Uhereye ku bataguza (abiga kugenda), ingimbi, abangavu, abasaza n’abakecuru b’imvi zabaye uruyenzi, bose bari bateraniye muri Intare Conference Arena bategereje imihamirizo y’intore, gutaraka kw’abato mu mbyino n’indirimbo biherekejwe n’umudiho by’umurishyo w’ingoma uherekejwe n’iyugi mu ijwi ryiza rizira amakaraza by’umuhanzi Ruti Joël.

Igitaramo cyabimburiwe n’umubyinnyi Gatore akaba umwe mu bagize Itorero Ibihame by’Imana na Ruti Joël abarizwamo, akaba akunzwe kwirahirwa ko ari umwe mu beza u Rwanda rufite mu mihamirizo.

Nyuma ye, Mike Kayihura yahise akurikiraho atangira mu ndirimbo ye yise ‘Anytime’, akomeza aririmba indi yise “Iminsi”, ‘Vuba Vuba’, ayirangiza agira ati “Nshuti zanjye, muratangaje” asoreza ku ndirimbo yise ‘Tuza’ yakunzwe cyane, ava ku rubyiniro ashima uko yakiriwe.

Ruti Joel na Mike Kayihura baririmbanye indirimbo bafitanye yitwa ‘Rasana’

Ageze ku rubyiniro, Ruti Joël yaje aherekejwe na Clement The Guitarist batajya batana aho yataramiye ndetse n’itsinda rya Kesho Band ryamufashije mu micurangire mu buryo bwa live. Yaririmbye indirimbo eshanu nyuma yo gususurutsa abitabiriye mu mbyino gakondo ndetse n’indirimbo yateruye agira ati “Muraho cyane! Kuriya kwari ukubaramutsa kwanjye! Mwakoze kuza kundeba, biranejeje. Ibi bikorwa n’abantu batowe. Iki gitaramo reka tugiture umwami w’abami.” Ahita aririmba indirimbo ye Rumuri rw’Itabaza, ndetse nyuma aza kwakira ku rubyiniro umuhanzi Mike Kayihura baririmbana indirimbo bafitanye yitwa ‘Rasana’.

Ruti Joël yerekanye umwana witwa Cunda ari na we yitiriye indirimbo ye ‘Cunda’ iri mu zikunzwe kuri Alubumu ye

Nyuma yaho, yabajije abitabiriye iki gitaramo niba harimo abazanye n’abakunzi babo, arongera agira ati « ese Uwicyeza Pamella arahari? ». Ahita avuga ko asigaje gutangaza umukunzi we. Atebya ati “Ni ryo sasu nsigaje.”

Mu ndirimbo yaririmbye harimo iya Sentore Athanase, n’iyo mu muryango w’Abatangana, hanyuma aririmba ‘Musomandera’ yitiriye Album ye, amanuka ku rubyiniro ajya kureba umubyeyi we mu byicaro bye barizihirwa biratinda, aboneraho gucyeza no kuririmba ibigwi by’intwari z’u Rwanda.

Ibyishimo byari byose ku bitabiriye iki gitaramo ndetse bamwe banamusanga ku rubyiniro bamufasha guhamiriza bizihiwe mu ndirimbo ye yise ‘Ibihame’.

Ruti Joël yashimiye Massamba waje kumushyigikira

Iki gitaramo cyarimo udushya twinshi mu mitegurire harimo ukuntu uyu muhanzi abasha kuganira n’abakunzi be ku rubyiniro. Yaboneyeho umwanya wo kunamira inshuti ye magara Yvan Buravan bari basanzwe bahuriye mu itorero Ibihame by’Imana, asubiramo indirimbo ‘Ye Ayeee’. Yabanjirijwe n’indirimbo ‘Twaje’ bizana amarira avanze n’ibyishimo mu bitabiriye iki gitaramo. Ruti Joël yamurikiye abakunzi be amashusho (Video) y’indirimbo bise ‘VIP’ Yvan Buravan yasize akoranye n’umuhanzi Ish Kevin.

