Imibare y’Ikigo cy’Igihugu cy’Ibarurishamibare mu Rwanda (NISR) igaragaza ko muri Mata 2026, u Rwanda rwohereje mu Bushinwa ibicuruzwa bifite agaciro ka miliyoni 47,74 z’amadolari ya Amerika, mu gihe ibyoherejwe muri DRC byari bifite agaciro ka miliyoni 48,28 z’amadolari.

Itandukaniro hagati y’ayo masoko yombi ryari munsi ya miliyoni imwe y’amadolari.

Aya makuru agaragaza impinduka zidasanzwe ugereranyije n’aho ibintu byari bigeze mu myaka ibiri ishize.

Muri Mata 2024, u Rwanda rwohereje mu Bushinwa ibicuruzwa bifite agaciro ka miliyoni 6,38 z’amadolari, mu gihe ibyoherejwe muri DRC byari miliyoni 14,89 z’amadolari.

Ibyoherezwaga muri Leta Zunze Ubumwe z’Abarabu (UAE) byarengaga Miliyoni 100 z’amadolari, icyo gihugu kikaba ari cyo cyari cyiganje ku isoko ry’ibyoherezwa mu mahanga by’u Rwanda.

Icyakora, umwanya wa UAE, agaciro k’ibicuruzwa byoherejwemo kavuye kuri miliyoni 100,8 z’amadolari muri Mata 2024, kagera kuri miliyoni 32,75 muri Mata 2025, hanyuma kagwa kuri miliyoni 18,21 muri Mata 2026.

Mu gihe UAE yagendaga itakaza umwanya wayo, Ubushinwa na DRC byo byakomeje kuzamuka ku muvuduko munini, nubwo impamvu zabyo zitandukanye.

Kwiyongera kw’ibicuruzwa byoherezwa muri DRC byajyanye n’igihe cy’umutekano muke wagabanyutse mu burasirazuba bwa Congo nyuma y’uko umutwe wa AFC/M23 ushyizeho ubuyobozi mu bice byinshi bya Kivu y’Amajyaruguru na Kivu y’Amajyepfo mu ntangiriro za 2025.

Imijyi ya Goma na Bukavu, ari na yo murwa mukuru y’izo ntara, ihuriyemo abaturage bagera kuri miliyoni eshanu kandi ishingira cyane ku Rwanda mu kubona ibicuruzwa bituruka hanze.

U Rwanda rwabaye inzira nyamukuru inyuzwamo ibicuruzwa byinshi byinjira mu burasirazuba bwa Congo, birimo lisansi, ibiribwa, ibikoresho by’ubwubatsi n’ibindi bikenerwa buri munsi.

Kubera imihanda yarwo itunganijwe neza n’imiyoboro y’ubwikorezi ikomeye, u Rwanda rukomeje kuba inzira yizewe kandi yorohereza ibicuruzwa kugera mu bice byinshi bya DRC, bikaba bikorera abaturage barenga miliyoni 20 batuye muri ako karere.

Imibare yasohotse mu ntangiriro z’uyu mwaka yagaragaje ko ibicuruzwa bikorerwa mu Rwanda byoherezwa muri DRC byiyongereyeho hejuru ya 141% ugereranyije n’umwaka wabanje. N’ibicuruzwa bisubizwa hanze binyuze mu Rwanda bijya mu burasirazuba bwa Congo byiyongereye cyane, bishimangira uruhare rw’u Rwanda nk’ihuriro rikomeye ry’ubucuruzi mu karere.

Ku ruhande rw’Ubushinwa, izamuka ryabwo risa n’ishingiye ku kurushaho gukomera kw’umubano w’ubucuruzi no koroshya uburyo bwo kugera ku isoko ryabwo.

Kuva muri Ukuboza 2024, ibicuruzwa by’u Rwanda byemerewe kwinjira ku isoko ry’Ubushinwa bidaciwe imisoro ya gasutamo ku kigero cya 100%, mu rwego rwa gahunda ya Beijing yo gufasha ibihugu bikennye kurusha ibindi.

Iyi gahunda yagabanyije ibiciro ku bohereza ibicuruzwa hanze b’Abanyarwanda ndetse inongerera ubushobozi bwo guhangana ku isoko ibicuruzwa birimo ikawa, icyayi, urusenda, amabuye y’agaciro n’andi mabuye y’agaciro yoherezwa mu gihugu gifite rimwe mu masoko manini ku Isi.

Ingaruka zabyo zabaye nini. Agaciro k’ibicuruzwa byoherezwa mu Bushinwa kazamutse kava kuri miliyoni 6,38 z’amadolari muri Mata 2024, kagera kuri miliyoni 10,37 muri Mata 2025, mbere yo kuzamuka cyane kakagera kuri miliyoni 47,74 muri Mata 2026.

Imibare iheruka igaragaza ko amerekezo y’ubucuruzi bw’u Rwanda ari guhinduka ku buryo bugaragara.

Mu myaka ibiri ishize, UAE yari yihariye isoko ry’ibyoherezwa mu mahanga by’u Rwanda. Uyu munsi, uwo mwanya waragabanyutse cyane, mu gihe Ubushinwa na DRC byahindutse amasoko abiri ya mbere igihugu cyoherezamo ibicuruzwa byinshi.

Niba izi nzira zikomeje uko zimeze, Ubushinwa bushobora vuba kuba igihugu cya mbere u Rwanda rwoherezamo ibicuruzwa byinshi kurusha ahandi hose, ibintu byerekana uko uruhare rwabwo mu bukungu bwa Afurika rugenda rwiyongera ndetse n’uko u Rwanda rugenda rwinjira cyane mu masoko yo ku mugabane wa Aziya.

Inkuru y’ingenzi kurushaho ni uko u Rwanda rutakishingikiriza ku isoko rimwe rukumbi ryiganje mu byoherezwa mu mahanga.

Muri Mata 2026, u Rwanda rwinjije miliyoni 165,86 z’amadolari avuye mu bicuruzwa rwohereza hanze, avuye kuri miliyoni 105,42 z’amadolari muri Mata 2025. Ibi bingana n’izamuka rya miliyoni 60,44 z’amadolari cyangwa 57,3%.

Ahubwo ubu izamuka rishingiye ku mbaraga ebyiri zikomeye ariko zitandukanye: kwaguka kw’ubucuruzi bwo mu karere cyane cyane mu burasirazuba bwa Congo, ndetse n’ubwiyongere bw’ibikenerwa ku isoko ry’Ubushinwa, igihugu cya kabiri gifite ubukungu bunini ku Isi.

Inkuru y’umunyamaluru utuye mu Bubiligi ukurikirana cyane amakuru y’u Rwanda, ivuga ko Kabuga yashyinguwe ku wa Gatanu, iya 29 Gicurasi mu irimbi ry’I Waterloo mu Bubiligi. Ni urugendo rw’iminota makumyabiri uvuye mu Mujyi wa Brussels.

Uyu munyamakuru agira ati “Byabaye mu ibanga rikomeye cyane, ku buryo no mu muryango we, hari abari badahari. Nyuma yabyo, ngo nta gukaraba, nta kiriyo cyangwa undi muhango usanzwe ukorwa n’abanyarwanda bagize ibyag byo kubura uwabo.
Kuri uyu wa 3 Gicurasi rero, ni bwo ngo abantu banyuranye batumiwe muri misa yo kumusabira, mu Bubiligi.

Agira ati “Abantu baje mu misa, bibwira ko baje gusezera bwa nyuma kuri nyakwigendera, ubundi bakamuherekeza aho umubiri we ugomba kuruhukiura, ariko bamenya amakuru ko yashyinguwe mu cyumweru gishize.”

Gushyingura Kabuga mu ibanga, ngo byaba byaraturutse ku makuru bari barabonye mbere y’ibyabaye kuri Protais Zigiranyirazo, musaza wa Agathe Kanziga, umugore wa Habyarimana Juvenal.

Umwaka ushize, uyu muryango wangiwe gushyingura Zigiranyirazo mu Bufaransa, ubijyana mu nkiko biba iby’ubusa, maze bafata umwanzuro yo kumutwika.

Agira ati “Banze ko amateka yakwisubiramo, kuko no kuri Kabuga, ni ibintu byashobokaga cyane.”

Kabuga yapfuye mu ntangiriro za Gicurasi muri Gereza y’Urukiko Mpuzamahanga Mpanabyaha I Lahe mu Buholandi.

N’ubwo urukiko rwari rumaze imyaka itatu ruvuze ko adashobora kuburana kubera uburwayi yari afite, rwafashe umwanzuro wo kumurekura ariko habura igihugu na kimwe ku isi cyemera kumwakira, kereka u Rwanda.

Umuryango we warwanyije ko aza mu Rwanda, kugeza apfuye.

Ndushabandi, mu ihuriro ry’urubyiruko ryiswe ’Igihango cy’urungano’ ryabaye mu cyumweru gishize yabwiye abasore n’inkumi n’ababyeyi babaherekeje ati "Jyewe mbyiruka, nifuzaga kuba padiri. Numvaga ari ho nzashobora kwambara indorerwamo z’amaso(lunettes), nkagenda mu modoka, nkarya n’amagi."

Agira ati "Nakuze muri Gatolika numva ko mu gipadiri ari ho hantu nzagera nkicara nkavuga. Inkotanyi zarakoze. Ni na bwo bwa mbere ngiye kubivuga. Hari igihe mvuga ngo nazimenye ntinze, ngira icyo nkora ntinze. Ariko aho menyeye niyemeje kuba umunyeshuri mwiza, gusa ibyo ntibihagije."

Ndushabandi, yabwiye urubyiruko ko nabo bagomba kuba abanyeshuri beza, ariko aho bakaharenga, bagakunda u Rwanda n’Abanyarwanda, kandi ibyo bikabahora ku mutima.

Ibi kandi avuga ko birenze ibyo mu ishuri.

Ikindi mu mikurire ye, Ndushabandi agira ati "Nakuze nzi ko umusirikare wese ari umwicanyi, kugeza ubwo nabonaga Inkotanyi ku mupaka, zikamvugisha mu Kinyarwanda. Ni bwo namenye ko umwenda wa Gisirikare ntaho uhuriye n’ubwicanyi."

Aha ndetse yahise yongeraho ati "Jyewe wahoraga mpohoterwa n’abasirikare ba Congo, nabona abasirikare ngahunga, maze ibyumweru bine nigisha abasirikare bakuru i Nyakinama. Iyo ntebe wayicaraho, udafite igihugu kikubwira ko ufite agaciro, ko uri Umunyarwanda?"

Ndushabandi, yahaye urubyiruko inyigisho nyinshi zikomeye z’ubuzima, agera n’aho ababwira ati "Mu minsi iri imbere, ubumenyi buzaba buri ahantu hose, kubera na AI. Kiriya gihe rero, ntabwo mu bizamini by’akazi uzajya uhabwa ibizamini bisuzuma ubwenge, ahubwo bazajya bareba indangagaciro zikuranga."

Umuhango wo gutangiza ibi bizamini uzatangira saa mbili n’igice za mu gitondo (8:30 a.m.). Ibizamini bizakorwa kugeza tariki ya 22 Kamena 2026.

