Iyi mikino igomba gutangira kuri uyu wa Gatanu, iritabirwa n’amakipe ane (4) yabaye aya mbere muri Shampiyona isanzwe, ayo ni Police HC yabaye iya mbere, APR HC ya kabiri, Gicumbi yabaye iya gatatu ndetse na ES Kigoma yabaye iya kane.

Ikipe ya Police HC yabaye iya Kane muri shampiyona isanzwe izahura na ES Kigoma yabaye iya Kane mu mikino ya kamarampaka itsinda yerekeze ku mukino wa nyuma.

APR HC yabaye iya kabiri izahura na Gicumbi HC ya gatatu maze ikipe itsinda nayo yerekeze ku mukino wa nyuma.

Police HC na APR HC zirahabwa amahirwe yo gukina umukino wa nyuma

Muri iyi mikino mbere y’uko hamenyekana amakipe azahurira ku mukino wa nyuma, hazakinwa umukino umwe uhuza aya makipe naho ku mukino wa nyuma ku makipe azaba yagezeho azakina imikino itatu atanguranwa imikino ibiri.

Guhangana ku makipe azaba yageze ku mukino wa nyuma

Mu by’ukuri nta washidikanya ko ikipe ya APR HC ndetse na Police HC ari zo azahurira ku mukino wa nyuma, amaze gusezerera amakipe arimo Gicumbi ndetse na ES Kigoma ushingiye ko ari amakipe yitwaye neza muri shampiyona isanzwe ndetse Kandi akaba ari yo makipe muri uyu mwaka w’imikino yabashije guhangana cyane, dore ko yanahuriye ku mukino wa nyuma mu irushanwa ryo kwibuka.

Mu kibuga nta wakwirengagiza ko aya makipe yose afite abakinnyi beza kuko abakinnyi b’aya makipe ari nabo bakinnyi b’ikipe y’igihugu y’u Rwanda.

Gicumbi HC ifite iki gikombe abakinnyi bayo beza hafi ya bose berekeje mu ikipe ya APR HC ndetse na Police HC bivuze ko ari imbaraga zahuye z’abakinnyi bazaba bagiye guhangana.

Police HC yatsinze APR HC umukino ubanza ndetse n’uwo kwishyura muri uyu mwaka w’imikino, APR HC ikaba ari yo mpamvu idashaka gutsindwa na Police HC inshuro ya Gatatu muri shampiyona ndetse ikanayitwara Igikombe cyane ko APR HC idaheruka iki gikombe.

Police HC nayo iheruka gutsindwa ku mukino wa nyuma na APR HC mu irushanwa mpuzamahanga ryo Kwibuka ku nshuro ya 30. Police itsinzwe na APR HC yaba igayitse kuko yaba itsindiwe na APR ku mukino wa nyuma inshuro ebyiri mu kwezi kumwe, ndetse igatsindirwa k’umukino wa nyuma inshuro ebyiri yikurikiranya muri shampiyona kuko n’umwaka ushize yatsinzwe na Gicumbi HC yegukanye Shampiyona.

Kureba iyi mikino bisaba kuzinduka

Uyu ni wo mukino wa mbere ukomeye ndetse unarebwa cyane mu Rwanda bivuze ngo kureba iyi mikino bisaba kuzinduka ku kibuga cyane ko igihe cyose aya makpe yagiriye mu kibuga, bamwe mu bafana bagera ku kibuga bazaga bakabura aho kwicara.

Iyi mikino iratangira 16:30 ikipe ya Police HC yakira ES Kigoma, itsinda yerekeza ku mukino wa nyuma.

Nyuma yaho 18:00 , ikipe ya APR HC irakina n’ikipe ya Gicumbi HC, itsinda yerekeze ku mukino wa nyuma, akaba ari imikino ya nyuma yose izabera ku kibuga cya Kimisagara.

Igikombe cy’Isi cy’abakanyujijeho cyari gitegerejwe mu Rwanda ntikikibaye

Ni itangazo Urwego rw’igihugu rw’Iterambere (RDB) rwanyujije ku mbuga nkoranyambaga zayo zirimo na X , ruvuga ko rwasheshe amasezerano rwari rufitanye na EasyGroup EXP isanzwe itegura Igikombe cy’Isi cy’abakanyujijeho nyuma y’ubwumvikane bw’impande zombi.

Ubu bwumvikane bwaje nyuma y’uko Urwego rw’igihugu rw’ Iterambere (RDB) rugenzuye imikorere ndetse n’ibikubiye mu masezerano bitari kunozwa neza bityo impande ebyiri zihitamo gusesa aya masezerano.

Gusesa amasezerano hagati y’impande zombi bivuze ko Igikombe cy’Isi cyari gitegerejwe muri Nzeri 2024 kitazaba.

Muri 2022, ni bwo uru rwego rw’igihugu rw’ Iterambere (RDB) rwasinye amasezerano n’ikigo gitegura imikino y’igikombe cy’Isi cy’abakanyujije (Easy Group EXP) harimo amasezerano avuga ko amakipe yose azitabira Irushanwa azakinisha imyenda yanditseho Visit Rwanda nk’umuterankunga mukuru w’irushanwa.

Ibi bivuze ko Visit Rwanda itazigera yongera gukoreshwa mu bikorwa by’ubucuruzi no kwamamaza n’abategura iri rushanwa.

Iki gikombe cy’Isi cy’Aba-Veterans cyari kuzabera mu Rwanda kuva tariki 1-10 Nzeri 2024 ariko nkikibaye.

Bimwe mu byamamare byakanyujijeho byari kuzitabira iyi mikino birimo Ronaldinho Gaúcho, Umufaransa David Trezeguet, Bacary Sagna, Gaizka Mendieta, Miguela Pauleta, Robert Pirès, José Edmílson, Jay-Jay Okocha, Edgar Davids, Roger Milla, Jimmy Gatete n’abandi benshi.

Ni umukino wabaye muri uru rukerera rwo kuri uyu wa Kabiri, tariki 18 Kamena 2024, ubera kuri TD Garden Arena sitade ya Boston Celtics iherereye muri Leta ya Massachusetts.

Boston Celtics yegukanye shampiyona ku nshuro ya 17

Ni umukino wari uwa gatanu w’imikino ya nyuma (playoffs), kuko mu mikino ine ya mbere amakipe yari ataribonamo iyegukana igikombe, aho ikipe ya Boston Celtics yari yaratsinze imikino 3 isabwa umukino umwe, na Dallas Mavericks ifite umukino umwe yatsinze, isabwa gutsinda byibuze Indi mikino 3 kugira ngo yegukane igikombe.

Mu gace ka mbere k’umukino, ikipe ya Boston Celtics yatsinze Dallas amanota 28-18, ibifashijwemo na Jaylen Brown ndetse na Tatum bari hejuru muri uyu mukino.

Mu gace ka kabiri n’ubundi aba bakinnyi bafashije Boston Celtics kukegukana ku manota 39-28. Igice cya mbere cyarangiye Boston iyoboye Dallas ku manota 67-46.

Mu gice cya Kabiri, by’umwihariko mu gace ka gatatu ikipe ya Dallas Mavericks yaje iri hejuru itsinda cyane ndetse igasoza ikigenda imbere mu manota kuko yasoje aka gace ifite amanota 21 kuri 19 ya Boston.

Ibi byatumye itangira agace ka kane iri imbere cyane by’ umwihariko mu minota 5 ya mbere gusa Boston Celtics ituruka inyuma nayo ikora amanota menshi ishaka gukuramo ikinyuranyo gusa Dallas birangira ikayoboye ku kinyuranyo cy’inota rimwe aho byari 21 kuri 20 ya Boston.

Muri rusange n’ubwo buri kipe yihariye igice cy’umukino, ikipe ya Boston Celtics yasoje itsinze Dallas Mavericks ku giteranyo cy’amanota 106-88.

Jason Tatum ndetse na Jayden Brown bari bafite ubushobozi bwo gutsinda amanota ari hejuru ya 50 mu mikino ya kamarampaka

Jason Tatum yabaye umukinnyi wa kane mu mateka watanze ndetse akaba n’umukinnyi watsinze amanota menshi mu gice cya mbere cy’umukino by’ umwihariko mu mukino ya nyuma

Byahise bituma ikipe ya Boston Celtics yegukana igikombe cya Shampiyona ya NBA kuko yari itanze Dallas imikino ine.

Boston Celtics nyuma yo kwegukana igikombe yahise igira ibikombe 18, biyihesha kuba ikipe ya mbere mu mateka ya NBA igize ibikombe byinshi igakurikirwa na Los Angeles Lakers ifite ibikombe 17 naho Golden State Warriors ikagira 7.

Jaylen Brown yabaye MVP

Jaylen Brown wa Celtics ukina nka Small Forward ni we wabaye umukinnyi mwiza wa NBA (MVP 2024), kuko byibuze kuri Buri mukino yari ari ku mpuzandengo byo gukora imibare ibiri (double Digits, bivuzengo amanota ari hejuru ya 20, imipira ivamo ibitego iri hejuru y’icumi ndetse no gukora rebounds 10.

Abasirikare barinda umutekano w’Umukuru w’Igihugu begukanye igikombe cyo Kwibohora

Ni umukino wa nyuma wabaye kuri iki Cyumweru tariki 16 Kamena 2024, kuri Kigali Pelé Stadium, ukaba wari umukino wari witabiriwe n’abayobozi bakuru mu nzego za Gisirikare barimo Umugaba Mukuru w’Ingabo z’ u Rwanda, Gen. Mubarakh Muganga ndetse na Minisitiri w’Ingabo, Marizamunda Juvenal.

Igice cya mbere cy’umukino cyatangiye amakipe yombi akinira hagati mu kibuga mu buryo bwo kwigana gusa ku ruhande rw’ikipe y’abashinzwe umutekano w’abayozi bakuru b’Igihugu (RG) bakinaga neza by’umwihariko hagati mu kibuga binyuze ku bakinnyi barimo Shyaka James, Nzaramba Paul ndetse na Kapiteni wayo Afande Willy Rwagasana usanzwe uhagarariye izi ngabo zirinda umutekano w’abayozi bakuru b’igihugu.

Mbere y’uko igice cya mbere kirangira ku munota wa 44’, umutoza Thierry Hitimana wa Republican Guard yakuyemo Kapiteni w’ikipe , Brig. Gen. Willy Rwagasana wasaga nk’uwananiwe maze ashyiramo Shema Maike witwaye neza mu minota 3 y’inyongera kuko ku munota wa 47’ yatsinze igitego kuri ’Coup Franc’ yari itewe neza na Shyaka.

Wari umukino ukomeye hagati y’amakipe yombi

Mu gice cya kabiri, Republican Guard yaje iri hejuru yataka cyane gusa umuzamu wa BMTC Nasho Kayitare Michael akababera ibamba.

Ku munota wa 59’ ikipe ya a Republican Guard yaje kongera kwisanga mu mukino maze itsinda igitego cya kabiri, kinjijwe na Shyaka James kuri ’Coup Franc’ nziza yateye maze umuzamu yisanga umupira uri murucundura.

Umuhungu wa Perezida Kagame, Capt. Ian Kagame yabanje mu kibuga

Bidatinze, ku munota wa 70’ binyuze mu bakinnyi ba Republican Guard bakina hagati mu kibuga, bahererekanyije neza umupira maze uwitwa Shema Maike yongera kwisanga ari wenyine imbere y’izamu atsinda igitego cya gatatu ndetse kikaba icya kabiri cye muri uyu mukino.

Umukino warangiye ikipe ya Republican Guard itsinze BMTC Nasho ibitego 3-0 bituma yegukana Igikombe #Kwibohora30 naho BMTC Nasho iba iya kabiri.

Capt. Ian Kagame yagaragaje ubuhanga mu kibuga

Republican Guard ni ku nshuro ya gatatu yegukanye iki gikombe yikurikiranya kuva iyi mikino ihuza ingabo mu nzego zitandukanye yatangira mu 2022.

Uko andi makipe yegukanye ibikombe mu yindi mikino

Mu kwiruka, ikipe yo ku cyicaro gikuru cya gisirikare (Headquarters) niyo yabaye iya Mbere yegukana igikombe naho ikipe yo mu mutwe udasanzwe mu ngabo z’ u Rwanda "Special Operation Force" (SOF) iba iya Kabiri ihabwa imidali.

Handball mu bagore, ikipe y’ishuri rya Gisirikare riherereye I Gako mu karere ka Bugesera (Rwanda Military Academy) niyo yegukanye igikombe naho ikipe ya Special Operation Force iba iya Kabiri.

Muri Netball, ikipe ya gisirikare irwanira mu kirere (Rwanda Air Force) niyo yegukanye igikombe naho iya Kabiri iba ikipe ya Rwanda Military Academy.

Mu kurasa (Shooting), ikipe ya BMTC Nasho niyo yabaye iya mbere ikurikirwa n’ikipe ya Special Operation Force. Muri Basketball, ikipe ya Rwanda Military Academy (RMA Gako) niyo yegukanye igikombe naho BMTC Nasho iba iya Kabiri.

Muri Volleyball, ikipe ya Republican Guard niyo yatwaye igikombe mugihe BMTC Nasho yabaye iya Kabiri kuko yatsinzwe ku mukino wa nyuma.

Amakipe yabaye aya Mbere yahawe imidali ndetse n’ibikombe mugihe ayabaye aya Kabiri ndetse n’aya Gatatu mu byiciro byose yahawe imidali gusa ndetse arashimirwa.

Iyi mikino ikinwa n’abasirikare mu nzego zitandukanye, iba igamije kongera ubusabane hagati y’izo nzego za gisirikare, kunoza imibanire ndetse n’imikoranire hagati yazo ndetse n’abaturage.

Reba ibindi muri iyi Video:

Video: Salomo George

Sina Gerard FC yegukanye igikombe cy’icyiciro cya gatatu

Ni umukino wabaye kuwa gatandatu, tariki 15 Kamena 2024, ubera ku kibuga cya Sina Gerard giherereye mu karere ka Rulindo ahazwi nko kwa Nyirangarama.

Umukino mbere y’uko itangira, amakipe yombi yarimo ahatanira Igikombe bitewe nuko iyari gutsinda uyu mukino yari kwegukana Igikombe nyuma y’uko ikipe ya Sina Gerard yari ifite amanota 5 naho ikipe ya Motar FC ikagira amanota 4.

Sina Gerard FC yasabwaga gutsinda kugirango ibashe kugira amanota ayifasha kwegukana Igikombe, naho Motar FC ikaba yarasabwaga kunganya uyu mukino maze ikazategereza umukino wa nyuma kuko yari isigaje undi yagombaga hukina na Umuri FC.

Mu gutangira uyu mukino, ikipe ya Motar FC yatangiye igorwa n’ikibuga cyane, kuko Sina Gerard FC yayirushije guhererekanya umupira neza, binyuze ku bakinnyi barimo nka Ishimwe Jacques ndetse na Pacifiques bakinaga hagati.

Ibi byatumye igice cya mbere kirangira Sina Gerard iyoboye n’ibitego 2-0 bwa Motar FC, ibitego byatsinzwe na Isanawe Christian kuri Penaliti ndetse na Mugwaneza Jacques.

Mu gice cya Kabiri, ikipe ya Motar FC yagarutse yahinduye imikinire binyuze ku mpinduka zakozwe n’umutoza wayo Uwimana Abdoul uzwi nka ’Gakara’ maze babasha nabo guhererekanya neza aho ku munota wa 75’ uwitwa Hadji yateye umupira muremure ashaka mugenzi we Kehinde Noah Okutekunri maze nawe yisanga asigaranye n’umuzamu, maze atera ishoti rikomeye aba aboneye igitego cya mbere cyo kwishyura Motar FC.

Nyuma y’umunota umwe uwitwa Umugwaneza Jacques rutahizamu wa Sina Gerard wari wazonze cyane Motar FC yongeye gusiga ba myugariro ba Motar yisanga ari imbere y’izamu wenyine maze astinda igitego cya kabiri cye,kikiba icya gatatu cya Sina Gerard FC.

Umuyobozi w’ungirije wa FERWAFA, Habyarimana Marcel

Motar FC yahise itakaza imbaraga mu kibuga kubera amakosa yakorwaga n’umuzamu bituma n’ubundi Christian wa Sina Gerard ayibonera igitego cya Kane. Ndetse kiba icya kabiri yari atsinze muri uyu mukino.

Ibi byahise bituma Sina Gerard igira amanota 8 naho Motar FC isigarana amanota 4 gusa ikaba yari ifite undi umukino yagombaga gukina na Umuri FC. Ibi byahise bituma ikipe ya Sina Gerard yegukana igikombe n’amanota 8.

Icyakora aya makipe yombi yaba Sina Gerard ndetse na Motar FC yazamutse mu cyiciro cya kabiri gusa nanone ntiharamenyekana niba koko na Umuri yabaye iya gatatu muri iyi mikino ya kamarampaka izazamuka mu cyiciro cya kabiri.

Harabura amasaha mbarwa ngo irushanwa rya EURO 2024 ritangire

Kuri uyu wa gatanu, tariki 14 Kamena 2024, mu gihugu cy’Ubudage haratangira irushanwa rihuza amakipe y’ibihugu yo ku mugabane w’Iburayi rizwi nka EURO 2024 rigiye kuba ku nshuro ya 16, ni irushanwa riza muri 3 arebwa cyane ku Isi. Ni muri urwo rwego Kigali Today yakusanyije amwe amateka y’irushanwa ndeste n’ibyo kwitega kuri iyi nshuro.

Igitekerezo kiri rushanwa rya Euro rikinwa buri myaka 4 cyaje mu 1927 kizanwe n’uwari umunyamabanga Mukuru w’ishyirahamwe ry’umupira w’amaguru mu gihugu cy’u Bufaransa witwaga Henri Delauna gusa nti cyahita gishyirwa mu bikorwa.

Ku ikubitiro mu 1960 ryabereye mu gihugu cy’u Bufaransa aho amakipe 17 yabanje gukina hagati yayo ashaka itike maze havamo 4 aba ariyo akina birangira ikipe y’igihugu ya Leta Zunze Ubumwe z’Aba-soviet ariyo icyegukanye itsinze Yugoslavia ibitego 2-1.

Mu 1996, nibwo amakipe yiyongereye agirwa 16 ndetse n’izina ry’irushanwa rirahinduka riva kuri European Nations’ Cup riba UEFA Euro.

Kuri iyi nshuro hazakorehwa Sitade 10 zirimo n’iya Bayer Munch

Sitade 10 zose zizakoreshwa ni izisanzwe zikinirwaho n’amakipe yo mu gihugu cy’Ubudage by’umwihariko ayo mu cyiciro cya Mbere ndetse no mu cya Kabiri, ikindi kandi nibura icyenda muri izisitade zakiriye igikombe cy’Isi cya 2006.

Iya mbere ni Olympiastadion Berlin Stadium. Iyi sitade isanzwe ikinirwaho n’ikipe ya Hertha Berlin, niyo sitade nini izaba iri muri iri rushanwa rya Euro kuko ifite ubushobozi bwo kwakira abantu ibihumbi 70 ndetse ni nayo sitade ikunze kuberaho imikino yanyuma iyo ariyo yose mu gihugu cy’u Budage kuva mu 1985.

BVB Stadion Dortmund cyangwa Signal Iduna Park, ni sitade isanzwe ikinirwaho na Borussia Dortmund.

Sitade ya Signal Iduna Park, ikinirwaho na Dortmund nayo izakira iri rushanwa

Dusseldorf Arena Stadium, ni sitade nayo izakoreshwa nayo ifite ubushobozi bwo kwakira abantu ibihumbi 47 yakirirwaho n’ikipe ya Fortuna Dusseldorf yo muri shampiyona y’icyiciro cya kabiri mu Budage.

Frankfurt Arena Stadium izwi nka Waldstadion cyangwa Deutsche Bank Park iri hafi kuzuza imyaka 100 yubatswe kuko yatashwe mu 1925 ifite ubushobozi bwo kwakira abantu ibihumbi 35, hari kandi na Arena AufSchalke Stadium iyi sitade isanzwe ikinirwaho n’ikipe ya Schalke 04 nayo ifite ubushobozi bwo kwakira abantu ibihumbi 50. Igitekerezo cyo kuyubaka cyane mu 1990 gusa yuzura muri 2001.

Volksparkstadion Hamburg, sitade yakirirwaho na Hamburg SV yo mu cyiciro cya Kabiri mu Budage, hazakoreshwa kandi na Red Bull Arena (Leipzig Stadium) sitade nayo yubatswe mu 1956 ikaba ariyo yari nini mu Burayi bwose aho yakiraga ibihumbi 100 by’abafana bicaye neza, kugeza ubu ikaba yakira ibihumbi 41.

Arianz Arena Stadium ya Bayern Munch izakoreshwa muri EURO 2024

Indi sitade izakoreshwa ni Allianz Arena isanzwe ikinirwaho n’ikipe ya FC Bayern Munich yatangiye kubakwa mu 2003 kugera muri 2005. Iyi kipe yo yatangiye kuyikiniraho mu mwaka w’imikino wa 2006-07 kuko mbere yakiniraga kuri Munich Olympic Stadium guhera mu 1972.

Sitade twasorezaho ni iyitwa Stuttgart Arena Stadium. Iyi sitade yubatswe mu 1933 gusa ikaba yaragiye ivugururwa inshuro nyinshi ndetse inahindurirwa izina gusa iheruka kuvugururwa muri 2005.

Itsinda rya kabiri mu matsinda atandatu agize irushanwa niryo rikomeye

Muri EURO y’uyu mwaka izabera mu Budage, igizwe n’amastinda atandatu gusa abenshi bemezako itsinda rikomeye ari irya kabiri kuko hazazamuka amakipe abiri muri buri itsinda.

Uku niko amatsinda ahagaze muri EURO 2024

Istinda rya mbere ririmo; Germany, Scotland, Hungary, Switzerland
Itsinda rya Kabiri; Spain, Croatia, Italy na Albania.
Istinda rya Gatatu; Slovenia, Denmark, Serbia na England.
Itsinda rya Kane; Poland, Netherland, Austria ndetse na France
Itsinda rya gatanu; Belgium, Slovakia, Romania ndetse Na Ukraine
Itsinda rya gatandatu; Turkey, Georgia, Portugal ndetse na Czech Republic

Amakipe 24 yitabiriye igikombe cy’Uburayi uyu myaka, nibura 19 muri yo yari mu gikombe giheruka cya 2020 cyabaye mu 2021, harimo n’ikipe y’Igihugu y’Ubutaliyani ifite iki gikombe.

Amakipe arimo Ubwongereza, Ubufaransa, Portugal ndetse na Croatia yitwaye neza mu gushaka itike asoza adastinzwe bituma abona itike izamuka bidasubirwaho.

Cristiano Ronaldo niwe mukinnyi ufite ibitego byinshi muri EURO (14)

Albania ndetse na Romania niyo makipe ari muri irushanwa yongeye kugarukamo, nyuma y’uko atari yabashije kubona itike y’igikombe cy’Uburayi giheruka. N’aho Serbia ndetse na Slovania ni ubwa mbere yitabiriye EURO kuva 2000 yahindurirwa izina

EURO 2024, amakipe ntiyemerewe kurenza abakinnyi 26, ni ukuvuga ko abakinnyi bagomba kuba bari hagati ya 23-26. Ikindi kandi n’uko nta mukinnyi uzambara nimero irenze 26 ku mupira ndetse n’ikabutura.

Imikino 51 izakinwa muri iyi EURO 2024 izasifurwa n’abasifuzi 19 baturutse mu bihugu bitandukanye, mugihe Argentine aricyo gihugu cyonyine kitari icyo ku mugane w’Iburayi kizaba gifite abasifuzi muri iyi EURO.

Umukino wa mbere uratangira kuri uyu wagatanu saa tatu z’ijoro, ukazahuza ikipe y’Igihugu y’Ubudage yakiriye irushanwa ndetse n’Igihugu cya Scotland.

Ikipe y’igihugu y’Ubutaliyani niyo ifite iki gikombe giheruka cya 2020

Bamwe mu bakinnyi bitezwe muri EURO barimo Kylian Mbappé Lottin ndetse na Jude Bellingham, impamvu ni uko uzatwara irushanwa hagati yaba bombi azaba afite amahirwe menshi yo kwegukana Ballon d’Or, gusa bigasaba nanone gutegereza ibizava mu gikombe cya Amerika y’amajyepfo kuko uwitwa Vinicius Jr aramutse afashije igihugu cya Brazil kwegukana Copa America yahita atwara Ballon d’Or.

Kugeza ubu Iri rushanwa rimaze gukinwa inshuro 16 rikaba rimaze gutwarwa n’amakipe y’ibihugu 10 atandukanye. Ikipe y’Igihugu y’u Budage na Espagne buri imwe imaze kucyegukana inshuro 3, ikipe y’Igihugu y’u Butaliyani n’u Bufaransa zo zimaze kucyegukana inshuro 2 mu gihe ikipe y’Igihugu ya Leta Zunze Ubumwe z’Aba-soviet, Czech Republic, u Buhorandi, Denmark, u Bugereki na Portugal zo zagitwaye inshuro imwe.

Alain Kirasa yahawe ikaze na Perezida wa Gorilla FC

Ku gicamunsi cyo kuri uyu wa Kabiri, tariki 11 Kamena 2024, nibwo ikipe ya Gorillas Fc yerekanye ndetse inaha ikaze Alain Kirasa nk’umutoza mukuru w’iyi kipe mu gihe cy’umwaka umwe.

Alain Kirasa aje mu ikipe ya Gorilla FC avuye mu ikipe ya Gasogi United, asoje amasezerano.

Gorilla FC nyuma yo gutandukana na Gatera Mussa hagati muri shampiyona, yashatse umutoza uza kuziba icyuho kugirango ikipe isoze umwaka w’imikino ifite umutoza maze Ivan Minaert, ahabwa izi nshingano ayifasha gusoreza ku mwanya wa 10 n’amanota 35.

Alain Kirasa yafashije ikipe ya Gasogi United mu marushanwa yose yitabiriye ndetse ayivuyemo yarayifashije gusoreza ku mwanya wa 9 muri shampiyona n’amanota 36, ndetse kandi yayigejeje muri kimwe cya Kabiri cy’Igikombe cy’Amahoro basezererwa na Police FC.

Alain Kirasa yabaye umutoza wungirije mu ikipe y’Igihugu ’Amavubi’

Alain Kirasa si umutoza mushya mu Rwanda, kuko yanyuze mu makipe atandukanye arimo ikipe ya AS Kigali, Kiyovu Sports na Police FC nk’umutoza wungirije, yanungirije kandi mu ikipe y’Igihugu (Amavubi), atoza Rayon Sports, Gasogi United ndetse yatoje mu makipe y’abato arimo na Heroes FC.

Nk’uko ubuyobozi bwa Gorilla FC bubitangaza buvuga ko iyi kipe yinjiye mu kiragano gishya mu kwitegura guhindura uburyo yari isanzwe ikoramo kandi ubwo buryo akaba ari Alain Kirasa ubwisangamo ariyo mpamvu ari we watoranyijwe mu batoza bose kugirango iyi kipe abeshe kugera ku inzozi zayo.

Biteganyijwe ko ikipe ya Gorilla FC izatangira imyitozo muri Nyakanga yamaze kongeramo abakinnyi kandi bose bakazanwa na Alain Kirasa nk’umutoza mushya, gusa Gorilla FC iracyakomeje urugendo rwo gusezerera abakinnyi bamwe na bamwe batakomezanya nayo mu mwaka utaha w’imikino.

Akon Rose yanyuze mu gihugu cya Uganda mu ikipe ya UCU

Uyu Akon Rose Paul Macuei w’imyaka 24 wasinyiye Kepler BBC, ni umukinnyi umenyerewe mu Rwanda by’umwihariko mu mikino ya Kamparamaka kuko muri shampiyona y’umwaka wa 2022, ago yakiniye ikipe ya REG Women BBC ayihesha igikombe cya shampiyona, nyuma yaho kandi yafashije ikipe ya APR Women BBC mu mikino ya kamarampaka (Playoffs) muri shampiyona y’umwaka ushize ubwo iyi kipe yasezereraga ikipe ya REG Women BBC ku mukino wa nyuma wa kamarampaka.

Akon Rose waguzwe muri Kepler asanzwe akina nka Power Forward cyangwa se rimwe na rimwe agakoreshwa nko kuruhande (Forward) bitewe n’uburyo umutoza yifuza ku mukinisha.

Akon Rose ubwo aheruka mu Rwanda yakiniye ikipe ya APR Women BBC yegukanye igikombe mu mwaka ushize

Muri uyu mwaka w’imikino, ikipe ya Kepler Women BBC iri gukina umwaka wayo wa Mbere muri iyi shampiyona, yerekanye ko ikomeye cyane ndetse yifuza kuza mu makipe ahatanira ibikombe kuko uyu munsi iri ku mwanya wa kane muri shampiyona.

Kepler Women BBC, usibye kandi Rose Akon yaguze, muri uyu mwaka yongeyemo izindi mbaraga zirimo Uwimpuhwe Henriette ndetse n’abandi banyamahanga.

Ikipe ya Kepler Women BBC

Kepler Women BBC iri mu makipe ahabwa amahirwe yo gukina imikino ya kamarampaka muri uyu mwaka w’imikino ndetse ikaba iri guhabwa amahirwe yo kwegukana igikombe cya shampiyona.

Akon Rose yahesheje igikombe ikipe REG Women BBC

Ni irushanwa ryabaye ku nshuro ya 19, ryitabirwa n’abakinnyi 10,183 bari mu byiciro bitandukanye bitewe n’irushanwa kuko muri Half Marthon y’ibilimetero 21 hasiganwe abakinnyi 3,605, muri Full Marathon y’ibilometero 42 hasiganwa abakinnyi 1,142 naho muri ’Run For Peace’ y’ibilometero 10 hasiganwa abakinnyi 5,456.

Ni irushwana ryari rifite ubwitabire bwinshi ugereranyije n’andi yagiye aba, ndetse ryitabiriye n’abayobozi batandukanye barimo Minisitiri wa Siporo mu Rwanda Aurore Mimosa Munyangaju, Umuyobozi w’umujyi wa Kigali Samuel Dusengiyumva, Minisitiri w’Ubutegetsi bw’Igihugu, Musabyimana Jean Claude, Perezida w’Ishyirahamwe Nyarwanda ry’Imikino Ngororamubiri, Lt Col (Rtd) Kayumba Lemuel, ndetse n’abandi.

