Mu itangazo RIB yanyujije kuri X, yavuze ko Kamayirese yafashwe nyuma y’iperereza ryari rimaze iminsi rikorwa ku mitangire y’ibyangobwa byo gucukura umucanga n’amabuye muri aka Karere ka Rutsiro.

Kamayirese ubu afungiye kuri Sitasiyo ya RIB ya Gihango, mu gihe dosiye ye iri gutunganywa ngo ishyikirizwe Ubushinjacyaha.

Iryo tangazo rya RIB rigira riti “RIB irashimira abaturage bakomeje kugaragaza ubushake bwo kwanga gutanga ruswa ahubwo bagatanga amakuru kuri yo. RIB iributsa kandi ko ruswa ari icyaha kidasaza, inaburira abakoresha ububasha bahabwa n’amategeko mu nyungu zabo bwite kubihagarika kuko ari ibikorwa bihanwa n’amategeko”.

Perezida Paul Kagame

Ibi Umukuru w’Igihugu yabigarutseho kuri uyu wa Kane, ubwo yakiraga indahiro ya Perezida w’Urukiko rw’Ikirenga, Domitille Mukantaganzwa, ndetse n’iya Visi Perezida w’Urukiko rw’Ikirenga, Hitiyaremye Alphonse.

Nyuma yo kwakira indahiro z’aba bayobozi bombi, Perezida Kagame yavuze ko ubutabera bw’u Rwanda bwagenze nabi cyane imyaka myinshi, ariko cyane cyane bigashingira kuri politiki mbi, ari na byo byaviriyemo Abanyarwanda kutabana, kutumvikana no kwicana.

Yagize ati “Ibyo byarabaye, aho ni ho tuva, ariko aho tujya na byo bimaze kumvikana igihe kirekire ni ahandi, kandi ni ngombwa, ku buryo icyo dusaba abantu ni ukubyumva batyo, bagakurikiza ibyiza byo kubana neza, bagakurikiza ubutabera n’amategeko tugomba kwisangamo”.

Perezida Kagame yavuze ko mu butabera buri wese aba areshya n’undi, asaba abayobozi b’Urukiko rw’’Ikirenga barahiye guharanira ko ari uko bigomba kubahirizwa.

Umukuru w’Igihugu yavuze ko atifuza kumva ko ubutabera bwananiwe kugeza ku Banyarwanda ibyo, kugeza ubwo hagomba kwitabazwa izindi mbaraga ngo byubahirizwe, ariko avuga ko nibiba ngombwa izindi mbaraga zizakoreshwa.

Ati “Sinifuza ko ubutabera bwananirwa kuduha ibyo, ngo hagombe gukoreshwa ubundi buryo. Nta buryo bundi bukwiye kuba busimbura ubutabera. Ariko aho ubutabera butari, aho budakoze, ibindi birakora. Navuze amateka yacu, muri rusange abantu bose ntabwo babonye ubutabera bifuza bubakwiriye bose, ariko hari ababubuze kurusha abandi. Ni ho havuyemo amateka yacu twibuka buri gihe ababaje”.

Perezida w’Urukiko rw’Ikirenga, Domitille Mukantaganzwa, yarahiye

Perezida Kagame yakomeje agira ati “Kuba rero n’uyu munsi hagishobora kuboneka abantu bafite ibitekerezo byo kudusubiza ahongaho, icyo gihe amategeko, ubutabera bugomba gukoreshwa. Nibudakoreshwa n’ibindi bizakoreshwa”.

Perezida Kagame yavuze ko ubwicanyi bugikorerwa abarokotse Jenoside bugomba guhagarara ubutabera bubigizemo uruhare, byananirana hakitabazwa ubundi buryo.

Ati “Ibyo bigomba guhagarara. Kwica abantu babuze amateka n’ubundi kuva igihe cyose banabuze ubuzima, hakaba hariho na politiki yaganisha ahongaho, ishaka kugirira nabi abantu, abarokotse kubasanga mu ngo zabo bakabica! Amategeko agomba gukora, nadakora hazakora ibindi. Ibyo kandi ndabyatuye, ndabibabwiye buri wese anyumve. Bigomba guhagarara”!

Perezida Kagame yavuze ko hari abantu baba abari mu Gihugu cyangwa mu mahanga bahora bavuga nabi u Rwanda, bakagaragaza ko mu Rwanda nta butabera Buhari, avuga ko ibyo batazabishobora.

Ati “Abo bandi bakinisha politiki bakavuga amagambo, ari aho, ari abari hanze, ari abari mu gihugu ari abo bafatanyije, … ndetse bikajyamo n’amahanga bigasa n’aho bagiye kubigira ubusa. Ntabwo turi ubusa. Ntabwo ubutabera mvuga bukwiriye kuba buriho bwahinduka ubusa. Nta politiki yahindura ubutabera ubusa. Rwose ndagira ngo munyumve. Si ngombwa ngo muzabibone, bishobora no guhagarara abantu batabibonye”.

Umukuru w’Igihugu kandi yagarutse ku bantu barenganya abanda ndetse hakaba n’abashaka kwikubira iby’abandi, avuga ko ibyo na byo bigomba guhagarara.

Ati “Umutungo w’Abanyarwanda bose ukwiye kuba uvamo ibibaramira, abantu ku giti cyabo bakawugira uwabo bakawusesagura, na byo bigomba guhagarara. Kandi nta bundi buryo bwiza bwo kubihagarika bitanyuze mu butabera, bitanyuze mu mategeko”.

Visi Perezida w’Urukiko rw’Ikirenga, Hitiyaremye Alphonse, na we yarahiye

Umukuru w’Igihugu kandi yavuze ko n’ubwo Igihugu hari aho cyavuye n’aho kimaze kugera, aho kigana na ho hakiri urugendo rurerure kandi ko icyifuzo ari ukuhagera.

Ati “Turifuza kuhagera, bishobotse vuba, ku buryo bwihuse. Ibyo bitudindiza rero bituruka mu mico mibi gusa, abantu twafatanya tukabirwanya, na byo byahagarara, bityo Igihugu cyacu kigatera imbere”.

Perezida Kagame yakomeje agira ati “Rero ndabasaba rwose ko twakora ibishoboka kandi turabishoboye dufatanyije, kugira ngo duhindure amateka mabi y’Igihugu cyacu binyuze muri ubwo buryo navugaga”.

Umukuru w’Igihugu kandi yaboneyeho gushimira ubuyobozi bwari busanzwe buyobora Urukiko rw’Ikirenga, avuga ko bakoze ibyo bashoboye mu guteza imbere uru rwego.

Perezida w’Urukiko rw’Ikirenga, Domitille Mukantaganzwa, nyuma yo kurahira yavuze ko we na mugenzi we bashimira icyizere bagiriwe cyo kuyobora uru rwego rw’Ubucamanza, agaragariza Umukuru w’Igihugu ko inshingano bahawe bazumva neza kandi bazazisohoza uko bikwiye.

Kurikira ibindi muri iyi video

Hizihijwe imyaka 25 Komisiyo y’Uburenganzira bwa Muntu ishyizweho mu Rwanda

Ibi byagarutsweho kuri uyu wa Kabiri tariki 10 Ukuboza 2024, ubwo hizihizwaga imyaka 25 Komisiyo y’Uburenganzira bwa Muntu mu Rwanda ishinzwe, yanahuriranye no kwizihiza imyaka 76 hatangajwe Amasezerano Mpuzamahanga yo Kurengera Uburenganzira bwa Muntu, yo ku wa 10 Ukuboza 1948.

Komisiyo y’Uburenganzira bwa Muntu mu Rwanda, igaragaza ko muri iyi myaka 25 imaze hakozwe byinshi, birimo gukora ubuvugizi ku bikorwa bikibangamira uburenganzira bwa muntu muri rusange, na cyane ko ari yo nshingano yayo y’ibanze.

Perezida wa Komisiyo y’Uburenganzira bwa Muntu, Umurungi Providence, avuga ko kugeza ubu mu Rwanda abaturage bafite uburenganzira bwabo, kandi bafite inzego bisunga igihe hari uburenganzira bwabo bwahungabanyijwe bakaba barenganurwa.

N’ubwo bimeze bityo ariko, Umuhuzabikorwa w’Amashami ya Loni mu Rwanda, Ozonia Ojielo, agaragaza ko ikibazo kikiri mu bihugu byinshi bya Afurika ku birebana no kubahiriza uburenganzira bwa muntu, ari ubumenyi buke ku bakora mu nzego zishinzwe kubahiriza ubwo burenganzira.

Agira ati “Ibyuho biri mu ishyirwa mu bikorwa ry’uburenganzira bwa muntu. Dufate nk’urugero niba hari umuntu ufunzwe akekwaho ikosa ryoroheje, uwo muntu akwiye kuburanishwa adafunzwe kuko iryo kosa si icyaha kiremereye. Ariko ikibazo umupolisi ibyo ntabwo abizi, umukozi wa RIB ibyo ntabwo abizi, … uwo muntu aragenda afungwe ndetse ahubwo igihe kirekire kurenza icyari kigenwe”.

Umuhuzabikorwa w’Amashami ya Loni mu Rwanda, Ozonia Ojielo

Ozonia akomeza agira ati “Cyangwa se umuntu arafunzwe, agomba kugira ibyo abazwa, hanyuma inzego zishinzwe kumubaza zigatangira kumuhata inshyi ngo atange amakuru, ... Ibyo si ngombwa ko bikorwa! Bakwiye kumenya ko mbere y’uko uwo muntu abazwa, umunyamategeko we yakabaye ahari”.

Ku ruhande rwa Komisiyo y’Uburenganzira bwa Muntu, na yo igaragaza ko hakiri ikibazo cy’amikoro make azitira imikorere yayo, ugasanga hari ibikorwa bimwe bidakurikiranywe uko bikwiye.

Aha Perezida wa Komisiyo Atanga urugero by’umwihariko ku birebana no gusura ahafungirwa abantu kenshi ngo harebwe uburyo imibereho yabo yitabwaho. Ati “Kugeza ubu turacyafite ikibazo cy’amikoro. Ntituragera ku rwego rwo gukora igenzura rihoraho, tujya yo nka kabiri mu mwaka, kandi twagakwiye kujya yo nka buri gihembwe”.

Providence Umurungi, Perezida wa Komisiyo y’Uburenganzira bwa Muntu

Perezida wa Komisiyo, Umurungi Providence avuga ko mu myaka itanu Komisiyo imaze ihawe inshingano zo gukurikirana aho abantu hafungirwa hari ibyakozwe, by’umwihariko ku nzu zifungirwamo abantu zubakwa muri ibi bihe, ziba zifite ibikenerwa byose Komisiyo yasabye inzego za Leta kubahiriza, bitandukanye n’izari zisanzwe zifungirwamo abantu wasangaga hari uburenganzira bw’abazifungiyemo bubangamirwa.

Ku ri raporo zikorwa n’imiryango mpuzamahanga zikunze kugaragaza ko u Rwanda rutubahiriza uburenganzira bwa muntu, Perezida wa Komisiyo y’Uburenganzira bwa Muntu, Umurungi Providence, avuga ko iyo izo raporo zisohotse na bo bajya mu baturage kureba niba ibivugwa koko ari ukuri, hanyuma bakagira inama inzego za Leta zibishinzwe zikarenganura abaturage.

Ati “Dukora natwe ubugenzuzi bwacu. Mu nshingano dufite ni ukureba ko uburenganzira bwubahirizwa. Ntabwo tugendera kuri raporo zabo gusa, natwe tujya kwikorerara iperereza ryacu, aho dusanze ko umuturage yarenganye, icyo Komisiyo ishinzwe ni ugukora ubuvugizi ku rwego rwa Leta rwagombaga kubahiriza bwa burenganzira no kugira inama Leta mu buryi ubwo burenganzira bw’umuturage bwubahirizwa”.

Umuhuzabikorwa w’Impuzamiryango Iharanira Uburenganzira bwa Muntu (CLADHO), Evariste Murwanashyaka, avuga ko hari amasezerano u Rwanda rutarashyiraho umukono nyamara kandi hari ibyiciro by’Abanyarwanda bagihohoterwa ku buryo ayo masezerano asinywe byabarinda, agsaba Komisiyo kubishyiramo imbaraga.

Umuhuzabikorwa w’Impuzamiryango Iharanira Uburenganzira bwa Muntu (CLADHO), Evariste Murwanashyaka

Ati “Hari amasezerano mpuzamahanga arengera abakozi bo mu rugo, Igihugu cy’u Rwanda ntikirayashyiraho umukono kandi turacyabona abahohoterwa bo muriurwo rwego. Ni ikintu twumva gikwiye gushyirwamo ingufu kugira ngo ayo masezerano asinywe noneho n’igihugu gishyireho amategeko imbere arengera icyo cyiciro”.

Abitabiriye uyu munsi mpuzamahanga wo kurengera uburenganzira bwa muntu, bagaragaza ko hari ibikibangamira ubu burenganzira bikwiye gukemurwa mu buryo bwihuse, birimo kwimura abantu mu manegeka kuko hari aho bikorwa bitubahirije uburenganzira bw’abaturage, kwihutisha imanza, guha ubutabera bukwiye abana baterwa inda, ndetse n’ibindi.

Minisitiri w’Ubumwe bw’Abanyarwanda n’Inshingano Mboneragihugu, Dr. Jean Damascene Bizimana

Yabigarutseho kuri uyu wa Mbere tariki 09 Ukuboza 2024, ubwo yatangizaga Inama Mpuzamahanga ku gukumira no guhana icyaha cya Jenoside.

Amasezerano Mpuzamahanga yo guhana no gukumira Jenoside yashyiriweho umukono i Geneva mu Busuwisi, tariki ya 09 Ukuboza mu 1948, yateganyaga ko ibihugu byose bigomba gushyiraho uburyo bwo gukumira ndetse no guhana icyaha cya Jenoside, ndetse no guharanira ko nta handi Jenoside izongera kuba ku Isi. Nyamara ariko mu 1994, Jenoside yakorewe Abatutsi mu Rwanda, ihitana abarenga miliyoni.

Abitabiriye Inama mpuzamahanga ku gukumira no guhana icyaha cya Jenoside

Mu ijambo ritangiza iyi nama, Minisitiri Bizimana yavuze ko hari byinshi byakozwe mu gukumira no guhangana na Jenoside hirya no hino ku Isi, ariko ko hari hamwe na hamwe mu bihugu hakigaragara ibimenyetso bihembera Jenoside, nko muri Repubulika ya Demukarasi ya Kongo.

Minisitiri Bizimana ati “Gukumira rero bisaba kureba ahari ibimenyetso byerekana ko Jenoside ishobora kuba, birimo imvugo, inyandiko, poropaganda, […] Muri repubulika ya Demukarasi ya Kongo rero tuhabona imvugo, inyandiko, amashusho n’ibikorwa byibasira abavuga Ikinyarwanda by’umwihariko Abatutsi. Icyo ni icyaha gihanwa n’amasezerano mpuzamahanga yo kurwanya Jenoside”.

Minisitiri Bizimana avuga ko ari ngombwa ko Igihugu cyose cyashyize umukono ku masezerano, cyumva ko gifite inshingano yo guhagarika ibikorwa nk’ibyo kugira ngo kirengere abicwa.

Ubwo hatangizwaga Inama Mpuzamahanga ku gukumira no guhana icyaha cya Jenoside

Minisitiri Bizimana avuga ko nyuma y’imyaka 30 Jenoside yakorewe Abatutsi ihagaritswe, Isi yize amasomo menshi kandi hari n’ibyakozwe bigaragara.

Atanga ingero zirimo nko kuba kuva aya masezerano mpuzamahanga yo gukumira Jenoside yajyaho mu 1948, ari bwo bwa mbere Umugabane wa Afurika washyiriweho urukiko rwihariye rwashyiriweho gucira imanza abagize uruhare muri Jenoside yakorewe Abatutsi (rwa Arusha).

Minisitiri Bizimana kandi avuga ko tariki 16 Mata 2014, Akanama k’Umuryango w’Abibumbye gashinzwe Amahoro, kafashe icyemezo cyo gushyira Jenoside yakorewe Abatutsi ku rwego mpuzamahanga ko ari ihame ritagomba kugibwaho impaka, kandi icyo cyemezo kikaba gisaba ibihugu byose gushyiraho gahunda zigamije kwigisha Jenoside yakorewe Abatutsi, mu rwego rwo kugira ngo n’izindi Jenoside zikumirwe, ndetse no gushyiraho gahunda yo gukumira ipfobya n’ihakana rya Jenoside yakorewe Abatutsi.

Ibihugu byose byasabwe kumva ko gukumira Jenoside ari inshingano

Ikindi ni uko inzibutso enye za Jenoside yakorewe Abatutsi ubu zashyizwe mu murage w’Isi, ndetse no mu bihugu byo hanze hakaba harashyizweho inzibutso za Jenoside yakorewe Abatutsi, bigaragaza ko amahanga agenda avana isomo kuri Jenoside yakorewe Abatutsi, ndetse ikaba igenda imenyekana kurushaho ku rwego rw’Isi.

Minisitiri Bizimana ariko avuga ko ibi bidakuraho ko hari abakomeza guhakana no gupfobya Jenoside yakorewe Abatutsi, akaboneraho gukangurira abantu bose by’umwihariko Abanyarwanda kwirinda icyo ari cyo cyose cyashaka kubatanya.

Muri iyi nama kandi hatangarijwe itangizwa ry’Ikigo Nyafurika cy’Ubushakashasti kuri Jenoside, kizaba gifite inshingano zo gukumira ko hari ahandi Jenoside yakongera kuba.

Minisitiri Dr. Bizimana yagaragaje ko hari ahakigaragara imvugo zihembera urwango

Minisiteri y’Ubumwe bw’Abanyarwanda n’Inshingano Mboneragihugu, ivuga ko iki kigo kiri kubakwa mu Karere ka Kamonyi ku bufatanye n’Umuryango wa Afurika yunze Ubumwe, kizajya gikorerwamo ubushakashatsi kandi kigatanga amahugurwa mu byiciro bitandukanye mu rwego rwo guhangana n’ingengabitekerezo ya Jenoside.

Intumwa yihariye y’Umuryango wa Afurika yunze Ubumwe, ishinzwe Gukumira Jenoside n’Ibyaha Byibasira Inyoko Muntu, Adama Dieng, yashimiye Leta y’u Rwanda ku bikorwa yakoze nyuma ya Jenoside yakorewe Abatutsi, Igihugu kikaba cyaravuye mu icuraburindi ubu kikaba kigeze ku rwego rushimishije.

Adama Dieng, Intumwa yihariye y’Umuryango wa Afurika yunze Ubumwe, ishinzwe Gukumira Jenoside

Avuga kuri iki kigo, Adama Dieng na we yavuze ko kizibanda ku gukora ubushakashatsi, gutanga ubumenyi no gutanga amahugurwa ku bijyanye no gukumira Jenoside, ibyaha byibasiye inyoko muntu, n’ibyaha by’intambara, ndetse no guhuriza hamwe abafatanyabikorwa banyuranye hagamijwe gukumira Jenoside.

Minisiteri y’Ubumwe bw’Abanyarwanda n’Inshingano Mboneragihugu, igaragaza ko imirimo yo kubaka iki kigo igeze kure, ndetse ko biteganyijwe ko gishobora gutangira mu kwezi kwa Gashyantare umwaka utaha wa 2025.

Muri iyi nama kandi hatangarijwe itangizwa ry’Ikigo Nyafurika cy’Ubushakashasti kuri Jenoside

Muri rusange, imibare ya UNESCO yo muri 2017, igaragaza ko mu Rwanda nibura abana barenga 50% mu Rwanda bahuye n’ihohoterwa mu buryo bumwe cyangwa ubundi.

Ikigo gishinzwe Imikurire no Kurengera Umwana (NCDA), kigaragaza ko nta bundi bushakashatsi bwa vuba bwagaragaza imibare y’abana bahuye n’ihohoterwa, gusa kikagaragaza ko n’ubwo hari ibimenyetso by’uko ihohoterwa muri rusange ndetse n’irikorerwa abana by’umwihariko rigenda rigabanuka, ariko hari aho rikigaragara.

Ni na yo mpamvu mu Rwanda hamaze iminsi hari ubukangurambaga bw’iminsi 16, bugamije gukumira ihohoterwa muri rusange.

Diane Iradukunda, Umuyobozi ushinzwe kurinda no Kurengera Umwana muri NCDA

Umuyobozi w’agateganyo w’Ishami rishinzwe Imikurire no Kurengera Umwana muri NCDA, Diane Iradukunda, avuga ko akurikije ibibazo bakira bishingiye ku ihohoterwa rikorerwa abana, akenshi byiganje ku gusambanya abana. Uyu muyobozi ariko akavuga ko hari n’irindi hohoterwa abana bakorerwa, ryaba iryo ku mubiri, irishingiye ku marangamutima ndetse n’andi.

Ati “Nta hohoterwa ryiza twavuga, yose agira ibibazo ateza. Ariko iyo tugeze kuri iri rishingiye ku gitsina, ni ho usanga imibare y’abana baterwa inda, akenshi bigatuma bava mu ishuri, kubaviramo uburwayi butandukanye, … mbese bigateza ibibazo byinshi haba ku mwana ku giti cye ndetse no mu muryango we”.

Kuri iyi ngingo yo gusambanya abana, imibare y’abana b’abakobwa batewe inda na yo yagiye izamuka, kuko nko muri 2017, abana b’abakobwa batewe inda bari 17,337, bagera ku 19,832 muri 2020. Imibare iheruka yo muri 2022, igaragaza ko abana b’abakobwa batewe inda bari 33,423.

Iradukunda agaragaza ko ikiganiro mu muryango ari kimwe mu bikorwa by’ibanze byakumira ihohoterwa muri rusange ndetse n’irikorerwa abana by’umwihariko, kuko iyo abagize umuryango bagira ibiganiro bituma abana bisanzura mu muryango bakaba babwira ababyeyi ibibazo bahura na byo.

Ati “Iyo umwana aba mu muryango ubamo ibiganiro, bituma wa mwana yisanzura akabwira ababyeyi ibibazo ahura na byo, bityo na bo bakaba batangira gukurikirana bakamenya ibyo ari byo”.

Iyo umwana aba mu muryango ubamo ibiganiro, bituma wa mwana yisanzura akabwira ababyeyi ibibazo ahura na byo

Kugira ibiganiro mu miryango kandi ni inama igarukwaho n’abafatanyabikorwa ba Leta mu guharanira uburenganzira bw’abana, nk’imwe mu nzira yafasha gukumira ihohoterwa rikorerwa abana.

Mu biganiro Umuryango Children Voice Today ugirana n’abana babarizwa mu matsinda ukurikirana ndetse n’ababyeyi babo, akenshi ugaruka ku kwibutsa abana n’ababyeyi kujya baganira kenshi ku bibazo bibangamiye uburenganzira bw’abana.

Ntakirutimana Innocent, Umukozi wa Children Voice Today ushinzwe gahunda zo kurwanya ihohoterwa rikorerwa abana ndetse n’uko abana bagira uruhare mu bikorwa, ati “Ni byiza ko umwana tumuha ijambo ndetse tukanamutoza kugira uruhare mu bikorwa. Ahongaho ntabwo ababyeyi bose barabyumva kimwe, ariko mu biganiro twagiranye biyemeje ko icyo kintu bagiye kugishyira imbere, ndetse nta mwanzuro bazongera kujya bafata mu muryango umwana atawugizemo uruhare”.

Ntakirutimana Innocent, Umukozi wa CVT ushinzwe gahunda zo kurwanya ihohoterwa rikorerwa abana ndetse n’uko abana bagira uruhare mu bikorwa

Umubyeyi witwa Theogene Uwizeyimana, utuye mu Kagari ka Gasharu, Umurenge wa Nyamirambo mu Karere ka Nyarugenge, avuga ko ubushobozi buke bw’imiryango ari indi mpamvu ituma ababyeyi bahugira mu gushaka ibitunga abana, bakirengagiza ingingo yo kuganira n’abana ku bibazo bibabangamiye.

Uyu mubyeyi ati “Ubundi kugira ngo umwana akwiyumvemo mu muryango, ni ngombwa kumuganiriza akakwiyumvamo ukaba inshuti na we, kugira ngo abashe kukubwira byose. N’ibimubangamira utabaye inshuti na we ntabwo yabikubwira”.

Elisabeth Muyinganyiki, umwe mu bana babarizwa mu Itsinda ‘Amizero’ ribarizwa mu Murenge wa Nyamirambo, agaragaza ko hari abana bagikorerwa ihohoterwa ariko abaribakorera batazi ko ari ryo. Uyu mwana avuga ko hari ubwo umubyeyi aha umwana igihano cyangwa se akamubwira amagambo mabi yibwira ko arimo kumuhana, nyamara arimo kumukomeretsa.

Muyinganyiki na we avuga ko kuganira ku bagize umuryango bose byaba imwe mu nzira zo guca ihohoterwa rikorerwa abana. Ati “Umwana utabashije kugira amahirwe yo kuganira n’ababyeyi be, arahohoterwa akicecekera akumva ko uko ari ko agomba gufatwa. Ariko iyo agize amahirwe yo kuganira n’umubyeyi, abasha kumusobanurira uburyo yiyumva, bityo umubyeyi na we akaba yahindura uburyo yamufataga”.

Muri rusange ababyeyi, abana ndetse n’abandi bafatanyabikorwa mu kurwanya ihohoterwa rikorerwa abana, basanga hakwiye gukomeza kubaho ubukangurambaga bugamije kwigisha abantu amoko y’ihohotera rikorerwa abana, mu rwego rwo gukangurira abantu kwirinda ibikorwa byose byahohotera umwana, birimo kumukoresha imirimo itemewe, kumusambanya, kumukorera ihohotera ribabaza umubiri ndetse n’amarangamutima, n’ibindi.

Ibiganiro n’ababyeyi bafite abana mu matsinda akurikiranwa na CVT

Airtel Money yoroheje uburyo bwo kohereza amafaranga ku yindi mirongo

Kuri uyu wa Kane tariki ya 05 Ukuboza 2024, nibwo Airtel Money yatangaje ko nyuma y’ibyumweru bibiri itangije ubukangurambaga bwa ‘Turi Hano’, yakomereje no ku guha abafatabuguzi bayo iminsi mikuru ya Noheli n’Ubunani.

Umuyobozi Mukuru wa Airtel Money, Jean Claude Gaga, yavuze ko ubu umuntu azajya yohereza akanakira amafaranga ku mirongo yose, nta yandi mabwiriza asabwe gukurikiza nk’uko byari bisanzwe.

Ati “Umukiriya n’ubundi aba yarubahirije amategeko n’amabwiriza yemera kuza ku murongo wacu. Nta mpamvu rero yo kongera kugora abakiriya bacu. Nta yandi mabwiriza, nta yandi mananiza akwiye kongera kubaho”.

Jean Claude Gaga, Umuyobozi Mukuru wa Airtel Money Rwanda

Mu rwego rwo guha Abanyarwanda iminsi mikuru ya Noheli n’Ubunani, Jean Claude Gaga avuga ko umufatabuguzi uzajya yohereza amafaranga ku wundi murongo akoresheje airtel money kuva ku mafaranga 1000, azajya yakira interineti ingana na megabytes guhera kuri 300 kugeza kuri 1GB mu gihe yohereje agera ku bihumbi 70, mu gihe akoresha telephone ikoranye ikoranabuhanga rigezweho (smart phone).

Mu gihe umufatabuguzi udakoresha telefoni igezweho, azajya ahabwa amayinite yo guhamagara ahwanye n’iminota 40, ashobora guhamagaza imirongo yose. Aya mashimwe yombi azajya amara amasaha 24.

Ni nako bizajya bigenda kandi ku mufatabuguzi uzajya abikuza amafaranga ku mu agenti, kuva ku mafaranga 1000, kuko na we azajya ahabwa bundles za interineti kuva kuri megabytes 300 kugera kuri Gigabyte imwe (1GB) ku bakoresha telefoni zigezweho, ndetse n’amayinite yo guhamagara ahwanye n’iminota 40 ku mirongo yose, ku badakoresha telefoni zigezweho.

Umuyobozi wa RSwitch Rwanda, Blaise Pascal Gasabira

Umuyobozi wa RSwitch Rwanda, Blaise Pascal Gasabira, ikaba ari nayo mufatanyabikorwa wa Airtel Money muri ibi bikorwa, avuga ko ubu ari uburyo bwiza bwo kugera ku ntego bihaye, yo guteza imbere uburyo bwo kohererezanya amafaranga abantu badasabwe byinshi (eKash).

Bamwe mu bafatabuguzi ba Airtel Money, bavuga ko ubu buryo bwo kubasha kohereza amafaranga ku yindi mirongo bidasabye kubanza kugira amategeko n’amabwiriza bubahiriza ari bwiza, kuko bizabarinda kujya bitwaza amafaranga mu ntoki.

Uwitwa Bihoyiki Jean de Dieu wo mu Murenge wa Kinyinya w’Akarere ka Gasabo, ati “Hari ubwo wategaga nka moto, noneho motari wajya kumwishyura ugasanga akoresha Mobile Money gusa, wajya kumwoherereza bakakubwira ngo iyo nomero ntibaho. Ubwo bikagusaba kujya kubikuza, ugasanga urata umwanya munini. Ubu rero bizaba byoroshye noneho, uzajya uhita wohereza nta yandi mananiza”.

Umuyobozi Mukuru wa Airtel Rwanda, Emmanuel Hamez

Kohereza amafaranga ku yindi mirongo ukoresheje Airtel Money, ubu bizajya bisaba gusa gukanda *182*1*2#, ubundi uhite ushyiraho amafaranga, ukurikizeho umubare w’ibanga uhite wohereza.

Abafatabuguzi ba Airtel Money bazajya bohereza amafaranga ku yindi mirongo nta yandi mabwiriza basabwe kubahiriza, kandi bahabwe n’ishimwe

Abagenzi barasobanurirwa uko babigenza mu gihe cyo gukozaho ikarita y’urugendo

Iryo geragezwa ryatangirijwe ku cyerekezo cya Nyabugogo-Kabuga ndetse na Downtown -Kabuga, ariko RURA ikaba ivuga ko uyu mwaka wa 2024 uzajya kurangira ubu buryo bukoreshwa mu byerekezo byose mu Mujyi wa Kigali.

Iri geragezwa ritangijwe nyuma y’iminsi ibiri RURA itangaje ibiciro bishya by’ingendo bijyanye n’ubu buryo bushya, aho ikilometero kimwe kizajya kishyurwa amafaranga 182.

Uko ubu buryo bushya bwo kwishyura buteye, ni uko umugenzi azajya yinjira mu modoka agakoza ikarita ye iriho amafaranga, hanyuma imashini igakuraho amafaranga yose ahwanye n’ibirometero bigize icyerekezo ajyamo. Niba uwo mugenzi ari buviremo mu nzira, mbere yo gusohoka mu modoka azajya abanza yongere akoze ikarita ye ku mashini, hanyuma imusubize amafaranga bitewe n’ayo agomba kwishyura.

Iri geragezwa ritangijwe nyuma y’iminsi ibiri RURA itangaje ibiciro bishya by’ingendo bijyanye n’ubu buryo bushya

Urugero nko kuri iki cyerekezo cya Kabuga, ni icyerekezo gifite ibilometero 25, bivuze ko umugenzi uhagurutse muri gare ya Nyabugogo agera muri gare ya Kabuga, akozaho ikarita imashini ikamukuraho amafaranga 855.

Niba umugenzi ahagurutse muri gare ya Nyabugogo yerekeza mu cyerekezo cya Kabuga ariko ari buviremo mu nzira, azajya akoza ikarita ku mashini, imukureho amafaranga 855, hanyuma najya gusohoka mu modoka yongere akozeho ikarita ye ku mashini, imugarurire amafaranga bitewe n’aho aviriyemo.

Urugero niba avuye nka Nyabugogo, ariko akaza kuviramo kuri 12 (hareshya n’ibilometero 14) igiciro kizaba 543 Frw aho kuba 855Frw.

Beata Mukangabo, Umuyobozi w’ishami rishinzwe kugenzura serivisi zo gutwara abantu n’ibintu muri RURA

Umuyobozi w’ishami rishinzwe kugenzura serivisi zo gutwara abantu n’ibintu muri RURA, Beata Mukangabo, avuga ko nk’uburyo bushya bwatangiye kugeragezwa hari zimwe mu nenge zagaragaye, harimo imashini abantu bakozaho amakarita zitashyizwe mu murongo neza, ku buryo hari izagiye zinanirwa kugarurira abagenzi amafaranga asigaye.

Uyu muyobozi ariko avuga ko aho ibyo bibazo ndetse n’ibindi byagiye bigaragara byahise bikemurwa, akaboneraho no gusaba abagenzi kumenyesha RURA igihe cyose bahuye n’imbogamizi muri iyi gahunda nshya, kugira ngo bijye bihita bikurikiranwa. RURA kandi irasaba abashoferi gukorana ubunyamwuga, bakajya bibutsa abagenzi gukozaho amakarita mu gihe baviriyemo mu nzira kugira ngo basubizwe amafaranga yabo.

Ati “Ni yo mpamvu turi muri ubu bukangurambaga bwo kwigisha. Turifuza ko abantu bose binjiye muri bisi bamenya ayo makuru ko umuntu yishyura urugendo yakoze aho kwishyura urugendo rwose. Turakomeza kubyigisha, kugira ngo abantu bose babimenye”.

Abagenzi bishimiye ubu buryo bwo kwishyura igiciro gihwanye n’urugendo umuntu yakoze

RURA kandi irihanangiriza abashoferi barenga ku mabwiriza bakakira amafaranga mu ntoki, ikanasaba abakoresha babo kubakurikirana kugira ngo bajye babyubahiriza.

Bamwe mu bagenzi batega imodoka mu cyerekezo cya Nyabugogo-Kabuga ndetse na Down Town – Kabuga, bavuga ko bishimiye ubu buryo bwo kwishyura urugendo umuntu yakoze, aho kwishyura urugendo rwose.

Uwitwa Hakizimana Samuel, ati “Ni byiza ku mugenzi kuko urumva umuntu uviramo hafi yishyura amafaranga make, mu gihe mbere yajyaga yishyura urugendo rwose”.

Nyuma y’igeregezwa ry’ubu buryo bushya, RURA izakomereza no mu bindi byerekezo kugira ngo na ho ubu buryo butangire gukoreshwa, hagamijwe korohereza abagenzi.

RURA irasaba abashoferi gukorana ubunyamwuga, bakajya bibutsa abagenzi gukozaho amakarita mu gihe baviriyemo mu nzira kugira ngo basubizwe amafaranga yabo

Abayobozi b’amashuri bari gusuzumwa imikorere

Bamwe mu bayobozi b’amashuri n’ababungirije (ushinzwe amasomo n’ushinzwe imyitwarire), baravuga ko iri suzumamikorere ryahise riza nyuma y’iminsi mike hasohotse iri teka rya Minisitiri w’Intebe, bo bakavuga ko bari bakwiye gusuzumwa nyuma y’imyaka itatu risohotse.

Nyuma y’iri teka, Ikigo cy’Igihugu gishinzwe Uburezi bw’Ibanze (REB), cyahise cyandikira ubuyobozi bw’Uturere twose, kibamenyesha ko isuzumamikorere ry’abayobozi b’amashuri n’ababungirije rigomba gutangira ku wa 25 Ugushyingo rikazageza ku wa 20 Ukuboza 2024.

Hirya no hino mu Turere iri suzuma riri gukorwa, ariko abayobozi b’amashuri ntibarivugaho rumwe. Hari bamwe mu baganiriye na Kigali Today, bavuze ko badashaka kugira icyo bavuga kuri iryo suzumamikorere, na cyane ko bo ritarabageraho.

Umuyobozi wa rimwe mu mashuri yisumbuye yo mu Karere ka Huye, yavuze ko iri suzuma ritaragera mu Karere kabo, ariko avuga ko baritegerezanyije amatsiko. Gusa uyu muyobozi yavuze ko hari byinshi bidasobanutse muri iri suzumamikorere, ariko avuga ko atarivugaho byinshi na cyane ko atazi abazaza kumukoresha isuzuma icyo bamukorera mu gihe yaba yarivuzeho nabi.

Ati “Ntabwo byoroshye kugira icyo umuntu ayivugaho pe. Si ngiye kukubeshya! None se urumva wazasuzumwa, bakaba bataragusuzuma, ukajya kujora iyo gahunda hanyuma iyo evaluation ukazayikizwa n’iki”?

Ifishi isuzumirwaho umuyobozi w’ishuri

Icyakora uyu muyobozi yavuze ko icyo yavuga ari uko iri suzumamikorere ryaje ryihuse cyane kuko ari bwo sitati iriteganya yari ikimara gusohoka, akagaragaza ko gusuzuma byari gukorwa nyuma y’imyaka itatu nk’uko sitati ibiteganya.

Ati “Byaje hutihuti. Sitati isohotse uyu munsi, bahise banasohora ibwiriza risaba ko isuzuma rihita rikorwa! Bari kureka nibura isuzuma rigakorwa nyuma y’imyaka itatu”.

Uyu muyobozi kandi avuga ko gusuzumwa nta kibazo kibirimo, na cyane ko mu gihe cyose umuntu hari inshingano afite biba ari ngombwa ko asuzumwa hakarebwa uko azubahiriza.

Kigali Today kandi yavuganye n’undi muyobozi w’ishuri mu Karere ka Gisagara. Muri aka Karere na ho isuzumamikorere ryari ritaratangira gukorwa, ariko uyu muyobozi yavuze ko baryiteguye.

Kimwe na mugenzi we wo mu Karere ka Huye, uyu muyobozi na we yavuze ko iri suzuma ryaje ryihuse kuko ari bwo sitati iriteganya yari ikimara gusohoka. Uyu muyobozi avuga ko bafite impungenge ko abazabakorera isuzuma bazabagenzura ku bintu batasinyanye imihigo.

Ifishi isuzumirwaho umuyobozi w’ishuri wungirije ushinzwe amasomo

Ati “Impungenge ntizabura. None se niba umuntu asohoye sitati, bukeye bwaho agahita asohora ibaruwa y’isuzuma, ubwo urumva nta mpungenge zirimo wowe? Gusuzuma byo si bibi, ariko bari bakwiye gufata imyaka itatu nk’uko sitati ibiteganya”.

Ikindi giteye impungenge abayobozi b’amashuri ngo ni uko mu bagize itsinda rizasuzuma ku rwego rw’akarere harimo abantu badafite ubumenyi buhagije mu burezi, ku buryo hari ibyo bashobora kuzarenganyaho abayobozi b’amashuri kandi nyamara atari bo bagakwiye kubibazwa.

Uyu muyobozi ati “Umuntu umukoreye isuzuma ko wenda abanyeshuri batsindwa, kandi gushyira abanyeshuri mu myanya atari we ubikora (nka kumwe NESA ishyira abanyeshuri mu mashami yigisha amasomo batsinzwe), iryo kosa ari umuntu uba urifitemo uruhare wundi. Ikindi wenda niba nk’ishuri rimaze nk’imyaka ibiri rifite ikibazo cyo kubura abarimu baragiye hataraza abandi, abana bagatsindwa, ibyo si umuyobozi uba ukwiye kubibazwa”.

Ku rundi ruhande ariko, hari bamwe mu bayobozi b’amashuri bavuga ko iri ari isuzuma nk’andi basanzwe bakorerwa, bakavuga ko nta gikwiye gutera bamwe ubwoba.

Umuyobozi w’Urwunge rw’Amashuri rwa Kagugu mu Mujyi wa Kigali, Padiri Jean Bosco Bizumuremyi, avuga ko igikwiye kwitabwaho ari ukureba niba koko iri suzumamikorere ari ryo ryari rikenewe mu kuzamura ireme ry’uburezi, na cyane ko ireme ry’uburezi rikeneye ubufatanye bw’inzego zitandukanye.

Umuyobozi w’ishami rishinzwe Iterambere n’Imicungire y’abarimu mu Kigo cy’Igihugu cy’Uburezi bw’Ibanze (REB), Mugenzi Leon, avuga ko abayobozi batewe impungenge ari abashobora kuba hari ibyo batuzuza neza.

Mugenzi Leon, Umuyobozi w’Ishami rishinzwe iterambere n’imicungire y’abarimu

Ati “Abafite impungenge ni abafite ibyo batuzuza mu inshingano zabo, naho abuzuza inshingano zabo uko bikwiye ntibakagombye kugira impungenge, ahubwo bakwiye kubyishimira mu rwego rwo gusuzuma aho bafite intege nke bityo bakabona aho bikosora”.

Ku birebana no kumenya niba iri suzuma ari ryo ryari rikenewe mu kuzamura ireme ry’uburezi, uyu muyobozi avuga ko iri suzuma rigamije gusuzuma ibipimo by’imiyoborere y’amashuri mu Rwanda mu rwego rwo kunoza imyigire n’imyigishirize biganisha mu kuzamura ireme ry’uburezi.

Iri suzumamikorere rirakorwa ku bufatanye bwa REB n’Uturere. Akarere n’abo bafatanya bakora isuzumamikorere ry’abayozi, ariko iryo suzuma rikazuzuzwa n’iryo REB na yo izakora.

Mugenzi avuga ko iri suzumamikorere rizakorwa mu mucyo no mu bwisanzure, aho umuyobozi umwe azajya asuzumwa nibura n’abantu batatu.

REB ivuga ko isuzumabushobozi nirirangira ku byiciro byose, hazakurikiraho gusesengura ibyavuye mu isuzuma, bityo harebwe intambwe zikurikira ibyavuye mu isuzuma.

Iteka rya Minisitiri w’Intebe riteganya ko umuyobozi w’ishuri uzatsindwa isuzuma azareka kuba umuyobozi ahubwo akajya kwigisha.

Mu gihe adahise abona ishuri yigishamo, azahabwa igihe cy’amezi atandatu cyo kuhashaka, icyo gihe akazajya ahembwa 2/3 by’umushahara yahembwaga. Ayo mezi n’arangira azongererwa andi mezi atandatu yo gushaka umwanya wo kwigisha ariko noneho adahembwa, narangira atahabonye yirukanwe burundu.

Hatangijwe urubuga ruhuza ba rwiyemezamirimo bato, abarimo hagati n’abaciriritse ndetse n’amabanki, hagamijwe kuborohereza kugera ku mafaranga

Ibi barabivuga mu gihe hari abagaragaza ko bakigorwa no kubona inguzanyo, ahanini bitewe no kutagira ingwate zifuzwa ndetse n’izindi mbogamizi zikigaragara mu mitangire y’inguzanyo.

Kuri uyu wa Kane tariki 28 Ugushyingo 2024, Urugaga rw’Abikorera mu Rwanda (PSF), hamwe n’abandi bafatanyabikorwa batangije urubuga ruhuza ba rwiyemezamirimo bato, abarimo hagati n’abaciriritse ndetse n’amabanki, hagamijwe kuborohereza kugera ku mafaranga (private sector financial inclusion empowerment & msme financing gateway).

Bimwe mu bibazo ba rwiyemezamirimo bagaragaza ko bikibabangamira mu kubona inguzanyo, harimo gutinda guhabwa inguzanyo bigatuma imishinga yabo idindira, kubaha amafaranga batasabye, kuzamura inyungu umukiliya ntabimenye, amasezerano y’inguzanyo yanditse mu ndimi z’amahanga n’ibindi.

Munyakazi Sadate, Umuyobozi w’Ikigo ’Karame Rwanda’

Munyakazi Sadate, Umuyobozi wa Karame Rwanda, avuga ko kugira ngo ba rwiyemezamirimo bato n’abaciriritse babashe gutera imbere ari uko babasha kugera ku mafaranga kandi bakoroherezwa uburyo bwo kuyageraho.

Agira ati “Ingwate ni ikibazo, noneho byagera kuri ziriya sosiyete ntoya n’iziciriritse bikaba ikibazo kurenzaho. Kugira ngo rero badufashe, icya mbere ni uko badufasha kubona amafaranga tutagowe n’ingwate. Hari ibigega by’ingwate bishobora kwishingira abantu”.

Munyakazi kandi avuga ko amabanki na yo akwiye guhindura imyumvire n’imikorere, akajya aha abantu inguzanyo hatagendewe gusa ku ngwate.

Umuyobozi w’ishami rishinzwe rishinzwe gushyira mu bikorwa imishinga yihariye (SPIU), Burabyo Penny

Ati “N’amabanki agomba guhindura imitekerereze akaba yanareba umushinga umuntu agiye gukora niba ushoboka, byaba na ngombwa bakazana abakozi babo bakajya muri uwo mushinga, inguzanyo baduhaye bazikurikirane ariko ntibitubere imbogamizi yo kutagera ku mafaranga”.

Umuyobozi w’ishami rishinzwe rishinzwe gushyira mu bikorwa imishinga yihariye (SPIU)muri PSF, Burabyo Penny, agaragaza ko uru rubuga rwatangijwe uyu munsi ari uburyo bwo gufasha abafite ibigo bito n’ibiciriritse kubona amakuru arebana na serivisi zose za banki ku birebana n’inguzanyo, bityo bibarinde gusiragira bazenguruka amabanki.

Agira ati “Amabanki yose azashyiraho amakuru arebana n’inguzanyo cyangwa izindi serivisi bafite, noneho aho kugira ngo umucuruzi yirirwe azenguruka amabanki ashaka inguzanyo, ajye ajya ku rubuga rumwe abone amakuru yose, ahitemo aho ajya kuvugana na bo ngo abone amafaranga amuteza imbere”.

Umuyobozi Mukuru muri Minisiteri y’Imari n’Igenamigambi ushinzwe Isoko ry’Imari n’Imigabane n’Ishoramari, Steven Biganiro

Umuyobozi Mukuru muri Minisiteri y’Imari n’Igenamigambi ushinzwe Isoko ry’Imari n’Imigabane n’Ishoramari, Steven Biganiro, avuga ko imbogamizi zigaragazwa na ba rwiyemezamirimo hakwiye kurebwa uko zavanwaho, kuko aho isi igeze hari ubundi buryo amabanki yakoresha atagendeye gusa ku ngwate.

Ati “Icya mbere ni uguhindura uburyo ibigo bitanga inguzanyo byigamo amadosiye. Turi mu bihe bigenda bihinduka, aho abantu uyu munsi badakwiye kureberwa ku ngwate bafite, ahubwo bakareberwa cyane cyane ku bikorwa bakora, bakanibanda ku kureba icyo ibigo bito bikora, uko byinjiza, […] aho kureba cyane ku ngwate”.

Uyu muyobozi avuga ko hakenewe ubufatanye bw’inzego zose mu kurera uko izi mbogamizi zagabanuka, mu rwego rwo gufasha ba rwiyemezamirimo bato n’abaciriritse kugera ku mari.

Hatangijwe urubuga ruhuza ba rwiyemezamirimo n’ibigo by’imari

Ba rwiyemezamirimo barasaba koroherezwa kubona inguzanyo

Ibyo bishushanyo mbonera bigena imikoreshereze y’ubutaka ku buso bwose bw’Akarere, haba mu mijyi ndetse no mu byaro.

Igishushanyo mbonera cy’imikoreshereze y’ubutaka cyo ku rwego rw’Igihugu, cyemerejwe rimwe n’icy’Umujyi wa Kigali, muri Nyakanga 2020.

Ikigo cy’Igihugu gishinzwe Ubutaka (NLA) kivuga ko ibishushanyo mbonera by’Uturere 13 byamaze kwemezwa n’Inama y’Abaminisitiri.

Muri iyi nkuru, tugiye kugaruka ku bishushanyo mbonera by’Uturere two mu Ntara y’Amajyaruguru byemejwe n’Inama y’Abaminisitiri, ari two Musanze, Rulindo, Gakenke na Gicumbi.

Akarere ka Musanze:

Akarere ka Musanze kihaye intego yo kuba ‘Igicumbi cy’Ubukerarugendo’.

I Musanze bazateza imbere ubukerarugendo bwo mu Birunga

Ibarura rusange ry’abaturage n’imiturire ryo muri 2022, ryagaragaje ko aka Karere kari gatuwe n’abaturage 476,522. Byitezwe ko muri 2035 kazaba gatuwe n’abaturage 607,163, naho muri 2050 kakazaba gatuwe n’abaturage 803,000. Aka Karere kazaba gafite site zo guturaho 81.

Umujyi w’Akarere ka Musanze ubarizwa mu Mirenge ya Muhoza, Cyuve na Gacaca. Imijyi mito yunganira uyu mujyi ni Byangabo na Kampala-Kinkware.

Igice kinini cy’ubutaka bw’Akarere ka Musanze cyagenewe ibikorwa by’ubuhinzi n’ubworozi, kuko byagenewe 36% by’ubuso bwose bw’Akarere.

Igishushanyo mbonera cy’Akarere ka Musanze

Amashyamba n’ubukerarugendo byahariwe 35%, iterambere ry’imijyi, imiturire n’ibikorwa remezo bigenerwa 19%, naho ibyanya by’amazi n’ibishanga bikaba byaragenewe 10%.

Imwe mu mishinga minini iteganyijwe mu Karere ka Musanze kuva mu mwaka wa 2035 kugera muri 2050, harimo kwagura Pariki y’Igihugu y’Ibirunga, guteza imbere Icyanya cy’Inganda, guteza imbere ubukerarugendo bukorerwa muri Pariki y’Igihugu y’Ibirunga, guteza imbere ubukerarugendo ku Biyaga bya Burera na Rugondo, n’indi.

Mu Majyaruguru bazateza imbere ubukerarugendo muri Burera na Ruhondo

Akarere ka Rulindo:

Akarere ka Rulindo kahisemo intego yo kuba ‘Igicumbi cy’iterambere ry’ubuhinzi, ubucukuzi bw’amabuye y’agaciro n’ubucuruzi bushingiye ku ngendo’.

Ibarura rusange ry’abaturage n’imiturire ryo muri 2022, ryagaragaje ko aka Karere kari gatuwe n’abaturage 360,144. Byitezwe ko muri 2035 kazaba gatuwe n’abaturage 419,211, naho muri 2050 kakazaba gatuwe n’abaturage 499,500. Aka Karere kazaba gafite site zo guturaho 93.

Igishushanyo mbonera cy’Akarere ka Rulindo

Umujyi w’Akarere ka Rulindo ubarizwa mu Mirenge ya Cyinzuzi na Ngoma. Imijyi mito yunganira uyu mujyi ni Shyorongi, Kinini, Bubangu na Kinihira.

Igice kinini cy’ubuso bw’ubutaka bw’aka Karere bwahariwe ubuhinzi n’ubworozi, kuko bufite 55.5% by’ubuso bwose, amashyamba n’ubukerarugendo bikagira 19.9%, iterambere ry’imijyi, imiturire n’ibikorwa remezo bikagira 16.3%, naho ibyanya by’amazi n’ibishanga bikagira 7.6% by’ubuso bwose.

Mu bizitabwaho muri Rulindo harimo no guteza imbere ubuhinzi. Aha ni hamwe mu hakorerwa ubuhinzi muri Kisaro

Imwe mu mishinga minini iteganyijwe mu Karere ka Rulindo mu mwaka wa 2035 kugera mu 2050, harimo kubaka umuhanda Nyacyonga-Mukoto, kubaka ibikorwa byo kuhira ‘Muyanza irrigation scheme’, kubaka udukiriro n’amasoko agezweho (Modern Markets), kubaka ibiro bikuru by’Akarere mu Murenge wa Ngoma, kuvugurura umuhanda Rwintare-Gitanda-Muvumo ufite ibirometero 17 n’indi.

Akarere ka Gakenke:

Akarere ka Gakenke kahisemo kuba ‘Igicumbi cy’iterambere ry’ubuhinzi, amashyamba n’ubucukuzi bw’amabuye y’agaciro’.

Umujyi w’Akarere ka Gakenke ubarizwa mu Mirenge ya Gakenke na Nemba. Imijyi mito yunganira uyu mujyi ni Ruli na Rushashi.

Mu mishinga iteganyijwe muri Gakenke harimo guteza imbere ubuhinzi bwa Kawa

Muri iki gice cy’umujyi wa Gakenke, mu mwaka wa 2023 habarurwaga ko hatuye abaturage 6,374 bikaba byitezwe ko muri ako gace, muri 2050 hazaba hatuye abaturage 150,000.

Mu gice cy’imijyi mito yunganira umujyi w’aka karere, muri 2023 habarurwaga abaturage 8,414, bikaba byitezwe ko muri 2050 hazaba hatuye 53,000.

Akarere ka Gakenke karimo site zo guturaho 142. Kugeza mu mwaka wa 2023, izi site zari zituweho n’abaturage 350,504. Byitezwe ko mu mwaka wa 2050, izi site zizaba zituweho n’abaturage 170,000.

Igice kinini cy’ubutaka bw’Akarere ka Gakenke cyahariwe ubuhinzi n’ubworozi, bwahariwe 56.3% by’ubuso bwose bw’Akarere.

Amashyamba n’ubukerarugendo byahariwe 21.5%, iterambere ry’imijyi, imiturire n’ibikorwa remezo bihabwa 16.6%, naho ibyanya by’amazi n’ibishanga biharirwa 5.6%.

Ibiro by’Akarere ka Gakenke

Imwe mu mishinga minini iteganyijwe mu Karere ka Gakenke, harimo guteza imbere ubuhinzi bwa Kawa ndetse no kubaka imihanda. Mu iteganyijwe kubakwa harimo uhuza Akarere ka Gakenke n’aka Musanze unyuze mu Mirenge ya Gakenke, Mataba, Muzo, Mugunga, Rusasa, Busengo na Cyabingo, hakabamo n’umuhanda (Kirenge-Rushashi), uhuza isantere ya Rushashi n’Akarere ka Rulindo, unyuze mu Murenge wa Muyongwe, hamwe n’umuhanda uhuza isantere ya Ruli n’Akarere ka Muhanga.

Harimo kandi kubaka ikimoteri cy’akarere, kubaka imiyoboro y’amazi n’iy’amashanyarazi, kubaka imihanda y’imigenderano, kubaka no gusana ibiraro, n’indi.

Akarere ka Gicumbi:

Icyerekezo cy’ Akarere ka Gicumbi muri 2050

Bitewe cyane cyane n’aho Akarere ka Gicumbi gaherereye hagati y’Umujyi wa Kigali ndetse n’Igihugu cya Uganda, iterambere ryako rizashingira ku “Ubucuruzi bwambukiranya imipaka, ubukerarugendo, ubucukuzi bw’amabuye y’agaciro, ubuhinzi n’ubworozi”.

Iterambere ry’imijyi n’ibyaro

Umujyi w’Akarere ka Gicumbi ukora mu Mirenge itatu ari yo Byumba, Kageyo na Rukomo, hakaba n’imijyi mito yunganira uyu mujyi, ari yo Rutare na Gaseke. Hari kandi na site z’Imidugudu 131 ziri mu mirenge yose y’Akarere uko ari 21.

Ibarura rusange ryo muri 2022 ry’Abaturage n’Imiturire mu Rwanda, ryerekanye ko ikigereranyo cy’imiturire mu mijyi cyari 6.3% mu gihe mu cyaro cyari 93.7%.

Bimwe mu bikubiye mu gishushanyo mbonera cy’Akarere ka Gicumbi

Igishushanyo mbonera cy’Akarere ka Gicumbi giteganya ko byibura mu mwaka wa 2050 abatuye mu mijyi bazaba bageze kuri 51.7 % naho 48.3% bakazaba batuye mu byaro.

Abaturage

Ibarura rusange ryo muri 2022 ry’Abaturage n’Imiturire mu Rwanda, ryagaragaje ko Akarere ka Gicumbikari gatuwe n’Abaturage 448,824. Biteganyijwe ko mu mwaka wa 2035 bazaba bangana na 486,413 ndetse bakazanagera ku 533,714 mu mwaka wa 2050.

Muri bo, 151,626 bazaba batuye mu mijyi mu mwaka wa 2035 bakaziyongera bakagera kuri 275,684 mu mwaka wa 2050.

Igishushanyombonera cy’Akarere ka Gicumbi giteganya ko umujyi mukuru wa Gicumbi uzaba utuwe n’abaturage 82,000 mu mwaka wa 2035, ndetse na 150,000 mu mwaka wa 2050.

Imijyi mito yunganira umujyi wa Gicumbi ari yo Gaseke na Rutare, izaba ituwe n’abaturage 23,150 mu mwaka 2035 ndetse na 53,000 mu mwaka wa 2050.

Amasite y’imidugudu yo gutuza abaturage mu byaro angana na 131, azatuza abaturage 190,000 mu mwaka wa 2050.

Imikoreshereze y’Ubutaka

Ubuhinzi n’ubworozi bwagenewe 53.8%, amashyamba n’ubukerarugendo 26%, iterambere ry’Imijyi, imiturire n’ibikorwa remezo 13.2%, ibyanya by’amazi n’ibishanga, ibyanya byo gusohokeramo no kwidagadura bigenerwa 7%.

Byagaragaye ko abantu bashakira ubufasha mu matsinda kurusha kwa muganga (Photo Internet)

Mu cyumweru gishize, Umuryango Uharanira Amahoro Arambye (Interpeace), watangaje ubushakashatsi bwakozwe mu mwaka ushize wa 2023, kuri gahunda zireba imibanire myiza y’umuryango ndetse no komora ibikomere.

Umuyobozi Mukuru wa Interpeace Rwanda, Frank Kayitare, avuga ko icyari kigamijwe muri ubwo bushakashatsi, kwari ukureba niba izo gahunda zikora, uko zikora ndetse n’aho zifite intege nke kugira ngo harebwe ibyahinduka.

Uyu muyobozi yavuze ko ubu bushakashatsi bwakozwe mu bice bibiri bitandukanye, birimo kureba uko imibanire myiza y’imiryango ihagaze no kureba umusaruro wa gahunda yo komora ibikomere.

Ku birebana no komora ibikomere binyuze mu biganiro bibera mu miryango, byagaragaye ko kuganira hagati y’ababyeyi ubwabo ndetse n’ababyeyi n’abana byaratanze umusaruro ku kigero cya 99%.

Ubwo bushakashatsi bwagaragaje ko hari aho ababyeyi bagaragaje ko kuganiriza abana mu miryango, kubagira inama zirebana n’imyitwarire ndetse n’amasomo, byarahinduye imyitwarire y’abana babo.

Umuyobozi Mukuru wa Interpeace Rwanda, Frank Kayitare

Kayitare agira ati “Hari umubyeyi wavuze ngo tugifite amakimbirane abana baratsindwaga mu mashuri, ariko kuva aho dutangiye kubegera tukabagira inama tukabafasha gukora imikoro, imyitwarire n’imitsindire yariyongereye”.

Kayitare avuga ko ibi bigaragaza ko umusaruro utabonetse gusa ku buzima bwo mu mutwe, ahubwo no ku mibanire, bikanagira ingaruka ku myitwarire y’abana n’uko ababyeyi babanye.

Ni ubishakashatsi kandi bwerekanye ko komora ibikomere cyane cyane ku bagifite ibikomere biri ku rwego rwo hejuru, kuganira mu matsinda byakemuye ibyo bibazo ku kigero kiri hejuru ya 75% - 94%.

Kayitare ati “Icyo byatwigishije ni uko abantu muri rusange, cyane cyane abafite ibibazo by’ubuzima bwo mu mutwe, bitabira gushaka ubufasha mu matsinda kurusha kujya kureba umuganga ku giti cye”.

Umuyobozi w’ishami rishinzwe kwita ku Buzima bwo mu Mutwe mu Kigo cy’Igihugu cyita ku Buzima (RBC), Dr. Gishoma Darius, agaragaza ko nyuma y’imyaka 30 Jenoside yakorewe Abatutsi ibaye, hari byinshi byafashije abantu cyane cyane ku birebana n’ubuzima bwo mu mutwe, harimo nko kwegereza abantu serivisi z’ubuvuzi kugera ku Bigo Nderabuzima.

Dr. Gishoma ariko avuga ko serivisi zose zidatangirwa kwa muganga, kuko hari n’ibiganiro bibera mu matsinda mu midugudu, kandi na byo bikaba biri mu byagaragaye ko bitanga umusaruro.

Umuyobozi w’ishami rishinzwe kwita ku Buzima bwo mu Mutwe mu Kigo cy’Igihugu cyita ku Buzima (RBC), Dr. Gishoma Darius

Agira ati “Ibintu byose ntabwo bibera kwa muganga. Bibereye kwa muganga gusa, haba hari aho tutagera. Hari n’ibiganiro bibera mu matsinda ku midugudu, kugira ngo ayo mateka bagende bayaganira, nyuma bagire intego zo kujya imbere”.

Uyu muyobozi avuga ko kugeza ubu RBC ikorana n’imiryango irenze 50, iganiriza abaturage mu midugudu, mu gufasha abaturage gutera intambwe mu gukira ibikomere, bitabasabye guhora kwa muganga.

Inzobere mu buvuzi zirasaba ubufatanye mu guhangana n’ikibazo cy’udukoko tugira ubudahangarwa ku miti

Ibi ni bimwe mu byagarutsweho mu nama ya mbere ku kibazo cy’udukoko tugira ubudahangarwa ku miti, yabereye bwa mbere mu Rwanda kuri uyu wa Gatanu tariki 22 Ugushyingo 2024. Iyi nama yari ifite insanganyamatsiko yo “gukora ubuvugizi, kwigisha no gukora uyu munsi”.

Umuyobozi wa Laboratwari y’Igihugu, Dr. Isabelle Mukagatare, avuga ko mu rwego rwo guhangana n’ubukana bw’iki kibazo bisaba abaturage kurushaho kunoza isuku, kandi abaturage bakajya bubahiriza amabwiriza bahawe na muganga mu gihe abandikiye imiti.

Agira ati “Icya mbere ni ukunoza isuku, nk’ibi byo gukaraba intoki neza. Kuko iyo udakarabye neza, usanga twa dukoko tukugumyeho noneho ukaba wakwanduza n’abandi bantu. Icya kabiri ni ukubahiriza uburyo bwo gufata imiti. Hari igihe umuturage arwara, akavuga ngo mugenzi wanjye yigeze kurwara indwara nk’iyi, akajya kumusaba utunini yasaguye kandi wenda indwara zitanahuye”.

Dr. Mukagatare kandi agira inama abaturage kwihutira kujya kwa muganga igihe cyose barwaye, kugira ngo muganga abahe imiti ihura neza n’uburwayi bafite kandi bayifate uko babisabwe na muganga.

Umuyobozi wa Laboratwari y’Igihugu, Dr. Isabelle Mukagatare

Ati “Iyo miti iyo uyifashe ku buryo budakwiriye, bituma imbaraga ziba nkeya ka gakoko kakaba kasuzugura wa muti”.

Umuyobozi w’Ishami ry’Umuryango w’Abibumbye ryita ku Buzima (OMS) mu Rwanda, Dr. Chilombo Brian, avuga ko hakwiye gushakwa ingamba zo guhangana n’iki kibazo, zirimo nko gukorera hamwe kw’inzego zose.

Ati “Dukomeje guhura n’ikibazo cy’indwara zirimo umusonga, malariya, igituntu n’izindi. Ubushakashatsi bwakorewe hano mu Rwanda bwagaragaje ko hari udukoko tugira ubudahangarwa ku miti yari isanzwe ivura malariya, bivuze ko iki kibazo gishaka gusubiza inyuma ibyo twagezeho mu myaka 20 ishize”.

Umuyobozi wa OMS mu Rwanda, Brian Chilombo

Ikigo cy’Igihugu cyita ku Buzima (RBC), kivuga ko ubudahangarwa bw’udukoko ku miti ari ikibazo gihangayikishije cyane, kuko hari abantu barwara ugasanga nk’imiti itandatu yari isanzwe ivura ubwo burwayi agakoko karayisuzuguye yose.

Imibare y’Ishami ry’Umuryango w’Abibumbye ryita ku Buzima (OMS), igaragaraza ko iki kibazo cy’udukoko tugira ubudahangarwa ku miti, buri mwaka gihitana abantu basaga ibihumbi 700.

OMS kandi igaragaza ko haramutse nta gikozwe, mu mwaka wa 2050 iki kibazo cyazahitana abantu basaga miliyoni 20 ku mwaka.

Inama ya mbere ihuje abashinzwe kwita ku bakozi muri Afurika yabereye mu Rwanda

Naho imibare y’Urwego rw’Igihugu rw’Iterambere (RDB) yo muri 2020, igaragaza ko abakoresha barenga 40% bagaragaje ko bagorwa no kubona abakandida bujuje ibikenewe mu kazi bakenewemo.

Iyi ni imwe mu ngingo benshi bavuga ko ishobora kuba ishingiye ku buryo abiga muri Kaminuza bigishwamo, ndetse n’uburyo abasaba kujya muri Kaminuza bahabwa amashami bagomba kwiga.

Urugero ni uwitwa Mukamana (Izina twamuhaye) mu mwaka wa 2019, wasabye kwiga muri Kaminuza y’u Rwanda, mu Ishami ry’Ubugeni n’Ubumenyi Rusange, ariko ntiyabyemererwa, ahubwo yemererwa mu mwaka wakurikiyeho kandi nabwo ahabwa kwiga icungamutungo.

Ati “N’ubwo ntahawe ishami nifuzaga kwiga ariko byaranshimishije”.

Iki kibazo cy’abarangiza amashuri badafite ubumenyi bukenewe ku isoko ry’umurimo, Minisiteri y’Abakozi ba Leta n’Umurimo (MIFOTRA), ivuga ko gihari ariko atari umwihariko w’u Rwanda gusa.

Minisitiri w’Abakozi ba Leta n’Umurimo, Amb. Christine Nkulikiyinka

Minisitiri w’Abakozi ba Leta n’Umurimo, Amb. Christine Nkulikiyinka, avuga ko mu rwego rwo kugishakira igisubizo, harimo gutegurwa gahunda yo kureba ubushobozi buzakenerwa mu gihe kirekire mu mirimo izaza ku isoko, kugira ngo hategurwe abantu bazakenerwa muri iyo mirimo.

Agira ati “Turimo gutegura gahunda yo kuzajya tureba mu gihe kirekire, imirimo igiye kuza ku isoko irasaba iki, kugira ngo hakiri kare abo bantu tubategure, noneho igihe iyo mirimo izazira, niba hagiye gufungurwa uruganda rw’impu mu myaka ibiri, tube twigishije abantu muri iyo mirimo yose izakenerwa, urwo ruganda nirufungura rusange barahari”.

Minisitiri Nkurikiyinka kandi avuga ko Leta izakomeza gushyira imbaraga muri gahunda yo kwigira ku murimo, ahanini kuko ibyigishwa mu bitabo biba bitandukanye n’ibyo abantu basanga mu kazi.

Kuva ku wa Gatatu tariki ya 20 kugeza ku ya 22 Ugushyingo 2024, mu Rwanda hateraniye Inama Nyafurika ihuje abashinzwe kwita ku bakozi (Human Resources Managers), ifite insanganyamatsiko yo guhuza imikorere y’uru rwego n’Icyerekezo 2063 cya Afurika.

Abitabiriye iyi nama ibaye ku nshuro ya mbere, bagaragaza ko uru rwego rukirimo ibibazo nk’aho hari ababona imirimo mu bihugu batavukamo, ariko ugasanga batoroherezwa kugera muri ibyo bihugu n’ibindi.

Steven Murenzi, Umuyobozi wa People Matters Kigali-Rwanda

Ku birebana n’ubushobozi bw’abakozi, Murenzi Steven, ushinzwe kwita ku bakozi mu Kigo cy’Igihugu cy’Imisoro n’Amahoro (Rwanda Revenue Authority), akaba yaranashinze Ihuriro ry’Abanyamwuga mu kwita ku bakozi ryitwa People Matters Kigali-Rwanda, avuga ko uko iterambere rirushaho kwihuta ari na ko ubushobozi n’ubumenyi bw’abakozi na byo bigenda bitakaza agaciro, ku buryo bisaba ibigo gukomeza gushyiraho uburyo bwo kubongerera ubumenyi n’ubushobozi.

Agira ati “Mu gihe cy’umwaka umwe usanga ubumenyi wari ufite butaye agaciro ku kigero cya 60%. Ibyo byose ni byo turi kwigaho, tureba ngo ese ejo iki gihugu kizaba kimeze gute? Turabyigaho kandi turagenda tubona bitanga umusaruro, abantu baratanga ibitekerezo kandi byiza”.

Ku birebana no kongerera abakozi ubushobozi, ibipimo bigenderwaho ku rwego rw’Isi (Global benchmark), bivuga ko ikigo cyagakwiye kugena ingengo y’imari ikoreshwa iri hagati ya 2% na 5% by’ingengo y’imari yose, ariko bikagendera ku rwego runaka rw’imirimo.

Urugero nko ku ikoranabuhanga ryo mu nganda, ibi bipimo biteganya ko nibura ikigo kiri muri uru rwego cyakagombye gukoresha ingengo y’imari iri hagati ya 4% na 7%, mu nganda zisanzwe bikaba hagati ya 2% na 4%, mu bigo bya Leta n’imiryango itegamiye kuri Leta bikaba hagati ya 1% na 3% naho mu rwego rw’uburezi n’ubuzima ibipimo bikaba hagati ya 5% na 10%.

Dr. Darius Gishoma, Umuyobozi ushinzwe gukurikirana ibibazo by’ubuzima bwo mu mutwe muri RBC

Izo moto zatanzwe kuri uyu wa Kabiri tariki 19 Ugushyingo 2024, zizahabwa abakozi bashinzwe ubuzima bwo mu mutwe ku bigo nderabuzima, mu rwego rwo kurushaho kwegera abaturage hagamijwe kubegereza serivisi z’ubuzima bwo mu mutwe.

Umuyobozi ushinzwe gukurikirana ibibazo by’ubuzima bwo mu mutwe muri RBC, Dr. Darius Gishoma, avuga ko ubusanzwe kuva ku bitaro by’uturere, ibya Kaminuza ndetse n’ibigo nderabuzima, hasanzwe hari abakozi bashinzwe kwita ku buzima bwo mu mutwe, ariko bikaba bibagora kwegera abaturage mu midugudu no mu tugari.

Agira ati “Izi moto zigiye gufasha abakorera ku bigo nderabuzima, bamanuke begere abaturage cyane, babagezeho serivisi zirimo kubapima, kubaha amakuru, no gufasha abajyanama b’ubuzima n’abakorerabushake ba Interpeace, bigamije kwegereza abaturage serivisi z’ubuzima bwo mu mutwe”.

Izi moto zashyikirijwe abayobozi b’ibitaro by’uturere, ariko zikazahita zoherezwa mu bigo nderabuzima biri muri utwo turere bisanzwe bikorana n’Umuryango Interpeace.

Hatanzwe moto 39

Umuyobozi w’Ibitaro bya Shyira mu Karere ka Nyabihu, Dr. Mukantwaza Pierette, avuga ko Nyabihu ari Akarere kagizwe ahanini n’imisozi miremire, kugera ku baturage bitorohera abakozi bashinzwe ubuzima bwo mu mutwe.

Ati “Hari n’igihe abaturage baduhamagara batabashijekuza ku bitaro, bigasaba ko tubasanga aho bari, hari n’ababa bafata imiti ariko batayifata uko bikwiye, na bo bikaba ngombwa ko tubasanga aho batuye. Izi moto rero zizadufasha kugira ngo abakozi babashe kubageraho byoroshye”.

Umuyobozi wa Interpeace Rwanda, Frank Kayitare, agaragaza ko mu bushakashatsi bakoze basanze bigora abakozi bashinzwe gukurikirana ubuzima bwo mu mutwe ku bigo nderabuzima kugera ku bagenerwabikorwa, ndetse basanga hari n’ikibazo cy’ubumenyi ku bijyanye n’ubuzima bwo mu mutwe burikiri hasi mu giturage.

Uyu muyobozi kandi avuga ko basanze ubushozbozi bw’ibigo nderabuzima bwo kubasha kugera ku baturage bukiri buke, ari yo mpamvu hatekerejwe gutanga izi moto ngo zifashe abakozi bo kwa muganga kugera ku baturage baganire na bo, kugira ngo niba hari ufite ikibazo amenyekane vuba afashwe.

Umuyobozi wa Interpeace Rwanda, Frank Kayitare

Ati “Twifuza ko mu gihe habaye inteko z’abaturage ndetse n’ibindi bikorwa bihuriza hamwe abaturage, aba bashinzwe ubuzima bwo mu mutwe bakwiye kwitabira, kugira ngo baganirize abaturage ku bibazo by’ubuzima bwo mu mutwe, bamenye uko bakwitwara mu gihe hari ugize ikibazo, aho yabariza ubufasha n’ibindi”.

Moto zatanzwe ni izo mu bwooko bwa Yamaha AG 125, zikaba zarabonetse ku bufatanye na Leta ya Suede binyuze muri Interpeace. Hamwe n’ibikoresho biziherekeje birimo ingofero zabugenewe (Casques), uturindantoki (gloves) ndetse n’ibikoresho by’ikoranabuhanga bizabafasha mu kazi, byatwaye hafi miliyoni 300 z’mafaranga y’u Rwanda.

Zigomba gushyikirizwa ibigo nderabuzima byo mu Turere twa Musanze, Nyamagabe, Ngoma, Nyagatare na Nyabihu.

hasinywe amasezerano hagati ya Ambasade ya Suede, Interpeace Rwanda na RBC

Hagiye gutangwa ibihembo ku bigo byahize ibindi mu kwita ku bakozi

Ibi bihembo bigeye gutangwa ku nshuro ya mbere, bizatangwa tariki 20 Ukuboza 2024.

Ubuyobozi bwa People Matters Kigali-Rwanda, buvuga ko ibi bihembo bizaba biri mu byiciro icumi bitandukanye, aho muri buri cyiciro hazavamo ibigo bitatu byitwaye neza mu gufata neza abakozi babyo muri 2024 ndetse no kugira inama ibigo uko byafata neza abakozi.

Hazahembwa kandi ibigo bikizamuka (bishya) byafashe neza abakozi ariko bitarengeje imyaka ibiri bibayeho.

Umuyobozi wa People Matters Kigali-Rwanda, Steven Murenzi, avuga ko ari ngombwa gushimira ibigo bifata neza abakozi, kuko iyo umukozi afashwe neza bituma akora akazi ke yishimye kandi akagakora neza bityo n’ikigo akorera kikabona umusaruro.

Murenzi Steven, Umuyobozi wa People Matters Kigali-Rwanda

Ati “Twaricaye turavunga ngo ibigo byita ku bakozi gute? Ibifata neza abakozi babyo kuki tutabishimira? Ni ho rero havuyemo igitekerezo cyo kuvuga ngo ibigo byita ku bakozi reka na byo tubishimire, ni bwo bwa mbere bigeye kuba mu Gihugu. Ubundi habagaho ibindi bihembo bitandukanye ariko ntawashimiraga uwitaye kuri abo bakozi. Iyo gahunda ni yo tugambiriye, kandi ni yo dushyize imbere”.

Ibigo ndetse n’abashinzwe kwita ku bakozi mu bigo bakaba bahamagarirwa kwiyandikisha no kwandikisha ibikorwa byakozwe muri ibyo bigo bigamije kwita ku bakozi muri uyu mwaka wa 2024.

Kwiyandikisha byatangiye tariki 15 Ugushyingo 2024, bikazasozwa tariki 5 Ukuboza 2024.

Abanyamakuru bitabiriye ikiganiro n’itangazamakuru

Mu bihembo bizatangwa harimo ikizahabwa ikigo cyashyizeho gahunda cyangwa porogaramu zo kwita ku bakozi, ikizahabwa ikigo gifite ishami ryo kwita ku bakozi ryahanze agashya mu kwita ku bakozi, ikizahabwa ikigo gifite aho gukorera hameze neza kandi hadaheza ndetse n’ikizahabwa ikigo cyahize ibindi mu kugira ibyo kigenera abakozi bacyo.

Hazahembwa kandi ikigo cyahize ibindi mu guha amahugurwa abakozi no kubongerera ubushobozi, ikigo cyahize ibindi mu guha abagore aho gukorera habafasha kunoza akazi, ikigo cyorohereza abakozi gukora neza akazi kabo ndetse hakazanahembwa ishami rishinzwe kwita kubakozi ry’umwaka wa 2024.

Perezida Kagame yavuze ko Abanyarwanda babyemera batabyemera, amateka yabo akubiyemo icyo bari cyo

Yabigarutseho mu ijambo yagejeje ku bayobozi bitabiriye Inkera y’imihigo ya Unity Club Intwararumuri, yabaye ku mugoroba wo kuri uyu wa Gatandatu tariki 16 Ugushyingo 2024.

Iyi nkera yabanjirijwe n’Inama ya 17 y’Ihuriro Unity Club Intwararumuri.

Umukuru w’Igihugu yavuze ko Unity Club yashingiwe ku mateka y’Abanyarwanda, akubiyemo icyo bari cyo nk’Abanyarwanda.

Agira ati “Icyo turi cyo wacyanga wagikunda hari icyo uri cyo, uri Umunyarwanda kubyihanaguraho birahoye. Hari benshi bashobotra kuvuga bati jye sinshaka kuba Umunyarwanda, ukaba uwo mu bindi bihugu ndetse bakaguha passport, ushobora kubyiyumvamo ibyo ni uburenganzira bwawe, ariko abantu iyo bashishoje, umuntu ashatse yakwibutsa abandi icyo uri cyo niba uri Umunyarwanda uri Umunyarwamda, ibindi by’inyongera waba na byo birashoboka, ariko ntibihanagura bya bindi bya kavukire”.

Umukuru w’Igihugu yavuze ko Unity Club yashingiwe ku mateka y’Abanyarwanda

Perezida Kagame yavuze ko iyo abantu bamaze kumva neza icyo bari cyo, baharanira kukigira cyiza, ku Banyarwanda rero abasaba guharanira ko igihe cyose abantu bavuze u Rwanda bakwiye kumva ko kwitwa Abanyarwanda hari uko bakwiye kugaragara kandi kwiza.

Umukuru w’Igihugu ariko yavuze ko ibyo abantu bifuza ko bahora barangwa n’ibyiza atari ko bigenda igihe cyose, kuko hari n’igihe habaho ibibi, gusa abantu bagaharanira kubirenga.

Ati “Ntabwo iteka uhora urangwa n’ibyiza ubundi wifuza ko ari byo byakuranga, biterwa n’impambvu nyinshi. Twebwe mu Rwanda dushaka kurangwa n’ibyiza, umuntu yavuga ko mu myaka 30 ishize ari rwo rugamba turiho rwo kurangwa n’ibyiza, cyane ndetse aho mu myaka ishize twaranzwe n’ibibi, turashaka gusiga inyuma kure ibibi byaturanze”.

Perezida Kagame na Madamu bitabiriye igitaramo cy’inkera y’imihigo gisoza Ihuriro rya 17 ry’Umuryango Unity Club Intwararumuri

Perezida Kagame ariko avuga ko aho Igihugu kiva ari kure, kuko n’ubu nyuma y’imyaka 30 Jenoside yakorewe Abatutsi ihagaritswe, hari n’aho ujya ku Isi yose ugasanga hari benshi bazi u Rwanda neza, ariko hakaba n’ahandi bakizi u Rwanda nk’aho ari urwa mbere y’imyaka 30 ishize.

Yagize ati “Erega twakoze ishyano, twakoze shyano pe! Iryo bara dufite tuzaribana kugeza igihe kirekire, kuko ibyanditswe mu mateka, ibyanditswe mu bitabo ntibisibama, ariko dushobora kugabanya ububi bw’iryo zina bitewe n’ibyiza dukora, bigenda bihindura Igihugu n’imibereho y’abantu. Ni rwo rugamba turiho”.

Yakomeje agira ati “Ibyabaye byarabaye, izina ribi turarifite turarigendana n’ubwo twifuza ko byaba byiza. Muri ibyo twifuza rero, iryo zina ryacu, icyo turi cyo, icyo dushaka kuba n’ibyo twabaye mu bihe bibi, ni ugukirana. Kimwe kigomba kunesha ikindi”.

Abayobozi batandukanye bitabiriye igitaramo cy’inkera y’imihigo

Perezida Kagame yavuze ko bibaje kuba n’uyu munsi nyuma y’imyaka 30, hari abantu bakicwa cyangwa bagahohoterwa bazira icyo bari cyo, agaragaza ko n’ubwo cyaba kimwe gusa muri iki gihe bitari bikwiriye kuba bikigaragara mu Rwanda.

Umukuru w’Igihugu yavuze ko n’ubu hirya no hino ku Isi, hari abantu bagisebya u Rwanda baruvuga nabi cyangwa bavuga nabi abayobozi barwo cyane cyane bakoresheje imbuga nkoranyambaga, ariko agaragaza ko iyo abantu bashyize hamwe, nka Unity Club, ibyo byose bivugwa abantu badakwiye kubiha umwanya.

Perezida Kagame yagaragaje ko Abanyarwanda bakwiye gushyira hamwe ndetse bakagira uburakari bwo kwanga ko hari abantu b’ahandi babatekereza cyangwa se babafata uko batari.

Minisitiri w’Ububanyi n’Amahanga n’Ubutwererane, Amb. Olivier Nduhungirehe

Ati “Ibyo bitutsi, uko kubeshya, ariko mukwiye no kwiga Isi mukayimenya uko iteye. Uko iteye, ikibabaje ni uko abenshi bajya muri ibyo bishuko bikabatwara, abenshi bazakubwira ngo u Rwanda nta demukarasi rufite, hari ubuyobozio bw’igitugu, abicanyi ndetse bakavuga amazina […], abo bamvuga cyangwa bavuga u Rwanda cyangwa bavuga mwese bo hanze, umumenye ukamubaza uti ariko uva he, uri Umufaransa, Umubiligi, Umunyamerika, […] ukamubaza uti ariko uzi umubare w’abaraye bapfuye mu Mujyi runaka w’Igihugu cyawe, utavuze Igihugu cyose, bazize umuntu kubarasa kuko ari ubwoko ubu n’ubu, ukabimwibutsa gusa, uti none se ibyo ni byo uheraho ujya kubeshye cyangwa gukemanga cyangwa kuvuga abandi, wabanje ugakemura iby’iwanyu”.

Perezida Kagame avuga ko nta muntu uwo ari we wese ukwiye gutera ubwoba Abanyarwanda ngo abagenere ibyo bakora, kuko bose baremwe n’Imana.

Perezida wa Sena y’u Rwanda François Xavier Kalinda n’Umunyamabanga Mukuru wa FPR-Inkotanyi, Gasamagera Wellars

Ati “Hari aho abantu bagera ukagira ngo barasa n’abaremwe n’abandi. Mukabyemera! Abo mbese Imana yaba yarasigiye ububasha bwo kurema abandi, abacu bajya kurimbuka bagashira, bari he, cyangwa ubu bari he? Igihugu gishaka kwiyuba kibaza ibyo bibazo byose kigashaka ibisubizo. Kuko ni ibiremwa nk’uko uri ikiremwa, nta baza ngo bakubwire uko ukwiye kuba wararemwe, cyangwa uko ukwiye kwifata nyuma yo kuremwa, uwaba yarakuremye uwo ari we wese”.

Perezida Kagame yavuze ko hari ibyo Abanyarwanda bihanganiye kugira ngo Igihugu kibashe kwiyubaka no kuva mu mateka mabi, ariko hakaba hari abatabiha agaciro.

Ati “Hari ibyo twihanganira kubera ko kwihangana ni uguhendahenda kugira ngo ibintu bibe byagenda neza abantu bumvikane, ariko hari umurongo ubundi uba ukwiye kutarengwa. Ubu muri uyu mwaka, muri uku kwezi, umuntu akazira icyo ari cyo cyangwa icyo abandi bazize mu myaka yashize. Tukicara aha tukabyemera, tukabitwara nk’aho ari ko bigomba kugenda. Ntabwo ari ko bigomba kugenda muri ba bandi bari bakwiye kuba bafite icyo bashaka kuba, bafite ubushake ndetse bafite uburakari bwo kuvuga ngo ibyatubayeho mu mateka ntibizasubire, ntabwo bikwiriye na busa”.

Perezida Kagame yavuze ko hari ibyo Abanyarwanda bihanganiye kugira ngo Igihugu kibashe kwiyubaka

Arongera ati “Abo rero bagira batya bakanyura mu myanya y’intoki kubera ko igihugu kiyubaka, gihendahenda gishaka ko umuntu wese yumva, kigerageza guhindura ariya mateka yacu, bakanyura mu myanya y’intoki bakagirira nabi abantu bigaruka muri aya mateka, burya iminsi yabo irabaze. Iminsi yabo ni mbarwa”.

Umukuru w’Igihugu kandi yagarutse no kubantu birirwa basebya u Rwanda, nyamara harimo n’abakoze ibyaha bakanabihamywa n’inkiko ndetse bagakatirwa ibihano, ariko bakaza kubabarirwa, avuga ko na bo baza guhagurukirwa.

Ati “Abo bandi mureba bari aho bidegembya n’abo twababariye twavanye aho bari bari bafungiwe ibyaha nk’ibyo, ugahendahenda ngo urebe ko umuntu yakongera akaba muzima cyangwa n’abo akorana na bo, yarangiza agasubira. Murabazi ndetse bakogezwa n’abantu bo hanze bakavuga ko barwanira demukarasi, barwanira ibyo ntazi, […] buriya na bo turaza […], uzi ya masaha bamanika ku nkuta, iyo yashizemo uruviri barwongeramo kugira ngo yongere ikore, turaza kurwongeramo”.

Igitaramo cy’inkera y’imihigo cyitabiriwe n’abanyamuryango, abayobozi mu nzego zitandukanye z’Igihugu

Yakomeje agira ati “Kandi iyo umuntu agirwa inama afite mu mutwe hazima arumva, ubu ni inama njya, ushaka arayumva. Ku kibazo cy’ubuzima bw’Abanyarwanda, ibyo kugerageza kubihungabanya bifite aho bigarukira, n’uwashaka kwiga yakabaye yiga, arebe mu mateka yo mu myaka ishize mikeya, byinshi nk’Igihugu dusezeranya birakorwa ntamususu, abavuga bakavuga, abagororwa bakagororwa”.

Perezida Kagame yasabye abanyamuryango ba Unity Club Intwararumuri ko muri uru rugendo rwo kwiyubaka, bagomba kwiheraho n’ababo ndetse n’Abanyarwanda muri rusange.

Yabasabye kandi gutegura neza urubyiruko rugize umubare munini w’Abanyarwanda, hatekerezwa neza ku byo babaganiriza, ndetse no kureba icyo bababonamo bashingiraho kugira ngo u Rwanda rukomeze rugane aho rwifuza kugera.

Minisitiri Bizimana yagaragaje ko kubasha gukora neza inshingano bahawe ari indangagaciro y’ingenzi

Yabivugiye mu kiganiro kigaruka ku ruhare rw’amateka n’indangagaciro z’umuco Nyarwanda mu kwimakaza imyumvire n’imitekerereze ihamye, yagejeje ku bitabiriye Ihuriro rya 17 rya Unity Club Intwararumuri.

Muri iri huriro ryatangijwe na Madamu Jeannette Kagame, Minisitiri Dr. Bizimana yavuze ko u Rwanda rwahisemo ibintu bitatu ari byo kuba umwe, gukorera hamwe no kubazwa inshingano, hamwe no kureba kure, ari na byo bishimangira uburyo budasanzwe bwo gukora.

Minisitiri Bizimana yagize ati “Kubasha gukora neza inshingano twahawe ni indangagaciro y’ingenzi”.

Minisitiri Dr. Bizima yavuze ko aya mahame uko ari tatu ari ingenzi mu miyoborere y’u Rwanda, kuko u Rwanda rufata umuco n’indangagaciro zarwo nk’umusingi ruzubakiraho mu kugera ku iterambere ry’imibereho myiza n’ubukungu bw’abaturage.

Abagera muri 400 barimo Abanyamuryango ba Unity Club Intwararumuri bitabiriye Ihuriro rya 17

Minisitiri Dr. Bizimana yavuze ko Igihugu gitangiza gahunda 2050, cyarebye kure kuko mu mateka y’u Rwanda, indangagaciro na kirazira by’umuco nyarwanda ari byo byatumye u Rwanda rubaho mu binyejana byinshi.

Ati “Ntabwo u Rwanda rwigeze na rimwe ruheranwa n’ibibazo, kandi iteka rwishakagamo ibisubizo bishingiye ku muco”.

Yavuze ko urugamba rwo kubohora Igihugu no kwiyubaka k’u Rwanda nyuma ya Jenoside yakorewe Abatutsi, byashingiye ku ndangagaciro Nyarwanda.

Ati “Gushyira mu bikorwa izi ndangagaciro byashobotse kuko Abanyarwanda bazihuza na za kirazira, cyangwa se imiziro kandi no muri yo hakabamo kurwanya no kurinda amacakubiri, ivangura, urwango, ishyari, ubutindi, ubuhemu, ubugwari n’izindi”.

Dr. Bizimana yavuze ko izi ndangagaciro zatumye u Rwanda rukomera ibinyejana byinshi, zaje gusenywa n’ubukoloni n’amadini mvamahanga, ari na ho Abanyarwanda baciriye umugani ko ‘Kiliziya yakuye kirazira’, bashaka kugaragaza uruhare rw’amadini mu gusenya indangagaciro Nyarwanda.

Dr. Bizimana yagaragaje ko hari abataracika ku myumvire y’irondabwoko

Minisitiri Bizimana agaragaza ko iyi myumvire yita ‘igoramye’, hari Abanyarwanda bakiyigenderamo, ndetse hakaba n’abayikoresha bagamije guheza abandi mu bukene, ubujiji, ubuhanuzi bushukana, irondabwoko ndetse n’ingengabitekerezo ya Jenoside.

Mu guhuza iki kibazo n’igihe u Rwanda rurimo, Minisitiri Bizimana yagarutse ku byavuye mu biganiro byabaye mu Ukwakira mu Gihugu hose, hasuzumwa urugendo rw’ubumwe, ubwiyunge n’ubudaheranwa ndetse n’inzitizi zibubangamiye.

Muri ibyo biganiro hagarutswe ku kamaro ko gukomeza kubaka Igihugu, Abanyarwanda bakavana amasomo ku mateka y’Igihugu ndetse no ku muco wabo.

Muri ibyo biganiro kandi, hanaragagajwe ikibazo cy’imyumvire idahwitse, igira uruhare mu kudindiza ubumwe, iterambere, ubudaheranwa n’imibanire y’Abanyarwanda.

Ati “Mu nzego zose, hari abantu bagifite imyumvire idashaka guhinduka, itsimbaraye ku mateka y’imitegekere y’Igihugu ku butegetsi bwa Repubulika ya Mbere n’iya Kabiri".

Madamu Jeannette Kagame yatangije Ihuriro rya 17 rya Unity Club Intwararumuri

Hari kandi ngo n’abakibona kandi bashyigikiye irondabwoko n’irondakarere byaranze ubutegetsi, bitewe n’uko iyi politiki ya gatanya yatotezaga bamwe mu Banyarwanda igatonesha abandi, hakaba hari abayivanyemo indonke yabahumye amaso igatuma batabasha kubona ukuri.

Minisitiri Bizimana kandi yanagarutse ku bushakashatsi bwakozwe mu mwaka ushize wa 2023, bwari bugamije kureba akamaro k’indangagaciro y’ubudaheranwa, gufasha Abanyarwanda gukira ibikomere bishingiye ku mateka no kwikemurira ibibazo.

Ubwo bushakashatsi wagaragaje ko 99% by’Abanyarwanda bemeje ko bashyize imbere ubudaheranwa no kwimakaza Ubunyarwanda kurusha ibindi byose bibatanya.

Ubu bushakashatsi bwerekanye ko ku rwego rw’umuntu ku giti cye, igipimo kiri kuri 80% by’abagaragaza ko kwimakaza ubudaheranwa bibafasha guhangana no gukira ibikomere bishingiye ku mateka.

Hanakiriwe abanyamuryango 19 bashya b’uyu Muryango

Ku rwego rw’umuryango, igipimo kiri kuri 77%, ku rwego rwa Sosiyete Nyarwanda, igipimo kiri kuri 86% naho mu nzego z’imiyoborere kikaba kuri 85%.

Minisitiri Bizimana yavuze ko igabanuka ry’icyaha cy’ingengabitekerezo ya Jenoside ryagabanutseho 14% mu myaka ine ishize.

Minisitiri Bizimana ati “Birerekana akamaro k’indangagaciro y’ubudaheranwa mu gufasha Abanyarwanda gukira ibikomere, kwishakamo ibisubizo, gushimangira Ubunyarwanda, kwigira no kwiteza imbere.”

Minisitiri Bizimana yagaragaje ko hakenewe ingamba zirimo guhindura imyumvire mu mikorere, bihereye ku bayobozi ndetse n’abakozi ba Leta, imiryango itari iya Leta ndetse n’imiryango ishingiye ku myemerere n’ibindi.

Madamu Jeannette Kagame yavuze ko Abanyarwanda bakwiye gukomeza kuzirikana ko Ubunyarwanda ari yo sano muzi yabo, ubumwe bwabo bukaba ingabo ikingira icyo ari cyo cyose cyabatanya

Madamu Jeannette Kagame yavuze ko ibi ari uburyo bwo gutuma Abanyarwanda batirara, bakibeshya ko uwabibye ingengabitekerezo ya Jenoside akanayishyira mu bikorwa yarekeye aho.

Ibi Madamu Jennette Kagame yabivuze kuri uyu wa Gatandatu tariki 16 Ugushyingo 2024, ubwo yatangizaga Ihuriro rya Unity Club Intwararumiri, rifite insanganyamatsiko igira iti, “Ndi Umunyarwanda, Igitekerezo Ngenga cyo Kubaho Kwacu”.

