CGFK yegukanye igikombe mu mupira w’amaguru

Ni imikino yasojwe ku wa 31 Gicurasi 2026, aho mu mupira w’amaguru iyi kipe yo mu karere ka Kicukiro ya CGFK yegukanye igikombe mu bahungu itsinze GS APE RUGUNGA 1-0 ku mukino wa nyuma warebwe n’abayobozi mu nzego zitandukanye barimo Umuyobozi Mukuru wa REB, Dr. Mbarushimana Nelson; Habyarimana Florent ushizwe amashyirahamwe ya siporo muri Minisiteri ya Siporo; Umuyobozi wa Tekinike muri FERWAFA, Gérard Buscher.

Mu cyicaro cy’abakobwa igikombe cy’Amashuri Kagame Cup muri ruhago, cyegukanwe na PSBB yo mu karere ka Huye itsinze aho ku mukino wa yahatsindiye n’abundi GS APE Rugunga yari yageze ku mukino wa nyuma mu byicuritse byombi, kuri penaliti.

‎Ikipe y’ikigo cya Ecole Sainte Bernadette ya Kamonyi cyihariye ibikombe mu mikino itandukanye muri iri rushanwa aho iki kigo cyo mu Karere ka Kamonyi cyegukanye igikombe cya Basketball ya batatu kuri batatu mu bahungu no mu bakobwa, cyegukana igikombe cya Basketball isazwe mu bakobwa ndetse inegukana igikombe cya Beach Volleyball mu bakobwa mu gihe muri basketball isanzwe mu bahungu igikombe cyegukanwe na ITS yo mu karere ka Gasabo .
‎

‎Ikipe y’ikigo cya Ecole Sainte Bernadette ya Kamonyi cyihariye ibikombe

‎Muri Handball, igikombe cyatwawe na GS Tabagwe yo mu Karere ka Nyagatare mu bahungu naho mu bakobwa cyegukanwa na ES Kiziguro. Muri Volleyball igikombe cyatwawe na Nyanza TSS yo mu Karere ka Nyanza, mu bahungu naho mu bakobwa cyegukanwa na GS Indangaburezi yo mu Karere ka Ruhango.
‎
‎Mu mukino wa Rugby ibikombe byatwawe na Gitisi TSS yo mu Karere ka Ruhango mu bahungu n’abakobwa, naho muri Netball igikombe gitwarwa n’ikipe ya GS Gahini yo mu Karere ka Kayonza. Muri Beach Volleyball ho igikombe cyatwawe na PSVF yo mu Karere ka Huye mu bahungu naho mu bakobwa gitwarwa na ESB yo mu Karere ka Kamonyi.
‎
‎Aya makipe yitwaye neza akegukana ibikombe n’andi yegukanye imidari muri iyi mikino itandukanye azahagararira u Rwanda mu mikino ya FEASSSA ihuza ibigo by’amashuri byo mu Karere ka Afurikay’Iburasirazuban’iyoHagati, izabera i Morogoro muri Tanzania kuva tariki ya 12 kugeza ku ya 23 Kanama 2026.
‎

Amakipe ya RSSB Tigers, Al Ahly Benghazi, Petro du Luanda ndetse na Al Ahly niyo aza gutangira urugendo rw’imikino ya 1/2 mu mikino ya nyuma ya BAL ikomeje kubera I kigali. Ni ubwa mbere ikipe ya RSSB Tigers ihagarariye u Rwanda igeze muri iki cyiciro cyane ko ari n’inshuro yayo ya mbere yitabira iri rushanwa rya BAL nyuma yo ku ryinjiramo ku munota wa nyuma isimbuye ikipe ya APR BBC yikuyemo.

Ku nshuro ya mbere yitabiriye BAL, RSSB-Tigers igiye gukina imikino ya 1/2

Petro de Luanda yo muri Angola, yinjiye muri iyi mikino ya 1/2 ifite agahigo ko kuba ikipe yakinnye imikino ya 1/2 inshuro esheshatu yikurikiranya naho kurusha izindi muri iri rushanwa.
‎
Uko ‎urugendo rw’imikino ya 1/4 rwagenze

‎Ikipe ya Al Ahly yo mu Misiri niyo yabimburiye izindi nyuma yo gutsinda ikipe ya Ville de Dakar yo muri Senegal yari yitabiriye ku nshuro ya mbere amanota 87-76 mu mukino wo kwishyura maze biyihesha itike yo gukina imikino ya 1/2 nyuma y’uko yari yatsizwe umukino ubanza amanota 93 kuri 90 ariko Ville de Dakar nti yabasha kwihagararaho bityo, Al Ahly ikomeza ku kinyuranyo cy’amanota.
‎
‎

RSSB-Tigers iri mu rugo, niyo yabaye iya kabiri mu kwinjira mı mikino ya 1/2 nyuma yo gusezerera ikipe ya FUS Rabat yo mu gihugu cya Maroc ku kinyuranyo cy’amanota 22, kabone nubwo RSSB yari yatsinzwe umukino wa kabiri amanota 99 kuri 98 ibi ariko ntacyo byafashije ikipe ya FUs Rabat kuko RSSB Tigers yari yayitsinze amanota 95 kuri 72 mu mikino ubanza.
‎
‎Al Ahly yo muri Libya yabaye ikipe ya gatatu yageze muri 1/2 nyuma yo gusezerera Club Africain yo muri Tunisia imikino yombi, ubanza n’uwo kwishyura, 88-87 mu mukino ubanza ndetse na 98-80 mu mukino wo kwishyura biyihesha itike yo kwerekeza mu mikino ya 1/2 iza gutangira kuri uyu wa gatatu.
‎
Petro de Luanda niyo yabonye itike y’imikino ya 1/2 nyuma y’izindi nyuma yo gusezerera ikipe yakipe ya Dar City yo muri Tanzania yari initabiriye ku nshuro yayo ya mbere aho ikipe yakipe ya Petro de Luanda yakuyeho ikinyuranyo cy’amanota umunani yari yaratsinzwe mu mukino ubanza wa 1/4 cy’iyi mikino itsinda Dar City amanota 83-69 maze igera muri 1/2 cy’irangiza cya BAL ku nshuro ya gatandatu yikurikiranya. Iyi kipe yo muri Angola yatwaye iki gikombe mu 2024 itsindirwa ku mukino wa nyuma inshuro ebyiri mu 2022 na 2025.
‎
‎Imikino ya 1/2 irakinwa kuri uyu wa Gatatu no kuwa Kane, aho RSSB Tigers iza gu cakiranan na Al Ahly yo mu Misiri ku isaha ya Saa 19:00 naho kuwa Kane Petro de Luanda yakire Al Ahly yo muri Libya bishakamo amakipe abiri agera ku mukino wa nyuma uzakinwa ku Cyumweru tariki 31 Gicurasi 2026. Uretse RSSB Tigers igeze 1/2 kunshuro ya mbere andi yose yakinnye imikino ya 1/2 ndetse yose yanakinnye umukino wa nyuma.

‎

Uyu mukino watangiye Saa Kumi n’Ebyiri n’Igice, watangiranye imbaraga zikomye cyane cyane kuruhande rw’ikipe ya Rayon Sports yashakaga gufungura amazamu hakiri kare, kuko byibuze mu minota 15 ya mbere yari imaze kugerageza uburyo butari munsi ya bubiri harimo na koroneri ebyiri.
‎
‎Abakinnyi ba Bugesera FC nyuma yo kubona ko bari kurushwa hagati mu kibuga batangiye kwiyegeranya ari nako bakina imipira miremire bashakisha abakinnyi bakinaga mu gice cy’imbere cyane cyane ku mpande, barimo Clement John, Naibe na Nshimirimana Darcy ariko umunyezamu Kwizera Olivier na ba myugariro be bahagarara neza.
‎
‎Kuva ku munota wa 25 umukino wagabanyije umuvuduko, amakipe yose atangira gukinira ku mibare yigana gacye gacye, ariko ubusatirizi bwa Rayon Sports bwari burimo Asman Ndikumana, Tambwe Gloire na Mugisha Didier ukabona ko buri kugerageza uburyo bukomeye ariko Eric Ngendahimana na Hirwa Jean de Dieu ndetse n’umunyezamu Dauda Ibrahim bahagarara neza maze igice cya mbe kirangira ari 0-0 ku makipe yombi.
‎
‎Igice cya kabiri, Gikundiro yakinjiranyemo imbaraga zidasazwe ariko umunyezamu Dauda Ibrahim ababera ibamba nyuma ya koroneri ebyiri babonye zikurikiranya ku munota wa 47 akigaragaza. Ku munota wa 60 Asman Ndikumana yatsinze igitego cya mbere cya Rayon Sports ku mupira yakiriye uvuye kuri Nshimiyimana Emmanuel wakinaga inyuma ku ruhande rw’iburyo.
‎
‎Ku munota wa 76 umutoza Haringingo Francis yakoze impinduka akuramo Mugisha Didier na Tony Kitoga hinjiramo Sindi Paul na Aziz Bassane maze bakomeza gusatira byatumye ku munota wa 88 Aziz Bassane atsinda igitego cya kabiri ku mupira yahawe na Tambwe Gloire, ashimangira itsinzi y’ibitego Rayon Sports yatsinze Bugesera FC.
‎
‎Nyuma yo gutsinda uyu mukino Gikundiro yashimangiye ko ikeneye umwanya wa kabiri mu makipe y’imbere mu gihugu binayihesha itike yo gusohokera igihigu mu mikino ya CAF Confederation Cup 2026/2027, kuko yagumye ku mwanya wa kane muri muri rusange aho irusha amanota atatu Kiyovu Sports iyikurikiye, banafitanye umukino ku munsi wa nyuma wa BK Pro League, ku wa Gatanu Saa Kumi n’Ebyiri n’Igice.
‎
‎Iyi ntsinzi ibaye kwihorera kwiza kwa Rayon Sports kuri Bugesera FC yari imaze iminsi yarayizengereje, aho kipe y’i Burasirazuba izasoza Shampiyona yakirwa na Rutsiro FC, iri ku mwanya wa 10 n’amanota 41.

Uyu mukino wabereye kuri Stade Amahoro, watangiye Saa Kumi n’Ebyiri zuzuye utangirana imbaraga zikomye cyane cyane ku ruhande rw’ikipe y’Ingabo z’Igihugu kuko byibuze mu minota 15 ya mbere yari imaze kugerageze uburyo butari munsi ya bubiri harimo na koroneri ebyiri.
‎

‎Abakinnyi ba Gikindiro nyuma yo kubona ko bari kurushwa hagati mu kibuga batangiye kwiyegeranya ari nako bakina imipira miremire bashakisha rutahizamu Asman Ndikumana na Aziz Bassane bari bayoboye ubusatirizi bwa Rayon Sports ariko Niyigena Clement na Nshimiyimana Yunusu bahagarara neza.
‎

‎Nyuma yo kuryoherwa no gusatira izamu rya Gikundiro abakinnyi ba APR FC bazamutse basiga imyanya hagati mu kibuga ari naho Tony Kitoga yakiririye umupira awucomekera Ndikumana Asman nawe winjiye mu rubuga rw’amahina umunyezamu Hakizimana Adolphe wasohotse amugusha mu rubuga rw’amahina umusifuzi yemeza ko ari penaliti.

Iyi penalti ya Rayon Sports yatewe neza na Asman Ndikumana wari ukorewe ikosa ku munota wa 44 arayinjiza atsinda igitego cyari icya gatatu atsinze APR FC mu mikino itatu yikurikiranya ahuye nayo kuva muri Mutarama 2026, igice cya mbere kirangira ari 1-0.
‎

Ndikumana Asman atsinda penaliti y’igitego cya mbere cya Rayon Sports

Bakiva kuruhuka, byasabye iminota itanu gusa ngo APR FC yishyure iki gitego, cyatsizwe na William Togui Mel n’umutwe ku munota wa 50, ku mupira mwiza wari uhinduwe na Djibril Ouattara mu ruhande rw’iburyo, Kwizera Olivier agerageje kuwukuramo biranga ujya mu rushundura harimo n’uburanga bw’ab’inyuma ba Rayon Sports Ramazani Tshimanga na Youssou Diagne.
‎

William Togui Mel nyuma kwishyura ikioe ya APR FC igitego

‎Umukino wahise uhindura isura, amakipe yombi atangira kurwana no kubona igitego cya kabiri nubwo bitakunze. Abatoza bombi bashakishije ibisubizo ku ntebe y’abasimbura kugira ngo barebe ko hari icyakorwa ngo igitego kiboneke dore ko gusimbuza kwinshi kwibandaga mu busatirizi cyane cyane kuri APR FC iba inafite abakinnyi benshi muri icyo gice.
‎

‎Ku munota wa 66, umutoza Teleb, yakuyemo Memel Dao na Mugisha Gilbert, ashyiramo Yousif Daouda Seidu na Hakim Kiwanuka. Uyu mutoza kandi yongeye gusimbuza ku wa 76 akuramo Ruboneka Jean Bosco, azana Mamadou Sy ngo afashe ubusatirizi maze impinduka ya nyuma ayikora ku munota wa 86 akuramo Togui Mel watsinze igitego ashyiramo Denis Omedi.
‎

‎Ku ruhande rwa Rayon Sports, uretse Mugisha Didier wasimbuye Aziz Bassane ku munota wa 70, ukundi gusimbuza kwaturutse ku mvune Ramazani Tshimanga yagize maze ava mu kibuga hajyamo Emery Bayisenge, ariko n’ubundi umukino urangira ari igitego 1-1, berekeza muri penaliti kugira ngo zibe azi zo zigena uwegukana iki gikombe gitanga itike yo guhagararira igihugu mu mikino Nyafurika ya CAF Confederation Cup.
‎

‎APR FC yitwaye neza muri izi penaliti yinjiza enye, Rayon Sports yinjiza ebyiri gusa, kuko umunyezamu Kwizera Olivier wateye iya kabiri yayihushije, anatsindwa indi, ndetse na Asman Ndikumana ayiteye Hakizimana Adolphe arayifata.APR FC yinjirijwe penaliti na Hakim Kiwanuka, Byiringiro Jean Gilbert, Kapiteni Niyomugabo Claude, na Denis Omedi, mu gihe ebyiri za Rayon Sports zinjijwe na Emery Bayisenge ndetse na Mugisha Didier.
‎

‎APR FC yegukanye Igikombe cy’Amahoro cya kabiri yikurikiranya nyuma ya 2025 itsinze uyu mukeba 2-0, cyikaba icya gatatu mu myaka 10 ishize ariko cyikaba icya 15 mu mateka yayo.
‎
‎Iki gikombe yagihawe giherekejwe na miliyoni 12 Frw, n’imidari y’sihimwe mu gihe kandi uretse kuyitwara ibikombe, APR FC itari yatsindirwa na Rayon Sports muri Stade Amahoro ivuguruye kuva yafungurwa mu 2024.

‎APR FC gutwara iki gikombe yaratwaye n’icya shampiyona, bivuze ko itike ya CAF Confederations Cup izatangwa hagendewe ku rutonde rwa shampiyona, aho hazarebwa ikipe ya kabiri mu zo mu Rwanda, umwanya kugeza ubu, ufitwe na Rayon Sports mu gihe habura imikino ibiri.
‎

‎Mu bagore, iki gikombe cyegukanywe na Rayon Sports W FC itsinze Police WFC ku mukino wa nyuma ibitego 2-0. Gikundiro y’abagore yahawe Miliyoni 8 Frw, Police WFC ihabwa miliyoni 5 Frw.
‎

Rayon Sports y’Abagore

Uyu mukino wo munsi wa 32 wa wakinwe kuri iki Cyumweru tariki ya 17 Gicurasi 2026 Saa Cyenda kuri Kigali Pele Stadium. APR FC yinjiye muri uyu mukino yaramaze kwegukana igikombe mu mibare nyuma yo kunganya kwa Kiyovu Sports 1-1 na AS Muhanga, maze ikomeza kubabaza ikipe y’Akarere ka Rutsiro.
‎
‎Amakipe yombi yatangiranye ishyaka ariko ikipe yambara umukara n’umweru igasatira cyane binyuze kuri William Togui, Kiwanuka na Djibril Ouattara. Ku munota wa 22 ikipe y’Ingabo z’igihugu yafunguye amazamu ku gitego cya William Togui ahawe umupira na Memel Dao wari wabanje gucenga ba myugariro.
‎
‎APR FC yakomeje kwiharira umukino ariko na Rutsiro FC ikanyuzamo ikagera imbere y’izamu binyuze ku bakinnyi bayo barimo Mumbere Mbusa, Sunzu Bonheur na Mumbere Jonas bari bayoboye ubusatirizi bwayo.
‎
‎Ku munota wa 40, Djibril Ouattara uyoboye abandi bakinnyi mu gutsinda ibitego byinshi muri shampiyona y’u Rwanda yatsinze igitego 16 ku mupira yari ahinduriwe na Memel Dao, ashyiraho umutwe ariko umunyezamu wa Rutsiro FC ashatse kuwufata biranga, igitego cya kabiri maze igice cya mbere kirangira ari 2-0.
‎
‎Igice cya kabiri cyatangiye Rutsiro FC ikora impinduka mu kibuga havamo Sunzu Mende hajyamo Maniragaba Djafari ariko n’ubundi bitagize icyo bitanga kuko APR FC yakomeje gusatira. Ku munota wa 55, APR FC yabonye igitego cya gatatu cyatsinzwe na Byiringiro Jean Gilbert nyuma y’uburangare bwa ba myugariro ba Rutsiro FC.

‎Umukino warangiye Rutsiro FC itsinzwe ibitego 3-0 ikomeza kuba ku mwanya wa nyuma wa 18 n’amanota 26. Mu yindi mikino Amagaju FC yatsinze Al Merriekh SC igitego 1-0 igira amanota 34 ku mwanya wa 14 mu gihe hasigaye imikino ibiri ngo shampiyona irangire.

Musanze FC kuri Stade Ubworoherane yahatsindiye Gasogi United ibitego 3-2.

‎
‎Uyu mukino wahaye Al Hilal SC igikombe cya shampiyona cya BK Pro League Champions wabaye kuri uyu wa Gatatu tariki ya 13 Gicurasi 2026, kuri Kigali Pele Stadium, maze yuzuza amanota 73, bivuzeko mu mikino itatu isigaye niyo yayitsindwa ntakipe yarenza amanota ifite.
‎
‎Nubwo ntawe ukwiriye kwishimira ibyago bya mugenzi we nubwo we yaba abyungukiramo, ariko Abanyarwanda ntabwo bazibagirwa umwaka w’imikino 2025-2026, kuko babonyemo ibyo amaso n’ubwenge bwabo byahoze birota. 
‎

‎Kubera intambara iri kubera muri Sudani kuva mu 2023, amakipe ya Al Hilal SC na Al Merrikh SC amaze imyaka ibiri akina shampiyona zo hanze y’igihugu cyabo aho mu mwaka w’imikino 2024-2025 zakinnye Super D1 yo muri Mauritania, uyu mwaka zari ziri gukina BK Pro League.
‎
‎Nyuma y’uko zisabye kuza zikemererwa, ishusho y’umupira w’amaguru w’u Rwanda yarahindutse haba imbere mu gihugu ndetse no hanze yacyo, mu kibuga ndetse no hanze, aho abakunzi b’umupira w’amagaru banyuzwe n’urwego rwa shampiyona bari kureba. Abaturarwanda barebye n’amaso yabo imikino y’amatsinda ya CAF Champions League ku nshuro ya mbere mu mateka ku butaka bw’urwimisozi igihumbu, yakinwaga na Al Hilal SC, ikaviramo muri 1/4.
‎
‎" Aya makipe arakomeye by’umwihariko Al Hilal SC, ifite abakinnyi beza cyane, abatoza bazi icyo bakora, mbona amakipe yacu akwiye kubigiraho uko bagura abakinnyi beza." Ntakirutimana Isaac uzwi nka Sarpong, umwe mu bakunzi ba APR FC agaruka kuko abano aya makipe.
‎
‎Uretse iyi mikino Nyafurika kandi aya makipe yongereye ihangana mu kibuga, bituma abakunzi b’umupira biyongera ku bibuga bitandukanye bashaka kwihera ijisho iyi kipe iri mumeza ku rwego rw’umugabane kuko imaze imyaka irindwi ikina imikino Nyafurika ya CAF Champions League, uretse abanyasudani batuye mu Rwanda bahise bisanga kuri iyi kipe, ntibyasabye igihe kirekire ngo n’abanyarwanda bayisangamo bayigire isoko y’ibyishimo byabo.
‎

‎Jean Claude Girumugisha ritahizamu w’iyi kipe yo muri Sudani ukomoka I Burundi yavuzeko bishimiye gukinira mu Rwanda kuko hari byose bifuzaga kubona, " Mbere na mbere twishimiye ko twegukanye igikombe, iyi shampiyona yari ikomeye kuko amakipe yahano ni meza yatweratse urwego rwiza byanatumye twitwara neza mu mikino Nyafurika, kwakira abantu no kubafata neza n’umwihariko w’u Rwanda."
‎
‎Jean Claude yongeyeho ko yishimiye kuba ikipe yarahisemo kuza mu Rwanda kuruta gusubira muri Mauritania kuko hano yahisanze nko mu rugo kuko abandi bakinnyi bagowe n’ururimi Kandi we byaramworoheye cyane bitewe n’uko indimi z’ibihugu byose zifitanye isano.
‎
‎Umutekano, urukundo, kwakira neza abashyitsi ndetse n’urwego rw’ibikorwaremezo ruri kwihuta mu Rwanda ni bimwe mu byatumye Al Hilal SC yifuza kuza mu Rwanda, kandi kugeza ubu banyuzwe n’uko bahisemo igihugu kiza, nyuma y’uko ikipe ya Al Hilal SC, irenze imikino y’amatsinda ya CAF Champions League yanyuze ku mbugankoranyambaga zayo ishimira igihugu cy’u Rwanda ndetse n’abakunzi b’umupira bayifashije bakayiba inyuma ikabasha gutsinda imikino yose yakiniye i Kigali uko yari itatu.
‎
‎Si Al Hilal SC gusa kuko na Al Merreikh SC yo yamaze gusubira muri Sudani, mbere y’uko bakina umukino ukomeye uhuza aya makipe yombi wabaye tariki ya 17 Gashyantare 2026, abakunzi b’iyi kipe binjiye muri Stade Amahoro bafite igitambaro kinini cyanditseho amagambo yo gushima bati "Murakoze Rwanda"
‎
‎Intero n’imwe mu bakunzi b’umupira w’amaguru igira iti " Aya makipe yari akwiye gukina BK Pro League n’umwaka utaha" ariko si ukubifuriza ko intambara yakomeza ahubwo banyuzwe n’ubunyamwuga bari kugaragaza, ndetse n’urwego rw’amakipe ari kuza mu gihugu.
‎
‎Mu kinaniro KT Sports cyo kuri uyu wa Gatatu tariki ya 13 Gicurasi 2026, Umuhuzabikorwa wa Rwanda Premier League Jules Karangwa yatangarije KT Radio ko Aya makipe yo muri Sudani yasabye kuzakomeza gukinira hano muri shampoyona y’ikiciro cya mbere mu Rwanda.
‎
‎Yagize ati, " Yego barabidusabye, kuba bagaruka bagakomeza gukina muri shampiyona yacu, kuko barabyifuza cyane, kandi mwibuke ko hano ariho bakiriraga imikino yabo ya Champions League, rero twabasabye ko bakora ibisabwa byose ubundi bakatumenyesha. hakiri kare."
‎
‎Iyi kipe yambara ubururu n’umweru itwaye iki ikombe habura imikino itatu aho ifite amanota 73 mu mikino 31, muri iyi mikino yose Al Hilal SC yatsinzemo imikino 23 itsindwa imikino ine, inganya imikino ine. Muri iyi mikino yose Al Hilal SC yatsinze ibitego 71 itsindwa 21. Nkuko biri kuri gahundi iyi kipe igomba gusubira muri Sudani gusoza shampiyona no gushaka itike yo gukina imikino Nyafurika mu 2026-2027.

‎Ibi yabigarutseho nyuma y’umukino ikipe ya Rutsiro FC yatsizwemo n’Amagaju FC ibitego 2-1 mu mukino w’umunsi wa 31 wa BK Pro League wabereye kuri Stade Umuganda kuri iki Cyumweru tariki ya 10 Gicurasi 2025, maze avuga ko iyi kipe yamaze gutakaza umwimerere w’imikinire ari nabyo biri gutuma kubona amanota bigoye.
‎
‎Ati "Ikipe yarahindutse mu bintu byose haba mu mikinire no mu mitoreze. Nari mfite iminsi ibiri yo kurema ibindi bintu no kubasubiza mu mwuka wo guhatana bijyana no gushaka itsinzi, ndetse no kugarura uburyo bw’imikinire yacu, kandi n’ubwo dutsinzwe ariko twakinnye neza, kuko twimye umupira abo twari duhanganye ndetse tunarema uburyo bwinshi ariko amahirwe arabura. Nureba imikinishirize abakinnyi bari bamazemo iminsi byari ugutera imbere umupira bakiruka, kandi ibyo binaniza abakinnyi."
‎
‎Rubagura Omar wasigaranye iyi kipe nyuma yo kwirukanwa Bizumuremyi Rajabu ariko nyuma nawe agatanduka nayo, yakomeje avuga ko atari Yesu waza kurema ibintu byinshi mu byapfuye.

Ati "Hari igihe tubwira umukinnyi tuti ’iruka’ kugira ngo turebe ko hari icyo twakura mu mukino,njye ntabwo ndi Yesu ngo nzaza kurema byinshi mu byapfuye, umutoza wagiye [Gustave] afite uburyo yakoresheje, igihe nari naragiye sinatinya kubivuga, ariko byagize ingaruka ku mitekerereze, imikinire, imyitwarire n’imibereho y’abakinnyi muri rusange."
‎

Umutoza wa Rutsiro FC avuga ko atari Yesu wahindura ibyapfuye

‎Omar yongeyeho kandi ko yafashe ikipe inaniwe, bijyanye n’imikinire ndetse n’imitoreze.

Ati" Hari igihe ukoresha umukinnyi imyitozo ukamunaniza mu mitekerereze, ibaze nawe gukoresha imyitozo abakinnyi bakinana hagati yabo kandi baherutse gukina umukino, nabyo biba bisa n’undi mukino kandi wibuke ko abakinnyi bacu bakuze, bafite imyika iri hejuru. Ubu rero nafashe umwanzuro wo gutanga ikiruhuko cy’iminsi ibiri kuri bamwe ndetse n’umunsi umwe ku bandi kugira ngo tuzajye mu mukino wa APR FC bararuhutse."
‎
‎Uyu mutoza wari waravuye muri Rutsiro FC, yagarutse nyuma yo kwirukana Niyonkuru Gustave. Ikipe y’Akarere ka Rutsiro iri ku mwanya wa nyuma n’amanota 26, biyishyira mu byago byinshi byo gusubira mu icyiciro cya kabiri, nyuma y’imyaka ibiri ikina icya mbere.

Mu mikino itatu ibura ngo shampiyona irangire, Rutsiro FC izasura APR FC mu mukino ukurikiraho, yakire AS Kigali kuri Stade Umuganda isoze isura Bugesera FC mu Ntara y’Iburasirazuba.

Imibare ku makipe arwana no kudasubira mu cyiciro cya kabiri

Ikipe ya AS Muhanga yatsinzwe na Al Hilal SC ibitego 2-0, bituma igumana amanota 27 ku mwanya wa 17 ubanziriza uwa nyuma,
‎iyi kipe y’Akarere ka Muhanga, isigaje imikino itatu yose izakinira hanze, ihereye kuri Kiyovu Sports, Amagaju FC bazasoreze i Rubavu basura Marine FC.
‎
Etincelles FC yanganyaije na Gasogi United ibitego 2-2 mu mukino wabereye kuri Kigali Pele, maze iguma ku mwanya wa 16 n’amanota 28, mu gihe isigaje gukina na Marine FC, Gorilla FC isoze yakira Al Hilal i Rubavu.

Indi kipe iri mu byago byo kumanuka ni AS Kigali yatsinzwe na APR FC ibitego 2-1 yo izakurikizaho, Gicumbi FC isure Rutsiro FC isoze yakira Musanze FC.
‎

‎Ikipe y’Amagaju FC nyuma yo gutsinda Rutsiro FC yafashe umwanya wa 14 n’amanota 31, aho imikino yose isigaje izayikinira kuri Stade Kamena i Huye, yakira Al Merriekh SC, AS Muhanga ndetse isoze isura Mukura VS kuri icyo kibuga.

Ukurikije uko amakipe amwe afite ibyago byo kumanuka azihurira bisobantiye ko uzatsinda aziyongerera amahirwe yo gukina icyiciro cya mbere umwaka utaha w’imikino.

Uyu mukino wabaye kuri uyu wa Kane tariki ya 7 Gicurasi 2026 kuri Kigali Pele Stadium, utangira Saa Kumi n’Ebyiriz’umugoroba, utangirana imbaraga ku ruhande rw’ikipe ya Al Hilal SC yasatiraga cyane kugira ngo irebe ko yafungura amazamu hakiri kare ari nako yabonaga koroneri ariko ikazipfusha ubusa. Abatoza ku mpande zombi bari bagerageje gushyiramo abakinnyi babo beza bari bafite.

Ku munota wa 11 iyi kipe yo muri Sudani yabonye umupira w’umuterekano imbere y’izamu rya APR FC uterwa neza na Elhadj Kane, maze umunyezamu Hakizimana Adolphe ntiyamenya uko byagenze. Iyi kipe yo muri Sudani yambara ubururu n’umweru ntiyatuje ahubwo yakomeje kurema uburyo bwinshi maze ku munota wa 33 Ahmed Salem atsinda igitego cya kabiri ku makosa y’ubwugarizi bwa APR FC, maze igice cya mbere kirangira ari 2-0.
‎

‎Igice cya kabiri cy’umukino Al Hilal SC yagarutse iri hejuru ariko na APR FC nayo ikanyuzamo igasatira ariko bidahambaye izamu ry’iyi kipe, harimo n’uburyo Ouattara yahushije ari wenyine imbere y’izamu, ateye umunyezamu Sofiane Farid akuramo umupira n’ivi.

‎Ku munota wa 67, ikipe yambara umweru n’umukara yakoze impinduka ikuramo umunyezamu Hakizimana Adolphe yinjizamo Ruhamyankiko Yves, akinjira mu kibuga ahita atsindwa igitego cya gatatu nyuma y’umupira Dauda Yousuf yatakaje ugahita wifatirwa na Omer Taha wari winjiye mu kibuga asimbuye Walielidin Daiyeen Pogba maze ahita atera mu izamu atsinda igitego cya gatatu.
‎

‎Ikipe y’Ingabo z’Igihugu yakomeje gushaka uko yakwishyura kimwe mu bitego yari yatsinzwe gusa itsindwa icya kane cyatsinzwe na ubwo Mohamed Yousif Yagub ku munota wa 79 umukino urangira ari 4-0. Nyuma yo gutsindwa uyu mukino APR FC yahise itakaza umwanya wa kabiri igera ku mwanya wa gatatu n’amanota 56.

