Ibyo biro by’umurenge wa Bugeshi byubatswe n’abaturage

Ubuyobozi bw’uwo murenge bufatanije n’abaturage batangiye ibikorwa byo kubaka ibiro by’uwo murenge mu ntangiriro z’umwaka wa 2016.

Kuri ubu hashize amezi agera kuri atatu, ibyo biro batangiye kubikoreramo. Byuzuye bitwaye miliyoni 196Frw,zirimo miliyoni 70Frw zatanzwe n’ubuyobozi bw’Akarere ka Rubavu. Izindi miliyoni zisigaye zatanzwe n’abaturage binyuze mu muganda.

Abaturage bo mu Murenge wa Bugeshi bavuga ko bafashe icyemezo cyo kwiyubakira ibiro by’umurenge kuko mbere abayobozi b’umurenge bakoreraga mu nzu ikodeshwa; nk’uko Nzabimana Joseph, umwe muri abo baturage abisobanura.

Agira ati “Njye ubwanjye natanze amafaranga ibihumbi 20RWf ndetse nkajya nza habaye umuganda ngakora imirimo y’amaboko, none ubu ndanezerewe ko turimo gukorera mu biro bishya, ku buryo duhabwa serivisi nziza uko tubyifuza.”

Mugenzi we witwa Byiringiro Jean Claude avuga ko we yakoze umuganda inshuro eshanu. Akishimira ko nawe yagize uruhare mu bimukorerwa.

Agira ati “Erega Leta iba yadukoreye byinshi byiza pe! Rero ni ngombwa ko natwe tugira ibyo twigomwa tukabasha gutanga umusanzu wacu kuko n’ubundi nitwe tuba twikorera.”

Ibiro by’umurenge wa Bugeshi byuzuye bitwaye miliyoni 196RWf

Munyanze Francois Xavier, umuyobozi ushinzwe irangamimerere mu Murenge wa Bugeshi avuga ko abaturage bagize uruhare rukomeye mu kugararagaza uruhare rwabo mu bibakorerwa. Niyo mpamvu ngo bagomba guhabwa serivisi nziza.

Ati “Ibyo bakoze ni ukubibashimira kuko abafundi bubakaga ni bo babishakagamo, abatanga ibikoresho ni bo babikoraga n’ubu kandi baracyakora imirimo itandukanye irimo isuku n’ibindi. Ubu rwose barimo kwakirirwa ahantu heza hashimishije.”

Akomeza avuga ko nubwo inyubako y’ibiro by’umurenge yuzuye hagikenewe miliyoni 20RWf zo gukoresha isuku no kugura ibikoresho.

Muri uyu mwaka wa 2017,Umurenge wa Bugeshi wahawe igikombe kuko waje ku mwanya wa kabiri mu Rwanda mu bikorwa by’umuganda.

Mu Murenge wa Bugeshi hari ikibazo cy’abakobwa bagumirwa kuko bavuka mu miryango ikennye

Bamwe mu bakobwa bo muri uwo Murenge twaganiriye, bavuga ko iyo uvutse iwanyu ari abakene, ntibabone imitungo baguha nta musore wapfa kugushaka, ahubwo yirebera umukobwa ufite ibintu.

Iyizire Leontine umwe mu bakobwa batuye muri ako gace, avuga ko ari ibintu bizwi ko umukobwa ukennye byanze bikunze aba agomba kugumana n’ababyeyi ariko yaba afite ibintu akaba wizeye kubona umugabo.

Agira ati “Nibura kugira ngo ubone umugabo, biba bugusaba kuba ufite ubuso bw’ubutaka bungana na metero kare 18, kuko icyo gihe nibwo umusore apfa kukuvugisha mugatangira kuvugana ku by’urukundo.”

Iyizere avuga ko afite ingero nyinshi z’abakobwa atagaragaza, bagiye bahura n’icyo kibazo bagahitamo kubyarira iwabo kuko nta kundi baba bagomba kubigenza.

Ati “Abahungu ba hano bakora ibishoboka byose bagaperereza iwabo w’umukobwa, basanga iwabo hari icyo bafite bagatangira kugutereta, basanga ntacyo ufite bakigendera. Mbese urebye, inaha, nta rukundo ruhaba, ahubwo haba gukunda ibintu.”

Abasore batuye muri uwo murenge nabo bemeza ko babanza kureba icyo umukobwa afite, bityo bakiyemeza kumushaka bagafatanya kubaka urugo.

Hakizimana Bosco ufite imyaka 26, avuga ko ako gace ari ihame ko umusore ugiye gushaka, agomba kubanza kureba umukobwa ufite ubutaka yahawe n’ababyeyi be,yaba atabufite agashaka undi.

Ati “Umukobwa iyo azi ko afite amafaranga, araza akakureba wowe musore, ati vayo nkugurire, akagutwara mu kabari, nawe wabona ko hari icyo yibitseho, ugafatiraho cyane.”

Icyo kibazo cyabereye abakuze batuye muri aka gace amayobera , kuko mbere umusore yabanzaga kubaka, iwabo bakajya kumusabira. Bitandukanye n’ubu aho umusore ari we ujya kwishakira uzamushaka, nk’uko byemezwa na Ntahorugiye Leonard n’umusaza ufite imyaka 70.

Ati “Ikibabaje ni ugusanga umwana w’imyaka 18 y’amavuko, abura umusore bajya kungana,akajya kwishyingira ku mugabo tujya kungana.”

Munyaneza Francois Xavier, umuyobozi ushinzwe irangamimerere mu Murenge wa Bugeshi, avuga ko imitungo itakabaye ikibazo ku bifuzaa gushakana, kuko agace batuye ari agace kihagije mu bukungu.

Avuga ko ako gace keremo imyaka itandukanye cyane cyane ibirayi, ku buryo buri muntu ashyize amaboko hasi agakora, byakemura iyo myumvire.

Avuga ko bagerageza kubiganiraho mu bikorwa bihuza urubyiruko nko mu muganda uba buri wa kane w’icyumweru. Muri ibyo bikorwa bakangurira urubyiruko gukora rukajya rushaka abagore rwishimiye aho gukurikirana abafite ibintu.

Abatuye muri uwo murenge n’indi mirenge bihana imbibi, bavuga ko usanga ako gace hari abakobwa benshi bagumirwa, bigatera bamwe kujya kwishyingira. Ingaruka zikomeye ni uko usanga havuyemo ubushoreke, kuko hari abagabo bashaka abagore barenze umwe.

Nyamurinda Pascal Uyobora Umujyi wa Kigali avuga ko abadafite ubushobozi bwo kwishyura umusanzu w’isuku byaganirwaho bagasonerwa

Ibyo ni bimwe bituma Umujyi wa Kigali ushyirwa ku Mijyi ya mbere muri Afurika ifite isuku kurusha iyindi, aho abasuye u Rwanda bose bataha bahamya ko u Rwanda ari igihugu gifite isuku igaragarira buri wese.

Imwe muri gahunda Umujyi wa Kigali washyizeho mu rwego rwo guca umwanda, harimo gushyiraho amashyirahamwe yigenga akura ibishingwe mu ngo akabigeza mu kimoteri cy’Umujyi wa Kigali giherereye i Nduba.

Amafaranga yo kwishyura ayo mashyirahamwe atangwa buri kwezi n’abaturage nk’umusanzu mu isuku ibakorerwa, ayo mashyirahamwe nayo akishyura abakusanya ibyo bishingwe babikura mu ngo, bakabishyira mu modoka zibijyana i Nduba.

N’ubwo abenshi babasha kwishyura uwo musanzu w’isuku, hari abandi usanga bavuga ko batabasha kuwishyura, bigatuma bajugunya ibishingwe biva mu ngo zabo aho babonye, ngo kuko ayo mashyirahamwe atemera kubatwarira imyanda mu kimoteri cy’i Nduba batishyuye.

Uzayisenga Console utuye mu Murenge wa Kimihurura, avuga ko bamuca amafaranga 1800 buri kwezi kugira ngo bamutwarire ibishingwe byo mu rugo, gusa ngo ajya kuyabona bimugoye.

Agira ati “Ubuse nzabona amafaranga y’ubwisungane mu kwivuza, mbone ay’umutekano, mbone ayo guhahira abana, mbishyurire n’ishuri, mbone n’ay’ibishingwe? Reka da, ibishingwe ndeba uko mbigenza, nitwikira ijoro ngashaka aho mbijugunya da”.

Manimfashe Elias, ni umuturage wo mu Murenge wa Muhima. Nawe avuga ko atabasha kubona amafaranga yo kwishyura abamujyanira ibishingwe, agashaka uko abijugunya hafi y’aho atuye.

Agira ati “ Iyo bwije ndeba ruhurura njya kubijugunyamo, kuko ubushobozi bwambanye bucye bwo gutanga umusanzu w’isuku”.

Abafite mu nshingano gukura ibishingwe mu ngo z’abaturage babijyana i Nduba mu Karere ka Gasabo, bavuga ko abo batabasha kwishyura umusanzu w’isuku bababangamiye, ngo kuko babateranya n’abafite ubushobozi bwo gutanga uwo musanzu.

Ngenzi Shami Jean Paul, ni umuyobozi wa Agruni, rimwe mu mashyiraramwe ashinzwe gutwara ibishingwe.

Ikimoteri cya Nduba ahajugunywa imyanda iturutse mu Mujyi wa Kigali

Avuga ko bakunze kugirana ibibazo bikomeye n’abo bakurira ibishingwe mu ngo, biturutse kuri abo batajya batanga umusanzu w’isuku.

Ati “Kuko dukunze gukusanya ibishingwe mu masaha y’umugoroba, tuza nk’uyu munsi tugatwara ibyo umuntu aba yasize ku gipangu, noneho wa wundi baturanye agahengera bwije, akazana ibishingwe bye akongera akabihashyira.

Nyir’urwo rugo iyo abibonye bucyeye, aduhamagara atubwira nabi ngo ntitubitwara. Icyo gihe bikadusaba kongera kugaruka, ugasanga dukoze ingendo ebyiri, tukaba tuguye mu gihombo”.

Ikindi uwo muyobozi ashimangira, ngo ni uko abatajyanye ibishingwe byabo ku bipangu by’abandi, bahengera imvura iguye bagasohora ibishingwe byabo bakabimena muri ruhurura, ikabishokana mu mugezi.

Umuyobozi w’Umujyi wa Kigali Pascal Nyamurinda, avuga ko kwishyura umusanzu w’isuku n’umutekano ari inshingano za buri muturage wese.

Ariko ngo igihe bigaragaye ko umuturage nta bushobozi afite bwo gutanga uwo musanzu, biganirwaho na Njyanama y’umurenge ikabimusonera, nk’uko hari abo isonera kwishyura ubwisungane mu kwivuza.

Asaba abaturage badafite ubushobozi bwo kwishyura amafaranga y’isuku, ko bakwegera ubuyobozi bwabo bw’imirenge ikibazo bakakiganiraho.

Ubusanzwe amafaranga y’isuku, bayaca umuntu bitewe n’umurenge arimo ndetse n’icyiciro cy’ubudehe abarizwamo.

Mu kwishyuza umusanzu w’isuku ngo bahera mu cyiciro cya kabiri cy’ubudehe kugeza mu cya Kane, ngo kuko icya mbere gisonerwa kubera kutishobora.

Banashingira kandi ku rugendo imodoka itwara ibishingwe ikora igana ku kimoteri cya Nduba, ngo kuko uko urugendo rwiyongera, n’umusanzu w’isuku urazamuka.

Umusanzu w’isuku wishyuzwa banashingiye ku rugendo imodoka itwara imyanda ikora igana ku kimoteri cya Nduba

Dufashe urugero rw’umuturage wo mu Murenge wa Kimihurura n’urw’umuturage wo mu Murenge wa Kabuga babarizwa mu cyiciro cy’abishoboye, usanga uwo mu Murenge wa Kimihurura yishyura amafaranga 5000, uwa Kabuga akishyura 6800.

Uri mu cyiciro cya Kabiri mu Murenge wa Kimihurura, yishyura 3200, n’aho uwa Kabuga akishyura 4600. Uri mu cyiciro cya nyuma cy’abatishoboye mu Murenge wa Kimihurura, yishyura amafaranga 1800, uwa Kabuga akishyura amafaranga 2000.

Abiga imyuga babura aho bimenyereza ibyo biga

Bahamya ko uko kwanga kwakira abo banyeshuri, ngo bimenyereze ibyo bize bidindiza iterambere ryabo.

Marie Chantal Dusabumuremyi, yize ibijyanye n’ubwubatsi, avuga ko benshi mu bikorera usanga banga kwakira abanyeshuri, bavuga ko ari ukudindiza ibikorwa byabo.

Yagize ati“icyo kibazo kirahari cyane, ukajyana urwandiko wahawe n’ubuyobozi bw’ikigo bugusabira kwimenyereza umwuga, bakakubwira ngo genda tuzakubwira, ugatagereza ugaheba. Aho bakwemereye naho, ugasanga bagukoresheje ibyo utize cyangwa udakeneye”.

Felicien Manirarora, urangije kwiga ibijyanye n’ubwubatsi avuga ko hakwiye kubaho guhindura imyumvire kubikorera.

Abayobozi b’ibigo by’amashuri byigisha imyuga, bishimangira ko icyo kibazo gihari bagasaba Leta kugikoraho ubuvugizi, abanyeshuri bakoroherezwa, nk’uko Frere Pierre Sebakiga, umuyobozi w’ikigo kigisha imyuga st Joseph i Nyamirambo abivuga.

Benshi mu bikorera twasabye kuvugana nabo, banze kugira icyo batangaza kuri icyo kibazo, ariko urugaga rw’abikorera (PSF) rubahuza, rukavuga ko icyo kibazo gihari, gusa ngo gikunze kugaragara mu bigo bikiri bito kuko biba bikiyubaka.

Mukarwema Yvette, ashinzwe ibikorwa muri PSF, avuga ko hari ikirimo gukorwa ngo icyo kibazo gikemuke.

Ati “nujya mu bikorera bafite ibigo bikomeye, abo banyeshuri bimenyereza uzahabasanga, kuko baba barashyizeho uburyo bwo kubakurikirana, ariko mu bigo bito, baba bafite impungenge z’abo bana kuko usanga kenshi batanafite ababakurikirana”.

Mukarwema avuga ko batangiye kukivuganaho n’izindi nzego zirimo Minisiteri y’umurimo, ikigo gishinzwe ubumenyingiro “DWA” n’abandi, kugira ngo gishakirwe umuti uhamye.

Umunyamabanga wa Leta ushinzwe amashuri yigisha ubumenyingiro muri Minisiteri y’uburezi Olivier Rwamukwaya, aratanga icyizere ko batangiye kugikurikirana.

Ati “turimo turaganira n’urugaga rw’abikorera, gusa icyo dukora cyane ni ukumvisha abikorera ko inyungu zitari kuri wa munyeshuri gusa, kuko uwikorera na we arashaka gukoresha umuntu ufite ubumenyi.”

Yongeyeho ati “ariko turizera ko bizagenda neza vuba aha, kuko abayobozi bayobora abikorera mu biganiro tugirana barimo kubyumva neza”.

Mu Rwanda habarurwa ibigo by’amashuri yigisha imyuga bigera muri 400, ibyinshi usanga byigisha imyuga ijyanye n’ubwubatsi, ubutetsi, ubukanishi n’ibindi.

Aba bamotari bari mu byishimo ko bagiye gutwara moto zabo

Twigire Motari ni gahunda yatangijwe na bamwe mu bamotari, babifashijwemo n’ubuyobozi bwabo, yatangiye kuva mu 2015. Buri mumotari yizigamiraga amafaranga y’u Rwanda ibihumbi makumyabiri na bine (24Frw) buri kwezi y’umusanzu w’ishyirahamwe.

Tariki ya 27 Ukwakira 2017, nibwo abo bamotari batangiye kubona umusaruro bakura kuri Twigire Motari.

Hategekimana Augustin, umumatari ukorera akazi ke mu Karere ka Rubavu, avuga ko amaze imyaka itanu muri aka kazi, ariko yatwaraga moto y’abandi. Kuri ubu binyuze muri Twigire motari, yatangiye gutwara iye.

Gashumba Jumapili, we akorera ubumotari mu Mujyi wa Kigali, ati “Byahoraga bimbabaza gukorera abandi, ariko ubwo mbonye moto yanjye, ngiye gutangira nkore nizigama nzabasha no kugera ku bindi, mu gihe mbere nakoraga nungura nyiri moto.”

Umunyamabanga nshingwabikorwa w’ishyirahamwe ry’abamotari avuga ko bagiye kugabanya amakimbirane hagati y’abakodeshaga moto zabo n’abamotari

Abamotari 18 batangiye kubona moto zabo bwite, aho bishyuraga ibihumbi 30Frw gusa, ubundi buri kwezi bakajya bishyura ibihumbi 80Frw kugeza barangije amafaranga yose ya moto.Moto imwe ibarirwa agaciro ka Miliyoni n’ibihumbi magana ane y’u Rwanda (1.400.000Frw).

Aha abamotari bahamya ko iyi ari inyungu kuri bo, kuko ngo ubundi ubonye ubushobozi, byamusabaga atari munsi ya miliyoni imwe n’ibihumbi magana inani (1.800.000Fw) y’u Rwanda kugira ngo ayikurire mu iduka.

Umunyamabanga w’ishyirahamwe ry’abamotari mu Rwanda, Uzayisaba Alex, avuga ko iki ari igitekerezo bagize nyuma y’uko bari bamaze igihe bakira ibirego by’abamotari n’abo batwarira moto baregana ubuhemu.

Ati “Twayitangiye benshi batabyumva, ariko ubu ndakeka noneho ko ibyo twababwiraga, bitangiye kwivugira, ni muri urwo rwego nshimangira ko igihe cyose abantu bishyize hamwe, nta cyabananira kugeraho.”

Iryo shyirahamwe rimaze kugira abanyamuryago 200, kandi rikaba ryiyemeza ko bizakomeza ku buryo buri munyamuryango ubishatse azatunga iye moto.

Christian University of Rwanda

Ibyo DR. Habumuremyi Damien umuyobozi wa Kaminuza yigenga ‘CUR’, yabigarutseho ubwo muri iyi kamunuza hatangizwaga umwaka wa mashuri wa 2017-2018, kuri uyu wa 25 Ukwakira 2017.

Yagize ati “erege reka nk’ubwire, inama nkuru y’mashuri makuru na Kaminuza HEC, siyo afunga amashuri, ahubwo yo icyo ikora ni igenzura, hari icyo twita clarification framework, yerekana neza ibyo ikigo kugirango kibe kaminuza kigomba kuba cyujuje.”

Arakomeza ati “HEC rero icyo ikora iragenzura ko ubyujuje, none se niba wowe wikoreye igenzura, ugasanga ntubyujuje, urumva atari wowe uzaba wifunze? Niwuzuza ibyo clarification framework igusaba, bazagufungira se bagushakaho iki?”

Uyu muyobozi akaba yabivuze ahumuriza abanyeshuri b’iki kigo, abasaba kumva ko nta bwoba bakwiye kugira bwo kuba hari kaminuza ziri guhagarikirwa amasomo cyangwa gufungwa burundu, ngo bibaze ko na CUR ariko bizayigendekera.

Abanyeshuri b’iyi Kaminuza bagaragaza impungenge ariko bagasaba abayobozi b’iyi kaminuza gukora ibyo biyemeje, kugirango ntibazatakaze umwanya.

Gatabazi Junior umwe mu banyeshuri ati “nta kuntu utagira impungenge, ubona abandi banyeshuri bafungirwa ibigo byabo, birababaza kuba watangiye umushinga wa kaminuza nukuntu uvuna, wagera hagati bati, turabahagaritse, ugasanga ahanini abanyeshuri nibo bigizeho ingaruka.”

Arongera ati “gusa kubera ko tuziko umuyobozi w’iyi kaminuza, amaze igihe kinini mu burezi, turizera ko izi mpungenge zizashira”.

Christian University of Rwanda, yatangiye mu kwezi kwa kabiri, uyu mwaka wa 2017, kugeza ubu ikaba ifite abanyeshuri 1000 batangiye kuyigamo, ikavuga ko yitegura kugaba amashami hirya no hino mu gihugu, aho yahereye mu karere ka Karongi.

Abarangije amasomo y’ubwubatsi muri St Joseph i Nyamirambo bahamya ko bazakomeza kuzamura imyubakire mu Rwanda

Babitangaje tariki ya 21 Ukwakira 2017, ubwo bashyikirizwaga impamyabumenyi zabo z’icyiciro cya kabiri cya kaminuza.

Abanyeshuri umunani ba mbere bemerewe mudasobwa izabafasha gutegura imishinga yabo bateganya gushyira hanze.

Manirarora Felcien, umwe muri bo avuga ko icyo biyemeje ari gukomeza kuzamura imyubakire mu Rwanda, bubaka inzu zigezweho bakarandura akajagari mu myubakire kuko ishuri arangije rifasha abaryigamo kubona ibikoresho bimenyerezaho umwuga w’ubwubatsi.

Umuyobozi wa ikigo cya St Joseph kiri i Nyamirambo Nyamirambo, Pierre Sebakiga avuga ibikoresha byo mu mashuri yigisha imyuga, usanga bihenze, akaba ariho ahera asaba Leta kubafasha kubona ibyo bikoresho.

Agira ti "Niyo mpamvu usanga abikorera benshi batinya gushinga amashuri nk’aya y’ubumenyingiro kuko usanga ahenze.”

Umunyabanga wa Leta muri Minisiteri y’Uburezi, ushinzwe amashuri y’imyuga n’ubumenyingiro, Olivier Rwamukwaya, yashimye iryo shuri kubera umusaruro ritanga mu bijyanye n’ubwubatsi.

Akomeza avuga ko Minisiteri y’Uburezi iri gushaka uko ikibazo cy’ibikoresho mu mashuri y’imyuga cyakemuka, kugira ngo abasohoka muri aya mashuri babashe guhangana n’abandi bo hirya no hino.

Abanyerondo bishimiye imodoka bahawe

Iyi modoka ibaye iya kabiri abaturage baguze mu rwego rwo mu rwego rwo kugira uruhare mu mutekano ubakorerwa, nk’uko byatangajwe n’Umunyamabanga nshingwabikorwa Umuhoza Rwabukumba, ubwo bamurikaga iyi modoka kuri uyu wa Gatandatu tariki 14 Ukwakira 2017.

Yagize ati "Hari amafaranga atangwa n’abaturage y’umutekano bitewe n’ikiciro abarizwamo, bityo ayo mafaranga agakusankwa, ari nayo mubona yaguzwemo iyi modoka ndetse n’ibindi bikorwa byifashishwa mu kubungabunga umutekano."

Umunyamabanga nshingwabikorwa w’umurenge wa Kinyinya ataha imodoka nshya y’irondo

Mu rwego rwo gushimira abakora irondo ku kazi bakora, abaturage banabageneye ubwishingizi bw’ubuzima kugira ngo bajye bivuza hamwe n’imiryango yabo.

Maniraguha Jean de Dieu, umwe mu bakora irondo ry’umwuga, yavuzeko ashimishijwe n’iki gikorwa, kuko bagiye kurushaho gukora akazi kabo neza

Ati "Hari igihe wabaga uri mu kazi, ari ninjiro bakagutabaza ahantu havutse ikibazo ukaba watinya kujyayo cyangwa wajyayo ukaba wahahurira n’ibisambo bikaba byakugirira nabi, ariko ndizera ko ubwo dufite iyi modoka, igihe cyose umuturage azajya ugatabariza, uzajya umutaba byihuse."

Abanyerondo banafashijwe kubona ubwisungane mu kwivuza n’imiryango yabo

Umurenge wa Kinyinya ufite abashinzwe irindo ry’umwuga bangana 186, nibura buri munyerondo ahembwa ibihumbi 30Frw.

Bahawe n’ibindi bikoresho byo kwifashisha mu kazi birimo ibyombo n’amatoroshi

Umuyobozi w’akarere ka Gasabo Rwamurangwa Stephen (hagati) afata ifoto n’abanyamabanga nshingwabikorwa b’imirenge bitwaye neza

Kuri wa Gatanu tariki 13 Ukwakira 017, nibwo Akarere ka Gasabo kagaragaje uko imirenge yose 15 yitwaye mu mihigo y’umwaka wa 2016-2017.

Umurenge wa Kimihurura waje ku mwanya wa mbere n’amanota 88,7%, wakurikiwe n’Umurenge wa Remera n’amanota 87,4% naho umurenge waje ku mwanya wa nyuma ukaba wabaye uwa Jabana n’amanota 71.

Umunyamabanga nshingwabikorwa w’Umurenge wa kimihurura Murekatete Patricie yagaragaje ko uyu mwanya abonye, ahanini awukesha gukorana neza na bagenzi be kuko ngo bashyizeho itsinda rigomba kwita ku mihigo baba basinyanye n’umuyobozi w’akarere.

Umuyobozi w’Akarere ka Gasabo yasinyanye imihigo n’abanyamabanga nshingwabikorwa b’imirenge

Yavuze ko uyu mwanya babonye ugiye kurushaho kumetera imbaraga, mu gukomeza guha abaturage serivise nziza, kuko akenshi aha ariho ibintu byose biba bizingiye.

Umuyobozi wa njyanama y’akarere ka Gasabo Bayisenge Jeannette, yavuze ko uko imirenge yitwaye ntaho bihuriye n’impuhwe ahubwo ari umuhati yashyizeho yo guha serivisi nziza abaturage.

Ati “Mwirinde ikintu cya genda uzagaruke ejo, birababaje kubona ubwira umusaza cyangwa umukecuru waje aturutse mu birometero bingahe, ngo genda uzagaruke ejo, ibyo sibyo mwisubireho, mumenyeko mukorera abaturage.”

Umurenge wa Kimihurura wahawe ishimwe ry’ibihumbi 500Frw. Abayobozi b’imirenge banasinyanye imihigo y’umwaka wa 2017-2018 n’umuyobozi w’akarere. Iyi mirenge yose yasinyiye kuzesa imihigo ingana na 854 izatwara ka miliyari 3,3Frw.

Bimwe mu byo iyi mihigo izibandaho, harimo guhuza ubutaka buzahingwaho ibigore bungana na hegitari 5519, hazahangwa imirimo ingana na 2.1000, abaturage bazabasha kwizigamira amafaranga angana na 649, 350, 000 muri gahunda yishwe Igiceri Program.

Uburangare mu muhanda no gutwara abashoferi banyweye biri mu bitezai mpanuka

Uwo mubare ni hafi kimwe cya kabiri cy’abakomerekejwe na zo mu mezi icyenda ashize kuko ari 345, nk’uko byatangajwe n’umuyobozi wa Polisi IGP Emmanuel K. Gasana kuri uyu wa kane tariki ya 12 Ukwakira 2017.

Yavuze ko abamotari ari bo baje ku mwanya wa mbere mu guteza impanuka ugereranije n’abatwara ibindi binyabiziga, kuko bihariye 66% by’impanuka zabaye muri aya mezi icyenda ashize.

Yagize ati "Birababaje kubona Abanyarwanda bafite umutekano impande zose, ariko tukawuburira mu bwikorezi. Dukwiye gufatanya tugaca ibibazo bitera impanuka, umuntu ntajye gufata urugendo ngo agende ahangayitse ko atagera iyo ajya."

Inzego zitandukanye ziyemeje gufata ingamba zo kurwanya impanuka

Yavuze ko abantu badashaka kubahiriza amategeko ari bo batuma impanuka zidashiram mu muhanda. Yasabye inzego zose zibishinzwe gukorera hamwe no gufata ingamba zo guhangana n’icyo kibazo.

Polisi y’igihugu kandi yatangaje ko ubusinzi bw’abashoferi no kuguranisha ibyuma bishaje mu modoka mbere yo kujya gukoresha isuzuma ry’imodoka na byo biri mu biteza impanuka za hato na hato.

Bitarenze amezi abiri ingamba zafashwe zizaba zashyizwe mu bikorwa

Uwihanganye Jean de Dieu,Umunyamabanga wa Leta ushinzwe gutwara abantu n’ibintu muri Minisiteri y’ibikorwa remezo (MININFRA), yavuze ko bagiye guhagurukira gukemura ibibazo byagaragajwe na polisi ku buryo mu mezi abiri impinduka zizaba zabonetse.

Ati "Abafite sosiyeti z’ubwikorezi mukwiye gufata neza abashoferi, kuko kenshi bakora impanuka, kubera ibibazo byinshi birimo umunaniro, guhembwa nabi batekereza ingo zabo n’ibindi."

Olivier Nizeyimana, uhagarariye sosiyeti itwara abagenzi ya Volcano, yavuze ko bagiye guhugurira abashoferi bakoresha kwisubiraho.

abafite aho bahuriye no gutwara abantu n’ibintu batunzwe agatoki mu kugira uruhare mu mpanuka

Ibi bishyimbo nibyo bise "Zahabu".

Ibyo bishyimbo byahawe amazina atandukanye, hari n’ababyita “Kigondo” cyangwa “Injamane”. Gusa bose bavuga ko batazi uburyo byabagezeho, ariko ngo byera cyane kurusha ibindi n’amafaranga babigurisha akaba menshi ugereranije n’ibyo basanzwe bahinga.

Mukandaribitse Speciose umwe mu bahinzi bo muri uwo murenge, avuga ko ahantu ushobora kweza ibiro 50 by’ibishyimbo bisanzwe, iyo uhahinze Zahabu uhasarura ibiro 100. Avuga ko umufuka w’ibyo bishyimbo bita Zahabu ushobora kuvamo ibihumbi 80Frw, mu gihe ibisanzwe umufuka uvamo ibihumbi 30Frw gusa.

Muhayimana Speciose na we ni umuhinzi, avuga ko iyo yejeje, afata ibishyimbo bya Zahabu akabigurisha, kimwe cya kabari cy’amafaranga abikuyemo, akakigura ibishyimbo bisanzwe, andi asigaye akayikenuza mu rugo.

Ati “Ni ukuri byaradufashije cyane, ibishyimbo bisanzwe ntitukibihinga, keretse abafite imirima minini, nibo babihinga, tukazabaguraho ibyo kurya.”

Nzigira Jean Chrisostome, umucuruzi, avuga ko babirangura n’abahinzi, bakabigurisha Abagande kuko Abanyarwanda badakunda kubirya. Avuga ko iyo bamaze kubirangura, bahamagara Abagande, bakaza kubipakira.

Ati “Amakuru dufite, ni uko iyo Abagande babigejeje i Kabare, hari Umuhinde uturuka i Kampala, akajya kubikoramo ibisuguti.”

Uwo mucuruzi akavuga ko, ibyo bishyimbo bimaze guteza imbere abantu batandukanye, kuko ubusanzwe ngo ikiro cy’ibishyimbo bisanzwe, kiba kigura 450Frw, naho ibi bya Kigondo, bikagura 700Frw, ugasanga ar iyo mpamvu abaturage barimo kwitabira ku bihinga cyane.

Umunyamabanga nshingwabikorwa w’Umurenge wa Miyove Mwanafunzi Deogratias, avuga ko izo ari imbuto nshya zatanzwe n’ikigo gishinzwe ubuhinzi (RAB), zikungahaye ku ntungamubiri.

Asaba abaturage kwirinda kugurisha mu kajagari ngo kuzita Zahabu, bigaterwa no kubijyanisha n’uko uyu murenge ubamo amabuye y’agaciro menshi.

Ibyo bishyimbo iyo ubyitegereje biba ari bigufi, bifite ibara ry’umweru uvanzemo ibara ry’ikigina, abaturage b’Amajyaruguru bagakunda kubihinga ku mishingiriro.

Uwubutatu ubwo yavugaga umuvugo yahimbye

Ubwo Uwubutatu yavugaga uwo muvugo mu gikorwa cy’ubukangurambaga bwo guharaniraa uburenganzira bw’umwana ku itariki ya 25 Kanama 2017, wakoze ku mitima y’abari aho.

Umuvugo w’uwo mwana wiga mu mwaka wa gatanu w’amashuri abanza ya Mubuga mu Murenge wa Miyove, ufite ubutumwa bukangurira abantu kurwanya imirimo mibi ikoreshwa abana no gukangurira ababyeyi kubahiriza uburenganzira bw’abana babo.

Ubwo yari amaze kuvuga uwo muvugo, abantu batandukanye baramutangariye bibaza ukuntu umwana ungana gutyo yahimba umuvugo nk’uwo.

Aho ni ho ubuyobozi bw’Akarere ka Gicumbi bwahereye buvuga ko uwo muvugo ugiye kujya wifashishwa mu nama zitandukanye hagamijwe kubahiriza uburenganzira bw’umwana.

Uwubutatu wahimbye uwo muvugo akazajya yifashishwa muri izo nama avuga uwo muvugo; nk’uko Munyezamu, umukozi w’Akarere ka Gicumbi ushinzwe uburinganire n’iterambere ry’umuryango abisobanura.

Agira ati “Biragoye kugira icyo uvuga nyuma y’umuvugo wa Uwubutatu! Ahubwo icyo ngiye gukora, ni ukumushimira, ubundi uyu muvugo we ukajya wifashishwa mu mugoroba w’ababyeyi n’izindi nama zitandukanye, kugira ngo abantu barusheho kumva ubu butumwa.”

Uwubutatu avuga ko mu guhimba umuvugo we bitamusabye ibintu byinshi ndetse n’igihe kirekire, kuko yahereye ku byo abona bimukikije.

Agira ati “Ku ishuri nigaho abana bata amashuri buri gihe mbibona, bajya gukoreshwa mu bisimu mbibona, bajya gosoroma icyayi mbibona, indwara bakurayo ndazibona, ni aho rero nahereye.”

Nyuma yo kuvuga umuvugo uwo mwana yahawe ishimwe rya 5000RWf

Iyadede Rose, umuyobozi w’umushinga w’iyubahirizwa ry’uburenganzira bw’umwana ukorera muri SOS, ashimira abana bose basigaye bafata iya mbere mu kumva ko bagomba guharanira uburenganzira bwabo.

Ahamagarira ababyeyi kujya baha umwanya abana, bakabatega amatwi, kuko ibyo abana baba bavuga ibyinshi babibona kandi bakabibona hafi mu miryango yabo.

UMUVUGO: BIRAKUREBA

1.MUBYEYI NKUNDA
MUREZI NKUNDA
MUYOBOZI MWIZA
NSHUTI Y’U RWANDA
RINDA UMWANA BIRAKUREBA

2.MURINDE UKO BIKWIYE
NTAHOHOTERWE UREBA
NTUBYUMVE NGO UCECEKE
NTUBIREBE NGO UREBERE
RINDA UMWANA BIRAKUREBA.

3.BUNGABUNGA UBURENGANZIRA BWE
MUFATE NEZA AKIRI MU NDA
NAVUKA AMURIKIRWE N’UMUCO WA CU
NUMUGABURIRA ARYE NEZA
NUMWAMBIKA ASUSURUKIRWE.

4.MWITE IZINA RIKWIYE
NI YITWE TUGANISHURI
YITWE MUGISHA, GIHOZO, MUHIRE,
YITWE GISUBIZO NA BYISHIMO
AREKE KWITWA BAPFAGUHEKA.

5.MWARIMU MUREZI NKUNDA
TUGANISHURI AJE AGUSANGA
MUSANGANIZE AMASOMO MEZA
ASOME AMENYE UBWENGE
UMURINDE UBUJIJI BIRAKUREBA.

6.NIYAMYE INYANGABIRAMA
ZIFATA TUGANISHURI MWIZA
ZIKAMUYOBEREZA MU BIROMBE
UBWO AGACURIKA UMUTWE I KUZIMU
NTAMENYE ICYEREKEZO CY’U RWANDA.

7.BAYOBOZI MWESE NDEBA,
MUMFASHE TWIYAME BOSI
USIGA TUGANISHURI MU GIPANGU
NGO ARERE ABANA BO MU GIKARI
MAZE NTAZIGERE AMENYA ISHURI.

8.NYABUNEKA BIRATUREBA,
DUKURE ABANA MU MUHANDA
ABACU N’ABATARI ABACU
BOSE NI ABANA B’U RWANDA
TURINDE ABANA BIRATUREBA.

9.NJYE SIRIDIYO NAGIZE IMANA
NGIRA ABABYEYI, NGIRA ABAREZI
NARINZWE IBYAGO BYO KUTIGA
NTANGIZWA ISHURI NKIMENYA UBWENGE
NONE NDADIDIBUZA INDIMI ZOSE.

10.MURAKABAHO MURAKABYARA
MURAKAGIRA IGIHUGU CY’U RWANDA
MURAKAGIYA PEREZIDA WA CYO
WADUSHYIRIYEHO AYA MASHURI
UBU TUKABA TWESE TUMWIRAHIRA.

Abunzi n’inzego z’ibanze bafatanya mu gukemura amakimbirane y’abaturage.

Ubwo bumenyi babwunguka binyuze mu mahugurwa bategurirwa n’umuryango uharanira uburenganzira bw’ibanze bwa muntu RCN Justice et Demoratie.

Uwo muryango ubahugura bari kumwe n’abanyamabanga nshingwabikorwa b’utugari, kuko bakorana umunsi ku wundi mu gukemura ibibazo by’abaturage.

Tariki 23 Kanama 2017, nibwo mu Karere ka Gicumbi hatangijwe icyiciro cya kabiri cy’amahugurwa ku bunzi n’abanyamabanga nshingwabikorwa b’utugari.

Bahuguwe ku byerekeranye n’amategeko y’ibanze, n’uko umwunzi akwiye kwitwara mu gukemura ikibazo umuturage aba yamugejejeho.

Muhizi Aimable, umuyobozi w’akarere ushinzwe ubukungu atangiza ayo mahugurwa.

Muhizi Jean de Dieu, umwunzi wo mu Kagari ka Nyamabuye,Umurenge wa Byumba, avuga ko hari byinshi biteze muri aya mahugurwa ndetse banatangiye kungukiramo byinshi.

Agira ati “Ubu namaze kumenya uko ngomba kwitwara igihe umuturage aje atugana, kuko ntitugomba guhita duca imanza, ahubwo tugomba kubanza kubumvikanisha tubunga, byakwanga tukabona kugira indi myanzuro dufata.

Namenye ko ubu tutari abacamanza, ahubwo ko akazi kacu k’ibanze ari ukunga abaturage.”

Muhizi kimwe na bagenzi be bahamya ko nyuma y’ayo mahugurwa, akazi kabo kazarushaho gukorwa neza kuko hari ubumenyi bagenda bunguka batari bazi mbere.

Rwesandekwe Fidel,Umunyamabanga nshingwabikorwa w’Akagari ka Gisiza Umurenge wa Rukomo,umwe mu barimo gukurikirana ayo mahugurwa, avuga ko abunzi babafasha akazi gakomeye mu gukemura ibibazo by’abaturage.

Ati “Erega abaturage barabumva cyane, kuko nibo baba barabitoreye, ndetse baba banizera ubunyangamugayo bwabo. Usanga rero mu kabakemurira ibibazo, byoroha cyane kuruta twe uko tubyinjiramo.”

Umukozi wa Minisiteri y’ubutabera, Ngombaniro Tharcisse ukuriye urwego rwa MAJ mu Karere ka Gicumbi, avuga ko abunzi babafitiye icyizere gikomeye, ariko ngo iyo babonye amahugurwa nk’ayo y’ibanze birushaho.

Muhizi Aimable, umuyobozi w’Akarere ka Gicumbi wungirije ushinzwe ubukungu n’iterambere, yashimiye RCN Justice et democratie, uruhare igira mu guhuza abunzi n’inzego z’ibanze, kuko byongera imikoranire ihamye, bigatuma imanza zigana mu nkiko zigabanuka cyane.

Mu mpera za 2016, mu Karere ka Gicumbi, byagaragaraga ko abunzi bagabanije 80% by’imanza zajyanwaga mu nkiko kuko ubu ibibazo bikemurirwa mu bunzi.

Guverineri Musabyimana aganira n’abaturage bo muri Gicumbi

Yabitangaje ubwo yaganiraga n’abaturage bo mu mirenge ya Rwaniro na Rutare ku itariki ya 22 Kanama 2017.

Guverineri Musabyimana yasuye abo baturage nyuma y’uko mu Karere ka Gicumbi hashize igihe humvikana umutekano muke watumye mu mezi umunani ashize hamaze gupfa abantu 19.

Aha niho yahereye abwira Abanya-Gicumbi ko umuturage uzajya afatwa yanze kurara irondo azajya acibwa 5000RWf. Ahamya ko ibyo byatuma abaturage bitabira kurara irondo.

Agira ati “Tubyumvikaneho amarondo tubasaba, si ayo kujya kurara kwa Meya cyangwa kwa Gitifu w’umurenge, ahubwo n’irondo murara mu ngo zanyu kugira ngo mwicungire umutekano, kugira ngo hatagira uwuhungabanya cyangwa akabangiriza.”

Yakomeje abwira abaturage ko kurara irondo atari ukujyayo bakamarayo akanya gato bagahita bitahira. Iyo batashye ngo nibwo ubujura n’ubugizi bwa nabi butangira.

Akaba asaba abagore kujya bahwitura abagabo babo bakababaza impamvu batarara irondo.

Abaturage bakaba bavuga ko ahanini igituma batakirara irondo uko bikwiye, biterwa n’abayobozi b’imidugudu badafasha abaturage ngo babashyire ku murongo bityo hapangwe uko irondo ryakagombye gukorwa.

Umuturage witwa Kagabo Ticien avuga ko usanga ngo abaturage ari bo bishyiriraho gahunda yo kurara irondo.

Ahamya ko abayobozi b’inzego z’ibanze babashije gufashanya n’abaturage, intego z’irondo zagerwaho uko zateganijwe.

Abarenga 200 borojwe inka

Uwo muryango wari umaze imyaka 17 ukorera muri iyo mirenge ibikorwa binyuranye, harimo kwigisha abahinzi 3600 guhinga kijyambere ndetse no guhuza ubutaka, abaturage 264 borojwe inka, 600 borozwa ingurube, 1100 bahabwa ihene.

Uwo muryango usize ubumbiye abaturage mu matsinda 116, abaturage 2350 biyubakiye uturima tw’igikoni, imiryango 3214 yabonye ibiti by’imbuto ziribwa, abakorera bushake 333 bahuguwe ku mirire y’abana bari munsi y’imyaka 5.

Binyujijwe mu bukangurambaga bwakozwe n’uwo muryango, ababyeyi babyariraga kwa muganga mu mwaka wa 2001 bari kuri 50%, bariyongereye kugera kuri 99% nk’uko byagaragajwe muri raporo ya 2016.

Abarimu 280 barahuguwe, abana ibihumbi 3000 bafashijwe kwiga barangiza amashuri yisumbuye, hubatswe ibyumba by’amashuri 478, hatangwa intebe 2000, imiryango 650 yahawe ibigega by’amazi, hubakwa ibigo nderabuzima 5, n’ibindi byinshi.

Urubyiruko rwahawe amahugurwa ku ikoranabuhanga

Ibyo bikorwa byose uwo muryango uhamya ko byawutwaye amafaranga agera kuri Miliyoni 17 z’Amadorari y’Amerika kuko buri mwaka hakoreshwaga Miliyoni imwe, ari yo angana na Miliyari 14 na Miliyoni 270 n’ibihumbi 480 by’Amafaranga y’u Rwanda.

Nkurunziza Justin, atuye mu Murenge wa Shangasha, avuga ko yorojwe inka n’ihene, ubu akaba amaze kwiyubakira inzu yo kubamo, aguramo ikibanza cy’ibihumbi 600, ubu afite n’inka ikamwa.

Nyamara ngo mbere nta kintu nta kimwe yagiraga, akavuga ko n’ubwo World Vision igiye atazigera asubira inyuma, kuko yigishijwe kwigira.

Umuyobozi wa World Vision mu Rwanda, George Gitau, yavuze ko ashimira ubuyobozi bw’u Rwanda, kuko bwagiye bubafasha muri byinshi, kugira ngo intego bari bihaye zo kuzamura imibereho myiza y’abaturage zigerweho.

Ati“ndashimira ubuyobozi bw’u Rwanda uhereye kuri Nyakubwaha Perezida wa Repubulika Paul Kagame, ukamanuka ukagera mu nzego zo hasi, batoje abaturage umuco wo gukora, ku buryo umuturage umwereka akantu gato, akakabyaza byinshi, byaradushimishije pe”.

Bigishijwe imyuga ubu ibafasha kwivana mu bukene

Umuyobozi ushinzwe imiyoborere myiza mu ntara y’Amajyaruguru, David Nkurunziza, yavuze ko ashimira cyane World Vision, ayizeza ko ibyagezweho bitazigera bisubira inyuma.

Abatuye Birindi bafite ikibazo cy’ivuriro

Zone Birindi n’ahantu mu kibaya kinini cyane, gihuriweho n’imirenge itatu, ariyo ya Giti, Bukure na Rwamiko, abahatuye bavuga ko kubona uko bivuza bibagora cyane.

Kubwimana Aimable, atuye mu Mudugudu wa Rugarama, Akagari ka Gatobotobo, Umurenge wa Giti, avuga ko bibagora cyane kugirango babone uko bagera kwa muganga igihe bahuye n’uburwayi.

Ati “nibura bidusaba amasaha atari munsi y’atatu, kugirango tugere kwa muganga, ufite amafaranga agashaka gutega moto, ntibajya munsi y’ibihumbi bitatu.
Ugasanga umurwayi atinze kugera ku kigo nderabuzima, agezeyo yanegekaye.”

Mugenzi we Nyiraneza Angelique, avuga ko bishobotse bapfa kwegerezwa Poste de Sante, kuko ibari hafi nayo bakoresha amasaha abiri, kuko bibasaba kuzamuka imisozi miremire cyane.

Ngizahumuremyi Theoneste, ni umunyamabanga nshingwabikorwa w’Umurenge wa Giti, avuga ko aba baturage bafite ikibazo gikomeye, gusa ngo hatangiye gukorwa ubuvugizi.

Ati “ni byo koko aba baturage bafite ikibazo gikomeye kuko batuye mu kibaya, kandi ahari ikigo nderabuzima ni mu mpinga ndende, gusa twatangiye kubakorera ubuvugizi, gusa natwe twiyemeje kubanza gushaka ikibanza, hanyuma tugashaka ubushobozi bwo kucyubaka”.

Ubwo yifatanyaga n’abaturage b’Umurenge wa Giti mu bikorwa bya polisi week, umunyamabanga wa Leta muri Minisiteri y’ibikorwaremezo, ushinzwe ingufu n’amazi, Kamayirese Germaine, yavuze ko nta mpamvu umunyarwanda atagezwaho ibikorwa remezo.

Ati “buri Munyarwanda wese, agomba kugezwaho, ivuriro, amashanyarazi, imihanda, uburyo bw’itumanaho n’ibindi. Iki kibazo natwe twakibonye, ariko ntitwabaha umuriro, imihanda, hanyuma ngo ivuriro ribe ikibazo, tugiye kubikorera ubuvugizi mu zindi nzego dukorana mu gihe gito rwose bazabona ivuriro”.

Kamayirese avuga ko buri munyarwanda akwiye kugerwaho n’ibikorwa remezo

Uretse iri vuriro abaturage bari bakeneye cyane, kugeza ubu nta mihanda bagira ndetse n’umuriro, ariko kuri ubu mu cyumweru cyahariwe ibikorwa bya polisi batangiye kubibagezaho, ibi bikabaha icyizere ko n’ivuriro bazaribona vuba.

Amashanyarazi akoreshwa n’imirasire y’izuba.

Abaturage bo mu Murenge wa Giti ni bo bagejejweho bwa mbere aya mashanyarazi, kuko ari ho hatangirijwe icyumweru cyahariwe ibikorwa bya Polisi “Police Week”, kuri uyu wa kabiri tariki 16 Gicurasi 2017.

ACP Theos Badege, Umuvugizi wa Polisi, yavuze ko aya mashanyarazi azabafasha kumurika mu gihe hari umwijima, akabafasha kurwanya ibisambo.

Yagize ati “Igikorwa cyo gutanga amashanyarazi ku baturage kizatuma umutekano urushaho kubungabungwa kuko hari aharangwaga n’umutekano mucye kubera kuba mu kizima. Bizanatuma kandi abaturage barushaho kwibungabungira umutekano batanga amakuru ku gihe.”

Polisi yatangiye "Police Week" iha Abanya-Gicumbi amatara, inabakorera imihanda.

Kamayirese Germaine, Umunyamabanga wa Leta muri Minisiteri y’Ibikorwa remezo (MININFRA) ushinze ingufu n’amazi, yavuze ko icyo gikorwa kigiye gufasha abana kwiga neza n’ababyeyi bagakora imirimo itandukanye ibateza imbere.

Alphonsine Nyirabizeyimana, umwe mu bahawe aya mashabyarazi, avuga ko bishimiye kuva mu icuraburindi, kuko ubusanzwe bajyaga bifashisha amatoroshi n’ibikenyeri mu kubonesha mu nzu.