Madamu Jeannette Kagame yavuze ko iyo umuntu atekereje aho u Rwanda rwavuye, akibuka iminsi ya mbere hatekerezwa Umuryango ‘Unity Club Intwararumuri’, nta wari uzi ko byakunda, nyamara Abanyarwanda bakaba barabigezeho, kandi ku kigero gishimishije.

Ati “Nyuma y’imyaka 30 yo kwibohora, imbaraga n’ibikorwa bitandukanye byo kubaka no gukomeza ubumwe, turishimira intambwe tumaze gutera mu kubaka u Rwanda, nk’uko bigaragazwa n’ibipimo bitandukanye by’aho Igihugu kigeze cyiyubaka”.

Madamu Jeannette Kagame yavuze ko kongera gusubiza u Rwanda umwimerere warwo w’ubumwe, gushyira imbere Ubunyarwanda no kurandura burundu iturufu y’amacakubiri yakoreshejwe igihe kinini, byari ngombwa kuko yononeye Abanyarwanda ku buryo bukabije.

Madamu Jeannette Kagame yavuze ko gahunda ya Ndi Umunyarwanda yatangiriye hagati mu banyamuryango ba Unity Club Intwararumuri, none ikaba yarashoye imizi kandi igatanga umusaruro mu Gihugu hose, ndetse no mu Banyarwanda aho bari hose.

Madamu Jeannette Kagame yavuze ko hari abatekereza ko ‘Ndi Umunyarwanda’ yahawe umwanya uhagije, ku buryo Abanyarwanda bakwiye kuganira ku zindi gahunda, nyamara ariko akavuga ko n’ubwo u Rwanda rumaze gutera intambwe ishimishije, hakiri ibyo Abanyarwanda bakwiye gushyiramo imbaraga kurushaho.

Ati “Uyu mwaka twifuje ko insanganyamatsiko y’iri huriro, ikomeza kuba ‘Ndi Umunyarwanda, Igitekerezo Ngenga cyo Kubaho Kwacu’, kuko ari ngombwa gukomeza kuzirikana ko Ubunyarwanda ari yo sano muzi yacu, ubumwe bwacu bukaba ingabo ikingira icyo ari cyo cyose cyadutanya, tutazirara tukibeshya ko uwabibye ingengabitekerezo ya Jenoside akanayishyira mu bikorwa yarekeye aho”.

Akomeza agira ati “Abifuriza Igihugu cyacu inabi no gutandukanya Abanyarwanda baracyahari kandi bari mu ngeri nyinshi, baba Abanyarwanda cyangwa se abanyamahanga, bagifite imyumvire mibi yo gusenya Igihugu cyacu”.

Madamu Jeannette Kagame yavuze ko abameze batyo nta we bakwiye guhangayikisha no guhungabanya, kuko ibyo u Rwanda rwagezeho byose bari bahari, kandi bavuga cyangwa bakora ibyashoboraga kurudindiza, ariko umutima w’u Rwanda watumye badacika intege.

Yavuze ko n’ubwo u Rwanda rumaze gutera intambwe ishimishije, hakiri ibyo Abanyarwanda bakwiye gushyiramo imbaraga kurushaho

Ati “Hari ingero nyinshi z’ibyo tukibona bigaragaza ubugome n’intekerezo mbi mu bantu. Mujya mwumva amakuru y’abasenyerwa amazu, abohererezwa ubutumwa bwo kubatera ubwoba n’ivangura, amatungo yicwa andi agakomeretswa, abakorerwa ihohoterwa n’ibindi byose bigamije kubarimbura burundu kubera abo ari bo”.

Arongera ati “Biratangaje kubona uwakoze ikibi cyangwa uwamamaje ibidakwiye, abantu bamuha umwanya munini, rimwe na rimwe hakagira n’abashyigikira intekerezo ze bakamukurikira muri iyo nzira igayitse”.

Madamu Jeannette Kagame yavuze ko iyo ibyo bigeze mu bafite inshingano zo kuyobora abandi bigira ingaruka mbi, ariko bikaba bibi kurushaho iyo mu bayobozi mu nzego za Leta, amadini, amatorero, inzego z’abikorera, abahanzi ndetse n’ibyamamare, ndetse n’abandi, kuko ubundi umuyobozi mwiza akwiye kuba intangarugero muri byose.

Ati “Tuzi twese imitekerereze n’imikorere twumva mu bihugu duturanye ihembera ivangura n’amacakubiri. Nyuma y’ibi byose hamwe n’ibindi namwe mwiyumvira mu makuru hirya no hino, ni iki tutabonye, ni irihe somo tutize byatuma twirara”.

Madamu Jeannette Kagame yasabye Abanyarwanda by’umwihariko abayobozi, gukomeza kwigisha amateka yihariye haba mu itorero, ariko no muri gahunda y’amashuri mato n’ayisumbuye, amadini n’amatorero, izo nyigisho zigatangwa kugira ngo bafashe abato kumva neza uko u Rwanda rwahoze, uko rwiyubatse, aho rugeze rwiyubaka n’icyo basabwa gukora kugira ngo bagere kuri rwa Rwanda bifuza.

Hanakiriwe abanyamuryango 19 bashya b’uyu Muryango

Madamu Jeannette Kagame yavuze ko mu myaka 30 ishize, hari ingamba n’ibisubizo byafashije Abanyarwanda kunga ubumwe no gushyira Ubunyarwanda imbere, agaragaza ko nyuma y’ibyo hakenewe kongera gusuzuma hakarebwa ingamba zijyanye n’ibihe biri imbere.

Madamu Jeannette Kagame yavuze ko guhakana no gupfobya Jenoside yakorewe Abatutsi bigenda byiyongera kandi bihindura isura, ndetse hakaba n’ibihugu by’amahanga biha umwanya n’urubuga abacurabwenge bahamijwe iki cyaha, bakandika bahakana cyangwa se bashinjurana hagati yabo.

Ati “Banyamategeko na Sosiyete Sivile, ni ngombwa kwiga ingamba z’uru rugamba mu buryo bwihariye”.

Madamu Jeannette Kagame yagaragaje ko Umuryango wa Unity Club, abashakashatsi ndetse n’imiryango itandukanye, bagiye bagaragaza ibibazo by’ubuzima bwo mu mutwe, harimo ikibazo cy’ihungabana ndetse n’uruhererekane rw’ihungabana mu muryango, bituruka kuri Jenoside, avuga ko ibi bigira ingaruka ku buzima kuko kenshi bivamo uburwayi, kwiheba ndetse hari n’abo biviramo urupfu.

Ati “Turabigenza dute ngo ingamba twakoresheje twivura zishyirwemo imbaraga zigendera ku bumenyi (science) kandi zivure benshi”?

Umuryango Unity Club Intwararumuri ugizwe n’abayobozi bari muri Guverinoma n’abayihozemo n’abo bashakanye

Madamu Jeannette Kagame yavuze ko bikwiye kuzirikana ko ubu harimo n’abari gutaha mu miryango yabo, nyuma yo kurangiza igifungo bari barakatiwe kubera ibyaha bakoze bya Jenoside, ati “Ese twiteguye gute kubafasha kubana mu mahoro n’abo basanze”.

Madamu Jeannette Kagame yavuze ko urubyiruko rumaze gusobanukirwa amateka y’Igihugu, ariko agaragaza ko hari urundi rubyiruko ruhitamo kunyura indi nzira, asaba urubyiruko kwigisha abo bagenzi babo.

Ati “Rubyiruko, bigaragara ko mumaze gusobanukirwa amateka yacu ndetse muri benshi bagira uruhare mu kuyarinda no guharanira ko u Rwanda rukomeza kwema. Ariko muracyabona urundi rubyiruko hirya no hino runyura indi nzira. Ni ahanyu rero ho kubasangiza iyo mitekerereze kuko ushobora gusanga hari abo bihinduye. Ntimuzacogore”.

Yasabye abayobozi b’amadini n’amatorero, kwibuka ko umushumba mwiza ari umenya intama ze, akazitoza kubana neza mu bworoherane, guhora zunze ubumwe maze akaziyobora inzira nziza y’amahoro n’ineza.

Ati “Ariko birababaje kubona mu mateka y’Igihugu cyacu harimo bamwe mu bashumba batatiye icyo gihango bagatererana izo baragijwe. Turemeranya ko uko ari ugutsindwa gukomeye, uyu munsi tukaba dufite zimwe mu zahoze ari insengero zahindutse inzibutso za Jenoside. None rero bashumba b’ubushyo bw’Imana n’u Rwanda, nimuzirikane umuhamagaro wanyu, ndetse n’icyizere gikomeye abayoboke banyu babafitiye, maze bitume murushaho gushyira imbaraga mu gufasha abantu kwiyunga, komora ibikomere no kudaheranwa n’amateka mabi twanyuzemo”.

Madamu Jeanette Kagame yasabye abayobozi b’amadini n’amatorero, kwibuka ko umushumba mwiza ari umenya intama ze

Madamu Jeannette Kagame yibukije abitabiriye iri huriro ko urukundo ari wo muhamagaro bahuriraho mu myemerere yabo itandukanye, rukaba kandi n’indangagaciro isumba izindi zose. Ati “Nimubigenza mutyo, muzaba mwubakiye Imana yabatumye n’u Rwanda rwababyayea’.

Yibukije abayobozi mu nzego zitandukanye bitabiriye iri huriro, ko bafite amahirwe yo kuyobora u Rwanda kandi rwahinduye amateka, aho abarwo bose bafite uburenganzira bungana, abasaba kurangwa n’imyitwarire myiza ituma abaturage bishimira umuyobozi wabo.

Ati “Tumaze kubona twese ko abaturage bizera umuyobozi uvugisha ukuri kandi ushyira mu bikorwa ibyo yiyemeje, natwe bikwiye kuturanga”.

Yasabye abanyamuryango ba Unity Club Intwararumuri, kujya bafata umwanya bagasubira aho bavuka, bakaganira ku bibazo bihagaragara kandi bakibukiranya impamvu yo gukomeza guhuza umugambi no gukomera ku Bunyarwanda n’ubumwe.

Pia Rebello Britto, Umuyobozi Ushinzwe Uburezi muri UNICEF ku Isi

Mbere yo gusoza iyi nama, bamwe mu bayitabiriye basuye amwe mu masuhri yo mu Mujyi wa Kigali, basura imyigire y’abana kuva mu marerero, amashuri y’incuke ndetse n’abanza.

Pia Rebello Britto, Umuyobozi Ushinzwe Uburezi muri UNICEF ku Isi, yavuze ko muri uru rugendo bakoreye ku mashuri basanze abana b’u Rwnada bishimye, bakira abantu neza baseka, bigaragaza ko bahawe intangiriro nziza z’uburezi bukenewe bw’ibanze, ari nay o ntego nyamukuru y’inama yari iteraniye mu Rwanda.

Ati “Iyo usuye amarererero yo mu Rwanda, ubona uburyo sisiteme yubatse neza, kuva ku kigero cy’abana bato kuzamuka. Biragaragara ko ari inshingano z’imiryango iyo bigeze ku burezi bw’abana babo. Ikindi ni uburyo ibirebana no kugaburira abana byubatse, isuku n’isukura byose byubatse neza. Mu by’ukuri abana b’u Rwanda barahabwa intangiriro nziza y’ubuzima”.

Dr. Moyo waturutse muri Minisiteri y’Uburezi ya Zimbabwe, yavuze ko aho basuye bahabonye ingero z’ibishobora gukorwa mu bihugu bya Afurika bikiri inyuma mu burezi bw’ibanze, aho ibyinshi bitaratangira gushyira mu bikorwa gahunda zo gufasha abana bari hagati y’imyaka ibiri n’itanu kugana ishuri.

Ati “Igishimishije twabonye amashuri yakira abana bakiri bato kuva ku myaka ibiri. Ni igisobanuro cyiza cy’uko uburezi bw’ibanze bukwiye kuba butangwa. Twabonye uko bagaburirwa, twabishimye kandi turifuza natwe kubishyiramu bikorwa muri Zimbabwe”.

Andela Placide wo muri Cameroun, yavuze ko ishuri yasuye yashimishijwe no gusanga amashuri y’incuke atunganyije, ndetse n’uburyo bw’ikoranabuhanga bwifashisha amashusho mu kwigisha abana amwe mu masomo, avuga ko ari ikindi kintu cy’ingenzi mu gufasha abana kurushaho gusobanukirwa.

Abasuye amwe mu mashuri kandi bavuga ko babonye uburyo abarimu bahawe ubumenyi buhagije bubafasha gukurikirana abana mu ishuri, ndetse bikaba bigaragara ko integanyanyigish bayumvise neza.

Bashimye uko uburezi butangwa mu mashuri yo mu Rwanda

Aba kandi bashimye uburyo kwita ku burezi bitahariwe gusa Leta, ahubwo n’abaturage ubwabo bakaba bagaragaza uruhare rwabo mu myigire y’abana babo.

Umunyamabanga Nshingwabikorwa w’Umuryango wita ku Iterambere ry’Uburezi muri Afurika (Association for the Development of Education in Africa – ADEA), Albert Nsengiyumva, yavuze ko iyi nama yabaye umwanya wo kuganira no kureba uburyo ibihugu bya Afurika byashyiraho inzira yo kugera ku burezi bw’ibanze bufite ireme. Uyu muyobozi yagaragaje ko kubigeraho nta kindi bisaba, uretse ubufatanye.

Mu gusoza iyi nama, Minisitiri w’Uburezi w’u Rwanda, Dr. Joseph Nsengimana, yavuze ko uyu wabaye umwanya wo kuganira no guhana ubunararibonye, ku buryo ibyo baganiriye nibishyirwa mu bikorwa, uburezi bw’ibanze buzarushaho guhabwa imbaraga.

Ati "Twese hamwe turi kubaka ahazaza heza h’abana b’Abanyafurika binyuze mu myigire iboneye. Ndasaba ba Minisitiri b’Uburezi bagenzi banjye, mureke dushyire hamwe, turandure burundu ibibazo bibangamira imyigire ku bana ba Afurika. Birashobooka”.

Minisitiri Dr. Joseph Nsengimana

Abari muri iyi nama biyemeje gukomeza kuganira ku myanzuro yayifatiwemo, harimo ko ibihugu bya Afurika byiyemeje gukuraho ibibazo bikibangamiye uburezi bw’ibanze bitarenze umwaka wa 2035, bakazongera gusuzumira hamwe aho imyanzuro yafashwe izaba igeze ishyirwa mu bikorwa, mu nama nk’iyi izabera muri Malawi umwaka utaha wa 2025.

Abayobozi baganiriye ku burezi bw’ibanze muri Afurika

Ni ikiganiro cyahuje abayobozi batandukanye bitabiriye inama yiga ku burezi bw’ibanze ibera mu Rwanda, barimo Minisitiri w’Uburezi muri Zambia, Douglass Munsaka Syakalima, Minisitiri w’Uburezi muri Côte d’Ivoire, Mariatou Kone, Minisitiri w’Uburezi wa Malawi, Madalitso Wirima Kambauwa ndetse na Minisitiri w’Uburezi w’u Rwanda, Dr. Joseph Nsengimana.

Ni ikiganiro cyibanze ku miyobore ikwiye mu burezi, hagamijwe kurebera hamwe icyakorwa ngo hakurweho imbogamizi mu myigire muri Afurika.

Abayobozi basangiye ubunararibonye ku myigishirize mu bihugu byabo, ariko by’umwihariko barebera hamwe uko uburezi bw’ibanze butangwa, gahunda zashyizweho zibuteza imbere, ndetse n’imbogamizi zikigaragara muri iki cyiciro.

Ba Minisitiri b’Uburezi muri bimwe mu bihugu bya Afurika bagaragaje imbogamizi zikigaragara mu bihugu byabo

Minisitiri w’Uburezi w’u Rwanda, Dr. Joseph Nsengimana, yavuze ko u Rwanda rwabonye ko ari ingenzi gushyira imbaraga mu bumenyi bw’ibanze, kuko iyo iki cyiciro cyitaweho, n’ibindi bikurikira bigenda neza.

Minisitiri Nsengimana agaragaza ko byagaragaye ko hari imbogamizi y’umubare munini w’abana mu cyumba cy’ishuri, hakaba harashyizweho gahunda yo kubaka ibyumba by’amashuri bihagije.

Ni muri urwo rwego, hagati ya 2019 na 2021, hubatswe ibyumba by’amashuri birenga 22,500, harimo iby’amashuri y’incuke n’iby’amashuri abanza, mu rwego rwo kugabanya umubare w’abana mu cyumba cy’ishuri.

Minisitiri Dr. Joseph Nsengimana, yagaragaje aho u Rwanda rugeze mu guteza imbere uburezi bw’ibanze

Yongeyeho ko byajyanye no kongera umubare w’abarimu, aho mu mashuri nderabarezi (TTCs) hashyizweho uburyo bwo kwigisha abanyeshuri, ku buryo barangiza bafite ubushoboozi bukenewe bwo kwigisha muri ibyo byiciro byombi.

Mu myaka itatu ishize kandi, mu cyiciro cya mbere cy’amashuri abanza hashyizwemo abarimu bashya bangana na 43% by’abarimu bigisha muri iki cyiciro.

Minisitiri Nsengimana kandi avuga ko mu Rwanda hahoze ikibazo cyo kuba abantu batarakundaga umurimo wo kwigisha, hakaba harashyizweho gahunda nyinshi zo kuwukundisha abantu, harimo nko guha agaciro amashuri nderabarezi, akaba ari yo ahabwa ibikoresho bigezweho mbere y’ayandi.

Minisitiri Joseph yagaragaje ko mu gukundisha abantu uburezi harimo no kongera umushahara w’ababurimo

Ikindi ni uko amafaranga y’ishuri ku biga inderabarezi yagabanyijwe, hanyuma abarangije inderabarezi mu mashuri yisumbuye bakigisha nibura imyaka itatu, bashaka gukomeza muri kaminuza bakiga nta kiguzi, nk’uburyo bwo guhamagarira benshi kwinjira muri uyu mwuga wo kwigisha.

Minisitiri Nsengimana ati “Aho ibyo bitangiriye, ubu umubare w’abanyeshuri biga mu mashuri nderabarezi wariyongereye, ugereranyije na mbere”.

Minisitiri Nsengimana kandi yagaragaje ko Guverinoma y’u Rwanda yazamuye umushahara wa mwarimu, nk’ubundi buryo bwo guha agaciro uwo murimo, bigatuma abantu benshi bongera kuwukunda.

Abayobozi basangiye ubunararibonye ku myigishirize mu bihugu byabo

Minisitiri w’Uburezi muri Zambia, Douglass Munsaka Syakalima, yavuze ko mu gihugu cye abarimu basanzwe bigisha bashyizeho uburyo bwo gushyira hamwe abana bafite ibibazo byo kutagendana n’abandi mu myigire, abafite ibibazo mu gusoma bakajya ukwabo, mu kwandika bakajya ukwabo, kubara, ndetse n’ibindi, hanyuma hashyirwaho uburyo bwo kubigisha amasomo y’inyongera (Catch Up).

Ati “Ibi byatanze umusaruro nyuma y’amasaha 30 yihariye yo kwigisha abo bana. Birakora rwose. Ku birebana no gusoma no kumva imyandiko by’umwihariko, twashyizeho gahunda twise ‘Reka dusome’, kandi yaradufashije cyane”.

Zimwe mu mbogamizi Minisitiri Syakalima yagaragaje, harimo kuba abarimu bafasha muri izi gahunda ari abasanzwe bigisha bafite akazi, ku buryo byasabye Leta kubaha amahugurwa y’inyongera abaha ubushobozi bwo kwigisha ku rugero rukenewe.

inama ya Africa Foundation Learning Challenge 2024 (Africa FLEX 2024) iri kubera muri Kigali Convention Center

Ati “Ubu gahunda ni ugufasha amashuri nderabarezi, abanyeshuri bayigamo bakajya bayarangiza bari ku rwego rwo kwigisha ku rugero rukenewe”.

Minisitiri w’Uburezi muri Côte d’Ivoire, Mariatou Kone, yagaragaje ko kubera ibibazo by’intambara Igihugu cye cyahuye na byo, uburezi bwasubiye inyuma, ariko ubu bakaba barashyizeho gahunda zifasha abarezi ubwabo ndetse n’izifasha abanyeshuri kongera kuzamuka.

Yavuze ko bimwe mu bibazo Igihugu cya Côte d’Ivoire kigihura na byo, ari ukutabona abafatanyabikorwa bahagije mu rwego rw’uburezi, ndetse no kutagira ingengo y’imari ihagije.

Ibihugu bya Afurika byagaragaje uburyo bwo kwita ku burezi bw’ibanze

Binyuze muri za Minisiteri z’Uburezi n’abandi bafatanyabikorwa mu burezi, ibihugu bya Afurika byasabwe guharanira ko abana bakunda ishuri, kandi igihe kinini bamara ku ishuri biga bagahabwa uburezi bufite ireme, rizabubakira ejo hazaza.

Intumwa Nkuru akaba n’Umujyanama mu by’Uburezi mu Kigega cy’Isi gitera Inkunga ibikorwa by’Uburezi (Global Partnership for Education), Ruth Kagia, avuga ko kugira ngo ibi bishoboke hasabwa ubushobozi, ndetse no kwita ku cyiciro cy’ingenzi ari cyo cy’uburezi bw’ibanze.

Ati “Iyo fondasiyo y’inzu idakomeye, inzu yose iba ntaho ihagaze”.

Ibihugu birasabwa gukoresha ubushobozi ndetse n’inkunga bibona, mu kuziba ibyuho byagaragajwe mu myigire y’uburezi bw’ibanze, kandi bigaharanira ko amafaranga yagenewe uburezi akoreshwa neza uko bikwiye.

Kureba andi mafoto, kanda HANO

Julianna Lindsey, Umuyobozi wa UNICEF Rwanda (iburyo), ari kumwe na Anders Holm, Umuyobozi Nshingwabikorwa wa Hempel Foundation

Ni ubufatanye bwatangijwe mu gihe mu Rwanda hatangijwe Inama Nyafurika y’iminsi itatu, yiga ku guteza imbere uburezi bw’ibanze, (Africa Foundational Learning Exchange 2024).

Iyi nama igamije kungurana ibitekerezo no gusangira ubunararibonye ku bihugu bya Afurika by’umwihariko ibyo munsi y’Ubutayu bwa Sahara, ku buryo abana b’Abanyafurika bahabwa umusingi ukomeye mu burezi bw’ibanze (imyaka itatu ya mbere y’amashuri abanza), uzabafasha no kwiga neza mu burezi bwisumbuyeho.

Mu gutangiza aya masezerano y’ubufatanye, Umuyobozi wa UNICEF Rwanda, Julianna Lindsey, yavuze ko uburezi bw’ibanze ari uruti rw’umugongo ku bundi burezi busigaye bw’umwana, bityo ko iyo umwana atabuhawe uko bikwiye, ahura n’ibibazo mu myigire ye, birimo gusibira kenshi ndetse no kuba yava mu ishuri burundu.

Ati “Uburezi bw’ibanze ni uruti rw’umugongo ku burezi buri imbere. Abana batabashije guhabwa ubumenyi bukwiye mu burezi bw’ibanze baba bafite ibyago byinshi byo gusibira mu myaka, ndetse bafite n’ibyago byinshi byo kuva mu ishuri burundu”.

Uyu muyobozi avuga ko byagaragaye mu Rwanda ko uburyo bwo gufasha abana bagaragaza intege nke ugereranyije n’abandi, butanga umusaruro, akavuga ko ubu buryo buzarushaho gushyirwamo imbaraga mu burezi bw’ibanze, hagamijwe ko n’abana bafite ubushobozi buke babasha kugendana n’abandi.

Etleva Kadilli, Uhagarariye UNICEF muri Afurika y’Uburasirazuba n’iy’Epfo, na we yitabiriye iyi nama

Ati “Nk’uko biherutse kugaragazwa mu Rwanda, gufasha abana bagaragaza intege nke mu myigire bifasha mu gukemura ibi bibazo byo gusibira no guta ishuri. Kongerera ubushobozi abarimu, ubufatanye n’ababyeyi ndetse no gusangira ubumenyi ni ingingo nyamukuru z’uyu mushinga mu guteza imbere uburezi bw’ibanze”.

Uyu mushinga w’ubufatanye hagati ya UNICEF Rwanda na Hempel Foundation uzamara imyaka itatu, ukazagera mu bigo by’amashuri 150 byo mu Turere dutanu tw’u Rwanda, twagaragayemo ibibazo by’abana basibira ndetse n’abata ishuri kurusha ahandi.

Umuyobozi Nshingwabikorwa wa Hempel Foundation, Anders Holm, avuga ko iyi mikoranire na UNICEF ishimangira ukwiyemeza kwa Hempel Foundation mu gukemura ibibazo bigaragara mu burezi bw’ibanze, no guharanira ko abana bose hatitawe ku ho bavuka babasha kubona uburezi bw’ibanze buboneye.

Ati “Uyu mushinga w’ingenzi ugamije gufasha Guverinoma y’u Rwanda mu ntego zayo zo gufasha abanyeshuri bafite ubushobozi buke mu myigire mu burezi bw’ibanze, hakoreshejwe amasaha atatu yashyizweho buri cyumweru, yahariwe gufasha abana bafite ubushobozi buke mu myigire”.

Uyu mushinga w’ubufatanye hagati ya UNICEF Rwanda na Hempel Foundation uzamara imyaka itatu

Muri ubu bufatanye, abarimu 1,500 bazahabwa ibikoresho bikubiyemo imfashanyigisho zo kubafasha kwigisha abana b’ibyiciro bitandukanye, by’umwihariko ibyo gufasha abana batagendana n’abandi mu myigire.

Uturere twatangiriyemo ubu bufatanye tukaba ari Gakenke, Ngororero, Rusizi, Karongi na Gisagara.

Mu minsi itatu iyi nama yiga ku iterambere ry’uburezi bw’ibanze izamara, abayitabiriye bazaganira ku byagezweho mu burezi bw’ibanze, bazasangira ubunararibonye ku bihugu bitandukanye, hanyuma banafatanye gukora igenamigambi ryashyiraho uburyo buhamye bwo gufasha abana b’Abanyafurika kubona ubumenyi bukwiye mu myaka itatu ya mbere y’amashuri abanza.

Ati “Umuntu utangira ubuhinzi bw’imbuto akwiye kwitabaza abagoronome babyize babizi neza, wabona hari ikibazo runaka ugahamagara bakagufasha, bakakugira inama”.

Nyuma yo kumenya uburyo bw’imitego igezweho yitwa ‘Pheromones Traps’, yifashishwa mu gupima ibyonnyi bishobora kwibasira imbuto, uyu muhinzi aravuga ko ibyonnyi byagabanutse, bityo n’umusaruro ukiyongera.

Ati “Ibyonnyi byarazaga, hari imibu, hari udusazi dutoya, ariko murabona ko iyi mitego iba yadufashe kandi ni utuntu tubi cyane ku myembe. Iyo rero ugenzuye ubasha kumenya ibyonnyi bihari, bityo ukaba wanamenya imiti watera ngo ubirwanye. Batubwira ko iyi mitego ikurura ibyonnyi byafatwamo tukabasha kumenya ibyonnyi dufite, ndetse n’imiti twashobora gutera”.

Umutego wa ‘Pheromone’ ukora ute?

Ubwoko bw’iyi mitego butandukana bitewe ahanini n’ubwoko bw’ibihingwa izakoreshwamo, kuko hari aho iba igizwe n’utuntu tumeze nk’udukarito, ahandi ugasanga ni pulasitike.

Ukoze ku buryo hari ahantu hagenewe gushyira ibyo umuhinzi ategesha, ariko bikavangwa n’ibintu bimatira cyangwa se bifata, ku buryo nihagira agakoko kagwamo gaheramo.

Nk’uko bisobanurwa na Ndagijimana Shukuru Fabrice, umunyeshuri wiga iby’ubuhinzi muri Kaminuza, ariko akaba ari n’umukozi wa Sendarasi Prudence, ushinzwe gukurikirana ibihingwa bye, mu gukoresha iyi mitego ya Pheromens, umuhinzi ashobora kwifashisha ifu y’ibigori ivanze n’isosi y’amafi n’urusenda ruke, hanyuma agakora ku buryo biba bifashe.

Sendarasi Prudence avuga ko gukoresha imitego ya Pheromones byamurinze ibyonnyi

Iyo amaze kubivanga abirambika mu kantu kameez nk’agakarito kandi gafunguye, hanyuma ibyonnyi bikaza bikurikiye umuhumuro w’ibyo kurya yavangavanze, byageramo bigaheramo.

Ati “Umuhinzi aragenda akabara akamenya ngo umurima we ugwamo udukoko ku kigero runaka. Tubasha kubara tukamenya ngo umurima wacu ushobora kugwamo ibivumvuri bingahe, amavubi angahe, amasazi angahe, tugakora impuzandengo tukamenya ngo amavubi azamo kuri iki kigero, iyo tubimenye bidufasha kumenya ngo turatera imiti y’ubu bwoko”.

Ndagijimana avuga ko kuri hegitari imwe y’imyembe, umuhinzi aba asabwa gushyiramo nibura imitego 10, naho kuri hegitari imwe ya avoka hakajyamo imitego nibura 20.

Sendarasi avuga ko iyi mitego ari ingirakamaro mu buhinzi bw’imbuto, kuko kuyikoresha birinda ibyonnyi bityo umusaruro ukaboneka ari mwinshi.

Nkok u buhinzi bwe bw’imyembe, Sendarsi agaragaaza ko year kugeza ubwo umwembe umwe ushobora gupima hagati y’ikilo kimwe n’ikilo na garama 200.

Ndagijimana Shukuru Fabrice, umunyeshuri wiga iby’ubuhinzi muri Kaminuza, ariko akaba ari n’umukozi wa Sendarasi Prudence

Ni ubuhinzi agaragaza ko nko mu mwaka ushize wa 2023, ari bwo bwa mbere yari asaruye imyembe, ariko akabara ko nibura yasaruyemo amafaranga ari hagati ya miliyoni eshanu n’esheshatu z’amafaranga y’u Rwanda.

Ikigo cy’Igihugu gishinze guteza imbere Ubuhinzi n’Ubworozi (RAB), kigaragaza ko iyi mitego ari ngombwa ko abahinzi bahagurukira kuyikoresha, kuko ituma babasha kumenya uburyo bwo kwirinda ibyonnyi mu bihingwa byabo.

Umuyobozi w’Ishami ry’Imbuto n’Imboga muri RAB, Assinapol Ndereyimana, avuga ko ubu buryo bwo gukoresha imitego mu kurwanya ibyonnyi mu buhinzi bw’imboga n’imbuto bumaze igihe bukoreshwa mu Rwanda, kandi ko n’abahinzi hirya no hino batangiye kubukoresha.

Avuga ko hari ba rwiyemezamirimo bacuruza bene iyi mitego hirya no hino mu Gihugu, agasaba abahinzi kubagana bakayigura bakajya kuyikoresha mu mirima yabo.

Igishushanyo mbonera cy’imikoreshereze y’ubutaka cy’Akarere ka Kirehe

Ibyo bishushanyo mbonera bigena imikoreshereze y’ubutaka ku buso bwose bw’Akarere, haba mu mijyi ndetse no mu byaro.

Igishushanyo mbonera cy’imikoreshereze y’ubutaka cyemerejwe rimwe n’icy’Umujyi wa Kigali, muri Nyakanga 2020.

Ikigo cy’Igihugu gishinzwe Ubutaka (NLA) kivuga ko ibishushanyo mbonera by’Uturere 13 byamaze kwemezwa n’Inama y’Abaminisitiri.

Muri iyi nkuru, tugiye kugaruka ku bishushanyo mbonera by’Uturere two mu Ntara y’Iburasirazuba byemejwe n’Inama y’Abaminisitiri, ari two Kirehe, Ngoma na Nyagatare.

Akarere ka Kirehe:

Akarere ka Kirehe kahisemo kuba igicumbi cy’ubuhinzi bugamije ubucuruzi nyambukiranyamipaka ndetse n’ubukerarugendo.

Byitezwe ko mu mwaka wa 2035, abaturage bangana na 66.7% by’abaturage bose ba Kirehe bazaba batuye mu Mijyi, naho 48.2% bakazaba batuye mu byaro.

Uretse umujyi usanzwe w’Akarere ka Kirehe, igishushanyo mbonera cyemejwe kigaragaza ko uyu mujyi uzaba ufite indi mijyi mito iwunganira, ari yo Nasho, Rusumo, Kiyanzi, Gahara na Dagaza.

Aka Karere kazaba gafite site zo guturaho 110.

Igishushanyo mbonera cy’aka Karere cyerekana ko ubuso bungana na 12.6% by’ubuso bwose bw’Akarere ari bwo bwagenewe guturaho, 68.4% nibwo bwagenewe ubuhinzi n’ubworozi, amashyamba yagenewe 5.3% naho ibishanga bigenerwa 13.5%.

Imwe mu mishinga minini iteganyijwe mu gishushanyo mbonera cy’Akarere ka Kirehe cyemejwe n’Inama y’Abaminisitiri, harimo umushinga w’umuhanda wa Gari ya Moshi Isaka-Kigali, ndetse ukazagira sitasiyo ebyiri.

Harimo kandi umushinga wo kuhira imyaka mu byanya bya Mahama I na Mahama II n’umushinga wo guteza imbere imijyi mito.

Harimo kandi kubaka icyambu cyo ku butaka cya Kiyanzi (Kiyanzi Dry Port), kubaka sitade ndetse n’indi mishinga.

Akarere ka Nyagatare:

Akarere ka Nyagatare kahisemo intego yo kuba igicumbi cy’ubucuruzi, itunganywa ry’amabuye ya kariyeri ndetse no guteza imbere umusaruro w’ubuhinzi n’ubworozi.

Uretse umujyi wa Nyagatare, byitezwe ko uzaba ufite imijyi mito iwunganira, ari yo Karangazi, Matimba, Rukomo, Rwimiyaga na Mimuli.

Mu gishushanyo mbonera, biteganyijwe ko aka Karere kazaba gafite site 170 zo guturaho, ariko zikazagenda zigabanuka kuva muri 2035 kugera muri 2050.

Ubuso bungana na 12.5% by’ubuso bwose ni bwo bwagenewe ibikorwa byo guturaho n’ibikorwa remezo, naho guhinga byanewe ubuso bwa 60.2%, amashyamba yagenewe 17.1% naho ibishanga byagenewe 9.8%.

Igishushanyo mbonera cy’imikoreshereze y’ubutaka cy’Akarere ka Nyagatare

Imwe mu mishinga minini yateganyijwe mu Karere ka Nyagatare, harimo guteza imbere itunganywa ry’amabuye akoreshwa mu bwubatsi azwi nka ‘granites’, guteza imbere icyanya cy’inganda cya Rutakara, kubaka umuhanda wa gari ya moshi wo mu muhora wa ruguru (Northern Corridor), guteza imbere umushinga wa ‘Gabiro Agribusiness’ ndetse no kubaka ikibuga cy’indege cya Gabiro.

Akarere ka Ngoma:

Akarere ka Ngoma kahisemo kuba igicumbi cy’ubuhinzi bugamije ubucuruzi ndetse n’ubukerarugendo.

Ibarura rya gatanu ry’imiturire n’ingo ryagaragaje ko aka Karere gatuwe n’abaturage 404,048 bagize 11% by’abaturage bose b’Intara y’Iburasirazuba, na 3% by’abaturage bose batuye Igihugu.

Byitezwe ko aba baturage bazaba bageze ku 434,714 mu mwaka wa 2035, ndetse muri 2050 bakazaba bageze ku baturage 473,000.

Byitezwe ko abaturage 133,034 bagize ijanisha rya 30.6% by’abaturage bose b’aka Karere muri 2035 bazaba batuye mu mijyi, naho abaturage 253,000 bagize ijanisha rya 53.5 % by’abaturage bose, bakazaba batuye mu mijyi muri 2050.

Kugeza ubu umujyi wa Ngoma ubarwa ko utuwe n’abaturage 26,901 mu ibarura rya 2022, bikaba byitezwe ko uzaba utuwe n’abasaga 110,000 muri 2035 ndetse n’abasaga 200,000 muri 2050.

Icyanya cyuhirwa mu Karere ka Ngoma kiri mu bizatezwa imbere

Uyu mujyi uzaba ufite imijyi mito iwunganira, ari yo Sake na Rukira. Kugeza ubu bivugwa ko yombi ituwe n’abaturage basaga 10,396 bikaba byitezwe ko izaba ituwe n’abaturage basaga 23,046 muri 2035 ndetse n’abasaga 53,000 muri 2050.

Kugeza ubu ibyaro byo mu Karere ka Ngoma bituwe n’abaturage basaga 36,6751. Byitezwe ko aka Karere kazaba gafite site zo guturaho 45, byitezwe ko zizaba zituweho n’abaturage 301,670 muri 2035 ndetse n’abasaga 220,000 muri 2050.

Ubuso bungana na 50.5% by’ubuso bwose, bwagenewe ubuhinzi n’ubworozi, 12% by’ubuso bwose bwagenewe amashyamba, imiturire n’ibindi bikorwa remezo byagenewe 27.8%, mu gihe amazi yagenewe 7.3%, naho inkengero zayo n’iz’ibishanga bikagenerwa 10.9%.

Imwe mu mishinga iteganyijwe muri aka Karere harimo kubaka ibitaro by’Akarere mu Murenge wa Sake, kubaka isoko rya kijyambere muri Sake, kubaka ibigo nderabuzima bibiri, umuyoboro w’amazi uzatanga amazi ku baturage b’imirenge umunani, n’indi.

Muri Kirehe bazateza imbere ibyanya byuhirwa

Icyanya cyuhirwa i Nasho muri Kirehe

Ahagenewe ubukerarugendo ku musozi wa Nyamurindira muri Kirehe

Ababyeyi barasabwa guhindura imyumvire bakajya bagaburira abana indyo yuzuye

Ibi babitangaje ku wa Gatanu tariki 25 Ukwakira 2024, ubwo mu Karere ka Nyamasheke hizihirizwaga umunsi mpuzamahanga w’ibiribwa.

Abo babyeyi bagaragaza ko muri aka Karere hari ibyo kurya bihagije, byaba ibikomoka ku buhinzi ndetse n’ibikomoka ku matungo, na cyane ko baturiye Ikiyaga cya Kivu.

Hatangimana Peacemaker utuye mu Murenge wa Kanjongo, avuga ko abaturage benshi bafite imyumvire yo gukora bashaka amafaranga cyane, bigatuma ibyagakwiye kugaburirwa abana byose babishora ku isoko.

Minisitiri Cyubahiro yagaburiye abana bafite imirire mibi

Ati “Urabona hano duturiye Kongo (RDC), abaturage baho baza kugura ibintu byinshi ino. Ugasanga rero abaturage ba Nyamasheke bafite imyumvire yo gushakisha amafaranga kurusha kwita ku mirire y’abana”.

Emmanuel Ngiruwonsanga na we wo mu Murenge wa Kanjongo, avuga ko uretse kuba abaturage bashora imyaka, amatungo ndetse n’ibiyakomokaho mu masoko bishakira amafaranga, hiyongeraho no kuba muri aka Karere hari umuco wo kubyara abana benshi.

Ati “ikindi kintu ni ikijyanye no kubyara cyane. Iki nacyo ni ikibazo kuko usanga imiryango ifite abana benshi, ugasanga kubabonera indyo yuzuye biragoranye”.

Byagaragajwe ko mu Karere ka Nyamasheke hatabuze ibyo kurya

Icyo abatuye muri aka Karere basanga cyaba igisubizo, ngo ni ukwigisha abaturage ko bakwiye gushyira imbere imirire yabo n’abana babo, kuko ibyo kurya bitabuze muri aka Karere.

Minisitiri w’Ubuhinzi n’Ubworozi Dr. Mark Cyubahiro Bagabe, na we yagaragaje ko muri aka Karere ka Nyamasheke hari ibyo kurya bihagije, agaragaza imyumvire ikiri hasi nk’intandaro y’igwingira rigaragara mu bana.

Yasabye abaturage guhindura imyumvire, bagaharanira ko nta mwana n’umwe ugaragara mu mirire mibi.

Minisitiri w’Ubuhinzi n’Ubworozi Dr. Mark Cyubahiro Bagabe

Ati “Nta mwana w’Umunyarwanda ukwiye kurwara bwaki kandi ibiribwa bitabuze. Ntabwo turi Igihugu gitunzwe n’imfashanyo, ibiribwa birahari. Uyu munsi ni uko kubona ibiribwa bihagije ari uburenganzira bwa buri Munyarwanda”.

Arongera ati “Tuzakomeza gukora ibishoboka byose kugira ngo hagerweho kwihaza ku biribwa 100%”.

Umuyobozi w’Akarere ka Nyamasheke, Mupenzi Narcise, yagaragaje gukoresha ubutaka mu buryo budakwiye nk’indi mpamvu ituma muri aka Karere hataboneka ibyo kurya bihagije, hakiyongeraho n’igice ubutaka bunini busharira.

Abaturage 14 bagabiwe inka mu rwego rwo kunoza imirire

Imibare igaragaza ko mu Karere ka Nyamasheke, 36% by’abaturage bose batabasha kubona ibyo kurya bihagije, mu gihe ku rwego rw’Igihugu imibare iri kuri 22%.

Imibare kandi igaragaza ko 38% by’abana bari munsi y’imyaka itanu mu Karere ka Nyamasheke bafite ikibazo cy’igwingira, mu gihe ku Rwego rw’Igihugu igipimo kigeze kuri 33%.

Abaturage basanga hakenewe gufashwa kuzamura imyumvire kuko ibyo kurya birahari

Minisitiri Cyubahiro atera igiti

Ni umushinga watangijwe kuri uyu wa Kane tariki 24 Ukwakira 2024, utangirizwa mu Karere ka Rubavu. Uyu mushinga kandi utangijwe mu gihe u Rwanda rwizihiza Umunsi Mpuzamahanga wahariwe ibiribwa, wizihijwe kuri uyu wa Gatanu tariki 25 Ukwakira 2024.

Ku ikubitiro muri aka Karere ka Rubavu hatewe ibiti 5,400 mu Mirenge itanu y’Akarere ka Rubavu. Ibyinshi muri byo byatewe ku bigo by’amashuri abanza n’ayisumbuye, ibindi bihabwa imiryango, aho buri muryango wahawe ibiti bitanu byiganjemo ibya avoka.

Minisitiri w’Ubuhinzi n’Ubworozi Dr. Mark Cyubahiro Bagabe, avuga ko guhitamo ibiti bya avoka byashingiye ku kuba ari avoka ari urubuto rw’ingenzi ku buzima bw’abantu, ariko kandi avoka zikaba zinafite isoko.

Minisitiri Mark Cyubahiro Bagabe

Ati “Iki giti cya avoka twahisemo, ni igiti mu by’ukuri gifite amafaranga menshi cyane, dufite isoko ku isi hose rigari cyane, ariko ntabwo dufite avoka zihagije”.

Muri rusange uyu mushinga watangijwe ugamije kuzamura imirire mu Banyarwanda, by’umwihariko ababyeyi bagakangurirwa kujya bibuka kurya no kugaburira abana babo amafunguro ariho imbuto.

Minisiteri y’Ubuhinzi n’Ubworozi kandi igaragaza ko ibi biti biri guterwa bizanagira uruhare mu gufata neza ubutaka, harindwa isuri hirya no hino ku misozi.

Hari umuturage ufite ibiti 700 bya avoka, ubona 700k ku gihembwe
Uturerre dufite igwingira si two tutabonekamo ibiribwa bihagije
Ibyo abana bacu bakeneye kugira ngo boye kugwingira birahari, igikenewe ni ukubikangurira ababyeyi kwita ku bana bakabagaburira indyo yuzuye”.

Umuturage witwa Athanase Sibomana, utuye mu Murenge wa Rubavu, avuga ko yinjiza amafaranga abarirwa muri miliyoni n’ibihumbi 400 buri mwaka, ayakesha ibiti 220 bya avoka yateye.

Hatewe avoka

Uyu muturage agakangurira abaturage bagenzi be kwitabira gutera ibiti by’imbuto, nibura buri rugo rukaba rufite ibiti bitanu kandi ntihaburemo ibya avoka.

Agira ati “Buri gihembwe cy’ihinga nibura mbona ibihumbi 700, kandi ubwo ibiti biba byampaye n’undi musaruro harimo no kugaburira amatungo, kurya n’ibindi”.

Byitezwe ko muri rusanga mu Gihugu hose hazaterwa ibiti birenga miliyoni esheshatu, hakazibandwa cyane ku bigo by’amashuri abanza n’ayisumbuye, ariko n’imiryango ikazahabwa imbuto zo gutera.

Ibyo bishushanyo mbonera bigena imikoreshereze y’ubutaka ku buso bwose bw’Akarere, haba mu mijyi ndetse no mu byaro.

Igishushanyo mbonera cy’imikoreshereze y’ubutaka cyemerejwe rimwe n’icy’Umujyi wa Kigali, muri Nyakanga 2020.

Ikigo cy’Igihugu gishinzwe Ubutaka (NLA) kivuga ko ibishushanyo mbonera by’Uturere 13 byamaze kwemezwa n’Inama y’Abaminisitiri.

Muri iyi nkuru, tugiye kugaruka ku bishushanyo mbonera by’Uturere two mu Ntara y’Amajyepfo byemejwe n’Inama y’Abaminisitiri, ari two Muhanga, Huye, Gisagara na Nyaruguru.

Akarere ka Nyaruguru:

Akarere ka Nyaruguru gatuwe n’abasaga ibihumbi 318 (imibare y’ibarura ryo muri 2022) kahisemo intego yo kuba ‘Igicumbi cy’Ubukerarugendo bushingiye ku Iyobokamana, ndetse no guteza imbere inganda z’icyayi’.

Igishushanyo mbonera cy’Akarere ka Nyaruguru

Francine Uwimbabazi, Umukozi w’Ikigo cy’Igihugu cy’Ubutaka wakurikiranye imitunganyirize y’igishushanyo mbonera cy’aka Karere, agaragaza ko 33% by’ubuso bwose bwako buzaba ari ubutaka bwo guhinga muri 2050. Ni mu gihe ahazaba hatuwe hangana na 8.8% by’ubuso bwose, hakazaba hari site 110 zo guturaho, byitezwe ko zizaba zituwemo n’abaturage 180,000.

Muri ako Karere ka Nyaruguru, amashyamba yahariwe ubuso bwa 49.5%, ibishanga 3.9%, imigezi 0.14%, ubundi buso nk’ibibuga, … (open spaces) 0.02% naho inkengero z’ibishanga n’imigezi zikazaba zihariye 1.19%.

Mu mishinga minini iteganyijwe muri aka Karere hagendewe ku gishushanyo mbonera, harimo kuvugurura Ingoro ya Bikira Mariya ya Kibeho, ikazagirwa Bazilika, kubaka inganda z’icyayi, guteza imbere umukandara wa Pariki y’Igihugu ya Nyungwe, kubaka sitade ndetse n’indi.

Igishushanyo mbonera cy’Akarere ka Nyaruguru kigaragaza ko gafite umujyi umwe wa Kibeho, ukazaba ugaragiwe n’indi mijyi ya Munini na Cyahinda.

Akarere ka Gisagara:

Akarere ka Gisagara kahisemo intego yo kuba ‘Igicumbi cy’Ubuhinzi n’Ubworozi’.

Igishushanyo mbonera cy’Akarere ka Gisagara

Ni Akarere ubu gatuwe n’abaturage ibihumbi 397 nk’uko byagaragajwe n’ibarura rya 2022. Byitezwe ko mu mwaka wa 2035, aka Karere kazaba gatuwe n’abaturage ibihumbi 508, mu gihe mu mwaka wa 2050, byitezwe ko kazaba gatuwe n’abaturage 676.

Kugeza ubu, abaturage 4% by’abaturage bose ni bo gusa batuye mu mujyi umwe rukumbi wa Ndora aka Karere gafite.

Mu gishushanyo mbonera cyemejwe, byitezwe ko mu mwaka wa 2050, abaturage 53% b’Akarere ka Gisagara bazaba batuye mu mijyi, naho 47% bakazaba ari bo batuye mu cyaro.

Mu gishushanyo mbonera cy’aka Karere cyakurikiranywe na Lambert Urayeneza, bigaragara ko umujyi wa Ndora uzaba wunganirwa n’indi mijyi mito ari yo, Save, Kibilizi, Mamba ndetse na Gikonko.

Uko ubutaka buzakoreshwa:

Biteganyijwe ko ubuso bungana na 12% by’ubuso bwose bw’Akarere ari bwo bwagenewe guturwaho, mu Karere hose hakazaba harimo site zo guturaho 134.

Ubuhinzi bwagenewe ubuso bungana na 60% by’ubuso bwose bw’Akarere, amashyamba 12% naho ibishanga bikaba byarateganyirijwe 18%.

Dore imwe mu mishinga minini iteganyijwe mu gishushanyo mbonera cy’Akarere ka Gisagara:

Hazatezwa imbere igihingwa cy’umuceri n’urutoki, nka bimwe mu bihingwa bikunze kwera muri aka Karere.

Hazongererwa imbaraga n’ubushobozi uruganda rutunganya umuriro w’amashanyarazi rukoresheje nyiramugengeri.

Hazakorwa umuhanda wahawe izina rya ‘AKABAS” (Akanyaru Bas), unyura mu Karere ka Nyanza ugahingukira muri Gisagara ukagera ku mupaka w’Akanyaru uhuza u Rwanda n’u Burundi.

Hazatezwa imbere ahantu nyaburanga nko mu Mukindo wa Makwaza mu Murenge wa Mukindo, ndetse no mu Twicarabami twa Nyaruteja mu Murenge wa Nyanza.

Hazabaho no guteza imbere umujyi wa Save.

Akarere ka Huye:

Akarere ka Huye kahisemo intego yo kuba ‘Igicumbi cy’Ubumenyi n’Umuco’.

Ni kamwe mu Turere umunani twunganira Umujyi wa Kigali.

Igishushanyo mbonera cy’Akarere ka Huye

Mu gishushanyo mbonera cyemejwe n’Inama y’Abaminisitiri, byitezwe ko aka Karere kazaba gatuwe n’abaturage 629,500.

Umujyi wa Huye uzaba ufite imijyi mito itatu iwunganira, ari yo Kinazi, Rusatira ndetse na Karambi mu Murenge wa Kigoma.

Uko ubutaka buzakoreshwa:

Mu gishushanyo mbonera, byitezwe ko ubuso bungana na 47.1% ari bwo bwateganyirijwe ubuhinzi. Imiturire yateganyirijwe ubuso bungana na 11.8%, amashyamba 23%, ibishanga 8%, ubutaka bukoreshwa ibindi nk’ibibuga n’ibindi (Open spaces) bwateganyirijwe 0.9% naho inkengero z’ibishanga n’imigezi zigenerwa 3%.

Janvier Ziruguru, wakurikiranye itegurwa ry’igishushanyo mbonera cy’Akarere ka Huye, avuga ko imwe mu mishinga minini iteganyijwe mu Karere ka Huye harimo, guteza imbere icyanya cy’inganda cya Sovu, kubaka imihanda ya kaburimbo ndetse n’indi.

Akarere ka Muhanga:

Muhanga yahisemo intego yo kuba ‘Igicumbi cy’ubucuruzi, inganda n’ubucukuzi bw’amabuye y’agaciro’.

Ni kamwe mu turere dutatu tugaragiye Umujyi wa Kigali (Satelites Cities), ari two Muhanga, Rwamagana na Bugesera.

Ibarura ry’abaturage rya 2022, ryagaragaje ko aka Karere gatuwe n’abaturage ibihumbi 414. Mu gishushanyo mbonera gishya, byitezwe ko muri 2050, kazaba gatuwe na 1,026,000.

80.50% by’abo baturage bose bazaba batuye mu mijyi, naho abasigaye bakazaba batuye ku masite 135 y’imidugudu hirya no hino mu karere.

Umujyi munini wa Muhanga uzaba wunganirwa n’umujyi wa Remera.

Uko ubutaka bugabanyije:

Ubuhinzi bwagenewe 52.9%, gutura, ibikorwa remezo n’imijyi byose bigenerwa 19.69%, amashyamba 25,57% naho amazi n’inkengero zayo bigenerwa 1%.

Imwe mu mishinga minini yateganyijwe mu Karere ka Muhanga harimo guteza imbere icyanya cy’inganda cya Muhanga, kubaka sitade Olempike, hazubakwa ingomero eshatu z’amashanyarazi ndetse no guteza imbere ubukerarugendo bushingiye ku kuzamuka imisozi (Hiking).

Minisitiri w’Ubuzima, Dr Sabin Nsanzimana

Yabivuze kuri iki Cyumweru tariki 20 Ukwakira 2024, mu kiganiro we n’Umuyobozi Mukuru w’Ishami ry’Umuryango w’Abibumbye ryita ku Buzima (OMS/WHO), Dr. Tedros Adhanom Ghebreyesus, bagiranye n’itangazamakuru, cyagarukaga ku buryo bwo guhangana n’icyorezo cya Marburg.

Minisitiri Dr. Nsanzimana yavuze ko mu byumweru bibiri bya mbere icyorezo kicyaduka, hari umurwayi w’umugabo w’imyaka 27 bikekwa ko ari we wa mbere wanduye iki cyorezo bakurikiranye, nyuma yo guhuza ubushakashatsi butandukanye bwamukozweho, bagasanga ijanisha rigera kuri 97% ribereka ko icyorezo cyaraturutse ku nyamaswa y’agacurama.

Minisitiri Nsanzimana yagaragaje ko mu makuru babonye, ari uko uwo murwayi yagiye ahantu mu buvumo, bigakekwa ko ari ho yahuriye n’ako gacurama.

Yavuze ko aya ari amakuru y’ingirakamaro ku nzego z’ubuzima, mu rwego rwo kubasha gukurikirana iki cyorezo ndetse n’ibindi byashobora kwaduka mu buryo bumwe na cyo.

Dr. Nsanzimana avuga ko bagikomeje ubushakashatsi kuri iki cyorezo, mu rwego rwo kumenya neza ubwoko bw’inyamaswa cyaturutsemo.

Yavuze kandi ko hari amakuru babonye agaragaza ko ubwoko bw’icyorezo nk’iki cya Marburg bwigeze kugaragara mu Karere u Rwanda ruherereyemo mu mwaka wa 2014.

Hashize iminsi itandatu nta murwayi mushya uboneka mu bipimo

Minisitiri w’Ubuzima, Dr Sabin Nsanzimana, yavuze ko hashize iminsi itanu nta muntu n’umwe wandura icyorezo cya Marburg mu Rwanda.

Minisitiri w’Ubuzima, Dr. Sabin Nsanzimana na Dr. Tedros Adhanom Ghebreyesus uyobora OMS bagiranye ikiganiro n’itangazamakuru

Minisitiri Dr. Nsanzimana yavuze ko mu bantu 62 bari banduye iki cyorezo, n’ubwo hari abagera kuri 15 cyahitanye, ariko abenshi bakize kuko ubu abakiri kuvurwa ari batatu gusa.

Minisiteri y’Ubuzima ivuga ko ikomeje ibikorwa byo gupima, by’umwihariko ku binjira mu Gihugu banyuze ku Kibuga Mpuzamahanga cy’Indege cya Kanombe, ku buryo bizera ko nta muntu wabaca mu rihumye.

Minisitiri Dr. Sabin Nsanzimana agaragaza ko nubwo icyorezo kitararangira, kuba hashize iminsi itandatu nta murwayi mushya uboneka bitanga icyizere, ariko bikanatanga umukoro wo kongera imbaraga ngo ubwandu budakomeza kwiyongera.

Ati “Biratanga icyizere nubwo icyorezo kitararangira, ariko bikanatuma dukomeza imbaraga zose kugira ngo ahaba hakiri icyuho, ahaba hakiri umuntu umwe wahuye n’urwaye tutaramenya tube twabasha kumugeraho, bityo tugere ku ntsinzi mu buryo budatinze”.

Minisiteri y’Ubuzima ivuga ko abakize iki cyorezo bazakomeza gukurikiranirwa hafi, kugira ngo harebwe ko nta bindi bibazo bahura na byo bo n’abo babana, kandi hirindwa ko bahabwa akato mu muryango.

Minisitiri Dr. Sabin Nsanzimana asaba Abanyarwanda kurushaho kwegera aba bakize Marburg, bakababa hafi kugira ngo bumve ko Umuryango Nyarwanda ubari hafi kuko banyuze mu bihe bitoroshye.

Ati “Twese tubashyigikire ndetse n’imiryango yabuze ababo, abenshi ni n’abaganga batuvuraga dukomeze kubihanganisha no kubaba hafi”.

Umuyobozi Mukuru wa OMS, Dr. Tedros Adhanom Ghebreyesus, yashimye intambwe u Rwanda rugezeho mu guhangana n’iki cyorezo, avuga ko ibikorwa byose bishingiye ku miyoborere myiza.

Ati “Ku munsi w’ejo nahuye na Perezida Kagame, kandi nasanze yiteguye gushaka ibisubizo kuri iki cyorezo. Ndagushimira cyane Perezida Kagame ku bw’ubuyobozi bwawe bwiza”.

Dr Tedros kandi yashimye uburyo u Rwanda rukoresha ikoranabuhanga mu gukurikirana no guhanahana amakuru kuri iki cyorezo, ku buryo ibikenewe gukorwa bihita byihutishwa. Uyu muyobozi yaboneyeho gusaba ibihugu byahagaritse ingendo hagati yabyo n’u Rwanda cyangwa bigahagarika ibikorwa by’ubucuruzi, ko ubu nta moamvu ihari yo kugumishaho izo ngamba.

Kugeza ubu mu barwayi 66 bagaragaweho ubwandu bwa Marburg, 15 barapfuye, 44 barakira naho batatu bakaba ari bo bakivurwa.

Minisiteri y’Ubuzima kandi igaragaza ko babiri muri aba bakivurwa ari bo bari bagaragaje ibimenyetso bikomeye cyane, ndetse ko bahawe ubuvuzi bwihariye, kandi na bo bakaba bari hafi gukira bagasezererwa mu bitaro.

.@WHO Director General @DrTedros on travel restrictions in relation to the Marburg Virus outbreak. pic.twitter.com/SYyIx8RCRU

— Ministry of Health | Rwanda (@RwandaHealth) October 20, 2024

Abanyamategeko bashimangira ko mu bihe by’intambara abasivile baba bakwiye kurindwa

Mu rwego rwo gushishikariza abiga mu ishami ry’amategeko muri za Kaminuza kurushaho gusobanukirwa n’ayo mategeko mpuzamahanga, buri mwaka Komite Mpuzamahanga ya Croix-Rouge (CICR), itegura irushanwa rya za Kaminuza, ryiswe ‘Moot Court Competition on International Law’.

Iry’uyu mwaka ryari ribaye ku nshuro ya munani (8), ryegukanywe na Kaminuza y’Abalayiki b’Abadivantisiti b’Umunsi wa Karindwi (UNILAK), batsinze abo muri Kaminuza y’u Rwanda (UR), Kaminuza ya Kigali (UOK), Kaminuza Yigenga ya Kigali (ULK) ndetse na INES-Ruhengeri.

Iyo iryo rushanwa rigeze mu cyiciro cya nyuma, abahatana bitwara nk’abari mu rukiko bagendeye ku kirego baba bahawe, hanyuma bakicamo itsinda ry’abatanga ikirego ndetse n’iry’abiregura kuri icyo kirego.

Abari bagize akanama nkemurampaka

Kuri iyi nshuro ya munani, Kaminuza ya UNILAK na ULK ni zo zageze mu kiciro cya nyuma, aho ULK yahatanye ku ruhande rw’abatanze ikirego, naho UNILAK yo iburana yiregura.

Kaminuza ya UNILAK ni yo yabaye iya mbere, ndetse Shema Aimé, umwe mu bari bayihagarariye aba uwa mbere mu kuburana neza mu rubanza muri rusange.

Umucamanza mu Rukiko rw’Ikirenga, Isabelle Kalihangabo, avuga ko iri rushanwa ari ingenzi mu gufasha mu kubahiriza amategeko mpuzamahanga yo mu bihe by’intambara, akanashimira abitabiriye irushanwa bose kandi akabibutsa ko ari intambwe ikomeye cyane ku mwuga baba bagiye kwinjiramo.

Shema Aime wa UNILAK (uhagaze) ni we witwaye neza mu kuburana

Ati “Iri rushanwa rigamije gutanga umusanzu mu kurokora amamiliyoni y’abasivili bibasirwa mu makimbirane cyangwa intambara hirya no hino ku Isi. Mu by’ukuri ni ikibazo cy’urupfu n’ubuzima ku bibasirwa mu bihe by’intambara iyo badafashijwe n’Amategeko Mpuzamahanga ku Burenganzira bwa Muntu”.

Shema Aimé, umunyeshuri wa UNILAK wabaye uwa mbere, yavuze ko yishimiye instinzi ye ndetse n’iya Kaminuza yari ahagarariye, yongeraho ko ari intambwe ikomeye ateye kandi izamufasha mu mwuga we w’amategeko agiye kuminuzamo.

Ati “Gutsinda gutya bifasha gutinyuka kuko ushobora kuba wiga amategeko ariko utinya abantu ukibaza uko uzajya ubaburanira. Kubitangirira mu ishuri muri Kaminuza gutya bifasha kugira ishusho yo hanze ukabasha gutinyuka mu gihe utangiye umwuga wawe nk’umunyamategeko”.

Umuyobozi w’Agateganyo wa CICR mu Rwanda, mu Burundi no muri Uganda, Katia Sorin

Shema yongeyeho ko urubanza bakozeho irushanwa ku iyubahirizwa ry’Uburenganzira bwa Muntu mu ntambara, rugaragaza ko muri ibyo bihe uko intamabara yaba imeze kose abasivile baba bagomba kurindwa.

Umuyobozi w’Agateganyo wa CICR mu Rwanda, mu Burundi no muri Uganda, Katia Sorin, yavuze ko iri rushanwa ari ingirakamaro ku kwimakaza iyubahirizwa ry’Amategeko Mpuzamahanga ku Burenganzira bwa Muntu mu rubyiruko, ndetse ashima umusanzu w’inzego z’ubutabera z’u Rwanda kuri icyo gikorwa.

Abitabiriye uryo rushanwa bose bahabwa impamyabumenyi, mu gihe abatsinze bo bahabwa ibihembo birimo amafaranga no kuzitabira iryo rushanwa ku rwego mpuzamahanga bahagarariye u Rwanda.

Abatsinze bo bahabwa ibihembo birimo amafaranga

Mpayimana Protais, Umuyobozi mu Kigo cy’Igihugu gishinzwe Ubutaka, ushinzwe Imitunganyirize y’Imijyi n’Icyaro, mu kiganiro na Kigali Today, yasobanuye byinshi ku mitunganyirize y’ibishushanyo mbonera by’Uturere

Ibyo bishushanyo mbonera bigena imikoreshereze y’ubutaka ku buso bwose bw’Akarere, haba mu mijyi ndetse no mu byaro.

Igishushanyo mbonera cy’imikoreshereze y’ubutaka cyemerejwe rimwe n’icy’Umujyi wa Kigali, muri Nyakanga 2020.

Nyuma hakurikiyeho gutegura ibishushanyo mbonera by’Uturere, kugeza ubu Ikigo cy’Igihugu gishinzwe Ubutaka (NLA), kikaba kivuga ko ibishushanyo mbonera by’Uturere 13 byamaze kwemezwa n’Inama y’Abaminisitiri.

Mu Ntara y’Amajyaruguru harimo Rulindo, Gakenke, Gicumbi na Musanze, mu Ntara y’Iburengerazuba harimo Akarere ka Rubavu gusa, mu Ntara y’Amajyepfo harimo Uturere twa Muhanga, Huye, Gisagara na Nyaruguru, naho mu Ntara y’Iburasirazuba hakabamo Rwamagana, Nyagatare, Kirehe na Ngoma.

Igishushanyo mbonera cy’Akarere ka Nyaruguru cy’imikoreshereze y’ubutaka, ni kimwe muri 13 byamaze kwemezwa

Ikigo gishinzwe Ubutaka kigaragaza ko uretse utu turere 13 dufite ibishushanyo mbonera byamaze kwemezwa, hari n’utundi turere umunani, ibishushanyo mbonera byatwo byamaze kwemezwa n’Inama Njyanama zatwo, bikaba bitegereje kwemezwa n’Inama y’Abaminisitiri.

Mu Ntara y’Iburengerazuba harimo Uturere twa Karongi na Rusizi, mu Ntara y’Amajyepfo hakabamo Uturere twa Kamonyi, Ruhango na Nyamagabe, naho mu Ntara y’Iburasirazuba hakabamo Uturere twa Bugesera, Kayonza na Gatsibo.

Ikigo cy’Igihugu cy’Ubutaka, kivuga ko n’utundi turere dutandatu dusigaye, na two ibishushanyo mbonera byatwo bizaba byamaze kwemezwa bitarenze umwaka utaha wa 2025.

Mpayimana Protais, Umuyobozi mu Kigo cy’Igihugu gishinzwe Ubutaka, ushinzwe Imitunganyirize y’Imijyi n’Icyaro, avuga ko kuba igishushanyo mbonera cy’Akarere runaka cyaramaze kwemezwa, bisobanuye ko ubutaka bwose bw’Akarere bwamaze kugenerwa icyo bugomba gukoreshwa, agasaba abaturage kuba ari byo bubahiriza mu byo bategura byose.

Ati “Icyo bisobanuye ni uko umuturage w’aho hantu ubutaka bwe bwamaze kugenerwa imikoreshereze. Mbere yo kubukoresha, nabanze asuzume icyo bwagenewe, niba haragenewe guturwa, apange umushinga wo gutura, niba haragenewe kubakwa inyubako ndende, abipange muri iyo nzira. Niba rero ubutaka bwe, bwaragenewe umushinga udahura n’uwo afite, atangire yegere abafite uwo mushinga, na we ashake ubundi butaka buhwanye n’umushinga afite muri we”.

Abaturage barasabwa kwirinda gukoresha ubutaka icyo butagenewe, kuko hariho amategeko abihana.

Igishushanyo mbonera cy’Igihugu giteganya ko mu mwaka wa 2050, 70% by’Abaturarwanda bazaba batuye mu mijyi, naho 30% ari bo batuye mu byaro.

Dufashe urugero nko ku gishushanyo cy’Akarere ka Nyaruguru:

Aka Karere kahisemo intego yo kuba ‘Igicumbi cy’Ubukerarugendo bushingiye ku Iyobokamana, ndetse no guteza imbere inganda z’icyayi.

Francine Uwimbabazi, Umukozi w’Ikigo cy’Igihugu cy’Ubutaka wakurikiranye imitunganyirize y’igishushanyo mbonera cy’aka Karere, agaragaza ko 33% by’ubuso bwose bwako buzaba ari ubutaka bwo guhinga muri 2050. Ni mu gihe ahazaba hatuwe hangana na 8.8% by’ubuso bwose, hakazaba hari site 110 zo guturaho, byitezwe ko zizaba zituwemo n’abaturage 180,000.

Umwe mu mishinga minini iteganyijwe muri Nyaruguru ni uguteza imbere ubuhinzi bw’icyayi no kubaka inganda zacyo

Muri ako Karere ka Nyaruguru, amashyamba yahariwe ubuso bwa 49.5%, ibishanga 3.9%, imigezi 0.14%, ubundi buso nk’ibibuga,… (open species) 0.02% naho inkengero z’ibishanga n’imigezi zikazaba zihariye 1.19%.

Mu mishinga minini iteganyijwe muri aka Karere hagendewe ku gishushanyo mbonera, harimo kuvugurura Ingoro ya Bikira Mariya ya Kibeho, ikazagirwa Bazilika, kubaka inganda z’icyayi, guteza imbere umukandara wa Pariki y’Igihugu ya Nyungwe, kubaka sitade ndetse n’indi.

Igishushanyo mbonera cy’Akarere ka Nyaruguru kigaragaza ko gafite umujyi umwe wa Kibeho, ukazaba ugaragiwe n’indi mijyi ya Munini na Cyahinda.

Undi mushinga uteganyijwe i Nyaruguru ni ukuvugurura Ingoro ya Bikira Mariya, igahinduka Bazilika

Akarere ka Nyaruguru kahisemo intego yo kuba ‘Igicumbi cy’Ubukerarugendo bushingiye ku Iyobokamana, ndetse no guteza imbere inganda z’icyayi

Hari abajyanama b’ubuzima bashyigikiye kuboneza urubyaro ku bana

Aba bajyanama baravuga ibi, mu gihe ubwiyongere bw’abangavu baterwa inda bukomeje kugaragazwa nka kimwe mu bibazo bihangayikishije umuryango Nyarwanda.

Imibare y’Ikigo cy’Igihugu cy’Ibarurishamibare, igaragaza ko mu mwaka ushize wa 2023, abangavu bafite imyaka iri hagati ya 10 na 19 babyaye bari 19,406.

Ni mugihe mu mezi atandatu ya mbere ya 2024, abangavu batewe inda barenga ibihumbi 10, bakaba barimo abatarengeje imyaka 14 bagera kuri 50.

Abajyanama b’ubuzima nka bamwe mu bakurikiranira hafi ubuzima bw’abaturage muri rusange ndetse n’ubuzima bw’imyororokere by’umwihariko, na bo bagaragaza ko ubwiyongere bw’abangavu baterwa inda ari ikibazo gihangayikishije, bityo ko bashyigikiye ko urubyiruko kuva ku myaka 15 bahabwa amahirwe yo kuboneza urubyaro nk’uburyo bwo guhangana n’iki kibazo.

Mbarubukeye Sylvestre, Umujyanama w’Ubuzima mu Karere ka Nyarugenge, avuga ko umwana yemerewe kuboneza urubyaro byamufasha kwirinda gusama mu gihe yakoze imionano mpuzabitsina idakingiye, bityo bikamuha amahirwe yo kwiga neza akiteza imbere.

Agira ati “Iby’uko abana bakwemererwa kuboneza urubyaro nanjye nabishyigikira, kuko akenshi ubona abana batwara inda bagenda aba benshi”.

Bonne Chance Dukundane, na we ni Umujyanama w’Ubuzima mu Karere ka Nyarugenge. We avuga ko izindi gahunda zashyizweho zishishikariza abangavu ndetse n’ingimbi kwirinda inda zitateguwe bigaragara ko budatanga umusaruro uko bikwiye, bikaba byaba byiza igitekerezo cyo kwemerera abana kuva ku myaka 15 kuboneza urubyaro gishyigikiwe kandi kikemerwa.

Ati “Habayeho no kwigisha abakobwa ngo batinyuke bavuge ‘OYA’, ariko se abakobwa barayivuga? Aho si ho haba haravuye gutekereza ngo ariko OYA ko itavugwa nk’uko bikwiye, uwakwemerera abana kuboneza urubyaro byagenda gute”?

Arongera ati “Kuboneza urubyaro ku rubyiruko ni byiza. Impamvu ni uko aba bana hari ibyo bifuza batabona, kand baba bashaka kubikora (imibonano mpuzabitsina).Ni ngombwa rero kubashishikariza kuboneza urubyaro, ndetse no mu muryango tukajya tubibigisha”.

Abagize Sosiyete sivile bamaze igihe basaba Leta yu Rwanda kwemera ko urubyiruko kuva ku myaka 15 bahabwa amahirwe yo kuboneza urubyaro.

Umuryango Happy Family Rwanda, urwanya ihohotera rishingiye ku gitsina, ni umwe mu yemera ko urubyiruko kuva ku myaka 15 bahabwa ayo mahirwe.

Ku wa Kane tariki 10 Ukwakira 2024, uyu muryango wahuguye abajyanama b’ubuzima mu Mujyi wa Kigali ndetse n’abandi bafite aho bahuriye n’ubuzima by’umwihariko bw’imyororokere, hagamijwe gukumira inda ziterwa abangavu.

Umuyobozi wa Happy Family Rwanda Organization, Nsengimana Rafiki Justin

Umuyobozi w’uyu muryango, Nsengimana Rafiki Justin, ati “Niba umwana w’umukobwa bibaye ngombwa ko kwifata byanze, ndetse n’agakingirizo bikaba ngombwa ko atakibutse, gufata ibinini bituma adasama ni byiza kuko byagabanya ibyago byo gusama”.

Ikigo cy’Igihugu gishinzwe kugenzura iyubahirizwa ry’ihame ry’uburinganire n’ubwuzuzanye (Gender Monitoring Office – (GMO), kigaragaza ko umwangavu watewe inda bimugiraho ingaruka nyinshi zirimo guta ishuri n’izindi.

Uwisoni Laure Immaculle, umuyobozi w’ishami rishinzwe kurwanya ihohoterwa rishingiye ku gitsina n’irindi ryose muri GMO, avuga ko ubu bashyize imbaraga mu bukangurambaga busaba abangavu kwirinda, icyakora ko ibyo kubemerera kuboneza urubyaro byasuzumwa n’inzego zubuzima.

Uwisoni Laure Immaculle, umuyobozi w’ishami rishinzwe kurwanya ihohoterwa rishingiye ku gitsina n’irindi ryose muri GMO

Minisitiri w’Urubyiruko n’Iterambere ry’Ubuhanzi Dr. Jean Nepo Abdallah Utumatwishima, na we aherutse gutangaza ko igihe kigeze ngo urubyiruko kuva ku myaka 15 bahabwe amahirwe yo kuboneza urubyaro, nk’imwe mu ngamba zo guhangana n’inda zitateganyijwe ziterwa abangavu.

Icyakora iyi ngingo iracyakomeje kuganirwaho mu byiciro bitandukanye by’Abanyarwanda.

Ibigo bigaragaza kwita ku buzima bwo mu mutwe bw’abakozi byashimiwee

Aba bayobozi basanga iyi yaba imwe mu nzira zo kurushaho kwita ku buzima bwo mu mutwe bw’abakozi, kuko byagaragaye ko iki ari kimwe mu bibazo bibangamiye abakozi hirya no hino mu bigo.

Ku wa Gatanu tariki 11 Ukwakira 2024, Ihuriro ry’abakora umwuga wo kwita ku bakozi mu Rwanda ryitwa ‘People Matters Kigali-Rwanda’ ryizihije umunsi mpuzamahanga wahariwe kwita ku buzima bwo mu mutwe ku bakozi.

Mu kwizihiza uyu munsi, People Matters Kigali-Rwanda bahembye bimwe mu bigo bigaragaza kwita ku buzima bwo mu mutwe ku bakozi babyo.

Mu bahembwe harimo Banki Nkuru y’u Rwanda (BNR), ifite umwihariko wo kugira abaforomo bashinzwe gukurikirana ubuzima bw’abakozi umunsi ku munsi, harimo n’ubuzima bwabo bwo mu mutwe.

Umuyobozi w’Ishami Rishinzwe Imicungire y’Abakozi muri BNR, Muhire Modeste, avuga ko kugira ngo kwita ku bakozi by’umwihariko ku buzima bwabo bwo mu mutwe, bisaba ko abashinzwe amashami yita ku bakozi bahuza uruhande rw’abakozi n’urw’ubuyobozi bw’ibigo, ntawe uryamiye undi.

Agira ati “Ubundi amashami ashinzwe imicungire y’abakozi mu bigo, ni yo agomba kuzana iyo balance (ubwo buringanire) uvuga. Bakita ku nyungu z’umukoresha ariko bakibuka n’inyungu z’umukozi. Navuga ko ari n’umuhigo ku mashami ashinzwe abakozi, kumenya neza ko bita ku nyungu z’umukoresha ariko n’umukozi, kuko nib wo bamenya ngo umukozi agomba kuba ameze ate, yitaweho ate, abanye ate n’abakoresha be […]”.

Umuyobozi w’Ishami Rishinzwe Imicungire y’Abakozi muri BNR, Muhire Modeste ashyikirizwa igihembo

Arongera ati “Dufite ikibazo cy’aho amashami ashinzwe imicungire y’abakozi, zibogamira cyane ku ruhande rw’umukoresha zikirengagiza inyungu z’umukozi.Bigenze bityo rero kwita ku buzima bwo mu mutwe bw’umukozi ntibipfa kugerwaho, kuko umukozi abura umwitaho. Ariko hari n’ahandi noneho abashinzwe abakozi bashobora kujya ku ruhande rw’abakozi cyane, noneho bakaba nk’Amasendika avugira abakozi, inyungu z’umukoresha ntizitabweho. Icyo gihe rero hahoraho ibibazo”.

Umuyobozi Mukuru w’Ikigo cyita ku Buzima bwo mu Mutwe (Mental Health Hub), Cailin Human, avuga ko ari ngombwa kwita ku buzima bwo mu mutwe aho abantu bakorera, kuko uburyo umuntu yiyumva, uko atekereza, bigira ingaruka ku byo avuga, ibyo akora, uko asabana na bagenzi be, umusaruro atanga, n’ibindi.

Umuyobozi Mukuru w’Ikigo cyita ku Buzima bwo mu Mutwe (Mental Health Hub), Cailin Human (Umugore wambaye umupira wera))

Akagira ati “Iyo ntameze neza mu mutwe wanjye, ntabwo mba ndi mu byon kora 100%, kandi bigira ingaruka ku musaruro ndi butange, ku mibanire yanjye n’abandi, ubwiza bw’akazi nakoze ndetse n’ibindi byinshi”.

Murenzi Steven, ushinzwe abakozi mu Kigo cy’Igihugu cy’Imisoro n’Amahoro (RRA), akaba ari na we wagize igitekerezo cyo gushyiraho ihuriro ry’abashinzwe kwita ku bakozi (People Matter Kigali-Rwanda), avuga ko inshingano ya mbere y’umuyobozi ushinzwe imicungire y’abakozi ari ukwita ku buzima bwabo byuzuye.

Agaragaza ko aba bashinzwe abakzi bakwiye gutinyuka kubwira abayobora ibigo ko icya mbere bakwiye kwitaho ari abakozi, riza ko kutita ku buzima bw’abakozi byagira ingaruka ku musaruro w’ikigo.

Murenzi Steven, ushinzwe abakozi mu Kigo cy’Igihugu cy’Imisoro n’Amahoro (RRA), akaba ari na we wagize igitekerezo cyo gushyiraho ihuriro ry’abashinzwe kwita ku bakozi (People Matter Kigali-Rwanda)

Ati “Niba uyu munsi umukozi atameze neza, umusaruro we wari ku rugero runaka ukabona waragabanutse, ukavuga uti ‘ntabwo tugomba kumutakaza kuko tuzi ubushobozi bwe ariko dukeneye kumwitaho ku kibazo afite kugira ngo umusaruro we ube mwiza”.

Ikigo ‘Mental Health Hub’ kigaragaza ko ubuzima bwo mu mutwe ku bakozi ndetse n’ahandi butandukanye n’uburwayi bwo mu mutwe, kuko ubuzima bwo mu mutwe ari ibyuyumviro cyangwa se imitekerereze umuntu agira uyu munsi bitewe n’impamvu runaka, ariko ejo ikaba yahinduka nanone bitewe n’impamvu runaka.

Aha bivuze ko umuntu ashobora kuba atameze neza wenda bitewe n’uko arwaje umwana, ariko umwana Yakira ugasanga umubyeyi yongeye gutekereza neza ndetse akazi asabwa gukora akagakora uko bikwiye.

Abagize ihuriro babanje gukora siporo kuri Golf

Umuyobozi Nshingwabikorwa wungirije w’Akarere ka Kicukiro, HUSS Monique

Ni nyuma y’uko mu kwizihiza umunsi mpuzamahanga w’umwana w’umukobwa, muri aka Karere hatashywe Ikigo gihugura abakobwa n’abagore bakiri bato (Girls and Young Women Coaching Center - GYWCC) cyatangijwe n’Umuryango Young Women Christian Association Rwanda, usanzwe ufasha abakobwa n’abagore bakiri bato, binyuze mu Mushinga USAID/Igire Wiyubake.

Umuyobozi Nshingwabikorwa wungirije w’Akarere ka Kicukiro, HUSS Monique, yavuze ko nk’akarere bizeye ko iki kigo kizazamura ubumenyi bw’abakobwa, na cyane ko Akarere ka Kicukiro kiyemeje gufasha abagatuye kuva mu bukene hashyirwa imbaraga mu guhugura urubyiruko.

Ikigo kizafasha abakobwa kubongerera ubumenyi

Agira ati “Muri gahunda dufite y’uburyo burambye yo gufasha umuturage kwikura mu bukene, harimo ko tugomba guhugura urubyiruko rwacu, tukarushishikariza gukora, kongera ubumenyi no guhangana ku isoko ry’umurimo. Igikorwa remezo nk’iki, ubumenyi buzatangirwamo na YWCA, biraduha icyizere ko rya terambere turi gukomeza kuribonera amaboko”.

Uyu muyobozi yashimye ubufatanye aka karere gasanzwe gafitanye n’umushinga USAID/Igire-Wiyubake usanzwe ushyirwa mu bikorwa na YWCA mu mirenge yose igize aka karere, asaba ko bwarushaho kwaguka hagamijwe iterambere ry’umugore n’umwana w’umukobwa.

Ati “Ni ngombwa ko tujyanamo kugira ngo turusheho kwesa imihigo, bityo tubashe kubona iterambere ry’umugore n’umwana w’umukobwa rigerwaho”.

Bamwe mu rubyiruko rw’abakobwa bo mu Karere ka Kicukiro bavuga ko iki kigo kizagira uruhare mu gutinyura abana b’abakobwa, ubusanzwe babaga banafite ubumenyi ariko ntibatinyuke kujya guhangana ku isoko ry’umurimo.

Pauline Nakure, ati “Iki kigo ni uburyo bwo kongerera ubushobozi abakobwa, kuko hanze hari ikibazo cy’abakobwa barangiza kaminuza, ariko ugasanga ntibashoboye guhatanira imyanya y’akazi, yajya mu bizamini byo kuvuga (interview) ugasanga arasubiza ‘yes’ gusa. Aya ni amahirwe rero kuko bazahigira n’uburyo bakwitwara mu bizamini by’akazi”.

Goretti Uwamariya we, ati “Iki kigo kizafasha abakobwa kuvumbura ikibarimo, kuko hari ubwo usanga umuntu afite intego ariko atazi ngo yayigeraho ate. Aha rero hazabafasha kumenya aho bahera, ndetse banatinyuke kwihatira kugera ku ntego zabo”.

Umuyobozi Mukuru w’Umuryango YWCA Rwanda, Kaligirwa Ernestine, avuga ko gutangiza iki kigo bigamije gukarishya ubumenyi bw’abakobwa n’abagore bakiri bato, hagamijwe kubafasha guhangana ku isoko ry’umurimo no kububakira ubushobozi n’ubumenyi ngiro bikenewe ngo babashe kugira inzozi zabo impamo.

Kugeza ubu, ikigo ‘GYWCC’ cyatangiye guhugura abakobwa n’abagore bato bagera kuri 30, bakaba bahabwa inyigisho zirimo kunoza umurimo, kwihangira imirimo, amasomo ku mbamutima n’ubuzima bwo mu mutwe ndetse no kuvuga neza mu ruhame.

Umuryango YWCA Rwanda, ushyira mu bikorwa porogaramu zirimo izigamije kurengera no kubakira ubushobozi abagore n’abakobwa, kubongerera ubushobozi no kuzamura ireme ry’uburezi no kubafasha kwiteza imbere mu bukungu mu turere 20 tw’u Rwanda.

Mu karere ka Kicukiro, YWCA Rwanda ishyira mu bikorwa umushinga USAID/Igire Wiyubake, uterwa inkunga n’Ikigega cya Perezida wa Leta zunze ubumwe za Amerika cyo kurwanya virusi itera SIDA (PEPFAR), inyuze mu kigega nterankunga cy’Abanyamerika USAID.

Mu myaka ibiri umushinga IGIRE-WIYUBAKE umaze ushyirwa mu mu karere ka Kicukiro, wafashije abakobwa n’abagore bakiri bato mu kubaha inyigisho z’ubuzima bw’imyororokere, ubumenyi bw’ibanze mu buzima, gufashwa gufata imiti neza ku bagize ibyago byo kwandura virus itera sida, kwihangira imirimo hamwe no kwigirira icyizere.

Ku rundi ruhande kandi abagera ku 9,588 bigaga bibagoye, bafashijwe kuguma mu ishuri bahabwa ibikoresho banarihirwa amafaranga y’ishuri, mu gihe abagera ku 1,720 bacikirije amashuri ndetse n’ababyaye imburagihe barihiwe imyuga banahabwa ibikoresho (start-up kits) bijyanye n’imyuga bize.

Ni mu gihe kandi abakobwa n’abagore bato bigishijwe ibyiza byo kwizigamira bihuriza mu matsinda yo kuzigama no kugirizanya agera kuri 463, agizwe n’abanyamuryango 9,482 bakaba barashoboye kwizigamira amafaranga y’u Rwanda akabakaba milioni 96.

Umushinga USAID/Igire-Wiyubake kandi wigishije ababyeyi basaga 4000 inyigisho zo kuba ababyeyi beza, zirimo kuganira n’abana, kubatega amatwi no kubaha uburere bukwiye.

Inzego zahagurukiye kuvugutira umuti ibibangamira ubucuruzi muri EAC

Ku isonga muri izo mbogamizi harimo ruswa, amafaranga acibwa imodoka zabo iyo zinjira muri bimwe mu bihugu bigize uyu muryango, nyamara mu Rwanda ugasanga zinjira k ubuntu, gufunga imihanda bigatuma ibicuruzwa bidatambuka, kubangamira urujya n’uruza kwa bimwemu bihugu ndetse n’ibindi.

Ibi ni bimwe mu byagarutsweho ku wa Gatanu tariki 11 Ukwakira 2024, mu biganiro byahuje Umunyamabanga Mukuru wa EAC, Veronica Muei Nduva, n’abakora ubucuruzi bo mu Rwanda hamwe n’Inama y’Ubucuruzi y’uyu Muryango, hagamijwe gusasa inzobe ngo barebere hamwe ibibangamira ubucuruzi hagati y’ibihugu binyamuryango.

Minisitiri w’Ubucuruzi n’Inganda, Sebahizi Prudence, avuga ko hagiye gushyirwaho uburyo bwo kureba ibibazo bihangayikishije kurusha ibindi, hanyuma bakicarana n’inzego zibishinzwe bishakirwe umuti aho guhora babivugira mu nama gusa.

Minisitiri w’Ubucuruzi n’Inganda, Sebahizi Prudence

Agira ati “Tugiye gutangira gukora urugendo tujye dufata ibibazo nka bitanu bihangayikishije abacuruzi, turebe inzego zibishinzwe, Abaminisitiri mu bihugu byose bya EAC, bagende bagamije gukemura icyo kibazo kuri terrain (aho kiri) Atari ukuvuga ngo bicaye mu nama gusa”.

Umucuruzi akaba ari na Visi Perezida w’Inama y’Ubucuruzi y’Umuryango wa Afurika y’Uburasirazuba (East African Business Council), yagaragaje ko nk’abacuruzi bafite icyizere ko ibi bibazo byose bizakemuka, hashingiwe ku bushake bwa politiki bugaragazwa n’ibihugu binyamuryango.

Ati “Burya ikintu kitagira umuti ni ikitavuzwe. Ariko iyo ikibazo cyagaragajwe, kikavugwa kigashakirwa n’uburyo cyakemuka, dufite icyizere cyinshi cyane ko ibyagaragajwe bizabonerwa umuti”.

Umunyamabanga Mukuru w’Umuryango wa Afurika y’Uburasirazuba, Veronica Mueni Nduva, agaragaza ko hari byinshi bimaze kugerwaho n’ubwo hakiri ibibazo byinshi, akaba anatanga icyizere ko mu bihe bya vuba ibihugu bigize uyu muryango bizarushaho guhahirana.

Umunyamabanga Mukuru w’Umuryango wa Afurika y’Uburasirazuba, Veronica Mueni Nduva

Ati “Turi hafi kwizihiza imyaka 25 dutangiye uru rugendo, kandi nsubije amaso inyuma hari byinshi byakozwe, nko guhuza za gasutamo no kurushaho kwihuza nk’isoko rimwe. Gusa icyo twakwibaza, ni ukumenya ngo ese birahagije? Wenda ntibihagije! Ese hari ibirenze twakora? Yego! Hari imbogamizi zigihari , ariko kwihuza ni urugendo, ni ukwiyemeza by’igihe kirekire kandi ntibyakorwa umunsi umwe”.

Minisiteri y’Ubucuruzi n’Inganda igaragaza ko igipimo cy’ubucuruzi hagati y’ibihugu bigize Umuryango wa EAC kiri munsi ya 15%. Bigaragara ko iki gipimo kiri munsi y’ubucuruzi hagati y’ibihugu byo ku Mugabane wa Afurika, kuko ho kiri kuri 18%.

Icyakora abari muri ibi biganiro biyemeje kuzamura igipimo cy’ubucuruzi hagati y’ibihugu bya EAC, nibura kikagera kuri 40% mu mwaka wa 2030.

Yabivuze ubwo yatangizaga Inama ya Kabiri y’Ihuriro ry’Ubukungu rigamije kwihutisha ishyirwa mu bikorwa ry’Isoko Rusange rya Afurika (AfCFTA Business Forum), izwi nka ‘Biashara Afrika’, yatangirijwe I Kigali kuri uyu wa Gatatu tariki 09 Ukwakira 2024.

Mu gutangiza iyi nama, Perezida Kagame yashimiye abayitabiriye bose, by’umwihariko bakayitabira mu gihe Igihugu cy’u Rwanda gihanganye n’icyorezo cya Marburg, abizeza ko Igihugu kiri gukora uko gishoboye mu guhangana n’iyo ndwara.

Perezida Kagame yagize ati “Ariko ndashaka kubashimira mwese kuba muri hano, ndashaka kubizeza ko turi gukora ibyo dushoboye byose mu kurwanya iyi virusi”.

Umukuru w’Igihugu yavuze ko kugira ngo intego zo kwishyira hamwe kwa Afurika n’ishyirwa mu bikorwa ry’Isoko Rusange rya Afurika bigerweho, hakenewe kugira politiki n’imiyoborere myiza, ariko byose bikajyana no guhindura imyumvire.

Ati “Dukeneye gukosora politiki yacu, imiyoborere yacu kandi byose bitangirana n’imyumvire no kugira icyerekezo cyiza. Nk’iyo abantu bavuze Isoko Rusange rya Afurika n’ubucuruzi hagati ya Afurika, uko ari ingirakamaro n’ibindi, ikintu cya mbere kiza mu ntekerezo ni uko hatariho uburyo bw’urujya n’uruza rw’abaturage”.

Perezida Kagame akagaragaza ko bitumvikana ukuntu muri Afurika abaturage batemererwa kugenderana cyangwa ngo habeho urujya n’uruza rw’ibicuruzwa.

Ati “Kuki hatariho urujya n’uruza rw’abaturage? Kuki umuturage w’igihugu runaka adashobora kwambuka ngo ajye mu kindi gihugu cyo muri Afurika? Ni he hari ikibazo? Ariko nyuma y’ibyo byose ugasanga turavuga ko turi abavandimwe, nyamara abaturage bamwe bakenera bimwe mu birimu bindi bihugu ariko bakabura ubu bwisanzure bwo kuba bakwambukiranya imipaka! Ndavuga kwambuka imipaka ariko hari n’abatabasha kugenderanira ku mipaka yabo, kandi ibyo byose ni politiki tugomba gukosora”.

Muri iyi nama, Perezida Kagame yashimiye abafatanyabikorwa barimo Ikigo Nyafurika gishinzwe kurwanya no gukumira Indwara z’Ibyorezo (Africa CDC) n’abandi bakomeje gufasha u Rwanda mu guhangana n’indwara z’ibyorezo by’umwihariko icya Marburg.

Agaruka ku ishyirwa mu bikorwa ry’Isoko Rusange rya Afurika, Perezida Kagame yavuze ko mu myaka itandatu ishize ari bwo i Kigali hatangiriye urugendo rwo kurishyiraho, ari na ryo rinini ku Isi.

Ati “Nyuma y’umwaka umwe, i Niamey, ibikorwa by’Isoko Rusange rya afurika byaratangijwe ku mugaragaro. Ibi bigaragaza umuhate wacu mu guharanira iterambere ry’ubukungu n’ubumwe bwa Afurika, kandi Afurika ifite ubushobozi bwo kwishyira hamwe mu gukemura ibibazo byacu”.

Perezida Kagame yavuze ko muri gahunda nyinshi zashyizweho mu korohereza abikorera mu rujya n’uruza rw’ibicuruzwa byabo harimo no kuba Sosiyete y’u Rwanda ikora Ubwikorezi bwo mu Kirere (RwandAir), itanga serivisi zihendutse ku bikorera.

Umukuru w’Igihugu kandi yagaragaje ko ubucuruzi buto n’ubuciriritse by’umwihariko ubukorwa n’urubyiruko n’abagore ari inkingi y’ubukungu bwa Afurika, ashimangira ko bukwiye gukomeza gushyigikirwa kandi ntibukomeze kuba buto ahubwo bukarushaho kwaguga.

Umunyamabanga Mukuru w’Ubunyamabanga bw’Isoko Rusange rya Afurika, Wamkele Keabetswe Mene, yagarutse ku nsanganyamatsiko y’iyi Nama ya Kabiri ya ‘Biashara Afrika’, ivuga ku kubyaza umusaruro ahazaza h’Isoko Rusange rya Afurika, by’umwihariko ku bacuruzi bato n’abaciriritse.