Irushanwa ryatangijwe n’abasiganwa mu cyiciro cya ’Run For Peace’ cyari kirimo Ange Kagame ndetse n’Umuyobozi Mukuru wa NBA Africa, Clare Akamanzi, gikurikirwa n’ ikiciro cya Half Marathon kihariwe n’abanyakenya.

Muri iki cyiciro cya Half Marathon, umunya-Kenya Francis Kipkorir yegukanye umwanya wa mbere akurikirwa na mwenewabo Leonard Kipkoech Langat wamurushije amasegonda atatu, naho ku mwanya wa gatatu haza Umunyarwanda Mutabazi Emmanuel wegukanye Umudali wa Bronze nyuma yo kurushwa amasegonda 22.

Mu kiciro cy’abagore, muri Half Marathon Umunya-Kenya Winfridah Moraa Moseti yegukanye umudali wa Zahabu, Vivian Jepkogei Cheruiyot aba uwa kabiri yegukana umudali wa Feza nyuma yo kurushwa isegonda rimwe n’uwa mbere naho Umunyarwandakazi Imanizabayo Emeline yegukana umudali wa Bronze nyuma yo kuba uwa gatatu.

Muri iki cyiciro, aba mbere mu bagabo ndetse n’abagore bahembwe Amadorali ibihumbi ibihumbi 5, naho abegukanye umwanya wa Kabiri bahembwa Amadorali ibihumbi 4.

Mu cyiciro cy’abagabo muri Full Marathon Umunya-Kenya Laban Korir yegukanye ’Kigali International Peace Marathon 2024’ akoresheje amasaha abiri, iminota 16 n’amasegonda atandatu. Uyu yakurikiwe na mwenewabo Cornelius Kipeti Kiplagat wasizwe amasegonda 12 gusa.

Naho mu bagore uwa mbere, umunya-Kenya Joan Kipyatich yakoresheje amasaha abiri, iminota 33 n’amasegonda 27, akurikirwa n’Umunya-Ethiopia, Meseret Abebavehu warushijwe iminota itatu, ku mwanya wa gatatu hagarukaho umunya-Kenya witwa Florence Chepsoi Jepkosgei warushijwe iminota itandatu.

Muri Full Marathon mu cyiciro cy’abagabo ndetse n’abagore aba mbere bahembwe amadorali ibihumbi 20 naho ababaye aba kabiri bahembwa amadorali ibihumbi 15.

Muri rusange abitabiriye Kigali International Peace Marathon ku nshuro ya 19 baturutse mu bihugu 35 birimo Canada, Denmark, Pologne, u Butaliyani, Brazil, Jamaica, Singapore, Nigeria, Ghana n’ibindi. Imibare igaragaza ko abiyandikishije kwitabira ari 10,183 barimo abanyamahanga 4,001 mu gihe abandi 6,182 basigaye ari Abanyarwanda ndetse n’abanyamahanga batuye mu Rwanda.

Reba ibindi muri iyi Video:

Abakinnyi n’abatoza ba Rutsiro FC bishimiye igikombe begukanye

Wari umukino w’umunsi wa nyuma(6) mu mikino ya kamarampaka (Playoffs) ku makipe yarwanaga no kuzamuka. Ni umukino wabaye kuri uyu wa Gatandatu tariki 08 Kamena 2024, ubera kuri sitade ya Kigali Pelé Stadium.

Mbere y’uko umukino urangira, aya makipe yombi yanganyaga amanota kuko yose yari afite amanota 10, gusa ikipe ya Rutsiro FC ifite ibitego byinshi izigamye. Ikipe ya Vision FC yo yasabwaga gutsinda uyu mukino, naho ikipe ya Rutsiro isabwa kunganya kugira ngo yegukane igikombe.

Ikipe ya Vision FC yari yakiriye uyu mukino yatangiye ifite imbaraga isatira cyane. Ikipe ya Rutsiro FC yari yabanje kugorwa n’ikibuga, gusa uko iminota yagenda izamuka ni ko ikipe ya Rutsiro FC yakomezaga kugenda imenyera ndetse na yo igerageza gusatira maze ku munota wa 26 ku mupira mwiza watewe na Mumbele Malidogo Jonas, uwitwa Nizeyimana Jean Claude akozaho umutwe ashaka Eric Kwizera na we ahita ashyira mu izamu rya Vision ryari ririnzwe na Shyaka Regis, maze igitego cya mbere kiba kirinjiye.

Igice cya mbere cyarangiye ikipe ya Rutsiro FC iyoboye n’igitego 1-0 bwa Vision FC.

Mu gice cya kabiri, umutoza wa Vision FC, Fils Muvunyi yakuyemo Kapiteni Vivens Mukunzi ashyiramo Radjab Mbanjineza wagoye cyane Ikipe ya Rutsiro kuko yacengaga cyane bakamukoreraho amakosa, maze ikipe ye ikabona imipira myinshi y’imiterekano.

Byatumye ikipe ya Vision FC ibona amahirwe ku munota wa 52. Ikipe ya Vision yabonye umupira w’umuterekano (Coup Franc) imbere y’izamu rya Rutsiro FC, maze uterwa neza na Harerimana (Kamoso) maze myugariro wa Vision FC, Nsengimana Richard aterekaho umutwe atsinda igitego cyiza, maze amakipe yombi anganya 1-1.

Nyuma yaho gato, ikipe ya Rutsiro FC yakomeje gusatirwa cyane na Vision FC, kuko n’ubundi kunganya kwa Vision FC ntacyo byari kuyifasha mu kwegukana igikombe. Ibyo byatumye Rutsiro FC itangira kugarira cyane, gusa icungira ku mipira yihuta maze ku munota wa 80 , Claude Nizeyimana(Rutsiro) atsinda igitego cyiza nyuma yo gucenga ba myugariro ba Vision FC bose, maze Rutsiro iyobora umukino ku bitego 2-1, ndetse ikomeza kwiharira umupira kugeza umukino wose urangiye.

Nyuma yo gutsinda uyu mukino, ikipe ya Rutsiro FC yahise yegukana igikombe cya Shampiyona y’icyiciro cya kabiri, ihabwa imidali ndetse n’igikombe giherekejwe n’amafanga Miliyoni umunani (8,000,000 Frw).

Ku rundi ruhande, ikipe ya Muhanga FC na yo yari yakiriye Intare FC, umukino warangiye Muhanga itsinzwe ibitego 2-1 bituma isoreza ku mwanya wa nyuma wa kane, Intare zisoreza ku mwanya wa gatatu.

Ikipe ya Vision FC yatsinzwe na yo igomba kuzamukana na Rutsiro FC, aho aya makipe agomba gusimbura ikipe ya Sunrise FC ndetse Etoile de l’Est yamanutse mu cyiciro cya kabiri.

Rubanguka ndetse na Sibomana Patrick

Ni ikipe y’Igihugu yari imaze ibyumweru bibiri mu mwiherero ifite urutonde rw’abakinnyi basaga 39, gusa si ko bose bagiye. Kuko ku Cyumweru umutoza w’Amavubi Frank Spittler yongeye gutangaza abandi bakinnyi batagomba kujyana n’iyi kipe barimo myugariro Rwatubyaye Abdul bivugwako afite ikibazo cy’imvune y’itako, ibyatunguye benshi cyane bakurikiranira hafi iyi kipe.

Abakinnyi basezererewe mu mwiherero ndetse no mu ikipe yitegura iyi mikino ibiri, barimo umuzamu Muhawenayo Gad, Niyongira Patience, Nsengiyumva Samuel, Ishimwe Christian, Nsabimana Aimable, Didier Mugisha, Ndikumana Fabio, Iraguha Hadji, Simeon Iradukunda, Ani Elijah ndetse na Kanamugire Roger.

Manzi Thierry

Mu bakinnyi bajyanye n’ikipe, barimo Ntwali Fiacre, Hakizimana Adolphe na Wenseens Maxime, Omborenga Fitina, Byiringiro Gilbert, Niyomugabo Claude, Imanishimwe Emmanuel, Mutsinzi Ange, Manzi Thierry, Niyigena Clement, Nshimiyimana Yunusu na Maes Dylan, Bizimana Djihad, Ruboneka Jean Bosco, Mugisha Bonheur, Rubanguka Steve, Sibomana Patrick, Mugisha Gilbert, Rafael York na Hakim Sahabu.

Ba rutahizamu bahamagawe ni Muhire Kevin, Gitego Arthur, Guelette Samuel Leopold, Nshuti Innocent na Kwizera Jojea. Biteganyijwe ko kandi abarimo Mugisha Bonheur, Rafael York, Imanishimwe Emmanuel ndetse na Mutsinzi Ange bazahurira i Abidjan muri Côte d’Ivoire.

Kapiteni w’ikipe y’igihugu (Amavubi), Bizimana Dhjihad

Biteganyijwe ko umukino wa mbere Amavubi azakina uzaba kuri uyu wa kane, tariki 06 Kamena 2024, yakirwa n’ikipe ya Benin kuri sitade yitwa Houphouët-Boigny Stadium.

Nyuma y’uyu mukino, ikipe y’ Rwanda izafata rutemikirere ku itariki 07 Kamena 2024, yerekeza muri Afurika y’Epfo. Ni urugendo ruzatwara hafi amasaha 24, kuko ku ngengabihe y’Amavubi biteganyijweko bazagera muri Afurika y’Epfo tariki 08.

Muri Afurika y’Epfo, Amavubi azakwira n’ikipe y’igihugu ya Lesotho kuwa kabiri itariki 11 Kamena 2024.

Mu mikino ibiri imaze gukinwa muri iri stinda rya gatatu Amavubi aherereyemo, niyo ariyoboye n’amanota 4 agakurikirwa na Afurika y’Epfo ifite amanota atatu, Nigeria ifite abiri inganya na Zimbabwe na Lesotho mu gihe Bénin ifite inota rimwe.

Urugendo rw’iyi mikino ibiri y’Amavubi ruzarangira kuwa gatatu, tariki 13 ubwo azagaruka i Kigali mu Rwanda nyuma y’imikino, mu gihe u Rwanda rwayitsinda rwakomeza kuyobora iri tsinda.

Urutonde ntakuka rw’abakinnyi 25 bajyanywe n’umutoza Frank Spittler

ikipe ya APR HC yishimira Igikombe

Ni imikino yaberaga mu Rwanda ku kibuga cya Kimisagara, kuva kuwa gatanu tariki 31 Gicurasi isozwa ku cyumweru tariki 2 Kamena 2024 yitabirwa n’amakipe atandukanye yo mu Rwanda ndetse na Uganda.

Ku cyumweru hakinwaga umwanya wa gatatu ndetse n’imikino ya nyuma ku makipe yabashije kwitwara neza mu matsinda yari aherereyemo.

Muri 1/2, ikipe ya Police Handball Club yasezereye ikipe ya Gicumbi ku bitego 38-24 , bihesha ikipe ya Police kugera ku mukino wa nyuma naho ikipe ya Gicumbi ijya mu makipe arwanira umwanya wa gatatu.

Kapiteni w’ikipe ya Three Stars ashyikirizwa Igikombe

Undi mukino wahuje ikipe ya APR Handball Club yasezereye ikipe ya Prisons Handball Club, iyitsinze ibitego 29-26 bigoranye cyane, bituma APR HC igera ku mukino wa nyuma wa GMT30.

Ku mwanya wa gatatu, ikipe ya Gicumbi Handball club yahuye a Prisons Handball Club yo mu gihugu cya Uganda maze bigoranye, Gicumbi HC yegukana uyu mwanya ku kinyuranyo cy’ibitego bibiri gusa (36-34).

Ikipe ya Three Stars y’abagore yegukanye irushanwa "International Genocide Memorial Tournament", nyuma yo gutsinda imikino yose igasoza ku mwanya wa mbere n’amanota 12.

Ku mukino wa nyuma ikipe ya APR Handball Club yari yakiriye ikipe Police HC, umwe mu mikino ukomeye kurusha indi mu mateka ya Handball mu Rwanda.

Ni umukino kandi urebwa n’abafana benshi cyane bitewe n’uko aya makipe yombi afite amateka akomeye muri irushanwa kuko ikipe ya APR Handball Club yatwaye igikombe cy’iri rushanwa bwa mbere naho Police HC niyo yari ifite iki gikombe cy’umwaka ushize 2023.

Ikindi cyakomezaga uyu mukino ni uko ikipe ya APR HC yari yaratsinzwe na Police HC muri shampiyona, ikaba itarifuzaga kongera gutakaza uyu mukino mugihe Police HC yo yifuzaga gushimagira itsinzi yayo kuri APR HC.

Mu gice cya mbere cy’umukino, amakipe yombi yatangiye yegeranye gusa ikipe ya APR HC ikomeza kujya imbere ya Police HC, gusa APR HC ibifashijwemo n’abakinnyi barimo Muhumure Elysee wari mwiza kugarira ndetse n’umuzamu Arsene bagora ikipe ya Police kuko bagize ibitego 10 igifite 4 gusa.

Habura iminota itanu ngo igice cya mbere kirangire, abarimo Yves Kayijambere ndetse na Mbesutunguwe ba Police HC bafashije kuyizanzamura basoza bafite ibitego 10 kuri 13 bya APR HC.

Mu gice cya Kabiri, ikipe ya APR HC yatangiranye amakosa menshi mu kibuga, byatumye abakinnyi ba Police HC babyungukiramo maze ituruka inyuma nayo itangira kuyobora umukino, abarimo Yves, Jean de Dieu bari mu bayifashije gutsinda bagtsinza ibitego byinshi harimo ikinyuranyo cy’ibitego 2 (20-18).

Abakinnyi ba APR HC bari bahanwe iminota ibiri bagarutse mu kibuga nabo baturuka inyuma basoza bari imbere y’ikipe ya Police HC, ndetse umikino urangira APR HC yegukanye Igikombe itsinze Police 24-22.

Umuyobozi w’Ishyirahamwe ry’umukino wa Handball mu Rwanda (Ferwahand), Twahirwa Alfred avugako irushanwa ry’uyu mwaka ryari rifite imbaraga nyinshi kubera urwego rwiza rw’imikinire rwagaragaye ndetse anashimira amakipe yo hanze y’u Rwanda yitabiriye ndetse anakomoza ku rwego rwiza ayo makipe amaze kugeraho.

Yagize ati "Tubonye Handball nziza, kuko urwego rw’imikinire rwazamutse, urwego rw’imitoreze ndetse n’imisifurire, hanyuma n’abakunzi bari buzuye ikindi nka federasiyo turashimira cyane amakipe yose yaturutse hanze y’u Rwanda akemera ubutumire kandi nayo agahangana ku rwego rwo hejuru."

Umuyobozi Wa Ferwahand, Twahirwa Alfred

Yakomeje avugako iri rushanwa ryari rigamije kwibuka Jenoside yakorewe Abatutsi mu 1994 by’umwihariko binyuze mu rubyiruko cyane ko arirwo rwiganje mu bakina uyu mukino.

Yagize ati "Mu by’ukuri iyi mikino hatangirwagamo ubutumwa butandukanye bugamije gushishikariza urubyiruko kwirinda Gupfobya amateka ndetse no kuyagoreka, natwe turatekereza ko nibakurikiza inama bahawe bizateza u Rwanda imbere."

Kapiteni wa APR HC ashyikirizwa Igikombe

Abakinnyi barindwi beza b’irushanwa rya Handball #GMT2024

Mu Cyiciro cy’Abagore, hahembwe:

1. Adokorach Brenda ( Prisons)
2. Uwineza Frolence ( Three Stars)
3. Jane Uwase ( Three Stars)
4. Aber Priscillah ( Prisons)
5. Uwanyirigira Betty (Three Stars)
6. Noella (Three Stars )
7. Lamunu Scovia (Prisons)

Abakinnyi barindwi mu bakobwa bitwaye neza

Mu cyiciro cy’Abagabo, hahembwe:

1. Ayo Patrick ( Prisons)
2. Muhumure Elise (APR)
3. Anthony (APR)
4. Aboku Dablniel (Prisons)
5. Akayezu Andrew ’Kibonge’ (Police)
6. Musoni Albert (APR )
7. Kayijamahe Yves (Police)

Ikipe ya RG isanzwe ifite igikombe giheruka muri Ruhago izahura ku mukino wa nyuma na BMTC Nasho

Ni imikino yateguwe n’ubuyobozi bw’ingabo z’u Rwanda (RDF) mu rwego rwo kwizihiza isabukuru y’imyaka 30 u Rwanda rubohowe n’izahoze ari ingabo za RPA.

Iyi mikino yatangiye mu ntangiriro za Gicurasi, yagaragayemo ihangana ridasanzwe guhera ku mukino wa mbere kugeza aho amakipe agereye ku mukino wa nyuma.

Iri hangana ridasanzwe ryatumye amwe mu makipe yari asanzwe azwiho kwitwara neza ndetse anahabwa amahirwe yo kugera ku mukino wa nyuma asezererwa hakiri kare, urugero nk’ikipe y’abasirikare babarizwa mu mutwe udasanzwe (Special Operations Force) muri Ruhago yasezerewe muri 1/2, naho muri Basketball ikipe y’abasirikare barinda Perezida n’abandi bayobozi bakuru b’igihugu (RG) ifite iki gikombe nayo isezererwa muri 1/2 ibyatunguye abantu benshi.

Muri Volleyball ikipe ya Basic Military Training Center (BMTC Nasho) yageze ku mukino wa nyuma

Muri iki cyumweru hakinwaga imikino ya 1/2 yatangiriye mu mikino y’inoki irimo Volleyball ndetse na Basketball.

Muri volleyball, Ikipe ya Basic Military Training Center (BMTC Nasho) yatsinze ikipe y’abasirikare barwanira mu kirere (Rwanda Air Force) igera ku mukino wa nyuma naho ikipe ya Republican Guard isezerera ishuri rikuru rya gisirikare rya Gako (Rwanda Military Academy Gako). Biteganyijwe ko ikipe ya BMTC Nasho izakina na Republican Guard ku mukino wa nyuma.

Muri Basketball, ikipe ya BMTC Nasho yasezereye Ikipe ya Rwanda Air Force naho ikipe ya Rwanda Military Academy Gako isezerera ikipe ya Headquarter mu mukino wabereye I Kanombe, bisobanurako ikipe ya BMTC Nasho izakina na Rwanda Military Academy Gako ku mukino wa nyuma.

Republican Guard nayo yageze ku mukino wa nyuma wa nyuma muri Volleyball

Mu mupira w’amaguru, ikipe ya BMTC Nasho yasezereye ikipe ya BMTC Gabiro iyitsinze ibitego 2-0, naho ikipe ya Republican Guard isezerera ikipe ya Special Operations Force (SOF).

Aya makipe yombi nyuma yo kwitwara neza mu mikino yayo akazahurira ku mukino wa nyuma ndetse ikipe ya Republican Guard (RG) ikaba ariyo ifite iki gikombe giheruka.

Muri Netball, ikipe Rwanda Air Force izahura n’ikipe ya Rwanda Military Academy Gako imenyerewe cyane muri Netball naho mu mukino wa Handball ikipe ya Special Operations Force izacakirana n’ikipe ya Rwanda Military Academy Gako.

Kugeza ubu biteganyijwe ko iyi mikino izakinwa, tariki 04 Nyakanga 2024 ku munsi wo kwibohora ku nshuro ya 30.

Iyi mikino ikinwa n’abasirikare mu nzego zitandukanye, iba igamije kongera ubusabane hagati y’iz0 nzego za gisirikare, kunoza imibanire ndetse n’imikoranire hagati yazo ndetse n’abaturage.

Motar FC izamutse mu cyiciro cya kabiri nta mukino itsinzwe muri shampiyona

Amakipe atatu yazamutse arimo ikipe ya Sina Gérard ibarizwa mu karere ka Rulindo, Umuri Sports Academy ya Jimmy Mulisa umutoza wungirije w’ikipe y’igihugu ndetse na Motar FC yashizwe n‘umuryango wa abatwara abagenzi kuri Moto bazwi nka ‘Abamotari’.

Aya makipe yabigezeho nyuma yo kwitwara neza mu mikino ya kamparampaka ”Playoffs”, agatsinda imikino yazo haba ibanza ndetse n’iyo kwishyura yabaye muri iki cyumweru kuva kuwa gatatu, tariki 29 Gicurasi 2024 kugeza kuwa kane, tariki 30 Gicurasi 2024.

Umukino wa mbere wabaye wahuje ikipe ya Sina Gérard ndetse na Nyamasheke, maze ikipe ya Sina Gérard itsinda igitego 1-0, bituma isezera Nyamasheke ku giteranyo cy’ibitego 2-0, kuko n’umukino ubanza Sina Gérard yari yitsinze Nyamasheke 1-0 bityo yisanga mu makipe agomba kwerekeza mu cyiciro cya kabiri, ibintu byashimishije cyane abaturage b’ Akarere ka Rulindo.

Ikipe ya Sina Gérard izamutse mu cyiciro cya Kabiri

Undi mukino byabereye rimwe, ikipe ya Future Generation yari yakiriye Umuri SC, umukino urangira Umuri SC itsinze ibitego 5-4 bya Future Generation. Ibi byahise bituma Umuri yisanga mu cyiciro cya kabiri nyuma yo gusezerera Future Generation ku giterayo cy’ibitego 4-6, kuko n’umukino ubanza Umuri yari yastinze Future Generation 1-0.

Kuwa Kane n’ibwo imikino yasozwaga, aho ikipe Motar FC yakiriye ikipe ya Muganza FC kuri Tapis Rouge I Nyamirambo saa 14:00. Uyu mukino woroheye cyane ikipe ya Motar FC kuko yastinze ibitego 3-1 ikipe ya Muganza FC, ibi byahise bituma Motar FC yisanga mu cyiciro cya kabiri nyuma yo gusezerera ikipe ya Muganza ku giteranyo cy’ibitego 3-1 kuko umukino ubanza amakipe yombi yari yaganyije 0-0.

Muri aya makipe azamutse, Motar FC niyo kipe yisangije agahigo ko kuzamuka mu cyiciro cya kabiri nta mukino n’umwe itsinzwe muri shampiyona isanzwe kuva yatangira muri Kanama 2023.

Umuri Sports Academy

N’ubwo aya makipe yazamutse mu cyiciro cya kabiri, agomba gukina imikino hagati ya yo kugirango yishakemo ikipe izaba iya mbere ikegukana igikombe, aho imikino izatangira kuri iki cyumweru tariki 02 Kamena 2024, aya makipe atatu akazajya akina imikino ibanza ndetse n’iyo kwishyura izasoza ifite amanota menshi yegukane igikombe cyo mu cyiciro cya gatatu.

Aya makipe azamutse agomba gusimbura ayo mu cyiciro cya kabiri ataritwaye neza (yamanutse) arimo ikipe ya Unity, Impessa FC ndetse n’ikipe ya The Winners FC yikuye mu irushwanwa.

Ibyishimo by’abafana ba Motar FC biganjemo Abamotari nyuma yo kuzamuka mu cyiciro cya Kabiri

Nyuma yo gusoza umwaka w’imikino wa 2023/2024 nta gikombe muri bibiri bikomeye ikipe ya Rayon Sports yahataniraga, ikipe ya Rayon Sports yatangiye gutandukana na bamwe mu bakinnyi yakoresheje muri uyu mwaka w’imikino.

Abakinnyi batanu batandukanye na Rayon Sports

Mu bakinnyi batandukanye na Rayon Sports ku ikubitiro, harimo umunyezamu Hategekimana Bonheur, hakazamo umurundi Emmanuel Mvuyekure, ba rutahizamu babiri Alsény Camara Agogo, Paul Alon Gomis ndetse n’umunya-Maroc Youssef Rharb.

Ibyo wamenya kuri aba bakinnyi batandukanye na Rayon Sports

Umunyezamu Hategekimana Bonheur yatandukanye na Rayon Sports

Umunyezamu Hategekimana Bonheur wasezerewe na Rayon Sports, ayikiniye imyaka 2 kuko yageze muri iyi kipe mu mpeshyi ya 2022, Bonheur Hategekimana ni umwe mu bakinnyi bagiriye ibihe byiza mu ikipe ya Rayon Sports kuko muri iyi myaka ibiri ayikiniye yatwaranye na Rayon Sports igikombe cy’Amahoro cya 2023, atwara igikombe cya Super Cup 2023, ajyana na Rayon Sports mu mikino nyafurika by’umwihariko CAF Confedeation Cup ndetse bimuhesha guhamagarwa mu ikipe y’igihugu. N’ubwo yagiriyemo ibihe byiza, Bonheur yagiye irangwaho n’imyitwarire itari myiza irimo no gushwana n’abatoza barimo Yamen Zelfani.

Youssef Rharb yamaze gutandukana na Rayon Sports

Youssef ni umwe mu bakinnyi bari bitezweho byinshi muri uno mwaka w’imikino

Umunya-Marroc Youssef Rharb, yageze mu ikipe ya Rayon Sports mu mwaka wa 2021 atijwe na Raja Casablanca y’iwabo mu gihe cy’umwaka umwe, nyuma yaho yongeye gusubira iwabo gusa mu mwaka wa 2022 yongera kugaruka mu ikipe ya Rayon Sports asinyishwa imyaka 2 igera mu mwaka wa 2024. Youssef ntiyagiriye ibihe byiza muri Rayon Sports kuko yagiye ahura n‘ibibazo by’imvune ndetse n’imyitwarire mibi yatumye anahagarikwa n’ubuyobozi.

Alon Gomis nta musaruro yatanze muri Rayon Sports

Paul Alon Gomis, ni rutahizamu udatinze cyane muri iyi kipe kuko yayisesekayemo muri Mutarama uyu mwaka aza yitezweho ibitangaza cyane kuko yaje agomba gutanga ibirenze ibyo Musa Essenu wari umaze kugenda ndetse na Charles Bbaale batangaga, gusa birangira iyi ikipe ikunzwe kurusha izindi mu Rwanda itamubonyemo umusaruro yari imwitezemo, bituma anakoreshwa gake cyane mu marushanwa yose Rayon Sports yitabiriye.

Alsény Camara Agogo ubwo yasinyaga muri Rayon Sports

Alsény Camara Agogo nawe watandukanye na Rayon Sports yabaye umwe mu bakinnyi batengushye cyane ikipe ya Rayon Sports bitewe n’umusaruro kuko kuva yagera muri Rayon Sport tariki 12 Nyakanga 2023 agatangirana nayo umwaka w’imikino nta kintu na kimwe yigeze akora kuko yagaragaje urwego ruri hasi bituma abandi batoza bakurikiye Zelfani na Wade batamuha umwanya wo gukina.

Emmanuel Mvuyekure nawe yatandukanye na Rayon Sports

Mbere y’uko uyu mwaka w’imikino utangira, iyi kipe yagiye ishaka abandi bakinnyi baza kuyifasha hagati mu kibuga ijya mu gihugu cy’u Burundi ikurayo abandi bakinnyi 2, barimo Musa Madjaliwa ndetse na Mvuyekure Emmanuel wasezerewe nyuma y’uko amazezereno ye yari arangiye, gusa akaba atarakunze kubona umwanya wo kubanza mu kibuga.

Emmanuel Mvuyekure ubwo yari ageze mu Rwanda

Nyuma yo gusoza umwaka w’imikino wa 2023/2024 nta gikombe muri bibiri bikomeye ikipe ya Rayon Sports yahataniraga, yahise ifata umwanzuro wo gutandukana ndetse no gusezerera bamwe mu bakinyi bari basoje amasezerano ndetse n’abandi bakinnyi batari bafite umusaruro mwiza kugirango batangire kongeramo abandi bakinnyi bazayifasha muri uyu mwaka w’imikino wa 2024-2025 nk’uko umuyobozi w’iyi kipe Uwayezu Jean Fidele aheruka kubitangaza

Muri uyu muhango wo gutaha ndetse no gufungura ku mugaragaro iki kibuga cyubatswe n’umuryango wa Giants of Africa washinzwe na Masai Ujiri, witabiriwe n’abanyacyubahiro batandukanye barimo na Mayor w’ Akarere ka Huye Sebutege Ange iri shuri riherereyemo.

Iki kibuga cyubatswe na Giants of Africa

Ni ikibuga cyubatse muri ENDP Karubanda

Minisitiri Munyangaju Mimosa Aurore yashimiye umuryango Giants of Africa wubatse iki kibuga mu rwego rwo guteza imbere uyu mukino wa Basketball by’umwihariko mu bana b’abakobwa ndetse aboneraho no gusaba abanyeshuri biga muri iki kigo kubyaza umusaruro iki kibuga.

Yagize ati " Turashimira cyane Giants of Africa by’umwihariko umuyobozi mukuru Masai Ujiri, ukomeje kwitanga mu rwego rwo guteza imbere impano z’abana b’abanyarwanda mu mukino wa Basketball.

"Ni muri urwo rwego rero nsaba abanyeshuri bose ba ENDP de Karubanda gukora cyane bagashyiramo imbaraga kugirango babyaze umusaruro aya mahirwe babonye kuko twifuza ko bazaba abakinnyi b’ejo hazaza mu ikipe y’igihugu ".

Minisitiri wa Siporo Munyangaju Aurore Mimosa na Masai Ujiri batashye ikibuga ku mugaragaro

Nyirahuku Philomène, umuyobozi w’ishuri rya Ecole Notre Dame de la Providence de Karubanda (ENDP) avuga ko iki kibuga bubakiwe na Giants of Africa kizabunganira mu gukomeza kuzamura impano z’abana ba bakobwa muri uyu mukino nkuko basanzwe babikora.

Yagize ati " ikigo cyacu ni kimwe mu bigo byiza hano mu Rwanda mu gutanga abakinnyi benshi mu makipe hano mu Rwanda muri basketball, kuko mu ikipe y’igihugu y’abagore 50% by’abakinnyi bakinamo Bose bigiye uyu mukino hano. Ntekerezako tuzakomereza muri uwo mujyo kuko aba bana bafite ubushake".

Umuyobozi Wa Giants of Africa, Masai Ujiri avuga ko yatewe ishema no kubona ikigo cy’ishuri ryigamo abana b’abakobwa bakunda gukina umukino wa Basketball, akaba ari nayo mpamvu bahise kuhubaka ikibuga mu rwego rwo kubashyigikira.

