Jenoside yakorewe Abatutsi.

Mugenzi we Gasasira Gaspard, we avuga ko gusura inzibutso nk’uku bituma bamenya izishaje n’ibyo zikeneye maze bigatuma bahakorera ubuvugizi kugira ngo ibibazo bihari bibashe gukemuka.

Uru rugendo rwo gusura inzibutso, ni urugendo rwakorewe no mu zindi nzibutso kandi rugikomeza, aho banareba uburyo inzibutso zifashwe bityo bagafata ingamba zo kuzivugurura, aho nk’urwibutso rwa Ntarama ruri ahari Kiliziya ya Centrale ya Ntarama, CNLG ivuga ko mu kwezi gutaha inyubako nshya zijyanye n’igihe zizaba zuzuye bityo zikimurirwamo imibiri.

Abaturage bagera kuri 99% bari batuye ahazubakwa ikibuga cy’indege cya Bugesera bamaze guhabwa ingurane z’imitungo yabo, gusa hari abandi batari bayibona.

Bambwe mu bari bafite imitungo ahazubakwa Ikibuga Mpuzamahanga cy’Indege cya Bugesera ntibarishyurwa.

Mu miryango isaga ibihumbi bibiri yabaruwe mu Murenge wa Rilima ahazubakwa ikibuga mpuzamahanga cy’indege ababarirwa muri 83 ngo ntibarahabwa ingurane z’ibyabo.

Umunyamabanga Nshingwabikorwa w’Umurenge wa Rilima, Gasirabo Gaspard, avuga ko imitungo itarishyurwa igaragaza ibibazo ahanini bishingiye ku kibazo by’iminani hatagaragara neza nyir’ubutaka.

Yagize ati “Nka 80% by’abatarishyurwa usanga batagaragaza neza icyangombwa cya burundu ndetse ntibanagaragaze imiterere y’ubutaka kuko bugaragara nk’ububarirwa mu bundi butaka”.

Gasirabo Gaspard akaba yizeza ubuvugizi kugira ngo abasigaye batarishyurwa imitungo yabo na bo bishyurwe, kandi ko bazakomeza kubafasha gukosora amakosa yakozwe kugira ngo imitungo yabo ibandikweho maze babone ingurane zayo.

Kobukeye Frank, umukozi mu Kigo cy’Igihugu gishinzwe Imiturire ushinzwe by’umwihariko gukurikirana ibikorwa byo kwimura abaturage b’ahazubakwa Ikibuga Mpuzamahanga cy’Indege cya Bugesera, avuga ko ikibazo cy’imiryango itarishyurwa kirimo gukurikiranirwa hafi ku buryo na bo bazishyurwa vuba.

Miliyari 12 na miliyoni 300 z’amafaranga y’u Rwanda ni zo zagenwe nk’indishyi z’ahazubakwa icyo kibuga, indishyi zikaba zaratangiye gutangwa muri Kamena 2015.

Bamwe mu bafashwa na FARG bo mu Murenge wa Nyamata mu Karere ka Bugesera bavuga ko baherukaga guhabwa amafaranga y’inkunga y’ingoboka muri Mata 2015.

Ruberangeyo Theophile, umuyobozi wa FARG, na yemeje ko amafaranga akiri muri MINICOFIN.

Ubuyobozi bw’umurenge n’ubw’akarere bwari bwarababwiye ko buzabaha amafaranga ibihumbi 70 mu mpera z’umwaka, batungurwa no gusanga bahawe 22,500FRW gusa. Kuri ubu, barasaba ubuyobozi kubaha amafaranga yasigaye.

Umwe muri bo utashatse ko amazina ye atangazwa, yagize ati “Ni bo babitwibwiriye ko bazaduha amafaranga y’ibihembwe bitatu ariko twatunguwe no guhabwa ibihumbi 22 na 500 kandi twabuze aho tubariza”.

Umukozi ushinzwe Imibereho Myiza y’Abaturage mu Murenge wa Nyamata, Karera Jean Paul, avuga ko icyo kibazo cyatewe n’uko amafaranga FARG yaboherereje ari make.