Ati “Abanyafurika barenga miliyoni 400 babayeho mu bukene, ubucuruzi no kugera ku masoko mashya ni ingenzi kuri twe nk’Abanyafurika mu rwego rwo kugabanya ubukene”.

Uyu muyobozi yavuze ko Abanyafurika bafite amahirwe yo kugira Isoko Rusange rya Afurika, bityo ko bakwiye kuribyaza umusaruro baryifashisha mu kugabanya ubukene kuri uyu Mugabane.

Yavuze ko kuva mu 2018, ibihugu 44 ari byo bimaze kwemeza burundu amasezerano ashyiraho Isoko Rusange rya Afurika.

Bamwe mu bashoramari bitabiriye iyi nama, bagaragaza ko ari amahirwe akomeye kuko bazabasha guhura n’abandi bacuruzi, bityo bakungurana ibitekerezo ku buryo bwo gucuruza kuri iri soko rigari rya Afurika.

Jean d’Amour Kamayirese, uhagarariye uruhererekane rw’abakora n’abacuruza ibikomoka ku mpu (Kigali Leather Cluster), avuga ko bamaze kubona abashoramari bemeye kuzashora imari mu bucuruzi bw’impu zo mu Rwanda kubera ko byagaragaye ko ari nziza kurenza izo mu bindi bihugu.

Ati “Mu bindi bihugu baragira mu mashyamba akagenda asharuura uruhu rw’inka, ikindi ntizitabwaho uko bikwiye bigatuma zirwara uburondwe bukangiza uruhu. Twebwe rero inka zacu zitabwaho neza, ugasanga uruhu rwazo zimeze neza, ni yo mpamvu abashoramari benshi bashaka impu zo mu Rwanda”.

Kamayirese avuga ko kugira ngo ubucuruzi bushboke ku Mugabane wa Afurika bushoboke, hakwiye kubanza kuvanwaho imbogamizi z’urujya n’uruza.

Iyi nama y’iminsi itatu ihurije hamwe abantu barenga 1,200 barimo abashoramari, abayobozi mu nzego zifata ibyemezo, inzobere mu bucuruzi mpuzamahanga n’abandi bahagarariye ibihugu byabo.

Igamije kurebera hamwe intego Afurika yihaye mu buhahirane, ubucuruzi n’ishiramari, harebwa aho bigeze bishyirwa mu bikorwa, imbogamizi zirimo mu rwego rwo kubyihutisha no kuzishakira ibisubizo, kugira ngo ubucuruzi n’ishoramari hagati y’ibihugu bya Afurika bibashe kugera ku ntego byihaye.

Kugeza ubu u Rwanda ruri mu bihugu umunani byatangiye kubyaza unusaruro amahirwe y’iri Soko Rusange rya Afurika, aho rwohereza ibicuruzwa birimo Kawa, Icyayi, Ubuki, Amavuta akomoka kuri avoka n’ibindi mu bihugu bya Afurika.

Isoko Rusange rya Afurika rihurije hamwe ibihugu 55 byo ku Mugabane wa Afurika. Ibihugu 47 ni byo byamaze gusinyano kwemeza amasezerano arishyiraho, ariko ibihugu umunani gusa ni byo byatangiye kuricururizaho

Kurikira ibindi muri iyi Video:

Amafoto: Eric Ruzindana
Video: Richard Kwizera

Biteganyijwe ko iyi nama itangizwa na Perezida Kagame, ikaba ihurije hamwe abantu basaga 1,200 barimo abashoramari, abayobozi mu nzego zifata ibyemezo, inzobere mu bucuruzi mpuzamahanga n’abandi bahagarariye ibihugu byabo.

Iyi nama igamije kurebera hamwe intego Afurika yihaye mu buhahirane, ubucuruzi n’ishoramari, harebwa aho bigeze bishyirwa mu bikorwa, imbogamizi zirimo mu rwego rwo kubyihutisha no kuzishakira ibisubizo, kugira ngo ubucuruzi n’ishoramari hagati y’ibihugu bya Afurika bibashe kugera ku ntego byihaye.

Abantu b’ingeri zitandukanye bitabiriye iyi nama

Kugeza ubu u Rwanda ruri mu bihugu umunani byatangiye kubyaza umusaruro amahirwe y’iri Soko Rusange rya Afurika, aho rwohereza ibicuruzwa birimo kawa, icyayi, ubuki, amavuta akomoka kuri avoka n’ibindi mu bihugu bya Afurika.

Isoko Rusange rya Afurika rihurije hamwe ibihugu 55 byo ku Mugabane wa Afurika. Ibihugu 47 ni byo byamaze gusinya no kwemeza amasezerano arishyiraho, ariko ibihugu umunani gusa ni byo byatangiye kuricururizaho.

Minisitiri Sebahizi (iburyo), avuga ko u Rwanda rukeneye kongera umusaruro kugira ngo rubashe guhaza isoko rigari

Ibi yabigarutseho kuri uyu wa Kabiri tariki 08 Ukwakira 2024, mu kiganiro n’abanyamakuru kibanziriza Inama Mpuzamahanga izahuriza hamwe abikorera bo muri Afurika n’abo mu nzego zifata ibyemezo izwi nka ’Biashara Africa’, igamije kwigira hamwe uburyo bwo kwihutisha ishyirwa mu bikorwa ry’Amasezerano y’Isoko Rusange rya Afurika.

Muri iki kiganiro, Minisitiri Sebahizi yavuze ko kuba u Rwanda ari igihugu kidakora ku nyanja, uburyo bwo kubaho nk’igihugu buturuka ku kwinjira mu miryango itandukanye nk’iri soko rusange rya Afurika.

Ati “Ni ngombwa ko u Rwanda rwinjira mu miryango nk’iyi. Tutinjiyemo ubwo twaba dushaka kuba ba nyamwigendaho kandi ntabwo dufite ayo mahitamo yo kuba ba nyamwigendaho. Icya kabiri, u Rwanda ni igihugu gito, umubare w’abaturage batuye u Rwanda ntabwo duhagije kugira ngo umushoramari wese washaka kuzana amafaranga ye, akore ubucuruzi cyangwa se ibindi bikorwa by’iterambere muri iki gihugu, abone iryo soko rihagije”.

Minisitiri Sebahizi avuga ko Politiki u Rwanda ruri gushyiramo imbaraga ari iyo kongera umusaruro mu nzego zose, mu rwego rwo kubasha guhaza isoko rinini nk’iri Soko Rusange rya Afurika.

Agira ati “Nabaha nk’urugero, mu nganda nkeya maze iminsi nsura, inganda zacu inyinshi nta n’ubwo zibasha guhaza isoko ryo mu Rwanda. N’iyo wahera no ku buhinzi, ibyo duhinga tweza hano, ntibibasha guhaza isoko ryo mu Rwanda. Kugira ngo rero dutangire kugemurira isoko nk’iri rigari, ni uko tubasha kongera umusaruro”.

Minisiteri y’Ubucuruzi n’Inganda kandi igaragaza ko Isoko Rusange rya Afurika ari uburyo bwiza kuri ba rwiyemezamirimo b’Abanyarwanda, kubasha gukora ibikorwa byabo badahangayikishijwe n’isoko ridahagije.

Umunyamabanga Mukuru w’Ubunyamabanga bw’Isoko Rusange rya Afurika, Wamkele Keabetswe Mene, yagaragaje ko ibihugu bikomeje kugaragaza ubushake bwo gushyira umukono ku masezerano ashyiraho iri soko ndetse no kuyemeza, na cyane ko ubu ibihugu 47 ari byo byamaze kuyasinya no kuyemeza.

N’ubwo bimeze bityo ariko, kugeza ubu ibihugu umunani gusa ni byo byatangiye gucururiza kuri iri soko, muri byo hakaba harimo n’u Rwanda.

Wamkele Mene ati “Nk’uko mubibona, hari umuvuduko ushimishije w’ibihugu mu kwemeza amasezerano ashyiraho AFCFTA. Hari ubushake bwa politiki ndetse n’umurongo uhamye w’amategeko, ku buryo ari ibintu byo kwishimira”.

Uyu muyobozi kandi avuga ko mu bindi bishimira harimo kuba abikorera bo ku Mugabane wa Afurika baratangiye kumva akamaro k’iri soko, akavuga ko ndetse hari n’abaturuka mu bihugu bitaremeza aya masezerano ariko bagaragaza inyota yo kwinjira kuri iri soko.

Ati “Mu by’ukuri mu bice byinshi, abikora bafite inyota kurusha na za Guverinoma zimwe, ndetse bifuza ko ibintu byihuta kurushaho. Turabishima cyane”.

Biteganyijwe ko iyi Nama Mpuzamahanga izatangira imiromo yayo ku wa Gatatu tariki 09 Ukwakira, ikazasozwa ku wa Gatanu tariki 11 Ukwakira 2024.

Bimwe mu bizibandwaho harimo guteza imbere ubucuruzi buto n’ubuciriritse, kuganira ku bigo by’ubucuruzi biyobowe n’abagore ndetse n’ibiyobowe n’urubyiruko.

Hafi y’aho aba baturage batuye haheruka gusenywa, ariko aba baracyahatuye

Abagituye muri aka gace, bavuga ko badakozwa ibyo kwimuka mu gihe cyose ubuyobozi bubasaba kwimuka ariko ntibubereke aho bimukira. Bamwe mu bimuwe muri aka gace bagiye hirya no hino mu Mujyi wa Kigali gushaka ahandi batura, bamwe bavuga ko na ho ari amanegeka.

Umubyeyi witwa Claudine Uwitonze, yabwiye Kigali Today ati “Erega nta we ushobora guhangana na Leta, baramutse bavuze ngo twimuke ku ngufu ubwo nyine twagenda. Ariko se umuntu araza akakubwira ngo imuka, ntakweretse aho ujya, koko ubwo wowe urumva ibyo ari ibintu”?

Mu Murenge wa Gisozi ahazwi nko ku Isi ya Cyenda na ho mu mpera z’umwaka ushize himuwe abaturage byagaragaraga ko bari batuye mu gace kashoboraga gushyira ubuzima bwabo mu kaga.

Muri ako gace munsi neza y’ahasenywe, wegera ku gishanga cya Nyabugogo, haracyatuye abaturake. Kimwe na bagenzi babo bagituye muri Kibaya yo muri Gatsata, aba na bo bavuga ko aho batuye batahimuka uretse kuba babitegekwa n’ubuyobozi.

Umubyeyi witwa ‘Mama Carine’ yahoze akodesha inzu mu gace gaheruka gusenywa, arahimuka ajya gukodesha mu Gatsata.

Uyu yabwiye Kigali Today ko yageze mu Gatsata hakamunanira, bitewe n’uko ubucuruzi buciriritse yakoreraga muri Gisozi yageze mu Gatsata bukanga, ahitamo kugaruka gukodehsa hafi y’aho basenye.

Yagize ati “Batugiriye neza barekera aho gusenya tukaba dutuje. Iyo twumva ngo bagiye gusenya ahasigaye turahangayika”.

Uyu mubyeyi avuga ko iyo basenyeye abaturage bababwira ko aho atuye ari mu manegeka, ariko ntibereke abaturage aho bajya hatari amanegeka, n’ubundi nta cyo bitanga kuko ba baturage bjya gutura ahandi mu manegeka.

Ati “Barakwimuye ntibaguhaye aho kujya! None se ugira ngo n’ubundi iyo basenye, ba baturage n’ubundi ntibahita bajya mu yandi manegeka”!

Ku baturage bagituye mu duce twafatwa nk’amanegeka, bavuga ko gahunda yo gukuraho amanegeka yakwitonderwa kuko n’ubundi Igihugu kigizwe ahanini n’imisozi, bityo ko amanegeka aramutse areberwa ku misozi ahantu henshi hafatwa n’amanegeka.

Uwitonze Claudine, ati “Ubu se ni he hatari amanegeka ko Igihugu cyose ari imisozi gusa. Gusa nyine nibatekereza kwimura abaturage bajye banatekereza kubereka aho bajya hatari amanegeka”.

Nta mpungenge batewe n’imvura

Muri Kanama uyu mwaka, Ikigo cy’igihugu gishinzwe Ubumenyi bw’Ikirere (Meteo Rwanda), cyatangaje ko imvura iteganyijwe kugwa mu gihe cy’umuhindo, iri ku mpuzandengo y’imvura isanzwe igwa mu gihe cy’umuhindo mu myaka 30 ishize, kandi ikazaba iri ku bipimo nk’ibyo mu muhindo wo mu 2020.

N’ubwo bimeze bityo ariko, abagituye ahantu hafatwa nk’hashobora gushyira ubuzima bwabo mu kaga, bagaragaza ko nta kibazo bafite ku mvura, kuko igihe bamaze bahatuye ari kirekire kandi imvura ikaba itarahagaze kugwa.

Umuturage wo mu Gatsata ati “Twebwe twaje gutura hano tuvuye ku Muhima muri 1981. Kuva icyo gihe nta na rimwe imvura itaguye! Ubwo se wavuga ko imvura ari cyo kibazo? Abatuye mu ma etage bo ntibapfa se”?

Mugenzi we Mama Carine ati “Buriya rero, urupfu ahantu hose rwahagusanga. Ntibyagombera kuba utuye aho mu manegeka”.

Icyo aba baturage bahurizaho ni uko bibaye byiza babarekera aho batuye, gusa bakagaragaza ko Leta nibategeka kwimuka ku ngufu ari bwo bazagenda.

N’ubwo aba baturage bavuga ibi ariko, bamwe mu bahoze batuye mu manegeka ubu bimuriwe mu midugudu y’icyitegererezo, basaba aba bagenzi babo bagituye ahashobora gushyira ubuzima bwabo mu kaga guhindura imyumvire bakahimuka, kuko ibyago bidateguza.

Uwitwa Claver Habamenshi, yahoze atuye mu Mudugudu wa Giticyinyoni mu Kagari ka Nyabugogo, Umurenge wa Kigali. Mu ijoro ryo ku wa 05 Gicurasi 2018, ibiza byasenye inzu ze zose, hagwamo abantu babiri bakodeshaga iwe, ariko ku bw’amahirwe we n’abandi bo mu muryango we bararokoka.

Mu mwaka wakurikiyeho wa 2019, Habamenshi yahawe inzu mu Mudugudu w’Icyitegererezo wa Karama mu Murenge wa Kigali, ari naho asigaye atuye ubu.

Agira ati “Iryo joro sinjya ndyibagirwa mu buzima bwanjye. Inzego zose z’ubuyobozi zaraye iwanjye. Nagize ihungabana mbonye ukuntu inzu zanjye zabaye, kandi numvaga zikomeye nta hantu zajya. Nabonye ko Ibiza bitera bidateguje, kandi nta wavuga ngo jyewe iwanjye harakomeye ntacyo hazaba”.

Kimwe na Habamenshi, Mukantabana Francoise, na we yahoze atuye mu Mudugudu wa Nyabikoni, mu Kagari ka Nyabugogo, mu Murenge wa Kigali. Na we yahawe inzu mu Mudugudu wa Karama, nyuma yo kwimurwa aho hashoboraga kuzashyira ubuzima bwe n’abe mu kaga.

Agira ati “Inzu yanjye yari ikomeye ariko yubatse ahantu habi ku musozi, ku buryo uko imvura yagwaga nahoraga ndwana n’itaka ryabaga ryamanutse ku mugina wari hejuru y’aho nari ntuy. Ni ukuri ndashimira ubuyobozi bwaturebeye kure”.

Abatujwe i Karama basaba abagituye mu manegeka kwemera bakahava

Abatujwe muri uyu mudugudu bavuga ko uretse no kuba ubu baratujwe ahantu heza hadashobora kubateza Ibiza, banegerejwe ibindi bikorwa remezo birimo amazi meza, amashanyarazi, amashuri, ivuriro n’isoko.

Bakaboneraho gusaba abagituye mu bice byagaragajwe ko bishobora gushyira ubuzima bwabo mu kaga ko bahava ibyago bitaraza.

Aha ni mu rugo kwa Mukantabana. Umukobwa we (uteruye umwana) arimo aramufasha kugaburira abana

Aba bana bari hagati y’imyaka ibiri n’itanu y’amavuko, Mukantabana amarana na bo amasaha hafi atanu, kuko baza guhera saa mbili bagatangira gutaha guhera saa tanu n’igice z’amanywa.

Ni umurimo Mukantabana avuga ko umugora n’ubwo afite undi mubyeyi bafatanya, ariko akabikora yumva bimuteye ishema kuko yizera ko arera imbaraga z’Igihugu.

Agira ati “Biragoye, nawe urumva kwiriranwa n’abana bato bangana gutyo ntibyoroshye. Nk’ubu sinshobora kugira umushyitsi unsure uretse gusa muri week-end! Mbikora nta gihemo, bitewe n’uburyo nabonye ko abana ari imbaraga z’Igihugu, nta gihombo mbibonamo. Iyo niriranywe n’abana mba numva merewe neza”.

Mukantabana avuga ko umubyeyi watowe n’abandi ngo ajye akurikirana imibereho n’imyigire y’abana mu rugo mbonezamikurire, we hari agashimwe yagenewe n’ababyeyi, ariko nyir’urugo akaba nta kintu ahabwa.

Kuri Mukantabana ngo n’ubwo umurimo akora yumva umuteye ishema, byarushaho kumutera ishema na we agize icyo agenerwa nk’ishimwe.

Ati “Uwo ababyeyi bitoreye hari akantu bamugenera, ariko jye nyir’urugo nta kintu bangenera. Baramutse bagize icyo batugenera byaba byiza kurushaho”.

Zimwe mu mbogamizi ababyeyi bemeye kwakira ingo mbonezamikurire mu ngo zabo bahur ana zo, harimo kuba hari ababyeyi batitabira gukusanya ibyo kurya bitekerwa abana, abatitabira gutanga inkwi zo guteka, amazi ndetse n’ibindi bikenerwa, bigasaba nyir’urugo kubyishakira.

Ku wa Gatatu tariki 02 Ukwakira 2024, mu Murenge wa Jabana w’Akarere ka Gasabo habareye ubukangurambaga bugamije gushishikariza ababyeyikwitabira kohereza abana mu ngo mbonezamikurire.

Ni igikorwa ubuyobozi bufatanyamo n’umufatanyabikorwa ‘Parenting Child Care Rwanda – PCCR), usanzwe ushyira mu bikorwa gahunda y’Imbonezamikurire y’Abana bato mu Turere twa Gasabo na Ngoma.

Umuhuzabikorwa w’Umuryango PCCR, Caleb Banoge, bitewe n’inyigisho zitangwa ku bijyanye no kwita ku mikurire y’abana, bigaragara ko imyumvire ku babyeyi yazamutse, kuko mbere hari ababyeyi batumvaga impamvu zo kujyana abana babo mu ngo mbonezamikurire.

Umuhuzabikorwa w’Umuryango PCCR, Caleb Banoge

Ati “Imyumvira yarazamutse, mbere dutangira ntabwo bumvaga ibyo ari byo, ndetse wasangaga batanabishishikarira kujyaba abana mu ngo mbonezamikurire. Ubu babigiramo uruhare bagatanga imisanzu ndetse n’umwanya mu gukurikirana abana. Habayeho amahugurwa n’ibiganiro”.

Banoge yongeraho ko muri iyi gahunda hakiri imbogamizi z’uko hari ababyeyi b’abagabo bataritabira gufatanya n’abagore mu kwita ku bana, ibikoresho bikiri bike mu ngo mbonezamikurire, imfashanyigisho zidahagije ndetse n’ibindi.

Ku kibazo cy’ubufasha, Banoge avuga ko bateganya ko guhera mu mwaka utaha, mu ngo mbenezamikurire zikorera mu ngo z’abantu uyu muryango ukurikirana, hazarebwa uko ba nyirazo bajya babafasha mu bikorwa bimwe na bimwe, mu rwego rwo kubagaragariza ko umurimo bakora ufitiye igihugu akamaro.

Umunyamabanga Nshingwabikorwa w’Umurenge wa Jabana, Shema Jonas, avuga ko hari ababyeyi bakitiranya ingo mbonezamikurire n’amashuri y’inshuke, ariko ko hakomeje ubukangurambaga ngo ababyeyi bitabire kujyana abana mu ngo mbonezamikurire.

Umunyamabanga Nshingwabikorwa w’Umurenge wa Jabana, Shema Jonas

Agira ati “Ni byo hari ababyitiranya. N’ubwo bifite aho bihuriye, ariko biranatandukanye kuko mu ishuri ry’incuke hajyanwa umwana gusa, mu gihe mu rugo mbonezamikurire bita ku bana n’ababyeyi. Abana bategurwa kuzajya mu mashuri abanza bakanahabonera indyo yuzuye, ariko n’ababyeyi cyane cyane abatwite na bo bahaherwa amasomo yo gutegura amafunguro ndetse n’uburyo bwo kwita ku bana”.

Uyu muyobozi kandi agaragaza ko ingo mbonezamikurire zatanze umusaruro mu bijyanyeno gutegura abana gutangira amashuri abanza, ndetse no kurwanya imirire mibi mu bana.

Urugero nko muri uyu Murenge wa Jabana, mbere y’uko ababyeyi batangirw akujyana abana mu ngo mbonezamikurire, habarurwaga abana bari hagati ya 60 na 70 bari bafite ibibazo by’imirire mibi, ariko imibare yegeranyijwe muri Nyakanga uyu mwaka ikaba yerekana ko hasigaye abana 23 gusa, kandi muri bo 20 bakaba bari mu ibara ry’umuhondo.

Mu Murenge wa Jabana ubu habarurwa ingo mbonezamikurire 174, habariwemo izikorera mu ngo ndetse n’izikorera ku mashuri. Muri izi ngo, Umuryango PCCR ukurikiranamo 41 zikorera mu ngo, ikaba kandi yarubatse n’izindi ebyiri zikorera ku mashuri.

Mu karere kose ka Gasabo, PCCR ikurikirana ingo 67 zikorera mu ngo ndetse ikaba yarubatse izindi eshanu zikorera ku mashuri.

Abonye nta gisubizo ahawe, yatekereje ko amahirwe yo kwiga kaminuza agiye kumucika, yihitiramo kwiga amasomo y’igihe gito mu ishuri ry’imyuga mu bijyanye no guteka.

Mu mwaka wakurikiyeho, yongeye kugerageza gusaba kwiga muri Kaminuza y’u Rwanda ku nshuro ya kabiri, noneho amahirwe aramusekera, yemererwa kwinjira muri kaminuza ndetse ahabwa buruse ya Leta. N’ubwo atahawe ishami yifuzaga kwiga ariko byaramushimishije.

Mu cyumweru cya mbere cyo kumenyereza abanyeshuri bashya muri Kaminuza, Mukamana yamenye ikintu cy’ingenzi, kandi asobanukirwa ko agomba gufata imyigire ye muri Kaminuza y’u Rwanda nk’ikintu gikomeye, niba koko yifuza kugera kure mu buzima.

Ati “Muri Kaminuza y’u Rwanda, nahamenyeye uburyo bushya bwo gutanga amanota; impamyabumenyi y’icyiciro ya mbere (First Class Honor), impamyabumenyi y’icyiciro cya kabiri yisumbuye (Second Class Upper), impamyabumenyi y’icyiciro cya kabiri mu rwego rwo hasi (second class lower), n’impamyabumenyi isanzwe (Pass). Ariko ikibazo ni ukuntu umuntu ajya muri buri cyiciro”.

Nk’uko biteganywa n’amategeko ngengamikorere ya Kaminuza y’u Rwanda, ku bijyanye n’amasomo y’icyiciro cya mbere cya kaminuza yo mu Ugushyingo 2018, impamyabumenyi y’icyiciro ya mbere ihabwa umunyeshuri wagize nibura amanota 80% mu masomo yose, usibye ayo mu mwaka wa mbere, kandi akaba atarigeze abaona manota ari munsi ya 70% muri buri somo.

Ayo mategeko ariko ateganya ko iyi mpamyabumenyi ihabwa gusa abanyeshuri babashije gutsinda amasomo yose ku nshuro ya mbere y’ikizamini, bivuze ko umunyeshuri wakoze ibizamini by’isubiramo (second sitting) atemerewe guhabwa impamyabumenyi y’icyiciro cya mbere.

Impamvu ni uko aya mategeko ya Kaminuza y’u Rwanda ateganya ko iyo umunyeshuri akoze ibizamini by’isubiramo (second sitting), amanota yo hejuru atagomba kurenza ari 50%.

Impamyabumenyi y’icyiciro ya kabiri mu rwego rwisumbuye yo itangwa ku munyeshuri wagize amanota 70% mu masomo yose yize, usibye ayo mu mwaka wa mbere, kandi akaba atarigeze agira amanita ari munsi ya 60% muri buri somo.

Impamyabumenyi y’icyiciro cya kabiri mu rwego rwo hasi, yo ihabwa umunyeshuri wagize amanota 60% mu masomo yose yize, usibye ayo mu mwaka wa mbere, kandi akaba atarigeze ajya munsi y’amanota 50% muri buri somo.

Impamyabumenyi isanzwe (Pass), yo ihabwa umunyeshuri wagize nibura amanita 50% kandi akaba ataragize munsi yayo manota mu masomo yose, kandi nk’ibindi byiciro bitatu bya mbere, ntihabarirwamo amasomo yo mu mwaka wa mbere.

Ubu buryo bwo gutanga amanota, busobanuye ko ku mpapuro zigaragaza amanota (transcripts), amanota y’umunyeshuri ku mpuzandengo ashobora kuba meza, ariko ku mpamyabumenyi ntibigire icyo bimufasha mu gihe atabashije kubona amanota asabwa muri buri somo, ahubwo bikamushyira mu cyiciro cyo hasi.

Urugero, nk’umunyeshuri watsindiye ku mpuzandengo y’amanota 70% mu masomo yose, washoboraga kugira impamyabumenyi y’icyiciro cya kabiri yo mu rwego rwisumbuye, ariko akisanga yahawe impamyabumenyi y’icyiciro cya kabiri mu rwego rwo hasi, kubera ko hari isomo rimwe yagizemo amanota ari munsi ya 60%.

Hari n’ubwo umunyeshuri ushobora kubura amanota make kugira ngo agire 80%, ariko akisanga mu cyiciro cya kabiri, mu rwego rwo hasi.

Witegereje neza, uyu munyeshuri aba atarigeze agira amanota ari munsi ya 60%, haba mu mwaka wa kabiri cyangwa mu wa gatatu, bikaba byasobanura ko nibura uwo munyeshuri yari kujya mu cyiciro cya kabiri mu rwego rwo hejuru (second class Upper division).

Ku mwarimu w’umutima mwiza, aba ashobora gufasha abanyeshuri batsinda neza kurusha abandi mu ishuri, akaba yaburungushura amanota yabo akagera kuri 80%, ku buryo bisanga mu cyiciro cya mbere cyisumbuye (First Class Honours).

Nyamara ariko hari abanyeshuri bavuga ko abarimu babo bakunda amanota cyane, kandi bakaba badaha agaciro ubujurire bwabo ku manota bahawe.

Ni mu gihe nyamara aya mategeko ya Kaminuza y’u Rwanda, yemerera abanyeshuri ko mu gihe batanyuzwe n’amanota babonye, bemerewe kujurira ku muyobozi w’inama y’ishuri.

Ubujurire busuzumwa n’umuyobozi w’ishami bireba ari kumwe n’umwarimu w’isomo ndetse n’undi mwarimu ubifiteho ubumenyi, ari na bo bemeza amanota umunyeshuri yabonye cyangwa bakayahindura.

Umunyeshuri ushaka kujuririra amanota yabonye yishyura amafaranga ashobora kuba 5,000Frws cyangwa akajya munsi yayo, kandi mu gihe atsinze ubujurire bwe akayasubizwa.

Abanyeshuri baganiriye na Kigali Today, bavuze ko kujurira bigira ingaruka kuko iyo umunyehuri adatsinze, ahabwa amanota yo mu cyiciro cyo hasi.

Iyo amanota yamaze kugera ku kanama gashinzwe amasomo muri kaminuza, nta mpinduka n’imwe ishobora kuyakorwaho, kabone n’ubwo ayo amanota yaba ataremezwa n’inama nkuru ya kaminuza.

Abagizweho ingaruka byabimishije amahirwe

Nk’uko abanyeshuri baganiriye na Kigali Today babivuga, muri Kaminuza y’u Rwanda, umunyeshuri urangije icyiciro cya mbere ashobora gusaba akemererwa mu cyiciro cya kabiri cya kaminuza (Master) mu Rwanda, ariko kuri kaminuza zo mu karere no hanze yako, ashobora kutemererwa kwiga kaminuza nziza.

Umwe mu barangije muri UR, ati “Nangiwe kwiga muri kaminuza mpuzamahanga kubera ko nari mfite impamyabumenyi y’icyiciro cya kabiri mu rwego rwo hasi (second class lower division), nyamara iyo ubu buryo buba butworohereza nari kwemererwa”.

Umwarimu wo muri Kaminuza y’u Rwanda yemeye koko ko ubu buryo bwo gutanga amanota bufite ibibazo, kuko “umunyeshuri ashobora kubona 80% mu masomo yose, ariko mu gihe hari aho yabonye 55% mu isomo rimwe, iyo ntsinzi ye ntigire icyo imumarira”.

Hari abandi bantu bagiye bakurikirana imirimo y’inama zifata ibyemezo ku manota muri kaminuza, bashinja abarimu kugira uruhare muri ubu buryo bita bubi bwo gutanga amanota.

Hari umwe muri bo wagize ati “Urebye ukuntu ibibazo bimwe bifatwaho imyanzuro mu nama, ubona ko inama ifite ububasha bwo kuba yazamura abanyeshuri bari hafi yo gutsinda neza, ariko urebye uburyo abarimu bafata ibyemezo, ubona ko ari ugushaka kubahana, ukaba wakwibaza impamvu yabyo”.

Undi ati “Inama ni yo ifite ububasha! Ifite ububasha ku buzima bw’abanyeshuri, kandi bitewe n’uko babona ibintu, umunyeshuri ashobora kuzamurwa cyangwa agasubizwa hasi. Icyo bakwiriye kwibuka ni uko ibyemezo bafata bigira ingaruka ku buzima bwose bw’umunyeshuri wasubijwe hasi”.

Ku rundi ruhande ariko, hari umwarimu wo muri Kaminuza y’u Rwanda wabwiye Kigali Today ko iki kibazo gikwiye gusuzumwa mu buryo bufatika.

Ati “Abanyeshuri b’iki gihe bitwara mu buryo butangaje; bashyira imbaraga nke mu byo bakora. Baza mu ishuri bafite telefone zabo ngendanwa, bagatekereza ko zishobora kubakorera byose, kandi bakumva ko bagomba kubona amanota y’ubuntu”.

Umuyobozi wa Kaminuza y’u Rwanda, Dr. Didace Muganga avuga ko, “uburyo bwo gutanga amanota bugenwa n’urwego rubishinzwe hamwe n’Inama y’Amashuri Makuru na Kaminuza (HEC), kandi kaminuza igomba kubukurikiza”.

Ku bivugwa ko uburyo bwo gutanga amanota bubangamira abanyeshuri, Umuyobozi Mukuru wa Kaminuza y’u Rwanda arabihakana, akavuga ko n’ubwo impamyabumenyi itagaragaza mu buryo burambuye imitsindire y’umunyeshuri, impapuro zigaragaza amanota (transcripts) zo zigaragaza urugendo rwose rw’umunyeshuri, bikaba bivuze ko amakuru arambuye ku mitsindire y’umunyeshuri ari yo ashobora kugaragaza icyo ashoboye.

Yavuze ko amanota aboneka kubera ko yakorewe, bityo ko ntawe ukwiye kumva ko abarimu bamuhaye ibyo atakoreye.

Agira ati “N’iyo waba utekereza ko umuntu abura amanota make kugira ngo agere ku yindi ntera, ukwiye kumva ko amanota yabonye ari impuzandengo y’ibizamini byinshi, ntabwo ari ikizamini kimwe gusa ureba”.

Yongeyeho ko nta muntu ukwiye kumva ko asuzuguritse igihe atatsinze neza masomo yose kuko “si igitangaza ko umunyeshuri atsinda neza mu masomo runaka ariko akaba yanatsindwa ayandi, kuko nta muntu n’umwe ushobora kumva ko yamenya byose mu rugendo rw’amasomo”.

Dr. Muganga kandi yongeraho ko hari igihe bibaho ko muri kaminuza hoherezwa icyiciro cy’abanyeshuri batujuje ibisabwa ngo bemererwe kwiga muri iyi kaminuza.

Ati “Ibyo bibaho mu masomo ya siyansi kandi iyo abarimu babibonye, dushyiriraho abo banyeshuri uburyo bwo kubafasha kuzamuka”.

Umuyobozi wa Kaminuza kandi avuga ko abanyeshuri boherezwa kwiga muri kaminuza badahora ari bamwe, kuko hari ubwo hoherezwa abahanga cyane, ubundi hakoherezwa abatari abahanga cyane.

Ati “Mu mwaka runaka ushobora gusanga abanyeshuri benshi batsindiye impamyabumenyi z’icyiciro cya mbere, mu yindi myaka ugasanga dufite bake cyane. Ibyo nta gitangaza kirimo, ntabwo abanyeshuri bose bemererwa ari bamwe”.

Ku bijyanye n’abavuga ko hari amategeko ya Kaminuza afite ibibazo, twifuje kubaza Inama nkuru y’amashuli makuru na kaminuza (HEC) icyo ibitekerezaho, ariko umuyobozi wayo Dr Rose Mukankomeje inshuro zose yavuganye n’umunyamakuru wa Kigali Today ntiyashatse kugira icyo abivugaho.

Baratabariza bene wabo bafunzwe

Bamwe mu bahagarariye Sosiyete Sivile ndetse n’indi miryango iharanira uburenganzira bwa Muntu, bavuga ko iki ari ikibazo kimaze imyaka 30 cyarashinze imizi aho Abanyekongo bavuga Ikinyarwanda batotezwa bakicwa abandi bagafungwa bazira gusa ko bavuga Ikinyarwanda.

Nshimiyimana Emmanuel (amazina twahinduye), ni Umuvugizi muri Sosiyete Sivile mu Burasirazuba bwa Repubulika ya Demukarasi ya Kongo, akaba n’Umwe mu bagize Umuryango w’Abambasaderi b’Amahoro muri Kivu y’Epfo.

Yemeza ko iki kibazo kimaze igihe kirekire, na cyane ko we ubwe ari umwe mu barokote ubwicanyi bwibasiye Abanyamulenge mu 1996, aho biciwe abantu 391 bishwe n’Interahamwe hamwe n’Ingabo z’icyahoze ari Zaire n’imitwe ya Mai Mai.

Icyakora abahagarariye imiryango ya Sosiyete Sivile bavuga ko ku butegetsi bwa Kabila Joseph, habayeho agahenge ariko ubwicanyi butahagaze kuko n’ubundi akarengane kakomeje.

Abenshi bakuwe mu byabo

Bavuga ko byarushijeho kuba bibi kuva muri 2017, aho kuva icyo gihe mu misozi miremire ya Minembwe, imitwe yitwaje intwaro irimo uwahoze ari Mai Mai ubu wahindutse Wazalendo hamwe n’ingabo za Leta, basenyera abaturage b’Abanyamulenge, bamwe bakicwa, amatungo akanyagwa, benshi ubu bakaba barahungiye mu bihugu bitandukanye birimo n’u Rwanda.

Ruvuzangoma Rubibi Saint Cadet, uyobora Sosiyete Sivile mu Minembwe, avuga ko na n’ubu abantu bakomeje kwicwa, abandi bakanyagwa ibyabo bazira gusa uko basa uko Imana yabaremye.

Yongeraho ko ikibababaza ari uko bamwe mu babikora bidegembya kandi bari mu butegetsi, yaba Leta ntigire icyo ibatwara, yaba imiryango mpuzamahanga nayo ikicecekera.

Ruvuzangoma kandi yongeraho ko ikindi kibabaje ari uko abantu babo bafungwa batanaburanishwa.

Bavuga ko bene wabo benshi bafungiye muri Gereza ya Makala iri i Kinshasa

Agira ati “Ikibabaje abenshi ntibaburanishwa. Barabajyana bakabafungira mu nzego z’ubutasi, bakabita abanzi b’Igihugu bakorana na M23 ngo ni cyo cyaha. Ariko wababaza ibimenyetso by’uko uwo muntu akorana na M23 ntibabigaragaze”.

Nshimiyimana ati “Muri gereza ya Makala na Ndolo i Kinshasa, hafungiye Abatutsi b’Abanyamulenge barenga 90, bafunzwe mu buryo bubi. Nk’ubushize mwabonye abo bafunguye, ni amagufa si abantu. Twashimye ko harimo Umunyamulenge, ariko haracyarimo abandi bagifunze bazira gusa ko ari Abanyamulenge barengana. Leta yabahinduye abanzi, nta wibye, nta wafashe umuntu ku ngufu, nta wishe, barazira gusa ko ari Abatutsi bavuga Ikinyarwanda. Muri Kivu y’Amajyaruguru hafunzwe abarenga 130 barimo n’uwahoze ari Umudepite witwa Mwangacucu”.

Abakorera ubuvugizi aba Banyamulenge bavuga ko batabaje ahantu hashoboka hose, ariko ijwi ryabo rikaba ritumvikana, ahubwo abantu babo bagakomeza kwicwa abandi bagafungwa bazira ubusa.

Barasaba ibihugu byose by’Isi bihuriye mu Muryango w’Abibumbye guhagurukira iki kibazo, bigasaba Leta ya Kongo ko yakubahiriza uburenganzira bwa muntu.

Imiryango myinshi y’Abanyamulenge yavuye mu byabo

Nshimiyimana ati “Ntibari bakwiye kurebera. Jenoside zagiye ziba hirya no hino ku Isi, byagaragaye ko habayeho kurangara ku Muryango w’Ababibumbye. Iki kintu cyo kurebera ni akaga gakomeye, kandi abantu bagataka buri munsi ndetse banabizi ariko kubera inyungu z’ibihugu bimwe, ugasanga barasa n’aho batabibona kandi bazi ukuri”.

Arakomeza ati “Imiryango mpuzamahanga turayisaba gusakuza, kugira ngo abaturage bari muri kiriya gihugu cyane cyane abafunze barekurwe. Bakagaragariza Leta ya Kongo ko iryo funga n’itoteza ridakwiye, ko abo bantu barengana bakwiye gufungurwa”.

Ruvuzangoma na we ati “Icyo dusaba ni uko amahanga, yaba ibihugu duturanye mu nteko abayobozi bahuriramo iki kibazo bakivuge, bareke kugica ku ruhande. Nta mpamvu yo guhumiriza abantu barimo kwicwa. Bakivuge ku mugaragaro bigere mu biyaga bigari, bigere mu muryango wa Afurika yunze ubumwe, bivugwe ku mugaragaro ni biba ngombwa baze bagere mu magereza barebe ukuntu abantu bari kwicwa”.

Wasim Shakil ni we wegukanye intsinzi mu cyiciro cya gatatu cy’irushanwa rya BK Golf Tournament, irushanwa rikurura abakinnyi benshi b’abahanga bakora mu bigo bitandukanye muri Kigali.

Muri iri rushanwa hatanzwe ibihembo ku bakinnyi bo mu cyiciro cya ‘Handicap 0-9’, aho James Muigai ari we wabaye uwa kabiri, naho Antoine Larsen aba uwa gatatu.

Iki cyiciro cya gatatu cy’iri rushanwa ni kimwe muri bine byateguwe na Banki ya Kigali muri uyu mwaka, kuko icya mbere cyabaye muri Gashyantare, icya kabiri kiba muri Gicurasi, iki cya gatatu muri Nzeri, naho icya kane kikazaba mu Ukuboza.

Iri rushanwa rigamije gufasha Banki ya Kigali kurenga ibijyanye no gutanga serivisi z’imari, ikongeraho gushimisha abakiriya bayo binyuze mu mikino n’imyidagaduro nka Golf.

Umuyobozi ushinzwe Ubucuruzi muri Banki ya Kigali, Levi Gasangwa, wari uhagarariye Umuyobozi Mukuru wa BK, Dr. Diane Karusisi, yavuze ko iyi banki yishimiye gutegura no gushyigikira irushanwa rya Golf, ndetse no gutanga ibihembo ku batsinze.

Gasangwa yavuze ko icyiciro cya kane kizaba mu Ukuboza kizaba ari kinini kurusha ibindi byabanje.

Yagize ati “Nka Banki ya Kigali, turashaka gukomeza guteza imbere uyu mukino mwiza twemera ko ari umukino w’imari, ubwiza n’ubwenge bwinshi, kandi twizera ko uzarushaho gukura mu myaka iri imbere”.

Gasangwa yavuze ko nk’ikigo cya mbere mu Gihugu mu bijyanye n’imari, Banki ya Kigali yifuza ko umukino wa Golf umenyekana.

Uko abakinnyi barushanyijwe mu kugaragaza ubuhanga:

Mu rwego rwo gushishikariza abandi bakinnyi n’abakiriya ba Banki ya Kigali kwitabira umukino wa Golf, Banki ya Kigali itegura iri rushanwa yashyikirije ibihembo abashyitsi bayo batatu ari bo Felicien Muvunyi wabaye uwa mbere, akurikirwa na Gerald Sezibera ndetse na Dr. Rogers Bayingana waje ku mwanya wa gatatu.

Igihembo cy’umukinnyi wahize abandi gutsinda yegereye umwobo (nearest to the pin) mu bagore, cyegukanywe na Han Jing Keza, umucuruzi w’Umushinwakazi.

Keza kandi yigaragaje muri iki cyiciro kuko no mu cyiciro cya ‘Handicap 0-18’ yaje ku mwanya wa mbere n’amanota 41, abasha gutsinda abakinnyi b’abagabo.

Muri iki cyiciro, Lynda Mugeni yabaye uwa kabiri, hanyuma Alice Rwigema aba uwa gatatu.

Nyuma y’igihe kirekire adatsindira igikombe na kimwe, Louis Kamanzi wahoze ari umuyobozi w’ihuriro rya Golf akaba n’umuyobozi wa Flash Radio na TV, yatsindiye igihembo cya “nearest to the pin” mu cyiciro cy’abasheshe akanguhe.

Igihembo cya “Longest drive” mu bagabo cyegukanywe na Joshua Sacks, naho Lynda Mugeni atsindira umwanya wa kabiri.

Mugeni yari yanabaye uwa mbere mu cyiciro cya Handicap 0-18 mu cyiciro cya mbere cya BK Golf Tournament cyabaye muri Gashyantare uyu mwaka, ndetse yanatsinze mu irushanwa rya mbere rya ‘Visit Rwanda Golf Challenge’ ryabaye mu Kuboza 2023.

Umwe mu bakinnyi bashya, Mary Mwangi, yatsindiye igihembo mu cyiciro cya ‘Handicap 19-36’, akurikirwa na Media Muvuna ndetse na Jolly Byoleko.

Umukinnyi muto w’irushanwa yabaye Darlington Kabatende, umaze amezi atarenga umunani akina Golf, akaba yaratsinze muri ‘Handicap 10-18’ n’amanota 45.

Nk’uko bisanzwe mu mukino wa Golf, hanatanzwe ibihembo ku bakinnyi batitwaye neza ku munsi w’irushanwa (bazwi nka ‘Piga Mingi’) ariko ubusanzwe bashobora kuba ari abahanga mu mukino ariko bagatsindwa kubera impamvu zitandukanye.
Muri iki cyiciro, Irene Wanjiku wari waratsinze ‘PMC Golf Open’, ni we wahize abandi mu bagore n’amanota 23, naho mu cyiciro cy’abagabo Allan Kagenza aba ‘piga mingi’ wa mbere n’amanota 8.

Abashinzwe abakozi mu bigo basabwa kugira inama abakozi uburyo bwo gukoresha umutungo

Abagize iri huriro bagaragaza ko impamvu zituma umusaruro uba muke mu kigo runaka atari ukuba kidakora neza gusa, ko ahubwo bishobora no guturuka ku kuba abakozi bahugira mu gutekereza ku mikoreshereze y’umusahara bigatuma badakora uko bikwiriye.

Munyengango Jeff, umuyobozi w’ishami rishinzwe abakozi muri GIZ mu Rwanda no mu Burundi, avuga ko umukoresha ari we ukwiye gufata iya mbere akumva imitekerereze y’abakozi ku birebana n’amafaranga.

Munyengango Jeff, umuyobozi w’ishamiri rishinzwe abakozi muri GIZ mu Rwanda no mu Burundi

Ati “Twabonye ko umukoresha afite inshingano y’ibanze yo kuba ari we utera intambwe ya mbere akajya kumva abakozi, akamenya icyo batekereza ku bijyanye n’amafaranga. Ese ayo binjiza arahagije, icya kabiri ayo bafite yo bayabyaza umusaruro bate, izo ni inshingano z’umukoresha”.

Munyengango avuga ko kugira ngo ibi bishoboke, ibigo bisabwa gushyiraho gahunda zihamye zo kwigisha abakozi, cyangwa se abakozi hagati yabo bagasangira ubunararibonye.

Avuga ko kandi abayobozi b’ibigo bakwiye gushyiraho uburyo baganira n’abakozi ku buryo babisanzuraho, bityo bakabasha kumenya ibibazo bibazitira gutanga umusaruro ukwiye.

Ati “Burya umukozi uza kugusaba inguzanyo y’igihe gito, akaza inshuro ebyiri, eshatu mu mwaka, bishatse kuvuga ko hari ikibazo ashaka gukemura. Icyo rero ni cyo wakwiye kumenya mbere y’uko wishimira kumuguriza. Ushobora no gusanga afite amadeni ahandi amuremereye atuma yicara mu kazi akiragahorairwa atekereza amadeni afite”.

Murenzi Steven na we ashinzwe abakozi mu Kigo cy’igihugu cy’Imisoro n’Amahoro (RRA), akaba ari na we wagize igitekerezo cyo gushyuraho iri huriro ry’abashinzwe kwita ku bakozi, kugira ngo bajye baganire uburo abakozi mu bigo barushaho kwitabwaho, bityo na bo bakabasha gutanga umusaruro ibigo bakorera biba bibakeneyeho.

Murenzi avuga ko kwita ku mibereho y’umukozi by’umwihariko ku mikoreshereze y’umushahara ahembwa kugira ngo ubashe kumutunga no gukemura ibyo akeneye byose ari ingenzi, kuko iyo bidakozwe igihombo kigaruka ku kigo akorera.

Murenzi kandi avuga ko abashinzwe abakozi bakwiye gushyira imbaraga cyane ku kwigisha abakozi kumenya umushahara bahembwa, uburyo bwo kueukoresha neza ndetse no kuwubyaza umusaruro.

Murenzi Steven ushinzwe abakozi mu Kigo cy’igihugu cy’Imisoro n’Amahoro (RRA)

Ati “Hari ugukora ubuvugizi umushahara ukiyongera, ariko hari igihe bidashoboka. Umuntu ukamwigisha uti ese ko ufite iki, ubasha kukitwaramo neza? Umukozi akabasha kwimenya, ibyo twita ‘Financial therapy’. Hari uwo amafaranga agera mu biganza agasa n’aho ari kumurya, hakaba n’undi uzi ko iyo abonye ikintu gihenze iyo atakiguze aba yumva atabayeho! Hari n’undi uba wumva ko atabaho adafite imyenda (amadeni), agafata imyenda irenze ubushobozi bwe. Abo bose rero ukagenda ubaganiriza ukabagira inama”.

Ku ruhande rw’abayobozi b’ibigo (CEOs), Dianah Mukundwa uyobora SONARWA Life, avuga ko amafaranga (umushahara) ku mukozi ari ikintu cy’ingenzi, ariko agasaba ko umukozi ayagiraho ubwenge.

Diana Mukundwa Umuyobozi Mukuru wa SONARWA Life

Ati “Amafaranga iyo aje hari abahitamo kuyakoresha yose agashira, ariko ubwenge ni ukugira ayo ukoresha, ariko ukagira n’ayo wizigamira witeganyiriza ejo hazaza”.

Uyu muyobozi rero akavuga ko ubu bwenge hari abakozi batabuzi, ari na yo mpamvu hakenewe ko abayobozi b’amashami ashinzwe abakozi mu bigo bagomba gushyiraho uburyo bwo kwigisha abakozi imikoreshereze y’imishahara.

Ati “Uyoboye abakozi ashobora kubashakira abantu baza kubigisha kuko hari abatabikora kuko batabizi. No mu kigo imbere hari ubwo haba harimo ababikora, ariko kuko bataganira na bagenzi babo ntibabimenye, bityo rero hakwiye ko HR ashyiraho ubwo buryo bwo kungurana ibitekerezo. Abayobora abakozi bashobora no gusaba ibigo byo hanze ubufatanye n’abakozi babo, bagakorana ku bijyanye no gufasha abakozi kugira ubumenyi ku mikoreshereze y’umushahara”.

Uyu muyobozi kandi asaba abakoresha kutareba gusa ku musaruro bifuza ku bakozi, ahubwo ikigo na cyo kikagira gahunda zigamije gushyigikira abakozi.

Ikindi uyu muyobozi asaba abayobora ibigo ni ugushyiraho uburyo bworoshye bahura n’abashinzwe abakozi, mu rwego rwo kugira ngo bajye baganira byoroshye ku mibereho y’abakozi.

Ihuriro ‘People Matters Kigali-Rwanda’ ryiyemeje kujya rihura nibura inshuro imwe mu gihembwe, ku wa Gatanu tariki ya 27 Nzeri 2024 rikaba ryari rihuye ku nshuro ya kabiri, baganira ku nsanganyamatsiko irebana n’imikoreshereze y’amafaranga mu bakozi.

Murenzi Steven warishinze avuga ko ugereranyije n’inshuro ya mbere, abakozi bashinzwe kwita ku bakozi mu bigo bagenda bitabira ubutumire mu mahuriro, kuko nk’inshuro ya mbere hitabiriye ababarirwa muri 40, ariko ku nshuro ya kbiri bakaba bari hafi mu 100.

Nahimana avuga ko yabujijwe kubaka kandi afite ibyangombwa

Uyu muturage avuga ko yaguze ikibanza muri site isanzwe ikase, akigura n’uwitwa Fulgence Mfashwanayo, ariko kicyanditse kuri Mukankusi Drocelle wari wakigurishije na Mfashwanayo.

Nyuma yo kugura, hakozwe ihererekanya ry’ubutaka, ahabwa icyangombwa cy’ubutaka ndetse akurikizaho gushaka icyangombwa cyo kubaka na cyo aragihabwa.

Mu gushaka kubaka ikibanza yaguze, Nahimana avuga ko haje undi muturage witwa Justin Ubarijoro, atambamira imirimo ye avuga ko ikibanza yaguze kinjira mu butaka bwe na we yaguze na Mukankusi Drocelle.

Nahimana avuga ko uyu Ubarijoro nta burenganzira afite bwo gutambamira imirimo ye yo kubaka, na cyane ko uyu Ubarijoro uvuga ko ahafite ubutaka atagaragaza ibyangombwa byabwo.

Ni ikibazo cyageze mu nzego zitandukanye, kugera no ku rwego rw’Umujyi wa Kigali, wahise wohereza yo ubuyobozi bw’Akarere ka Kicukiro ngo bukurikirane imiterere yacyo.

Muri raporo yiswe iyo gukemura ikibazo cy’imbibi z’ubutaka bwa Nahimana Emmanuel na Ubarijoro Justin, Kigali Today ifitiye kopi, bigaragara ko ubutaka buri mu makimbirane ari ubufite: UPI: 1/03/05/03/419 bubaruwe kuri Mukankusi Drocella ndetse n’ubufite UPI: 1/03/05/03/9949 bubaruye kuri Nahimana Emmanuel na Muhorakeye Bella Amandine.

Iyi raporo igaragaza ko nyuma y’uko Umuyobozi Nshingwabikorwa w’Akarere ka Kicukiro, atanze umurongo w’uko ikibazo cyakemurwa mu bwumvikane, yatanze inshingano ko habaho kwiyoroshya ku mpande zombi, hakagira ubutaka buvanwa ku gice Mfashwanayo Fulgence yasigaranye, Ubarijoro Justin na we akagira ubutaka ahara ndetse hakagabanywa no ku bugari bw’umuhanda kugira ngo Nahimana Emmanuel agire ikibanza gifite ibipimo byemerewe kubakwamo, hashingiwe kuri zoning y’ikibanza.

Iyo raporo ikomeza ivuga ko Mfashwanayo Fulgence yemeye ko igice gifite metero 3.35 ku ruhande rwo hepfo rukora ku muhanda na metero 0.83 ku ruhande rwo haruguru, kivanwa ku butaka bwe kigashyirwa ku butaka bwa Nahimana Emmanuel, ubwo buso bukaba bungana na metero kare 35.8 (35.8sqm).

Ubarijoro Justin na we yemera ko ubutaka yemera guheba buvuye ku bwo yaguze na Mukankusi Drocella, ari ubutaka bwa mpande eshatu bufite ubuso bungana na metero kare 19.4 (19.4sqm), hanyuma ubuso bwagombaga kuvanwa ku muhanda bukuzuriza Nahimana Emmanuel bwo bukaba metero kare 42.4 (42.4sqm).

Mu ibara ry’icyatsi, ni ko ikibanza cya Emmanuel Nahimana cyasigara kingana yemeye ibyo Akarere kasabye

Iyi raporo igaragaza ko nyuma yo gupima ikibanza Emmanuel Nahimana yasigarana aramutse yemeye ibyo gukosorerwa ubuso hakurikijwe uduce abo bahana imbibi bamuha, hagaragaye ko ikibanza cye cyagira metero kare 390.5 (390 sqm) buvuye kuri metero kare (459 sqm) mbere yo gukosora ngo havanweho ubutaka bwa Ubarijoro Justin.

Ibi byose ariko Nahimana yabiteye utwatsi, agaragaza ko ibyakorwa byose agomba gusubirana ubuso bungana n’ubwo yaguze bunabaruye kuri UPI: 1/03/05/03/9949 hatagize na buto buvanwaho.

Raporo yanzuye ko impande zombi zananiwe kumvikana ku nama zagiriwe n’Umuyobozi Nshingwabikorwa w’Akarere, bityo zikaba zagirwa inama yo gukurikiza inzira iteganyijwe mu Iteka rya Minisitiri No 004/MoE/22 ryo ku wa 15/02/2022 rigena uburyo n’ibikurikizwa mu gukemura amakimbirane ashingiye ku mbibi z’ubutaka no ku iyandikisha rusange ryabwo.

Umuvugizi w’Umujyi wa Kigali Emma Claudine Ntirenganya, yabwiye Kigali Today ko ikibazo cya Nahimana Emmanuel cyakurikiranywe, bakaba barasanze ubuso bubarwa ku cyangombwa cy’ubutaka budahura n’ubutaka nyirizina yaguze.

Emma Claudine avuga ko ubutaka yaguze ari buto ugereranyije n’uburi ku byangombwa, kandi akaba yarabanje kubwerekwa, ariko ko ari ibisanzwe ko ayo makosa abaho ari na yo mpamvu habaho uburyo bwo gukosoza.

Uyu muyobozi agaragaza ko kuba uyu muturage ataremeye uburyo bwo kumwumvikanisha n’abo bafitanye ikibazo, akwiye kwitabaza urukiko akarega.

Ati “Icyo ubuyobozi bukora iyo bigenze gutyo byananiranye, busaba wawundi ufite ikibazo kugana inkiko zikazaba ari zo zizabakiranura. Ku rwego rwacu icyo twagombaga gukora twaragikoze”.

Emma Claudine anagaragaza ko hari ikosa rishobora kuba ryarakorewe kwa Noteri wasinye ku mpapuro z’ihererekanya ariko zitagaragaza metero z’ubutaka buguzwe, bikaba ari byo bishobora gutera Emmanuel Nahimana kumva ko ubutaka bwose buri ku cyangombwa ari ubwe.

Ku ruhande rwa Nahimana Emmanuel, avuga ko we atazajya kurega ngo hakosorwe amakosa y’imbibi, ko ahubwo azaregera indishyi z’igihombo akomeje guterwa no kubuzwa kubaka kandi afite ibyangombwa.

Umunsi ubuyobozi bw’Akarere bujya gukemura ikibazo

Agira ati “Ambuza kubaka gute kandi Umujyi wampaye ibyangombwa utarambujije kubaka! Ndaregera indishyi ku muntu uhuruza abantu akambuza kubaka. Agomba kumpa indishyi z’ibyo maze guhomba byose kuva nabona ibyangombwa byo kubaka, akaba yarambujije gukoresha ubutaka bwanjye.

Yongeraho ati “Ni ibintu bibabaje kuba umuntu azinduka nta n’icyangombwa na kimwe afite kigaragaza ko afite ubutaka, akagaragaza ko hari umuntu umuvogerera ubutaka Umujyi wa Kigali ukamwumva, ariko jyewe ufite ibyangombwa wampaye ukanga kunyumva”.

Nahimana asaba ko bamureka akubaka kuko yishyuye sosiyete igomba kumwubakira kandi mu masezerano hakaba ntaho basezeranye ko imirimo izahagarara. We akavuga ko nibigaragara nyuma koko ko yarengereye Ubarijoro azemera gusenya ibyo yubatse.

Ati “Ese ufite ibyangombwa ni we ujya kurega? Bandetse nkubaka, hanyuma byazagaragara ko nubatse aho ntari nemerewe, nkazasenya ko nta kibazo mbifiteho! Niba impapuro mwampaye ari ukuri, kuki mutareka ngo nubake”?

Nahimana avuga ko mbere yo gutanga ikirego aregera indishyi, yabanje kwandikira Ubarijoro Justin amusaba guhagarika kubuza ibikorwa bye gukomeza, ndetse anamumenyesha ko ibyo bintu azabimuregera.

Ku ruhande rwa Justin Ubarijoro, we avuga ko yari yemeye uburyo Umuyobozi Nshingwabikorwa w’Akarere yari yakemuye ikibazo, ariko ko adashobora kwemera ko hari ubundi buso buvanwa ku butaka bwe.

Avuga kandi ko yiteguye kuburana na Nahimana Emmanuel, byaba kuri izo ndishyi cyangwa se ku yandi makimbirane ashingiye kuri ubu butaka.

Hatangiye inama y’iminsi ibiri, yateguwe mu rwego rwo gusoza icyiciro cya mbere cy’umushinga wo gushyiraho Ikigo Nyafurika kigamije guteza imbere imiyoborere y’amashuri

Ibi yabivuze kuri uyu wa Gatatu, ubwo yatangizaga inama y’iminsi ibiri, yateguwe mu rwego rwo gusoza icyiciro cya mbere cy’umushinga wo gushyiraho Ikigo Nyafurika kigamije guteza imbere imiyoborere y’amashuri (African Centre for School Leadership).

Muri iki cyiciro cya mbere kimaze amezi 16, habanje gukorwa inyigo zigamije kureba uko ibihugu byo muri Afurika bishyira imbaraga mu miyoborere y’amashuri, hibandwa ku bihugu bifite ingero nziza kugira ngo zikwirakwizwe no mu bindi bihugu hagamijwe guhuza imbaraga mu kuzamura imiyoborere myiza mu mashuri.

Ni icyiciro cyakorewe mu bihugu bitatu ari byo u Rwanda, Kenya ndetse na Ghana, hakorwa inyigo zigamije gusobanura uko bahugura abarimu, uko abarimu bazamuka mu ntera bakaba abayobozi, uko abaturage biyumva mu miyoborere y’amashuri, n’ibindi.

Umujyanama mu bya Tekiniki muri Minisiteri y’Uburezi, Pascal Gatabazi

Ibyavuye muri iki cyiciro cya mbere ni byo birimo kuganirwaho muri iyi nama, nyuma hakazarebwa intambwe zakurikiraho mu gushyira mu bikorwa amasomo meza yagaragaye muri bimwe mu bihugu.

Umujyanama mu bya Tekiniki muri Minisiteri y’Uburezi, Pascal Gatabazi, avuga ko ikigamijwe ari uko ibihugu byose byo ku Mugabane wa Afurika bigira icyo Kigo kigamije guteza imbere imiyoborere y’amashuri, kuko amashuri ayobowe neza n’abanyeshuri bayigamo baba biga neza.

Ati “Twemera ko iyo amashuri ayobowe neza, abana biga neza. Iyo ufashe abayobozi b’amashuri ukabahugura neza, bashyira mu bikorwa inshingano zabo neza. Twemera ko kwigisha ari uguhozaho. Hazabaho no kureba n’ahandi hose ku Isi aho imiyoborere y’amashuri yagenze neza, kugira ngo ibindi bihugu bifatireho amasomo”.

Yungamo ati “Na hano iwacu mu Rwanda, turabizi amashuri ayobowe neza akora neza, tukaba dusaba ko hashyirwamo imbaraga, kugira ngo n’ahakiri intege nke mu miyoborere y’amashuri hongerwe imbaraga”.

Nsengiyumva Albert, umuyobozi w’Umuryango witwa ‘Association for the Development of Education in Africa – ADEA

Nsengiyumva Albert, uyobora Umuryango witwa ‘Association for the Development of Education in Africa – ADEA’, ukorera muri Banki Nyafurika Itsura Amajyambere, avuga ko impamvu icyo kigo gikenewe ari ukugirango ireme ry’uburezi rizamuke mu mashuri.

Ati “Nta kuntu twazamura ireme ry’uburezi tutabanje kuzamura imiyoborere y’amashuri. No mu buzima busanzwe iyo nta cyerekezo biragora kugira ngo umuntu abone ko arimo atera imbere”.

Yongeraho ko ibihugu bya Afurika bigomba kwihutira gukemura ikibazo cy’imiyoborere mu mashuri, kugira ngo abana bategurwe neza bazagire uburezi bunoze kandi bazarangize amashuri bazi uko bitwara ku isoko ry’umurimo.

Ati “Burya kuvuga ngo imiyoborere y’ishuri imeze neza, bigaragarira ku mwana warinyuzemo”.

Hagaragajwe ko ibihugu bya Afurika bigomba kwihutira gukemura ikibazo cy’imiyoborere mu mashuri

Tuyizere Eric, ni umuyobozi w’ishuri mu Karere ka Gicumbi mu Murenge wa Bwisige. Avuga ko iki kigo nigitangira gukora hazahinduka byinshi, birimo gufasha abayobozi kuba abayobozi bashakira amashuri bayoboye icyerekezo cyiza n’ibindi.

Ati “Ibi bizatuma yaba umwarimu ndetse n’umwana uharererwa ahagera akumva ari mu rugo”.

Ashima urwego uburezi bwo mu Rwanda bugezeho ariko ko hari ahagikenewe gushyirwamo imbaraga.

Abayobora amashuri bifuza ko iki Kigo nigitangira gukora, hazashyirwa imbaraga mu guhugura abayobozi b’amashuri, ariko bakibuka no guhugura abarimu cyane cyane abigisha amasomoy’ubumenyi (Sciences).

Abo Basenateri 20 barasanga abandi Basenateri batandatu bari mu bagize manda ya gatatu ya Sena, ariko basigaje umwaka ngo manda yabo irangire, ari bo: Prof. Dusingizemungu Jean Pierre, Uwizeyimana Evode, Dr Twahirwa André, Kanziza Epiphanie, Mugisha Alexis ndetse na Murangwa Ndangiza Hadija.

Aba batandatu na bo nyuma y’umwaka bazasimburwa n’abandi bane bazatangwa na Perezida wa Repubulika, hamwe n’abandi babiri bazatangwa n’imitwe ya Politiki yemerewe gukorera mu Rwanda.

Tariki ya 16 Nzeri 2024, ni bwo habaye amatora y’Abasenateri 12 bahagarariye Intara n’Umujyi wa Kigali. Nyuma y’umunsi umwe, tariki ya 17 Nzeri 2024, hatowe Abasenateri babiri, uhagarariye amashuri makuru na kaminuza za Leta, n’uhagarariye amashuri makuru yigenga.

Hakurikiyeho Abasenateri bane batanzwe na Perezida wa Repubulika, nyuma hatangwa Abasenateri babiri baturutse mu ihuriro ry’imitwe ya politiki yemerewe gukorera mu Rwanda.

Benshi mu bagize manda ya kane ya Sena, bari basanzwe muri manda ya gatatu, kandi bakoze imirimo inyuranye harimo iya politiki, ndetse benshi babaye abarimu muri za kaminuza zinyuranye zo mu Rwanda.

Muri iyi nkuru turagaruka kuri bimwe mu bigwi byabo:

Abatowe bahagarariye Intara y’Iburengerazuba

Dr. Emmanuel Havugimana

Dr. Havugimana Emmanuel yinjiye muri Sena bwa mbere mu mwaka wa 2019, nab wo ahagarariye Intara y’Uburasirazuba.

Yavutse tariki 4 Mutarama 1956, avukira mu Bufundu, ubu ni mu Karere ka Nyamagabe, Umurenge wa Mbazi.

Amashuri abanza yayize aho i Mbazi kuva 1962 kugeza 1968. Yize icyiciro rusange cy’amashuri yisumbuye mu Birambo mu karere ka Karongi kuva 1968 kugeza 1971.

Yakomereje icyiciro cya kabiri cy’amashuri yisumbuye muri Institut Saint Cyprien, ubu yitwa Groupe Scolaire Saint Joseph mu Karere ka Nyamasheke.

Kuva muri 1971 yahungiye i Burundi, bituma amashuri yisumbuye ayarangiriza muri College Saint Albert i Bujumbura muri 1980.

Nyuma yakomereje muri Kaminuza y’u Burundi, arangiza icyiciro cya kabiri cya Kaminuza mu bumenyi bw’isi (Geography) muri 1984.

Amaze kugaruka mu Rwanda muri 1999, Leta y’u Rwanda yamwishyuriye amasomo mu cyiciro cya gatatu cya kaminuza, ajya kwiga gutunganya imiturire n’ubutaka muri kaminuza ya Laval i Quebec muri Canada, aho yarangije muri 2001.

Nyuma yaho, yakomeje kwiga icyiciro cya kane cya kaminuza muri kaminuza ya Goteborg muri Suède, aho yaboneye impamyabumenyi y’ikirenga muri Ecologie Humaine muri 2009.

Dr. Havugimana yakoze umurimo umwe ari wo wo kwigisha, yatangiye tariki ya 4 Mutarama 1975.

Yigishije mu mashuri abanza imyaka ine mu Gihugu cy’u Burundi, yigisha indi myaka 12 mu mashuri yisumbuye, aho imyaka irindwi yayigishije mu Burundi indi itanu akayigisha mu Gihugu cya Djibouti.

Dr. Havugimana yatorewe kwinjira muri Sena, amaze imyaka 22 yigisha muri Kaminuza y’u Rwanda.

Dr. Havugimana arubatse, akaba afite abana bane n’abuzukuru bane.

Mureshyankwano Marie Rose

Mureshyankwano na we yinjiye muri Sena muri 2019. Yavukiye mu cyahoze ari Perefegitura ya Gisenyi, ubu ni mu murenge wa Karago Akarere ka Nyabihu.

Uyu mubyeyi w’imyaka 66, kimwe n’abandi benshi batorewe kwinjira muri Sena, imirimo ye yayitangiriye mu burezi.

Yabaye umwarimu mu mashuri abanza, ndetse aza no kwigisha mu mashuri yisumbuye aho yigishije mu ishuri ryisumbuye ryitwa Bumba Complex School riherereye mu karere ka Rutsiro.

Muri 2005, Mureshyankwano yinjiye mu Nteko Ishinga Amategeko umutwe w’Abadepite, ku itike y’Umuryango FPR Inkotanyi.

Mu mwaka wa 2016, Mureshyankwano yagizwe Guverineri w’Intara y’Amajyepfo, umwanya yavuyeho mu mwaka wa 2018.

Mureshyankwano afite icyiciro cya kabiri cya kaminuza (A0) mu bumenyi mu mibanire y’abantu (Social Sciences).

Prof. Niyomugabo Cyprien

Yinjiye muri Sena bwa mbere muri 2019, ahagarariye amashuri makuru ya Leta. Prof. Niyomugabo Cyprien yari asanzwe ari umwarimu akaba n’umuyobozi w’ishami ry’uburezi muri kaminuza y’u Rwanda, akaba n’intebe y’inteko Nyarwanda y’ururimi n’umuco, (RALC).

Prof. Niyomugabo afite impamyabumenyi y’ikirenga mu bijyanye n’uburezi mu by’indimi, akaba n’umunyamuryango w’ikigo cy’indimi cy’umuryango wa Afurika yunze ubumwe.

Ni umwanditsi w’ibitabo akaba n’umushakashatsi wibanda ku ndimi n’uburezi.

Abahagarariye Intara y’Iburasirazuba

Bideri John Bonds

Bideri John Bonds yavukiye mu Rwanda mu mwaka wa 1958.

Yize amashuri abanza n’ayisumbuye mu Gihugu cya Uganda, akomereza icyiciro cya mbere cya Kaminuza muri Kenya, naho icya kabiri akigira muri Uganda, aho yize ubuhinzi n’ubworozi.

Mu mirimo yakoze harimo kuba yarabaye umwarimu muri Kenya igihe gito, nyuma atangira gukorana n’ihuriro ry’Abadage ryigishaga abahinzi n’aborozi bo muri Kenya.

Nyuma yagarutse mu Rwanda, atangiza umuryango Nyarwanda witwa ‘Rwanda Rural Agricultural Initiative’.

Bideri kandi yabaye perezida w’inama njyanama y’Umurenge wa Mukarange mu Karere ka Kayonza, ndetse aba na Visi Perezida w’inama njyanama y’Akarere ka Kayonza.

Yabaye kandi umuyobozi w’inama y’ubutegetsi y’Ibitaro bya Rwinkwavu mu Karere ka Kayonza.

Bideri John Bonds arubatse, afite abana bane.

Fulgence Nsengiyumva

Nsengiyumva na we yinjiye muri Sena bwa mbere muri 2019.

Nsengiyumva yahoze ari Perefe w’icyahoze ari Perefegitura ya Gitarama, ndetse yanabaye Umunyamabanga wa Leta muri Minisiteri y’Ubuhinzi n’Ubworozi muri 2016.

Dr. Mukabaramba Alvera

Dr. Mukabaramba yinjiye muri Sena bwa mbere muri 2003 kugera muri 2011. Yongeye gusubira muri Sena muri 2019, atanzwe na Nyakubahwa Perezida wa Repubulika Paul Kagame.

Alvera Mukabaramba yavutse tariki 01 Werurwe mu 1960.

Urugendo rwa Politiki Mukabaramba yarutangiye mu mwaka wa 1999, ubwo yari umwe mu bagize Inteko ishinga Amategeko y’Inzibacyuho, kugera ubwo yinjiraga muri Sena muri 2003.

Yari arambye cyane muri Guverinoma, kuko yari umunyamabanga wa Leta muri Minisiteri y’Ubutegetsi bw’Igihugu ushinzwe imibereho y’abaturage, guhera mu Kwakira 2011.

Afite impamyabumenyi ihanitse yakuye muri ‘First Pavlov State Medical University’, mu Mujyi wa St. Petersburg mu Burusiya, aho yize kuvura abana.

Dr Mukabaramba Alvera usanzwe ari umurwanashyaka wa PPC, yiyamamarije kuyobora u Rwanda inshuro ebyiri.

Ubwa mbere ni muri 2003, ubwo yatangaga kandidatire ye, ariko nyuma aza kuyikuramo, asaba abari kumutora ko amajwi ye bayaha Paul Kagame wari watanzwe n’Umuryango FPR-Inkotanyi.

Indi nshuro ni muri 2010, ubwo yiyamamarije kuyobora u Rwanda, ariko atsindwa ku majwi 0.40.

Abahagarariye Intara y’Amajyaruguru

Dr. Nyinawamwiza Laetitia

Dr. Nyinawamwiza yinjiye bwa mbere muri Sena muri 2019, nab wo ahagarariye Intara y’Amajyaruguru.

Yari asanzwe ari umwarimu muri kaminuza y’u Rwanda, ndetse yanabaye umuyobozi wungirije ushinzwe amasomo muri ISAE Busogo.

Mbere yo gutorerwa kuba Umusenateri muri 2019, Dr. Nyinawamwiza yari umuyobozi mukuru w’iryo shuri rikuru ry’ubuhinzi n’ubworozi, ribarizwa muri kaminuza y’u Rwanda (UR-CAVM).

Dr. Nyinawamwiza kandi yari asanzwe ari umuyobozi wungirije w’inama y’ubutegetsi ya ‘Rwanda Mountain Tea’, akaba no mu bagize inama y’ubutegetsi mu nganda z’icyayi za Rubaya-Nyabihu Tea Company Ltd na Kitabi Tea Company Ltd.

Dr. Nyinawamwiza kandi yabaye umuyobozi wungirije w’inama y’ubutegetsi mu kigo cy’ubushakashatsi n’iterambere ry’inganda mu Rwanda (NIRDA).

Dr. Nyinawamwiza ni umubyeyi wubatse, afite impamyabumenyi ihanitse mu bijyanye n’ubworozi, yakuye muri kaminuza ya NAMUR mu Bubiligi.

Amb. Rugira Amandin

Ambasaderi Rugira Amandin ni umudipolomate w’u Rwanda, wabaye Ambasaderi w’u Rwanda mu bihugu bitandukanye birimo Congo Brazaville, Zambia, Malawi, u Bubiligi ndetse kaba yaranahagarariye u Rwanda mu Muryango w’Ubumwe bw’u Burayi.

Rugira yabaye Umuyobozi Mukuru (Director) mu bigo n’inzego za Leta zitandukanye, harimo nko muri Minisiteri y’Ubucuruzi n’Inganda, Banki Nkuru y’u Rwanda ndetse na Banki y’u Rwanda Itsura Amajyambere.

Yabaye kandi Umunyamabanga Uhoraho muri Minisiteri y’Ububanyi n’Amahanga n’Ubutwererane.

Abahagarariye Intara y’Amajyepfo

Umuhire Adrie

Umuhire Adrie yavutse mu mwaka wa 1977, avukira mu Murenge wa Karama mu Karere ka Huye.

Amashuri abanza yayize Ku ishuri ribanza rya Kibingo, ayisumbuye ayiga kuri Ecole Secondaire de Karubanda mu ishuri ry’inderabarezi rusange.

Nyuma yakomereje muri kaminuza y’u Rwanda mu ishami ry’uburezi, guhera muri 2000-2004 mu gashami k’igifaransa n’icyongereza.

Kuva muri 20004-2005, Umuhire yabaye umwarimu w’icyongereza mu ishuri ryisumbuye rya CEFOTEC mu Karere ka Huye.

Kuva muri 2006 kugeza muri 2019, Umuhire yari umwarimu n’umushakashatsi muri ‘Center for Language Enhancement’ muri kaminuza y’u Rwanda.

2011-2015, Umuhire yatorewe kuba ushinzwe imibereho mu Nama y’Igihugu y’Abagore mu Murenge wa Ngoma mu karere ka Huye.

2010-2013, Yabonye ‘Master in Development Studies’ muri Kaminuza y’u Rwanda, ndetse aza no gukomeza yigira impamyabumenyi y’ikirenga (Phd) muri ‘communication’ muri kaminuza ya ‘Hallym University’ yo muri Korea y’Amajyepfo.

Pelagie Uwera

Uwera Pelagie yinjiye bwa mbere muri Sena muri 2019. Yavutse mu mwaka wa 1977.

Yize icyiciro cya kabiri cya kaminuza mu bijyanye n’ubumenyi mu by’imibanire (Social Sciences), ndetse yiga n’icyiciro cya gatatu (masters) muri ‘development studies’ muri Kaminuza yigenga ya Kigali (ULK).

Imyaka myinshi Uwera yayimaze ari umwarimu ma mashuri yisumbuye, kuva mu 1998 kugera muri 2009.

Mbere y’uko atorerwa kuba Umusenateri muri 2019, Uwera yari Komiseri muri Komisiyo y’Igihugu y’Amatora.

Muri 2015, yiyamamarije guhagararira Ishyaka rya PSD mu Nteko Ishinga Amategeko ya afurika y’Uburasirazuba (EALA), ariko aza gutsindwa na Francois Xavier Kalinda.

Cyitatire Sosthène

Cyitatire ntabwo ari mushya muri Sena y’u Rwanda, kuko amaze igihe kirekire muri iyi Ngoro y’Inteko Ishinga Amategeko nk’Umunyamabanga Mukuru wa Sena.

Mu Mujyi wa Kigali

Nyirasafari Esperance

Mu Mujyi wa Kigali hatowe Umusenateri umwe, ari we Nyirasafari Esperance.

Ni umunyamategeko, akaba afite impamyabushobozi yo ku rwego rwa ‘Masters’ mu bijyanye n’amategeko mpuzamahanga mpanabyaha n’uburenganzira bwa muntu.

Yabaye kandi Minisitiri w’Uburinganire n’Iterambere ry’Umuryango kuva ku wa 04/10/2016 kugeza ku wa 18/10/2018.

Mbere yaho yari Umudepite mu Nteko Ishinga amategeko y’u Rwanda muri komisiyo ya Politiki, Uburinganire n’Ubwuzuzanye hagati y’abagore n’abagabo mu iterambere ry’Igihugu kuva ku itariki ya 04/10/2013 kugeza agizwe Minisitiri muri MIGEPROF ku wa 04/10/2016.

Yanabaye kandi uwunganira abandi mu by’amategeko (avoka), 2011-2013, aba Umunyamabanga Uhoraho muri Minisiteri y’Ubutabera kuva ku itariki ya 23/01/2007-11/5/2011.

Yabaye umushinjacyaha ufite ububasha mu Gihugu hose kuva mu 2004-2007; yanabaye kandi Umushinjacyaha wa Repubulika mu cyahoze ari Perefegitura ya Gitarama kuva mu 2001-2004.

Yanakoze kandi mu muryango utari uwa Leta uharanira uburenganzira bw’umugore n’umwana (Haguruka) kuva 1999-2001.

Madamu Nyirasafari Espérance arubatse, ni umubyeyi w’abana bane.

Abasenateri bashyizweho na Perezida wa Repubulika

Dr. Kalinda François Xavier

Dr. Kalinda yavukiye mu Murenge wa Kitabi mu Karere ka Nyamagabe. Afite impamyabumenyi y’ikirenga (PHD), mu by’amategeko y’ubucuruzi, yigiye mu Gihugu cya Canada, muri Kaminuza ya Ottawa.

Icyiciro cya mbere n’icya kabiri, yabyize muri Kaminuza Nkuru y’u Rwanda.

Mu mirimo ye, Dr. Kalinda yakunze kwigisha, aho yavuze ko amaze imyaka 19 ari umurezi muri Kaminuza y’u Rwanda, yanagiye abera umuyobozi mu ishami ry’amategeko.

Yize kandi mu ishuri rikuru rya ILPD, ishami rya Nyanza, aho yigaga ibirebana n’ubumenyi ngiro mu by’amategeko (DLP).

Tariki 06 Mutarama 2023, nibwo Perezida Paul Kagame yashyize Dr François Xavier Kalinda muri Sena y’u Rwanda, kugira ngo asimbure Dr. Iyamuremye Augustin wari uherutse kwegura.

Dr. Kalinda akaba yaraherukaga guhagararira u Rwanda mu Nteko Ishinga Amategeko y’Umuryango w’Ibihugu bya Afurika y’Iburasirazuba (EAL).

Nyuma yo kugirwa Senateri, Dr. Kalinda yahise atorerwa kuba Perezida wa Sena, asimbuye Dr. Iyamuremye Augustin n’ubundi wari usanzwe muri uwo mwanya.

Dr Iyamuremye Augustin yeguye ku mwanya wa Perezida wa Sena no ku busenateri, ku wa 08 Ukuboza 2022.

Mu ibaruwa yanditse, yavuze ko yeguye ku mwanya w’ubusenateri n’uwa Perezida wa Sena, kubera uburwayi, akaba yari amaze imyaka itatu kuri uwo mwanya.

Dr. Kaitesi Usta

Dr. Kaitesi Usta yabaye Umuyobozi Mukuru w’Urwego rw’Igihugu rw’Imiyoborere (RGB) kuva muri Nyakanga 2019 kugeza muri Kanama 2024 asimbuwe na Dr. Doris Uwicyeza Picard.

Mbere yo kujya muri izo nshingano, Dr. Kaitesi yari Umuyobozi Mukuru wungirije w’urwo rwego.

Dr. Usta Kaitesi afite impamyabumenyi y’ikirenga mu mategeko. Yabaye umwarimu mu yahoze ari Kaminuza Nkuru y’u Rwanda, aba Umuyobozi Mukuru wa Kaminuza y’u Rwanda, Koleji y’Ubugeni n’Ubumenyi rusange (CASS), ari na ho yakoraga.

Yari umwe mu bakomiseri barindwi bari bagize Komisiyo ishinzwe gufasha Inteko Ishinga Amategeko kuvugurura Itegeko Nshinga nk’uko byari byasabwe n’Inama y’Abaminisitiri yateranye ku wa 9 Nzeri 2015. Icyo gihe yari Visi Perezida w’iyo Komisiyo.

Amb. Nyirahabimana Solina

Ambasaderi Nyirahabimana Solina yari Umunyamabanga wa Leta muri Minisiteri y’Ubutabera ushinzwe Itegeko Nshinga n’andi mategeko muri manda ya Guverinoma ishize, gusa ntiyagarutse mu nshingano muri manda nshya kuko uwo mwanya wavuyeho.

Amb. Nyirahabimana yize muri Kaminuza Nkuru y’u Rwanda, aho yakuye impamyabumenyi y’icyiciro cya kabiri cya kaminuza mu mategeko ndetse n’impamyabumenyi y’icyiciro cya gatatu mu bumenyi bw’imibereho y’abantu.

Nyuma yaho, yakoze nk’umwunganizi mu by’amategeko. Yabaye Ambasaderi w’u Rwanda mu Busuwisi ndetse n’uhagarariye u Rwanda mu buryo buhoraho mu Biro by’Umuryango w’Abibumbye biherereye i Genève kugeza mu mwaka wa 2013.

Nyuma yaho, yagize imyanya itandukanye muri Guverinoma, nk’aho mu Ukwakira 2018 yagizwe Minisitiri w’Uburinganire n’Iterambere ry’Umuryango, ari ho yavuye ajya muri Minisiteri y’Ubutabera.

Bibiane Gahamanyi Mbaye

Bibiane Mbaye Gahamanyi ni impirimbanyi y’Uburenganzira bwa Muntu, akaba afite ubwenegihugu bw’u Rwanda na Senegal.

Avuga neza Igifaransa, Icyongereza, Ikinyarwanda n’Igiswahili, kandi afite ubumenyi n’ubunararibonye mu bibazo bitandukanye byerekeye Uburenganzira bwa Muntu n’Iterambere.

By’umwihariko, Bibiane Mbaye yagize uruhare mu mategeko menshi mpuzamahanga arimo ajyanye n’uburenganzira bwa muntu mpuzamahanga, amasezerano mpuzamahanga y’ubucuruzi, ajyanye n’ubuzima bw’imyororokere n’uburenganzira bubyerekeye (SRHR), uburinganire, ubufatanye mpuzamahanga n’iterambere, yakoranye n’imiryango itegamiye kuri leta, hamwe n’abafatanyabikorwa mu ishyirwaho n’ishyirwa mu bikorwa rya politiki zitandukanye.

Yabaye kandi Umuhuzabikorwa wa politiki mu muryango ‘ActionAid International’ muri Afurika y’Iburengerazuba n’iyo Hagati, yanakoranye na Enda Tiers Monde i Dakar muri Senegal, ndetse n’Ikigo Nyafurika gishinzwe kwiga ku burenganzira bwa muntu i Banjul muri Gambia.

Abatowe n’Ihuriro ry’Imitwe ya Politike yemewe

Mukabalisa Donatille

Honorable Mukabalisa Donatille yavutse muri Nyakanga 1960, akaba yari asanzwe ari Perezida w’Umutwe w’abadepite mu Nteko ishinga Amategeko y’u Rwanda muri manda icyuye igihe.

Kuva mu 1981 kugeza 1998, Mukabalisayakoraga muri gahunda y’umuryango w’abibumbye ishinzwe iterambere i Kigali mu myanya itandukanye.

Kuva muri Nyakanga 2000 kugeza 2003, yari umwe mu bagize Inteko Ishinga Amategeko y’inzibacyuho mu Rwanda, akaba na Perezida wungirije wa Komisiyo ihoraho y’ubukungu n’ubucuruzi.

Mu matora y’Abadepite yo mu 2003 yatorewe kuba umwe mu bagize umutwe w’Abadepite ku rutonde rw’Ishyaka Riharanira Ukwishyira Ukizana kwa Buri Muntu, kandi atorerwa kuba umuyobozi wungirije wa komisiyo ihoraho ishinzwe ibibazo bya politiki n’uburinganire.

Kuva mu Kwakira 2011, yari Umusenateri (Urugereko rwo hejuru) ndetse yatowe n’Abasenateri kuba umuyobozi wungirije wa Komisiyo ihoraho ishinzwe ibibazo bya politiki n’imiyoborere myiza.

Nyuma yimyaka ibiri muri Sena, ku ya 4 Ukwakira 2013 yatorewe kuba Perezida w’Umutwe w’Abadepite mu Nteko Ishinga Amategeko y’u Rwanda.

Hon. Mukabalisa Donatille kandi ni Perezida w’Ishyaka Riharanira Ukwishyira Ukizana kwa Buri Muntu.

Murangwa Ndangiza Hadija

Murangwa Ndangiza Hadidja yavutse mu 1975.

Yinjiye bwa mbere muri Sena muri 2019, nab wo atowe n’ihuriro ry’Imitwe ya Politiki yemewe ku itike y’Ishyaka PDI.

Icyo gihe yari asimbuye Uwamurera Salama wari watanzwe n’iryo Shyaka, ariko Urukiko rw’Ikirenga ruza kwanga kumwemeza kubera ko ubunararibonye yari afite butamwemerera kujya muri uwo mwanya.

Murangwa Ndangiza Hadijda ni inzobere mu bijyanye n’imisoro, akaba n’umunyamategeko mu bijyanye n’imisoro. Ni umwe mu bagize inama y’ubutegetsi muri Banki Nkuru y’u Rwanda (BNR).

Ni umunyamuryango w’Ikigo Mpuzamahanga cy’Ubukemurampaka cya Kigali (KIAC). Yakoze mu mishinga itandukanye yiga ku misoro n’ubucuruzi yabaga ihuriweho n’imiryango mpuzamahanga ndetse na Guverinoma y’u Rwanda.

Yakoze akazi k’ubujyanama mu bigo mpuzamahanga nka International Finance Corporation (IFC), Umushinga wo guhuza imisoro muri Afurika y’Uburasirazuba (EAC) n’ibindi.

Mbere yo kwinjira muri Sena muri 2019, yakoraga nk’impuguke ishinzwe igenamigambi n’iterambere ry’ikigo mu kigo cy’ababaruramari b’umwuga mu Rwanda (ICPAR).

Yagiye mu nama z’ubutegetsi z’ibigo bitandukanye mu Rwanda nko muri Banki Itsura Amajyambere (BRD), Ishami rishinzwe ubuvuzi mu gisikare (MMI) no mu Kigo cy’Igihugu gishinzwe Ubuzima (RBC).

Abasenateri bahagariye amashuri makuru na Kaminuza za Leta n’izigenga

Prof. Ngarambe Telesphore

Ngarambe Telesphore yavutse mu 1972, akaba afite Impamyabumenyi y’Ikirenga mu ihinduranyandiko n’ubusemuzi.

Amaze imyaka 24 yigisha muri Kaminuza y’u Rwanda, akaba ari ku ntera y’Umwarimu w’Ikirenga Wungirije (Associate Professor).

Yakoze imirimo itandukanye mu rwego rwa Kaminuza kuko yabaye Umuyobozi ushinze porogaramu zihanitse mu Ishuri ry’Ubugeni n’Indimi rya Kamunuza y’u Rwanda, akaba yarabaye n’Umuyobozi waryo kuva mu 2019.

Muri 2015 yabaye umwe mu bakozi ba Komisiyo yafashije Inteko Ishinga amateko mu kuvugura Itegeko Nshinga rya Repubulika y’u Rwanda rya 2003.

Yakoze ubushakashatsi mu bice bitandukanye by’ubumenyi bwibanda ku muco, indimi, ikoranabuhanga, ubuvuzi n’amategeko, akaba yaranakoze ubwibanda ku myandikire n’imihindurire y’amategeko mu ndimi zitandukanye.

Prof. Uwimbabazi Penine

Prof. Uwimbabazi afite impamyabumenyi y’Ikirenga mu gusesengura Politiki za Leta n’Iterambere yakuye muri Kaminuza yo muri Afurika y’Epfo ya Kwa Zulu-Natal.

Yari amaze imyaka 15 mu bijyanye no kwigisha ndetse kuri ubu yari Umuyobozi Mukuru wa Kaminuza y’Abaporotesitanti mu Rwanda ya PIASS, akaba yaranayibereye Umuyobozi Wungirije Ushinzwe Imyigire n’Ubushakashatsi.

Kuri ubu ayoboye Ihuriro ry’Abashakashatsi muri Afurika y’Iburasirazuba (East African Community Academic and Reserch Networks-EACARNRI) rigamije kuzamura ireme ry’uburezi n’ubushakashatsi mu Karere.

Prof. Uwimbabazi Penine ni umwe mu bagore bake b’Abanyarwanda bageze kuri urwo rwego rwo kugira ‘Professorat’.

Inkuru bijyanye:

Ndabasaba gukurikirana ibibazo by’abaturage mukabimenya – Kagame abwira Abasenateri barahiye

U Rwanda rwohereje mu mahanga ibiro 900 by’ibikomoka ku buhinzi n’ubworozi

Ni gahunda yatangijwe mu gitondo cyo kuri uyu wa Gatatu, i Kanombe ku Kibuga cy’Indege Mpuzamahanga cya Kigali, aho ku ikubitiro hoherejwe mu Gihugu cya Ghana ibiro 900, bigizwe n’ikawa, icyayi, ubuki n’amavuta ya avoka.

Minisitiri w’Ubucuruzi n’Inganda, Prudence Sebahizi, yavuze ko u Rwanda rusanzwe rucuruza ku Isoko Rusange rya Afurika, ariko ko iyi gahunda ije nk’igisubizo ku bacuruzi bato.

Minisitiri Sebahizi avuga ko abacuruzi bato bishyira hamwe ari benshi, hanyuma bakegeranya ibicuruzwa byabo bikagezwa ku isoko bitabasabye ikiguzi kinini.

Ati “Ni igikorwa cy’ubufatanye bw’Abanyarwanda kugira ngo babashe kugera ku isoko mpuzamahanga. Ni igikorwa cyo gutinyura Abanyarwanda bifuzaga kwinjira mu bucuruzi mpuzamahanga kuko iyo dufite umurongo nk’uyu, n’utatekerezaga ko ashobora kumenya inzira zose zinyurwamo kugira ngo ageze ibicuruzwa bye ku isoko mpuzamahanga ubungubu arabibonye”.

Minisitiri w’Ubucuruzi n’Inganda, Prudence Sebahizi

Minisitiri Sebahizi kandi agaragaza ko ibihugu byinshi bya Afurika byiteguye kwakira ibicuruzwa biturutse mu Rwanda, bikaba bisaba ba rwiyemezamirimo kongera umusaruro.

Ati “Twebwe icyo dusabwa nk’u Rwanda ni ukongera umusaruro, kohereza ibicuruzwa byacu aho bikenewe, kuko ibyo twohereje ntabwo ari twe twenyine tubikora, ariko nibwira ko ikibura, hari ukuba tudafite ibicuruzwa bihagije no kutitinyuka, hakaba abafite ibicuruzwa ariko batazi ko bashobora kubigeza ku isoko mpuzamahanga”.

Ibicuruzwa byoherejwe muri iyi gahunda, byoherejwe na Kompanyi ikora ubucuruzi mpuzamahanga yitwa Igire Continental Trading Company’, ku bufatanye n’umushinga ‘Kungahara Wagura Amasoko’, uterwa inkunga na USAID.

Umuyobozi wa USAID mu Rwanda, Keisha Effiom, avuga ko ubu bufatanye ari intambwe ikomeye ku bucuruzi bwa Afurika, kandi ko USAID izakomeza gutera inkunga ibikorwa bigamije guteza imbere ubucuruzi mpuzamahanga.

Umuyobozi wa USAID mu Rwanda, Keisha Effiom

Yongeraho ko binyuze mu mushinga wa Kungahara Wagura Amasoko, basanzwe bafasha abahinzi ndetse na ba rwiyemezamirimo bakora mu ruhererekane rw’ubuhinzi n’ubworozi, bityo iyi ntambwe yo kuba bamwe mu bo bakorana batangiye kohereza ibicuruzwa byabo mu mahanga ikaba ari iyo kwishimira.

Ku ruhande rwa ba rwiyemezamirimo bishyize hamwe bakohereza ibi bicuruzwa, bavuga ko aya ari amahirwe akomeye gutangira gucururiza ku Isoko Rusange rya Afurika, kuko bizabafasha kwagura ibikorwa byabo ndetse no gusohoka ku isoko ryo mu Rwanda bagatinyuka gucururiza ku masoko mpuzamahanga.