Ati "Mu bibuga umunani twahisemo kubaka mu Rwanda, twifuje no kubakira aba bana kugira ngo bakomeze kubona bashyigikiwe bibafashe kwiteza imbere binyuze muri uyu mukino cyane ko ari intego zacu nka Giants of Africa, kuko aba bana ejo ni bo bazaba ari abakinnyi b’igihugu, abayobozi b’amakipe nka Toronto Laptops".

Kugeza ubu mu bibuga umunani uyu muryango wa Giants of Africa uzubaka mu Rwanda, hamaze kubakwa ibibuga bitandatu birimo ikibuga cyubatswe i Rwamagana mu kigo cy’amashuri cya Agahozo, muri Club Rafiki, Kimironko na ho mu bibuga bisigaye kubakwa birimo ikibuga kizubakwa mu karere ka Rusizi na Rubavu kugira ngo byuzure umunani.

Ibikombe iki kigo cyatwaye muri Basketball

Giants of Africa iyoborwa na Masai Ujiri ukomoka mu gihugu cya Nigeria ndetse akaba anayobora ikipe yo muri NBA yitwa Toronto Laptops yatangiye gukora mu mwaka wa 2003, ukaba ugamije guteza imbere ndetse no gufasha abana bakiri bato bo ku mugabane wa Afurika gukura bakunda umukino wa Basketball.

Djihad Bizimana ashimangira ko gukina irushanwa rya Europa League bizahesha u Rwanda isura nziza

Mu kiganiro kihariye yagiranye na Kigali Today, Bizimana Djihad yavuzeko byamushimishije kubona ikipe ye, ibona itike yo gukina imikino y’iburayi (Europa League) cyane ko kuko iyi ikipe ya Kryvbas KR yari imaze igihe kirekire ititabira iyi mikino.

Yagize ati "Byaranshimishije cyane ndetse n’abakinnyi bagenzi bange dukinana kuko ikipe yari imaze imyaka isaga 26 idaheruka muri Europa League, nk’Umunyarwanda rero gukina iyi mikino aba ari byiza cyane kuko n’intego buri mukinnyi wese aba afite."

Yongeyeho ko kuba agiye gukina iyi mikino nk’Umunyarwanda hari isura nziza bitanga ku gihugu cy’u Rwanda.

Bizomana Djihad ubwo yasinyaga amasezerano y’imyaka ibiri muri Kryvbas Kryvyi yo muri Ukraine

Ati "Kuba twarabonye amahirwe yo gukina iyi mikino byashimishije buri muntu mu ikipe gusa na none nk’Umunyarwanda ugiye gukina iyi mikino ntekerezako ko bizaba ari byiza ndetse bizaha isura nziza igihugu cy’u Rwanda."

Bizimana Djihad winjiye muri iyi ikipe ya Kryvbas yo muri Ukraine mu 2023, afite amasezerano y’imyaka 2 izarangira nyuma y’umwaka w’imikino 2024-2025.

Bizimana Djihad binyuze muri iki kiganiro na Kigali Today, yagarutse ku ishusho arimo kubona mu ikipe y’Igihugu y’u Rwanda (Amavubi) abereye kapiteni, by’umwihariko uyu munsi mu rugamba rutoroshye irimo rwo gushaka itike y’igikombe cy’Isi cya 2026 ndetse anakomoza ku ikintu cyayifashije kwitwara neza cyane ko iyi kipe iyoboye itsinda rya gatatu.

Bizimana Djihad asanzwe akina hagati mu kibuga gusa ntibimubuza no gutsinda ibitego

Yagize ati "Mu ikipe y’Igihugu, twagerageje guhindura imyumvire twari dufite tugerageza gutinyuka ikindi kandi dushyira hamwe kuko buri mukinnyi wese aba afite intego zo kwitwara neza kuko iyo twatsinze umukino natwe bidufasha kubona agahimbazamusyi ndetse no kwandika amateka meza, navugako twese dufite intego zimwe Kandi tuzakomeza duhatane duheshe ishema igihugu n’ubwo bitoroshye."

Bizimana Djihad yanyuze mu makipe atandukanye arimo ikipe ya Rayon Sports na APR FC yo mu Rwanda naho ku mugabane w’i Burayi akina mu makipe arimo Waasland Beveren, KMSK Deinze ndetse na Kryvbas arimo uyu munsi.

Djihad Bizimana abaye umukinnyi wa Kabiri w’umunyarwanda ugiye gukina imikino ya UEFA Europa League nyuma ya Ndikumana Hamad Katauti wayikinye mu mwaka wa 2009 mu ikipe ya Athletic Union of Limassol mu birwa bya Cyprus.

Ndizeye Dieudonne astinda amanota abiri

Ni umukino w’umunsi wa Kane mu mikino yo kwishyura wabaye ku gatatu tariki 22 Gicurasi 2023, ubera kuri Lycèe de Kigali witabiriwa n’abafana benshi barimo n’abakinnyi b’ikipe y’igihugu y’u Rwanda mu bagore bakina muri Amerika barimo Butera Hope ndetse na Sifa.

Uyu mukino watangiye mu saa 08h40 z’ijoro, ikipe ya Patriots BBC itaratsindwa umukino numwe muri shampiyona yawutangiye neza iri hejuru mu gushaka amanota menshi kuko umukino ugitangira yatsinze amanota atatu (3 points ) inshuro eshatu zikutikiranye, igira amanota 9 Orion BBC itaratsinda inota.

Abarimo Ndizeye Dieudonne Kapiteni w’iyi kipe ndetse na Hagumwintari Stiven nibo bakoraga amanota menshi kuruhande rwa Patriots BBC bizagutuma agace ka mbere bakegukana ku manota 27-16 ya Orion BBC.

Armstead Malcolm yagoye cyane Patriots mu gice cyo kuzamura umupira

Patriots BBC yagiye gukina idafite umukinnyi uzamura umupira (Point Guard) kuko William Perry usanzwe uhakina ari kumwe n’ikipe ya Rivers Hoopers mu mikino ya BAL 2024, byabaye ngombwa ko kuri uwo mwanya ihakoresha Sagamba Sedar ahinduranya na Ishimwe Emmanuel nabyo bitanga umusaruro agace ka Kabiri Patriots BBC igatsinda ku manota 17-16 ya Orion BBC.

Orion BBC yatangiye agace ka gatatu ikina neza ndetse inayobora cyane aka gace by’umwihariko mu minota ya mbere, ibifashijwemo n’abakinnyi barimo Podo Caleb ndetse na Kamanzi Olivier gusa Patriots BBC yaje guturuka inyuma itsinda aka gace amanota 21 kuri 14 ya Orion BBC.

Mu gace ka nyuma (ka Kane), Patriots BBC isanzwe igira abafana benshi mu Rwanda, yatatse cyane Ikipe ya Orion BBC kubera umurindi w’abafana ndetse kubera n’ikinyuranyo yari yashyizemo cy’amanota 20 cyahise gutuma umutoza Henry Mwinuka atangira gushyiramo abakinnyi batari bakinnye barimo Ndayizeye Samuel, Niyonsaba Beinvenue ndetse na Gastinzi Theonetse maze nabo batsinda ikipe ya Orion amanota 21.

Armstead Malcolm wa Orion BBC azamura umupira

Muri aka gace ikipe ya Orion nayo yari yagerageje kongeramo imbaraga nyinshi n’abakinnyi beza ifite barimo Armstead Malcol na Kamanzi Olivier birangira aka gace bagatsinda ku manota 21 banganya na Patriots BBC.

Umukino muri rusange warangiye Patriots BBC yari yagaruye Cadeau De Dieu Furaha ukubutse muri Leta z’unze za Amerika itsinze Orion amanota 86-67, bituma ikomeza kuyobora urutonde rw’agateganyo rwa shampiyona ndetse ikomeza no kugenda ishyiraho agahigo ko kugeza kuri uyu munsi wa Shampiyona nta mukino n’umwe iratsindwa.

Nkanira Bello wa Orion ashaka amanota 2

Ishimwe Emmanuel wa Patriots BBC yagerageje kuziba icyuho cya Perry William

Kapiteni wa Patriots BBC, Ndizeye Ndayisaba Dieudonné ari mu bakinnyi bitwaye neza kuri uyu mukino

Hakizimama Adolphe, umuzamu w’ikipe ya AS Kigali nawe yageze mu mwiherero

Ni umwiherero watangiye ku wa mbere tariki 20 Gicurasi 2024, witabirwa n’abakinnyi biganjemo abakina imbere mu gihugu mu makipe atandukanye bahamagawe n’umutoza, naho abakina hanze y’igihugu bakaba bategerejwe kuva kuri uyu wa kabiri.

Abakinyi bose bakina imbere mu gihugu nyuma yo kugera ku biro bikuru by’ishyirahamwe ry’umupira w’amaguru mu Rwanda (FERWAFA), bahise berekeza mu karere ka Bugesera aho bazakorera uyu mwiherero ugomba kumara ibyumweru bisaga 2 mbere y’uko bakina na Benin na Lesotho muri Kamena 2026.

Ani Elijah ukinira ikipe ya Bugesera FC ukomoka muri Nigeria nawe yitabiriye uyu mwiherero n’ubwo atarabona ibyangombwa bimwemerera gukina nk’umuyarwanda

Biteganyijwe ko ikipe y’Igihugu Amavubi, itangira imyitozo kuri uyu wa mbere, akaba ari imyitozo izajya ibera ku kibugu cya I Ntare giherereye muri aka karere mu murenge wa Nyamata ahazwi nk’i Gahembe.

Mu bitabiriye uyu mwihererero barimo rutahizamu w’ikipe ya Bugesera FC ukomoka muri Nigeria, Ani Elijah utari warahamagawe muri iyi kipe gusa akaba yitabajwe ngo azafashe ikipe y’igihugu n’ubwo atarabona ibyongombwa byuzuye bimwemerera gukinira u Rwanda.

Aba bakinnyi bazafasha u Rwanda gukina imikino ibiri y’umunsi wa gatatu ndetse n’uwa kane mu itsinda rya gatatu ruherereyemo mu gushaka itike y’igikombe cy’Isi kizaba 2026.

Kugeza ubu Amavubi ayoboye itsinda rya gatatu n’amanota Ane, nyuma yo gutsinda umukino w’Afurika y’Epfo ndetse ikanganya na Zimbabwe, akaba akurikiwe na Afurika y’Epfo, Nigeria, Zimbabwe, Benin ndetse na Lesotho.

Niyomugabo Claude Kapiteni w’ikipe ya APR FC yageze mu mwiherero w’ikipe y’igihugu

Ishimwe wa APR FC uri mu bakinnyi bagizwe umwaka w’imikino mwiza yageze mu mwiherero

Mugisha Didier wa mbaye igikapu, rutahizamu wa Police FC asuhuzanya na Niyonzima Olivier SEFU wa Kiyovu Sports

Umuzamu w’ikipe ya Musanze Gad ndetse na Fabien wa Marine uhamagawe bwa mbere muri bageze mu mwiherero

Nsengiyuma Samuel ukina ku ruhande rw’iburyo mu ikipe ya Gorillas yongeye guhamagarwa ku nhsuro ya kabiri mu ikipe y’igihugu nkuru, akaba ari umukinyi muto mu bahamagawe ndetse unatanga icyizere kuri ruhago Nyarwanda

Byiringiro Gilbert wa Marine FC uhamagawe bwa mbere mu ikipe y’igihugu nkuru nawe yageze mu mwiherero

Ni imikino yo mu irushanwa rya IHF trophy rihuza amakipe y’ibihugu byo mu karere ka gatanu riri kubera i Addis Ababa muri Ethiopia.

Iyi mikino iri kubera mu nzu y’imikino ya Ethiopian sports Academy, yatangiye ku i Saa mbili za mu gitondo aho ikipe y’igihugu y’u Rwanda mu batarengeje imyaka 20 iherereye mu itsinda rya mbere yari yakiriye ikipe y’igihugu ya Djibouti, maze umukino worohera iyi kipe y’u Rwanda iwutsinda irusha cyane ikipe ya Djibouti ibitego 45-13 bituma ikomeza kuyobora iri tsinda kuko nta mukino iratakaza.

Ikipe y’igihugu y’abatarengeje imyaka 18 yatangiye itsinda

5

Nyuma ya’umukino, ku i Saa ine z’amanywa ikipe y’igihugu y’u Rwanda mu batarengeje imyaka 18 nabo bahise binjira mu kibuga n’ikipe y’igihugu ya Tanzaniya, maze ingimbi z’u Rwanda zitwara neza zitsinda uyu mukino ku bitego 43-17 nabo bakomeza kuyobora itsinda rya mbere baherereyemo.

Mu batarangeje imyaka 20, u Rwanda rwanyagiye Djibouti

Kuri ubu ikipe y’igihugu y’u Rwanda mu batarengeje imyaka 20, bayoboye itsinda barimo nyuma yo gutsinda imikino ibiri yose harimo uwa Kenya batsinze bateye mpaga ndtse n’uyu wa Djibouti.

Naho mu itsinda rya kabiri mu batarengeje imyaka 18, u Rwanda ruyoboye itsinda nyuma yo gutsinda umukino wa mbere ikipe y’igihugu ya Tanzaniya.

Biteganyijwe ko mu baterengeje imyaka 18, u Rwanda rwongera kwinjira mu kibuga kuri uyu wa Gatatu tariki 15 Gicurasi 2024 bakina n’ikipe y’igihugu ya Ethiopia iri gukinira mu rugo kuri 4 Killo Hall saa ine z’amanywa.

Mu batarengeje imyaka 20 bazakirwa n’ikipe y’igihugu cy’u Burundi saa mbili za mu gitondo kuri uyu wa Gatatu, akaba ari imikino yose iri kubera muri Ethiopia by’umwihariko ku kibuga cya Ethiopia Sports academy na 4 Killo Hall

Ikipe y’u Rwanda iteye mpaga iya Kenya itabashije kuboneka

Mu rukerera rwo ku cyumweru, tariki 12 Gicurasi 2024, nibwo aya makipe y’igihugu ya Handball mu batarengeje imyaka 18 na 20 yerekeje muri Ethiopia mu irushanwa #IHFTrophy, ryatangiye kuri uyu wa mbere, tariki 13 rikazasozwa tariki 17 Gicurasi 2024.

Ni amakipe yombi yahagurutse afite intego zikomeye cyane zirimo kwitwara neza ndetse bakegukana ibikombe nk’uko Umutoza w’ikipe y’abatarengeje imyaka 18, Mudaharishema Sylvester yabitangarije Kigali Today.

Yagize ati: "Twiteguye neza iyi mikino nshingiye ku myiteguro twagize tubifashijwemo na Ferwahand ndetse na Minisiteri ya Siporo. Muri rusange navugako intego yacu ari ukuzana ibikombe, tugahesha ishema igihugu cyacu".

Kuruhande rw’abatarengeje imyaka 20, Kapiteni w’ikipe y’igihugu, Kwisanga Peter avugako abakinnyi bose bafite intego yo gutwara Igikombe kuko abenshi muri bo bazi uko iki gikombe gisa kuko bacyegukanye umwaka ushize.

Abakinnyi ndetse n’abatoza bose bahagarariye u Rwanda mu mikino ya Zone V

Ati: "Abakinnyi turi kumwe uyu munsi, abenshi turaziranye binyuze mu makipe dukinira, abandi bazi uko iko gikombe giterurwa bityo tukaba dufite intego yo kongera kugiterura".

Mu batarengeje imyaka 18 (U18), ikipe y’igihugu yatwaye abakinnyi 14 ndetse n’abatoza 2 bahagarariwe na Mudaharishema Sylvester ndetse na Nzayisenga Aimable.

Mu batarengeje imyaka 20 ( U20), naho hiyambajwe abakinnyi 14 bwiganjemo abakinnyi mu cyiciro cya mbere ndetse n’icya kabiri baka Kandi bahagarariwe n’umutoza Ngarambe Francois Xavier ndetse n’umwungiriza we Ndabikunze Alexis.

Mu batarengeje imyaka 18, Harimo ibihugu 6 birimo u Burundi, Djibouti, Ethiopia, Kenya, Rwanda na Tanzania. Naho U Rwanda rukaba mu itsinda B, ririmo Ethiopia ndetse na Tanzania.

aya makipe yakinnye imikino ya gishuti arimo iyo bakinnye na Police HC ya mbere muri shampiyona y’u Rwanda

Mu batarengeje imyaka 20, Irushanwa rizitabirwa n’ibihugu umunani (8) birimo u Burundi, Djibouti, Ethiopia, Kenya, Rwanda, Somalia Tanzania na Uganda. Ni mugihe u Rwanda ruri mu itsinda A, ririmo Djibouti, Kenya ndetse n’u Burundi.

Imikino irakomeza kuri uyu wa Kabiri ku buryo bukurikira ku makipe y’u Rwanda. Abatarengeje imyaka 20 ku isaa 09h00 (08h00 ku masaha ya Kigali), u Rwanda ruzakina na Djibouti.

Ni mugihe abatarengeje imyaka 18, izajya mu kibuga saa 11h00 (10h00 ku isaha ya Kigali), ikipe y’igihugu y’u Rwanda izakina na Tanzania.

Urutonde rw’abakinnyi batarengeje imyaka 20

Urutonde ry’abakinnyi batarengeje imyaka 18

Ni ubwa mbere ikipe yo mu Rwanda idakinnye imikino ya kamarampaka i Kigali

Ni umukino wabaye ku cyumweru tariki 12 Gicurasi 2024, witabirwa n’abanyacyubahiro batandukanye barimo Nyakubahwa Perezida wa Repubulika y’u Rwanda Paul Kagame uri muruzinduko rwe muri iki gihugu ndetse na mugenzi we wa Senegal Bassirou Diomaye Faye.

Uyu mukino wihariwe cyane n’ikipe ya AS Douanes cyane ko mu gace ka mbere yakayoboye ifite amanota 23-18 ya APR BBC. Ibi byatumye n’agace ka Kabiri iyi kipe ikitwaramo neza kuko APR BBC yari ifite imbaraga nkeya bijyanye n’uko yabuze abakinnyi bayo bayifashaga barimo Adonis Filer ndetse na Noel Obadiah.

Mu gace ka gatatu, ikipe ya APR BBC yagarukanye imbaraga amakipe akomeza kugendana gusa kuruhande rwa AS Douanes yakiniraga imbere y’abafana bayo yaturutse inyuma itsinda aka gace ku manota 19-18, ibifashijwemo na Fofana ndetse ndetse na Harouna.

Perezida Kagame na mugenzi we wa Senegal Bassirou Diomaye Faye bakurikiye uyu mukino

Agace ka nyuma, AS Douanes yo muri Senegal yari yizeye Intsinzi yagarutse iri hejuru ikomeza kwatsa umuriro kuri APR BBC birangira aka gace ikegukanye ku manota 16-8.

Uyu mukino warangiye AS Douanes iwegukanye ku giteranyo cy’amanota 79-54 ya APR BBC, harimo ikinyuranyo cy’amanota 25 uba umukino wa mbere muri Sahara Conference ugararagayemo ikinyuranyo cy’amanota menshi.

Uwitwa Mike Fofana wa AS Douanes niwe wabaye umukinnyi w’umukino kuko yatsinze amanota 27 wenyine. Ibi byatumye Sahara Conference irangira iyobowe na Rivers Hoopers yatsinze imikino itanu, ikurikirwa na AS Douanes naho iya gatatu iba US Monastir, APR iba iya nyuma byatumye itagaragara mu makipe azakina 1/4 cya #BAL4 izabera i Kigali.

Perezida Kagame na Bassirou Diomaye bitabiriye umukino wa APR BBC na AS Douanes

Amakipe 8 agomba kwisanga i Kigali muri 1/4 arimo FUS Rabat (Maroc), Petro de Luanda (Angola), Cape Town Tigers (Afurika y’Epfo), Al Ahly (Misiri), Al Ahly Benghazi (Libya), Rivers Hoopers (Nigeria), AS Douanes (Sénégal) na US Monastir (Tunisia).

kubera ibusubizo bike, Chris Ruta yisanze mu kibuga

AS Dounnes izakina imikino ya Kamarampaka izabera i Kigali muri Gicurasi

Ntore Habimana wa APR BBC utaragize irushanwa ryiza

Axel Mpoyo niwe mukinnyi wa APR BBC wagize guhozaho muri Sahara conference

Axel Mpoyo ari mubakinnyi basigaranye inshingano muri uyu mukino ndetse bagize n’uruhare mu kubano amanota ku ikipe ya APR BBC

Ni umukino wabaye ku wa Gatandatu tariki 11 Gicurasi 2024, ukaba wari ufite icyo uvuze cyane ku makipe yombi, by’umwihariko ku ikipe ya Rivers Hoopers yari ikeneye gutsinda uyu mukino igahita ikatisha itike ndetse no kuruhande rwa APR BBC yari ikeneye gutsinda uyu mukino ikuzuza imikino itatu y’itsinzi bityo ikizera kuza mu makipe azakina 1/4 cya Basketball Africa League (#BAL4).

Uyu mukino watangiye ikipe ya APR BBC iri hejuru mu gace ka mbere by’umwihariko mu minota itanu ya mbere, nyuma iyi kipe y’Ingabo z’Igihugu cy’u Rwanda itangira gucika intege kuko yari imaze kubura Noel Obadiah uyifasha nyuma y’imvune yagize muri ako gace gusa bagasoza bagastinze ku manota 19-16.

Mu gace ka kabiri, ingaruka zo kutagira Noel Obadiah zakoze kuri APR BBC kuko yatakazaga imipira myinshi (Turn overs) bigatuma Rivers iyibonamo amanota menshi, bityo Rivers Hoopers itsinda aka gace ku manota 15-11 ya APR BBC.

Wari umukino w’ishiraniro

Mu gace ka gatatu, APR BBC yagarutse ifite imbaraga nyinshi itsinda amanota menshi ibifashijwemo na Nshobozwabyosenumukiza ndetse na Dario Hunt ndetse iba ikipe nziza mu kugarira isoza itsinze itsinze aka gace ku manota 20-10 ya Rivers Hoopers biyiha amahirwe yo kujya mu gace kanyuma iyoboye.

Mu gace kanyuma iyi kipe ihagarariye u Rwanda yatakaje amanota menshi itsindwa yandagajwe n’ikipe ya Rivers amanota 17-8 ya APR BBC. Maze amakipe yombi asoza umukino anganya amanota 58-58 bituma hongerwa iminota itanu yo Guca Impaka ku mpande zombi.

Mu minota itanu ya mbere ikipe ya Rivers Hoopers yatangiye neza itsinda amanota, abarimo Perry ndetse Devine batsinda amanota gusa Nshobozwabyosenumukiza wa APR agabanya ikinyuranyo birangira aya makipe anganyije 65-65 muri iyi minota itanu yari yongejwe.

Nshobozwabyosenumukiza yakomeje gufasha cyane ikipe ya APR BBC

Ibi byahise bituma hitabazwa Indi minota itanu kugirango haboneke ikipe itsinda umukino, maze ikipe ya Rivers Hoopers yari mu mukino neza itsinda aka gace biyoroheye cyane ku manota 13 naho APR BBC itsindamo amanota 6.

Umukino wose warangiye ikipe ya Rivers Hoopers itsinze APR BBC ku giteranyo cy’amanota 78-71 ya APR BBC, maze Devine Eke wa Rivers Hoopers aba umukinnyi w’umukino kuko yatsinze amanota 18 ndetse afata imipira ya kabiri 18 (Rebounds).

Umukino w’undi wahuzaha ikipe ya As Douanes BBC na US Monastir, warangiye ikipe ya US Monastir itsinze AS Douanes amanota 75-69. Bivuzengo muri Sahara Conference ikipe ya Rivers Hoopers yamaze kubona itike yerekeza mu mikino ya kamarampaka izabera i Kigali, ikipe ya APR BBC ni iya kabiri, US Monastir ni iya gatatu naho ikipe ya AS Douanes iba iya Kane.

Iyi kipe y’Ingabo z’Igihugu (APR BBC) yinjiye mu mibare igoye cyane nyuma yo gutakaza uyu mukino, doreko kugirango ikomeza isabwa byibuze gutsinda umukino wa nyuma baza kwakirwamo na AS Douanes kuri iki cyumweru, gusa na none ikipe ya Rivers Hoopers bigasaba ko itsinda ikipe ya US Monastir.

Mu gihe iyo mibare idashobotse biratuma APR BBC yisanga mu mibare y’amakipe yatsinzwe neza (Best Losers), bishobora kuyifasha gusa mu gihe yaba yerekeje mu mikino ya kamarampaka, yaba ifite amahirwe menshi yo kuzahura n’ikipe yabaye iyambere mu itsinda runaka (Nile Conference cyangwa se Kalahari Conference).

Ni umukino wari urimo ihangana rikomeye

Adonis Filer yagize imvune , yatumye adasoza umukino gusa kuri iki cyumweru arakina

Clare Kamanzi, umuyobozi Wa NBA Africa yakurikiranye uyu mukino

US Monastir yatsinze umukino wa mbere muri iyi mikino irimo kubera muri Senegal

Uyu mukino wari ukomeye cyane kuko wari ufite byinshi uvuze kuri aya makipe yombi bitewe n’uko yari ahagaze ku rutonde rw’agateganyo muri aka gace ka Sahara, aho ikipe ya APR BBC yasabwaga gutsinda uyu mukino byibuze ikagira icyizere cyinshi cyo kubona itike yo gukina imikino ya kamarampaka (Playoffs) izabera muri BK Arena, naho ikipe US Monastir iyo itsindwa yari guhita isezererwa mu irushanwa.

Ibi byatumye abatoza ku mpande zombi bitabaza abakinnyi babo beza mu rwego rwo guhatana cyane, dore ko aya makipe yombi yari yuzuye nta kibazo afite.

Umutoza wa APR BBC, Mazen Trakh yabanjemo Obadiah Noel, Adonis Filer, Dario Hunt, William Robens ndetse na Axel Mpoyo ikipe isanzwe imenyeranye, naho ku ruhande rw’umutoza wa US Monastir Munir Mohamed, yabanjemo Marcus Christopher Crawford, Lassad Chouwaya, Ater James Majok, George Attitebi ndetse na Firas Lahyani.

Mu gace ka mbere, APR BBC yahabwaga amahirwe kuri uyu mukino, yagatangiye neza kubera ko bagatsinzemo amanota 22-19 ya US Monastir gusa amakipe yagendanaga mu manota kuva katangira.

Mu gace ka kabiri, US Monastir yigaranzuye ikipe ya APR BBC ibifashijwemo na Christopher Crawford watsinzemo amanota menshi afatanyije na Ater Majok wafashaga kugarira ndetse na Lahyani, karangira ikipe ya US Monastir igatsinze n’amanota 17-15.

APR izagaruka mu kibuga ku wa Gatandatu ikina na Rivers Hoopers

Igice cya mbere cyarangiye ikipe ya APR iyoboye umukino harimo ikinyuranyo cy’inota rimwe, ku giteranyo cy’amanota 37-36 ya US Monastir.

Mu gace ka gatatu, ikipe ya APR BBC yagarukanye imbaraga nyinshi itsinda ako gace ibifashijwemo na Obadiah Noel, Dario Hunt, na Adonis Filer bari hejuru mu gutsinda amanota menshi, gusa Crawford na Lahyani ba Monastir bakagabanya ikinyuranyo cy’amanota, ariko APR igasozanya amanota 17 kuri 14 ya Monastir.

Agace ka nyuma (ka kane), kahiriye ikipe ya US Monastir kubera ko abakinnyi ba APR BBC bari bakonje cyane mu kibuga haba mu buryo bwo gushaka amanota ndetse no kuzibira abakinnyi ba Monastir kuko abenshi mu bakinnyi ba APR bari bafite amakosa ane bisaba ko bakina badakora amakosa kugira ngo basoze umukino.

Bidatinze, ku munota wa gatanu muri aka gace , Dario Hunt wari ufite amakosa ane yakoze ikosa rya gatanu ubwo yakoraga kuri Lahyani wa Monastir bituma yuzuza amakosa arasohorwa. Habura kandi iminota 3 uwitwa Noel Obadiah uri gufasha APR BBC muri iyi minsi na we yakoreye ikosa Oussama bityo na we yuzuza amakosa atanu arasohorwa maze APR BBC ihita isubira inyuma mu buryo bwo gushaka amanota ndetse no kugarira.

Adonis Filer wa APR agerageza amanota abiri

Aka gace kahiriye US Monastir kuko karangiye ikegukanye ku giteranyo cy’amanota 33 - 16 ya APR BBC ndetse kaba agace ka mbere muri iyi Sahara Conference kabonetsemo amanota menshi arenga 30. Uwitwa Crawford Christopher wa US Monastir yabaye umukinnyi mwiza w’umukino kuko yatsinze amanota 31 wenyine.

Uyu mukino warangiye ikipe ya APR BBC itsinzwe amanota 70-83 ya US Monastir BBC, bituma imibare ikomerera ikipe ya APR kubera ko imaze gutsinda imikino ibiri naho US Monastir yari itsinze umukino wa mbere kandi amakipe yombi akaba amaze gukina imikino ine, akaba kandi yombi asigaranye imikino ibiri.

APR iragararuka mu kibuga kuri uyu wa Gatandatu tariki 11 Gicurasi 2024 icakirana na Rivers Hoopers imaze gutsinda imikino itatu muri ine yakinnye.

Dario Hunt wa APR BBC yagoye US Monastir

Rivers Hoopers yo muri Nigeria yaraye itsinzwe umukino wa mbere na AS Douanes iri imbere y’abafana bayo muri Senegal. Umukino warangiye Rivers Hoopers itsinze amanota 54 kuri 56 ya AS Douanes.

Mu bagabo ikipe ya REG BBC na UGB BBC bakinaga umunsi wa kabiri mu mikino yo kwishyura muri shampiyona y’icyiciro cya mbere mu mukino wabereye kuri Lycèe de Kigali, witabirwa n’ibyamamare bitandukanye birimo umuhanzi Bruce Melody, umufasha mu by’umuziki Coach Gael ndetse n’icyamamare muri Ruhago y’u Rwanda Jimmy Gatete.

