Ubusanzwe ku mubyeyi kwibaruka ninkuru nziza cyane inezeza umubyeyi kubwurukundo rwinshi aba afitiye umwana we gusa kuri bamwe ntabwo ariko bigenda Umuhanzikazi w’icyamamare muri Afurika Tiwa Savage Yasobanuye ko mu ntangiriro nyuma yo kwibaruka imfura ye agasanga ari umuhungu atabyishimiye.

Yatangaje ko nyuma yo kwibaruka Umuhungu we yise Jamil Balogun, Atamukunze bitewe n’uko yari akiri mu bihe bigoye byo kugarura imbaraga z’umubiri we nyuma yo kubyara, ndetse ngo byanateww n’uko yari agifite inshingano nyinshi z’akazi ke k’umuziki zamusabaga ingendo n’ibitaramo byinshi.

Tiwa Savage yagaragaje ko imwe mu mpamvu zatumye adahita yakira neza inshingano zokuba umubyeyi, ari uko yifuzaga cyane kubyara umukobwa, bityo kuba yarabyaye umuhungu byamuteye ihungabana mumarangamutima mu ntangiriro, nubwo nyuma yaje kwakira neza inshingano zo kurera umwana we.

Yongeyeho ko impinduka z’umubiri we nyuma yo kubyara zamugizeho ingaruka cyane ko umwuga we usaba guhora agaragara mu ruhame.

Ibi byatumye atabasha kwitabira neza imishinga imwe n’imwe ikomeye yo kwamamaza ibicuruzwa, harimo n’amasezerano yo kwamamaza ibinyobwa bikomeye ku isoko mpuzamahanga, ibyo bikaba byaramugizeho ingaruka mu rwego rw’iterambere ry’umwuga we.

Uyu muhanzikazi kandi yagaragaje ko guhuza inshingano zo kurera umwana no gukomeza kwita ku mwuga byari umutwaro uremereye, ku buryo hari igihe yumvaga atari mu mwanya mwiza wo gukora byombi uko bikwiye, bikamutera kwiheba no kwishidikanyaho.

Nubwo yari mubihe bikomeye, yavuze ko uko iminsi yagiye ishira, yatangiye gukunda umwana we ndetse atangira kubona ko kuba umubyeyi ari imwe mu mpano zikomeye mu buzima bwe.

Yasobanuye ko uko Umuhungu we Jamil yagendaga akura, umubano wabo warushijeho gukomera, bituma atangira kubona uruhare rwe nk’umubyeyi nk’inshingano y’ingenzi kurusha ibindi byose, kandi akabishyira imbere mu migambi ye y’akazi n’imibereho ye ya buri munsi.

Tiwa Savage yavuze ko kuba umubyeyi byamuhinduye mumitekerereze no mumyitwarire.

Yagaragaje ko yifuje gutangaza aya makuru mu rwego rwo gufasha abandi babyeyi, cyane cyane abagore bari mu bihe byo kubyara no kurera abana bato, bamenye ko guca mu bihe bigoye ari ibisanzwe, kandi ko gushaka ubufasha no kuganira ku bibazo ari intambwe ikomeye yo gukira mu mitekerereze.

Uyu muhanzikazi yibarutse umwana we mu mwaka wa 2015, mu gihe yari akiri mu mubano n’uwahoze ari umugabo we Tunji “TeeBillz” Balogun, bakaza gutandukana nyuma y’igihe gito, ibintu byatumye inshingano zo kurera umwana Zimugora kubwo kumurera wenyine.

Amakuru avuga ko uyu muhanzi aherutse kugirana ibiganiro n’abayobozi bakuru b’u Burundi, harimo no guhura na Perezida Évariste Ndayishimiye, aho yamugejejeho igitekerezo cye cyo gushora imari mu itangazamakuru, by’umwihariko mu gutangiza radiyo izibanda ku muziki n’ibiganiro by’imyidagaduro.

Ibi biganiro byafashwe nk’intambwe ikomeye iganisha ku ishyirwa mu bikorwa ry’uyu mushinga.
Iyi radiyo iteganyijwe gutangirira i Bujumbura, ariko ikazajya itambutsa indirimbo n’ibiganiro biva mu bihugu bitandukanye bya Afurika y’Iburasirazuba birimo Uganda, u Rwanda, Kenya, Tanzania n’u Burundi.