Niyidukunda Mugeni Ephrosine, Umuyobozi wa Kompanyi yitwa ‘Avocare’ ikora amavuta yo kurya muri avoka akaba yohereje litiro 100 z’amavuta, avuga ko ubu bufatanye ari ingenzi kuko bitari korohera rwiyemezamirimo umwe ku giti cye gupakiza ibicuruzwa ngo abyohereze mu mahanga.

Niyidukunda Mugeni Ephrosine, Umuyobozi wa Kompanyi yitwa ‘Avocare’ ikora amavuta yo kurya muri avoka

Agira ati “Gufata inzira nkawe ubwawe ku giti cyawe biragoye kugira ngo ubashe kugeza ibicuruzwa mu mahanga, haba mu kubona ibyangombwa, igiciro cy’ubwikorezi ndetse no kubasha kumenya isoko ryiza wizeye wacuruzaho, n’ibindi. Ubu dufatanyije n’iyi company bigiye kudufasha kugira ngo ibicuruzwa byacu bimenyekane mu mahanga”.

Ku bacuruzi bishyize hamwe bakohereza ibicuruzwa mu mahanga, Kompanyi y’ubwikorezi ya RwandAir ibagabanyiriza ibiciro by’ubwikorezi, aho iyo bohereje ibicuruzwa bigeze kuri toni imwe kuzamura, igiciro ari idolari rimwe kuri buri kilo, mu gihe iyo bitageze kuri toni ariko ababyohereje bishyize hamwe, igiciro ari idolari rimwe n’ibice 40 (1.40 USD), naho kohereza bisanzwe nta bufatanye burimo igiciro gisanzwe ari idolari rimwe n’ibice 80 (1.80 USD).

Ibicuruzwa byoherejwe muri iyi gahunda ya mbere, birimo ibiro 400 by’ikawa, ibiro 400 by’icyayi, litiro 100 z’amavuta akomoka kuri avoka na litiro 50 z’ubuki.

Abasenateri bane bashyizweho na Perezida Paul Kagame

Aba Basenateri baje bakurikira 12 baherutse gutorwa mu Ntara n’Umujyi wa Kigali, babiri batowe mu mashuri makuru na za Kaminuza bya Leta n’ibyigenga ndetse na babiri batanzwe n’Ihuriro ry’Imitwe ya Politiki yemewe mu Rwanda.

Dr. Francois Xavier Kalinda wari usanzwe ari Perezida wa Sena, yagiye muri Sena muri Mutarama umwaka ushize wa 2023, nyuma y’uko Dr. Iyamuremye Augustin wari kuri uwo mwanya yari yeguye kuri uwo mwanya mu Ukuboza 2022.

Dr. Francois Xavier Kalinda yari asanzwe ari Perezida wa Sena

Dr. Usta Kaitesi we yagizwe Umusenateri, nyuma y’igihe gito akuwe mu mwanya wo kuyobora Urwego rw’Igihugu rw’Imiyoborere (RGB).

Solina Nyirahabimana, we yagizwe Umusenateri nyuma y’uko yari Umunyamabanga wa Leta muri Minisiteri y’Ubutabera ushinzwe Itegeko nshinga n’andi Matego.

Dr. Usta Kayitesi wayoboye RGB

Bibiane Gahamanyi Mbaye, we ni Umunyarwandakazi ufite ubwenegihugu bwa Senegal, akaba asanzwe ari Impirimbanyi y’uburenganzira bwa muntu.

Afite ubunararibonye mu bijyanye n’uburenganzira bwa muntu n’iterambere, by’umwihariko, yakoze cyane mu miryango mpuzamahanga yita ku burenganzira bwa muntu, amasezerano mpuzamahanga y’ubucuruzi, ubuzima bw’imyororokere n’uburinganire n’ubwuzuzanye.

Nyirahabimana Solina wahoze ari Umunyamabanga wa Leta muri Minisiteri y’Ubutabera

Bibiane Gahamanyi Mbaye, yagizwe Umusenateri

Abatwara amagare bakiriwe i Kigali, bakomereza muri Tanzania bakazasoreza i Burundi

Ni ibyatangajwe na Gisa Teta, Umuyobozi Mukuru muri Minisiteri y’Ububanyi n’Amahanga n’Ubutwererane ushinzwe Afurika, kuri uyu wa Gatanu tariki 20 Nzeri 2024, ubwo yatangizaga urugendo rw’abo batwara amagare bazenguruka EAC, bari bageze mu Rwanda.

Great Africa Cycling Safari, ni ihuriro ry’abatwara amagare ariko batarabigize umwuga, bazenguruka ibihugu bya Afurika y’Uburasirazuba buri mwaka, bakora ibikorwa bitandukanye bigamije kumenyekanisha ibikorwa bya EAC.

Muri uyu mwaka, uru rugendo rurakorwa ku nshuro ya karindwi, rukaba rwaratangiriye mu Gihugu cy’u Burundi tariki ya 01 Kanama 2024, rwitabirwa n’abantu 40 baturutse mu bihugu bitandukanye bigize uyu muryango, bakazakora urugendo rw’ibilometero 6,470 mu gihe cy’iminsi 57. Ruzasorezwa n’ubundi mu Burundi aho rwatangiriye.

Mu muhango wo gutangiza urwo rugendo ku ruhande rw’u Rwanda, Teta Gisa yashimiye aba batwara amagare ku mwanya wabo bafata bagakora urugendo rungana gutyo.

Yavuze ko uru rugendo rugira uruhare mu bukangurambaga bugamije kumenyekanisha ibikorwa bya EAC, birimo kwihuza kw’abatuye aka karere, amahoro, kubungabunga ibidukikije, gusangizanya imico ndetse n’ibindi.

Teta Gisa, Umuyobozi Mukuru muri Minisiteri y’Ububanyi n’Amahanga n’Ubutwererane ushinzwe Afurika

Yagize ati “Ubu buryo bwihariye mwahisemo bwo guteza imbere kubungabunga ibidukikije no kubishishikariza abaturage ni ibyo gushimirwa, uburyo bwo gutera ibiti hirya no hino mu bihugu munyuramo ni ubwo gushimirwa, kuko ibiti bigira uruhare mu kubungabunga ibidukikije, kurwanya isuri ndetse n’ibindi”.

Abatwara aya magare bavuga ko bazenguruka ibihugu bareba ahantu nyaburanga hatandukanye, haba ahasanzwe hasurwa cyangwa se ahatajya hasurwa, hanyuma bakarebera hamwe uburyo ahataratangira gusurwa bagira uruhare mu kuhamenyekanisha hakajya hasurwa.

John Bosco Balongo, uhagarariye Great Africa Cycling Safari, ashimira inkunga ibihugu bya EAC bibatera mu bikorwa byose bakora.

Agaruka ku nsanganyamatsiko y’uyu mwkaa igamije “Guteza imbere ubukangurambaga bwo kwihaza mu biribwa, amahoro, no kugabanya ibibazo biterwa n’imihindagurikire y’ibihe”, Balongo yavuze ko kuri ubu Isi ihanganye no kugabanya ibibazo biterwa n’imihindagurikire y’ibihe, na bo bakaba barahisemo gushyigikira uwo murongo.

Mu kubishyira mu bikorwa, bagenda batera ibiti hirya no hino, ndetse bakanaganiriza abaturage ku buryo bwo kurwanya ibyahungabanya ikirere.

John Bosco Balongo (w’umupira w’ubururu), yavuze ko bagifite ibibazo by’amikoro

Agira ati “Uko twagendaga tunyonga igare, twatekereje ku gutera ibiti, ariko ibi ntibyigeze bitanga umusaruro ufatika kuko twasubiragayo tukabibura. Twagize igitekerezo noneho cyo gushyiraho ishyamba ry’abatirage mu bihugu tunyuramo. Ni ubutaka runaka dufata mu gihugu runaka tubuhawe na Leta cyangwa abaturage, tugahamagarira abaturage gutera ibiti muri ubwo butaka dufatanyije, hanyuma tukabasaba kubyitaho”.

Muri ubu buryo bwo gutera ibiti, mu Karere ka Bugesera iri tsinda ryahateye ibiti ku buso bwa Hegitari enye mu Murenge wa Gashora.

Abatwara amagare ntibishimiye uko bafashwe

N’ubwi bimeze bityo ariko, abagize amtsinda y’abatwara aya magare baturutse mu bihugu bitandukanye byo muri EAC, bavuga ko batishimiye uko bafatwa, na cyane ko bavuga ko baba bahagarariye ibihugu baba baturutsemo.

Ku ruhande rw’abaturutse mu Rwanda, n’ubwo ntawemeye kubivugira mu itangazamakuru, bavuga ko bahawe amafaranga ibihumbi 100 kuri buri muntu bajya kwitabira uru rugendo, ariko bakavuga ko adahagije, kubafasha muri uru rugendo rumara hafi amezi abiri.

Mugabe Brian waturutse muri Uganda, ndetse we akaba atwara igare ry’abantu bafite ubumuga bw’ingingo, avuga ko nta kintu na kimwe Leta ye yamufashije muri uru rugendo.

Uru rugendo rwitabiriwe n’abatwara amagare batabigize umwuga 40 baturutse mu bihugu bya EAC

Ati “Abanyarwanda ahubwo b oni abanyamahirwe. Nibura bo babahaye n’ibyo bihumbi 100. Twebwe habe n’amashilingi 500 baduhaye”.

Mugenzi we Kaseraka wo muri Repubulika ya Demukarasi ya Kongo, ati “Jyewe buri mwaka nditabira kandi nkoresha amadolari ya Amerika Atari munsi ya 200 buri uko nitabiriye. Leta nta kintu yamfasha, ntinabyumva ibyo mba ngiyemo”.

Twavuganye kandi n’abandi bitabiriye uru rugendo unshuro zirenze imwe baturutse mu bihugu nka Kenya na Tanzaniya, bose bemeza ko bimenya ku bijyanye n’uru rugendo, kuko nta mafaranga ibihugu byabo bibagenera.

Bose icyo bahurizaho nk’impamvu ibasunikira gukomeza kwitabira uru rugendo, ni ukuba babasha kubona inshuti muri bagenzi babo baturutse mu bindi bihugu, bityo bakaba babona andi mahirwe aturutse mu kumenyana.

Izi mbogamizi kandi zemezwa na John Bosco Balongo, uhagarariye Great Africa Cycling Safari, uvuga ko imbogamizi ya mbere ibagoye ari iy’amikoro.

Ati “Imbogamizi ya mbere ni amikoro, kuko hari ubwo tugenda ibilometero nta mazi yo kunywa tubonye. Indi mbogamizi ni ukuba turi kumwe n’abantu baturuka hirya no hino mu mico itandukanye, hari ubwo habaho kutumvikana haba mu rurimi ndetse no ku bindi bintu bitandukanye, ndetse rimwe na rimwe hakabaho no kuba abantu barwana. Icya ngombwa ni uko twicara nk’ikipe imwe, tukabikemura”.

Abitabira uru rugendo ruzenguruka ibihugu bya EAC, bahabwa amafunguro, ubufasha bworoheje bwo gukanika amagare yabo, amazi yo kunywa ku rugendo ndetse n’ubuvuzi bworoheje (First Aid).

Ku bijyanye n’aho kurara, bavuga ko hari ubwo barara kuri mugenzi wabo mu gihugu bagezemo akabacumbikira, cyangwa se bakarara mu mahema bagendana.

Kurikira ibindi muri iyi video

Video: Salomo George

Banki Nkuru y’u Rwanda itangaza ko kugeza ubu abantu ku giti cyabo ndetse n’ibigo 40 batakira amafaranga abitswa abitswa, ari bo bemerewe gutanga serivisi z’imari zirimo no kubaha inguzanyo.

BNR ivuga ko kwemerera ibigo n’abantu ku giti cyabo gutanga izi serivisi, byakozwe mu rwego rwo kurwanya no guca abaturage bacuruzaga amafaranga batanga inguzanyo mu buryo butemewe n’amategeko kandi ku nyungu y’umurengera, ibyo abantu bazi nka ‘Banki Lamberi’.

Umuyobozi ushinzwe kugenzura imyitwarire y’ibigo by’imari muri Banki Nkuru y’u Rwanda, Gerard Nsabimana, avuga ko kugeza mu mpera z’iki gihembwe, hamaze kubarurwa abantu n’ibigo bigera muri 40 byemerewe gutanga izo serivisi.

Ati “Tumaze kubarura ibigo bigera hafi muri 40, kandi turabona ko inguzanyo zitangwa zigenda ziyongera”.

N’ubwo bimeze bityo ariko, hari abantu ku giti cyabo bagitanga inguzanyo mu buryo butemewe n’amategeko (Banki Lamberi), ndetse na Banki Nkuru y’u Rwanda irabizi ko bahari.

Nsabimana agaragaza ko hajya gutekerezwa ubu buryo bwo kwemerera abantu gutanga inguzanyo ariko batakira amafaranga abitswa, bwari uburyo bwo guca aba bakora banki lamberi, kuko hanabanje gukorwa ubushakashatsi ku mpamvu itera abantu kugana banki lamberi ari benshi.

Agira ati “Impamvu abantu bagaragazaga cyane, bavugaga ko iyo umuntu akeneye inguzanyo muri banki atinda kuyibona, ariko abaguriza kuri banki lamberi bakabyihutisha. Bariya bakora mu buryo butemewe bazana n’ibindi bibazo murabizi, aho afata nk’inzu y’umuntu bakavuga ngo barayiguze n’ibindi”.

Banki Nkuru y’u Rwanda ivuga ko izakomeza ubukangurambaga no kwigisha abaturage ko mu gihe bakeneye inguzanyo bakwegera ibigo bizwi cyangwa se abantu babiherewe uburenganzira, ndetse no kwigisha abagikora banki lamberi ko hari amabwiriza abigenga bakwiye kwegera BNR bagahabwa uburenganzira bwo kubikora.

Nsabimana ati “Ushaka kubikora mu buryo buzwi waza ugasaba uburenganzira, ariko abagumya kubikora mu buryo butemewe bo, twigisha abaturage na bo tukabigisha, ariko tugafatanya na Polisi na RIB kugira ngo babihanirwe n’amategeko”.

Kigali Today yavuganye n’umwe mu bahawe uburengenzira bwo gutanga izi serivisi, ufite Kompanyi yitwa ‘Iwacu Finance’. Avuga ko uburyo batangamo serivisi z’imari cyane cyane inguzanyo, bugendera ku biteganywa n’amabwiriza ya Banki Nkuru y’u Rwanda.

Akomeza avuga ko ubu ari uburyo bwo gukora bizinesi nk’ubundi, ariko ko ababyitiranya no gukora ‘Banki Lamberi’ mu buryo bwemewe atari byo.

Ati “Kereka wenda abahabwa ubwo burenganzira bwo kubikora ari bo bashatse kubifata nka lamberi, ariko ubundi ubu ni uburyo BNR yashyizeho bwo gufasha abantu bagorwaga no gukorana n’ibigo by’imari bakabasha kubona amafaranga bakeneye”.

Ku birebana n’inguzanyo zitangwa ndetse n’inyungu, yavuze ko utanga amafaranga ari we ugena inyungu asaba abamugana, ariko nanone akagendera ku bujyanama bahora bahabwa na Banki Nkuru y’u Rwanda.

Ati “Urumva uramutse utanga ku nyungu iri hejuru cyane, bigora abo mukorana ku kwishyura kandi ugasanga ntabwo abantu bakugana”.

Afatiye urugero kuri ‘Iwacu Finance’, avuga ko bo batanga inguzanyo z’igihe gitoya, ku buryo ku kwezi bo basaba inyungu ya 3%, bivuzeko ubwo ari 36% ku mwaka.

Ni nde wemerewe gutanga serivisi z’imari atakira amafaranga abitswa?

Amabwiriza ya BNR No 65/2023 yo ku wa 25/04/2023 agaragaza ko hari ibyiciro bine by’abashobora gutanga izi serivisi hagendewe ku gishoro cyabo.

Utanga serivisi z’imari utakira amafaranga abitswa ashobora gushinga ikigo cy’ubucuruzi giteye mu buryo bwa sosiyete ya Leta cyangwa y’abikorera, koperative, Ikigo cy’ubufatanye, Fondasiyo cyangwa ubundi bwoko bw’ibigo by’ubucuruzi bwemewe n’amategeko ya Repubulika y’u Rwanda.

Imari shingiro itagibwa munsi yishyuwe ishoboka ku muntu utanga serivisi z’imari utakira amafaranga abitswa, igomba kuba miliyoni 100 z’amafaranga y’u Rwanda ku utanga serivisi z’imari utakira amafaranga abitswa wo mu cyiciro cya mbere, miliyoni 50 ku wo mu cyiciro cya kabiri, ndetse na miliyoni 30 ku wo cyiciro cya gatatu.

Aya mabwiriza kandi avuga ko Ishyirahamwe ryo kuzigama no kugurizanya ryegeranyije nibura imisanzu y’abanyamuryango ingana na miliyoni 500 z’amafaranga y’u Rwanda rishobora gusaba muri Banki Nkuru y’u Rwanda uruhushya rwo gukora nk’utanga serivisi z’imari utakira amafaranga abitswa.

Kigali Today yavuganye n’umwe mu bahawe uburengenzira bwo gutanga izi serivisi ufite Kompanyi yitwa ‘Iwacu Finance’, avuga ko uburyo batangamo serivisi z’imari cyane cyane inguzanyo, bugendera ku biteganywa n’amabwiriza ya Banki Nkuru y’u Rwanda.

Avuga ko ubu ari uburyo bwo gukora bizinesi nk’ubundi, ariko ko ababyitiranya no gukora ‘Banki Lamberi’ mu buryo bwemewe Atari byo.

Ati “Kereka wenda abahabwa ubwo burenganzira bwo kubikora ari bo bashatse kubifata nka lamberi, ariko ubundi ubu ni uburyo BNR yashyizeho bwo gufasha abantu bagorwaga no gukorana n’ibigo by’imari bakabasha kubona amafaranga bakeneye.

Ku birebana n’inguzanyo zitangwa ndetse n’inyungu, yavuze ko utanga amafaranga ari we ugena inyungu asaba abamugana, ariko nanone BNR ikababa hafi mu kubaha ubujyanama.

Ati “Urumva uramutse utanga ku nyungu iri hejuru cyane, bigora abo mukorana ku kwishyura kandi ugasanga ntabwo abantu bakugana”.

Afatiye urugero kuri ‘Iwacu Finance’, avuga ko bo batanga inguzanyo z’igihe gitoya, ku buryo ku kwezi bo basaba inyungu ya 3%, bivuzeko ubwo ari 36% ku mwaka.

Ibi Umukuru w’Igihugu yabigarutseho mu kiganiro yagiranye n’Umuyobozi w’Ikigo ‘Milten Institute’, Richard Ditizio, cyabereye muri Singapore kuri uyu wa 19 Nzeri 2024, aho Perezida Kagame yitabiriye Inama ya 11 y’Umugabane wa Asia.

Muri icyo kiganiro, Perezida Kagame yavuze ko u rwanda rwanyuze mu mateka ashaririye, ariko Abanyarwanda bakiyemeza kuyasiga inyuma ahubwo bakareba imbere ndetse bakagira amahitamo.

Perezida Kagame yavuze ko byasabye kubanza gushishikariza buri wese mu Gihugu, mu rwego rwo kugira ngo abatuirage bumve impamvu amwe muri ayo mahitamo ari yo ya ngombwa.

Yagize ati “U Rwanda rwanyuze mu mateka ashaririye ariko ibyo twabisize inyuma. Kugira ngo dutere imbere, twagombaga kugira amahitamo ya politiki ariko bigera aho twegera buri wese mu Gihugu kugira ngo yumve impamvu ayo mahitamo tugomba kuyakurikiza”.

Umukuru w’Iguhugu yavuze ko aha ari ho u Rwanda rwatekereje gushyira imbaraga mu bucuruzi no gukurura abashoramari.

Ati “Icyari gisigaye ni ukureba ngo ni ubuhe buryo bwiza bwadufasha gukurura abashoramari mu Gihugu cyacu ndetse no kwemerera abaturage bacu gushora imari”.

Perezida Kagame avuga ko kugira ngo ishoramari ryiyongere mu Gihugu, hagombaga kurebwa uburyo abantu bakora ubucuruzi bitabasabye ibintu byinshi ndetse no gushaka uko abantu bashora imari bisanzuye kandi batekanye.

Yagize ati “Twatekereje ku bintu byinshi mu ishoramari. Uko warikora biguhendukiye, kurema umwanya abantu bashoramo batuje, batekanye, kandi byagombaga guhuzwa n’isoko rigari. Icyo twatekereje ni uko twakoroshya urujya n’uruza mu Gihugu, ariko cyane cyane mu Karere no ku Mugabane”.

Aha rero ni ho Umukuru w’Igihugu yagaragaje ko imiyoborere myiza ishyira imbere umutekano, ifatwa nk’impamvu ikomeye yatumye abashoramari baza mu Rwanda, kuko bataba bikanga ko umutekano wabo n’ibikorwa byabo uzahungabana.

Ati “Ariko hejuru ya byose hagomba kubaho imiyoborere myiza izana umutekano kugira ngo abantu bakora ishoramari ntibahangayikishwe n’ibindi bintu byinshi.”

Kuri uyu wa Mbere tariki 16 Nzeri 2024Ikigo cy’Igihugu cy’Ibarurishamibare (NISR), cyatangaje ko uruhare rwa serivisi mu musaruro mbumbe w’Igihugu ari 47%, ubuhinzi 25% naho inganda zikaba zihariye 21%.

Iyi mibare ya NISR igaragaza ko urwego rw’ubuhinzi rwazamutseho 7% muri iki gihembwe, urwego rw’inganda ruzamukaho 15% naho urwa serivisi ruzamukaho 10%.

Ikigo cy’Igihugu cy’Ibarurishamibare kigaragaza ko umusaruro w’ubuhinzi wazamutseho 8%, bigizwemo uruhare n’umusaruro wabonetse mu gihembwe cy’ihinga cya 2024 A, ariko ko umusaruro woherejwe mu mahanga wagabanutseho 6%.

Izamuka ry’urwego rw’inganda ku gipimo cya 15% ryagizwemo uruhare n’ibikorwa by’ubwubatsi bwazamutse kuri 18%, ibikorerwa mu nganda byazamutseho 17%, icyakora ibikorwa by’ubucukuzi bw’amabuye y’agaciro bikaba byaragabanutseho 2%.

Urwego rwa serivisi rwazamutse ku gipimo cya 10% muri rusange. Muri uru rwego, ubucuruzi bwazamutse kuri 10%, ubwikorezi bwazamutse kuri 9%, serivisi z’amahoteli zizamuka kuri 20%, serivisi z’imari zizamuka kuri 10% mu gihe serivisi z’itumanaho zazamutse kuri 33%.

Ababyeyi baributswa kudatererana abana babyaye imburagihe

Ni mu gihe hari abakobwa bagize ibyago byo gutwara inda bakiri bato, bagaragaza ko imiryango yabo by’umwihariko ababyeyi babanze ndetse bamwe bikabaviramo kuva mu miryango yabo bakajya kwibana.

Buri mezi atandatu, Umushinga Igire Wiyubake, uterwa inkunga na PEPFAR binyuze muri USAID, ugashyirwa mu bikorwa na Young Women’s Christian Association of Rwanda (YWCA), usura ibikorwa ufashamo abana babyaye imburagihe, hagamijwe kureba uko imishinga bafashirizwamo ihagaze, n’intambwe bagezeho biyubaka.

Nyuma y’isura ryabaye ku wa Kane tariki 12 Nzeri 2024, Umuyobozi Mukuru muri Minisiteri y’Uburinganire n’Iterambere ry’Umuryango, ushinzwe Iterambere ry’Umuryango no Kurengera Umwana, Umutoni Aline, yagaragaje ko bidakwiye ko umwana wagize ibyago byo guterwa inda atereranwa n’abagize umuryango, kuko byamukururira ibindi byago birenze gutwara inda no kubyara imburagihe.

Agira ati “Ababyeyi bagira uruhare mu kurinda abana, ariko n’iyo ibibazo bivutse ni bwo baba babakeneye cyane kugira ngo babashe kwiyakira no gusubira mu buzima busanzwe”.

Hari abigishwa imyuga irimo no gutwara moto

Uyu muyobozi akomeza agira ati “Iyo umubyeyi agutereranye kandi ari we muntu wumvaga wakumva, ari we waje wirukira, bigushyira mu byago byinshi byo kuba haziraho n’ibindi bishamikiyeho. Umwana ugiye kwikodeshereza, iyo abonye umwana we agiye kuburara cyangwa kubwirirwa, ntiyabura kujya mu buraya”.

Niyonsenga Fatuma yatwaye inda yiga mu mwaka wa gatatu w’amashuri yisumbuye. Avuga ko ababyeyi be bakibimenya bamwanze, ndetse nyina agahora amutoteza buri munsi.

Ati “Yarambwiraga ngo ubu nawe uri umugore. Turi abagore babiri mu rugo, nugira icyo ukenera ujye ukishakira nk’uko nanjye icyo nkeneye nkishakira”.

Uyu mukobwa avuga ko yakomeje kwihangana ariko bigeze aho ahunga urugo ajya kubana na mukuru we, ariko na ho ahageze birushaho kuba bibi.

Ati “Mukuru wanjye yarambwiraga ngo umwana wanjye amunyarira mu ntebe zikanuka, haza abashyitsi akantegeka kujya mu cyumba n’umwana wanjye tukifungirana tukaza gusohoka batashye”.

Aha na ho yaje gufata umwanzuro wo kuhava, ajya kwikodeshereza inzu, ubuzima avuga ko bwari bugoye bwo kwishakira ibimutunga n’umwana we ndetse no kwishyura inzu.

Niyonsaba avuga ko akimara guhura n’abafashamyumvire ba Igire Wiyubake bamwigishije, agenda yiyakira gahoro gahoro ndetse bamuha igishoro atangira gucuruza inkweto, ari na byo agikora ubu.

Nyuma umubyeyi we yaje kumuhamagara amusaba kugaruka mu rugo, na we yemera kumubabarira asubira mu rugo.

Uyu mukobwa ubu avuga ko afite igishoro cy’amafaranga ibihumbi 150, kandi akaba abasha kwigurira icyo akeneye ndetse n’umwana we.

Umuyobozi w’Umushinga Igire Wiyubake, Eugene Rusanganwa, avuga ko gusura ibikorwa by’aba bagenerwabikorwa bituma babasha kuganira na bo, harebwa ibyakozwe, ibyagenze neza ndetse n’ibigikeneye kongerwamo imbaraga.

Hari n’abize gukanika imodoka

Uyu muyobozi na we avuga ko agendeye ku byagaragaye muri uku gusura, basanze imiryango igikeneye gukomeza kwigishwa kugira ngo ireke gukomeza gutererana abana baba bahuye n’ibibazo.

Ati “Mu by’ukuri dukwiye gukomeza gushyira imbara mu kwigisha imiryango, abantu ntibakomeze kurekera abana inshingano, kubata mu bibazo kuko wenda bahuye n’ibibazo bidashimishije imiryango. Umwana yatwara inda ukamwirukana, ari we ari uwo abyaye bakandagara ukazatangira gusanasana byararenze”.

Umushinga Igire Wiyubake ufasha abakobwa n’abagore bakiri bato bugarijwe n’ibyago byo kwandura virusi itera Sida nk’ ababyaye imburagihe, babakora uburaya n’abana b’imfubyi bakomoka mu miryango itishoboye nkabava mu miryango ifite ubwandu bwa virusi itera Sida.

Mu byo bafashwa harimo kwigishwa ku buzima bw’imyororoke,uburyo bwo gucunga ifaranga, kubashishikariza kwipimisha no kwirinda virusi itera Sida, kwigishwa imyuga itandukanye abacikirije amashuri,ubufasha mu myigire isanzwe ndetse no guhabwa inkunga yababera igishoro cyo gutangiza imishinga iciriritse.

Impu zaheze mu bubiko kubera kubura isoko

Iki ni kimwe mu bibazo byagaragarijwe mu nama y’iminsi ibiri ihuje ba rwiyemezamirimo batandukanye n’Inama y’Ubucuruzi y’Umuryango wa Afurika y’Uburasirazuba (East African Business Council), biga ku buryo abacuruzi bo muri aka Karere bakwifashisha ikoranabuhanga mu bucuruzi.

Kamayirese Jean D’Amour, uhagarariye uruhererekane rw’abakora n’abacuruza ibikomoka ku mpu (Kigali Leather Cluster) yagaragaje ko mu Rwanda hari impu nziza, ariko ikibazo gihari kikaba ari uko kuzicuruza hanze ya EAC bisaba umusoro wa 80% ku kilo kimwe cy’uruhu.

Kamayirese avuga ko no mu Karere aho izi mpu zemerewe gucuruzwa nta misoro, isoko ryaho ridahagije kandi n’abemeye kuzigura bakabahenda cyane.

Kamayirese Jean D’Amour, uhagarariye uruhererekane rw’abakora n’abacuruza ibikomoka ku mpu

Agira ati “Mbere ya 2015, ikilo cy’uruhu rw’inka cyagurishwaga ku mafaranga 1,500, ariko ubu ikilo kiragurwa ku mafaranga hagati ya 100 na 200. Urw’ihene n’intama rwose rwagurishwaga amafaranga 3,000 ariko ubu ruragurwa ku mafaranga hagati ya 500 na 600, kandi na bwo bazanze ngo sitoke zabo zaruzuye”.

Kamayirese agaragaza ko ibi biri gutuma impu zangirikira mu bubiko hirya no hino, nyamara hari abantu bazikeneye bari hanze y’Umuryango wa Afurika y’Uburasirazuba.

Ati “Hari ibwiriza ryasohotse rivuga ko tutemerewe kugurisha impu hanze ya EAC, kandi dufite abashoramari benshi bazishaka, mu Bushinwa, u Butaliyani, Nigeria n’ahandi henshi, ariko kubera ko hariho umusoro wa 80% utuzitira, urumva nta muntu wakwigondera ibyo biciro yacuruza ahomba”.

Toni zirenga 100 z’impu zirangirikira mu bubiko kubera kubura isoko

Germaine Mukashyaka, ufite Kompanyi ikora ibikomoka ku mpu akaba kandi ari n’Umunyamabanga ushinzwe umutungo n’imiyoborere muri Kigali Leather Cluster, agaragaza ko kuba mu Rwanda nta kaniro rihari bituma impu zicuruzwa mu Karere ka EAC kuko ari ho zemerewe, bigasaba abazikenera kujya kuzirangura yo ku biciro biri hejuru cyane.

Ibi ngo bituma ibikoresho byose bakora mu mpu bizamura ibiciro kuko ibintu byose babikura hanze, bigatuma ibikorerwa mu Rwanda bitabasha guhangana n’iby’ahandi ku isoko.

Icyakora abagize iri huriro baravuga ko bizeye ko iki kibazo kizakemuka vuba, kuko mu biganiro baheruka kugirana na Minisiteri y’Ubucuruzi n’Inganda, yabemereye ko uwo musoro uzagabanuka bityo bakabasha gucuruza hanze ya EAC.

Germaine Mukashyaka, ufite Kompanyi ikora ibikomoka ku mpu akaba kandi ari n’Umunyamabanga ushinzwe umutungo n’imiyoborere muri Kigali Leather Cluster

Umuyobozi wungirije w’Inama y’Ubucuruzi y’Umuryango wa Afurika y’Uburasirazuba (East African Business Council), Karera Denis, asanga hakibura guhura kw’impande zose zirebwa n’iki kibazo, buri ruhande rugakemura imbogamizi zigihari.

Agira ati “Muri aka Karere twasanze dukenera imiguru y’inkweto ibihumbi 600 buri kwezi. Zikorerwa he kandi impu zacu ziborera mu ma stocks? Haracyabura guhuza. Hari abafite impu, hari abashaka inkweto hari n’uruganda rukora inkweto, harabura icyo kiganiro gihuza ubwo bushake”.

Ku bijyanye n’Isoko rusange rya Afurika, abari muri iyi nama bagaragaje ko n’ubwo ryagiyeho ariko Abanyafurika ntibararimenya ndetse n’uburyo baribyaza umusaruro.

Karera Denis, umuyobozi wungirije w’Inama y’Ubucuruzi y’Umuryango wa Afurika y’Uburasirazuba

Karera Denis akavuga ko hakwiye ko abacuruzi bo muri Afurika by’umwihariko abatoya na cyane ko ari bo benshi kuko bagize hejuru ya 80% by’abacuruzi bose bo ku Mugabane, bakwiye kumenya iri soko

Karera kandi asanga abacuruzi bo hanze y’umugabane badakwiye kuza gucuruza ku isoko ry’Abanyafurika.

Ati “Hano umuntu aricara agatumiza igicuruzwa kuri Amazon! amazon yacu muri afurika ni iyihe, […] Ubwo buryo bw’ikoranabunga kugira ngo abacuruzi basanzwe mu Ntara no mu Turere babumenya gute kugira ngo ibicuruzwa byabo bimenyekane hanze, ababishaka ni bande, babyohereza gute, uburyo bworoshye bwo kubyohereza ni ubuhe”?

Toni zirenga 100 z’impu zirangirikira mu bubiko

Nahimana usanzwe utuye muri Leta zunze ubumwe za Amerika, ariko akaba anafite ibikorwa akorera mu Rwanda, avuga ko yaguze ubutaka muri 2023, akabugura n’umuturage witwa Fulgence Mfashwanayo, ariko uyu na we akaba yari yarabuguze na Mukankusi Drocelle, ari na we bakoranye ihererekanya ryabyo kuko ibyangombwa byari bikimwanditseho (Mukankusi).

Mukankusi kandi yari yaragurishije ikindi gice cy’ubutaka n’uwitwa Justin Ubarijoro, na bwo buhana imbibe n’ubwo Nahimana yaguze, ariko icyangombwa kicyanditse kuri Mukankusi. Ni nay o mpamvu mu nyandiko zose muri iki kibazo ubwo butaka bubarwa nk’aho bukiri ubwa Mukankusi, n’ubwo mu kugurisha amafaranga yahawe Fulgence Mfashwanayo.

Ihererekanya ry’ubutaka Nahimana yikoranye na Mukankusi kuko n’ubwo ubutaka yari yarabugurishije, ariko icyangombwa cyabwo cyari kikimwanditse, ndetse ihererekanya ryakorewe imbere ya Noteri wigenga rirarangira, Nahimana abona icyangombwa cy’ubutaka yaguze.

Uyu muturage akomeza avuga ko yakomeje ashaka icyangombwa cyo kubaka na cyo aragihabwa mu kwezi kwa Gatanu uyu mwaka, ariko mu gihe abakozi be bashakaga gutangira imirimo yo kubaka baza gutambamirwa na Ubarijoro Justin, avuga ko Nahimana ashaka kumurengera ku butaka bwe.

Nahimana agira ati “Jyewe naguze ikibanza muri site isanzwe ikase. Umuntu yavuga ate ko murengera kandi ntarenga borune enye z’ikibanza cyanjye”?

Ukurikije uko ubuso bw’ubutaka Nahimana yaguze anafitiye icyangombwa cy’ubutaka bumeze, bigaragara ko aho Ubarijoro avuga ko bashaka kumurengera hari mu buso Nahimana yaguze nk’uko n’imbago (borune) za site zibigaragaza.

Uyu muturage avuga ko yitabaje inzego zitandukanye, kuva ku buyobozi bwa site, ubw’Akagari ka Karama, Umurenge wa Kanombe ndetse n’Akarere ka Kicukiro, ariko hose habura uwamurenganura.

Muri kopi nyinshi z’impapuro yagiye yandikira abayobozi ndetse n’izo bamusubizaga, Kigali Today yabashije kubonera kopi, bigaragara ko inzego z’ibanze zari zamaze kwanzura ko Nahimana afite ibyangombwa byuzuye by’ubutaka bwe, bityo ko agomba kububyaza umusaruro uko yabiteganyije.

Urugero ni urwa raporo y’inama y’inteko y’abaturage yateraniye ahari ubwo butaka, nyuma y’uko Nahimana yandikiye ubuyobozi bwa site abumenyesha akarengane yagiriwe, akanamenyesha ubuyobozi bw’Akagari ka Karama.

Raporo Umunyamabanga Nshingwabikorwa w’Akagari ka Karama yakoze nyuma y’iyo nteko, agaragaza ko Nahimana yaguze ikibanza cyuzuye cyo muri site, nk’uko amasezerano yagiranye na Mukankusi abigaragaza.

Iyo raporo kandi igaragaza ko Mukankusi yagurishije igice cy’ubutaka asanzwe yaragurishije n’ubwo we (Mukankusi) avuga ko agurisha na Nahimana yamweretse ko atarenga uruzitiro rw’imiyenzi.

Gusa Nahimana we avuga ko iby’uruzitiro rw’imiyenzi atabyitayeho mu kugura ubutaka, kuko yaguze ikibanza gisanzwe gipimye muri site yakaswe inafite ubuyobozi.

Ati “Jyewe naguze ikibanza kiri muri site. Na bo ubwabo narababajije niba kiri muri site barabyemera, ndetse n’ubuyobozi bwa site nabugezeho bunyemerera ko icyo kibanza kiri muri site. Ibyo kuba barambwiye ko imbibe ari imiyenzi jye sinabyitayeho, icyo nagombaga kureba ni borune”.

Iyo raporo yanzura iti “Mukankusi Drocelle agomba guha Nahimana Emmanuel ikibanza cyose cyuzuye yamugurishije, nk’uko biri mu masezerano bagiranye imbere ya noteri. Kugira ngo bishoboke, Mukankusi agomba kwishyura Ubarijoro Justin igice cy’ubutaka bwe yari yaramugurishije, kuko ubwo butaka ari bwo bwagombaga kuzuza ikibanza cya Ubarijoro”.

Iyi raporo kandi isoza ivuga ko utanyuzwe n’uyu mwanzuro yari afite ibyumweru bibiri byo kuba yawujuririra, ariko ibyo byumweru byashize ntawe ujuriye.

Nahimana kandi avuga ko nta muntu wigeze ajurira kuri uyu mwanzuro, kuko Mukankusi ari we wanditse ku byangombwa by’ubutaka yanze kujurira avuga ko ibyakozwe mu bugure bwa Nahimana ari ukuri.

Nahimana avuga ko mu kugura ubu butaka Ubarijoro atari ahari, bigaragara ko Mfashwanayo yagurishije igice cy’ubutaka butari ubwe abizi ariko akabihisha uwo baguze.

Nyuma yo kubona ko ibyemezo byafashwe n’akagari bidashyizwe mu bikorwa, Nahimana yandikiye ubuyobozi bw’Umurenge wa Kanombe, amusaba ko umwanzuro w’akagari washyirwa mu bikorwa.

Umunyamabanga Nshingwabikorwa w’Umurenge wa Kanombe na we yandikiye uw’akagari amusaba gushyira mu bikorwa umwanzuro wafashwe mu nteko y’abaturage mu gihe kitarenze iminsi itanu, ariko na byo ntibyakozwe.

Nahimana akavuga ko umuyobozi w’Akagari ka Karama yamubwiye ko azabanza kubaza abarebwa n’iki kibazo impamvu batajuriye, ibintu asanga ari ukumutinza ngo atubaka ikibanza yaguze.

Ikindi ashingiraho avuga ko yarenganyijwe, ni ukuba ubusanzwe umuntu ufite icyangombwa cyo kubaka nta muntu wemerewe kumuhagarika, uretse gusa urukiko mu gihe rwaregewe rukanzura ko imirimo isubikwa, cyangwa se itsinda ry’Umujyi wa Kigali rishinzwe ubugenzuzi bw’imyubakire bukaba ari bwo bumuhagarika.

Akavuga ko kuba ibyo byose nta byakozwe, yakabaye yemererwa kubyaza umusaruro ubutaka bwe nta zindi nzitizi.

Uyu Nahimana avuga ko yavuye muri Leta zunze ubumwe za Amerika mu ntangiriro z’uyu mwaka, akaba avuga ko amaze guhomba ibintu byinshi kubera gukurikirana iki kibazo.

Ati “Uyu mwaka narawuhebye. Urebye amafaranga make nshobora kwinjiza muri Amerika ni ihumbi 150 by’amadoari ku mwaka, nagombaga gutaha tariki 25 z’ukwezi kwa Kane, none na n’ubu ndacyari ino mpora nongeresha itike y’indege”.

Iki kibazo kandi Nahimana avuga ko aherutse no kukigeza mu Mujyi wa Kigali, ariko ko agitegereje igisubizo bazamuha.

Kigali Today yavuganye na Emma Claudine Ntirenganya, Umuvugizi w’Umujyi wa Kigali, yemera koko ko iki kibazo bacyakiriye, kandi ko uyu muturage bamuhaye gahunda yo kumusura kuri uyu wa Kane, kugira ngo basuzume iki kibazo.

Yagize ati “Mu nama yabaye bamuhaye gahunda ko ku wa Kane, ubuyobozi bw’Akarere, Polisi n’izindi nzego bazajya kumureba ikibazo cye bakacyumva neza. Amakuru kuri iki kibazo n’uburyo gihagaze tuzayamenya abayobozi nibamara kuhasura nk’uko babimusezeranyije”.

Ku ruhande rwa Ubarijoro Justin uvuga ko Nahimana Emmanuel ashaka kurengera ubutaka bwe, avuga ko Nahimana yaguze ubutaka na Mfashwanayo hagendewe ku mbibi gakondo (imiyenzi), ariko Nahimana akaba ashaka kurenga izo mbibi akagendera ku mbago zakaswe na site.

Aha ni ho ahera avuga ko mu gukata site, hari ubutaka ubu bubarurwa ku cyangombwa Nahimana afite, ariko bukaba bubarirwa ku kibanza cya Ubarijoro hagendewe ku mbibi za kera.

Ubarijoro akavuga ko niba Nahimana ashaka kugira ubuso bwuzuye nk’ubwo afite ku cyangombwa, yasaba uwo baguze (Mfashwanayo) akamwongera ku butaka bwe kuko abuhafite, cyangwa se akishyura Ubarijoro icyo gice cy’ubutaka bwe bwagiye ku cyangombwa cye.

Naho ku ruhande rwa Fulgence Mfashwanayo wagurishije ubutaka na Nahimana, na we avuga ko bajya kugura yamweretse imbibe z’ubutaka bwe agendeye ku miyenzi (imbibe gakondo), ari nayo mpamvu yamuhaye amafaranga macye.

Ati “None se hari ideni rya bank nari ndimo ku buryo nari kugurisha ikibanza cya metero kare zirenga 450 kuri miliyoni zirindwi”?

Uyu Mfashwanayo akavuga ko Nahimana yarenze ku mbibi yamweretse, akifashisha umukecuru Mukankusi Drocella bagakora ihererekanya we (Mfashwanayo) atabizi.

Ibi ariko Nahimana abihakana avuga ko ibyo by’imbibi gakondo bazimweretse ariko akanga kuhagura mu gihe batamuhaye ikibanza cyakaswe na site, ari naho haturutse kumvikana inshuro zirenga eshatu, kugeza Mfashwanayo yemeye ko bagura ikibanza cya site.

Naho ku bijyanye n’ihererekanya ry’ubutaka, Nahimana agaragaza ko ryakozwe Mfashwanayo abizi neza, ko ndetse hari n’inyandiko imuhesha uburenganzira (procuration) yanditswe n’umugore we imuha uburenganzira bwo guhererekanya umutungo wabo.

Mu biruhuko binini by’umwaka w’amashuri wa 2023-2024, Urwego rw’Igihugu rushinzwe Uburezi bw’Ibanze (REB) rwamenyesheje ababyeyi bose bafite abana biga mu mwaka wa mbere, uwa kabiri, n’uwa gatatu w’amashuri abanza mu mashuri ya Leta n’afatanya na Leta ku bw’amasezerano, batashoboye kwimuka muri uwo mwaka w’amashuri ko hari gahunda nzamurabushobozi yabateganyirijwe.

Iyo gahunda yakozwe kuva tariki ya 29 Nyakanga kugeza tariki ya 30 Kanama 2024, ababyeyi bakaba barasabwa kohereza abana bose batsinzwe kugira ngo bafashwe gusubirirwamo amwe mu masomo, harimo Ikinyarwanda, Icyingereza ndetse n’Imibare.

Abarimu bigisha ayo masomo mu bigo byose bya Leta ndetse n’ibifatanya na yo ku bw’amasezerano, na bo basabwaga gusubira ku mashuri gufasha abo bana bakabasubiriramo amasomo, kugira ngo barebe ko bakwimukira mu myaka ikurikiyeho.

Abarimu bitabiriye iyi gahunda, bavuga ko ubwayo ari nziza kuko yari igamije kuzamura ubumenyi bw’abana, ariko bakavuga ko insimburamubyizi bagenewe ari nke, ku buryo hari n’abadatinya kuvuga ko ari nk’igihano bahawe cy’uko bigishije abana bagatsindwa.

Yezashimwe Georgine, yigisha mu mwaka wa kabiri w’amashuri abanza ku rwunge rw’Amashuri rwa Nyabimata mu Karere ka Nyaruguru.

Avuga ko kuri iri shuri abarimu batanu ari bo bagombaga kwitabira iyi gahunda, kandi bose bakaba baritabiriye.

Ati “Abarimu twese twari duhari. Iyo urebye ubona nta na facilitation yari ihari, mbese ku buryo abarimu benshi babifataga nk’igihano bahawe kuko bigishije abana bagatsindwa. Umuntu w’umuhinzi arakorera 1,500 ku munsi hano mu cyaro, kandi uzi ko hari n’ikiruhuko tugenerwa n’amategeko, noneho ukabona umwarimu aragenerwa amafaranga 600 ku munsi, ubwo ahwanye n’ibihumbi 20 ku kwezi, iyo urebye usanga rwose nta kintu cyari kirimo”.

Servilien Bizimana, we ashinzwe amasomo ku Rwunge rw’Amashuri rwa Kagugu mu Mujyi wa Kigali. Na we avuga ko n’ubwo iyi gahunda ari nziza, ariko abarimu bo batigze batekerezwaho uko bikwiye, kuko insimburamubyizi bagenerwaga ari nke cyane.

Ati “Amafaranga ntiyari ahagije kubera ko ibihumbi 20 ukwezi kose umwarimu azinduka mu gitondo kandi azi ko bagenzi be bari mu biruhuko, ntabwo insimburamubyizi iba ihagije, nta n’ubwo twabyita insimburamubyizi, twabyita itike kandi na yo ntiyaba ihagije”.

N’ubwo bimeze bityo ariko, aba barium bavuga ko batacitse integer bakomeje kwigisha abana uko bikwiye, ndetse ngo gahunda ikaba yaratanze umusaruro kuko abenshi mu bitabiriye iyi gahunda babashije kwimukira mu myaka yisumbuyeho.

Yezashimwe ati “Twarazaga kuko akazi ni akazi, ntabwo wakwanga akazi kuko ejo cyangwa ejobumdi hari aho umuntu aba azagaruriza. Kandi tuzashyiramo imbaraga umwaka utaha abana ntabwo bazatsindwa”.

Nanone ariko wumvise ibyo uyu mwarimu avuga, watekereza ko noneho mumwaka utaha abarimu bazajya batanga amanita menshi ku bana kugura ngo hatazagira utsindwa bigasaba mwarimu kuzagaruka kumwigisha mu kiruhuko.

Twagerageje kuvugana n’ubuyobozi bw’Urwego rw’igihugu rushinzwe Uburezi bw’Ibanze kuri iyi gahunda ndetse n’umusaruro yaba yaratanze ku rwego rw’Igihugu ariko ntibyadukundira.

Kuva ku wa gatanu tariki 06 Nzeri 2024, Umuyobozi Mukuru wa REB, Dr. Nelson Mbarushimana, yabwiye umunyamakuru wa Kigali Today ko bagikusanya za raporo, amwizeza kuzatanga amakuru ku wa Mbere tariki 09 Nzeri 2024, arikokugeza ubwo twatunganyaga iyi nkuru uyu muyobozi yari atarabasha kwitaba telefoni ye igendanwa.

Ku mashuri twabashije kuganira na yo, batugaragarije ko iyi gahunda nzamurabushobozi yitabiriwe, kuko nko ku Rwunge rw’Amashuri rwa Nyabimata mu Karere ka Nyaruguru, hagombaga kwitabira abana 286, ariko ababashije kuza ari benshi bari 242.

Yezakuzwe akagaragaza ko ababarirwa hagati ya 85% na 90% by’abitabiriye iyi gahunda babashije kwimuka.

Naho ku Rwunge rw’Amashuri rwa Kagugu mu Mujyi wa Kigali, abanyeshuri bagombaga kwitabira iyi gahunda bari 827, ariko ababashije kuza ari benshi bakaba bari 564.

Ubuyobozi bw’iri shuri buvuga ko mu banyeshuri bitabiriye iyi gahunda, 71 gusa ari bo bingeye gusibira mu myaka barimo, kuko batabashije gutsinda ibizamini byatanzwe.

Abarimu twaganiriye, bagaragaza ko abanyeshuri batitabiriye ahanini byaturutse ku babyeyi batumvaga uburyo abana biga mu gihe abandi bari mu biruhuko, ariko hakaba n’abashobora kuba barahuye n’imbogamizi yo guturukakure bajya ku mashuri.

Yezashimwe ati “Inshuro nyinshi hari igihe natumizagaho abana, bakambwira ngo bazaza mu kwa Cyenda amashuri yatangiye, ngo ni ko ababyeyi bababwiye.

Ku rundi ruhande ariko hari abarimu n’ababyeyi bashima iyi gahunda

Baba abarimu ndetse n’ababyeyi twaganiriye, bagaragaje ko iyi gahunda ari nziza, kuko yatumye abana batadindirira mu myaka bigagamo, ngo leta ikomeze kubatangaho amafaranga barium mwaka umwe.

Umubyeyi wo muri Kinyinya mu Mujyi wa Kigali, yagize ati “Iyi gahunda ni nziza kuko utuma umwana atadindira, kandi n’abadindiye bakimuka Leta idakomeje gutakaza amafaranga ku mwana umwe mu mwaka umwe.

Ku ruhande rw’abarimu, Bizimana Servilien ushinzwe amasomo kuri GS Kagugu, agaragaza ko iyi gahunda ari nziza, ariko ko yagakwiye gukorwa mu bihe bisanzwe by’amasomo, bitagombeye gutegereza mu biruhuko.

Ati “Mu busanzwe gahunda ni nziza, ariko yakabaye nziza kurushaho ihujwe n’iminsi isanzwe yo kwiga, abarezi bagashyira imbaraga mu gufasha umwana mu bihe bisanzwe byo kwiga kuko ukwezi kumwe ko mu biruhuko ntiguhagije. Byagabanya n’umutwaro kuri Leta, iyi nsimburamubyizi ntibeho”.

Naho Yezashimwe we ati “Ariko ubutaha bagakwiye kugenera mwarimu ikintu gifatika kuko ni ikiruhuko cyacu baba bafashe. Ni umusanzu twahaye Leta, ariko ubutaha bazongere icyo bagenera mwarimu”.

Ku bijyanye no kuruhuka k’umwana, abarimu bagaragaza ko nta kibazo iyi gahunda yahungabanyije ku biruhuko by’abana, kuko babonaga umwanya uhagije wo gukina, na cyane ko baheraga saa tatu za mugitondo biga bakageza 12h00.

Icyakora ku rundi ruhande, aba barimu bakavuga ko hatabura abana bakurikiraga amasomo bumva batabishaka, ndetse hakaba n’abandi babifataga nk’ibihano na bo bahawe kuko batsinzwe.

Harashakwa uko itegeko ryemerera abana kubona serivisi z’imyororokere ryavugururwa

Ubushakashatsi bwakozwe na Rose Mukantabana, Umunyamategeko wigeze no kuyobora Inteko Ishinga Amategeko y’u Rwanda umutwe w’Abadepite, bugaragaza ko inzitizi ya mbere igaragara muri iri tegeko ari imyaka, aho rivuga ko umwana utarageza imyaka 18 y’amavuko ahabwa serivisi z’ubuzima bw’imyororokere ari uko aherekejwe n’umubyeyi cyangwa se undi umurera.

Rose Mukantabana agaragaza ko iyo ari imbogamizi kuko abana batarageza kuri iyo myaka bakora imibonano mpuzabitsina, kandi bakaba bashobora kwanduriramo indwara cyangwa se bagatera cyangwa bagaterwa inda z’imburagihe.

Rose Mukantabana, Umunyamategeko wakoze ubushakashatsi

Agira ati “Tumaze kubona izo mbogamizi, twatekereje ko Umushingamategeko yagena niba hari imyaka runaka yagenwa, umwana yabona izo serivisi atagombye guherekezwa n’umubyeyi cyangwa undi umurera”.

Isangano ry’abagore baharanira amajyambere y’icyaro (Reseau des Femmes) rivuga ko muri iri tegeko bishoboka ko hazamo irengayobora, kuko hari n’andi mategeko agaragaza irengayobora ku myaka y’ubukure bitewe n’impamvu zitandukanye.

Uwimana Xaverine, Umuyobozi wa Reaseau des Femmes, atanga ingero nko ku itegeko rigenga umurimo aho rigena ko umwana w’imyaka 13 ashobora gusinya amasezerano yo kwimenyereza umurimo, ndetse ugeze ku myaka 16 akaba yemerewe gusinya amasezerano y’umurimo.

Uwimana Xaverine, Umuyobozi wa Reseau des Femmes

Agira ati “Umwana w’imyaka 13 yemerewe gusinya amasezerano yo kwimenyereza umurimo, uwa 16 yemerewe gusinya amasezerano y’akazi ndetse akaba yaryozwa ibyo yangije. Umwana w’imyaka 14 iyo akoze icyaha arahanwa ndetse akajyanwa mu igororero, […] ariko byagera kuri serivisi z’ubuzima bw’imyororokere ntiyemererwe kuzihabwa adaherekejwe n’umubyeyi. Aha rero tugasanga ari imbogamizi ikwiye kuvanwaho”.

Uwimana avuga ko Reseau des Femmes itagamije ko abana b’Abanyarwanda batangira gufata imiti yo kuboneza urubyaro, ko ahubwo ikigamijwe ari uko hashyirwa imbaraga mu gukumira no gutanga amakuru ku buzima bw’imyororokere.

Bamwe mu rubyiruko bahagarariye abandi na bo bashimangira ko ari imbogamizi zikomeye kuba abari munsi y’imyaka y’ubukure badahabwa serivisi z’ubuzima bw’imyororokere uko bikwiye.

Zena Ziada Iragena, umwe mu rubyiruko ruvuga ko iryo tegeko rikwiye kuvugururwa

Uwitwa Zena Ziada Iragena, wo mu Murenge wa Mageragere, asanzwe abarizwa mu muryango w’aba-Guides mu Rwanda, avuga ko ababyeyi ubwabo batabasha kumva impamvu abari munsi y’iyo myaka bakenera izo serivisi z’ubuzima bw’imyororokere.

Ati “Ababyeyi bumva ko ari igisebo mbere yo gutekereza ku burenganzira bwawe nk’umwana ndetse n’ingaruka bishobora kukugiraho”.

Reseau des Femmes ivuga ko ikomeza gukora ubukangurambaga binyuze muri gahunda zitandukanye, mu rwego rwo gushishikariza ababyeyi kujya baganira n’abana ku birebana n’ubuzima bw’imyororokere.

Polisi irasaba abasekirite kurushaho gukora kinyamwuga

Byagarutsweho mu cyumweru gishize, ubwo Ikigo cyigenga Top Sec Investment Ltd, cyasozaga amahugurwa y’abakozi bacyo bashya 95, bagizwe n’abagabo 47 n’abagore 48.

Abasoje aya mahugurwa bavuga ko bahuguwe byinshi birebana no gucunga umutekano w’abantu n’ibyabo kandi bakabikora kinyamwuga, ku buryo bizeye ko nibagera mu kazi bazakora bagamije guhesha ishema ikigo cyabizeye kikabaha akazi.

Uwitwa Gad Onesphore Bikorimana, yagize ati “Amezi atatu uri mu mahugurwa, twize byinshi birimo gusaka intwaro, amategeko ahana y’u Rwanda, ndetse no gutahura abanyabyaha mu buryo ubwo ari bwo bwose. Ibi bizadufasha gukora akazi kacu neza kandi tukakanoza nk’abantu babihuguriwe”.

Umuyobozi Mukuru wa Top Sec Investment Ltd, Mbabazi Matias

Umuyobozi Mukuru wa Top Sec Investment Ltd, Mbabazi Matias, avuga ko iki kigo cyita cyane ku mibereho y’abakozi bacyo mbere y’ibindi byose, ari byo bigishyira mu by’indashyikirwa bitanga serivisi z’umtekano.

Agira ati “Ikigo cyacu kiri professional (ni ikinyamwuga), hariho uburyo bw’imishahara uko yagenwe, rero bitandukanye n’ibyo mwumva by’ahandi. Twebwe turi Top sec! Twita ku buzima bwabo ku buryo umukozi wese ibyo akwiye kubona na bo barabibona, ntabwo ari ibintu biri aho bya rupigapiga”.

Ubwo yasozaga amahugurwa y’abakozi bashya ba Top Sec, SSP Mark K. Muvunyi, Umuyobozi ushinzwe ibikorwa n’iperereza mu Ishami rya Polisi y’Igihugu rishinzwe umutekano w’ibikorwaremezo n’ibigo byigenga bicunga umutekano (ISPSP), yavuze ko ibigo bitanga serivisi z’umutekano bitanga umusanzu ukomeye mu gucunga umutekano w’abantu n’ibyabo, na cyane ko uko ibikorwa remezo bitera imbere ari byinshi bitakorohera Polisi y’u Rwanda kubona abapolisi bacunga umutekano kuri buri nyubako n’ibindi bikorwa remezo.

SSP Mark K. Muvunyi, Umuyobozi ushinzwe ibikorwa n’iperereza mu Ishami rya Polisi y’Igihugu rishinzwe umutekano w’ibikorwaremezo n’ibigo byigenga bicunga umutekano (ISPSP)

Ati “Ibi bigo byaje kugaragara ko bifite umumaro ukomeye kuko Igihugu nticyari kubona abapolisi bahagije bo kurinda buri kigo”.

Abasoje aya mahugurwa bagize icyiciro cya gatanu kuva hashyirwaho itegeko No 16/2020 ryo ku itariki 07/09/2020, ryashyize ibi bigo byigenga bitanga serivisi z’umutekano mu nshingano za Polisi y’u Rwanda, ariko kikaba icyiciro cya 208 kuva Top Sec yabaho.

Muri rusange Top Sec igaragaza ko ubu ifite abakozi bose hamwe babarirwa hafi mu 4,000.

Abasore n’inkumi 95 nibo basoje amahugurwa

Mu gihe bamaze bahabwa amahugurwa bigiyemo byinshi

Urubyiruko rusabwa kugendera ku ndangagaciro zo muri Bibiliya

Ibi ni ibyagarutsweho na bamwe mu bayobozi bagize Umuryango wa Bibiliya mu Rwanda ndetse n’abagize umuryango wa Bibiliya mu Bwongereza, mu mahugurwa yagenewe urubyiruko, agamije kurutoza kuzabamo abayobozi beza bagendera ku ndangagaciro za Bibiliya.

Ni amahugurwa yakozwe mu byiciro bitatu, kuva mu kwezi kwa gashyantare uyu mwaka wa 2024, akaba yarasojwe mu mpera z’icyumweru dishize.

Mouhamed Girma, Umunya-Ethiopia uba mu Bwongereza, akaba kandi umwe mu bagizeumuryango wa Bibiliya muri icyo gihugu wari no mu batanze aya mahugurwa, avuga ko Umugabane wa Afurika wugarijwe n’ibibazo byinshi birimo ruswa ndetse n’amakimbirane atandukanye, bityo ko urubyiruko rwawo ruramutse rutitaweho ngo rwigishwe rwaba ikibazo gikomeye kuri uyu Mugabane.

Agira ati “Urebye iterambere ry’ikoranabuhanga, ukareba ukuntu ikoranabuhanga ubu ryabaye intwaro ikomeye ku rubyiruko rwo hirya no hino mu Isi, urubyiruko rwacu muri Afurika rukeneye kwigishwa indangagaciro nzima. Bitabaye gutyo uru rubyiruko rwaba ikibazo ku Mugabane”.

Mouhamed Girma ariko agaragazako ari ngombwa ko urubyiruko rukoresha ikoranabuhanga, ariko rukarikoresha mu nzira zigamije guteza imbere umugabane.

Ati “Ikoranabuhanga rigeze mu biganza by’umuntu utaratoojwe indangagaciro za Bibiliya byateza ikibazo, ariko rigeze mu biganza by’umuntu wigishijwe ahubwo byaba igisubizo kuruta uko byaba ikibazo. Ibi ni byo turimo kwigisha uru rubyiruko, ngo rukure rugendera ku ndangagaciro ziri muri Bibiliya”.

Mberwa Josue Williams, wo mu Karere ka Rubavu, akaba ari n’umwe mu bakurikiranye aya mahugurwa, avuga ko bayitezeho kumenya kuyobora abakirisitu by’umwihariko urubyiruko, hagamijwe ko ruzavamo abayobozi beza b’ejo hazaza.

Mberwa kandi avuga ko kuba ikoranabuhanga rigenda ritera imbere bituma abenshi mu rubyiruko rudohoka ku gusoma Bibiliya, ariko ko aya masomo yongera kubakebura bagahugukira gusoma ijambo ry’imana no kurishyira mu bikorwa.

Agira ati “Kubera iterambere ry’ikoranabuhanga, urubyiruko ntirusoma ijambo ry’imana, ariko ibyo turimo hano ni ubudyo dushishikariza urubyiruko gusoma ijambo ry’Imana kandi bakarikurikiza. Ni bo bayobozi b’ejo hazaza, nib o bagomba gufata iya mbere mu guhinduka”.

Umunyamabanga Mukuru w’Umuryango wa Bibiliya mu Rwanda, Ruzibiza Viateur, avuga ko kuba Bibiliya ivuga ku bwami bw’Imana, bituma ihinduka inzira abantu bakwiye kugenderaho, bityo ko kugira ngo n’urubyiruko rutegurwe kuzavamo abayobozi beza rukwiye kugndera kuri Bibiliya.

Uyumuyobozi avuga ko aba bahuguwe bitezweho kuzajya kwigisha begenzi babo bari hirya no hino mu Gihugu.

Ati “Tuzi neza ko iyo ijambo ry’Imana ryinjiye mu mutima w’umuntu riba rizagira agaciro mu gice gisigaye cy’ubuzima bwe”.

Ruzibiza yongeraho ko abakiri bato baba bafite umwanya, amahitamo ndetse n’imbaraga, kandi ko iterambere ry’ikoranabuhanga ridakwiye kubabera imbogamizi, ahubwo rikwiye kubabera inzira yo kubyara umusaruro.

Ati “Ikoranabuhanga ubwaryo si ribi, ahubwo ikibazo kiba kuyikoresha. Iyo uyikoresheje ibibi ujya mu bibi, wayikoresha ibyiza ukajya mu byiza. Aha rero ni ho abakuru, abayobozi mu nzego zitandukanye zaba iz’amatorero cyangwa n’imiyoborere isanzwe, bakwiye kwihutira kubana na rwo kugira ngo umuntu abafashe kuyoboka inzira y’ibyiza, bkoreshe iryo kornabuhanga mu nzira zibyara umusaruro”.

Umuryango wa Bibiliya uhuza amatorero na Kiliziya kandi ukaba ufite inshingano zo kugeza ubutumwa bwo muri Bibiliya ku bakirisitu, no kubuherekeza kugira ngo buzane impinduka mu mibereho y’abakirisitu.

Ibi byagarutsweho mu kiganiro Komisiyo y’Amatora yagiranye n’abanyamakuru kuri uyu wa gatanu tariki 30 Kanama 2024, cyari kigamije gutangaza aho ibikorwa byo kwiyamamaza kw’abahatanira kwinjira muri Sena y’u Rwanda bigeze.

Muri iki kiganiro, Perezida wa Komisiyo y’Igihugu y’Amatora, Oda Gasinzigwa, yatangaje ko kugeza ubu ibikorwa byo kwiyamamaza biri kugenda neza nta kibazo cyari cyagaragara.
Ku rundi ruhande ariko, Oda Gasinzigwa yavuze ko hari abaturage batarasobanukirwa impamvu hatorwa Abasenateri, Komisiyo ikaba ikomeje ubukangurambaga.

Yagize ati “Ku kijyanye n’abaturage kumenya aya matora, tuvugishije ukuri hari bimwe usanga umuturage akeneye kumenya amakuru menshi ajyanye n’abasenateri, bakora iki, batorwa bate, bazatumarira iki, n’ibindi”.

Yakomeje agira ati “Turumva rero ari byo turimo gushyiramo imbaraga ubungubu, kugira ngo amatora azagere Abanyarwanda n’ubwo Atari bo babatora mu buryo butaziguye, ariko abayobozi bazajyaho ni abayobozi b’Abanyarwanda. Turemeranya ko Abanyarwanda bakwiriye gukomeza kumenya aya matora”.

Kanda HANO umenye uko amatora y’Abasenateri akorwa

Ubusanzwe Inteko Ishinga Amategeko y’u Rwanda, Umutwe wa Sena, igizwe n’Abasenateri 26. Muri bo, 12 baratorwa aho mu Mujyi wa Kigali hatorwa umusenateri umwe, Intara y’Amajyaruguru hagatarwa babiri, Amajyepfo batatu, Iburasirazuba batatu ndetse n’Iburengerazuba hagatorwa Abasenateri batatu.

Perezida wa NEC, Oda Gasinzigwa, yagaragaje ko Abasenateri bagiye gutorwa bazamara manda y’imyaka itanu ishobora kongerwa, ashimangira ko itegeko riteganya ko ayo matora akorwa mbere y’iminsi nibura 30 ngo manda y’abasenateri irangire.

Umunyamabanga Nshingwabikorwa wa Komisiyo y’Igihugu y’Amatora, Munyaneza Charles, yagaragaje ko aya matora y’Abasenaateri ari aya kane agiye kuba nyuma ya Jenoside yakorewe Abatutsi, nyuma y’aya 2003, aya 2011 n’aya 2019.

Komisiyo y’Igihugu y’Amatora igaragaza ko yakiriye kandidatire 41 z’abashaka kwinjira muri Sena y’u Rwanda, ariko Urukiko rw’Ikirenga rukaba rwaremeje kandidatire 32 gusa, izindi icyenda ntizemezwa kubera kutuzuza ibisabwa.

Imiterere y’ingengabihe y’amatora y’Abasenateri

Komisiyo y’Amatora igaragaza ko kwakira kandidatire z’abifuza kuba Abasenateri bytangiye tariki ya 30 Nyakanga, bikaba byarasojwe tariki 11 Kanama 2024.

Kandidatire zemejwe burundu ku itariki ya 18 Kanama 2024, mu gihe kuva ku wa 24 Kanama kugera ku wa 14 Nzeri harimo ibikorwa byo kwiyamamaza ku bakandida bemejwe.

Biteganyijwe ko tariki ya 16 Nzeri 2024, hazaba amatora y’Abasenateri batorwa hakurikijwe inzego z’imitegekere y’Igihugu.

Tariki ya 17 Kanama 2024, hazaba amatora y’Abasenateri bahagarariye amashuri makuru na za kaminuza bya Leta n’ibyigenga.

Biteganyijwe ko hazatangazwa burundu ibyavuye mu matora y’Abasenateri, bizatangazwa bitarenze tariki 29 Nzeri 2024.

Mu kumurika ubu bushakashatsi, byagaragajwe ko hakenewe uruhare rwa buri Munyarwanda mu kurandura ihohoterwa rishingiye ku gitsina rikorerwa abanyeshuri ku mashuri

Ubuyobozi bw’iri shuri buvuga ko ayo makuru yavuzwe abanyeshuri bari mu biruhuko, ndetse ngo amashuri yongeye gutangira uwo mwarimu ntiyagaruka mu kazi, icyakora umuyobozi wa GS Nyabagendwa, Jean Paul Furayide, akavuga ko atakwemeza ko uwo mwarimu yajyanwe n’ibyo byamuvugwagaho byo gutera inda umunyeshuri.

Ati “Umwarimu yagiye yagiye kwiga muri kaminuza mu kwezi kwa 12 umwaka ushize, mu kwa mbere tuje gutangira ntiyagarutse. Tuza kumva amakuru atubwira ko akurikiranywe n’inzego z’ubugenzacyaha (RIB). Ababyeyi ntabwo bigeze batubwira ku kigo ko umwana yahohotewe na mwarimu. Rero twebwe nk’ikigo ntabwo twabasha kwemeza ko mwarimu ari we wahohoteye uwo mwana, twebwe twagaragaje ko yataye akazi”.

Umuyobozi w’iri shuri yongeyeho ko baganiriye n’umwana bivugwa ko yahohotewe n’umwarimu, ariko bakirinda kwinjira cyane muri icyo kibazo kuko cyari cyaragejejwe mu nzego zibishinzwe, ndetse n’uwakekwagaho kumuhohotera akaba atari ahari.

N’ubwo uyu muyobozi avuga ibi ariko, hari bamwe mu barezi bakorera kuri iri shuri, bavuga ko uwo mwarimu yatorotse ubutabera ubu akaba agishakishwa ngo akurikiranwe.

Abatanga amakuru ku ihohoterwa bakorerwa baracyari bakeya

Ni mu gihe uyu mwana we yakomeje amasomo, ndetse ubuyobozi bw’ishuri bukavuga ko basoje umwaka wa 2023-2024 atarabyara.

Ihohoterwa rishingiye ku gitsina rikorerwa abanyeshuri ku mashuri, ni kimwe mu bibazo bihangayikishije inzego zitandukanye, zivuga ko bitari bikwiye ko umunyeshuri by’umwihariko uw’umukobwa, adakwiye guhangana n’amasomo ngo agerekeho no guhangana n’ihohoterwa akorererwa.

Umuryango Young Women’s Christian Association (YWCA) Rwanda, ufatanyije na Never Again Rwanda, bakoze ubushakashatsi kuri bene iri hohoterwa, bwakorewe mu mashuri yisumbuye yo mu Turere twa Kicukiro na Bugesera, ndetse n’amashuri Makuru abiri yo mu Mujyi wa Kigali.

Ni ubushakashatsi bwagaragaje ko hafi 93% by’abanyeshuri biga mu mashuri yisumbuye, basobanukiwe na politiki yo kurwanya ihohoterwa rishingiye ku gitsina rikorerwa ku mashuri.

37.3% by’abakobwa bahohoterwa mu mashuri ni bo gusa babivuga

Abanyeshuri babajijwe bagaragaje ko ihohoterwa rikunze kwiganza cyane harimo gusambanywa ku gahato, kubakorakora batabishaka by’umwihariko ku myanya y’ibanga ndetse no kubasoma ku gahato, ndetse n’ibindi.

Bamwe mu bagaragajwe n’ubu bushakashatsi nk’abakora iryo hohotera, harimo abanyeshuri bagenzi babo, abarimu ndetse n’abandi babakikije.

Abanyeshuri 59% babajijwe, bagaragaje ko bazi uburyo bwo kugaragaza ihohoterwa bakorerwa, nyamara ariko ubu bushakashatsi bugaragaza ko abatinyuka kurigaragaza ari 37.3% gusa.

Aha ni ho Umuyobozi Mukuru wa YWCA, Uzamukunda Pudentienne, agaragaza ko iki ari ikibazo gikwiye guhagurikirwa n’inzego zose zireberera umuryango Nyarwanda.

Deogratias Tuyisingize, avuga ko hakenewe ubufatanye mu kurandura ihohoterwa

Agira ati “Hakenewe kongera ubukangurambaga kandi tugakurikirana neza ko abana bose abahungu n’abakobwa bigishijwe, umuco wo guhohotera ukaba kirazira mu mashuri yacu. Ubikoze akaba azi ko hari ibihano biteganyijwe, kandi abantu bakareka kurebera ihohoterwa, bakajya babivuga”.

Mu bindi bigaragazwa nk’igisubizo harimo no kwigisha ababyeyi bagakangukira kujya baganira n’abana babo bakababwira ibyo banyuramo mu gihe bari ku mashuri, bityo bakumva harimo ihohotera bakihutira kubimenyesha inzego zibishinzwe.

Bamwe mu bayobora amashuri, na bo bavuga ko umuti w’iki kibazo udakwiye gushakirwa mu mashuri gusa, ko ahubwo inzego zose zigize umuryango Nyarwanda zirebwa na cyo.

Deogratias Tuyisingize, uyobora Urwunge rw’Amashuri rwa Nkanga rwo mu Murenge wa Rweru w’Akarere ka Bugesera, ati “Turareba tugasanga kugira ngo ihohotera rishingiye ku gitsina riranduke, Abanyarwanda bose aho bahurira bakwiye gufata umwanya wo kuryamagana, no gufata ingamba zituma ridakomeza kubaho kuko ribangamira abana”.

Hashize igihe hirya no hino mu Gihugu humvikana abaturage bataka ko bafite umusaruro w’ibikomoka ku buhinzi n’ubworozi, ariko bakaba barabuze isoko ryawo.

Ingero za hafi zirimo iz’abahinzi b’umuceli bo mu kibaya cya Bugarama mu Karere ka Rusizi, bejeje toni zisaga 5000 z’umuceli ariko bakaza kubura isoko.

Iki kibazo cyavuzweho kenshi mu itangazamakuru ariko ntihagira igikorwa, kugeza ubwo Perezida wa Repubulika ubwo yakiraga indahiro z’Abadepite baheruka gutorwa muri Manda ya Gatanu y’abagize Inteko Ishinga Amategeko, yasabaga ko gikurikiranwa.

Akimara kubivuga, hahise hashakwa umuti wihuse, ndetse umusaruro wose w’umuceli uhita ubona ibigo biwugura.

Mu bindi byavuzwe harimo abaturage bo mu Murenge wa Nasho w’Akarere ka Kirehe, bavuga ko bejeje ibitoki byinshi bikaba byarabuze isoko kugeza ubwo bibanekeraho.

Aba baturage ba Kirehe bavuga ko abayobozi ba Koperative babategetse ko ibitoki bizagurishwa ari uko babahaye uburenganzira, kandi ko igitoki kitagejeje ibiro 20 kitemewe kugurishwa.

Hari n’abaturage bavuga ko utanze amafaranga ibihumbi 20 y’u Rwanda ari we ushakirwa isoko ry’umusaruro w’ibitoki, ibintu bo bafata nka ruswa.

Havuzwe kandi ikibazo cy’umusaruro wa karoti mu Burengerazuba bw’u Rwanda, aho abahinzi bavuze ko umufuka waguraga amafaranga ibihumbi 100, bawugurishaga atarenze ibihumbi 25 y’u Rwanda.

Ibi byose kandi bikavugwa mu gihe hari ibindi bice by’Igihugu bene uwomusaruro uba ntawuhari ndetse uhenze ku isoko ryaho, ariko ugasanga abaturage batawujyana ku isoko riwukeneye.

Uretse umusaruro w’ubuhinzi, hari n’aborozi bo mu Murenge wa Gikonko w’Akarere ka Gisagara, bataka igihombo baterwa no kuba batemerewe kugurisha umukamo mu kandi karere cyangwa mu Yindi mirenge.

Abo bahinzi bavuga ko bahabwa amafaranga 220 kuri litiro imwe y’amata, mu gihe igiciro ntarengwa cyashyizweho na MINICOM ari amafaranga 400 kuri litiro y’amata.

Aba baturage kandi bagaragaza ko mu bice baturanye nko mu Karere ka Nyanza, ho umworozi agurirwa amata ku mafaranga 350, nyamara bo bakaba batemerewe kujyanayo umukamo wabo.

Ibibazo by’abaturage bahinga bakabura umusaruro ni byinshi, ariko Dr. Alexis Kabayiza, Umujyanama mu bya Tekiniki muri Minisiteri y’Ubucuruzi n’Inganda (MINICOM), agaragaza ko mu buryo busanzwe, habanza gushaka isoko mbere yo kubona umusaruro.

Mu kiganiro ‘Urubuga rw’Itangazamakuru’ cyo ku Cyumweru tariki 25 Kanama 2024, uyu muyobozi yavuze ko ku bihingwa ngandurarugo, muri rusange ibijyanye no gushaka amasoko y’umusaruro kuva mu ihinga kugera umusaruro ubonetse bikurikiranwa, ariko bikaba byiza ko abahinzi bahinga bafitanye amasezerano n’abaguzi.

Ati “Usibye ko abantu bajya babyirengagiza, ariko ubundi burya habanza isoko. Iyo hatabanje isoko, n’ubundi ntihashobora kubura ikibazo gishobora kuvuka cy’umusaruro waba utabonye isoko”.

Dr. Kabayiza avuga ko nka Minisiteri, buri gihembwe bakora umwitozo wo kugena igiciro kitagibwa munsi, mu rwego rwo kugira ngo abahinzi barusheho kubona inyungu ituma bakomeza guhinga no kuzamura umusaruro.

Yagize ati “Iyo igiciro kimaze kugenwa, habaho kuganira n’abafatanyabikorwa kuko MINICOM ntabwo ari yo ishyiraho igiciro, ahubwo turagitangaza ariko kiba cyashyizweho n’inama ngari irimo inzego zose zifite aho zihuriye n’igihingwa runaka. Ibyo bigatuma umuhinzi aba afite icyizere ko wa muguzi uri buze kumugurira, atari buze kujya munsi ya cya giciro”.

Ku kibazo cy’ibihingwa byinshi byabuze isoko muri iki gihembwe cy’ihinga gishize, Dr. Alexis Kabayiza avuga ko mu Karere kose u Rwanda ruherereyemo habonetse umusaruro mwinshi bitewe n’ikirere cyabaye cyiza, nay o ikaba yaba imwe mu mpamvu zatumye hari abahinzi batabona isoko ry’ibyo bejeje.

Uyu muyobozi akavuga ko iyo bimeze bityo, ikiba gikenewe cyane ari amakuru aturuka mu bahinzi ndetse n’inzego z’ubuyobozi zibegereye, kugira ngo ahabaye ikibazo izo nzego zifatanye kugishakira umuti.

Ati “Hari ubwo amakuru atinda kumenyekana. Nko kuri iyi season MINICOM nta makuru yabonye ku kibazo cy’ibitoki. Ariko muri 2022 na bwo byigeze kubaho, kandi icyo gihe byagaragaye ko harimo abakomisiyoneri ku masoko ndetse n’aho umusaruro uturuka mu baturage. Iyo amakuru batayahanye neza kubera wenda inyungu za bamwe, hari ubwo umusaruro uhirira ku isoko ari mwinshi bigateza ikibazo”.

Ikibazo cy’abakomisiyoneri hagati y’abahinzi ndetse n’abagura umusaruro wabo na cyo kiri mu byakunze kugarukwaho, nka kimwe mu bituma abaturage bahendwa ku musaruro wabo kubera inyungu z’abo bakomisiyoneri ndetse n’abagura umusaruro.

Icyakora Dr. Kabayiza avuga ko abakomisiyoneri nta kibazo bateye, ko ahubwo baramutse bakoranye neza hagati yabo ndetse no hagati yabo n’abahinzi, bagatanga amakuru ya nyayo, nta kibazo cy’isokocyabaho.

Ati “Kugira abakomisiyoneri si ikibazo, ahubwo uburyo bakorana. Urugero niba umukomisiyoneri runaka ahamagaye ati ‘muzane imodoka y’ibitoki, ugasanga hari n’abandi batatu bahamagaye kandi batavuganye, ni ho bisanga imyaka ihuriye ku isoko ari myinshi”.

Ku kibazo cy’abayobozi biha kugena ibiciro by’umusaruro w’ibihingwa wabonetse, Dr. kabayiza avuga ko ibyo Atari byo, ko ahubwo uruhare rw’abayobozi ari ukugaragaza niba hari ikibazo kigashakirwa igisubizo.

Ati “Umuntu ugena ko umusaruro ujya ku isoko si umuyobozi w’aho hantu, ahubwo yakabaye atanga amakuru akagaragaza ko umusaruro wabonetse ariko wabuze isoko. Ah ni ho hari abantu babyihisha inyuma bagamije inyungu zabo”.

Umuyobozi ushinzwe kunoza ubuhinzi muri Minisiteri y’Ubuhinzi n’Ubworozi, Dr. Patrick Karangwa, na we witabiriye ikiganiro ‘Urubuga rw’Itangazamakuru’, yavuze ko hari bynshi Leta ikora mu gufata neza umusaruro uba wabonetse, ariko ko hatabura uwangirika bitewe n’impamvu zitandukanye.

Ati “Umusaruro mwinshi wangirikira mu isarura kuko nta koranabuhanga rigezweho ryifashishwa mu gusarura”.

Uyu muyobozi ariko avuga ko Leta izakomeza gushora imari mu gufata neza umusaruro, ku buryo n’iyo habaho kubura isoko utakwangirika ahubwo waba inyungu ku muturage wabashije kuwubika neza.

Ati “Iyo ubitse umusaruro neza uba ubitse imari. Mu gihe gito abantu baza kugushakiraho umusaruro. Nk’ibinyampeke byumye neza, n’iyo umuguzi utamubona ako kanya, umuhinzi aramutse afite inyubako nziza, umusaruro w’ibinyampeke ni imari ubundi. Ariko kubera ubushobozi bw’abaturage ntibishoboka”.

Umuturage witwa Narcisse Karengera, uyobora Koperative KAIMU, ihinga ibirayi n’ingano mu Murenge wa Muganza w’Akarere ka Nyaruguru, avuga ko bon ta kibazo cy’isoko baheruka kugira ku musaruro wabo, ariko na we akemeranya na Minisiteri y’Ubucuruzi n’Inganda ko umuhinzi akwiye guhinga azi neza aho azagurisha umusaruro.

Agira ati “Abahinzi bahinga batazi ngo bazagurisha nande! Urebye mu murimo w’ubuhinzi, isoko ritekerezwaho ari uko umusaruro wabonetse kandi byari bikwiriye ko umuturage ajya guhinga azi ngo umusaruro azabona azawugurisha hehe”.

Karengera avuga ko ibi bikwiye kugirwamo uruhare rutaziguye n’inzego z’ubuyobozi bw’ibanze, ariko cyane cyane Minisiteri y’Ubucuruzi n’Inganda igakurikirana ko bikurikizwa.

Ati “Minisiteri y’Ubucuruzi n’Inganda isa n’aho idafite ijambo ku bakorana na yo. Kuko Ntabwo Misiteri y’Ubucuruzi ibwira umucuruzi ngo jya kugura ibirayi kwa Karengera, ariko Minisiteri y’Ubuhinzi yo ibwira Karengera ngo hinga ibirayi kandi akabihinga, ndetse ikanamufasha gushaka ibyangombwa bisabwa ngo bizatange umusaruro. Ariko umuntu Karengera azashyira ibirayi ntahari. Umuhinzi rero agatangira gusakuza.

Uyu muhinzi avuga ko gukemura iki kibazo byoroshye, haramutse habayeho ubufatanye bw’inzego zose.

Ati “Gukosora iki kintu ni ibintu byoroooshye abantu babishatse! Abacuruzi b’ibirayi barahari mu Rwanda, abacuruzi b’umuceli barahari, ibyo bigo by’amashuri bagiye kugaburira uwo muceli wo mu Bugarama ntibivutse uyu munsi, ntibitangiye kurya uyu munsi! Abantu bagiye bavuga ngo mu mwaka tweza umuceli ungana gutya, ibigo by’amashuri biri mu karere birya toni zingana gutya …, ntibagombe kubikora ari uko Perezida yavuze ko agiye kubyinjiramo”!

Dr. Karangwa agaragaza ko nko ku musaruro w’ibigori, umusarurougera kuri 13.8% wangirika utaragera ku isoko, mu gihe mu myaka 10 ishize byari hejuru ya 25%. Umusaruro w’umuceli wangirika utaragera ku isoko wo ubarirwa kuri 12.4%.

Ku musaruro w’ibishyimbo hangirika 11.3%, naho inyanya ndetse n’izindi mboga muri rusange hakangirika umusaruro ubarirwa hejuru ya 33.5%

Ati “Banki iba igusaba kugaragaza uko amafaranga azajya aboneka buri munsi, kandi nkanjye abakiriya banjye ni abahinzi baza iyo igihembwe cy’ihinga gitangiye, ubwo bakazongera kugaruka mu gihembwe gitaha”.

Ku rundi ruhande, Alphonse Nshimiyimana, afite ikigo cyitwa ‘Bina Group’ gikora ibintu bitandukanye bikomoka ku musaruro w’ubuhinzi.

Na we agaragaza ko ibigo by’imari ndetse n’amabanki atizera abakora imishinga y’ubuhinzi cyane cyane abo mu kiciro cy’imishinga mito n’iciriritse ndetse n’abo mu cyiciro cy’urubyiruko.

Nshimiyimana ariko avuga ko ibyo byiciro byombi n’ubundi bigoye kwizerwa mu bigo by’imari kugira ngo bibashe guhabwa inguzanyo, kuko ari ibyiciro biba bitaragira ibikorwa byabasha kureshya amabanki n’ibigo by’imari.

Ati “Jyewe ntabwo ndegera bank ingo nsabe amafaranga, ariko jye numvise ko ngomba gukora cyane kuko namaze kubona ko mu buzima busanzwe iyo wakoze banki na zo ziragushaka bitewe n’ibikorwa ufite. Iyo tugenda tubasanga tubasaba amafaranga, ntibakuzi ni ubwa mbere bakubonye, na konti wafunguje nta mafaranga ujya ushyiraho, kukwizera biragoye”.

Ikibazo cy’imishinga y’ubuhinzi cyane cyane iciriritse, yaba iy’abakuze ndetse n’urubyiruko, idahabwa inguzanyo uko bikwiye, gikunze kuvikana hirya no hino mu nzego zitandukanye.

Ku ruhande rw’amabanki, abashinzwe inguzanyo bavuga ko imishinga y’abahinzi iba ikoze nabi ndetse itagaragaza uburyo izishyura inguzanyo, bigatuma banki zitafata icyemezo cyo kuyiguriza amafaranga.

Ku ruhande rw’abahinzi, hari abemera ko koko hari abatazi gutegura imishinga myiza, ariko kandi bakagaragaza ko hari abakozi ba banki badasobanukiwe urwego rw’ubuhinzi,ku buryo bibagora kumva imishinga y’ubuhinzi.

Munyakazi ati “Niba umuntu akorera muri banki akaba yarize icungamari, usanga nta bumenyi buhagije na we afite ku birebana n’ubuhinzi. Ni bake baba bumva neza iby’ubuhinzi ukaba wamusobanurira ntabyumve”.

Ku cyo kuvuga ko hari abahinzi badasobanukiwe ibyo gutegura imishunga yahabwa inguzanyo, Munyakazi agira ati “Umubare munini ni abahinzi batize, baba bafite imbogamizi zo gukora imishinga. Urubyiruko rwize ntirukunda ubuhinzi kandi ni bo bazi gutegura imishinga”.

Ikibazo cy’inguzanyo ku mishanga y’ubuhinzi kiri mu byaganiriweho mu ihuriro ry’Urubyiruko rukora ubuhinzi n’ubworozi rugamije isoko (RYAF), ryabaye kuri uyu wa Kane tariki 22 Kanama 2024, hagamijwe gukemura imbogamizi urubyiruko ruri mu buhinzi rugihura na zo.

Jean Marie Vianney Rwiririza, Umuyobozi Nshingwabikorwa wa RYAF, yagaragaje ko banki zidakwiiriye gufata urubyiruko rwose kimwe, kuko hari abamaze gusobanukirwa neza imishinga yabo y’ubuhinzi, bagahinga bafite amasezerano kandi bakayubahiriza.

Ati “Abongabo bakeneye ibigo by’imari bibaha amafaranga kugira ngo ibyo bakora babyongerere agaciro kandi bakore byinshi ngo bahaze isoko, ariko hari n’abakeneye guherekezwa”.

Banki Nkuru y’u Rwanda na yo yemera ko ikigero cy’inguzanyo zijya mu rwego rw’ubuhinzi kikiri hasi ugereranyije no mu zindi nzego, ariko ko nka Banki Nkuru y’Igihugu hakorwa ibishoboka byose ngo izo mbogamizi zigabanuke.

Guverineri wungirije wa Banki Nkuru y’u Rwanda, Soraya Hakuziyaremye, avuga ko izi mbogamizi zigomba gukemuka binyuze mu gushishikariza abakora ubuhinza kwitabira gahunda y’ubwishingizi bw’ibihingwa, kuko ari byo byaha banki icyizere.

Uyu muyobozi kandi agaragaza umushinga (Commercialization and De-risking for Agricultural Transformation Project - CDAT) witezweho guteza imbere ubuhinzi bugamije ubucuruzi no kugabanya ibibuhungabanya, nka kimwe mu bisubizo byo kuzamura imishinga y’ubuhinzi binyuze mu kuyiha inguzanyo ku nyungu ntoya.

Agira ati “Ntabwo twashishikariza banki gutanga inguzanyo mu rwego tubona ko yahomba. Ubwo bwishingizi ndetse n’ubundi buryo bwo gufasha abanzi kubona inguzanyo ku nyungu nto ni ngombwa, ariko tugakomeza no gufasha abahinzi tubahugura ku mishanga y’ubuhinzi no gucunga imari, hamwe no gukora imishinga itanga icyizere ku mabanki”.

Muri rusange abantu bakora ubuhinzi bugamije amasoko, baba urubyiruko cyangwa abakuru, barashishikarizwa guhinga ari uko bamaze kubona isoko, kuko ari bwo bahinga bakurikije ibikubiye mu masezerano bagiranye n’uwabahaye isoko.

Ku buyobozi bwa RYAF, ibi ngo byatuma hirindwa ibibazo byo guhinga hanyuma umusaruro wamara kuboneka ugsanga abahinzi bataka kubura isoko ryawo.

N’ubwo bimeze bityo ariko, bamwe mu bashinzwe gutera imiti yica umubu mu nzu z’abaturage bavugwaho guteramo mucyeya cyangwa se ngo bagateramo amazi, hanyuma umuti bakawigurishiriza.

Ni imigirire n’abashinzwe gukurikirana ibi bikorwa na bo ubwabo bemeza ko bazi ko bikorwa, ndetse ko hari benshi babifatiwemo bagashyikirizwa inzego zibishinzwe, bamwe bakanakurikiranwa n’ubutabera.

Minisiteri y’Ubuzima yo ivuga ko abagaragarwaho iyo migirire Atari benshi, ariko ko bidakwiye kuko ikoma mu nkokora imbaraga Leta y’u Rwanda iba yashyize mu bikorwa byo kurwanya Malariya.

Abaturage bo mu Kagari ka Gakamba, Umurenge wa Mayange, ndetse n’abo mu Kagari ka Murama, Umurenge wa Nyamata, mu Karere ka Bugesera bari bamaze ibyumweru bibiri gusa baterewe imiti mu nzu, ariko bakomeza kubona umubu mu nzu kandi mbere umubu wamaraga igihe warashize.

Hategekimana Sylvestre wo muri Gakamba, yagize ati “Hashize nk’ibyumweru bibiri badutereye, ariko n’ubu ugeze munzu ku kagoroba, umubu uba uduhira. Gusa nanone si mwinshi cyane nka mbere y’uko batera”.

Hategekimana yongeyeho ati “Sinamenya niba bayigurisha kuko iyo baje gutera twe badusaba gusohora ibintu, ubundi utera akinjira munzu agakinga, agafungura umuti agatera. Iyo arangije ni bwo twongera gusubira mu nzu”.

Uwitwa Mwalimu (Izina twahinduye) wo mu Kagari ka Murama mu Murenge wa Nyamata, muri 2021 hari umwe mu bashinzwe gutera imiti wari waje kumuterera umuti mu nzu.

Twamubajije ku bivugwa ko bateramo amazi aho gutera umuti, ararahira arirenga, ati “Ibyo si byo. Nta n’ubwo byashoboka kuko buri wese baba bamuhaye amasashi ahwanye n’ingo agomba gutera”.

Nyuma yo kugerageza gushaka amakuru kuri icyo gikorwa gisa n’ubujura bw’imiti yagenewe kwica umubu bikanga, nacite intege mfata umwanzuro wo kubirekera aho.

Vuba aha mu ntangiriro z’uyu mwaka wa 2024, nanone twongeye kumva amakuru y’igurishwa ry’imiti yagenewe guterwa mu nzu ngo yice umubu, mu rwego rwo kurwanya malariya mu turere ikunze kwibasira cyane, harimo utwo mu Burasirazuba, Amajyepfo ndetse n’Umujyiwa Kigali.

N’ubwo igikorwa cyo gutera imiti cyari cyasojwe mu mpera z’umwaka ushize wa 2023, bamwe mu baturage bo mu Murenge wa Gashora mu Karere ka Bugesera batangaje ko imiti basigaye batererwa mu nzu itandukanye cyane n’iyaterwaga mu bihe bya mbere iyi gahunda igitangira.

Angelique Umuhoza wo mu Mudugudu wa Rushubi, Akagari ka Kagomasi, Umurenge wa Gashora, yatubwiye ko imiti baheruka gutererwa mu nzu itabashije kwica umubu nk’uko byari bisanzwe mbere.

Ati “Jyewe uko mbibona ntabwo ari nka kera, kuko kera barateraga bikamera neza ariko ubu umubu ihita iza malaria ikaba nyinshi. Turasaba ko bagarura imiti ifite ubukana nk’iya kera”.