Ikipe ya Sosiyete y’u Rwanda Ishinzwe Ingufu (REG BBC) yatangiye iri hejuru cyane muri uyu mukino by’umwihariko mu gace ka mbere gusa aka gace kagiye kurangira UGB BBC yongereye imbaraga nyinshi mu gutsinda amanota maze baturuka inyuma batsinda ikipe REG amanota 23-21.

Kambuyi wa REG BBC ndetse na Melosevic wa UGB bahanganye karahava

Mu gace ka kabiri amakipe yagendanaga mu manota , ku ruhande rwa REG BBC abarimo Muhizi Prince ndetse na Antino Alvalez batsindaga amanota menshi gusa Ku ruhande rwa UGB uwitwa Shaffy Habineza, kapiteni Espoir Aganze na Melosevic batsinda gusa REG yegukana aka gace ku manota 22-21.

Abandi bakinnyi bagize ihangana cyane barimo Espoir Aganze wa UGB ndetse na Antino Jackson Alvarez wa REG BB

Mu gace ka gatatu, UGB BBC yitwaye neza ibasha kukegukana ku kinyuranyo cy’amanota atatu kuko yasoje ifite amanota 24-19 ya REG BBC.

Mu gace ka nyuma karanzwe n’amahane menshi ku bakinnyi ba REG BBC ndetse na UGB kubera kudahuza ku misifurire, byatangiye ubwo uwitwa Patrick Ronald wa UGB BBC yahabwaga technical foul kubera ko yakoresheje amagambo mabi atuka umusifuzi maze arahanwa asohoka mu kibuga.

Patrick wa UGB BBC ufite umupira yahanwe kubera amagambo mabi yabwiye umusifuzi

Melosevic wa UGB ahanganye na Nkusi wa REG BBC.jpg

Ibi byateje intambara ikomeye cyane abakinnyi ba UGB ndetse n’umutoza Yves Murenzi barahanwa baterwa amanota ( technical fouls) ikipe ikomeza gucika imbaraga, birangira REG BBC iturutse inyuma itsinda aka gace ku manota 26-17 ya UGB BBC.

Umukino warangiye ikipe ya REG BBC itsinzwe ku giteranyo cy’ibitego 87 kuri 86 ya UGB BBC, naho Muhizi Prince wa REG BBC aba umukinnyi mwiza w’umukino doreko yatsinze amanota 21.

Mu bagore ikipe ya REG BBC yatsinze East Africa University of Rwanda amanota 103-52, mu mukino wabereye muri Lycèe de Kigali maze uwitwa Micomyiza Rosine atsinda amanota 30 .

Kepler W BBC yatsinze EAUR biyoroheye

Ku kibuga cya Kepler giherereye i Kinyinya ikipe ya APR BBC yatsinze Kepler BBC yari mu rugo amanota 47-36, uwitwa Assouma Uwizeye aba umukinnyi mwiza w’umukino kuko yatsinze amanota 16. Ikipe ya The Hoops nayo yihereranye ikipe ya Kaminuza y’ u Rwanda ishami rya Kigali UR-Kigali) maze iyitsinda amanota 93-35, Dusabe Jane wa the Hoops atsinda amanota 26.

Ni umukino wari ukomeye cyane kubera ko amakipe yombi yanganyaga amanota kuko aya makipe yose yatsinzwe na Rivers Hoopers ndetse yose atsinda US Monastir, ikindi kandi AS Douanes iri gukinira mu rugo yari ifite abafana benshi muri sitade.

Mu gace ka mbere, ikipe y’ingabo z’Igihugu cy’u Rwanda (APR BBC) yatangiye nabi kuko ikipe ya AS Douanes yaje iri hejuru aka gace igatsindamo amanota 17-11 ya APR BBC.

Mu gace ka kabiri, AS Douanes yari ifite umurindi w’abafana yagarutse yasubiye inyuma, kuko APR aka gace yakitwayemo neza ibifashijwemo na Noel Obadiah uri kuyifasha cyane ndetse na Adonis Filer, bagatsindamo amanota 16-9 ya AS Douanes.

Igice cya mbere cyarangiye amakipe yegeranye cyane ku giteranyo cy’amanota 27 ya APR BBC ku manota 26 ya AS Douanes.

Adonis Filer (ufite umupira) yatsinze amanota 10 muri uyu mukino

Mu gice cya kabiri by’umwihariko mu gace ka gatatu, APR ibifashijwemo na Axel Mpoyo, Obadiah ndetse na Kapiteni Robens batsinze amanota menshi, gusa ku ruhande rwa AS Douanes, uwitwa Mike Fofana ndetse na Jean Jacques Boissy bakagerageza kuyakuramo gusa ikipe ya APR ihagarariye u Rwanda ishyiramo ikinyuranyo cy’amanota atatu.

Mu gace ka kane (ka nyuma), amakipe yombi yatangiye yegeranye agendana mu manota, Noel Obadiah ndetse na Dario Hunt ba APR bari hejuru mu gutsinda amanota naho ku ruhande rwa AS Douanes, uwitwa Boissy wagoye APR yatsindaga amanota menshi.

Hasigaye amasegonda 32, APR yari ifite amanota 62, AS Douanes ifite amanota 59 kandi AS Douanes ifite umupira (Possession) ibyateraga igihunga abakunzi ndetse n’abakinnyi ba APR BBC, gusa abasore ba AS Douanes bakorerye amakosa Obadiah Noel bituma AS Douanes bayitera amanota gusa Williams Kapiteni atsinda inota rimwe ndetse kandi APR yongera kubifashwamo na Ntore watsinze amanota abiri nyuma yo kumukorera amakosa, birangira APR BBC itsinze aka gace ku manota 20-19.

Umukino wose warangiye APR BBC itsinze AS Douanes amanota 66-61. Aya makipe azagaruka mu kibuga ku wa Kane tariki 9 Gicurasi 2024 akina imikino yo kwishyura.

Amakipe azagaruka acakirana nk’uko yatangiye aho US Monastir izahura na APR BBC ndetse na Rivers Hoopers ikine na AS Douanes.

Kuri ubu mu mikino ibanza muri Sahara Conference, ikipe ya Rivers Hoopers ni yo ya mbere kuko nta mukino iratsindwa, APR ni iya kabiri kuko yatsinze imikino 2, AS Douanes ni iya gatatu kuko yatsinze umukino umwe, naho US Monastir iba iya nyuma kuko nta mukino iratsinda.

Motari FC nta mukino n’umwe iratsindwa muri uyu mwaka w’imikino

Motar Football Club ni ikipe ikina mu cyiciro cya gatatu mu Rwanda ndetse iyoboye itsinda ry’amakipe ahagarariye Umujyi wa Kigali, ikaba nta mukino n’umwe iratsindwa bityo bikaba biri kuyiha amahirwe yo gukina imikino ya nyuma ya kamarampaka (Playoffs) ishobora gutuma izamuka mu cyiciro cya kabiri.

Mu kiganiro cyihariye yagiranye na Kigali Today (KT), Perezida w’ikipe ya Motar FC Habiryayo Aloys Patrick, yagarutse ku buryo iyi kipe yashinzwe, icyari kigamijwe ndetse akomoza no ku ntego iyi kipe ifite muri Ruhago nyarwanda.

KT: Motar FC yashinzwe ryari, ishingwa na ba nde?

Patrick: Motar FC yashinzwe umwaka ushize wa 2023 kuko uyu ni umwaka wa mbere turimo gukina. Ni ikipe kandi yashinzwe na bamwe mu bakora umwuga wo gutwara abantu n’ibintu kuri moto (abamotari).

KT: Igitekerezo cyo gushinga Motar FC cyaje gute?

Patrick: Nyuma yo kwisuzuma tugasanga hari igihe tuba dukeneye kuruhuka mu gihe tuvuye mu kazi ndetse n’aho twashyira amarangamutima yacu nyuma y’akazi, twahisemo gushinga ikipe mu rwego rwo kuruhuka kuko abamotari bose bashaka gukina bisanga mu kibuga.

Motar FC yambara imyenda yanditseho ’Gerayo Amahoro’ mu rwego rwo gufasha Polisi mu bukangurambaga bw’umutekano wo mu muhanda

Ikindi kandi, abamotari baricaye bareba muri gahunda z’icyerekezo cy’Igihugu basanga bagomba gutanga umusaruro wabo binyuze mu kuzamura impano z’abakiri bato mu mupira w’amaguru cyane ko harimo ibyiciro byinshi birimo n’iby’abana bato badakora uyu mwuga.

KT: Iyi kipe ya Motar FC ni iy’abo bamotari bayishinze gusa?

Patrick: Abashinze iyi kipe ni bamwe mu bamotari, gusa buri mumotari wese yisanga muri iyi ikipe nk’uko dusanzwe dukorera hamwe.

KT: Ese ikipe ya Motar FC ikinisha abamotari gusa?

Patrick: Mu by’ukuri ikipe Motar FC ntabwo ikoresha abakinnyi batwara moto gusa, kuko intego yacu ari ukuzamura abana bakiri bato ndetse no guteza imbere siporo mu Rwanda. Tugerageza gushyiramo abandi bakinnyi, gusa umubare munini dufite ubanza mu kibuga abenshi ni abamotari kandi tubona bazatugeza mu cyiciro cya mbere.

KT: Motar FC ifite gahunda yo kwaguka igashinga andi makipe mu yindi mikino?

Patrick: Ni byo turimo turashaka uko twakwaguka tugashinga indi mikino kuko hari itsinda ry’abamotari barimo kugenda bashaka izo mpano muri bagenzi babo ndetse no mu Banyarwanda muri rusange, yaba abazi gukina Volleyball, Basketball, Handball, imikino njyarugamba ndetse n’iyindi.

Uwimana Abdul uzwi nka Gakara wakiniye Rayon Sports ni we utoza Motar FC

Kugeza ubu dufite ikipe ya Karate y’abamotari yitwa ‘WUSHU’ ikorera kuri Club Rafiki, hari ikipe kandi y’abagore tugiye gushinga. Ikindi ni uko turi gushaka kwaguka ku buryo tuzaba dufite ikipe izajya ikina imikino yo gusiganwa kuri Moto”.

KT: Ni iki Motar FC yishimira kuva yashingwa?

Patrick: Ikintu cya mbere twishimira nka Motar FC, ni uko ku mwaka wacu wa mbere tutaratsindwa kuva twatangira, ikindi twishimira ni uko iyo turimo turakina tubona abafana benshi biganjemo abaturage ndetse n’abamotari baparitse barimo barareba ikipe yabo. Iyo twagiye gukina mu Ntara baraduherekeza ndetse kandi biduha icyizere ko tuzagera ku nzozi zacu zo gukina mu cyiciro cya mbere nubwo hari ibyo tugiswabwa.

Kuri ubu ikipe ya Motar FC ifite abakinnyi benshi bibumbiye mu byiciro bitatu ari byo; icyiciro cy’abana bato, icyiciro cy’abakanyujijeho ndetse n’icyiciro cy’abakinnyi bakina mu cyiciro cya gatatu cya shampiyona y’ u Rwanda.

Iyi kipe Motar FC yasoje imikino ibanza idatsinzwe, ikaba itozwa na Uwimana Abdul uzwi nka ‘Gakara’ wanyuze mu makipe atandukanye nka Rayon Sports ndetse n’andi, akaba yungirijwe na Semanza Jean Baptitse wakinnye hanze y’u Rwanda.

Abatoza b’ikipe ya Motar FC

Motar FC igira abafana basanzwe badatwara za moto

Abamotari badakina batanga umusanzu wo gufana

Iyi kipe iyo yakiniye mu Ntara iherekezwa n’abamotari

Iyi kipe yambara Visit Rwanda mu rwego rwo gushyigikira ubukerarugendo

Motar FC imaze kugira amatsinda y’abafana( Fan Clubs) zirenga eshanu

Iyo iyi kipe yakinnye ikibuga kiba cyuzuye abafana

APR BBC ni yo ihagarariye u Rwanda mu mikino ya BAL 2024

Ni umukino wa mbere wari ubaye muri muri aka gace ka Sahara, aho ikipe ya US Monastir ikomoka mu gihugu cya Tunisia ndetse yegukanye igikombe muri 2022, yakinaga n’ikipe y’Ingabo z’Igihugu cy’u Rwanda (APR BBC).

US Monastir yabanje mu kibuga abakinnyi batanu beza barimo Marcus Christopher Crawford, Sadio Doucoure, Ater James Majok, Ossama Marnouri ndetse na Williams George. Naho ku ruhande rwa APR BBC, umutoza Mazen yabanjemo Noel Obadiah, Adonis Filer, Axel Mpoyo, Dario Hunt ndetse na Kapiteni William Robens.

Mu gace ka mbere, amakipe yombi yatangiye yigana agenda gake mu buryo bw’imikinire, gusa APR ihagarariye u Rwanda igenda iri mbere ya US Monastir amanota abiri cyangwa atatu ndetse US Monastir rimwe na rimwe ikagaruka igafata APR bakagendana mu manota.

Ni agace karanzwe no kugenda gake ku bakinnyi basa nk’aho bataramenyera. Uwitwa Crawford wa Monastir yari imbere mu manota ndetse anagerageza uburyo bwinshi ndetse kandi na Hunt wa APR yari mwiza mu gushaka amanota ndetse no kugarira nubwo Ater Majok wa Monastir yamugoye kuko Majok yari mwiza, gusa amakipe asoza agace ka mbere anganya 20-20.

Mu gace ka kabiri, abakinnyi baje bafite ishyaka, batangira kwinjiza amanota yinganjemo atatu, abarimo Adonis Filer na Axel Mpoyo ba APR bahanganye na Crawford, Ossama ndetse na Majok ba Monastir mu gutsinda amanota menshi yinganjemo atatu, birangira Monastir iyoboye aka gace n’amanota 20-19.

Muri aka gace, umutoza wa APR yatangiye kugenda aruhutsa abakinnyi bari batangiye kugira amakosa menshi barimo Dario Hunt, aruhutsa Obadiah atangira kwinjiza abarimo Ntore Habimana, Nasser ndetse na Nshobozwabyosenumukiza, gusa birangira amakipe agiye kuruhuka US Monastir iyoboye n’amanota 40-39.

Mu gice cya kabiri by’umwihariko mu gace ka gatatu, ni ho abenshi bari bategereje kurebera umukino kuko abatoza bari bamaze kwigana ndetse n’abakinnyi bamwe na bamwe bamaze kwisanga mu irushanwa cyane ko harimo abenshi bari bakinnye BAL ku nshuro ya mbere.

Mu gace ka gatatu, ikipe ya US Monastir yakomeje kugenda iyobora cyane, gusa APR icungira hafi kuko aya makipe yarushanwaga inota rimwe cyangwa abiri bitewe n’iri mbere, gusa US Monastir ni yo yamaze iminota myinshi iyoboye kubera Crawford na Williams George bari imbere cyane, gusa Dario Hunt na Mpoyo bakagerageza gukuramo ikinyuranyo cy’amanota, birangira aka gace kegukanywe na US Monastir n’amanota 15 kuri 13 ya APR BBC.

Mu gace ka nyuma (ka kane) ikipe ya APR yagarutse iri hejuru cyane, bakuramo abakinnyi batagaragazaga umwete cyane barimo Kapiteni Williams, Hunt wasimburanaga na Nasser ndetse binjizamo Nshobozwabyosenumukiza wari mwiza mu kugarira cyane, maze afatanya imbaraga ze na Adonis, na Noel Obadiah bakuramo ikinyuranyo cy’amanota iyi kipe yo muri Tunisia yari yashyizemo, hasigaramo make.

Habura amasegonda atandatu ngo umukino urangire, ikipe ya US Monastir yiringiye intsinzi kuko yarushaga amanota atatu APR BBC, Noel Obadiah afata umupira yihuta mu rwego rwo gushaka amanota atatu maze acenga Crawford wari wagize umukino mwiza amutsindana amanota atatu bahita banganya amanota 78-78 bisaba ko abasifuzi bongeraho iminota itanu y’inyongera maze APR ibifashijwemo na Obadiah batsindamo amanota 11-6 ya US Monastir birangira APR yegukanye itsinzi ku manota 89-84.

Obadiah Noel na Adonis Filer ba APR ni bo bakinnyi bitwaye neza muri uyu mukino kuko bombi batsinze amanota 24, bakurikirwa na Crawford Christopher wa Monastir watsinze amanota 21.

APR BBC ni ubwa mbere yitabiriye iyi mikino ya BAL irimo kuba ku nshuro ya kane, naho Monastir yo ni ubwa kane ndetse ikaba ifite iki gikombe yegukanye mu mwaka wa 2022.

Muri aka gace kandi, ikipe ihagarariye u Rwanda APR BBC iri kumwe na AS Douanes ndetse na Rivers Hoopers.

US Monastir ihagarariye Tunisia ntiyahiriwe n’umukino wa mbere

Ni ibaruwa uwitwa Olivier Kamanzi yabonye mu mpera za Mata 2024, igaragaza uburyo iyi kipe yamubonyemo ubushobozi bw’uko ashobora kuba yayifasha mu marushanwa atandukanye iyi kipe yitabira.

Kamanzi Olivier aganira na Kigali Today, yahamije ko aya makuru ari yo ikipe ya AL Nassr yo muri Saudi Arabia , ibinyujije ku muntu uyishakira abakinnyi (agent) yamwandikiye ibaruwa imusaba ko yayibera umukinnyi.

Yagize ati "Mu mininsi ishize nabonye ibaruwa nandikiwe n’umuntu ushinzwe gushakira abakinnyi (Agent) ikipe ya Al Nassr ndetse iriho kopi ya AL Nassr BBC, yerekana ko hari ubushobozi bambonyemo akaba ari yo mpamvu bansabye ko ngomba kwerekezayo muri Gicurasi nkakomezanya nayo Shampiyona".

Kamanzi Olivier asanzwe akinira Orion BBC

Olivier yakomeje avuga ko icyo iyi kipe yamusabye ari ugushaka ibyangombwa maze ibindi byose iyi kipe ikazabimuha birimo amatike ndetse n’imibereho.

Ati "Ndi gushaka ibyangombwa kuko ikipe yambwiye ko ngomba kubishaka bitarenze itariki 7 Gicurasi 2024, ibindi birimo amatike, imibereho nabo bakabimenyera".

Kamanzi Olivier asanzwe akinira ikipe ya Orion Basketball Club, ikina mu kiciro cya mbere mu Rwanda ndetse akaba yarakiniye ikipe y’igihugu y’abato Kandi akaba yarabonye n’amahirwe yo kuza mu ijonjora ry’ibanze ry’abakinnyi b’ikipe y’igihugu y’u Rwanda.

Kamanzi Olivier asanzwe akina nka Power Forward ndetse na Small Forward

Biteganyijwe ko Kamanzi Olivier agomba gufata indege yerekeza i Riyaad, tariki 7 Gicurasi 2024. Olivier Kandi yanyuze mu makipe atandukanye mu Rwanda ariko IPRC Huye na Kigali Titans.

Iyi kipe ya Al Nassr BBC ibarizwa mu mujyi w’i Riyaad izwi cyane kubera ko ikipe Al Nassr ya Ruhago ari yo Cristiano Ronaldo akinira, ikindi Kandi isanzwe itwara ibikombe bya Shampiyona, ibikombe by’umugabane wa Asia (West Asia Super League) ndetse n’ibindi.

Ni umukino wabereye ku kibuga cya Kimisagara , aho amakipe yombi yagiye guhura afite icyo aharanira kuko yanganyaga amanota bisaba ko imwe itsinda umukino ikayobora urutonde rw’agateganyo rwa shampiyona mbere yo gusoza imikino ibanza.

Aya makipe kandi ni uko asanzwe ari amakeba mu Rwanda kandi akaba yariyubatse muri uyu mwaka, ashingiye ku myiteguro itandukanye ya buri Ikipe.

Ni umukino utari woroshye

Ikipe y’ingabo z’Igihugu (APR HC) yitegura gukina imikino nyafurika yongereyemo abakinnyi barimo Muhumure Elyse, Arsene Uwayezu, Karenzi Yannick bavuye muri Gicumbi HC, Tuyishime Zacharie wahoze muri Police HC ndetse n’abandi.

Police HC nayo yongereyemo abakinnyi barimo Kayijamahe Yves, Akayezu André uzwi nka Kibonke, Kubwimana Emmanuel, Ndayisaba Etienne na Hakizimana Dieudonné bavuye muri Gicumbi HC.

Mu kibuga ikipe ya Police HC, yarushije cyane ikipe y’ingabo z’Igihugu mu bice byombi by’umukino kuko Police ari ikipe ifite ubusatirizi bwiza bumaze gutsindwa ibitego by’inshi muri shampiyona nk’uko Umutoza Rtd CIP Ntabanganyimana Antoine abigarukaho.

Yagize ati " Police ni ikipe ifite ubusatirizi bwiza kurusha APR HC, ntekereza ko ari yo mpamvu twabarushije".

Ku ruhande rw’umutoza wa APR Anaclet Bigirishya avuga ko kubera ko kuba abakinnyi bashobora kuba baragizweho ingaruka no kuba batarakinnye imikino nyafurika bari berekejemo muri ALgeria ariko ntibabashe kugerayo kubera ibibazo by’ikirere.

Ati " Mu buryo bw’imitekerereze byashoboka kuko amarushanwa twagiyemo, ntitwagezeyo ngo dukine bivuze ngo abakinnyi mu mutwe ntibameze neza, ikindi bafite umunaniro. Gusa abakinnyi ntibigeze bakurikira amabwiriza nabahaye kuko batakazaga imipira myinshi imbere y’izamu rya Police bigatuma Police igira amahirwe menshi yo kudutsinda".

Byari ibyishimo ku bakinnyi ba Police HC

Mbere y’uyu mukino, hari habanjemo indi mikino ya shampiyona amakipe yitwara neza andi aterwa mpaga .

Ikipe ya ADEGI yatsinze UR Rukara 36-26 , Nyakabanda iterwa mpaga na ADEGI 0-20, UR Rukara nayo itera mpaga Nyakabanda 0-20 ubona itsinzi ya mbere , ES Kigoma itsindwa na Gicumbi ibitego 26-41 , APR itsinda Gicumbi ibitego 31-22 , APR yongera itsinda ES Kigoma ibitego 37-23 , Gorillas na yo bigoye itsinda UR Huye ibitego 34-30 , Police umukino wa mbere yatsinze UR Huye ibitego 38-11, Police yongera itsinda ibitego 53-15 bya Gorillas. Police HC itsinda APR HC ibitego 26-17.

Police HC yatsinze APR Hc ibitego 26 kuri 17 isoza ku mwanya wa mbere

APR HC yasoje ku mwanya wa kabiri

Police HC iyoboye urutonde rw’agateganyo rwa shampiyona n’amanota 24 igakurikirwa na APR HC ifite amanota, Gicumbi HC iba iya gatatu n’amanota 20, ES Kigoma yo ikaba iya kane n’amanota 16.

Police HC iyoboye nta mukino n’umwe iratsindwa muri shampiyona ndetse ikaba ifite imibare myiza muri shampiyona kuko byibuze yizigamye ibitego bisaga 215, mu gihe APR HC izigamye ibitego 128.

Police HC yishimira intsinzi

Uwitonze Nandy Linda ni umwe mu bahagaze neza muri Basketball

Mu kiganiro yagiranye na Kigali Today, Uwitonze Nandy Linda ukomoka mu gihugu cy’u Burundi avuga ko yifuza gukinira ikipe y’igihugu y’u Rwanda kuko kuva yagera mu Rwanda mu mwaka wa 2018, igihugu cyamufashije kuzamura impano ya Basketball akaba yumva yagira umusanzu atanga.

Yagize ati “Nakuze nkunda Basketball, gusa impano yanjye yazamuwe n’Abanyarwanda kuko kuva nagera mu Rwanda mu mwaka wa 2018 natojwe n’abatoza batandukanye b’Abanyarwanda, kuva mu bigo by’amashuri kugeza mu cyiciro cya mbere ndetse kandi nkabasha kwiga nishyurirwa, kubera impano bituma numva nagira ibyo nkora birimo gukinira u Rwanda”.

Nandy Linda avuga ko kandi nubwo yifuza gukinira u Rwanda, agifite imbogamizi z’uko atarabona ibyangombwa bimwemerera kuba yakinira u Rwanda, birimo kuba yahabwa ubwenegihugu gusa akaba yifuza ko ishyirahamwe ry’umukino wa Basketball mu Rwanda (FERWABA) ryamufasha mu kubona ibyo byangombwa nk’uko abigarukaho.

Nandy Linda agikina muri IPRC yagoraga abakinnyi bo mu makipe makuru

Ati “Nubwo nifuza gukinira ikipe y’igihugu y’u Rwanda, ndacyafite imbogamizi z’uko ntarabona ibyangombwa byo kuba nakwitwa umwenegihugu (Umunyarwanda) byatuma nkina, ndacyabishaka gusa nifuzaga ko na FERWABA yamfasha mu kubishaka kuko nabonye bigoye iyo ufite n’ibindi urimo”.

Nandy Linda w’imyaka 22 y’amavuko, nubwo akomoka mu gihugu cy’u Burundi nta mukino n’umwe arakinira iki gihugu haba mu ikipe nkuru ndetse n’amakipe y’abato.

Nandy Linda yageze mu Rwanda mu mwaka wa 2018, akomeza amashuri yisumbuye mu ishuri rya Ecole Sainte Bernadette Kamonyi, afasha iki kigo kwerekeza mu mikino y’ibigo biri mu bihugu bigize Umuryango wa Afurika y’Iburasizuba (FEASSA).

Mbere y’uko asoza amashuri yisumbuye muri iki kigo, yongeye kugihesha itike, gisubira muri FEASSA yabereye muri Tanzania mu mwaka wa 2019.

Nandy Linda ari mu bakinnyi bayoboye abandi muri shampiyona mu gutsinda amanota menshi ndetse no gukora Rebound nyinshi (ni ukuvuga uburyo bwo gusubiza umupira mu nkangara wari wanze kujyamo)

Ibi byahise bituma atangira kwifuzwa n’amakipe atandukanye akina mu cyiciro cya mbere, gusa IPRC Huye yari yamuteye imboni iramwegukana, cyane ko yakinaga ndetse abifatanya no kwiga kuko muri kaminuza yize muri IPRC ibijyanye n’ikoranabuhanga (ICT).

Ikipe ya IPRC yayigiriyemo ibihe byiza kuko mu mwaka wa nyuma ayikinira ndetse anasoza kwiga (2023), Nandy yabaye umukinyi mwiza wa shampiyona ya 2023 (MVP 2023).

Ibi byahise bituma amakipe atangira kumwifuza arimo na REG WBBC yahise imusinyisha muri uyu mwaka w’imikino, kugeza ubu akaba ari kuyifasha dore ko ari we mukinnyi umaze gutsinda amanota menshi mu marushanwa yose REG WBBC yitabiriye.

Nandy Linda afite ubushobozi bwo gukina ku myanya itatu mu kibuga

Nandy ubusanzwe akina nka Power Forward

Ni umukino w’umunsi wa 28 wa Shampiyona, wabaye kuri uyu wa Gatanu tariki 26 Mata 2024, ubera kuri Kigali Pelè Stadium.

Habanje gufatwa umunota wo Kwibuka abazize Jenoside yakorewe Abatutsi mu mwaka wa 1994

Ni umukino wari ufite icyo uvuze by’ umwihariko ku ikipe ya Bugesera FC iri kurwana no kutamanuka, Police FC na yo yari imaze iminsi ititwara neza kuva igice cya kabiri cya Shampiyona cyatangira kuko imaze gutsinda imikino ibiri kuva mu kwezi kwa mbere, bivuze ngo amakipe yose yari akeneye amanota atatu.

Mu gice cya mbere, ikipe ya Police FC yihariye iminota icumi ya mbere kuko bahererekanyaga umupira neza gusa imbere y’izamu bikanga kubera ko ba myugariro ba Bugesera FC barimo Nshimirimana David na Faustin bari bahagaze neza.

Ku munota wa 20, ikipe ya Bugesera FC yaje kwinjira mu mukino binyuze ku bakinnyi bayo bakinaga hagati mu kibuga barimo Kaneza ndetse na Pacifique.

Ikipe ya Police FC yabanje mu kibuga

Ibi byatumye ikipe ya Bugesera itangira gukina umupira kuko ku munota wa 23 Kapiteni wa Bugesera FC Vincent Adams yahaye umupira Ani Elijah acenga Rurangwa Mossi, asigaranye n’umuzamu wa Police umupira awutera hanze y’izamu ku mahirwe ya mbere iyi kipe yo mu Burasirazuba yari ibonye.

Ku munota wa 46 , umusifuzi Ngabonziza Jean Paul ubwo yari yongejeho iminota itatu, Kaneza Augustin yacomekeye umupira mwiza Ani Elijah aramusiga maze umukinnyi wa Police FC, Nkubana Marc amutegera mu rubuga rw’amahina, maze Umusifuzi Jean Paul atanga Penaliti Ani Elijah ayitsinda neza. Bugesera FC yakomeje kuyobora umukino ndetse n’igice cya mbere kirangira gutyo Bugesera iyoboye n’igitego 1-0.

Ani Elijah watsindiye Bugesera igitego cya mbere

Mu gice cya Kabiri, umutoza wa Police yakuyemo Ally Kwitonda ashyiramo Nsabimana Eric (Zidane) gusa kuri Bugesera FC nta mpinduka Harngingo iyakoze.

Ani Elijah yatsinze igitego cya 15 muri shampiyona akomeza kuyobora abandi ba rutahizamu

Ku munota 68 , abakinnyi ba Police FC bahererekanyije neza umupira kuva hagati mu kibuga, uguhererekanya kwiza kwari kuyobowe na Muhadjiri Hakizimana wahaye umupira Niyonsaba Eric waje asimbuye Chukuma Odille maze awuhindura neza usanga Dominique Savio ahagaze neza , atsinda igitego cya Police FC mu buryo bworoshye, amakipe ahita anganya 1-1.

Iki gitego cyahise gishyira ku gitutu ku ikipe ya Bugesera yari yamaze kwiringira instinzi ku buryo byashobokaga ko yari guhita iva mu murongo w’amakipe amanuka.