Yagize ati “Ntitwabashije gutanga amafaranga y’ibihembwe byose kuko FARG yatwoherereje amafaranga make kandi iki kibazo twakigejeje ku buyobozi bw’akarere, dutegereje igisubizo bazaduha”.

Gakwerere John, ushinzwe Imibereho Myiza y’Abaturage mu Karere ka Bugesera, na we yemeza ko iki kibazo cyatewe no kuba FARG yarohereje amafaranga make akavuga ko FARG yari ikinoza urutonde rushya rw’abagomba kujya bahabwa iyi nkunga.

Ati “Gusa twandikiye FARG ku rwego rw’igihugu, badusubiza ko ubu amafaranga yabo ari muri Minisiteri y’Imari n’Igenamigambi, nkaba mbizeza ko mu gihe cyose azatugereraho tuzayaha yose, kuko twabahaye ay’igihembwe cya mbere cya 2015-2016”.

Iki ni ikibazo kiri mu Karere ka Bugesera kose. Ubusanzwe ababarirwa muri 999 ni bo FARG iha inkunga y’ingoboka. 48 muri abo bagahabwa inkunga yihariye, aho bagenerwa ibihumbi 7500 buri kwezi.

Ruberangeyo Theophile, Umuyobozi wa FARG ku rwego rw’igihugu, na we yemeje ko amafaranga FARG yayohereje muri MINICOFIN akaba ari yo akiri. Yirinze kuvuga igihe bazayobonera kuko bo nka FARG barangije akazi kabo kandi ngo nta kindi bakongeraho.

Aba bagabo ari bo Manirakiza Betty, Mukandayisenga Florence, Nizeyimana Jean Claude na Iyarwema Aimable nibo bacyekwaho ubu bujura bakoresheje ubu buryo bwo guhererekanya amafaranga hifashishijwe telefoni zigendanwa.

Uburyo bwa Mobile money bwakoreshajwe mu kwiba mu karere ka Bugesera.

Hibwe kandi n’abatanga serivise za Mobile Money amafaranga angana n’ibihumbi 637Frw, bituma amafaranga yibwe yose hamwe angana na 1,737,000Frw.

Hagumimana Theogene akorera muri senteri ya Mayange avuga ko tariki 5 Ukuboza 2015 yibwe ibihumbi 120Frw, ayibwe n’uwari uje kubitsa amafaranga.

Agira ati “Haje umuntu aje kubitsa amafaranga 1100 muhaye telefone ngo yandikemo numero ayimarana umunota wose, nyuma nibwo nayimwatse mpita mbona ubutumwa bugufi bugaragazako yohereje amafaranga ibihumbi ijana na makumyabiri kandi ntigeze nyohereza, ni ko guhita ntabaza uwo muntu ahita afatwa.”

Uwimana Marie Rose nawe ukorera mu mujyi wa Nyamata avuga ko uwo munsi nawe umuntu yamwegereye ashaka ko amubikira 500Frw, amuhaye telephone ngo yiyandikiremo umubare w’ibanga ahita yiyoherereza ibihumbi 72Frw aramucika.

Aba bacuruzi ni bamwe mu bandi umunani bagiye bibwa mu buryo bumwe, aho babaga bahaye telefone umukiriya ngo yiyandikire numero, birinda ko bazandika nabi bikabateranya n’umukiriya.

Polisi y’igihugu ikorera mu karere ka Bugesera itangaza ko aba bantu ibakurikiranyeho icyaha cy’ubujura bukoresheje mudasobwa n’ibindi byaha bisa na byo, gihanwa n’ingingo ya 307 yo mu gitabo cy’amategeko y’u Rwanda ahana ibyaha.

Nibaramuka bahamwe n’iki cyaha, bazahanishwa igifungo cyo kuva ku myaka ibiri kugeza kuri itanu n’ihazabu y’amafaranga y’u Rwanda kuva ku bihumbi 500 kugeza kuri miliyoni.

