Ibi babigarutseho ubwo iri huriro ryifatanyaga na Geraldine Trada Foundation mu gikorwa cyo kwizihiza umunsi wahariwe abarwaye indwara zitandura.

Mutesi Trace Trada utuye mu Bwongereza, umwe mu bagize uruhare mu gutangiza umuryango Geraldine Trada Foundation, avuga ko ababyeyi bafite abana barwaye Diyabete bakwiye kubitaho kuko na bo bashoboye.

Yagize ati “Twebwe nk’ababyeyi dufite abana barwaye, dukwiye kumenya ubufasha bakeneye. Twebwe dufasha ababyeyi kumenya uko bafasha abana, kubamenya, kubaganiriza no kubahumuriza..... Bo bazi ko Diyabete ibabuza kwiga ariko ntibabuza kwiga kuko dufite urugero rw’uwize ubu akaba akora muri banki."

Mutesi Trace Trada utuye mu Bwongereza, umwe mu bagize uruhare mu gutangiza umuryango Geraldine Trada Foundation

Umuyobozi ushinzwe ibikorwa mu ihuriro ry’imiryango irwaye indwara zitandura, Alphonse Mbarushimana, ashima uruhare rw’u Rwanda mu kurwanya Diyabete ariko agasaba ko bakomeza gufashwa kurushaho kuko ari uburwayi babana na bwo budakira.

Ati “Abarwayi babangamiwe n’uko bihenze kugera kuri za serivisi kuko ujyayo buri kwezi kandi ukitera imiti buri munsi. Hari kimwe cyatangiye cy’uko imiti bajya bayohererezwa mu rugo kuko bigishishwe uko bayifata."

Alphonse Mbarushimana agira inama abantu barwaye Diyabete gukomeza kwitwararika.

Yagize ati “Itabi ryongera ibyago byo kurwara indwara zitandura, ntabwo ari ukurinywa gusa ahubwo no kwicarana n’urinywa kuko byakongera ibyago. Imirire myiza cyane cyane ibitaciye mu nganda, gukora imyitozo ngororamubiri no kwakira ubuzima arimo."

Umuyobozi ushinzwe ibikorwa mu ihuriro ry’imiryango irwaye indwara zitandura, Alphonse Mbarushimana (wicaye hagati yambaye ikoti ry’umukara)

Diyabete irimo amoko atatu: iya mbere ikomoka mu gisekuru nubwo bitabaho buri gihe. Ubwoko bwa kabiri buterwa n’ubuzima umuntu abayemo, mu gihe ubwa gatatu bwibasira abagore batwite bukaba bushobora kugenda igihe yabyaye.

Alphonse Mbarushimana avuga ko abagera kuri 50% banduye Diyabete baba batabizi, ari nayo mpamvu bakwiye kwipimisha kandi bikorwa ku buntu. Uyu munsi imiti myinshi ikenewe n’abarwaye Diyabete yishyurwa na RSSB.

Umuryango Geraldine Trada Foundation watangiye gukorera mu Rwanda kuva muri 2019.

Ubusanzwe umunyeshuri akwiye kuba azi kwandika no gusoma Ikinyarwanda arangije umwaka wa gatatu w’amashuri abanza

Ibi byagarutsweho n’Umuyobozi Mukuru wa REB, Dr. Mbarushimana Nelson mu nama yo kwigira hamwe uko uburezi bw’abato buhagaze ndetse no kumenya aho bageze mu bijyanye no kumenya gusoma no kwandika mu mashuri abanza.

Umwana usoje umwaka wa Gatatu w’amashuri abanza agomba kuba azi gusoma, kubara, azi no kwandika nk’uko Dr. Mbarushimana abisobanura.

Ati:” Ubundi umwana agomba kurangiza umwaka wa gatatu w’amashuri abanza, azi gusoma, kubara, azi no kwandika. Ni yo ntego nyamukuru dufite nka Minisiteri y’Uburezi cyane cyane Urwego rw’Igihugu Rushinzwe Uburezi bw’Ibanze, cyane ko dufite n’integanyanyigisho mu nshingano zacu.”

Muri gahunda zashyizweho zigamije gukemura ikibazo cy’abana barangiza amashuri abanza batazi gusoma no kwandika Ikinyarwanda, harimo kongerera imbaraga ibigo nderabarezi, ndetse no gushishikariza ababyeyi kujyana abana ku ishuri igihe bagize imyaka itatu, kuko ari umusingi mwiza ku burezi bw’uwo mwana.

Umuyobozi Mukuru wa REB, Dr. Mbarushimana Nelson

Ni byo Dr. Mbarushimana akomeza asobanura, ati: “Minisiteri y’Uburezi yashyizeho umurongo ngenderwaho wo kuzamura ireme ry’uburezi muri ayo mashuri, ari bwo hajyaho Foundation Learning Strategy, igaragaza uburyo abarimu bo muri icyo cy’icyiciro bagomba guhugurwa, uburyo umwarimu wigisha agomba kubona imfashanyigisho zihagije, uburyo agomba guhugurwa ndetse no kwita ku banyeshuri bafite ubumuga bugiye butandukanye kugira ngo icyo cyiciro kizamuke neza.”

Yunzemo ati:” Kuva iyi politiki yarangira kwemezwa, yatangiye gushyirwa mu bikorwa ari na yo mpamvu mu ngengo y’imari tugira ku rwego rw’Igihugu rushinzwe uburezi bw’ibanze, twibanda kuri iki cyiciro dushyiramo abarimu bashoboye, cyane ko no mu mashuri yacu dufite inderabarezi (Teacher Training Colleges), n’aho abanyeshuri barangije baba bashobora kwigisha muri aya mashuri y’incuke ndetse no muri iki cyiciro cy’amashuri abanza ari cyo twita Lower Primary.”

Dr. Mbarushimana asaba ababyeyi bafite abana bageze mu kigero cyo gutangira amashuri y’incuke, ko bagomba kubajyana mu ishuri kubera ko igihe batangiye amashuri y’incuke, bituma umwana atangira gutekereza.

Kumenya gusoma no kwandika bifatwa nk’umusingi ubundi bumenyi bwubakiraho

Ati:” Turifuza ko umwana wese ugeze mu kigero cyo gutangira amashuri y’incuke, ubwo ndavuga mu kigero cy’imyaka itatu, uwo mwana agomba kumujyana mu ishuri kubera ko abana bose dufite mu Gihugu nibatangira amashuri y’incuke, bituma umwana atangira gutekereza, kubana n’abandi no gutangira kumenya Isi. Nitwohereza abana bose muri aya mashuri y’incuke tuzaba tuzi ko abana bacu bazaba bafite umusingi mwiza wo kutangira umwaka wa mbere, uwa kabiri n’uwa gatatu.”

Iyi nama yibanda ku kurebera hamwe aho REB n’abafatanyabikorwa bageze mu burezi bw’abato ndetse no kumenya aho bageze mu bijyanye no kumenya gusoma no kwandika, yitabiriwe n’abayobozi bungirije b’Uturere twose two mu Rwanda uko ari 30.

Minisitiri w’ububanyi n’amahanga w’u Rwanda yakiriye Ambasaderi w’u Buyapani

Ibi biganiro byabaye kuri uyu Kane tariki 19 Nzeri 2024, nk’uko Minisiteri y’Ububanyi n’Amahanga n’Ubutwererane y’u Rwanda yabitangaje ku rubuga rwayo rwa X.

Umubano w’u Rwanda n’u Buyapani watangiye ahagana mu mwaka wa 1962, ibihugu byombi bikomeza kugirana imikoranire mu nzego zitandukanye zirimo ubucuruzi n’ishoramari, uburezi, ubukerarugendo, ubwikorezi ndetse n’umubano ushingiye ku nama.

Nko muri 2023 Ukwakira, Dr Uzziel Ndagijimana wari Minisitiri w’Imari n’Igenamigambi hamwe na Ambasaderi w’u Buyapani mu Rwanda, Isao Fukushima na Minako Shiotsuka, uhagarariye ikigo gishinzwe ubutwererane mpuzamahanga cy’u Buyapani (JICA), bashyize umukono ku masezerano y’ubufatanye mu ikoranabuhanga mu bwikorezi.

Ibiganiro bagiranye byibanze ku bufatanye bukomeje hagati y’ibihugu byombi

U Buyapani butera inkunga Guverinoma y’u Rwanda mu bikorwa remezo binyuze mu Kigo gishinzwe ubutwererane mpuzamahanga cy’u Buyapani (JICA), cyane cyane biteza imbere ibikorwa remezo by’ubukungu birimo imihanda, ibikorwa byo gukwirakwiza amazi no kubungabunga gahunda yo gutanga amazi, binyuze mu mishinga itandukanye ndetse n’ubufatanye bwa tekiniki.

Muri Werurwe 2024, ibihugu byombi byashyize umukono ku masezerano y’inkunga ingana na miliyari 14 z’Amayen (hafi miliyari 118 z’amafaranga y’u Rwanda) igamije guteza imbere urwego rw’uburezi. Ayo masezerano y’inkunga yasinywe mu buryo bw’inguzanyo izishyurwa mu gihe kirekire ndetse ni ubwa mbere iki gihugu cyari gitanze inguzanyo ingana ityo mu gufasha u Rwanda.

Prof. Dr. Uwimbabazi Penine ahagarariye Kaminuza n’amashuri makuru byigenga

Ngarambe yatowe ku majwi 808 bingana 54.89%, yarahanganye n’abandi babiri, mu gihe Uwimbabazi yatowe ku majwi 674 bingana 97.68%, akaba yari mu kandinda rukumbi kuri uyu mwanya.

Ngarambe ni umwarimu muri Kaminuza y’u Rwanda akaba afite uburambe bwimyaka irenga 24. Muri Kaminuza y’u Rwanda ni Umuyobozi w’Ishuri ry’Ubugeni n’Indimi (Dean of the School of Arts and Languages). Afite Impamyabumenyi y’Ikirenga (PhD) mu busemuzi.

Prof. Dr. Penine Uwimbabazi watowe, ari nawe mukanida wenyine wemeranyijweho n’izo Kaminuza zigenga kuzihagararira muri Sena, ni Umuyobozi w’ishuri rikuru ry’Abaporotesitanti (PIASS), kuva tariki 26 Ukwakira 2022. Yagiye kuri uwo mwanya asimbuye Prof. Elisée Musemakweli. Yabaye umuyobozi wungirije waryo ushinzwe amasomo mbere yo kuba umuyobozi w’iri shuri.

Ngarambe Telesphore yatorewe guhagararira kaminuza n’amashuri makuru bya Leta

Aba Basenateri basabwa kumva ibibazo abarimu bo muri za Kaminuza bahura nabyo, ntibamere k’abandi batorwa, bakabaheruka babatora kuko nk’uherutse gutorwa arangije manda y’imyaka itanu hari aho batamuciye iryera.

Inteko Ishinga Amategeko y’u Rwanda iba igizwe n’abasenateri 26, muri bo hatorwa 2 baba bahagarariye amashuri makuru na za Kaminuza yaba iza Leta cyangwa izigenga, aho batorwa na bagenzi babo bigisha cyangwa bakora ubushakashatsi muri ayo mashuri makuru na Kaminuza.

Hari kandi abandi bashyirwaho na Perezida wa Repubulika hashingiwe ku byo Itegeko riteganya, harimo n’abatorwa n’Ihuriro ry’Igihugu nyunguranabitekerezo ry’Imitwe ya Politiki, n’abandi batorwa bahagarariye amashuri makuru na Kaminuza bya Leta ndetse n’izigenga.

Itegeko nº 046/2024 ryo ku wa 04/06/2024 rigenga amashyamba n’ibiti, rivuga ko umuntu usarura ishyamba rye nta ruhushya, aba akoze ikosa akabihanirwa.

Rigira riti: “Umuntu usarura ishyamba rye nta ruhushya, aba akoze ikosa. Ahanishwa kwishyura ihazabu yo mu rwego rw’ubutegetsi ingana n’inshuro imwe y’agaciro k’ibiti cyangwa ubuso yasaruye.”

Iri tegeko rikomeza rigira riti: “Umuntu urenza umubare w’ibiti cyangwa ubuso yaherewe uruhushya rwo gusarura mu ishyamba rye, aba akoze ikosa. Ahanishwa kwishyura ihazabu yo mu rwego rw’ubutegetsi ingana na kimwe cya kabiri cy’agaciro k’ibiti cyangwa ubuso yarengejeho.”

Iri tegeko kandi rivugako usarura ishyamba cyangwa ibiti bya Leta nta ruhushya cyangwa ubyangiza, aba akoze icyaha cyahanishwa igifungo gishobora kugera ku myaka 2 n’ihazabu ya Miliyoni 5 FRW.

Riti: “Umuntu usarura ishyamba cyangwa ibiti bya Leta nta ruhushya cyangwa ubyangiza, aba akoze icyaha. Iyo abihamijwe n’urukiko, ahanishwa igifungo kitari munsi y’umwaka 1 ariko kitarenze imyaka 2 n’ihazabu itari munsi ya 3.000.000 FRW ariko itarenze 5.000.000 FRW.”

Ufite uruhushya ariko akarenza umubare w’ibiti cyangwa ubuso yaherewe uruhushya rwo gusarura mu ishyamba rya Leta aba akoze icyaha gishobora guhanishwa igifungo cy’imyaka 2 n’ihazabu ya miliyoni 3FRW.

Rigira riti: “Umuntu urenza umubare w’ibiti cyangwa ubuso yaherewe uruhushya rwo gusarura mu ishyamba rya Leta aba akoze icyaha. Iyo abihamijwe n’urukiko, ahanishwa igifungo kitari munsi y’umwaka 1 ariko kitarenze imyaka 2 n’ihazabu itari munsi ya 1.000.000 FRW ariko itarenze 3.000.000 FRW.”

Umuntu cyangwa urwego rwa Leta bisarura, bitunganya, bitwara cyangwa bicuruza ibikomoka ku mashyamba bibisabira uruhushya.

Uruhushya rwatanzwe rukoreshwa gusa icyo rwatangiwe kandi rugakoreshwa n’uwaruhawe. Uwahawe uruhushya arugaragaza igihe cyose arusabwe n’umukozi ubifitiye ububasha.

Zimwe mu mpamvu zo kubungabunga no kurinda amashyamba harimo; kongerera agaciro umutungo kamere w’amashyamba no kuyabyaza umusaruro, kuzamura ubukungu bw’Igihugu, gukumira iyangirika ry’amashyamba n’ingaruka zaterwa n’iryo yangirika, kurinda urusobe rw’ibinyabuzima, kwita by’umwihariko ku duce tw’Igihugu dufite ibibazo byihariye birebana n’ibidukikije, kurwanya imihindagurikire y’ikirere, kurinda ibyogogo, ibibaya n’imisozi, gusubiranya ibyogogo, ibibaya n’imisozi byangiritse, kurwanya isuri n’ibindi.

Hashingiwe ku mumaro wayo, abantu basabwa kubungabunga amashyamba.

RwandAir yahagaritse ingendo zijya ku kibuga mpuzamahanga cya Jomo Kenyatta kubera imyigaragambyo

Mu butumwa RwandAir yanyujije ku rukuta rwayo wa X yagize iti: ”Kubera imyigaragambyo ikomeje gukorwa n’abakozi b’ikibuga cy’indege mpuzamahanga cya Jomo Kenyatta, indege zacu WB452/WB453 KGL/NBO/KGL, kuri uyu wa 11 Nzeri 2024 zahagaritswe. Abagenzi bagizweho ingaruka basaba imyanya mu ndege zihari ikindi gihe. Mutwihanganire ku bibazo byose byatewe ni izi mpinduka.”

Ibi bibaye nyuma yuko kuwa 10 Nzeri 2024, urukiko rukuru rwa Kenya rwahagaritse by’agateganyo icyemezo cyo gutiza ikibuga mpuzamahanga cy’indege cyitiriwe Jomo Kenyatta, ikigo cy’ishoramari cy’Abahinde, Adani Enterprises.

Kuri uyu wa Gatatu tariki 11 Nzeri 2024, abakozi b’ihuriro ry’abakora ku bibuga by’indege muri Kenya, babyukiye mu myigaragambyo bagaragaza ko batishimiye icyemezo cya Guverinoma cyo kwegurira ikibuga cy’indege cya Jomo Kenyatta, icyo kigo cy’Abahinde, Adani Group.

Mu gihe umwanzuro wo gutiza iki kigo wakwemezwa n’urukiko tariki ya 8 Ukwakira 2024, Adani Enterprises yakigenzura imyaka 30, ikubaka ikindi gice kigwaho indege ndetse n’umuhanda wazo mushya nubwo Abanyakenya batabikozwa kuko abenshi batakaza kazi ndetse amafaranga yabyubaka ari make.

Uretse kuba RwandAir yahagaritse ingendo zijya ku kibuga cy’Indege cya Jomo Kenyatta, iyi myigaragambyo yatumye ingendo ziva n’izijya kuri iki kibuga zihagarikwa ndetse abagenzi benshi babura uko bahava.

Hatangijwe icyumweru cyahariwe Ingufu ’Energy week’

Minisitiri Dr. Jimmy Gasore, yabigarutseho ubwo hatangizwaga icyumweru cyahariwe Ingufu ‘Energy week’, cyateguwe na Energy Private Developers (EPD), kuri uyu wa Mbere tariki 09 Nzeri 2024.

Minisitiri Dr Gasore yavuze ko hari byinshi byakozwe mu rwego rwo kugira ngo Abanyarwanda babone ibicanwa bidahumanya ariko ashimangira ko hagiye kongerwa imbaraga mu gukoresha ibicanwa bitangiza ikirere.

Yagize ati: “Hari byinshi byakozwe kugira ngo Abanyarwanda babone uburyo bwo guteka budahumanya, yaba ubuzima bwabo ndetse n’ikirere, ariko nabwo urugendo ruracyari rurerure, niyo mpamvu twavuzeko tuzongera imbaraga nyinshi mu kubona ibicanwa bidahumanya […...] Turafatanya kugira ngo twongere ubushobozi ndetse n’umubare w’Abanyarwanda batugeraho babone ibicanwa bidahumanya.”

Minisitiri w’Ibikorwa remezo, Dr. Jimmy Gasore

Dr Jimmy Gasore avuga ko bazakomeza gufatanya no guhuza abashoramari bari muri serivisi z’imbaraga zisubira bagahana ubumenyi ndetse bagafatanya no mu bikorwa byinshi.

Ati: ”Iki cyumweru tukitezeho guhuza abashoramari bari mu mbaraga zisubira (Renewable energy). Kuba bari hamwe bibafasha guhana ubumenyi, mwabonye ko hari Abanyarwanda, abavuye mu bindi bihugu, abashakashatsi ndetse n’inzego za Leta. Iyo duhanye ubumenyi tukamenya ibikorwa bihari, tukamenya ibyo Leta ishyize imbere, n’ubushobozi bafite, bituma dutegura neza tugakorana kurushaho tukagera kuri byinshi dukoranye.”

Dr. Ivan Twagirashema, Perezida w’Inama y’ubutegetsi y’ihuriro ry’Abanyarwanda ndetse na sosiyeti zitandukanye zikora ibijyanye n’amashanyarazi n’ingufu muri rusange, avuga ko bari gukora ubukangurambaga ariko bakungurana ubumenyi kuko mu myaka iri mbere ingufu zitabonetse habaho ibibazo byinshi.

U Rwanda rurashaka gushyira imbaraga mu gufasha Abanyarwanda kubona ibicanwa bidahumanya ikirere

Yagize ati: ”Ibikorwa bya mbere ni ubukangurambaga kugira ngo abantu basobanukirwe aho ibijyanye n’ingufu bigeze mu gihugu cy’u Rwanda ariko tunungurane ubwenge aho hanze bimaze kugera, ibijyanye n’ubushakashatsi, tekinoloji shyashya zigenda zisohoka, hanyuma bitume no mu Rwanda tuba twiteguye kuko Igihugu cyasigara inyuma mu bijyanye n’amashanyarazi cyangwa ingufu cyazagira ibibazo kuko ingufu nizo zituma ibindi bintu byose bishobora gukora. Mu myaka iri mbere ingufu zitabonetse n’ubuhinzi buzagira ibibazo.”

Dr. Ivan yavuzeko mu minsi iri mbere abantu bazaba bashobora gutekesha ingufu zavuye ku zuba kandi bitabahenze.

Abitabiriye itangizwa ry’icyumweru cyahariwe ingufu

Ati: ”Ingufu zituruka ku zuba harimo imbaraga kuko ntabwo uba waziguze. Izi izuba icyatumye zitinda nuko uburyo bwo kubika amashanyarazi (Energy storage) muri batiri wasangaga buhenze, ariko ubushakashatsi burigukorwa ku Isi muri iyi minsi, burerekana ko tekinoloji ziri kugenda zifata intambwe ku buryo igiciro cyo gukora batiri kiri guhenduka, ku buryo mu minsi iri mbere ushobora guteka iwawe mu rugo utagikeneye gutekesha amakara, amashanyarazi ahenze cyangwa gaz ahubwo ushobora gutekesha ingufu zavuye ku zuba ugateka ugahisha kandi bitaguhenze.”

U Rwanda rukomeje gukorana n’ibihugu bitandukanye mu bijyanye n’ingufu. Mu minsi ishize urugomero rw’amashanyarazi rwa Rusumo rwaruzuye ku buryo umuriro wamaze kugezwa mu miyoboro isanzwe mu bihugu bitatu bihuriye kuri rwo, ukaba waratangiye gukoreshwa.

Uretse urugomero rwa Rusumo hari n’uruganda rwa Shema Power rutunganya amashanyarazi akomoka kuri gaz methane yo mu Kiyaga cya Kivu.

Chidimma Vanessa Onwe Adetshina yikuye mu irushanwa rya Miss South Africa nyuma yo kubisabwa kuko se afite inkomoko muri Nigeria naho Nyina afite ibisekuru byo muri Mozambique.

Nyuma yo kuva mu irushanwa rya Nyampinga wa Afurika y’Epfo binyuze mu ibaruwa yanditse asezera, yavuzeko ari impamvu ze bwite, nyuma atumirwa muri Miss Universe Nigeria 2024 nawe yitabira ubwo butumire.

Nyuma y’agahinda ko gukurwa mu bakobwa 11 bari bageze mu cyiciro cya nyuma bahatanira Ikamba rya Nyampinga wa Afurika y’Epfo, yambitswe inkamba rya Miss Universe Nigeria 2024 mu birori byabereye i Lagos, maze agaragaza imbamutima ze.

Chidimma Adetshina yabwiye Ibiro Ntaramakuru by’u Bufaransa (AFP) ko urugendo rutari rworoshye kandi yishimiye uwo ari we n’uko yashyigikiwe.

Ati: “Uru ni urugendo rwari runkomereye…. Nishimiye uwo ndi we kandi ndashima urukundo neretswe n’uko nashyigikiwe. Ibi ni byo nashakaga, mu by’ukuri ndishimye.”
Chidimma Adetshina mu ijoro ryo kuwa Gatandatu tariki 31 Kanama ni bwo yatowe.

Kuba uyu mukobwa w’imyaka 23 abaye Miss Universe Nigeria 2024, bivuze ko azahagararira iki gihugu mu irushanwa rya Miss Universe riteganijwe kuzaba kuwa 16 Ugushyingo 2024 muri Amerika muri Arena CDMX muri Mexico City.

RGB yagize icyo isobanura ku gikorwa cyo kugenzura insengero

RGB yasobanuye impamvu ifunga insengero n’amatorero kandi mu Itegeko Nshinga rya Repubulika y’u Rwanda ryemera ubwisazure mu gusenga n’uburenganzira bwo kwishyira hamwe.

RGB yagize iti: ”Nibyo itegeko nshinga rya Repubulika y’u Rwanda ryemera ubwisanzure mu gusenga mu ngingo yaryo ya 37. Bityo rero, nta muntu wabuza abantu gusenga. Ahubwo basabwa gusengera ahantu hujuje ibisabwa n’amategeko, kuko ibyo amategeko asaba bigamije kubarinda gushyira ubuzima bwabo mu kaga.”

Yunzemo igira iti: ”Hagaragaye ubwiyongere bw’insengero n’inzu zisengerwamo zikora mu buryo bushobora gushyira ubuzima bw’abantu mu kaga. Hanagaragaye izamuka ry’abavugabutumwa bambura abantu amafaranga n‘imitungo babizeza ibitangaza, abandi bagamije kubacamo ibice, n’abashishikariza abayoboke babo imyitwarire mibi nko kudakingirwa n’izindi nyigisho zishingiye ku binyoma.”

RGB yavuzeko ingamba zifatwa zose zigamije kurengera umutekano w’abaturage. "Leta mu ngamba zo kurengera umutekano w’abaturage, yakoze igenzura ku rwego rw’Igihugu mu nzu zisengerwamo. Igenzura ryagaragaje ko nyinshi muri zo zidafite ibyangombwa bihagije, zidakurikiza amabwiriza n’amategeko y’imyubakire, umutekano, isuku n’ubugenzuzi bw’imari cyangwa izindi nyungu z’abazisengeramo. Izo nzu nyinshi zafunzwe kubera kutubahiriza ayo mategeko.

Urwego rw’Igihugu rw’Imiyoborere (RGB) rwakomeje rusobanura aho ibikorwa by’igenzura bigeze, ruvugako Kugeza ubu, inzu zisengerwamo zirenga 14,000 ziri mu gihugu hose zimaze kugenzurwa. Muri zo, izisaga 8,000 (ni ukuvuga 70%) ubugenzuzi bwasanze zitujuje ibisabwa zirafungwa kandi igenzura riracyakomeje kugira ngo inzu zose zisengerwamo zihuzwe n’ibiteganywa n’amategeko.

Uru rwego rwasobanuye ko gufunga urusengero bidasobanuye gufunga insengero z’iryo torero rubarizwamo. RGB iti: ”Gufunga inzu isengerwamo (urusengero) ntibivuze ko itorero ryose urwo rusengero cyangwa insengero zibarizwamo ziba zifunze keretse iyo RGB yambuye umuryango icyemezo cy’ubuzimagatozi.”

RGB ivugako igihe umuntu yujuje ibisabwa ashobora kujurira mu nzego zibishinzwe, zikabisuzuma ubundi agahabwa igisubizo.

Abakora ivugabutumwa banyuze mu itangazamakuru nabo RGB hari ibyo ibasaba birimo no kwiyandikisha ariko kandi n’abayobozi b’ibitangazamakuru naha umwanya aba bavugabutumwa bakabanza kujya bashishoza ku nyigisho batanga.

RGB yasobanuye igira iti: "Bamwe mu bakora ivugabutumwa banyuze mu itangazamakuru babikora batanditse akenshi bagatanga n’inyigisho ziyobya abaturage. Aha birakwiye ko abayobozi b’ibitangazamakuru bajya bashishoza mu gutanga umwanya n’urubuga rw’izi nyigisho. Birumvikana ko rero nabo basabwa kubahiriza amategeko."

Itegeko rigenga imiryango ishingiye kumyemerere ryateganyije imyaka itanu kugira ngo abifuza kwiga iby’iyobokamana bige, icyo gihe cyarangiye muri Nzeri 2023. Abatararangiza amasomo basabwa kubikora vuba, bagakomeza imirimo isaba iyo mpamyabushobozi.

Ubwo uyu muhanda wafungwaga, abawukoresha bari basabwe kwifashisha uwa Kigali-Rukomo-Gicumbi-Base, ariko ubu bakaba bashobora gukoresha iyi mihanda yombi bijyanye n’uko babyifuza.

Gusa, Polisi ntabwo yatangaje icyateye iyi mpanuka, ndetse ntibanavuze niba hari uwo yahitanye cyangwa se niba haba hari n’ibyayangirikiyemo .

Abakoresha umuhanda basabwe kwifashisha uwa Kigali-Rukomo-Gicumbi-Base

Ni ubutumwa Polisi y’u Rwanda yatangaje mu gitondo cyo kuri uyu wa Gatatu tariki 28 Kanama 2024, ko abakoresha umuhanda Kigali-Musanze, bakoresha umuhanda Kigali-Rukomo-Gicumbi–Base.

Mu butumwa Polisi y’u Rwanda yanyujije ku rubuga rwa X, yagize iti: "Turamenyesha abakoresha umuhanda Kigali-Musanze ko kubera impanuka y’ikamyo yabereye Shyorongi, ubu umuhanda Kigali-Rulindo wabaye ufunze by’agateganyo."

Yunzemo iti: "Murasabwa kuba mwihanganye mu gihe imirimo yo gukura iyo kamyo mu muhanda ikomeje cyangwa mugakoresha umuhanda Kigali-Rukomo-Gicumbui-Base. Turaza kubamenyesha umuhanda nuba nyabagendwa."

Polisi ntabwo yatangaje icyateye iyi mpanuka.

Perezida Kagame yashyizeho abajyanama mu Nama Njyanama y’Umujyi wa Kigali

Mu itangazo ryasohotse kuri uyu wa 21 Kanama 2024, ryaturutse mu Biro bya Minisitiri w’Intebe, rigaragaza abajyanama batandatu (6) bashyizwe mu Nama Njyanama y’Umujyi wa Kigali.

Iri ritangiza rigira riti: ”None kuwa 21 Kanama 2024, Nyakubahwa Perezida wa Repubulika yashyizeho abajyanama mu Nama Njyanama y’Umujyi wa Kigali bakurikira: Bwana Fulgence Dusabimana, Bwana Samuel Dusengiyumva, Madamu Flavia Gwiza, Bwana Christian Mugenzi Kajeneri, Madamu Marie Grace Nishimwe na Bwana Jack Ngarambe.”

Aba bajyanama bashyizweho mu gihe hari gutegurwa amatora y’abandi bahagariye uturere mu Nama Njyanama y’Umujyi wa Kigali, yari ateganyijwe kuwa 16 Kanama 2024, aza gusubikwa.

Samuel Dusengiyumva wari usanzwe ari Meya yongeye kugirwa Umujyanama mu mujyi wa Kigali

Komisiyo y’Igihugu y’Amatora (NEC) yasobanuyeko impamvu aya matora yasubitswe ari uko Abajyanama bashyirwaho na Perezida wa Repubulika batari bagashyizweho, ariko azaba bamaze kuboneka.

Fulgence Dusabimana, uri imbere muri aba bajyanama, yari asanzwe ari Umuyobozi wungirije w’Umujyi wa Kigali ushinzwe Ibikorwa Remezo.

Tariki 12 Kamena 2024, nibwo itangazo ryaturutse mu Biro bya Minisitiri w’Intebe ryemeje ko Perezida wa Repubulika, Paul Kagame yagize Fulgence Dusabimana, Umuyobozi wungirije w’Umujyi wa Kigali ushinzwe Ibikorwa Remezo.

Fulgence Dusabimana

Inama Njyanama y’Umujyi wa Kigali ubusanzwe igizwe n’Abajyanama 11, barimo batandatu (6), batorwa mu Turere dutatu (3) tugize uyu Mujyi, hamwe na 5 bagenwa na Perezida wa Repubulika.

Aba bajyanama bagira manda y’imyaka itanu ishobora kongerwa rimwe gusa, ariko ntibashobora kurenza manda ebyiri zikurikirana.

Banki Nkuru y’Igihugu ya Libya yasubukuye ibikorwa byayo

Ku Cyumweru tariki 18 Kanama 2024, nibwo Banki Nkuru ya Libya yatangaje ko ihagaritse ibikorwa byayo nyuma y’ishimutwa rya Musab Msallem, washimuswe n’abantu batamenyekanye.

CBL yahise itangazako itazasubukura imirimo mu gihe uyu mukozi wayo azaba atararekurwa, ndetse ngo inzego bireba zigire uruhare mu gukurikirana abantu bashyira iterabwoba ku bakozi bayo no ku bandi bakora mu rwego rw’amabanki muri Libya.

Musab Msallem washimutiwe mu murwa Mukuru Tripoli ni umuyobozi ushinzwe ikoranabuhanga mu itumanaho muri CBL. Ibiro ntaramakuru by’Abafaransa AFP byatangaje ko ibikorwa byo gushimuta Musab, byabaye nyuma y’icyumweru kimwe CBL igoswe n’abantu bitwaje intwaro.

Abashimuse Musab basaba ko Seddik al-Kabir Guverineri wa Banki Nkuru ya Libya i Tripoli yegura.

Kuri ubu, iki gihugu kiyobowe na guverinoma ebyiri, imwe ikorera i Tripoli yemewe na UN, ikaba iyobowe na Minisitiri w’Intebe Abdulhamid al-Dbeibah n’indi ikorera mu Mujyi wa Benghazi iyobowe n’Umuyobozi w’Ingabo, Field Marshal Khalifa Haftar.

Ibirori ngarukamwaka byo Kwita Izina abana b’ingagi ni umuhango witabirwa n’abaturage benshi baturutse mu bice bitandukanye by’Igihugu ndetse no hanze yacyo harimo n’ibyamamare mu ngeri zitandukanye.

Ubukerarugendo ni kimwe mu byinjiriza amafaranga Abanyarwanda by’umwihariko abaturage baturiye Pariki y’igihugu y’ibirunga mu karere ka Musanze kuko bahabwa 10% by’amafaranga Pariki y’Ibirunga yinjiza ava mu bukerarugendo agakoreshwa mu bikorwa bibateza imbere.

Mu mwaka wa 2023 u Rwanda rwasuwe na ba mukerarugendo basaga miliyoni 1.4, bituma uru rwego rwinjiza miliyoni 620 z’Amadolari avuye kuri miliyoni 500 zinjiye muri 2022.
Pariki y’Ibirunga niyo yinjiza menshi ugereranije n’ibintu bikurura bamukerarugendo.

Abikorera bo mu Karere ka Musanze, nabo baba biteguye kuzakira ababagana, ibi bikaba imwe mu mpamvu zizamura ubukungu bwabo. Muri aka karere cyane cyane mu mirenge ya Kinigi na Nyange, ni hamwe mu hantu hakomeje kwiyongera ibikorwa remezo by’amahoteri, ibi bikaba bitanga akazi kuri benshi mu mirimo itandukanye.

Uretse ingagi zikurura benshi, muri Pariki y’Igihugu y’Ibirunga habonekamo n’izindi nyamaswa zirimo inzovu, inkima, imbogo, impongo, inyoni n’izindi zitandukanye.
Igikorwa cyo Kwita Izina abana b’Ingagi, cyatangiye bwa mbere mu 2005.

Umuyobozi Mukuru wa RBC, Prof Claude Mambo Muvunyi ashima uruhare rw’ibigo bafatanya mu bushakashatsi

Ibyo RBC ishima ibihurizaho n’abafite aho bahuriye n’ubuganga, kuko biteze kungukira muri gahunda zitandukanye z’ibigo bikora ubushakashatsi nka Africa Quantitative Sciences (AQS) n’ibindi.

Mbabazi Gilbert umunyeshuri wiga ubuganga Rusange (Clinical officer), avuga ko hari ibibazo bigaragara mu buzima ariko hatazwi inkomoko yabyo bityo ubushakashatsi ari umuti wo kurandura ibyo bibazo.