Minisitiri w’Uburezi Joseph Nsengimana azatangiriza ibizamini kuri St Joseph Integrated Technical College mu Karere ka Nyarugenge, mu gihe Umunyamabanga wa Leta muri Minisiteri y’Uburezi Irere Claudette azabitangiriza kuri Kagarama Secondary School.

Abakandida 74,085 ni bo bazakora ibi bizamini ngiro, barimo 70,504 biga mu mashuri n’abakandida bigenga 3,581. Ibizamini bizakorerwa mu bigo 854 hirya no hino mu gihugu. Kugira ngo bigenzurwe neza, hazifashishwa abagenzuzi 8,484 bazaba bakurikirana imigendekere yabyo mu gihugu hose.

Ibizamini ngiro by’Igihugu ni kimwe mu bice by’ingenzi bigize integanyanyigisho n’isuzumabumenyi bishingiye ku bushobozi (Competence-Based Curriculum and Assessment). Bigenzura ubushobozi bw’abanyeshuri mu bikorwa ngiro, ubumenyi bw’umwuga, imyitwarire n’ubumenyi rusange, hagamijwe kureba niba bashobora gushyira mu bikorwa ibyo bize mu buzima busanzwe no mu kazi.

Ibi bizamini bizakorwa n’abanyeshuri bo mu mashuri yisumbuye y’imyuga n’ubumenyingiro (TSS), abo mu mashuri nderabarezi (TTC), abo muri gahunda y’ubuforomo bw’ibanze (Associate Nursing Programme – ANP), abo mu ishami ry’ibaruramari (Accounting – ACC), ndetse n’abakora isuzuma rishingiye ku mishinga ya siyansi mu mashuri rusange (Science Project-Based Assessment – PBA).

Uretse imihango yo gutangiza ibizamini izabera i Nyarugenge no muri Kicukiro, abayobozi bakuru ba MINEDUC n’ibigo biyishamikiyeho bazanatangiziriza ibi bikorwa mu bindi bigo by’ibizamini byatoranyijwe hirya no hino mu gihugu.

Uru rwibutso rwiswe “L’Archive” (Ubushyinguro bw’Amateka), rwubatswe ku kibuga cya Esplanade Habib-Bourguiba giherereye ku nkengero z’Uruzi rwa Seine, mu gace ka Quai d’Orsay mu murwa mukuru Paris.

Uyu mushinga watangijwe na Leta y’u Bufaransa ku bufatanye n’Umujyi wa Paris mu rwego rwo gukomeza ibikorwa byo kwibuka no gukomeza inzira y’ubwiyunge hagati y’u Rwanda n’u Bufaransa.

Urwibutso rwakozwe n’umuhanzi w’umunya-Portugal, Grada Kilomba, ukorera i Berlin mu Budage. Rugizwe n’inkingi ebyiri nini z’umuringa wirabura zubatswe ku mabuye y’umukara n’ay’umweru akomoka mu birunga.

Abateguye uyu mushinga bavuga ko uru rwibutso rugamije kuba nk’ububiko bw’amajwi, amateka, ubuhamya n’icyizere by’abarokotse Jenoside ndetse n’abayizize. Kuri rwo handitseho ubutumwa mu ndimi enye zirimo Igifaransa, Icyongereza, Ikinyarwanda n’Igiswahili.

Urwo rwibutso ruzaba ahantu hahoraho hagenewe kwibuka no kuzirikana Abatutsi barenga miliyoni bishwe muri Jenoside yakorewe Abatutsi hagati ya Mata na Nyakanga 1994.

Biteganyijwe ko umuhango wo kurufungura uzarangwa n’ubutumwa butangwa na Perezida Kagame na Perezida Macron, hamwe n’abayobozi b’Umujyi wa Paris ndetse n’abarokotse Jenoside yakorewe Abatutsi.

Mu bazatanga ubuhamya harimo Jeanne Uwimbabazi warokotse Jenoside yakorewe Abatutsi.

Umuhanzi akaba n’umwanditsi w’umunyarwanda ufite ubwenegihugu bw’u Bufaransa, Gaël Faye, na we azitabira uwo muhango aho azasoma umuvugo wanditswe na Beata Umubyeyi Mairesse, umwanditsi w’umunyarwanda ufite ubwenegihugu bw’u Bufaransa warokotse Jenoside yakorewe Abatutsi.

Nyuma y’uyu muhango, Perezida Kagame n’itsinda rimuherekeje bazakirwa ku meza na Perezida Macron mu Ngoro ya Élysée, ibiro bya Perezida w’u Bufaransa.

Gufungura uru rwibutso ni indi ntambwe ikomeye mu mubano ukomeje gutera imbere hagati y’u Rwanda n’u Bufaransa, cyane cyane nyuma y’uruzinduko Perezida Macron yagiriye i Kigali mu mwaka wa 2021.

Muri urwo ruzinduko, Macron yemeye ko u Bufaransa bwagize “uruhare n’inshingano” mu mateka yabaye mbere no mu gihe cya Jenoside yakorewe Abatutsi, nubwo yavuze ko igihugu cye kitigeze kigira uruhare rutaziguye mu iyicwa ry’Abatutsi.

Mu Rwanda, gufungura uru rwibutso bifatwa nk’igikorwa gikomeye muri gahunda yo kwibuka ku nshuro ya 32 Jenoside yakorewe Abatutsi, Kwibuka32, ndetse no mu rwego rwo gukomeza kubungabunga amateka kugira ngo azahore yibukwa n’ibisekuru bizaza.

Se yari yarabonye akazi mu mirima minini, akaba umucungamari, ariko akaba atarumvikanaga n’umutwe w’iterabwoba wa FDLR, ku buryo bahoraga bamusaba kuwinjiramo ariko akabangira.

Nyuma rero, FDLR yagiye ku ishuri Nkurunziza yigagaho baramushimuta hamwe na mugenzi we witwa John, babatwara babapfutse mu maso, babavana i Rutshuru babageza Walikale, muri FDLR.

Agira ati "Habaga imihangayiko, gutotezwa no kwinjizwamo ingengabitekerezo ya Jenoside. Twahoraga dukubitwa, dukora ibitero byo kwiba, kwikorera imizigo, amasasu n’ibindi ndi umwana muto w’imyaka 14. Banyikorezaga imizigo ntabasha kwikorera."

Nyuma rero bagiye kubatoza igisirikare, aho noneho ngo guhangayika byiyongereye, babaha imyitozo ku myaka 14 bamuha imbunda, arayifata kugeza abaye nk’umusirikare.

Ati "Aha ni ho batubwiraga bati mukore cyane, tugiye gutera u Rwanda, turashaka gusibanganya umututsi ku isi bya burundu."

Aha rero ngo barabyumvaga, ariko mbere y’ibyo bakaba mu bujura, bashyiraho amabariyeri yambura abaturage, maze agira ati "Umuturage yatambukanaga akazigo ke k’imyumbati, agatoki, zana, amafaranga tukayabaka. Twahoraga dukubita abaturage tubahohotera, tubica ku rwego rwo hejuru."

Iyo utabikoraga, na bwo ngo baragukubitaga.

Hanyuma agira ati "nyuma y’amezi atandatu natangiye gushaka inzira yo kwigobotora biriya bigabo bya hariya hakurya. Natangiye kwiga inzira, maze mpura n’umusirikare wari uzi ababyeyi banjye, maze ambaza uko nahageze, ndetse ndatinyuka mubwira ko nshaka gutaha."

Nk’aho yakamufashije, uwo musirikare yaramubwiye ati "Ukivuga ko ushaka gutaha, ubwo urapfiye tayali.", icyakora umusore amusubiza ko n’ubindi yamaze gupfa, kubera induru yirirwamo n’urugomo rwo mu ishyamba.

Icyakora yaramubwiye ngo nabe ategereje, ariko akomeza gushaka inzira. Mu Kwezi kwa 12, 2009, yasabye abayoboraga uyu mwana ko bamwemerera bakajyana gushaka ibyo kurya, maze barabyemera, nuko Nkurunziza na wa mwana bazanye, bakurikira uyu musirikare.

Yaberetse inzira, ndetse ababwira ko imbunda bazigumana bakagenda bakagera kuri MONUSCO. Bagiye umunsi wose n’ijoro, bageze saa sita z’ijoro, umwe akaryama, undi akamucungira.

Saa saba n’igice z’umunsi wa mbere barabyutse, bahura na Patrouille, maze barahangana, kuko iyo babafata ngo bari kubica babanje kubaca ibitsina. Nuko bararasana, biruka mu misozi, bagera ahantu bihisha mu rutare, ababahigaga barababura.

Saa kumi n’imwe basohotse muri rwa rutare, hanyuma barakomeza baragenda, umunsi wose. Saa saba n’igice basubukuye urugendo, ariko na none saa cyenda n’igice bagwa mu gico cya FDLR.

Agira ati "Aha ngaha ho hari hakomeye, kuko twabonaga amatara ya MONUSCO hakurya Walikale, turavuga tuti byose ni ugufa, tugomba kubanyuramo, tukagera MONUSCO. Icyakora, bo baturasaga bashaka kudufata mpiri byanze bikunze. Ntibashakaga ko twapfa batadufashe."

Icyo gihe ngo bararasanye n’abo bantu barindwi, ariko babarasa babegera ngo babacemo batambuke. Icyo gihe bararasanye, bagira amahirwe yo kubajya imbere, biyemeza kwiruka kugeza bageze aho bajya.

Avuga ko ku myaka cumi n’ine, umwana wambaye bottes zimuruta, iyo ntambara yabaga ari urugamba rukomeye, ariko wagombaga kwiruka mpaka ugeze ku ntego ufite. Barakomeje biruka barasana, bagera kuri MONUSCO, hanyuma bahageze barabakira.

Aha rero, MONUSCO yabahaye indege ibageza i Bukavu. Icyo gihe ngo umwana akigera i Bukavu yamenye ko bagicika, FDLR yagiye ifata umuryango we irawurimbura.

Agira ati "icyo gihe nahise ntangira kwibaza ngo ese ndajya he, ko bambwiye ko iyo utashye uri umuhutu bakwica. Batubwiraga ko mu Rwanda ari ho dukomoka, mfata umwanzuro wo gutaha mu Rwanda."

Aha rero niho yibwiye ati "Ndatashye, ningera mu Rwanda nzabona umuryango, kandi rero nzanakura mbe umgabo."

Yageze i Rusizi abona abaturage barishimye, abayobozi bamwakira neza, yumva bavuga Ikinyarwanda, bose bahuje ururimi.

Icyakora yari agifite akoba, atekereza ko bamwica. I Rusizi bamuha imyenda mishya, bamwitaho, atangira gutungurwa. Aha rero, bamwakiriye i Mutobo ahakirirwa abaturutse mu gisirikare, ndetse ahahurira n’abandi babanaga bahamutanze. Icyo gihe yasanze icyiciro kimwe kigiye gusoza.

Nkurunziza na mugenzi we bita John, bageze mu Rwanda muri 2009 ubwo banyuraga mu bizazane bikomeye bagacika umutwe w’iterabwoba wa FDLR wasize ukoze Jenoside mu Rwanda.