Al Hilal SC yagumye ku mwanya wa mbere n’amanota aho ikurikiwe na Al Merrikh SC ifite amanota 58 nyuma yo gutsinda Etincelles FC 4-1 mu mukino watangiye ku isaha ya Saa Cyenda zuzuye kuri Kigali Pele Stadium.

Umukino Gasogi United yatsinzemo ikipe y’AKarere ka Gicumbi wabereye kuri Kigali Pele Stadium, watangiye Saa Cyenda zuzuye, utangirana ishyaka ryishi ku basore ba Gasogi bari banyotewe itsinzi, maze ku munota wa gatanu Niyogena Ebenezil afungura amazamu ku makosa y’ubwugarizi bwa Gicumbi FC.
‎
‎Nyuma yo gutsindwa igitego ikipe ya Gicumbi FC yatangiye gusatira iryoherwa n’umupira maze ku munota wa 33 Danny Ndikumana yakira umupira wari uvuye mu bwugarizi bw’ikipe ya Gasogi United maze awuha Hakim Hamis wahise atsinda igitego cya kabiri.

Hamiss Hakim yishimira igitego

Ku munota wa 41 Bitwayiki Bahati Clement yishyuriye Gicumbi FC igitego kimwe, maze igice cya mbere kirangira ari 2-1, mu gihe kandi kapiteni wa Gicumbi FC Nshimiyimana Marc Govin yagize ikibazo cy’imvune agasimburwa na Shami Carnot.
‎
‎Igice cya kabiri ikipe y’Akarere ka Gicumbi yagarutse iri hejuru ihanahana neza ariko kwishyura biranga, ahubwo ku munota wa 80 kapiteni wa Gasogi United Muderi Akbar atsinda igitego cya gatatu, umukino urangira ari 3-1 byatumye Gasogi United igira amanota 34 ku mwanya wa 11 naho Gicumbi FC ifite 33 ku mwanya wa 12.
‎

Muderi Akbar yishimira igitego

‎I Huye Kiyovu Sports yatsindiye Amagaju kuri Stade Kamena igitego 1-0 cyatsinzwe na Moise Bulaga Sandja yuzuza amanota 47 ku mwanya wa gatanu mu gihe Amagaju FC ari kurwana no kubasubira mu cyiciro cya kabiri ari ku mwanya wa 15 n’amanota 28 hafi y’umurongo utukura.

Gasogi United mu byishimo by’intsinzi

‎

‎Ni nyuma y’imikino ya 1/8 yabaye kuri uyu wa Gatatu tariki ya 29 Mata 2026, muri BK Arena na Petit Stade, maze amakipe atatu muri ane ahagarariye u Rwanda muri iyi mikino agera muri 1/4. Byatangiye mu masaha ya kare aho ikipe ya Police VC yatsinze Nigeria Customer VC amaseti 3-0 (25-21,25-16,25-21).
‎

‎Ikipe ya REG VC nayo yateye intambwe ikomeye nyuma yo gusezerera Sport-S yo mu gihugu cya Uganda iyitsinze amaseti 3-0 ( 25-18,25-17,25-20) aho igomba kuzakina KPA VC yo muri Kenya muri 1/4. Ikipe ya Kepler VC nayo yakoze ibyo yagombaga gukora itsinda GSU yo muri Kenya amaseti 3-1 ( 23-25,25-23 28-26, 25-19) isanga Police VC muri 1/4 ari naho bazahurira mu mukino uteganyijwe kuri uyu wa Kane muri BK Arena.
‎

APR VC nyuma y’uko yegukanye umwanya wa kane muri Shampoyona ya Afurika umwaka ushize ndetse ikaba inabitse igikombe cya shampiyona cy’umwaka ushize, yasezerewe itarenze 1/8, nyuma yo gutsindwa na FUS Rabat amaseti 3-1 ( 25-23, 25-18, 22-25, 25-21) aho ibi kandi byaje nyuma y’uko iyi kipe y’Ingabo itanabashije gukina imikino ya kamparamaka ya shampiyona y’u Rwanda ya Volleyball 2025-2026.
‎

Imikino ya 1/4 itaganyijwe kuwa Kane tariki 30 Mata 2026 muri BK Arena, naho amakipe yasezerewe muri 1/8 arimo na APR VC azakina ahatanira imyanya kuva kuri 9-16.

‎Iyi mikino ije nyuma y’iy’amatsinda aho amakipe ane ya mbere muri buri tsinda yahise abona itike y’iyi mikino, maze amakipe yo mu itsinda rya mbere atomborana n’ayo mu rya gatatu, aho iya mbere izahura n’iya kane, iya kabiri ihure n’iya gatatu, iya gatatu ihure n’iya kabiri maze iya kane ihure n’iya mbere, ndetse ninako byagenze mu itsinda kabiri n’irya kane.
‎
‎Iyi mikino iteganyijwe tariki ya 29 Mata 2026, kuva Saa yine za mu gitondo, muri BK Arena na Petit Stade aho ikipe ya Nemo Stars Volleyball Club yo muri Uganda yasoje iyoboye itsinda rya mbere n’amanota 12, izahura na Kenya Ports Authority Volleyball Club yo muri Kenya yasoje ku mwanya wa kane mu itsinda rya gatatu, APR VC yakiriye iyi mikino igasoza imikino y’amatsinda iri ku mwanya wa gatatu izakira FUS Rabat yo muri Maroc.
‎
‎REG VC izahura na Sport-S VC, mu gihe ikipe ya Police VC, izacakirana na Nigeria Customs. Indi kipe yo mu Rwanda, Kepler VC izahura na General Service VC ishaka gukomeza kwitwara neza muri iri rushanwa.
‎
‎Mu yindi mikino, Port Autonome de Douala VC yo muri Cameroun izahura na Equity Bank VC naho Petrojet Sporting Club yo mu Misiri izakine na Ghana Army Volleyball Club. Ikipe ikomeye ku mugabane wa Afurika, inahabwa amahirwe yo kwegukana iri rushanwa Al Ahly Sporting Club, izahura na Kalibi Sporting Club.
‎
‎Ukurikije uko inzira igana ku gikombe imeze ikipe ya APR VC ishobora guhura na Al Ahly muri 1/4, ndetse dushobora no kubona amakipe yahano mu Rwanda ahurira muri iki cyiciro ariyo Kepler VC na Police VC. Ku rundi ubwo hazaba hakinwa iyi mikino amakipe yasezerewe yo azaba ari guhatanira imyanya kuva kuri 17 kugeza 24.

Urugendo rw’uko amakipe azahura kugera kugeza ku mukino wa nyuma

Imikino ine yo guhatanira imyanya kuva ku wa 17 kugeza ku wa 24 izabera muri Petit Stade ndetse n’indi ibiri ya 1/8

Imikino itandatu ya 1/8 izabera muri BK Arena

Imikino yabaye kuri iki Cyumweru tariki ya 26 Mata 2026, muri BK Arena na Petit Stade, maze Police VC, REG VC na APR VC zitwara neza zitsinda imikino zari zifite zishimangira itike yo gukina imikino ya kamparamaka iganisha ku gikombe, naho Kepler VC itsindwa na Al Ahly VC igumana amanota icyenda.
‎
‎Mu itsinda rya mbere, Police VC yatsinze Nigeria Customs VC amaseti 3-2( 25-21, 21-25, 21-25, 26-24, 15-9) igumana umwanya wa mbere n’amanota 11, aho imaze gutsinda amaseti 12 itsindwa abiri mu mikino ine.
‎
‎Ikipe ya Police VC niyo yabanjirije izindi ishimangira itike ya 1/8 itsinda ikipe ya Ghana Army yo muri Ghana amaseti 3-0 (25-20, 25-20, 25-23) maze ikomeza kuyobora itsinda rya gatatu n’amanota 12/12 aho imaze gutsinda amaseti 12 mu mikino ine, itsindwa imwe.
‎

‎Nyuma yo gutsindwa umukino wa mbere ikipe ya REG VC yuzuzaga imikino itatu itsinda aho yatsinze Atletico de Mindelo amaseti 3-0 (25-14, 25-19, 25-13) igumana umwanya wa gatatu n’amanota icyenda mu itsinda kane aho imaze gutsinda amaseti icyenda itsindwa ane mu mikino ine.
‎
‎Mu itsinda rya kabiri ikipe ya Kepler VC yatsinzwe na Al Ahly yo mu Misiri amaseti 3-0 ( 25-15, 25-19, 25-20) maze iyi kipe yambara icyatsi n’umweru iguma ku mwanya wa kabiri n’amanota icyenda aho imaze gutsinda amaseti 9 itsindwa ane mu mikino ine, inyuma ya Al Ahly ifite amanota 12 dore itaratsindwa n’iseti n’imwe.

Indi mikino yabaye ku munsi wa gatanu:

Gahunda y’imikino kuri uyu wa Mbere:

‎Iyi mikino yabaye kuri uyu wa Gatandatu tariki 25 Mata 2026 yasize amakipe yose yo mu Rwanda abonye itsinzi zayahaye ikizere cyo kuzakina imikino ya 1/8 mu nzira igana ku gikombe. Ikipe y’Ingabo z’Igihugu iri mu itsinda rya mbere yakomeje kwitwara neza itsinda Nemo Stars Volleyball Club yo muri Uganda amaseti 3–0 (25-20, 25-23, 27-25) iguma mu makipe ataratsindwa umukino n’umwe ndetse itaratsindwa n’iseti n’imwe muri iri rushanwa.
‎
‎Mu itsinda rya kabiri, Ikipe yambara icyatsi n’umweru, Kepler VC yakomeje kugaragaza urwego rwayo rwiza ndetse ko ari imwe mu makipe afite abakinnyi beza, itsinda Cameroon Sportive Volleyball Club amaseti 3–1 (25-21,25-21,26-28,25-22) ikomeza kotsa igitutu Al Ahly VC mu rugendo rwo gushaka itike yo gukomeza muri 1/8 aho banafitanye umukino kuri iki Cyumweru.

‎Indi kipe y’u Rwanda iri mu itsinda rya gatatu, Police VC na yo yitwaye neza itsinda Wolaitta Volleyball Club amaseti 3-0 (25-19,25-20,25-22) igaragaza ko ishobora kugera kure muri iri rushanwa, ikomeza kuyobora iri tsinda mu gihe ku rundi ruhande, REG VC yo yabonye intsinzi ya kabiri kuko yo yatsinzwe umukino wa mbere, aho yatsinze General Service Unit Volleyball Club mu mukino wari ukomeye cyane amaseti 3-1 (25-22, 25-22,25-23,28-26), ibintu byayongereye amahirwe yo gukomeza mu kindi cyiciro.
‎
‎Izi ntsinzi zose zatumye amakipe yo mu Rwanda akomeza kugira icyizere cyo kuzabona imyanya myiza mu matsinda yayo no kugera mu mikino ya kamarampaka muri iri rushanwa ririmo kubera i Kigali.

Uko indi mikino yagenze:

Gahunda y’imikino kuri iki Cyumweru

‎Ku wa Gatanu, tariki ya 24 Mata 2026, muri Petit Stade ndetse na BK Arena, habereye imikino y’umunsi wa gatatu w’irushanwa hakinwa umukino wa kabiri mu matsinda yose uko ari ane, maze amakipe ahagarariye u Rwanda yose yitwara neza abona itsinzi.
‎
‎Ikipe y’Ingabo z’Igihugu yakiriye iyi mikino iri mu itsinda rya mbere yatsinze Litto Team Volleyball yo muri Cameroun amaseti 3-0 (25-17, 25-18, 25-22) yuzuza imikino ibiri itaratsindwa iseti, Kepler VC iri mu itsinda rya kabiri nayo yihanangirije Sport-S yo muri Uganda amaseti 3-0 ( 25-22, 25-17, 25-20) mu mukino wabereye muri Petit Stade.
‎

‎Ikipe ya Police y’Igihugu mu mukino wari uryoheye ijisho yatsinze FUS Rabat amaseti 3-1 (19-25, 28-26, 25-20, 25-21) maze Police VC yuzuza amanota atandatu nyuma y’itsinzi ebyiri. Ikipe ya REG VC yisubije icyubahiro nyuma yo gutsinda Rukinzo VC yo mu Burundi amaseti 3-0 (25-22, 25-15, 25-22) iba ibonye itsinzi ya mbere.
‎

‎Imikino y’uyu munsi kandi yakurikiwe na Minisitiri wa Siporo Nelly Mukazayire ndetse na Perezida wa CAVB Bouchra Hajij mu gihe izakomeza kuri uyu wa Gatandatu kuva Saa sita zuzuye, aho amakipe ahagarariye u Rwanda azakinira muri BK Arena.

Perezida wa CAVB Bouchra Hajij

Indi mikino yabaye:

Uyu mukino wabaye kuri uyu wa Gatatu, tariki ya 22 Mata 2026, muri BK Arena wabanjirijwe n’iborori byo gufungura ku mugaragaro iri rushanwa aho muri ibi birori, Perezida w’Ishyirahamwe y’Umukino wa Volleyball mu Rwanda Ngarambe Raphael yavuze ko ari iby’agaciro ku gihugu kwakira iri rushanwa ku nshuro ya mbere anongera gushimira uruhare rwa Leta y’u Rwanda mu iterambere ry’imikino ndetse no kuba yaratumye iri rushanwa rishoboka.

Minisitiri wa Siporo, Nelly Mukazayire yavuze ko ari umwanya mwiza wo gutekereza ku mpinduka ziganisha ku mikino ishingiye ku marushanwa yo ku rwego rwo hejuru kandi atanga umusaruro ugaragara, yongeraho ko hakenewe gukomeza gushora imari mu guteza imbere impano, kongerera ubumenyi abatoza, no gushyiraho inzira zisobanutse zifasha abakinnyi kubyaza umusaruro ubushobozi bwabo bwose kuko ariho iterambere ry’imikino rikenewe ritangirira.

Mbere yo gutangira umukino nyirizina kandi hafashwe n’umunota wo Kwibuka abazize Jenoside yakorewe Abatutsi mu 1994, nkuko byemejwe mu nama itegura iyi mikino, hagendewe ko iyi mikino ibaye u Rwanda ruri mu minsi 100 yo Kwibuka kunshuro ya 32 Jenoside yakorewe Abatutsi mu 1994.
‎
‎Ikipe ya APR VC yegukanye umwanya wa kane mu mikino ya Shampoyona ya Afurika iheruka mu 2025 yatangiye ishaka gutsinda uyu mukino n’ubwo umutoza Sammy Mulinge abakinnyi b’inkingi za mwamba nka Mutabazi Yves, Muvara Ronald, Niyogisubizo Samuel Tyson na Rukundo Willy bari babanje hanze, aho binjiye mu kibuga bagenda basimbura.
‎

‎Abarimo Paul Akan, Niyonshima Samuel na Kanamugire Prince bari babanje mu kibuga bafashije ikipe y’ingabo z’igihugu kwegukana iseti ya mbere ku manota 25-18. Mu iseti ya kabiri iyi kipe ya Black Rhinos yo muri Zimbabwe igerageza kwirwanaho ariko APR VC yari yakoze impinduka ihita iyitsinda itagejeje no ku manota 15 kuko yatsinze 25-10.
‎

‎Mu iseti ya nyuma ikipe y’umutoza w’iyi kipe ifite igikombe cya Spampiyona y’u Rwanda 2025, yazanye abakinnyi bashya batari babonye umwanya wo gukina maze bakomereza aho bagenzi babo bari bagejeje batsinda iseti ya gatatu ku manota 25-11 bituma begukana umukino wa mbere ku masti 3-0.
‎

‎Imikino ya shampiyona ya Afurika 2026 irakomeza kuri uyu wa Gatatu aho iri kubera muri BK Arena ndetse na Petit Stade Amahoro i Remera, kuva Saa Yine za mu gitondo.

Visi Perezida w’Impuzamashirahamwe y’Umukino wa Volleyball muri Afurika, Louis Rwakiranya

Ibi Louis yabigarutseho mu kiganiro n’itangazamakuru gitegura imikino ya Shampiyona ya Africa ya Volleyball mu bagabo, izakinirwa i Kigali kuva 22 Mata kugeza 3 Gicurasi 2026, cyabereye muri BK Arena, kuri uyu wa Kabiri tariki ya 21 Mata 2026.

‎‎Yavuze ko urwego rw’ibikorwaremezo biri mu Rwanda, umutekano ndetse n’uko igihugu cyorohereza abashyitsi bakigana bitanga ikizere ko n’irushanwa rizagenda neza.

Ati "U Rwanda ruri mu bihugu bicye winjiriramo bidasabye ibintu byinshi, urebye urwego rw’ibikorwaremezo ruri hano i Kigali, ndetse ukongeraho n’umutekano uri mu gihugu twizeye tudashidikanya ko bizagenda neza."
‎
Muri uyu murongo wo kwakira kandi, Perezida w’ishirahamwe ry’umukino wa Volleyball mu Rwanda, Ngarambe Raphael yavuze ko igihigu cyasabye ko iri rushanwa ko ryabera mu Rwanda byibuze imyaka itatu yikurikiranya, kandi ko bizeye ko bizashoboka nubwo ari uguhatana n’ibindi bihugu.

Perezida wa FRVB kandi yashimangiye ko amakipe azahagararira u Rwanda ariyo REG VC, Kepler, APR VC na Police FC agomba gukora cyane kugira ngo igikombe kibe cyasigara mu Rwanda.
‎
‎Shampiyona ya Afurika ya Volleyball 2026 izakinwa n’amakipe 24 yo mu bihugu 15 avuye kuri 37 yari yasabye kwitabira, ije ikomeza gushimangira izina ry’Umujyi wa Kigali nk’igicumbi cy’amarushanwa Mpuzamahanga ya siporo, nyuma ya FIFA Series 2026 n’igikombe cya Afurika cya Handball cyabaye mu kwezi kwa Mbere 2026 i Kigali.

‎Mu myaka ishize, igihugu cy’u Rwanda cyakiriye amarushanwa akomeye mu mikino itandukanye akurura abakinnyi n’abafana baturutse hirya no hino ku mugabane wa Afurika n’Isi muri rusange arimo na Shampiyona y’Isi y’Amagare.

‎

Uyu mukino Rutsiro FC yakiriyemo Rayon Sports watangiye Saa Cyenda zuzuye, ubanzirizwa n’umunota wo kwibuka ku nshuro ya 32 Jenoside yakorewe Abatutsi mu 1994 mu gihe kandi mu masaha ya mu gitondo hari habayeho Igikorwa cyo kwibuka cyateguwe na Rayon Sports aho cyabanjirijwe n’urugendo rwatangiriye kuri Stade Umuganda rugasorezwa ku Rwibutso rwa Commune Rouge.
‎
‎‎Umukino watangiranye imbaraga ku mpande zombi aho wabonaga ko amakipe yombi yari afite inyota yo gutahana intsinzi.Uyu mukino utari woroshye ku mpande zombi, igice cya mbere cyarangiye amakipe yombi nta nimwe irebye mu izamu ry’indi nubwo aya makipe yombi yagerageje gusatira byanatumye Rutsiro FC ibona koroneri imwe kuri ebyiri za Rayon Sports.
‎
‎Igice cya kabiri cyatangiye ikipe ya Rayon Sports isatira ishaka igitego, ariko uko umukino wakomezaga na Rutsiro FC yinjiye mu mukino nayo ishaka gutsinda ariko bikomeza kwanga, iyi kipe yagerageje amashoti akomeye ariko Umunyezamu Drissa Kouyate wa Rayon Sports yitwara neza, ku rundi ruhande ari nako Joseph Manala nawe yitwara neza byatumye umukino urangira ari 0-0.

Kunganya uyu mukino byatumye Rayon Sports igira amanota 44 ku mwanya wa kane mu gihe Rutsiro FC iri ku mwanya wa 17 n’amanota 22 aho ibanziriza umwanya wa nyuma wa 18 uriho AS Muhanga ifite amanota 21.

‎

‎Uyu mukino wabanjirije uzahuza Rayon Sports na Ritsiro FC kuri iki Cyumeru watangiye Saa Cyenda zuzuye, utangirana ishyaka ku ikipe ya Etincelles FC ndetse no guhuzagurika ku ikipe y’Ingabo z’Igihugu maze ku munota wa 29 Iraguha Awadi afungura amazamu atsindira iyi kipe y’Akarere ka Rubavu igitego cya mbere ku mupira wari uvuye muri koroneri.
‎
‎Nyuma yo gutsindwa igitego cya mbere, ikipe ya APR FC yagerageje gusatira ariko ubwugarizi bwongera gukora amakosa batakaza umupira mu kibuga hagati maze abasore ba Etincelles FC batsinda igitego cya kabiri cyatsinzwe na Dusabimana Anselme maze bakomeza kuyobora umukino. Igice cya mbere kijya kugana ku musozo Ssekiganda Ronald yagize ikibazo asimburwa na Ngabonziza Pacifique, maze iki gice kirangira ari 2-0.
‎

‎Mu gice cya kabiri ikipe yambara umweru n’umutuku yakomeje kwihagararaho ari nako inyuzamo igasatira gusa umunyezamu Hakizimana Adolph akarinda izamu rye neza. Ikipe yambara umukara n’umweru nayo yanyuzagamo igasatira ariko ntibigire icyo bitanga.
‎
‎Taleb utoza APR FC yakoze impinduka mu buryo bwo gushaka uko yakwishyura ibitego yari yatsinzwe akuramo Hakim Kiwanuka, Memel Dao na Dauda yinjizamo Mugisha Girbert, Mamadou Sy na Niyibizi Ramadhan maze mu minota y’inyongera Djibril Ouattara atsindira impozamarira APR FC, maze umukino urangira ari 2-1.
‎
‎Nyuma yo gutsindwa uyu mukino APR FC yagumye ku mwanya wa kabiri n’amanota 52 naho Etincelles FC iguma ku mwanya wa 16 n’amanota 25, mu yindi mikino Gicumbi FC yayainze AS Muhanga 2-0 naho Mukura VS itsinda Al Merriekh SC 1-0.

Uyu mukino watangiye Saa Cyenda zuzuye imbere y’abafana batari bacye bari bawitabiriye ndetse n’abagize komite Nyobozi ya FERWAFA, utangirana guhuzagurika ku ikipe y’u Rwanda maze ku munota gatandatu ikipe y’igihugu ya Zambia ifungura amazamu ku gitego cyatsizwe na Precious Mwewa.
‎

‎Iyi kipe y’u Rwanda iriguhatanira kwitabira imikino y’igikombe cy’Isi ku nshuro ya mbere yagerageje kunjira mu mukino ariko igorwa cyane na Zambia maze ku munota wa 19, abangavu b’u Rwanda batsindwa igitego cya kabiri cyatsizwe na Grace Phiri, igice cya mbere kirangira ari 2-0.
‎

‎Mu gice cya kabiri ikipe y’igihugu y’u Rwanda y’abakobwa batarengeje imyaka 17 yagerageje kwiminjiramo agafu ngo ishake uko yakwishyura ibitego yari yatsinzwe ariko biranga umukino urangira ari 2-0 byongerera amahirwe ikipe y’igihugu ya Zambia yo kuzakomeza mu cyiciro gikurikiyeho.
‎

Nyuma y’uyu mukino Perezida wa w’Ishyirahamwe ry’Umupira w’Amaguru mu Rwanda Shema Ngoga Fabrice , yasanze ikipe mu rwambariro aganira n’bakinnyi aho yabijeje ko bazakomeza gushyigikirwa, kuko ari ku nshuro ya mbere bitabiriye amarushanwa Mpuzamahanga, anabasaba gukomeza ubwitange n’imbaraga bagaragaje, by’umwihariko mu mukino wo kwishyura.

‎Iyi kipe ya Zambia iri gushata itike yo kwitabira igikombe cy’Isi cy’abangavu batarengeje imyaka 17 ku nshuro ya gatanu izakira iy’u Rwanda mu mukino wo kwishyura mu cyumweru gitaha i Luska muri Zambia tariki 22 Mata 2026.

‎

Amakipe 32 yo hirya no hino ku mugabane wa Afurika niyo agiye gufasha urw’imisozi 1000 kwandika amateka, kuko ari bwo bwa mbere igihugu cy’u Rwanda kizakira iri rushanwa rikomeye rihuza amakipe(Clubs) ya volleyball y’abagabo muri Afurika, nyuma y’uko u Rwanda rwari wakiriye igikombe cya Afurika cy’ibihugu mu bagabo n’abagore mu 2021.
‎
‎Irushanwa riheruka ryabereye muri Libya, ryegukanywe n’ikipe ya Asswehly SC itsinze Espérance Sportive de Tunis ku mukino wa nyuma wari ukomeye cyane aho wageze ku maseti atanu. Iri rushanwa rizabera i Kigali rizongera gutanga amahirwe ku makipe akomeye yo muri Afurika guhatanira igikombe cy’umugabane.
‎
‎Uyu ni umwanya mwiza ku makipe yo muri Afurika yo munsi y’ubutayu bwa Sahara, agishaka kureba uko yakwandika amateka yo kwegukana iri rushanwa, kuko kuva ryatangira hashize mu myaka irenga 40 nta kipe yo muri aka karere iraryegukana, uretse ikipe imwe yo muri Kenya yitwa Kenya Prisons VT yageze ku mukino wa nyuma mu 2011 itsindwa na Al Ahly SC amaseti 3-0.

‎Igihugu cy’u Rwanda kizahagararirwa na APR VC ari nayo izakira iyi mikino, Police VC, Kepler VC na REG VC, aho aya makipe akomeje imyiteguro yo kureba ko bakwandika amateka yo kwegukana iki gikombe kihariwe n’amakipe yo mu Majyaruguru ya Afurika, uretse Gisagara VC yegukanye umwanya wa gatatu mu 2022 gusa yo ntizitabira, APR VC mu 2025 na Kaminuza y’u Rwanda mu 2011 zegukanye umwanya wa Kane muri Afurika.
‎
‎Binyuze mu itangazo ryashyizwe hanze ku wa 15 Mata 2026 n’Inama y’Ubutegetsi ya CAVB, aho yatangaje ko imikino yo guhatanira imyanya kuva ku wa 17 kugeza ku wa 32 itazakinwa, izi mpinduka zigamije kwakira umubare munini w’amakipe yiyandikishije mu irushanwa rya 2026, aho amakipe 37 yagaragaje ubushake bwo kwitabira iri rushanwa gusa CAVB yafashe icyemezo cy’uko amakipe azitabira 32 avuye kuri 24 yari ateganyijwe.

‎Mu buryo bushya bw’imikino, amakipe azagabanywa mu matsinda umunani (8) agizwe n’amakipe ane,ane. Amakipe abiri ya mbere muri buri tsinda ni yo azakomeza mu cyiciro cya kamarampaka.

Bitewe n’igihe gito cyo gukina imikino yose, CAVB yafashe icyemezo cyo gukuraho imikino yo gukiranura amakipe azaba ari ku myanya ya 17 kugeza ku wa 32, ibi bitandukanye n’uko byakorwaga mu marushanwa yabanje, aho imyanya yose yagenwaga binyuze mu mikino ya kamarampaka.
‎
‎Ahubwo imyanya ya nyuma y’ayo makipe izagenwa hakoreshejwe uburyo bwo kubara amanota ndetse no kuyagereranya hakurikijwe amabwiriza agenga amarushanwa ya CAVB yo mu 2024 ariko nanone ku makipe azakomeza muri ⅛ ayazajya asezererwa yo azakina imikino yo guhatanira imyanya.
‎
Uko irushanwa ryatangiye

‎Mu mateka iri rushanwa ryatangiye gukinwa mu 1980, aho amakipe yo muri Afurika y’Amajyaruguru ari yo akunze kuryiharira, cyane cyane ayo mu bihugu bya Misiri na Tunisia. Ikipe ya Al Ahly SC ni yo ifite ibikombe byinshi kurusha izindi mu mateka y’iri rushanwa, aho imaze kuryegukana inshuro 16, CS Sfaxien yo muri Tunisia irifite Gatandatu mu gihe andi makipe akomeye nka Zamalek SC na Espérance Sportive de Tunis na yo amaze kuritwara Gatanu.
‎
‎Iri rushanwa rimaze gukinwa inshuro 46 kuva 1983 rikinwa buri mwaka uretse mu 2020 ritabaye bitewe n’icyorezo cya Covid-19 cyari gihangayikishije Isi muri uwo mwaka, ariko nyuma riza gukomeza. Amakipe yo mu gihugu cya Misiri amaze kuryegukana inshuro 22, ayo muri Tunisia inshuro 17, Algeria baritwara gatatu ndetse na Libya irifite inshuro imwe ubwo ryatwarwaga na Asswehly SC ari nayo iriheruka.
‎
‎Uretse guhatanira igikombe cya Afurika, iri rushanwa rizanatanga amahirwe ku ikipe izaryegukana kuko izabona tike yo kwitabira FIVB Men’s Club World Championship 2026, irushanwa rihuza amakipe ya volleyball yitwaye neza ku migabane itandukanye ku Isi rizabera mu gihugu cy’u Bushinwa.
‎
‎Iri rushanwa rije rikomeza gushimangira izina ry’Umujyi wa Kigali nk’igicumbi cy’amarushanwa Mpuzamahanga y’imikino, nyuma yo kwakira FIFA Series 2026 n’igikombe cya Afurika cya Handball cyabaye mu kwa Mbere 2026 i Kigali.
‎
‎Mu myaka ishize, Kigali yakiriye amarushanwa akomeye mu mikino itandukanye, akurura abakinnyi n’abafana baturutse hirya no hino ku mugabane wa Afurika.