Agira ati: "Africa Quantitative Sciences ije gukemura ibibazo byinshi, hari ibibazo biza mu buzima abantu batazi aho biba biturutse. Iyi gahunda y’ubushakashatsi, ije kugira ngo tugire uruhare mu kumenya aho ibibazo byaturutse. Umuntu ajya gushaka amakuru ahereye aho cyatangiriye ukamenya intandaro yacyo."

Mbabazi yungamo ati: "Urugero COVID-19, abantu baribazaga icyo ari cyo, yaje ite? Abandi ngo yaturutse mu Bushinwa ariko umushakashatsi we ntabwo ibyo abyibaza, ahubwo we ajya ahakekwa akazana amakuru yizewe, agasobanura COVID ni iki, iterwa ni iki? byagenze bite? Rero iyi gahunda ije kudufasha."

Uwizeyimana Siera wiga Clinical Medicine and Community Health, (aba bakunda kwitwa Abafasha b’abaganga), avugako hari ibibazo bikigararagara mu buganga ariko ubushakashatsi ari igisubizo kuri byo.

Ati: "AQS icyo ije kudufasha ni ugushyira mu bikorwa uko twafasha abarwayi binyuze mu bushakashatsi."

Umuyobozi Mukuru wa RBC, Prof Claude Mambo Muvunyi ashima uruhare rw’ibigo bafatanya mu bushakashatsi kugira ngo ibyo gikora byose bibe bishingiye kuri bwo.

Agira ati: "RBC turizera ko iyi gahunda yatangiye igiye guha imbaraga ubushakashatsi mu Rwanda, ikigo nka RBC gifite mu nshingano guteza imbere ubushakashatsi kugira ngo ibyo dukora byose bibe bishingiye ku bushakashatsi. RBC ntidukora twenyine dukorana n’ibigo byigenga."

AQS ni sosiyete ikorera mu Rwanda ikaba ikora ubushakashatsi igatanga amakuru afasha abafata ibyemezo bitandukanye byerekeye ubuzima.

MIFOTRA yatangaje ko ku wa Gatanu ari umunsi w’ikiruhuko cy’Umuganura

Mu butumwa yanyujije ku rukuta rwayo rwa X, MIFOTRA yagize iti: ”Hashingiwe ku Iteka rya Perezida wa Repubulika N° 062/01 ryo ku wa 19/10/2022 rigena iminsi y’ikiruhuko rusange, Minisiteri y’Abakozi ba Leta n’Umurimo (MIFOTRA) iributsa abakoresha n’abakozi mu nzego za Leta n’iz’abikorera ko ku wa gatanu tariki 2 Kanama 2024, ari umunsi w’ikiruhuko mu rwego rwo kwizihiza Umuganura.”

U rwanda rwizihiza umunsi w’Umuganura buri wa Gatanu wa mbere w’ukwezi kwa Kanama nk’uko biri mu Iteka rya Perezida wa Repubulika rigena iminsi y’ikiruhuko rusange.

Umuganura ni umwe mu mihango ya kera yari ikomeye dore ko wari mu nzira z’ubwiru. Watangiye kwizihizwa kuva ku ngoma ya Gihanga Ngomijana kugeza ku ngoma ya Ndahahiro Cyamatare. Uyu muhango waje guhagarara ku ngoma ya Musinga ariko Leta y’u Rwanda yongeye kuwugarura guhera mu wa 2011.

Muri iki gihe, Umuganura ni umunsi ukomeye ku Banyarwanda wo kwishimira ibyagezweho, kwisuzuma no kureba ibitaragenze neza, guhiga ibyo bazageraho ndetse n’ubusabane.

Muri uyu mwaka wa 2024, Umuganura ku rwego rw’lgihugu uzizihirizwa mu Karere ka Kayonza mu Ntara y’Uburasirazuba ariko uzizihizwa no mu Turere twose tw’Igihugu, mu Midugudu no mu miryango y’Abanyarwanda aho bari hose.

Yagize ati: “Ndashimira byimazeyo Perezida Paul Kagame ku bwo kongera gutorwa nka Perezida wa Repubulika y’u Rwanda, nyuma y’uko ejo hashize Komisiyo y’Igihugu y’Amatora yatangaje ku mugaragaro ibyavuye mu matora. Niteguye gukomeza gukorana na Guverinoma uyoboye kugira ngo tugere ku ntego dusangiye ku mugabane wacu, amahoro, iterambere n’ubukungu.”

Ibi abitangaje nyuma y’aho Komisiyo y’Igihugu y’Amatora (NEC) itangaje bidasubirwaho ko Kagame ari we watsinze amatora ku mwanya w’Umukuru w’Igihugu ku majwi 99,18%. Mu gihe abo bari bahatanye ari bo: Dr Frank Habineza yagize amajwi 0,50% na Mpayimana Philippe wagize 0,32%.

Moussa Faki Mahamat yunze mu byemejwe n’indorerezi zaba izo mu Rwanda n’izo ku rwego mpuzamahanga, avuga ko amatora mu Rwanda yabaye mu mucyo, mu bwisanzure ndetse nta kubogama kwabayemo.

Afurika Yunze Ubumwe yashimiye Abanyarwanda kuba barashyize mu bikorwa uburenganzira bwabo bwo gutora abayobozi bifuza binyuze mu mahoro n’umutuzo, ishima ko u Rwanda rwakoresheje amafaranga yarwo mu gutegura amatora.

I wish to warmly congratulate President @PaulKagame upon his brilliant re-election as Head of State of the Republic of #Rwanda following yesterday's announcement of official election results by the National Elections Commission. I look forward to continuing to work with the…

— Moussa Faki Mahamat (@AUC_MoussaFaki) July 23, 2024

Aba bana bigishwa nk’abandi, bagatozwa gusoma no kwandika

Aba babyeyi b’abana bafite ubu burwayi bahamya ko aba bana bafite ubushobozi nk’ubw’abandi mu gihe babonye ubufasha ariko bakababazwa no kuba benshi badasobanukiwe n’ubu burwayi bigatuma sosiyete ifata aba bana nk’abananiranye cyangwa se ababyeyi babo batazi kurera.

Umutoni Jacquiline ufite umwana wafashijwe na Autisme Rwanda, avuga ko yababazwaga n’uburyo sosiyete yamufataga nk’umubyeyi utazi kurera, nyuma amenya ko umwana we arwaye indwara yitwa autisme amujyana mu ishuri rifasha abana bafite iyi ndwara ndetse akaba ageze ahashimishije.

Yagize ati: ”Twamenye ko afite autisme afite nk’imyaka ibiri kubera imyitwarire yari afite idasanzwe, ubona ari umwana ujagaragaye, rimwe na rimwe abantu bakancira imanza ngo ntabwo nzi kurera neza, bikanambabaza cyane, noneho umuntu wese duhuye nkamubaza nti, ‘ko namwe muri ababyeyi mubona umwana wange afite ikihe kibazo? Nyuma nahuye n’umwarimu ambwira ko umwana wange yaba arwaye autisme".

Ababyeyi bari baje kwishimana n’abana babo

Umutoni avuga ko umwana we yafashijwe na Autisme Rwanda kandi impinduka zigaragaza nubwo mbere nta cyizere yarafite.

Ati: ”Twazanye umwana mu kigo ahamaze amazi 6 atangira kuvuga, atangira gusa n’utuza, amarira atangira kugabanuka, umwaka washize atangiye kwiga, umwereka ibishushanyo akabivuga, aca imirongo, uyu mwaka wa Kabiri ugeze ari umwana uri ku rwego nk’abandi bana barangije nursery ya mbere. Aravuga neza, arijyana ku bwiherero, arasinzira neza ibitotsi arabifite, icyo yifuje aragisaba, kwa kundi yagiraga umujinya udasanzwe, ibimenyetso byose bya autisme ubona byaragabanutse, arasinzira neza, urugero agezeho nta nubwo wavuga ko afite autisme keretse ubizi".

Ibi abihuriraho na Usenga Diane uvuga ko hari abatarasobanukirwa ubu burwayi ku buryo bibangamira umwana. Asaba Leta kubafasha kuko uburezi bwabo bana bafite iki kibazo buhenze.

Rosine Duquesne Kamagaju, washinze iri shuri akanaba umuyobozi waryo asaba ko habaho ubufatanye n’izego zose mu kwita kuri aba bana

Agira ati: ”Sosiyete ntabwo abenshi bumva icyo autisme ari cyo, bityo abana kwisanga bikagorana. Icyo dusaba zaba inzego za leta, zaba inzego z’abikorera ndetse n’abantu muri rusange ni ubufasha bwaba bana bacu kuko uburezi bwabo burahenze".

Usenga agira inama ababyeyi bafite abana bafite ubu burwayi kwiyakira ndetse bagakunda abana babo kuko bashoboye ibintu bitandukanye.

Agira ati: ”Inama nagira ababyeyi bafite abana bafite ikibazo cya autisme, ni ukwiyakira bakakira abana babo kuko aba bana bacu barashoboye, icyo bakeneye ni gukundwa no kwitabwaho".

Rosine Duquesne Kamagaju washinze ishuri rifasha abana bafite uburwayi bwa autisme akaba n’umuyobozi waryo, avuga ko hakenewe uruhare rwa leta, abarimu n’ababyeyi kugira ngo umwana ufite ikibazo cya autisme afashwe.

Gakwaya Albert avuga ko nta muntu ukwiye gusuzugura undi kuko buri wese afite icyo ashoboye

Yagize ati: “Kwita ku mwana ufite autisme bisaba ubushobozi bw’amikoro, bigasaba ko umubyeyi akorana n’abarimu. Iyo umubyeyi adakoranye n’ikigo ngo dufatanye ntabwo bitanga umusaruro uko tubyifuza. Turasaba twinginga kugira ngo leta ikomeze idufashe, iradufasha muri bike ariko turifuza ko ishyiramo imbaraga nyinshi kuko aba bana bashoboye".

Rosine akomeza asaba sosiyete gufasha abana hakiri kare kugira ngo bitabakomeretsa ndetse n’ababyeyi babo. Ati: ”Uko umwana wamuzanye hakiri kare ni nako bidufasha kugira ngo tumufashe, tumwigishe atarakomereka. Sosiyete ikomeretsa abana, iyo umwana agiye ku ishuri bakamwirukana, iyo umwana agiye ahantu bakamwita amazina atari meza nawe arakomereka n’umubyeyi agakomereka".

Gakwaya Albert wize ibyo kuvura ibibazo byo mu mutwe (Psychotherapist) avuga ko nta muntu ukwiye gusuzugura undi kuko buri wese afite icyo ashoboye.

Agira ati: ”Twubahe umuntu, umuntu uwariwe wese ni umuntu, kandi umuntu wese arashoboye, kandi uko ashoboye bishobora kugirira akamaro abandi [……] ushobora kumubona kuriya yigendera ukamugira ikigoryi kuko atavuze, uvuga wese ntabwo ari uko ari umuhanga, ntabwo ari ngombwa ko tuvuga kugira ngo twitwe abantu b’ingirakamaro".

Abana bafashwaga na Autisme Rwanda basoje kwiga

Autisme Rwanda ni ishuri ryita ku bana bafite ikibazo cya autisme riherereye mu Murenge wa Gisozi mu Karere ka Gasabo, ryafunguye imiryango muri 2014.

Kuri uyu wa 19 Nyakanga 2024 ni bwo abana 11 bafashijwe n’iri shuri basoje amasomo bahabwaga ku buryo bageze ku kigero cyo gutangira amashuri abanza, n’aho umwe akaba yarakoze ikizamini cya Leta gisoza amashuri abanza 2024.

Imibare itangwa na CDC (Centers for Disease Control and Prevention) igaragaza ko umuntu umwe mu bantu 100 baba abafite ubu burwayi bwa autisme. Ni ukuvuga ko ku isi habarurwa abasaga miliyoni 75 barwaye autisme.

Perezida wa Kenya William Ruto yashimiye Perezida Kagame (Ifoto yo mu bubiko)

Perezida wa Kenya William Ruto, mu butumwa yanyujije ku rukuta rwe rwa X, yashimiye Perezida Paul Kagame, ashima n’amahitamo y’Abanyarwanda.

Yagize ati: “Mu izina ry’abaturage na Guverinoma ya Kenya, nejejwe no kubashimira byimazeyo kuba mwongeye gutorerwa indi manda nka Perezida wa Repubulika y’u Rwanda.”

Ruto yakomeje agira ati: “Turishimira amahitamo aboneye y’Abanyarwanda, tukwifuriza intsinzi mu rugendo ruganisha Igihugu ku mahoro, ituze n’iterambere.”

Perezida Samia Suluhu wa Tanzania ari mu boherereje Kagame ubutumwa bw’ishimwe (Ifoto yo mu bubiko)

Perezida wa Tanzania, Samia Suluhu Hassan, na we yashimiye Paul Kagame wongeye gutorerwa kuyobora u Rwanda, anamwizeza gukomeza gukorana mu guteza imbere umubano w’ibihugu byombi no guharanira ubumwe n’ubusugire bw’Umuryango wa Afurika y’Iburasirazuba.

Perezida wa Mozambique Filipe Jacinto Nyusi na we yashimiye Perezida Kagame (Ifoto yo mu bubiko)

Perezida wa Mozambique Filipe Jacinto Nyusi, na we yifurije ishya n’ihirwe Paul Kagame muri manda y’imyaka itanu iri mbere.

Perezida Umaro Sissoco Embaló wa Guinea-Bissau, aherutse kwambika Umudali w’Ikirenga Perezida Kagame

Perezida wa Guinea-Bissau, Umaro Sissoco Embaló, Perezida wa Madagascar Andry Rajoelina, na bo bashimiye Paul Kagame.

Perezida Kagame na Andry Rajoelina wa Madagascar (Ifoto yo mu bubiko)

Mu bandi bayobozi bashimiye Paul Kagame, harimo Minisitiri w’Intebe wa Ethiopia, Abiy Ahmed Ali.

Minisitiri w’Intebe wa Ethiopia Abiy Ahmed Ali na we yashimiye Perezida Kagame (ifoto yo mu bubiko)

Philippe Mpayimana

Umukandida wigenga Mpayimana Philippe wagize amajwi 0,32%, yavuze ko icyo yifuzaga ari uko Abanyarwanda bagira uruhare mu gushyiraho ubuyobozi, asobanura n’uko yabonaga ubwitabire mu gihe cyo kwiyamamaza.

Yagize ati “Njyewe icyo nifuzaga ni uko Abanyarwanda bagira uruhare mu gushyiraho ubuyobozi bwabo. Ibijyanye n’umubare w’amajwi ndetse n’umubare w’abazaga mu bikorwa byo kwiyamamaza byanjye, ntabwo mbitindaho, icy’ingenzi ni uko twebwe turi Abanyarwanda bashoboye gutanga uruhare mu buyobozi. Kuba amajwi wenda yagabanuka ugereranyije n’ayo nagize mu kwiyamamaza mu myaka irindwi ishize ntabwo bisobanuye ko ubushobozi bwanjye bwaganutse.”

Mu matora ya Perezida wa Repubulika yabaye muri 2017, Mpayimana Philippe yaratsinzwe, aho yaje ku mwanya wa kabiri n’amajwi 0.7%.

NEC yatangaje ko iby’ibanze byavuye mu matora y’Umukuru w’Igihugu byagaragaje ko Kagame Paul yatsinze ku majwi 99.15%, mu gihe abo bari bahanganye, Dr. Habineza Frank yagize 0.53% mu gihe Mpayimana Philippe yagize amajwi 0.32%.

Biteganyijwe ko Komisiyo y’Igihugu y’Amatora (NEC) izatangaza iby’agateganyo byavuye mu matora ya Perezida wa Repubulika n’ay’Abadepite tariki 20 Nyakanga 2024, mu gihe bitarenze tariki 27 Nyakanga 2024 izatangaza amajwi ya burundu yo mu matora ya Perezida wa Repubulika n’ay’Abadepite.

Reba ibindi muri iyi Video:

Ubwihugiko bw’ahazatorerwa abakandida Perezida

Twagirayezu Bonaventure uhagarariye amatora mu Murenge wa Niboye, avuga ko site zose z’itora zagejejweho ibisabwa ndetse byakozwe ku buryo bwiza kandi bwubahirije amategeko agenga amatora.

Agira ati: "Abaturage bariteguye, ibyumba byose biteguye neza ndetse bafite n’ubushake bwo kubyukira mu gikorwa cy’amatora. Icyo tureba ni ukureba ko bubahirije ibisabwa na Komisiyo y’Amatora".

Umudugudu wa Mwijuto mu Murenge wa Niboye imyiteguro igana ku musozo

Muganwa Bosco, Umukuru w’Umudugudu wa Mwijuto mu Murenge wa Niboye avuga ko bateguye aho bazatorera ku buryo buhesheje abakandida agaciro ariko na bo ubwabo.

Yagize ati: "Hano mudusanze mu gikorwa cyo kwitegura mu buryo buhesheje agaciro abaturage mpagarariye ariko n’abayobozi tuzaba dutora mu buryo bw’umwihariko".

Abaturage bo mu Murenge wa Niboye mu Mudugudu wa Mwijuto bavuga ko bashimishijwe no kubona aho bazatorera hasa neza ndetse biteguye kuzindukira kuri site y’itora.

Ubwihugiko buzatorerwamo Abadepite

Kuri uyu wa 14 Nyakanga 2024 Abanyarwanda baba mu mahanga nibo babanje gutora, mu gihe ababa imbere mu gihugu bazindukira mu gikorwa cyo gutora Perezida wa Repubulika n’Abadepite. Amatora azatangira saa Moya kugeza saa Cyenda.

Indorerezi y’amatora yaje gusura site y’itora

Ruto yakiriye ubwegure bwa Japhet Koome, wari Umuyobozi Mukuru wa Polisi

Japhet Koome yatanze ubwegure bwe, nyuma y’uko Abanyakenya bakomeje gusaba Perezida William Ruto kweguza uyu wari Umuyobozi Mukuru wa Polisi.

Ibi byatewe n’imyigaragambyo yabaye muri Kenya yamaganaga itegeko ry’ingengo y’imari ya 2024/2025, yangirikiyemo ibintu bitandukanye birimo n’inyubako zitandukanye zirimo igice cy’ingoro y’Inteko Ishinga Amategeko ya Kenya.

Polisi ya Kenya ishinjwa gukoresha ingufu z’umurengera itatanya abigaragambyaga, bituma abantu bagera kuri 39 bahaburira ubuzima. Ibi byatumye abaturage basaba ko uyu Japhet Koome yegura mu nshingano ze ariko Ruto ntiyemeranyije nabo.

Ubu bwegure bukurikiye iseswa rya Guverinoma hafi ya yose ryabaye ku mugoroba wo kuwa Kane kuko hasigayemo Minisitiri w’Intebe usanzwe ari na Minisitiri w’Ububanyi n’Amahanga, Musalia Mudavadi, na Visi Perezida, Rigathi Gachagua bagumye mu myanya yabo.

Nyuma yuko ubwegure bwe bwemewe, izi nshingano za Japhet Koome zafashwe na Douglas Kanja wari usanzwe ari Umuyobozi Mukuru wa Polisi wungirije mu gihe Eliud Langat yabaye Umuyobozi Mukuru wungirije.

Japhet Koome yabaye Umuyobozi Mukuru wa Polisi wa Kenya mu Ugushyingo 2022.

Perezida William Ruto yirukanye hafi ya bose bagize Guverinoma kuri uyu wa Kane

Ruto yatangaje ko nyuma yo gusesa guverinoma hashyirwaho indi nshya igizwe n’abantu bake ugereranije n’iyari isanzwe. Yavuzeko Minisitiri w’Intebe usanzwe ari na Minisitiri w’Ububanyi n’Amahanga, Musalia Mudavadi, na Visi Perezida, Rigathi Gachagua bo baguma mu nshingano zabo.

Perezida Ruto yatangarije ku biro by’Umukuru w’Igihugu ko abaturage bamwitezeho byinshi, ari yo mpamvu hakenewe ubuyobozi butanga impinduka.

Ati: “N’ubwo tumaze kugera ku iterambere, ndabizi neza ko abaturage ba Kenya banyitezeho byinshi, kandi bizera ko ubu buyobozi bushobora kugira impinduka nini mu mateka y’igihugu cyacu”.

Uyu ni umwe mu myanzuro ikomeye Ruto afashe uje ukurikiye kwanga gusinya ku itegeko ry’ingengo y’imari ya 2024/2025 ryarimo ingingo izamura umusoro.

Perezida wa Kenya William Ruto ukomeje gutegura ibiganiro bitandukanye ku ngeri zose, yatangaje ko no mu gushyiraho guverinoma nshya azabanza kugirana ibiganiro n’ibyiciro byose by’abanyagihugu. Mu minsi ishize akoreshesheje urubuga rwa X, yagiranye ikiganiro n’urubyiruko rw’abakiri bato bazwi nka ‘Gen-Z’, rumubaza ibibazo bitandukanye.

Mbere y’uko Perezida Ruto agirana ikiganiro n’urubyiruko, yagejeje ijambo ku banyagihugu kuri televiziyo, asezeranya gufata ingamba nyinshi zo kugabanya amafaranga leta ikoresha kuko inyongera ku misoro zari ziteganyijwe zakuweho.

Perezida William Ruto n’ubwo yanze gusinya ku mushinga w’itegeko ry’ingengo y’imari wanzwe n’abaturage, yavuze ko byari gufasha Kenya kudakomeza kuremererwa n’imyenda. Kudasinya uyu mushinga bizatuma Leta ifata inguzanyo nyinshi kugira ngo ikomeze gukora.

N’ubwo Banki y’Isi n’ikigega mpuzamahanga cy’imari, IMF, gisaba ibihugu kutarenza 55% by’imyenda iva mu mahanga, Kenya ifite ingana na 68% by’umusaruro mbumbe w’igihugu.
Iyi Guverinoma yaseshwe yagiyeho mu Ukwakira 2023, ubwo Perezida Ruto yajyaga ku butegetsi.

Kanamugire Emmanuel Chairman wa FPR-Inkotanyi mu Murenge wa Nyarugenge

Ibi babigarutseho mu gikorwa cyo kwamamaza umukandida Perezida w’umuryango wa FPR-Inkotanyi n’Abadepite bawo mu Murenge wa Nyarugenge, kuri uyu wa Gatatu tariki 10 Nyakanga 2024.

Kanamugire Emmanuel, Chairman w’Umuryango wa FPR-Inkontanyi mu Murenge wa Nyarugenge, avuga ko ibikorwa remezo byabagezeho babikesha Paul Kagame wayoboye u Rwanda.

Agira ati: ”Umurenge wa Nyarugenge ufite byinshi cyane ukesha RPF-Inkontanyi, ukesha Nyakubahwa Paul Kagame, umukandida wa RPF-Inkotanyi, chairman wacu. Iyo urebye inzu z’ubucuruzi ziri mu Murenge wa Nyarugenge, ukareba downtown, ukareba inzu ziyikikije hafi ya zose ni inzu nshyashya zitari zihari mbere y’uko RPF-Inkotanyi ifata iki Gihugu, mbere y’uko ubuyobozi bwa Chairman, Paul Kagame bushyira ibintu aho biri, ibi byose tubikesha ubuyobozi bwiza bwa nyakubahwa Paul Kagame.”

Akanyamuneza kari kose ku bari baje gushyigikira abakandida Depite

Emmanuel agaruka ku byakozwe yavuze ko impinduka zigaragaza, zigatanga icyizere ko hari byinshi bizakorwa mu myaka iri imbere.

Ati: ”Yavuguruye ibikorwa remezo, Imijyi irikuvugururwa, urabona inzu zubakwa, ibyo byose tubikesha ubuyobozi bwa Paul Kagame. Dufite imihanda myiza ya kaburimbo n’utuyira tw’abanyamaguru twarakozwe, ruhurura zirapfundikirwa, dufite amashanyarazi kandi menshi ahagije, dufite amashuri, amavuriro, ibitaro bikomeye biri mu Murenge wa Nyarugenge, umutekano, ubucuruzi bwatanze imirimo myinshi ku rubyiruko n’abikorera, dufite byinshi twavuga. Ibizakorwa mu minsi iri imbere ni byinshi uhereye no ku byo dufite tubona.”

Emmanuel akomeza avuga ko hari icyizere ko Umurenge wa Nyarugenge uzatora Paul Kagame 100%. Yagize ati: ”Umukandida wacu tuzamutora 100%, uko bitabiriye bigaragaza ko n’amatora tuzayatsinda.”

Abakandida Depite ba FPR-Inkotanyi biyamamarije mu Murenge wa Nyarugenge

Abakandida bamamajwe n’Umuryango FPR-Inkotanyi ni Eric Kayiranga, Mujawabega Yvonne, Mukayiranga Muyango Sylvie na Ingabire Neema Eugenne uturuka mu ishyaka UDPR.

Abitabiriye iki gikorwa cyo kwamamzaza mu Murenge wa Nyarugenge bibukijwe kuzazindukira kwakira umukandida perezida Paul Kagame wa RPF Inkotanyi, ubwo azaba asoza ibikorwa byo kwiyamamaza bizabera i Gahanga muri Kicukiro kuri 13 Nyakanga 2024.

Ubwitabire bwari ku rwego rwo hejuru

Umworozi ugejeje amata ku ikusanyirizo azajya ahabwa 400Frw kuri litiro imwe naho ku ikusanyirizo ni 432Frw

Minisiteri y’Ubucuruzi n’Inganda yabitangaje nyuma y’isesengura ryakozwe na Minisiteri y’Ubuhinzi n’Ubworozi, iy’Ubucuruzi n’Inganda n’izindi nzego.

Mu itangazo yanyujije ku rubuga rwa X, Minisiteri y’Ubucuruzi n’Inganda yamenyesheje abarozi, abayobora amakusanyirizo y’amata, abacuruza amata, inganda ziyatunganya n’Abanyarwanda muri rusange ibyo biciro bishya by’amata.

Iri tangazo rigira riti: “Umworozi uyajyanye [Amata] ku ikusanyirizo azajya ahabwa 400Frw kuri litiro imwe, mu gihe igiciro cya litiro imwe y’amata ku ikusanyirizo ari 432Frw.”

Itangazo rikomeza rigira riti: ”Ikiguzi cy’ubwikorozi ku mata agemuwe ku nganda, aborozi cyangwa abacuruzi hazakomeza gukurikizwa imikoranire bari basanganwe.”

Minisiteri y’Ubucuruzi n’Inganda yavuze ko iri tangazo ritareba aborozi bari basazwe bafite abaguzi cyangwa isoko ry’amata ku giciro kiri hejuru y’icyavuzwe haruguru.

MINICOM yasabye inzego zibishinzwe gukurikirana ishyirwa mu bikorwa ry’ibikubiye muri iri tangazo. Mbere yuko ibi biciro bihindurwa, umuworozi yahabwaga 300 Frw kuri Litiro.

Emmanuel Macron yasabye Gabriel Attal (Uri ibumoso) kuguma ku butegetsi by’igihe gito

Ibiro bya Perezida w’u Bufaransa byatangaje ko Macron yasabye Gabriel Attal kuguma ku mwanya yari ariho ku bw’umutekano w’Igihugu. Byagize biti: ”Perezida yasabye Gabriel Attal gukomeza kuba Minisitiri w’Intebe muri iki gihe, kugira ngo Igihugu kibungabunge umutekano."

Ibiro bya Macron byavuze ko nyuma yuko ahuye na Attal, yamushimiye ubufatanye yagaraje mu bikorwa byo kwiyamamaza, amusaba kuguma Ku mwanya wa Minisitiri w’Intebe.

Attal yari yatangaje ku Cyumweru tariki ya 07 Nyakanga 2024 ko ashyikiriza ubwegure bwe Perezida Emmanuel Macron mu gitondo cyo kuri uyu wa Mbere, nyuma yuko ihuriro NFP (Nouveau Front Populaire) ry’amashyaka atavuga rumwe n’ubutegetsi ryegukanye imyanya myinshi mu Nteko Ishinga Amategeko.

Attal yari yatangaje ko mu gihe yasabwa kutegura, yakwemera kuguma mu nshingano kubera imikino ya Olympique u Bufaransa bwitegura kwakira.

Gabriel Attal yagizwe Minisitiri w’Intebe w’u Bufaransa na Perezida Emmanuel Macron muri Mutarama 2024. Gabriel Attal yaciye agahigo ko kuba Minisitiri w’intebe wa mbere muto w’imyaka 34 mu mateka y’u Bufaransa.

Attal yagiye kuri uyu mwanya asimbuye Elizabeth Borne wari weguye kuri uwo mwanya. Yabaye Minisitiri w’Ibikorwa bya Leta n’Imari Mu mwaka wa 2022/2023, ndetse yabaye Minisitiri w’Uburezi n’Urubyiruko nyuma agirwa Minisitiri w’Intebe. Attal ni Umufaransa ufite inkomoko mu Bayahudi akaba yaravukiye muri Tunisia.

UN ivuga Kubatwa n’ibiyobyabwenge atari amahitamo

Tariki ya 26 Kamena, ni umunsi mpuzamahanga wahariwe kurwanya ibiyobyabwenge, hagamijwe gufasha abatuye Isi kubireka, kuko byangiza ubuzima bwa muntu.

Kuri uyu munsi mu butumwa UN yatangaje, yavuze ko kubatwa n’ibiyobyabwenge atari amahitamo, bityo ababikoresha badakwiye guhezwa kugira ngo bafashwe.

UN yagize iti: ”Abantu benshi bakoresha ibiyobyabwenge barasuzugurwa ndetse bahura n’ivangura, bishobora kurushaho kwangiza ubuzima bwabo bwo mu mutwe, ku mubiri ndetse bibakumira kubona ubufasha bakeneye.”

UN isaba abantu bose gukorera hamwe hashyirwa imbaraga mu kurwanya ikibazo cy’ibiyobyabwenge ku Isi. Ivuga ko binyuze mu gukorera hamwe bishoboka kugeza Isi aho abantu babaho ubuzima bwiza kandi bwuzuye.

UN isaba ko hashyirwa imbaraga mu kuzamura imyumvire mu gukoresha ibiyobyabwenge, hagaragazwa ingaruka zabyo.

Urubyiruko rukwiye gushyigikirwa rugahabwa ubumenyi bukenwe bwose n’ibikenewe kugira ngo rube umusemburo w’impinduka mu miryango.

Tariki ya 26 Kamena ni umunsi mpuzamahanga wahariwe kurwanya ibiyobyabwenge

Imibabare yavuye mu bushakashatsi bwakozwe na Kaminuza y’u Rwanda ku bufatanye n’Ikigo cy’Igihugu cy’Ubuzima (RBC) mu mwaka 2023, igaragaza ko Abanyarwanda bangana na 21,306 ari bo bivurije mu mavuriro yo hirya no hino mu gihugu kubera ikibazo cy’ikoreshwa ry’ibiyobyabwenge mu myaka itanu ishize.

Ubu bushakashatsi bwakorewe mu turere twa Nyarugenge, Rulindo, Gakenke, Gisagara, Karongi, Nyamasheke, na Rusizi.

Bimwe mu biyobyabwenge byakoreshejwe cyane harimo urumogi, Mugo (Heroin), Lisansi, Kole, Chief Waragi, Suzie Waragi, Cocaine, Muriture n’ibinini byo kwa muganga bikoreshwa nk’ibiyobyabwenge nka Rohypinol, Diazepam na Morphine.

Mu Rwanda abakurikiranweho icuruzwa n’ikoreshwa ry’ibiyobyabwenge mu mwaka wa 2020 bari 4890, mu gihe umwaka ushize wa 2023 bari 4530.

Raporo y’Umuryango Mpuzamahanga wita ku Buzima (World Health Organisation), igaragaza ko abantu miliyoni 2.6 bapfa buri mwaka bazize kunywa ibinyobwa bisembuye (birimo alcohol), bangana na 4.7% by’impfu zose, naho miliyoni 0.6 bapfa bazize gukoresha ibiyobyabwenge.

MONUSCO yafunze ibiro byayo i Bukavu muri RDC

Uyu muhango wo gufunga imiryango ya MONUSCO i Bukavu, wabaye kuwa Kabiri ku kibuga cy’indege cya Kavumu. Izi ngabo zifite gahunda yo kuva muri iki gihugu mu byiciro nk’uko byavuzwe n’ukuriye MONUSCO Bintou Keita, ko batagikorera mu ntara ya Kivu y’Epfo.

Izi ngabo ziri mu butumwa bwa ONU muri RDC, uretse kuba buhenze (Ingengo y’imari yabwo mu 2022 yageraga kuri miliyari 1.1 y’Amadolari) bunamaze igihe kirekire kigera ku myaka 20.

Ibi biri muri bimwe Leta ya RDC iheraho ishinja izi ngabo kutagaragaza umusaruro nubwo zo zivuga ko ntacyo zitakoze gishoboka ngo zigarure amahoro mu burasirazuba bwa RDC.

RDC yakoze byinshi bitandukanye bigaragaza ko itagikeneye izi ngabo muri iki gihugu. Muri werurwe 2024 habaye imyigaragambyo yibasira ibikorwa by’Umuryango w’Abibumbye mu mujyi wa Kinshasa. Urubyiruko rwabyukiye imbere ya Ambasade ya Amerika n’u Bufaransa, rutwika amapine ruvuga ko rurambiwe kwicwa, ibi bihugu ntibigire icyo bikora.

MONUSCO yafashe iki cyemezo cyo kuva muri RDC mu mwaka 2023 nyuma yuko RDC ishize igitutu kuri izi ngabo.

Nubwo izi ngabo ziri kuva mu bice bitandukanye bya RDC, haracyagaragara imitwe itandukanye yitwaje intwaro.

Bruce Melody, Knowles na Chriss Eazy basusurukije abitabiriye kwamamaza umukandida wa FPR

Kuri site ya Rugarama, mu Murenge wa Nyamirambo ni ho hari hateraniye abanyamuryango ba FPR Inkotanyi barenga ibihumbi 500.

Muri iki gikorwa, abahanzi batandukanye na bo basusurukije abari aho binyuze mu ndirimbo zamamaza FPR Inkotanyi n’umukandida wayo ndetse n’izindi zisanzwe.

Bruce Melody

Abahanzi barimo Bruce Melodie, Bwiza, Tuyisenge Intore, Butera Knowless, Bushali, Dr Claude, Igisupusupu, na Chriss Eazy, baririmbye indirimbo bahimbye zivuga ibigwi by’umukandida wa FPR Inkotanyi Paul Kagame, bavangamo n’izindi zisanzwe zizwi na benshi.

Aba bahanzi ni bamwe mu bafashije gususuruka abari kuri site zitandukanye ahaba hateraniye abaturage bategereje umukandida wa FPR Inkotanyi.