Yabibasabye kuri uyu wa 09 Mutarama 2015, ubwo hatangizwaga ihuriro ry’urubyiruko rw’abayobozi b’ejo hazaza, ryabereye mu karere ka Bugesera.

Yagize ati “Uyu munsi ndabashishikariza kwigira ku bababanjirije, mutera ikirenge mu cyabo kugira ngo mugere ku mahirwe menshi ahari."

Madame Jeannette aganiriza urubyiruko rw’abayobozi ku miyoborere myiza.

Abwira Abanyarwanda bari bahari yagize ati "Mwebwe nk’abayobozi b’u Rwanda b’ejo hazaza mumenye ko mugomba gukora icyo abaturage babatezeho muhindura imibereho yabo ikarushaho kuba myiza.

Yabibukije ko ingaruka z’imyitwarire yabo zitagarukira gusa kuri bo, ahubwo zigera no ku bandi.

Ati "Iyo uzi neza imyitwarire yawe uko ihagaze, ukamenya n’aho ufite intege nke, bigufasha kumenya uko wakwikosora nk’umuntu. Ibyo bituma urushaho kwigirira icyizere bityo n’abandi bakakikugirira”.

Rev. Dr. Antoine Rutayisire, Umuyobozi w’Ihuriro ry’Abayobozi mu Rwanda, atanga ikiganiro ku kubaka ubudashyikirwa mu miyoborere.

Madame Jeannette Kagame yabasabye kandi kuba "bandebereho", baharanira kugira indangagaciro zirimo kurwanya akarengane no kudatinya kugaragaza ukuri.

Ati “Rubyiruko, mumenye ko ari mwe mugize umubare munini w’abaturage murenze kimwe cya kabiri cy’abaturage b’ibihugu byacu, ni yo mpamvu mufite inshingano zikomeye zo guharanira impinduka twifuza. Mumenye ko iyo uhawe inshingano nyinshi na none uba utegerejweho umusaruro."

Ni ihuriro ryateguwe n’Ihuriro ry’Urubyiruko rw’Abayobozi ku bufatanye na Rwanda Leaders Fellowship, yari ifite insanganyamatsiko igira iti “Kubiba imbuto z’ ubudashyikirwa mu bayobozi bakiri bato”.

Rev. Dr. Antoine Rutayisire, Umuyobozi w’Ihuriro ry’Abayobozi mu Rwanda, Clarisse Iribagiza Abakunda, washinze umuryango HeHeLabs Limited akaba n’umuyobozi mukuru wawo ; Hon. Tony Nsanganira, Umunyamabanga wa Leta muri Minisiteri y’Ubuhinzi; Pasiteri Barbara Umuhoza wari uyoboye ibiganira, baganira ku kubiba ubudashyikirwa mu bayobozi bakiri bato.

Rev. Dr. Rutayisire Antoine, umwe mu bahaye ibiganiro urwo rubyiruko yagarutse ku bijyanye no guharanira kuba umuyobozi w’indahigwa, aho yifashishije umurongo wo muri Bibiliya avuga ko ubuyobozi atari umwanya aba ariho, ahubwo ari ibyo akorera abo ayoboye.

Niwemutoni Denise, umwe mu bitabiriye iyi nama, yavuze ko bayungukiyemo ko umuyobozi agomba gukunda abo ayobora yaba asenga cyangwa adasenga.

Agira ati “Umuyobozi agomba gukunda abo ayobora, ashaka inyungu zabo nta kurobanura. Ibyo bituma agera ku ntego aba yariyemeje”.

Bamwe mu bayobozi bakiri bato bumva impanuro mu kubiba ubudashyikirwa mu bayobozi bakiri bato.

Iyi nama yitabiriwe n’abayobozi mu nzego za Leta n’abikorera basaga 250 bafite inararibonye mu bintu binyuranye.

Bombi batarawe muri yombi kuri uyu wa 09 Mutarama 2015, kuri bakaba bafungiwe kuri Sitasiyo ya Polisi ya Nyamata.