REG VC iri mu makipe ane azahagararira u Rwanda

Umutoza mushya w’ikipe y’igihugu ya Volleyball Frédéric Guérin yageze mu Rwanda

‎Uyu mutoza wageze i Kigali yatoranyijwe mu batoza bane bari bemerewe gukora ikizamini cya nyuma cyo mu magambo cyabaye ku wa 21 Mutarama 2026, asinya amasezerano y’imyaka ibiri atoza ndetse anahugura abatoza.
‎
Guérin ugiye gutoza abagabo ndetse n’abagore agomba guhita atangira akazi areba abakinnyi mu marushanwa atandukanye arimo imikino y’amakipe yabaye aya mbere iwayo muri Afurika izabera mu Rwanda kuva tariki 20 Mata kugeza tariki 3 Gicurasi 2026 ndetse n’imikino ya nyuma ya shampiyona bazamufasha mu mikino yo gushaka itike y’igikombe cya Afurika izatangira muri Gicurasi 2026.
‎
‎Uyu mutoza yavuze ko nubwo atari mu Rwanda ariko yari amaze igihe akurikirana shampiyona ya Volleyball, kandi bizamufasha kubona abakinnyi azifashisha mu gushaka itike y’igikombe cya Afurika 2026 mu bagabo, iteganyijwe kubera muri Repubulika Iharanira Demokarasi ya Congo kuva tariki ya 10 kugeza ku ya 15 Nzeri 2026 aho iri rushanwa rizaba inzira yo gushaka itike yo kwitabira igikombe cy’Isi cy’Abagabo 2027 ndetse n’imikino Olempike ya 2028 izabera i Los Angeles muri Leta Zunze Ubumwe za Amerika.
‎
‎Guérin, w’imyaka 52, ni umwe mu batoza beza uzwiho ubuhanga mu gutegura amayeri y’umukino, ashyira imbaraga mu guteza imbere abakinnyi no kubaka amakipe y’abakiri bato yitezweho umusaruro mu gihe kirambye.
‎
‎Ku rwego rw’amakipe (clubs), umutoza Guérin yatoje amakipe menshi muri shampiyona ya volleyball y’u Ubufaransa, arimo AS Cannes, Nice Volley-Ball, na Cambrai Volley, aho yafashije aya makipe muri byinshi ndetse no kuyafasha kuguma ku rwego rwo guhatana.

Umukino watangiye amakipe yombi asatirana cyane, Al Hilal SC igaragaza inyota yo gufungura amazamu hakiri kare, ariko ubwugarizi bwa Marine FC bukomeza guhagarara neza. Ku munota wa 12, rutahizamu Sunday Adetunji yabonye amahirwe akomeye ku mupira wa koruneri, ateye umutwe ukomeye ariko Hoziyana Kennedy awukuramo neza.
‎
‎Marine FC yabonye igitego ku munota wa 29 gitsinzwe na Nizeyimana Mubaraka, bituma abafana bayo bishima cyane, icyakora ibyishimo byabo ntibyatinze kuko ku munota wa 32 Al Hilal SC yahise yishyura igitego cyatsinzwe na Emmanuel Flomo, igice cya mbere kirangira amakipe yombi anganya 1-1 nyuma y’umukino wari urimo guhangana gukomeye hagati y’impande zombi.
‎
‎Mu gice cya kabiri Marine FC yagaragaje imbaraga nyinshi ishaka gutsinda igitego cya kabiri, ibona uburyo bwinshi burimo ubwa Mbonyumwami Taiba ku mupira yateye n’umutwe ku munota wa 77, ariko umunyezamu Mustafa Mohamed wa Al Hilal SC awukuramo.
‎
‎Ku munota wa 87 Al Hilal SC yabonye amahirwe akomeye ku ishoti rya Kindness Cole ariko Irambona Vally aratabara, maze umukino urangira amakipe yombi anganyije 1-1, nubwo ku munota wa nyuma myugariro Ousmane Diouf wa Al Hilal yeretswe ikarita itukura azira gutuka umusifuzi Rulisa Patience.
‎
‎Nyuma yo kungany uyu mukino Al Hilal SC yagumye ku mwanya wa mbere n’amanota 55, naho Marine FC yahise ijya ku mwanya wa munani aho ifite amanota 37 inganya na Bugesera FC.

‎Mu mukino w’umunsi wa nyuma wa Rwanda Women’s Super League 2025/2026 wabaye ku Cyumweru tariki ya 5 Mata 2026, Gikundiro yatsinze Muhazi United WFC igitego 1-0 cyatsinzwe na Gikundiro Scholastique ku munota wa 70, bishyira mu mwanya mwiza Rayon Sports.
‎
‎Iyi kipe yambara ubururu n’umweru, nyuma yo gutsinda Police WFC 1-0 bari bahanganye byatumye yizera gutwara igikombe ari nabyo byatumye yinjira ku munsi wa nyuma isabwa kunganya gusa kugira ngo itware igikombe ariko birangira inatsinze umukino.

‎Rayon Sports yatwaye iki gikombe cya 2025-2026 iyoboye urutonde rwa shampiyona n’amanota 57 ndetse inazigamye ibitego 63, biba ku nshuro ya kabiri itwaye igikombe cya shampiyona ifite amanota 57 nk’uko byagenze mu mwaka wa 2024-2025, naho Police WFC yaje iyikurikiye ifite amanota 54 yo ikaba izigamye ibitego 46.
‎

‎Rayon Sports WFC ibaye ikipe ya kabiri, itwaye ibikombe bitatu bya Shampiyona yikurikinya, nyuma yo kuzamuka mu cyiciro cya mbere muri 2023, aho ikurikiye ikipe ya AS Kigali WFC yo yatwaye ibikombe 10 yikurikiranya kuva muri 2008 kugeza muri 2018.
‎
‎Muri uyu mwaka w’imikino ibihembo muri shampiyona y’abagore byarazamuwe bityo Rayon Sports ya mbere yahembwe miliyoni 20 Frw, Police WFC ya kabiri ihabwa miliyoni 15 Frw, iya gatatu ihabwa miliyoni 10 Frw, iya kane ihabwa miliyoni 8 Frw, iya gatanu ihabwa miliyoni 6 Frw, mu gihe iya gatandatu yahawe miliyoni 4 Frw.

Perezida wa FERWAFA Shema Ngoga Fabrice ashyikiriza Rayon Sports WFC igikombe

‎Uyu mukino watangiye Saa Kumi n’Ebyori n’Igice z’umugoroba, utangirana imbaraga n’ishyaka cyane cyane kuri APR FC yasatiraga cyane ishaka kureba uko yafungura amazamu, ariko ubwugarizi bwa AS Muhanga ndetse n’umunyezamu bitwara neza nkaho ku munota wa 14 rutahizamu William Togui yateye ishoti rikomeye maze umupira ugakurwamo n’umunyezamu Bangula Remly.
‎

‎Nyuma yo kumara umwanya basatira izamu rya AS Muhanga, ku mukota wa 23 Umugande Hakim Kiwanuka yafunguye amazamu ku munota wa 23 ku mupira ba myugariro b’ikipe y’AKarere ka Muhanga batakaje maze bituma ikipe y’Ingabo z’Igihugu iyobora umukino. Ku munota wa 32 Ronald Ssekiganda yatakaje umupira kubera guhuzagurika, ufatwa na Onekalit Francis ariko wawupfushije ubusa mu rubuga rw’amahina, maze igice cya mbere kirangira ari 1-0.
‎

‎Mu gice cya amakipe yombi yagarukanye abakinnyi abatoza bombi bari babanje mu kibuga, maze AS Muhanga igarukana imbaraga zo kwishyura ariko abakinnyi ba APR FC bahagarara neza, ari nako inyuzamo igasatira izamu rya Bangula.
‎

‎Ku munota wa 62,Twizeyimana Martin Fabrice w AS Muhanga yahawe ikarita y’umuhondo ya kabiri bimuviramo ikarita y’umutuku nyuma yo kubeshya umusifuzi ko yakorewe ikosa, mu rubuga rw’amahina bituma iyi kipe yambara umuhondo n’ubururu isigarana abakinnyi 10 mu kibuga.APR FC yakomeje gusatira ari nako yinjizamo abandi bakinnyi ariko umukino urangira ari 1-0.
‎

‎Nyuma yo gutsinda uyu mukino APR FC yagumye ku mwanya wa Kabiri n’amanota 52 naho AS Muhanga iri ku mwanya wa nyuma wa 18 n’amanota 21. Undi mukino wabaye kuri iki Cyumweru, kuri Kigali Pele Stadium, ikipe ya Gorilla FC yahatsindiye Musanze FC 2-1.

Uyu mukino watangiye Saa Kumi n’Ebyiri n’Igice z’umugoroba utangira utuje ku makipe yombi, ariko Rayon Sports ikanyuzamo igasatira binyuze kuri Fall Ngagne, Aziz Bassane na Tambwe Gloire ariko ubwugarizi bwa Gicumbi FC buhagarara neza. Ku ruhande rwa Gicumbi FC nayo yanyuzagamo igasatira cyane cyane yifashishije impande zayo z’imbere kuri Ndikumana Arteta na Bitwayiki Bahati Clément, ariko igice cya mbere kirangira ari 0-0.
‎

‎Mu gice cya Kabiri ikipe ya Rayon Sports yagerageje uburyo bwa Fall Ngagne, ariko umunyezamu wa Gicumbi FC Matondo Mechack imipira ayikuramo neza agumisha ikipe ye mu mukino.Gicumbi FC nayo yagerageje uburyo ku mipira miremire ariko Kwizera Olivier ahagarara neza mu izamu maze umukino urangira ari 0-0.
‎

‎Nyuma yo kunganya uyu mukino Gikundiro yagumye ku mwanya wa kane n’amanota 43 naho Gicumbi FC ifata umwanya wa 12 n’amanota 26. Indi mikino yabaye Al Merriekh SC yanganyije na Rutsiro FC 0-0, Bugesera FC itsinda Etincelles FC 3-0 naho Amagaju FC atsinda Police FC 2-1.

Aruba yegukanye igikombe cya FIFA Series 2026 mu itsinda rya kabiri ryakiniraga kuri Kigali Pele Stadium

Ni imikino yari iy’umunsi wa kabiri muri iri tsinda, yatangiye ku isaha ya Saa Cyenda zuzuye, aho ikipe ya Tanzania yatsinzwe na Liechtenstein 1-0 ku munsi wa mbere yakinaga na Macau yanyagiwe na Aruba 4-1 bahatanira umwanya wa gatatu. Umukino woroheye Tanzania kuko igice cya mbere cyarangiye itsinze ibitego 3-0 bya Charles Mombwa ku munota wa 16, Bakary Mwamnyeto ku munota wa 26 ndetse na Mudathir Yahya watsinze icya gatatu ku munota wa 45.

Mu gice cya kabiri Tanzania n’ubundi yabonyemo ibindi bitego bitatu byatsinzwe na Peter Paul ku munota wa 56, Miroshi Novatus atsinda icya gatanu ku munota wa 74 mu gihe Tarryn Allarakhia yatsinze icya gatandatu ku munota wa 87 igasoza umukino yegukanye umwanya wa gatatu muri iri tsinda, nyuma yo gutsinda ibitego 6-0.

Nyuma y’uyu mukino, ku isaha ya Saa Kumi n’Ebyiri hari hateganyijwe umukino wa nyuma muri iri tsinda aho ikipe y’igihugu ya Aruba yakinaga na Liechtenstein ku mukino wa nyuma w’iri tsinda rya kabiri. Ikipe y’igihugu ya Aruba yabonye igitego cya mbere ku munota wa 16 gitsinzwe na Romano, Roberta atsinda icya kabiri ku munota wa 25 igice cya mbere kirangira ifite ibitego 2-0 bwa Liechtenstein.

Nyuma y’iminota irindwi, igice cya kabiri gitangiye, ku munota wa 52 Liechtenstein yabonye igitego cya mbere cyo kwishyura gitsinzwe na Zund ariko ku munota wa 69 Breinburg atsindira Aruba icya gatatu mu gihe ku munota wa kane w’inyongera mbere y’uko umukino urangira Van Kilsdonk yayitsindiye icya kane, ikegukana igikombe itsinze ibitego 4-1 mu gihe umukinnyi wayo Romano yabaye umukinnyi mwiza w’irushanwa muri iri tsinda.

Kuri uyu wa Mbere, hateganyijwe imikino ya nyuma mu itsinda rya mbere ryakiniye kuri Stade Amahoro, aho ku isaha ya Saa Kumi z’umugoroba Kenya yatsinzwe na Estonia mu mukino wa mbere penaliti 5-4 izakina na Grenada yatsinzwe n’Amavubi ibitego 4-0 bahatanira umwanya wa gatatu. Nyuma y’uyu mukino, ku isaha ya Saa Moya n’Igice z’Ijoro, u Rwanda ruzakina umukino wa nyuma Estonia hashakwa ikipe yegukana igikombe muri iri tsinda.

‎Uyu mukino watangiye Saa Tatu z’ijoro, utangirana imbaraga ku makipe yombi, ariko ikipe y’igihugu y’u Rwanda ukabona ko iri imbere nk’ikipe iri mu rugo, iminota 15 irangiye ikipe y’igihugu ya Grenada yasubiye inyuma maze Amavubi ayobora umukino umupira iwukoresha icyo ishaka. Uyu wari umukino wa mbere w’umutoza Stephen Constantine nk’umutoza mukuru w’Amavubi nyuma yo gutangazwa muri uku kwezi kwa Werurwe.
‎

‎Ikipe y’igihugu Amavubi yari irimo amasura y’abakinnyi bashya mu bakinnyi 11 babanjemo, bari bakiniye u Rwanda bwa mbere barimo abavandimwe Joy-Lance Mickels na Leroy Jacques Mickles, bagerageza kwitwara neza, maze igitego cya mbere kiboneka ku munota wa kabiri w’inyongera w’igice cya mbere, gitsinzwe na Leroy Jacques Mickles ahawe umupira na Kwizera Jojea.

Joy Lance Mickels nawe yakinaga umukino wa mbere mu Mavubi

Nyuma y’iminota ine ku munota wa kane w’inyongera ku gice cya mbere, Jojea Kwizera nawe yatsinze igitego cya kabiri ku mupira yahawe na Biramahire Abeddy, bituma Amavubi ajya kuruhuka ayoboye umukino n’ibitego 2-0 aho cyarangiye Perezida Kagame yamaze kugera muri Stade Amahoro. ‎Mu gice cya kabiri, Amavubi yakomeje kugaragaza imbaraga nyinshi ari nako asatira cyane maze atsinda igitego cya gatatu cyatsinzwe na Bizimana Djihad ku munota wa 67.

Djihad Bizimana yishimira igitego

Umutoza Stephen Constantine yagiye akora impinduka ku bakinnyi batandukanye aho nka Byiringiro Gilbert, Niyomugabo Claude, Mugisha Bonheur, Bizimana Djihad, Joy-Lance Mickles, Biramahire Abeddy na Jacques Mickles Leroy bavuyemo baha umwanya Uwumukiza Obedi, Imanishimwe Emmanuel, Muhire Kevin, Hakim Sahabo, Samuel Gueulette, Marvin Kury, Uwineza Rene na Mickels Joy-Slayd.
‎

Perezida Kagame yarebye uyu mukino

‎Ku munota wa 82 Hakim Sahabo winjiye mu kibuga asimbuye, yatsinze igitego cya kane umukino urangira ikipe y’ighugu y’u Rwanda itsinze iya Grenada ibitego 4-0, biyihesha itike yo gukina umukino wa nyuma w’iyi mikino ya gicutiMpuzamahanga, uzaba ku wa Mbere bakina na Estonia.

Hakim Sahabo yishimira igitego cya kane yatsinze

Uyu mukino wabaye nyuma y’undi wabanje aho ikipe y’igihugu ya Estonia yatsinze iya Kenya kuri penaliti 5-4 nyuma yo kunganya igitego 1-1 mu gihe gisanzwe cy’umukino.

Byiringiro Jean Gilbert

Mugisha Bonheur ’Casimiro’

Djihad Bizimana yatereye Isariyuti Umukuru w’Igihugu nyuma yo gutsinda igitego

Abafana bari benshi

Umunyezamu Kwizera Olivier yongeye kugaragara mu ikipe y’igihugu

Hakim Sahabo yishimira igitego cya kane yatsinze

‎Imikino ya FIFA Series 2026 yatangiye kuri uyu wa Kane tariki 26 Werurwe 2026 mu Rwanda. Umukino wabimburiye indi wahuje ikipe y’igihugu ya Aruba n’iya Macau, urangira Aruba itsinze ibitego 4-1 byatsinzwe na Fermina Carlito ku munota wa gatanu, ku munota wa 13 n’uwa 16 Ramano Jaybrien atsinda ibitego bibiri mu gihe igitego cya kane, cyatsinzwe ku munota wa 66 na Van Kilsdonk winjiye mu kibuga asimbuye Paul Nickenson naho kimwe cya Macau gitsindwa na Leong Ka Hang.
‎

‎Nyuma, Saa Kumi n’Igice hakurikiyeho umukino wahuje ikipe y’igihugu ya Tanzania n’iya Liechtenstein. Tanzania yatangiye umukino neza cyane igaragaza uburyo bwo gusatira, ariko igenda ihusha amahirwe akomeye arimo ayabonetse ku munota wa cyenda ubwo Selemani Mwalimu yahushaga igitego cyabazwe nyuma yo gucenga umunyezamu ariko umupira ujya hanze, maze igice cya mbere kirangira ari 0-0.
‎

‎Mu gice cya kabiri, umukino watangiye utuje ariko ku munota wa 55 Ferhat Sağlam yatsindiye Liechtenstein igitego rukumbi cyabonetse muri uwo mukino. Tanzania yakomeje gushaka kwishyura ariko uburyo bwabonetse ntibubyazwe umusaruro, bituma umukino urangira Liechtenstein itsinze igitego 1-0.
‎

‎Iyi mikino ya FIFA Series irakomeza kuri uyu wa Gatanu tariki 27 Werurwe 2026, aho ikipe y’igihugu y’u Rwanda, Amavubi izakina na Grenada Saa Tatu z’ijoro kuri Stade Amahoro, mu gihe iya Estonia izahura na Kenya. Iyi mikino igamije guha amakipe y’ibihugu amahirwe yo gukina n’andi atandukanye ku migabane y’Isi.

‎Aya marushanwa agamije guhuza amakipe y’ibihugu bituruka ku migabane itandukanye, akabona amahirwe yo gukina imikino ya gicuti mu rwego rwo kwimenyereza gukina imikino n’ibihugu biri ku yindi migabane, bidahuriye mu mpuzamashyirahamwe imwe.
‎
‎Uretse urw’imisozi igihumbi hari n’ibindi bihugu bizaberaml iyi mikino ya 2026, Australia, Azerbaijan, Indonesia, Kazakhstan, Mauritius, Puerto Rico na Uzbekistan, aho buri gihigu kizakira itsinda rimwe rigizwe n’amakipe ane, bitandukanye n’u Rwanda ruzakira amatsinda abiri, aho itsinda rya mbere rizakinira kuri Stade Amahoro ririmo u Rwanda, Kenya, Grenada, na Estonia naho itsinda rya kabiri rizakinira kuri Kigali Pelé Stadium rigizwe na Tanzania, Macau, Aruba, na Liechtenstein.

Amakipe umunani azitabira FIFA Series 2026 izabera mu Rwanda

‎
‎FIFA Series ni iki?
‎
‎FIFA Series ni gahunda nshya yashyizweho na FIFA igamije kongerera amakipe y’ibihugu amahirwe yo gukina imikino mpuzamahanga, cyane cyane adakunze guhura n’andi aturuka ku migabane itandukanye.
‎
‎Ku wa 16 Ukuboza 2022, nibwo FIFA yatangije igitekerezo cy’iyi mikino maze ku wa 16 Werurwe 2023 nyuma yo kongera gutorerwa kuyobora FIFA mu Nama ya 73 ya FIFA (FIFA Congress) yabereye i Kigali mu Rwanda, Perezida wa FIFA, Gianni Infantino, yemeza ko aya marushanwa agiyeho, atangaza ko ku nshuro ya mbere azaba muri 2024 akajya aba buri myaka ibiri.
‎
‎Imikino ya mbere yabaye muri Werurwe 2024 mu gihugu cya Misiri ku mugabane wa Afurika, aho amakipe yashyizwe mu matsinda, buri tsinda rigizwe n’ibihugu bine, bigakina imikino ya gicuti ariko ifite isura y’irushanwa, aho amakipe yo mu itsinda rimwe, abiri akina umukino umwe, maze atsinze agakina umukino wa nyuma bashaka uwegukana igikombe naho ayatsizwe agakinira umwanya wa gatatu.
‎
‎Muri aya marushanwa azabera i Kigali n’ahandi ku Isi, buri kipe ikina imikino ibiri gusa, aho bakina icyo twakwita 1/2 n’umukino wa nyuma kandi bigakorwa muri buri tsinda kuko nta makipe yo mu matsinda atandukanye yahura.Mu irushanwa rya mbere, Croatia ni yo yegukanye igikombe itsinze Misiri ibitego 4-2.
‎

Uko imikino irakinwa kuru uyu wa Kane

‎Aya marushanwa afite akamaro kanini mu iterambere ry’umupira w’amaguru, cyane cyane ku bihugu bitaragera ku rwego rwo hejuru, byitezwe ko muri iyi mikino ya FIFA Series 2026 hazatangira n’iy’abagore ku nshuro ya mbere, gusa mu Rwanda hateganyijwe iy’abagabo gusa.
‎
‎Nubwo nta bihembo by’amafaranga bitangwa nk’uko bigenda mu yandi marushanwa, amakipe yungukiramo amanota atuma agira umwanya mwiza ku rutonde ngaruka kwezi rwa FIFA, imyitozo yo ku rwego rwiza ndetse no kumenyekana.

FIFA Series ifunguye ku bihugu byose bibarizwa mu Mpuzamashyirahamwe y’Umupira w"Amaguru ku Isi aho bihabwa amahirwe angana yo kwitabira no kwigaragaza ku rwego mpuzamahanga.

Rayon Sports yateye mpaga Gasogi United yabuze ku kibuga

Uyu mukino wagombaga gutangira Saa Yine z’ijoro ariko ntube, bitewe n’uko Gasogi United yabuze ku kibuga maze abakinnyi ba Rayon Sports ndetse n’abasifuzi binjira mu kibuga nk’uko byari biteganijwe bategereza iminota 15 igenwa n’amategeko mbere yo kubwira kapite wa Rayon Sports Youssou Diagne abwirwa n’abasifuzi ko basubira mu rwambariro Gasogi United igaterwa mpaga.
‎
‎Amakuru ava mu ikipe ya Gasogi United avuga ko ubuyobozi bwa Rwanda Premier League butamenyesheje iyi kipe mu buryo bwemewe n’amategeko, hakurikijwe amabwiriza ya Rwanda Premier League agenga shampiyona y’icyiciro cya mbere mu Rwanda avuga ko ikipe igomba kumenyeshwa mbere y’amasaha 48.

Mu kiganiro yagiranye n’itangazamakuru ariko, Umuyobozi Nshingwabikorwa wa Rwanda Premier League Jules Karangwa yavuze ko iyi kipe bayimenyesheje impinduka mu buryo bwemewe n’amategeko binyuze mu buryo bw’ubutumwa bw’ikoranabuhanga(E-mail).
‎
Yagize ati" Ikipe yari kwakira umukino yarabisabye dusuzuma impamvu twemeza impinduka z’umukino tubimenyesha ababisabye mu buryo bwifashishije ikoranabuhanga ’Email’ ari nabwo dusanzwe dukoresha tuvugana n’amakipe, ikipe yabisabye ibwirwa ko ubusabe bwemewe na Gasogi United iramenyeshwa kandi byakoze mu gihe cyemwe n’amategeko kuko twabikoze ku wa Gatanu, nka Saa Munani z’amanywa."

‎Ingingo ya gatanu mu mabwiriza ya Rwanda Premier League igice cya kabiri agace kayo ka mbere ivuga ko Ubunyamabanga Bukuru bwa Rwanda Premier League aribwo bufite ububasha bwo gushyiraho cyangwa guhindura ikibuga, amatariki n’amasaha imikino iberaho.
‎
‎Muri iyi ngingo ya 5, agace ka gatanu ikomeza ivuga ko itariki, ikibuga, isaha umukino ukinirwaho bidashobora guhinduka uretse iyo hari impamvu yumvikana yemejwe n’Ubunyamabanga Bukuru bwa Rwanda Premier League kandi bwayimenyeshejwe nibura iminsi itanu, ibyo ubuyobozi bw’uru rwego rwavuze ko Rayon Sports yakoze isaba ko umukino wahindurirwa isaha.
‎
Uretse guterwa mpaga y’ibitego 3-0 kandi, Gasogi United igomba kwishyura miliyoni 2 Frw mu gihe iramutse yongeye guterwa mpaga muri uyu mwaka w’imikino yamanurwa mu cyiciro cyo hasi nk’uko amategeko abiteganya.

‎Mpaga iheruka mu mupira w’amaguru mu Rwanda ni iyatewe ikipe ya APR FC kubera gukinisha abakinnyi barindwi b’Abanyamahanga mu mukino w’umunsi wa munani wa shampiyona 2024-205 wayihuje na Gorilla FC ku wa 3 Ugushyingo 2024.

Gasogi United yatewe mpaga na Rayon Sports

‎‎Uyu mukino watangiye Saa Cyenda, utangirana imbaraga kuri Etincelles FC maze inafungura amazamu ku munota wa Gatatu ku gitego cya Iraguha Awad, ku mupira wavuye muri koroneri, maze Police FC isa naho ikangutse, ariko kubona igitego birayigora mu minota y’igice cya mbere.
‎

‎Mu gice cya kabiri umutoza Mutarambirwa Djabil wungirije muri Police FC yagerageje gukora iminduka zitandukanye kugira ngo bashake igitego cyo kwishyura. Ku munota wa 65 kwitonda Alain Bacca yatsindiye ikipe ya Polisi y’Igihugu igitego cyo kwishyura. Mu minota ya nyuma Police FC yakomeje kotsa igitutu Etincelles FC ari nako ihusha ibitego ariko umukino urangira ari igitego 1-1.

Mu yindi mikino yabaye, Rutsiro FC yatsindiwe I Rubavu na Kiyovu Sports 1-0, Musanze FC itsindira mu AS Muhanga mu karere ka Muhanga igitego 1-0 mu gihe ku isaha ya Saa Yine z’ijoro hateganyijwe umukino Rayon Sports yakiramo Gasogi United kuri Stade Amahoro nubwo amakuru agera kuri Kigali Today, ari uko Gasogi United itarakina uyu mukino.

Ni imikino yabaye kuri uyu wa Gatandatu tariki ya 21 Werurwe 2026 muri Petit Stade Amahoro i Remera ahp yari iy’umunsi wa gatatu wa kamparamaka (Playoffs), isiga APR mu bagore, Police VC na REG VC mu bagabo zinjiye ku mukino wa nyuma, nyuma yo gutsinda 3-0 abo bari bahanganye muri 1/2.
‎
‎Hakiri kare cyane Saa Sita, ikipe ya APR WVC yakatishije itike yo gukina umukino wa nyuma, aho yatsinze ikipe ya RRA WVC amaseti atatu ku busa nk’uko yabigenje mu mikino ibiri ibanza, (25 - 22, 25 - 23, 25 - 21) maze iyi kipe ya Kimihurura yicara itegereje iva hagati ya Police WVC na Kepler WVC zanahise zikurikiraho.
‎

‎Umukino wa kabiri w’uyu munsi wahuje Police WVC na Kepler WVC maze ikipe ya Polisi y’Igihugu itsinda Kepler WVC amaseti atatu ku busa, (25-17, 25-22, 31-29) maze ibona itsinzi ya kabiri kuri imwe ya Kepler WVC aho zizategereza umukino wa kane ku wa Gatatu w’icyumweru gitaha.
‎

‎Nyuma y’iyi mikino y’abagore hatangiye imikino y’abagabo maze mu mukino wari uryoheye ijisho Police VC ikatisha itike yo gukina umukino wa nyuma wa kamparamaka bishakamo utwara ugikombe cya shampoyona, nyuma yo gutsinda Gisagara VC amaseti atatu kuri abiri, ( 25-20, 25-18, 20-25, 25- 22, 14- 16).
‎

‎Umukino wasoje iyu munsi wa gatatu wahuje REG VC yasabwaga gutsinda umukino umwe ikagera ku mukino wa nyuma na Kepler VC. REG VC yakoze ibyo yasabwaga isezerera iyi kipe y’i Kinyinya amaseti atatu kuri imwe, ( 16-25, 25-22, 25-22, 25-18).
‎

Iyi mikino yasize mu bagabo Police VC izakina na REG VC ku mukino wa nyuma mu gihe Gisagara VC na Kepler VC zizakinira umwanya wa gatatu, naho mu kiciro cy’abagore APR WCV ku mukino wa nyuma ikaba igitegereje Police WVC na Kepler WVC zizakina umukino wa Kane kuwa Gatatu w’icyumweru gitaha.

Uyu mukino watangiye Saa Kumi n’Ebyiri z’umugoroba watangiye utuje, ariko APR FC igaragaza imbaraga mu minota ya mbere nubwo itabashije kubona igitego. Ku munota wa 15, Djibril Ouattara yafunguye amazamu ku gitego cyiza yatsinze ari hanze gato y’urubuga rw’amahina agatera ishoti rikomeye mu izamu rya Twagirumukiza Clement.

‎Ikipe y’Ingabo z’Igihugu yakomeje kwiharira umukino, ihererekanya neza umupira ari nako inabona uburyo bwinshi, ariko ikomeza guhusha ibitego byabazwe, by’umwihariko ku ruhande rwa Ouattara na William Togui ndetse na Dauda Youssif wahushije uburyo bworoshye imbere y’izamu ku munota wa 38.

Amagaju FC na yo yagerageje gusatira izamu rya APR FC binyuze kuri Rwema Amza na Habineza Alphonse, ariko ntibyatanga umusaruro. ‎Mu gice cya kabiri, APR FC yakomeje kuyobora umukino no kurema uburyo bwinshi, ariko umusaruro w’ibitego uba nkene.

Amagaju na yo yabonye uburyo bukomeye, cyane cyane ku munota wa 75 ubwo Iradukunda Desire yahushaga igitego cyari cyabazwe nyuma y’umupira mwiza yarahawe na Ndayishimiye Edouard.
‎

‎Nyuma yo gusoza uyu mukino APR FC itsinze igitego 1-0, ikegukana amanota atatu yayifashije gufata umwanya wa mbere by’agateganyo n’amanota 49, mu gihe Amagaju FC yakomeje kuguma mu murongo utukura ku mwanya wa 17 n’amanota 21.