Knowless na Bushali

Uretse aba kandi Jules Sentore, Ruti Joel na Andy Bumuntu, ababyinnyi n’abandi bahanzi gakondo basusurukije abari bateraniye aho mu ndirimbo ya Lionel yitwa ‘Uwangabiye’ imwe muzikomeje gukoreshwa cyane mu bikorwa byo kwamamaza umukandida Paul Kagame. Iyi ndirimbo yabyinwe n’aba bahanzi ndetse bafatanya na Kagame na Madamu Jeannette Kagame n’abandi banyamuryango ba FPR-Inkotanyi.

Uretse aba bahanzi, hari n’ababyeyi b’Abayisilamu bishyize hamwe kugira ngo bashimire umukandida Paul Kagame ku byo yagejeje ku Rwanda mu myaka ishize.

Chriss Eazy

MC Brian wari uri gukorana n’abarimo Tidjara Kabendera, Manzi n’abandi, bari mu bashyushyaga abaturage bari babukereye mbere y’uko umukandida wa FPR ahagera.

DJ Sonia na we yari ari gucuranga indirimbo z’abahanzi batandukanye zamamaza Paul Kagame.

Mu kiganiro ubuyobozi bw’Umuryango FPR Inkotanyi bwagiranye n’abanyamakuru ku wa 21 Kamena 2024, bwatangaje ko hari indirimbo zirenga 150 zivuga ibigwi by’umukandida wa FPR Inkotanyi zimaze kujya ahagaragara.

Jules Sentore, Ruti Joel na Andy Bumuntu ubwo babyinaga indirimbo Uwangabiye

Bamwe mu bahanzi bamaze gukora indirimbo zivuga ibigwi by’umukandida wa FPR-Inkotanyi Paul Kagame, harimo Bruce Melodie na Bwiza mu ndirimbo bise ‘Ogera’, Nelly Ngabo mu ndirimbo ‘Nywe PK24’, ‘Afande’ ya Dany Vumbi, Nsengiyumva François uzwi cyane mu ndirimbo Igisupusupu mu ndirimbo yise ‘Ikipe itsinda’, ‘Contre Succes remix’ ya Dr Claude, Senderi International Hit, Tuyisenge Intore n’abandi.

Bushali

Dj Sonia na MC Brian

Umushyushyarugamba Tidjara

King James na we yatumye abantu basimbuka, baridagadura mu ndirimbo ze zitandukanye

Abanyamakuru Nzeyimana Lucky na Isheja Sandrine ni bo bari bayoboye ibi birori (MC)

Intore Tuyisenge na we yasusurukije abitabiriye iki gikorwa mu mu ndirimbo ze zivuga ibigwi bya FPR Inkotanyi n’izindi zirata ibyo u Rwanda rwagezeho

Bwiza na Bruce Melodie bagaragara aho umukandida wa RPF Inkotanyi yiyamamariza hose baririmba indirimbo ‘Ogera’ ndetse n’izindi zabo zikunzwe na benshi

Reba ibindi muri izi Videwo:

Videwo: Richard Kwizera & George Salomo

U Rwanda rwifatanije n’Isi kwizihiza umunsi mpuzamahanaga w’abagore muri diplomasi

Mu butumwa Umuryango w’Abibumbye (UN) watanze kuri uyu munsi, washimiye abagore kuko bagize uruhare runini mu gutegura no kwemeza Uburenganzira bwa Muntu Mpuzamahanga mu myaka 75 ishize.

Uyu munsi wizihizwa kuwa 24 Kamena, ugamije gutuma ubuyobozi bw’umugore bugaragarira buri wese, kugaragaza ibyo abagore bagezeho mu rwego rwa diplomasi, no kwerekana ibigikenewe kugira ngo abagore bagire uruhare runini mu nzego zose zifata ibyemezo muri politiki.

Raporo ya UN muri 2023, yagaragaje ko abagore b’abaminisitiri bangana 21%, abagore bari mu Nteko Inshingamategeko ari 26%.

Kugeza ku ya 1 Mutarama 2024, 23% gusa by’imyanya y’abaminisitiri ari abagore ndetse kandi mu bihugu 141 abagore bagize munsi ya kimwe cya gatatu cy’abagize guverinoma. Ibihugu birindwi nta mugore n’umwe bigira muri guverinoma.

Abitabiriye ikiganiro cyateguwe na CCOAIB

Ibi babigaragarije mu kiganiro cyateguwe na CCOAIB (Conseil de Concertation des Organisations d’Appui aux Initiatives de Base) ifatanije na Never Again Rwanda (NAR) batewe inkunga na Swiss Agency for Development and Cooperation (SDC).

Umwe mu muhinzi mu gishanga cya Rurambi mu karere ka Bugesera, Kwihanga Joel, avuga ko bahura n’imbogamizi zitandukanye ku buryo bigoye kuhira, bagasaba ko bagabanyirizwa igiciro cy’umuriro w’amashanyarazi.

Umuhinzi mu gishanga cya Rurambi mu karere ka Bugesera, Kwihangana Joel

Agira ati: ”Batugabanyirize igiciro cy’umuriro kuko nko ku manshanyarazi hari ubwo twishyura nka miliyoni 3 kuri sezo (Season) imwe.”

Ikigo cy’igihugu gishinzwe ubuhinzi n’ubworozi (RAB), kivuga ko kigiye gukora ubuvugizi kugira ngo abuhira bakoresheje amashanyarazi bajye bayishyura ku giciro gito.

Umuyobozi ushinzwe igenamigambi muri CCOAIB, Senyabatera Jean Bosco, asaba inzego zitandukanye guhagurukira ikibazo cy’imihindagurikire y’ibihe, kuko bishoboka guhangana nabyo binyuze mu kuhira.

Umuyobozi ushinzwe igenamigambi muri CCOAIB, Senyabatera Jean Bosco

Ati: ”Kubera imihindagurikire y’ibihe, izuba ririkugenda rirusha imbaraga imvura. Ntekereza ko amafaranga atabuze ahubwo ni ukubishyira mu by’ibanze. Amafaranga ntabwo yabura, Abanyarwanda bafite ubushake kandi nabo bakeneye kubaho. Niyo mpamvu ari Leta, ari abaturage, ari abafatanyabikorwa bose bagombye gushyira imbaraga muri ibyo bikorwaremezo byo kuhira.”

Jean Bosco akomeza avuga ko gukemura iki kibazo bitareba Leta gusa ahubwo imiryango itari iya Leta iharanira inyungu rusange ukwiye gufasha abahinzi buhira imyaka yabo.

Agira ati: ”Nk’imiryango itari iya Leta iharanira inyungu rusange icyo dukora ni ubushakashatsi. Ntabwo tureba ibibazo gusa ahubwo dutanga n’umuti washoboka. Umuti ushobora gutangwa na Leta, abafatanyabikorwa bayo nka Civil society (imiryango itari iya Leta iharanira inyungu rusange) kuko Leta itabona ingengo y’imari ihagije yabungabunga ibyo bikorwa, twashaka n’andi yo gufasha inzego za Leta kubungabunga ibikorwaremezo.”

Umuyobozi ushinzwe imiryango y’abakoresha amazi muri RAB, Mporana Jules avuga ko bagiye gukora ubuvugizi

Umuyobozi ushinzwe imiryango y’abakoresha amazi muri RAB, Mporana Jules avuga ko bagiye gukora ubuvugizi kugira ngo abuhira bakoreshesheje amashanyarazi bajye bayishyura ku giciro gito ariko uruhare rw’umuhinzi na rwo rukenewe.

Yagize ati: “Iyo twuhira dukoresheje amashanyarazi bitwara amafaranga menshi. Ntabwo tugomba gufasha abahinzi bagomba kwigira ariko nanone igiciro n’ikirekire. Icyo turigukora n’ubuvugizi ku buryo dushobora kugabanya igiciro kigenda ku mashanyarazi, bakaba babikora ku giciro cy’inganda kuko buriya inganda zisonerwa. Ikindi ni uko turikuzana imirasire kuko igabanya ikiguzi kandi bigakorwa neza.”

Abitabiriye ibiganiro

Mu Rwanda abaturage bari mu buhinzi bangana na 70% muri bo urubyiruko rugera kuri 61.7 %. Kubera imihandagurikire y’ikirere bisaba kuhira mu rwego rwo kongera umusaruro.

Minisitiri w’Intebe Dr. Ngirente yakiriye Bwana Jorge Moreira Da Silva

Ibiganiro by’aba bayobozi bombi byabaye kuri uyu wa Gatanu tariki 21 Kamena 2024, aho byibanze ku guteza imbere imikoranire y’u Rwanda na UNOPS.

Bwana Jorge Moreira Da Silva, yagiranye ibiganiro na Minisitiri w’Intebe w’u Rwanda aherekejwe n’abarimo Minisitiri w’Ububanyi n’amahanga n’Ubutwererane Olivier Nduhungire, Ozonia Matthew Ojielo, Umuhuzabikorwa w’amashami y’Umuryango w’Abibumbye mu Rwanda n’abandi batandukanye.

Ibiganiro byarimo abayobozi batandukanye barimo na minisitiri Olivier Nduhungirehe

Jorge Moreira Da Silva yasuye n’Urwibutso rwa Jenoside rwa Kigali ku Gisozi, maze yunamira inzirakarengane ziharuhukiye.

Mu butumwa yashyize mu gitabo cy’abashyitsi yagize ati: ”Sinzibagirwa ibyo nabonye muri uru rwibutso. Nakwifuza ko buri wese ku isi yagira amahirwe yo kurusura, tugasubiramo icyarimwe ngo ntibizongera, ntibizongera.”

Jorge Moreira Da Silva yunamiye inzirakarengane zazize Jenoside yakorewe Abatutsi mu 1994

UNOPS ni Ibiro bya Loni byashyiriweho gushyira mu bikorwa imishinga itandukanye irimo ijyanye n’ibikorwa by’ubutabazi n’iterambere bya gahunda y’umuryango w’abibumbye, gushyigikira ibigo mpuzamahanga mu by’imari, za guverinoma n’abandi bafatanyabikorwa ku isi, hibandwa ku bikorwa remezo, amasoko ndetse no gukurikirana imishinga.

Ibiganiro byibanze ku guteza imbere imikoranire y’u Rwanda na UNOPS

Yiboneye ubukana bwa Jenosode yakorewe Abatusti

Aya masezerano yashyizweho umukono na Minisitiri w’Ububanyi n’Amahanga n’Ubutwererane w’u Rwanda, Olivier Nduhungirehe na Minisitiri w’Intebe wungirije wa Luxembourg, Xavier Bettel

Abo bayobozi bombi bagiranye ibiganiro byibanze ku buryo bwo kuzamura umubano w’ibihugu byombi, hagati y’u Rwanda na Luxembourg mu bice by’ingenzi nko mu by’ikoranabuhanga, ndetse no guteza imbere ikoranabuhanga mu by’imari ari ryo bita mu Cyongereza FinTech.

Umubano mwiza hagati y’ u Rwanda na Luxembourg urasanzwe. Uretse aya masezerano yasinywe none, muri 2021 hari andi masezerano y’ubufatanye mu iterambere ry’urwego rw’Imari by’umwihariko mu kurushaho guteza imbere ihuriro mpuzamahanaga ry’Imari rya Kigali, yashyizweho umukono n’impande zombi. Uwo muhango wabereye i Kigali.

Ayo masezerano agamije guteza imbere Ihuriro ry’Imari Mpuzamahanga rya Kigali haba mu bijyanye no kubaka ubushobozi bw’abakozi, kubaka ubushobozi mu bijyanye n’imikorere kugira ngo iryo Ihuriro rishobore kuzamuka rigere ku rwego mpuzamanga.

Abayobozi bombi agiranye ibiganiro byibanze mu nzego zitandukanye z’ubufatanye

Muri Werurwe 2022 Ikigo cy’u Rwanda cy’Isoko ry’imari n’imigabane, cyasinyanye

U Rwanda na Luxembourg bisangwanywe umubano uzira amakemwa

amasezerano y’ubufatanye n’icya Luxembourg, umuhango wabereye mu Bubiligi.

U Rwanda na Luxambourg bisanganywe umubano mwiza mu zindi nzego zitandukanye, iki gihugu kikaba gisanganywe ubunararibonye mu by’Imari. Ibihugu byombi bifitanye n’andi masezerano agamije gukumira magendu no kunyereza imisoro.

U Rwanda na Luxembourg bisangwanywe umubano uzira amakemwa

Abagize Urugaga Nyarwanda rw’amakoperative biyemeje kuzakomeza kurwanya abagifite ingengabitekerezo ya Jenoside

Ibi babishimangiye mu muhango wo Kwibuka Jenoside yakorewe Abatutsi mu 1994, wateguwe na NCCR kuri uyu wa 14 Kamena 2024, wabereye ku rwibutso rwa Jenoside rwa Kigali ku Gisozi.

Umuyobozi w’Urugaga Nyarwanda rw’amakoperative, Umulisa Jeannette, yavuze ko bazakomeza kurwanya abagifite ingengabitekerezo ya Jenoside kandi bakarushaho kuzagira uruhare mu kurwanya icyayitera ukundi.

Yagize ati: “Urumuri ducaniye hano twiyemeje kurugeza ku bandi cyane cyane urubyiruko rudukomokaho. Tuzabigeraho turwanya ingengabiterezo ya Jenoside, turwanya abahakana n’abapfobya Jenoside yakorewe Abatutsi 1994.”

Jeannette yavuze ko hari bagenzi babo babaga mu makoperative bazize Jenoside yakorewe Abatutsi, ariko bazakomeza kuba hafi abayirokotse harimo no kubafasha kubona aho kuba babubakira.

Ati: ”Hari Abanyarwanda bari bibumbiye mu makoperative bapfuye bazize Jenoside yakorewe Abatutsi muri Mata 1994. Nk’uko Leta y’Ubumwe bw’Abanyarwanda yakanguriye Abanyarwanda kwibumbira mu makoperative, ubu mu muryango w’amakoperative harimo umubare munini w’abarokotse Jenoside yakorewe Abatutsi, tukaba dufite gahunda yo kubaba hafi no kubakomeza. Ni muri urwo rwego umuryango w’amakoperative twiyemeje kubakira inzu buri mwaka uwarokotse Jenoside utishoboye.”

Abagize Urugaga Nyarwanda rw’amakoperative bashyira indabo ku mva iruhukiyemo abazize Jenoside yakorewe Abatutsi

Jeannette yakomeje avuga ko Abazize Jenoside yakorewe Abatutsi, bari amaboko akomeye yari kubaka igihugu. Ashima ko igihugu uyu munsi kigendera ku mategeko arengera ikiremwamuntu.

Yagize ati: ”Imyaka 30 irashize twibuka inzirakarengane, ababyeyi, abavandimwe, inshuti, ayo ni amaboko akomeye yarikubaka igihugu. Icyuho Jenoside yaduteye ntitwakiziba ayo ni amateka yacu aremereye. Birakwiye ko dushima ko twahisemo kwiyubaka no kubaka u Rwanda rushya rugendera ku mategeko yubaha akanarinda uburenganzira bwa muntu".

Mu Rwanda kugeza ubu habarizwa amakoperative ibihumbi 10, agizwe n’abanyamuryango miliyoni 6.

Perezida Kagame yakiriye mu biro bye Ambasaderi w’u Burusiya mu Rwanda ucyuye igihe

Ibiro by’Umukuru w’Igihugu, Village Urugwiro, byatangaje ko Perezida Kagame yakiriye Chalyan wari Ambasaderi w’u Burusiya mu Rwanda kuva muri Kamena 2018 akaba yari aje kumusezeraho nyuma yo kugana ku musozo w’inshingano yarafite mu Rwanda.

Ambasaderi Chalyan yaherekejwe n’itsinda ririmo n’Umunyamabanga wa Leta muri Minisiteri y’Ububanyi n’Amahanga n’Ubutwererane, Gen (Rtd) James Kabarebe n’abandi.

Chalyan yaherekejwe n’itsinda ririmo n’Umunyamabanga wa Leta muri MINAFFET, Gen (Rtd) James Kabarebe

Ambasaderi Chalyan ni umudipolomate umenyereye Afurika kuko uretse kuba yari ahagarariye u Burusiya mu Rwanda, yabaye Ambasaderi muri Nigeria, Botswana, ndetse yabaye mu bayobozi mu butumwa bw’amahoro bw’Umuryango w’Abibumbye muri Sudani na Liberia.

U Rwanda n’u Burusiya bisanzwe bifatanye umubano mu guteza imbere uburezi no gutunganya ingufu za nikeleyeri. Muri 2023, U Rwanda n’u Burusiya byasinyanye amasezerano agamije imikoranire mu bijyanye n’amashuri makuru na za Kaminuza.

Kuva aya masezerano yasinwa kugeza 2023, muri kaminuza z’i Moscow hoherejwe abanyeshuri 40 b’Abanyarwanda. Mu isinywa ry’amasezerano y’ubufatanye bw’ibihugu byombi, byagizwemo uruhare n’Ambasaderi Chalyan.

Chalyan yari Ambasaderi w’u Burusiya mu Rwanda kuva muri Kamena 2018

Umuyobozi Mukuru wa Polisi y’u Rwanda, CG Felix Namuhoranye, aganira n’abapolisi bitegura kujya mu butumwa

Uyu mutwe w’abapolisi (RWAFPU I-10) uyobowe na Assistant Commissioner of Police (ACP) Nelson Bugingo, baritegura kwerekeza mu gace ka Malakal gaherereye mu Ntara ya Upper Nile, aho bazasimbura bagenzi babo bahamaze igihe cy’umwaka.

IGP Felix Namuhoranye yabasabye kujya bahora biteguye kuzuza inshingano zabo kandi bakarangwa n’imyitwarire myiza (discipline) n’ubunyamwuga.

Yagize ati: “Inshingano mufite nk’abapolisi bagiye guhagararira u Rwanda mu butumwa bw’Umuryango w’Abibumbye, ni uguhora mwiteguye gukora akazi kabajyanye mukihatira kurushaho kugakora neza murangwa n’ikinyabupfura, ishyaka n’ubunyamwuga kugira ngo mukomeze muheshe ishema Igihugu.”

IGP Namuhoranye yabibukije ko ikizabafasha mu kazi ari ukuba bari aho bagomba kuba, mu gihe nyacyo, bahakorera icyo basabwa kuba bakora, bafite ibikoresho bya ngombwa kandi bakirinda guha umwanya ibiganiro bitubaka ahubwo imbaraga nyinshi bakazishyira mu gukora no gutanga urugero rwiza ku bandi.

Yabagaragarije ko akazi bagiye gukora mu butumwa ari inyungu kuri bo, ku gihugu no ku rwego mpuzamahanga, abasaba kuzakitwaramo neza.

Ati: "Mugiye gutanga umusanzu wanyu mu kubungabunga amahoro n’umutekano ku rwego mpuzamahanga, muzitware neza muzagaruke mutewe ishema n’uko mwakoze mukuzuza inshingano zanyu uko bikwiye, bizaba ari ishema kuri mwe ubwanyu, ishema ku gihugu n’ishema ku rwego mpuzamahanga."

Yasoje abasaba kuzakorera hamwe nk’ikipe, kubahana no gufashanya, kurangwa n’isuku no gufata neza ibikoresho bazifashisha mu kazi.

Biteganyijwe ko abo bapolisi batangira kwerekeza muri Sudani y’Epfo kuri uyu wa Gatatu tariki 12 Kamena 2024.

Mu mwaka wa 2015 nibwo u Rwanda rwatangiye kohereza abapolisi mu bikorwa byo kubungabunga amahoro muri Sudani y’Epfo.

Kuri ubu u Rwanda rufite amatsinda atandatu y’abapolisi boherejwe mu butumwa bw’Umuryango w’Abibumbye, yose hamwe agizwe n’abasaga 1000.

Ni inkuru dukesha Polisi y’u Rwanda

Narendra Modi arahirira kuyobora u Buhinde muri manda ye ya gatatu yikurikiranya

Nyuma yo gutorerwa kuba Minisitiri w’Intebe w’u Buhinde, Narendra Modi yahise atangaza abagize Guverinoma nshya. Narendra Modi ni we warusanzwe ayobora Ishyaka Bharatiya Janata Party (BJP).

Modi abaye umuyobozi wa kabiri mu mateka y’Ubuhinde wegukanye manda eshatu zikurikiranye.

Kuva aho agereye ku butegetsi mu 2014, Modi yahinduye ibintu byinshi muri iki gihugu, cyane cyane mu rwego rw’ubukungu.

Uyu muhango witabiriwe na Minisitiri w’intebe wa Bangladesh, Sheikh Hasina, na Perezida wa Sri Lankan, Ranil Wickremesinghe.

Perezida Kagame yitabiriye inama idasanzwe yUmuryango wa Afurika yIburasirazuba (EAC)

Iyi nama yari iyobowe na Perezida wa Repubulika ya Sudani y’Epfo akaba n’Umuyobozi w’Umuryango wa Afurika y’Iburasirazuba. Muri iyi nama kandi hashyizweho umunyamabanga mukuru mushya wa EAC, Veronica Mueni Nduva.

Uyu Munyamabanga Mukuru mushya w’Umuryango wa Afurika y’Iburasirazuba, EAC, Veronica Mueni Nduva, ni Umunya-Kenya usimbuye Peter Mutuku Mathuki.

Iyi nama yari iyobowe na Perezida wa Repubulika ya Sudani y’Epfo akaba n’Umuyobozi wa EAC

Muri Werurwe uyu mwaka nibwo Perezida wa Kenya, Dr William Ruto, yagize Dr Peter Mutuku Mathuki wari Umunyamabanga Mukuru w’Umuryango wa Afurika y’Iburasirazuba (EAC) kuba Ambasaderi wa Kenya mu Burusiya, bikaba byari biteganyijwe ko hashyirwaho umusimbura kuri uwo mwanya.

Nyuma yo kwemezwa n’iyi nama ya 23 idasanzwe y’Abakuru b’Ibihugu bya EAC, Mueni Nduva akaba yatangiye inshingano kuri uyu wa Gatanu tariki 07 Kamena 2024.

Perezida Kagame yitabiriye idasanzwe y’Umuryango wa Afurika y’Iburasirazuba EAC

Nduva Veronica asimbuye Dr Peter Mathuki nyuma y’imyaka itatu kuva tariki 25 Mata 2021, ari Umunyamabanga Mukuru wa EAC, umwanya nawe yasimbuyeho Liberat Mfumukeko wo mu Burundi.

Iyi nama yari iyobowe na Perezida wa Repubulika ya Sudani y’Epfo akaba n’Umuyobozi wa EAC

Israel Mbonyi yageze mu Bubiligi aho agiye gutaramira

Abinyujije ku rubuga rwa X, Israel Mbonyi yavuze ko yageze mu Bubiligi mu mujyi wa Bruxelles kandi yiteguye kuhataramira.

Yagize ati: ”Ubu ngubu ndi muri Bruxelles, ntegereje gutaramana namwe, tariki 08 kuri uyu wa Gatandatu.”

Yatangaje ko yahageze n’itsinda ryose bazafatanya kandi biteguye kuramya Imana muri iki gitaramo.

Mu minsi ishize yatangaje ko bazataramira ahantu hagari kuko abantu baguraga amatike ku bwinshi. Ibyo byatumye bareka gukorera muri Birmingham Palace, bikimurira muri Docks ‘Dome Events Hall’ kuko ari hanini ugereranije naho barigukorera.

Mbonyi yavuze ko ubwo yaherukaga mu Bubiligi muri Kamena 2023, hari abantu babuze uko binjira kubera ko imyanya yari yashize, bityo birinda ko byakongera kubaho.

Mbere y’uko uyu muhanzi ava i Kigali, amatike ya VIP yari yashize hasigaye ay’ahasanzwe nabwo ari 10%. Uretse iki gitaramo, hateganijwe ko azajya gutaramira muri Uganda no muri Kenya muri Kanama 2024.

Mu ijambo rye Perezida Kagame yashimiye iyi kaminuza icyubahiro bamuhaye, aho yagize ati: “Ndashaka kubashimira ku bw’icyubahiro cyinshi mwampaye ndetse n’igihugu cyanjye, mubigaragariza ku gihembo cy’impamyabumenyi y’ikirenga mumpaye.”

Perezida Kagame yavuze ko asanzwe agirira uruzinduko mu gihugu cya Koreya ariko akaba ari ubwa mbere ageze muri kaminuza ya Yonsei.

Ati:” Iyi ni inshuro ya kane ngiriye uruzinduko muri Korea ariko ni ubwa mbere muri kaminuza ya Yonsei, nifuzaga ko umubano wacu wagakwiye kuba waratangiye cyera.”

Iyi kaminuza iri muri eshatu zikomeye muri Koreya y’Epfo ndetse ifite ibigo by’ubushakashatsi 178 biyishamikiyeho. Ni kaminuza yashinzwe mu mwaka w’1885.

Uyu mahango ubaye mu gihe Perezida Kagame ari muri Koreya y’Epfo, aho yitabiriye Inama yiswe Korea-Africa Summit.

Icyizere cyo kubaho mu Rwanda kigeze ku myaka 69.6

Umuryango wa FPR Inkotanyi, ugaragaza ko gahunda zirimo Mutuelle de Santé, Girinka, kwegerezwa amavuriro, ni zimwe mu nkingi z’ingenzi mu byazamuye icyizere cyo kubaho mu Rwanda.

Ugaragaza kandi ko bishoboka ko mu myaka iri mbere Abanyarwanda bazagera ku cyizere cyo kubaho cy’imyaka 100 bishingiye ku buryo kizamuka buri munsi.

Icyizere cyo kubaho mu Banyarwanda cyari imyaka 29 mu 1989, kigera ku myaka 41 mu 1994. Mu mwaka 2000 icyizere cyo kubaho cyarazamutse kigera ku myaka 49, na ho mu mwaka 2014 cyari kigeze ku myaka 65 naho muri 2021 kigera ku myaka 67. Uyu munsi kiri ku myaka 69.6.

Ubushakashatsi bwashyizwe ahagaragara na OMS muri 2022, bwagaragaje ko u Rwanda ruza ku mwanya wa 9 mu kugira abaturage bafite icyizere cyo kubaho kiri hejuru muri Afurika.

Nubwo u Rwanda rugeze ahantu heza, urugendo rurakomeje kandi bigizwemo uruhare na buri wese.

Imibare yashyizwe hanze na Worldmeters muri 2023, igaragaza ko impuzandengo y’icyizere cyo kubaho ku isi ari 73.4. kuri uru rutonde, Hong Kong iza ku mwanya wa mbere, aho umuturage afite icyizere cyo kubaho cy’imyaka 85.83, iki gihugu gikurikirwa na Macao.

Uretse Tanzania iri ku mwanya wa 152, U Rwanda ruza imbere y’ibihugu birimo u Burundi, DRC, Uganda, Kenya, n’ibindi bihugu bitandukanye.

Uretse kuba imyaka y’icyezere cyo kubaho yarazamutse, iterambere ry’ubukerarugendo ryagize uruhare mu kuzamura ubukungu bw’igihugu n’imibereho myiza y’abaturage. Mu mwaka 2017 ubukerarugendo bwinjize Amadolari 374 mu gihe mu mwaka 2023 bwinjije Amadolari 620.

Kwiyongera kwa bamukerarugendo mu Rwanda, bitanga amahirwe ku baturiye Pariki ndetse n’Abanyarwanda bose muri rusange kuko babona imirimo itandukanye.

Mufti Sheikh Salim Hitimana ucyuye igihe na Mufti Sheikh Sindayigaya Mussa umusimbuye bahererekana ububasha

Tariki 26 Gicurasi 2024 ni bwo Abahagarariye Umuryango w’Abayisilamu mu Rwanda (RMC), batoye abayobozi bashya, Sheikh Mussa Sindayigaya agirirwa icyizere cyo kuba Mufti w’u Rwanda mu matora yabaye ari we mukandida rukumbi, aho yagize amajwi 44, imfabusa ziba 9.

Umuyobozi Mukuru w’Urwego rushinzwe Imiyoborere mu Rwanda (RGB), Dr. Usta Kaitesi, wari witabiriye uyu muhango yasabye abayobozi b’Umuryango w’Abayisilamu gushingira imiyoborere ku muturage batekereza iterambere rye.

Yagize ati: ”Turabizi neza ko byose bishingira ku kintu gikomeye cyane, ubuyobozi bufite icyerekezo cy’impinduramatwara ndetse n’ubumwe ariko cyane cyane imiyoborere ishingiye ku muturage. Ni ngombwa ko buri munsi mu byo dukora, mu byo tugena, tuba dutekereza iterambere rya buri umwe wese.”

Dr. Usta Kaitesi yayoboye umuhango w’ihererekanyabubasha mu muryango w’Abayisiamu

Dr Kaitesi yasabye Umuryango w’Abayisilamu kuwubaka mu buryo bubereye u Rwanda bimakaza amahoro.

Ati: ”Ndifuza ko buri umwe muri mwe yibaza niba umuryango w’Abayisilamu yubaka buri munsi ubereye u Rwanda, ubereye umwana yabyaye kuko ni ngombwa ko dutekereza birenze none. Igihe Umunyarwanda afite amahoro n’Umuyisilamu nawe aba ayafite byanga bikunze, igihe Umunyarwanda yayabuze n’Umuyisilamu arayabura.”

Sheikh Sindayigaya Mussa watorewe kuba Mufti w’u Rwanda, yari asanzwe ari Umuyobozi ushinzwe imari n’igenamigambi mu biro bikuru by’umuryango w’Abayislamu mu Rwanda.

Abitabiriye umuhango w’ihererekanyabubasha hagati ya Mufti Sheikh Salim Hitimana na Mufti Sheikh Sindayigaya Mussa

Sheikh Salim Hitimana asimbuwe yari amaze igihe kinini ayoboye Abayisilamu, kuva mu 2016 kugeza muri Gicurasi 2024. Aya matora akaba yarabaye asimbuye ayari ateganyijwe mu 2020 ariko agahurirana n’uko Isi yari mu bihe bya Covid-19

Ibarura rusange ry’abaturage ryabaye mu 2022, ryagaragaje ko abayisilamu mu Rwanda bangana na 2% by’abaturage bose.

Captain Mbaye Diagne

Uyu muhango wabaye kuri uyu wa Gatanu tariki 31 Gucurasi, ku rwibutso rwa Jenoside yakorewe Abatutsi rwa Kigali ku Gisozi, witabiriwe n’abayobozi ba guverinoma y’u Rwanda batandukanye, Umuhuzabikorwa w’umuryango w’abibumbye, abo mu muryango we barimo umugore wa nyakwigendera capt. Mbaye DIAGNE, abahagarariye ibihugu byabo, ndetse n’abandi batandukanye bari batumiwe.

Captain Mbaye Diagne, yishwe ku itariki 31 Gicurasi 1994, ubwo yavaga guhisha Abatutsi muri Mille Collines bendaga kwicwa, akaba ashimirwa ubutwari yagaragaje mu gihe cya Jenoside yakorewe Abatutsi bicwaga muri icyo gihe.

Uretse abo yishwe avuye gutabara, Diagne yakijije abantu benshi akoresheje ibiganiro n’ababaga bagiye kubica byaba na ngombwa agatanga ikiguzi.

Uyu muhango wabereye ku rwibutso rwa Jenoside yakorewe Abatutsi rwa Kigali ku Gisozi

U Rwanda rwakomeje kuzirikana uruhare rwa Captain Mbaye, ubwo yari mu butumwa bw’amahoro. Muri Nyakanga 2010 ubwo hizihizwaga Umunsi wo Kwibohora, u Rwanda rwageneye Captain Mbaye Diagne umudali w’ubutwari (UMURINZI), ukaba warashyikirijwe umuryango we na Perezida wa Repubulika Paul Kagame.

Uretse uwo mudali w’ubutwari yahawe, hari undi mudali w’ishimwe yahawe n’uwari Umunyamabanga Mukuru w’Umuryango w’Abibumbye, Ban Ki Moon. Ku wa 22 Werurwe 2024, muri Sénégal hafunguwe ku mugaragaro urwibutso rwitiriwe Capt Mbaye Diagne.

Ubutwari bwe bugaragarira mu byo yakoze kuko yageze aho yirengagiza amabwiriza y’abamukuriye, bari bamubujije gukiza Abatutsi bicwaga kugira ngo nawe atahasiga ubuzima ariko abirengaho atabara Abatutsi bicwaga.

Uyu Diagne yari afite ipeti rya Kapiteni ubwo yicwaga mu Rwanda 1994, ari mu butumwa bw’Umuryango w’Abibumbye bwo kubungabunga amahoro (MINUAR).

Perezida Kagame yakiriye abanyeshuri bo muri Wharton School of Business

Umukuru w’Igihugu yakiriye aba banyeshuri kuri uyu wa Kane tariki 30 Gicurasi 2024, aho baje mu Rwanda kurwigiraho bigendanye n’isomo ryabo rigamije kurebera hamwe ibyo Isi yakwigira ku Rwanda kubera ibyo rwanyuzemo birimo ibizazane, imiyoborere ndetse n’impinduka rwakoze.

Perezida Kagame amaze iminsi yakira abanyeshuri n’abayobozi b’amashuri atandukanye, cyane cyane abavuye muri Amerika ahi baba baje kugira amasomo bigira ku mateka u Rwanda rwanyuzemo.

Muri Werurwe uyu mwaka, Perezida Kagame yakiriye muri Village Urugwiro abanyeshuri n’abayobozi b’Ishuri ry’Ubukungu rya Kaminuza ya Stanford y’i California muri Amerika, Stanford Graduate School of Business (GSB).

Urwo rugendo rwabo mu Rwanda rwari rufite insanganyamatsiko igira iti ‘‘Nairobi na Kigali: Imijyi y’iterambere rirambye idaheza mu kinyejana cya 21.’’

Abo banyeshuri n’abayobozi babo bari babaherekeje barimo uwitwa Benoît Monin, basuye u Rwanda nka kimwe mu gihugu biri ku rutunde rw’ibyo bari gukoreramo ubushakashatsi ku iterambere ry’imijyi.

Uretse abo kandi Umukuru w’Igihugu yakiriye, abandi bagera kuri 30 bo muri Kaminuza y’ubucuruzi ya Columbia (Columbia Business School), aho bari baje kwigira ku Rwanda amasomo mu bijyanye no gukemura amakimbirane, imiyoborere ndetse n’amahirwe mu bucuruzi.

Aba banyeshuri bakunze kuza mu Rwanda, ahanini baba baje bashaka kwiga kuri Afurika cyangwa baje mu ubushakashatsi.

INGABIRE Paula yasabye urubyiruko rukoresha ikoranabuhanga kurwanya abapfobya Jenoside yakorewe Abatutsi

Ibi abitangaje mu gihe Umuryango Unity Club Intwararumuri ukomeje ibikorwa byo kwifatanya n’Abanyarwanda kwibuka ku nshuro ya 30 Jenoside yakorewe Abatutsi.

Paula avuga ko hakigaragara ingengabitekerezo ya Jenoside cyane cyane mu gihe cyo kwibuka, ababikora bakifashisha ikoranabuhanga.

