Ni irushanwa ryabaye mu rwego rwo kwizihiza umunsi w’abagore, aho kuri iki Cyumweru tariki 10 Werurwe ryakinwaga ku nshuro yaryo ya mbere, rikaba ryarakiniwe Lycee de Kigali, rihuza amakipe mu byiciro bitandukanye birimo iby’abato, abakuru, ndetse n’abahoze bakina umukino wa Basketball.

Amakipe yitwaye neza yarahembwe

Kuri iyi nshuro hakinwe Basketball ikinwa n’abakinnyi batatu kuri batatu ariko ikipe ikaba yari igizwe n’abakinnyi 4 umwe agasimbura, bagakina kimwe cya kabiri cy’ikibuga. Mu cyiciro cy’abato hitabiriye amakipe 6, mu bakuru hitabiriye amakipe 8, naho mu bahoze bakina Basketball (Veterans) hitabira amakipe 6.

REG yegukanye igikombe

Ikipe ya REG W BCC ni yo yegukanye umwanya wa mbere mu cyiciro cy’abakuru, ikaba yarahembwe ibihumbi 300 Frws, ikurikirwa na APR W BCC ihembwa amafaranga ibihumbi 200 Frws, KEPLER W BCC ya gatatu, ihembwa ibihumbi 100 Frws.

APR WBBC yegukanye umwanya wa kabiri

Kepler yabaye iya gatatu

Mu cyiciro cy’abato ikipe ya ESB niy o yabaye iya mbere, St Peter iba iya kabiri naho APE Rugunga yegukana umwanya wa 3. Aya amakipe yose akaba yarahembwe imipira yo gukina ya Basketball ndetse n’inkweto zo gukinana.

Abahoze bakina Basketball (Veterans) nabo barahatanye

Ikipe yitwa X Team ni yo yegukanye umwanya wa mbere mu cyiciro cy’abavaterans ihembwa ibihumbi 300 Frws, Shooting Touch ya kabiri ihembwa ibihumbi 100 Frws, Dream Team yegukanye umwanya wa 3 ihembwa imipira yo gukina ya Basketball.

ESB yabaye iya mbere mu bakiri bato

Shooting Touch yabaye iya kabiri mu bakanyujijeho

APR WFC yazamutse mu cyiciro cya mbere, aho isanzemo ikipe ya Rayon Sports

Ikipe ya APR WFC ku munsi wo ku wa Gatandatu yatsinze Kayonza WFC ibitego 4 kuri 1 bituma izamuka mu cyiciro cya mbere ku giteranyo cy’ibitego 6 bya APR WFC kuri 2 bya Kayonza WFC ibi bikaba byayishoboje kuzamuka aho umwaka ushize w’imikino yari yatsindiwe mu mikino ya kamarampaka.

Forever WFC nayo yazamutse mu cyiciro cya mbere

Ku munsi wo ku cyumweru kandi ikipe ya Forever WFC yatsinze ikipe ya Nasho igitego 1-0 mu mukino wo kwishyura izamuka ku giteranyo cy’ibitego bibiri ku busa (2-0). Aya makipe akaba azamutse gusimbura Freedom WFC na Rambura WFC n’ubwo zisigaje imikino 3 zitarakina.

Muri iyi mikino 18 imaze gukinwa Ikipe ya Rayon Sports WFC ifite amanota 49 n’ibitego 67, ikaba isigaje imikino izayihuza na Kamonyi WFC, aho izakira Freedom WFC, Muhazi United WFC izaba yayisuye na Fatima WFC izayakira.

AS Kigali na Rayon Sports zihanganiye igikombe cya shampiyona

Ikipe ya AS Kigali WFC nayo ikaba imaze gukina imikino 18 ifitemo amanota 47 n’ibitego 59, isigaje imikino 4 izayihuza na Muhazi United WFC iri ku mwanya wa 6, Fatima WFC nayo iri kumwanya wa 8, ES Mutunda WFC iri ku mwanya wa 10 irwana no kutazamanuka n’Inyemera WFC iri ku mwanya wa 3.

Rayon Sprots WFC irifuza kwegukana igikombe cyayo cya mbere cya shampiyona

Muri rusange ikipe ya As Kigali WFC ni yo igaragara nk’aho isigaje imikino ikomeye kuko izakina n’ikipe iyikurikiye ku rutonde rwa shampiyona ndetse ikazakina na ES Mutunda idashaka kuba yamanuka mu cyiciro cya kabiri, uko izitwara mu mikino ine isigaje ni byo bizayihesha amahirwe yo gutwara igikombe cya shampiyona.

AS Kigali imaze gutwara igikombe cya shampiyona inshuro 12

Abamanuka mu cyiciro cya kabiri na bo ntibirasobanuka

Amakipe atatu ya nyuma nayo ntabwo arisobanura kuko ES Mutunda WFC ni iya 10 n’amanota 9 n’umwenda w’ibitego 43, Freedom WFC n’iya 11 n’amanota n’umwenda w’ibitego 42, Rambura WFC iri ku mwanya wa nyuma n’amanota 4 n’umwenda w’ibitego 53, aya makipe akaba asigaje imikino 4 yose ariko hakaba hataragaragara azamanuka kuko ikipe ya 9 bakurikira irabarusha amanota 11.