Umugaba Mukuru w’Ingabo z’u Rwanda Gen. Mubarakh Muganga yarebye uyu mukino

Uyu mukino watangiye Saa Kumi n’Ebyiri n’Igice utangirana imbaraga cyane cyane kuri Rayon Sports yasatiraga cyane ishaka kureba uko yafungura amazamu, ariko ubwugarizi bwa Police FC ndetse n’umunyezamu bitwara neza.Mu minota yanyuma y’igice cya mbere ikipe ya Police y’igihugu nayo yagerageje gusatira ariko iminota y’igice cya mbere irangira ari 0-0.
‎
‎Mu gice cya kabiri, abatoza ku mpande zombi bakoze impinduka mu buryo bwo gushaka ibitego ariko biranga. Ku munota wa 51 Kapiteni wa Police FC, Nsabimana Eric ’Zidane’ yahawe ikarita y’umutuku ku ikosa yakoreye Aziz Bassane, umusifuzi w’umukino Kayitare David ntiyazuyaza.
‎

‎Mu mpera z’umukino, Police FC yasigaye ari abakinnyi 10 yakomeje kwirwanaho ariko ndetse umukino urangira ari 0-0 nkuko byagenze mukino ubwanza. Nyuma y’uko umukino urangiye hahise witabazwa penaliti maze Uwumukiza Obed ahusha iya mbere ya Rayon Sports, Byiringiro Lague na Issa Yakubu bahusha iza Police FC.

Rayon Sports yatsindiwe penaliti na Kwizera Olivier, Vigninou Joachim, Fall Ngagne na Habimana mu gihe iza Police FC zatsinzwe na Ekeson Ekorie na Ishimwe Christian umukino urangira Rayon Sports itsinze penaliti 4-2. Muri 1/2, Rayon Sports izahura n’ikipe ya Gorilla FC, yasezereye ikipe AS Kigali.

‎Uyu mukino watangiye Saa Mbiri z’ijoro watangiranye imbaraga cyane cyane kuri APR FC maze ifungura amazamu ku munota wa 33 ku gitego cya Byiringiro Jean Gilbert, mbere y’uko Djibril Ouattara atsinda icya kabiri ku munota wa 45 igice cya mbere cyikarangira ari ibitego 2-0.

Mu gice cya kabiri, William Togui yatsinze igitego cya gatatu ku munota wa 56, naho Memel Dao atsinda icya kane nyuma ku munota wa 63 ashimangira intsinzi ya APR FC yakinaga neza cyane.
‎

‎Mu mpera z’umukino, Gasogi United yasigaye ari abakinnyi 10 nyuma y’ikarita itukura yahawe Iradukunda Axel, maze umukino urangira ari 4-0 bisanga igitego 1-0, APR FC yari yatsinzwe mu mukino ubanza ariko ikomeza ku giteranyo cy’ibitego 4-1.

Muri 1/2, APR FC izahura n’ikipe izava hagati ya Etincelles FC na Bugesera FC, zizakina umukino wo kwishyura kuri uyu wa Gatatu Saa Cyenda zuzuye kuri Kigali Stade Umuganda nyuma y’uko Bugesera FC itsinze 1-0 mu mukino ubanza.

Uyu mukino watangiye ku Saa Mbiri n’Igice, watangiranye imbaraga ku makipe yombi, yanageragezaga kureba mu izamu ariko bikanga.Rayon Sports yashoboraga gufungura amazamu hakiri kare ariko Fall Ngagne, Sindi Paul Jesus na Aziz Bassane bagorwa no kubyaza umusaruro uburyo babonye y’izamu kuko Ladji Brahima Sanou yababereye ibamba.
‎

Ku ruhande rw’iyi kipe ya, Boubacar Bachir Bangoura, Gilles Razafimaro, Rijaniaina Nicolas na Mohamed Gbane na bo bahushije uburyo bwiza imbere y’izamu rya Kwizera Olivier watabaye Rayon Sports kenshi imbere y’abatoza b’Amavubi nubwo atashyizwe mu bakinnyi 31 bahamagawe uyu munsi. Nubwo amakipe yakinaga mu guhererekanya ariko yananiranwe igice cya mbere kirangira ari 0-0.
‎
‎Mu gice cya kabiri abatoza bombi bagerageje gukora impinduka zitandukanye mu bakinnyi, ariko igitego gikomeza kubura. Ndikumana Asman yinjiye mu kibuga asimbuye Aziz Bassane wagerageje uburyo bwinshi ariko umunyezamu wa Al Merriekh SC amubera ibamba, ari nako abasore b’iyi kipe yo muri Sudani yagerageje uburyo bukomeye maze umukino urangira ziguye minsi 0-0.

Nyuma yo kunganya uyu mukino, Rayon Sports yujuje amanota 39 ku mwanya wa gatanu, aho imaze imikino ine yikurikiranya idatsinda mu gihe Al Merrikh SC iri ku mwanya wa gatatu n’amanota 45 imaze imikino 18 idatsindwa.

‎
‎Mu uwundi mukino wabaye ku isaha ya Saa Kumi n’Imwe ikipe ya Police FC yatsinze Gicumbi FC ibitego 2-1ihagarika imikino umunani yikurikiranya itabona intsinzi muri shampiyona aho Igitego cya mbere cyabonetse ku munota wa 12 gitsinzwe na Ekeson Ekorie ku mupira yari ahawe na Kwitonda Alain Bacca, umunyezamu Irankunda Moria atsinda icya kabiri ku munota wa 89 mu gihe Gicumbi FC yatsindiwe na Niwenshuti Steven ku munota kane w’inyongera.

Police FC yahise yuzuza amanota 40 ku mwanya wa kane mu gihe Gicumbi FC iri ku mwanya wa 12 n’amanota 25.
‎

Reba uko Kwizera Olivier yarokoye Rayon Sports, ku ishoti rikomeye ryari ritewe na rutahizamu Gilles Razafimaro wa Al Merrikh ku munota wa 33.#RwandaPremierLeague #RPL2026 pic.twitter.com/W3vsSko5H0

— Kigali Today (@kigalitoday) March 16, 2026

‎Uyu mukino watangiye ku isaha ya Saa Kumi n’Ebyiri, watangiye utuje, ubona amakipe yombi ari kwigana APR FC itangira ishaka igitego maze ku munota wa gatanu, Memel Dao atera ishoti rikomeye ariko umunyezamu Nsabimana Jean de Dieu arawufata. Mu minota 20 ya mbere y’umukino, APR FC yari yihariye umupira ariko itarabasha kurema uburyo bufatika.
‎

‎Umukino ugeze ku munota wa 28 waje guhagarara bitewe n’uko amatara acanira Stade yari yazimye, iki kibazo cy’amatara cyamaze iminota 20 yose, umukino ubona gukomeza. Umukino ujya kugana ku musozo, Cheikh Djibril Ouattara yahinduye umupira mwiza ariko Denis Omedi ashyizeho umutwe ujya hejuru y’izamu. Amakipe yombi ajya kuruhuka ari ubusa ku busa.

‎Igice cya kabiri kigitangira, Dauda yagerageje ishoti rikomeye ariko umupira bawushyira muri koruneri itagize icyo itanga. APR FC yabonye penaliti ku munota wa 51 ku ikosa ryakorewe Cheikh
‎ Djibril Ouattara maze ayiteye ayotera hejuru y’izamu.

Ku munota wa 70 Ronald Ssekiganda yatsinze igitego cya mbere, ku mupira wavuye kuri koruneri yatewe na Raouf Memel Dao, Musanze FC ikomeza kugorwa n’umukino.
‎

‎Abatoza ku mande zombi bakoze impinduka zitandukanye, Taleb wa APR yakoze impinduka, Ruboneka Bosco asimbura Seidu Yussif Dauda, Hakim Kiwanuka asimbura Denis Omedi, Mamadou Sy asimbura Cheikh Djibril Ouattara mu gihe Mugisha Gilbert yasimbuye Memel Dao.

‎Aba bakinnyi bafashije ikipe y’ingabo z’igihugu kurema uburyo butandukanye ariko kububyaza umusaruro bibanza kugorana aho byasabye umunota wa nyuma maze William Togui Mel atsinda igitego ku ishoti rikomeye nyuma y’umupira Kiwanuka yahinduye maze Mugisha Gilbert akozaho umutwe, Togui ahita ashyira mu rushundura. Umukino urangira ari 2-0, ikipe ihita ifata umwanya wa mbere n’amanota 46.

Uyu mukino watangiye ku isaha ya Saa Cyenda z’amanywa, watangiranye imbaraga ku makipe yombi, Gikundiro inyuzamo ikagerageza uburyo imbere y’izamu rya Police FC, ndetse nayo ikanyuzamo igasatira. Rayon Sports yashoboraga gufungura amazamu hakiri kare ariko Fall Ngagne, Sindi Paul Jesus na Aziz Bassane bagorwa no kubyaza umusaruro uburyo babonye imbere y’izamu rya Police FC yagaragaje guhuzaguruka mu kugarira.
‎

‎Ku ruhande rw’ikipe ya Polisi y’Igihugu, Ani Elijah, Kwitonda Alain Bacca na Gakwaya Leonard na bo bahushije uburyo bwiza imbere y’izamu rya Kwizera Olivier, binaviramo imvune Bayisenga Emery wahise asimburwa na Nshimiyimana Emmanuel.Nubwo yatabaye Rayon Sports kenshi, Kwizera Olivier yakoze ikosa ryashoboraga kuvamo igitego ku mupira yihereye Ekeson Ekorie, ku bw’amahirwe abakinnyi bagenzi be barahagoboka, maze igice cya mbere kirangira ari 0-0.
‎

‎Mu gice cya kabiri abatoza bombi bagerageje gukora impinduka zitandukanye mu bakinnyi, ariko igitego gikomeza kubura. Mugisha Didier wa Rayon Sports wari winjiye mu kibuga asimbuye Sindi Paul Jesus nyuma y’iminota micye yagize ikibazo nawe avamo asimburwa na Ndikumana Asman, wagerageje uburyo bwinshi ariko umunyezamu Rukundo Onesime ababera ibamba, umukino urangira amakipe anganyije 0-0. Rayon Sports izakira Police FC mu cyumweru gitaha mu mukino wo kwishyura uzaba ku wa Kane, tariki ya 19 Werurwe 2026, kuri Kigali Pele Stadium.

Uyu mutoza w’imyaka 63, wagarutse mu Amavubi yatangajwe kuri uyu wa Kane tariki 12 Werurwe 2026, nyuma yo gutoranywa mu rutonde rw’abatoza barenga 600 bari basabye akazi ko gutoza Amavubi y’u Rwanda, nyuma yo gutandukana n’umutoza Adel Amrouche.
‎
‎FERWAFA yatangaje ko gushyiraho uyu mutoza bishimangira ubushake bw’igihugu bwo guteza imbere umupira w’amaguru, bati "Ishyirwaho ry’umutoza rirashimangira ubushake bw’Igihugu cyacu bwo kubaka imikorere n’imiyoborere mishya y’umupira w’amaguru no kugera ku ntsinzi ku rwego mpuzamahanga haba ku mugabane wa Afurika no ku Isi."

‎Biteganyijwe ko umutoza w’ikipe y’igihugu Stephen Constantine azatangira inshingano ze nk’umutoza w’Ikipe y’Igihugu Amavubi ku wa Mbere tariki ya 16 Werurwe 2026, akazakorana n’abatoza basanzwe mu ikipe ya tekinike y’ikipe y’igihugu mu myiteguro y’imikino ya FIFA Series iteganyijwe kubera i Kigali mu mpera z’uku kwezi kwa Werurwe.
‎
Uyu mutoza ugarutse mu Mavubi nyuma yo kuyatoza hagati ya 2014 na 2015, niwe mutoza wageje u Rwanda ku mwanya mwiza ku rutonde rwa FIFA mu mateka, ubwo muri Werurwe 2015 rwabaga urwa 18 muri Afurika ndetse na 64 ku Isi.

‎Stephen Constantine yatangiye gutoza mu 1999 atoza ikipe y’igihugu ya Nepal yakomereje mu yandi ma kipe y’ibihugu botandukanye nka Ubuhinde, Malawi, Sudan n’andi atandukanye mbere yo kuza gutoza Amavubi 2014-2015, ahava asubira mu buhinde, Pafos, East Bengal na Pakistan yaherukagamo muri 2025 mbere yo gutangazwa n’ikipe y’igihugu Amavubi.

Itangazo rya FERWAFA

‎ITANGAZO RIGENEWE ITANGAZAMAKURU

KWEMEZA NO GUSHYIRAHO

UMUTOZA MUKURU WIKIPE Y’IGIHUGU Y’ABAGABO

Ishyirahamwe ry’ Umupira w’Amaguru mu Rwanda (FERWAFA) ryishimiye kumenyesha abanyarwanda ko Stephen Constantine yashyizweho nk’Umutoza Mukuru w’lkipe y’lgihugu y’Abagabo (Amavubi) ndetse n’Ikipe y’lgihugu y’Abatarengeje imyaka 23, mu gihe cy’imyaka ibiri iri imbere ishobora kongerwa hashingiwe ku musaruro.

Ishyirwaho ry’umutoza rirashimangira ubushake bw’igihugu cyacu bwo kubaka imikorere n’imiyoborere mishya y’umupira w’amaguru no kugera ku ntsinzi ku rwego mpuzamahanga haba ku mugabane wa Afurika no ku Isi.

Umutoza Constantine azatangira inshingano ze mu Ikipe y’lgihugu Amavubi ku wa Mbere tariki ya 16 Werurwe 2026, akazakorana n’abatoza basanzwe mu ikipe ya tekinike y’ikipe y’igihugu mu myiteguro y’amarushanwa ya FIFA Series ateganijwe kubera I Kigali mu mpera z’uku kwezi kwa Werurwe.

Amakuru arambuye, gahunda za tekiniki ndetse n’icyerekezo cy’iterambere azatangazwa mu kiganiro n’abanyamakuru kizaba mu cyumweru gitaha.

Stephen constantine ubwo yaganiraga na Haruna Niyonzima

‎Iyi mikino y’umunsi wa 23 yatangiye ku wa kabiri tariki ya 3 Werurwe 2026 ikipe ya Al Hilal SC itsinda Gicumbi FC ibitego bitanu ku busa, bya Abdelrazig Taha, Mohamed Yousif, Mamudu Kamaradini, Ousmane Diouf na Adama Coulibali watsinze icyanyuma, mu mukino wabereye kuri Stade Amahoro, uba mbere kugira ngo iyi kipe yo muri Sudani ibone uko yerekeza muri Maroc mu mukino ubanza wa 1/4 cya CAF Champions League bazakinamo na RS Berkane ku wa Gatandatuw’iki Cyumweru.
‎
‎Indi mikino yakomeje mu mpera z’icyumweru gishize aho kuwa Gatandatu tariki ya 7 Werurwe, Gasogi United yanganyije 0-0 na Rutsiro FC, Bugesera FC itsinda 2-1 Kiyovu Sports, Marines FC igwa miswi na APR FC 2-2 naho Musanze FC itungurirwa i Musanze na Mukura Victory Sports yayitsinze 1-0, imikino y’uyu munsi yakomeje ku Cyumweru hakinwa imikino itatu, Etincelles FC ihagama Rayon Sports banganya 1-1, AS Kigali inganya 2-2 na AS Muhanga, Amagaju FC atsinda 2-1 ikipe ya Gorilla FC mu gihe umunsi wa 23 wasojwe n’umukino Al Merriekh SC yatsinzemo Police FC 1-0.
‎
Imibare:

‎Muri iyi mikino yose uko ari icyenda, hinjiye ibitego 23, bitsindwa n’abakinnyi 22, batandukanye, Djibril Ouattara wa APR FC niwe watsinze ibitego bibiri, bituma yuzuza ibitego 10 amaze gutsinda muri uyu mwaka w’imikino. Amakipe atatu ariyo Bugesera FC, Amagaju FC na Al Hilal SC niyo yakiriye imikino abona amanota atatu imbumbe, amakipe ane AS Kigali, Gasogi United, Marine FC na Etincelles FC yanganyirije mu rugo, naho andi abiri ariyo Police FC na Musanze FC atsindirwa mu rugo.
‎
‎Amakipe yari murugo yatsinze ibitego 14, naho amakipe yasuye atsinda icyenda(9).Muri iyi mikino yose yakinwe, mu gice cya mbere hinjiye ibitego10, naho mu gice cya kabiri hinjira ibitego 13. Abanyamahanga bakininira amakipe yo mu Rwanda binjije ibitego 11 naho abakinnyi b’Aabanyarwanda batsinda ibitego bitandatu(6) mu gihe abakinnyi b’amakipe yo muri Sudani Al Hilal SC na Al Merrikh SC batsinze ibitego bitandatu.
‎
‎Uyu munsi kandi wasize ikipe y’Amagaju FC iboneye itsinzi ya mbere mu rugo kuva iyi shampiyona yatangira, Gasogi United yuzuza imikino itandatu yikurikiranya itabona amanota atatu yuzuye, naho Police FC yuzuza imikino umunani yikurikiranya idatsinda.Ikipe ya Gicumbi FC nyuma yo kunyagirwa na Al Hilal SC 5-0, yabaye ikipe ya gatatu itsinzwe ibitego byinshi mu mukino umwe, inyuma y’Amagaju FC yatsinzwe umunani na Marine FC yatsinzwe bitanu na Rutsiro FC.
‎
‎Kugeza ubu ikipe ya Al Hilal SC niyo iyoboye urutonde rwa shampiyona by’agateganyo n’amanota 45 n’imikino ibiri y’ibirarane, Al Merriekh SC ya kabiri ifite 44 n’umukino umwe w’ikirarane, naho APR FC ifite 43 ku mwanya wa gatatu, amakipe ari mu myanya ya nyuma ni Rutsiro FC ya 17 ifite amanota 19 n’umukino umwe w’ikirarane mu gihe AS Muhanga iri ku mwanya wa nyuma n’ amanota 18 n’umukino umwe w’ikirarane.

‎Uyu mukino watangiye ku isaha ya Saa Cyenda zuzuye, watangiranye imbaraga ku makipe yombi, ariko Kiyovu Sports ikanyuzamo ikagerageza uburyo imbere y’izamu rya Marine FC ariko ndetse nayo ikanyuzamo igasatira.
‎

‎Uko iminota yagiye izamuka ikipe y’Ingabo zirwanira mu mazi yatangiye gusatira cyane maze ku munota wa 35 iyi kipe yafunguye amazamu ku gitego cyatsizwe na Ishimwe Kevin, maze Kiyovu Sports isa n’ikanguka ariko nyuma y’iminota itanu gusa Nkundimana Fabio aterekamo igitego cya kabiri maze igice cya mbere kirangira ari 2-0.
‎

‎Igice cya kabiri cyatangiranye imponduka k’Urucaca, Bukuru Christophe yinjira mu kibuga Uwimana Yacub asohoka mu kibuga, maze iyi kipe ikomeza kotsa igitutu Marine FC ishaka kureba uko yakwishyura ibitego yari yatsizwe ariko ubwugarizi bwa Marine FC buhagararane neza.
‎

‎Ku munota wa 57 kapiteni wa Marine FC usabimana Olivier yakoreye ikosa Ntwari Asman, maze Bukuru atera kufura yijyana mu izamu, maze Kiyovu Sports ibona igitego kimwe muri bibiri yari yatsizwe. Umutoza Haringingo yakoze iminduka ariko iminota 90 irangira ari 2-1.

Nyuma yo gutsindwa Kiyovu Sports yujuje imikino ine idatsinda aho iri ku mwanya wa munani n’amanota 33 naho Marine FC ifata umwanya wa Munani n’amanota 32.

Ni umukino watangiye saa Mbiri n’Igice z’umugoroba, nyuma yo gucyemura ikibazo cy’amatara cyari kimaze iminsi, utangirana imbaraga ku makipe yombi, ariko Al Merrikh SC ari yo igerageza uburyo bukomeye imbere y’izamu rya Police FC, ryarimo Niyongira Patience.
‎
‎Bitandukanye n’imikino ibiri ikipe ya Al Merrikh SC iheruka gukina, uyu mukino wabonaga abasore ba Darko Novic bawurimo neza, nk’ubusatirizi bwari buyobowe na Gilles Razafimaro, Aboubacar Bangoura, Rijaniaina Nicolas na Chikumbutso Salima bwagerageje gushaka igitego kare ariko bikanga, ari nako abasore b’ikipe ya Polisi y’Igihugu barimo Byiringiro Lague, Ekeson Okorie na Kwitonda Alain na bo banyuzagamo bagasatira ariko igice cya mbere kirangira ari 0-0.
‎

‎Igice cya kabiri amakipe yombi yakomeje kureba uko yabona igitego ariko bikagenda bigorana ari nako ahusha uburyo bwari bwabazwe. Ku munota wa 80 Al Merrikh SC yafunguye amazamu ku gitego cyatsizwe na Mohamed Gbane wari winjiye mu kibuga asimbuye, maze Police FC ikomeza kugana aho umwanzi ashaka, yuzuza imikino umunani nta ntsinzi kuko umukino warangiye itsinzwe igitego 1-0.

Nyuma y’uyu mukino, imibare igaragaza ko Police FC iheruka gutsinda tariki 3 Mutarama 2026 ubwo yatsindaga Gorilla FC 4-0 mu gihe nyuma yaho, imaze gukina imikino umunani aho yatsinzwemo itatu ikanganya itanu. Ibi bituma iyi kipe iri ku mwanya wa gatanu ku rutonde rw’agateganyo aho ifite amanota 37 mu gihe Al Merrikh SC yo yahise igira amanota 44 ku mwanya wa kabiri inyuma ya Al Hilal SC ya mbere n’amanota 45.

‎

Ni umukino watangiye ku isaha ya Saa Cyenda zuzuye witabiriwe n’abantu benshi, utangirana imbaraga ku makipe yombi, ariko Rayon Sports ikanyuzamo ikagerageza uburyo, nubwo ubwugarizi bwa Etincelles FC bwitwaraga neza.
‎

‎Ku munota wa 30 Gikundiro yazamukanye umupira, Mugisha Didier awutanga kuri Tambwe Gloire nawe winjiye mu rubuga rw’amahina akawucomekera Ndikumana Asman ariko umunyezamu Ndikumana Justin arawufata. Ubusatirizi bwa Rayon Sports bwari biyobowe na Mugisha Didier, Aziz Bassane na Ndikumana Asman bwakomeje kotsa igitutu ariko ubwugirizi bwa Iraguha Awadi na Ibrahim Abdul buhagarara bwemye.
‎

‎Igice cya mbere kigana ku musozo ubusatirizi bw’ikipe ya Etincelles FC bwari buyobowe na Ishimwe Djabilu, Niyonkuru Sadjati na Mwinyi Rogrigue Lody bwagerageje uburyo bwinshi imbere y’izamu rya Kwizera Olivier ariko ababera ibamba.
‎

‎Igice cya kabiri ikipe ya Etancelles FC yagarutse igifite imbaraga nk’izo yajyanye mu karuhuko maze ku munota wa 64 iyi kipe ifungura amazamu ku gitego cyatsinzwe na Yacouba Nimanga nyuma y’umupira mwiza wazamuwe na Niyonkuru Sadjati awinjiza mu rubuga rw’amahina maze Ramazani Nchimanga na Emery Bayisenge bakananirwa kuwukuraho.
‎

‎Nyuma yo gutsindwa igitego, ku munota wa 69 umutoza wa Rayon Sports yakoze impinduka akuramo Ndikumana Asman, Mugisha Didie na Yanick Bangala yinjizamo Fall Ngagne, Kitoko Likao na Habimana Yves maze iyi kipe yongera imbaranga mu busatirizi.Ku munota wa 78 Rayon Sports yishyuye igitego gitsinzwe na Fall Ngagne nyuma y’ikosa bamukoreye bagatera kufura maze nawe ahita atera umupira ukomeye mu izamu.
‎

‎Nyuma yo kunganya uyu mukino Rayon Sports yujuje imikino itatu inganya naho Etincelles FC yuzuza imikino itanu idatatsindwa. Mu yindi mikino yabaye kuri iki Cyumweru AS Kigali yanganyije 2-2 na AS Muhanga naho undi mukino Amagaju FC yatsinze 2-1 ikipe ya Gorilla FC.

Uyu mukino watangiye ku isaha ya Saa Cyenda zuzuye, watangiranye imbaraga kuro Marine FC yitwaraga neza.Ku munota wa gatanu gusa iyi kipe yafunguye amazamu ku gitego cyiza cyatsinzwe na Menayame Ndombe, ku mupira yakiriye uvuye kwa Ishimwe Kevin. Uyu mupira yawuzamukanye awukinana na Mbonyumwami Taiba wawumusubije ugasanga ahagaze neza agahita awushyira mu izamu.
‎
‎Nyuma yo kubona igitego ikipe y’Ingabo zirwanira mu mazi, yakomeje gusatira izamu rya APR FC maze ku munota wa 10 yongera kuzamukana umupira ariko Mbonyumwami Taiba ateye ishoti myugariro wa APR FC Niyigena Clement awushira hanze.
‎

‎Ku munota wa 41 ikipe ya Marine FC yatsinze igitego cya kabiri cyatsinzwe na Mbonyumwami Taiba maze uyu wuzuzaga ibitego 11 amaze gutsinda muri uyu mwaka 2025-2026 iyi kipe isoza igice cya mbere iyoboye umukino n’ibitego 2-0.
‎
‎Igice cya kabiri cyatangiranye impinduka ebyiri ku makipe yombi aho Rwasamanzi Yves utoza Marine FC yakuyemo Ishimwe Kevin na Sibomana Sultan Bobo yinjizamo Nkundimana Fabio na Muganuza Jean Pierre, naho ku ruhande rwa APR FC havamo Memel Raouf Dao na Denis Omedi hinjira Hakim Kiwanika na Mugisha Gilbert.
‎
‎Iki gice kigitangira rutahizamu ukomoka muri Burkina Faso Djibril Ouattara yahise atsinda igitego cya mbere cya APR FC maze iyi kipe yinjirana imbaraga muri iki gice. Ikipe y’ingabo z’Igihugu yakomeje gusatira cyane maze ku munota wa 57 Djibril Ouattara atsinda igitego cya kabiri cya APR FC, bituma yuzuza ibitego 10 amaze gutsinda muri shampiyona.
‎
‎APR FC yakomeje gusatira izamu rya Marine FC ariko igitego gikomeza kubura, uyu ukino wasize Niyigena Clement agize imvune yatumye adasoza umukino, nyuma yo kugongana na Mbonyumwami Taiba agasimburwa na Ismimwe Abdul, urangira amakipe yombi anganya 2-2.

‎Nyuma yo kunganya uyu mukino, ikipe y’Ingabo z’Igihugu yagumye ku mwanya wa kabiri ku rutonde rw’agateganyo rwa Shampiyona y’u Rwanda igeze ku munsi wa 23, n’amanota 43, naho Marine FC iguma ku mwanya wa cyenda n’amanota 29.
‎
‎Indi mikino yabaye kuri uyu munsi wasize, Gasogi United yanganyije na Rutsiro FC 0-0, Mukura VS itsindira Musanze FC 1-0 i Musanze naho Bugesera FC itsinda Kiyovu Sports 2-1.

Reba ibindi muri izi Videwo:

‎

Uyu mukino watangiye ku isaha ya Saa Cyenda n’Igice, watangiranye imbaraga ku makipe yombi, ariko APR FC ikanyuzamo ikagerageza uburyo bukomeye, nubwo ubwugarizi bwa Gorilla FC bwitwaraga neza. Ku munota wa 23 Gorilla FC yanafunguye amazamu ku gitego cyatsizwe na Kalifa Traore, maze iyi kipe ikomeza kuyobora umukino.
‎
‎Nyuma yo gutsindwa igitego ikipe y’Ingabo z’Igihugu yakomeje kotsa igitutu Gorilla FC, binyuze ku mipira yaterwaga na William Togui, Denis Omedi na Djibril Ouattara bari bayoboye ubusatirizi bw’iyi kipe yambara umukara n’umweru, ariko igice cya mbere kirangira ari 1-0.
‎
‎Nyuma y’ikiruhuko cy’igice cya mbere, ku munota wa 47 w’umukino, Byiringiro Gilbert yafashe umupira awohereza mu rubuga rw’amahina, usanga William Togui ahagaze neza ahita awushyira mu izamu n’umutwe. APR FC yahise igira imbaraga zidasanzwe isatira cyane ishaka igitego cya kabiri, ari na ko ibona koruneri nyinshi na kufura ziri hafi y’urubuga rw’amahina rwa Gorilla FC.

‎Ku munota wa 64, Denis Omedi yatanze umupira mu rubuga rw’amahina habura gato ngo Djibril Ouattara awutereke mu izamu, myugariro wa Gorilla FC, Mussa Omar awumukura ku kirenge. Amakipe yombi yakomeje kubura igitego cy’intsinzi kugeza umukino wongeweho iminota ine ndetse n’abafana bihebye, ariko ku wa kane w’inyongera William Togui atsinda ikindi gitego cyahesheje intsinzi APR FC nyuma y’imikino ine itazi amanota atatu.

‎Ikipe y’Ingabo z’Igihugu yahise ifata umwanya wa kabiri ku rutonde rw’agateganyo rwa Shampiyona y’u Rwanda igeze ku Munsi wa 22, aho inganya amanota 42 na Al Hilal SC iyoboye. ‎Undi mukino wabaye kuri uyu munsi wasize Al Merrikh SC iri ku mwanya wa kabiri n’amanota 41 inganyije na Gasogi United FC ya 10 igitego 1-1.

Ni umukino wakinwe kuri uyu wa gatatu taliki ya 25 Gashyantare, kuri Kigali Pele stadium, aho ibitego by Taha ku munota wa gatatu ndetse na Likau Kitoko ku munota wa 77 aribyo byatandukanyije impande zombi.

‎Ni umukino watangiye ku isaha ya Saa Cyenda n’igice, aho watangiranye imbaraga nyinshi ku ikipe ya Al Hilal SC ndetse ku munota gusa w’umukino yabonaga amahirwe yayo ya mbere imbere y’izamu rya Rayon Sports, yahise ifungura amazamu ku gitego cyatsinzwe na Abdelrazig Taha, waherejwe umupira na Jean Claude Girumugisha.

AL Hilal yari yabanje mu kibuga

‎Iyi kipe yo muri Sudani yakomeje gushaka ikindi gitego ikoresheje impande zayo haba iburyo kuruhande rwa Adama Coulibali ndetse na Girumugisha wasatiraga izamu aciye ibumoso, ariko ubwugarizi bwa Rayon Sports burimo Bayisenge Emery na Ramazani Tshimanga bakomeza kwitwara neza.

‎Ku munota wa 37, Aziz Bassane yinjiye mu rubuga rw’amahina rwa Al Hilal SC, ariko Ernest Luzolo amukuraho umupira, umusifuzi Nsabimana Celestin ahamya ko yakoze ikosa maze Bassane agaragaza ibimenyetso ko atishimiye ibyemezo by’umusifuzi byanamuviriyemo guhabwa ikarita y’umuhondo maze Igice cya mbere kirangira ikipe ya Al Hilal iri imbere n’igitego 1-0.