Bamaze kumenya ko Nkurunziza yacitse, baragiye bica umuryango we barawurangiza, ariko abimenyera i Bukavu, yibaza icyo agomba gukora.

Ku myaka ye cumi n’ine yumvise ko nta yandi mahitamo, ko agomba gutaha mu Rwanda, n’ubwo atari yizeye ubuzima.

Urugendo rwe kuva i Rusizi kugera i Mutobo ahakirirwa abaturutse muri FDLR, rwarimo byinshi bitunguranye, kuko abo yibwiraga ko bagomba kumwica, ahubwo ni bo bamwitagaho, bamuha imyenda myiza, bamugaburira neza, n’ibindi.

I Mutobo, yahageze hari igihe cyiza cyo kubona neza u Rwanda rutandukanye n’urwo yabwiwe.

Icyo gihe, hari icyiciro cy’abahoze mu ngabo kigiye gusezererwa, maze mu birori byo gusoza, abona amakuru mashya, arumirwa.

Yagize ati "Nagiye kubona mbona Meya araje, n’umushoferi we, nta musirikare n’umwe afite umurinze. Muri Congo, umuyobozi wa Localite, iyo yazaga, wasangaga afite imodoka zuzuye abasirikare bamurinze."

Nyuma ya meya, haje guverineri, nawe abona ni nka kwa kundi, arumirwa, ati "Uyu mutekano mbonye hano, nta handi nigeze nywubona. Cyangwa ndarota!"

Nyuma noneho, yaje kubona n’aba Jenerali, akabona umwe afite abasirikare babiri, nuko akagira ati "Mana yanjye! Naje mu gihugu cy’amahoro."

Uyu musore rero, kuko yari ataragera imyaka y’ubukure, bamujyanye mu kigo cyakira abahoze ari ba kadogo muri FDLR, kiri mu Mujyi wa Musanze, maze ahasanga urungano rwe.

Agira ati "Nahasanze abana basa neza, numva ko nageze kwa mama n’ubwo namutakaje. Aha baratubagaburiye, baduha imyenda myiza, harimo n’iya siporo, maze n’abaganga bakatubaza uko tumerewe. Batwigishije amateka, bambwira ko ntari interahamwe, ndi umunyarwanda.

"Icyo gihe bahise batubaza n’uko tugomba kubaho, banjyana kwiga imyuga, nsanga abandi bana bose bo mu Rwanda, niga iby’Amahoteli, nyuma ndangije, bambaza niba hari n’indi mpano mfite ngo bayiteza imbere. Narabwiye ngo mfite impano yo kuririmba, maze batuzana i Kigali, nkumva n’imodoka z’umusaza Kagame atambuka."

Icyo gihe rero bamwohereje muri Studio, akora indirimbo, ubundi atangira gutanga ubutumwa mu bihangano akangurira abari mu mashyamba gutaha.

Nyuma yaje kujya mu itorero ry’abahanzi Indatabigwi, nyuma y’amahugurwa ajya gushaka akazi k’ubuzima, maze 2016 ahabwa akazi muri Airtel Rwanda, maze bamugira ushinzwe kwamamaza Airtel i Musanze.

Aha rero ngo yashatse umuryango, ashaka umugore mu 2023, kugira ngo nawe atangire ubuzima bushya.

Agira ati "Ubu ndi umupapa, w’umwana umwe, ndi chef de la famille iwanjye."

Yashimiye Perezida wa Repubulika ati "Ajye ahorana umugisha w’Imana."

Afitemo ubumenyi budasanzwe kuko afite impamyabumenyi y’Ikirenga muri AI, akaba yarayikuye i Seoul muri Korea y’Epfo, ariko ubuzima bwe bwatangiye bugoranye.

Jenoside itangira, Harelimana yari umwana w’imyaka 13, ariko icyo gihe niho yafashe icyemezo cyo kwinjira mu Gisirikare cya RPF Inkotanyi, nyuma yo kurokoka Jenoside.

Mu 1981, Harelimana yavukiye mu Karere ka Muhanga, ariko yirukanywe muri Uganda aho yari yarahungiye, nawe akura ahura n’ivangura, aho agira ati "wahoraga uzi ko uzicwa ariko utazi igihe uzapfira."

Agira ati "Nabaye umusirikare wa RPF ku mutima mu 1994, ariko mu gisirikare ubwaho ninjiyemo mu 2002."

Icyo gihe, Harelimana yoherejwe kwiga muri Kaminuza ya Gisirikare ya Etiyopiya, yiga ibijyanye na Engeneering, ndetse aza no kuba Ofisiye, ahabwa inshingano zitandukanye.

Yakomeje kwiga ahitwa Carnegie Mellon University igitangira mu Rwanda, nyuma ajya kwiga muri Seoul, iby’ubwenge bukorano.

Harelimana avuga ko, kiriya gihe, mu 2020 ubwo yajyagayo, u Rwanda ndetse n’isi yose bari mu bihe bikomeye bya COVID-19, ariko we yari ajyanywe no kuzana ubumenyi bw’ingenzi, "kuko u Rwanda rwari rumaze kwerekana neza ko ikoranabuhanga ari ryo rizateza imbere igihugu."

Harelimana, ageze muri Korea, yamenye amateka ya kiriya gihugu, ko cyateye imbere kubera gukoresha ikoranabuhanga, maze abishyiramo umwete, dore ko yabonaga ko n’Igisirikare cy’u Rwanda mu bihe biri imbere, kizakenera ikoranabuhanga cyane.

Harelimana, avuga ko mu buryo busanzwe hari ahantu hatatu harwanirwa intambara (domains of war), aho akaba ari ku butaka, mu mazi no mu kirere.

Icyakora ngo uko isi igenda itera imbere kubera internet, ubu ngo hiyongereyeho ahandi hantu harwanirwa intambara, hashingiye ku ikoranabuhanga muri rusange na Murandasi by’umwihariko.

Aho hantu hiyongereyeho hasigaye habera isibaniro ni aho bita cyber domain, na information and influence domain, cyangwa se kurwana intambara mu makuru.

Harelimana agira ati "Ibi mushobora kumva ko ari ibintu byoroshye, ariko si byo. Umuntu ushobora kumutsinda ku butaka, ukamutsinda mu kirere, ukamutsinda no mu mazi, ariko akagutsinda muri ubu buryo bubiri bwa nyuma."

Aha rero, ni ho yavuze ko kurwanirira Igihugu muri ubwo buryo ari inshingano ya buri wese, birenze kuba iy’abasirikare.

Iyi rero, ngo ni na yo ntwaro igomba gukoreshwa n’urubyiruko mu kurwanya ingengabitekerezo ya Jenoside, kuko abayikwirakwiza na bo bakoresha ikoranabuhanga, harimo na AI.

Col. Dr. Harelimana, avuga ko muri rusange, muri RDF ubwenge barabufite, kandi barabukoresha. Icyakora avuga ko mu muco wabo, iyo ufite ubwenge, ukagira ubuhanga buhanitse, ariko ukabura discipline, byose biba impfabusa.

Paris Saint Germain(PSG) yo mu Bufaransa yatwaye iki gikombe itsinze Arsenal yo mu Bwongereza kuri Penalty, nyuma yo gukina iminota ijana na makumyabiri, ariko yose ikarangira ari igitego kimwe kuri kimwe.

Arsenal ni yo kipe perezida Kagame afana ku buryo buzwi, ariko uyu mupira wo wari wihariye kuko ari PSG, ari na Arsenal u Rwanda ruzifitemo inyungu, kuko zamamaza u Rwanda muri gahunda imaze kwandika amateka yitwa Visit Rwanda.

Perezida Kagame rero yashimiye PSG agira ati "Dushimiye umufatanyabikorwa wacu wa #VisitRwanda, ikipe ya Paris Saint-Germain, nyuma yo kwegukana igikombe cya UEFA Champions League, bakaba bakishubije ku nshuro ya kabiri yikurikiranya."

Kagame ntiyirengagije akazi gakomeye Arsenal yakoze kugira ngo igere aho hose, niyo mpamvu iyi kipe na yo yayigeneye ubutumwa agira ati "Turashimira kandi Arsenal kuba yarageze ku mukino wa nyuma igakotana kugeza ku munota wa nyuma."

Umukuru w’Igihugu yagize ati "Aya makipe yombi yateye ishema abafana bayo, ariko kuri uyu mugoroba PSG yagaragaje ko ari yo kipe yarushije indi imbaraga."

Hari mu ihuriro ry’Urubyiruko ryise "igihango cy’Urungano", aho abaturutse hirya no hino baganira ku mateka y’u Rwanda, ari nako bibuka urubyiruko rwazize Jenoside yakorewe Abatutsi mu 1994.

Muri iri huriro, urubyiruko rwagejejweho ikiganiro n’umusirikare ufite ipeti ryo hejuru, Lt. Col. Gaspard Harelimana ufite impamyabushobozi y’ikirenga, PhD mu bwenge buhangano.

Uyu musirikare, yamaze impungenge urubyiruko rufite impungenge z’uko ubwenge buhangano buzabatwara akazi, cyangwa se ko buzatuma ireme ry’uburezi ritakara, n’ibindi.

Icyakora, Harelimana yababwiye ko mu by’ukuri, ubwenge buhangano bwaje ahubwo gufasha kwiga byinshi, no guhanga imirimo mishya ku biteguye.

Umusore witwa Mwitende Abdulkarim ariko wamamaye ku Mbunga Nkoranyambaga nka "Buri Kantu" yunganiye uyu musirikare, maze abwira urubyiruko ati "Mu Rwanda, niba wumva wisubiza inyuma kubera ubwoko, you are wrong-uribeshya, niba kandi wibwira ko hari aho ubwoko buzakuzamua bukakugeza, nabwo uribeshya - you are wrong."

Aha, uyu musore w’icyamamare ku mbuga nkoranyambaga, yavuze ko we ubwe, yahatanye, akagera ku iterambere afite, kuko agira ati "Iki ni igihugu giha buri wese amahirwe, igihe yakurikiye neza ibyo yiga, akabigiramo ubumenyi. Ni yo mpamvu na hano mwabonye dukomera amashyo Afande waduhaye ikiganiro."

Uyu musore, yunganiwe na mugenzi we Iradufasha Alain na we uba ku mbuga nkoranyambaga yiyita "buri Nguni".

Yagize ati "Jyewe na Buri Kantu twishyize hamwe, none ubu ni byo biduteje imbere, kandi twishyize hamwe nta rwikekwe na rumwe dufite, ubu ni byo byatuzamuye. Mwubake ubumwe."

Madame Jeannette Kagame ni we wari umushyitsi mukuru muri iri huriro, akaba yasabye urubyiruko kudahora bibaza ngo "Aha teahageze gute", ahubwo bagire bati "Aha twahava gute"?

Ibirori bimaze iminsi biri gutangwa n’imikino ya Shampiyona ya Afurika ya Basket Ball imaze icyumweru mu murwa mukuru w’u Rwanda.

Buri mugoroba, iki cyumweru cyose, abantu ibihumbi icumi berekeza kuri BK Arena, ahari kubera iyo mikino, muri Karitsiye y’ahitwa i Remera.

