Raporo ya Komisiyo y’Ubumwe bw’Abanyarwanda, Uburenganzira bwa Muntu no kurwanya Jenoside ku isesengura rya Politiki y’igihugu y’Ubumwe n’Ubwiyunge iragaragaza ko ingengabitekerezo ya Jenoside ihagaze mu bana n’urubyiruko, batamenye Jenoside kuko bavutse nyuma yayo.

Asobanura ibikubiye muri iyo raporo, umuyobozi w’iyo Komisiyo, Depite Madina Ndangiza yavuze ko Komisiyo yasanze icyaha cy’ingengabitekerezo ya Jenoside mu bana, bavutse nyuma ya Jenoside yakorewe Abatutsi muri 1994 yagize ati,” Mu myaka itandatu ishize, ni ukuvuga kuva 2019 kugeza 2024, abana n’urubyiruko, ni ukuvuga bafite imyaka iri hagati ya 14 na 30 bagaragayeho icyo cyaha, bagera kuri 16.4% by’abakekwaho icyo cyaha bose”.

Iyo Komisiyo kandi yagaragaje ko igipimo cy’ubumwe n’ubwiyunge bw’Abanyarwanda nacyo cyagiye kizamuka, nk’uko bigaragazwa n’ubushakashatsi bukorwa buri myaka itanu (5) uhereye mu 2010. Depite Ndangiza, yavuze ko igipimo giheruka ari icyo mu 2025.

Yagize ati,” Bitewe n’aho igihugu kigeze kiyubaka, n’ubwiganze bw’abavutse nyuma ya jenoside yakorewe Abatutsi, batazi kandi batagize uruhare muri ayo mateka,byabaye ngombwa ko igipimo cy’umwaka wa 2025, kibanda cyane cyane ku gipimo cy’ubumwe kuko bwo bwambukiranya ibyiciro bitandukanye by’imyaka,bityo gihabwa inyito y’igipimo cy’ubumwe bw’Abanyarwanda”.

“Igipimo cy’ubumwe n’ubwiyunge mu Banyarwanda cyagiye kizamuka,nk’uko ubushakashatsi bwakozwe mu myaka itandukanye bubyerekana, muri 2010, igipimo cyari kuri 82.3 %, muri 2015 kigera kuri 92.5%, muri 2020 kigera kuri 94.7%, mu gihe mu bushakashatsi bwo mu mwaka wa 2025,icyo gipimo kigeze kuri 95.3%."

Ibi yabigarutseho mu ijambo yagejeje ku bitabiriye inama mpuzamahanga ya AI for Good Global Summit 2026, aho yagaragaje ko mu mwaka wa 2050, Afurika izaba ifite abantu banshi bafite imbaraga zo gukora kurusha ahandi hose ku Isi.

Perezida Kagame yavuze ko ku mugabane wa Afurika hamaze kugaragara inkuru nyinshi zishimishije z’urubyiruko rukoresha AI mu guhanga udushya no gukemura ibibazo bitandukanye, ashimangira ko hakenewe gushorwa imari mu mishinga yabo kugira ngo barusheho kubyaza umusaruro ayo mahirwe.

Yagize ati: “Tugomba gushora imari mu rubyiruko rwacu. Bizaba inyungu kuri bose.”

Yakomeje avuga ko kugira ngo AI igire umumaro ku bantu bose ku Isi, ari ngombwa ko ikoreshwa neza muri Afurika no mu bindi bice byose by’Isi.

Perezida Kagame yavuze ibi mu rwego rwo kugaragaza uruhare Afurika ishobora kugira mu iterambere ry’ikoranabuhanga rigezweho, ndetse n’akamaro ko gushyigikira urubyiruko mu guhanga ibisubizo bishya bifasha iterambere rirambye.

Yabivugiye mu nama mpuzamahanga ya AI for Good Global Summit 2026, yagarutse ku ruhare AI ishobora kugira mu guhindura imibereho y’abaturage no guteza imbere ubukungu, ariko agaragaza ko bisaba ubufatanye n’ishoramari rihagije kugira ngo inyungu zayo zigere kuri bose.

Yagize ati "Ubwenge buhangano bufite ubushobozi bwo guhindura imibereho y’abantu no gukomeza guteza imbere ubukungu bw’ibihugu."

Perezida Kagame yavuze ko muri iki gihe ikoranabuhanga ririmo guhinduka urubuga rw’ihangana hagati y’ibihugu bikomeye, ibintu yavuze ko bishobora kudindiza uruhare AI yagira mu kwihutisha iterambere.

Ati "Amakimbirane ashingiye kuri politiki mpuzamahanga yatumye ikoranabuhanga rihinduka urubuga rw’ihangana. Ibyo bikuraho umwanya wo kwibanda ku buryo AI ishobora kwihutisha iterambere."

Yakomeje avuga ko nubwo hakiri byinshi bitarasobanuka kuri AI n’ingaruka ishobora kugira mu gihe kiri imbere, amahanga akwiriye gukomeza kuyibonamo amahirwe.

Ati "Nubwo hakiri byinshi tutarasobanukirwa ku bwenge buhangano, tugomba gukomeza kugira icyizere. Ni inshingano zacu guhindura imbogamizi amahirwe yagirira twese akamaro."

Afurika ifite amahirwe akomeye

Perezida Kagame yavuze ko Afurika ifite amahirwe menshi yo kugira uruhare rukomeye mu bukungu bushingiye ku ikoranabuhanga, cyane cyane bitewe n’uko mu mwaka wa 2050 izaba ifite umubare munini kurusha ahandi ku isi w’abakozi bafite imyaka yo gukora.

Yagize ati "Mu mwaka wa 2050, Afurika izaba ari yo ifite abakozi benshi kandi biyongera ku muvuduko munini kurusha ahandi hose ku isi."

Yashimangiye ko urubyiruko rwo ku mugabane wa Afurika rwatangiye kwerekana ubushobozi mu gukoresha AI, bityo hakaba hakenewe kongera ishoramari ribafasha kurushaho kuyibyaza umusaruro.

Abishimangira, Perezida Kagame ati "Hari inkuru nyinshi zigaragaza ibyo urubyiruko rwacu rumaze kugeraho rukoresheje ubwenge buhangano. Tugomba kurushoramo imari, kuko ibyo bizagirira akamaro buri wese."

Muri uyu muhango, Perezida Kagame aranatangiza ku mugaragaro AI for Good Global Commission, azafatanya kuyobora na Marc Benioff, Umuyobozi Mukuru akaba n’uwashinze sosiyete ya Salesforce.

Abandi bayobozi bakomeye bazafatanya muri iyi Komisiyo harimo Doreen Bogdan-Martin, Umunyamabanga Mukuru wa ITU, Perezida wa Iceland Halla Tómasdóttir ndetse na Perezida wa Estonia Alar Karis.

Iyi Komisiyo igamije guteza imbere ikoreshwa rya AI mu nyungu rusange, guteza imbere ibisubizo bifatika byongera icyizere mu ikoranabuhanga ry’ubwenge buhangano (AI), koroshya uburyo bwo kurigeraho, no kwihutisha ikoreshwa ryaryo mu gukemura ibibazo byugarije Isi.

Izashyira kandi imbaraga cyane ku kwita ku bihugu bikiri mu nzira y’amajyambere, kugira ngo bitazasigara inyuma mu nyungu n’amahirwe atangwa n’iri koranabuhanga rigezweho.

Perezida Kagame iyi nama mpuzamahanga agiye gutangiza, itegurwa ku bufatanye bw’Umuryango Mpuzamahanga w’Itumanaho (ITU) n’u Busuwisi, iri kuba ku nsanganyamatsiko igira iti: “Unlocking AI’s potential to serve humanity”.

Ni ukuvuga gukoresha ubushobozi bw’ubwenge buhangano (Artificial Intelligence) mu buryo bufasha abantu, gukemura ibibazo byugarije isi no guteza imbere imibereho y’abaturage mu nzego zitandukanye zirimo ubuzima, uburezi, ubukungu, ikirere n’iterambere rusange.

Iyi nama ihuza abayobozi b’ibihugu, impuguke mu by’ikoranabuhanga, abashakashatsi n’abikorera, bose bagamije kurebera hamwe uko ubwenge buhangano (AI) bwakoreshwa mu gukemura ibibazo byugarije Isi no guteza imbere imibereho myiza y’abaturage.

Mu kwezi gushize, niho Kayirebwa utari umuhanzi w’icyamamare dusanzwe tuzi yasabye guhindura amazina, avuga ko ari amazina atishimiye.

Tariki 6 Nyakanga 2026, amazina ye yemerewe kwitwa ari yo CYUBAHIRO KAI Kylen Celestus yasohotse mu igazeti ya Leta.

Hagati aho, muri iyi gazeti, uwitwa Sibomana Athanase wo mu Murenge wa Fumbwe Akagari ka Nyagasambu muri Rwamagana, na we yasabye guhindurirwa amazina akitwa NZIZA Athanase mu gitabo cy’inyandiko z’amavuko.

Impamvu atanga yo guhinduza izina ni uko izina Sibomana ari izina ry’irigenurano rikaba rimuteye ipfunwe.

Mu Rwanda, guhindura amazina byororohejwe ariko hashyirwaho n’ingamba zikomeye zo gukumira uburiganya.

Mu myaka myinshi ishize, guhindura amazina mu Rwanda byasabaga kunyura mu nzira ndende zirimo kwandika ubusabe, gutangaza amakuru mu buryo bwemewe n’amategeko, gutegereza igihe runaka no kubona uburenganzira bwa Minisitiri.

Guverinoma y’u Rwanda ivuga ko iyo nzira itagomba gukomeza kugora abaturage bafite impamvu zemewe zo guhindura amazina yabo.

Muri iyi minsi, buri kwezi hakirwa ubusabe bwinshi buturutse hirya no hino mu gihugu.

Minisiteri y’Ubutegetsi bw’Igihugu (MINALOC), ifite mu nshingano kwakira no gutunganya ubusabe bwo guhindura amazina, itangaza ko yakira ubusabe burenga 200 buri kwezi butangwa n’Abanyarwanda bifuza guhindura amazina kubera impamvu zitandukanye zirimo iz’umuntu ku giti cye, iz’umuco, iz’idini cyangwa izijyanye n’imiyoborere n’inyandiko zemewe.

Hari abasaba guhindura amazina babona ko abasebya cyangwa abagora mu buzima bwa buri munsi, mu gihe abandi bashaka ko amazina ari ku byangombwa byabo ahura n’ayo basanzwe bakoresha mu mibereho yabo ya buri munsi.

Abandi bo baba bashaka kongeraho amazina bahawe mu gihe cy’umubatizo, guhuza umwirondoro uri ku byangombwa bitandukanye, cyangwa gufata amazina agaragaza neza amateka y’imiryango yabo, umuco bakomokamo cyangwa imyemerere yabo.

Iteka rya Minisitiri rishya ryazanye impinduka zikomeye zigamije koroshya iki gikorwa, rikagihindura icyihuse, gikoresha ikoranabuhanga kandi cyorohereza abaturage kugikurikirana.

Icyakora, mu gihe uburyo bwo guhindura amazina bworohejwe, hashyizweho n’ingamba zikomeye zo gukumira abantu bashobora kugerageza gukoresha iri hindurwa ry’amazina mu guhunga ubutabera, kwihisha amategeko cyangwa guhisha umwirondoro wabo nyakuri.

Igereranya ry’ibyo umutangabuhamya yavuze. Photo AI

Uyu mutangabuhamya, watanze ubuhamya nk’umuburanyi mu rubanza, mu mpera z’icyumweru gishize, yavuze ko ubwicanyi bwafashe indi ntera nyuma y’ijambo uwari Perezida w’inzibacyuho, Théodore Sindikubwabo, yavugiye i Gisagara ku wa 19 Mata 1994.

Yagize ati "Nyuma y’iryo jambo, hahise hashyirwaho za bariyeri ahantu hose, Abahutu batangira kwica Abatutsi."

Yasobanuye ko Abatutsi benshi bahungiye ku musozi wa Kabuye bizeye ko bazaharindirwa, ariko bagezeyo bagabwaho ibitero bikomeye.

Ati "Amasasu yagwaga nk’imvura. Uwashakaga guhunga yahitaga araswa. Byakomeje iminsi ibiri."

Yakomeje avuga ko amaze gukanguka nyuma y’ibitero yisanze ari wenyine hagati y’imibiri y’abishwe, asanga yaratakaje ijisho rimwe.

Yagize ati "Nabonye ndi hagati y’imibiri, nsanga natakaje ijisho rimwe. Nagiye nkuruza inda ngera kwa data wacu wari utuye hafi aho."

Akomeza agira ati “Nahamaze iminsi itatu ntabasha kuvuga. Sinabashaga kurya cyangwa kugira icyo nywa.”

Interahamwe ngo zaje kugera muri ako gace zitegeka ko abahishe abatutsi babatanga, maze umugore wa se wabo atanga amafaranga kugira ngo bamugeze iwe aho kumwicira aho yari yihishe.

Mu nzira, uyu mutangabuhamya avuga ko yabonye abantu bateruraga imibiri bayishyira mu mifuka, hafi aho hari katelipilari n’imodoka nyinshi, ndetse ahabonera bamwe mu bayobozi b’icyo gihe, barimo uwari Superefe wa Gisagara, Burugumesitiri na Eugène Rwamucyo, dore ko ngo yari asanzwe azi Rwamucyo neza.

Yavuze ko Burugumesitiri yasabye abasore gufasha gushyira mazutu muri katelipirai no gupakurura utubariro twakoreshwaga muri icyo gikorwa, ariko we ahitamo gucika yihisha mu ishyamba mbere y’uko icyo gikorwa gitangira.

Ageze iwe, ngo yasanze inzu ye yasenywe burundu, ahitamo kwicukurira umwobo wo kwihishamo.

Ati "Nacukuye umwobo, ni ho nagumye nihishe kugeza Inkotanyi zigeze i Gisagara."

Uyu mutangabuhamya avuga kandi ko yabwiye urukiko ko Jenoside yamwambuye abavandimwe bane n’abana babo, ndetse ko imibiri yabo itashoboye kumenyekana kubera ubwinshi bw’abishwe, bityo agakeka ko yashyinguwe mu mva rusange.

Nubwo yavuze ko Jenoside yamusigiye ubumuga bwo gutakaza ijisho rimwe n’ihungabana rikomeye, yashimangiye ko yaje gutanga ubuhamya agamije kuvuga ukuri ku byo yabayemo.

Yagize ati "Kuri njye nta kindi cyanteye kuza hano uretse kuvuga ukuri ku byo nabayemo."

Umuyobozi Mukuru w’uyu muryango, Simon Fisher, yamugaragarije ibikorwa bamaze kugeraho, by’umwihariko mu kuvura indwara z’umutima ku bana no kongerera ubushobozi abaganga.

Kuva mu 2007, abana b’Abanyarwanda 73 bavuriwe muri Israel, mu gihe abandi 479 bavuriwe mu Rwanda binyuze muri iyi gahunda. Byongeye kandi, abaganga batatu b’Abanyarwanda bamaze kurangiza amasomo yihariye muri uru rwego, naho abandi babiri bakaba bakiri mu mahugurwa muri SACH.

Uru ruzinduko rugaragaza ubufatanye bukomeje gutanga umusaruro mu rwego rw’ubuzima, by’umwihariko mu gufasha abana bafite ibibazo by’umutima kubona ubuvuzi bugezweho.

Save a Child’s Heart ni umuryango udaharanira inyungu ukorera muri Israel, ufite intego yo kuvura abana bafite indwara z’umutima no kubaha ubuvuzi bugezweho, cyane cyane abaturuka mu bihugu bikiri mu nzira y’amajyambere.

Uyu muryango ukorera mu bitaro bya Wolfson Medical Center, ukaba umaze kumenyekana ku rwego mpuzamahanga kubera ibikorwa byo kurokora ubuzima bw’abana no gufasha kubaka ubushobozi bw’abaganga baturuka mu bihugu bitandukanye.

Mu bufatanye n’u Rwanda, Save a Child’s Heart imaze gufasha abana benshi b’Abanyarwanda kubona ubuvuzi bwihariye ku ndwara z’umutima, ndetse inahugura abaganga b’Abanyarwanda kugira ngo bakomeze gutanga ubu buvuzi no mu gihugu imbere.

Muri rusange abanyeshuri 277,452 nibo biteganyijwe ko bagomba gukora ibyo bizamani muri uyu mwaka w’amashuri wa 2025/2026, barimo abakobwa 134, 501 bakorera ku bigo by’amashuri birenga 1000 biri hirya no hino mu gihugu.

Uyu mwaka umubare w’abanyeshuri barimo gukora ibizamini bya Leta muri icyo cyiciro cy’amashuri, wiyongereyeho 56,525 ugereranyije n’abakoze umwaka ushize, mu gihe ibigo by’amashuri bifite abanyeshuri bazakora ibizamini nabyo byiyongereyeho ibishya 80 ugereranyije n’umwaka wabanje, aho byari 3815 byatanze abanyeshuri.

Minisitiri w’Ubureze, Joseph Nsengimana, yavuze ko nta kabuza abanyeshuri bazatsinda neza kuko bagize umwanya wo kwitegura.

Ati “Bamaze umwaka biga kandi bari bazi ko ibizamini bizaza bakabikora, amashuri yakoranye n’ababyeyi n’abanyeshuri kubategura. Ubundi bariteguye, ni ukuza ntibahungabane, bagakora ikizamini mu mutuzo, ngira ngo bazanakora neza rwose.”

Umuyobozi w’Ishami rishinzwe ibizamini muri NESA, Jean Claude Nizeyimana, avuga ko nubwo ibizamini bikorwa nkuko bisanzwe ariko uyu mwaka harimo umwihariko ku banyeshuri bafite ubumuga kugira ngo barusheho gufashwa no koroherezwa.

Ati “Hari ibyo bagenerwa, mu myaka yashize twabonaga batabihabwa neza, ariko hagiye habaho kwegera amashuri bigamo, kugira ngo tumenye neza, uburyo abo bana bafite ubumuga biga, kugira ngo tubabaze mu buryo bigamo. Urugero, umwana utabasha kwandika ariko ubwonko bwe burakora neza, uwo nguwo agira umufasha kwiga (Exam Scribe). Muri uyu mwaka dufite abantu bashobora kuba bafasha wa mwana bakamwandikira, ariko tugashyiraho uburyo bwo kumenya niba ibyo yamwandikiye ari byo koko.”

Abanyeshuri bafite ibindi bibazo by’umwihariko nko kuba bari mu Igororero, muri Sitasiyo z’Urwego rw’Igihugu rw’Ubugenzacyaha hamwe no mu bitaro, bajyanirwa ibizamini aho bari bakabihakorera, bapfa kuba barimenyekanishije muri NESA.

Gusa nko ku bari kwa muganga bibanza kwemezwa na muganga ko umurwayi afite ubushobozi bwo gukora ikizamini ubundi bakabona kukimujyanira.

Biteganyijwe ko ibizamini bya Leta bisoza amashuri abanza byatangijwe kuri uyu wa 7 bizasozwa ku wa 9 Nyakanga.

Minisitiri w’Uburezi Joseph Nsengimana atangiza ibizamini bya Leta, Photo Imvaho Nshya

Nguko uko batangije ibizamini bihuriyemo abana 277,452 mu gihugu hose, mu Ntara ndetse n’Umujyi wa Kigali, biga Porogaramu ya Leta, benshi bakunze kwita NESA.

NESA, ni Ikigo cy’Igihugu gishinzwe gutegura Ibizamini n’Ubugenzuzi bw’Amashuri.

Abanyeshuri bazakora ibizamini bitanu ari byo Imibare, Ikinyarwanda, Icyongereza, Ubumenyi n’Ikoranabuhanga ndetse n’Amasomo y’Imibereho y’Abantu n’Ubutabire bw’Isi.

Ibi bizamini bitegurwa n’Ikigo cy’Igihugu gishinzwe Ibizamini n’Ubugenzuzi bw’Amashuri (NESA), bikazamara iminsi itatu kuva ku wa 7 kugeza ku wa 9 Nyakanga 2026. Abanyeshuri bazakora amasomo atandukanye azagena uko bazakomereza mu cyiciro cya mbere cy’amashuri yisumbuye.

Mu gitondo cyo kuri uyu wa Kabiri, abanyeshuri bageze kare ku bigo bakoreraho ibizamini, aho bakiriwe n’abayobozi b’ibigo n’abagenzuzi, mbere yo gutangira gukora amasomo ateganyijwe ku munsi wa mbere.

Amabwiriza ya NESA ateganya ko buri kigo gikorerwamo ibizamini kigira Umukuru w’Ikigo cy’Ibizamini n’umwungirije, ndetse hakoherezwa abagenzuzi bahagije bitewe n’umubare w’abakandida.

Amabwiriza ateganya nibura umugenzuzi umwe uhoraho ku bakandida 25, hakiyongeraho abandi bagenzuzi bazenguruka mu byumba by’ibizamini kugira ngo hubahirizwe ituze n’ubunyangamugayo.

Ibizamini bisoza amashuri abanza ni byo bya mbere bya Leta abanyeshuri bakora mu rugendo rwabo rw’amashuri, kandi ni byo bishingirwaho mu kubashyira mu mashuri yisumbuye.

Ibizamini byagejejwe ku bigo mu modoka z’icyubahiro

Gahunda yashyizwe ahagaragara na Minisiteri y’Uburezi na NESA igaragaza ko ibi bizamini bizasozwa ku wa Kane, tariki ya 9 Nyakanga 2026.

Nyuma yabyo hazakurikiraho ibizamini bya Leta bisoza icyiciro rusange (Senior Three) biteganyijwe kuva ku wa 15 kugeza ku wa 22 Nyakanga. Ibizamini bya Leta bisoza amashuri yisumbuye (Senior Six) na byo bizatangira ku wa 15 Nyakanga 2026.

Inzego z’uburezi zasabye abakandida gukora ibizamini batuje, bakubahiriza amabwiriza yabigenewe kandi bakirinda uburiganya ubwo ari bwo bwose, mu gihe ababyeyi n’amashuri basabwe gukomeza gutera abanyeshuri inkunga muri iki gihe cy’ibizamini.

Biteganyijwe ko amanota azatangazwa nyuma y’ikorwa ry’ikosora n’igenzura rya nyuma ry’ibizamini.

Iyi komisiyo yashyizweho mu ntangiriro za Nyakanga 2026, mu nama mpuzamahanga ya “AI for Good” yabereye i Genève mu Busuwisi. Igamije guteza imbere ikoreshwa rya AI mu nyungu rusange, guteza imbere ibisubizo bifatika byongera icyizere mu ikoranabuhanga ry’ubwenge buhangano (AI), koroshya uburyo bwo kurigeraho, no kwihutisha ikoreshwa ryaryo mu gukemura ibibazo byugarije Isi.

Iyi komisiyo kandi ishyira imbaraga cyane ku kwita ku bihugu bikiri mu nzira y’amajyambere, kugira ngo bitazasigara inyuma mu nyungu n’amahirwe atangwa n’iri koranabuhanga rigezweho.

Perezida w’u Rwanda, Paul Kagame, yagizwe umwe mu bayobozi b’iyi komisiyo (Co-Chairs), afatanyije na Marc Benioff, Umuyobozi Mukuru wa sosiyete Salesforce hamwe n’Umunyamabanga Mukuru w’Ihuriro Mpuzamahanga ry’Itumanaho (ITU) Doreen Bogdan-Martin.

Uruhare rwa Perezida Kagame muri iyi Komisiyo rugaragaza uko Afurika igenda igira ijambo rikomeye mu biganiro ku hazaza h’ikoranabuhanga ry’ubwenge buhangano, n’uruhare ryarwo mu guhindura imibereho y’abatuye Isi.

U Rwanda kandi rukomeje kugaragaza uruhare rukomeye muri uru rwego, aho rwamaze gushyiraho politiki y’Igihugu ku bijyanye na AI ndetse runakira inama ya mbere Nyafurika kuri AI mu 2025. Ibi bituma rufatwa nk’umwe mu bayobozi mu gutekereza ku ikoreshwa rinoze kandi rifite inshingano ry’ikoranabuhanga rigezweho.

Iyi Komisiyo igizwe n’abanyamuryango barenga 40 bayishinze, barimo abakuru b’Ibihugu na za Guverinoma, abayobozi b’ibigo bikomeye by’ikoranabuhanga ku Isi, abayobozi b’Umuryango w’Abibumbye ndetse n’abafata ibyemezo ku rwego mpuzamahanga.

Nk’umwe mu bayoboye iyi Komisiyo, Perezida Paul Kagame yavuze ko ikoranabuhanga rikwiye gukomeza kuba “imbaraga zizana ibyiza,” anasaba ko habaho ubufatanye mpuzamahanga burushijeho kugira ngo hagabanywe ubusumbane no gutuma abaturage benshi barushaho kungukira ku udushya dushingiye kuri AI.

Ku ruhande rwe, Marc Benioff yavuze ko ubwenge buhangano bufite amahirwe menshi yo guteza imbere ubukungu, ariko ashimangira ko icyizere cy’abaturage ari ingenzi cyane kugira ngo iri koranabuhanga ribashe kugera ku bushobozi bwaryo bwose.

Iyi Komisiyo izakora inama yayo ya mbere mu nama mpuzamahanga ya AI for Good Global Summit 2026 izabera i Genève kuva tariki ya 7 kugeza ku ya 10 Nyakanga, mu cyumweru cyahariwe ikoranabuhanga cya Loni kizwi nka Digital Week.

Mu bayigize harimo abayobozi b’ibigo bikomeye ku isi birimo Microsoft, Amazon, NVIDIA, Google, MTN Group, Qualcomm, Vodafone na Accenture, hamwe n’abahagarariye Umuryango wa Afurika Yunze Ubumwe, Ishami rya Loni ryita ku burezi, ubumenyi n’umuco (UNESCO), Umuryango Mpuzamahanga w’Ubucuruzi (WTO), ndetse na za Guverinoma z’ibihugu birimo u Rwanda, Namibia, Nigeria, Singapore, Kazakhstan, Estonia na Iceland.

Abantu bagera kuri miliyari 2.2 ku Isi ntibagerwaho na murandasi aho benshi muri bo batuye mu bihugu bikiri mu nzira y’amajyambere, cyane cyane muri Afurika. Kuziba icyo cyuho mu ikoreshwa ry’ikoranabuhanga byagaragajwe nk’imwe mu ntego nyamukuru z’iyi Komisiyo.

Aya masezerano yasinywe kuri uyu wa Mbere tariki 06 Nyakanga na Minisitiri w’Ububanyi n’Amahanga n’Ubutwererane wa Israel Gideo Gideon Moshe Sa’ar na mugenzi we w’u Rwanda, Amb. Olivier Nduhungirehe uri mu ruzinduko muri icyo Gihugu.

Aba bayobozi kandi bagiranye n’ibiganiro byagarutse ku bibazo by’umutekano Israel ihanganye na byo mu Burasirazuba bwo hagati, ndetse n’amasezerano y’amahoro hagati y’u Rwanda na Repubulika Iharanira Demokarasi ya Congo (DRC) yashyigikiwe na Leta Zunze Ubumwe za Amerika, hibandwa cyane ku kamaro ko kuyashyira mu bikorwa.

Minisitiri Nduhungirehe na mugenzi we bagaragaje ko u Rwanda na Israel bisangiye amateka akomeye y’ububabare ibihugu byombi byanyuzemo, ariko bikaba byaranabashije kwiyubaka bigaragaza ubudaheranwa budasanzwe no gukomera ku ntego yo kubaka ejo hazaza heza h’abaturage babyo.

Aya masezerano agaragaza ubushake bw’ibihugu byombi bwo gukomeza guteza imbere ubufatanye bufite ireme, bugamije iterambere rirambye n’imibereho myiza y’abaturage.

Minisitiri w’Ububanyi n’Amahanga n’Ubutwererane w’u Rwanda, Amb. Olivier Nduhungirehe, muri urwo ruzinduko yasuye Umujyi wa Kera wa Yeruzalemu (Old City of Jerusalem) ndetse n’Urukuta rwa Western Wall, hamwe mu hantu hafite amateka akomeye ndetse n’agaciro gakomeye mu by’iyobokamana ku Isi.

Abashinzwe ingengo y’imari mu bigo bya Leta ni abayobozi bakuru

Itegeko Nº 025/2026 ryo ku wa 30 Kamena 2026 rigena ingengo y’imari ya Leta y’umwaka wa 2026/2027, ritanga ububasha bwo kuba Umuyobozi Mukuru ushinzwe gucunga imari n’umutungo bya Leta (Chief Budget Manager) bushingira ku mategeko rusange agenga imari ya Leta.

Ingingo ya 6 yaryo isobanura Umuyobozi Mukuru ushinzwe gucunga ingengo y’imari (Chief Budget Manager) ku nzego zitandukanye, yakomeje gukurikizwa no mu mategeko y’ingengo y’imari y’umwaka wa 2026/2027.

Muri buri rwego cyangwa ikigo cya Leta, uwo muyobozi aba ari umwe mu bayobozi bakuru, kuko nko muri za Minisiteri, Umunyamabanga Uhoraho (Permanent Secretary) ari we uba ufite izo nshingano.

Mu biro bya Perezida wa Repubulika, Umuyobozi Mukuru ushinzwe Imari n’Ubutegetsi., ni we ushinzwe cyangwa ufite inshingano zo gucunga no gukurikirana umutungo n’imari bya Leta.

Umunyamabanga Uhoraho (Permanent Secretary), mu biro bya Minisitiri w’Intebe, ni we ufite inshingano yemererwa n’itegeko zo gucunga no gukurikirana umutungo n’imari bya Leta.

Muri Sena, itegeko riha ubwo bubasha Umunyamabanga Mukuru, kimwe no mu Nteko Ishinga Amategeko Umutwe w’Abadepite, bikorwa n’umuyobozi wo kuri urwo rwego.

Umunyamabanga Mukuru mu Rukiko rw’Ikirenga, ni we ufite izo nshingano, hamwe no mu Bushinjacyaha Bukuru.

Umuyobozi ushinzwe gucunga no gukurikirana umutungo n’imari bya Leta mu biro by’Umugenzuzi Mukuru w’Imari ya Leta, ni Umwanditsi Mukuru.

Mu rwego cyangwa Ikigo cya Leta, umutungo n’imari bya Leta bicungwa n’Umuyobozi Mukuru (Chief Executive Officer/Director General), cyeretse iyo hari itegeko ryihariye rigena undi.

Mu Ntara, Umujyi wa Kigali, n’Akarere, bikorwa n’Umunyamabanga Nshingwabikorwa naho mu zindi nzego z’imitegekere y’Igihugu zegerejwe abaturage, zigakorwa n’Umuyobozi ubifitiye ububasha nk’uko biteganywa n’amategeko.

Ingingo ya 6 ni yo igena abayobozi bakuru baba bafite inshingano zo gucunga imari n’umutungo bya Leta (Chief Budget Managers) mu nzego zitandukanye, bakaba ari na bo babazwa ikoreshwa ry’ingengo y’imari n’umutungo wa Leta mu nzego bayobora.

Icyicaro gikuru cy’urwego rw’ubutasi mu by’imari aho gikorera muri I &M Rwanda

Aya mabwiriza yasohotse mu Igazeti ya Leta No 25 Bis yo ku wa 22 Kamena 2026, asimbura ayari amaze imyaka ine akoreshwa, agamije guhuza ingamba zo kurwanya iyezandonke n’Itegeko ryo mu 2025 ryerekeye gukumira no guhana iyezandonke, gutera inkunga iterabwoba no gutera inkunga ikwirakwizwa ry’intwaro za kirimbuzi.

Mu makosa ahanishwa ibihano bikomeye harimo kutamenyesha FIC ko umukiriya cyangwa nyiri umutungo nyakuri ari umuntu washyizwe ku rutonde rw’abaterankunga b’iterabwoba cyangwa abakekwaho ibikorwa by’iterabwoba.

Iyo ikigo gifite amashami mu bindi bihugu, gishobora guhanishwa ihazabu iri hagati ya miliyoni 17 Frw na miliyoni 20 Frw.

Amabwiriza anateganya ibihano bikomeye ku bigo bitubahiriza inshingano zo kumenya neza abakiriya babyo (Know Your Customer).

Urugero, ikigo kitamenya cyangwa ngo kigenzure umwirondoro w’umukiriya na nyiri umutungo nyakuri gishobora guhanishwa ihazabu iri hagati ya miliyoni eshanu (5,000,000FRW) na miliyoni zirindwi z’Amafaranga y’u Rwanda (7,000,000FRW), naho iyo gifite amashami mu mahanga iyo hazabu ikagera hagati ya miliyoni 12FRW na miliyoni 15FRW.

Ikindi gihano gikomeye kireba ibigo bitashyizeho politiki n’uburyo bukurikizwa mu gukumira iyezandonke, bitewe n’ingano y’ikigo n’aho gikorera, amande ashobora kugera kuri miliyoni 15 FRW.

Hari kandi ibihano ku bigo bidakora isesengura ry’ingorane bishobora guhura na zo, ibidategura amahugurwa y’abakozi cyangwa ibidakora ubugenzuzi bwigenga ku ishyirwa mu bikorwa ry’aya mabwiriza.

FIC yanashyizeho ibihano ku bigo bitamenyesha impinduka zabaye ku makuru byatanze igihe byiyandikishaga. Icyo gihe, buri munsi w’ubukererwe uhanishwa ihazabu ya 500.000 FRW mu gihe kitarenze iminsi 30.

Iyo iyo minsi irenze ibikorwa by’ubucuruzi bishobora guhagarikwa kugeza ku mezi atandatu, naho uwongeye gukora iryo kosa ibikorwa bye bikaba byahagarikwa mu gihe cy’amezi 24.

Amabwiriza agaragaza kandi ko ibihano bitareba gusa ibigo, ahubwo bishobora no gufatirwa abagize Inama z’Ubutegetsi, abayobozi bakuru n’abakozi b’ibigo bagize uruhare mu kutubahiriza ibisabwa n’amategeko.

Aya mabwiriza agamije gukaza ubwirinzi bw’urwego rw’imari no gutuma ibigo byose birebwa n’aya mategeko byubahiriza ibisabwa mu gukumira iyezandonke, gutera inkunga iterabwoba no kurinda ko urwego rw’imari rwakoreshwa mu bikorwa binyuranyije n’amategeko.

Sultani Makenga uyoboye urugamba rwa AFC/M23

Mu itangazo bashyize ahagaragara mu mpera z’iki cyumweru, Abayobozi b’uyu mutwe barabanje bibutsa amateka, bavuga ko kuva ku Bwami bwa Kongo kugeza uyu munsi, igihugu cyabaye Repubulika Iharanira Demokarasi ya Kongo.

Bagize bati "Amateka atwigisha ukuri kudahinduka: nta bwoko cyangwa abaturage bashinze imizi ku butaka bwabo babyigomwa ku bushake kubera inyungu za politiki, kabone n’iyo bahura n’urugomo rw’ubutegetsi bwa Tshisekedi bashinja kugira imyitwarire ya jenoside."

Bongeyeho ko Ubutegetsi bwa Kinshasa bwagiranye amasezerano na FDLR, FDNB n’indi mitwe yitwaje intwaro, ndetse bukifashisha n’abacanshuro b’abanyamahanga. Nanone bukoresha FARDC na Wazalendo mu bikorwa by’urugomo byibasira Abanyamulenge n’abavuga Igiswahili, hagamijwe inyungu za politiki.

Bati "Ubutegetsi bwa Kinshasa bugomba kumenya ibi: kuva Repubulika Iharanira Demokarasi ya Kongo yabaho, ubutegetsi bwinshi bwaraje buragenda, ariko abaturage bo bakomeje kubaho, babungabunga amateka yabo n’urukundo bafitiye igihugu cyabo, ari cyo Repubulika Iharanira Demokarasi ya Kongo."

"Igihugu si imbibi zigaragara ku ikarita gusa. Ni ahantu ururimi, umuco wo kubana, umuco nyirizina, imigenzo n’imiterere y’ubuzima, imva z’abakurambere ndetse n’ibyifuzo by’abazadukomokaho. Iyo abaturage bafitanye isano ikomeye n’ubutaka bwabo, uwo mubano urenga inyungu z’ibintu cyangwa amacakubiri ya politiki. Uhinduka ikibazo cy’icyubahiro, umwirondoro n’ubudaheranwa bw’amateka."

AFC/M23 yagarutse ku rugamba rwo mu Minembwe, ivuga ko abaturage baho ari intagamburuzwa

Aba bayobozi, bagarutse ku guhezwa kw’abaturage M23 igamije gutabara, maze bavuga urugero rw’abatuye mu Minembwe, batotezwa, ariko bakaba baranze kuba ingaruzwamuheto.

Mu minsi ishize, i Minembwe habaye isibaniro rikomeye mu ntambara ya M23, na Leta ya Congo ifatanyije n’Abarundi, FDLR, abacanshuro n’abandi bafite umugambi wa Jenoside, ariko, amakuru avuga ko M23 yabagamburuje.

Muri iri tangazo, M23 yagaragaje ko bibabaje kubona Leta iheza abaturage, ariko ikibagirwa ko mu mibabaro bashobora kwishakamo imbaraga zo gutwaza.

Bagize bati "Kugerageza gutera ubwoba abaturage, kubashyira ku ruhande cyangwa kubambura uburenganzira bwabo bishobora kubakururira imibabaro ikomeye. Ni yo mpamvu Abanyekongo bo mu Burasirazuba, mu misozi miremire ya Minembwe, banze guheranwa. Muri ibyo bibazo, bagaragaza ubushake bwo gukomeza kubaho. Abaturage bunze ubumwe ntibashobora gusibwa mu mateka yabo. Ahubwo, ibihe by’ingorane akenshi birushaho gukomeza ubumwe, ubufatanye n’ubushake rusange."

"Kubaho kw’abaturage ntibigarukira gusa ku bigaragara. Binasobanura kubungabunga amateka yabo, umuco wabo ndetse n’uburenganzira bw’ibanze bwo kubaho mu mutekano no mu cyubahiro. Ni muri uwo murongo amategeko mpuzamahanga ashimangira kurinda abasivili, kubahiriza uburenganzira bw’ibanze bwa muntu no kwamagana uburyo bwose bwo gutoteza abaturage."

Icyo bongeraho kandi, nuko imbaraga z’abaturage zidashingira gusa ku mutungo cyangwa ku bushobozi bafite. Zipimirwa kandi ku bushobozi bwo kwihanganira ibigeragezo bataretse ubumuntu bwabo, gukomeza guhererekanya umurage wabo no gukurikirana icyifuzo cyabo cyo kubona amahoro ashingiye ku butabera mu gihugu cyabo.

Ubutegetsi bwa Tshisekedi burikenya

M23 yaburiye Tshisekedi igira ati "Amaherezo, amateka atwibutsa ko nta butegetsi bwubaka ejo hazaza harambye bushingiye ku bwicanyi cyangwa ku guhakana uburenganzira bw’abandi."

"Ni yo mpamvu intsinzi nyakuri itari mu gutegekesha igitugu, mu gucamo abantu ibice cyangwa mu guheza abaturage bazira umwirondoro wabo. Ahubwo iri mu bushobozi bwa buri muryango nyarwanda cyangwa buri muryango mugari w’abaturage bwo kubana mu mutekano, mu cyubahiro no mu kubahana."

"Abaturage bashinze imizi ku butaka bwabo ntibareberwa mu bwoba. Basobanurwa no kwihangana, kubungabunga amateka yabo no kwizera ko ejo hazaza habo hatagomba kugenwa n’iterabwoba cyangwa urugomo, ahubwo hakubahirizwa byuzuye uburenganzira bwabo bw’ibanze n’agaciro k’ubumuntu bwabo."

Uyu muhango witabiriwe n’abasaga 400; biganjemo Abanyarwanda batuye mu mujyi wa Brazzaville n’inshuti zabo, abagize guverinoma, abahagarariye ibihugu byabo muri iki gihugu ndetse n’Imiryango mpuzamahanga ndetse n’abayobozi mu nzego zitandukanye muri Congo.

Umushyitsi mukuru yari Nyakubahwa Denis Christel Sassou N’Guesso, Minisitiri w’ubutwererane mpuzamahanga no Guteza Imbere Ubufatanye hagati ya Leta n’Abikorera

Mu ijambo yagejeje kubari bitabiriye uyu muhango, Ambasaderi w’u Rwanda muri Congo,
Bwana Parfait Busabizwa, yavuze ko uyu munsi ari umunsi ukomeye mu mateka y’u Rwanda. Yagarutse ku rugamba rwo kubohora u Rwanda, aho Ingabo za RPA zari zirangajwe imbere na Gen. Maj. Paul Kagame zavanye igihugu mu mwijima, zigahagarika jenoside yakorewe abatutsi; none ubu u Rwanda rukaba ari igihugu gifite icyerekezo kibereye Abanyarwanda b’ingeri zose.

Yasobanuye ko mu myaka 32 ishize, u Rwanda rwageze kuri byinshi byiza byatumye isura yarwo ihinduka mu ruhando rw’amahanga, anasangiza abitabiriye uyu muhango iterambere u Rwanda rwagezeho mu bukungu n’imibereho myiza y’abaturage hagendewe kuri gahunda y’icyerekezo 2050, ati: “n’ubwo hari ibyagezweho, u Rwanda rukomeje urugendo rwo kuzamura urwego rw’iterambere

Ambasaderi Busabizwa, asoza ijambo rye yashimiye leta ya Congo ku mubano mwiza ifitanye n’u Rwanda, ndetse n’ubushake yagaragaje mu gushimangira ko ishyigikiye Isoko Rusange rya Afurika (ZLECAf/AfCFTA) ndetse n’ingamba zigamije koroshya urujya n’uruza rw’Abanyafurika hagati y’ibihugu byabo.

Yahamagariye kandi urubyiruko rw’u Rwanda gukomeza kurangwa n’indangagaciro z’ubunyangamugayo, gukunda igihugu no gukora cyane, avuga ko ari byo shingiro rya Kwibohora.

Abitabiriye ibi birori basusurukijwe n’itorero Amaliza ry’abanyarwanda batuye I Brazzaville ndetse n’itsinda ndangamuco ryo muri Congo ryitwa Fantastique.

Yabigarutseho ubwo hasazwaga amarushanwa y’Igikombe cyo Kwibohora 2026 kuri uyu wa 04 Nyakanga 2026, kuri Sitade ya Kigali Pelé, ahabereye imikino ya nyuma ya ruhago mu byiciro by’abagabo n’abagore.

Minisitiri Marizamunda yashimangiye ko, uretse guhatana, aya marushanwa y’Igikombe cyo kwibohora afasha gushimangira ubufatanye, ubumwe n’ubwuzuzanye hagati y’abasirikare, ndetse no guteza imbere ubuzima bwiza n’imibereho irangwa n’imyitwarire myiza binyuze muri siporo.

Minisitiri w’Ingabo, yagaragaje ko umurage w’ubwitange no guharanira gutsinda byaranze Ingabo za RPA mu rugamba rwo Kubohora u Rwanda n’ubu ugikomeje kuranga Ingabo z’u Rwanda aho zikorera hose no mu bihe byose.

Umugaba Mukuru w’Ingabo z’u Rwanda, Gen MK Mubarakh, yashimiye amakipe yose yitabiriye aya marushanwa ku bwitange, imyitwarire myiza n’ikinyabupfura yagaragaje kuva yatangira kugeza asojwe.

Aya marushanwa yasojwe muri Ruhago, mu cyiciro cy’abagabo, Abarinda Umukuru w’ igihugu begukanye igikombe batsinze BMTC Nasho ibitego 3–0. Mu cyiciro cy’abagore, Serivisi y’Ubuvuzi mu Ngabo yegukanye igikombe itsinze Military Police ibitego 2–1.

Muri Volleyball igikombe cyegukanywe na SOF mu gihe muri Basketball, igikombe cyatwawe na BMTC Nasho.

Yagize ati ko ibikorwa by’Ingabo z’u Rwanda bizakomeza guterwa inkunga hifashishijwe ingengo y’imari ya Leta ndetse n’inkunga ituruka mu Muryango w’Ubumwe bw’u Burayi, nk’uko byagiye bikorwa mbere.

Nk’uko ikinyamakuru cya ClubOfMozambue kibitangaza, Perezida Daniel Chapo yavuze kandi ko iyo nkunga izakomeza gutangwa kugira ngo Ingabo z’u Rwanda zibashe gukomeza ibikorwa byazo birimo n’amahugurwa ahabwa inzego z’umutekano za Mozambique.

Perezida Chapo yanavuze ko mu nkunga EU itanga nta ntwaro zirimo, ariko yongeraho ko hari ibiganiro bikomeje hagati y’impande zombi bigamije gukomeza amasezerano asanzwe y’ubufatanye.

Uretse ibikorwa bya gisirikare bigamije kurwanya iterabwoba, yavuze kandi ko hari na gahunda yo gushaka inkunga igamije kongera kubaka ibikorwa remezo byangijwe mu Ntara ya Cabo Delgado.

Mu kiganiro yagiranye n’abanyamakuru, Perezida Chapo yagaragaje ko Leta ye izakoresha uburyo bwose bushoboka kugira ngo urugamba rwo kurwanya iterabwoba rutabangamira gahunda z’iterambere ry’Igihugu.

Yagize ati: “Guverinoma ikomeje gufungura inzira zose zishoboka mu kugera ku mahoro, harimo n’ibiganiro. Biragoye kumenya igihe iterabwoba rizarangirira, ariko dukora ibishoboka byose, harimo n’ibiganiro, kugira ngo rirangire. Icyo twifuza ni amahoro, kuko ari yo shingiro ry’iterambere.”

Perezida Daniel Chapo yasoje ashimangira ko amahoro ari ingenzi mu iterambere rirambye, anagaragaza ko guhosha intambara ari intego ikomeye ya Guverinoma.

Abantu b’ingeri zitandukanye, urubyiruko, abakuze ndetse n’imiryango batangiye kuhagera mu masaha ya kare, bamwe bagaragaza ibyishimo n’inyota yo kubona abahanzi bakunda ku rubyiniro, by’umwihariko Bruce Melodie na The Ben, bakomeje guhangana mu buryo bw’imyidagaduro muri uru rugendo rw’ibitaramo.

Iki gitaramo cyabereye mu Karere ka Rubavu, ndetse nk’uko byari byitezwe cyane ntabwo abakunzi b’umuziki batengushye abateguye ibitaramo bya Summer Country Tour ugereranyije n’ahandi byanyuze. Urugendo rusoza ibi bitaramo byazengurutse Igihugu, rukaba rukurikiye ibindi byabereye i Musanze, Nyagatare na Nyamata mu Bugesera.

Abinjiraga kuri Stade bagaragazaga akanyamuneza, bamwe bambaye imyenda bafite n’ibyapa bigaragaza aho bahagaze hagati y’aba bahanzi bombi (Bruce Melodie na The Ben), ndetse abandi baririmba indirimbo zabo mbere y’uko igitaramo gitangira, ibintu byatanze isura y’uko umuziki Nyarwanda ukomeje kugira abafana benshi kandi b’indahemuka.

Uretse Bruce Melodie na The Ben nk’abahanzi nyamukuru, iki gitaramo kandi cyatumiwemo n’abandi babiri barimo Kitoko na Bwiza, na bo bahawe amahirwe yo kwegera abakunzi babo muri uru rugendo no kurushaho kubashimisha mu bice bitandukanye by’igihugu.

Abateguye ibi bitaramo batangaje ko Summer Country Tour igamije guhuza imyidagaduro n’iterambere ry’ubukungu, aho no mu bice byaberagamo ibitaramo hashyirwaga ibikorwa by’imurikagurisha bifasha abacuruzi bato n’abahanzi kugaragaza ibihangano byabo.

Abahawe izu nzu ni abo mu Mudugudu wa Bikingi, Akagari ka Kijote, Umurenge wa Bigogwe mu Karere ka Nyabihu.

Bamwe mu baturage batujwe muri izi nzu bavuga ko babonye impinduka zikomeye mu mibereho yabo, ndetse ko kuba babonye aho kuba heza ari kimwe mu bimenyetso byo kwibohora.

Mukakimenyi Florida, umwe mu bubakiwe inzu, yavuze ko nyuma y’imyaka myinshi abunza akarago, yishimiye kubona aho kuba heza.

Yagize ati "Nibohoye nanabohowe. Nari maze imyaka myinshi mbunza ikirago. Kuri uyu munsi ntabwo naryamye ngo nsinzire kubera ibyishimo byandenze cyane. N’umuryango wanjye twararanyemo, twari dufite ibibazo biturenze. Kuri njye uyu munsi wabaye udasanzwe."

Naho uwitwa Nshimiyimana Obed, yavuze ko kubona inzu ari umugisha ukomeye we n’umuryango we bagize, anashimira ubuyobozi bwiza bw’igihugu. Yagize ati "Bampaye inzu kandi nta nzu nagiraga. Nabagaho nkodesha kandi nta bushobozi mfite. Nabagaho mu buzima budashobotse. Igisubizo nakibonye, ndashimira ubuyobozi bwiza bwa Leta."

Minisitiri w’Intebe Nsengiyumva Justin,yashimangiye ko Umunsi wo Kwibohora ari umwanya wo kuzirikana urugendo rwo kubohora igihugu, guhagarika Jenoside yakorewe Abatutsi mu 1994, no guhitamo inzira y’ubumwe n’ubwiyunge yatumye u Rwanda rwubaka igihugu gitekanye kandi gitera imbere.

Yagize ati "Uyu munsi turishimira ko mu mezi atatu ashize, hirya no hino mu gihugu, ku bufatanye n’Ingabo z’u Rwanda, inzego z’ibanze n’abaturage, hakozwe ibikorwa by’ubwitange n’urukundo bigamije guhindura imibereho y’abaturage. Ikindi twishimira ni uruhare rw’abaturage ubwabo mu bibakorerwa. Muri iyi gahunda, uruhare rw’abaturage binyuze mu bikorwa by’umuganda barigaragaje cyane."

Yakomeje avuga ko urugendo rwo kwibohora rugikomeje.Yagize ati "Nyuma yo gutsinda urugamba rw’amasasu, dukomeje urugendo rwo kwibohora ibikibangamiye iterambere ryacu."

Yashimiye abaturage uruhare bagira mu bikorwa bibagenewe, anabashishikariza gukomeza kubigira ibyabo kugira ngo birambe kandi bikomeze kubagirira akamaro.Yanabasabye kuzirinda no kuzifata neza kugira ngo zizakomeze kubafasha kubaho neza no guteza imbere imibereho yabo.

Izi nzu zuzuye zitwaye amafaranga y’u Rwanda miliyoni 45 (45,000,000 Frw). Zubatswe mu gihe cy’amezi atatu, aho imirimo yo kuzubaka yatangijwe n’inzego z’umutekano ku wa 9 Werurwe 2026, maze zitahwa ku mugaragaro ku wa 4 Nyakanga 2026.

Yagize ati “Ndagira ngo ntangire nshimira abahoze ari ingabo za RPA ku butwari n’ubwitange bagize ku byahinduye amateka y’igihugu cyacu. Benshi muri bo, ntabwo bagize amahirwe yo kubaho kugeza kuri uyu munsi ariko ibyo baharaniye biragaragara mu Rwanda tubona.”

Yavuze ko u Rwanda rwamaze imyaka myinshi muri politike yo guheza, gutera ubwoba no kubiba amacakubiri, maze avuga ko intego y’urugamba rwo kwibohora yari ugusubiza Abanyarwanda ibyo bari barambuwe, kubaho mu cyubahiro kandi bafite gaciro.”

Perezida Kagame ariko yibukije ko ibyo bitekerezo bibi bikiriho kandi bikigaragara hirya no hino mu karere u Rwanda ruherereyemo, maze agira ati “Kandi twarababaye bihagije ku buryo tudashobora na rimwe gufata ibi bitekerezo nk’ikintu cyoroshye.”

Yanavuze kandi ko umutekano n’imiyoborere myiza u Rwanda rufite uyu munsi ari umusingi w’ibyo rwagezeho byose, bityo abishimangira agira ati “Umutekano ujyanye no kubaho kwacu, ntabwo tuwushakira gushimwa n’ab’ahandi. Tudafite umutekano ntakindi cyashoboka. Ni yo mpamvu dukomeje kuba maso kandi tugahagarara ku byo twemera.”

Perezida Kagame yavuze kandi ko ibyabaye mu Rwanda bitazongera kubaho ukundi, kubera impamvu imwe yoroshye: “ntituzigera tubyemera.”

Perezid Kagame yavuze ko nk’abababanjirije, urubyiruko rw’uyu munsi rugomba kumva neza ko nta wundi ufite inshingano ku Rwanda kurusha Abanyarwanda ubwabo.

Yibukije ko muri urwo rugendo hari abashobora “kudushyigikira hari n’abo tutemeranya ku bintu bimwe na bimwe cyangwa batumva icyo dushaka. Gusa icyo tuzi ni uko amaherezo bose bashobora kudutera umugongo igihe babishakiye. Twe ntayandi mahitamo dufite.”

Yibukije ko ari inshingano z’Abanyarwanda kureba ko Umunyarwanda wese ashobora kubaho mu mahoro no gutera imbere mu gihugu cye, ashimangira ko ari yo mpamvu kwibohora bitazigera birangira, ahubwo bizakomeza kujyana n’igihe.

Yavuze ko kandi bizakomeza kugaragarire “mu mbaraga dushyira mu kuzamura imibereho y’abaturage bacu uko imyaka ishira."

Yagize ati “Ahazaza dukwiriye hari imbere yacu. Nidukomeza kubaka ubumwe tukanga amacakubiri ayo ari yo yose kandi tugashyira imbaraga mu byo twubaka dufatanyije ntakizatunanira. Ibyo twakoze mu myaka 32 ishize birivugira. Dukomeze inzira nziza, ari yo twahisemo.”

Ni ijambo yashoje yifuriza Abanyarwanda bose Umunsi mwiza wo Kwibohora.

Imirimo yo kubaka izo nzu yakozwe binyuze mu bikorwa by’ubufatanye bw’Ingabo na Polisi bigamije guteza imbere imibereho myiza y’abaturage (DSCOP2026).

Abahawe inzu bashimiye ubuyobozi bukuru bw’Igihugu budahwema kubatekerezaho, babwizeza kuzazifata neza zikazagirira akamaro n’abandi bazabakomokaho.

Costazia Akingeneye wo mu Murenge wa Mugunga, ni umwe mu bagenerwabikorwa bahawe inzu, avuga ko yagwiriwe n’ibiza byamusenyeye inzu, bikamutwarira imirima n’amasambu, agasigara ahagaze amaranasa n’umuryango w’abantu batanu.

Ati "Tubaho nabi mu buzima bubi, tutagira icyo kurya, kuryamaho, tuba ku gasozi. Leta y’Ubumwe yo kagira Imana mu Rwanda, Nyakubahwa Paul Kagame yohereje abayobozi ngo baze kureba ibyo bibazo byabaye iwacu, biba ngombwa ko badukura aho hantu bajya kudukodeshereza inzu, tuzimazemo imyaka ibiri."

Yungamo ati "Muri iyo myaka ibiri twabayeho neza kubera kudutangira amafaranga ya banyiri nzu. Imyaka ibiri aho ishiriye twumva inkuru nziza ivuga ko bagiye kutubakira inzu, barazubatse ziruzura. Ni inzu nziza cyane, zirimo umuriro, ibigega by’amazi, ibiryamirwa, ibyo kurya, aho kubika ibyo kurya, mbese tubayeho neza mu buzima. Nyakubahwa Paul Kagame adukuye ahantu hakomeye. Turi imiryango 12 yubakiwe, n’abandi basigaye inyuma nizeye ko barimo kubazirikana."

Muri rusange abubakiwe barashimira ubwitange n’umurava by’Ingabo na Polisi by’Igihugu babafashije kububakira inzu hamwe n’abaturage babaye hafi mu mirimo yose yakozwe kugira ngo zigere aho bazitaha.

Babikuye ku mutima kandi abasenyewe n’ibiza bashimiye Perezida Paul Kagame udahwema kubazirikana no kubashakira ibyiza bamwizeza kuzafata neza inzu bahawe.

Akingeneye ati "Izi nzu mureba zirakomeye ntaho zizajya, tuzaziraga abuzukuru n’abuzukuruza, ku bw’imbaraga za Nyakubahwa Paul Kagame uhora atuzirikana uko buceye n’uko bwije, aduhozaho umutima, Imana izamuhe umugisha, abantu twahuye n’ibiza turamushima ku buryo bukomeye cyane. Izi nzu tuzazifata neza, tuzazigirira isuku umunota ku munota, tuzazigira igikorwa cyiza cya Leta, ku buryo azajya yohereza abantu bo kudusura bagasanga tubayeho neza."

Ibi birori byitabirwa na Perezida w’Urukiko rw’Ikirenga Domitille Mukantaganzwa, Umugaba Mukuru w’Ingabo z’u Rwanda Gen Mubarakh Muganga, Minisitiri w’Urubyiruko Jean Nepo Abdallah Utumatwishima, abayobozi bakuru muri Polisi, ku rwego rw’Intara n’Akarere.

Aya masezerano yashyizweho umukono agamije koroshya no kunoza uburyo u Rwanda rutumizamo ibikomoka kuri peteroli, hifashishijwe inzira ya Tanzania, by’umwihariko ku cyambu cya Tanga, kimwe mu byambu bikomeje gutera imbere mu bushobozi bwo kwakira no kohereza ibicuruzwa.

Ni amasezerano aje akurikira andi u Rwanda rwagiranye n’ibihugu byo mu Karere, arimo n’ayo rwagiranye na Kenya yo gutumiza ibikomoka kuri peteroli binyuze ku cyambu cya Mombasa, agamije kongera inzira z’ubucuruzi no kugabanya imbogamizi zishobora guterwa n’inzira imwe rukumbi.

Iyi gahunda iri mu murongo wa Leta y’u Rwanda wo gushaka uburyo burambye bwo kubona ibikomoka kuri peteroli ku giciro cyiza kandi mu buryo bwizewe, binyuze mu kongera ubufatanye n’ibihugu by’abaturanyi.

U Rwanda, nk’igihugu kidakora ku nyanja, rukunze guhura n’imbogamizi mu gutwara ibikomoka kuri peteroli, ari na yo mpamvu gukorana n’ibihugu bifite ibyambu bikomeye ari ingenzi mu kuzamura ubukungu.

Aya masezerano agaragaza icyerekezo cy’u Rwanda cyo gukomeza kwagura inzira zitandukanye zo kubona ibikomoka kuri peteroli, mu rwego rwo kwirinda ihungabana ry’isoko no gukomeza iterambere rirambye.

Byitezwe ko ubufatanye nk’ubu buzakomeza gushimangira umubano w’u Rwanda n’ibihugu byo mu Karere, no guteza imbere ubucuruzi n’iterambere ry’ingufu muri Afurika y’Iburasirazuba.

RNEC ni iki?

Rwanda National Energy Company (RNEC) ni ikigo cya Leta cyashyizweho kugira ngo gishyigikire gahunda z’Igihugu zijyanye n’ingufu, by’umwihariko mu gutumiza no gukwirakwiza ibikomoka kuri peteroli mu Rwanda.

Iki kigo gifite uruhare rukomeye mu gutuma ibikomoka kuri peteroli bibonekera igihe, ku giciro kibasha kigenzurwa, kandi mu buryo burambye, bityo kigafasha mu iterambere ry’inganda, ubwikorezi n’ubuzima rusange bw’abaturage.

Ni amakuru yatanzwe kuri uyu wa Gatatu Nyakanga n’Umuvugizi wa Polisi y’u Rwanda, ACP Boniface Rutikanga, ari kumwe n’Umuvugizi Wungirije wa RDF, Lt Col Simon Kabera, aho batangaje ibikorwa bigiye kumurikwa mu kwizihiza ku nshuro ya 32 Umunsi Mukuru wo Kwibohora.

ACP Rutikanga yavuze ko ibikorwa byakozwe bikubiyemo kubaka inzu z’abatishoboye, amashuri, gutanga serivisi z’ubuvuzi, koroza abaturage amatungo, kubaka ibiraro no gutanga ubwato buzorohereza ingendo z’abaturage bo mu Turere twa Nyamasheke na Rusizi.

Yavuze ko ibikorwa biza kumurikwa hirya no hino mu gihugu, birimo ishuri ryubatswe i Rugarika mu Ntara y’Amajyepfo, ibikorwa by’ubuvuzi ku Bitaro bya Munini mu Karere ka Nyaruguru, inzu 80 zizatuzwamo imiryango 160 mu Murenge wa Muganza mu Karere ka Gisagara, ndetse n’izindi nzu zubakiwe abatishoboye mu Turere twa Kayonza, Rulindo, Gakenke na Nyabihu.

Mu Ntara y’Iburasirazuba haratangwa kandi amatungo magufi ku baturage bo mu Karere ka Kirehe, mu gihe mu Mujyi wa Kigali hazatahwa ibyumba by’amashuri byubatswe mu Murenge wa Rusororo, Akagari ka Rwankuba mu Karere ka Gasabo.

Harashyikirizwa kandi amatsinda y’Imboni z’Impinduka inkunga y’amafaranga yo kubafasha kwihangira imirimo no guteza imbere ibikorwa bibinjiriza.

ACP Rutikanga yavuze ko ibi bikorwa bigamije kunganira gahunda za Leta mu kuzamura imibereho y’abaturage, ashimangira ko inzego z’umutekano zitagamije gusimbura izindi nzego, ahubwo zifatanya na zo mu kugeza serivisi n’iterambere ku baturage.

Yagize ati: "Ntabwo umuturage yishima kubera ko yubakiwe inzu gusa, ahubwo yishimira impinduka iyo nzu imuzaniye mu mibereho ye."

Umuvugizi Wungirije wa RDF, Lt Col Simon Kabera, yavuze ko uretse gufasha abaturage mu bikorwa bitandukanye, ibi bikorwa binatanga akazi ku batuye aho biri gukorerwa, bityo bikagira uruhare mu kuzamura ubukungu bwabo.

Yavuze kandi ko ibikorwa nk’ibyo koroza abaturage bitanga umusaruro urambye, kuko amatungo yororoka, agatanga ifumbire ifasha kongera umusaruro w’ubuhinzi, abaturage bakawugurisha, ubukungu bugatera imbere, na Leta ikinjiza imisoro.

Ati: "Iyo dutanze amatungo, abaturage barayorora agatanga ifumbire, bakeza umusaruro, bakawugurisha, ubukungu bugatera imbere, natwe tukagura ibyo bejeje. Ni urunana rw’iterambere rufasha buri wese."

Ibikorwa byatangajwe biri muri gahunda ya Defence and Security Citizen Outreach Programme 2026, yatangijwe ku wa 9 Werurwe 2026 n’Ingabo z’u Rwanda na Polisi y’u Rwanda ku bufatanye n’izindi nzego za Leta, hagamijwe gufasha abaturage mu mibereho myiza no kubateza imbere.

Ibi byagarutsweho kuri uyu wa Gatanu tariki ya 3 Nyakanga 2026, ubwo ubuyobozi bwa Rwanda Polytechnic bwatangaga ibisobanuro ku makosa yagaragajwe muri Raporo y’Umugenzuzi Mukuru w’Imari ya Leta y’umwaka wa 2024/2025.

Abadepite bagize PAC bagaragaje kutanyurwa n’uko iki kibazo kimaze igihe kigaruka mu igenzura ry’umutungo n’imari ya Leta nyamara ntigikemuke.

Depite Uwumuremyi Marie Claire yabajije impamvu abanyeshuri basabwa amafaranga y’ingwate bakayatanga, ariko barangiza amasomo yabo ntibayasubizwe, nyamara nta kintu baba barangije cy’ikigo.

Depite Niwemahoro Wasilla yavuze ko ikibazo cyakomeje kugaruka muri raporo z’Umugenzuzi Mukuru w’Imari ya Leta, abaza impamvu hatigeze hafatwa ingamba zirambye zo kugikemura, anagaragaza ko bidakwiye ko abanyeshuri badasubizwa amafaranga yabo.

Perezida wa PAC, Depite Muhakwa Valens, nawe yavuze ko bitumvikana ukuntu umunyeshuri yasoza amasomo ariko agataha adahawe amafaranga ye, agaragaza ko ubuyobozi bwa RP bwagombaga kuba bwarakemuye icyo kibazo hakiri kare.

Yagize ati: “Kuki mudategura uburyo bwo kubikemura hakiri kare abanyeshuri bakiri ku ishuri? Ntibyumvikana ko umuntu wize imyaka itatu yabura kubera gushaka kumusubiza amafaranga ye.”

Yagaragaje kandi ko bitumvikana kuba ishuri rifite imyirondoro y’abanyeshuri ryabura uburyo bwo kubageraho kugira ngo basubizwe amafaranga yabo.

Asubiza ibi bibazo, Umuyobozi Mukuru Wungirije wa Rwanda Polytechnic ushinzwe Imari, Jean Pierre Nkuranga, yavuze ko iki kibazo gikomereye ishuri kuko hari abanyeshuri barangije kera, bamwe bakaba bamaze imyaka igera kuri 15 bataraboneka.

Yagize ati: “Kubabona biragoye kuko hari abahinduye aho batuye, abandi nta makuru yabo dufite ahamye.”

Yavuze ko muri uyu mwaka bamaze gusubiza miliyoni 8 Frw ku banyeshuri babashije kuboneka, anongeraho ko iki kibazo kizashyirwa mu mihigo y’abakozi kugira ngo hakorwe ubushakashatsi bwo gushaka abatarabona amafaranga yabo.

Ati “Amafaranga RP igomba gusubiza abayirangijemo ni miliyoni 252 Frw tuzakomeza kugerageza kubashakisha abazajya baboneka bazajya bayahabwa”.

Yakomeje avuga ko aho bizananirana hazitabazwa inzego zibishinzwe hagafatwa icyemezo kijyanye no gukura iyi myenda mu bitabo by’imari ya Leta.

Gusa iki gisubizo nticyakiriwe neza n’Abadepite, bagaragaza ko bidakwiye kuba igisubizo kirambye ku kibazo kimaze imyaka myinshi kigaruka mu igenzura ry’imari ya Leta.

Mu bisobanuro Ishuri Rikuru ry’Imyuga n’Ubumenyingiro (Rwanda Polytechnic) ryatanze rntabwo ryagaragaje umubare w’abagomba guhabwa ingwate yabo ndetse n’ingwate buri munyeshuri asabwa.

Mu gihe ikibazo cyo mu burasirazuba bwa RDC gikomeje gufata indi ntera kandi hakibazwa niba Amerika ikomeje kutabogama muri dipolomasi yayo, hari ikintu kimwe kigaragara neza: kwerekana amakimbirane amaze imyaka myinshi nk’aho ari "inkuru y’umugome witwa u Rwanda" bishobora kuba bifitiye bamwe akamaro muri politiki, ariko si uburyo bwatanga ibisubizo birambye.

Niba hari icyo akarere k’Ibiyaga Bigari kamaze imyaka isaga mirongo itatu kiga, ni uko amahoro adashobora kubakwa ashingiye ku nkuru ziyobya abantu cyangwa kuri dipolomasi ibogamye.

Mu mwaka wa 2012 na bwo habaye ibintu bisa n’ibi, ubwo u Rwanda rwashyirwagaho igitutu gikomeye n’ibihano mpuzamahanga. Icyakora, ibyo bihano ntibyagize uruhare rugaragara mu gukemura ikibazo, kuko impamvu nyamukuru zatumaga umutekano mucye ukomeza zagumyeho uko zakabaye.

Ndetse n’ikibazo cyongeye kubura nyuma y’imyaka hafi icumi cyerekana ko gukomeza gufata u Rwanda nk’"impamvu nyamukuru" y’umutekano mucye mu burasirazuba bwa RDC bituma ibindi bibazo by’ingenzi bimaze hafi imyaka mirongo itatu bititabwaho.

Abashakashatsi benshi, harimo n’abatagirira impuhwe u Rwanda, bagaragaza ko umutekano mucye mu burasirazuba bwa RDC uterwa n’ibintu byinshi birimo imiyoborere idakomeye, ruswa, amakimbirane ku bwenegihugu no guheza amoko amwe, ubwiyongere bw’imitwe yitwaje intwaro, ndetse n’ihangana ry’inyungu z’umutekano mu karere.

Bamaze igihe bavuga ko gusobanura aya makimbirane nk’aturuka gusa ku mabuye y’agaciro cyangwa ku kwivanga kw’ibihugu byo hanze ari ugukabya koroshya ikibazo gikomeye cyane. Banavuga ko gushyira igitutu ku Rwanda rwonyine bidafite ishingiro kandi bidashobora gutanga ibisubizo birambye. Leta ya Congo ubwayo igomba kubazwa inshingano zayo niba amahoro arambye ashakwa.

Intege nke z’imiyoborere zikomeje kuba imwe mu mpamvu z’ingenzi z’iki kibazo. Kuba Leta ya Congo idafite ububasha busesuye ku butaka bwayo no kuba inzego z’umutekano zidafite ubumwe, byateje icyuho cy’ubutegetsi kimaze igihe. Muri icyo cyuho havutse imitwe myinshi yitwaje intwaro, yishingikiriza ku bibazo abaturage bafite, irushanwa rya politiki ndetse n’ubushobozi buke bwa Leta bwo gutanga umutekano na serivisi z’ibanze.

Kugeza ubu, imitwe irenga 200 yitwaje intwaro ikorera mu burasirazuba bwa RDC, bikaba bituma ako gace kaba kamwe mu turere dufite ibibazo by’umutekano bikomeye kurusha ahandi ku isi, ndetse bikagira ingaruka no ku bihugu bituranye.

Muri iyo mitwe harimo na FDLR, imaze imyaka myinshi ikorera ku butaka bwa Congo. Uwo mutwe washinzwe n’abasigaye mu bakoze Jenoside yakorewe Abatutsi mu Rwanda mu 1994, bahungiye mu burasirazuba bwa Congo nyuma y’uko ubutegetsi bwabo butsinzwe. Kuba uwo mutwe ugikomeje kuhakorera mu rwego rw’umutekano rudafite gahunda ihamye byakomeje guteza amakimbirane no kwisubiramo kw’ibikorwa by’urugomo mu karere.

Ikindi gihangayikishije kurushaho ni uko hari raporo zitandukanye zerekana ko iyo mitwe yitwaje intwaro idakora yonyine. Itsinda ry’impuguke z’Umuryango w’Abibumbye ryagiye risohora raporo zigaragaza ko hari igihe bamwe mu basirikare ba FARDC bafatanya mu bikorwa n’imitwe yitwaje intwaro itandukanye, harimo na FDLR. Ubu bufatanye bugaragaza uburyo inzego z’umutekano zidafite ubumwe, zishingiye ku nyungu z’ako kanya, ku buyobozi budakomeye no kwishakira amaramuko.

Ruswa na yo irushaho gushinga imizi muri iyi gahunda icogoza inzego za Leta, ihungabanya imiyoborere y’ingabo, kandi igafasha imiyoboro y’imitwe yitwaje intwaro ikomeza guteza umutekano mucye.

Abavuga ko amakimbirane yose ashingiye ku mabuye y’agaciro na bo birengagiza urugomo rwa politiki n’urw’umubiri rukomeje kwibasira abaturage bamwe, cyane cyane Abatutsi b’Abanyekongo, harimo amakimbirane amaze igihe ku bwenegihugu no ku buryo bagomba kwemerwa nk’abaturage buzuye.

Abo baturage bakomeje guhura n’ihohoterwa ribibasira, ivangura, imvugo zibiba urwango no kuvanwa mu byabo. Ibi byose bikomeje kongera umutekano mucye no guteza urwikekwe hagati y’ibihugu byo mu karere, harimo no gukomeza ingengabitekerezo ya Jenoside.

Nk’uko Perezida Paul Kagame akunze kubivuga, u Rwanda ni "igitonyanga mu nyanja" y’ibibazo bya RDC. Umuntu ashobora kubyemera cyangwa ntabishyigikire, ariko igitekerezo nyamukuru kiracyahari: gushaka gushyira ikibazo ku bandi ntibizagikemura. Impamvu z’aya makimbirane zishingiye cyane ku bibazo biri imbere muri RDC ubwaho, haba muri politiki no mu rwego rw’umutekano.

Ibihano bifatwa hashingiwe ku nyungu za politiki mpuzamahanga bishobora kugaragaza ubutumwa bwa dipolomasi mu gihe gito, ariko amateka yagiye agaragaza ko bidatanga amahoro arambye.

Iri kosa mu yandi yagaragajwe n’Umugenzuzi Mukuru w’Imari ya Leta, ryateye impungenge Komisiyo y’Inteko Ishinga Amategeko ishinzwe gukurikirana imikoreshereze y’umutungo wa Leta (PAC) ibaza Umujyi wa Kigali icyo bashingiyeho bakira iyo modoka itajyanye n’iyo bari batumijeho.

Umuyobozi Mukuru ushinzwe Imari n’Ibikorwa by’Umujyi wa Kigali (City Manager), Stella Kabahire, yemereye PAC ko iyo modoka koko yaje itujuje ibasabwa, ariko we avuga ko mu bisabwa 25 byari bikenewe kuri iyo modoka, 4 gusa ari byo itari yujuje, “ibindi byari byihishemo imbere ku buryo byasaba uwakoze iyo modoka kuza akadusobanurira ati ‘iki ni iki, iki ni iki’.”

Kamuhire yavuze ko mu kwishyura rwiyemezamirimo, ibi bisabwa imodoka itari yujuje bagiye babibarira amafaranga bakayamukata.

Mu buryo bugaragaza kutanyurwa, Perezida wa PAC, Valens Muhakwa, yahise amubaza ati “Mwebwe mugena ibyo imodoka isabwa mwari mwabikuye he (kuko ni mwe mwanditse inyandiko igaragaza ibisabwa muravuga muti ‘imodoka igomba kuba yujuje ibi’),” maze ababaza niba mu kugenzura imodoka bahawe uwayikoze yarabibahishe.

PAC yagaragaje ko mu bisobanuro Umujyi wa Kigali watangaga harimo ibidasobanutse kuko bigaragara ko Umugenzuzi Mukuru w’Imari ya Leta abasura, na bo batari bazi aho ibyo bisabwa iyo modoka itujuje bihishe bityo bakaba barayakiriye bazi ko itabifite.

Depite Liliane Umuteze yagize ati “Aho zari zihishe, abagenzunzi bahari ntimwari mwarayakiriye? Bivuze ngo mwayakiriye mutaramenya ko bihari.”

Mu kumwunganira, Umugenzuzi Mukuru w’Imari ya Leta Wungirije, Jean Claude Munyanturire, na we yavuze ko iyo modoka ku rupapuro bayakiriyeho byagaragaye ko mu bisabwa 25 ibisabwa 9 gusa ari byo yari yujuje kuko ahandi bagendaga buzuzaho ko itabyujuje (not applicable). Ikindi yagaragaje ni uko iyi modoka yagombaga kugira ibiro 12,970, ariko bo bakabazanira imodoka ipima ibiro 11,170.

Yagize ati “Mu kubagaruza amafaranga rero, bakoze itegeko ry’itatu ryoroshye babagarurira amafaranga ahwanye na biriya biro ibura aho gukuriza ibisabwa idafite.”

Munyanturire yavuze, ko nubwo Umujyi wa Kigali uvuga ko bawusubije amafaranga y’ibyaburaga ku modoka, bashingiye kuri iyo mibare bayisubije miyoni 1 n’ibihumbi 400FRW.

Kabahire yavuze ko mu bindi Umugenzi Mukuru w’Imari ya Leta yanenze iyo modoka, hari harimo ko yaje bigaragara ko yari yarakoreshejwe hagendewe ku bilometero yari imaze kugenda, kuko byaragaraga ko Umujyi wa Kigali wayakiriye yaragenze ibirometero birenga ibihumbi bibiri (2000km+), maze agaragaza ko ayo makuru atari yo.

Yagize ati “Imodoka yatugezeho imaze kugenda ibirometero biva i Dar-es-Salam bikagera I Kigali (1,500km). Ibindi Umugenzuzi Mukuru w’Imari yabonye ni ibirometero rwiyemezamirimo yakoresheje adufasha kumenyera gukoresho iyo modoka.”

Perezida wa PAC, Valens Muhakwa, mu buryo bugaragaza kutanyurwa yabajije Umujyi wa Kigali niba baba bumva bibanyuze mu mitangire y’amasoko iyo batumizaho ibintu, rwiyemezamirimo akabazanira ibyo yishakiye kandi bakarenga bakabyagira, ariko Umujyi wa Kigali wemera ko koko mu mitangire y’amasoko hari ubwo hazamo amakosa, wizeza PAC kubikosora.

Muri rusange, Umujyi wa Kigali muri raporo zose nta na hamwe wigeze ubona nta mpakemwe, ndetse mu bijyanye n’imikoreshereze y’amafaranga ya Leta ugenerwa wahawe biragayitse naho mu kubahiriza inama z’Umugenzuzi Mukuru w’Imari ya Leta uhabwa 60% gusa, mu gihe ubusanzwe biba bishobora kwihanganirwa iyo biri hejuru ya 80%.

Umuyobozi w’Umujyi wa Kigali, Samuel Dusengiyumva, yabwiye PAC ko ubu bari mu mirimo ya nyuma yo gutanga isoko ryo kubaka icyo kiraro, kuburyo “Igihembwe cya mbere cy’uyu mwaka kizajya kurangira icyo kiraro cyatangiye kubakwa.”

Dusengiyumva yavuze ko ubusanzwe kiriya kiraro kiri mu mushinga mugari wo kubaka imihanda y’ibilometero 215 mu Mujyi wa Kigali, ariko uyu mushinga ukaba warananiye rwiyemezamirimo ku buryo byabaye ngombwa ko isoko rihabwa undi.

Yagize ati “Muri uyu mushinga si iki kiraro cyari kirimo gusa. Haarimo ibiraro bitatu, ariko iki cya Karuruma cyo twasanze gifite imirimo myinshi. Turimo kureba uko imirimo yo kucyubaka yatangira muri iki gihembwe cya mbere cy’ingengo y’imari, kikazaba cyaruzuye bitarenze mu gihe cy’imyaka ibiri kuko ari cyo cyari giteganyijwe.”

Umuyobozi Wungirije w’Umujyi wa Kigali, ushinzwe Ibikorwaremezo, Fulgence Dusabimana, yavuze ko igice cy’uriya muhanda wa Karuruma-Gisozi cyubatswe ariko ikiraro kigasigara kuko cyari kiri mu gishanga kandi bagomba kubanza gukora inyigo y’ubutaka bw’aho kizubakwa.

Ati “Ariko na nyuma yo kubona ibisubizo by’iyi nyigo, byagaragaye ko rwiyemezamirimo adashoboye kugikora. Rero, byabaye ngombwa ko duseza amasezerano tugatangira gushaka undi rwiyemezamirimo.”

Nubwo PAC yabaye nk’igaragaza ko iki kiraro kimaze kudindiraho imyaka ine ariko, umushinga w’Umuhanda Karuruma-Gisozi (uhinguka Belle Etoile) watangiye muri 2017.

Muri 2021, Komisiyo y’Inteko ishinzwe kugenzura ikoreshwa ry’Umutungo wa Leta (PAC) na bwo yawubajijeho Umujyi wa Kigali, maze uwari Umuyobozi Wungirije w’Umujyi, Merard Mpabwanamaguru, ababwira ko uwo muhanda wari waradindijwe no kuba hari ikiraro kigomba kubakwa mu gishanga cya Karuruma ndetse n’ingengo y’imari itari ihagije.

Uyu muhanda waje kubakwa ariko hasigara ikiraro cyo mu gishanga cya Karuruma, kandi ari cyo cyari gihangayikishije kugira ngo imodoka zibone indi nzira zishobora kunyuramo igihe habaye uruvunganzoka rw’imodoka (jam) mu bice bya Gatsata na Nyabugogo.

Mu gihe cy’imvura, iki gishanga cyuzura amazi ku buryo nta modoka iba ishobora kuhanyura, ndetse rimwe na rimwe bikaba ngombwa ko n’abanyamaguru bawukoresha bibasaba kwifashisha abasare babambutsa babahetse mu mugongo.

Minisitiri Nduhungirehe yabigarutseho nyuma y’uko yitabiriye igikorwa cyo kumva imigabo n’imigambi y’abakandida ku mwanya w’Ubunyamabanga Bukuru bw’umuryango wa Francophonie, bikaba ari ubwa mbere byari bibayeho mu mateka.

Iki gikorwa cyabereye i Paris ku wa Kabiri tariki 30 Kamena, kikaba gifatwa nk’umwanya ukomeye mu rugendo rwo guhatanira umwanya w’Umunyamabanga Mukuru w’Umuryango mpuzamahanga w’Ibihugu bikoresha Igifaransa (OIF), aho abakandida bane bahataniye uwo mwanya bumviswe n’Inama idasanzwe ya 47 y’Abaminisitiri bagize uyu muryango (CMF).