Muri Police Week bazakora ibikorwa bitandukanye birimo guhanga imihanga, kubakira ubwiherero abaturage no kurwanya ihohoterwa rishingiye ku gitsina.

Ati “Abana banjye bajyaga bava ku ishuri amakaye bakayajugunya hariya, kubera kutabona uko basubiramo amasomo. Ariko ubu njya kuryama abana bagasigara biga barangiza bagakora ku rukuta, amatara akazima bakajya kuryama.”

Aya mashanyarazi azahabwaa abaturage ibihumbi bitatu mu gihugu hose. Muri Police Week bazakora n’ibindi bikorwa bitandukanye birimo guhanga imihanda, kubakira ubwiherero abaturage no kurwanya ihohoterwa rishingiye ku gitsina.

Paruwasi ya Byumba imaze imyaka 80 ishinzwe

Uwo muhango wabaye tariki ya 13 Gicurasi 2017, watangijwe n’urugendo ruzenguruka Umujyi wa Byumba rwakozwe n’Abakristu, Abapadiri n’abandi bihaye Imana. Nyuma y’urwo rugendo hakurikiyeho igitambo cya Misa.

Muri uwo muhango hatangajwe ko Paruwasi Katedarari ya Byumba muri iyo myaka 80 imaze ibayeho, yagize uruhare mu itangizwa ry’ibigo by’amashuri abanza n’ayisumbuye byose hamwe bigera ku 110 biri muri Diyosezi ya Byumba.

Muri ibyo bigo by’amashuri hari ibizwi nka Groupe scolaire de la salle Byumba na Groupe Scolaire Notre Dame du Bon conseil Byumba.

Iyo Paruwasi kandi yagize uruhare mu ishingwa rya kaminuza yitwa University of Technology and Arts of Byumba.

Paruwasi Katedarari ya Byumba kandi yanagize uruhare mu ishingwa ry’ibigonderabuzima 13 bibarizwa muri Diyosezi ya Byumba.

Mbere y’igitambo cya misa habayeho umutambagiro wazengurutse umujyi wa Byumba

Abakirisitu batandukanye b’iyo Paruwasi bavuga ko bishimira cyane uruhare rwayo mu gutuma begerana n’Imana ndetse bakanabasha kubana neza na bagenzi babo; nk’uko bitangazwa na Habyarimana Felicien w’imyaka 57 y’amavuko abivuga.

Agira ati “Nize kubana neza n’abandi, menya ko roho nzima itura mu mubiri muzima, badufashije guhurira mu miryango remezo, aho twiga ijambo ry’Imana, ariko tukaniga kubana neza ndetse no kwiteza imbere. Rwose Paruwasi yatugejeje kuri byinshi byiza.”

Anne Marie Musabyimana, umukecuru ufite imyaka 65 y’amavuko avuga ko hari igihe mu miryango hajya havuka amakimbirane, ariko kubera kuba Abakirisitu, bigatuma bisubiraho bakagendera ku ijambo ry’Imana.

Ubwo bari bari mu gitambo cya Misa kuri Paruwasi Katedarare ya Nyumba

Padiri mukuru wa Paruwase Katedarare ya Byumba, Rutsindintwarane Emmanuel yagaragaje ko hari byinshi bagezeho, ariko ngo ubu bafite intego yo guhiga ibindi byinshi, biteza imbere Abakiristu.

Agira ati “Guhera ku Mukiristu wacu agomba guhiga, ndetse n’abayobozi bagahiga, buri mwaka hakajya hagaragazwa icyo umuntu yahize, kugira ngo tubashe guteza imbere Abakiristu bacu.”

Depite Gatabazi Jean Marie Vianney, wari umushyitsi mukuru muri uyu muhango, yavuze ko intambwe Kiriziya Gatorika imaze gutera mu kubanisha neza Abanyarwanda ari nziza. Niho yahereye abahamagarira kuyikomeza.

Guhera mu mwaka wa 1937 ubwo Paruwasi ya Byumba yashingwaga imaze kubatiza Abakiristu basaga ibihumbi 80. Ifite Abapadiri 14 n’Ababikira batatangajwe umubare bayivukiyemo.

Itsinda ry’abayobozi ba Global Fund ku isi bashimiye Imbuto Foundation

Kuri uyu wa gatanu tariki ya 05 Gicurasi 2017 nibwo basuye ibyo bikorwa.

Mu bikorwa basuye harimo ama-clubs yigisha urubyiruko kwirinda SIDA, kumenya imyororokere, kwipimisha, kwirinda abarushuka n’ibindi.

Ibi bigakorwa n’abafashamyumvire babyo, babifashijwemo n’umuryango Imbuto Foundation guhera mu mwaka wa 2013.

Butare Bonaventure, ushinzwe gukurikira ibikorwa by’ubuzima mu bitaro bya Byumba, akanakorana byahafi na Imbuto Foundation yavuze ko kuva batangira gukora, urubyiruko rwinshi rwahinduye imyumvire.

Mukeshimana Alphonsine aba muri “Club Ejo Heza” avuga ko yamaze guhindura imyumvire abakesha inyigisho za Imbuto Foundation.

Agira ati “Ubu nta muntu wabasha kunshuka ngo mukundire, nabashije kumenya byinshi ntari nzi kuko n’ababyeyi banjye ntabyo bambwiraga.

Rwose Imbuto Foundation, yaduhaye umurongo mwiza, ubu niga nshaka kuzaba umuganga nanjye nkajya ngira inama abandi uko bitwara mu buzima bwabo.”

Urubyiruko rufashwa na Imbuto Foundation rugaragaza ibyo rwize

Uretse kuba ibi bikorwa bifasha uru rubyiruko, guhindura imyumvire binafasha ababyeyi gutinyuka kuganiriza abana babo, nk’uko bishimangirwa na Rwirangira Diodore, ushinzwe urubyiruko umuco na siporo mu Karere ka Gicumbi.

Agira ati “Bbere yuko dutangira iki gikorwa, habanje kwigishwa ababyeyi, kugira ngo bajye banabasha kwemerera abana babo kuz. Iyo abana batashye rero, usanga banaganira kuri iyo myororokere, bigatuma ababyeyi nabo babona uko baganiriza abana babo.”

Abahagarariye Global Fund ku isi nyuma yo kwerekwa umusaruro uva mu rubyiruko rwigishijwe, bagaragaje ko iyi ari inzira nziza, ifasha urubyiruko guhinduka no kuzagera ku ndoto z’ibyo biyemeje.

Michelle Boccoz, wavuze mu izina rya bagenzi be yavuze ko bamaze iminsi basura ibikorwa bitandukanye muri Kigali ariko ngo bitewe n’ibyo beretswe n’urubyiruko rw’akarere ka Gicumbi, ngo byabongereye ikindi cyizere.

Asaba urubyiruko gukomeza inzira rwatojwe, ruharanira kugira ubuzima bwiza .

Kuva Imbuto Foundation yatangira gukorana n’urubyiruko rw’akarere ka Gicumbi mu mwaka wa 2013, urubyiruko rusaga 1000 rumaze kwitabira ibikorwa bitandukanye birufasha kugira icyerekezo cy’ubuzima.

Umwe mu Bahwituzi bo mu Karere ka Gicumbi

Abahwituzi ni abantu b’abakorera bushake baba baratowe n’abaturage mu midugudu ubundi bagahabwa indangurura-majwi, igihe hari igikorwa cya Leta nk’umuganda cyangwa inama bakazenguruka mu mudugudu babimenyesha abaturage.

Innocent Habimana, umwe mu Bahwituzi b’Akagari ka Kigabiro mu Murenge wa Rwamiko, avuga ko babahaye agahimbaza musyi byabafasha cyane, n’iyo ngo babagenera buri kwezi nka 5000RWf cyangwa 2000RWf.

Ubusanzwe ngo bahabwa inkweto za Botte n’umwenda ubaranga, kugirango urume rutabica igihe bari mu kazi.

Agira ati “Nkora akazi ko guhwitura abaturage bakitabira gahunda za Leta, ndetse n’iyo hari ahagaragaye urugomo, mpita ntabaza ubuyobozi bagakiza abashwana, amahoro akongera agahinda.”

Ubuyobozi bwemeza neza ko aba bahwituzi babafitiye akamaro, kuko akenshi usanga bazi neza gahunda za Leta, nk’uko bishimangirwa na Rwitare Lambert, umunyamabanga nshingwabikorwa w’Umurenge wa Rwamiko.

Agira ati “Baradufasha cyane muri gahunda za Leta pe! Kuko usanga gahunda duteganya gukora, zose baba bazizi kandi abaturage bakazimenya byihuse.”

Uyu muyobozi akomeza avuga ko, uko iminsi izagenda iza, aba bahwituzi bazatekerezwaho, bitewe n’ubushobozi buhari.

Avuga ko ubusanzwe aba Bahwituzi batorwa nk’abakorera bushake kimwe n’abakuru b’imidugudu n’abashinzwe umutekano, ariko ngo bazagira icyo bagenerwa kuko bafite akamaro gakomeye.

Abahwituzi batangira akazi kabo mu rukerera cyangwa ku mugoroba, igihe hari gahunda za Leta. Bakangurira abaturage kuzitabira bugacya bazimenye kandi zikitabirwa.

Inzego z’umutekano muri Gicumbi zifatanyije n’abaturage bamennye ibiyobyabwenge bifite agaciro ka miliyoni 25RWf

Ibyo biyobyabwenge byamenewe hafi y’umupaka w’u Rwanda na Uganda kuri uyu wa gatatu tariki ya 19 Mata 2017.

Polisi y’igihugu ikorera mu Karere ka Gicumbi ivuga ko ibi biyobyabwebe byose byafashwe mu kwezi kumwe kwa Werurwe 2017.

Byafatiwe ahantu hatandundakanye muri ako karere, harimo ibyo bakuye mu bacuruzi, imodoka zibipakiye mu buryo bwa magendu n’ibyo bambuye abarembetsi. Ibyo biyobyabwenge byose byaturutse muri Uganda.

Ibyo biyobyabwenge byose byamenwe bifite agaciro ka miliyoni 25, ibihumbi 313 na 500RWf. Harimo, Kanyanga litiro 8620, Chief Waragi udupaki 2615, Mayirungi udupaki 88, Kitoko udupaki 1170, Blue Sky udupaki 2703 n’ibindi.

Abaturage bo muri ako gace bavuga ko kuba hari abishora mu bucuruzi bw’ibiyobyabwenge babiterwa n’ubushomeri. basaba ubuyobozi ko bwahazana amashuri y’imyuga abafasha urubyiruko kwiga imyuga izabafasha kuva mu bushomeri.

Umuyobozi w’Akarere ka Gicumbi, Mudaheranwa Juvenal avuga ko uwo mupaka baturiye ugomba kubyarira inyungu abaturage, bakora ubucuruzi bwemewe n’amategeko.

Niho ahera asaba abaturage gutungira agatoki inzego z’umutekano aho babonye ibiyobyabwenge hose.

Muri ibyo biyobyabwenge bamennye harimo kanyanga litiro zirenga 8000

Harimo na Chief Waragi

Harimo kandi na Blue Sky

Umugabo wo muri Gicumbi yabuze umugore we yadukira ihene bari baroye arazica

Garubanda utuye mu Kagari ka Guhanga mu murenge wa Rubaya muri Gicumbi, mu ijoro ryo ku itariki 16 Mata 2017, yashyamiranye n’umugore we.

Byahise bituma uwo umugore amucika kuko yashakaga kumwica. Garubanda abuze umugore we yahise yadukira ihene zari murugo zose arazitemagura, ahita atorokera mu gihugu cya Uganda.

Umunyamabanga nshingwabikorwa w’umurenge wa Rubaya, Nkunzurwanda John yatangarije Kigali Today ko uyu mugabo yari amaze iminsi afitanye amakimbirane n’umugore we ashingiye ku mitungo.

Akomeza avuga ko uyu mugabo atari ubwambere agaragayeho ibikorwa bibi nk’ibyo kuko n’ubundi ngo yari amaze igihe gito afunguwe muri gereza ya Miyove iri mu karere ka Gicumbi. Yari afungiye icyaha cyo gutema undi mugore akamukomeretsa bikomeye.

Nkunzurwanda avuga ko umutekano w’umugore wa Garubanda urinzwe cyane kuko bafite impungenge ko ashobora kugaruka akamugirira nabi. Bamaze gushyiraho amarondo banasaba abaturage gutanga amakuru igihe babonye uwo mugabo.

Kuri uyu wa gatatu tariki 29 Werurwe 2017, nibwo aba bahatanira uyu mwanya w’Umukozi ushinzwe gukusanya imisoro mu nzego z’ibanze (Fiscal Decentralization Officer), bahuriye mu busitani bwa Hotel La Palisse bakora ikizami, kuko nta kindi cyumba bashoboraga gukwirwamo cyari kuboneka.

Abari gukora ikizami cy’akazi muri MINECOFIN.

Umwe mubitabiriye iki kizami wavuganye na Kigali today, avuga ko amaze igihe arangije kwiga kaminuza abura akazi. Yavuze ko nubu nta cyizere cyo kubona uyu mwanya.

Yagize ati "Ikizami dukoze cyari gikomeye rwose, cyateguwe na ministeri kabisa, gusa ibi biragaragaza ko ikibazo cyubushomeri kikiyongera, ahubwo abanyamakuru mutuvuganire hagire igikorwa."

Ubwinshi bw’abantu bwahuruje abihitiraga baza kwihera ijisho.

Ubwinshi bw’abakoraga ikizami mu mahema, bwahuruje n’abagenzi bihitiraga, bamwe bafata amafoto abandi bashungereye.

Impanga zo mu karere ka Gicumbi ziyemeje gufana ikipe y’Akarere

Bashakiye umunsi umwe abagore, buri wese afite abana babiri, iyo bafana baba bambaye imyenda isa, gufana ngo byabagiriye akamaro cyane, kuko byanabahesheje amahirwe yo kwiga.

Kurikirana ikiganiro kirambuye bagiranye na Kigali Today “K.T”

Impanga zifana zambaye kimwe

K.T: muraho, mwatangira mutwibwira?

Impanga: turaho, njye nitwa Ahishakiye Elias “Gatoya” bampimbye Mbuye Twete. Njye nitwa Niyigaba Valens “Gakuru” bampimbye Kabaganga Twite.

K.T: mutuyehe se?
Impanga: twavukiye mu karere ka Gicumbi umurenge wa Manyagisi “Manyagiro”, akagari ka Remera, umudugudu Gasiza.

K.T: Murubatse se?

Impanga: cyane rwose, mu kwezi kwa 12/2014, nibwo twashatse abagore, tubashakira umunsi umwe, dukorera hamwe ubukwe, ibintu byashimishije abantu benshi. Ubu buri umwe afite abana babiri.

K.T: mufite ababyeyi se?

Impanga: yego ariko ni mama gusa

K.T: muri mwe ntawurabyara impanga se?

Impanga: oya

K.T: kuki mwahisemo kuba abafana b’ikipe ya Gicumbi?

Impanga: Birumvikana rwose, n’ikipe y’akarere tuvukamo, tugomba guharanira iterambere ry’iwacu, kandi tugenda tubigeraho.
>
K.T: mwavuze ko mutuye mu murenge wa Manyagiro, nikure cyane, ubwo mukoresha amasaha angahe muje gufana?

Impanga: kuko ari ibintu dukora dukunze, kandi natwe tukaba turi abasportif, bidutwara amasaha abiri n’igice tuba tugeze hano mu mujyi wa Byumba kandi tugafana nta kibazo dufite.

K.T: none se hanze mufana iyihe kipe?

Impanga: dufana ikipe ya Manchester

Niyigaba Valens Gakuru

K.T: iyo mufana, muba mwambaye imyenda isa, muyikurahe?

Impanga: tubyumvikanaho, umwe yaba yabonye amafaranga agategereza undi akabanza akayabona cyangwa ufite menshi akagurira rimwe.

K.T: mumaze igihe mufana, ese haricyo bibamariye?

Impanga: hahahaha, cyane rwose, igihe ikipe yacu yajyaga mu kiciro cya mbere, icyo gihe hari perezida w’abafaba witwa Origine, yari n’umuyobozi w’ishuri ry’imyuga VTC Kibari, yahise aduha amahirwe yo kuhiga kuko twitwaraga neza mu gufana, twiga iby’amazi, gusudira n’ibindi, gusa ntitwarangije kuko yahise yimurwa kuri cyo kigo.

Ikindi cya dushimishije, ni uko ubu iyo ikipe y’igihugu Amavubi ya kinnye, badutumaho tukajya gufana bakaduha akantu, muri CHAN y’ubushize twarayifannye kabisa, kandi turizera ko n’ibindi bizaza.

Ahishakiye Elias Gatoya

K.T: uretse gufana se nta kandi kazi mukora

Impanga: turi abahinzi, ariko tukanakora indi mirimo yo gushakisha nk’abasore

K.T: ariko umwaka ushize ngo mwarafunzwe babaziza kunywera Kanyanga ku kibuga, mwafunguwe bigenze bite?

Impanga: reka reka twararenganaga, kuko na n’iminsi itatu twamazemo, ahubwo abafana ba Royal Sports, nibo bari bayifite bayinywa, babafashe kuko twe twari dufite “swaga “ zirenze, baravuga ngo nitwe, ariko tugeze muri gereza twisobanuye neza, basanga atari twe baratureka turataha.

K.T: nonese mwe ntimujya mufana mwafashe ku kiyobyabwenge?

Impanga: wapi kabisa, twe ubusanzwe twinywera akagage, ariko iyo turi bufane nta na kimwe tunywa.

K.T: mwumva se muzafana kugeza ryari:

Impanga: kugeza igihe ikipe yacu izarangirira, uretse ko bitazanabaho.

K.T:Tugana ku musozo, n’iki mwasaba abandi bafana?

Impanga: turasaba abandi bafana, kubikora babikunze, kandi bagafata inzira imwe bakirinda kujarajara, kuko nibyo bizajya bibageza ku ntsinzi bifuza.

Ni impanga bakanakunda gufana hamwe

Iyo bafana bakoresha imbaraga nyinshi ngo bashimishe abakinnyi

Bashimishwa cyane n’abakinnyi bitwara neza mu kibuga

Gakuru na Gatoya bagaragara nk’abakundana cyane

Bamwe mu baturage bo muri Rulindo bagabiwe inka, abagera muri 500 ntazo bagifite

Umuyobozi wungirije w’Akarere ka Rulindo ushinzwe imibereho myiza y’abaturage, Gasanganwa Marie Claire avuga ko ibyo babimenye bagendeye ku isesengura bakoze guhera mu mwaka 2016 kugeza ubu. Ikindi ngo ni uko izitaragurishijwe zafashwe nabi zigapfa.

Agira ati “Ni ibintu bibabaje cyane, kubona woroza umuntu inka ngo imufashe kwivana mu bukene, yarangiza akayigurisha, agasubira aho yari ari.”

Akomeza avuga ko hamaze gufatwa ingamba zikomeye. Hashyizweho itsinda rihera mu mudugudu kugera ku karere, rigomba gukurikirana imitangire y’inka, hakarebwa uwayihawe uko ayifata.

Gasanganwa avuga kandi ko bakomeza kwihanganiriza inzego z’ibanze zagiye zigira imyitwarire mibi muri gahunda ya Girinka.

Tariki ya 01 Werurwe 2017, ubwo abafatanyabikorwa b’Akarere ka Rulindo bashyikirizaga abatishoboye inka 70, Padiri Nzabonimana Augustin, uhagarariye abikorera muri ako Karere ahamagarira abaturage gufata neza inka bagabirwa .

Agira ati “Ntidushaka kumva ko twabahaye inka, twava aha tugahurira nazo Nyabugogo cyangwa Congo (DRC)! Tuba tubagabiye ngo munywe amata, mubashe kugira imibereho myiza.”

Abagabiwe inka bahamya ko bo batazagwa mu ikosa bamwe mu bagabiwe inka mbere bakoze bagurisha inka bagabiwe cyangwa bazifata nabi; nkuko Kanzayire Esperance abivuga.

Iyi nzira yarafunzwe kuburyo nta modoka na moto byemerewe kuhanyura harindwa na Dasso

Ubuyobozi bw’uwo murenge bwo buvuga ko imodoka na moto ari byo byabujijwe kuhanyura gusa mu rwego rwo kurwanya magendu n’ibiyobyabwenge byahanyuzwaga.

Abaturage bo bavuga ko ibintu bikenerwa mu buzima bwa buri munsi, babikuraga i Kabare muri Uganda, bakabizana bifashishe uyu muhanda, batiriwe bazenguruka ngo bajye kunyura ku mupaka wa Gatuna.

Rukundo Thomas, avuga ko uyu muhanda mbere y’uko ufungwa wabafashaga cyane mu buhahirane, n’abaturanyi babo.

Agira ati “Mu mpera z’umwaka wa 2016, nibwo ubuyobozi bwafashe icyemezo cyo kuhafunga, ubu nta modoka ndetse na moto byemerewe kuhanyura, kandi ibyo binyabiziga nibyo byadufashaga mu kutuzanira amabati, ibirayi, amakara n’ibindi bicuruzwa bitandukanye.”

Akomeza avuga ko atabona ubushobozi bwo kujya kunyura ku mupaka wa Gatuna, kuko ari kure. Urugendo rwo kuhagera ngo ntirwajya munsi y’ibihumbi 20RWf.

Abaturage basaba ubuyobozi bw’uwo murenge kubafungurira uwo muhanda, ubundi bo bakajya bicungira umutekano.

Umwe muri abo baturage agira ati “Bawudufungurire, twe tuzajya twicungira umutekano, ndetse banaduhe inomero ya telefone, nitubona abinjiza ibitemewe, duhamagare abashinzwe umutekano.”

Umunyamabanga nshingwabikorwa w’Umurenge wa Kaniga, Bangirana Jean Marie Vianny we avuga ko uwo muhanda utafunzwe ko ahubwo icyo bahagaritse ari imodoka na moto zihanyura.

Agira ati “Nibyo koko hari umuhanda uduhuza n’abaturanyi ba Kabare, uyu muhanda rero, wakundaga kwifashishwa mu kwambutsa magendu, twafashe icyemezo cyo guhagarika imodoka zahanyuraga.

Ariko abaturage bo barahanyura nta kibazo. Twahashyize aba Dasso, baba bareba abaturage bava guhaha, bakaba bamenya icyo uwinjiye yinjiranye.”

Abaturage bavuga ko mbere yo gufunga uwo muhanda, hari hamaze igihe havugwa ko abashinzwe kuharinda, bahaga icyuho imodoka zizanye magendu n’ibiyobyabwenge zigatambuka.

Mufuti w’u Rwanda wungirije, Nshimiyimana Swalleh ashyikiriza umuyobozi w’Akarere ka Gicumbi sheki y’inkunga yo kwishyurira abatishoboye mitiweli

Iyo nkunga bayishyikirijwe na Mufuti w’u Rwanda wungirije, Nshimiyimana Swalleh ku itariki 30 Mutarama 2017.

Iyo nkunga bayitanze babifashijwemo na Ahyal AAsaf wo mu gihugu cya Arabia Saoudite giherereye ku mugabane w’Aziya.

Ubuyobozi bw’Akarere ka Gicumbi, bwishimiye cyane iyi nkunga, buvuga ko bigiye kubafasha kwesa umuhigo wa mitiweri; nkuko umuyobozi w’Akarere ka Gicumbi, Mudaheranwa Juvenal abivuga.

Agira ati “Umwaka ushize (2016) twawurangije dufite icyuho, ubu twari tumaze kugera kuri 87%. Murumva ko bitari byoroshye, yego ubu nubwo wenda tutazageza ku 100%, ariko tuzagera muri 90% bisaga, gusa ubukangurambaga n’ubundi burakomeza.”

Akomeza avuga ko ayo mafaranga bahawe azishyurira Mitiweli abatishoboye bakabakaba 9000. Ikindi ngo ni uko ayo mafaranga yamaze kugera kuri konti y’akarere. Agashimangira ko mu minsi micye abagomba kuyahabwa, azaba yamaze kubageraho.

Mufuti w’u Rwanda wungirije, Nshimiyimana Swalleh ashyikiriza umuyobozi w’Akarere ka Gicumbi sheki y’inkunga yo kwishyurira abatishoboye mitiweli

Mufuti w’u Rwanda wungirije, NShimiyimana Swalleh avuga ko idini ya Islam ifite intego yo kubungabunga imibereho myiza y’Abanyarwanda, ariko cyane cyane abatishoboye.

Agira ati “Turashimira cyane uriya muterankunga wacu, usanzwe udufasha mu bikorwa bitandukanye, ariko noneho ibi ni ibyagaciro cyane. Kuko yadushoboje kwifatanya n’abatishoboye tukaba tugiye kubungabunga ubuzima bwabo.”

Avuga ko iki gikorwa cyatangiye gutegurwa muri 2016 ubwo abo mu muryango wa Ahyal AAsaf, basuraga Abayisilamu bo mu Karere ka Gicumbi, maze bagatahana igitekerezo cyo gufasha abatishoboye bo muri ako karere.

Nsabigira Abdul, umunyeshuri wiga muri Arabia Saoudite, ibijyanye no gutegura abayobozi mu idini ya Islam, waje azanye iyo nkunga yatanzwe, avuga ko uyu muterankunga, yishimira cyane Abanyarwanda. Ngo ntazahwema gushyigikira imibereho myiza yabo.

Uretse iyo nkunga, uwo muterankunga avuga ko ngo azakomeza gufasha Akarere ka Gicumbi mu bikorwa bitandukanye, birimo kubaka Stade y’ako karere.

Ubuyobozi bwiyemeje kuzakomeza kuba hafi y’abunzi

Umugwaneza Alice n’umukozi wa Minisiteri y’ubutabera mu nzu y’ubujyanama mu by’amategeko mu Karere ka Gicumbi, MAJ, ashimangira ko kugeza ubu ibyaha byaganaga mu nkiko, byagabanutse.

Avuga ko byagabanutse ku kigereranyo cya 80%, uhereye igihe urwego rw’abunzi rwatangiriye mu mwaka 2004. Izi mpinduka zikaba zigaragara nyuma y’amahugurwa bagenda bahabwa.

Shirubute Joseph, n’umwunzi mu Murenge wa Ruvune mu Karere ka Gicumbi, ahamya ko ugereranyije n’uko akazi kabo katangiye, ubu hari intera bamaze gutera mu kunga abaturage, kandi ibibazo bigakemurwa neza.

Yagize ati “Dutangira, abantu ntibabyumvaga ndetse natwe ubwacu tutumva ibyo aribyo.

Ariko uko twagiye twegerwa n’inzego zitandukanye zikaduhugura, ubu rwose umurimo twiyemeje, tuwukora neza kandi ukabona abaturage baranyuzwe cyane”.

Abunzi barahugurwa bigatuma bakemura imanza neza

Umuyobozi w’Akarere ka Gicumbi wungirije ushinzwe imibereho myiza y’abaturage, Benihirwe Charlotte, avuga ko aba bunzi babitezeho byinshi, kubera ubumenyi bagenda bahabwa.

Avuga ko abunzi bagize uruhare rukomeye mu guhosha amakimbirane mu baturage, ku buryo abaturage batagisiragira mu nkiko.

Akavuga kandi ko ubuyobzi buzakomeza gukora ibishoboka byose, kugirango, abunzi bakomeze babone ubumenyi buhagije, mu kazi kabo biyemeje.

Aha abizeza ko mu rwego rwo kuborohereza ingedo bajya mu gukemura amakimbirane, mu minsi ya vuba bagiye guhabwa amagare.

Umukozi wa RCN Justice et Democratie, umuryango uha amahugurwa abunzi, Murerwa Seraphine, avuga ko igikorwa cyo kwita ku bunzi kizakomeza bakabahuza n’abanyamategeko b’umwuga.

Uretse abunzi, abandi bitabwaho n’abanyamabanga nshingwabikorwa b’imirenge n’utugari, kuko akenshi nabo bagira uruhare runini mu gukorana n’aba bunzi, mu gukemura amakimbirane.

Buri muntu ufite ubutaka agomba kububaruza akajya anabusorera

Aba baturage, bavuze ibi mu gihe hirya no hino mu gihugu, hari ubukangura mbaga bwo gushishikariza abaturage gusorera ubutaka bwabo, ibintu abaturage bavuga ko batumva neza.

Umusaza Sekimonyo Alphonse, atuye mu Murenge wa Kageyo, avuga ko kuva yabaho ubu aribwo yumvise abantu basoresha ubutuka.

Yagize ati “Kuva cyera, nzi umusoro w’umubiri sinigeze numva umusoro w’ubutaka dore uko ngana uko rwose”.

Kubwimana Ernest, nawe utuye muri uyu murenge, avuga ko adosobanukiwe n’umusoro w’ubutaka, gusa akavuga ko yagiye abyumva ariko atarawutanga.

Ati “Erega byanaduteye ikibazo, none se hari igihe baza bakakubwira amafaranga y’umusoro ugomba gutanga, wajya kureba ukabona baguciye umusoro ungana n’uwumuntu ukurusha ubutaka kure.
Aha ukareba ukuntu muzatanga umusoro ungana kandi amikoro atangana, ugahitamo kubyihorera”.

Kuri iki kibazo, abenshi mu baturage, bagaragaza ko kwaka uyu musoro, ari akarengane, kuko ngo bacibwa amafaranga y’umusoro batabasha kubona, ugereranyije n’ibyo bakura muri ubwo butaka.

Umukozi w’akarere, Ushinzwe imisoro n’amahoro k’ubutaka, Umuruta Jean D’Arc, yamaze impungenge abo baturage,avuga ko nta muturage ugomba kwishyura amafaranga angana n’ayundi.

Ati “Urabona, uko bigenda, niba umuturage afite ubutaka cyangwa ikibanza ahantu hakorerwa ubucuruzi, ntazishyura amafaranga amwe n’ufite ubutaka buri ahantu hakorerwa ubuhinzi”.

Uyu mukozi, akavuga ko inzira ikiri ndende mu kumvisha abaturage iby’iyi misoro, gusa akizeza ko bitewe n’ubukangurambaga bagenda bakora hirya no hino mu baturage, bazagera aho bakabyumva.

Ni ikibazo ubona ko hadashyizwemo imbaraga mu gusobanurira abaturage, benshi bajya bagifata nko kurenganywa, kuko baba bavuga ko ibyo bakora babikora kubera agahato.

Abakozi ba EUCL basangisha umuturage umuriro iwe mu rugo

Ni gahunda ubuyobozi bwatekereje nyuma yo kubona ko hari abaturage benshi baba bakeneye umuriro ariko batuye kure y’Umujyi wa Gicumbi aho icyicaro cya EUCL giherereye, kandi bafite n’ubushobozi buke bwo kwiyishyurira ingendo zijyana ibikoresho by’umuriro aho batuye.

Batangiza iki gikorwa mu Murenge wa Muko kuri uyu wa 18 Mutarama 2017, Umuyobozi wa UECL ishami rya Gicumbi, Nkundabakuze Furgence, yavuze ko uyu ari umuhigo bihaye wo kugira ngo bongere umubare w’abafatabuguzi b’umuriro muri aka karere.

Yagize ati “Tuzajya tumanukana ibikoresho dusange umuturage aho atuye, duhite tumuha umuriro atiriwe atanga amafaranga y’ingendo aza kudushaka.

Ikindi kandi abaturage tuzaha umuriro bazoroherezwa kwishyura iyi serivisi mu byiciro, aho kwishyurira rimwe ibihumbi 56000Fr ya Cash Power nk’uko byari bimenyerewe, bazajya bishyura 15000frw bahabwe umuriro, andi bayatange buhoro buhoro.”

Avuga kandi ko abaturage bishimiye iki gikorwa, kuko hari benshi bari barikuyemo indoto zo kuzacana amashanyarazi, kubera gutura kure cyane y’ibiro bya EUCL.

Nkundabakuze Furgence umuyobozi wa UECL Gicumbi ngo ibi barabikora kugirango buri muturage wese agerweho n’amashanyarazi

Nkuriyingoma utuye muri uyu Murenge avuga ko nibura kuva aho atuye ajya ku cyicaro cya EUCL byamutwaraga ari hejuru ya 10000Frw ajya gusaba umuriro.

Ubu ngo yishimiye ko atazongera kuyahomba kuko ubutaha bazamusanga iwe bakawumuha .

Biteganyijwe ko mu mirenge 21 igize Akarere ka Gicumbi, ingo 3000 zizagezwamo amashanyarazi, bakazinjira mu mwaka wa 2018, byibura 70% by’ingo bifite umuriro.

Ntamuturage uzongera kugorwa n’ingendo z’abamukorera umuriro azajya asangwa mu rugo

UECL imanukana ibikoresho mu baturage badategereje ko babasanga ku biro

Abajyanama bakora akazi gakomeye ko gufasha abaturage mu byerekeye n’ubuzima (Photo Internet)

Aya mafaranga yabo bavuga ko bayahombejwe n’ubuyobozi bw’ikigo nderabuzima cya Gisiza guhera mu mukwa wa 2013, ubwo bari mu mushinga wo kubaka inzu zo gucumbikamo kuri icyo kigo nderabuzima.

Bahereye ku mafaranga bagenerwa na Leta, aba bajyanama bafashe icyemezo cyo gukora umushinga wo kubaka amacumbi, ubundi akajya abinjiriza bakiteza imbere.

Nyuma yo kunoza uwo mugambi, bibumbiye muri Koperative "Komera ku Buzima", batangira gukora ibikorwa byo guhuriza hamwe amaboko batangira gusiza ikibanza cy’ahazubakwa amacumbi, nk’uko bishimangirwa na Muhawenimana Virginie, uyobora iyo Koperative.

Avuga ko bamaze gutangira ibi bikorwa mu kibanza baguriye, hahise haza umuyobozi w’ikigo nderabuzima cya Gisiza, Niyoyita Hussen, arabahagarika, ababwira ko ibyo barimo batazabishobora, abasaba kubanza gutanga isoko, kugira ngo bikorwe n’abafite ubwubatsi mu nshingano zabo.

Ati “Yaratubwiye ngo dushobora kuzabiryaniramo, avuga ko dushyiraho isoko abubatsi bakaza bakaripiganira, ubundi ngo amafaranga akajya asohorwa n’umucungamutungo w’iki kigo nderebazima, kuko ngo twe ntitwari kubibasha.”

Icyo gihe ngo abajyanama barabyemeye, bapiganisha isoko, ariko ngo nabwo sibo babigizemo uruhare, maze isoko ritsindirwa n’uwitwa Ntibazukobimeze Jose. Ati “Twaramwanze kuko ntawe twari tuzi ndetse ntaho tuzi yigeze yubakisha.”

Aba bajyanama bamaze kumwanga, ngo bategetswe na Niyoyita Hussen, ku mwemera, abizeza ko nta kibazo kizabaho, bazashyiraho ugenzura imirimo ikagenda neza. Baremeye imirimo iratangira.

Ibikorwa byo kubaka ayo macumbi ngo byagombaga kumara amezi abiri gusa, ariko ngo byageze mu kwezi kwa Gatanu 2013, kubaka birahagarara rwiyemezamirimo arayata aragenda.

Nyuma yo kumara igihe kinini izo nzu zirimo kwangirika, ngo uyu muyobozi w’ikigo nderabuzima yabazaniye undi mufundi ngo bagirane amasezerano mashya, banamwishyura amafaranga nubwo atigeze yishyura abo yakoresheje mu gihe gito yakoze.

Abanyamuryango ba koperative "Komera ku Buzima", bakavuga ko nubwo ikibazo bagishyikirije urukiko ariko bari mu gahinda, kubera gushaka gukora ibishoboka ngo biteze imbere, ariko bakabangamirwa n’ababashinzwe.

Niyoyita Hussen, umuyobozi wari umuyobozi w’Ikigo nderabuzima cya Gisiza,ariko utakikiyobora, kuko yajyanywe ku kindi kigo nderabuzima cyo mu Murenge wa Rutare, ahakana aya makuru yivuye inyuma, akavuga atazi uko bahombye.

Ati “Rwose abo bantu sinzi uko bahombye, kuko njye nabafashije uko nagombaga kubafasha, rero bimbeshyera rwose njye nta ruhare nabigizemo.

Umuyobozi w’Akarere ka Gicumbi Mudaheranwa Juvenal, avuga ko iki kibazo kiri mu rukiko, bityo ko nta byinshi yakivugaho, ahubwo abantu bakwitonda inkiko zikaba arizo zizashyira ahagaragara ukuri.

Aba bajyanama b’ubuzima, bavuga ko uretse izi Miliyoni 40Frw bahombye, ko bari banafite ubworozi bw’ingurube bukomeye, izigera kuri 68 zigapfa, kuko zitabonaga ibyo zirya bitewe n’uko konte yabo yari yarafunzwe kubera imanza barimo.

Nubwo abagore babona amafaranga menshi ngo ntibayagiraho urahare.

Aba bagore bavuga ko bamaze kumenya agaciro ko k’ifaranga no guhaguruka bagakora bakishakamo ubushobozi ntawe bateze amaboko, byatumye babasha kwibumbira mu matsinda kugira ngo bazamurane.

Kwibumbira mu matsinda, babigezeho babifashijwemo n’abafatanyabikorwa batandukanye, kuri ubu ngo bamaze kugera ku rwego rushimishije, mu kubaka ingo zabo no gueteza imbere igihugu.

Gusa ngo nubwo bakora batya bakabasha kubona amafaranga biturutse ku bwizigame baba bakoreye mu matsinda, amafaranga babona akenshi ntibayagiraho urahare, kuko iyo bayagejeje mu ngo zabo amakimbirane agatangira kuvuka abagabo bashaka kuyagiraho ijambo.

Muberarugo Console, atuye muri uyu Murenge wa Muko, we kimwe na bagenzi be, bavuga ko bamaze kumenya gukorera amafaranga, kubera guhuriza hamwe bakizigama mu matsinda.

Agira ati “Akenshi biraba pe! Umudamu yaba yafashe amafaranga mu itsinda, yayageza murugo ntayagireho ijambo, ugasanga umugabo niwe ushaka gutegeka uko acungwa, rimwe narimwe akayafata akayajyana mu kabari, umugore yareba nabi agakubitwa.”

Aba bagore basaba ko abagabo nabo bakwiye gushishikarizwa kujya mu matsinda, bakabasha kwiteza imbere badategereje amafaranga abagore baba baragiye bizigamira.

Abagabo batuye muri uyu murenge, bo ntibakozwa ibyo kwibumbira mu matsinda, kuko ngo basanga amatsinda yarazaniwe abagore gusa.

Mwiseneza Claude, avuga ko yemera ko abagore babo basigaye babarusha amafaranga, kuko bafite uburyo bwo kuyabonamo. Akavuga ko abagabo bo bitaborohera kwibumbira mu matsinda.

Umuyobozi w’agateganyo w’Umurenge wa Muko Ntakirutimana Emmanuel, avuga ko ubu batangiye ubukangurambaga kuri aba bagabo, kugira ngo nabo bashobore kwiteza imbere.

Avuga ko iterambere ry’urugo ritagomba kureba abagore gusa, ariko akizera ko mu gihe gito aba bagabo nabo bazaba bamaze kumenya agaciro ko kwizigamira binyuze mu matsinda.

Minisitiri w’Intebe ubwo yifatanyaga n’abanyagicumbi mu muganda wo gutera igiti. Yabasabye kurengera ibidukikij bitabira gutekesha Gaz

Yabivuze ubwo yifatanyaga n’abaturage b’umurenge wa Bukure mu Karere ka Gicumbi, mu gikorwa cy’umuganda rusange usoza ukwezi kw’Ugushyingo 2016.

Nyuma y’umuganda yabwiye abaturage ko mu rwego rwo kurengera ibidukikije, birinda kwangiza amashyamba bayakuramo inkwi n’amakara byo gucana, bakwiye gukoresha Gaz.

Agira ati “Uretse ko mutabisobanukiwe, ariko n’uburyo bushya kandi bwiza, kubera izo mpamvu, Leta yanakuyeho imisoro yazo (Gaz) kuko ubu zinjizwa mu gihugu ku buntu, bityo bigatuma zihenduka cyane, ugereranyije no gukoresha inkwi cyangwa amakara.”

Akomeza akangurira buri munyarwanda wese gutinyuka gukoresha Gaz kuko uretse kuba ihendutse ihisha vuba ibiryo, ituma kandi uyikoresha agira isuku.

Minisitiri w’Intebe avuga ko abantu bakomeje gucana inkwi n’amakara byatuma byakururira igihugu ubutayu n’izindi ngaruka mbi ku buzima bw’abaturage.

Imibare igaragaza ko kuri ubu Abanyarwanda babarirwa muri 90% bacana inkwi n’amakara. Ariko Leta y’u Rwanda yihaye gahunda yo kugabanya uwo mubare ukagera kuri 50%.

Niyo mpamvu ngo hari gukwirakwizwa Gaz mu byaro ndetse no mu mijyi.

Gusa ariko mu byaro usanga abaturage bavuga ko batabuzi Gaz ndetse n’uburyo ikoreshwa; nkuko Kubwimana Claude utuye muri Gicumbi abisobanura.

Agira ati “Jyewe mbyumva ku maradiyo ariko izo Gaz sindazibona sinzi ngo zinakoreshwa gute. Gusa babidusobanuriye tukabibona, natwe ntitwakwanga kugana iryo terambere.”

Kubera iyo mpamvu inzego z’ubuyobozi n’izabikorera zirasabwa gusobanurira abaturage ubwiza bw’ubu buryo bushya, buzafasha mu gutuma ibidukikije bidahungabanywa.

Leta y’u Rwanda ifite ingamba zo kuba yateye amashyamba ahangana na 30% by’ubuso bw’ubutaka bitarenze umwaka wa 2018. Kugeza ubu ahamaze guterwa ahangana na 29’6%.

Imyanda yo mu kimoteri iramanuka ikajyana imyanda mu iriba bavoma

Abatuye aha, bahamya ko, bamaze iminsi bavuza abana babo indwara z’impiswi, kubera amazi mabi y’aha hantu bakoresha, ndetse n’abakuru ngo nabo ntibasiba kwa muganga.

Urwabahizi Olivier, avuga ko amazi y’iri riba, bayakoresheje kuva kera ntibagire ikibazo, ariko ngo aho iki kimoteri kigereye aha, amazi yaranduye cyane.

Yagize ati “Turababaye cyane, ubu abana bacu ntibagisiba kwa muganga cyane cyane mu bihe nk’ibi byimvura.Turasaba ko hagira igikorwa tukava muri aka kaga tugiye kumarana umwaka”.

Bagenzi be batuye hafi y’iki kimoteri, bahamya ko bateka ibiryo, ariko bikajya gushya byahinduye ibara kubera amazi mabi baba bakoresheje.

Ubuyobozi bw’akarere ka Gicumbi, bwisegura kuri aba baturage, buvuga ko biterwa na rwiyemezamirimo bahaye akazi ko kujya atunganya iki kimoteri, ariko we agakora ibyo batumvikanye.

Amazi aba yamaze kwanduzwa n’ikimoteri barayavoma bakajya kuyakoresha

Umuyobozi w’aka karere Mudaheranwa Juvenal, avuga ko hari harateganyijwe uburyo bwo kwita kuri iki kimoteri ku buryo imyanda itabangamire abaturage.

Ati “Twumvikanye ko azajya akusanya imyanda yose, akabanza akayivanguramo ibora n’itabora, ibora akayishyira mu myobo yahacukuwe, kuko indi iba igomba kubyazwamo undi musaruro.
We ariko aragenda akabivangurira ku kimoteri, bikagira ingaruka ku buzima bw’abaturage”.

Mudaheranwa n’ubwo atavuga igihe nyacyo bihaye ngo iki kibazo kibe gikemutse, avuga ko bahamagaje uyu rwiyemezamirimo bumvikana ko nadahindura imikorere, bazasesa amasezerano bagiranye.

Abaturage bakoresha aya mazi, bavuga ko nta kundi babigenza kuko ahandi bashobora kuvoma byabasaba byibura gukora urugendo rw’amasaha abiri.

Gasanganwa Marie Claire avuga ko Ubushakashatsi bwakozwe n’Akarere ka Rulindo, bugaragaza ko abana 170 batujuje imyaka 18, batewe inda z’imburagihe.

Abaturage bo muri aka Karere bavuga ko icyihishe inyuma y’uko gutwita imburagihe ari ibishuko by’ abahinzi b’icyayi, ndetse n’abacukuzi b’amabuye y’agaciro bakorera muri aka Karere.

Iyakaremye Claude w’imyaka 61 utuye mu Murenge wa Kisaro, agira ati “Aba bakozi bashukisha abana icyayi n’amandazi, bikarangira babasambanyije bakabatera inda”.

Mukamwambutsa Viviane na we wo muri aka gace, avuga ko n’ikinyabupfura cy’abana cyabaye gike, ku buryo batacyumvira ababyeyi ahubwo bumvira abahisi n’abagenzi babaganisha mu bishuko.

Ati “Birababaza kuba warikokoye ugashaka udufaranga ngo wishyurire umwana ishuri, ejo ukabona aje ahetse inda. Wumva ubuze aho ugana,ukemera urwaje”.

Ubuyobozi bw’aka Karere buvuga ko ubu bushakashatsi bugikomeza bwakorewe mu mirenge 17 igize aka Karere, bukavuga ko buhangayikishijwe nuko, iyi mibare ishobora kwiyongera.

Gasanganwa Marie Claire Umuyobozi wungirije ushinzwe imibereho myiza muri aka Karere agira ati “Turacyakomeje ubushakashatsi, gusa nyuma yabwo tuzatangiza ubukangura mbaga dufata ingamba kuri iki kibazo”.

Abana bahuye n’iki kibazo bagira inama bagenzi babo zo kwirinda bahakanira ababashuka.

Umwe muri bo, utivuje ko amazina ye atangazwa yagize ati “ Bakobwa bagenzi banjye, njye nashutswe n’umuntu nisanga natwaye inda ntaruzuza imyak 18.
Nimwirinde bariya bantu bo mu dusantire babashukisha amandazi n’icyayi”.

Hamenwe ibiyobyabwenge bifite agaciro karenga miliyoni 21RWf

Uwo muhango wabereye mu kagari ka Yaramba, mu murenge wa Nyankenke, ku itariki ya 09 Ugushyingo 2016.

Ibiyobyabwenge byamenwe harimo Kanyanga, Chief Waragi, Zebra Waragi, African Gin, Urumogi, Mayirungi n’ibindi. Byamenewe imbere y’abaturage babarirwa mu magana.

Ubuyobozi bw’akarere ka Gicumbi busaba abaturage kumenya ingaruka mbi z’ibiyobyabwenge buzima bwabo n’ubukungu.

Benihirwe Charlotte, umuyobozi w’akarere ka Gicumbi ushinzwe imibereho myiza y’abaturage, yakanguriye abaturage kubyirinda yibanda ku rubyiruko kuko akenshi arirwo usanga rubyishoramo.

Spt Steven Gaga, uyobora Polisi y’igihugu mu karere ka Gicumbi yahwituriye abaturage gufatanya n’inzego z’umutekano hatangirwa amakuru ku gihe, mu rwego rwo guhangana n’abinjiza ibyo biyobyabwenge mu Rwanda.

Ibi biyobyabwenge byangirijwe imbere yabaturage

Abaturage bahamya ko benshi muri bo bamaze kumenya ingaruka z’ibiyobyabwenge kuko hari bamwe muri bafunze bazira ku byijandikamo.

Bakomeza bavuga ko ibiyobyabwenge byose bigaragara muri ako karere bituruka muri Uganda bizanwe n’abo bita Abarembetsi, baziho kubyikorera babikuye muri icyo gihugu.

Igitabo cy’amategeko ahana y’u Rwanda, handitsemo ko ufatanywe ibiyobyabwenge, ahanishwa kuva ku mwaka umwe kugera ku myaka itatu y’igifungo, agatanga n’ihazabu iva ku mafaranga y’u Rwanda ibihumbi mirongo itanu kugera kuri 250RWf.

Iki kimoteri kiri hagati y’amazu y’abaturage.

Iki kimoteri giherereye mu Mudugudu wa Gashara Akagari ka Kinyami. Iyo ukigezeho usanga kiri mu ngo z’abaturage zisaga 20, ugasanganirwa n’umunuko, amasazi atumuka, amazi anuka, impu zinuka n’indi myanda myinshi. Munsi yacyo neza ku buryo mu mvura imyanda ihamanukira.

Munsi yacyo kandi, hari ahantu hari agataba hakunze kubamo amazi, ku buryo ariyo abaturage bakoreshaga. Ariko kuva aho iki kimoteri kihazaniwe, ngo nta muntu upfa kuhavoma, kuko amazi yabo yamaze kwanduzwa nacyo.

Imyanda ihazanwa ituruka mu ngo z’abaturage, mu masantire atandukanye ndetse n’umujyi wa Byumba.