‎Igice cya kabiri cyatangiranye imbaraga ku ruhande rwa Rayon Sports ari na ko ibyaza umusaruro umurindi w’abafana bayo bari bitabiriye ku bwinshi kuri Kigali Pele Stadium.

Umutoza wa Rayon Sports, Bruno Ferry, yakoze impinduka akuramo Tambwe Gloire wabonaga ko agaragaza ibimenyetso byo ku nanirwa maze yinjiza Faustin Likau yongera imbaraga hagati mu kibuga.

Akimara kwinjira, ku munota wa 77, yaboneye Rayon Sports igitego cyo kwishyura ku mupira yahawe na Richard Ndayishimiye wasimbuye Yannick Bangala, awushyira ku mutwe umunyezamu wa Al Hilal SC ntiyamenya aho unyuze.

‎

Abafana ba Rayon Sports bishimiye inota rimwe babonye kuri Al hilal

Rayon Sports yahise igira imbaraga zidasanzwe icurika ikibuga itangira gusatirana imbaraga, ndetse ku munota wa 89 yagerageje uburyo ku ishoti rikomeye rya Richard Ndayishimiye, ariko umupira unyura hejuru y’izamu. Ku munota wa 90, Aziz Bassane yahawe ikarita y’umuhondo ya kabiri muri uyu mukino, ahita yerekwa n’ikarita y’umutuku asohoka mu kibuga.

‎Nyuma yo kunganya uyu mukino Gikundiro yujuje imikino itanu idatsindwa, aho yagwije amanota 36 ku mwanya wa gatanu, amanota inganya na Police FC ya kane aho yo yanganyije na Rutsiro FC 0-0, mu mukino w’ikirarane cy’umunsi wa 18 wabereye mu Karere ka Rubavu.

Al Hilal bishimira igitego cya Omar Taha

Ni umukino wa Rwanda premier League umunsi wa 21 wabeyere kuri Kigali Pele Stadium kuri iki Cyumweru tariki 22 Gashyantare 2026 aho usize ikipe ya Rayon Sports ku mwanya wa gatanu n’amanota 35.

Ni mukino watangiye ku isaha ya Saa Cyenda n’igice, bitewe n’umukino wabaye mbere ku isaha ya Saa Sita n’igice, wahuje AS Kigali na Al Merriekh SC wo warangiye ari igitego 1-0 cy’iyi kipe yo muri Sudani.
‎
‎Uyu mukino watangiye nyuma y’imvura nyinshi, watangiranye imbaraga cyane ku ruhande rwa Rayon Sports wabonaga ishaka igitego hakiri kare ndetse byaje no kuyihira aho gusa ku munota wa kabiri, yafunguye amazamu ku gitego cyatsinzwe na Aziz Bassane, ku mupira yazamukanye neza yinjira mu rubuga rw’amahina maze atera ishoti rikomeye umunyezamu Tuyizere Jean Luc ntiyamenya uko byagenze.

Aziz Bassane yishimira igitego cya mbere cya Rayon Sports

Nyuma yo gutsindwa igitego, ikipe ya Mukura VS yakangutse maze nayo itangira kwataka no kugerageza uburyo butandukanye ishaka uko ya kwishyura igitego yari imaze gutsindwa ariko ubwugarizi bwa Gikundiro bwari burimo Bayisenge Emery na Ramazani Tshimanga buhagarara neza bugumisha ikipe mu mukino. Ubwo igice cya mbere cyaganaga ku musozo, Rayon Sports yatsinze igitego cya Kabiri ku munota wa 46, kuri kufura yatewe neza na Mugisha Didier, maze Ramazani Tshimanga aterekaho umutwe igitego kiba kirinjiye, igice cya mbere kirangira ari 2-0.

‎
‎Igice cya kabiri cyatangiranye impinduka kuri Mukura VS, Mbonyamahoro Serieux asohoka mu kibuga maze asimburwa na Samuel Pumpong maze iyi kipe yo mu karere ka Huye itangira kwataka izamu rya Rayon Sports ariko igitego gikomeza kubura. Umutoza wa Rayon Sports nawe yahise akora impinduka akuramo Mugisha Didier yinjizamo Fall Ngagne maze iyi kipe igaruka mu mukino.
‎
‎

Bidatinze umutoza Nshimiyimana Canisius yongeye akora impinduka akuramo Nisingizwe Christian na Niyonizeye Fred, yinjizamo Jordan Nzau Dimbumba na Mutsinzi Patrick ikipe ikomeza kotsa igitutu Gikundiro, mu minota itandukanye y’iki gice Mukura VS yagiye igerageza uburyo ariko umunyezamu wa Rayon Sports Kwizera Olivier ababera ibamba.
‎
‎Ku munota wa 77 Joseph Sackey yatsindiye igitego cyo kwishyura Mukura VS, nyuma ya kufura yatewe na Iradukunda Elie Tatou, umupira usanga uyu musore ukomoka muri Ghana ahagaze neza aterekamo umutwe igitego kirinjira, maze iyi kipe yambara umukara n’umuhondo icurika ikibuga arinako irema uburyo butandukanye bwanashoboraga kuvamo Ikindi gitego ariko ubwugarizi bwa Rayon Sports bukomeza kwihagararaho.

Nubwo abakinnyi ba Mukura VS the abonaga bacishamo nti bishimire ibyemezo by’umusifuzi, umukino warangiye ari ibitego 2 bya RaYon Sports kuri 1 cya Mukura VS. ‎Gutsinda uyu mukino byatumye ikipe ya Rayon Sports ifata umwanya wa gatanu n’amanota 35 naho Mukura VS iri ku mwanya wa munani n’amanota 31. 

Mu yindi mikino ya Rwanda Premier League yabaye kuri iki Cyumweru, Bugesera FC yatsizwe na Musanze FC 2-1 naho Al Merreikh SC itsinda AS Kigali 1-0.
‎

Uyu mukino uzwi nka ’Deribi y’umutekano’, kuko uhuza amakipe abiri y’inzego z’umutekano w’igihugu, watangiye ku isaha ya Saa Cyenda zuzuye utangirana imbaraga zidasazwe amakipe yombi asatirana cyane, ariko ukabona ikipe ya Police FC ariyo iri gusatira cyane izamu ry’umunyezamu Hakizimana Adolphe ariko akitwara neza.
‎
‎Bitewe n’uko amakipe yombi yasatiranaga, mu gice cya mbere, ba rutahizamu b’amakipe yombi bagerageje uburyo bukomeye ariko abanyezamu bombi babyitwaramo neza ndetse n’indi mipira yagaruwe n’ibiti by’izamj mu gice cya mbere aho buri kipe yateye ibiti by’izamu bibiri ariko iminota 45 irangira ari 0-0.
‎
‎Igice cya kabiri cyatangiranye imbaraga zikomeye, nk’uko igice cya mbere cyari kimeze, ariko ukabona ikipe ya APR FC iri hejuru, byanatumye ku munota wa 67 iyi kipe ifungura amazamu ku gitego cyatsizwe na Djibril Ouattara, maze iyi kipe yambara umukara n’umweru iyobora umukino.
‎

Djibril Ouattara yishimira igitego

‎Nyuma y’iki gitego abatoza bombi bakoze impinduka zitandukanye, Memel Dao, Djibril Ouattara, Mugisha Gilbert na William Togui ba APR FC bava mu kibuga hinjiramo Hakim Kiwanuka, Mamadou Sy, Muhamadou Lamine Bah na Ngabonziza Pacifique mu gihe ku ruhande rwa Police FC Kwitonda Alain, Ani Elijah na Udahemuka Jean de Dieu basimbuwe na Rudasingwa Prince, Katerrega Allan na Ishimwe Christian.

Izi mpinduka zafashije Police FC yakomezaga gushaka uko yishyura yagezeho ku munota wa munani w’inyongera Police FC ku gitego cyatsizwe na Nsabimana Eric Zidane wahise akuramo umupira yari yambaye awereka intebe y’abasimbura ya APR FC.

Nsabimana Eric Zidane watsinze igitego cya Police FC mu minota ya nyuma

Nsabimana Eric yahise yereka umupira we abasimbura ba APR FC kuko ubwo bongeragaho iminota ine y’inyongera , ku munota wa mbere batangiye gushwana n’abakinnyi ba Police FC ndstse umukino ugahagarara iminota itanu byatumye nayo irenzwaho. Uyu kapiteni wa Police FC umusifuzi Ishime Jean Claude yahise amuha ikarita y’umutuku ndetse umukino urangira amakipe yombi anganyije 1-1.
‎

‎Kunganya uyu mukino byatumye ikipe ya APR FC ifata umwanya wa mbere n’amanota 39 mbere y’uko Al Hilal SC yari ifite uyu mwanya ikina, n’aho Police FC iguma ku mwanya wa kane n’amanota 35.

Ni umukino w’ihangana hagati y’aba Banya-Sudani wabereye hano mu Rwanda, utangira ku isaha ya Saa Kumi n’Ebyiri n’igice utuje, ubona amakipe yombi yatinyanye, maze ku munota 12 rutahizamu Sunday Damilara wa Al Hilal SC, agerageza ishoti rikomeye ariko umunyezamu Ladji Brahima Sanou wa Al Merriekh SC umupira awukuramo.
‎
‎Ikipe ya Darko Novic yatangiranye imvune kuko ku munota 21 Abakar Yahya yinjiye mu kibuga asimbuye Fady Sidiki Coulibaly wavunitse, gusa nawe ku munota wa 28 ahita agira ikibazo cy’imvune asohoka mu kibuga ajyanwa kwa muganga n’imbangukira gutabara, maze asimburwa na Chikumbutso Salima.
‎

‎Ku munota wa 45 mbere y’uko amakipe yombi ajya kuruhuka iki ya Al Merreikh SC yafunguye amazamu ku gitego cyatsizwe na Obino Chisala, nyuma y’amakosa yakozwe n’umunyezamu Soufiane Ouedraogo Farid washatse gucenga uyu mukinnyi wa Al Merreikh SC ntibyamukundira birangira batsizwe igitego igice cya mbere kirangira ari 1-0.
‎

‎Igice cya kabiri cyatangiranye impinduka ku ruhande rwa Al Hilal SC maze Sunday Damilare, Ousmane Diouf, Kindness Cole na El Hadj Kane basohoka mu kibuga hinjiramo Abdelrazig Omer Taha, kapiteni wa mbere Mohamed Yagub Abder Yousif, Mustafa Mohammed na Saeed Ahmed bakina mu bwugarizi bw’iyi kipe yambara ubururu n’umweru.
‎
‎Iyi kipe igomba gukina imikino ya 1/4 ya CAF Champions League yakomeje kugerageza uko yakwishyura igitego ariko iyi kipe yambara umutuku n’umuhondo ihagarara neza. Ku munota wa 65 Chikumbutso Salima yazamukanye umupira yinjira mu rubuga rw’amahina maze myugariro Mustafa Mohammed amutereka hasi, umusifuzi Uwikunda Samuel ntakuzuyaza ahita atanga penaliti yatewe neza na Gilles Razafimaro maze Al Merriekh SC ibona igitego cya kabiri.
‎
‎Nyuma y’uko umusifuzi wa kane yerekanye iminota itandatu y’inyongera abasore ba Al Hilal babaye nk’abariye amavubi maze ku munota wa mbere w’inyongera kapiteni Mohamed Yagub Abder Yousif atsinda igitego cyo kwishyura ndetse nyuma y’iminota ibiri bahita babona penaliti yatewe n’uyu mugabo n’ubundi maze umunyezamu Ladji Brahima Sanou wa Al Merriekh SC ayikuramo, Ahmed Adil wa Al Hilal SC ahita anabona ikarita y’umutuku nyuma yo gutera umutwe Daba Sogoba.
‎

‎Nyuma yo gutsinda uyu mukino ikipe ya Al Merriekh SC yahagaritse imikino itandatu idatsinda yari imaze idatsinda inganya gusa, ifata umwanya wa gatatu n’amanota 37 aho rimwe na Al Hilal SC ya mbere ifite amanota 38.

Gasogi United yanganyije na Mukura VS 1-1

Ni imikino yatangiye ku isaha ya Saa Cyenda zuzuye, aho kuri Kigali Pele Stadium Gasogi United yari yakiriye Mukura VS yaherukaga kuhatsindirwa na Kiyovu Sports ibitego 3-1. Ikipe y’akarere ka Huye yari yaje ishaka itsinzi yinjiye igerageza uburyo bukomeye imbere y’izamu rya Ndagijimana Leandre imipira akayikuramo bituma igice cya mbere kirangira amakipe yombi ntayirebye mu izamu.
‎
‎Nyuma y’ikiruhuko cy’iminota 15 amakipe yombi yagarutse mu mukino ari hejuru, ariko ikipe yambara umuhondo n’umukara igahusha uburyo bwinshi. Ku munota wa 50 Mutsinzi Patrick yatsinze igitego cya Mukura VS ku mupira yacomekewe na Hakizimana Zuberi, maze iyobora umukino.
‎
‎Umutoza wa Gasogi United amaze gutsindwa igitego yahise akora impinduka mu busatirizi bwe akuramo Niyigena Ebenezeri na Bizimana Umugiraneza Didier yinjizamo Douglas Ochoko na Kokoete Udo Ibioko, maze basatira Mukura VS karahava ku munota wa 78 Douglas Ochoko atsindira iyi kipe igitego cyo kwishura, umukino urangira ari 1-1.
‎
‎Mu yindi mikino yabaye ikipe ya AS Kigali yasanze Amagaju FC i Huye kuri Stade Kamena iyitsinda ibitego 2-0 byose byitsizwe n’abakinnyi b’iyi kipe ya karere ka Nyamagabe, aho ku munota wa cyenda Bakaki Shafiq yitsinze icya mbere, Abdel Matumona yitsinda icya kabiri ku munota 85.
‎

AS Kigali yatsinze Amagaju FC

‎I Rubavu ikipe ya Etincelles FC yatsindiyeyo AS Muhanga ibitego 2-1, ibyogo byo kumanuka mu cyiciro cya kabiri bikomeza kwiyongera ku ikipe ya karere ka Muhanga, kuko iri ku mwanya wa nyuma n’amanota 13 mu mikino 19 imaze gukina, n’aho Etincelles FC yabonye itsinzi ya gatatu muri uyu mwaka w’imikino iba iya kabiri yikurikiranya nyuma yo gushyiraho umutoza mushya Bizimana Abdou Bekeni.
‎
‎Mu mikino icyenda yagombaga gukinwa kuri uyu minsi wa 20, hakinwe umunani, hatsindwamo ibitego 18, amakipe abiri Bugesera FC na Etincelles FC niyo yakiriye imikino abona amanota atatu imbumbe, hasigaye umukino wa Al Hilal na Rutsiro FC, kubera ko iyi kipe yo muri Sudani yari iri gukina imikino Nyafurika.

Ni umukino wabaye kuri uyu wa Gatandatu tariki ya 14 Gashyantare 2026 hanasozwa
imikino yo mu itsinda rya gatatu Al Hilal SC itsinda FC Saint-Eloi Lupopo 1-0 cyatsinzwe na Steven Ebuela ku munota wa 25, naho muri Afurika y’Epfo Mamelodi Sundowns itsinda MC Alger 2-0, mu mikino yatangiye Saa Cyenda z’amanywa.

‎Nyuma yo gutsinda uyu mukino Al Hilal SC yahise iyobora iri tsinda n’amanota 11 mu mikino itandatu yakinnye, Mamelodi Sundowns ifata unwanya wa kabiri n’amanota icyenda, MC Alger iba iya gatatu n’amanota arindwi naho FC Saint-Eloi Lupopo isoreza ku mwanya wa nyuma n’amanota atanu.
‎

‎Mu mikino itandatu yakinnye iyi kipe yo muri Sudani ikinira mu Rwanda yatsinzemo itatu, ingaanyamo ibiri itsindwa umukino umwe, ku ikubitiro yatangiye yakira MC Alger ititsinda 2-1, hano i Kigali, ikurikizaho FC Saint-Eloi Lupopo banganya 1-1, umukino w’umunsi wa gatatu yanganyije na Mamelodi Sundowns 2-2 umukino wabereye muri Afurika y’Epfo.

‎Imikino yo kwishyura yayifunguye ikina na Mamelodi Sundowns hano kuri Stade Amahoro umukino urangira itsinze 2-1, ikomereza kuri MC Alger itsindirwa yo 2-1, isoza iyi mikino itsinda FC Saint-Eloi Lupopo 1-0. Muri iyi mikono uko ari itandatu iyi kipe yatsinzemo ibitego icyenda itsindwamo birindwi, bivuze ko izigamye ibitego bibiri.
‎

‎Al Hilal SC gusoza iyoboye itsinda ry’imikino ya CAF Champions League ibikoze ubwa kabiri yikurikiranya kuko no mu mwaka w’imikino wa 2024-2025 yasoje iyi mikino iyoboye rya mbere n’amanota 10, aho yari iri kumwe na MC Alger, Young Africans SC na TP Mazembe.
‎

‎

Uyu mukino utarabereye igihe bitewe n’uko ikipe Al Hilal SC yari iri gukina imikino Nyafurika ya CAF Champions League watangiye ku Saa Cyenda zuzuye ubera kuri Kigali Pele Studium.

Ni umukino abatoza bombi bakozemo impinduka zitandukanye ugereranyije n’abakinnyi basazwe babanza mu kibuga, kuri APR FC Umunyezamu Ishimwe Pierre na kapiteni Niyomugabo Claude babanje hanze y’ikibuga hijiramo Hakizimana Adolphe wakinaga unukino we wa mbere ndetse na Bugingo Hakim, naho kuri Al Hilal abakinnyi ba biri gusa nibo babanje mu kibuga basazwe babanzamo.
‎

Ku munota wa karindwi n’uwa cumi ikipe ya Al Hilal SC yabonye koroneri ariko ntihagira ikivamo, ku munota wa 23 ikipe ya Al Hilal yabonye igitego cya mbere kuri kufura nziza yatewe na Elhadi Madicke Kane nyuma y’ikosa bakoreye rutahizamu Sunday Damilare, umunyezamu Hakizimana Adolphe ahindukira ukura umupira murushundura.

Iyi kipe yo mu gihugu cya Sudan yakomeje kwataka izamu rya APR FC ariko ubwugarizi bwa Niyigena Clement na Nshimirimana Yunus bagerageza guhagarara neza. Ku ruhande rwa APR FC nayo yageragezaga kwataka ikoresheje amashoti ya kure yaterwaga na Ruboneka Jean Bosco, Djibril Aouttara na Hakim Kiwanuka ariko ntagire icyo tanga, bituma igice cya mbere kirangira ari 1-0.

Igice cya kabiri cyatangiranye impinduka ku ruhande rw’ikipe ya Al Hilal aho Adama Coulibali na Walielidin Daiyeen basohoka mu kibuga honjiramo Girumugisha Jean Claude na Ernest Nsito Luzoro maze bakomeza kuyobora umukino. ‎Ku munota wa 60 Ruboneka Bosco yateye umupira wari muri koruneri, usanga Djibril Ouattara wari wenyine, awukina n’umutwe, ariko awutera ku ruhande rw’izamu.
‎

Ikipe yambara ubururu n’ umweru yangeye gukora impinduka eshatu ku munota wa 64, Abdelrazig Yagoub Omer Taha yasimbuye Madicke Kane, Kindness Cole na Sunday Damilare basimburwa na Steven Ebuela na Mohamed Ahmed Saeed Ahmed buzuza abakinnyi batantu bagombaga gusimbura, maze abafana ba APR FC babibonye batangira gukora ibimenyetso byereka umutoza ko akwiye gusimbuza.
‎

‎Umutoza Taleb yahise akora impinduka maze Mamadou Sy na Memel Dao basimbura Djibril Ouattara na Ruboneka Bosco maze bakomeza gushaka igitego ariko bikomeza kugorana, nyuma y’iminota micye Mugisha Gilbert nawe yinjiye mu kibuga ariko igitego gikomeza kubura. ‎Ku munota wa 78 rutahizamu Emmanuel Flomo yatsinze igitego cya kabiri cya Al-Hilal SC ku mupira wakuwemo n’umunyezamu Hakizimana Adolphe nyuma y’uko wari uhinduwe na Girumugisha Jean Claude, maze uyu musore akawusubizamo atsinda igitego cya 11 muri shampiyona.

Emmanuel Flomo watsinze igitego cya kabiri

Mu minota y’inyongera Girumugisha Jean Claude wari ucitse Nshimiyimana Yunussu, yahinduye umupira mwiza ashaka Flomo, ariko Bugingo Hakim ahita awukuraho, maze umukino urangira ari ibitego 2-0. ‎Nyuma yo gutsinda uyu mukino ikipe ya Al-Hilal SC yongeye kuyobora Shampiyona y’u Rwanda nyuma yo kuzuza amanota 38 mu gihe Ikipe y’Ingabo yagumanye amanota 37 ku mwanya wa kabiri.

Reba ibindi muri iyi Video:

Kuri iki Cyumweru, tariki ya 8 Gashyantare 2026, nibwo kuri Kigali Pele Stadium habereye umukino wahuje Police FC na AS Kigali watangiye Saa Kumi n’Ebyiri n’Igice. Ni umukino watangiranye imbaraga ku mpande zombi ubona amakipe yose ashaka igitego kugira ngo bibafashe kwinjira mu mukino ariko ikibuga cya Kigali Pele nticyababanira bitewe n’uko amatara yazimye ubugira kabiri.
‎
‎Nyuma y’iminota itanu gusa umukino utangiye,amatara amurikira ikibuga yavuyeho agaruka nyuma y’iminota 20 abafana bategereje, umukino urakomeza, ariko hashize indi minota 10 amatara yongera kuzima mu gihe yatse nanone nyuma y’iminotaa 15. Uko amatara yazimaga hari hamaze gukinwa iminota 15, umusifuzi wa kane yereka abantu ko hagiye gukinwa iminota 30 yari isigaye ku gice cya mbere.
‎

‎Iyi minota y’igice cya mbere yihariwe cyane na AS Kigali aho wabonaga Rucogoza Elias, Benedata Janvier na Ntirushwa Aime bakina hagati mu kibuga ku ikipe y’Abanyamujyi barushije cyane Nshimirimana Ismail, Gakwaya Leonard na Kwitonda Alain Bacca ba Police FC, maze AS Kigali yoroherwa no kugera imbere y’izamu ry’ikipe ya Polosi y’Igihugu ariko umunyezamu Rukundo Onesime akomeza gutabara no kugumisha Police FC mu mukino bituma igice cya mbere kirangira ari 0-0.
‎

‎Ikipe ya AS Kigali yatangiye igice cya kabiri iri hejuru nk’uko yasoje icya mbere maze ku munota wa 47 iyi kipe ifungura amazamu kuri koroneri yatewe neza na Tuyisenge Arsene maze Sunday Inemesit Akang atsinda igitego cye cya mbere muri iyi ikipe y’umujyi wa Kigali. Ku munota 54 ikipe ya AS Kigali yongeye guhusha uburyo bukomeye ariko Tuyisenge Arsene ntiyashobora gutera umupira mu izamu ryari ririmo ubusa.
‎

Sunday Inemesit watsinze igitego cya AS Kigali

‎Umutoza Ben Moussa yakoze impinduka akuramo Kwitonda Alain na Kirongozi Richard, Ishimwe Christian na Ani Elijah yinjizamo Manishimwe Djabel, Ekosen Ekorie, Emmanuel Okwi na Udahemuka Jean de Dieu maze ari nako bossa igitutu AS Kigali ariko ubwugarizi bwayo bukomeza guhagarara neza hamwe n’umunyezamu Ndukuriyo Patient wagiye afasha iyi kipe mu bihe bitandukanye, umukino ukarangira banegukanye intsinzi n’igitego 1-0.
‎

‎Ikipe ya AS Kigali kubona aya manota byatumye ku rutonde rwa shampoyina by’agateganyo yuzuza amanota 19 ku mwanya wa 14 naho Police FC iguma ku mwanya wa gatatu n’amanota 34. Mu yindi mikino yabaye kuri iki Cyumweru AS Muhanga yanganije na Gasogi United 1-1, biba uko kuri Gicumbi FC na Amagaju FC ndetse na Marine FC na Al Merrikh SC.

Reba ibindi muri iyi Video:

‎

Uyu mukino wabaye kuri uyu wa Gatandatu watangiye ukererewe ho iminota 30 bitewe n’imbogamizi ikipe ya Bugesera FC yagize bituma ikerererwa kugera ku kibuga, maze abayobozi b’umukino banzura ko utangira Saa Cyenda n’Igice aho kuba Saa Cyenda zuzuye.
‎
‎Umukino ugitangira, ku munota wa Kane ikipe ya APR FC yafunguye amazamu ku gutego cyatsinzwe na Mamadou Sy, nyuma y’umupira abakinnyi ba Bugesera FC batakaje mu kibuga hagati, Djibril Ouattara agacenga umunyezamu Daouda Baleri Ibrahim maze aha umupira Mamadou Sy warebaga izamu ryambaye ubusa ahita atereka umupira mu izamu.
‎

‎Nyuma y’icyi gitego ikipe y’Akarere ka Bugesera yahise ikanguka maze nayo itangira guhererekanya neza mu kibuga hagati ndetse ikananyuzamo agasatira. Ku munota wa 21 Ikipe ya Bugesera FC yatsinze igitego cyo kwishyura cyatsinzwe na Umar Abba nyuma yo gucenga Omborenga Fitina ari inyuma y’urubuga rw’amahina, akarekura ishoti rikomeye umunyezamu Ishimwe Pierre arikurikiye asanga umupira wageze mu rushundura.
‎

‎Ku munota wa 42 ikipe y’Ingabo z’Igihugu yabonye igitego cya kabiri cyatsizwe na Djibril Ouattara n’umutwe nyuma y’ikosa abakinnyi ba Bugesera FC bakoreye Nshimiyimana Yunus hafi y’urubuga rw’amahina rigahanwa neza na Ruboneka Jean Bosco umupira ugasanga uyu rutahizamu ukomoka muri Burkina Faso ahagaze neza, maze nawe nta kuzuyaza agahita atereka umupira mu rushundura,igice cya mbere cy’umukino cyirangira ari ibitego 2-1.
‎

‎Igice cya kabiri cyatangiye ikipe ya Bugesera FC iri hejuru bituma ibona igitego cya kabiri cyatsizwe na Byishimo Valua ku munota wa 48 w’umukino, igitego yatsindiye inyuma y’urubuga rw’amahina ku ishoti rikomeye yateye Ishimwe Pierre yahindukira agasanga inshundura ziri guseka.
‎
APR FC nyuma yo kugenda ihusha uburyo bw’ibitego imbere y’izamu yakoze impinduka eshatu Memel Dao, Mamadou Sy na Hakim Kiwanuka bavamo hinjiramo Mugisha Gilbert, William Togui na Mohmadou Lamine Bah, ariko n’ubundi bakomeza kugorwa n’ubwugarizi bwa Bugesera FC bwa Ntakirutimana Theotime, Hirwa Jean de Dieu, Mucyo Didier na Isingizwe Rodrigue.
‎

‎Ikipe y’umutoza Banamwana Camarade yari yihariye igice cya kabiri yakomeje kugerageza gusatira ari nako akora impinduka Isingizwe Rodrigue na Abba Umar yinjizamo Iracyadukunda Eric na Sadick Sulley ariko umukino urangira ibitego ari 2-2.
‎

‎Uyu mukino wasize ikipe ya APR FC ikomeje kuyobora urutonde rwa shampiyona n’amanota 37 n’aho Bugesera FC iri ku mwanya wa 12 n’amanota 21. Mu iyindi mikino yabaye Etincelles FC yatsinze Musanze FC 1-0 n’aho Kiyovu Sports itsinda Mukura VS 3-1.

Umugaba Mukuru w’Ingabo z’u Rwanda, Gen. Mubarakh Muganga yari yitabiriye uyu mukino

Chairman wa APR FC Brig Gen. Deo Rusanganwa(Ibumoso) yari yitabiriye uyu mukino ikipe yanganyijemo na Bugesera FC

‎

Uyu mukino watangiye Saa Cyenda imbere y’abafana bacye, utangira ikipe ya APR FC yotsa igitutu izamu rya Ndagijimana Leandre wa Gasogi United ariko Hakim Kiwanuka imipira akayipfusha ubusa. Nyuma yo guhusha uburyo bwinshi cyane imbere y’izamu Hakim Kiwanuka yatsinze igitego cya mbere cya APR FC ku munota wa 12 ikomeza kuyobora unukino.

Hakim Kiwanuka watsinze igitego cya mbere

‎Ku munota wa 24 ikipe ya Gasogi United yahererekanyije neza hagati mu kibuga ku mupira Ngono Guy Herve yazamukanye awuhereza, Ndikumana Danny awusubiza Nibisigayizabikora Elysee maze nawe awutanga kwa kapiteni wa Gasogi United Muderi Akbar wawuteye ugafata umutambiko w’izamu.
‎
‎Nyuma yo gukambika imbere y’izamu rya Gasogi United, ku munota 38 APR FC yatsinze igitego cya kabiri cyatsizwe na Memel Rouaf Dao nyuma y’amakosa y’ubwugarizi bwa Gasogi United, bituma iyi kipe ikomeza kugorwa n’umukino maze igice cya mbere kirangira ari 2-0.
‎

Memel Rouaf Dao yishimira igitego

‎Igice cya kabiri cyatangiranye impinduka eshatu kuruhande rwa Gasogi United Muhindo Collin, Ibisigayizabikora Elysee na Iyabivuze Fabrice basohoka mu kibuga hinjiramo Hakizimana Adolphe, Byiringiro Thierry na Bizimana Umugiraneza Didier, gusa nyuma y’iminota itanu wahise agira ikibazo asohoka mu kibuga asimburwa na Niyonkuru Elissa.
‎

‎Ku munota wa 52 Dauda Yussif Seidu yahawe ikarita itukura nyuma yo gukubita inkokora umukinnyi wa Gasogi United, ntakuzuyaza umusifuzi Kayitare David amuha ikarita itukura. Ku munota wa 73 Ndikumana Danny yakiniye nabi Bugingo Hakim mu rubuga rw’amahina, umusifuzi Kayitare David atanga penaliti yatewe neza na Djibril Ouattara, umunyezamu akurikira umupira ariko ntiyawugeraho.
‎

‎Umutoza wa APR FC yakoze impinduka zitandukanye nyuma yo kubona ikarita itukura Togue William, Memel Dao na Byiringiro Gilbert basohoka mu kibuga hinjiramo, Ngabonziza Pacifique, Obarenga Fitina na Mugisha Gilbert mu buryo bwo gukomeza kurinda ibitego yabonye.
‎
‎Mu minota ya nyuma y’umukino ikipe ya Gasogi United yaerageje uburyo cyane cyane binyuze kuri kapiteni Muderi Akbar, Ndikumana Danny na Kokoete Udo ariko ubwugarizi bwa APR FC buhagarara neza umukino urangira ari ibitego 3-0.