Uyu muturage yatubwiye ko n’ubwo nta makuru ahagije abifiteho, na we ubwe yigeze kumva ko hari bamwe mu bashinzwe gutera imiti bayiba bagateramo umuti mukeya cyane bafunguje amazi menshi.

Ati “Narabyumvaga ariko ntabwo mbizi neza. Numvaga bavuga ko ngo hari igihe baza wenda bagafata amazi menshi bagashyiramo umuti mukeya, bityo akaba ari byo atera”.

Mugenzi we Uwambaye Marie Gloriose, na we ati “Malaria ino aha irahari, nk’ubu nijoro iyo wicaye mu rugo, umubu iba iduhira. Muzatuzanire imiti ifite ubukana bukaze, kuko iriya nta cyo yamaze”.

Ku birebana n’abashinzwe kuyitera bashobora kuba bayiba bagateramo amazi, Uwambaye ati “Simbizi niba batubura. Ubundi urebye umuti badutereye uyu mwaka wari unameze nabi, ntabwo wari umeze nk’ushize kuko ubundi barantereraga mu nzu yanjye haba ibiheri bigapfa, ariko ubu nta na kimwe cyigeze gipfa! Ahubwo bamaze gutera birushaho kuba byinshi”.

Ubujura bw’imiti yica umubu buvugwa cyane mu bashinzwe gutera iyo miti mu nzu, ari na bo bajyanama b’ubuzima. Abenshi mu bo twaganiriye birinze kugira icyo batangaza kuri ibyo bivugwa byo kwiba imiti.

Nk’umujyanama w’ubuzima wo mu Mudugudu wa Taba, Akagari ka Kagenge mu Murenge wa Mayange w’Akarere ka Bugesera, yabwiye umunyamakuru, ati “Ibyo byo ntabwo nabimenya, kuko buri wese aba afite umubare w’ingo ari butere, ndetse n’umubare w’amacupa y’umuti ari butere. Ubwo rero uwawiba sinzi icyo yatera mu nzu”.

Twavuganye kandi n’umuturage witwa Bisangwa, uri mu bigeze kuba mu itsinda ry’abatera imiti mu nzu. Uyu yemeye ko hari igihe cyageze imiti itangira kudaterwa uko bikwiye, bitewe n’impamvu zitandukanye zirimo imikorere y’abayoboraga abashinzwe gutera imiti.

Avuga ko imikorere yabo mibi yari ishingiye ku gukoresha akazi kavunanye abashinzwe gutera umuti mu nzu, aho nk’utera imiti yasabwaga kwirirwa azenguruka atera imiti mu nzu z’abaturage, yaba hari iyo agaruye ku mpamvu z’uko yabuze bene izo ngo, agafatwa nk’umunebwe cyangwa se utabashije gugera ku ntego zari zigamijwe.

Ati “Ubwo rero niba ugaruye umuti bakagufata nk’umunebwe, nyuma y’aho kugira ngo bidafatwa gutyo ‘uratekinika’, ugashaka aho ushyira uwo muti”.

Aha ariko uyu muturage ntiyeruye ngo yemere ko uko ‘gutekinika’ bikorwa ari ukugurisha wa muti wasigaye.

Uyu muturage kandi yatwemereye ko hari impamvu nyinshi zishobora gusunikira ushinzwe gutera umuti kuwugurisha, zirimo nko kuba yateye inzu yari agenewe gutera uwo munsi akazirangiza agifite imiti itarakoreshwa kandi yumva yaziteye neza, kuba hari aho yagombaga gutera umuti ariko akababura, kuba yabyumvikanyeho n’umukuriye bakumvikana ko batera muke undi bakawugurisha ndetse n’izindi.

Ni byo rwose imiti iragurishwa

Kigali Today yavuganye na Frank Ndibwirende, ushinzwe gukurikirana ibikorwa byo gutera imiti yica umubu mu nzu z’abaturage mu Bitaro bya Nyamata byo mu Karere ka Bugesera, yemeza ko hari bamwe mu bajyanama b’ubuzima bagiye bafatirwa mu bujura bw’iyi miti.

Agira ati “Hari abo twafashe ariko ntabwo ari benshi! Iyo yagaragaye aramenyekana, ubuyobozi bw’umurenge bukanamukura mu bajyanama b’ubuzima. Hari n’abafungwa”.

Ndibwirende kandi yabwiye Kigali Today ko uyu muti uhenze, ndetse ikaba yaba ari yo mpamvu yasunikira bamwe gushaka kuwugurisha, uretse ko ngo hariho komite zishinzwe ku bikurikirana ku rwego rw’umurenge, ku buryo ababikora atari benshi.

Ati “Uyu muti ni imari! Urumva amakuru batubwira ni uko bawugurisha bakabaha ibihumbi 15 by’amafaranga y’u Rwanda ku icupa rimwe. Hari n’abaturage ubwabo babatereta ngo bawutera mu nyanya. Urahenze uriya muti. Ndumva ugura amadolari ya Amerika umunani”.

Hamwe mu hakekwa ko aba bantu bagurisha iyi miti n mu bahinzi cyane cyane abaginga imboga nk’inyanya, intoryi, amashu ndetse n’izindi.

Nyamara ariko iyo uganiriye na bamwe mu bahunzi b’imboga, ntawemera ko imiti bakoresha baba koko bayigura n’abajyanama b’ubuzima.

Hari umuhinzi uhinga inyanya ku nkengero z’Ikiyaga cya Cyohoha mu Karere ka Bugesera, wabwiye Kigali Today ko ayo makuru atari ukuri, kuko hari amaguriro asanzwe y’imiti ikoreshwa mu buhinzi.

Yagize ati “Ibyo jyewe sinabimenya, kuko imiti tuyigura ahantu hazwi. Niba hari abayigura n’abajyanama jyewe simbazi, ariko jyewe ngurira ku maduka acuruza inyongeramusaruro azwi”.

Ikigo cy’Igihugu gishinzwe kwita ku Buzima (RBC), kigaragaza ko iki kibazo na bo bakizi, ariko ko ababikoze ari bakeya akandi na bo bakaba baragiye bafatwa mu bihe bitandukanye.

Umuyobozi mu Kigo gishinzwe Itumanaho mu by’Ubuzima, akaba ari n’umuvugizi wa Minisiteri y’Ubuzima, Julien Mahoro Niyingabira, avuga ko n’ubwo hari abafashwe bagerageza kwiba iyo miti yagenewe guterwa mu nzu z’abaturage, batagifata nk’ikibazo kiremereye.

Ibi babishingira ku kuba ibipimo bya malaria byaragiye bigabanuka uko imyaka yagiye itambuka, kandi bigizwemo uruhare n’iyi gahunda yo gutera imiti.

Uyu muyobozi ariko avuga ko n’ubwo yaba ari umuntu umwe ugerageza kubangamira iy gahunda, bidakwiye kwihanganirwa.

Agira ati “N’ubwo rwaba ari uruhare rutoya, ntabwo rukwiye kwemerwa. No kuvuga ngo hari urugo rumwe rw’umuturage rutabashije gutererwa umuti, bikwiye gutera ikibazo, bikwiye kumvikana ko hari amahirwe aba abujijwe umuturage yo kwirinda kurwara cyangwa se kurwaza malariya. Ni igikorwa cyo kurwanywa”!

Julien Mahoro Niyingabira avuga ko Leta y’u Rwanda ikoresha imbaraga nyinshi cyane kugira ngo iyi gahunda yo gutera imiti yica umubu ishoboke, ari nay o mpamvu iyi gahunda ibaho inshuro imwe mu mwaka.

Uyu muyobozi akaba avuga ko Guverinoma ishoramo miliyoni zisaga 30 z’amadolari ya Amerika (Ni hafi miliyari 30 mu Manyarwanda), buri mwaka.

Imibare ya RBC igaragaza ko malariya yagiye igabanuka cyane, kuko nko mu mwaka wa 2016-2017, imibare yerekanaga ko ku bantu 1000, abarwaye malariya bari 409.

Ni mu gihe imibare yo mu mwaka ushize wa 2022-2023, ku bantu 1000, abarwaye malariya bari 47.

Twagerageje kuvugana n’Urwego rw’Igihugu rw’Ubugenzacyaha (RIB), ngo ruduhe imibare y’abantu bafatiwe muri ibi bikorwa byo kugurisha imiti yagenewe guterwa mu nzu z’abaturage hirindwa Malariya, ariko ntibyadukundiye.

Umuvugizi w’uru Rwego Dr. Murangira B. Thierry, yadusabye ko twamuha ubutumwa bw’ibyo twifuza ko baduha, ariko kuva twamuha ubwo butumwa ntiyongeye kutuvugisha.

Gusa hari amakuru twahawe n’Ibitaro bya Nyamata muri Bugesera, avuga ko mu cyiciro giheruka cyo gutera imiti cyabaye mu kwezi k’Ugushyingo 2023, hari abaturage bafatiwe muri ibi bikorwa, cyane cyane mu Mirenge ya Shyara na Ngeruka.

Abo bose ngo bashyikirijwe RIB kugira ngo bakurikiranwe.

Andi makuru ni ay’uko iyo hari ufatiwe muri ibi bikorwa byo kugurisha iyi miti, ahita akurwa mu bajyanama b’ubuzima, kuko aba yateshutse ku ndangagaciro yo kuba inyangamugayo.

Mu minsi mike ishize, humvikanye inkuru y’abaturage bo mu Murenge wa Nyarugenge w’Akarere ka Bugesera, bagaragazaga ko abagore barimo n’abahetse abana badafite abagabo cyangwa se abandi barara irondo mu mwanya wabo, kandi bakaba badafite amafaranga y’umusanzu w’irondo basabwa kurirara.

Abo baturage bagaragaje ko iyi migirire ibangamye, kuko kuba umugore uhetse umwana yajya kurara ku irondo bishobora kugira ingaruka kuri uwo mwana ahetse.

Bamwe mu bagore bo muri uyu murenge babwiye TV1 ko kurara irondo basize abana b’impinja mu ngo cyangwa se abandi babahetse Atari amahitamo, ko ahubwo ari nta kundi babigenza.

Umwe yagize ati “Ndara irondo rwose, ni nk’aho ari jyewe ubayobora. Tukageza mu gitondo tugenda tuzenguruka”.

Undi ati “Ipantaro ndayambara, ngafata inkoni, ngafata igitenge, ngafata n’iri koti ryange ngakubitamo n’ingofero tukajya ku mutekano”.

Undi na we ati “Abagore ni benshi hano barara irondo, ariko cyane cyane abapfakazi, ndetse n’abafite impinja bakaziheka bakajya ku irondo”.

Mu by’ukuri ni nde wemerewe kurara irondo?

Minisiteri y’Ubutegetsi bw’Igihugu, igaragaza ko hashingiwe ku mirongo ngenderwaho yerekeye gutunganya imicungire y’irondo mu Gihugu, hariho irondo ry’umwuga ndetse n’irondo ritari iry’umwuga.

Ugendeye ku byo aba baturage bo mu Bugesera bavuga, birumvikana ko irondo bakora ari iritari iry’umwuga.

Ingingo ya gatandatu y’imirongo ngenderwaho yerekeye gutunganya imicungire y’irondo mu Gihugu, ivuga ko irondo ritari iry’umwuga, rikorwa n’umwe mu bagize umuryango ufite kuva ku myaka 18 ariko utarengeje imyaka 55 y’amavuko.

Icyakora umuturage ufite ubumuga cyangwa uburwayi bukomeye butamwemerera kurara irondo ariko afite icyemezo cya muganga wemewe na Leta asonerwa kurara irondo.

Aya mabwiriza agenga imitunganyirize y’irondo, avuga ko abaturage bakora imirimo itabemerera kurara irondo bitewe n’imiterere yayo, bo batanga umusanzu utari munsi y’amafaranga y’ u Rwanda 500 ariko utarenga amafaranga 1,500 ku kwezi.

Uyu musanzu ukaba wemezwa n’inteko y’abaturage hashingiwe ku bushobozi bw’abawutanga, kandi na bwo bakishyura umusanzu aho batuye gusa.

Ku bijyanye no kuba hari aho abagore bahetse abana basabwa kurara irondo, Minisiteri y’Ubutegetsi bw’Igihugu igaragaza ko hashingiwe ku biteganywa n’ingingo yavuzwe haruguru, irondo ritari iry’umwuga rirarwa n’umwe mu bagize umuryango ufite imyaka hagati ya 18 na 55 hatitawe ku kuba yaba ari umugabo cyangwa umugore.

Joseph Curio Havugimana, ushinzwe itumanaho muri Minisiteri y’Ubutegetsi bw’Igihugu, avuga ko umugore uhetse umwana atemerewe kurara irondo kuko bivuze ko n’uwo mwana yaba ariraye kandi atarageza ku myaka 18.

Ati “Dushingiye ku biteganywa n’iyi ngingo ya gatandatu, umugore uhetse umwana ntiyemerewe kurara irondo kuko bivuze ko n’uwo mwana yaba araye irondo kandi atarageza ku myaka 18. Icyakora ntibivuze ko umugore ufite umwana muto atagira uruhare mu gucunga umutekano”.

Minisiteri y’Ubutegetsi bw’Igihugu igaragaza ko uburyo bwiza bwo kuba umugore ufite umwana muto yagira uruhare mu gucunga umutekano kandi bunateganywa n’aya mabwiriza, ari ukwishyura umusanzu utari munsi y’amafaranga 500 ariko utarenze amafaranga 1,500.

N’ubwo aya mafaranga yashyiriweho gufasha ubuyobozi bw’Akagari kubonera abanyerondo ibikoresho by’irondo, hirya no hino mu Gihugu abaturage bakunze kumvikana bagaragazako ahenshi ubuyobozi bufatira ku mafaranga menshi agenwa n’aya mabwiriza ari yo 1,500, nyamara hari aho abera menshi abaturage ntibayabone.

Nk’aha mu Karere ka Bugesera mu Murenge wa Nyarugenge, abaturage bagaragaza ko bakurikije ubushobozi bwabo bagakwiye kwishyura amafaranga 500, ariko ubuyobozi bukaba bubishyuza amafaranga 1,500.

Muri Kayonza ho hari aho abagore biyemeje kwicungira umutekano

Mu gihe abo mu Karere ka Bugesera bavuga ko babangamirwa no gusabwa kurara irondo bahetse abana, mu Karere ka kayonza mu Murenge wa Kabare, ho hari abagore bishyiriyeho uburyo bwo gucunga umutekano ku manywa mu Mudugudu wabo, bakavuga ko byabafashije guhashya ubujura n’izindi ngeso mbi zakundaga kuharangwa.

Ubu buryo bwo kwicungira umutekano ku manywa bwatangiye muri 2022 mu Mudugudu w’Umuremampango mu Kagari ka Cyarubare, aho nibura muri buri Sibo ku manywa iba ifite abagore bazenguruka Umudugudu wabo, bafite inkoni. Iyo bahuye n’umuntu batazi muri izo ngo, bakakubaza uwo uri we n’aho ugiye, ibintu bemeza ko bakorana ikinyabupfura mu buryo bwo kwicungira umutekano wo ku manywa wari warazambijwe n’abajura.

Hari kandi abagore bo mu kibaya cya Bugarama mu Karere ka Rusizi, bigeze gusaba ubuyobozi ko na bo bajya bifashishwa mu gutanga umusanzu wabo mu kwicungira umutekano, binyuze mu kurara irondo aho guharirwa abagabo gusa.

Mu kiganiro n’itangazamakuru kuri uyu wa Gatatu, Guverineri wa BNR, John Rwangombwa, yavuze ko byatewe n’uko ibiciro ku masoko biri ku rwego rwiza, kuko muri uyu mwaka izamuka ryabyo ritazarenga 5%.

Guverineri Rwangombwa yavuze ko Banki Nkuru y’u Rwanda ishima ko umuvuduko w’ibiciro ku isoko wasubiye hasi, kuko wavuye kuri 4.7% mu gihembwe cya mbere cy’uyu mwaka wa 2024, ukaba ugeze kuri 5.1%, ndetse hakaba hari icyizere ko uyu muvuduko utazarenga 5% muri uyu mwaka wose ndetse n’utaha wa 2025.

Guverineri Rwangombwa akavuga ko iyi ari imwe mu mpamvu zatumye BNR igabanya inyungu fatizo, ikava kuri 7% ikagera kuri 6.5, kugira ngo igendane n’imiterere y’ubukungu.

Yagize ati “Nk’uko mubizi twari twabizamuye mu myaka ibiri ishize kubera ibibazo by’ibiciro ku masoko twabonaga umuvuduko ukabije. Ubu rero kubera ko wagabanyutse uri aho twifuza, twasanze ari ngombwa ko dukomeza kumanura uru rwunguko rwa Banki Nkuru y’Igihugu”.

Muri rusange BNR igaragaza ko urwego rw’imari mu Rwanda ruhagaze neza, haba ku mari shingiro ibigo by’imari bifite, uburyo bibonamo inyungu ndetse ubwiza bw’inguzanyo ibigo by’imari bitanga.

Ati “Ni urwego tubona ruhagaze neza mu bipimo byose, bitugaragariza ko nta mpungenge y’uko habaho guhungabana uko ari ko kose ku rwego rw’imari cyangwa se ibigo by’imari mu Gihugu cyacu”.

BNR igaragaza ko ku rwego mpuzamahanga, mu mwaka wa 2022, umuvuduko w’izamuka ry’ibiciro ku masoko wari warenze igipimo cya 8%, mu mwaka ushize wa 2023 uragabanuka ugera kuri 6.7%, mu gihe muri uyu mwaka byitezweho kugabanuka bikagera kuri 5.9%, mu gihe mu mwaka utaha byitezwe ko bizagera kuri 4.4%.

Guverineri Rwangombwa avuga ko iri gabanuka rigaragaza ko ikibazo cy’umuvuduko w’ibiciro ku masoko u Rwanda rwaterwaga n’ibyo rutumiza hanze ugenda ugabanuka, ari na byo bituma ibiciro ku masoko yo mu Rwanda na byo bigenda bigabanuka.

Ati “Umutekinisiye yageze kuri terrain numva arampamagaye ati ‘ese ubutaka bwawe twapimye ko ntabubona aho twabupimye! Urabizi neza ko kiriya kibanza ari icyawe”?

Uwo mugenagaciro yamugaragarije ko ubuso buri ku cyangombwa cy’ubutaka ntaho buhuriye n’ubuso bw’ubutaka uyu Ndacyayisenga yitaga ubwe.

Ndacyayisenga yabwiye Kigali Today ko ikibazo cyari cyabayeho ari ukwibeshya ku bakozi batanga ibyangombwa by’ubutaka mu Karere ka Gasabo, kwatumye Ndacyayisenga ahabwa icyangombwa cy’ubutaka bw’umuturanyi we, kandi uwo muturanyi na we akaba yari yarahawe icyangombwa cy’ubutaka bw’undi muturanyi, uwo na we akagira icyangombwa cy’ubutaka bwa Ndacyayisenga.

Nyuma yo kubona aho amakosa yabaye, ishami rishinzwe ubutaka mu Karere ka Gasabo ryarabikosoye buri wese ahabwa icyangombwa gihura neza n’umutungo we.

Ati “Twaje guhurira ku Karere twese, baradusobanurira kandi batubwira ko ari ibintu bijya bibaho, hanyuma barabikosora”.

Ikibazo Ndacyayisenga yahuye na cyo, ni kimwe mu bindi byinshi abaturage bakunze kugaragaza ko bahura na byo mu kubona no gutunga ibyangombwa by’ubutaka bwabo.

Agendeye ku gihe byamutwaye ngo abone icyangombwa gihura neza n’ubutaka yaguze, Ndacyayisenga agira inama abantu bose bagura ubutaka cyangwa se basanzwe babufite ariko hakagira amakuru ahinduka kuri bwo, kujya bihutira kureba neza niba ibyangombwa bafite bihuza amakuru na rejisitiri y’ubutaka, bityo bakaba bazi ko ibyangombwa batunze bihura neza n’ubutaka bafite.

Icyakora ibyo bibazo byose, ubuyobozi bw’Ikigo cy’Igihugu gishinzwe Ubutaka, kigaragaza ko byabonewe umuti, nyuma y’uko iki kigo gitangiye gutanga ibyangombwa koranabuhanga by’ubutaka (E-title), aho amakuru yose arebana n’ubutaka ubu abarizwa muri rejisitiri y’ubutaka.

Umuyobozi Mukuru w’Ikigo cy’Igihugu gishinzwe Ubutaka, Marie Grace Nishimwe, asaba abatunze ubutaka bose kwizera rejisitiri y’ubutaka kurusha kwizera ibipapuro batunze bigaragaza ko bafite ibyangombwa by’ubutaka.

Ati “Igipapuro umuntu ashobora kugihimba, ariko rejisitiri wowe ujyamo ukarebamo, bigatuma umenya amakuru nyayo arebana n’ubutaka bwawe. Icyo rero ni icy’ingenzi ko abatunze ubutaka bamenya ko amakuru nyayo aba muri rejisitire y’ubutaka ataba ku gipapuro”.

Uyu muyobozi ariko na we yemera ko mu bihe bitandukanye hagiye humvikana abantu bahindura amakuru ari ku byangombwa by’ubutaka, bagamije gukora ibyangombwa bihimbano, cyangwa bagahimba impapuro zibemerera guhererekanya umutungo (procuration).

Nishimwe avuga ko rejisitiri y’ubutaka itinjirwamo na buri muntu wese ngo agire icyo ahindura, ko ahubwo yinjirwamo n’abakozi bafite uburyo binjiramo kandi ikagira uburyo buri wese aba afite icyo akoramo runaka, cyarangira agahereza undi.

Ati “Ntabwo nshobora gushyiramo nka dosiye y’ihererekanya ry’ubutaka hanyuma ngo nyikoreho mbe ari nanjye uyirangiza nshyireho umukono. Ntabwo ibyo bishoboka muri sisiteme. Ni ukuvuga ngo iyo nshyize dosiye muri sisiteme, hari aho ngera ikambwira ko ububasha nari mfite burangiye, ubwo nkaba nyihereje undi muntu na we akayikoraho icyo agomba kuyikoraho kugeza irangiye”.

Akomeza agira ati “Ibyo nibura bitanze umutekano ko umuntu adashobora kwinjira muri rejisiitiri y’ubutaka ngo agire ibyo ahindura (edit) byose bizarangire nta wundi muntu ubibonye. Ntabwo byakunda”.

N’ubwo nta mibare y’abantu bafatiwe mu byaha byo guhindura ibyangombwa by’ubutaka cyangwa guhimba inyandiko zibemerera gukora ihererekanya (procuration), Madamu Nishimwe agaragaza ko ku bufatanye n’izindi nzego ababifatiwemo bagiye bashyikirizwa ubutabera, bakurikiranyweho ibyaha birimo no gukora no gukoresha inyandiko mpimbano.

N’Ibibazo nk’ibi kandi byakunze kumvikana mu gutanga ibyangombwa byo kubaka, aho Leta yashyizeho uburyo bw’ikoranabuhanga bwo gutanga ibyo byangombwa, ariko hakaba hari abakozi binjiraga muri iyo sisiteme bagahindura amakuru, umuntu akaba yahabwa icyangombwa cyo kubaka nyamara ubutaka bwe buri mu gice cyahariwe ubuhinzi.

Ibi byanatumye hari abaturage benshi bagiye basenyerwa, bashinjwa kubaka ahatemewe, byanatumye mu mwaka ushize wa 2023, Inteko Ishinga Amategeko Umutwe w’Abadepite waratumije uwari Minisitiri w’Ibikorwa Remezo, Dr. Ernest Nsabimana, ngo asobanure ibibazo byari mu byangombwa byo kubaka.

Icyo gihe Abadepite bagaragaje ko hari abakozi batangaga ibyangombwa bahabwaga ruswa, bakinjira muri iyo sisiteme bagahindura amakuru, hanyuma ubutaka bakabugira ubwo guturaho nyamara bwari mu buhinzi, hanyuma umuturage akagenda akubaka, nyuma akisanga bamusenyeye.

Dr. Nsabimana icyo gihe yavuze ko sisiteme y’ikoranabuhanga yakoreshwaga koko yari ifite ibibazo bitandukanye, ariko ko bimwe muri byo byari byaratangiye gukemuka.

Ati “Icyo twabwira Abanyarwanda ni uko sisiteme izakomeza kunozwa kandi ikoroshywa ku buryo abantu babasha kuyikoresha”.

Marie Grace Nishimwe uyobora Ikigo cy’Ubutaka, avuga ko kuba ibyangombwa bisigaye bitangwa mu buryo bw’ikoranabuhanga nta mpungenge bikwiye gutera, kuko amakuru y’umwimerere aba ari muri rejisiitiri y’ubutaka.

Ati “Ibintu byose bikorewe ku butaka bigomba kuba biri muri rejisitiri y’ubutaka. Niba ari ingwate, iyo yanditswe mu Rwego rw’Igihugu rw’Iterambere (RDB), RDB itanga amakuru muri rejisitiri y’ubutaka, kandi iyo ayo makuru arimo, ku rubuga Irembo ntushobora kuba wahererekanya ubwo butaka. Irembo rifite uburyo rifunga ibibanza byatanzweho ingwate”.

Ikigo cy’igihugu cy’Ubutaka gisaba abantu bose bafite amakuru yahindutse ku butaka bwabo, cyangwa se ababufite ariko butabanditseho kwihutira kubwandikisha.

Naho abatekereza ko hari ikibazo cyaba cyarabaye ku butaka bwabo, barasabwa kwegera iki kigo bagahabwa ubufasha, cyangwa se bakareba amakuru ari muri rejisitiri y’ubutaka niba ahura neza n’ubutaka afite, basanga hari ibidahura akegera iki kigo agafashwa.

Yabivuze kuri uyu wa Mbere tariki 19 Kanama 2024, nyuma yo kwakira indahiro z’abagize Guverinoma baheruka gushyirwaho, ndetse n’Umukuru w’Urwego rw’Igihugu rw’Imiyoborere.

Perezida Kagame yavuze ko hari ibyo abayobozi bahoramo bidindiza imikorere, muri byo hakaba harimo inama z’urudaca abayobozi bahoramo, zigatwara umwanya munini kandi nta musaruro.

Aha Perezida Kagame yatanze urugero ko na we ubwe hari ubwo aahamagara umuyobozi runaka, bakamubwira ko ari mu nama, yahamagara undi bikaba uko, kandi bikaba kuva mu gitondo kugera nimugoroba.

Ati “Inama muhoramo nayobewe icyo zikemura. Jyewe n’iyo nshaka abantu, bakambwira ngo ari mu nama, nashaka undi ngo ari mu nama…, nkaba ndetse mu gitondo. Nakongera ku mugoroba ngo bari mu nama, nkibaza nti ni iyindi, ni yayindi yakomeje…, mukora ryari? Ibyo mugira mu nama mubikora ryari”?

Umukuru w’Igihugu yagiriye inama aba bayobozi, ababwira ko n’iyo byaba ari ngombwa ko bakora inama, bakwiye kuyitegura neza, igahabwa igihe ntarengwa kandi bagashyuraho icyo biteze muri iyo nama.

Ati “Reka nongere mbagire inama nanone, niba wumva ko inama ari ngombwa banza ubitekereze. Niba usanze ari ngombwa, wishyire mu mutwe ko ibintu ubikurikiranya utya, kandi iyo nama iri butware, niba ari iminota 30 ubigene, uti ntabwo iri burenze iminota 30 cyangwa uti ntirenza isaha, kandi uti ndayishakamo iki, abaje mu nama bose ndabavanamo ibitekerezo byabo biduhe gufata umwanzuro birangire”.

Yakomeje agira ati “Naho inama mukora mugahera mu gitondo …, birabanza bigapfira muri porotokole. Niba inama yatangiraga saa tatu, uwagombaga kuyiyobora agatelefona akabaza ngo abantu bose bahageze? Bati kanaka ntaraza …, ugategereza kandi uwonguwo utaraza, na we yari ari mu yindi nk’iyo. Hanyuma bose bahagera, hakabanza kubaho ibindi bintu, asanseri yanyuragamo bakayifunga kuko bategereje boss, na babandi bakererewe bakabura aho banyura. Asanseri tabwo ari iya boss, ni iyo kwihutisha abantu”.

Umukuru w’Igihugu kandi yasabye inzego gukorana, hagamijwe ko ibikorwa byihuta kandi bikagera ku ntego inzego zose n’abazikoramo babigizemo uruhare.

Perezida Kagame yavuze ko adasaba abayobozi gukora ibidashoboka, ko ahubwo ibyo abasaba gukora ari ibintu bishoboka kandi hariho umurongo bigomba gukorwamo.

Ati “Igisabwa mvuga ntabwo abantu twakora ibitangaza, ntabwo turi ibitangaza, ntabwo twakora ibidashoboka. Ibyo nsaba ni ibishoboka. Ibidashobotse ubu, ukabishakira uburyo ejo ukabikora. Nta na rimwe mvuga ibidashobika. Ntabwo navuga ko abayobozi bazakora ibitangaza. Umurongo wa politiki ugomba gukurikizwa urahari, ariko niba utanahari cyangwa hari ikibuzemo, tugomba kugishyiramo. Ariko iyo hari umurongo kuki tutawukurikiza? Duhora mu biki”?

Perezida Kagame yasabye abayobozi bemera inshingano ko bakwiye gukora ibikubiye muri izo nshingano, cyangwa se bagahitamo kuba ‘intwari’ bahabwa inshingano bumva badashoboye bakazanga.

Yabasabye kandi ko mu gihe bemeye inshingano ariko bagera hagati bakabona zibananiye, nab wo bakwiye kujya baba ‘intwari’ bakagaragaza ko batakizishoboye.

Ati “Tuzabavuze he? Twakora iki? Tubatware mu yihe kanisa kujya kubahanaguraho …, niba hari ba bandi bakora ibitangaza, icyo na cyo nagishyira mu byaha kugira ngo baguhanagure ho ibyaha. Ntabwo twahera ahangaha, ntibishoboka”.

Yakomeje agira ati “Ariko burya hari n’ikindi, mwabaye intwari muri mwe, abagore n’abagabo, bajya kugushyira mu murimo, ukavuga uti uyu murimo sinywushaka cyangwa sinywushoboye, nimundeke jyewe nigire mu bindi. Uba uri intwari, cyangwa se wabibigiyemo wabyemeye, wanarahiye nk’uku, nibigera hagati ukabona ntubishaka, baragukoresha ibyo udashaka gukora, cyangwa ibyo utumva cyangwa se warabyumvaga ariko ugeze aho umutwe wawe urahinduka usanga utakibishaka, udashaka gukorera Igihugu, mu Kinyarwanda ibyo babyita kuba umugabo. Ko utaba intwari ukaba umugabo ukavuga uti ntabwo mbishoboye cyangwa se sinkibishaka cyangwa ndananiwe…, ariko wajya mu kintu kigahagarara kigakwama, ugakomeza kubera iki”?

Umukuru w’Igihugu kandi yasabye abayobozi kujya biyitaho ubwabo n’imiryango yabo,kandi bakibuka gukora imyitozo ngororamubiri.

Ati “Mukwiye kugira ubuzima bwiza, kurya neza, gukora siporo, kunywa less, kwifata neza, bikaba wowe, umuryango wawe …, iyo bigenze neza n’Igihugu bikigendekera neza. N’ibyo byo guhora abantu bakubazango kuki utakoze gutya …, na byo byagenda neza. Kugororoka bihera mu mutwe”.

Kurikira ibindi muri iyi videwo

Ibi Perezida Kagame yabivuze kuri uyu wa Mbere tariki 19 Kanama 2024, nyuma yo kwakira indahiro z’abagize Guverinoma baherutse gushyirwaho.

Uretse abagize Guverinoma kandi, Perezida Kagame yanakiriye indahiro ya Picard Uwicyeza Pamella, uherutse kugirwa Umuyobozi Mukuru w’Urwego rw’Igihugu rw’Imiyoborere (RGB).

Mu ijambo yagejeje ku bayobozi bitabiriye uyu muhango, Perezida Kagame yavuze ko kuba hari ubwo haba impinduka mu nzego z’ubuyobozi nko ku rwego rw’abagize Guverinoma, bidasobanura ko abatagarutse mu nshingano baba birukanwe, ko ahubwo baba bahinduriwe imirimo.

Yagize ati “Gukorera ku rwego nk’uru n’inshingano rufite, ndetse n’izindi nzego, rimwe na rimwe ibiba byabaye, abatagarutse muri Cabinet ntabwo ari ukwirukanwa. Rimwe na rimwe na byo birakorwa, kuko hari ababa bakoze amakosa bakirukanwa. Abandi baba bahinduriwe imirimo, igihe cyabyo nikigera iyo mirimo izagaragara”.

Perezida Kagame yagiriye inama abayobozi bagize Guverinoma , abibutsa ko uko abayobozi bashyirwaho abandi bakavanwaho Atari impinduka zisanzwe, ko ahubwo ari umwanya wo kwisuzuma, ibyakozwe neza bikongerwamoimbaraga naho ibitarakozwe neza bigakosorwa.

Ati “Jye uko mbyumva, hari ibyo twakoze byagenze neza, hari ibitaragenze neza, byose ubishyira hamwe ukareba ngo ni ibiki dukwiye gukora muri iyi manda nshya. Biramutse atari uko bimeze, haba hari ikibazo”.

Umukuru w’Igihugu yasabye aba bayobozi barahiye kujya bafata umwanya wo kwisuzuma ubwabo kandi bakumva n’ibyo abanda babavugaho byaba ibinyura ku mbuga nkoranyambaga, hanyuma bagakuramo amasomo y’uko bakwiye gukora bakorera abaturage.

Ati “Inama nabagira, ni ukwisuzuma wowe ubwawe, udategereje ibyo uzumva mu mbunga mpuzaruhame cyangwa ahandi, ibyo bakuvuga bakunenga cyangwa bagushima ni byiza ko ubyumva, ariko ukanabisuzuma wisuzuma wowe ubwawe, bitagombeye ko abantu baza kukubwira ngo turabona umeze gutya. Ibyo na byo bizaza”.

Yakomeje agira ati “Jya ugira wa mwanya wowe ubwawe wibwize ukuri, wisuzume kandi ntabwo wakwisuzuma uri wenyine ngo wibeshye. Ubwo haba hari ikibazo kikurimo ukwiye gusuzuma na cyo”.

Umukuru w’Igihugu yibukije aba bayobozi kandi kujya bakurikirana cyane imbuga nkoranyambaga bakumva ibyo babavuga byaba byiza cyangwa bibi, hanyuma bakabikoresha bisuzuma ngo barebe niba bakiri mu nzira y’ibyo bashinzwe.

Yagize ati “Usomye ibyo bakuvuga ndetse bakanagutuka, ugakangarana, ukabebera, akazi kakunanira. Hangana n’ibyo, ikirimo kitari cyo, ugikosore wihereyeho”.

Perezida Kagame yibukije aba bayobozi ko inshingano barahiriye ari ugukorera abaturage, ariko bakirinda kwiheraho ubwabo.

Ati “Ni inshingano zo gukorera Abanyarwanda ndetse nawe urimo, uretse ko ntavuga ko ukwiye kwiheraho. Iyo ukorera abandi, n’ubwo urimo, ntabwo wiheraho, ariko nta n’ubwo ukwiye kwiyibagirwa. Ntabwo ari ukuvuga ngo ibyo wari guheraho ukorera abo ushinzwe urabanza ukabigira ibyawe, ntabwo ari byo mvuga”.

Kurikira ibindi muri iyi videwo uko umuhango w’irahira wagenze

Ubutaka burenga miliyoni bwanditswe kuri Leta by’agateganyo

Ikigo cy’Igihugu gishinzwe Ubutaka, cyari cyatangaje ko abantu bose bafite ubutaka butabanditseho bagomba kuba bamaze kubwiyandikishaho bitarenze itariki ya 31 Ukuboza 2020, bitaba ibyo bukazandikwa kuri Leta by’agateganyo.

Umuyobozi Mukuru w’Ikigo gishinzwe Ubutaka, Marie Grace Nishimwe, avuga ko guhera nyuma y’iyo tariki yari yatanzwe, hahise hatangira igikorwa cyo kwandika kuri Leta by’agateganyo ubutaka bwose butari bufite abo bwanditseho.

Nyuma yo kububarura, byagaragaye ko hari ubutaka bugera kuri miliyoni imwe na 400 butari bufite abantu bwanditsweho, ari na bwo bwahise bwandikwa kuri Leta.

Icyakora Marie Grace Nishimwe, agaragaza ko nyuma yo kwandika ubwo butaka kuri Leta, hari bamwe muri ba nyira bwo bagiye baza kubwandikisha, kandi bamara kugaragaza ibyangombwa byerekana ko ari ubwabo koko, bakabwandikwaho.

Ati “Nyuma y’uko bwanditswe kuri Leta, ubu hari ibibanza bigera kuri 320 abaturage bamaze kubyandikisha. Ntabwo igikorwa cyo kwandikisha cyarangiye, ahubwo abaturage umwe umwe uko arangije kuzuza ibisabwa araza akabigaragaza akandikisha ubutaka bwe”.

Ikigo cy’Igihugu gishinzwe Ubutaka kigaragaza ko umuturage ufite ubutaka bwari bwaranditswe kuri Leta by’agateganyo, iyo ashatse ko bumwandikwaho asabwa kujya kureba komite y’ubutaka ku rwego rw’Akagari n’Umurenge, hanyuma agahabwa icyemezo cy’umutungo, ari cyo giherwaho abona ibyangombwa by’ubutaka bwe.

Marie Grace Nishimwe, Umuyobozi Mukuru w’Ikigo cy’Igihugu cy’Ubutaka

Marie Grace Nishimwe, uyobora Ikigo cy’Ubutaka, agaragaza ko mu mpamvu zagaragajwe nk’izatumye hari abaturage batiyandikishijeho ubutaka bwabo kugeza n’ubwo bwanditswe kuri Leta, harimo ikiguzi cyo kwandika ubutaka bamwe bagaragaza ko kiri hejuru.

Icyakora iyi mbogamizi na yo yaje kuvanwaho, nyuma y’uko hagiyeho iteka rikuraho ikiguzi cyo kwandikisha ubutaka, ari na yo mpamvu abantu bahise bakangukira kwandikisha.

Nishimwe ati “Iyo urebye n’abandikisha ubungubu usanga barikubye nka gatatu, ugereranyije na mbere iri teka ritarakuraho ikiguzi cyo kwandikisha ubutaka”.

Ikigo cy’Igihugu gishinzwe Ubutaka gisaba abaturage bose bazi ko bafite ubutaka ariko bukaba butabanditseho, ko bakwegera komite z’ubutaka mu Tugari no mu Mirenge batuyemo, bagasaba ibyangombwa bibemerera kwiyandikishaho ubutaka bwabo.

Nishimwe ati “Turasaba ko abaturage bandikisha ubutaka kuko Leta yakoze uruhare rwayo ikuraho ikiguzi cya serivisi, nta mpamvu n’imwe yaba ihari yatuma waba ufite ubutaka butakwanditseho”.

Hari bamwe mu baturage bagaragaza ko bafite ubumenyi buke ku birebana no kwandikisha ubutaka

Hari bamwe mu baturage baganiriye na Kigali Today bagaragaza ko bo bari bazi ko ubutaka bwabo bwabanditsweho, igihe abakozi b’Ikigo cy’Ubutaka bazengurukaga Igihugu babarura ubutaka.

Abaturage bagaragaza ko bafite ubumenyi buke ku birebana no kwandikisha ubutaka

Icyo gihe hari mu mwaka wa 2009 kuzamura, ariko ibyakorwaga ntabwo kwari ukwandika ubutaka, ahubwo kwari ukububarura kugira ngo bene bwo bazahabwe ibyangombwa byemeza ko ari ubwabo.

Hari uwitwa Rudasingwa Jean Bosco wo mu Karere ka Huye, wabwiye Kigali Today ati “Jyewe nari mfite udupapuro batangaga mu gihe bazaga kubarura ubutaka, ubwo rero nkaba nzi ko byarangiye ibyangombwa by’ubutaka mbifite. Nyuma ni bwo namenye ko ibi atari ibyangombwa, ko ahubwo ngomba kujya kwandikisha ibyangombwa bya nyabyo ku Murenge”.

Kugeza ubu ibyangombwa by’ubutaka byashyizwe mu buryo bw’ikoranabuhanga (E-Title), ku buryo bitakiri ngombwa ko umuturage ajya gushaka icyangombwa cy’igipapuro ngo abe ari cyo atunga nk’icyangombwa cy’ubutaka.

Ikigo cy’Igihugu cy’Ubutaka kikavuga ko amakuru yose arebana n’ubutaka yanditse muri rejisitiri y’ubutaka, ari ho buri wese uyakeneye ashobora kuyasanga.

Ibi Umukuru w’Igihugu yabigarutseho kuri uyu wa Gatatu, nyuma yo kwakira indahiro ya Minisitiri w’Intebe Dr. Edouard Ngirente, ndetse n’iz’Abadadepite bagize Manda ya Gatanu y’Umutwe w’Abadepite.

Perezida Kagame yagarutse ku bihe Igihugu kivuyemo by’amatora, ndetse no kurahiza Umukuru w’Igihugu, avuga ko ibyo bihe by’ibirori ubu birimo kurangira, hagakurikiraho kwinjira mu nshingano.

Yagize ati “Iby’imihango, n’ibikorwa ishingiraho biragenda biva mu nzira. Aho bituganisha ni ku nshingano n’ibikorwa bijyana na zo kuri buri wese. Ari jye, Perezida, ari abayoboye Inteko, ari Minisitiri w”Intebe, ari Abadepite mwese, ari Abaminisitiri tuzashyiraho mu minsi mike iri imbere, ubutabera n’abayobozi babwo, icyo mvuga ni uko ibigiye gukurikiraho ari akazi tugomba gukorera Igihugu cyacu, akazi bamwe batorerwa n’Abanyarwanda, abandi bashyirwaho mu bundi buryo, ariko byose ari ugukorera Abanyarwanda”.

Umukuru w’Igihugu yasabye abayobozi bose guharanira kunoza akazi bakorera abaturage, aho gukomeza gushyira imbaraga mu gukosora ibyakozwe nabi.

Ati “Ako kazi rero tugomba kugakora tukakanoza uko hishoboka kose. Nta na rimwe bijya byera ngo de, iteka hahora hari utuntu hano, utundi hariya, abantu bagomba gusubira inyuma bagakosora, bagashyira ku murongo. Ibikorwa neza iyo ari bike ku bigomba guhora bishyirwa mu bikorwa, ubwo hari ikibazo. Ni byo mvuga”.

Perezida Kagame yibukije abayobozi barahiye none, ndetse n’abandi mu nzego zitandukanye ko u Rwanda rwahisemo politiki igamije guhindura amateka mabi y’imibereho y’Abanyarwanda, ndetse no guhindura imiyoborere y’Igihugu.

Kugira ngo ibyo bigerweho rero, Perezida Kagame avuga ko abayobozi bakwiye kureka kubanza kwitekerezaho ubwabo, ahubwo bakabanza gutekereza ku Banyarwanda.

Ati “Mu miyoborere, muri politiki y’Igihugu cyacu birazwi, bisubirwamo kenshi kandi dusa n’aho tubyemeranywaho ko tugomba guhindura amateka mabi y’imibereho yacu nk’Abanyarwanda, tugomba guhindura imiyoborere ikarushaho kuba myuza. Abatorewe kuyobora, abashyizweho mu bundi buryo, ntabwo bigenda gutyo ngo abashyizwe mu myanya babe ari bo bitekerezaho bo ubwabo, ngo inyungu z’ibikorwa zibe ari twe zigomba guheraho! Ntabwo ari byo”.

Yakomeje agira ati “Natwe nk’abantu bigomba kutugeraho, ariko abo tugomba gutekereza ni Abanyarwanda, Abaturarwanda”.

Perezida Kagame kandi yagarutse ku bayobozi biremerezakurusha inshingano baba bahawe, avuga ko ibyo bidakwiriye umuyobozi.

Ati “Akenshi bisa n’aho ari umuco utajya uranduka burundu. Hari ikintu cy’imyanya y’icyubahiro (VIP), ugahitana umuntu ngo uri VIP. Ibintu byose, amikoro make y’Igihugu, akabanza gukemura ibibazo bya VIP. Abantu bakomeye, baremereye, ugera ahantu, waba utahasize serwakira, bikaba ikibazo. Ugahindukira ukareba inyuma niba wahasize umukungugu, cyangwa se abantu bagomba kuba bari baje kugushengerera”.

Ati “Rwose uwo ni umuco mubi, ndabisubiramo n’uyu munsi, ugomba guhagarara. Niba ushaka no kwiyumvamo ko uremereye, nta cyo napfa nawe uramutse ariko umeze, ariko wahereye ku gukora ku nshingano ufite! Wabanje gukora inshingano zawe, hanyuma ukiremereza, nakwihorera kuko nta cyo bintwaye. Gukorera Abanyarwanda ni cyo gikwiye kuba icy’ibanze”.

Umukuru w’Igihugu yasabye abayobozi kwirinda imikorere itanoze, irimo inama z’urudaca, gukurikirana ibibazo byose abaturage bafite, kabone n’ubwo bitabonerwa ibisubizo byose ako kanya ariko bikaba bizwi.

Yasabye abayobozi gukorera hamwe no kuzuzanya, kabone n’iyo byasaba gukurikirana ibitari mu nshingano zawe.

Ati “Nta muntu umwe kamara, tugomba kuzuzanya, gukorana no kwibukiranya. Jye n’iyo mu nshingano zanjye, tuvuge Depite, Minisitiri, … n’iyo byaba bitari mu nshingano zawe, ariko ubona bikorwa kandi byangiriza Igihugu, nta mpamvu wabiceceka ukareka bigahita bigakomeza ndetse bikiyongera ku buryo icyo byangiza kigenda gikura. Ntabwo ari ko bikwiye kuba bimeze, ni umuco mubi”.

Kazarwa Gertrude, yatanzwe n’Ishyaka Riharanira Ukwishyira Ukizana kwa Buri Muntu (Parti Liberal - PL). Ingingo ya 62 y’Itegeko Nshinga, iteganya ko Perezida w’Umutwe w’Abadepite adashobora guturuka mu mutwe wa Politiki umwe na Perezida wa Repubulika.

Mu buryo budasanzwe, kuri iyi nshuro amatora ya Biro y’Inteko Ishinga Amategeko Umutwe w’Abadepite yakozwe hifashishijwe ikoranabuhanga, aho Abadepite batoye bakoresheje mudasobwa zabo.

Depite Kazarwa Gertrude, ari mu Badepite 80 barahiriye inshingano zo kwinjira muri Manda ya gatanu y’Inteko Ishinga Amategeko, akaba ari mana ye ya kabiri mu Nteko nk’Umudepite.

Nk’uko biteganywa n’Itegeko Nshinga rya Repubulika y’u Rwanda, ndetse n’Itegeko Ngenga rigena imikorere y’Umutwe w’Abadepite, Biro y’Umutwe w’Abadepite igizwe na Perezida ndetse na ba Visi Perezida babiri, ari bo ushinzwe amategeko no kugenzura ibikorwa bya Guverinoma, ndetse na Visi Perezida ushinzwe ubuyobozi n’imari.

Depite Sheik Musa Fazil Harerimana

Ku mwanya wa Visi Perezida Ushinzwe Ushinzwe Ubuyobozi n’Imari, hatowe Depite Sheik Musa Fazil Harerimana wo mu Ishyaka rya PDI, n’amajwi 77. Amajwi atatu ni yo yabaye imfabusa.

Depite Fazil akaba yari yamamajwe kuri uwo mwanya nk’umukandida umwe rukumbi.

Ku mwanya wa Visi Perezida Ushinzwe Amategeko no kugenzura ibikorwa bya Guverinoma, hatowe Depite Beline Uwineza n’amajwi 79. Na we yari yamamajwe ari umukandida rukumbi.

Depite Uwineza Beline

Nyuma yo gutorwa, abagize Biro y’Umutwe w’Abadepite bahise barahirira izo nshingano imbere ya Perezida wa Repubulika, nk’uko biteganywa n’ingingo ya 12 y’Itegeko Ngenga, rigena imikorere y’Umutwe w’Abadepite.

Umuyobozi w’Umutwe w’Abadepite, Depite Kazarwa yavuze ko ashimira Perezida wa Repubulika waje kwakira indahiro y’Abadepite bagize Manda ya Gatanu y’Umutwe w’Abadepite.

Yashimiye kandi Abanyarwanda, uburyo batoye Ishyaka aturukamo rya PL, ngo ribahagararire mu Nteko, yizeza ko izo nshingano zikomeye bazazigeraho ku bufatanye n’abandi Badepite barahiye none.

Ati “Turizeza ubufatanye hagati y’Inteko n’izindi nzego zigize Igihugu cyacu”.

Ni umuhango umaze kubera mu Ngoro y’Inteko Ishinga Amategeko imbere ya Perezida wa Repubulika Paul Kagame, kuri uyu wa Gatatu, tariki 14 Kanama 2024.

Ingingo ya 118 mu Itegeko Nshinga igena ko mbere yo gutangira imirimo, Minisitiri w’Intebe, Abaminisitiri, Abanyamabanga ba Leta n’abandi bagize Guverinoma barahirira mu ruhame imbere ya Perezida wa Repubulika.

Abatsinze bahawe igikombe

Ibi bije nyuma y’uko Diyoseze itangije amarushanwa y’umupira w’amaguru mu bagabo n’abagore, agamije kurinda urubyiruko kwishora mu biyobyabwenge, ahubwo umwanya batakazaga muri izo ngeso mbi bakajya bawukoresha bari mu miryango baganira.

Musenyeri wa Diyoseze ya Byumba, Emmanuel Ngendahayo, avuga ko aya marushanwa ari n’umwanya mwiza wo gutambutsa ubutumwa bwiza bw’Imana, kuko urubyiruko ruba rwahuriye hamwe ari rwinshi.

Agira ati “Twasanze ari uburyo bwiza bw’ivugabutumwa rizana abantu benshi kandi bakaza bafungutse imitima, ku buryo Ijambo ry’imana uribashyiramo bakaryumva. Ikindi ni ukurwanya ibiyobyabwenge turinda imibiri y’urubyiruko kuko ni rwo Rwanda rw’ejo, umwanya bakoreshaga bajya mu biyobyabwenge no mu zindi ngeso mbi, bakawukoresha bari hamwe iwabo, bitoza, banaganira”.

Musenyeri Ngendahayo, agaragaza kandi ko aya marushanwa afite intego zo gukuza impano z’abakiri bato, bagahabwa amahirwe n’urubuga bakazikoresha, ku buryo mu myaka iri imbere muri aka gace hazava umukinnyi ukomeye uzakina mu makipe yo hanze y’u Rwanda.

Muri aya marushanwa, amakipe y’abagabo n’abagore mu maparuwasi agize Diyoseze ya Byuma arahura, ari na ko hatangirwamo ubutumwa bukangurira abangavu kwirinda inda zitateguwe by’umwihariko, ndetse n’urubyiruko rwose muri rusange kwirinda ibiyobyabwenge.

Bamwe muri uru rubyiruko bavuga ko iyi mikino ari uburyo bwo kubahuza ntibabone umwanya wo gutekereza ku zindi ngeso mbi, zirimo ibiyobyabwenge, ubusambanyi n’izindi.

Musenyeri Ngendahimana na we yabanje guconga kuri ruhago

Muri iyi mikino kandi, amakipe yahize andi ahembwa amafaranga n’ibikoresho by’imikino. Musenyeri Emmanuel Ngendahayo akavuga ko kubahemba amafaranga na byo bibafasha kugira imishinga bikorera aho kwirirwa mu bitabafitiye umumaro.

Umunyamabanga Nshingwabikorwa w’Umurenge wa Byumba, Ngezahumuremyi Theoneste, ashimira itorero Angilikani Diyoseze ya Byumba, ku bw’ibi bikorwa, akagaragaza ko nibikomeza gutya imibare y’abishora muri izo ngeso izagabanuka.

Musenyeri Ngendahayo Emmanuel asuhuza abakinnyi

Diyoseze ya Byumba y’Itorero Angilikani ry’u Rwanda, ikora ku turere dutandukanye tw’Intara y’Amajyaruguru n’Iburasirazuba, ndetse utwinshi muri utu turere tukaba dukora ku mupaka w’u Rwanda na Uganda, aho mu bihe byashize hinjiraga ikiyobyabwenge cya kanyanga.

Gahunda yo kurwanya ibiyobyabwenge n’inda ziterwa abangavu binyuze mu mikino y’umupira w’amaguru, ni ngarukamwaka muri za Paroisse zigize iyi Diosezi ya Byumba.

Israel Mbonyi ucuruza ’Switcoff’ avuga ko nk’urubyiruko, kwitabira Expo ari umwanya mwiza wo kugaragaza ko bashoboye

Iri murikabikorwa ryatangiye ku wa 25 Nyakanga 2024, rikaba ryaritabiriwe n’abamurika 448, barimo 329 bo mu Rwanda na 119 baturutse mu bihugu byo hanze.

Urugaga rw’Abikorera mu Rwanda (PSF), rugaragaza ko nibura ku munsi abantu babarirwa mu 5,000 ari bo binjira muri iri murikabikorwa, baje guhaha ndetse no kureba ibihamurikirwa.

Israel Mbonyi (si umuhanzi) akaba acuruza ikinyobwa cya ‘Switch Off’, ni ubwa mbere yitabiriye iri murikabikorwa aje kumurika icyo kinyobwa. Avuga ko intego nyamukuru yatumye yitabira imurikabikorwa ari ukugira ngo abantu bamenye ikinyobwa acuruza.

Ati “Twebwe impamvu twitabiriye ni ukugira ngo abantu barusheho kumenya iki kinyobwa, kuko bakeya babashije kukimenya baragikunze. Ni yo mpamvu twitabiriye iyi Expo kugira ngo abantu bose barusheho kumenya ko iki kinyobwa gihari kandi ari cyiza”.

Mbonyi yongeraho ko nk’urubyiruko uyu ari umwanya mwiza Leta y’u Rwanda iba yabahaye, bakabasha kugaragariza abaturarwanda ndetse n’abanyamahanga ibyo bakora.

Avuga kandi ko aya mahirwe anatuma babasha kugaragaza ko urubyiruko rwakuye amaboko mu mifuka bagakora, bakaba bafite ibikorwa n’imishinga ibyara inyungu babasha kumurikira abandi.

Ati “Aya ni amahirwe akomeye tugomba guharanira kudatakaza na rimwe, ndetse tukarushaho kujya twitabira amamurika nk’iringiri kandi dufite ibyo tumurika kugira ngo bibashe kugera hirya no hino. Amahirwe Igihugu kiba cyaduhaye ngo tubashe kwigaragaza tuba tuyabyaje umusaruro”.

Cyiza Rogers na we ni urubyiruko, akaba ari umunyabugeni ushushanya. Ni umwuga avuga ko yatangiye mu mwaduko w’icyorezo cya Covid-19, kandi ubu bikaba ari byo bimutunze.

Cyiza na we agaragaza ko nk’urubyiruko kwitabira imurikabikorwa bibafungura mu bitekerezo, ukaba kandi umwanya mwiza wo kugaragariza abantu ko urubyiruko rushoboye.

Cyiza Rogers avuga ko iminsi amaze yitabiriye Expo yungutse byinshi yakuye ku bantu bamusuye

Ati “Hari ibyo ngezeho, ariko hari urundi rugendo rurerure numva nshaka gukomeza nkagenda. Nk’ubu iminsi maze muri Expo, hari byinshi nigiye ku bantu nahuye na bo, ku buryo numva mfite inyota ko irangira nkajya gukora ibindi byinshi kandi byiza”.

Uretse uru rubyiruko rw’Abanyarwanda, Sana Aziza Ombeni, na we ni urubyiruko akaba yaraturutse muri Tanzania aje kumurika imyambaro ikorerwa muri icyo gihugu.

Kimwe na bagenzi be b’Abanyarwanda, Ombeni na we ashimira Igihugu cy’u Rwanda uburyo cyorohereza urubyiruko gukora ishoramari mu bikorwa bibyara inyungu, kandi na bo bagahabwa umwanya wo kugaragaza icyo bashoboye mu ruhando mpuzamahanga.

Sana Aziza Ombeni waturutse muri Tanzania, arashimira u Rwanda rworohereza abanyamahanga kuza gucururiza muri Expo

Agira ati “Ni inshuro ya gatatu nitabiriye iyi Expo, nkora urugendo rurerure nza hano, kuko nzi ko uyu ari umwanya mwiza wo kwerekana ibyo nkora. Aha haba hahuriye abantu benshi baturutse mu bihugu bitandukanye. Turashimira Leta y’u Rwanda yashyizeho uyu mwanya. Nzakomaza kujya nza n’izindi nshuro nyinshi”.

Ubwo yafunguraga iri murikabikorwa ku mugaragaro, Minisitiri w’Ubucuruzi Prof. Jean Chrysostome Ngabitsinze, na we yashimangiye ko intego ari uko imurikabikorwa ryitabirwa cyane cyane n’abanyamahanga, kandi bakajya boroherezwa.

Minisitiri Ngabitsinze avuga ko Abanyamahanga bazakomeza koroherezwa

Icyo gihe yagize ati “Turifuza ko rwose abanyamahanga baza ari benshi kandi bagahabwa agaciro, kuko kuva mu mahanga ukazana imari yawe hano ukayicuruza, ni ikintu gikomeye cyane”.

Kimwe n’abandi bose bitabiriye iri murika rya 2024, uru rubyiruko na rwo rwagaragaje imbogamizi ku giciro cyo kwinjira mu imurikabikorwa, aho ubu umuntu mukuru asabwa kwishyura amafaranga 1000, na ho umwana agasabwa kwishyura amafaranga 500.

Abitabiriye iri murikabikorwa, basaba ko mu myaka izakurikira, igiciro cyasubizwa ku mafaranga 500 ku muntu mukuru, naho abana bakajya binjirira ubuntu.

Biteganyijwe ko iri murikabikorwa rya 2024 rizasozwa ku wa Kane tariki 15 Kanama 2024.

Hagiye kwigwa uko ibibazo bibangamiye urwego rw’ingufu muri Afurika byakemuka (Photo: Internet)

Iyi nama izahuzwa n’imurikabikorwa mu by’ingufu (Africa Energy Expo), yateguwe ku bufatanye bwa Minisiteri y’Ibikorwa Remezo n’ibigo biyishamikiyeho, Informa Markets na Rwanda Convention Bureau.

Ni imurikabikorwa ryitezweho kuzahuriza hamwe abantu bafite aho bahuroye n’urwego rw’ingufu ku Mugabane wa Afurika ndetse no hanze yawo, kandi hakazaganirwa ku buryo bimwe mu bibazo bikibaangamiye uru rwego ku Mugabane bibonerwe ibisubizo.

Ubushakashatsi bwo muri 2022, bwagaragaje ko ku Mugabane wa Afurika, hari abantu basaga miliyoni 600 batagerwaho n’umuriro w’amashanyarazi, ariko by’umwihariko 98% byabo bakaba ari abatuye muri Afurika yo Munsi y’Ubutayu bwa Sahara.

Umuyobozi Mukuru muri Minisiteri y’Ibikorwa Remezo ushinzwe Ingufu, Jean Bosco Mugiraneza, avuga ko bimwe mu bibazo bikibangamiye ikwirakwizwa ry’ingufu z’amashanyarazi ku Mugabane wa Afurika muri rusange ndetse no mu Rwanda by’umwihariko, harimo ubushobozi, ubumenyi n’ibindi.

Jean Bosco Mugiraneza, avuga ko iyi nama ari umwanya mwiza wo kuganira ku bibazo bikibangamiye uru rwego muri Afurika

Ati “Kugira ngo izi miliyoni zose zidafite amashanyarazi zibashe kuyabona, birasaba amafaranga. Ayo mafaranga rero za leta zirasabwa kuyashaka zikayabona. Ikindi umuntu yavuga ni icyuho mu buryo bw’ubumenyi, kuko imishinga myinshi y’ingufu muri Afurika iracyashyirwa mu bikorwa n’abanyamahanga”.

Uyu muyobozi ariko avuga ko iri murikabikorwa uzaba ari umwanya wokuganira ku buryo izi mbogamizi, bityo zikabasha kubonerwa ibisubizo.

Ati “Iyo abantu bateranye ari benshi, baganira kuri ibyo bibazo bakungurana ubumenyi. Uburyo mu gihugu runaka babikemuye, si ko mu kindi baba barabikemuye. Uko kuganira rero bituma abantu bagenda bunguka ubumenyi. Iyo abantu baganiriye, bagenda babona ibisubizo by’ibibazo baba bafite”.

Minisiteri y’Ibikorwa Remezo igaragaza ko gahunda yo kwegereza abaturage amashanyarazi ubu igeze ku gipimo kiri hejuru ya 80%, habariwemo 23.1% bafite mashanyarazi akomoka ku mirasire y’izuba.

Jean Bosco Mugiraneza akavuga ko icyuho cya 20% kikirimo na cyo hari icyizere ko kizavamo vuba, ashingiye ku byakozwe mu myaka 30 gusa.

Ati “Kuba mu myaka 30 tugeze kuri 80% ni ikintu gishimishije cyane, ku buryo mu gihe gito kiri imbere tuzaba tugeze ku 100%”.

Mu Kiganiro n’abanyamakuru kuri uyu wa Gatatu, Umuyobozi ushinzwe imurikabikorwa mu kigo Informa Markets cyateguye iyi nama, Ade Yesufu, yavuze ko iyi nama iri mu za mbere zishimangira ukwiyemeza kw’Abanyafurika mu gushaka ibisubizo bibabereye.

Umuyobozi ushinzwe imurikabikorwa mu kigo Informa Markets cyateguye iyi nama, Ade Yesufu

Yagize ati “Inama zireba Afurika zose zigomba kubera ku Mugabane. Ntidukwiye kuba tuganirira ibibazo bya Afurika i Burayi, aho si iwacu. Ibibazo bya Afurika bikwiye gukemurirwa muri Afurika, bikemuwe n’Abanyafurika”.

Iyi nama yitezweho guhuriza hamwe abantu basaga 6000, ikazahurirana kandi n’imurikabikorwa mu by’ingufu, ryitezweho kwitabirwa n’abasaga 150 bazamurika ibikorwa byabo.

Aho abaguze amatike bakoresheje MTN Mobile Money binjirira

Urugaga rw’Abikorera (PSF) ku bufatanye n’ibigo by’itumanaho, rwashyizeho uburyo abitabira iri murikagurisha bagura amatike yo kwinjira bakoresheje telefoni zabo zigendanwa.

Ubwo buryo bufasha ushaka kwinjira mu imurikagurisha kugura itike, yagera ku marembo akerekana ubutumwa bugufi bwemeza ko yishyuye itike hanyuma agahita yinjira.

Bamwe mu baturage baganiriye na Kigali Today bagaragaje ko ubu buryo bw’ikoranabuhanga ari bwiza cyane, ndetse ko bworohereza abaturage kwinjira nta mubyigano.

Umwe mu baturage yagize ati “Iyo umaze kwishyura baguha message, wagera hano ukayerekana ugahita winjira. Ntabwo bitinda kandi nta mubyigano. Ubu buryo ni bwiza cyane rwose”.

Aho abaguze amatike bakoresheje Airtel Money binjirira

Uwitwa Serge Banganikunda na we yabwiye Kigali Today ati “Uragera hano bagahita bareba muri system ko wishyuye, ugahita winjira. Nta mananiza arimo”.

Ku rundi ruhande ariko hari n’abaturage bari kuza muri iri murikagurisha bataguze amatike ku ikoranabuhanga, ndetse nta n’amafaranga bafite kuri telefoni zabo, na bo bagafashwa kwinjira.

Umukecuru waganiriye na Kigali Today, yavuze ko yaje nta mafaranga afite kuri telefoni ye ariko ayafite mu ntoki, abafasha abantu kwinjira bamugurira itike bakoresheje telefoni zabo hanyuma abasha kwinjira.

Yagize ati “Naje nta mafaranga mfite kuri telefoni ahubwo nari nyafite mu ntoki. Ngeze hariya ku muryango bahita bangurira itike ndinjira. Bitwaye nk’umunota umwe gusa”.

Icyakora abaturage baganiriye na Kigali Today bagaragaje ko igiciro cy’itike yo kwinjira muri iri murika cyazamutse, aho mu mamurika yabanje kwinjira byari amafaranga 500 y’u Rwanda, none ubu bikaba byarabaye amafaranga 1000 muntu mukuru, ndetse na 500 ku bana.

Kuri bamwe basanga uku kuzamura igiciro bishobora kubera imbogamizi bamwe mu baturage bifuzaga kwitabira iri murikabikorwa.

Serge Banganikunda ati “Urumva niba nk’umubyeyi afite abana batanu, akifuza kubazana muri expo, birasaba ko umugabo n’umugore bishyura 2000, hanyuma bakishyura na 2,500 y’abana ubwo yose hamwe akaba 4,500. Ubwo kandi ni ukwinjira gusa, kandi bagomba kugira ibyo bagura imbere, ndetse n’ibyo bagurira abana. Igiciro rwose ni imbogamizi”.

Imurikagurisha ryitabiriwe n’urubyiruko cyane

Winjiye imbere ahamurikirwa ibikorwa, ikintu cya mbere ubona ni umubare munini w’abantu bakiri bato.

Bamwe mu baturage twaganiriye, bavuga ko impamvu ari uko mu minsi y’imibyizi abantu bakuru abenshi baba bajyiye mu mirimo, ku buryo batabona umwanya wo kwitabira imurikabikorwa.

Icyakora nanone, hari abasanga impamvu y’umubare munini w’urubyiruko mu imurikabikorwa, ari uko abenshi bari mu biruhuko, bakaba baje gushakisha imirimo muri iri murikagurisha.

Urubyiruko ruba rwaje ku bwinshi gushaka akazi muri Expo

Umwe mu rubyiruko twaganiriye, yabwiye Kigali Today ati “Kuva bafungura ku wa Gatanu buri munsi ndaza. Mba naje gushaka akazi ariko sindabasha kukabona”.

Abitabiriye imurikagurisha bavuga ko mu mpera z’icyumweru ari bwo abantu baza ari ibyiciro byose, abakuru, abana ndetse n’urubyiruko.

Kubona ikibanza (Stand) cyo gukoreramo biragoye

Serge Banganikunda yabwiye Kigali Today ko kuva ku wa Gatanu yaje gushaka ikibanza cyo gukoreramo, ariko akaba yakibonye kuri uyu wa Mbere.

Yavuze ko yasanze hari umubare munini w’abantu bashaka ibibanza, ku buryo bisaba ko ababishinzwe babanza kubashyira ku rutonde, hanyuma hagira ikibanza kiboneka bakaguhamagara.

Ati “Biragoye kubera abantu benshi bashaka aho gukorera. Maze iminsi ine mpashaka, nahabonye uyu munsi ubu nib wo ngiye gutangira”.

Biteganyijwe ko kuri uyu wa Kabiri tariki 30 Nyakanga 2024, ari bwo iri murikagurisha rizafungurwa ku mugaragaro.

Reba amafoto yose yo kuri uyu wa Mbere: https://www.flickr.com/photos/kigali-today/albums/72177720319190314/

Minisitiri w’Intebe w’u Buhinde, Narendra Modi, ari mu bashyigikiye gahunda ya Girinka aho yoroje inka 200 abaturage bo mu Mudugudu wa Rweru mu Karere ka Bugesera

Ikigo cy’Igihugu gishinzwe guteza imbere ubuhinzi n’ubworozi (RAB), cyemeza ko igitekerezo cyo kugabira Abanyarwanda inka kuri buri rugo, cyari icya Perezida wa Repubulika, Paul Kagame.

RAB igaragaza ko inka za mbere 20 zatanzwe taliki 5 Ukwakira 2006, zihabwa abaturage bo Murenge wa Remera w’Akarere ka Gatsibo, ndetse zitangwa na Perezida wa Repubulika Paul Kagame ubwe.

Ubuyobozi bw’Akarere ka Gatsibo, bwabwiye Kigali Today ko bitakoroha guhita tubona abahawe inka muri icyo cyiciro cya mebere, bitewe n’uko ku ikubitiro iyi gahunda yashyizwe mu bikorwa nabi (ni mu Gihugu hose), inka zigahabwa abari abayobozi, hanyuma bakaza kuzamburwa zigahabwa abaturage batishoboye nk’uko gahunda yabiteganyaga.

Icyakora hari bamwe mu baturage bo mu yindi Mirenge y’Akarere ka Gatsibo twabashije kuganira, kandi bahawe inka mu byiciro bya mbere.

Ngirabakunzi Felicien, utuye mu Mudugudu wa Kavumu, Akagari ka Rubira, Umurenge wa Gitoki w’Akarere ka Gatsibo, avuga ko atibuka neza ukwezi yahawemo inka, ariko ko ari mu mwaka wa 2006.

Avuga ku itoranywa rye, yagize ati “Batoye abaturage batanu bakennye mu Mudugudu wacu, nanjye nzamo inka barayimpa”.

Avuga ko inka yahawe yamuhinduriye ubuzima, ava mu cyiciro cy’abakene ubu akaba abarizwa mu cyiciro cy’abaturage bifashije.

Ati “Nyuma yo kwitura nasigaranye nyina, ndayorora ikomeza kunteza imbere ubu nta kibazo rwose. Nababwira ko inka zayikomotseho zirenga esheshatu, ariko ubu ntunze ebyiri kuko ni zo mfite ubushobozi bwo kwitaho neza”.

Ngirabakunzi avuga ko izo nka zamufashije kurihira abana amashuri, avugurura inzu ze ndetse aguramo n’amasambu yo guhinga kuko mbere nta sambu ihagije yari afite.

Ati “Ntiwagurisha inka ngo ureke kugura isambu. Ngereranyije nakuyemo isambu nk’iya hegitari ebyiri”.

Mugenzi we Havugimana Theogene, na we wo mu Murenge wa Gitoki, we yahawe inka mu mwaka wa 2009. Na we avuga ko iyi nka yamuhinduriye ubuzima we n’umuryango we, ndetse akaba yariteje imbere mu Nguni zitandukanye z’ubuzima.

Icyo aba bombi bahurizaho, ni ugushimira Perezida wa Repubulika Paul Kagame watangije iyi gahunda yo kugabira Abanyarwanda.

Havugimana ati “Ni umubyeyi mwiza cyane! Umuntu uguha inka, ukarera abana bagakura, bakiga, …. Iyi gahunda ni nziza cyane yanteje imbere cyane”.

Ikigo cy’igihugu gishinzwe guteza imbere ubuhinzi n’ubworozi (RAB), kivuga ko kuva gahunda ya Girinka itangijwe muri 2006 kugera kuwa 31 Werurwe 2024; mu Rwanda hose hari hamaze gutangwa inka 452,451 z’umukamo (Friesian, Jersey, Brown Suisse and their crosses).

Muri izi nka ariko, ntabwo habariwemo inka zakomotse ku zatanzwe muri iyi gahunda (Ni ukuvuga izo abagabiwe bituye bagenzi babo).

Umuyobozi Mukuru Wungirije wa RAB ushinzwe ubworozi, Dr. Solange Uwituze, avuga ko ubushakashatsi bwakozwe n’Urwego rw’Iigihugu rw’Imiyoborere (RGB), bwerekanye ko igipimo cy’ubumwe n’ubwiyungemu Banyarwanda bahanye inka binyuze muri gahunda ya Girinka cyazamutse.

Uyu muyobozi kandi agaragaza ko ubundi bushakashatsi bwakozwe na RAB bwerekanye ko abahawe inka muri gahunda ya Girinka, babonye umukamo mwinshi, umusaruro mwinshi w’ibigori n’ibishyimbo ugereranyije n’abatarazihabwa bari muri cyiciro kimwe cy’imibereho.

Dr. Uwituze Solange kandi, avuga ko ubu bushakashatsi bwerekanye ko imirire mibi n’igwingira mu bana byagabanutse mu miryango yahawe inka binyuze muri gahunda ya Girinka, ugereranyije n’abatarazihabwa bari mu cyiciro kimwe cy’imibereho.

Harebwe ku ngano y’amata Umuturarwanda anyway ku mwaka, RAB igaragaza ko yazamutse akava kuri litito 21ku munt uku mwaka muri 2006, akagera kuri litiro 80.4 ku muntu ku mwaka mu mwaka wa 2023.

Imibare ya RAB igaragaza ko nyuma ya Jenoside yakorewe Abatutsi mu Rwanda mu 1994; ubworozi bw’inka bwahereye ku nka 172,000 na zo zari ziganjemo iza gakondo.

Mu mwaka wa 2000 ubworozi bw’inka mu Gihugu bwari bumaze kugera ku nka 755,123; mu gihe imibare yo muri Kamena 2023, igaragaza ko mu Rwanda hari inka 1,644,692 habariwemo n’izatanzwe muri gahunda ya Girinka.

Ibi biragaragaza ko umubare w’inka wari mu Rwanda mu mwaka wa 2000 wikubye inshuro zirenga ebyiri (217%) mu mwaka wa 2023.

Abahinzi barimo guhugurwa uburyo bwo kunoza imihingire

Aba bahinzi baratangaza ibi mu gihe guhera ku wa Mbere tariki 22 Nyakanga kuzagera tariki 16 Kanama 2024, barimo bakurikirana amahugurwa ku buryo bwo kunoza ubuhinzi, hagamijwe kongera umusaruro.

Ni amahugurwa atangwa n’Ihuriro ry’Abanyarwanda bize ubuhinzi muri Israel (Horticulture in Reality Corporation Ltd - HoReCo), ku bufatanye n’Ikigo cy’Igihugu gishinzwe guteza imbere ubuhinzi n’ubworozi (RAB).

Ni amahugurwa kandi atanzwe mu gihe abahinzi bitegura igihembwe cy’ihinga cya 2025A, kigomba gutangirana n’ukwezi kwa Nzeri kwa 2024.

Abahinzi bahagarariye abandi mu Mujyi wa Kigali basobanuriwe ko guhinga igihingwa kimwe cyatoranyijwe ari byo bitanga umusaruro kurusha kuvangavanga imyaka.

Uwitwa Desiree Murara uhinga mu gishanga cya Nyagisenyi Rufigiza giherereye mu Murenge wa Kinyinya w’Akarere ka Gasabo, avuga ko mu buhinzi bwe na bagenzi be, bamaze igihe kinini cyane bbahinga imyaka ivangavanze mu gishanga bakoreramo, ariko kuva aho basobanuriwe ko guhinga igihingwa kimwe ari byo basanze bitanga umusaruro.

Agira ati “Igihe kirekire twakimaze tuvangavanga imyaka, ariko ubu noneho, kubera kutwigisha guhinga imbuto y’indobanure, bakatwigisha amafumbire ajyanye n’igihingwa runaka, tukamenya umuti w’igihingwa runaka, … ubu rwose turahinga igihingwa kimwe kandi imyaka ikera neza cyane ukabona ko bishimishije”.

Mugenzi we witwa Imboni Jeanine, ahagarariye abahinzi bahinga umuceli mu gishanga cya Rugende, mu Karere ka Gasabo. Avuga ko muri icyo gishanga na bo basobanukiwe uburyo bwo guhinga igihingwa kimwe, kandi basanze ari byo bitanga umusaruro.

Ati “Iwacu muri Rugende, usanga hari igice cyagenewe umuceli gusa, icyagenewe ibigori, icyagenewe ibishyimbo, … ku buryo kandi usanga n’abaturage baramaze kubyumva ko nta kindi gihingwa bagomba kuvangamo kandi bigatanga umusaruro”.

Uretse ibyo kuba bene ubu buhinzi ari bwo butanga umusaruro mwinshi kandi, aba bahinzi banavuga ko mu gihe igishanga cyose gihinzwemo igihingwa kimwe, byorohereza abahinzi kubasha kurwanya ibyonnyi mu gihe byadutse muri icyo gihingwa.

Umuyobozi wa HoReCo, Iyamuremye Jacques Dawsson, avuga ko muri aya mahugurwa bari kwigisha abahinzi guhinga kinyamwuga, gufata neza umusaruro ndetse ndetse no kumenya uburyo bawushakira amasoko.

Agira ati “Igihembwe cy’ihinga cya A ni cyo tubonamo umusaruro mwinshi hano mu Gihugu, ku buryo bisaba ko tujyanamo n’abahinzi tukabahugura uburyo bazitwara mu buhinzi bwabo, haba mu murima ndetse na nyuma yo gusarura”.

Umuyobozi wa HoReCo, Iyamuremye Jacques Dawsson , avuga ko impamvu bateguye aya mahugurwa ari uko bifuza ko umusaruro wiyongera

Arakomeza ati “Nka HoReCo dukorana n’abahinzi benshi, bikadufasha ku buryo nk’abahinzi ubu tugiye kwinjira mu gihembwe cy’ihinga cya A, tugende twumva umujyo ujyanye no guhinga neza kugira ngo tuzabone umusaruro ukwiriye kandi mwiza”.

Ikigo cy’Igihugu gishinzwe guteza imbere ubuhinzi n’ubworozi (RAB), kivuga ko ari ngombwa cyane kwigisha abahinzi uburyo bwo kunoza imihingire.

Agnes Ayinkamiye, Uhagarariye RAB ishami rya Rubirizi, avuga ko nk’abahinzi bakorera mu byanya byatunganyijwe na Leta, bamaze gusobanukirwa neza uburyo bwo kunoza imihingire birinda kuvangavanga imyaka, ahanini kuko baba bahingira isoko.

Agnes Ayinkamiye, uhagarariye RAB ishami rya Rubirizi

Agira ati “Abahinzi bacu baba bahingira isoko ntabwo ari uguhinga gusa ngo barye. Iyo rero bahinze igihingwa kimwe biraborohera no kugishakira isoko”.

Uretse aba bahinzi bakorera mu bishanga byo mu Mujyi wa Kigali, HoReCo igaragaza ko muri rusange abahinzi 280 ari bo barimo gukurikirana aya mahugurwa, bakaba babarizwa mu Mujyi wa Kigali, Intara y’Uburasirazuba ndetse n’iy’Amajyaruguru.

Byemejwe burundu ko Paul Kagame ari we watsinze amatora n’amajwi 99.18%

Kuri uyu wa Mbere tariki 22 Nyakanga 2024, ni bwo Komisiyo y’Igihugu y’Amatora yatangaje burundu ibyavuye mu matora ya Perezida wa Repubulika ndetse n’ay’Abadepite, yabaye ku matariki ya 14, 15 na 16 Nyakanga 2024.

Abandi bakandida bahataniraga umwanya w’Umukuru w’Igihugu, ari bo Frank Habineza wari watanzwe n’Ishyaka Riharanira Demukarasi no Kurengera Ibidukikije (Democratic Green Party of Rwanda), yagize 0.50% naho Philippe Mpayimana wari umukandida wigenga agira 0.32%.

Mi itangazo rigenewe abanyamakuru Komisiyo y’Igihugu y’Amatora, yasohoye kuri uyu wa Mbere, yashimiye Abanyarwanda bose bagize uruhare mu myiteguro, ubwitabire n’imigendekere myiza y’amatora, haba mu Gihugu ndetse no mu mahanga.

Komisiyo y’Igihugu y’Amatora kandi yashimiye imitwe ya Politiki n’abakandida bigenga, uruhare n’uburyo bitwaye mu matora.

Yashimiye kandi abakorerabushake b’amatora ndetse n’abandi bafatanyabikorwa, ku bufatanye bagaragaje mu migendekere myiza y’amatora.

Amatora y’Abadepite

Mu matora rusange y’Abadepite baturuka mu mitwe ya Politiki n’umukandida wigenga Janvier Nsengiyumva, Umuryango FPR Inkotanyi n’indi mitwe bifatanyije ari yo PDC, PPC PSR, PSP, na UDPR, bagize amajwi 68.83%.

Ishyaka rya PL ryagize 8.66%, PSD igira 8.62, DGPR Green Party igira 4.56%, PDI igira 4.61%, PS Imberakuri igira 4.51% naho umukandida wigenga Nsengiyumva Janvier agira amajwi 0.21%.

Amatora y’ibyiciro byihariye, mu cyiciro cy’abagore:

Mu Mujyi wa Kigali: Abatowe ni Kanyange Phoebe watowe ku majwi 82.78% na Gihana Donata watowe ku majwi 76.08%.

Mu Ntara y’Amajyaruguru: Abatowe ni Uwamurera Olive watowe ku majwi 79.35%, Mukarusagara Eliane ku majwi 79.33%, Ndangiza Madina ku mwajwi 74.04%, ndetse na Izere Ingride Marie Parfaite watowe ku majwi 73.32%.

Mu Ntara y’Amajyepfo: Abatowe ni Tumushime Francine: watowe ku majwi 77.34%, Uwumuremyi Marie Claire ku majwi 73.83%, Uwababyeyi Jeannete ku majwi 71.68%, Kayitesi Sarah ku majwi 68.56%, Mukabalisa Germaine ku majwi 66.73%, ndetse na Tumushime Gasatura Hope watowe ku majwi 65.9%.

Mu Ntara y’Iburasirazuba: Hatowe Kazarwa Gerturde n’amajwi 62.06%, Mushimiyimana Lydia n’amajwi 61.64%, Kanyandekwe Christine n’amajwi 58.81%, Mukamana Alphonsine n’amajwi 57.67%, Uwingabe Solange n’amajwi 57.69%, hamwe na Mukarugwiza Judith n’amajwi 55.37%.

Mu Ntara y’Iburengerazuba: Abatowe ni Ingabire Aline watowe ku majwi 72.2%, Mukandekezi Francoise ku majwi 66.6%, Nyirabazayire Angelique ku majwi 65.4%, Muzana Alice ku majwi 60.9%, Sibobugingo Gloriose n’amajwi 60.3% ndetse na Uwamurera Salama watowe ku majwi 53.9%.

Mu cyiciro cy’Urubyiruko: Abatowe ni Umuhoza Vaness Gashumba watowe ku majwi 73.72% ndetse na Icyitegetse Venuste watowe ku majwi 62.35%.

Mu cyiciro cy’abantu bafite ubumuga: Hatowe Mbabazi Olivia, watowe ku majwi 59.90%.

Ibi yabivuze kuri uyu wa Mbere tariki 22 Nyakanga 2024, ubwo yari yitabiriye umuhango wo gutangiza ibikorwa byo kwagura Ibitaro byitiriwe Umwami Faisal, muri gahunda yo kuzamura no kunoza ibikorwa remezo by’ubuvuzi no gushyiraho serivisi nshya z’ubuvuzi.

Ibitaro byitiriwe Umwami Faisal nibyagurwa, bizajya bitanga serivisi z’ubuvuzi bw’indwara zirimo guturika kw’imitsi y’ubwonko (stroke), indwara z’umutima, kubaga hifashishijwe ikoranabuhanga, guhindura ingingo, n’izindi zajyaga gushakirwa mu mahanga.

Perezida Kagame yavuze ko u Rwanda rwamaze igihe kinini rwohereza abanyeshuri kwihugura mu by’ubuvuzi mu bihugu by’amahanga, ariko umubare utari muto w’Abanyarwanda bagakomeza kujya gushakira serivisi z’ubuvuzi mu bihugu by’amahanga.

Yagize ati “Tumaze igihe kinini twohereza urubyiruko rwacu kwihugura mu bihugu bitandukanye, abo bose bakagaruka bafite ubumenyi ndetse biteguye gutanga serivisi z’ubuvuzi. Iyo rero umaze imyaka myinshi ubikora utyo, ntabwo wakabaye ukomeza kohereza abarwayi kujya gushakira serivisi z’ubuvuzi mu bihugu by’amahanga. Turashaka ko ibyo bihinduka, hakabaho kongera ubushobozi hano mu Gihugu cyacu, hanyuma abaturage bacu ndetse n’abandi bo mu Karere bakabasha kubonera serivisi bakeneye iwacu”.

Perezida Kagame kandi yijeje gukemura ibibazo byabangamira serivisi zitangirwa mu Bitaro byitiriwe Umwami Faisal.

Ati “Ku bibazo numvise bivugwa hano, nzakorana n’izindi nzego nka Minisiteri y’Ubuzima, iy’Imari n’Igenamigambi n’abafatanyabikorwa bacu mu kubikemura”.

Mu gushyira ibuye ry’ifatizo ahagiye kwagurirwa Ibitaro byitiriwe Umwami Faisal, Perezida Kagame yijeje ko azaba hafi ishyirwa mu bikorwa ry’iri shoramari.

Ati “Ndabizeza ko nzabana namwe muri aka kazi tugomba gukora mu gihe kizaza muri iri shoramari ryiza rigiye gukorwa”.

Minisitiri w’Ubuzima, Dr. Sabin Nsanzimana, yavuze ko ubuzima bwiza atari ukuba mu bitaro, ko ahubwo ari no kugira umutekano, uburezi n’imibereho myiza.

Ati “Uyu ni umunsi udasanzwe wo gutangiza iyagurwa ry’ibitaro bizagirira inyungu Abanyarwanda n’abandi bo mu bindi bihugu”.

Minisitiri Dr. Sabin Nsanzimana

Dr. Sabin Nsanzimana yavuze ko kwagurwa kw’Ibitaro byitiriwe Umwami Faisal bizanajyana no kubitangiramo amasomo y’ubuvuzi. Ati “Si ibitaro gusa, ahubwo ni na kaminuza yigisha iby’ubuvuzi nk’uko byemejwe n’Inama y’Abaminisitiri”.

Ibitaro byitiriwe Umwami Faisal, bisanzwe bifite ibitanda 157 byo kuryamishaho abarwayi bivuza bacumbikiwe mu bitaro.

Nibimara kwagurwa, ibyo bitanda biziyongeraho ibindi 400, bivuze ko ibitaro byose bizaba bifite ubushobozi bwo kwakira abarwayi 557 bivuza bacumbikiwe mu bitaro.

Reba ibindi muri iyi Video:

Me Niyonkuru Jean Aime, Perezida w’Ugaga rw’Abahesha b’Inkiko b’Umwuga

Ibi byagarutsweho mu mpera z’Icyumweru gishize, mu nama y’inteko rusange yateranyije Abahesha b’Inkiko b’Umwuga na Minisiteri y’Ubutabera, hagamijwe kurebera hamwe bimwe mu bibangamiye uyu mwuga n’uburyo byashakirwa umuti.

Muri iyo nama, Abahesha b’Inkiko bagejeje kuri MINIJUST ibibazo bitandukanye bikibangamiye uyu mwuga, ariko bitsa cyane ku kuba bataremererwa kuba ba Noteri ngo babifatanye n’uwo mwuga basanzwemo nyamara barize amategeko.

Me Mihigo Safari ukorera mu Karere ka Nyarugenge, yavuze ko baramutse bemerewe kuba ba noteri batanga umusanzu wabo mu kwihutisha irangizwa ry’imanza, kuko baba basanzwe bazizi neza, bityo no kuzirangiza bikaborohera.

Abahesha b’Inkiko b’Umwuga basabye kwemererwa kuba ba Noteri

Ati “Urebye turi abanyamategeko twese, ari umwavoka, ari umuhesha w’inkiko ari na noteri, twiganye amategeko. Umuntu abaye Umuhesha w’Inkiko w’Umwuga, akaba na noteri byaba na byiza kurushaho, kuko cya gihe iyo ndangiza urubanza mba nzi nyir’umutungo, mba mfite icyangombwa cye cy’ubutaka, kumukorera ihererekanya (mutation) mba numva byakoroha kurusha uko byagera kure, bikaba byatuma atakaza n’umwanya. Njyewe bishobora kunyorohera bikanihuta”.

Abo Bahesha b’Inkiko bavuze ko mu itegeko hatanditse ko umuhesha w’inkiko atemerewe kuba noteri, ariko ko ukeneye kumuba MINIJUST imusaba kubanza gusezera mu kazi k’Abahesha b’Inkiko.

Me Niyonkuru Jean Aime, Perezida w’Ugaga rw’Abahesha b’Inkiko, yavuze ko nk’Urugaga nta kibazo kirimo kuba abahesha b’inkiko bakora akazi ko kurangiza imanza ndetse no kuba ba noteri.

Ashimangira ko urugaga ayoboye ruzakomeza kubakorera ubuvugizi kugira ngo bemererwe inshingano zo kuba ba noteri.

Umunyamabanga Uhoraho muri Minisiteri y’Ubutabera akaba n’Intumwa Nkuru ya Leta yungirije, Mbonera Theophile, yavuze ko barimo kwiga kuri iki kibazo kikazafatwaho umwanzuro mu minsi ya vuba.

Yagize ati “Hari itegeko rivuga bimwe mu bishobora kubuzwa, nk’amategeko dufite atuma batabyemererwa kuba ba noteri, ariko hari ibindi biganiro byariho, bigamije kureba niba umuhesha w’inkiko yaba noteri”.

Umunyamabanga Uhoraho muri Minisiteri y’Ubutabera akaba n’Intumwa Nkuru ya Leta yungirije, Mbonera Theophile

Akomeza agira ati “Bakivuze kuko bumva bakeneye ko byihutirwa kuba bajya muri uwo mwuga, ariko hari ibirimo kuganirwaho, igishobora kuzavamo bazakimenya. Birumvikana gishobora kuzaba inkuru nziza cyangwa bikaba inkuru ibasobanurira byimbitse impamvu bitakunda ko baba abahesha b’inkiko b’umwuga n’abanoteri”.

Uretse iki cyifuzo, Abahesha b’Inkiko b’Umwuga basabye ko iteka rigena ibihembo byabo ryavugururwa bikajyanishwa n’igihe, kuko babona zimwe mu mbogamizi n’amakosa akorwa na bamwe mu bahesha b’inkiko hari ibishingiye ku kuba iri teka ritabagenera ibihembo bikwiranye n’imirimo bakoze bijyanye n’igihe.

Urugaga rw’Abahesha b’Inkiko b’Umwuga rwatangiye mu 2003, kugeza ubu rukaba rubarura abarugize bakabakaba 500 bakorera mu Gihugu hose.

Kuri uyu wa Kane tariki 18 Nyakanga 2024, nibwo Komisiyo y’Amatora yatangaje amajwi y’agateganyo y’ibyavuye mu matora ya Perezida wa Repubulika n’ay’Abadepite mu byiciro byose.

Perezida wa Komisiyo y’Igihugu y’Amatora, Oda Gasinzigwa, yavuze ko muri rusange ubwitabire mu matora ya Perezida wa Repubulika, bwageze kuri 98.20% by’abaturage bagombaga gutora.

Mu gihe hatangazwaga iby’ibanze byavuye mu matora y’Umukuru w’Igihugu yabaye ku wa Mbere tariki 15 Nyakanga 2024, Kagame Paul yari yagize 99.15%, (ni ukuvuga ko ari 99.15% by’abitabiriye itora ari bo 98.20%) kuri ubu hatangajwe amajwi y’agateganyo hakaba hariyongereyeho 0.03%. Ni mu gihe Frank Habineza yari afite 0.53%, none ubu akaba yagabanutseho 0.03%, naho Philippe Mpayimana yakomeje kugira 0.32%.

Ku birebana n’amajwi y’agateganyo y’ibyavuye mu matora y’Abadepite rusange ndetse n’ibyiciro byihariye, Komisiyo y’Igihugu y’Amatora yagaragaje ko aya matora na yo yitabiriwe ku kigero cya 98.20%, ugereranyije n’abagombaga gutora imitwe ya Politiki n’umukandida wigenga.

Mu matora rusange y’Abadepite baturuka mu mitwe ya Politiki n’umukandida wigenga Janvier Nsengiyumva, Umuryango FPR Inkotanyi n’indi mitwe bifatanyije ari yo PDC, PPC PSR, PSP, na UDPR, bagize amajwi 68.83%.

Ishyaka rya PL ryagize 8.66%, PSD igira 8.62, DGPR Green Party igira 4.56%, PDI igira 4.61%, PS Imberakuri igira 4.51% naho umukandida wigenga Nsengiyumva Janvier agira amajwi 0.21%.

Amatora y’ibyiciro byihariye, mu cyiciro cy’abagore:

Mu Mujyi wa Kigali: Abatowe ni Kanyange Phoebe watowe ku majwi 82.78% na Gihana Donata watowe ku majwi 76.08%.

Mu Ntara y’Amajyaruguru: Abatowe ni Uwamurera Olive watowe ku majwi 79.35% 2, Mukarusagara Elianeku majwi 79.33% 3, Ndangiza Madina ku mwajwi 74.04%, ndetse na Izere Ingride Marie Parfaite watowe ku majwi 73.32%.

Mu Ntara y’Amajyepfo: Abatowe ni Tumushime Francine: watowe ku majwi 77.34%, Uwumuremyi Marie Claire ku majwi 73.83%, Uwababyeyi Jeannete ku majwi 71.68%, Kayitesi Sarah ku majwi 68.56%, Mukabalisa Germaine ku majwi 66.73%, ndetse na Tumushime Gasatura Hope watowe ku majwi 65.9%.

Mu Ntara y’Iburasirazuba: Hatowe Kazarwa Gerturde n’amajwi 62.06%, Mushimiyimana Lydia n’amajwi 61.64%, Kanyandekwe Christine n’amajwi 58.81%, Mukamana Alphonsine n’amajwi 57.67%, Uwingabe Solange n’amajwi 57.69%, hamwe na Mukarugwiza Judith n’amajwi 55.37%.

Mu Ntara y’Iburengerazuba: Abatowe ni Ingabire Aline watowe ku majwi 72.2%, Mukandekezi Francoise ku majwi 66.6%, Nyirabazayire Angelique ku majwi 65.4%, Muzana Alice ku majwi 60.9%, Sibobugingo Gloriose n’amajwi 60.3% ndetse na Uwamurera Salama watowe ku majwi 53.9%.