Umuvugizi wa Polisi mu Ntara y’iburasirazuba, CIP Emmanuel Kayigi, yadutangarije ko bakekwaho kunyereza amafaranga asaga miliyoni eshanu ya VUP ubwo Muyengeza Jean de Dieu yari akiri Umunyamabanga Nshingwabikorwa w’Umurenge wa Kamabuye mu mwaka wa 2014.

Yagize “Bakurikiranyweho gukoresha impapuro mpimbano maze bakanyereza amafaranga agera kuri miliyoni eshanu n’ibihumbi 164, aho bahimbye amazina ya baringa maze babashyira ku rutonde rw’abafashwa”.

CIP Emmanuel Kayigi avuga ko hakurikijwe ingingo 325 yo mu gitabo cy’amategeko ahana, nibahamwa n’icyaha bazahanishwa igifungo kuva ku myaka irindwi kugera ku myaka 10 n’ihazabu kuva ku nshuro ebyiri kugera ku nshuro eshanu z’icyanyerejwe.

Avuga kandi ko ingingo ya 610 na yo itegenya ko umukozi wa Leta wahimbye inyandiko ahanishwa igifungo kuva ku myaka irindwi kugeza ku icumi ndetse n’ihazabu y’amafaranga kuva ku bihumbi 500 kugera kuri miliyoni eshanu.

Yakomeje avuga ko bakiri mu bugenzacyaha ariko ko mu minsi ya vuba bazaba bashyikirijwe urukiko kugira ngo baburanishwa kuri ibyo byaha.

Aba bahinzi basanzwe bakorana n’umushinga wa “N2 Afrika” bavuga ko kureka gukora ubuhinzi bw’akajagari kandi bagakoresha amafumbire atica ubutaka, byatumye umusaruro babonaga wiyongera.

Abahinzi mu murima w’ibigori byabo, bavuga ko umusaruro wikubye inshuro enye.

Gashirabake Celestin uhagarariye itsinda “Twizerane”, avuga ko bahinga ibigori aho basaruye ibishyimbo bifite ubushobozi bwo gukurura Azote mu kirere.

Agira ati “Iyo azote isigara mu butaka maze ikazafasha ibigori mu murima, ubu buryo bwakemuye ikibazo cy’umusaruro mucye twabonaga mbere, dore ko twahingaga mu kajagari tutanazi gukoresha amafumbire; none ubu rero umusaruro ukaba warikubye hafi inshuro enye.”

Nyirabaruhije ushinzwe gukurikirana aba bahinzi, aberekaa uko ibishyimbo bibika Azote.

Abahinzi bo muri iri tsinda na bo bavuga ko ubwo buhinzi bwabazamuye mu iterambere bishingiye ku bwiyongere bw’umusaruro.

Nshimiyimana Ezeckias , avuga ko kugeza ubu, byabateje imbere mu buryo bufatika kandi hakaba hari n’abandi bahinzi barimo kubigiraho hifashishijwe umurimashuri.

Agira ati “Naguze inka nziza y’ibihumbi 200, naguzemo ibibanza bibiri ndetse nubaka indi ku gasanteri. Byose nkaba mbikura mu buhinzi kuko nta handi nigeze njya kuyapagasa.”

Ubuyobozi bw’umushinga wa N2 Afrika mu karere ka Bugesera, bwemeza ko aba bahinzi bamaze gusobanukirwa uburyo bwo gukoramo ubuhinzi binyuze mu mahugurwa uyu mushinga wagiye ubaha.

Byamungu Felix, umuhuzabikorwa w’uyu mushinga, asaba abahinzi gufatanya n’inzego z’ibanze kugira ngo ubu bumenyi bugere no ku bandi bahinzi; bityo na bo bagere kuri iri terambere kandi banishakamo ibisubizo by’ibibazo bahura na byo.

Kugeza ubu, gahunda yo kwigisha abahinzi kunoza ubuhinzi, hagamijwe kongera umusaruro w’ibinyamisogwe n’ibinyampeke; imaze kugera ku bahinzi basaga 4000 mu Karere ka Bugesera.