Minisitiri Nduhungirehe mu butumwa yashyize ku rubuga rwe rwa X, yagize ati: "Buri mukandida yahawe iminota 20 yo kugaragaza ubunararibonye bwe n’icyerekezo afite kuri OIF, ikurikirwa n’iminota 35 yo gusubiza ibibazo byabajijwe n’abaminisitiri. Iki ni igikorwa cyabaye ku nshuro ya mbere mu mateka y’uyu muryango, kikaba cyarashobotse bitewe n’impinduka mu miyoborere ya OIF zatangijwe n’Umunyamabanga Mukuru uriho, Louise Mushikiwabo."

Yakomeje avuga ko abahagarariye ibihugu 49, barimo abaminisitiri 23, bitabiriye iyi nama. Muri bo harimo abaminisitiri b’ububanyi n’amahanga b’ibihugu bine byatanze abakandida birimo Mauritania, Romania n’u Rwanda bitabiriye imbonankubone, mu gihe Repubulika Iharanira Demokarasi ya Congo (RDC) yo yitabiriye hifashishijwe ikoranabuhanga.

Minisitiri Nduhungirehe yavuze ko muri icyo gikorwa, hagaragaye ibintu bibiri by’ingenzi birimo umwuka mwiza hagati y’abakandida ndetse no kuba muri aba bakandida bose abagore batatu bakomoka muri Afurika mu gihe umugabo ubarimo umwe akomoka ku mugabane w’u Burayi.

Yavuze ko bagaragaje gahunda zabo mu buryo bwubaka, ati: "nta guhangana cyangwa guterana amagambo kwabayeho. Banagaragaje ubusabane mu birori byakiriwe na Perezida w’inama ya CMF, byabaye mu mwuka w’ubwubahane."

Minisitiri w’Ububanyi n’Amahanga Olivier Nduhungirehe, yavuze ko mu bindi byagaragaye harimo itandukaniro mu bunararibonye bw’abakandida by’umwihariko Louise Mushikiwabo.

Yagize ati: "Nubwo abakandida bose bagaragaje ubushake n’icyerekezo, hari itandukaniro ryagaragaye hagati y’ubunararibonye, ubuhanga n’ubumenyi bwimbitse ku mikorere ya OIF bwa Louise Mushikiwabo, n’abandi bahanganye na we. Ibi ariko ntibikuraho ko buri mukandida yagaragaje intego nziza yo guteza imbere uyu muryango."

Amatora nyirizina ku mwanya w’Ubunyamabanga Mukuru wa OIF, ateganyijwe mu mama ya 20 y’Abakuru b’Ibihugu na za Guverinoma bagize Francophonie, izabera i Phnom Penh muri Cambodia ku wa 15–16 Ugushyingo 2026. Aho ni ho hazafatirwa icyemezo cya nyuma cy’ugomba kuyobora Ubunyamabanga Bukuru bwa OIF, hashingiwe ku myanzuro y’abaminisitiri.

Mu ntangiriro z’iki cyumweru, U Rwanda rwasinyanye na Kenya amasezerano y’ubufatanye mu gutumiza ibikomoka kuri peteroli binyuze mu muhora wa ruguru. Aya masezerano yemerera u Rwanda gutumiza ibikomoka kuri peteroli ku masoko mpuzamahanga yo hirya no hino ku isi rukoresheje ibikorwaremezo bya Kenya, haba mu kuyibika ndetse no mu bwikorezi bwayo

Aya masezerano azajyana no kongera ingano y’ibyatumizwaga binyuze muri uyu muhora bive kuri Metero kibe ibihumbi mirongo itanu, bigere kuri Metero kibe ibihumbi magana atanu ku mwaka bigizwemo uruhare na sosiyete ya Kenya Pipeline Company (KPC).

Biteganyijwe ko ubwato bwa mbere butwaye ibi bikomoka kuri peteroli, buzwi nka RNEC 001/2026, buzagera ku Cyambu cya Mombasa hagati ya tariki ya 4 n’iya 6 Nzeri.

Mu myaka ishize, Tanzania yakomeje kujya igaragaza Icyambu cya Dar es Salaam nk’inzira ihendutse kandi ngufi ku mizigo yerekeza mu Rwanda, Repubulika Iharanira Demokarasi ya Congo (RDC) no mu Burundi.

N’ubwo urugendo rwo mu muhanda ruva i Dar es Salaam kugera i Kigali rungana na kilometero hafi 1.300, mu gihe uruva i Mombasa rugera hafi kuri kilometero 1.700, icyemezo giherutse gufatwa n’u Rwanda kigaragaza ko mu bucuruzi bw’ibikomoka kuri peteroli bwo mu Karere, ubuziranenge bw’ibikorwa remezo, icyizere kw’itangwa ry’ibicuruzwa ndetse n’imikorere inoze y’uruhererekane rw’ubwikorezi n’ububiko (logistics) bifite uruhare rukomeye kurusha intera y’urugendo rwonyine.

Mu gihe kirenga imyaka 10 ishize, u Rwanda rwatumizaga hafi 90% y’ibikomoka kuri peteroli rukoresheje umuhora wo hagati (Central Corridor) unyuze ku cyambu cya Dar es Salaam.
Aya masezerano y’ubufatanye hagati y’u Rwanda na Kenya ari muri gahunda y’u Rwanda yo kongera inzira zikoreshwa mu gutumiza ibikomoka kuri peteroli, hagamijwe guharanira ko biboneka ku isoko bihagije kandi mu buryo burambye.

Aya masezerano ahaye u Rwanda inzira ya kabiri ikomeye yo gutumiza ibikomoka kuri peteroli, ikazakora ibangikanye n’iya Tanzaniya.

Amakuru ataremezwa, nuko u Rwanda mu minsi iri imbere u Rwanda ruzasinyana andi masezerano na Tanzaniya, avugurura, kandi akanoza imikorere y’ubucuruzi n’ubwikorezi bw’ibikomoka kuri Peteroli hagati y’ibihugu byombi.

Mu mikorere mishya, hashyizweho Komite ihoraho ishinzwe politiki y’isoresha hagamijwe kongera uruhare rw’abafatanyabikorwa.

Hari kandi gushyigikira ibigo by’imari iciriritse ahazoroshywa ibisabwa mu kubyongerera igihe cyo gusonera imisoro mu rwego rwo gufasha ibigo by’imari iciriritse gutera imbere.

N’aho mu bijyanye no kurushaho kubahiriza itangwa ry’imisoro, Inama y’Abaminisitiri yemeje ko hazongerwa ishimwe rigengerwa abatanga amakuru ku inyerezwa ry’imisoro ndetse no koroshya uburyo bwo gutanga imisoro ku bigo by’ubucuruzi, harimo kuzamura ingano y’umutungo winjizwa n’ibigo by’imari wemejwe n’ababaruramari b’umwuga.

Hemejwe kuvugurura politiki y’imisoro hagamijwe kongera ubudaheranwa n’uburinganire mu kuyishyura, gushyiraho uburyo bushya bwo kubarira imisoro ku bigo by’imari iciriritse, koroshya uburyo bwo gutanga imisoro ku bacuruzi bato n’abikorera.

Izi ngamba zitezweho kongera umusaruro w’imisoro no gufasha ubucuruzi gukora neza mu buryo bworoshye.

Ku muntu ugiye mu Bushinwa bwa mbere, icyo gihugu gishobora kumutera amatsiko no kumurenga kubera ubunini bwacyo. Ku munsi wa mbere gusa, uhita utangazwa n’inyubako ndende zigezweho, gari ya moshi zihuta cyane, n’amateka maremare y’icyo gihugu.

Nyamara, kuva igihe itsinda ryacu ry’abanyamakuru bo muri Afurika ryageraga mu Bushinwa mu rugendo rwamaze icyumweru, kuva ku wa 21 kugeza ku wa 28 Kamena 2026, icyo gihugu kinini cyadutunguye kurushaho kuko cyahise kitwiyumvamo nk’aho turi iwacu.

Uru rugendo ntirwari ubutembere gusa. Ahubwo rwabaye ikimenyetso gifatika cy’ubufatanye bumaze igihe hagati ya Kigali Today Ltd. na Ambasade ya Repubulika ya Rubanda y’u Bushinwa mu Rwanda.

Uko wiyumva uri iwanyu n’ubwo uri kure y’aho uturuka

Kugera mu gihugu utazi kandi utavuga ururimi rwaho bishobora gutera impungenge. Ariko izo mpungenge zose zahise zishira bitewe n’umuntu umwe w’indashyikirwa waduherekeje: Jin Hong, umukozi wa Ambasade y’u Bushinwa mu Rwanda.

Jin Hong ntiyatubereye umuyobozi gusa; yatwakiranye urugwiro n’ubunyamwuga bwo ku rwego rwo hejuru. Yadufashije kuva ku myiteguro y’urugendo, imigendekere yarwo ya buri munsi, kugeza ku buryo yakomezaga kutwitaho no kudukurikirana.

Ubwitange bwe n’ubugwaneza bwe byatumye twe twari tugeze mu Bushinwa bwa mbere twiyumva nk’abahasanzwe kandi twisanzuye.

Ni abantu bafite ubunyamwuga n’umutima nk’uwe bubaka koko ibiraro bihuza ibihugu n’abaturage b’isi.

Kuva kuri gari ya moshi zihuta kugeza ku bigo by’ikoranabuhanga bihindura isi

Gusura u Bushinwa ni nko kwinjira ejo hazaza. Ahantu hose twasuye hagaragaraga iterambere ryihuta, igenamigambi rigezweho ry’imijyi n’ibikorwaremezo byo ku rwego mpuzamahanga.

Tekereza wicaye muri gari ya moshi yihuta cyane, ubona ibice unyuramo birenga nk’umurabyo, ariko icupa ry’amazi riri ku meza imbere yawe ntirinyeganyege. Ibyo ni bimwe mu bimenyetso bigaragaza ubuhanga n’imikorere myiza ya gari ya moshi zo mu Bushinwa.

Twabonye kandi uburyo ibigo bikomeye by’ikoranabuhanga bihindura ejo hazaza h’isi bikora, birimo Alibaba Group na STAR Vision Space Technology.

Mutoni Antoinette, umwanditsi

Kwibonera imbonankubone uburyo ibyo bigo bikoresha ikoranabuhanga byaduhaye isomo rikomeye ryerekana uko ubushakashatsi n’iterambere ry’ikoranabuhanga bishobora kuzamura imibereho y’abaturage bose.

Ariko u Bushinwa si ikoranabuhanga gusa. Twanasuye abaturage bo mu bice bitandukanye, twiga uburyo gahunda z’ubuzima zikora, tunirebera ibikorwa byo kubungabunga ibidukikije. Byose byagaragazaga igihugu cyihutisha iterambere ariko kitibagirwa kwita ku mibereho myiza y’abaturage bacyo.

Kubaka ibiraro by’ukuri binyuze mu itangazamakuru

Kimwe mu by’ingenzi twungukiye muri uru rugendo ni uko twarushijeho gusobanukirwa ko itangazamakuru ari ikiraro gihuza abantu n’ibihugu.

Ku wa 24 Kamena, twitabiriye Inama Nyunguranabitekerezo y’Itangazamakuru hagati y’u Bushinwa na Afurika, aho abanyamakuru bo hirya no hino muri Afurika bunguranye ibitekerezo ku ihindagurika ry’itangazamakuru rishingiye ku ikoranabuhanga n’uko uwo mwuga ugenda uhinduka.

Twagarutse dufite intego ihuriweho kandi isobanutse kurushaho. Mu isi abantu bahora bahujwe n’ikoranabuhanga, inshingano zacu nk’abanyamakuru ni ukwandika inkuru z’ukuri, zifite ireme kandi zigira uruhare mu guteza imbere ubwumvikane, kugaragaza udushya duhuriweho no gukomeza gushimangira ubucuti bumaze igihe hagati y’u Bushinwa na Afurika.

Ndashimira byimazeyo Ambasade y’u Bushinwa mu Rwanda hamwe na All-China Journalists Association kuba barateguye iyi gahunda yo kungurana ubumenyi itazibagirana.

Tugarutse iwacu dufite amakayi yuzuye inyandiko, ibitekerezo bishya bidutera imbaraga, ndetse n’icyizere gikomeye ku bufatanye bukomeje gufungura amarembo mashya atwereka isi.

Muri abo bavandimwe be bapfuye, harimo n’umuvandimwe we Mugenzi Jean Louis wakoraga mu Nama y’igihugu iharanira amajyambere - CND, ubu ni nteko ishinga amategeko.

Ni mu buhamya yatanze ku wa 29 Kamena, mu gikorwa cyo Kwibuka abishwe muri Jenoside bakoraga muri CND, kikaba cyarabereye ku Nteko ishinga amategeko.

Mugenzi Jean Claude avuga ko ubusanzwe bavukaga mu cyari Komini Taba, ubu ni mu Karere ka Kamonyi, bavuka ari abana batandatu. Se yari umunyamategeko wunganira abantu mu nkiko, avocat naho nyina ari umwarimu, ku buryo mu gace bari batuyemo, umuryango wabo wari uzwi cyane.

Mu bihe bitandukanye, se yakorewe itotezwa, yimwa akazi, ndetse aranafungwa. Ababyeyi babo bagiye basobanurira abana ibibazo by’ihohotera bakorerwaga, ariko uko abana bagendaga bakura, ibyinshi nabo barabyiboneraga.

Urwibutso ruriho abazize Jenoside yakorewe Abatutsi bakoraga muri CND, ruriho n’umuvandimwe wa Mugenzi Jean Claude

Nubwo byari bimeze bityo, Mugenzi Jean Claude n’abavandimwe be barize, barangije baza mu Mujyi wa Kigali gushaka akazi. Ni bwo Mugenzi Jean Louis yatangiye gukora mu Nteko ishinga amategeko, atuye i Gikondo, naho Mugenzi Jean Claude atura ku Kivugiza.

Mugenzi Jean Claude, yibuka ko mu 1994, mu biruhuko bya Pasika muri Mata, yumvikanye na mukuru we, ko bajya gusura ababyeyi babo, hanyuma bajyayo, ariko Mugenzi Jean Louis agaruka vuba kugira ngo ajye mu kazi. Murumuna we bari bajyanye yumvise ashaka gukomeza gutinda yo gato. Indege ya Perezida Habyarimana iguye ku itariki 6 Mata 1994, bo ngo bibwiye ko Abatutsi bari i Kigali bagiye gushira, ariko batazi ko n’abari mu cyaro bizahita bibageraho.

Ku itariki 18 Mata 1994, inama yabereye i Gitarama yatumijwe na Perefe, ihuza ba Burugumesitiri b’Amakomini yose, bahabwa amabwiriza, maze bataha bose bumva ko bagomba kuba interahamwe.

Mugenzi yagize ati,” Icyo gihe, Burugumesitiri wacu yitwaga Akayezu Jean Paul. Uyu mugabo arazwi cyane, ndetse yanaburaniye i Arusha aregwa ibyaha bya Jenoside. Bwacyeye rero Abatutsi ba mbere batangira kwicwa. Icyo gihe rero twarahunze tugenda tugana mu gishanga twihishahisha mu bihuru, ariko ntitwari kure yo mu rugo twumvaga ibiberayo, uko basenya inzu, uko inka zitaka nk’izitabaza…”.

Mugenzi yibuka ko bagiye kwihisha ku nshuti y’iwabo yari ahitwa i Kibanza, ariko nawe avuga ko afite impungenge ko bazaza kuhasaka, bidatinze basohokayo bakomeza kwihisha mu ntoki no mu masaka hirya no hino.

Yibuka uko bagerageje kugenda mu masaha y’ijoro ngo barebe uko bagera ku Mugina kuko byavugwaga ko ari ho inkotanyi ziri, cyangwa se ngo bagere za Kabgayi, ariko byari bigoye, bagira ibyago byo guhura n’abicanyi mu mahanda.

Yagize ati, “ Twaguye mu gico cy’abaduhigaga, dutungurwa n’amafirimbi menshi n’amatoroshi, bati turongeye turariye. Tugeze ahitwa mu Kibuza, tugenze nk’ibirometero 15 gusa, twahaboneye akaga gakomeye, turakubitwa, turashinyagurirwa bitavugwa. Hari umwana wari wazanye akabido k’amata, noneho abo bicanyi mu gushinyagurira Data, bayamunywesha ku ngufu. Icyo bashakaga ko kiba ikimenyetso ko uwo twari dutezeho byose, ntacyo yari kutumarira. Muri ikcyo gicuku cyuje imbeho, baraducuje ntibadusigira na busa…”

Abicanyi bafashe icyemezo cyo kubasubiza inyuma aho bari baturutse, kugira ngo bicwe n’ab’aho batuye. Hagari aho, bahingutse ku mupagasi wabahingiraga, avuga ko agiyw kubica, ariko ageze hirya ntiyabica.

Muri ibyo byose banyuragamo, Mugenzi Jean Claude wari ufite imyaka 24, yababazwaga cyane n’uko yaba we cyangwa se ntacyo bashobora gukora ngo barinde abagore n’abakobwa bari kumwe.

Mu mpera za Kamena 1994, bagiye kwihisha ahitwa Remera-Rukoma, Mugenzi yongeye guhura na se, kandi icyo gihe inkotanyi zarimo zisatira ibyo bice, abicanyi nabo batangira guhungira mu cyari Komini Kayenzi kugira ngo bazashobore gukomereza Nyabikenke n’ahandi…

Uko abaturage bagendaga bashira kuri uwo musozi bahunga, Mugenzi n’abo bari kumwe, baje kwisanga basigaye ari abantu cumi na batanu, basigarana ikibazo cy’aho bazanyura ngo bagere ku Nkotanyi kuko za bariyeri zari nyinshi. Icyo gihe, ibirindiro by’ingabo za FAR na byo byagendaga bisubira inyuma bakumva ziza kubavumbura.

Icyakora havuyemo umusore umwe, ashira ubwoba ajya gushakisha inzira imugeza ku Nkotanyi akazibwira ko hari abantu bihishe aho, zikaza kubatwara. Kandi yarabikoze azigeraho.

Umunsi umwe Mugenzi n’abo bari kumwe bagiye kurara mu nzu zari zavuyemo abantu bahunze, bucya ingabo za FAR zabagose, abonye byakomeye asimbuka urugo ariko ntiyagera kure, baramufata.

Yagize ati, “ Mbonye ko byakomeye nasimbutse urugo, ariko sinageze kure, bamfatira hepfo aho, bankubita ikintu gikomeye ntamenye nitura hasi, baterura nk’abaterura umufuka baranzana banshyira aho. Twese rero abagabo baturyamisha aho,ariko abagore n’abagabo bacye, hari ukuntu baciye mu rihumye barabacika…”.

Wa wundi wagiye gushaka Inkotanyi yagarutse azizanye ngo zitabare abo yari yasize, ariko Inkotanyi zisanga ingabo za FAR zabashyize ahantu mu rutoki zitangiye kubicisha, ibyuma zimaze kwica 2 muri bo, mazi zumvise amasasu zibona ko Inkotanyi zije, zitangira kubarasa.

Yagize ati, “ …FAR zibonye ko Inkotanyi zihageze, zararashe haba imirwano ikomeye, ariko bakaba batugejeje munsi aho mu rutoki, batangiye kutwicisha ibyuma, bamaze kwica babiri. Nibwo bumvise ko amasasu atangiye, uwari ubayoboye aravuga ngo nimubirase. Baraturashe baratubabaza, data bamumena umutwe, murumuna wanjye twari kumwe bamurasa mu bitugu, ariko ntibahita bapfa. Aha hantu inkotanyi zaraharwanye cyane, ariko uko zitsimbura abasirikare ba FAR, bagasubira inyuma bagana aho turyamye. Icyo gihe nanjye bandashe mu kuboko, ariko ngerageza kwigira nk’uwapfuye. Uko bagasubiye inyuma batugarutseho, umwe yaravuze ati nimwongere mubirase. Barongeye batumishamo amasasu, umusaza wanjye wasambaga, biba birarangiye."

“Mushiki wanjye wankurikiraga, we bari bamujyanye hirya,ubwo hari impamvu nyine babanje kumujyana hirya, nuko nyuma bamwicira aho. Bakomeje bahunga Inkotanyi zibamereye nabi, maze zingezeho zibona ibimaze kuba, ziti "interahamwe zirabamaze. Numvise Inkotanyi nazamuye ukuboko nti ni Inkotanyi? Ndiyamira, Inkotanyi imwe iraza imfata ukuboko, iranyegura, turazamuka tujya mu gashyamba, aho nasanze inkomere zazo, harimo umwana witwa Kayijuka. Kayijuka nabonaga neza ko muruta. Ariko yari ku murongo w’imbere mu baje kuturokora...”.

Mu buryo bugoye bajyanywe aho bagombaga kuvurirwa muri Murambi ya Muhanga, nyuma bimurirwa Kinazi mu cyahoze ari Ntongwe. Agenda yoroherwa gahoro gahoro. Mu kwezi kwa munani 1994, Mugenzi yamenye amakuru y’aho Nyina na bashiki be babiri bato bari ku Mugina, ari ho Inkotanyi zabajyanye, ahita ashaka uko ajya kubareba arababona.

Ubwo yahise agaruka i Kigali gushaka inzu bazabamo, ashaka n’uko bazabaho ariko akirirwa azenguruka no muri Gikondo mu ngo zitandukanye, ashaka kumenya niba mukuru we, Mugenzi Jean Louis akibaho. Bamwe baramubeshyaga, abandi bakamwima amakuru kandi bayafite, ibyo bifata igihe kirekire. Ariko yaje kubona umusore wari wariganye nawe, azi amakuru yose, ababwira ko Jean Louis yishwe mu kwezi kwa Gatanu akajugunywa mu cyobo, cyajugunywagamo Abatutsi bishwe aho i Gikondo. Imibiri yabo yaje gukurwamo, ijya gushyingurwa mu cyubahiro ku rwibutso rwa Jenoside rwa Kigali ku Gisozi.

Yagize ati, “ Icyuho Camarade yadusigiye, (ni ko twamwitaga), nicyo abandi bakoraga hano twibuka none basigiye imiryango yabo,kandi ntikizasibangana. Iigihango dufitanye nabo, ni uko ari amaraso yacu, naho icyo mufitanye ni uko ari Abanyarwanda kandi bakoreye iyi nteko mukoramo. Icyo gihango rero cyo kigomba gukomeza.Twe icyo dushoboye ni ukubibuka,no kubaha icyubahiro, nk’uko mwabikoze. Imiryango yacu irabibashimira cyane… Tuzahora dushima Inkotanyi zaturokoye, kuko iyo zitahaba, simba ndi aha”.

Ni itangazo ryatangiwe mu biganiro byabaye hagati y’ibihugu n’intumwa yihariye ishinzwe gukurikirana uko uburenganzira bwa muntu bwifashe mu Burundi.

Hamwe n’ibi, u Rwanda rwasabye u Burundi gushyira imbaraga mu kunoza uko iyubahirizwa ry’uburenganzira bwa muntu mu gihugu.

Rwasabye kandi u Burundi gukora impinduka zifatika kandi zizewe mu gihugu, gukorana mu buryo bwubaka ku byerekeye ’Isuzumanwa Ngarukuagihe y’Uburenganzira bwa Muntu’(UPR)’ hamwe n’inzego z’amasezerano mpuzamahanga y’uburenganzira bwa muntu, gukorana n’inzego zo mu Karere zibishinzwe, no kongera kugirana ibiganiro n’Ibiro bya Komisiyo y’Umuryango w’Abibumbye ishinzwe Uburenganzira bwa Muntu (OHCHR).

Rwashishikarije u Burundi gufata ingamba zifatika zo kubaka icyizere mu baturage, kwagura ubwisanzure n’uruhare rw’abaturage mu buzima bwa politiki, no kwemeza ko inzego z’igihugu zirengera uburenganzira n’icyubahiro by’Abanyaburundi bose.

Iyi gahunda izashyirwa mu bikorwa binyuze muri sosiyete ya OQ Trading, ishami mpuzamahanga rishinzwe ubucuruzi bw’ingufu n’ibikomoka kuri peteroli rya Oman.

Izi mpinduka zigamije kugabanya igiciro cya lisansi ku isoko, kurushaho gufasha Igihugu ku bijyanye n’umutekano w’ibikomoka kuri peteroli, no kongera ubushobozi bw’Igihugu mu kugenzura uko peteroli itumizwa mu mahanga.

Mbere y’iyi gahunda, u Rwanda rwatumizaga hafi 30% bya peteroli rukoresheje ibigo by’ubucuruzi byo muri Kenya, mu gihe indi yose yanyuraga ku cyambu cya Dar es Salaam muri Tanzania.

Amasezerano mashya azagabanya uruhare rw’ibyo bigo by’ubucuruzi byigenga, cyane cyane ibyo muri Kenya, mu gutumiza peteroli. Iyi gahunda nshya kandi izagira uruhare rukomeye mu kugabanya ibiciro bya lisansi mu Rwanda no kongera ubushobozi bw’igihugu mu bijyanye n’ingufu.

Ibi bije bikurikira kandi andi masezerano y’ubufatanye mu by’ubukungu hagati y’u Rwanda na Oman yasinywe mu ntangiriro z’uyu mwaka. Muri ayo masezerano harimo ay’ubutwererane mu nzego enye ari zo serivisi z’ubwikorezi bw’ibicuruzwa, Ubwikorezi bwo mu Kirere, Amasezerano y’ubufatanye mu iterambere ndetse n’ay’ikoranabuhanga no guhanga ibishya.

Aya masezerano yasinywe ari mu murongo w’umubano mwiza u Rwanda na Oman bifitanye mu nzego zitandukanye kuva mu 1998.

Iki gikorwa cyabaye mu gihe cyo Kwibuka ku nshuro ya 32 Jenoside yakorewe Abatutsi, by’umwihariko hibukwa abahoze ari abakozi bane b’Inama y"igihugu iharanira amajyambere - Conseil National de Développement (CND) bazize Jenoside yakorewe Abatutsi.

Abakozi bibutswe ku nshuro ya 32 ni ni Gashayija Pierre Célestin, Kayiranga Célestin, Mugenzi Jean Louis na Mukantembe Aloysie.

Uru rwibutso rugizwe n’ibice bine birimo Urukuta rw’Ubutumwa, Inkingi enye z’Urwibutso, Ubusitani bw’Urwibutso n’Urumuri rw’Icyizere.

Senateri Jean Pierre Dusingizemungu yasobanuye ko buri gice muri ibi gifite ubutumwa bwihariye.

Yavuze ko Urukuta rw’Ubutumwa ruhamagarira abarusura gushyira imbaraga mu gukumira Jenoside, kurwanya ingengabitekerezo ya Jenoside, no kurwanya ukuyihakana no kuyipfobya, ndetse no kurandura ivangura n’amacakubiri mu buryo bwose. Yanavuze ko runashishikariza Abanyarwanda kwimakaza ubumwe n’ubudaheranwa nk’ishingiro ry’ejo hazaza.

Ati: "Igice cya kabiri kigizwe n’inkingi enye n’ibimenyetso byo kwibukiraho abakozi ba CND bazize Jenoside yakorewe Abatutsi uko ari bane. Izo nkingi zigizwe n’amabuye yatoranyijwe kubera imiterere yayo karemano n’uburemere bwayo. Ayo mabuye asobanura ’Guhoraho’."

Senateri Dusingizemungu yavuze ko gukoresha amabuye manini karemano bishimangira ko urwibutso rw’abibukwa rushinze imizi kandi ruzahoraho.

Yasobanuye kandi ko uburebure bw’izo nkingi, buruta ubw’umuntu, bugamije gutuma uzireba azegera urwibutso yubashye abishwe muri Jenoside, mu gihe uburemere bw’amabuye bugaragaza uburemere bw’amateka ya Jenoside yakorewe Abatutsi.

Ku bijyanye n’Ubusitani bw’Urwibutso, Senateri Dusingizemungu yavuze ko ari ahantu hagenewe gutuza, kwibuka no gutekereza. Yavuze ko bugizwe ahanini n’ibimera bya cactus, byatoranyijwe kubera ubushobozi bwabyo bwo gukura no kubaho neza no mu bihe bikomeye, bikaba bigereranywa n’ukwihangana, kwigirira icyizere no gukomera k’umutima wa muntu mu bihe by’ingorane.

Ati: "Igice cya kane kigizwe n’Urumuri rw’Icyizere, rukaba ari ikimenyetso cyerekana kudaheranwa n’amateka ya Jenoside yakorewe Abatutsi, ukwihangana n’icyizere cyo gukomeza kubaka igihugu kirangwa n’Ubumwe, Ubudaheranwa n’Iterambere."

Ashimangira iby’icyo kibazo cya Banki y’Abaturage (BPR), Depite Mujawabega Yvonne yagaragaje ko rwose abanyamigabane b’iyo banki, bakomeje kwibaza uko bizagenda ngo babone uburenganzira ku mibane yabo, kuko nta makuru babona.

Depite Mujawabega, yihereyeho ubwe nk’umunyamigabane wa BPR, yavuze ko yatangajwe no kubona ukuntu ikora, asobanura ko kubera ko icyo kibazo cyayo cyo kutishyura abanyamigabane bayo gikomeza kigaruka kenshi, muri Werurwe uyu mwaka wa 2026, yabaye nk’ibeshya ko hari icyo irimo gukora, maze yoherereza amafaranga mu buryo bw’ubutumwa bugufi kuri telefoni (MoMo), yitwa ko ari inyungu ku migabane yabo. Gusa, ayo mafaranga ngo yaje ari macye cyane ku buryo abenshi bibajije uko abarwa, ibishingirwaho agenwa n’ibindi byinshi.

Yagize ati, “ Ayo mafaranga nanjye narayabonye kuri telefoni, nabonye agera ku 1900 Frw, kandi ndi umunyamigabane wa BPR mu myaka isaga 20, nabonye 1900 Frw ku butumwa bwa MoMo kandi ubwo ndi mu babonye menshi, kuko hari bagenzi banjye, twavuganye nabo bayabonye, umwe akavuga ko yabonye 300Frw, undi 600Frw, ukibaza uko izo nyungu zibarwa, icyo banki yashingiyeho ijya kuzigena. Niba umuntu ahabwa inyungu ku migabane zitashobora no kwishyura Mitiweri y’umwana umwe kuri ba bandi baba mu cyiciro cyo hasi kibanza, akaba atagura n’akabido k’amata…”.

Abanyamigabane ba Banki y’Abaturage, mu bihe bitandukanye bakomeje kugaragaza ko usibye kudahabwa amafaranga y’inyungu ku migabane yabo, yagiye igurishwa mu bigo bitandukanye birimo nka Atlass Mara na KCB, batanafite ibyemezo by’amafaranga yabo, ingano yayo n’uko yagiye yunguka, ku buryo uwashaka kuyakuramo yayatwara.

Mu kiganiro n’abanyamakuru cyo ku wa 09 Mutarama 2025, Perezida Kagame yakiriye ikibazo gisa nk’icyo yari yajegejweho mu mwaka wari wawubanjirije wa 2024, ku kibazo cy’abanyamigabane ba BPR bakiri mu gihirahiro cy’imigabane yabo batazi irengero ryayo, kuko batayihabwa cyangwa ngo bahabwe inyungu ziyikomokaho.

Icyo gihe, Perezida Kagame yagaragaje ko nubwo atakurikiranye ngo abe yazanye igisubizo, ariko ikibazo cyabo baturage yakigejeje ku babishinzwe mu nama y’Abaminisitiri ngo gikurikiranwe, kandi ko akeka ko cyahawe umurongo.

Agira ati “Naratumitse, nabwiye ababishinzwe muri Minisiteri ndetse nabivugiye mu Nama y’Abaminisitiri, ariko ikibazo nagize ni uko ntakurikiranye ngo menye uko byagenze ariko naratumitse”.

Nyuma y’icyo gihe, hari amakuru yatangajwe avuga ko Minisiteri y’Imari n’igenamigambi yakurikiranye icyo kibazo, kandi hari amakuru yatangaje ko kugeza mu Ugushyingo 2024, abanyamuryango bato ba BPR bari bamaze kwandikwa.

Yagize ati, “Hari amakuru makeya twakiriye avuga ko kugeza ubu KCB iri gushyira mu buryo bw’ikoranabuhanga amakuru ya buri munyamurynago, kugira ngo azahabwe icyemezo cy’imigabane ye n’uko yungutse, kandi ko bitarenze ukwezi kwa Gashyantare 2025 icyo gikorwa kizaba kimaze kurangira”.

Gen. Ibingira, avuga ko yageze ku rugamba hagati ya tariki 7-10 z’Ukwakira 1990, mbese icyo gihe hari hashize icyumweru kimwe Rwigema arashwe.

Icyo gihe, Ibingira wari Liyetona, avuga ko hari akajagari, nta kizere cyo gutsinda, kandi ubwo icyo gihe yari ataramenya ko Rwigema yapfuye, ariko aho abimenyeye, nawe yumva ko bitazoroha.

Nuko haba inama ya mbere, iyoborwa na Bunyenyezi, hamwe na Bayingana.

Agira ati "Batubwiye ko umwanzi bamumereye nabi, ndetse ko agiye kumanika amaboko, ariko nkibaza ukuntu bishoboka, maze koko kuwa 22 Ukwakira, Bunyenyezi arahaguruka, avuga ko agiye kurasa umwanzi, nuko arazinduka saa kumi n’imwe atwara imbunda zose, nuko mu kanya gato twumva amasasu menshi cyane, tugira morale ngo twatsinze."

Aha rero ngo si ko byari byagenze, ahubwo agira ati "Bunyenyezi yaragiye araraswa n’ingabo ze, Bayingana agenda amukurikiye na we araraswa. Nuko bapfuye."

Icyo gihe rero ngo hahise hagenda Co Ludovik Twahirwa Dodo, arabakurikira, agaruka gutegura abasirikare Kagitumba kugira ngo barebe uko bajya gukurayo imibiri y’abaguye ku rugamba.

Agira ati "Kuba Fred yari apfuye hakaba ikibazo, byatugaragarije ko urugamba rwari hagati y’abantu babiri; late Fred na Afande(Kagame). Byagaragaraga ko abandi badafite amakuru yo kururwana."

Ngo Kagame akigera ku rugamba ba basirikare bamaze gupfa, ngo yasanze amabatayo umunani ya RPA umwanzi yayarashe yayagize ubusa.

Kagame ageze ku rugamba

Ibingira, avuga ko kiriya gihe, Col Dodo yari umwe mu babakuriye. Agira ati "Kuwa 26 Dodo yarampamagaye, icyo gihe nari umuyobozi ushinzwe imirwano n’amahugurwa, maze nsanga ahagararanye na Afande(Kagame) muri kaburimbo hagati. Yari amaze kumuha amabwiriza yo kujya kurasa Gatuna."

Icyo gihe barashe Gatuna, mu gihe ingabo za Habyarimana zari mu birori zibwira ko zatsinze Inkotanyi burundu, ariko ngo iyo yari intangiriro nshya y’urugamba.

Ku musozi wa Nkana Afande yari ahaguye - Ibingira

Nyuma yo gutangiza urugamba rushya, Kagame yongeye kwegeranya ingabo zose aho zari zatataniye, nuko barasa Kivuye, Kaniga ya kabiri, ariko barasa n’ahantu hitwa Nkana, aho Inkotanyi zari zigiye kongera gukubitwa ahababaza.

Ibingira agira ati "Nkana ho afande(Kagame) bari bahamutsinze. Nayo ni amahirwe. Burya Imana abantu babana nayo kandi bakayibona ikabumva, ni abasirikare. Nk’abarokore mwebwe, uretse gusenga Imana, sinzi niba hari aho mwari mwahurira n’urupfu."

"Uwo musozi wa Nkana, Afande bawumurasiyeho, kajugujugu z’umwanzi zibisikana, ngira ngo nzari nk’enye, ebyiri ziza, n’izindi ziza, kuko twari ku gasozi gateganye naho, araraswa koko. No ku maradiyo ya gisirikare y’umwanzi twumvaga, Abafaransa bavugaga ko ari kuri ako gasozi. Baramurashe ntiyagira icyo aba, turahava, tuva Nkana."

Kuva Nkana, Ibingira avuga ko byagaragaye ko bongeye gutsindwa bwa kabiri, ariko mu gihe abasirikare bavuga bati urugamba ruratunaniye, kuwa 24 Ukuboza 1990, Kagame akoresha inama, bose bavuga ibyo bazakora bitandukanye, arabihorera, ariko mu gitondo, Col Dodo ababwira ko yahawe amabwiriza ko bajya mu rugano, maze bagakomereza mu Birunga.

Ku ruhembe rwa RPA Inkotanyi, Perezida Kagame yakomeje kuyobora urugamba bafata Ruhengeri, bafata n’ibindi bice byinshi kugeza ubwo bashoboye "Kubamba EX-FAR" nk’uko Gen. Ibingira abyita, maze nyuma baza no kuvanaho ubutegetsi bwateguye bukanashyira mu bikorwa Jenoside yahitanye abarenga Miliyoni mu minsi ijana.

N’ubwo amaze imyaka mirongo ine mu buyobozi bwa Afande(Kagame), Ibingira avuga ko kugeza n’ubu hari ibintu atarasobanukirwa mu bushiramanga bwe.

Ibi uyu mugabo wabaye muri FDLR ashinzwe ubutasi bwo hanze, yabitangarije mu nama nyunguranabitekerezo ku mateka ya Jenoside yakorewe Abatutsi n’urugamba rwo kuyihagarika, yateguwe n’Umuryango Unity Club-Intwararumuri ku wa 27 Kamena 2026.

Col (Rtd) Bora, yavuze ko FDLR ifite ahantu henshi hatandukanye ikura ubushobozi, burimo ubuva mu bucukuzi bw’amabuye y’agaciro, kubaza no kugirisha imbaho, guhinga no gucuruza urumogi n’ibindi.

Yagize ati “Amafaranga menshi aturuka mu bucukuzi bw’amabuye y’agaciro. Hari ahitwa za Oninga, habamo abacukuzi barenga ibihumbi 30, buri mucukuzi aba agomba gutanga 0.5 cy’idorali ku mubiri buri kwezi, ariko ibyo kurya aba agomba kubifata ku birindiro bya FDLR, yazajya kwishyura akishyura mu mabuye ntabwo yishyura mu mafaranga. Kandi na zahabu yabonye ayigurisha FDLR ntabwo ayigurisha undi muntu.”

Yunzemo ati “Ahandi ubushobozi buturuka ni mu kubaza imbaho no kuzicuruza. Hari izitwa za ‘bois rouge’, za ‘cajou d’Afrique’, twarazibazaga, tukazipakira amakamyo, zimwe zikajya i Buganda (Uganda), izindi zigakomeza i Goma n’i Bukavu. Hari gucana amakara no kuyacuruza, buriya Goma ni umujyi munini cyane, amakara acanwa yabaga avuye mu duce FDLR iyobora, kandi amakamyo iyo yabaga agiye banyirayo bagombaga gusiga basoreye FDLR.”

Abagize umutwe wa FDLR bafite ubunararibonye mu buhinzi bw’urumogi kuko barugurisha ku rwego mpuzamahanga nkuko Col (Rtd) Bora abisobanura.

Ati “Buriya ikintu bita urumogi FDLR tuzi kuruhinga cyane, ahantu bita i Kobo nta kindi gihingwa, kihaba uretse urumogi, rwazaga i Goma urundi rugakomeza za Kisangani, urundi tukarugurisha MONUSCO, ikarushyira mu magunguru igapakira indege ikajyana. MONUSCO mu baduhaga ibikoresho irimo, kubera ko twari duhujwe n’icyo kintu cy’urumogi n’amabuye y’agaciro twabagurishaga.”

Ubu bucuruzi FDLR ikorana na MONUSCO ngo bwiyongeraho ubwa za borune (bornes) zasize zishyinguwe mu butaka n’Ababiligi n’Abadage mu bihe by’ubukoloni.

Col (Rtd) Bora ati “Iyo babaga baje kubicukura mu duce turimo, bagombaga kuza bitwaje, ibyo kurya, imiti, amafaranga bagomba kuduha n’amasasu. Barangiza bagacukura nk’iminsi ibiri cyangwa itatu bakongera bakurira indege bakagenda nta mahane abaye.”

Ubundi bufasha ni ubwo bakura kuri Leta ya Repubulika Iharanira Demokarasi ya Congo (RDC), kuko abagize umutwe wa FDLR bahembwa na Perezida w’icyo gihugu Félix-Antoine Tshisekedi Tshilombo, ubaha amafaranga, ibiryo n’imiti nkuko bikorerwa ingabo z’Igihugu (FRDC), hakiyongeraho n’ubufasha bw’amafaranga bahabwa n’Abanyaburayi.

Ikindi kandi, FDLR ngo icuruza amahembe y’inzovu, amavuta y’intare ndetse n’inyama z’imvubu, byose ikabikuramo amafaranga menshi cyane.

Urugendo rwe rwo kuva mu mitwe yitwaje intwaro akaza kwisanga mu Ngabo z’u Rwanda (RDF), ndetse nyuma agakomereza muri Polisi y’igihugu avuga ko arukesha ubuyobozi bwiza bwa RPF Inkotanyi, bwamuhinduye imyumvire agafatanya n’abandi kubaka igihugu.

Kuradupagase yavutse mu kwezi k’Ukuboza 1968, mu cyahoze ari Komini Karago, muri Gisenyi, aho uwahoze ari Perezida w’u Rwanda, Juvénal Habyarimana, yakomokaga.

Amashuri yisumbuye yayize muri G.S. de La Salle Byumba, ariko kubera ko yakomokaga aho Perezida Habyarimana yavukaga, ngo byari ihame ko ajya kwiga mu Ishuri Rikuru rya Gisirikare, ESM (École Supérieure Militaire).

Ati: "Jyewe byari ihame ko njya muri iryo shuri bitewe n’aho nakomokaga. Tariki ya 2 Nzeri 1991 nahise ntangira amasomo ya gisirikare gusa, kubera ko urugamba rwari rukomeye. Twagombaga kwiga amasomo ya gisirikare gusa, andi akazaza nyuma."

ACP Kuradupagase avuga ko mu gihe cy’umwaka yamaze ahabwa ayo masomo, hari amezi abiri yigishijwe n’abasirikare b’Abafaransa bari mu itsinda ry’Ubufasha bwa Gisirikare n’Amahugurwa (DAMI).

Icyo gihe yarangije ayo masomo afite ipeti rya Adjudant, ahita ajya ku rugamba mu gice cy’u Mutara, muri Batayo ya 3, yari izwi nk’imwe mu zikomeye.

Ku wa 1 Mutarama 1994, yahawe ipeti rya Sous-lieutenant. Avuga ko ubwo indege yari itwaye Perezida Habyarimana yahanurwaga, batayo enye zari muri ako gace zahise zitangira urugamba rwo guhangana n’Inkotanyi.

Ngo Batayo ya Muvumba yarimo ni yo yasigaye muri ako gace ikomeza guhangana n’Inkotanyi, ariko na yo iza kunanirwa.

Ati: "Aho za Nyakayaga, kugera za Kiziguro, tukagera Kayonza kuri Kiliziya ya Mukarange, aho hose twarwanaga. Naje kurasirwa i Musha, muri Rwamagana, biba ngombwa ko ngaruka i Kigali gushaka ubuvuzi."

ACP Kuradupagase avuga ko, nubwo urugamba rwari rumaze gukomera, yakomeje kururwana kuko yumvaga iyo aba umusivili yashoboraga kuhasiga ubuzima.

Avuga ko yagumye muri ESM, ariko ko abasirikare ba FAR bahuye n’ikibazo gikomeye ubwo Inkotanyi zari zimaze kugera ku musozi wa Rebero, aho zashoboraga kugenzura umujyi wa Kigali.

ACP Kuradupagase avuga ko yakomeje guhangana n’Inkotanyi mu cyo yise "urugamba rwo mu mazu", ariko ko hari imbunda yari ku musigiti kwa Kadhafi yamurasaga aho yabaga ari hose muri ibyo bice.

ACP Kuradupagase avuga ko, nk’umuntu wari warize ibya gisirikare, yakomeje kurwana yifashishije za gerenade, ariko akabona ko batsinzwe, nubwo atabibwiraga abasirikare yari ayoboye.

Ati: "Za gerenade twateraga twazikorerwaga n’umumajoro umwe, sinibuka izina rye. Ndetse n’imbunda zacu za Rutura, Inkotanyi zari zamaze kuzitsimbura. Abasirikare bakomezanyije urugendo bahunga berekeza muri Congo, icyo gihe yitwaga Zaïre."

Ku wa 3 Nyakanga 1994, muri Camp Kigali, hakozwe inama yayobowe na Gen. Kabirigi, aho hafatiwe umwanzuro wo guhunga, abasirikare bakajyana n’abaturage.

ACP Kuradupagase avuga ko icyo gihe yahawe amabwiriza yo kutagira umuturage asiga inyuma.

Mu rugendo rwo guhunga, berekeje ku mugezi wa Nyabarongo, ariko bahura n’abaturage baturukaga i Runda bababwira ko Inkotanyi zamaze gufata ako gace. Yakomeje kugerageza kurwana ari kumwe n’ingabo bagenzi be, ariko aza kubona ko batagishobora kunyura muri iyo nzira. Aho ni ho yabonye abandi banyuze mu Nzove, na we ahungana nabo.

Ati: "Natekereje ku bintu byose nari narize byamfasha ku rugamba, nsanga nsigaranye kimwe cyonyine bita Protection mutuelle (ubwirinzi bwa buri ruhande). Nibwo nahisemo kunyura mu nzira abaturage banyuzemo."

Mu gukomeza guhunga, ku wa 17 Nyakanga 1994 saa kumi n’imwe n’iminota 45 z’umugoroba (17h45), yambutse umupaka w’u Rwanda na Congo, agezeyo asanga hari amabwiriza asaba abasirikare bose kujya ahitwa Mugunga.

Agezeyo, avuga ko biyubatse bongera kwisuganya, banashinga umutwe witwaga CRUP.

Avuga ko uwo mutwe wari ufite inshingano zo gukora ibikorwa bya gisirikare inyuma y’umwanzi.

Uyu mutwe wari uyobowe na CG Evariste Murenzi, ubu akaba ari Komiseri Mukuru w’Urwego rw’Igihugu rushinzwe Igorora (RCS), icyo gihe akaba yari afite ipeti rya Capitaine.

ACP Kuradupagase avuga ko akiri muri Congo yahawe amabwiriza yo kujya gutoza ingabo za CNDD-FDD zari ziyobowe na Nyangoma, kubera imikoranire yari hagati ya Mobutu Sese Seko na État-major ya FAR yari yarahungiye muri Congo.

Ati: "Icyo gihe twahawe ubutumwa na Col. Rwarakabije, tujya mu Burundi gutoza icyo gisirikare cya Nyangoma. Twarakigishije, tunashyira mu bikorwa ibyo twari twakigishije. Twagabye ibitero ku ruganda rw’icyayi, dukora za ambushi n’ibindi bikorwa bya gisirikare byahungabanyaga umutekano."

Avuga ko nyuma yo kurangiza ayo mahugurwa, bagarutse muri Congo, ariko basanga Inkotanyi zamaze kumenya imigambi yabo, ndetse zatangiye no gucyura impunzi.

Ati: "Abaturage twashukaga ko tuzabacyura bemye, Inkotanyi zabacyuye zemye koko. Nageze muri Congo mu kwezi kwa mbere kwa 1996 nsanga imyitozo yose abasigaye batozwa barayimenye.

Gusa ngo baje guhura n’ikibazo cyo gusanga Inkotanyi zaramenye umugambi mubisha wabo wo guhungabanya umutekano w’u Rwanda zibasanga yo kandi Zikora uburyo zibaturuka inyuma, zibasunikira inzira ibagarura mu Rwanda.

We n’abandi bayobozi, barimo Col. Rwarakabije, baje kujya ku muntu bitaga Mwami, arabakira, ariko amusaba gukomeza ibikorwa bya gisirikare.

Ati: "Nakomeje kurwana, ariko niyemeza ko ngomba kurwanira mu Rwanda kuko nari mu barwanyi b’Intasi, kandi nari mfite ingabo nyoboye."

Yaje kwisanga mu Nkotanyi ate?

Yavuye muri Congo yambuka aza mu Rwanda ari kumwe n’ingabo yari ayoboye. Banyuze mu Burengerazuba, bahinguka mu bice byo mu Byangabo, banyura mu Birunga. Avuga ko bamwe mu basirikare bari kumwe na we batangiye gucika intege, bamwe muri bo abagira inama yo kwishyikiriza Inkotanyi kugira ngo bakomeze ubuzima.

ACP Kuradupagase avuga ko, ubwo yari mu bikorwa by’abacengezi mu Rwanda, yaje kugera iwabo, aho nyina na bashiki be bamugiriye inama yo kwishyikiriza Inkotanyi no gufatanya na zo kubaka igihugu, ariko arabahakanira.

Ati: "Nababwiye ko ngiye gukomeza kurwana, kandi ko nimwumva amasasu avugira i Kigali, muzamenye ko ari jye wahageze gufata umurwa."

Nyuma y’igihe, ACP Kuradupagase avuga ko na we yaje gushoberwa n’urugendo yari arimo, afata icyemezo cyo kwishyikiriza Inkotanyi.

Avuga ko bamubajije ibibazo byinshi, bamukoraho iperereza, nyuma bamwohereza mu kigo cya Mukamira.

Ati: "Imodoka ije kunjyana, abaturage benshi barasakuje babaza bati: ’Ko mwatubwiye ko nitubashyikiriza umuntu wacu uri mu bacengezi muzamureka, uyu se kuki mumujyanye?”

Mu gihe yari i Mukamira, yatanze amakuru ku bikorwa by’ubucengezi yari azi. Avuga ko nyuma y’icyumweru kimwe yamaze muri icyo kigo, yinjijwe mu Gisirikare cy’u Rwanda.

Yashyizwe muri Batayo ya 59, yayoborwaga na Lt Gen (Rtd) Frank Mushyo Kamanzi, wamwigishije amahame ya RPF Inkotanyi, amukuramo ibitekerezo bibi yari yaratojwe.

Nyuma yaje kuva mu Gisirikare ajya muri Polisi y’u Rwanda, aho yakomeje kuzamurwa mu ntera.

Mu mwaka wa 1999, yahawe amahirwe yo kwiga mu Ishuri ry’Ubugenzacyaha. Arangije amasomo, ahabwa ipeti rya Lieutenant.

Avuga ko icyo gihe Polisi y’u Rwanda yari ikimara gushingwa, ahita ayijyamo.

Mu mwaka wa 2008, yagiye kwiga muri Kaminuza ya Polisi, ahamara imyaka ine, ahakura impamyabumenyi y’icyiciro cya kabiri cya kaminuza muri Professional Police Studies.

Nyuma yahawe inshingano zitandukanye muri Polisi y’u Rwanda, kugeza ubu akaba ari umwe mu bagize Inama Nkuru ya Polisi, ndetse akaba n’Umuyobozi Wungirije w’Ishami rishinzwe ubutumwa bw’Umuryango w’Abibumbye bwo kubungabunga amahoro.

Mu bana be babiri, umuhungu we witwa Niwenizeye Mugisha Blaine yahawe amahirwe yo kwiga mu Royal Military Academy Sandhurst, mu Bwongereza, aho yahawe ipeti rya Second Lieutenant (2Lt cyangwa S/Lt).

Ati: “Nabibwiye madamu ko umwana wacu yahawe amahirwe yo kwiga mu ishuri ryizemo n’umwana wa Perezida Kagame.”

Uyu muhungu we Mugisha yahawe andi mahirwe na RDF asubira gukarishya ubumenyi muri Kaminuza ya African Leadership University.

Umukobwa wa ACP Kuradupagase we ari gukora icyiciro cya gatatu cya kaminuza mu Butaliyani, mu bijyanye na Farumasi.

Mu gusoza ubuhamya bwe, yagize ati: "Ndagira ngo mbwire ibyo bigaragasha ko u Rwanda rwahindutse cyane. Ubuyobozi bwarwo ntibutonesha, ntiburonda akarere cyangwa ubwoko. Ndashimira Perezida wangiriye ikizere nkabona amahirwe yo gufatanya n’abandi kubaka u Rwanda."

Kuri uyu wa kane, iri shami ryamuritse umusaruro wa mbere wavuye mu kazi k’ubushakashatsi abakozi baryo bamazemo hafi umwaka, aho bakoze robots zishobora gukora imirimo irenze mirongo itanu, bitewe n’uburyo zatumwe, mu buryo bwa coding.

Muri izi robots, Minisiteri y’Uburezi ndetse n’iya ICT na Inovasiyo, zungutse umufatanyabikorwa mushya uzazifasha gushyira mu bikorwa gahunda yo kwigisha ikoranabuhanga rigamije guhanga idushya hifashishijwe robots.

Impamvu nuko izi robots zigenewe gukora nk’imfashanyigisho mu burezi bw’amashuri abanza n’ayisumbuye, ndetse na za Kaminuza bitewe n’uburyo uwazikoze yazizamurira urwego.

Gahungu Lambert washinze Tajyire Group, akaba ari na we muyobozi wayo, yabwiye abitabiriye imurikwa ry’izi robots, ko mu by’ukuri, yagiye mu mushinga benshi mu bikorera bumva ko ureba Leta, ariko akaba ashaka gufata iya mbere ngo yerekane ko u Rwanda hari byinshi rwakwikorera, narwo rugashyikira ikoranabuhanga riri guteze imbere ibihugu bikomeye, mu gihe Afurika irebera.

Yagize ati "Iri koranabuhanga ryatangiye guha isi umurongo. Twebwe nka Afurika, tugomba kwibaza ikibazo kigira kiti ese tuzarikora twebwe ubwacu, cyangwa tuzakomeza gutegereza gukoresha ibyo abandi bavumbuye?"

Lambert Gahungu washinze Tajyire Group

Mu yindi nkuru yabanje, Gahungu yabwiye Kigali Today ko ubukungu bushingiye kuri za mudasobwa na internet - digital economy ari naho robots zibarizwa, ryatangiye gufata umurongo uhamye kuva isi yakwinjira mu kinyejana cya makumyabiri ba kimwe.

Ariko kuva ubu bukungui bwatangira, ibigo byabushoyemo imari byahise bitera imbere kurenza kure ibigo bikora imirimo yatangiye kuva mu myaka itabarika nk’ubucukuzi bwa peteroli n’ubw’amabuye y’agaciro.

Gahungu abona ko iyo myaka ishize atari myinshi cyane, ku buryo afurika nayo yafatirana, igatangira ikajyana n’abandi, ikareka guhora irebera, itunzwe n’ibyakozwe n’abandi, rimwe na rimwe atari na byo biyibereye.

Yagize ati "Iyo utishakiye ibisubuzo, ukoresha ibisubizo by’abandi, kandi wenda bikaza binaguhenze. Natekereje iki kigo cy’ubushakashatsi cyazajya gikora ibisubizo bihuye n’isoko turiho uyu munsi."

Ikigo cy’Igihugu gishinzwe guteza imbere imyuga n’ubumenyingiro, Rwanda TVET Board, iyo kibonye ibyo Gahungu yakoze, cyumva kishimye, ko ibyo bigisha hari ababishyira mu buzima busanzwe, bakabitoza urubyiruko, kandi bikarushaho kuba byiza iyo ababishoramo imari nabo ari urubyiruko nka Gahungu wa Tajyire.

Abanyeshuri ni bamwe mu batanze ibitekerezo by’ingenzi mu kubaka iyi robot

Umuyobozi w’Ishami ry’Ikoranabuhanga mu Kigo cyigisha imyuga n’ubumenyingiro RTB, Emmanuel Asher Mutijima yagize ati "iyo tubona urubyiruko nk’aba bashinee Tajyire bakora igikorwa nk’iki tuba tugize amahirwe yo kwerekana ko ibijyanye n’amasomo ya Tekiniki bikora."

Mutijima yongeraho kandi, ko ibikorwa bisa nk’ibi bya Tajyire, "Byereka isi yose ko mu Rwanda, TVET ari ahantu heza umuntu yaza agashora imari akunguka."

Lambert Gahungu wa Tajyire yashimiye abantu bamuba hafi mu rugendo. Aha ni Prof. Nelson Ijumba(ibumoso) yakira ikimenyetso cy’ishimwe

Mpundu Ernest, umuyobozi muri Minisiteri ya ICT na Inovasiyo ushinzwe kwegereza Abanyarwanda ikoranabuhanga ntawe usigaye(digital inclusion) yavuze ko Tajyire ari urugero rwiza rw’ukuntu umuntu yatangirira kuru bicye, kandi akagira intego zagutse, akagenda azigeraho buhoro buhoro.

Aha kandi, Tajyire ngo iri mu murongo wa Minisiteri akorera uri mu bukangueambaga bwo kugira byibuze abantu miliyoni bazi coding mu myaka micye iri imbere.

Robots zubatswe kuva buri kintu cyose cyakorewe muri Tajyire, ikorera muri Matheus House, Umujyi wa Kigali. Robot ifite ishusho y’umuntu ni yo yatanze ijambo ry’ikaze. Gahungu avuga ko aho isi igeze, irashaka kuzana robot hafi y’umuntu cyane, ikaba yakora imirimo y’ingenzi irimo no gusasa, cyangwa se kurera. Tajyire na yo ifite iyo ntumbero yo kugera i Muhengeri muri robotics

Ni nyuma y’uko Urwego rw’Umugenzuzi Mukuru w’Imari ya Leta rugaragaje ko WASAC ituzuza ibitabo by’ibaruramari, bigatuma ubugenzuzi budindira.

Urwego rw’Umugenzuzi Mukuru w’Imari ya Leta rwatangaje ko rwatangiye ubugenzuzi muri Ukuboza 2025, ariko kugeza ubu rumaze kugera kuri 20% gusa, kuko rwabuze inyandiko n’ibyangombwa bikenewe.

Abagenzuzi basobanuye ko nyuma yo kuvugurura WASAC ikavamo ibigo bitandukanye, imitungo n’inyandiko byabyo bitigeze bitandukanywa neza, bikaba ari byo byatumye ubugenzuzi budashoboka.

Umuyobozi Mukuru wa WASAC Group, Dr Asphat Kabaasha, yemereye PAC ko icyo kibazo gihari, ariko avuga ko ibikorwa byo gutandukanya imitungo n’inyandiko za buri kigo biri hafi kurangira, ku buryo bizeye ko bitarenze Nyakanga 2026 bizaba byarangiye, maze ubugenzuzi bugakorwa nta mbogamizi.

Yagize ati "Nibura mu mpera za Nyakanga tuzaba twarangije gutandukanya imitungo ya buri kigo, bityo inyandiko n’ibyangombwa byose bikenewe mu bugenzuzi biboneke uko bikwiye."

Abakozi bake n’abayobozi b’agateganyo

Kabaasha yavuze ko uretse ikibazo cyo kuvugurura imiterere ya WASAC, ikigo gifite n’ikibazo gikomeye cy’ubuke bw’abakozi, ndetse benshi mu bayobozi bakaba bamaze igihe kinini bakora by’agateganyo.

Yagize ati "Dufite abayobozi benshi bamaze hagati y’amezi atandatu n’imyaka ibiri bari mu myanya by’agateganyo. Ibyo bigira ingaruka kuri morale yabo no ku mikorere y’ikigo."

Yanavuze ko WASAC yari imaze imyaka igera ku 10 idafite Inama y’Ubuyobozi (Board of Directors), ibintu byatumaga ibyemezo byinshi bidafatwa uko bikwiye. Avuga ko iyo Nama ubu yashyizweho kandi yatangiye gufasha kunoza imiyoborere.

Yatanze urugero ko hari n’abakozi nk’abashoferi bahawe amasezerano y’igihe gito kubera ko nta bubasha bwari buhari bwo kubaha akazi gahoraho.

Yanagarutse ku kibazo cy’Urwego rushinzwe guhuza imishinga ya WASAC (SPIU), yavuze ko rwagombaga kugira abakozi 52 ariko rukaba rufite 24 gusa. Icyakora yavuze ko Umuyobozi Mukuru warwo yamaze kuboneka kandi ko no gushaka abandi bakozi biri kurangira.

Yongeyeho ko n’amakosa yagaragaye mu itangwa ry’amasoko na yo afitanye isano n’ubuke bw’abakozi.

PAC yanenze ibisobanuro bya WASAC

Perezida wa PAC, Valens Muhakwa, yavuze ko ibisobanuro byatanzwe na WASAC bitamunyuze, agaragaza ko kuba abayobozi bari mu myanya by’agateganyo bidakwiye kuba impamvu yo gukora nabi.

Yagize ati: "Njyewe sinyunzwe kandi birambabaje. Umubare munini w’abari mu myanya by’agateganyo ni abayobozi bakuru (Directors). Abo ni bo uvuga ko bakora badafite morale?"

Abandi badepite na bo bagaragaje ko kuba umukozi ari mu mwanya by’agateganyo byagombye kumutera gukora neza kugira ngo yemezwe burundu, aho kuba impamvu yo kudakora neza.

PAC yanagaragaje ko WASAC Group yakomeje gusubira inyuma mu ishyirwa mu bikorwa ry’inama z’Umugenzuzi Mukuru w’Imari ya Leta, aho igipimo cy’ishyirwa mu bikorwa cyavuye kuri 49% mu myaka ibiri ishize kikagera kuri 33%.

Ubu Icyari WASAC Ltd cyaje kuvamo WASAC GROUP kigizwe n’ibigo bibiri birimo Wasac Utility ishinzwe kugeza amazi ku baturage ndetse na WASAC Development gushinzwe imishinga y’amazi.

Mu nama nyunguranabitekerezo ku mateka y’u Rwanda, Perezida Kagame yagize ati "mbere babonaga aho abantu bamaze kwicwa, bati ngwino urebe, nuko nkabona ubugome bakoresheje babica. Byabaye kabiri gatatu."

Yongeraho ati "byageze aho ndababwira nti ntimuzongere kubinyereka. Impamvu, jyewe naratekereje ndavuga nti ninkomeza kureba ibi bintu ndi umuyobozi, bizatuma mfata ibyemezo bitari byiza."

Pereazida Kagame wari uyoboye ingabo za RPA Inkotanyi zahagaritse Jenoside, ndetse zikirukana abayiteguye bakanayishyira mu bikorwa, yavuze ko abarokotse bababaye cyane, ndetse u Rwanda rukaba rwarabasabye ibintu biremereye cyane.

Jenoside yakorewe Abatutsi yahitanye abarenga Miliyoni mu mezi atatu, kuva muri Mata kugera mu ntangiriro za Nyakanga 1994,

Yahagaritswe n’ingabo za RPA Inkotanyi, zari ziyobowe na Perezida Paul Kagame. Guhagarika Jenoside byakurikiwe n’urugendo rukomeye rw’ubumwe n’ubwiyunge, ubudaheranwa, ndetse n’iterambere.

Ibiganiro bagiranye byibanze ku bikorwa biri gushyirwa mu ngiro mu rwego rwo gushyiraho Ihuriro rya Politiki rihuza Ibihugu bya Afurika y’Iburasirazuba (East African Political Confederation), by’umwihariko ku ntambwe imaze guterwa mu gutegura Umushinga w’itegeko rigenga iryo huriro.

Baganiriye kandi ku ntambwe zikurikiraho zigamije kwihutisha gahunda yo kurushaho kwishyira hamwe kw’ibihugu bigize aka Karere, hagamijwe guteza imbere ubufatanye, iterambere rirambye n’imiyoborere ihamye.

Izi ntumwa zimaze iminsi mu Rwanda mu biganiro nyunguranabitekerezo ku mushinga wo guhuza inzego za politiki z’Umuryango wa Afurika y’i Burasirazuba (EAC).

Muri ibi biganiro, impuguke zakusanyije ibitekerezo by’Abanyarwanda bo mu ngeri zitandukanye, ku ngingo z’ingenzi bifuza ko uyu mushinga wazibandaho mu gihe cyo gushyirwa mu bikorwa.

Ni ibiganiro byahuje inzego zitandukanye zirimo iza Leta, Inteko Ishinga Amategeko, Urwego rw’Ubucamanza, amashuri Makuru na za Kaminuza, imiryango itegamiye kuri Leta, abikorera, urubyiruko, abagore, abafite ubumuga, imiryango ishingiye ku myemerere, amashyaka ya politiki ndetse n’itangazamakuru.

Ubuyobozi bwa EAC, buvuga ko ibi biganiro bigamije kongera uruhare rw’abaturage mu gutanga ibitekerezo ku miterere n’imiyoborere mu rwego rwo guhuza inzego za politiki z’Umuryango wa EAC ndetse no kwakira ibitekerezo by’u Rwanda mu mushinga w’itegeko rizagena imikorere y’iri huriro.

EAC, ishimangira ko uruhare rwa buri wese muri ibi biganiro ari ingenzi mu kubaka inzego zikomeye kandi zihamye zizafasha Akarere kugera ku iterambere rirambye no kurushaho gishimangira ubufatanye.

Ibi byagarutsweho mu ibazwa rya WASAC GROUP ryashingiye kuri raporo y’Umugenzuzi Mukuru w’Imari ya Leta, yagaragaje ibibazo birimo kudindira kw’uyu mushinga, kutubahiriza gahunda yo kugabanya amazi (water rationing) ndetse n’igihombo gikomoka ku mazi atabarirwa amafaranga (Non-Revenue Water).

Raporo igaragaza ko umushinga KCSS watangiye ku wa 12 Nyakanga 2023, ufite agaciro ka miliyoni 51.23 z’Amadolari ya Amerika na miliyari 12.99 Frw harimo TVA, ukaba wari uteganyijwe kurangira muri Mutarama 2026 nyuma y’amezi 30.

Icyakora, ubugenzuzi bwakozwe muri Werurwe 2026 bwasanze igihe cyari cyararenze, ariko n’igishushanyo mbonera (design) cy’umushinga kitararangira. Nubwo inyigo yari igeze kuri 90%, ibyari byemejwe ku mugaragaro byari 57% gusa.

Umugenzuzi Mukuru w’Imari ya Leta yagaragaje ko gukomeza gutinda kw’uyu mushinga bishobora kudindiza gahunda yo kunoza imicungire y’amazi yanduye mu Mujyi wa Kigali, asaba WASAC gushyiraho ingamba zihutisha ishyirwa mu bikorwa ryawo.

Mu kwisobanura imbere ya PAC, ubuyobozi bwa WASAC bwavuze ko bwahagaritse amasezerano na rwiyemezamirimo muri Gicurasi 2026 nyuma yo kubona ko atabashije kuzuza inshingano ze, ndetse butangira kuganira na Minisiteri y’Ibikorwaremezo (MININFRA) na Minisiteri y’Imari n’Igenamigambi (MINECOFIN) ku mavugurura y’umushinga.

Umuyobozi wa WASAC Group, Dr Asphat Kabaasha, yavuze ko inyigo yari yakozwe mbere yagaragaje ko imiyoboro myinshi yagombaga kunyuzwa mu mihanda, ibintu byari gusaba gusenya hafi 80% by’imihanda yo mu Mujyi wa Kigali.

Ati "Twabonye ko uko umushinga wari uteye, imiyoboro yanyuraga mu mihanda ku buryo byari gusaba gusenya hafi 80% by’imihanda yose yo mu Mujyi wa Kigali, ari na yo mpamvu twahisemo kongera kuwusuzuma no kuwuvugurura."

PAC yibajije impamvu rwiyemezamirimo wananiwe yongeye guhabwa akazi

PAC yanagaragaje impungenge ku kuba rwiyemezamirimo utarabashije kurangiza amasezerano ya mbere ari na we wagaragaye mu yandi masezerano.

Perezida wa PAC, Depite Valens Muhakwa, yabajije ati "Ko mwasheje amasezerano ya mbere kubera ko yananiwe, ni iki kibizeza ko ayo yandi azayashobora?"

Mu gusubiza, ubuyobozi bwa WASAC bwavuze ko uwo rwiyemezamirimo atahawe amasezerano mashya nyuma yo gutsindwa aya mbere, ahubwo ko ayo masoko yagendaga abangikanye.

Bwagaragaje ko amasezerano ya mbere yari ageze ku kigero cya 95% cy’inyigo, ariko aza guhagarikwa nyuma yo kubona ko hari ibice bimwe na bimwe bitarimo gukorwa neza, bituma hafatwa icyemezo cyo guhagarika uwo rwiyemezamirimo no kongera gusuzuma umushinga.

Ikibazo mu gusaranganya amazi

Raporo y’Umugenzuzi Mukuru w’Imari ya Leta yanagaragaje ko WASAC itubahirije uko bikwiye gahunda yo gusaranganya amazi mu gihe amazi aba adahagije.

Amabwiriza ya RURA ateganya ko nibura 95% bya gahunda yatangajwe bigomba kubahirizwa, kandi buri rugo rukabona amazi nibura inshuro eshatu mu cyumweru.

Nyamara isuzuma ryakozwe hagati ya Nyakanga na Nzeri 2025 ryagaragaje ko uduce twa Agatare, Taba, Nkuzuzu, Gishaka, Musave-Rebero-Rugando na Buliza twabonye amazi hagati y’inshuro imwe n’eshanu gusa mu byumweru bitatu, aho kuba nibura inshuro icyenda nk’uko byari biteganyijwe.

Ibi byatumye ishyirwa mu bikorwa rya gahunda yo kugabanya amazi muri utwo duce riba hagati ya 11% na 56%, munsi cyane y’intego ya 95% yashyizweho na RURA.

Amazi atishyurwa akomeje guteza igihombo

Raporo kandi igaragaza ko ikibazo cy’amazi atabarirwa amafaranga (Non-Revenue Water) gikomeje guteza WASAC igihombo kinini.

Mu mwaka w’ingengo y’imari warangiye ku wa 30 Kamena 2025, WASAC yakoze metero kibe miliyoni 85.75 z’amazi, ariko yishyuza abakiliya metero kibe miliyoni 53.33 gusa.

Ibi bivuze ko metero kibe zirenga miliyoni 32.4, zingana na 37.8% by’amazi yose yakozwe, zitabariwe amafaranga.

Nubwo iki kigero cyagabanutse ugereranyije na 39.5% cyo mu mwaka wabanje, Umugenzuzi Mukuru w’Imari ya Leta agaragaza ko ayo mazi akomeje guteza igihombo cya miliyari 10.4 Frw, abazwe ku giciro cyo hasi cya 323 Frw kuri metero kibe imwe.

Prof. Clementine Kanazayire

Uyu muganga yabivugiye mu ihuriro ry’urubyiruko riri kubera i Kigali, ku bvijyanye n’ingamba zo kwirinda inda ziterwa abangavu.

Uyu muganga yatangiye abaza ikibazo urubyiruko ati "ariko, mbere na mbere mwaba muzi ko nta nda ishobora guterwa idatewe n’umugabo?"

Mu gihe yari akivuga ibyo, muganga yunzemo ati "mwari muzi ko se umugabo umwe ashobora gutera inda zirenze igihumbi mu mwaka, bitewe n’ubushake n’ubushobozi?"

Yagize ati "ibyo bitandukanye n’umugore kuko ashobora kubyara umwana umwe gusa mu mwaka, ariko ugasanga ni we tureba, tutitaye ku wamuteye inda."

Yavuze ko hari abagabo bigira katabirora, ugasanga nta n’amakuru bafite ku buzima bw’imyororokere, ariko ngo iyo bafite aya makuru, ngo babamo abafatanyabikorwa beza.

Aha, muganga yavuze ko bafite igikorwa cyiswe Flavour of family, aho bigisha ubuzima bw’imyororokere. Kugira ngo bagere ku bagabo, abatangije Flavour of family bajyana utu video duto cyane muri za salon de coiffure z’abagabo, kugira ngo abagabo bajye batureba.

Minisitiri Nsanzimana yabivugiye mu Ihuriro ry’Urubyiruko ku Kwihutisha ibikorwa byo gukumira no kurandura inda ziterwa abangavu.

Iyi mibare, ngo yarazamutse, iva kuri gatanu ku ijana, igera ku munani ku ijana kuva muri 2024 kugera muri 2025.

Nsanzimana, yavuze ko ubwangavu, cyangwa ubugimbi, ari ikiraro hagati y’ubwana n’ubukuru, agaragaza ko iyo uhitwaye nabi, bikugiraho ingaruka mu buzima buri imbere, wakwitwara neza, ugacana umucyo mu buzima bw’igihe kirekire.

Aha ariko, Minisitiri Nsanzimana yabwiye ababyeyi n’abarezi amagambo akomeye y’uburyo bagomba gufata umwana igihe yagize ikibazo cyo gutwara inda itateganyijwe.

Yagize ati "Mubyeyu, igihe umwana yagize icyo kibazo, muba mugifatanyije, si umwanya wo kumutuka. Ikibazo muragisangiye. Nawe mwarimu, uwo mwana yari yatwitiye ku ishuri, kandi ntiwamufashije, none uramwirukanye."

Yavuzde ko kwa muganga, aba bana, nibo bagira ibyago byinshi byo gupfa babyara, kuko imibiri yabo iba itaragira imbaraga zo kwakira umwana.

Agira ati "Ntawe ukwiye gupfa atanga ubuzima, ariko izo ngaruka tugomba kuzikumira."

Ikindi kandi, ngo abana bavuka kuri aba bangavu ni bo baza ku mwanya wa mbere wo kuvuka batagejeje igihe, ndetse bagira ingaruka zo kugwingira.

Kimwe cya gatatu cy’abana bagwingira, ngo ni ababa bavutse ku bangavu.

Kutiga cyangwa guta ishuri, ngo bikuba gatanu ibyago byo gutwara inda bakiri abangavu.

Ukutagira ubumenyi, kugira amakuru atari yo, aho abana babwirwa ko urwaye ibiheri agakora imibonano mpuzabitsina akira, ko ukoze imibonano mpuzabitsina rimwe adashobora gutwita, n’ibindi, na byo ni ibishuko babeshyeshya abana, bakabatera inda.

Icyakora aha, Minisitiri yabwiye urubyiruko ati "Muhora muvuga ko abakuru ari bo batera bangavu inda. Ariko abo basore mwicaranye, ahubwo na bo bari mu bazibatera. N’abakuru bafite uruhare, ariko namwe mugira uruhare."

Ikindi gituma abana batwara inda, ngo ni ikigare cy’urungano ku ishuri, muri karitsiye, n’ibindi.

Ihohotera na ryo ni indi mpamvu iturukamo inda zitateganyijwe.

Kugira ngo iki kibazo gikemuke, icya mbere ni uko buri mwana yiga akarangiza amashuri yisumbuye.

Umwana w’umukobwa kandi agomba kwemererwa kubona serivise z’ubuzima, abantu bakemera kuvuga ibyo basanzwe bita kirazira kuko iyo batabimenye bibagiraho ingaruka.

Ikindi, ni ukwigisha abana, bakagira ubumenyi ku buzima bw’imyororokere.

Uyu mutangabuhamya, kuri uyu wa 24 Kamena, wabwiye urukiko ko na we yahamijwe ibyaha na Gacaca kubera uruhare yagize muri Jenoside yakorewe Abatutsi, yavuze ko nyuma y’iminsi myinshi y’ibitero, imibiri yari myinshi ku buryo abafungwa n’abaturage bari bategetswe kuyitaba mu byobo batashoboraga kuyirangiza.

Yagize ati "Imashini nta mpuhwe yagiraga. Yasakumaga byose, ntiyatandukanyaga abapfuye n’abari bakiri bazima."

Yasobanuye ko iyo katiripirali yavanagaho ubutaka n’imibiri icyarimwe, ku buryo "imibiri n’ubutaka byavangwaga hamwe."

Yanavuze ko icyo gihe hari hakiri abantu bakomerekejwe ariko batarapfa, bamwe bakaza kurokoka nyuma yo kuva muri icyo cyobo.

Uyu mutangabuhamya yavuze ko yabonye Dr Eugène Rwamucyo ari kumwe n’abayobozi b’icyo gihe, igihe katiripirali yazanwaga ndetse n’igihe abafungwa bazanwaga gufasha gushyingura imibiri.

Yavuze kandi ko yamubonaga agenda areba uko imibiri yajyanwaga mu byobo.

Cyakora, Perezida w’Iburanisha yamwibukije ko mu buhamya yari yatanze mu 2017 yari yavuze ko atigeze abona Eugène Rwamucyo, ahubwo ko abayobozi b’inzego z’ibanze ari bo bahaga amabwiriza umushoferi wa katiripirali.

Uyu mutangabuhamya yahise asubiza ko ubu yibutse neza ibyo yabonye kandi ko ashobora kumenya Rwamucyo.

Umwe mu bakozi baje bahagarariye RMB yabwiye iyi Komisiyo yabahataga ibibazo, kuri uyu wa 25 Kamena, ku makosa yagaragaye ku ikoreshwa ry’imari n’umutungo bya Leta, ko bahora binjiza abakozi mu kazi, ariko bahagera bagahita basezera bakigira gukorera abikorera kuko bo batanga agatubutse.

Uyu mukozi yavuze ko usanga umukozi ukorera ba rwiyemezamirimo usanga akorera amafaranga yikubye inshuro zibarirwa muri zirindwi z’ay’ukorerera RMB.

Yagize ati “Umukozi w’impuguke mu bumenyi bw’ubutaka (geologue) ukora muri RMB usanga ahembwa ibihumbi 372FRW mu gihe umukozi nk’uyu ukorerera abikorera usanga ahembwa hagati ya miliyoni 1,5FRW na Miliyoni 2FRW.”

Akagira ati “Tuzana abakozi rero bahita bagenda.”

Iki kigo kikaba cyasobanuye ko kuri ubu kirimo kunoza imbonerahamwe y’imirimo, banashaka uko bakemura ikibazo cy’abakozi badashyira akaguru hamwe.

Zimwe mu nenge iyi Komisiyo yagaragaje ko Umugenzuzi Mukuru w’Umutungo wa Leta yasanze muri RMB harimo kuba hari icyuho cya miliyoni 59 mu masoko batanze ugereranyije n’ibigaragara mu mpapuro z’amasoko batanze. Uretse izi miliyoni, iki kigo basanze kitangaragaza mu bitabo by’imari amafaranga ya serivisi gitanga.

Iki kigo kandi basanze gifite icyuho mu bikoresho bya laboratwari yacyo yakagombye kuba ibafasha gupima amabuye y’agaciro, kuko kugeza ubu ngo ikora ku gipimo cya 30%.

Umuyobozi Mukuru (DG) wa RMB, Alice Uwase, yemeye amakosa iki kigo cyagiye gikora avuga ko amenshi bamaze kuyakosora.

Kuri kinyuranyo cya miliyoni 59FRW kigaragara mu masoko, uyu muyobozi wa RMB yabwiye abadepite ko cyaturutse ku burangare bwabaye mu isoko batanze, bakibagirwa gushyiramo amafaranga y’ubwikorezi, ubwishingizi n’imisoro, yizeza ko ubwo burangare butazongera.

Ku bijyanye no Laboratwari, Uwase yavuze ko muri Kanama 2026, ibikoresho byose bizaba byamaze kugera muri laboratwa, ku buryo uko kwezi kuzarangira ikora ku gipimo nibura cya 50%.

Uwase yavuze ko Laboratwari iri mu bibahangayikishije cyane kuko serivisi zo gupima amabuye “zikorwa n’abikorera RMB idafiteho ubushobozi,” bityo bakaba basanga bibateza igihombo.

Ikindi kibazo Komisiyo yabagaragarije gihangayikishije ni ikibazo cy’ibisimu bicukurwamo amabuye y’abaciro bagasiga batabitabye, ibi ngo bikaba ari ukwangiza ibidukikije.

Depite Mari Claire Uwumuremyi yavuze ko ibisimu nk’ibyo, akurikije ibyo babonye mu ngendo bakora. hari utugari turenga 100 mu Rwanda dukorerwamo ubucukuzi bw’amabuye butemewe, ari na byo ntandaro akenshi zo gusanga hari ibisimu bidasibye no gutikira k’umutungo wa Leta.

Umuyobozi Mukuru wa RMB ariko yavuze kugeza ubu hari ibisimu bibarirwa muri 24 bihangayikishije bandikiye abahakoreraga kuko ari ba rwiyemezamirimo ariko kugeza ubu abagera kuri 15 bakaba batarasubiza.

Ati “Ariko ibyo bigo bitasasubiza ni komampanyi z’abanyamahanga bagiye bacukura barangiza bakigendera, ubu tukaba tudafite n’aho tubakura.”

Gusa, yavuze ko bafashe ingamba zirimo n’ibihano ku buryo iso kompanyi zakoze amakoza zashyize kuri lisite y’umukara ku buryo zitazongera kwemererwa gupiganirwa amasoko.

Yavuze kandi ko ubu bashyizeho ko kompanyi z’abanyamahanga zishaka kuza gucukura amabuye mu Rwanda zigomba kuba zifite konti mu Rwanda, kandi kompanyi yo mu rwego rwo hagati (medium) ikaba igomba kujya iba ifiteho nibura miliyoni 2 z’amadorali ya Amerika naho inini ikagira miliyoni 5 z’amadolari y’Amerika.