Intego ni uguhuza umuziki w’akarere, gufasha abahanzi kumenyekana no gutuma ibihangano byabo bigera ku bafana benshi.

Jose Chameleone yavuze ko yahisemo u Burundi bitewe n’uko ahafite abafana benshi kandi umuziki we ukunzwe cyane, anongeraho ko ari igihugu gifite urubyiruko rufite impano nyinshi rukeneye urubuga rwo kugaragaza ibyo rushoboye.

Yagize ati "intego yanjye ntabwo ari ugushaka inyungu gusa, ahubwo ni ugutanga umusanzu mu iterambere ry’uruganda rw’imyidagaduro no gufasha impano nshya kuzamuka".

Uyu mushinga kandi uteganyijwe kuzatanga amahirwe y’akazi ku rubyiruko rw’u Burundi mu nzego zitandukanye zitangazamakuru, zirimo abatanga ibiganiro, abatekinisiye, abanyamakuru b’imyidagaduro n’abandi bakozi ba radiyo.

Biteganyijwe ko iyi radiyo izatangira gukora mu gihe kiri imbere, nyuma yo kurangiza ibisabwa mu by’amategeko n’imyiteguro ya tekiniki, aho iyi radiyo yitezweho kuzagira uruhare rukomeye mu guteza imbere umuziki w’Afurika y’Iburasirazuba no guha ijambo abahanzi.

Iyi nama yatangiye ku wa 20 ikazageza kuri uyu wa 24 Mutarama , mu gihe ibikorwa byo kumurika no kwerekana ibikoresho bya muzika biteganyijwe kuva ku wa 22 kugeza ku wa 24 Mutarama.
Irabera ahitwa Anaheim Convention Center mu Mujyi wa Anaheim.

NAMM Show ni inama ikomeye ihuriza hamwe abantu batandukanye bakora umuziki ku Isi, barimo abahanzi, abakora ibikoresho bya muzika, abatunganya amajwi n’abandi bafasha guteza imbere Uruganda rw’umuziki.

Alyn Sano yagaragaje ko yishimiye aya mahirwe yo kwitabira iyi nama, ayifata nk’intambwe ikomeye mu mwuga we.

Avuga ko iyi nama izamufasha guhura n’abantu batandukanye bakora mu ruganda rwumuziki ku rwego mpuzamahanga no kwiga byinshi byamufasha guteza imbere umuziki we.

Biteganyijwe ko azabona umwanya wo kuganira n’abandi bahanzi n’abatunganya indirimbo, bityo bikazamufasha kubona amahirwe yo gukorana n’abandi bahanzi mpuzamahanga.

Byitezwe kandi ko azanasura ahantu hatandukanye muri Amerika ndetse anasura inshuti ze mbere yo kugaruka mu Rwanda.

Kwitabira iyi nama nintambwe ikomeye mu kumenyekanisha umuziki nyarwanda ku rwego mpuzamahanga no guteza imbere impano z’abahanzi Nyarwanda.

Urubuga nkoranyambaga rwa TikTok rwamaze gusinya amasezerano azatuma rukomeza gukorera muri Leta Zunze Ubumwe za Amerika, nyuma y’imyaka myinshi hari amakimbirane hagati ya Amerika n’u Bushinwa ku bijyanye n’umutekano w’amakuru y’abakoresha Ururubuga n’ubuyobozi bwa sosiyete iyifite mu nshingano.

TikTok yari iteganyijwe guhagarikwa muri Amerika muri Mutarama 2025 mu gihe kompanyi iyifite munshingano yo mu Bushinwa, ByteDance, itari kwemera kugurisha ibikorwa byayo byo muri Amerika ku bashoramari b’Abanyamerika.

Icyakora, Perezida wa Amerika Donald Trump yakomeje gusubika ishyirwa mu bikorwa ry’itegeko ryo kuyihagarika.

Mu itangazo TikTok yashyize hanze kuwa kane taliki 22 Mutarama 2026 hasobanuwe ko hashingiwe kuri ayo masezerano, hashyizweho kompanyi nshya yitwa TikTok USDS Joint Venture LLC, izajya irinda amakuru y’abayikoresha bo muri Amerika, porogaramu ndetse na algorithm hifashishijwe ingamba zikomeye zo kurinda amakuru n’umutekano w’ikoranabuhanga.