Kayitesi Chantal uba mu nkambi ya Mugombwa, aha aravuga ko nyuma yo kwicirwa umugabo muri Kongo agahungira mu Rwanda, yahuye n’ikibazo cyo kwiheba ku buryo yashoboraga no kwiyahura.

Theophile Sewimfura uyobora Duhumurizanye Iwacu Rwanda

Agira ati “Nyuma rero y’uko gahunda y’isanamitima itangiriye mu nkambi, nagaruye icyizere cyo kumva ko ngomba kwibeshaho njye n’abana banjye ku buryo ubu ndi umwe mu batanga ibiganiro kuri iyi gahunda”. Ni ibisubizo kandi ahuriyeho na Mugemana Muyombo wo mu nkambi ya Kigeme.

Ati “Natekerezaga abantu banjye bapfuye imitungo twasize noneho nareba ubuzima bw’ubuhunzi umuntu arimo nkumva ndahungabanye, ariko aho mariye kujya mu matsinda ya Mvura Nkuvure ubu narakize”.

Nyiramutuzo Karehe Lucie nawe wo mu nkambi ya Mugombwa, avuga ko ibibazo batewe n’intambara birimo kwicirwa abantu no kunyagwa imitungo, byatumye ahura n’ibibazo byanavagamo amakimbirane mu miryango, ariko iyi gahunda ikaba yarabafashije kubivamo.

Kayitesi wafashijwe na gahunda ya mvura nkuvure

Theophile Sewimfura ayobora Duhumurizanye Iwacu Rwanda ari yo yatangaje gahunda ya mvura nkuvure mu nkambi z’Abanyekongo, avuga ko bajya gutangiza iyi gahunda mu nkambi bari bafite ibikomere byaturutse ku ntambara harimo ibibazo by’uko ababyeyi bari batakita ku nshingazo zabo, dore ko abagore n’abagabo batubahanaga byanatumaga abana b’abakobwa babyara imburagihe.

Ati “ Iyi gahunda rero ikaba ibi byose igenda ibikemura kuko abagore ntibubahaga abagabo babo babasuzugura bavuga ko nta cyo babamaze kuko umugabo wabo ari HCR” .

Impunzi z’Abanyekongo muri gahunda ya Mvura nkuvure

Avuga ko ibyo byatumaga bashyamirana cyane ariko aho Mvura Nkuvure bayigiriyemo, ibyo bibazo byarakemutse.

Gahunda y’isanamitima, Duhumurizanye iyifashwamo na Plan International ndetse n’ishami ry’umuryango w’abibumbye ryita ku mpunzi, ikaba imaze kugera mu nkambi zirimo Kigeme, Mugombwa, Kiziba na Biheke.

Mu masaha ya saa mbiri z’ijoro zo ku wa 28/12/2015 ni bwo imodoka ifite plaque RAD 219 A y’amapine icumi, yari itwaye umucanga iwukuye mu murenge wa Nyarugenge mu Bugesera iwujyanye i Kigali yaheze mu kiraro kiri hagati y’Umurenge wa Mareba na Musenyi ku kiyaga cya Cyohoha ya ruguru.

Ikinjira mu kiraro yahise ihahera

Ni ikiraro kiri mu muhanda ukoreshwa n’abaturage b’imirenge itandatu y’cyahoze ari Ngenda ndetse n’imirenge y’icyahoze ari Kanzenze na Gashora.

Nshimiyimana Eliezerie ni umwe mu baturage bakoresha uyu muhanda yemeza ko iki kiraro cyari gishaje.

Yagize ati “Iki kiraro kigiye gukoma mu nkokora ubuhahirane kuko nk’ubu inkoko zanjye zirya ibiryo nkuye i Nyamata ariko kubera icika ry’iki kiraro inkoko zanjye ntabwo ziri burye akaba ari ihungabana kurinjye”.