Gutsinda uyu mukino byatumye APR FC ifata umwanya wa mbere yicaranyeho amanota 36 mu mikino 18.

Chairman wa APR FC Brig Gen. Deo Rusanganwa

Reba ibindi muri iyi Video:

Nk’uko yabikoze itsindira Musanze FC kuri iki kibuga mu mukino wa mbere iyi kipe ya Karere ka Huye yatsinze Etincelles FC mu mukino wa baye kuri uyu wa Gatandatu tariki ya 31 Mutarama 2026, bituma Mukura Victory Sports yuzuza imikino irindwi idatsindwa.
‎
‎Uyu mukino watangiye Saa Cyenda zuzuye watangiranye imbaraga zidasazwe cyane cyene ku ikipe ya Etincelles FC wabonaga ifite inyota y’igitego kuko mu minota icumi ya mbere y’umukino iyi yarimaze kubonamo koroneri enye ariko kuzibyaza umusaro biba ikibazo.
‎
‎Bidatinze ku munota wa 20 Mukura Victory Sports yafunguye amazamu ku mupira Samuel Pimpong yazamukanye mu kibuga hagati, awuhereza Mutsinzi Patrick wari wamaze kwinjira maze afungura amazamu maze Mukura Victory Sports iyobora umukino.
‎

‎Nyuma y’igitego Mukura VS yakomeje gusatira cyane binyuze kuri Iradukunda Elia Tau, Samuel Pumpong, Mutsinzi Patrick ndetse na Mensah Boateng Agyenim bari bayoboye ubusatirizi bw’iyi kipe yambara umukara n’umuhondo. Ku munota wa 45 Etincelles FC yahushije uburyo bukomeye nyuma y’ishoti Sadjat Niyonkuru yateye maze umunyezamu Jean Luc Tuyizere awukuramo maze Gakumba Innocent asubijemo ujya hanze, igice cya mbere kirangira ari 1-0.
‎

‎Igice cya kabiri cyatangiye amakipe yombi ari gukinira inyuma agera imbere y’izamu gacye, nyuma y’impinduka Masudi Juma utoza Etincelles FC yakoze mu gice cya mbere yinjiza mu kibuga nimero 19 Niyonkuru Sadjat akuramo Mucyo Emmanuel, yakoze izindi mpinduka Ishimwe Djabil yinjira mu kibuga asimbuye Gakumba Innocent, akomeza gusatira Mukura VS, Ciza Hussein ahusha uburyo bukomeye.
‎
‎Umutoza Nshimiyimana Canisius yakoze impinduka akuramo Elie Tatou Iradukunda, Niyonizeye Fred, Samuel Pumpong basimburwa na Hakizimana Zuberi, Jordan Dimbumba Nzau na Nisingizwe Christian mu buryo bwo gushaka igitego cya kabiri ariko biranga, ku munota wa 90 Mutsinzi Patrick yasigaranye n’ umunyezamu Moise Nishimwe ariko gutsinda igitego biramunanira, Nishimwe awushyira muri koroneri.
‎

‎Uyu mukino w’umunsi wa 18 wujuje imikino icyenda idatsinda bituma iguma ku mwanya wa 18 n’amanota 11 naho Mukura Vs iri kumwanya wa gatanu n’amanota 30.

‎Ni umukino wabaye kuri uyu wa Gatanu tariki ya 30 Mutarama 2026, watangiranye ishyaka rikomeye cyane cyane kuri Al Hilal yari iri imbere y’abafana bayo baje kuyishyigikira ku bwinshi, maze abarimo Jean Claude Girumugisha, Abdelrhman Yousif na Adama Coulibali bagerageza uburyo bwinshi imbere y’izamu ariko Denis Onyango ababera ibamba.
‎

‎‎Ku munota wa wa gatatu w’inyongera nyuma y’uko iminota 45 y’igice cya mbere yarirangiye Al Hilal ifungura amazamu kuri Ponaliti yatewe neza na Abdelrhman Yousif, bituma amakipe yombi ajya kuruhuka ari 1-0 cya Al Hilal.Igice cya kabiri cyatangiranye impinduka ku ruhande rwa Mamelodi Sundowns, hinjiramo Arthur De Oliviera Sales, bituma umukino uhinduka maze iyi kipe yo muri Afurika y’Epfo itangira neza, gusa ntibyatinze kuko ku munota wa 49 Al Hilal yabatsinze igitego cya kabiri ku mupira yazamukanye hagati mu kibuga maze ageze i ruhande rw’urubuga rw’amahina arekura ishoti rikomeye Denis Onyango ntiyamenya aho umupira unyuze.
‎

‎‎Nyuma yo kwinjiza Peter Shalulile na Divine Lunga Mamelodi Sundowns yakomeje gusatira maze ku munota wa 61 iyi kipe ibona igitego cyatsizwe na Arthur De Oliviera Sales, gituma iyi kipe igaruka mu mukino ikomeza gusatira cyane ariko ubwugarizi bwa Al Hilal SC buhagarara neza, birangira umukino urangiye ari 2-1, byatumye Al Hilal SC yuzuza amanota umunani ifata umwanya wa mbere n’aho Mamelodi Sundowns ijya ku wa kabiri n’amanota atanu.

Nubwo nta kipe yo mu Rwanda yarimo ariko ni umukino waranzwe nubwitabire buri hejuru kuko Stade Amahoro yari irimo abakunzi benshi ba ruhago nubwo umukino watangiye ku isaha ya saa tatu z’ijoro.

‎Uyu mukino watangiye ku isaha ya saa cyenda n’igice, watangiranye imbaraga ku makipe yombi ariko ukabona ko ikipe ya Kiyovu Sports itangiye ariyo iri hejuru, bidatinze, ku munota wa cumi iyi kipe yambara icyatsi n’umweru yabonye uburyo bukomeye ku mupira Uwineza Rene yazamukanye awuhinduye imbere y’izamu habura uwusongamo uca imbere y’izamu urarenga.
‎

‎Ku munota wa 20 Charif Bayo wafashaga Kiyovu Sports kuyobora umukino cyane cyane mu kibuga hagati yasimbuwe na Nsanzimfura Keddy nyuma yo kugira ikibazo cy’imvune agakurwa mu kibuga ku ngobyi, byatumye Kiyovu Sports isubira inyuma, maze ku munota wa 23 ikipe ya Gorilla FC ibona uburyo bukomeye kuri kufura yatewe na Chancelor Meng Ndong umupira unyura hejuru y’izamu gato.
‎

‎Ikipe ya Gorilla FC yakomeje kuyobora umukino ibifashijwemo na Irakoze Darcy ndetse na Nduwimana Franck ariko Kiyovu Sports ikomeza kwihagararaho iminota 45 ndetse n’ibiri y’inyongera irangira ari 0-0. ‎Igice cya kabiri cyatangiranye impinduka ku ruhande rwa Kiyovu Sports Bukuru Christopher asohoka mu kibuga aha umwanya Mugisha Joseph Rama waje kongera imbaraga mu kibuga hagati ku ruhande rwa Kiyovu Sports.
‎

‎Ku munota wa 51 Kiyovu Sports yabonye koroneri iterwa neza na Nsanzimfura Keddy, maze abakinnyi ba Gorilla FC bananirwa kuwukuramo, usanga Moise Sandja Bulaya ahagaze wenyine awuteye mu izamu uca inyuma.

‎Ku munota wa 62 Gorilla FC yakoze impinduka ikuramo Khalifa Traore asimburwa na Karenzo Alex mu buryo bwo kongerera imbaraga ubusatirizi bwa Gorilla FC, nyuma y’iminota micye umutoza Kilasa Alain yashyizemo Ndikumana Landry asimbuye Chancelor Meng Ndong bakomeza kotsa igitutu izamu rya Kiyovu Sports.
‎

‎Mu minota ya nyuma, umukino wakomeje gukinirwa hagati ubona abatoza bombi banyuzwe n’inota rimwe, bituma iminota 90 ndetse n’itatu y’inyongera irangira ari 0-0.Indi mikino yabaye Gicumbi FC yatsizwe na Musanze FC 3-0 naho Amagaju FC anganya 1-1 na Marine FC.

‎

Rayon Sports yanganyije na Mukura VS

Uyu mukino watangiye ku isaha ya Saa cenda zuziye, utangirana imbaraga zidasazwe ku makipe yombi, ariko ukabona ko ikipe ya Rayon Sports itangiye ariyo iri hejuru.Bidatinze ku munota wa kabiri gusa abakinnyi ba Gikundiro bahererekanyije neza binjira mu rubuga rw’amahina rwa Mukura VS ariko Tambwe Gloire awutera hanze.
‎
‎Bidatinze ku munota wa gatanu ikipe ya Mukura VS yabonye koroneri ya mbere ya ku mupira warengejwe na Nshimiyimana Emmanuel Kabange akaba ari nawe wari wambaye igitambaro cya kapiteni ariko Uwumukiza Obed ayiteye ijya hanze.
‎

Hakizimana Zuberi wari kapiteni wa Mukura VS

‎Ikipe ya Karere ka Huye yakomeje kotsa igitutu izamu rya Rayon Sports ryari ririnzwe na Kwizera Olivier, ku munota wa 18 Elie Tatou Iradukunda azamukana umupira agerageje gutungura umuza wa Rayon Sports asanga ahagaze neza arawufata.
‎
‎Uko umukino wakomeje gukinirwa hagati mu kibuga ari nako amakipe yombi anyuzamo agasatirana anahusha uburyo wabonaga bwabyara ibitego, bituma igice cya mbere kirangira ari ubusa ku busa.
‎

Joseph Sackey ahanganya n’abakinnyi ba Rayon Sports

‎Igice cya Kabiri cyatangiranye imbaraga nyinshi ugereranije n’icya mbere, ku munota wa 48 Mukura VS itsinda igitego cya mbere gitsinzwe na Iradukunda Elie Tatou nyuma y’ikosa yakorewe hafi y’urubuga rw’amahina, yiterera coup-franc ayishyira mu izamu Kwizera Olivier ntiyamenya uko bigenze.
‎
‎Nyuma y’umunota umwe gusa ikipe ya Rayon Sports nayo yabonye igitego cya Bayisenge Emery kuri coup-franc Aziz Dao yateye isanga myugariro Bayisenge ahagaze neza ashyira umupira mu izamu n’umutwe, maze Tuyizere Jean Luc akura umupira mu rushundura.
‎

Vigninou Joachim ahanganye na Serieux wa Mukura VS

‎Ku munota wa 52 w’umukino wuhinduye isura amakipe yombi akimara kubona ibitego.Umukino watangiye kwihuta cyane abakinnyi bashaka intsinzi mu minota ya mbere y’igice cya kabiri, kugira ngo bizere ko batsinze umukino.
‎
‎Ku munota wa 55 umutoza wa Mukura VS yakoze impinduka, Hakizimana Zuberi asimburwa na Samuel Pimpong, Jordan Ndimbuba nawe asimburwa na Nisigizwe Christian wahise yambara igitambaro cya kapiteni, nyuma y’uko cyatangiye cyambawe na Hakizimana Zuberi.
‎

‎Amakipe yombi yakomeje gukinira hagati umukino urangira Rayon Sports inganyije na Mukura VS igitego 1-1 bituma yuzuza imikino ine yikurikiranya idatsinda bituma isoza imikino ibanza ifite amanota 26 ku mwanya wa karindwi, irushwa amanota icyenda na Al-Hilal SC ya mbere (yo ifite ibirarane bibiri) mu gihe Mukura VS yasoje imikino ibanza iri ku mwanya wa gatandatu n’amanota 27.

Mukura VS yishimira igitego

Abakunzi ba Rayon Sports

Abakunzi ba Mukura VS

Rayon Sports yari ishyigikiwe

Uyu mukino watangijwe n’umunota wo kwibuka Dr Mugemana Charles wari umuganga wa Rayon Sports uherutse kwitaba Imana, watangiye utuje cyane ubona amakipe yombi akinira hagati, ahererekanya byoroshye ariko ikipe ya Al Hilal SC ikanyuzamo igasatira izamu rya Rayon Sports ryari ririzwe na Mugisha Yves.
‎

‎Ikipe ya Rayon Sports yinjiye muri uyu mukino yakoze impinduka ebyiri mu bakinnyi 11 umutoza Bruno Ferry yari yabanje mu kibuga bakina na APR FC ku mukino w’igikombe kiruta ibindi, aho umunyezamu Mugisha Yves yasimbuye Kwizera Olivier naho Ndikumana Asman asimburwa na Tambwe Ngongo Gloire.
‎

‎Nyuma yo kugerageza uburyo butandukanye imbere y’izamu rya Rayon Sports, ku munota wa 12 ikipe ya Al Hilal yatsinze igitego cya mbere cyatsinzwe na Elhadj Madicke Kane ku mupira wavuye muri koroneri urenga abakinnyi usanga Petrus Aprocius ahagaze wenyine, awuzamuramo maze batsinda igitego cya mbere ari nako iki gice cyarangiye.
‎

‎Igice cya kabiri cyatangiranye impinduka ku ruhande rwa Al Hilal SC maze ikomeza kotsa igitutu ikipe ya Rayon Sports, ku munota wa 54 ihita itsinda igitego cya kabiri cyatsizwe na Girumugisha Jean Claude, maze ikomeza kuyobora umukino.
‎

‎Ikipe ya Rayon Sports yakoze impinduka Serumogo Ali asimburwa na Nshimiyimana Emmanuel, ariko ikipe ya Al Hilal ikomeza kotsa igitutu Rayon Sports ku munota wa 59 Yahoud Omer Taha atsinda igitego cya gatatu.
‎

‎Nyuma yo gukora impinduka ikinjizamo Iradukunda Pascal na Ishimwe Fiston, ikipe ya Gikundiro yocyeje igitutu Al Hilal SC, ku munota wa 85 igeragejmza uburyo bukomeye Bienvenue Joachim awuteretse ku mutwe umunyezamu wa Al Hilal SC, Sofiane Farid awushyira muri koroneri ariko ntihagira ikivamo.

‎Umukino uri kugana ku musozo umusifuzi wa kane Dushimimana Eric yashyizeho iminota itanu y’inyongera maze ku munota wa gatanu w’inyongera Girumugisha Jean Claude atsinda icyanyuma maze umukino urangira ari 4 - 0.

Jean Claude Girumugisha yishimira igitego

Abafana ba APR FC bari baje gushyigikira Al Hilal SC

‎

Uyu mukino wabaye mbere y’uko haba umukino w’abagabo wahuje Rayon Sports WFC yatwaye igikombe cya shampiyona 2025 ndetse n’Indahangarwa WFC yatwaye igikombe cy’Amahoro 2025.Ni umukino watangiranye imbara ku makipe yombi ariko ukabona ko Rayon Sports WFC iri hejuru cyane aho nko ku munota wa gatandatu Rayon Sports WFC yabonye koroneri yatewe na Gikundiro Scolastique ariko ntihagira ikivamo.
‎
‎Ku munota wa 33 ikipe ya Rayon Sports WFC yatsinze igitego cya mbere cyatsinzwe na Mukagatete Emelyne nyuma yo kotsa igitutu gikomeye izamu ry’ikipe y’Indahangarwa WFC, maze igice cya mbere kirangira ari igitego 1-0 nubwo habonetsemo koroneri eshanu ku mpande zombi zirimo eshatu za Rayon Sports WFC n’ebyiri ku ruhande rw’Indahangarwa WFC.
‎

‎Igice cya kabiri cyatangiranye impinduka kuruhande rw’Indahangarwa WFC aho Nibagwire Anne Marie yasimbuwe na Yvette Niyigena, wongereye imbaraga mu gice cy’imbere cy’Indahangarwa WFC ariko ntibyatinda kuko ku munota wa 65 ikipe ya Rayon Sports yabonye igitego cya kabiri cyatsizwe na Coralie Odette Elisie Eyeang Nguema wari winjiye mu kibuga asimbuye.
‎
‎Bidatinze ku munota wa 71 ikipe ya Rayon Sports WFC yabonye igitego cya gatatu cyatsinzwe na Uwinkunda Jeannette maze iyi kipe yambara ubururu n’umweru ikomeza kuyobora. ‎Mbere y’uko bongeraho iminota itanu y’inyongera, abakinnyi ba Rayon Sports WFC bazamukanye umupira bahererekana neza maze Emerance Niyonshuti yisanga imbere y’izamu wenyine atsinda igitego cya kane cy’iyi kipe umukino urangira ari 4-0.
‎

‎Uyu mukino w’igikombe kiruta ibindi mu bagore wabaye nyuma y’uko Ishyirahamwe ry’Umupira w’Amagaru mu Rwanda ku wa 9 Mutarama 2026 ryamuritse ikirango gishya (Logo) cya Shampiyona y’Icyiciro cya Mbere mu Rwanda mu bari n’abategarugori (Rwanda Women’s Super League).

Iki kirango gifite amabara atatu y’ingenzi, arimo ubururu bwiganje nka rimwe mu mabara agize ibendera ry’Igihugu, umweru ndetse na Orange isanzwe ikoresha na FIFA mu kurwanya Ihohotera ndetse n’ umukinnyi ugiye gutera umupira.

Muri utwo duhigo twavuga nk’umubare w’ibitego warumbutse, APR FC, Rayon Sports na Police FC zibona itsinzi ndetse no kuba nta kipe yanganyije n’indi.

‎Muri iyi nkuru igaruka ku mibare yaranze umunsi wa 14 wa shampiyona y’icyiciro cya mbere hano mu Rwanda, Tugiye kwibanda ku makipe 16 akina Rwanda Premier League tudashyizemo amakipe abiri yo muri Sudani, bitewe n’uko aya makipe yatangiye nyuma akaba akina imikino asa naho ari ibirarane, bituma shampiyona ikomeza nk’uko bisazwe mu gice cyayo kibanza.
‎
‎Imikino yo kuri uyu munsi yatangiye kuwa Gatanu tariki ya 02 Mutarama 2026, Gasogi United itsindwa na Musanze FC ibitego 3-0, Marine FC itsinda Amagaju FC igitego 1-0, Ku wa Gatandatu Police FC ya nyagiye Gorilla FC 4-0, APR FC itsinda Bugesera FC bigoranye 2-1, Etincelles FC itsindirwa mu rugo na AS Kigali igitego 1-0.

Imikino y’umunsi wa 14 yakomeje kuri iki cyumweru aho Mukura VS yatsinze Rutsiro FC 2-1 i Rubavu, Rayon Sports itsinda AS Muhanga ibitego 2-0 isozwa kuri uyu wa mbere tariki 05 Mutarama ikipe ya Kiyovu Sports yhanangiriza Gicumbi iyitsinda ibitego 4 - 1.
‎
‎Muri iyi mikino 8 yose hinjiye ibitego 22, biba kunshuro ya Kabiri habonetse ibitego byinshi ku munsi umwe, ibi bitego byatsizwe n’abakinnyi 20 batandukanye, Ani Elijah yatinze 3 abandi basigaye batsinda kimwe kimwe.

Amakipe 4 ariyo Rayon Sports, Marine FC, Police FC na APR FC niyo yakiriye imikino abona amanota 3 imbumbe, naho amakipe 4 ariyo Gicumbi FC, Etincelles FC, Rutsiro FC na Gasogi United yatsindiwe mu rugo, kuri uyu munsi wa 14 nta kunganya byabayeho.

Gasogi United yujuje imikino itandatu itabona intsinzi

‎
‎Amakipe yari murugo (yakiriye imikino) yatsinze ibitego 11, bingana neza n’ibyo amakipe yasuye yatsinze 11. Muri iyi mikino yose yakinwe, mu gice cya mbere hinjiye ibitego 12, naho mu gice cya kabiri hinjira ibitego 10. Abanyamahanga bakina muri shampiyona y’u Rwanda bitwaye neza kuko batsinze ibitego 16 naho abakinnyi ba banyarwanda bo batsinda ibitego 6 gusa.
‎
‎Mu mikino umunani yabaye nta kipe yigeze inganya n’indi, habayeho gutsinda no gutsindwa gusa, umukino wahuje Gicumbi FC na Kiyovu Sports niwo mukino wagaragayemo ibitego byinshi 4-1 byose hamwe biba 5, ni kunshuro ya kabiri Kiyovu Sports yari itsinze ibitego bine mu mukino umwe, naho Police FC iba ikipe ya mbere yatinze ibitego bine ku busa.
‎

Kiyovu Sports yanyagiye ikipe ya Gicumbi

‎Rutahizamu wa Police FC Ani Elijah yabaye umukinnyi wa gatatu utsinze ibitego bitatu mu mukino umwe (Hat trick) nyuma ya Lola Kanda Moise wa Gicumbi FC na Uwiyaremye Fidali wa Kiyovu Sports. Umukino Mukura VS yatsinzemo Rutsiro FC watumye yuzuza imikino ine yikurikiranya itsinda naho APR FC yo yujuje itatu itsinda, Gasogi United yuzuza itanu nta tsinzi.

Ani Elijah yabaye umukinnyi wa gatatu utsinze ibitego bitatu mu mukino umwe (Hat trick)

‎
‎Kuva ku munsi wa mbere wa Rwanda Premier League, umunsi wa munani n’uyu wa 14 niyo minsi yabonetsemo ibitego byinshi (22) naho umunsi wa Mbere hinjiye 15, umunsi wa Kabiri hinjiye 15, umunsi wa Gatatu hinjiye 16, umunsi wa Kane hinjira 9, umunsi wa Gatanu hinjira ibitego 12, umunsi wa Gatandatu hinjiye ibitego 16, naho umunsi wa Karindwi hinjira ibitego 13, umunsi wa Cyenda hinjira ibitego 14, umunsi wa Cumi hinjiye 16, umunsi wa 11 hinjiye ibitego 14, umunsi wa 12 hinjiye ibitego 12 ndetse n’umunsi wa 13 winjiyemo ibitego 18.

‎

Ikipe ya APR FC yatsinze Bugesera ikomeza gusatira Police FC

Ni umukino wabaye kuri uyu wa Gatandatu tariki 3 Mutarama 2026, kuri Kigali Pele Stadium, aho ikipe ya APR yahise igwiza amanota 29 ikomeza aho ubu irushanwa amanota atatu gusa n’ikipe ya Police FC iyoboye urutonde rwa shampiyona.

Ni umukino watangiranye imbaraga cyane ku ruhande rwa APR FC ubona idashaka guha ubwinyagamburiro ikipe ya Bugesera FC y’umutoza Banamwana Kamarade yari imaze iminsi yitwara neza nyuma yo gutsinda Rayon Sports na Police mu byumweru bibiri bishize.

Bugesera FC nti yahiriwe nyuma yo kumara iminsi yitwara neza

‎
‎Biyunze ku bakinnyi bayo bo gice cy’imbere nka Mugisha Gilbert, William Togui ikipe ya APR yakomeje kotsa igitutu ikipe ya Bugesera FC maze ku munota wa 41, William Mel Togui ku mupira wari uvuye muri koroneli yari itewe na Ruboneka Jean Bosco atsindira ikipe ya APR FC igitego cya mbere n’umutwe aho umunyezamu wa Bugesera Gadi atabashije kuwugarura.

‎Ikipe ya Bugesera FC yagerageje kurema uburyo bwo kwishyura gusa ikipe ya APR FC ikomeza kugarira neza byaje no gutuma igice cya mbere kirangira ikipe ya APR FC iri imbere n’igitego 1-0.
‎Igice cya kabiri cyatangiranye impinduka ku makipe yombi ariko umupira ukomeza gukinirwa hagati mu kibuga, ku munota wa 79, ikipe ya Bugesera FC yatsinze igitego cyo kwishyura cyatsinzwe na Saddick Sulley ku mupira w’umuterekano maze umunyezamu wa APR FC Ishimwe Pierre ntiyamenya aho waciye.

‎Ubwo ikipe ya Bugesera FC yari imaze gutsinda igitego, amatara ya Kigali Pele stadium yahise azima maze haba icuraburindi iminota igera kuri 15, bituma umukino uba uhagazeho gato, ariko nyuma amatara yongeye kwaka umukino ukomereza aho wari ugeze.

‎Ku munota wa 85, Ikipe ya APR FC yatsinze igitego cya Kabiri cyatsinzwe na Cheick Djibril Ouattara kuri Penalite yateye nyuma y’ikosa ryakorewe Mugisha Gilbert wari ucenze ba myugariro ba Bugesera FC yinjira mu rubuga rw’umuzamu ahita akorerwa ikosa.

Ruboneka Jean Bosco wa APR FC ahanganye na Kaneza Augustin kapiteni wa Bugesera FC

‎
‎Mu minota yari isigaye Bugesera yakomeje kugerageza kureba ko ya kwishyura igitego yari itsinzwe ariko biranga umukino urangira ikipe ya APR FC ibonye amanota atatu nyuma yo gutsinda ibitego 2-1 bituma igira amanota 29 iguma ku mwanya wa kabiri inyuma ya Police FC ifite amanota 32.

‎Mu yindi mikino ikipe ya Police FC yanyagiye Gorilla FC ibitego 4 - 0 harimo bitatu bya Ani Elinja ndetse n’ icya Gakwaya Leonard, AS Kigali itsinda Etincelles FC 1 - 0.

Police FC yanyagiye Gorilla FC ibitego 4-0

As Kigali yatsindiye Etincelles iwayo igitego 1-0

‎Muri iyi nkuru igaruka ku mibare yaranze umunsi wa 13 wa shampiyona y’ikiciro cya mbere hano mu Rwanda turibanda ku makipe 16 akina Rwanda Premier League tudashyizemo amakipe abiri yo muri Sudani, bitewe n’uko aya makipe yatangiye nyuma akaba akina imikino asa naho ari ibirarane, bituma shampiyona ikomeza nk’uko bisazwe mu gice cyayo kibanza.
‎
‎Imikino yo kuri uyu munsi yatangiye kuwa Gatanu tariki ya 26 Ukuboza 2025, ku munsi w’impano, maze Bugesera FC iha impano abaturage b’Akarere ka Bugesera batsinda Police FC igitego 1-0, uba umukino wa mbere iyi kipe y’igipolice cy’u Rwanda itsinzwe. Mu mikino 8 yose hinjiye ibitego 18. Byatsizwe n’abakinnyi 14 batandukanye, Lola Kanda Moise wa Gicumbi FC yatinze 3 wenyine, naho Jordan Dimbuba wa Mukura VS na Sunzu Bonheur wa Rutsiro FC batsinze ibitego 2.

‎Muri iyi mikino amakipe 2 ariyo Bugesera FC na Mukura VS niyo yakiriye imikino abona amanota 3 imbumbe, amakipe 3 n’ukuvuga Rayon Sports, Kiyovu Sports na Gasogi United yanganyirije mu rugo, naho andi 3 ariyo Musanze FC, AS Muhanga na Rutsiro FC yatsindiwe mu rugo.

APR FC yatsindiye I Muhanga iwayo

‎Amakipe yari murugo (yakiriye imikino) yatsinze ibitego 8, naho amakipe yasuye atsinda10. Muri iyi mikino yose yakinwe, mu gice cya mbere hinjiye ibitego 6, naho mu gice cya kabiri hinjira ibitego 12. Abanyamahanga bakina muri shampiyona y’u Rwanda bitwaye neza kuko batsinze ibitego 12 naho abakinnyi ba banyarwanda batsinze ibitego 6 gusa.

‎Mu mikino umunani yabaye, imikino itatu gusa niyo amakipe yagabaye amanota, Kiyovu Sports yanganyije na Amagaju FC ubusa ku busa, Gasogi United inganya na AS Kigali ndetse na Rayon Sports inganya kimwe kuri kimwe na Etincelles FC.

Kuva umwaka w’imikino wa 2025-26 watangira ni ubwa mbere abakinnyi barenze umwe batsinze ibitego birenze kimwe, Lola Kanda Moise wa Gicumbi FC yatinze 3, anaba umukinnyi wa kabiri utsinze ibitego bitatu mu mukino umwe nyuma ya Uwiyaremye Fidali wa Kiyovu Sports, Jordan Dimbuba wa Mukura VS na Sunzu Bonheur wa Rutsiro FC batsinze ibitego 2.

Kuva ku munsi wa mbere wa Rwanda Premier League, umunsi wa munani niwo wabonetseho ibitego byinshi (22) aho umunsi wa Mbere hinjiye 15, umunsi wa Kabiri hinjiye 15, umunsi wa Gatatu hinjiye 16, umunsi wa Kane hinjira 9, umunsi wa Gatanu hinjira ibitego 12, umunsi wa Gatandatu hinjiye ibitego 16, naho umunsi wa Karindwi hinjira ibitego 13, umunsi wa Cyenda hinjira ibitego 14, umunsi wa Cumi hinjiye 16, umunsi wa 11 hinjiye ibitego 14, umunsi wa 12 hinjiye ibitego 12.

‎

APR FC yongeye kunganya na Gorilla FC

Ni umukino watangiye ikipe ya APR FC isatira cyane izamu rya Gorilla FC aho wabonaga ikipe ya Gorilla FC irimo gukinira inyuma izibira byatumye no kubona igitego ku mpande zombi bigorana.
‎
‎Ni umukino kandi ikipe ya APR FC yakinnye idafite Ssekiganda Leonard na Denis Omedi bajyanye n’ikipe y’igihugu ya Uganda mu gikombe cya Afurika.

Ku munota wa 6, ikipe ya APR FC yahushije uburyo bukomeye, ku mupira mwiza wazamukanwe na Cheick Djibril Ouattara maze awuhaye Niyomugabo Claude ateye ishoti umupira uca ku ruhande rw’izamu ryari ririnzwe na Ntagisanayo Serge.
‎
‎Akayezu Jean Bosco wa Gorilla FC nawe yaje guhusha uburyo bukomeye ku munota wa 20, ku mupira yazamukanye awusunika, awuvanye mu rubuga rwa Gorilla FC ateye ishoti umunyezamu wa APR FC, Ishimwe Pierre ahita awushyira muri Koroneri ariko nayo itagize icyo itanga.
‎
‎Ikipe ya Gorilla FC yakomeje gusatira ubona ko yakangutse, ndetse ku munota wa 35, yahushije igitego cyari cyabazwe ku mupira mwiza watewe na Mussa Sareh maze Kalifa Traore ashyira ku mutwe ariko nti byagira icyo bitanga igice cya mbere kirangira ari 0-0.

‎mu gice cya kabiri, Ikipe ya Gorilla FC yatangiranye impinduka aho umutoza Kirasa Alain yinjije mu kibuga Irakoze Darcy agasimburwa na Kazungu Celestin mu rwego rwo gukomeza igice cy’imbere.