Abahaturiye, bavuga ko mu bihe by’imvura aribwo bakunze guhura n’ibibazo bikomeye cyane. Kuko imvura igwa amazi akavamo ashokera aho bavoma. Bakavuga ko ubu abana babo batangiye kurwara impiswi, bamwe batakirya bisanzuye kubera umunuko ndetse n’amasazi.

Abaturage bavuga ko kibahangayiikishije cyane.

Aba baturage bavuga ko iki kibazo bagiye kukimarana umwaka bahanganye nacyo, ariko hakaba nta gihinduka, kuko ubuyobozi ngo bwagiye bubizeza kenshi kugicyemura ariko bikananirana.

Nyirarupapuro Veridiyana, atuye neza hafi y’iki kimoteri. Arimo guhinga iruhande rwacyo, asobanura ko ubu babayeho mu buzima bubi cyane, kubera ko iyo kimenwemo imyanda, imvura ikagwa umunuko abasanga mu ngo zabo ku buryo hari n’abatabasha kurya.

Agira ati “Imodoka zizana iyo myanda, usanga huzuyemo amayezi, amagufa, impu n’ibindi byaboze. Ugasanga imbwa zibyirukankana hano hanze cyangwa ibisiga bigaterura nk’izo mpu zikabijugunya hejuru y’amazu yacu, ubundi umunuko ukatwibasira koko.”

Uyu mubyeyi akavuga ko ubu basigaye bafite impungenge z’ubuzima bwabo cyane cyane abana. Dore ko ngo iyo imvura iguye, amazi bavuma yuzuramo imyanda ituruka muri iki kimoteri.

Urwabahizi Olivier, we avuga ko ubuyobozi bw’akarere ka Gicumbi mbere y’uko bashira iki kimoteri aho, bwari bwabijeje kubabarira imitungo yabo ihari, bakayishyurwa hanyuma bo bagashaka ahandi bimukira. Gusa ngo ibi siko byagenze, kuko bategereje bakaba barahebye.

Gusa bagashimangirako baramutse babariwe bakahimuka, bashaka aho bajya kuba heza, kuko aha ngo ubuzima bwabo buri mu kaga gakomeye.

Ubuyobozi bw’akarere ka Gicumbi, bwemeranya n’ibyo abaturage bavuga, gusa bugatanga icyizere kuri aba baturage, ko bakwiye kwihangana kuko bitarenze uyu mwaka, iki kibazo kizaba cyabonewe umuti.

Umuyobozi w’akarere ka Gicumbi, wungirije ushinzwe imari n’iterambere ry’ubukungu Muhizi Jules Aimable, avuga ko iki kibazo kibaraje ishinga.

Ati “twamaze gukora inyigo yacyo ndetse dufite umushinga wa Water for People wamaze kutwemerera inkunga ya miliyoni imwe y’amadorali, kandi murabizi ibikorwa nka biriya bihenda cyane.

Ubwo twamaze kubona iyi nkunga, ndabizeza mbaha icyizere ko uyu mwaka iki kimoteri kizaba cyatunganyijwe ku buryo bunogeye buri wese.”

Uyu muyobozi agasaba abaturage ko baba bihanganye, ndetse n’abagaragara ko babangamiwe cyane, bazahavanwa bagatuzwa ahandi, kugira ngo ubuzima bwabo bukomeze kuba bwiza.

Gusa ngo iki kimoteri, kikaba cyitezweho kuzateza imbere abaturage nikimara gutunganywa neza, kuko imyanda ihamenwa izajya ibyazwa umusaruro n’abaturage bakahabona imirimo itandukanye.

Umuyobozi wa Water for People atangiza igikorwa cyo guha abaturage amazi meza mu murenge wa Manyagiro

Byatangajwe ubwo umushinga “Water For People” ufatanyine n’ubuyobozi bw’Akarere ka Gicumbi bafunguraga ku mugaragaro ibikorwa byo kubaka uwo muyoboro w’amazi uzaba ufite ibilometero 21, tariki ya 03 Ugushyingo 2017.

Eleanor Ellen, Umuyobozi w’umushinga “Water For People” ku Isi, watanze inkunga yo kubaka uwo muyoboro w’amazi, avuga ko bishimira kubona umuturage abayeho mu buzima bwiza. Kandi ntawagera ku buzima bwiza adakoresheje amazi meza.

Yijeje abatuye Umurenge wa Manyagiro ko uwo muyobora w’amazi bagiye kubakirwa uzabageraho bidatinze kuko ngo ibyo uwo muryango wiyemeje ubigeraho kandi vuba. Uwo muyoboro uzuzura utwaye miliyoni 756RWf.

Abaturage bo mu Murenge wa Manyagiro bavuga ko bishimiye cyane kuba bagiye kujya bakoresha amazi meza, kandi bakayakura hafi yabo. Ubusanzwe ngo bakoreshaga amazi mabi kandi bavoma kure.

Eleanor Ellen yijeje abaturage ko imvugo izaba ingiro

Nzeyimana Aloys avuga ko bakoraga urugendo rw’isaha imwe n’amaguru bajya kuvoma. Ibyo ngo byatumaga abana bakerererwa ishuri cyangwa bakarisiba.

Agira ati “Turishimye cyane ku buryo utabyumva, kuko tugiye kugira ubuzima bwiza pe, kuko nta kongera kuruha dukora ingendo ndende”.

Umunyabanga nshingwabikorwa w’Intara y’Amajyaruguru, Kabagambe Deo asaba abo baturage gufata neza uwo muyoboro w’amazi kugira ngo hatazagira uwangiza.

Akarere ka Gicumbi kari mu turere tutagira amazi meza. Kugeza ubu ngo abaturage bagerwaho n’amazi meza ku buryo buhoraho babarirwa kuri 45%. Naho abagerwaho n’isuku n’isukura bakaba ari 33%.

Gusa ariko umushinga “Water for People” ufite intego yo kugeza amazi meza mu mirenge yose igize Akarere ka Gicumbi uko ari 21.

Uwo mushinga ngo ufite amafaranga angana na miliyari 45RWf, azashorwa mu bikorwa by’amazi, isuku n’isukura mu gihe cy’imyaka itanu muri ako karere.

Iyi Twegerane niyo yari itwaye abanyeshuri barindwi bajyaga mu biruhuko

Iyo mpanuka yabaye mu gitondo cyo kuri uyu wa kane tariki ya 03 Ugushyingo 2016.

Abo banyeshuri bayikomerekeyemo ni abiga mu kigo cy’amashuri cya “Notre Dame du Bon Conseil Byumba”. Iyo mpanuka kandi yakomerekeyemo abandi bantu babiri,bose bajyanwe kuvurirwa mu bitaro bikuru bya Byumba.

Iyi Coaster ngo yagonzwe na Twegerane yayisanze mu mukono wayo

Iyo mpanuka yabaye ubwo imodoka itwara abagenzi izwi nka Twegerane yajyaga mu Murenge wa Rutare ivuye mu Mujyi wa Gicumbi, yagonganaga na Coaster y’ikompanyi itwara abagenzi yitwa Virunga, yavaga i Kigali ijya mu Mujyi wa Gicumbi.

Ababonye iyo mpanuka, bemeza ko yatewe n’umuvuduko mwinshi wa Twegerane, watumye ita umukono wayo igasatira Coaster ikayigonga. Iyo twegerane niyo yari itwaye abo banyeshuri bakomeretse.

Abanyamakuru bafotora biyemeje gukorera hamwe

Kigali Today Ltd yabahaye amahugurwa mu bihe bitandukanye, ku bufatanye n’Ikigo cy’igihugu giteza imbere imyuga n’ubumenyingiro (WDA).

Tariki ya 28/10/2016, nibwo aba banyamakuru bahuye n’izindi nzego z’itangazamakuru zirimo urwego rw’itangazamakuru kwigenzura (RMC) n’ishyirahamwe ry’abanyamakuru mu Rwanda (ARJ), bazereka ko bishyize hamwe bagamije kugaragaza isura nzinza y’u Rwanda binyuze mu mafoto.

Bashinze umuryango witwa “PIRO” (Power of Image Rwanda Organization) kugira ngo amahugurwa bahawe bayabyaze umusaruro, bafotora kinyamwuga; nkuko Mutangana Emmanuel, umuyobozi w’uwo muryango abisobanura.

Agira ati “Urabona, twatekerejweho, dutangwaho amafaranga menshi. Rero natwe uyu mugisha twagize, turashaka uko tuwubyaza umusaruro, kugirango abatugiriye icyizere, babone ko batavunikiye ubusa.

Kandi turabizeza ko bizagenda neza cyane, kuko turimo kuganira n’inzego zitandukanye zizadufasha kuduha umurongo ngenderwaho uhamye.”

Umuyobozi wa PIRO avuga ko bifuza kubyaza umusaruro ubumenyi bahawe

Akomeza avuga ko kandi bitazagarukiraho kuko banashaka kongera umubare w’abifuza gukora umwuga wo gufotora.

Mugisha Emmanuel, umunyamabanga nshingwabikorwa wa RMC, yabwiye abo banyamakuru ko bagize igitekerezo cyiza, kuko bigiye guca akajagari kabaga muri uyu mwuga.

Yakomeje abibutsa ko bagomba kubaha no kumenya itegeko rigenga umwuga w’itangazamakuru kuko nabo ribareba.

Yabahwituriye kwitwara nk’abanyamwuga, barangwa n’isuku, ubunyangamugayo, gukorana neza n’inzego zishinzwe umutekano igihe bari mu kazi kabo ko gufotora.

Muganwa Gonzague umunyamabanga nshingwabikorwa wa ARJ yizeza aba banyamakuru ubufatanye

Gonzague Muganwa, umunyamabanga nshingwabikorwa wa ARJ yijeje aba banyamakuru ko bazabafasha haba mu bitekerezo n’amikoro kugira ngo umwuga wo gufotora ugire agaciro gakomeye mu Rwanda.

Kigali Today Ltd, ibifashijwemo na WDA, imaze guhugura abanyamakuru bafotora basaga 75, muri gahunda ya Kora Wigire “NEP”.

Muri Kirengeri Ikiryabarezi bagikinira ahantu hihishe

Tariki ya 27 Nyakanga 2016, nibwo MINICOM yasohoye itangazo rigaragaza ko iyi mikino ihagaritswe mu buryo bw’agateganyo, nyuma yo kubona ko ikinwa mu buryo butemewe n’amategeko.

Gusa n’ubwo yari yahagaritswe, abaturage bo mu kagari ka Kirengeri mu Murenge wa Byimana Akarere ka Ruhango, bakomeje gutakamba bagaragaza ko ntacyakozwe kuko iyi mikino igikinwa.

Umwe mu baturage bakorera mu gasantite ka Kirengeri utifuje ko amazina ye atangazwa, avuga ko ikiryabarezi bagishyize mu nzu ikorerwamo ubucuruzi mu cyumba kihishe cyane.

Ngo umuntu uje muri iyo nzu yigendera, ntashobora kumenya ko hakinirwamo ikiryabarezi.

Yagize ati “Biracyaduhangayikishije. Injira muri iriya nzu urebe urubyiruko rurunzemo”.

Ibi biryabarezi ngo ni iby’abashinnwa, uyu uri mu idirishya niwe ushinzwe kubirinda ari kubaha amafaranga aba yacuruje mu bwihisho.

Uretse muri aka gasantire ka Kirengeri kagaragaramo ikiryabarezi kimwe, n’utundi dusantire ngo birahari ariko ababikora babikina mu ibanga.

MINICOM yihanangiriza abakigurisha iyi mikino mu ntara. Ivuga ko yemereye gusa ikigo kimwe cy’ubucuruzi gikorera mu Mujyi wa Musanze na Rubavu, ahandi bemerwe ari mu Mujyi wa Kigali gusa.

Mushimire Claude ushinzwe serivise z’ itezambere n’ inganda muri MINICOM ati” Abemerewe bagomba gukorera ahantu habona, ntibyemewe gukorera mu bwihisho”.

Mushimire avuga ko mu itangazo MINICOM yasohoye yasabaga inzego zibanze gukurikirana iki gikorwa ntibagire uwo bemerera gukora.

Ati” Ubu tugiye kongera gufatanya nabo, dushyire imbaraga mu guhashya abo babikorera mu bwihisho”.

Mbere y’uko iyi mikino ihagarikwa mu ntara, ubuyobozi bw’Akarere ka Ruhango bwari bwafashe ingamba zo guca ibi biryabarezi, ndetse hamwe na hamwe byari byatangiye gukusanywa bikarundwa ahantu hamwe.

Imibiri yakuwe mu mirima y’abaturage yashyinguwe mu cyubahiro

Iyi mibiri ngo yatahuwe mu mirima y’abaturage, nyuma y’ amakuru yatanzwe n’abagororwa bafungiye muri gereza ya Miyove yo muri aka Karere.

Umuhango wo gushyingura iyi mibiri mu cyubahiro wabaye kuri uyu wa Gatandatu tariki ya 15 Ukwakira 2016, mu rwibutso rwa Jenoside rwa Rusiga .

Muri uyu muhango umuyobozi w’Akarere ka Rulindo Kayiranga Emmanuel, yashimiye abatanze amakuru kuri iyi mibiri, anasaba abagitsimbaraye kubireka bakagaragaza ahajugunywe imibiri igashyingurwa mu cyubahiro.

Yagize ati” Kugaragaza ahajugunywe imibiri igashyingurwa mu cyubahiro ni igikorwa gikwiye gushimirwa, ahubwo abatabikora barebereho”.

Uyu muhango witabiriwe n’abayobozi batandukanye muri Rulindo

Bampire Thaciene wari uhagarariye imiryango yashyinguye ababo, yashimiye akarere ko kadahwema gukora ibishoboka byose kugirango imibiri y’abazize jenoside yakorewe abatutsi ibone kandi ishyingurwe mu cyubahiro.

Ati “ Biratuneza cyane kuko hano tubashyinguye tuhafata nko murugo. Ibi bituma tugenda tukazongera tukagaruka tukabasura tukumva turi kumwe. rwose ubuyobozi turabushimira cyane”.

Rubayira Eric uyobora Ibuka muri aka Karere, yasabye abarokotse Jenoside gukomeza kuba hafi y’abafite integer nke, kugirango babafashe gutera imbere.

Ati “ Nyuma y’imyaka 22 Jenoside yakorewe abatutsi ibaye, abacitse ku icumu ryayo bari kugenda biyubaka, ariko bagomba no kuzamurana ntihagire usigara inyuma”.

Depite Mukantaganzwa Pelagie wari umushyitsi mukuru muri uyu muhango, yihanangirije abantu bakigaragaraho

Ati “ Umuntu izajya igaragaraho nta kubabarirwa kuko n’itegeko twamaze kuritora”.

Hon Mukantaganzwa Pelagie yihanangirije abakirangwaho ingengabitekerezo ya Jenoside

Iyi mibiri yashyinguwe mu rwibutso rwa Jenoside rwa Rusiga, yasanze indi ibihumbi bisaga bitandatu, yari isanzwe ihashyinguye.

Ubu mu karere ka Rulindo kose, hamaze gushyingura mu cyubahiro imibiri isaga ihumbi 18.

Bishimiye umwanya wa kabiri ariko ngo bazaruhuka bageze ku wa mbere

Batangaza ibi nyuma y’uko mu mihigo ya 2015-2016 baje ku mwanya wa kabiri mu turere 30 tugize u Rwanda, bavuye ku mwanya wa 14 bari bajeho mu mihigo ya 2014-2015.

Umurerwa Claudine, utuye mu murenge wa Rushaki, avuga ko we na bagenzi be bishimiye umwanya wa kabiri babonye, ariko agashimangira ko banyotewe n’umwanya wa mbere.

Agira ati “Kuva nabaho, nibwo mbonye igikombe mu karere kacu, niyo mpamvu twumva ko tugomba gukora ibishoboka byose umwanya wa mbere nawo tukawugeraho”.

Mugenzi we witwa Mbarushimana Paul avuga ko imihigo y’akarere bagiye kuyigira iyabo, bagatangira ubwisungane mu kwivuza ku gihe, bagakoresha imbaraga zose kugira ngo bagere kubisabwa byose ngo akarere kaze ku mwanya wa mbere.

Abaturage b’umurenge wa Rushaki beretswe igikombe bahamya ko biteguye gukora ibishoboka bakaza ku mwanya wa mbere

Abaturage basaba ko abayobozi bamanuka bakabegera, bakabereka imihigo bahigiye imbere ya Perezida, ubundi nabo bakayishyira mu bikorwa.

Ubuyobozi bw’Akarere ka Gicumbi, buvuga ko imbaraga bwakoresheje kugirango buze ku mwanya wa kabiri, zari nke ugereranyije nizo bagiye gukoresha mu mihigo ya 2016-2017. Bikabaha icyizere ko umwanya wa mbere ari uwabo.

Mudaheranwa Juvenal, umuyobozi w’Akarere ka Gicumbi, avuga ko bimwe mu byatumye baza ku mwanya wa kabiri, ngo byatewe n’ubwumvikane ndetse no gukorera hamwe na komite nyobozi n’izindi nzego.

Akavuga ko iyi mikoranire ariyo bazabanza gushyiramo imbaraga, mbere y’uko hagira ibindi bikorwa. Ubundi bakamanuka bakegera abaturage bakabereka imihigo yabo bakayigiramo uruhare mu kuyesa.

Bimwe aka karere kiteguye guhangana nabyo ngo kaze ku mwanya wa mbere, harimo kurwanya umwanda, guha amazi meza abaturage, guca ruswa n’akarengane no kugabanya umubare w’abana bata ishuri.

Umugabo wo muri Gicumbi yishe umugore we nawe arangije ariyahura arapfa

Byabaye mu ijoro rishyira tariki ya 07 Ukwakira 2016, mu mudugudu wa Kabuga, Akagari ka Kaduha, umurenge we Nyamiyaga.

Sindabyemera Jean Baptiste, umukozi ushinzwe irangamimerere mu murenge wa Nyamiyaga, avuga ko bamenye amakuru y’urupfu rw’abo banyakwigendera mu ma saa cyenda za mugitondo ku itariki 07 Ukwakira 2017.

Gusa ariko ngo mbere yuko babimenya, abana babo babanje gutabaza, bavuza induru babona ababyeyi babo bari kurwana ariko habura abaturage batabara.

Sindabyemera avuga batamenye icyaba cyateye Twizeyimana kwica umugore we. Ariko ngo uyu mugabo yari arwaye munda kuburyo ngo yari yarihebye kuko yari yarivuje ahantu hatandukanye adakira.

Uyu muyobozi asaba abaturage kugira umuco wo gutabara kuko ngo utwana twatabaje cyane habura utabara, abatabara baza uwo mugabo yarangije kwica umugore we no kwiyahura

Twizeyimana wari ufite imyaka 30 y’amavuko n’umugore w’imyaka 24, bashyinguwe kuri uyu wa gatanu tariki ya 07 Ukwakira 2016. Basize abana babiri, umuhungu n’umukobwa.

Nshimyumukiza Richard arateganya gutunganya isambu ye yasubijwe

Nshimyumukiza w’imyaka 33, avuga ko yari amaze imyaka irenga 14 aburana imitungo y’ababyeyi be,ikibazo kidakemuka.

Avuga ko yigiriye inama yo kwegera itangazamakuru, agana Kigali Today, akorerwa ubuvugizi, tariki ya 25 Gicurasi 2016.

Nshimyimukiza akomeza avuga ko nyuma y’aha ikibazo cye cyakurikiranywe byimbitse, kirakemuka, asubizwa isambu ye tariki ya 26 Nzeli 2016.

Yagize ati “Ndababwiza ukuri, abantu babyanga babyemera, itangazamakuru n’ijwi rya rubanda peee, narishimye nsubizwa agaciro na Kigali Today.

Gusa ikimbabaza sinzi ahantu ikorera nari kuzagenda nkapfukama imbere y’ubuyobozi bwabo nkabashimira. Ariko n’ubu ndabasabira imigisha iva ku Mana”

Nshimyumukiza wamugariye ku rugamba, akagirwa imfubyi na Jenoside yakorewe abatutsi, ikibazo cye cyari isambu y’ababyeyi be yagurishijwe na Nyirarume ku buryo butemewe, agasigarira aho.

Avuga ko inkuru y’iki kibazo imaze kujya ahagaragara, inzego zitandukanye zahise zikinjiramo, gishyikirizwa abunzi b’umurenge wa Bweramana.

Inteko y’abunzi nyuma yo kumva impande zombi, yanzuye ko ahabwa imitungo y’iwabo, hanyuma uwari warayiguze agakurikirana uwayimugurishije biteme n’amategeko.

Nyuma y’iki cyemezo cy’abunzi, avuga ko atiyumvisha uburyo cyakemutse n’ukuntu yari yaragerageje bikananira. Gusa akemeza ko cyashyizwemo imbaraga nyuma yo gutangazwa.

Avuga ko agaciro ahawe, agiye kukabyaza umusaruro, iyi sambu akayitunganya ndetse akanashyingura ababyeyi be mu cyubahiro.

Amatsinda yo kurwanya umwanda yatumye bagira isuku mu ngo

Kalimba Vital wo mu umurenge wa Ntarabana, ashimangira ko mu mezi atandatu amaze yinjiye mu itsinda ryo kurwanya umwanda mu mudugudu atuyemo, hari byinshi byahindutse.

Yagize ati” Aho abayobozi batwegereye bakaduhugura mu kurwanya umwanda, ubu ugeze iwanjye ubona itandukaniro na mbere bataraduhuriza muri za clubs”.

Kalimba ahamya ko hari byinshi byahindutse iwe, birimo kugira umusarane mwiza, ubwanikiro bw’amasahane, gukurungira inzu ye n’ibindi.

Asaba abandi baturage kwibumbira hamwe bakajya bagirana inama barwanya umwanda mu ngo zabo.

Akarere ka Rulindo, katangiye ubukangurambaga mu kurwanya umwanda mu ngo zabaturage kababumbira mu matsinda “clubs” yo kurwanya umwanda, guhera mu kwezi kwa kabiri umwaka wa 2016.

Kubwimana Adrien ushinzwe gukurikirana ibikorwa by’isuku mu karere, avuga ko babanje guhugura bamwe mu bayobozi b’aya matsinda, nyuma nabo bigisha abaturage.

Avuga ko bareba ahari ibibazo by’umwanda bagafasha abaturage kubasobanurira ibyo bagomba gukora, abaturage bakabyumva vuba.

Kubwimana avuga ko nyuma yo guhugura aya ma matsinda, yanashyiriweho gahunda y’amarushanwa kugirango yongererwe umurava.

Mu marushanwa aheruka kuba mu kwezi kwa Nzeli, umudugudu ufite itsinda ryabaye irya mbere wahembwe ibihumbi 90 frw.

Umuyobozi w’akarere ka Rulindo, Kayiranga Emmanuel, yabijeje gukomeza kubaba hafi kugirango barushaho guhangana n’umwanda, bateza imbere imibereho myiza.

Iyadede Rose umuyobozi muri SOS asaba abafatanyabikorwa kuva mu mpapuro bakegera abana bagakemura ibibazo bahura nabyo

SOS yabisabye mu mahugurwa y’iminsi ibiri yahuje imiryango yita ku burenganzira bw’umwana ndetse n’izindi nzego bireba, yabereye mu Karere ka Gicumbi mu mpera z’icyumweru gishize.

Yabasabye guhaguruka bakagaragaza inshingano biyemeje, kuko kuguma mu magambo gusa bituma abana bashinzwe kurengera barushaho kuzahara.

Iyadede Rose, umuhuzabikorwa w’umushinga ushinzwe kurengera uburenganzira bw’umwana muri SOS, avuga ko hakigaragara ibibazo byinshi bituma umwana adahabwa uburenganzira akwiye.

Ati “abana benshi hanze aha baracyahohoterwa bikomeye bakandagazwa, kandi hari imiryango myinshi ivuga ko iharanira uburenganzira bwabo.

Turabasaba kugaragaza ibikorwa byabo, bakava mu mpapuro bakamanuka bakegera abana n’ ababyeyi bagakemura ibyo bibazo”.

Yasabye abitabiriye aya mahugurwa kumva ko guharanira uburenganzira bw’umwana ari ibyabo, ko ntawe bakwiye gusiganya kandi aribo babyiyemeje.

Barasabwa kugaragaza ibyo bakora ngo abana babone uburenganzira bwabo

Abitabiriye aya mahugurwa, bavuze ko ubumenyi bungukiye muri aya mahugurwa, bugiye kubafasha mu kongera imbaraga mu byo biyemeje.

Umubyeyi Apauline, uhagarariye umuryango witwa AVIS avuga ko mu muryango ahagarariye bagiye guhindura byinshi kubera aya mahugurwa.

Yagize ati” Amahugurwa nk’aya aradufasha, kuko hari nk’ibintu byo gushyira mu bikorwa ibyarinda umwana twigiyemo usanga tutakoraga neza “.

Haracyari byinshi bigihungabanya uburenganzira bw’umwana bikwiye guhagurukirwa n’abo bireb bose

Abitabiriye aya mahugurwa banagaragaje byinshi bikomeje kurushaho kwibasira uburenganzira bw’umwana, banafata umwanzuro wo guhyiramo ingufu bakabirwanya.

Bimwe muri byo ni uguterwa inda zitateguwe, gukoreshwa imirimo ivunanye, guhohoterwa, gucuruzwa n’ibindi.

Abajura bateye SACCO yo muri Rulindo bica umuzamu baraniba

Ibi byabaye mu ijoro rishyira ku itariki ya 29 Nzeli 2016, mu mudugudu wa Gacyamo, mu ukagari ka Butangampundu umurenge. Ubuyobozi buvuga ko bwamenye ayo makuru bwayamenye mu gihe cya saa kumi n’ebyiri za mu gitondo.

Umuyobozi ushinzwe irangamimerere mu murenge wa Burenga, Mukarutabana Claudine avuga ko abantu bataramenyekana bibasiye abarinda iyo SACCO,umwe muri bo witwa Kazungu Stuven baramwica. Naho uwitwa Tuyisenge Innocent baramukomeretsa ku buryo bukabije.

Bahise bapfumura inyumabo ya SACCO binjiramo imbere, batangira kwiba ariko ntiharamenyekana ibyo bibye.

Agira ati “Twahageze ariko ibyibwe ntibiramenyekana gusa ikigaragara ni uko icyuma babikamo amafaranga bagitwaye, kuko hari utwuma twacyo twagiye tugaragra hanze”.

Uyu muyobozi akavuga ko kugeza ubu ubuzima bw’uwakomeretse butameze neza, kuko yabanje gutwarwa ku bitaro by’akarere bya Rutongo, agahita ajyanwa mu bitaro bya CHUK.

Abajyanama bo mu Karere ka Rulindo bahize ko urubyiruko rutazongera kuba urwanyuma mu mihigo

Avuga ko bitewe n’amahirwe akikije urubyiruko mu karere kabo, bagiye gukorera hamwe kugira ngo batazongera kuba aba nyuma.

Yagize ati “kuba twarabaye aba nyuma, byaduhaye imbaraga zo gukora cyane. Icyatumye tuba aba nyuma, nuko buri muntu atakoze ibyo ashinzwe.

Ubu tugiye gukorera hamwe, kandi ku bufatanye n’abayobozi beza dufite, twizeyeko bazadufasha kubigeraho”.

Inama njyanama y’Akarere ka Rulindo yiyemeje ko urubyiruko rutazongera kugaragara ku mwanya wa nyuma mu kwesa imihigo, guhera mu mwaka w’imihigo wa 2016- 2017.

Eng. Gatabazi Pascal uyiyobora, yavuze ko bagiye guha urubyiruko umurongo ngenderwaho, urimo kwiteza imbere binyuze mu kwihangira imirimo.

Ati “ Ntabwo dushobora kwemera ibi, Akarere kacu kavuye ku mwanya wa 24 kaza ku mwanya wa munani. Ibi biraduha icyizere ko n’urubyiruko rw’akarere kacu ruzabishobora”.

Yavuze ko mu rwego rwo gufasha urubyiruko kuva ku mwanya mubi rwagize, batangiye gushyiraho amatorero aruhuza.

Aya matorero agamije kurufasha kwigira hamwe indangagaciro no kwihesha agaciro, kandi rukishakamo ibisubizo.

Gatabazi anavuga ko bashishikariza urubyiruko kudasuzugura umurimo uwo ariwo wose, no gutinyuka guhanga imirimo izaruteza imbere ikanateza imbere igihugu.

Eng Gatabazi Pascal uyobora Njyanama ya Rulindo avuga ko bamaze gufata ingamba zituma urubyiruko rutazasubira kuba urwanyuma

Mu kwesa imihigo y’umwaka wa 2015-2016, urubyiruko rw’Akarere ka Rulindo rwaje ku mwanya wa nyuma, mu gihe urubyiruko rw’Akarere ka Kamonyi rwaje ku mwanya wa Mbere.

Urubyiruko rwo muri Gicumbi rwakanguriwe kwirinda abarushuka

Uyu muryango watangaje ibi ku itariki ya 23 Nzeli 2016, ubwo wari mu karere ka Gicumbi mu murenge wa Rubaya, uhana imbibi n’igihugu cya Uganda. Hari mu gikorwa cy’ubukangurambaga bugamije gushishikariza urubyiruko gusobanukirwa n’ubuzima bw’imyororokere.

Mulisa Henriette wari uhagarariye Imbuto Foundation yasabye urubyiruko cyane cyane urw’abakobwa, kwirinda ibishuko by’abantu babashuka, bakabashora mu busambanyi. Yababwiye ko bashobora kwanduriramo indwara zirimo SIDA cyangwa bagatwara inda zitateguwe zituma bata ishuli.

Agira ati “Muri bato, abo bose babashukisha amandazi n’utundi tw’ubusa, mwibuke neza ko mushobora kubyiha ndetse mukiha n’ibirenze ibyo. Birabasaba rero kwirinda mugashyira umutima hamwe mukiga mugasoza amashuri yanyu”.

Kubera uburyo umurenge wa Rubaya uhana imbibi na Uganda, usanga bamwe mu baturage bawutuye bigira muri icyo gihugu gupagasa. Usanga bamwe batita ku burere bw’abana babo bityo bikabaviramo kugwa mu bishuko kubera kudasobanukirwa n’ibijyanye n’imyororokere.

Mukeshimana Claudine ni umwe mu bakobwa bo muri uwo murenge batanga ubuhamya. Avuga ukuntu yaguye mu bishuko, agatwara inda atiteguye. Agira inama bagenzi be yo kwirinda.

Agira ati “Nahuye n’umuntu aranshuka ntwara inda ntatekerezaga, ariko naje gukorana n’Imbuto Foundation, inyigisha kubyerekeranye n’imyororokere y’ubuzima bwanjye. Ndasaba bagenzi banjye kwirinda abantu bo mu dusantire babashukisha amandazi n’icyayi bavuye ku ishuri”.

Ababyeyi nabo basabwe kwita ku burere bw’abana babo

Umuyobozi wungirije w’akarere ka Gicumbi ushinzwe imibereho myiza y’abaturage, Benihirwe Charlotte, asaba ababyeyi kwita ku burere bw’ababa babo.

Asaba kandi urubyiruko rwo mu murenge wa Rubaya kwirinda ikiyobyabwenge cya Kanyanga cyibasiye uwo murenge. Bamwe mu babyeyi nabo ngo usanga bibera muri kanyanga, ntibibuke guha uburere bwiza abana babo, abana babikorera ibyo bishakiye.

Hari abatinya gutega moto kubera umwanda zimwe ziba zifite

Abo baturage bavuga ko hari igihe batega umumotari, yabaha ingofero igenewe abagenda kuri moto (Casque), bagasanga ishaje kandi inuka. Umumotari nawe ngo bagasanga yambaye imyenda inuka, bakagenda bafite isesemi; nkuko umwe muribo utifije gutangaza izina rye, abisobanura.

Agira ati “Barakabya cyane, hari igihe ajya iyo mu misozi, akaza mu ijoro, yagera murugo agahita aryama. Mu gitondo akazinduka nta koga akajya gutwara abantu, wa mutega ukumva urumiwe”.

Mugenzi we witwa Umugwaneza Aline avuga ko atagitega moto ngo kuko akenshi arazitega kubera umwanda abamotari baba bafite bikamugiraho ingaruka mbi akaruka.

Agira ati “Hari ubwo nihangana nkayitega, ariko namara kuyurira, icyuka kikankubita nkahita nyivaho nkemera nkagenza amaguru cyangwa nkemera nkatuma undi aho nashakaga kujya. Kuko iyo nibeshye nkayikomezaho, byanze bikunze ndaruka. Yewe uretse nanjye, nzi abagore benshi bazitega batwite, bakagenda baruka inzira yose”.

Aba bagenzi basaba abayobozi kugira icyo bakora, bagasaba abamotari guhindura imikorere, bakagira isuku.

Abamotari bo muri Gicumbi si ko bose bemera ibyo abo bagenzi babashinja. Ariko Nzabandora Fabien, umwe mu bayobozi ba koperative y’abamotari akorera muri ako karere, ahamya ko ibyo abagenzi bavuga bihari. Ngo batangiye gushyiraho ingamba zo kubirwanya.

Nzabandora Fabien, avuga ko buri nama bakoze, bagaruka ku kibazo cy’isuku nke ku bamotari. Ubu ngo batangiye gushyiraho abashinzwe umutekano, bagomba kujya bafata abamotari badafite isuku, bakabashakira ibihano.

Muhizi Jule Aimable, umuyobozi wungirije w’akarere ka Gicumbi ushinzwe iterambere ry’ubukungu, avuga ko muri Nzeli 2016, bagiye gukorana inama n’aba bamotari bose.

Ati “Ubundi si byiza ku bantu bakora bisinesi nka bariya, kumva ko barangwa n’umwanda, baba biyicira isoko ry’ababagana, tugomba guhura nabo vuba”.

Ikibazo cy’umwanda w’abamotari si ubwambere kivugwa. Abagenzi bakifuza ko cyashakirwa umuti uhamye.

Perezida wa njyanama y’akarere ka Gicumbi yijeje RGB ko bagiye kurandura ruswa

Babitangarije mu mwiherero wabo wabaye hagati ya tariki 17-18 Nzeli 2016.

Muri uwo mwiherero, Ikigo cy’u Rwanda cy’Imiyoborere (RGB), cyagaragaje ko mu bushakashatsi bwakozwe mu mwaka wa 2015, bugaragaza ko abanyagicumbi bari hagati ya 30-40% babajijwe, bemeza ko bahura n’ikibazo cya ruswa. RGB ivuga ko iyi mibare iri hejuru cyane.

Perezida wa njyanama y’akarere ka Gicumbi Bizimana Jean Baptiste , yijeje RGB ko bagiye gukora ibishoboka byose iyo ruswa bakayirandura burundu.

Agira ati “Rwose turabyemera ko iki kibazo gihari kandi ko habayeho uburangare. Ariko ubu abajyanama bagiye guhaguruka bajye mu mirenge bagiye batorerwamo, yewe n’ubu twarabitangiye rwose.

Hanyuma duhangane n’ikibazo cya ruswa n’akarengane muri Gicumbi kuko ntidushaka gusubira inyuma ku mwanya wa kabiri twabaye mu kwesa imihigo, ahubwo tugomba kujya ku mwanya wa mbere”.

Prof. Shyaka umuyobozi wa RGB asaba abajyanama b’akarere ka Gicumbi kwikubita agashyi

Umuyobozi wa RGB Prof. Anastase Shyaka, ubwo yerekanaga ubwo bushakashatsi, yabwiye njyanama y’akarere ka Gicumbi ko ikwiye guhaguruka igahangana na ruswa. Igomba gufasha nyobozi n’izindi nzego mu guca ruswa kuko aho idindiza iterambere ry’abaturage.

Agira ati “Guhangana n’iki kibazo biroroshye, icyambere n’ubushake, ukamenya icyo abaturage bagushyiriyeho, guhangana n’abashaka kwigwizaho ibyarubanda. Niyo mpamvu dusaba njyanama y’aka karere guhaguruka ikegera abaturage ikumva ibibazo bafite. Bagafatanya n’izindi nzego mu guhangana nabyo”.

Mu bushakashatsi bwakozwe na RGB bugaragaza ko kandi akarere ka Gicumbi kacyugarijwe n’ikibazo cy’umwanda.

Mu nteko z’abaturage,abasigajwe inyma n’amateka barezwe gahungabanya umutekano

Aba baturage bavuga ko abasigajwe inyuma n’amateka batujwe mu gice kimwe cy’umudugudu wa Bukamba, batega abana babo bakababuza kujya kwiga ndetse n’abakuru bakabatera amabuye, rimwe na rimwe bakabambura ibyo bafite.

Mukansabiyaremye Beatrice, atuye muri aka kagari, avuga ko aba baturage bitwara nabi, kandi ntacyo baba bapfa n’abo babuza umutekano.

Yagize ati “Hashize igihe bahagarara mu mihanda bagatera abana bacu amabuye bakababuza kujya kwiga. Ndetse natwe abakuru ntibadutinya, kuko baraguhengera bakagushikuza terefone cyangwa igikapu, cyane cyane ku baba bavuye guhaha”.

Abatuye akagari ka Ngondore bavuga ko kuva iki kibazo cyatangira, bagiye bakigeza ku buyobozi bw’akagari ndetse n’umurenge, ariko kugeza ubu kikaba kitarakemuka.

Aba baturage, bavuga ko umuti waba ko, aba basigajwe inyuma n’amateka, bahindurirwa uburyo bw’imiturire, bakabatuzanya n’abandi baturage aho gutura ukwabo.

Bavuga ko bi byabafasha kwibona mu bandi baturage, bakamenya ko bose ari bamwe.

Bati“Niba ubuyobozi bwaragize icyo bukora bikananirana, babimure bagende babatuza mu bandi, kuko twe turabakunda pe, n’iyo twahishije ikigage turabatumira tugasangira. Ariko twe bikatuyobera impamvu batubuza amahoro”.

Bamwe mu basigajwe inyuma n’amateka batuye i Bukamba, banze ko amazina yabo atangazwa, bavuga ko ibyo babashinja ari urubwa, nta mutekano bahungabanya.

N’ubwo bahakana ibi, umunyamanga nshingwabikorwa w’umurenge wa Byumba Bayingana Theogene avuga, iki kibazo ubuyobozi bukizi, atari ukubabeshyera.

Avuga ko hari icyatangiye gukorwa mu rwego rwo kugikemura, aho bateganyije kuganira byihariye n’aba basigajwe inyuma n’amateka, bakabumvisha ko ari abaturage nk’abandi ko badakwiye kubitwaraho nabi.

Ati “Yewe hari abo twatwaye mu kigo ngorora muco, hari abo dufungiye muri gereza ya Miyove, ubu twumvaga icyo kibazo cyarakemeutse, ariko tugiye kongera tuhakorere ingendo tubaganirize”.

Abatungwa agatoki muri ibi bikorwa by’urugomo, ni abasore bivugwa ko banze kugana ishuri. Abaturage bavuga ko ubuyobozi bwabashishikariza ishuri n’imirimo ibateza imbere.

Uyu mwana yari yibwe ku itariki 23 Kanama 2016, ajyanwa mu gihugu cya Uganda.

Uyu mubyeyi ashimira ubuyobozi bwamubaye hafi akongera kubona umwana we akiri muzima

Ubuyobozi bw’ aka karere bufatanyije na polisi ishinzwe ibyaha byambukiranya imipaka bwaramukurikiranye, nyuma y’iminsi itatu araboneka asubizwa ababyeyi be.

Gushimira ubuyobozi bw’aka Karere, byabereye mu muhango wo gutangiza ukwezi kw’imiyoborere wabereye mu Murenge wa Rushaki, ku mugoroba wo kuri uyu wa Gatatu tariki 14 Nzeli 2016.

Cyomugisha Beatrice nyina w’uyu mwana, ashimira ubuyobozi bw’akarere ko bwihutishije ikibazo, umwana akaboneka bidatinze.

Agira ati” Akarere kihutishije kumenyekanisha iki kibazo mu nzego zose, kanaduha amafaranga yo kudufasha kwiruka kuri uyu mwana aboneka vuba”.

Avuga ko umwana we yari yibwe n’umugore bahuriye mu muryango bari basuye, akabasaba gukikira umwana bakabimwemerera.

Nyuma umwana yaje kurira, uwo mugore abasaba ingobyi ngo abe amuhetse amuhoza barayimuha, hashize umwanya baza kumushaka baramubura.

Cyomugisha avuga ko bihutiye kugeza icyo kibazo ku buyobozi bw’Akarere, nabwo ntibwatinda kukigeza ku buyobozi bwa Polisi, umwana arakurikiranwa afatirwa muri Uganda.

Abaturage nabo batangajwe n’uburyo umwana yakuwe Uganda akagezwa mu Rwanda ku buryo bwihuse

Umuyobozi w’akarere ka Gicumbi Mudaheranwa Juvenal yasabye ababyeyi batuye aka gace gahana imbibi n’igihugu cya Uganda, kugira ubushishozi.

Ati “ Ibyaha by’icuruzwa ry’abantu bimaze igihe, mukwiye kuba maso mukita ku bana banyu, mudapfa kubaha abo mubonye bose”.

Umuyobozi w’Akarere yakiranye ibyishimo uyu mwana anasaba ababyeyi kurushaho kwita ku bana babo batabaha abo babonye bose

Ubuyobozi buvuga ko aya mazu nta kibazo afite

Mukankundiye Beatha avuga ko bashimiye cyane kuvanwa muri nyakatsi, bagatuzwa muri ayo mazu. gusa ariko ngo abayubatse ntibayubatse neza, kuko iyo winjiyemo imbere ugira impungenge.

Ati “Yego wenda nuko ashakaje amabati, ariko ubundi ubona ntaho atandukaniye n’izo twabagamo mbere. Nonese nawe injiramo wihere ijisho, imyenge iruzuye mu mabati, reba izi nzugi ngo zirakinze.”

Uyu mukecuru akomeza avuga ko kutagira ibikoni bacanamo bituma bateka muri ayo mazu . Kimwe n’abagenzi be, asaba ko nibura amazu yabo yaterwaho umucanga na sima bityo akagaragara neza.

Abo baturage bimuwe muri gahunda yo guca Nyakatsi mu ntangiriro z’umwaka 2011. Bavanwe ahitwa i Sheshe, bubakirwa amazu mu mudugudu wa Karutsindo Akagari ka Murama. Ayo mazu bimuriwemo, asakaje amabati, bigaragara ko ashaje kuko anahomesheje ibyondo.

Barasaba ko amazu yabo yatunganywa

Ubuyobozi bw’Umurenge wa Bweramana buhakana ibivugwa n’aba baturage. Bugahamya ko aya mazu nta kibazo afite, uretse inzu imwe y’umusore banze gukora ku bushake kugira ngo nawe amenye kwirwanaho; nkuko Uwamahoro Christine umuyobozi w’uwo murenge abivuga.

Agira ati “Nta kibazo afite, gusa hari umusore twagira ngo nawe amenye ko agomba kwishakamo ibisubizo, uretse no kuba amazu yabo nta kibazo afite, iyo bahuye n’ikibazo icyo aricyo cyose turabafasha nk’abatishoboye.”

Imyaka itandatu igiye gushira gahunda yo guca nyakatsi itangijwe, gusa amazu bimuriwemo, barayinubira cyane kuko atubatswe neza.

Ifu y’imyumbati barya irabahangayikishije

Abaturage bavuga ko ibi bibazo bahuye nabyo nyuma y’aho guhera 2014, imyumbati yabo bakuragamo ifu nziza bita “iya Gitarama”, yibasiwe n’indwara ya Kabore.

Bahamya ko ubu basigaye bahaha ifu mbi. Bamwe bakavuga ko ituruka muri Tanzaniya, ku buryo uyihashye iyo agiye kuyarika itema (ubugari ntibufatane, bukamera nk’igikoma).

Kubera ububi bw’iyi fu, usanga buri gace gafite izina karihaye. Bamwe bagaragaza ko ari ugupfa kurya gusa, abandi bashimira Imana kuko ngo iyo bataza kuyigira, ubuzima bwabo buba buri habi.

Abo mu murenge wa Ruhango ndetse n’indi miremnge bahana imbibi, iyi fu bayita “Manawarakoze”, bakavuga ko impamvu bayise iri izina, ari uko yabagobotse kuko ariyo ishobora kugurwa amafaranga make; nkuko Mukamuvara Atanasie abosobanura.

Agira ati “Twayise Manawarakoze, kuko iyo tutayibona nta kundi twari kubaho. Yego nubwo ari mbi, ariko upfa kuyikinga abana mu maso bakaryama, ariko hari nabatabasha kuyihahira da. Rwose mudutabarize hagire igikorwa kuko tubayeho nabi”.

Abatuye umurenge wa Mbuye, bo bayise “Shirumuteto”. Bayise gutyo kuko bagomba kuyirya kuko nta yindi bafite; nkuko Musabyimana Marie Rose abivuga.

Agira ati “Yewe twayise Shirumuteto, kuko wayanga, utayikunda ugomba kuyirya da”.

Uyu mubyeyi akavuga ko iyi fu bagura ikiro amafaranga y’u Rwanda 300, ngo iba isa nabi, wayiteka igatumba ikuzura isafuriya yarangiza igatema.

Mugenzi we Harerimana Philipe agira ati “Mwana wa, tubayeho nabi, ni ukumara kurya gusa ngo ubone bwacya”.

Aba baturage basaba ko ubuyobozi bwabafasha bakabana ikibatunga, ndetse bukanabashakira imbuto nziza y’imyumbati bakongera kuyihinga.

Umuyobozi w’akarere ka Ruhango, Mbabazi Francois Xavier, avuga ko abaturage bashonje muri ibi bihe by’amapfa. Asaba imiryango imeze nabi kwegera ubuyobozi bukayigoboka. Akabizeza ko Leta ikora ibishoboka byose ngo ikibazo cy’indwara ya Kabore gikemuke.

Guverineri Bosenibamwe avuga ko abayobozi batarwanya ibihungabanya umutekano bazubikirwa imbehe

Yabitangaje tariki ya 07 Nzeli 2016, mu nteko rusange y’abaturage b’Akarere ka Gicumbi, yitabiriwe n’izengo z’ibanze kuva ku mudugudu kugeza ku buyobozi bw’akarere.

Guverineri Bosenibamwe yavuze ko abayobozi badashaka kurwanya ibihungabanya umutekano byiganjemo ibiyobyabwenge, ko bagiye gufatirwa ibyemezo bikomeye, birimo no kwirukanwa mu kazi.

Agira ati “Ikintu cya kanyanga duhora tuvuga, abarembetsi, amarondo adakorwa neza, birazwi ko ibyo byose aha bihari, mudugudu, umuyobozi wungirije w’akarere, umuyobozi w’akarere, abajyanama, ubuyobozi burarangira aha, ntimutadufasha.

Icyo mwitaga umugati mwagabanye cyirabacitse, ikivuguto cyari kibageze ku munwa kiramenetse mutakinyoye ndabarahiye.”

Mukama Abbas, Visi Perezida w’Umutwe w’Abadepite, wari witabiriye iyo nteko, yunze mu rya Guverineri Bosenibamwe, avuga ko umuyobozi wese uzajya yanga gutanga amakuru y’umuntu aziho icyaha cyangwa umuntu waraye aho ayobora ntabimenyeshe ababishinzwe, azajya afatwa nk’uwakingiye ikibaba abagizi ba nabi.

Agira ati “Hari abafite ishayri kubera iterambere u Rwanda rukomeje kugeraho mu buryo bwihuse, mumenye ko ibi hari abo bidashimisha, mube maso rero muharanire umutekano, umuntu wumva ko adashyigikiye umutekano, asabe Imana imwijyanire hakiri kare”.

Abayobozi b’inzego z’ibanze muri Gicumbi bo bagaragaza ikibazo cy’uko hari ubwo bakora ibishoboka mu gufata abahunganya umutekano, ariko bakabura ubutabazi bwihuse.

Ikindi kibaca intege ni uko hari abo bafata babashyikiriza inzego zishinzwe kubungabunga umutekano, ugasanga babatanze kugera mu rugo; nkuko bitangazwa n’umwe bu bayobozi, utashatse kwivuga izina.

Agira ati “Ndabyemera ko nkatwe turi ku mupaka, kanyanga zambuka! Ejo bundi narwanye n’umurembetsi arankomeretsa nabuze untabara, kandi uramufata wamugeza mu nzego zikuruta, wagera mu rugo ugasanga yahagutanze, ubwo mugatangira guhigana”.

Kuri iki kibazo, ubuyobozi bw’Intara y’Amajyaruguru bufatanyije na Polisi y’Igihugu, bakaba basabye inzego z’ibanze zo muri Gicumbi gukora urutonde rw’abantu bafatwa bakarekurwa ubundi hagafatwa ingamba.

Abagabo bo muri Gicumbi banga gusezerana kugira ngo babone uko baharika abagore babo.

Abagore batuye hafi n’Umupaka wa Gatuna uhuza u Rwanda na Uganda. Bavuga ko usanga umugabo umwe ashobora gushaka abagore barenze batatu kandi bose nta n’umwe basezeranye.

