Ni umukino watangiye saa kumi n’iminota cumi n’itanu z’umugoroba, ukaba umukino wa nyuma wa El Clasico ku mutoza wa Real Mardird muzehe Carlo Ancelloti kuko nyuma y’uyu mwaka w’imikino azatandukana n’iyi kipe.Uyu mukino watangiye FC Barcelona irusha amanota ane Real mardird ,iza mu mukino ishaka kuyongera nubwo Real Mardird itabyifuzaga.

Ibi byatumye Real Mardird yinjira mu mukino neza maze ku munota wa gatanu itsinda igitego cya mbere kuri penaliti yinjijwe neza na Kylian Mbappé,bidatinze ku munota wa 14 atsinda igitego cya kabiri giturutse ku makosa ya ba myugariro ba FC Barcelona.

Gusa nkuko imaze iminsi ibikora FC Barcelona yasubiranye inyuma Real Mardird maze ku munota wa 19 Eric Garcia atsinda igitego cya mbere,ku munota wa 32 Lamine Yamal atsinda icya kabiri mu gihe ku munota wa 34 na 45 Raphinha yatsinze ibitego bibiri biba bibaye bine bakajya kuruhaka, FC Barcelona ifite ibitego 4-2.

Mu gice cya kabiri ,Kylian Mbappé yatsinze igitego cya gatatu ku munota 71 aba yuzuza ibitego bitatu mu mukino,iba El Clasico ye ya mbere atsinzemo ibitego bitatu n’ubwo bitari bihagije ngo we na Real Mardird batahane intsinzi.

Ku rundi ruhande Lamine Yamal yagoye Real mardird cyane cyane umunyezamu wayo Courtois kuko na nyuma y’umukino yahise ajya ku mushimira.Uyu mukino wasize Kylian Mbappé ariwe ufite ibitego byinshi muri la Liga kuko afite 27 aho arusha Robert Lewandowski ibitego bibiri(25).

FC Barcelona ku munsi wa 35 wa shampiyona iri ku mwanya wa mbere n’amanota 82 n’aho Real Mardird ikaba ku mwanya wa kabiri n’amanota 75, aho FC
Barcelona nitsinda umukino ukurikira cyangwa aya makipe yombi kaganya ku munsi wa 36 izahita yegukana igikombe cya shampiyona 2024-2025.

Ku wa gatandatu, tariki ya 26 Mata 2025 saa cyenda,Rutsiro FC y’umutoza Gatera Mussa iheruka gutsinda ibitego bine mu minota 10 gusa, ubwo yatsindaga Bugesera FC ibitego 4-2, irakira APR FC iheruka guhagamwa na Etincelles FC ubwo banganyaga ibitego 2-2 ku munsi wa 24 wa shampiyona nyamara yabanje gutsinda ibitego 2-0.APR FC yahagurutse mu gitondo cyo kuri uyu wa Gatanu ijya i Rubavu, irushwa inota rimwe na Rayon sports irajya gukina na Rutsiro FC i Rubavu ibizi ko uyu mukino ari uwo gupfa no gukira kuri yo, kuko mu gihe yatsinda Rutsiro FC yahita ifata umwanya wa mbere n’amanota 52 ikarusha amanota abiri Rayon sports, izaba itegereje gukina ku Cyumweru.

Iyi Rutsiro FC na yo kugeza ubu iri ku mwanya wa kane n’ amanota 37, iri guharanira kuza mu makipe meza muri shampiyona nk’ikipe ikizamuka nk’uko Perezida wayo NSANZINEZA Erneste ubwo yaganiraga na Kigali Today yavuze ko biteguye neza.

Ati "Ikipe yacu yiteguye kwitwara neza mu mikino itandatu ya nyuma ya shampiyona, gusa turabizi ko APR FC ari ikipe y’amateka kandi na yo igomba kureba uko umwaka wayo wagenda neza.Ariko nk’uko duheruka kwitwara neza kuri Bugesera FC ubwo twayakiraga n’ubu twiteguye kongera kubikora kuri APR FC kuko tugomba guha ibyishimo abafana ba Rutsiro FC kandi tuzakina umukino mwiza kugeza iminota 90 irangiye."

Nyuma y’uyu mukino wa Rutsiro FC na APR FC, tariki ya 27 Mata 2025 ku cyumweru saa cyenda iyi Stade Umuganda izongera yakire undi mukino ukomeye aho Rayon sports ya mbere n’amanota 50 izaba yasuye Etincelles FC iri ku mwanya wa munani n’amanota 29 ku rutonde rw’agateganyo rwa shampiyona y’icyiciro cya mbere mu Rwanda.Rayon sports yagaruye abakinnyi barimo myugariro Nsabimana Aiamable irashaka gutsinda imikino yayo yose isigaje kugira ngo yegukane igikombe cya shampiyona iheruka mu 2019.

Ku rundi ruhabde, Etincelles FC igomba gukora ibishoboka byose kugira ngo irebe ko yabona amanota atatu kuri uyu mukino kuko itari yizera kuguma mu cyiciro cya mbere uyu mwaka kuko irusha ikipe ya nyuma amanota icyenda gusa. Ibi bikaba byanashimangiwe na Perezida wayo Ndagijimana Enock aganira na Kigali Today aho yavuze ko ikipe yabo yiteguye byuzuye kuko nta kibazo cy’amafaranga nk’imishahara cyangwa uduhimbazamusyi bafitiye abakinnyi, bityo bagomba kubona intsinzi.

Nyuma y’umukino Etincelles FC yanganyijemo na APR FC ibitego 2-2 i Kigali ku munsi wa 24 wa shampiyona kandi, kapiteni wa Etincelles FC Abdou Nshimiyimana yavuze ko biteguye kwakira Rayon sports kandi bakayitsinda asaba abafana inkunga yo kuzaza kubashyigikira.

Atti "Ariya manota turayakeneye 110%[ ijana na cumi ku ijana] kuko izaba idusanze mu rugo, kubera ko uko dutakaza umikino, niko amakipe y’inyuma atwegera maze bikadushyira mu mibare myinshi, buri mukino wose ni nk’uwa nyuma, bityo tugomba gukinana ishyaka ryinshi kugira ngo turebe ko twaza mu makipe atandatu ya mbere kuko ubu ibintu byose bimeze neza ahubwo
turasaba abafana kuza kudushyigikira kuko shampiyona y’uyu mwaka irakomeye."

Ubwo aya makipe yombi yaherukaga mu karere ka Rubavu mu mikino ibanza , APR FC yahanganyirije na Etincelles FC 0-0 naho Rayon sports ihatsindira Rutsiro FC 1-0.

Ubwo APR FC iheruka i Rubavu yanganyije na Etincelles FC 0-0