Bugesera FC yahise yataka, umutoza Haringingo Francis atangira gukora impinduka mu bakinnyi, akuramo Vincent Adams ashyiramo Djarudi Singirankaba.

Ibi byahise bituma ikipe ya Bugesera ifungura mu kibuga ndetse n’impande zayo.

Ikipe ya Bugesera yiyongereye amahirwe yo kuguma mu cyiciro cya mbere

Habura umunota umwe ngo umukino urangira (89) , Ani Elijah wari wazonze ba myugariro ba Police FC yahaye umupira mwiza Dushimirimana Olivier umaze iminsi ari gufasha Bugesera FC maze itsinda igitego cya kabiri cya Bugesera FC bituma iyobora umukino ku bitego 2-1.

Umusifuzi Jean Paul yongejeho iminota 5 gusa amakipe ntiyagira igikomeye akora byahise bituma Bugesera FC isoza umukino itsinze ibitego 2-1.

Nyuma y’umukino ikipe ya Bugesera FC yahise ifata umwanya wa 14 n’amanota 28 byahise biyikura mu makipe abiri ya nyuma, mu gihe itegereje umukino Sunrise FC izakiramo Gorilla FC.

Aya makipe azongera guhura kuwa Gatatu,tariki 01 Gicurasi 2024 akina umukino wa nyuma w’igikombe cy’Amahoro.

Ni umukino wo kwishyura wa 1/2 cy’igikombe cy’amahoro wabaye kuri uyu wa Kabiri, tariki 23 Mata 2024 ,ubera kuri sitade y’Akarere ka Bugesera.

Umukino ubanza wabaye mu cyumweru gishize tariki 17 Mata 2024, wabereye kuri Kigali Pele Stadium warangiye ikipe ya Bugesera FC itsinze 1-0, byatumye ikipe ya Rayon Sports iza iri ku gitutu ndetse bituma Bugesera FC yinjira ku kibuga nta bwoba ifite.

Mu bakinnyi babanje mu kibuga, nta mpinduka nyinshi zabaye ku mpande zombi ugereranyije n’umukino wa mbere. Igice cya mbere cy’umukino cyatangiye amakipe agenda gake ameze nk’aho yatinyanye gusa uko iminota yagendaga yegera imbere amakipe yatangiye gutinyuka arataka gusa ubona ko Rayon Sports iri kuba nziza mu guhererekanya kurusha Bugesera, gusa Bugesera FC ikabona uburyo bwinshi imbere y’izamu ntibubyaze umusaruro.

Rayon Sports isezerewe itsinzwe imikino yombi

Ku manota wa 37 Ani Elijah yazamukanye umupira awuha Didier ateye umupira mu izamu ba myugariro ba Rayon Sports barahagoboka awutera nabi urarenga gusa yari amahirwe ya mbere Bugesera FC yari ibonye.

Ku munota wa 44 habura umunota umwe ngo igice cya mbere kirangire, rutahizamu wa Bugesera FC Ani Elijah wayigoye cyane yazamukanye umupira wenyine acenga Ganijuru Elie maze awuha Farouk Ruhinda wari uhagaze wenyine nawe awusubiza Elijah , maze Elijah atera ishoti rikomeye gusa umupira uca kuruhande rw’izamu.

Igice cya mbere cyarangiye nta kipe irebye mu izamu ry’iyindi gusa Bugesera FC yari imbere ndetse ifite n’amahirwe kuko yari ifite cya gitego kimwe yatsinze ku mukino ubanza.

Mu gice cya kabiri, nta mpinduka abatoza bakoze kuko abakinnyi bari babanje mu kibuga bose ni bo bagarutse. Bugesera FC yaje iri hejuru ya Rayon Sports cyane kuko ku munota wa 49 ikipe ya Bugesera FC yafunguye amazamu ku gitego cya Stephen Bonney waherekanyije neza na Farouk arawumusubuza maze Stephen Bonney arekura ishoti riremeye cyane Umuzamu wa Rayon Khadhime ntiyamenya aho umupira unyuze, Bugesera iba ibonye Indi mpamba.

Amakipe yakomeje kwatakana cyane Rayon Sports ikomeza gushaka igitego cyo kwishyura, cyane ko Bugesera FC yari yamaze kuyisiga ifite ibitego ikinyuranyo cy’ibitego 2-0.

Rayon Sports yakoze impinduka mu kibuga, umutoza Julien Mette akuramo Arsene Tuyisenge, Mucyo Didier, Charles BBaale ndetse na Kanamugire Roger yinjizamo abarimo Bugingo Hakim, Youssef Rharb, Hadji ndetse na Pascal bakomeza kwataka cyane gusa ibitego bikomeza kuba iyanga, umukino urangira Bugesera FC ikomeje ku mukino wa nyuma itsinze ku kinyuranyo cy’ibitego 2-0.

Bugesera FC igeze ku mukino wa nyuma mu gikombe cy’Amahoro aho izacakirana na Police FC yasezereye Gasogi United kuri Penaliti, umukino wa nyuma nta gihindutse uzaba tariki 1 Gicurasi 2024.

Umutoza wa Rayon Sports, Julien Mette

Ibi uyu mutoza yabitangaj ku wa Gatandatu tariki 20 Mata 2024, ubwo Rayon Sports yatsindaga Bugesera FC ibitego 2-1, kuri sitade y’Akarere ka Bugesera.

Uyu mutoza yabanje kugaruka ku bibazo byugarije ikipe ya Rayon Sports, byiganjemo imvune ndetse n’uburwayi busanzwe butama ikipe itabona umusaruro ukwiye.

Yagize ati "Tumaze iminsi tutitwara neza kubera ibibazo by’imvune dufite mu ikipe, nk’ubu umupira wa mbere Mvuyekure Emmanuel (Manu) yakozeho yahise avunika, ibituma hari igihe umuntu ahita abaza Imana impamvu ibi biri kutubaho".

Emmanuel Mvuyekure araza yiyongera ku bandi bakinnyi bafite imvune barimo Kalisa Rashid, Prince Rudasingwa, Bugingo Hakim ndetse na Mitima Isaac, gusa umutoza wa Rayon Sports avuga ko ku mukino wo kwishyura mu gikombe cy’Amahoro bazakirwamo na Bugesera hari abakinnyi bazaba bagarutse barimo Kalisa Rashid.

Ati "Ku wa kabiri mu mukino wo kwishyuza n’ikipe ya Bugesera FC, hari abakinnyi tuzaba dufite nka Kalisa Rashid, Bugingo Hakim, Mvuyekure Emmanuel (Manu) ndetse na Prince Rudasingwa birashoboka ko yagaruka, gusa kuri Mitima Isaac biracyagoranye".

Kapiteni wa Rayon Sports ni we mukinnyi wenyine umutoza Julien Mette abona ko ari ku rwego rwiza

Julien Mette kandi avugako abafana ba Rayon Sports bafite impamvu yumvikana yo kutaboneka ku kibuga, kubera ko batari kubona ibyo bakunda kuruta ibindi birimo n’ibyishimo by’intsinzi, bituruka mu mipira y’imiterekano nk’iya Luvumbu cyangwa se penaliti za Ojera.

Yagize ati "Ni byo abafana bafite impamvu yo kutaboneka ku bibuga, kuko ntabwo bakibona imipira y’imiterekano (Coup Franc) ya Luvumbu, ntibakibona Penaliti za Ojera Joachim, gusa turabashishikariza kuza ku kibuga kuko dufite intego yo gutwara iki gikombe, tukajya muri CAF Confederation Cup".

Yongeyeho ko nyuma yo gutakaza abo bakinnyi, bagize abakinnyi benshi batari ku rwego rwiza ndetse kandi badafite ubunararibonye mu kibuga, usibye Kevin Muhire.

Ati "Abakinnyi dufite ntabwo ari beza cyane, mu by’ukuri nta nararibonye bafite usibye Kapiteni Kevin Muhire bose mu mitwe ubona ko bakiri abana bafite imbere heza gusa, ntiwabatuma ibikomeye birimo ibikombe muri uyu mwaka, akaba ari yo mpamvu dusaba ko abafana baza tugafatanya muri uru rugamba".

Ibi kandi bihura n’ibyo yari yatangaje tariki 18 Mata 2024, ubwo ikipe ya Rayon Sports yari imaze gutsindwa na Bugesera FC mu gikombe cy’Amahoro umukino ubanza, avuga ko abakinnyi akinisha biganjemo abasimbura, ku buryo bisaba kugira byinshi bihinduka mu mutwe wabo kugira ngo bashobore gutanga umusaruro.

Abakinnyi ba Rayon Sports FC

Rayon Sports iragaruka mu kibuga kuri uyu wa kabiri, tariki 23 Mata 2024, ihura na Bugesera FC mu mukino wo kwishyura wa ½ cy’igikombe cy’Amahoro, umukino uzabera kuri sitade y’Akarere, aho Rayon Sports izaba isabwa gutsinda ikipe ya Bugesera ku kinyuranyo cy’ibitego 2, kuko umukino ubanza Bugesera yatsinze Rayon 1-0 nyamara yari yasuye Rayon Sports.

APR W BBC yegukanye igikombe cyo Kwibuka itsinze REG W BBC yari igifite

Ni irushanwa ryiswe ‘Basketball Genocide Memorial Tournament 2024’ ryakinwaga iminsi ibiri ribera muri BK Arena i Remera.

Ku wa Gatanu tariki 19 Mata 2024, hakinwaga mikino ya 1/2 hashakwa amakipe agera ku mukino wa nyuma mu bagabo ndetse no mu bagore.

Mu bagore ikipe ya APR W BBC yasezereye ikipe ya Kepler BBC iyitsinze amanota 46-40 , naho ikipe ya REG W BBC igera ku mukino wa nyuma isezereye Groupe Scolaire Marie Reine Rwaza ku manota 76-60.

Mu bagabo, ikipe ya Patriot BBC yari yasezereye bigoranye ikipe ya Tigers BBC ku manota 74-69, naho APR BBC itsinda biyoroheye ikipe ya REG BBC amanota 96-66.

Ku wa Gatandatu tariki 20 Mata 2024, nibwo hakinwaga imikino ya nyuma mu bagabo n’abagore ndetse hakinwa n’imikino yo guhatanira umwanya wa gatatu ku makipe atarabashije kugera ku mukino wa nyuma.

Saa munani z’amanywa nibwo umukino wa mbere watangiye. Uyu mukino wahuje Kepler W BBC ndetse na Groupe Scolaire Marie Reine mu bagore bahatanira umwanya wa gatatu. Ikipe ya Kepler W BBC yitwaye neza itsinda uyu mukino ku manota 76-64 , ifata umwanya wa gatatu maze Groupe Scolaire Marie Reine iba iya kane muri iri rushanwa.

Mu bagore kandi amakipe yari yageze ku mukino wa nyuma ari yo APR W BBC ndetse na REG W BBC yakinnye saa kumi z’umugoroba, ikipe ya APR W BBC itsinda REG W BBC amanota 86-81 maze yegukana igikombe.

Mu bagabo mu makipe yahataniraga umwanya wa gatatu, REG BBC yari isanzwe ifite iki gikombe ndetse ikaba yari yasezerewe na APR BBC, yatsinze Tigers BBC yasezerewe na Patriots BBC amanota 94-92 bituma REG BBC ifata umwanya wa gatatu naho Tigers BBC iba iya nyuma mu irushanwa.

Umukino wa nyuma mu bagabo wari utegerejwe n’abafana benshi watangiye saa mbili n’igice z’umugoroba. Ikipe ya APR BBC yahabwaga amahirwe yari yongereyemo abakinnyi barimo Obadiah Noel wayifashije ndetse na Patriots BBC na yo yongeramo Nijimbere Guibert ndetse na Turatsinze Olivier gusa yari yatakaje Nikola, Perry ndetse na Sagamba.

Ibi byatumye ikipe ya APR BBC yotsa igitutu Patriots BBC mu duce twose tw’umukino kuko agace ka mbere yagatsinze Patriots BBC amanota (25-17), agace ka kabiri irongera irakegukana (19-12).

Noel Obadiah (ufite igikombe) ari mu bakinnyi bashya bafashije APR muri iyi mikino ndetse kandi azayikinira no mu mikino ya BAL 2024

Mu gice cya kabiri, Patriots BBC yagarutse iri hasi cyane by’umwihariko mu gace ka gatatu dore ko yagatsinzwe irushwa cyane amanota (18-4) gusa mu gace ka kane iragatsinda ku kinyuranyo cy’amanota 2 (20-18) bitagize icyo bitanga ku giteranyo cy’amanota, ahubwo birangira APR BBC itsinze Patriots BBC amanota 80-63 yegukana igikombe cyo kwibuka ku nshuro ya 30.

Muri iyi mikino kandi abitabiriye bose bafataga umwanya wo kwibuka mbere ya buri mukino ndetse kandi hagati mu kiruhuko hagatangwa ubutumwa bugamije gufata mu mugongo imiryango yabuze ababo muri Jenoside yakorewe Abatutsi mu 1994.

Abakinnyi APR W BBC yakoresheje muri iyi mikino

Jane wa The Hoops yakiniraga APR W BBC

Kantore Sandra ahanganye na Kapiteni wa REG, Mushikiwabo Sandrine

Turatsinze Olivier wa Espoir BBC, kuri iyi nshuro yakiniraga Patriots BBC

Ndizeye Ndayisaba Dieudonné Kapiteni wa Patriots BBC

Nijimbere Guibert wa Kepler BBC yari yagarutse mu ikipe ya Patriots yahozemo

Ikipe APR BBC yakoresheje muri iyi mikino

Eric Ngendahimana yishimira igitego yatsinze

Wari umukino w’umunsi wa 27 wa Shampiyona wabereye kuri sitade y’Akarere ka Bugesera kuri uyu wa Gatandatu tariki 20 Mata 2024.

Uyu mukino wari ufite igisobanuro gikomeye cyane by’umwihariko ku ikipe ya Bugesera FC yari ikeneye amanota atatu kuko yari mu murongo utukura, naho Rayon Sports yashakaga kwihimura kuri Bugesera yari yayitsinze muri iki cyumweru mu mukino ubanza wa 1/2 cy’igikombe cy’Amahoro.

Ku ruhande rw’ikipe ya Bugesera yari yakiriye, umutoza Haringingo Francis yari yakoze impinduka mu bakinnyi yabanjemo ugereranyije n’abakinnyi yakoresheje ku mukino wo ku wa Gatatu mu gikombe cy’Amahoro, kuko yari yagaruye rutahizamu Ani Elijah, Vincent Adams ndetse na Dukundane Pacifique.

Tuyisenge Arsene yagize umukino mwiza

Umutoza wa Rayon Sports, Julien Mette, we yari yagiriye icyizere Kandi Youssef, Didier ndetse na Serumogo Ali wanyuraga kuri gatatu nyamara atari asanzwe ahakina.

Mu gice cya mbere, umukino watangiye wihuta cyane, gusa ikipe ya Rayon Sports ubona ko ari yo iyoboye kuko yahererekanyaga cyane by’umwihariko hagati mu kibuga.

Nubwo Rayon Sports yakinaga neza, Mugisha François na Eric Ngendahimana wamukinaga inyuma, ntibahuzaga, bituma baha amahirwe Bugesera FC yo gutsinda ubwo Dushimimana wa Bugesera yahushaga uburyo ari wenyine imbere y’izamu ku munota wa cumi.

Bugesera FC na yo yakomeje gukanguka, yinjira mu mukino ariko ikomeza kugenda ibona uburyo bwinshi imbere y’izamu ndetse bagahererekanya umupira neza.

Ibi byayifashije ku munota wa 27 ubwo Ani Elijah yacenze abakinnyi hafi ya bose ba Rayon Sports bakina inyuma maze atanga umupira mwiza kuri Dushimimana Olivier wari uhagaze ari wenyine maze atereka mu izamu rya Kadhime wa Rayon Sports, Bugesera FC iyobora umukino n’igitego kimwe ku busa (1-0) kugeza igice cya mbere kirangiye.

Mu gice cya kabiri, ikipe ya Bugesera FC yatangiranye impinduka kuko yakuyemo Pacifique Dukundane ndetse na Vincent Adams bakina hagati mu kibuga maze yinjizamo Hoziyana Kennedy na Gakwaya Leonard, gusa ntibagira umusaruro batanga, kuko aribwo Rayon Sports yatangiye kubarusha hagati mu kibuga. Bidatinze ku munota wa 52 ku mupira w’umuterekano watewe neza na Kapiteni Kevin Muhire, umunyezamu wa Bugesera Patience yakoze amakosa ntiyawukuraho maze usanga Eric Ngendahimana ahagaze neza awushyira mu izamu, amakipe yombi aranganya 1-1.

Ikipe ya Rayon Sports yishimira igitego cya mbere

Ibi byahaye imbaraga abakinnyi ba Rayon Sports bakomeza gusatira bashaka igitego gishyiramo ikinyuranyo, nta minota myinshi inyuzemo nyuma yo guhererekanya neza kw’abakinnyi ba Rayon Sports bakora ku mupira inshuro imwe gusa. Uwitwa Arsene wagize umukino mwiza yakinanye na Muhire Kevin neza, maze Kevin awuha Charles Bbaale wari uhagaze neza, ashyiramo igitego cya kabiri ku munota wa 64.

Nyuma y’uko Rayon Sports yari ikomeje kuyobora 2-1, Julien Mette yatangiye kugenda akora impinduka akuramo Charles Bbaale, Mucyo Didier, Youssef ashyiramo Ganijuru Elie, Paul ndetse na Hadji, gusa ntibyagira icyo bitanga kuko umukino warangiye ari 2-1.

Nyuma y’umukino, ikipe ya Rayon Sports yahise igumana umwanya wa kabiri n’amanota 51 naho Bugesera FC bikomeza kwanga kuko iri ku mwanya wa 15 n’amanota 25 inganya na Etoile de l’Est ya nyuma.

Aya makipe yombi Rayon Sports na Bugesera FC azongera gukina ku wa Kabiri tariki 23 Mata 2024, hakinwa umukino wa kabiri wo kwishyura mu gikombe cy’Amahoro.

Bamwe mu bakinnyi bazimukwa

Ni irushanwa rizamara iminsi ibiri kuva kuri uyu wa gatanu tariki 19, kugeza ku wa gatandatu tariki 20 Mata 2024, ubwo hazakinwa umukino wanyuma wa ku makipe azaba yitwaye neza.

Amakipe ane mu bagabo ndetse n’abagore ni yo azitabira iri rushanwa. Mu bagabo hafashwe amakipe ane yitwaye neza mu gice cya mbere cya Shampiyona, ariyo Patriots BBC ya mbere, APR BBC yabaye iya kabiri, REG BBC ya gatatu ndetse na Tigers BBC ya Kane.

Mu bagore, amakipe azitabira iri rushanwa ni ane ya mbere mu mikino ibanza ya Shampiyona ari yo APR W BBC, REG W BBC, Kepler W BBC na Group Scolaire Marie Reine Rwaza.

Hitimana Nice wakiniraga Espoir BBC

Mu bakinnyi 30 bazibukwa muri iri rushanwa barimo Ntarugera Emmanuel ‘Gisembe’, wabaye umukinnyi ndetse n’umutoza w’ikipe ya Espoir BBC, gusa hari abandi barimo Rugamba Gustave (yari n’Umubitsi w’ikipe) ya Espoir BBC, Rutagengwa Mayina Aimable wa Espoir BBC, Rubingisa Emmanuel (bitaga Mbingisa) wa Espoir BBC, Kabeho Augistin (bitaga Tutu) wakiniraga Espoir BBC, Munyaneza Olivier (bitaga Toto) wa Espoir BBC, Nyirinkwaya Damien (Umutoza) wa Espoir BBC, Mutijima Theogene (bitaga Riyanga) wa Espoir BBC, Murenzi J.M.V. wa Espoir BBC.

Mu bandi bakinnyi bibukwa barimo Hitimana Nice wakiniraga Espoir BBC, Mukotanyi Desiré, Twagiramungu Félix (bitaga Rukokoma) wakiniraga, Mutarema Vedaste, Rutagengwa Jean Bosco, Kamanzi (bitaga Major), harimo kandi Munyawera Raymond, Gatera Yves bose bakiniraga Espoir BBC, Kabayiza Raymond (Membre Fondateur Espoir BBC) na Florence (bitaga Kadubiri)wahoze muri MINITRAPE BBC.

Ntarugera Emmanuel bitaga Gisembe, wabaye umukinnyi ndetse n’umutoza wa Espoir BBC

Ikipe ya MINITRAPE kandi yabuze Esperance wakiniye n’ikipe ya Nyarugenge BBC, Gasengayire Emma wakiniye UNR, Mugabo Jean Baptiste wa Inkuba BBC ndetse na OKAPI BBC, Rutabana wa Inkuba BBC ndetse yakiniye na OKAPI BBC, Cyigenza Emmanuel wakiniye Inkuba BBC ndetse na TERROR BBC, Christian wa Inkuba BBC, Rutare Pierre wahoze ari Perezida wa Inkuba BBC, Nshimayezu Esdras wa UNR, Nzamwita Tharcisse wa MINIJUST BBC, Siboyintore wa MINIJUST BBC, ndets na Masabo wakiniraga Inkuba BBC.

Kuri iyi nshuro habonetse indi mibiri 4 y’abakinnyi ba Basketball bazize Jenoside yakorewe Abatutsi, gusa Ishyirahamwe ry’umukino wa Basketball (FERWABA), ntiriramenya imyirondoro yabo yose, gusa ivuga ko izajya gutangira irushanwa yamaze kumenya imyirondoro yandetse bo n’imiryango yabo bityo bakazibukwa muri iryo rushanwa.

Hazatangwa ubutumwa butandukanye bugamije gufata mu mugongo imiryango yabuze ababo muri Jenoside yakorewe Abatutsi, by’umwihariko ku miryango y’abahoze ari abakinnyi ba Basketball.

Rubingisa Emmanuel bitaga Bingisa

Iyi mikino iratangira ku wa gatanu hakinwaga imikino ifite isura isa nka ½, kuko amakipe azatsinda azahurira ku mukino wa nyuma.

Mu bagore, APR WBBC izahura na Kepler BBC, Groupe Scolaire Marie Reine ikine na REG WBC. Mu bagabo Patriots BBC izahura na Tigers BBC na HO APR BBC icakirane na REG BBC.

Amakipe azaba yatsinze imikino yayo azakina iya nyuma ku ku wa Gatandatu tariki 20 Mata 2024, haba mu bagabo ndetse no mu bagore.

Iri rushanwa ryo kwibuka ryatangiye mu 1996, ubwo ikipe ya Espoir BBC yibukaga Gisembe wayibereye umutoza ndetse n’umukinnyi ryitwa, ‘Gisembe Memorial Tournament’.

Rutare Pierre wahoze ari President wa Inkuba BBC

Muri 2013, iri rushanwa ryaje kwitwa ‘Basketball Genocide Memorial Tournament’. Muri 2019 ubwo iki gikombe giheruka gukinirwa, REG BBC mu bagabo ni yo yacyegukanye na The Hoops mu bagore.

APR BBC na REG BBC zirahura ku mukino wa mbere

Ku kibuga cy’indege i Kanombe

Iyi kipe yahagurukanye abakinnyi 14 barimo: Uwayezu Arsène, Ntawuhungakaje Jean Bosco, Tuyishime Zacharie, Mugabo Samuel, Hagenima Fidèle, Niyonkuru Samuel, Muhumure Elysee, Muhawenayo Jean Paul, Iragena Emmanuel, Karenzi Yannick, Mbonyinshuti Camarade Girbert, Musini Albert, Maliyamungu Shumbusho na Abayisenga Roger.

Aba bakinnyi kandi biyongeraho ikipe y’abatoza ndetse n’uhagarariye iyi kipe muri uru rugendo barimo, umutoza mukuru Anaclet Bigirishya, umutoza wungirije Munyangondo JMV ndetse na Anaclet Gatete uhagarariye iyi kipe yose igiye (Head of delegation).

Mu itsinda rya gatatu APR HC iherereyemo, iri kumwe n’amakipe akomeye arimo Jeunesse Sportive de Kabyile(JSK) Handball yo muri Congo, ndetse na Handball Club El Bair yo muri Algeria.

Mu mwaka wa 2017 nibwo iyi kipe ya APR HC iheruka muri iyi mikino, kimwe mu biteye impungenge abafana bayo, gusa mu kiganiro yagiranye na Kigali Today, Umutoza Anaclet avuga ko nta kibazo bafite ndetse kandi hari n’abakinnyi beza baherutse mu marushanwa akomeye kuruta iri berekejemo.

Yagize ati "Mu by’ukuri turi mu itsinda rikomeye kuko aya makipe yose asanzwe yitabira iri rushanwa, gusa iyacu yari yubatse yongereyemo abakinnyi beza, dore ko dufite abakinnyi 8 bavuye mu gikombe cya Afurika cyabereye mu Misiri ndetse n’abandi bavuye mu gikombe cy’Isi cy’abato cyabereye muri Croatia. Ibi rero ntabwo bishoboka kudukoma mu nkokora ahubwo ni amahirwe kuri twebwe".

Iyi mikino iratangira kuri uyu wa Kane tariki 18 Mata, aho ikipe ya APR HC izacakirana na Handball Club El Bair saa 10:00, akaba ari imikino izabera mu nyubako ya Palais des Sports Hamou-Boutlélis iherereye i Oran muri Algeria.

Ikiobuga bazakiniraho

Bayern Leverkusen yegukanye Igikombe cya mbere cya Shampiyona

Ku Cyumweru tariki 14 Mata 2024, hakinwaga umunsi wa 29 wa Shampiyona mu gihugu cy’u Budage mu cyiciro cya mbere (Bundesliga), ku kibuga BayArena, ikipe ya Bayern Leverkusen yari yakiriye Werde Bremen itsinda uyu mukino biyoroheye ibitego 5-0.

Uyu mukino yagiye kuwukina isabwa gutsinda kugira ngo yegukanye Igikombe, n’ubwo hasigaye imikino itanu Shampiyona ikarangira, kuko ikipe ya kabiri yo iyikurikira ari yo Bayern Munich iyirusha amanota 16 kandi mu mikino itanu isigaye ifite amanota 15. Bivuze ko n’iyo Bayern Munich yatsinda iyo mikino yose ntiyafata Bayern Leverkusen.

Victor Okoh Boniface ukomoka muri Nigeria ni we uyoboye n’ibitego byinshi muri iyi kipe bisaga 18

Bayern Leverkusen itwaye Igikombe cya Shampiyona nta mukino itsinzwe, kuko ku munsi wa 29 iyi kipe ifite amanota 79, bivuze ko yatsinze imikino 25 inganya 4.

Bayern Leverkusen itozwa na Xabi Alonso, mbere y’umukino abafana ndetse n’abakunzi b’iyi kipe yashinzwe mu 1904, bitiriye uyu mutoza umuhanda uturuka mu mujyi wa Leverkusen ugera kuri stade yayo yitwa BayArena bakiniyeho.

Kuri ubu iyi kipe igize ibikombe bitatu mu kabati kayo birimo; Igikombe cya Shampiyona batwaye (Bundesliga), Igikombe cy’igihugu (DFB Pokal) ndetse Igikombe cya Europa league.

Abafana bari baherekeje ikipe bari benshi

Granit Xhaka wahoze muri Arsenal ari mu bakinnyi bafatiye runini iyi kipe

Xabi Alonso ni cyo gikombe cya mbere atwaye nk’umutoza

Abafana bakoze akarasisi baherekeza ikipe

Umuhanda witiriwe umutoza Xabi Alonso

Ni ubutumwa aya makipe , amashyirahamwe y’imikino itandukanye ndetse na Minisiteri ya Siporo mu Rwanda yanyujije ku mbuga nkoranyambaga zayo by’umwihariko X yahoze ari Twitter.

Ku ikubitiro, Minisiteri ya Siporo mu Rwanda mu butumwa yatanze, yasabye Abanyarwanda guha icyubahiro inzirakarengane zambuwe ubuzima ndetse no kurwanya ingengabitekerezo.

Yagize iti "Mu gihe twibuka ku nshuro ya 30 Jenoside yakorewe Abatutsi mu 1994, reka duhe icyubahiro inzirakarengane zambuwe ubuzima muri Jenoside yakorewe Abatutsi; dufatanye kurandura ingengabitekerezo yayo duharanire ko itazongera kubaho ukundi".

Mu gihe twibuka ku nshuro ya 30 Jenoside yakorewe Abatutsi muri Mata 1994, Reka duhe icyubahiro Inzirakarengane zambuwe ubuzima muri Jenoside yakorewe Abatutsi; dufatanye kurandura ingengabitekerezo yayo duharanire ko itazongera kubaho ukundi.
Twibuke twiyubaka! pic.twitter.com/GgPjt3uq2w

— Ministry of Sports|Rwanda (@Rwanda_Sports) April 6, 2024

Ishyirahamwe ry’umukino wa Basketball muri Africa(BAL) rifitanye imikoranire n’Igihugu cy’u Rwanda binyuze muri Gahunda ya Visit Rwanda, ryifatanyije n’Abanyarwanda mu kwibuka Jenoside yakorewe Abatutsi ku nshuro ya 30, aho ryashimangiye ko hari isomo Abanyarwanda ryabahaye binyuze muri gahunda y’ubwiyunge ndetse no kwiyubaka.

Bagize bati "Uyu munsi imyaka 30 irashize twibuka Jenoside yakorewe Abatutsi mu 1994. Kwiyunga kw’Abanyarwanda ndetse no kwiyubaka ni isomo kuri twese".

Today we commemorate the 30th anniversary of the genocide against the Tutsi in Rwanda. The resilience of Rwandans to reconcile and reconstruct is a lesson for us all. #Kwibuka30 pic.twitter.com/dFzr7h6J4y

— Basketball Africa League (@theBAL) April 7, 2024

Ishyirahamwe ry’umukino w’intoki (Handball) mu Rwanda na ryo ryageneye ubutumwa Abanyarwanda muri ibi bihe byo kwibuka Jenoside yakorewe Abatutsi mu mwaka wa 1994.

Ubwo butumwa bugira buti "Ishyirahamwe ry’umukino wa Handball mu Rwanda, ryifatanyije n’Abanyarwanda muri ibi bihe twibuka ku nshuro ya 30 Jenoside yakorewe Abatutsi mu 1994".