TikTok ivuga ko iyi kompanyi nshya izakora nk’ikigo cyigenga, kiyoborwa n’akanama k’abantu barindwi, benshi muri bo bakaba ari Abanyamerika.

Barimo Adam Presser, wahoze akorera WarnerMedia, Akaba yagizwe umuyobozi mukuru w’iyo kompanyi nshya.

Hari abashoramari batatu bafite imigabane ingana na 15% buri wese mu bikorwa bya TikTok byo muri Amerika ari bo Oracle, Silver Lake na MGX.

Ndetse na Oracle, ni kompanyi ikomeye mu by’ikoranabuhanga Ikaba iyobowe na Larry Ellison, uzwiho gutera inkunga cyane ishyaka ry’Abarepubulikani kandi akaba n’inshuti ya Trump.

Silver Lake ni kompanyi yo muri Amerika ikora ishoramari mu ikoranabuhanga, ivuga ko icunga umutungo ungana na miliyari 116 z’amadolari, mu gihe MGX ari umushoramari wo muri Leta Zunze Ubumwe z’Abarabu mu by’ikoranabuhanga n’ubwenge bw’ubukorano.

Oracle izaba ishinzwe kurinda amakuru y’abakoresha TikTok bo muri Amerika ndetse no kugenzura uko algorithm ikora no kongera kuyibugurura.

ByteDance izagumana imigabane ingana na 19.9% muri iyo kompanyi.

Imigabane isigaye ingana na 35.1% ifitwe n’itsinda ry’amasosiyete arimo n’ikigo cy’umuryango wa Michael Dell, umuyobozi mu by’ikoranabuhanga uzwiho gushyigikira Trump, ndetse na Vastmere Strategic Investments ifitanye isano na Susquehanna International Group.

Susquehanna yashinzwe n’umwe mu nshuti za Trump witwa Jeff Yass, wari ufite imigabane igera kuri 7% muri ByteDance umwaka ushize.

Umuyobozi mukuru wayo Mark Dooley na we azaba ari ndetse mu bagize akanama kayobora iyo kompanyi harimo n’umuyobozi mukuru wa TikTok ku isi hose, Shou Zi Chew, ndetse n’abahagarariye Oracle, Silver Lake na MGX.

Ikibazo cya algorithm ni cyo cyateye Amakimbirane ajyanye n’ibikorwa bya TikTok muri Amerika, kuko ari yo yatumye TikTok ikundwa cyane kurusha izindi mbuga nkoranyambaga.

Dore ko bivugwa ko andi masosiyete yagerageje gukora algorithm isa n’iya TikTok, nko kuri Instagram Reels na YouTube Shorts, ariko ntibashobore kuyigana neza, bitewe nuko uwatangije ikoranabuhanga ari we uba azi neza uko rikorwa kurusha abandi.

Hashingiwe ku masezerano, TikTok yavuze ko algorithm izabikwa kandi ikagenzurirwa mu bubiko bwa Oracle muri Amerika.

Ese aya yaba ari amayeri y’Abanyamerika yo gushaka kwigana imikorere ya ticktok icyo nicyo kibazo benshi bakomeje kwibaza.

Australia yahagaritse burundu ikoreshwa ry’imbuga nkoranyambaga ku bana bari munsi y’imyaka 16, aho batemerewe gufungura konti nshya ndetse n’izabo zari zisanzwe zikora zigahagarikwa.
Iri tegeko rireba imbuga zirimo Facebook, Instagram, Snapchat, Threads, TikTok, X, YouTube, Reddit ndetse n’imbuga zitambutsa amashusho imbonankubone nka Kick na Twitch.

Guverinoma ya Australia yatangaje ko iyi ngamba yafashwe mu rwego rwo kugabanya ingaruka mbi ziterwa n’imiterere y’izi mbuga, zituma abana bamara igihe kinini bareba kuri ecran.

Ubushakashatsi bwakozwe mu 2025 bwerekanye ko 96% by’abana bafite hagati y’imyaka 10 na 15 bakoreshaga imbuga nkoranyambaga, aho barindwi mu 10 bahuraga n’ibibarangaza bikanabicira ubuzima.

Harimo nkibibatera agahinda gakabije bakaba bakwiyahura, ndetse no gushukwa n’abantu bakuru cyangwa abandi bana babaruta imyaka.