Mu cyiciro cy’Urubyiruko:

Abatowe ni Umuhoza Vaness Gashumba watowe ku majwi 73.72% ndetse na Icyitegetse Venuste watowe ku majwi 62.35%.

Mu cyiciro cy’abantu bafite ubumuga: Hatowe Mbabazi Olivia, watowe ku majwi 59.90%.

Perezida wa Komisiyo y’Igihugu y’Amatora, Oda Gasinzigwa, yavuze ko ibiyangajwe uyu munsi ari mu buryo bw’agateganyo nk’uko bitaganywa n’amtegeko, amajwi mu buryo bwa burundu akaba azatangazwa bitarenze itariki 27 Nyakanga 2024.

Ni nyuma y’uko Komisiyo y’Igihugu y’Amatora (NEC), itangaje iby’ibanze byavuye mu matora y’Umukuru w’Igihugu, ku mugoroba wo ku wa Mbere tariki 15 Nyakanga 2024.

Iby’ibanze byavuye mu matora byagaragaje ko Paul Kagame ari we wayatsinze ku majwi 99.15%, mu gihe Dr. Frank Habineza yagize 0.53%, naho Mpayimana Philippe akaba yagize 0.32%.

Dr. Frank Habineza

Nyuma yo kumva ibyavuye mu matora by’ibanze, Dr. Frank Habineza yavuze ko abyakiriye, ndetse ashimira Paul Kagame watangajwe ko yatsinze amatora by’agateganyo.

Yagize ati "Banyarwanda, Banyarwandakazi, nyuma yo kugezwaho na Komisiyo y’Igihugu y’Amatora ibyavuye mu matora by’agateganyo, nagira ngo ntangaze ko tubyakiriye, kandi ko duhaye ishimwe cyangwa se felicitation Nyakubahwa Kagame Paul wagize amajwi menshi kuturusha. Murakoze cyane".

Dr. Frank Habineza avuga ko afit icyizere cyo gutsinda amatora

Yabitangaje kuri uyu wa Mbere tariki 15 Nyakanga 2024, nyuma y’uko asoje igikorwa cyo gutora mu matora ya Perezida wa Repubulika ndetse n’ay’Abadepite.

Dr. Frank Habineza yatoreye kuri site y’itora ya GS Kimironko ya II, iherereye mu Kagari ka Bibare, Umurenge wa Kimironko mu Karere ka Gasabo. Yaje ari kumwe n’umugore we Edith Kabarira.

Nyuma yo gutora, Dr. frank Habineza yavuze ko nk’uko yasoje ibikorwa byo kwiyamamaza afite icyizere cyo gutsinda amatora ku kigero cya 55%, kandi n’ubu akaba akigifite.

Dr. Frank Habineza yatoreye kuri site y’itora ya GS Kimironko ya II

Ati “Twasoje kwiyamamaza mfite icyizere cyo gutsinda amatora ya Perezida kuri 55%, ndetse ishyaka ryacu na ryo rizatsinda ay’Abadepite nibura tuzabone Abadepite 20. Ni cyo cyizere mfite ntabwo ndagitakaza”.

Dr. Frank Habineza yavuze ko u Rwanda rumaze gutera intambwe ishimishije mu kwimakaza ihame rya demukarasi, agendeye ku buryo aya matora yateguwe kuva mu gutanga kandidatire, kwiyamamaza ndetse n’umunsi nyirizina w’amatora.

Dr Habineza yaje ari kumwe n’umugore we Edith Kabarira

Ati “Aya matora yagaragaje ko u Rwanda rwacu rumaze gutera intambwe ishimishije muri demukarasi. Twazengurutse Igihugu cyose, abaturage baratwishimiye aho twanyuze hose, baduhaye n’impano kandi banatubwiraga ko bazadutora, mu by’ukuri ubona ko bitandukanye na 2017. Igihugu cyacu kimaze gutera imbere, kandi iyi ntambwe tuzayikomeze”.

Dr. Frank Habineza kandi yashimiye Komisiyo y’Igihugu y’Amatora, uburyo ibikorwa by’amatora byateguwe, akavuga ko bitanga icyizere ko n’ibizava mu matora bizaba byizewe.

Dr. Frank Habineza kandi yashimiye Komisiyo y’Igihugu y’Amatora, uburyo ibikorwa by’amatora byateguwe

Yagize ati “Komisiyo y’Amatora yabiteguye neza kuva dutanga za kandidatire, twiyamamaza, mu by’ukuri ubona ko byateguwe neza kurusha ubushize. Biratanga icyizere ku buryo twizera ko n’ibiri buve mu matora biza kuba ari byiza kurushaho”.

Uretse Dr. Frank Habineza watoreye kuri GS Kimironko II, abandi bakandida mwanya wa Perezida na bo bitabiriye amatora, aho Paul Kagame watanzwe na FPR-Inkotanyi yatoreye kuri SOS Kinyinya mu Karere ka Gasabo, naho Philippe Mpayimana akaba yatoreye kuri GS Kigali muri Camp Kigali, mu Karere ka Nyarugenge.

Dr Habineza yashyimye uburyo yakiranywe urugwiro mu kwiyamamaza

Iri Shyaka ryazengurutse Uturere twose tw’u Rwanda uko ari 30, ryamamaza Dr. Frank Habineza ku mwanya wa Perezida wa Repubulika, ndetse n’abakandida 50 bahatanira imyanya mu Nteko Ishinga Amategeko.

Ibikorwa byo gusoza kwiyamamaza kuri iri Shyaka byasorejwe kuri uyu wa Gatandatu mu Turere twa Rwamagana na Nyarugenge.

Dr. Frank Habineza usanzwe ari Perezida wa Green Party akaba ari n’umukandida ku mwanya wa Perezida wa Repubulika, yashimiye Abanyarwanda bo mu Turere twose tw’Igihugu uburyo babakiranye urugwiro, kandi bakabagaragariza ko bishimiye ibyo iri Shyaka ryabakoreye ubuvugizi muri Manda y’Abadepite irangiye.

Dr. Habineza yagize ati "Aho twanyuze hose, twabonye ko demukarasi imaze gutera imbere, twarabibonye aho twagiye hose byari bishimishije cyane".

Yongeye ati "Dufashe uyu mwanya ngo tubashimire mwebwe aba hano Rwamagana, ariko tunashimira Abanyarwanda bose muri rusange. Twizeye ko urugwiro mwatwakiranye, muzarugaragaza ku wa Mbere ku munsi w’itora".

Mu kwiyamamaza kw’iri Shyaka, hari hamwe ku Turere ryagiye rigira abantu benshi, ndetse bamwe mu baturage bagaha impano bamwe mu bayobozi baryo, nk’ikimenyetso cyo kurishimira ibikorwa byaryo.

Mu Karere ka Rwamagana bamuhaye Ingabo n’Icumu

Agendeye kuri urwo urugwiro, Dr. Frank Habineza yavuze ko ibi bigaragaza intambwe nziza Igihugu cyateye mu kwimakaza ihane rya demukarasi, ndetse n’uburyo imyumvire y’abaturage yahindutse.

Yagize ati "Twishimiye intambwe Igihugu cyacu kirimo gutera, kandi twabobye ko Abanyarwanda bishimiye umusaruro twabahaye ubwo twari mu Nteko Ishinga Amategeko".

Aha ni ho Dr. Frank Habineza ahera asaba Abaturage kongera kugirira icyizere Ishyaka Green Party, bakaritorera kubona intebe nyinshi mu Nteko Ishinga Amategeko, bityo rikazabageza ku bindi byiza byinshi.

Ati "N’ubu turabasaba ko mwongera mukatugirira icyizere, mukadutora ibyo tubasezeranya na byo tukabikora".

Umunyamabanga Mukuru w’Ishyaka Green Party, Hon. Jean Claude Ntezimana, yavuze ko ishyaka ryabo rufite icyizere cyo kongera gutsinda amatora y’Abadepite.

Ati "Icyizere dufite ntigishingiye gusa ku kuba twarazengurutse uturere twose, ahubwo gishingiye ku myaka tumaze nk’ishyaka".

Dr. Frank Habineza Kandi na we ubwe aherutse gutangariza abanyamakuru ko yizeye intsinzi ku mwanya w’Umukuru w’Igihugu, nibura ku kigero cya 55%.

Mu bikorwa byo kwiyamamaza byatangiye tariki 22 Kamena 2024, Ishyaka Green Party ryazengurutse Uturere twose 30, rigaragaza imigabo n’imigambi yaryo, ndetse risaba Abanyarwanda bagejeje igihe cyo gutora kurigirira icyizere bakaritora.

Dr. Frank Habineza kandi yanashimiye ubuyobozi bw’inzego z’ibanze, uburyo bwagiye bubakira aho babaga bagiye kwiyamamariza. Yashimiye Kandi inzego z’umutekano zabanye n’iri Shyaka mu bikorwa byo kwiyamamaza.

Icyakora ryanenze uburyo ryakoriwe mu Turere twa Ngoma na Rulindo, aho mu Karere ka Ngoma ryagaragaje ko ryabangamiwe n’ubuyobozi bwateguye kwiyamamaza ku mitwe ya politiki ibiri, nyamara Green Party ari yo yari yahawe ubwo burenganzira.

Mu Karere ka Rulindo ho, iri Shyaka ryanenze inzego z’ubuyobozi bw’ibanze, rivuga ko zategetse abaturage bakorera mu Isantere ya Base gufunga imiryango, bituma ritabasha kubona abaturage baza kwitabira ibikorwa byo kwiyamamaza.

Indorerezi za African Union n’iza EAC zaje mu bikorwa byo kwiyamamaza muri Nyarugenge

Dr. Frank Habineza yijeje ab’i Burera guteza imbere ubukerarugendo

Ibi byagarutsweho kuri uyu wa Gatanu, ubwo iri shyaka ryiyamamarizaga mu Murenge wa Cyanika w’Akarere ka Burera, nyuma rikomereza no mu Murenge wa Busogo w’Akarere ka Musanze.

Ishyaka Democratic Green Party of Rwanda, riramamaza umukandida Dr. Frank Habineza ku mwanya wa Perezida wa Repubulika, ndetse n’abakandida 50 bemejwe na Komisiyo y’Amatora bazahatanira imyanya mu Nteko Ishinga Amategeko.

Dr. Frank Habineza wiyamamariza kuba Perezida wa Repubulika, yabwiye abaturage bo mu Karere ka Burera ko Ishyaka rye ribafitiye imigambi myiza igamije kubateza imbere, mu gihe barigirira icyizere bakaritora mu matora ari mu cyumweru gitaha.

Umuyobozi wungirije w’Akarere ka Burera ushinzwe ubukungu, Jean Baptiste Nshimiyimana ni we wakiriye Ishyaka Green Party

Avuga ku mibereho myiza, Dr. Frank Habineza yavuze ko bifuza ko buri rugo rugira itungo, ryaba irigufi cyangwa se inka, ariko cyane cyane abana bagatozwa korora amatungo magufi bakiri bato ku buryo nibura buri mwana agira itungo rye mu rugo.

Dr. Habineza avuga ko amatungo magufi atagora kuyitaho, kuko umuntu ashobora kuyashakira ibiyatunga kandi ntibyice indi mirimo, by’umwihariko ku bana ntibibabuze gukurikira amasomo yabo.

Yavuze ko iyi gahunda yarushaho gutuma imirire myiza yimakazwa mu miryango, kandi abantu bakabasha gukora ku ifaranga bitabagoye. Ati “Bifasha kunoza imirire, ariko bikanoroshya uburyo bwo gukora ku ifaranga”.

I Burera ni uko bari baje kwakira Dr Habineza

Dr. habineza yavuze ko muri gahunda Green Party ifitiye abaturage, harimo ko n’abashaka gukora ubworozi bw’amatungo magufi mu buryo bwa kinyamwuga, bazafashwa gukora imishinga kandi ikanozwa neza bigizwemo uruhare na ba Veterineri bo mu Mirenge baherereyemo.

Dr. Habineza ati “Gahunda dufite ni uguteza imbere ubuhinzi n’ubworozi, ariko cyane cyane tugamije guca ubushomeri, urubyiruko rukabona akazi”.

Ishyaka Green Party kandi ryabwiye abaturage ba Burera ko hari gahunda yo gusigasira amateka ya Rukara rwa Bishingwe bivugwa ko yari atuye mu Gahunga k’Abarashi, ndetse n’ahandi hantu nyaburanga hagatunganywa bityo ba mukerarugendo bakajya bareka kugarukira gusa muri Musanze.

Dr. Habineza ati “Gahunda ihari ni uko amateka ya Rukara rwa Bishingwe nayo abungwabungwa, ba mukerarugendo ntibakaze ngo bagarukire muri Musanze gusa kandi namwe hano mwakora ibintu byinshi cyane, baza bakabishyura mukabona amafaranga”.

Yongeyeho ati “Ba mukerarugendo bazaza ari uko mwakoze ibintu bibakurura. Ni uburyo bwadufasha kurwanya ubushomeri ariko tukabona n’amafaranga”.

Ku ngingo y’ubukerarugendo kandi, Dr. Frank Habineza, yavuze ko abanyeshuri bose bize ibijyanye n’ubukerarugendo bazashyirirwaho ikigega giteza imbere imishinga yabo, bityo abarangiza ayo masomo ntibabone akazi bakajya babona ibyo bakora bijyanye n’ibyo bize.

Mu karere ka Musanze yijeje abaturage gufunga ikigo ngororamuco cya Kinigi no gukora ubuvugizi ku nganda zafunze

Dr. Habineza yijeje abaturage ba Musanze kuvugurura isoko rya Byangabo

Bamwe mu baturage bo mu Karere ka Musanze babwiye umukandida wa Green Party Dr. Frank Habineza ko babangamiwe n’abantu babo bafungirwa mu kigo ngororamuco cya Kinigi, bo bakavuga ko nta makosa agaragara baba bakoze yatuma bajyanwa muri icyo kigo ubusanzwe kijyanwamo inzererezi.

Muri gahunda ya Green Party, bavuga ko umukandida wabo naramuka atorewe kuyobora u Rwanda, azahita akuraho ibigo ngororamuco byose, kuko basanga nta mpamvu Umunyarwanda yajyanwa mu kigo cy’inzererezi.

Dr. Habineza kandi yanijeje abaturage ko uruganda rwengaga urwagwa mu bitoki ruzwi nka ‘Musanze’ ubu rukaba rwarafunze imiryango, azakora ubuvugizi inganda zose zigakurirwaho imbogamizi zituma zifungwa.

Mayor wa Musanze Claudien Nsengimana ni we wakiriye Green Party

Muri izo mbogamizi harimo imisoro myinshi, harimo umusoro ku nyongeragaciro, aho iri shyaka rivuga ko rifite gahunda yo kuwugabanya ukava kuri 18% ukagera kuri 14%.

Dr. Frank habineza kandi yijeje abaturage ba Musanze ko nibamutora, isoko rya Byangabo rizavugururwa rikubakwa mu buryo bw’amagorofa, mu rwego rwo kugabanya ubucucike burigaragaramo.

Ibikorwa byo kwiyamamaza by’Ishyaka Green Party, bizasorezwa mu Turere twa Rwamagana na Nyarugenge kuri uyu wa Gatandatu tariki 13 Nyakanga 2024.

Dr. Frank habineza ageze i Musanze mu Byangabo

Dr. Frank Habineza yakiriwe i Burera n’Abayobozi b’inzego z’ibanze

Dr. Frank Habineza

Yabivugiye mu kiganiro Ishyaka Green Party ryagiranye n’abanyamakuru ku wa Kane tariki 11 Nyakanga 2024, mu gihe ibikorwa byo kwiyamamaza kuri iri shyaka byari bimaze kuzenguruka uturere 26.

Ni ikiganiro kandi cyari kigamije kugeza ku Banyarwanda baba mu mahanga imigabo n’imigambi y’Ishyaka Green Party.

Dr. Frank Habineza yavuze ko mu turere 26 bamaze kunyuramo biyayamamaza, bakiriwe neza haba ku ruhande rw’inzego z’ubuyobozi ndetse no ku ruhande rw’abaturage, bitandukanye no mu gihe biyamamazaga mu matora ya 2017.

Yagize ati “Navuga ko kugeza ubu mu Turere 26 tumaze kunyuramo, hose twakiriwe neza uretse gusa mu Turere tubiri ari two Ngoma na Rulindo. Aha na ho twabigejeje kuri Komisiyo y’Igihugu y’Amatora. Muri rusange navuga ko mu Turere 24 ibintu byagenze neza, twagiye twakirwa neza n’abayobozi haba ba Mayor, Abanyamabanga Nshingwabikorwa ndetse n’abaturage ubwabo”.

Umunyamakuru Carine Umutoni wa RBA abaza ikibazo

Yakomeje agira ati “Mu by’ukuri twavuga ko bitandukanye na 2017 aho hari aho bagiye batwohereza kwiyamamariza mu irimbi, hari aho badufungiranye muri sitade, [.…] navuga ko muri rusange imyumvire yarahindutse, bigaragaza ko mu by’ukuri demukarasi mu Rwanda igenda itera indi ntambwe”.

Dr. Frank Habineza yagaragaje ko akurikije uburyo abaturage bitabiiriye ibikorwa byo kwiyamamaza kw’ishyaka ryabo, bizeye ko amatora y’Abadepite bazongera kuyatsinda ndetse bakabona intebe nyinshi mu Nteko Ishinga Amategeko, kandi ko n’umwanya wa Perezida wa Repubulika afite icyizere cyo kuwutsindira ku kigero cya 55%.

Ati “Tukaba dufite icyizere ko aya matora mu by’ukuri tuzayatsinda, ari Abadepite baziyongera, ndetse na Perezidanse turimo kuyifatisha intoki kuri 55%”.

Assoumpta Kaboyi wa VOA

Agaruka ku bikorwa byo kwiyamamaza, Dr. Frank Habineza yagaragaje ko kuri iyinshuro abaturage barushijeho kuza kumva imigabo n’imigambi y’ishyaka rye, kandi ko abaza bose ari abaza bizanye.

Ati “Twebwe nta bushobozi dufite bwo gupakira abantu muri za bisi (bus) ngo tubajyane aho twiyamamariza. Turamutse tubufite natwe twajya tubatwara, ariko abaza ni abaturage Bizana, kandi ubona ko baza ari benshi, kandi bakagaragaza ko batwishimiye”.

Dr. Habineza kandi yongeraho ko mu kwiyamamaza, ishyaka rye ryongeyemo ikintu cy’ingenzi ari cyo gusanga abaturage aho bari mu mirimo yabo, rikagenda ribagezaho imigabo n’imigambi yaryo.

Hari abamusabye kubiyungaho ngo barwanye u Rwanda

Dr. Frank Habineza kandi yongeye kuvuga ko Ishyaka Green Party rishyize imbere amahoro, ubumwe ndetse n’ubwiyunge bw’Abanyarwanda, bityo ko uwashaka kubisenya batakwifatanya na we.

Dr. Habineza ati “Ubwo se muba muzi ibyo turimo! Tuba turi ku muriro mwinshi cyane, abantu badashaka ko tuvugira Abanyarwanda. Ikibazo cy’impunzi n’abimukira bo mu Bwongereeza cyari kinkozeho inshuro hafi eshatu”.

Umunyamakuru Ufitiwabo Teta wa TNT abaza ikibazo

Arongera ati “Noneho birambabaza iyo abantu dushaka kubavugira, mwarangiza mugaca inyuma mushaka kuduca intege! Birababaje cyane. Ndashaka ko Abanyarwanda twunga ubumwe, dushaka Igihugu cyiza, turashaka imibereho myiza y’Abanyarwanda, turashaka iterambere rirambye, abantu bafite ingengabitekerezo ya Jenoside, bashaka kudusubiza mu macakubiri no mu icuraburindi nibo baba bashaka ko dukora politiki yo gusenya”.

Yakomeje agira ati “Nanze gukorana n’imitwe y’iterabwoba, nize ibya gisirikare mbifitemo n’impamyabumenyi ariko turashaka gukora politiki yo kubaka Igihugu cyacu ntabwo dushaka kukirwanya. Iyo abantu bakubwiye ngo ngwino turwane, tera gerenade ukanga, ubwo ngo uri mubi, oya ntabwo turi babi! Umuntu ukubwira ngo tera Igihugu cyawe, uratera Igihugu urimo! Ntabwo ari byo”!

Mu Turere tune Ishyaka Green Party risigaje kwiyamamarizamo, harimo Burera na Musanze ryakomerejemo kuri uyu wa gatanu, hanyuma rikazasoreza mu Turere twa Rwamagana na Nyarugenge ku wa Gatandatu tariki 13 Nyakanga 2024.

Uyu yateraga umuti mu rugo rwo mu Kagari ka Murama mu Murenge wa Nyamata, hari muri 2021

Hategekimana Sylvestre wo muri Gakamba, yagize ati “Hashize nk’ibyumweru bibiri badutereye, ariko n’ubu ugeze mu nzu ku kagoroba, umubu uba uduhira. Gusa nanone si mwinshi cyane nka mbere y’uko batera”.

Hategekimana yongeyeho ati “Sinamenya niba bayigurisha kuko iyo baje gutera twe badusaba gusohora ibintu, ubundi utera akinjira munzu agakinga, agafungura umuti agatera. Iyo arangije ni bwo twongera gusubira mu nzu”.

Uwitwa Mwalimu (Izina twahinduye) wo mu Kagari ka Murama mu Murenge wa Nyamata, muri 2021 hari umwe mu bashinzwe gutera imiti wari waje kumuterera umuti mu nzu.

Twamubajije ku bivugwa ko bateramo amazi aho gutera umuti, ararahira arirenga, ati “Ibyo si byo. Nta n’ubwo byashoboka kuko buri wese baba bamuhaye amasashi ahwanye n’ingo agomba gutera”.

Nyuma yo kugerageza gushaka amakuru kuri icyo gikorwa gisa n’ubujura bw’imiti yagenewe kwica umubu bikanga, nacite intege mfata umwanzuro wo kubirekera aho.

Vuba aha mu ntangiriro z’uyu mwaka wa 2024, nanone twongeye kumva amakuru y’igurishwa ry’imiti yagenewe guterwa mu nzu ngo yice umubu, mu rwego rwo kurwanya malariya mu turere ikunze kwibasira cyane, harimo utwo mu Burasirazuba, Amajyepfo ndetse n’Umujyi wa Kigali.

N’ubwo igikorwa cyo gutera imiti cyari cyasojwe mu mpera z’umwaka ushize wa 2023, bamwe mu baturage bo mu Murenge wa Gashora mu Karere ka Bugesera batangaje ko imiti basigaye batererwa mu nzu itandukanye cyane n’iyaterwaga mu bihe bya mbere iyi gahunda igitangira.

Angelique Umuhoza wo mu Mudugudu wa Rushubi, Akagari ka Kagomasi, Umurenge wa Gashora, yatubwiye ko imiti baheruka gutererwa mu nzu itabashije kwica umubu nk’uko byari bisanzwe mbere.

Ati “Jyewe uko mbibona ntabwo ari nka kera, kuko kera barateraga bikamera neza ariko ubu umubu ihita iza malaria ikaba nyinshi. Turasaba ko bagarura imiti ifite ubukana nk’iya kera”.

Uyu muturage yatubwiye ko n’ubwo nta makuru ahagije abifiteho, na we ubwe yigeze kumva ko hari bamwe mu bashinzwe gutera imiti bayiba bagateramo umuti mukeya cyane bafunguje amazi menshi.

Ati “Narabyumvaga ariko ntabwo mbizi neza. Numvaga bavuga ko ngo hari igihe baza wenda bagafata amazi menshi bagashyiramo umuti mukeya, bityo akaba ari byo atera”.

Mugenzi we Uwambaye Marie Gloriose, na we ati “Malaria ino aha irahari, nk’ubu nijoro iyo wicaye mu rugo, umubu iba iduhira. Muzatuzanire imiti ifite ubukana bukaze, kuko iriya ntacyo yamaze”.

Ku birebana n’abashinzwe kuyitera bashobora kuba bayiba bagateramo amazi, Uwambaye ati “Simbizi niba batubura. Ubundi urebye umuti badutereye uyu mwaka wari unameze nabi, ntabwo wari umeze nk’ushize kuko ubundi barantereraga mu nzu yanjye haba ibiheri bigapfa, ariko ubu nta na kimwe cyigeze gipfa! Ahubwo bamaze gutera birushaho kuba byinshi”.

Ubujura bw’imiti yica umubu buvugwa cyane mu bashinzwe gutera iyo miti mu nzu, ari na bo bajyanama b’ubuzima. Abenshi mu bo twaganiriye birinze kugira icyo batangaza kuri ibyo bivugwa byo kwiba imiti.

Nk’umujyanama w’ubuzima wo mu Mudugudu wa Taba, Akagari ka Kagenge mu Murenge wa Mayange w’Akarere ka Bugesera, yabwiye umunyamakuru, ati “Ibyo byo ntabwo nabimenya, kuko buri wese aba afite umubare w’ingo ari butere, ndetse n’umubare w’amacupa y’umuti ari butere. Ubwo rero uwawiba sinzi icyo yatera mu nzu”.

Twavuganye kandi n’umuturage witwa Bisangwa, uri mu bigeze kuba mu itsinda ry’abatera imiti mu nzu. Uyu yemeye ko hari igihe cyageze imiti itangira kudaterwa uko bikwiye, bitewe n’impamvu zitandukanye zirimo imikorere y’abayoboraga abashinzwe gutera imiti.

Avuga ko imikorere yabo mibi yari ishingiye ku gukoresha akazi kavunanye abashinzwe gutera umuti mu nzu, aho nk’utera imiti yasabwaga kwirirwa azenguruka atera imiti mu nzu z’abaturage, yaba hari iyo agaruye ku mpamvu z’uko yabuze bene izo ngo, agafatwa nk’umunebwe cyangwa se utabashije gugera ku ntego zari zigamijwe.

Ati “Ubwo rero niba ugaruye umuti bakagufata nk’umunebwe, nyuma y’aho kugira ngo bidafatwa gutyo ‘uratekinika’, ugashaka aho ushyira uwo muti”.

Aha ariko uyu muturage ntiyeruye ngo yemere ko uko ‘gutekinika’ bikorwa ari ukugurisha wa muti wasigaye.

Uyu muturage kandi yatwemereye ko hari impamvu nyinshi zishobora gusunikira ushinzwe gutera umuti kuwugurisha, zirimo nko kuba yateye inzu yari agenewe gutera uwo munsi akazirangiza agifite imiti itarakoreshwa kandi yumva yaziteye neza, kuba hari aho yagombaga gutera umuti ariko akababura, kuba yabyumvikanyeho n’umukuriye bakumvikana ko batera muke undi bakawugurisha ndetse n’izindi.

Ni byo rwose imiti iragurishwa

Kigali Today yavuganye na Frank Ndibwirende, ushinzwe gukurikirana ibikorwa byo gutera imiti yica umubu mu nzu z’abaturage mu Bitaro bya Nyamata byo mu Karere ka Bugesera, yemeza ko hari bamwe mu bajyanama b’ubuzima bagiye bafatirwa mu bujura bw’iyi miti.

Agira ati “Hari abo twafashe ariko ntabwo ari benshi! Iyo yagaragaye aramenyekana, ubuyobozi bw’Umurenge bukanamukura mu bajyanama b’ubuzima. Hari n’abafungwa”.

Ndibwirende kandi yabwiye Kigali Today ko uyu muti uhenze, ndetse ikaba yaba ari yo mpamvu yasunikira bamwe gushaka kuwugurisha, uretse ko ngo hariho komite zishinzwe ku bikurikirana ku rwego rw’Umurenge, ku buryo ababikora atari benshi.

Ati “Uyu muti ni imari! Urumva amakuru batubwira, ni uko bawugurisha bakabaha ibihumbi 15 by’amafaranga y’u Rwanda ku icupa rimwe. Hari n’abaturage ubwabo babatereta ngo bawutera mu nyanya. Urahenze uriya muti. Ndumva ugura amadolari ya Amerika umunani”.

Hamwe mu hakekwa ko aba bantu bagurisha iyi miti ni mu bahinzi cyane cyane abahinga imboga nk’inyanya, intoryi, amashu ndetse n’izindi.

Nyamara ariko iyo uganiriye na bamwe mu bahinzi b’imboga, ntawemera ko imiti bakoresha baba koko bayigura n’abajyanama b’ubuzima.

Hari umuhinzi uhinga inyanya ku nkengero z’Ikiyaga cya Cyohoha mu Karere ka Bugesera, wabwiye Kigali Today ko ayo makuru atari ukuri, kuko hari amaguriro asanzwe y’imiti ikoreshwa mu buhinzi.

Yagize ati “Ibyo jyewe sinabimenya, kuko imiti tuyigura ahantu hazwi. Niba hari abayigura n’abajyanama jyewe simbazi, ariko jyewe ngurira ku maduka acuruza inyongeramusaruro azwi”.

Ikigo cy’Igihugu gishinzwe kwita ku Buzima (RBC), kigaragaza ko iki kibazo na bo bakizi, ariko ko ababikoze ari bakeya akandi na bo bakaba baragiye bafatwa mu bihe bitandukanye.

Umuyobozi mu Kigo gishinzwe Itumanaho mu by’Ubuzima, akaba ari n’umuvugizi wa Minisiteri y’Ubuzima, Julien Mahoro Niyingabira, avuga ko n’ubwo hari abafashwe bagerageza kwiba iyo miti yagenewe guterwa mu nzu z’abaturage, batagifata nk’ikibazo kiremereye.

Ibi babishingira ku kuba ibipimo bya malaria byaragiye bigabanuka uko imyaka yagiye itambuka, kandi bigizwemo uruhare n’iyi gahunda yo gutera imiti.

Uyu muyobozi ariko avuga ko n’ubwo yaba ari umuntu umwe ugerageza kubangamira iyi gahunda, bidakwiye kwihanganirwa.

Agira ati “N’ubwo rwaba ari uruhare rutoya, ntabwo rukwiye kwemerwa. No kuvuga ngo hari urugo rumwe rw’umuturage rutabashije gutererwa umuti, bikwiye gutera ikibazo, bikwiye kumvikana ko hari amahirwe aba abujijwe umuturage yo kwirinda kurwara cyangwa se kurwaza malariya. Ni igikorwa cyo kurwanywa”!

Julien Mahoro Niyingabira avuga ko Leta y’u Rwanda ikoresha imbaraga nyinshi cyane kugira ngo iyi gahunda yo gutera imiti yica umubu ishoboke, ari nayo mpamvu iyi gahunda ibaho inshuro imwe mu mwaka.

Uyu muyobozi akaba avuga ko Guverinoma ishoramo miliyoni zisaga 30 z’amadolari ya Amerika (Ni hafi miliyari 30 mu Manyarwanda), buri mwaka.

Imibare ya RBC igaragaza ko malariya yagiye igabanuka cyane, kuko nko mu mwaka wa 2016-2017, imibare yerekanaga ko ku bantu 1000, abarwaye malariya bari 409.

Ni mu gihe imibare yo mu mwaka ushize wa 2022-2023, ku bantu 1000, abarwaye malariya bari 47.

Twagerageje kuvugana n’Urwego rw’Igihugu rw’Ubugenzacyaha (RIB), ngo ruduhe imibare y’abantu bafatiwe muri ibi bikorwa byo kugurisha imiti yagenewe guterwa mu nzu z’abaturage hirindwa Malariya, ariko ntibyadukundiye.

Umuvugizi w’uru Rwego Dr. Murangira B. Thierry, yadusabye ko twamuha ubutumwa bw’ibyo twifuza ko baduha, ariko kuva twamuha ubwo butumwa ntiyongeye kutuvugisha.

Gusa hari amakuru twahawe n’Ibitaro bya Nyamata muri Bugesera, avuga ko mu cyiciro giheruka cyo gutera imiti cyabaye mu kwezi k’Ugushyingo 2023, hari abaturage bafatiwe muri ibi bikorwa, cyane cyane mu Mirenge ya Shyara na Ngeruka. Abo bose ngo bashyikirijwe RIB kugira ngo bakurikiranwe.

Andi makuru ni ay’uko iyo hari ufatiwe muri ibi bikorwa byo kugurisha iyi miti, ahita akurwa mu bajyanama b’ubuzima, kuko aba yateshutse ku ndangagaciro yo kuba inyangamugayo.

Dr. Frank Habineza yijeje abaturage b’i Gicumbi uruganda rutunganya amata

Yabivuze kuri uyu wa Gatatu tariki 10 Nyakanga 2024, ubwo Ishyaka Green Party ryiyamamarizaga mu Murenge wa Byumba w’Akarere ka Gicumbi.

Dr. Frank Habineza yavuze ko Akarere ka Gicumbi kazwiho kugira umukamo mwinshi w’amata y’inka, ariko hakaba hari ikibazo cy’amakusanyirizo y’umukamo akiri makeya muri aka Karere.

Yongeyeho ko n’ubwo mu Karere ka Nyagatare gahana imbibi na Gicumbi hubatswe uruganda rukora amata y’ifu, ruri kure y’abaturage ba Gicumbi ku buryo bakeneye urwabo rwihariye.

Yagize ati “Tuzi ko hubatswe uruganda mu Karere ka Nyagatare, ariko harimo urugendo uvuye hano Gicumbi. Gahunda yacu ni uko buri Murenge hubakwa uruganda rutunganya ibikomoka ku buhinzi n’ubworozi biboneka muri uwo Murenge”.

Dr. Frank Habineza yavuze ko Ishyaka rye niriramuka ritowe, hari gahunda yo gufasha abaturage ba Gicumbi kongerera agaciro amata, bakajya bayohereza mu Mujyi wa Kigali ndetse n’ahandi bakabona amafaranga menshi.

Ati “Ikusanyirizo ni ryiza mu gukusanya amata mukayahashyira, ariko si ngombwa ko muhita muyohereza i Kigali ndetse n’ahandi. Mushobora kuyatunganya, mukayashyira mu mapaki meza, akajya i Kigali nibura namwe mufite icyo mubona, atari ukuvuga gusa ngo murayohereza mu majerekani. Mushobora no kuyohereza muri Uganda kuko na ho ni hafi ya hano, icya ngombwa ni ukoyongerera agaciro”.

Uretse umukamo w’amata kandi, Dr. Frank Habineza yanavuze ko muri aka Karere hera urutoki rwinshi ndetse rimwe na rimwe umusaruro warwo ugapfa ubusa.

Abahinzi b’urutoki na bo yabijeje ko hazashyirwaho inganda zitunganya umusaruro warwo, bikazafasha abahinzi kutagwa mu bihombo kandi bigatanga imirimo ku baturage benshi.

Dr. Frank Habineza yasezeranyije kunoza ubucukuzi bw’amabuye y’agaciro

Yabivuze kuri uyu wa Kabiri tariki 09 Nyakanga 2024, ubwo Ishyakya rya Green Party, ryiyamamarizaga mu Murenge wa Nyamabuye mu Karere ka Muhanga.

Iri shyaka riramamaza Dr. Frank Habineza ku mwanya wa Perezida wa Repubulika, ndetse n’abakandida 50 bemejwe na Komisiyo y’Igihugu y’Amatora, bahatanira imyanya mu Nteko Ishinga Amategeko.

Ubwo yagezaga ku baturage ba Muhanga imigabo n’imigambi y’ishyaka rye, Dr. Frank Habineza, yavuze ko aka Karere kari mu Turere ducukurwamo amabuye y’agaciro cyane, ariko ugasanga ubwo bucukuzi bukorwa mu buryo budakurikije amategeko.

Yagaraje ko hari ikibazo cy’abacukura nta burenganzira bafite, ndetse akenshi abaturage bakora ubucukuzi bakagwirwa n’ibirombe bagapfa.

Dr. Habize avuga ko aramutse atorewe kuyobora u Rwanda, ubucukuzi bw’amabuye y’agaciro mu gihugu hose bwarushaho gukorwa neza, by’umwihariko hakifashishwa ikoranabuhanga, ariko n’abayobozi mu nzego z’ibanze batanga ibyangombwa bakarushaho gushishoza mu kubitanga.

Ati “Twagombye gucukura dukoresheje ikoranabuhanga, ariko na ba Mayor batanga ibyangombwa bagasabwa gushishoza bagaha ibyangombwa abujuje ibisabwa, birinda ko abaturage basiga ubuzima mu birombe”.

Dr. Habineza yagaragaje ko mbere yo gucukura amabuye y’agaciro, byaba byiza habanje gupima neza hakamenyekana aho aherereye, aho kugira ngo abantu bacukure mu kajagari bayashakisha, bikarangira batanayabonye.

Yagize ati “Nasanze abantu bacukura uko babonye, bagacukura aha bakayabura, bakajya ahandi bakayabura, ndetse na bya binogo bacukuye bagasiga batabisibye. Ibyo si byo, nimutugirira icyizere, tuzashyiraho uburyo bwo kubanza gupima ubutaka mbere yo gucukura, abantu bacukure bazi neza ahari amabuye”.

Dr. Frank Habineza yavuze ko n’ubwo ahenshi mu Gihugu hacukurwa amabuye y’agaciro, nyamara abaturage baturiye ibirombe bakomeza guhera mu bukene, kuko amabuye yose acukurwa agahita yoherezwa mu bihugu by’amahanga.

Akavuga ko naramuka atorewe kuyobora u Rwanda, muri buri karere hazubakwa uruganda rutunganya amabuye y’agaciro ahaboneka, mu rwego rwo kuyongerera agaciro.

Ati “Ikindi kibazo nabonye, turacukura amabuye tukayohereza mu mahanga, abandi bagakira twebwe tugasigara dukennye. Ahacukurwa amabuye y’agaciro kuva muri za 1930, na n’ubu urahagera ugasanga nta terambere. Tuzashyiraho inganda zitunganya amabuye acukurwa, kugira ngo ajye hanze yongerewe agaciro, hanyuma baduhe amafaranga afatika yatugirira akamaro aho dutuye”.

Dr. Frank Habineza agaragaza ko izi nganda nizubakwa zizatanga akazi ku bantu benshi, bityo ikibazo cy’ibura ry’akazi haba mu rubyiruko ndetse n’abakuze na cyo gikemuke.

Mu bindi Ishyaka Green Party ryasezeranyije abaturage ba Muhanga, harimo gusana umuhanda wa Muhanga-Karongi, ariko hakanakemurwa ikibazo cy’abaturage badahabwa ingurane z’ubutaka bwabo cyangwa se ibindi bikorwa byangizwa.

Dr. habineza ati “Twebwe muri Politiki yacu, itegeko ryo gutanga ingurane ikwiye ku muturage turikomeyeho. Iri tegeko riteganya ko umuntu ahabwa ingurane ikwiye kandi akayihabwa ku gihe, ndetse ikajyana n’igihe Igihugu kigezemo”.

Iri shyaka rya Green Party kandi, ryasezeranyije abaturage b’i Muhanga gukemura ikibazo cy’amazi meza, nibura buri muturage akajya abona litiro 100 z’amazi meza ku munsi kandi atayishyuye.

Bamwe mu baturage bo mu Karere ka Muhanga, bashimye imigabo n’imigambi y’Ishyaka Green Party, bavuga ko bimwe mu byo iri shyaka rivuga biramutse bikozwe byaba ari byiza mu mibereho yabo.

Kimwe mu byo bagaragaza ko kibahangayikishije, harimo umusoro w’ubutaka, bavuga ko nk’uko iri shyaka ribivuga wagakwiye kuvaho burundu.

Uwitwa Mukanyandwi, yabwiye Kigali Today ati “Ikintu numvise nkumva ni cyiza ni umusoro w’ubutaka. Rwose ubundi uyu musoro wagakwiye kuvaho. Nibabikora rwose bizaba ari byiza cyane”.

Hari kandi bamwe mu baturage bavuga ko bifuza ko amazi akoreshwa mu ngo by’umwihariko mu Mujyi wa Muhanga yajya afatwa, agatunganywa hanyuma akongera gukoreshwa.

Bamwe muri aba baturage kandi banasaba ko abagikora ubucuruzi butemewe bazwi nk’abazunguzayi, bafashwa kwibumbira muri koperative zabafasha gukorera hamwe kandi bagahabwa aho bakorera, bityo bakabasha kwiteza imbere.

Dr. Habineza yasezeranyije abaturage b’i Bugesera kubaka uruganda rukora amagare

Yabivuze kuri uyu wa Mbere tariki 08 Nyakanga 2024, ubwo Ishyaka Green Party ryiyamamarizaga mu Murenge wa Juru w’Akarere ka Bugesera.

Dr. Frank Habineza yavuze ko uru ruganda ruzubakwa mu Karere ka Bugesera, gasanzwe kazwiho umwihariko wo kuba abaturage baho bakoresha amagare cyane mu mirimo yabo ya buri munsi, mu rwego rwo kugira ngo igare rirusheho kuba isoko y’ubukungu bw’abatuye Bugesera.

Ati “Aho kugira ngo amagare tujye tuyakura mu Bushinwa, twashyira uruganda hano mu Karere ka Bugesera, igare rikajya riboneka ku mafaranga macyeya ashoboka, ndetse byafasha n’Akarere kacu gutera imbere. Ibyo nimutugirira icyezere tuzabyigaho”.

Umunyamabanga Nshingwabikorwa w’Akarere ka Bugesera, Nkuranga Josepf niwe wakiriye Green Party

Yabasezeranyije kandi ko naramuka atorewe kuyobora Igihugu, azabubakira umuhanda wa kaburimbo uturuka mu Mujyi wa Nyamata ukagera mu Murenge wa Juru, kandi uyu muhanda ndetse n’indi iri mu Karere ka Bugesera ikazashyirwaho inzira zagenewe amagare gusa.

Yagize ati “Imihanda tuzubaka tugomba gushyiraho inzira zihariye z’amagare kuko usanga imodoka, amamoto n’amagare byose bica mu muhanda umwe, bigateza impanuka. Ibi rero bigomba gukemuka, amagare akagira inzira zayo, n’abanyamaguru bakagira ahabo ku buryo nta mpanuka”.

Bugesera, abaturage baje kwakira umukandida Perezida w’Ishyaka Green Party

Muri aka Karere ka Bugesera kandi, Dr. Frank Habineza yasezeranyoje abaturage gukumura burundu ikibazo cy’ibura ry’amazi meza.

Ishyaka Green Party kandi ryanaiyamamarije mu Karere ka Kicukiro

Muri aka Karere ka Kicukiro, ibikorwa byo kwiyamamaza byabereye mu Murenge wa Gahanga.

Dr. Frank Habineza mu Murenge wa Gahanga w’Akarere ka Kicukiro

Iri Shyaka ryasezeranyije abatuye muri Kicukiro by’umwihariko ndetse n’abatuye Umujyi wa Kigali muri rusange ko umukandida waryo naramuka atowe, azaharanira kunoza uburyo bwo gutwara abantu mu buryo bwa rusange muri uyu Mujyi.

Dr. Frank habineza yavuze ko hazanozwa uburyo abaturage batwarwa muri za bisi (buses), kuba hari abagenda bahagaze mu modoka bikavaho.

Dr. Frank Habineza kandi yagarutse ku bigo ngororamuco bijyanwamo inzererezi, avuga ko bikwiye kuvanwaho kuko nta Munyarwanda ukwiriye kwitwa inzererezi mu Gihugu cye.

Abaturage ba Gahanga bari benshi bakira Dr. Frank Habineza

Ati “Kwa Kabuga hariya ndaharwaye cyane! Ugasanga umuntu asanzwe mu muhanda, baramutwaye ngo ni inzererezi, umukobwa akitwa indaya, … abe ntibazi aho ajyanwe. Yagerayo agakubitwa, akarya rimwe ku munsi. RIB ni yo twemera ko yemerewe gufunga abantu, za transit centers nta tegeko rizemerera gufunga abantu. Ni mutugirira icyizere, transit centers zose uhereye kwa Kabuga tuzazikuraho”.

Aha muri Kicukiro kandi, Ishyaka Green Party ryasezeranyije abaturage kugabanya umusoro ku nyongeragaciro, ukava kuri 18% ukagera nibura kuri 14%, mu rwego rwo kugira ngo abaturage babashe guhaha badahenzwe.

Dr. Frank Habineza yasezeranyije Abanya-Kigali kunoza uburyo bwo gutwara abagenzi mu buryo bwa rusange

Iri shyaka kandi ryasezeranyije abatuye Umujyi wa Kigali gukuraho burundu umusoro w’ubutaka, kuko ubutaka ari umurage gakonndo Abanyarwanda bakaba badakwiye kubusorera.

Ati “Nimwongera mukatugirira icyizere, icyo twifuza ni uko umusoro w’ubutaka uvaho burundu. Ubutaka ni ubwacu nk’Abanyarwanda, Imana yadutuje muri iki Gihugu, nyuma yaho Leta iza kuza nyuma, ubutaka ibwita ubwayo, irangije irabudukodesha, igerekaho no kubudusoresha,…”.

Arakomeza ati “Ku cyangombwa cy’ubutaka hakwiye kwandikwaho ko ubutaka ari ubwawe, hakavaho ko uri umukode, kandi umusoro w’ubutaka na wo ukavaho burundu”.

Ishyaka Green Party rivuga ko ibi byose ryizeza Abanyarwanda bizakorwa nibaritora, na cyane ko rivuga ko n’ibyo ryabasezeranyije mu matora y’Abadepite aheruka na byo byakozwe.

Uretse Dr. Frank Habineza wiyamamaza ku mwanya wa Perezida wa Repubulika, Ishyaka Green Party riranamamaza abakandida 50 bemejwe na Komisiyo y’Igihugu y’Amatora, bahatanira imyanya mu Nteko Ishinga Amategeko.

Ishyaka rya Green Party ryijeje kunoza imitangire y’ingurane

Yabivuze ku Cyumweru, ubwo iri Ishyaka Green Party ryari ryakomereje ibikorwa byo kwiyamamaza muri utu turere.

Dr. Frank Habineza yavuze ko afite amakuru ko muri aka Karere ka Nyaruguru kimwe n’ahandi henshi mu Gihugu, hari ikibazo cy’abaturage bataka kudahabwa ingurane z’imitungo yabo, iba yarangijwe cyangwa se barayimuwemo ku bw’inyungu rusange.

Dr. Habineza yavuze ko n’abahawe ingurane z’imitungo yabo bahabwa izidakwiye, cyangwa se bakazibaha igihe cyararenze.

Avuga ko mu myaka itanu Ishyaka Green Party rimaze mu Nteko Ishinga Amategeko y’u Rwanda ryakoze ubuvugizi kuri iki kibazo, ariko na n’ubu kikaba kitarakemuka.

Yagize ati “Si hano gusa, n’i Kigali birahari. Ni ibintu bibabaje cyane ariko ni ibintu twakozeho, ndetse twanaganiriye n’Urwego rw’Umuvunyi kuri iki kibazo, kuko ni ubintu bibabaje cyane, kuba umuturage yangirizwa imitungo agahabwa ingurane idakwiye”.

Frank Habineza yagaragaje ko mu gihe bibaye ngombwa ko abaturage bimurwa iba ari ukwimura abantu ku bw’inyungu rusange, umuturage agomba guhabwa ingurane ikwiye kandi akayibonera ku gihe. Ati “Ni byiza ko hakurikizwa amategeko nta guhutazwa. Icyo ni cyo cyifuzo cyacu, nimutugirira icyizere tuzabikora”.

Ikindi iri shyaka rivuga ni uko mu gihe abaturage bimurwa ku bw’inyungu rusange, ibiciro bishyurirwaho bigomba kujyana n’igihe, ku buryo umuturage nibamuha amafaranga azagira icyo amumarira.

Dr. Habineza avuga ko ishyaka rye ritabeshya, kuko no mu matora y’Abadepite ya 2018, ibyo basezeranyije abaturage byagezweho nibura hejuru ya 70%. Ati “Dufite gahunda nziza, turi ishyaka rivugisha ukuri, dufite n’ibigwi”.

Green Party yizeza Abanyarwanda ko uko bayigiriye icyizere mu matora aheruka, nibakomeza kuyigirira icyizere ibyo ibasezeranya byose bizakora.

Dr. Frank Habineza ubwo yari ageze mu Karere ka Rulindo

Ni bimwe mu byo iri shyaka ryatangarije mu turere twa Rulindo na Gakenke kuri kuri uyu wa Gatanu tariki 05 Nyakanga 2024, ku munsi wa 13 w’ibikorwa byo kwiyamamaza mu matora ateganyijwe ku wa 15 z’uku kwezi kwa Nyakanga 2024.

Komiseri muri iri shyaka, akaba asanzwe anavuka mu Karere ka Rulindo, Jean Marie Mwiseneza, yavuze ko mu Rwanda hose muri rusange ndetse no muri Rulindo by’umwihariko, abaturage benshi bagicana inkwi, amakara cyangwa se ibishangari (abandi bita ibikori).

Komiseri Mwiseneza akagaragaza ko ibi bidakwiriye Abanyarwanda, na cyane ko Ishyaka rya Green Party rifite mu ntego zaryo kurengera ibidukikije.

Komiseri Mwiseneza Jean Marie

Mwiseneza ariko avuga ko kimwe mu bikibangamiye gahunda yo gutekesha Gaz kuri benshi mu Banyarwanda, ari igiciro cyayo gihanitse, cyane cyane ku muntu ugiye kuyigura ku nshuro ya mbere.

Agira ati “Uyu munsi wa none Gaz ya makeya ku muntu ugiye kuyikoresha bwa mbere, igeze ku bihumbi 40Frws. Mu migabo n’imigambi ya Green Party, yiyemeje kongeramo nkunganire, ku buryo nibura umuntu ashobora kujya kuyigura bwa mbere akaba yayigura amafaranga atarenze ibihumbi 10Frws”.

Komiseri Mwiseneza kandi avuga ko mu gihe Gaz yashizemo mu icupa, umuturage asabwa kuba afite amafaranga agura icupa ryose ryuzuye, nyamara yagakwiye koroherezwa akishyura Gaz ihwanye n’amafaranga afite.

Ati “Harimo agashya kandi numvise keza, ko umuntu azajya ajyana icupa rya Gaz, akajya kuri sitasiyo, bakamuha ihwanye n’amafaranga afite. Icyo ni kimwe mu byo numvise byiza Green Party izadukorera, kandi kidakomeye”.

Hari bamwe mu baturage bo mu Turere twa Rulindo na Gakenke babwiye Kigali Today ko bataratangira gucana bakoresheje Gaz, ariko bakavuga ko babiterwa no kuba igiciro cyayo kiri hejuru.

Icyakora hari n’abavuga ko batayikoresha kuko bafite amakuru ko itera impanuka za hato na hato, bagatinya ko yabaturikana.

Uwitwa Nyinawumuntu ukorera kuri Base mu Karere ka Rulindo, ati “Jyewe sinabasha kwigondera Gaz numva ngo irahenda! Ubwo se ibihumbi za 60 nayakura hehe!”.

Ishyaka Green Party rivuga ko kugira ngo ibyo ryizeza Abanyarwanda bizagerweho ariko barihundagazaho amajwi mu matora y’Umukuru w’Igihugu bagatora umukandida waryo Dr. Frank Habineza, ndetse bakanatora ku kirango cyaryo ari cyo inyoni ya Kagoma (Eagle), aho bazaba batoye abakandida baryo ngo binjire mu Nteko Ishinga Amategeko.

Dr. Frank Habineza, umukandida ku mwanya wa Perezida wa Repubulika, ati “Impamvu nyamukuru yatuzanye hano, ni ukubasaba amajwi kugira ngo ibi byiza byose tuvuga bizabashe kugerwaho”.

Uretse Dr. Frank Habineza wiyamamariza umwanya w’Umukuru w’Igihugu, iri shyaka rinafite abakandi 50 bemejwe na Komisiyo y’Igihugu y’Amatora, bahatanira kwinjira mu Nteko Ishinga Amategeko.

Nyuma ya Rulindo na Gakenke, kuri uyu wa gatandatu tariki 06 Nyakanga 2024, Ishyaka Green Party rirakomereza ibikorwa byo kwiyamamaza mu Karere ka Muhanga mu Ntara y’Amajyepfo.

DR Habineza yiyamamariza i Rubavu kuri Mahoko

Ishyaka Green Party ryiyamamarije mu Karere ka Ngoma tariki ya 24 Kamena 2024, ukaba wari umunsi wa gatatu w’ibikorwa byaryo byo kwiyamamaza.

Mu kiganiro abayobozi b’ishyaka bagiranye n’itangazamakuru kuri uyu wa Kabiri tariki 02 Nyakanga 2024, Dr. Frank Habineza yagarutse ku ishusho rusange y’ibikorwa byo kwiyamamaza, bigeze hagati.

Dr. Frank Habineza yavuze ko muri rusange ibikorwa byo kwiyamamaza byatangiye bisa n’ibigoranye, ariko ko muri iyi minsi bigeze hagati birimo kugenda neza.

Dr. Frank Habineza yikomye Njyanama y’Akarere ka Ngoma

Yagize ati “Kwiyamamaza twabitangiye bigoranye, ariko uko iminsi igenda bigenda bisobanuka kurushaho. Twatengushywe n’Akarere ka Ngoma gusa, ariko ahandi byagenze neza, n’ibyo twabonye bitadushimisha ntabwo twabitindaho”.

Muri aka Karere ka Ngoma, Ishyaka Green Party rinenga ko ku munsi ryahawe wo kwiyamamaza, ubuyobozi bw’Akarere bwirengagije nkana amabwiriza yose ya Komisiyo y’Igihugu y’Amatora, butegura ibindi bikorwa byo kwamamaza abakandida b’Umuryango FPR-Inkotanyi, ndetse bunahategura inama itunguranye.

Umunyamabanga Mukuru wa Green Party, Hon Jean Claude Ntezimana

Umunyamabanga Mukuru wa Green Party, Hon Jean Claude Ntezimana, ari na we ushinzwe ibikorwa byo kwamamaza umukandida waryo, agira ati “Aho bitagenze neza, ni muri Ngoma, habayeho guhuza gahunda y’imitwe ibiri. Abandi na bo baje kwiyamamariza hafi y’ahantu twari turi, ndetse bashyiraho indangururamajwi zihamagarira abaturage kwitabira inama itunguranye kandi bari bazi ko uwo munsi twawusabye”.

Dr. Frank Habineza yavuze ko uku kubangamirwa bitabaye inshuro ya mbere kuri aka Karere, ndetse avuga ko ibikorwa byo kwiyamamaza ndetse n’amatora nyir’izina nibirangira bazabikurikirana.

Mayor wa Rubavu Prosper Mulindwa ni we wakiriye Green Party muri Rubavu

Ati “Akarere ka Ngoma wagira ngo harimo umuzimu. Si ubwa mbere! Ariko ntabwo bizahagararira aha, ni duhuguka tuzabikurikirana. Turifuza ko Inama Njyanama yose yegura ikavanwaho”.

Uretse mu Karere ka Ngoma kandi, no mu Karere ka Ngororero ubwo iri shyaka ryahiyamamarizaga, hagaragaye abaturage bari bitwaje ibirango by’indi mitwe ya politiki ndetse banaririmba indirimbo zayo.

Icyo gihe nabwo Umunyamabanga Mukuru wa Green Party Hon Jean Claude Ntezimana yavuze ko ari ibintu bidakwiye, ariko ko iyo barebye bikorwa n’abantu ku giti cyabo batatumwe n’iyo mitwe ya politiki.

Dr Frank Habineza yagiranye ikiganiro n’itangazamakuru

Mu ri rusange iri shyaka rigaragaza ko rigereranyije no mu kwiyamamaza mu matora y’Umukuru w’Igihugu ya 2017, kuri iyi nshuro ryarushijeho kunguka abarwanashyaka, kandi abaturage bakaba bararushijeho kurikunda no kwitabira kuza kumva imigabo n’imigambi yaryo.

Dr. Frank Habineza ati “Iyo dusuhuza abaturage ubona batwakirana urugwiro rukomeye cyane, iyo abaturage bambwira ngo turagukunda cyane, ni wowe, tuzagutora, […] ni ibintu bishimishije cyane”.

Dr Habineza yishimira uburyo abaturage basigaye bitabira ibikorwa by byo kwamamaza bitandukanye no hambere

Akomeza agira ati “Ikindi nagarukaho, abaturage baza kutureba ni abaza bizanye kuko baza baje gukurikira ibikorwa byacu. Ntabwo bangana n’abandi, ariko icya ngombwa ni uko ubutumwa bwacu bugera kure”.

Kugeza ubu Ishyaka Green Party rimaze kuzenguruka mu turere 15, bikaba biteganyijwe ko mu minsi 11 isigaye rizagera no mu tundi turere 15 dusigaye.

Dr. Habineza amaze kuzenguruka uturere 15

Ibi bisobanura ko muri aya matora hahindutse byinshi, birimo n’imiterere y’icyumba cy’itora, ubwihugiko, impapuro z’itora ndetse n’amasanduku y’itora.

Mu gihe mu cyumba cy’itora hajyaga haba harimo isanduku imwe y’itora, kuri iyi nshuro icyumba cy’itora kizaba kirimo amasanduku y’itora abiri kandi adasa.

Komisiyo y’Igihugu y’Amatora, ivuga ko isanduku izashyirwamo impapuro zizaba zatoreweho Perezida, izaba ifite ibara ry’umweru ndetse ifite n’umupfundikizo w’umweru, mu gihe izashyirwamo impapuro zizatorerwaho Abadepite, ifite ibara ry’umweru ariko ikagira umupfundikizo w’umukara.

Ni na ko bimeze ku mpapuro z’itora. Urupapuro ruzatorerwaho Perezida wa Repubulika, rufite ibara ry’umweru imbere n’inyuma, naho uruzatorerwaho Abadepite rukagira ibara ry’umweru imbere ndetse n’irya Kaki inyuma.

Umubare w’abakorerabushake na wo wariyongereye, kuko ubusanzwe mu icyumba kimwe cy’itora cyagiraga abakorerabushake bane, ariko kuri iyi nshuro bakazaba ari batanu.

Inzira y’itora izaba iteye ite?

Komisiyo y’Amatora igaragaza ko muri aya matora yo muri Nyakanga 2024, icyumba cy’itora kizaba kirimo abakorerabushake batanu, ubwihugiko bubiri ndetse n’amasanduku y’itora abiri.

Ibi bivuze ko umuntu uje gutora azajya abanziriza ku mukorerabushake (umuseseri) wa mbere umureba niba ari kuri lisiti y’itora, hanyuma yasanga ariho agakomereza ku museseri umuha urupapuro rw’itora agomba gutoreraho Perezida wa Repubulika.

Utora azajya ahita akomereza mu bwihugiko bwagenewe gutorerwamo Perezida wa Repubulika, hanyuma namara gutora ahite ajyana urupapuro yatoreyeho mu isanduku yagenewe gushyirwamo impapuro zatoreweho Perezida wa Repubulika.

Utora azahita akomereza ku museseri umuha urupapuro rwo gutoreraho Abadepite, akomereze mu bwihugiko bwagenewe gutorerwamo Abadepite, hanyuma namara gutora ajyane urupapuro yatoreyeho mu isanduku yagenewe gushyirwamo impapuro zatoreweho Abadepite.

Nyuma yo gutora, utora azajya asoreza ku museseri umushyiraho wino igaragaza ko yatoye, hanyuma abe asoje unzira yo gutora asohoke.

Komisiyo y’Amatora igaragaza ko muri iyi nzira nta ho abaturage batora bazagonganira kuko bizajya bikorwa bisa n’aho ari umurongo umwe, bidasaba kandi gusubira inyuma.

Amatora ya Perezida wa Repubulika n’ay’Abadepite, azaba ku itariki ya 14 Nyakanga ku Banyarwanda bari hanze y’u Rwanda, ndetse no ku itariki ya 15 n’iya 16 Nyakanga 2024 ku Banyarwanda bari inbere mu Gihugu.

Ku itariki ya 16 Nyakanga 2024, hazaba amatora y’Abadepite batorerwa mu byiciro byihariye, ari byo icy’abagore, icy’abantu bafite ubumuga ndetse n’icy’urubyiruko.

Kugeza tariki ya 14 Kamena 2024, Komisiyo y’Igihugu y’Amatora yagaragaza ko kuri lisiti y’itora y’agateganyo, hariho abantu 9,012,789. Muri aba, harimo abantu 62,917 bazatorera hanze y’u Rwanda.

Ibi ni ibimwe mu byo umukandida w’iri Shyaka, Dr. Frank Habineza akunze kugarukaho mu bikorwa bye byo kwiyamamaza, cyane cyane mu turere dukora ku bihugu by’ibituranyi by’u Rwanda.

Kuri uyu wa Mbere tariki 01 Nyakanga 2024, Ishyaka Green Party ryari ryakomereje ibikorwa byo kwiyamamaza mu Turere twa Rusizi na Nyamasheke mu Ntara y’Uburengerazuba.

Akarere ka Rusizi gahana imbibe n’ibihugu by’u Burundi ndetse na Repubulika ya Demukarasi ya Congo (RDC), mu gihe Nyamasheke yo ihana imbibe na Repubulika ya Demukarasi ya Congo gusa.

Kugeza ubu imipaka ihuza u Rwanda n’u Burundi irafunze ku ruhande rw’u Burundi, mu gihe umupaka wa Rusizi uhuza u Rwanda na RDC ufungura saa mbili za mugitondo, ugafunga saa cyenda z’igicamunsi.

N’ubwo ku ruhande rw’u Rwanda imipaka ari nyabagendwa, Dr. Frank Habineza agaragaza ko kuba ibihugu by’ibituranyi bifunga imipaka ibihuza n’u Rwanda bigira ingaruka ku baturage, cyane cyane abaturiye iyo mupaka.

Kuri we agasanga naramuka atorewe kuyobora u Rwanda, azashyiraho uburyo bwo gusinyana amasezerano n’ibihugu by’ibituranyi, ateganya ko n’iyo habaho ibibazo hagati yabyo, imipaka yo itagomba gufungwa.

Agira ati “haba hari ibibazo hagati y’ibihugu. Icyo dushaka kuvuga rero, ni ugushaka uburyo ibibazo Bihari byakemuka, igihugu runaka kidafashe umwanzuro wo gufunga umupaka”.

Arakomeza ati “Muri politiki yacu y’ububanyi n’amahanga n’ubutwererane, tugomba gushyiraho amasezerano hagati y’ibihugu by’ibituranyi cyangwa se mpuzamahanga, ku buryo n’iyo twaba dufitanye ibibazo bimeze gute, nta gihugu kigomba gufata umwanzuro wo gufunga umupaka ugihuza n’ikindi gihugu”.

Dr. Frank Habineza avuga ko ibi ari ibintu bishoboka, agendeye ku yandi masezerano aba asanzwe hagati y’ibihugu kandi akubahirizwa, kabone n’ubwo ibyo bihugu byaba bitabanye neza.

Urugero ni nk’amasezerano ahuriwe n’ibihugu byo mu Karere k’Ibiyaga Bigari, ateganya ikosaranganywa ry’umuriro w’amashanyarazi akomoka kuri Rusizi ya Kabiri, kandi ko n’ubwo muri ibibihe u Rwanda na Repubulika ya Demukarasi ya Congo bitabanye neza, ayo masezerano akomeza kubahirizwa.

Dr. Habineza ati “Nk’ubu hari amasezerano dufitanye na Congo, ntibashobora gukupa umuriro byanze bikunze n’ubwo twarwana na Congo”.

Dr. Habineza avuga ko iyo imipaka ifunzwe, abafata ibyo byemezo ahanini bitabagiraho ingaruka zikomeye, ko ahubwo zigera ku baturage bo hasi.

Ati “Nk’ubu u Burundi bwadufungiye imipaka buzi ko buzababaza abayobozi b’u Rwanda, ariko sib o, ahubwo ni abaturage b’igihugu byombi bababara. Ugasanga Abarundi bifuza kuzana amamesayabo mu Rwanda ntibayazana, natwe ibyo twifuza kujyana mu Burundi ntibijyayo”.

Bamwe mu baturage bo muri Rusizi baganiriye na Kigali Today, bagaragaje ko kuba umupaka ubahuza na Congo ufungwa saa cyenda z’amanywa bibangamiye imihahiranire, kuko n’abajyanye ibicuruzwa muri Congo hari ubwo bataha bitagurishijwe kubera ko amasaha abafashe, bakabitahana ukobabijyanye.

Hari kandi ngo n’abajya kurangura yo ibicuruzwa, ariko amasaha akabafata bataramara kurangura bigasaba ko bazongera kugaruka undi munsi.Bakifuza ko hajyaho uburyo buhamye bwo gutuma imipaka ibahuza n’ibihugu by’ibituranyi idafungwa.

Mu kwiyamamaza muri utu turere twa Rusizi na Nyamasheke, Ishyaka Green Party ryasezeranyije abaturage batwo ko nibaritora, hazubakwa umuhanda wa Gali ya Moshi, uzoroshya ingendo ziganamuri ibyo bice zvuye cyane cyene mu Mujyi wa Kigali, ubusanzwe zifatwa nk’izigoranye.

Byagarutsweho ubwo iri Shyaka ryakomezaga ibikorwa byo kwiyamamaza mu Ntara y’Amajyepfo mu Karere ka Huye, kuri uyu 30 Kamena 2024. Riramamaza Dr. Frank Habineza ku mwanya wa Perezida wa Repubulika, ndetse n’bakandida 50, bahatanira imyanya mu nteko ishinga amategeko.

Ubusanzwe itegeko ry’Ikigo Gishinzwe Ubwiteganyirize mu Rwanda (RSSB), rigenga imitangire ya ‘Pension’, riteganya ko umukozi wateganyirijwe iza bukuru, yemerewe gusaba guhabwa amafaranga y’ikiruhuko cy’iza bukuru guhera ku myaka 60, akayahabwa buri kwezi mu gihe yamaze imyaka nibura 15 ateganyirizwa.

Mu gihe uwateganyirijwe iza bukuru atateganyirijwe imyaka 15 kuzamura, iyo agejeje imyaka 60 ahabwa amafaranga y’izabukuru ahabwa ari imbumbe inshuro imwe.

Iri shyaka rigaragaza ko ku myaka 60 iteganywa n’itegeko, uwateganyirijwe aba amaze gusaza na cyane ko icyizere cy’ubuzima mu Rwanda (Life Expectancy), cyigeze ku myaka 70.27, rigasanga uwateganyirijwe nta gihe aba asigaranye cyo kubeshwaho n’ayo mafaranga.

Umunyamabanga Mukuru wa Green Party, Hon. Jean Claude Ntezimana, ati “Kubona pension bizava ku myaka 60 bijye ku myaka 55, ndetse ubisabye abe yayihabwa ku myaka 50. Pension ku myaka 60 yakumarira iki? Icyizere cy’ubuzima mu Rwanda ari imyaka 70!".

Yakomeje agira ati “Umuntu akwiye gutangira gufata pension agifite amenyo yose, aho kuyiguha usigaranye abiri, na yo agahita akuka, watangira kuyiryaho ugahita utaha, bagusezera”.

Ishyaka rya Green Party kandi risezeranya abaturage ko niritorwa, rikabona imyanya mu Nteko Ishinga Amategeko, hazavugururwa gahunda y’ubwisungane mu kwivuza, buri munyamuryango akagira uburenganzira bwo kugura imiti muri farumasi zigenga nk’uko abafite ubundi bwishingizi babyemererwa.

Ishyaka Green Party rivuga ko ibi bishoboka, kuko no mu matora y’Abadepite aheruka ryiyamamaje risezeranya abaturage ko ufite ubwisungane mu kwivuza azajya yemererwa kwivuza akimara kwishyura, kandi bikaba byarakozwe.

Ishyaka kandi risezeranya abaturage kuvugurura gahunda yo kugaburira abana ku ishuri (School Feeding), abana bakajya bafata ifunguro ryuzuye.

Dr. Frank Habineza ati “Ku ishuri abana bazajya barya indyo yuzuye kandi ihagije, nta byo kurya indyo imwe”.

Iri shyaka kandi risezeranya abaturage kuvugurura imibereho, nibura buri muturarwanda akagira ubushobozi bwo kubona ifunguro inshuro eshatu ku munsi.

Uko Pansiyo itangwa

Pansiyo y’ubusaza itangwa ku myaka 60 iyo uwiteganyirije yakoze imyaka 15 atanga umusanzu agahabwa 30% by’umushahara ngereranyo w’ukwezi mu myaka itanu ya nyuma y’akazi ariko buri mwaka hakiyongeraho 2%.

Uwiteganyirije kandi ashobora guhabwa pansiyo y’imburagihe atarageza ku myaka 60 mu gihe ubushobozi bw’umubiri we bwagabanutse bikemezwa na muganga. Hari na pansiyo y’ubumuga budafitanye isano n’akazi n’irebana n’abasizwe n’umunyamuryango mu bwiteganyirize.

Kuri pansiyo y’ubupfakazi, umupfakazi afata 50% by’ayo uwiteganyirije yagombaga gufata. Umwana ugifite umubyeyi umwe afata 25% mu gihe umwana usigaye ari imfubyi kuri se na nyina afata 50%.

Uwiteganyirije iyo apfuye nta we bashakanye asize cyangwa umwana, amafaranga ye ya pansiyo afatwa n’ababyeyi bagahabwa 25% by’ayo yagombaga guhabwa buri kwezi.

Uwagize ingorane zo kudatanga imisanzu y’ubwiteganyirize kugeza ku myaka 15, nta mahirwe agira yo guhabwa pansiyo ya buri kwezi ahubwo agira amafaranga ahabwa ingunga imwe ku yo yari yariteganyirije ariko na yo ayahabwa ari uko agejeje ku myaka 60 y’amavuko.

Umukandida-Perezida, Frank Habineza

Ibi ni bimwe mu byo abayobozi muri iri Shyaka bavugiye ku Kabaya mu Karere ka Ngororero, ubwo ryahiyamamarizaga kuri uyu wa Gatandatu tariki 29 Kamena 2024.

Umukandida wa Green Party, akaba asanzwe ari na Perezida wayo, Dr. Frank Habineza, yabwiye abaturage ba Kabaya ko natorwa, hazashyirwaho uburyo abaturage bazajya batanga ibitekerezo binyuze kuri telefoni zigendanwa, bikoherezwa ku Karere, hanyuma bigakusanywa, bikoherezwa kwa Minisitiri w’Intebe.

Dr. Frank Habineza yavuze ko ibitekerezo by’abaturage nibigera ku 1000, bizajya byoherezwa mu Nteko iIshinga Amategeko, hanyuma bikagirwa umushinga w’Itegeko.

Yagize ati “Turashaka ko Leta iba hafi y’umuturage, ibyo akeneye byose akabibonera hafi ye adakoze urugendo. Ibyo byose bizakunda nimutugirira icyizere”.

Umunyamabanga Mukuru w’Ishyaka Green Party, Jean Claude Ntezimana, yavuze ko gahunda y’ishyaka ari ukwakira ibitekerezo biturutse mu baturage, kuko ari uburyo bwiza bwo kumenya neza icyo umuturage akeneye.

Agira ati “Tuzashyiraho ikigo gikorana n’Inteko Ishinga Amategeko, gishinzwe kwakira ibyo bitekerezo, noneho byagera ku 1000 bikaba byaba umushinga w’itegeko. Ni gahunda ihari kandi ishiboka, kandi ni na gahunda yo gusangira ijambo uko buriya ibyo unyifuriza, ntabwo ukwiriye guhamya 100% ko ari byo bimbereye, uretse jyewe umbajije kandi wamara kumbaza ukampa n’amahirwe yo kubyivugira”.

Umunyamabanga Mukuru w’Ishyaka Green Party, Jean Claude Ntezimana

Nk’uko bisanzwe mu kwiyamamaza kwiri Shyaka, risezeranya abaturage ko nibatora umukandida waryo ku mwanya wa Perezida wa Repubulika, rizagabanya umusoro ku nyongeragaciro, ukava kuri 18% ukagera kuri 14%, kuburyo ibiciro by’ibicuruzwa cyane cyane ibiribwa bizagabanuka.

Dr. Frank Habineza agira ati “Dufite gahunda yo kwigisha urubyiruko rwacu imyuga ndetse no guteza imbere umurimo hashyirwaho ishuri ry’imyuga muri buri murenge, ariko rikaba ari ishuri ryigisha cyane cyane imyuga ijyanye n’ibintu bihaboneka”.

Mu rwego rwo guteza imbere ubuhinzi n’ubworozi, Ishyaka Green Party rivuga ko umukandida waryo natorwa, rizashyiraho ikigega gitanga amafaranga y’inguzanyo ku bahinzi n’aborozi, ariko ku nyungu iri hasi cyane itarenze 2%.

Dr. Habineza ati “Tukumva ko abantu bose bashaka gushora mu buhinzi n’ubworozi bazajya bakora imishinga bakiyandikisha ku Murenge, bamara kwemezwa bakabona amafaranga akabateza imbere”.

Dr. Habineza agaragaza ko ibi bizafasha kwihaza mu biribwa ariko no guhanga imirimo abantu bakava mu bushomeri.

Dr. Habineza agaragaza ko Ishyaka rye rishyize imbere ubumwe bw’Abanyarwanda, kandi ko kugira ngo Abanyarwanda batere imbere, basabwa gusigasira ubumwe bwabo, birinda uwabacamo ibice.

Yagarutse kandi kuri gahunda yo gukuraho igifungo cy’iminsi 30 y’agateganyo, avuga ko kidakwiye, ko ahubwo uketsweho ibyaha yajya afatwa, ariko basanga nta bimenyetso bimuhamya icyaha akarekurwa.

Ati “Habineza yanga akarengane kurusha ibindi byose. Nimungirira icyizere, ibintu byo gufungira abantu ubusa bizavaho”.

Dr. Habineza yavuze ko ibyo Ishyaka rya Green Party ryizeza abaturage rizabibagezaho nibaritora, na cyane ko n’ibyo ryabasezeranyije mu matora y’Abadepite yo muri 2018, byagezweho ku kigero kiri hejuru ya 70%.

Abashinzwe abakozi basabwe gukora kinyamwuga

Kuwa Gatanu tariki 28 Kamena 2024, abashinzwe abakozi bibumbiye mu ihuriro bise “People Matters”, bagiranye inama ya mbere, igamije kurebera hamwe uko hirya no hino mu bigo bakoreramo abakozi barushaho kwitabwaho, bityo na bo bakabasha gutanga umusaruro ibigo bakorera biba bibakeneyeho.

Steven Murenzi, umwe mu bashinzwe abakozi babigize umwuga, akaba kandi ari umuyobozi w’ishami rishinzwe abakozi mu Kigo cy’Igihugu cy’Imisoro n’Amahoro (Director for People Management), avuga ko kera imikorere y’abayobozi bashinzwe abakozi mu bigo bari bashinzwe gusa kwakira abakozi bashya, kubahemba ndetse no gufatira ibihano abakoze amakosa mu kazi.

Murenzi agaragaza ko ubu iyo mikorere yahindutse, abayobozi bashinzwe abakozi bakaba ari abahuza b’ibigo bakorera ndetse n’abakozi babyo, mu buryo bugirira inyungu impande zombi.

Steven Murenzi

Agira ati “Nko mu Rwanda, byamaze kugaragara ko umutungo kamere wa mbere ari abantu. Ni ukuvuga rero ko abashinzwe abakozi ni bo bagomba kumenya ngo aba bantu turababyaza umusaruro gutya kandi na bo babe bameze neza”.

Mu gushimangira iyi ngingo, Murenzi asaba abashinzwe abakozi mu bigo kurushaho kuba abanyamwuga, birinda kugira uruhande urwo ari rwo rwose babogamiraho.

Ati “Icya mbere ni ukuba umunyamwuga. Umunyamwuga muri aka kazi, ntareba inyungu z’uruhande rumwe, agomba kumenya ko inshingano ze ni ukugira inama ikigo, ariko akanakigira inama yo gucunga abakozi neza”.

Josephine Mirimo, ushinzwe abakozi mu kigo ‘Deliver Rwanda’, avuga ko umuyobozi ushinzwe abakozi mu kigo na we ubwe aba ari umukozi, bityo ko inshingano ze za mbere ari ukuvugira abakozi ashinzwe kuyobora, cyane cyane agendera ku biteganywa n’itegeko ry’umurimo.

Josephine Mirimo (Uri hagati)

Mirimo kandi avuga ko bitewe n’imiterere y’akazi, hari ubwo ushinzwe abakozi areba cyane umusaruro umukozi yatanze, aho kureba ku masaha yamaze ku kazi, na byo bikaba uburyo bwo gufasha umukozi kwita no ku zindi nshingano zirimo n’umuryango we.

Ati “hari n’ubwo ushInzwe abakozi ashobora kureka umukozi akaba yagera ku kazi saa yine cyangwa se akaza gutaha saa kumi. Icya ngombwa ni uko umukozi yita ku nshingano afite, kandi agatanga umusaruro yari akeneweho”.

Muri rusange abashinzwe gucunga abakozi barasabwa kurushaho gukora kinyamwuga, birinda guteza ikibazo ku bakozi bashinzwe, kuko iyo hari umukozi ugize ikibazo gitewe n’umukoresha we, bimugiraho ingaruka n’umuryango we wose.

Abakora muri uru rwego bavuga ko guhura bakaganira ku mikorere inoze y’uyu mwuga, mu rwego rwo kurushaho kugira abakozi bakora bishimye kandi bagatanga umusaruro.

Dr Habineza yijeje kuzamura imishahara y’abaganga naramuka atorewe kuyobora u Rwanda

Ibi yabitangarije mu turere twa Nyagatare na Gatsibo kuri uyu wa Gatatu tariki 26 Kamena 2024, ubwo Ishyaka Green Party ryakomezaga ibikorwa byo kwiyamamaza muri utwo turere.

Iri shyaka riramamaza Dr. Frank Habineza ku mwanya wa Perezida wa Repubulika, ndetse rikanamamaza abakandida 50 bahatanira imyanya mu Nteko Ishinga Amategeko.

Ubwo yiyamamazaga kuri uyu wa Gatatu, Dr. Frank Habineza yabwiye abaturage ko muri manda y’imyaka itanu ishize y’Abadepite, ishyaka rye ryakoze ubuvugizi imishahara y’abarimu, abasirikare n’abapolisi ikazamurwa.

Dr Habineza ubwo yiyamamarizaga i Nyagatare

Yavuze ko kuba ibyo byarashobotse, no kongera imishahara y’abaganga n’abakora kwa muganga bishoboka, bityo abakora muri uru rwego bakarushaho kwishima bagatanga serivisi nziza.

Ati “Umuganga utishimye ntiyakwakira umurwayi neza! Ajya kukwakira yakwibuka ko hari ibibazo atarakemura mu rugo, akakwakira yijimye, akakuka inabi, mbese aho wagiye ujya gushaka uwagukiza uburwayi ukahava warembye kurushaho”.

Ishyaka Green Party kandi rivuga ko rizakora ubuvugizi ku bakozi bakora mu rwego rw’ubuzima, na bo bakajya batangira akazi saa tatu kimwe n’abandi bakozi bo mu zindi nzego.

Umuyobozi w’Akarere ka Nyagatare wungirije ushinzwe Ubukungu, Matsiko Gonzague, yakira Ishyaka Green Party mu Karere

Dr. Habineza ati “Abaganga mwese, abari mu rwego rw’ubuvuzi, nimutugirira icyizere, byose bizakunda. Leta ishobora kuzamura icyogajuru mu kirere, yananirwa kuzamura umushahara wa muganga! Byose ni ubushake, kandi birashoboka. Icyo mbasaba ni ikintu kimwe gusa, ni ukutugirira icyizere”.

Dr. Habineza uhatanira kuyobora u Rwanda, yabwiye abaturage ba Gatsibo na Nyagatare ko nibatora ishyaka rye batazicuza, kuko no muri manda ishize y’Abadepite ibyo bari barasezeranyije abaturage babikoreye ubuvugizi, kandi Leta ikaba yarabishyize mu bikorwa nibura ku gipimo cya 70%.

Abaturage ba Nyagatare bakiriye Ishyaka Green Party

Ati “Nimutugirira icyizere ntabwo muzicuza! Ibyo twababwiye muri 2018, byagezweho 70%. Ibyo tutagezeho byari birenze ubushobozi bwacu”.

Kimwe mu byo Ishyaka Green Party rivuga ko rizakorera ubuvugizi, ni ugufasha abaturage bivuza bakoresheje Mituweli, kubasha kugura imiti bandikiwe na muganga muri farumasi, nk’uko bigenda ku bakoresha ubundi bwishingizi.

Ibi bavuga ko bizashoboka, kuko no mu byo bakoreye ubuvugizi muri manda iheruka, harimo kuba umuntu asigaye yishyura ubwisungane mu kwivuza (mituweli), agahita atangira kwivuza atabanje gutegereza ukwezi.

Frank na Madamu we i Gatsibo

Dr. Habineza ati “Kera abaturage bishyuraga mituweli, bagategereza kwivuza nyuma y’ukwezi. Twatanze igitekerezo mu Nteko muri Komisiyo y’Imibereho y’Abaturage nari ndimo, tubishyira mu itegeko ubu umuturage utanze mituweli yemerewe gutangira kwivuza ako kanya”.

By’umwihariko muri iyi Ntara y’Uburasirazuba, Ishyaka Green Party ryijeje abaturage ko nibarigirira icyizere bagatora umukandida waryo ku mwanya w’Umukuru w’Igihugu, ndetse bakanarihesha imyanya mu Nteko Ishinga Amategeko, ubuhinzi buzashyirwamo imbaraga hibandwa mu gukoresha ikoranabuhanga no kongera umusaruro.

Dr. Frank Habineza yari ari kumwe n’umugore we n’abana

Iki gice gikunze kwibasirwa n’izuba ryinshi n’amapfa, iri shyaka rikaba ryizeza abaturage ko hazashyirwa imbaraga mu gufata amazi y’imvura akajya yifashishwa mu kuhira imyaka.

Dr. Habineza yavuze ko ibyo ishyaka rye ryizeza abaturage rizabikora, kuko ritabeshya.

Ati “Iyo tuvuze biraba ntabwo tubeshya, icyo tuvuze tugihagararaho, n’iyo imvura yagwa n’iyo izuba ryacana. Ibyo twakoreye ubuvugizi bikagerwaho, mbere tubivuga baduteye ubwoba mu Nteko ngo ‘nzatakaza umugati’, ariko jyewe sinagiye mu Nteko gushaka umugati, kuko nagiye mu nteko uwo mugati nwyufite”.

Morale y’abarwanashyaka ba DGPR n’abaturage ba Nyagatare

Abaturage b’i Gatsibo

Dr. Frank Habineza yijeje ab’i Kirehe kubona amazi meza bihoraho

Ibi yabitangarije mu isantere ya Nyakarambi mu Murenge wa Kigina, aho Ishyaka Green Party ryakomereje ibikorwa byo kwiyamamaza mu matora azaba mu kwezi gutaha kwa Nyakanga 2024.

Iri shyaka riramamaza umukandida ku mwanya wa Perezida wa Repubulika Dr. Frank Habineza, ndetse n’abakandida 50 bemejwe na Komisiyo y’Igihugu y’Amatora, biyamamariza kujya mu Nteko Ishinga Amategeko Umutwe w’Abadepite.

Akarere ka Kirehe kari mu turere two mu Ntara y’Uburasirazuba dukunze guhura n’ikibazo cy’amazi meza, by’umwihariko mu bihe by’impeshyi.

Dr. Habineza i Kirehe

Henshi ku mavomero iyo utambutse usanga hari amajerekani menshi cyane ategereje ko amazi aboneka abaturage bakavoma.

Ni ikibazo abatuye muri aka Karere bavuga ko kibabangamiye kuva mu myaka myinshi ishize, ndetse ngo iyo bigeze muri ibi bihe by’impeshyi ijerekani imwe bayigura amafaranga 200 na 300 y’u Rwanda.

Umuturage witwa Uwitonze Claudine wo mu Kagari ka Rwanteru mu Murenge wa Kigina, yabwiye Kigali Today ati “Ikibazo cy’amazi ino aha cyaratuzonze, ubu aya majerekani yose ubona hano turaza kuvoma saa mbili z’ijoro cyangwa saa tatu z’ijoro, kandi ubwo ijerekani imwe kuyivoma twishyura amafaranga 300”.

Arongera ati “Ni ukuri uwadufasha tukabona amazi nta cyo tutamuha”.

Abanya-Kirehe bahangayikishijwe n’ibura ry’amazi

Mu bikorwa bye byo kwiyamamaza, Dr. Frank Habineza uhatanira kuyobora u Rwanda, yavuze ko iki ari ikibazo kizwi muri iyi Ntara y’Uburasirazuba, ariko avuga ko bishoboka ko cyabonerwa igisubizo, abaturage bakabona amazi meza ku buryo buhoraho.

Dr. Frank Habineza yavuze ko mu migambi y’Ishyaka Green Party harimo kurengera ibidukikije, bityo ibidukikije bakaba babyitaho byihariye ari nayo mpamvu hifuzwa ko hazajyaho itegeko rigena uburenganzira bwihariye ku mazi nk’uko bimeze muri Afurika y’Epfo.

Abaturage bagaragarije Dr. Frank Habineza ko babangamiwe n’ikibazo cy’amazi

Yagize ati “Bikwiye kujya mu itegeko ko buri Munyarwanda wese agira uburenganzira ku mazi meza, cyane ku banyakirehe Leta ikaba ifite inshingano ko buri Munyarwanda agomba kubona amazi meza nibura amajerekani atanu ku munsi. Ayo leta ikayatanga nta kiguzi umuturage asabwe, yashaka arenzeho icyo gihe akishyura”.

Ishyaka Green Party ririyamamaza kandi ryizeza abaturage ko nibaritora rikabona imyanya mu Nteko Ishinga Amategeko, rizakora ubuvugizi bugamije kurwanya ubushomeri cyane cyane mu rubyiruko.

Ibi babishingira ku mibare yatangajwe n’Ikigo cy’Igihugu cy’Ibarurishamibare, yaragaje ko 25% by’urubyiruko bari mu bushomeri.

Dr. Frank Habineza ati “Gahunda dufite ni uko buri murenge wa Kirehe ugira uruganda ruto rutunganya umusaruro ukunze kuboneka muri uwo murenge. Ibi byagabanya ubushomeri, kuko buri wese ushoboye gukora muri uwo murenge yabona icyo akora kijyanye n’ibyo ashoboye”.

Ishyaka Green Party kandi rivuga ko umukandida waryo ku mwanya wa Perezida wa Repubulika natorwa, ndetse n’abakandida bahatanira imyanya mu Nteko bakayibona, bazashyiraho ikigo cy’Igihugu gishinzwe guhuza abashaka akazi n’abagatanga, kandi kikagira ishami muri buri Murenge, ku buryo buri wese ushaka akazi yiyandikisha bakamufasha kumuhuza n’abafite akazi kajyanye n’ibyo ashoboye.

Green Party kandi irizeza Abanyarwanda ko nibayitora, izaharanira ko buri Munyarwanda yakwihaza mu biribwa, nibura akabasha kubona ifunguro inshuro eshatu ku munsi.

Ku kibazo cy’amapfa n’izuba ryinshi bikunze kwibasira agace k’Uburasirazuba, Dr. Frank Habineza agaragaza ko bazaharanira ko hashyirwaho uburyo burambye bwo gufata amazi akabikwa hanyuma akajya yuhira imyaka mu bihe by’izuba.

Ibyo iri shyaka ryizeza abaturage mu gihe baba baritoye bakariha amahirwe yo kubona imyanya mu Nteko Ishinga Amategeko, rivuga ko bizagerwaho kuko n’ibyo ryabasezeranyije mu matora yo muri 2018 byagezweho ku kigero nibura kiri hejuru ya 70%.

Dr. Frank Habineza

Yabivugiye mu Karere ka Ngoma kuri uyu wa Mbere tariki 24 Kamena 2024, aho iri shyaka ryakomereje ibikorwa byo kwiyamamaza mu matora ya Perezida wa Repubulika ndetse n’ay’Abadepite, azaba mu kwezi kwa Nyakanga 2024.

Dr. Frank Habineza urimo wiyamamariza kuyobora u Rwanda ku nshuro ya kabiri, yavuze ko ubwo yiyamamazaga mu matora yo muri 2017, na bwo yari yasezeranyije Abanyarwanda ko nibamutora azakuraho umusoro w’ubutaka, ariko icyo gihe akaba ataragize amahirwe yo gutorwa.

Yavuze ko ishyaka Green Party ryatsinze amatora y’Abadepite muri 2018, ribona imyanya mu Nteko Ishinga Amategeko, akavuga ko icyo gitekerezo bakomeje kugitanga, kandi ko n’ubwo umusoro w’ubutaka utavanyweho burundu, nibura wagabanutse.

Ati “Umusoro w’ubutaka ntiwavuyeho burundu kuko mwatoye undi mukandida, ariko nakoze ubuvugizi umusoro w’ubutaka uragabanuka. Ndabizeza ko nimungirira icyizere, umusoro w’ubutaka nzawukuraho burundu. Ubutaka ni gakondo twiherewe n’Imana, ntitugomba kubusorera”.

Mu mwaka ushize wa 2023, ni bwo Guverinoma y’u Rwanda yatangaje ko umusoro ku butaka washyizwe hagati y’amafaranga 0 Frw na 80 Frw kuri metero kare imwe, uvuye ku mafaranga ari hagati ya 0 Frw na 300 Frw, by’umwihariko mu Mujyi wa Kigali n’indi mijyi wagabanyutseho hafi gatatu.

Mu bindi Ishyaka Green Party ryizeza ko rizakora mu gihe umukandida waryo yaba atsinze amatora y’Umukuru w’Igihugu, harimo guteza imbere imibereho myiza y’abaturage, by’umwihariko hagashyirwa imbaraga mu mavuriro y’ibanze (Poste de Sante).

Abitabiriye kwiyamamaza kwa Dr Frank Habineza

Dr. Frank Habineza agaragaza ko iri shyaka rifite gahunda yo gushyiraho uruganda rumwe nibura kuri buri Murenge, cyane cyane izitunganya umusaruro w’ubuhinzi n’ubworozi.

Yijeje abaturage ba Ngoma n’utundi turere tugakikije, ko nibamutora azabagarurira kaminuza ya UNIK (yahoze yitwa INATEK), yafunzwe muri 2020.

Uretse Dr. Frank Habineza wiyamamariza umwanya wa Perezida wa Repubulika, Ishyaka Green Party rinafite abakandida 50 bemejwe na Komisiyo y’Igihugu y’Amatora, guhatanira imyanya mu Nteko Ishinga Amategeko.

Ibikorwa byo kwiyamamaza kuri uyu wa Mbere tariki ya 24 Kamena 2024, byakomereje mu Turere twa Ngoma na Kayonza. Ishyaka Green Party rigaragaza ko mu matora ya 2018 hari ibyo ryari ryarasezeranyije Abanyarwanda kuzakorera ubuvugizi, kandi ibyinshi bikaba byarumviswe, bikanashyirwa mu ngiro.

Aha ryatanze urugero ko ari ryo ryatanze igitekerezo cyo kongera umushahara wa mwalimu ndetse n’uw’abapolisi, kuba ari ryo ryasabye ko hashyirwaho camera zicunga umutekano mu muhanda mu rwego rwo kugabanya impanuka zo mu muhanda, ndetse n’ibindi.

Umunyamabanga Mukuru wa DGPR, yavuze ko ibyo babivuga hari benshi bumvaga ko bidashoboka, ariko ashimira Guverinoma y’u Rwanda ko yumvise ibitekerezo byabo ikabishyira mu bikorwa.

Bimwe mu byo iri shyaka rishyize imbere mu gihe ryaba ritowe ku mwanya w’Umukuru w’Igihugu ndetse rikanabona imyanya mu Nteko Ishinga Amategeko, harimo kurengera imibereho myiza y’abaturage, ku buryo buri muturage abasha kurya nibura inshuro eshatu ku munsi.

Mu buhinzi n’ubworozi, iri shyaka rivuga ko rizaharanira ko ikoranabuhanga ritezwa imbere, mu rwego rwo kubona umusaruro uhagije.

Ryavuze kandi ko rizakora ubuvugizi abantu ntibamare igihe mu bigo by’inzererezi (transit centers), ndetse n’igifungo cy’iminsi 30 y’agateganyo kikavaho.

DGPR kandi ivuga ko hazakorwa ubuvugizi, kugira ngo umuntu wafunzwe ariko yaburana akaba umwere, yajya afungurwa agahabwa indishyi z’akababaro kuko ataha yarasubiye inyuma.

Iri shyaka kandi riravuga ko rizakora ubuvugizi, hagamijwe kuvanaho imisoro y’ubutaka.

Ikiraro cyo mu bwoko bwa ‘Stone Arch Bridges’

Stone Arch Bridge ni ubwoko bw’ikiraro cyubakishwa ahanini amabuye na sima nkeya, kikaba kandi munsi cyubatse mu buryo bw’umuheto (arch). Bene ubu bwoko bw’ibiraro ntibusaba ko hamenwa beto (beton), nk’uko bigenda ku bindi biraro.

Ikigo RTDA kivuga ko imyubakire ya Stone Arch Bridges idakenera ibikoresho byo mu nganda, uretse gusa isima nkeya. Bene ibi biraro kandi ntibikenera ibyuma.

RTDA ivuga ko indi mpamvu yo kubaka bene ibi biraro, ari uko kubyubaka bidahenda ugereranyije n’ibiraro bisanzwe. Ubutumwa bwa RTDA bugira buti “Igiciro hagabanukaho hagati ya 60-80% ku bisanzwe”.