Amakipe yombi yakomeje gucungana ari nako acishamo ashaka uburyo yabona igitego ariko bikomeza kwanga.
‎
‎Ku munota wa 75, ikipe ya APR FC yakoze impinduka eshatu, umutoza Abderrahim Taleb akuramo Ngabonziza Pacifique, Mamadou Sy na Djibril Ouattara yinjizamo, Raouf Memel Dao, Mugisha Gilbert ndetse na Hakim Kiwanuka mu buryo bwo kongerera imbaraga ubusatirizi ariko nabwo kubona igitego bikomeza kwanga.

Ku munota wa 81, ikipe ya APR FC yongeye gukora impinduka, William Mel Togui asohoka mu kibuga asimburwa na Iraguha Hadji.
‎
‎Abatoza bombi bakomeje kugerageza uburyo bwose ariko birangira ntakipe n’imwe irebye mu izamu ry’indi umukino urangira ari 0-0.

Nyuma yo kunganya na Gorilla FC, ikipe ya yahise yuzuza amanota 20 iguma ku mwanya wa kabiri naho Gorilla FC yo igira amanota 15 iguma ku mwanya wa Munani ku rutonde rw’agateganyo rwa Shampiyona y’u Rwanda.

Nyuma yo kunganya na Gorilla FC, APR FC yagwije amanota 20

‎Muri iyi nkuru turagaruka ku makipe 16 akina Rwanda Premier League tudashyizemo amakipe abiri yo muri Sudani, bitewe nuko aya makipe yatangiye nyuma akaba akina imikino y’inyongera, bituma shampiyona ikomeza nk’uko bisazwe mu gice cyayo kibanza.
‎
‎Imikino y’umunsi wa cyenda yatangiye kuwa Kane, tariki 27 Ugushyingo 2025 Gorilla FC yakiriye Kiyovu Sports, usozwa Ku Cyumweru tariki 30 Ugushyingo 2025, kuri uyu munsi hinjiye ibitego 14 mu mikino yose, aho ibi bitego byatsizwe n’abakinnyi 14 batandukanye, bivuze ko nta mukinnyi watsinze ibitego birenze kimwe. 
‎
‎Ku munsi wa Cyenda ikipe imwe ya Marine FC niyo yakiriye umukino ibona amanota atatu imbumbe, amakipe ane arimo Gicumbi FC, AS Kigali, Etincelles FC na Police FC niyo yanganyirije mu rugo, naho andi makipe atatu, ubwo ni ukuvuga Amagaju FC, Rutsiro FC na Gorilla FC arahatsindirwa.
‎
‎Amakipe yari mu rugo ni ukuvuga ayakiriye imikino yatsinze ibitego bitandatu, naho ayasuye atsinda ibitego umunani mu gihe muri iyi mikino yose yakinwe mu gice cya mbere hinjiye ibitego bitanu, naho mu gice cya kabiri hinjira ibitego icyenda.
‎
‎Muri iyi mikino yose yakinwe abakinnyi b’‎Abanyamahanga bakina muri shampiyona binjije ibitego bitanu naho ‎Abanyarwanda batsinda icyenda. Imikino yahuje Police FC na Musanze FC, Gicumbi FC na Rayon Sports, AS Kigali na APR FC ndetse n’uwahuje Etincelles FC na Mukura VS yarangiye amakipe yose agabanye amanota.
‎
‎Nyuma y’umunsi wa cyenda Police FC niyo iyoboye urutonde rwa shampiyona n’amanota 21 kuri 27 amaze gukinirwa mu mikino icyenda, ikaba ari nayo itari yatsindwa umukino n’umwe mu mikino yose imaze gukina. Ikipe ya Etincelles FC yujuje imikino umunani itarabona amanota atatu imbumbe, bivuze ko itaratsinda umukino, Gasogi United yujuje imikino ine idatsindwa ndetse itanijwizwa igitego.
‎
‎Musanze FC na APR FC nizo zimaze gutsinda ibitego byinshi kugeza ubu 12, Police FC, Marine FC na Gasogi United zimaze gutsinda 11, Rayon Sports na Gicumbi FC zimaze gutsinda 10, mu gihe Rutsiro FC ariyo imaze gutsindwa ibitego byinshi 15, Gicumbi FC 11 naho Rayon Sports na As Kigali zitsindwa 10.

‎

Mu ibaruwa ndende yagiye hanze kuri uyu wa Gatatu tariki 26 Ugushyingo 2025 ariko yanditswe tariki 24 Ugushyingo 2025, Dr Rubagumya yagaragaje ko iyi kipe ifite ibibazo bitandukanye birimo imyenda y’abakozi ba AS Kigali irenga miliyoni 130 Frw, umwenda wafashwe muri Banki ya Kigali bitazwi umaze kugera kuri miliyoni mirongo 90 Frw. Umwenda wa RSSB utazwi neza avuga ko kuva Shema Ngoga Fabrice atangiye kuyobora AS Kigali nta narimwe yigeze yishyura ubwitegenyirize bw’abakozi.
‎
‎Ati" Umwenda wa RSSB utazwi neza kuko ubu dufite gusa uwo kugeza muri 2020 murasanga kumugereka w’iyi baruwa, kuva Bwana Shema Ngoga Fabrice yayobora AS Kigali nta narimwe yigeze yishyura ubwitegenyirize bw’abakozi."
‎
‎Muri iyi baruwa Dr Rubagumya yakomeje avuga ko banafite umwenda w’Ikigo cy’Igihugu cy’Imisoro n’Amahoro nawo utazwi neza kuko nta kumenyekanisha byabayeho kuva 2018 kugeza 2025, anavuga ko ibi bibazo byose aribyo byatumye hafatwa icyemezo cyo gusubika inama hakabanza hagakorwa ubugenzuzi bwimbitse ku bibazo bihari kugira ngo amatora azabe byarasobanutse maze habeho ihererekanya bubasha risobanutse.
‎
‎Dr Rubagumya kandi yakomeje yikoma komite ya Shema Fabrice ko itutuje inshingano zayo "Muyobozi, mu gihe Bwana Shema Ngoga Fabrice yayoboraga ikipe inama z’inteko rusange, Komite Nyobozi, Komite Ngenzuzi ndetse na Nkemurampaka ntizabaye uko bikwiriye kanei ibi byagize ingaruka zikomeye ku miyoborere y’ikipe."
‎
‎Dr Rubagumya yasoje asaba RGB kuza kubafasha gukemura ibibazo biri muri iyi kipe y’Umujyi wa Kigali, ikanatanga umucyo kuri komite nyobozi AS Kigali, kuko ubu iyi kipe ifite komite nyobozi ebyiri.

Ni umukino watangiye saa kumi n’ebyiri z’umugoroba, APR FC ifite amashagaga ariko ukabona ko na Marine FC itatinye nk’aho ku munota wa kane Sultan Bobo Sibomana w’iyi kipe y’i Rubavu yarekuye ishoti riremereye, umunyezamu Ishimwe Pierre wa APR FC akarishyira muri koroneri itagize icyo itanga. Umukino wakomeje APR FC yiharira ibijyanye no guhererekanya umupira ariko Marine FC ikanyuzamo ikataka APR FC.
‎
‎Ku munota wa 29, ikipe ya Marine FC yabonye penaliti nyuma y’ikosa ryakozwe na Nshimiyimana Yunusu aguha umukinnyi mu rubuga rw’amahina ariko Mbonyumwami Thaiba ayiteye ikurwamo n’umunyezamu Ishimwe Jean Pierre wa APR FC. Ikipe y’Ingabo zirwanira mu mazi Marine FC wabonaga isaha n’isaha ishobora kubona igitego bitewe n’uko abakinnyi bayo bitwaraga.
‎

‎Bidatinze mu minota itatu yongerewe ku gice cya mbere, Mbonyumwami Thaiba yayitsindiye igitego cyabonetse nyuma y’umupira yafashe ari inyuma y’urubuga rw’ amahina atera ishoti umupira uhita ujya mu izamu rya IshimwePierre, igice cya mbere kirangira ikipe y’umutoza Rwasamanzi Yves iyoboye n’igitego 1-0.
‎

‎Igice cya kabiri cy’umukino cyatangiye ubona ikipe y’Ingabo z’Igihugu yatangiye gushaka uko yabona igitego, ariko Marine FC iyibera ibamba nayo iyisatira. Nyuma y’uko Marine FC yari imaze gukuramo abakinnyi bitwaraga neza nka Sultan Bobo Sibomana hagati, na Mukire Confiance mu bwugarizi, ku munota wa 71 ikipe ya APR FC yabonye igitego cya mbere, nyuma y’impinduka umutoza nawe yari yakoze akiniizamo Cheick Ouattara, Iraguha Hadji ndetse na Denis Omedi, wanatsinze iki gitego ku mupira mwiza yahawe na Cheick Djibril Ouattara.
‎

‎Ku munota wa 84, ikipe ya APR FC yongeye guhusha ubundi buryo bukomeye, ku mupira mwiza watanzwe na Djibril Ouattara ahereza Ruboneka Jean Bosco ateye ishoti rikomeye umupira ukurwamo n’umuzamu was Marine FC. Mu minota itanu y’inyongera, APR FC yabonye igitego cya kabiri, cyabonetse nyuma y’umupira mwiza wazamuwe na Iraguha Hadji ariko myugariro Ngoy Alvin Ilunga wa Marine FC agahita yitsinda .Umukino warangiye ikipe ya APR FC itsinze ibitego 2-1, bituma APR FC igera ku mwanya kane n’amanota 14.
‎

‎Uyu mukino ntabwo wakiniwe igihe kuko igihe wagombaga gukinirwa APR FC yari iri mu mikino ya CECAFA Kagame Cup 2025 muri Tanzania.

‎

Iyi shampiyona igizwe n’amakipe 16 bivuze ko hakinwa imikino umunani, aho iy’umunsi yatangiye kuwa Gatanu tariki 21 Ugushyingo 2025 Gasogi United yakira Kiyovu Sports, igasaozwa hinjiye ibitego 22 muri iyi mikino yose, byatumye biba ubwa mbere kuva shampiyona 2025-2026 itangiye habonetse ibitego byinshi. Ibi bitego byose kandi byatsizwe n’abakinnyi 22 batandukanye, bivuze ko nta mukinnyi watsinze ibitego birenze kimwe. Muri ibi bitego byose abakinnyi barimo Murangamirwa Serge wa Musanze FC na Mumbele Jeremie wa Rutsiro FC bitsinze ibitego.
‎
‎Amakipe 4 niyo yakiriye imikino abona amanota atatu imbumbe, Musanze FC, Police FC, Gasogi United na Marine FC mu gihe Amagaju FC yo yanganyirije mu rugo, naho andi makipe 3 arimo Rayon Sports, Mukura Victory Sports na Bugesera FC arahatsindirwa.
‎
‎Amakipe yari mu rugo(Yakiriye) yatsinze ibitego 11, bingana neza neza n’ibyo amakipe yasuye yatsinze nabyo 11. Muri iyi mikino yose yakinwe, mu gice cya mbere hinjiye ibitego 15, naho mu gice cya kabiri hinjira ibitego 7.
‎
‎Muri iyi mikino yose yakinwe abakinnyi b’Abanyamahanga bakina muri shampiyona binjije ibitego 11 naho bingana n’ubundi n’ibyatsinzwe n’Abanyarwanda 11. Umukino Amagaju FC yanganyijemo na Etincelles FC 0-0 niwo wonyine warangiye amakipe agabanye amanota.
‎
‎Kugeza ubu Police FC niyo iyoboye urutonde rwa shampiyona n’amanota 20/24, ikaba ari nayo rukumbi itari yatsindwa umukino n’umwe mu mikino yose imaze gukina. APR FC yatsinzwe umukino wa mbere, Rutsiro FC yatsinze umukino wayo wa mbere kuva shampiyona itangiye.
‎
‎Umukino wahuje Musanze FC na APR FC ndetse n’uwa huje Bugesera FC na Rutsiro FC niyo yabonetsemo ibitego byinshi bitantu kuri buri umwe, kuko amakipe yatsindanye 3-2.
‎
‎Musanze FC niyo imaze gutsinda ibitego byinshi Kugeza ubu 11, Police FC na Gasogi United zimaze gutsinda 10, Rayon Sports, APR FC, Gicumbi FC na Rutsiro FC zimaze gutsinda 9. Rutsiro FC niyo imaze gutsindwa ibitego byinshi 14, Gicumbi FC 10 naho Rayon Sports na As Kigali zitsindwa 9.
‎
‎Kuva ku munsi wa mbere wa Rwanda Premier League, umunsi wa munani niwo ubonetseho ibitego byinshi (22) aho umunsi wa Mbere hinjiye 12 (ikirarane), umunsi wa Kabiri hinjiye 15, umunsi wa Gatatu hinjiye 13 (ikirarane), umunsi wa Kane hinjira 9, umunsi wa Gatanu hinjira ibitego 12, umunsi wa Gatandatu hinjiye ibitego 16, naho umunsi wa Karindwi hinjira ibitego 13.

Kuri uyu wa Gatandatu tariki ya 22 Ugushyingo 2025 nibwo FERWAFA ibinyujije ku mbuga nkoranyambaga yatangaje Mugabe Bonnie nk’Umunyamabanga Mukuru mushya asimbuye Mugisha Richard wari uw’agateganyo. Aho Ishyirahamwe ry’umupira w’amaguru mu Rwanda rwatangaje ko izi nshingano azazitangira tariki ya 1 Ukuboza 2025.
‎
‎FERWAFA yagize ati "Komite Nyobozi ya FERWAFA iramenyesha Abanyarwanda bose n’abakunzi b’umupira w’amaguru by’umwihariko ko, Bwana Bonnie Mugabe yagizwe Umunyamabanga Mukuru wa FERWAFA guhera ku wa 01 Ukuboza 2025."
‎
‎Bakomeje bagira bati "Bwana MUGABE afite uburambe n’ubuhanga mu miyoborere n’imicungire y’umupira w’amaguru kuva yatangira mu itangazamakuru rya siporo, mu nshingano zitandukanye muri FERWAFA, ndetse no mu bunarariboneye akuye mu Mpuzamashyirahamwe y’Umupira w’Amaguru ku Isi (FIFA). Ubumenyi azanye bukaba buzafasha mu kunoza imikorere ya FERWAFA."
‎
‎Mugabe Bonnie asanzwe afite ubunararibonye mu mupira w’amaguru dore ko kuva mu 2018 kugeza muri 2020 yari ashinzwe amarushanwa mu Ishyirahamwe ry’Umupira w’Amaguru mu Rwanda aho yavuye kuri uwo mwanya yerekeza muri FIFA.
‎
‎Ubwo yari akiri mu mwuga w’Itangazamakuru, Bonnie yakoreye ikinyamakuru cya New Times Rwanda na KT Press imyaka myinshi mbere y’uko ajya muri FERWAFA. Mu bihe bitandukanye yagiye ahabwa inshingano zinyuranye zirimo kuba Umuvugizi wa FERWAFA, abifatanya no kuba ushinzwe Itangazamakuru muri CECAFA na CAF.
‎
‎Mugabe Bonnie yasoje amasomo ajyanye n’Imiyoborere n’Imicungire y’Umupira w’Amaguru yakurikiraniye muri Kaminuza ya Leicester mu Bwongereza. Ni amasomo atangwa ku bufatanye bw’ikigo cya CIES n’Ishyirahamwe ry’Umupira w’Amaguru ku Isi (FIFA).
‎
‎Ahawe izi nshingano asimbura Mugisha Richard usanzwe ari Visi Perezida wa Kabiri Ushinzwe Tekinike muri komite ya FERWAFA wazikoraga by’agateganyo kuva batowe mu kwezi kwa 8 muri uyu mwaka mu gihe nawe yari yasimbuye Kalisa Adolphe ’Camarade’.
‎

‎

Umukino ufungura amatsinda ya CAF Champions League 2025-26 utari woroshye wabaye kuri uyu wa Gatanu tariki 21 Ugushyingo 2025, ariko Al Hilal Omdurman yari mu rugo itangira yerekana ibimenyetso byo kwitwara neza imbere ya MC Alger.
‎
‎Ikipe zombi zatangiye zicungana ubona gutera mu izamu bikomeza kuba ikibazo, ubona nta kipe irimo kurusha indi cyane ariko wabonaga ikipe ya Al Hilal itozwa na Laurent Aurelian irimo kugerageza gushaka igitego kurusha MC Alger.
‎

‎Ku munota wa 34, Ikipe ya Al Hilal Omdurman yabonye kufura ku ikosa ryakorewe rutahizamu Adam Coulibali wari uzamukanye umupira gusa uyu mupira w’umuterekano ntiwagira ikintu gikomeye utanga.
‎
‎Igice cya mbere kigana ku musozi mu minota ine y’inyongera ikipe ya Al Hilal Omdurman yabonye igitego cya mbere ku munota wa kabiri w’inyongera, aho cyabonetse nyuma y’umupira wazamukanwe na Girumugisha Jean Claude akawuhindura neza maze ugasanga Abdelrazig Taha Yagoub Omer ahagaze neza, nawe ahita awushyira mu izamu atsinda igitego cyanasoje igice cya mbere ari 1-0.
‎

‎Igice cya kabiri cyatangiranye imbaraga ku makipe yombi wabonaga atangiye asatirana cyane umupira uva ku izamu rimwe ujya ku rindi, ku munota wa 53 nyuma yo gukomeza gukora amakosa y’imihagararire mu kibuga byarangiye MC Alger itsinze igitego ku mupira watewe na Oussama Benhaoua maze Musatafa Mohammed wa Al Hilal akawuhindurira icyerekezo awuganisha mu izamu rye.
‎

‎Ku munota wa 75, ikipe ya Al Hilal Omdurman yatsinze igitego cya kabiri gitsinzwe na Mohamed Yakub Abderhman Yousif. Ni umupira mwiza wari uzamukanwe na Ahmed Salem M’Bareck aba ari nawe utanga uyu mupira wavuyemo igitego. Aba bakinnyi bagize uruhare mu gitego cya Al Hilal Cya kabiri nta munota bari bamaze binjiye mu kibuga.
‎

‎Ku munota wa 87, Al Hilal yabonye ikarita y’umutuku nyuma y’ikosa rikomeye ryakozwe na Salah Eldin Ahmed Al Hassan wahawe ikaritra ya kabiri y’umuhondo ahita akurwa mu kibuga.
‎
‎Ni iminota yari irimo amahane menshi kuko abatoza, abakinnyi barwanye muri uyu mukino nyuma y’iyo karita yabonetse.
‎

‎Uyu mukino wasojwe n’imvururu zikomeye, aho abakinnyi ba MC Alger bagowe no kwakira gutsindwa uyu mukino maze bararwana Polisi y’Igihugu yinjira mu kibuga ijya guhosha izo mvururu.
‎
‎Umukino wa kabiri Al Hilal izasura Saint Eloi Lupopo yo muri RDC ku wa Gatanu, tariki ya 28 Ugushyingo 2025, mu gihe MC Alger izakira Mamelodi Sundowns yo muri Afurika y’Epfo.
‎

Igitego cya Elie Meschack ku munota wa 32 cyishyuraga icya Frank Onyeka wari watsindiye Nigeria ku munota wa gatatu ‎muri uyu mukino wa nyuma wa kamarampaka yo ku Mugabane wa Afurika wabaye mu ijoro ryo ku Cyumweru, tariki ya 16 Ugushyingo 2025 muri Maroc, nicyo cyahaye DRC gukomeza kwizera ko yasubira mu gikombe cy’Isi, nyuma n’ubundi yo gutsindira Cameroun muri 1/2 cy’irangiza.
‎
‎DR Congo yisanze muri kamarampaka za Afurika, nyuma yo gusoza ari iya Kabiri mu itsinda rya kabiri n’amanota 22 inahakura itike yo gukina kamparamaka mpuzamigabane, ari nayo izatanga amakipe abiri azakina igikombe cy’Isi cya 2026.
‎
‎DRC izahagararira Afurika muri iyi mikino yabaye ikipe ya gatatu ibonye itike y’imikino ya kamparamaka mpuzamigabane nyuma ya Bolivia ihagarariye Amerika y’Epfo na New Caledonia ihagarariye Oceania , mu gihe hasigaye imyanya itatu mu makipe atandatu azakina iyi mikino mu kwezi kwa Werurwe 2026, aho nk’izahagararira Asia imenyekana kuri uyu wa Kabiri hagati ya Leta Zunze Ubumwe z’Abarabu na Iraq bari guhatanira guhagararira uyu mugabane. Kuri aya makipe kandi haziyongeraho abiri azahagararira Amerika y’Amajyarugu nayo azamenyekana mbere y’uko tombola iba kuri uyu wa Kane.
‎
‎Aya makipe atandatu ahagarariye imigabane itanu yose, ane muri yo ahagaze nabi ku rutonde ngarukakwezi rwa FIFA, muri Werurwe 2026 hakinwa iyi mikino azahita ahura akine 1/2 mu gihe abiri azaba ahagaze neza kuri uru rutonde ruzakurikizwa biteganyijwe ko ruzasohoka tariki 19 Ugushyingo 2025, yo azategereza azava muri aya ahagaze nabi bagakina imikino ya nyuma izavamo amakipe abiri azabona itike yo gukina Igikombe cy’Isi 2026.
‎
‎DR Congo kugira ngo yerekeze mu mikino ya nyuma y’Igikombe cy’Isi 2026, irasabwa gutsinda imikino ibiri gusa, mu gihe yaba itari mu makipe abiri meza ku rutonde mu gihe ariko urutonde rusohotse iri mu makipe abiri meza muri aya atandatu yakina umukino umwe wa nyuma, yawutsinda ikaba mu makipe abiri azakina Igikombe cy’Isi kizabera muri Leta Zunze Ubumwe za Amerika, Canada na Mexico hagati ya tariki ya 11 Kamena na 19 Nyakanga 2026.

Tombola izagaragaza uko amakipe azahura muri iyi mikino ya kamarampa mpuzamigabane, iteganyijwe kuba tariki 20 Ugushyingo 2025 mu mikino izakinirwa muri Mexico.

Iri irushanwa ryateguwe na Silverback Sports ku bufatanye n’Ishyirahamwe ry’Umukino w’ Iteramakofi mu Rwanda (RBF), ni ijoro ry’imirwano ryitezwe na benshi, ahateganyijwe ko hazabamo imikino 11 irimo itandatu y’ababigize umwuga n’itanu y’abakinnyi batabigize umwuga, izahuza abakinnyi baturuka mu Rwanda, Nigeria, Tanzania, Gabon, Kenya na RDC, bakina bigendanye n’ibiro byabo, aho imwe mu mikino yo kwitega harimo uwa Jerry (RDC) acakirana na Ally (Tanzania), Hans (Gabon) avakirana na Joseph (Tanzania), ndetse na Frank (Rwanda) na Nelson (Gabon).
‎
‎Perezida w’ishyirahamwe ry’umukino w’ iteramakofi mu Rwanda Yannick Noah yatangaje ko imikino ya Kigali Fight Night izajya iba buri mezi atatu kandi intego ari ukuzamura impano z’abaknnyi b’Abanyafurika.

Ati" Nibyo Koko Kigali Fight Night izajya iba buri mezi atatu, ntabwo izaba ngo ihite igenda burundu ahubwo izajya igaruka.Intego nyamukuru ni gufasha abakinnyi bo muri Afurika y’ Iburasirazuba kuzamura urwego rwabo."
‎
‎Yakomeje asaba Abanyarwanda kuzitabira iyi Kigali Fight Night izatangira saa kumi n’ebyiri z’umugoroba kuko bazaboneramo byinshi.

Ati "Turasaba Abanyarwanda bose nk’uko basazwe babikora bashyigikaira abakinnyi ba Basketball, Volleyball, Football n’abandi ko bakwiye kuza gushyigikira abana babo mu mukino w’iteramakofi, kuko bazaryoherwa."

‎Muri iyi mikino hazakinwa icyiciro cy’abagabo n’abagore, u Rwanda rukazahagararirwa n’umukunnyi umwe, kubera ko ariwe ufite amanota yo kwitabira iri rushanwa.

‎Silverback Sports isanzwe itegura ibikorwa bya siporo byo ku rwego rwo hejuru, mu gihe Rwanda Boxing Federation ikomeza guteza imbere uyu mukino w’iteramakofe mu gihugu no gukoresha amarushanwa yisumbuye, yerekana u Rwanda nk’igicumbi cya siporo.

Iki cyemezo cya Komisiyo Ishinzwe Imisifurire kuri uyu mukino w’umunsi wari uw’umunsi wa gatandatu wa shampoyona y’icyiciro cya mbere, wabaye Ku wa Gatandatu tariki ya 1 Ugushyingo 2025, kuri Sitade Umuganda cyavuye mu nama yabaye ku wa Kabiri w’iki cyumweru ireba uko abasifuzi bitwaye.
‎
‎Karangwa Justin wari umusifuzi wa mbere w’igitambaro yakoze ikosa ryo kwanga igitego cya APR FC, cyatsinzwe na William Togui ku mupira wari uhinduwe na Hakim Kiwanuka maze yemeza ko habayemo kurarira.
‎
‎Uyu musifuzi aje asanga abandi basifuzi bagiye bahagarikwa mu minsi ishize bitewe n’amakosa bagiye bakora, harimo Ishimwe Jean Claude ’Cucuri’, Kwizera Olivier n’abandi.
‎
‎Imisifurire ikomeje guteza urunu runtu muri Rwanda Premier League, gusa inzego zirimo ubuyobozi bwa komisiyo y’imisifurire ndetse na FERWAFA bukaba buvuga ko bukomeje gufata ingamba zirimo gukaza imyitozo no kuba hari no gutekereza uburyo mu bihe bya vuba hakwifashishwa ikoranabuhanga rya VAR.
‎
Ibaruwa yandikiwe Karangwa Justin

Kigaliku wa 05 Ugushyingo 2025

Ref:1004/FERWAFA/2025

Bwana KARANGWA JUSTIN

jukarangwa@gmail.com

IMPAMVU: GUHAGARIKWA IGIHE CY’IBYUMWERU BINE.

Bwana KARANGWA JUSTIN,

Mpereye k’umukino wasifuye mu cyiciro cya mbere mu bagabo (Rwanda Premier League) wahuje RUTSIRO FC vs APR FC ku wa 01/11/2025 kuri Stade ya Rubavu, aho k’umunota wa 77 wasifuye ko umukinnyi wa APR FC yaraririye (offside) kandi nta kurarira kwari kurimo, mubuza ikipe ya APR FC gutsinda igitego.

Hagendewe kubyemezo bya komisiyo y’imisifurire yateranye ku wa 04/11/2025.

Tukwandikiye tukumenyesha ko ubaye uhagaritswe igihe cy’ingana n’ibyumweru bine(4), nkuko itegeko rigenga imisifurire "règlement d’arbitrage" ribiteganya.

Ukaba kandi ushishikarizwa gukomeza gukora imyitozo kugira ngo uzagaruke ufite umusaruro mwiza cyane.

Mugiro amahoro.

FEDERATION RWANDAIS FERWAPA

Richard MUGISHA

Umunyamabanga Mukuru w’agateganyo

‎Mu Karere ka Rubavu niho benshi bari bahanze amaso nyuma y’uko APR FC yari yanganyirije na Rutsiro FC kuri Stade Umuganda, iyari itahiwe yari Rayon Sports, mbere y’uko hakinwa umukino wa Derby y’imisozi 1000. Muri uyu mukino, Marine FC yatangiye yiharira umupira ari na ko isatira binyuze ku bakinnyi bayo barimo Sultan Bobo na Ishimwe Kevin ariko umunyezamu Pavelh Ndzira agatabara ikipe ya Rayon Sports.
‎
‎Ku munota wa 12 iyi kipe y’ingabo zirwanira mu mazi itozwa na Yves Rwasamanzi yakoze impinduka mu kibuga nyuma y’uko Niyonkuru Hashim yagize ikibazo agasimburwa na Usabimana Olivier. Rayon Sports nayo yanyuzagamo igashaka uko yagera imbere y’izamu binyuze ku bakinnyi bayo basatira barimo Tambwe, Aziz Bassane n’abandi gusa kubona aho yamenera bikaba ikibazo, igice cya mbere cyarangiye ari 0-0.
‎
‎Mu gice cya kabiri, amakipe yombi yaje gukora impinduka zitandukanye mu kibuga, byatumye Rayon Sports itangira gucurika ikibuga, maze ku munota wa 81 ibona igitego cya Aziz Bassane ahawe umupira na Tambwe Gloire. Umukino warangiye ikipe yambara umweru n’ubururu itahanye amanota atatu itsinze Marine FC 1-0 ikomeza kuba ku mwanya wa kabiri n’amanota 13 aho irushwa amanota atatu na Police FC ya mbere ifite 16.
‎
‎Kiyovu Sports yihanije AS Kigali ku bitego 3-0 ikomeza gutanga ikizere ku hazaza hayo. N’umukino ikipe yambara icyatsi n’umweru yakoze impanduka ku bakinnyi babanza mu kibuga, kuko ntibari bafite Mbonyingabo Régis na Amsi Cédric.
‎

‎AS Kigali yinjiye mu mukino itameze neza kubera ibibazo bitandukanye by’inyuma y’ikibuga no mu kibuga, kuko mu mikino itanu, iyi kipe itozwa na Mbarushimana Shaban yari ifite amanota 4 kuri 15. Ku munota wa 21 Kiyovu Sport yafunguye amazamu ku gitego cya Moise Sandja, Niyo David yatsinze icya kabiri ku munota wa 66, icya nyuma kinjira ku munota wa 70 w’ umukino gitsizwe na Uwineza Rene, bituma Kiyovu Sports yuzuza imikino itanu itinjizwa igitego. Undi mukino wakinwe n’ikipe ya Gicumbi FC yanganyije na Etincelles 1-1.
‎

‎Nyuma y’umunsi wa Gatandatu wa shampiyona Police FC iracyayoboye urutonde rwa Shampiyona n’amanota 16 mu mikino itandatu, Rayon sports ni iya kabiri n’amanota 13 irarushwa amanota atatu na Police FC ya mbere, ebyiri za nyuma ni AS Kigali ifite amanota 4, Rutsiro FC ya nyuma ifite amanota abiri.
‎
‎Ku munsi wa Gatandatu wa shampiyona hatsinzwe ibitego 16, amakipe abiri niyo yakiriye imikino abona amanota atatu imbumbe, amakipe atatu yakiriye imikino yaranganyije, naho andi makipe atatu yakiriye aratsindwa. Mu mikino yose uko ari umunani yabonetsemo igitego, mu gice cya mbere mu mikino yose hinjiye ibitego 8, bingana neza n’ibyinjiye mu gice cya Kabiri.