Umwe muri aba bagore utarashatse ko amazina ye atangazwa, avuga ko nawe byamubayeho, kuko umugabo we adashaka ko basezerana.

Agira ati “Umugabo wanjye ndamwinginga ngo dusezerane akanga kandi tubyaranye gatatu, ahubwo akambwira ko abantu basezeranye iyo bagiye gutandukana bibagora, iyo musabye ko dusezerana kuko ntacyo tubuze, arampakinira.”

Uyu mugore avuga ko umugabo we amuca inyuma agashaka abandi bagore. Yongeraho ko hari nubwo yambuka, akajya muri Uganda akamarayo iminsi abana n’undi mugore.

Ati “Ndamureka nyine akaza kuko ni mu rugo rwe, kandi ntitwasezeranye ngo mbe nagira icyo mvuga. Iyo wibeshye ukavuga, umugabo ahita akubwira ko uri indayi utari umugore we.”

Undi we, avuga ko umugabo aza agashaka umugore, amubwira ko yubatse inzu ariko adafite umugore wo kuyibanamo nawe.

Ati “Aragutwara yamara kuhakugeza waba ukimara kubyara agahita yigira Uganda, kuko akenshi usanga akibana n’ababyeyi be, iyo amaze kugenda barakwirukana.”

Aba babyeyi bavuga ko iki kibazo cy’ubuharike gikomeje kwiyongera kandi kikadindiza iterambere ry’imiryango yabo.

Abagabo bo bavuga impamvu banga gusezerana, baba batinya amakimbirane ashobora kuvuka mu ngo zabo bajya kwaka gatanya bikababera ibibazo.

Murekezi Innoent, ni umwe muri abo bagabo, avuga ko adashobora gusezerana n’umugore we nubwo babyaranye gatatu, kuko ngo yagiye abona bagenzi be basezeranye barahuye n’ibibazo mu gihe byabaga ngombwa ko batandukana n’abagore babo.

Mudaheranwa Juvenal, Umuyobozi w’Akarere ka Gicumbi avuga ko icyo ari ikibazo gikomeye, gusa nk’Ubuyobozi bw’Akarere biteguye gufata ingamba zo kigikemura vuba.

Avuga ko bagomba kuba maso bakirinda ko hari umugabo wasezerana n’undi mugore kandi afite abandi bana n’umugore bashakanye no gushyiraho ubukangurambaga buhagije.

Imirenge ya Cyumba, Kaniga na Rubaya, niyo ihana imbibi n’Igihugu cya Uganda, abagabo bahatuye, ngo bakunze kwambuka bakajya muri Uganda gushaka abandi bagore.

Nyinawumuntu Olive umugabo yamutanye umwana kuko yakoreye amafaranga ntayacyure

Nyinawumuntu Olive, atuye mu murenge wa Ruhango avuga ko umugabo we yamutaye nyuma yo gukora akazi ko guharura imihanda agatinda kwishyurwa.

Ati “Twaharuraga imihanda tugeze hagati banga kutwishyura, umugabo wanjye aravuga ngo ntiyabana n’umugore udafite icyo amaze, aranta.”

Nyinawumuntu ufite umwana w’uruhinja, avuga ko ajya gukorera aya mafaranga yari atwite, azi ko azayifashisha abyara. Amafaranga ntiyayahawe, ananirwa no kwishyura icumbi abamo.

Abakora ibiraka barasaba kujya bishyurirwa igihe

Dufatanye Devota, nawe wakoze ikiraka cyo guharura umuhanda ntiyishyurwa. Avuga ko umugabo we amushinja kuyajyana mu buraya.

Aba bagore kimwe n’abandi bahuje ibi bibazo, bavuga ko ubuyobozi bwari bukwiye kujya butegura akazi ko guha abaturage, bwabanje kubona amafaranga buzabishyura.

Bati “Dutangira akazi batwizeza ko amafaranga ari ku meza, twakwishyuza, ntibayaduhe bikaducanga.”

Umuyobozi w’akarere ka Ruhango Mbabazi Francois Xavier, avuga ko kwamburwa atari cyo gitera amakimbirane mu ngo. Avuga ko hanafashwe ingamba kuri ba rwiyemezamirimo bambura abakozi.

Ati “Kwamburwa ntibitera amakimbirane, ibyo ni urwitwazo. Tuzi ko hari abambura, none rwiyemezamirimo azajya ahabwa icyiciro kimwe cy’amafaranga, mbere y’uko ahabwa ayandi abanze yerekane ko yishyuye abaturage”.

N’ubwo umubare w’abamburwa mu Karere ka Ruhango utazwi, hagaragara abantu batandukanye bavuga ko bamburwa mu mirimo bakora, cyane cyane iy’igihe gito.

Abafashijwe kubona Mituweli bishimiye ko bazajya bivuza bitabagoye.

Byabyabereye mu nteko rusange y’uyu muryango ku rwego rw’umurenge wabo, yabaye ku wa 28 Kanama 2016.

Abahawe ubu bwisungane mu kwivuza bashimiye abanyamuryango ba FPR Inkotanyi babatekerejeho, bavuga ko babonye uburyo bwo kwivuza nta ngorane, kuko ngo abenshi bari batarabona amafaranga yo kwitangira uwo musanzu.

Harerimana Phillpe, umusaza wahawe ubwo bufasha, avuga ko we n’umufasha we basazanye, bari barabuze ubushobozi bwo kwitangira ayo mafaranga, bityo bikabagiraho ingaruka zo kubura uko bivuza.

Musabyimana Marie Rose, na we watangiwe mituweri, yagize ati “Umugabo wanjye n’ubu tuvuga ararwaye, yari atarajya kwa muganga kubera n’ubukene.”

Abanyamuryango ba FPR baremeye bagenzi babo batishoboye.

Uyu mubyeyi agahamya ko ubu yishimye cyane kuko umuryango we utazongera kurembera mu nzu. Ashimira umuryango wa FPR ukomeje kubafasha kwiyubaka.

Umukuru wa FPR Inkotanyi mu Murenge wa Mbuye, Twagirimana Alexandre, avuga ko batekereje kuri ubu bufasha nyuma yo kumva ko hari abantu batishoboye batabasha kwiyishyurira ubwisungane mu kwivuza.

Akavuga ko nk’abanyamuryango ba FPR Inkotanyi, bashyigikiye ko buri Munyarwanda abaho mu buzima buzira umuze, bityo ngo ibikorwa byo gufasha abatishoboye bizakomeza.

Komiseri ushinzwe Imibereho Myiza y’Abaturage muri FPR Inkotanyi mu rwego rw’Akarere ka Ruhango, Gilbert Ndangamira, yashimiye abanyamuryango ba FPR bagize ubwitange bwo gufasha bagenzi babo, kandi avuga ko ari ikimenyetso cyo kwishakamo ibisubizo.

Abari muri iyi nteko rusange banyuzagamo bagacinya akadiho.

Yagize ati “Iki ni cyo kigaragaza umunyamuryango nyawe, kuko nta kwikunda gukwiye kubaranga. Iyi ni yo nyiturano nziza bagaragaza umuryango wamaze kubagezaho.”

Aba banyamuryango ba FPR Inkotanyi banarebeye hamwe ibyo bagezeho umwaka ushize, ndetse bafata ingamba zo kubirinda baharanira kugera ku bindi birimo guteza imbere ireme ry’uburezi no kwita ku isuku.

Ingabo z’u Rwanda na zo zifatanyije n’abaturage mu muganda wo kubakira abatishoboye.

Iyi miryango 12 yari ituye mu Mudugudu wa Nyarutovu ikaba igiye kwimurirwa mu Mudugudu wa Muhororo II mu Kagari ka Buhoro mu Murenge wa Ruhango.

Umuyobozi w’Akarere ka Ruhango, Mbabazi Francois Xavier, yahamije aya makuru mu muganda usoza Kanama 2016; umuganda wibanze ku bikorwa byo kubakira iyo miryango yari ituye nabi kandi itanishoboye.

Mbabazi yavuze ko bitarenze tariki 10 Zzeri 2016, izo nzu zizaba zamaze gusakarwa, hagakurikiraho ibindi bikorwa byo kuzitunganya ku buryo bizageza mu mpera z’ukwezi abaturage barazitashye.

Yagize ati “Urabona ko turi hafi kugera mu bihe by’imvura. Rero iki gikorwa tugomba kucyihutisha, kugira ngo imvura itazagwa ikangiza ibi bikorwa by’abaturage bari bamaze kugeraho, kandi urabibona ko bishimishije.”

Bitarenze Nzeri, ngo aya mazu bubaka azaba yuzuye, ba nyirayo bayatashye.

Uretse aya mazu yatanzweho umuganda, ubusanzwe bikorwa n’imiganda y’abaturage, aho buri mudugudu muri aka kagari ka Buhoro uba ufite umunsi wo kuza gutanga umusanzu mu rwego rwo kwishakamo ibisubizo.

Imiryango igiye gutuzwa muri aya mazu ngo ishimishijwe no kuba igiye gutura neza, kuko yari ituye mu mazu mabi, ndetse abandi bagakodesherezwa n’ubuyobozi bw’akarere, kuko inzu zabo zabasenyukiyeho.

Mukamuvara Athanasie, umwe muri bo, avuga ko inzu ye yari yarasenyutse akaba yakodesherezwaga inzu n’ubuyobozi kuko we atishoboye.

Ni umwe mu bavuga ko banejejwe no kuba bagiye gutura mu nzu zabo bubakiwe, ngo bikazatuma arushaho kwigirira icyizere, agashaka uko akora atuje akiteza imbere.

Aya mazu arimo kubakirwa imiryango 12 itishoboye.

Mu Karere ka Ruhango, harabarurwa imiryango igera muri 300 ituye mu manegeka ndetse n’indi ifite amazu yubatse nabi, ba nyirayo batabasha kwisanira kubera ubukene.

Ubuyobozi bw’akarere bugashimangira ko mu gihe cy’imyaka ibiri uhereye muri iyi Kanama 2016, buzaba bwamaze gutuza neza iyi miryango yose.

Aba baturage ngo bamaze amezi ane bishyuza Umurenge wa Ruhango ariko ntubishyura.

Abaturage baravuga ko uyu murenge wabahaye akazi ko guharura imihanda, guhera tariki 18 Mata 2016.

Umurenge ngo wababwiraga ko bazajya babahemba buri nyuma y’iminsi 15, ariko ngo barakoze iminsi 15 irarenga ntibahembwa, hashize iminsi 30 bafata icyemezo cyo guhagarika akazi, ngo babanze babone ayo bakoreye.

Bavuga ko guhera icyo gihe kugeza n’ubu batarishyurwa, gusa ngo buri munsi bajya kwishyuza, bagerayo ubuyobozi bukababwira ko bataha bagategereza ko amafaranga yoherezwa vuba kuri konti zabo muri SACCO.

Uwamariya Leatitia, umwe mu bishyuza aya mafaranga, avuga ko we na bagenzi be bishyuza amafaranga y’u Rwanda akabakaba miliyoni eshatu. Cyakora ngo nyuma y’igihe kinini bishyuza, mu kwezi gushize hari bamwe bishyuyeho igice, babawira ko banze kuyabahera rimwe ngo batakwa imisoro.

Yagize ati “Baduhaye igice, ariko na bwo ntacyo byatumariye kuko SACCO yaragukataga ugasanga mu mafaranga ibihumbi 18, utahanye nk’ibihumbi 6 gusa. Batubwira ko banze kuyaduhera rimwe kugira ngo tudasora, turabyemera tuzi ko ari impuhwe batugiriye, none dore andi mezi yose ashize.”

Aba baturage kandi bavuga ko kubera kwamburwa aya mafaranga baba barakoreye, bibateza ubukene bukabije bitewe n’uko nta kindi kintu baba bakibasha kwikorera mu gihe umwanya wabo baba barawuhariye ibyo bikorwa by’umuhanda.

Mukandamage Consolée utuye mu Kagari ka Munini, avuga ko aya mafaranga yagomabaga kuyaguramo mituweli, none ngo abana bararwara akabura uko abavuza, kuko atakoreye andi bitewe n’uko umwanya wose awutakaza ajya kwishyuza ku murenge.

Umunyamabanga Nshingwabikorwa w’Umurenge wa Ruhango, Nsanzimana Jean Paul, ubwo twaganiraga kuri uyu wa 25 Kanama 2016, yavuze ko iki kibazo kiri mu nzira yo gukemuka, ndetse yizeza abo baturage ko mu gihe cy’iminsi ibiri uhereye kuri iyo tariki, baba babonye amafaranga.

Yagize ati “Ikibazo turakizi, gusa byatewe n’uko amafaranga yabo yahuriranye no gufunga konti z’akarere kugira ngo hategurwe indi ngengo y’imari ariko ubu urutonde rwabo rwageze muri BNR.”

Uretse kuba abo baturage babayeho nabi kubera amafaranga bokoreye ntibayahabwe, ngo hari n’aho biteza amakimbirane mu miryango ndetse ingo zigasenyuka kuko abo bashakanye baba bibaza ko ayo mafaranga yishyuwe ahubwo agakoreshwa ibidafitiye akamaro urugo.

Butike yibasiwe n’inkongi irakongoka (Photo internet).

Ku mugoroba wo kuri uyu wa Gatatu tariki 24 Kanama 2016, ni bwo iyi batiri ya terefone ya Uwamungu Chadrack, nyir’iyo butike yo mu Kagari ka Kinazi mu Murenge wa Kinazi, yari icometse ku muriro w’amashanyarazi ariko iza kuzura ihita iturika bihura na peteroli yacururizwaga muri iyi nzu bikongora butike yose.

Umunyamabanga Nshingwabikorwa w’Umurenge wa Kinazi, Patrick Mutabazi, yavuze ko nyir’iyo butike yari yakuye batiri muri terefone akayishyira ku muriro yarangiza akigendera.

Yagize ati “Hari ukuntu bafata batiri ya telefone barangiza bakayihambira kuri sharigeri bagacomeka ku muriro. Na we ni ko yabikoze arangije arakinga aragenda."

Yakomeje agira ati "Batiri yuzuye irangije irasandara, bikubitiyeho umuriro ndetse na peterori yacururizwaga muri iyi butike, umuriro uragurumana inzu irashya n’ibirimo byose.”

Mutabazi yavuze ko umuriro ukimara gufata iyi butike, abaturage bahise baza gutabara bakagerageza kuzimya ariko bikanga, bituma hahiramo ibicuruzwa bifite agaciro kari hejeru y’ibihumbi 600Frw.

Gusa, ngo nta muntu wahiriye muri iyi nzu cyangwa ngo ahakomerekere, nubwo umuriro washatse no gufata izindi nyubako byegeranye ariko abaturage bagakomeza kuwunaniza.

Yasabye abantu kwitondera ibyo bakorera ku muriro w’amashanyarazi, avuga ko kamdi bakwiye kujya bashaka uko bacuruza peterori cyangwa mazutu, batazivanze n’ibindi bicuruzwa.

Abanyamuryango ba FPR-Inkotanyi mu Karere ka Ruhango, bavuga ko amatora ya Perezida ateganyijwe umwaka utaha ari kimwe mu dushya biteze.

Umuyobozi w’Umuryango FPR-Inkotanyi muri uyu murenge, Kagabo Mansuet, ahamyaka ko bafite udushya twinshi muri uyu mwaka wa 2016 birimo kuzamura umubare w’abanyamuryango bashya, ariko ngo icyo bashyizeho umutima n’amatora y’umukuru w’igihugu ateganyijwe muri 2017.

Agira ati “Dufite byinshi byo gukora muri uyu mwaka, ariko icya mbere dushyizeho umutima ni amatora y’umukuru w’igihugu ya 2017.”

Abanyamuryango ba FPR-Inkotanyi bagera mu bihumbi 33 muri aka karere, bemeza ko iki gikorwa bakigize icyabo.

Kagabo avuga ko ayo matora barimo kuyitegura neza, kandi akizeza Abanyarwanda ko byanze bikunze azagenda neza nk’uko andi matora yo mu Rwanda asanzwe agenda.

Mu nteko rusange yahuje abanyamuryango ba FPR-Inkotanyi muri uyu murenge tariki 21 Kanama 2016, bahamije ko na bo amatora ya Perezida wa Repubulika azaba muri 2017 bayiteguye neza kuko icyo gikorwa bamaze kukigira icyabo.

Umurenge wa Ruhango mu Karere ka Ruhango urimo abanyamuryango ba FPR babarirwa mu bihumbi 33.

Bamwe mu bana bata ishuri bajyanwe mu yindi mirimo.

Ababyeyi bahamya ko nyuma y’aho abayobozi bahagurukiye ikibazo cy’abana bata ishuri, na bo biyemeje kugira uruhare muri iyi gahunda bagaca ubuzererezi bw’abana mu mihanda.

Kangabe Agnes, numubyeyi utuye mu Kagari ka Tambwe mu Murenge wa Ruhango, avuga ko ubu iki bagihagurukiye, bakaba basigaye bashishikariza abana babo gukunda ishuri, babananira bakitabaza inzego z’ubuyobozi.

Ati “Iki kibazo ababyeyi natwe twakigize icyacu, mbere ahari ngira ngo byari ubujiji kuko umwana yangaga kwiga ukamwihorera akikorera imirimo.”

Akomeza agira ati “Ariko nyuma yo kudushishikariza gukundisha abana ishuri, ubu byaragabanutse ntabwo abana bagita ishuri gutyo, kuko nushatse kunaniza umubyeyi, amuhamagarira abayobozi”.

Umurenge umwe gusa wa Ruhango, uvugwamo abana bagera kuri 214 bari bavuye mu ishuri kuva muri 2015, ariko ngo ku bufatanye bw’abayobozi, ababyeyi n’abarezi, ababarirwa mu 187 bamaze kurisubizwamo.

Umuyobozi w’Akarere ka Ruhango, Mbabazi Francois Xavier, avuga ko iki kibazo kiri mu mirenge yose igize akarere, akavuga ko ubu bagihagurukiye ndetse akizeza ko uyu mwaka wa 2016 uzarangira nta mwana wataye ishuri, uzaba atararisubizwamo.

Ku gira ngo bigerweho abarimo kwifashisha ubukangurambaga. Abayobozi b’ibigo by’amashuri muri aka karere bishyira hamwe bagafata umunsi umwe bagusura ikigo runaka, bagakora igenzura bareba abana bavuye mu ishuri ndetse n’impamvu zatumye barivamo, bagatanga raporo mu nzego zitandukanye, kugira ngo zishakirwe umuti.

Muri rusange mu Karere ka Ruhango kuva muri 2015, abana babarirwa mu bihumbi 2 na 499 kuva muri 2015 bari bataye ishuri mu mashuri abanza, ariko kubera ingamba zirimo n’ubukangurambaga ababarirwa mu bihumbi 2 na 21 bamaze kurisubizwamo.

Mu cyiciro cya mbere cy’amashuri yisumbuye ho abari bararivuyemo ni 432, ariko na ho abagera kuri 282 ngo bamaze kurisubizwamo.

Ibirori byo kwishimira abanyamuryango bashya.

Mu mpera z’icyumweru gishize Inteko Rusange ya FPR Inkotanyi muri uwo murenge yarateranye maze iboneraho kwakira abo banyamuryango bashya no kubarahiza.

Mukakarera Monique, umwe mu bayobozi ba FPR Inkotanyi muri Ruhango akaba ari na we wari umushyitsi mukuru muru uyu muhango, yashimye uruhare abanyamuryango bo mu Murenge wa Byimana bagaragariza abandi baturage; runatuma bagana FPR Inkotanyi.

Ati “Ibi ni byiza cyane rwose, bigaragaza ko mwerera imbuto nziza abandi baturage, bakumva na bo babiyungaho! Rwose nimukomereze aho”.

Yanasobanuriye abanyamuryango bashya amatwara y’Umuryango wa FPR-Inkotanyi, abasaba kuyakurikiza ndetse abibutsa ko FPR ari yo moteri y’igihugu.

Umuyobozi wa FPR-Inkotanyi mu Murenge wa Byimana, Kagimbura Thacien, avuga ko igikorwa cyo kongera abanyamuryango kitagarukiye aha, kuko bagikineye abandi benshi babafasha kwihutisha iterambere ry’igihugu.

FPR mu Murenge wa Byimana muri Ruhango yahembye abakuru b’imidugudu bujuje inshingano zabo neza.

Muri iyi nama kandi, abanyamuryango barebeye hamwe ibyo bagezeho mu mwaka ushize, biyemeza kongera ingufu mu kuzamura umubare w’abitabira ubwisungane mu kwivuza.

Banahembye kandi abakuru b’imidugudu bagaragaje ibikorwa by’indashyikirwa muri buri kagari, bahabwa radiyo n’amatoroshi.

Iki gikorwa cyo kuremera abatishoboye ubwisungane mu kwivuza, cyabareye mu nama rusange yahuje abanyamuryango ba RPF muri uyu murenge kuri iki cyumweru tariki ya 21/08/2016.

Abanyamuryango ba FPR bakomeje kwishakamo inkunga yo kwishyurira ubwisungane mu kwivuza abatishoboye.

Kagabo Mansuet ni chairman w’umuryango wa RPF-Inkotanyi mu Murenge wa Ruhango, avuga ko nk’abanyamuryango bicaye bagashaka uko bafasha abafite amikoro macye yo kwivuza.

Agashimangira ko ku ikubitiro baremeye abantu 20, ariko bakaba bakiri mu gikorwa cyo gukusanya inkunga yo gufasha abandi badashoboye kwirirhirira mitiweli basaga 160, akavuga mu gihe bazaba babigezeho.

Abaremewe, bakavuga ko bashimira cyane RPF Inkotanyi, kuko atari ubwa mbere ibitayeho, bakavuga ko ubu bagiye kugira ubuzima bwiza.

Abatishoboye bashyikirijwe mitiweri.

Kangaba Agnes, ni umwe mu bashyikirijwe ubwusungane mu kwivuza, yagize ati “Harakabaho FPR, yaranyubakiye kuko ntishoboye, none dore inshakiye uko nivuza, yewe umbwirire Perezida Kagame Paul, uti Imana yonyine izakwihembere, kandi ibyiza byose wifuriza Abanyarwanda bizagerweho”.

Kanyamuhanda, we avuga ko ashimira cyane FPR kuko yamukijije Jenoside ukamukura ahakomeye agiye kwicwa, none n’ubu ikaba ikimukurikirana kugirango agire imibereho myiza.

Chairman wa RPF mu Karere ka Ruhango Mbabazi Francois Xavier, wari umushyitsi mukuru muri iki gikorwa, avuga ko iki ari igikorwa gikwiye kuranga buri muntu wese, akavuga ko bagiye no kugishishikariza abandi banyamuryango bo muyindi mirenge.

inama rusange y’abanyamuryango ba FPR mu murenge wa Ruhango bafatiyemo ingamba zo kongera umusaruro.

Ati “Ibi ni byo bikwiye kuranga buri munyamuryango wa FPR, kuko bigaragaza intego twihaye yo kwishakamo ibisubizo ndetse n’umutima wa kimuntu utekereza gufasha abandi. Tugiye kubikangurira indi mirenge ifatire isomo kuri Ruhango”.

Umuryango wa RPF mu Murenge wa Ruhango, ukaba ufite abanyamuryango basaga ibihumbi 33, mu nama rusange yabahuje kuri iki cyumweru, bakaba bafatiyemo izindi ngamba zirimo kongera umusaruro w’ibikomoka ku buhinzi n’ubworozi.

Uwiringiyimana ahamya ko kumenya gusoma, kubara no kwandika byatumye atangira ubucuruzi none ngo arimo ku iteza imbere.

Uyu mubyeyi w’imyaka 31 y’amavuko, ufite umugabo n’abana babiri, avuga ko agiye kumara imyaka itanu agannye isomero. Nyuma yo kumara kumenya gusoma, kubara no kwandika ngo yatinyutse kugana amatsinda atangira kwizigama.

Gukorana n’amatsinda ngo byatumye aguza amafaranga ibihumbi 20, atangira ubucuruzi bw’avacoka, none ngo bimaze kumugeza kuri byinshi.

Avuga ko yatangiye arangura avoka z’ibihumbi 2500FRW, akagenda azamuka kugeza ubwo yinjiye mu bucuruzi bw’inyanya ndetse anatangira kuzihinga.

Agira ati “Kutiga n’indwara mbi cyane, ntaramenya gusoma no kwandika nahingaga ibijumba akaba ari byo nkuraho umunyu n’isabune, ariko nabaga n’ahantu habi muri nyakatsi, ariko ubu maze kugera kuri byinshi birimo inzu nziza, naguze ibibanza byinshi, noroye ingurube! Ubu ndi icyitegererezo aho ntuye”.

Uwiringiyimana avuga ko agiye kwegera umugabo we na we akamutinyura akamwigisha, bagafatanya guteza imbere urugo rwabo.

Ati “Mbere njya kwiga umugabo wanjye ntiyabyumvaga, akambwira ngo narasaze ngo ntazi ibyo ndimo. Ariko ntangiye kujya mu itsinda nkazana amafaranga tukayakoresha, abonye dutangiye gutera imbere, ni we wanyibutsaga kujya kwiga”.

Ubu Uwiringiyimana ngo ageze ku rwego rwo gutekereza imishinga migari nyuma yo kwiga akuze.

Uyu mugore utanga ubuhamya bw’uko yatangiye kwiteza imbere abikesha kumenya gusoma, kubara no kwandika, aravuga ko ateganya kugura moto izajya imwinjiriza amafaranga, ndetse akanarushaho gutekereza ku mishanga migari.

Minisitiri w’Uburinganire n’Iterambere ry’Umuryango, Dr Diane Gashumba, avuga ko ashimira cyane abantu batinyuka bakajya kwiga bakuze, abandi kwitabira iyi gahunda. Asaba ko kandi umubare w’amatsinda warushaho kwiyongera, kuko bigaragara ko ufitiye abaturage benshi akamaro.

IP Abijuru Angélique ushinzwe ’Community Policing" mu Karere ka Ruhango, asaba abagore kwibuka indangagaciro zabo.

Mu kiganiro IP Abijuru Angélique ushinzwe guhuza Polisi n’Abaturage, yahaye abaturage bo mu Murenge wa Byimana bari bitabiriye umugoroba w’ababyeyi tariki 18 Kanama 2016, yavuze ko hari bamwe mu bagore bateshutse ku nshingano z’umuryango.

Abenshi ngo bamara umwanya munini mu tubari, bigakurura amakimbirane n’abo bashakanye.

Muri iki kiganiro, IP Abijuru yagarutse ku ndangagaciro z’umuco nyarwanda zisaba umugore kwita ku muryango cyane kuruta ibindi abantu baha agaciro.

Avuga ko uko iminsi yagiye ihita indi igataha, ari na ko uyu muco n’indangagaciro nyarwanda ugenda ukendera, bamwe mu bagore ntibahe agaciro abagabo bashakanye, bakabahata inabi, ntibatinye no kubatuka imbere y’abana babyaye. Iyo myitwarire ngo ikaba itari myiza na gato ku mugore.

Abagore bo mu Murenge wa Byimana bemeza ko hari bagenzi babo bumvishe nabi ihame ry’uburinganire.

Yagize ati “Uzasanga bamwe mu bagore bakunda gususzugura abagabo babo badakora, kandi muzi ko abagabo bakunda kubahwa cyane. Imvugo nziza rero ni yo ituma abagabo barushaho kubakunda.”

Akomeza yibutsa abagore ko igihe bagezemo ari icyo gukora aho kwirirwa baryamye bategereje ko abagabo ari bo bagomba kubaha ibitunga urugo, akavuga ko kudakora bituma habaho intonganya za buri gihe mu ngo.

Nikuze Fatuma wo mu Kagari ka Muhororo, avuga ko aho batuye hari umubare munini w’abagore batwara abagabo b’abandi, kandi ko intandaro y’ibi bibazo byose ituruka ku businzi ndetse ko iki kibazo kimaze gufata intera ndende.

Iradukunda Alice utuye mu Kagari ka Kirengeli, avuga ko hari bamwe mu bagore bumvise nabi ihame ry’uburinganire ku buryo hari abarifata nko guhangana n’abagabo babo.

Avuga ko ijambo abagore bahawe rikwiye kubafasha guteza imbere umuryango aho kurara mu kabari.

Bimwe mu byemezo abitabiriye uyu mugoroba w’ababyeyi bafashe, bavuze ko bagiye kongera gutumiza ibindi biganiro by’umugoroba w’ababyeyi kugira ngo ingo zibanye nabi zigishwe, ndetse zisobanurirwe neza ihame ry’uburinganire.

Hashize igihe gito abafatanyabikorwa b’akarere batangije gahunda y’ingendoshuri, aho bamwe bajya gusura bimwe mu bikorwa by’umwe muri bo, na bo bakaba babasha kubyigiraho byaba ngombwa bakaba babikora aho bakorera.

Abafatanyabikorwa basura ibikorwa by’umwe muri bagenzi babo.

Nshimyumukiza Martin, ushinzwe ihuriro ry’abafatanyabikorwa b’Akarere ka Nyanza, avuga ko impamvu batekereje iki gikorwa, ko hari hagamijwe kugira ngo bamwe bigire ku bandi. Ikigamijwe ngo ni ukuzamura iterambere rya buri muturage

Ibi kandi ngo bizazamura iterambere byihuse nk’uko ubuyobozi bw’Akarere ka Nyanza bubitangaza.

Ni nyuma y’uko abagize iri huriro bari mu Murenge wa Nyagisozi, tariki ya 16/08/2016, basura ibikorwa by’umushinga Kirambi Community Health and Development Programme “KCHDP”.

Umuyobozi w’Akarere ka Nyanza, Ntazinda Erasme, yavuze ko iyi gahunda yashyizweho n’abafatanyabikorwa izagabanya zimwe mu mbogamizi bajyaga bahura na zo zirimo kugonganira mu bikorwa bimwe.

Ati “Wasangaga hari nk’abafatanyabikorwa bahurira mu murenge umwe, kandi bagakora ibikorwa bisa. Ubu rero bazajya bamenya ibikorwa bya buri muntu, bityo aho kugira ngo bagongane, ahubwo bya bikorwa bijyanwe ahandi batabaga”.

Abafatanyabikorwa basanga iyi gahunda ari ingirakamaro kuko bizajya bibafasha kumenya ibikorerwa ahandi, bityo aho bitari bashobore kubihajyana.

Bimwe mu bikorwa by’umushinga KCHDP byasuwe.

Aloysie Mukamana, uhagarariye umushinga KCHDP wegereza abaturage amazi afatwa mu mvura agakoreshwa mu gihe cy’izuba, yemeza ko bizazamura imibereho y’abaturage.

Ati “Nk’ubu bajyaga bumva ibyo dukora ariko batabizi, ubu rero barabyiboneye. Ndizera ko bamwe bamaze kuvana ingamba hano zo kubijyana iwabo kugira ngo abaturage bakorana na bo, babashe kwiteza imbere”.

Abagenerwabikorwa, basuwe n’abafatanyabikorwa b’aka karere, bagaragaje ko bimwe mu bikorwa byamaze kubateza imbere.

Iri murikagurisha ririmo kubera mu Mujyi wa Ruhango.

Iri murikabikorwa “Expo” ririmo kubera mu Mujyi wa Ruhango rizamara iminsi ibiri, aho abahinzi na ibigo by’imari bazaba bungurana ibitekerezo mu kuzamura iterembere ry’ubuhinzi.

Umuhuzabikoerwa w’Umuryango wa Agri-Pro Focus, Rwakunze Sajyi, avuga ko iri murikabikorwa riteganyijwe kuzakorerwa mu turere twose tw’igihugu, kuri ubu bakaba bamaze kugera mu turere umunani.

Agira ati “Akenshi usanga abahinzi na banki bitana bamwana, bamwe bakavuga ko bajya kwaka amafaranga banki zikabadindiza cyangwa zikayabima, banki na zo zikavuga ko zifite amafaranga zabuze abo ziyaha. Twe rero iri huriro ryacu rigamije kuvanaho izi nzitizi”.

Akomeza avuga ko biteze umusaruro uzava muri iki gikorwa gihuza impande zombi, ubundi u Rwanda rukikungahaza mu biribwa.

Umuyobozi w’Agri-Pro Focus avuga ko uyu muryango witeguye gukuraho urwikekwe.

Umuyobozi w’Akarere ka Ruhango, Mbabazi Francois Xavier, ubwo yatangizaga iri murikabikorwa tariki ya 11 Kanama 2016, yashimiye iri huriro rya Agri-Pro Focus, ku gitekerezo bagize, cyane ko ngo Abanyarwanda basaga 90 batunzwe n’umwuga w’ubuhinzi.

Uyu muyobozi kandi, yasabye abahinzi n’abahagarariye amabanki kumva neza ibintu kimwe, asaba abahinzi kutaba ba bihemu bakajya bishyurira amafaranga ku gihe, kandi anasaba n’amabanki kutananiza abahinzi mu kubaha inguzanyo.

Abahinzi n’amabanki bitabiriye iri murikabikorwa, bemeza ko banyuzwe n’iki gikorwa cyo kubahuriza hamwe, kuko urwikekwe rwabaga hagati yabo ngo rugiye kuvaho.

baravuga ko bagiye kumpara iminsi ibiri badakora.

Kuri uyu wa kane tariki 11 Kanama 2016, nibwo iri murikabikorwa ryateguwe n’ubuyobozi bw’Akarere ka Ruhango bufatanyije n’abafatanyabikorwa bako, ryatangiye gutangira ku mugaragaro.

Ariko mbere gato y’uko ritangira, bari mu myiteguro bubaka aho bazakorera, bamwe mu bacuruzi bakorera aho bikorwa rizabera, bavugaga ko amahema y’aho rizabera bayashyize mu miryango y’inzu bakoreramo.

Umwe muri aba bacuruzi utashatse ko amazina ye atangazwa yagize ati “Batubangamiye cyane, ubu tugiye kumara iminsi ibiri dusa naho dufunze, kandi imisoro ntizahagarara, ikindi babikoze batatubwiye.”

Ngo ntibazongera kubona ababagana.

Aba bacuruzi bagasaba ko iri murikabikorwa ritari rikwiye kubera imbere y’imiryango yabo, kuko basanga rizabateza ibihombo bikomeye.

Bongeraho ko n’ubuyobozi bw’akarere bwahisemo aho barishyira batabanje kubamenyesha. Amakuru ubuyobozi bw’akarere buhakana buvuga ko mu itegurwa ryaryo babatumyeho inshuro nyinshi ntibitabire inama.

Umuyobozi w’akarere wungirije ushinzwe imari n’iterambere Twagirimana Epimaque, yavuze ko aba bacururzi badakwiye guterwa impungenge niri murikabikorwa, ahubwo bakishimira ko rigiye kubazanira abakiriya benshi.

Ati “Twarizanye hariya kugirango bashobore kubona abakiriya benshi, twagiye tubatumaho mu nama zitandukanye, ariko aho kuza bakohereza abakozi ababo, ubwo wasanga baragendaga ntibabahe amakuru.”

Uyu muyobozi avuga ko nibura ku munsi iri murikabikorwa rizajya ryitabirwa n’abantu batari munsi ya 500, kandi aba bose bakazajya babera abakiriya abasanzwe bahafite ibikorwa.

Aho iri murikabikorwa rigiye kubera, usanga utubari, sitasiyo zitanga lisanse, alimentation, n’ibindi. Ubusanzwe ryajyaga ribera mu isoko rya kijyambere ry’aka karere.

Abaturage bo mu Mudugudu wa Karutsindo, Akagari ka Murama mu Murenge wa Bweramana bavuga ko ayo mashanyarazi batigeze bayakoresha kubera ikibazo cy’ubukene.

Mukankundiye Beatrice, atuye muri uyu mudugudu, avugako nta kintu na kimwe yigirira yakuraho amafaranga amushyirira umuriro mu nzu.

Ati “Rwose ipoto iranyegereye, ndetse na cash power bayinshyiriye ku nzu, ariko ntacyo bimariye kuko simbikoresha. Ubuse mba nabuze icyo ngaburira abana nkabona ayo kugura umuriro”.

Mugenzi we baturanye, Nyiranuma Annonciata avuga ko ku munsi yinjiza amafaranga 700 y’u Rwanda, akayaguramo ibyo ararira akaba arashize, bityo ngo akaba atabona ayo kugura umuriro.

Ati “Nta gatungo ngira aha iwanjye turya naciye inshuro, none se ibihumbi 60 by’amafaranga y’u Rwanda, nabikura he ngo banshyirire umuriro mu nzu”.

Aba bombi, kimwe na bagenzi babo baturanye, basaba ko na bo bahabwa amatungo, ashobora kujya abafasha kubona amafaranga bakwifashisha bakava mu bukene babayemo.

Ububozi bw’Akarere ka Ruhango, bwo buvuga ko butashobora guha buri muturage amashanyarazi mu nzu, ko ahubwo hari uburyo bashyiriweho bwo gukorana na banki cyangwa ibigo by’imari byaborohereza kubona amafaranga yo gushyira umuriro mu nzu zabo.

Umuyobozi w’Akarere ka Ruhango, Mbabazi Francois Xavier, avuga ko inshingano ya mbere ubuyobozi bwari bwihaye yari iyo kwegereza abaturage amapoto y’umuriro aho batuye.

Ati “Intego yacu yari iyo kubegereza ayo mapoto kugira ngo ibikorwa remezo bibegere, rero inama tubagira begere za sacco n’ibindi bigo bibafashe gukoresha ayo mashanyarazi”.

Uyu muyobozi kandi avuga ko ubu banamaze kumvikana n’ikigo cy’igihugu gishinzwe gukwirakwiza amashanyarazi, REG, kuzajya cyorohereza abaturage batishoboye bakajya bishyura mu byiciro nko mu gihe cy’umwaka ariko bakabona umuriro.

Abafite inganda zitunganya umuceri bunamiye abashyinguye mu Bisesero.

Aba bacuruzi bari mu ihuriro bise Rwanda Forum Rice Mill, babigarutseho mu muhango wo kunamira Abatutsi basaga ibihumbi 50 bashinguye mu rwibutso rwa Bisesero mu karere Karongi, bishwe muri jenoside mu 1994.

Umuyobozi w’iri huriro Niyongira Uziel avuga ko Leta ubwayo itari gutegura Jenoside yonyine ngo inayishyire mu bikorwa, akavuga ko abanyamafaranga bagize uruhare runini mu gushyigikira Jenoside, kuko bayishoyemo amafaranga bari bafite icyo gihe.

Yagize ati “Urebye, abashoramari bakiriya gihe, bari mu kigero nk’icyacu, ariko barangije amafaranga bari bafite bayakoresha mu bwicanyi, hari ingero nyinshi z’abaherwe bagiye bakatirwa hano mu Rwanda ndetse n’ahandi.”

Urugwiro rwari rwose hagati y’abanyenganda n’abarokotse.

Uwamahoro Peter, n’umuyobozi w’uruganda rutunganya umuceri mu Karere ka Ruhango, Gafunzo Rice Mill, yavuze ko nk’abashora mari b’ubu bagomba kurwanya ikibi cyose cya kongera guhembera Jenoside.

Yavuze ko amafaranga bafite batazigera bayashora mu migambi mibi, ko ahubwo bagiye kwegera abarokotse Jenoside, bakabafasha kwiyubaka, bagateza imbere igihugu.

Babagejejeho ibiribwa bitandukanye.

Nyuma yo kinamira abashyinguye mu rwibutso rwa Bisesero bakahatera inkunga y’ibihumbi 500Frw, banafashe umwanya wo kuganiriza abarokokeye mu Bisesero, babereka ko batari bonyine. Babageneye inkunga y’ibiribwa bitandukanye, bifite agaciro ka miliyoni 3Frw.

Iri huriro ry’abanyenganda zitunganya umuceri, rimaze igihe cy’umwaka umwe rivutse, rikaba rigizwe n’inganda 21.

Urubyiruko rurasabwa kwikuramo imyumvire yo kwimakaza ubutunzi mu gushaka abo bagiye kubana ahubwo bagashyira imbere urukundo.

Aba baturage bavuze ibi mu gihe muri iyi minsi hakunze kumvikana imvugo igira iti “ngomba gushaka ahari akantu, nta gushaka umukene nawe uri we” n’izindi nk’izo.

Abakuze bakavuga ko ibi ari ukwibeshya, kuko ngo ibintu birashira abantu bagashwana bakanatana, ariko ahari urukundo ngo amahoro ahora ahinda.

Rwagaju Dan utuye muri aka karere, avuga ko yashatse umugore mu mwaka1986, ashaka umugore ufite iwabo bakize, ariko ngo yamugejeje mu rugo, umugore asanze ari umukene aramuta arigendera.

Ati “Nagiye kumushaka, mbona afite basaza be bakorera Mateus i Kigali, iwabo hanataha amamodoka menshi, nibwira ko bazamfasha nkatera imbere, ahubwo aho kumfasha, baranyishe kuko ubu bananyimye gatanya ngo nigurishirize agasambu kanjye ndebe ko nasaza neza, none nshaje nabi, dore imyaka ibaye 16 yarantaye, n’abana twabyaranye arabatwara.”

Umukecuru uri mu kigero cy’imyaka 66 y’amavuko, wanze ko amazina ye atangazwa mu itangazamakuru, avuga ko na we mbere y’uko ashaka, yajyaga yumva atashakana n’umuhungu ukennye, ariko abantu baza kumugira inama ko ibyo arimo ari ukwibeshya.

Ati “Njye nanze abahungu icyenda kuko numvaga ko ngomba gushakana n’umuhungu ufite inka, ufite imyumbati, inzu nziza n’ibindi.”

Kuri iki kibazo ariko, urubyiruko rwo mu karere ka Ruhango, rwaganiriye na Kigali Today, ntiruvuga rumwe kuri iyi myumvire. Bamwe bavuga ko bagomba gushakana n’abo bakunzi, abandi ngo bagomba “gushaka ahari akantu”.

Irankunda Clement ufite imyaka 28 y’amavuko, atuye mu Murenge wa Mbuye. Avuga ko ibyo kumva ko uzashaka umukobwa ufite iwabo bakize ari ukwibeshya.

Agira ati “Iwabo ni bo bakize, si we ukize kandi baravuga ngo ‘usiga iwanyu ziryamira imyugariro ukajya kuburara’.”

Nizeyimana Innocent atuye mu Murenge wa Ruhango, we avuga ko nta kuntu yaba ari umukene ngo anashake umukobwa w’umukene.

Nshimiyimana Jean Claude, atuye mu murenge wa Ntongwe, we agashimangira ko agomba gushaka umukobwa abona ko bahwanyije ubushobozi kuko ngo ashobora kuzana ubumurusha, yarangiza akamusuzugura cyangwa akamuta.

Abakuze bazi ingaruka zo gushakana n’uwo mutareshya, bagira inama urubyiruko kwikuramo imyumvire y’uko rugomba gushaka ahari imitungo aho gushaka ahari urukundo.

Abakuze bo mu Karere ka Ruhango bakavuga ko kumva ko ugomba gushaka ahari ibintu, ari ukwibeshya kuko ngo bikunze guhira bake. Icyiza ngo umuntu akwiye gushaka aho bareshya ntiyisumbukuruze, kuko ngo iyo ushatse uwo mureshya, iyo ukize murakirana, niyo ukennye murakenana.

Bamwe muri aba baturage bakuze bahamya ko kutagira ubutunzi buhagije, ari bimwe mu bisigaye bituma abasore n’inkumi batagishakana, bagahera iwabo ndetse bikanakurura ubwiyongere bw’abana bavuka ntibarerwe n’ababyeyi bombi.

Aho bakina ikiryabarezi, usanga hingaje urubyiruko n’abana.

Bamwe muri bo bavuga ko hashize ukwezi batabona ibiceri cyane cyane iby’ijano, kuko ababibonye bose bahita bajya ku bikina mu biryabarezi bikabarya, banyir’ibiryabarezi baza bakikorera bya biceri bakigendera.

Jean Claude Mwamini, ucuruza serivise z’ibigo by’itumanaho n’amabanki mu Rwanda, avuga ko iki kibazo kibahangayikishije cyane, kuko ngo hari n’igihe babura abakiriya babagurira kuko batagitunga ibiceri.

Ati “Nk’ubu abakiriya nabonaga bagura mitiyu baragabanutse, kuko wasangaga yifitiye igiceri cy’ijana, akigurira mitiyu none n’iyo aguhaye inoti ubura ayo ku mugarurira”.

Mwamini kimwe n’abandi bacurizi, avuga ko abakina ibiryabarezi, iyo bafite bayavunjishamo ibiceri, bakajya gukina bizeye kunguka bikarangira kiyatwaye yose.

Mutagomwa Jean Pierre, Umuyobozi wa Motel Ituze, na we avuga ko bagiye kumarana hafi ukwezi batabona ibiceri, bakabura uko bagarurira amakiriya.

Abenshi mu bacuruzi twaganiriye bakaba basaba ko ibiryabarezi byakurwa mu Mujyi wa Ruhango kuko uretse kwangiza ubucuruzi ngo biteza n’ibindi bibazo birimo gushwanisha imiryango, kurumbya urubyiruko n’ibindi.

Abasoje urugerero basabwe kudasubira inyuma.

Hari mu muhango wo gusoza itorero ry’intore zari zimaze amezi atandatu ku rugerero, mu bikorwa bitandukanye, wabaye kuri uyu wa 23 Kamena 2016.

Izi ntore zarangije amashuri yisumbuye mu mwaka wa 2015, aho zatorezwaga ubutore mu tugari, ndetse zikanakora ibikorwa bitandukanye biteza imbere abaturage.

Umuyobozi w’Akarere ka Ruhango, Mbabazi Francois Xavier, yasabye uru rubyiruko, kumenya ko kuba intore bidasigara ku rugerero gusa ahubwo ko bagomba gukomeza ibikorwa bakoraga kandi bagakomeza guharanira kwiteza imbere.

Mbabazi yasabye izi ntore kubera urugero urundi rungano n’abaturage b’iwabo mu midugudu kandi bagaharanira kubahindura.

Zimwe mu ntore zasoje Urugerero mu Karere ka Ruhango.

Uyu muyobozi wari wifatanyije n’intore zisaga 110, yabashimiye ibikorwa bakoze birimo guhanga imihanda mishya, imiganda yihariye, gukangurira abaturage kwitabira ubwisungane mu kwivuza no kubarura abakuze batazi gusoma no kwandika.

Abasoje urugerero mu Murenge wa Mbuye, bavuze ko bungutse indangagaciro z’umuco nyarwanda mu gihe bamaze batozwa kandi ko bishimira imirimo y’amaboko bakoze ku rugerero kuko basanga ifitiye akamaro abaturage.
Ku rundi ruhande ariko, ngo bagiye bahura n’imbogamizi zirimo kubura ibikoresho bifashisha mu mirimo bakoraga ya buri munsi.

Ubuyobozi bw’akarere bwijeje ko mu bindi byiciro bizakurikira ko, hagomba kurebwa uko imirimo uru rubyiruko rukora, yajya yitabwaho hagakumirwa imbogamizi zose rwahura na zo.

Abarangiza muri VTC bemeza ko bashoboye ntacyo abanyamahanga babarusha.

Kuri uyu wa kane tariki 23 Kamena 2016, abagera kuri 85 biganjemo urubyiruko bahawe impamyabushobozi mu masomo bize arimo ubwubatsi, ububaji, ubudozi, gutundanya imisatsi n’ibindi muri VTC Vunga mu Murenge wa Mbuye mu Karere ka Ruhango.

Bavuze ko badakwiye kumva ko bagomba kujya bakoresho ibikoresho biturutse mu mahanga gusa, kandi Leta ikora ibishoboka byose ngo iteze imbere ibikomoka iwabo, nk’uko umwe muri bo Tuyisenge Kiss urangije amasomo mu bwubatsi yabitangaje.

Yagize ati “Turashoboye. Abantu ntibakwiye kumva ko bagomba gutumiza, utubati, intebe n’ibindi za Dubai, kuko natwe turabikora kandi byiza cyane.”

Izi ntebe abayobozi bicayeho nzo abarangije muri VTC bikoreye.

Kimwe n’abandi, agahamya ko ubu barimo gushaka uko bakwishyirahamwe bagakora amakoperative bakagana ibigo by’imari n’abandi baterankunga bagakora imishinga igomba guhindura mu byaro batuyemo, bakanagura ibikorwa byabo bikarenga imipaka y’u Rwanda.

Umuyobozi wa VTC Vunga yo mu murenge wa Mbuye Pascal Nsanzabandi, yavuze ko abantu bari hanze bagomba kugirira urubyiruko rurangiza za VTC icyizere, kuko rushoboye aha agatanga ingero za bimwe mu bikoresho rurangiza rumaze kwikorera.

Ubuyobozi bw’Akarere ka Ruhango bumara impungenge uru rubyiruko, ko hanze hari imirimo myinshi irutegereje, akarusaba kwiga imishinga no kwishyirahamwe rugaharanira gupiganwa amasoko atangwa mu mirenge no mu karere.