Ku munsi wo ku wa Gatandatu Saa munani ni bwo ikipe ya APR WFC yakiriye Kayonza WFC kuri Stade Kamena i Huye, ukaba wararangiye ikipe ya APR WFC itsinze Kayonza WFC ibitego 2 kuri 1.

APR WFC yatsinze Kayonza WFC mu mukino ubanza wa 1/2

Gutsinda uyu mukino biraha APR WFC amahirwe yo kuba yazamuka mu cyiciro cya mbere mu gihe yaba yitwaye neza mu mukino wo kwishyura uzabera i Kayonza mu mpera z’iki cyumweru.

Iyi mikino yakomeje ku munsi wo ku Cyumweru aho ikipe ya Nasho WFC yakiriye Forever WFC umukino wabereye kuri stade ya Nasho ndetse ukaza kurangira ikipe ya Forever WFC itsinze Nasho igitego 1 ku busa.

Nasho WFC yatsinzwe na Forever WFC mu mukino ubanza wa 1/2

Biteganyijwe ko imikino yo kwishyura izaba tariki 09 Werurwe aho Kayonza WFC izakira APR WFC kuri Stade Urubuto ku i Saa munani, ndetse tariki 10 werurwe Forever WFC ikaba izakira Nasho WFC i Nyamirambo ahazwi nko kuri tapis rouge ku i Saa sita z’amanywa.

Uyu mugabo w’imyaka 36 ibi yabitangaje ubwo yari ari mu kiganiro na BBC Radio ndetse avuga ko adashaka kugereranywa n’abo bahanganye nka Roger Federer na Rafael Nadal

Ati “Byabaye byiza cyane i Londres na Rio, ariko kandi nize amasomo akomeye i Beijing (Imikino Olempike ya 2008), nizeye ko nshobora kubona amahirwe yo guhatana mu rindi rushanwa rimwe (Olempike)”

Andy Murray yacye amarenga yo kuba yasezera uyu mwaka

Andy Murray yavuze ko akiri gutekereza ku bijyanye no kuba yasoza gukina nk’uwabigize umwuga muri uyu mwaka, ariko kugeza ubu yirinze gutangaza itariki.

Yagize ati: "Igihe nikigera birashoboka ko hari icyo nzavuga mbere y’uko nkina umukino wanjye wa nyuma n’irushanwa ryanjye rya nyuma."

N’ubwo yagowe n’imvune mu myaka yashize ndetse akanabagwa, bigatuma atakaza imikino ine ya mbere y’uyu mwaka w’imikino wa 2024, ku myaka ye 36 Murray avuga ko ari mu mezi make ya nyuma nk’uwabigize umwuga, ariko akaba Imikino Olempike y’i Paris uyu mwaka iri mu ntego ze .

Uyu mukinnyi w’umwongereza ni we mukinnyi wenyine wegukanye umudali wa zahabu mu mikino Olempike ibiri ikurikirana mu bagabo (i Londres 2012 na Rio 2016), ndetse anatwara imidali ibiri ya feza muri Tennis ikinwa n’abakinnyi babiri aho yari afatanyije na Laura Robson mu ikipe y’u Bwongereza muri 2012.

Andy Murray yegukanye imikino Olempike inshuro ebyiri zikurikirana

Uyu musifuzi yanze gusifura umukino wo guhatanira umwanya wa gatatu mu gikombe cya Afurika cya 2023 giheruka kubera muri Côte d’Ivoire wahuje Afurika y’Epfo yawegukanye na Repubulika Iharanira Demokarasi ya Congo bituma ahagarikwa ubuzima bwe bwose atongeye gusifura ruhago ukundi nkuko tubikesha ibitangazamakuru byinshi byo ku mugabane wa Afurika.

N’ubwo yahagaritswe ariko n’ubundi Redouane Jiyed yari asigaje umwaka umwe gusa kugira ngo ajye mu zabukuru n’ubundi ave muri uyu mwuga wo kuyobora imikino,ibi kandi bivuze ko nta yindi mirimo ashobora guhabwa nyuma yo guhagarikwa kuko nubwo umusifuzi ashobora gusoza urugendo nk’umusifuzi ariko ashobora kwifashishwa mu bundi buryo butandukanye bwo gutegura imigendekere myiza y’imikino.

Umunya-Maroc Redouane Jiyed bivugwa ko yahagaritswe gusa we akabihakana

Gusa n’ubwo ibinyamakuru byinshi byemeje ko yahagaritswe burundu, ikinyamakuru cyitwa “Winwin” cyagiranye ikiganiro na Redouane Jiyed, abihakana yivuye inyuma, avuga ko ari ibivugwa mu itangazamakuru ari ibintu biri kuva ku bantu bifuza kumuharabika batangaza amakuru y’ibinyoma.

Redouane bivugwa ko yahagaritswe burundu, mu gieh cye yatanze amakarita y’umuhondo 777

Mu rugendo rwe uyu mugabo ufite imyaka 44 yasifuye imikino 209 harimo icyenda y’Igikombe cya Afurika akaba mu gihe yamaze asifura yaratanze amakarita 777 ndetse n’amakarita atukura 68 ndetse anasifura penaliti 78.