Abagande, ni abaturage bakunda imyidagaduro, no kuryoshya nk’uko bakunze kubyita mu mvugo y’ubu. Ibi bintu bakomeje kubireba, bamwe bari muri Arena, abandi bakurikira ku mbuga nkoranyambaga, maze barahindukira bareba Gen. Muhozi Kainerugaba, umuhungu wa Perezida Yoweli Museveni, uzwi ho kwisanzura cyane.

Nuko, bamugezaho ubusabe bwabo kuri X, bati "Mwaramutseho Afande Muhozi Kainerugaba! Nta kuntu rwose mwatwubakira Arena mu gihugu cyacu dukunda cya Uganda?"

Abatanze ubu busabe, bazi ubwenge, kandi bazi gukora ahari ubukirigitwa kuri uyu mu Jenerali ugira amarangamutima, kandi akisanzura ku mbuga nkoranyambaga.

Uyu mugaba mukuru w’ingabo za Uganda, aherutse kuvuga ko Basketball ari wo mukino we, naho ngo ruhago ntayiyumvamo kuko usangamo abantu bagufi, kandi ngo rwose abagufi bamutera muzunga.

Muri iyi minsi Muhozi agomba kuba hari amakuru ashaka gusangiza abantu ku rukundo afitiye u Rwanda nk’uko ahora abivuga.

Amaze iminsi agira atya akandika kuri X ye, ati "Inkotanyi cyane"...nuko akikomereza.

BK Arena, inzu icungwa na Banki ya mbere mu Rwanda mu butunzi, Banki ya Kigali, iraberwa mu mabara yose.

Abantu bahazi, bazibuka umuteguro wayo muri Kongere ya FIFA yabereye mu Rwanda mu mwaka wa 2023, ahari hateraniye abakomeye muri uyu mupira ukunzwe kurusha iyindi ku isi.

Tutavuze amafaranga iyo nama yinjije, umuteguro waho wari agahebuzo.

Ikiyongereye kuri ibyo, ibitaramo bikomeye bimaze kubera muri iyi nyubako, bisiga yubatse amateka. Bimwe biba birimo abahanzi mpuzamahanga, ariko hari n’ibitegurwa n’abahanzi bo mu Rwanda.

Gukoresha ibirori cyangwa ibitaramo ukuzuza iyi nyubako, ni kimwe mu bintu bigaragaza ubushobozi ku muhanzi, kandi iyi nzu koko, si ubonetse wese wakwicaza abantu kuri buri ntebe ya BK Arena.

Israel Mbonyi, umuhanzi w’Umunyarwanda wa Gospel ni umwe mu bahanzi bacye baciye ako gahigo.

Si ubwa mbere abantu mu karere bagaragaje ko bakeneye kugira inzu ikomeye y’imyidagaduro yo mu rwego rwa BK Arena.

Umuhanzi w’ikirangirire Diamond Platinumz na we ubwo yazaga bwa mbere i Kigali kuva aho uyi nzu yuzuriye, yaravuze ati "Ndajya gusaba Perezida wacu wa Tanzaniya atwubakire Arena nk’iyi."

Icyo gihe, Diamond yaravuze ngo abahanzi b’iwabo barirya bakimara kuko badafite inzu y’imikino y’urwego ruhanitse nka BK Arena.

Muri iyo nama, abayobozi ba AFC/M23 bashimangiye ko hakenewe ubukangurambaga rusange bwo guhangana n’iki cyorezo giteye abaturage impungenge.

Corneille Nangaa, umuhuzabikorwa wa politiki wa AFC/M23 yagize ati“Ebola ni indwara ikomeye, Ebola irica, ariko Ebola ishobora kwirindwa no gutsindwa binyuze mu kubahiriza ingamba zo kwirinda."

Umuhuzabikorwa wa politiki wa AFC/M23 yibukije ko kurwanya Ebola bidakwiye gufatwa nk’inshingano z’abaganga n’abakozi b’ubuzima gusa, ahubwo ko ari inshingano rusange ireba buri muturage, buri muryango, buri rwego rw’abaturage ndetse na buri muyobozi w’ijwi rifite icyo rivuze muri sosiyete.

Mu ijambo rye, yashimangiye cyane akamaro ko kubahiriza ingamba zo kwirinda zirimo gukaraba intoki kenshi, guhana intera no gukaza ubwirinzi bw’abaturage. Yibukije ko kuva icyorezo cya Ebola cyatangira kugaragara mu 1976, imyitwarire myiza ya buri muntu ku giti cye ari yo ntwaro ikomeye kurusha izindi mu kugabanya ikwirakwira rya virusi.

Yagize ati “Kurwanya Ebola bitangirira kuri buri muntu ku giti cye. Mujye mukaraba intoki kenshi. Murinde ubuzima bwanyu kandi murinde n’ubw’abandi."

AFC/M23 yanatangaje ko yashyizeho uburyo bukomeye bwo guhangana n’iki cyorezo ndetse n’itsinda ry’inzobere zishinzwe gutegura no guhuza ibikorwa byo kurwanya Ebola mu bice igenzura.

Corneille Nangaa yanamaganye uwo ari we wese washaka gukoresha ikibazo cya Ebola mu nyungu ze bwite.

Yagize ati “Ntitugafate Ebola nk’amahirwe yo gushaka akazi cyangwa inyungu. Uru rugamba rugomba mbere na mbere kuba ubutumwa bwo kurinda abaturage."

AFC/M23 yashimye uruhare amateka agaragaza ko amadini yagize mu guteza imbere ubusabane n’imibanire myiza hagati y’abaturage.

Uyu mutwe uvuga ko intsinzi mu kurwanya Ebola izagerwaho binyuze mu bufatanye bwa hafi hagati y’ubuyobozi, abakozi b’ubuzima, imiryango y’ubutabazi n’abayobozi b’amadini.

Amb. Jean Pierre Karabaranga wigeze kuba umuyobozi mukuru muri Minisiteri ya Siporo aherutse gutanga ubuhamya bw’umusore wabuze amahirwe ye yo gukinira igihugu cye, cyangwa se n’ikindi gihugu, nuko umupira we ukarangirira mu buhezanguni bw’uwamubyaye.

Yagize ati "Kera mu Buholandi, Federasiyo y’umupira w’amaguru mu Rwanda yigeze kudusaba ngo tuyishakire Abanyarwanda bashobora kuba bazi umupira. Twaje kubashaka tubonamo umwana w’umuhanga cyane, ku buryo n’Ikipe y’Igihugu y’Ubuholandi yamushakaga."

Aha ngaha yongeraho ati "Twarumvikanye, yemera gukinira ikipe y’Igihugu, ndetse aza kuri Ambasade, tumukorera ibyangombwa, tumutegera indege ngo aze, icyo gihe umuyobozi wa FERWAFA yari Degaulles, naho Minisitiri wa Siporo yari Uwacu Julienne."

Icyatangaje Karabaranga nuko agira ati "Ku mugoroba yagombaga kugera mu Rwanda, hano i Kigali baramutegereje baramubura, baraduhamagara bati ’umwana ko ataje?’ nuko turabikurikirana ngo tumenye ngo uriya mwana w’umuhanga, yagiye he?"

Baje kumushaka, maze bamugeraho, bamubaza ibyamubayeho, nuko arababwira ati "Jyewe mama yarambwiye ati; uramutse ugiye gukinira ikipe y’Igihugu kiyobowe na ziriya Nyenzi, ntabwo nkiri nyoko, nta n’ubwo uzongera kumvugisha."

Aya magambo akurikira, Karabaranga yayavuze amasonza amubunga mu maso, maze agira ati "Uwo mwana yari umuhanga, ariko yahise ahagarika gukina umupira. No gukinira Ubuholandi yarabyanze, kubera ingengabitekerezo ya nyina."

Yavuze ko hari abantu bumva bashobora gukomeza ingengabitekerezo ya Jenoside, bakayivuga ku mugaragaro, ku mbuga nkoranyambaga, no nama muri za Kaminuza z’amahanga bakabivuga, ariko nta muntu ubahana.

Aha rero avuga ko hakenewe ingamba zatuma abantu aho baba bari hose bamenya ko ingengabitekerezo ya Jenoside atari ikintu gikinishwa.

Hari ku mugoroba wo kuwa 27 Gicurasi ubwo Umukuru w’Igihugu yari ageze muri BK Arena kureba umupira wahuje Ikipe ya RSSB-Tigers ihagarariye u Rwanda mu mikino ya BAL na Al Ahly yo mu Misiri.

President ✊🏽 pic.twitter.com/EWhrWv0LCv

— Rwanda Is Open 🇷🇼 (@RwandaisOpen) May 27, 2026

Ubwo Perezida Kagame yinjiraga, umufana wavugaga mu cyongereza yahatirije cyane, aravuga ati "mzee, ndagukunda cyane, mbabarira, mbabarira twifotoranye."

Perezida Kagame wumvise ukuntu umusore yatitirije, yasubiye inyuma gato, aramurembuza araza, ndetse n’abari bamukurikiye baboneraho bifotozanya n’Umukuru w’Igihugu.

Muri uyu mukino, RSSB Tigers yakoze amateka yo kugera ku mukino wa nyuma (Final) nyuma yo gutsinda Al Ahly yo mu Misiri ku manota 106-97.

Ikipe ya RSSB Tigers, izahura n’ikipe izarokoka hagati ya Petro de Luanda yo muri Angola ndetse na Al Ahly Benghazi yo muri Libya. Umukino wabo bombi uteganyijwe kuri uyu wa kane taliki ya 28 Gicurasi muri BK ARENA.

Uyu mukino, Perezida Kagame yawukurikiye yicaye hagati mu bafana benshi cyane bari buzuye BK Arena ijyamo abantu ibihumbi icumi.

Umukuru w’Igihugu yari i Gishari mu Karere ka Rwamagana mu muhango wo kwizihiza isabukuru y’imyaka 25 Polisi imaze.

Aha, yashimiye ubunyamwuga Polisi ikorana akazi kayo, haba mu gihugu, haba ndetse no hanze y’imbibi zacyo, aho yagize ati "iyi sabukuru ni umwanya wo kwisuzuma, mugashimangira indangagaciro ziranga umwuga wanyu. Kuba abanyamwuga, ndetse no kwicisha bugufi ntacyo byabatwara."

Perezida Kagame yavuze ko izi ndangagaciro ari ngombwa mu gihe Abapolisi bakorera igihugu cyabo, kandi cya buri Munyarwanda.

Yagize ati "Ibi ni byo bizatuma icyizere Abanyarwanda babafitiye no gukomeza kubafasha bikomeza gushinga imizi."

Yifurije Aba Ofisiye bashya gukomeza kuzuza inshingano bafite haba uyu munsi n’ejo hazaza, ndetse ashimira imiryango yabo yabashyigikiye muri uru rugendo rw’amasomo bamazemo umwaka.

Perezida Kagame kandi, yavuze ko impinduka zihari, ikoranabuhanga rikoreshwa mu gukora ibyaha byerekana ko Polisi y’Igihugu igomba kujyana n’igihe kugira ngo ishobore guhangana n’ibibazo bishya bigenda bivuka.