Imibare igaragaza ko igiteranyo cy’ubucuruzi mpuzamahanga (ibitumizwa n’ibyoherezwa hamwe) cyageze kuri miliyoni 1,892.91 z’amadorari ya Amerika mu 2026, kivuye kuri miliyoni 1,995.26 z’amadorari cyariho mu gihembwe cya mbere cya 2025.

Ku ruhande rw’ibitumizwa mu mahanga, u Rwanda rwatumije ibicuruzwa bifite agaciro ka miliyoni 1,332.21 z’amadorari mu gihembwe cya mbere cya 2026, bivuye kuri miliyoni 1,379.05 z’amadorari mu gihe nk’icyo cya 2025, bivuze igabanuka rya 3.4%.

Ibicuruzwa byoherezwa mu mahanga byo byagabanutse ku rugero runini kurushaho, aho byageze kuri miliyoni 366.85 z’amadorari mu 2026, bivuye kuri miliyoni 480.82 z’amadorari mu 2025, bingana n’igabanuka rya 23.7%.

Nubwo bimeze bityo, ibyo u Rwanda risubiza mu mahanga byarazamutse ku buryo bugaragara. Mu gihembwe cya mbere cya 2026, byinjirije Igihugu miliyoni 193.84 z’amadorari, bivuye kuri miliyoni 135.39 z’amadorari mu 2025, bingana n’izamuka rya 43.18%.

Iyi mibare igaragaza ko nubwo hari igabanuka mu byoherezwa mu mahanga, izamuka rya serivisi rishobora gukomeza kugira uruhare rukomeye mu kuzamura ubukungu bw’u Rwanda mu bihe biri imbere.

Yabivuze ubwo PAC yahataga RHA ibibazo bijyanye n’amakosa bakoze mu ikoreshwa ry’amafaranga Leta yageneye iki kigo mu bijyanye n’imyubakire, basubiza ikibazo cyari kibabajijwe na Depite Wassila Niwemahoro.

Uyu mudepite yabajije impamvu uyu mushinga wagombaga kumara amezi atandatu wakereweho igihe kirenze umwaka.

Mu mpamvu zari zatanzwe na RHA z’icyererwa ry’uyu mushinga harimo imvururu zabaye nyuma y’amatora ya Perezida wa Repubulika muri Tanzaniya bigatuma ibikoresho, birimo n’ubwo bwatsi ngo bitinda i Dar-Es-Salam.

Umuyobozi wa RHA, Alphonse Rukeburandekwe, yagize ati “ Nk’uko twari twabibasobanuriye mudusura, ni byo koko ibikoresho byatinze i Dar-Es-Salam kubera imvururu z’amatora, ariko ubu ibikoresho byose byarahageze ku buryo twizera ko itariki 15 Kanama 2026 uyu mushinga uzaba warangiye.”

Ni igisubizo kitanyuze PAC kuko Depite Muhakwa yahise amwibutsa ko “uyu munsi nta mvuru ziri muri Tanzaniya ariko n’ubundi umushinga ukaba utarimo gukorwa.”

Umuyobozi wa RHA yahise asubiza ko, nyuma y’ikibazo cy’ibikoresho hiyongereyeho indi mpamvu y’inyigo igaragagaza aho bagomba gucurikira amazi yo muri sitade, bakamenya niba acurikirwa mu burebure bwayo cyangwa mu bugari.
Ati “Ibi rero byadusabaga impuguke yemewe na FIFA igomba kubikora, ubu inyigo yararangiye.”

Uyu muyobozi yamaze impungenge abadepite bagize PAC, avuga ko ubwatsi bwahageze ndetse n’abakozi bakaba bahari ku buryo buryo ubu umushinga wose ugeze kuri 65%. Ibi bikaba bitanga icyizer ko ikatariki bihaye yo kuba imirimo irangiye (15/08/2026) izubahirizwa.

Hari muri gahunda PAC yatangiye kuri uyu wa 25 Kamena, yo guhata ibibazo ibigo 76 Umugenzuzi Mukuru w’Imari ya Leta yagaragaje ko hari amakosa byagiye bikora mu gukoresha umutungo wa Leta muri 2024-2025.

Depite Valens Muhakwa ukuriye PAC yabajije RTDA niba babona, na bo ubwabo, niba ibikorwa byakozwe muri uwo muhanda bihwanyije agaciro n’amafaranga yawutanzweho, maze Umuyobozi wa RTDA, Imena Munyampenda asubiza ko ahubwo amafaranga bawutanzeho ari make kuko bagenda basana uduce twihutirwa gusa, mu gihe bagitegereje kuwukora neza wose ukajyamo kaburimbo.

Yagize ati “Twagiye tureba uduce twangiritse tukaba ari two dushyiramo laterite ahandi tukagenda dusiba ibinogo.”

Munyampenda yavuze ko, kuba ingengo y’imari igenda mu gusana imihanda iba ikeneye gukorwa mu gihe kirambye, iba isa n’itagaragaza neza ishusho y’ibyakozwe ukurikije amafaranga aba yagiye ari uko bahitamo gukora ahihutirwa cyane ukurikije amafaranga baba bafite.

Ati “Iyo urebye ingengo y’imari yo gusana imihanda tuba dufite duhabwa kimwe cya kabiri (1/2) cyayo. Nk’ubu iyi mihanda murimo kutubazaho twari twasabye miliyiri 120, ariko ayo baduhaye ni make kure cyane y’ayo.”

Ku bijyanye no kuba nubwo hakoreshejwe izo miliyoni zose, umuhanda utari nyabagendwa uko bikwiye kuko bigaragara ko n’aho bashyize laterite itakirimo, Umuyobozi wa RTDA yasubije ko ikibazo atari laterite gusa kuko ngo muri uriya muhanda hari urujya n’uruza runini rw’imodoka, bityo “laterite ijyamo ntitindamo, iyo wakoresheje laterite bisaba kongera kuhakora buri nyuma y’amezi abiri.”

Depite Berthelemy Karinijabo yabajije impamvu basana imihanda bakoresheje uburyo bazi ko butaramba, kandi nyamara hari uburyo babikoramo bikamara nibura amezi hagati y’atandatu na cumi n’abiri.

Yagize ati “Kuba ayo makuru mwari muyafite, mwari gushyiramo imbaraga bigakorwa neza. Kuki mwemeye gushyiramo laterite imara ukwezi kumwe cyangwa abiri kandi hari iyo mwashyiramo ikamara amezi atandatu?”

Umuyobozi wa RTDA, Munyampenda, yemeye ko koko uburyo bakoresheje budatanga igisubizo kirambye ariko avuga ko byari bijyanye n’ubushobozi, kuko kugira ngo bakore ibirambye byari gusaba ko bazana imashini isya amabuye, bagashaka n’amabuye Manini yo gusya kugira ngo bavangemo.

Yasobanuye ko ikindi gituma imihanda ihenda mu kuyisana ari uko akenshi usanga yararengeje cyane igihe yagenewe kuko “iyo bimeze gutyo usanga aho ushyize laterite hakurura aho utayishyize na ho hakangirika.”

Mu zindi mpamvu zatumye ariko badasana uwo muhanda ku buryo burambye, ngo ni uko bateganya ko muri Mutarama 2027 bazatangira kuwukora mu buryo burambye, ukajyamo kaburimbo.

Usibye umuhanda Rusizi-Bugarama, RTDA irabazwa imikoreshereze y’umutungo wa Leta mu mihanda igera kuri cumi n’irindwi, nyamara yo igasubiza ko ikibazo ahanini usanga gishingiye ku bushobozi buke ndetse n’inzira usanga zisabwa hagati yo gusinya amasezerano no kugira ngo Minisititeri y’Imari n’Igenamigambi irekure amafaranga y’ibikorwa.

Kayumba Alice yabigarutseho ubwo yifatanyaga n’ubuyobozi n’abakozi b’uru rwego mu gikorwa cyo kwibuka ku nshuro ya 32 Jenoside yakorewe Abatutsi mu 1994, mu gikorwa cyabereye ku Rwibutso rwa Jenoside rwa Kigali ku Gisozi. Hibutswe kandi n’abakozi bahoze bakorera amagereza bishwe muri Jenoside, ahamaze kumenyekana abagera kuri 18.

Iki gikorwa cyabanjirijwe no gusoma amazina y’abari abakozi bahoze bokorera amagereza ndetse n’ibyo bari bashinzwe. Aya mazina yasomewe imbere y’imiryango yabo, yari yaje kongera kubibuka no kubaha icyubahiro.

Mu butumwa n’ibiganiro byatanzwe, yagarutse ku mateka ya Jenoside yakorewe Abatutsi, kuva mu gihe cy’ubukoloni bwagize uruhare mu gucamo ibice n’ivangura mu Banyarwanda ndetse bikambukiranya Repubulika uko zagiye zisimburana kugeza mu 1994 ubwo yashyirwaga mu bikorwa.

Yavuze ko mbere y’Abakoloni imitegekere y’u Rwanda, Umwami yabaga ariwe muyobozi w’ikirenga agafatwa nk’umubyeyi w’Igihugu, akarangwa no kubumbatira ubumwe bw’Abanyarwanda ku buryo butajegejega.

Ati: "Kandi Abanyarwanda babyemeraga batyo, Umwami nawe akayoborera muri icyo cyerekezo, ntavangure. Iryo pfundo ry’ubumwe ryagaragariraga mu miterere y’ubuyobozi bw’u Rwanda ryashenywe n’abakoloni n’Abamisiyoneli kugira ngo babone ububasha bwo kubategeka no kubahindurira imyemerere gakondo."

Yagarutse by’umwihariko ku ruhare rukomeye rw’u Bubiligi muri aya macakubiri n’ivangura ndetse n’uburyo bwagiye bufasha mu kuyacengeza muri amwe mu mashyaka yitwaga ko agamije ineza ya rubanda.

Kayumba Alice yagaragaje uburyo ibyo byose ariko byagiye bikorerwa Abatutsi, batangira kwicwa guhera mu 1950, abandi baratotezwa, bakurwa mu mashuri, mu mirimo ndetse bamwe barameneshwa, bahungira mu bihugu bitandukanye.

Ikindi kandi, yashimiye cyane uruhare rwa RCS, mu bikorwa byayo byo guhugura aba bagororwa kugira ngo basubire mu miryango yabo ariko kandi baharanira gukomereza aho basanze abandi Banyarwanda mu kwimakaza ubumwe.

Yagize ati: "Ndashimira Urwego rw’Igihugu rw’Igorora, bitari kuri iki gikorwa cyo kwibuka ahubwo no muri gahunda bafatanya na MINUBUMWE, zirimo gusubiza mu buzima busanzwe abagororwa bahamijwe ibyaha bya Jenoside yakorewe abatutsi bari hafi kurangiza ibihano. Byose biri muri uyu mujyo wo kugira ngo tubafashe birinde isubiracyaha mu gihe bazaba bageze hanze bazaharanire kubana neza n’imiryango yabo harimo n’abarokotse Jenoside yakorewe Abatutsi basize biciye."

Umuyobozi Mukuru w’Urwego rw’u Rwanda rushinzwe Igorora (RCS) CG Evariste Murenzi, yavuze ko kwibuka abakozi bahoze bakorera amagereza bishwe muri Jenoside ntabwo ari umuhango kuko ari inshingano ndetse n’isezerano. Ati: "Ni umwanya mwiza wo kuzirikana amateka asharira abo twibyuka banyuzemo kugira ngo tubasubize agaciro bambuwe."

CG Murenzi yashimiye imiryango y’abakozi bibutswe, kubera ubutwari bukomeje kubaranga mu kuba urugero rwiza bakorera igihugu, kwiteza imbere ndetse no gusigasira ubumwe n’ubudaheranwa by’abanyarwanda. Ati: "Turabizeza ko RCS izakomeza kubabahafi no kubashyigikira mu bikorwa by’iterambere ry’imiryango yanyu."

Uwari uhagarariye umuryango wa IBUKA, yavuze ko uyu munsi igihugu gihanganye n’abagihakana bakanapfobya Jenoside yakorewe Abatutsi, cyane cyane binyuze ku mbuga nkoranyambaga, aboneraho gusaba urubyiruko gufata iya mbere kujya basubiza kandi bakamagana abo bose.

Lambert Gahungu umuyobozi wa Tajyire Group

Iyi robot yakozwe na Tajyire, ifite akabyiniriro, ikaba yitwa Tajyire robotic kit for learners, mu Kinyarwanda ugenekereje ikaba ari robot yifashishwa mu kwiga ibijyanye no kuvumbura udushya dushingiye ku ikoranabuhanga.

Iyi mfashanyigisho izakoreshwa cyane cyane ku banyeshuri bo mu gice cya Kabiri cy’amashuri abanza, n’abo mu mashuri yisumbuye, ariko ikaba ishobora kuzongererwa ubushobozi kugira ngo ibe yanakoreshwa n’abo muri Kaminuza.

Yifashishwa mu kwiga amasomo ya Sciences ,technology ,Engineering and Mathematics (STEM)… ikaba yafasha muguhanga udushya no gukemura ibibazo bitandukanye kandi bifasha umunyeshuri gukangura ubwonko n’imitekerereze muri rusange.

Gahungu Lambert, Umuyobozi wa Tajyire Group yagize ati “Iyo robot ishobora gukoreshwa imirimo irenga mirongo itanu. Twayikoze ku buryo ushobora kuyituma ikakujyanira ikintu, ni urugero…mbese ni uburyo bwafasha umwana gutekereza, kugira ngo yaguke mu bwonko nawe yumve byinshi yakora.”

Iyi rero, ngo ishobora gukoresha mu buryo bwa coding, igahabwa imirimo ikora, ikifashishwa n’urubyiruko mu guhanga udushya. Ishobora gukora imirimo irenga mirongo itanu, bitewe n’amakuru bayihaye.

Aha ariko, Gahungu avuga ko aho isi igana, robot zikora mu kuyobora abantu, kuyobora imodoka, ndetse ikaba itangiye no kwegera cyane abantu kugira ngo ibunganire mu buzima busanzwe, haba gusasa, kurera n’ibindi, Tajyire na yo ikaba ari ho igana, mu mitekerereze yayo ya robotics.

Gahungu ati “Ntabwo twakomeza kurebera isi itera imbere, ngo twe dusigare”

Gahungu Lambert, Umuyobozi wa Tajyire Group, asobanura aho igitekerezo cye cyo kwinjira ku isoko rya robots cyavuye, yavuze ko yitegereje aho isi igana, abona ko ibihugu biteye imbere bikijijwe no gushora mu bukungu bushamikiye ku ikoranabuhanga rigezweho, digital economy.

Agira ati “Jyewe muri business, sinkora ngo nunguke gusa, ahubwo ndeba ejo hazaza. Urebye ubwenge buhangano, robotics, automation, ndetse n’icyo bita e-commerce cyangwa ubucuruzi bwo kuri internet, n’ibindi, ni byo bigize icyo twita digital economy.”

Digital economy ugereranyije usanga ko ari ubukungu bukoresha ikoranabuhanga rigezweho, kandi rijyana na Internet, mudasobwa ndetse na telephone zigendanwa.

Gahungu yabonye ko mu myaka 26 ishize dutangiye ikinyejana gishya, ubu bukungu bushya ni bwo bwazamuye Amerika irushaho gukomera mu buhangange bwayo, ku buryo uyu munsi ubukungu bwayo burengeje Miliyari zirenze ibihumbi 30 z’Amadolari.

N’abayigwa mu ntege nabo ni cyo kiri kubazamura. Abo ni nk’Ubushinwa bufite ubukungu bwa Miliyari ibihumbi 20 by’Amadolari, Ubudage bwa Miliyari ibihumbi bitanu, Ubuhinde bufite Ibihumbi bine n’imisago, n’abandi.

Ubwo nyamara, Afurika yose uko ingana, yibereye aho n’Ubukungu bwa Miliyari ibihumbi 3.2 by’Amadolari, bivuze ko Amerika ikubye umugabane wose inshuro zirenze icumi mu bukungu.

Gahungu yarebye ibigo bikomeye icumi bya mbere ku isi, atangazwa no kubona ko byose byazamutse muri iyi myaka makumyabiri n’itandatu ishize, ariko imari yabyo igahita itumbagira, kurusha ubucukuzi bw’amabuye y’agaciro bwabayeho kuva isi yaremwa, ndetse na Peteroli abantu birirwa barwanira bakamarana.

Yagize ati :”Urebye za Nvidia zikora semi conductors, ugafata Microsoft, iyi Meta iri mu by’imbuga nkoranyambaga, Grab, Tencent, Ali Baba….izo zose, icumi muri zo, zifite imari ya Miliyari ibihumbi 20 z”Amadolari, aho zikubye karindwi umusaruro mbumbe wa Afurika yose.”

Aha rero, byatewe n’iki, kuki Afurika isigara inyuma?

Gahungu yabonye ko Afurika yibera mu gukoresha iby’abandi, kandi na yo yamenya kubyikorera.

Agira ati “Mu by’ukuri, nk’uko Abanyamadini babitubwira, twese twaremwe mu ishusho ry’Imana, ariko imitekerereze yacu ni nk’aha n’I Roma. Biriya bigo by’ubucuruzi, byakozwe n’urubyiruko rurimo Mark Zuckerberg, Jack Ma bakiri bato, ibihugu byabo birabashyigikira.”

Nyamara muri Afurika, usanga ngo buri muntu wese ubonye amafaranga, yumva ko agomba gucuruza yatumije ibintu hanze, ariko ntatekereze kubyikorera hano.

Agira ati “Ikibazo tugira, ntitwikorera ibintu byacu, ahubwo uteye imbere, yumva ko azajya gushaka ibyo acuruza i Burayi. Ntidukoresha ubwonko bwacu ngo dushore mu bushakashatsi twivumburire ibintu bihuye n’isoko ryacu, niturangiza tubishyire ku isoko.”

Ibi byose, ni byo byinjije Gahungu mu gukora za robot, ariko ahera ku mushinga wa robot izafasha abana gutekereza.

Yagize ati “Natekereje robotics, ntekereza n’abana, n’ubwo mfite imyaka 30, aya mahirwe ariho ubu, nanjye ntabwo nayabonye, ariko ndimo ndatekereza umwana nkavuga nti, ese aba bana bakwinjira gute muri iri soko ry’isi rigezweho?”

Yavuze ko iyo robot ateganya kumurika kuri uyu wa 25 Kamena, “nta kindi gihugu cya Afurika cyigeze iyikora.”

Ati “twagize igitekerezo mbere na mbere, dukora design, ndetse turubaka. Urebye ku masoko yo hanze, robot nk’iyi igura ibihumbi bitanu, bitandatu by’Amadolari, ariko si buri wese washobora kuyigurira. Ariko iyo umwana ayibonye, bituma gutekereza kwe kwaguka, gukemura ibibazo kwe kukaguka, ejo n’ejobundi agatekereza ukuntu yakwikorera ikintu, aho kugira ngo agombe kugitumiza.”

Ubu Gahungu yabonye ko hari ibintu byinshi Afurika yemera uko biri, n’aho yaba itabishaka, ariko kuko ari indorerezi ku isoko rya Digital Economy, ikemera ikabifata uko ibihawe.

Icyakora agira ati “Gusa, haracyari kare, twafatirana tukajyana n’abandi, imyaka 26 si myinshi.”

Aya mahugurwa yamaze amezi ane yibanze ku gutyaza ingabo ngo zihore ziteguye, bongererwa ubumenyi mu kuyobora no gukurikirana imyitwarire y’abasirikare, no kunoza amayeri y’ibikorwa njyarugamba.

Gen MK Mubarakh yashimiye abarangije aya mahugurwa anabagezaho ubutumwa bwa Perezida wa Repubulika y’u Rwanda akaba n’Umugaba w’Ikirenga w’Ingabo z’u Rwanda, Nyakubahwa Paul Kagame.

Muri ubwo butumwa, Perezida yashimye akazi gakomeje gukorwa na RDF n’izindi nzego z’umutekano, anashimira by’umwihariko abasirikare barangije aya mahugurwa uyu munsi. Yabibukije ko amahugurwa ahoraho ari yo nkingi y’ingenzi ituma RDF ikomeza gukora kinyamwuga.

Gen MK Mubarakh yashimangiye ko amahugurwa y’urwego rwisumbuye ku Ngabo zirwanira ku butaka afite uruhare rukomeye mu gutegura abasirikare kugira ngo bashobore gusohoza neza inshingano zabo no guhangana mu buryo bunoze n’ibibazo bishya by’umutekano bishobora kuvuka.

Yanagaragaje ko, uretse ubumenyi n’ubuhanga bwa tekiniki n’amayeri ya gisirikare, aya mahugurwa yanabatoje indangagaciro z’ingenzi zirimo imyitwarire ya gisirikare, ubunyamwuga ndetse no gukora inshingano zabo mu bunyangamugayo, byose bikajyana no kubahiriza amahame agenga RDF.

Umugaba Mukuru w’Ingabo yasabye abasirikare gukoresha neza ubumenyi bushya bungutse mu bikorwa bya gisirikare no gukomeza kurangwa n’imyitwarire myiza n’ikinyabupfura, mu rwego rwo kurushaho gusohoza neza inshingano zabo za buri munsi.

Ni imodoka 18 zamuritswe na Sosiyeye ikora ikanacuruza imodoka z’amashanyarazi (BASIGO), kuri uyu wa 23 Kamena 2026, zikaba zifite ubushobozi bwo gukora ingendo zose z’imbere mu gihugu zikagera aho zigiye zidakeneye gusharija mu nzira.

Zije ziyongera ku zindi zari zisanzwe zikorera mu byerekezo bitandukanye birimo mu Mujyi wa Kigali, Nyagatare, Rusumo, Rubavu, Karongi, Musanze, Huye na Nyamata n’ahandi, zari zifite ubushobozi bwo kugenda ibirometero 300 gusa.

Umwihariko w’izamuritse ni uko zifite ubushobozi bwo gutwara abantu 42 bicaye neza, kandi zikaba zagera mu Karere ka Rusizi, nta handi bibanje gusaba ko zihagarara ngo zibanze gusharija.

Imodoka ya mbere ikoresha amashanyarazi, izakora urugendo rwa mbere itwaye abagenzi mu Karere ka Rusizi guhera tariki ya 1 Nyakanga 2026, nyuma y’uko zigeragejwe bakabona bishoboka.

Umuyobozi Mukuru wa Basigo mu Rwanda, Johns Kizihira, avuga ko imodoka bari basanzwe bafite zari zifite ubushobozi bwo kugera ku mipaka yose y’u Rwanda, uretse mu Karere ka Rusizi.

Ati “Rusizi burya ni kure, sinari nzi ko ari kure cyane, kugeza ejo bundi, izi modoka 18 zije, twoherezayo iza mbere 2, ziragenda zigerayo amahoro, ziranagaruka. Rwari urugendo runini cyane, kuko twumvaga kuzohereza imodoka i Rusizi zikagaruka zidasharije, ari ikintu kizatuvuna cyane, ariko byarakunze. Turashaka gutangira gukora ingendo muri Nyakanga, tukohereza imodoka Rusizi zikagenda zikagaruka.”

Umuhanda uzaba usigaye utaragezwamo izo modoka kandi nawo urimo gutekerezwaho, ni uturuka mu Karere ka Rubavu, ukanyura mu Rutsiro, Karongi, Nyamasheke na Rusizi.

Ikibazo cyaho zisharijwa kiracyari ingorabahizi kuko kugeza ubu uretse mu Mujyi wa Kigali no mu Karere ka Muhanga nta handi zishobora kurahurira umuriro.

Kizihira ati “Kubera iri koranabuhanga ari rishya, ukuntu Basigo ikora, biyisaba gukora byose. Ntabwo dutanga imodoka gusa tugomba gushyiraho aho basharijira zikabona amashanyarazi. Uyu munsi dufite habiri, Kigali na Muhanga. Turimo gufungura Huye, Rusizi na Rubavu, kugira ngo n’izigiye zikararayo nubwo ziba zifite umuriro wo kugaruka, zatangira zifite 100%, zikagera Nyabugogo zigapakira zigasubirayo zitabanje kongera kuwushaka.”

Bamwe mu bashoferi bamaze iminsi batwara bisi zikoresha amashanyarazi mu bice bitandukanye by’Igihugu, bavuga ko ari imodoka nziza zitabavuna ugereranyije n’izindi bari basanzwe batwara zikoresha ibikomoka kuri peteroli.

Tom Habanabakize, umaze amezi arindwi atwara bisi y’amashanyarazi muri imwe muri sosiyete zikora ingendo za Kigali-Muhanga na Huye, avuga ko bisi z’amashanyarazi zifite itandukaniro ugereranyije n’izindi bari basanzwe batwara.

Ati “Izi modoka z’amashanyarazi nkatwe tuzitwara, nta mvune irimo, kuko zino zindi zikoresha vitensi bisaba ngo uyitekerereze cyane, ariko izi zindi ntabwo utekereza cyane kuko hari ibintu byinshi ziba zoroshyemo. Ikindi ntabwo zimara umuriro, kuko mpaguruka i Kigali mfitemo 100%, nkagenda nkagera i Huye, ngerayo mfitemo 60%, kugaruka kugera i Kigali mpagera mfitemo 36% cyangwa 35% nta handi nasharije.”

Ikiguzi cy’umuriro gishobora kugenda kuri izi bisi mu gihe cy’ukwezi nko kuzikora urugendo rwa Kigali-Rusizi, gishobora kubarirwa hagati ya miliyoni 1.8 na 2, mu gihe ku zindi zikoresha Mazutu icyo giciro gishobora kwikuba inshuro eshatu kikagera kuri miliyoni 6.

Muri rusange bisi zose hamwe Basigo ifite mu Rwanda ni 52, gahunda ni ukugira bisi ijana bitarenze uyu mwaka, no kugira bisi 1000 muri Afurika y’i Burasirazuba mu myaka itatu iri imbere.

Igiciro cya bisi imwe muri 18 zamuritswe, gihagaze hejuru y’ibihumbi 100 by’Amadolari y’Amerika, aho Basigo ikorana n’Ikigo cyo mu Bushinwa gikora amabisi. gipakira ibyuma byazo muri Kontineri, hanyuma abakanishi b’inzobere bize mu Bushinwa, bakaziteranyiriza Nairobi muri Kenya, zikahapakirirwa zizanwa mu Rwanda.

Aha ni ho Basigo izigurisha cyangwa ikazikodesha amakampani atwara abagenzi, bagakora bishyura, ikanaba igaraji rifite abakanishi babafasha kuzitaho naho kuzisharijira.

Ni we mukoresha w’ingenzi usanga benshi duhanze amaso, akaba ari na we munini, ni ukuvuga uhemba abakozi benshi hamwe, turamutse tuvuze ko Leta ari ikigo.

Umwaka wa 2025, Leta yakoreshaga 7% y’abantu bose bafite imirimo mu Rwanda. Ni ukuvuga ko abandi bagiye bari mu bindi bice, ariko nta kindi kigo na kimwe gifite abagera kuri uwo mubare ari kimwe cyonyine.

Aba bakozi barenze ibihumbi 330,000, kandi muri bo hanabarirwamo abarimu, abakozi bo kwa muganga, ab’inzego z’ibanze, n’ibigo bya Leta. Muri macye, iyo uhuye n’abakozi 14-15, umwe muri bo aba akorera Leta.

Aba bakozi, ni abavandimwe bacu, ababyeyi bacu, abana bacu, abaturanyi cyangwa inshuti zacu.

N’ubwo benshi barangamira Leta ku bw’umurimo, si yo mukoresha uhemba menshi byanze bikunze, ariko hari ibintu bikurura abatari bacye muri Leta.

Hari abavuga bati "N’ubwo agashahara kaba ari gacye, ariko hariya habamo ka misiyo, ku buryo umushahara ushira nkimeze neza. Iyo bampaye ka misiyo k’icyumweru, ukwezi gushira mpagaze neza."

Mu gihugu kirimo ikiguzi cy’ubuvuzi kiri hejuru, abandi benshi bashimishwa no kumva ko nibakorera Leta, bazaba bizeye "ubwisungane mu kwivuza bwishyura neza, no mu mavuriro yigenga."

Dukurikije imibare iheruka, Abanyarwanda 85.3% bafite ubwishingizi bw’Ubuzima, cyangwa se muri macye, abarenga 8 ku bantu icumi mwahurira mu nzira, baba bafite ubwishingizi.

Abenshi baba bari mu bwisungane rusange, bita mituelle de sante, abarenga 93 ku ijana, mu gihe abasigaye bagenda bari mu bindi byiciro, birimo n’ubundi iyari isanzwe ari RAMA, ubu ni RSSB yiganjemo abakozi, ndetse n’iz’abigenga.

Mu bindi bikunze kujyana abakozi muri Leta, ni ukuvuga ngo "nta siteresi ibamo, kandi ukora amasaha yawe y’akazi yarangira ugataha."

Muri Leta, wenda hari n’ibindi birebwa, ariko amasaha yo gutangira akazi ni icyitonderwa, ariko n’ayo gutaha ni ndakorwaho, muri rusange. Ni kimwe n’ibiruhuko byagenwe, harimo na konji y’umwaka.

Ubwo hiyongeraho n’utundi tuntu tumwe na tumwe, cyane cyane ibijyanye no kwizera ko buri kwezi, kuri Letariki idahinduka, ubutumwa bwa Banki buba bugeze muri Terefoni nta gisibya.

Ubwo kandi ukorera Leta, mu gihe yatanze imihigo ye, ndetse akayihigura muri sisitemu ku gihe, akagira inota fatizo, nyuma y’imyaka ibiri cyangwa se itatu, hari akantu kaziyongera ku byo atahana - take home. Ibi ntibivuze ko mu bikorera ibi batabyitaho, gusa birasanzwe mu Kinyarwanda, ingo ntizireshya.

Ukuzamurwa mu ntera, bibamo uburyo bubiri, ari bwo impagarike, ndetse n’intambike, promotion horizontale, na Promotion verticale.

Bitewe n’umwanya afite, umukozi wa Leta hari n’ibindi aba ashobora kubona, harimo ndetse n’ibimufasha gukora akazi ke neza byo ku ruhande, lampsum, bishobora no kuba byinshi kurusha umushahara yakira ku kwezi.

Kimwe n’abikorera ku giti cyabo, abakozi ba Leta bahembwa buri kwezi, babita "abanyamushahara."

Akenshi usanga bemeranya ko nta mushahara uhagije ubaho, kuko mu matariki Makumyabiri, cyangwa makumyabiri n’atatu, umwe ashobora kuguza mugenzi we, maze na we akamusubiza ati "Eh! Aya matariki bro!"

Icyakora, abanyamushahara, bazi kwirwanaho. Mu bigo byinshi, usanga bakora ibimina, maze bakajya baguriza umuntu bitewe n’amategeko abagenga.

Hari ibigo ubu ngubu bishobora kuguriza umukozi amafaranga yakubaka inzu. Icyo gihe, abo bakozi bareba banki bakayiseka, bati "turagukize! Inguzanyo yo kwishyura 18% twari kuzayikizwa n’iki iyaba tutakoraga muri Kaminuza...cyangwa ikigo...?"

Impamvu babivuga, nuko ibyo bimina byabo, bibaguriza ku nyungu ya 5%, 7%...hari n’aho numvise bayitangira kuri 3%.

Uko bihagaze uyu munsi, Leta ni we mukoresha akenshi ugerageza gucisha ibintu mu mucyo kurusha abandi, mu mitangire y’akazi, kuko haba guhamagara abagashaka, bakaza bagasaba, bagakora ikizamini, bagakosorwa, abagize amanota runaka bagahabwa imyanya bitewe n’ihari, abasagutse, nabo baba bagejeje ku manota asabwa, bagashyirwa kuri lisiti y’abategereza igihe gitaha.

Gusa iyi lisiti, abayivaho ni mbarwa, kuko usanga mu kizamini Leta ishakamo abantu batatu, abagera ku gihumbi baza gusaba akazi.

Komisiyo y’u Rwanda ishinzwe Abakozi ba Leta ivuga ko abitabiriye amapiganwa cyangwa gukora ibizamini by’akazi ka Leta mu mwaka wa 2024/2025 bari ibihumbi 106 mu barenga miliyoni imwe n’ibihumbi 100 bari banditse bagasaba.

Nyuma yaho abagera ku 8,783 ni bo batsinze ibyo bizamini, ariko muri bo abashyizwe mu myanya baba 3,134 gusa.

Bikubiye muri raporo y’ibikorwa bya Komisiyo y’Igihugu ishinzwe Abakozi ba Leta (NPSC), by’umwaka wa 2024/2025 na gahunda y’ibikorwa by’umwaka wa 2025/2026.

Kubera iyi mibare, Leta irabizi neza ko idahagije isoko ry’umurimo, yewe n’iyo ifatanyije n’abikroera, imirimo iranga ikaba iyanga.

Ni yo mpamvu ihora ikangurira Abanyarwanda kwihangira imirimo. Hari ababikora bigakunda, bagafata icyemezo, ubundi bakabara gatatu, bagafungura iduka, bakajya mu buhinzi, cyangwa se n’abandi, bakajya mu rwego rw’abikorera gutyo.

Aha rero, iyo hashize iminsi, usanga abanyamakuru bandika inkuru zigira ziti "Yaretse akazi kamuhemba miliyoni ku kwezi ajay gucuruza ihene none arinjiza miliyoni icumi ku kwezi"

Abandi na bo bati "Yatangiriye ku ifoto y’inka, none ubu afite ifamu."

Hari abatinya kuva mu kazi ka Leta, bagakomeza bagatanga umusanzu wo kubaka u Rwanda, maze bakazamukorera ibirori byo kumusezerera bavuga ko agiye mu kiruhuko cy’izabukuru nyuma yo gukorera iki XYZ imyaka mirongo ine. Bijya bikunda iyo mu kigo hatabayeho igabanya ry’abakozi, kandi umukozi akaba yarasinye kontaro itarangira - open ended contract.

Menya ari yo mpamvu baviga ko Leta ari umukoresha utanga umutuzo ku kazi, stabilite, umuntu agakora atikanga ngo ejo cyangwa ejobundi bashobora kunsezerera.

Ibyo Leta iha abakoresha, ab’indashima babyita ’urusenda, cyangwa Serum", ariko abareba kure bakavuga bati "Leta ni umubyeyi."

Abayisebya bakavuga bati "Leta isigaye ari umubyeyi gito", ariko wasanga baba bafite ibikomere by’uburyo bumwe cyangwa ubundi.

Ni ibikorwa byabaye mu bitaro byitiriwe Umwami Faisal, bimwe mu bikomeye mu karere bitanga serivisi z’ubuvuzi ziri ku rwego mpuzamahanga.

Iyi ntambwe ntabwo ifatwa nk’mibare gusa yabasimburijwe impyiko, ahubwo igaragaza imbaraga u Rwanda rushyira mu bufatanye mpuzamahanga ndetse n’umuhate warwo wo kubaka ubushobozi bw’abaganga b’Abanyarwanda.

Iyi gahunda Living Donor Kidney Transplant Program, itangizwa muri 2023, abaganga b’inzobere b’Abanyarwanda bari bamaze iminsi bategurwa bafatanyije n’itsinda ry’abavuye muri Leta Zunze Ubumwe za Amerika. Muri icyo gikorwa basimburije abarwayi batatu impyiko.

Ibitaro byitiriwe Umwami Faisal, byatangaje ko binyuze mu mikoranire n’Ikigo cya Kaminuza ya Michigan yigisha ibijyanye n’ubuzima (University of Michigan Center for Global Health Equity – UM-CGHE) hamwe na Michigan Medicine, u Rwanda rwabashije kongera ubumenyi n’ubushobozi bw’inzobere z’imbere mu gihugu.

Bigizwemo uruhare na Prof. Jeffrey Punch, Ibitaro byitiriwe Umwami Faisal, bivuga ko iyi gahunda yibanze ku gutoza abaganga b’Abanyarwanda gukora ibikorwa byo gusimbuza impyiko, kubaka no kongerera ubushobozi amatsinda y’abaganga batandukanye ndetse bikajyana no gushyiraho uburyo burambye bwo gutanga izi serivisi mu Rwanda.

Kugeza ubu abarwayi bahoraga bajya kwivuriza mu mahanga ndetse bikajyana n’ikiguzi gihanitse cyo kubona serivisi babaga bakeneye, ubu bashobora kubona ubuvuzi bubafasha kurokora ubuzima bwabo batari kure y’imiryango yabo, kandi bitabahenze.

Mbere y’uko gahunda Living Donor Kidney Transplant Program itangizwa mu 2023, Minisiteri y’Ubuzima, yatangazaga ko mu myaka irindwi ishize, abarwayi 67 boherejwe gusimburizwa impyiko mu bihugu by’amahanga bitwara arenga miliyoni 900 z’amafaranga y’u Rwanda.

U Rwanda rukomeje gushyira imbaraga mu kubaka urwego rw’ubuzima rushoboye mu gufasha Abanyarwanda ndetse n’abanyamahanga kubona serivisi z’ubuvuzi zigezweho imbere mu Gihugu.

Iyi nama yanitabiriwe n’ishami ry’umuryango w’Abibumbye ryita ku Mpunzi, ikaba yashoje imirimo yayo i Addis Abeba muri Ethiopia kuri uyu wa 22 Kamena.

Imibare yatangarijwe muri iyi nama igaragaza ko RDC icumbikiye impunzi n’abasaba ubuhungiro b’Abanyarwanda 196.289, muri bo 75.421 bakaba baranditswe hakoreshejwe uburyo bw’ikoranabuhanga bugaragaza imyirondoro yabo (biometric registration).

Abasigaye basaga ibihumbi 120, imyirondoro yabo ntisobanutse neza, abari mu nama bakaba bagaragaje ko iki ari ikibazo gikomeye.

Ku rundi ruhande, u Rwanda rucumbikiye impunzi n’abasaba ubuhungiro b’Abanye-Congo 84.456.

Impande zose zemeje ko impunzi zigomba gutahuka ku bushake bwazo, mu mutekano kandi zifite amakuru ahagije ku buzima zizasanga mu gihugu cyazo.

Impande zose zashyizeho intego yo gutahura nibura impunzi 10.000 mbere y’uko uyu mwaka urangira.

RDC igiye gutegura aho impunzi z’Abanye-Congo zizatahukira

Ikindi cyagarutsweho muri iyi nama ni uko RDC yemeye gutangira, guhera mu Ukwakira 2026, gutegura no kugaragaza ahantu h’ibanze impunzi z’Abanye-Congo ziri mu Rwanda zizatahukira. Ibi bizashingira ku byifuzo by’izo mpunzi ndetse n’amakuru yatanzwe n’ubuyobozi bw’u Rwanda.

Iyi gahunda igamije gutegura uburyo impunzi z’Abanye-Congo zizatahuka buhoro buhoro kandi ku buryo burambye mu duce zikomokamo.

Iri ni itangazo rya gatanu rihuriweho n’impande zombi ku bijyanye no gutahura impunzi ku bushake kuva hashyirwaho uru rwego rw’ubufatanye.

Nubwo amasezerano nk’aya yakomeje gusinywa mu myaka yashize, bamwe mu bakurikirana iki kibazo bagaragaza ko hari ibyemezo byinshi bitigeze bishyirwa mu bikorwa uko byari byateganyijwe, cyane cyane ku ruhande rwa RDC.

Ikibazo cy’umutekano mucye gikomeje kugaragara mu Burasirazuba bwa Congo, ahari imitwe myinshi yitwaje intwaro.

Itangazo ry’ibyavuye muri iyi nama ryasinyweho na Minisitiri ushinzwe Ibikorwa by’Ubutabazi mu Rwanda, Maj Gen (Rtd) Albert Murasira, Jacquemain Shabani Lukoo Bihango, Visi Minisitiri w’Intebe wa RDC ushinzwe Umutekano w’Imbere mu Gihugu, ndetse n’Umuyobozi Mukuru wa HCR, Barham Salih.

Iki gikorwa cyabaye kuri uyu wa mbere tariki 22 Kamena 2026, kikaba ari igikorwa kiri muri gahunda ya Defence and Security Citizen Outreach Programme 2026, cyatangijwe ku wa 9 Werurwe 2026 n’Ingabo z’u Rwanda na Polisi y’u Rwanda ku bufatanye n’izindi nzego za Leta.

Iyi gahunda igamije guteza imbere imibereho myiza y’abaturage binyuze mu bikorwa bitandukanye by’iterambere, ikaba iteganyijwe gusozwa ku wa 4 Nyakanga 2026, umunsi u Rwanda ruzizihizaho Kwibohora ku nshuro ya 32.

Micomyiza Sylivestre, umwe mu baturage bahawe ihene, yavuze ko iri tungo rizamufasha kuzamura imibereho y’umuryango we ndetse no kongera umusaruro w’ubuhinzi binyuze mu ifumbire rizatanga.

Ati: “Iyi hene izamfasha kubona ifumbire mbashe gufumbira neza, mbashe no kwishyurira umuryango ubwisungane mu kwivuza ndetse mbone ibikoresho by’ishuri by’abana.”

Yavuze ko afite intego yo korora neza iyo hene ku buryo mu myaka iri imbere na we azabasha koroza abandi, nk’uko nawe yorojwe.

Micomyiza yavuze ko yari asanzwe azi Ingabo na Polisi nk’inzego zishinzwe umutekano no gufasha abaturage mu bikorwa bitandukanye, ariko ko yatunguwe no kubona zibatekerezaho zikabaha amatungo abafasha kwivana mu bukene.

Ati: “Ibi bizadufasha gukomeza gukorana neza n’inzego z’umutekano, dutanga amakuru ku gihe kandi dukomeza kugira uruhare mu kubungabunga umutekano.”

Mukandayisenga Pharasie, umwe mu bahawe ihene, yavuze ko iri tungo rizamufasha kurwanya ikibazo cy’imirire mibi mu muryango we no kuzamura imibereho y’abana be.

Yashimiye Ingabo na Polisi ku bikorwa byiza bakorera abaturage, avuga ko bitanga icyizere ku miryango itishoboye.

Ati: “Natunguwe no kumva umuyobozi w’umudugudu ambwira ko ngiye guhabwa ihene n’Ingabo z’u Rwanda. Byaranshimishije cyane.”

Undi muturage witwa Nayino Francine, umubyeyi w’abana batanu, yavuze ko yari asanzwe yumva ibikorwa by’Ingabo z’u Rwanda bigamije guteza imbere abaturage, ariko ko yishimiye kuba na we byamugezeho.

Abahawe aya matungo bose bahuriza ku kuba azabafasha kwivana mu bukene, kongera umusaruro w’ubuhinzi no kuzamura imibereho y’imiryango yabo.

Ati: “Ubutumwa duha Ingabo ni uko zakomeza kutuba hafi no kudufasha mu rugendo rw’iterambere, igihugu cyacu kigakomeza kugira amahoro arambye.”

Ndayisenga Jean Bosco, umwe mu bahawe inka, yavuze ko izamufasha kubona ifumbire no kongera umusaruro mu buhinzi bwe.

Asanzwe ahinga soya, ibigori, ibishyimbo n’ibindi bihingwa bitandukanye. Avuga ko kwakira amakuru y’uko agiye guhabwa inka byamushimishije cyane kuko izamufasha kurera neza abana be babiri no kuzamura imibereho y’umuryango.

Ati: “Nzayitaho uko bikwiye. Numvaga ibikorwa by’Ingabo na Polisi bikorwa ahandi, none nanjye byangezeho. Ni ibyo kwishimira kuko bidufasha gutera imbere.”

Umuyobozi w’Akarere ka Kirehe wungirije ushinzwe iterambere ry’ubukungu yavuze ko ubuyobozi buzafasha abaturage bahawe amatungo kuyitaho neza no gukomeza gahunda yo korozanya.

Ati: “Ibi bigaragaza umubano mwiza uri hagati y’inzego z’umutekano n’abaturage. Ni n’uburyo bwo gukomeza gushimangira urugendo rw’iterambere igihugu cyacu kirimo. Aya matungo azafasha abaturage kwihutisha iterambere ryabo.”

Kugeza mu Cyumweru gishize, bisi y’amashanyarazi ya BASIGO, yashoboraga kujya Nyagatare, Rubavu, Musanze, Huye n’ahandi mu Rwanda ikagaruka i Kigali, ariko bubaye ubwa mbere bisi y’amashanyarazi ishoboye kwambuka Nyungwe, ikajya mu Mujyi wa Rusizi (216km) mu Burengerazuba bw’u Rwanda, ikagaruka i Kigali.

Iyi Kampani, ikorana n’Ikigo cyo mu Bushinwa gikora amabisi. Gipakira ibyuma by’amabisi muri Konteneri, hanyuma abakanishi b’inzobere bize mu Bushinwa, bakaziteranyiriza Nairobi muri Kenya, aho zipakirwa zikazanwa mu Rwanda.

Aha ni ho Basigo izigurisha n’amakampani atwara abagenzi, bagakora bishyura, kandi Basigo ikaba yarabahaye igaraji rifite abakanishi babafasha kuzitaho.

Uyu munsi, bisi 18 nshya zifite ubwo bushobozi bwo kugera mu Rwanda hose, ziri i Kigali, zikaba zarahasanze izindi, maze zose hamwe ziba 66. Gahunda ni ukugira bisi ijana uyu mwaka, ndetse no kugira bisi 1000 muri Afurika y’i Burasirazuba, muri iyi myaka itatu.

Martin Tindiwensi, ushinzwe itumanaho muri Basigo, yabwiye Kigali Today ko izi bisi zihabwa umuriro na sitasiyo ebyiri zisharija imodoka zose. Izi, zifite ubushobozi bwo gusharija bisi mu minota 45.

Izi sitasiyo, imwe iri i Kigali, indi iri i Muhanga, hakaba hateganyijwe n’izindi i Huye na Rubavu.

Tindiwensi avuga ko mu mikoranire mishya, ibigo bitwara abagenzi bizajya bigura izi bisi, bakaba barabahuje n’amabanki, kugira ngo abahere inguzanyo ku nyungu ntoya.

Avuga ko, iyi gahunda igamije gufasha Leta y’u Rwanda kugira bisi zitwara abagenzi zisirimutse, kandi zibungabunga ibidukikije.

Mu mpera z’uyu mwaka, u Rwanda rurateganya ko nta bisi itwara abagenzi inywa lisansi/mazutu izaba igikoreshwa mu Mujyi wa Kigali

Ni ubutumwa yatanze kuri uyu wa Mbere, ubwo yafunguraga inama ku bufatanye hagati y’ibihugu bikiyubaka n’abandi bafatanyabikorwa (South-South & Triangular Cooperation), ibera i Kigali kuva kuri uyu wa 22-23 Kamena 2026.

Iyi nama yateguwe n’Urwego rw’Igihugu rushinzwe Ubutwererane mpuzamahanga, ku bufatanye n’Ishami ry’Umuryango w’Abibumbye rishinzwe Iterambere mu Rwanda (UNDP), ikaba ifite insanganyamatsiko igira iti: “Gushimangira ubufatanye n’inzego zishyiraho amategeko n’amabwiriza mu koroshya ishyirwa mu bikorwa ryabyo.”

Minisitiri Nduhungirehe yatangaje ko u Rwanda rwishimiye kwakira ku nshuro ya mbere iyi nama mpuzamahanga ku bufatanye bw’Ibihugu bikiyubaka ndetse nk’abafatanyabikorwa batandukanye mu iterambere ryabyo.

Yagize ati: “U Rwanda rwishimira kwakira iyi nama ya mbere, kandi rufite intego yo gushyira ku rwego mpuzamahanga Kigali nk’ihuriro ry’ubufatanye bw’Ibihugu bikiyubaka n’ubw’abafatanyabikorwa. ahantu ho guhanahana ubumenyi hagati y’ibihugu kandi bigategurwa neza, aho ibikorwa byiza bishyirwa mu bikorwa bikanahuzwa n’aho bikeneye gukoreshwa, aho kuba ibyo kurebererwa gusa.”

Minisitiri w’Ububanyi n’Amahanga, Olivier Nduhungirehe yakomeje ashimangira ko ubu bufatanye bugamije gutuma ibihugu byo mu Majyepfo y’Isi bibasha gukorana nta busumbane hagati yabyo, bisangira ibisubizo ku bibazo bihuriyeho, hagamijwe iterambere rusange n’ubukungu burambye.

Iyi nama igaragaza intambwe u Rwanda rukomeje gutera mu guteza imbere ubufatanye mpuzamahanga bushingiye ku bwubahane, gusangira ubumenyi, no gushakira hamwe ibisubizo byafasha ibihugu kugera ku iterambere rirambye.

Minisitiri Nduhungirehe kandi yibukije abitabiriye iyi nama ko ubufatanye bw’Ibihugu bikiyubaka ndetse n’ubw’abafatanyabikorwa bushingiye ku kubahana no gusangira ubunararibonye, aho kugira ngo bamwe batekereze ko ubumenyi buva ku ruhande rumwe ahubwo bugana no ku rundi.

Yagaragaje ko ubu buryo bw’ubufatanye bugamije guteza imbere ibihugu biri mu nzira y’amajyambere binyuze mu gusangira ibisubizo byabashije kugerwaho n’ibindi byakozwe mu bindi bihugu bifite imiterere ijya gusa, bityo bigafasha mu kwihutisha iterambere rirambye.

Iyi nama ihuje abayobozi, impuguke n’abafatanyabikorwa batandukanye, mu rwego rwo kungurana ibitekerezo ku buryo bwo kunoza imikorere y’ubu bufatanye, no gushaka ibisubizo bifatika byafasha mu gushyira mu bikorwa gahunda z’iterambere mu buryo bunoze.

Mu ijambo yagejeje ku baturage ari imbere y’ibiro bya Minisitiri w’Intebe kuri 10 Downing Street i Londres, Starmer yavuze ko ibyemezo byose yafashe kuva yajya ku butegetsi byari bigamije gushyira imbere inyungu z’Igihugu akunda.

Yagize ati “Buri cyemezo nafashe nkiri ku buyobozi cyari kigamije gushyira imbere igihugu nkunda.”

Starmer wari wagaragaraga afite amarangamutima menshi, yashimiye umugore we Victoria (Vic) amwita “inkingi ikomeye” yamubaye hafi mu bihe byose, anavuga ko yifuza gukomeza kuba umubyeyi mwiza ku bana be.

Nubwo yatangaje ubwegure bwe, Starmer yavuze ko azakomeza gukora inshingano za Minisitiri w’Intebe kugeza igihe Ishyaka rya Labour rizatorera umuyobozi mushya.

Yasabye urwego rukuru rw’iri shyaka kwihutisha icyo gikorwa kugira ngo umusimbura abe yamaze kuboneka mbere y’uko Inteko Ishinga Amategeko yongera guterana muri Nzeri.

Ubwegure bwa Starmer buje nyuma y’uko ishyaka rye rigize umusaruro mubi mu matora y’inzego z’ibanze yabaye muri Gicurasi, ndetse bamwe mu badepite ba Labour bagatangira kunenga imiyoborere ye n’icyerekezo cya politiki yari ayoboye.

Andy Burnham, umwe mu bavuga rikijyana muri Labour, ari mu bahabwa amahirwe yo gusimbura Starmer nyuma yo kwegukana amatora y’umudepite wa Makerfield mu cyumweru gishize.

Ubwongereza bugiye kubona undi muyobozi mushya mu gihe gito, mu gihe politiki y’icyo gihugu ikomeje kurangwa n’impinduka zikomeye mu buyobozi bwo hejuru.

Ibi byagarutsweho mu kiganiro Urubuga rw’Itangazamakuru gitegurwa n’Ishyirahamwe ry’Abanyamakuru b’u Rwanda (ARJ).

Abakurikiranira hafi ikibazo cy’umutekano muri RDC banenze iyi mvugo, bavuga ko ishobora gukomeza gukaza umwuka mubi hagati y’impande zihanganye.

Me Gasominari Jean Baptiste, umunyamategeko ndetse n’umwe mu bakurikiranira hafi ibibera mu Burasirazuba bwa Congo, yavuze ko amagambo ya Perezida Tshisekedi agaragaza imyitwarire ya politiki ishingiye ku rugamba aho gushyira imbere ibiganiro.

Perezida Tshisekedi yabivugiye i Houston muri Leta Zunze Ubumwe za Amerika ku wa 17 Kamena 2026, nyuma y’umukino w’Igikombe cy’Isi cya 2026 wahuje RDC na Portugal ukarangira amakipe yombi anganyije igitego 1-1.

Mu ijambo yagejeje ku Banye-Congo batuye muri Amerika, yavuze ko yizeye ko ingabo za RDC (FARDC) zizongera kwigarurira ibice byose biri mu maboko y’imitwe irwanya ubutegetsi bwa Kinshasa, harimo imijyi ya Goma na Bukavu.

Yagize ati: “Tugomba gushyigikira abakobwa n’abahungu ba Congo bari kurwanira igihugu aho bari hose. Uyu munsi ingabo zacu zirimo gutera imbere ku rugamba. Tuzisubiza Goma na Bukavu vuba, ni ikibazo cy’igihe gusa.”

Tshisekedi yanavuze ko afite icyizere ko mu minsi iri imbere ibice byose biri mu maboko y’imitwe yitwaje intwaro bizaba byongeye kugenzurwa na Leta.

Yanakomoje ku mateka ya politiki ya RDC, agaruka ku iyicwa rya Laurent-Désiré Kabila ndetse anashinja amahanga kugira uruhare mu bibazo igihugu cye kimazemo imyaka.

Aya magambo agaragaza ko ashyize imbere intambara

Me Gasominari yavuze ko amagambo ya Tshisekedi atajyanye n’inzira yo gushaka amahoro imaze igihe ivugwa mu biganiro biri guhuza impande zitandukanye.

Yagarutse kandi ku magambo Perezida Tshisekedi aherutse kuvuga ku wahoze ayobora RDC, Joseph Kabila, avuga ko atari ururimi rwubaka ubumwe cyangwa rusigasira amahoro.

Ati: “Iyo urebye imvugo ze n’uburyo akomeza kugaragaza ko igisubizo kiri mu rugamba, ubona ko ari mu murongo ushyira imbere intambara kurusha ibiganiro.”

Yakomeje avuga ko ikindi giteye impungenge ari uko ayo magambo yayatangarije muri Amerika, igihugu gifatwa nk’umuhuza mu gushaka ibisubizo by’umutekano mucye muri RDC.

Me Gasominari yanavuze ko hari abantu bamwe bakoresha imbuga nkoranyambaga bagatangaza amakuru adafite gihamya ku bibazo byo mu karere, ibintu bishobora kurushaho guteza umwuka mubi.

Yatanze urugero rw’uwitwa Mubenga uba muri Amerika, uherutse gutangaza amakuru ajyanye na politiki y’u Rwanda atigeze agaragaza ibimenyetso bifatika byemeza ukuri kwayo.

Ati: “Icyo gihe yavuze ko Joseph Kabila akoreshwa n’amahanga. Ikindi, Amerika nta cyo yavuze kuri iyo mvugo kandi ari yo muhuza, ahubwo ikomeza gushyira igitutu kuri M23 ngo ive mu bice yamaze gufata.”

Me Gasominari yavuze ko Leta ya Congo ifite abantu ihemba kugira ngo batangaze amakuru banyujije ku mbuga nkoranyambaga, binyuze muri Minisiteri y’Itangazamakuru, asanga hari igihe hakwirakwizwa amakuru adafite gihamya.

Ati: “Hari uwitwa Mubenga uzwi cyane uba muri Amerika uherutse gutangaza ko bashyigikiye Jean-Luc Habyarimana, umuhungu wa Perezida Juvénal Habyarimana, kandi ko mu minsi ya vuba azaba ari we uyoboye u Rwanda.”

Me Gasominari avuga ko ibyo Perezida Tshisekedi yatangaje bidatandukanye cyane n’ibyo uwo Mubenga akunze gutangaza ku mbuga nkoranyambaga ze.

Agaruka ku magambo ya Tshisekedi yo kwisubiza Goma na Bukavu, yavuze ko bishoboka ko yaba yarayatangaje ashingiye ku makuru yari yahawe atabanje kugenzurwa neza.

Ati: “Hari ubwo amakuru aturuka mu nzego zitandukanye ashobora gutangwa nk’aho ari ukuri nyamara ataragenzurwa neza.”

Abanyamakuru bavuga ko imvugo nk’izi zidakwiye mu gihe cy’ibiganiro by’amahoro

Umunyamakuru Bugirimfura Rachid yavuze ko amagambo nk’aya atavugwa mu gihe impande zitandukanye zikomeje gushaka uburyo bwo guhagarika imirwano.

Ati: “Imvugo za Perezida Tshisekedi zikunze kugaragaza ko yizera igisubizo cy’intambara kurusha inzira y’ibiganiro. Ibyo bishobora gutuma habaho gushidikanya ku bushake bwo gushyigikira amasezerano y’amahoro.”

Minembwe ikomeje kuberamo imirwano

Mu kiganiro kandi hagarutswe ku mirwano iherutse kubera mu gace ka Minembwe muri Kivu y’Amajyepfo.

Mecky Kayiranga, Umuyobozi w’Ikinyamakuru Bwiza, yavuze ko muri iyo mirwano hapfiriyemo abasirikare n’abarwanyi bo ku ruhande rwa DRC.

Yavuze ko Minembwe ituwe cyane n’Abanyamulenge, Abanye-Congo bavuga Ikinyarwanda, kandi ko ari agace kamaze igihe karimoimirwano.

Ati: “Imirwano yabereye muri Minembwe yafatiwemo abantu benshi ndetse igwamo n’abarwanyi bo ku ruhande rwa Congo cyane Abarundi.

Kayiranga avuga ko ngo iyo mirambo y’Abarundi yajyanywe mu gihugu cyabo ariko mbere yo kuyishyira mu modoka babanje gupakira amabuye y’agaciro hejuru bashyiraho imirambo.

Kayiranga yavuze ko nubwo imirwano ikomeje, imitwe ya M23 na Twirwaneho ikomeje kugaragaza ubushobozi bwo kwirwanaho, mu gihe yo ishyize imbere ibiganiro by’amahoro nk’inzira ishobora gutanga igisubizo kirambye ku bibazo by’umutekano muri aka karere.

Avuga kuri iyi mishanga mu kiganiro n’abanyamakuru ku wa 18 Kamena, Umuyobozi w’Akarere Richard Mutabazi yagarutse ku mirimo y’Ikibuga cy’indege cya Bugesera irimbanyije ndetse n’imihanda igomba kubakwa mbere y’uko kigera ku musozo.

Yagize ati, “Ikibuga ntikiratangira gukora, ariko ntabwo tuzubaka imihanda cyaratangiye. Ni ukuyubaka ubu. Dufite umuhanda uhuza Masaka uvuye kuri Dubai port, ukaza ukugera ku kibuga cy’indege, ukava ku kibuga cy’indege muri Rilima, ugaca hirya inyuma ugahinguka i Gako muri Riziyeri, undi ukava ku Kibuga cy’indege ukanyura Kabukuba muri Juru ugahinguka munsi y’Akarere. Hari kandi umuhanda uva ku Gahembe ukanyura imbere ya Ntare school ugahinguka ahitwa Kindama nawo urimo urakorwa. Iyo yose mu gihe cy’amezi 18 igomba kuzaba yuzuye”.

Uretse ibi bikorwa bigari cyane, hari ibyo akarere ubwako kari gukorana n’abaterankunga, aho Umuyobozi w’Akarere yavuze ku kigo cy’urubyiruko.

Yagize ati “Dufatanyije na Imbuto Foundation, twujuje ikigo cy’urubyiruko cy’imyidagaduro kirimo ibibuga byiza, aho abantu basohokera, bakwigira…n’ibindi. Turimo turubaka kandi inzu y’ababyeyi n’abana ku Bitaro bya Nyamata, nayo ni umushinga uzuzura bitarenze mu kwezi kwa cumi n’abiri 2026…”.

Imitangire ya Serivise: Bugesera yiyemeje kuvanaho inenge

Muri iri hururiro, urwego rw’Igihugu rw’imiyoborere RGB, rwagaragarije Akarere ka Bugesera aho gahagaze mu bijyanye n’imitangire ya serivisi.

Afurika Alex, Umuyobozi w’ishami rishinzwe kwimakaza imiyoborere myiza muri RGB yagize ati,” Akarere ka Bugesera, hari byinshi gakeneye kongeramo imbaraga, kuko dushingiye ku mibare, mu mitangire ya serivisi kari kuri 65 % kandi aho twifuza ni ukugera kuri 90% mu myaka ibiri n’igice isigaye. Iyo mibare iratwereka ko hari intambwe ikwiye guterwa…”

Ibipimo byagendeweho mu gutanga amanota muri ubwo bushakashatsi, harimo gutangira serivisi ku gihe no gushyiraho amabwiriza agenga imitangire ya serivisi.

Harimo kandi korohereza abaza gusaba serivisi kuzigeraho, kwakirana urugwiro abakugana, ndetse no kugira ibikoresho n’ibikorwaremezo bifasha mu mitangire myiza ya serivisi.

Muri ibyo byose iby’ingenzi birimo bibarwa ku manota menshi ni icyo korohereza abaza gusaba serivisi kuzigeraho, ndetse no kugira uburyo bwo gusubiza ibibazo by’abaturage, gusaba serivisi kuko ibyo byombi byihariye amanota 50/100. Impamvu ni uko izo ngingo ebyiri ngo uzinogeje, zatuma umuturage anyurwa na serivisi.

Afurika yagize ati,” Muri ubwo bushakashasti, abaturage babajijwe ibyo babona nk’imbogamizi bavuze ko serivisi zitangwa zihurirwaho n’abantu barenze umwe, ariko zikunda kugorana, kuko iyo habuzemo umuntu umwe mu batanga serivisi ihuriweho, ubwo iradindira…”.

Umuyobozi w’Akarere ka Bugesera Mutabazi Richard yavuze ko kwerekwa aho akarere gahagaze mu mitangire ya serivisi wabaye umwanya wo kwisuzuma no kureba ibyo gushima bihari ndetse n’ibinengwa bikeneye gukosorwa.

Yagize ati, “Twinenze kutakirana abatugana igishyika, ugasanga umuturage ashobora no gusiragira, yagera mu biro by’umuyobozi runaka, ati icyo kibarizwa kwa kanaka, kandi umufashe ukuboko ukamujyanayo cyakemuka cyangwa se unamumuhamagariye cyakemuka. Nta muturage uyoba, kuba yaza kubaza icy’amashuri, akakibaza uw’ubuhinzi, ntabwo aba yayobye, ahubwo wa mukozi wo mu buhinzi akwiye guhita amufasha, n’icy’amashuri kigakemuka. Umuturage, tugomba kwibuka ko ari we mutungo munini igihugu gifite, dukwiye rero kumubungabunga…”.

Umuyobozi w’Akarere yaboneyeho umwanya wo kuvuga kuri imwe mu mishinga minini iri mu Karere ka Bugesera mu mwaka w’ingengo 2026-2027, muri yo higanjemo imihanda ifasha ubuhahirane bw’abaturage.

Mudaheranwa Regis, Umuyobozi Nshingwabikorwa w’Akarere ka Gasabo, yabwiye iyo komisiyo ko iyo urebye imiterere y’Umujyi wa Kigali usanga “ahatari ku musozi haba ari mu gishanga,” bityo ko icyakoroha ari ugutunga imisozi igaturwaho kuko ikiguzi cyo guhora bimura abaturage babahungisha ibiza ari kinini.

Yatanze urugero aho nko muri Gasabo gusa, kugeza ubu hari ruhurura makumyabiri n’enye (24) zikeneye kubakwa kuko zishyira ubuzima bw’abaturage mu kaga, ndetse hakaba n’ibiraro mirongo inani na bibiri (82), na byo bikeneye kubakwa.

Ashaka kugaragaza ko imibare y’ibikenewe gukorwa mu rwego rwo kwirinda Ibiza birenze ibyo kure, yagize ati “Ibyo kandi ni ibihangayikishije cyane kurushaho (ibiri critical).”

Kuva muri 2023-2026, imibare yatanzwe n’urwego rushinzwe imicungire y’ibiza mu Karere ka Gasabo igaragaza ko muri aka karere hamaze kwimurwa imiryango ibihumbi 2 na Magana 8 na 69 (2,869).

Gusa, aka karere kabwiye abasenateri ko gahangayikishijwe no kuba abimurwa badakurwa muri sisitemu y’imisoro ugasanga bakomeza gusoreshwa kandi n’imibereho yabo imeze nabi “ku buryo ntaho babona bayakura.”

Umukozi ushinzwe Imibereho y’Abaturage mu Murenge wa Gatsata yatanze urugero aho kuva muri 2026 Leta yagiye ivuga ko igiye kwimura abatuye ku Musozi wa Gatsata ikabanza kuhatunganya bagatura neza, ariko kugeza ubu n’abo yimuye bakaba bagifite umugogoro w’imisoro.

Yagize ati “Na n’uyu munsi abimuwe muri 2022 ubutaka bukibanditseho bubateza imbogamizi mu misoro, byitwa ko bafite imitungo batagira icyo babyaza. Byaba byiza mudukuroreye ubuvugiza uwimuwe n’imisoro ikajya ihita imukurwaho.”

Ni ikibazo cyababaje Senateri Charles Murigande, wabaye nk’ushaka kugaragaza ko niba abaturage bamaze iyo myaka yose bimuwe bakaba bagisoreshwa kand batanagira aho baba, haba harimo uburangare bw’ubuyobozi.

Senateri Murigande yagize ati “Ubwo se niba abaturage muyoboye bahura n’ikibazo nk’icyo kandi banabayeho nabi kuko batarabona aho batura, nk’abayobozi babo mwaba mubamariye iki? Iyo se mwebwe nka Gasabo, Kicukiro na Nyarugenge mugejeje iki kibazo ku Kigo cy’Igihugu cy’Imisoro n’Amahoro (RRA) babwira iki?”

Umuyobozi Nshingwabikorwa w’Akarere ka Gasbo, Regis Mudaheranwa, yamusubije ko ahanini ari ikibazo cy’amategeko, kuko ngo haba hagomba kubaho itegeko riteganya uko bigenda ku bantu bose bimuwe ku mpamvu runaka.

Cyakora, yamwijeje ko barimo kubikurikirana kuko n’uyu munsi ngo bari bategereje igisubizo cy’aho bigeze.

Ibi byashimangiwe na Senateri Hadija Murangwa, na we wahamije ko RRA igendera ku itegeko gusa, akaba ari ryo ishyira mu bikorwa, bityo ko ahubwo iyo nzira ikwiye kwihutishwa abaturage bakarenganurwa.

Ibi biganiro Komisiyo ya Sena y’Ububanyi n’Amahanga, Ubumwe bw’Abanyarwanda n’Umutekano yagiranaga n’inzego zitandukanye mu Karere ka Gasabo, byari bigamije kugenzura uko ingamba zo gukumira ingaruka ziterwa n’ibiza zishyirwa mu bikorwa muri ako karere.

Senateri Hadidja Ndangiza Murangwa, ariko yanagarutse ku kibazo kijyanye no kuba mu bice byinshi by’igihugu, abakuwe mu manegeka bubakirwa inzu nziza ziramba, ariko izubakiwe abatishoboye ugasanga zubakwa bisa no kwikiza zigasenyuka mu myaka 2, ubuyobozi bw’Akarere ka Gasabo na bwo bwemeza ko, koko icyo kibazo gihari.

Bwavuze ko ibyo bituruka ku kuba abaturage baba bagereranya inzu bubakirwa n’imidugudu Leta yubakira abimurwa mu nyungu rusange, kuko usanga iba igizwe n’inzu nziza kandi zirambye, ariko ko abubakirwa mu rwego rw’abatishoboye cyangwa abimuwe n’ibiza mu buryo butunguranye usanga inzu bubakirwa ari iza make kandi akenshi zikubakwa mu bushobozi buba bakusanyijwe mu baturage n’abafatanyabikorwa.

Gusa, Akarere ka Gasabo kijeje abasenateri ko inzu bari kubakira abatishoboye muri iki gihe, ziba zikomeye kandi ari nziza kuko “ziba zifite umusingi ukomeye kandi zubakishije amatafari ahiye.”

Ubu bufatanye bufite akamaro gakomeye kuko bugamije gufungura inzira nshya z’ubwikorezi bw’ibicuruzwa biva muri Nigeria biza i Kigali, Lusaka muri Zambia na Harare muri Zimbabwe, ndetse no kurushaho koroshya ingendo z’ubucuruzi zijya i Nairobi na Johannesburg binyuze mu ngendo za RwandAir.

Minisitiri w’inganda, ubucuruzi n’ishoramari wa Nigeria, Jumoke Oduwole, yatangaje ko igihugu cye gikomeje gushyira imbaraga mu guteza imbere ubucuruzi hagati y’ibihugu bya Afurika, binyuze mu gushyira mu bikorwa amasezerano y’isoko rusange rya Afurika, African Continental Free Trade Area.

Ibi yabigarutseho mu muhango wo gutangiza ku mugaragaro gahunda y’ubwikorezi bw’imizigo mu ndege binyuze mu muhora uhuza uhuza Nigeria n’Afurika y’Iburasirazuba n’iy’Amajyepfo, ku bufatanye na RwandAir.

Yagize ati: “Intego yacu ni ukoroshya no kugabanya ibiciro ku bacuruzi ba Nigeria bashaka gukorera ubucuruzi hirya no hino muri Afurika. Umwaka ushize, twatangije iyi gahunda igamije gukemura ikibazo gikomeye cyari kibangamiye abohereza ibicuruzwa hanze kubera ibiciro bihanitse byo kugeza ibicuruzwa ku masoko yo muri Afurika.”

Yakomeje asobanura ko ubu bufatanye bushya na RwandAir bugamije kwagura iyo gahunda, bugafungura inzira nshya z’ubucuruzi no kongera amahitamo ku bohereza ibicuruzwa hanze ya Nigeria.

Ati: “Ubu, dufatanyije na RwandAir, turi kwagura iyi gahunda, dufungura inzira nshya nyinshi, no guha abacuruzi bacu amahirwe menshi yo guhangana ku isoko rya Afurika.”

Iyi gahunda biteganyijwe ko izafasha koroshya ubwikorezi bw’ibicuruzwa hagati ya Nigeria n’ibindi bihugu bya Afurika, bityo igafasha kuzamura ubucuruzi bwambukiranya imipaka no guteza imbere iterambere ry’ubukungu ku mugabane.

Umuyobozi ushinzwe serivisi z’ubwikorezi bw’imizigo muri RwandAir, Jean Bosco Gakwaya, yatangaje ko ubufatanye bushya bw’iyi sosiyete na Nigeria bugiye gufasha cyane guhuza inganda zo muri icyo gihugu n’amasoko akomeye yo muri Afurika y’Iburasirazuba n’iy’Amajyepfo, hifashishijwe inzira za RwandAir.

Gakwaya yavuze ko iyi ari intambwe ikomeye mu guteza imbere ubucuruzi hagati y’ibihugu bya Afurika, cyane cyane mu koroshya uburyo ibicuruzwa bitwarwa ku mugabane.

Yagize ati: “Iki ni igihe gikomeye ku bucuruzi bwo mu bihugu bya Afurika no mu buryo dukwiye koroshya itwarwa ry’ibicuruzwa ku mugabane. Ubushobozi dufite bwo guhuza neza abacuruzi n’amasoko yo mu Turere dutandukanye burushaho gushimangira uruhare rw’ubwikorezi bwo mu kirere mu iterambere ry’ubukungu bwa Afurika.”

Yakomeje asobanura ko ubu bufatanye bugaragaza uburyo umubano w’ubucuruzi hagati ya Nigeria n’u Rwanda urimo kwaguka, cyane cyane nyuma y’ibiganiro byabaye hagati ya Perezida wa Nigeria, Bola Ahmed Tinubu, n’uwa Rwanda, Paul Kagame mu nama ya 13 ya CEO Forum yabereye I Kigali muri Gicurasi 2026.

Iri terambere ryitezweho kongera amahirwe ku bashoramari n’abohereza ibicuruzwa hanze, rinatange umusanzu mu gushyira mu bikorwa isoko rusange rya Afurika, rigamije kuzamura ubucuruzi n’iterambere rirambye ku mugabane.

Yabigarutseho mu kiganiro yabagejejeho ubwo Umuryango w’Abayisilamu mu Rwanda (RMC), wahuriye mu gikorwa cyo kwibuka ku nshuro ya 32 Jenoside yakorewe Abatutsi mu 1994, cyabereye ku Rwibutso rwa Jenoside rwa Nyanza–Kicukiro.

Umuvugizi Wungirije wa RDF, Lt Col Simon Kabera, mu kiganiro yatanze, yagaragaje uko Jenoside yakorewe Abatutsi mu 1994 yateguwe ikanashyirwa mu bikorwa, ndetse n’uruhare Ingabo za RPA zagize mu kuyihagarika, zigakiza ubuzima bw’abatari bake no kugarurira Abanyarwanda icyizere.

Yabasabye ko mu rwego rwo kurwanya abagihakana bakanapfobya Jenoside yakorewe Abatutsi bagomba kugira uruhare rwo kubungabunga ukuri ku mateka no gukumira ikwirakwizwa ry’imvugo n’ibitekerezo bibiba amacakubiri ari inshingano ya buri Munyarwanda, harimo no kwigisha abakiri bato amateka nyayo kugira ngo azabafashe kubaka ejo hazaza heza.

Iki gikorwa cyo kwibuka cyahuje abayobozi b’Umuryango w’Abayisilamu mu Rwanda, abayobozi mu nzego za Leta n’abafatanyabikorwa batandukanye, mu rwego rwo guha icyubahiro abazize Jenoside yakorewe Abatutsi, kuzirikana urugendo rw’u Rwanda mu bumwe n’ubwiyunge, no kongera gushimangira ubushake bwo gukumira ko Jenoside yazongera kubaho ukundi.

Ni nyuma y’uko muri iryo shuri kuri uyu wa Gatanu tariki 19 Kamena, habereye umuhango wo gusoza icyiciro cya 14 cy’amasomo y’ubuyobozi amara umwaka umwe (Police Senior Command and Staff Course), kigizwe n’abanyeshuri 38 bo ku rwego rwa ba Ofisiye Bakuru baturutse mu bihugu 10 byo muri Afurika.

Abasojwe bagizwe n’abanyeshuri 23 b’Abanyarwanda, barimo abo muri Polisi y’u Rwanda, Urwego rw’u Rwanda rushinzwe Igorora (RCS), Urwego rw’Igihugu rushinzwe Iperereza n’Umutekano (NISS) hamwe n’Urwego rw’Igihugu rw’Ubugenzacyaha (RIB).

Abandi 15 ni abaturutse mu bihugu 9 by’Afurika, birimo Santrafurika, Ubwami bwa Eswatini, Malawi, Namibia, Sudan Y’Epfo, Somalia, Gambia na Uganda na Kenya.

Aya masomo bahabwa (Police Senior and Staff Course) ni gahunda y’amahugurwa imara umwaka umwe, atangwa n’Ishuri rikuru rya Polisi ku bufatanye na Kaminuza y’u Rwanda hamwe na African Leadership University.

Ni mahugurwa agizwe n’ibyiciro bitatu by’ingenzi bihuza uburezi bufite ireme n’iterambere ry’umwuga, ririmo amasomo ajyanye n’ubuyobozi n’imicungire ya Polisi (Police Command and Staff Component), amasomo y’icyiciro cya gatatu cya kaminuza (Postgraduate Course) mu buyobozi n’imicungire n’urwego rw’ubushobozi bwo gufata ibyemezo (Strategic Leadership and Management), atangwa na African Leadership University, hamwe na gahunda y’icyiciro cya kabiri cya kaminuza (Master’s Degree) mu masomo yerekeranye n’amahoro no guhindura amakimbirane mu buryo bwubaka (Peace Studies and Conflict Transformation), atangwa na Kaminuza y’u Rwanda.

Abanyeshuri bose uko ari 38 batsinze amasomo ya Police Command and Staff Course. Muri bo, 36 bujuje ibisabwa kugira ngo bahabwe impamyabumenyi y’icyiciro cya kabiri cya kaminuza (Master’s Degree) mu masomo y’amahoro no guhindura amakimbirane mu buryo bwubaka (Peace Studies and Conflict Transformation), ndetse n’impamyabushobozi y’icyiciro cya gatatu cya kaminuza (Postgraduate Diploma) mu buyobozi n’imicungire bishingiye ku igenamigambi (Strategic Leadership and Management).

Umuyobozi w’ishuri rikuru rya Polisi, CP Christophe Bizimungu, yashimiye inzego zose zagize uruhare mu kugira ngo aya masomo agende neza mu gihe cy’umwaka amaze, asaba abayasoje kugenda bagakoresha ubumenyi bahawe kuko babifitiye ubushobozi.

Yagize ati “ubwo musubiye mu nshingano zanyu z’umwuga, ni ingenzi ko mukomeza kuzirikana ko mufite inshingano zo gukora akazi kanyu neza kurushaho kandi mu buryo bunoze bwa kinyamwuga. Mwungutse ubumenyi n’ubushobozi byisumbuyeho, kandi ibyo bigomba kugaragarira mu bikorwa byanyu no mu myitwarire yanyu.”

Yungamo ati “Mufite kandi inshingano zo kugira uruhare rufatika mu guteza imbere aho mukorera ndetse n’imibereho y’ababazengurutse. Mujye mwibuka ko kugira icyo uhindura cyangwa ukosora bidasaba buri gihe ibikorwa bikomeye cyane, ariko n’impinduka nto zifatika zifite agaciro kandi zishobora kugira uruhare rukomeye mu iterambere ry’umuryango n’iry’inzego mukorera.”

Minisitiri w’Uburezi Joseph Nsengimana wari umushitsi mukuru muri uyu muhango, yavuze ko abarangije amasomo bafite impamvu nyinshi kandi zumvikana zo kwishimira ibyo bagezeho, kuko barangije gahunda y’amasomo ikomeye kandi isaba byinshi.

Yagize ati “Kurangiza amasomo si iherezo ryo kwiga, ahubwo ni intangiriro y’urundi rugendo rushya. Imiterere y’umutekano ku isi iragenda ihinduka ku muvuduko mwinshi. Buri munsi havuka ibibazo n’ibyago bishya, ikoranabuhanga rigakomeza gutera imbere, imitwe y’abanyabyaha igahindura uburyo ikoramo, ndetse n’imibereho y’abaturage igahinduka.”

Yunzemo ati “Kubera iyo mpamvu, nk’abayobozi, mugomba gukomeza kwiga, kwagura ubumenyi bwanyu no kumenyera impinduka ziba mu kazi no mu muryango mugari. Gukomeza kwiteza imbere ni byo bizabafasha guhangana n’ibibazo bishya no kuzuza neza inshingano mwahawe.”

Minisitiri Nduhungirehe yahuye n’Abanyarwanda batuye muri Afurika y’Epfo, mu gikorwa cyateguwe na Ambasade y’u Rwanda muri icyo Gihugu. Yakiriwe na Ambasaderi w’u Rwanda muri Afurika y’Epfo, Hategeka Emmanuel ari kumwe n’abakozi ba Ambasade.

Minisitiri Nduhungirehe yahaye ishusho rusange abo Banyarwanda y’uko umubano w’u Rwanda na Afurika y’Epfo uhagaze, agaragaza ko uri kongera gufata undi murongo, ashimangira ubushake bw’ibihugu byombi bwo kuwusubiza mu buryo no kuwuteza imbere mu nzego zitandukanye.

Muri ibyo bikorwa bigamije gusubiza mu buryo umubano w’u Rwanda na Afurika y’Epfo, ibihugu byombi byarashimangiye ko umwaka utaha hateganyijwe inama ya Komisiyo Ihuriweho yaherukaga kuba mu myaka 15 ishize.

Ntabwo ari iyo nama gusa kuko u Rwanda na Afurika y’Epfo byemeranyije gusubizaho uburyo bwo gutanga viza ku Banyarwanda bafite pasiporo zisanzwe bitarenze hagati mu mwaka wa 2027.

Yanagarutse ku iterambere ry’ubukungu bw’u Rwanda rikomeje kwiyongera, ndetse anasobanura uko umutekano uhagaze mu Karere. Yongeye gushimangira ko Guverinoma y’u Rwanda yiyemeje gukomeza kwegera no guha ubushobozi Abanyarwanda baba mu mahanga, kuko ibabona nk’abafatanyabikorwa bakomeye mu rugendo rw’iterambere ry’igihugu.

Minisitiri Nduhungirehe kandi yasabye Abanyarwanda baba muri Afurika y’Epfo gukomeza kwimakaza ubumwe, indangagaciro n’umuco Nyarwanda, ndetse no gukomeza kuba ba Ambasaderi beza b’u Rwanda aho bari hose.

Uyu mugoroba wabaye umwanya mwiza wo kuganira, gusabana no gukomeza gushimangira umubano hagati y’u Rwanda n’abaruvukamo batuye muri Afurika y’Epfo.

Ku mugoroba wo ku wa Gatatu tariki 17 Kamena 2026, Perezida Tshisekedi ni umwe mu bari bitabiriye umukino w’Igikombe cy’Isi, ikipe ya RDC yanganyijemo n’iya Portugal igitego 1-1. Ni umukino wabereye mu Mujyi wa Houston muri Leta Zunze Ubumwe za Amerika.