Abarenze kimwe cya kabiri bavuze ko bagizweho ingaruka n’ihohoterwa ribera kuri murandasi.
Imbuga zitemerewe zatoranyijwe hashingiwe ku kuba zigamije itumanaho hagati y’abantu benshi, zemerera abakoresha kuganira, gutanga ibitekerezo no gushyiraho amashusho.

N’ubwo bimeze bityo, YouTube Kids, Google Classroom na WhatsApp ntibyashyizwe muri iri tegeko kuko byasuzumwe bigasangwa byujuje ibisabwa.

Abana bari munsi y’imyaka 16 baracyemerewe kureba bimwe mubishyirwa kuri murandasi bidasabye gufungura konti.

Nta gihano giteganyijwe ku bana cyangwa ku babyeyi babo barenze kuri iri tegeko.

Ahubwo, ibigo bifite izi mbuga mu nshingano bishobora gucibwa amande ashobora kugera kuri miliyoni 49.5 z’amadolari ya Australia mu gihe byagaragaye ko bitubahirije iri tegeko.

Ibyo bigo bisabwa gukoresha ikoranabuhanga rinyuranye ryo kugenzura imyaka y’abakoresha, nko gukoresha indangamuntu za leta, gusuzuma isura cyangwa ijwi, no gusesengura imyitwarire yo kuri murandasi. Ntibyemerewe gushingira ku kuba urukoresha yivugiye imyaka ye cyangwa ku cyemezo cy’umubyeyi.

Iri tegeko ryakomeje kunengwa n’impande zitandukanye

Bamwe bagaragaje impungenge ko ikoranabuhanga ryo gusuzuma imyaka rishobora kubuza abantu bakuru gukoresha imbuga nkoranyambaga.

Hari n’abavuze ko amande ateganyijwe ari make ugereranyije n’amafaranga menshi izi sosiyete zinjiza. Hanavuzwe ko kudashyira mu itegeko imbuga zo gukiniraho imikino kuri murandasi, izo gukundana n’izikoresha ubwenge buhangano bishobora gutuma intego yo kurinda abana itagerwaho neza.

Hari kandi impungenge zishingiye ku mutekano w’amakuru y’abantu, bitewe n’uko kugenzura imyaka bisaba gukusanya amakuru menshi bwite, mu gihugu cyagiye gihura n’ibibazo byo kwibwa amakuru. Guverinoma yo ivuga ko iri tegeko ririmo ingamba zikomeye zo kurinda ayo makuru, aho agomba gukoreshwa gusa mu kugenzura imyaka kandi agasibwa nyuma, abarenze kuri ibyo bagahanishwa ibihano bikomeye.

Mu gihe iri tegeko ryatangiraga gushyirwa mu bikorwa ku wa 10 Ukuboza, 2025 hagaragaye Abanyaustralie benshi bashakaga izindi porogaramu zisa n’izabujijwe, ndetse no kwiyongera kw’ikoreshwa rya VPN, nubwo byaje kugabanuka nyuma.

Abangavu n’ingimbi bamwe bishimiye iri tegeko mu gihe abandi bavuze ko ntacyo byabatwaye kuko bakomeje gukoresha imbuga binyuze muri konti zifite imyaka mihimbano.
Ibindi bihugu nabyo birimo gutekereza gufata icyemezo nk’iki.

Denmark yatangaje ko ishaka kubuza abana bari munsi y’imyaka 15 gukoresha imbuga nkoranyambaga, Norvege irabitekereza, mu Bufaransa hasabwe ko abana bari munsi y’imyaka 15 babuzwa izi mbuga, naho mu Bwongereza hashyizweho amategeko akomeye ahana ibigo bitarinda abana ibyabashyira mukaga.

Muri Leta Zunze Ubumwe za Amerika, urukiko rwabujije leta ya Utah gushyira mu bikorwa itegeko risa n’iri ryabuzaga abana bari munsi y’imyaka 18 gukoresha imbuga nkoranyambaga batabiherewe uburenganzira n’ababyeyi babo.

Nyamara hari abasuzugura uyu mwuga bakawufata nk’umwuga uciriritse, ariko muri iyiminsi hari umusore uri guhindura imyumvire.