Kuri uyu munsi mukuru w’Abayisilamu, Perezida Kagame yafashe umwanya na bo abifuriza umunsi mukuru mwiza.

Ni umunsi w’ibyishimo kuri Polisi yizihiza imyaka 25 imaze iha Abanyarwanda serivise zitandukanye zo kurinda umutekano wabo n’uw’ibyabo, kubayobora neza mu nzira banyuramo n’amaguru, n’imodoka, n’igare na moto cyangwa n’ibindi, bagenda mu kivunge cyangwa buri wese ku giti cye.

Mu myaka 25, Polisi yagendanye n’Abanyarwanda muri izo nshingano, igaragaza ubunyamwuga abantu bakunze, igaragaza ubumuntu bwakoze abantu ku mutima, igenda yiyubaka mu bikoresho, no mu gushyira mu bikorwa inshingano zayo.

Hari abayimazemo iyo myaka yose, baygiyemo ari bato, bayikuriramo none ubu ni abagabo, abagore batanga umusanzu ukomeye wo kubaka Igihugu.

Abandi nabo bagiye mu bihe bitandukanye, bahereza inda ya bukuru ababakurikiye.

Polisi yagendanye n’Abanyarwanda mu bibazo bikomeye bagendaga banyuramo, ikabayobora, ikabakosora, ikabumva, ikabatabara.

Mu gihe gikomeye cya COVID-19, polisi yakoze akazi gakomeye, ifasha abantu kubahiriza amabwiriza n’aho byaba bishaririye, kugira ngo ubuzima bukomeze, kandi koko bwarakomeje.

Polisi, ifatanyije n’ingabo z’u Rwanda, yatwaye ibendera ry’u Rwanda i mahanga, ituma u Rwanda rumenyekana mu bunyamwuga no kwita ku kiremwamuntu muri rusange.

Abapolisi ni ababyeyi barerera u Rwanda abana b’ejo hazaza, ni abavandimwe bita ku miryango baturukamo, ni inshuti nziza zizerwa n’abo bagendana, bakaba ndetse n’abaturanyi beza mu midugudu babarizwamo.

Abatembera mu bihugu binyuranye, bashima ubusirimu bwabo n’isuku iranga Abapolisi b’u Rwanda utasanga ahandi, ndetse n’umutima bakirana umuntu bafitanye gahunda, n’iyo baba bagomba kumuhana bikurikije amategeko.

Hari abahuye na Polisi y’u Rwanda ku buryo bwihariye, maze ibabera umugisha. Abo ni ababa mu nzu bubakiwe mu bikorwa bya Polisi, abubakiwe amashuri n’ibindi.

Muri ibi birori bya Yubile i Gishari, aba Ofisiye bashya 436 barinjizwa mu Cyiciro cy’aba Ofisiye bato.

Nubwo mu Rwanda nta murwayi wa Ebola uraboneka, abayobozi bavuga ko igihugu gifata iki cyorezo cyo mu karere nk’ikibazo gikomeye cy’ubuzima rusange, bitewe n’ubwiyongere bw’abandura n’impfu zikekwaho guterwa na Ebola mu bihugu bituranye.

Ikigo cya Afurika gishinzwe gukumira no kurwanya indwara (Africa CDC) giherutse kuburira ko iki cyorezo kiri gukwirakwira mu karere karangwamo urujya n’uruza rwinshi rwambukiranya imipaka ndetse n’ahantu hari umutekano muke, ibintu byongera ibyago byo gukwirakwira hagati y’ibihugu.

Mu gusubiza icyo kibazo, u Rwanda rwakajije amabwiriza agenga urujya n’uruza ku mipaka y’ingenzi irimo iya Rubavu na Rusizi.

Abanyarwanda n’abaturage bafite uburenganzira bwo gutura mu Rwanda baturutse mu duce twibasiwe bemererwa kwinjira mu gihugu, ariko bagasuzumwa Ebola, bagapimwa ndetse bagashyirwa mu kato igihe bibaye ngombwa.

U Rwanda Rwongereye Ubushobozi bwa Laboratwari

Abayobozi b’ubuzima bo mu karere bahuriye i Kampala baherutse kugaragaza ikibazo gikomeye mu guhangana n’iki cyorezo, nyuma y’uko laboratwari zo mu burasirazuba bwa DRC zivugwagamo kunanirwa guhita zimenya ubwoko bwa Bundibugyo bwa Ebola, bigatuma ibipimo byoherezwa i Kinshasa kugira ngo byemezwe.

Abahanga mu by’ubuzima bavuga ko ubwoko bwa Bundibugyo bwa Ebola bugoye kurwanya kuko, butandukanye n’ubwoko bwa Zaire Ebola busanzwe buzwi cyane, kugeza ubu nta nkingo cyangwa imiti byemewe kandi bikoreshwa cyane bihari.

Ibi byatumye hibandwa cyane ku gupima vuba no gutahura abanduye hakiri kare.

Kuva icyo gihe, u Rwanda rwongereye ubushobozi bwo kwitegura muri Laboratwari Nkuru y’Igihugu i Kigali, ruyiha ubushobozi buhambaye bwo gukora igenzura rya gihanga (genomic sequencing) bushobora kumenya ubwoko bw’indwara z’udukoko twa virusi tudakunze kuboneka mu masaha make.

Abayobozi bavuga ko ibi bigamije kugabanya igihe cyo gusuzuma no kwihutisha ibikorwa byo gutabara igihe haba habonetse umuntu ukekwaho Ebola.

Hibanzwe ku Bita ku Barwayi

Imibare y’Ikigega cy’Umuryango w’Abibumbye gishinzwe abaturage (UNFPA) igaragaza ko abagore barenga 60 ku ijana by’abanduye muri iki cyorezo, ahanini kubera ko benshi ari abita ku barwayi mu ngo ndetse n’abakozi bo ku murongo wa mbere mu buvuzi.

Iyi mibare ni yo yatumye u Rwanda rushyira imbaraga mu bukangurambaga bushingiye ku baturage.

Binyuze mu muyoboro w’Abajyanama b’Ubuzima barenga 58,000 bari hirya no hino mu gihugu, Minisiteri y’Ubuzima iri gukaza ibikorwa byo kwigisha abaturage hibandwa ku matsinda y’abagore babyara, amakoperative y’abacuruzi ndetse n’abaturage bashobora guhura cyane n’ingaruka z’iki cyorezo.

Abayobozi bavuga ko ubu bukangurambaga bugamije gutuma abantu batanga amakuru hakiri kare, kongera ubumenyi ku isuku no guha abita ku barwayi ubumenyi bwo kwirinda.

Serivisi z’ubuzima zisanzwe zakomeje

Mu gihe abafatanyabikorwa bo mu karere bari gukusanya miliyoni z’amadolari yo gufasha ibihugu biri mu byago byinshi, u Rwanda ruvuga ko rwiyemeje ko ibikorwa byo gukumira Ebola bitazahungabanya serivisi zisanzwe z’ubuzima.

Rwigira ku masomo rwakuye mu bindi bihe by’ibyorezo byabaye mu karere, leta yakomeje ibikorwa by’amashuri nk’ibisanzwe, inakomeza gahunda zo gukingira abana ndetse n’ubukangurambaga bwo gukumira cholera mu gihugu hose.

Abayobozi bavuga ko uburyo u Rwanda rukoresha bushingiye ku gukorana n’ibihugu byo mu karere mu kugenzura ibyorezo, uburyo bwo gutabara bwihuse ndetse n’ingamba zikomeye ku buzima bwo ku mipaka, hagamijwe kurinda abaturage no gukomeza serivisi za ngombwa za leta.

Ibyo biro bizafasha abakiliya bo mu Rwanda bakoresha Icyambu cya Dar es Salaam kubona serivisi zo kubanza gukurikirana no gusoresha imizigo yabo bari i Kigali, harimo n’ibikorwa byasabaga ko umuntu ajya ku cyambu imbonankubone. Kuri ubu, serivisi zirenga 90% zitangirwa ku Cyambu cya Dar es Salaam zamaze gushyirwa mu buryo bw’ikoranabuhanga.

Iyi gahunda igamije kugabanya igihe cyo gusohora no kwakira imizigo ku kigero kirenga 80% ugereranyije n’ibindi byambu byo mu karere, bikazakomeza gushyira Icyambu cya Dar es Salaam mu byambu bikora neza kandi byihuse muri Afurika mu rwego rw’ubucuruzi.

Aya masezerano yashyizweho umukono mu 2025 ateganyijwe gushyiwa mu bikorwa ku buryo bwuzuye mu mwaka w’ingengo y’imari wa 2026/27.

U Rwanda rumaze iminsi rugirana ibiganiro byimbitse na Tanzaniya, umuturanyi w’i Burasirazuba. Muri uku kwezi kwa Gatanu, Abakuru b’Ibihugu byombi bagirasuranye. Perezida Paul Kagame yagiriye uruzinduko muri Tanzaniya kuwa Gatatu Gicurasi uyu mwaka. Icyo gihe yagiranye ibiganiro mu muhezo na mugenzi wa Tanzaniya Samia Suluhu Hassan.

Perezida Samia na we aherutse mu Rwanda, aho yitabiriye inama yiga ku ngufu za Nikeleyeri kuwa 19 Gicurasi.

Mu kiganiro ku mateka cyateguwe n’Umuryango Unity Club kikaba cyarabaye mu mpera z’icyumweru gishize, Amb. Nkulikiyinka yavuze ko mu mabyiruka ye aho yavukiye mu Kiyovu, Umujyi wa Kigali, atahise amenya iby’ivangura.

Icyakora, ageze mu mwaka wa Gatanu w’Ayisumbuye, yatangiye kubona abana bamwe basigara inyuma muri gahunda zimwe na zimwe, yabaza, akabwirwa ko bahejwe kuko ari Abatutsi.

Bagiye muri Kaminuza y’u Rwanda i Butare, Nkulikiyinka yakomeje kubona iryo vangura, harimo n’irishingiye ku Karere.

Yagize ati "Ndibuka ko umunsi umwe bagombaga gutora umuyobozi w’ishuri - chef de classe, maze haza abasore baratubwira bati ’twebwe mureke ntitwiyamamaze, bariya tubihorere biyamamaze ntacyo bitwaye."

Icyo gihe ngo baramwumviye, ariko baza gusobanukirwa ko yashakaga kubuza Abanyenduga, n’abo mu bindi bice, kugira ngo batiyamamaza bagatorwa, kandi we yari muri gahunda yo kugira ngo ababuze, hatorwe bene wabo b’abakiga.

Yagize ati "Icyo gihe koko ntitwiyamamaje, nuko hatorwa abakiga kuko twe bari batugushije mu mutego ntitubimenye."

Nyuma ya Kaminuza y’u Rwanda, Nkulikiyinka yagiye kwiga mu Budage, na ho ahasanga amacakubiri, aho Abahutu n’Abatutsi ngo babaga babayeho mu dutsiko tutavugana.

Icyo gihe, ngo Abatutsi babagaho mu buzima bugoranye kuko batabaga baje kuri buruse ya Leta, ahubwo kwabaga ari ukwirwanaho.