Mu butumwa yashyize ku rubuga rwe rwa X, Yolande yavuze ko ikipe y’Igihugu ya Les Léopards ya RDC, yahaye Afurika ibyishimo byinshi mu mukino wayo wa mbere mu Gikombe cy’Isi, ariko Tshisekedi agahitamo kubikoresha mu kuvuga amagambo yibasira Abanyarwanda n’Abanye-Congo.

Yagize ati: "Perezida Tshisekedi yahisemo kwangiza uyu mwanya mwiza atuka Abanyarwanda n’Abanye-Congo, kandi ari ku butaka bwa Amerika atangaza ko azakomeza ibitero bya gisirikare mu burasirazuba bwa RDC."

Kuvugira aya magambo ku butaka bwa Leta Zunze Ubumwe za Amerika, bifatwa nko kudaha agaciro uruhare iki Gihugu cyagize kandi gikomeje kugira mu gushakira amahoro Akarere k’Ibiyaga Bigari, by’umwihariko binyuze mu masezerano ya Washington, yibandaga ku gusenya umutwe w’iterabwoba wa FDLR no gukuraho ingamba z’ubwirinzi u Rwanda rwashyizeho.

Yolande Makolo yashinje kandi Perezida Tshisekedi, kwitwaza ibyo byishimo ikipe ya DRC yatanze mu gikombe cy’Isi akabikoresha mu nyungu za politiki.

Tshisekedi ubwo yaganiraga n’Abanye-Congo batuye muri Amerika, yagarutse ku mutwe wa AFC/M23 umaze igihe warigaruriye igice kinini cy’uburasirazuba bw’igihugu, avuga ko ubuyobozi bwe bwatahuye abagambanyi bakorana n’uyu mutwe.

Yavuze ko yari aziko baba mu Rwanda gusa, ariko basanze hari n’abageze i Kinshasa. Ati: "Abarozi babaho. Twatekerezaga ko baba mu Rwanda gusa ariko baraducengeye.”

Ibyishimo bya Tshisekedi kandi byatumye asezeranya aba Banye-Congo batuye muri Amerika ko mu gihe cya vuba bidatinze Ingabo za FARDC, zizaba zisubije Umujyi wa Goma n’uwa Bukavu.

Ntibyagarukiye aho kuko yanashinje Joseph Kabila yasimbuye ko ubwo yajyaga ku butegetsi yari ashyigikiwe n’ingabo z’amahanga, nyuma y’iyicwa rya se, Laurent-Désiré Kabila.

Aya masezerano yasinywe kuri uyu wa Kane tariki 18 Kamena, hagati ya Kigali Today Ltd hamwe na PSF, agamije guteza imbere ubucuruzi bwo mu Rwanda binyuze mu kugaragaza no kumenyekanisha imurikagurisha Mpuzamahanga (Expo 2026), riteganyijwe gutangira ku wa 28 Nyakanga- 17 Kanama 2026.

Kigali Today Ltd yari ihagarariwe n’Umuyobozi Mukuru Dan Ngabonziza naho PSF ihagarariwe n’Umuyobozi Mukuru w’agateganyo Callixte Kanamugire.

Nyuma yo gushyira umukono ku masezerano, Umuyobozi Mukuru w’Agateganyo wa PSF, Callixte Kanamugire, yavuze ko bahisemo gukorerana na Kigali Today kubera ubunararibonye imaze kugira mu bijyanye no gutangaza no kumenyekanisha amakuru.

Yagize ati “Aho Kigali Today igera ni henshi, turifuza ko ubwo bunararibonye mu rwego rwo kumenyekanisha amakuru twabwifashisha muri iri murikagurisha, by’umwihariko rikabasha kugera kure hashoboka.”

Umuyobozi Mukuru wa Kigali Today, Dan Ngabonziza, yavuze ko aya masezerano azabafasha mu kumenyekanisha ibikorwa kandi bakabikora nk’umusanzu w’itangazamakuru mu kubaka u Rwanda.

Ati “Uyu munsi iki gikorwa cyaduteranyije aha, ni igikorwa PSF na Kigali Today twinjiyemo kugira ngo noneho ya Expo abantu bakundaga yongere ibabere nziza kurushaho inshuro nyinshi cyane binyuze mu miyoboro y’ibitangazamakuru byacu, kugira ngo tumenyekanishe ibikorwa bya PSF, cyane cyane abamurika mu imurikagurisha, natwe tubikore nk’umusanzu dutanga nk’igitangazamakuru mu kubaka u Rwanda.”

Bamwe mu bazamurika ibikorwa byabo mu imurikagurisha ry’uyu mwaka, bagaragaje ko kuba PSF, yarahisemo gukorana na Kigali Today, ari kimwe mu bisubizo bizabafasha kugeza ibikorwa byabo kuri benshi.

Queen Mwamikazi ni umwe mu bazamurika ibikorwa bifasha abana kwidagadura (Queen’s Park), avuga ko kuba muri uyu mwaka hari akarusho k’uko Kigali Today izabafasha kwamamaza ibikorwa byabo, nta kabuza ko ibikorwa byabo bizagera kuri benshi.

Ati “Jye ku giti cyanjye biranejeje, kuko ikintu mukoze kizatuma Expo igira urundi rwego abantu bayumvamo, hari ukuntu abantu bari bamaze gusa nk’abayimenyera icyo muzagikoreho nka KT radio, bareke kuyimenyera ahubwo bumve ko ari ibihe bidasanzwe bibonetse mu gihugu bareke gufata ko ari ikintu gisanzwe, kuko nk’abacuruzi icyo turimo gukora nka njye by’umwihariko ni ukuzana udushya.”

Derrick Kanyonya ni umwe mubazamurika imyenda ikorerwa mu Rwanda, muri Expo muri uyu mwaka, avuga ko ubufatanye na Kigali Today ari ingenzi kuko asanzwe ayumva.

Ati “KT ndayumva, iyo ushaka amakuru yihuta niho wihutira. Kugira ubufatanye n’abantu bafite ababakurikira barenga miliyoni ntabwo ari ikintu cyoroshye mu bucuruzi bwose tuba tubishaka kuko iyo ubonye ibihumbi 10 urishima. Ariko kugira ubu bufatanye bw’ibyumweru bitatu, KT yerekana ibintu bikorerwa mu Rwanda, biradushimishije cyane, kuko byerekanye intambwe PSF irimo gutera imenyekanisha ibikorerwa mu Rwanda.”

Biteganyijwe ko iri murikagurisha rya 29, rizitabirwa n’ibihugu birenga 20, rikazitabirwa n’abamurika barenga 500, rikazarangira risuwe n’abarenga ibihumbi 300.

Kigali Today Ltd, ni Ikigo cy’Itangazamakuru cyatangiye gukora mu 2011, kikaba gifite ibitangazamakuru bigishamikiyeho birimo, KT radio, Kigali Today web, KT Press hamwe na KT Tv.

Iki gikorwa cyabaye ku wa Gatatu, tariki ya 17 Kamena 2026, mu rwego rwo kwibuka ku nshuro ya 32 Jenoside yakorewe Abatutsi mu 1994, kirangwa n’ibikorwa byo kunamira inzirakarengane zazize Jenoside, gushimira uruhare rukomeye rw’ingabo za Ghana zari mu butumwa bw’amahoro muri icyo gihe, ndetse no gushimangira umubano mwiza usanzwe hagati ya Ghana n’u Rwanda.

Minisitiri w’Ububanyi n’Amahanga wa Ghana, Samuel Okudzeto Ablakwa, wari umushyitsi mukuru muri uwo muhango, yongeye gushimangira akamaro ko guha icyubahiro abazize Jenoside yakorewe Abatutsi ndetse n’abasirikare ba Ghana bagize ubutwari mu kurinda abasivili.

Yagaragaje ko nubwo icyo gihe hari ibibazo bikomeye, ingabo za Ghana zagumye ku murongo w’akazi, zirinda abaturage zifite ubutwari, ubumuntu n’ubwitange budasanzwe.

Hon. Ablakwa yavuze ko kwibuka ari umwanya wo kongera kwibutsa abantu bose agaciro k’amahoro, ubumwe n’icyubahiro cy’ikiremwamuntu. Yanashimiye u Rwanda ku ntambwe rumaze gutera mu kwiyubaka, asaba ibihugu n’abaturage gukomeza kwirinda urwango, ivangura rishingiye ku moko n’irindi iryo aryo ryose.

Maj Gen (Rtd) Henry Kwami Anyidoho wahoze ayoboye ingabo za Ghana zari mu Rwanda mu butumwa bwa UNAMIR, yagarutse ku mbogamizi bahuye na zo mu gihe cya Jenoside yakorewe Abatutsi.

Yavuze ko nubwo icyo gihe hari ibikorwa ndengakamere ndetse bikajya no kuba izindi Ngabo mpuzamahanga zarahise ziva mu Rwanda, ingabo za Ghana zagumye mu gihugu, zikomeza kurinda abasivili no kubaha ubuhungiro, zikomeza inshingano zazo zo kubungabunga amahoro.

Yasabye urubyiruko n’abazavuka mu gihe kizaza kwirinda urwango n’ivangura, bagashyira imbere agaciro k’ikiremwamuntu.

Minisitiri w’Ubutabera akaba n’Intumwa Nkuru ya Leta y’u Rwanda, Emmanuel Ugirashebuja wari witabiriye iki gikorwa, yagarutse ku ngaruka zikomeye za Jenoside yakorewe Abatutsi yahitanye ubuzima bw’abarenga miliyoni imwe mu mezi atatu gusa

Yagarutse kandi ko iterambere u Rwanda rumaze kugeraho, avuga ko ari ikimenyetso cy’uko ibihugu bishobora kwiyubaka no gutera imbere binyuze mu kwimakaza mahoro, ubutabera n’ubumwe bw’abaturage.

Umugaba Mukuru w’Ingabo za Ghana zirwanira ku butaka, Maj Gen Lawrence Kwaku Gbetanu, wavuze mu izina ry’Umugaba Mukuru w’Ingabo, yavuze ko kwibuka ku nshuro ya 32 atari ukwibuka gusa, ahubwo ari no kongera gushimangira indangagaciro z’ubwiyunge n’ubudaheranwa.

Yagaragaje ko uru rwibutso rwatashywe ari ikimenyetso cy’ubudaheranwa n’ubwiyunge, anashimira ingabo za Ghana zagize uruhare muri UNAMIR, anashimangira ko igihugu cye gikomeje gushyira imbere kubungabunga amahoro n’umutekano mu Karere.

Ibi byatangajwe nyuma y’inama yo ku rwego rwo hejuru yabereye mu mujyi wa Pretoria ku wa Gatatu, tariki ya 17 Kamena 2026, yahuje Minisitiri w’Ububanyi n’Amahanga n’Ubutwererane wa Afurika y’Epfo, Ronald Lamola, na Minisitiri w’Ububanyi n’Amahanga n’Ubutwererane w’u Rwanda, Olivier J.P. Nduhungirehe.

Iyi nama iri mu rugendo rwa dipolomasi rugamije kongera kubaka umubano hagati y’ibihugu byombi, wasubiye inyuma mu mwaka wa 2014 ubwo hafatwaga ingamba zakumiraga ingendo z’Abanyarwanda bajya muri Afurika y’Epfo bitewe n’umwuka mubi wa politiki wari hagati y’impande zombi.

Abahagarariye ibihugu byombi bavuze ko ibiganiro byo mu 2026 ari intangiriro nshya yo kongera kubaka umubano, aho hibanzwe ku guteza imbere ubufatanye mu bucuruzi, ubukerarugendo, ubuzima, uburezi, umutekano ndetse n’ibindi bikorwa byo ku rwego rw’akarere.

Nyuma y’ibiganiro byabereye mu muhezo, aba baminisitiri bashyize umukono ku nyandiko ihuriweho igaragaza gahunda n’inzira bizakurikizwa mu kongera kubaka ubufatanye n’inzego z’imikoranire hagati y’ibihugu byombi.

Iyo nyandiko igaragaza ko abayobozi b’ibihugu byombi, Perezida Cyril Ramaphosa na Perezida Paul Kagame, bashyigikiye byimazeyo iki gikorwa cyo kongera gusana umubano. Inagaragaza amateka ahuriweho n’ibihugu byombi, birimo urugamba rwo kwibohora no kongera kwiyubaka nyuma y’ibihe bikomeye by’amakimbirane.

Iyo nyandiko yibukije amateka ya apartheid muri Afurika y’Epfo n’amateka ya Jenoside yakorewe Abatutsi mu Rwanda mu 1994, ivuga ko umubano mushya ushingiye ku guhangana n’ibigeragezo no ku nshingano zo guteza imbere amahoro, ituze n’iterambere ku mugabane wa Afurika.

Ibihugu byombi byemeranyije kongera gusubukura Komisiyo ihuriweho y’Ubufatanye (Joint Commission for Cooperation – JCC), yashyizweho kugira ngo ibe urubuga rw’imikoranire mu bya politiki, ubukungu, imibereho myiza, umuco, uburezi n’ubushakashatsi bwa siyansi. U Rwanda ruzakira inama itaha y’iyi komisiyo mu gihembwe cya mbere cya 2027.

Kimwe mu byemezo by’ingenzi byafatiwe muri iyo nama ni uko visa ku Banyarwanda bafite pasiporo zisanzwe bajya muri Afurika y’Epfo zizongera gutangwa buhoro buhoro mu gihe kitarenze amezi 12 nyuma yo gushyira mu bikorwa aya masezerano, bivuze ko hagati ya 2027 ari bwo biteganyijwe ko gahunda izaba yatangiye gukora neza.

Perezida Cyril Ramaphosa na Perezida Paul Kagame na bo bazahura mu gihe kizatangazwa nyuma binyuze mu nzira zisanzwe za dipolomasi.

Iyo nyandiko kandi yagaragaje gahunda yo kwagura ubufatanye mu ishoramari n’ubucuruzi, harimo kongera imikoranire hagati y’ibigo bya Leta n’iby’abikorera byo mu bihugu byombi. Hanashimangiwe akamaro ko gusurana kenshi, gutegura imurikabikorwa bihuriweho no kwitabira inama zikomeye zo ku rwego rwa Afurika.

Impande zombi zashimye ubufatanye busanzwe buriho mu nzego zirimo ubukerarugendo, kubungabunga urusobe rw’ibinyabuzima, amahoteli, amashuri makuru, siyansi n’ikoranabuhanga ndetse n’ubushakashatsi mu by’ubuzima.

Hanavuzwe ibikorwa nka Africa’s Travel Indaba, Meetings Africa, Africa CEO Forum na International AIDS Society Conference nk’ingero zigaragaza ko imikoranire hagati y’abaturage n’inzego zitandukanye ikomeje kwaguka.

Nubwo baminisitiri bemeye ko mu myaka yashize habayeho ibibazo n’ihungabana mu mubano w’ibihugu byombi, bavuze ko inama yabereye i Pretoria ari intambwe ikomeye iganisha ku gusubizaho umubano usanzwe.

Banemeye gukomeza guteza imbere ubufatanye mu kubaka ibikorwa remezo, koroshya ubuhahirane n’ikorwa ry’imihanda ihuza ibihugu byo mu karere, guteza imbere ubutabera ndetse n’ubufatanye mu bukungu, no gushimangira uburyo bwo kuganira ku bibazo bya politiki no guhuza ibikorwa bya tekiniki.

Aba baminisitiri banaganiriye ku bibazo by’umutekano byo mu karere no ku rwego mpuzamahanga, birimo amakimbirane ari mu burasirazuba bwa Republika Iharanira Demokarasi ya Congo, muri Sudani, Sudani y’Epfo, Somaliya ndetse n’umutekano muke uri mu karere ka Sahel.

Impande zombi zashimangiye ko amakimbirane agomba gukemurwa binyuze mu biganiro no mu buhuza, kandi zisaba ko Afurika yagira ubushobozi bukomeye bwo kwicungira umutekano, harimo gushyiraho Ingabo za Afurika ziteguye gutabara (African Standby Force).

Zanagaragaje impungenge ziterwa n’ubwiyongere bw’ibibazo muri Sudani y’Epfo, zinongera gushimangira ko zishyigikiye gahunda z’amahoro ziyobowe n’inzego z’akarere n’iz’umugabane wa Afurika.

Ku bijyanye n’imiyoborere y’isi, ibihugu byombi byagaragaje ko gahunda mpuzamahanga iri kurushaho guhungabana, bisaba ivugururwa ry’inzego mpuzamahanga zirimo Umuryago w’Abibumbye kugira ngo ibihugu bibe bihagariwe neza, kandi habeho ubwisanzure bw’ibihugu byinshi mu gufata ibyemezo.

Mu gusoza, aba baminisitiri bongeye gushimangira ubushake bwo gukomeza kugirana ibiganiro bihoraho no gukomeza gukurikirana ibikorwa byemeranyijweho. Banemeje ko inama itaha ya JCC izabera mu Rwanda mu ntangiriro za 2027, ndetse ko abakuru b’ibihugu byombi bazakomeza kugirana ibiganiro kugira ngo bayobore uru rugendo rwo kongera kubaka umubano.

Icyakora, ishyirwa mu bikorwa ry’itangwa rya viza ku Banyarwanda rizasaba indi mirimo ya tekiniki n’ubuhuza bwa dipolomasi mu mezi ari imbere mbere y’uko gahunda itangira gukurikizwa mu buryo bwuzuye.

Barimo Minisitiri w’Ubucuruzi n’Inganda, Minisitiri w’Ibikorwa remezo ndetse n’Abanyamabanga ba Leta, babiri, n’abandi bayobozi mu nzego nkuru z’igihugu zitandukanye.

Perezida Kagame yababwiye ko kuba umuyobozi ari ugukorera abaturage, no guharanira imibereho myiza, kandi buri wese akaba yashyizwe mu nshingano, kuko hari abantu bamubonye mu mikorere ye myiza mu byo yakoraga.

Yagize ati "Mujye mwibuka ko hari abandi Banyarwanda benshi bashobora gukora nk’ibyo mukora. Icyo gihe iyo ugeze mu nshingano, byatuma ugira uruhare rugaragara."

Yakomeje agira ati "Imikorere mibi yo mugomba kuyirinda, kuko igira ingaruka. Mbere y’uko ikugiraho ingaruka, ku baturage bo ziba zaramaze kubageraho, bakaba ari bo babyishyura."

Perezida Kagame, yababwiye ko ibyiza abayobozi bigomba kubageraho nyuma y’uko bigera ku baturgae, ariko usanga ngo akenshi abayobozi bashaka ko ari bo bigeraho mbere.

Ngo hari n’aho usanga benshi bafite ubwirasi, batumva ko barimo gukorera igihugu, ahubwo bagakora bapinganwa n’abandi. Nyamara rero, ngo ibyiza bigira inyungu ku gihugu n’umuyobozi bimugeraho.

Yagize ati "Iki gihugu aho cyari kigeze, hanyuma abantu bakakibohora, sinzi niba abantu batekereza ko abagize urwo ruhare bitekerezagaho, cyangwa batekerezaga igihugu. Iyo baba bitekerezaho, ntaho igihugu cyari kugera."

Yonegeyeho ko icyo gihe n’inyungu umuntu yarwanira, nta zari zihari, nta wahembwaga cyangwa ngo abonemo ikindi, ahubwo hashoboraga kuba gutakaza ubuzima.

Ni yo mpamvu agira ati "ubwitange uyu munsi hano ntibudusaba gutakaza ubuzima. Aha ngaha, ukora akazi uzi ko utaha uri muzima. Aya mateka yari akwiye kuba atuyobora mu bikorwa byacu bya buri gihe."

Ati "Iyo uhuye n’ibibazo ku kazi, wareba uko ubikemura, ukavugana n’abandi, ibibazo bikunaniye ushobora kubisubika, ukareba amikoro ugakemura cya kibazo. Ibyo ariko bikunda iyo umuntu azi aho inshingano ziva n’aho zigarukira."

Umukuru w’Igihugu yavuze ko impinduka zishobora kujya ziba mu gihe gitoya kurusha ubu, aho yagize ati "Impinduka zo nk’izi, ahubwo birashoboka ko zajya ziba mu gihe gitoya kurusha ubu. Hari abavuga ngo ariko bihindutse vuba, abaminisitiri babahinduye vuba."

Perezida Kagame ati "Ni byo, abashinzwe kuyobora aba bantu, ababashyiraho, iyo batameze nk’aba bahindurwa cyangwa abagerwaho n’ibindi bitari byiza..ubundi habamo kwihangana...hari indwara iba mu bantu ugasanga wicaranye n’umuntu ukibwira ko yumva inshingano, mukajya inama umuntu wese agatanga igitekerezo, ibyangombwa byose bihari. Ugasanga twihaye amezi atandatu, hashira amezi atanu, mukabaza aho bigeze, ugasanga n’uwagombaga kubikora ntazi aho bigeze."

Kagame yavuze ko habaho kwihangana, kabiri, gatatu, kane, ugafata icyemezo.

Agira ati "Kwihangana hari ubwo byanga ukagerageza, ukagenda ugashaka abandi bakora neza, bakaza bagakora, kandi hari abaza bakabikora neza, ibyo kandi turabishima."

Ibi bikubiye mu itangazo ubuyobozi bw’Ingabo z’u bwashyizwe ahagaragara kuri uyu wa 17 Kamena 2026, rikaba rigaragaza kandi ko Brig Gen Karuretwa agiye gufatanya izi nshingano n’izindi yari asanzwe afite.

Nk’uko iri tangazo ribivuga, Brig Gen Karuretwa azakomeza no gukora inshingano yari asnganywe zo kuba Umuyobozi Mukuru ushinzwe ubufatanye mpuzamahanga mu bya gisirikare muri Minisiteri y’Ingabo, ari na ko akora nk’Umuvugizi w’Ingabo z’u Rwanda.

Brigadier General Ronald Rwivanga wari umuvugizi w’Ingabo z’u Rwanda, kuva ku wa 20 Gicurasi 2026, yatangiye ku mugaragaro inshingano zo kuyobora Urwego rukuriye Umutwe w’Ingabo z’Ibihugu byo muri Afurika y’Iburasirazuba zihora ziteguye gutabara (Director EASF) asimbuye Brigadier General (Rtd) Paul Kahuria Njema.

Uyu muhango wabereye ku cyicaro cya Minisiteri y’Ingabo n’Abahoze mu Ngabo i Mbuya, Kampala muri Uganda, wayobowe na Minisitiri w’Ingabo n’Abahoze mu Ngabo za Uganda, Jacob Marksons Oboth, unayoboye Inama y’Abaminisitiri ba EASF. Brig Gen (Rtd) Njema, yari amaze manda y’imyaka itatu.

Brig Gen Rwivanga yasezeranyije gukorera uyu muryango mu mucyo, ubunyamwuga no kubazwa inshingano. Yavuze ko yahaye agaciro gakomeye inshingano yahawe zo gukomeza guteza imbere amahoro n’umutekano rusange mu karere.

Umutwe wa EASF ni umuryango wo mu karere ufite inshingano zo guteza imbere amahoro n’umutekano muri Afurika y’Iburasirazuba.

Ni umwe mu mitwe itanu y’ingabo z’akarere zigize Umuryango wa Afurika yunze Ubumwe, ugizwe n’igisirikare, polisi ndetse n’abasivili. EASF igizwe n’ibihugu 10 ari byo U Burundi, Comores, Djibouti, Ethiopia, Kenya, u Rwanda, Seychelles, Somalia, Sudan na Uganda.

Minisitiri w’Intebe yabigarutseho ubwo yahagarariraga Perezida Kagame, mu Nama y’Abakuru b’Ibihugu na za Guverinoma muri Afurika hamwe n’abafatanyabikorwa batandukanye, baganiraga ku ngamba zo guhangana n’Icyorezo cya Ebola. Inama yabaye hifashishijwe ikoranabuhanga.

Muri iyi nama yari yitabiriwe na Minisitiri w’Ubuzima Dr Sabin Nsanzimana, Minisitiri w’Intebe yashimangiye ko mu Rwanda nta Ebola ihari, ibi akaba ari umusaruro w’ishoramari rihamye mu gutegura no kubaka urwego rw’ubuzima rufite ubushobozi bwo guhangana n’ibibazo.

Yagize ati: "Twakajije ingamba zo kugenzura no gukurikirana indwara ku mipaka yose yinjira mu Gihugu, twongereye ubushobozi bwo gusuzuma no gupima iyi ndwara muri laboratwari, twongera imbaraga mu buryo bwo gutabara byihuse, kandi dukomeza ubukangurambaga bwo kwigisha abaturage.”

Mu itangazo Minisiteri y’Ubuzima yashyize hanze ku mugoroba wo kuri uyu wa Kabiri tariki 16 Kamena 2026, rijyanye n’amakuru kuri Ebola yatangaje ko ikomeje gukurikirana hafi iki cyorezo cyagaragaye mu Burasirazuba bwa Repubulika Iharanira Demokarasi ya Kongo (RDC), mu Ntara ya Ituri.

Icyo cyorezo cyatewe n’ubwoko bwa virusi ya Ebola buzwi nka Bundibugyo, cyatangajwe muri Gicurasi 2026, kikaba kimaze kwibasira cyane uduce twa Ituri ndetse kinagira ingaruka mu bice bya Uganda bihana imbibi na RDC.

Amakuru aheruka agaragaza ko umubare w’abanduye n’abahitanywe n’iki cyorezo muri DRC, ukomeje kwiyongera, aho abarwayi bemejwe ari 676. N’aho muri Uganda abamaze kwemezwa bayanduye 19 mu gihe abamaze gupfa ari babiri.

Nubwo bimeze bityo, Minisiteri y’Ubuzima mu Rwanda yemeje ko kugeza ubu nta murwayi wa Ebola uraboneka mu gihugu cyangwa mu duce duhana imbibi na RDC.

Iyi Minisiteri kandi yavuze ko nubwo ibyago byo kugera mu Rwanda biri hasi, igihugu gikomeje kuba maso no kongera imbaraga mu ngamba zo gukumira no gutahura hakiri kare icyorezo cyaba cyinjiye mu gihugu.

Mu ngamba zafashwe harimo gukaza isuzuma ku mipaka, gukangurira abaturage kwirinda no gutanga amakuru ku gihe, ndetse no gutegura inzego z’ubuzima ku buryo bwihuse mu gihe haboneka uwakekwaho ubwandu.

Ubwoko bwa Bundibugyo, buri gukwirakwira muri iki gihe, ntiburabonerwa umuti cyangwa urukingo rwemewe ku rwego mpuzamahanga, bikaba bituma ingamba zo kwirinda ziba ingenzi cyane.

Abaturage barasabwa gukomeza gukurikiza amabwiriza y’inzego z’ubuzima, birinda kwegera ababagaragaraho ibimenyetso by’iyi ndwara, no gutanga amakuru ku gihe binyuze ku mirongo itishyurwa yashyizweho.

Kayinamura, umubyeyi w’abana bane, ukomoka mu Murenge wa Nyamata mu Karere ka Bugesera, Jenoside yatangiye ari kumwe n’umuryango we, bagenda bicirwa ahantu hatandukanye, aza kwisanga agenda yihishahisha mu bihuru ari wenyine. Ku bw’amahirwe, yaje kurokoka wenyine mu bana 6 bavukanaga.

Nk’uko yabigarutseho mu buhamya yatanze mu gikorwa cyo Kwibuka ku nshuro ya 32 Jenoside yakorewe Abatutsi cyabereye ku Kagari ka Kanazi, Kayinamura yibuka uko yabonaga imibereho y’umuryango we n’abaturanyi b’abatutsi yari imeze mbere ya jenoside, cyane cyane mu bijyanye n’imyigire y’abana.

Ngo byasaga n’aho abatutsi batemerewe kwiga, nk’uko byamugendekeye akisanga yabuze amanota yo kujya mu yisumbuye, maze ajya kwiga imyuga, muri CERAI nyuma nabyo birananirana.

Mu 1992, umuryango we warahunze hamwe n’abandi batutsi bo mu bice bitandukanye bigize icyari Komini Kanzenze, kuko barimo batwikirwa, basahurwa, banyagwa inka zabo, ndetse bamwe bahasiga ubuzima. Icyo gihe bahungiye ku Kiliziya ya Nyamata, hashize iminsi micye, bivugwa ko hatanzwe ihumure, basubira mu ngo zabo, ubuzima burakomeza.

Kwibuka i Kanazi

Mu 1994, ubwicanyi bwatangiye aho iwabo, umuryango wa Kayinamura n’abandi bibwiye ko wenda biza kugenda nk’uko byagenze muri icyo gihe cya 1992, ariko mu gihe gito, biba bibi cyane, abantu batangira kwicwa.

Aho muri Kanazi yibuka ko haguye nyina n’abavandimwe batatu, umwe yicwa arashwe. Abandi bakomeje kwiruka bahunga baza kugera i Nyamata kuko bibwiraga ko baza kuhabona ubuhungiro.

Yagize ati, “ Tugeze i Nyamata,mu buryo bugoye, ubwo nari nsigaranye na Papa n’abo tuvukana babiri, twasanze Kiliziya yuzuye harimo abantu bahunze baturuka hirya no hino. Abenshi bari hanze mu mbuga ya Kiliziya, ariko twebwe tubona umwanya tujyamo inyuma mu Bapadiri. Baje kwica ku Kiliziya mu bihe bitatu bitandukanye, ariko mu ijoro baraye bishe abantu bari mu Kiliziya imbere, twashyize hamwe turi abantu benshi b’abasore n’abagabo bakiri bato, turavuga ngo duhungire i Burundi. Tugeze mu nzira twahuye n’Interahamwe ziri ku irondo ziradutatanya, njyewe n’undi musore umwe twiruka dusubira ku Kiliziya”.

“ Nageze ku Kiliziya nsanga Papa aracyahari, ndamwinginga ngo areke dushake uko twahungira i Burundi, arambwira ati ko n’ubundi byarangiye waretse tugapfira aha! Ubwo yari kumwe n’umusaza w’umuturanyi, aramubwira ati reka twumve ibyo uyu mwana atubwira tugerageze duhunge. Tugenda turi bane nijoro, murumuna wanjye muto tumusiga aho mu mpunzi kuko yari muto tuvuga ko atoshobora kugenda, nubu iyo nibutse uko ngo yasigaye arira twamusize, kugeza baje kubica, ngira agahinda kuko numva ari jyewe wateye urupfu rwe…”.

Kayinamura avuga ko Se yari asanzwe azi iryo shyamba rya Mpira n’irya Gako ryari ririmo ikigo cya gisirikare, kuko bajyaga bariragiramo inka, ku buryo bari bizeye ko bazagera i Burundi ubwo bashoboye kuryinjiramo baticiwe mu nzira. Ariko ngo baje kugira ibyago barihuriramo n’interahamwe, bariruka, baratandukana.

Kayinamura ati, “ Iryo shyamba sinari nsanzwe ndizi, nari nakomeje kurigendamo ntazi aho ndimo ngana, nza kwisanga, ku basirikare babiri bari ku ‘burinzi’, bambaza aho mva n’aho njya, ntangira kubabwira, ariko ntavuga aho nturutse by’ukuri, ariko umwe muri bo, aravuga ngo ubu wasanga uvuye i Nyamata,…Abo basirikare basiganiye kumenya icyo bankorera, umwe abwira mugenzi we ati reka tumujyane ‘kwa muganga’ (byabaga bivuze kwica), undi arabyanga ati reka tumujyane kumufunga. Uwo washakaga kunyica byaramurakaje, ndabibona ko adashaka gukomeza kumbona. Twakomeje iyo nzira duhinguka ku gikoni cy’abasirikare, tugera imbere mu kigo nsanga aho barimo bagaburira abantu b’abasivili nanjye uwo wari wanze ko banyica arambwira ngo jya kurya…Nyuma baje kunshyira muri Kasho y’aho mu Kigo kuva uwo munsi”.

Kayinamura asobanura ko aho muri Kasho yo mu Kigo cya gisirikare cya Gako yamazemo iminsi 25 kandi ubundi ntamaregamo iminsi 15 ayirimo, ataricwa cyangwa ngo ajyanwe ahandi. Aho ngo yaje kuba nk’imfungwa imenyereye, bakamwohereza kuzana ibyo kurya ku gikoni aherekejwe, ariko uko ajya hanze akumva amakuru, akumva abavuga aho Inkotanyi zigeze n’ibindi byinshi.

Yagize ati, “ Aho mu Kigo cya Gako, byari bitangiye kuba akavuyo abasirikare bari kumwe n’abagore babo n’abana, kandi harimo abasanzwe bahakorera hamwe n’abaje bahunga urugamba baturuka za Kibungo n’ahandi. Aho hari harimo abana b’abasore bato bafashaga abasirikare imirimo itandukanye harimo kumesa n’ibindi, bakitwa ‘Abakarapu’ cyangwa se ‘Inkaraga’, umuntu yagereranya n’ababoyi b’abasirikare. Nanjye nubwo nari mfunze ariko nageragezaga kwivanga nabo uko nshobora, ku buryo abasirikare benshi bari basigaye banzi n’abana babo…”.

Kayinamura avuga ko amasasu y’Inkotanyi atangiye kumvikana, abasirikare n’imiryango yabo ndetse n’abo bari bafungiyemo aho, bahunze bagenda berekeza ahitwa Rwabusoro mu cyahoze ari Komini Muyira, ubu ni Akarere ka Nyanza. Muri uko guhunga yagiye yikoreye agasanduku k’amasasu, ahandi ashyirwa mu mujishi w’abikoreye imbunda nini, kuko imodoka zari zanze kuyitwara.

Yagize ati, “ Abasirikare twari kumwe, sinzi uko bitwaga, ariko baje gufatwa nk’ibigwari, basimbuzwa Batayo Muvumba, nkumva bavuga ngo Batayo Muvamba iraje, biyamira cyane, bati ubu na Bugesera Inyenzi ntizikiyifashe, kuko ntizabatsinda,...twagiye kubona tubona haje abasirikare ntazi aho bari bavuye, baza hejuru y’amamodoka kwa kundi interahamwe zagendaga, iyo niyo yari Batayo Muvumba ngo yari igitangaza, ijya kuri Rwabusoro ku Kiraro, abo basirikare twari kumwe bashyirwa inyuma”.

“Aho ni ho Gatsinzi Marcel, icyo gihe wari ufite ipeti rya Colonel yaje ari kumwe n’abandi bayobozi b’abasirikare, ateranya inama y’ababasirikare, ababwira ko babaye ibigwari, batarimo kurwana neza, ko Inyenzi zirimo ziza bakiruka, ko batanze igihugu none bakaba barimo bahunga. Ati mwatsinzwe ubu ntacyo mumaze nimugende...arabatonganya cyane. Ubwo bafata lisiti ndende y’abirukanywe mu ngabo barayisoma. Muri bo hari abatari bafite imyenda ya gisivili, batwiraramo batwaka imyenda twiyambariye. Aho niho umusirikare yanyambuye imyenda mama yari yarampaye tujya guhunga kuko ibintu byose bya gisirikare babyatswe, harimo n’imyenda. Jyewe banyatse umupira nari nambaye, bantwara n’ikoti ry’uruhu ryari ryiza nambaraga imbeho ntingereho. Hari n’abasivili baagurishije imyenda, kuko bari basabwe kutagira igikoresha na kimwe basigarana cya gisirikare. Bababwiye ko batagombaga no kuzongera kwegera ahari abasirikare kuko ari abagambanyi…”

“Uwanyatse imyenda yanjye yahise ansindagira igikote cya ‘simoko’ cyangwa ‘madowadowa’ yari yambaye, ubwo mbyambara ari ibikote bibiri bya gisirikare, ariko ibyo bikote bya gisirikare byaramfashije binkiza kwicwa, kuko n’abasore b’aho nkomoka bambonye, batinya kugira icyo bankoraho babonye uko nambaye…”

Kayinamura avuga ko iyo Batayo Muvumba imaze gutsindwa n’Inkotanyi, izo mpunzi nyinshi ziri kumwe n’ingabo zatsinzwe, zahise zihunga ari igihiriri, we yanga gukomeza guhungana nabo, ahubwo atangira gushaka uko abacika bwa kabiri, kuko ubwa mbere abigerageza, bitamuhiriye, icyo gihe agenda asubira inyuma, yumva yifuza ko yahura n’Inkotanyi.

Yagize ati,” Ubwo nasubiye inyuma, uwo murongo w’impunzi urangiye ngera ahantu mu gasantire mfatwa n’interahamwe ziri ahantu ku kabari, zimbaza niba ntari akanyenzi, nzisubiza ko ndi ‘Umukarapu’ w’abasirikare, hakaba hari ‘grenades’ nataye duhunga nkaba ngarutse kuzishaka. Interahamwe imwe yaramfashe itangira kuniga, nyikizwa n’undi wari wambonanye n’abasirikare, ati reka uwo mwana yari kumwe n’abasirikare rwose...nuko ankubita ku rukuta ambwira amagambo mabi. Ankubita ku rukuta, andekuye ndiruka, nza kugera ahantu hacecetse cyane nta bantu bagihari, nyuma numva amajwi y’abantu bavugira hirya, nihisha aho nari ngeze mu bwatsi bw’inka ariko ndeba mu muhanda”.

“Abo bavugaga bangeze hafi ndabareba mbona ni abasirikare, ariko batandukanye n’abo bandi twari kumwe, hanyuma sinahita mbiyereka, ariko umwe ahindukiye arambona aho mu byatsi, arambwira ati, ngwino, ntiwiruke kuko niwiruka turakurasa. Ubwo nshaka kwiyambura bya bikote bya gisirikare, uwo musirikare arambwira ati ntubisige nabyo bizane. Ni uko nahuye n’Inkotanyi. Kuva ubwo sinongera gutandukana nazo. Baduha imyitozo tuba abasirikare, urugamba rurangiye batwohereza ku ishuri muri ba ‘Kadogo’”.

“Nize ibinyabuzima n’ubutabire mu mashuri yisumbuye, hanyuma Kaminuza nize i Mudende niga ibijyanye n’imitekerereze ya muntu mu burezi (Educational Psychology), numvaga nifuza kuzakora ubushakashatsi nkamenya byinshi kuri iyi Jenoside yakorewe Abatutsi…”.

Inganda zatanze 24%ku musaruro mbumbe, ariko nanone, ni zo ziyongereye ku ijanisha rinini ugereranyije n’ingenzura riheruka, 13%

Serivisi zikomeje kugira uruhare runini kuko zagize urungana na 52% by’umusaruro mbumbe, ubuhinzi bugira uruhare rwa 19%, inganda zigira urwa 24% naho ibindi bisigaye bigira uruhare rwa 5%.

Ku bijyanye n’uburyo umusaruro mbunbe wagiye wiyongera hakurikijwe ibyiciro, usanga uw’ibikomoka ku nganda wariyongereye cyane ugereranyije n’ibindi, kuko wiyongereye ku kigero cya 13%, uw’ubuhinzi wiyongeraho 8%, mu gihe uwa Serivisi wo wiyongereyeho 7%.

Umusaruro w’ibihingwa byoherezwa hanze y’Igihugu wiyongereyeho 39%, bigizwemo uruhare n’uw’ikawa wazamutse ku kigero cya 86%, uw’icyicaye ugabanukaho 3%, mu gihe uw’ibihingwa ngandurarugo wiyongereyeho 3%.

Mu nganda, umusaruro w’ubucukuzi bw’amabuye y’agaciro na kariyeri wiyongereyeho 20%, umusaruro w’imirimo y’ubwubatsi wiyongeraho 11%, mu gihe uw’inganda zitunganya ibintu bitandukanye wiyongereyeho 15%.

Uyu ahanini wiyongereye bitewe n’izamuka rya 52% ry’umusaruro w’inganda zikora ibinyobwa, izamuka rya 57% ry’umusaruro w’inganda zikora ibikoresho by’ubwubatsi bishingiye ku mabuye, izamuka rya 21% ry’umusaruro w’inganda zikora ibikomoka ku binyabutabire n’ibikoresho bya pulasitike, n’irya 22% ry’umusaruro w’inganda zikora ibikomoka ku mbaho.

Mu bijyanye na Serivise, umusaruro w’ubucuruzi buranguza n’ubudandaza wiyongereyeho 11%, uw’ubwikorezi wiyongereyeho 11% harimo uw’ubwikorezi bwo ku butaka wiyongereyeho 10%, naho ubwo mu kirere bwiyongereyeho 7%.

Mu zindi serivisi, umusaruro wa serivisi z’itumanaho n’ikoranabuhanga wiyongereyeho 22%, uw’ibigo by’imari n’ubwishingizi wiyongereyeho 11%, uw’uburezi wiyongereyeho 3%, mu gihe umusaruro wa serivisi za resitora n’amacumbi wagabanutseho 16%.

Minisitiri w’Imari n’Igenamigambi Yusuf Murangwa, avuga ko nubwo hari ingaruka z’intambara irimo kubera mu burasirazuba bwo hagati zari zitezwe ariko atari nyinshi ku buryo byashoboraga kugira ingaruka zikomeye cyane ku bukungu bw’Igihugu.

Ati “Iyo turebye uko ubukungu bwazamutse mu gihembwe cya kabiri cy’umwaka ushize n’icya gatatu cy’umwaka ushize, ubona ko ubukungu bwari bumaze gufata umuvuduko mwiza, kuko nko mu gihembwe cya gatatu cy’umwaka ushize bwazamutse ku kigero cya 11.8%, icya kane 11.2%. Birumvikana ko urwego byari bimaze gufata rw’ubukungu butandukanye ari rwiza.”

Yungamo ati “Buriya iyo ubukungu burimo kuzamuka, iyo nta kintu kibubangamiye hagati aho, burakomeza bukazamuka, ariko wenda ubu turategereje mu gihembwe cya kabiri wenda ingaruka z’intambara dushobora kuzazibona, ariko natwe ntabwo twicaye, turimo turagerageza gukora ibishoboka byose kugira ngo tutazahura na za zindi za mbere.”

Bimwe mubyo Minisitiri Murangwa avuga ko birimo gukorwa, harimo kwihutisha imishinga, korohereza abashoramari kugira ngo bakomeze gushora imari, n’ibindi bishobora gutuma izo ngaruka zitagaragara cyane.

Ingabire akurikiranweho kurema umutwe w’abagizi ba nabi. Ku wa 15 Kamena yari yitabye urukiko ngo urubanza rutangire mu mizi, ariko avuga ko atameze neza mu mubiri, mu marangamutima no muri Roho.

Mu byo yavuze, harimo ko atabona imiti ye y’amenyo n’iy’uruhu uko bikwiye, ko atavugana n’umuryango we nk’uko abyifuza, ndetse ko atemererwa kujya gusenga, uretse ku Cyumweru.

Yari yavuze kandi ko atemererwa kuvugana n’abo bari mu rubanza rumwe, uko ari batandatu.

Uyu munsi, Ingabire wari waje yitwaje ya miti avuga ko akoresha ku ruhu rwe ndetse n’amenyo yari yayizanye mu rukiko.

Urukiko rwanzuye ko nta bimenyetso bigaragaza ko atabona imiti uko ayifuza, cyangwa ko abuzwa gusenga, cyangwa kuvugana n’umuryango we.

Urukiko rwahaye Victoire Ingabire umwanya wo kuvugana n’abo bareganwa, aho mu rukiko, kugira ngo noneho urubanza ruzakomeze kuri uyu wa 17 Kamena.

Perezida wa Repubulika y’u Rwanda Paul Kagame, ku wa 10 Kamena 2026, nibwo yakoze impinduka shyiraho abayobozi bashya aho yagize Madamu Uwizeye Judith Minisitiri w’Abakozi ba Leta n’Umurimo, asimbuye Amb. Christine Nkulikiyinka wagizwe Ambasaderi w’u Rwanda muri Espagne.

Ambasaderi Christine Nkulikiyinka yashimangiye akamaro ko gukorera abaturage mu bunyangamugayo n’ubunyamwuga ndetse n’umwihariko wo gushyira imbere intego yo gutanga serivisi nziza, ashimangira ihame rigira riti “Service Before Self”, (Serivisi mbere y’inyungu zawe bwite).

Iyi ni interuro ikoreshwa kenshi mu rwego rw’imiyoborere n’ubuyobozi ishimangira ko umuntu agomba gushyira inyungu rusange n’akazi ashinzwe imbere y’inyungu ze bwite.

Ku ruhande rwa Minisitiri Judith Uwizeye yashimiye Hon. Amb. Nkulikiyinka ku buyobozi bwiza n’umusingi ukomeye asize muri iyi Minisiteri, anagaragaza ko azakomeza guteza imbere ireme rya serivisi zihabwa abaturage, guteza imbere imishinga igamije guhanga imirimo mishya ndetse no gukomeza gushyira imbere ivugurura rigamije inyungu z’Abanyarwanda.

Uwizeye Judith ugiye kuyobora Minisiteri y’Abakozi ba Leta n’Umurimo, muri Guverinoma nshya yatangajwe muri Nyakanga 2025, yari yagizwe Minisitiri muri Perezidansi ya Repubulika.

Minisiteri y’Abakozi ba Leta si ubwa mbere ayiyoboye kuko no mu 2014-2017 yari yagizwe Minisitiri w’Abakozi ba Leta n’Umurimo.

Iki gikorwa cyabereye mu Ngoro y’Umukuru w’Igihugu mu Mujyi wa Ljubljana, cyagaragaje umubano ukomeje gutera imbere hagati y’u Rwanda na Slovenia, ndetse n’ubushake bw’ibihugu byombi bwo gukomeza guteza imbere ubufatanye mu nzego zitandukanye zifitiye inyungu impande zombi.

Mu biganiro byabaye nyuma y’iki gikorwa, Ambasaderi Bakuramutsa na Perezida Nataša, bongeye gushimangira akamaro ko guteza imbere ubucuruzi, ishoramari ndetse n’ubufatanye bwagutse hagati y’ibihugu byombi.

Ibi byitezweho gufungura amahirwe mashya mu iterambere ry’ubukungu no gukomeza gusigasira umubano mwiza usanzwe uri hagati y’u Rwanda na Slovenia.

Ambasaderi Bakuramutsa, asanzwe ahagarariye u Rwanda mu bihugu birimo Liechtenstein, Vatican, Autriche ndetse no mu Busuwisi ari n’aho afite icyicaro. Asanzwe kandi ahagarariye u Rwanda mu biro bya Loni i Genève ndetse no mu Muryango Mpuzamahanga w’Ubucuruzi (WTO).

U Rwanda na Slovenia bifitanye umubano mwiza wa dipolomasi n’ubutwererane mu nzego zitandukanye, cyane cyane mu bya politiki, ubukungu, ibidukikije, ndetse n’imikino. Ibihugu byombi byiyemeje gushimangira ubufatanye.

Muri Mata 2023, Perezida w’Inteko Ishinga Amategeko ya Slovenia, Urška Klakočar Zupančič, yasuye u Rwanda ndetse anagirana ibiganiro na Perezida Paul Kagame ndetse n’abandi bayobozi bakuru b’Igihugu. Yasuye n’Urwibutso rwa Jenoside ruri ku Gisozi.

Ibi yabigarutseho mu nama ya African Air Transport Convention & Expo 2026, iri kubera I Lome muri Togo, kuva tariki 15-19 Kamena 2026. Iyi inama itegurwa ku bufatanye bwa Komisiyo Nyafurika ishinzwe ibijyanye n’indege za gisivile n’Umuryango wa Afurika Yunze Ubumwe.

Perezida Kagame mu ijambo yagejeje ku bitabiriye iyi nama, yavuze ko isoko rimwe rikora neza ari irishingiye ku mategeko n’amabwiriza asobanutse kandi ahamye mu bihugu bitandukanye.

Yagize ati: “Isoko rimwe rikora neza iyo amategeko n’amabwiriza bihuye kandi byumvikana mu bihugu byose. Inzego zifite inshingano zo kuyobora ibi zisanzwe zihari, kandi zikwiye gushyigikirwa. Iri hame kandi rireba na politiki igomba gukurikizwa kuri visa."

Perezida Kagame yagaragaje ko u Rwanda rwafashe icyemezo cyo gukuraho inzitizi zimwe na zimwe, zirimo iza visa, hagamijwe korohereza abantu gusura igihugu, guhuza ibikorwa no gushaka amahirwe.

Ati: “Mu Rwanda, twakuyeho izo nzitizi kuko twashakaga ko abantu basura igihugu, bagahuza ibikorwa ndetse bakavumbura amahirwe ahari. Kandi nk’uko tubizi, ni cyo cyari gikwiye gukorwa.”

Yongeyeho ko ibyo byagize uruhare rukomeye kuko byatumye habaho kwiyongera kw’ibikorwa by’ubucuruzi, ubukerarugendo ndetse n’ubwiyongere bw’ingendo z’indege.

Perezida Kagame yashimangiye ko iki gikorwa u Rwanda rwakoze, cyagaragaje ko gufungura imipaka n’imikoranire ari imbaraga zikomeye zituma iterambere ryihuta, anavuga ko nta Karere na kamwe gashobora kugera ku bushobozi bwako mu gihe gahisemo kuba nyamwigendaho.

Ati: “Uko ubwikorezi bwo mu kirere bwiyongera, niko butanga amahirwe menshi kandi bugafungura inzira nshya z’iterambere.”

Yasoje ashimangira ko guteza imbere ubufatanye mu by’ubwikorezi bwo mu kirere ari imwe mu nkingi z’iterambere rirambye rya Afurika.

Iyi nama Perezida Kagame yitabiriye, igamije kwihutisha ishyirwa mu bikorwa rya gahunda ya AU izwi nka Single African Air Transport Market (SAATM), igamije gukuraho inzitizi zikigaragara mu ngendo zo mu kirere muri Afurika no guhuza imikoranire muri uru rwego.

Nk’uko tubikesha abashinzwe itangazamakuru n’itumanaho muri iki kigo, kuri uyu wa Gatandatu, 20 Kamena, Spiro izafungura sitasiyo eshatu nini, zishobora gucaginga bateri hagati ya 350-700 icyarimwe.

Ibyo rero, ngo bisobanuye ko iyo sitasiyo iba ishobora gutanga bateri 700-1500 ku munsi.

Felix Rubanda, umuyobozi ushinzwe ingufu muri Spiro Rwanda yagize ati "Nyuma y’iminsi nk’icumi cyangwa makumyabiri, tuzafungura izindi sitasiyo zirindwi, zose hamwe zibe icumi."

Izi sitasiyo ngo zizashyirwa ahantu h’ingenzi mu kazi ka motari nka Nyamirambo, Kinamba, Kicukiro centre, Kimironko, Batsinda, Muhima, Nyabugogo, Gatsata, Kanombe na Sonatube.

Yongeyeho kandi ko utwara moto ushaka bateri azajya ayibona hagati y’iminota itatu n’itanu.

Akigera i Lome yakiriwe na Perezida w’Inama y’Abaminisitiri ya Togo, Faure Essozimna Gnassingbé.

Iyi nama yateguwe ku bufatanye bwa Komisiyo ya Afurika mu by’Indege za Gisivile (African Civil Aviation Commission) ndetse na Afurika Yunze Ubumwe.

Iyi nama ihuza ba minisitiri bashinzwe ubwikorezi, abayobozi b’inzego z’indege za gisivili, abayobozi b’ibigo n’ibibuga by’indege, inganda, abashoramari ndetse n’abandi bafatanyabikorwa b’ingenzi.

Ingabire, wunganiwe n’abanyamategeko batatu, yageze mu rukiko avuga ko hari imiti y’uruhu ndetse n’iy’amenyo atabonera ku gihe.

Yavuze kandi ko adahamagara umuryango we uko abyifuza, kuko ubu ngo kuva umwaka watangira amaze kubahamagara gatatu.

Ikindi, ngo ntabwo abona umwanya uhagije wo kujya gusenga kuko ngo yemererwa kujya gusenga ku cyumweru gusa.

Ubushinjacyaha bwavuze ko ibyo Ingabire asaba birimo ubutesi, kuko bishingiye ku marangamutima, aho batanze urugero bagira bati "urashaka kohererezwa Pasiteri muri Gereza"?

Ingabire Victoire avuga ko kandi yasabye kuvugana n’abantu bareganwa uko ari batandatu, ariko ntabyemererwe.

Urukiko rwagiye gusuzuma izi nzitizi za Ingabire, rukaba ruzatanga umwanzuro warwo kuri uyu wa 16 Kamena.

Gutangiza imirimo yo kubaka uruganda A1 Iron & Steel

Minisiteri y’Ubucuruzi n’inganda, ubwo yagezaga ku Nteko Ishinga Amategeko gahunda ya Leta y’imyaka icumi y’urwego rw’inganda, yavuze ko urwo ruganda rwagiye gushaka abakozi magana abiri bafite ubumenyi bakeneye, ariko bakaba barababuze ku isoko ry’u Rwanda

Mu gihugu ubushomeri mu rubyiruko buhagaze kuri 14%, iyi ni inkuru yateje impaka nyinshi, abantu bavuga ko bidashoboka ko umushoramari yabatwara iyo mirimo yose.

Igitekerezo bari bafite cyagiraga kiti n’aho ibyo uruganda rusaba mu Rwanda baba batabizi, babyigishwa bakabikora ariko ntihagire umuntu uva ahandi ngo abatwarire imirimo.

Ubuyobozi bw’uruganda nabwo ntibuhakana ko iyo nzira yo kwigisha abakora iyo mirimo yaba nziza, ariko bavuga ko ibintu byose bigira intangiriro.

Ubundi se urwo ruganda ni uruhe, rukora iki?

Uru ruganda ni A1 Iron & Steel, rukaba ruherereye mu Karere ka Musanze, Intara y’Amajyaruguru. Ni uruganda rukora ibyuma bikoresha mu bwubatsi, ruhereye ku mabuye y’agaciro rwicukuriye ubwarwo, mu Rwanda.

Birashoboka ko mu Rwanda hari uruganda rumwe, cyangwa se ebyiri zikora ibyuma byo kubaka, cyane cyane za fer a beton, ariko bakabikora mu byuma byashaje by’imodoka, ibikoresho byo mu rugo n’ibindi bintu bitandukanye bongera bagashongesha, bikavamo igikoresho gishya bifuza(recycling).

Uru ruganda rwo rufite umwihariko wo gukora icyuma kuva kuri zero, ku mabuye y’agaciro kugera ku byuma byubakishwa.

Mu kiganiro kihariye, Umuyobozi ushinzwe imari muri uru ruganda Rajendra Bharadia yabwiye Kigali Today ko mu by’ukuri uru ruganda kugira ngo rutangire mu buryo buto bushoboka, rukeneye abakozi 700.

Aho ngo ni ho bazashobora gutanga byibuze toni 400-500 z’ibyuma ku munsi. Icyakora, aba bose si ko u Rwanda rubafite mu bushobozi uruganda rubakeneyeho.

Rajendra avuga ko n’ubwo abakozi benshi muri aba magana arindwi ari Abanyarwanda, byabaye ngombwa gushakamo n’abafite uburambe n’ubunararibonye mu bumenyi bumwe na bumwe bwihariye butari bwashyikirwa n’abari ku isoko ry’umurimo ry’u Rwanda.

Aba rero, ngo bagiye kubashaka mu bihugu bisanzwe bizwiho inganda zikomeye zikora ibyuma, byamenyereye gutoza abakozi bakora muri izo nganda.

Yagize ati “ Mbere yacu, u Rwanda ntirwigeze rugira uruganda rukora ibyuma ruhereye ku mabuye y’agaciro. Mu by’ukuri hari ubumenyi buhanitse bukenerwa muri izi nganda butari bwagera ku isoko ry’u Rwanda.”

Icyakora, yavuze ko aba bahanga mu by’izi nganda, benshi bavuye mu Buhinde. Ngo bazajya bakorana n’Abanyarwanda, kugira ngo ubwo bumenyi na bo bazabugire.

Yongeyeho ati “Ikigamijwe si ugutwara Abanyarwanda imirimo, ahubwo ni ugutangira inzira yo kubaka uburambe buzatuma uru ruganda rushinga imizi mu minsi iri imbere. Intego yacu ni uko abafite ubumenyi buhambaye b’Abanyarwanda ari bo bazaba bayoboye imirimo y’ingenzi y’uru ruganda mu minsi iri imbere, bitewe no kwigira ku murimo.”

Bharadia avuga ko mu bwoko bw’inganda nk’izi guhanahana ubumenyi ku bakozi bakorana mu ruganda, bishobora gufata hagati y’amezi atandatu n’umwaka.

Agira ati “Hano habamo ubwenge buhambaye. Abanyarwanda nibamara kubishyikira neza, bazaba bafite amahirwe y’imirimo myiza cyane, atari hano gusa, ahubwo no mu zindi nganda zateye imbere muri uru rwego.

Turiteguye kwiga - Sendika y’Abakozi

Sendika y’Abakozi y’Abari mu Bucukuzi bw’Amabuye y’Agaciro yitwa REWU mu magambo ahinnye y’Icyongereza, ni bamwe mu bumvise amakuru y’iyi mirimo bakibaza ukuntu ibyo bishoboka, ko umushoramari yabura abakozi mu Rwanda, kandi babatoza.

Nabo bari bafite igitekerezo ko n’iyo abakozi baba badafite ubumenyi bukenewe neza n’uruganda, bakwigishwa bagakurikira.

Umunyamabanga mukuru wungirije wa REWU Jean Marie Vianney Bwanakweri, avuga ko abakozi bo mu nzego z’ubucukuzi bafite ubumenyi bufatika, ku buryo bashobora kwifashishwa mu mirimo isanzwe ikomeye y’inganda ziteye nka A1 Iron & Steel.

Yagize ati “iterambere ry’inganda ntiritangirira kuri zero. Abakozi benshi bamaze kugira uburambe mu bucukuzi bw’amabuye y’agaciro n’indi mirimo bijyanye. Igikenewe, ni ugufasha abari muri iyo mirimo kugera ku rwego rwemewe muri izi nganda nshya.”

Atanga urugero mu bo bigishije, Bwanakweri avuga ko abakozi 4700 bigishijwe iby’ubucukuzi ndetse bahabwa n’impamyabumenyi. Abandi 2500 nabo bazemezwa nk’abanyamwuga mu Kuboza uyu mwaka.

Minisitiri w’Intebe Dr. Justin Nsengiyumva asura uruganda A1 Iron & Steel

Abayobozi mu Kigo cy’Imyuga n’Ubumenyi Ngiro - Rwanda TVET Board(RTB) bavuga ko kuba haboneka imirimo mishya itamenyerewe ku isoko ry’u Rwanda, ni ikimenyetso ko Igihugu kiri kunyura mu mpinduka zikomeye kandi nziza mu bukungu..

Aimable Hategekimana, Umu specialist wa RTB mu by’ubucukuzi, yavuze ko Ikigo cye gikorana bya hafi n’abakoresha, kugira ngo barebe ibikenewe mu mirimo mishya iri kuvuka, kugira ngo bamenye uko bavugurura integanyanyigisho zijyane n’ibikenewe ku isoko.

Yagize ati “Inshingano zacu ziba ari ukubona hakiri kare imirimo igiye gukenera abakozi, hanyuma tugategura abazayikora.”

Aha kandi Hategekimana yavuze ko ibigo bizanye ikoranabuhanga rishya mu Rwanda, byemererwa kuzana inararibonye ziturutse hanze, by’agateganyo, maze bigaha amahirwe Abanyarwanda bakabyiga nabo bakagenda babimenyerezwa.

Shehbaz Sharif yavuze ko "Impande zombi zatangaje ko ibikorwa bya gisirikare bihagaritswe kandi burundu ku mpande zose z’urugamba, harimo no muri Libani."

Umuhango wo gushyira umukono kuri aya masezerano ku mugaragaro uzaba ku wa Gatanu, tariki ya 19 Kamena, mu Busuwisi.

Uyu muyobozi wa Pakistani yagize ati "Turashimira Leta Zunze Ubumwe za Amerika na Repubulika ya Kisilamu ya Irani ku bushake n’ubwitange bagaragaje mu gushaka umuti wa dipolomasi w’aya makimbirane. Turanashimira byimazeyo abavandimwe bacu bagize uruhare muri ubu buhuza, cyane cyane ubuyobozi bw’ikirenga bwa Leta ya Katari, ku nkunga bwatanze kugira ngo aya masezerano agerweho."

Yongeyeho ati "Turashimira kandi by’umwihariko ubuyobozi bufite icyerekezo bw’Ubwami bwa Arabiya Sawudite na Repubulika ya Turukiya ku ruhare runini bagize muri iki gikorwa."

Itangazo ry’iyo ngengo y’imari ryagaragaje ko 58 ku ijana (USD 64,768,033 cyangwa Miliyari 94.9 Frw) azaturuka mu misanzu y’abanyamurango, ariko hakaba hari impungenge ko atazaboneka kubera ikibazo gikomeye cy’abatishyura.

Raporo iheruka, igaragaza ko ibirarane by’imisanzu y’uyu muryango byari bimaze kuba Miliyoni 89.4 z’Amadolari ya Amerika kugera ku wa 31 Mutarama uyu mwaka.

Repubulika Iharanira Demokarasi ya Congo n’u Burundi bihariye arenga kimwe cya kabiri cy’ibi birarane. Congo ubwayo ifite ibirarane bya Miliyoni 27.7 z’Amadolari ya Amerika, mu gihe u Burundi butegerejweho kwishyura ibirarane bya Miliyoni 22.7 z’Amanyamerika.

Sudani y’Epfo, iza ku mwanya wa gatatu ikaba isabwa Miliyoni 21.8 z’Amadolari ya Amerika, hanyuma Somaliya, umunyamuryango uheruka kwakirwa, irimo ikirarane cya Miliyoni icumi z’Amanyamerika.

Kenya, Uganda, Tanzaniya, ndetse n’u Rwanda bishyuye imisanzu yose uko isabwa kugeza uyu mwaka.

Abatishyura bashyiriweho inyoroshyo

Impinduka ebyiri zashyizweho mu myishyurire muri Werurwe uyu mwaka, zitegerejweho gufasha abatishyura imisanzu, igihe baba bafite ubushake bwo kwishyura.

Mu buryo busanzwe bw’imyishyurire, Ibihugu byose byishyuraga umusanzu ungana. Urugero, ingengo y’imari ya 2025/2026 yari Miliyoni 109.5 z’Amadolari ya Amerika, abanyamuryango bakaba baragombaga gutanga Miliyoni 67.7 z’Amadolari, abaterankunga bagatanga Miliyoni 41.6 z’Amanyamerika.

Buri gihugu cyagombaga gutanga umusanzu wa Miliyoni 7 z’Amadolari, ariko kuva ku wa Mbere Kamena, ubu imyishyurire ni mishya.

Mu itegeko rishya, Ibihugu ntibitazongera kwishyura umusanzu ungana, ahubwo buri gihugu kizajya kibarirwa umusanzu hakurikijwe ubukungu bwacyo.

Nk’uko itangazo ry’iyi ngeno y’imari nshya ribivuga, mirongo itanu ku ijana by’uyu musanzu izaba ingana ku bihugu byose, mu gihe indi mirongo itanu ku ijana izajya ibarwa hakurikijwe ubukungu bw’Igihugu.

Hagati aho, EAC yemeje gusonera Ibihugu bitarishyura mirongo itanu ku ijana y’ibirarane, mu gihe byakwemera kwishyura igice gisigaye mu myaka ibiri.

Ikindi ariko, inama y’Abaminisitiri ya EAC yahawe inshingano zo gushyiraho ibihano ku bihugu bitishyura imisanzu.

Ubu kubera abatishyura imisanzu, hari ibikorwa bimwe bya EAC byagiye bidindira. Ubu kandi, mu myanya 469 iteganyijwe muri EAC, harimo imyanya 163 itarashyirwamo abakozi, kuko hari icyuho cy’umutungo mu muryango. Ubwo hari abakozi bakora aha babiri cyangwa badasinzira kuko bagira akazi k’umurengera.

Mu rwego rwo kwishimira intsinzi y’amateka y’ikipe ya RSSB Tigers yegukanye igikombe cya Basketball Africa League (BAL 2026), hateguwe igikorwa cyihariye cyo kurasa ibishashi by’umuriro (fireworks).

Iri tangazo ryashyizwe ahagaragara kuri uyu wa 13 Kamena 2026, rigaragaza ko ibi birori biri bubere kuri Kigali Convention Centre, i saa tanu z’ijoro (23h00). Ni igikorwa kigamije guha abaturage n’abatuye umujyi wa Kigali umwanya wo kwishimira iyi ntsinzi ikomeye yegukanywe n’iyi kipe ihagarariye u Rwanda ku rwego rwa Afurika.

Uretse ibi birori byo kurasa urufaya rw’bishashi, hateguwe n’gitaramo cyiswe “BAL Champions Celebration Concert” aho kwinjira ari ubuntu, mu rwego rwo gutuma buri wese abasha kwifatanya n’abakunzi b’iyi kipe mu byishimo by’iyi ntsinzi.

Ni igitaramo cyatumiwemo abahanzi batandukanye bakunzwe mu Rwanda, barimo Ariel Wayz, Juno Kizigenza, Kivumbi King, Bulldogg, Kenny Sol ndetse na Angel Mutoni.

Mbere y’ibi bikorwa byose kandi byabanjirijwe n’urugendo rwo kumurika igikombe rwatangiye saa 15h00 kuri Club Rafiki rugakomereza Kimisagara- Nyabugogo -Muhima – City Center -SOPETRADE ndetse n’i Remera rusorezwe KCC ahabera icyo gitaramo cy’imbaturamugabo.

Ibi birori byose ni ibyo gushimira ikipe ya RSSB Tigers BBC yakoze amateka yo kuba ikipe ya mbere yo mu Rwanda yegukanye irushanwa rya Basketball Africa League (BAL 2026), nyuma yo gutsinda Petro de Luanda yo muri Angola amanota 90-88, mu mukino wakurikiwe na Perezida Kagame.

Ku wa 11 -12 Kamena 2026, nibwo Ingabo z’u Rwanda zigize Rwanbatt-1 hamwe n’abapolisi b’u Rwanda (RWA-FPU III) bari mu butumwa bw’Umuryango w’Abibumbye muri Sudani y’Epfo, batanze serivisi z’ubuvuzi ku buntu ku baturage bo mu gace ka Gudele i Juba muri Sudani y’Epfo.

Iki gikorwa cyabaye ku bufatanye n’Umuryango witwa Society for Family Health, hatangiwemo serivisi zitandukanye z’ubuvuzi zirimo kwisuzumisha indwara rusange, ubuvuzi bw’amenyo, gukoresha ultrasound ku bagore batwite, ndetse n’ubuvuzi bw’amaso.

Minisitiri Joyce Bakwa yashimye byimazeyo inzego z’umutekano z’u Rwanda ku bwitange n’umurava bakomeje kugaragaza mu gutanga serivisi z’ubuvuzi zifite agaciro gakomeye ku baturage ba Gudele, mu mujyi wa Juba.

Yagaragaje ko izi serivisi zigamije gufasha abaturage bakeneye ubuvuzi, bikaba bigaragaza ubunyamwuga, ubumuntu n’ubufatanye u Rwanda rukomeje kugaragaza mu ruhando mpuzamahanga.

Binyuze muri iki gikorwa cyo gutanga ubuvuzi ku buntu, abaturage barenga 500 bahawe ubuvuzi ku ndwara zitandukanye ndetse abagenerwabikorwa bashimye cyane iki gikorwa cy’ubuvuzi bahawe.

Iki gikorwa kandi kigaragaza uruhare rw’u Rwanda mu kubungabunga amahoro no guteza imbere imibereho myiza y’abaturage mu bihugu bitandukanye, binyuze mu bufasha bw’ubuvuzi n’ibindi bikorwa by’ingenzi.

Ni igihembo RwandAir yaherewe mu bihembo bizwi nka ‘2026 APEX Awards’ byatangiwe i Dublin muri Irelande, bikaba bitegurwa n’Umuryango uzwi nka Airline Passenger Experience Association (APEX).

Iki gihembo kigaragaza urwego rwo hejuru RwandAir imaze kugeraho mu guha abakiliya bayo serivisi nziza, zishingiye ku kwita ku mugenzi no kumufasha kugira urugendo rwiza no kugira ibihe byiza.

Ubuyobozi bwa RwandAir bwatangaje ko iki gihembo gishingiye ku ntego bufite yo gushyira imbere ibyishimo by’abakiliya, gukomeza kunoza serivisi zitangwa mu ndege no guhanga udushya mu ngendo.

Bagize bati: “Tuzakomeza gushyira imbaraga mu gutanga ingendo zishimirwa n’abakiliya no gutuma buri rugendo rwose ruba umwihariko ku mugenzi.”

Iki gihembo kije gishimangira izina ry’u Rwanda mu rwego rw’ubwikorezi bwo mu kirere ku mugabane wa Afurika, ndetse ikaba n’icyizere cy’uko RwandAir izakomeza gutanga serivisi zo ku rwego mpuzamahanga.

Umuyobozi Mukuru wa Airline Passenger Experience Association, Dr Joe Leader, yavuze ko ibitekerezo by’abagenzi bikomeje kuba igipimo cy’ingenzi kigaragaza uko sosiyete z’indege zitanga serivisi zijyanye n’ibyifuzo by’abakiriya.

Yagize ati: “Ibitekerezo by’abagenzi bikomeje kuba kimwe mu bipimo bisobanutse bigaragaza uko indege zitanga serivisi zijyanye n’ibyo abagenzi bifuza kurusha ibindi.”

Dr Joe Leader yakomeje avuga ko abegukanye ibihembo bya APEX muri uyu mwaka bagaragaje ubushobozi bwo guhindura ibitekerezo by’abagenzi mu guhanga udushya dufatika, bifasha kuzamura urwego rwa serivisi zitangwa mu ndege.

Yongeyeho ko sosiyete z’indege zikomeje kumva neza ibyo abakiriya bifuza, zigahindura imikorere yazo no gushora imari mu guhanga udushya, ari byo biri gutuma urwego rw’ubwikorezi bwo mu kirere ruzamuka kandi rugashyiraho ibipimo bishya by’ubuziranenge na serivisi nziza.

Aya magambo agaragaza uburyo inganda z’indege ku Isi zikomeje kwita ku byo abagenzi bifuza, mu rwego rwo guteza imbere serivisi zinoze no guhatana ku isoko mpuzamahanga.

Mu ijoro ryo ku wa 10 Kamena 2026, Perezida Paul Kagame yakoze impinduka zirimo no gushyiraho abahagarariye u Rwanda bashya mu bihugu bitandukanye, harimo no muri Espagne. Iyi Ambasade yahawe, Ambasaderi Nkulikiyinka Christine, wari Minisitiri w’Abakozi ba Leta n’Umurimo.

Ni ubwa mbere u Rwanda rugize uruhagarariye bihoraho muri Espagne ndetse anahafite icyicaro kuko ubusanzwe iyi Ambasade yari ihagarariwe na Amb. François Nkulikiyimfura ufite icyicaro mu Bufaransa.

Gufungura Ambasade y’u Rwanda muri Espagne, bibaye mu gihe u Rwanda rukomeje kwagura ibikorwa byarwo ku mugabane w’u Burayi, aho rusanzwe rufitanye umubano na Espagne kuva mu 1967, nubwo kugeza ubu rwakoraga rubinyujije ku biro byarwo biri i Paris.

Aho niho umusesenguzi mu bya Politiki mpuzamahanga akaba n’Umwalimu muri Kaminuza, Dr. Ismael Buchanan, ahera avuga ko kuba u Rwanda rugiye gufungura Ambasade muri Espagne ari amahirwe akomeye ku bihugu byombi.

Ati: "Gufungura Ambasade ni amahirwe menshi u Rwanda cyangwa Espagne bishobora gukura muri ya politike y’Ibihugu biba bifite cyane cyane ko buri Gihugu kireba inyungu zacyo aho kiri ariko no kugira ngo ububanyi bwacyo n’ubutwererane bishyirwe mu bikorwa."

Akomeza avuga ko kugira Ambasade muri Espagne ari kimwe mu bizongera ubuhahirane hagati y’u Rwanda n’Ibihugu by’i Burayi bikazagaragarira kandi no mu Banyarwanda bajya mu Gihugu cya Espagne ndetse n’Abanya-Espagne baza mu Rwanda, maze bigatuma habaho ubuhahirane muri aka Karere kuko bizanafasha ibihugu by’ibituranyi.

Dr Buchanan yavuze ko Espagne iyo bigeze mu bubanyi n’amahanga ari Igihugu, mu byo mu Burayi kiri mu bikomeye kandi n’aho giherereye bikaba bifite akamaro gakomeye cyane kuko kiri hagati kuburyo ubuhahirane bwacyo bushobora kubyarira inyungu u Rwanda.

Yagize ati: "Buriya mu Burayi, Espagne iri mu cyo bita euro zone, ibihugu bikoresha amafaranga y’Amayero, kuburyo hagiyeho uburyo bwo kuganira ku byerekeranye n’ibiciro mu bukungu n’ubucuruzi biroroshye kuba ufite Ambasade muri Espagne kuko hari inyungu rwose u Rwanda rushobora kubona muri ibyo."

Yagarutse kandi no ku nyungu mu rwego rw’ubukerarugendo, avuga ko Espagne ari Igihugu cyizwi cyane muri urwo rwego, kuko gifite uduce abantu basura cyane ndetse n’Abanya-Espagne bakaba ari abantu bakunda gutembera kuburyo kuza mu Rwanda kureba ingagi, kwirebera amateka y’u Rwanda bizabafasha cyane.

U Rwanda kuba rugiye gufungura Ambasade muri Espagne, ni ibintu bije no gishimangira amasezerano akomeye u Rwanda rwasinyanye n’ikipe y’umupira w’amaguru ya Atlético de Madrid, binyuze muri gahunda ya Visit Rwanda. Aya masezerano yashyizweho umukono mu 2025, azageza mu 2028, agamije kumenyekanisha u Rwanda n’ibyiza nyaburanga byarwo ku rwego mpuzamahanga binyuze muri Siporo.

Dr Buchanan kandi asanga mu rwego rw’ubukerarugendo, nka Espagne yateye imbere hari ibyo u Rwanda rwayigiraho nk’uko na Espagne hari ibyo yakwigira ku Rwanda.

Yakomeje agira ati: "Andi mahirwe akubiye mu kuba Espagne ikorana n’Ibihugu byo ku Mugabane wa Afurika by’umwihariko ibyo mu Majyaruguru nka Maroc na Algeria bikora ku nyanja ya Mediterrane, bizafasha kunyuza ibicuruzwa muri iki gice bibyarire inyungu u Rwanda."

Mu rwego rw’uburezi, yavuze ko u Rwanda rusanzwe rufitanye imibanire myiza kuko za Kaminuza zo mu Rwanda, zikorana n’izo muri Espagne, bigafasha Abanyarwanda bajya kwigayo, bikaba kandi byatuma hari n’Abanya-Espagne bashobora kuza kwiga mu mashuri yo mu Rwanda ku bwinshi haba aya Leta cyangwa mpuzamahanga.

Ati: "Ibyo rero byateza imbere mu kumenya umuco, kumenya Igihugu by’umwihariko amateka y’u Rwanda."

Gufungura Ambasade mu Gihugu runaka, ni ibintu bigira uruhare rukomeye mu korohereza Abanyarwanda bari ku Mugabane w’i Burayi, cyane abari muri Espagne kuko bashobora koroherezwa kubona viza, pasoporo n’ibyangombwa bitandukanye bigafasha kandi n’abari mu bindi bihugu bari kure y’aho za Ambasade ziherereye.

Dr Buchanan yavuze kandi ko kugira Ambasade muri Espagne, bizatuma n’Abanyarwanda bahatuye bisanzura, uretse no kuba bakoroherezwa kubona ibyangombwa, Ambasade igomba kuba hafi yabo no mu bindi bakeneye.

Ati: "Ngiyo inyungu rero ikomeye mu kuba u Rwanda n’Igihugu cya Espagne bigirana umubano ukomeye, ushingiye ku bwubahane, ubwuzuzanye mu gufatanya mu bucuruzi [......]no mu buvuzi kuko bafite abahanga bakomeye, hari ibyo twakwigiranaho."

Yakomoje no kuba u Rwanda rufite "Made in Rwanda", gahunda yo guteza imbere ibikorerwa imbere mu Gihugu, ibihingwa birimo ikawa n’icyayi byose bishobora kugera ku isoko ryagutse ry’i Burayi binyuze mu Gihugu cya Espagne.

Ati: "U Rwanda rushyize imbere gucuruza ikawa, icyayi, imboga, mbuto n’indabo kuburyo Espagne ishobora kuba umuyoboro w’aho ibicuruzwa by’u Rwanda bishobora kunyuzwa. Harimo inyungu nyinshi zo kugira Ambasade muri Espagne."

Yakomoje agira ati: "Urabizi neza ko u Rwanda rwashyize imbere ishoramari, Abanya-Espagne bashobora kuza mu Rwanda gufungura inganda, imodoka zigakorerwa hano n’ibikoresho bitandukanye kuko u Rwanda ruracyakura ibintu byinshi i Burayi no mu yindi Migabane."

Yashimangiye ko haramutse hari inganda zikora ibyo u Rwanda rukura hanze ya kure, byarworohereza kuzigama amafaranga rwashoraga muri ibyo bihugu bikaba byose byakorerwa imbere mu Gihugu.

Ati: "Hari uruganda rwa Volkswagen, imodoka zarwo ziteranyirizwa mu Rwanda ndetse rukaba rwarashyize imbaraga mu guteza imbere ishoramari kandi rurakomeje muri uwo murongo."

Gufungura Ambasade y’u Rwanda muri Espagne, ni intambwe igaragaza uburyo u Rwanda rukomeje gukoresha dipolomasi ishingiye ku bukungu n’imikoranire mpuzamahanga, hagamijwe guteza imbere iterambere rirambye n’icyerekezo cy’igihugu ku ruhando mpuzamahanga.

Umukuru w’Igihugu yababwiye ati "Mwageze hano mufite ubunararibonye mu mwuga, none mutashye mufite ubumenyi bwagutse kurushaho ndetse mwatyaje ubwenge mwakira n’inshingano zikomeye."

Aha ni ho Perezida Kagame yahereye, ashimira, imiryango n’inshuti bashyigikiye abanyeshuri bashoje iki cyiciro, bakaba bagendana na bo mu buzima bwa buri munsi, muri uyu murimo ukomeye w’Igisirikare.

Iki cyiciro gishoje amasomo kirimo Abasirikare ba RDF ndetse n’ibihugu bituranye n’u Rwanda n’ibya kure.

Umukuru w’Igihugu yagize ati "Ndabashimira kuba abafatanyabikorwa beza n’inshuti, bakaba baraje kudufasha ngo aya masomo agende neza."

Yagize ati "Indangagaciro mwahuriyeho hano, ni ntagereranywa. Ubundi abasirikare batorejwe hamwe iyo bahuriye mu bikorwa by’akarere, baba bafite imyumvire iteze imbere imikoranire.
Iyi porogramu yashyiriweho guteza imbere ubumenyi bwanyu bwabafasha mu bihe bigoye cyangwa se bisa n’ibidafite igisubizo."

Aha, Kagame abona ko hari indangagaciro aba ba Ofisiye bagomba kugira, iya mbere ni ugutwaza, kuko bifasha umuyobozi gufata ibyemezo n’aho yaba ari guca mu bihinyuza byinshi.

Ikindi, ni ukubanza ni ugukora ikintu mwagitekereje neza. Impamvu Perezida Kagame abivuga gutya, yayisobanuye agira ati "Uko inshingano zanyu ziyongera ni ko n’ingaruka z’ibyemezo mufata ziziyongera."

Ikindi rero, ngo amahitamo meza, ibyemezo byiza, bituruka ku bunararibonye, gukorana, ndetse no guca bugufi ukemera kwigira ku makosa y’ibyahise, aho biri ngombwa.

Icya gatatu ni gukora ku ntego, bitewe no kumenya neza icyo urwanira. Ku Banyarwanda - RDF, Perezida Kagame yavuze ko iyo ntego ishinze imizi mu kurinda abaturage b’u Rwanda n’ubusugire bw’igihugu, ari nako bateze imbere iguhugu.

Aha na none Umukuru w’Igihugu yagize ati "Ikibazo gisigaye hano, si ukumenya niba muzayobora, ahubwo ni ukumenya uko muzayobora. Izi ndangaciciro zigomba kubaranga, kandi mugahora muzivugurura iteka. Uko RDF ihagaze uyu munsi, si impanuka. Byubatswe, mu myaka myinshi kubera kwitanga, discipline n’ubunyamwuga."

Yongeyeho ati "Ibyo ni byo byaduhesheje kugirirwa icyizere n’Abanyarwanda, Abafatanyabikorwa ndetse n’abandi duhurira mu bikorwa bya gisirikare. Iyo nshingano mwese irabareba. Ahantu mukorera, hazakomeza gutera imbere mu ikoranabuhanga ari nako havuka ibibazo bibasaba guhora mwivugurura."