Agira ati: ”Uko imyaka igenda tubona uburyo ingengabitekerezo ya Jenoside itararanduka burundu. Mu bihe tugezemo by’iterambere rishingiye ku ikoranabuhanga, hagenda hagaragara uburyo butandukanye ikoranabuhanga ryifashishwa mu ihakana n’ipfobya rya Jenoside yakorewe Abatutsi, rikunda kwiyongera mu bihe byo kwibuka.”

Paula avuga ko imbuga nkoranyambaga urubyiruko rumenyereye gukoresha, hari abazikoresha bapfobya Jenoside yakorewe Abatutsi no gutesha agaciro ibimenyetso n’amakuru yerekeye Jenoside yakorewe Abatutsi, bityo ko bakwiye kubarwanya.

Ati: ”Imbuga nkoranyambaga urubyiruko rumenyereye gukoresha nka za TikTok, YouTube, Instagram na X, tubona abazikoresha mu guhakana no gupfobya Jenoside yakorewe Abatutsi no mu kuzimiza cyangwa gutesha agaciro ibimenyetso n’amakuru yerekeye Jenoside yakorewe Abatutsi. Iryo koranabunga natwe urubyiruko ritugeraho, turihoraho, turyifashishe mu kurwanya ihakana n’ipfobya rya Jenoside yakorewe Abatutsi. Twe kurebera iryo pfobya, twe kumva ko ari urugamba rw’abandi.”

Yunzamo ati: ”Nk’uko Nyakubahwa Perezida wa Repubulika Paul Kagame yabivuze ko urubyiruko ari rwo barinzi bahazaza hacu n’umusinzi w’ubumwe bw’Abanyarwanda, uru Rwanda ruri mu maboko yacu. Ni uruhare rwacu twese mu gukumira ibyaha byose bya Jenoside n’urwango, yaba kuri murandasi no mu buzima busanzwe.”

Minisitiri Paula asaba urubyiruko kumenya amateka, bakirinda uwashaka kubasubiza inyuma kandi ari inshingano gusigasira ibimaze kugerwaho.

Agira ati: “Amateka yacu tuyamenye, twihugure kuko arahari tunahugure abandi. Abifuza kutuyobya bashaka kudusubiza inyuma ntitukabemerere. Dufate iya mbere mu kurwanya iri pfobya twifashisha uburyo ubwari bwo bwose harimo n’ikoranabuhanga mu kumenyekanisha ukuri kw’amateka yacu. Rubyiruko rero urugamba ntirurangira, dufite amahitamo dufite n’inshingano twasigiwe n’amateka yo gusigasira ibimaze kugerwaho.”

Paula yashishikarije urubyiruko kwifatanya n’abandi mu bikorwa byo kwibuka ndetse ashimira abategura ibikorwa byo kwibuka.

Ati: ”Muri ibi bihe turimo aho Abanyarwanda twibuka inzirakarengane zazize Jenoside yakorewe Abatutsi 1994, ndashishikariza urubyiruko by’umwihariko kwifatanya n’abandi mu bikorwa byo kwibuka. Nshimira cyane cyane urubyiruko rwagiye rutegura ibikorwa bitandukanye bijyanye no kwibuka. Ubu tumaze imyaka 30 twibuka abo twabuze tukibakunze, ababyeyi bacu, abana, abandimwe, inshuti, abaturannyi bishwe tukibakeneye.”

Paula yagarutse kandi ku kamaro ko Kwibuka, avuga ko utazi aho avuye atagira icyerekezo cy’aho ajya.

Ati: ”Kwibuka ni ingenzi kandi ni iby’akamaro kuko ari nabyo bidufasha kwiyubaka. Burya iyo utazi aho uvuye ntugira icyerekezo cy’aho ujya. Kwibuka ni byo bidutera imbaraga ngo dukomeze gutera imbere no guterwa ishema naho tugeze, tunaharanira kuharenga.”

Kanyamibwa avuga ko mbere byari bigoye bakabikunda kubera impano bari bafite, ariko uyu munsi byoroshye kandi abakina basketball babona akazi kabagera ku iterambere.

Agira ati: ”Nkikina byari bigoye cyane ariko twari dufite impano dukunda basketball cyane. Tugereranije n’igihe twakinaga byari bigoye cyane ariko ubu byabaye byiza abakinnyi barabona akazi, bariga bagatera imbere.”

Kanyamibwa akomeza avuga ko uretse kuba muri BAL bigiramo ibintu byinshi, bishobora no kuvamo amahirwe yo kubona akazi.

Agira ati: ”Muri BAL ntabwo ari ukureba basketball gusa, twigiramo ibintu byinshi. Nshobora kuba nkora akazi nk’aka ko muri Basketball, nkaba nahura n’undi muntu ubikora tukaganira ku buryo dushobora guhana akazi ndetse turiga.”

Kanyamibwa avuga ko kujya kureba basketball birenze kuyireba, kuko uba ari umwanya wo kwiga byinshi bitandukanye, mu gihe nabo bagiye gutegura ibyabo bagahera ku byo bigiye ku bagenzi babo.

Ati: ”Iyo baje gukora hano baratwigisha, niba ari muri entertainment (imyidagaduro), tubireberaho ku buryo iyo natwe tugiye kubitegura tugendera ku byiza twabarebeyeho. Basketball ni umukino ufunguye kandi urimo ibintu byinshi.”

Ibi abitangaje mu gihe hari imikino ya BAL 2024 iri kubera mu Rwanda muri BK Arena. Kuri uyu wa Gatatu tariki 29 Gicurasi 2024, iyi mikino yakomezaga mu 1/2, aho ikipe ya Rivers Hoopers isezerewe na Al Ahly Ly yo muri Libya amanota 89 kuri 83 naho Petro de Luanda ikaza gukina na Cape Town Tigers mu kanya saa 20h00. Amakipe azitwara neza azagera ku mukino wa nyuma.

Mu biganiro bagiranye byibanze ku rugendo rw’iterambere ry’u Rwanda mu myaka 30 ishize, inzego z’ubufatanye hagati y’Ibihugu byombi ndetse n’ibibazo bireba Afurika n’Isi muri rusange.

Perezida Kagame aherutse kugaragaza ko bisa n’aho Paul Rusesabagina yatumye umubano w’ibihugu byombi uhungabana. Umukuru w’igihugu yabigarutseho mu kiganiro n’umunyamakuru Steve Clemons wa Semafor, cyateguwe n’ihuriro Global Security Forum kuwa 21 Gicurasi 2024.

Perezida Kagame yavuze ko abayobozi batandukanye bo muri Amerika bashyiraga igitutu ku Rwanda kugira ngo Rusesabagina afungurwe.

Uretse uru ruzinduko abagize Inteko Ishinga Amategeko ya Leta Zunze Ubumwe za Amerika, bayobowe na Bruce Westerman bagiriye mu Rwanda, muri Mata uyu mwaka Bill Clinton wabaye Perezida w’iki gihugu nawe yari mu Rwanda.

Ubwo yakirwaga na Perezida Kagame mu biganiro byabo bagarutse kuri iyi ngingo y’iterambere u Rwanda rumaze kugeraho nyuma y’imyaka 30 ishize Jenoside yakorewe Abatutsi ihagaritswe.

Théo Bosebabireba yishimiwe n’abari bitabiriye iki giterane

Ibi uru rubyiruko rwabitangarije mu giterane cyateguwe na Christ for all People cyabereye mu Busanza mu murenge wa Kanombe, ku wa Gatandatu tariki 25 Gicurasi 2024.

Uwera Hope n’umwe mu bahamya ko ubuzima bwe bwahindutse ndetse ko n’abo bakorana yabonye ubuzima bwabo bwarahindutse, bamwe bava mu busambanyi abandi bareka ibiyobyabwenge.

Yagize ati, ”Twebwe turi gutanga ubutumwa, Kristo yarabanje agera mu buzima bwacu. Hari ibyo yadukijije, hari ibyo yadukuyemo, abo dukorana batandukanye hari abo Kristo yakuye mu biyobyabwenge, abo yakuye mu busambanyi ndetse hari abo yakuye mu bwigunge bukabije. Uyu munsi turi ibihamya ko ibyo tuvuga n’ibyo duhamya ko ari ukuri, kuko Kristo arakora.”

Uwera akomeza avuga ko hari abatekereza ko kuba mu buzima bw’ibyaha ari byo byiza ariko akabagira inama yo kugaruka kuri Kristo kuko ari we wabakiza ibyaha n’imbaraga zabyo.

Umuyobozi wa Christ for all People Guy Nic Trésor

Agira ati, “Abantu bari mu busambanyi, bari mu bintu byinshi batekereza ko ariho hari ubuzima, ariko numubwira Kristo, Umwuka Wera azakora umurimo. Ndabwira rero n’urundi rubyiruko rutaramenya Kristo, bakiri mu busambanyi, bakiri mu biyobyabwenge, bakiri mu bintu bitandukanye by’umwanzi, ndashaka kubagira inama, baze kwa Kristo kuko ni we womora, ni we uhindura ubuzima, Kristo ni we umara ibyo bibazo byose.”

Umuyobozi wa Christ for all People ari nawe watangije uyu muryango, Guy Nic Trésor, avuga ko batangiye uyu muryango intego ari uko ubuzima bw’abantu batandukanye bahinduka bakaza muri Yesu Kristo, bakabaho ubuzima bwiza kuko nabo ubuzima bwabo bwahindutse.

Abihamya agira ati, ”Narimbayeho ubuzima bwihebye, narimbayeho mpora niciraho iteka, nahoraga nisanga mu byaha amanywa na nijoro. Maze kumenya ubutumwa bwiza ko najye ndi mu bo Yesu yameneye amaraso, ko yambabariye ampa ubugingo buhoraho, ndizera ndakizwa. Yarambabariye ibyaha nkurikira uwo mucyo.”

Yungamo ati, ”Icyo twifuriza urubyiruko n’uko bamenya uwo mwami, uwo nguwo wampinduye nabo yabasha kubahindura, uwo wankuye mu gahinda narimaranye igihe kinini, wankuye mu buzima bw’ibyaha, mu busambanyi, mu businzi, kurara mu tubyiniro, uwo nguwo yabasha kubakiza. Ibiyobyabwenge ntibyabasha kubakiza, imiryango ntiyabakiza, umukiza ni umwe, ni umwami Yesu.”

Théo Bosebabireba yishimiwe n’urubyiruko rwari rwitabiriye iki giterane

Christ for all People yatangiye muri Gashyantare 2024, mu mezi 3 bamaze gufasha abagera kuri 378 guhinduka, bagafata icyemezo cyo kuza muri Yesu Kristo. Uyu muryango ugizwe n’abantu 30 bavuga ko guhinduka kwabo ari cyo gituma bashaka abaruhijwe n’ibyaha.

Muri iki giterane cyari gifite intego igirira iti, “Amaraso ya Yesu ntazigera ashira imbaraga”, cyari cyitabiriwe n’abantu batandukanye, muri bo abenshi batuye mu Busanza.

Umuhanzi Théo Bosebabireba n’imwe mu bari bitabiriye iki gitaramo, abatuye i Busanza bamugaragarije akanyamuneza kenshi. Mu ndirimbo ze zakuzwe yaririmbye afatanyije n’abari aho, harimo, Bazaruhira Ubusa, Ibigeragezo, n’izindi.

IGP Felix Namuhoranye n’iri tsinda bari kumwe na Ambasaderi w’u Rwanda muri Leta Zunze Ubumwe z’Abarabu, UAE, Amb. John Mirenge. Umugaba Mukuru wa Polisi ya Abu Dhabi, Maj. Gen. Faris Khalaf Al Mazrouei, ni we wabakiriye.

IGP Felix Namuhoranye yahuye n’Umugaba Mukuru wa Polisi ya Abu Dhabi

Ibiganiro bagiranye byibanze ku gushyiraho ubufatanye buhamye hagati ya Polisi y’u Rwanda na Polisi ya Abu Dhabi.

U Rwanda rusanzwe rufitanye umubano mwiza na Leta Zunze Ubumwe z’Abarabu. Mu mwaka wa 2023 ubucuruzi hagati ya UAE n’u Rwanda, bwari bugeze kuri miliyari 1,1 y’Amadolari (arenga Miliyari 1.413 Frw).

Uretse ubucuruzi, ibihugu byombi bifatanya mu bijyanye no guteza imbere ikoreshwa ry’ingufu zisubira, kwita ku bidukikije, imiturire igezweho yo mu mijyi n’inkengero zayo, ndetse no guha buruse abanyeshuri bavuye mu Rwanda bakajya kwigayo, ku buryo hari n’abarangiza kwiga bakabona akazi keza muri ibyo bihugu.

Abu Dhabi ni Umurwa Mukuru wa Leta Zunze Ubumwe z’Abarabu (UAE), u Rwanda rukaba rumaze iminsi rutsura umubano mwiza n’ibihugu byo muri UAE.

Muri Gicurasi uyu mwaka, Polisi y’u Rwanda n’iya Dubai zashyize umukono ku masezerano y’ubufatanye mu gufatanyiriza hamwe kubaka ubushobozi n’ibikorwa bigamije gucunga umutekano.

Umuyobozi Mukuru wa Polisi y’u Rwanda, IGP Felix Namuhoranye n’Umuyobozi wa Polisi ya Dubai Lt. Gen. Abdullah Khalifa Al Marri, ni bo bashyize umukono kuri ayo masezerano.

Inzu zubatswe na Nsabimana uzwi nka Dubai

Urukiko rwatangaje ko impamvu yo gusubika isomwa ry’Urubanza ruregwamo umunyemari Nsabimana Jean uzwi nka Dubai, ari uko abagize inteko iburanisha bagize akazi kenshi bituma rwimurirwa kuwa 31 Gicurasi 2024.

Umushoramari Nsabimana Jean uzwi nka Dubai amaze igihe kirenga umwaka aburana, nyuma y’uko bigaragajwe n’abari baguze inzu zubatswe nawe, mu mudugudu wiswe "Urukumbuzi Real Estate" mu murenge wa Kinyinya mu Karere ka Gasabo, bavuga ko yazubatse nabi, byatumye Dubai atabwa muri yombi akaba akiburana ku byaha aregwa.

Urwego rw’Igihugu rw’Ubugenzacyaha RIB muri Mata 2023, nibwo rwataye muri yombi Nsabimana Jean uzwi nka Dubai, hamwe n’abayobozi bari mu nshingano igihe izi nzu zubakwaga.

Uyu rwiyemezamirimo yabonye isoko ryo kubaka aya mazu, nyuma y’uko Leta yashakaga ko hubakwa inzu ziciriritse zikajya zishyurwa mu gihe kirekire, Leta ikishyurira abo bakozi bazibamo 30%. Izi nzu zagombaga kuba zifite agaciro kari hagati ya miliyoni 20 na 30.

Ubushinjacyaha bwasabye Urukiko ko Dubai yafungwa imyaka irindwi agatanga n’ihazabu ya miliyoni 3 Frw, ndetse ko Urukiko rwanyaga imitungo ye yaba iyimukanwa n’itimukanwa kuko ikomoka ku cyaha, ikazavamo ubwishyu nk’uko bamwe baguze inzu babisabye.

Iburanisha ry’uru rubanza ryaherukaga kuwa 26 Mata 2024, rikaba ryararanzwe n’impaka ku mpande zombi.

CEHA yafunguwe ku mugaragaro

Ibi byabivugiwe mu muhango wo gufungura ku mugaragaro uyu mushinga ku wa Kane tariki 23 Gicurasi 2024.

Umuyobozi Mukuru ushinzwe Ubucuruzi n’Ishoramari muri Minisiteri y’Ubucuruzi n’Inganda (MINICOM), Antoine Marie Kajangwe, yavuze ko ahakwiye gushyirwa imbaraga ari mu makoperative, hagashakwa amasoko y’imbuto n’imboga mu Rwanda no hanze ya rwo.

Yagize ati: ”Bashyire imbaraga cyane cyane mu makoperative, n’abahinzi bato n’abanini kugira ngo bakorane, bashake amasoko yaba ayo mu Rwanda ndetse nayo hanze ndetse bayahaze.”

Antoine Marie Kajangwe, yavuze ko hakwiye gushyirwa imbaraga ari mu makoperative, hagashakwa amasoko y’imbuto n’imboga mu Rwanda no hanze ya rwo

Umuyobozi mukuru wa Alliance for Commodity Trade in Eastern and Southern Africa (ACTESA), Dr. John Mukuka, yavuze ko mu buhinzi bw’imbuto harimo amahirwe menshi ku buryo igihe bwakozwe neza, bwatuma ababukora bahangana ku rwego mpuzamahanga.

Yagize ati: ”Ubuhinzi bw’imbuto n’imboga, butanga amahirwe menshi mu karere kacu. Bukora nk’umusemburo w’iterambere ry’icyaro, buha imbaraga abahinzi bato, no kuzamura imibereho myiza yabo. Uru rwego rufungura amarembo y’amasoko mpuzamahanga, rutanga urubuga ku bihugu bigize uyu muryango kugira ngo bibashe guhangana mu buhinzi ku rwego rw’isi.”

Dr. John Mukuka, yavuze ko abahinzi bashobora kugera ku musaruro igihe baba bishyize hamwe bagahinga imboga n’imbuto.

Dr. John Mukuka, Umuyobozi mukuru wa Alliance for Commodity Trade in Eastern and Southern Africa (ACTESA)

Ati: ”Avoka, ibitunguru n’ibirayi bishobora kubyara miliyoni 230 mu madolari ku mwaka ku bahinzi bato bagera ku 450.000 bafite ingano ntoya y’ubuhinzi.”

Ibihugu byatoranijwe birigukorerwamo uyu mushinga mu gihe cy’imyaka 5, ni Ethiopia, Kenya, Rwanda, Tanzania na Uganda.

Dr. John Mukuka yavuze ko mu mwaka 2023 avoka n’ibitunguru byahujwe, bigatanga agera kuri miliyoni 11.2 z’amadolari. Igihe ubuhinzi bw’imboga n’imbuto bwashyirwamo imbaraga, ababona imirimo bakwiyongera, isoko ryakwaguka mu Rwanda no hanze.

Abahinzi bashishikarizwa guhinga imboga n’imbuto

ACTESA ifite gahunda yo kuzamura ubushobozi bw’inganda zitunganya umusaruro ukomoka ku mbuto n’imboga, ibi bikaba biri gukorwa hagati y’umwaka 2021-2031, bigakorerwa mu bihugu bigize COMESA.

Minisitiri Abdallah yasabye urubyiruko kwitegura bakazitabira amatora mu b’imbere

Mu butumwa yanyujije ku rukuta rwa X rwa Minisiteri y’Urubyiruko, kuri uyu wa Gatatu tariki 22 Gicurasi, Minisitiri Abdallah yibukije urubyiruko rukeneye kwiyimuza kuri lisiti y’itora kubikora hakiri kare.

Yagize ati: “Twagiye tubona Komisiyo y’Igihugu y’Amatora ishishikariza Abanyarwanda kureba ko bakwiyimuza ku malisiti y’itora. Dufite urubyiruko miliyoni 2 bazatora bwa mbere uyu mwaka. Twifuza y’uko Umunyarwanda urengeje imyaka 18 yashaka indangamuntu ndetse akazitegura no kuzajya gutora.”

Minisitiri Dr. Abdallah yavuze ko ari uburengazira n’inshingano bw’Umunyarwanda gutora ariko hari ibyo agomba kuba yujuje.

Yagize ati: ”Ni uburengazira bw’Umunyarwanda, ni inshingano z’Umunyarwanda gutora ariko burya umuntu atora yujuje ibyangombwa harimo indangamuntu.”

Abdallah yasabye urubyiruko kuzaba mu ba mbere bazajya gutora kandi bafite n’ibyangombwa.

Uburyo wakwireba cyangwa se ukaba wakwihinduza kuri lisiti y’Itora

Yagize ati: ”Byaba byiza urubyiruko tubaye mu ba mbere bazajya gutora kandi tukaba turi mu ba mbere baba bafite n’ibyangombwa.”

Amatora uko yegereza ni ko n’imyiteguro ikomeza. Abanyarwanda baba mu mahanga bazatora tariki 14 Nyakanga 2024, naho abari mu Rwanda bakazatora tariki 15 Nyakanga 2024.

NEC yashyizeho uburyo umuntu ashobora kubona aho abaruriwe kuzatorera ndetse akaba yakwiyimura kuri lisiti y’itora mu gihe bibaye ngombwa.

Ubu buryo ni ubwo gukoresha telefoni ngendanwa, aho umuntu ashobora gukanda *169# akabona ayo makuru yose. Iyo ushaka guhindura aho uzatorera nabyo urabyikora.

Imikino ya nyuma ya BAL iratangira kuri uyu wa Gatanu i Kigali

Mu butumwa yanyujije ku rukuta rwa X, kuri uyu wa 22 Gicurasi 2024, Minisitiri w’Urubyiruko Abdallah yasabye urubyiruko kuzitabira ku bwinshi iyi mikino.

Yagize ati: “Ndagira ngo shishikarize urubyiruko n’abandi Banyarwanda benshi, kuri uyu wa Gatanu guhera saa kumi nimwe dufite imikino ya Bal (The Basketball Africa League). Ni imikino izana vibes mu mujyi wa Kigali, ni imikino u Rwanda rwakira muri gahunda zitandukanye abantu bagasura u Rwanda. Harimo amakipe akomeye ya Basket muri izi mpera z’iki cyumweru, ku wa Gatanu, ku wa Gatandatu, ku Cyumweru yewe kugeza ku itariki ya 01 y’ukwezi kwa 6.”

Iyi mikino izatangira ku itariki ya 24 Gicurasi kugeza ku ya 1 Kamena 2024. Iri ni rushwanwa ry’amakipe yabashije kugera ku mikino ya nyuma ya BAL.

Amakipe umunani azaba ari i Kigali muri iyi mikino ya nyuma ni Cape Town Tigers yo muri Afurika y’Epfo, Al Ahly yo mu Misiri, FUS Rabat yo muri Maroc, Al Ahly Benghazi yo muri Libya, Petro de Luanda yo muri Angola, Rivers Hoopers yo muri Nigeria, AS Douanes yo muri Sénégal na US Monastir ya Tunisia.

Iyi mikino izaba inarimo abahnazi bafasha gususurutsa abayitabiriye

U Rwanda ntabwo ruzaba ruhagarariwe kuko ikipe ya APR BBC yari iruhagarariye yatsindiwe mu mikino yaberaga muri Sénégal yahuzaga amakipe yo muri Sahara Conference. Ikipe ya APR BBC yatsinzwe na AS Douanes ku giteranyo cy’amanota 79-54 ya APR BBC isoza ku mwanya wa nyuma.

Ku nshuro ya mbere kuva BAL yatangira muri 2020 imikino ya nyuma izakinwa u Rwanda nk’Igihugu cyayakiriye kidafitemo ikipe.

Iyi mikino izaba irimo ibyamamare bitandukanye mu muziki ndetse n’abavanga umuziki batandukanye. Kwinjira ni uguhera ku mafagaranga y‘u Rwanda 1600.

Ibi yabigarutseho kuri uyu wa Gatatu tariki 22 Gicurasi 2024, mu nama yateguwe n’Ishuri Rikuru ry’ingabo z’u Rwanda n’abakozi baryo hamwe na kaminuza y’u Rwanda (UR).

Marizamunda yagaragaje ko Isi yugarijwe n’ibibazo bitandukanye birimo iby’umutekano, bityo hakenewe guhuza imbaraga mu kubikemura mu buryo bwihuse.

Yagize ati:” Iyi nama nyunguranabitekerezo iratanga icyizere ko izatanga umusaruro. Mu biganiro byimbitse turasesengura ibigezweho, turasangira ubumenyi no gufatanya mu gukemura ibibazo byinshi by’umutekano byugarije umugabane wacu muri iki gihe no kubaka ejo hazaza heza kuri bose.”

Minisitiri Juvenal Marizamunda yavuze ko yizeye umusaruro mwinshi uva muri ibi biganiro.
Yagize ati :” Ndizera ko ubunararibonye n’ibitekerezo bitandukanye by’abari muri iyi nama nyunguranabitekerezo, bizagira uruhare mu gushyiraho ingamba mu guhanga udushya kugira ngo amahoro n’umutekano bigerweho kuri uyu mugabane wacu.”

Marizamunda yibukije abitabiriye iyi nama ko n’ubwo hari ibibazo Afurika ihuriyeho n’Isi ariko kuri uyu mugabane byihutirwa cyane bityo hakwiye gushakwa ibisubizo.

Ati: “Isi yacu yugarijwe n’ibibazo byinshi bibangamira amahoro n’umutekano. Izi mbogamizi zose zibutsa isi by’umwihariko umugabane wacu ko dukeneye gushaka ibisubizo cyane iby’umutekano kuko byihutirwa cyane.”

Mu bindi byagarutsweho harimo ingaruka Umugabane wa Afurika uterwa n’urubyiruko rwishora mu buhezanguni n’iterabwoba.

Iyi ni inama ya 11 yiga ku mutekano (National Security Symposium 2024), yitabiriwe n’abahagarariye inzego z’umutekano mu Rwanda; Ingabo z’u Rwanda, Polisi y’Igihugu, Urwego rw’Igihugu rushinzwe Igorora, Urwego rw’Ubugenzacyaha, Urwego rw’Igihugu rushinzwe Umutekano n’Iperereza (NISS) n’izindi.

Iyi nama kandi yitabiriwe n’abaturutse hirya no hino muri Afurika mu bihugu 52, bakaba bahuriye muri Kigali Convention Centre.

Abantu 10 batawe muri yombi bakekwaho ruswa

RIB yatangaje ko abo icumi bafunzwe barimo Micomyiza Placide, wari Umucamanza ku Rukiko rw’Ibanze rwa Gasabo, Uwayezu Jean de Dieu, Umushinjacyaha ku Rwego rw’Ibanze rwa ngarama, Misago JMV, umugenzacyaha kuri sitasiyo ya Ngarama, Tuyisenge Jean d’Amour, Umuhesha w’Inkiko w’Umwuga ndetse n’abafatanyacyaha babo.

Abo bafashwe bafungiye kuri sitasiyo zitandukanye za RIB, mu gihe dosiye zabo ziri gutunganywa kugira ngo zishyikirizwe Ubushinjacyaha.

Muri sitasiyo bafungiwemo harimo: Nyarugenge, Kicukiro, Nyamirambo, Kimihurura, Kimironko na Remera.

Kugira ngo aya makuru aboneke byagizwemo uruhare n’abaturage, ari yo mpamvu RIB ishimira abaturage bakomeje gutanga amakuru ndetse n’izindi nzego bafatanya mu rugamba rwo kurwanya icyaha cya ruswa.

RIB iraburira uwo ariwe wese witwaza inshingano afite agasaba indonke, ko bitazamuhira kuko inzego zose zahagurukiye kurwanya Ruswa mu Rwanda.

Itegeko n°54/2018 ryo kuwa 13/08/2018 ryerekeye kurwanya Ruswa, rivuga ko Umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose, kuri we cyangwa ku wundi muntu cyangwa wemera amasezerano yabyo kugira ngo akore cyangwa adakora ikiri mu nshingano ze cyangwa yifashishije imirimo ye kugira ngo gikorwe cyangwa kidakorwa aba akoze icyaha.

Iyo abihamijwe n’urukiko, ahanishwa igifungo kirenze imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda yikubye inshuro kuva kuri eshatu (3) kugeza kuri eshanu (5) z’agaciro k’indonke yatse cyangwa yakiriye.

The Ben na Adekunle Gold ni abahanzi b’amazina akomeye bazasusurutsa imikino ya BAL

Umunyana-Nigeria uri mu bakunzwe muri iki gihe, Adekunle Almoruf Kosoko uzwi nka Adekunle Gold ni umwe mu bahanzi batangajwe bwa mbere ndetse bazagaragara ku rubyiniro mu itangizwa ry’iyi mikino.

Adekunle uheruka mu Rwanda mu mwaka wa 2021 ari mu bahanzi bafite indirimbo zigezweho kandi zikunzwe zirimo Look What You Made Me Do, Okay, Rodo ndetse n’izindi.

Uretse Adekunle Gold hari kandi na Mugisha Benjamin uzwi nka The Ben, nawe ari kurutonde rw’abahanzi bzataramira abazitabira iyi mikino muri BK Arena. The Ben uheruka gukora ubukwe na Uwicyeza Pamela, ni ubwa mbere azaba ataramiye abitabiriye iyi mikino ndetse akaba afite indirimbo aherutse gushyira hanze izaba yitezwe n’abantu benshi yitwa ‘Ni Forever’. The Ben ni we uzatarama ku munsi wa nyuma ndetse na Ishami Talent.

Kuva kuri uyu wa Gatanu tariki 24 Gicurasi 2024, kugeza ku munsi wa nyuma w’umukino 01 Kamena, hari abahanzi batandukanye bazajya basusurutsa abitabiriye iri rushanwa rya BAL.

Chriss Eazy, umwe mu bahanzi bagezweho azataramira abazitabira BAL

Kuri gahunda biteganyijwe ko umuhanzi umwe azajya aririmba igice cya mbere kirangiye naho undi aririmbe umukino urangiye.

Ku munsi wa mbere bazabimburirwa na Juno Kizigenza uzaririmba igice cya mbere cy’umukino wa mbere. Mugihe umukino ukirangira bazasusurutwa na Adekunle Gold.

Ku munsi wa Kabiri hazaririmba Kenny Sol na Bwiza, ku munsi wa Gatatu ni Alyn Sano na Chris Eazy mu gihe ku umunsi wa Gatatu hari Ish Kevin, umunsi ukurikiyeho ni Kivumbi King na Kevin Kade. Mugihe umunsi ubanziriza uwa nyuma hazatarama Ariel Wayz maho ku munsi wa nyuma The Ben akazataramira abakunzi b’umukino wa Basketball.

Alyn Sano mu bahanzi bazasusurutsa abitabiriye imikino ya BAL

Biteganyijwe ko kuri parikingi ya BK Arena, hazajya haba hafunguye mu minsi y’imikino guhera saa mbiri za mugitondo kugeza saa cyenda n’igice z’umugoroba naho mu mpera z’icyumeru ni uguhera saa tatu za mu gitondo kugeza saa kumi n’ebyiri n’igice z’umugoroba.

Hazaba hari ibikorwa bitandukanye ku bakiri bato ndetse n’abakuze, harimo kandi imikino ya basketball 3 kuri 3, izajya ikinwa ndetse bazasusutswa na DJ Loft na DJ Kim n’ibindi bikorwa biruhura mu mutwe bitandukanye.

Kwinjira muri iyi mikino igomba kumara icyumweru muri Kigali, ni uguhera ku mafagaranga y‘u Rwanda 1600.

Ruto yahuye n’Abanyakenya baba muri Amerika

Ibiro by’Umunyamabanga wa Leta Zunze Ubumwe za Amerika ushinzwe Ububanyi n’Amahanga, Ku wa 20 Giurasi 2023, byatangaje ko byishimiye kwakira Ruto na madamu we.

Byanditse biti:” Amerika yakiriye neza Perezida William Ruto na Madamu we Rachel Ruto, i Atlanta, Georgia. Uru ruzinduko muri Atlanta ni igice cya mbere cy’ubufatanye bwa dipolomasi hagati ya Kenya n’Amerika.”

Muri uru ruzinduko, William Ruto yahuye n’Abanyakenya baba muri Leta Zunze Ubumwe za Amerika muri Cobb Galleria Centre, Atlanta, Georgia.

Perezida Ruto yavuze ko Leta zunze Ubumwe z’Amerika zabaye inshuti nziza ya Kenya mu buvuzi.
Yagize ati:” U.S.A yabaye inshuti nziza mu bikorwa remezo, no mu bushakashatsi bugamije guhangana n’indwara zanduza. Turashaka kongera ubufatanye, harimo no gukora inkingo, bizana iterambere kuri twese.”

Ku wa kane ni bwo ibi biganiro bya Biden na Ruto bizaba, bikazagaruka ku bufatanye mu bucuruzi n’umutekano, harimo nuko Kenya yiyemeje kuyobora ubutumwa bw’Umuryango w’Abibumbye, bugamije kugarura umutekano muri Haiti, wangijwe n’ubutegetsi bushingiye ku dutsiko tw’amabandi.

Kenya yemeye kohereza abapolisi 1.000, kandi ikazayobora ubutumwa bw’amahoro muri icyo gihugu.
Biteganijwe ko icyiciro cya mbere cy’abapolisi ba Kenya bazakora urugendo rw’ibirometero 12.500 berekeza mu murwa mukuru wa Haiti, Port-au-Prince muri iki cyumweru, nk’uko AFP yabitangaje.

Kenya iri mu bihugu 10 bya mbere bikomokamo abirabura bimukira muri Amerika nk’uko Pew Research Centre yabigaragaje mu bushakashatsi yakoze 2019.

William Ruto ni we muyobozi wa mbere wo muri Afurika uzaba yakiriwe na perezida wa Amerika Joe Biden kuva yatorwa mu 2020.

Abinyujije ku rukuta rwe ku rubuga rwa ‘X’, yavuze ko ku wa 23 Kanama 2024 azataramira i Kampala muri Uganda ahitwa Lugogo Cricket Oval.

Kwinjira muri iki gitaramo ku bazishyura mbere, itike ya macye ni ibihumbi cumi na bitanu, mu gihe ku meza y’abantu icumi ahazwi nka VVIP ari miliyoni 3.

Uyu muhanzi umaze kuba icyamamare mpuzamahanga kubera kuririmbira Imana, yavuze ko azakomereza gutaramira muri Uganda kuri University Inn Mbarara, ku wa 25 Kanama 2024. Aha ho ku bazishyura mbere, itike ya macye ni ibihumbi 20 mu gihe ameza y’abantu batanu (VVIP) ari miliyoni 1 nk’uko bigaragara ku biciro yasohoye.

Ibi bibaye nyuma y’uko abinyujije ku rukuta rwe rwa ‘X’, agize ati “Hello Kenya.” Bisa n’ibica amarenga ko ashobora kujya kuhataramira.

Mu bindi bitaramo biteganijwe ko azakora, birimo icyo azakorera muri BK Arena ku wa 25 Ukuboza 2024, n’ikindi azakorera mu Bubiligi ku wa 8 Kamena 2024.

Mu itangazo SADC yasohoye kuri uyu wa 20 Gicurasi 2024, rivuga ko bamaganye igitero cyagabwe kuri DRC, kikaba cyari cyibasiye ababoyozi bakuru b’iki gihugu.

SADC igira iti: “Umuryango w’iterambere ry’ibihugu byo muri Afurika y’Amajyepfo (SADC), wamaganye umugambi wo gushaka guhirika ubutegetsi wabaye ku wa 19 Gicurasi 2024 i Kinshasa, muri Repubulika Iharanira Demokarasi ya Kongo (DRC), nyuma y’uko abantu bitwaje imbunda bagerageje gutera ku ngo z’abayobozi bakuru ba guverinoma ya DRC, harimo n’urwa Perezida Félix Tshisekedi.”