Agarutse mu Rwanda, Nkulikiyinka yageze igihe cyo gushaka umugabo, nuko abwira ababyeyi be umushinga we, ndetse barawushima, ariko rubanda ruratangira rumujya mu matwi.

Agira ati "Barambwiye bati "umuntu nkawe wize, ni gute watinyuka gushaka umusore w’umututsi?"

Muri abo, harimo umugore witwa Thereza, icyo gihe ngo yahamagaye Nkulikiyinka, undi ajya kumwitaba, maze aramubwira ati "Ariko Christine, ubu koko ugiye gushaka Umututsi?"

Na we rero yaramushubije ati "Ubwiwe n’iki se ko ari Umututsi, nuko undi agira ati Hari Umuhutu wigeze ubona ureshya kuriya? Umva mbese uko kabaye!"

Aha rero, nyuma ngo Thereza yanaterefonnye iwabo wa Nkulikiyinka, arababwira ati "Ubwo koko mugiye kureka umwana asange Umututsi?"

Icyakora, ngo uwashakaga kwica ubukwe yasanze ababyeyi ba Nkulikiyinka basanzwe bazi uwari ugiye kuba umukwe wabo, maze babwira umwana bati "Nta kibazo mwikomereze gahunda zanyu."

Nkulikyinka yavuze rero yishimye ati "Jacques twabanye ubwo kugeza n’uyu munsi.", nuko abari aho bakoma amashyi y’ibyishimo.

Iyi g7+ ni itsinda rigizwe n’ibihugu byanyuze mu makimbirane, intege nke z’ubutegetsi, cyangwa byahuye n’ibibazo by’intambara, bikaba bikorana mu guteza imbere amahoro, ituze n’iterambere. Ryashinzwe mu mwaka wa 2010 i Dili muri Timor-Leste.

Intego zaryo nyamukuru ni ugusangira ubunararibonye n’amasomo hagati y’ibihugu bigize iryo tsinda, guteza imbere kubaka amahoro no kubaka ibihugu (peacebuilding na state-building).

Harimo kandi guharanira politiki z’iterambere zijyanye n’ibihugu bifite intege nke cyangwa byahuye n’intambara, no kongera ubwiyunge mu batuye ibi bihugu.

Uru ruzinduko rwateguwe na Rwanda Cooperation, rukaba ruhurije hamwe abahagarariye ubunyamabanga bwa g7+ n’inzego zitandukanye zo mu Rwanda. Abaryitabiriye bazagirana ibiganiro ndetse banakure amasomo ku rugendo rw’u Rwanda rw’iterambere n’ingamba zarwo zo kubaka inzego zikomeye no gushyiraho imiyoborere idaheza.

Muri uru ruzinduko, intumwa zizagirana ibiganiro n’inzego za Leta n’abafatanyabikorwa batandukanye kugira ngo zimenye ibikorwa by’u Rwanda bijyanye no kwimakaza ubumwe n’ubwiyunge, kwegereza ubuyobozi abaturage, imiyoborere myiza, guhindura ubukungu, guteza imbere ishoramari, iterambere ry’ikoranabuhanga, gutanga serivisi za Leta neza, ndetse na gahunda z’iterambere zishingiye ku baturage.

Rwanda Cooperation yavuze ko uru ruzinduko rugaragaza akamaro k’ubufatanye mpuzamahanga no kwigiranaho hagati y’ibihugu mu guteza imbere iterambere rirambye.

Uyu muryango wa g7+ ugizwe n’ibihugu bisaga makumyabiri ari byo Burundi, Repubulika Iharanira Demokarasi ya Kongo, Sudani y’Epfo, Somalia, Yemeni, Haiti, Timor-Leste n’ibindi.

Aha, yari abajijwe ukuntu bishoboka kuba yararwanije ivanguramoko ndetse n’ubutegetsi bwa Juvenal Habyarimana bwakoze Jenoside yakorewe Abatutsi, ariko murumuna we Dr. Leon Mugesera agashishikariza rubanda ukora Jenoside.

Muri ibyo biganiro, Mfizi yagize ati "erega koko inda ibyara Mweru na Muhima. Mu by’ukuri koko mva indimwe na Leon Mugesera, ni murumuna wanjye, ariko nyine, ubusanzwe umukuru abwiriza umuto icyo akwiye gukora, ariko igihe umuto yanze kumva, nta kundi wamugenza."

Leon Mugesera yahawe igihano k’igifungo cya burundu nyuma yo guhamwa n’ibyaha byo gushishikariza abantu gukora Jenoside mu mbwirwaruhame ikomeye yavugiye ku Kabaya mu 1992.

Nyamara, umuvandimwe we Mfizi wayoboraga Ikigo cy’Igihugu cy’Amatangazo ya Leta, ORINFOR, we yarwanije ikibi, arwanya ivangura iryo ari ryo ryose, kugeza n’aho yiyemeje gusezerqa mu ishyaka rya MRND ryari ku butegetsi.

Imyitwarire ye, yatumaga murumuna we Leon Mugesera amwanga, ariko uyu munsi Mfizi agira ati "Umuryango wacu urababaye kuko hari abantu batemera ko, cyangwa batazi ko, icyaha ari gatozi."

Hagati aho, Mfizi yavuze ko iwabo kwa Munyandamutsa, bari baratojwe kugirira neza umuntu uwo ari we wese.
Yerekanye ko undi muvandimwe we, Thadeo Ngirabatware na we yabonye umudari w’umurinzi w’igihango, ariko Mugesera akaba ari we wavuyemo akababera ikirumbo.

Mu myaka itatu ishize, bisanze batakaje ubushobozi bwo kubona, kubera indwara ya cataract, bakunze kwita ishaza.

Ni indwara ifata imboni, zikabura ubushobozi bwo kureba.

Iki kibazo, cyatumye batindahara, kuko batari bafite ikibarengera, kandi n’umwana bari basigaranye mu rugo, ntiyari afite ubushobozi bwo kubahahira.

Mu minsi yashize, Ingabo z’u Rwanda RDF zamenye ikibazo cy’uyu muryango, maze babashyira ku rutonde rw’abagombaga kuvurwa muri gahunda ya RDF.

Mu cyumweru gishize, nibwo amateka y’uyu musaza n’umukecuru we yahindutse. ABaganga ba RDF babasanze ku bitaro bibegereye, nuko barabasuzuma, maze igihe kigeze babaga rya shaza, bakuramo imboni karemano irwaye bayisimbuza iy’ikoranabuhanga.

Ku munsi wa gatatu w’ubwo buvuzi, Umuganga wa RDF yari azi ko byagenze neza, maze babakoresha ikizamini cyoroshye, bahereye ku mugabo.

Bamujyanye hanze, batangira kumubwira bati iki ni iki? akakivuga...bakamukoresha utugendo tugufi, akadukora, abantu bariyamirira bati "arakize, Imana ishimwe."

Bamaze kubona neza ko ubuvuzi bwagenze neza. Bazanye umukecuru, nawe bamukoresha utuzamini duto ku ruhande, aradutsinda. Nuko babaza umusaza bati "tubwire! Ni iki wari ukumbuye kureba, ati "Ni umugore wanjye."

Umugore baramuzanye, bati rwose muramukanye, bararamukanya, ibyishimo birabasaba.

Umukecuru nawe bamubajijie icyo yumva yari akumbuye ati "nari nkumbuye kujya muri korali." Kera akireba, ngo yari umuririmbyi.

Icyakurikiyeho ni uguherekeza aba babyeyi basubira imuhira, maze inzira zose abantu bakagenda babaha ikizamini ngo kanaka, urandeba, ndi nde? Iki mfite ni iki? Nukooo, bose babona ko bakize, bashima Imana.

Hagati aho, umurenge wabo wiyemeje kubasindagiza, kugira ngo babone ibibatunga. Aba babyeyi basigaye basabira RDF imigisha y’Imana.

Mu kiganiro yagiranye n’abayobozi mpuzamahanga mu by’imikino, abashoramari ndetse n’abayobozi ba Basketball bari i Kigali, Kagame yavuze ko amafaranga menshi igihugu gishyira mu bikorwa remezo by’imikino no mu bufatanye mpuzamahanga atari ugusesagura, ahubwo ko siporo ifatwa nk’urwego rukomeye rw’iterambere.

Yagize ati: “Ni amahitamo y’ingenzi twafashe. Bijyanye no guha amahirwe urubyiruko rwacu, kwamamaza igihugu cyacu no kubaka ubukungu bushingiye kuri siporo n’imyidagaduro.”

Yakomeje avuga ati: “Turashaka ko u Rwanda ruba igicumbi cy’ibi bikorwa mu karere, hanyuma bikazagera no ku rwego rw’umugabane. Kandi ibimenyetso birerekana ko ibi biri gutanga umusaruro.”

Kagame yavuze ko gahunda y’u Rwanda yo guteza imbere siporo ifitanye isano rya hafi n’umubare munini w’urubyiruko igihugu gifite, agaragaza ko gushora imari muri siporo bishobora gutanga akazi ndetse bikafungura indi miryango y’ubukungu ishingiye ku bukerarugendo, amahoteli, itangazamakuru n’imyidagaduro.

Abaturage barenga 70% by’abatuye u Rwanda bari munsi y’imyaka 30, bigatuma igihugu kiba kimwe mu bifite urubyiruko rwinshi ku Isi.

Perezida Kagame yanashimangiye akamaro ko kubaka ibikorwa remezo bigezweho by’imikino bishobora guteza imbere impano no kwakira amarushanwa mpuzamahanga akomeye.

Yagize ati: “Tugomba kugira ibikorwa n’amarushanwa, kandi tugomba no kugira impano zuzuza ibi bibuga,” ashimangira ko iterambere rya siporo rigomba gutangirira mu nzego z’ibanze.

Ubufatanye bwa ‘Visit Rwanda’ buri gutanga umusaruro

Kagame yanagaragaje ko ashyigikiye cyane amasezerano y’ubuterankunga u Rwanda rufitanye n’amakipe akomeye yo ku Mugabane w’u Burayi arimo Arsenal, Paris Saint-Germain na Bayern Munich, amasezerano akunze kunengwa kubera amafaranga menshi atwara.

Yavuze ko ayo masezerano asesengurwa hashingiwe ku nyungu agarura mu bukungu kandi ko yafashije cyane mu kwamamaza ubukerarugendo, gukurura ishoramari no kumenyekanisha u Rwanda ku rwego mpuzamahanga.

Nk’uko Kagame yabivuze, ayo masezerano si ibikorwa byo kwamamaza gusa, ahubwo ni igice cy’ingamba z’igihe kirekire zigamije gushyira u Rwanda Isi.

Mu myaka ishize, ikirango cya “Visit Rwanda” cyagiye kigaragara ku myambaro y’amakipe akomeye y’i Burayi, bituma miliyoni z’abakunzi b’umupira w’amaguru ku Isi yose babona u Rwanda.

Kagame yavuze ko uko kumenyekana kwagize uruhare mu kongera abashaka gusura igihugu, amahirwe y’ubucuruzi ndetse no kumenyekanisha u Rwanda ku rwego mpuzamahanga.