U Rwanda n’Umuryango wa Commonwealth bigaragaza intego imwe yo guteza imbere ubufatanye bushingiye ku mahame ya Commonwealth, arimo imiyoborere myiza, iterambere rirambye n’amahoro.

Mu Kwakira 2024, nibwo uyu mugore ukomoka Ghana, yatorewe kuba Umunyamabanga Mukuru wa Commonwealth mu gihe cy’imyaka ine. Yagiye kuri uyu mwanya asimbuye Patricia Scotland.

U Rwanda rwemerewe kwinjira muri Commonwealth tariki ya 29 Ugushyingo 2009 mu nama yabereye muri Trinidad and Tobago ndetse icyo gihe ni cyo gihugu cya kabiri cyari cyinjiye muri uwo muryango kitarakolonijwe n’u Bwongereza, nyuma ya Mozambique yawinjiyemo mu 1995

Ibindi bihugu biri muri Commonwealth bitarakolonijwe n’u Bwongereza ni Gabon na Togo byemerewe kwinjira muri uyu muryango mu nama yabereye i Kigali muri Kamena 2022.

Ibi Minisitiri abigarutseho mu gihe guhera muri Gicurasi 2026, icyorezo cya Ebola cyo mu bwoko bwa Bundibugyo cyongeye kugaragara mu bihugu bya Uganda na Repubulika Iharanira Demokarasi ya Congo (DRC), aho kimaze gutwara ubuzima bw’abarenga 100, abamaze kwandura bafatiwe ibipimo bakaba barenga 600.

Iyi ndwara ngo nubwo byemejwe n’Ishami ry’Umuryango w’Ababimbye ryita ku Buzima (WHO/OMS), ku wa 15 Gicurasi ko ari bwo yagaragaye muri DRC, ariko ishobora kuba yarahageze mbere yaho amezi abiri, kubera ko hari hashize igihe abantu bapfa ariko batazi ikibishe, ku buryo byagiye kumenyekana yatangiye gusatira ibice bihana imbibe n’u Rwanda nk’i Goma na Bukavu aho hari n’abo yahitanye.

Nubwo nko muri Uganda isa nkaho yatangiye kugenza make, ariko muri DRC mu Ntara ya Ituri aho yagaragaye bwa mbere ntabwo biramera neza, kuko nk’umunsi umwe gusa wo ku wa Gatatu w’iki cyumweru hagaragaye abarwayi bashya 40.

Minisitiri Dr. Nsanzimana, avuga ko kuba mu bihugu by’abaturanyi bitaragenza make, ari ibyo kwitonderwa.

Ati “Ntabwo umuriro barawuzimya, kuba rero umuriro ucyaka, ni ukuvuga ngo twese ni ukwitegura. Ntabwo Ebola yigeze ibaho mu Rwanda, nta nubwo twifuza ko igera mu Rwanda. Ingamba zo kuyirinda zirazwi, turazifite, ndetse iyo ugereranyije usanga ibyorezo bya Ebola byabayeho mbere, ibyinshi byabaga bituruka hariya n’ubundi. Ibyinshi ni hariya muri Ituri, bifitanye isano n’ubucukuzi bw’amabuye y’agaciro buhakorerwa, uducurama dukunda kurya imbuto kuko nitwo dukunda kubika iriya virusi.”

Yungamo ati “Abantu bari ahantu ibyo biri bagomba kubyitaho cyane, gusa nyine ikibazo gitangiriye hamwe gishobora kugera ku bandi. Duhora twiteguye nk’Igihugu, ariko ntabwo turi Igihugu kiri mu kirwa, niyo mpamvu ibireba Akarere natwe biratureba, tugakurikiranira hafi, tugatanga ubufasha aho bishoboka.”

Ebola ngo irahari ntaho irajya kugeza igihe aho yatangiriye hazaba nta murwayi mushya ukigaragara kandi n’abarwayi barimo kuvurwa bagakira.

Ati “Buriya Ebola bavuga ko ari indwara yoroshye kwirinda ariko ikaba indwara igoye cyane kuyikira. Niko tuyizi, abakurikirana iby’ibyorezo cyane barayizi, kuko n’indwara yandura iyo wakoze ku muntu ufite ibimenyetso bigaragara kandi ukamukoraho ku buryo bufatika. Niyo mpamvu abenshi bandurria mu gushyingura, gutunganya umurambo, kurwaza umuntu urwaye, ubuvuzi gakondo, abantu barwara ntibaje kwivuza.”

Ibyo ngo biba bifite icyo bisabanuye bitewe n’uko ubuvuzi buba buteye mu buryo bw’Igihugu nkuko Dr. Nsazimana abisobanura.

Ati “Mu Rwanda urebye aho Igihugu kigeze, abaturage, imikoranire y’inzego zitari n’iz’ubuzima gusa, tubona ko zimwe mu ndwara zitwugarije ariko zitworohera kurwanya na Ebola ibamo, kubera ubwo buryo yanduramo. Ariko niyo habonetse umurwayi umwe birahagije kugira ngo izane ibibazo byinshi cyane byakugiraho ingaruka zitari n’iz’ubuzima gusa, ubukungu, imibereho, uko abaturage bari babayeho ubuzima bwa buri munsi, umurwayi umwe arahagije kugira ngo hanapfe n’abandi batishwe na Ebola ahubwo bicwe n’ibindi byaza ari nk’ingaruka zayo.”

Ibi ngo nibyo bituma Leta y’u Rwanda igenda ishyiramo imbaraga cyane kugira ngo hatazagira n’umurwayi n’umwe uboneka mu Rwanda, kuko aho ituruka, uko icyorezo kigenda abantu baba babibona.

Dr. Nsanzimana ati “Ni bwa buryo bwo gukurikirana, gupima, kumenya ni nde wahuye n’undi, kuvura, ariko kugira kwa kuntu abantu bahanahana amakuru, iyo ubikurikiranye neza, ushobora kumenya uko wugarijwe, ukirinda, ukanafata n’ingamba nkuko Igihugu cyagiye kizifata.”

Yungamo ati “Sinakubwira ngo hari umuntu numwe wavuga ngo nzafunga 100%, kuko uwanduye ashobora kumara iminsi 21 nta kimenyetso aragaragaza, ariko hari ibyo wakora bikaguha nibura nka 80% y’ubwirinzi, ugasigarana ya 20% y’ibyago, ariko hagira ikivamo ukagikumira vuba wihuse, ku buryo ikibazo ukivana mu nzira kidatinze, kuko uko gitinda niko cyangiza imibereho y’abaturage, ubukungu, abari bafite ibitaramo bigahagarara, ingendo n’ibindi. Nicyo kibi cya Ebola n’ibindi byorezo bikomeye, kumva umuntu umwe gusa, Igihugu cyose kijya mu kaga.”

Minisiteri y’Ubuzima ivuga ko kuba mu nshuro zirenga 15 icyorezo cya Ebola kimaze kugaragara nta na rimwe kigeze kigera mu Rwanda, atari ibintu byikoze, kuko byarashobokaga ko iyo haba uburangare yari kuhagera, ari nayo mpamvu n’ubu hagomba gukorwa ibishoboka byose ngo ntihagere, bitewe n’uburemere Igihugu kibiha.

Mu gusubiza iyi raporo y’amapaji 78, Guverinoma y’u Rwanda yamaganiye kure ibyo birego, bishinjwa Ingabo z’u Rwanda, ishimangira ko nta ruhare yigeze igira mu kwinjiza abantu ku ngufu mu gisirikare, kubafunga, kubica, kubakorera iyicarubozo cyangwa kubashora mu mirimo y’agahato.

U Rwanda kandi rwanenze uburyo HRW ihuza M23 na RDF nk’aho ari ikintu kimwe, ruvuga ko imyitwarire ivugwa kuri M23 idakwiye kwitirirwa RDF.

U Rwanda rugaragaza ko no muri iyo raporo ubwayo, HRW yemera ko ingabo za Repubulika Iharanira Demokarasi ya Congo (FARDC) zashyigikiye imitwe yitwaje intwaro irwanya M23, harimo na FDLR, umutwe washinzwe n’abagize uruhare muri Jenoside yakorewe Abatutsi mu 1994.

Raporo ivuga kandi ko ubuyobozi bwa DRC bwahaye inkunga, intwaro ndetse bukaba bukorana bya hafi n’imitwe ya Wazalendo na FDLR, ibintu byagize uruhare mu kongera ibikorwa by’ihohotera rikorerwa abasivili.

Nubwo ibi byemejwe muri raporo, u Rwanda rugaragaza ko HRW itagaragaje ubushakashatsi bwimbitse kuri FARDC, FDLR cyangwa Wazalendo, ndetse ntigaragaze abayobozi b’iri huriro bakwiye kubiryozwa. Ahubwo ko raporo ishyira imbaraga nyinshi ku Rwanda na M23, mu gihe uruhare rwa Kinshasa n’abo ifatanyije rugirwa nk’inkuru iraho idafite icyo ivuze.

Ku bijyanye n’uburyo ubushakashatsi bwakozwe, u Rwanda ruvuga ko nta bushakashatsi bwakorewe aho ibyo birego bivugwa byabereye, nta mibiri yabonetse mu mva rusange iyo raporo ivuga ndetse ko nta n’ibimenyetso bya gihanga byatanzwe. Ruvuga ko byinshi mu byavuzwe bishingiye ku buhamya bw’abantu batavuzwe amazina, bamwe muri bo bakaba barabajijwe bari mu maboko y’ingabo za Congo, bikaba byatera impungenge ku kwizera amakuru yabo.

U Rwanda runenga kandi ko HRW isaba ibihano ku bantu bamwe ishingiye ku buhamya budafite gihamya ihagije, ibintu ruvuga ko nta rukiko rwabishingiraho mu gufata ibyemezo.

Ku bijyanye n’izingiro ry’ikibazo, u Rwanda rushimangira ko ikibazo nyamukuru ari FDLR, umutwe umaze imyaka irenga 30 uteza umutekano muke mu Karere, ugizwe n’abagize uruhare muri Jenoside yakorewe Abatutsi. Ruvuga ko gushyira ku ruhande ibikorwa by’uyu mutwe n’inkunga uhabwa na bamwe mu bayobozi ba Congo ari uwkirengagiza ukuri ku bibazo byo mu burasirazuba bwa DRC.

U Rwanda rusanga raporo ya HRW ikurikiza uburyo bwo kurebera ibintu ku ruhande rumwe, aho ibikorwa by’ihuriro ry’imitwe ifatanyije na Leta ya Kinshasa bidahabwa agaciro nk’uko bikwiye, mu gihe ibirego ku Rwanda bihabwa uburemere ndengakamere.

Ku bijyanye n’ahazaza, u Rwanda rugaragaza ko amasezerano ya Washington ari yo nzira nyayo yo kugera ku mahoro arambye, binyuze mu bufatanye bw’ibihugu byo mu Karere, binyuze mu gusigasira umutekano, ubutabera n’ubwumvikane.

U Rwanda rwasoje ruvuga ko ruzakomeza kurinda umutekano warwo, gukorana n’abandi mu buryo bwubaka kandi bikajyana no gushyigikira ibisubizo bishingiye ku biganiro n’ubufatanye mu Karere.

Ibi Depite Murora yabivuze kuri uyu wa 11 Kamena ubwo Minisitiri w’Imari n’Igendamigambi, Murangwa Yusouf yagezaga ko Nteko Ishinga Amategeko ingengo y’imari y’umwaka wa 2026/2027 n’ingamba zo mu gihe giciriritse kugira ngo Inteko Ishinga Amategeko ishobore kuyemeza.

Asa n’uhangayikishijwe n’uburyo abona ubushakashatsi butitaweho mu ngengo y’imari, yagize ati “Iyo tuvuze ingengo y’imari tuba tuvuze iterambere kandi rirambye,” akibaza uko byashoboka ibikorwa byose bidashingira ku byavuye mu bushakashatsi.

Depite Murora yatanze urugero aho mu ngendo abadepite baherutsemo basura ibikorwa by’ubuhinzi n’ubworozi no kureba uko byatezwa imbere kugira ngo bishobore kugira icyo bigeza ku muhinzi mworozi no ku Banyarwanda muri rusange, basabye ko hakorwa ubushakashatsi ku bijyanye n’ifumbire.

Yagize ati “Mu ngendo duherutsemo ubwo twarebaga ibijyanye n’inyongeramusaruro twagaragaje ko hakewe ubushakashatsi ku ifumbire duha ubutaka bwacu uyu munsi bishingiye ku karere, kuko usanga uyu munsi ifumbire duha ubutaka bwacu ari imwe kandi buri karere kaba gafite ubutaka butandukanye n’ubw’akandi.”

Avuga ko abahinzi babagaragarije ko imbuto yera mu karere kamwe atari yo yera mu kandi, ndetse n’imbuto ugasanga iyera hamwe atari yo yera ahandi.

Yasabye ko hakorwa ubushakashatsi ku ifumbire ndetse n’imbuto kugira ngo ibikorwa byose bijyane n’ibyagaragajwe n’ubushakatsi.

Depite Murora yageze n’aho atanga urugero ku byuma bizimya inkongi hifashishijwe utudege tutagira abapilote, asa n’aho agaragaza ko bishobora kuba byarashowemo amafaranga bidashingiye ku bushakashatsi, bityo “bityo ugasanga byahenda nta musaruro urenze uwo uburyo bwari busanzwe bukoreshwa.”

Ati “Nyakubahwa minisitiri nifuje kumva igishoro turimo guha ubushakashatsi, ayo iduha iryo terambere. Ntanze urugero ejo batubwiye ko hari kizimyamwoto zikoresha utudege tutagira abapilote, ni ikoranabuhanga rishya tutamenyereye, ariko urigereranyije na kizimyamwoto dusanzwe dukoresha ushobora gusanga rihenze kuzirusha.”

Iki kibazo cy’amafaranga y’ubushakashatsi cyongeye gushimangirwa na Depite Munyangeyo wavuze ko amafaranga yashorwa yose, adashingiye ku bumenyi ntacyo byamara.

Asubiza iki kibazo, Minisitiri w’Imari n’Igenamigambi, Murangwa Yusouf yavuze ko n’ubwo amafaranga agenerwa ubushakashatsi atagaragara mu ngengo y’imari, ariko Leta ikora ubushakashatsi mbere yo kugira ibyo ikora.

Yatanze urugero aho Ikigo cy’Igihugu gushinzwe guteza imbere Ubuhinzi n’Ubworozi (RAB) gikora ubushakashatsi ku bijyanye n’ifumbire ndetse n’ubutubuzi bw’imbuto z’indobanure.

Ingengo y’imari y’umwaka wa 2026/2027 ingana na miliyari 7,796.3 ikaba yariyongereyeho miliyari 844,2 ugereranyije n’ingengo y’imari ivuguruye y’umwaka ushize.

Yabigarutseho kuri uyu wa Kane tariki 11 Kamena ubwo yagezaga ku Nteko Ishinga Amategeko ihuriweho n’Imitwe yombi umushinga w’Itegeko rigena Ingengo y’Imari ya Leta y’umwaka wa 2026/2027.

Mu kiganiro cye, Minisitiri Murangwa yavuze ko mu rwego rw’ubutabera hari ibikorwa bitandukanye byagezweho birimo kugaruza umutungo wa Leta wari waranyerejwe ndetse no gukomeza kwegereza abaturage ubutabera.

Yavuze ko amafaranga yagarujwe agaragaza imbaraga Leta ikomeje gushyira mu kurwanya inyerezwa ry’umutungo wa rubanda no gukurikirana abakoresha nabi umutungo wa Leta.

Minisitiri Murangwa yavuze kandi ko ubutabera bukomeje kwegerezwa abaturage binyuze mu ruhare rw’abunzi mu gukemura amakimbirane.

Ati: “Mu rwego rwo gukomeza kwegereza abaturage ubutabera no gushimangira uruhare rwabo mu kwikemurira amakimbirane, abunzi bakiriye imanza 14,500 murizo 14,400, zingana na 99% zarakemuwe.”

Minisitiri Murangwa yanagarutse kuri gahunda yo gufasha abaturage batishoboye kubona ubutabera. Yavuze ko muri gahunda yo gutanga ubufasha mu by’amategeko ku baturage batishoboye ndetse n’abatagejeje imyaka y’ubukure, urugaga rw’abavoka rwafashije abantu 2700 kubona ubutabera.

Guhemba Inkubito z’Icyeza, ni igikorwa cyatangijwe na Madamu Jeannette Kagame mu 2005 binyuze mu muryango Imbuto Foundation, mu rwego rwo gushishikariza abakobwa kwiga ibyiciro byose ndetse bagatsinda neza, kwigirira icyizere no kumva ko bashoboye, no gukangurira ababyeyi, abarezi n’umuryango muri rusange kwita ku burezi bw’umwana w’umukobwa.

Abari batahiwe ni abakobwa 59 batsinze neza mu mwaka w’amashuri 2024-2025, bo muri Fawe Girls’ School, bahembwe.

Muri iyi gahunda kandi, Imbuto Foundation ihemba abakobwa batsinze neza mu kizamini gisoza amashuri abanza, hagahembwa umwana umwe wahize abandi mu murenge, bigakorwa mu mirenge 416 igize igihugu, hakanahembwa n’abana b’abakobwa batanu bahize abandi kuri buri Ntara n’Umujyi wa Kigali.

Bwana Murwanashyaka Damien yagizwe Minisitiri w’Ibikorwa Remezo asimbuye Dr Jimmy Gasore wari kuri uwo mwanya kuva muri Nzeri 2023.

Muri iyi Minisiteri kandi, Bwana Zingiro Armand na Col. Bizimungu Claudien bagizwe Abanyamabanga ba Leta, umwanya wari uriho Ambasaderi Jean de Dieu Uwihanganye wari umaze kuri uyu mwanya amezi 11.

Uwihanganye yari yinjiye muri izi nshingano muri Nyakanga 2025 avuye guhagararira u Rwanda muri Singapour.

Zingiro Armand, Umunyamabanga wa Leta muri Minisiteri y’Ibikorwa remezo

Muri Minisiteri y’Abakozi ba Leta n’Umurimo, Madamu Uwizeye Judith wari Minisitiri mu Biro bya Perezida wa Repubulika yasimbuye Ambasaderi Nkulikiyinka Christine, wagizwe Ambasaderi muri Espagne. Nkulikiyinka yari yagizwe Minisitiri muri Kanama 2024 asimbuye Kayirangwa Fanfan Rwanyindo.

Uwizeye si mushya muri MIFOTRA. Yabaye Minisitiri w’Abakozi ba Leta n’umurimo hagati ya 2014-2017. Muri Kanama 2017 yagizwe Minisitiri muri Perezidansi.

Judith Uwizeye, Minisitiri w’Abakozi ba Leta n’Umurimo

Bwana Kajangwe Antoine Marie, yagizwe Minisitiri w’Ubucuruzi n’Inganda akaba yari asanzwe ari Umunyamabanga uhoraho muri iyi Minisiteri. Kuri uyu mwanya, Kajangwe yasimbujwe Madamu Tuyishimire Chantal.

Kajangwe Antoine Marie, Minisitiri w’Ubucuruzi n’inganda

Perezida Kagame kandi yashyizeho n’Abambasaderi bashya bazahagararira u Rwanda mu bihugu bitandukanye, barimo Lt Gen (Rtd) Karenzi Karake, wagizwe Ambasaderi mu Bushinwa. Karake asimbuye Ambasaderi James Kimonyo.

Maj Gen Bayingana Emmanuel, yagizwe Ambasaderi muri Israel, mu gihe Col (Rtd) Ruhunga Jeannot, wabaye Umunyamabanga Mukuru wa RIB, yagizwe Ambasaderi muri Pologne. Aha, asimbuye Anastase Shyaka wigeze no kuba Minisitiri w’Ubutegetsi bw’Igihugu.

Hari n’abandi bayobozi bashyizwe mu myanya itandukanye y’ingenzi.

Louise Kanyonga

Madamu Kanyonga Louise, wari umuyobozi wungirije mu Kigo cy’Igihugu cy’Ubwiteganyirize RSSB, yagizwe Umuyobozi Mukuru wa Banki y’Ingabo n’abashinzwe Umutekano Zigama CSS.

Kuri uyu mwanya wo muri RSSB, Kanyonga yasimbujwe Madamu Umurungi Michelle wari usanzwe ari umuyobozi mukuru ushinzwe ishoramari mu Kigo cy’Igihugu cy’Iterambere, RDB.

Bwana Byilingiro Maximilien we yagizwe Umuyobozi Mukuru w’Ikigo gishinzwe Ingufu (REG).

Uyu mugabo na we si mushya mu by’amashanyarazi. Aje muri REG yayoboraga Uruganda Shema Power Lake Kivu rutanga amashanyarazi ruyavanye muri Gaz Methane yo mu Kivu.

Izi mpinduka zitezweho gukomeza kunoza imikorere ya Guverinoma no guteza imbere gahunda z’iterambere ry’igihugu, binyuze mu bayobozi bashya bahawe inshingano zitandukanye.

Minisitiri Sebahizi Prudence(hagati)

Byatangajwe na Prudence Sebahizi, Minisitiri w’Ubucuruzi n’Inganda, kuri uwa 9 Kamena ubwo yagezaga ku Badepite gahunda y’Igihugu y’iterambere ry’inganda y’igihe kirekire (2024-2034).

Yagize ati “Uyu munsi u Rwanda ruri mu bihugu bifite impu zikunzwe ku isoko mpuzamahanga, ariko tuzohereza hanze zitaratunganywa. Iyo dukoze isesengura, dusanga zashoboraga kwinjiriza igihugu arenga miliyoni 450 z’Amadolari ya Amerika. Nyamara, iyo zoherejwe zidatunganyijwe, amafaranga twinjiza ntanagera kuri miliyoni 30 z’Amadolari.”

Minisitiri Sebahizi yavuze ko Guverinoma yiyemeje gukemura icyo cyuho binyuze mu kongerera agaciro ibikomoka ku mpu mbere y’uko byoherezwa ku masoko mpuzamahanga, bikaba biri mu bikorwa by’ingenzi biteganyijwe muri gahunda y’iterambere ry’inganda y’imyaka 10 (2024-2034).

Ikibazo cy’igihombo igihugu gihura na cyo kubera kudatunganya impu si gishya kuko na Perezida Paul Kagame amaze igihe asaba inzego zibishinzwe gushaka uburyo bwo kubyaza umusaruro impu ziva ku matungo yororerwa mu Rwanda.

Ku wa 30 Mata 2022, ubwo yari mu Nteko Rusange ya 15 y’Umuryango FPR Inkotanyi, Perezida Kagame yasabye inzego zishinzwe ishoramari n’iterambere ry’Igihugu kwihutisha gahunda yo gushyiraho uruganda rukora inkweto zigezweho mu mpu, agaragaza ko impu z’u Rwanda zifite umwihariko ushimwa n’abakora inkweto ku rwego mpuzamahanga.

Yagize ati “Abashinzwe ishoramari mu gihugu twese, twananijwe n’iki kuba u Rwanda rwakora inkweto? Impu turazifite kuko dufite inka n’andi matungo. Abantu barabaga amatungo bagashaka inyama, impu zikagurishwa cyangwa zikangirika, kandi hari isoko rinini ry’abakora inkweto.”

Perezida Kagame yanavuze ko mu ngendo yari yarakoreye mu bihugu bitandukanye byo muri Afurika y’Iburengerazuba mu myaka 20 ishize, yakunze kubwirwa ko impu zituruka mu Rwanda ziri mu zifite ubuziranenge bwo hejuru ku isi, bituma yibaza impamvu igihugu kitashora imari ihagije mu kuzitunganya no kuzikoramo ibicuruzwa byongerewe agaciro.

Nyuma y’iryo jambo rya Perezida Kagame, hatangajwe ko hari gukorwa inyigo y’uruganda rutunganya impu rwagombaga kubakwa mu Karere ka Bugesera. Icyakora, ubwo Minisiteri y’Imari n’Igenamigambi yagezaga ku Nteko Ishinga Amategeko imbanzirizamushinga y’ingengo y’imari ya 2026/2027 mu ntangiriro za Gicurasi 2026, yatangaje ko hamaze gukorwa inyigo nshya yimurira uwo mushinga mu Karere ka Gicumbi.

Minisitri Sebahizi yasobanuriye abadepite ko kuba ikibazo cy’ikaniro (uruganda rw’ibikomoka ku mpu) kimaze kuba agatereranzamba ari uko kubaka ikaniro bisaba ikoranabuhanga rihambaye kuko iyo bititondewe ibiriturukamo bihinduka uburozi ku bidukikije no ku bantu.

Yavuze ko ikibazo kimaze imyaka irenga 10 bashakisha uko bagikemura, ariko avuga ko gutinda kwacyo ahanini bituruka ku mikoro n’ubushobozi bidahagije,

Yaguze ati “Gutunganya ibikomoka ku mpu bisaba tekinoloji ihenze kandi inagoye kuyumva, ari na yo mpamvu mwumvise inganda zagiye zigerageza kubikora inyinshi zarafungaga kubera ko zitabashije kubahariza ibisabwa kugira ngo iyo tekinoloji itangiza ibidukikije cyangwa se idahumanya.”

Yabigarutseho ubwo yitabiriga umukino wiswe “Essuie tes larmes et tiens-toi debout” (bisobanuye ngo “Ihanagure amarira uhaguruke wemye”), wanditswe na Jean-Marie Vianney Rurangwa, ukinwa n’abahanzi barimo Lionel Sentore, Jali, Mugwaneza ndetse na Majyambere.

Uyu mukino werekanwe ku nshuro ya mbere muri Luxembourg ku bufatanye na Ibuka Luxembourg.

Iki gikorwa cyahuje abanyeshuri, Abanyarwanda batuye muri Luxembourg ndetse n’inshuti z’u Rwanda, mu mugoroba wihariye wo kwibuka, gutekereza no kwigira hamwe amateka n’indangagaciro z’ubumuntu.

Ambasaderi Mimosa yagaragaje ko uyu mukino utanga ubutumwa bukomeye, agira ati: “Muraduhamagarira gutekereza ku budaheranwa, agaciro ka muntu, ubushobozi bwo kongera guhaguruka nyuma y’icuraburindi n’imbaraga zo kubabarira."

Yakomeje agira ati: "Izi ndangagaciro zifite igisobanuro gikomeye mu muryango Nyarwanda kandi ni umurage w’agaciro tugomba gusigasira, guteza imbere no guhererekanya mu bisekuru bizaza.”

Ambasaderi Mimosa yavuze ko ubuhanzi bufite ubushobozi bwihariye bwo kugera ku mitima y’abantu no kubakangurira gutekereza byimbitse, asaba ko hakomeza gushyirwa imbaraga mu kwimakaza ubumwe, gushimangira ubwiyunge no gusigasira indangagaciro zihuza Abanyarwanda n’abandi bose.

Yanagarutse ku kamaro ko gusigasira umuco Nyarwanda no gukomeza kubaka umuryango ushingiye ku bwubahane, ubwumvikane gufatanyiriza hamwe n’amahoro.

Muri iki gikorwa, Porofeseri Alain Verhaagen yatanze ikiganiro cyimbitse ku mateka y’u Rwanda, agaruka ku bihe byabanjirije ubukoloni, igihe cyabwo ndetse n’ibihe byakurikiye Jenoside yakorewe Abatutsi mu 1994. Yagaragaje imizi n’impamvu zagejeje kuri Jenoside, anasobanura urugendo rutoroshye u Rwanda rwanyuzemo mu gushaka ubutabera, kwimakaza ubwiyunge no kongera kubaka Igihugu.

Ambasaderi Mimosa yasoje ashimira abahanzi ku mukino wabo unogeye ijisho kandi ukora ku mutima, abashishikariza gukomeza guteza imbere impano zabo no gukoresha ubuhanzi nk’igikoresho gikomeye cyo kwimakaza ubumwe, kwibuka no gufasha abantu kongera kugira icyizere cy’ejo hazaza.

Sebahizi, Minisitiri w’Ubucuruzi n’Inganda yabivuze atangaza politiki y’imyaka icumi y’inganda mu Rwanda mu Nteko Ishinga amategeko.

Uru ruganda rukora iby’ubucukuzi bw’amabuye y’agaciro, bamaze kubona ko rutabonye abo bakozi rukeneye, ngo barwemereye kubashaka hanze y’igihugu.

Aha ni ho yagize ati "Igihe uruganda rwatubwiye gahunda yarwo, rukatwereka lisiti y’abakozi tugasanga hano badahari, tubemerera kubashaka hanze, ariko natwe tugahita dushyiraho gahunda yo kwigisha izo programu nshya zitabonetse mu Rwanda."

Ibi Minisitiri yabuivuze yerekana ko mu Rwanda, uruganda ruhabwa uburenganzira bwo gukora rumaze kwerekana umubare w’Abanyarwanda ruzaha akazi, kandi bikanagenzurwa.

Icyakora, ngo iyo babonye mu Rwanda imirimo uruganda rushaka gutanga nta bayishobora, babemerera kubashaka hanze.

Nzoia Suar, uruganda rucungwa na RAI, ari na we mushoramari u Rwanda rushaka ko aza mu Rwanda

Minisitiri Prudence Sebahizi yabivugiye mu kiganiro yatangiye mu Nteko ishinga amategeko, umutwe w’abadepite, aho yavugaga politiki ya Leta y’inganda y’imyaka icumi 2024-2034.

Sebahizi yavuze ko uruganda rw’isukari rwa Kabuye, rudashoboye guhaza isoko ryo mu gihugu, kuko inganda zikenera isukari zigenda ziyongera, ndetse n’abayikoresha mu ngo bakaba bagenda biyongera.

Kabuye ubu ngo iri gutanga munsi y’icumi ku ijana byisukari igihugu gikeneye.

Minisitiri Sebahizi agira ati "ikibazo si ukugabanuka kw’iyo uruganda rutanga, ahubwo ikibazo nuko umusaruro rutanga utigeze wiyongera, kandi abakenera isukari bo bakiyongera."

Kuri ibi rero, Sebahizi yavuze ko bakeneye inganda byibuze ebyiri cyangwa eshatu nshya, kugira ngo baze bunganire urwa Kabuye.

Yagize ati "Turimo turavugana n’abandi bashoramari, baza tukabaha imirima bahingamo ibisheke, maze bagatanga isukari isoko ryacu rikeneye. Muri iyi minsi, turimo kuvugana n’uruganda rw’Isukari rwo muri Kenya rwitwa RAI kugira ngo ruzaze kubaka uruganda mu Rwanda."

Uru ruganda, ngo rwasabye hegitari ibihumbi cumi na kimwe byo kubakaho no guhingaho ibisheke bizakoreshwa mu ruganda, kandi ngo zabonetse mu Mutara.

Sebahizi yagize ati "Ni uruganda rufite ikoranabuhanga dukeneye. Uretse isukari, ruzaduha n’ingufu z’amashanyarazi, green energy biturutse mu mirimo yarwo. Ikindi, ruzaduha na Ethanol ikenerwa mu gukora inzoga."

Aha, ku kamaro k’uruganda, no kuba rushobora kuzaba ruhenze, Sebahizi yasubizaga depite Tumushime wagaragaje impungenge ko ubutaka buzaba bucye, kandi bukenewe n’ibindi bihingwa.

Sebahizi yavuze ko harimo inyungu nyinshi kurusha ibibazo. Uru ruganda icyakora, ngo ntiruzaboneka mbere y’imyaka ine.

Sebahizi, yavuze ko isukari ari igicuruzwa gihenze cyane, aho yavuze ko nyuma y’ibikomoka kuri Peteroli, igicuruzwa gitumizwa hanze gitwara menshi ari isukari.

Mu mwaka wa 2025, u Rwanda rwatumije hanze toni 195,610 z’isukari, zifite agaciro ka miliyoni 145 z’amadolari ya Amerika (Miliyari 212 Frw uyu munsi).

Mu mwaka wa 2024, igihugu cyari cyatumije hanze toni 308,000 z’isukari, zifite agaciro ka miliyoni 238 z’amadolari (hafi miliyari 348 Frw). Isukari yari iya gatatu mu bicuruzwa byatumijwe hanze bifite agaciro kanini nyuma ya lisansi na rizikori.

Umuyobozi w’Akarere ka Nyaruguru, Dr Emmanuel Murwanashyaka, ashimangira iki gitekerezo avuga ko i Kibeho huzuye Hotel de Kibeho yubatswe na Kiliziya Gatolika irimo ibyumba 35, muri byo hakaba harimo n’ibyakira abanyacyubahiro (VIP na VVIP). Kuyubaka byatwaye amafaranga abarirwa muri miriyari ebyiri na miriyoni magana abiri.

Pacis Hotel y’ababikira b’Abenebikira na yo iri kwagura aho kwakirira abakerarugendo ku buryo ku byumba 36 n’uburiri 68 biri mu byumba rusange (dortoirs) bari basanganywe haziyongeraho ibyumba bishobora kwakira abantu babarirwa muri 200.

Hotel de Kibeho...

Sr Marie Emilienne Umutesi uhayobora agira ati "Twubatse ibyumba 46 harimo n’ibirimo ibitanda bibiri. Twubatse n’ibyumba rusange bishobora kwakira abantu barenze 120. Ibyo byumba rusange, kimwe gishobora kwakira abantu batandatu bitewe n’uko biyemeza kurara hamwe. Buri cyumba kandi kiba kirimo n’ubwiherero n’ubwogero."

Yongeraho ko ibyo byumba bubatse bikikijwe n’ubusitani umuntu ushaka gusenga ashobora kwicaramo hanyuma akihererana n’Imana. Mu byumba rusange kandi ngo harimo ibitanda bitagerekeranye.

Kuyubaka byatwaye miriyari na miriyoni magana inani by’Amafaranga y’u Rwanda.

Meya Murwanashyaka yongeraho ko hari n’andi macumbi ari kubakwa harimo aherereye i Nyarushishi na Guest House ya EAR.

Ngo hari n’abandi bari kugenda bagaragaza ubushake bwo kubaka amacumbi harimo n’abajyanama b’ubuzima ubu bari gushaka ibyangombwa byo kubaka.

Raporo y’iki kigo y’umwaka ushize, ku bijyanye n’ubuzima n’imibereho (Rwanda Vital Statistics Report 2025) igaragaza ko indwara zitandura zirimo umutima, diyabete na kanseri zihariye 49.5% by’impfu zose zabereye mu mavuriro yo mu Rwanda mu mwaka wa 2025.

Imibare ya NISR igaragaza ko hagati ya 2019 na 2025, impfu ziterwa n’indwara zandura zagabanutse cyane, ziva kuri 70% mu 2019 zigera kuri 40% mu 2025.

Mu gihe nk’iki (2019-2025), indwara zitandura zo zarazamutse ziva kuri 27.9% zigera hafi kuri kimwe cya kabiri cy’impfu zose.

Iyi mibare igaragaza impinduka zikomeye mu rwego rw’ubuzima mu Rwanda, aho igihugu cyagiye kigabanya indwara zandura nka malaria, igituntu na VIH/SIDA, ariko hakiyongera indwara zituruka ku mibereho n’imirire.

Abahanga mu buzima bavuga ko kwiyongera kw’indwara zitandura guterwa ahanini n’imibereho irimo kurya ibiribwa birimo amavuta n’isukari nyinshi, kudakora siporo, kunywa inzoga n’itabi, ndetse n’umuhangayiko ukobaje (stress).

NISR igaragaza kandi ko impfu zituruka ku mpanuka n’imvune, na zo zikomeje kwiyongera buhoro buhoro, aho zavuye kuri 2.1% mu 2019 zikagera kuri 10.5% mu 2025.

Urutonde rw’ibi bihugu ruriho Algeria, Azerbaijan, Botswana, Costa Rica, Guyana, Morocco Trinidad and Tobago ndetse na Senegal.

U Rwanda rufite amasezerano yitwa Bilateral Air Services Agreements (BASA) n’ibihugu byinshi ku isi, agamije korohereza indege gutwara abagenzi n’imizigo hagati y’ibihugu byombi.

Aya masezerano ni yo atuma nk’urugero indege za RwandAir cyangwa iz’ibindi bihugu zibasha gukora ingendo mpuzamahanga mu buryo bwemewe n’amategeko.

Nk’uko byatangajwe na Guverinoma y’u Rwanda, kugeza mu 2023 u Rwanda rwari rumaze gusinyana amasezerano ya BASA n’ibihugu 122.

Igitekerezo cya AI kerekana uko Ikigo cyayo mu Rwanda kizaba kimeze

Ni umwe mu myanzuro wemejwe n’Inama y’Abaminisitiri yateranye ku gicamunsi cyo kuri uyu wa Mbere iyobowe na Perezida wa Repubulika Paul Kagame.

Uyu mwanzuro wemejwe n’Inama y’Abaminisitiri mu gihe hari hashize amezi hafi 10, u Rwanda ruteye intambwe mu kwimakaza iterambere ry’ikoranabuhanga by’umwihariko iry’ubwenge buhangano ku mugabane wa Afurika.

Ni umushinga u Rwanda rufatanyije na Leta Zunze Ubumwe z’Abarabu [UAE] na Malaysia, ugamije guteza imbere ikoreshwa rya ‘AI’ mu buryo buboneye mu bihugu bikiri mu nzira y’iterambere.

Igitekerezo cya AI kerekana uko Ikigo cyayo mu Rwanda kizaba kimeze

Ibi byanyuze mu masezerano yashyiriweho umukono i Dubai ku wa 31 Nyakanga 2025, akaba ari mu mujyo wo kwimakaza amahame y’Urwego Rushinzwe Impinduramatwara ya Kane mu by’inganda [C4IR], u Rwanda na UAE rusanzwe rukurikiza.

Imwe mu nkingi zikomeye ziri muri gahunda ya Guverinoma y’u Rwanda yo kwihutisha iterambere mu cyiciro cyayo cya kabiri [NST2], harimo n’iy’uko mu myaka itanu iri imbere abantu babarirwa muri Miliyoni biganjemo urubyiruko bazahabwa amasomo y’ikoranabuhanga ajyanye na coding.

Ni mu gihe abandi ibihumbi 500 bazahabwa amahugurwa ahanitse ku ikoranabuhanga. Hazibandwa ku rubyiruko kuko ari bo benshi kandi basobanukiwe ikoranabuhanga.

Iri tsinda kuri uyu wa Mbere tariki 08 Kamena 2026 ryakiriwe na Niwenshuti Richard umuyobozi Mukuru w’Ikigo cy’u Rwanda gishinzwe guteza imbere ubufatanye (RCI).

Uru ruzinduko rugamije gufasha iri tsinda kunguka ubumenyi bwimbitse ku buryo u Rwanda rwashyizeho uburyo bw’ikoranabuhanga mu rwego rw’amategeko, by’umwihariko mu micungire y’ubutaka, imitungo y’abapfuye ndetse n’imiburanishirize y’imanza n’ishyirwa mu bikorwa ryazo hifashishijwe uburyo bw’ikoranabuhanga.

Mu gihe cy’icyumweru, iri tsinda rizamara mu Rwanda, rizagirana ibiganiro n’inzego zitandukanye z’ingenzi mu gihugu zirimo Minisiteri y’Ubutegetsi bw’Igihugu, Minisiteri y’Ubutabera, Ikigo cy’Igihugu cy’indangamuntu, Ikigo cy’Igihugu gishinzwe ubutaka, urwego rw’u Rwanda rushinzwe iterambere (RDB), Ikigo cy’Igihugu cy’imisoro ndetse na IremboGov.

Biteganyijwe ko ibiganiro bazagirana n’izo nzego, bizabafasha gusesengura byimbitse uburyo u Rwanda rukoresha mu kubika no gucunga amakuru y’ubutaka hifashishijwe ikoranabuhanga, uburyo bwo gukurikirana imitungo y’abapfuye mu buryo bw’ikoranabuhanga, ndetse n’uburyo bwo gushyira mu bikorwa imyanzuro y’inkiko hakoreshejwe sisiteme zigezweho zirimo n’ikorwa rya cyamunara hifashishijwe uburyo bwa “E-Auction”.

Uru ruzinduko rufatwa nk’intambwe ikomeye mu gukomeza gusangira ubunararibonye hagati y’ibihugu, hagamijwe kunoza imikorere y’inzego z’ubutabera no kongera imikorere inoze ishingiye ku ikoranabuhanga mu gutanga serivisi ku baturage.

U Rwanda na Eswatini bisanzwe bifitanye umubano mwiza ushingiye ku bufatanye mu bya dipolomasi, ikoranabuhanga, ubukerarugendo, ndetse n’umutekano.

Muri Kanama 2024, ibihugu byombi byasinyanye amasezerano y’ubufatanye akuraho visa ku bafite pasiporo z’abadipolomate n’iza serivisi. Ibi byakurikiriwe n’uruzinduko rw’Umwami Mswati III yagiriye i Kigali.

Mu Rwanda, ingaruka zatangiye kugaragara mu ntangiriro za Werurwe 2026, aho ibiciro bya lisansi na mazutu byavuguruwe bwa mbere hagati yo ku wa 5 Werurwe na 4 Mata 2026, hanyuma byongera kuzamuka cyane ku wa 17 Mata 2026 no ku wa 6 Kamena 2026 ubwo Mazutu yiyongereyeho amafaranga 722 iva ku 2.205 igera kuri 2.927 Frw, mu gihe litiro ya lisansi yagumye kuri 2.938 yari yashyizweho muri Mata ivuye kuri 2,303 yari yariho.

MINICOM ivuga ko uko kuzamuka ku biciro by’ibikomoka kuri Peteroli mu gihe gito, nubwo Leta hari imbaraga yagiye ishyiramo kugira ngo bitagira ingaruka zikomeye ku Banyarwanda n’ibikorwa by’ubucuruzi, ariko byagize ingaruka zikomeye ku nganda zikorera mu Rwanda by’umwihariko izikora ibikomoka kuri Purasitike.

Ubwo yari mu kiganiro urubuga rw’Itangazamakuru, ku cyumweru, Minisitiri w’Ubucuruzi n’Inganda, Prudence Sebahizi, yavuze ko ibiciro by’ibikomoka kuri Peteroli bikimara kuzamuka ku rwego mpuzamahanga hari ingaruka bari biteze ko zigomba guhita zibaho.

Ati “Hari ibintu byinshi abanyenganda bavana hanze bagakoresha mu nganda zabo, bamwe byarabuze, bigera aho ubushobozi bw’inganda bugabanuka, abandi babibona bibahenze, bituma igiciro cy’ibyo bashyira ku isoka bizamuka. Hari abakozi babuze akazi, twarabibonye hirya no hino mu nganda, zigenda zigabanya abakozi. Hari ibyo dukoresha mu buzima bwa buri munsi twabonye, birahenda cyangwa bikabura. Ibyo rero twatangiye kubibona.”

Minisitiri Sebahizi yavuze ko ingaruka nyinshi zigaragara cyane ku nganda zikora ibikomoka kuri pulasitike, kubera ko hari aho ibiciro by’ibikoresho by’ibanze bakoresha byikubye inshuro zirenga ebyiri.

Ati “Ibikomoka kuri Peteroli bivamo ibikoreshwa mu gukora ibikoresho bya Pulasitike (low materials), niba mujya mubona twa dushaza tuza mu mifuka, tuba dufite amabara atandukanye, bashobora gukoramo amajerekani, indobo, amacupa y’amazi n’ibindi byose bya pulasitike. Utwo tuntu twarahenze cyane ku buryo igiciro cya Peteroli cyikubye kabiri ku isoko mpuzamahanga na turiya twikubye kabiri, inganda zidukoresha inyinshi zagabanyije ubushobozi bwazo bwo gukora kubera ko bihenze, n’abakozi bamwe barahagarikwa, n’ibiciro birazamuka.”

Izi ngaruka ngo zahise zitangira kwigaragaza hirya no hino ku isoko, nubwo hari n’abandi baba bashaka kwitwikira iryo zamuka ry’ibiciro by’ibikomoka kuri Peteroli bakazamura ibiciro by’ibicuruzwa kandi nta mpamvu ifatika bafite

Victoire Ingabire akurikiranweho guteza imvururu cyangwa imidugararo muri rubanda akaba yaratawe muri yombi muri Kamena 2025.

Muri uru rubanza, Ingabire arareganwa n’abantu barindwi ari bo Sibomana Sylvain, Hagenimana Hamad, Rucubanganya Alexis, Ndayishimiye Jean Claude, Masengesho
Emmanuel, Nahimana Marcel, Mutabazi Alphonse na Nsengimana Theoneste.

Ingabire Victoire, yahawe imbabazi na Perezida wa Repubulika muri 2018, nyuma yo gutakamba asaba imbabazi ku bw’igihano cy’igifungo cy’imyaka 15 yari yarakatiwe mu 2013 kubera ibyaha birebana n’Ingengabitekerezo ya Jenoside no gutera inkunga imitwe y’iterabwoba.

Urubyiruko rudakunze kuboneka mu birori binyuranye kubera ubwoko bw’inshingano rukora, harimo no gucunga umutekano w’abari muri ibyo birori, na rwo rwari ruhagarariwe, rwicaye mu cyumba cy’inama, rukurikira ibiganiro, ndetse runatanga ibitekerezo n’inama ku bitabiriye.

Ingabo z’u Rwanda, RDF zari zihagarariwe n’urubyiruko rubarizwa mu mitwe inyuranye, yaba iy’izirwanira ku butaka, mu kirere no mu mazi.

Polisi y’Igihugu na yo yari ihagarariwe n’urubyiruko rutanga icyizere cy’ejo hazaza, ndetse yazanye n’abahagarariye abacunga amagororero y’u Rwanda, bose nu mpuzankano uko zigenwa n’amategeko abagenga.

Muri ibi byiciro byose by’inzego z’umutekano n’iz’ingabo, uru rubyiruko rufite amapeti agiye atandukanye, harimo aba sous officier, aba ofisiye bato, ndetse n’abageze mu ba ofisiye bakuru.

Bagiye bazamurwa mu ntera kubera inshingano n’ubumenyi batanga mu nzego babarizwamo.

Abandi baje mu mpuzankano zabo, ni urubyiruko rubarizwa mu Rwego rw’Igihugu rw’Ubugenzacyaha, RIB.

Mu mpuzankano y’icyatsi kibisi, urubyiruko rushinzwe umutekano mu nzego z’ibanze, DASSO, na rwo rwari rwitabiriye iri huriro.

Dr. Nsengiyumva yavuze ko hari icyizere cy’uko Igihugu cyiteguye bihagije mu kurinda ubuzima bw’abaturage kandi hatabayeho guhagarika ibikorwa by’ubukungu n’imibereho isanzwe y’abaturage.

Ibi Minisitiri w’Intebe yabitangarije mu kiganiro yagiranye n’abanyamakuru kuri uyu wa Gatandatu, cyibanze ku ishusho rusange y’ubukungu bw’u Rwanda n’ingaruka z’ibibazo byo mu Burasirazuba bwo hagati ku bukungu bw’Igihugu.

Minisitiri w’Ubuzima Dr. Sabin Nsanzimana

Yagize ati "Kuri Ebola rero, turadadiye mu by’ukuri, ubwirinzi burahari, nta mpungenge zihari, uretse ko nyine kuba tudadiye bitavuze ko tugomba kwirara ahubwo tugomba kwirinda, tukagira isuku, ufite ibimenyetso akajya kwa muganga hakiri kare, ariko nta byacitse turirinze rwose nta kibazo."

Icyorezo cya Ebola yo mu bwoko bwa Bundibugyo kimaze iminsi kivugwa mu bihugu bya Repubulika Iharanira Demokarasi ya Congo na Uganda aho kirimo kugenda kivugana abantu.

Minisiteri y’Ubuzima muri Repubulika Iharanira Demokarasi ya Congo yatangaje ko kugeza ku wa 4 Kamena 2026, abo byemejwe ko bari bamaze kwandura Ebola ari 452 barimo 81 bapfuye.

Umuvugizi wa Guverinoma Yolande Makolo

Ebola ya Bundibugyo nta muti cyangwa urukingo ifite ariko havurwa ibimenyetso byayo. Isuzuma rigaragaza ko muri RDC, iri kwica ku kigero cya 18,1%, gushakisha abahuye n’abanduye bikaba biri gukorwa kuri 57,8%.

Tariki ya 15 Gicurasi, Uganda na yo yatangaje ko umurwayi wa mbere wa Ebola ya Bundibugyo yagaragaye i Kampala.

Kugeza tariki ya 5 Kamena, Uganda yemeje ko hamaze kuboneka abarwayi 19 ba Ebola barimo babiri bamaze gupfa na bane bakize.

Minisitiri w’Intebe yavuze ko izamuka ry’ibiciro by’ibikomoka kuri Peterero rituruka ku ntambara yo mu Burasirazuba bwo hagati ariko ko Leta izakomeza guhangana n’ibyo bibazo kugira ngo irengere inyungu z’umuturage.

Yabisobanuye atya: “Iri zamuka rya Mazutu ryatangajwe ku mugoroba wo kuwa Gatanu Leta yashyizemo nkunganire ingana na 18,26% kuko iyo itaza gushyiramo nkunganiro iba yatangaje ko Litiro igeze ku giciro cya 3581frw."

Minisitiri w’Intebe Dr Nsengiyumva yatanze urugero rw’urugendo rwo kuva Nyabugogo - Musanze ko ari 3821frw kubera ko harimo nkunganiro ya Leta, agaragaza ko iramutse itarimo uru rugendo rwakwishyurwa 4281frw hatarimo iyo nkunganire.

Minisitiri w’Intebe yavuze ko nubwo mazutu yazamutse ndetse na Lisansi ishobora kongera kuzamuka Leta y’u Rwanda izakomeza guhangana n’ingaruka z’ibi bibazo kugira ngo zitagera ku muturage.

N’ubwo Leta yunganira muri Mazutu Minisitiri w’Intebe Dr Nsengiyumva yavuze ko kuri Lisansi nta Nkunganire ishyiramo.

Ati “Impamvu Leta yashyize nkunganire cyane kuri Mazutu nuko ariyo ikoreshwa cyane mu nganda ndetse no mu modoka nyinshi zitwara abagenzi”.

Muhumure Leta izakomeza kubabera Maso

Minisitiri w’Intebe Nsengiyumva yabwiye abanyarwanda ko Leta izi neza ko ikiguzi cy’imibereho cyazamutse ikaba izi neza ko birimo kugira ingaruka ku mibereho y’Abanyarwanda.

Nyamara yabahumurije agira ati “Turasaba Abanyarwanda kudakuka umutima. Hari ikibazo ku Isi kandi Leta izahangana nacyo. Ibicuruzwa bizakomeza kuboneka ku isoko, kandi n’ibikomoka kuri Peteroli n’aho byazamuka, Leta izakora uko ishoboye bikomeze kuboneka mu gihugu."

Ibi Minisitiri Mukazayire yabitangaje ubwo yitabiraga ibiganiro ku nsanganyamatsiko igaruka ku hazaza h’umuryango wa Olempike, imbogamizi n’amahame y’iterambere, byabereye mu ihuriro mpuzamahanga ry’Ubukungu rya St. Petersburg 2026 mu Burusiya.

Minisitiri Mukazayire yavuze ko Afurika ifite ubushobozi n’ubushake bwo kwakira no gutegura ibikorwa bikomeye bya Siporo ku rwego rw’Isi. Yashimangiye ko guhitamo Afurika nk’ahantu ho kwakira amarushanwa mpuzamahanga bitagabanya agaciro kayo ahubwo byagura ejo hazaza h’imikino ku Isi.

Yakomeje agaragaza ko u Rwanda ari urugero rugaragaza uko Afurika ishobora kwakira neza ibikorwa bya siporo mpuzamahanga, bishingiye ku mikorere inoze, ibikorwa remezo bigenda byiyongera, n’icyerekezo gihamye mu guteza imbere Siporo.

Iri vuriro ryatanzwe binyuze mu bufatanye hagati ya Imbuto Foundation n’Ikigo cya Leta ya Turikiya gishinzwe ubutwererane n’iterambere (TIKA), gihagarariwe n’Umuyobozi wacyo mu Rwanda, Kenan Yiğit.

Uyu muhango kandi witabiriwe na Ambasaderi wa Turikiya mu Rwanda, Aslan Alper Yüksel, ndetse n’Umuyobozi Mukuru w’Ikigo cy’Igihugu gishinzwe Ubuzima (RBC), Prof. Dr. Claude Muvunyi.

Iri vuriro rigendanwa rifite ibikoresho byose bikenewe mu gutanga serivisi z’ubuvuzi, rikazafasha kugeza serivisi z’ubuzima zinoze ku baturage bo mu bice bitagerwaho na serivisi z’ubuvuzi byoroshye, bityo ubuvuzi bukegerezwa abakeneye ubufasha kurusha abandi.

Ibiciro bishya byabitangajwe kuri uyu wa 5 Kamena bizatangira gukurikizwa ku wa 6 Kamena 2026, Saa Kumi n’Ebyiri za mu gitondo.

Mu itangazo rya RURA, yasobanuye ko iri hinduka ry’ibiciro rishingiye ku mpinduka ziri ku isoko mpuzamahanga, ndetse rikaba rigamije kugabanya ingaruka izamuka ry’ibiciro rishobora kugira ku bukungu n’imibereho y’abaturage.

Iri tangazo rikomeza rigira riti: "Ingamba za Leta zagize uruhare mu kugabanya izamuka ry’ibiciro bya lisansi na mazutu ku masoko, bituma bikomeza kuba hasi ugereranyije n’ibiciro byari kujyaho hashingiwe gusa ku miterere y’isoko."

RURA ikomeza ivuga ko iyi nkunga igamije gufasha urwego rwo gutwara abantu n’ibintu no kugabanya ingaruka zishobora kugera ku bukungu muri rusange.

By’umwihariko kandi RURA yahamije ko ibiciro by’ingendo mu modoka zitwara abagenzi mu buryo bwa rusange bizakomeza kuba ibisanzwe ntagihindutse kuko ingamba za Leta zo gushyigikira uru rwego zizakomeza gufasha abatwara abagenzi guhangana n’izamuka ry’ibiciro bya peteroli no gukomeza gutanga serivisi z’ingendo ku biciro bibereye abaturage.

RURA kandi yavuze ko izakomeza gukurikiranira hafi impinduka ziri ku masoko y’ibikomoka kuri peteroli ku rwego mpuzamahanga no mu Karere, kugenzura itangwa rya serivisi zinoze no kugeza ibikomoka kuri peteroli mu gihugu hose.

Iyi nzu ya CHIC, iherereye mu Mujyi wa Kigali, umurenge wa Nyarugenge, Akarere ka Nyarugenge, hafi y’ibikenerwa byose mu murwa Mukuru w’u Rwanda.

Gasigwa Festus, umuyobozi mukuru wa CHIC Finance PLC yagize ati "Itangizwa rya CHIC Finance Plc rije kunganira gahunda ya Leta y’u Rwanda yo guteza imbere ubukungu bushingiye ku rwego rw’abikorera mu by’imari. Turashaka kuba umufatanyabikorwa wizewe ku bakiliya bacu bagizwe n’ibigo bito ndetse n’ibiciriritse mu rugendo rwabo rw’iterambere."

Gasigwa yasobanuye ko igitekerezo cyo gushinga icyo kigo cy’imari cyaturutse ku banyamigabane bacyo, ari bo bacuruzi, kuko iryo zina ry’icyo kigo rifite aho rihuriye n’inyubako ya CHIC ibarizwa mu Mujyi wa Kigali.

Yagize ati, “ Abanyamigabane ba CHIC Finance Plc ni abacuruzi, batekereje rero gushinga icyo kigo kubera ubunararibonye bafite, bazi ukuntu kubona serivisi z’imari bigora. Ikindi ni uko iyi nyubako ubwayo, ubona ko hari serivisi z’imari zikenewe. Ikindi utakwirengagiza ni uko nk’abacuruzi bazi ko ibigo by’imari byunguka. Burya gucuruza imari birunguka."

Gasigwa yasobanuye ko Ikigo ayoboye cya CHIC Finance Plc cyakira abakiriya bose, yaba abakora ubucuruzi n’ abakora ibindi.

Yagize ati,” Abakiriya ni mwese, abacuruza, abafite imyuga itandukanye bakora, abakorera umushahara, mbese muri CHIC Finance Plc ntawuhejwe. Ubu rero karibu, uze ufungure konti rwose, ubone serivisi z’imari kandi zinoze. CHIC Finance irakora nk’ibigo by’imari bisanzwe bizwi, ariko ikagira intego yo kunoza serivisi y’imari, iyo serivisi iranozwa bitewe no gukora neza kandi vuba. Wagera muri serivisi runaka, niba ari inguzanyo ushaka cyangwa se niba ari ikindi kikujyanyeyo, ukakibona vuba”.

Yakomeje agira ati,” Inguzanyo tuzatanga zizibanda ku nguzanyo z’ubucuruzi, kuko n’abakiriya dutangiriyeho twagura imbago ni aba duturanye hano muri iyi nyubako dukoreramo ya CHIC. Abanyarwanda baravuga ngo ijya kurisha ihera ku rugo, ni ukuvuga ngo turahera kuri aba bacuruzi. Ariko ntabwo duheza n’abandi Ariko hari n’imishinga igoranye kuri twebwe, nk’ubu ntitwavuga ngo twatangira tujya mu mishinga y’ubuhinzi, kuko birasaba ko tubanza tukagira uburambe muri aka kazi twatangiye, tukanagura n’imbago tukagira amashami ahantu hari ubuhinzi…”

Gasigwa yemeza ko CHIC Finance ifite ubushobozi bwo kuzajya itanga inguzanyo ziri mu byiciro bitandukanye, kubera ko itangiranye imari shingiro ya Miliyari zisaga cumi n’imwe, ukurikije ibyo abanyamigabane biyemeje ndetse n’umubare w’abaza kubitsamo ukomeje kwiyongera.

Iyi sitasiyo yatangijwe kuri uyu wa 04 Kamena, ikaba ije mu rwego rwo kongerera Igihugu ubushobozi bwo guhangana n’ingaruka z’imihindagurikire y’ibihe binyuze mu kunoza ikusanya n’itunganywa ry’amakuru y’iteganyagihe.

Iyi sitasiyo kandi ni intambwe ikomeye mu guteza imbere ubushobozi bw’u Rwanda mu gutanga amakuru y’iteganyagihe, gukurikirana imihindagurikire y’ikirere, ndetse no kongera uruhare rw’u Rwanda mu gutanga amakuru ku rwego mpuzamahanga mu bijyanye n’iteganyagihe.

Iki gikorwa remezo kizafasha mu kunoza ireme ry’amakuru y’iteganyagihe, bityo bigire uruhare mu kurushaho gufasha inzego zitandukanye zirimo izita ku buhinzi, ubwikorezi n’imicungire y’ibiza, gufata ibyemezo bishingiye ku makuru yizewe kandi ku gihe.

U Rwanda rukomeje gushora imari mu ikoranabuhanga rigezweho mu rwego rwo gukumira no guhangana n’ingaruka z’imihindagurikire y’ikirere, ndetse no gutanga umusanzu mu bufatanye mpuzamahanga mu gusangira amakuru y’iteganyagihe.

Aba banyeshuri batanu ni Cedric Hindura, Francis Shyaka, Henry Kenny Hagenimana, Milka Isingizwe na Patricia Mugabo. Bose bakoze uru rugendo rwabo rwa mbere babifashijwemo n’abarimu babo b’inzobere.

Aba banyeshuri barimo kwiga mu ishami rya Aeronautics and Engineering, aho iki gikorwa cyabaye binyuze mu bufatanye hagati ya Kent State University na sosiyete y’indege ya RwandAir. Iyi gahunda ikaba igamije gutegura abapilote bashya b’Abanyarwanda bazafasha mu iterambere ry’indege mu gihugu.

Batoranyijwe mu buryo bukomeye cyane, kuko batoranyijwe mu basaga 2,600 bari basabye kwinjira muri iyi gahunda. Nyuma yo gusoza amasomo yabo, bazasubira mu Rwanda aho bazatangira gukorera Sosiyete Nyarwanda y’ubwikorezi bwo mu kirere ya RwandAir, ari nayo yateye inkunga amasomo yabo n’amahugurwa mu by’indege.

Nyuma yo gukora igenzura ry’ibanze ry’indege, bahagurutse mu ndege zabo zo mu bwoko bwa Cessna, bakurikirana umwe ku wundi, aho buri wese yaje kugwa ku kibuga cy’indege nyuma y’iminota hafi 30.

Henry Kenny Hagenimana yavuze ko gutwara indege bwa mbere kuri we, byari ibintu bitangaje. Ati: “Byari ibintu bitangaje cyane. Kujya mu kirere bwa mbere byanshimishije cyane. Byari uburambe bwiza cyane. Ubu ndumva ndi gukunda ibicu kurushaho, kandi nifuza ko nari kubigumamo igihe kirekire.”

Hagenimana yongeyeho ko kuba umwe mu banyeshuri batanu batoranyijwe na RwandAir bakoherezwa kwiga muri Kent State University ari umugisha ukomeye.

Yagize ati: “Navuga iki? Turi abanyamahirwe cyane, kuza kwiga muri iyi Kaminuza ikomeye, imwe mu zifite gahunda nziza mu bijyanye n’ubupilote no kuba muri bake batoranyijwe. Twiteguye gutanga imbaraga zacu zose bijyanye n’aya mahirwe twahawe. Tuzahesha ishema imiryango yacu, Igihugu cyacu na Kent State University.”

Patricia Mugabo, yavuze ko afite intego yo gutera ishyaka abandi bakobwa b’Abanyarwanda bakinjira mu bijyanye no gutwara indege, kuko bakiri bake muri uyu mwuga.

Mugabo, usanzwe yambara urunigi ruriho agashushanyo k’indege mu ibara rya zahabu, yakomeje avuga ko kuba atwaye ingege bwa mbere kuri we byari ikintu gikomeye cyane. Ati: “Ni ibintu nahoraga nifuza gukora. Nishimye cyane kuko mfite intego yo kuzaba umupilote mwiza, umupilote w’umugore ukomeye.”

Maureen McFarland, Ph.D., Umuyobozi Wungirije ushinzwe amasomo muri College of Aeronautics and Engineering ya Kent State University, yavuze ko yishimiye cyane aba banyeshuri n’Abanyarwanda kandi ko yiteguye kureba icyo ejo hazaza habahishiye.

Kaminuza ya Kent State yatangiye gukorana na Kaminuza y’u Rwanda ndetse na Leta y’u Rwanda mu mwaka wa 2022, hagamijwe gushyiraho ubufatanye mu bijyanye n’uburezi.

Iyo Kaminuza yahise inafungura ishami ryayo rishinzwe gushaka abanyeshuri muri Afurika yo munsi y’ubutayu bwa Sahara, ryiswe Kent State Sub-Saharan African Center, rifite icyicaro i Kigali mu Rwanda. Muri uwo mwaka kandi, abanyeshuri 12 ba mbere b’Abanyarwanda bahise bajya gutangira amasomo yabo muri Kent State.

Kugeza ubu, Kent State University ifite abanyeshuri bagera kuri 70 baturuka mu Rwanda ndetse kandi umubare w’Abanyarwanda ukomeje kwiyongera ndetse benshi bari baje gushyigikira bagenzi babo ubwo bakoraga urugendo rwabo rwa mbere batwaye indege, bafite ibendera ry’u Rwanda, banabakomera amashyi.

Muri iyi nama, hibanzwe cyane ku mahirwe u Rwanda rufite mu bucukuzi bw’amabuye azwi nka 3Ts (Tin, Tantalum na Tungsten), aho by’umwihariko hagaragajwe inyungu iri mu bucukuzi bwa Tungsten.

Umuyobozi Mukuru w’Urwego rushinzwe Mine, Peteroli na Gaz mu Rwanda (RMB), Alice Uwase, yagaragarije abo bashoramari ko u Rwanda rufite amahirwe menshi mu guteza imbere urwego rw’ubucukuzi bw’amabuye y’agaciro, anashimangira ko Igihugu kimaze kugera ku rwego rwo hejuru mu bucukuzi bwa Tungsten, aho kuri ubu ari cyo gihugu cya mbere muri Afurika kiyicukura ku bwinshi.

Iyi nama yahuje abashoramari n’abayobozi b’Ibigo bitandukanye mu rwego rw’ubucukuzi no gutunganya amabuye y’agaciro, igamije guteza imbere ishoramari n’ubufatanye hagati ya Afurika na Leta Zunze Ubumwe za Amerika, mu rwego rwo guteza imbere ubucukuzi n’ikoreshwa rirambye ry’aya mabuye y’agaciro.

U Rwanda kugeza ubu nicyo gihugu cya mbere muri Afurika mu bucukuzi bwa Tungsten aho igice kinini cy’uyu musaruro gikomoka mu birombe bya Nyakabingo biherereye mu Karere ka Rulindo, bikaba bicukurwa kandi bigatunganywa n’ikigo Trinity Metals Group cyazamuye umusaruro ku kigero kiri hejuru cyane kuva cyatangira ibikorwa byacyo mu 2022.

Tungsten ni ibuye ritunganywamo ibyuma bikomeye bikoreshwa mu bwubatsi, mu ndege, mu bifaru, mu byogajuru, imbunda n’amasasu bituma riba rimwe mu mabuye y’agaciro afatwa nk’ingenzi ku iterambere ry’isi. Trinity Metals iyohereza mu mahanga yabanje kuyitunganya ku kigero cya 68%, inganda zindi zikayongerera agaciro kugera kuri 99,9%.

Muri Nzeri 2025 nibwo Sosiyete y’ubucukuzi bw’amabuye y’agaciro, ikorera mu Rwanda ya Trinity Metals yagejeje kontineri za mbere zitwaye amabuye y’agaciro yo mu Rwanda ya Wolfram yatunganyijwemo Tungsten yageze ku isoko rya Leta Zunze Ubumwe za Amerika ahazwi nka Towanda muri Leta ya Pennsylvania.

Ni amabuye yari ajyanywe mu kigo cya Global Tungsten & Powders (GTP) gitunganya ifu y’amabuye y’agaciro avamo ibyuma bikomeye bikoreshwa mu bikoresho bitandukanye.

Iyi koperative ifatwa nka banki, ikaba n’Ikigo cy’imari, mu mpera z’icyumweru gishize, yatangaje ko yagiranye amasezerano n’abagenagaciro b’umwuga bazajya bakorera abanyamuryango bayo igenagaciro hashingiwe ku karere batuyemo, mu rwego rwo kurushaho kunoza serivisi zijyanye no gutanga inguzanyo.

Nk’uko iryo tangazo ribivuga, umunyamuryango uzajya ahabwa umugenagaciro n’ishami rya Umwalimu SACCO amaze kwemererwa inguzanyo, hanyuma akishyura ikiguzi mbere y’uko akorerwa igenagaciro.

Umwalimu SACCO yavuze kandi ko guhera ubu nta muntu wemerewe gukoresha umugenagaciro atahawe n’ishami yasabiyemo inguzanyo.

Ubuyobozi bw’iyi SACCO bwongeye kwibutsa abanyamuryango ko igenagaciro rikorerwa gusa umuntu wamaze kwemererwa inguzanyo, hagamijwe kwirinda igihombo gishobora guterwa n’uko hari abasaba inguzanyo zishobora kutemerwa kandi hakaba hakoreshejwe amafaranga mu igenagaciro.

Ubusanzwe, mbere yo kwaka inguzanyo, umunyamuryango wa banki yakoreshaga igenagaciro ry’umutungo ashaka kugwatiriza ngo ahabwe inguzanyo.

Iryo genagaciro ni ryo ryashingirwagaho mu kumenya niba yemererwa inguzanyo cyangwa atayihabwa, cyangwa se ahabwa amafaranga make ku yo yasabye.

Ibi bikaba byatumaga uwatse inguzanyo ashobora guhomba amafaranga yishyuye umugenagaciro, mu gihe Umwalimu Sacco yanze ubusabe bwe bw’inguzanyo.

Inkuru y’umunyamaluru utuye mu Bubiligi ukurikirana cyane amakuru y’u Rwanda, ivuga ko Kabuga yashyinguwe ku wa Gatanu, iya 29 Gicurasi mu irimbi ry’I Waterloo mu Bubiligi. Ni urugendo rw’iminota makumyabiri uvuye mu Mujyi wa Brussels.

Uyu munyamakuru agira ati “Byabaye mu ibanga rikomeye cyane, ku buryo no mu muryango we, hari abari badahari. Nyuma yabyo, ngo nta gukaraba, nta kiriyo cyangwa undi muhango usanzwe ukorwa n’abanyarwanda bagize ibyag byo kubura uwabo.
Kuri uyu wa 3 Gicurasi rero, ni bwo ngo abantu banyuranye batumiwe muri misa yo kumusabira, mu Bubiligi.

Agira ati “Abantu baje mu misa, bibwira ko baje gusezera bwa nyuma kuri nyakwigendera, ubundi bakamuherekeza aho umubiri we ugomba kuruhukiura, ariko bamenya amakuru ko yashyinguwe mu cyumweru gishize.”

Gushyingura Kabuga mu ibanga, ngo byaba byaraturutse ku makuru bari barabonye mbere y’ibyabaye kuri Protais Zigiranyirazo, musaza wa Agathe Kanziga, umugore wa Habyarimana Juvenal.

Umwaka ushize, uyu muryango wangiwe gushyingura Zigiranyirazo mu Bufaransa, ubijyana mu nkiko biba iby’ubusa, maze bafata umwanzuro yo kumutwika.

Agira ati “Banze ko amateka yakwisubiramo, kuko no kuri Kabuga, ni ibintu byashobokaga cyane.”

Kabuga yapfuye mu ntangiriro za Gicurasi muri Gereza y’Urukiko Mpuzamahanga Mpanabyaha I Lahe mu Buholandi.

N’ubwo urukiko rwari rumaze imyaka itatu ruvuze ko adashobora kuburana kubera uburwayi yari afite, rwafashe umwanzuro wo kumurekura ariko habura igihugu na kimwe ku isi cyemera kumwakira, kereka u Rwanda.

Umuryango we warwanyije ko aza mu Rwanda, kugeza apfuye.

Idris Elba ubwo yari mu Rwanda mu muhango wo kwita izina, NZeli 2023

Umukinnyi wa filime w’icyamamare ukomoka mu Bwongereza, Idris Elba, yahawe icyubahiro gikomeye cyo kugirwa “Sir” nyuma yo guhabwa umudari w’ubutwari (knighthood) n’Umwami w’u Bwongereza, King Charles III, mu muhango wabereye i Windsor Castle.

Nyuma y’iki gikorwa, ubu izina rye ni Sir Idris Elba, nk’ikimenyetso cyo kumushimira uruhare rwe rukomeye mu myidagaduro ndetse n’ibikorwa yakoze bifitiye akamaro sosiyete.

Mu 2023, Sir Idris Elba n’umugore we Sabrina Dhowre Elba bari mu bitabiriye umuhango wo Kwita Izina ku nshuro ya 19, ndetse banita umwana w’Ingagi izina rya “Narame”.

Idris Elba yamamaye cyane ku isi binyuze mu mafilime yakinnye, harimo nka Luther na Beasts of No Nation, ndetse no mu ruhare rwe mu gukomeza guteza imbere umuco n’imibereho myiza y’abaturage.

Iki gihembo cya knighthood gitangwa n’Umwami w’u Bwongereza ku bantu bagize uruhare rudasanzwe mu guteza imbere igihugu cyangwa Isi muri rusange, haba mu bukungu, umuco, siporo cyangwa ibikorwa by’ubugiraneza.

Iri shimwe rije nyuma y’imyaka ine Idris Elba atangije Umuryango yise Hope Foundation, wibanda ku guteza imbere uburezi, ubuvugizi ku rubyiruko, kongerera ubushobozi abaturage no gushyigikira gahunda z’iterambere rirambye.

Uyu mugabo w’imyaka 53 wamamaye muri filime Luther, ibikorwa bye by’ubugiraneza biragenda bifata umwanya munini, aho agenda abishyira imbere kuruta ibikorwa bye muri sinema n’ibiganiro byo kuri televiziyo. Elba akunze kugaragaza ko yifuza gufasha urubyiruko kugera ku mahirwe mashya no kwiteza imbere.

Ubu atuye mu Bufaransa aho yageze ku itariki 5 Nyakanga 1994 ari kumwe n’abandi bana 31 bari bakomeretse cyane bajyanywe kuvuzwa kuko bari babikeneye.

Yibuka ko mbere gato y’uko abagize umuryango we bicwa, bari bamaze iminsi bitegura ibirori by’umubatizo w’umwana wa mukuru we, akaba n’umwuzukuru wa mbere w’umuryango, Ornella wari ufite amezi 15gusa, bitegura bishimye kuko yagombaga guhabwa iryo sakaramentu ku itariki 10 Mata 1994. Ariko iyo tariki ntiyageze kuko tariki 6 nijoro nibwo bamenye ko indege y’uwari Perezida yahanuwe, kandi ko n’interahamwe zatangiye gushyiraho za bariyeri.

Tariki 7 Mata mu gitondo, Se wa Uwimbabazi yasabye ko bava mu nzu yabo bagahunga bakajya kwihisha mu nzu yari ikirimo kubakwa, kuko aho iwabo, yabonaga hatakiri umutekano. Bidatinze Ise wa Uwimbabazi bamwiciye imbere y’urugo rwe, abandi basigaye barahunga.

Muri izo mpagarara Uwimbabazi yagiye mu muryango w’abaturanyi b’abahutu abasaba ko bamuhisha baranga, undi muryango ukurikiyeho wemera kumuhisha, ariko bucyeye bwaho bamusaba kugenda kubera ko kuhaguma kwe ngo byabashyiraga mu kaga.

Uwimbabazi yagerageje gushaka uko yakwinjira mu kigo cya ETO Kicukiro cyari kirinzwe n’ingabo za UN, biza kumukundira yinjiramo, ariko asigarana ikibazo cyo kwibaza uko umuryango we umerewe, ariko ku bw’amahirwe, nabo baza gushobora kwinjira muri ETO nubwo byari bigoye.

Ikindi kibazo Uwimbabazi yari asigaranye ni ukomenya amakuru ya Mukuru we n’umugabo ndetse n’umwana wabo Ornella bari batuye i Nyamirambo, ariko nko kwirema agatima yibwiraga ko uwo mugabo wa mukuru we kuko yakoreraga PNUD wenda yahungishijwe hamwe na bagenzi be b’abanyamahanga bakoranaga, ariko si ko byagenze.

Aho muri ETO, ngo bari bahahungiye ari nk’abantu 2000 biganjemo Abatutsi, birirwaga babona izo ngabo zinjira zongera zisohoka zijya kuzana abanyamahanga zibavana aho batuye hirya no hino, zikabazana aho muri ETO. Bigeze ku itariki 11 Mata 1994, abo banyamahanga batangiye gushyirwa mu modoka, bajyanwa ku kibuga cy’indege ngo bahunge ndetse n’abari bashinzwe icyo Kigo cya ETO ntibasigara.

Ku bari bagiye gusigara aho, ubwoba bwari bwose, kuko bari babizi ndetse n’izo ngabo za UN zari zibizi ko interahamwe zikikije icyo kigo. Abanyarwanda bamwe bari bafite za pasiporo ngo basabye ko nabo bahungishwa ariko ntibyakunda. Muri abo, harimo n’umunyapolitiki Boniface Ngulinzira utavugaga rumwe na Leta hamwe n’umuryango we, asaba ko bamuhungisha, ariko baramwangira bavuga ko baba bishyize mu kaga gakomeye.

Uwimbabazi ati, “ Ingabo za UN zagumanye natwe akanya gato, zidusaba kwinjira mu mazu kuko hari ifunguro rigiye gutangwa, ariko hashize akanya haza imodoka irimo abasirikare batatu b’Abafaransa. Ingabo za UN zatsa amakamyo zirigendera, abantu bamwe bavuza induru, abandi babura icyo bavuga kubera ubwoba bwinshi, duhagarara mu nzira aho imodoka zabo zinyura, abandi bajya kuzifataho. Ubwo batangira kurasa mu kirere, ntitwari tuzi niba koko barimo kuturasa. Turyama ku butaka, abandi batangira kwiruka bagana hose. Umwe muri abo basirikare ba UN adusaba ko twagenda kuko tugiye gusigarana n’abasirikare b’Abafaransa…byarangiye badutereranye, kuko bari bahawe amabwiriza. Iyo bahaguma gusa, byari bihagije ngo baturinde”.

Uwimbabazi avuga ko yagumanye ibibazo bitabonye ibisubizo, yibaza abari bafite inshingano muri icyo gihe, kuki batigeze bahanwa kubera uruhare bagize, bagakomeza imirimo yabo nta na rimwe basabwe kwisobanura ku byo bakoze.

Uwimbabazi yibuka uko interahamwe n’abasirikare babashoreye bava muri ETO Kicukiro, kugera i Nyanza, aho batangiye kubica, ahaburira abantu benshi bo mu muryango we, ariko we ntiyakomereka. Nyuma ajya kwihisha mu kindi gihuru, ariko abicanyi bagarutse bucyeye bwabo, barabavumbura barabatema bamwe mu bo bari kumwe bahita bapfa.

Nyuma umunsi ukurikiyeho yibuka, uko yumvise intambwe z’umuntu uza agana aho ari, amukora ku itama, afunguye amaso abona ni umusirikare wa FPR, amujyana ahantu babashyiraga bakitabwaho mu buryo bushoboka.

Yagize ati, “ Umusikare witwa Victor yamaze igice cy’umugoroba wose arimo angaburira nta kurambirwa, angaruramo ubuzima, mu gihe njyewe ntari nibufitiye icyizere…”.

Uwimbabazi yaboneyeho umwanya wo gushimira Perezida Kagame n’ingabo yari ayoboye, kuko ari wo mwanya abonye mu myaka 32 ishize yose.

Yabitangaje kuri uyu wa Kabiri i Paris mu muhango wo gutaha urwibutso rwa Jenoside yakorewe Abatutsi rwubatswe mu Murwa Mukuru w’u Bufaransa.

Macron yavuze ko uru rwibutso rugaragaza intambwe ikomeye yagezweho mu rugendo rwo kumenya ukuri no guha agaciro amateka ya Jenoside yakorewe Abatutsi.

Yibukije ko mu ruzinduko yagiriye i Kigali muri Gicurasi 2021 yemeye ku mugaragaro uruhare rw’u Bufaransa mu bikorwa n’imyitwarire byagize uruhare mu nzira yagejeje kuri Jenoside yakorewe Abatutsi.

Yaguze ati “Nta jambo na rimwe nshaka gukuraho mu byo navugiye i Kigali. Ni amabuye akomeza kubaka inzu y’ukuri twifuza gushinga.”

Macron yashimye Perezida Paul Kagame ku buryo yakiriye ayo magambo, avuga ko byafunguye inzira nshya mu mubano hagati y’ibihugu byombi.

Yavuze ko kuva icyo gihe, umubano hagati y’u Rwanda n’u Bufaransa wageze ku rwego rushya rushingiye ku kuri, kubahana no kureba hamwe ahazaza.

Perezida Macron yanashimangiye ko igihugu cye kizakomeza gushyigikira ubushakashatsi bw’amateka no gufungura inyandiko zifasha abashakashatsi gusobanukirwa neza ibyabaye.

Yavuze kandi ko ubutabera bw’u Bufaransa buzakomeza gukurikirana abantu bakekwaho kugira uruhare muri Jenoside bahungiye ku butaka bwabwo, ashimangira ko nta muntu uri hejuru y’amategeko kandi ko ibyaha byibasiye inyokomuntu bitazigera bisaza.

Yasoje avuga ko kuvuga ukuri ku mateka ari ngombwa kugira ngo amahoro arambye yubakwe hagati y’ibihugu n’abaturage.

Mu ijambo rye, Kagame yavuze ko abarokotse Jenoside ari bo nzibutso nyakuri kuko batwara ibimenyetso by’ibyababayeho ku mubiri no mu mutima, kandi bakabigeza ku bindi bisekuru binyuze mu buhamya bwabo.

Yavuze ko urwibutso rwubatswe i Paris rufite imbaraga zidasanzwe kuko "rushyira ukuri mu ibuye" rukarinda ko igihe n’abahakana Jenoside byarusibanganya.

Perezida Kagame yashimiye Umujyi wa Paris n’abayobozi bawo bagize uruhare mu gushyiraho uru rwibutso, avuga ko gushyira ahagaragara inshingano z’amateka bisaba ubutwari bukomeye ndetse n’ubumuntu.

Yongeyeho ko kuba uru rwibutso rwubatse ahantu h’icyubahiro mu murwa mukuru w’u Bufaransa ari ikimenyetso gikomeye cy’icyubahiro gihabwa amateka y’Abanyarwanda n’abazize Jenoside yakorewe Abatutsi.

Yabivugiye mu muhango wo gutaha urwibutso rwa Jenoside yakorewe Abatutsi rwubatswe i Paris mu Bufaransa.

Kagame yavuze ko imyaka itanu ishize Macron yafashe icyemezo gikomeye cyo gusura u Rwanda nyuma y’itangazwa rya raporo ebyiri zigenga zasesenguye uruhare rw’u Bufaransa muri Jenoside.

Yavuze ko izo raporo zagaragaje ko u Bufaransa bwari bufite ubushobozi bwo guhagarika Jenoside ariko ntibubikore.