Muri iri tangazo SADC yasohoye, yamaganye iki gikorwa, ishimira ingabo za DRC kuba zarafashe abageragezaga guhirika ubutegetsi ndetse ikagarura ituze muri iki gihugu.

Rigira riti:” SADC irashimira ingabo za DRC kuba zarafashe abagabye iki gitero, igaharika ibyo bitero igihugu kibona ituze.”

Iki gitero cyagabwe n’itsinda ry’abarwanyi 50 bafite ubwenegihugu butandukanye, bambaye imyenda ya gisirikare iriho amabendera ya ‘Zaire’, izina Congo yahoranye, bakigabye ku wa 19 Gicurasi 2024 ariko kiza kuburizwamo n’inzego zishinzwe umutekano muri DRC.

Urwego rw’Igihugu rushinzwe umutekano, rwavuze ko nyuma yo kumenya ko amato yabuze batangiye ibikorwa byo gushakisha ababuriwe irengero.

Nk’uko Ibiro ntaramakuru by’Abafaransa (AFP) bibitangaza, abimukira bafashe ubwato bahagurutse hagati ya tariki 3 na 4 Gicurasi 2024, imiryango y’abantu baburiwe irengero ibimenyesha ubuyobozi nyuma y’iminsi 10 babuze.

Ingabo z’Igihugu zavuze ko abantu batanu batawe muri yombi bazira kuba baragize uruhare mu kwambutsa abashakaga kujya mu Burayi.

Tunisia ni kamwe mu duce twifashishwa cyane ku bashaka kwimukira mu Burayi bakoresheje ubwato.

Imibare y’Umuryango w’Abibumbye yerekana ko byibuze abimukira 12.000 bageze ku nkombe z’u Butaliyani mu mwaka wa 2023, bavuye muri Tunisia.

Muri Gashyantare 2024, abantu 13 bari baturutse muri Sudani barapfuye, abandi 27 baburirwa irengero, mu gihe hari n’ubwato bwarohamye hafi ku nkombe za Tunisia.

Iyi nyanja ni imwe mu nzira zikoreshwa cyane n’abimukira zihitana abantu benshi ku isi. Ishami mpuzamahanga ryita ku mpunzi rivuga ko abantu 3.000 barohamye mu gihe bageragezaga kwambuka mu 2023.

U Rwanda rwagaragaje ko nta mikoranire cyangwa amasezerano rufitanye na HRW yo gukorera mu gihugu

Mu itangazo ryashyize hanze ku mugoroba wo kuwa Gatandatu tariki 18 Gicurasi 2024, rinyujijwe ku rubuga rwa X, u Rwanda rwatangaje ko nta mikoranire cyangwa amasezerano rufitanye n’Umuryango uharanira Uburenganzira bwa Muntu (HRW) ayemerera kurukoreramo.

Itangazo rigira riti: ”Nta masezerano hagati ya Guverinoma y’u Rwanda na HRW yabayeho mu myaka myinshi ishize, nta ruhushya HRW ifite rwo gukorera mu Rwanda.”

Iri tangazo rikomeza rivuga ko inshuro nyinshi, HRW yagiye ihimba raporo zitandukanye ku Rwanda, ndetse ko nubu bashobora kubikora bitabaye ngombwa ko bakoresha ingufu.

Rigira riti: “Nk’uko HRW wakomeje guhimba raporo zigoreka ukuri ku biri mu Rwanda, n’ubundi ushobora gukomeza kubikora bitabaye ngombwa ko ukoresha ingufu ngo abakozi bawo binjire mu gihugu cyangwa kuko uhafite ubahagarariye mu Rwanda.”

Human Right Watch, tariki 16 Gicurasi 2024, yatangaje ko inzego zishinzwe Abinjira n’Abasohoka mu Rwanda, zangiye umukozi wayo ushinzwe ubushakashatsi mu ishami ryayo rya Afurika ubwo yari ageze ku Kibuga cy’Indege Mpuzamahanga cya Kigali i Kanombe.

Uyu muryango wari watangaje ko umukozi wawo witwa Clémentine de Montjoye, yangiwe kwinjira mu Rwanda ku bw’impamvu zidasobanutse zatanzwe n’Urwego Rushinzwe Abinjira n’Abasohoka ndetse ko indege ya Kenya Airways yasabwe guhita umukura ku butaka bw’u Rwanda.

Human Rights Watch ivuga ko uyu mukozi wayo, yari aje mu Rwanda guhura n’abahagarariye ibihugu byabo, ariko akigera ku butaka bw’u Rwanda abwirwa ko nta kaze ahawe.

Amakuru avuga ko uyu mugabo yari yitwaje icyuma, mu gihe yasatiraga polisi iramurasa.

Umuyobozi w’Akarere ka Rouen, Nicolas Mayer-Rossignol, yatangaje ko igitero cyagabwe ku rusengero kitagize ingaruka ku muryango w’Abayahudi gusa, ahubwo ko umujyi wose wagezweho n’ingaruka.

Amakuru dukesha BBC avuga ko abapolisi bahamagawe nyuma y’uko hagaragaye umwotsi uva mu rusengero.

Abashinzwe kuzimya umuriro batanze ubutabazi bw’ibanze bazimya mu rusengero. Umuyobozi w’Akarere yavuze ko nta bandi bagezweho n’ingaruka z’icyo gitero, uretse uwo muntu wari witwaje intwaro n’ibyangirikiye mu rusengero.

Umushinjacyaha wo muri ako gace yavuze ko iperereza rigikomeje kuri icyo gitero cyari kigamije gutwika urusengero.

Minisitiri w’Umutekano , Gérald Darmanin , yashimiye abapolisi "kubera ubwitange n’ubutwari".

Mu Bufaransa, kimwe no mu bindi bihugu by’i burayi bw’iburengerazuba, abarwanya Abayahudi bariyongereye kuva Hamas yagaba igitero mu majyepfo ya Isiraheli mu Ukwakira 2023, bigatuma Isiraheli itangiza intambara muri Gaza.

U Bufaransa buza ku mwanya wa gatatu mu bihugu bifite umubare munini w’Abayahudi ku isi, nyuma ya Israel n’Amerika.

Ntabwo ari inshuro ya mbere aha habwe igitero kuko mu myaka umunani ishize umupadiri yatewe icyuma ubwo yari ayoboye amateraniro.

Dr Ngirente yaganiriye na mugenzi we wa Guinée-Conakry Amadou Oury Bah

Aba bayobozi bombi bagiranye ibiganiro kuri uyu wa Gatanu tariki 17 Gicurasi 2024, aho bibanze ku gushimangira umubano mwiza usanzwe uranga ibihugu byombi.

U Rwanda na Guinée-Conakry bisanzwe bifitanye umubano mwiza. Ubwo perezida Paul Kagame yagiriraga uruzinduko rw’akazi muri iki gihugu, tariki 13 Gicurasi 2024, mugenzi we Doumbouya yagaragaje ko yishimiye kumwakira ashimangira ko urwo ruzinduko rugamije kurushaho gushimangira umubano w’Ibihugu byombi.

Perezida wa Guinée Conakry, Gen. Mamady Doumbouya, yashyizeho Amadou Oury Bah kuba Minisitiri w’Intebe mushya, nyuma y’iminsi umunani abasirikare basheshe guverinoma yariho, akaba asanzwe ari impuguke mu by’ubukungu.

Iyi nama Amadou Oury Bah yitabiriye, yateguwe n’Ikigo gifasha abikorera kuzamura ubucuruzi bwabo (International Finance Corporation), ku bufatanye n’Urwego rw’Iterambere, RDB.

Iyi nama ibaye ku nshuro ya 11 no ku nshuro ya kbari ibera mu Rwanda, yitabiriwe n’abarenga 2000 barimo abayobozi mu nzego za leta, abayobora ibigo bitandukanye, abashoramari n’abandi.

Ibayagarutsweho muri iyi nama ni uko Umugabane wa Afurika kugira ngo ubashe kwigobotora ibibazo biwugarije ari ukubaka ubushobozi bw’imbere mu bihugu kugira ngo ibashe kwihaza idategereje ibituruka ahandi.

Ubwo Perezida Kagame yakiraga perezida wa Mozambique, Filipe Nyusi, baganiriye ku kwagura umubano w’ibihugu byombi.

Iyi nama Filipe Nyusi yitabiriye irimo kubera mu Rwanda, ihuje abayobozi mu nzego za leta, abayobora ibigo byigenga, abashoramari n’abandi barenga 2,000.

Mu kuyifungura ku mugaragaro, Perezida Kagame yasabye abikorera gufatanya na Leta kuko Afurika yifitemo ibisubizo.

U Rwanda rusanzwe rufitanye umubano mwiza na Mozambique bigaragarira mu bufatanye busanzweho mu by’umutekano, aho u Rwanda rwohereje ingabo muri iki gihugu kuva muri Nyakanga 2021 kugira ngo zigarure amahoro mu duce dutandukanye twari twarafashwe n’inyeshyamba.

Guverinoma ya Mozambique ni yo yasabye U Rwanda ubufatanye mu by’umutekano ngo zirwanye ibyihebe byari bimaze igihe bihungabanya umutekano mu bice bitandukanye by’icyo gihugu.

Ubu muri Mozambique hari ingabo na Polisi by’u Rwanda, kandi umusaruro watangiye kugarara.

Kuri uyu wa gatatu tariki 15 Gicurasi 2024, abaturage bavuze ko inkangu yakurikiye imvura nyinshi muri Kenya yo hagati, yatwaye abantu batanu. Imiryango irimo Croix-Rouge, abakozi bayo barigufasha abaturage mu bikorwa by’ubutabazi.

Kenya yakomeje kwibasirwa n’ibiza bituma ifata imyanzuro itandukanye, irimo kuba Guverinoma yari yigije inyuma itangira ry’amashuri, yari gutangira ku wa 29 Mata 2024 rikimurirwa ku wa 6 Gicurasi mu 2024.

Uretse Kenya biteganijwe ko imvura igiye gukomeza kwiyongera, mu turere tumwe na tumwe two muri Kenya na Tanzania.

Iyi imvura imaze iminsi igwa yatumye muri Kenya abantu 267 babura ubuzima, mu gihe 188 bakomeretse, 75 baburirwa irengero.

Amatungo agera 9.973 yaburiwe irengero, hegitari 41.562 z’ubutaka n’imihanda 61 yangiritse, amashuri 103 n’ibigo nderabuzima 42 byarangiritse.

Kuva iyi mvura yatangira kugwa mu karere kugeza tariki 9 Gicurasi 2024, hari hamaze abantu bagera kuri 848.773 bagizweho ingaruka na byo, barimo 350.155 bavanywe mu byabo, muri Kenya, Somalia, u Burundi na Tanzaniya.

Perezida Kagame yavuze ko ibyo Afurika yaciyemo birimo Covid-19 n’ihindagurika ry’ikirere, bikwiye guha isomo abayituye.

Yagize ati: “Ibibazo biturutse ku cyorezo, imihindagurikire y’ikirere, byatwigishije amasomo menshi y’ingenzi. Muri yo harimo kuba hakenewe gukorana bya hafi hagati y’urwego rw’abikorera na Leta. Mu myaka yashize, icyagaragaye ni uko ibibazo duhuriyeho bishobora gukemuka turamutse dukoranye.”

Perezida Kagame yavuze ko ubwo hashyirwagaho Isoko Rusange rya Afurika, icyari kigamijwe, ari ukubaka ubushobozi bw’abatuye uyu Mugabane no kubyaza umusaruro umutungo kamere wawo.

Perezida Kagame yavuze ko biteye impungenge kuba umubare w’abaturage ba Afurika bari mu cyiciro giciriritse ukomeje kwiyongera, nyamara uyu Mugabane wihariye 20% by’abaturage bose b’Isi.

Yavuze ko hakenewe kuvugurura imitekerereze kuko bishoboka ko Afurika yaba igicumbi cy’ubukungu.

Ati: “Nk’uko iki kinyejana kigenda gitera imbere, Afurika izagenda iba imwe muri moteri y’ubukungu bw’isi. Ariko kugira ngo dutere imbere, tugomba kuvugurura imitekerereze yacu.”

Perezida Kagame yavuze kandi ko mu myaka yashize byagaragaye ko haramutse habayeho ubufatanye, imbogamizi n’ibibazo byose Afurika ihura na byo byabonerwa umuti. Yavuze ko Umugabane wa Afurika ufite ibikenewe byose ahubwo igikwiye gukorwa ari ukubisaranganya no kubibyaza umusaruro.

Perezida Kagame yavuze ko kwihuza byaha ubushobozi aba bacuruzi bakagira ingufu ku rwego mpuzamahanga.

Ati: “Kwihuza kw’abacuruzi ba Afurika ni amahirwe yo kwaguka kw’isoko ryacu, kandi rikabasha kugira ubushobozi bwo guhiganwa.”

Ni ubutumwa yahaye abarenga 2.000 bitabiriye Inama y’Ihuriro ry’Abayobozi Bakuru b’Ibigo byigenga muri Afurika, ‘Africa CEO Forum’.

Iyi nama ibereye mu Rwanda ku nshuro ya kabiri, ikaba yitabirwa n’abayobozi mu nzego z’abikorera muri Afurika.

Biden abinyujije ku mbugankoranyambaga yagaragaje ko yiteguye kuba yahangana na Trump mu biganiro mpaka kuri televisiyo 2 zitandukanye.

Biden ati: "Nkuko wabivuze: ahantu hose n’igihe icyo ari cyo cyose."

Trump yise Biden "Umunyampaka mubi" yahuye nawe. Yanditse ku mbuga nkoranyambaga ko yiteguye ibiganiro mpaka ku nshuro zose ziteganijwe.

Trump ati: "Nditeguye kandi mfite ubushake bwo kujya impaka na Joe, inshuro ebyeri zasabwe muri Kamena na Nzeri.”

Biden avuga ko yatsinze impaka inshuro irenga imwe asa nuwiteze kongera kuganza mugenzi we mu kiganiro bazongera guhuriramo.

Ati: “Donald Trump yatsinzwe impaka twagiranye kabiri mu 2020.”

Trump nawe avuga ko Biden ari we muntu wa mbere udashoboye impaka ngo kuvuga bimugora.
yagize ati: “Biden ni we muntu wa mbere nabonye udashobora impaka. Ntajya ashyira hamwe amagambo abiri.”

Televiziyo ya CNN yavuze ko ikiganiro mpaka cya mbere kizabera muri sitidiyo yabo ya Atlanta ariko nta bandi bantu bemerewe kuzitabira. Iki kiganiro kizayoborwa na Jake Tapper na Dana Bash.
Abakandida bemeye kandi ubutumire bwa televiziyo ABC, izakira ibiganiro mpaka bya kabiri ku itariki ya 10 Nzeri.

Biden yavuze ko azitabira ibyo biganiro mpaka bizamuhuza na Trump ariko hagakurikizwa amategeko kugira ngo hagabanywe imvururu, mu gihe Trump avuga ko niyo ibiganiro mpaka byarenga bibiri nta cyo bimutwaye.

Izi mpaka zizakurirwa kuri televiziyo n’abarenga miliyoni icumi imbonankubone ku buryo bitoroheye abazaba bahangannye kuko bazaba bakurikiwe n’abazabatora.

Abari ku ruhande rwa Biden, biteze ko izi mpaka zishobora kugaragaza uruhande rwa Trump, ku kibazo cyo gukuramo inda, no kugaragaza izindi ntege nke za politiki.

Naho abari ku ruhande rwa Trump, babona Biden nk’umuntu utazobereye mu mpaka, ibyo bikaba bishobora kongera impungenge ku bazabatora.

Biteganijwe ko amatora ya perezida wa USA azaba ku itariki ya 5 Ugushingo. Umuco w’ibiganiro mpaka umaze kumenyerwa kuko watangiye 1960 mu gihe cya John F. Kennedy.

Minisitiri w’Amazi n’Ibidukikije, Sam Cheptoris, yabwiye abanyamakuru ko amazi y’ikiyaga cya Victoria gihuriweho na Uganda, Kenya na Tanzaniya, yazamutse kugera ku rwego rwo hejuru.

Uyu muyobozi yavuze ko amazi y’ikiyaga cya Victoria yiyongereye kugera kuri metero 13.66, aho yavuye kuri metero 13.5 muri 2020.

Yavuze ko ikiyaga cya Victoria cyakira amazi ava mu nzuzi 23 zo mu Karere.

Yagize ati: "Izi nzuzi zikomoka muri Kenya, Tanzaniya, u Rwanda, ndetse no mu Burundi. Nubwo rero nta mvura igwa hano ariko yaguye ahandi muri ibyo bihugu, ikiyaga cya Victoria kizakomeza kuzamo amazi menshi".

Bariega Akankwasah, umuyobozi mukuru w’ikigo cy’igihugu gishinzwe imicungire y’ibidukikije, ishami rishinzwe kubungabunga ibidukikije muri Uganda, yavuze ko hakomeje gukorwa ibikorwa byo gukura abatuye ku nkombe z’ikiyaga no ku nkombe z’umugezi.

Yagize ati: "Turahamagarira abaturage ba Uganda kudategereza ibyabaye ku bavandimwe bacu bo muri Kenya na Brazil."

Yunzemo ati: "Turasaba abantu bose batuye mu bishanga guhita bavayo kugira ngo dushobore kurokora ubuzima n’imitungo."

Ibihugu byo muri Afurika y’Iburasirazuba byibasiwe n’imvura nyinshi, bivugwa ko yatewe n’imiyaga iva mu Nyanja y’Abahinde.

Ibi bikubiye mu butumwa Minisitiri w’Uburinganire n’Iterambere ry’Umuryango Dr. Valentine Uwamariya, yatanze kuri uyu Munsi Mpuzamahanga w’Imiryango.

Kuri uyu munsi Minisitiri w’Uburinganire n’Iterambere ry’Umuryango mu ubutumwa bwe, yasabye imiryango kugira umwanya wo kuganira kuko ari byo bibumbatira ubumwe bwawo no kurushaho kuwuteza imbere.

Dr. Valentine yagize ati:” Kuri uyu munsi Mpuzamahanga w’Imiryango, turasaba abagize umuryango kugira umuco wo kuganira mu muryango hagamijwe kubumbatira ubumwe bwawo no kurushaho kuwuteza imbere. Twubake Umuryango Ushoboye kandi, Utekanye.”

U Rwanda rwifatanyije n’isi kwizihiza Umunsi Mpuzamahanga w’Imiryango wizihizwa kuwa 15 Gicurasi buri mwaka.

Uyu munsi washyizweho n’Umuryango w’Abibumbye mu 1993 hagamijwe kurebera hamwe uruhare imiryango igira mu iterambere ry’Igihugu no gukomeza ubukangurambaga ku bibazo byibasira imiryango.

Zimbabwe yavuze ko abarenga kimwe cya kabiri cy’abaturage bazakenera ubufasha bw’ibiribwa

Komite ishinzwe gusuzuma imibereho ya Zimbabwe (Zimlac), ku mugoroba wo kuri uyu wa kabiri yatangaje ko abagera kuri miliyoni 6 batuye mu bice by’ibyaro n’abandi miliyoni 1.7 batuye mu mijyi ari bo bazakenera ubufasha bw’ibiribwa.

Guverinoma yavuze ko aya ari amapfa akomeye muri Zimbabwe.

Isuzuma ry’ibihingwa riheruka kugaragarizwa Inama y’Abaminisitiri ya Zimbabwe, ryagaragaje ko umusaruro w’ibigori wagabanutse kugera ku kigero cya 77%.

Umuryango w’abibumbye (UN) n’ikigega cy’umuryango w’abibumbye cyita ku bana (Unicef), basabye ubufasha bw’amafaranga kugira ngo izi miliyoni z’abaturage ziticwa n’inzara.

Nyuma yo gutabarizwa n’iyi miryango, guverinoma ya Zimbabwe nayo yasabye abaterankunga n’abagiraneza miliyari 2 z’amadolari y’inkunga, kugira ngo babone ibiribwa.

Iki kibazo cyo kunanirwa kwihaza mu biribwa ntabwo ari gishyashya muri iki gihugu, kuko kuva mu mwaka wa 2000 bagihanganye na cyo.

Kuva igihe uwahoze ari perezida Robert Mugabe yayobora iki gihugu, byahungabanyije umusaruro ariko n’imihindagurikire y’ikirere nayo yakomeje gutiza umurindi iki kibazo.

Zimbabwe iri mu bihugu byibasiwe n’amapfa akabije mu gice cy’ibihugu biri muri Afurika yo hepfo. Uretse Zimbabwe, iki kibazo cy’ibiribwa bidahagije kiri no muri Zambia na Malawi.

Urukiko Mpuzamahanga Mpanabyaha ruvuga ko amakuru y’abashakishwaga bose yamaze kumenyekana

Umushinjacyaha Mukuru w’Urwego Rwasigariyeho Inkiko Mpuzamahanga zirimo ICTR (IRMCT), Serge Brammertz, ni we wemeje ko bombi uko ari babiri bapfuye.

Uyu Mushinjacyaha wa IRMCT yatangaje ko abantu bose bahunze ubutabera bw’Urukiko Mpuzamahanga Mpanabyaha rw’u Rwanda (ICTR) bamaze gufatwa cyangwa kumenyekana aho baherereye.

Umushinjacyaha yavuze ko iperereza ryerekanye ko Ryandikayo na Charles Sikubwabo bombi bapfuye mu 1998, hashize imyaka ine bahunze u Rwanda.

Umushinjacyaha Mukuru wa IRMCT, Serge Brammertz yavuze ko bitari byoroshye gushaka abakekwa no kubata muri yombi.

Ati: “Kuva aho inyandiko z’ibirego za mbere zatanzwe imyaka igera kuri 30 ishize, ICTR na ICTY byahuye n’ikibazo gikomeye cyo gukurikirana abahunze ubutabera. Iperereza ku byaha no gushinja abakekwaho kugira uruhare rukomeye byari intambwe za mbere gusa, umurimo ukomeye wari uwo kubashaka no kubata muri yombi.”

Akomeza agira ati: “Habayeho ingorane zikomeye, uhereye ku bushake buke bwa politiki bw’ibihugu bitashakaga gufata abakekwaga, ndetse n’ingamba zikomeye z’abatorotse ubutabera bahishaga imyirondoro yabo n’aho babaga baherereye. Mu byukuri, rimwe na rimwe hari abatangiye gushidikanya ko abahunze ubutabera ba ruharwa nka Félicien Kabuga bazigera bafatwa.”

Brammertz asobanura ko nubwo hari inzitizi zitandukanye, batacitse intege kugeza uyu munsi ubwo igikorwa bari biyemeje gishyizweho akadomo.

Ati: “Nyamara izo nzitizi zatsinzwe binyuze mu kudacika intege hamwe n’ubuhanga bw’itsinda ryacu rishinzwe gukurikirana abahunze ubutabera. Ibiro byanjye nanjye tukaba dushimishijwe n’uko uyu munsi, iki gikorwa kirangiye neza. Mu buryo budasanzwe mu butabera mpanabyaha mpuzamahanga, abantu bose bahunze ICTR na ICTY ubu amakuru yabo amaze kumenyekana.”

Yavuze ko nubwo inshingano ze zirangiye ariko hakiri abandi bakekwaho Jenoside barenga 1,000 bagishakishwa n’inzego z’ubutabera.

Sikubwabo Charles washakishwaga, yavukiye muri Perefegitura ya Kibuye mu 1948. Yakoze mu ngabo z’u Rwanda, asezera afite ipeti rya Adjudant. Yaje kugirwa Burugumesitiri wa Komini ya Gishyita, Perefegitura ya Kibuye, nk’umunyamuryango w’ishyaka rya MDR. Uwo mwanya ni wo yari afite mu gihe cya Jenoside yakorewe Abatutsi mu 1994.

Sikubwabo yashinjwe bwa mbere na ICTR mu Gushyingo 1995. Yashinjwaga Jenoside, ubufatanyacyaha muri Jenoside, umugambi wo gukora Jenoside, ubwicanyi nk’icyaha cyibasiye inyokomuntu, gutsemba nk’icyaha cyibasiye inyokomuntu n’ibindi bikorwa by’ubugome nk’icyaha cyibasiye inyokomuntu.

Sikubwabo kandi ngo yaba yaragize uruhare mu bwicanyi bwakorewe kuri Kiliziya Gatolika no mu kigo cyitiriwe Mutagatifu Jean mu mujyi wa Kibuye, kuri Stade yo mu mujyi wa Kibuye, ku rusengero rwa Mubuga, ndetse no mu turere twose two mu gace ka Bisesero, bikaviramo ibihumbi by’Abatutsi kwicwa.

Nyuma y’iperereza ryimbitse, Ibiro by’Ubushinjacyaha byashoboye kwemeza ko Sikubwabo yapfiriye i N’djamena, muri Tchad muri 1998 hanyuma ahambwa aho.

Ryandikayo we yavukiye muri Perefegitura ya Kibuye, akaba yari umucuruzi muri ako gace.

Yashinjwaga ibyaha bya Jenoside, ubufatanyacyaha muri Jenoside, umugambi wo gukora Jenoside, ubwicanyi nk’icyaha cyibasiye inyokomuntu, gutsemba nk’icyaha cyibasiye inyokomuntu, gufata ku ngufu nk’icyaha cyibasiye inyokomuntu no gutoteza nk’icyaha cyibasiye inyokomuntu.

Muri Nyakanga 1994, Ryandikayo yahunze u Rwanda yerekeza mu cyahoze ari Zayire, ubu ni Repubulika Iharanira Demokarasi ya Congo.

Ibiro by’Umushinjacyaha byashoboye kwemeza ko Ryandikayo yitabye Imana mu 1998, bishoboka cyane ko yazize uburwayi, nyuma gato yo kugera i Kinshasa.

Uyu mukambwe wujuje imyaka 84 y’amavuko mu kwezi kwa Karindwi umwaka ushize, yatangaje ko yifuza kongera kuyobora Malawi, igihugu yayoboye kuva 2014 kugeza 2020 ubwo yatsindwaga mu matora.

Mutharika afashe iki cyemezo cyo kongera kwiyamamariza kuyobora Malawi, nyuma yuko abaturage batishimiye ubuzima barimo, akavuga ko azanwe no kubakura muri ubwo buzima bubi.

Ati: “Amarira y’Abanyamalawi. Ngaruwe no gukura iki gihugu mu buzima bubi kirimo.”
Mutharika yongeyeho ko igihe yaba agarutse ku butegetsi, ishyaka rye Democratic Progressive Party (DPP) ryashyira ubukungu ku rwego rwiza mu myaka ibiri gusa.

Perezida wa Komisiyo y’Igihugu y’Amatora, Gasinzigwa Oda

Perezida wa Komisiyo y’Igihugu y’Amatora, Gasinzigwa Oda yavuze ko iyo amatora ya perezida wa Repubulika n’ay’abadepeti adakorerwa rimwe, hari gukoreshwa arenga miliyari 12 ariko ubu hakazakoreshwa arenga gato Miliyari umunani.

Yagize ati: “Iyo dukora amatora atandukanije twarigukoresha hafi miliyari 12, uyu munsi tukaba tuzakoresha hafi miliyari 8 n’igice.”

Akomeza avuga ko ayo mafaranga atakora ibikenewe byose ari yo mpamvu umuco wo kwigira nawo ukwiriye mu Banyarwanda, ari yo mpamvu hakenerwa abakorerabushake mu matora.

Ati:” Ayo mafaranga ntabwo twavuga ko ari yo azakora amatora yonyine. Hariho n’ubukoreshabuke hirya no hino, dufite Abanyarwanda biyemeje kudufasha mu gutegura amatora hasi hariya mu midugudu muri bya byumba by’amatora.”

Gasinzigwa avuga ko umubare w’abakoreshake nawo uziyongera kuko bongereye ibyumba by’itora.

Ati: “Twari dufite abakorerabushake hafi 70.000 ariko dushobora kuzagera hafi ku 100.00 kuko twongereye ibyumba by’itora. Yego tubona ingengo y’imari y’igihugu, ariko uwo muco wo kwigira nawo wunganira ya ngengo y’imari y’amatora.”

Yakomeje asobanura ko komisiyo y’igihugu y’amatora itagira uwo yaka umusanzu w’amatora kuko Leta itanga akenewe yose keretse ishyaka ari ryo ryisabiye umusanzu abarigize ariko batagize uwo bahutaza.

Ati: “Nta kuntu komisiyo y’igihugu y’amatora yaba yaremerewe ingengo y’imari ngo twongere dusubire kwaka amafaranga Abanyarwanda. Nta gitangaza kirimo, kuba ishyaka rya politiki ryasaba umusanzu bitewe n’amategeko bishyiriyeho, icyangombwa ni uko babikora nta murwanashyaka wabo bahutaje. Twebwe nka komisiyo y’igihugu y’amatora ibyo nta bwo tubijyamo.”

Muri iki kiganiro Gasinzigwa yatangaje ko abarenga 90% bamaze kwireba kuri lisiti y’itora. Yavuze ko hagiye gukurikiraho guhuza ibyakosowe guhera ku rwego rw’umudugudu n’abakoresheje ikoranabuhanga.

Gasinzigwa yavuze ko ingengo y’imari yose itangwa n’igihugu kandi yose imaze kuboneka ndetse imyiteguro y’amatora igeze kure.

Biteganijwe ko kwakira kandidatire bizatangira 17 Gicurasi 2024, nyuma hakurikireho kwiyamamaza.

Gasinzigwa yavuze ko ibikoresho biri kwegeranywa n’ibindi bikenewe mu mu matora ya perezida wa Repubulika n’abadepite.

Ati: “Twatangiye gushaka ibikoresho by’amatora, muzi yuko mu guhuza amatora, noneho hari ibikoresho byinshi tuzakenera: amasanduku y’itora, impapuro z’itora ndetse n’ibindi bijyana na byo. Twasuye site z’itora kuko ibyo bikoresho bijyana na site z’itora.”

Site z’itora zizakoreshwa zigera ku 2.441 n’ibyumba 17.400 bikaba bizatuma abatora badatinda kuri site y’itora kuko buri cyumba cy’itora biteganijwe ko kizatorerwamo n’abaturage batarenze 500.

Irene Bagahirwa, umukozi wa RBC

Mu bitaro indwara iza ku mwanya wa mbere abantu mu ngeri zitandukanye baza kwivuza ni amenyo n’ibijigo. Mu mwaka 2018 abivuje izi ndwara banganaga 175,605 mu gihe mu mwaka 2022 bakubye hafi kabiri, bagera ku 344,763, nkuko Rwandan Health Management Information System (R-HMIS) ibigaragaza mu mibare yo mu gitabo cy’Ikigo cy’Igihugu cy’Ibarurishamibare (Statistical Year Book 2023).

Irene Bagahirwa ukora mu gashami ko kurwanya ibikomere by’umubiri n’ubumuga muri RBC (n’uburwayi bwo mu kanwa ni ho bubarizwa), asobanura uko indwara zo mu kanwa.
Agira ati: “Indwara zo mu kanwa ni indwara akenshi ziterwa no kuba umuntu adakoresha umunyungugu cyangwa umuti w’amenyo urimo umunyungungu witwa fororide (fluoride) urinda amenyo gucukuka.”

Irene Bagahirwa avuga ko hari indwara zo mu kanwa zikunze kugaragagara kurusha izindi, kandi ikizitera ni kimwe ku buryo kutita ku isuku yo mu kanwa bihangiza.

Yagize ati: “akenshi indwara zo mu kanwa tubona ni ugucukuka kw’amenyo ndetse n’indwara z’ishinya. Izi ndwara ziterwa ni isuku nkeya yo mu kanwa. Isuku nkeya iterwa nuko akanwa tugakoresha byinshi, mu kuvuga, kurya ndetse no mu kunywa. Ibyo turya n’ibyo tunywa akenshi biba birimo amasukari. Ayo masukari, iyo mu kanwa hatogejwe neza ngo bishiremo, bitera amenyo kuba yacukuka umuntu aka yarwara ishinya.”

Irene avuga ko abantu benshi batita ku burwayi bwo mu kanwa, ari nayo mpamvu abantu baza kwivuza ari benshi iyo bikomeye.

Agira ati: “Abantu benshi ubuzima bwo mu kanwa nta bwo babufata nk’ahantu h’ingenzi bakwiye kwitaho, bigatuma bibaviramo uburwayi kandi ntibabwivuza uko bikwiriye, bigatuma uburwayi bukomera, bakivuza cyane”

Akomeza asobanura bimwe mu bintu bikwereka ko ufite ikibazo cy’amenyo ku buryo wajya kwa muganga.

Yagize ati: “Igihe cyose umuntu yumva mu kanwa hari ikitagenda neza, ishinya imurya, ashobora kwiborosa agacira amaraso, mu gihe mu gitondo ari koza mu kanwa akabona arigucira amaraso, nubwo haba hatamurya, agomba kujya kwivuza byanga bikunze icyo gihe aba afite ikibazo.”

Akomeza asobanura indi mpamvu ikwereka ko waba urwaye ku buryo washaka ubuvuzi.

Ati: “Hari n’umuntu uba ufite ishinya imubabaza cyangwa ibyimye cyangwa abona ibara ryayo ryahindutse, nawe aba agomba kujya kwivuza. Hari ushobora kuba afite n’uburwayi ku ruririmu cyangwa mu menyo, ahekenya hakamurya, ikintu cyose ariye cyangwa anyweye amenyo akamurya, uwo nawe aba agomba kujya kwa muganga. Akantu kose umuntu yumva katameze neza mu kanwa, uwo nawe aba agomba kwivuza.”

Umuyobozi Mukuru ushinzwe Politiki y’Uburezi muri Minisiteri y’Uburezi (MINEDUC), Rose Baguma, avuga ko hari abagifite imyumvire ica abana b’abakobwa intege ngo uwize ibintu runaka ari umukobwa ashobora guhura n’ingaruka mbi, cyane cyane uwize siyansi n’imibare akaba yabura umugabo.

Agira ati: “Hari ibintu byinshi muri sosiyete tugenda tubyumva hirya no hino, babwira abana b’abakobwa bati:’wowe niwiga ukaminuza ukiga PhD (impamyabumenyi y’ikirenga) cyangwa se ukiga imibare cyangwa za siyansi nta bwo uzabona umugabo.’ Haracyari ibyo bintu byo kwibeshya bibwirwa abana b’abakobwa.”

Baguma akomeza avuga ko iyi myumvire ituma umwana adafashwa akiri muto bikaba byabangamira imyigire iye. Avuga ko umwana w’umukobwa akwiye gufatwa nk’umuhungu ndetse ntihirengangizwe n’imirimo yo mu rugo.

Agira ati: “kubera iyo myumvire umwana nta bwo afashwa akiri mutoya, biturutse mu miryango imwe ni mwe. Afashwa akiri mutoya ukamwereka ko agomba kwiga, ukamwereka uko akora imirimo yo mu rugo kimwe na musaza we, bagomba kuyikora bakayifatanya ariko agomba no kwiga.”