Aya makipe uko ari atatu yose yageze muri 1/2 cy’irangiza cya Shampiyona y’u Burayi y’uyu mwaka, aho Arsenal yatwaye igikombe cya Shampiyona y’u Bwongereza ndetse na PSG yo mu Bufaransa biteganyijwe guhura ku mukino wa nyuma.

Kubaka igicumbi cy’imikino n’imyidagaduro mu karere

Perezida Kagame yagaragaje ko ibikorwa remezo by’imikino n’imyidagaduro bikomeje kubakwa i Kigali biri mu rwego rw’intego igihugu gifite yo kuba ahantu h’ingenzi hakira amarushanwa akomeye, ibitaramo n’inama mpuzamahanga muri Afurika.

Mu mishinga ikomeye harimo Stade Amahoro ivuguruye yakira abantu 45,000, BK Arena yakira abantu 10,000 ndetse na Zaria Court, ahantu hagenewe imyidagaduro n’amahoteli hubatswe n’umuyobozi wa siporo Masai Ujiri.

Hari kandi guhuza ibikorwa remezo by’imikino, amahoteli n’imyidagaduro mu gace ka Remera i Kigali bigamije kubaka urusobe rw’ibikorwa bishobora kwakira abashyitsi mpuzamahanga no guha akazi abaturage baho.

Kagame yavuze kandi ko urwego rwa siporo muri Afurika rukeneye ishoramari rikomeye rituruka ku governments zo muri Afurika no ku bashoramari b’Abanyafurika.

Yavuze ko abayobozi b’ubucuruzi muri Afurika bakwiye kugira uruhare rukomeye mu gutera inkunga no guteza imbere inganda za siporo ku mugabane aho gutegereza abashoramari bo hanze.

Nubwo ubufatanye n’imiryango mpuzamahanga bukomeje kuba ingenzi, Kagame yavuze ko ubuyobozi n’iterambere rirambye bya siporo muri Afurika bikwiye kuguma mu maboko y’Abanyafurika.

Agaruka ku rugendo rw’u Rwanda nyuma ya Jenoside yakorewe Abatutsi, Kagame yavuze ko intego igihugu gifite zishingiye ku bushake bwo gutsinda amateka akomeye igihugu cyanyuzemo no kugera ku iterambere rihindura ubuzima.

Yasabye urubyiruko gukoresha neza amahirwe ari kuboneka binyuze mu ishoramari riri gukorwa muri siporo.

Nk’uko Kagame yabivuze, nubwo Leta ishobora kubaka ibikorwa remezo, ni inshingano z’abakinnyi n’abakora muri siporo gukora cyane, guteza imbere impano no guhatana ku rwego rwo hejuru.

Mu myaka ishize, Abanyarwanda baravugaga ngo "umurimo ni uguhinga, ibindi ni amahirwe", bashaka kuvuga ko ubuhinzi bwagenewe abadafite andi mahitamo.

Uyu munsi, ubuhinzi ni umwuga abantu bahitamo, urubyiruko rukiyemeza kubyiga mu ishuri, rukiga ikoranabuhanga ryabwo ndetse n’ubushakashatsi bwatuma butera imbere, kuko igihugu cyashyizeho icyerekezo.

Ishuri rikuru ry’Ubuhinzi bubungabunga ubutaka, RICA, riri mu bigo byiyemeje gushyira ubuhinzi bw’u Rwanda ku rundi rwego. Abari kuri uru rutonde, ni bamwe mu banyeshuri bategerejwe mu minsi ya vuba kuza kwereka Abanyarwanda uko bakora ubuhinzi bw’umwuga, bwunguka.

Imibare y’amikoro yinjizwa igaragaza ibintu biteye impungenge, nubwo 27.9% by’ababajijwe bahisemo kutatangaza amafaranga binjiza, mu batangaje ayo binjiza, 17.2% binjiza munsi ya 100,000 Frw ku kwezi, naho 15.1% binjiza hagati ya 100,000 na 199,999 Frw.

Kuri uru rutonde, 12.6% binjiza hagati ya 200,000 na 299,999 Frw, naho 16.0% binjiza hagati ya 300,000 na 499,999 Frw.

Kugeza uyu munsi, 11.3% nibo binjiza 500,000 Frw cyangwa arenze ayo ku kwezi.

Aha rero, ni nayo mpamvu abanyamakuru babajijwe, 43 ku ijana bagaragaje ko umushahara bahembwa ubaha iby’ibanze bicye cyane, naho abandi 13 ku ijana bavuga ko amafaranga bahembwa atabaha iby’ibanze nkenerwa, habe na gato.

Abanyamakuru 2.7 ku ijana, ni bo bonyine bemeza ko umushahara wabo ubaha ibyo bakeneye byose.

Mu yandi magambo, abanyamakuru 92.8 ku ijana bagaragaje ko umushara ubaha iby’abanze ku rwego ruciriritse, cyangwa se ntibabonemo iby’ibanze na gato.

Hagati aho, muri aba banyamakuru, abafite amasezerano y’umurimo w’igihe kirekire, ntibageze kuri mirongo itanu ku ijana, dore ko byonyine abakora batagira amasezerano asanzwe, bariya bashobora gukorera abantu benshi icyarimwe (freelancers), bageze kuri makumyabiri ku ijana.

Abakora uyu mwuga benshi (68.9%) bakodesha aho baba, mu gihe 24.3% bafite amazu yabo bwite, 6.2% babana n’imiryango cyangwa inshuti, naho 0.6% gusa ni bo bahabwa icumbi n’abakoresha babo.

Mu nama mpuzamahanga ku bya Nikeleyeri Nuclear Energy Innovation Summit on Africa (NEISA) 2026, abayobozi bagaragaje gahunda ihuza umushinga w’u Rwanda wo gukoresha indanda ntoya za Nikeleyeri - small modular reactors (SMRs) n’iterambere ry’ubucukuzi bw’amabuye y’agaciro, inganda, ubwenge buhangano (AI), ndetse n’uburyo bwo gutunganya amabuye y’agaciro ku rwego rwo hejuru.

Mu kiganiro kibanze ku isoko ry’ingufu n’ikoreshwa rya Nikeleyeri, Minisitiri w’Ikoranabuhanga na Inovasiyo, Paula Ingabire, yavuze ko u Rwanda rutifuza gukomeza kuba gusa rutanga ibikoresho fatizo mu bukungu bw’isi bwihuta cyane guhinduka.

Yavuze ko ingufu za Nikeleyeri ari ingenzi mu kuzamura ubukungu bw’igihe kirekire cy’igihugu, cyane cyane ko isi igenda ishingira cyane ku ikoranabuhanga rikeneye ingufu nyinshi nk’AI, inganda zigezweho, ndetse no gutunganya amabuye y’agaciro.

Yagize ati: “Kuba u Rwanda ari igihugu kidakora ku nyanja kandi gishingira ku bintu bituruka hanze, cyane cyane ibikomoka kuri peteroli, bituma gushora imari muri SMR biba ari ngombwa cyane.”

Ibi bigaragaza impinduka ku buryo ibihugu bitekereza ku ngufu, aho zitakiri gusa ikibazo cya serivisi rusange, ahubwo ziba inkingi y’iterambere ry’ubukungu.

U Rwanda rumaze gutangaza gahunda yo gushyira mu bikorwa SMR mu myaka iri imbere. Bitandukanye n’inganda nini za Nikeleyeri, SMR n’intoya, yoroshye kwagurwa, kandi itanga amashanyarazi ahoraho ku nganda, uturere twihariye tw’ubukungu, n’imishinga minini y’ibikorwaremezo.

Urwego rw’ubucukuzi rwugarijwe n’ikibazo cy’ingufu

U Rwanda rwateye imbere mu bucukuzi bw’amabuye y’agaciro, ubu ruri mu bihugu byinjiza amadovize menshi muri icyo gice. Imibare ya leta igaragaza ko mu 2024, ibicuruzwa byoherejwe mu mahanga byinjije arenga miliyari 1.1 z’amadolari, cyane cyane ku mabuye ya tin, tungsten, tantalum na zahabu.

Ariko abayobozi bavuga ko ikibazo cy’ingufu kikiri imbogamizi ikomeye ku kongera agaciro k’ayo mabuye imbere mu gihugu.

Umuyobozi Mukuru w’Ikigo cy’u Rwanda cya Mine, gas na peteroli (RMB), Alice Uwase, yavuze ko nubwo hari gahunda yo gukoresha imashini mu birombe, amashanyarazi adahagije atuma hari ibikorwa bihagarara.

Yagize ati: “Turimo gukoresha imashini mu birombe byose, ariko dukeneye ingufu zihoraho. Hari aho usanga ibikorwa byo gutunganya amabuye bihagaze kubera kubura amashanyarazi ahagije.”

Yongeyeho ko hari inganda zimwe na zimwe zigikoresha moteri za mazutu, bigatuma ibikoresho by’inganda byangirika no guhungabanya umusaruro.

Yatanze urugero rwa wolframite, ifasha kubona tungsten ikoreshwa mu bikoresho bya gisirikare n’ibindi kubera imbaraga n’ubushyuhe yihanganira.

Yavuze kandi ko u Rwanda ruri no gushakisha lithium, mu gihe isi yose ikeneye cyane amabuye akoreshwa muri bateri z’imodoka zikoresha amashanyarazi.

Yagize ati: “Mu masezerano turimo kuganira, ni uko igihe ingufu zizaba zihari mu Rwanda, tuzashyiraho inganda zitunganya amabuye y’agaciro imbere mu gihugu.”

Ingufu za nucléaire n’ahazaza h’inganda mu Rwanda

Minisitiri Paula Ingabire yavuze ko u Rwanda ruhuza ingufu za nucléaire n’iterambere ry’ubukungu bw’ikoranabuhanga.

Yagaragaje ko AI, cloud computing n’ibigo binini bibika amakuru (data centers) bikenera amashanyarazi menshi kandi ahoraho, bityo bikaba ari amahirwe ku bihugu bifite ingufu zihagije.

Nk’uko Ikigo Mpuzamahanga cy’Ingufu International Energy Agency (IEA) kibigaragaza, ikoreshwa ry’amashanyarazi mu bigo by’amakuru ku isi rimaze kurenga terawatt 400 mu isaha buri mwaka kandi rikomeje kwiyongera kubera AI.

U Rwanda rushaka kuba ihuriro ry’ikoranabuhanga n’udushya mu karere, rukurura ishoramari ry’ibigo binini bikora ku rwego mpuzamahanga. Ariko ibyo byose bisaba ingufu zihoraho.

Ingabire yavuze ko ikibazo nyamukuru cya AI ku isi ari ukubura ingufu zihagije kandi zihoraho, anavuga ko ibigo binini by’ikoranabuhanga byifuza gukoresha ingufu zisukuye, bikongera amahirwe ya Nikeleyeri.

Leta ivuga ko iri gutegura isoko ry’ingufu n’imiterere y’inganda mbere y’uko SMR yubakwa, hagamijwe guhuza ibikorwa by’ubucukuzi, inganda n’ikoranabuhanga.

Yashoje agira ati: “Ntidushobora gukomeza gukoresha uburyo bwa kera bwo gutanga ingufu. Bitabaye ibyo, tuzakomeza kohereza ibikoresho fatizo tutabona inyungu nyinshi.”