Yibukije ko icyo gihe yavuze ko amagambo ya Macron yari afite agaciro karenze gusaba imbabazi kuko yari ashingiye ku kuri.

Perezida Kagame yanashimiye uwahoze ari Perezida w’u Bufaransa Nicolas Sarkozy watangiye uwo murongo mu ruzinduko yagiriye mu Rwanda mu 2010, aho yemeye ko igihugu cye cyakoze amakosa akomeye kandi ntikigire icyo gikora ngo gihagarike Jenoside.

Yashimangiye ko n’ubwo hakiri abatanyuzwe n’inyandiko zemewe ku ruhare rw’u Bufaransa, urugendo rwo kugera ku kuri rwatangiye kandi rudashobora gusubira inyuma.

Umuhango wo gutangiza ibi bizamini uzatangira saa mbili n’igice za mu gitondo (8:30 a.m.). Ibizamini bizakorwa kugeza tariki ya 22 Kamena 2026.

Minisitiri w’Uburezi Joseph Nsengimana azatangiriza ibizamini kuri St Joseph Integrated Technical College mu Karere ka Nyarugenge, mu gihe Umunyamabanga wa Leta muri Minisiteri y’Uburezi Irere Claudette azabitangiriza kuri Kagarama Secondary School.

Abakandida 74,085 ni bo bazakora ibi bizamini ngiro, barimo 70,504 biga mu mashuri n’abakandida bigenga 3,581. Ibizamini bizakorerwa mu bigo 854 hirya no hino mu gihugu. Kugira ngo bigenzurwe neza, hazifashishwa abagenzuzi 8,484 bazaba bakurikirana imigendekere yabyo mu gihugu hose.

Ibizamini ngiro by’Igihugu ni kimwe mu bice by’ingenzi bigize integanyanyigisho n’isuzumabumenyi bishingiye ku bushobozi (Competence-Based Curriculum and Assessment). Bigenzura ubushobozi bw’abanyeshuri mu bikorwa ngiro, ubumenyi bw’umwuga, imyitwarire n’ubumenyi rusange, hagamijwe kureba niba bashobora gushyira mu bikorwa ibyo bize mu buzima busanzwe no mu kazi.

Ibi bizamini bizakorwa n’abanyeshuri bo mu mashuri yisumbuye y’imyuga n’ubumenyingiro (TSS), abo mu mashuri nderabarezi (TTC), abo muri gahunda y’ubuforomo bw’ibanze (Associate Nursing Programme – ANP), abo mu ishami ry’ibaruramari (Accounting – ACC), ndetse n’abakora isuzuma rishingiye ku mishinga ya siyansi mu mashuri rusange (Science Project-Based Assessment – PBA).

Uretse imihango yo gutangiza ibizamini izabera i Nyarugenge no muri Kicukiro, abayobozi bakuru ba MINEDUC n’ibigo biyishamikiyeho bazanatangiziriza ibi bikorwa mu bindi bigo by’ibizamini byatoranyijwe hirya no hino mu gihugu.

Uru rwibutso rwiswe “L’Archive” (Ubushyinguro bw’Amateka), rwubatswe ku kibuga cya Esplanade Habib-Bourguiba giherereye ku nkengero z’Uruzi rwa Seine, mu gace ka Quai d’Orsay mu murwa mukuru Paris.

Uyu mushinga watangijwe na Leta y’u Bufaransa ku bufatanye n’Umujyi wa Paris mu rwego rwo gukomeza ibikorwa byo kwibuka no gukomeza inzira y’ubwiyunge hagati y’u Rwanda n’u Bufaransa.

Urwibutso rwakozwe n’umuhanzi w’umunya-Portugal, Grada Kilomba, ukorera i Berlin mu Budage. Rugizwe n’inkingi ebyiri nini z’umuringa wirabura zubatswe ku mabuye y’umukara n’ay’umweru akomoka mu birunga.

Abateguye uyu mushinga bavuga ko uru rwibutso rugamije kuba nk’ububiko bw’amajwi, amateka, ubuhamya n’icyizere by’abarokotse Jenoside ndetse n’abayizize. Kuri rwo handitseho ubutumwa mu ndimi enye zirimo Igifaransa, Icyongereza, Ikinyarwanda n’Igiswahili.

Urwo rwibutso ruzaba ahantu hahoraho hagenewe kwibuka no kuzirikana Abatutsi barenga miliyoni bishwe muri Jenoside yakorewe Abatutsi hagati ya Mata na Nyakanga 1994.

Biteganyijwe ko umuhango wo kurufungura uzarangwa n’ubutumwa butangwa na Perezida Kagame na Perezida Macron, hamwe n’abayobozi b’Umujyi wa Paris ndetse n’abarokotse Jenoside yakorewe Abatutsi.

Mu bazatanga ubuhamya harimo Jeanne Uwimbabazi warokotse Jenoside yakorewe Abatutsi.

Umuhanzi akaba n’umwanditsi w’umunyarwanda ufite ubwenegihugu bw’u Bufaransa, Gaël Faye, na we azitabira uwo muhango aho azasoma umuvugo wanditswe na Beata Umubyeyi Mairesse, umwanditsi w’umunyarwanda ufite ubwenegihugu bw’u Bufaransa warokotse Jenoside yakorewe Abatutsi.

Nyuma y’uyu muhango, Perezida Kagame n’itsinda rimuherekeje bazakirwa ku meza na Perezida Macron mu Ngoro ya Élysée, ibiro bya Perezida w’u Bufaransa.

Gufungura uru rwibutso ni indi ntambwe ikomeye mu mubano ukomeje gutera imbere hagati y’u Rwanda n’u Bufaransa, cyane cyane nyuma y’uruzinduko Perezida Macron yagiriye i Kigali mu mwaka wa 2021.

Muri urwo ruzinduko, Macron yemeye ko u Bufaransa bwagize “uruhare n’inshingano” mu mateka yabaye mbere no mu gihe cya Jenoside yakorewe Abatutsi, nubwo yavuze ko igihugu cye kitigeze kigira uruhare rutaziguye mu iyicwa ry’Abatutsi.

Mu Rwanda, gufungura uru rwibutso bifatwa nk’igikorwa gikomeye muri gahunda yo kwibuka ku nshuro ya 32 Jenoside yakorewe Abatutsi, Kwibuka32, ndetse no mu rwego rwo gukomeza kubungabunga amateka kugira ngo azahore yibukwa n’ibisekuru bizaza.

Uhereye i Buryo uganda i Bumoso: Dr Doris Uwicyeza Picard, Umuyobozi Mukuru w’Urwego rw’Igihugu rw’Imiyoborere (RGB), Lord Verdirame KC, umunyamategeko, Dr Emmanuel Ugirashebuja, Minisitiri w’Ubutabera akaba n’Intumwa Nkuru ya Leta, na Belinda McRae, umunyamategeko

Ku gihugu nk’u Rwanda, kimwe n’ibindi bihugu bikiri mu nzira y’amajyambere bikunze kugaragazwa nk’umufatanyabikorwa muto mu mikoranire n’ibihugu bikomeye byo mu Burengerazuba bw’Isi, icyemezo cyo kujya mu bukemurampaka n’u Bwongereza cyagaragaje icyizere gikomeye mu rwego rw’amategeko mpuzamahanga, ibintu bidakunze kugaragara ku bihugu byinshi bikiri mu nzira y’amajyambere.

Aya makimbirane yatangiye nyuma y’uko guverinoma y’u Bwongereza yatowe mu mwaka wa 2024 ihagaritse gahunda yo kohereza abimukira mu Rwanda, yari yemejwe n’ubutegetsi bwayibanjirije.

Nubwo icyemezo cya politiki cyo guhagarika iyo gahunda cyafatiwe i Londres, ingaruka z’amategeko n’iz’imari zacyo zari zikomeye kandi zigoranye kurushaho.

Icyari kigamijwe muri uru rubanza nticyari gusa politiki y’abimukira, ahubwo cyari uburyo bwo gusobanura inshingano n’amasezerano hagati y’ibihugu bibiri bifite ubusugire bwabyo.

Aho kwemera gusa icyemezo cy’u Bwongereza, u Rwanda rwamaganye uburyo ayo masezerano yahagaritswe kandi rusaba ibisobanuro ku nshingano z’imari zari zikubiye muri ayo masezerano.

Ibyo byaje kugera mu rukiko rw’ubukemurampaka, aho impande zombi zatanze ibisobanuro birambuye ku birebana n’amategeko, by’umwihariko ku bijyanye n’uburyo amafaranga yari asigaye yagombaga kwishyurwa ndetse n’icyo ubutumwa bwa dipolomasi bwahererekanyijwe hagati y’ibihugu byombi bwavugaga.

Nubwo urukiko rwaje kwanzura ko u Rwanda rudafite uburenganzira bwo guhabwa andi mafaranga miliyoni 100 z’Amapawundi rwasabaga, imigendekere y’uru rubanza yagaragaje ikintu gikomeye: u Rwanda rwashimangiye ko amasezerano mpuzamahanga agomba kugengwa n’amategeko n’inshingano zemejwe, aho guterwa n’impinduka za politiki.

Ku bashoramari n’abafatanyabikorwa mpuzamahanga, iri ni isomo rikomeye

Kimwe mu bibazo bikunze gutera impungenge mu bucuruzi mpuzamahanga ni ukumenya niba guverinoma zizakomeza kubahiriza amasezerano igihe ubutegetsi buhindutse. Urubanza rw’u Rwanda n’u Bwongereza rwari rudasanzwe kuko Ubwongereza bwashakaga kuva muri gahunda yari yarabaye ikimenyabose nyuma y’impinduka za politiki.

Mu kujyana ikibazo mu bukemurampaka, u Rwanda rwagaragaje ko amasezerano n’imyanzuro mpuzamahanga bidashobora guteshwa agaciro gusa kubera ko ibyihutirwa muri politiki byahindutse.

Uru rubanza rwanagaragaje ubushobozi bw’u Rwanda bugenda bwiyongera mu by’amategeko na dipolomasi.

Mu myaka irenga 20 ishize, u Rwanda rwashoye imari nyinshi mu kubaka no gukomeza inzego za leta, imiyoborere myiza ndetse no kwagura uruhare rwarwo mu bikorwa mpuzamahanga.

Gukurikirana uru rubanza byasabye amakipe y’abanyamategeko, abadipolomate n’inzobere muri politiki rusange zifite ubushobozi bwo gusobanukirwa no gukemura ibibazo bikomeye by’amategeko mpuzamahanga no gusobanura amasezerano.

Nubwo umwanzuro ku bijyanye n’imari utagejeje ku byo u Rwanda rwifuzaga byose, uru rubanza rwerekanye ko igihugu cyiteguye gukoresha inzira zemewe n’amategeko mpuzamahanga aho kwishingikiriza gusa ku gitutu cya dipolomasi.

Icyemezo cy’urukiko cyanatanze ibisobanuro by’ingenzi ku masezerano yari yarashyizweho.

Minisitiri w’Ubutabera akaba n’Intumwa Nkuru ya Leta Emmanuel Ugirashebuja mu rukiko

Urukiko rwemeje ko u Rwanda ruzagumana amafaranga miliyoni 270 z’Amapawundi rwari rwarahawe hagati ya 2022 na 2024 binyuze mu Kigega cy’Ubukungu cyiswe Economic Transformation and Integration Fund. Impaka zari zishingiye ku yandi mafaranga miliyoni 100 z’Amapawundi u Rwanda rwavugaga ko rwari rugikwiye guhabwa nyuma y’icyemezo cy’u Bwongereza cyo guhagarika ayo masezerano.

Mu rwego rw’imari, u Rwanda ntirwavuye muri uru rubanza nta cyo rwungutse. Rwagumanye amafaranga rwari rwaramaze guhabwa, kandi umwanzuro w’urukiko watanze ibisobanuro bya nyuma ku nshingano buri ruhande rwari rufite.

Icy’ingenzi kurushaho ni uko uru rubanza rwatanze ubutumwa bugaragaza uburyo u Rwanda rubona amasezerano mpuzamahanga.

Yaba mu mikoranire n’abafatanyabikorwa mu iterambere, abashoramari b’abanyamahanga cyangwa ibigo mpuzamahanga, u Rwanda rugenda rwiyerekana nk’igihugu cyifuza ko amasezerano yubahirizwa kandi amakimbirane agakemurwa hakurikijwe inzira zemewe n’amategeko.

Iryo zina ryiza rishobora kugira uruhare rukomeye mu gukurura ishoramari, cyane cyane muri iki gihe ibihugu byinshi bya Afurika bihirimbanira gushaka imari mpuzamahanga.

Amasezerano y’abimukira hagati y’u Rwanda n’u Bwongereza ashobora gukomeza guteza impaka muri politiki. Ariko inyuma y’inkuru zagarukaga ku bimukira n’amafaranga, uru rubanza rwagaragaje indi nkuru: iy’igihugu gito cyo muri Afurika cyagaragaje ubushake bwo kurwanira uburenganzira bwacyo imbere y’urwego mpuzamahanga rw’ubucamanza no gusaba ko amasezerano y’amategeko afatwa nk’ibirenze amasezerano ya politiki gusa.

Muri urwo rwego, uru rubanza rushobora kuzibukwa atari ukubera amafaranga u Rwanda rutabonye, ahubwo no kubera ubutumwa rwahaye ku buryo igihugu giteganya kurengera inyungu zacyo ku rwego mpuzamahanga.

Buri munsi, abamotari benshi mu Rwanda binjiza amafaranga meza mu gutwara abagenzi, ariko bakongera bakayagura lisansi, ntibagire icyo basigarana gifatika.

Abamotari ntibakeneye guparika moto, ngo bareke akazi bakora neza kakabatungira imiryango, ahubwo bakeneye uko ayo binjije bayazigama. Moto zikoresha amashanyarazi, ni bwo buryo bwonyine buzabafasha gutahana amafaranga yabo bakoreye buri munsi.

Muri aba bamotari, harimo Eugene Kanyandekwe. Buri gitondo mbere y’uko izuba rirasa, Kanyandekwe afata moto ye akagana ahari abantu benshi bajya mu kazi mu mihanda ya Kigali.

Kimwe n’abandi batwara moto ibihumbi, umunsi we uba ugizwe n’intera agenda, umubare w’abagenzi atwara ndetse n’amafaranga asigarana ku mugoroba.

Mu myaka yashize, gukora imibare y’inyungu byagiye birushaho kumugora. Ibiciro bya lisansi byahoraga bihindagurika, amafaranga yo gukora akaguma ari menshi, bikamusaba gukora amasaha menshi kugira ngo abashe kubona amafaranga nk’ayo yabonaga mbere.

Nubwo moto yamuhaga imibereho, ntiyamusigiraga amahirwe menshi yo kwizigamira cyangwa guteganyiriza ejo hazaza. Ubu ariko, avuga ko ibintu byatangiye guhinduka nyuma yo gutangira gukoresha moto y’amashanyarazi ya Spiro.

Kanyandekwe agira ati: "Impinduka si ikintu ubona rimwe gusa. Uyibona buri munsi. Iyo amafaranga ukoresha mu kazi agabanutse, ntuba ugitekereza gusa ku byo ugomba kwishyura uyu munsi. Utangira gutekereza ku hazaza, ku muryango wawe no ku mibereho yawe."

Inkuru ye ni imwe mu zigaragaza impinduka zikomeje kuba mu Rwanda mu gihe igihugu cyihutisha gahunda yo gukoresha uburyo bwo gutwara abantu n’ibintu butangiza ibidukikije.

Kwiyongera kwa moto z’amashanyarazi ntabwo bihindura gusa uburyo abantu bagenda, ahubwo bihinduta n’imibereho y’abazitwara, utaretse n’imiryango yabo.

Sosiyete ya Spiro ivuga ko ubu mu Rwanda hari moto zayo z’amashanyarazi zirenga ibihumbi 25 ziri gukora, zifashwa na sitasiyo hafi 350 zo gusimburizaho bateri ziri hirya no hino mu gihugu. Iyi sosiyete ivuga ko u Rwanda rwabaye rimwe mu masoko yayo akomeye kuva yatangira ibikorwa mu myaka itatu ishize.

Nubwo iyi mibare ishimishije, ikintu gikurura benshi si ikoranabuhanga cyangwa kurengera ibidukikije gusa, ahubwo ni inyungu z’amafaranga.

Aho kuzigama bihinduka amahirwe

Abatwara moto bakoresha amafaranga menshi mu kugura lisansi. Ku bakodesha moto, umutwaro urushaho kwiyongera kuko bagomba no kwishyura amafaranga ya buri munsi ba nyirazo.

Moto z’amashanyarazi zitangiye kugabanya uwo mutwaro.

Spiro ivuga ko gusimbuza bateri yuzuye bitwara hafi amafaranga y’u Rwanda 2,450 kandi bikemerera moto gukora urugendo rugera kuri kilometero 75. Ku rundi ruhande, litiro imwe ya lisansi igura amafaranga 2,938 kandi ikaba yakwifashishwa mu gukora kilometero hagati ya 35 na 40 gusa.

Ku batwara moto bakora urugendo rurenze kilometero 200 ku munsi, iri tandukaniro ritanga inyungu zigaragara.

Kanyandekwe ati: "Mbere nakoraga akazi nkarangiza nkihutira kubara amafaranga lisansi yari yanyambuye. Ubu harimo itandukaniro rinini cyane. Nshobora kuzigama amafaranga ku buryo buhoraho."

Aya mafaranga ashobora kugaragara nk’ari make buri munsi, ariko iyo ateranyijwe mu mezi menshi ashobora kwishyura amashuri y’abana, ubwisungane mu kwivuza cyangwa gufasha umuryango kugira umutekano mu bukungu.

Umuyobozi Mukuru wa Spiro mu Rwanda, Amit Chawla, avuga ko iyi ari inkuru ikomeje kuba kimomo mu batwara moto ikoresha amashanyarazi.

Yagize ati: "Turashaka kuzamura imibereho y’abaturage. Abatwara moto benshi batubwira ko kubera amafaranga make bakoresha mu kazi, ubu basigarana menshi. Hari n’abatangiye guteganyiriza kugura moto zabo bwite."

Intego z’u Rwanda mu guteza imbere ubwikorezi bw’amashanyarazi

Izi mpinduka zirimo kuba mu gihe u Rwanda rukomeje kwiyubaka nk’umwe mu bayobozi ba Afurika mu guteza imbere ubwikorezi butangiza ibidukikije.

Mu mwaka wa 2025, Guverinoma y’u Rwanda yahagaritse kwandikisha moto nshya zikoresha lisansi mu Mujyi wa Kigali. Icyo cyemezo cyari kigamije kwihutisha ikoreshwa ry’ubundi buryo bwo gutwara abantu n’ibintu burengera ibidukikije.

Ni imwe muri politiki zikomeye Afurika yabonye mu rwego rw’ubwikorezi bw’amashanyarazi, kandi iri muri gahunda yagutse y’u Rwanda yo kugabanya imyuka ihumanya ikirere, kunoza umwuka abaturage bahumeka no kugabanya amafaranga igihugu gikoresha gitumiza ibikomoka kuri peteroli mu mahanga.

Intego z’u Rwanda ntizishingiye gusa ku kubungabunga ibidukikije. Nk’igihugu kidacukura peteroli, gitumiza ibikomoka kuri yo byose hanze, kugabanya ikoreshwa rya lisansi bifasha no kugabanya amafaranga igihugu gisohora.

Ku ruhande rw’ibidukikije, inyungu ntizibarika

Amit Chawla avuga ko gusimbuza moto ikoresha lisansi indi y’amashanyarazi bishobora kugabanya imyuka ya dioxyde de carbone igera kuri toni ebyiri buri mwaka. Iyo bikozwe ku bihumbi byinshi bya moto, ingaruka nziza ku bidukikije ziba zikomeye.

Chawla asanga u Rwanda rwamaze kuba urugero rw’uko ejo hazaza h’ubwikorezi muri Afurika hashobora kuba hameze.

Yagize ati: "U Rwanda ni kimwe mu bihugu bitekereza kure dukoreramo. Ubuyobozi bwacyo busobanukiwe agaciro k’igihe kirekire k’ubwikorezi bw’amashanyarazi. Amategeko, icyerekezo n’ubushake bwo guhanga udushya bituma u Rwanda ruba isoko ryihariye kuri twe."

Mu minsi ishize, Spiro yanahawe igihembo cy’Ikigo Gifite kizana impinduka mu buzima bw’abantu kurusha ibindi muri Afurika mu nama ya Africa CEO Forum yabereye i Kigali, ibintu byagaragaje ko abashoramari bakomeje kwitabira urwego rw’ubwikorezi bw’amashanyarazi n’ikoranabuhanga rirengera ibidukikije.

Uretse Spiro, urwego rw’ubwikorezi bukoresha amashanyarazi mu Rwanda rukomeje gukurura ibindi bigo bikora moto z’amashanyarazi, ibicunga sitasiyo zo gusimburizaho bateri ndetse n’abashoramari mu rwego rw’ingufu zisukuye. Ibi byose biri mu nkingi z’ingenzi za gahunda y’u Rwanda yo kugera ku bukungu butangiza ibidukikije no kuvanaho imyuka ihumanya ikirere bitarenze umwaka wa 2050.

Nubwo bimeze bityo, kuri Kanyandekwe n’abandi batwara moto, ejo hazaza hapimirwa ku mibereho yabo ya buri munsi aho kuba ku mibare y’ishoramari cyangwa politiki.

Ati: "Abantu bavuga moto z’amashanyarazi nk’ikoranabuhanga. Kuri twe ni amahirwe. Niba mbasha kuzigama menshi, nshobora gushora byinshi mu muryango wanjye. Niba ninjiza menshi, nshobora guteganya ejo hazaza aho guhora mpangayikishijwe no kubaho gusa. Iyo ni yo mpinduka nyakuri."

Reba ibindi muri iyi Video:

Kayizari Jean Damascene

Yabitanzemo ubuhamya ubwo hibukwaga imiryango y’Abatutsi yazimye muri Jenoside yakorewe Abatutsi mu Karere ka Muhanga, ahagaragajwe ko muri rusange imiryango yazimye isaga ibihumbi 15, igizwe n’Abatutsi ibihumbi bisaga 69 mu Gihugu hose, barimo imiryango 96 yo mu Karere ka Muhanga.

Avuga ko yagombaga gukora ubukwe muri Kamena 1994, yaramaze no kohereza inka y’inkwano kwa Sebukwe i Kayenzi mu Ruyobe, ariko iyo nyana yakoye iza kurwara biba ngombwa ko bayibaga ku wa 05 Mata 1994, ariko akabimenyeshwa kugira ngo azabone uko ashumbusha afite amakuru y’impamo kuri iyo nkwano ye.

Kayizari avuga ko indege ya Habyarimana yahanuwe ari i Kayenzi aho yari yagiye gukurikirana iby’iyo nkwano ye, ariko nyuma aza kugaruka iwabo i Butare aho yaje kuva agahungira kwa muramu we witwaga Sebasaza.

Uwo Sebasaza yakoraga akazi ko kurinda Perefegitura y’Umujyi wa Kigali, akaba yari afite imbunda y’akazi yavanye i Kigali akaza kuyirindisha umuryango we urimo na Kayizari wari warahahungiye.

Interahamwe zaje guhuruza Abajandarume b’i Gitarama bavuga ko Sebasaza arimo kurasa Abahutu, kuko ngo yajyaga arasa hejuru ibitero bikiruka, bityo umuryango we akomeza kuwurinda, ari nako abashakaga kubica bakomeza kuhagendagenda.

Bibutse imiryango y’Abatutsi yazimye

Kayizari avuga ko abajandarume bamaze kuza gusaka Abatutsi bihishe kwa muramu we, bijeje Sebasaza ko impamvu ibazanye ari ukumujyana kumushinga umutekano wa Segiteri Rutongo, ariko we abona ko ari wo munsi wa nyuma, kuko akimara kubaha iyo mbunda yakoreshaga, bahise bicira aho umwe mu bo yari ahishe.

Agira ati, “Yumvise baje yambara imyenda y’akazi afata imbunda ye ahagarara mu muryango, abaha iyo mbunda yari afite, maze binjira mu nzu baransohora na mubyara wanjye n’uwitwa Celestin wari umwarimu bari barashakishije i Kabagayi bahita bamwicira aho, bamutemaguye bamucagaguramo inyama nyinshi”.

Kayizari avuga ko yahise ava kwa Sebasaza, ajya kwihisha kwa Sebukwe, aragaruka ariko ibitero bikomeza kuza gusaka ndetse biza no kwica Sebasaza n’umugore we n’abana babiri, ubu uwo muryango warazimye.

Umuhungu twari kuzarongorera rimwe yampishe mu mwobo w’umusarane wa metero enye

Kayizari avuga ko yihishe mu muringoti wari mu rutoki, maze abaje gusahura batema ibitoki amakoma amugwaho ntibaba bakimubonye, ku buryo yahabaye agasa nk’uwahapfiriye kuko, yabonaga abasahura bamuca hejuru batema ibitoki.

Agira ati, “Ubu nzi gupfa kuko nyuma yo kwica Cyprien na mushiki wanjye, abaje gusahura basanze hari ahantu naraye, maze barahuruza ngo bashakishe mbona amahiri n’imipanga, ariko nicwa n’ubwoba ndahwera, nza gukanguka nsanga ntwikiriwe n’amakoma, mbona ndacyari muzima”.

Avuga ko muri urwo rutoki yahamaze iminsi itatu, ahirirwa anaharara, maze uwitwa Innocent bari mu kigero kimwe na we wari hafi yo kurongora, aza kuhamusanga amujyana mu nzu ze amuhisha mu mwobo w’umusarane wa metero enye z’ubujyakuzimu.

Agira ati, “Innocent yazamutse areba urutoki rwe kuko aho nari nihishe kwa Sebasaza hari kwa Sewabo, maze anyuzeho isazi ziratumuka, yitegereje asanga ni njyewe waboreyemo, aranjyana afata umwobo w’umusarane afata indobo adahamo umwanda wari waragezemo, maze asasamo ibintu aramanura ampishamo arongera atinda wa musarane, nkajya mpumekera ku kenge gasanzwe gacamo umwanda”.

Avuga ko kugira ngo arye byasabaga ko uwo Innocent acunga mu rugo batetse byajya gushya akahava, kugira ngo baze kumusigira ibyo kurya, maze yatahuka akabigabanyamo kabiri akajya kubishyira Kayizari hashira ibyumweru bitatu.

Agira ati, “Innocent Imana ijye imuha umugisha yaranjyanye anshyira muro uwo musarane, akajya afata ibyo kurya bye akagabanyamo kabiri, akanzanira mo aho hasi akanyuza muri kakenge, nkumva agapfunyika kanyikubiseho, ni uko nabayeho kugera inkotanyi zije, zinsanga mu nzu za Innocent kuko iwabo bagiye guhunga yari yabanje kunkura muri uwo musarane”.

Umukobwa nasabaga ni we nahise ndongora, abana banjye bari kurangiza Kaminuza

Kayizari avuga ko nyuma y’uko Inkotanyi zibohoye Igihugu, yakomeje gahunda ye yo gushinga umuryango, maze mu kwezi kwa Nzeri 1994, arongora inshuti ye yari yarakoye, barabana barabyara ubu bafite umuryango umeze neza.

Agira ati, “Wa mukobwa nahise murongora, mu kwezi kwa Nzeri, maze turabyara umuryango uraguka, mbanye neza n’abaturanyi, twarabyaye umuryango uraguka abana bamwe barangije kaminuza, ndashima Inkotanyi zaduhaye ubuzima, mu gihe imwe mu miryango yacu yazimye burundu”.

Mu Murenge wa Kabacuzi habarurwa imiryango 16 y’Abatutsi yazimye, yari igizwe n’abasaga 70, harimo n’uwa muramu wa Kayizari aho yihishaga, Sebasaza wicanwe n’umugore we n’abana babiri.

Se yari yarabonye akazi mu mirima minini, akaba umucungamari, ariko akaba atarumvikanaga n’umutwe w’iterabwoba wa FDLR, ku buryo bahoraga bamusaba kuwinjiramo ariko akabangira.

Nyuma rero, FDLR yagiye ku ishuri Nkurunziza yigagaho baramushimuta hamwe na mugenzi we witwa John, babatwara babapfutse mu maso, babavana i Rutshuru babageza Walikale, muri FDLR.

Agira ati "Habaga imihangayiko, gutotezwa no kwinjizwamo ingengabitekerezo ya Jenoside. Twahoraga dukubitwa, dukora ibitero byo kwiba, kwikorera imizigo, amasasu n’ibindi ndi umwana muto w’imyaka 14. Banyikorezaga imizigo ntabasha kwikorera."

Nyuma rero bagiye kubatoza igisirikare, aho noneho ngo guhangayika byiyongereye, babaha imyitozo ku myaka 14 bamuha imbunda, arayifata kugeza abaye nk’umusirikare.

Ati "Aha ni ho batubwiraga bati mukore cyane, tugiye gutera u Rwanda, turashaka gusibanganya umututsi ku isi bya burundu."

Aha rero ngo barabyumvaga, ariko mbere y’ibyo bakaba mu bujura, bashyiraho amabariyeri yambura abaturage, maze agira ati "Umuturage yatambukanaga akazigo ke k’imyumbati, agatoki, zana, amafaranga tukayabaka. Twahoraga dukubita abaturage tubahohotera, tubica ku rwego rwo hejuru."

Iyo utabikoraga, na bwo ngo baragukubitaga.

Hanyuma agira ati "nyuma y’amezi atandatu natangiye gushaka inzira yo kwigobotora biriya bigabo bya hariya hakurya. Natangiye kwiga inzira, maze mpura n’umusirikare wari uzi ababyeyi banjye, maze ambaza uko nahageze, ndetse ndatinyuka mubwira ko nshaka gutaha."

Nk’aho yakamufashije, uwo musirikare yaramubwiye ati "Ukivuga ko ushaka gutaha, ubwo urapfiye tayali.", icyakora umusore amusubiza ko n’ubindi yamaze gupfa, kubera induru yirirwamo n’urugomo rwo mu ishyamba.

Icyakora yaramubwiye ngo nabe ategereje, ariko akomeza gushaka inzira. Mu Kwezi kwa 12, 2009, yasabye abayoboraga uyu mwana ko bamwemerera bakajyana gushaka ibyo kurya, maze barabyemera, nuko Nkurunziza na wa mwana bazanye, bakurikira uyu musirikare.

Yaberetse inzira, ndetse ababwira ko imbunda bazigumana bakagenda bakagera kuri MONUSCO. Bagiye umunsi wose n’ijoro, bageze saa sita z’ijoro, umwe akaryama, undi akamucungira.

Saa saba n’igice z’umunsi wa mbere barabyutse, bahura na Patrouille, maze barahangana, kuko iyo babafata ngo bari kubica babanje kubaca ibitsina. Nuko bararasana, biruka mu misozi, bagera ahantu bihisha mu rutare, ababahigaga barababura.

Saa kumi n’imwe basohotse muri rwa rutare, hanyuma barakomeza baragenda, umunsi wose. Saa saba n’igice basubukuye urugendo, ariko na none saa cyenda n’igice bagwa mu gico cya FDLR.

Agira ati "Aha ngaha ho hari hakomeye, kuko twabonaga amatara ya MONUSCO hakurya Walikale, turavuga tuti byose ni ugufa, tugomba kubanyuramo, tukagera MONUSCO. Icyakora, bo baturasaga bashaka kudufata mpiri byanze bikunze. Ntibashakaga ko twapfa batadufashe."

Icyo gihe ngo bararasanye n’abo bantu barindwi, ariko babarasa babegera ngo babacemo batambuke. Icyo gihe bararasanye, bagira amahirwe yo kubajya imbere, biyemeza kwiruka kugeza bageze aho bajya.

Avuga ko ku myaka cumi n’ine, umwana wambaye bottes zimuruta, iyo ntambara yabaga ari urugamba rukomeye, ariko wagombaga kwiruka mpaka ugeze ku ntego ufite. Barakomeje biruka barasana, bagera kuri MONUSCO, hanyuma bahageze barabakira.

Aha rero, MONUSCO yabahaye indege ibageza i Bukavu. Icyo gihe ngo umwana akigera i Bukavu yamenye ko bagicika, FDLR yagiye ifata umuryango we irawurimbura.

Agira ati "icyo gihe nahise ntangira kwibaza ngo ese ndajya he, ko bambwiye ko iyo utashye uri umuhutu bakwica. Batubwiraga ko mu Rwanda ari ho dukomoka, mfata umwanzuro wo gutaha mu Rwanda."

Aha rero niho yibwiye ati "Ndatashye, ningera mu Rwanda nzabona umuryango, kandi rero nzanakura mbe umgabo."

Yageze i Rusizi abona abaturage barishimye, abayobozi bamwakira neza, yumva bavuga Ikinyarwanda, bose bahuje ururimi.

Icyakora yari agifite akoba, atekereza ko bamwica. I Rusizi bamuha imyenda mishya, bamwitaho, atangira gutungurwa. Aha rero, bamwakiriye i Mutobo ahakirirwa abaturutse mu gisirikare, ndetse ahahurira n’abandi babanaga bahamutanze. Icyo gihe yasanze icyiciro kimwe kigiye gusoza.

Nkurunziza na mugenzi we bita John, bageze mu Rwanda muri 2009 ubwo banyuraga mu bizazane bikomeye bagacika umutwe w’iterabwoba wa FDLR wasize ukoze Jenoside mu Rwanda.

Bamaze kumenya ko Nkurunziza yacitse, baragiye bica umuryango we barawurangiza, ariko abimenyera i Bukavu, yibaza icyo agomba gukora.

Ku myaka ye cumi n’ine yumvise ko nta yandi mahitamo, ko agomba gutaha mu Rwanda, n’ubwo atari yizeye ubuzima.

Urugendo rwe kuva i Rusizi kugera i Mutobo ahakirirwa abaturutse muri FDLR, rwarimo byinshi bitunguranye, kuko abo yibwiraga ko bagomba kumwica, ahubwo ni bo bamwitagaho, bamuha imyenda myiza, bamugaburira neza, n’ibindi.

I Mutobo, yahageze hari igihe cyiza cyo kubona neza u Rwanda rutandukanye n’urwo yabwiwe.

Icyo gihe, hari icyiciro cy’abahoze mu ngabo kigiye gusezererwa, maze mu birori byo gusoza, abona amakuru mashya, arumirwa.

Yagize ati "Nagiye kubona mbona Meya araje, n’umushoferi we, nta musirikare n’umwe afite umurinze. Muri Congo, umuyobozi wa Localite, iyo yazaga, wasangaga afite imodoka zuzuye abasirikare bamurinze."

Nyuma ya meya, haje guverineri, nawe abona ni nka kwa kundi, arumirwa, ati "Uyu mutekano mbonye hano, nta handi nigeze nywubona. Cyangwa ndarota!"

Nyuma noneho, yaje kubona n’aba Jenerali, akabona umwe afite abasirikare babiri, nuko akagira ati "Mana yanjye! Naje mu gihugu cy’amahoro."

Uyu musore rero, kuko yari ataragera imyaka y’ubukure, bamujyanye mu kigo cyakira abahoze ari ba kadogo muri FDLR, kiri mu Mujyi wa Musanze, maze ahasanga urungano rwe.

Agira ati "Nahasanze abana basa neza, numva ko nageze kwa mama n’ubwo namutakaje. Aha baratubagaburiye, baduha imyenda myiza, harimo n’iya siporo, maze n’abaganga bakatubaza uko tumerewe. Batwigishije amateka, bambwira ko ntari interahamwe, ndi umunyarwanda.

"Icyo gihe bahise batubaza n’uko tugomba kubaho, banjyana kwiga imyuga, nsanga abandi bana bose bo mu Rwanda, niga iby’Amahoteli, nyuma ndangije, bambaza niba hari n’indi mpano mfite ngo bayiteza imbere. Narabwiye ngo mfite impano yo kuririmba, maze batuzana i Kigali, nkumva n’imodoka z’umusaza Kagame atambuka."

Icyo gihe rero bamwohereje muri Studio, akora indirimbo, ubundi atangira gutanga ubutumwa mu bihangano akangurira abari mu mashyamba gutaha.

Nyuma yaje kujya mu itorero ry’abahanzi Indatabigwi, nyuma y’amahugurwa ajya gushaka akazi k’ubuzima, maze 2016 ahabwa akazi muri Airtel Rwanda, maze bamugira ushinzwe kwamamaza Airtel i Musanze.

Aha rero ngo yashatse umuryango, ashaka umugore mu 2023, kugira ngo nawe atangire ubuzima bushya.

Agira ati "Ubu ndi umupapa, w’umwana umwe, ndi chef de la famille iwanjye."

Yashimiye Perezida wa Repubulika ati "Ajye ahorana umugisha w’Imana."

Uyu mukobwa ubwo yatangiraga guca akenge, yabajije nyina niba we agira se nuko nyina amubwira izina ahimbye.

Ati “ Mama yafashwe ku ngufu agira n’ibyago byo kumbyara bimutera igikomere nanjye bintera igikomere cyo gukura ntazi Papa ndetse ntazapfa menye ubuzima bwanjye bwose”.

Umurizaboro agize imyaka 12 yongeye kubaza nyina aho se ari, amubwira ko bamwishe muri Jenoside yakorewe Abatutsi icyo gihe amubwira izina rya Sekuru.

Ati “Mama yambwiye ko nabyawe na Se (sogokuru) ndetse ambwira n’izina rye anambwira ko bamwishe muri Jenoside yakorewe Abatutsi, gusa byose yabiterwaga no kubura ibisobanuro ampa”.

Nyuma nyina yaje kumubwira ko impamvu yamubwiye izina rya Sekuru kwari ukugira ngo ajye abasha kumubonera amakuru yose yari kujya amubaza.

Mu biganiro umubyeyi we bagiranaga yakundaga kumubwira ko abantu batamukunda, akamugira inama ko agomba kwirinda kujya abegera ngo kuko bamugirira nabi ariko ntamubwire impamvu yabyo.

Icyakora, yaje kumumenera ibanga ry’ukuntu umuvandimwe yamusabye gukuramo inda ye, ariko akabyanga.

Imwe mu mpamvu yatumye abyanga ngo ni uko yari umukirisitu kandi akaba yarigishijwe ko umuntu atagomba kuvutsa ubuzima uwo ataremye kandi ko iyo abikoze aryozwa amaraso ye.

Ati “Mama yambwiye ko yari afite inzozi zo kuzaba Umubikira akaba ari na yo mpamvu yanze gukora icyaha cyo gukuramo inda yanjye, gusa byaje kumuviramo kwangwa n’umuryango we wari wararokotse yisanga batamwisangaho”.

Uyu mwana rero, nyuma yaje gutangira ishuri, rimwe na rimwe akabura ibikoresho akabaza nyina impamvu adahabwa ibikoresho nk’abarihirwa n’ikigega kigenewe gutera inkunga abarokotse Jenoside yakorewe Abatutsi, akamusubiza ko bizakorwa ubwo azaba ageze mu mashuri yisumbuye.

Ati “ Nubwo yakomeje kumpisha inkomoko yanjye naje kuyimenya biturutse ku Muryango SEVOTA watumyeho abagore bakorewe ihohoterwa rishingiye ku gitsina bagafatwa ku ngufu."

Umunsi umwe rero, yajyanye na nyina muri ibyo biganiro byategurwaga na SVOTA, maze agezeyo ahasanga abandi bana benshi n’ababyeyi babo baganira ku mateka y’ibikomere byo kubyara basambanyijwe ku gahato.

Ngo bageze mu rugo batashye kuko yari amaze kugira imyaka 15 yabajije mama we ati ko numvise bavuga ko abana bari hariya bavutse ba nyina barafashwe ku ngufu mu gihe cya Jenoside nange niko bimeze?

Icyo gihe yamusubije ko ariko byagenze nuko nawe amubaza niba hari abandi bantu babizi amusubiza ko ntawe yabibwiye.

Ati “ Nisabiye Mama ko ntawe agomba kubibwira gusa numva ngize igikomere cy’uko nabeshywe ko Papa yapfuye nkongera kumenya ukuri kuko navutse mu bibi mama yakorewe, mbabazwa nuko ntazapfa menye Data kuko abamuhohoteye babaga ari benshi”.

Ibi byose byatumye Umurizaboro akura yiheza mu bandi ntagire uwo yegera akabaho mu bwigunge gusa aza kubifashwamo n’umuryango SEVOTA ukabaha inyigisho zibafasha kwiyakira.

Ati “ Iyo twabaga twagiye aho SEVOTA ikorera wumvaga uri ahantu heza kuko wumvaga abantu muri kumwe muhuje, ntawe ukwishisha, gusa wasubira mu rugo bigasubira inyuma”.

We n’umubyeyi we baje kwakira amateka y’ibyababaye ho ndetse buhorobuhoro babasha no kongera kunga ubumwe n’umuryango wabo muto wari wararokotse.

Mama we yaje gushaka, arabyara ubu yishimira ko afite umuvandimwe ndetse nawe yabashije kwiga agera ku rwego arangiza Kaminuza.

Umurizaboro avuga ko yishimira kuba Leta y’u Rwanda ntawe iheza kandi ikomeje gufasha abanyarwanda kunga ubumwe birinda icyakongera gusenya ubumwe bwabo.

Ni ubutumwa yahaye abarenga 2000 bitabiriye Ihuriro ry’Urubyiruko, Igihango cy’Urungano ry’umwaka wa 2026, rifite insanganyamatsiko igira iti “Rubyiruko, Turwanye Ingengabitekerezo ya Jenoside, Twimakaze ubumwe n’ubudaheranwa”.

Madamu Jeannette Kagame yavuze ko iri atari ihuriro gusa ahubwo ari umwanya wo kwibuka, no kuzirikana abari urubyiruko bishwe bazira Jenoside yakorewe Abatutsi, bakavutswa ubusore n’ubukumi bwabo ndetse bakicwa batageze ku nzozi zabo bari bafite.

Ati " Abato turi kumwe ngira ngo mwumvise uko Afurika yacu yashegeshwe mwarayize ndetse n’ihame rya mbatanye mbategeke Abakoroni bakoresheje kugeza amacakubiri babibye ageza kuri Jenoside yakorewe Abatutsi 1994".

Madamu Jeannette Kagame yibukije urubyiruko ko guhura atari ukwibuka gusa ahubwo ari no kuzirikana igihango bafitanye nk’abanyarwanda cyo gukomeza kubaka no kurinda ubumwe bw’abanyarwanda.

Madamu Jeannete Kagame yabwiye urubyiruko ko ari umwanya wo kongera gutekereza ku nshingano rufite zo kubaka u Rwanda kuko gusenyuka k’ubumwe bw’abanyarwanda ari amateka bagomba guhora baganiraho nk’umusingi wo kubakiraho.

Ati ’Iyo ukurikiranye amateka y’u Rwanda mbere y’umwaduko w’Abakoroni no mugihe cyabo ndetse na nyuma yaho usanga amacakubiri yarigishijwe igihe kirekire bityo no kuyarandura bisaba imbaraga n’ubufatanye kandi bw’igihe kirekire".

Madamu Jeannette Kagame yasabye abakiri bato b’uyu munsi kwirinda ingengabitekerezo isenya.

Ati “Ni gute abacyibona mu ndorerwamo y’amoko bava ibuzimu bakajya ibuntu? Ni uruhe rukingo rwadufasha kurinda abato bakibyiruka nkamwe ngo mwirinde iyo ngengabitekerezo isenya ntizabagereho?”

Yavuze ko nyuma ya Jenoside yakorewe Abatutsi, Umuryango FPR Inkotanyi wayihagaritse, wahisemo kubaka ubumwe bw’Abanyarwanda, ibintu benshi babonaga nk’inzozi.

Ndi Umunyarwanda nk’icyerekezo cy’ahazaza

Nyakubahwa Madamu Jeannette Kagame yongeye kwibutsa ko gahunda ya “Ndi Umunyarwanda” ikomeje kuba inkingi ya mwamba mu kubaka neza no gusangira ubuzima bw’Abanyarwanda.

Yasabye urubyiruko gutekereza cyane ku ngaruka z’amahitamo yabo, haba ku hazaza habo bwite, ku miryango yabo ndetse n’igihugu cyose muri rusange.

Yagarutse kandi ku mateka y’umugabane wa Afurika, ukunze kuvugwa n’abanyamahanga banyuze mu ndorerwamo z’amoko bwite, maze ashishikariza urubyiruko rw’u Rwanda kwiyandikira amateka yarwo no kuba ijwi ry’igihugu banyuze mu nzego zitandukandukanye, by’umwihariko mu muco, mu buhanzi ndetse no mu mpano zitandukanye.

Kuri iyi ngingo, yashimiye umwanditsi uyobora amashusho (réalisatrice) ya filime “Benimana”, Clémentine Dusabijambo, kubera ibihembo mpuzamahanga aherutse kwegukana, kuko byamwongereye imbaraga we n’abandi banyempano bakiri bato abasaba gukomeza gukora umurimo unoze no guha agaciro amateka n’indangagaciro by’u Rwanda.

Ati: “Muri abatabazi bazamenya u Rwanda rwa none n’urw’ejo, mbonereho no kubibutsa ko nta heza haruta iwabo w’umuntu.”

Hari mu ihuriro ry’Urubyiruko ryise "igihango cy’Urungano", aho abaturutse hirya no hino baganira ku mateka y’u Rwanda, ari nako bibuka urubyiruko rwazize Jenoside yakorewe Abatutsi mu 1994.

Muri iri huriro, urubyiruko rwagejejweho ikiganiro n’umusirikare ufite ipeti ryo hejuru, Lt. Col. Gaspard Harelimana ufite impamyabushobozi y’ikirenga, PhD mu bwenge buhangano.

Uyu musirikare, yamaze impungenge urubyiruko rufite impungenge z’uko ubwenge buhangano buzabatwara akazi, cyangwa se ko buzatuma ireme ry’uburezi ritakara, n’ibindi.

Icyakora, Harelimana yababwiye ko mu by’ukuri, ubwenge buhangano bwaje ahubwo gufasha kwiga byinshi, no guhanga imirimo mishya ku biteguye.

Umusore witwa Mwitende Abdulkarim ariko wamamaye ku Mbunga Nkoranyambaga nka "Buri Kantu" yunganiye uyu musirikare, maze abwira urubyiruko ati "Mu Rwanda, niba wumva wisubiza inyuma kubera ubwoko, you are wrong-uribeshya, niba kandi wibwira ko hari aho ubwoko buzakuzamua bukakugeza, nabwo uribeshya - you are wrong."

Aha, uyu musore w’icyamamare ku mbuga nkoranyambaga, yavuze ko we ubwe, yahatanye, akagera ku iterambere afite, kuko agira ati "Iki ni igihugu giha buri wese amahirwe, igihe yakurikiye neza ibyo yiga, akabigiramo ubumenyi. Ni yo mpamvu na hano mwabonye dukomera amashyo Afande waduhaye ikiganiro."

Uyu musore, yunganiwe na mugenzi we Iradufasha Alain na we uba ku mbuga nkoranyambaga yiyita "buri Nguni".

Yagize ati "Jyewe na Buri Kantu twishyize hamwe, none ubu ni byo biduteje imbere, kandi twishyize hamwe nta rwikekwe na rumwe dufite, ubu ni byo byatuzamuye. Mwubake ubumwe."

Madame Jeannette Kagame ni we wari umushyitsi mukuru muri iri huriro, akaba yasabye urubyiruko kudahora bibaza ngo "Aha teahageze gute", ahubwo bagire bati "Aha twahava gute"?

Abandi bitabiriye Ihuriro Igihango cy’Urungano ni urubyiruko ruri mu kazi, urubyiruko rwo mu Mashuri Makuru na za Kaminuza; urubyiruko rwo mu miryango ishamikiye ku madini n’amatorero n’urubyiruko rwo mu mitwe ya politiki yemewe mu Rwanda.

Hari kandi ba rwiyemezamirimo b’urubyiruko, abahanzi, abakora siporo zitandukanye, urubyiruko rw’abafite ubumuga; urubyiruko ruba cyangwa rwiga mu mahanga ruri mu Rwanda; abayobozi bagize imiryango y’abarokotse Jenoside yakorewe Abatutsi; abakoresha imbuga nkoranyambaga n’abandi.

Iri huriro ryanitabiriwe na Madamu Jeannette Kagame hamwe na Ministiri w’Ubumwe bw’abanyarwanda n’Inshingano Mboneragihugu Dr Bizimana Jean Damascene.

Muri iri huriro urubyiruko rwahawe ikiganiro na Ministiri Dr Bizimana ku mateka mabi yaranze ubutegetsi bw’abayoboye u Rwanda bukageza kuri Jenoside, n’ingaruka zayo.

Minisitiri Dr Bizimana yavuze ko Leta ya Kayibanda na Habyarimana Juvenal zaranzwe n’amacakubiri ndetse batanga itegeko ko abahutu bemerewe imyanya myinshi mu mashuri abahutu bemererwa imyanya igera kuri 80% naho Abatutsi bemererwa imyanya 20 gusa abatwa bo ntacyo bari bemerewe.

Minisitiri Bizimana yavuze ko iryo vangura ryagejeje ku gukorera Jenoside Abatutsi kubera inyigisho mbi z’amacakubiri zakomeje gukwirakwiza urwango rurakura.

Minisitiri yavuze ko Jenoside yabanjirijwe no kumenesha Abatutsi kugeza bahinduka impunzi mu bihugu bitandukanye.

Umusanzu w’ibihugu icumi bya mbere mu butumwa bw’amahoro bwa LONI mu ntangiriro za 2025

Ibi bigaragaza uruhare rukomeye rw’u Rwanda mu kubungabunga amahoro n’umutekano ku rwego mpuzamahanga, aho rufatwa nk’umwe mu bafatanyabikorwa bakomeye muri Afurika no ku Isi hose.

Uyu mwanya u Rwanda rufite ushingiye ku mateka yarwo, by’umwihariko nyuma ya Jenoside yakorewe Abatutsi mu 1994.

Nyuma y’ayo mateka ashaririye, u Rwanda rwahisemo inzira y’ubumwe, amahoro n’iterambere, rushyira imbere umusanzu waryo mu bikorwa byo kugarura no kubungabunga amahoro hirya no hino ku Isi, binyuze mu bufatanye n’Umuryango w’Abibumbye.

U Rwanda rushimirwa ku rwego mpuzamahanga kubera ubunyamwuga n’imyitozo ikomeye y’ingabo n’abapolisi barwo, bituma bashobora gukora neza mu butumwa bugoye, cyane cyane mu kurinda abasivili no kugarura ituze mu bice byibasirwa n’intambara.

Icyizere mpuzamahanga gikomeje kwiyongera uko imyaka ishira, bitewe n’imyitwarire myiza n’ubushobozi bwo gukorana n’abaturage mu kubaka amahoro arambye.

Uko u Rwanda rushimirwa mu butumwa bw’amahoro

Mu mvugo ye yagiye ishingirwaho kenshi n’inyigo za United Nations, umwe mu bayobozi bayo mu butumwa bw’amahoro yavuze ko ingabo n’abapolisi b’u Rwanda “bagaragaza ubunyamwuga bukomeye, disipuline n’ubushobozi bwo kurinda abasivili mu bihe bigoye.” Ibi bikunze kugaragara muri raporo za UN zishimangira uruhare rw’u Rwanda mu kubungabunga amahoro.

Ku ruhande rw’Umuryamgo w’Ubumwe bwa Afurika, abayobozi bagiye bagaragaza ko u Rwanda ari “umufatanyabikorwa w’ingenzi mu bikorwa byo kubaka amahoro muri Afurika,” cyane cyane kubera uburyo rugaragaza ubwitange, imyitozo ihambaye n’ubushobozi bwo gukorana n’abaturage bo mu bice byugarijwe n’umutekano muke.

Imirimo y’ingabo n’abapolisi b’u Rwanda mu butumwa bw’amahoro

Mu butumwa bw’amahoro, abasirikare n’abapolisi b’u Rwanda bakora imirimo itandukanye igamije kurinda ubuzima n’umutekano w’abaturage. Harimo kurinda abasivili mu duce turimo umutekano muke, gukora irondo no kurinda umutekano w’imijyi n’inkambi z’impunzi, ndetse no kurinda ibikorwa remezo by’ingenzi nk’imihanda, ibiraro n’ibigo bya leta cyangwa ibya Loni.

Bakora kandi ibikorwa by’ubufasha bw’ibanze n’ubutabazi, bagafasha abaturage kubona ubuvuzi n’inkunga yihutirwa igihe bikenewe. Uretse ibyo, bagira uruhare mu kubaka icyizere hagati y’impande zishyamiranye binyuze mu gukorana n’abaturage no gufasha mu ishyirwa mu bikorwa ry’amasezerano y’amahoro.

Mu bihugu byakiriwemo ingabo z’u Rwanda, harimo nka Repubulika ya Santarafurika, aho abaturage bagiye bagaragaza ko hari aho umutekano wagarutse kubera ibikorwa by’ingabo z’u Rwanda, cyane cyane mu kurinda abaturage no gufasha kugarura ibikorwa by’ubuzima bwa buri munsi.

Uruhare rw’u Rwanda rushimangira ko amahoro atari inshingano z’igihugu kimwe gusa, ahubwo ari intego rusange y’Isi yose. U Rwanda rukomeje kugaragaza ko ubwitange, imyitozo ihambaye n’ubufatanye mpuzamahanga ari ingenzi mu kubaka isi itekanye kurushaho.

Tariki 29 Gicurasi buri mwaka, Isi yizihiza Umunsi Mpuzamahanga w’Umuryango w’Abibumbye (UN) wahariwe ababungabunga amahoro, igikorwa kiba kigamije guha agaciro abitangira kubungabunga amahoro, harimo n’ababurira ubuzima muri izo nshingano.

Ibirori byo kwizihiza isabukuru y’abakora mu butumwa bw’amahoro, Repubulika ya Santarafurika

Abasirikare b’u Rwanda bari mu butumwa bwo kubungabunga amahoro i Bria, muri Repubulika ya Santarafurika (RWABG VIII na Rwanda Level 2+ Hospital), ejo nabo bifatanyije n’abandi basirikare baturuka mu bihugu bitandukanye bakorera muri MINUSCA mu kwizihiza uyu munsi.

Iki gikorwa cyari kigamije guha icyubahiro ubwitange n’umuhati by’abasirikare bitangira kurinda abasivile, ndetse no kunamira bagenzi babo babuze ubuzima mu bikorwa byo kubungabunga amahoro.

Mu bikorwa byari biteganyijwe kuri gahunda y’uwo munsi, harimo akarasisi ka gisirikare ndetse n’itangwa ry’ibihembo ku makipe y’abagabo n’abagore yitabiriye amarushanwa ya siporo, yari yateguwe mu rwego rwo kwizihiza uyu munsi.

Ikipe y’abagabo ya Volleyball y’Ingabo z’u Rwanda (Battle Group), ni yo yegukanye igikombe nyuma yo gutsinda iya Cambodia Engineering amaseti 3 ku busa, nk’uko byatangajwe ku rubuga rwa X rwa Minisiteri y’Ingabo z’u Rwanda.

Kuri uyu munsi kandi, igikorwa nk’iki cyabereye muri Sudani y’Epfo mu murwa mukuru, Juba.

Kwitabira kugura izo mpapuro mpeshamwenda byatangiye ku wa 15 Kamena 2026 bikazarangira ku wa 17 Kamena 2026, aho abashoramari bose babyifuza bazaba bemerewe gutanga ubusabe bwo kugura izi mpapuro.

Izi mpapuro mpeshamwenda ni uburyo Leta ikoresha ikusanya amafaranga yo gushyigikira imishinga y’iterambere, kandi zitanga inyungu ku bashoramari mu gihe kirekire.

Izi mpapuro zije ziyongera ku zari zaratanzwe muri mata 2025, bikaba ari amahirwe ku bashoramari bashya cyangwa abifuza kongera ishoramari ryabo binyuze muri izi mpapuro.

BNR irahamagarira abashoramari n’ibigo bitandukanye kudacikwa n’aya mahirwe, kuko ari uburyo bwizewe bwo gushora imari mu mpapuro mpeshwamwenda za Leta, zifite umutekano kandi zitanga inyungu ihamye.

Abifuza ibisobanuro birambuye bashobora gusura urubuga rwa Banki Nkuru y’u Rwanda cyangwa bakegera ibigo by’imari bibafasha gushora imari.

Leta y’u Rwanda yatangiye gahunda yo gushaka amikoro binyuze mu mpapuro mpeshamwenda mu 2008.

Ubwitabire bwo kugura impapuro mpeshamwenda bugenda buzamuka umunsi ku wundi, kuko nko mu mwaka w’ingengo y’imari wa 2023/2024, impuzandengo y’igipimo cyo kwiyandikisha mu kugura impapuro mpeshamwenda yageze ku 154%.

Kabuga, yapfuye akiri muri gereza y’Urukiko Mpuzamahanga Mpanabyaha ruri i Lahe mu Buholandi, atari uko yagombaga kuba agifunze.

Uru rukiko rwari rwaranzuye ko uburwayi yari afite butamuhaga ubushobozi bwo kuburana, bityo uyu mugabo wihishe ubutabera imyaka ikabakaba mirongo itatu agenda gutyo, nta buryozwe.

Icyakora, muri Kamena 2023, Umushinjacyaha Mukuru w’uru rukiko, Serge Brammertz ubwo yasuraga u Rwanda, yauze ko Urukiko rwasabye abunganira Kabuga gushaka igihugu cyazamwakira akava muri Gereza, ariko kirabura.

Brammertz yari yavuze ko Kabuga nta bundi buryo yava muri iriya Gereza, kereka habonetse Igihugu kimwakira.

Nta kindi Gihugu cyari cyaremeye kwakira Kabuga, uretse Igihugu cyamubyaye, u Rwanda, kuko rwanashakaga ko aburanira aho ashinjwa gukorera ibyaha. Gusa, Kabuga n’abamwunganira bakomeje kubyanga.

Muri iyo minsi, Ubuholandi ubwabwo bwavugaga ko butiteguye kumwakira, ko bwakwihanganira gusa ko aba muri iki gihugu kuko ari muri Gereza y’Urukiko, ariko ko mu buzima busanzwe butakwemera kumwakira.

Ubufaransa, Igihugu Kabuga yafatiwemo muri Gicurasi 2020, na bwo bwahakanye ko butazamwakira, dore ko ngo yari anahari ku buryo butemewe n’amategeko kuko yakoreshaga inyandiko mpimbano.

None ntibyamera nk’ibyabaye kuri Zigiranyirazo?

Hashize hafi ibyumweru bibiri Kabuga yitabye Imana. Umuryango w’abo bafitanye igihango cyo guhana inka n’abageni w’uwahoze ari Perezida Habyarimana Juvenal urakibuka ikibazo wahuye nacyo gikomeye.

Uyu muryango, muri Kanama 2025, wapfushije umuntu w’ingenzi, Protais Zigiranyirazo, musaza wa Agathe Kanziga, umugore wa Habyarimana

Nyuma y’urupfu rwe mu ntangiriro za Kanama, umuryango wasabye uruhushya rwo kumushyingura mu Bufaransa, ariko, ubwo bajyaga kumushyingura I Orleans aho mushiki we, umugore wa Perezida Habyarimana atuye, Meya w’umujyi ahindura icyemezo kibemerera gushyingura mu irimbi rusange.

Iki cyemezo yagifashe avuga ko yamenye uruhare rwa Zigiranyirazo rukomeye rutaziguye yagize muri Jenoside yakorewe Abatutsi.

Yagize ati “Ishyingurwa rye rishobora guteza akaduruvayo, ndetse imva ye ikaba yahinduka ahantu abakoze Jenoside n’ibyitso byabo baza kwishongorera.”

Mayor wa Orleans akimara guhagarika ishyingurwa ry’uyu mugabo wahoze ari Perefe wa Ruhengeri bitaga kandi Prince du Nord, cyangwa Igikomangoma cyo mu Majyaruguru, akaba no mu bateguye bagashyira mu bikorwa Jenoside yakorewe abatutsi, abandi bayobozi na bo bahise bafata umwanzuro.

Musenyeri wa Kiriziya Gatolika muri Orleans, na we yavuze ko nta Misa agomba gusomerwa muri Orleans, ariko avuga ko “kumusengera ababishaka bamusengera kugira ngo ahari atazajya mu muriro.”

Ibyo byanze, umuryango wa Agata Habyarimana wagiye gushakishiriza mu mujyi wa Saran, kugira ngo barebe ko bashyingura mu irimbi ryaho rya Ifs, ariko na ho Meya arabangira.

Ubwo kandi ni ko bagiye mu rukiko kurega Meya wa Orleans, ariko urukiko rushimangira icyemezo cy’uko Monsieur Z atemerewe gushyingurwa mu irimbi rusange rya Orleans.

Nyuma yo kugerageza bikanga, mu ntangiriro z’Ukwakira 2025, umuryango wafashe umwanzuro wo gutwika umurambo wa Zigiranyirazo.

Amakuru avuga ko uwo murambo watwikiwe ahantu h’ibanga (il aurait finalement été incinéré dans un lieu secret), agaherekezwa n’abantu bane cyangwa batanu bo mu muryango we.

Mu mwaka w’ingengo y’imari ushize, amafaranga y’imisoro yakusanyijwe n’u Rwanda yiyongereyeho hejuru ya 34%.

Ku basomyi benshi, uwo mubare ushobora gusa nk’umubare usanzwe — indi mibare iba yihishe mu nyandiko z’ingengo y’imari n’imbonerahamwe z’ibaruramari. Ariko ku bahanga mu bukungu no ku bashyiraho politiki, uwo mubare uvuga inkuru ikomeye cyane ku buryo isano hagati ya Leta y’u Rwanda n’ubukungu bw’igihugu iri guhinduka.

Mu mwaka wari wabanje, u Rwanda rwari rwarakusanyije Amafaranga y’u Rwanda arenga Miliyari ibihumbi bibiri n’igice y’imisoro. Hanyuma, mu mwaka w’ingengo y’imari wa 2024/25, abategura imari ya Leta bishyiriyeho intego ikomeye: gukusanya hafi Miliyari ibihumbi bitatu by’Amafaranga y’u Rwanda.

Ariko umwaka urangira, amafaranga yakusanyijwe aba arenze kure ayo bari biteze.

Nk’uko bigaragara mu nyandiko z’imari za Leta zasuzumwe kandi zagenzuwe, imibare rusange yerekana ko imisoro yose yinjiye yarenze Miliyari ibihumbi 3.4 Frw.

Mu buryo bworoshye, u Rwanda ntirwakusanyije gusa amafaranga menshi kurusha ayo rwari rwakusanyije mu mwaka wabanje. Rwanakusanyije amafaranga menshi cyane kurusha ayo rwari rwihaye nk’intego.

Aya makuru arasobanura iki?

Akenshi, za guverinoma zishyiraho intego z’imisoro igihe zitegura ingengo y’imari. Hari izitazigeraho, izindi zikazigeraho ku buryo bugoranye. Ariko kurenza intego hafi 8%, kandi hakanabaho izamuka ry’amasoko y’imisoro rirenga kimwe cya gatatu ugereranyije n’umwaka wabanje, ni ibintu bidasanzwe.

Kugira ngo umuntu abyumve neza, tekereza umucuruzi wagize inyungu ya miliyoni 2.5 Frw umwaka ushize. Mu ntangiriro z’umwaka ukurikiyeho, akibwira ati: "Ibintu nibigenda neza, nshobora kugera kuri Miliyoni 3 Frw.” Ariko umwaka warangira, amafaranga yinjije akaba miliyoni 3.24 Frw.

Ibyo byaba bisobanuye ibintu bibiri byabereye icyarimwe:amafaranga ye yiyongereye cyane ugereranyije n’umwaka wabanje, kandi yanarengeje ibyo we ubwe yari yiteze. Urebye, ibyo ni byo imibare mishya y’u Rwanda yerekana.

Raporo z’Umugenzuzi Mukuru w’Imari ya Leta zigaragaza ko iri zamuka ritabaye ku bw’impanuka. Mu myaka ishize, u Rwanda rwihutiye kuvugurura uburyo amafaranga ya Leta akusanywa kandi akurikiranwa.

Sisiteme z’ikoranabuhanga zikoreshwa mu misoro zaragutse. Gutanga raporo z’imari byarushijeho gushyirwa hamwe. Ibihumbi by’inzego za Leta — kuva ku mashuri kugeza ku bitaro no ku buyobozi bw’inzego z’ibanze — byinjijwe muri sisiteme z’ikoranabuhanga zicunga imari.

Muri icyo gihe kandi, Guverinoma yakomeje kwagura ubukungu, yinjiza ubucuruzi bwinshi n’abakozi benshi muri gahunda zishyura imisoro.

Umusaruro uragaragarira mu mibare.

Nk’uko raporo z’igenzura zibigaragaza, umutungo w’imbere mu gihugu ubu ugize hafi 65% by’ingengo y’imari ya Leta, mu gihe inkunga z’amahanga n’andi mafaranga ava hanze bingana na 35%.

Ku gihugu imyaka yo kongera kwiyubaka nyuma ya Jenoside yakorewe Abatutsi yaranzwe cyane n’inkunga z’abaterankunga, izi mpinduka zifite igisobanuro gikomeye muri politiki.

Zigaragaza intego y’igihe kirekire abayobozi b’u Rwanda badakunze guhisha: kubaka Leta ishobora gutera inkunga byinshi mu bikorwa by’iterambere ryayo ikoresheje ubushobozi bw’imbere mu gihugu.

Iyo ntego irushaho kuba iyihutirwa mu gihe amafaranga Leta ikoresha agenda yiyongera cyane.

U Rwanda ubu rurimo gutera inkunga imishinga minini y’ibikorwa remezo, kubaka ikibuga cy’indege, kwagura imihanda, gushora imari mu ngufu, kuvugurura uburezi no guteza imbere sisiteme z’ikoranabuhanga. Ingengo y’imari y’umwaka wa 2025/26 yarenze Miliyari ibihumbi 7 Frw bwa mbere mu mateka.

Izo ntego zisaba amafaranga menshi ku buryo inkunga z’abaterankunga zonyine zitagihagije.

Aha rero, uku kwiyongera kw’imisoro kuzana n’izindi ngingo zitoroshye.

Ese iri zamuka rishobora gukomeza ritagize igitutu gikabije ku bucuruzi no ku ngo? Gukaza ikusanywa ry’imisoro, izamuka ry’ibiciro risiga umucuruzi cyangwa Umunyarwanda muri rusange uko yari ari? Ese amafaranga ava imbere mu gihugu ashobora gukomeza kwiyongera ku muvuduko uhagije kugira ngo ashyigikire gahunda za Leta zo gukomeza kongera amafaranga ikoresha?

Nubwo habayeho umusaruro mwiza, u Rwanda rwakomeje kugira icyuho gikomeye hagati y’amafaranga yinjira n’asohoka, kandi umwenda wa Leta ukomeje kwiyongera bitewe n’ishoramari rinini mu bikorwa remezo.

Ariko uko byagenda kose, icyerekezo rusange kiragenda kirushaho kugaragara.

Raporo nshya z’igenzura yerekana ko Leta irushaho gushyira imbaraga mu bipimo, mu kubazwa inshingano no mu kwishakamo ubushobozi bwo kwiyubaka. Kuva ku iyandikisha ry’umutungo kugeza kuri sisiteme z’ibaruramari zikoresha ikoranabuhanga no kunoza ikusanywa ry’imisoro, Leta irubaka inzego zigamije ejo hazaza aho u Rwanda ruzashingikiriza ku nkunga z’amahanga ku rugero ruto rushoboka, igakomeza kwishingikiriza ku mbaraga z’ubukungu bw’Igihugu.

Icyakora, kugeza ubu ntabwo tuzi niba uyu muvuduko uzakomeza, gusa icyo tuzi ni uko umubare umwe uri mu nyandiko z’imari ya Leta werekana neza uburemere bw’izi mpinduka: izamuka rirenga 34% ry’imisoro mu mwaka umwe.

Birashoboka cyane ko Umuryango wa Afurika Yunze Ubumwe (AU) uzategereza n’amatsiko kureba ibitabo by’imari bya Guverinoma muri uku kwezi kwa Kamena, ubwo hazatangazwa Ingengo y’Imari y’Umwaka tugiye kwinjiramo.

Banki ya NCBA ku bufatanye na Longtai bamuritse ku mugaragaro imodoka za DONGFENG mu birori byabereye muri Camp Kigali.

Izi modoka zikoresha amashanyarazi zije guteza imbere ubwikorezi bubungabunga ibidukikije mu Rwanda.

Abakiriya ba NCBA bazajya bahaha izi modoka banyuze mu ishami ribishinzwe rya NCBA Asset Finance.

Amb. Jean Pierre Karabaranga wigeze kuba umuyobozi mukuru muri Minisiteri ya Siporo aherutse gutanga ubuhamya bw’umusore wabuze amahirwe ye yo gukinira igihugu cye, cyangwa se n’ikindi gihugu, nuko umupira we ukarangirira mu buhezanguni bw’uwamubyaye.

Yagize ati "Kera mu Buholandi, Federasiyo y’umupira w’amaguru mu Rwanda yigeze kudusaba ngo tuyishakire Abanyarwanda bashobora kuba bazi umupira. Twaje kubashaka tubonamo umwana w’umuhanga cyane, ku buryo n’Ikipe y’Igihugu y’Ubuholandi yamushakaga."

Aha ngaha yongeraho ati "Twarumvikanye, yemera gukinira ikipe y’Igihugu, ndetse aza kuri Ambasade, tumukorera ibyangombwa, tumutegera indege ngo aze, icyo gihe umuyobozi wa FERWAFA yari Degaulles, naho Minisitiri wa Siporo yari Uwacu Julienne."

Icyatangaje Karabaranga nuko agira ati "Ku mugoroba yagombaga kugera mu Rwanda, hano i Kigali baramutegereje baramubura, baraduhamagara bati ’umwana ko ataje?’ nuko turabikurikirana ngo tumenye ngo uriya mwana w’umuhanga, yagiye he?"

Baje kumushaka, maze bamugeraho, bamubaza ibyamubayeho, nuko arababwira ati "Jyewe mama yarambwiye ati; uramutse ugiye gukinira ikipe y’Igihugu kiyobowe na ziriya Nyenzi, ntabwo nkiri nyoko, nta n’ubwo uzongera kumvugisha."

Aya magambo akurikira, Karabaranga yayavuze amasonza amubunga mu maso, maze agira ati "Uwo mwana yari umuhanga, ariko yahise ahagarika gukina umupira. No gukinira Ubuholandi yarabyanze, kubera ingengabitekerezo ya nyina."

Yavuze ko hari abantu bumva bashobora gukomeza ingengabitekerezo ya Jenoside, bakayivuga ku mugaragaro, ku mbuga nkoranyambaga, no nama muri za Kaminuza z’amahanga bakabivuga, ariko nta muntu ubahana.

Aha rero avuga ko hakenewe ingamba zatuma abantu aho baba bari hose bamenya ko ingengabitekerezo ya Jenoside atari ikintu gikinishwa.

Ibi biravugwa mu gihe Umujyi wa Kigali watangaje ko u Rwanda ruzizihiza Umunsi Mpuzamahanga wahariwe Amagare, nyuma yo guhabwa igihembo cya ‘UCI Bike City Label’, igikorwa kizabera muri Nyandungu Eco Park, kuri uyu wa Gatanu tariki ya 29 Gicurasi.

Ruhumuriza Abraham, umwe mu bakanyujijeho mu gutwara igare ndetse wanitabiriye ‘Tour du Rwanda’, akaba ubu ari mu bafasha abakiri bato bari muri uyu mwuga, avuga ko kwizihiza umunsi w’amagare bifite agaciro ku Rwanda.

Agira ati “Kuri njyewe kwizihiza uyu munsi w’igare bisobanuye aho ryavuye n’aho rigeze mu Rwanda, kandi harashimishije kuko habaye hadashimishije nta n’uwabyibuka. Ibi biri mu bituma n’abana babyiruka bakura biyumvamo igare, bumva bazaritwara nk’abanyamwuga, ni ukuvuga ngo iyo ikintu kirimo kuvugwa ni bwo kinamenyekana. Ni iby’agaciro rero kwizihiza uyu munsi”.

Ati “Ngira ngo murabizi ko iyo umuntu yumvise izina Ruhumuriza yumva igare. Iyo igare rero rikomeje kuvugwa biranshimisha cyane, kuko mba numva ko ibyo nabayemo, tunasabwa guteza imbere umukino w’amagare bigenda bigera ku ntego. Kuba noneho mu Rwanda harabereye Shampiyona y’Isi y’Amagare, muri Afurika yose bikabera iwacu, bigaragaza agaciro duha uyu mukino, ahubwo uyu munsi tutawizihije sinumva icyo twaba turimo gukora. Ibi rero biranshimisha cyane nk’umuntu wabaye mu magare”.

Ruhumuriza ubu ni umutoza wungirije w’ikipe y’Igihugu y’amagare, akaba akorera i Musanze, aho akurikirana buri munsi iby’uyu mukino ukundwa na benshi mu Rwanda.

Ngendahayo Jérémie uri mu batwara amagare uyu munsi unitabira amarushanwa atandukanye, na we avuga ko ari ingenzi kwizihiza uyu munsi.

Ati “Kuba batekereje kwizihiza umunsi mpuzamahanga w’amagare, bigaragaza ko u Rwanda rubiha agaciro, kandi iyo wateguriye ikintu umunsi mukuru uba wacyubashye. Ni byiza rero, ariko byari kuba byiza kurushaho iyo batubwira nk’abakinnyi natwe tukazaba duhari, bakadutegurira nk’irushanwa rito rijyanye no kwizihiza uwo munsi, ibirori bigakomerezaho”.

Ngendahayo umaze imyaka irindwi mu mwuga wo gutwara amagare, yitabiriye Tour du Rwanda inshuro eshatu, ndetse n’andi marushanwa atandukanye yo hanze y’u Rwanda.

Igikorwa cyo kwizihiza umunsi mpuzamahanga w’igare kizahuza abakozi bo mu nzego zitandukanye za Leta, hamwe n’ab’Ishyirahamwe ry’umukino w’amagare mu Rwanda (FERWACY), muri gahunda isanzwe ya siporo, ikorwa ku wa Gatanu nyuma ya saa sita.

Ikizaba kigamijwe ni ukwizihiza umukino wo gusiganwa ku magare, ubwikorezi burambye, imibereho ishingiye ku buzima bwiza, ndetse n’icyubahiro Kigali igenda ihabwa ku rwego mpuzamahanga, nk’umujyi worohereza kandi ushyigikira ikoreshwa ry’amagare.

U Rwanda rwakiriye Shampiyona y’Isi y’Amagare 2025 (UCI Road World Championships) muri Nzeri 2025, i Kigali.

Ni amateka u Rwanda rwanditse kuko ari cyo gihugu cya mbere ku mugabane wa Afurika cyakiriye iri siganwa rikomeye mu mateka y’umukino w’amagare ku Isi, ibyumvikanisha ko ari bwo bwa mbere ryari rigeze kuri uyu mugabane.

Hari ku mugoroba wo kuwa 27 Gicurasi ubwo Umukuru w’Igihugu yari ageze muri BK Arena kureba umupira wahuje Ikipe ya RSSB-Tigers ihagarariye u Rwanda mu mikino ya BAL na Al Ahly yo mu Misiri.

President ✊🏽 pic.twitter.com/EWhrWv0LCv

— Rwanda Is Open 🇷🇼 (@RwandaisOpen) May 27, 2026

Ubwo Perezida Kagame yinjiraga, umufana wavugaga mu cyongereza yahatirije cyane, aravuga ati "mzee, ndagukunda cyane, mbabarira, mbabarira twifotoranye."

Perezida Kagame wumvise ukuntu umusore yatitirije, yasubiye inyuma gato, aramurembuza araza, ndetse n’abari bamukurikiye baboneraho bifotozanya n’Umukuru w’Igihugu.

Muri uyu mukino, RSSB Tigers yakoze amateka yo kugera ku mukino wa nyuma (Final) nyuma yo gutsinda Al Ahly yo mu Misiri ku manota 106-97.

Ikipe ya RSSB Tigers, izahura n’ikipe izarokoka hagati ya Petro de Luanda yo muri Angola ndetse na Al Ahly Benghazi yo muri Libya. Umukino wabo bombi uteganyijwe kuri uyu wa kane taliki ya 28 Gicurasi muri BK ARENA.

Uyu mukino, Perezida Kagame yawukurikiye yicaye hagati mu bafana benshi cyane bari buzuye BK Arena ijyamo abantu ibihumbi icumi.

Ni ibirori byaranzwe n’ibyishimo ndetse n’umunezero ku barangije amasomo ndetse n’abo mu miryango yabo. Abarangije amasomo banagaragarijemo ubumenyi bahakuye ndetse n’uko biteguye kuzuza inshingano biyemeje.

Perezida Paul Kagame n’abandi bayobozi batadukanye na bo bitabiriye ibi birori, byatangiwemo n’impanuro zireba cyane cyane abarangije amahugurwa, Abanyarwanda muri rusange, ndetse n’abandi bo mu nzego z’umutekano.

Reba amwe mu mafoto y’ingenzi yaranze ibyo birori:

Reba uko ibirori byagenze muri izi Videwo:

IGP Namuhoranye avuga ko ibishobora guhungabanya umutekano bigenda bihindura isura, cyane cyane hifashishwa ikoranabuhanga, gusa ngo Polisi na yo iri maso.

Agira ati “Polisi y’Igihugu na yo yashyize imbere uburyo bwo gucunga umutekano yifashishije ikoranabuhanga, cyane cyane hifashishijwe ubwenge buhangano (AI), ndetse n’urusobe rwa serivisi zihurijwe hamwe zitangwa mu buryo bw’ikoranabuhanga. Muri iki gihe, abajura bashaka kwiba banki ntibagikeneye kumena inzugi zayo, yemwe ntibakinakeneye kugera aho iyo banki yubatse. Gushyira rero abapolisi gusa ku miryango ya banki ngo tuyirinze ibisambo, ntibyabuza ko yibwa kuko ntibikiri ngombwa ko ibyaha bigendana n’ababikora”.

Ati “Gutegerereza umunyabyaha ku mupaka ntibihagije, kuko yohereza ibyaha we akisigarira iyo. Polisi y’u Rwanda izakomeza gushyira imbaraga mu kwiyubaka kugira ngo ihangane n’iryo hindagurika”.

Yungamo ko Polisi y’u Rwanda izakomeza gushyira imabaraga mu mahugurwa no kurushaho kunoza imikorere, na byo biganisha ku kurinda umutekano w’Abanyarwanda.

Ati “Twongeye gushimangira ko dukomeye ku ntego yo kurinda umutekano w’abaturarwanda n’ibyabo, kubaha serivisi inoze no kurangwa n’ubunyamwuga n’ubunyangamugayo”.

IGP Namuhoranye ibi yabigarutseho kuri uyu wa Gatatu tariki 27 Gicurasi 2026, ubwo yagezaga ijambo ku bitabiriye umuhango wo kwizihiza imyaka 25 Polisi y’u Rwanda imaze ivutse, ndetse no kwakira ba Ofisiye bashya 436 ba Polisi barangije amasomo, igikorwa cyabereye i Gishari mu Karere ka Rwamagana, cyitabiriwe na Perezida Paul Kagame, abayobozi batandukanye, inshuti n’imiryango y’abo bapolisi.

Umukuru w’Igihugu yari i Gishari mu Karere ka Rwamagana mu muhango wo kwizihiza isabukuru y’imyaka 25 Polisi imaze.

Aha, yashimiye ubunyamwuga Polisi ikorana akazi kayo, haba mu gihugu, haba ndetse no hanze y’imbibi zacyo, aho yagize ati "iyi sabukuru ni umwanya wo kwisuzuma, mugashimangira indangagaciro ziranga umwuga wanyu. Kuba abanyamwuga, ndetse no kwicisha bugufi ntacyo byabatwara."

Perezida Kagame yavuze ko izi ndangagaciro ari ngombwa mu gihe Abapolisi bakorera igihugu cyabo, kandi cya buri Munyarwanda.

Yagize ati "Ibi ni byo bizatuma icyizere Abanyarwanda babafitiye no gukomeza kubafasha bikomeza gushinga imizi."

Yifurije Aba Ofisiye bashya gukomeza kuzuza inshingano bafite haba uyu munsi n’ejo hazaza, ndetse ashimira imiryango yabo yabashyigikiye muri uru rugendo rw’amasomo bamazemo umwaka.

Perezida Kagame kandi, yavuze ko impinduka zihari, ikoranabuhanga rikoreshwa mu gukora ibyaha byerekana ko Polisi y’Igihugu igomba kujyana n’igihe kugira ngo ishobore guhangana n’ibibazo bishya bigenda bivuka.

Kuri uyu munsi mukuru w’Abayisilamu, Perezida Kagame yafashe umwanya na bo abifuriza umunsi mukuru mwiza.