Umuyobozi w’akarere Mbabazi Francois Xavier, avuga ko mu rwego rwo kwegereza abaturage ibibakorerwa, ko ubu buri murenge usigaye uhabwa ingengo y’imari. Muri iyi ngengo y’imari harimo ibikorwa byo kubakwa amashuri, kugura intebe, kudodesha imyenda y’abanyeshuri n’ibindi.

Ati “N’abandi bagomba gupiganira ayo masoko atarimwe murangije za VTC, tuzabibafashamo.”

Urubyiruko rwatewe inkunga.

Kuwa kabiri tariki 21 Kamena 2016, ayo mafaranga uyu mushinga wayashyikirije imishinga y’urubyiruko, nyuma y’isozwa ry’amahugurwa y’urubyiruko rutagize amahirwe yo gukomeza amashuri rumaze kubahugura ku kwihangira imirimo.

Umukozi w’umushinga wa Technoselve Mutabaruka Tarcisse, yavuze bafasha urubryiruko rutagize ahamirwe yo gukomeza amashuri, gutinyuka gushinga imishinga n’imishinga yarwo ihagaze neza bakayitera inkunga kugira ngo babahe imbaraga kubyaza umusaruro amahirwe arukikije.

Umuyobozi w’akarere ka Ruhango Mbabazi Francois Xavier, yavuze ko ashimira cyane imishinga nk’iyi kuko ibafasha kwesa neza imihigo bahiga buri myaka.

Iyi nkunga ngo izabafasha kuzamura imishanga yabo.

Ati “Imishinga nk’iyi iradufasha cyane, kuko bituma tubasha kwesa neza imihigo yacu, kuko buri mwaka imihigo duhiga, haba harimo niyo guteza imbere urubyiruko.”

Urubyiruko rwitabiriye aya mahugurwa, rukavuga ko rugiye kwiteza imbere kuko rwahungukiye byinshi.

Irankunda Clement umwe mu bitabiriye aya mahugurwa, atuye mu Murenge wa Mbuye, yakoze umushinga wo gufotora abantu aho atuye, ahabwa inkunga y’ibihumbi 410Frw, akavuga ko aya mafaranga agiye kumufasha guteza imbere umushinga we.

Ati “Burya nemera ko ubukene bw’umuntu ari mu mutwe, kuko ngo ufite ibitekerezo byiza ntiwabura gutera imbere.”

Uyu mushinga Wa Techno serve, ukorera mu turere dutandatu tw’u Rwanda, ukavuga ko ufite intego yo gufashe yo gufasha urubyiruko kwivana mu bukene.

Aya mahugurwa yamaze amezi atatu yitabirwa n’urubyiruko rugera muri 400, ruhugurwa ku kwihangira imirimo rukishakamo ibisubizo.

Muri aya mahugurwa yakorerwaga mu mirenge igize akarere aka Ruhango, hakaba ariho hatoranyijwe imishinga myiza ihiga iyindi igenerwa inkunga.

Umunyamabanga Nshingwabikorwa wa CNLG ashimangira ko ingengabitekerezo ya Jenoside igomba gucika abatabyemera bakayimira ikabaheramo.

Umunyamabanga Nshingwabikorwa wa Komisiyo ishinzwe Kurwanya Jenoside, Jean Damascene Bizimana, ashimangira ko uko imyaka igenda ishira, ingengabitekerezo ya Jenoside igenda igabanuka ku buryo bugaragara, ariko ngo hari abo ikigaragaraho.

Ati “Ingengabitekerezo ya Jenoside igenda igabanuka ku buryo bugaragara, ariko hari abo ikirimo bake, rero Leta iri maso kuko n’abo ikigaragaraho ntituzabyemera! Turashaka ko ibisohokamo cyangwa bakayimira ikaguma mu nda yabo, ntidukeneye ko bajya ku yibiba mu bandi Banyarwanda bazima.”

Dr Bizimana yagarutse cyane ku bashinyagurira abarokotse Jenoside atanga urugero rw’umugabo uri mu kigero cy’imyaka 66 warokotse Jenoside, wabwiwe n’umwe mu bagifite ingengabitekerezo ko asumbwa n’ingurube ye.

Ku munsi wo gusoza icyunamo ku wa 13 Kamena 2016, na bwo ngo hari umugore winjiye mu kabari avuga amagambo asesereza abacitse ku icumu rya Jenoside ati “Mwumvise ukuntu abantu bamokaga uboshye imbwa!” avuga abari bahuye n’ikibazo cy’ihungabana.

Dr Bizimana, mu muhango wo gushyingura mu cyubahiro imibiri irenga ibihumbi 20 y’abatutsi bishwe muri Jenoside ku wa 19 Kamena 2016 yavuze ko abantu nk’abo batazigera bihanganirwa, asaba buri Munyarwanda guhagurukira kurwanya ingengabitekerezo ya Jenoside, iki kibazo kikarangira burundu.

Imibiri irenga ibihumbi 20 yashyinguwe mu rwibutso rw’akarere.

Uyu muhango wabaye kuri iki cyumweru tariki 19 Kamena 2016, witabiriwe n’abantu batandukanye, barimo abayobozi, abafite ababo bashyiguwe, inshuti n’abavandimwe.

Abashyinguye ababo mu cyubahiro bavuze ko bahoraga bababazwa no kubona imibiri y’ababo ikiri hirya no hino, bagashimira uruhare Leta igira mu guha agaciro k’ababo bishwe bazira uko baremwe.

Uwurukundo Genevieve, afite abe bashyinguwe mu cyubahiro, avuga ko yumva aruhutse ku mutima, kuko agiye kuzajya aza akabukira abe aho baruhukiye neza.

Umuhango witabiriwe n’abantu benshi.

Agira ati “Ndashimira cyane Leta yacu y’ubumwe cyane cyane ariko ingabo za RPF zaturokoye zikabasha guhagarika jenoside, ubu ndummva ubwo abanjye bimuwe hari yantu bagashyirwa ahantu heza.”

Kimwe n’abandi bafite ababo batari bashyinguye neza, agasaba ko umuntu wese waba uzi ahari umubiri udashyinguye mu cyubahiro, ko yahagaragaza ukazanwa mu bandi.

Umunyamabanga wa Leta muri Minisiteri y’Umutungo Kamere (MINIRENA), Evode Imena, yashimiye imbaraga akarere ka Ruhango kashyize muri iki gikorwa cyo kubaka uru rwibutso.

Uru rwibutso rushya rwuzuye rutwaye asaga miliyoni 108Frw.

Yasabye urubyiruko kwigira ku mateka mabi yaranze imyitwarire y’urubyuruko rwo mu bihe bya Jenoside, bagaharanira kubaka amateka meza aganishya igihugu cy’u Rwanda aheza.

Iyi mibiri isaga ibihumbi 20, ikaba yaratangiye kwimurwa tariki 11 Mata 2016, mu rwibutso rw’akarere rwari rushaje, indi ivanwa ahitwa Muyange na Kigoma n’ahandi. Ibanza gutunganywa mbere y’uko ishyingurwa mu cyubahiro.

Urwibutso rushya rw’Akarere ka Ruhango rwimuriwemo iyi mibiri, rwuzuye rutwaye arenga miliyoni 108Frw.

Urubyiruko rurakangurirwa kwishakamo ibisubizo rukirinda ibishuko.

Babisabwe kuri uyu wa 15 Kamena 2016, mu gikorwa cyawo “True Love campaign-urukundo nyarwo mu rubyiruko” cy’ubukangurambaga bwo gushishikariza urubyiruko gusobanukirwa n’ubuzima bw’imyororokere rwirinda ibishuko.

Isabelle Kalisa, Umukozi w’Imbuto Foundation mu Ishami ry’Ubuzima, avuga ko hari urubyiruko rwinshi rw’abakobwa bagihura n’ibishuko bigatuma batwara inda z’imburagihe, bityo bikabagiraho ingaruka zubuzima bwabo.

Akaba ari yo mpamvu hateguwe igikorwa cyo gukora ubukangurambaga ku rubyiruko kugira ngo rurusheho kwanga kwiyandarika rwamaganira kure abarushuka.

Umugiraneza Liliane, umunyeshuri wiga muri Kaminuza y’u Rwanda, Ishami rya Huye, ni umwe mu bakobwa bagaragaje imyitwarire myiza ufashwa n’Imbuto Foundation.

Muri ubu bukangurambaga banasuzuma urubyiruko ku bushake ngo rumenye uko ubuzima bwarwo buhagaze.

Avuga ko kwanga umugayo no kwiyakira mu bibazo yahuraga na byo by’amikoro make, ari byo byamufashije kugira ngo aba ageze aho ari ubu.

Ati “Begenzi banjye benshi bicwa no kutiyakira, yabona iwabo ari abakene nabashe kwiyakira, agahitamo kwemera ibyo bamushukisha. Icyo nababwira ni uko iyo wihagazeho, ejo ibyo bagushukisha urabyiha”.

AUmuyobozi Wungirije w’Akarere ka Ruhango ushinzwe Imibereho Myiza y’abaturage, Kambayire Annonciata, avuga ko iki ari ikibazo gihangayikishije cyane, ariko akavuga ko bitewe n’ubufatanye bw’izindi nzego, bagomba kukitaho bakakirwanya, bashaka urubyiruko ahazaza heza.

Muri iyi gahunda y’Imbuto Foundation, haranakorerwamo ibikorwa byo gusuzuma urubyiruko ngo rurebe uko ubuzima bwarwo buhagaze. Icyi gikorwa cy’ubukangurambaga yatangiye tariki ya 07 Kamena 2016 kikazarangira mu gihugu hose ku wa 17 Kamena 2016.

Ikiryabarezi cyamuriye ayo yagurishijemo isambu asigaye imbokoboko arakijanjagura.

Hari ku mugoroba wo ku wa 15 Kamena 2016, ubwo uyu musore tutashoboye kumenya amazina ye, ariko abenshi bakunda kwita KGL “Kigali”, usanzwe ari umukarani mu Mujyi wa Ruhango, yamenaga icyo kiryabarezi bivugwa ko yari amaze iminsi akina.

Gusa, ngo buri uko yamaraga gukina yagendaga akubita agatoki ku kandi ngo kirabeshya gikomeze kimurye na we azakimena.

Umwe mu bo twasanze aho yakimeneye mu Kagari ka Nyamagana mu Murenge wa Ruhango, yagize ati “Yahoraga agikina, akakirya na cyo kikamurya. Gusa uyu munsi bwo yahazindukiye arakina arakina, amaze gushoramo ibihumbi bine, kimwereka ko agiye kurya ibihumbi 20, ariko nticyayamuha.”

Akomeza avuga ko KGL yatangiye kwitotomba avuga ngo “isambu yanjye koko kirayamaze! Twagiye kubona tobona arateruye no hasi kirashwanyuka afata ibice byacyo atangira kubitera abantu, arangije afata amafaranga yarimo ariruka”.

Abari bahari bakavuga ko akimara kukimena yavuze ko bitamuhagije, ngo keretse icyamuzanira banyirabyo “Abashinwa” akaba ari bo bibonanira.

Uretse uyu cyariye akakimena, hari abandi benshi bitotombaga bavuga ngo babajwe n’uko akimennye batagaruje amafaranga yabo cyabariye.

Umwe utashatse gutangaza amazina ye, yagize ati “Ubu sinkigera mu rugo, bampaye amafaranga ibihumbi 80 ngo njye kubagurira akanyana ku Rupangu, ngeze hano mbona abandi barakina, ndavuga nti ‘njye uwakinaho nkungura aya mafaranga bampaye, kirayarya kirayamara, ubu nibera aha’.”

Umukozi w’Akarere ka Ruhango ushinzwe Urubyiruko, Umuco na Siporo, Rurangwa Sylvain, avuga ko agiye kwegera urubyiruko akarushishikariza gukora rukava mu mikino ya tombora no gutega (betting) itarufitiye akamaro, kuko abenshi bahavana ubwihebe bakaba banakwishora mu ngeso mbi.

Mu Mujyi wa Ruhango, kugeza ubu hagaragara ibi byuma bise ibiryabarezi bigera kuri bine, ubu hakaba hasigaye bitatu kuko ikindi kamenwe

ACP Kuramba arasaba kurwanya ubucuruzi bw’abantu bukorerwa kuri internet.

Polisi iviga ko uko iterambere ryihuta, ari nako ikoranabuhanga rikomeje gukataza. Gusa ikavuga ko uko rizamuka ari nako ibyaho birikorerwaho cyane ibyo gucuruza abantu byiyongera, aho usanga abana bajyanywa mu bihugu byo hanze biciye ku mbuga nka za Facebook.

ACP Tony Kuramba, Commissioner muri polisi y’igihugu mu ishami rijyanye n’ubufatanye mpuzamahanga mu kurwanya ibyaha birenga imipaka, avuga ko abagenda abenshi baba bizeye ubuzima bwiza no guhabwa akazi.

Agira ati “Umwana agahurira n’umuntu kuri facebook bakaba baye inshuti akanya gato, akamubwira ko agiye ku mubonera ishuri cyangwa akazi keza.”

ACP Kuramba akomeza avuga ko na polisi yamaze gufata ingamba zo kurwanya ibi byaha nabo bakoresheje ikoranabuhanga no kwigisha Abanyarwanda, hanongerwa imbaraga mu bufatanye mpuzamahanga mu buryo bwo gukumira iki cyaha n’ibindi.

Polisi ifite amakenga y’ababyirukira ku ikoranabuhanga.

Avuga ko kugeza ubu bamaze kugirana imikoranire n’ibindi bihugu ku isi bigera 190, bafatanya nabyo mu kurwanya ibyaha byambukiranya imipaka byiganjemo icuruzwa ry’abantu ahanini rikorerwa kuri internet.

Iki cyaha cyo gucuruza abantu gihanwa n’amategeko y’u Rwanda, ugifatiwemo ahanishwa igifungo kiri hagati y’amezi atandatu kugeza ku myaka 15, n’ihazabu yo kuva ku bihumbi 500Frw kugeza kuri miliyoni 20Frw bitewe n’uburemere bw’icyaha.

Guhera mu 2015 kugeza ubu gusa, ngo mu gihugu hamaze kugarurwa abana bagera kuri 5, bakuwe mu bihugu birimo nka Mozambique, Dubai na Afurika y’Epfo.

Aba barangariye umukino w’Ikiryabarezi.

“Ikiryaberezi” ni tombora ikoreshwa mu buryo bwo gufata igiceri cy’ijana cy’amafaranga y’u Rwanda, bakagishyira mu byuma bavuga ko byazanywe n’Abashinwa, bagambiriye kugira ngo kibungure andi menshi.

Ababyeyi bavuga ko uyu mukino watumye benshi mu bana n’urubyiruko bararuka cyane bakitabira ibi byuma, biteze kubonamo amahirwe menshi ariko bikarangira bacyuye ubusa.

Ntawimarishavu Aloys, utuye mu Mujyi wa Ruhango akanawukoreramo, avuga ko guhera mu gitondo bagiye ku kazi, urubyiruko n’abana, na bo batangira kwegera ibi byuma byiswe ibiryabarezi, bakageza mu ijoro bagihari.

Iki ni cyo kiryabarezi gikinishwa muri tombora. Abagikiniraho ngo bataha amara masa.

Ati “Biraduhangayikishije, kuko ubona bahazindukira bakahirirwa, abandi bakava ku ishuri, aho gutaha bakaza hano gukina no kureba ngo bagerageze amahirwe.”

Avuga ko uyu mukino ubahangayikishije kuko uretse n’impungenge ku bana babo, ngo banafite ubwoba bw’uko bizakurura ubujura buhambaye muri uyu mujyi.

Impamvu ngo ni uko umuntu azajya ajyana udufaranga twe baturye, ubundi ahite atekereza kujya kwiba kugira ngo asubireyo.

Abana na bo baba bahari babirangariyemo.

Ati “Urabona ubu, usigaye utuma umukozi ngo ajye guhaha, yahagera akavuga ati ‘uwashyiramo ijana sinakunguka nkarisubizaho?’ Akikangura twose baturiye.”

Rumwe mu rubyiruko rwitabira iyi mikino, ruvuga ko nta muntu ujya urya ibi byuma, kuko ngo n’iyo hari uriye, arakomeza agakina kugeza ubwo n’ayo yariye bayisubije.

Uretse abaza kubikina bakanaribwa bagahomba, hari n’abaza kureba uko ikinwa, kubera kurangara, bakahabibira.

Ndahimana Jean Pierre, utwara abantu n’ibintu ku igare, avuga ko yaje kureba uko babikina, ahindukiye gato asanga igare yari yaraguze amafaranga ibihumbi 60Frw bararitwaye, kandi ari ryo ryari rimutunze n’umugore n’abana.

Uyu bamwibye igare yaje kureba uko bakina Ikiryabarezi.

Ndahimana agira inama urubyiruko kutizera amahirwe muri tombora, ko ahubwo bashyira hasi amaboko bagakora.

Rurangwa Sylvain, umukozi w’Akarere ka Ruhango ushinzwe Urubyiruko, Umuco na Siporo, avuga ko iyi mikino atari ayizi, ariko ngo agiye kwegera urubyiruko arushishikarize kuva muri ibi bikorwa bishobora kururarura.

Abana bishimiye guhura n’uhagarariye abari bose mu gihugu.

Yabivuze kuwa gatandatu tariki 11 Kamena 2016, mu gikorwa cyo gutangiza ibikorwa by’icyumweru cya hariwe polisi “Police week” cyatangiriye mu Karere ka Ruhango ku rwego rw’Intara y’Amajyepfo.

Agendeye ku nsanganyamatsiko igira iti “Turenge Umwana” Nyampinga Mutesi asaba abantu bose kumva neza agaciro ku mwana, bamurinda ibikorwa bibi bitamugenwe ahubwo akitwabwaho mu guhabwa ibimugomba.

Miss Mutesi vuga umwana wese atari uw’uwamubyaye gusa.

Yagize ati “Niba dushaka iterambere ry’igihugu, ntitwibagirwe n’abana bo bazakibamo ejo hazaza, kuko ntacyo twaba dukora duharanira gutera imbere tutitaye ku mibereho myiza y’abana bacu kandi aribo dushakira amajyambere.”

Yavuze ko kugira ngo bigerweho, ari ugihundura imyumvire abana bagahabwa icyerekezo, bagakurana umurava w’iterambere, bagakura bazi neza icyo bagomba guharanira no kugeraho.”

Leta iri muri gahunda yo guharanira iterambere ry’umwana, harwanywa icyatuma umwana w’umunyarwanda wese aba inzererezi.

Yari yitabiriye itangizwa ry’icyumweru cya polisi ku rwego rw’Intara y’Amajyepfo cyabereye mu Karee ka Ruhango.

Icyumweru cyahariwe ibikorwa bya Polisi kizasozwa Taliki 16 Kamena 2016, ubwo Polisi y’u Rwanda izaba yizihiza isabukuru y’imyaka 16 imaze ishinzwe.

Muri iki cyumweru hateganyijwemo ibikorwa byinshi bitandukanye, bizabanda ku mutekano wo mu muhanda no kwita ku burenganzira bw’umwana.

Abagore bavuga ko bagifite ubumenyi buke mu guhangana n’ihohoterwa.

Inama y’igihugu y’abagore (GMO), iri mu gikorwa cyo guhugura abari mu nzego z’abagore mu rwego rwo guhangana n’ihohoterwa rishingiye ku gitsina. Amahugurwa akorwa ku bufatenye bw’izindi nzego nka Minisiteri y’Ingabo na Minisiteri y’Uburinganire n’iterambere (MIGEPROF).

Kemirembe Joy umukozi w’inama y’igihugu y’abagore ushinzwe kurwanya ihohoterwa rikorerwa ku gitsina, bifuza ko ihohoterwa ryacika burundu, kuko rigira ingaruka nyinshi mu kudindiza iterambere ry’ingo.

Avuga ko ibikorwa byabo bigenda bitanga umusaruro nubwo hakiri zimwe mu nzego z’abagore zigihura n’ikobazo cy’ubumenyi bucye, bigatuma batabasha kwitwara neza igihe havutse ikibazo cy’ihohoterwa rishingiye ku gitsina.

Abagore bavuga ko bagifite ubumenyi buke mu guhangana n’ihohoterwa.

Agira ati “Guca iri hohoterwa rirareba buri wese, niyo mpamvu hagomba kubaho ubufatanye bw’inzego zitandukanye guhera aho mutuye mu midugudu tukarica burundu.”

Yabitangaje kuwa kane tariki 9 Kamena 2016, ubwo batangizaga amahugurwa mu Karere ka Ruhango, ahugura inzego z’abagore guhangana n’ikibazo cy’ihohoterwa.

Abitabiriye aya mahugurwa, bavuga ko hari igihe bahura n’imbogamizi igihe havutse ikibazo cy’ihohoterwa, bakabura uko bagikemura kubera ubumenyi bucye, nk’uko byatangajwe na Musengamana Francoise, uhagarariye inama y’igihugu y’abagore mu kagari ka Nyamagana.

Aya mahugurwa yatangiriye mu turere tune tw’Intara y’Amajyepfo, aabera muri buri kagari kandi akazagera no tundi turere tw’igihugu twose.

Umuyobozi wa Polisi mu Ntara y’Amajyepfo ACP Nkwaya, yifatanyeje n’abaturage kubungabunga ibidukikije.

Umuyoboi wa Polisi mu ntara y’Amajyepfo ACP Nkwaya Francis, yabitangaje ubwo yifatanyaga na koperative icukurra ikanacuruza umucanga mu Murenge wa Mbuye, mu gikorwa cyo kubungabunga ibidukikije ahacukurwa imicanga kuri uyu wa gatanu tariki 27 Gicurasi 2016.

Muri iki gikorwa cyaranzwe no gusiba ibinogo byahagiye hacukurwa imicanga, hakanaterwa imbingo zigomba gufata isuru, ACP Nkwaya yasabye abibumbiye muri iyi koperative COPERU bakabakaba muri 400 yabasabye kudashishikazwa no gushaka amafaranga gusa ngo bibagirwe ibidukikije.

Umuyobozi wa Koperative COPERU avuga ko bavangirwa n’abacukura batagira ibyangombwa.

Yababwiyeko igihe cyose bazakora akazi ko gucukura no gucuruza umucanga, batabungabunga ibidukikije, bazahanwa n’amategeko arebana no kubungabunga ibidukikije.

Umuyobozi wa koperative COPERU, Theoneste Bimenyimana, yavuze ko bakora mu buryo bwubahirije amategeko, ariko bakavangirwa n’abandi baza bagacukura umucanga, bagasiga ibyobo aho batabisibye byarangiza bikitirirwa koperative ahagarariye.

Hari abacukura imicanga batagira ibyangombwa bakangiza ibidukikije.

Ati “Bitewe n’uko ari twe tuzwi, usanga n’abandi baza bagacukura barangiza bakigendera. Rwose mudufashe muri iki kibazo cy’abo bantu batuvangira, ibindi tuzabikora neza.”

Abanyamuryango b’iyi koperative, nabo bashimangira ko bakora ibishoboka byose ngo babungabunge ibidukikije, kuko umucanga wabagiriye akamaro kanini, bityo bakaba bagomba gukora ibisabwa n’amategeko, kugirango bakomeze banoze akazi kabatunze.

Bihoyiki Kalisa, umwe mu bakora akazi ko gucukura umucanga, yavuze ko abikesheje gucukura umucanga yabashije kwiyubakira inzu no kurihirira abana amashuri.

Aha arimo kwerekana aho ababyeyi bashyinguwe.

Nshimyumukiza, w’imyaka 33 y’amavuko, avuga ko Jenoside ikirangira we na barumuna be batatu bagiye kurererwa mu miryango itandukanye, ariko we aza kujya mu gisirikare, aho yaje kuvamo kubera ubumuga.

Avuga ko se Munyabusanza Laurent na nyina Mukamugema Anne Marie bishwe muri Jenoside, irangiye bashyingurwa mu itongo ryabo mu mudugudu wa Kigarama. Kuva icyo gihe, ngo barumuna be nta wahazaga. Cyakora we akiri mu gisirikare, ngo yajyaga ahaza gake akongera agasubirayo.

Avuga ko nyuma haje kuza nyirarume, ahagurisha uwitwa Nyamamare Ephrem amafaranga ibihumbi 250Frw.

Mu matongo yabo hororerwa ingurube.

Nshimyumukiza amaze kuva mu gisirikare yatangiye kwiruka ku mitungo yabo guhera mu 2010, ariko akavuga ko yananijwe n’inzego z’ibanze.

Gusa avuga ko ibi byose ntacyo bimubwiye, ko ikimubabaje ari ababyeyi be bakiri muri aya matongo, kandi aho bashyinguye hakaba hororerwa ingurube z’uwahaguze.

Ati “Ibintu ni ibishakwa, nanabasabye kumpa agapande ababyeyi banjye barimo, barambwira ngo oya, uwapfuye aba yapfuye. Ubu nabuze uwandenganura kuko aho ngenda hose, mba ndeba ababyeyi banjye bandeba bakabona ndi imbwa.”

Abaturanyi bazi neza isambu y’iwabo wa Nshimyumukiza.

Karasira Jean Marie utuye hafi y’iwabo wa Nshimyumukiza, avuga ko na we bamwemereye ko bazamuha ku mafaranga bazahagurisha.

Ati “Bajya kuhagurisha, barambwiye ngo barampa ibihumbu 50 by’amafaranga mbasinyire kuko nanjye dufitanye amasano ndabyanga, nyuma numva babikoze mu rwihishwa.”

Karasira kimwe n’abandi baturanyi bavuga ko uwaguze yahaye inka umuyobozi w’umudugudu n’umunyamabanga nshingwabikorwa w’akagari, kugira ngo ntibazamure iki kibazo mu nzego zo hejuru.

Bagasaba ko uyu musore yafashwa agahabwa iby’iwabo, imibiri y’ababyeyi be ikavanwa mu biraro by’ingurube.

Umunyamabanga Nshingwabikorwa w’Umurenge wa Bweramana, Uwamahoro Christine, avuga ko iki kibazo yakimenye tariki 19 Gicurasi 2016, akemerera uwo musore ko bazabiganiraho bakareba uburyo yafashwa.

Uwamahoro kandi avuga ko nta gihamya cy’uko uwahaguze yahaye inka abayobozi ngo bamuhishire ariko akavuga ko na byo barimo bikurikirana.

Umuyobozi wa Ibuka mu Karere ka Ruhango, Munyanziza Narcisse, avuga ko iki kibazo batari bakizi, ariko ko bagiye kugikurikirana urengana akarenganurwa.

Ati “Hari komisiyo ishinzwe kugaruza imitungo y’abana barokotse Jenoside yagiye yigarurirwa na bene wabo, bamwe bakanayigurisha."

Ati "Iyi komisiyo yashyizweho na Minisitiri w’intebe. Icyo tuzakora tuzabinyuza mu nzego z’akarere, nibyanga tubizamure hejuru, nibidakemuka hifashishwe inkiko.”

Mukabahizi Fortunee, umugore wa Nyamamare, ku murongo wa telephone igendanwa, yabwiye Kigali Today ko baguze iyo sambu mu mwaka wa 2004 ariko ko nta makuru bigeze bamenya y’uko ishyinguwemo imibiri y’abazize Jenoside yakorewe Abatutsi, kugeza ubwo habagaho iyandikwa ry’ubutaka.

Mukabahizi avuga ko uwo musore atigeze abegera ngo abereke ahashyinguye iyo mibiri, bityo bafatanyirize hamwe kureba uko yakwimurwa igashyingurwa mu cyubahiro, ahubwo ngo yahise ajya mu buyobozi.

Ku bijyanye n’ubugure bw’iyo sambu bivugwa ko abayigurishije atari ba nyirayo, Mukabahizi avuga ko bayiguze ku mugaragaro kandi ko muri icyo gihe, amasezerano yakorewe mu buyobozi, akavuga ko uwo musore yasaba nyirarume wayigurishije bagahurira hamwe n’abayiguze, bagashaka igisubizo bose.

Kuvugana n’uwagurishije isambu ntibyashobotse, kuko abaturage bavuga ko batazi aho asigaye aba.

Abarokotse Jenoside yakorewe Abatutsi basabye abaganga n’urukundo, bakitandukanya n’ikibi.

Babivuze kuri iki Cyumweru, tariki ya 22 Gicurasi 2016 mu muhango wo kwibuka ku nshuro ya 22 abaganga n’abarwayi biciwe mu Kigo Nderabuzima cya Kinazi muri Jenoside yakorewe Abatutsi mu 1994.

Hitimana Francois warokokeye muri uyu Murenge wa Kinazi, avuga ko mu gihe cya Jenoside, bamwe mu baforomo bakoreraga muri iki kigo nderabuzima, bahindutse bakagambanira bagenzi babo b’Abatutsi ndetse n’abarwayi bari bahagannye bakahicirwa.

Avuga ko uwitwa Jean Budengeri wari ushinzwe gusuzuma abarwayi, ngo igihe cyageze agahinduka cyane, agambanira bagenzi be bakoranaga barabica, kugeza no ku barwayi b’Abatutsi bari bahari.

Hitimana avuga ko abaganga bo muri iki gihe bakwiye kwigishwa urukundo nyarwo, bakitandukanya n’ingengabitekerezo mbi yabibwe n’ubutegetsi bubi bwagejeje u Rwanda kuri Jenoside yakorewe Abatutsi.

Bunamiye abiciwe mu Kigo Nderabuzima cya Kinazi.

Ati “Rwose barahemutse cyane. Uzi kubona umuntu aza akugana ngo umuvure, ari bo ushinzwe waranabyigiye, aho kumuvura ukamusonga? Rwose abaganga b’ubu nibagire urukundo bazibe icyuho cya bagenzi babo.”

Umuyobozi w’Ibitaro bya Ruhango biri mu Murenge wa Kinazi, Dr. Niyomugabo Jean Fidele, agaya abaganga n’abaforomo bijanditse muri Jenoside bagasebya umwuga wabo.

Uyu muganga yizeza abaturage ko abaganga n’abaforomo b’iki gihe batazigera bakora ibikorwa bibi, ahubwo ko bagomba guharanira guha urukundo ababagana, babavura neza.

Dr. Niyomugabo yongeraho ko bazakora ibishoboka byose kugira ngo umuganga w’iki gihe atazigera agwa mu mutego bagenzi babo bagushijwemo n’ubuyobozi bubi.

Amazina ya bamwe mu biciwe mu Kigo Nderabuzima cya Kinazi.

Umunyamabanga Nshingwabikorwa w’Umurenge wa Kinazi, Patrick Mutabazi, avuga ko ubuyobozi buzakora ibishoboka byose kugira ngo abaganga, kimwe n’abandi Banyarwanda, bigishwe indangagaciro z’Ubunyarwanda, bityo zibarinde kuba bakwijandika mu kibi icyo ari cyo cyose.

Kuri uyu wa kabiri tariki 17 Gicurasi 2016, ubuyobozi bw’iki kigo bwagiranye inama n’inzego zitandukanye z’Akarere ka Ruhango, yigaga ku ngamba zikwiye gufatwa kugira ngo abaturage batuye nabi n’abatuye mu manegeka batuzwe mu midugudu ijyanye n’igihe.

Inzego zibanze zasabwe kwitwara neza muri iki gikorwa zidahutaza abaturage.

Umuyobozi w’imiturire muri iki kigo, Protais Mpayimana yavuze inzego zigomba kwihutisha igikorwa cyo kubarura ingo zituye zitatanye n’izituye mu manegeka, kugira ngo ubukangurambaga ku batuye nabi butangire bwokubatuza mu midugudu.

Nubwo ngo hakigaragara iki kibazo cy’imyumbire mu baturage bagomba kwimurwa, ngo inzego zitandukanye zirimo izibanze, REMA, polisi ingabo, dasso, n’abandi batandukanye ngo bagomba gukora ibishoboka byose baguhuza ubukangurambaga kugirango abaturage batuzwe neza.

Yagize ati “Nubwo bitoroshye, ariko tuzabigeraho. Ngira ngo muribuka igikorwa cyo kurwanya nyakatsi uko cyari kimeze. Abaturage ntibabyumvaga, Ariko gake gake kiza gukemuka neza. Turizera rero ko k’ubufatanye bw’izi nzego tuzabigeraho.”

Urugero rw’imwe mu midugudu ishobora kuzitabazwa mu gukura abaturage mu manegeka.

Umuyobozi w’Akarere ka Ruhango Mbabazi Francois Xavier, yavuze ko n’izindi nzego zihuriye muri iki gikorwa, hagiye gukoreshwa imbaraga zishoboka kugira ngo abaturage batuye batatanye batuzwe neza.

Ati “Ntimukwiye kugenda muvuga muti, batubwiye ko mugomba gusenya mukimuka, oya mugomba gukoresha imvuga zumvikana mugaragaza ko ibintu ari ibyanyu.”

Iki kigo kivuga ko kugeza ubu ingo ibihunbi 360 zihwanye na 55,8% zituye zitatanye n’izituye mu manegeka mu gihugu hose, ari zo zizibwandwaho mu gutuzwa mu midugudu.

Iki kigo kivuga ko umuturage uzaba adashoboye kwiyubakira kizajya kimwubakira, kuko ubu hari ingengo igera kuri miliyari 4Frw yagenewe ibi bikorwa ngo nubwo ikiri nke. Iyi gahunda kandi iri mu igenabikorwa rya IDPRS ya kabiri ikazegereza abaturage ibikorwa remezo birimo amashuri n’amavuriro.

Yatawe muri yombi kuri uyu wa mbere tariki 16 Gicurasi, nk’uko umuvugizi wa polisi mu Ntara y’Amajyepfo CIP Andre Hakizimana, yabyemeje muri iki gitondo cyo kuwa kabiri.

Yavuze ko akekwaho icyaha cyo kunyereza amafaranga ya Leta, nyuma y’ubugenzuzi bwakorewe muri ibi bitaro mu minsi ishize.

Ibitaro bya Kinazi bimaze imyaka igera ine bikora.

Yagize ati “Arafunze akekwaho kunyereza amutungo wa Leta, gusa turacyakora iperereza rihagije, kugira ngo tumenye byinshi kuri iki kibazo.”

Uyu muyobozi w’ubutegetsi bw’ibitaro bya Ruhango biri mu Murenge wa Kinazi, atawe muri yombi nyuma y’igihe kinini hakomeje kumvikana inyerezwa ry’amafaranga muri ibi bitaro. Byaje no kuba intandaro y’itoroka ry’umuyobozi wabyo Habimana Valens.

CIP Hakizimana yavuze ko kugeza ubu hataramenyekana umubare nyawo w’amafaranga amaze kunyerezwa, aiko icyo iperereza rizatanga bakazakimenyesha Abanyarwanda.

Ibitaro bya Ruhango biri mu murenge wa Kinazi, byatangiye imirimo yabyo mu 2012, nyuma y’uko bifunguwe na Perezida Paul Kagame, ari nawe wabyemereye abaturage batuye mu gace k’Amayaga.

Mu ijoro rya tariki ya 13/05 zishyira tariki ya 14/05/2016, nibwo ku mbuga zitandukanye hakomeje gucaracara amakuru avuga ko bamwe mu bakinnyi bari bavuye gukina n’ikipe ya Gisagara, baraye mu maboko ya polisi kubera kunanirwa kumvikana n’abayobozi bari baherekeje ikipe y’abahungu n’abakobwa.

Ubuyobozi bw’akarere ka Ruhango buvuga ko bwemera ko habayeho ubwumvikane buke hagati y’abakinnyi ndetse n’ubuyobozi, ariko ko nta muntu numwe wigeze afungwa.

Abayobozi ba Ruhango baranyomoza amakuru avuga ko hari umukinnyi ufunzwe

Rurangwa Sylvain, ushinzwe siporo mu karere ka Ruhango, avuga ko bavuye gukina n’ikipe ya Gisagara, ibatsinze ibitego 4-0, bageze mu karere ka Ruhango abakinnyi bari baturutse mu mirenge ya Kinihira, Kinazi na Bweramana yo muri aka karere, banga gutaha bavuga ko bashaka amafaranga.

Uyu muyobozi yagize ati “twageze ku karere hari imodoka zabazanye zinagomba kubasubiza mu mirenge baturutsemo, ariko baranga ngo barashaka amafaranga. Kandi mu by’ukuri tujya gukina nta mafaranga twari twumvikanye kubaha. Ariko baduserereje ku buryo n’ubu batahanye imyenda bakinanye banze kuyitanga”.

Rurangwa akavuga ko bakomeje gutera amahane cyane, kugeza ubwo bitabaje polisi, ariko polisi ntiyagira uwo ifunga ahubwo ikaba yakoze akazi ko kubumvikanisha abanyeshuri bamwe bakemera gutaha.

Ati “Rwose bamwe batashye mu kanya saa munani z’ijoro, ariko ubu twabihosheje nta kindi kibazo kigihari”.

Aya makuru kandi ashimangirwa n’ubuyobozi bwa Polisi ishami rya Ruhango, aho buhakana ko nta mukinnyi cyangwa umuyobozi bwafunze.

Umuyobozi wa Polisi ishami rya Ruhanho CIP Bosco Ndayisabye, avuga ko nta muntu numwe bafunze, gusa akemera ko bitabajwe nk’abantu bari bananiwe kumvikana, ariko ntibagira uwo bafunga.

Ibi byose bika byabaye nyuma y’imikino mu marushanwa Kagame cup, yahuzaga ikipe za Ruhango na Gisagara yahuriye kuri TTC Save.

Uyu musaza ni umwe muri 14 borojwe inka muri gahunda y’icyumweru cya "Girinka".

Ubwo hatangizwaga iki cyumweru, tariki ya 12 Gicurasi 2016, mu Murenge wa Byimana, Umuyobozi w’Akarere ka Ruhango, Mbabazi Francois Xavier, yavuze ko iki gikorwa kigomba kubera muri buri murenge, nibura kikazarangira habonetse abatishoboye 58 bahabwa inka n’abari barazihawe mbere zikororoka.

Nubwo gahunda ya Girinka ikomeje gutanga umusaruro ku baturage benshi, umuyobozi w’akarere avuga ko hari bamwe bagishaka kuyibangamira bashaka kugurisha izi nka zitangwa, cyangwa bakaziha abatazikwiriye.

Ati “Hari inka nyinshi tugarurira ku masoko, ku mabagiro n’ahandi. Icyo dusaba abaturage ni ukujya batanga amakuru hakiri kare, kugira ngo ubuyobozi bukumire ibyo bibazo mbere y’igihe.”

Abana bahawe amata.

Abaturage 14 bo mu Murenge wa Byimana borojwe inka na bagenzi babo mu muhango wo gutangiza icyumweru cyahariwe gahunda ya Girinka, bagaragaje ko bishimye cyane kuko ubuzima bwabo bugiye kurushaho kuba bwiza.

Gatabazi Felicien, umusaza uri mu kigero cy’imyaka 70 y’amavuko wagabiwe inka, avuga ko ashimira cyane Perezida Paul Kagame, kuko amenya abakene. Avuga ko iyi nka igiye kumurinda gusabiriza, ikamuha amasaziro meza.

Dusabimana Sylidio, umukozi w’Ikigo gishinzwe guteza imbere Ubuhinzi n’Ubworozi (RAB), yavuze ko byanze bikunze hazakorwa ibishoboka iyi gahunda ikagenda neza ku buryo nibura buri mukene wese azagerwaho n’inka. Yasabye abagize komite za gahunda ya Girinka gukora akazi kabo neza.

Abahawe inka bahawe n’ibikoresho byo kuzitaho.

Nyirabahire Venancie agaragaza akababaro afite ko kuvanwa mu isambu huti huti, imitungo ye yangizwa. Ifoto: Eric Muvara/Kigali Today.

Nyuma y’ikibazo cy’irangizwa ry’urubanza umupfakazi wa Jenoside yatsinzwemo n’abavandimwe b’umugabo we, bakamuvana mu mitungo huti huti, ubuyobozi bw’Akarere ka Ruhango bwageze ahavugwa ikibazo mu Mudugudu wa Nyamugari, Akagari ka Gafunzo mu Murenge wa Mwendo, buha igihe cy’ukwezi uwo mupfakazi kugira ngo abashe kwimura imitungo ye.

Ku mugoroba wo kuri uyu wa Kabiri tariki 10 Gicurasi 2016, ubuyobozi bw’akarere n’izindi nzego zirimo iz’umutekano zari zaje gukemura iki kibazo kimaze iminsi kivugwa hagati ya Nyirabahire Venancie n’abavandimwe b’umugabo we wishwe muri Jenoside ariko akamusigira isambu.

Iyo sambu atuyemo guhera mu 1985, abavandimwe b’umugabo we baje kuyimukuramo, ari na byo byakuruye imanza zari zimaze hafi imyaka 8, bamutsinda akajurira na we akabatsinda, ariko kuri ubu bikaba byararangiye bamutsinze, urukiko rugategeka ko iyo sambu ijya mu maboko y’abamutsinze.

Abaturanyi b’uyu mupfakazi wa Jenoside bari barandikiye inzego zitandukanye bazisaba kumurenganura kuko batishimiye uko irangizwa ry’urubanza ryakorwaga.

Umuyobozi w’Akarere ka Ruhango, Mbabazi Francois Xavier, yumvaga ibibazo by’impande zombi. Ifoto: Eric Muvara/Kigali Today.

Nubwo ubuyobozi bwagerageje kumvikanisha impande zombi, bugaha ukwezi uyu mubyeyi ko kuba yimuye imitungo ye, abaturage bagaragaje kutanyurwa n’icyo gihe cyahawe Nyirabahire, bavuga ko ari gito ngo abe yimutse mu nzu n’indi mitungo yahashakiye mu gihe cy’imyaka 31 ahamaze.

Bamwe mu bamuzi bavuga ko iyi sambu (ya sebukwe) Nyirabahire yayisigiwe n’umugabo we Matabaro Ildephonse wishwe muri Jenoside yakorewe Abatutsi, nk’uko twabibagejejeho mu nkuru yabanje.

Nyuma y’uko Nyirabahire atsinzwe mu rubanza, urukiko rukemeza ko iyo sambu ijya mu maboko y’abavandimwe b’umugabo we bahagarariwe na Rwogamayanja Alphonse, uyu Nyirabahire yagaragaje ko kurangiza urubanza huti huti ari akarengane kamukorewe.

Avuga ko nubwo yasabye gusubirishamo urubanza ruzaburanwa tariki 30 Gicurasi 2016 mu Rukiko Rwisumbuye rwa Muhanga, abavandimwe b’umugabo we bahise bihutira kumwirukana mu nzu, bagatangira kwangiza imitungo yari ahafite, kugeza ubwo bakingiranye n’amatungo, amwe akaza kwicwa n’inzara.

Alphonse Rwogamayanja yerekana inyandiko zigaragaza ko we n’abo ahagarariye, ibyo bakora bakurikiza amategeko. Ifoto: Eric Muvara/Kigali Today.

Rwogamayanja avuga ko ibyo bakora nta karengane bakorera uyu mubyeyi karimo, kuko bakurikiza amategeko.

Mu buryo bwari bugoranye, guhera saa kumi z’umugoroba kugera saa moya n’igice z’ijoro, ubuyobozi bw’Akarere ka Ruhango n’izindi nzego bari bacyumva ibibazo biri hagati ya Rwogamayanja Alphonse (uhagarariye ababurana isambu) na Nyirabahire Venancia.

Buri ruhande rwagaragaje icyifuzo cyarwo n’abaturage bahabwa ijambo, birangira hafashwe icyemezo cy’uko abatsindiye iyo sambu bakwihanganira Nyirabahire igihe cy’ukwezi kugira ngo avanemo imitungo ye.

Abayobozi batandukanye baterera umusozi bajya gukemura amakimbirane agaragara mu Mudugudu wa Nyamugari. Ifoto: Eric Muvara/Kigali Today.

Bivuze ko tariki 11 Kamena 2016, agomba kuba yavanye ibye byose muri iyi isambu kugira ngo isubizwe ba nyirayo. Bimwe mu byo agomba gukuramo, harimo inzu, imyaka, amatungo n’ibindi byimukanwa.

Abaturage ntibanyuzwe n’igihe cy’ukwezi kumwe gusa cyahawe Nyirabahire

Abaturage bagaragaje ko iki gihe kidahagije kuko ngo ibikorwa umuntu yakoreye mu isambu mu gihe cy’imyaka isaga 30 atabyimura mu kwezi kumwe, bakifuza ko nibura yahabwa umwaka n’igice.

Uyu muturage ahagaze imbere y’Umuyobozi w’Akarere ka Ruhango. Hamwe na bagenzi be, ntibanyuzwe n’igihe cy’ukwezi cyahawe Nyirabahire ngo abe yavanye ibye byose muri iyo sambu. Ifoto: Eric Muvara/Kigali Today.

Uzabakiriho Jacques uturanye n’uwo mupfakazi yagize ati “Ubu se koko, na we ndebera: amasaka arabura nk’amezi atatu, reba ibitoki bimaze kwana. Iyi nzu yose azaba yayishenye yanamaze kubaka indi koko? Oya rwose! Nibura bamubabarire kuko aha hantu yahatakarije imbaraga nyinshi, nibura bamuhe umwaka n’igice.”

Umuyobozi w’Akarere ka Ruhango, Mbabazi Francois Xavier, yahumurije aba baturage, ababwira ko Nyirabahire ari umuturage wa Leta kimwe n’abandi ko ntacyo azaba.

Ati “Twe ntitwaje gukuraho imyanzuro y’urubanza, icyo dushaka ni umutekano w’aba bantu. Mwihangane uku kwezi nigushira, tuzareba ikindi cyo gukora.”

Amwe mu matungo nk’inkwavu n’imbeba za kizungu, basanze yarapfuye kubera inzara. Ifoto: Eric Muvara/Kigali Today.

Uyu muyobozi avuga ko iyi tariki yahawe Nyirabahire ngo abe yavuye muri iyo sambu nigera, izo nzego zizongera zikareba ibintu bisigaye mu isambu nk’amashyamba, intoki n’indi myaka, harebwe icyakorwa.

Tariki 2 Werurwe 2016 abaturage bari bandikiye inzego zitandukanye basaba ko Nyirabahire yarenganurwa. Babikoze nyuma y’aho tariki 26 Gashyantare 2016, Umuhesha w’Inkiko w’Umwuga yarangije urubanza rwari rumaze imyaka umunani ruburanwa na Nyirabahire n’abavandimwe b’umugabo we.

Abaturage bavuga ko umuhesha w’inkiko w’umwuga yarurangije nabi. Umuyobozi w’Akarere ka Ruhango na we akemeza ko akwiye gukurikiranwa kuko bigaragara ko yagize amarangamutima mu kurangiza urwo rubanza.

Nyuma y’iminsi itanu zitarya, inka zishwe n’inzara ziraremba. Ntizari zikibasha kwabira. Ifoto: Eric Muvara/Kigali Today.

Abaturage bavuga kandi ko bababajwe n’amwe mu matungo ya Nyirabarame arimo inkwavu n’imbeba za kizungu yari amaze iminsi itandatu afungiranye atarya, akaza kwicwa n’inzara, inka na zo zari zarishwe n’inzara zitakibasha kwabira.

Guhera tariki 5 Gicurasi 2016, urugo rwa Nyirabahire ntiyari akirubamo kuko rwari ruri mu maboko ya Alphonse Rwogamayanja wari wararufunze, rukaba rwafunguwe n’abayobozi b’Akarere ka Ruhango mu ijoro ryo kuri uyu wa Kabiri, tariki 10 Gicurasi 2016.

Aho inka zirira, nta bwatsi buherukamo. Ifoto: Eric Muvara/Kigali Today.

Kanda hano usome inkuru ya mbere.

Iki gikorwa cyatangiye kuri uyu wa mbere tariki 9 kikazarangira 23 Gicurasi 2016, gitangiye nyuma y’aho hamaze kugaragara ama raporo yerekana ko mu mirenge ya Byimana, Kabagali, Kinihira na Mwendo hakomeje kugaragara inka zipfa zishwe n’izi ndwara.

inka zisaga 22.000 zigomba gukingirwa.

Umukozi w’akarere ushinzwe ubuvuzi bw’amatungo Rugwizangoga Dieu Donne, avuga ko yari amaze igihe yakira raporo zigaragaza ko izi ndwara zikomeje kwiyongera, bituma bahita batangira iyi gahunda y’ikingira.

Tugwizangoga yasobanuriye aborozi uko indwara zitandukanye zifata inka zandura, abasaba kwihutira gukingiza amatungo yabo. Yavuze ko no mu gihe inka ipfuye, nta kindi bagomga gukora, uretse guhamagara umuvuzi w’amatungo kugira ngo harebwe icyayishe.

Yagize ati “Iyo umuvuzi w’amatungo aje agasanga ni bumwe muri ubu burwayi, afata icymezo cy’uko iyo nka yatabwa cyangwa yatwika, kugirango hirindwe uburyo bwo kwanduza izindi.”