Mu kiganiro Minisitiri w’Intebe, Dr. Ngirente Edouard yagejeje ku nteko ishinga amategeko imitwe yombi, ku byagezweho na guverinoma mu kunoza ireme ry’uburezi mu byiciro byose, yavuze ko kwigisha siyansi biri mu bishyirwamo imbaraga kuko iri mu bikenewe ku isoko ry’umurimo.

Yagize ati: “u Rwanda rwibanda cyane kuri gahunda yo kwigisha ibintu binyuranye birimo siyansi, indimi cyane cyane Icyongereza n’ubumenyingiro. Ibi bijyanye n’icyerezo cy’Igihugu cyo kugira abakozi bahagije kandi bashoboye bakenewe kuri iryo soko ry’umurimo.”

Nubwo hakiri imyumvire itandukanye ituma hari abakobwa batiga siyansi n’imibibare, nk’uko bigaragazwa n’imibare yo mu gitabo cy’Ikigo cy’Igihugu cy’Ibarurishamibare (Statistical Year Book 2023), abakobwa biga siyansi muri segonderi bamaze kuba benshi kurusha basaza babo.

Mu mwaka wa 2021/22 abakobwa bari 57.5% mu gihe abahungu bari 42.5%. Mu mwaka wawubanjirije 2020/21 abakobwa bari 55.9%, abahungu banganaga na 44.1%.

Kugaburira abana ku ishuri byatumye hari abarigarukamo bari bararitaye

Mu kiganiro Minisitiri w’Intebe, Dr. Edouard Ngirente, yagejeje ku Nteko Ishinga Amategeko, imitwe yombi, ku byagezweho na Guverinoma mu kunoza ireme ry’uburezi mu byiciro byose, yagarutse kuri iyi ngingo.

Yagize ati “Gahunda yo kugaburira abana ku ishuri, yagize uruhare rugaragara mu guteza imbere imirire y’abana, bituma babasha gukurikira neza amasomo yabo.”

Minisitiri w’Intebe, Dr. Ngirente, avuga ko hari ubuhamya buhari bugaragaza umusaruro wavuye muri iyo gahunda.

Ati “Ubwo buhamya turabufite, hari n’abagarutse ku ishuri bari bararitaye, kubera iyo gahunda yo kugaburira abana ku ishuri.”

Minisiteri y’Uburezi (MINEDUC), ivuga ko hari ingamba zashyizweho zigamije gukumira umwana kuva mu ishuri.

Minisitiri w’Intebe, Dr. Edouard Ngirente

Umuyobozi Mukuru ushinzwe Politiki y’Uburezi muri Minisiteri y’Uburezi, Rose Baguma, avuga ko ari uburenganzira bw’umwana wese kwiga kuko n’Itegeko Nshinga ribigena.

Ati “Itegeko Nshinga rya Leta y’u Rwanda, rigaragaza ko ari uburenganzira bw’umwana wese kwiga. Umwana wese agomba kuba ari mu ishuri.”

Baguma akomeza avuga ko na MINEDUC yashyizeho politiki zigamije gusubiza ibibazo byatuma umwana ava mu ishuri.

Ati “Itegeko Nshinga riratuyobora, rigatuma natwe mu burezi dushyiraho andi mategeko, itegeko ry’uburezi, za politiki dufite z’uburezi zigaragaza ko abana bose bagomba kuba bari mu ishuri, kubakurikirana, gusubiza mu ishuri n’uritaye, no kumenya n’impamvu bataye amashuri.”

Yungamo ati “Uburezi bwo mu mashuri y’ibanze ni ubuntu (basic education). Ni ukuvuga ko nta kiguzi cy’uburezi, ntabwo umubyeyi yishyura amafaranga y’ishuri, ntabwo yishyura ngo umwarimu ahembwe, ntabwo yishyura kugira ngo ishuri ryubakwe, ibitabo, cyangwa kugira ngo yicare mu ishuri, icyo kiguzi ni Leta ikishyura.”

Baguma avuga ko umubyeyi asabwa uruhare ruto, nabwo kuri gahunda imwe yo kugaburira umwana ku ishuri.

Agira ati “Icyo dusaba umubyeyi ni uruhare rwe ruto cyane, kuri gahunda yo gufatira ifunguro ku ishuri.”

Rose Baguma

Mu mwaka wa 2019/20 mu mashuri abanza abana bataye ishuri bari 9.5%, mu gihe muri 2020/21 bagabanutse bagera kuri 7.1%.

Iki kibazo ntabwo kiri mu mashuri abanza gusa, kuko mu yisumbuye (lower secondary) muri 2019/20 abataye ishuri banganaga na 11.0% mu gihe 2020/201 banganaga na 12.5%. Mu mashuri yisumbuye (upper secondary) abaritaye mu 2019/20 bari 7.8% mu gihe muri 2020/201 banganaga na 5.9%, nk’uko Imibare yo mu gitabo cy’Ikigo cy’Igihugu cy’Ibarurishamibare ibigaragaza.

Silas Ngayaboshya

Umuyobozi Mukuru ushinze uburinganire no kongerera abagore ubushobozi muri MIGEPROF, Silas Ngayaboshya, avuga ko hari amategeko atandukanye Igihugu cyashyizeho, aha uburenganzira umugore.

Agira ati “Itegeko ngenga rigenga amatora rya 2021 ryavuguruwe, na ryo rigena uburenganzira bungana ku Banyarwanda bose bwo kugira uruhare mu matora, yaba abatora, abatorwa, abakandida, indorerezi n’ibindi.”

Ngayaboshya avuga ko hari urwego rwiza Igihugu kigezeho giha imyanya itandukanye abagore. Aha agaruka ku mibare y’abagore bari mu nzego zitandukanye zifata imyemezo.

Ati “Imibare iri mu nzego zifata ibyemezo, mu Nteko Ishinga Amategeko murabizi ko dufite 61.3% by’abagore. Ntabwo ari aho gusa kuko no mu zindi nzego dufitemo imibare twakwita myiza. Mu Baminisitiri turi kuri 42.4%, Sena 34.6%, abayobozi b’uturere 30%, mu nzego nyinshi zitandukanye usanga dufite imibare myiza y’abagore.”

Nubwo iyi mibare ishimishije, Ngayaboshya avuga ko imibare ntacyo ivuze, mu gihe imbogamizi zikibangamiye umugore zitarahashywa.

Yagize ati “Ntabwo uburinganire bivuga imibare gusa, uburinganire bivuga ko tugomba guhangana no gukuraho imbogamizi zibangamira n’iyo mibare kugerwaho. Ni ukuvuga ko tugomba guhangana n’izo mbogamizi abari mu nshingano bahura na zo, tukareba niba bafite uburyo bwo kuzikora.”

Yungamo ko abantu bagomba kumva neza ihame ry’uburinganire, ku buryo ntawe ubura amahirwe kubera ko ari umugabo cyangwa umugore.

Agira ati “Tuba tugana aho umugore n’umugabo bagira kandi bakishimira ku buryo bungana, uburenganzira bwabo bahabwa, ndetse bakagira amahirwe angana. Ikindi ni ibyo barota kuba byo cyangwa icyerekezo cyabo n’imbaraga bifitemo, byose bikaba byatanga umusaruro bitabangamiwe na za mbogamizi z’uko uyu ari uw’igitsina gabo uyu ari igitsina gore.”

Ngayaboshya avuga ko hari gahunda zatangiye zigamije gufasha abagore gukora akazi batekanye, nk’amarerero y’abana bato.

Ati “Gushyiraho irerero kugira ngo habe hari umutekano w’abana, ariko n’ababyeyi babe bakora badahangayitse, bigira ingaruka nziza ku kazi kabo.”

Akomeza asobanura izindi gahunda zashyizweho zifasha umugore gukora atekanye, ariko hatibagiranye n’abana b’abakobwa bakiri ku ntebe y’ishuri.

Ati “Gushyiraho icyumba cyo konkerezamo ahantu hakorera abantu benshi, icyumba cy’umukobwa ku mashuri, ibyo byose bigakorwa kugira ngo umuntu abe ahari, ariko anishimira ko ahari kandi atanga umusaruro usabwa.”

U Rwanda ruza mu bihugu bya mbere byimakaza ihame ry’uburinganire n’ubwuzuzanye. Raporo ku buringanire yasohotse muri Mata 2023, ya The World Economic Forum’s 2022 Global Gender Gap Index, yashyize u Rwanda ku mwanya wa 6 mu bihugu 146.

Byakabaye byiza inshuro yose umuntu ariye yogeje mu kanwa

Irène Bagahirwa ukora mu gashami ko kurwanya ibikomere by’umubiri, ubumuga n’uburwayi bwo mu kanwa muri RBC, avuga ko icyiza ari ugukora isuku mu kanwa uko ugize icyo ufata.

Ati “Ubundi byakabaye byiza inshuro yose umuntu ariye yogeje mu kanwa. Ubushakashtsi bwagaragaje ko umuntu yagakwiye koza amenyo kabiri ku munsi nibura. Akimara gufata ifunguro rya mu gitondo, na mbere yo kujya kuryama amaze gufata amafunguro yose ya nijoro.”

Yungamo ati “Koza mu kanwa neza ni ugukoresha umuti w’amenyo urimo umunyungugu witwa ‘Fluoride’, ndetse n’uburuso bw’amenyo butarengeje amezi atatu.”

Bagahirwa akomeza avuga ko ukora isuku mu kanwa agomba kubikorana ubwitonzi, kugira ngo atangiza ishinja.

Ati “Koza mu kanwa nanone nta bwo ari nko guhanagura inkweto cyangwa koza inkweto. Uba ugomba koza gake gake kugira ngo utangiza ishinya. Uburoso bwangiza ishinya iyo ukoresheje imbaraga nyinshi. Uba ugomba kubikora ku buryo utangiza ishinya.”

Avuga ko hari n’abakora isuku mu menyo ariko bakayikora nabi, ngo hari ibiryo bijya hagati y’amenyo, rimwe na rimwe uburoso ntibubikuremo.

Yagize ati “Ikindi ni ugukora ku buryo ibiryo byafashe hagati y’amenyo ubikuramo. Ushobora gukoresha uburoso bw’amenyo cyangwa akagozi kabugenewe bacisha hagati y’iryinyo n’irindi kugira ngo ibyafashe hagati y’amenyo bivemo, kuko bishobora gusigaramo bikaba byakwangiza amenyo n’ishinya.”

Ababyeyi basabwa gutoza abana kugira umuco wo kwita ku isuku yo mu kanwa, nk’uko Bagahirwa abivuga.

Ati “Dukangurira imiryango kwita ku isuku yo mu kanwa cyane cyane babitoza abana kwita bakabigira umuco.”

Yungamo ko RBC ifite ingamba zitandukanye zigamije kurandura iki kibazo cy’indwara zo mu kanwa.

Ati “Turimo kongera umubare w’abaganga. Uburwayi bwo mu kanwa bushobora kwirindwa ndetse no kuvurwa neza mu gihe umuntu yivuje hakiri kare. Urwego rw’ubuzima rukomeje kwigisha no kongerera ubumenyi abavuzi b’indwara zo mu kanwa.”

Ati “Twegereza abaturage serivisi kugira ngo bajye bazigeraho bitabagoye. Mu mavugurura yakozwe, mu byo umujyanama w’ubuzima agomba kujya akora, harimo no kujya akangurira abantu kwirinda indwara zo mu kanwa, bita cyane ku isuku yo mu kanwa. Ikindi akorana n’inzego z’ubuzima zibegereye.”

Irène Bagahirwa aganira n’abanyamakuru

RBC ikangurira Abanyarwanda bose kwivuza hakiri kare. Ikindi isaba abantu ni ukujya kurebesha mu kanwa n’iyo haba hatakurya, nibura rimwe mu mwaka.

Imibare yo mu gitabo cy’Ikigo cy’Igihugu cy’Ibarurishamibare (Statistical Year Book 2023), igaragaza ko abaganga b’amenyo (Dentists) bavuye kuri 242 muri 2019, bagera kuri 274 mu 2022. RBC ivuga ko ifite gahunda yo kongera abaganga b’amenyo kuko bakiri bake mu Rwanda.

Imibare yo mu gitabo cy’Ikigo cy’Igihugu cy’Ibarurishamibare (Statistical Year Book 2023), igaragagaza ko abagiye mu bitaro kwivuza amenyo n’ishinya mu 2022 banganaga na 344,763, bakaba biyongereye kuko mu mwaka wawubanjirij, ibitaro byari byakiriye 147,553 bari baje kwivuza amenyo n’ishinya.

Dr. Concorde Nsengumuremyi uyobora RFA

Umuyobozi wa RFA, Dr. Concorde Nsengumuremyi, avuga ko bakomeje gukora ubukangurambaga kugira ngo umubare w’abakoresha ibikomoka ku mashyamba ugabanuke.

Agira ati “Dukomeje ubukangurambaga kugira ngo nibura umubare w’abakoresha Gaz cyangwa Biyogaze wiyongere, bityo bigabanye umubare w’abakoresha amashyamba ngo babone ibicanwa. Dukomeza gukangurira abantu gukoresha imbabura zirondereza, nibura ibiti byatemwaga bigabanuke.”

Akomeza avuga ko bahugura abatwika amakara, kugira hirindwe ingaruka zitandukanye kuko nta gipfushwa ubusa.

Ati “Hari abantu hirya no hino batema amashyamba batwika amakara. Icyo dukora ni ugukomeza kubahugura ku buryo nibura babikora neza bityo ingano y’amashyamba atemwa akagabanuka, ndetse n’ababikoze bakabikora mu buryo bwa kijyambere ku buryo ntagipfa ubusa.”

Nubwo hakiri benshi bakoresha amakara, Dr. Nsengumuremyi avuga ko hari ingaruka ziterwa no gukoresha amakara ku muntu ku giti cye no ku bandi.

Ati “Buriya iyo byakozwe nabi, bitanga imyuka mibi igenda ikomeza guhumanya ikirere. Buriya gukoresha amakara bigira ingaruka mbi kuko ni ‘carbon’ (umwuka mubi), ushobora guteza indwara.”

Yungamo ko hari ingamba zitandukanye zahereye mu bigo bya Leta, zigamije kugabanya umubare w’abakoresha ibikomoka ku mashyamba.

Yagize ati “Gushishikariza amashuri gukoresha za muvero zirondereza inkwi cyangwa gukoresha gazi. Ikindi ni uguteza imbere gukoresha amakara adakuwe mu biti (green charcoal). Gukomeza gutera ibiti byinshi haba mu mashyamba, ibiti bivangwa n’imyaka n’ahandi hose hashoboka, ku buryo ubuso buteweho amashyamba bwiyongera kugira ngo icyuho giterwa n’abakomeza gukoresha amashyamba cyekugaragara.”

Akomeza avuga ku ngamba zashyizweho, avuga ko hari imbabura zitangwa zirondereza ibicanwa.

Ati “Hari imbabura nyinshi zatanzwe hirya no hino haba mu bigo by’amashuri, mu ngo z’abaturage cyane cyane aho imishinga ikorera. Izo ngamba Minisiteri y’Ibidukikije ndetse ifatanyije na Minisiteri y’Ibikorwa Remezo, byose yagiye ibishyiraho kugira ngo umubare w’abakoresha inkwi bacana ugabanyuke.”

Dr. Nsengumuremyi agaragaza ko mu bigo bya Leta batangiye gukoresha ibitangiza ibidukikije, bityo n’ahandi bishoboka.

Yagize ati “Polisi ikoresha Gaz ingana na 13%, biogaze mu magereza ni 4%. Ni ibintu bishoboka, ubushake bwa politiki (political will) burahari, ndetse n’abantu bagenda bahinduka. Bisaba guhinduka mu myumvire.”

Uwo muyobozi asaba abaturage gutekereza ku ngaruka zo kwangiriza ibidukikije mbere.

Ati “Igiciro kiri hagati ya Gaz n’inkwi cyangwa n’amakara nta bwo gitandukanye cyane. Iyo dukoresheje ibiti twangiza ibidukikije, harimo urusobe rw’ibinyabuzima, kohereza ibyuka bibi mu kirere, guteza amasuri ndetse n’uruhare rw’amashyamba rwagiraga mu bukungu by’Igihugu rukagabanuka. Icyo kintu tukigendeyeho cyonyine ubwabwo, n’iyo ku isoko byaba binganya agaciro, twareba agaciro k’amashyamba mu kubungabunga ibidukikije, harimo no guhangana na biriya byuka bihumanya ikirere.”

Akomeza avuga ko abantu bakeneye guhindura imyumvire bishingiye ku kumenya agaciro k’amashyamba.

Agira ati “Ni uguhinduka no mu myumvire tukamenya agaciro k’amashyamba. Ni byo byatuma tubyumva neza n’iyo byaba binganya igiciro ku isoko, cyangwa itandukaniro ari rito cyane. Twakagombwe kwihutira gukoresha ibindi bitari ugutema amashyamba, kuko tuzi akamaro kayo mu buzima bwacu bwa buri munsi.”

Abantu barasabwa guhindura imyumvire bakamenya agaciro k’amashyamba

Mu mujyi wa Kigali abakoresha inkwi ni 19.3%, abakoresha amakara ni 57.6%, abakoresha Gaz 20%. Mu bakoresha ibicanwa bikomoka ku mashyamba, ingo 32% zikoresha imbabura zirondereza ibicanwa.

Abakoresha inkwi bavuye kuri 88.2% mu mwaka wa 2005/2006, bagera kuri 76.1% mu mwaka 2022, na ho abakoresha amakara mu mwaka wa 2022 banganaga na 17.3%. Abakoreshaga ibisigazwa by’umusaruro mu mwaka wa 2005/2006 banganaga na 2.7% mu gihe 2022 bageze kuri 0.7%.

Ingo zikoresha Gaz na biyogaze bangana na 5% mu mwaka 2022.

Abitabiriye ikiganiro cyagezwaga ku nteko ishinga amategeko, imitwe yombi, ku byagezweho na guverinoma mu kunoza ireme ry’uburezi mu byiciro byose.

Kuri uyu wa Kane, tariki 18 Mata 2024, Minisitiri w’Intebe yagejeje ikiganiro ku Nteko Ishinga Amategeko, imitwe yombi, ku byagezweho na Guverinoma mu kunoza ireme ry’uburezi mu byiciro byose.

Minisitiri Ngirente asobanura kwiyongera kw’abanyeshuri kwajyanye no kongera amashuri abana bagomba kwigamo.

Yagize ati: “Ukwiyongera kw’ibigo by’amashuri abanza kwajyanye no kwiyongera k’umubare w’abanyeshuri bayigamo. Abanyeshuri biga mu mashuri abanza bavuye kuri miliyoni zisaga 2,5 mu mwaka wa 2017 bagera kuri miliyoni zirenga 2,8 mu mwaka wa 2023.”

Dr. Ngirente yavuze ko kuva mu mwaka 2017 kugeza muri 2023 hongerewe ibyuma by’amashuri.

Ati: “Uyu mubare munini w’abanyeshuri bo mu mashuri abanza watumye Guverinoma ikomeza kongera n’ibyumba by’amashuri byo kwigiramo. Umubare wabyo wavuye ku 31.927 mu mwaka wa 2017 ugera ku 49.561 mu mwaka wa 2023. Ibi bingana n’ubwiyongere bwa 35,5%.”

Dr. Ngirente yavuze ko hari gahunda yo gukomeza kugabanya ubucucike mu mashuri aho icyumba kimwe kizajya kigiramo nibura 45.

Ati: “Umubare w’abanyeshuri bigira mu cyumba kimwe waragabanyutse uva ku banyeshuri 80 mu mwaka wa 2017 ugera ku banyeshuri 57 (on average) mu mwaka wa 2023. Icyerekezo cyacu ni uko nibura mu cyumba kimwe hazaba higiramo abana 45.”

Guverinoma y’u Rwanda yakomeje no kongera ibikoresho by’ibanze bituma abanyeshuri barushaho kwiga neza. Muri byo harimo nko kubaha intebe nziza zihagije zo kwicaraho batabyigana.

Uretse intebe zifasha abana kwicara neza, Dr. Ngirente yavuze ko hari ibindi byongerewe bituma ishuri abana bigiramo riba ryiza.

Ati: “Hajemo kandi na gahunda yo gutanga ibindi bikoresho no kongera ibitabo, kongera mudasobwa n’ibindi byose bituma ishuri abana bigiramo riba ishuri ryiza. Ibyo kandi ntibihagarara bigenda bikomeza uko amashuri yiyongera, n’uko ubushobozi bw’’Igihugu bugenda bwiyongera.”

Hari gahunda y’uko Umubare w’ibitabo ugomba kugenda wiyongera aho buri mwana, muri buri somo yiharira igitabo wenyine.

Minisitiri w’Intebe Dr. Ngirente yavuze ko Leta yongereye ibikenewe birimo ibyumba by’amashuri, intebe, ibitabo ndetse n’abarimu mu mashuri abanza

Hongerewe abarimu, aho uyu munsi umubare w’abanyeshuri umwarimu umwe yigisha mu mashuri yisumbuye nawo wagabanyutse.

Umubare w’abarimu bigisha mu mashuri abanza nawo ukomeje kongerwa. Wavuye ku barimu 41.573 mu mwaka wa 2017, ugera ku 67.539 mu mwaka wa 2023. Ni ukuvuga ko wiyongereyeho 38,4%.

Umunyamabanga Nshingwabikorwa wa IBUKA, Ahishakiye Naphtal

Umunyamabanga Nshingwabikorwa wa IBUKA, Ahishakiye Naphtal, avuga ko abarimu bakwiye guhugurwa no gukurikirana uko bigisha.

Agira ati: “Aba barimu iteka bakwiye guhorwa hafi, hakabaho amahugurwa ahoraho, hakabaho no gukurikirana uko bigisha ahagaragaye intege nke abantu bakamwunganira.”
Yasabye abarimu kwirinda muri byose kuko umwana afata ingeso za mwarimu. Avuga ko igihe umwana yumvise umwigisha avuga ibitandukanye n’ibyo yabigishije bimutera urujijo.

“Iyo umuntu yigisha atanga icyo afite ariko uwo yigisha afata icyo ufite wamuhaye ariko cyane cyane agafata icyo uri cyo. Icyo uri cyo ni za ndangagaciro ufite. Uwo mwana uri kwigisha iyo muturanye wera izihe mbuto? Ko uri kuvuga ibyanditswe neza ahandi azi ko ubivuga ute?”

Naphtal yatanze urugero rugaragaza uko umwarimu ari umuntu ukomeye aho hari n’abatinye kuvuga ababahemukiye mu gihe cya Jenoside yakorewe Abatutsi kandi barahemukiwe, bikabagora kubivuga cyane iyo babigishije.

Yagize ati:” Nagiye mbona ubuhamya bw’abantu barokotse Jenoside akavuga ati:’ Njyewe hari ikintu cyananiye muri iyi myaka 30 no mu gihe cy’inkiko Gacaca, naniwe kuba nahagarara imbere y’abantu ngo nshinje mwarimu wage. Mwarimu wanyigishije wampaye uburezi, ndamwubaha ku buryo niba ari njyewe yahemukiye gusa ariko nta mbaraga nagira zo kumushinja.’ Bikwereka agaciro umwarimu afite imbere y’umunyeshuri, bikwereka ubushobozi mwarimu afite bwo kurema umuntu muzima cyangwa akarema umuntu mubi igihe abantu barangaye.”

Umunyamabanga wa Leta muri Minisiteri y’Uburezi, Irere Claudette avuga ko barigukorana na MINUBUMWE mu kunoza uko buri mwana bijyanye n’ikigero cy’imyaka ye, asobanukirwa amateka yaranze u Rwanda.

Yagize ati: “Amahugurwa ahoraho by’umwihariko aho MINUBUMWE isigaye ihari, turafatanya. Haba mu kuvugurura mu buryo bwo kwigisha, gukora uburyo bworoshye, bworohera umwana wese ku kigero ariho gusobanukirwa amateka, ariko no guhugura abarimu.”

Umwe mu babonye impinduka mu buzima bwabo babikesheje umuriro w’amashanyarazi, Habimana Evariste ufite ibyuma bikoresha umuriro w’amashanyarazi bitunganya ibigori bikavamo akawunga, avuga ko bimufasha kwishyura abana amafaranga y’ishuri no kubaho neza mu rugo we.

Ati:” Bimfasha kwishyurira abana amafaranga y’ishuri, nyatangaho mituelle (ubwishingizi bwo kwivuza) ndetse no muri ejo heza, bikamfasha no kwibeshaho mu byo kurya.”
Avuga ko hakiri imbogamizi zitandukanye, agasaba ko abafite mu nshingano umuriro w’amashanyarazi babikoraho.

Ati:” Iyo turigukora n’abaturage bacanye umuriro transfer irikupa, turifuza ko baduhindurira kuko guhera saa munani bitangira kwikupa.”

Uzabakiriho Immacule nawe avuga ko ubuzima bwahindutse ugereranije na mbere yo kubona amashanyarazi, ubu bakora ibyo bashaka batikanga ijoro.
Yagize ati:” Iwacu twabaga turi mu kizima ariko ubu twatekera igihe dushaka kuko tuba tubona ari nko ku manywa nta kibazo, byabaye byiza!”

Masengesho Emmanuel ni umubyeyi utuye mu karere ka Burera, uvuga ko umuriro w’amashanyarazi woroheje imyigire y’abana n’ubundi buzima muri rusange.

Ati:” Icya mbere, iyo ufite abana biga nijoro, ikindi cya kabiri hari imirimo wakora nijoro kubera ko waba ureba, icya gatatu wagura imashini ukajya wogosha.”

Agereranya kera uko wabakoresha buji cyangwa udutadowa agira ati:”Amashanyarazi iyo yageze mu nzu wacuranga na radiyo ugakoresha 700Rwfr cyangwa 500Rwfr mu gihe buji wakoresha nk’iz’igihumbi.”

Manirumva Dieudone ni umwarimu uvuga ko habaye impinduka mu burezi agereranije n’igihe yigiye. Avuga ko ikoranabunga ryakoreshejwe cyane bitewe nuko umuriro w’amashanyarazi wageze henshi.

Ati:”Mu bigo by’amashuri hari ibyo witegerezaga ukabona bitazashoboka, kumva ngo umwana yakwiga akora ku mashini. Nkange nkiga, nta computer (mudasobwa), nageze mu wa gatatu ntarayikoraho ariko none umwana wo mu wa gatatu mu wa kane, yiga ayikoraho ayireba kandi nta bwo wayiga nta muriro w’amashanyarazi.”

Nubwo bishimira ibyo bagezeho bagaraza imbogamizi y’uko hari aho utaragera ariko naho wageze hari ibice uburamo cyane.

Geoffrey Zawadi, umuyobozi ushinzwe abakozi muri Sosiyete y’u Rwanda ishinzwe Ingufu (REG), avuga ko Abanyarwanda bamaze kugerwaho n’umuriro w’amashanyarazi bangana na 76.3% mu gihe 23.7% basigaye nabo bagerwaho vuba kuko uyu munsi umuriro atari uwabishoboye.

Ati:”Ubu Abanyarwanda bafite umuriro, bagerwaho n’umuriro w’amashanyarazi bagera kuri 76.3% ariko gahunda nuko Abanyarwanda bose umuriro ubageraho.Abasigaye rero, hakaba hari gahunda yateguwe kandi yemejwe yo kugeza kuri abo ngabo 23.7% basigaye nabo bakabona umuriro mu gihe cya vuba. Harashyirwamo imbaraga nyinshi, ibikoresho birashakwa kugira ngo Abanyarwanda bose babone umuriro.”

Agira inama Abanyarwanda gufatanya kurinda ibikorwa by’amashanyarazi kuko bitera ibura ry’umuriro iyo byangijwe, bigatuma abandi bataragerwaho byihuse.

Agira ati:”Aho ibikorwa by’amashanyarazi byageze, turasaba abaturage bose gufatanya kubirinda, kuko hari abantu bari konona ibikorwa by’amashanyarazi ari byo bituma abantu babonye umuriro akenshi usanga wabuze, kuko hari abibye insinga, haba hari abibye transformer bakaza bakazonona bagatwara amavuta, ugasanga n’abagezweho n’umuriro ntibawubona kuko hari abandi baza bakabyonona ibyo bikorwa.”

Ku wa 13 Gashyantare 2024, mu kiganiro minisitiri w’intebe, Dr. Edouard Ngirente, yagezaga ku nteko ishinga amategeko, imitwe yombi, ku byagezweho na guverinoma muri gahunda yo kuzahura ubukungu nyuma y’icyorezo cya covid-19.

Yagize ati: “Muri rusange, kuva mu 2020, ingo zisaga miliyoni zimaze kugezwaho amashanyarazi (yaba ashamikiye ku muyoboro mugari (on grid) cyangwa aturuka ku ngufu z’imirasire y’izuba (off-grid). Ibi byatumye ingo zifite amashanyarazi mu gihugu cyacu zigera kuri 74%.”

Yakomeje agira ati:” Murabizi ko intego dufite ari uko buri rugo mu gihugu cyacu rugomba kugezwaho amashanyarazi, kandi twizeye kubigeraho mu gihe kidatinze.”

Mu mwaka 2019/2020 abari bafite umuriro w’amashanayarazi, banganaga 54.3% mu gihe mu mwaka 2022 bageze kuri 61%. Abakoresha udutodowa bavuye 12.7% muri mwaka 2005 bagera kuri 1.6% mu mwaka 2022. Abakoresha buji bari 1.6% mu mwaka 2005/6.

Mu muhango wo kwibuka abahoze ari abakozi muri minisiteri y’uburezi, wabereye ku Gisozi ku Rwibutso rwa Kigali, Umunyamabanga wa Leta muri Minisiteri y’Uburezi, Irere Claudette yavuze ko ibyo Leta y’u Rwanda ikora byose bigamije gutuma umwana wese yabona ubumenyi bukemura ibibazo adateze amaboko.

Yagize ati: “Kuri ubu Leta y’u Rwanda ikora ibishoboka byose kugira ngo umwana w’Umunyarwanda aho ari hose yige kandi abone ubumenyi bwa ngombwa buzamufasha mu gukemura ibibazo binyuranye dufite kandi tugomba gushakira ibisubizo. Ibyo bisubizo bigomba kuva muri twe ubwacu kuko ak’imuhana kaza imvura ihise.”

Irere yakomeje avuga ko ari uburenganzira bwa buri Munyarwanda uretse ko no mu itegeko nshinga rigena ko umwana akwiye kwiga.

Ati: “Umwana wese ugejeje igihe cyo kwiga yemerewe kujya mu ishuri. Uretse no kubivuga biri no mu itegeko nshinga. Bivuze ko kwiga ni uburenganzira bw’Umunyarwanda wese aho ava akagera ibi nta bwo ariko byari bimeze.”

Itegeko n° 010/2021 ryo ku wa 16/02/2021 rigena imitunganyirize Y’uburezi, mu ngingo ya ryo 57 ivuga uburenganzira bwo kwiga amashuri abanza.

Ivuga ko Kwiga amashuri abanza ari itegeko kandi ni ubuntu mu mashuri ya Leta n’ay’abafatanya na Leta ku bw’amasezerano. Muri aya mashuri, ikiguzi cy’uburezi cyishingirwa na Leta.

Umubyeyi cyangwa undi muntu ufite ububasha bwa kibyeyi ku mwana ategetswe kumutangiza ishuri igihe yujuje imyaka yo gatangira amashuri abanza.

Umunyamabanga Nshingwabikorwa wa IBUKA, Ahishakiye Naphtal

Ibi byavugiye mu muhango wo kwibuka ku nshuro ya 30 abari abakozi ba Minisiteri y’Amashuri Abanza n’Ayisumbuye (MINEPRISEC), Minisiteri y’Amashuri Makuru Ubushakashatsi n’Umuco (MINESUPRES) n’abakoreraga icapiro ry’amashuri ryitwaga IMPRISCO, bazize Jenoside yakorewe Abatutsi mu 1994.

Umunyamabanga Nshingwabikorwa wa IBUKA, Ahishakiye Naphtal, yashimye gahunda yo kwibuka abazize Jenoside yakorewe Abatutsi ikorwa mu mashuri abanza, kugeza muri za kaminuza.

Ahishakiye yagize ati “Aya mahirwe Igihugu cyaduhaye yo kwibuka, usanga bikorwa mu nzego zitandukanye z’ubuzima bw’iki gihugu. Mu burezi na ho birakorwa, bigakorwa ku rwego rwa za kaminuza, amashuri yisumbuye n’abanza.”

Akomeza avuga ko abana bitabira ibikorwa byo kwibuka, ariko hari abayobozi batarumva uburemere bwo kwibuka ku buryo badashyigikira ibi bikorwa.

Ati “Iyo urebye mu mashuri abanza n’ayisumbuye birategurwa abana bakabyitabira, ariko ugasanga abayobozi mu nzego zitandukanye batabihaye uburemere ngo babijyemo, baganirize abo abana ngo babahe amateka.”

Yavuze ko ingengabitekerezo yavuye ku ntebe y’ishyuri, ari na yo mpamvu hakwiye gushyirwamo imbaraga, bivuye mu bufatanye bw’inzego zitandukanye.

Ati “Ingengabitekerezo ya Jenoside yagejeje u Rwanda kuri Jenoside yakorewe Abatutsi, yavuye ku ntebe y’ishuri, dukwiye rero kuhashyira imbaraga nyinshi kugira ngo iranduke. Ni byo dusaba mu nzego zose, nibafatanye n’uturere hakorwe iriya gahunda yo kwibuka mu mashuri abanza n’ayisumbuye, twese tuhahurize imbaraga nibwo bizaduha intego yacu (Never Again) ntibizasubire ukundi.”

Mu gihe mu myaka yo hambere hagaragaraga bamwe batitabira ibikorwa byo kwibuka, uyu munsi abanyeshuri bose bitabira ibikorwa byo kwibuka, ku buryo biba ari ibya buri wese.

Abitabiriye igikorwa cyo kwibuka abahoze bakorera Minisiteri y’Uburezi

Muri iyi minsi ntabwo hagaragaye umunyeshuri ufite ingengabitekerezo ya Jenoside, nk’uko Ahishakiye abivuga.

Ati “Kera abantu bandikaga ku nkuta zo muri toilet (ubwiherero) amagambo adakwiriye, ariko uyu munsi usanga byaragabanutse cyane hafi kurangira, n’umwaka ushize nta ngero nk’izo dufite zagaragaye. Bitanga icyizere bikadutera n’imbaraga zo gukomeza kwegera uru rubyiruko.”

Iki gikorwa cyo kwibuka ku nshuro ya 30 Jenoside yakorewe Abatutsi, cyabereye ku rwibutso rwa Jenoside rwa Kigali ku Gisozi mu Karere ka Gasabo.