Ni ibirori byabaye kuri uyu wa Gatatu tariki 27 Gicurasi 2026, byitabiriwe na Perezida wa Repubulika Paul Kagame, hamwe n’abandi bayobozi mu nzego zitandukanye z’Igihugu, bikaza gutangirwamo ipeti rya AIP ku bapolisi bamaze igihe bategurwa kugira ngo bazamurwe mu ntera mu cyiciro cya abofisiye bato muri Polisi y’u Rwanda.

Polisi y’u Rwanda imaze imyaka 25 ishinzwe, ikorana n’abaturage mu bufatanye butanga umutekano, ibiro byo kwizihiza iyo myaka bikaba byanitabiriwe n’abashyitsi baturutse mu bihugu by’inshuti barimo abayobozi ba Polisi bo mu bihugu bya Burkinafaso, Santrafurika, Eswatini, Gambia, Kenya, Lesotho, Liberia, Qatar na Seychelles. Abandi ni abayobozi bungirije ba Polisi barimo uwa Mozambique, Sudan, Uganda na Zimbabwe.

Abanyeshuri barangije amahugurwa bagize icyiciro cya 14, bayatangiye tariki 15 Nyakanga 2025, barimo abagabo 327 n’abakobwa 109, bagizwe n’abanyeshuri 124 barangije amasomo y’icyiciro cya kabiri cya Kaminuza mu mashami atandukanye mu ishuri rikuru rya Polisi riri i Musanze.
Ikindi kigizwe n’abanyeshuri 172 bari basanzwe ari abapolisi bato barimo Abanyarwanda 173 n’abandi 9 baturutse muri Seychelles.

Abandi ni 86 baturutse mu buzima bwa gisivili, n’abandi 50 barimo 30 b’Urwego rw’Igihugu rushinzwe iperereza n’Umutekano (NISS) na 20 b’Urwego rw’Igihugu rw’Ubugenzacyaha (RIB).

Harimo kandi abanyeshuri 4 bakoreye amahugurwa y’abofisiye bato mu bihugu bya Misiri na Singapole.

Mu gihe bamaze mu mahugurwa bize amasomo agamije kubongerera ubushobozi, imyitwarire n’imikorere ya kinyamwuga ku rwego rw’abofisiye bato muri polisi, bikazabafasha gukora neza akazi kabategereje.

Ni umunsi w’ibyishimo kuri Polisi yizihiza imyaka 25 imaze iha Abanyarwanda serivise zitandukanye zo kurinda umutekano wabo n’uw’ibyabo, kubayobora neza mu nzira banyuramo n’amaguru, n’imodoka, n’igare na moto cyangwa n’ibindi, bagenda mu kivunge cyangwa buri wese ku giti cye.

Mu myaka 25, Polisi yagendanye n’Abanyarwanda muri izo nshingano, igaragaza ubunyamwuga abantu bakunze, igaragaza ubumuntu bwakoze abantu ku mutima, igenda yiyubaka mu bikoresho, no mu gushyira mu bikorwa inshingano zayo.

Hari abayimazemo iyo myaka yose, baygiyemo ari bato, bayikuriramo none ubu ni abagabo, abagore batanga umusanzu ukomeye wo kubaka Igihugu.

Abandi nabo bagiye mu bihe bitandukanye, bahereza inda ya bukuru ababakurikiye.

Polisi yagendanye n’Abanyarwanda mu bibazo bikomeye bagendaga banyuramo, ikabayobora, ikabakosora, ikabumva, ikabatabara.

Mu gihe gikomeye cya COVID-19, polisi yakoze akazi gakomeye, ifasha abantu kubahiriza amabwiriza n’aho byaba bishaririye, kugira ngo ubuzima bukomeze, kandi koko bwarakomeje.

Polisi, ifatanyije n’ingabo z’u Rwanda, yatwaye ibendera ry’u Rwanda i mahanga, ituma u Rwanda rumenyekana mu bunyamwuga no kwita ku kiremwamuntu muri rusange.

Abapolisi ni ababyeyi barerera u Rwanda abana b’ejo hazaza, ni abavandimwe bita ku miryango baturukamo, ni inshuti nziza zizerwa n’abo bagendana, bakaba ndetse n’abaturanyi beza mu midugudu babarizwamo.

Abatembera mu bihugu binyuranye, bashima ubusirimu bwabo n’isuku iranga Abapolisi b’u Rwanda utasanga ahandi, ndetse n’umutima bakirana umuntu bafitanye gahunda, n’iyo baba bagomba kumuhana bikurikije amategeko.

Hari abahuye na Polisi y’u Rwanda ku buryo bwihariye, maze ibabera umugisha. Abo ni ababa mu nzu bubakiwe mu bikorwa bya Polisi, abubakiwe amashuri n’ibindi.

Muri ibi birori bya Yubile i Gishari, aba Ofisiye bashya 436 barinjizwa mu Cyiciro cy’aba Ofisiye bato.

Ni amatungo arimo Inka 1894 hamwe n’Ihene 1182 atangwamo ibigitambo mu Turere twose tw’Igihugu mu gihe cy’iminsi ine yagenewe ibitambo uhereye ku wa 27 Gicurasi.

Mufti w’u Rwanda Sheikh Musa Sindayigaya, avuga ko muri ayo matungo harimo atangwa n’abafatanyabikorwa, yose akazasaranganywa mu buryo bwiza mu gihugu hose.

Ati "Hagiye gukurikiraho gahunda yo kujya kubaga biriya bitambo, tuba twarasabye uburenganzira mu nzego zitandukanye, twaramenyesheje iyi gahunda. Ubu nicyo kigiye gukurikiraho, kandi biteguye neza ku buryo burimo ubuhuzabikorwa bwiza kugira ngo bisaranganywe kuko Uturere 30 twose gahunda yo kutugeramo irahari."

Bamwe mu bayisilamu bavuga ko umunsi nk’uyu ari umunsi iyo babaze batumira bagenzi babo, bagasangira ndetse bakanafasha abatishoboye kugira ngo hatagira ubura amafunguro, ariko kandi ngo baba barimo no kubahiriza itegeko ry’Imana.

Jamal Sibomana, avuga uyu ari umunsi wo gufatanya no gusangira n’inshuti n’abavandimwe.

Ati "N’abavandimwe bacu batari Abayisilamu twese uyu munsi mucyo Imana yaduhaye, uwabonye inyama agasangira n’umuturanyi we, ari uzihabwa ntabwo ari buzirye wenyine, ari n’uwabaze araha abaturanyi be n’abatishoboye."

Shadia Uwimana ati "Hari abakene muri twe baba badafite amafunguro, bikadufasha kuba twasangira, mbese biba ari ibyishimo kuko bitwibutsa urwibutso rwiza Intumwa y’Imana Ibrahim yadusigiye, y’uko tugomba kumvira Imana kuko ibyo iba idutegetse si uko iba itwanze, ahubwo aba ari byiza kuri twe."

Ubuyobozi bw’Umuryango w’Abayisilamu mu Rwanda, buvuga ko muri uyu mwaka Abayisilamu b’Abanyarwanda bashoboye kujya gukora mutambagiro mutagatifu (Hajj), ari 72 barimo 62 bagiye muri gahunda isanzwe y’uwo muryango yo gufasha Abanyarwanda kujya gukora umutambagiro mugatifu hamwe n’abandi 10 mu buryo bwihariye bw’abashyitsi b’umwami wa Arabia Saoudite.

Gahunda yo kwifotoza no gutanga amwe mu makuru akenewe

Mu minsi 100 gusa, Abatutsi barenga miliyoni imwe barishwe.

Nk’uko byanditswe mu igazeti y’amategeko y’u Rwanda, Rwanda Law Journal, mu nomero ya Werurwe 2026, indangamuntu “yari, kuri bamwe, nk’urwandiko rubacira urwo gupfa.”

Uyu munsi, u Rwanda ruri kugerageza ikintu ibindi bihugu byanyuze muri Jenoside bitigeze bigeraho ku rugero rungana gutya: kubaka gahunda y’indangamuntu y’ikoranabuhanga ishingiye ku bwiru bw’amakuru no ku ruhushya rwa nyirayo nk’inkingi ya mbere yo kurinda ko amateka mabi yakwisubiramo.

Ariko mbere y’ibyo, leta iri gukusanya amakuru y’abaturage hafi ya bose. Mu buryo bugari kandi buteguye neza.

Igikorwa Kinini cyo Gukusanya Amakuru

Mu Rwanda hose ubu hari igikorwa kinini kiri kuba. Abaturage bari gufotorwa, bafatwa ibikumwe ndetse hanafatwa amashusho y’amaso yabo (iris scans).

Abana bahabwa indangamuntu yabo ya mbere y’ikoranabuhanga bakivuka — ifoto y’isura yabo igafatwa kuva ku myaka ine. Bagejeje ku myaka itanu, hafatwa ibikumwe byabo n’amakuru y’amaso yabo. Ku myaka cumi n’itandatu, bongera kuvugururirwa amakuru y’ibinyabuzima (biometrics) ndetse bagatanga umukono w’ikoranabuhanga.

Leta ntihisha ibi bikorwa. Ibyapa byo kwamamaza biri hirya no hino muri Kigali byerekana aho kwiyandikisha bikorerwa. Abayobozi basura imidugudu bafite ibikoresho byabugenewe byimukanwa. Ubutumwa buroroshye: buri wese agomba kwiyandikisha.

Ku baturage bibuka igihe indangamuntu yashoboraga gutuma umuntu yicwa, uru rugero rwo gukusanya amakuru rushobora gutera impungenge. Ariko abateguye iyi gahunda nshya bavuga ko ikibazo atari ugukusanya amakuru menshi — ahubwo ikibazo cyabaye mu 1994 ari uko ayo makuru yashoboraga kugerwaho no gukoreshwa nabi nta nkomyi.

Urwego rwo Kugenzura Amakuru

Indangamuntu nshya y’ikoranabuhanga, Single Digital ID (SDID), izanye ikintu indangamuntu yo hambere itigeze igira: uburyo bwo gusaba uruhushya mbere y’uko umuntu cyangwa ikigo icyo ari cyo cyose kibona amakuru yawe.

Dore uko ikora. Amakuru yawe — amazina yose, ifoto, aderesi, nimero y’indangamuntu n’amakuru y’ibinyabuzima — abikwa muri “digital wallet” itekanye, kandi ni wowe wenyine ushobora gutanga uburenganzira bwo kuyageraho.

Iyo banki, ibitaro cyangwa n’akabyiniro bikeneye kubona indangamuntu yawe, ntibibona amakuru yose.

Ahubwo, sisiteme yabo isaba gusa amakuru yihariye ikeneye.

Uhita ubona ubutumwa kuri telefone yawe bugira buti: “Banki ya Kigali irasaba kubona amazina yawe, ifoto yawe na aderesi yawe. Uremeza cyangwa urabyanga?”

Ukanda wemeza. Ayo ni yo makuru yonyine babona. Nta yandi. Kandi ushobora gukuraho ubwo burenganzira igihe icyo ari cyo cyose.

Sisiteme yubakiye ku ihame ryo gukoresha amakuru make ashoboka — ihame rikomeye mu mategeko y’i Burayi ya GDPR kandi nk’uko Rwanda Law Journal ibivuga, rikaba ari ngombwa cyane mu kurengera uburenganzira bwa muntu mu bihugu byanyuze muri Jenoside. Gukusanya gusa ibikenewe. Gusangiza gusa ibyemejwe. Kubika gusa ibigikenewe.

Impamvu Ibi Bifite Akamaro

Inkuru ya Rwanda Law Journal yitwa “Minimisation of Sensitive Personal Ethnicity Data of a Population is Key in Transitional Justice” ivuga mu buryo butaziguye iti: “Gushyira amakuru y’ubwoko ku ndangamuntu binyuranyije mu buryo bweruye n’ihame ryo gukoresha amakuru make ashoboka kuko ayo makuru atari ngombwa kandi arenze ibikenewe.”

Indangamuntu ya kera y’u Rwanda yari irimo amakuru arenze urugero. Yari itwaye igihano cy’urupfu ku rupapuro rwa kabiri.

Indangamuntu nshya nta makuru y’ubwoko irimo na gato. Ariko ikirenze ibyo, iha abaturage ububasha ku makuru yabo bwite — ikintu hafi nta yindi gahunda y’indangamuntu y’igihugu ikora.

Mu bihugu byinshi, iyo werekanye indangamuntu yawe, umupolisi cyangwa umukozi ubireba abona amakuru yawe yose. Mu Rwanda, bazabona gusa ibyo wemeye ko babona.

Impungenge ziracyariho

Rwanda Law Journal inaburira ko “kwiyongera kw’imikoreshereze y’indangamuntu zishingiye ku makuru y’ibinyabuzima bizana impungenge nshya ku bwiru bw’amakuru, cyane cyane kubera amakuru ashobora guhuza ububikoshingiro bwinshi kandi bikaba byatuma abantu bakurikiranwa bikabije.”

Umutekano wa sisiteme uzaterwa rwose n’uburyo urwego rwo gutanga uruhushya ruzubahirizwa ndetse n’ubwisanzure bw’Urwego rushinzwe kurengera amakuru bwite.

Icyizere Cyimbitse

Ariko u Rwanda ruri gutanga indi nyigisho ndende: ko ikoranabuhanga ryubakiye ku kurengera ubwiru bw’amakuru no ku mahame y’uburenganzira bwa muntu rishobora kuramba kurusha abayobozi babi.

Sisiteme ifite uburyo bwo gukurikirana ibikorwa byose — igihe cyose umuntu arebye amakuru yawe, ushobora kubona uwabikoze, igihe yabikoreye n’impamvu yabyo. Ushobora guhita ukuraho uburenganzira bwose watanze. Kandi amategeko ateganya ibihano bikomeye ku babikoresha nabi.

Rwanda Law Journal isoza ivuga iti: “Kugabanya gukusanya no gukoresha amakuru y’ubwoko ni ingenzi mu rugendo rw’u Rwanda rwo kubaka ubutabera nyuma ya Jenoside. Urebye amateka y’igihugu, hakenewe ingamba zikomeye zo kwirinda ko abantu bapfa ubwoko, ivangura cyangwa ikoreshwa nabi ry’amakuru bwite.”

U Rwanda ubu ruri gukora igerageza nyaryo ryo kureba niba izo ngamba zishobora gukora ku rwego rw’igihugu cyose.

Umwanzuro

Leta iri gufotora, ifata ibikumwe kandi ikanafata amakuru y’amaso y’abaturage miliyoni nyinshi. Ibyo ubwabyo si bishya — ibihugu byinshi birabikora. Icyo u Rwanda rwongeyeho ni uko nyuma yo gukusanya ayo makuru yose, ruri gusubiza abaturage ububasha bwo kuyagenzura.

Ku gihugu aho indangamuntu yigeze gusobanura urupfu, icyo gikorwa cyo gusubiza abaturage ububasha ku makuru yabo si politiki gusa. Ni uburyo bwo gusubiza icyizere n’uburenganzira abaturage bambuwe.

Indangamuntu nshya y’ikoranabuhanga izakomeza gushyirwa mu bikorwa kugeza muri Kamena 2027. Nyuma yaho, indangamuntu za kera zizahagarikwa.

Ibyo biro bizafasha abakiliya bo mu Rwanda bakoresha Icyambu cya Dar es Salaam kubona serivisi zo kubanza gukurikirana no gusoresha imizigo yabo bari i Kigali, harimo n’ibikorwa byasabaga ko umuntu ajya ku cyambu imbonankubone. Kuri ubu, serivisi zirenga 90% zitangirwa ku Cyambu cya Dar es Salaam zamaze gushyirwa mu buryo bw’ikoranabuhanga.

Iyi gahunda igamije kugabanya igihe cyo gusohora no kwakira imizigo ku kigero kirenga 80% ugereranyije n’ibindi byambu byo mu karere, bikazakomeza gushyira Icyambu cya Dar es Salaam mu byambu bikora neza kandi byihuse muri Afurika mu rwego rw’ubucuruzi.

Aya masezerano yashyizweho umukono mu 2025 ateganyijwe gushyiwa mu bikorwa ku buryo bwuzuye mu mwaka w’ingengo y’imari wa 2026/27.

U Rwanda rumaze iminsi rugirana ibiganiro byimbitse na Tanzaniya, umuturanyi w’i Burasirazuba. Muri uku kwezi kwa Gatanu, Abakuru b’Ibihugu byombi bagirasuranye. Perezida Paul Kagame yagiriye uruzinduko muri Tanzaniya kuwa Gatatu Gicurasi uyu mwaka. Icyo gihe yagiranye ibiganiro mu muhezo na mugenzi wa Tanzaniya Samia Suluhu Hassan.

Perezida Samia na we aherutse mu Rwanda, aho yitabiriye inama yiga ku ngufu za Nikeleyeri kuwa 19 Gicurasi.

Mu kiganiro ku mateka cyateguwe n’Umuryango Unity Club kikaba cyarabaye mu mpera z’icyumweru gishize, Amb. Nkulikiyinka yavuze ko mu mabyiruka ye aho yavukiye mu Kiyovu, Umujyi wa Kigali, atahise amenya iby’ivangura.

Icyakora, ageze mu mwaka wa Gatanu w’Ayisumbuye, yatangiye kubona abana bamwe basigara inyuma muri gahunda zimwe na zimwe, yabaza, akabwirwa ko bahejwe kuko ari Abatutsi.

Bagiye muri Kaminuza y’u Rwanda i Butare, Nkulikiyinka yakomeje kubona iryo vangura, harimo n’irishingiye ku Karere.

Yagize ati "Ndibuka ko umunsi umwe bagombaga gutora umuyobozi w’ishuri - chef de classe, maze haza abasore baratubwira bati ’twebwe mureke ntitwiyamamaze, bariya tubihorere biyamamaze ntacyo bitwaye."

Icyo gihe ngo baramwumviye, ariko baza gusobanukirwa ko yashakaga kubuza Abanyenduga, n’abo mu bindi bice, kugira ngo batiyamamaza bagatorwa, kandi we yari muri gahunda yo kugira ngo ababuze, hatorwe bene wabo b’abakiga.

Yagize ati "Icyo gihe koko ntitwiyamamaje, nuko hatorwa abakiga kuko twe bari batugushije mu mutego ntitubimenye."

Nyuma ya Kaminuza y’u Rwanda, Nkulikiyinka yagiye kwiga mu Budage, na ho ahasanga amacakubiri, aho Abahutu n’Abatutsi ngo babaga babayeho mu dutsiko tutavugana.

Icyo gihe, ngo Abatutsi babagaho mu buzima bugoranye kuko batabaga baje kuri buruse ya Leta, ahubwo kwabaga ari ukwirwanaho.

Agarutse mu Rwanda, Nkulikiyinka yageze igihe cyo gushaka umugabo, nuko abwira ababyeyi be umushinga we, ndetse barawushima, ariko rubanda ruratangira rumujya mu matwi.

Agira ati "Barambwiye bati "umuntu nkawe wize, ni gute watinyuka gushaka umusore w’umututsi?"

Muri abo, harimo umugore witwa Thereza, icyo gihe ngo yahamagaye Nkulikiyinka, undi ajya kumwitaba, maze aramubwira ati "Ariko Christine, ubu koko ugiye gushaka Umututsi?"

Na we rero yaramushubije ati "Ubwiwe n’iki se ko ari Umututsi, nuko undi agira ati Hari Umuhutu wigeze ubona ureshya kuriya? Umva mbese uko kabaye!"

Aha rero, nyuma ngo Thereza yanaterefonnye iwabo wa Nkulikiyinka, arababwira ati "Ubwo koko mugiye kureka umwana asange Umututsi?"

Icyakora, ngo uwashakaga kwica ubukwe yasanze ababyeyi ba Nkulikiyinka basanzwe bazi uwari ugiye kuba umukwe wabo, maze babwira umwana bati "Nta kibazo mwikomereze gahunda zanyu."

Nkulikyinka yavuze rero yishimye ati "Jacques twabanye ubwo kugeza n’uyu munsi.", nuko abari aho bakoma amashyi y’ibyishimo.

Ubusanzwe Arafat ni ahantu h’ingenzi hafi ya Mecca muri Arabie Saoudite, ahari ikibaya cya Arafat (Plain of Arafat). Ni ho abajya gukora umutambagiro mutagatifu (Hajj) bahurira bakamara igihe basenga, basaba imbabazi no kwibuka Imana.

Iki gikorwa cyitwa Wuquf bi Arafah (guhagarara cyangwa kuba i Arafat), kikaba ari inkingi ikomeye cyane ya Hajj (umutambagiro mutagatifu).

Hari amagambo akunze kuvugwa agira ati: “Hajj ni Arafah”, bivuze ko kugera mu kibaya cya Arafat ari ingenzi cyane ku buryo utahageze umutambagiro mutagatifu (Hajj) we uba utuzuye.

Kuri uyu munsi (Arafat) abari mu mutambagiro mutagatifu (Hajj) baba bateraniye i Arafat kuva ku manywa kugeza izuba rirenze, basenga, basaba imbabazi, baca bugufi imbere y’Imana (Allah).

Mu myemerere ya Islamu, uyu munsi ufatwa nk’igihe cyiza cyane cyo gusaba imbabazi no gukora amasengesho yo gusaba (dua), kuko bivugwa ko ariwo umunsi Imana (Allah) ibabarira abantu benshi ibyaha ikabohoramo abantu benshi ku bihano.

Ku bayisilamu batagiye gukora umutambagiro mutagatifu (Hajj), umunsi wa Arafat ushimangirwa cyane no kwiyiriza ubusa (Sawm ya Arafah), gusenga no gusaba (dua), gusoma Qur’an, kwicuza no gusaba imbabazi.

Abayisilamu bemera ko kwiyiriza ku munsi wa Arafah bishobora kuba impamvu yo kubabarirwa ibyaha by’umwaka wabanje n’uwukurikiyeho (ibyaha byoroheje mu myemerere ya Islamu).

Nyuma ya Arafat, abakoze umutambagiro mutagatifu (Hajj) bajya gukora igikorwa cyo gutera amabuye (Ramy al-Jamarat) no gutamba igitambo, ari na byo bihurirana na Eid al-Adha ku bayisilamu bose.

Muri uyu mwaka umunsi wa Eid al-Adha uzizihizwa tariki 27 Gicurasi. Mu Rwanda Minisiteri y’Abakozi ba Leta n’Umurimo yatanze ikiruhuko.

Eid al-Adha, ni Umunsi Mukuru w’Igitambo wizihizwa hazirikanwa igihe Aburahamu yari agiye gutamba umwana we Ismail ho igitambo, ariko Imana ikamuha intama mu cyimbo cy’uwo mwana.

Ni umunsi wa gatatu w’umutambagiro mutagatifu uba watangiye tariki 8 ukamara iminsi itanu.

Ni umwe mu minsi mikuru yizihizwa cyane mu idini ya Islam kuko ari uwa kabiri nyuma ya Eid Fitir yizihizwa buri nyuma y’ukwezi kwa Ramadhan.

Uyu munsi ubanzirizwa n’isengesho rikorwa mu gitondo, rigakurikirwa n’igikorwa cyo kubaga amatungo atangwamo ibitambo hagamijwe gushyira mu bikorwa inkingi yo ‘gutamba’ imwe mu zigize ukwemera mu idini ya Islam.

Kuri uwo munsi Abayisilamu barangwa n’ibikorwa by’urukundo nko gusangira no gufasha abatishoboye.

Bitandukanye na Eid Fitir isengesho ryo kuri uwo munsi rikorwa nta muntu uragira icyo ashyira mu kanwa mu rwego rwo kuzuza iminsi 10 y’igisibo gikorwa muri uku kwezi (Dhul Hijjah ), ubundi bagatangira kurya no kunywa nyuma y’isengesho.

Ni inama y’abakozi ba Komisiyo y’Abakozi ba Leta. Ifatanyije na Minisiteri y’Abakozi ba Leta n’umurimo, ibyo bigo birimo gushaka uburyo bwo kunoza imikorere ya Leta.

Ku muntu wahembwaga amafaranga y’u Rwanda 500,000 ku kwezi, ibyo byasobanuraga kwakira inshingano z’ubuyobozi ku mafaranga y’inyongera angana na 25,000 gusa.

Mu nzego nyinshi za Leta, benshi babonaga ko uwo mubare utajyanye n’umurimo usabwa.

Icyo kibazo ubu cyahindutse cyane.

Mu iteka rishya rihindura ibigenerwa abakozi ba Leta ryashyizweho umukono na Minisitiri w’Intebe Dr. Justin Nsengiyumva, uwo muyobozi ubu azajya ahabwa amafaranga y’inshingano abarwa hakoreshejwe igipimo cya 1.050156 cy’umushahara we fatizo.

Aho guhabwa amafaranga 25,000, ayo mafaranga y’inshingano azagera hafi kuri 525,078, dukoresheje urugero rwavuzwe haruguru.

Iyo yongewe ku mushahara usanzwe, umushahara wose w’ukwezi w’uyu mukozi ushobora kurenga miliyoni imwe n’ibihumbi 25 by’amafaranga y’u Rwanda mbere yo gukurwaho imisoro n’izindi nyongera.

Mu by’ukuri, u Rwanda rwashyizeho bucece uburyo bushya bushobora gufatwa nk’umushahara wa kabiri ku bihumbi by’abayobozi bo muri serivisi za Leta.

Iri vugurura rikubiye mu Iteka rya Minisitiri w’Intebe No. 016/03 ryo mu 2026, kandi ku ikubitiro rishobora gusa nk’iry’ubuhanga bwo mu mategeko.

Ariko muri gahunda y’imiyoborere ya Leta y’u Rwanda itunganijwe cyane, iri hinduka riri mu mpinduka zikomeye zabaye mu mishahara mu myaka ishize.

Amategeko ya mbere yahaga abayobozi amafaranga y’inshingano angana na 5% by’umushahara wabo fatizo wa buri kwezi. Iteka rishya ryakuyeho burundu iyo ngingo maze risimbuza iyo mibare n’igipimo cya 1.050156.

Ku bafite imishahara yo hejuru, imibare iba ikomeye kurushaho.

Urugero, umuyobozi wahembwaga umushahara fatizo wa 800,000 mbere yahabwaga inyongera ya 40,000 gusa.

Mu buryo bushya, amafaranga y’inshingano azagera hafi kuri 840,125, bigatuma umushahara we wa buri kwezi ugera hafi kuri miliyoni 1.64 mbere yo kongeraho amafaranga y’urugendo n’ayo gutura.

Guverinoma ntiyigeze isobanura ku mugaragaro impamvu yahisemo icyo gipimo cya 1.050156 gifite imibare myinshi aho gukoresha umubare woroshye.

Ariko bishoboka ko uwo mubare wavuye mu isesengura ryimbitse ry’imari aho kuba icyemezo cya politiki cyafashwe uko bishakiye.

Iri vugurura ry’imishahara rije kandi nyuma y’igihe gito Leta ifashe icyemezo cyo gukuraho icyuho cy’amategeko cyari kimaze igihe gituma ibigo bimwe bya Leta bikorera mu rwego rwihariye bishyiraho uburyo bw’imishahara burenze urugero rwa serivisi za Leta rusanzwe.

Binyuze mu mpinduka zakozwe ku itegeko rya serivisi za Leta ryo mu 2020, Kigali yagabanyije cyane ubwisanzure bw’ibigo nk’inzego ngenzuramikorere n’ibigo bya Leta byihariye, ishimangira ko imishahara n’inyongera bizakomeza kugenzurwa ku rwego rwo hejuru binyuze muri Minisiteri y’Abakozi ba Leta na Komisiyo y’Abakozi ba Leta.

Iyo urebye ayo mavugurura yombi hamwe, bigaragaza ko Leta itari kongera imishahara gusa, ahubwo iri no guhindura uburyo ububasha bwo kugena imishahara buyoborwa muri Leta yose.

Ikigaragara neza ni uko Leta iri kongera gusobanura agaciro k’ubuyobozi muri serivisi za Leta.

Mu myaka ishize, Guverinoma y’u Rwanda yakomeje gushyira imbere imikorere myiza, gutanga umusaruro no gukurikiza amahame y’imiyoborere.

Abaminisitiri basinya imihigo. Abayobozi b’uturere basuzumwa hashingiwe ku ntego zigaragara. Ibigo bya Leta bikurikiranwa cyane kugira ngo haboneke accountability.

Ariko imishahara y’abayobozi ntiyajyanaga n’iyo filozofiya.

Uko ubukungu bw’u Rwanda bwagukaga, abakozi ba Leta bafite ubunararibonye bagiye basanga bahatana n’ibigo byigenga, imishinga iterwa inkunga n’abaterankunga ndetse n’imiryango mpuzamahanga itanga imishahara iri hejuru cyane ku bushobozi nk’ubwo.

Akazi k’ubuyobozi muri Leta kagiye karushaho kugorana.

Abayobozi bagendaga biyongerwaho inshingano nyinshi ariko badafite ibihembo bihagije.

Uburyo bushya bw’inyongera z’inshingano bugaragara nk’ubugamije guhindura iyo mikorere.

Iri vugurura kandi ryoroshya uburyo bwo kumenya abagenerwa ayo mafaranga.

Mbere, umuntu wagenerwaga ayo mafaranga byaterwaga n’imyanya y’akazi n’ibyiciro byihariye byari byarashyizweho.

Amategeko mashya ahubwo azareba umukozi wese wa Leta uyobora ku mugaragaro abandi bakozi bari ku rwego rumwe rw’umwuga mu rwego rwemewe rw’ikigo.

Ibyo bishobora gutuma abantu benshi bo muri minisiteri, uturere n’ibigo bya Leta bagenerwa ayo mafaranga, harimo abayobozi b’amashami, abahuzabikorwa, abayobozi b’ingeri zitandukanye n’abadirecteur.

Ikindi gikomeye ni uko iri teka rizatangira kubahirizwa risubira inyuma.

Nubwo ryashyizweho umukono ku wa 22 Gicurasi 2026, rizatangira kubahirizwa guhera ku wa 1 Mutarama 2025. Ibyo bivuze ko benshi mu bakozi bireba bafite uburenganzira bwo guhabwa amafaranga y’amezi 17 atarabishyuwe.

Ku muyobozi wahembwaga 500,000 ku kwezi, amafaranga y’ibirarane ashobora kurenga miliyoni 8.5 mbere yo gukurwaho amafaranga ateganywa n’amategeko. Abafite imishahara yo hejuru bashobora kubona amafaranga menshi kurushaho.

Ingaruka z’iri vugurura ku ngengo y’imari ya Leta zirakomeye, ariko Guverinoma y’u Rwanda isa n’iyizeye ko ishobora kubyishyura.

Igihugu cyakomeje kugira izamuka ry’ubukungu rihamye ndetse kikigaragaza nk’icyitegererezo mu miyoborere no guteganya ejo hazaza. Gushora amafaranga menshi mu bayobozi bishobora kuba biri mu ngamba rusange z’iterambere igihugu gifite.

Nubwo bimeze bityo, iri vugurura rishobora kugira ingaruka ku buryo ububasha n’ubumenyi bihabwa agaciro muri serivisi za Leta.

Abahanga badafite inshingano zo kuyobora — nk’abasesenguzi b’ubukungu, injeniyeri, abanyamategeko cyangwa abahanga mu ikoranabuhanga — bashobora kwisanga bahembwa make ugereranyije n’abayobozi bafite ububasha bwo kuyobora ariko badafite ubumenyi bwihariye bungana n’ubwabo.

Mu myaka ishize, kuba umuyobozi byasobanuraga gukora amasaha menshi, igitutu kinini no kongererwa amafaranga make cyane.

Politiki nshya yahinduye icyo kibazo mu buryo bwihuse cyane.

Kandi muri serivisi za Leta aho ubuyobozi bwigeze gufatwa nk’umutwaro kurusha inyungu, ubu Guverinoma yabugize umwe mu myanya y’akazi ihemba cyane muri Leta.

Umushinga wo kubungabunga ibishanga mu Mujyi wa Kigali

Mu itangazo ryashyizwe ahagaragara ku wa 25 Gicurasi 2026, S&P yavuze ko iki gipimo gishingiye ku mikorere ihamye y’ubukungu bw’u Rwanda, uburyo igihugu gikomeje gucunga neza umutungo wa Leta ndetse n’ingamba zo gukomeza iterambere.

Raporo igaragaza ko ubukungu bw’u Rwanda bwazamutse ku kigero cya 9.3% mu mwaka wa 2025, buvuye kuri 7.2% bwariho mu 2024. Iri zamuka ryatewe ahanini n’iterambere ryagaragaye mu buhinzi, inganda na serivisi.

Iki kigo giteganya ko mu 2026 izamuka ry’ubukungu rizagera hafi kuri 6.8%, bitewe n’ingaruka z’ibiciro by’ibikomoka kuri peteroli ku isoko mpuzamahanga ndetse n’ibibazo by’umutekano mu Burasirazuba bwo Hagati.

Gusa biteganyijwe ko hagati ya 2027 na 2029 ubukungu buzongera kuzamuka ku mpuzandengo ya 7.1%.6

Iri tangazo kandi rinagaruka ku mishinga minini igihugu gikomeje gushoramo imari, cyane cyane Ikibuga Mpuzamahanga cy’Indege cya Kigali kirimo kubakwa mu Bugesera; gifatwa nk’umushinga uzafasha kongera ubuhahirane, guteza imbere ubukerarugendo no kwagura ibikorwa by’ubucuruzi mu karere.

S&P yavuze kandi ko uburyo u Rwanda rwafashe imyenda y’amahanga butanga icyizere, kuko hafi 89% by’iyo myenda yatanzwe ku nyungu nto kandi ifite igihe kirekire cyo kwishyurwa.

Iki kigo kikavuga ko ibi byafashije igihugu gukomeza kugumana ubushobozi bwo kwishyura imyenda hadateje ikibazo ku bukungu.

Urugomero rw’amashanyarazi rwa Nyabarongo II

Nubwo raporo igaragaza ko ibibazo by’ubukungu ku rwego rw’isi ndetse n’amakimbirane ari mu Burasirazuba bwo Hagati bishobora kugira ingaruka ku biciro bya peteroli, ku ifaranga no ku bucuruzi, S&P yemeza ko u Rwanda rufite ubushobozi bwo guhangana n’izo ngaruka bitewe n’ingamba rwashyizeho zirimo kongera ibigega bya peteroli no gushaka ahandi igihugu cyavana ibikomoka kuri peteroli.

MINECOFIN yavuze ko iki cyemezo cya S&P gikomeza kugaragaza icyizere amahanga afitiye ubukungu bw’u Rwanda ndetse n’ubushobozi bwabwo bwo gukomeza gukurura ishoramari no guteza imbere ibikorwa by’ubucuruzi, serivisi no guhanga udushya.

Ibitaro bya Ruhengeri by’ejo hazaza

Minisitiri w’Uburinganire n’Iterambere ry’Umuryango, Uwimana Consolée

Yabitangarije mu nama Nyunguranabitekerezo ku Mateka ya Jenoside yakorewe Abatutsi n’Urugamba rwo kuyihagarika, yahuje abanyamuryango ba Unity Club Intwararumuri n’abandi batumirwa bagera kuri 500 tariki 22 Gicurasi 2026.

Minisitiri Uwimana yavuze ko Inkotanyi zitangiza urugamba rwo kubohora Igihugu yigaga mu mwaka wa Gatanu w’amashuri yisumbuye muri Lycée Notre-Dame de Cîteaux mu Mujyi wa Kigali.

Icyo gihe ngo haje umwuka mubi mu kigo yigagaho biba ngombwa ko abanyeshuri bimuka bakava mu icumbi bararagamo bajya kurara muri salle kuko ari ho Ababikira bumvaga bizeye umutekano.

Ati “Mu kigo cyacu icyo gihe ibintu by’amoko ntabwo byaharangwaga cyane ariko icyo gihe byaragaragaye kuko abantu benshi baritandukanyije, Abahutu n’Abatutsi bajya ukwabo ndetse ukumva bamwe bararanye ibyuma”.

Minisitiri Uwimana akomeza avuga ko icyo gihe Ababikira basabye abanyeshuri kugira ihumure bakomeza kwiga batekanye.

Amashuri yisumbuye yayarangije mu 1991 mu nkubiri y’amashyaka menshi hari imyitozo y’Interahamwe ndetse n’abakombozi ari ibintu bitoroshye. Mu 1992 yaje kubona akazi muri BACAR yari iyobowe n’umuvandimwe wa Bagosora.

Minisitiri Uwimana avuga ko icyo gihe byari byemewe kujya mu kazi wambaye ibirango by’ishyaka ubarizwamo, na we nk’umwe mu barwanashyaka ba MRND akagenda yakubiseho umudari ugaragaza ishyaka arimo.

Ati “Icyo gihe najyaga mu kazi nabikubisemo numvaga nshyigikiye na Papa kuko icyo gihe yari umudepite wa MRND”.

Mu mwaka wa 1993 yahise akora ubukwe kuko yarangije afite umukunzi. Icyo gihe yahise atwita ariko aza kugira ibyago mu kwezi kwa munani Se yarapfuye, bituma amashagaga yo kugaragaraga mu mashyaka agabanuka.

Mu 1994 urugamba rugeze mu mahina bari batuye muri Kabeza i Kigali, icyo gihe ahungira mu kigo cya Gisirikare i Kanombe, ajyanywe n’umujandarume bari baziranye, ku buryo amasasu yaraswaga yose yabaga ayumva amwe amuca hejuru yaka umuriro.

Ati “Aho inzirabwoba zinesherejwe twafashe inzira turahunga ndi kumwe n’umudamu w’inshuti yacu wa za Rubengera twiganye za Bugesera, ariko ubwo umugabo nari namusize Kabeza ndakomeza njya i Muhanga nyuma uwo mudamu aza kumbwira dukomeza tugana iwabo za Rubengera, tuza kumva bavuga ko abantu bari guhunga bagana i Rubavu”.

Icyo gihe bafashe icyemezo bahungira i Rubavu aza kugira amahirwe ahura n’umugabo we barakomeza barambuka bajya i Goma mu yahoze ari Zaire, ubu ni muri Repubulika Iharanira Demokarasi ya Congo.

We n’umuryango we bageze i Goma, bananiwe bari mu buzima bubi ariko icyo gihe Leta ya Congo ibasaba kujya mu nkambi, bamwe bajya Kibumba we akomeza mu nkambi y’ahitwa Mugunga.

Muri iyo Nkambi ya Mugunga, Uwimana avuga ko yahamaze imyaka ibiri ndetse aza kuhabyarira undi mwana wa kabiri.

Ati “Mu nkambi rero Inyenzi zaje gufata icyemezo cyo kuducyura ariko jyewe nari mfite ingengabitekerezo yo kumva ko ntazataha ngo zimbage kuko ni yo makuru twari dufite. Byongeye kuko nari mwene Rusimbuka wo muri MRND numvaga nta gahunda yo gutaha mfite muri jyewe”.

Muri uko guhunga yaje kwisanga ari wenyine yatandukanye n’umugabo we ndetse n’umwana wabo mukuru kuko we yatwaye agahinja yari ahetse noneho umugabo ajyana umwana mukuru.

Minisitiri Uwimana yavuze ko yaje kongera guhura n’uwo mwana wabo mu 2003 gusa nta mateka ajyanye n’uko bongeye guhura yavuze.

Yakomeje guhunga agera aho bita Tingitingi ariko nabwo aza guhura n’icyo bise rugondihene z’inyenzi (Inkotanyi) nk’uko muri icyo gihe babitaga, yisanga nabwo zabagose zije kubacyura.

Muri icyo gihe babaga mu ishyamba batungwaga n’amateke, n’imyumbati, bagira amahirwe bakabona n’utuboga bagashyiraho bakarisha.

Ati “Muri icyo gihe nibwo Inkotanyi zageze muri ako gace twarimo. Bavuze ko zahageze kandi zishaka Abanyarwanda mfata icyemezo cyo kuzihunga”.

Minisitiri Uwimana yarakomeje ageze ahitwa Mbandaka ajugunya ikintu cyose kimuranga ko ari Umunyarwanda ariko mu kanya gato abona umuntu amuhagaze iruhande aramusuhuza mu Kinyarwanda.

Ati “Yarambajije ngo ndi aho ngaho nkora iki musubiza ko nahunze ambaza icyo nahunze mubwira ko ari Inyenzi aransubia ati wari uzi ko wayihunze i Goma se ukayisanga Mbandaka?”

Icyo gihe umusatsi ngo wamworosotseho yumva ubwoba buramwishe, ariko bamujyana hamwe n’abandi bategereza indege ibazana mu Rwanda.

Ati “Ndashimira Inkotanyi zampaye ‘Lift’ sintahe n’amaguru nk’uko nagiye, ndanazishimira ko twageze mu Rwanda baraduhumuriza dusura imiryango yacu, dusanga iri amahoro itekanye nanjye bampa amahirwe yo gukomeza kwiga ikindi cyiciro cya Kabiri cya Kaminuza”.

Gusa kubera ihungabana Minisitiri Uwimana yari yarahuye na ryo muri icyo gihe, inyigisho yaherewe i Nyakinama ngo ntacyo yazumvagamo kuko iyo babigishaga we yabaga acunga aho ari bunyure acika Inkotanyi kuko iteka yumvaga ziri bumwice.

Minisitiri Uwimana avuga ko yahawe amahirwe nk’abandi Banyarwanda ajya mu nzego zitandukanye aho yakoze imirimo itandukanye kugeza ageze mu nzego z’ubuyobozi.

Yasabye abo bari kumwe mu biganiro n’Abanyarwanda bose kujya bagaragaza ukuri ku Rwanda, barwanya abagoreka amateka babeshyera u Rwanda ibinyoma bidafite ishingiro.

Ni ikiganiro gitegurwa ku bufatanye na Mastercard Foundation kiba buri wa Mbere wa nyuma w’ukwezi, kigatambuka kuri KT Radio. Icy’uku kwezi kwa Gicurasi gifite insanganyamatsiko igira iti “Uruhare rw’Ubwenge Buhangano (AI) n’Ikoranabuhanga Rigezweho mu Guteza Imbere Uburezi Bushingiye ku Makuru n’Ibyegeranyo”.

U Rwanda rumaze gutera intambwe ishimishije mu kwagura ibikorwa remezo by’ikoranabuhanga no koroshya uburyo bwo kubigeraho, ubu rukaba rurimo kwimura icyerekezo kikava ku guhuza abantu n’ikoranabuhanga gusa, kikagana ku gukoresha ubwenge buhangano, ndetse n’ikoranabuhanga rigezweho mu burezi, bikarushaho gutanga umusaruro.

Muri iki kiganiro, muraza kumva uko ubwenge buhangano burimo guhindura byihuse uburyo imyigire n’imyigishirize mu Rwanda byubatswe, aho ibikoresho byifashisha AI birimo gutuma habaho uburyo bushya bw’uburezi bwihariye kuri buri munyeshuri, bukora neza kandi bwihuta mu gutanga ibisubizo.

Ikoranabuhanga rigezweho ririmo ‘machine learning’, ‘learning analytics and automation’, ni igice cy’ingenzi mu gutanga integanyanyigisho, gufasha abarimu no gutegura gahunda z’uburezi bugera kurio bose.

Muri rusange, iki kiganiro kigaragaza intego nini Igihugu gifite, harimo ko gukoresha amakuru n’ikoranabuhanga bitareba gusa kuzamura ireme ry’uburezi, ahubwo no kubaka sisiteme y’uburezi y’ahazaza kandi ihuye n’intego z’u Rwanda, zo guteza imbere ubushobozi bw’abaturage, no kubaka ubukungu bushingiye ku bumenyi.

Abatumirwa baza kubafasha gusobanukirwa byinshi muri iki kiganiro ni Dr. Christine Niyizamwiyitira, umushakashatsi muri Kigali Collaboration Research Center, Dieudonné Uwimana, umuyobozi wa Mastery Hub of Rwanda na Vedaste Uwishema, ukuriye ishami ry’ikoranabuhanga mu Kigo cy’Igihugu gishinzwe guteza imbere Uburezi bw’Ibanze (REB).

Iki kiganiro kiratambuka kuri KT Radio no ku muyoboro wa YouTube wa Kigali Today kuri uyu wa mbere, guhera saa kumi n’ebyiri z’umugoroba (18:00) kugera saa moya (19:00).

Abarezi, ababyeyi, abanyeshuri n’abandi bashishikajwe no guteza imbere ireme ry’uburezi mu Rwanda murararitswe, ngo muze gukurikira iki kiganiro mwungukiramo byinshi.

Babisabwe mu gikorwa cyo kwibuka ku nshuro ya 32 abikorera bazize Jenoside yakorewe Abatutsi, aho ubuyobozi bw’Akarere bwabagaragarije uko bamwe mu banyamafaranga, bayakoreshejeje mu gutera inkunga no gukora Jenoside.

Perezida w’Inama Njyanama y’Akarere ka Muhanga, Nshimiyimana Gilbert, atanga ingero z’abanyamafaranga bateguye, bakanashyira mu bikorwa Jenoside yakorewe Abatutsi, ku isonga haza Kabuga Félicien uherutse gupfa agikurikiranwa n’ubutabera ku byaha bya Jenoside.

Agaragaza kandi abacuruzi bakomeye nka Kamali Isaac n’uwitwa Ngarambe, batanze imodoka zabo n’amafaranga ngo bifashe Interahamwe kwica Abatutsi.

Umuyobozi w’Inama Njyanama y’Akarere ka Muhanga, Nshimiyimana Gilbert, asaba abikorera kwitandukanya n’abanyemari bakoze Jenoside

Agaragaza ko na n’uyu munsi ingengabitekerezo ya Jenoside igihari, kandi ko n’abikorera bafite inshingano yo kuyikumira no kuyirwanya, kuko abayifite cyane bari ku mipaka ihana imbibi n’u Rwanda.

Agira ati, "Turasaba ko abikorera n’uyu munsi batandukana n’imigirire nk’iy’abashoye ubutunzi bwabo muri Jenoside. Kugira amafaranga ariko ukanagira ingengabitekerezo ya Jenoside ni icyorezo, ni akaga ntimukwiye kuzamera nka bariya batangaga imodoka zo kwikorera Interahamwe, zijya kwica no gutanga imihori yo gutema Abatutsi".

Umuyobozi w’Akarere ka Muhanga Kayitare Jacqueline avuga ko Abatutsi benshi baganaga iy’ubucuruzi, kuko babaga barimwe amahirwe yo kwiga ngo bazakore indi mirimo, ariko bishwe na bagenzi babo muri Jenoside banabasahura ibyabo.

Agira ati, "Kwibuka abikorera ni umwanya wo kuzirikana uko bishwe bazira uko bavutse, tunagaya abacuruzi bashoye imari yabo muri Jenoside aho gufasha abahigwaga, tunashimira uruhare abikorera uyu munsi bagira mu kubaka Igihugu".

Umuyobozi w’urugaga rw’abikorera PSF mu Karere ka Muhanga, Nyirishema Félix avuga ko abanyamafaranga ari abantu bakomeye, bakwiye kuba bagira uruhare mu iterambere ry’Igihugu aho kugisenya, bityo ko abikorera b’uyu munsi bahisemo guharanira iterambere ryabo n’Igihugu muri rusange.

Avuga ko mu rwego rwo gusaba Igihugu no kongerera imbaraga abarokotse Jenoside yakorewe Abatutsi, PSF ya Muhanga igenera buri mwaka inkunga ku miryango itishoboye y’Abarokotse Jenoside.

Uyu mwaka bakaba baragennye inkunga yo kongerera igishoro cya Miliyoni enye ku bacuruzi baciriritse, bikazakirwa ku bufatanye n’Umuryango uharanira inyungu z’Abarokotse Jenoside yakorewe Abatutsi IBUKA mu Karere ka Muhanga.

U Rwanda na Qatar bisanzwe bifitanye umubano ukomeye mu nzego zirimo ubwikorezi bwo mu kirere, umutekano, ishoramari, no koroshya ingendo hagati y’ibihugu byombi. Ibihugu byombi bufite n’imishinga minini bihuriyeho harimo nko kubaka ikibuga mpuzamhaga cy’indege cya Kigali cyubakwa i Bugesera, n’ibindi.

Muri uru ruzinduko rw’akazi rw’umunsi umwe, Perezida Kagame yagiranye ibiganiro na Sheikh Tamim bin Hamad Al Thani, Umuyobozi w’Ikirenga (Amir) wa Qatar.

Perezida Kagame yakiriwe mu biro by’Umuyobozi w’Ikirenga wa Qatar bizwi nka Amiri Diwan, aho aba bayobozi bombi baganiriye ku mubano ukomeye ushingiye ku buvandimwe usanzwe uri hagati y’ibihugu byombi.

Ibiganiro byabo byibanze kandi ku gukomeza guteza imbere ubufatanye mu nzego zitandukanye zirimo ubucuruzi, ishoramari, ubwikorezi bwo mu kirere, ndetse n’izindi nzego zifitiye inyungu ibihugu byombi.

Abayobozi bombi banunguranye ibitekerezo ku bibazo by’Akarere ndetse n’ibireba urwego mpuzamahanga muri rusange aho bagaragaje ko bahuriye ku cyerekezo cyo gukomeza guteza imbere amahoro n’umutekano ku Isi.

Perezida Kagame yashimangiye ko u Rwanda rukomeje gushyigikira abaturage ba Qatar, anagaragaza ubushake bwo kurushaho gukomeza umubano n’ubufatanye hagati y’ibihugu byombi.

Uruzinduko Perezida Kagame yagiriye i Doha kuri iki Cyumweru, rugaragaza umubano mwiza n’ubufatanye bugenda burushaho kwaguka hagati y’u Rwanda na Qatar, cyane cyane mu bijyanye n’iterambere rirambye n’ubukungu.

Mu myaka 20 ishize, ubu bufatanye bwagize uruhare rukomeye mu guteza imbere ubushobozi bw’Abanyarwanda binyuze muri gahunda z’uburezi, bifasha abanyeshuri barenga 700 kubona impamyabumenyi zemewe muri Amerika.

Perezida Paul Kagame yashimye ubufatanye bwaranze u Rwanda n’iyo kaminuza. Yabigarutseho mu mugoroba wo gusangira no kwishimira ibyaranze ubwo bufatanye.

Mu kiganiro yagiranye n’abayobozi mpuzamahanga mu by’imikino, abashoramari ndetse n’abayobozi ba Basketball bari i Kigali, Kagame yavuze ko amafaranga menshi igihugu gishyira mu bikorwa remezo by’imikino no mu bufatanye mpuzamahanga atari ugusesagura, ahubwo ko siporo ifatwa nk’urwego rukomeye rw’iterambere.

Yagize ati: “Ni amahitamo y’ingenzi twafashe. Bijyanye no guha amahirwe urubyiruko rwacu, kwamamaza igihugu cyacu no kubaka ubukungu bushingiye kuri siporo n’imyidagaduro.”

Yakomeje avuga ati: “Turashaka ko u Rwanda ruba igicumbi cy’ibi bikorwa mu karere, hanyuma bikazagera no ku rwego rw’umugabane. Kandi ibimenyetso birerekana ko ibi biri gutanga umusaruro.”

Kagame yavuze ko gahunda y’u Rwanda yo guteza imbere siporo ifitanye isano rya hafi n’umubare munini w’urubyiruko igihugu gifite, agaragaza ko gushora imari muri siporo bishobora gutanga akazi ndetse bikafungura indi miryango y’ubukungu ishingiye ku bukerarugendo, amahoteli, itangazamakuru n’imyidagaduro.

Abaturage barenga 70% by’abatuye u Rwanda bari munsi y’imyaka 30, bigatuma igihugu kiba kimwe mu bifite urubyiruko rwinshi ku Isi.

Perezida Kagame yanashimangiye akamaro ko kubaka ibikorwa remezo bigezweho by’imikino bishobora guteza imbere impano no kwakira amarushanwa mpuzamahanga akomeye.

Yagize ati: “Tugomba kugira ibikorwa n’amarushanwa, kandi tugomba no kugira impano zuzuza ibi bibuga,” ashimangira ko iterambere rya siporo rigomba gutangirira mu nzego z’ibanze.

Ubufatanye bwa ‘Visit Rwanda’ buri gutanga umusaruro

Kagame yanagaragaje ko ashyigikiye cyane amasezerano y’ubuterankunga u Rwanda rufitanye n’amakipe akomeye yo ku Mugabane w’u Burayi arimo Arsenal, Paris Saint-Germain na Bayern Munich, amasezerano akunze kunengwa kubera amafaranga menshi atwara.

Yavuze ko ayo masezerano asesengurwa hashingiwe ku nyungu agarura mu bukungu kandi ko yafashije cyane mu kwamamaza ubukerarugendo, gukurura ishoramari no kumenyekanisha u Rwanda ku rwego mpuzamahanga.

Nk’uko Kagame yabivuze, ayo masezerano si ibikorwa byo kwamamaza gusa, ahubwo ni igice cy’ingamba z’igihe kirekire zigamije gushyira u Rwanda Isi.

Mu myaka ishize, ikirango cya “Visit Rwanda” cyagiye kigaragara ku myambaro y’amakipe akomeye y’i Burayi, bituma miliyoni z’abakunzi b’umupira w’amaguru ku Isi yose babona u Rwanda.

Kagame yavuze ko uko kumenyekana kwagize uruhare mu kongera abashaka gusura igihugu, amahirwe y’ubucuruzi ndetse no kumenyekanisha u Rwanda ku rwego mpuzamahanga.

Aya makipe uko ari atatu yose yageze muri 1/2 cy’irangiza cya Shampiyona y’u Burayi y’uyu mwaka, aho Arsenal yatwaye igikombe cya Shampiyona y’u Bwongereza ndetse na PSG yo mu Bufaransa biteganyijwe guhura ku mukino wa nyuma.

Kubaka igicumbi cy’imikino n’imyidagaduro mu karere

Perezida Kagame yagaragaje ko ibikorwa remezo by’imikino n’imyidagaduro bikomeje kubakwa i Kigali biri mu rwego rw’intego igihugu gifite yo kuba ahantu h’ingenzi hakira amarushanwa akomeye, ibitaramo n’inama mpuzamahanga muri Afurika.

Mu mishinga ikomeye harimo Stade Amahoro ivuguruye yakira abantu 45,000, BK Arena yakira abantu 10,000 ndetse na Zaria Court, ahantu hagenewe imyidagaduro n’amahoteli hubatswe n’umuyobozi wa siporo Masai Ujiri.

Hari kandi guhuza ibikorwa remezo by’imikino, amahoteli n’imyidagaduro mu gace ka Remera i Kigali bigamije kubaka urusobe rw’ibikorwa bishobora kwakira abashyitsi mpuzamahanga no guha akazi abaturage baho.

Kagame yavuze kandi ko urwego rwa siporo muri Afurika rukeneye ishoramari rikomeye rituruka ku governments zo muri Afurika no ku bashoramari b’Abanyafurika.

Yavuze ko abayobozi b’ubucuruzi muri Afurika bakwiye kugira uruhare rukomeye mu gutera inkunga no guteza imbere inganda za siporo ku mugabane aho gutegereza abashoramari bo hanze.

Nubwo ubufatanye n’imiryango mpuzamahanga bukomeje kuba ingenzi, Kagame yavuze ko ubuyobozi n’iterambere rirambye bya siporo muri Afurika bikwiye kuguma mu maboko y’Abanyafurika.

Agaruka ku rugendo rw’u Rwanda nyuma ya Jenoside yakorewe Abatutsi, Kagame yavuze ko intego igihugu gifite zishingiye ku bushake bwo gutsinda amateka akomeye igihugu cyanyuzemo no kugera ku iterambere rihindura ubuzima.

Yasabye urubyiruko gukoresha neza amahirwe ari kuboneka binyuze mu ishoramari riri gukorwa muri siporo.

Nk’uko Kagame yabivuze, nubwo Leta ishobora kubaka ibikorwa remezo, ni inshingano z’abakinnyi n’abakora muri siporo gukora cyane, guteza imbere impano no guhatana ku rwego rwo hejuru.

Inama Nyunguranabitekerezo ku Mateka ya Jenoside yakorewe Abatutsi n’Urugamba rwo kuyihagarika, yahuje abanyamuryango ba Unity Club Intwararumuri n’abandi batumirwa bagera kuri 500.

Madamu Jeannette Kagame akaba n’Umuyobozi Mukuru w’Umuryango Unity Club Intwararumuri, ubwo yatangizaga iyi nama, yavuze ko nyuma ya Jenoside yakorewe Abatutsi Abanyarwanda bahisemo gushyira hamwe no gukorera Igihugu cyababyaye. Yavuze ko kwibuka Jenoside yakorewe Abatutsi bidasigana no kuzirikana urugamba rwo kuyihagarika. Yavuze kandi ko nyuma ya Jenoside yakorewe Abatutsi imitima y’Abanyarwanda izirikana abo Jenoside yahitanye ndetse n’ingabo zitanze mu kuyihagarika.

Yagize ati “ Abanyarwanda bahisemo gushyira hamwe ngo bakorere Igihugu cyababyaye. Kwibuka Jenoside yakorewe Abatutsi ntibisigana no kuzirikana urugamba rwo kuyihagarika. Abacu twabuze n’Ingabo zacu zitanze batuye mu mitima yacu iteka, naho abagiye bose dufitanye igihango gikomeye cyo gukomera kuri uru Rwanda batabonye.”

Madamu Jeannette Kagame yashimye Inkotanyi zafashe umwanzuro ukomeye wo guhagarika Jenoside yakorewe Abatutsi no kubohora Igihugu, agaragaza ko ari urugero rw’uko Abanyarwanda ubwabo ari bo bagomba kwirwanirira muri muri iyi Si ihindagurika buri munsi.

Ati “Nta kindi twabona duha Inkotanyi zemeye guhangana n’ibyo byose, kandi zikabitsinda, uretse guhora tuzishimira. Byasaga n’ibidashoboka mu maso ya benshi, ko u Rwanda rwakongera kubaho, kubera uko rwari rwarasenyutse mu mpande zose. Mwarakoze Nkotanyi.”

Madamu Jeannette Kagame yasabye abayobozi ndetse n’abagize uruhare mu rugendo rwo kubaka Igihugu gukomeza gushakisha icyakomeza ubumwe bw’Abanyarwanda kandi bakabikorana ubushishozi muri iki gihe imvugo z’urwango zongera kumvikana hirya no hino ku Isi no mu Karere.

Ati “Twe Abanyarwanda, ibi ntitwabirebera kure ngo tubifate nk’ibitagira aho bihuriye natwe. Tuzi neza aho urwango rushobora kugeza Igihugu.”

Madame Jeannette Kagame yavuze ko ukurikije igihe Jenoside yateguwe, ubukana n’ubugome ndengakamere yakoranywe, imiryango mpuzamahanga n’ibihugu bikomeye birebera, umuntu yibaza iyo Inkotanyi zidafata umwanzuro ukomeye wo kuyihagarika no kubohora Igihugu, uko byari kugenda.

Ati “ Ibi rero ni ibigaragaza ko n’ubu ari twebwe tugomba kwirwanirira, cyane cyane muri iyi Si ihindagurika buri munsi.”

Madamu Jeannette Kagame yavuze ko Abanyarwanda bakwiye guhora bashimira Inkotanyi zahanganye n’ibidashoboka ariko zikabitsinda”.

Minisitiri w’umutekano mu Gihugu Dr Vincent Biruta wakiriye indahiro zabo, yashimye imyitwarire myiza yabaranze, no kuba bariyemeje gukorera igihugu banyuze muri urwo rwego, ariko abasaba kuzaba abanyamwuga beza, bakirinda kugwa mu byaha bitandukanye nk’uko byagenze kuri bamwe mu ba babanjirije mu mwuga.

Yagize ati,” Uyu muhango twitabiriye uyu munsi ni umuhango ukomeye ku Rwego rw’u Rwanda rushinzwe igorora, kuko rwungutse amaraso mashya. Nk’uko mubizi, uru rwego rufite inshingano ikomeye yo kwakira, gucunga no kugorora abantu bagonganye n’amategeko, hubahirizwa uburenganzira bwabo, hagamijwe kubagorora bagahinduka, bakazataha barabaye abaturage beza, bagendera ku mategeko, kandi bashobora kwigirira akamaro, bakakagirira imiryango yabo ndetse n’igihugu muri rusange…"

Abofisiye batatu bahize abandi mu masomo abinjiza muri RCS bashyikirijwe ibihembo. Abo ni Gilbert Habyarimana wabaye uwa mbere, Charles Imanirarora wabaye uwa kabiri, na Jonathan Ishimwe wabaye uwa gatatu. pic.twitter.com/w7PezikslR

— Kigali Today (@kigalitoday) May 22, 2026

Biruta, yavuze ko u Rwanda rugambiriye ko koko abagonganye n’amategeko ahana bagororwa, bagasubira mu muryango nyarwanda bameze neza.

Aha, yagize ati “Leta y’u Rwanda izakomeza kubafasha muri iyo nzira, bityo urwego rugere ku rugero rushimishije, aho ikitwaga gereza, kiba koko igororero…:"

Minisitiri Biruta yashimiye Abofisiye bashya Igihugu cyungutse, maze agira ati "Tubitezeho kuzaba abakozi beza ndetse n’abayobozi beza b’uru rwego mwahisemo. Tubitezeho kandi kubumbatira umutekano w’igihugu. Muzite ku burenganzira bw’abagororwa, mwirinda imyifatire igayitse no kwishora mu byaha bitandukanye birimo ruswa nk’uko byagiye bigaragara muri bamwe mu babanjirije muri uyu murimo…”.

Uyu munsi Minisitiri, @Vbiruta yayoboye umuhango wo gusoza amahugurwa y’Abofisiye bato 146,ba @RCS_Rwanda barimo abakobwa 21, wabereye ku Ishuri ry’Amahugurwa rya RCS riri mu Karere ka @RwamaganaDistr.
Mu ijambo rye, Minisitiri @Vbiruta yasabye aba Ofisiye bashya gukomeza… pic.twitter.com/LS56JGEvWZ

— Ministry of Interior | Rwanda (@RwandaInterior) May 22, 2026

Inzozi za Imena zigaragara nk’iziri mu nzira yo kugerwaho kuko, guhera mu mpera z’umwaka ushize, ari umunyeshuri mu Ishuri ry’Icyitegererezo ry’Ubuhinzi n’Ubworozi rya RICA, ryibanda ku buhinzi bubungabunga ubutaka.

Iri shuri riherereye mu Murenge wa Gashora mu Karere ka Bugesera, rikaba ryarubatswe ku nkunga y’umunyemari w’Umunyamerika Howard Buffett, uzwi nk’umushoramari wiyeguriye ibikorwa by’ubuhinzi n’ubworozi ndetse akaba n’inshuti ya Perezida Paul Kagame.

Imena ati “Numvaga mbabazwa cyane no kubona abahinzi bashora imbaraga nyinshi mu kazi kabo, ariko bikarangira bagikennye. Hari igihe wasangaga ibyo bashoye mu buhinzi biruta ibyo bungutse.”

Avuga ko kuba ubuhinzi ari “umugongo w’ubukungu bw’u Rwanda”, ariko ababukora bagakomeza kubaho nabi, ari byo byamuteye kugira umuhate wo gushaka ibisubizo.

Ati “Narebaga imibereho y’abahinzi nkumva birababaje cyane. Kubona urubyiruko rwakwicara ntirugire icyo rukora kuri icyo kibazo numvaga bidakwiye.”

Yakomeje avuga ko yahisemo kwiga muri RICA kugira ngo azabe umwe mu batanga ibisubizo ku bibazo bitandukanye abahinzi bahura na byo.

Mu bibazo ashaka gukemura harimo uburyo imbaraga n’amafaranga abahinzi bashora mu buhinzi byajyana n’umusaruro babona, ndetse no gushaka uburyo bworoshye bwo gukoresha amazi mu kuhira imyaka, cyane cyane mu bice bikikijwe n’ibiyaga cyangwa imigezi ariko bikabura uburyo bwo kuhira.

Ati “Usanga hari aho abantu batuye begereye amazi menshi, ariko imyaka yabo ikabura amazi yo kuhira. Twifuza gushaka uburyo bworoshye bwo gufasha abo bahinzi.”

Kuri ubu, Imena n’itsinda ry’abo bigana bari gukora ubushakashatsi bwo gukora imashini yuhira imyaka ku giciro gito ugereranyije n’izisanzwe zikoreshwa ubu. Avuga ko bafite icyizere cyo kuzaba barangije uwo mushinga barangiza amasomo yabo muri RICA.

Ati “Imashini zuhira zisanzwe zirahenze kandi zikoresha amazi menshi. Twatekereje gukora akamashini gato, gahendutse, umuhinzi wese yabasha kubona, kandi gakoresha ingufu z’imirasire y’izuba.”

Imena kandi yishimira ubumenyi amaze kungukira muri RICA, cyane cyane mu bijyanye n’ubuhinzi bubungabunga ubutaka. Avuga ko yamenye uburyo bwo guhinga hadakomeretswa ubutaka.

Ati “Mu bikorwa byacu bya buri munsi, dushyira mu bikorwa ibyo twigishwa. Dukoresha uburyo bwo guhinga budasenya ubutaka cyane, kandi tugahinduranya ibihingwa mu mirima.”

Asobanura ko niba bahinze ibigori muri iki gihembwe, mu gihembwe gikurikiraho batera ikindi gihingwa kugira ngo ubutaka bubashe kwisubiranya no kongera intungamubiri.

Ubu buryo bwo guhinga bubungabunga ubutaka bukubiyemo guhinga hadakomeretswa cyane ubutaka no kubusasira ibisigazwa by’ibihingwa cyangwa ibyatsi kugira ngo butuma.

Impuguke zo muri RICA zivuga ko abahinzi bakoresha ubu buryo bagaragaza ko umusaruro wabo wiyongera ku kigero cya 60% ugereranyije n’uwo babonaga mbere, ndetse bikagabanya n’ibiciro by’ikorwa ry’ubuhinzi, kuko imirimo iremereye iba ari iyo gutegura ubutaka.

Izi mpuguke zikomeza zivuga kandi ko niba isambu yahingagwa hifashishijwe abahinzi hagati ya 30 na 40, uburyo bwo guhinga ubungabunga ubutaka, butuma bagabanuka hagati ya 60% na 70%, ku buryo usigara ushobora gukoresha abahinzi hagati ya batanu n’umunani, kandi noneho n’umusaruro ukazamuka cyane kuko buba bwarabitse amazi, ndetse n’ifumbire.

Ni urwunguko rwazamutseho 1% ugereranyije n’urwo yaherukaga gushyiraho muri Gashyantare uyu mwaka, kuko rwavuye kuri 7,25% rugashyirwa ku 8,25%, hagamijwe gusubiza hasi umuvuduko w’izamuka ry’ibiciro ku masoko ukaguma mu mbago z’iyo Banki nk’imwe mu ngingo z’ingenzi mu gusigasira izamuka ry’ubukungu.

Mu kiganiro yagiranye n’abanyamakuru kuri uyu wa Kane, Guverineri wa Banki Nkuru y’Igihugu, Soraya Hakuziyaremye yagize ati “Icyo gihe byari byatewe n’ibintu bibiri, wari umusaruro muke w’ubuhinzi ku rwego rw’Igihugu, icya kabiri, kubera intambara ya Ukraine yari yatangiye muri Gashyantare, ibiciro bya Peteroli ku isoko mpuzamahanga biriyongera ndetse n’iby’ifumbire. Icyo twakoze icyo gihe nka Banki Nkuru y’u Rwanda, ni uko twazamuye inyungu fatizo kuva kuri 4.5% iza kugera kuri 7.5%, ni ukuvuga kuzamura kugera ku kigero cya 3%.”

Arongera ati “Ni imwe mu ngamba navuga zagombaga gufatwa kuri politike y’ifaranga ariko na Leta ishyiraho izindi ngamba nka nkunganire ku biciro bya Peteroli n’ifumbire, kugira ngo tugabanye uwo muvuduko w’izamuka ry’ibiciro. Uko guhuza ibikorwa hagati ya politiki y’ifaranga na politike ya Leta ni byo byatumye twongera kugaruka kuri za mbago hagati ya 2%-8%, aho byatanze umusaruro uhereye mu gihembwe cya mbere cya 2024.”

BNR ivuga ko icyo Politike y’ifaranga ifasha ari ukugira ngo umuvuduko w’izamuka ry’ibiciro udakomeza kugenda wiyongera.

Hakuziyaremye ati “Ubu turabona ko warenze za mbago za 8%, aho ugeze kuri 13%. Mu iteganyamibare tugenda dukora buri mezi atatu, bigaragara ko uyu mwaka ku mpuzandego dushobora kugira uwo muvuduko ugeze kuri 13.9%. Icyo bivuze ni uko ubushobozi bw’umuguzi buba bugabanutse, kubera ko ibiciro ku isoko biba byiyongereye kandi natwe turabibona.”

Yungamo ati “Nka Banki Nkuru y’u Rwanda ntabwo wabireberera gusa ubona niryo teganyamibare ngo utegereze ko uzongera kugera kuri ya 20% kuko nabyo twabonye ko bishoboka ku bukungu bwacu. Ahubwo duhita dufata izi ngamba kugira ngo uwo muvuduko w’izamuka ry’ibiciro wongere ugabanuke, kandi n’iteganyamibare riratwereka ko kubera izi ngamba twafashe, n’izo Leta igenda ishyiraho dushobora kugaruka kuri 7% mu 2027.”

BNR ivuga ko intego yayo ari uko impuzandengo yo mu myaka ibiri cyangwa itatu umuvuduko w’ibiciro utagombye kurenga 5%, kuko ari wo utuma uko ubukungu bw’Igihugu bwiyongera ari ibintu birambye kandi n’ubushobozi bw’Umunyarwanda budahungabana cyane.

Iyi raporo ivuga ko abangana na 57.4% ari na bo benshi, bafite ubwishingizi bwa Mituweli (Mutuelle de Santé), mu gihe 30% bafite ubwishingizi bwa RSSB/RAMA, akenshi butangwa ku bakozi bafite akazi gahoraho, 7.8% bafite ubwishingizi bwigenga mu gihe 4.9% nta bwishingizi bw’indwara bafite na bumwe.

Kuba abantu 30% gusa ari bo bafite ubwishingizi bwa RSSB/RAMA, ubusanzwe bugaragaza akazi gahoraho gatangirwa imisanzu y’ubwiteganyirize, bihura n’imibare y’imiterere y’akazi igaragaza ko abatageze kuri kimwe cya kabiri, ari bo bafite akazi gahoraho.

Iyi raporo yerekana kandi ko kuba benshi mu banyamakuru bakoresha ubwisungane bwo kwivuza bwa Mituweli (57.3%), gahunda y’ibanze y’ubwishingizi bw’indwara y’abaturage muri rusange, bigaragaza ko abanyamakuru benshi badafite inyungu z’ubwishingizi bw’indwara butangwa n’abakoresha babo.

Ibi bishimangirwa kandi n’imibare yo muri iyi raporo igaragaza ko 75% by’ibigo by’itangazamakuru byigenga, bidatanga ubwishingizi bw’indwara ku bakozi babyo (Financial Sustainability Assessment, 2023).

Imibare y’ubwiteganyirize bwa pansiyo na yo igaragaza ishusho nk’iyi. Abagera kuri 55.5% gusa ni bo batanga imisanzu muri RSSB, mu gihe 40.2% badafite ubwiteganyirize bwa pansiyo na mba, naho 4.3% bari muri gahunda z’ubwiteganyirize bwigenga.
Abo 40.2% badafite ubwiteganyirize na bumwe, bigaragara ko bazahura n’ingaruka zikomeye mu gihe bazaba bageze mu zabukuru.

Ibi bigaragaza ko abenshi mu bari mu mwuga w’itangazamakuru batinjiza ibibafasha kubaho neza, ari yo mpamvu basahaka ibindi bakora babangikanya n’itangazamakuru, gusa ababigezeho ni 26.2% gusa. Bisobanuye ko abarenga 1/3 bo bakora itangazamakuru gusa, bityo ko bagombye na bo kubona ibindi bakora byakynganira umushahara wabo muto.

Imibare y’amikoro yinjizwa igaragaza ibintu biteye impungenge, nubwo 27.9% by’ababajijwe bahisemo kutatangaza amafaranga binjiza, mu batangaje ayo binjiza, 17.2% binjiza munsi ya 100,000 Frw ku kwezi, naho 15.1% binjiza hagati ya 100,000 na 199,999 Frw.

Kuri uru rutonde, 12.6% binjiza hagati ya 200,000 na 299,999 Frw, naho 16.0% binjiza hagati ya 300,000 na 499,999 Frw.

Kugeza uyu munsi, 11.3% nibo binjiza 500,000 Frw cyangwa arenze ayo ku kwezi.

Aha rero, ni nayo mpamvu abanyamakuru babajijwe, 43 ku ijana bagaragaje ko umushahara bahembwa ubaha iby’ibanze bicye cyane, naho abandi 13 ku ijana bavuga ko amafaranga bahembwa atabaha iby’ibanze nkenerwa, habe na gato.

Abanyamakuru 2.7 ku ijana, ni bo bonyine bemeza ko umushahara wabo ubaha ibyo bakeneye byose.

Mu yandi magambo, abanyamakuru 92.8 ku ijana bagaragaje ko umushara ubaha iby’abanze ku rwego ruciriritse, cyangwa se ntibabonemo iby’ibanze na gato.

Hagati aho, muri aba banyamakuru, abafite amasezerano y’umurimo w’igihe kirekire, ntibageze kuri mirongo itanu ku ijana, dore ko byonyine abakora batagira amasezerano asanzwe, bariya bashobora gukorera abantu benshi icyarimwe (freelancers), bageze kuri makumyabiri ku ijana.

Abakora uyu mwuga benshi (68.9%) bakodesha aho baba, mu gihe 24.3% bafite amazu yabo bwite, 6.2% babana n’imiryango cyangwa inshuti, naho 0.6% gusa ni bo bahabwa icumbi n’abakoresha babo.

Brig Gen Ronald Rwivanga yari asanzwe ari Umuvugizi w’Ingabo z’u Rwanda, aho yagiye kuri uwo mwanya asimbuye Brig Gen Innocent Munyengango wari uri kuri uwo mwanya akiri Lt Col.

Brig Gen Rwivanga, mbere y’uko aba umuvugizi w’Ingabo z’u Rwanda (RDF) muri 2020 yari asanzwe ari Umuhuzabikorwa w’Amasomo mu Ishuri rikuru rya Gisirikare (RDF Command and Staff College).

Brig Gen Rwivanga, yakoze kandi indi mirimo itandukanye mu ngabo z’u Rwanda harimo no kuba umwe mu bagize ingabo zishinzwe kurinda umukuru w’igihugu (Republican Guard) ashinzwe imyitozo n’ibikorwa. (…)

Brig Gen Ronald Rwivanga yagizwe Umuyobozi w’Umutwe w’Ingabo za Afurika y’Iburasirazuba zihora ziteguye gutabara aho rukomeye(East African standby Force), kuri uyu wa ,,,,,

Brig Gen Rwivanga mu mirimo itandukanye yagiye akora mu Gisirikare cy’u Rwanda, yabaye n’umwanditsi mukuru w’ikinyamakuru cy’Ishuri rikuru rya Gisirikare, Warrior Magazine.

Muri gahunda y’Umuryango wa Afurika y’Iburasirazuba yo guhanahana amasomo, Big Gen Rwivanga yabaye ushinzwe Abakozi mu Ishuri rikuru rya Gisirikare muri Tanzania, riherereye Arusha.

EASF yatangiye mu 2004, iri mu bice bitatu birimo icy’ingabo, polisi n’abasivili buri gice kigahabwa amahugurwa bijyanye n’uruhare rwacyo mu kubungabunga umutekano.

Ni umwe mu mitwe itanu igize Ingabo za Afurika zihora ziteguye (African Standby Force/ASF) zigizwe n’abasirikare n’abapolisi n’abasivile.

Ibi byiciro byose bihora byiteguye kugira ngo bitabare byihuse mu gihe gikwiye, hagendewe ku mabwiriza agena gutabara aho rukomeye mu bikorwa byo gushyigikira amahoro mu karere.
Ibihugu binyamuryango bya EASF birimo u Rwanda u Burundi, Ibirwa bya Comores, Djibouti, Ethiopia, Kenya, Seychelles, Somalia, Sudani na Uganda.

EASF igira inzego zitandukanye, aho Inteko Rusange ari rwo rwego rukuru rugizwe n’abakuru b’ibihugu na za Guverinoma. Iyo Nteko Rusange igira Umuyobozi Mukuru uba ari Umukuru w’Igihugu kinyamuryango.

Inteko rusange ikurikirwa n’Inama y’Abaminisitiri b’ingabo muri ibyo bihugu, na yo igakurikirwa na komite y’abagaba b’ingabo b’ibyo bihugu, urwego rwa kane rukaba ubunyamabanga bugira uruhare mu ishyirwa mu bikorwa ry’ibikorwa bya EASF.

Mu 2014 ni bwo EASF yabonye ubushobozi bwose butuma ijya gutanga umusanzu wose usabwa aho ikenewe mu buryo bwa nyabwo.

EASF kuva mu 2021 yahaye amahugurwa abasivile 455 n’abapolisi 888 bo muri ibyo bihugu.
Hahuguwe kandi abasilikare 788 mu buryo bwo kubaka igisirikare gishoboye ndetse gishobora gutabara aho rukomeye mu bihe bibaye ngombwa.

EASF kandi igira uruhare mu gufasha urubyiruko kunguka ubumenyi bujyanye no kwimakaza amahoro aho kugeza ubu abarenga 1400 bo mu bihugu 10 binyamuryango bahawe ubwo bumenyi.

Mu nama mpuzamahanga ku bya Nikeleyeri Nuclear Energy Innovation Summit on Africa (NEISA) 2026, abayobozi bagaragaje gahunda ihuza umushinga w’u Rwanda wo gukoresha indanda ntoya za Nikeleyeri - small modular reactors (SMRs) n’iterambere ry’ubucukuzi bw’amabuye y’agaciro, inganda, ubwenge buhangano (AI), ndetse n’uburyo bwo gutunganya amabuye y’agaciro ku rwego rwo hejuru.

Mu kiganiro kibanze ku isoko ry’ingufu n’ikoreshwa rya Nikeleyeri, Minisitiri w’Ikoranabuhanga na Inovasiyo, Paula Ingabire, yavuze ko u Rwanda rutifuza gukomeza kuba gusa rutanga ibikoresho fatizo mu bukungu bw’isi bwihuta cyane guhinduka.

Yavuze ko ingufu za Nikeleyeri ari ingenzi mu kuzamura ubukungu bw’igihe kirekire cy’igihugu, cyane cyane ko isi igenda ishingira cyane ku ikoranabuhanga rikeneye ingufu nyinshi nk’AI, inganda zigezweho, ndetse no gutunganya amabuye y’agaciro.

Yagize ati: “Kuba u Rwanda ari igihugu kidakora ku nyanja kandi gishingira ku bintu bituruka hanze, cyane cyane ibikomoka kuri peteroli, bituma gushora imari muri SMR biba ari ngombwa cyane.”

Ibi bigaragaza impinduka ku buryo ibihugu bitekereza ku ngufu, aho zitakiri gusa ikibazo cya serivisi rusange, ahubwo ziba inkingi y’iterambere ry’ubukungu.

U Rwanda rumaze gutangaza gahunda yo gushyira mu bikorwa SMR mu myaka iri imbere. Bitandukanye n’inganda nini za Nikeleyeri, SMR n’intoya, yoroshye kwagurwa, kandi itanga amashanyarazi ahoraho ku nganda, uturere twihariye tw’ubukungu, n’imishinga minini y’ibikorwaremezo.

Urwego rw’ubucukuzi rwugarijwe n’ikibazo cy’ingufu

U Rwanda rwateye imbere mu bucukuzi bw’amabuye y’agaciro, ubu ruri mu bihugu byinjiza amadovize menshi muri icyo gice. Imibare ya leta igaragaza ko mu 2024, ibicuruzwa byoherejwe mu mahanga byinjije arenga miliyari 1.1 z’amadolari, cyane cyane ku mabuye ya tin, tungsten, tantalum na zahabu.

Ariko abayobozi bavuga ko ikibazo cy’ingufu kikiri imbogamizi ikomeye ku kongera agaciro k’ayo mabuye imbere mu gihugu.

Umuyobozi Mukuru w’Ikigo cy’u Rwanda cya Mine, gas na peteroli (RMB), Alice Uwase, yavuze ko nubwo hari gahunda yo gukoresha imashini mu birombe, amashanyarazi adahagije atuma hari ibikorwa bihagarara.

Yagize ati: “Turimo gukoresha imashini mu birombe byose, ariko dukeneye ingufu zihoraho. Hari aho usanga ibikorwa byo gutunganya amabuye bihagaze kubera kubura amashanyarazi ahagije.”

Yongeyeho ko hari inganda zimwe na zimwe zigikoresha moteri za mazutu, bigatuma ibikoresho by’inganda byangirika no guhungabanya umusaruro.

Yatanze urugero rwa wolframite, ifasha kubona tungsten ikoreshwa mu bikoresho bya gisirikare n’ibindi kubera imbaraga n’ubushyuhe yihanganira.