Rugwizangoga avuga ko indwara yitwa Igifuruta cyangwa Ibihara, ari indwara iterwa na virus, igafata inka iyitera umuriro mwinshi ku buryo uhita uyica.

Naho indwara y’Ubutaka yo igaterwa n’inka iyirwaye ishobora ku ganga ahanu cyangwa kuhata amase, ibi ngo aho bigiye harimo iyo virus, biragenda bikipfundikira mu butaka, hanyuma igihe inka ya hanyura, yarisha ubwatsi bwahameze ikaba iranduye.
Iyi ndwara y’Ubutaka, ngo ishobora kumara ahantu mu gihe cy’imyaka itatu.

Rugwizangoga yasabye aborozi kutaragira inka ku gasozi, kuko zishobora kuhakura izi ndwara kandi kuzororera mu biraro byakazirinze.

Ku ikubitiro iki gikorwa kikaba cyatangiriye mu murenge wa Byimana, aho hakingiwe inka zisaga 1650, biteganyijwe ko iki gikorwa kizakomereza mu murenge wa Kinihira mbere yo kugera mu y’indi mirenge isigaye.

Abaturage bo muri uyu Mudugudu wa Nyamugari ngo bababajwe n’ibirimo gukorerwa umuturanyi wabo.

Ikibazo uyu mubyeyi afite ngo gishingiye ku irangizwa [nabi] ry’urubanza yatsinzwe, yaburanyemo n’abavandimwe b’umugabo we wishwe muri Jenoside yakorewe Abatutsi, bashaka kumwaka imitungo yose yasigiwe n’umugabo we.

Cyakora, ngo Nyirabahire amaze gutsindwa, ntiyishimiye imikirize yarwo ndetse akaba yarasabye gusubirishamo urubanza, rukazaburanishwa tariki 30 Gicurasi 2016 mu Rukiko Rwisumbuye rwa Muhanga, nk’uko abivuga.

Mu ibaruwa Kigali Today ifitiye kopi yasinyweho n’abaturage batandatu baturanye n’uyu mubyeyi w’imyaka 51 y’amavuko, isaba inzego zitandukanye gutabara ubuzima bwe kuko atorohewe n’abavandimwe b’umugabo we, ngo bashaka gutwara isambu yose yasigiwe n’umugabo we, badasize n’inzu abamo, kandi bakaba babikora huti huti bangiza imitungo ye.

Mu kababaro kenshi, uyu mubyeyi arasaba kurenganurwa. Kugeza ubu yameneshejwe.

Kuri uyu wa Kane, tariki ya 5 Gicurasi 2016, ubwo twageraga ahavugwa iki kibazo, twasanze Nyirabahire ari inyuma y’urugo rwe kuko abo baburanaga bari baje kumwirukana ngo ashake ahandi ajya kuba.

Tuvugana na we, n’agahinda kenshi, ati “Nimundeke, sinzi aho ngana, inkoko zanjye baziriye, imyaka bayirimbaguye, inka zanjye zishwe n’inzara... Ubu koko ndazira ko ndi umupfakazi?”

Ibi byose ngo bituruka ku isambu ya sebukwe wa Nyirabahire, Rufuku Tarscice, amaze imyaka umunani ayiburana n’abavandimwe b’umugabo we bahagarariwe na Alphonse Rwogamayanja.

Iyi nzu yayubakiwe na CARITAS nk’Umupfakazi wa Jenoside utishoboye none na yo bayimusohoyemo, ubu bamaze kuyikinga baramwirukana.

Ubwo twahageraga, twahasanze Rwogamayanja, avuga ko ibyo barimo gukora atari akarengane barimo gukorera uyu mubyeyi, kuko babyemererwa n’amategeko.

Ati “Nyuma y’isomwa ry’urubanza, Umuhesha w’Inkiko w’Umwuga, Karamira Kanani Ananie, yaduhesheje ibyacu twatsindiye, hanyuma uyu mukecuru yanga kuva mu isambu, ndetse tunamuha iminsi 10 yo kwitegura ntiyavamo, ubu rero twaje mu byacu kuko amategeko arabitwemerera.”

Bamwe mu baturanyi ba Nyirabahire bari barandikiye ubuyobozi gutabara uyu mubyeyi. Umwe muri bo avuga ko azi Nyirabahire guhera mu mwaka 1985 ashakana na Matabaro Ildephonse (wishwe muri Jenoside), arahaba, arahabyarira. Ngo kuva icyo gihe, nta handi yigeze aba.

Mu gikari, yasanze bashyizeho izindi ngufuri kugira ngo atabona uko yinjiramo.

Kimwe na bagenzi be, akavuga ko uru rubanza barukurikiranye, gusa ngo basanga uyu mupfakazi arengana, kuko isambu yayisigiwe n’umugabo we, na we yarayisigiwe na se Rufuku.

Ati “None se ubu baramwirukana ngo ajye he? Ahubwo dusanga babagabanya kuko bose ari abavandimwe ariko ntibamugire kuriya.”

Uyu mubyeyi aribaza aho agiye kwerekeza, byamuyobeye.

Umunyamabanga Nshingwabikorwa w’Umurenge wa Mwendo, Habimana Felicien, avuga ko amaze kubona akarengane gakorerwa uyu mupfakazi, ku itariki ya 12 Mata 2016, yandikiye Umuhesha w’Inkiko warangije uru rubanza, gushinganisha imitungo n’ubuzima bw’uyu mubyeyi.

Kugeza n’ubu ariko, ibi ntibyigeze byubahirizwa, kuko Nyirabahire agihohoterwa.

Inyandiko zitandukanye zitabariza uyu mubyeyi zaranditswe, ariko kugeza ubu, nta humure yigeze abona:

Nyirabahire ubwe yandikiye Ubuyobozi bw’Umurenge wa Mwendo ngo bumurengere.

Abaturanyi ba Nyirabahire bandikiye inzego zitandukanye bazisaba kurengera Nyirabahire, bavuga ko arengana.

Umunyamabanga Nshingwabikorwa w’Umurenge wa Mwendo mu Karere ka Ruhango, yandikiye Umuhesha w’Inkiko w’Umwuga warangije urubanza , amusaba gushinganisha imitungo ya Nyirabahire irimo inzu atuyemo kugira ngo idasenywa cyangwa indi mitungo ye ikangizwa mu gihe bategereje gusubirishamo urubanza, ariko ntibyahawe agaciro.

Babigarutseho mu muhango wo kwizihiza umunsi w’umurimo tariki 2 Gicurasi 2016, ubusanzwe uba tariki 1 Gicurasi buri mwaka.

Abarimu baraharura bagakeburana.

Bakavuga ko kuri uyu munsi iyo bahuye bicara bakungurana inama bareba niba intego bihaye zaragezweho, ndetse bakafatira hamwe ingamba mu kunoza umurimo w’ubutaha.

Cyuzuzo Jean Paul, n’umurezi muri iki kigo giherereye mu karere ka Ruhango, watoranyijwe nk’umwe mu barimu babaye indashyikirwa mu kazi ke, aranabishimirwa, avuga ko uyu munsi w’umurimo, ubabera umwanya mwiza wo guhura bakibukiranya inshingano zabo.

Yagize ati “Nka njye wanahembwe, bihita binyereka ko inshingano zanjye nazikoze neza, bigatuma niha izindi ntego kuko ubu izi ari mbaraga baba bampaye.

Uyu munsi kuri twe n’ingenzi pe, kuko nuwagize integer nke bagenzi be baramukebura rwose agasubura ku murongo, umurimo twiyemeje tukawukora neza.”

Bahembye umwarimu wabaye indayishyikirwa Cyuzuzo Jean Paul.

Umuyobozi w’iri shuri Kagabo Mansuet, avuga ko uyu munsi iyo bahuye, bongera gukebura abarimu babibutsa indangagaciro nk’abantu bakora umurimo wo kurera abazabera ejo heza h’igihugu, babasaba gukomeza gukunda umurimo wabo.

Yavuze ko iyo bahuye basasa inzobe bakabwizanya ukuri, haba ari ahagenze neza cyangwa nabi, ibi bikabafasha kwikebura bagakorera ku ntego, kugirango ab barera bazavemo abantu bafitiye akamaro igihugu n’abagituye.

Eugene Munyemana, ushinzwe uburezi mu murenge wa Ruhango ari naho iri shuri riherereye, yavuze ko kugeza ubu bitewe na gahunda Leta igenda ishyiriraho abarezi , barimo kugenda biteza imbere ku buryo bugaragara.

Ati “Bitewe na gahunda ya mwarimu sacco, amahugurwa bahabwa, ibi byatumye mwarimu atinyuka inguzanyo agakora udushinga tumuzamura, bikanamuha imbaraga zo z’umurimo we w’uburezi.”

Kuri uyu munsi waranzwe no kungurana ibitekerezo n’ubusabane, abarimu bavuga ko bagiye kurushaho gukora umurimo wabo neza, ariko banakomeza gushaka icyabateza imbere, kuko amahirwe bafite ari menshi.

Mu gihe buri Mata guhera mu 1995 usanga hashyingurwa imibiri y’abazize Jenoside yakorewe Abatutsi, mu Karere ka Ruhango abashyungurwa usanga biganjemo abishwe n’impunzi z’Abarundi zabaga mu Rwanda.

Bashyinguye mu cyubahiro imibiri irenga 500 yiganjwemo abishwe n’impunzi z’Abarundi zari mu Rwanda.

Ku wa 01 Gicurasi 2016, mu Murenge wa Kinazi muri ako karere, abaharokokeye bahashyinguye imibiri y’ababo 568, yavanywe ahitwa Rubona na Gisari, yari yarajugunywe mu byobo n’imisarane, bikavugwa ko Abarundi bagize uruhare rukomeye mu kwicwa ku izo nzirakarengane.

Iyo mibiri yashyinguwe mu rwibutso rushyinguwemo indi mibiri isaga ibihumbi 60, yakuwe mu cyoba cya CND cyari ngo cyaracukujwe na Burugumesitiri w’icyahoze ari Komine Ntongwe, Jacque Kagabo.

Bunamira abashyinguye mu Rwibutso rwa Jenoside rwa Kinazi.

Abarokotse Jenoside yakorewe Abatutsi mu 1994, bavuga ko bishimiye cyane kuba ababo bakomeje gushyingurwa mu cyubahiro, bagashimira Leta ikomeje kubaba hafi kugira ngo bage babasha kwibukira ababo ahantu hameze neza.

Samuel Dusengiyumva, waharokokeye, agira ati “Ubundi twahoranaga intimba yo kutabashyingura. Ariko ubu turaruhutse, gusa turasaba ko Abarundi bagize uruhare mu gupfa kw’abacu bakurikiranwa bakabiryozwa. ”

Abarokokeye i Rubona na Gisari bavuga ko Abarundi b’impunzi zahabaga zakoze ubugome buhambaye, aho wasangaga abagabo bica abatutsi abagore babo na bo bakabaza inyuma n’imbabura bakotsa imitima y’abo bamaze kwica bakayirya.

Hon Donatille Mukabalisa yijeje abarokotse ko ikibazo cy’impunzi z’Abarundi zakoze Jenoside mu Rwanda kirimo gukurikiranwa.

Gusa ngo bagashengurwa n’uko kugeza ubu batari bafatwa ngo bashyirwe ahagaragara na bo baryozwe ubu bugome ndengakamere bakoze.

Hon Mukabalisa Donatille, Peresidante w’Inteko Ishinga Amategeko /Umutwe w’Abadepite, wari umushyitsi mukuru muri uyu muhango, yavuze ko ikibazo cy’Abarundi bakoze Jenoside mu Rwanda kimaze igihe kivugwa hirya no hino mu gihugu, gusa ngo inzego zitandukanye zirimo kugikurikirana.

Aba baturage bavuga ko kubona abayobozi b’inzego zibanze cyane cyane abanyamabanga nshingwabikorwa b’utugari ari ikibazo kibakomereye.

Abaturage basaba abajyanama baherutse kwitorera ko bagira icyo bakora kuri iki kibazo.

Ni kenshi inzego zitandukanye zigenda zigaruka kuri iki kibazo cy’abayobozi bataba aho bakorera, ariko abaturage bakavuga ko nta ngamba zihagije bafatirwa, ibi bigakomeza kubagiraho ingaruka igihe bahuye n’ikibazo gikeneye umuyobozi.

Umwe muribo utarashatse ko amzina ye atangazwa yagize ati “Ntibarara hano, uje aza nka saa tatu n’igice. Saa tanu aba agiye, ntiwaza nyuma ya saa sita ngo umubone.

Iyo umushaka bigusaba guhora utonze kuri ibi biro, kandi nabwo ukamara nk’icyumweru utaramubona kuko aba akenewe na benshi.”

Undi ati “Reka da kwa mbere bwo rwose nta n’ikizira niyahikoza, nk’ubu anciyeho hariya mu gasantire ka Kebero aho nkorera aya masaha ureba, rwose mutubabarire mudukorere ubuvugizi, kuko biri kutudindiza cyane.”

Umuyobozi w’Akarere ka Ruhango avuga ko iki kibazo bagiye kugihagurukira.

Aba baturage bakavuga ko hari igihe umuturage ahura n’ikibazo n’injoro akabura uwo akibwira akazategereza bukeye, kandi nabwo akaba atahita abona umuyobozi.

Bakavuga ko uku kutabona abayobozi hafi, biri mu bibadindiriza iterambere. Umwe muri bo ati “Dore ubu ahandi barimo gukorerwa ubuvugizi bagahabwa imbuto y’imyumbati, ariko reka da twese yahikoza?”

Aba baturage bakavuga ko akenshi aba bayobozi kutaba aho bakorera, baba bibereye muri business zabo, ngo bakaboneka igihe umurenge waba tumije mu nama.

Ubuyobozi bw’akarere ka Ruhango bushimangira ko iki kibazo gihari koko ngo ntacyo budakora ngo buhangane n’aba bayobozi bataba aho bakorera, ngo baba bazi ko bitanakibaho. Ariko bukavuga ko bugiye kugihagurukira.

Umuyobozi w’aka karere Mbabazi Francois Xavier, avuga ko bagenda bafatira aba bayobozi ibihano bitandukanye ku bayobozi bataba aho bayobora, kuko bigira ingaruka k’ubaturage.

Ariko akizeza abaturage b’aka karere ko iki kibazo bagiye kugihagurukanamo izindi mbaraga kigakemuka burundu.

Minisitiri Dr Malimba yabitangaje kuri uyu wa 24 Mata 2016, ubwo yifatanyaga n’abarokokeye i Mayunzwe mu Murenge wa Mbuye mu Karere ka Ruhango.

Minisitiri Dr Papias Malimba Musafiri agiye gushyira indabo ku rwibutso.

Mu buhamya batanze, bagaragaje uburyo abatutsi barenga 500 biciwe ku musozi wa Nzaratsi ahitwa Karuvaruriyo aho interamwe zari ziyobowe n’uwitwaga Mahuku zabishe zikoreshejene ubugome bwinshi.

Minisitiri Dr Malimba, Yagize ati “Aya mateka twumva nk’aha, akwiye kuduha imbaraga, tukamenya guhangana na yo kuko ni bwo tuzabasha kubaka igihugu kitazongera kugarukamo amacakubiri, duharanira ko abadukomokaho, bazaba mu gihugu cyiza kizira umwiryane”.

Abarokokeye i Mayunzwe bavuga ko bababazwa cyane n’abavandimwe babo biciwe ku musozi wa Nzaratsi, kandi bari bagerageje kwirwanaho ariko bakaza kuganzwe hakarokoka umuntu umwe gusa.

Charles Habonimana, ni we wenyine warokokeye i Nzaratsi afite imyaka 11 y’amavuko, Avuga ko yameze kubona ise bamwishe ndetse n’abavandimwe be bose, babibicishije ifuni, we agasaba ko yakwicishwa umuhoro ariko ngo baranga.

Ati “Nabonye bose bamaze kubamara, nsaba ko batanyicisha ifuni mbasaba gukoresha umuhoro. Uwari uyoboye izi nterahamwe ari we Mahuku ategeka ko batanyica, ahubwo ko bagomba gushaka uko bazambamba bakazajya berekana uko umututsi yasaga.”

Yasabye ko abantu bumva kwibuka nk’inzira yo kwiteza imbere.

Habonimana avuga ko mu gihe bari bagitegereje kumubamba inkotanyi zahise ziza zikamurokora. Akomeza avuga ko i Nzaratsi habereye ubwicanyi bukomeye cyane dore ko ari we wenyine wasigaye wo kubara inkuru.

Abarokokeye i Mayunzwe muri rusange bakaba basaba ko urwibutso rushyinguyemo ababo rwakubakwa ku buryo bugezweho, kugira ngo bazajye baza kubibukira ahantu heza.

Umuyobozi w’Akarere ka Ruhango, Mbabazi Francois Xavier, yabijeje ko umwaka utaha bazafatanya bakareba uko rwakubakwa.

Iyi komisiyo ivuga ko aho imaze kunyura igenda iganira n’abaturage kugira ngo yumve imyumvire bafite ku bihugu bigize umuryango w’Africa y’Uburasirazuba, yasanze abenshi bawumva gusa, ariko ugasanga batazi ibikorwa byawo, ndetse batanasobanukiwe n’inyungu bahakura.

Abasenateri basobanura inyungi zo kuba muri EAC.

Ubwo bari bageze mu Karere ka Ruhango ku wa 15 Mata 2016, iyi komisiyo yatanze ikiganiro ku nyungu zo kuba muri EAC ku byiciro bitandukanye by’abaturage.

Nyuma yo kumva inyungu zikubiye mu kuba muri uyu muryango, abaturage bagaragaje inyota n’amatsiko menshi yo gushaka kurushaho kumva neza uko aya mahirwe yabyazwa umusaruro.

Senateri Rugena Michel, Perezida w’iyi komisiyo, avuga ko bigaragara ko abaturage bagifite imyumvure mike kuri uyu muryango, bityo agasanga hakwiye kubaho ubukangurambaga bwimbitse, kugira ngo inyungu zo kuba muri uyu muryango ntiziziharirwe n’abaturage b’ibindi bihugu gusa.

Ati “Byadushimishije cyane kuko bishimiye ikiganiro twabahaye, ikigaragara nta makuru ahagije bafite, ariko icyo tugiye gukora, tugiye kwicara dukore ubuvugizi cyane cyane muri iriya minisiteri ishinzwe uyu muryango, maze imanuke ize isobanurire abaturage inyungu zo kuba muri EAC.”

Abenshi mu bikorera bavuga ko badasobanukiwe iby’iyu muryango.

Ubuyobozi bw’Akarere ka Ruhangona bwo bwemeza ko uretse n’abaturage bigaragara ko nta makuru ahagije Abanyaruhango muri rusange bafite kuri uwo muryango uretse kumva ko hari minisiteri iwushinzwe.

Umuyobozi w’Akarere ka Ruhango Mbabazi Francois Xavier, yagize ati “Yewe uretse kumva ko uwo muryango uhari, hari byinshi twungukiye muri iki kiganiro, ndetse tunafite umudepite uri mu nteko y’abadepite b’uyu muryango ukomoka hano mu Ruhango, ariko ntituramutumira ngo awutuganirizeho byimbitse.”

Usengumuremyi Jean Marie Vianny, wikorera mu Karere ka Ruahngo, avuga ko na bo nk’abikorera bungukiye byinshi mu kiganiro bahawe n’abasenateri, akavuga ko ubu bagiye gutinyuka bakagurira ibikorwa byabo hanze y’u Rwanda, badategereje ko abahandi baza gucuruza mu Rwanda, bo ntacyo batangayo.

Akarere ka Ruhango kavuga ko nubwo icyumweru cy’icyunamo cyasojwe tariki 13 Mata 2016, ibikorwa byo kwibuka ku nshuro ya 22 Jenoside yakorewe Abatutsi mu 1994 bikomeza mu gihe cy’iminsi 100.

Kwibuka bica intege abafite ingengabitekerezo ya Jenoside n’abayihakana.

Umuyobozi w’Akarere ka Ruhango, Mbabazi Francois Xavier, asaba ibigo by’amashuri, ibitaro, amadini, amakoperative n’ibindi byiciro, gutegura neza izo gahunda kuko ngo kwibuka bica intege abafite umugambi wo gupfobya jenoside n’abafite ingengabitekerezo yayo.

Ati “Ibi bizatuma ba bandi bafite ingengabitekerezo ya Jenoside bacika intege, bakabura aho bakwirwa, ndetse igihe cyagera ukabona bo ubwabo baratuye, bavuze ibyo bari barimo bakiyemeza kuza mu murongo wo kubaka igihugu.”

Umunyamabanga Nshingwabikorwa w’Intara y’Amajyepfo, Izabiriza Jeanne, asaba abarokotse Jenoside kwandika ubuhamya bw’ibyabaye muri Jenoside yakorewe Abatutsi, inyandiko zikazafasha kubungabunga ayo mateka kuko atagomba gusibangana.

Agira ati “Hari umuntu umaze imyaka 22 ataravuga ubuhamya bwe. Ni ukuri, abazi kwandika mujye mubyandika; abatazi kwandika bifashishe ababizi. Aya ni amateka yacu atagomba gusibangana.”

Umuyobozi w’Akarere ka Ruhango, Mbabazi Francois Xavier.

Asobanura kandi ko kwandika aya mateka ari uburyo bwo kubungabunga amateka ya Jenosode, bikaba inzira yo kwibuka no kuzirikaba Jenoside yakorewe Abatutsi mu Rwanda mu mwaka wa 1994, n’uburyo bwo gufasha mu rugendo rwo kurandura burundu ingengabitekerezo ya Jenoside.

Mu butumwa bwe kandi muri ibi bihe, asaba abaturage kudahishira uwo ari we wese, n’ahantu hose hakekwa ingengabitekerezo ya Jenoside, kuvuga ukuri kose ku byabaye muri Jenoside, kuganiriza abana n’urubyiruko muri rusange ukuri kuri Jenoside hagamijwe kubarinda abashobora kubabibamo ibitekerezo bibi.

Ubuyobozi bubitangaje nyuma y’aho muri iki gihe cyo kwibuka Jenoside yakorewe Abatutsi mu 1994, abayirokotse bakomeje kugaragaza ko babazwa cyane no kubona hari imibiri y’ababo igishyinguye nabi, bagasaba ko yakwimurirwa mu nzibutso zimeze neza, kugira ngo ababo basubizwe agaciro bambuwe.

Abaturage abasaba abayobozi kubafasha imibiri y’ababo igashyingurwa mu cyubahiro.

Muragane Francois, utuye mu kagari ka Nyagisozi umurenge wa Ntongwe, avuga ko afite umuryango we urimo se, barumuna be n’abakuru be yakuye mu miringoti akabashyingura munsi y’aho atuye mu mudugudu wa Karama.

Agira ati “Imvura iragwa tugahangayika, kuko amazi yinjira muri iyo mva kuko ntimeze neza, twabikoze mu buryo bwo kwirwanaho gusa.”

Avuga ko kubera imiterere y’aho ababo bashyinguye, kenshi mu bihe nk’ibi bibagiraho ingaruka cyane.

Ati “Nk’ubu hashize ibyumweru bibiri umugore wanjye ari I Ndera kuko iyo asohotse akabona aho bashyinguye, ahita agira ikibazo cy’ihungabana gikomeye. Ubu mfite mushiki wanjye aba mu mutara, ariko ntashobora kudusura, kuko iyo aje akababona biba ibabzo.”

Umuyobozi w’Akarere ka Ruhango Mbabazi Francois Xavier, avuga ko hagiye gukoreshwa imbaraga nyinshi iyi mibiri igashyingurwa.

Mukamana Beniya, we akavuga iki kibazo kibahangayikishije cyane, buri gihe ubuyobozi bubabwira ko bizakorwa bagategereza bagaheba.

Mukaruberwa Jeanne d’Arc, uhagarariye Ibuka muri uyu murenge wa Ntongwe, avuga ko iki kibazo kizwi, gusa ngo ntibiba byoroshye ko imibiri yose yahita yimurirwa rimwe kuko no kuyitunganya biba bitoroshye.

Avuga ko imibiri yo muri uyu murenge igomba gushyingurwa mu rwibutso rw’Akarere ka Ruhango ruri i Kinazi. Gusa ngo kushyingurira rimwe ntibyakoroha, kuko bagenda basaranganya igihe n’indi mirenge yo gushyingura muri uru rwibutso.

Umuyobozi w’Akarere ka Ruhango Mbabazi Francois Xavier, akihanganisha abarokotse Jenoside bafite ababo batarashyingurwa mu cyubahiro, ko iki gikorwa bagiye kugishyiramo imbaraga ku buryo nibura nyuma y’icyumweru kimwe kigomba kuba cyarangiye, iyi mibiri yose igashyingurwa mu cyubahiro.

Umurambo w’uyu mukecuru wari wararokotse Jenoside yakorewe Abatutsi mu 1994, wataruwe mu mugenzi wa Nyirasare uri muri uyu murenge mu gitondo cyo ku wa Kabiri, tariki 12 Mata 2016.

Umuvugizi wa Polisi y’u Rwanda mu Ntara y’Amajyepfo, CIP André Hakizimana, yemeje aya makuru, anabwira Kigali Today ko kugeza mu gitondo cyo kuri uyu wa Gatatu, tariki 13 Mata 2016, abantu bane bakekwaho ubu bwicanyi bamaze gutabwa muri yombi mu gihe Pilisi ikomeje iperereza.

Mu gushaka kumenya niba ubu bwicanyi hari aho buhuriye n’ingengabitekerezo ya Jenoside muri iki gihe cyo kwibuka, CIP Hakizimana yavuze ko iperereza rigikomeje ku buryo Polisi itahita yemeza ko bifitanye isano.

Uyu muvugizi wa Polisi yasabye abaturage kurushaho gufatanya mu gucunga umutekano kandi yizeza abarokotse Jenoside ko inzego zose zikomeza gufatanya kugira ngo umutekano wabo ucungwe neza.

Mu gitondo cyo ku wa Kabiri, tariki 12 Mata, ni bwo iyo nkuru yamenyekanye nyuma y’uko umwuzukuru w’uwo mukecuru babanaga mu nzu, yari yaraye amutegereje akamubura, akarara mu nzu wenyine.

Mushimiyimana Marie, umukobwa w’uyu mukecuru, avuga ko yaje muri icyo gitondo aje guhinga, anyura kwa nyina ngo amusuhuze, ahageze asanga umwuzukuru we asa n’ufite ikibazo, amubajije, amubwira ko yaraye wenyine mu nzu kuko yategereje nyirakuru akamubura.

Mushimiyimana avuga ko uyu mwuzukuru yamubwiye ko nyirakuru yari yavuye mu rugo mu gihe cya nimugoroba ku wa Mbere, tariki 11 Mata, agiye kugura amabuye y’itoroshi kuri butike hafi aho, akamutegereza akamubura.

Mushimiyimana akimara kumenya ayo makuru, ngo yatangiye gushakisha n’uwo mwuzukuru, bamubona mu kagezi ka Nyirasare kari hafi y’aho batuye mu Mudugudu wa Buhigiro, basanga yateraguwe ibyuma mu muhogo ndetse banamukobaguye mu maso, bahita batabaza ubuyobozi n’abaturanyi.

Abaturage bamwe barakeka ko ubu bwicanyi bufitanye isano no kwibasira abarokotse Jenoside yakorewe Abatutsi, by’umwihariko muri iki gihe u Rwanda rwibuka ku nshuro ya 22 Jenoside yakorewe Abatutsi mu 1994.

Iki gikorwa cyatangiye mu gitondo cyo ku wa Mbere, tariki 11 Mata 2016, aho imibiri y’abazize Jenoside yavanwaga mu rwibutso ry’Akarere ka Ruhango rutameze neza ruri mu Kagari ka Nyamagana, ikaba yimurirwaga mu rwibutso rushya rwubatswe aha mu Ruhango.

Abaturage b’Akarere ka Ruhango bitabiriye iki gikorwa ari benshi.

Iki gikorwa cyitabiriwe n’abaturage benshi baje gufasha abafite ababo bari bashyinguye muri uru rwibutso.

Umuyobozi w’Akarere ka Ruhango, Mbabazi Francois Xavier, yashimiye cyane ubwitange abatuye aka karere bagaragaje, abasaba ko bagomba kuzajya bahora bitabira ibikorwa nk’ibi kugira ngo iki gikorwa kigende neza.

Uyu muyobozi yavuze ko ubu bwitabire bugaragaza neza umubano Abanyarwanda bakomeje kugenda biyubakamo, ndetse no kugana mu nzira y’ubwiyunge bwa nyabwo.

Inzego zitandukanye zitabiriye iki gikorwa.

Kuba iyi mibiri yimuwe nyuma y’imyaka 22 Jenoside yakorewe Abatutsi mu Rwanda ibaye, umuyobozi w’Akarere ka Ruhango avuga ko byatewe n’uko habanje kubaho ukutumvikana hagati y’ubuyobozi ndetse n’abafite ababo bashyinguye muri uru rwibutso.

Ati “Iki gikorwa twagitekereje kuva cyera, ariko bamwe mu bahafite abantu babo, bakanga bavuga ko ari ugushinyagurira abantu babo.”

Bamwe mu bafite ababo bari bashyinguye aha, bavuga ko banezerewe cyane kubona ababo bagiye kuvanwa ahantu habi, bagashyingurwa mu cyubahiro ahantu heza.

Urwibutso rushya rw’Akarere ka Ruhango ni na rwo ruzashyingurwamo iyo mibiri.

Padiri Emile Nsengimana, ni umwe mu bitabiriye iki gikorwa, avuga ko afite abantu be barenga 20 bari bashyinguye muri uru rwibutso ariko ngo kuba bagiye kuhimurwa, birashimishije cyane.

Ati “Iyo nazaga aha kuhibukira, buri gihe nahavaga mbabaye cyane kubona uburyo bashyinguyemo ariko ubu ndumva ku mutima wanjye nduhutse kuko tugiye kuzajya tubasanga ahantu heza.”

Uwurukundo Geneviève uhagararariye Avega mu karere ka Ruhango, yasabye abantu bose bazi ahantu hari imibiri idashyinguwe mu cyubahiro, ko bayigaragaza ikazanwa mu yindi.

Padiri Emili Nsengimana ufite abe basaga 20 bari bashyinguye muri uru rwibutso avuga ko kwoimura iyo mibiri ari iby’agaciro.

Uru rwibutso rw’Akarere ka Ruhango rushya, ruzashyingurwamo imibiri isaga ibihumbi 50, rwuzuye rutwaye amafaranga y’u Rwanda, asaga miliyoni 108Frw.

Iyi mibiri irimo kwimurwa, ikazashyingurwa mu cyubahiro tariki 19 Kamena 2016, imaze gutungankwa neza.

Umuyobozi w’agateganyo wa COGEBANQUE, Muremangingo Rachid, yabitangaje mu muhango wo kugaragariza abanyaruhango ko iyi banki yaje gukorana nabo, igahangana n’ibibazo bahura nabyo bibandiza mu iterambere, kuri uyu wa gatanu tariki 1 Mata 2016.

Ishami rishya COGEBANQUE yafunguye mu Karere ka Ruhango.

Yagize ati “Tuje hano, kugirango dusangire iterambe, twiteguye gufatanya mu buryo bwose bushoboka, kugira ngo hatagira usigara imyuma. Tuzibanda mu bwiciro byose bishoboka cyane cyane iby’ubuhinzi, kuko twumvuse ko ariho hari ikibazo gikomeye.”

Muremangingo yemereye ubuyobozi bw’Akarere ka Ruhango, ko biteguye gufatanya mu buryo bushoboka aka karere kagatezwa imbere, kuko amafaranga bakoresha nta handi ava ari mu Banyarwanda.

Umuyobozi w’iyi banki yavuze ko biteguye kuzamura abaturage mu iterambere.

Abatuye umujyi wa Ruhango bakanawukoreramo ubucuruzi butandukanye, bavuze ko biteguye gukorana n’iyi banki, kuko bumvishe imigabo n’imigambi yayo bakumva izabateza imbere.

Mbaraga Philip, ukora akazi k’ubucuruzi mu karere ka Ruhango no mu mande zako, yagize ati “Twishimiye cyane kuba iyi banki itugobotse, twajyaga dukorana ariko bikatugora cyane, kuko yakorerega ahandi, ubu rero twiteguye kuyigana ikatugeza ku iterambere rirambye.”

Inzego zitandukanye zari zitabiriye uyu muhango.

Umuyobozi w’Akarere ka Ruhango Mbabazi Francois Xavier, yavuze ko iyi banki iziye igihe, kuko ngo igiye kubafasha mu guteza imbere abaturage batuye aka karere.

Ati “Ni byo pe, izi n’izindi mbaraga tubonye rwose, kandi ntituzazipfusha ubusa, tuzi ahari ikibazo mu baturage bacu, rero tugomba gufatanya n’iyi banki iterambere rikagera kuri buri wese tukazamukira rimwe.”

Imihango yo gufungura iri shami ku mugaragaro izaba nyuma y’icyunamo. COGEBANQUE kandi iteganya kongera umubare munini mu w’abayigana, biyongera ku bandi ibihumbi bisaga 60 imaze kugira mu Rwanda.

Iyi mibiri izimurwa ni iri mu rwibutso rutajyanye n’igihe ruri mu Mujyi wa Ruhango, ururi ahitwa Kigoma hafi y’Umurenge wa Ruhango n’urundi ruri ahitwa Muyange, hose hakaba habarirwa imibiri itari munsi y’ibihumbi 20, igomba gutunganywa igashyingurwa mu cyubahiro bitarenze tari 19 Kamena 2016.

Urwibutso rushya rwa Jenoside rw’Akarere ka Ruhango.

Iyo mibiri izimurirwa mu rwibutso rushya rwuzuye rutwaye asaga miliyoni 108 FRW. Ubuyobozi bw’Akarere ka Ruhango buvuga ko imyiteguro yo kuyimura igeze kure, bugashimangira ko iki gikorwa kizagenda neza.

Rurangwa Sylvan, ushinzwe Umuco na Siporo akaba anafite Kwibuka mu nshingano ze mu Karere ka Ruhango, avuga ko ubu hamaze gukorwa inama zitandukanye zitegura igikorwa cyo kwimura iyo mibiri.

Ati “Twagiye dukora inama zitandukanye mu nzego zitandukanye, dutegura uko tuzafatanya muri iki gikorwa, kugira ngo kizakorwe neza, kandi twizerako tuzabigeraho”.

Rumwe mu nzibutso zishaje zizakurwamo imibiri y’abazize Jenoside ikimurirwa mu rushya.

Rurangwa akomeza avuga ko ubu bamaze kwicamo amatsinda ane, harimo rimwe ry’abafite ingufu bazavana iyi mibiri aho ishyinguye ubu ngubu bayishyira mu modoka, irindi rishinzwe kugenda ku modoka, hakaba itsinda rizaba rishyinzwe kuyisukura ndetse n’irindi rizaba rifasha abahuye n’ihungabana.

Abarokotse Jenoside yakorewe Abatutsi muri aka karere, bagashimira cyane Leta y’u Rwanda idahwema gukora ibishoboka byose ngo ihe abazize Jenoside icyubahiro kibakwiye, gusa bakagaya cyane abantu bagize uruhare ku byabaye bakaba batanashaka kugaragaza ukuri ngo bace bugufi basabe imbabazi.

Uru rwibutso rushya biteganywa ko ruzashyingurwamo imibiri ibihumbi 50. Ruje rusanga urundi ruri mu Murenge wa Kinazi, na rwo rumaze gushyingurwamo imibiri isaga ibihumbi 60 y’Abatutsi bazize Jenoside.

Ubuyobozi bwa CAF buvuga ko gufunga imiryango byatewe n’umunyamigabane wacyo wabatwaye mu manza akagitsindira miliyoni 25, yarangiza akaza guteza akavuyo ku biro byacyo mu Karere ka Muhanga avuga ko ashaka kwishyurwa amafaranga ye.

CAF Isonga yahisemo kuba ifunze imiryango kubera ibibazo by’ubukungu.

Kayiranga Kalisa Callixte, Umuyobozi wa CAF Isonga, avuga ko umwe mu banyamuryango babo yafashe inguzanyo ya miliyoni 7 n’ibihumbi 200 agatinda kwishyira bigateza ikigo igihombo. Inama rusange ngo yaje guterana iramuhagarika ndetse anajywanwa mu nkiko aratsindwa.

Nyuma na we yaje kujya kurega iki kigo akiregera imigabane yashoyemo nk’umunyamuryango, maz aragitsinda gitegekwa kumwishyura miliyoni 25 z’amafaranga y’u Rwanda agifitemo.

Ubuyobozi ngo bwandikiye uyu munyamuryango bumumenyesha igihe buzamwishyurira, ntiyagira icyo abasabuza, ahubwo ku wa 25 Werurwe 2016 azana n’umuhesha w’inkiko aje kumwishyuriza.

Aba bari baje gutwara utwabo basanga hafunze.

Kayiranga agira ati “Nari kwa muganga numva abakozi barampamagaye bambwira ko iwacu twatewe n’abantu baje kwishyuza kandi ngo birakomeye”.

Bafashe imodoka y’akazi ndetse na moto ebyiri barazitwara, inkuru zitangira gucicikana ko CAF Isonga yafunze. Guhera ubwo ngo abakiriya batangiye kubikuza amafaranga yabo ku bwinshi.

Kayiranga akomeza agira ati “Tubibonye gutyo twahisemo gufunga imiryango kugira ngo ikibazo kibanze kiganirweho mu nzego zitandukanye”.

Yizeza abakiriya b’iki kigo, ko mu minsi mike kizaba cyongeye gufungiye imiryango. Ati “Gusenya biroroha ariko kubaka bikagorana, gusa tubirimo mu minsi mike turongera dukore”.

Bamwe mu bakiriya ba CAF, bo ntibabikozwa kuko ngo bafite impungenge ko amafaranga yabo atazaboneka.

Barasaba ko hakorwa ibishoboka byose amafaranga yabo akaboneka.

Mukamanzi Jemima, wari ufite ibihumbi ijana muri CAF mu ishami rya Gitwe, avuga ko ababajwe n’amafaranga ye agiye kuhatikirira kandi yari afite ibyo ateganya kuyakoresha.

Umunyamabanga Nshingwabikorwa w’Umurenge wa Bweramana, Christine Uwamahoro, yavuze ko bibaye hari abakozi bo muri Gitwe bari bahahembewe.

CAF Isonga yatangiye imirimo yacyo muri 2004 ifite abanyamuryango basaga 100. Bivugwa ko iri mu gihombo cya miliyoni zibarirwa muri 400.

Iyi mibiri yari yarashyinguwe mu buryo budahesheje icyubahiro, mu Kagari ka Rubona n’aka Gisari two mu Murenge wa Kinazi, ikaba yari yarashyinguwe nyuma gato ya Jenoside yakorewe Abatutsi mu mwaka wa 1994.

Imibiri y’abazize Jenoside yakorewe Abatutsi yari ishyinguye nabi yimuriwe mu Rwibutso rwa Jenoside rwa Kinazi.

Igikorwa cyo kwimura iyi mibiri cyabaye tariki ya 26 Werurwe 2016, mu gikorwa cy’umuganda rusange usoza Werurwe. Cyari kitabiriwe n’abaturage bigaragara ko ari benshi bahaturiye ndetse n’inzego zitandukanye zirimo izishinzwe umutekano.

Mu Kagari ka Gisari himuwe imibiri isaga 400, ikaba itanagoranye kuyimura. Gusa iyo mu kagari ka Rubona isaga 100, yagoranye cyane kuko yari yarajugunywe mu cyobo cyari cyaragenewe kuzaba ubwiherero.

Iki gikorwa cyatangiye mu masaha yaa saa moya z’igitondo kigeza mu mugoroba wa joro bitewe n’uko iyi mibiri yari muri Rubona, bageze hagati bagasanga amazi n’itaka byarivanze n’imibiri.

Uyu musaza Gakwandi Gaspard arashimira Leta y’u Rwanda ikomeje guha agaciro ababo bazize jenoside.

Gakwandi Gaspard, umusaza uvuga ko abana be batanu bishwe muri jenoside bagashyingurwa aho mu kagari ka Gisari, avuga ko ashimira cyane Leta y’u Rwanda kuko ikomeje guha agaciro Abatutsi bazize jenoside, ibaha icyubahiro kibakwiriye.

Avuga ko bishimiye cyane kubona ababo bavanwa aho bari bandagaye, bakajya kuruhukira ahantu heza.

Gakwandi asaba abakoze aya mahano ko bakwiye kujya ahagaragara bakemera ibyaha bakoze, kuko ngo biteguye kubabarira.

Umunyamabanga Nshingwabikorwa w’Umurenge wa Kinazi, Patrick Mutabazi, avuga ko igikorwa cyo kwimura iyi mibiri idashyinguwe mu cyubahiro kizakomeza, uko ubushobozi buzagenda buboneka, kuko ngo babizi neza ko hirya no hino igihari.

Urwibutso rwa Jenoside yakorewe Abatutsi rw’Akarere ka Ruhango, rugiye gushyingurwamo iyi mibiri, rusanzwe rushyinguwemo imibiri isaga ibihumbi 60. Imyinsi muri yo ikaba yarakuwe mu cyobo cy’ahitwa ku Rutabo, cyiswe “CND” mu gihe cya jenoside.

Aba bagore bavuga ko bari basanzwe bakorana n’umushoramari w’Umunyamerika ufite Kampanyi yitwa “Opportunity Cross Africa”, ariko ngo amaze amezi asaga 6 atabishyura none ngo byabateje ubukene.

Ababoshyi b’uduseke ngo bacitse intege kubera kutishyurwa.

Bamwe mu bo twaganiriye bavuga ko muri icyo gihe umushoramari amaze atabishyura amaze kubajyamo hafi miliyoni 70 z’amafaranga y’u Rwanda, no kuri ubu ngo ntibagishobora no kwigurira ibikoresho.

Mukashyaka Violette, wo mu Murenge wa Byimana, avuga ko agiye kumara hafi imyaka 10 atunzwe no kuboha agaseke. Akavuga ko bari bagize amahirwe babonye umushoramari wabaguriraga uduseke akabishyura neza, ariko ubu ngo s iko bikimeze.

Agira ati “Umugore wo muri uyu murenge, ahanini atunzwe no kuboha agaseke, rwose abagore ba hano, bari bamaze kugera ku iterambe. Ubu bari gusubira inyuma, kuko aho bakuraga amafaranga hahagaze”.

Ubuyobozi ntibwari buzi iki kibazo

Umunyamabanga Nshingwabikorwa w’Umurenge wa Byimana, Nahayo Jean Marie, avuga ko aba bagore batigeze bamenyesha inzego z’ubuyobozi iki kibazo, ariko ngo ubwo bakimenye bazegera uwo mushoramari bamenye ikibazo cyabayeho, ubundi gishakirwe umuti.

Umunyamabanga Nshingwabikorwa w’Umurenge wa Byimana, Nahayo Jean Marie, avug ko iki kibazo agiye kubafasha kugikurikirana.

Na we yemeza ko ubusanzwe agaseke ari ko kagize iterambere ry’umugore muri ako gace.

Umuyobozi uhagarariye Opportunity Cross Africa mu Rwanda, Nshumbusho Modeste, avuga ko yemera ko habayeho gutinda kwishyura aba baturage, ariko na bo ngo si bo kuko byaturutse ku isoko bafite muri Amerika.

Avuga ko ubundi bafite abakiriya babiri, harimo umwe ubaha komande y’ibiseke akeneye, ariko hakaba n’uwo bagira, aho bajyana ibiseke mu iduka rye agacuruza, akazabaha amafaranga yarangije gucuruza.

Agira ati “Ni byo turabyemera ko twatinze pe, gusa nubwo bavuga ko ari igihe kinini si byo, kuko twaherukaga kubishyura mu kwezi kwa 5 k’umwaka ushize wa 2015, twirenzaho amezi atatu turabishyura. N’ubu hasigayeyo ukwezi kumwe, kandi na ko bitarenze icyumweru turaba twayabahaye.”

Uyu muyobozi avuga ko ubu na bo bamaze gufata ingamba z’uko bazajya bafata ibiseke bike bazajya babasha guhita bishyura aba bagore nibura mu gihe kitarenze ukwezi. Ubundi ngo batwaraga byinshi bigatinda gushira, ugasanga bitumye habaho gutindana amafaranga yabo.

Babitangaje nyuma yo kubona ko uwahingishije imashini, akoresha igihe gito n’amafaranga make, kandi umusaruro ukiyongera cyane.

Imashini zihinga ngo zitanga umusaruro cyane.

Sangwa Olivier, ushinzwe imashini zihinga mu Kigo cy’Igihugu cy’Ubuhinzi n’Ubworozi, RAB, na we yemeza ko guhingisha imashini bigira inyungu nyinshi.

Avuga ko kugira ngo umuhinzi abashe gukodesha imashine muri RAB ngo ize imuhingire bimusaba kuba afite amafaranga ibihumbi 90 kuri hegitari ebyiri, mu gihe yakoresheje abahinzi kuri hegitari imwe yakwishyirura ibihumbi bisaga 170.

Ikindi ngo ni uko umurima wahingishijwe imashini, ugira ubwiza kurusha uwahinzwe n’abahinzi basanzwe, ikindi kandi ngo umusaruro wiyongera cyane ugereranyije n’umurima wahinzwemo n’abantu.

Nyuma yo kumva inyungu ziri mu gukoresha imashini zihinga, abahinzi bo mu Murenge wa Kinazi, bakaba bafashe ingamba zo gutangira guhuza ubutaka ndetse bakanajya bakusanya amafaranga yabafasha gukodesha imashini zihinga muri RAB.

Habimana August, umwe mu bahinzi akanaba umujyanama mu buhinzi mu Murenge wa Kinazi, avuga ko abenshi batazi akamaro ko guhingisha izo mashini, ariko we na bagenzi be bamaze gusobanukirwa ngo bagiye kwegera abaturage bakabakangurire guhuza ubutaka no guhuriza hamwe amafaranga, kugira ngo bajye babasha gukodesha imashini zihinga, kuko umuntu kugiti cye ngo bitapfa kumukundira.

Kugeza ubu, mu Rwanda ngo hamaze kugera imashini zihinga zibarirwa mu 120. RAB ikaba yarihaye intego ko nibura muri 2020 zizaba zikoreshwa ku kigereranyo cya 50%, mu gihe ubu bamaze kugera kuri 18%.

Care ni umuryango mpuzamahanga, ugiye kumara imyaka 30 mu Rwanda, ufasha abatishoboye gutera imbere, akarere ka Ruhango kakaba kari mu turere 24 uyu muryango ukoreramo, uvuga ko hari impinduka nyinshi zagezweho mu iterambere ry’umugore, ntubwo hatabura abafite imyumvire mike kubijyanye no kwizigama.

Abagore ngo bamaze kwigeza kuri byinshi babikesha amatsinda

Niyitegeka Pascal, n’umukozi wa Care ushinzwe iterambere ry’amastinda mato n’aciriritse mu gihugu, avuga ko kuva batangira gukorana n’amatsinda ashishikarizwa kwizigamira, ko hagenda hagaragara iterambere rishimishije mu bagore.

Gusa ariko uyu muyobozi akagaragaza hakiri abagore bakitinya, bavuga batabasha kwizigamira kandi bakennye. Uyu muyobozi akavuga ko nta muntu n’umwe utakwizigamira ahereye kuri duke afite.

Ati “Fata urugero rw’umuntu wahingiye amafaranga 500, niyo yarya 300, maganabiri akayazigama, ejo akazigama ijana, bityo ejo akabona aragwiriye ayakozemo igikorwa gikomeye cyamuteza imbere?”.

Ufitemariya Olive, ahagarariye inama y’igihugu y’abagore mu karere ka Ruhango, ashimangira ko umunsi ku wundi hagenda hagaragara impinduka ku bagore batinyutse bakibumbira mu matsinda. Akavuga ko bagiye gukora ibishoboka igakora ubukangurambaga mu bagore bakitinya kugirango bazamukane n’abandi.

Barasaba bagenzi babo kwitinyuka

Abagore batinyutse bagatangira kwizigamira, bavuga ko hari byinshi babashije kugera, bakaba batinyura bagenzi babo bakitinya

Mukamurenge Gorete utuye mu murenge wa Ntongwe, avuga ko yapfakajwe na jenoside, ngo yatangiye gukorana na care mu mwaka wa 2007, atangira yizigamira amafaranga ijana gusa, ariko ubu ngo amaze kugera kuri byinshi birimo kwiyubakira inzu agashyiramo umuriro, akaba abasha kurihirira abana be harimo nabagiye kurangiza kaminuza.

Uyu mudamu, asaba bagenzi be bakitinya, kumva ko umugore wese agomba gutinyuaka, kuko ngo ntiwatera imbere ugifitemo kwitinya.