Saadi Bizumuremyi, uzwi cyane ku mbuga nkoranyambaga nka Your Motari, ni umumotari w’umwuga wahisemo guhuza akazi ko gutwara moto n’ibikorerwa ku mbuga nkoranyambaga.

Ku myaka 26, Saadi ari mu rubyiruko ruri kwerekana ko umurimo uwo ari wo wose ushobora guhinduka amahirwe, igihe ukoranywe ubwenge, guhanga udushya no kwihangana.

Ku manywa atwara abagenzi mu mihanda ya Kigali,nimugoroba agatunganya amashusho ashyirwa kuri TikTok na Instagram, aho akurikirwa n’ibihumbi by’abantu.

Uyu musore yongeye kugarukwaho cyane ubwo yagaragaraga atwaye kuri moto umuhanzikazi wicyamamare Shenseea waje mu Rwanda mu ntangiriro za Mutarama.

Ubwo yari mu mujyi wa Kigali ku wa 2 Mutarama 2026 aje gutaramira abakunzi b’umuziki mu gitaramo cyabereye BK Arena, uyu muhanzikazi yagaragaye yahisemo ’Your Motari" kumubera umushoferi w’uwo munsi.

Mu kiganiro yagiranye na KT Radio, yatangaje ko team y’uyu muhanzi yamuhamagaye kuri uwo munsi bamusaba ko yamutwara akamutembereza nuko yisanze atwaye umuhanzikazi wicyamamare mpuzamahanga.

Nyuma yongeye kugarukwaho by’umwihariko ubwo yongeraga kugaragara atwaye uwitwa IShowSpeed, icyamamare mpuzamahanga mu bijyanye na streaming ku mbuga nkoranyambaga ubwo yazaga mu Rwanda.

Saadi yavukiye anakurira mu Karere ka Nyanza, mu Ntara y’Amajyepfo, arerwa na nyirakuru. Nyuma yo kurangiza amashuri, yinjiye mu mwuga w’ubwarimu, akora nk’umwarimu mu gihe kirenga imyaka itanu.

N’ubwo akazi k’ubwarimu kamuhaga imibereho, yumvaga ko hari byinshi ashobora kugeraho.

Ati: “Ubwarimu bwari bwiza, ariko nifuzaga kwigenga mu bukungu no kwagura ibitekerezo byanjye.”

Ashingiye ku nama Perezida Paul Kagame akunze guha urubyiruko, yo kugerageza indi nzira igihe imwe idatanga umusaruro wifuza, Saadi yafashe icyemezo cyo guhindura icyerekezo.

Abifashijwemo n’inshuti ebyiri zamugurije amafaranga, Saadi yaguze moto ye ya mbere. Icyo cyemezo cyateye impaka nyinshi mu nshuti n’umuryango, bibaza impamvu umwarimu yava mu ishuri akajya mu muhanda gutwara moto.

Ati: “Bambazaga bati ‘ni gute Wareka kuba umwarimu ukaba umumotari?’ Ariko nari nzi aho nshaka kugera.”

Mu Rwanda, gutwara moto bikunze gufatwa nk’umwuga w’abantu batize bihagije. Saadi yahisemo guhangana n’iyo myumvire.

Ati: “Hari n’abize kaminuza batwara moto. Twebwe twese tugira uruhare mu iterambere ry’igihugu. Hatari umumotari, umuganga, umuforomo cyangwa umucuruzi ntibyakoroha.”

Saadi yari yarize amasomo magufi ajyanye no gufata amashusho, gufotora, graphic design n’ibindi bitandukanye.

Ubumenyi yari afite bwamufashije kugera aho ageze. Yatangiye yifata amashusho ari mu kazi ke ka buri munsi, akayasangiza abantu ku mbuga nkoranyambaga. Byihuse, ayo mashusho yatangiye gukundwa.

Abiganjemo inshuti ze, zirimo n’Abanyanijeriya yajyaga atwara, bamushishikarije kujya kuri Instagram na TikTok. Mumezi make, Your Motari yahise aba izina rizwi.

Uburyo bwe bwo gusetsa, kuvuga indimi zitandukanye n’ukuri agaragaza ku buzima bwa moto-taxi byatumye benshi bamwiyumvamo.

Ati: “Hari abantu batangiye kumpa akazi nyuma yo kubona amashusho yanjye. Babonaga ko ndi inyangamugayo kandi nkunda ibyo nkora.”