Abantu benshi batangiye kwibaza ikigiye gukurikiraho nyuma y’uko aya makipe aje gukina muri Rwanda Premier League uyu mwaka, bamwe bati: " Hagendewe ku rihe tegeko ngo amakipe yo mu gihugu kimwe yemererwe gukina muri shampiyona y’ikindi gihugu? Ese aya makipe amanota yayo arabarwa? Ko aje muri shampiyona igeze hagati ubwo bizagenda bite? Ese imwe muri aya makipe iramutse atwaye igikombe yagihabwa? Yasohokera u Rwanda cyangwa Sudani?"
‎
‎Muri iyi nkuru tugiye kurebera hamwe ibisubizo by’ibi bibazo benshi bakomeje kwibaza kuri aya makipe yo muri Sudani yasabye gukina muri shampiyona y’icyiciro cya mbere mu Rwanda.

‎Hagendewe ku rihe tegeko ngo amakipe yo mu gihugu kimwe yemererwe gukina muri shampiyona y’ikindi gihugu?

‎Ibi bigenwa n’Ingingo ya 73 y’amategeko ya FIFA rigaruka ku makipe ari mu mashyirahamwe atandukanye, ndetse n’amabwiriza ya CAF.
‎Iri tegeko rivuga ko ikipe yo mu gihugu kimwe ishobora gukina muri shampiyona y’ikindi gihugu ari uko ishyirahamwe ry’umupira w’amaguru ry’icyo gihugu n’iry’aho igiye gukinira babyumvikanye kandi bagasaba uburenganzira FIFA, mu bihe bidasazwe. Iyi kipe kandi iba igomba gukurikiza amategeko asanzwe agenderwaho mu mupira w’amaguru w’aho igiye gukina.
‎
‎Aha ikipe igomba kubanza gusaba uruhushya rwo gukina mu kindi gihugu binyuze mu ishyirahamwe ry’umupira w’amaguru riri mu gihugu cyayo, ubwo twavuga ishyirahamwe ryo muri Sudani ndetse n’ ishyirahamwe ry’igihugu igiyemo ikaba FERWAFA mu Rwanda, bamara kumvikana bakabisaba CAF ndetse na FIFA, maze agatangira gukina.

‎Ese aya makipe amanota yayo arabarwa?
‎
‎Yego, amanota y’aya makipe azabarwa bigendeye uko azitwara, kuko igihe ikipe yanditswe ku mugaragaro ngo ikine muri iyo shampiyona, amanota yayo abarwa nk’ay’andi makipe yose. Nubwo bimeze gutya ariko iyo ubwitabire ari ubw’agateganyo cyangwa ubutumire, abategura shampiyona bashobora gutegeka ko iyo mikino amanota atabarwa, ahubwo iyo mikino ikaba iy’igerageza cyangwa iya gicuti. Ibyo biterwa n’amasezerano y’amashyirahamwe yombi ndetse n’amategeko y’irushanwa.
‎
‎‎Ko aje muri shampiyona igeze hagati ubwo bizagenda gute?
‎
‎‎Amategeko ya FIFA n’aya FERWAFA avuga ko, shampiyona ishobora guhindurwa ingengabihe kugira ngo ayo makipe yinjire mu buryo bwemewe, gusa FERWAFA mu itangazo yasohoye yavuze ko hazatangazwa ingengabihe nshya ivuguruye, bivuze ko hazaba impinduka mu mikino kugira ngo aya makipe yinjire mu buryo butanyuranyije n’amategeko. Ibi bizaba bivuze ko azatangirana ibirarane by’imikino itanu imaze gukinwa igihe yahita akina ku munsi wa gatandatu.

‎FERWAFA iti" Kugeza ubu, inzego zose bireba zirimo gusaba icyemezo cya CAF, kandi amakuru arambuye ajyanye n’ingengabihe nshya ya shampiyona, uko imikino izagenda n’amabwiriza areba ayo makipe azatangazwa mu gihe cya vuba n’ubuyobozi bwa Rwanda Premier League."
‎
‎‎Ese imwe muri aya makipe iramutse itwaye igikombe yagihabwa? Yasohokera u Rwanda cyangwa Sudani?"

‎Iyo ikipe yanditswe nk’umutumirwa cyangwa ifite uruhushya rw’agateganyo, ntiyemererwa guhabwa igikombe cyemewe ku rwego rw’igihugu, kandi ntishobora no guhagararira igihugu mu mikino ya CAF.
‎
‎Muri icyo gihe, ikipe yo mu Rwanda izaza ku mwanya wa hafi niyo izahabwa igikombe cya shampiyona ndetse ikazanahagararira igihugu muri CAF Champions League. Umwaka ushize ikipe ya Al Hilal na Al-Merrikh zakinaga shampiyona y’igihugu cya Mauritania, maze Al Hilal iba iya mbere n’ amanota 67, ariko igikombe gihabwa FC Nouadhibou yari yabaye iya kabiri n’amanota 61, inahagararira Mauritania mu mikino ya CAF, naho Al Hilal yo ihabwa umudari w’ishimwe.
‎
‎Kugira ngo imwe muri aya makipe ihabwe igikombe byasaba ko, yemerwa ku mugaragaro nk’umunyamuryango wuzuye muri iyo shampiyona (byemejwe na FIFA na CAF), icyo gihe ishobora guhabwa igikombe mu gihugu yakiniyemo.

‎

Ni umwaka watangijwe ku mugaragaro ku wa 20 Ukwakira 2025, maze Minisitiri w’Uburezi, Nsengimana Joseph, yibutsa abanyeshuri ko ushobora kwiga kandi ukanakina byose bikagenda neza anavuga ko iyi mikino y’amashuri yashyizwemo imbaraga kugira ngo impano z’abakiri bato zireke gupfukiranwa.
‎
‎Ati" Impamvu Minisiteri y’ Uburezi n’iya Siporo zahuriye aha ni ukugira ngo tubibutse y’uko ibyo bintu bibiri ari bimwe. Ushobora kwiga ukanakora siporo, ahubwo ni ngombwa ko ubikora byombi.
‎Uyu mwaka Minisiteri zombi twaraganiriye ndetse na na Federasiyo tubona ko ari ngombwa kuza gufungura iyi mikino twese turi hamwe kugira ngo mwebwe abanyeshuri dukorera mubone ko tubitayeho kandi twiteguye kubaba hafi."
‎
‎Umunyamabanga wa Leta muri Minisiteri ya Siporo Rwego Ngarambe, yavuze ko biteguye gushyiramo imbaraga mu buryo bwose kugira ngo impano ziri mu bato zirerwe neza.

Ati " Twabiteguye neza, kuko turi muri gahunda yo kongera umubare w’abarimu ba siporo mu mashuri dufatanyije na Minisiteri y’Uburezi, ndetse n’ubufasha mu bya tekinike aya ma mashyirahamwe y’imikino atanga, haba mu mwiherero no gukomeza gutoza abo barimu ba siporo."
‎
‎Niyonzima Haruna wabaye Kapiteni w’Ikipe y’Igihugu Amavubi, nk’umwe mu bagize umuryango w’abakiniye Ikipe y’ igihugu, ndetse wanazamukiye muri iyi mikino y’amashuri yasabye ababishinzwe kubishyiramo ababizi kandi babishoboye kugira ngo bizatange umusaruro.
‎
‎Ati" Ndashimira abayobozi bashyize imbaraga muri iyi mikino, kuko natwe aho twageze ni uko twazamukiye aha (Mu mashuri) kugira ngo bigerweho rero mbona bakwiye kuzamura urwego rw’ibikorwa remezo, ndetse bagashaka n’abantu babizi kugirango izo mpano zizamuke neza."
‎
‎Bamwe mu banyeshuri bavuga ko kubona Minisitiri bivuze ko imikino yo mu mashuri ifite agaciro nk’uko Manzi Brain ukina basketball abivuga.

Ati" Biranshimishije cyane kubona Minisitiri w’Uburezi na Minisitiri wa Siporo bitabiriye itangizwa ry’umwaka w’imikino mu mashuri. Ibi bitwereka ko siporo mu mashuri ifite agaciro gakomeye mu gihugu. Nk’ukina Basketball, ndifuza kuzitwara neza muri uyu mwaka kugira ngo nshimangire impano.”
‎
‎Gatesi Uwase Neema we yagize ati ‎“Kuba umwaka w’imikino watangijwe ku mugaragaro n’abayobozi bakuru bitwereka ko igihugu gishyigikiye abana b’abakobwa mu mikino nk’uko gishyigikira abahungu. Nka njye nkina umupira w’amaguru, ndumva nshishikajwe no gukomeza imyitozo no guhesha ishema ishuri ryanjye."
‎
‎
‎Iyi mikino izakinwa mu byiciro bitandukanye mu bahungu n’abakobwa, aho izatangirira ku rwego rw’umurenge kugeza ku rwego rw’Igihugu mu gihe amashuri azitwara neza azahagararira igihugu mu mikino ya FEASSA.

Muri iyi mikino hazakinwa umupira w’amaguru, volleyball, basketball, handball, imikino ngororamubiri, koga, karate, judo, Taekwondo, sitting volleyball, table tennis , rugby, beach volleyball na basketball ya batatu bikaba biteganyijwe ko izasoza muri Gicurasi 2026.

‎

Ni umukino watangiranye imbaraga nyinshi ku mpande zombi, amakipe yigana akagenda anyuzamo agasatirana bya hato nahato, iminota 15 ya mbere irangira ntakintu kidasazwe kibayemo. ‎Ikipe ya APR FC yakomeje isatira ari nabyo byatumye ibona koroneri yatewe neza na Ruboneka Jean Bosco, maze Sebwato Nicolas umupira uramucika usanga Ronald Ssekiganda ahagaze neza mu rubuga rw’amahina atsinda igitego cya APR FC ku munota wa 18.

Nyuma yo gutsinda, iyi Kipe y’Ingabo yasubiye inyuma mu mikinire, bituma iyi kipe y’i Huye yiharira umupira cyane cyane mu kibuga hagati binyuze kuri Nisingizwe Christian na Joseph Sackey. Uretse abakinnyi bo hagati mu kibuga ba Mukura Victory Sports bari bagoye APR FC mu gice cya mbere cy’umukino, haniyongeraho na Hakizimana Zubeli na Iradukunda Elie Tatou banyuraga ku mpande imbere, ariko iminota 45 irangira APR FC iyoboranye igitego 1-0.
‎

‎Mu gice cya kabiri Mukura VS yakomeje gusatira cyane ari nako ba myugariro ba APR FC batangiye gukora amakosa menshi mu kibuga. ‎Ku munota wa 54 Memel Dao yasimbuwe na Ngabonziza Pacifique nyuma yo gukinirwa nabi na Nisingizwe Christian. Ku munota wa 55 ikipe ya Mukura VS yahushije igitego cyabazwe ku mupira mwiza wahinduwe na Boateng Mensah maze Hakizimana Zubel agiye gukozaho ukuguru ntibyamukundira.
‎

‎Ikipe ya Mukura VS yakomeje gushaka igitego cyo kwishyura kugeza naho Boateng Mensah yatsinze igitego ariko umusifuzi wa mbere w’igitambaro Mugabo Eric avuga ko habayemo kurarira, umukino ukarangira APR FC itsinze 1-0, yujuje amanota atandatu kuri atandatu imaze gukinira mu mikino ibiri.

Mu wundi mukino wakiniwe kuri Kigali Pele Stadium, saa cyenda zuzuye, Police FC bigoranye yahatsindiye Amagaju FC igitego 1-0 cyatsinzwe na Ndayishimiye Dieudonne Nzotamga ahawe umupira na Ani Elijah ku munota wa 75. Uyu mukino watumye Police FC ikomeza kuyobora shampiyona kuko imikino ine imaze gukina yose yayitsinze aho ifite amanota 12 yose yakiniye.

Uyu munya-Algeria w’ imyaka 57 yatangajwe nk’umutoza mukuru w’ ikipe y’ igihugu Amavubi, tariki ya 2 Werurwe 2025, asimbuye Umudage Torsten Frank Spitler, wari usoje amasezerano y’umwaka.
‎
‎Amrouche umenyereye umupira w’Akarere ka Afurika y’ Iburasirazuba, kuko yatoje amakipe atandukanye arimo u Burundi, Kenya na Tanzania yaje mu Rwanda yitezweho byinshi, cyane cyane mu mikino yo gushaka itike y’ igikombe cy’Isi 2026, kuko yasanze u Rwanda ruyoboye itsinda rya gatatu mu mikino rwari rumaze gutozwamo n’uwo yari asimbuye wagiye bitavugwaho rumwe na bamwe babonaga akwiriye kuhaguma kubera ibyo yari amaze gukora.
‎
‎Kuva ageze mu ikipe y’ igihugu, Adel Amrouche amaze gutoza imikino itandatu y’amarushanwa, aho yatsinzwemo ine, atsinda umwe anganya undi. Muri iyi mikino, yatsinzwe na Nigeria 2-0, anganya na Lesotho 1-1, atsindwa na Nigeria 1-0, atsinda Zimbabwe 1-0, atsindwa na Benin 1-0 i Kigali, ndetse asoza atsindwa na Afurika y’Epfo 3-0, aho yose yari imikino yo gushaka itike y’ igikombe cy’ Isi 2026.
‎
‎Adel kandi yakinnye imikino ibiri ya gicuti n’ikipe y’ Igihugu ya Algeria ya mbere, imutsinda ibitego 2-0, yongera gutsindwa nk’ibyo na Algeria ya CHAN nyuma y’ iminsi ine.
‎
‎Mu mikino yose hamwe umunani ikipe ya Adel Amrouche yinjijemo ibitego bibiri gusa naho atsindwamo 12 aho muri itandatu yo gushaka itike y’ igikombe cy’ Isi 2026, yatsinzemo ibitego bibiri, atsindwa umunani, bivuze ko ku manota 18 yashobokaga yabonyemo 4 gusa.
‎
‎Iyi mibare ntabwo yorohera Adel Amrouche iyo ishyizwe ku munzani ikagereranywa n’iy’uwo yasimbuye
‎Torsten Frank Spitler watoje Amavubi, kuva tariki ya 1 Ugushyingo 2023 kugeza tariki ya 31 Ukuboza 2025.
‎
‎Mu mikino itandatu ye ya mbere itarimo iya gicuti, Frank Spitler yatsinzemo ibiri, anganya itatu atsindwa umwe, byari bivuze ko yari afite amanota icyenda kuri 18. Uyu Mudage kandi yanganyije na Zimbabwe 0-0, atsinda Afurika y’Epfo 2-0, atsindwa na Benin 1-0, atsinda Lesotho 1-0, anganya na Libya 1-1 ananganya na Nigeria 0-0.
‎
‎Adel Amrouche inshuro nyinshi wumvikana avuga ko ari kubaka, uretse Amavubi, yanatoje amakipe y’ ibihugu bitandukanye harimo Tanzania yavuyemo aza mu Rwanda, Yemen, Botswana, Libya, Kenya, Burundi na Guinea Equatorial ndetse n’ amakipe y’ amaclub nka MC Alger, DC Motema Pembe n’ andi atandukanye.

‎Iki kirango gishya (logo) kigizwe n’ ibice bibiri by’ ingenzi, igice cya mbere kijyanye no kwisanisha n’ igihugu, aho barimo imirasire y’izuba inagaragara mu ibendera ry’ Igihugu, Imisozi isobanura ko u Rwanda ari igihugu cy’imisozi 1000 ndetse iri mu mabara atatu (Icyatsi kibizi, Umuhondo n’ubururu) amabara asangwa mu ibendera ry’umukino Rwanda.
‎
‎Igice cya kabiri kigaragaza bimwe mu byifashishwa mu mukino wa Volleyball, harimo urushundura, umupira wa Volleyball ndetse n’ amagambo ( RNVL) Rwanda National Volleyball League.
‎
‎Amakipe icyenda arimo Kirehe VC yagarutse mu bagabo, niyo azakina shampiyona ya 2025-2026 ariyo APR VC, EAUR VC, Gisagara VC, Kepler FC, Kigali Volleyball Club, Police VC, REG VC na RP Ngoma.

Mu bagore amakipe arindwi niyo azakina shampiyona ya Volleyball 2025-2026 ariyo APR WVC, EAUR WVC, Kepler WVC, Police WVC, RP Huye WVC, RRA WVC na Ruhango WVC
‎
‎Imikino ifungura umwaka w’ imikino mushya izatangira ku wa 17 Ukwakira 2025, Kepler WVC yakira APR WVC ku isaha ya saa kumi n’ebyiri, bavemo hakina REG VC na Kepler VC Ku isaha ya saa Mbiri z’umugoroba, imikino yose izakinirwa muri Petit Stade Amahoro i Remera.
‎
‎Muri uyu mwaka w’imikino wa 2025-26 imikino ya nyuma ya kamarampaka isoza shampiyona, bazakina imikino itanu batanguranwa intsinzi eshatu aho kuba intsinzi ebyiri zatanguranwaga hakinwa imikino itatu nk’uko byagenze muri umwaka ushize.
‎
‎Ni shampiyona itegerejwe n’abatari bacye, ukurikije uko amakipe yiyubatse aho nko mu bagabo Sylvestre Ndayisaba, Ronald Muvara na Gatsinzi Venuste berekeje muri Gisagara VC nayo imaze iminsi ititwara neza mu gihe Merci Gisubizo na Crispin Ntanteteri bari muri REG VC naho Gloire Niyonkuru na Gideon Angiro bari muri Police VC.

Gahunda y’imikino ifungura shampiyona, ku wa Gatanu

‎

Ni umukino watangiye ku masaha adasanzwe mu Rwanda kuko watangiye saa munani z’igicamunsi nk’uko byari biteganyijwe ariko bitishimishije Pyramids FC binyuze ku mutoza wayo Krunoslav Jurcic wavuze ko ataribyo byerekana ko umupira uri gutera imbere.Ikipe ya APR FC yatangiye umukino isatira nk’ikipe iri mu rugo binyuze kuri Mugisha Gilbert wakinaga uruhande rw’ ibumoso imbere.
‎

Igice cya mbere cyaranzwe no kuba umukino utuje, aho ‎amakipe yombi yakomeje kwigana ariko ukabona ko Pyramids FC ari nziza kurusha APR FC.‎Ku munota wa 29 Abdelsabour wa Pyramids FC yasimbuwe hinjiramo Abdelrahim Mohamed nyuma y’imvune yagize. Abdelrahim akigera mu kibuga yateye ishoti ashaka gutungura umunyezamu Ishimwe Pierre ariko umupira unyura ku ruhande.
‎

‎Ku munota wa 39 APR FC yabonye uburyo bwiza ku mupira wazamukanywe neza na William Togui maze awuha Mugisha Gilbert gusa wawuteye akawutera hanze y’izamu. Mbere y’uko igice cya mbere kirangira APR FC yabonye ubundi butyo ku mupira Ruboneka Bosco yatereye hagati mu kibuga ashaka gutungura umunyezamu wa Pyramids FC ariko unyura hanze y’izamu gato, igice cya mbere kirangira amakipe yombi anganya 0-0.
‎
Mu ntangiriro z’igice cya kabiri APR FC yahushije uburyo bukomeye cyane bwari kuvamo igitego, ubwo rutahizamu William Togui yateraga umupira uremereye n’umutwe nyuma y’uko wari uhinduriwe iburyo neza na Ruboneka Jean Bosco ariko umunyezamu El Shenawy awushyira muri koroneri.
‎

‎Ku munota wa 49 Pyramids FC yabonye igitego gifungura amazamu nyuma y’uko APR FC ikoreye amakosa ku ruhande rw’ibumoso inyuma, kapiteni Niyomugabo Claude yatakaje, maze rutahizamu Fiston Kalala Mayele akawutwara. Uyu rutahizamu yahise atera ishoti rikomeye cyane mu izamu rya Ishimwe Pierre umupira uruhukira mu
izamu.
‎

‎Ku munota wa 62 Memel Raouf Dao yahushije uburyo bwiza imbere y’izamu rya Pyramids FC ku mupira yari ahawe na Mugisha Gilbert agatera ishoti ariko umupira ukajya hejuru y’izamu. Ku munota wa 65 APR FC nayo yarokotse nyuma y’ishoti rya kure Abdelrahim Mohamed yateye maze umunyezamu Ishimwe Pierre umupira akawukuramo. Iyi kipe y’Ingabo z’Igihugu yahushije ubundi buryo ubwo Memel Raouf Dao yateraga irindi shoti ariko naryo rigashyirwa muri koruneri n’umunyezamu El Shenawy itagize icyo itanga.

‎Ku munota wa 70, umutoza wa Pyramids Jurcic yahawe ikarita itukura nyuma yo kugaragara kenshi atishimira imyanzuro y’umusifuzi. APR FC yakomeje kugerageza uburyo bwinshi, ariko umunyezamu wa Pyramids FC agatabara kugeza ubwo nko ku munota wa 80 Mamadou Sy winjiye mu kibuga asimbuye William Togui ku munota wa 74, yatsindaga igitego ariko abasifuzi bakavuga ko yarariye.

APR FC yahushaga uburyo bwinshi yakosowe na Pyramids FC ku munota wa 85 ubwo Fiston Kalala Mayele yakiraga umupira mwiza yahawe na Abdelrahim Mohamed ari hagati ya ba myugariro ba APR FC barimo Niyigena Clement wanabanje kurega ko yaraririye. Uyu rutahizamu wari muri aba ba myugariro ,yabatwaye umupira, aherekezwa na Nshimiyimana Yunusu kugeza ateye umupira ukomeye ugendera hasi, mu izamu agatsinda igitego cya kabiri.
‎

Mu minota ya nyuma APR FC yakomeje kugerageza uburyo yakwishyura, ariko umunyezamu wa Pyramids FC akomeza kubabera ibamba, ari nako isimbuza aho Fitina Omborenga yasimbuye Byiringiro Gilbert gusa umukino urangira, itsinzwe ibitego 2-0.

Tugendeye uko bari kwitwara muri iki gihe amarushanwa atandukanye bakinnye bigaragaza ubwiza bwabo, imiterere y’inzira i Kigali (udusozi twinshi), tugiye kurebera hamwe abakinnyi bo guhanga amaso muri iyi shampiyona y’ Isi y’ Amagare 2025 izabera mu mihanda ya Kigali.
‎
‎Tadej Pogačar
‎
‎Tadej Pogačar ukomoka mu gihugu cya Slovenia, akaba nimero ya mbere Ku Isi ni umwe mu bo guhangwa amaso cyane kuko ari we ufite iri iyi shampiyona umwaka ushize (2024) akaba yaranatwaye Tour de France enye (2020, 2021, 2024, 2025), akanegukana Giro d’Italia yo mu Butaliyani mu 2024.
‎
‎Uyu musore bakunda kwita Pogi ubura amasaha macye ngo yuzuze imyaka 27, kuko azayuzuza 21/09, mu mwaka ushize, yabaye umuntu wa gatatu mu mateka wegukanye amarushanwa atatu akomeye mu mwaka umwe (Giro d’Italia, Tour de France, na Shampiyona y’Isi), aho yiyongereye kuri Eddy Merckx wabikoze mu 1974 na Stephen Roche wabikoze mu 1987.
‎
‎Pogi usanzwe akinira UAE Team Emirates afite ubushobozi bwo kwitwara neza mu misozi no mu mihanda igoye, aho byumvikana ko mu mihanda ya Kigali ifite udusozi twinshi n’ubuhagarike buri hejuru, azigaragaza cyane n’ ubwo atari mwiza mu kwitwara nezs asiganwa n’igihe.
‎

‎Remco Evenepoel
‎
‎Umubiligi Remco Evenepoel w’ imyaka 25, ukinira ikipe ya Soudal–Quick-Step, nawe yageze i Kigali aho aje guhatanira shampiyona y’ Isi y’ Amagare, dore ko ari no mu bahabwa amahirwe yo kwitwara neza. Evenepoel, umuhungu wa Patrick Evenepoel wahoze ari umukinnyi w’amagare, yabanje gukina umupira w’amaguru mbere yo kwinjira mu mukino w’amagare mu 2017. Uyu musore yegukanye La Vuelta a España mu 2022 ndetse akaba yaranatsinze uduce twinshi muri Tour de France, Giro d’Italia, na la Vuelta a España.
‎
Evenepoel w’imyaka 25 yegukanye umudari wa zahabu mu isiganwa ryo mu muhanda (Road race) no mu gusiganwa n’igihe (Individual Time Trial) mu Mikino Olympice 2024, ndetse anegukana shampiyona y’Isi 2022, n’umudari wo gusiganwa n’ igihe 2023 na 2024.

‎
‎Thomas Pidcock
‎
‎Umwongereza Thomas Pidcock ukinira Q36.5 Pro Cycling Team nawe n’undi mukinnyi wo kwitega kuko yerekanye imbaraga mu marushanwa manini “Grand Tour” aheruka. Uyu mugabo azi kuzamuka neza kandi arakomeye ndetse imikinire ye ikaba ihura cyane n’imihanda ya Kigali.‎ Nomero ya munani Ku rutonde rw’Isi, ni umwe mu bakinnyi bafite umwihariko wo gukina mu bice bitandukanye mu mukino wo gusiganwa ku igare kuko uretse kuba yaratsindiye agace muri Tour de France, afite imidari marushanwa mu yandi marushanwa atandukanye arimo ayo mu misozi.
‎
‎Isaac del Toro
‎
‎Umunya-Mexico Isaac del Toro w’imyaka 21 ni umwe mu bakinnyi bato bari gutanga ikizere mu mukino w’amagare, kuko uyu musore yasoje Giro d’Italia 2025 ari uwa Kabiri, yegukana igihembo cy’umukunnyi muto ndetse anatwayemo agace.
‎
‎Isaac del Toro Romero ukinira UAE Team Emirates afite ubuhanga bwo kuzamuka cyane, bihura neza na Kigali agiye guhataniramo shampiyona y’Isi 2025, ‎gusa ntabwo ari mu bakomeye cyane muri gusiganwa n’isaha.
‎
‎Julian Alaphilippe
‎
‎Umufaransa Julian Alaphilippe w’imyaka 33 nawe ari i Kigali muri shampiyona y’ Isi y’ Amagare 2025, aho aje kureba ko yakongera kuyisubiza kuko ayifite inshuro ebyiri, 2020 na 2021.
‎
‎Alaphilippe niwe mukinnyi watwaye iyi shampiyona y’ Isi y’ Amagare inshuro nyinshi uri i Kigali, ndetse akaba ari muri batatu bitabiriye uyu mwaka bazi uburyohe bwayo.
‎

‎‎Natnael Tesfatsion
‎
‎Umunya-Eritrea Natnael Tesfatsion w’imyaka 26 ni umwe mu bakinnyi bo muri Afurika bakomeye, akaba umukinnyi uhabwa amahirwe muri iri rushanwa. Nathanael yatwaye Tour du Rwanda inshuro ebyiri (2020 na 2022), azi neza imihanda ya Kigali n’ubukana bwayo. Uyu musore ukinira Movistar Team afite imbaraga mu kuzamuka imisozi no gusoreza ku muvuduko.
‎
‎Oscar Edgar Onley
‎
‎Umwongereza Oscar Edgar Onley w’imyaka 22, ni umukinnyi ukiri muto wo kwitega kuko yegukanye umwanya wa kane muri Tour de France, ndetse anegukana agace muri la Vuelta a España akaba n’umwe mu bazi kwitwara neza mu misozi ndetse n’amarushanwa y’umunsi umwe.
‎
‎Oscar Onley ukinira Team Picnic afite ubushobozi buringaniye, mu gusiganwa n’igihe ku giti cye, ariko akaba ashobora gukora neza aramutse ari mu bihe byiza.

Aba bose bari mu bakinnyi 919 muri rusange bazitabjra shampiyona y’Isi y’Amagare 2025 baturutse mu bihugu 110 hirya no hino ku Isi.

‎Uyu musore uri mu bahanzwe amaso yageze mu Rwanda habura amasaha macye ngo Shampiyona y’Isi y’Umukino w’Amagare 2025 itangire aho azanye intego yo kwisubuza umudari wa zahabu yegukanye, muri shampiyona y’ Isi ya 2024 mu gusiganwa n’ igihe ( Individual Time Trial).
‎
‎‎Remco Evenepoel ni umwe mu bakinnyi bakomeye bahabwa amahirwe yo kwitwara neza mu byiciro bitandukanye bizakinwa mu bagabo harimo gusiganwa n’ isaha ku giti cye (ITT), ndetse no gusiganwa mu muhanda (Road rice) hasahakwa uweguka shampiyona y’Isi y’Amagare 2025.
‎
‎‎Nomero ya cyenda ku Isi, Remco Evenepoel yatwaye ibihembo bitandukanye mu mukino wo gusiganwa ku magare harimo, Imikino Olempike, Shampiyona y’Isi, isiganwa rya La Vuelta ryo muri Espagne n’ ibindi.
‎
‎Evenepoel niwe ufite agahigo ko kwegukana igice cyo gusiganwa n’isaha ndetse n’isiganwa rusange(Road Race) mu Mikino ya Olempike icyarimwe, aho yabikoze mu mwaka wa 2024 i Paris mu Bufaransa abandi bagataha uko baje, ibitarakorwa n’undi mukinnyi uwo ariwe wese mu bagabo.
‎
‎Ikipe y’ igihugu y’ Ububiligi ntabwo izanye Remco Evenepoel gusa, ahubwo azanye n’ abandi bagenzi be barindwi, bazayifasha kwitara neza barimo, Campenaerts Victor, Benoot Tiesj, Van wirder Ilan, Harman Quinten, Xandro Meuricsse, Uijtdebroeks Cain na Vermeersch Florian.

‎Tugendeye ku miterere y’isiganwa Remco ni umwe mu bakinnyi bitezwe muri iri rushanwa, kuko ari mwiza cyane ahatambika ndetse akanazamuka neza mu misozi, kuko uyu musore yatwaye isiganwa rizenguruka Espagne ’La Vuelta España’ ya 2022 yarimo João Pedro Almeida, Rigoberto Urán n’abandi bazamutsi beza.

Uyu musore aje asanga Umunya-Slovenia, Tadej Pogačar, ufite shampiyona y’Isi y’Amagare ya 2024, ndetse akaba na nomero ya mbere ku Isi muri uyu mukino, wageze I Kigali ku wa Kane w’iki Cyumweru.
‎
‎Shampiyona y’ Isi igiye gukinwa ku nshuro ya 98 aho ari ku nshuro ya 12 ibereye hanze y’u Burayi, ikaba inshuro ya mbere ibere ku mugabane wa Afurika aho ari rimwe mu masiganwa azaba akomeye yabayeho kuko rizaba rigizwe n’inzira y’ibilometero 267,5 irimo n’akazamuko ka metero 5.475.
‎