Kuva Care yatangira gukorera mu karere ka Ruhango, imaze gukorana n’ amatsinda 888, agizwe n’abanyamuryango 25000frw, bakaba bamaze kwizigamira amafaranga asaga miliyoni 441, bakaba bamaze gukoresha inguzanyo bahabwa na banki zingana na miliyoni 332. Muri aya mastinda uko ari 888,

Ngango watangiriye mu mwaka wa kane muri uyu mwaka w’amashuri wa 2016, yaherukaga mu ishuri mbere ya jenoside yakorewe Abatutsi mu Rwanda mu 1994.

Ngango Etienne mu ishuri, arakurikira nk’abandi; Mwarimu yabaza, agasubiza.

Uyu mugabo ukomoka mu Karere ka Ngoma ariko akaba amaze imyaka 15 akorera akazi k’ubufundi mu Karere ka Ruhango, avuga ko yaje gusanga ntacyo yageraho mu gihe nta cyongereza azi, ahitamo kujya kucyiga mu ishuri.

Ati “Nasanze umuvuduko isi iganamo, ntacyo wazageraho utize nibura ngo umenye icyongereza. Ni yo mpamvu nafashe icyemezo cyo gutangira kwiga. Nizera ko nindangiza, akazi kanjye nakoraga, nzagakora neza kurushaho.”

Ngango afite inyota yo kwiga kandi ngo arabishobora.

Akomeza avuga ko mbere yari yarize agarukira mu mwaka wa munani, ariko kubera ko bigaga mu Kinyarwanda, yasanze ari ngombwa kugaruka akiga byose. Kuri we, ngo yumva nta gisebo bimuteye nubwo hari benshi bamuca integer bashingiye ku myaka ye y’ubukure.

Ati “Banca intege cyane, ariko kuko nzi icyo nshaka simbitaho.”

Ngango, avuga ko ataratangira kwiga, yinjizaga amafaranga ibihumbi 5 ku munsi. Abihagaritse, bagenzi be baramugaye cyane; bamubwira ko nta muntu ungana nka we ukwiye kureka akazi yakoraga, ngo ajye kwiga.

Nubwo ahura n’izi mbogamizi zose, we ngo ntazacika intege, kuko ashaka gukomeza kwiga byanamuhira akarangiza kaminuza.

Aha, agiye gusubiriza ku kibaho.

Abayobozi b’Ishyuri Ribanza rya Muyange riri mu Murenge wa Ruhango, bavuga ko uyu mugabo yaje ababwira ko akeneye kwiga, basanga badakwiye gupfukirana umuhamagaro we; baramureka ariga.

Shikama Jean Bosco, Umuyobozi Wungirije ushinzwe Amasomo, ati “Ni bwo bwa mbere twakiriye umunyeshuri ungana atya! Byabanje kudutera impungenge, ariko ubu ni we munyeshuri w’ntangarugero dufite.”

Mu bandi banyeshuri, nta kibazo aba afite.

Uwimbabazi Rose wigisha mu mwaka wa kane, avuga ko uyu munyeshuri we afite umuhate wo kugera ku cyamuzanye. Avuga ko mu masomo yihata, harimo icyongereza kandi akaba agenda akimenya kuko agifitiye inyota.

Uyu munyeshuri (Ngango) agira inama abandi bantu bakuze kutitinya igihe biyumvamo umuhamagaro.

Ubuyobozi bw’ishuri buhamya ko Ngango ari umunyeshuri ntangarugero.

Kugeza ubu, aba munzu akodesha amafaranga 1500Frw ku kwezi. Amafaranga amutunga akaba ayakorera mu mpera z’icyumweru (weekend).

Umugore we n’abana babiri bo batuye mu Karere ka Ngoma.

Ngango yatangarije Kigali Today ko akeneye kumenya Icyongereza cyane.

Aba bafashwe, bakaba bafatiwe mu tugari twa Nyamagana, Munini na Bunyogombe, tariki ya 11/03/2016, mu mukwabo wakozwe n’inzego z’umutekano zifatanyije n’abaturage.

Mu byabashwe, hakaba hafashwe litilo 12 za Kanyanga ndetse na litilo 1400 z’inzoga z’inkorano

Dusengimana Mark, ni umwe mu bafatanywe inzoga z’ibikwangari, avuga ko nubwo bakora ibi byose, baba bazi neza ko bitemewe n’amategeko, akabisabira imbabazi. Akavuga ko ahanini babiterwa no gushaka amaramuko.

Ati “Rwose bambabariye sinazongera, najya gushaka ibindi nkora, kuko n’ubundi ibi turabikora ariko iyo bagufashe usubibira hasi cyane”.

CIP Rutagengwa Adrien, uhagarariye polisi mu karere ka Ruhango, avuga ko ahanini ibi babikora kugira ngo barengere ubuzima bw’abaturage babikoresha, akihanangiriza cyane abafite umuco wo gushakira indonke mu bitemewe n’amategeko.

Akavuga ko iyo bamaze gufata ibi biyobyabwenge, babimena ubundi ababifatiwemo bagacibwa amande, ahwanye n’ingano y’ibyo yafatanywe.

Kugeza ubu abafashwe, bakaba bafungiye kuri station ya polisi ya Nyamagana mu karere ka Ruhango.

Kuri uyu wa kane tariki 10 Werurwe 2016, Minisiteri y’Ubuhinzi (MINAGRI) yateguriye aba bahinzi amahugurwa yo kubereka uko izi mashini zikoreshwa, igikorwa cyateguwe mu cyumweru cyahariwe ubuhinzi n’ubworozi.

Izi mashini ngo zitanga umusaru mwinshi mu gihe cy’izuba.

Gusa aba bahinzi bagaragaje ko babyishimiye ariko bagasaba ko bakoroherezwa gukorana n’ibigo by’imari, kugirango babashe kubyigurira, nk’uko Hagenima Augustin, umuhinzi wo mu murenge wa Kinazi yabitangaje.

Yagize ati “Iyi gahunda nayikunze, ariko se ko umuhinzi atatera imbere atabonye inguzanyo, ibi tuzabigeraho gute ntibatabidufashamo?”

Kanamugire Egide, ushinzwe gahunda zo kuhira mu buryo bw’ikoranabuhanga mu Kigo cy’igihugu gishinzwe guteza imebre ubuhinzi (RAB), yavuze ko bakwiye kwishyira hamwe bakigurira imashini, kuko kwishyira hamwe bishyura kimwe cya kabiri andi leta ikatabatangira.

Ati “Iyo umuhinzi ashatse kuyigura, twe tumuhuza na rwiyemezamirimo, akamwishyura kimwe cya kabiri ikindi RAB ikagitanga.”

Basobanuriwe uko bakoresha izi mashini.

Imashini igura macye igura ibihumbi 590Frw, ikaba ifite ubushobozi bw’uko mu minota 45 ishobora kuba yuhiye ahangana na hegitari imwe.

Ubuyobozi w’akarere ka Ruhango buvuga ko bwabafashije kubegereza ibigo by’imari nka SACCO na BDF kugira ngo bibunganire mu nguzanyo.

Umuyobozi w’aka karere, Mbabazi Francois Xavier, watorewe manda ya kabiri, avuga ko yanejejwe no kuba abaturage yari ayoboye imyaka itanu, barongeye kumugirira icyizere. Ubuyobozi ngo bugomba kugikoresha mu gusubiza ibibazo by’abaturage.

Mbabazi Francois Xavier uyoboye Akarere ka Ruhango muri manda ya kabiri.

By’umwihariko, Mbabazi na bagenzi be batorewe kuyobora Akarere ka Ruhango, bavuga ko bagiye gushyira mu ngiro ibikorwa remezo nka gare, imihanda no kongera amashanyarazi n’amazi meza.

Mbabazi avuga ko bari barabihize mu mihigo ya 2015-2016 ariko akaba yari asoje manda ya mbere bitarakorwa.

Abaturage b’Akarere ka Ruhango bavuga ko biteguye impinduka nziza ku bayobozi batowe bushya kandi bakabasaba kujya basubiza amaso inyuma bakumva ibitekerezo by’ababahaye amajwi.

Nsanzumukiza Norbert agira ati “Ntitugaherukane musaba amajwi gusa ngo nimugera iyo mudutere umugongo.”

Mbabazi Francois Xavier (ibumoso), Kambayire Annonciata na Twagirimana Epimaque ni bo bayobozi b’Akarere ka Ruhango kuva tariki 26 Gashyantare 2016.

Komite nyobozi y’Akarere ka Ruhango yatowe iyobowe na Mbabazi Francois Xavier, Twagirimana Epimaque wongeye gutorwa nk’Umuyobozi w’Akarere Wungirije ushinzwe Imari n’Iterambere ry’Ubukungu; na Kambayire Annonciata wabaye Umuyobozi Wungirije ushinzwe Imibereho Myiza.

Kambayire winjiye muri komite nshya y’Akarere ka Ruhango, yari asanzwe ari Umunyamabanga Nshingwabikorwa w’aka karere.

Abo baturage bo mu miryango 20 borojwe ihene muri 2013 n’abafatanyabikorwa bo muri Komini ya Landau mu gihugu cy’u Budage.

Dusabimana ahamya ko izi hene zatumye umuryango we ugira imibereho myiza

Iyo miryango na yo yoroje indi ku buryo ubu imiryango 36 yose yamaze kubona amatungo ndetse ngo ikaba yaranahinduye ubuzima. Hatanzwe ihene zigera kuri 20 zifite agaciro k’ibihumbi Magana atandatu.

Dusabimana Euphrasie, umwe mu borojwe kuri ayo matungo, avuga ko atagiraga itungo na rimwe.

Kuri we, ngo kubona imboga zo guteka cyari ikibazo kimukomereye. Ahamya kandi ko ifumbire itungo yahawe rimuha ayifumbiza uturima tw’igikoni, bityo umuryango we ukabasha kubona buri gihe igaburo ririho imboga.

Niyitegeka Jonas , we ahamya ko aya matungo yatumye bagira igitekerezo cyo kwishyira hamwe, kugira ngo babashe gukoresha ifumbire yayo mu buhinzi bw’imyumbati.

Yemeza kandi ko gukora muri ubwo buryo byatumye babasha gutera imbere buhoro buhoro, kandi bakaba bizera ko bazagera kure mu iterambere, kubera gukorera hamwe.

Batamuliza Jeanine, we ariko, avuga ko kugira ngo babashe kongera ubuso bafumbira, hakenewe ifumbire iruta kure iyo babona ubu.

Umunyamabanga Nshingwabikorwa w’Umurenge wa Kabagali Habimana Sosthene, avuga ko mu gukemura ibibazo by’ifumbire bagiye baganiriza abahawe amatungo, ko bagomba kuyafata neza, akororoka na bo bakoroza abandi, kandi ko babikoze neza, izo mpungenge zizavaho.

Madam Rahm ahamya ko bazakomeza gufasha iyi miryango

Ari kumwe n’itsinda ayoboye, Madamu Gerlinde Rahm, uhagarariye umubano wihariye hagati ya Komini ya Landau mu Budage n’Akarere ka Ruhango, ubwo yasuraga amatungo boroje abaturage tariki 12 Gashyantare 2016, yashimye ko amatungo bahawe yabagiriye akamaro nk’uko babitanzemo ubuhamya.

Akaba abizeza ko bazakomeza kubafasha kugera ku bushobozi bwo kwikemurira ibibazo. Ati “Ibyo mwumva twabafasha muzajye mubitubwira mubinyujije ku buyobozi”.

Iyo nyubako izatangira kubakwa muri Gicurasi 2016 ikazuzura mu mpera z’uyu mwaka, ngo izakemura ikibazo cy’ababyeyi batabonaga aho babyarira hisanzuye.

Abayobozi b’Akarere ka Ruhango bishimira umubano w’uturere twombi

Uwimpuhwe Solange, wivuriza kuri iki kigo nderabuzima agira ati "Niyuzura bizatunezeza kuko wasangaga hari igihe ababyeyi baza kuhivuriza ari benshi, bakabura aho batwakirira, ariko ubu twizeye ko buri wese agiye kujya ahabwa serivisi zimunogeye."

Ngo izubakwa n’abafatanyabikorwa b’Akarere ka Ruhango bo muri Komini ya Landau mu Ntara ya Rhénanie Palatinat yo mu Budage.

Nsengimana Schadrack, uhagarariye Itorero ry’Abadiventisiti b’Umunsi wa Karindwi ari na ryo nyir’iki kigo, n’uwari ushinzwe abafatanyabikorwa b’Akarere ka Ruhango, Burezi Eugene, ubwo bagiranaga ibiganiro n’aba bafatanyabikorwa ku wa 11 Gashyantare 2016, bashimye umubano mwiza hagati y’abaturage ba Ruhango n’aba Landau mu Budage.

Madamu Gerlinde Rahm ushinzwe Umubano wihariye (Jumelage) hagati ya Landau n’Akarere ka Ruhango, avuga ko umubano w’impande zombi wagiye urangwa n’ibikorwa byiza bitandukanye bigamije guteza imbere imibereho myiza y’abaturage.

Akomeza avuga ko bazakomeza kugira uruhare mu bikorwa binyuranye biteza imbere ubuzima, uburezi n’imibereho myiza. bityo bakaba bagiye kubaka inzu y’ababyeyi kuri iki kigo nderabuzima. Yemeza ko inkunga yabonetse, imirimo yo kubaka izatangira muri Gicurasi 2016.

Madam Rahm avuga bazakomeza guteza imbere imibereho myiza y’abaturage b’Akarere ka Ruhango.

Uretse inkunga yemerewe iki kigo cya Nyarurama, aba bafatanyabikorwa bavuga ko bazakomeza gutera inkunga n’ibindi bigo, birimo ibyo basanzwe bakorana nka VTC Nzuki yo mu Murenge wa Kabagali, College Aparude yo mu Murenge wa Ruhango n’ibindi.

Yabibasabye ku wa 8 Gashyantare 2016, amaze gutora Umukuru w’Umudugudu wa Nyarubumbiro mu Kagari ka Nyakabuye ari naho atuye. Umunsi kandi waranzwe n’amatora y’abahagarariye imidugudu mu gihugu hose.

Nyuma yo gutora umukuru w’umudugudu, yamusabye kuyobora neza nka Perezida Kagame.

Yagize ati “Twagiye twumva abayobozi barya za ruswa, ntibabashe gukemura ibibazo by’abaturage, bakarenganya abaturage. Ariko ubu aba dutoye ndabasaba kurangwa n’ubunyangamugayo, bakareraka gutobera Perezida wacu Paul Kagame, bakagera ikirenge mu cye.”

Uyu mukecuru avuga ko mu gihe cyose yabayeho nta wundi muyobozi yari yabona nka Kagame. Akifuza ko buri wese uhawe inshingano zo kuyobora yajya amureberaho agakorera Abanyarwanda nk’ibyo na we abakorera.

Ati “Njye iyo numva Kagame, numva ubuzima bwanjye ari nk’urubyiruko, mba numva ntacyo nteze kuzaba, kuko mba numva ambundikiye.

Nonese nawe, dore yazanya amafaranga muri SACCO, ubu buri kwezi bampa amafaranga, akamfasha kuntunga n’abuzukuru banjye babiri tubana.”

Nubwo agaragara nk’unaniwe yahagaze ku murongo w’abitabiriye amatora.

Kamayanja yamaganira kure abayobozi b’inzego z’ibanze bamara gutorwa bagatangira gushaka kurya utw’abandi. Ati “Ipuuu nta ruswa mu bantu mwana wa.”

Uyu mukecuru kandi yagaragaje ibyishimo by’uko yumvise ko Perezida Kagame yemeye gukomeza kuyobora u Rwanda. Agasanga abayobozi batowe mu nzego z’ibanze ari bo bazamufasha gukomeza kuyobora neza nibuzuza inshingano zabo.

Aba bayobozi bakavuga kuba abaturage bongeye kubagirira icyizere, ko ari ukubera ko banyuzwe n’imyitwarire yabo. Bagasaba bagenzi babo b’abayobozi kujya baha agaciro abaturage babagiriye icyizere, ubundi bakanabaha umwanya bagafatanya mu miyoborere yo guteza imbere Imidugudu.

Barasaba abatowe kwirinda ruswa

Mu matora y’inzego z’ibanze yabaye kuri uyu wa mbere tariki ya 08/02/2016, hirya no hino mu karere ka Ruhango, hagiye humvikana bamwe mu baturage banze gutora abahoze ari abayobozi babo babashinja kutagira icyo babagezaho, ahandi ugasanga bose bashyigikiye uwari usanzwe ubayobora kuko yitwaye neza.

Tungandame Evode, yari asanzwe ayobora Umudugudu wa Nyarubumbiro mu kagari ka Nyakabuye Umurenge wa Byimana, abaturage bongeye kumugirira icyizere baramutora, kuko ngo yakoze ibishoboka byose yitwara neza.

Evode watorewe umukuru w’umudugudu wa Nyarubumbiro ku nshuro ya kabiri yamaganye bagenzi bitwara nabi

Uyu muyobozi akavuga ko kuba abaturage bongeye kumugirira icyizere, ko byatewe n’uko bishimiye uko yabayoboye kandi akaba yiyemeje kongera imbaraga mu mikoranire myiza n’abaturage, gusa uyu muyobozi akaba yongeye kunenga bagenzi be akunze kumvaho imyitwarire mibi cyane igaragaramo ruswa.

Agasaba bagenzi be kujya baca bugufi, bagafatanya n’abaturage mu guteza imbere aho batuye, birinda kwiyandarika bakagendera kure ya ruswa.

Ngo ntibazigera bihanganira abayobozi bafite imyitwarire mibi

Rwamucyo Raphel , ni umwe mu bitabiriye amatora, akaba yavuze ko batagikeneye abayobozi babayoboresha igitugu, ababaka ruswa, abatabakemurira ibibazo n’ibindi.

Muri manda ishize, bamwe mu bayobozi b’inzego zibanze bakaba baravuzweho cyane ruswa muri gahunga ya Girinka, VUP, n’ibindi. Gusa abaturage bakavuga ko kuri ubu bamaze gukora ubushishozi bakitorera abo bafitiye icyizere.

Nyirahabimana Philomene, ushinzwe ibikorwa by’amatora muri komisiyo y’igihugu y’amatora, yabwiye abakandida b’aka karere kubahiriza amabwiriza agenga amatora cyane cyane mu bihe byo kwiyamamaza.

Abakandida bose bagiranye inama na komisiyo y’amatora

Bimwe muri ibi bagomba kwitabwaho, harimo kubahiriza igihe cyagenwe cyo kwiyamamaza, nukuvuga guhera ku isaha ya saa kumi n’ebyiri za mu gitondo kugeza saa kumi n’ebyiri z’umugoroba. Bivuze ko uwakora ibikorwa byo kwiyamamaza mu yandi masaha adateganyijwe, inzego zibishinzwe zizamukurikirana.

Ikindi aba bakandida basabwe ni ukugararagaza abazabamamaza mbere y’uko ibikorwa byo kwiyamamaza bitangira.

Aba bakandida bakaba basabwe ko igihe bakeneye ahantu ho kujya kwiyamamariza, bagomba kubimenyesha ubuyobozi bwaho mbere y’amasaha 48, hanyuma na we agasubizwa ko yemerewe mbere y’amasaha 24, yaba nta gisubizo yahawe, bikaba bivuze ko aho hantu yahiyamamariza, kuko nta baruwa aba yabonye imuhagarika.

Umuyobozi w’Akarere ka Ruhango uyoboye inziba cyuho, Kabano Charles, akaba yasabye abakandi b’aka karere, kuzarangwa n’imyitwarire myiza, ntuhazagire unyuranya n’amabwiriza agenda amatora.

Ati “Rwose muzitware neza, Akarere kacu ntikazabe ariko kumvikanamo imigendekere mibi y’amatora”.

Biteganyijwe ko ibikorwa byo kwiyamamaza ku bemerewe kwiyamamaza, bitangira tariki ya 06 kugeza tariki ya 21/0/2016.

Aba baturage bavuga ko nta mazi meza yigeze agera mu murenge wabo, kuri ubu bakaba bakoresha amazi y’ibishanga akunze kubagiraho ingaruka mbi nk’uburwayi bw’inzoka.

Gukoresha amazi mabi bibatera indwara zirimo inzoka.

Mukamudenge Grace, atuye mu Kagari ka Kayenzi, avuga ko bahangayikishijwe n’ikibazo cy’amazi mabi, kuko buri gihe aba arwaje abana be inzoka, ahanini ngo bigaturuka ku mazi bakoresha aturuka ahantu hari umwanda.

Ati “Rwose turababaye cyane. Ubu twivomera ibishanga kandi n’iyo wavuga ngo urayateka, abana ntumenya igihe bayanywereye, bamwe ukumva barakorora, abandi impiswi zikaba zose; rwose mudusabire abayobozi badufashe.”

Umunyamabanga Nshingwabikorwa w’Umurenge wa Ntongwe, Ngendahayo Bertin, avuga ko muri rusange umurenge wose nta mazi meza ufite.

Cyakora, ngo umurenge watangiye gukorana n’ikigo gishinzwe gukwirakwiza amazi (WASAC) ku buryo ubu hamaze kuzura ikigega kinini gishobora kuzakwirakwiza amazi mu tugari dutandukanye.

Ngendahayo avuga yizeye inkunga bazaterwa na VUP, bakabasha gucukura imiyoboro y’amazi, bityo akizeza abaturage ko mu gihe gito bazagezwaho amazi meza kuko ubuyobozi buticaye.

Si Ntongwe gusa kuko imirenge yose 9 y’Akarere ka Ruhango igaragaramo iki kibazo cy’amazi mabi; ariko ubuyobozi bukizeza abaturage ko gake gake, iki kibazo kizabonerwa umuti.

Murekaratwe Brigitte, uhagarariye iyi nama mu Murenge wa Ruhango, avuga ko hakiri umubare munini w’abagore, batinya kwiyamamariza ubuyobozi. Ibi ngo bibagiraho ingaruka zo kutamenya amakuru, bityo bigatuma badatera imbere.

Abagore barasabwa kutitinya

Atanga urugero rw’uko akenshi hari nk’amafaranga aza agenewe guteza imbere abagore, ugasanga asubijweyo kuko abo yagenewe batigeze bamenya ayo makuru, kuko kenshi baba batari mu nzego z’ubuyobozi.

Ikindi ngo hari abagore bakora imishinga yabo bakeneye amafaranga, bakayitwara mu mabanki, imishimga yabo ikemezwa, ariko ntibakurikirane, kenshi bitewe no kutamenya amakuru, bigahera iyo.

Uyu muyobozi avuga ko ubu barimo gukora ubukangurambaga butandukanye, kugira ngo abagore batinyuke kwiyamamariza imyanya y’ubuyobozi, bityo na bo bajye babasha kumenya amakuru, bayageze muri bagenzi babo, batinyuke batere imbere.

Abagore ngo badindizwa no kutaba mu myanya y’ubuyobozi

Mukamugema, umugore utuye mu Kagari ka Nyamagana, Umurenge wa Ruhango, we avuga ko atari ugutinya kwiyamamariza iyi myanya ahubwo ngo benshi baba bitinya kuko batazi gusoma no kwandika.

Ati “Ubu se waba utazi gusoma no kwandika, wayobora abantu, ukabamarira iki koko?"

Uyu mugore, akifuzako abize, ari bo bajya bajya muri iyi myanya, ubundi bakajya bamanuka bakegera abatirize bakabasobanurira byinshi byabateza imbere.

Aba baturage bavuga ko bababazwa cyane n’uko bagenzi babo babahitamo nk’abatishoboye, kugira ngo bahabwe inka, ariko nyuma bagatangazwa n’uko abayobozi bo mu nzego z’ibanze baca inyuma bakabaka amafaranga. Iyo bayabuze, inka ihabwa utarayigenewe ngo ufite amafaranga yo gutanga nka bitugukwaha.

Abatishoboye bo mu Ruhango bavuga ko abagenerwa inka atari bo bazihabwa.

Umwe mu baturage wo mu Murenge wa Ruhango utarashatse ko amazina ye atangazwa, avuga ko we ubwe abaturage bamutoye nk’umuntu utishoboye ariko Umukuru w’Umudugudu, akamwaka amafaranga ibihumbi 5, akayabura.

Igihe cyo gufata inka kigeze, ngo yaragiye yibura ku rutonde, umugozi yari yitwaje ngo awuzanemo inka awusubirizayo aho.

Nyabuhene Germain, umusaza w’imyaka 86 y’amavuko, avuga ko abaturage bamutoreye mu nama, kuva gahunda ya Girinka yatangira, ariko kugeza n’ubu ntayo arabona. Agira ati “Maze kwitwaza ikiziriko inshuro ebyiri ngarukira aho.”

Uyu musaza w’imyaka 86 ngo yemerewe inka kuva gahunda ya Girinka yatangira ariko na n’ubu ntarayihabwa.

Mukamuhizi Helena we avuga ko inka yayemerewe ndetse anatera ubwatsi yitegura kwakira inka, nyuma ariko arategereza araheba, kuko ngo na we bamwatse amafaranga akayabura.

Ku ruhande rw’ubuyobozi bw’Akarere ka Ruhango, bwemera ko iki kibazo gihari koko, ko hari abayobozi bagiye banyuranya n’amabwiriza ya gahunda Girinka, cyakora ngo hafashwe ingamba zo guhangana na cyo.

Rugwizangoga Dieudonné ushinzwe guteza imbere Ubworozi mu Karere ka Ruhango, avuga ko hari abayobozi mu nzego z’ibanze bagendaga bafata inka aho kuziha abo zigenewe, bakaziha abatazigenewe.

Nyuma yo kumenya ayo makuru, ngo hafashwe icyemezo cy’uko zizajya zakwa abazihawe batazikwiye zigasubizwa abazigenewe, ndetse umuyobozi wabigizemo urahare agakurikiranwa n’amategeko.

Uyu mukozi ushinzwe ubworozi, avuga ko ubu bamaze gushyiraho komite muri buri mudugudu ishinzwe gucukumbura ibibazo biri muri Girinka, ndetse bakanagira uruhare mu itangwa ryazo.

Umuvunyi Wungirije, Musangabatware Clement, avuga ko bamaze gukora ubushakashatsi kuri ruswa ivugwa muri gahunda ya Girinka. Mu minsi mike iri imbere, bakazashyira ahagaragara ibyabuvuyemo, ndetse bashyikirize raporo inzego bireba.

Kuva gahunda ya Girinka itangiye, abaturage 8030 mu Karere ka Ruhango, ni bo bamaze guhabwa inka.

Abatishoboye basaba inzego z’ubuyobozi bwo “hejuru” kujya zimanuka zikikurikiranira igikorwa cyo gutanga inka, aho kubiharira inzego zo hasi gusa kuko hari izirangwamo uburiganya.

Babitangaje kuri uyu 2 Gashyantare 2016, ubwo bizihizaga Umunsi w’Intwari mu karere ka Ruhango.

Abanyaruhango basanga ubutwari buharanirwa.

Bashima Hussen, umuturage utuye mu Murenge wa Ruhango, yavuze ko nk’urubyiruko, bagiye bahabwa inyigisho zitandukanye zirebana n’ubutwari, akavuga ko yamaze kumenya neza ko umuntu adapfa kuba intwari ahubwo ko biterwa n’ibikorwa yakoze.

Bashima avuga ko nk’urubyiruko, na bo bagomba gufata iya mbere mu guharanira ibikorwa byazabageza ku butwari kimwe n’abandi bazi babiharaniye.

Kabano Charles, Umuyobozi w’ Agateganyo w’Akarere ka Ruhango, yabwiye abaturage ko buri wese agomba kuzirikana ibikorwa byaranze Intwari z’u Rwanda, kandi na bo bagakomeza guharanira ubutwari.

Ubuyobozi bw’Akarere ka Ruhango busaba abaturage kurangwa n’ibikorwa bifatika mu rugendo rwo guharanira ubutwari.

Kabano ati “Mugomba gufata iya mbere, mukagera ikirenge cyanyu mu cy’intwari zacu tuzirikana uyu munsi.”

Uyu muyobozi na we yongeye gushimangira ko ubutwari atari amagambo gusa, ahubwo ko buharanirwa binyuze mu bikorwa by’indashyikirwa.

Guhera kuwa gatanu tariki 29 Mutarama 2016, ku bigo nderabuzima byose byo muri aka karere, byatangiye guha abaturage inzitiramubu zuzuje ubuziranenge, kugira ngo bahangane n’ikibazo cy’indwara ya maraliya kimaze iminsi kibibasiye.

Bizeye guhashya malariya nyuma yo kubona inzitiramubu.

Umukozi ushinzwe ubuzima mu karere ka Ruhango Nyirishema Frodoire, yabwiye abatangiye kuzibona ko bagomba kuzifata neza, birinda kuzikoresha ibyo zitagenewe nko kuzbakisha imirima y’igikoni cyangwa ngo batekereze kuzigurisha.

Yasabye abayobozi bo mu nzego zibanze kuba maso kugira ngo barwanye buri muturage wese washaka kugirisha inzitiramubu, kandi yarayiherewe Ubuntu.

Abaturage babonye izi nzitira mubu, nyuma y’aho mu 2015, mu duce dutandukanye mu karere ka Ruhango, humvikanaga cyane ikibazo cya maraliya, baterwaga n’imibu kubera ko inzitiramubu bari bafite zari zarashaje izindi nta muti zifite.

Umwe mu bazihawe kimwe na bagenzi be yavuze ko bagiye guhangana na maraliya yari ibarembeje. Yagize ati “Rwose turashimira Leta, kuko ihora ituzirikana igaharanira icyatuma ubuzima bwacu bugenda neza, twiteguye kuzifata neza.”

Bagashimangira ko izi nzitiramubu bahawe, zitandukanye nizo bari bafite, kuko izi ngo bigaragara ko zifite umuti ukarishye.

Iki kibazo cya marariya kikaba kivugwa hirya no hino mu gihugu, mu nama y’umushyikirano wa 2015 hari hafatiwe umwanzuro w’uko iki kibazo cyashakirwa umuti uhamye.

Byatumye hakorwa inama yahuje abamotari ndetse na Polisi hagamijwe gusobanurira abamotari amategeko agenga umuhanda, ndetse banabonereho kongera kubasaba kubaha ubuzima bw’abantu.

Zimwe muri moto zitujuje ibyangomba zafashwe.

SP Richard Rubagumya, Umuyobozi wa Polisi mu Karere ka Ruhango, yavuze ko abamotari batagira ibyangombwa bateza ibibazo byinshi, birimo impanuka dore ko ngo baba bikanga buri kanya ko bagiye gufatwa.

Ikindi ngo n’uko bikurura akajagari, kwiba imisoro ya Leta, kwangiza ibinyabiziga byabo kubera gutendeka n’ibindi.

Ati “Aba bantu bakora batujuje ibyangombwa bakorana umutima uhagaze, bityo ugasanga buri kanya ari impanuka, kubera kwinga abagiye kumufata”.

Yasabye abamotari bujuje ibyangombwa kubera ijisho Polisi bakajya bagaragaza abakorera mu kajagari, kuko akenshi usanga babicira akazi.

Abamotari bakorera mu Mujyi wa Ruhango, bo bavuga ko babangamirwa cyane n’abakora akazi kabo biyita abamotari, akenshi ngo ugasanga ari bo usanga babahesha isura mbi hanze, kuko bakora ntacyo bitayeho.

Nyuma y’aho intore ziviriye mu itorero ubu zatangiye ibikorwa by’urugerero bizamara hafi amezi atandatu, aho zizakora ibikorwa bitandukanye bigamije kuzamura imibereho myiza y’abaturage.

Imbaraga bafite bazazikoresha mu kurwanya indyo ituzuye

Uwizeyimana Jean Damascene, intore iri k’urugerero, watangiriye urugerero mu Kagari ka Kebero mu Murenge wa Ntongwe, avuga ko aho bari ari agace k’icyaro, aho usanga benshi batazi akarima k’igikoni.

Ati "Aha ni mu cyaro abenshi ntibazi gutegura indyo yuzuye. Ibi rero ni byo tugiye kwitaho, muri aya mezi atandatu tuzamara ku rugero, ariko tuzanakora n’ibindi byinshi, gusa icyo dushyize imbere ni ukurwanya indyo ituzuye tugaca bwaki”.

Ababyeyi batuye mu Karere ka Ruhango, bo bavuga ko bishimira cyane ibikorwa abana babo bari ku rugerero bakora.

Barakagira John, umwe muri bo, avuga ko bishimira cyane abagize igitekerezo cy’urugerero, kuko urubyiruko rukoramo ibikorwa byinshi biteza imbere imiryango n’igihugu muri rusange.

Batangiye bubaka iturima tw’igikoni mu midugudu

Umuyobozi w’Akarere ka Ruhango, Mbabazi Francois Xavier, watangije uru rugerero, yasabye intore zigiye kurukora guha agaciro igikorwa bagiyemo, bagaharanira kwesa imihigo biyemeje.

Yasabye kandi ababyeyi kuzajya borohereza uru rubyiruko, kugira ngo rubone umwanya wo gukora ibikorwa rwiyemeje.

Babisabye abarezi b’iri shuri kuri uyu wa 26 Mutarama 2016, ubwo bishimiraga imitsindire y’abana babo mu bizamini bya Leta bisoza umwaka wa 2015 mu mashuri abanza.

Ababyeyi basaba abarezi gutinyura abana kuvuga Icyongereza

Ababyeyi bavuga ko iri shuri ryigisha neza ndetse n’abana hafi ya bose bagatsinda, ariko bakaba bagifite ikibazo cyo kwitinya mu kuvuga indimi z’amahanga.

Basaba abayobozi b’icyo kigo kujya batinyura abana bakamenya izindi ndimi cyane cyane Icyongereza.

Pasteur Antoine Mutunzi, umubyeyi urerera muri icyo kigo, agira ati “Rwose pe, iri shuri turarikunda, ndetse unasanga abana bacu bazi izi ndimi bakazandika pe, ariko ikibazo bagira, baritinya mu kuzivuga, tugasaba abarezi ko bajya babafasha bakabatinyura”.

Abo babyeyi bagaragaza imbogamizi y’uko akenshi abana bagera iwabo, abo basanze bagasanga nta ndimi bazi, bityo bagasaba abarezi gufasha abana bakazitunyukira ku ishuri.

Abarezi bavuga ko ababyeyi na bo bakwiye kujya bafasha abana iwabo

Sinamenye Jean Maurice, Umuyobozi wa Centre Scolaire Amizero, we avuga ko iyo abana bari mu kigo, indimi z’amahanga bazikoresha, gusa ngo ikibazo kiba iyo batashye.

Ati “Hano barazivuga pe, kandi tunafite intego zo kugira ngo umwana amenye izi ndimi, bityo ashobore guhangana ku isoko ry’umurimo cyane cyane muri Afurika y’Iburasirazuba”.

Uyu muyobozi agasaba ababyeyi ko igihe abana batashye, bakwiye kujya bakabakangurira gusibira mu byo bize, biyibutsa n’izo ndimi z’amahanga.

Abana bahawe amabaruwa y’aho bazajya kwiga

Centre Scolaire Amizero yatsindishije abana 65 mu bana 72 mu bizamini bya Leta bahabwa kwiga mu bigo bicumbikira abanyeshuri.

Imanzi Sendarasi Deny, umwe mu bana babonye amanota meza, avuga ko byose kubigeraho biterwa n’ubwitange bw’abarezi babo ndetse bakanatozwa ikinyabupfura.

Asaba barumuna be gukurana umuco wo ubaha, kuko ari byo bituma bamenya ibyo batazi.

Ababyeyi bishimiye uko abana babo batsinze

Ubuyobozi bw’Akarere ka Ruhango, bwo busaba ababyeyi ndetse n’abayobozi, gukomeza kurangwa n’ubufatanye, mu guteza imbere ireme ry’uburezi.

Bitarenze ukwezi kwa kabiri umwaka wa 2016, ngo RAB izaba yamaze kuzana indi mbuto mu cyiciro cya kabiri, kimwe cya kabiri kikazahabwa Akarere ka Ruhango.

umuyobozi wa RAB avuga ko kimwe cya kabiri cy’imbuto bazatumiza kizahabwa Ruhango

Louis Butare, Umuyobozi wa RAB, avuga ko bateganya kuzana imbuto izaterwa kuri hegitari 600, ariko kimwe cya kabiri cyayo kikazaterwa mu karere ka Ruhango.

Ati “Vuba aha, turazana indi mbuto, ariko kuberako akarere ka Ruhango hari gahunda nyinshi zigomba kuhakorerwa kubera uruganda rutunganya imyumbati ndetse tunateganya kwagura, kimwe cya kabiri cy’imbuto y’imyumbati tuzazana rero, kizaza mu Karere ka Ruhango, isagaye ikwirakwizwe mu tundi turere”.

Uyu muyobozi akavuga ko, uruganda rw’imyumbati ruri mu Karere ka Ruhango, mu Murenge wa Kinazi, rufitiwe gahunda nyinshi rugomba kuzakora, bityo akaba ari yo mpamvu imbaraga zose z’igihingwa cy’imyumbati bazazishyira muri ako karere.

Akarere ka Ruhango kaza ku isonga mu turere twibasiwe n’indwara y’imyumbati yiswe Kabore guhera mu mwaka wa 2013, kugeza n’ubu ikaba itarabonerwa umuti.

Gusa Minisiteri y’Ubuhinzi n’Ubworozi, ifatanyije na RAB, ikizeza abahinzi b’iki gihingwa, ko mu gihe gito kiri imbere bazaba bamaze kuyibonera umuti, bityo abaturage bakongera bagahinga bakeza.

Iri tsinda rigizwe na Depite Izabiriza Marie Médiatrice na Depite Byabarumwanzi François, bari mu Karere ka Ruhango muri gahunda isanzwe ikorwa n’Inteko Ishinga Amategeko y’u Rwanda, aho abayigize bagenderera abaturage mu turere no mu mirenge iwabo.

Abadepite bishimira ibyagezweho mu Karere ka Ruhango mu gihe cy’imyaka 5 ishize.

Muri iyi gahunda, baba bagamije kureba uko gahunda zinyuranye za Leta zigamije imibereho myiza n’iterambere ry’abaturage zishyirwa mu bikorwa, imbaraga n’intege nke zigaragaramo, kugira ngo babashe kujya inama no gukora ubuvugizi aho bikenewe.

Mbere y’uko gusura ibikorwa bitandukanye, aba badepite babanje guhura n’inzego zirimo, abanyamabanga nshingwabikorwa b’imirenge n’utugari twose, abayobozi b’ibigo by’amashuri abanza, ayisumbuye n’amakuru, abahagarariye inzego z’ubuzima (ibitaro n’ibigo nderabuzima) n’abahagarariye inzego z’umutekano.

Bimwe mu byibanzweho kureba muri uru rugendo, harimo imirire, isuku, ikoreshwa ry’inyongeramusaruro mu buhinzi, isoko ry’umusaruro ukomoka ku buhinzi n’ubworozi n’imishinga y’iterambere mu Karere.

Intumwa za Rubanda zahuye n’abagize inzego zitandukanye zikorera mu Karere ka Ruhango.

Depite Izabiriza wari uyoboye iri tsinda, ashimangira ko icy’ingenzi kigamijwe muri uru rugendo ari ukwirebera uko ibintu bimeze, kumenya ingorane zigaragara muri izo gahunda zose n’ingamba zo kuzikuraho, ndetse no kureba ahakenewe ubuvugizi kugira ngo Inteko Ishinga Amategeko izabukore.

Yagize ati “Tureba ibyagombaga gukorwa uko byakozwe, ibyadindiye tukabikorera ubuvugizi mu nteko.”

Nyuma yo gusura ibikorwa bitandukanye, aba badepite bavuze ko ibyakozwe mu mwaka itanu, ari ibyo kwishimirwa, gusa bagasaba ko hakomeza kongerwamo imbaraga ndetse hanafatwa ingamba kugira ngo bidasubira imyuma.

Ibi abamotari babitangaje nyuma y’aho tariki ya 06/01/2016, bafashe umugabo wari wibye moto ya mugenzi wabo witwa Nyamanswa Viateur, abanje kumusuka urusenda mu maso; ariko bakaba bongeye kumubona afunguwe adaciriwe urubanza.

Abamotari bo mu Byimana batunguwe no kubona uwo bafashe yibye moto ku nshuro ya kabiri arekuwe adaciriwe urubanza.

Aba bamotari bavuga ko atari ubwa mbere bari bafashe uyu ukekwaho ubujura, kuko ngo hari n’ubundi bamufashe, bamushyikiriza Polisi, nyuma batangazwa no kumubona hanze.

Nyuma y’aho bongeye kumufatira, tariki ya 06/01/2016, bakamushyikiriza inzego zishinzwe umutekano, ngo bijejwe ko noneho atazarekurwa kuko yari yafatanywe igihanga, nyuma yo kumufatira i Muhanga akanagaragaza aho moto yari yibye yari iri.

Cyakora, abamotari bavuga ko batunguwe no kubona tariki 20/01/2016, afunguwe, akaza abigambaho avuga ko noneho agiye guhindura amayeri.

Umwe muri aba bamotari yagize ati “Twarumiwe tumubonye hano hanze, aza atubwira ati ‘noneho no kubica ndaza kubica. Sinababwiye ko ufunga atari we ufungura’?”

Umuyobizi wa Koperative y’Abamotari muri uyu Murenge wa Byimana, Kabano Innocent, akavuga ko ibi bintu babirambiwe. Ngo bagiye kwandikira inzego zose bireba, basaba ko hagira igikorwa kugira ngo abantu bakorere mu mudendezo.

Twifuje kumenya icyo Polisi ivuga ku irekurwa ry’uyu muntu umaze gufatwa kabiri yiba moto z’abamotari akarekurwa, maze Umuvugizi wa Polisi mu Ntara y’Amajyepfo, CIP André Hakizimana, avuga ko ibyabo baba barabikoze bakabishyikiriza ubushinjacyaha.

CIP Hakizimana yagize ati “Twe dosiye twarayikoze tuyishyikiriza ubushinjacyaha. Iyo rero dosiye n’umufungwa byashyikirijwe ubushinjacyaha, ibyacu biba byarangiye.”

Umuvugizi w’Ubushinjacyaha mu Rwanda, Nkusi Faustin, yadutangarije ko dosiye y’uwo muntu igikurikiranwa kuko ngo kuba yarafunguwe ntibivuze ko atazakurikiranwa.

Nkusi yagize ati “Si ngombwa ko buri gihe umunyacyaha wese afungwa; no hanze arakurikiranwa.”

Abamotari bakorera mu Murenge wa Byimana, bavuga ko bamaze kwibwa moto eshanu, abazibye babafata, bakabageza mu nzego zibishinzwe ariko bwacya bakabona baragarutse.

Uyu bavuga bafashe ubugira kabiri we ngo afite uburyo bukomeye yibamo moto kuko abanza kumena urusenda mu maso y’umumotari ku buryo ahuma agata ubwenge.

Aba bamotari bagasaba ko inzego zibishinzwe zikwiriye guhagurukira abantu nk’aba bababuza amahwemo, bakabangamira n’umutekano w’akazi kabo ko gutwara abagenzi kuri moto.

Aba bamotari kandi baravuga ko nihatagira igikorwa ngo uyu muntu bafashe yibye moto (nyuma yo kumena urusenda mu maso y’umumotari) ahanwe, uwo bazongera gufata batazigera bamujyana mu nzego z’ubuyobozi.

Ibi byashimangiwe n’umuyobozi w’iri tsinda Kigabe Peter, ku mugoroba wa tariki ya 20/01/2016, ubwo yerekaga incamake y’iyi Film inzego z’itandukanye zikorera mu karere ka Ruhango, hagamijwe kugira ngo na zo zizagire uruhare mu ikorwa n’itunganywa ry’iyi film.

Iburyo ni Kigabe Peter ukuriye itsinda rizakora Rwanda true story

Kigabe, akaba yarabwiye abakozi b’Akarere ka Ruhango, abikorera n’abafite izindi nshingano ko iyi film nta kindi igamije, uretse kugaragaza ukuri ku Rwanda, haba kuva rwabaho, ibihe bikomeye rwanyuzemo, ndetse n’isura rufite ubu.

Yagize ati “Ibi bikazakemura icyibazo cyabitiranya u Rwanda, bitewe n’abagenda baruharabika uko bashiaka, kubera inyungu zabo bwite babifitemo”.

Abitabiriye kureba iyi incamake y’iyi filim

Agasaba buri wese mu bushobozi bwe, kuzagaragaza urahare muri iyi film, haba mu buryo bw’amikoro, ubw’ibitekerezo ndetse n’ubundi bwose.

Iyi Film ngo ikazaza ahanini inanyomoza iherutse kugaragawa ku murongo wa kabiri wa BBC, yiswe Rwanda untold story, yaharabikaga isura y’u Rwanda. Gusa ngo kuri ubu BBC, ikaba yaramaze kwemera ko Rwanda true story nayo nimara gusohoka, ko bazayihitisha aho iya mbere yanyujijwe.

Umuyobozi w’Akarere ka Ruhango Mbabazi Francois Xavier, wari witabiriye uyu muhango, akaba yarashimiye abagize iki gitekerezo cyo kugaragaza isura u Rwanda, kandi agakorwa n’A banyarwanda ubwabo, akaba yarijeje abagize iri tsinda ko bazabafasha mu buryo bwose bushoboka, kugira iki gitekerezo kigerweho.

Abanyaruhango beretswe incameke y’iyi film

Ati” iki gitekerezo rwose ni cyiza, kandi ndumva nta munyarwanda numwe utazagishyigikira, natwe nk’abahagarariye abatuye Akarere ka Ruhango, mu izina ryabo tubemereye ubufatanye”.

Iyi Film ngo niramuka isohotse, abanyarwanda hafi ya bose bazayirebera ubuntu, kuko izagenda ikwirakwizwa, ahantu hahirira abantu benshi hari za tereviziyo nko mu tugari, imirenge, Uturere n’ahandi.

Ikigo cy’igihugu gishinzwe guteza imbere imiyoborere,RGB, kimaze gusuzuma niba ISPG yujuje ibisabwa, kugira ngo yemerwe kuba Kaminuza, tariki ya 07/01/2016, ngo ni bwo yemeje bidasubirwaho ko ISPG itakiri ishuri rikuru, ko ahubwo ihindutse Kaminuza. Ikaba yarahise yitwa Kaminuza ya Gitwe “University of Gitwe ‘UG”.

Urayeneza Gerald uhagarariye iri shuri yishimiye ko RGB yemeye ubusabe bwabo

Umuyobozi wa UG, Dr. Jéred Rugengande, avuga ko bishimiye cyane kuba barahawe izina rishya, avuga ko bizatuma Kaminuza ayoboye irushaho kwagura ibikorwa no gutanga umusanzu wayo mu burezi nkuko ari umugambi nyamukuru abayishinze bari bafite.

Ati “Ni byo koko ni twe twabisabye inzego zibishinzwe, tugira ngo tubone uko twagura ibikorwa byacu by’uburezi bityo umusanzu twatandaga urusheho kwiyongera none twarabyemerewe. Byadushimishije kuko uburezi dutanga tugiye kubwagura”.

Akavuga ko hashize imyaka ibiri basabye inzego za Leta zibishinzwe guhindurirwa izina maze ikava ku rwego rw’ishuri rikuru ikajya ku rwego rwa Kaminuza, bitewe n’amashami yabarizwaga muri ISPG.

Ishuri rikuru ry’i Gitwe ryashinzwe mu 1993 n’ababyeyi b’Abadivantisite batuye i Gitwe no mu duce tuhakikije.

Nk’uko bitangazwa n’ubakuriye, Urayeneza Gérard, avuga ko gushinga ISPG byaturutse ku bushake bari bafite bwo gutanga umusanzu wabo mu burezi.

ISPG yamaze guhindurirwa izina yitwa UG

Ubwo ISPG yatangiraga, ikaba yaratangiranye amashami abiri, kuri ubu ikaba imaze kugira amashami atandatu harimo n’iy’ubuganga “Faculty of Medicine”, ryabarizwaga muri Kaminuza y’u Rwanda gusa.

Ubuyobozi bwa University of Gitwe, bukavuga ko iri zina rishya buzaritangaza ku mugaragaro mu muhango wo gutanga impamyabumenyi ku ncuro ya kane uzaba tariki ya 25 /02/ 2016, ari na bwo UG izatangira gukoreshwa mu nyandiko n’ahandi hose.

Ibi urubyiruko rwabitangaje tariki 20/01/2016, mu gikorwa cyo kwipimisha ku bushake virusi itera SIDA binyuze mu mikino itandukanye. Iki gikorwa cyateguwe n’umuryango Health Development and Performance ufatanyije n’Akarere ka Ruhango.

Aha bapima urubyiruko

Umuryango Health Development and Performance, buri mwaka utegura ibikorwa by’imikino itandukanye, hakanyuzwamo ubutumwa bukangurira urubyiruko kumenya imihindagurikire y’imibiri yabo, ndetse bakanabasha kwipimisha agakoko gatera SIDA, bityo bakarushaho kwirinda inzitizi bahura na zo baramutse bagize ikibazo.