Kwamamaza akazi ke ku mbuga nkoranyambaga byatumye Saadi abona abakiriya benshi, ndetse abona n’andi masoko abasha kwinjiza amafaranga.

Nubwo gutunganya amashusho bisaba igihe, we akora igenamigambi agafata amashusho menshi ku munsi umwe, nyuma akazayashyira hanze mu minsi ikurikiraho gake gake.

Ati: “Iyo umuntu antangiriye mu muhanda akambwira ati ‘Tukubona kuri TikTok, komeza’, bintera imbaraga zo gukora kurushaho."

Saadi ntabwo ariwe wenyine ku isi uhuje umwuga wo gutwara abagenzi kuri moto n’ikoranabuhanga.

Muri Kenya, hari abamotari bakoresha YouTube na TikTok bagaragaza ubuzima bwabo bwa buri munsi, bagakangurira urubyiruko kwizigamira no kwirinda ibiyobyabwenge.

Muri Indonesia, bamwe mu bamotari ba Gojek na Grab bahindutse ibyamamare kubera gukoresha imbuga nkoranyambaga zikabinjiriza binyuze mu kwamamaza ibicuruzwa, bituma bagira ababakurikira babarirwa muri za miliyoni.

No muri Nigeria, hari bamotari bakoresha Instagram basobanura ubuzima bwo mu mihanda ya Lagos, bakabikuramo inyungu.

Ibi bigaragaza ko umwuga wo gutwara abagenzi kuri moto, igihe uwukora awuhuje n’ikoranabuhanga, ushobora kuba isoko y’iterambere rirambye.

Saadi afite inzozi nini zirimo gushinga ishuri ryigisha gutwara ibinyabiziga mu buryo bw’umwuga, serivisi y’ubwikorezi bw’ibicuruzwa (delivery), ndetse n’ikigo cy’ubukerarugendo cyamamaza ubwiza bw’u Rwanda.

Ku rubyiruko ruri gushakisha inzira yarwo, Saadi hari inama ikomeye abagira zirimo: kudatinya kugerageza, gukora cyane, gusenga no guhanga udushya.

Avuga ko urugendo rwe rugaragaza ko intsinzi itajya ihita iza byihuse.

Kuva ku kuba mwarimu i Nyanza, akagera mu mihanda ya Kigali kugeza ku kuba icyamamare ku mbuga nkoranyambaga z’igihugu cyose, Your Motari ni urugero rw’uko nta mwuga utaguteza imbere mu gihe wabashije kuwuhangamo udushya.

Ati: “Nishimira urugendo rwanjye. Buri munsi nkora ngo nkure, nshishikarize abandi, kandi nerekane ko nta nzira n’imwe iba nto iyo ikurikiranywe n’umurava n’ubuhanga.”

Ni umaze kwigarurira imitima ya benshi kubera uburyo bwe budasanzwe bwo gukora live streaming, aho yerekana ibintu byose uko biri mu by’ukuri, ntacyo akuyemo.

Uyu musore w’imyaka 20 yahisemo kujya asura ibihugu bitandukanye byo hirya no hino ku Isi, akagenda agaragaza imibereho yabyo ako kanya binyuze mu mashusho ari mu buryo bwa live.

Ubu buryo bwahaye abantu benshi amahirwe yo kubona uko ibihugu biri mu by’ukuri, cyane cyane bigahindura imyumvire ku mugabane wa Afurika, aho bamwe mu bo mu Burengerazuba bari basanzwe bawufata uko utari.

Kugera kwa IShowSpeed mu Rwanda ni inkuru ikomeye ku gihugu n’Abanyarwanda muri rusange, kuko uru ruzinduko rutuma u Rwanda rurushaho kumenyekana ku rwego mpuzamahanga binyuze mu mashusho arebwa na za miliyoni z’abantu ku Isi yose.

Amazina ye nyakuri ni Darren Jason Watkins Jr. Yavukiye i Cincinnati, muri Ohio, muri Leta Zunze Ubumwe za Amerika.

Yatangiye gukoresha imbuga nkoranyambaga akora streaming akiri muto, cyane cyane yibanda ku gukina imikino ya mudasobwa izwi nka video games.

Yatangiye uyu mwuga mu 2010, ariko ntiyamenyekanye cyane icyo gihe.