Umuyobozi muri Minisiteri y’Uburinganire n’iterambere ry’umuryango Silas NGAYABOSHYA

Umuyobozi muri Minisiteri y’Uburinganire n’iterambere ry’umuryango (MIGEPROF), Silas NGAYABOSHYA, avuga ko hari ibikwiye kwitabwaho, igihe abagize umuryango bagabana inshingano ku bw’inyungu zabawugize, kandi bose bagashyigikirana muri byose bidashingiye ku gitsina runaka.

Ati: “Niba ushoboye ubwubatsi, impano yawe iri mu bwubatsi, ugafashwa kugira ngo ugere kure hashoboka. Niba impano yawe iri muri transport (gutwara abantu n’ibintu), mu gucuruza, bigatezwa imbere ku buryo bushoboka. Ikintu cya mbere ni icyo umuntu afitemo impano kurusha ikindi, ni cyo cyagombye gushingirwaho mwisaranganywa ry’imirimo yo mu rugo ndetse niyo mu muryango mugari.”

Akomeza avuga ku bikwiye gushingirwaho igihe abagize umuryango bagabana imirimo, yagize ati:” icya kabiri, ni ukugikunda. Iyo wamaze gufashwa kumenya impano ufite, hari ibikorwa kugira ukunde ibyo ushoboye kurusha ibindi. Icya gatatu ni umwanya cyane cyane mu ngo. Twese dukora imirimo itandukanye, hari ufatirwa kurusha umwe ariko hari igihe bafatirwa bose. Ariko umwanya buri umwe afite, wagombye kuza mu byabafasha mu isaranganya ry’imirimo yo mu rugo.”

Silas akomeza agira ati:” Icya kane ni akamaro. Kugira ngo ufate icyemezo cyo gukora iki cyangwa kiriya, ni akamaro uba ubona gifitiye urugo, iyo kidafite akamaro ushobora kukireka. Ibyo bikajyana no mu kazi kanoze kuko uko ukora ikintu ufitemo impano, ni ko ugikora neza kurushaho. Uko ukora ikintu ugifitiye umwanya ni ko ushobora kugikora neza kurushaho, uko ukora ikintu kuko wumva ari inshingano zawe ni ko ugikora neza. Nta bwo rero bikwiye mu gihe icyari cyo cyose, nta na rimwe byagombye gushingira ku gitsina, kuko nibishingira ku gitsina bya bindi byose bizaba bipfuye.”

Guverinona y’u Rwanda yashyizeho ingamba zitandukanye zigamije guha umwanya igitsinagore ngo agaragaze ibyo ashoboye.

Itegeko Nshinga rya Repubulika y’u Rwanda ryo muri 2003 ryavuguruwe muri 2015 rigena ko nibura 30% baba abagore mu myanya ifatirwamo ibyemezo. Ibi ntibyaharagariye aha, hagiyeho inzego harimo n’Inama y’igihugu y’Abagore ihera ku rwego rw’igihugu ikagera ku mudugudu.

Uyu munsi mu Rwanda, mu nteko ishingamateko abagore bayigize bangana 61.3% mu gihe mu baminisitiri ari 42.4%, naho muri Sena ni 34.6%, abayoboye uturere bangana 30%.

Mu byo goverinoma y’u Rwanda yiyemeje harimo kubaka Leta igendera ku mategeko, ishingiye ku iyubahirizwa ry’uburenganzira bwa muntu, ku bwisanzure no ku ihame ry’uko Abanyarwanda bose bareshya imbere y’amategeko n’iry’uburinganire hagati y’abagore n’abagabo.

Mbere ya Jenoside yakorewe Abatutsi mu Rwanda mu mwaka 1994, uruhare rw’umugore mu iterambere ry’igihugu rwari ku rugero rwo hasi cyane. Umugore yari yarasigaye inyuma mu nzego zitandukanye, ntiyagiraga uburenganzira bumwe n’ubw’umugabo mugenzi we. Aha twavuga nk’uburenganzira ku mutungo, gukora imirimo imwe n’imwe yafatwaga nk’iy’igitsina gabo ndetse n’ibindi.

Umunyamabanga wa Leta muri Minisiteri y’Uburezi, Irere Claudette,aganiriza abitabiriye icyo gikorwa

Yavuze ko bitari bikwiye ko abantu bize bagira uruhare muri Jenoside yakorewe Abatutsi. Ibi abishingira ku ntego ya kaminuza y’u Rwanda yari ifite yo kuba Urumuri n’Agakiza bya rubanda, nk’uko byari mu ntego y’iyari Kaminuza Nkuru y’u Rwanda.

Ati “Aha ndagira ngo mbibutse kandi ko abenshi mu bacuze umugambi wa Jenoside bari baranyuze muri iyi yahoze ari Kaminuza Nkuru y´u Rwanda. Birengagije ibyari mu ntego yabo nziza bagahitamo guteza umwijima w’icuraburindi n’imiborogo mu bana b’u Rwanda. Ibi byerekana neza ko ubumenyi bahakuye bwabuzemo indangagaciro y’ubumuntu ndetse bikatwibutsa ko ubumenyi butagira uburere buba butuzuye.”

Yasabye abari bitabiriye iki gikorwa kwigira ku butwari bw’ababohoye Igihugu, kwanga ikibi cyose no guharanira ko Jenoside itazongera kubaho ukundi.

Yagize ati “Mu gihe twibuka abacu bishwe muri Jenoside yakorewe abatutsi, ni ngombwa kuzirikana ubutwari bw’Ingabo zahoze ari iza RPA Inkotanyi zahagaritse Jenoside yakorewe Abatutsi, zirangajwe imbere na Nyakubahwa Paul Kagame. Ubutwari bwabo butubere isomo ryo kwanga ikibi cyose, no guharanira ko Jenoside itazongera kubaho ukundi.”

Abitabiriye iki gikorwa basabwe kwirinda ikibi

Iki gikorwa cyari cyitabiriwe n’abayobozi muri Minisiteri y’Uburezi, abafatanyabikorwa, inzego za Leta zitandukanye, inshuti n’abavandimwe bo mu miryango y’abari abakozi bishwe muri Jenoside yakorewe Abatutsi mu 1994 bibukwaga. Abibukwaga bari abakozi ba Minisiteri y’Amashuri Abanza n’Ayisumbuye (MINEPRISEC), Minisiteri y’Amashuri Makuru Ubushakashatsi n’Umuco (MINESUPRES), n’abakoreraga icapiro ry’amashuri ryitwaga IMPRISCO, bazize Jenoside yakorewe Abatutsi mu 1994. Iki gikorwa cyabereye ku Rwibutso rwa Kigali ruri ku Gisozi, ku wa Mbere tariki 15 Mata 2024.

Umunyamabanga wa Leta muri Minisiteri y’Uburezi Irere Claudette

Ibi byavugiwe mu mahango wo kwibuka ku nshuro ya 30 abari abakozi ba minisiteri y’amashuri abanza n’ayisumbuye (MINEPRISEC), minisiteri y’amashuri makuru ubushakashatsi n’umuco (MINESUPRES) n’abakoreraga icapiro ry’amashuri ryitwaga IMPRISCO, bazize Jenoside yakorewe Abatutsi mu 1994.

Umunyamabanga wa Leta muri Minisiteri y’Uburezi Irere Claudette, yavuze ko abakoloni bagize uruhare mu gutandukanya Abanyarwanda ndetse Repubulika ya mbere n’iya kabiri yakomeje kubiba urwango ihereye mu burezi.

Ati:” Bijya gupfa byahereye no mu burezi. Nyuma y’umwaduko w’abazungu na politiki yabo ya mbatanye mbategeke, yatwinjije ku butegetsi bubi bwaranze Repubulika ya mbere n’iya kabiri. Aha byiswe ko u Rwanda rubonye ubwigenge ariko aho kuba ubwigenge biba ubwigunge kuri benshi kuko ari bwo Abatutsi batangiye guhezwa ku byiza by’igihugu harimo n’uburezi.”

Yagaye abari bakwiye kuzana umucyo mu Banyarwanda bazanye umwijima.

Yagize ati:” Uyu ni umwanya ukomeye tugomba gutekereza k’ubugwari bwaranze abari bazwi nk’abanyabwenge bari abakozi mu nzego zitandukanye z’uburezi, abandi ari abanyeshuri mu mashuri yisumbuye na kaminuza bakijandika muri Jenoside yakorewe abatutsi aho kuba urumuri n’agakiza bya rubanda nk’uko byari mu ntego y’iyari Kaminuza Nkuru y’ u Rwanda.”

Ibi abihurizaho na Prof. Joseph Nsengimana wakoze muri Minisiteri y’Uburezi, uvuga ko abakoloni na Leta y’amacakubiri yari iyobowe na Habyarimana J. ari byo byagejeje u Rwanda kuri Jenoside yakorewe Abatutsi mu 1994.

Ati:” Amateka yatumye tugera kuri Jenoside yakorewe abatutsi, ayo mateka birumvikana yubatswe mbere. Yubatswe guhera 1959 aho amashyaka mashya yadukanye gushyira imbere ibitekerezo by’amacakubiri byatangiye mu Rwanda mu mwaka 1923.”

Prof Joseph yavuze ko abayobozi ba Kiliziya nka Musenyeri Leon Classe n’ubuyobozi bwariho ari bo bakoresheje ibitekerezo bitandukanya abantu. Abanyarwanda bari bafite ubumwe kuko ntawashoboraga kubatsinda. Ibi byatumye Abanyaburayi bacamo ibice abarutuye kugira ngo babayobore.

Yagize ati: “Hari abazungu bagerageje kwinjira mu Rwanda, Abanyarwanda barabananira babakubita inshuro. Bashatse uko bayobora u Rwanda basanga kubacamo ibice ari yo nzira. Baricaye batekereza yuko kugira ngo bayobore u Rwanda bagomba gucamo Abanyarwanda ibice, bavuga yuko ibintu byari iby’ibyiciro ari amako.”

Abitabiriye umahango wo kwibuka ku nshuro ya 30 abari abakozi ba minisiteri y’uburezi bazize genocide yakorewe abatutsi

Urubyiruko rwasabwe gukomera ku byo igihugu kimaze kubaka nk’uko byagarutsweho na Prof. Joseph.
Yagize ati:” Umurage u Rwanda ruhaye urubyiruko ni umurage ukomeye. Icyo tubasaba ni uko izo mbaraga bazikomeza, ibyo bitekerezo babikomeza ariko cyane cyane ni ubumwe bwabo.”

Uyu muhango wo kwibuka ku nshuro ya 30 abari abakozi ba minisiteri y’amashuri abanza n’ayisumbuye (MINEPRISEC), minisiteri y’amashuri makuru ubushakashatsi n’umuco (MINESUPRES) n’abakoreraga icapiro ry’amashuri ryitwaga IMPRISCO, bazize Jenoside yakorewe Abatutsi mu 1994, wabereye ku ku rw’urwibutso rwa Kigali ku Gisozi mu karere ka Gasabo.

Bahuguwe ku buryo bwiza bwo gukemura amakimbirane badateje andi

Emmanuel Mahoro, umwe mu bitabiriye aya mahugurwa, avuga ko azabafasha cyane cyane muri iki gihe cyo kwibuka abazize Jenoside yakorewe Abatutsi.

Ati “Turi mu gihugu cyabayemo Jenoside yakorewe Abatutsi, turi no mu gihe cyo kwibuka Jenoside yakorewe Abatutsi. Muri iki gihe cyo kwibuka, ndetse n’ikindi gihe, aya mahugurwa yagira umumaro kubera ko abanza kumpa inshingano yo kumenya ngo uyu muntu wagize ingorane zo gukorerwa Jenoside akayirokoka, nkwiye kwiga kumukorera icyiza. Harimo ingingo ivuga kwita ku bandi.”

Nathaniel Nsabimana na we wahuguwe, avuga ko hakenewe abantu bafasha abafite ibikomere kugira ngo sosiyeti ibane mu mahoro.

Ati: “Imitima y’Abanyarwanda abenshi barakomeretse, cyane cyane abarokotse Jenoside yakorewe Abatutsi barakomeretse bikomeye, hari imfubyi za Jenoside zihari, hari imiryango yazimye. Rero kugira ngo abantu bafite ibikomere nk’ibyo babane n’abandi bantu muri sosiyeti, bisaba ko hari abandi bantu bashobora kuzana amahoro, kuzana ubusabane muri sosiyeti, kuzana ubumwe no kuba hafi y’abo bantu bameze batyo.”

Umwarimu akaba anahagarariye ishami rya tewolojiya muri PIASS (Protestant Institute of Arts and Social Sciences), Dr. Celestin Nsengimana, avuga ko abahuguwe baturutse mu matorero atandukanye bitezweho kubanza guhinduka mbere yo guhindura abandi.

Ati: “Buri wese buriya yifitemo imbaraga zihindura, zamara kumuhindura zigahindura n’abandi.”

Prof. Penine Uwimbabazi, Umuyobozi wa PIASS (wicaye ku ruhande iburyo) hamwe na Dr. Celestin Nsengimana, umwarimu akaba anahagarariye ishami rya Tewolojiya muri PIASS (yicaye hagati)

Prof. Penine Uwimbabazi, Umuyobozi Kaminuza yigenga y’Abaporotesitanti, PIASS, avuga ko iki ari igihe cyiza cyo kongera kwibuka amateka no kuyigiraho.

Yagize ati: “Dufata umwanya kugira ngo abantu babashe kuganira ku bibazo turimo gucamo, kureba ngo tuvuye hehe, muri iyi myaka 30 tumaze Jenoside ikorewe Abatutsi ibaye, ese Igihugu kigeze hehe, ariko se umuntu ku giti cye ageze ahe yiyubaka?”

Prof. Penine Uwimbabazi avuga ko uretse kwigisha Abanyarwanda amateka yaranze u Rwanda, bafasha n’Abanyamahanga kumenya amateka y’u Rwanda.

Yagize ati: “Dukorana na kaminuza zindi zo hanze. Hari nko mu Budage no mu Buyapani, dufite abanyeshuri twoherezayo kujya gukorerayo imenyerezamwuga (internship), na bo batwoherereza abanyeshuri. Biga amasomo yacu bagasura ibice bitandukanye bitewe n’ibyo bashaka kwiga. Niba hari ushaka kwiga ku bijyanye na Jenoside yakorewe Abatutsi tumuhuza n’abashinzwe inzibutso akaba ari ho akorera.”

Hagendewe kuri politiki ya Leta y’ubumwe n’ubwiyunge bw’Abanyarwanda, nyuma ya Jenoside yakorewe Abatutsi, amadini n’amatorero yagize uruhare rukomeye mu kunga Abanyarwanda ndetse n’isanamitima.

Abahuguwe ku buryo bwiza bwo gukemura amakimbirane badateje andi bishimiye ubumenyi bungutse

Depite Arielle Kayabaga

Ibi Kayabaga yabisabye ashingiye ku bikorwa bw’ubwicanyi bwibasira Abatutsi, uyu mutwe ukomeje gukorera mu Burasirazuba bwa Repubulika iharanira Demokarasi ya Congo.

Ahereye kuri Jenoside yakorewe Abatutsi mu Rwanda mu 1994, yashimye akazi kakozwe n’ubutabera bw’u Rwanda, ariko agaragaza ko inzira y’ubwiyunge igikomeje.

Ati: “Mu gihe twibuka ku nshuro ya 30 Jenoside yakorewe Abatutsi mu 1994, ndatekereza ko urugendo rw’ubwiyunge ari inzira idashira. Sinabura kubona ko abiyunze kandi babana hamwe babikoze kuko ubutabera bwatsinze.”

Nubwo inzira y’ubwiyunge ikomeje mu Banyarwanda ariko, hari abari mu Burasirazuba bwa Congo bakomeje Jenoside. Avuga ko icyifuzo cyabo ari uko FDLR yakwitwa umutwe w’iterabwoba.

Yagize ati: “Twe nk’Abarokotse benshi n’imiryango y’abacitse ku icumu tuba muri Canada, twifuza ko FDLR yakwemezwa ko ari umutwe w’iterabwoba kuko ikomeje kwica Abatutsi benshi bo mu Karere.”

Arielle Kayabaga yavuze ko kuba hari abagihakana Jenoside yakorewe Abatutsi ari igikomere ku bayirokotse.

Yagize ati: “Nta gukira kw’imitima yababaye yibutswa Jenoside inshuro nyinshi buri Mata kandi nta butabera, niba tutaretse guhakana no kujya impaka zitera urwango rwo kurwanya Abatutsi.”

Arielle Kayabaga ni umwe mu bagize Inteko Ishiga Amategeko, Umutwe w’Abadepite muri Canada. Yavukiye mu Burundi nk’impunzi, yinjira muri Canada afite imyaka 11.

Uyu muhanda wari wangirijwe n’imvura yaguye ku tariki 10 Mata 2024. Abakoresha uyu muhanda cyane ni abaturuka mu bice by’Amajyepfo y’u Rwanda bagana mu Turere twa Nyamasheke na Rusizi, cyangwa abavayo bagana mu Majyepfo no mu Mujyi wa Kigali.

Polisi yari yatangaje ko kubera imvura nyinshi yateye inkangu ahitwa Kitabi, umuhanda Nyungwe- Nyamasheke utari nyabagendwa. Igihe wari ufunzwe,Polisi yari yagiriye inama abakoreshaga uwo muhanda, gukoresha uwa Kigali-Muhanga- Karongi-Nyamasheke.

Biteganyijwe ko imvura ikomeza kugwa mu bice by’Iburengerazuba nk’uko Meteo Rwanda yatangaje, ko hagati ya tariki 11 kugeza tariki 20 Mata, ingano y’imvura iteganyijwe izaba iri hejuru gato y’ikigero cy’impuzandengo y’imvura isanzwe igwa muri ibi bice.

Sheikh Salim Hitimana yasabye abayisilamu gukomeza ibikorwa byiza na nyuma ya Ramadhan

Mufti w’u Rwanda Sheikh Hitimana Salim, yibukije Abayisilamu bamaze ukwezi mu gisibo, ko na nyuma yahoo bagomba gukomeza kwitwara neza.

Yagize ati “Icyo dusabwa nyuma y’igisibo cya Ramadhan, ni ugukomeza kubaha no kumva Allah, dukora ibyo yadutegetse byo kumwiyegereza tunirinda ibyaha yatubujije. Iyo ni yo myitwarire ikwiye kuranga umuyisilamu umaze ukwezi kose mu ngando z’ukwezi kwa Ramadhan asibye. Ntabwo bikwiye ko umuntu umaze icyo gihe cyose asibye yasubira mu byaha, agata umurongo wo gutinya Allah, uwasubira mu byaha ibyo biba ari ikimenyetso kigaragaza ko igisibo cye kitakiriwe, ndetse nta n’inyungu yagikuyemo.”

Mufti Hitimana yasabye abitabiriye iki gikorwa, kugira ibikorwa byiza mu gihe cya Ramadhan no mu bindi bihe byose.

Ati “Turasabwa gukomeza gukora ibikorwa byiza bitwegereza Allah. Ntabwo ukwezi kwa Ramadhan gukwiye kuba iherezo ry’ibikorwa byacu byiza.”

Sheikh Hitimana Salim yasabye Abayisilamu gukomeza kumvira Imana muri byose kuko ari byo bibakwiriye.

Ati “Bavandimwe nyuma yo gusiba, icyo dusabwa ni ugukomeza kubaha Allah, dukora ibyo yadutegetse byo kumwiyegereza tunirinda ibyaha yatubujije. Iyo ni yo myitwarire ikwiye kuranga umuyisilamu umaze ukwezi kose mu ngando za Ramadhan, asibye.”

Isengesho risoza ukwezi kw’Igisibo gitagatifu cya Ramahdan, ryabereye kuri Kigali Pelé Stadium.

Abanyarwanda bibukijwe kuba hafi abagira ihungabana

Dr. Darius Gishoma, umuyobozi ushinzwe ubuzima bwo mu mutwe muri RBC, avuga ko hakiri abagifite ibikomere bitarakira kugeza uyu munsi, akaba ari aho ahera asaba Abanyarwanda kuba hafi abagizweho ingaruka na Jenoside yakorewe Abatutsi 1994.

Ati “Jenoside yakorewe Abatutsi mu 1994 yagize ingaruka ku buzima bw’Igihugu mu nguni zose. Mu rwego rw’ubuzima yasize ibikomere byinshi ku mubiri, ariko isiga n’ibikomere ku mutima, mu marangamutima no ku ubuzima bwo mu mutwe.”

Nubwo hari abamaze gukira ibikomere, haracyagaragara abatarakira nk’uko Dr. Gishoma abivuga.

Yagize ati “Mu rugendo rwo kwiyubaka Igihugu cyakoze, hari benshi bubatse ubudaheranwa bakaba bafite impagarike bakomeye, ariko kandi hari bamwe ibikomere batewe na Jenoside yakorewe Abatutsi bitarakira burundu, ku buryo mu gihe cyo kwibuka ibyo bikomere rimwe na rimwe bimera nk’ibikangutse, bakagira ibimenyetso bitandukanye by’ihungabana.”

RBC ikangurira Abanyarwanda kuba hafi no guhumuriza abarokotse Jenoside yakorewe Abatutsi, cyangwa uwigeze kugaragaza ibimenyetso by’ihungabana agafashwa gukomeza kwiyubaka.

Dr. Gishoma avuga ko urwego rw’ubuzima rufite ubushobozi bwo kwita ku bagaragaza ibimenyetso by’ihungabana.

Yagize ati “Uko Igihugu cyiyubatse mu nzego zose, n’urwego rw’ubuzima rwariyubatse. Dufite ubushobozi bwo gutanga ubuvuzi ku nzego zose. Uhereye aharimo kubera igikorwa cyo kwibuka, turahasanga Abajyanama b’ubuzima, tukahasanga kandi abakorerabushake baturuka mu miryango y’abafatanyabikorwa ba RBC.”

Dr. Darius Gishoma

RBC ivuga ko abantu bose basabwa gukomeza kuba hafi y’abagaragaza ibimenyetso by’ihungabana, bagahumurizwa kandi aho bibaye ngombwa hakitabazwa inzego z’ubuzima kuko ibigo nderabuzima byose bifite ubushobozi bwo kubakira, kugira ngo babone ubufasha bwisumbuyeho.

Dore zimwe muri nomero wahamagara mu gihe hari ugize ikibazocy’ihungabana:

RBC 144, Police 122, SAMU 912, AVEGA 7494, GAERG 1024, AERG 5476 cyangwa ugahamagara umuryango utabara imbabare kuri 2100

Perezida Paul Kagame yavuze ko u Rwanda rukora ibishoboka bihereye mu gukemura ibibazo by’imbere mu gihugu.

Ati: “Dukora ibyo dushoboye, ibishoboka ariko ntitubikora twenyine tugerageza kubikorana n’ibindi bihugu, ibihugu duturanye n’ibindi. Hari ibyo dushyira imbere, ni byo dushingaho agati. Icya mbere ni ugukemura iby’imbere mu gihugu bifitanye isano n’amateka yacu ndetse naho duherereye, tugakora ibyo umuntu ashobora kugira ngo tugire igihugu gitekanye, abaturage bakabona ibyiza, tugakorana, bakagira umutekano n’iterambere.”

Umukuru w’igihugu yakomeje avuga ko hari imbaraga nyinshi zakoreshejwe mu gukemura ibibazo byari hagati mu Banyarwanda.

Umukuru w’Igihugu yavuze ko nta gihugu gishobora kubaho nk’ikirwa.

Ati: “Nta gihugu cyaba ikirwa, nta gihugu ku isi cyavuga ko kigiye kubaho ubwacyo cyonyine. Tugerageza kureba inyungu rusange hagati yacu n’abaturanyi n’abandi.”

Umukuru w’igihugu yavuze ko hari ibigomba kwirindwa kugira ngo igihugu kimere neza.
Yagize ati: “Ntushobora kuyobora neza mu mutuzo, ntushobora kugira umutekano igihe uzana amacakubiri mu bantu”.

Kugeza ubu umubano w’ibihugu bimwe by’ibiturannyi nka Republika Iharanira Demokrasi ya Kongo n’u Burundi ntuhaze neza. U Rwanda ruvuga ko ibibazo byo muri DRC byakemurwa na bo ubwabo, kuko Atari ikibazo cy’u Rwanda.

Umuyobozi wa Komisiyo y’Ubukungu muri Komite Nyobozi ya IBUKA mu Karere ka Kicukiro, Kabanyana Assumpta, avuga ko hari imibiri itaragaragara, ariko abantu bakaba badatanga amakuru y’aho iri. Asaba abafite amakuru kuyatanga igashyingurwa mu cyubahiro.

Kabanyana Assumpta (wicaye imbere hagati) asanga bibabaje kuba hari abamaze imyaka 30 barahishe amakuru y’ahakiri imibiri y’abishwe muri Jenoside yakorewe Abatutsi

Ati: “Ibibazo tubona nk’Abacitse ku icumu kugeza uyu munsi, ni uko hari imibiri y’abacu itarashyingurwa iri kugenda igaragara nyuma y’imyaka 30 abantu barahishe amakuru. Kuba Jenoside yarabaye abacu bakicwa, n’uyu munsi bakaba bacyandagaye ku misozi, ni igikomere kuri twe. Ariko twizera ko uko Leta igenda idukangurira cyangwa tuniga kubana nk’Abanyarwanda na byo bizakemuka. Ndibwirira Abanyarwanda bagenzi banjye kugira ngo iyo ntambwe tuyitere, muri uru rugendo rwo kubaka Igihugu cyacu ndetse n’urugendo rw’ubumwe n’ubwiyunge bw’Abanyarwanda.”

Umuyobozi Nshingwabikorwa w’Akarere ka Kicukiro, Mutsinzi Antoine, yavuze ko hakiri ikibazo cy’imibiri itaraboneka, agasaba abafite amakuru kuyatanga kugira ngo imibiri ishyingurwe mu cyubahiro.

Yagize ati: “Mu rwego rw’Akarere ka Kicukiro, twahisemo kwifatanya n’abaturage ba Masaka kubera ko by’umwihariko Masaka, mwabonye ko mu myaka ibiri ishize twahabonye imibiri myinshi, dukomeza no gukangurira abantu bose bazi ahari imibiri y’Abatutsi bishwe muri Jenoside yakorewe Abatutsi mu 1994, aho yaba iri itarashyingurwa ko bahavuga kugira ngo ishyingurwe mu cyubahiro.”

Yavuze ko bakomeje gufasha abagizweho ingaruka na Jenoside yakorewe Abatutsi mu buryo butandukanye.

Umuyobozi Nshingwabikorwa w’Akarere ka Kicukiro Mutsinzi Antoine yasabye abaturage kwirinda ingengabitekerezo ya Jenoside, ashishikariza abafite amakuru y’ahakiri imibiri itarashyingurwa kuyatanga

Ati: “Icya mbere ni ibiganiro no kumva ko twese duharanira kugira ngo dukomeze kwiyubaka. Ibike biboneka turabifatikanya kandi bakabigiramo uruhare (Abacitse ku icumu rya Jenoside), bareba utishoboye kurusha abandi kugira ngo afashwe kugira ngo turusheho kwiyubaka.”

Mutsinzi akomeza avuga ko hari imibiri yabonetse ikaba izashyingurwa mu cyubahiro ndetse n’abafite amakuru y’ahari imibiri bagasabwa kuyatanga kugira ngo ishyingurwe.

Ati “Ntabwo twavuga ngo imibare tuzi y’abataraboneka ingana ite, ariko abagenda baboneka tugenda dufatikanya kugira ngo dutegure kubashyingura mu cyubahiro. By’umwihariko mu Karere kacu hari imibiri yabonetse mu Murenge wa Gahanga tuzashyingura ku itariki 10 ndetse n’indi yagiye iboneka mu mirenge itandukanye harimo Kicukiro, Nyarugunga na yo tuzashyingura ku tariki 22. Ni cyo dukomeza gusaba n’ababa bazi ahandi haba hari imibiri itarashyingurwa ko bahavuga kugira ngo iyo mibiri ishakishwe tuyishyingure mu cyubahiro.”

Umuyobozi Nshingwabikorwa w’Akarere ka Kicukiro, Mutsinzi Antoine, yavuze ko abagifite ibibazo bitandukanye bagizweho ingaruka na Jenoside yakorewe Abatutsi, nk’ubuyobozi hamwe n’abaturage, bazakomeza gukora ibishoboka byose bakababa hafi.

Yagize ati: “Icyo twabizeza ni ugukomeza kubaba hafi ariko dusaba n’abaturage batuye Akarere ka Kicukiro muri rusange gukomeza kubaba hafi.”

Muri Kicukiro hari gahunda zitandukanye zateguwe ku rwego rwa buri Murenge, abaturage bakaba basabwa gukomeza kuzitabira.

Umuhanzi Munyanshoza Dieudonné yaririmbye zimwe mu ndirimbo ze zifasha abantu muri ibi bihe byo kwibuka

Inkuru bijyanye:

Uko Byukusenge yahishwe n’inka, agaburirwa n’imbwa mu gihe cya Jenoside (Ubuhamya)

Umuvugizi w’Ikigo waMinisiteri y’ubuzima, Julien Mahoro Niyingabira, avuga bimwe mu bigaragaza uko umwana ahagaze. Bashingira ku myaka, ibiro, umuzenguruko w’ikizigira cy’ukuboko ku mwana, ibyo byose bigashingira ku myaka afite.

Agira ati:” iyo umwana ari mu mirire myiza aba ari mu cyatsi, iyo ari mu mirire iganisha mu mirire mibi, aba ari mu muhondo, iyo ari umwana uri mu mirire mibi aba ari mu mutuku. Imirire mibi ni yo iganisha mu kugwingira ari yo mpamvu umwana aba akwiye kwitabwaho, agahabwa indyo yuzuye, umubyeyi agahabwa indyo yuzuye, cyane cyane mu munsi igihumbi ya mbere y’ubuzima bw’umwana.”

Julien akomeza avuga ko bidakomeye kwita ku mwana ahubwo ari ikibazo cy’imyumvire.

Ati: “Umwana agaburiye igi rimwe ku munsi ryakuzuza neza ingano ya proteyine akeneye kugira ngo abashe kugira imikurire myiza. Umubare munini w’abana bagwingira, nta bwo ari uko ibiryo byo kubagaburira biba byabuze ahubwo ni uko haba hari imyumvire ababyeyi baba batarageraho, hakaba hari n’ibintu bikwiye guhabwa agaciro, ababyeyi baba batarumva ko bikwiye guhabwa agaciro koko.”

Akomeza avuga ko ababyeyi bakwiye kumenya ingaruka umwana ahura na zo mu buzima bwe bwose iyo agwingiye, bityo bakwiye guhindura imyumvire bakita ku bana babo.

Ati:” Bumve inshingano bafite zo gutuma umwana akura, akagirira igihugu akamaro nawe akigirira akamaro, kuko iyo umwana agwiye nta bwo babikosora, nta bwo babivura, aba agwingiye ubuzima bwe bwose. Kugwira biba ku myaka ibiri ya mbere, iyo umwana arangije imyaka ibiri yaragwingiye, ubwo biba bivuze ko ubuzima azabaho bwose ku isi azabubaho agwingiye, kandi nta bwo ari ukugwingira mu mubiri gusa, ahubwo n’ubwenge buragwingira ku buryo nta kintu abasha kwigezaho, nta kintu abasha kugeza ku gihugu cye.”

Julien atanga inama umuntu yakwifashisha mu kwita ku mwana we bitamugoye.

Agira ati: “Ibyo dushishikariza ababyeyi kugaburira abana nta bwo biba bigoye cyane ku buryo bisaba ubushobozi bw’indengakamere. Mu binyabijumba, mu binyamafufu haturukamo ibitanga imbaraga, mu bikomoka ku matungo nk’amagi. Nta bwo ntekereza ko inkoko ari ikintu kigura akayabo gitungwa n’abafite ibya mirenge. Nta bwo ntekereza yuko imboga zera munsi y’urugo, cyangwa ashobora gukora akarima k’igikoni akaziteramo, nta bwo ntekereza ko bisaba ubushobozi burenze urugero ngo umuntu abe abasha kubigeraho.”

Hari abavuga ko ubukene bushobora kuba impamvu yo kugwira ku mwana. Julien avuga ko ubukene bushobora kugukumira kuri bimwe ariko hari ibindi bikenewe kandi bitari kure ndetse bidahenze.
Ati: “Umubare munini w’abana usanga bajya mu kigero k’imirire mibi, nta bwo ari uko imiryango yabo iba yabuze icyo ibagaburira ijana ku ijana, ahubwo nuko hari agaciro baba batabihaye, cyangwa ngo bumve yuko umwana bari kumushyira mu ngaruka zo kuzakura nabi cyangwa mu ngaruka zo kutazagira icyo abasha kwimarira.”

Akenshi usanga mu miryango irimo amakimbirane, abana babo baba barwaye indwara zituruka ku mirire mibi. Bigaragaza ko amakimbirane mu miryango ari imwe mu mpamvu itera igwingira ku mwana. Ubuzima bw’umwana bugirwaho ingaruka n’igihe ataravuka.

Julien ati: “Uko witwara, uko nawe ufungura mu gihe umutwite, uko ubana n’umugabo wabo, uko ubana n’umugore wawe mu mahoro no mu bwumvikane, byose bigira ingaruka ku mikurire myiza ya wa mwana. Ni ngombwa ko ababyeyi bumva ko bafite inshingano zo gukurikirana ubuzima bw’umwana kuva agisamwa, bagasuzumisha inda inshuro zose zagenwe.”

Minisiteri y’ubuzima ibinyujije ku rukuta rwayo rwa x (twitter), ivuga ko kurya indyo yuzuye ari ingenzi ku buzima n’imibereho myiza y’ababyeyi n’abana babo. Indyo yuzuye ifasha mu kwirinda indwara zo kugira amaraso make, umuvuduko ukabije w’amaraso, kuva no kubyara umwana ufite ibiro bihagije.
Indyo yuzuye igizwe n’ibyubaka umubiri, ibitera imbaraga n’birinda indwara.

Mu mwaka 2017 abana 6,373 bari mu muhondo mu gihe abangana 903 bari mu mutuku. Mu mwaka 2019 abana 11,675 bari mu muhondo naho 1,118 bari mu mutuku.

Ibi byagarutsweho tariki 28 Werurwe 2024, mu biganiro Minisiteri y’Uburinganire n’Iterambere ry’Umuryango, yagiranye n’ihuriro ry’abafatanyabikorwa mu rwego rw’igihugu rigamije kugabanya ubusumbane hagati y’abagore n’abagabo mu ikoranabuhanga (Generation Equality Forum).

Minisitiri w’Uburinganire n’Iterambere ry’Umuryango, Dr. Valentine Uwamariya, avuga ko hari ibirimo gukorwa kugira ngo umubare w’abagore n’abakobwa bari mu ikoranabuhanga wiyongere

Minisitiri w’Uburinganire n’Iterambere ry’Umuryango, Dr. Valentine Uwamariya, avuga ko hari ibyakozwe ndetse n’ibirimo gukorwa kugira ngo umubare w’abagore bajya mu ikoranabuhanga mu ngeri zitandukanye wiyongere.