Mukandutiye Jeanne avuga ko ubu kujya Ruhuha bibatwara amafaranga 1900 kuko bisaba ko imodoka igomba kuzenguruka ikajya guca mu ishyamba rya Gako mu gihe ubundi bishyuraga amafaranga 1300 bavuye i Kigali.

Imodoka yahezemo

Ubuyobozi bw’Akarere ka Bugesera, bwemera ko uyu muhanda ufatiye runini abaturage mu buhahirane dore ko unyurwamo byibuza n’imidoka ziri hagati ya 50 ni 100 ku munsi, bugatanga icyizere ko bwamaze kuvugana n’ikigo cy’igihugu gishinzwe iterambere ry’ubwikorezi (RTDA) n’ishami ryo mu ngabo z’igihugu rishinzwe gusana ibikorwa byangiritse (Enginiering Brigade) ku buryo bitarenze tariki 15 Mutarama 2016, ibikorwa byo kugisana bizaba byarangiye nk’uko umuyobozi w’Akarere Rwagaju Louis yabitangaje.

Ati “Uyu muhanda ufatiye runini abaturage mu buhahirane kuko dutinze nabo badindira akaba ariyo mpamvu mu gihe cy’iminsi 15 imirimo izaba yarangiye”.

Icika ry’iki kiraro, rije rikurikira icya Gashora cyahuzaga Bugesera na Ngoma ndetse n’icya Rwabusoro Bugesera na Nyanza, byaciwe n’imodoka mu mwaka ushize, imirimo yo kubisana ikaba yaratangiye.

Ibi aba banyarwanda babitangarije mu karere ka Bugesera aho baje muri gahunda yiswe ngwino urebe usubireyo ubwire abandi “Come and see go and tell” gukurikiranira inama y’umushyikirano ahari hashyizweho uburyo bw’ikoranabuhanga butuma abaturage babasha kubaza ibibazo ndetse bakanatanga ibitekerezo.

Bifatanyije n’abaturage bo mu Bugesera

Sibomana Aimable yaje aturutse mu nkambi ya Nyakivala muri Uganda, inkambi amazemo imyaka 15 avuga ko yishimiye uburyo abantu batanga ibitekerezo.

Ati“Byanshimishije ukuntu n’umuturage wo mu cyaro atanga igitekerezo maze kigahabwa agaciro. Ikindi nashimishijwe ni ukuntu Perezida Kagame yakira ibibazo n’ibitekerezo by’abaturage kuko bikorwa n’abaperezida bake babikora ndetse nakunze imigambi afitiye igihugu”.

Azasubirayo abwira abandi ibyo yabonye

Ndarisanganywe Davide we yaje aturuka i Lubumbashi muri Repubulika iharanira Demokarasi ya Congo aho amaze imyaka 12 avuga ko yoherejwe n’impunzi z’Abanyarwanda ziba i Lubumbashi ngo aze kureba uko u Rwanda rwifashe.

Yagize ati “Natangajwe n’ibyo igihugu kigezeho mu nzego zose kandi nashimye uburyo Abanyarwanda basigaye basabana, ubu nanjye ngiye kubibwira abo nasize inyuma ubwo icymezo ni icyabo”.

Umwe mu bakiri impunzi wakurikiranye inama y’umushyikirano

Ntawukuriryayo Fredrick ashinzwe itangazamakuru muri Minisiteri ishinzwe gucyura impunzi, avuga ko buri mwaka batumira abakiri impunzi maze bakareba ibyagezweho.
Ati “ bamwe basubirayo batakitwa impunzi kuko bava hano bafashe ibyangombwa nk’abafite akazi ndetse abandi bakajya kuzana imiryango yabo bakava mu buhungiro”.

Impunzi zakurikiranye inama ya 13 y’umushyikirano ni 8, zituruka muri Uganda, Zimbabwe na Repubulika iharanida demokarasi ya Congo. Gusa kuri site iri mu karere ka Bugesera haje abagera kuri 4.