Mu butumwa busubiza ibibazo bya Kigali Today ku miterere y’ibi biraro, Ikigo RTDA cyatubwiye ko ibi biraro biba bikomeye cyane, ku buryo n’imodoka ziremereye cyane zishobora kubinyuraho nta mpungenge.

Hagumimana Noel, umwe mu baturage bishimira iki kiraro

Kugeza ubu mu Rwanda hamaze kubakwa ibiraro byo muri ubu bwoko bitatu. Mu karere ka Musanze hari bibiri (kimwe kiri hafi y’ibiro by’Umurenge wa Muhoza ku muhanda uhari, icya kabiri kiri ku muhanda werekeza mu murenge wa Rwaza, icya gatatu kikaba kiri mu Karere ka Ruhango, ku muhanda werekeza ku Rwunge rw’Amashuri rwa Rwingwe.

RTDA igaragaza ko guhera mu mwaka w’ingengo y’imari utaha wa 2024-2025, mu Rwanda hazubakwa ibiraro byinshi byo mu bwoko bwa Stone Arch Bridges.

Bagira bati “Twatangiye gukora ‘training z’abatechniciens’ (guhugura abakozi) bo kubyubaka, hamwe n’abafatanyabikorwa nka Enabel. Duteganya ko mu ngengo y’imari itaha ibindi biraro nk’ibi bizatangira kubakwa”.

Ikiraro cyo muri ubu bwoko cyubatse ku mugezi wa Mukinga, uri mu Kagari ka Kabushinge mu Murenge wa Rwaza w’Akarere ka Musanze, cyubatswe n’Akarere ka Musanze, ku bufatanye bwa Leta y’u Rwanda n’Ubwami bw’u Bubiligi, binyuze mu Kigo cy’u Bubiligi gishinzwe iterambere Enabel.

Bamwe mu baturage bakoresha iki kiraro, bavuga ko mbere y’uko cyubakwa hariho ikiraro cy’ibiti gusa, cyahoraga gitwarwa n’amazi mu gihe uyu mugezi wabaga wuzuye.

Nshimiyimana Olivier, Umukozi w’Akarere ka Musanze

Umuturage witwa Hagumimana Noel, agira ati “Iyo imvura yagwaga abana bagiye kwiga ntibabaga bagitashye kuko umugezi wabaga wuzuye. Ariko ubu kuva iki kiraro cyakubakwa, n’iyo imvura yagwa ari nyinshi ntabwo amazi yakirengera ngo abuze abantu kwambuka”.

Umukozi w’Akarere ka Musanze ushinzwe imyubakire y’imihanda n’ibiraro, Nshimiyimana Olivier, avuga ko muri rusange ibi biraro byubakishijwe amabuye n’isima nkeya, bisaba amafaranga makeya mu kubyubaka, kuko ikiguzi usanga ari ¼ cy’ikiguzi cy’ikiraro gisanzwe.

Urugero nk’iki kiraro cyo muri Rwaza, cyuzuye gitwaye miliyoni 18 n’ibihumbi 500 mu mafaranga y’u Rwanda, mu gihe iyo hubakwa ikiraro gisanzwe, iki giciro cyari kwikuba inshuro enye.

Lauret Preud’homme, Umuyobozi wungirije wa Misiyo muri Ambasade y’u Bubiligi mu Rwanda

Umuyobozi wungirije wa Misiyo muri Ambasade y’u Bubiligi mu Rwanda, Laurent Preud’homme, avuga ko ibikorwa byose byakozwe mu bice bitandukanye by’Igihugu binyuze mu bufatanye hagati ya Guverinoma y’u Rwanda n’Ubwami bw’u Bubiligi, byagendeye ku byo u Rwanda rushyize imbere mu guteza imbere imibereho y’abaturage.

Uyu muyobozi yagaragaje ko ubufatanye hagati y’ibihugu byombi bworoshye, kuko u Rwanda ari igihugu gifite inzego zikora neza, ku buryo zibanza kurebera abaturage b’agace runaka ibikenewe byabateza imbere, kandi abaturage na bo bakabigira mo uruhare.

Uretse kubaka ibiraro, ubufatanye hagati y’u Rwanda n’Ubwami bw’u Bubiligi mu gihe cy’imyaka itanu ishize kuva muri 2019 kugera muri 2024, bwasize hanakozwe ibindi bikorwa birimo kubaka imihanda, udukiriro, ibigo by’urubyiruko, amasoko ya kijyambere ndetse n’ibindi.

Abakiri mu mashuri yisumbuye barashishikarizwa kwiga umwuga wo kuvura bifashishije kubaga

Ibi byagarutsweho mu nama nyunguranabitekerezo ya mbere y’iri huriro, yabahuje n’inzego zinyuranye z’ubuvuzi mu Rwanda, abamaze igihe mu mwuga wo kuvura babaga, abakiri mu mashuri yisumbuye ndetse n’abari mu ishuri ryigisha ubuvuzi, yateraniye i Kigali ku wa 21 Kamena 2024.

Umuyobozi wungirije wa WiSR, Mukagaju Françoise avuga ko imwe mu ntego z’iyi nama ari ugukangurira abagore n’abakobwa kwitabira kujya muri uyu mwuga, kugira ngo umubare wabo ubashe kwiyongera, kuko aba baganga ari bamwe mu bakenerwa cyane.

Ati “Icya mbere ni uko abaganga bakenewe mu Gihugu no ku Isi hose, icya kabiri ni uko bituma twumva tutari twenyine. Iyo ubona undi mukora bimwe kandi mumeze kimwe, bigutera imbagara kandi ugatanga umusaruro urushijeho”.

Umuyobozi wungirije wa WiSR, Mukagaju Françoise

Abakora mu buvuzi bwifashisha kubaga, bagaragaza ko zimwe mu mbogamizi zikibangamira abagore kwinjira muri uyu mwuga harimo n’imyumvire ituma bamwe bibwira ko ari umwuga ukomeye kandi usaba imbaraga nyinshi n’umwanya munini, ku buryo byagora ab’igitsina gore kuwukora.

Umuyobozi w’Urugaga rw’Abaganga bakora umwuga wo kuvura bifashishije kubaga, Prof. Ntirenganya Faustin, agaragaza ko hari abantu bibwira ko kubaga bisaba imbaraga, nyamara kandi ngo aho ikoranabuhanga rimaze kugera ahubwo ari umwuga usaba gusa kuba uzi ibyo ukora.

Umuyobozi w’Urugaga rw’Abaganga bakora umwuga wo kuvura bifashishije kubaga, Prof. Ntirenganya Faustin

Ati “Hari abibwira ko kubaga bisaba ingufu nyinshi, ariko si byo. Ubu aho ikoranabuhanga rigeze ntabwo bigusaba kuba ufite ibizigira binini kugira ngo ubage, bigusaba kuba uzi ubwenge gusa n’ibyo ukora kandi abagore barabishoboye”.

Umunyamabanga Uhoraho muri Minisiteri y’Ubuzima, Iyakaremye Zachee, avuga ko hakiri ikibazo cy’umubare muto w’abaganga muri rusange, ariko by’umwihariko ku bavura bifashishije kubaga bakaba ari bake kurushaho.

Icyakora uyu muyobozi agaragaza ko hari ingamba Minisiteri y’Ubuzima yafashe, zigamije kongera umubare w’abakozi bo kwa muganga muri rusange, akibwira ko n’abakora uyu mwuga wo kuvura bifashishije kubaga na bo baziyongera.

Umunyamabanga Uhoraho muri MINISANTE, Zachee Iyakaremye

Agira ati “Hari ingamba Minisiteri yafashe zo kongera umubare w’abakozi bo kwa muganga, ndetse n’ibikorwa nk’ibi ngibi na byo ni ubukangurambaga butuma abakiri bato barikwiga ubuvuzi muri rusange bashishikarira gukurikira umwuga wo kubaga.”

Minisiteri y’Ubuzima ikavuga ko izakomeza kuba hafi abakora uyu mwuga wo kuvura bifashishije kubaga, mu rwego rwo kubafasha no kubabonera ibyo bakeneye byose, haba gukorana n’amashuri yigisha umwuga w’ubuvuzi ndetse no kubaha ibikoresho bigiraho n’ibyo bakoresha nyuma yo kwiga.

Kugeza ubu mu Rwanda habarurwa abaganga bavura bifashishije kubaga bose hamwe 160, muri bo ab’igitsina gore bakaba ari 16 gusa, ndetse n’abandi 14 bakiri kwiga.

Visi Perezida wa mbere wa PSD, Valens Muhakwa aganiriza abarwanashyaka ba PSD mu Karere ka Busera

Senateri Juvenal Nkusi wari mu bagaragaje imigabo n’imigambi y’Ishyaka PSD mu Karere ka Bugesera aho ryatangirije ibikorwa byo kwiyamamaza, yavuze ko mu Karere ka Afurika y’Uburasirazuba, mu Rwanda ari ho umusoro ku nyongeragaciro uri hejuru.

Yavuze ko mu rwego rwo guhangana ku isoko mpuzamahanga, bisaba ko uwo musoro ugabanuka hanyuma ubukungu bukarushaho kwiyongera.

Kuri iyi ngingo, Visi Perezida wa Mbere w’Ishyaka PSD, Valens Muhakwa, ati "Buriya uko umusoro uba mwinshi ni ko abawutanga barushaho kuwuhunga, ariko iyo ari muke, abawutanga bawutanga bishimye Kandi ari benshi"

Mu bindi Senateri Nkusi yagaragaje ko PSD ishaka kuzakoraho ubuvugizi, harimo guharanira ko Abanyarwanda batunga kandi bakagira ubukungu.

Bamwe mu bakandida ba PSD bitabiriye igikorwa cyo kwiyamamaza mu Karere ka Bugesera

Aha yavuze ko nko mu buhinzi, bazaharanira ko umuhinzi asarura akabona inyungu mu musaruro we, aho kugira ngo abawucuruza babe ari bo bunguka kumurusha, kandi Abanyarwanda bakarushaho guhinga kijyambere.

PSD kandi yagaragaje ko izaharanira ko hajyaho ikigo cy’imari kizajya cyishingira ibikorwa by’ubuhunzi n’ubworozi kandi kigatanga inguzanyo ku bahinzi ku nyungu ntoya.

Mu bikorwa remezo, PSD igaragaza ko hazanozwa uburyo bwo gutwara abantu n’ibintu, mu buryo bworoshye, butunganye kandi bufasha buri wese kugera aho ashaka kugera.

Abarwanashyaka ba PSD muri Bugesera

Mu gushyira mu bikorwa iyi gahunda, PSD ivuga ko izaharanira ko hubakwa imihanda minini ihuza Uturere, Imirenge ndetse n’Utugari, kandi imishinga y’imihanda ya gari ya moshi igashyirwa mu bikorwa.

Uwera Pelagie na we yagarutse ku byo Ishyaka PSD ryifuza kuzakorera ubuvugizi cyane cyane mu nkingi y’ubutabera, birimo nko guharanira ko imanza zicibwa ku gihe, guharanira ko uwatsinzwe urubanza afashwa kugira ngo kurangiza urubanza.

Yagaragaje kandi ko Ishyaka rizaharanira ko abarokotse Jenoside yakorewe Abatutsi mu 1994, bishyurwa imitungo yabo yangijwe.

Naho Gallican Niyongana, yagaragaje ko nk’uko biri mu ntego z’Ishyaka PSD guharanira imibereho myiza y’abaturage, nibagira amahirwe yo guhagararirwa mu Nteko Ishinga Amategeko, bazakomeza guharanira ko imibereho y’Abanyarwanda irushaho kuba myiza.

Yagize ati “Imibereho myiza y’abaturage ni ikirango cya PSD. N’abandi barayiharanira, ariko PSD yabaye rubimburirangabo mu kwimakaza imibereho myiza y’abaturage”.

Visi Perezida wa mbere w’Ishyaka PSD, Valens Muhakwa, yagaragaje ko Ishyaka PSD ryahisemo gushyigikira Paul Kagame, umukandida w’Umuryango FPR-Inkotanyi ku mwanya w’Umukuru w’Igihugu, kuko basanze hari byinshi yagejeje ku Banyarwanda bifuza ko akomeza kubageza no ku bindi byinshi.

Visi Perezida wa mbere wa PSD, Valens Muhakwa

Yashimiye abarwanashyaka b’Ishyaka PSD babagiriye icyizere mu matora y’Abadepite aheruka muri 2018, kandi ko ibyo biyemeje kuzakorera ubuvugizi byose babigezeho, ku bufatanye n’indi kitwe ya Politiki bari bahuriye mu Nteko Ishinga Amategeko.

Ishyaka PSD rifite abakandida depite 59 bemejwe na Komisiyo y’Igihugu y’Amatora, bemewe kwiyamamariza kwinjira mu Ntako Ishinga Amategeko.

Abakandida Depite ba PSD

Minisitiri w’Intebe Dr. Ngirente yakiriye Bwana Douglas Kirke-Smith, Visi Perezida ushinzwe gahunda za GiveDirectly ku Isi

Ni ibyatangajwe kuri uyu wa 20 Kamena 2024, ubwo Minisitiri w’Intebe w’u Rwanda Dr. Edouard Ngirente, yakiraga Umuyobozi Mukuru wungirije w’Umushinga Give Directly, ushinzwe ibikorwa, Doug Kirke-Smith.

Ibiganiro aba bayobozi bombi bagiranye, byagarutse ku kurebera hamwe umusaruro umaze kuva mu bikorwa by’uyu muhsinga, kuva watangira gukorera mu Rwanda mu mwaka wa 2016, hagamijwe kungurana inama ku buryo byarushaho kunozwa.

Minisitiri w’Ubutegetsi bw’Igihugu Jean Claude Musabyimana wari witabiriye ibi biganiro, yavuze ko uyu mushinga wa Give Directly ubu washyizwe mu mishanga ifasha Leta y’u Rwanda muri gahunda y’Igihugu yo kurwanya ubukene, yiswe ‘Gira wigire’ imaze umwaka.

Binyuze muri iyi gahunda, Give Directly iha abaturage bakennye amafaranga bakayakoresha mu bikorwa bitandukanye bigamije kubakura mu bukene, birimo nko gushyira mu bikorwa imishinga iciriritse, kuyashora mu bikorwa bibyara inyungu ndetse no kuyaguramo ibindi byangombwa bakenera mu buzima bwa buri munsi.

Minisitiri Musabyimana avuga ko uyu mushinga wafashije Leta y’u Rwanda muri iyi gahunda ya Gira Wigire, kandi ko gahunda ihari ari ukongera ubushobozi, kugira ngo hongerwe umubare w’abagenerwabikorwa.

Agira ati “Buri mufatanyabikorwa wese uje mu Rwanda yinjizwa muri gahunda ya ‘Gira Wigire’, buri wese agakora ibyo yiyemeje ku buryo byuzuzanya n’ibyo abandi bakora ndetse n’ibyo Leta y’u Rwanda iba yakoze”.

Avuga kandi ko Leta ikomeza gukurikirana ku buryo abaturage bahabwa ubufasha bumva ko bagomba kwivana mu bukene.

Umuyobozi Mukuru wungirije wa Give Directly ushinzwe ibikorwa, Doug Kirke-Smith, yavuze ko nyuma yo gutanga amafaranga ku miryango yatoranyijwe, bakurikirana icyo iyo miryango yahawe amafaranga iyakoresha.

Avuga ko muri uyu mushinga, basanze 65% by’amafaranga ahabwa imiryango ikennye ngo yivane mu bukene, iyashora mu bikorwa bibyara inyungu, birimo nko kuyagura amatungo ndetse no kuyashora mu bucuruzi.

Amafaranga asigaye usanga ngo bayashora mu kuyaguramo ibyangombwa bakenera mu buzima bwa buri munsi nk’ibyo kurya ndetse no kuyagura amasakaro y’inzu zabo.

Agendeye ku myaka ishize uyu mushinga utangiye, uyu muyobozi avuga ko byagaragaye ko ubuzima bw’abaturage bwahindutse mu buryo butandukanye, ndetse imiryango myinshi ikaba imaze kwiteza imbere ibikesha ubufasha yahawe.

Ati “Mu birebana n’umusaruro w’ibyo dukora, tumaze kubona ko ibyo kurya byiyongereye mu miryango, imirimo yariyongereye, abana bagana ishuri bariyongereye, ababasha kwiyishyurira ubwisungane mu kwivuza bariyongereye ndetse n’ibyinjira mu miryango mu buryo butandukanye byarazamutse”.

Iyi gahunda ubu ikorera mu murenge umwe muri buri Ntara, bivuze ko ikorera mu mirenge itanu gusa mu Gihugu hose, icyakora ngo gahunda ni uko izagurwa nibura ikajya ikorera mu karere kamwe nibura muri buri Ntara.

Urugo rukennye ruhabwa miliyoni y’amafaranga y’u Rwanda mu gihe umuntu w’ingaragu ushoboye gukora we ahabwa arenga ibihumbi 500 y’u Rwanda.

Mu bikorwa byatashywe harimo imashini zigezweho, ndetse n’inyubako byose byakozwe mu gushyira mu bikorwa umushinga uhuriweho, watangijwe muri 2021 ukazageza muri Nyakanga uyu mwaka wa 2024.

Uyu mushinga watewe inkunga na Minisiteri y’Ibidukikije ndetse n’Ikigo cyo muri Luxembourg gishinzwe kubungabunga ibidukikije (Climate and Biodiversity of the Grand Duchy of Luxembourg), ukaba ari intambwe ikomeye ku Rwanda mu rugendo rwo kubyaza umusaruro imyanda ku buryo burambye, ndetse n’ubukungu bwisubira.

Mu bikorwa byatashywe, harimo imashini ivangura imyanda ibora n’itabora. Iyi mashini ifite ubushobozi bwo kuvangura toni 100 z’imyanda ku munsi.

Hatashywe kandi imashini ikora nk’umunzani, uzajya upuma imyanda yose yinjiye mu Kimoteri cya Nduba. Uyu munzani ufite ubushobozi bwo gupima kugeza kuri toni 60.

Muri uyu mushinga kandi hatashywe inyubako izajya ihindura imyanda ikayikoramo ifumbire y’imborera.

Uretse ibi bikorwa remezo biri i Nduba kandi, mu gihe cya vuba mu Mujyi wa Kigali hazashyirwa imashini enye, aho abaturage bazajya bashyira amacupa yakoreshejwe, yaba ay’ibirahure cyangwa aya pulasitike, hanyuma zikayatunganya bitewe n’ubwoko bwayo.

Izo mashini zizajya ziha igihembo umuntu ushyizemo icupa ryakoreshejwe, cyaba icy’amafaranga cyangwa se ikindi kintu.

Minisitiri w’Ibidukikije Dr. Valentine Uwamariya, yavuze ko ibi bikorwa bishimangira imikoranire hagati ya Guverinoma y’u rwanda n’iya Luxembourg, mu gukemura ibibazo bibangamira ibidukikije ndetse no kwihutisha iterambere.

Yagize ati “Imyanda ikwiye kugaragara nk’ibikoresho by’ibanze bikwiye guhabwa agaciro. Iyi myumvire ni yo izahindura urwego rw’imyanda, kandi ifashe Igihugu kugera ku cyerekezo kirambye mu kuringaniza imyuka ihumanya ikirere”.

Minisitiri w’Intebe wungirije wa Luxembourg, akaba na Minisitiri w’Ububanyi n’Amahanga, avuga ko iki gihugu kizakomeza gushyira imbaraga mu kubungabunga ibidukikije, ari nako gishyigikira ubufatanye mpuzamahanga.

Agira ati “Uyu mushing ani urugero rwiza rw’uburyo kubungabunga ibidukikije bishobora guhuzwa no guhanga amahirwe mashya y’ubukungu bushya bwisubira, Abanyarwanda bose bakungukiramo”.

Minisitiri w’Ibidukikije, Ikirere n’Urusobe rw’Ibinyabuzima muri Luxembourg, Serge Wilmes, yavuze ko bashimishijwe no kuba uyu mushinga ugeze ku musozo, yongeraho ko ibikorwa remezo byose byashyikirijwe Umujyi wa Kigali ari iby’abaturage bawo, bikazafasha mu kubyaza umusaruro imyanda yo muri uyu Mujyi.

Uyu mushinga uzazamura ingufu z’u rwanda mu gushyiraho uburyo burambye kandi bwisubira bwo kubyaza umusaruro imyanda, bikazagirira akamaro abaturage muri rusange ndetse n’urusobe rw’ibidukikije.

Uyu mushinga ukaba kandi ugamije kugabanya ubwinshi bw’imyanda mu Kimoteri cya Nduba, ahubwo hagashyirwa imbaraga mu kuyibyaza umusaruro mu buryo bw’ikoranabuhanga.

Uyu munsi wabanjirijwe n’urugendo

Atuganirira ku rugendo rwe n’umuvandimwe we mu mashuri, Gasangwa yavuze ko mu myaka ya mbere mu mashuri abanza ndetse no mu yisumbuye, kwiga ku bana bafite ubumuga bw’uruhu bitari byoroshye.

Zimwe mu mbogamizi abana biga bafite ubumuga bw’uruhu bahura nazo, harimo kutabasha kureba neza ku kibaho, bigatuma mu gihe cyo kwandika bandika gahoro, hakabamo ko mu gihe cy’ibizamini babambura impapuro batararangiza gusubiza n’ibindi.

Mu gihe cy’ibizamini bya Leta, Gasangwa avuga ko mbere babikoraga byanditse mu nyuguti ntoya ku buryo byagoraga umwana ufite ubumuga bw’uruhu kubasha gusoma neza ibibazo, bigatuma bamwambura atararangiza gusubiza.

Ni na byo byatumye mu bizamini bisoza amashuri abanza, Gasangwa yarabonye amanota 30, mu gihe inota fatizo ku bana b’abahungu icyo gihe ryari 21. Ibi bivuga ko yari yatsinzwe, ariko yakomereje amasomo mu mashuri y’uburezi bw’ibanze bw’imyaka icyenda na 12.

Obed Gasangwa n’Umubyeyi we Murekatete Claudine

Buhoro buhoro, binyuze mu Muryango Nyarwanda w’Abantu bafite ubumuga bw’uruhu (OIPPA), hagiye hakorwa ubuvugizi bugamije gusaba abategura ibizamini bya Leta kujya bazirikana ko hari abana bafite ubumuga bw’uruhu, bakenera ibizamini bicapye mu nyuguti nini.

Ku bw’ubu buvugizi, Gasangwa yasoje icyiciro rusange cy’amashuri yisumbuye, afite amanota 29, mu gihe inota rya nyuma kugira ngo umuntu abe yatsinze ryari 31, bivuga ko yari yatsinze.

Ni nako byagenze mu mwaka ushize ubwo yasozaga amashuri yisumbuye, kuko nabwo yabonye amanota 36 kuri 60.

Ni ibintu Gasanwa yishimira cyane, akavuga ko n’ubwo atabonye amanota ahagije yamujyana muri kaminuza agahabwa inguzanyo na Leta, ariko azajya kwiga muri kaminuza binyuze muri buruse zihabwa abantu bafite ubumuga.

Agira ati “Aho abarimu batangiye kujya babyumva bakadutegurira ibizamini byanditse mu nyuguti nini, byatumye amanota yanjye ndetse n’ay’umuvandimwe wanjye, agenda azamuka kugeza dusoje ayisumbuye. Turabishima cyane”.

Abantu bafite ubumuga bw’uruhu barishimira ibyagezweho mu myaka 10

Guhabwa ibizamini bicapye mu nyuguti nini, ni kimwe mu byo abantu bafite ubumuga bagaragaje nk’intambwe ikomeye kuri bo, mu birori byabaye tariki ya 13 Kamena 2024, hizihizwa ku nshuro ya 10 Umunsi Mpuzamahanga w’Abantu bafite ubumuga bw’uruhu.

Umunyamabanga Nshingwabikorwa w’Umuryango Nyarwanda w’Abantu bafite ubumuga bw’uruhu (OIPPA), Dr. Nicodeme Hakizimana, agaragaza ko muri iyi myaka 10 uyu muryango ubayeho, bishimira byinshi byagezweho, haba mu burezi, mu buzima ndetse no mu mibereho y’abantu bafite ubumuga bw’uruhu muri rusange.

Uretse kuba abana basigaye bahabwa ibizamini byanditswe mu nyuguti nini, uyu muyobozi agaragaza ko no mu buvuzi bishimira ko amavuta abarinda kanseri y’uruhu ubu asigaye aboneka hakoreshejwe Mituweri.

Hakizimana ati “Ibi byatumye umubare w’abana bafite ubumuga bw’uruhu mu bitabira amashuri biyongera cyane. Ubundi mbere kwiga k’umwana ufite ubumuga bw’uruhu byabaga bigoye cyane”.

Dr. Hakizimana Nicodeme, Umunyamabanga Nshingwabikorwa wa OIPPA

Umuryango OIPPA kandi ugaragaza ko wishimira ko ubu ababyeyi babyaye abana bafite ubumuga bw’uruhu basigaye babafata nk’abandi bana, kuko mbere byabaga bigoye.

Dr. Hakizimana ati “Turishimira ko uyu munsi ababyeyi bashobora kwakira abana bafite ubumuga bw’uruhu nk’abandi bana. Mu bihe byashize habagaho gutandukana cyane kw’abashakanye, umugabo yihakana umugore, umugore mu muryango yashatsemo bakamwirukana, … ariko nibura ababyeyi mwabonye barishimye, kandi bamaze kubona ko umuntu ufite ubumuga bw’uruhu ashobora kugera ku iterambere nk’abandi bantu bose”.

Murekatete Claudine, umubyeyi w’abana batanu barimo babiri bafite ubumuga bw’uruhu, avuga ko akimara kubabyara yahuye n’ingorane nyinshi, haba mu muryango yashatsemo ndetse no hanze yawo.

Claudine n’umuhungu we Gasangwa Obed

Ati “Nkimara kubabyara, nahuye n’intambara zikomeye mu muryango no hanze, birakomera cyane. Watambuka aho unyuze hose, bakakuryanira inzara bavuga ngo ‘yabyaye za nyamweru’. Ariko ubu aho bigeze, pe turishimye”.

Umuryango OIPPA ugaragaza ko wifuza ko abantu bafite ubumuga bw’uruhu bajya mu nzego zifata ibyemezo ndetse no mu yindi mirimo.

Ati “Turifuza ko abantu bafite ubumuga bw’uruhu batangira kugaragara mu nzego zifata ibyemezo, ku buryo n’umubyeyi wabyaye umwana ufite ubumuga bw’uruhu atabifata nk’umwaku, ahubwo akabona ko na we hari aho azagera”.

Ibarura rusange ry’abaturage n’imiturire ryo muri 2022, ryagaragaje ko mu Rwanda habarurwa abantu bafite ubumuga bw’uruhu 1,860, bose bakaba ari abanyamuryango ba OIPPA.

Abahesha b’Inkiko b’Umwuga biyemeje kwitandukanya n’abateshutse ku ihame ryo kubahiriza amategeko

Ibi ni ibyagarutsweho mu rugendo rwo Kwibuka ku nshuro ya 30 Jenoside yakorewe Abatutsi mu 1994, igikorwa cyajyanishijwe no gusura ndetse no kunamira Abatutsi basaga ibihumbi bitanu baruhukiye mu rwibutso rwa Jenoside rwa Ntarama mu Karere ka Bugesera.

Aha i Ntarama ni hamwe mu hantu hazwi cyane mu mateka ya Jenoside yakorewe Abatutsi, hahoze habarizwa muri Komini ya Kanzenze, imwe muri komini zoherezwagamo Abatutsi babaga barameneshejwe n’ubutegetsi bubirukana mubindi bice by’Igihugu.

Itotezwa ry’Abatutsi ryatangiye muri 1959, ryigaragarije cyane mu Bugesera, cyane cyane ubwo ibitero by’inyenzi byatangiraga muri 1963, aho Abatutsi batangiye kwicwa bitwa ibyitso by’inyenzi, ndetse no mu 1966 byarasubiriye n’ubundi baricwa.

Perezida w’Urugaga rw’Abahesha b’Inkiko b’Umwuga Me Niyonkuru Jean Aimé, yemeza ko urwego rw’Ubutabera rwatsinzwe urugamba rwo kurengera abanyantege nkeya.

Mu butumwa bwe, yagarutse ku ruhare rw’inzego z’ubutabera mu kurenganya Abatutsi aho kubarengera, ibyo agaragaza ko biha umukoro ukomeye abanyamategeko ba none, wo gukoresha ubumenyi bafite mu mategeko bakarwanya akarengane no gukumira ko Jenoside yazongera kuba ukundi.

Me Niyonkuru Jean Aimé, Perezida w’Urugaga rw’Abahesha b’Inkiko b’Umwuga

Perezida w’Urugaga kandi yasabye Abahesha b’Inkiko b’Umwuga bose gukomeza umuco wo Kwibuka, bazirikana uruhare bagomba kugira bakoresheje ubumenyi bafite, bakanyomoza abigize impirimbanyi zo kugoreka amateka y’u Rwanda yaba mu Rwanda no mu mahanga, kuko bene abo bifuza gusubiza igihugu mu icuraburandi kimaze kwikuramo.

Umuyobozi w’Ishami rishinzwe kwegereza abaturage ubutabera muri Minisiteri y’Ubutabera, Gahongayire Myriam, na we yibukije Abahesha b’Inkiko ko igikorwa cyo Kwibuka ari ingenzi mu rugendo rwo kubaka amahoro arambye mu Banyarwanda.

Gahongayire yihanganishije abarokotse ndetse asaba Abahesha b’Inkiko b’Umwuga n’abandi bari munzego zitanga ubutabera, kwigira ku mateka ya Jenoside n’ibyatumye ishoboka, bagakora ikinyuranyo binyuze mu kubahiriza amategeko no kutavangura Abanyarwanda.

Umuyobozi w’Ishami rishinzwe kwegereza abaturage ubutabera muri Minisiteri y’Ubutabera, Gahongayire Myriam, ashyira indabyo ku rwibutso

Urwibutso rwa Jenoside rwa Ntarama, ni hamwe mu hantu hagaragaza amateka y’ubugome n’ubwicanyi ndengakamere, kuko Abatutsi bahungiye ku yahoze ari Santarali ya Ntarama bibwiraga ko mu kiliziya bazaharokokera nk’uko bajyaga bahahungira no mu bwicanyi bwabanjirije Jenoside nyirizina, ariko byarangiye abahahungiye bose biciwe muri iyi kiliziya yanahinduwe Urwibutso rwa Jenoside yakorewe Abatutsi mu 1994.

Kagame Paul (ibumoso), Habineza Frank (uri hagati) na Mpayimana Philippe (iburyo) bemejwe burundu nk’abakandida ku mwanya wa Perezida wa Repubulika

Komisiyo y’Igihugu y’Amatora yatangaje ko ku mwanya wa Perezida wa Repubulika, abakandida bemejwe burundu ari batatu ari bo Paul Kagame watanzwe n’Umuryango FPR-Inkotanyi, Dr. Frank Habineza watanzwe n’Ishyaka Riharanira Demukarasi no Kurengera Ibidukikije mu Rwanda (Democratic Green Party of Rwanda) ndetse na Philippe Mpayimana uziyamamaza nk’umukandida wigenga.

Aba uko ari batatu kandi ni na bo bari baherutse kwemezwa by’agateganyo nk’abakandida bujuje ibisabwa ku mwanya w’Umukuru w’Igihugu.

Ku myanya y’Abadepite 53 batorwa ku buryo butaziguye, Komisiyo y’Igihugu y’Amatora yemeje urutonde rw’abakandida 80, batanzwe n’Umuryango FPR-Inkotanyi n’indi mitwe ya politiki bafatanyije, ari yo PDC, PCR, PPC, PSP ndetse na UDPR. Muri bo abagore ni 38, naho abagabo bakaba 42.

Komisiyo kandi yemeje urutonde rw’abakandida 54 batanzwe n’Ishyaka riharanira ukwishyira ukizana kwa buri muntu (PL), barimo abagore 26 n’abagabo 28.

Komisiyo y’Amatora kandi yemeje urutonde rw’abakandida 59 batanzwe n’Ishyaka riharanira Demukarasi n’Imibereho myiza y’Abaturage (PSD), barimo abagore 24 n’abagabo 35.

Hemejwe kandi urutonde rw’abakandida 50 batanzwe n’Ishyaka riharanira Demukarasi no kurengera ibidukikije (DGPR), barimo abagore 24 n’abagabo 26.

Hemejwe abakandida 55 batanzwe n’Ishyaka ntangarugero muri Demukarasi (PDI), barimo abagore 23 n’abagabo 32.

Komisiyo y’Amatora kandi yemeje urutonde rw’abakandida 47, batanzwe n’Ishyaka ry’Imberakuri riharanira imibereho myiza (PS Imberakuri), barimo abagore 19 n’abagabo 28.

Perezida wa Komisiyo y’Amatora, Oda Gasinzigwa, yatangaje ko yemeje umukandida umwe wigenga, ari we Nsengiyumva Janvier. Uyu ni na we wari wemejwe by’agateganyo.

Komisiyo y’Igihugu y’Amatora kandi yatangaje ko yemeje abakandida depite 199, batorerwa mu byiciro byihariye, ari byo icyiciro cy’abagore gitorerwamo abadepite 24 mu Ntara n’Umujyi wa Kigali.

Mu Ntara y’Amajyaruguru hemejwe abakandida 33, mu Ntara y’Amajyepfo hemezwa 60, Intara y’Iburasirazuba hemezwa 46, Iburengerazuba hemezwa 44 naho mu Mujyi wa Kigali hemejwe 16.

Ku mwanya w’abadepite babiri batorwa n’Inama y’Igihugu y’urubyiruko, Komisiyo y’Amatora yemeje abakandida 31 b’urubyiruko, barimo abagore icyenda n’abagabo 22.

Ku mwanya w’Umudepite utorwa n’Inama y’Igihugu y’abantu bafite ubumuga, Komisiyo y’Amatora yemeje abakandida 13, barimo abagore batatu n’abagabo 10.

Komisiyo y’Igihugu y’Amatora yatangaje kandi ko uru rutonde ndakuka rw’abakandida bemejwe mu byiciro byose, iri ku rubuga rwa Komisiyo y’Amatora, ari rwo www.nec.gov.rw .

Biteganyijwe ko ibikorwa byo kwiyamamaza ku bakandida bemejwe burundu, bizatangira tariki ya 22 Kamena, bikazasozwa ku ya 13 Nyakanga 2024.

Amatora azaba tariki ya 14 Nyakanga ku Banyarwanda bari hanze y’u Rwanda, hamwe na tariki ya 15 n’iya 16 Nyakanga ku Banyarwanda bari mu Rwanda.

Madamu Jeannette Kagame yashimye uruhare rw’umuryango AVEGA Agahozo mu kubaka umuryango Nyarwanda

Hari mu gikorwa cyo kwizihiza imyaka 30 yo kuzirikana urugendo rw’ubudaheranwa rw’Umuryango AVEGA Agahozo, cyitabiriwe n’ababyeyi bagize uyu muryango, ababakomokaho, abo mu nzego za Leta n’imiryango iharanira inyungu z’abarokotse Jenoside yakorewe Abatutsi.

Madamu Jeannette Kagame yavuze ko Jenoside yakorewe Abatatutsi ari ko kaga gakomeye kagwiriye u Rwanda, ari na yo mpamvu kurenga ingaruka yasigiye abayirokotse byagombaga gusaba ikiguzi kinini, aboneraho gushimira ingabo zahoze ari iza FPR-Inkotanyi zayihagaritse.

Madamu Jeannette Kagame yavuze ko Igihugu kinezezwa no kuba abapfakazi barokotse Jenoside bariho kandi banezerewe, aboneraho no kubasaba kurushaho kwikunda na bo ubwabo, kuko ibyo basabwaga byose barabikoze.

Madamu Jeannette Kagame yavuze ko Igihugu kishimira kubona abapfakazi barokotse Jenoside babayeho neza kandi banezerewe

Ati “Iyo hari umuntu ukeneye ko umwumva na we agashobora kwirenga, ni byo biha imbaragga urugendo mwiyemeje mwembi. Mwarakoze kutwemerera ko tubumva muniyemeza gukataza none imyaka 30 irashize n’indi izaza”.

Madamu Jeannette Kagame yavuze ko aba babyeyi bapfakajwe na Jenoside benshi babaye mu miryango yabo, bakabasha kurerera u Rwanda, none ubu abo bana b’imfubyi bafashije kurera bakaba barakuze kandi barakorera igihugu.

Yabashimiye kandi ubutwari bwakomeje kubaranga, kugera n’aho bababarira ababiciye. Yabijeje kandi ko Igihugu kizakomeza kuzirikana ineza yabo.

Abitabiriye igikorwa cyo kwizihiza imyaka 30 y’ubudaheranwa bw’ababyeyi bapfakajwe na Jenoside, n’urugendo rwo kwiyubaka nyuma ya Jenoside

Ati “Kuganiriza ababyeyi nkamwe mwanyuze mu bikomeye kandi mukabinyuramo mu bupfura butangaje, nta wabona amagambo akomeye yo kubashimira, ariko ndabizeza ko tubafite ku mutima”.

Madamu Jeannette Kagame kandi yashimiye abagize igitekerezo cyo gushinga umuryango AVEGA Agahozo, wabereye benshi agahozo koko kandi ugira uruhare mu komora ibikomere.

Ati “Rimwe mu masomo akomeye twabigiyeho nk’Abanyarwanda, ni ukubasha guhozanya mugakomeza kutwereka imbuto z’urukundo ndetse n’ibindi byose biranga umubyeyi ubereye u Rwanda”.

Perezida wa AVEGA Agahozo Immacullee Kayitesi, yagaragaje urugendo rw’imyaka 30 nyuma ya Jenoside yakorewe Abatutsi, agaragaza ko by’umwihariko abapfakazi basigaranye ibibazo byinshi, birimo kuba bariciwe abo bashakanye, ndetse bamwe bicirwa abana bagirwa incike.

Umuyobozi Mukuru wa Avega Agahozo Immaculée Kayitesi

Yavuze ko Jenoside yabasigiye ibibazo birimo ibikomere byo ku mutima, ku mubiri, kurera imfubyi no kongera kwiyubaka ngo bongere kubaho, ariko abashimira ko byose babinyuzemo gitwari.

Yagaragaje kandi ko ibyo byose bitabaheranye, ko ahubwo barushijeho kwishakamo imbaraga ngo bubake ubumwe n’ubudaheranwa mu muryango Nyarwanda no kubaka Igihugu muri rusange, aboneraho no gushimira Leta yakomeje kubaba hafi.

Ati “Muri uru rugendo, Leta yatubereye ubwugamo, yakoze ibikorwa byinshi byo gufasha abapfakajwe na Jenoside mu rugendo rwo kwiyubaka. Twafashijwe muri byinshi, ihumure n’amagambo aturemamo icyizere, byatubereye akabando".

Minisitiri w’Ubumwe bw’Abanyarwanda n’Inshingano Mboneragihugu, Dr. Jean Damascene Bizimana

Minisitiri w’Ubumwe bw’Abanyarwanda n’Inshingano Mboneragihugu, Dr. Jean Damascene Bizimana, yagaragaje ko kumva neza imiterere y’ubudaheranwa bwaranze abanyamuryango ba AVEGA Agahozo mu myaka 30, bisaba kwinjira mu mateka, agaragaza ko kuva na cyera hicwaga abagabo n’abana b’abahungu gusa, ababyeyi b’abagore bagasigara mu kaga ko kwita ku miryango isigaye.

Yagaragaje kandi ko abagore bakomeje guhura n’ibibazo birimo no guhezwa ku mitungo y’abo bashakanye mu gihe babaga bamaze kwicwa cyangwa se barahunze.

Minisitiri Dr. Bizimana yagaragaje ko abanyamuryango ba AVEGA bagize uruhare mu gutanga ubuhamya ku cyaha cyo gusambanywa ku gahato muri Jenoside, byatumye Urukiko Mpuzamahanga Mpanabyaha rwari rwarashyiriweho u Rwanda rufata iki cyaha nka kimwe mu bigize Jenoside, kandi bituma ubukana n’uburemere bwacyo bwumvikana ku rwego mpuzamahanga.

Yabijeje ko Leta izakomeza kubafasha, mu rwego rwo kugabanya igipimo cy’abarokotse Jenoside batishoboye.

Abantu bafite ubumuga bakora ubucuruzi bwambukiranya umupaka barashimira umuhanda bubakiwe

Ubucuruzi bwe abukora yifashishije igare rinini ry’amapine atatu, ayobora akoresheje amaboko, ariko rimwe na rimwe agakenera abamusunika cyane cyane mu gihe agenda ahantu hatambika cyangwa hazamuka.

Bahati avuga ko kuva aho bubakiwe umuhanda wagenewe kugendamo amagare y’abantu bafite ubumuga bakora ubucuruzi bwambukiranya umupaka, ibihombo bahuraga na byo byagabanutse.

Agira ati “Mbere y’uko uyu muhanda wubakwa, amagare yacu yahoraga yapfuye. Nkanjye naguraga amapine mashya buri mezi abiri, ariko ubu nshobora no kumara umwaka ntaragura ipine n’imwe. Urumva ko amafaranga nakoreshaga ngura amapine nyabika cyangwa nkayashora mu bucuruzi inyungu ikinjira”.

Bahati Paul, avuga ko umuahnada woroheje imikorere y’abantu bafite ubumuga

Akomeza agira ati “Ubucuruzi ubu buragenda neza bitewe n’uko nta mubyigano hagati yacu n’ibindi binyabiziga. Ubu ku munsi nshobora kubona inyungu iri hagati y’ibihumbi bitanu na birindwi by’amafaranga y’u Rwanda”.

Cyo kimwe na Bahati, Murekatete Josue na we ukora ubu bucuruzi bwambukiranya imipaka, avuga ko uyu muhanda woroheje urujya n’uruza ndetse n’imikorere ikarushaho kuba myiza.

Ati “Urujya n’uruza rwariyongereye ndetse n’isuku irazamuka, muri rusange imikorere iri ku rwego rwiza ugereranyije na mbere hatarubakwa uyu muhanda”.

Amagare bakoresha ntagihura n’ibibazo byo gupfa buri munsi

Uyu muhanda wubatswe mu Karere ka Rubavu ku bufatanye bwa Leta y’u Rwanda n’Ubwami bw’u Bubiligi, binyuze mu Kigo cy’u Bubiligi gishinzwe Iterambere (Enabel) ndetse no mu Kigo cy’Igihugu gishinzwe guteza imbere ibikorwa by’iterambere mu nzego z’ibanze (LODA).

Umuyobozi w’Akarere ka Rubavu wungirije ushinzwe ubukungu, Nzabonimpa Deogratias, avuga ko uyu muhanda waje ari igisubizo ku bafite ubumuga bakora ubucuruzi bwambukiranya umupaka, kuko mbere utoroherezaga abafite amagare.

Ati “Mbere wari umuhanda utaroroherezaga abakora ubucuruzi bwambukiranya imipaka, cyane cyane abafite ubumuga bakoresha amagare kuko gusunika igare ryikoreye ibintu byinshi mu muhanda w’amakoro byabaga bigoye. Uyu rero ni umwihariko ku kwita no guteganyiriza abafite ubumuga mu iterambere ryabo”.

Umuyobozi wungirije w’Akarere ka Rubavu ushinzwe iterambere ry’ubukungu, Deogratias Nzabonimpa

Uretse uyu muhanda w’ibirometero bisaga bitatu wagenewe amagare y’abantu bafite ubumuga, mu Karere ka Rubavu hubatswe n’indi mihanda mu byiciro bitatu, harimo uhuza agakiriro n’igice cy’umujyi, uhuza Imirenge ya Rubavu na Gisenyi ndetse n’uwerekeza ku mupaka muto uhuza u Rwanda na Kongo.

Mu gihe cy’imyaka itanu kuva muri 2019, ubufatanye hagati ya Guverinoma y’u Rwanda n’Ubwami bw’u Bubiligi busize hubatswe ibikorwa remezo bitandukanye, birimo imihanda, isoko rya kijyambere rya Musanze, Ikigo cy’urubyiruko cya Musanze ndetse n’Agakiriro ka Musanze.

Ni ibikorwa byakorewe mu Turere twa Rwamagana, Musanze na Rubavu.

Mu Karere ka Rubavu hubatswe n’indi mihanda ifasha mu koroshya urujya n’uruza

Ibi Madamu Jeannette Kagame yabigarutseho kuri uyu wa Gatandatu tariki 08 Kamena 2024, ubwo yari yitabiriye Ihuriro ry’Urubyiruko ‘Igihango cy’Urungano’ mu gikorwa cyo kwibuka urubyiruko rwazize Jenoside yakorewe Abatutsi mu 1994.

Ni igikorwa cyitabiriwe n’urubyiruko rusaga 1,500 rwaturutse hirya no hino mu gihugu, kibera muri Intare Arena.

Mu biganiro binyuranye uru rubyiruko rwahawe, byagarutse ku kubasobanurira amateka y’u Rwanda ndetse no kubibutsa uruhare rwabo mu gusigasira ibyagezweho.

Madamu Jeannette Kagame yibukije uru rubyiruko ko ari rwo rugize umubare munini w’Abanyarwanda, kandi ko ibibazo Igihugu kirwana na byo kuri ubu bifite isura yindi, isaba urubyiruko gutekereza inzira y’urugamba bafite, ariko abibutsa ko Ighugu kitazabatererana muri urwo rugamba.

Yagize ati “Muhumure ntituzahwema kubagira inama no kubaba hafi, ariko amateka y’indi myaka 30 ije kandi inarenga, ni mwe muzayandika”.

Madamu Jeannette Kagame yibukije uru rubyiruko ko uru rugamba rusaba kutajenjeka na gato, abasaba ko mu gihe babonye uwashaka guhungabanya ibyagezweho mu buryo ubwo ari bwo bwose, bagomba kumwamagana.

Yagize ati “Mu gihe tubonye uwashaka guhungabanya ibyo tumaze kugeraho, yaba avuga, yandika cyangwa agerageza no kubikora kuko tuzi aho byatugejeje, ni inshingano yacu kumwamagana, kumurwanya no kumutsinda”.

Madamu Jeannette Kagame yavuze ko byashobokaga ko nyuma ya Jenoside yakorewe Abatutsi Abanyarwanda biremamo ibice bakarangwa n’ivangura, ariko avuga ko bahisemo kuba Abanyarwanda, kandi bahitamo ubumwe.

Yongeyeho ko ayo mahitamo atari yoroshye, ko ahubwo ari uko “ari wo murage wonyine dukwiye gukomeza guhererekanya uko ibisekuru bikurikirana”.

Minisitiri w’Ubumwe bw’Abanyarwanda n’Inshingano Mboneragihugu, Dr Jean Damascene Bizimana, yaganirije uru rubyiruko yifashishije amateka y’isenyuka ry’Ubumwe bw’Abanyarwanda binyuze mu nyigisho n’imigirire y’abakoloni n’abayobozi ba Kiliziya Gatolika.

Yagaragaje uburyo abategetsi ba Repubulika ya mbere n’iya Kabiri bananiwe gukosora inyigisho mbi zitanya Abanyarwanda, bakubaka urwango rw’Abatutsi n’ababashyigikiye mu nzego zose z’ubuzima bw’Igihugu kugeza kuri Jenoside yakorewe Abatutsi mu 1994.

Yibukije uru rubyiruko ko ivuka rya RPF-Inkotanyi ryari rigamije guca urwango mu Rwanda, ndetse no kongera kubanisha Abanyarwanda bakongera kuba umwe.

Minisitiri Dr Bizimana yasabye uru rubyiruko gukomeza kwirinda inyigisho z’urwango, kuko ziganisha ku gusenya Igihugu nk’uko amateka abigaragaza.

Minisitiri w’Urubyiruko n’Iterambere ry’Ubuhanzi, Dr. Utumatwishima Jean Nepo Abdallah, yasabye uru rubyiruko gukomera ku mahitamo y’Abanyarwanda, kandi bagahagurukira guhangana n’abagifite ingengabitekerezo ya Jenoside.

Yibukije ko urubyiruko rw’u Rwanda rushoboye, ariko ko bakwiye gukomeza kwiga aya mateka kugira ngo bazashobore kubaka Igihugu cyiza kurushaho.

Reba ibindi muri iyi Video:

Video: Salomo George

Yabivugiye mu muhango wo guha impamyabumenyi abanyeshuri 112 barangije muri Green Hills Academy, wabaye kuri uyu wa Gatandatu tariki 8 Kamena 2024.

Madamu Jeannette Kagame yavuze ko buri mwaka yishimira kwitabira ibirori nk’ibi byo guha impamyabumenyi abarangiza muri iri shuri, kuko ari ibirori yishimira kandi muri Green Hills akaba ahafata nko mu rugo.

Madamu Jeannette Kagame yashimiye aba banyeshuri basoje amasomo ku muhate n’umurava bagaragaje mu rugendo rw’amasomo yabo, abibutsa ko nubwo bakwiye kwishimira iyi ntambwe ariko badakwiye kurenza urugero na cyane ko urugendo rukibategereje ari rurerure.

Yasabye abarangije gukoresha ubumenyi bahawe mu guteza imbere Igihugu cyababyaye kuko na cyo kibishimiye.

Yagize ati “Uwareba amasura yanyu akiri mato, ashobora gushidikanya ku bumenyi mufite. Bamwe muri mwe mufite ibitekerezo biruta kure imyaka yanyu. Mukoreshe ubumenyi mufite mu guteza imbere Igihugu cyanyu, kandi na cyo kirabishimiye”.

Madamu Jeannette Kagame kandi yashimiye ababyeyi b’abo bana, ku bwo kubafasha muri uru rugendo, kandi abashimira kuba barahisemo kurerera muri Green Hills Academy.

Minisitiri w’Intebe Dr. Edouard Ngirente akaba ari n’umubyeyi wa Audrey Ngirente na we wasoje amasomo uyu munsi, na we yashimiye abasoje amasomo ku ntambwe bateye.

Yabashimiye kandi umuhate ndetse n’umurava wabaranze muri uru rugendo bakaba bageze ku musaruro mwiza.

Ati “Mwanyuze mu bikomeye byinshi birimo kuzinduka, kurara amajoro mu masomo, ariko mwakomeje kugaragaza kwitwara neza, kandi ababyeyi turabibashimira”.

Yabasabye kwigirira icyizere buri gihe, kuko ibyo banyuzemo bigaragaza ko bashoboye no kugera ku birenze ibyo.

Yabasabye kubyaza umusaruro ahazaza ariko bagakomeza kwitwara neza mu mibereho yabo ya buri munsi, kwigira ku makosa ndetse no guharanira kuba abo bifuza kuba bo.

Yabasabye kandi kwibuka ko u Rwanda ari Igihugu cyabo kandi kibatezeho byinshi.

Umuyobozi Mukuru wa Green Hills Academy, Dr Daniel Hollinger, yashimiye ababyeyi bahisemo kohereza abana muri Green Hills Academy.

Yashimiye kandi abanyeshuri basoje amasomo, avuga ko nubwo banyuze mu bikomeye byinshi, uyu munsi bishimira umusaruro wavuyemo.

Ati “Turazirikana ko hari byinshi byabagoye muri uru rugendo, ariko turabashimira ko mwarusoje uyu munsi. Turizera ko ibyo mwize bikubiyemo ubumenyi bwo kubasha gukemura ibibazo byugarije umuryango Nyarwanda ndetse n’Isi yose muri rusange”.

Umunyeshuri uhagarariye abandi, Daichi Yokomizo, ari na we wahize abandi, yavuze ko aba barangije batazibagirwa iri shuri, kuko ritanga impano nyinshi ziyongera ku masomo asanzwe.

Yavuze ko bashimira ababyeyi, abarezi babo n’ubuyobozi bw’ishuri ku bwo kubaba hafi muri uru rugendo, aboneraho gusaba bagenzi be gukomeza kuba intangarugero muri byose, mu rwego rwo gukomeza guhesha ishema ababyeyi, ishuri ndetse n’ubuyobozi bwaryo.

Abanyeshuri basoje muri uyu mwaka ni 112, barimo abahungu 77 n’abakobwa 55, bakaba kandi ari cyo cyiciro gisojemo abanyeshuri benshi mu mateka ya Green Hills Academy.

Abarenga 100 mu basoje amasomo uyu munsi bamaze kubona za kaminuza bazakomerezamo amasomo, zaba izo mu Rwanda ndetse n’izo mu mahanga.

Reba ibindi muri iyi Video:

Video: Salomo George

Ikigo cy’urubyiruko cya Musanze

Yarangije amasomo ya Kaminuza muri 2017. Mu mwaduko w’icyorezo cya Covid-19, yari rwiyemezamirimo mu Karere ka Musanze, ariko kubera ingaruka z’icyo cyorezo ubucuruzi bwe buza guhomba.

Igihe kimwe muri 2022, Mukasonga yagiye gushaka serivisi ku Murenge wa Muhoza mu Karere ka Musanze, ahahurira n’umuntu amubwira ko hafi aho hari ikigo cy’urubyiruko yaboneraho iyo serivisi atiriwe ayishakira ku murenge.

Icyo ni Ikigo cy’Urubyiruko cya Musanze, giherereye muri metero nke cyane uvuye ku biro by’Umurenge wa Muhoza.

Avuga ko akimara kugera kuri icyo kigo bamwakiriye bakamwandika, ndetse ubwo atangira kwiga uko basaba akazi, banamufasha gufungura konti ku rubuga rwa Minisiteri y’Abakozi ba Leta n’Umurimo (MIFOTRA) rushakirwaho akazi.

Kuva ubwo kandi ngo yatangiye kujya kuri iki kigo buri munsi, kubera ko hahoraga amahugurwa menshi ku bintu bitandukanye.

Mukasonga avuga ko n’ubwo yari yararangije kaminuza, kuri iki kigo yahigiye byinshi.

Ati “Hari n’ukuntu umuntu asoza kaminuza ariko ataramenya neza gukoresha mudasobwa, cyangwa se yaba anabizi kubera kumara igihe atayikoresha akaba yarabyibagiwe. Hariya rero umuntu yahoraga kuri machine (mudasobwa), akarushaho kwiyungura ubumenyi”.

Mukasonga avuga ko ubumenyi yungukiye muri iki kigo bwiyongera ku mpamyabumenyi ya kaminuza ndetse n’amahugurwa yahawe, ari byo byatumye mu mpera za 2023 abona akazi mu rwego rwa Leta.

Agira ati “Nakoze ibizamini nk’icumi mbona akazi. Nabanje kwiha muremure, nshaka kuba gitifu w’umurenge, ariko ngasanga nta burambe mfite, bigeze aho ntangira gukora ku Yindi myanya, birangira nkabonye”.

Mukasonga kandi avuga ko muri iki kigo hahurira urubyiruko rwinshi kandi rufite ubumenyi mu bintu bitandukanye, ku buryo bungurana ubumenyi kandi bagahana amakuru ku birebana n’akazi.

Ati “Ni ho hantu wasanga abantu 30 barangije Kaminuza badafite akazi, kandi bafte icyizere cyo kukabona”.

Mukasonga agira inama urubyiruko hirya no hino mu Gihugu kwegera ibigo by’urubyiruko aho biri, kuko uretse no kubafasha kumenya ahari amahirwe y’akazi, banahigira ibindi byinshi nk’ubukorikori, bakidagadura ndetse n’ibindi.

Ati “Umuntu utaramenye kiriya kigo yarahombye. Hari abavuga ngo ‘akazi kaba gafite ba nyirako’. Ndi umutangabuhamya w’uko akazi kadafite ba nyirako. Icyo bisaba ni ukwiyemeza ukagashaka”.

Abagana iki kigo bakoresha mudasobwa ifite internet ihagije

Ikigo cy’Urubyiruko cya Musanze kirimo ibice bitandukanye, harimo icyagenewe guhuza abashaka akazi ndetse n’abatanga akazi (Employment Service Ceenter), igice cyagenewe gutanga ubujyanama ku buzima bw’imyororokere, icyagenewe imyidagaduro, icyagenewe ibikorwa by’ubukorikori (Musanze Hub center), isomer, ndetse n’igice cyagenewe imurikagurisha.

Ni ikigo cyubatswe na Leta y’u Rwanda ku bufatanye n’Ubwami bw’u Bubiligi, binyuze mu Kigo cy’u Bubiligi gishinzwe Iterambere (Enabel) ndetse n’Ikigo cy’Igihugu gishinzwe guteza imbere ibikorwa by’iterambere mu nzego z’ibanze (LODA).

Imibare iheruka y’Ikigo cy’Urubyiruko cya Musanze, igaragaza ko 35% by’abagannye iki kigo cyane cyane mu ishami rishinzwe gufasha urubyiruko guhura n’abakoresha ndetse no gushaka imirimo (Employment Service Center), babonye imirimo bakora.

Muri iri shami, hari za mudasobwa kandi zifite interineti ihagije, ku buryo urubyiruko ruhaza rugafashwa gushakisha ahari akazi, rugafashwa kwandika amabaruwa asaba akazi ndetse no gufashwa gutegura neza ibizamini by’akazi.

Bamwe muri aba babonye akazi mu nzego za leta n’iz’abikorera, abanda babonye aho bakorera imenyerezamwuga ndetse abanda babasha kwihangira imirimo.

Byiringiro Frank we aracyaza muri iki kigo cy’urubyiruko inshuro nyinshi mu cyumweru, kuko avuga ko ahamenyera amakuru y’ahari akazi, kandi akabasha kungurana ubumenyi na bagenzi be bahahurira ku buryo bakwitwara mu gihe cy’ibizamini by’akazi.

Byiringiro ati “Aha hari interineti y’ubuntu, imashini za mudasobwa ndetse n’ibindi bikoresho. Hari bagenzi banjye nzi bamaze kubona akazi kandi bafashijwe n’iki kigo, ku buryo nanjye mfite icyizere ko nzakabona”.

Jean d’Amour Munyemana, ushinzwe ikoranabuhanga n’ubujyanama ku isoko ry’umurimo mu kigo cy’urubyiruko cya Musanze, avuga ko muri rusange urubyiruko rugana iki kigo, ruhabwa ubufasha mu bintu bitandukanye, kandi kohari benshi bamaze kubona imirimo babikesha iri shami ryo gushakisha imirimo.

Agira ati “Imibare yacu iheruka yatwerekaga ko abarenga 35% by’urubyiruko rwanyuze hano bamaze kubona imirimo. Harimo ababonye akazi, abanda bari mu imenyerezamwuga ry’umwuga (professional internship) ndetse hari n’abihangiye imirimo”.

Ubuyobozi bw’Akarere ka Musanze, bugaragaza ko buri munsi iki kigo cyakira urubyiruko rubarirwa hagati ya 200 na 300, baza mu bice by’iki kigo bitandukanye.

Umuyobozi w’Akarere ka Musanze wungirije ushinzwe Iterambere, Uwanyirigira Clarisse, avuga ko muri rusange iki kigo cyagiriye akamaro urubyiruko rwo muri aka Karere, haba mu kumenya amahirwe ahari ngo bashake imirimo, kwidagadura, gukora ubukorikori ndetse n’ibindi.

Uyu muyobozi avuga ko kuba hari zimwe muri serivisi zitaratangira gukora muri iki kigo bikiri ikibazo, ariko kandi ngo hari ubufatanye bw’abikorera Buhari ku buryo bitarenze ukwezi kwa Kamena uyu mwaka wa 2024, zimwe muri serivisi zitaratangira gukora zizaba zatangiye.

Iki kigo cyuzuye gitwaye amafaranga y’u Rwanda Miliyari imwe na miliyoni 700.

Kagame Paul (ibumoso), Habineza Frank (uri hagati) na Mpayimana Philippe (iburyo) ni bo bemejwe by’agateganyo nk’abakandida ku mwanya wa Perezida wa Repubulika

Perezida wa Komisiyo y’Amatora, Oda Gasinzigwa, yavuze ko Komisiyo yakiriye kandidatire icyenda z’abasaba kwiyamamaza ku mwanya wa Perezida wa Repubulika, nyuma yo kuzisuzuma isanga izujuje ibisabwa ari eshatu.

Oda Gasinzigwa yavuze ko izujuje ibisabwa ari iya Kagame Paul watanzwe na FPR Inkotanyi, Dr. Frank Habineza watanzwe n’Ishyaka rya Democratic Green Party of Rwanda ndetse na Philippe Mpayimana, umukandida wigenga.

Ku bandi bari basabye kuba abakandida bigenga kuri uyu mwanya, ari bo Manirareba Herman, Hakizimana Innocent, Barafinda Sekikubo Fred, Habimana Thomas, Diane Shima Rwigara ndetse na Mbanda Jean, Komisiyo y’Amatora yagaragaje ko batujuje ibisabwa, ahanini bishingiye ku mikono y’abantu 600 bashyigikiye kandidatire zabo.

Urugero nko kuri Hakizimana Innocent, Komisiyo yagaragaje ko atujuje nibura imikono y’abantu 12 muri buri karere, by’umwihariko mu turere twa Nyagatare, Gatsibo, Gisagara na Kirehe.

Kimwe na Hakizimana Innocent, Barafinda Sekikubo Fred na we ntiyujuje nibura abantu 12 bamusinyiye mu turere dutandukanye, turimo Nyabihu, Musanze, Nyagatare, Gakenke n’utundi.

Komisiyo y’Amatora kandi yagaragaje ko mu bakandida batujuje ibisabwa, harimo abatanze urutonde rw’abantu babasinyiye, ariko rugaragaraho amazina y’abantu batabaho, abagaragara ku rutonde rurenze rumwe, ndetse n’abagaragaye ko bafite nomero z’indangamuntu zidahura n’amazina yabo.

Harimo kandi abatanze imikono y’abantu bavuga ko babashyigikiye, ariko abo bantu bakaba barahamije ko batigeze babasinyira.

Kuri Diane Rwigara, Komisiyo y’Amatora yagaragaje ko mu mwanya w’icyemezo kigaragaza ko umuntu yakatiwe cyangwa atakatiwe n’inkiko, we yatanze kopi y’urubanza.

Diane Rwigara kandi ngo yatanze inyandiko y’ivuka, mu mwanya w’icyemezo cy’ubwenegihugu nyarwanda bw’inkomoko.

Ku myanya y’Abadepite:

Komisiyo y’Igihugu y’Amatora yagaragaje ko ku mwanya w’abakandida batangwa n’imitwe ya politiki yemewe mu Rwanda, hakiriwe imitwe ya politiki itandatu, ari yo FPR-Inkotanyi n’indi mitwe bafatanyije ari yo PDC, PCR, PPC, PSP ndetse na UDPR.

Komisiyo kandi yakiriye indi mitwe ya politiki, ari yo Ishyaka riharanira ukwishyira ukizana kwa buri muntu (PL), Ishyaka riharanira demukarasi n’imibereho myiza y’abaturage (PSD), Ishyaka riharanira demukarasi no kurengera ibidukikije (DGPR), Ishyaka ntangarugero muri demukarasi (PDI) ndetse n’Ishyaka ry’Imberakuri riharanira imibereho myiza (PS Imberakuri).

Komisiyo y’Amatora yagaragaje ko Umuryango FPR-Inkotanyi ndetse n’indi mitwe ya politiki bifatanyije, batanze abakandida 80. Muri bo abujuje ibisabwa ni 77 naho abatujuje ibisabwa bakaba abantu batatu.

Ishyaka PL ryatanze urutonde rw’abakandida 54, muri bo abujuje ibisabwa ni 34, naho abatujuje ibisabwa bakaba 15.

Ishyaka PSD ryatanze abakandida 59, abujuje ibisabwa bakaba ari 52 naho abandi barindwi ntibujuje ibisabwa.

Ishyaka Green Party ryatanze abakandida 64, muri bo abujuje ibisabwa bakaba ari icyenda, naho abandi 55 ntibujuje ibisabwa.

Ishyaka PDI ryatanze abakandida 55, muri bo abujuje ibisabwa bakaba ari 41, naho abatujuje ibisabwa ni 14.

Ishyaka PS Imberakuri ryatanze abakandida 80, muri bo abujuje ibisabwa ni 28, naho abatujuje ibisabwa ni 52.

Muri rusange abakandida bose batanzwe n’Imitwe ya politiki yemewe mu Rwanda ni 392, muri bo abujuje ibisabwa ni 246, naho abatujuje ibisabwa ni 146.

Komisiyo y’Amatora kandi ivuga ko yakiriye abifuza kuba abakandida bigenga 27 ku myanya y’Abadepite, muri bo umuntu umwe gusa akaba ari we wujuje ibisabwa, ari we Nsengiyumva Janvier.

Abandi 26 Komisiyo ivuga ko batujuje ibyangombwa biherekeza kandidatire zabo, ndetse ngo bose ntibujuje ibisabwa kuri lisiti y’abantu bashyigikiye kandidatire zabo.

Komisiyo y’Amatora kandi yagaragaje ko yakiriye abakandida 200 bashaka kwiyamamariza mu cyiciro gitorerwamo abakandida 24 b’abagore, muri bo abujuje ibyangombwa bakaba ari 181, naho abatujuje ibisabwa bakaba ari 19.

Mu bakandida Depite b’urubyiruko, Komisiyo yakiriye kandidatire 34, muri zo izujuje ibisabwa ni 23 naho izitujuje ibisabwa ni 11.

Komisiyo kandi yakiriye kandidatire 13 z’abifuza guhagararira icyiciro cy’abantu bafite ubumuga. Muri zo izujuje ibisabwa ni zirindwi, naho izindi esheshatu ntizujuje ibisabwa.

Komisiyo y’Igihugu y’Amatora yatangaje ko abakandida batujuje ibisabwa bafite iminsi itanu y’akazi, yo kuba babyujuje, uhereye tariki ya 07 kugera ku ya 13 Kamena 2024.

Komisiyo y’Igihugu y’Amatora yavuze ko abakandida bifuza ibisobanuro byisumbuyeho, bashobora kwegera iyi Komisiyo.

Komisiyo y’igihugu y’Amatora ivuga ko izatangaza abakandida bemejwe burundu mu byiciro byombi, ku wa Gatanu tariki 14 Kamena 2024.

Amafaranga Leta yashoye mu nguzanyo za VUP yikubye inshuro zirenga ebyiri

Ni inguzanyo ya kabiri Mumukunde arimo yishyura, kuko yayifashe nyuma yo kurangiza kwishyura indi na yo y’amafaranga ibihumbi 100. Ni amafaranga ashora mu buhinzi bw’ibirayi.

Bitandukanye no ku nshuro ya mbere, kuri iyi nshuro Mumukunde avuga ko asa n’uwahombye, kuko ibirayi yahinze byumye bitarera, gusa ngo ntibizamubuza kwishyura neza inguzanyo yahawe.

Ati “Iyi nshuro ibirayi byarumye ubanza twaraguze imbuto mbi. Navuga ko rwose nahombye, ariko ndakora ibishoboka byose ngo ndangize kuyishyura”.

Impamvu imutera kwishyurana umuhate iyi nguzanyo, ni amakuru yumvise ko ubu noneho umuturage umwe yemerewe kugurizwa amafaranga ibihumbi 200, avuye ku bihumbi 100 yabaga yemerewe mbere.

Mumukunde avuga ko namara kwishyura iyi nguzanyo azahita yaka ibihumbi 200, ariko noneho agahindura umushinga akayashora mu bindi.

Ati “Ni amakuru nanjye numvise numva aranshimishije cyane. Ni ibintu byiza cyane ndetse ahubwo ningira amahirwe nkamara kwishyura, nzahita naka andi”.

Iyi nkingi ya serivisi z’imari (Financial Services), Leta y’u Rwanda yayishoyemo miliyari 14 z’amafaranga y’u Rwanda muri 2008.

Mu kiganiro cyihariye Kigali Today yagiranye na Jean Claude Rwahama, umuyobozi w’Ishami rishinzwe Imibereho Myiza mu Kigo cy’Igihugu gishinzwe guteza imbere ibikorwa by’iterambere mu nzego z’ibanze (LODA), yavuze ko mu mwaka wa 2008 gahunda ya VUP igitangira, inkingi ya serivisi z’imari yashowemo miliyari 14 z’amafaranga y’u Rwanda, ariko ubu amafaranga yose hamwe abanyamuryango bagurijwe akaba ari 35,053,239,957 z’amafaranga y’ u Rwanda.

Iyi nkingi ya serivisi z’imari yagiye ishyirwa mu bikorwa mu byiciro, ubu ikaba igeze mu cyiciro cyayo cya gatatu.

LODA igaragaza ko mu cyiciro cya mbere guhera mu mwaka wa 2008 kugera muri 2014, abaturage 293,944 ari bo bahawe inguzanyo, bose hamwe bakaba baragurijwe 20,852,089,311.

Mu cyiciro cya kabiri guhera muri 2014 kugera muri 2019, abahawe inguzanyo baragabanutse bagera ku bantu 163,554 bose hamwe bagurijwe 18,766,632,075.

Jean Claude Rwahama, asobanura ko ipamvu y’iri gabanuka ku basabye inguzanyo, ari uko ibigo by’imari abaturage bafatiragamo inguzanyo (Imirenge SACCO), byazamuye inyungu yari yarashyizweho ya 2%, bikayishyira kuri 11%.

Rwahama Jean Claude, Umuyobozi w’ishami rishinzwe imibereho myiza y’abaturage muri LODA

Iki ni ikibazo cyagejejwe no mu Nama y’Igihugu y’Umushyikirano yo muri 2018, ndetse icyo gihe Perezida wa Repubulika Paul Kagame ategeka ko inyungu isubizwa kuri 2% mu rwego rwo korohereza abaturage.

Mu cyiciro cya gatatu ari na cyo ubu kiri gushyirwa mu bikorwa guhera muri 2019, abaturage bamaze guhabwa inguzanyo ubu bageze kuri 286,162, bakaba bamaze guhabwa amafaranga 35,053,239,957.

Ni nde uhabwa inguzanyo muri VUP?

Iyi nkingi ya serivisi z’imari, igamije gufasha Abanyarwanda bafite amikoro make gukorana n’ibigo by’imari, bagatinyuka kwegera no gukorana na byo, ndetse bakanoroherezwa kubona inguzanyo ziciriritse ku nyungu ntoya ya 2%, bityo bakabasha kugerwaho n’izindi serivisi zose zitangwa n’ibigo by’imari harimo no kwizigamira.

Iyi nkingi igamije kandi guhugura abagenerwabikorwa ku micungire y’imari n’uburyo bwo gushora amafaranga mu mishinga iciriritse ibyara inyungu yabafasha kwiteza imbere.

Abagenerwabikorwa ba serivisi z’imari muri VUP, batoranywa mu ngo zikennye cyane, bakaba ari abantu ku giti cyabo, amatsinda cyangwa amakoperative. Abagore n’urubyiruko ni byo byiciro byitabwaho by’umwihariko.

Abagenerwabikorwa bujuje ibisabwa batoranywa mu bagize umuryango cyangwa bamwe mu baturage bafite ubushobozi bwo gukora. Abatishoboye muri bo hamwe n’abakomoka mu ngo zikennye, ni bo bitabwaho mbere y’abandi.

Ingo cyangwa abantu ku giti cyabo bashobora kuba bari hejuru gato y’umurongo w’ubukene ariko bakaba bafite imbogamizi zishobora kuba zabasubiza mu bukene bukabije na bo bashobora gushyirwa mu mubare w’abagenerwabikorwa.

Icyakora abaturage badashoboye gukora na gato kubera izabukuru, abana, cyangwa abafite ubumuga bukabije ntibemerewe guhabwa iyi serivisi.

Imishinga ihabwa inguzanyo yemezwa ite?

Imishinga ihabwa inguzanyo yemezwa na Komite y’Umurenge ishinzwe inguzanyo ihagarariwe n’Umunyamabanga Nshingwabikorwa, igihe ari inguzanyo y’umuntu ku giti cye cyangwa itsinda.

Inguzanyo ya koperative yemezwa bwa nyuma na Komite tekiniki yo ku rwego rw’Akarere igashyirwaho umukono n’Umunyamabanga Nshingwabikorwa w’Akarere.

Umubare ntarengwa w’amafaranga atangwamo inguzanyo

Abantu ku giti cyabo, amatsinda yujuje ibisabwa ndetse n’amakoperative bashobora gutanga dosiye isaba inguzanyo kandi umubare w’amafaranga y’inguzanyo basaba ugomba kuba ukwiranye n’umushinga bateganya gukora.

Ubu umuntu ku giti cye yemerewe kugurizwa kugera ku bihumbi 200, na ho itsinda cyangwa se koperative byemerewe kugurizwa kugera kuri miliyoni esheshatu.

Imyishyurirwe y’aya mafaranga iteye ite?

Ikigo cy’Igihugu gishinzwe guiteza imbere ibikorwa by’iterambere mu nzego z’ibanze (LODA), kigaragaza ko mu ntangiriro za VUP, amafaranga y’inguzanyo yatangwaga muri iyi nkingi ya serivisi z’imari byari bigoye kuyishyura.

Rwahama Jean Claude, avuga ko mu cyiciro cyayo cya mbere (2008-2014), hari abaturage bananiwe kwishyura inguzanyo bahawe, ku buryo Leta yafashe umwanzuro wo gusiba iyo myenda ingana hafi na miliyari eshanu z’amafaranga y’u Rwanda.

Icyakora Rwahama avuga ko mu byiciro byakurikiyeho, hashyizweho uburyo bwo gukurikirana imikoreshereze y’inguzanyo ndetse n’uburyo bwo kuzishyuza, ku buryo ubu bigenda neza.

Avuga ko kugeza ubu mu nguzanyo zatanzwe, 78% zishyurwa neza, mu gihe 22% ari zo zitishyurwa neza.

Rwahama avuga ko abatishyura uko bikwiye hari komite ishinzwe inguzanyo ku rwego rw’umurenge, ikaba ibegera ikabaganiriza, hakarebwa uburyo bakwishyura inguzanyo bafashe ariko nta kubahutaza.

Izindi nkingi za VUP

Inkunga y’ingoboka (Direct Support)

Iyi nkunga ihabwa ingo ziri mu bukene bukabije zitabasha kwibonera iby’ibanze nkenerwa mu buzima, nk’izitagira umuntu n’umwe ushoboye gukora, urugo rufite umuntu umwe ushoboye gukora, ariko akaba afite inshingano zo kwita ku muntu ufite ubumuga bukabije, cyangwa uburwayi budakira butuma atabasha kwiyitaho atabonye ubimufasha (nko kwiyuhagira, kwigaburira, kujya mu bwiherero) n’ibindi.

Hari kandi abana bari munsi y’imyaka 18 cyangwa se bayirengeje bakiri mu mashuri babarwa nk’abadashoboye gukora, na bo bakaba bagenerwa iyi nkunga.

Ese inkunga y’ingoboka ibarwa ite?

Inkunga y’ingoboka ibarwa hagendewe ku mubare w’abagize urugo. Urugizwe n’umuntu umwe rugenerwa amafaranga 7,500, urugizwe n’abantu babiri rugahabwa amafaranga 12,000, urugizwe n’abantu batatu rugahabwa amafaranga 15,000, urugizwe n’abantu bane ruhabwa amafaranga 18,000, urugizwe n’abantu batanu cyangwa barenzeho ruhabwa amafaranga 21,000.

Kugeza ubu abaturage 104,433 ni bo bahabwa inkunga y’ingoboka. Muri bo harimo abagore 77,300 ndetse n’abagabo 27,133.

Inkingi y’imirimo y’amaboko isanzwe

Iyi nkingi igamije gutanga imirimo mu rwego rwo korohereza ingo ziri mu bukene bukabije, kubona iby’ibanze nkenerwa mu buzima hamwe no gutera imbere mu buryo burambye.

Muri iyi nkingi hakorwa imirimo igamije kongera no kubungabunga ibikorwaremezo, nko kwita ku mihanda, kubungabunga ibidukikije, gukora amaterasi y’indinganire n’indi itanga akazi ku bantu benshi.

Abagenerwabikorwa b’imirimo y’amaboko isanzwe muri VUP ni abaturuka mu ngo ziri mu bukene bukabije, ariko zifite nibura umuntu umwe ushobora gukora, zikaba zitari mu bahabwa inkunga y’ingoboka cyangwa zibarizwamo abagenerwabikorwa b’imirimo y’amaboko yoroheje (Expanded Public Works).

Hari kandi ababarizwa mu ngo abaturage bagaragaje ko zikeneye ubufasha kubera ingorane zahuye na zo nk’ibiza n’ibindi. Kugeza ubu, abaturage 75,532 ni bo bakora muri iyi nkingi y’imirimo y’amaboko isanzwe. Muri bo harimo abagore 34,842 ndetse n’abagabo 40,690.

Inkingi y’imirimo y’amaboko yoroheje

Mu nkingi y’imirimo y’amaboko yoroheje ya VUP, abagenerwabikorwa bashobora guhabwa akazi koroheje nko guharura imihanda mu rwego rwo kuyibungabunga (Flexible Road maintenance), gutanga serivisi zo kwita ku bana bato mu ngo mbonzamikurire (Home Based Early Childhood Development Integrated Services), gufata neza ubusitani ndetse no gutegura ingemwe z’ibiti n’imbuto (Greening and beautification).

Muri iyi nkingi kugeza ubu habarirwa abaturage 82,765 bahawe akazi, barimo abagore 62,450 ndetse n’abagabo 20,315.

Ubufasha bugenewe abagore batwite n’abana batarengeje imyaka ibiri (NSDS)

Iyi nkunga ya NSDS (Nutrition Sensitive Direct Support), ni imwe muri gahunda za Leta zigamije kurwanya imirire mibi n’igwingira kuva umwana agisamwa kugeza agize imyaka ibiri.

Umugenerwabikorwa wa NSDS agenerwa 7,500 Frw buri kwezi, agahabwa 22,500 Frw mu ngunga imwe mu ntangiriro za buri gihembwe.

Kugeza ubu, abagenerwabikorwa b’iyi nkingi bose hamwe ni 119,356. Muri bo harimo abana 99,917 ndetse n’abagore batwite 19,439.

Reba inkuru bijyanye Inyungu iri hejuru yagabanyije umubare w’abaka inguzanyo muri VUP

Ibi byatangarijwe mu nama mpuzamahanga ku mpano n’umutungo utadafatika by’Abanyafurika (Africa Soft Power Summit 2024), yari iteraniye i Kigali kuva tariki ya 29 kugeza ku ya 31 Gicurasi 2014, yateguwe ku bufatanye n’ibigo bitandukanye, ku isonga ‘Africa Soft Power’.

Abari muri iyi nama bagaragaza ko Umugabane wa Afurika ukungahaye cyane cyane ku mutungo w’abaturage, ndetse n’impano zihariye.

Dr. Nkiru Balonwu, washinze Umuryango ‘Africa Soft Power’, agaragaza ko akenshi uyu mutungo uteza imbere abari hanze y’uyu Mugabane, kubera ko Abanyafurika batarasobanukirwa uburyo wabyazwa umusaruro.

Agira ati “Hakenewe guhuza ibiri mu bushobozi bwacu, kubyaza umusaruro ubuhuza no kuzana ubuyobozi bwo hejuru bwa Afurika mu biganiro mpuzamahanga, haba ku birebana n’ibibazo bya politiki n’ibihe turimo, urugero nk’imihindagurikire y’ikirere. Muri ibyo byose amajwi y’Abanyafurika ari he? Ubusumbane bushingiye ku gitsina, amajwi y’Abanyafurika ari he? Kwizamura mu byumba aho akenshi tudakunze kugaragara, ni bimwe mu byo tugerageza gukora ndetse no guhuza Afurika n’abayikomokamo baba hanze yayo, no kuyihuza n’ubukungu bw’Isi”.

Abitabiriye iyi nama kandi bagaragaza ko amahirwe menshi ku Mugabane wa Afurika ari mu rubyiruko ndetse n’abagore by’umwihariko, na cyane ko ari bo bagize umubare munini w’abatuye uyu Mugabane.

Abari muri iyi nama bakaba bemeza ko Umugabane wa Afurika ukungahaye cyane haba mu mikino, umuco, imyidagaduro ndetse n’ibindi, ariko hakabura uburyo n’ubumenyi bwo kubibyaza umusaruro.

Guyheart Mensah, ukora mu kigo ‘Africa Prosperity Network’

Guyheart Mensah, ukora mu kigo ‘Africa Prosperity Network’, ati “Twebwe ibyacu ni inyungu mu bucuruzi hagati y’Abanyafurika, kandi iyo tuvuze ubucuruzi hagati y’Abanyafurika, bushingiye ahanini hagati y’abacuruzi baciriritse ndetse benshi mu babugiramo uruhare ni abagore”.

Umuyobozi ushinzwe ubukerarugendo mu Rwego rw’Igihugu rw’Iterambere (RDB), Michaella Rugwizangoga, we asanga Afurika n’u Rwanda bifatanyije bishobora kugera kuri byinshi mu gihe haba hakoreshejwe neza amahirwe ahari.

Agira ati “Ntekereza ko ari urubuga rukomeye rwo kugaragaza ibyo u Rwanda rwagezeho mu guha ubushobozi abagore n’abagabo, haba mu ikoranabuhanga, ubuhanzi ndetse n’umuco. Ariko nanone binafasha nk’urubuga rwo kwigira ku bavandimwe bacu b’Abanyafurika”.

Joyce Banda wigeze kuba Perezida wa Malawi

Ku munsi wa mbere w’iyi nama, haganiriwe ku iterambere ry’Umugabane wa Afurika rigizwemo uruhare n’abagore.

Muri ibi biganiro hakaba harimo na Madamu Joyce Banda wigeze kuba Perezida wa Malawi, wavuze ko abagore n’abagabo bakwiye gufatanya mu gutanga umusanzu mu kubaka Umugabane wa Afurika.

Ibi Komisiyo y’Amatora yabitangaje kuri uyu wa Kane tariki 30 Gicurasi 2024, nyuma yo gusoza igikorwa cyo kwakira ibyangombwa by’abifuza kuba abakandida mu matora y’Abadepite ndetse n’aya Perezida wa Repubulika.

Perezida wa Komisiyo y’Igihugu y’Amatora, Oda Gasinzigwa

Perezida wa Komisiyo y’Amatora Oda Gasinzigwa, yavuze ko bakiriye abashaka kuba abakandida ku mwanya wa Perezida wa Repubulika babiri batanzwe n’imitwe ya politiki, ari bo Paul Kagame watanzwe na FPR-Inkotanyi ndetse na Dr. Frank Habineza, watanzwe na Democratic Green Party of Rwanda.

Komisiyo y’Amatora kandi ivuga ko yakiriye barindwi bifuza kuba abakandida bigenga ku mwanya wa Perezida, ari bo Herman Manirareba, Innocent Hakizimana, Barafinda Sekikubo Fred, Thomas Habimana, Diane Shima Rwigara, Phillipe Mpayimana ndetse na Jean Mbanda.

Komisiyo y’Igihugu y’Amatora kandi yakiriye ibyangombwa by’abifuza kuba Abadepite, harimo intoned zatanzwe n’imitwe ya Politiki, ndetse n’ibyangombwa by’abifuza kuba abakandida bigenga muri iki cyiciro.

Ku ntonde zatanzwe n’imitwe ya politiki, Komisiyo y’Amatora igaragaza ko yakiriye urutonde rw’Umuryango FPR-Inkotanyi, urwa Green Party, urwa PL, urwa PSD, urwa PDI, ndetse n’urwa PS Imberakuri.

Ku mibare y’abashaka kuba abakandida bigenga mu cyiciro cy’Abadepite, Komisiyo y’Amatora ivuga ko umubare wabo utaramenyekana kuko batarahuza imibare yabo bose, na cyane ko bagendaga bakirwa n’abakozi ba Komisiyo batandukanye.

Perezida wa Komisiyo y’Igihugu y’Amatora, Oda Gasinzigwa, yavuze ko igikorwa cyo kwakira ibyangombwa ku bifuza kuba abakandida nk’uko amategekio abiteganya.

Icyakora Komisiyo y’Igihugu y’Amatora ivuga ko izakomeza kwakira ibyangombwa byuzuza ibyatanzwe bituzuye kuri babakandida, nk’uko biteganywa n’amategeko.

Komisiyo y’Amatora ivuga ko tariki ya 6 Kamena 2024, ari bwo hazatangazwa urutonde rw’agateganyo rw’abemerewe kuba abakandida mu byiciro byombi, na ho tariki ya 14 Kamena, hakazatangazwa urutonde ntakuka rw’abemerewe kuba abakandida, ari na bo bazashyirwa ku mpapuro z’itora.

Perezida wa Komisiyo y’Igihugu y’Amatora, Oda Gasinzigwa, yashimiye itangazamakuru ryafashe umwanya wo gukurikirana ibi bikorwa, anashimira abazanye ibyangombwa basaba kuba abakandida ndetse n’Abanyarwanda bose muri rusange bakurikiranye ibi bikorwa byo kwakira bakurikiye ibi bikorwa, dushimira n’abagize ubushake bakazana ibyabbombwa.

Komisiyo y’Amatora ivuga ko ubu hagiye gukurikiraho gusuzuma ibyangombwa byatanzwe ibyo bazabona bitubahirije amategeko bikazamenyeshwa ababitanze, byaba ari ibisubirwamo bigasubirwamo, ariko hari n’ibidasubirwamo nko gushaka imikono kuko byo byararangiye.

Komisiyo y’Amatora yagaragaje ko mu kwakira ibyangombwa, hari aho byagaragaye ko hari ababyitiranya, nko ku nyandiko igaragaza ko ushaka kuba umukandida Perezida agaragaza, yerekana ko nta bundi bwenegihugu afite.

Komisiyo y’Amatora ivuga ko ubundi usaba ari we ubwe uyiyandikira, ariko abenshi byagaragaye ko bari bazi ko hari urwego runaka ruyitanga.

Oda Gasinzigwa ati “Aha twarababasobanuriraga, abo bishobokera bagahita bayandika, abandi na bo bagahabwa umwanya wo kuzayandika”.

Muri rusange, Komisiyo y’Amatora ivuga ko ibikorwa byo kwakira ibyangombwa by’abashaka kuba abakandida mu matora ari imbere byagenze neza.

Philippe Mpayimana yageze kuri Komisiyo y’Amatora ku gicamunsi cyo kuri uyu wa Kane tariki 30 Gicurasi 2014, aherekejwe n’abantu batandukanye.

Bitandukanye na bamwe mu basabye kuba abakandida bigenga, Mpayimana yatanze ibyangombwa byose uko bisabwa n’amategeko kandi ubona ko yabiteguye neza ku murongo uko bikurikirana.

Mu kiganiro yagiranye n’abanyamakuru, Mpayimana yavuze ko impamvu zari zamuteye gushaka kwiyamamariza umwanya wa Perezida muri 2017, ari zo n’ubundi zikomeje kumutera gushaka guhatanira uyu mwanya no mu matora yo muri uyu mwaka.

Muri zo, harimo gushaka gukorera Abanyarwanda ndetse no kubateza imbere, nk’uko intego ye ivuga ngo ‘Indi ntambwe muri Demukarasi n’Iterambere’.

Mpayimana yavuze ko ashyize imbere kudasubiza inyuma ibyagezweho, guhora habaho amavugurura y’ibitagenda neza, ndetse no gushyira imbaraga mu kongera ubushobozi bw’abaturage.

Mpayimana yagarutse ku rugendo rwo gushaka ibyangombwa, avuga ko muri rusange bitagoye kubona ibyangombwa mu gihe nta miziro umuntu afite, ariko ko gushaka imikono y’abantu 600 bigoye.

Yagize ati “Ibyari bikomeye ni iriya mikono 600 kandi narayirengeje. Ntihazagire uwongera kuvuga ko u Rwanda ari Igihugu gitoya! U Rwanda ni Igihugu kinini, urakigenda iminsi 30 n’imodoka ntukirangize. Kugera mu turere twose urumva bisaba amafaranga, bisaba byinshi, […] Wenda sinabifata nk’imbogamizi ahubwo tuba tuganira n’Abanyarwanda ugasanga ni ibintu byiza ahubwo”.

Mpayimana yavuze ko nk’uko mu matora y’Umukuru w’Igihugu aheruka yemerewe kwiyamamaza, n’ubu yizeye ko azongera akemererwa kuko ibyangombwa byose bisabwa abyujuje.

Thomas Habimana yatanze ibyangombwa bisaba kuba umukandida ku mwanya wa Perezida

Habimana w’imyaka 35, afite ubunararibonye mu burezi kuko avuga ko abumazemo imyaka 13.

Nyuma yo kwakirwa kuri Komisiyo y’Amatora, Habinama usanzwe ari n’umuhanzi yabwiye abanyamakuru ko nk’umwe mu babyirutse nyuma ya Jenoside yakorewe Abatutsi, yitegereje uko igihugu cyiyubaka mu nzego zose, yifuza gutanga umusanzu we mu gukomeza kucyubaka.

Yongeyeho ko yakuze yiyumvamo ko igihe nikigera akuzuza imyaka isabwa, aziyamamariza kuyobora u Rwanda.

Ati “Ntabwo wayobora ikigo cy’ishuri utari umunyapolitiki, ubuzima bwanjye bwa buri munsi ni politiki. Icyizere mfite, ni ukuba nshobora gutanga kandidatire yanjye, uwangize uwo ndi we akiri mu bakandida.”

Uyu mugabo yavuze ko kuba akiri muto, kandi n’abagize uruhare mu kubohora Igihugu bakaba bari bakiri bato nka we, bimutera kurushaho kugira ishema no kumva yatanga umusanzu we mu gusigasira ibyagezweho.

Thomas Habimana

Akomeza avuga ko n’ubwo kuri iyi nshuro atahabwa amahirwe yo kwiyamamaza cyangwa se yanayahabwa ntatsinde amatora, ngo atazacika intege.

Ati “Kabone n’ubwo ntagirirwa icyizere kuri iyi nshuro, ndacyari muto, ntekereza ko no mu bihe bizaza nzakomeza. Nibura ntangiye gutya, ni intambwe nziza.”

Bitandukanye n’abandi bashaka kuba abakandida bigenga, habimana we yavuze ko gushaka ibyangombwa bisabwa bitamugoye.

Ati “Urugendo rwo gushaka ibyangombwa ntirwangoye, mu gihugu cyacu kugenda biroroshye amasaha 24 kuri 24, nzanye imikono 617. Kandi uretse imikono, ibindi byangombwa byose iyo nta miziro hari serivisi zibitanga ku buryo bworoshye.”

Thomas yatangaje ko gushaka ibyangombwa bitigeze bimugora

Habimana ariko avuga ko gushaka kwiyamamariza kuba Perezida wa Repubulika ntaho bihuriye n’ubuhanzi, kuko ubuhanzi abukora ku ruhande bitandukanye na politiki.

Habimana abaye umuntu wa kane utanze ibyangombwa bisaba kuba umukandida wigenga ku mwanya wa Perezida wa Repubulika, nyuma ya Herman Manirareba, Hakizimana Innocent ndetse na Barafinda Sekikubo Fred.

Biteganyijwe ko tariki ya 14 Kamena 2014, ari bwo Komisiyo y’Igihugu y’Amatora izatangaza abemerewe kuba abakandida mu matora y’Umukuru w’Igihugu ndetse n’ay’Abadepite.

Barafinda ashyikiriza ibyangobwa bye Perezida wa Komisiyo y’amatora, Oda Gasinzigwa

Ni nyuma y’uko mu matora y’Umukuru w’Igihugu aheruka muri 2017, Barafinda nabwo yari yagerageje gushaka kwiyamamaza ariko ntiyabyemererwa, kuko atari yujuje ibisabwa.

Kuri iyi nshuro, Barafinda yavuze ko yakiriwe neza muri Komisiyo y’Amatora, akaba kandi yizera ko noneho azemererwa kwiyamamariza umwanya w’Umukuru w’Igihugu.

Yagarutse ku rugendo rwo gushaka ibyangombwa bimwemerera gutanga kandidatire, avuga ko ari urugendo rutari rworoshye, ariko ko hamwe n’Imana yabashije kubibona.

Barafinda yavuze ko urugendo rwo gushaka ibyangombwa rutari rworoshye

Ati “Ni urugendo rwari rikomeye cyane, rwari nk’umusozi wa Kalisimbi. Ariko hamwe n’Imana byose birashoboka, iyo wizera Imana kandi ukizerera mu kuri, byose bihita biba urucabana.”

Barafinda yavuze ko n’ubwo ubushize atabonye amahirwe yo kwiyamamariza umwanya wa Perezida wa Repubulika, ubu noneho afite icyizere ko azemererwa kuko uko imyaka ihita ari ko agenda yunguka ubumenyi muri Politiki.

Ati “Nazanye tingatinga y’ubwenge, ubumenyi n’ubunararibonye. Ubu mfite amanota yose yuzuye."

Barafinda Sekikubo fred, abaye umuntu wa gatatu ushaka kwiyamamaza nk’umukandida wigenga ku mwanya wa Perezida wa Repubulika, nyuma ya Herman Manirareba ndetse na Hakizimana Innocent.

Komisiyo y’Amatora ntiyatangaje niba ibyangombwa bya Barafinda byose byuzuye, cyane cyane ku birebana n’imikono y’abantu 600 basabwa kuba baramusinyiye, gusa Komisiyo ivuga ko izasuzuma niba ibyangombwa bye byuzuye.

Biteganyijwe ko Komisiyo y’Amatora ikomeza kwakira abifuza kuba abakandida mu matora y’Abadepite ndetse n’aya Perezida wa Repubulika, kugeza ku wa 30 Gicurasi 2024.