Izina rye ryatangiye kumvikana cyane mu gihe cy’icyorezo cya Covid-19, aho amashusho ye yakwirakwiriye cyane kubera uburyo agaragaza amarangamutima ye mu buryo bukabije, bwaba ari mu ndirimbo, imikino cyangwa mu bindi bikorwa.

IShowSpeed yarushijeho kwamamara cyane kubera ibikorwa bidasanzwe agenda akora birimo gusiganwa n’inyamaswa, gukurura imodoka akoresheje imbaraga ze, kumoka mu buryo butangaje, no kwitwara mu buryo budasanzwe mu mashusho ye ya live.

By’umwihariko, urukundo rwe akunda Cristiano Ronaldo rwagize uruhare runini mu kumenyekana kwe.

Ibi byatumye ahura n’uyu mukinnyi w’icyamamare wo muri Portugal, ndetse binamuha amahirwe yo guhura n’abandi bakinnyi bakomeye ku rwego mpuzamahanga.

Kuri ubu, IShowSpeed abarirwa mu bantu bafite abakurikira benshi ku Isi ku mbuga nkoranyambaga. Kuri YouTube yaje mu Rwanda akurikiwe(followers) n’abantu barenga miliyoni 45, ariko ubu twandika iyi nkuru yari hafi kuzuza miliyoni 48 yakuye cyane cyane mu gusura ingagi zo mu Birunga mu karere ka Musanze, ndetse no kuri Sitade Amahoro naho yatembereye kuri iki gicamunsi mu gihe abafana bitegura umukino wa Rayon Sports na APR.

Ku zindi mbuga nkoranyambaga nka TikTok na Instagram naho arakunzwe cyane kandi amashusho ye arebwa na za miliyoni mu masaha make.

Agaciro ke mu by’amafaranga kabarirwa hagati ya miliyoni 10$ na 15$, bitewe n’amafaranga akura mu matangazo, ubufatanye n’ibigo bitandukanye (brand endorsements) n’ibindi bikorwa by’ubucuruzi.

Nyuma yo kumenyekana cyane, IShowSpeed yafashe umwanzuro wo kujya azenguruka Isi asura imigabane itandukanye. Ingendo ze zikaba zarahereye mu Burayi, zikomereza muri Asia, ubu akaba ageze muri Afurika.

Mu ngendo ze muri Afurika, yagaragaje ishusho itandukanye n’iyo benshi batatekerezaga Yerekanye imijyi iteye imbere, abaturage bishimye, n’imibereho nyakuri y’Abanyafurika, bityo ahinyuza imyumvire mibi yari isanzwe igaragara mu Burengerazuba.

Kugera kwa IShowSpeed mu Rwanda ni intambwe ikomeye mu kwamamaza isura y’igihugu ku Isi.
Binyuze mu mashusho ye ya live streaming, abantu batari bake bazamenya u Rwanda rw’uyu munsi, imijyi yarwo, umutekano warwo, n’imibereho y’Abanyarwanda muri rusange.

Uruzinduko rwe rushobora kugira uruhare mu kongera ubukerarugendo, guteza imbere isura y’u Rwanda ku rwego mpuzamahanga, no guhindura imyumvire y’abakiri bato babona igihugu nk’uko cyari kimeze mu myaka irenga 30 ishize.

Mu Rwanda, biteganyijwe ko IShowSpeed azasura ahantu hatandukanye harimo imijyi, ahantu nyaburanga, no guhura n’abaturage, byose abinyujije mu mashusho ari mu buryo bwa live.
Ibi bizafasha Isi yose kubona u Rwanda nk’igihugu gitekanye, gifite iterambere rigaragara, n’abaturage bafite umuco wo kwakira neza abashyitsi.

IShowSpeed wamaze kugera mu Rwanda aje yiyongera ku bandi bantu bakomeye bagira uruhare mu kumenyekanisha igihugu ku Isi.

Uruzinduko rwe ni amahirwe akomeye ku Rwanda n’Abanyarwanda, kuko rushobora gusiga isura nziza y’igihugu mu mitima ya benshi ku isi.

🚨WATCH: iShowSpeed gets one of his funniest welcomes in Rwanda after being challenged to a push-up contest by a little person.

Speed tries to keep up, but eventually runs out of steam — and the little person ends up winning. pic.twitter.com/2G9YFLoc24

— richo (@richo) January 10, 2026