Niyonsenga Leonidas ashinja Kabagwira Jeannette gukuramo inda y’amezi arindwi; aho yemeza ko yari yaramaze kubwira umugore we w’isezerano Nirere Beatrice ko yakoze ikosa ryo kumuca inyuma akanatera inda; bityo umugore we amwemerera ko azamufasha kurera umwana azabyara nk’uko Nirere abivuga.

Ahatukura ni ahabereye ikibazo

Agira ati “ Bwa mbere akimara kubimbwira nararakaye ariko ndamubabarira musaba ko azazana uwo mwana tukamurera kandi uwo mugore nta kintu yaburaga mu rugo rwacu”.

Niyonsenga Leonidas avuga ko akimara kumenya ko uyu mugore yakuyemo inda, yihutiye kumurega mu nzego z’ubuyobozi bw’Umudugudu na Polisi bityo Kabagwira Jeannette atabwa muri yombi.

Kabagwira Jeannette yemerera ubuyobozi ko ku wa kane w’icyumweru gishize ari bwo yanyweye imiti inda y’amezi 7 igahita ivamo.

Ati “ Uruhinja narujugunye mu muringoti ubundi ngo ndenzaho utwatsi”.

Gusa ariko kuri ubu umurambo warwo nturaboneka bikekwako imbwa zaba zarahise zirutwara.

Kabagwira Jeannette avuga ko hari umukecuru wamuhaye imiti bakumvikana amafaranga ibihumbi 70.

Ati “ Icyakora nahise mwishyura ibihumbi 40, andi aba ideni kuko nari kuzayamuha nyuma maze kuyabona”.

Abaturage banenga imyitwarire y’uyu mugore usanzwe afite abana bane, nabo atitaho bakananenga n’iy’uwamufashije kwihekura ugishakishwa.

Hagati aho Polisi yahise imujyana kwa muganga, kugira ngo harebwe niba nta kibazo kindi byamusigiye. Nyuma akazakurikiranwa ku cyaha akekwaho gukora.

Babibwiye abadepite ku wa 11 Ukuboza 2015 ubwo bari baje kubasobanurira ibyahindutse mu Itegeko Nshinga.

Depite Nyabyenda asaba abaturage gutora "Yego".

Safari Jean Claude, umuturage wo mu Murenge wa Nyamata, yavuze ko ibitekerezo byose batabyirengagije cyangwa ngo babigoreke ahubwo ko babikoreye ubugororangingo.

Yagize ati “Mu mezi ane ashize ni bwo abadepite n’abasenateri bazengurutse igihugu cyose bakira ibitekerezo by’abaturage ku ivururwa ry’Itegeko nshinga, natwe mwageze iwacu maze turabibaha. Rwose turabashimira ko mwabyubahirije none tukaba tugiye kongera kwitorera umuyobozi wacu dukunda kandi watugejeje ku iterambere”.

Kambanda Felicien, undi muturage, we avuga ko itariki ya 18 Ukuboza 2015 itinze kugera ngo babashe kujya gutora uwamukijije ubukene.

Uyu muturage ufata itariki ya referendum nk’umunsi wo gutora Perezida Kagame, yagize ati “Ngiye kubishishikariza abandi baturage maze tuzazinduke maze dutore Yego duhita twisubirira mu kazi kacu”.

Depite Nyabyenda Damien yasobanuriye abo baturage ingingo zahindutse mu Itegeko Nshinga maze abasaba kuzatora "Yego" ijana ku ijana kugira ngo babashe gushyira mu bikorwa ibyo bifuje . Naho ku byo gusohoza ubutumwa batumwe yavuze ko ari inshingano zabo.

Ati “Gusohoza ubutumwa mwadutumye nizo nshingano zacu rero nta mpamvu zo kudushima kuko naziriya ntebe twicayemo nimwe mwazidushyizemo kugirango tubahagararire”.

Biteganyijwe ko izi ntumwa za rubanda zizazenguruka imirenge 15 igize akarere ka Bugesera zisobanurira abaturage ingingo zahindutse mu itegeko nshinga maze bakazitabira amatora ya referandumu bazi ibyo bagomba gutora.