Reba uko byari byifashe muri iyi video

Ni amasezerano yashyiriweho umukono i Kigali, ahari hateraniye inama ya mbere ya Komisiyo ihuriweho n’ibihugu byombi, igamije gushimangira umubano n’ubufatanye buhuriweho.

Iyi nama yatangiye imirimo yayo ku wa 25, ikaba yasojwe kuri uyu wa 27 Gicurasi 2024.

Minisitiri w’Ububanyi n’Amahanga n’Ubutwererane w’u Rwanda, Dr. Vincent Biruta, yavuze ko u Rwanda rutewe ishema no kwakira inama ya mbere itangiza ibikorwa bya Komisiyo ihuriweho n’ibihugu byombi.

Minisitiri Biruta yavuze ko u Rwanda na Mali bisanganywe umubano mwiza mu bya Dipolomasi, warushijeho kugira imbaraga kuva aho Mali ifunguriye Ambasade yayo mu Rwanda muri 2017, ndetse n’isinywa ry’amasezerano atatu ryakurikiye muri 2023.

Minisitiri Biruta yavuze ko muri iyi nama ya mbere ya Komisiyo ihuriweho n’ibihugu byombi, abayobozi ku mpande zombi bagize umwanya uhagije wo kuganira ku buryo umubano w’ibihugu byombi warushaho kuba mwiza.

Yagize ati “Inama ya none ifite agaciro kihariye, kuko abahagarariye ibigo bitandukanye ku mpande zombi, babonye umwanya uhagije wo kuganira, hagamijwe guteza imbere ubufatanye bw’ibihugu byombi”.

Minisitiri Biruta kandi yongeyeho ko u Rwanda rwizeye ko mu bihe biri imbere, iyi Komisiyo ihuriweho n’ibihugu byombi izashyiraho uburyo bwihariye bwo kungurana ibitekerezo, gusangira ubunararibonye ndetse no guhanahana imishinga, mu nzego zitandukanye ibihugu byombi bihuriyeho.

Minisitiri w’Ububanyi n’Amahanga n’Ubutwererane wa Mali, Abdoulaye Diop, na we yavuze ko ibihugu byombi bisanganywe umubano mwiza, yongeraho ko binafite intumbero imwe yo kugira Umugabane wa Afurika utekanye, uteye imbere kandi wihagije.

Minisitiri Abdoulaye Diop, yagaragaje ko gusinya amasezerano hagati y’ibihugu byombi, ari intambwe ikomeye mu gushimangira umubano w’ibihugu byombi, kandi ko igihugu cye cyifuza ko iyo ntambwe yakomeza.

Yagize ati “Isinywa ry’aya masezerano ni intambwe y’ingenzi, iganisha ku gushyigikira umubano hagati y’ibihugu byombi. Ntitwifuza ko iyo ntambwe yahagarara”.

Impande zombi zemeranyije ko nyuma y’isinywa ry’aya masezerano, abagize Komisiyo ihuriweho n’ibihugu byombi bagomba kwihutisha ishyirwa mu bikorwa ryayo mu gihe cya vuba gishoboka.

Komisiyo ihuriweho n’u Rwanda na Mali, yagiyeho tariki ya 19 Nzeri mu mwaka ushize wa 2023, ifite inshingano zo gukurikirana imiterere y’amasezerano y’ubufatanye hagati y’ibihugu byombi, gukurikirana ishyirwa mu bikorwa ry’amasezerano ibihugu byombi byashyizeho umukono ndetse no kureba izindi nzego ibihugu byombi byafatanyamo.

Reba ibindi muri iyi Video:

Cleophas Barore, ni umwe mu banyeshuri 413, basoje amasomo muri Kaminuza ya East African Christian College Rwanda, mu muhango wabaye ku wa Gatanu tariki 24 Gicurasi 2024.

Mu basoje amasomo, harimo abize amasomo y’ubumenyamana (Theology), mu byiciro bitandukanye,harimo icyiciro cya kabiri cya kaminuza, amasomo y’igihe gito (Advanced Diploma) ndetse n’amasomo y’inyongera ku cyiciro cya kabiri cya kaminuza (Post graduate diploma).

Harimo kandi abize amasomo ajyanye n’uburezi, by’umwihariko bize kwigisha mu mashuri y’incuke no mu marerero.

Cleophas Barore, umwe mu basoje icyiciro cya kabiri cya kaminuza mu Bumenyamana (Theology), yavuze ko bitari byoroshye gutangira uru rugendo banshi babifatanya n’indi mirimo, ariko ko byabashpbokeye.

Kuba hanze aha hari abavugabutumwa barangwa no gukwirakwiza inyigisho z’ubuyobe, Cleophas Barore asanga ari ibintu bizahoraho, kuko n’ubwo waminuza mu masomo y’Ubumenyamana bitabuza ufite gahunda yo kwigisha ubuyobe kubwigisha.

Ati “Ubuyobe buzahoraho! Uzatinye ikintu ijambo ry’Imana rivuga ngo ‘uki iminsi izagenda yegereza kugaruka kwa Kristo, hazaboneka benshi bazavuga ngo ni jye Kristo’! Jabone n’ubwo wakwiga hano, ntibyakubuza kuyoba no kuyobya kuko uyobya arahari. Ariko nanone, kwiga birafasha”.

Yungamo ati “Kwiga Theology si wo muti w’ubuyobe kuko hari n’abayoba bakanayobya ku bushake! Uyobya ku bw’ubujiji we aje hano byaba umuti w’ubwo buyobe, ariko uyobya abigambiriye, byo sinakubwira ko kwiga byabihindura”.

Ku rundi ruhande ariko, Kwizera Obed, na we wasoje amasomo y’inyongera mu Bumenyamana (Post Graduate in Theology), asanga abarangije muri iri shami bakwiye gufasha mu guhangana n’inyigisho z’ubuyobe.

Agira ati “Iki Gihugu turwana n’inyigisho z’ubuyobe. Ngira ngo niba mubasha kubibona, hari n’abakozi b’Imana inzego z’umutekano zisigaye zifasha kujya ku murongo. Ni uruhare rwacu kwigisha inyigisho zizana impinduka mu buzima bw’Abanyarwanda”.

Umuyobozi wa kaminuza ya East African Christian College Rwanda, Dr. Papias Musafiri Malimba, avuga ko ibyiciro byose by’abasoje amasomo muri iyi kaminuza, bafite ubumenyi buhagije kandi bukenewe mu gufasha Umuryango Nyarwanda.

Agira ati “Ibi byiciro byose uko ari bitatu ni ingirakamaro, ntekereza ko bazatanga umusanzu wabo mu kubaka Igihugu cyacu”.

Umujyanama wa Minisitiri w’Uburezi mu bya Tekiniki, Eng. Pascal Gatabazi, yavuze ko abahawe impamyabumenyi ari umusanzu ukomeye ku gihugu mu byiciro barangijemo.

Uyu muyobozi avuga ko kuba abenshi mu bahawe impamyabumenyi ari abavugabutumwa, bihura neza na gahunda ya Leta y’uko abapasiteri bose bigisha ijambo ry’Imana bagomba kuba barize nibura icyiciro cya kabiri cya kaminuza mu masomo y’Ubumenyamana.

Ati “Mwabonye abapasiteri benshi basoje amasomo, ni urwego na rwo rukeneye abantu bafite ubumenyi bwiza, kuba ukora iyobokamana abikora yarabihuguriwe, abifitemo ubumenyi, murumva rero iri shuri riratanga umusanzu”.

Ni ku nshuro ya kabiri iri shuri ritanga impamyabumenyi, gusa ikaba ari inshuro ya mbere harangije abize icyiciro cya kabiri cya kaminuza mu masomo y’Ubumenyamana (Theology).

Herman Manirareba yatanze ibyangombwa asaba kuba umukandida ku mwanya wa Perezida wa Repubulika

Manirareba yazanye ibyangombwa byose bisaba kuba umukandida, ariko nta rutonde rw’abantu 600 bamusinyiye mu turere twose nk’uko bisabwa n’amategeko.

Manirareba yabwiye Komisiyo y’igihugu y’Amatora ko atararangiza gusinyisha impapuro, ariko ko Namara kubona imikono yose ikenewe uko ari 600 azazishyikiriza Komisiyo y’Amatora.

Perezida wa Komisiyo y’Amatora Oda Gasinzigwa, yavuze ko Komisiyo yakiriye ibyangombwa Manirareba yatanze, kandi ko amategeko amwemerera kuzazana ibyo abura mu gihe kigenwa n’itegeko.

Yagize ati “Twakiriye ibyangombwa mudushyikirije, ibisigaye na byo mukazabizana ku gihe nk’uko amategeko abiteganya. Tukwifurije amahirwe masa”.

Ku ruhande rwa Manirareba Herman, yavuze ko bitamworoheye kubona imikono y’abantu 600, ari na yo mpamvu yabaye ashyikirije Komisiyo y’Amatora bimwe mu byangombwa yabonye, imikono agakomeza kuyishakisha na yo akazayizana nimara kuboneka.

Herman Manirareba yazanye ibyangombwa biburamo imikono y’abantu 600

Yagize ati “Ntibyoroshye gushaka imikono y’abantu 600. Aho twagiye tugera twahuye n’imbogamizi zishyingiye ku kuba Abanyarwanda batazi neza ibyerekeye amatora. Ubundi amatora ni ay’Abanyarwanda, buri wese aba akwiye kwisangamo. Ariko hari aho ugera ushaka ko bagusinyira, kubera impamvu ntazi bakakwangira”.

Yunzemo ati “Hari n’abavuga ngo baguhaye amafaranga, banza utugurire tubone kugusinyira, … mu bihe nk’ibi by’amatora imbogamizi ziba ari nyinshi”.

Manirareba avuga ko kugeza ubu amaze kubona imikono y’abantu barenga gato 300, akaba yizera ko mu gihe kitarenze iminsi ine azaba yamaze kubona isigaye akuzuza ibyangombwa.

Ati “Ubu sindyama, kandi ndizera ko mu minsi mike nzaba nabirangije”.

Herman Manirareba yizeye kubona imikono isigaye mu minsi mike

Herman Manirareba yabajijwe niba kuba yarabuze abantu bamusinyira, atari ikimenyetso cy’uko umwanya ashaka kwiyamamariza wa Perezida wa Repubulika atawukwiriye.

Yavuze ko kuvuga ko yabuze abantu 600 bamusinyira byaba ari ukubeshya, kuko ubu amaze kurenza abantu 300.

Ati “Umwanya wa Perezida wa Repubulika ni wo unkwiye. Ubundi undebye ngenda mu nzira, ntiwakwemera ko ubwo bushobozi mbufite. Ariko ndabufite, igihugu cyanjye ndakizi bihagije kuva mu nkomoko zacyo”.

Mu mwaka wa 2018, Herman Manirareba yandikiye Inteko Ishinga Amategeko umutwe w’Abadepite, ayisaba guhindura Itegeko Nshinga mu ngingo zaryo zose, u Rwanda rukareka kuba Repubulika rugasubira mu Bwami.

Herman amaze gutanga ibyangombwa

Manirareba Herman kandi yigeze kurega uwari Arikiyepisikopi wa Kigali, Ntihinyurwa Thaddée, amushinja gutesha agaciro Abanyarwanda bose, no guca umuco gakondo wabo wari ushingiye kuri kirazira akawusimbuza uw’abaheburayo ushingiye kuri Kiliziya Gatolika y’i Roma.

Icyo gihe Urukiko Rukuru rwatesheje agaciro ikirego cye, runamutegeka kwishyura amafaranga y’u Rwanda ibihumbi 950.

Manirareba Herman, ni we wa mbere ushaka kwiyamamaza ku mwanya Perezida wa Repubulika nk’umukandida wigenga, ushyikirije ibyangombwa Komisiyo y’Igihugu y’Amatora.

Mu ntangiriro z’iki cyumweru, Disi Dieudonné, umwe mu bagize umuryango wa Disi Didace, yongeye kwandikira Minisitiri w’Ubumwe bw’Abanyarwanda n’Inshingano Mboneragihugu Dr. Bizimana Jean Damascene, amusaba gukurikirana ikibazo cy’Umunyamabanga Nshingwabikorwa w’Umurenge wa Busoro mu Karere ka Nyanza, Jean Baptiste Habineza, washinjwe kunyereza imibiri y’ababo bishwe muri Jenoside yakorewe Abatutsi, none n’ubu akaba akidengembya.

Kuri Disi Dieudonné ndetse n’abo mu muryango we, basanga ibikorwa by’uyu muyobozi bigize icyaha, ku buryo yari akwiye kubiryozwa.

Mu kiganiro Kigali Today yagiranye n’Umuvugizi w’Ubushinjacyaha, Faustin Nkusi, yavuze ko n’ubwo idosiye iregwamo Habineza yashyinguwe by’agateganyo, bitavuze ko Ubushinjacyaha bwahagaritse kumukurikirana.

Faustin Nkusi akagira inama abagize umuryango wa Disi Didace, uvuga ko Habineza yakabaye akurikiranwa ndetse ntabe akiri mu nshingano zo kuyobora, ko wakwegera Ubushinjacyaha ku rwego rw’Akarere ka Huye, bagasobanurirwa icyashingiweho bigatuma iyo dosiye ishyingurwa by’agateganyo, bakumva bitabanyuze bakongera kuregera urukiko kuko babifitiye uburenganzira.

Yagize ati “Jyewe icyo nakugiraho inama, wabwira abo bavuga ko bahemukiwe, bazegere umushinjacyaha ku rwego rwisumbuye rwa Huye, nibumva iryo shyingura hari icyo ribabangamiyeho bashobora guhita batanga ikirego cyabo mu rukiko batisunze ubushinjacyaha”.

Disi Dieudonne, umwe mu bagize umuryango wa Disi Didace, we avuga ko kongera gutanga ikirego batakwirirwa babikora, kuko bazi ko uwo barega ashyigikiwe, ndetse ashobora no kubagirira nabi.

Imiterere y’ikibazo

Ikibazo cyatangiye muri 2018, ubwo hamenyekaganaga amakuru ko hari abana babiri ba Disi Didace, biciwe mu rugo rwa Kaberuka Euphrem (utakiriho) na Musabuwera Madeleine, aho abo bana bari bahungiye, hanyuma bajugunywa mu musarane wo muri urwo rugo.

Amakuru y’uko biciwe muri urwo rugo yamenyekanye ubwo abana bo kwa Kaberuka baje gushyamirana, hanyuma umwe akabwira undi ati “Nakwica nkakujugunya mu musarane tukajya tukunnya hejuru nk’uko tunnya hejuru y’abana bo kwa Disi”.

Kuva ubwo amakuru yahise atangira gutangwa, inzego z’ubuyobozi n’abandi bafatanyabikorwa bajya gushakisha iyo mibiri mu musarane wo kwa Kaberuka.

Ni igikorwa cyayobowe n’uwari Umunyamabanga Nshingwabikorwa w’Umurenge wa Kibirizi, Jean Baptiste Habineza, tariki ya 5 Nyakanga 2018, maze muri uwo musarane havanwamo imibiri y’abantu bane, harimo n’abo bana babiri bo kwa Disi Didace.

Nyuma yo gukuramo iyo mibiri kandi, Umunyamabanga nshingwabikorwa ubwe yitangiye imbwirwaruhame asaba abaturage kujya batanga amakuru y’aho bakeka hari imibiri itarashyingurwa kugira ngo ishyingurwe, ndetse anavuga umubare w’imibiri yabonetse (ine).

Inyandiko y’inama y’umutekano y’Akarere ka Nyanza y’ukwezi kwa Nyakanga 2018 kashyikirije Intara y’Amajyepfo, na yo igaragaza ko uwo musarane wakuwemo imibiri ine.

Mu gihe cyo gushakisha iyo mibiri, Musabuwera n’umuhungu we Cassien Kayihura (aho iyo mibiri yakuwe), bari bafunzwe bakekwaho icyaha cya Jenoside.

Mu rubanza rwaburanishijwe n’Urukiko rw’Ibanze rwa Busasamana mu Karere ka Nyanza, tariki ya 09 Gicurasi 2019, Umunyamabanga Nshingwabikorwa w’Umurenge wa Kibirizi, Jean Baptiste Habineza, yahamagajwe n’urukiko nk’umutangabuhamya wari uhari, kandi akaba ari na we wari uhagarariye igikorwa cyo gushakisha iyo mibiri.

Icyaje gutungurana, ni uko uwo muyobozi yabwiye urukiko ko mu musarane hatavanywemo imibiri ine, ko ahubwo havanywemo umubiri umwe w’umuntu mukuru.

Kayisire Devotha, na we uri mu bagize umuryango wa Disi Didace, yavuze ko havanwamo iyo mibiri hari uwari Komanda wa Polisi muri ako gace, Karangwa Theoneste, ariko akavuga ko mu gihe cyo gutumiza abatangabuhamya, Urukiko rw’Ibanze rwa Busasamana rwanze kumutumiza ngo atange amakuru kuri iyo mibiri.

Mu rukiko, Gitifu yavuze ko mu musarane havuyemo umubiri w’umuntu umwe gusa

Icyo gihe urukiko rwanzuye ko ruzigirayo kureba niba koko hari umubiri umwe, rugezeyo koko rusanga aho imibiri yari yarabitswe (ku biro by’umurenge wa Kibirizi), hari umubiri umwe gusa.

Ibi byatumye Urukiko rw’Ibanze rwa Busasamana rwanzura ko Musabuwera Madeleine n’umuhungu we Kayihura Cassien ari abere ndetse baranafungurwa, ariko abagize umuryango wa Disi Didace bajuririra Urukiko Rwisumbuye rwa Huye.

Icyo gihe hibazwaga aho indi mibiri y’abantu batatu yajyanwe, ariko biba urujijo, bituma inzego zitangira kubikurikirana.

Abagize uyu muryango kandi batabaje inzego zitandukanye basaba ko barenganurwa bagahabwa ubutabera, ndetse Disi Dieudoné, umwe mu bagize umuryango wa Disi Didace, yanditse ubutumwa kuri Twitter, agaragaza iki kibazo, ndetse anasaba inzego zinyuranye harimo na Perezida wa Repubulika Paul Kagame ko uyu muryango warenganurwa, ukabona imibiri y’ababo bakabasha kubashyingura mu cyubahiro.

@PaulKagame @RIB_Rw @BusingyeJohns@RwandaLocalGov @RwandaRemembers @NyanzaDistrict @KibiriziS

Your Excellency @PaulKagame, aka ni agace gato k'ijambo Gitifu wa @Kibirizisector yavuze umwaka ushize wa 2018 ubwo twasangaga imibiri y'abacu bazize genocide yakorewe abatutsi pic.twitter.com/Ba2004OU6s

— DISI DIEUDONNE (@DieudonneDisi) October 28, 2019

Uko imibiri yaje kugarurwa

Tariki ya 21 Ugushyingo 2019, itsinda ry’abakozi b’Urwego rw’Igihugu rw’Ubugenzacyaha (RIB), ryagiye gukurikirana iki kibazo ku Murenge wa Kibirizi, maze mu nyandiko ryakoze Kigali Today ifitiye kopi, ryemeza ko ryahasanze amashitingi abiri y’umweru, imwe irimo “imibiri y’abantu bashobora kuba bane”, naho indi irimo imyenda myinshi itandukanye irimo iy’abana n’iy’abantu bakuru.

Bukeye bwaho tariki ya 22 Ugushyingo 2019, Umunyamabanga Nshingwabikorwa w’Umurenge wa Kibirizi, Jean Baptiste Habineza yahise afungwa, akurikiranyweho ibyaha byo kuzimanganya ibimenyetso no gutanga ubuhamya bw’ibinyoma mu rubanza rwa Jenoside yakorewe Abatutsi.

Nyuma y’igihe gito, uyu muyobozi yaje gufungurwa bivugwa ko yatanze ingwate ndetse n’abantu bamwishingira, ndetse icyo gihe ahindurirwa umurenge yayoboraga ajya kuyobora uwa Mukingo, ubu akaba ageze mu wa Busoro.

Nyuma yo kongera kuboneka kw’iyo mibiri, mu rubanza rw’ubujurire rwaburanishijwe n’Urukiko Rwisumbuye rwa Huye, mu kwezi kwa Gicurasi 2020, urukiko rwategetse ko Musabuwera Madeleine n’umuhungu we Cassien Kayihura bahamwa n’icyaha cya Jenoside, rubahanisha igifungo cya burundu.

Ku bijyanye no kunyereza imibiri no gutanga ubuhamya butari bwo kuri iyo mibiri bikekwa ko byakozwe n’Umunyamabanga Nshingwabikorwa Habineza Jean Baptiste, icyo gihe ubushinjacyaha bwavuze ko bwari bukiri mu iperereza, bikavugwa ko hari hagitegerejwe urubanza kuri icyo kibazo.

Kayisire Devotha, umwe mu bagize umuryango wa Disi Didace, icyo gihe yavugaga ko bahangayikishijwe no kuba hari hashize imyaka irenge ibiri imibiri y’ababo (abavandimwe be) ibonetse, ariko bakaba batari babasha kuyishyingura mu cyubahiro.

Ikindi aba bagize umuryango wa Disi bibazaga kandi bakibaza n’ubu, ni uburyo umuyobozi wayoboye ibikorwa byo gushakisha imibiri y’ababo, agahindukira akayitangaho amakuru atari yo mu rukiko ku byo bo (abagize umuryango wa Disi) bita inyungu ze bwite, ndetse bakanakeka ko hatanzwe ruswa, none akaba akiri mu nshingano z’ubuyobozi.

Icyakora kuri iki kibazo, Umuyobozi w’Akarere ka Nyanza, Erasme Ntazinda, yabwiye Kigali Today ko uyu muyobozi (Gitifu) yahanwe mu rwego rw’akazi, hakaba hari hagitegerejwe icyo ubushinjacyaha buzakora ku makosa yaketsweho yo kurigisa imibiri no gutanga amakuru atari yo.

Icyakora uyu muyobozi w’akarere icyo gihe ntiyashatse gutangaza igihano cyo mu rwego rw’akazi Gitifu yahanishijwe ku bw’ayo makosa yaketsweho.

Kigali Today kandi yavuganye na Guverineri w’Intara y’Amajyepfo, Alice Kayitesi, avuga ko iki kibazo na we akizi, kandi ko icyo gihe cyari kikiri mu rwego rw’ubutabera, hakaba hari hagitegerejwe icyo ubutabera buzanzura.

Icyo gihe yagize ati “Icyo nakora ni ukukubwira nti uwo muryango ukwiriye kwihangana! Ni byo birababaje, ariko kandi tukanareka inzego z’ubutabera zigakora akazi kazo”.

Uyu muyobozi yavuze ko imibiri y’abo bantu icyo gihe yari iri mu maboko y’ubugenzacyaha, aho yari ibitswe ku Murenge wa Busasamana mu Karere ka Nyanza, akaba yarizezaga ko irinzwe neza, hagitegerejwe icyo ubutabera buzanzura hanyuma ikabona gushyingurwa mu cyubahiro.

Imibiri yaje gushyingurwa mu cyubahiro

Muri Mata 2021, abagize umuryango wa Disi Didace bashyinguye mu cyubahiro imibiri y’abana babiri bo muri uwo muryango, bari bamaze imyaka irenga ibiri ku Murenge wa Busasamana.

Icyo gihe, abagize uyu muryango bavugaga ko bashimishijwe no kubasha gushyingura abavandimwe babo, Uwayezu Dany na Ufiteyezu Raymond, bari bamaze imyaka isaga itatu barabonetse mu musarane w’abaturanyi.

Ubwo iyo mibiri yashyingurwaga mu cyubahiro, Depite Eutalie Nyirabega uvuka mu Murenge wa Kibilizi ndetse akaba n’umuturanyi wo kwa Kaberuka ahakuwe abana bo kwa Disi Didace, yavuze ko gushyingura mu cyubahiro biruhura imitima y’abarokotse Jenoside.

Ku bijyanye no gutinda gushyingura iyo mibiri, bishingiye ku makuru yayitanzweho, Depite Nyirabega yavuze ko iki kibazo icyo gihe cyari kiri mu nkiko, agasaba ko hategerezwa icyo ubutabera buzanzura.

Uwahoze ari umuyobozi ushinzwe imirimo rusange mu Karere ka Nyanza, Nkurunziza Enock (ubu ufunze), icyo gihe yavuze ko kuba umuyobozi wavuzweho gutanga amakuru avuguruzanya ku mibiri y’abana bo kwa Disi Didace, akiri mu nshingano z’akazi atari ukwirengagiza icyo kibazo kuko uwo muyobozi n’icyo gihe yari akiri gukurikiranwa.

Icyo gihe yagize ati “Nagira ngo mbizeze kandi tumare n’impungenge umuryango wa Disi Didace ko mu by’ukuri nta burangare ubwo ari bwo bwose buhari, kuko twizera ko dufite ubutabera bushoboye kandi buzafasha kugira ngo hatangwe ubutabera”.

Abagize umuryango wa Disi Didace kandi iki kibazo banakigejeje ku Badepite bagize Komisiyo y’Uburenganzira bwa Muntu no kurwanya Jenoside, ubwo bari mu kiganiro kuri Radiyo Rwanda Inteko, mu kwezi kwa Nzeri uyu umwaka wa 2020.

Icyo gihe abo Badepite bijeje uyu muryango ko bazafatanya n’iyahoze ari Komisiyo yo kurwanya Jenoside (CNLG), bagakurikirana icyo kibazo ku buryo ababigizemo uruhare bose bazabiryozwa.

N’ubwo abagize umuryango wa Disi Didace bavuga ko batiteguye kuregera urukiko bundi bushya, bagaragaza ko batazahwema gukomeza kwibutsa ko babangamiwe no kuba umuyobozi bita ko yabahemukiye akiri mu nshingano, ndetse bakaba bafite impungenge ko ashobora no kubagirira nabi bitewe n’uko bakomeje kugaragaza ko ibikorwa bye bitari bikwiriye umuyobozi.

Umurenge Sacco Kacyiru, ni umwe mu yagejejwemo ikoranabuhanga (Foto Internet)

Ibi yabigarutseho ku wa Kane tariki 23 Gicurasi 2024, ubwo yatangizaga inama y’iminsi ibiri, ihuje Ihuriro ry’Ibigo by’Imari mu Rwanda (Association des Microfinances au Rwanda -AMIR) ndetse n’ibigo bitanga serivisi z’ikoranabuhanga byo hirya no hino ku Isi.

Minisitiri Dr. Ndagijimana, avuga ko Leta ifite intego zo kugera ku iterambere rigera kuri bose, kandi ko kugira ngo ibi bigerweho hakenewe uruhare rutaziguye rw’ rw’ibigo by’imari.

Minisitiri Ndagijimana yavuze ko abaturage bafite amikoro aciriritse batabasha gukorana n’amabanki manini, bityo ko igisubizo kuri bo ari ukwegera ibigo by’imari iciriritse.

Ibi bigo by’imari iciriritse ariko na byo birasabwa gukoresha ikoranabuhanga, kugira ngo bibashe guha serivisi abaturage benshi.

Agira ati “Kugira ngo za microfinances zibashe gutanga serivisi nziza, zihendutse kandi zigere kuri benshi, ikoranabuhanga ribifitemo uruhare rukomeye. Hari intambwe nziza imaze guterwa rero, urabona nk’uburyo telefoni zisigaye zikoreshwa mu bintu hafi ya byose, ibyo ntibyabagaho kera."

Akomeza agira ati “Bituma rero serivisi zigera ku bantu benshi icyarimwe, kandi uko ikoranabuhanga rigenda ritera imbere ni na ko ibiciro bigenda bimanuka."

Minisitiri w’Imari n’Igenamigambi, Dr. Uzziel Ndagijimana

Umuyobozi w’Ihuriro ry’Ibigo by’Imari mu Rwanda (AMIR), Jackson Kwikiriza avuga ko icyifuzo ari uko hakemuka ikibazo cy’Abanyarwanda bagenda ingendo ndende bajya gushaka serivisi z’imari nk’inguzanyo n’ibindi.

Yongeraho ko bari kuganira n’ibigo by’ikoranabuhanga, ngo bibagaragarize uko hakwifashishwa ikoranabuhanga, Umunyarwanda akajya ashobora kuba yasaba inguzanyo mu kigo cy’imari akorana na cyo, atavuye aho ari.

Ati “Icya mbere dushaka ni uko Abanyarwanda bose begera imari, buri wese akazigama icyo afite uko kingana kose atavuye aho ari. Umuntu ntategeshe amafaranga 1000 agiye kuzigama 500! Turashaka ko buri Munyarwanda amenya gukorana n’ibigo by’imari. Nta kundi byakorwa rero tudafite ikoranabuhanga rigera hose."

Uyu muyobozi ariko avuga ko kuba ikoranabuhanga rihari na byo bidahagije, kuko hari igihe rizana ibibazo birimo ibyaha bikorwa hifashishijwe ikoranabuhanga, akavuga ko harebwa uko abantu bakwigishwa kurikoresha neza.

Harasuzumwa uko ikoranabuhanga ryagezwa mu bigo by’imari byose mu Rwanda

Umucungamutungo wa SACCO Twifatanye/Rwinkwavu, yo mu Murenge wa Rwinkwavu w’Akarere ka Kayonza, rwambari Elysee, yabwiye Kigali Today ko Sacco yabo yashyizwe mu ikoranabuhanga tariki 04 Ukuboza 2023.

Avuga ko kuva bajya mu ikoranabuhanga, byoroheje uburyo bwo kubona za raporo z’ibikorwa, ku buryo umunsi ukirangira baba bafite raporo y’uko umunsi wose wagenze.

Ku baturage, uyu muyobozi avuga ko byabafashije kumenya amakuru ya konti zabo bibereye mu ngo zabo.

Ati “Umuturage iyo abikuje cyangwa se akabitsa kuri konti ye, ahita abona ubutumwa bugufi kuri telefoni ye, arikombere yabaga abifite mu gatabo. Mbere kandi kugira ngo umuntu abone amakuru ya konti ye (historique), byasabaga kujya gufotora ifishi ye, ariko ubu ahita abona aya makuru kuri telefoni ye, ndetse n’ikindi kintu icyo ari cyo cyose cyakorerwa kuri konti ye agahita akimenya atavuye aho ari."

Jackson Kwikiriza, Umuyobozi w’Ihuriro ry’Ibigo by’Imari mu Rwanda

Ibigo by’imari byamaze gukoresha ikoranabuhanga bigaragaza ko byakemuye bimwe mu bibazo byagaragaraga mu mitangire ya serivisi, birimo ikibazo cy’ubujura, kwibeshya mu gutanga za raporo zikenerwa mu nzego zitandukanye n’ibindi.

Kugeza ubu, Ihuriro ry’ibigo by’Imari mu Rwanda (AMIR), rigaragaza ko rigeze ku kigereranyokiri hejuru ya 80% mu kwitabira gukoresha ikoranabuhanga. Iri huriro kugeza ubu rifite ibigo by’ibinyamuryango 458.

Ni ibikorwa bitegurwa na Fondasiyo Ndayisaba Fabrice, binyuze mu mashuri y’incuke, abanza, ayisumbuye ndetse n’ay’imyuga n’ubumenyi ngiro.

Ndayisaba Fabrice washinze Fondasiyo Ndayisaba Fabrice, avuga ko muri uyu mwaka bifuje ko ibi bikorwa byagurirwa no mu Ntara y’Uburengerazuba, kandi ko intego ari uko bizagera mu Ntara zose z’Igihugu.

Mu bikorwa biranga icyumweru cyo kwibuka Abana n’Ibibondo bishwe muri Jenoside yakorewe Abatutsi, harimo kwigisha abana gukumira no kurwanya ingengabitekerezo ya Jenoside bihereye mu bana bikagera no mu bakuru babarera.

Harimo kandi kwigisha abakiri bato gukunda igihugu, kugitekerereza neza no kucyitangira byaba na ngombwa ukaba wagipfira, hamwe no kugira ubumuntu n’urukundo mu mitima y’abana bihereye hasi.

Muri ibyo bikorwa kandi, abana batozwa gukunda siporo n’imikino, kurwanya ibiyobyabwenge no kwirinda gushukwa ngo babe bagambanira u Rwanda n’ibindi.

Ibi bikorwa birimo kuba ku nshuro ya 10. Byatangiye ku wa Mbere tariki 20 Gicurasi, bikazasozwa ku wa 24 Gicurasi 2024, aho buri munsi haba hari ubutumwa bugufi abana bahabwa bitewe n’imyaka yabo, bugatangwa buri igitondo mu mu minota 10.

Ubwo butumwa bubanzirizwa n’umunota wo kwibuka, isengesho hamwe n’ ubutumwa butangwa n’umwana ikigo cyahisemo uwo munsi, bugashimangirwa n’abayobozi b’ikigo. Bongera gufata umunota wo kwibuka mbere y’uko bajya gukina, nyuma bigasozwa n’imikino inyuranye igamije kwibuka abana, yaba mu karuhuko ka mu gitondo ndetse na nimugoroba.

Ndayisaba Fabrice avuga ko bafite intego y’uko iki gikorwa kizagera mu mashuri yose yo mu gihugu ndetse no mu Banyarwanda batuye hanze yarwo.

Ati "Ni igikorwa cyaberaga mu mashuri y’Akarere ka Kicukiro muri Kigali, mu mwaka ushize tukigeza muri Bugesera none ubu kimaze kwaguka kuko ku nshuro ya mbere cyatangiye kubera mu Karere ka Nyabihu ndetse turateganya no kugera mu tundi turere. Turifuza ko iki gikorwa kigera mashuri yose agize igihugu no muri Diaspora.”

Ni ku nshuro ya 14, NFF Rwanda yibuka abana n’impinja bazize Jenoside yakorewe Abatutsi mu 1994, bikaba ku nshuro ya 10 itegura iki gikorwa mu bigo by’amashuri.

Raporo y’Umugenzuzi Mukuru w’Imari ya Leta, igaragaza ko hakozwe ubugenzuzi mu bigo 208, hatangwa raporo 255, zirimo 222 zerekeye ibitabo by’ibaruramari n’iyubahirizwa ry’amategeko, raporo 16 ku bugenzuzi bucukumbuye, raporo zirindwi ku ikoranabuhanga na raporo 10 ku bugenzuzi bwihariye.

Ubwo yagezaga iyi raporo ku Nteko Ishinga Amategeko imitwe yombi muri Mata 2024, Umugenzuzi Mukuru w’Imari ya Leta, Kamuhire Alexis, yagize ati “Twabonye imishinga y’iterambere na yo yakererewe igihe yari iteganyirijwe cyararangiye cyangwa se kiri hafi kurangira … Ni imishinga umunani ifite agaciro ka miliyari 564”.

Uretse iyi mishanga umunani, hirya no hino mu gihugu hari indi mishinga itegurwa mu byiciro bitandukanye, ariko ntigere ku ntego yashyiriweho.

Ikigo gitanga ubumenyi ku micungire y’imishinga (Project Management Institute), kivuga ko gutegura no gucunga imishinga bisaba ubumenyi bwihariye, bugaragazwa n’amasuzuma yabugenewe ahabwa abari muri urwo rwego.

Muri ayo masuzuma harimo irihabwa abarangije amashuri yisumbuye, hakaba n’irihabwa abarangije Kaminuza kandi bamaze nibura imyaka itatu mu mwuga wo gutegura no gucunga imishinga.
Ikigo PMI kikagira inama ibigo bya Leta n’iby’abikorera, guha akazi abantu bashinzwe gutegura no gucunga imishinga ariko babifitiye ubumenyi, nk’uko bishimangirwa na Innocent Kayigamba, uyobora iki kigo mu Rwanda.

Agira ati “Ntabwo wafata umushinga uzateza imbere ikigo, ngo uwuhe umuntu utazi neza ko afite ubumenyi buzatuma uwo mushinga ugera ku ntego. Ibi ni byo bituma hari imishinga itegurwa ariko ntisubize ibibazo byatumye itegurwa”.

Kayigamba agaragaza ko ubu bumenyi mu gutegura no gucunga imishinga, bukenewe mu nzego zose kuko zuzuzanya.

Ati “Burya iyo umushinga ukozwe neza mu rwego rumwe, n’urundi ruwungukiramo”.

Iki kigo kigaragaza ko hakiri icyuho mu micungire y’imishinga kugira ngo ibashe kugera ku ntego zayo, ariko cyane cyane icyuho kinini kikaba kiri mu ishyirwa mu bikorwa ry’iyo mishinga.
Kuva tariki ya 18 kugera ku ya 20 Ugushyingo muri uyu mwaka wa 2024, u Rwanda rukazakira Inama Nyafurika y’Ikigo gitanga ubumenyi ku micungire y’imishinga (PMI-Africa).

Umuyobozi wa PMI muri Afurika yo munsi y’Ubutayu bwa Sahara, George Asimani, avuga ko iyi nama ari umwanya wo guhuza abanyamwuga mu micungire y’imishinga, bityo bakungurana ubumenyi mu ngeri zitandukanye.

George Asimani, Umuyobozi wa PMI muri Afurika yo munsi y’Ubutayu bwa Sahara

Kugeza ubu mu Rwanda, abanyamuryango ba PMI bararenga 200, muri bo hakaba harimo abasaga 120 bafite ubumenyi buhagije mu mitegurire n’imicungire y’imishinga.

Emmanuel Gashema, umwanditsi

Gashema aherutse kumurika igitabo yanditse ku “Umwihariko w’imiyoborere ya Perezida Kagame, kuva u Rwanda rwabona ubwigenge", avuga ko aha ari ho abanyamahanga bahera bandika amateka y’u Rwanda nabi, bakayagoreka.

Iki gitabo Gashema yanditse, yacyise “The Unwanted True Story: The Uniqueness of President Kagame’s Leadership, since the independence”.

Avuga ko igitekerezo cyo kucyandika cyaturutse ku buryo yigeze kujyana n’abanyamahanga mu bukwe bwo mu Rwanda, bamubwira ukuntu batunguwe no kubona umuryango wiciwe abantu muri Jenoside yakorewe Abatutsi, ushyingira abawuhemukiye.

Gashema avuga ko abo banyamahanga byabatunguye cyane, bamubaza impamvu ibintu nk’ibyo bitajya byandikwa ngo amahanga abimenye.

Kuva ubwo ngo yiyemeje gutangira umushinga wo kwandika igitabo, ibintu avuga ko byamutwaye imyaka igera muri itanu, kuko yabifatanyaga n’indi mirimo.

Gashama avuga ko agendeye ku bushakashatsi yakoze, ahanini bwibanze ku kubaza abantu bakuze babaye mu Rwanda kuva mbere y’ubukoloni, yarasanze intandaro y’ibibazo byose u Rwanda rwahuye na byo, bishingiye ku bakoloni.

Gasehama agaragaza ko ikibabaje ari uko ayo mateka kandi y’ukuri, abakoloni bayagizemo uruhare rutaziguye badashaka kuyumva, ari na ho yahereye yita iki gitabo ‘The Unwanted Story’, ugenekereje wakwita mu Kinyarwanda ‘Inkuru nyakuri ariko itifuzwa’.

Agira ati “Twaje gusanga iyi myiryane haba hano mu Rwanda byatugejeje no kuri Jenoside yakorewe Abatutsi mu 1994, turebye n’imvururu n’intambara mu karere k’Ibiyaga Bigari, byose bifite umuzi ku bukoloni”.

Yabajije abantu 861. Abenshi bamugaragarije ko ubukoloni ari bwo bwadukanye ibyo gupima abaturarwanda amazuru, gutanga indangamuntu z’amoko, hanyuma ubuyobozi bwakurikiyeho nabwo bukomeza kubiha umugisha kugeza kuri Jenoside yakorewe Abatutsi.

Agaruka ku mwihariko w’ubuyobozi bwa Perezida Kagame, Gashema avuga ko abo yaganirije bamubwiye ko ubuyobozi bwe bwihariye, mbere na mbere ku kuba bwarakuyeho amoko mu ndangamuntu, kuba Abanyarwanda bose bari barahunze baremerewe gutaha mu Gihugu cyabo n’ubu bakaba bagitaha, ubumwe n’ubwiyunge bw’Abanyarwanda, kwimakaza ihame ry’uburinganire n’ubwuzuzanye, ubwisungane mu kwivuza ndetse n’ibindi.

Ati “Ibyo ni ibintu by’umwihariko abenshi mu bo twaganiriye bahurijeho”.

Mu iyo miyoborere ya Perezida Kagame kandi, ababajijwe bagarutse ku kuba ubu Abanyarwanda bareshya, kandi buri wese agahabwa amahirwe angana n’aya mugenzi we aho ari ho hose.

Kuba abanyamahanga badashaka kwemera uruhare rwabo mu mateka y’u Rwanda, Gashema avuga ko hari gahunda zitandukanye igihugu cyashyizeho harimo nk’ingando, gahunda ya ‘Rwanda Day’ ndetse n’izindi, agasaba ko zakomeza guhabwa ingufu ariko cyane cyane hibandwa ku rubyiruko.

Agaragaza kandi ko ababyeyi bakwiye kwita ku burere bw’abana babo, kuko hari abagenda bangizwa n’iterambere ry’ikoranabuhanga cyane cyane imbuga nkoranyambaga.

Gashema avuga ko iki ari cyo gitabo cya mbere yanditse, ariko ko agiye gukomerezaho akandika n’ibindi kuri gahunda zitandukanye.

Avuga kandi ko yifuza ko cyagezwa mu mashuri hirya no hino, kugira ngo abanyehsuri babashe kwiga ibikubiyemo.

Ibi ni bimwe mu byo yagarutseho mu mpera z’icyumweru gishize, ubwo yifatanyaga n’abagize umuryango wa APACOPE mu kwibuka ku nshuro ya 30 Jenoside yakorewe Abatutsi mu 1994.

Ni ibikorwa byaranzwe no kwibuka abashinze umuryango wa APACOPE bayobowe na Charles Shamukiga, abari bagize komite nyobozi y’Ishuri rya APACOPE, abari abarimu ndetse n’abari abanyeshuri ba APACOPE bishwe muri Jenosidede yakorewe Abatutsi.

Depite Uwingabe yavuze ko mu gihe cyo kwigisha abato amateka y’Igihugu, ari ngombwa ko basobanurirwa amateka yose kuva kera kugeza kuri ubu aubwo u Rwanda rwiyubatse.

Ati “Amateka yacu agomba kuvugwa kandi akavugwa uko ari nta kuyagoreka. Mu gihe tuyigisha abato, tugeze ku ko u Rwanda rwiyubatse, twoye kugarukira ku mateka mabi gusa. Tubabwire byose babimenye, bamenye ikiguzi n’ibitambo byabayeho kugira ngo u Rwanda rube uko ruri ubungubu”.

Depite Uwingabe na we wize mu Ishuri rya APACOPE, yasabye abanyeshuri bahiga kuzirikana ko ibyo u rwanda rumaze kugeraho byasabye imbaraga nyinshi, aboneraho kubasaba gushyiraho akabo kugira ngo birindwe.

Ati “Dukomeze twiyubakire u Rwanda rurenze urwo twe twifuje kuva kera”.
Bamwe mu bize muri APACOPE kuva igitangira kugera mu gihe cya Jenoside, bagarutse ku itotezwa ryakorerwaga abanyeshuri baryigagamo bazira ko bari Abatutsi, kugeza n’ubwo basohokaga mu kigo bagakura ibirango by’ishuri ku myambaro yabo ngo hatagira abamenya ko ari abanyeshuri ba APACOPE bakabagirira nabi.

Uwitwa Valens Nyamucahakomeye, yavuze ko ubwo urugamba rwo kubohora igihugu rwatangiraga mu 1990, ishuri rya APACOPE ryatangiye gutotezwa, abarimu benshi bafungwa mu byitso.

Yakomeje agira ati “Abanyeshuri ntawatinyukaga gusohoka hanze y’ishuri wenyine, kuko baramukubitaga. Twize amayeri yo kujya dukuraho ikirango cy’ishuri ku ishati y’ishuri (insigne), tukajya tugenda ntaziriho. Abana barakubitwaga mu nzira bataha. Hari nuwishwe.

Ubuyobozi bw’Ishuri rya APACOPE ariko buvuga ko ubu ryongeye kwiyubaka, rikaba riri mu mashuri ahagaze neza mu gutanga uburezi n’uburere.

Jean Marie Vianney Kizungu, umuyobozi wungirije ushinzwe amasomo, avuga ko nyuma ya Jenoside, nta cyizere cyo kongera kwiyubaka cyari gihari, kuko ishuri hafi ya ryose ryari ryarasenyutse.

Nyuma yo kubona inkunga zitandukanye, ishuri ryongeye kwakira abanyeshuri muri Werurwe mu 1995, kandi ko kuva ubwo ryakomeje kwiyubaka gahoro gahoro kugeza ryongeye kuba ishuri rihagaze neza.

Agira ati “Kugeza ubu ishuri rimaze gutera imbere kandi rikomeje kuza ku isonga mu bikorwa bitandukanye, haba gutsinda mu masomo n’ibindi”.

Mu bishwe muri Jenoside yakorewe Abatutsi bari bagize umuryango wa APACOPE, harimo Shamukiga Charles warishinze, ndetse n’abandi babiri mu bari bagize Komite Nyobozi y’ishuri.

Harimo kandi abari abanyeshuri barenga 289, hamwe n’abarimu 17.

Ubuyobozi bwa APACOPE bukaba busaba abantu bazi abanda babarirwaga mu muryango wa APACOPE bazize Jenoside ariko amazina yabo akaba atarashyirwa mu bibukwa, ko bayatanga kugira ngo na bo bajye bibukwa.

Dr Habineza yatanze kandidatire ku mwanya w’Umukuru w’Igihugu

Ishyaka Democratic Green Party kandi ryanatanze urutonde rw’abantu 64, ryifuza ko baba abakandida Depite mu matora azaba muri Nyakanga 2024.

Dr. Habineza yageze ku cyicaro cya Komisiyo y’Igihugu y’Amatora saa cyenda n’iminota 23, aherekejwe n’umugore we ndetse n’abandi barwanashayaka b’Ishyaka Green Party. Nyuma yo kwakirwa na Perezida wa Komisiyo y’Amatora, yasabwe gutanga ibyangombwa bimwemerera kuba umukandida Perezida.

Icyatunguranye ariko, ni uko hari bimwe mu byangombwa yasabwe ariko biza kugaragara ko atabizanye, birimo nk’ibaruwa isaba kandidatire yandikirwa Komisiyo y’Amatora, ndetse n’icyamezo cy’uko umuntu yatakaje ubundi bwenegihugu mu gihe yari abufite.

Ibi kandi ni na ko byagenze ubwo abahagarariye iri shyaka bajyaga gutanga urutonde rw’abo ryifuza ko bazarihagararira mu matora y’Abadepite, kuko bageze mu cyumba ibyangombwa basabwe byose bakabibura.

Byabaye ngombwa ko Komisiyo y’Amatora isaba itangazamakuru gusohoka, ikabanza kuganira n’abahagarariye ishyaka kuri icyo kibazo.

Dr Habineza mu byangombwa yazanye hari ibyaburagamo

Nyuma yo kubiganiraho, basanze uwari uhagarariye ishyaka nta cyemezo yahawe cyo kurihagararira, ariko kuko umuyobozi waryo Dr. Frank habineza yari akiri hafi, aba ari we uza gutanga urutonde rw’abakandida Depite ba Green Party.

Dr. Frank habineza yavuze ko atari ukubyibagirwa cyangwa se kwanga kubizana, ko ahubwo habayeho kwitiranya ibaruwa isaba kandidatire n’icyemezo cy’uko yatanzwe n’ishyaka. Na ho ku cyangombwa cy’uko yatakaje ubwenegihugu bundi yari afite, Dr. habineza yavuze ko yatakaje ubwenegihugu bwa Suwede yahoranye ubwo yajyaga kwiyamamaza mu matora yo muri 2017, bityo akaba yumvaga atari ngombwa ko yongera kuzana icyo cyemezo.

Yagize ati “Ntwabwo twabyibagiwe! Numvaga atari ngombwa kongera kuzana icyemezo ko naretse ubwenegihugu bwa Sweeden, kuko naburetse muri 2017”.

Perezida wa Komisiyo y’Amatora Oda Gasinzigwa, yavuze ko iyo uwifuza kuba umukandida hari ibyangombwa abura, amategeko aba amwemerera ko yazabizana mu gihe gutanga kandidatire bigikomeza.

Dr. Frank Habineza, nyuma yo gutanga kandidatire ye yaganiriye n’abanyamakuru

Dr. Frank Habineza yavuze ko amatora yo muri uyu mwaka bayiteguye neza kandi bayitezemo intsinzi iruta ibindi bihe byabanje, kuko ubu ishyaka ryabo ryakuze kandi rikaba riri mu buyobozi, aho rifite Abadepite babiri ndetse n’Umusenateri.

Ati “Ishyaka ryarakuze, abaturage barigiriye icyizere, aya matora twiteguye intsinzi ikomeye cyane”.

Dr. Frank Habineza watanzwe na Green Party, abaye uwa kabiri utanze ibyangombwa bisaba kuba umukandida ku mwanya wa Perezida wa Repubulika, nyuma ya Paul Kagame watanzwe n’Umuryango FPR Inkotanyi.

Perezida wa komisiyo y’Igihugu y’amatora Oda Gasinzigwa, yakira ibyangombwa bya Dr Frank Habineza

Dr Habineza, yagaragarijwe bimwe mu byangombwa byaburaga

Uyu Dusingizimana, ni umwe mu bifuza kuba abakandida mu matora y’Abadepite, ateganyijwe muri Nyakanga 2024.

Dusingizimana w’imyaka 35 yageze ku biro bya Komisiyo y’Igihugu y’Amatora ahagana saa yine za mu gitondo, aherekejwe n’umugore we Regine Kabanyana, wari umutwaje ibahasha ikubiyemo ibyangombwa bisabwa ku muntu wifuza kuba umukandida wigenga ku mwanya w’Umudepite.

Akimara kwakirwa mu cyumba batangiramo ibyangombwa, yasabwe kugaragaza ibaruwa isaba kuba umukandida, inyandiko igaragaza umwirondoro we (CV), amafoto abiri magufi y’amabara, icyemezo cy’uko yakatiwe cyangwa se atakatiwe n’inkiko hamwe n’inyandiko igaragaza imikono y’abantu 600 bamusinyiye bamwemerera gutanga kandidatire.

Yasabwe kandi gutanga ikimenyetso kizashyirwa ku rupapuro rw’itora mu gihe kandidatire ye yaba yemewe, inyandiko y’ukuri, icyemezo cya muganga ndetse n’icyemezo cy’amavuko.

Muri rusange ku bifuza kuba abakandida bigenga, kwakira ibyangombwa byabo ntibitinda, gusa bigasa n’ibifata akanya kugenzura ko afite imikono y’abantu 600 bamusinyiye hirya no hino mu turere.

Kuri Dusingizimana, inyandiko zigaragaza ko yabonye imikono 616. Komisiyo y’Amatora ivuga ko mu kwakira ibyangombwa harebwa gusa ko umubare w’abantu 600 wuzuye, hanyuma ibyo kugenzura ubuziranenge bw’iyo mikono bikazakorwa nyuma, mbere yo kwemeza ko uwatanze ibyangombwa yemerewe kuba umukandida.

Dusingizimana yagaragaje ko yifuza kuba umukandida ku mwanya w’Umudepite, kuko akunda Igihugu kandi akaba yifuza gutanga umusanzu mu kucyubaka.

Icyakora Dusingizimana avuga ko urugendo rwo gushaka imikono y’abamusinyira hirya no hino mu turere rwamugoye cyane, ahanini ku birebana no kwigisha abantu ngo bamusinyire ndetse n’ingendo zo kuzenguruka uturere twose asinyisha.

Ati “Urugendo rwo gushaka ibyangombwa, ntabwo rwari rworoshye! Rwari rukomeye, ariko kandi ndashimira Imana ko yamfashije nkaba ndusoje amahoro, ahasigaye nkaba ngiye gutegereza imyanzuro izavamo nyuma yo kugenzura ibyangombwa”.

Yongeraho ati “Kubyumvisha abaturage ubwabyo biragoye, kugira ngo umuturage yemere kugusinyira ni ukumwigisha. Ikindi kigoye, urabona bisaba nibura imikono 12 muri buri karere, urumva kuzenguruka uturere na byo biragoye, ariko tubisoje amahoro”.

Kuri uyu munsi wa kabiri Komisiyo y’Igihugu y’Amatora Yakira abifuza kuba abakandida mu matora azaba muri Nyakanga 2024, hakiriwe n’abo mu byiciro byihariye barimo abahagarariye abagore, abahagarariye urubyiruko ndetse n’abahagarariye abafite ubumuga.

Komisiyo y’Igihugu y’Amatora kandi yakiriye urutonde rw’Ishyaka Riharanira Demokarasi n’Imibereho Myiza y’Abaturage (PSD), ruriho abantu 66, barimo abagore 29, ryifuza ko bagirwa abakandida depite.

Umunyamabanga Mukuru w’Ishyaka rya PSD, Prof. Jean Chrisostome Ngabitsinze washyikirije urwo rutonde Komisiyo y’Amatora, yavuze ko guhitamo uru rutonde byanyuze mu turere harebwa abujuje ibisabwa bakarujyaho, hanyuma Biro Politiki ikaba yaremeje urutonde ntakuka rwo gushyikiriza Kimisiyo y’Amatora.

Minisitiri Ngabitsinze akaba yavuze ko Ishyaka PSD rizakomeza gushyira imbaraga mu gutuma imibereho myiza, ubutabera, ubwisungane ndetse n’amajyambere bigera ku baturage.

Muri rusange abakiriwe bifuza kuba abakandida mu matora ari imbere, bavuze ko bakiriwe neza kuri Komisiyo y’Amatora, kuko baje babiteguye kandi kubakira bikaba byihuse.

Hari abahagera bakabura ibyangombwa

Kuri uyu munsi wa kabiri wo kwakira abifuza kuba abakandida, byatunguranye ubwo hari uwitwa Emmanuel Ndejuru wo mu Karere ka Kirehe, waje gutanga ibyangombwa mu cyiciro cy’abifuza kuba abakandida bigenga ku mwanya w’Abadepite, ariko asanga hari ibyangombwa atazanye.

Uyu yasabwe gutanga ibaruwa isaba kuba umukandida, avuga ko ku rutonde rw’ibisabwa nta yo yari yabonyeho, ari na yo mpamvu atayizanye.

Yasabye Komisiyo ko yamuha umwanya muto akajya kuyitegura, hanyuma akazagaruka ayizanye, icyakora Komisiyo yemera kwakira ibindi byangombwa yari yazanye.

Komisiyo y’igihugu y’Amatora ivuga ko kugeza ubu igikorwa cyo kwakira abifuza kuba abakandida kiri kugenda neza.

Visi Perezida wa Komisiyo y’Amatora, Nicole Mutimukeye, avuga ko kugeza ubu bamaze kwakira umukandida umwe ku mwanya wa Perezida wa Repubulika, ari we Paul Kagame watanzwe n’Umuryango FPR Inkotanyi.

Naho ku bifuza kuba Abadepite, Nicole Mutimukeye avuga ko bamaze kwakira imitwe ya Politiki itatu yatanze lisiti ntakuka z’Abadepite, ari yo FPR Inkotanyi, PL ndetse na PSD.

Komisiyo y’Amatora kandi iravuga ko imaze kwakira abantu 37 bifuza kuba Abadepite bahagarariye abagore, abifuza guhagararira urubyiruko hamaze kwakira batatu, abifuza guhagararira abafite ubumuga hamaze kwakirwa babiri ndetse n’abifuza kuba abakandida Depite bigenga batanu.

Mutimukeye Nicole avuga ko ikiri gukorwa ari ukwakira ibyangombwa bisaba, hanyuma hakazakurikiraho kubisuzuma.

Naho ku bashobora kwibagirwa bimwe mu byangombwa, uyu muyobozi yavuze ko bidakunze kubaho, kandi ko n’uwo bibayeho mu gihe cyo kwiga kuri kandidatire y’umuntu iyo bigaragaye ko hari icyo atujuje, abimenyeshwa agasabwa kucyuzuza.

Biteganyijwe ko ku isaha ya saa cyenda z’igicamunsi, Komisiyo y’Igihugu y’Amatora iza kwakira umukandida w’Ishyaka Democratic Green Party, Dr. Frank Habineza, usaba kuba umukandida ku mwanya wa Perezida wa Repubulika.

Mu kiganiro Komisiyo y’Amatora iheruka kugirana n’itangazamakuru, Umunyamabanga Nshingwabikorwa wayo, Charles Munyaneza, yavuze ko ibikorwa byo kwitegura amatora ku Banyarwanda baba mu mahanga bikomeje.

Munyaneza yagaragaje ko igikorwa gikomeje cyane cyane ari icyo gukosora lisiti y’itora, bikazarangirana n’ukwezi kwa Kamena 2024. Yagaragaje ko muri rusange imibare igaragaza ko Abanyarwanda bazatorera mu bihugu by’amahanga yazamutse, kuko mu matora y’Abadepite yaherukaga kuba muri 2018, Abanyarwanda bari batoreye mu mahanga barengaga gato ibihumbi 20.

Munyaneza yavuze ko impamvu nyamukuru yatumye imibare y’Abanyarwanda bazatorera mu mahanga izamuka, harimo kuba za Ambasade z’u Rwanda na zo zariyongereye.

Ati “Impamvu nyamukuru ni uko ugiye kureba na za Ambasade zabaye nyinshi, ariko hakabamo no kuba Abanyarwanda barakangukiye kuzitabira aya matora”.

Icyakora Komisiyo y’Igihugu y’Amatora ivuga ko itaramenya neza umubare wa za site z’itora zizaba ziri mu bihugu bitandukanye mu mahanga, gusa ikagaragaza ko ahenshi Abanyarwanda bazatorera muri za Ambasade mu bihugu barimo.

Bamwe mu Banyarwanda baba mu mahanga, babwiye Kigali Today ko biteguye neza amatora, ndetse bamwe bakaba baramaze no kwikosoza kuri lisiti y’itora.

Pauline Mukarurangwa, ni Umunyarwanda uba muri Zambia. Mu kiganiro kigufi yagiranye na Kigali Today, yagize ati “Ino amatora azabera kuri Ambasade ni ho hateganyijwe gusa. Hanyuma rero igikorwa cyo kwiyandikisha kuri lisiti y’itora cyarangiranye n’ukwezi kwa Kane”.

Yunzemo ati “Dutegereje umunsi nyirizina w’amatora ku Banyarwanda baba mu mahanga, hanyuma abiyandikishije tukajya gutora”.

Biteganyijwe ko Abanyarwanda baba hanze y’Igihugu bazatora ku itariki ya 14 Nyakanga 2024.

Muri rusange, Abanyarwanda basaga 9,500,000 bafite kuva ku myaka 18 kuzamura, ni bo bazitabira amatora ya Perezida wa Repubulika ndetse n’ay’Abadepite.

Komisiyo y’igihugu y’Amatora igaragaza ko abantu bagera kuri miliyoni ebyiri ari bo bazaba batoye bwa mbere.

Mu Gihugu imbere, amatora azakorerwa kuri site z’itora 2,441 zifite ibyumba by’itora 17,400. Biteganyijwe ko icyumba cy’itora kitazarenza nibura abantu 500 bazagitoreramo.

Komisiyo y’igihugu y’Amatora igaragaza ko abantu bagera kuri miliyoni ebyiri ari bo bazaba batoye bwa mbere.

Kuri iyi nshuro, amatora azakorerwa kuri site z’itora 2,441 zifite ibyumba by’itora 17,400 mu Gihugu hose. Biteganyijwe ko icyumba cy’itora kitazarenza nibura abantu 500 bazagitoreramo.

Komisiyo y’Igihugu y’Amatora (NEC), yatangaje ko imyiteguro y’amatora y’Umukuru w’Igihugu n’ay’Abadepite irimbanyije, ndetse igaragaza bimwe mu bintu byihariye bizaranga aya matora.

Hari mu kiganiro iyi Komisiyo yagiranye n’abanyamakuru, cyagarutse ku myiteguro y’amatora, hagaragazwa ibyamaze gukorwa, ibirimo gukorwa ndetse n’ibikorwa bitegerejwe mu minsi iri imbere.

Muri iki kiganiro, Perezida wa Komisiyo y’Igihugu y’Amatora Oda Gasinzigwa, yavuze ko aya matora yihariye kuko ari bwo bwa mbere mu Rwanda hazaba habaye amatora y’Umukuru w’Igihugu akabera rimwe n’ay’Abadepite.

Kubera iyi mpamvu, mu gihe mu cyumba cy’itora hajyaga haba harimo isanduku imwe y’itora, kuri iyi nshuro icyumba cy’itora kizaba kirimo amasanduku y’itora abiri kandi adasa.

Perezida wa Kimisiyo y’igihugu y’Amatora, Oda Gasinzigwa, avuga ko isanduku izashyirwamo impapuro zizaba zatoreweho Perezida, izaba ifite ibara ry’umweru ndetse ifite n’umupfundikizo w’umweru.

Oda Gasinzigwa, Perezida wa Komisiyo y’igihugu y’amatora (NEC)

Isanduku izashyirwamo impapuro zizatorerwaho Abadepite, ifite ibara ry’umweru ariko ikagira umupfundikizo w’umukara.

Ni na ko bimeze ku mpapuro z’itora. Urupapuro ruzatorerwaho Perezida wa Repubulika, rufite ibara ry’umweru imbere n’inyuma, naho uruzatorerwaho abadepite rukagira ibara ry’umweru imbere ndetse n’irya Kaki inyuma.

Umubare w’abakorerabushake na wo wariyongereye, kuko ubusanzwe mu icyumba kimwe cy’itora cyagiraga abakorerabushake bane, ariko kuri iyi nshuro bakazaba ari batanu.

Komisiyo y’igihugu y’Amatora yagaragaje ko guhera tariki ya 17 kugera ku ya 30 Gicurasi 2024, izaba irimo kwakira kandidatire z’abifuza kwiyamamariza kuba Perezida wa Repubulika cyangwa se bashaka kujya mu Nteko Ishinga Amategeko.

Ni mu gihe abifuza kuba abakandida bigenga kuri iyo myanya, bari bamaze hafi ukwezi bari mu turere hirya no hino bashaka imikono y’abantu 600 bashyigikira kandidatire zabo.

Komisiyo y’Amatora igaragaza ko abantu umunani bigenga ari bo bifuje kuba abakandida ku mwanya wa Perezida wa Repubulika, mu gihe 41 ari bo bifuje kuba abakandida bigenga ku myanya y’Ubudepite.

Icyakora NEC ivuga ko muri aba uko ari 49, harimo babiri bagaruye impapuro bari bahawe, batagiye gusinyisha mu turere.

Komisiyo y’Amatora ivuga ko izemeza by’agateganyo abakandida bemerewe kwiyamamaza mu byiciro byombi, ku itariki ya 06 Kamena 2024, hanyuma bakazemezwa mu buryo bwa burundu tariki 14 Kamena 2024.

Charles Munyaneza, Umunyamabanga nshingwabikorwa wa NEC

Ibikorwa byo kwiyamamaza ku bakandida bazaba bemejwe, bizatangira tariki 22 Kamena bisozwe tariki 13 Nyakanya 2024, bucya ari amatora ku Banyarwanda baba hanze y’Igihugu.

Komisiyo y’Amatora ivuga ko hagati aho lisiti y’itora ikomeje gukosorwa hakoreshejwe ikoranabuhanga kugera ku itariki ya 29 Kamena 2024, ari na bwo hazatangazwa lisiti ntakuka y’itora.

Perezida wa Komisiyo y’Amatora Oda Gasinzigwa, asaba Abanyarwanda kuzitabira aya matora, bakagira uruhare mu kwishyiriraho abayobozi, agasaba kandi abaziyamamaza kuzubahiriza amategeko n’amabwiriza.

Agira ati “Turasaba Abanyarwanda kuzitabira aya matora ari benshi kugira ngo bagire uruhare mu kwishyiriraho inzego z’ubuyobozi zizatorerwa. Turasaba kandi abiyamamaza kuzubahiriza amategeko n’amabwiriza mu gihe cyo kwiyamamaza, kugira ngo hatazagira ikibangamira aya matora”.

Mbabazi Judith komiseri ushinzwe amategeko muri NEC

Komisiyo y’Amatora ivuga ko izakomeza gutanga ibiganiro bihugura Abanyarwanda bose muri rusange, by’umwihariko abakorerabushake bazafasha mu matora n’abafatanyabikorwa, kugira ngo bose bagire ubumenyi buhagije kuri aya matora n’uburyo azakorwamo.

Ni amakuru Komisiyo y’igihugu y’amatora yatangarije mu kiganiro n’abanyamakuru kuri uyu wa kane tariki 16 Gicurasi,aho yanongeyeho ko uretse abo umunani , hari n’abandi 41 basabye impapuro zo kujya gushaka imikono, ibemerera kwiyamamariza kujya mu Nteko Ishinga Amategeko nk’Abadepite.

Muri aba bose ariko, hari babiri bagaruye impapuro bahawe kuko batigeze bajya gushaka imikono mu turere.

Komisiyo y’amatora iratangira kwakira Kandidatire guhera ejo ku wa Gatanu tariki 17 kuzageza tariki 30 Gicurasi 2024.

Avuga ko afite imyaka 18 yapfushije se umubyara, asigarana na nyina gusa. Nyina na we ngo yabaye nk’ugize ihungabana ata urugo, uyu mwana w’umukobwa yisanga asigaye mu rugo rwa wenyine.

Uwase avuga ko nyuma yo gusigara wenyine na we yananiwe kubyakira, atangira kujya aryama ntasinzire. Nyuma ngo yaje guhura n’inshuti biganaga, imubwira ko aramutse anyoye urumogi yajya abasha kuryama kandi agasinzira neza.

Ati “Navuga ko ari inshuti mbi! Yambwiye ko ndamutse nkoresheje urumogi najya mbasha gusinzira kandi nkarushaho kuba mwiza ndetse nkaba munini”.

Uyu mukobwa avuga ko izi nama yazikurikije, ariko ntizamukemurira ikibazo yari afite kuko ahubwo cyarushijeho kwiyongera, ndetse ahita ava mu ishuri.

Ati “Byanyongereye ibibazo ndetse ahubwo birikuba. Kwiga byahise bihagarara, napimaga ibiro 71 ariko icyo gihe naragiye ndananuka nsigarana 39”.

Uwase avuga ko kwishora mu biyobyabwenge byanatumye atakaza icyizere mu muryango, abaturage basigara bamubona nk’uteje ikibazo kandi yari asanzwe yubashywe.

Ati “Nari umukobwa wubashywe, ariko ku musozi wose nahise ntakarizwa icyizere”.

Nyuma y’igihe kirenga umwaka n’igice anywa urumogi, Uwase avuga ko yaje guhura n’abafashamyumvire b’Umushinga USAID/Igire Wiyubake, baramwigisha abasha kubivamo.

Urubyiruko rwakanguriwe kwirinda ibiyobyabwenge

Ati “Nyuma y’inyigisho, nahawe ubu ncuruza amayinite ya MTN. Ikirenze kuri ibyo ubu nasubijwe no mu ishuri ubu niga imyuga. Ntabwo nabona umwanya wo gusubira mu biyobyabwenge, kuko iyo ntari ku ishuri mba ndi mu kazi.

Uyu mukobwa agira inama urubyiruko kwirinda kwishora mu biyobyabwenge, kuko bidakemura ibibazo nk’uko abenshi mu babijyamo baba babitekereza.

Ati “Ibiyobyabwenge ntibidukemurira ibibazo, ahubwo birabitwongerera”!

Uyu mukobwa kandi ubu yatangiye kwandika agatabo gato, gakubiyemo ubuhamya buzafasha urubyiruko kumva neza inzira yanyuzemo bibafashe kwirinda.

Guhera kuri uyu wa Mbere tariki 13 Gicurasi 2024, Ikigo cy’Igihugu gishinzwe kwita ku Buzima (RBC) ku bufatanye n’abandi bafatanyabikorwa, batangije ubukangurambaga bw’iminsi 15, bugamije gushishikariza urubyiruko kwirinda ibiyobyabwenge.

Nuwagaba Francis, Umuyobozi wungirije w’Umushinga USAID/Igire Wiyubake, ushyirwa mu bikorwa na YWCA, umwe mu bafatanyabikorwa muri ubu bukangurambaga, avuga ko ibiyobyabwenge byibasiye cyane icyiciro cy’urubyiruko, bityo ko nk’abantu bakorana bya hafi n’urubyiruko bagomba kurushishikariza kwirinda ikoreshwa ry’ibiyobyabwenge.

Uyu muyobozi akomeza avuga ko ubukangurambaga nk’ubu bukwiye guhoraho kugira ngo urubyiruko rukomeze guhabwa ubutumwa bubashishikariza kwirinda ibiyobyabwenge.

Ati “Iyo tugize amahirwe hakaba ubukangurambaga nk’ubu, bumva uburemere bw’ikibazo uko kimeze, bagakurikirana inyigisho tubaha kandi bakazishyira mu bikorwa. Ikindi bakanigisha bagenzi babo”.

Visi Perezida wa Komite y’Igihugu yo kurwanya ibiyobyabwenge, akaba n’Umukozi muri Minisiteri y’Ubutabera, Buhura Ntukanyagwe Valens, asaba urubyiruko kwirinda kwishora mu biyobyabwenge, kuko n’inzego z’ubutabera zibikurikirana kandi bikaba bihanishwa ibihano biremereye.

Aha atanga urugero nko ku muntu uhamijwe ibyaha byo huhinga, gukora, gucuruza no gukwirakwiza ibiyobyabwenge, aho ahanishwa igihano cy’igifungo cya burundu.

Uretse abajyanwa mu nkiko kandi, hari n’ababifatirwamo ariko hakabura ibimenyetso bibahamya ibyo byaha, bo bakajyanwa mu bigo ngororamuco.

Urubyiruko rwanyizagamo rugasusuruka rubifashijwemo n’abahanzi

Kugeza ubu mu bigo ngororamuco byose biri mu Rwanda, harimo abantu 6,460 barimo kugororwa, biganjemo abajyanywe yo kubera gukoresha ibiyobyabwenge.

Imanza zibarirwa mu 4,000 ubu ni zo ziri mu nkiko, zikurikiranywemo abantu bakekwaho ibiyobyabwenge.

Ni amakuru ahanini yanyuze ku mbuga nkoranyambaga, aho abatakiri mu mirimo yabo kugeza ubu, ari abakozi bakoreraga ku Karere ndetse na bamwe mu bari Abanyamabanga Nshingwabikorwa b’Imirenge.

Mu bo bivugwa ko basezeye ku mirimo yabo bakoreraga ku Karere, harimo Mugenzi Jean Pierre wari ushinzwe imari n’Ubutegetsi, Rutebuka Yves wari Umujyanama mu by’Amategeko, Ngabo Fabrice wari ushinzwe imyubakire mu Karere, Tuyizere Théogène wari Umukozi muri One Stop Center, Musabyemariya Ancille, Umukozi muri One Stop Center, Uwamahoro Olive, Umukozi muri One Stop Center ndetse na Habiyaremye Emmanuel, wari yari Umuyobozi w’Ishami Rishinzwe Ishoramari n’Umurimo.

Bivugwa kandi ko hasezeye abari Abanyamabanga Nshingwabikorwa b’Imirenge, barimo uwayoboraga Umurenge wa Gitambi ndetse n’uwayoboraga Umurenge wa Nkombo.

Hari umwe mu bakozi bakorera ku Karere ka Rusizi wabwiye Kigali Today ko abasezeye babitegetswe n’Inama y’umutekano itaguye y’Intara y’Uburengerazuba, yateraniye ku karere ka Rusizi ku wa Mbere.

Uyu mukozi ariko yavuze ko nta zindi nzego z’Akarere zari zatumiwe muri iyi nama, kuko ngo byari byagizwe ibanga.

Uyu mukozi yagize ati “Gusa, ikivugwa ni uko ba ES (abanyamabanga nshingwabikorwa) ari incompetence (kunanirwa inshingano), naho ba Director bo ni imikorere mibi, OSC we ni ruswa n’imikorere mibi. Ariko ni ibivugwa kuko byakozwe mu ibanga na Mayor ntiyari arimo”.

Icyakora hari undi mukozi ukorera ku karere ka Rusizi, wabwiye Kigali Today ko ku wa Mbere abakozi bose bagiranye inama na Guverineri w’Intara y’Uburengerazuba, Lambert Dushimimana, yibanze ku mitangire ya serivisi ndetse n’izindi ngingo.

Bategetswe kwandika basezera ku kazi

Dushimimana Lambert, Guverineri w’intara y’uburengerazuba

Twavuganye n’umwe mu bavugwa ko basezeye akazi. Uyu mukozi yemereye Kigali Today ko yamaze gusezera ku nshingano ze, ariko yongeraho ko n’ubwo yanditse asezera atabikoze ku mpamvu ze bwite nk’uko bivugwa ahubwo ngo we na bagenzi be barabitegetswe.

Yagize ati: “Mayor yahamagaye buri muntu ku giti cye, akamusaba kwitaba ku biro by’umunyamabanga nshingwabikorwa w’akarere. Nuko ukagenda uzi ko ari wowe wenyine ariko dutungurwa no kuhahurira turi 17. Tuhageze rero buri muntu yahamagarwaga mu biro by’umunyamabanga yagera yo akahasanga itsinda ryavuye ku ntara riyobowe na Guverineri, maze akabwirwa ibyo ashinjwa ndetse akanategekwa guhita yandika ibaruwa isezera akazi, agasohoka amaze no kuyisinya. Uko twari aho harimo abababariwe, ariko nibukamo bane.”

Yunzemo ati: “Jyewe nabyita akarengane gakubiyemo n’akagambane. Nkanjye nta baruwa n’imwe nigeze mpabwa inyihanangiriza imikorere mibi, nta muyobozi wigeze anyihaniza anshinja imyitwarire mibi, ariko nisanze bantegeka kwandika nsezera! Nta kindi nakora, burya uwaguhaye akazi iyo akisubije urabyakira”.

Kigali Today kandi yagerageje kuvugisha Ancille Dusabemariya na we uri mu bavugwa ko basezeye imirimo yabo, ariko akimara kumva ko ari umunyamakuru umuhamagaye ahita akupa telefoni ye. Inshuro zose twakomeje kumuhamagara ntiyemeye kwitaba telefoni.

Ku rundi ruhande ariko, Guverineri w’Intara y’Uburengerazuba Lambert Dushimimana uvugwaho gusaba aba bakozi kwegura, yabwiye umunyamakuru ko amakuru avugwa muri Rusizi yo gusezera akazi kwa bamwe mu bakozi bako ari ukuri, kuba ari we bawibategetse byo yabihakanye ndetse asaba umunyamakuru ko amakuru arambuye yayabaza ubuyobozi bw’Akarere.

Mu butumwa bwe, Guverineri Dushimimana yagize ati “Muraho Charles. Akarere se ntikagufasha kubimenya? Mayor ayo makuru yayaguha kuko byo ni ukuri. Hari abasezeye kandi ubuyobozi bw’Akarere bufite amakuru kuri byo”.

Umuyobozi w’akarere ka Rusizi bwana Kibiriga Anicet mu kiganiro kigufi yagiranye na Kigali Today yavuze ko amakuru ya nyayo ari uko abo bakozi batakiri mu kazi bakoraga. Ikindi yongeyeho ni uko icyateye abo bakozi gusezera uko ari icyenda, ari impamvu zabo bwite nk’uko bigaragara mu mabaruwa bashyikirije ubuyobozi bw’akarere.

Abajijwe icyo avuga ku kuba abakozi 9 bose basezerera rimwe mu Karere ayoboye, Mayor Kibiriga yavuze ko icya mbere ari ukubaha uburenganzira n’ibyifuzo by’abari abakozi babo, kuko ntawe bakumira mu gihe ashaka kugira ahandi yerekeza bijyanye n’amahirwe yaba yabonye cyangwa se izindi mpamvu. Cyakora kuri aba bo, Mayor yavuze ko atazi aho berekeje, icyo yabonye mu ibaruwa ari uko gusezera babitewe n’impamvu zabo bwite.

Dr KIBIRIGA Anicet, Umuyobozi w’akarere ka Rusizi

Ku kigiye gukorwa, Mayor Kibiriga yavuze ko ubu bagiye gushaka uko abo bakozi basimbuzwa kugira ngo serivisi batangaga ku baturage zidahagarara.

Aba bakozi basezeye mu kazi nyuma y’uko muri aka Karere ka Rusizi hamaze iminsi humvikana umwuka mubi mu buyobozi, ndetse byaviriyemo bamwe mu bahoze ari abayobozi ndetse n’abajyanama mu Nama Njyanama kwegura.

Gusa Mayor Kibiriga we avuga ko gusezera kw’aba bakozi icyenda ntaho guhuriye n’ibyo by’umwuka mubi bivugwa kuko abasezeye babikoze ku mpamvu zabo bwite, Atari umwuka mubi wabibateye.

Abakorera mu nyubako ya Down Town mu Mujyi wa Kigali, bavuga ko bishyura ubukode mu madorali

Mukamana yahishuriye Kigali Today ko agitangira gukodesha inzu, umuryango yawishyuraga amafaranga ibihumbi 600 mu manyarwanda, ubariye ku gaciro k’idolari muri uwo mwaka, yishyuraga amadolari ya Amerika hafi 690.

Kuri ubu, Mukamana avuga ko uwo muryango asigaye awishyura amafaranga y’u Rwanda arenga miliyoni imwe, wagereranya n’agaciro k’idolari ukabona ko awishyura amadolri ya Amerika arenga 770.

Mu rwego rwo kugira ngo ukodesha yoroherwe n’igiciro cy’ubukode, Mukamana avuga ko yashatse abandi bantu batatu bifatanya, hanyuma bakajya bamwishyura.

Ati “Ni ko bimeze, ushaka abandi bantu mufatanya bakajya bakwishyura, noneho nawe ukajya kwishyura abo mwagiranye amasezerano”.

Ibi ariko nanone bamwe mu bacuruzi bavuga ko birimo ubundi bucuruzi bubyihishe inyuma, aho umuntu udafite ikintu na kimwe acuruza, afata amafaranga menshi agakodesha inyubako cyangwa se imiryango myinshi mu nyubako runaka, hanyuma agashaka abantu bafite ubucuruzi bifuza kuyikoreramo akabaca amafaranga.

Ikibazo kibirimo ngo ni uko uyu wamaze kwishyura ubukode mu madolari, asigara yishyuza mu manyarwanda ariko agashyiraho ibiciro yishakiye, ibintu bishobora kubangamira ubucuruzi.

Ibi kandi binagira ingaruka ku baguzi, kuko umucuruzi wishyuye amafaranga menshi ku bukode agerageza kuzamura ibiciro by’ibyo acuruza kugira ngo ashake uko yagaruza ayo yatanze kandi yunguke.

Kwishyura ubukode mu madolari kandi hari n’abo byateye igihombo burundu, bamwe bahagarika ubucuruzi bakoraga.

Hari umucuruzi ucururiza mu nyubako ya Down Town mu Mujyi wa Kigali, wabwiye Kigali Today ko azi benshi bafunze imiryango barataha bitewe no kunanirwa kwishyura ubukode.

Uyu mucuruzi yaduhaye urugero rwa resitoro yakoreraga muri iyi nyubako mu muturirwa wa kabiri, ubu yafunze imiryango, bigakekwa ko bene yo basanze igiciro cy’ubukode gihanitse ugereranyije n’abakiriya babonaga.

Abakorera mu nyubako ya Down Town, bavuga ko amasezerano y’ubukode avugururwa buri myaka itatu, ariko buri mwaka habaho kongera igiciro cy’ubukode hagendewe ku gaciro k’idolari.

Kigali Today yanaganiriye na bamwe mu bakorera mu nyubako ya CHIC, na yo iherereye rwagati mu Mujyi wa Kigali. Bamwe mu bahakorera bavuga ko bishyura ubukode mu mafaranga y’u Rwanda, gusa hakaba n’abavuga ko bakodesha mu madolari ya Amerika.

Ibi kandi binemezwa n’ubuyobozi bw’iyi nyubako ya CHIC, buvuga ko ibigo binini cyane cyane iby’imari bihakorera ari byo gusa byishyura ubukode mu madolari, ariko abacuruzi basanzwe bakaba bishyura ubukode mu mafaranga y’u Rwanda.

Inyubako ya CHIC

Joseph Museruka uyobora CHIC, yavuze ko kuva aho Banki Nkuru y’u Rwanda itangiye amabwiriza ko abakodesha mu madolari bagoba kubihagarika, na bo babyumvise vuba, bakaba baratangiye kuvugurura amasezerano na bamwe mu bakiriya babo bishyuraga mu madolari.

Agira ati “Inyungu z’igihugu ziruta iz’umuntu ku giti cye! Natwe twarabyumvise, ndetse twatangiye kuvugurura amwe mu masezerano y’ubukode, ku buryo bitarenze ukwezi kwa gatandatu uyu mwaka tuzatangira kubishyuza mu manyarwanda”.

Muri iyi nyubako ya CHIC kandi na ho havugwa iby’abantu bakodesha inyubako nta bucuruzi bafite, hanyuma bakazikodesha n’abandi bafite ibikorwa by’ubucuruzi.

Iyi ngingo ariko ubuyobozi bwa CHIC burayihakana, bukavuga ko bugirana amasezerano n’abantu bagaragaza ibikorwa bazakorera aho bashaka gukodesha, bityo ko nta makuru ku bantu baba bakodesha inyubako badafite ubucuruzi.

Mu bihe bitandukanye, Banki Nkuru y’u Rwanda yagiye yumvikana igaragaza ko bidakwiye ko ubukode bw’inzu bwishyurwa mu mafaranga y’amanyamahanga, ivuga ko bitemewe kuko bigira ingaruka ku bukungu bw’Igihugu.

Nko muri 2021, itariki 11 Ugushyingo , Guverineri wa Banki Nkuru y’u Rwanda John Rwangombwa, yagiranye ikiganiro n’itangazamakuru, avuga ko gukodesha cyangwa gucururiza mu Rwanda ukishyuza mu madolari bitemewe.

Icyo gihe Rwangombwa yagize ati “Kwaka ubukode mu madolari birabujijwe, hari itangazo twatanze mu 2015 cyangwa 2016. Kugurisha ibintu mu madevize birabujijwe, kwaka ubukode mu madevize birabujijwe. Inzu nini zo dushobora kugeraho tukabihanangiriza ariko biragoye kuzamenya inzu imwe y’umuntu runaka. Ibyo ntabwo byemewe kandi birabujijwe”.

Ubusanzwe, itegeko rigenga Banki Nkuru y’u Rwanda rivuga ko ifaranga ry’u Rwanda ari ryo rya mbere ryemewe gukoreshwa mu bwishyu ahantu hose ku butaka bw’u Rwanda.

N’ubwo iryo tegeko riteganya ibihano ku muntu wishyuza mu madorali, bigaragara ko hakiri bamwe bamwe mu bafite inzu z’ubucuruzi binangiye bakanga kurikurikiza, hakibazwa igituma badafatirwa ibihano.

Impuguke mu bukungu zigaragaza ko kuba hari abahitamo gucuruza no kwishyuza ubukode mu madevize nk’idolari, biterwa n’uko abenshi basigaye barangura mu mahanga bakanga kuzishyura igiciro cyo kuvunjisha igihe bazaba bagiye ku isoko mpuzamahanga.

Gusa ibi bigira ingaruka ku bukungu bw’Igihugu, kuko bituma idolari ritangira gushakishwa cyane bityo bigatuma rihenda ugereranyije n’Ifaranga ry’u Rwanda bikariviramo guta agaciro.

BNR iteganya ko abishyura mu mafaranga y’amahanga ari abafite amahoteli, abacuruza amatike y’indege, abacururiza ku bibuga by’indege n’abakina imikino ya Casino.

Ibikoresho byafashwe byiganjemo za telefoni zigendanwa ndetse na za mudasobwa

Ni ubugenzuzi bukorwa mu rwego rwo kubahiriza amabwiriza Nº DGO/REG/005 yo ku wa 07/07/2022, agenga ubucuruzi bw’ibikoresho by’amashanyarazi n’iby’ikoranabuhanga byakoreshejwe agamije kubungabunga uburenganzira bw’abagura ibi bikoresho kugira ngo bagure ibyujuje ubuziranenge.

Aya mabwiriza asaba ukora ubu bucuruzi wese kugirana amasezerano yanditse n’umuranguje igikoresho, akubiyemo umwirondoro we wose n’ibiranga igicuruzwa cyose kiguzwe kugira ngo umuguzi agure igikoresho gifite inkomoko izwi.

Umuyobozi w’ishami rifite mu nshingano ubugenzuzi bw’ibicuruzwa byo mu nganda n’ibiri ku masoko muri RICA, Joseph Mutabazi, yavuze ko ucuruza ibi bikoresho wese agomba kubanza gusaba ibyangombwa muri RICA, akandikwa ndetse n’ibikoresho acuruza akaba ashobora kugaragaza aho yabiranguye bitandukanye n’ibyakorwaga aho buri wese yagurishaga cyangwa akagura ibikoresho by’amashanyarazi n’iby’ikoranabuhanga byakoreshejwe aho wasangaga ibyinshi muri byo bidafite inkomoko izwi, byaribwe cyangwa byarabonetse hakoreshejwe ubundi buriganya.

Yagize ati “Turakora ubu bugenzuzi mu Gihugu hose ngo dufashe abacuruza ibyo bikoresho gukorana ubunyamwuga birinda akajagari n’ubujura kandi nibwo bazarushaho kwiteza imbere kuko ubu bafite amabwiriza bose bagomba gukurikiza”.

Mutabazi yakomeje avuga ko uretse guca akajagari muri ubu bucuruzi ngo ubugenzuzi nkubu buzanafasha abaguzi b’ibi bikoresho kugura ibyujuje ubuziranenge kuko bazajya babigura mu buryo buzwi buri wese akaba yabasha gukurikirana inkomoko yabyo.

Ati “Gukora mu buryo buzwi bizafasha kurinda uburenganzira n’umutekano by’ucuruza n’ugura ibyo bikoresho kuko tuzamenya umwirondoro w’uwagurishije, uwaguze n’inkomo y’icyo gicuruzwa biyo bitworohere kubikurikirana mu gihe havutse ikibazo hagati y’umucuruzi n’umuguzi.”

Mu bugenzuzi bumaze gukorwa ibikoresho by’ikoranabuhanga bifite agaciro k’agera kuri miliyoni 14Frw bidafite inkomo izwi byiganjemo Telefoni byarafatiriwe ku bufatanye n’inzego z’umutekano ba nyirabyo bakaba baratangiye gushakishwa aho abuntu 35 bamaze kuzisubizwa kandi iki gikorwa kikaba gikomeje.

Shukuru Ezechiel, umwe mu bacuruzi b’ibi bikoresho yasabye RICA gukora ubugenzuzi buhoraho kuko bizabafasha kunoza akazi kabo no guca akajagari n’ubujura cyangwa guhindura umwimerere w’igikoresho byakorwaga na bamwe mu bacuruzi hatarashyirwaho amabwiriza agenga ubu bucuruzi.

Ati “Ndasaba ko ubugenzuzi nkubu bwakorwa kenshi kuko haracyagaragara abagicuruza mu buryo butemewe ibi bikabangamira abamaze guhabwa ibyangombwa. Abo badashaka kwimenyekanisha nibo akenshi bakorana n’abajura ugasanga abagura nabo barahahombeye cyane mu gihe ibyo baguze bitahuwe ko byibwe”.

Amabwiriza agenga ubu bucuruzi ateganya ibihano by’amande y’amafaranga 50,000Frw ku mucuruzi uzakererwa gutanga ubusabe bwo kongeresha agaciro uruhushya rwe, kudatangira ku gihe raporo y’ibyasabwe na RICA, uwanze gukorana n’abagenzuzi, utagiranye n’umuguzi amaserano y’ubugure, utamenyesheje RICA impinduka zabaye mu bucuruzi bwe ndetse n’utatanze inyemezabwishyu.

Ateganya kandi igihano cya 100,000Frw ku mucuruzi wese utabika inyandiko zisobanutse zerekeye ibikoresho by’amashanyarazi n’iby’ikoranabuhanga byakoreshejwe acuruza mu gihe ufashwe akora nta ruhushya cyangwa uruhushya afite rwararengeje igihe azahanishwa amande ya 200.000Frw.

Abana baragirwa inama yo kwirinda ibishuko byabakururira gutwara inda z’imburagihe

Ufitese ubu umaze kugera mu myaka 20, ahetse umwana w’amezi ane. Ntiyashimye ko tugaragaza amafoto ye, ariko avuga ko yashutswe n’umusore wamubeshyaga ko bakundana, aza kumutera inda none ubu agorwa no kurera uwo mwana wenyine.

Mu buhamya yahaye Kigali Today, Ufitese yavuze ko yari afite inzozi zo kuzasoza amashuri yisumbuye ndetse na kaminuza, hanyuma akabona gushaka umugabo ndetse bakanabona kubyara.

Ibyo kubyara ngo byaramugwiririye, ndetse bimuvutsa amahirwe yo kugera ku nzozi yari afite kuva akiri muto.

Yongeraho ko kuba arera umwana wenyine uwo bamubyaranye atamufasha, ngo byamuteye kumva azinutswe abagabo, ariko akumva ari n’uburyo bwamufasha kwirinda kubyara undi mwana vuba.

Abana bahabwa ubutumwa bwo kwirinda inda zitateguwe binyuze no mu dukino

Agira ati “Byarangwiririye, si byo nari narifuje! Nifuzaga kuzabyara umwana nararangije amashuri, mfite akazi keza mbese naramuteganyirije. Byampaye isomo ryo kugendera abagabo kure, kugira ngo nibura nimbasha kurera uyu mwana umwe, inzozi zanjye nzabashe kuzigeraho”.

Uyu mukobwa kimwe n’abandi babyaye imburagihe, bavuga ko impamvu nyinshi zituma abana b’abakobwa batwara inda imburagihe, harimo gushukishwa utuntu dutandukenye turimo za telefoni zigendanwa, amafaranga ndetse n’ibyo kurya.

Kuri Ufitese, akagira inama abanda bakobwa bakiri mu mashuri kwirinda kugwa muri ibyo bishuko, ariko ikiruta byose bakiga kunyurwa n’ibyo babona mu miryango yabo.

Ati “Ubundi icya mere ni ukunyurwa n’ibyo iwanyu baguhaye. Kabone n’ubwo mwaba mukennye, ukemera ukarya bike byo mu rugo. Kuko iyo umusore agushutse akagusohokana, akakugurira ibyo kurya no kunywa, ntutekereze ko birangirira aho. Byanze bikunze urabyishyura”.

Binyuze mu bukangurambaga butangirwa cyane cyane mu bigo by’amashuri, Umushinga USAID/Igire Wiyubake, ufasha abana b’abakobwa babyariye iwabo ndetse ukanakora ubukangurambaga cyane cyane mu bigo by’amashuri, bugamije kwigisha abana b’abakobwa kwirinda inda zitateguwe.

Umuyobozi wungirije w’uyu mushinga, Francis Nuwagabe, avuga ko urubyiruko ari rwo rukwiye gufata iya mbere mu rugamba rwo guhangana n’inda zitateguwe ziterwa abangavu.

Uyu muyobozi agaragaza ko bakomeza guha urubyiruko inyigisho zihoraho, bakarushaho gusobanukirwa ibishuko byinshi bikururira abana b’abakobwa ku gutwra inda.

Francis Nuwagabe, Umuyobozi wungirije w’Umushinga USAID/Igire Wiyubake

Ati “Tubona urubyiruko ari rwo rw’ibanze rukwiriye kumenya amakuru ku bishuko byinshi abana b’abakobwa bashukishwa, bakabimenya kandi bagakangukira kubyirinda”.

Umukozi muri Minisiteri y’Uburinganire n’Iterambere ry’Umuryango, ushinzwe Imenyekanishabikorwa n’Inozamubano, Christian Niyirora, avuga ko iyo umwana w’umukobwa atwaye inda imburagihe bihangayikisha umuryango akomokamo ariko bikaba binahangayikisha Igihugu muri rusange.

Yongeraho ko ubukangurambaga bwo gushishikariza abana b’abakobwa kwirinda inda zitateguwe buzakomeza gukorwa, kuko iki ari ikibazo gihangayikishije muri rusange.

Niyirora avuga ko hagendewe ku bushakashatsi bwakozwe mu bihe bitandukanye, byagaragaye ko hakanewe inyigisho mu byiciro bitandukanye.

Umukozi muri Minisiteri y’Uburinganire n’Iterambere ry’Umuryango, ushinzwe Imenyekanishabikorwa n’Inozamubano, Christian Niyirora

Ati “Ahari umuzi w’ikibazo si ku bana gusa, ahubwo ni mu byiciro bitandukanye. Ni yo mpamvu ubukangurambaga bugomba gukorwa ku bantu bose, baba bana, ababyeyi, ku mashuri ndetse n’ahandi”.

Imibare yo mu mwaka ushize wa 2023, igaragaza ko mu bigo nderabuzima no mu bitaro byo hirya no hino mu Gihugu, habyariye abana b’abakobwa bari munsi y’imyaka 19 bagera ku 22,055.

Iyi mibare kandi yerekana komu Karere ka Kicukiro konyine, abakobwa bari munsi y’imyak 19 babyaye ari 627.