Ishyirahamwe ry’umukino wa Handball mu Rwanda #FERWAHAND; ryifatanyije n'Abanyarwanda muri ibi bihe twibuka ku nshuro ya 30 Jenoside yakorewe Abatutsi mu 1994. Twibuke twiyubaka #Kwibuka30 pic.twitter.com/l2105vYr1Y

— Rwanda Handball Federation (@FerwahandRwanda) April 7, 2024

Ishyirahamwe ry’umupira w’amaguru mu Rwanda (FERWAFA) mu butumwa batanze bashimiye abafashe iya mbere mu guhagarika Jenoside.

Ryagize riti "Mu gihe twibuka ku nshuro ya 30 Jenoside yakorewe Abatutsi mu 1994, twifatanyije n’Igihugu cyacu n’Isi yose mu guha icyubahiro abishwe n’abagizweho ingaruka na yo, turashima abafashe iya mbere mu guhagarika Jenoside yakorerwaga Abatutsi ndetse tunakomeza gushimangira kubumbatira ubumwe bwacu mu nzira igana ku iterambere muri rusange no mu iterambere ry’umupira w’amaguru by’umwihariko".

Ubutumwa bwa FERWAFA mu gihe twibuka ku nshuro ya 30 jenoside yakorewe Abatutsi muri Mata 1994#Kwibuka30 #KwibukaTwiyubaka pic.twitter.com/3UNFm57FXu

— Rwanda FA (@FERWAFA) April 7, 2024

Ikipe ya AS Kigali ikina mu cyiciro cya mbere mu Rwanda na yo yatanze ubutumwa ku Banyarwanda ibinyujije mu bakinnyi bayo barimo Ishimwe Fiston ndetse na Hakizimana Adolphe, aho basabye Abanyarwanda gusigasira ibyagezweho.

Fiston na Adolphe bati "Twibuke Twiyubaka, duharanire ko ibyabaye bitazongera ukundi, dusigasire ibyagezweho twubake ubumwe b’Abanyarwanda".

Twibuke twiyubaka.#kwibuka30 pic.twitter.com/46XNq8eqc1

— AS KIGALI (@AS_KigaliFC) April 7, 2024

Ikipe y’Ingabo z’Igihugu (APR FC), Ikipe y’Igipolisi cy’u Rwanda (Police FC), Gasogi United ndetse n’andi na yo yatanze ubutumwa yerekana ko yifatanyijje n’Abanyarwanda muri ibi bihe byo kwibuka Jenoside yakorewe Abatutsi mu 1994.

Ubuyobozi n'Abakunzi ba APR FC bifatanyije n’Abanyarwanda n’isi yose kwibuka ku nshuro ya 30 Jenoside yakorewe Abatutsi mu 1994.

Dukomeze Kwibuka Twiyubaka #Kwibuka30 pic.twitter.com/jMLuXfjAJv

— APR F.C. Official (@aprfcofficial) April 7, 2024

Remember, Unite, Renew #Kwibuka30 #Gikundiro pic.twitter.com/mLidVcND0l

— Rayon Sports Official (@rayon_sports) April 6, 2024

Remember - Unite -Renew #Kwibuka30 pic.twitter.com/blcU2Ip1DZ

— Police Football club (@Policefc_Rwanda) April 6, 2024

#Kwibuka30 #TwibukeTwiyubaka pic.twitter.com/SRtbbtczCB

— Kiyovu Sports (@SCKiyovuSports) April 9, 2024

Ubu butunwa kandi bwaje bukurikira ubwatanzwe n’andi makipe yo hanze y’u Rwanda arimo Arsenal yo mu Bwongereza ndetse na Bayern Munich yo mu Budage asanzwe afitanye imikoranire n’ u Rwanda.

🕯️"'Kwibuka’ means ‘to remember'."

Today, we stand with the people of Rwanda to mark the 30th commemoration of the 1994 Genocide against the Tutsi.

🇷🇼 Our players and legends reflect on their time visiting Rwanda and learning about its history.@visitrwanda_now pic.twitter.com/hRtL5fyWYW

— Arsenal (@Arsenal) April 7, 2024

🕯️🇷🇼 “Kwibuka” means “to remember”.

Today, we stand together with the people of Rwanda to mark #Kwibuka30 and pay tribute to the country's transformation over the past 30 years. @visitrwanda_now#FCBayern #Advertisement pic.twitter.com/3GtdVRWAxA

— FC Bayern Munich (@FCBayernEN) April 7, 2024

Ubutumwa iyi kipe yo mu gihugu cy’u Budage yanyujije ku mbuga nkoranyambaga zayo zirimo X , bugaragaza ko yifatanyije n’u Rwanda muri iki gihe cyo Kwibuka Jenoside yakorewe Abatutsi mu 1994.

Yagize iti “Uyu munsi twifatanyije n’Abanyarwanda Kwibuka ku nshuro ya 30 Jenoside yakorewe Abatutsi mu 1994 ndetse tunishimira iterambere ry’u Rwanda mu myaka 30 ishize."

Abakinnyi ba Bayern Munich batanze ubutumwa barimo Kapiteni Manuel Neuer, myugariro Alphonso Davies ndetse na Serge Gnabry ukina muri ba rutahizamu.

Aphonso Davies

Aba bakinnyi bose bafatanyirije hamwe batanga ubutumwa bwiganjemo ubushimangira iterambere u Rwanda rumaze kugeraho mu myaka 30 ishize ndetse bakangurira buri munyarwanda gukomeza kurwanira ishyaka igihugu cye ndetse no gukomeza kubaka ubumwe no gushyira hamwe mu rwego rwo kwiyubaka.

Ikipe ya Bayern Munich isanzwe igirana imikoranire n’igihugu cy’u Rwanda binyuze muri Gahunda ya Visit Rwanda kuko batangiye gukorana mu mwana ushize wa 2023.

Serge Gnabry

Kapiteni Manuel Neuer

🕯️🇷🇼 “Kwibuka” means “to remember”.

Today, we stand together with the people of Rwanda to mark #Kwibuka30 and pay tribute to the country's transformation over the past 30 years. @visitrwanda_now#FCBayern #Advertisement pic.twitter.com/3GtdVRWAxA

— FC Bayern Munich (@FCBayernEN) April 7, 2024

Kapiteni wa Etincelles FC, Nsabimana Hussein waje kuvunika yari yagize umukino mwiza kuko yatanze umupira uvamo igitego

Ni umukino w’umunsi wa 26 wa Shampiyona, wabaye kuri uyu wa Kane tariki 04 Mata 2024, ubera kuri Kigali Pelé Stadium.

Ni umukino watangiye amakipe yombi akina yegeranye hagati mu kibuga. Mu minota 45 ya mbere y’igice cya mbere, nta gikomeye cyabaye ku mpande zombi.

Mu gice cya kabiri, ikipe ya Etincelles FC yari ifite icyo irwanira yaje yahinduye uburyo bw’imikinire, itangira isatira cyane Rayon Sports FC.

Ku munota wa 53, Bendeka Gedeon yatsinze igitego cya mbere ku makosa ya ba myugariro ba Rayon Sports, barimo Eric Ngendahimana na Mugisha François.

Charles Bbaale yatsinze igitego kimwe rukumbi cya Rayon Sports

Nyuma y’iminota ibiri Gedeon Bendeka wagoye cyane abakinnyi ba Rayon Sport bugarira, yongeye guhabwa umupira neza na Hussein Ciza wa Etincelles maze ku munota wa 55’ yisanga hagati ya ba myugariro, atsinda igitego cya kabiri cya Etincelles ndetse n’icya kabiri cye mu mukino.

Ikipe ya Etincelles FC yari mu mukino neza yongeye kwataka cyane Rayon Sports, maze ku munota wa 58 ku mupira watewe neza na Kapiteni Nsabimana Hussein wasanze Jordan Nzau ahagaze neza, atsinda igitego cy’umutwe mu izamu rya Kadhime Ndiaye wa Rayon Sports, ikomeza kuyobora n’ibitego 3-0.

Nyuma yo kubona ko ikipe ya Rayon Sports iri hasi, umutoza Julien Mette yahise akora impinduka akuramo Arsene wakoze amakosa menshi mu kibuga na Bugingo Hakim, yinjizamo Pascal Iradukunda na Ganijuru Elie, bafasha Rayon Sports gusatira kugeza ku munota wa 84, ubwo Iraguha Hadji yazamukanaga umupira maze awutereka ku kaguru ka Charles Bbaale, atsinda igitego rukumbi cya Rayon Sports cyabonetse muri uyu mukino.

Arsene Tuyisenge yagize umukino utari mwiza

Umukino warangiye ari ibitego 3-1 bituma Etincelles FC iva mu Rugamba rw’amakipe arwana no kutamanuka. kuko iri ku mwanya wa 10 n’amanota 29, na ho Rayon Sports iri Ku mwanya wa 2 n’amanota 48.

Rayons Sports mu minota ya nyuma yagerageje uburyo bwinshi imbere y’izamu ariko ntiyabasha kugombora

Gasana Kenneth Hurbert wa Patriots BBC wagoye UGB

Ni umukino wabaye ku mugoroba wo ku wa Gatatu tariki 3 Mata 2024, ubera muri Lycée de Kigali, uza ukurikira uwari wahuje Espoir BBC yatsinzemo Inspired Generation amanota 96-71.

Patriots BBC nk’ikipe yahabwaga amahirwe yatangiye neza umukino itsinda amanota menshi, Frank Kamndoh ndetse na Hagumintwari Steven bayifashaga cyane, agace ka mbere karangira Patriots iyoboye n’amanota 24-13 ya UGB.

Mu gace ka kabiri, UGB BBC yagarutse iri hejuru itsinda amanota menshi ibifashijwemo na Habineza Shaffy ndetse na Iyakaremye Emmanuel (Zulu), bafashije cyane UGB uyu mu goroba, birangira begukanye aka gace ku manota 21-15 ya Patriots BBC.

Kamilindi Olivier wa Patriots agerageza amanota 2

Mu gace ka gatatu, kihariwe cyane na UGB kuko yagendaga imbere ya Patriots byibuze amanota ari hejuru ya 10, bituma igasoza iyoboye n’amanota 29-16, uwitwa Saidi ndetse na Shaffy ba UGB ni bo bakoze amanota menshi.

Mu gace ka nyuma William Perry wa Patriots yabaye mwiza mu gutsinda amanota ndetse no mu mayeri y’umukino. Habura iminota ibiri ngo aka gace karangire, Ndizeye Dieudonné yatsinze amanota 3 maze ikipe ya Patriots BBC inyura kuri UGB mu manota, kugeza ku munota wa nyuma bituma n’ako gace ikegukana ku manota 26-15 .

Umukino warangiye Patriots BBC itsinze UGB amanota 81-78, William Perry wa Patriots BBC ni we watsinze amanota menshi mu mukino angana na 24.

Ihangana rya Dieudonné na Shaffy rya shimishe abafana

Patriots isoje imikino ibanza ya Shampiyona idatsinzwe umukino n’umwe, ikaba ifite amanota 18.

Kapiteni wa Patriots BBC, Ndayisaba Dieudonné yatsinze amanota 3 yagarure ikipe mu murongo mwiza

Mbere y’uyu mukino, Espoir BBC yari yatsinze Inspired Generation amanota 96-71

Muhadjiri Hakizimana yatsinze Penaliti

Kuri Kigali Pelé Stadium, ikipe ya Police FC yari yakiriye Amagaju FC mu mukino utari ushamaje cyane, kuko aya makipe yombi adafite icyo ari kurwanira muri iyi minsi ya nyuma ya shampiyona, by’umwihariko nk’andi makipe arwana no kutamanuka.

Police FC yari imaze iminsi itsinzwe na Gorilla, yinjiye mu mukino ifite imbaraga nyinshi, itangira itambaza umupira hagati mu kibuga ubona ko barushaga Amagaju FC, gusa kugera imbere y’izamu bigoye ku makipe yombi, byatumye igice cya mbere kirangira ari 0-0.

Mu gice cya kabiri Police FC yarushije Amagaju FC kuko ku munota wa 65’, Nshuti Dominique Savio yatsinze igitego cya mbere ku mupira watewe neza na Didier Mugisha.

Nshuti Dominique Savio yishimira igitego yatsinze ku munota wa 65

Nyuma yo gutsinda igitego cya mbere, Mugisha Didier wari mwiza mu mukino yacenze abakinnyi b’Amagaju maze Dusabe Jean Claude akora umupira mu rubuga rw’umuzamu, Muhadjiri Hakizimana ku munota wa 74’ atsinda neza Penaliti, umukino urangira Police FC itsinze 2-0.

Mu mukino w’undi wabereye mu Karere ka Ngoma, wari ufite icyo uvuze cyane kuko amakipe yombi arwana no kutamanuka, Etoile de l’Est yari yakiriye Gorilla FC.

Gorilla FC yatangiye isatira cyane kuko ku munota wa 5, umukinnyi ukina hagati Iradukunda Simeon yatsinze igitego kimwe rukumbi cyabonetse muri uyu mukino.

Uyu mukino wakiniwe hagati mu kibuga cyane, warangiye Gorilla FC itsinze Etoile de L’Est 1-0 bituma amakipe ahindagurika ku rutonde rw’agateganyo rwa Shampiyona.

Bigirimana Abed wa Police FC

Nyuma yo Gutsinda, ikipe ya Gorilla yisanze ku mwanya wa 11 n’amanota 29, na ho Etoile de L’Est itakariza icyizere abafana bayo, kuko iracyari ku mwanya wa nyuma n’amanota 22.

Rutonesha Hesbon wavuye mu mvune yagarutse akina umukino mwiza

Mugisha Didier yagize uruhare mu bitego 2 batsinze

Antino Alvalezes wa REG BBC ni we wa kabiri mu batsinze amanota menshi, 26

Ni imikino y’umunsi wa 22 wa Shampiyona yabereye muri Lycée de Kigali, gusa yari iteganyijwe kubera ku kiguba cya Kepler i Kinyinya, ariko kubera ikibazo cy’ikibuga kidasakaye ku buryo cyakwakira imikino mu gihe ikirere kidasa neza, yimurirwa muri LDK.

Umukino wabanje ni uw’abagore aho amakipe yombi yatangiye yegeranye cyane, gusa REG WBBC igenda iyobora cyane umukino mu duce twinshi tw’umukino, urangira Kepler itsinze ku kinyuranyo cy’amanota 2 (65-63).

Tetero Odille wa REG WBBC ni we wabaye mwiza muri uyu mukino, kuko yatsinze amanota 26 , akurikirwa na Uwimpuhwe Henriette wa Kepler watsinze 22.

Songa Victor wa Kepler ashaka inzira

Nyuma y’umukino hakurikiyeho uwari uhanzwe amaso n’abakunzi benshi ba basketball, kubera ko amakipe yombi akurikirana ku rutonde rwa Shampiyona.

REG BBC yatangiriye hejuru mu gace ka mbere itsinda amanota 21-14 ya Kepler, mu gace ka kabiri Kepler yaje yisubiyeho itsinda amanota menshi, gusa isanga REG BBC ikiri mu mukino amakipe yombi aranganya 19-19.

Mu gace ka gatatu REG BBC yisasiye Kepler igatsindamo amanota 23-19 ya Kepler BBC, gusa mu gace ka kane Kepler BBC yaje yisubiyeho igatsinda irusha cyane REG BBC amanota 27-19, maze umukino urangira amakipe yombi anganya 79-79, bituma hongezwaho iminota 5 maze REG BBC itsindamo amanota 10 na ho Kepler itsinda 7, umukino urangira REG BBC itsinze Kepler BBC amanota 89-87 mu mukino utari woroshye.

Chad Bowie wa Kepler BBC ni we watsinze amanota menshi, 29

Songa Victor wa Kepler ashaka inzira

Ibi Umukuru w’Igihugu yabitangaje tariki 01 Mata 2024 mu kiganiro n’itangazamakuru hagarukwa ku buzima bw’Igihugu, aho yabajijwe ku bufatanye u Rwanda rufitanye n’amakipe akomeye ku mugabane w’i Burayi.

Arsenal ni yo kipe ya mbere yakoranye n’ u Rwanda muri iyi gahunda ya Visit Rwanda

Perezida Paul Kagame abajijwe niba kugirana amasezerano y’ubufatanye hagati y’igihugu cy’u Rwanda ndetse n’amakipe yo ku mugabane w’i Burayi arimo PSG, Bayern Munich ndetse na Arsenal muri gahunda ya Visit Rwanda bitanga umusaruro, yasubije ko afasha mu kumenyekanisha ibikorwa by’Igihugu, ariko anasubiza abanenga imikoranire y’u Rwanda n’ayo makipe.

Yagize ati "Abo ni injiji rwose. Ntawe dutera inkunga, turafatanya. Ni ‘partnership’ (ubufatanye) buri wese afite icyo akora, ntabwo dutera inkunga. Gutera inkunga gute se? Twaba turi abasazi, gufata inkunga ukayiha Arsenal cyangwa Bayern Munich ntacyo ukuramo, ugomba kuba uri umusazi. Ntabwo dufite amafaranga yo kujugunya hirya no hino, nta n’amafaranga dufite rwose, uretse n’ayo kujugunya."

“Hari abantu tujya duhura, hari abaza mu bukerarugendo bakavuga ko bamenye u Rwanda ndetse n’ibigize u Rwanda binyuze mu makipe ya PSG na Arsenal ndetse na Bayern Munich".

U Rwanda rwatangiye gukorana na Arsenal binyuze muri gahunda ya Visit Rwanda mu mwaka wa 2018. Nyuma y’umwaka umwe rusinye na Arsenal, muri 2019 u Rwanda rwasinye andi masezerano n’ikipe yo mu gihugu cy’u Bufaransa, Paris Saint-Germain bakunze kwita PSG.

Amasezerano ya Bayern Munich azageza muri 2028

Paris Saint-Germain yatangiye gukora n’U Rwanda muri 2019

Mu mwaka wa 2023 nibwo u Rwanda rwatangiye imikoranire n’ikipe ya Bayern Munich yo mu gihugu cy’u Budage.

Nshimirima Ismael Pitchou wa APR FC hagati mu kibuga

Ni imikino yabaye kuri iki Cyumweru tariki 31 Werurwe 2024, ibera ku bibuga bitandukanye birimo Kigali Pelé Stadium ndetse na stade y’Akarere ka Nyagatare.

Saa cyenda zuzuye nibwo umukino wa APR FC yari yakiriyemo Muhazi United watangiye, umukino utari ufite imbaraga nyinshi mu kibuga, by’umwihariko mu gice cya mbere cyawo.

Mu gice cya kabiri Muhazi United yaje iri hejuru ya APR, kuko ku munota wa 54, Uwumukiza Obed yazamukanye umupira yihuta maze iaera ishoti rikomeye mu izamu rya Pavelh Ndzila wari uhagaze nabi mu izamu rya APR FC, maze igitego cya mbere cya Muhazi kiba kigiyemo.

Ruboneka Jean Bosco ni we wari Kapiteni uyu munsi

Ibyo byashyize APR ku gitutu cyo gushaka igitego cyo kwishyura, maze ku munota wa 70 ku mupira wari utewe neza na Ruboneka Jean Bosco, usanga Mbaoma ahagaze neza ahita atsinda igitego mu buryo bworoshye, amakipe yombi ahita anganya igitego 1-1 maze umukino urangira gutyo.

Kuri Stade ya Nyagatare Sunrise FC yari yakiriye AS Kigali, umukino wabanje kuvugwaho byinshi birimo n’amarozi, ariko waryoheye benshi.

Mu gice cya mbere AS Kigali yihariye umupira cyane, kugeza ku munota wa 35 ubwo Ntirushwa Aimé yatsindaga igitego cya mbere cya AS Kigali, ndetse iki gice kirangira gutyo.

APR FC iyoboye urutonde rwa shampiyona

Mu gice cya kabiri nta mpinduka zabayeho mu mikinire, kuko AS Kigali yakomeje kwahagiza cyane Sunrise. Ku munota wa 80, Ssekisambu Erisa yatsinze igitego cya kabiri cya AS Kigali ndetse umukino urangira ari 2-2. Gutsindwa kwa Sunrise byayishyize habi kuko yagiye ku mwanya wa 14 n ’amanota 26.

Mukokotya Robert wa Sunrise ahanganye na Ndayishimiye Thierry wa AS Kigali

Axel Mpoyo wa APR BBC ahanganye na Prince Muhizi wa REG BBC

Uyu mukino uri muri imwe mu mikino itegerejwe cyane mu mwaka w’imikino bitewe n’uko aya makipe yombi afitanye amateka akomeye by’umwihariko nk’umwaka ushize ubwo APR BBC yatwaraga igikombe itsinze REG BBC mu mikino ya kamparampaka ndetse kandi mu bikomeza uyu mukino, usibye kuba REG BBC yashaka no kwihorera, ni amakipe yombi yiyubatse cyane mu kibuga ndetse no mu batoza.

Aya makipe yombi ni meza cyane muri iyi shampiyona, dore ko APR BBC ari yo kipe ya mbere ifite ibikombe byinshi bya shampiyona (14) ndetse ikaba ifite igikombe cy’umwaka ushize wa 2023 ikaba ari na yo kipe izakina imikino ya BAL. Ni mu gihe REG BBC ari yo kipe ya mbere mu Rwanda imaze kwitabira imikino ya BAL myinshi, inshuro ebyiri.

Kuri ubu hari byinshi byo kwitega kuri uyu mukino uhereye ku batoza bakomeye

Mu mpera z’umwaka ushize wa 2023, nibwo ikipe ya Sosiyete Ishinzwe Ingufu (REG BBC) yasinyishije umutoza Mushumba Charles yaje asimbura Dean Murray wari umaranye iyi kipe iminsi itari mike gusa afite imibare mibi.

Mushumba Charles ni umwe mu batoza basanzwe bamenyereye iyi shampiyona y’u Rwanda kuko yayitojemo by’umwihariko mu ikipe ya IPRC South ndetse anayifasha gutwara igikombe mu mwaka wa 2016 batsinze Patriots BBC. Usibye kandi kuvuga ko yatoje no muri shampiyona, Mushumba yatoje amakipe y’ibihugu arimo ay’abato ndetse n’ikipe nkuru.

Abakinnyi nibura nka 90% b’Abanyarwanda barimo gukina muri iyi shampiyona bose bamuciye mu biganza haba mu ikipe ya IPRC, mu marerero ndetse no mu ikipe y’igihugu, byerekana ko azi iyi shampiyona cyane.

Umunyamerika Mazen Trakh utoza APR BBC ufite inkomoko muri Jordan, nubwo ataramara iminsi myinshi muri shampiyona kuko yagezemo muri Gicurasi 2023, afite imitoreze myiza kuko yaciye mu makipe akomeye hanze y’u Rwanda arimo na Detroit Pistons. Yabaye kandi umwungiriza muri Oklahoma City ndetse na Washington Wizards.

Muri Gicurasi, Trakh azaba yujuje umwaka ari muri shampiyona ndetse byerekana ko hari ibyo amaze kumenya muri iyi shampiyona cyane ko yaje agahesha APR BBC igikombe baherukaga muri 2012 ndetse akayifasha kujya muri BAL 2024 byerekana ko aba batoza bazahana akazi gakomeye muri izi ntangiriro za shampiyona.

Ikindi wamenya kuri aba bombi cyo kwitega, ku mutoza Mushumba Charles wa REG BBC ndetse na Mazen Trakh wa APR BBC bafite imikinire itandukanye, cyane ko Mushumba akina uburyo bwa (1-2-2 ) aho byibuze aba afite umukinnyi umwe uzamukana umupira (Point Guard) afite abandi babiri baringaniye baheza inguni (Shooting Guard ndetse na Small Forward) ndetse n’abandi babiri bakinira munsi y’inkangara (Power forward ndetse na Center).

Kuri Trakh Mazen we imikinire ye ishingiye kuri (2-1-2), akenshi akinisha babiri bazamura imipira (Adonis na Kapiteni Dixon Jr Michael) agakoresha umwe ukina ku ruhande (Nshobozwabyosenumukiza) ndetse agakoresha babiri bugarira ndetse bagasatira barimo Wamukota Bush ndetse na Dario Hunt.

Ibi bituma buri mutoza wese agorwa n’umukino bityo umukino ukarushaho kuryoha.

REG BBC iraza ije kwihimura kuri APR BBC

Mu myaka ibiri ishize (muri 2022) ikipe ya REG BBC yatwaye igikombe cya shampiyona, gusa muri 2023 nk’ikipe yahabwaga amahirwe yo kwegukana igikombe, yatsinzwe igayitse cyane ubwo yatsindwaga na APR BBC imikino 4 yose muri 7 ya kamparampaka muri shampiyona iheruka ya 2023.

REG BBC irashaka kwihorera kuri uyu munsi nyuma y’ibyo APR BBC yayikoreye muri shampiyona ishize

Ni imikino yoroheye APR BBC cyane gusa bigira ingaruka ikomeye cyane kuri REG BBC yari yizeye kwisubiza igikombe cya shampiyona ndetse yari ifite n’igisebo ko yari yavuye mu mikino ya BAL idatsinze umukino n’umwe.

REG BBC yaje gusuzugurwa na APR BBC ubwo yayiguragamo umukinnyi wayifashije gutwara ibikombe bya shampiyona ndetse no gukina imikino ya BAL ari we Adonis Filer Jovon, byerekana ko iyi kipe uyu mwaka yagowe cyane na APR BBC haba mu kuyitwara abakinnyi ndetse n’igikombe cya shampiyona.

Hari abakinnyi bo kwitega muri aya makipe by’umwihariko kuri Mukama na Adonis

Abakinnyi benshi muri aba, bahurira mu ikipe y’Igihugu ndetse kandi baramenyeranye ku buryo bishobora kuza gukomeza uyu mukino.

Uyu munsi ikipe ya APR BBC uvuze ko ari yo kipe yiyubatse cyane kurusha andi muri iyi shampiyona ntabwo waba wibeshya kuko yongeyemo imbaraga nk’ikipe yitegura BAL, kuko yaguze abakinnyi benshi kandi bakomeye barimo Adonis Filer wahoze muri REG BBC, Dickson Jr wavuye muri Patriots, Chris Ruta, Nathan Hunt, Zion Style baje biyongera ku batwaye shampiyona barimo Nshobozwabyosenumukiza Jean Jacques Willson, Wiliam Robens, Ntore Habimana, Kaje Elia ndetse n’abandi.

REG BBC na yo nubwo yatakaje abarimo Adonis wayifashije mu myaka ibiri ishize akajya muri APR BBC bagiye guhura, yongeyemo abakinnyi beza barimo Nkusi Arnaud wakiniraga APR BBC gusa utarabonaga umwana ubanzamo, Mukengerwa Benjamin wavuye muri IPRC Huye, Mukama Jean Victor uvuye muri Canada akaba yaranyuze mu makipe arimo na Patriots BBC, Gray Kendall wavuye muri Patriots BBC, Bugingo Kabare Hurbert wahoze muri IPRC Huye ndetse na Antino Alvalezes Jackson wakinaga muri Leta zunze Ubumwe za Amerika baza biyongera ku bari basanzwe muri iyi kipe barimo Kapiteni Shyaka Olivier, Muhizi Prince Pitchou Manga Kambuyi uri mu bakinnyi beza (Center ) bari muri iyi shampiyona kugeza uyu munsi, Niyonkuru Pascal, Uwitonze Justin, Icyishatse Hervé ndetse n’abandi.

Muri aba bakinnyi bose b’amakipe yombi bagomba guhura hitezwemo ihangana kuko bose bari ku rwego rwiza, by’umwihariko hagati ya Wamukota ndetse na Hunt bagomba kwizirika kuri Pitchou Manga.

Ihangana ryitezwe no hagati ya Mukengerwa Benjamin na Williams Robens, Mukama Jean Victor na Ntore Habimana, Shyaka ndetse na Nshobozwabyosenumukiza.

Imibare hagati y’amakipe yombi iri muri bimwe biri gukomeza uyu mukino cyane

Uyu munsi iyo ugerageje kureba icyo imibare ivuga usanga ikipe ya APR BBC iri hejuru ya REG BBC by’umwihariko ku rutonde rwa shampiyona, gusa APR BBC yakinnye imikino myinshi kurusha REG BBC.

Muri shampiyona, APR BBC ni yo kipe ya mbere ku rutonde aho ifite amanota 15, ikurikiwe na Patriots itaratsindwa umukino n’umwe ifite 14 n’umukino umwe w’ikirarane, hagakurikiraho REG BBC ifite 11 ndetse n’imikino 2 y’ibirarane.

APR BBC ni yo kipe ya mbere imaze gutsinda amanota menshi muri uyu mwaka (750), REG ni iya gatandatu n’amanota (512).

Muri aya makipe yombi, APR BBC ni yo imaze kwinjizwa amanota menshi (550) naho REG BBC ni yo kipe muri shampiyona yinjijwe amanota make (360).

Wamukota Bush, umukinnyi wa APR BBC ni we umaze gukora amakosa menshi mu kibuga angana na 40 kuri iyi nshuro azaba ari kumwe na Pitchou Manga mwiza mu gukorehsa amakosa.

Umukinnyi wa APR BBC kandi Adonis Filer ni we mukinnnyi ufite guhozaho muri iyi shampiyona dore ko amaze kugira uruhare mu manota 174 byumvikane ko buri mukino aba ari hejuru. Bituma aba umukinnyi umaze gutsinda amanota menshi muri uyu mwaka angana na 179 akurikiwe na Chadie Bowie Jordan wa Kepler ufite 164.

Nshobozwabyosenumukiza wa APR ni we mukinnyi wiba imipira myinshi uwo bahanganye ( Steal) dore ko amaze kwiba imipira 23.

Umukino uhuza APR BBC na REG BBC ni umwe mu mikino irebwa cyane kuko ufite igisobanuro kuri shampiyona y’u Rwanda

Ni imibare usanga iri hejuru ya APR BBC gusa ntibikuraho ko REG BBC ifite Pitchu Manga uri mu bazi kugarira neza muri iyi shampiyona ndetse no gutsinda amanota abiri menshi (Center).

REG BBC itsinze uyu mukino yagira amanota 13 ku rutonde kandi igifite imikino ibiri y’ibirarane bishobora gushyira APR BBC ahabi kuko yaba itsinzwe n’ibigugu byose birimo REG BBC ndetse na Patriots, ibintu bitari byitezwe.