Kanda munsi urebe amashusho y’iyi ndirimbo:

Ababyeyi n’abavandimwe ba Yvan Buravan bari bitabiriye igitaramo cya Ruti Joël

Nyirakuru wa Ruti Joël witwa Musomandera ari na we yitiriye Alubumu ye ya mbere na we yari muri iki gitaramo

Bimwe mu byamamare byitabiriye iki gitaramo harimo Massamba Intore wanaririmbiye mu byicaro bye, Umunyamabanga Mukuru w’Umuryango Mpuzamahanga w’ibihugu bikoresha ururimi rw’Igifaransa (OIF), Louise Mushikiwabo, Miss Rwanda 2022 Muheto Divine, umuhanzi Kenny K-Shot, Elie Bahati umuhanzi w’indirimbo zo kuramya no guhimbaza Imana, Umuhanzi Peace Jolis, n’abandi benshi.

Louise Mushikiwabo yanyuzwe n’inganzo ya Ruti Joël

Uyu muhanzi ari mu bahanzi bato bamaze kwerekana ko umuziki wa gakondo ushobora kuririmbwa n’abato, kandi neza ukanakundwa n’abatari bake mu ngeri z’imyaka yose.

Ruti Joël aririmba indirimbo ‘Gaju’

Bamwe mu bitabiriye banyuzagamo bakamufasha bamwereka ko bamushyigikiye

Ababyeyi n’abavandimwe ba Yvan Buravan bari bitabiriye igitaramo cya Ruti Joël

Massamba Intore yakuriye ingofero Ruti Joël

Reba ibindi muri iyi Video:

Amafoto na Video: Eric Ruzindana/Kigali Today

Iyi nkuru yatangaje benshi ikanazunguruka cyane ku mbuga nkoranyambaga yagaragayemo amashusho yerekana Harrysong akikiwa n’abakobwa benshi bambaye imyenda isa yambarwa n’abageni mu muco w’iwabo muri Nigeria.

Abafana b’uyu muhanzi n’abandi babonye ayo mashusho bakomeje kwibaza ku cyabimuteye ndetse bamwe banakomeza kubivuga uko batekereza ari nako bamugereranya na Fela Kuti.

Abajijwe ibya video ye y’ubukwe n’abakobwa 30, umuhanzi Harrysong akaba ari nawe washinze Alter Plate Records yasubije ko abafana bakwiye gutegereza bakareba amashusho agiye gushyira hanze mu minsi iri imbere, ariko ntiyasobanuye niba koko ari ubukwe cyangwa se wenda hari indirimbo yaba agiye gusohora.

Harrsong azwi cyane mu ndirimbo zirimo, ’Reggae Blues’, "Ofeshe", ndetse byumwihariko iyo yise "Samakwe" yakoranye na Timaya.

Ibihugu bitandukanye ndetse n’abayobozi bo hirya no hino ku Isi bamaganye iki gitero cyibasiye ibitaro

Ubuyobozi bw’Igihugu cya Palestine bwavuze ko ibyo bitaro byarashwe n’Igihugu cya Israel, izo mpande zombi zikaba zimaze iminsi ziri mu ntambara. Icyakora igisirikare cya Israel cyabihakanye, kivuga ko ari igeragezwa ry’igisasu cyayobye cyarashwe n’undi mutwe w’Abanye-Palestine wa Islamic Jihad, ariko uwo mutwe wamaganiye kure ibyo ushinjwa na Israel.

Intambara yubuye hagati ya Israel na Palestine nyuma y’uko umutwe wa Hamas ugabye igitero kuri Israel kigahitana abarenga igihumbi ku wa Gatandatu tariki 07 Ukwakira 2023.

Iyi ntambara imaze guhitana abarenga ibihumbi bitatu mu mujyi wa Gaza, utuwemo n’Abanye-Palestine bagera kuri Miliyoni 2 n’ibihumbi 200.

Ibitaro byo muri Palestine bikomeje kugorwa no kwita ku nkomere z’iyo ntambara kubera ibura ry’amazi n’umuriro.