Ibi yabigarutseho mu gihe yavugaga ku rugendo rw’ibihangano bye bitandukanye birimo "Agakanzu ka Murerwa" n’izindi ndirimbo zishingiye ku buhamya bw’abarokotse Jenoside yakorewe Abatutsi mu 1994.

Yavuze ko ibyo bihangano yabitewemo imbaraga n’ubuhamya yagiye ahabwa n’abarokotse, agamije gufasha abantu kumenya amateka no gukomeza urugendo rwo gukira ibikomere.

Musinga Joe yavuze ko ubuhanzi bufite imbaraga zidasanzwe, bushobora kubaka cyangwa bugasenya sosiyete. Yibukije ko amateka agaragaza uburyo ubuhanzi bwigeze gukoreshwa mu gukwirakwiza urwango rwagejeje u Rwanda kuri Jenoside yakorewe Abatutsi.

Uyu muhanzi yanagarutse ku gikorwa yise "Mudaherenwa", yatangije mu mwaka wa 2024, kigamije guhuriza hamwe abantu bakaganira, bagasangira amateka, bagafashanya kuva mu bwigunge no kongera kugira icyizere n’ibyishimo.

Yatangaje Mudaherenwa 32, iki gikorwa kizabera muri Camp Kigali ku wa 3 Nyakanga 2026, aho abazacyitabira bazaganira ku ruhare rw’ubuhanzi n’ubugeni mu kubungabunga amateka, kubaka amahoro no gukomeza urugendo rw’ubumwe n’ubwiyunge.

Musinga Joe yasabye urubyiruko gukomeza gukunda igihugu no gukurikiza umurage w’abaharaniye kukibohora.

Yasoje agenera ubutumwa abahanzi bagenzi be, cyane cyane ababa bari mu mahanga mu gihe cyo kwibuka Jenoside yakorewe Abatutsi, abasaba kujya bagaruka mu gihugu muri icyo gihe kugira ngo barusheho kwigira ku mateka no kuyasangiza ababakurikirana ku mbuga nkoranyambaga.

Yanabasabye gukomeza gukora ibihangano byubaka, birimo indirimbo zisana imitima, kuko ari uburyo bukomeye bwo gufasha abantu gukira ibikomere, gusigasira amateka no kwigisha abakiri bato indangagaciro z’ubumwe, amahoro n’ubumuntu.

Aya makuru yayatangaje kuri uyu wa 13 Kamena 2026 abinyujije ku rukuta rwe rwa Instagram, aho yabanje gusangiza abakunzi be amafoto n’amashusho agaragaza uko ibirori byo kwitegura kwakira umwana, bizwi nka Baby Shower, byagenze.

Nyuma yaho yakurikijeho ifoto y’umwana we, ibintu byashimishije benshi mu bamukurikira ndetse n’ibyamamare bitandukanye byamwifurije ibyiza.

Wema Sepetu yamenyekanye cyane mu ruganda rw’imyidagaduro muri Tanzania no muri Afurika aho usibye gukina filime no kumurika imideli, anakora ibikorwa by’ubucuruzi.

Mu myaka yashize, Wema Sepetu yagiye avugwa mu nkuru z’urukundo n’ibyamamare bitandukanye birimo umuhanzi Diamond Platnumz, nyakwigendera Steven Kanumba, Idris Sultan ndetse na Chuchu Hans.

Kwibaruka imfura ye byabaye inkuru yakiriwe neza n’abakunzi be benshi, aho benshi bagaragaje ko bishimiye kubona asohoje inzozi zo kuba umubyeyi nyuma y’igihe kinini abyifuza.

Ni inkuru ikomeje kuvugisha benshi ku mbuga nkoranyambaga, aho abafana n’inshuti ze bakomeje kumwifuriza ubuzima bwiza we n’umwana we.

Kuri konti ye Instagram kuri uyu wa gatanu tariki 12 kamena, itangazo ryashyizweho umukono na bombi, Zari na Shakib bagaragaje ko icyemezo cyo gutandukana bagifashe nyuma yo kubitekerezaho bihagije, bavuga ko byatewe n’ibibazo batabashije kumvikanaho.

Bagize bati: "Nyuma y’imyaka itanu twari tumaranye, twafashe umwanya wo gutekereza maze twanzura ko icyiza kuri buri wese ari ugutandukana kubera kutumvikana kuri bimwe mu bibazo. Nubwo bitari icyemezo cyoroshye, twumva ari cyo cyiza kuri twembi. Turashimira ibihe byiza twagiranye, ibikorwa twasangiye ndetse n’ubufasha twahanye."

Iri tangazo ntiryigeze rishinja umwe muri bo kuba ari we nyirabayazana w’itandukana ryabo cyangwa ngo rigaragaze ko habaye amakimbirane akomeye. Ahubwo bombi bagaragaje ko uko imyaka yagiye ihita, buri wese yagiye agira icyerekezo cye mu buzima, bityo bakaba barafashe icyemezo cyo gutandukana mu bwumvikane.