APR BBC itsinze uyu mukino byayifasha kugira amanota 17 bishobora gutuma itangira imyiteguro ya BAL neza gusa bigatuma REG BBC igayika kuko yaba yaratsinzwe na Patriots ndetse na APR BBC bahanganiye igikombe.

Ni umukino uba ku saa mbili z’umugoroba (20:00) ukaza gukurikira umukino n’ubundi wa REG BBC ndetse na APR BBC mu bagore utangira 18:00.

Kwinjira kuri uyu mukino ni amafaranga ibihumbi icumi (10,000 Frw) ahasanzwe ndetse na (15,000 Frw) mu byicaro byegereye ikibuga (Court Side), uyu mukino kandi mwawukurikira munyuze kuri Link mubona ku mbuga nkoranyamabaga zose za Kigali Today.

Atkison David Tanner wa Orion ashaka uburyo bwo gutsinda amanota 2

Ni imikino umunani yakiniwe ku bibuga bibiri bitandukanye birmo icya Kepler ndetse na Gymnasium ya LDK.

Ku isaa kumi n’ebyiri zuzuye, ikipe ya Kepler BBC yari yakiriwe na Tigers, wari umukino ufite imbaraga nyinshi wihutaga bitewe n’uko amakipe asa nk’aho afite imbaraga zingana, kandi akurikiranye ku rutonde rwa shampiyona.

Mu duce twose tw’igice cya mbere ikipe ya Kepler yari hejuru cyane, ibifashijwemo na Chad Bowie Jordan uri mu bakinnyi beza uyu munsi muri shampiyona bakina bazamura imipira (Point Guard).

Mu gice ca kabiri, Arstide wa Kepler na we yagarutse mu bihe bye byiza, maze akora amanota menshi umukino Kepler BBC iwusoza itsinze amanota 85-67 ya Tigers.

Umukino wakurikiyeho wari utegerejwe n’abantu benshi, wahuje ikipe ya Espoir ifite amateka akomeye muri shampiona y’u Rwanda na APR BBC.

APR BBC yatangiye itameze neza kuko mu gace ka mbere k’umukino Espoir ibifashijwemo na Jean de Dieu, agace kagiye kurangira Ntore Habimana yatsinze amanota 3 bituma ikinyuranyo kigabanuka, gusa Espoir isoza iyoboye n’amanota 20-19 ya APR BBC.

Amisi Said ashaka gutsinda amanota abiri

Mu gace ka kabiri APR BBC yigaranzuye Espoir iyitsinda mu buryo bworoshye amanota 28-23, yakozwe cyane n’abarimo Wamukota, Ntore ndetse na Adonis .

Agace ka gatatu kihariwe cyane na APR BBC aho umukinnyi Zion Styles, ari we wari imbere mu batsinda amanota menshi yiganjemo 2 ndetse na 3, biza gutuma igasoza ifite amanota 36-15 ya Espoir.

Mu gace ka nyuma umutoza Mazen wa APR BBC yagerageje gukora impinduka, kuko yari yizeye instinzi maze ashyiramo uwahoze ari Kapiteni wa APR, Kazingufu Ali byongerera imbaraga Espoir, uwitwa Mwanawabene Ampire Fortunat astinda amanota mesnhi gusa bakomeza kujyana na APR, byatumye aka gace karangira amakipe yombi anganaya 30-30.

Umukino wose warangiye ku giteranyo cy’amanota 113 ya APR BBC kuri 88 ya Espoir, Mwanawabene Ampire Fortunat wa Espoir aba umukinnyi w’umukino, dore ko ari we watsinze amanota menshi, 28. Uyu mukino nubwo utagaragayemo Turatsinze Olivier wa Espoir usanzwe ugenderwago ndetse na Kapiteni wa APR, Dixon Jr Michael, wari uryoshye mu kibuga dore ko wabaye uwa mbere kuva shampiyona yatangira wagaragayemo amanota menshi, arenga 110.

UGB na Orion zifashishije abanyeshuri ba Kepler zitwara neza

Muri Kepler hakiniwe imikino 2, aho ikipe ya Orion saa 18:00 yakiriye Inspired Generation, nyuma yaho saa 20:00 K Titans yakira ikipe ya UGB.

Duke Molua, kapiteni wa Inspired Generation

Ikipe ya Orion irimo gukina umwaka wa kabiri muri shampiyona, yatanze ikaze kuri Inspired Generation irimo gukina umwaka wa mbere muri iyi shampiyona, iyitsinda amanota 91-76.

Ni umukino wari ufite byinshi uvuze, nko ku ikipe ya Inspired itaratsinda umukino kuva shampiyona yatangira, ndetse kandi Orion BBC na yo yasabwaga gutsinda.

Muri buri gace k’umukino ikipe ya Orions yari hejuru cyane ya Inspired Generation, amanota yiganjemo ay’uwitwa Elias Ezenekwe Solomon waje kuba umukinnyi w’umukino (MVP), atsinda amanota 35, aba umukinnyi wa mbere utsinze amanota menshi mu mukino umwe kuva uyu mwaka w’imikino watangira.

Nyuma yaho hagiyemo mukino wahuje UGB BBC imaze iminsi ihagaze neza na K Titans yari imaze iminsi itsinze Inspired Generation, biyikura ku mwanaya wa nyuma.

Agace ka mbere nk’ibisanzwe nka UGB BBC yahabwa amahirwe cyane, yakinjiyemo neza igastinda irusha Titans amanota 8 (20-12).

Mu gace ka kabiri UGB yashyuhanye Titans iyitsinda amanota 24-11 mu buryo bworoshye, bituma baruhuka ikipe ya UGB iyoboye umukino n’amanota 44-23.

Mu gace cya kabiri ikipe ya Titans yaje ifite intego yo kugaruka mu mukino yitwara neza, itsinda amanota 27-20 ibifashijwemo na Mbaki Jordan uzwiho gutsinda amanota 3 muri iyi shampiyona.

Axel Mpoy wa APR BBC ahanganye na Prince Muhizi wa REG BBC

Mu gace ka kane amakipe yagendanaga mu manota, UGB ishaka gusigasira ibyagezweho, naho K Titans ishaka gutsinda ku kinyuranyo cy’amanota menshi, kugira ngo yegukane umukino, gusa birangira UGB iyoboye n’amanota 15-14.

Umukino wose warangiye UGB itsinze K Titans amanota 79-64, abakinnyi nka Mbaki Jordan wa K Titans ndetse na Habineza Shaffi wa UGB batsinda amanota 17, bityo bombi baba abakinnyi b’umukino.

Iyi shampiyona izakomeza ku ku wa gatanu, APR BBC izakira REG BBC saa kumi n’ebyiri mu bagore, na APR BBC na REG BBC mu bagabo saa mbiri, imikino muzakurikira munyuze kuri Link musanga ku mbuga nkoranyambaga za Kigali Today.

Iragena wa APR asimbutse mu kirere ashaka gutsinda igitego

Ni imikino yakiniwe ku bibuga bitandukanye birimo ikibuga cya Kimisagara, ADEGI Gituza ndetse na Kigoma mu bagabo.

Ni shampiyona yagiye gutangira abakunzi b’uyu mukino bayitegereje cyane kubera ko uyu mwaka hakozwe impinduka nyinshi by’umwihariko ku isoko ry’igurisha ku makipe atandukanye mu buryo bwo kwiyubaka, hongerwamo imbaraga mu makipe, ariko kandi ni shampiyona izaba irimo imbaraga kuko u Rwanda ruri kwitegura kwakira igikombe cy’Isi cya 2026.

Ku munsi wa mbere wa shampiyona hakinwe imikino irindwi, ikinirwa ku bibuga bitandukanye birimo ADEGI, Kigoma ndetse na Kimisagara.

Mu mikino yabereye kuri ADEGI; Ikipe ya UR Huye yatsinze ADEGI yakiniraga imbere y’abafana bayo ibitego 35-30. Ikipe ya APR HC yiyubatse uyu mwaka izahagararira u Rwanda mu mikino nyafurika yatsinze UR Huye amanota 45-23. APR HC kuri uwo munsi kandi yatsinze ADEGI biyoroheye ibitego 26-09.

Umunyezamu wa APR HC, Uwayezu Arsene na we yifuje gutsinda igitego muri uyu mukino, bamuha gutera Penaliti ntibyamuhira umunyezamu wa Gorillas arayifata

Ku kibuga cya Kigoma, ES Kigoma yatsinze UR Rukara ibitego 31-24, UR Rukara kandi yongeye gutsindwa na Police ibitego 49-13, Police yiyubatse neza muri uyu mwaka yongera gutsinda ES Kigoma ibitego 33-14.

Ku kibuga cya Kimisagara, Gorillas HC yari yakiriye Nyakabanda, maze ikipe ya Nyakabanda HC yitwara neza itsinda Gorillas ibitego 33-13.

Ku Cyumweru imikino yakomeje hakinwa umunsi wa kabiri wa shampiyona

Ku kibuga cya Kimisagara, Gorillas HC yatsinze UR Rukara itari nziza cyane muri izi ntangiriro za shampiyona ibitego 38-22, UR Rukara kandi yongeye gutsindwa na APR HC ibitego 33-14, APR HC yari nshya muri uyu mukino kubera abakinnyi yaguze muri Gicumbi HC yongeye kwerekana ko yaguze neza itsinda Gorillas HC ibitego 42-20.

I Kigoma kandi na ho imikino yakomeje, ES Kigoma itsinda UR Huye ibitego 27-21, UR Huye itsinda umukino wa mbere ikipe ya Nyakabanda ibitego 37-31. Byahise bishyira iherezo ku ikipe ya Nyakabanda, kuko yahise itsindwa undi mukino n’ikipe ya ES Kigoma ibitego 28-34.

Bamwe mu basifuzi bakoze ku munsi wa mbere wa shampiyona

Muri Gatsibo ku kibuga cya ADEGI hakinwe umukino umwe, aho Police HC yatsinze umukino wayo wa kabiri itsinda ADEGI ibitego 46-21.

Mu bagore kandi na ho ku Cyumweru imikino yakinwaga, ISF Nyamasheke itsinda UR Huye ibitego 34-15, UR Huye itsindwa irushwa cyane na ESC Nyamagabe ibitego 33-20, ndetse kandi umukino wari ukomeye kuri uyu munsi wahuje ESC Nyamagabe na ISF Nyamasheke. Umukino warangiye ESC Nyamagabe itsinze ISF Nyamasheke ibitego 27-17.

Mu bagabo amakipe ya APR HC ndetse na Police ni yo makipe ataratsindwa umukino, Police ikaba ari yo kipe imaze kwinjiza ibitego byinshi kugeza ku munsi wa Kabiri.

Ikipe ya UR Rukara nta mukino iratsinda kugeza ku munsi wa kabiri wa shampiyona

Ikipe ya Gorillas Handball Club

Tuyishimire Zakari wagiyze umukino mwiza yashimwe n’umutoza we Anaclet

Hagenimana Fabrice wa APR HC ashaka gutsinda igitego umunyezamu wa Gorillas

Mbesutunguwe Samuel wa Police HC

Police Handball Club yaguze abakinnyi benshi muri uyu mwaka w’imikino biganjemo abahoze muri Gicumbi HC

Ngamije Nicolas wa Inspired Generation ashaka kunyura kuri Mbaki Jordan wa K Titans

Ni umukino wabaye tariki 23 Werurwe 2024 muri Lycée de Kigali akaba ari umukino wari ufite icyo uvuze ku rutonde rwa shampiyona, dore ko aya makipe nta mukino n’umwe yari yaratsinze kuva shampiyona ya 2024 yatangira.

Mu gice cya mbere cy’umukino by’umwihariko mu gace ka mbere, ikipe ya K Titans yahabwaga amahirwe yakinjiyemo neza kuko yatsinze amanota 12 ikipe ya Inspired Generation itaratsinda inota na rimwe.

Abasore barimo Kubanatubane Philippe mwiza mu kuzamura imipira (Point Guard) wa K Titans yatsindaga amanota yiganjemo abiri ndetse kandi afatanyije na Mbaki Jordan mwiza mu gutsinda amanota atatu na Mpeti Elvis bityo agace ka mbere karangira K Titans isoza irusha cyane Inspired Generation kuko yagatsinzemo amanota (19-06).

Mu gace ka kabiri, Inspired Generation yari imeze nk’itarinjira mu mukino mu gace ka mbere, yagarutse isa nk’aho iri hejuru ibifashijwemo na Kapiteni Patrick Rugamba, gusa bikomeza kugorana kuko abahungu ba Titans bari bahagaze neza, basoza aka gace bayoboye na 19-14 na Inspired Generation. Byatumye igice cya mbere kirangira ari K Titans iyoboye n’amanota 38-20 ya Inspired Generation.

Bienvenue Liseko wa K Titans ashaka inzira mu bakinnyi ba Inspired Generation

Mu gace ka gatatu mu gice cya kabiri Inspired Generation yaje iri hejuru cyane ibifashijwemo na Lambe Embola Joseph, Mugabo Bruno, Ndizihiwe Cedrick wagize umukino mwiza, bafasha ikipe kwegukana aka gace kuko bagatsinze K Titans amanota 30-26.

Mu gace ka nyuma ikipe ya K Titans yisubije icyubahiro maze amakipe yombi aragendana harimo amanota abiri gusa y’ikinyuranyo, K Titans ari yo iyoboye bituma isoza aka gace ifite amanota 19 kuri 17 ya Inspired Generation.

Uyu mukino warangiye K Titans itsinze Inspired Generation ku giteranyo cy’amanota 83-67, maze Mbaki Jordan wa K Titans aba umukinnyi w’umukino kuko yatsinze amanota 26 atanga imipira ivamo amanota 6 ndetse kandi afata imipira ya kabiri (Rebound) 5.

Uyu mukino wasize K Titans ku mwanya wa 8 n’ amanota 7, naho Inspired Generation yisanga ku mwanya wa nyuma wa 10 n’amanota 6.

Duke Molua wa Inspired Generation atsinda amanota abiri

APR WFC yegukanye igikombe cya shampiyona y’icyiciro cya kabiri

Ni umukino wabaye kuri iki cyumweru tariki 24 Werurwe 2024 kuri Kigali Pele Stadium, aho iyi ikipe y’ingabo z’igihugu yaje ifite amahirwe menshi yo kwegukana iki gikombe, cyane ko yari yari yitwaye neza muri iyi shampiyona ndetse kandi ikaba yakinnye uyu mukino wa nyuma ifite n’abafana ugereranije n’indi mikino yakinnye ya shampiyona.

APR WFC yahabwaga amahirwe yatangiye umukino iwiharira cyane kugeza aho ku munota wa 10 yari imaze guhusha uburyo bwinshi b’ibitego, gusa ku munota wa 18 yaje kubona igitego kuko yari yanze kuva imbere y’izamu rya Forever maze Ukwiishaka Zawadi wabaye umukinnyi mwiza w’umukino atsinda igitego cya mbere.

Umukino wabereye kuri Stade ya Kigali i Nyamirambo

Hadaciyemo iminota myinshi Zawadi wifujwe n’amkipe atandukanye muri uyu mwaka, ku munota wa 25 yatsindiye APR WFC igitego icya kabiri. Ikipe ya Forever yahise icika intege, igice cya mbere kirangira ari ibitego 2-0.

Mu gice cya kabiri cy’umukino , ku munota wa 47 n’ubundi Ukwishaka Zawadi yatsinze agasyinguracumu muri uyu mukino ndetse urangira ari ibitego 3-0 bya APR WFC, APR WFC ihita yegukana igikombe mu mukino wanarebwe na Perezida wa APR FC Col Karasira Richard.

APR WFC itwaye iki gikombe nta mukino n’umwe itsinzwe

Kapiteni wa APR WFC ashyikirza igikombe Perezida wa APR FC Colonel Richard Karasira

Nyuma y’umukino APR WFC yashyikirijwe igikombe, ubu ikaba yaramaze no kuzamuka mu cyiciro cya mbere aho isanze amkipe akomeye arimo Rayon Sports yatwaye igikombe uyu mwaka, ndetse na AS Kigali ifite byinshi biherekejwe n’amateka yakoze muri ruhago y’abagore mu Rwanda.

Hagumintwari Steven, umukinnyi wa Patriots BBC witwaye neza muri uyu mukino

Ni umukino wabereye muri Lycée de Kigali (LDK), ku wa Gatatu tariki 20 Werurwe 2023, witabirwa n’abanyacyubahiro batandukanye barimo n’Umuyobozi wa BAL, Amadou Gallo Fall uri mu ruzinduko rw’akazi mu Rwanda.

Ni umukino witabiriwe n’abafana benshi cyane kuva iyi shampiyona yatangira muri uyu mwaka, kubera ko aya makipe ari yo ya mbere akunzwe cyane ndetse yari akurikiranye ku rutonde rwa shampiyona, aho APR BBC yari iyoboye n’amanota 12 inganya na Patriots, gusa bagatandukanira ku manota menshi APR BBC yinjiye kurusha Patriots BBC.

Ku ruhande rwa APR BBC yari yakiriye umukino, Umutoza Trakh Mazen, yabanje mu kibuga Kapiteni Dixon Jr Michael Andre, Filler Adonis, Nshobozwabyosenumukiza Willson, Dario Hunt ndetse na Wamukota Bush, maze abarimo Ntore Habimana, William Robens na Mpoyo n’abandi babanza hanze,

Patriots BBC yaje ku kibuga idahabwa amahirwe menshi ugereranyije na APR BBC, umutoza Henry Mwinuka yabanje mu kibuga kapiteni Ndizeye Ndayisaba Dieudonne, Scekic Nikola, Kamndoh Betouji, Hagumintwari Stiven na Wiliam Perry wabaye mwiza muri uyu mukino, gusa abarimo Nyamawa Bruno, Gasana Kennteh, Olivier, Samuel n’abandi babanze ku ntebe y’abasimbura.

Nshobozwabyosenumukiza Jean Jacques Wilson wanyuze muri Patriots BBC kuri ubu ukinira APR BBC uyu mukino wamugoye

Mu gutangira agace ka mbere, ikipe ya Patriots BBC yari hejuru cyane kuko byibuze mu munota umwe wa mbere n’amasegonda 45 yari imze kubona amanota 9 yakozwe n’abankinnyi barimo Wiliam Perry na Ndayisaba Dieudonée wakoze amanota 3 ya mbere muri uyu mukino.

Ibi byakomeje gushyira ku gitutu APR BBC, maze nyuma y’iminota 2 yuzuye nibwo yaje kubona amanota 2 astinzwe neza na Adonis Filler, gusa Patriots yari nziza muri aka gace igasoza iri hejuru n’amanota 19-09.

Mu gace ka kabiri umutoza Mazen wa APR BBC, yahise atangira gukora impinduka, akuramo Wamukota wari ufite amakosa menshi ashyiramo Chris Ruta, akuramo na Nshobozwabyosenumukiza ashyiramo Ntore Habimana wahinduye umukino cyane, kuko yatsinze amanota 3 inshuro ebyiri mu masegonda 40, avamo amanota atandatu yahise azamurira ikizere iyi kipe.

Mbere y’uko aka gace ka kabiri gasoza, ikipe ya Patriots yari hasi cyane biza guhumira ku mirari, ubwo umutoza Mwinuka yakuyemo abakinnyi bari beza muri uyu mukino barimo Perry, Dieudonnée na Scekic, ashyiramo Kenneth Gasana, Kamilindi Olivier ndetse na Sedar Sagamba bituma APR BBC iyirusha cyane, kuko yari yashyushye maze aka gace bagatsinda Patriots amanota 20-09, byaje gutuma igice cya mbere APR BBC ikiyobora n’amanota 29-28.

Mu gice cya kabiri APR BBC yari hasi cyane, kuko uduce twose (Gatatu na Kane) Patriots yatwihariye.

Kamilindi Olivier wagize umukino mwiza

Mu gace ka gatatu, ikinyuranyo cyabaye ubwo abakinnyi beza ba Patriots bazi kugarira barimo Frank Kamndoh bakinaga neza, kuko byibuze yagerageje kubuza abakinnyi ba APR BBC gutsinda inshuro zirenze 3 bizwi nka (Block), ibi byahitaga bitera imbaraga abakinnyi ba Patriots zo gutsinda, Perry aba mwiza mu gutsinda amanota 3 ndetse na Stiven wagarutse mu bihe bye byiza astinda amanota 2 inshuro 2 zikurikirana mu buryo butangaje (Dunk). Gusa Ntore na Adonis ba APR BBC bacungiraga hafi bagakora amanota 2 ndetse na 3 yafashaga mu gukomeza kwiruka inyuma ya Patriots, gusa ntibyayikundira isoza aka gace irushwana na Patriots amanota 8 kuko yatsinzwe (18-26).

Mu gace kanyuma katangiye karimo amayeri menshi ku mpande zombi, gusa Patriots yacitse imbaraga mu mpera z’agace, byatumye Mazen ashyira hanze abakinnyi barimo Ntore wari mwiza kurusha abandi muri APR, ndetse na William asa nk’uwereka Umutoza Mwinuka ko asa nk’uwarekuye umukino bityo akirara, akaza kubashyiramo bagakora amanota, Gusa mwinuka we yihutiye gushyiramo batanu beza kugira ngo bakomeze gushyiramo ikinyuranyo, APR BBC itakinnye neza muri aka gace, abakinnyi barimo nka Dixon na Adonis bishe imipira myinshi, bituma abakinnyi barimo Stiven na Perry bayibaga cyane (Steal) batsinda biboroheye, bituma batsinda aka gace ku manota 19-12 ya APR BBC.

Muri rusange uteranyije uduce twombi kikipe ya Patriots yayoboye, maze ishyiramo ikinyuranyo cy’amanota 14 (APR BBC 59 -73 Patriots), byatunguye benshi kuko itahabwaga amahirwe yo gutsinda.

Kapiteni wa Patriots BBC Ndizeye Ndayisaba (Gaston) ni we watsinze amanota menshi mu mukino (24)

William Perry wa Patriots na Ndizeye Ndayisaba ni bo batsinze amanota menshi muri uyu mukino, kuko buri wese yatsinze 24.

Kuri ubu Patriots iyoboye urutonde rwa shampiyona n’amanota 14, kuko nta mukino n’umwe iratsindwa, APR BBC iba iya kabiri n’amanota 13, akaba ari wo mukino wa mbere itsinzwe muri uyu mwaka w’imikino.

Patriots BBC yishimira intsinzi imbere y’abafana bayo

Cyomoro Yvan yari yitabiriye uyu mukino

Reba umukino wose muri iyi video:

Amafoto: Eric Ruzindana

Nshobozwabyosenumukiza wa APR BBC ari kumwe na Steven Hagumintwari wa Patriots

Ni umukino utegerezanyijwe amatsiko cyane kuko kuva ingegabihe ya shampiona yajya hanze, amakipe yombi yagiye yiyubaka, hongerwamo imbaraga.

Impamvu uyu mukino ukomeye ni uko aya makipe afite amateka ndetse n’ibigwi muri Basketball mu Rwanda kandi ahagaze neza. Patriots BBC ni yo kipe ya mbere yitabiriye imikino ya BAL, naho APR BBC ni yo igomba kwitabira uyu mwaka ndetse ikaba ari na yo ifite igikombe cya shampiyona giheruka.

Abatoza bombi ni abantu bo kwitegwa ushingiye ku mitoreze yabo ndetse n’amateka

Henry Mwinuka ni umutoza wa Patriots, akaba umwe mu batoza bamenyereye iyi shampiyona, kuko yanyuze mu makipe atadukanye kandi anakomeye arimo na REG BBC iheruka mu mikino ya BAL. Usibye kandi kumenyera shampiyona uyu yatoje ku rwego mpuzamahaga harimo ikipe y’igihugu ya Tanzaniya ndetse anatoza KIU Titans yo muri Uganda.

Umunyamerika Mazen Trakh utoza APR BBC ufite inkomoko muri Jordan, nubwo ataramara iminsi myinshi muri shampiyona kuko yagezemo muri Gicurasi 2023, afite imitoreze myiza kuko yaciye mu makipe akomeye hanze y’u Rwanda arimo na Detroit Pistons, yabaye kandi umwungiriza muri Oklahoma City ndetse na Washington Wizards.

Ibi byerekana abatoza bakomeye bashobora guhana akazi kuri buri ruhande bityo bikaryoshya imikinire cyane ko n’iyo bahagaze batoza (kuri touchline) ubabonamo ishyaka ridasanzwe muri uyu mukino.

Hari abakinnyi bitezwe ku mpande zombi bahorana ihangana

Iyo uvuze APR BBC uhita wumva ikipe nshya kuko kuva yatwara igikombe cya Shampiyona umwaka ushize wa 2023 ikaba ari na yo izasohokera Igihugu muri BAL yaguze abakinnyi benshi kandi bakomeye barimo Adonis Filer wahoze muri REG BBC, Chris Ruta, Nathan Hunt, Zion Style baje biyongera ku batwaye shampiyona barimo Nshobozwabyosenumukiza Jean Jacques Willson, Dickson Jr, Wiliam Robens, Ntore Habimana ndetse n’abandi.

Dieudonné wa Patriots ahanganye na Kaje wa APR BBC

Patriots BBC uyu mwaka wa shampiyona yatangiranye amashagaga kuko yatangiye yiyubaka, yongeramo abakinnyi barimo Frank Kamndoh Bitoudji wabaye umukinnyi mwiza mu kugarira umwaka ushize, Nikola Scekic, Gasana Kenneth Herbert ndetse na William Perry wifujwe na Rivers Hoops Kiah izakina BAL, baje biyongera kuri Ndizeye Dieudonné Ndayisaba, Steven Hagumintwari ndetse n’abandi.

Mu kibuga iyo urebye imikinire y’amakipe yombi ndetse n’imibare bakoresha mu gutoza, hari byinshi byo kwitega cyane nka Dieudonné Ndayisaba uzwiho gutsinda amanota 3 ku ruhande rwa patriots, APR BBC ikagira Ntore Habimana na we mwiza mu manota 3 gusa bombi bagahurira ku kuba bakoresha akaboko k’ibumoso.

Adonis wa APR BBC ni umwe mu bategerejwe guhangana na William Perry wa Patriots wamaze kwemeza abakunzi ba Basketball.

Mu guhangana mu kibuga kandi abenshi biteze kureba Nikola wa Patriots arimo arahura na Wamukota Bush ndetse na Ruta Chris ba APR BBC.

Nshobowabyosenumukiza wa APR BBC arisanga ari kumwe na Frank wa Patriots cyangwa se Gasana, bitume muri LDK haboneka ibirori bidasanzwe muri iyi shampiyona.

Imibare hagati y’amakipe yombi yerekana ko uyu mukino utaza koroha

Kugeza kuri uyu musi ikipe ya APR BBC yakira uyu mukino ni iya mbere ifite amanota 12 inganya na Patriots, gusa APR BBC ikaba yaratsinze amanota menshi 578 kurusha Patriots yatsinze 504.

Dickson Jr wa APR BBC akaba na Kapiteni ari muri bamwe bafite urufunguzo rw’uyu mukino

Gusa nubwo ikipe ya APR BBC iyoboye shampiyona bigaragara ko ifite ikibazo cyo kugarira (center) kuko ni yo yinjijwe amanota menshi ugereranyije na Patriots bahura kuko APR BBC yinjijwe 389, Patriots yinjizwa 358.

Uyu munsi ikipe yakwitwara neza igatsinda uyu mukino yahita iyobora urutonde bikaba byiza cyane kuri Patriots yaba irangije gukina n’amakipe akomeye, na REG BBC yatsinze mu mpera z’icyumweru gishize, bikaba ikibazo mu gihe APR BBC yawutakaza kandi itarakina na REG BBC.

Uyu umukino utangira saa moya muri Gymnasium ya LDK, byitezwe ko ari wo mukino witabirwa n’abantu benshi kubera ko yombi ari amakipe afite abafana benshi cyane. By’umwihariko Patriots ni yo kipe ya mbere ifite abafana benshi mu Rwanda ndetse na APR BBC ikunzwe muri iyi minsi nk’ikipe izitabira imikino ya BAL 2024.

APR BBC ni yo ifite igikombe cya shampiyona

Nikola Sceskic agikina muri MBK Handlova

Ibi ikipe ya Patriots BBC yabishyize hanze kuri uyu wa Gatanu tariki 15 Werurwe 2023, nyuma y’uko uyu mukinnyi yari amaze iminsi mu Rwanda ari mu biganiro na Patriots BBC.

Nikola Scekic w’imyaka 28 ufite metero ebyiri na santimetero 19(2.18m), asanzwe ari umukinnyi ukina imbere yataka ndetse akanazibira, bizwi nka (Pivot), yanyuze mu makipe atandukanye arimo New Mexico, South Florida, KK Vrsac, CRN Dream Struga yo muri Macedonia, BK Decin yo muri Czech Republic, MBK Handlova yo muri Slovakia, ndetse na KK Zdavlje ibarizwa muri Serbia mu gihugu akomokamo.

Patriots ni ikipe ikomeje kwiyuba, by’umwihariko muri izi ntagiriro za shampiyona igeze ku musi wayo wa 14, kuko Nikola Scekic aje yiyongera kuri Gasana Kenneth wagarutse muri iyi kipe uyu mwaka, Kamdoh Frank, William Perry ndetse n’abandi.

Nilola Scekic ukomoka muri Serebia akina nka Pivot

Patriots ni ikipe isanzwe yitwara neza muri shampiyona y’u Rwanda, ikaba ari yo kipe yitabiriye imikino ya BAL bwa mbere, ikaba ifite umukino na REG BBC kuri uyu wa gatanu.

Dyamo isezerewe yari yatsinze umukino wa mbere ikipe ya Cape Town Tigers yari mu Rugo

Kuva ku Cyumweru tariki 09 Werurwe 2024, ubwo iyi kipe yakinaga na Cape Town Tigers ikayitsinda 86-73, yari yambaye umwambaro utagaragaza umuterankunga mukuru w’irushanwa (Visit Rwanda), biteza ikibazo hagati ya The BAL itegura irushanwa ndetse n’umuterankunga, bituma ikipe iganirizwa ku makosa yakoze ndetse irihanangirizwa.