Yagize ati: “U Rwanda rugeze heza ariko haracyari urugendo. Mu byo u Rwanda rwiyemeje, ni ukongera umubare w’abakobwa biga siyansi na tekinoloji, kureba abakoresha ikoranabuhanga mu bucuruzi, abakoresha ikoranabuhanga mu bijyanye n’imari ndetse no kureba ubumenyi muri rusange. Kurikoresha ni kimwe ariko noneho ubumenyi bafite mu bijyanye no gukoresha ikoranabuhanga bungana iki, ku buryo harimo no kwigisha no guhugura abagore n’abakobwa no kubagezaho ibikoresho by’ikoranabuhanga.”

Minisitiri Dr. Valentine avuga ko kugeza ku bakobwa n’abagore ibikoresho bibafasha mu ikoranabuhanga, bijyana no kubahugura.

Agira ati: “Mu byo tumaze kubona harimo no kubaha telefone zigendanwa ariko zikoresha ikoranabuhanga, na zo burya baba bakwiye kuzihugurwaho bakazimenya.”

Dr. Valentine asaba ubufatanye bw’inzego zitandukanye kugira ngo abana b’abakobwa bige ikoranabuhanga kandi babone ibikoresho.

Umwe mu bitabiriye iri huriro, akaba ari Umuyobozi wungirije mu kigo gishinzwe Ikoranabuhanga, Isakazabumenyi na Inovasiyo mu Rwanda (RISA), Josephine Nyiranzeyimana, avuga ko hakiri icyuho kigaragara ariko ko amahirwe ahabwa bose atuma abakobwa biyongera muri siyansi na tekinoloji.

Ati: “U Rwanda ni Igihugu cyahaye amahirwe abakobwa n’abahungu. Byatumye tubona abakobwa babasha kwiga amasomo ya siyansi na tekinoloji, ari na byo bituma umubare uzamuka w’abakobwa bari muri siyansi n’ikoranabuhanga.”

Avuga ko abakobwa bashoboye ndetse bigaragazwa n’abafite inshingano mu nzego zifitanye isano n’ikoranabuhanga.

Yagize ati: “Uyu munsi niba nshobora kubona Minisitiri w’Ikoranabuhanga w’umugore, bimpa icyizere ko umwana muri primary (amashuri abanza), ashobora gutekereza ko ayo mahirwe na we ayafite kandi yayageraho.”

Mu mwaka wa 2023/2024 abanyeshuri 40 muri 90 bahawe buruse yo kujya kwiga ibijyanye n’ubucuruzi (business) mu ishuri rya Alibaba ni abagore.

Imibare yo mu gitabo cy’Ikigo cy’Igihugu cy’Ibarurishamibare (Statistical Year Book 2023) igaragaza ko abahungu bigaga ibijyanye n’ikoranabuhanga mu mashuri makuru na za kaminuza mu mwaka 2020/2021 bari 1551 mu gihe abakobwa bari 1,000.

Abafatanyabikorwa batandukanye bahuye baganira ku kuzamura ikoranabuhanga mu bagore

Umuyobozi mukuru ushinzwe iterambere ry’urubyiruko, Tetero Solange, avuga ko hari impamvu nyinshi zitera ubushomeri mu rubyiruko.

Ati “Hari ibiterwa n’uko ubukungu buhagaze mu gihugu, kuba hatari ubushobozi bwinshi cyane ku buryo tubasha guhanga imirimo igera kuri buri Munyarwanda, ibyo bishingira ku kuba u Rwanda ari Igihugu kiri mu nzira y’amajyambere.”

Akomeza avuga ko urubyiruko rukwiye gushaka ubushobozi butuma ruhangana n’abandi ku isoko ry’umurimo.

Agira ati: “Urubyiruko rusabwa kwiga bakaba bafite ubushobozi bukenewe ku isoko ry’umurimo. Hari urubyiruko rutize ngo rube rufite ubushobozi bwabafasha kugera ku isoko ry’umurimo, bahite babona akazi, cyangwa se bagera ku isoko ry’umurimo bagasanga ibyo bize ntibihura n’ibikenewe akaba yashoma kandi yarize, cyangwa ugasanga hari abandi bashaka umurimo nk’uwo ashaka bigasaba ko habaho guhangana, utsinze akaba ari we uhabwa akazi.”

Tetero avuga ko hari gahunda zagiyeho zigamije gufasha urubyiruko kubona igishoro, kwiga, ndetse hari gahunda igiye kongerwamo ingufu yo gufasha Abanyarwanda kujya gukora mu bindi bihugu n’izindi gahunda nyinshi zigamije gufasha urubyiruko.

Yagize ati: “Hari imishinga ifasha urubyiruko kubona igishoro, nahera kuri BDF (ikigega gitera inkunga imishinga y’iterambere), ni hamwe tugeza amafaranga yo gufasha urubyiruko, ariko hari n’inkunga zigenda zitangwa, zaba iza Minisiteri y’Urubyiruko nka YouthConnekt Awards, hari Hanga Pitchfest ya MINICT (Minisiteri y’Ikoranabuhanga na Inovasiyo), bafasha urubyiruko rufite imishinga mu ikoranabuhanga kubona igishoro, hari n’izindi porogaramu zifasha urubyiruko kubona amahirwe.”

Muri gahunda zashyiriweho gufasha urubyiruko kubona igishoro harimo BDF, aho Leta yemera kurwishingira 75% na rwo rukishakira 25%.

Urubyiruko rurasabwa gushaka amakuru kuko hari amahirwe atandukanye arugenewe kandi rukirinda gucika intenge kuko amahirwe ahari.

Tetero ati: “Nubwo hari ikibazo cy’ubushomeri, ntabwo ari ibintu bidashoboka gukemuka, nta mpamvu yo gucika intege, birasaba guhaguruka bagakomanga imiryango myinshi, amahirwe arahari bakomeze bayashake ntibarangare.”

Imibare yo mu gitabo cy’Ikigo cy’Igihugu cy’Ibarurishamibare (Statistical Year Book 2023), igaragaza ko ubushomeri bwazamutse mu Rwanda, buva kuri 18.7% mu mwaka 2018 bugera kuri 25.6% muri 2022.

U Rwanda rushyira imbaraga mu kuzamura inzego zose mu bukungu, kandi bigabanya ubushomeri mu byiciro bitandukanye. Guhera mu gihembwe cya gatatu cy’umwaka wa 2023 (Season B 2023), umusaruro w’ubuhinzi wariyongereye ugera ku kigero cya 3%. Umusaruro w’ibiribwa wo wazamutse ku kigero cya 3,4% muri iki gihembwe.

Ku wa 13 Gashyantare 2024, mu kiganiro Minisitiri w’Intebe, Dr. Edouard Ngirente, yagejeje ku Nteko Ishinga amategeko, imitwe yombi, ku byagezweho na guverinoma muri gahunda yo kuzahura ubukungu nyuma y’icyorezo cya covid-19, yagarutse ku mirimo mishya yahanzwe.

Ati: “Iri zamuka tubonye mu bukungu ryajyanye no guhanga imirimo mishya. Kuva mu mwaka wa 2021 kugeza mu mwaka wa 2023 hamaze guhangwa imirimo mishya isaga 590,000. Aha nabibutsa ko gahunda ya Guverinoma yari guhanga nibura imirimo mishya 200,000 buri mwaka.”

Ikibazo cy’ubushomeri ntabwo kiri mu Rwanda gusa. Mu mwaka wa 2022, ubushomeri mu rubyiruko bwari kuri 15.58% ku Isi. Mu rubyiruko ruri hagati y’imyaka 15-24 muri Afurika, abangana na 11.2% ni abashomeri muri uyu mwaka 2024.

Umuvugizi w’Ikigo cy’Igihugu Gishinzwe Ubuzima (RBC), Julien Mahoro Niyingabira avuga ko hari gahunda zitandukanye zashyizweho zigamije kurwanya Malaria.

Aha yatanze urugero rw’inzitiramibu ndetse anasobananura uko itangwa, ati: “Gahunda yo gutanga supernet (inzitiramibu) igira igihe iba, nta bwo ari ukuvuga ngo ni buri kwezi cyangwa ushaka wese aragenda akayifata, kuko igihugu gifite uko kibigena, nyuma y’igihe runaka abakeneye supernet bazajya bazihabwa, harimo cyane cyane abazikeneye kurusha abandi. Ibice bikeneye kwitabwaho kurusha ibindi muri izo gahunda zo kwirinda Malaria, aho harimo abagore batwite n’abana bari munsi y’imyaka itanu. Ni gahunda ikomeje kandi ibaho bitewe n’igihe ubushobozi buba bwabonetse.”

Ababyeyi bagirwa inama yo kwirinda Malaria kuko iyo ayindwaye ishobora kugira ingaruka ku mwana. Basabwa kugira uruhare mu byatuma iyi ndwara itabageraho.

Ati“Iyo umubyeyi utwite arwaye Malaria, iramuzahaza ikaba ishobora kugira ingaruka ku mwana atwite. Umwana mutoya w’imyaka itanu no kumanura aba akiri umwana muto nyine, ku buryo n’umubiri we uba udafite ubwirinzi bungana n’ubw’umuntu mukuru, ku buryo iyo arwaye aba ashobora kuremba cyangwa akazahara, cyangwa ikaba yanamuhitana. Ni yo mpamvu abo bose tubashyira mu by’iciro by’ibanze bikwiye kwitabwaho mu gihe hashyirwa mu bikorwa gahunda yo kwirinda Malaria.”

Agaruka ku ngamba zahashya Malaria, yagize ati:” Ingamba ya mbere ni ugukora isuku. Umubu worokera ahantu hareka amazi, ukororokera ahantu hari ibigunda, ukororokera ahantu hatari isuku muri rusange. Igihe umubu waba wororotse wenda hari akantu utakuyeho, ingamba ya kabiri ni ugufunga amadirisha n’inzugi igihe bugorobye. Umubu utera Malaria akenshi urumana mu ijoro abantu baryamye basinziriye.”

Akomeza avuga ku ngamba zihashya Malaria kuko zose zigomba kubahirizwa, agira ati:” Kurwanya umubu wabashije kwinjira mu nzu. Abaturage batuye mu turere duterwamo imiti yo kwica umubu utera Malaria, bakwiye gufasha abakora iyo gahunda bakayisoza neza, bakabaterera umuti kugira ngo bizabarinde mu giye umubu waba winjiye mu nzu. Ingamba ya kane ni ukuryama mu nzitiramibu.”

Muri gahunda zatangiye zigamije guhashya Malaria harimo gukoresha drones zitera imiti mu bishanga bishobora gufasha imibu kororoka. Mu bishanga biterwamo umuti byiganjemo ibihingwamo kuko hari ibikorwa by’abaturage nk’ibihingwamo umuceri.

RBC igira inama abarwaye Malarira kwisuzumisha no kwivuza hakiri kare. Muri gahunda yo koroshya serivisi z’ubuzima, mu gihugu hari abanyabuzima ibihumbi 60,000 bakaba bapima Malaria ndeste bagatanga imiti yayo.

Imibare yo mu gitabo cy’Ikigo cy’Igihugu cy’Ibarurishamibare (Statistical Year Book 2023), yavuye mu kigo cy’Igihugu Gishinzwe Ubuzima (RBC) mu gashami gashinzwe kurwanya Malaria, katangaje ko mu mwaka 2014, abana bari munsi y’imyaka itanu bahitanwe na Malaria bari 173 bangana 3.41%, yabapfuye muri uwo mwaka mu Rwanda.

Ku bantu bari hejuru y’imyaka itanu bishwe na Malaria bari 416 mu mwaka 2014. Mu bantu bari hejuru y’imyaka itanu bishwe ni indwara zitandukanye, Malaria yihaye 9.4%.
Mu mwaka 2019 imibare yaragabanutse, abari hejuru y’imyaka itanu bishwe nayo bagera ku 145 bangana 4.6% byabapfuye.

Hagaragaye impinduka kuko mu mwaka 2019 abahitanwe nayo bari munsi y’imyaka itanu banganaga 35, bihariye 1.8% by’abana bapfuye muri uwo mwaka.

Mu ndwara zijyana abenshi ku bigonderabuzima, Malaria iza ku mwanya wa kabiri nkuko Rwandan Health Management Information System (R-HMIS) ibigaragaza.

Mu bice bikunze kwibasirwa na Malaria mu Rwanda harimo ibice byo mu Burasirazuba n’Amajyepfo bitewe n’imiterere yaho.

Mu mwaka 2022 abantu miliyoni 249 ku isi barwaye Malaria. Buri tariki 25 Mata, wabaye umunsi mpuzamahanga wahariwe kurwanya Malaria. Ni umunsi abantu bibutswa kwirinda Malaria.

Bimwe mu bimenyetso bya Malaria harimo umuriro, rimwe na rimwe n’amavunane, kuribwa mu ngingo no kuzungerera. Hari n’ibindi bimenytso bitandukanye bitewe nuko umutnu ateye.

Ababyeyi basabwa kurinda abana babo ibituma bajya kuba ku muhanda

Amakimbirane yo mu ngo, ababana batarashakanye, ubushoreke n’ubuharike, ababyeyi batoteza abana bakabaha ibihano by’indengakamere, ubusinzi, urugomo, uburaya, ubukene bukabije no kutita ku bana, ni bimwe mu bitera abana kujya ku mihanda nk’uko bamwe mu bana bahaba babitangarije Kigali Today.

Umwe muri bo yagize ati: “Ni ubushobozi buke bwo mu rugo, hahorayo amakimbirane ntituyihanganire hanyuma tukiyizira mu muhanda. Kurya ni ugusaba, ntaho dufite ho kuryama. Icyo nifuza ni ukubona aho mba nkabona igishoro nanjye nkicururiza nkagira ejo heza.”

Ibyo abihurizaho n’abandi benshi kuko bagaragaza ko byose byatewe n’imiryango yabo, bagasaba ko basubizwa mu ishuri.

Umwe mu batewe inda uba ku muhanda asaba ko bafashwa bakava ku muhanda. Ati “Papa ndamufite ariko ntabwo tubana mu rugo, abana tuvukana twese twaratorongeye. Naje nje gushakisha ubuzima ariko byaranze, turara aho tubonye.”

Avuga ku mwana yabyariye ku muhanda, yagize ati: “Inda ye nayisamye mba mu muhanda, ngiye kumara imyaka itatu i Kigali. Mwadufasha mukadushakira aho kuba tugashaka n’igishoro.”

Ikigo cy’Igihugu gishinzwe kwita ku mikurire no kurengera umwana, National Child Development Agency (NCDA), gisaba ababyeyi kumenya inshingano zabo, kikibutsa ko Leta ihari ngo ifashe abafite ubushobozi buke kwikura mu bukene.

Gishishikariza Abaturarwanda bose kugira uruhare mu guca abana ku muhanda batanga amakuru ku gihe kuko hari uburyo bwinshi bwateganyijwe bwo gufasha aba bana.

Umuyobozi w’ishami rishinzwe imikurire no kurengera umwana, Iradukunda Diane, agira ati: “Twizera ko igihe cyose ababyeyi bafashe inshingano zo kwita ku bana, byagora ko hari umwana wajya ku muhanda. Na wa wundi ufite intege nkeya, turabizi ko Leta y’u Rwanda ifasha ababyeyi badafite ubushobozi kugira ngo na bo babashe kwivana mu bukene. Intambwe ya mbere igomba guterwa n’uriya mubyeyi, ni ugutanga uburere buboneye ku mwana.”

Akomeza avuga ko hari uburyo bwinshi bwo gufasha aba bana, kuko bagomba kugira imiryango babamo.

Ati: “Dufite ba Malayika murinzi, abo ni ababyeyi bagira ubushake bwo kuvuga bati ‘twebwe muduhe abana tubarere’. Hari n’indi gahunda yo kuba warera umwana mu buryo bwemewe n’amategeko. Igisubizo ntabwo ari ukujya mu muhanda ahubwo ni ukumva ko hari imiryango ishobora kuba yabakira.”

Iyo aba bana basanzwe baba ku muhanda, bigaragaye ko bamaze kwandura ingeso mbi, bajyanwa mu bigo ngororamuco by’igihe gito.

Byagaragaye ko hari ababyeyi bakoresha abana babo basabiriza birengagije ko ari icyaha gihanwa n’amategeko. Aba bagirwa inama yo kubireka batarafatwa ngo bahanwe.

Mu rwego rwo kurandura iki kibazo, hari amabwiriza yasohowe na Minisiteri y’Ubutegetsi bw’Igihugu (MINALOC), agamije guca ubuzererezi mu bana, kugorora abana b’inzererezi no kubasubiza mu muryango no mu ishuri.

Mu ngingo yayo ya 6, ivuga gutanga amakuru ku mwana wabuze umuryango, ko mu gihe umwana yabuze, umubyeyi wese agomba kumushakisha aho akeka yaba aherereye, yamubura agahita abimenyesha ushinzwe umutekano mu Mudududu, na we akabimenyesha Umukuru w’Umudugudu bagafatanya gushaka uwo mwana, na bo bamubura, bigahita bimenyeshwa Polisi bitarenze umunsi umwe.

Uyu munsi ahenshi nta vangura cyangwa guhezwa bikigaragara mu mirimo itandukanye kuko byagaragaye ko baba abagabo n’abagore bashoboye. Umugore asigaye ajya ku kazi nko kwigisha, gukora muri banki cyangwa mu buyobozi bwa Leta nk’uko umugabo yabikora.

Icyakora mu madini n’amatorero haracyagaragara inshingano zifatwa nk’izikorwa n’ab’igitsina gore gusa, hakaba n’izindi zikorwa n’ab’igitsina gabo. Bamwe bahera kuri ibyo bakavuga ko nta buringanire n’ubwuzuzanye bugaragara mu madini n’amatorero.

Uwitwa Christelle Irakoze yagize ati: “Uburinganire n’ubwuzuzanye muri Gatolika, nko kujya mu Misa ntawuhezwa ariko ku nshingano zijyanye n’igitambo cy’ukarisitiya hari aho usanga bamwe batabyemerewe, ntabwo wabona umuntu w’igitsinagore uri gusoma Misa.”

Umunyamabanga mukuru w’Inama y’Abepiskopi Gatolika mu Rwanda, Padiri Kayisabe Vedaste, avuga ko uburinganire ari ibintu biri muri kamere ya muntu, Imana yamuremanye nk’uko ibyanditswe bitagatifu bivuga.

Ati “Umugabo afite inshingano mu rugo n’umugore afite inshingano. Imana yabaremye ari abantu bakwiye kuzuzanya, bagomba kubana mu rukundo no mu bwubahane. Umugabo agomba gukunda umugore akamukunda nk’umubiri we bwite, umugore akubaha umugabo nk’umubiri we bwite.”

Ku kijyanye n’uko nta muntu w’igitsina gore wakora inshingano nka Padiri, Kayisabe avuga ko Padiri ari nk’umubyeyi w’umugabo naho umugore akaba umubikira, bityo buri wese akaba afite inshingano ze.

Samia Uwineza ni umuyoboke mu idini ya Isilamu. Asobanura uko abona uburinganire bwubahirizwa muri iryo dini, yagize ati: “Nta gukandamizwa na kumwe mbonamo, twese dusali (dusenga) kimwe uretse ko dusalila ahantu hatandukanye, abagabo bajya ukwabo natwe tukajya ukwacu, ndanabyishimira cyane.”

Umuyobozi w’idini ya Islamu mu Rwanda, Sheikh Salim Hitimana, avuga ko Isilamu yatangiye kubahiriza iri hame mbere y’uko mu Rwanda bivugwaho. Atanga urugero ku munani uhabwa abana, aho umukobwa atawuhabwa mu Rwanda ariko ko abayoboke b’iryo dini bo atari ko babigenza kuko bafata abana bose kimwe.

Ati “Isilamu yaje ica iteka ko umukobwa ari kimwe n’umuhungu, agomba kubona umurage mu by’umuryango, mu byo umubyeyi aba yasize.”

Rev.Dr. Celestin Nsengimana, umwarimu muri kaminuza y’Abaporotesitanti (PIASS) mu ishami rya Tewolojiya, avuga ko ibyanditswe byera bigaragaza umumaro ukomeye w’abagore.

Ati “Abagore bagiye baba intwari nka Esiteri. Ibi bigaragaza ko abagore bakwiye guhabwa umwanya mu itorero. Ijambo ry’Imana twigisha ryatugezeho ryambaye umwambaro w’umuco, rimwe na rimwe kuritandukanya na wo bikagenda biba ingorane ariko rigomba gukomeza kuganirwaho.”

Amadini n’amatorero ahuriza ku guha agaciro umuntu wese bitagendeye ku gitsina, ibikorwa byose bikava mu rukundo.

Hari amategeko yagiyeho arengera umugore. Muri yo twavuga nk’itegeko No Nº27/2016 ryo ku wa 08/07/2016 rigenga imicungire y’umutungo w’abashyingiranywe, impano n’izungura; Itegeko Nº32/2016 ryo kuwa 28/08/2016 rigenga abantu n’umuryango; Itegeko N°003/2016 ryo kuwa 30/03/2016 rishyiraho rikanagena imitunganyirize y’ubwishingizi bw’ibigenerwa umugore uri mu kiruhuko cyo kubyara; n’ayandi.

Kwizera Pacifique, umwe mu baganiriye na Kigali Today, avuga ko batazi icyo bakora uretse guhunga igihe haba habaye inkongi y’umuriro.

Ati “Ikintu nakora cya mbere ni ukureba ko aho hantu hari aho guhungira. Nashaka aho mpungira, urahunga kugira ngo udashya.”

Hari n’abandi usanga badasobanukiwe icyo bakora igihe aho bari, haba hafashwe n’inkongi y’umuriro.

Umuvugizi wa Polisi y’u Rwanda, ACP Boniface Rutikanga, asaba abaturage kwirinda inkongi z’umuriro bubaka inzu zirimo ibikoresho byakwifashishwa igihe haramuka hadutse inkongi y’umuriro.

Ati: “Dukangurira abubaka inzu, kuzirikana ibikorwaremezo biburizamo inkongi z’umuriro. Bazirikane utwuma dusakuza tugaragaza ko hari ikidasanzwe (Fire detectors) hakagira igikorwa.”

Inyubako rusange zisabwa kugira imiyoboro y’amazi kugira ngo igihe habaye inkongi y’umuriro, imodoka zizimya zitwara amazi, ziyabone byoroshye. Bagomba guteganya umucanga uhagije kuko na wo wakwifashishwa mu kuzimya inkongi y’umuriro.

Ikindi ni uko hakwiye gushyirwaho inzira abantu bashobora gucamo bahunga.

Polisi y’u Rwanda ikomeje gukora ubukangurambaga bugamije gufasha abantu kwirinda inkongi z’umuriro no kumenya uko bakwitwara mu gihe bahuye na zo.

Hashyizweho umurongo wa telefone abaturage bakoresha igihe habaye inkongi y’umuriro ari wo:112 cyangwa ugahamagara nimero y’umuyobozi ushinzwe ishami ryo kurwanya inkongi z’umuriro no gukora ubutabazi ari yo 0788311120.

Urwego Ngenzuramikorere (RURA) na rwo ruvuga ko mu rwego rwo kwirinda impanuka zaterwa n’amashyarazi, zirimo n’inkongi z’imiriro, ko mu gihe cyo kuyashyira mu nyubako ari ngombwa gukoresha abatekinisiye bafite ibyangombwa bitangwa n’uru rwego.

Umuyobozi Mukuru ushinzwe Politiki y’Uburezi muri MINEDUC, Rose Baguma

Imibare yo mu gitabo cy’Ikigo cy’Igihugu cy’Ibarurishamibare (Statistical Year Book 2023), igaragaza ko kuva mu mashuri y’incuke kugeza mu yisumbuye, umubare w’abakobwa uba ari munini kurusha abahungu. Urugero hagati ya 2017-2021, bigaragara ko hari itandukaniro mu mibare y’abagana ishuri ku bitsina byombi.

Mu mashuri abanza mu mwaka wa 2017, abakobwa banganaga na 50.8%, muri 2020/2021 banganaga na 51.3%. Abahungu banganaga na 49.2% mu mwaka 2017 mu gihe muri 2020/2021 bari 48.7%.

Mu yisumbuye mu mwaka wa 2017, abahungu banganaga na 46.7% naho abakobwa ari 53.3%, mu 2020/2021 bari 46.4%, mu gihe abakobwa bari 53.6%.

Iyo bigeze mu mashuri makuru na za kaminuza biricurika. Ibyo bigaragazwa n’imibare yo mu mwaka 2017-2020, abakobwa babaye bake ugereranije na basaza babo.

Mu mwaka wa 2017 abahungu bari 54.7% mu gihe abakobwa bari 45.3%, naho mu mwaka wa 2020/2021 abahungu bari 55.1%, abakobwa bakaba 44.9%.

Kaminuza y’u Rwanda mu mibare yashyize hanze igaragaza abasoje amasomo yabo hagati ya 2013-2020, bangana na 49,477. Muri abo abakobwa banganaga na 36% mu gihe abahungu bari 64%.

Umuyobozi Mukuru ushinzwe Politiki y’Uburezi muri Minisiteri y’Uburezi (MINEDUC), Rose Baguma, avuga ko hari impamvu nyinshi zituma abana b’abakobwa baba bake mu mashuri makuru na za kaminuza.

Ati “Umuryango wagiye uhura n’ivangura cyane cyane rishingiye ku gitsina, kwerekana ko umwana w’umukobwa afite ubushobozi buke ugereranije n’umuhungu, ko umwana w’umukobwa agenewe kuguma mu rugo, agakora gusa inshingano zo mu rugo, ibyo kwiga no gukora akandi kazi, bikarekerwa abahungu cyangwa abagabo. Ayo ni amateka ariko agikurikirana cyane cyane sosiyete kugeza uyu munsi, bigatuma nanone tutababona benshi nubwo hagiye hashyirwaho ingamba nyinshi.”

Akomeza avuga ko hari impamvu zitandukanye zituruka ku bakobwa cyangwa mu miryango, zituma badakomeza mu mashuri makuru na za kaminuza.

Ati “Imbogamizi nyinshi bahura nazo, harimo no kutigirara ikizere. Iyo utigiriye ikizere no gutsinda ntutsinda, ushobora kwiga ukiga amashuri abanza, ayisumbuye ariko ukaba utashobora gukomeza Kaminuza.”

MINDEDUC isaba Abanyarwanda guhindura imyumvire ikandamiza umukobwa, kuko na Leta irimo gukora ibishoboka byose ngo abana bose bige.

Baguma akomeza agira ati “Itegeko Nshinga ry’u Rwanda, rigaragaza ko ari uburenganzira bw’umwana kwiga. Umwana wese agomba kuba ari mu ishuri. Iyo tuvuga umwana wese rero, icyo gihe ntabwo tuba dusize umukobwa.”

Muri gahunda zitandukanye Leta yashyizeho zifasha bose kwiga harimo uburezi bw’ibanze (Nine and twelve years’ basic education), gufatira ifunguro ku ishuri umubyeyi agasabwa uruhare ruto, icyumba cy’umukobwa mu mashuri yisumbuye cyifashishwa mu gihe cy’imihango, kiba kirimo ibikoresho by’isuku byose ndetse abarimu bahuguwe uko bagomba gufasha abana ntawuhejwe.

Hashyizweho gahunda yo kwigisha isomo ry’ubuzima bw’imyororokere, kugira ngo bamenye uko imibiri yabo igenda ihinduka bityo bakirinda ubusambanyi n’inda zitateganyijwe. Hashyizweho amashuri y’abakobwa kuko bituma bumva na bo bashoboye batari kumwe na basaza babo, kandi hafashwa n’abaturuka mu miryango itishoboye.

Habaho imikoranire na za kaminuza, aho ziza kuganira n’abanyeshuri kuko bibatera umwete. Abagore bageze ku bintu bikomeye bajya kuganira n’abakobwa, kugira ngo bamenye uko na bo babigeraho.

Abakobwa bakomeza kwitabwaho no muri kaminuza. Mu gihe cyo gutanga amacumbi muri kaminuza, abaje kwiga mu mwaka wa mbere ni bo bayahabwa mbere y’abandi, ibyo byose bigakorwa mu rwego rwo gufasha abakobwa gukomeza kuba benshi mu mashuri makuru na za kaminuza.

Ikigo Nyarwanda cy’Ibimenyetso bya gihanga (RFI) cyagiranye amasezerano y’imikoranire n’Urwego rw’Abavoka mu Rwanda aho bahereye ku guhugura abari muri urwo rwego uko ibimenyetso bya gihanga bifatwa

Ni mu gihe Abavoka bagorwaga no kwegeranya ibimenyetso bimwe na bimwe byo kwifashisha mu manza, cyane cyane ibyaha biba byakozwe hifashishijwe ikoranabunga.

Bamwe mu bahuguwe bavuga ko bagorwaga no kwegeranya ibimenyetso bimwe na bimwe byo kwifashisha mu manza, cyane cyane ibyaha biba byakozwe hifashishijwe ikoranabuhanga, bakavuga ko iyi mikoranire ari igisubizo kuri bo.

Me Josiane Uwineza agira ati: “Bizanyorohereza mu kazi kanjye ndetse no mu buryo mvugana n’abakiriya n’uko mbasobanurira, ndetse no gutanga ubutabera buboneye.”

Ati: “Gutanga amakuru ku bijyanye n’ibimenyetso (Forensic Evidences) biragora cyane ubusanzwe, ariko kuba badukoreye workshop nk’iyi, ni ukudusobanurira kuko natwe byatuvunaga mu kazi kacu ka buri munsi.”

Umuyobozi w’Urugaga rw’Abavoka mu Rwanda, Me Moise Nkundabarashi

Umuyobozi w’Urugaga rw’Abavoka mu Rwanda, Me Moïse Nkundabarashi, avuga ko ibyaha byinshi biri gukoreshwa ikoranabunga, bityo kuba Abavoka bakorana n’iki kigo bizafasha ubutabera.

Ati: “Ikoranabuhanga rigenda rifata indi ntera. Abavoka nk’abafasha b’ubutabera, nk’abantu bakora akazi kajyanye n’itangwa ry’ibyo bimenyetso umunsi ku munsi, ni ingenzi ko bamenya ayo makuru, Rwanda Forensic Institute ikayabaha, bigafasha ubutabera kugira ngo hakorwe ibintu binoze kurusha uko byari bimeze mbere.”

Umuyobozi w’Ikigo Rwanda Forensic Institute(RFI), Dr. Charles Karangwa, avuga ko barimo guhugura Abavoka ibyerekeye ibimenyetso bya gihanga, kuko iyo badasobanukiwe gusaba ibimenyetso muri iki kigo cyangwa uko basesengura amakuru bahawe bituma bimwe bikorwa nabi.

Umuyobozi w’Ikigo Nyarwanda cy’Ibimenyetso bya Gihanga Dr Charles Karangwa

Yagize ati “Abavoka ni abantu bafite uruhare rukomeye cyane kugira ngo batange ubutabera ku bakiriya babo. Iyo batamenya gusaba forensic evidences, basaba nabi.”

Aya masezerano yasinywe n’impande zombi agamije ubufatanye, aho iki kigo kigiye kujya gihugura Abavoka ndetse bakasura ibikorwa bitandukanye bihakorerwa.

Abavoka bitabiriye aya mahugurwa barenga 500 mu 1,600 bagize uru rugaga. Biteganyijwe ko hari n’abo mu tundi turere bazajya guhugura.

Ubusanzwe ibi bimenyetso bya gihanga byasobanurwaga mu rukiko n’iki kigo Rwanda Forensic Institute(RFI) ariko nyuma yo kubisobanurira abavoka ni bo bazajya babikora. Nyuma yo guhugura Abavoka, hazatangwa amahugurwa ku bacamanza.

Umunyamabanga Uhoraho muri Minisiteri y’Ubutabera, Theophile Mbonera, ni we wari umushyitsi mukuru muri uyu muhango

Amafoto: Eric Ruzindana/Kigali Today

Bahuguwe ku kwirinda imvugo zipfobya Jenoside

Ni amahugurwa y’iminsi itatu arimo kubera i Kigali, yatangiye ku wa Mbere tariki 4 Werurwe 2024, yateguwe n’iyi Komisiyo ku bufatanye na Minisiteri y’Ubumwe bw’Abanyarwanda n’Inshingano Mboneragihugu (MINUBUMWE), n’abandi bafatanyabikorwa.

Umusesenguzi muri MINIBUMWE, ushinzwe kurwanya ipfobya rya Jenoside, Karambizi Olivier, na we asaba abantu kwirinda imvugo zipfobya kuko bihanwa n’amategeko.

Ati “Amategeko afite uko agena ibijyanye n’imvugo zipfobya Jenoside, no muri aya mahugurwa ni byo bigarukwaho. Ingingo ziri mu itegeko rihana icyaha cya Jenoside n’ingengabitekerezo yayo zirasobanutse, zerekana ibitekerezo n’imvugo zigomba kwirindwa, ubikoresheje rero aba arimo gupfobya Jenoside, akaba yabihanirwa”.

Icyakora Karambizi avuga ko ibyaha bijyanye n’ingengabitekerezo ya Jenoside bigenda bigabanuka, kuko ngo muri iki gihe ibyaha byo gukubita, gukomeretsa no gutera ubwoba abarokotse Jenoside cyangwa kubakanga, byagabanutse, ibikiri byinshi ngo ni ibiri mu magambo, cyane ko biri no mu rubyiruko.

Karambizi Olivier

Umunyamabanga wa Komisiyo y’Ubutabera n’Amahoro mu nama nkuru y’Abepeskopi Gatolika mu Rwanda, Padiri Niragire Valens, yagarutse ku cyo barimo gukora kuri iyo gahunda.

Yagize ati “Dukomeje kwigisha abo tugeraho, kugira ngo birinde kugwa mu byaha byo gupfobya Jenoside, birinda imvugo zitaboneye”.

Itegeko nº 59/2018 ryo ku wa 22/8/2018 ryerekeranye n’icyaha cy’ingengabitekerezo ya Jenoside n’ibyaha bifitanye isano na yo, riteganya ko umuntu ugaragariza mu ruhame kandi ku bushake, imyitwarire igamije: kugabanya uburemere cyangwa ingaruka za Jenoside; koroshya uburyo Jenoside yakozwemo; kugaragaza imibare itariyo y’abazize Jenoside aba akoze icyaha.

Iyo ahamijwe n’urukiko gukora kimwe muri ibyo bikorwa, ahanishwa igifungo kitari munsi y’imyaka itanu (5) ariko kitarenze imyaka irindwi (7), n’ihazabu y’Amafaranga y’u Rwanda atari munsi y’ibihumbi magana atanu (500,000Frw) ariko atarenze Miliyoni imwe (1,000,000Frw).

Padiri Niragire Valens

Mu bakurikiye ayo mahugurwa, harimo abayobozi n’abakozi ba komisiyo y’Ubutabera n’Amahoro muri Kiliziya Gatolika ku rwego rw’Igihugu.