Zari Hassan, uzwi cyane muri gahunda ya televiziyo Young, Famous & African, yavuze ko nubwo batandukanye, azakomeza kugirana na Shakib umubano mwiza ushingiye ku kubahana no kumvikana.

Bagize bati: "Nta burakari cyangwa inzika bihari. Hari igihe abantu babiri bashobora gusanga inzira zabo z’ubuzima zitandukanye. Turacyubahana kandi tuzakomeza kuba inshuti. Twifurizanya ibyiza, amahirwe n’intsinzi mu bihe biri imbere."

Ubuzima bw’urukundo rwa Zari Hassan bwakomeje gukurikirwa cyane n’abatari bake. Mbere yaho yari yarashakanye na nyakwigendera Ivan Semwanga mu gihe cy’imyaka 12, bakaba barabyaranye abahungu batatu ari bo Pinto, Dido na George Semwanga. Zari yigeze kuvuga ko urugo rwabo rwari rwaranzwe n’ihohoterwa ndetse n’umubano utari mwiza.

Nyuma yaho, Zari yakundanye n’umuhanzi w’icyamamare muri Tanzania, Diamond Platnumz, bafitanye abana babiri.

Kugeza ubu, amakuru y’itandukana rya Zari Hassan na Shakib Cham Lutaaya akomeje kuvugisha benshi ku mbuga nkoranyambaga no mu myidagaduro

Pastor Lopez

Mu kiganiro yagiranye na KT radio Pastor Lopez yavuze ko igitekerezo cyo gukorana na Prosper Nkomezi cyaje mu buryo bworoshye, aho yamugejejeho indirimbo yari afite yifuza ko bayikorana.

Icyakora, na Prosper Nkomezi yari afite indi ndirimbo nawe yifuzaga ko bayifatanyamo.

Nyuma yo kuganira no guhitamo neza, aba bahanzi bombi bemeranyije gusohora indirimbo imwe, ariyo “Imana Ikomeye,” indirimbo yakiriwe neza n’abakunzi b’umuziki wo kuramya no guhimbaza Imana.

Pastor Lopez yavuze ko yanyuzwe n’uburyo ibikorwa byose byagenze, anashimangira ko gukorana na Prosper Nkomezi byamubereye ubunararibonye bwiza bwamufashije kurushaho kwagura ibikorwa bye bya muzika.

Yongeyeho ko afite intego yo gukomeza kwegera abakunzi be bo mu Rwanda, aho ateganya kuzahakorera igitaramo kugira ngo barusheho kumumenya no kumva ibihangano bye imbonankubone.

Uyu muhanzi kandi yagaragaje ko indirimbo “Imana yakandi karyo "yamubereye urufunguzo rwo kurushaho kumenyekana mu karere, cyane cyane mu mwaka wa 2025, aho ibikorwa bye byatangiye kumenyekana ku rugero rwisumbuyeho.

Prosper Nkomezi

Evariste Ndayishimiye aravugwaho gufata ibyemezo bihubukiwe

Ikibazo kiri ku mwanya wa mbere uyu munsi, ni ikijyanye no gushyigikira uwahoze ari Perezida wa Senegal, Macky Sall, ku mwanya ashaka kwiyamamazaho w’Umunyamabanga Mukuru w’Umuryango w’Abibumbye.

Iki kibazo cyatewe n’uko gahunda yo kumushyigikira yahagaze nyuma y’uko uburyo bwari bwasabwe n’uyoboye AU, Perezida w’u Burundi Evariste Ndayishimiye bwo ’guceceka niba muhyigikiye kandidatire’ butagenze neza.

Ibihugu makumyabiri byagaragaje kutemeranya n’ukwihutisha uwo mwanzuro.

Ku rundi ruhande, Ubumwe bwa Afurika bwakomeje gushyira imbaraga mu gushimangira amahoro n’umutekano ku mugabane, aho bwashyizeho uwahoze ari Perezida wa Tanzania, Jakaya Kikwete, nk’intumwa idasanzwe ishinzwe Akarere k’Ihembe rya Afurika n’Inyanja Itukura, hagamijwe guteza imbere ibiganiro by’amahoro.

Hari kandi n’indi ntumwa yashyiriweho ibihugu bya Gabon na Guinée Équatoriale, mu rwego rwo gukomeza gushakira ibisubizo ibibazo bya politiki biri muri ibyo bihugu.

Mu bijyanye n’ubutabera, Ubumwe bwa Afurika bwashyigikiye icyemezo cy’Inteko Rusange ya Loni cyo kwemera ko ubucakara bwakorewe Abanyafurika ari icyaha gikomeye cyibasiye inyokomuntu, bikaba bifatwa nk’intambwe ikomeye iganisha ku butabera.

Nubwo bimeze bityo, haracyari impungenge ku mutekano mu bice bimwe by’umugabane, cyane cyane muri Sudani no muri Madagascar, aho hagaragazwa ibibazo by’umutekano muke n’imiyoborere.