Habineza Christian, Umuyobozi wa Health Development and Performance, avuga ko iyi gahunda bayitekereje nyuma yo kubona ko urubyiruko rwose ari cyo kintu rukunze guhuriramo, akavuga ko kuva babitangiye byagiye bigira umusaruro ushimishije.

Habineza anasaba ababyeyi kutiyibagiza inshingano zabo zo kuba hafi urubyiruko igihe bari mu ngo no kujya begera abana bakabaganiriza ku buzima bw’imyororokere.

Urubyiruko rwitabira ari rwinshi iyo ari ukwipimisha muri rusange

Twegereye urubyiruko rurimo kwipimisha visusi itera SIDA, maze ruvuga ko gushyirirwaho iyi gahunda yo kwipimisha muri rusange, rubikunda kuko ituma rutitinya.

Tuyishime Jean de Dieu, atuye mu murenge wa Ruhango, agira ati “Njye naje hano nje kwirebera umupira, mpageze nsanga barimo no gupima SIDA. Kubera ko nabonaga ari muri rusange, mbona nta bintu byinshi babaza, kandi banapimira ubuntu, nahise nza nanjye kugira ngo menye uko ubuzima bwanjye buhagaze, kuko bari banatubwiye ko hari igihe umuntu ashobora kuyivukana.”

Umuyobozi wa HDP avuga ko iyi gahunda itanga umusaruro

Rurangwa Sylvain, ashinzwe umuco, urubyiruko na siporo mu karere ka Ruhango, na we ashimangira ko iyo habaye ibikorwa nk’ibi, urubyiruko rwitabira ari rwinshi.

Rurangwa yagize ati “Urubyiruko rwamaze gusobanuka, ruzi icyo ubuzima bwabo buvuze, nawe urabibona uko barimo kubyitabira.”

Muri iki gikorwa cyo gukangurira urubyiruko kumenya uko ruhagaze binyuze mu mikino, abasaga 200 bipimishije ku bushake.

Umuhanda uturuka mu Byimana ahitwa Kirengeri ukagera Buhanda ugakomeza ukagera no mu karere ka Nyamagabe na Karongi, iyo ugeze ahitwa Gafunzo usanga warangiritse cyane ku buryo udapfa kunyurwamo n’imidoka.

Abaturage bakora ibishoboka byose ngo bakore uyu muhanda ariko bikaba ibyubusa.

Uwamahoro Peter, umuyobozi w’uruganda rutunganya umuceri “Gafunzo Rice Mill”, avuga ko ukwangirika k’uyu muhanda kwateje igihombo gikomeye cyane uru ruganda, akavuga ko hatagize igikorwa, "business" yakorerwaga aha ishobora guhagaragara.

Avuga ko iyo imvura yaguye, imodoka zanga kuhaza kugira ngo zibatwarire umusaruro ku isoko, ngo n’izibyemeye zikabaca amafaranga menshi, bigatuma bakorera mu gihombo.

Imodoka zanga ku haza, nizihaje zikabaca amafaranga menshi.

Agira ati “Urabona iyo imvura itagwa umuhanda ari muzima, imodoka itwara umuceri i Muhanga, iduca 5Frw ku kilo cy’umuceri, imvura yaba yaguye umuhanda wangiritse, ibyemeye iduca 8Frw ku kilo naho kuyemeye kuwujyana i Kigali, iva ku 10Frw ikaduca 15Frw.”

Uwamahoro akomeza avuga ko ibi bibateza ibihombo, kuko ngo ku isoko bahahurira n’izindi nganda, zo zikora nta bibazo by’imihanda zifite.

Uru ruganda ngo rufunze abahinzi b’umuceri baba baguye mu gihombo gikabije.

Ikindi agaragaza ni uko muri ibi bihe by’imvura, gukura umusaruro w’abaturage aho batuye na byo bibagora cyane, kubera iki kibazo cy’umuhanda.

Kubera ko imodoka zijya kuwuzana na zo zongeza amafaranga. asaba inzego bireba ko zagira icyo zikora, kugira ngo imbaraga z’abaturage bakoresha mu guhinga ntizipfe ubusa.

Ubuyobozi bw’Akarere ka Ruhango, buvuga ko iki kibazo bukizi kandi kibuhangayikishije, gusa bukavuga ko bwatangiye kugikorera ubuvugizi mu nzego bireba.

Umuyobozi w’aka karere, Mbabazi Francois Xavier, avuga ko uyu muhanda ubarirwa mu kigo cy’igihugu gishinzwe iby’imihanda (RTDA), akavuga ko bamaze kuvugana na cyo ndetse kibemerera kuwukora.

Yongeraho ko mu gihe RTDA ntacyo irakora, ubuyobozi bw’akarere bwafashe ingamba z’uko bazafatanya n’abaturage bo mu mirenge ikoresha uyu muhanda kureba uko baba bawukoze.

Ibi bitaro, harimo ibitaro bya Gitwe biri mu murenge wa Bweramana mu karere ka Ruhango, bimaze kwamburwa amafaranga asaga miliyoni 11, n’ibitaro by’Akarere ka Ruhango byubatse mu murenge wa Kinazi bimaze kwamburwa amafaranga y’u Rwanda asaga miliyoni 16 mu myaka itatu gusa bimaze bitangiye imirimo yabyo.

Ibitaro by’Akarere ka Ruhango biri Kinazi byambuwe asaga amafaranga miliyoni 16

Ubuyobozi bw’ibi bitaro, bukavuga ko iyi myenda ibateza ibihombo bikomeye ndetse no kudindira kw’imitangire ya serivise zikenerwa n’abandi barwayi, kuko amafaranga baba bakagombye gukoresha mu kugura imiti, aba yaraheze muri aba bambuye.

Dr Habimana Valens uyobora ibitaro bya Ruhango biri mu murenge wa Kinazi, avuga ko abarwayi babateza ibibazo cyane ari abaza batishoboye.

Ati “Ku bigo nderabuzima, umuntu arabarembana barangiza bagahamagara imbangukiragutabara, ikajya kumufata, yamugeza hano twabona uko amerewe nta na mitiweli, tukamukorera iby’ibanze akavurwa kugira ngo atadupfana. Tugasigara dutegereje wenda ko imiryango yabo izaza kwishyura tugaheba”.

Uyu muyobozi ariko agatunga agatoki inzego z’ibanze zidakora ubushishozi mu gushyira abatishoboye mu byiciro by’ubudehe. Kuko ngo hari igihe umuntu aza ubibona ko ari umukene, akwiye gufashwa na gahunda za Leta, ariko ugasanga atarashyizwe mu kiciro cy’imukwiriye.

Agasaba ko inzego zibanze zajya zikora ubushishozi mu guhitamo abantu bazafashwa na gahunda za Leta, ndetse bakanongera imbaraga mu gishishikariza abaturage kwitabira ubwisungane mu kwivuza.

Ibitaro bya Gitwe byambuwe amafaranga asaga miliyoni 11

Ubuyobozi bw’Akarere ka Ruhango, buvuga ko iki kibazo gihari koko, ariko ngo bwamaze gufata ingamba zo kwishyuza aba bantu bambura ibitaro.

Mbabazi Francois Xavier umuyobozi w’Akarere ka Ruhango, avuga ko ubu bamaze gushyikiriza imirenge n’Utugari urutonde rw’abantu bambuye ibi bitaro kugira ngo bishyuzwe, nibabyanga babajyane mu nzego z’ubutabera.

Akomeza avuga ko hari n’abandi bantu baza kwivuriza muri ibi bitaro baturutse mu tundi turere nabo bambuye, akavuga ko batangiye kuvugana n’utu turere kugirango bakurikiranwe bishyure.

Ubuyobozi bw’Akarere ka Ruhango, buvuga ko izi nganda atari ubwa mbere zifunzwe, kuko ngo no mu mwaka wa 2014 zari zarafunzwe, nyuma ariko zigaca inyuma ubuyobozi zigaca ingufuri zigatangira gutunganya umuceri mu buryo butemewe n’amategeko.

Inganda ebyiri zitunganya umuceri zarafunzwe

Umuyobozi w’Akarere ka Ruhango wungirije ushinzwe imari n’iterambere Twagirimana Epimaque, avuga ko izi nganda zihanangirijwe kenshi, zigasabwa kubahiriza amabwiriza ya Minisiteri y’inganda n’ubucururizi, ariko zikanga kuva ku izima, zigakora ibitemewe.

Tariki ya 05/01/2016 ni bwo uruganda rwa Ruhango Rice Mill ruri mu murenge wa Ruhango rwafunzwe, naho urwitwa Dusangiribyacu Byimana rufungwa tariki 07/01/2016.

Uyu muyobozi akavuga igihe cyose izi nganda zombi zanyuze mu mategeko arebana n’inganda zitunganya umusaruro w’umuceri, ko zizakomeza akazi kazoo.

Akavuga ko igihe cyose inganda zikoze zidafite uburengenzira, zica isoko ry’umuceri nyarwanda, kuko kenshi usanga zikora ibintu bitujuje ubuziranenge.

Ubuyobozi busaba ba nyir’izi nganda guca mu nzira zemewe bakanashaka ibikoresho bigezweho nk’ibi

Ati” Usanga izi nganda zifite ibikoresho bitajyanye n’igihe, umuceri zitunganya ugasanga ari ibimene gusa, bityo wagezwa ku isoko ugasanga utandukanye n’undi uturuka ahandi, niyo mpamvu tubasaba kunyura mu nzira zemewe n’amategeko”.

Akarere ka Ruhango, kari mu turere tweramo umuceri cyane, kugeza ubu hakaba hari uruganda rumwe rutunganya umuceri rwa Gafunzo Rice Mill, rwemewe na Minisiteri y’ubucuruzi n’inganda. Ubuyobozi bugasaba izi nganda zafunzwe guca mu nzira zemewe n’amategeko, kugira ngo na zo zemererwe gukora

Atangiza iri torero ku mugaragaro, Umuyobozi w’Akarere ka Ruhango, Mbabazi Francois Xavier, yasabye uru rubyiruko guharanira indangagaciro z’Abanyarwanda, birinda icyasubiza inyuma iterambere u Rwanda rugezeho.

Umuyobozi w’Akarere ka Ruhango, Mbabazi Francois Xavier atangiza Itorero ry’abasoje amashuri yisumbuye.

Mbabazi kandi yongeye gusaba uru rubyiruko guharanira umutekano w’igihugu, rukaba maso kugira ngo hatagira usubiza u Rwanda mu icuraburindi.

Uyu muyobozi yongeye gusaba abatozwa gukurikira neza amasomo bazahabwa, kugira ngo na bo bazagende begera abo basize mu midugudu, babasangiza ibyiza bakuye mu itorero.

Mukaburanga Florida ushinzwe Iterero ry’Igihugu mu Karere ka Ruhango, avuga ko ku mugoroba wo kuri uyu wa mbere, abanyeshuri bitabiriye ari benshi ugereranyije n’abagombaga kuza.

Abasoje amashuri yisumbuye bishimiye kwitabira Itorero.

Ashingiye ku bwitabire, Mukaburanga yemeza ko iri torero rizagenda neza cyane nk’uko byateguwe.

Agira ati “Twagombaga kwakira abanyeshuri 1615, ariko nimugoroba twakiriye abasaga 1400 bangana na 89’5%, kandi turacyategereje n’abandi ko bagomba kuza.”

Uyu mukozi avuga ko kugeza ubu, nta kibazo nta kimwe cyari cyagaragara mu kwakira aba banyeshuri, akizeza ko iri torero rizagenda neza akurikije uko bariteguye ndetse n’uko aba basore n’inkumi bitabiriye ari benshi mu ntangiriro.

Abayobozi mu nzego zitandukanye bari bitabiriye iki gikorwa.

Biteganyijwe ko mu karere ka Ruhango, abanyeshuri bagera 1615 ari bo bazitabira Itorero, bakazatorerwa ku masite 4 yo mu mirenge itandukanye.

Ibi bika ari mu rwego rwo kurushaho guhangana n’ikibazo cy’imbuto y’imyumbati yibasiwe n’indwara ya Kabore hirya no hino mu gihugu.

Hagiye kongera gutumizwa indi mbuto y’imyumbati

Umukozi wa RAB, Gasana Aime Parfait uyihagarariye mu ntara y’Amajyepfo, avuga ko mu ntangiriro z’ukwezi kwa kabiri 2016, bazaba bamaze kwinjiza mu gihugu imbuto y’imyumbati ingana n’ingeri miliyoni 15, zizakwirakwizwa mu baturage.

Agira ati “Mu mwaka ushize twazanye indi mbuto, tuyiha abatubuzi, bayitubura ku buso bunini, ubu twatangiye kuyikwirakwiza mu baturage, b’uturere dutandukanye”.

Uyu muyobozi akavuga ko imyumbati yose yagaragaweho uburwayi, ubu yamaze kurandurwa ikaba yaratwitswe, bakaba bashishikajwe no gushakira indi mbuto nshy abaturage kugirango bongere bayihinge ku bwinshi.

Imbuto itegerejwe izava mu gihugu cya Uganda, bikaba biteganywa ko nibura izaterwa kuri hegitari zisaga 500.

Mpunyamirwa Francois, ashinzwe ubuhinzi mu karere ka Ruhango ari nako kavuzwemo uburwayi bwa Kabore cyane, avuga ko ubu barimo gushishikariza abaturage kwirinda gutera imbuto y’imyumbati babonye iyo ariyo yose.

Kuko ngo bakomeje bakabikora iyi ndwara itazigera icika, agasaba abaturage kwihangana, kuko mu gihe gito bose imbuto nziza izaba yabagezeho.

Ikibazo cy’indwara ya Kabore, cyagize ingaruka ku mpande zitandukanye, haba ku ruhande rw’abahinzi bavuga ko basubiye inyuma mu bukungu, kuko bazamurwagwa n’igihungwa cy’imyumbati cyane cyane abo mu gace k’Amayaga mu karere ka Ruhango.

Ikindi ni uko muri aka gace hari uruganda rw’imyumbati rwatangiye mu kwezi kwa Kane 2012, na rwo rukaba rwaragize igihombo kuko rutakibona umusaruro uhagije rutunganya.

Ibi bikaba byaragarutsweho n’umuyobozi w’Akarere ka Ruhango wungirije ushinzwe imari n’iterambere Twagirimana Epimaque, mu nama ihuza ubuyobozi bw’Akarere n’abafite aho bahuriye n’ubucuruzi n’ishoramari “Access to Finance Forum”, yabaye tariki 08/01/2016.

Abafite aho bahuriye n’ibigo by’imari

Iyi nama ikaba yari igamije kurebera hamwe imikoranire hagati y’Ibigo by’imari na BDF, no kureba uko imibare y’abagana ibigo by’imari n’abakorana na byo ihagaze, n’ibibazo byaba bibonekamo kugira ngo hafatwe ingamba zo kunoza imikorere.

Haganiriwe kandi ku nzira zo kwegeranya no gusangira amakuru ku mibare y’abagana ibigo by’imari n’uburyo abantu bitabira gukorana nabyo.

Kuri iyi ngingo hakaba hafashwe umwanzuro w’uko ibigo by’imari bizajya bigaragariza ubuyobozi amakuru atari ibanga yerekana uko imikoranire n’abakiriya babo ihagaze, hakazajya hifashishwa imbonerahamwe izategurwa nyuma y’iyi nama.

Basabwa gukoza ingamba mu kongera abagana ibigo by’imari

Ku bijyanye n’imikoranire hagati y’ibigo by’imari na BDF, iyi nama yashimye ko yazamutse mu buryo bugaragara, mu gihe ngo ibihe bishize byaranzwe cyane no kwitana bamwana, ibigo by’imari bigashinjwa kudaha cyangwa kwima inguzanyo imishinga yishingirwa na BDF, nabyo bigashinja BDF kutuzuza inshingano zayo ku gihe, no kutishyurira cyangwa se kutishyuriza abo yishingiye batishyura n’abishyura nabi inguzanyo bahawe.

Impande zose zikaba zishimira intambwe nziza yatewe mu kuzamura no kunoza imikoranire. ku rundi ruhande, abajyanama mu bucuruzi bo basabwe kwigisha bakoresheje ingero nziza batanga ubwabo.

Muri urwo rwego Twagirimana Epimaque, umuyobozi w’akarere wungirije ushinzwe imari n’iterambere, asaba abadafite imishinga yabo bwite ibyara inyungu kuyitegura vuba no kuyishakira igishoro, abayifite bakanoza imicungire yayo kandi bagaharanira kuyagura.

Abahagarariye by’imari biyemeje gukaza ingamba mu micungire y’ibigo by’imari

Ati“ Ujya gutera uburezi arabwibanza. Ndabashishikariza kongera imbaraga kugira ngo mube koko ba ambasaderi ku bandi bashaka gukora imishinga”.

Iyi ya Access to Finance Forum yitabiriwe n’amabanki akorera mu Karere, ibigo by’imari, umurenge SACCO, umuyobozi w’urugaga rw’abikorera, BDF, n’abajyanama mu bucuruzi “Business Development Advisors “.

Yafatiwe mu Kagari ka Nyamagana mu Murenge wa Ruhango ho mu Karere ka Ruhango mu ma saa sita z’amanywa atetse ingunguru ya Kanyanga.

Aho basanze Mugwaneza atekera Kanyanga.

Inzego z’umutekano zamusanze mu baturanyi barimo kunywera Kanyanga, nyuma y’uko abaturage bamutanzeho amakuru maze bahita bamutwara iwe basanga ingururu ku mashyiga atetse Kanyanga.

Uretse iyo yari ku mashyiga, indi ngunguru yuzuye Kanyanga bayisanze mu cyumba uyu Mugwaneza abamo, icyumba gihora kijimye cyane.

Imbere y’aho yari atekeye Kanyanga ho hagaragaramo umuvure wuzuyemo ibintu bivangavanze utapfa kumenya ibyo ari byo, hirya gati y’uwo muvure hari hari akadobo litiro 5 gatonyangiramo kanyanga iva mu ngunguru yari ku mashyiga.

Mugwaneza yemera ko koko ateka Kanyanga, akavuga ko abiterwa no gushaka ubuzima ariko agasaba imbabazi. Uyu mugabo bigaragara ko kubera guhora muri kanyanga, asa nk’uwataye ubwenge, asaba abakibikora kubireka kuko nta nyungu. Ati “Rwose babirike kuko nta nyungu irimo uretse guhora ufungwa”.

Nsengimana Zephanie, umwe mu baturanyi ba Mugwaneza avuga ko kwengera Kanyanga muri ako gace ari uguhemukira abaturage.

Inzego z’umutekano mu Karere ka Ruhango zikunze kuvuga ko Kanyanga iri mu bya mbere bihungabanya umutekano muke muri aka gace.

Zizeza abaturage ko ziri maso kandi zitazihanganira abakora ibinyuranyije n’amategeko zikabasaba ubufatanye batanga amakuru ku cyo ari cyose gishobora kubahungabanyiriza umutekano.

Uwayisenga yafatiwe i Kavumu mu Karere ka Muhanga, nyuma yo kwambura moto uwitwa Nyamaswa Viateur amuteye urusenda mu maso, ubwo yari ageze ahitwa i Bukomero mu Murenge wa Byimana w’Akarere ka Ruhango.

Uwayisenga Obed ukekwaho kwiba moto nyuma yo kumena urusenda mu maso y’umumotari.

Nyiri moto ntiyamenye umutwariye moto uwo ari we kuko yari yamaze kumumena urusenda mu maso, atabasha kubona.

Umunyamabanga Nshingwabikorwa w’Uumurenge wa Byimana, Nahayo Jean Marie, avuga ko mu gihe cya saa moya n’igice z’ijoro, ari bwo bamenye aya makuru.

Ku bufatanye bw’abamotari n’inzego z’umutekano, ngo bakurikiranye iyi moto ifite purake RD620 E, bayifatira ahitwa i Kavumu mu Karere ka Muhanga, uwayibye yayirengejeho ibihuru; na we bahita bamuta muri yombi.

Bamwe mu bamotari bakorera mu Murenge wa Byimana, babwiye Kigali Today ko batunguwe no gusanga uwari wibye iyi moto, barigeze kumufata yibye indi moto.

Umuvugizi wa Polisi y’Igihugu mu Ntara y’Amajyepfo, CIP André Hakizimana, yemereye Kigali Today ko ayo makuru ari yo, iperereza rikaba rikomeje ngo hamenyekane uburyo Uwayisenga yibyemo iyo moto.

CIP Hakizimana yasabye abamotari kurushaho kwirindira umutekano kandi bakajya bagira amakenga y’abo batwara, cyane cyane mu gihe babatwaye nijoro kandi ahantu hatari nyabagendwa.

Gutangiza hoteli muri aka karere kuri benshi byasaga nk’inzozi cyangwa kwigerezaho, kuko nta y’indi nkayo yigeze ihashingwa.

ifite inyubako zigezweho.

Ariko umushoramari witwa Sam yari yariyemeje ko 2016 itangira muri aka karere hari hoteli yujuje ibyangombwa mu Rwanda none yabigezeho.

Avuga ko gutinyuka gushora imari ya hotel muri aka karere, yabitewe n’uko Perezida Kagame, ahora ashishikariza abantu gushora imari mi mijyi mito y’icyaro kugira ngo nayo itere imbere.

Agira ati “umukuru w’igihugu ahora adushishikariza gutinyuka gushora imari ahantu hose, kandi murabizi hano muri aka karere, hakunze kugaragara ikibazo cy’abantu baza mu isengesho, bakabura ahantu bacumbika, ibyo byose n’ibindi nibyo byadutinyuye gushora hano.”

Ahagenewe abanyacyubahiro.

Uyu mushoramari vuga ko atiteguye guhomba, kuko yiteguye imikoranire myiza n’ubuyobozi bw’akarere. Anahamagarira abandi bashoramari gitinyuka bagashora imari mu byaro.

Nsengumuremyi Enock, atuye mu mujyi wa Ruhango, avuga ko yishimiye, kuko yahoraga ababazwa n’uko mu karere hazaga abashyitsi bakomeye, baburaga aho barara cyangwa biyakirira, bigatuma amafaranga yigira mu tundi turere.

Twagirimana Epimaque umuyobozi w’akarere wungirije ushinzwe imari n’iterambere, avuga ko badafite uburyo bashimiramo uyu mushoramari, kuko abakuye ahakomeye abatuye aka karere bakaba bagiye kuva mu bwigunjye.

Imodoko zigenewe gutwara no kuzana abakiriya.

Gusa avuga ko bagikeneye abandi bashoramari, kuko iyi hotel imwe idahagije, ugereranyije n’abagana aka karere.
Iyi hotel yubatswe mu gihe cy’imyaka itatu, yuzura itwaye ka miliyoni zisaga 341Frw. Nyirayo akavuga ko bateganya kubaka ikindi kiciro kizatwara asaga miliyoni 560Frw.

Aya magare bahawe tariki 31/12/2015, bayahawe nk’igihembo cyo kubashimira ko bahisemo neza, kubashishikariza gukomeza muri iyo nzira. Iki gikorwa cyabereye ku biro by’Umurenge, mu Kagali ka Kamujisho.

biyemeje ko nta makimbirane azongera kurangwa iwabo

Aya magare ni impano Ubuyobozi bw’Akarere ka Ruhango bwemereye iyi miryango ku munsi mpuzamahanga w’Umugore, mu rwego rwo gushimira abagore uruhare bagira mu guharanira kubana neza n’abandi mu mahoro, no guteza imbere umuryango.

Ubuyobozi bw’Umurenge wa Mwendo Habimana Felecien, ndetse n’abahawe amagare ubwabo, basobanura ko mbere yo guhinduka, iyi miryango yarangwagamo kutumvikana, amahane, kwahukana kenshi kw’abagore, gusahura ingo bikozwe n’umwe mu bagize umuryango cyane cyane abagabo, n’ibindi bibi byinshi.

Uyu muyobozi, avuga ko yizeye ko aya magare azagira uruhare mu korohereza abagore mu mirimo inyuranye nko kuvoma amazi yo gukoresha mu mirimo yo mu rugo, gutwara umusaruro kuva mu mirima no kuwutwara mu ngo cyangwa ku masoko, n’indi myinshi.

By’umwihariko akaba ashishikariza imiryango kongera ubufatanye bw’abagabo n’abagore mu guteza imbere imibereho myiza, n’ iterambere ry’ingo.

Rugendo Byiringiro Jean ni umukozi w’Akarere ka Ruhango ushinzwe iterambere ry’umuryango. Yabasabye kugaruza umwanya batakaje mu makimbirane, bakongera umuvuduko mu guharanira iterambere ry’imiryango yabo.

Abahawe amagare

Ati “Intambwe mwateye ntigomba gusubira inyuma. Mukomeze mutere imbere kandi muharanire guhindura n’abandi benshi”.

Abahawe amagare bashimiye byimazeyo ubuyobozi bw’Akarere bubahaye iyi nkunga y’amagare, bagahamya ko azaborohereza mu mirimo yabo ya buri munsi, kandi akabafasha kwihutisha iterambere ry’imiryango yabo.

Bimenyimana Emmanuel atuye mu Mudugudu wa Rutagara, Akagali ka Gafunzo. Arubatse, afitanye abana babiri n’uwo bashakanye.

Avuga ko iwe hahoraga umutekano muke ukomoka ku businzi. Ngo kuri ubu mu muryango we harangwa amahoro n’umutuzo, ku buryo imbuto nziza zatangiye kugaragara, ku buryo abaturanyi na bo bamwigiraho.

Hari mu nama Polisi mu Karere ka Ruhango yagiranye n’abamotari bahakorera kuri uyu wa 30 Ukuboza 2015.

CIP Adrien Rutagengwa asaba abamotari kwirinda abahungabanya umutekano mu minsi mikuru.

CIP Rutagengwa Adrien, ushinzwe Sitasiyo ya Polisi ya Nyamagana yavuze ko abamotari benshi usanga biha gutendaka abagenzi, cyane cyane mu mihanda y’ibitaka bigakurura impanuka. Ibi ngo bigaterwa n’uko akenshi Polisi idakunze kugaragara mu mihanda y’ibitaka.

Yasabye abo bamotari kujya bihutira gutanga amakuru ku gihe mu gihe bahuye n’abo bakekaho guhungabanya umutekano.

Yabivugiye ko abamotari ari bo bahura kenshi n’ababa bakoze ibyaha cyangwa bafite umugambi wo kubikora, bityo abasaba kuba maso bakarwanya icyo ari cyo cyose cyasubiza Abanyarwanda inyuma.

Abamotari bakorera mu mihanda y’ibitaka basabwa kudatendeka abagenzi.

Abamotari bakorera muri Karere ka Ruhango bemereye Polisi ubufatanye mu gukumira ibihungabanya umutekano no guta muri yombi abanyabyaha binyuze mu gutanga amakuru ku gihe.

Gusa, basabye Polisi ko igihe cyose batangiye amakuru yajya iba hafi kuko akenshi bahura n’ibihungabanya umutekano ariko ugasanga biri kure y’aho polisi ikorera.

Mu ijoro rya tariki ya 24 Ukuboza 2015, ubwo hitegurwaga Noheri, Mbarubukeye ngo yasangiye n’uwo mugore inzoga, ariko nyma baza kugera mu rugo barashwana maze aramuniga aramwica.

Nsanzumwere Paul, ushinzwe umutekano mu Mudugudu wa Buhoro mu Kagari ka Buhoro ho Murenge wa Ruhango mu Karere ka Ruhango, avuga ko aba bombi bari biriwe basangira inzoga bataha mu ma saa tatu z’umugoroba.

Gusa, ngo baje gutungurwa no kumva abana bahuruza, bahageze basanga umugabo amaze kuniga umugore yamwishe.

Uyu muyobozi akavuga ko byose byaturutse ku nzoga bari biriwe basangira, bagera mu rugo bagashwana gato bikavamo urupfu.

Umunyamabanga Nshingwabikorwa w’Umurenge wa Ruhango, Nsanzimana Jean Paul, akaba yemeza aya makuru ariko akavuga ko impfu nk’urwo zatari ziherutse muri uwo murenge.

Asaba abaturage kwirinda kunywa inzoga nyinshi cyane kuko akenshi ngo ari zo zibakururira gushwana bikanabaviramo impfu.

Abasaba kandi kujya batangira amakuru ku gihe, haba ikibazo bakabimenyesha inzego z’ibanze kugira ngo amakimbirane akumirwe hakiri kare.

Tariki ya 24 Ukuboza 2015, hagati ya saa mbiri na saa tanu z’ijoro, wanyuraga mu Mujyi wa Ruhango ukabona abawurimo ari bake, wageraga ku nsengero ugasanga zifunze, wagera mu tubari ukahasanga abantu batarenze babiri.

Hakizimana Emmanuel yaraye mu bitaro nyuma yo gukubitwa amacupa mu kabari.

Gusa, nyuma ya saa sita z’ijoro abantu batangiye kugaragara ku buryo butunguranye, ariko bamwe ntibyaboroheye kuko ibyari ibirori byaje kuvamo imirwano bamwe bikabaviramo kurara mu bitaro abandi muri gereza.

Uyu we nyuma yo kuremerwa uruguma mu kabari ngo guhera muri 1 Mutarama 2016 ntazongera kunywa inzoga.

Nubwo Polisi itashoboye kubiduhamiriza, amakuru twiboneye ni uko abagera kuri batanu baraye mu maboko ya Polisi naho undi akarara kwa mugaga yakomeretse cyane.

Bamwe baraye mu maboko ya Polisi kubera urugomo.

Umunyamabanga Nshingwabikorwa w’Umurenge wa Ruhango mu Karere ka Ruhango, Nsanzimana Jean Paul, yihanangirije abaturage bose, abasaba kwirinda kwishimisha cyane muri ibi bihe by’iminsi mikuru, kuko kurenza bishobora kuviramo impfu cyangwa gusesagura imitungo.

Ni igikorwa cyari kitabiriwe n’abana benshi harimo abatishoboye ndetse n’ab’abakobwa bagiye babyarira iwabo, ariko bakabura amikoro kuko kenshi usanga baba baratereranywe n’ababateye inda.

Abana basaga 300 bahawe impano zitandukanye-1

Umuryango Friend indeed, ukorera mu karere ka Ruhango Umurenge wa Byimana, intego zawo ni ukurwanya ihohoterwa ariko ukanibanda cyane ku kwita ku bakobwa babyariye iwabo.

Umuyobozi w’uyu muryango Tuyisenge Claudette, avuga ko muri izi mpera z’umwaka bahura n’aba bakobwa n’abana babo kugira ngo babavane mu bwigunge.

Ati“Akenshi usanga aria bantu baba baratereranywe, niyo mpamvu rero tubahuriza hamwe, bakishima bakanidagadura, kugirango batumva ko umuryango Nyarwanda wabatereranye“.

Abakobwa babyariye iwabo, bavuga ko kenshi bahura n’ibibazo byinshi kubera gutereranwa n’ababateye inda, gusa ariko ngo guhirira nk’aha birabafasha.

Mukanyandwi Eugenie, afite abana babiri yabyariye iwabo, avuga ko yakundanye n’umugabo atazi ko afite urugo aza kubimenya bamaze kubyarana, aza guhura n’ibibazo bikomeye kuko yumvaga atakibanye na wa mugabo nk’uko yabyibwiraga, gusa ngo kubera kwegera abandi bagahurira muri uyu muryango, yamaze kwiyakira.

Abana bishimye cyane

Nyiranshuti Anitha, atuye ku Ntenyo mu murenge wa Byimana, we ati “Mbere nari mfite ipfunwe sinshake no kugera mu bantu kubera kubyarira mu rugo, ariko kubera kwegerana n’abandi, nsigaye ncuruza, abana banjye nkabatunga ubu nta kibazo rwose”.

Umuyobozi w’Akarere ka Ruhango wungirije ushinzwe imibereho myiza y’abaturage Mugeni Jolie Germaine, agashimira uruhare rw’uyu muryango mu kwegera aba bakobwa kenshi usanga baratereranywe n’umuryango Nyarwanda, ndetse agasaba buri wese kubigira uruhare rwe, akumva ko igihe umukobwa yahuye n’impanuka agatwara inda, badakwiye kumuha akato.

Nyuma y’ibitaramo bibiri birimo icyo yakoreye mu karere ka Kayonza, ikindi akagikora I Kanombe mu mujyi wa Kigali tariki ya 22/11/2015, ubu arimo gutegura ikindi gitaramo kizabera Kabarore mu karere ka Gatsibo tariki ya 25/12/2015 ku munsi wa Noheli.

Nyuma yo kuva mu biyobyabwenge yiyemeje gufasha abandi abinyujije mu ndirimbo z’Imana

Uyu muhanzi avuga ko iki gitaramo azakorera mu itorero rya Calvary, kizaba kigamije kugaragaza ibihangano bye ibyinshi bikubiyemo indirimbo zisaba urubyiruko gutegura ubuzima bwiza bw’ejo hazaza, ariko akanaboneraho umwanya wo kurusaba kuva mu biyobyabwenge kuko nawe ari mu babikoresheje akaza kubivamo.

Runyange Dan Alias 97, agira ati “Nakoresheje ibiyobyabwenge by’amoko yose kandi byinshi, Imana iza kubinkuramo muri 97, ari nabwo nafashe izina rya gatatu nitwa 97, kuva icyo gihe rero nibwo numvise ko nanjye hari icyo ngomba gukora kugira ngo mfashe bagenzi banjye bakibaswe n’ibiyobyabwenge”.

arategura igitaramo cya gatatu azakorera mu karere ka Gatsibo

Mu gutanga umusanzu we, akaba yaratangiye guhimba indirimbo zikangurira urubyiruko kwirinda ibiyobyabwenge, kuri ubu amaze kugeza indirimbo 20, harimo n’iyo yise 97 igaragaza uko yakijijwe ndetse n’indi ikunzwe cyane ubu yitwa “Mana dukize uburetwa”

Uyu muhanzi akavuga ko nyuma y’igitaramo azakorera Kabarore, ateganya gukora ibindi bitandukanye hirya no hino mu gihugu ndetse n’umujyi wa Kigali by’umwihariko, kuko ari wo ugaragaramo abakoresha ibiyobyabwenge cyane.

Umuyobozi w’uruganda rwa Kinazi, Runazi Robert, avuga ko ibikorwa byo kugerageza ikoreshwa rya nyiramugengeri bizarangira muri uku Kuboza 2015.

Uruganda rwa Kinazi Cassava Plant rugiye gutangira gukoresha nyiramugengeri mu kumisha ifu.

Yemeza kandi ko gukoresha nyiramugengeri bizagabanya nibura ku kigereranyo cya 65%, ingufu zakoreshwaga mu kumutsa ifu.

Ngo bizanagira icyo bigabanya ku giciro cyangwa umubare w’amafaranga akoreshwa kugira ngo haboneke ikiro kimwe cy’ifu itunganyije (Production Cost), dore ko kugeza ubu hakoreshwa amafaranga 730 kugira ngo ikiro kimwe kiboneke.

Uyu muyobozi avuga kandi ko nyiramugengeri ari kimwe mu bisubizo bigamije kugabanya icyo kinyuranyo hagati y’umubare w’amafaranga akoreshwa kugira ngo haboneke ikiro kimwe cy’ifu itunganye n’ayo uruganda rukigurisha.

Bimwe mu bisubizo ku kibazo cy’ikinyuranyo hagati y’igiciro cy’ibikorwa kugira ngo haboneke ikiro kimwe cy’ifu itungayije n’icyo uruganda rukigurishaho ni isoko ryo hanze y’u Rwanda.

Ngo ifu yoherezwa ku isoko ry’i Burayi igurishwa ku iyero rimwe n’agace (1.1Euros) kandi ngo buri kwezi, mu Bubiligi ngo hoherezwa toni 30.

Mu bindi bagigishakiraho ibisubizo harimo umushinga wo gukora amido (starch) mu myumbati. Ngo amido iva mu myumbati ifite ubwiza busumba kure ubw’iva mu bigori no mu ngano, kandi ikaba ikenewe cyane mu nganda z’ibiribwa, iz’ibinyobwa n’iz’imiti.

Runazi Robert uyobora urwo ruganda ashimangira ko isoko ry’amido ryizewe, kandi ko nta kibazo cyo kubura isoko gishobora kuzabaho. Agaragaza ko impungenge zihari ari izo kuzabona imyumbati ihagije izabasha guhaza isoko bateganya.

Ubwo Umunyabanga wa Leta muri Minisiteri y’Ibikorwremezo, Nzahabwanimana Alex, aheruka gusura uru ruganda tariki ya 18/11/2015, arera aho imirimo yo gutunganya igice kigenewe ikoreshwa rya nyiramugengeri kigeze, yashimye imikorere y’urwo ruganda n’ishyirwa mu bikorwa ry’ibitekerezo bigamije gukemura imbogamizi zihari.

Akaba yarasabye ko iyi mirimo yakwihutishwa kugira ngo uruganda rubyazwe umusaruro.

Ibi bishimangirwa n’umuyobozi w’uruganda rwa Kinazi Cassava Plant “KCP” Runazi Robert, aho avuga ko kuva uru ruganda rwatangira imirimo yarwo tariki ya 16/04/2012 rutangijwe na Perezida Paul Kagame, ko rumaze kwinjiza amafaranga akabakaba muri Miliyari mu mifuka y’abaturage batandukanye.

abaturage bakora imirimo itandukanye

Ngo magingo aya, amafaranga uru ruganda rumaze kugeza mu mifuka y’abaturage binyuze mu kwishyura ibikorwa na serivise ruhabwa, ni ukuvuga kugura imyumbati, kwishyura imishahara y’abakozi bakora ibikorwa binyuranye byo guhinga, gusarura, gupakira imyumbati, gutonora imyumbati, n’ibindi akabakaba miliyari imwe y’amafaranga y’u Rwanda.

Uyu muyobozi akomeza avuga ko amafaranga azinjira mu mifuka y’abaturage, atari aya gusa, kuko ngo azakomeza kwiyongera uko uruganda ruzagenda rwagura imikorere yarwo.

Bamwe mu baturage baturiye uru ruganda, bavuga ko bishimira kuba uru ruganda rwarabegerejwe, kuko bahakura byinshi bibatungira ubuzima ndetse bakanitezxa imbere.

Bantwayiki Marie, akora muri uru ruganda akazi ko gutonora imyumbati yinjijwe muri uru ruganda, avuga ko we na bagenzi be bahakorana, ko bahakura amafaranga atari make buri kwezi.

Ati “Hano ikilo cy’imyumbati bagitonorera amafaranga atanu, ufite imbaraga rero,ashobora kwinjiza amafaranga menshi”.

Uruganda rwa Kinazi, rwatangiye imirimo yarwo mu mwaka wa 2012, rukaba rwaruzuye rutwaye akayabo ka Miliyali 6 na Miliyoni 500, kuva rwatangira, rukaba rwaragiye ruhura n’ikibazo cyo kubona umusaruro uhagije rutunganya, kubera ahanini indwara yagiye yibazira imbuto y’imyumbati.

Umuyobozi warwo Runazi Robert, akavuga ko igihe habonetse umusaruro uhagije, amafaranga yinjira mu mifuka y’abaturage aziyongera cyane.

Ntawusigiryayo Jean Pierre yagize ati “Turashima cyane ko icyifuzo cyacu twabahereye aha hantu duteraniye uyu munsi mwakigezeho, mukemera ko ingingo y’101 ivugururwa, kandi mukabikora”.

Abaturage bishimiye imirimo yakozwe n’Inteko Ishinga Amategeko.

Akomeza agira ati “Icyo numvise kandi ntahanye ni uko manda Nyakubahwa Perezida wa Repubulika yatorewe muri 2010 izarangira tukongera tukamutorera manda y’imyaka irindwi, muri 2024 tukazongera tukamutora muri manda y’imyaka itanu, na yo yarangira tukongera tukamutora”.

Babigaragaje ku wa 11 Ukuboza 2015, ubwo abadepite Manirarora Annoncée na Mporanyi Théobald, bari mu Kagari ka Nyakogo mu Murenge wa Kinihira basobanurira abaturage ku bijyanye no guhindura ingingoz zimwe na zimwe mu Itegeko Nshinga.

Nk’uko Depite Manirarora Annoncée yabisobanuye, ngo abadepite n’abasenateri bazibanda ku kugaragariza Abanyarwanda uko Inteko Ishinga Amategeko y’u Rwanda yashyize mu bikorwa ibyifuzo bayigejejeho mu busabe bwanditse bukabakaba miliyoni enye no mu bitekerezo bo ubwabo bakusanyije igihe bagendereraga abaturage mu mirenge yose kuva tariki ya 20 Nyakanga kugeza tariki ya 03 Kanama 2015.

Yagize ati "Twaje kuganira namwe mu rwego rwo kubagezaho iby’ingenzi byahindutse mu Itegeko Nshinga". Yungamo ati " Ibyo mwasabye Intumwa zanyu twarabikoze. Uyu munsi rero natwe twaje kubagezaho ibyakozwe kuri ubwo busabe, no kubasaba gutora Itegeko Nshinga rishya".

Depite, Annoncee Manirarora asobanurira abaturage impinduka zabaye mu Itegeko Nshinga.

Mu gusoza, Depite Manirarora yahamagariye buri wese kuzitabira amatora no gutora Itegeko (Nshinga) ribumbatiye impinduka abaturage ubwabo bisabiye.

Umuyobozi w’Akarere ka Ruhango, Mbabazi Francois, we yatanze isezerano ry’uko amatora azitabirwa kandi akagenda neza 100%.

Yagize ati "Icyo navuga mu izina ryanyu, ni uko ibyo badusabye tuzabikora, ...kuko twikorera. Ni twe byaturutseho mbere na mbere, nta kuntu rero twatangira umurimo ngo twe kutawusoza. Umurimo tuzawusoza neza kandi mu buryo bukwiye".

Umuhuzabikorwa w’inama y’abafite ubumuga mu karere ka Ruhango Kabanda Phrolbert, ashimira cyane ababyeyi bagiye babyara abana bafite ubumuga, ko basigaye babitaho cyane ubu bakaba bafite imibereho myiza ugereranyije na mbere.

Abafite ubumuga bavuga ko babayeho neza.

Agira ati “Rwose babyeyi beza turabashimira, kuko abo turi bo ubu, ni ukubera mwebwe ubwitanjye muharanira kugirango tubeho neza, kandi abafite ubumuga tubikuye ku mutima, turashimnira cyane Leta yacu, kuko yakoze ibishoboka byose ishyira imbaraga mu guteza imbere imibereho myiza y’abafite ubumuga.”

Uyu muyobozi agashimangira ko ubu abafite ubumuga bameze neza, ndetse n’ibitaragenda neza, ngo barabikoraho ubuvugizi cyane kugirango ufite ubumuga wese abashe kugira imibereho myiza.

Uhagarariye abafite ubumuva yishimira uko bitabwaho na Leta ndetse n’ababyeyi.

Bimwe mu bikorwaho ubuvugizi n’inama y’igihugu y’abafite ubumuga, kugirango abafite ubumuga babashe kubaho neza, harimo uburezi, ubuvuzi n’ibindi.

Ku munsi mpuzamahanga w’abafite ubumuga wabaye tariki 3 Ukuboza 2015, umuyobozi w’Akarere ka Ruhango wungirije ushinzwe imibereho myiza y’abaturage, Mugeni Jolie Germaine, yavuze ko Leta ifi intego y’uko buri ufite ubumuga wese agomba kubaho neza.

Yabwiye abafite ubumuga, ko Leta igikomeza gukora ibishoboka byoze mu mikoro macye ifite, kugirango abafite ubumuga bafatwe kimwe n’abandi Banyarwanda.

Iraguha w’imyaka 33 y’amavuko uzwi ku izina rya Dede, yafatiwe mu Gatsata mu Mujyi wa Kigali, akaba afungiwe kuri Sitasiyo ya Polisi yo mu karere ka Ruhango kuva kuri uyu wa gatatu tariki 2 Ukuboza 2015.

Yiyise umukuru w’ingabo yambura akarere ka Ruhango.

Ashinjwa kuba yari amaze igihe igihe ahamagara umunyambanga nshingwabikorwa w’Akarere ka Ruhango Kamabayire Annonciata, amubwira ko ari umukuru w’ingabo mu Karere ka Ruhango, amusaba amafaranga yo kugura ikarita yo guhamagara.

Umugenzacyaha akanaba umuvugizi wa polisi mu ntara y’Amajyepfo, CIP Andre Hakizimana, avuga ko Iraguha atari iki cyaha anakurikiranyweho kuba yarambuye abaturage mu karere ka Nyabihu na Kigali, ababeshya ko ari umukozi wo mu biro by’umukuru w’igihugu, abizeza ubuvugizi akarya ibyabo.

Yagize ati “Yabanje mu turere twa Nyabihu n’umujyi wa Kigali yambura abaturage, none yari amaze iminsi yiyita umukuru w’ingabo mu karere ka Ruhango, agahamagara umunyamabanga nshingwabikorwa w’akarere amubwira ko ari ahantu habi atabano aho agura ikarita yo guhamagara, akamusaba kuyimwiherereza cyangwa akohereza amafaranga.”

Uyu muvugizi akomeza avuga ko bakimara kumenya ubu buteka mutwe, yatangiye gushakishwa aza gufatirwa mu mujyi wa Kigali, akavuga ko kugeza ubu bataramenya umubare w’ibyo amaze kuriganya, kuko hagikorwa iperereza.

CIP Hakizima agira inama abantu kwirinda abaza bababwira ko bakora ibintu runaka, akabasaba kujya babanza gukora ubushishozi kuri buri wese.

Akavuga ko igihugu cya shyizeho uburyo buhagije bwo gukoresha amaboko, abantu bakiteza imbere, agasaba abantu bakirarikira gutungwa n’utwabandi kubyibagirwa, kuko polisi iri maso.

Iraguha ukurikiranywe icyaha cyo kwiyitirira urwego atarimo, biramutse bimuhamye yahanishwa igifungo kuva ku mwaka umwe kugera kuri itatu.

Ikindi cyaha akurikiranywe cyo kwambura akoresheje ubutekamutwe, nacyo kimuhamye yahanishwa gufungwa kuva ku myaka itatu kugera ku myaka itanu.

Umunyabanga nshingwabikorwa w’Akarere ka Ruhango ntiyashoboye kubonekera igihe ngo atangarize Kigali Today ingano y’amafaranga yambuwe n’uyu musore n’uko byagenze, kuko atitabaga terefone igendanwa ntasubize n’ubutumwa bugufi.

Ubwo uyu mushinga watangizwaga, Umuhuzabikorwa w’umuryango DUHAMIC-ADRI, Habineza Innocent, yavuze ko uyu mushinga uzibanda mu bikorwa byo gukomeza gutunganya iki gishanga hongerwa amazi yo kuhira umuceri, guhugura abahinzi n’ibindi.

Iki gishanga gihingwamo umuceri n’ibigori

Akaba yasabye abahinzi kumva ko ibi bikorwa ari ibyabo, bakabyitabira bakabigiramo uruhare kugira ngo umusaruro w’ibigori n’umuceri bihingwa muri iki gishanga wiyongere.

Abahinzi bahinga iki gishanga bakaba bishimiye uyu mufatanyabikorwa kuko agiye kubakuriraho zimwe mu mbogamizi bahuraga nazo, kugira ngo umusaruro wiyongere.

Bareba ibihingwa biva muri iki gishanga

Uzabakiriho Jean Damascene umuyobozi wa Koperative yitwa KIABR, yagaragaje zimwe mu mbogamizi bahura nazo, bifuza ko uyu mushinga uzabafashamo kugira ngo umusaruro uzamuke, zirimo, kuba nta buhunikiro bagira, bityo bakweza imyaka bagahita bagurisha ku giciro gito, kugira ngo umusaruro wabo utangirika, kuba bagifite amazi make n’ibindi.

Abayobozi basobanurirwa ibikorerwa mu gishanga cya Rugeramigozi

Uhagaze Fraoncois, n’umuyobozi w’Akarere ka Muhanga wungirije ushinzwe imari n’iterambere, yasabye abahinga igishanga cya Rugeramigozi, ko batagomba kugendera ku ntego z’ugiye kubafasha, ahubwo ko bagomba gukora cyane bakazirenza.

Umuryango wa DUHAMIC-ADRI, uvuga ko wifuza kuzamura umusaruro uva muri iki gishanga ku kigereranyo cya 35%.

Dushimimana Jean Pierre ushinzwe uyu mushinga asobanura icyo bazafasha amakoperative abiri

Igishanga cya Rugeramigozi, kikaba gihingwamo n’abaturage basaga 1600, ku musaruro umwe bakaba bezaga Toni 4’5 kuri Hegitari bakaba biteguye kuzizamura zikagera kuri zirindwi.

Uretse gufasha aya makoperative ahinga iki gishanga kiri hagati y’Akarere ka Muhanga na Ruhango, uyu mushinga unateganya guca no gutunganya amaterasi y’indinganire ari mu nkengero z’iki gishanga.