Yavuze kandi ko u Rwanda ruri no gushakisha lithium, mu gihe isi yose ikeneye cyane amabuye akoreshwa muri bateri z’imodoka zikoresha amashanyarazi.

Yagize ati: “Mu masezerano turimo kuganira, ni uko igihe ingufu zizaba zihari mu Rwanda, tuzashyiraho inganda zitunganya amabuye y’agaciro imbere mu gihugu.”

Ingufu za nucléaire n’ahazaza h’inganda mu Rwanda

Minisitiri Paula Ingabire yavuze ko u Rwanda ruhuza ingufu za nucléaire n’iterambere ry’ubukungu bw’ikoranabuhanga.

Yagaragaje ko AI, cloud computing n’ibigo binini bibika amakuru (data centers) bikenera amashanyarazi menshi kandi ahoraho, bityo bikaba ari amahirwe ku bihugu bifite ingufu zihagije.

Nk’uko Ikigo Mpuzamahanga cy’Ingufu International Energy Agency (IEA) kibigaragaza, ikoreshwa ry’amashanyarazi mu bigo by’amakuru ku isi rimaze kurenga terawatt 400 mu isaha buri mwaka kandi rikomeje kwiyongera kubera AI.

U Rwanda rushaka kuba ihuriro ry’ikoranabuhanga n’udushya mu karere, rukurura ishoramari ry’ibigo binini bikora ku rwego mpuzamahanga. Ariko ibyo byose bisaba ingufu zihoraho.

Ingabire yavuze ko ikibazo nyamukuru cya AI ku isi ari ukubura ingufu zihagije kandi zihoraho, anavuga ko ibigo binini by’ikoranabuhanga byifuza gukoresha ingufu zisukuye, bikongera amahirwe ya Nikeleyeri.

Leta ivuga ko iri gutegura isoko ry’ingufu n’imiterere y’inganda mbere y’uko SMR yubakwa, hagamijwe guhuza ibikorwa by’ubucukuzi, inganda n’ikoranabuhanga.

Yashoje agira ati: “Ntidushobora gukomeza gukoresha uburyo bwa kera bwo gutanga ingufu. Bitabaye ibyo, tuzakomeza kohereza ibikoresho fatizo tutabona inyungu nyinshi.”

Mu nama ya NEISA 2026, u Rwanda rweruye ko rureba ingufu za nucléaire atari nk’isoko ry’amashanyarazi gusa, ahubwo nk’igikoresho cy’ingenzi mu guteza imbere inganda, kongera agaciro k’amabuye y’agaciro, no guhatana mu bukungu bushingiye ku ikoranabuhanga.

Yagize ati, “ Ubuhinzi bubungabunga ubutaka, bugira amahame menshi bugenderaho, twebwe ubungubu tugendera ku mahame umunani.

Irya mbere ni ukutarimagura ubutaka, ni ukuvuga kutabukomeretsa cyane, bakarima aho bagiye gutera imbuto gusa. Ni ukuvuga ko kurimagura ubutaka ukabugira amasinde bitemewe."

Ihame rya kabiri ni ukugira ubutaka buhora butwikiriye, kubera ko iyo ubutaka butwikiriye ntibutwarwa n’isuri, kandi bugumana ubuhehere kuko amazi agumamo, bikaburinda kumagara.

Yagize ati,” Ubutaka bushobora kuba butwikirije isaso, cyangwa se ibisigazwa by’imyaka yasaruwe. Muri iryo hame twebwe iyo dusarura ibisigazwa biguma aho, dutwara igice cy’igihingwa dukeneye, niba ari ihundo ry’ishaka, cyangwa ikigori, ibindi bikaguma mu murima. Ubundi buryo ni ugukoresha ibihingwa bitwikira ubutaka. Bikorwa haterwa ibyatsi bikura vuba, bigatwikira ubutaka ariko bikazanaba ifumbire…"

Ihame rya gatatu, ni uguhinduranya imyaka mu murima. Ati, “ibyo abantu basanzwe banabikora bazi ngo iyo wahinze ibigori, nyuma uhinga ibishyimbo, nyuma ukaba wahinga n’imboga. Uko uhinduranya imyaka, bituma urwanya indwara, ukanakoresha intungagihingwa zitandukanye, kuko ibihingwa bikenera izitandukanye.Imvange y’intungagihingwa ibishyimbo bikenera itandukanye n’iyo ibigori bikenera. Iyo uhinduranya ibihingwa rero, buri gihingwa kiraza kigafata ibyo gikeneye."

Ihame rya kane ni ugukoresha amafumbire neza kandi ku rugero, ni ukuvuga kudakoresha menshi cyangwa se macyeya, ahubwo hagakoreshwa urugero rukwiye. Impamvu ngo ni uko iyo hakoreshejwe amafumbire menshi, cyane cyane ay’imvaruganda, harimo atuma ubutaka busharira.

Ihame rya gatanu ni ugukoresha neza imiti yica udukoko twangiza imyaka. Impamvu ni uko gukoresha nabi iyo miti, biteza ibibazo birimo kwangiza urusobe rw’ibinyabuzima, harimo nko kwica inzuki n’ibindi binyabuzima ubundi bikenewe kandi bifite akamaro.

Yagize ati, “ Ni ukwirinda gukoresha iyo miti nabi, ndetse aho biri ngombwa ntitunayikoreshe tugakoresha ubundi buryo butangiza”.

Ihame rya gatandatu ni ugukoresha amazi neza, hatarimo kuyasesagura, yaba amazi agezwa mu mirima binyuze mu kuvumerera, ariko n’ay’imvura.

Yagize ati, “ Igihe imvura iguye, dukoresha uburyo bushoboka, amazi y’imvura tuyafatira mu butaka ntagende. Ibyo byunganirwa na ya mahame yabanje. Iyo ahantu hatwikiriye amazi aribika, mu gihe cyo kuhira bigakorwa ku masaha ya nyayo. Kandi bigakorwa habanje kurebwa ngo igihingwa gikeneye amazi angana iki? Ese aya amazi tugiye gushyiramo igihingwa kizayakoresha?"

Ihame rya karindwi ari naryo ryitabwaho cyane muri RICA, ni ukuvanga ubuhinzi n’ubworozi bikagendana.

Yagize ati,” Ubuhinzi n’ubworozi biragendana. Mbese bikaba bibangikanye, ku buryo bimwe biva mu bworozi, bikoreshwa mu buhinzi, n’ibiva mu buhinzi bikoreshwa mu bworozi bikaba magirirane”.

Ihame rya munani ni ugukora ubuhinzi bwita ku bidukikije kandi busigasira urusobe rw’ibinyabuzima, ni ukuvuga guhinga ariko n’amashyamba cyangwa ibiri mu mirima ndetse n’ibindi binyabuzima bikarindwa.

Ubuhinzi butangiza ubutaka, cyangwa se bukorwa hatwikirwa ubutaka, ngo butuma habaho gufungirana umwuka wa karuboni mu butaka, ugakoreshwa mu bihingwa kuko biwukeneye, aho kugira ngo ujye mu kirere kuko iyo ugeze mu kirere ugira uruhare mu kugihumanya.

Harerimana asobanura ko ubwo buhinzi butangiza bunajyana no gutera imbuto nziza, kugira ngo bitange umusaruro mwiza, ndetse n’icyororo cyiza kugira ubworozi butange umusaruro mwinshi kandi mwiza.

Umuyobozi ushinzwe Iterambere muri RICA, Jean Claude Kayisinga, avuga ko imwe mu mpamvu nyamukuru yatumye iyo Kaminuza itangizwa mu Rwanda mu 2019, ari ikibazo cy’ubutaka bwashaje n’ubwangirika.

Agira ati “Uko duhinga, ni ko ubutaka bugenda butwarwa n’isuri. Turashaka gufasha abahinzi gukora ubuhinzi bwo kubungabunga ubutaka, kugira ngo bushobore kuzafasha no mu biragano bizakurikira.”

Avuga mu mibare uko ikibazo gihagaze, yagize “Urebye ikibazo gihari nko mu Rwanda, dutakaza nka toni zigera kuri Miliyoni 27 z’ubutaka bwo hejuru buri mwaka. Kwangirika kw’ubwo butaka, bitwara ubukungu bw’Igihugu amafaranga agera kuri miliyari 810 buri mwaka."

Kayisinga avuga ko bafitanye amasezerano y’imyaka ine na Minisiteri y’Ubuhinzi, yo kuzafasha gusakaza mu bice bitandukanye by’Igihugu ubuhinzi bubungabunga ubutaka.

Agira ati “Ni igikorwa kigiye gutangira muri uyu mwaka, kandi kizakomeza, kuko gahunda zihari ni uko urebye twifuza ko twagera ku ntego bihaye. Ubundi kugira ngo umuturage abyumve neza ni uko abanza kureba aho twakoreye ubushakashatsi bakaza bakareba, kuko aba agomba kubireba n’amaso."

Yungamo ati “Dukorana n’abahinzi mu Mirenge itandukanye, hari uwatubwiye ko mu gihembwe kimwe yakoreshaga nk’amafaranga ibihumbi 10 byo gukorera mu murima we, ariko nyuma ya gahunda bigishijwe yo kubungabunga ubutaka, ubu asigaye akoresha amafaranga ibihumbi 6. Urumva ko hari inyungu ku buhinzi.”

Abiga muri iyi Kaminuza bavuga ko nta kabuza ko ubumenyi bazahakura buzabafasha guhindura uko ubuhinzi bukorwa hanze, ku buryo igihombo Leta yaterwaga no kugenda k’ubutaka kizagabanuka cyangwa kikarangira burundu.

Jean Bosco Irahari, ni umunyeshuri mu mwaka wa kabiri, avuga ko yavukiye mu cyaro aho bahinga bakoresheje uburyo bwo kurima no gutabira, butandukanye n’ubwo barimo kwiga.

Ati “Amapfa yarazaga akica imyaka, abaturage bahinga kuko i Gicumbi ari mu misozi miremire, ugasanga isuri yaje yabitwaye byose, itaka ryose ukarisanga mu kabande, hari nubwo yatwaraga imyaka ugasanga bibateje igihombo. Mbabazwa nuko ntavutse cyera ngo mbe narahinduye ibyo bibazo byari bihari, ariko ubu twabonye igisubizo kuko aha ngaha batwigisha ubuhinzi bubungabunga ubutaka, ku buryo iyo suri izagabanuka ku kigero runaka.”

Christelle Micyomyiza nawe wiga ubuhinzi mu mwaka wa kabiri agira ati “Umukoro dufite nituva hano, ni ukugenda tukajya kwigisha abahinzi bandi bataramenya ibyiza by’ubuhinzi butangiza ubutaka. Ubu haracyari imyumvire iri hasi kuko niyo ubibabwiye batabyumva, ariko nitujya hanze tukabasha kubikora, tukabikorana nabo ntekereza ko icyo gihe bizazamura imyumvire yabo kandi twese bikadufasha nk’Igihugu.”

Hamwe muho RICA imaze kugera yigisha abaturage ni mu Murenge wa Rweru na Gashora yo mu Karere ka Bugesera, Kirehe na Gakenke, bakaba barimo kwigisha abahinzi kubanza kubyumva no kubyakira, bikazagezwa n’ahandi hose mu gihugu.

Kaminuza ya RICA yubatswe ku buso bwa hegitari hafi 1,400, aho inyubako zubatswe ku gice gito (nka hegitari 40), ahandi hagakoreshwa nk’imirima y’igerageza n’ikorwa ry’ubuhinzi bubungabunga ubutaka.

Yabigarutseho mu kiganiro cyibanze ku hazaza h’ingufu za Nikeleyeri muri Afurika, kuri uyu wa 19 Gicurasi, aho yagaragaje ko umugabane wa Afurika ugifite ubushobozi buke cyane bwo gutanga amashanyarazi ugereranyije n’ibindi bice by’isi, nyamara ukaba ufite abaturage benshi n’umutungo kamere uhagije.

Dr. Kaberuka yatanze urugero rw’Ubuhinde, avuga ko ari igihugu gifite ubuso bungana hafi na 10% bya Afurika, ariko kikaba gifite ubushobozi bwo gutanga amashanyarazi burenze inshuro ebyiri ay’umugabane wa Afurika wose.

Yagize ati “Iyo mibare irerekana urugendo rurerure Afurika igifite mu rwego rw’ingufu.”

Dr Kaberuka wigeze kuba Minisitiri w’Imari n’Igenamigambi w’u Rwanda, akahava ajya kuba Umuyobozi wa Bank Nyafurika y’Iterambere, ubu akaba ahagarariye Umuryango w’Afurika Yunze Ubumwe mu Kigega cy’Isi cy’Amahoro, agaragaza iki cyuho mu by’ingufu, yavuze ko Ubuhinde buhifite Gigawatts 560 z’amashanyarazi mu gihe Afurika yose ifite Gigawatt 254 gusa.

Mu kugaragaza ko Afurika ishobora gukora imishinga minini igihe habayeho ubushake bwa politiki, yatanze urugero rw’urugomero rwa Grand Renaissance rwa Ethiopia, avuga ko rwubatswe ahanini hakoreshejwe ubushobozi bw’Abanyetiyopiya ubwabo n’inkunga z’imbere mu gihugu.

Icyakora, yavuze ko imishinga myinshi y’ingufu muri Afurika ikunze guhura n’ibibazo bikomeye bishingiye ku miyoborere n’ubukungu. Yagaragaje ko hari aho ibiciro by’amashanyarazi bishyirwaho hagamijwe inyungu za politiki no gushimisha abaturage, aho kureba niba ibigo bishinzwe amashanyarazi bifite ubushobozi bwo gukomeza gukora no kwagura ibikorwa remezo.

Ibyo ngo bituma ibigo byinshi bishinzwe amashanyarazi bibura ubushobozi bwo kwishyura amadeni no gukurura abashoramari bashya.

Yanavuze ko ibibazo by’imikoranire hagati y’ibihugu nabyo bikomeje kudindiza imishinga migari y’akarere. Aha yatanze urugero rw’umushinga wa Grand Inga Dam umaze imyaka myinshi uvugwa nk’umushinga ushobora guha amashanyarazi ibice byinshi bya Afurika, ariko kugeza ubu ukaba utaragerwaho kubera ibibazo by’imicungire n’inyungu z’ibihugu bitandukanye.

Dr. Kaberuka yavuze ko ikibazo Afurika ifite atari ukubura umutungo kamere cyangwa amahirwe yo gutanga amashanyarazi, ahubwo ko hakenewe kubakwa inzego zikomeye zitanga icyizere ku bashoramari ndetse n’uburyo buhamye bwo gushora imari.

Yashimangiye ko Afurika ikwiye no gutangira gukoresha ubushobozi bwayo bw’imari imbere mu gihugu mbere yo gutegereza inkunga z’amahanga, kuko ibyo bishobora gutuma n’abashoramari mpuzamahanga barushaho kuyigirira icyizere.

Ku bwe, iterambere ry’ingufu muri Afurika rizashingira cyane ku miyoborere myiza, ku nzego zigenga zikomeye no ku mikoranire ihamye hagati y’ibihugu, aho kuba ikibazo cyo kubura ikoranabuhanga gusa.

Ni amasezerano yashyiriweho umukono mu Mujyi wa Kigali, ahari kuhera inama mpuzamahanga ku iterambere rya Nikeleyeri.

Abayashyizeho umukono ni Umuyobozi Mukuru Wungirije w’Agateganyo ushinzwe Ibikorwa byo kugenzura Intwaro no kudakwirakwiza Intwaro za Kirimbuzi muri Minisiteri y’Ububanyi n’Amahanga ya Amerika, Renee Sonderman ku ruhande rumwe.

Ku rundi ruhande, hasinye Umunyamabanga wa Leta muri Minisiteri y’Ububanyi n’Amahanga n’Ubutwererane w’u Rwanda, Dr. Usta Kaitesi.

Aya masezerano agamije kubyaza umusaruro ingufu za Nikeleyeri zikoreshwa mu nyungu z’ibikorwa bya gisivili.

Mu bifatika, Ikigo Holtec International cyo muri Leta Zunze Ubumwe za Amerika, hamwe n’Ikigo Gishinzwe Ingufu za Atomike mu Rwanda (RAEB), byashyize umukono ku masezerano agamije guteza imbere ishyirwa mu bikorwa ry’ikoranabuhanga rya Holtec SMR-300 mu Rwanda.

Ibi bizafasha gushyira mu bikorwa gahunda y’u Rwanda yo kugira inganda nto zitunganya nikeleyeri zizwi nka SMR bitarenze 2030.

Ikoranabuhanga rya rya Holtec SMR-300 ritanga ubushobozi bwo kubaka urganda rwa Nikeleyeri rushobora guranga Migawatt 300 z’ingufu.

Ubu buryo ni bwo u Rwanda rwahisemo gukoresha, kuko uruganda runini rwa Nikeleyeri rushobora gutanga Megawatt zirenze 1000 rwo ruhenze kurushaho, ariko rukaba ngo runatwara umwanya munini, rwaba aho rwubakwa, ndetsw n’umwanya urukikije ugomba kuba udakoreshwa ku bw’impamvu z’umutekano.

Ku bihugu bito, SMR nibyo bikorwa remezo byoroshye mu kubaka ingufu za Nikeleyeri. N’ubwo zitanga Megawatt 300, ziba zishobora kongerwa, zigatanga ingufu nyinshi birushijeho, kandi ntacyo bihungabanyije.

Mu gufungura inama mpuzamahanga yiga ku bya Nikeleyeri iri kubera i Kigali kuva kuri uyu wa 18 Gicurasi, Perezida Kagame yagize ati "U Rwanda rwishimiye kuba rwarasoje neza icyiciro cya mbere cy’isuzuma rya IAEA ryerekeye ibikorwa remezo bya Nikeleyeri. Turateganya gutangira gukoresha ingufu za nikere mu ntangiriro za 2030, kandi iri suzuma ryemeza ko turi mu nzira nziza."

Perezida Kagame yavuze ko kuri Afurika, ingufu atari ikibazo cy’iterambere gusa, ahubwo abona ko ari zo shingiro ry’izamuka ry’inganda no guhangana ku isoko mpuzamahanga.

Yagize ati "Inganda zigezweho, gutunganya amabuye y’agaciro, ibikorwa remezo by’inganda, ndetse n’ubuvuzi bugezweho byose bishingira ku muriro wizewe."

Ikindi kandi, Perezida Kagame asanga ko kwiyongera kwihuse kw’ikoranabuhanga ry’ubwenge buhangano (AI) n’inganda zishingiye ku makuru na byo bizatuma ikoreshwa ry’ingufu ryiyongera cyane. Mu bihugu bidashoboye guhaza icyo cyifuzo rero, ngo hazavuka ibibazo bikomeye.

Aha ni ho agira ati "Ni yo mpamvu u Rwanda rubona ingufu za Nikeleyeri nk’ingenzi mu mpinduramatwara y’igihe kirekire ya Afurika. Mu gihe ibihugu byinshi bigenda muri uwo murongo, isuzuma mpuzamahanga n’inzira z’amabwiriza ntibikwiye kuba inzitizi, ahubwo bikwiye gutanga inkunga ikenewe."

Perezida Kagame yavuze ko u Rwanda ruzakoresha ibikorwa remezo bya Nikeleyeri byo ku rwego ruciriritse, bukoresha ibyo bita Small Modular Reactors) kuko ari bwo buryo bushoboka kandi bufatika. Bujyanye neza n’imiterere y’ibihugu byinshi bya Afurika kuko bushobora gushyirwa mu bikorwa buhoro buhoro, bugahuzwa n’imiyoboro mito y’amashanyarazi, n’ibindi byinshi.

Perezida Kagame ntavuga ko Nikeleyeri izaza gusimbura ibiriho, ahubwo avuga ko ingufu zisubira zizakomeza kugira uruhare runini, cyane cyane izituruka ku mirasire y’izuba n’amazi, aho Afurika ifite amahirwe menshi cyane.

Ubu rero ngo igikomeye Afurika ikeneye, ni uguha abashoramari icyizere ko bashobora gushora kuri uyu mugabane, kandi bakunguka, kuko ari byo bizazana ishoramari rirambye muri Nikeleyeri, dore ko izi ngufu zigenda zirushaho kwemerwa nk’igice cy’ingufu zitangiza ibidukikije, kandi ibyo bitanga amahirwe mashya.

Iyi nama ya Nuclear Energy Innovation Summit(NEISA), Kagame ayibona nk’ikiganiro kirenze inzozi n’ibyifuzo, kuko ari n’uburyo bwo guhuza ibikorwa mu buryo bufatika no gushyiraho uburyo bw’imari bushobora gushyigikira ishyirwa mu bikorwa ku rugero runini.

Aha kandi, Perezida Kagame abona ko Nikeleyeri ari ikintu gikomeye mu gutegura ejo hazaza ha Afurika, dore ko mu mwaka wa 2050, Afurika izaba ifite abakozi benshi kurusha ahandi hose ku isi.

Agira ati "Iyo mpinduka mu mibare y’abaturage ishobora kuba amahirwe akomeye y’ubukungu muri iki kinyejana niba tuyiteguye neza."

Ni nyuma yo gusezera ku bayobozi batandukanye ku Kibuga cy’Indege Mpuzamahanga cya Julius Nyerere (JNIA) i Dar es Salaam mbere yo guhaguruka yerekeza i Kigali.

Akigera i Kigali, Dr. Samia Suluhu Hassan yakiriwe n’Umunyamabanga wa Leta muri Minisiteri y’Ububanyi n’Amahanga n’Ubutwererane, Dr Usta Kaitesi.

Iyo nama ihurije hamwe abayobozi b’ibihugu, aba Guverinoma, Abaminisitiri b’Ibikorwa remezo n’Ingufu, abafata ibyemezo, abashoramari, abahanga mu bya Nikeleyeri, ibigo by’imari n’abafatanyabikorwa mu rwego rw’ingufu (NEISA).

Iyi nama yatangiye guhera kuri uyu wa Kabiri iraganirirwamo uburyo bwiza bwo kugera ku mashanyarazi muri Afurika,kugabanya ihumana ry’ikirere, gushyigikira iterambere ry’inganda, guteza imbere udushya mu ikoranabuhanga ry’ingufu za Nikeleyeri, ndetse no gushora imari mu mishinga y’ingufu.

Umushinga Green Rising ushishikariza abakobwa kugira uruhare mu gutera ibiti

Aho gutwara gusa ibitabo n’amakaye, abanyeshuri baza bambaye imyambaro y’imikino bafite amasuka, ibikoresho byo kuvomerera, bafite n’ingemwe z’ibiti.

Bafatanya kumara igice cy’umunsi batera ibiti, bavomerera ingemwe zikiri nto kandi bakita ku mirima y’ishuri. Ibi bikorwa bifite uruhare runini mu kubafasha gusobanukirwa n’imihindagurikire y’ibihe no kurengera ibidukikije.

Mu banyeshuri bashishikariye iyi gahunda harimo Shalom Tuyishime. Kimwe n’abandi bana benshi bo mu cyaro cy’u Rwanda, Shalom yamaze kubona ingaruka mbi z’imihindagurikire y’ibihe.

Yagize ati: “Umudugudu wacu wahuye n’inkangu n’imyuzure.”

Akomeza agira ati: “Ariko ubu binyuze muri gahunda yo gutera ibiti mu mashuri (Greening Schools Programme), dutera ibiti ku ishuri no mu baturage. Bituma twumva dufite uruhare mu guhindura ibintu.”

Ku bwa Shalom, inyungu z’ibyo biti ni ebyiri: kurengera ibidukikije no kugira akamaro mu buzima bwa buri munsi.

Agira ati: “Ahantu hari ibiti bitanga igicucu aho dukorera ibikorwa byo hanze, bigabanya n’umukungugu, bikadufasha kwiga neza.”

Kugeza ubu, abanyeshuri n’abarimu ba GS Matyazo bamaze gutera ibiti 1,040 mu kibuga cy’ishuri, ndetse batanze ingemwe 2,925 zahinzwe mu mashyamba mato yo mu ishuri zikajyanwa mu baturage bo hafi.

Mu Rwanda hose, iyi gahunda yo gutera ibiti mu mashuri imaze gutuma haterwa ibiti 42,852 birimo 11,661 byatewe mu mashuri 10 yitabiriye gahunda, na 31,191 byatewe mu baturage baturiye ayo mashuri.

Iyi gahunda iri mu mushinga mugari witwa Green Rising Project, gahunda mpuzamahanga iyobowe na Generation Unlimited na UNICEF igamije gushishikariza urubyiruko miliyoni 10 ku Isi kurengera ibidukikije.

Mu Rwanda, iyi gahunda igamije kugera ku rubyiruko rurenga 150,000 mu gihe cy’umwaka umwe.

Guhindura amashuri ibyanya by’icyatsi kibisi

Nubwo UNICEF imaze gukorana n’urubyiruko rwinshi binyuze mu bikorwa byo gutera ibiti mu muganda rusange uba buri kwezi, UNICEF itekereza ko kubinyuza mu mashuri ari uburyo bwiza bwo kugera ku bana hafi ya bose mu Gihugu.

Mu gutangiza gahunda y’Igihugu yo gutera ibiti by’imbuto, Lieke van de Wiel yagaragaje ko u Rwanda rufite umubare munini w’abana biga mu mashuri abanza, bikaba amahirwe akomeye yo kwigisha ibijyanye n’ibidukikije.

Yavuze ko uyu mubare munini w’abiga washishikarije Minisiteri y’Ibidukikije, Minisiteri y’Uburezi na UNICEF gufatanya mu mugambi wo gutera ibiti mu mashuri yose abanza mu gihugu.

Van de Wiel avuga ko ibyo abana bazibuka muri iyi gahunda bizabagumaho ubuzima bwabo bwose.

Yagize ati: “Nyuma y’imyaka icumi, bazajya baza kuhareba bavuge bishimye bati ‘ni jye wateye kiriya giti.’”

Kuva ku bikorwa byo kurengera ibidukikije kugeza ku mirire y’abanyeshuri

Gahunda ya Green Rising yashyize imbaraga mu kongeramo abakobwa mu bikorwa byo kurengera ibidukikije.

Kugira ngo iyi ntego igerweho, UNICEF n’abafatanyabikorwa batangije gahunda nshya y’Igihugu yiswe “Our Trees, Our Future” (“Ibiti byacu – Ejo heza hacu”).

Iyi gahunda igamije kugera mu mashuri arenga 4,000, kandi izashyirwa mu bikorwa na Leta y’u Rwanda ku bufatanye na UNICEF na One Acre Fund Rwanda.

Buri shuri rizitabira iyi gahunda rizaterwamo nibura ibiti 40 by’imbuto birimo avoka, imyembe, amacunga n’indimu, guhera mu gihe cy’itangira ry’igihembwe cyo gutera ibiti mu 2026.

Nubwo ibiti by’indimu n’imyembe bifata imyaka 4 kugeza kuri 6 kugira ngo bitange imbuto, naho avoka ikaba ifata imyaka 5 kugeza kuri 7, abazabaho mu bihe biri imbere bazasanga hari imbuto, igicucu n’ibidukikije byiza byatewe n’ubu.

Mu gihugu gifite amashuri 4,986 yanditse hamwe n’ibigo birenga 300 byita ku bana bato (ECD), iyi gahunda ni igikorwa gikomeye kigamije guteza imbere imirire myiza, kurengera ibidukikije no kongera ubushobozi bwo guhangana n’imihindagurikire y’ibihe.

Kurwanya inzara n’imihindagurikire y’ibihe icyarimwe

Iyi gahunda yo gutera ibiti by’imbuto iri mu murongo mugari w’Igihugu wo kurwanya imirire mibi, ihindagurika ry’ibihe, iyangirika ry’ubutaka n’ubukene.

U Rwanda rumaze kugabanya igwingira ry’abana kugera kuri 27%, kandi rufite intego yo kurigabanya kugera kuri 15% mu 2029.

Ibiti by’imbuto ni igisubizo kirambye kuko bitanga intungamubiri zikenewe ndetse bikanafasha kurinda ubutaka bwo mu misozi bushobora gusenyuka.

Iyi gahunda kandi ishyigikira politiki y’u Rwanda yo gutera nibura ibiti bitanu by’imbuto kuri buri rugo, ndetse ikaba inunganira gahunda y’imyaka itanu igamije gutera ibiti birenga miliyoni 6.4 by’imbuto mu gihugu.

Van de Wiel yavuze ko iyi gahunda ari intambwe ikomeye mu isabukuru y’imyaka 40 UNICEF imaze ikorana n’u Rwanda.

Yagize ati: “Iki ni ikindi gikorwa kigaragaza ubushake bwacu ku bana. Ibi biti bizakura hamwe na bo kandi bibere igice cy’ejo hazaza habo.”

Belinda Bwiza, Umuyobozi wa One Acre Fund Rwanda, yibanze ku nyungu z’ubukungu z’uyu mushinga.

Yagize ati: “Dukorera abahinzi barenga miliyoni imwe, kandi kwihangana n’ubushobozi bwo guhangana n’ibibazo ni byo dushyize imbere.”

Lieke van de Wiel uhagarariye UNICEF mu Rwanda (ibumoso) na Belinda Bwiza, Umuyobozi Mukuru wa One Acre Fund Rwanda, basanga uyu mushinga uzagira uruhare runini mu kuzamura ubukungu.

Uyu mushinga uzanafasha mu guteza imbere imirimo, aho abantu barenga 2,000 bazabona amahirwe yo gukora mu bikorwa byo gutunganya ingemwe z’ibiti.

Minisitiri w’Ibidukikije w’u Rwanda, Bernadette Arakwiye, yavuze ko iyi gahunda ari ishoramari mu bidukikije no mu mirire myiza. Yagize ati “Igiti cyatewe uyu munsi ni ifunguro ry’umwana ejo n’umwuka mwiza ahumeka.”

U Rwanda rumaze kurenga intego yarwo yo kugira 30% by’ubuso butwikiriwe n’amashyamba, rugera kuri 30.4%, kandi ubu rufite intego yo gutera ingemwe z’ibiti zigera kuri miliyoni 300 bitarenze umwaka wa 2030 muri gahunda ya NST 2.

Ku banyeshuri nka Shalom, ingaruka z’iyi gahunda zimaze kugaragara buri wa Gatatu munsi y’igicucu cy’ibiti bishya byatewe, aho abana bagaragaza ko n’amaboko mato ashobora kubaka ejo hazaza heza, harambye kandi harushijeho kuba icyatsi kibisi.

Mu Rwanda, ubu bushobozi buhura n’ikibazo gikomeye cy’ingufu nkeya z’amashanyarazi igihugu gifite. Inkomoko zose z’amashanyarazi u Rwanda rusanzwe rukoresha — harimo ingomero z’amazi, gaze ya metani, imirasire y’izuba, nyiramugengeri n’ibikomoka kuri peteroli — zose hamwe zitanga amashanyarazi ari munsi cyane ya megawati 1,000 (MW). U Rwanda rutanga amashanyarazi macye cyane ugereranyije n’abawukeneye.

Iteganyamigambi rya Leta rigaragaza ko amashanyarazi u Rwanda ruzakenera ashobora kuzagera hagati ya gigawati 2.5 na 4.5 (GW) mu mwaka wa 2050. Ikinyuranyo kiri hagati y’ibikenewe n’ibihari nticyakemurwa no kongera buhoro buhoro ubushobozi bw’ingufu zisanzwe gusa, ari na yo mpamvu abayobozi batangiye kureba ibisubizo by’igihe kirekire birimo ingufu za nikleyeri.

Mu rwego rwo kuganira kuri ibi bibazo by’ingufu ku rwego rw’akarere, kuva ejo u Rwanda rwakiriye inama ya kabiri ya Nikeleyeri, Nuclear Energy Innovation Summit on Africa (NEISA 2026). Iyi nama y’iminsi itatu ihuriza hamwe impuguke, abayobozi, abashakashatsi n’abafatanyabikorwa mu rwego rw’ingufu kugira ngo baganire ku hazaza h’ubumenyi bwa nikleyeri muri Afurika.

Mu gihe abantu bagitinya ibya nikleyeri bakabizanamo politiki nyinshi, uburyo u Rwanda rubifata bushingiye ku ikoranabuhanga n’iterambere.

Ingufu Zihoraho zo Guteza Imbere Igihugu

Kimwe mu by’ingenzi bitandukanya ingufu za nikleyeri zizwiho ni ubushobozi bwo gutanga amashanyarazi adahagarara. Bitandukanye n’ingufu zishingiye ku kirere nk’izuba cyangwa umuyaga, inganda za nikleyeri zikora amanywa n’ijoro, zigatanga amashanyarazi ahoraho kandi yizewe.

Ibi bikorwa binyuze muri nuclear fission — uburyo bwo gutandukanya utunyangingo twa uranium muri reactor igenzurwa neza. Iyi mikorere itanga ubushyuhe bwinshi bukabyara umwuka ushyushye (steam), ugatuma turbines zitanga amashanyarazi menshi kandi adahindagurika. By’umwihariko, reactor imwe isanzwe ya nikleyeri ishobora gutanga hagati ya megawati 1,000 na 1,200 — zingana hafi n’ubushobozi bwose bw’amashanyarazi u Rwanda rufite ubu.

Nk’uko Dr. Fidele Ndahayo, Umuyobozi Mukuru w’Ikigo cy’u Rwanda gishinzwe Ingufu za Nikleyeri (Rwanda Atomic Energy Board), abivuga, igihugu kiri gushyira imbere ingufu za nikleyeri kubera ubunini bwazo n’ukwizerwa kwazo.

Yagize ati: “Umwihariko w’ingufu za nikleyeri ni uko ziboneka amasaha 24 kuri 24, iminsi irindwi mu cyumweru mu gihe cy’imyaka myinshi. Ugomba kwirinda guhungabanya itangwa ry’amashanyarazi kuko guhungabana bishobora kugira ingaruka mbi.”

Ku Rwanda, uku kwizerwa ni ingenzi mu gushyigikira iterambere ry’inganda, kwagura ibikorwa by’ikoranabuhanga no guteza imbere ubukungu mu buryo burambye.

Dr. Fidele Ndahayo, Umuyobozi Mukuru wa Rwanda Atomic Energy Board, mu kiganiro n’abanyamakuru cyo ku wa 18 Gicurasi 2026.

Impamvu Small Modular Reactors Zihuye n’Ingamba z’u Rwanda

Aho gushora imari mu nganda nini zisanzwe za nikleyeri, u Rwanda rwahisemo kwibanda kuri Small Modular Reactors (SMRs) — ikoranabuhanga rishya rya nikleyeri ryagenewe korohereza ibihugu kubaka ubushobozi bujyanye n’ibikenewe.

Inganda nini za nikleyeri zisaba ubutaka bunini cyane ndetse n’ahantu hagari ho kwirinda impanuka, ibintu bitorohera ibihugu bifite ubuso buto cyangwa abaturage benshi.

Ndahayo yagize ati: “Mu Rwanda, rufite hafi kilometero kare 26,000, inganda nini za nikleyeri si uburyo bushoboka cyane.”

SMRs zo zikorwa mu bice bito kandi zishobora kongerwa buhoro buhoro bitewe n’uko amashanyarazi akenerwa yiyongera. Ibi bituma igihugu cyubaka ubushobozi bwa nikleyeri mu byiciro, mu gihe kigabanya ibiciro n’ibikenerwa mu bikorwa remezo.

Yakomeje ati: “Ku bw’amahirwe, ubu ku isoko hari ikoranabuhanga rya small modular reactors ririmo gutezwa imbere. Ushobora kongera ubushobozi bitewe n’uko ibikenewe byiyongera.”

U Rwanda ruteganya gutangiza reactor yarwo ya mbere ya SMR mu ntangiriro z’umwaka wa 2030, kandi intego y’igihe kirekire ni ukugera kuri gigawati 1.5 z’ingufu za nikleyeri mu mwaka wa 2050.

Imari, Umutekano n’Impinduka mu Rwego rw’Ingufu

Nubwo ingufu za nikleyeri zifite amahirwe menshi, ni kimwe mu bikorwa remezo bihenze kandi bigoye cyane ku isi. Kuzubaka bisaba miliyari z’amadolari kandi akenshi bifata hagati y’imyaka irindwi na icumi mbere y’uko uruganda rutangira gukora.

Iyi myiteguro isaba gushyiraho amategeko akomeye ayigenga, kurengera ibidukikije, guhugura abakozi bafite ubumenyi buhambaye, kubaka uburyo bwo kwirinda ibitero by’ikoranabuhanga, gutegura uburyo bwo gutabara mu gihe cy’impanuka, no kugira umurongo mugari w’amashanyarazi ushobora kwakira amashanyarazi menshi kandi adahagarara.

Umutekano ni cyo kintu cy’ingenzi cyane. Nubwo impanuka za nikleyeri zibaho gake cyane mu mibare, u Rwanda ruri kwitegura ibishobora kuba nubwo byaba bidakunze kubaho ariko bikagira ingaruka zikomeye. Mu ntangiriro z’uyu mwaka, Ikigo Mpuzamahanga cy’Ingufu za Nikleyeri (IAEA) cyakoreye u Rwanda igenzura ryiswe Integrated Nuclear Infrastructure Review (INIR), ryemeza ko igihugu kimaze gutera intambwe igaragara mu myiteguro y’ibanze ya gahunda ya nikleyeri.

Muri rusange, u Rwanda rubona ubumenyi bwa nikleyeri atari nk’ubusimbura andi mashanyarazi rusanzwe rufite, ahubwo nk’ishingiro ry’ejo hazaza hafite amashanyarazi ahamye, ashobora kwagurwa kandi aturuka ku nkomoko zitandukanye, hamwe n’uruhare rwabwo rukomeza mu buvuzi, ubuhinzi n’ubushakashatsi bwa siyansi.

Iyi hoteli y’ikirenga iri mu Mujyi wa Kigali biteganyijwe ko izafasha gukomeza gushyira Kigali ku rwego rw’imijyi ikurura ba mukerarugendo bifuza serivisi zihanitse muri Afurika y’Iburasirazuba.

Richard Hyde, Umuyobozi Mukuru ushinzwe ibikorwa muri SLH, yavuze ko bishimiye kwakira The Pinnacle Kigali muri iri huriro, ashimangira ko ari hoteli yihariye mu Murwa Mukuru w’u Rwanda.

Yagize ati: “Twishimiye kwakira The Pinnacle Kigali muri SLH. Ni hoteli yihariye kandi izafasha kwagura ibikorwa bya Small Luxury Hotels of the World muri Afurika.”

Hyde yakomeje avuga ko icyerekezo cya Sheila Kyarisiima, washinze iyi hoteli, gihuye n’indangagaciro za SLH zo guteza imbere hoteli zifite umwihariko, ubwiza n’ubunararibonye budasanzwe.

Mu ntangiriro, Sheila Kyarisiima yari yarubatse uyu mutungo nk’urugo rw’umuryango we, ariko nyuma aza kuwuhindura hoteli nyuma yo kubona icyuho cyari kiri mu rwego rwa hoteli zihenze kandi zigezweho muri Kigali.

Yavuze ko intego ye yari ugushyiraho ahantu hatuma abashyitsi bamara igihe kinini mu Mujyi wa Kigali basura ibikorwa by’ubuhanzi, umuco n’ibiribwa, aho gufata Kigali nk’aho banyura gusa bajya gusura ingagi.

Yagize ati: “Twishimiye kuba hoteli ya mbere yo mu Rwanda yinjiye muri SLH, ihuriro duha agaciro nk’uko natwe duha agaciro umwihariko n’ubwiza biranga The Pinnacle.”

Iyi hoteli ifite ibyumba icyenda by’akataraboneka, birimo ibikoresho byabugenewe, ubwogero bugezweho, amatara akoresha ikoranabuhanga ndetse n’ibihangano bya Afurika bitatse imbere.

Serivisi zidasanzwe n’imyidagaduro

Ishami ni imwe muri resitora z’iyi hoteli, ikaba iri hejuru y’inyubako kandi itanga amafunguro ahuza uburyo bwa Afurika na Aziya, hamwe n’ahantu hareberwa Kigali hose.

Muri iyi hoteli harimo kandi pisine y’amazi arimo umunyu, spa na wellness center, salle de sport, sinema yihariye yakira abantu 21, ikibuga cya bowling, icyumba cy’imikino ndetse n’isomero.

The Pinnacle Kigali kandi itegurira abashyitsi ibikorwa byo gusura ahantu h’amateka n’umuco harimo Kigali Genocide Memorial, Kandt House Museum, Kigali Cultural Village na Niyo Arts Center.

Hari kandi gahunda zo gutembera muri Nyamirambo, gusura Kimironko Market no kumenyekanisha ibikorwa bya Made in Rwanda.

Yitezweho guteza imbere ubukerarugendo bwo mu mijyi

The Pinnacle Kigali irifuza gukurura ba mukerarugendo bahuza urugendo rwo gusura Kigali no kujya kureba ingagi cyangwa gukora ingendo mu misozi y’u Rwanda.

Iyi hoteli ivuga ko ifite gahunda yihariye yitwa “Departure Amenity”, ituma abashyitsi bakomeza gukoresha serivisi zayo na nyuma yo gusohoka mu byumba, harimo spa, amafunguro ndetse n’ahantu ho kuruhukira mbere yo kujya ku kibuga cy’indege.

Ubuyobozi bwa hoteli buvuga ko buri rugendo rw’umushyitsi ruba rurimo serivisi zifite agaciro k’amadolari 1,400 ku cyumba gisanzwe n’amadolari 1,800 ku byumba byisumbuyeho (suites).

Muri serivisi zitangwa harimo kwakirwa byihariye ku kibuga cy’indege, gufashwa kwihutisha ibikorwa byo kwinjira no gusohoka, imodoka zihariye, butler service, massage, kumesa imyenda ndetse no gusukura inkweto nyuma yo kuva mu bikorwa byo gutembera mu misozi.

Minisitiri w’Ibikorwa Remezo Jimmy Gasore

Minisiteri y’Ibikorwa remezo ivuga ko muri iyo myaka hakozwe byinshi by’umwihariko ku bijyanye no kwitegura hamwe n’ubushake, ku buryo igihe kigeze cyo gutangira gushyira mu bikorwa imishinga y’ikoreshwa ry’ingufu za Nekeleyeri.

Guhera kuri uyu wa mbere mu Rwanda hateraniye Inama Nyafurika yiga ku mukoreshereze y’ingufu za nekeleyeri (Nuclear Energy Innovation Summit for Africa /NEISA), iganirirwamo uburyo izo ngufu zakemura ibibazo by’amashanyarazi ku mugabane wa Afurika.

Ni inama y’iminsi ine, ihurije hamwe abayobozi b’ibihugu, aba Guverinoma, Abaminisitiri b’Ibikorwa remezo n’Ingufu, abafata ibyemezo, abashoramari, abahanga mu bya nekeleyeri, ibigo by’imari n’abafatanyabikorwa mu rwego rw’ingufu.

Minisitiri w’Ibikorwa remezo Dr. Jimmy Gasore, yavuze ko igitandukanye muri iyi nama, ari ugufata ubushake Igihugu kimaranye igihe bigahindurwa mu mishinga.

Yagize ati “Imishinga tuzi ngo izatangira ryari, ifite amatariki. Kugira ngo bigerweho ni uko dushyira imbaraga mu gushaka imari yo gushyira ya mishinga mu bikorwa. Turaganira byinshi ariko byose bigaruka mu gushyira mu bikorwa mu gukora imishinga.”

Agendeye ku ntego z’Igihugu za 2050, Dr. Gasore avuga ko kugira ngo Igihugu gitere imbere gikenera ingufu z’amashanyarazi ku buryo ibihugu byose byateye imbere ku Isi bifite ingufu za nekeleyeli.

Ati “Natwe nk’Abanyarwanda ntidushobora gukomeza kuvuga iterambere rirambye tutavuga ingufu z’amashanyarazi zihagije. Turavuga imbaraga za nekeleyeri zikoreshwa ku mpamvu za gisivili zo kubyara amashanyarazi, n’izindi mpamvu z’iterambere ariko za gisivili. Hari ibihugu bimaze imyaka irenga 50 bifite nekeleyeri byateye imbere, kuki twumva hari abandi bafite uburenganzira bwo gutera imbere, twebwe Abanyarwanda, Abanyafurika, tukiyambura ubwo burenganzira.”

Kubera ko nekeleyeri ari ikoranabuhanga rishobora gukoreshwa mu bikorwa bya gisirikare n’ibya gisivili, riragenzurwa cyane, bikaba bisaba ko ibyo ukora bigomba kuba bizwi, ukorera ku mugaragaro kandi ufite ubushobozi bwo kuyifata no kuyicunga neza.

Kuva mu 2018, mu Rwanda hatangiye gushyirwaho amategeko, amabwiriza no kongerera ubushobozi ikigo cy’Igihugu ngenzuramikorere (RURA) kugira ngo gikomeze kibe ikigo kigenzura gifatanyije n’ibigo mpuzamahanga, hashyirwaho Ikigo cy’Igihugu gishinzwe Ingufu za Atomike mu Rwanda (RAEB), gishinzwe guhuza ibyo bikorwa, hanasinywa amasezerano n’Ikigo mpuzamahanga gishinzwe ingufu za Atomike, mu rwego rwo kwitegura gushyira mu bikorwa imishinga ishingiye ku ngufu za nekeleyeri.

Ibi byiyongeraho kuba kuva muri icyo gihe, u Rwanda rumaze kohereza abanyeshuri barenga 200 hirya no hino ku Isi, kwiga ibijyanye n’ingufu za nekeleyeri, hamwe n’ishami rya Nikeleyeri ryatangijwe muri Kaminuza y’u Rwanda.

Minisitiri Dr. Gasore ati “Ibyo byose ni ibivuga ngo nk’Igihugu turiteguye, igisigaye ni ugutangira gushyira mu bikorwa imishinga.”

Iyi nama irimo kubera mu Rwanda ku nshuro ya kabiri yikurikiranya, kuko iheruka kuhabera muri Nyakanga umwaka ushize (2025), iba igamije gufasha Afurika kuva ku rwego rwo kuvuga gusa ku mishinga ya Nikeleyeri ikagera ku rwego rwo kuyishyira mu bikorwa no kuyishoramo imari.

Amakuru yerekeranye n’ikoreshwa ry’iyi mipaka aravuga ko abanyeshuri, abakora ibikorwa by’ubutabazi (humanitarians), abatwara ibiribwa, ndetse n’abatashye iwabo, barakomeza koroherezwa gutambuka.

Abaturage barasabwa gukomeza kubahiriza ingamba zo kwirinda harimo gukaraba intoki n’amazi meza n’isabune, kwirinda gusuhuzanya n’intoki, kwirinda ingendo zitari ngombwa cyane cyane ahantu hagaragaye icyorezo cya Ebola, kwihutira kujya kwa muganga mu gihe umuntu agaragaje ibimenyetso birimo umuriro mwinshi, kuribwa mu ngingo, kuva amaraso, n’ibindi.

Ifungwa ry’iyi mipaka y’i Rusizi rije rikurikira iry’imipaka ya Rubavu ryabaye ku Cyumweru tariki 17 Gicurasi 2026, mu rwego rwo gukumira icyorezo cya Ebola byavugwaga ko gishobora kuba cyageze i Goma mu mujyi wegeranye cyane n’uwa Rubavu.

Minisiteri y’Ubuzima mu Rwanda, ku mugoroba wo ku Cyumweru, yatangaje ko nubwo ingamba zo kwirinda zakajijwe, mu Rwanda nta murwayi wa Ebola wari wahaboneka.

Imibare ya Minisiteri y’Ubuzima (MINISANTE) yagaragarije abadepite bagize Komisiyo y’Ingengo y’Imari n’Umutungo bya Leta, igaragaza ko hari ibitaro bimwe na bimwe byari biteganyijwe kubakwa cyangwa kuvugururwa, ariko ishyirwa mu bikorwa ryabyo rikaba rikiri hasi cyane, ndetse hari n’aho ritaratangira.

Mu mishinga yagaragaje ubukererwe bukomeye harimo uwo kubaka Ibitaro bya Muhororo, wari waragenewe Miliyoni 463.7 Frw mu ngengo y’imari ya 2025/2026, ariko kugeza ubu ukaba utaratangira.

MINISANTE yavuze ko uyu mushinga watinze kubera kubanza kunoza inyigo, ibikorwa byo kubaka bikazatangira mu mwaka utaha w’ingengo y’imari.

Ni nako byagenze ku mushinga wo kuvugurura Ibitaro bya Kabgayi mu cyiciro cya kabiri (Phase II), aho Miliyoni 209.8 Frw zari zaragenewe imirimo yo kubivugurura, ariko ibikorwa bikaba bitaratangira, ishyirwa mu bikorwa rikaba riri ku gipimo cya 0%.

Ku rundi ruhande, umushinga wo kubaka Ibitaro bya Ruhengeri Referral Hospital, ufatwa nk’umwe mu mishinga minini igihugu gitezeho kongera ubushobozi bw’ubuvuzi, na wo uragenda gahoro ugereranyije n’ingengo y’imari yawugenewe.

Nubwo wari waragenewe Miliyari 10.4 Frw mu mwaka wa 2025/26, amafaranga amaze gukoreshwa ari ku kigero cya 13% gusa.

MINISANTE yasobanuye ko mbere yo gutangira ibikorwa nyirizina byo kubaka habanje kwimurwa serivisi z’ubuvuzi ndetse no gusenya inyubako zishaje, ibintu byatumye imirimo itinda gutangira neza. Gusa, ibikorwa byo kubaka biteganyijwe gutangira byuzuye muri Nyakanga 2026.

Mu mishinga yagaragaje intambwe ishimishije kurusha indi harimo uwo kubaka inyubako y’ababyeyi ya Kibagabaga (Kibagabaga Maternity Ward), aho ibikorwa byari bimaze kugera ku gipimo cya 68% nyuma yo kongera gusubukurwa.

Uku kudindira kw’imishinga kuje mu gihe u Rwanda rwitegura kwakira abaganga benshi bazarangiza amasomo guhera mu 2026, binyuze muri gahunda ya 4x4, yashyizweho mu rwego rwo gukuba inshuro enye umubare w’abaganga n’abakozi bo mu rwego rw’ubuzima mu gihe cy’imyaka ine.

Ni mu gihe Minisitiri w’Ubuzima, Dr Sabin Nsanzimana, yabwiye abadepite bagize Komisiyo y’Ingengo y’Imari n’Umutungo bya Leta ko aherutse kugaragariza Guverinoma ko igomba gutangira gutegura amafaranga y’imishahara y’abo baganga bazinjira mu kazi, kuko umubare wabo uziyongera cyane.

Ibi bivuze ko nubwo Igihugu kirimo kongera abaganga, ikibazo gishobora kuvuka ari ukumenya niba ibitaro n’ibindi bikorwa remezo by’ubuzima bizaba byiteguye kubakira no gukoresha neza abo baganga.

Kuri ubu uwemererwa kwambuka ni Umunyarwanda utashye iwabo ariko na we akabanza gusuzumwa, ndetse n’Umunyekongo utashye iwabo. Mu nzira zitemewe zizwi nka ‘panya’ zajyaga zifashishwa mu buryo butemewe na ho hashyizwe abagenzura ko nta muntu uhanyura.

Umuyobozi w’Akarere ka Rubavu, Mulindwa Prosper, yemeje amakuru y’ifungwa ry’umupaka, asaba abaturage kubahiriza icyo cyemezo, no kwirinda kunyura mu nzira zitemewe, kuko bigamije kubarinda kwibasirwa na Ebola.

Ati “Abaturage babyumve kandi ntibahatirize kuko biri mu nyungu zacu twese.”

Mulindwa avuga ko nta muntu wari wagaragaraho icyo cyorezo mu Rwanda, ingamba zafashwe zikaba ari izigamije kugikumira.

Icyorezo gishya cya Ebola kimaze iminsi kivugwa mu Ntara ya Ituri mu Burasirazuba bwa RDC, aho cyishe abantu 80, abarenga 240 baracyandura. Biracyekwa ko cyaba cyageze i Goma mu mujyi utuwe cyane kandi wegeranye n’u Rwanda, ibituma hashobora gushyirwaho ingamba zikomeye zo kugikumira.

Kabuga Félicien

Kabuga yafashwe ku wa Gatandatu tariki 16 Gicurasi 2020, afatirwa mu Bufaransa n’Igipolisi cyaho, nyuma yo kumushakisha ku bufatanye na Polisi y’u Bubiligi, u Bwongereza ndetse n’Urwego rwasigariyeho icyari Urukiko Mpuzamahanga Mpanabyaha rwashyiriweho u Rwanda na Yugoslavia (IRMCT).

Icyo gihe ubuzima bwa Kabuga mu myaka 26 yari ishize bwaranzwe no kwihishahisha mu bihugu binyuranye, abifashijwemo n’inzego zitandukanye ndetse n’abana be.

Dr. Gakwenzire avuga ko hari byinshi bamaze igihe bibaza kuri Kabuga. Ati “Hari ibibazo dukwiye kwibaza. Ko yafatiwe mu Bufaransa, ese yahageze ryari? Ese yahageze ate? Yashyigikiwe na nde? Yari ahamaze imyaka ingana iki? Icyo tuzi ni uko yagenderaga ku mpapuro z’inzira (Pasiporo) na Visa byatanzwe n’inzego zibifitiye ububasha, atari ibyangombwa by’ibihimbano. Izo nzego rero zamuhaye ibyo byangombwa byo kugira ngo agende acika ubutabera imyaka n’imyaka kugera igihe afatwa, hakaza noneho kuvuga ko adashobora guhagarara imbere y’ubutabera, abo bose bakwiriye kubiryozwa, kuko bananije ubutabera, kandi ibyo bihugu byasinye amasezerano mpuzamahanga yo guhana no gukumira icyaha cya Jenoside.”

Ati “Twebwe rero nk’umuryango IBUKA tubona ko hakwiriye kureba uburyo bwo gusubiza amaso inyuma, noneho izo nzitizi zose zagiye zibamo zigakurikiranwa, ababigizemo uruhare bagahanwa, naho ubundi ntacyo twaba dukora, kandi tugomba gushyigikira ko icyaha cya Jenoside gicika, atari mu Rwanda gusa nk’uko twabyiyemeje, ahubwo n’ahandi ku Isi hose.”

Ku wa Gatandatu tariki 16 Gicurasi 2026, itariki ihura n’iyo yafatiweho, nibwo byatangajwe ko Kabuga Félicien ufatwa nk’umuterankunga wa Jenoside yakorewe Abatutsi mu 1994 mu Rwanda, yapfiriye mu bitaro yari arwariyemo i La Haye mu Buholandi.

Kabuga yari amaze imyaka itatu ari mu kigo cy’Umuryango w’Abibumbye mu Buholandi nyuma y’uko yari akurikiranweho ibyaha birimo gutera inkunga no gushishikariza abantu gukora Jenoside.

Urubanza rwe rwaburanishwaga n’Urugereko rw’Urukiko Mpanabyaha rwashyiriweho u Rwanda rwahawe kurangiza imanza z’insigarira (IRMCT) i La Haye mu Buholandi, rwari rwahagaritswe nyuma y’aho impuguke z’abaganga zasuzumye ubuzima bwa Kabuga, zikora raporo igaragaza ko ubuzima bwe n’ubushobozi bwo gutekereza bitamwemerera gukomeza urubanza.

Ku wa 8 Nzeri 2023, urukiko rwafashe icyemezo cyo guhagarika urubanza igihe kitazwi, kubera ko Kabuga yabonwaga nk’utagifite ubushobozi bwo kuburana, runategeka ko akomeza gufungirwa ahakorera Umuryango w’Abibumbye kugeza igihe ikibazo cyo kumurekura by’agateganyo kizakemukira.

Mu gihe yitabaga Imana, Kabuga yari ategereje kurekurwa by’agateganyo no koherezwa mu gihugu cyemera kumwakira ku butaka bwacyo.

Kabuga yari amaze imyaka itatu ari mu kigo cy’Umuryango w’Abibumbye mu Buholandi nyuma y’uko yari akurikiranweho ibyaha birimo gutera inkunga no gushishikariza abantu gukora Jenoside.

Urubanza rwe rwaburanishwaga n’Urugereko rw’Urukiko Mpanabyaha rwashyiriweho u Rwanda rwahawe kurangiza imanza z’insigarira (IRMCT) i La Haye mu Buholandi, rwari rwahagaritswe nyuma y’aho impuguke z’abaganga eshanu zasuzumye ubuzima bwa Kabuga, zikora raporo igaragaza ko ubuzima bwe n’ubushobozi bwo gutekereza bitamwemerera gukomeza urubanza.

Kabuga Félicien yafatiwe mu Bufaransa mu 2020, bishyira iherezo ku myaka 26 yari amaze yihishahisha, ahunga ubutabera bwari bumutegereje ngo aryozwe ibyo yakoze.

Ku wa 8 Nzeri 2023, urukiko rwafashe icyemezo cyo guhagarika urubanza igihe kitazwi, kubera ko Kabuga yabonwaga nk’utagifite ubushobozi bwo kuburana, runategeka ko akomeza gufungirwa ahakorera Umuryango w’Abibumbye kugeza igihe ikibazo cyo kumurekura by’agateganyo kizakemukira.

Mu gihe yitabaga Imana, Kabuga yari ategereje kurekurwa by’agateganyo no koherezwa mu gihugu cyemera kumwakira ku butaka bwacyo.

Muri uru ruzinduko, Perezida Doumbouya yitabiriye umuhango wo gutangiza ku mugaragaro Inama ya Africa CEO Forum 2026 yaberaga i Kigali, ihuza abayobozi bakuru b’ibigo bikomeye n’abashoramari baturutse hirya no hino ku mugabane wa Afurika no ku Isi.

Uretse ibyo kandi Perezida Kagame yanagiranye ibiganiro byihariye na Doumbouya, byibanze ku kurushaho guteza imbere ubufatanye hagati y’ibihugu byombi, cyane cyane mu nzego z’ubukungu, ishoramari n’iterambere rirambye.

Mu Nteko Rusange ya Sena yateranye ku wa 14 Gicurasi 2026, hagaragajwe ko amafaranga yose azinjira mu gihugu mu mwaka wa 2026/2027 azagera kuri miliyari 7,796.3 Frw, akaba aziyongeraho 12.1% ugereranyije n’ingengo y’imari ivuguruye ya 2025/2026.

Muri ayo mafaranga, 65.8% azaturuka ku misoro n’ibitari imisoro by’imbere mu gihugu, avuye kuri 59% mu mwaka ushize.

Komisiyo ya Sena y’Ubukungu n’Imari yavuze ko ibi bigaragaza ubushobozi igihugu kigenda cyiyubakamo bwo kwishakamo ibisubizo no gushyira mu bikorwa gahunda zacyo kidategereje cyane inkunga z’amahanga.

Senateri Amandin Rugira yavuze ko hakwiye gushimangirwa uburyo igihugu kigenda kigabanya inkunga z’amahanga kuko bigaragaza intambwe mu kwigira.

Ati “Iyo urebye imibare ubona ko amafaranga igihugu kishakamo ageze kuri 90.6%, mu gihe inkunga z’amahanga ziri kuri 9.7%. Mu myaka iri imbere biranagabanuka kurushaho.”

Yavuze ko mu mwaka wa 2026/2027 inkunga z’amahanga zizaba zigeze kuri 7% gusa, mu gihe amafaranga igihugu kizishakamo azaba ageze kuri 93%.

Yibukije ko hari igihe inkunga z’amahanga zageraga hafi kuri 50% by’ingengo y’imari, ariko ubu igihugu kikaba kigenda kigabanya icyo cyuho.

Senateri Pelagie Uwera yashimye uruhare rw’abasora mu kongera ubushobozi bw’igihugu, ashimangira ko gutanga umusoro ari imwe mu nzira yo kwiyubakira igihugu.

Yagize ati: “Nubwo hari aho bigaragara ko inkunga zagabanutse, Abanyarwanda bari kwishakamo ibisubizo. Gutanga umusoro ni ukwiyubakira igihugu.”

Sena kandi yashimye ko ubukungu bw’u Rwanda bwakomeje kuzamuka, aho umusaruro mbumbe w’Igihugu wiyongereye ukava kuri 8.9% mu 2024 ugera kuri 9.4% mu 2025, urenga igipimo cya 7% cyari giteganyijwe.

Minisitiri wa Siporo, Nelly Mukazayire, ni umwe mu bitabiriye inama ya Africa CEO Forum ndetse atanga n’ikiganiro

Yabigarutseho kuri uyu wa Gatanu tariki 15 Gicurasi 2026, ubwo yari yitabiriye inama ya Africa CEO Forum ibera i Kigali igeze ku munsi wayo wa kabiri ari na wo wa nyuma, akaba yatanze ikiganiro ku hazaza ha Siporo nk’urwego rwashorwamo imari.

Minisitiri Mukazayire yavuze ko hari abantu benshi bavuga ko u Rwanda rwihuta mu iterambere, ko ruri mu bihugu bike bya Afurika bifite Arena, abihuza n’imiyoborere myiza.

Yagize ati “Hari abatubaza uko u Rwanda rurimo gutera imbere, ruri mu bihugu bike byo ku mugabane wa Afurika bifite Arena, kuba twaravuguruye Stade Amahoro ndetse turimo no gupiganirwa kwakira Formula 1, bati ibyo mubikura he? Bigenda gute? Ibi rero bituruka ku miyoborere myiza y’Igihugu cyacu, itareba ku nzego zimwe z’ubukungu, ahubwo ireba no ku zindi zakwinjizwa mu bucuruzi, rumwe muri zo rero ni ubukerarugendo”.

Ati “Hari kandi kuba u Rwanda rwakira ibikorwa byinshi mpuzamahanga birimo inama n’ibindi, abasura ingagi mu rwego rw’ubukerarugendo ndetse n’urwego rwa siporo rukitabwaho. Icyerekezo rero cy’Igihugu cyacu kimaze igihe ni ukureba kure, kigagera kuri ayo mahirwe yose kikayafungura”.

Yakomeje yibutsa ko u Rwanda rwanditse amateka rwakira BAL (Basket Africa League) ku nshuro yayo ya mbere, aho yakiniwe muri BK Arena, bivuze ko iyi nyubako yubatswe hari intego.

Minisitiri Mukazayire yunzemo ko ibikorwa by’imyidagaduro ari ingenzi, kubigeraho kandi hakazamo n’uruhare rw’abikorera bashora imari mu Rwanda, aha akaba yatanze urugero kuri Masai Ujiri.

Ati “Ndashimira abikorera nka Masi Ujiri n’abo bakorana muri Zaria Group kubera ishoramari bazanye hano, bakubaka Zaria Court. Ni inyongera kuri Arena na stade twahoze tuvuga, ni ukuvuga ko iyo ufite ahandi hantu h’imyidagaduro, ni ubuzima, umuryango…, iyo ni yo siporo hanyuma ukayongerera agaciro ari bwo hazamo n’irindi shoramari”.

Yakomeje avuga ko ahazaza ha siporo hashingiye ku bantu, ko ari imyidagaduro, ikabamo uruganda rwo guhanga ibishya, bityo ko ari ahantu ho gushora imari, ari yo mpamvu Igihugu cyashyize imbaraga mu kubaka ibikorwa remezo bya siporo.

Byagarutsweho kuri uyu wa 14 Gicurasi 2026, mu Nteko Rusange ya Sena yateranye kugira ngo yemeze ibitekerezo bya Sena ku mbanzirizamushinga w’ingengo y’imari ya Leta y’umwaka wa 2026/2027 hamwe n’ingamba zo mu gihe giciriritse cya 2026/2027–2028/2029.

Komisiyo ya Sena y’Ubukungu n’Imari yagaragaje ko ingengo y’imari yo kugeza ibikorwaremezo mu byanya by’inganda yagabanutseho arenga miliyari 1.7 Frw, iva kuri miliyari 8.9 Frw mu ngengo y’imari ivuguruye ya 2025/2026 igera kuri miliyari 7.178 Frw mu mwaka wa 2026/2027.

Abasenateri bagaragaza ko iri gabanuka rishobora kudindiza intego igihugu cyihaye yo guteza imbere urwego rw’inganda nk’imwe mu nkingi z’iterambere ry’ubukungu, ndetse no kongera ibicuruzwa byoherezwa ku masoko mpuzamahanga.

Perezida wa Komisiyo ya Sena y’Ubukungu n’Imari yavuze ko mu igenzura ryakozwe n’abagize Inteko Ishinga Amategeko, hagaragaye ko hari ibyanya by’inganda bikigaragaramo ibibazo by’ibikorwaremezo bidahagije.

Ati “Usanga hari ibyanya by’inganda bitaragezwamo ibikorwaremezo nk’imihanda, amashanyarazi, amazi, uburyo bwo gutunganya imyanda n’ibindi, ndetse n’aho byagejejwe ugasanga bitarahagije.”

Yongeyeho ko hari inganda zamaze kuhagera ariko zigakomeza guhura n’imbogamizi zirimo ibura ry’amashanyarazi cyangwa gucika kwayo kenshi, ibintu bishobora kwangiza ibikoresho no kudindiza umusaruro.

Ati “Hari aho bavuga bati ‘imashini zacu zishobora kwangirika’ kubera amashanyarazi agenda acika, cyangwa ugasanga babuze umuriro burundu ntibabashe gukora.”

Sena ivuga ko kutihutisha ishyirwa ry’ibikorwaremezo mu byanya by’inganda bishobora gutuma abashoramari badashishikarira kubaka inganda nshya, bikabangamira intego ya gahunda ya kabiri yo kwihutisha iterambere (NST2) yo kuzamura umusaruro w’inganda ku mpuzandengo ya 10.6% buri mwaka.

Komisiyo ya Sena y’Ubukungu n’Imari isanga hakwiye kongerwa ingengo y’imari igenerwa ibyanya by’inganda kugira ngo bifashe kongera umusaruro w’inganda, cyane cyane uwoherezwa hanze y’igihugu.

Abasenateri bagaragaza ko guteza imbere inganda bifite uruhare rukomeye mu kugabanya ibitumizwa mu mahanga no kongera ibyoherezwa hanze, bityo igihugu kikabona amadovize menshi.

Bavuga ko kudindira kw’iterambere ry’inganda bishobora kugira ingaruka ku gaciro k’ifaranga ry’u Rwanda, kuko igihugu cyakomeza gukenera amadovize menshi yo gutumiza ibicuruzwa hanze, kurusha ayo kibona mu byoherezwa ku masoko mpuzamahanga.

Ibi byagarutsweho mu gihe Leta ikomeje gushimangira gahunda yo kongera uruhare rw’inganda mu musaruro mbumbe w’igihugu no guteza imbere ubucuruzi bushingiye ku kongerera agaciro umusaruro ukomoka ku buhinzi n’ubworozi.

Umukuru w’Igihugu yabivuze mu kiganiro cyatangije Africa CEO forum, inama ikomeye y’ubucuruzi n’ishoramari iri bumare iminsi ibiri hano i Kigali.

Aha, Perezida Kagame yari abajijwe niba ibijyanye n’ibihano u Rwanda rwafatiwe kubera ibibazo by’intambara iri kubera muri Congo, hari aho bihuriye n’inyungu z’abashaka amabuye y’agaciro muri Congo.

Aha Kagame, yagaragaje ko amahanga abogamira kuri Congo kubera inyungu z’amabuye y’agaciro baba bategerejeyo, nuko u Rwanda bakarufatira ibihano, kuko rwo rudafite ubwo butunzi bwo gutanga.

Perezida Kagame icyakora, yabagaragarije ko ibi byose biza bikagenda, ku buryo n’ababikora batakumva ko bazahoraho, bapyinagaza abo bashatse.

Yagize ati "Mu by’ukuri, imbaraga za Afurika zimeze nk’aho zifungiranye. usanga rero imbaraga zidufungirana, usanga ari iz’abantu bafite inkoni, bagakubita uwo bashaka gukubita, mbese nk’uko ubivuze muri icyo kibazo cya Congo, n’ibindi."

Yagize ati "Mbere na mbere se ibyo bihano biba bifite ishingiro? Ibyo bihano bitangwa bareba utanga bike kurusha undi. Usanga ufite byinshi ariwe babogamiraho."

Aha rero, Kagame bahise bamubaza bati "Ese koko imihanda y’abajya muri Congo, iraganisha ku mabuye y’agaciro?"

Aha naho, Perezida Kagame yagize ati "Ibyo rwose birigaragaza, biba izuba riva. Bimeze nka kera. Umwami yashoboraga guha umukwe we, umwana we ubutware ati genda utegeke aha n’aha. Ubu na none biri kuba hano. Umuntu baramubwira bati genda ufate hariya uhakoreshe icyo ushaka. Nguko uko Afurika ibayeho."

Kagame yagize ati "Ibi bintu mubona abantu bigisha bya Demokarasi, uburenganzira bwa muntu n’ibindi, barabivuga babifashe mu kuboko kumwe, ariko mu kundi kuboko bagatwara ibyo Abanyafurika batunze."

Yagize ati "Ni yo mpamvu abayobozi ba Afurika n’abacuruzi, dukwiye rwose kugerageza kwiha agaciro, ntitube abantu baza bashaka gusarura ibyacu bajyana. Tugomba kumenya kuvuga oya."

Icyakora, babajije Perezida Kagame niba atazagera aho akananirwa maze uru rugamba rwo kurwanira ukuri n’iterambere rya Afurika karuvamo, maze agira ati "reka reka sinamanika amaboko. Sinabikoze mu gihe gikomeye, cy’intambara zikomeye, ubu si bwo nabikora."

Kagame yagize ati "Koko ibihano birababaza, ariko nanone twababara kurushaho turamutse tudakoze ibyo tugomba gukora. Ni imibare. Kandi kuvuga Oya biroroshye, kuko kuvuga Yego ku kintu kibi ni byo byababaza kurushaho."

Yagize ati "Erega ibi bintu byose biraza bigahita, ku buryo bumwe cyangwa ubundi. Aba bantu bamenyereye kutujagaraza, ntabwo bazabaho igihe kinini ngo babone inyungu zo kugira abantu ibikoresho byabo, bariya bamenyereye gukora nabi. Twebwe Abanyafurika hari icyo twakora cyo kuzamura umugabane aho ukwiye kuba."

Aha yagize ati "Ntimuterwe ubwoba n’abo bibwira ko bahatse isi n’ijuru n’ibindi byose."

Bagiranye ibiganiro byibanze ku kwagura ishoramari mu Rwanda, cyane cyane mu nzego zirimo ingufu zirambye, guteza imbere ibikorwa remezo, ndetse n’amahirwe y’ishoramari mu nganda n’ubukerarugendo.

Elsewedy Electric ni sosiyete nini yo mu Misiri (Egypt) ikora ibikorwa bijyanye n’ingufu, amashanyarazi n’ibikorwa remezo.

Yashinzwe mu 1938, ikaba iri mu bigo bikomeye muri Afurika no mu Burasirazuba bwo Hagati mu bijyanye n’ikoranabuhanga ry’ingufu n’inganda.

Bakora ibikorwa byinshi birimo kubaka no guteza imbere imishinga y’amashanyarazi,
imiyoboro y’amashanyarazi, ingufu z’imirasire y’izuba n’umuyaga.

Bagira kandi ibikorwa remezo nko kubaka inganda, imishinga y’imijyi igezweho, ibikorwa y’ubwikorezi, gukora ibikoresho by’amashanyarazi nk’insinga, transformateurs,compteurs z’amashanyarazi, n’ibindi bikoresho by’ikoranabuhanga.

Bakorera mu bihugu byinshi byo muri Afurika, Aziya n’Uburasirazuba bwo hagati.

Elsewedy Electric imaze igihe igaragaza ubushake bwo gushora imari mu Rwanda cyane cyane mu ngufu zirambye,ibikorwa remezo, no guteza imbere inganda.

Naho Sunrise Resorts & Cruises, ni sosiyete ikomeye ikorera mu rwego rw’ubukerarugendo n’amahoteli, nayo ifite inkomoko mu Misiri, ikaba yibanda cyane ku bikorwa by’amahoteli n’ahantu ho kuruhukira (resorts), ingendo zo mu mazi (cruises), ndetse n’ishoramari mu bukerarugendo bwo ku rwego rwo hejuru.

Yubaka kandi igacunga amahoteli, igatanga serivisi z’ubukerarugendo ku bakerarugendo bo mu bihugu bitandukanye, ikagira ibikorwa by’ubukerarugendo byo gutwara abantu mu bwato cyane cyane mu nyanja Itukura (Red Sea) no ku ruzi rwa Nile.

Madaar ni indi sosiyete ifitanye isano na Hossam El Shaer, ikora ibijyanye no guteza imbere imijyi,
ibikorwa by’ubwubatsi, ubukerarugendo, n’ishoramari mu miturire n’ubucuruzi.

Ku Kibuga Mpuzamahanga cy’Indege cya Kigali, kuri uyu wa 13 Gicurasi 2026, yakiriwe na Minisitiri w’Umutekano imbere mu gihugu, Dr. Vincent Biruta.

Ubwo yari ageze ku Kibuga Mpuzamahanga cy’Indege cya Kigali, kuri uyu wa 13 Gicurasi 2026, yakiriwe na Minisitiri w’Ingabo, Juvenal Marizamunda.

Iyi nama ya Africa CEO Forum izabera i Kigali kuva kuri uyu wa 14-15 Gicurasi 2026, ihuriza hamwe abafata ibyemezo mu nzego zitandukanye, baganira ku buryo bwo guteza imbere ubufatanye hagati ya Leta n’abikorera, guteza imbere inganda, no gushaka ibisubizo by’ibibazo byugarije ubukungu bw’Afurika.

Gnassingbé yakiriwe ku Kibuga Mpuzamahanga cy’Indege cya Kigali na Minisitiri w’Ingabo, Juvenal Marizamunda.

Biteganyijwe ko muri uru ruzinduko, aza kugirana ibiganiro n’abayobozi batandukanye b’u Rwanda, birimo na Perezida Paul Kagame, ku bijyanye n’ubufatanye mu nzego zirimo ubucuruzi, ubukungu n’iterambere rusange.

Yavuze ko buri wese ashatse gukora nk’uko Amerika yakoze, maze agashaka gushyira u Rwanda mu kato, icyo gihe ntabwo u Rwanda narwo rwaborohereza, ntirwafatanya nabo mu nzira yo gushakira Congo amahoro batekereza kugeraho.

Macron yasubizaga abanyamakuru nyuma y’inama ya Africa Forward yahuje Ubufaransa na Afurika i Nairobi muri Kenya.

Abanyamakuru bamwibukije ko Leta Zunze Ubumwe za Amerika zafatiye ibihano ingabo z’u Rwanda, na bamwe mu bayobozi bazo, nuko baramubaza bati Kuki u Bufaransa n’Umuryango w’Ubumwe bw’u Burayi nabwo budafatira u Rwanda ibihano?

Macron yagize ati "Twebwe, dushyigikiye umurongo ugamije gukomeza ibiganiro n’impande zose bireba, hashingiwe ku mahame yoroshye."

Yongeyeho ati "Icya mbere, kubaha ubusugire n’ubwigenge bwa RDC, bityo hakabaho gukura ingabo zose ku butaka bwa Congo. Kandi si iz’u Rwanda gusa ziri ku butaka bwa Congo. Icya kabiri, gusubukura ibiganiro bya politiki muri RDC hamwe na M23."

Icya gatatu, Macron yavuze gikenewe, ni ukongera guha RDC ububasha bwo kugenzura uburasirazuba bw’igihugu, harimo n’umurimo ugomba gukorwa wo gusenya umutwe w’iterabwoba wa FDLR.

Harimo ndetse no guhuriza hamwe imbaraga mu kurwanya imitwe y’iterabwoba ibangamiye RDC n’ibihugu byose byo mu karere.

Macron yagize ati "Muri urwo rwego rero, muri iki gihe nemera cyane ko hakwiye gusubukurwa ibiganiro bifatika, ibyo nkaba mbishishikariza ba Perezida bombi(Tshisekedi na Perezida Kagame), no kongera guhuza ubuhuza bwose ku meza y’ibiganiro kugira ngo habeho umushinga uhuriweho ushingiye kuri ayo mahame ane."

Ese Kagame yaramukanyije na Tshisekedi i Nairobi?

Perezida wa Repubulika Paul Kagame yitabiriye inama ya Africa Forward, ndetse na Tshisekedi yagiye mu irahira rya Perezida Yoweli Museveni, ariko agenda ritarangiye, yihuta ajya muri iyi nama i Nairobi.

Abanyamakuru rero babajije Macron uko abayobozi bombi bahuye, aho babajihe bati "Bari bari i Nairobi? Mwarababonye?"

Aha Macron yashubije ati "Nababonye buri wese ukwe." Nuko umunyamakuru ati "Bahuye?", Macron agira ati "Oya, kuko nk’uko mwabibonye, bombi bari bahari ariko batari mu masaha amwe, kandi ibyo bigaragaza ubushyamirane buri hagati yabo. Ntitugomba kuba injiji."

Yongeyeho ati "Nahuye na bo inshuro nyinshi, kandi ntekereza ko uyu munsi ibyo tugomba gukora twese hamwe ari uko abafite uruhare kuri iki kibazo bose bakora bahuje. Umuryango wa Afurika Yunze Ubumwe uri kubikurikirana. Ntekereza ko ari wo ugomba kuyobora uwo murimo wose. Icy’ingenzi kuri njye ni ugushyigikira uwo muryango."

Macron yavuze ko iki kibazo cya Congo ari kimwe mu bibazo aza kuganiragho n’Umuryango wa Afurika Yunze Ubumwe n’Umuryango w’Abibumbye uyu munsi, kuko atekereza ko byarushaho kuba byiza bashubije buri wese ku meza y’ibiganiro.

Ese buriya Amerika ntiyabaye kidobya?

Abanyamakuru bo, bashatse kwereka Macron ko kwinjira muri iki kibazo kwa Amerika byashubije inyuma intambwe yagombaga guterwa, ariko we abasubiza ko mu by’ukuri Amerika ishaka amahoro.

Yagize ati "Kuba Amerika yinjira muri iki kibazo ni byiza cyane. Ariko ntekereza ko tugomba gusubira ku mahame y’ibanze: kugabanya ubushyamirane no kongera guhuza abayobozi ku meza y’ibiganiro hamwe n’abahuza bose. Uko byagenda kose, ntekereza ko niba buri wese yihutiye gushyira u Rwanda mu kato kubera ko Abanyamerika babikoze, amahirwe yo gutuma u Rwanda rugira politiki y’ubufatanye yaba make cyane."

U Burundi, Uganda na bo binjire mu biganiro

Perezida Macron, yashimangiye ko yemera cyane akamaro k’ibiganiro hagati y’abayobozi bombi bakuru. Kandi ngo ibyo biganiro bikwiye no guhuza Uganda, u Burundi n’ibihugu byo mu karere, ndetse bikagaragaza ukuri kw’ingabo ziri mu kibazo n’ukuri ku nyungu z’ubukungu zisahurwa mu Burasirazuba bwa RDC.

Yagize ati "Ariko ntekereza ko muri icyo gihe hakwiye ibiganiro byubaka kandi byubahiriza buri ruhande, hagati ya Perezida Paul Kagame na Perezida Félix Tshisekedi, kugira ngo uwo murimo ukomeze kandi ubuhuza bwose busubizwe ku meza y’ibiganiro."

Perezida Mamadi Doumbouya, akigera ku ku Kibuga Mpuzamahanga cy’Indege cya Kigali, yakiriwe na Minisitiri w’Ingabo, Juvenal Marizamunda.

Africa CEO Forum, ihuza abayobozi b’ibigo bikomeye, abakuru b’ibihugu n’abandi bafata ibyemezo mu rwego rw’ubukungu, bagamije kuganira ku iterambere ry’ishoramari, ubufatanye n’iterambere rirambye ku mugabane wa Afurika.

Undi wageze mu Rwanda ni Minisitiri w’Intebe wa Côte d’Ivoire, Robert Beugré Mambé nawe uje muri Africa CEO Forum.

Uyu muyobozi yakiriwe na Minisitiri w’Ubumwe bw’Abanyarwanda n’Inshingano Mboneragihugu, Jean-Damascène Bizimana.

Africa CEO Forum ni inama izenguruka mu bihugu bya Afurika. U Rwanda rugiye kuyakira ku nshuro ya gatatu kuko ku nshuro ya mbere rwayakiriye mu 2019, rwongera kuyakira mu 2024.

Ibi biganiro bagiranye nyuma y’inama ya Africa Forward Summit yaberaga i Nairobi, byibanze ku bufatanye busanzweho hagati y’u Rwanda na IFAD, cyane cyane iterambere ry’icyaro, impinduka mu buhinzi no kongerera ubushobozi abahinzi bato kugira ngo babashe guhangana n’ibibazo bitandukanye.

Abayobozi bombi kandi banasuzumye uburyo bwo kurushaho gushimangira ubufatanye hagamijwe guteza imbere ubukungu bugera kuri bose, ubushobozi bwo kugera ku masoko no guteza imbere uruhare rw’abikorera mu rwego rw’ubuhinzi.