Gusa byaje kuba ikibazo ubwo iyi kipe yaterwaga mpaga ku mukino yari guhuramo na FUS Rabat yo muri Maroc, kubera kwanga gukurikiza amategeko nyamara bari baraburiwe.

Impamvu nyamukuru ivugwa ni uko Guverinoma y’igihugu cy’u Burundi aho iyi kipe ikomoka, yafashe umwanzuro wo kubuza ikipe ya Dynamo BBC kwambara umwambaro uriho ibirango bya Visit Rwanda, kubera ikibazo cy’umwuka mubi uri gututumba hagati y’u Burundi ndetse n’u Rwanda.

Abinyujije mu itangazo ryasohotse kuri uyu wa Kabiri tariki 12 Werurwe 2024, Perezida wa BAL Amadou Gallo Fall, yamenyesheje ko ikipe ya Dynamo BBC yasezerewe mu irushanwa hashingiwe ku mategeko y’Impuzamashyirahamwe y’umukino wa basketball ku Isi (FIBA).

Yagize ati "Ikipe ya Dynamo yo mu Burundi yanze gukurikiza amategeko ndetse n’ibisabwa mu myambarire y’irushanwa, bityo ikaba iterewe mpaga ku mukino yari ifite uyu munsi n’ikipe ya Petro de Luanda yo muri Angola, ikaba ari mpaga ya kabiri, bityo rero dushingiye ku mategeko ya FIBA, avuga ko ikipe itewe mpaga inshuro ebyiri mu irushanwa rimwe isezererwa".

Dyamo isezerewe yari yatangiye yitwara neza

Ni ku nshuro ya mbere ikipe ya Dynamo BBC yari yitabiriye irushanwa rya Bal, ririmo gukinwa ku nshuro ya kane, ikaba yabarizwaga mu makipe arimo gukinira mu gihugu cya Afurika y’Epfo mu gice cya Kalahari (Kalahari Conference).

Abakinnyi ba APR BBC bari kumwe n’abana barenga 150 babarizwa muri iri shuri rya Basketball

N’ubwo ari abakinnyi ba APR BBC bose baje gusa n’igikorwa cyateguwe na bamwe mu bakinnyi b’iyi kipe barimo Nshobozwabyosenumukiza Jean Jacques Willson ndete na Chris Ruta bafatanyije n’umutoza w’aba bana Rehema Shaban bakorera imyitozo kuri Club Rafiki i Nyamirambo.

Muri iri shuri habarizwamo abakobwa ndetse n’abahungu

Hakinwe imikino y’abana itandukanye

Baganira na Kigali Today, Chris Rutha ndetse na Nshobozwabyosenumukiza bavuga ko bafite intego zo gufasha abana bari ku mihanda bakabakura yo ndetse bakabigisha umukino wa Basketball kuko ari bo Rwanda rw’ejo.

Chris yagize ati " Nagarutse mu Rwanda gukinira ikipe ya APR BBC gusa mfite n’inzozi zo gufasha abana bato bakunda uyu mukino by’umwihariko abana badafite ubushobozi, kuko iyo urebye usanga abenshi dukinana uyu munsi mu cyiciro cya mbere baba baranyuze muri ubu buzima bwo guhangayika bigatuma bagira inzitane mu rugendo rwabo"

Adonis Jovon Filer ukinira APR BBC aganiriza abana, ndetse abigisha uko umukino ukinwa

Usibye kandi gufasha aba bana ndetse no kubatera imbaraga kugira ngo bakomeze gukunda uyu mukino, barahembwa kubera ko bitwaye neza ku rwego rw’Igihugu ubwo begukana igikombe cya shampiyona mu batarengeje imyaka 16, nk’uko Nshobozwabyosenumukiza Jean Jacques Willson abigarukaho.

Ati "Njyewe nakuriye hano nzi imvune bano bana bahura nazo, ni yo mpamvu mu rwego rwo kubatera imbaraga zo gukora cyane nari narabasezeranyije ko nzabahemba nibatwara igikombe cyangwa se nibakomeza kwitwara neza haba no mu ishuri, ni yo mpamvu nafatanyije na Chriss kugira ngo tubashe kubashimira ndetse tunishimane nabo babone ko bakuru babo babashyigikiye"

Umutoza Rehema wambaye agatambaro k’umutuku mu mutwe na Chriss wambaye imyenda y’umukara baganira n’abana

Rehema Shaban ubatoza yemeza ko abana atoza ari abahanga mu ishuri ndetse no muri uyu mukino ari yo mpamvu ahora abitaho cyane kugira ngo bakomeze kugira imyitwarire myiza bazanakine uyu mukino neza.

Yagize ati "Aba bana twamaze kubona ko bazi uyu mukino turifuza kubafasha gukora neza kugira ngo bakomeze gutanga umusaruro muri uyu mukino, kuko hari abakinnyi benshi banyuze hano kandi bakinira ikipe y’Igihugu"

Yakomeje agira ati: "Ni yo mpamvu rero nifuza ko abakinnyi bakuru baturuka mu makipe atandukanye bazajya baza kubasura bakabatera imbaraga nk’uko APR BBC babifashijwemo na bagenzi babo barimo Chris na Nshobozwabyosenumukiza babikoze"

Abana bafata amafunguro

Kaje Elie wa APR BBC uhagarariye abakinnyi bose bakina Basketball mu Rwanda aganira n’abana bato bari gufata amafunguro

Abana babarizwa muri irushuri barenga 450 iyo bari mu biruhuko gusa kuri uyu wa Gatandatu barengaga 150, bakaba barasangiye n’abakinnyi ba APR BBC hakoreshweje amafaranaga asaga Miliyoni imwe (1,000,000).

Yannick Bizimana wa APR FC (uri ku mupira) ari mu bakinnyi bakiniye aya makipe yombi

Uyu mukino benshi bita ‘Derby de Mille Collines’ ni umukino ugiye kuba ikipe ya APR FC isa nk’aho yamaze kwizera igikombe cya shampiyona, aho nyuma yo gutsinda ikirarane yari ifitanye na Etoile de l’Est, yahise irusha Rayon Sports iyikurikiye amanota 10, gusa ntibikuraho gukomera k’umukino nk’uko bisanzwe.

Imibare igaragaza ko aya makipe ari amakeba cyane

Ni umukino wa 102 amakipe yombi agiye gukina kuva mu 1995. Rayon Sports izakira uyu mukino imaze gutsinda imikino 32, mu gihe APR FC imaze gutsinda 43, amakipe yombi anganya imikino 26. Mu bitego byose byinjijwe muri iyi mikino ni 261, APR FC yinjije 135 , Rayon Sports yarebye mu izamu inshuro 126.

Aya makipe kuva mu 2016 amaze gukina imikino 18. Muri iyo Rayon Sports yatsinze imikino 6 yinjiza ibitego 14, APR FC yatsinze imikino 9 yinjizwa ibitego 16 anganya imikino 3.

Ikipe ya Rayon Sports yamaze imyaka ine idatsinda APR FC mu marushanwa yose, hagati y’itariki 20 Mata 2019 na tariki 12 Gashyantare 2023 ubwo yayitsindiraga i Huye 1-0. Hagati muri iyo myaka isaga ine bakinnyemo imikino 7 APR FC itsinda 5 banganya imikino 2.

Kuri ubu ariko Rayon Sports mu gihe cya vuba ni yo iyoboye urugendo ruhuza amakipe yombi kuko imaze imikino ine idatsindwa na APR FC mu marushanwa yose bahuriyemo, dore ko kuva muri Gashyantare 2023 aya makipe amaze guhura inshuro eshatu. Muri izi nshuro harimo imwe muri shampiyona, imwe mu Gikombe cy’Amahoro ndetse n’undi mukino w’igikombe kiruta ibindi (Super Cup 2023).

Umukino wa APR FC na Rayon Sports ni umukino urangwa n’ishyaka ku mpande zombi

Ibi byatumye tariki 29 Ukwakira 2023, Rayon Sports yasabwaga gutsinda umukino wa APR FC itarabishoboye, bituma idakora amateka yo gutsinda imikino ine yikurikiranya iyihuza na APR FC kuko itatu ya mbere yari yarayitsinze(1-0, 1-0, 3-0) yinjizamo ibitego bitanu mu gihe APR FC nta gitego na kimwe yinjije mu izamu rya Rayon Sports.

APR FC itsinze uyu mukino yahita itwara igikombe ku munsi wa 23 wa shampiyona

APR FC iyoboye urutonde rw’agateganyo rwa shampiyona n’ amanota 55, ikurikirwa na Rayon Sports ifite amanota 45 bivuze ko harimo ikinyuranyo cy’amanota 10. Mu gihe APR FC yaba itsinze, yahita igira 58 ikarusha iyikurikiye ari yo Rayon Sports amanota 13 ashobora kutavamo bitewe n’iminsi mike yaba isigaye igera kuri itandatu kandi ikaba ari imikino isa nk’iyoroheye APR FC ikaba yakomeza gutekereza gutwara igikombe cya shampiyona idatsinzwe umukino nk’uko yabikoze mu mwaka wa 2022-2023.

Rayon Sports yatakaje abakinnyi 5, ifite umutoza mushya (Julien Mette)

Kuri ubu ikipe ya Rayon Sports yabayemo impinduka nyinshi zirimo gutakaza abakinnyi 5 bayifashije mu rugendo rwo kumara imikino ine idatsindwa na APR FC barimo umunyezamu Hakizimana Adolphe, Kapiteni Rwatubyaye Abdul, Hertier Nzinga Luvumbu, Joackim Ojera ndetse na Mussa Essenu berekeje mu yandi makipe yinganjemo ayo hanze y’ u Rwanda.

Uwo mubare uraza usanga abandi bakinnyi badahari bari bakoreshejwe barimo Aruna Moussa Madjaliwa ndetse na Eric Ngendahimana. Gusa umutoza wa Rayon Sports yavuze ko ikipe imeze neza, kandi yiteguye kubona intsinzi.

Julien Mette ni umutoza mushya wa Rayon Sports ugiye gutoza umukino wa mbere wa ‘Derby’ uhuza Rayon Sports na APR FC kuko umukino uheruka ni Mohamed Wade wawutoje. Kuri ubu Mette avuga ko yiteguye umukino ndetse nta gihunga kuko afitiye icyizere abakinnyi be.

Usibye Madjaliwa na Prince Rudasingwa, nta wundi mukinnyi wa Rayon Sports ufite ikibazo cy’imvune ushobora kutagaragara kuri uyu mukino, gusa hari abashidikanywaho barimo Eric Ngendahimana uzwiho gutsinda APR FC kuko mu mikino 4 Rayon Sports yitwaye neza kuri APR muri 3 batsinze Eric yatsinze mu mikino 2 ikurikiranye kandi atsinda igitego gitanga intsinzi (1-0, 1-0).

Luvumbu wahoze muri Rayon Sports yagoye cyane APR FC, kuri iyi nshuro ntabwo ahari

Kalisa Rashid ni umukinnyi wo kwitondera cyane kuko ikipe yose akinira iyo ikina na APR FC kuyibonamo igitego biramworohera , kuva muri Kiyovu Sports 2017, AS Kigali ku mukino wa nyuma w’Igikombe cy’Amahoro 2022 ndetse ari no muri Rayon Sports umwaka ushize wa 2023 Rayon Sports itsinda APR FC (3-0) yatsinzemo igitego cya kabiri.

APR FC nta mpinduka zirimo ugereranyije n’umukino wa mbere

APR FC iyoboye shampiyona nta mpinduka zikomeye yakoze, usibye gutakaza Bindjeme Salomon na we utarakinnye umukino wabahuje na Rayon Sports mu Kwakira 2023.

Kuva Thierry Froger yagera muri APR FC mu kwezi kwa Nyakanga 2023, amaze gukina imikino 3 na Rayon Sports gusa nta mukino aratsinda usibye kunganya.

Amakuru ari muri APR FC ni uko nta mukinnyi ufite imvune ku buryo bishobora guteza ikibazo mu ikipe ya Thierry Froger.

APR FC ifite ikibazo cya Victor Mbaoma wasubiye inyuma kubera ko kuva yakira imvune akagaragara ku mukino banganyijemo na Bugesera FC kugeza ku wo baheruka gukina w’ikirarane na Etoile de l’Est, ntarashobora kwinjiza igitego ahubwo n’uburyo abona ntabubyaza umusaruro harimo na penaliti yahushije, bituma APR FC isezererwa na Gasogi United mu gikombe cy’Amahoro.

Alain Bacca wa APR FC ari mu bakinnyi bitezwe kuri uyu mukino bashobora kugora Rayon Sports

Ni umukino uzasifurwa n’umusifuzi mpuzamahanga Ishimwe Jean Claude hagati, akazafashwa n’abandi basifuzi bo ku ruhande ari bo Ishimwe Didier na Ndayisaba Said, mu gihe Twagirumukiza Abdul Karim azaba ari umusifuzi wa kane, naho Munyangoga Apollinaire azaba ari komiseri w’umukino.

Rayon Sports izakira, yamaze gutangaza amatike aho kwinjira kuri uyu mukino ari 5,000 Frw, 7,000 Frw, 20,000 Frw ndetse na 50,000 Frw. Ni umukino wari uteganyijwe saa kumi n’ebyiri (18:00) gusa kubera ikibazo cy’amatara yo muri sitade atizewe umukino wegejwe imbere ushyirwa saa cyenda (15:00).

Yousef Rharb wa Rayon Sports afite amakarita atatu atamwemerera gukina uyu mukino

Ni umukino urebwa n’abafana benshi

Guhagana kw’aya makipe ni ukwa kera

Gasana Kenny Patriots ni yo kipe yo mu Rwanda amaze gukinira imikino myinshi

Ibinyujije ku mbuga nkoranyambaga zayo, ikipe ya Patriots BBC yatangaje ko yishimiye kongera kugarura Willson Gasana Kenny.

Gasana Kenny yari amaze iminsi nta kipe afite nyuma yo gutandukana na Patriots mu mwaka ushize mu kwezi kwa Nzeri shampiyona irangiye, ubwo amasezerano ye yari arangiye.

Mu ntangiriro z’uyu mwaka muri Mutarama 2024, hari amakuru yavugwaga ko uyu mukinnyi yari yerekeje mu ikipe ya REG BBC gusa amakuru mashya ni uko uyu mukinnyi yari amaze iminsi akinira muri Leta Zunze Ubumwe za Amerika mu marushanwa atandukanye yiganjemo ay’amakipe atarabigize umwuga.

Gasana abenshi bamwibukira mu mikino ya BAL 2021 ari kumwe na Patriots BBC

Gasana Kenny yasinyiye ikipe ya Patriots BBC umwaka umwe nk’uko asanzwe abikora kuva yagera muri iyi ikipe mu mwaka wa 2020.

Nyuma yo kugera muri Patriots, Gasana Kenny yatangaje ko yishimiye kugaruka mu ikipe ya Patriots, kandi ko biteguye gukora buri kintu cyose gishoboka muri uyu mwaka.

Yagize ati "Ndishimye kugaruka mu rugo kandi nditeguye ndetse na bagenzi banjye bariteguye muri iyi shampiyona ku buryo twakora neza, mu by’ukuri nishimiye kugaruka”.

Kenny Gasana Willson ni we Kapiteni w’ikipe y’Igihugu, yaje asimbura Shyaka Olivier na Arstide Mugabe

Gasana Kenny yakiniye Patriots Shampiyona eshatu ndetse kandi yari kumwe na Patriots yitabiriye imikino ya Basetball African League (BAL) yabaye muri 2021 ndetse muri 2022 uyu mukinnyi yitabajwe na REG BBC mu mikino ya BAL.

Gasana Kenny wavukiye muri Amerika nyuma akaza guhabwa ubwenegihugu bw’u Rwanda muri 2022, amaze imyaka irenga 12 akinira Ikipe y’Igihugu y’u Rwanda.

Kambuyi Pitchou Manga wa REG (ufite udutambaro tw’umukara ku maboko) yitwaye neza muri uyu mukino. Aha yageragezaga kubuza umukinnnyi wa Kigali Titans BBC gutsinda

Umukino wabanje ni uwahuje ikipe ya REG BBC iyoboye urutonde rwa Shampiyona na Kigali Titans iri ku mwanya wa nyuma, maze REG BBC itsinda Kigali Titans amanota 85-47 ya Kigali Titans BBC.

Ni umukino woroheye REG BBC muri buri gace k’umukino. Mu gace ka mbere ndetse n’aka kabiri REG BBC yari hejuru cyane ibifashwamo na Manga Pitchou watsinze amanota menshi muri uyu mukino ndetse na Mukama Jean Victor. Byatumye igice cya mbere cy’umukino kirangira REG BBC iyoboye n’amanota 36-23.

Mu gice cya kabiri, REG BBC yakomeje gutsinda amanota menshi, ndetse inarusha cyane Titans itaratsinda umukino muri Shampiyona, maze iki gice kirangira REG iyoboye (49-24).

Umukino warangiye REG BBC itsinze amanota 85-47, muri uyu mukino, Pitchou Kambuyi Manga akaba ari we watsinze amanota menshi 20.

Saa mbili z’umugoroba, APR BBC yari imaze iminsi idakina shampiyona kuko yari imaze iminsi mu gihugu cya Qatar mu myiteguro ya BAL, ni yo yari itahiwe. Yakiriye UGB BBC maze iyitsinda biyoroheye ibifashijwemo n’abakinnyi beza ifite barimo Filer Jovon Adonis watsinze amanota menshi muri uyu mukino 24.

Agace ka mbere amakipe yagendanaga ku manota 17-15. Agace ka kabiri APR BBC yahise ishyiramo imbaraga igatsinda n’amanota 21-14 aya manota akaba yagizwemo uruhare na Adonis ukomeje kwitwara neza muri uyu mukino mu Rwanda.

Ikipe ya APR BBC yaje kwitwara neza mu gice cya kabiri, aho buri gace yagatsindaga ku kinyuranyo cy’amanota menshi (24-16, 22-17). Byahise bituma isoza itsinze amanota 84-62.

Adonis Filer Jovons (wambaye umweru) watsinze amanota menshi, azwiho kwataka neza ndetse no kwiba imipira myinshi ibizwi nka ‘Steal’

Ntore Habimana uri mu bakinnyi bitezweho kuzafasha APR BBC muri shampiyona ndetse no muri BAL

Mukama Jean Victor (wambaye umutuku) yagarutse mu bihe byiza nyuma yo kuva hanze y’u Rwanda

Ibi Lebron James yabikoze mu ijoro ryo Ku wa Gatandatu rishyira iryo Ku Cyumeru, tariki 3 Gashyatare 2024 ubwo ikipe ya Los Angeles Lakers akinira yatsindwaga iwa yo kuri Crypto Arena na Denver Nuggets amanota 124-114.

Muri uyu mukino Lebron James yitwaye neza kuko yatsinze amanota 26 amugira uwa kabiri watsinze menshi nyuma ya Nikol Jokic ukinira Denver Nuggets watsinze 29 aho uyu mugabo w’imyaka 39 kandi yanabaye umukinnyi mwiza (MVP) bitewe n’amateka yari akoze ndetse binamugira mwiza kuko ayo manota yatsinze yose yaje ava inyuma dore ko ikipe ye yari yarushijwe.

Byamusabye gutsinda amanota ari hejuru 9 kugirango yuzuze amanota ibihumbi 40 kuko yagiye mu mukino ariyo abura ngo akore aka gahigo ndetse akomeze kuyobora uru rutomde rwa’abakinnyi batsinze amanota menshi muri rusange barimo Kareem Abdul-Jabbar, Stephen Curry ndetse na Kobe Bryant.

Lebron James ubwo yari amaze guca kuri Kareem Abdul-Jabbar ina we wahoze akinira Los Angeles Lakers wari afite amanota ibihumbi 38 338 nibwo yatangajeko yifuza kuzuza amanota ibihumbi 40 ndetse byaba byiza akayarenza.

Usibye kandi kuzuza amanota ibihumbi 40, Lebron James yabaye umukinnyi wa kane watanze imipira myinshi ivamo amanota (Assists) nyuma yo kuzuza ibihumbi 10 ,akaba aza inyuma ya John Stock wa mbere ufite ibihumbi 15, Jason Kid ufite ibihumbi 12, Paul Chris ufite ibihumbi 11.

Lebron James kandi yujuje gukina imipira ya kabiri ibihumbi 10 ( Rebounds) ikinwa iyo umukinnyi yugarira cyangwa asatira atsinda byahise bimushyira byibuze mu bakinnyi 25 bakoze ako gahigo.Mu manota ibihumbi 40, yatsinze 23,119 muri Cleverland Cavaliers , atsinda 7,919 muri Miami Heat ahatsindira ibihumbi 8,979.

Utu duhigo turaza twiyongera ku mateka amwe n’amwe yagira kora arimo; gutwara ibikombe 4 bya shampiyona (NBA), ndeste aba umukinnyi wa shampiyona inshuro 3 (MVP).

Rayon Sports itsinze Sunrise FC ibitego 2-0

Ni umukino witabiriwe n’abafana benshi barimo aba Rayon Sports, biganjemo abaturutse i Kigali, wasifuwe na Rulisa Patience hagati mu Kibuga, utangira saa 15:03’.

Umutoza Mette wa Rayon Sports yabanjemo umuzamu Khadime, Mugisha François wari kapiteni kuri uyu mukino, Mitima Isaac, Hakim Bugingo, Serumogo Ali, Kanamugire Roger, Ndekwe Felix, Rashid Kalisa, Bbaale Charles, Youssef Rharb na Arsene.

Kuri Sunrise yari yakiriye uyu mukino, yakoresheje umuzamu Didier Mfashingabo, Uwambajimana Leo(Kapiteni), Kevin Ndoli, Franklyn Onyeabor, Duhimbaze Ekissa, Murenzi Patrick, Mucyo Emmanuel, Vedatse Niyibizi, Frank Shema Ssali Brian na Babuw Samson.

Ni umukino watangiye wihuta cyane, nko ku munota wa gatatu Rayon Sports yabonye amahirwe ku mupira mwiza Charles Bbaale yahaye Arsene, wari usigaranye n’umuzamu Didier ntiyabasha gutereka mu nshundura. Nyuma y’ iminota 4, ku monta 8’, Arsene yikosoye astinda igitego ku mupira mwiza yahawe na Charles Bbaale, biba 1-0.

Charles BBaale ashaka gucika Franklyn Onyeabor wa Sunrise

Mbere y’uko igice cya mbere kirangira ku munota wa 43’, Kalisa Rashid wari mwiza mu mukino, yazamukanye umupira ari wenyine awuha Arsene (Tuguma) wari uhagaze ari wenyine, atsinda igitego cya 2 cya Rayon Sports ndetse kikaba icya 2 yari atsinze muri uyu mukino, byaje gutuma igice cya mbere kirangira Rayon Sports iyoboye (2-0).

Mu gice cya kabiri nta kidasanzwe cyabaye mu kibuga, kuko amakipe yaje yiganye cyane cyane ko umutoza Moses wa SunRise FC yakoze impinduka, akuramo Uwambajimana Leo, Shema Frank, na Samson Babuwa nyinjiza Mukogotya Robert, Paul Laab na Rukundo Jean Claude, gusa ntibyagira icyo bitanga.

Ku munota wa 60’, Julien Mette wari wizeye instinzi yahise atangira gukora impinduka mu bakinnyi, mu rwego rwo kuruhutsa abarimo Youssef Rharb, Ndekwe Felix, yinjizamo Pascal Iradukunda ndetse na Ganijuru Elie, ariko ntibyagira icyo bitanga. Byaje gutuma yongera gukora impinduka ku munota wa 85’ akuramo Serumogo Ali, Hakim Bugingo na Bballe Charles ashyiramo Paul Gomis, Didier Mucyo na Hadji, gusa ibitego bikomeza kubura, birangira Rayon Sports itsinze Sunrise FC ibitego 2-0.

Tuyisenge Arsene yatsinze ibitego 2, aha icyizere umutoza

Nyuma yo gutsinda uyu mukino, Rayon Sports yahise igira amanota 45 ayishyira ku mwanya wa 2, naho Sunrise iguma ku mwanya wa 11 n’amanota 26.

Umukino ukurikira Rayon Sports FC izakira APR FC kuri Kigali Pelé Stadium, naho Sunrise izasura Muhazi United i Ngoma.

Musinga Fabrice wa Espoir agerageza gutsinda amanota 2

Umukino wabimburiye iyindi ni uwabaye ku wa gatanu, ubera muri Gymnasium ya Lycée de Kigali (LDK), wahuje ikipe ya UGB yakiniraga imbere y’abafana benshi bihanjemo abanyeshuri ba LDK, itsinda amanota 85 kuri 67 ya Inspired Generation, irimo gukina Shampiyona y’icyiciro cya mbere mu Rwanda ku nshuro ya mbere.

Uyu mukino watangiye wegeranye mu manota, gusa UGB ikomeza kugendera imbere, ibifashijwemo n’abasore barimo Zulu na Shaffi batsindaga kenshi amanota 3 (3 Points), byaje gutuma igice cya mbere, UGB BBC istinda Inspired Generation 47-32.

Mu gace ka gatatu, UGB yakomeje kwitwara neza, Elite Honore waje asimbura Amisi Saidi yitwara neza akora (Rebound) nyinshi, gusa mu gace ka kane Inspired Genration igaruka yahinduye umuvuno, igatsinda UGB ku manota 23-16, ibifashijwemo na Gregory Howard.

Umukino warangiye UGB itsinze Inspired Generation ku giteranyo cy’amanota 85-76, maze Gregory Howard wa Inspired aba umukinnyi mwiza watsinze amanota menshi, 30.

Nyuma yaho kandi REG BBC yifatiye ku gakanu ikipe ya Orions, iyitsinda byoroshye amanota arenga ijana (3 Chiffres), 106-63.

Ni mukino woroheye cyane abasore ba REG BBC b’umutoza Mushumba, kuko igice cya mbere iyi kipe yari yahanitse amanota yazamurwaga cyane na Pitchou Manga, afatanyije na Mukama Jean Victor.

Mugabe Aristide asezerwa n’abakinnyi ba Patriots BBC

Mu gice cya kabiri uwitwa Katcheka wa REG BBC, yakomeje kuzamura ikinyuranyo akora amanota 2 , byaje gutuma ikipe isoza iri hejuru yegukana intsinzi yayo ya 3 muri iyi shampiyona, iba iya 2 bagira amanota arenga ijana.

Pitchou Manga ni we wabaye umukinnyi w’umukino nyuma yo gutsinda amanota 23 wenyine.

Ku wa gatandatu imikino yarakomeje, Patriots na Espoir na zo ziratsinda, aho Espoir yabanje mu kibuga ihura na Kigali Titans irimo gukina Shampiyona ku nshuro yayo ya mbere.

Espoir ibifashijwemo na Turatsinze Olivier uri mu bakinnyi beza muri iyi shampiyona, yatsinze amanota menshi yiganjemo atatu (3Points), ndetse kandi aba mwiza mu kuzamura imipira (Point Guard) mu duce twose tw’umukino, byaje gutuma Kigali Titans yibura iratsindwa.

Umukino warangiye Espoir istinze Kigali Titans amanota 81-60, Maze Turatsinze Olivier aba umukinnyi mwiza w’umukino nyuma yo gutsinda amanota 28.

Uyu mukino wakurikiwe n’uwa Patriots BBC na Kepler BBC. Agace ka mbere n’aka kabiri amakipe yari yegeranye cyane, abasore ba Patriots barimo Ndayisaba Dieudonné na Steve bakora amanita, gusa no ku ruhande rwa Kepler uwitwa Jordan na Artside, bakomeje kuzengereza Patriots BBC.

Pitchou Manga wa REG yerekanye ko ari umukinnyi mwiza wugarira

Mu duce tubiri twa nyuma, abasore ba Kepler bacitse imbaraga batangiye kunanirwa, maze Patriots BBC yinjizamo abasore baribatarakina barimo Sagamba Sedal, Nyamwasa Bruno maze batsinda amanota menshi, ndetse barayazibira (Deffensive) basoza batsinze Kepler amanota 84-56.

Ndayisaba Dieudoné wa Patriot ni we witwaye neza nyuma yo gutsinda amanota 21.

Patriots yabitse nomero 88 ya Aristide Mugabe

Muri uyu mukino wa Patriots BBC na Kepler BBC, mbere y’uko igice cya kabiri gitangira, ikipe ya Patriots yahaye icyubahiro uwahoze ari kapiteni wayo werekeje muri Kepler muri Mutarama 2024, bamushimira uburyo yabanye n’iyi kipe kuva 2015, ayigezemo avuye muri Espoir BBC.

Ubutumwa bwinshi bwagarutsweho n’abakinnyi bwamushimiraga uko yabayoboye neza, kuko yagiye ari kapiteni w’iyi kipe ndetse n’uburyo yabafashije kuzamura urwego rwabo.

Ndizeye wa Patriots BBC ni we watsinze amanota menshi mu mukino

Aritside yabaye Kapiteni w’ikipe y’Igihugu kuva 2013, ndetse aba na kapiteni wa Patriots kuva 2016.

Icyubahiro kiruta ibindi byose kuri we, ni uko babitse numero yambaraga ya 88, mu rwego rwo kumushimira.

Mugabe Aristide asezerwa n’abakinnyi ba Patriots BBC

Abakinnyi ndetse n’abayobozi ba Patriots bashimiye Aristide babika Numero 88

Nyirabarame Epiphanie uri imbere wambaye imyenda itukura

Ni umwe mu banyarwandakazi bitabiriye imikino Olempike inshuro ebyiri ndetse n’ibihe byiza u Rwanda rugenderaho kuri uyu munsi muri uwo mukino ni we ukibifite ubwo yakuragaho ibya Mukamurenzi.

Nyirabarame mu myitozo n’umuhungu we w’imyaka umunani y’amavuko

Nyirabarame uyu munsi ababazwa no kubona abakiri bato batitabwaho bihagije ndetse abahagarariye u Rwanda mu mikino nk’iyi bakitwara neza, ntibahabwe agaciro ngo bafashe barumuna babo.

Nyirabarame mu kiganiro n’umunyamakuru Tuyisenge Yedidiya

Reba ibindi muri iki kiganiro:

Uwayoboye ikiganiro: Yedidiya TUYISENGE

Uwafashe amashusho: Eric RUZINDANA