Mu nama ya NEISA 2026, u Rwanda rweruye ko rureba ingufu za nucléaire atari nk’isoko ry’amashanyarazi gusa, ahubwo nk’igikoresho cy’ingenzi mu guteza imbere inganda, kongera agaciro k’amabuye y’agaciro, no guhatana mu bukungu bushingiye ku ikoranabuhanga.

Ni amasezerano yashyiriweho umukono mu Mujyi wa Kigali, ahari kuhera inama mpuzamahanga ku iterambere rya Nikeleyeri.

Abayashyizeho umukono ni Umuyobozi Mukuru Wungirije w’Agateganyo ushinzwe Ibikorwa byo kugenzura Intwaro no kudakwirakwiza Intwaro za Kirimbuzi muri Minisiteri y’Ububanyi n’Amahanga ya Amerika, Renee Sonderman ku ruhande rumwe.

Ku rundi ruhande, hasinye Umunyamabanga wa Leta muri Minisiteri y’Ububanyi n’Amahanga n’Ubutwererane w’u Rwanda, Dr. Usta Kaitesi.

Aya masezerano agamije kubyaza umusaruro ingufu za Nikeleyeri zikoreshwa mu nyungu z’ibikorwa bya gisivili.

Mu bifatika, Ikigo Holtec International cyo muri Leta Zunze Ubumwe za Amerika, hamwe n’Ikigo Gishinzwe Ingufu za Atomike mu Rwanda (RAEB), byashyize umukono ku masezerano agamije guteza imbere ishyirwa mu bikorwa ry’ikoranabuhanga rya Holtec SMR-300 mu Rwanda.

Ibi bizafasha gushyira mu bikorwa gahunda y’u Rwanda yo kugira inganda nto zitunganya nikeleyeri zizwi nka SMR bitarenze 2030.

Ikoranabuhanga rya rya Holtec SMR-300 ritanga ubushobozi bwo kubaka urganda rwa Nikeleyeri rushobora guranga Migawatt 300 z’ingufu.

Ubu buryo ni bwo u Rwanda rwahisemo gukoresha, kuko uruganda runini rwa Nikeleyeri rushobora gutanga Megawatt zirenze 1000 rwo ruhenze kurushaho, ariko rukaba ngo runatwara umwanya munini, rwaba aho rwubakwa, ndetsw n’umwanya urukikije ugomba kuba udakoreshwa ku bw’impamvu z’umutekano.

Ku bihugu bito, SMR nibyo bikorwa remezo byoroshye mu kubaka ingufu za Nikeleyeri. N’ubwo zitanga Megawatt 300, ziba zishobora kongerwa, zigatanga ingufu nyinshi birushijeho, kandi ntacyo bihungabanyije.

Mu gufungura inama mpuzamahanga yiga ku bya Nikeleyeri iri kubera i Kigali kuva kuri uyu wa 18 Gicurasi, Perezida Kagame yagize ati "U Rwanda rwishimiye kuba rwarasoje neza icyiciro cya mbere cy’isuzuma rya IAEA ryerekeye ibikorwa remezo bya Nikeleyeri. Turateganya gutangira gukoresha ingufu za nikere mu ntangiriro za 2030, kandi iri suzuma ryemeza ko turi mu nzira nziza."

Perezida Kagame yavuze ko kuri Afurika, ingufu atari ikibazo cy’iterambere gusa, ahubwo abona ko ari zo shingiro ry’izamuka ry’inganda no guhangana ku isoko mpuzamahanga.

Yagize ati "Inganda zigezweho, gutunganya amabuye y’agaciro, ibikorwa remezo by’inganda, ndetse n’ubuvuzi bugezweho byose bishingira ku muriro wizewe."

Ikindi kandi, Perezida Kagame asanga ko kwiyongera kwihuse kw’ikoranabuhanga ry’ubwenge buhangano (AI) n’inganda zishingiye ku makuru na byo bizatuma ikoreshwa ry’ingufu ryiyongera cyane. Mu bihugu bidashoboye guhaza icyo cyifuzo rero, ngo hazavuka ibibazo bikomeye.

Aha ni ho agira ati "Ni yo mpamvu u Rwanda rubona ingufu za Nikeleyeri nk’ingenzi mu mpinduramatwara y’igihe kirekire ya Afurika. Mu gihe ibihugu byinshi bigenda muri uwo murongo, isuzuma mpuzamahanga n’inzira z’amabwiriza ntibikwiye kuba inzitizi, ahubwo bikwiye gutanga inkunga ikenewe."

Perezida Kagame yavuze ko u Rwanda ruzakoresha ibikorwa remezo bya Nikeleyeri byo ku rwego ruciriritse, bukoresha ibyo bita Small Modular Reactors) kuko ari bwo buryo bushoboka kandi bufatika. Bujyanye neza n’imiterere y’ibihugu byinshi bya Afurika kuko bushobora gushyirwa mu bikorwa buhoro buhoro, bugahuzwa n’imiyoboro mito y’amashanyarazi, n’ibindi byinshi.

Perezida Kagame ntavuga ko Nikeleyeri izaza gusimbura ibiriho, ahubwo avuga ko ingufu zisubira zizakomeza kugira uruhare runini, cyane cyane izituruka ku mirasire y’izuba n’amazi, aho Afurika ifite amahirwe menshi cyane.

Ubu rero ngo igikomeye Afurika ikeneye, ni uguha abashoramari icyizere ko bashobora gushora kuri uyu mugabane, kandi bakunguka, kuko ari byo bizazana ishoramari rirambye muri Nikeleyeri, dore ko izi ngufu zigenda zirushaho kwemerwa nk’igice cy’ingufu zitangiza ibidukikije, kandi ibyo bitanga amahirwe mashya.

Iyi nama ya Nuclear Energy Innovation Summit(NEISA), Kagame ayibona nk’ikiganiro kirenze inzozi n’ibyifuzo, kuko ari n’uburyo bwo guhuza ibikorwa mu buryo bufatika no gushyiraho uburyo bw’imari bushobora gushyigikira ishyirwa mu bikorwa ku rugero runini.

Aha kandi, Perezida Kagame abona ko Nikeleyeri ari ikintu gikomeye mu gutegura ejo hazaza ha Afurika, dore ko mu mwaka wa 2050, Afurika izaba ifite abakozi benshi kurusha ahandi hose ku isi.

Agira ati "Iyo mpinduka mu mibare y’abaturage ishobora kuba amahirwe akomeye y’ubukungu muri iki kinyejana niba tuyiteguye neza."

Mu Rwanda, ubu bushobozi buhura n’ikibazo gikomeye cy’ingufu nkeya z’amashanyarazi igihugu gifite. Inkomoko zose z’amashanyarazi u Rwanda rusanzwe rukoresha — harimo ingomero z’amazi, gaze ya metani, imirasire y’izuba, nyiramugengeri n’ibikomoka kuri peteroli — zose hamwe zitanga amashanyarazi ari munsi cyane ya megawati 1,000 (MW). U Rwanda rutanga amashanyarazi macye cyane ugereranyije n’abawukeneye.

Iteganyamigambi rya Leta rigaragaza ko amashanyarazi u Rwanda ruzakenera ashobora kuzagera hagati ya gigawati 2.5 na 4.5 (GW) mu mwaka wa 2050. Ikinyuranyo kiri hagati y’ibikenewe n’ibihari nticyakemurwa no kongera buhoro buhoro ubushobozi bw’ingufu zisanzwe gusa, ari na yo mpamvu abayobozi batangiye kureba ibisubizo by’igihe kirekire birimo ingufu za nikleyeri.

Mu rwego rwo kuganira kuri ibi bibazo by’ingufu ku rwego rw’akarere, kuva ejo u Rwanda rwakiriye inama ya kabiri ya Nikeleyeri, Nuclear Energy Innovation Summit on Africa (NEISA 2026). Iyi nama y’iminsi itatu ihuriza hamwe impuguke, abayobozi, abashakashatsi n’abafatanyabikorwa mu rwego rw’ingufu kugira ngo baganire ku hazaza h’ubumenyi bwa nikleyeri muri Afurika.

Mu gihe abantu bagitinya ibya nikleyeri bakabizanamo politiki nyinshi, uburyo u Rwanda rubifata bushingiye ku ikoranabuhanga n’iterambere.

Ingufu Zihoraho zo Guteza Imbere Igihugu

Kimwe mu by’ingenzi bitandukanya ingufu za nikleyeri zizwiho ni ubushobozi bwo gutanga amashanyarazi adahagarara. Bitandukanye n’ingufu zishingiye ku kirere nk’izuba cyangwa umuyaga, inganda za nikleyeri zikora amanywa n’ijoro, zigatanga amashanyarazi ahoraho kandi yizewe.

Ibi bikorwa binyuze muri nuclear fission — uburyo bwo gutandukanya utunyangingo twa uranium muri reactor igenzurwa neza. Iyi mikorere itanga ubushyuhe bwinshi bukabyara umwuka ushyushye (steam), ugatuma turbines zitanga amashanyarazi menshi kandi adahindagurika. By’umwihariko, reactor imwe isanzwe ya nikleyeri ishobora gutanga hagati ya megawati 1,000 na 1,200 — zingana hafi n’ubushobozi bwose bw’amashanyarazi u Rwanda rufite ubu.

Nk’uko Dr. Fidele Ndahayo, Umuyobozi Mukuru w’Ikigo cy’u Rwanda gishinzwe Ingufu za Nikleyeri (Rwanda Atomic Energy Board), abivuga, igihugu kiri gushyira imbere ingufu za nikleyeri kubera ubunini bwazo n’ukwizerwa kwazo.

Yagize ati: “Umwihariko w’ingufu za nikleyeri ni uko ziboneka amasaha 24 kuri 24, iminsi irindwi mu cyumweru mu gihe cy’imyaka myinshi. Ugomba kwirinda guhungabanya itangwa ry’amashanyarazi kuko guhungabana bishobora kugira ingaruka mbi.”

Ku Rwanda, uku kwizerwa ni ingenzi mu gushyigikira iterambere ry’inganda, kwagura ibikorwa by’ikoranabuhanga no guteza imbere ubukungu mu buryo burambye.

Dr. Fidele Ndahayo, Umuyobozi Mukuru wa Rwanda Atomic Energy Board, mu kiganiro n’abanyamakuru cyo ku wa 18 Gicurasi 2026.

Impamvu Small Modular Reactors Zihuye n’Ingamba z’u Rwanda

Aho gushora imari mu nganda nini zisanzwe za nikleyeri, u Rwanda rwahisemo kwibanda kuri Small Modular Reactors (SMRs) — ikoranabuhanga rishya rya nikleyeri ryagenewe korohereza ibihugu kubaka ubushobozi bujyanye n’ibikenewe.

Inganda nini za nikleyeri zisaba ubutaka bunini cyane ndetse n’ahantu hagari ho kwirinda impanuka, ibintu bitorohera ibihugu bifite ubuso buto cyangwa abaturage benshi.

Ndahayo yagize ati: “Mu Rwanda, rufite hafi kilometero kare 26,000, inganda nini za nikleyeri si uburyo bushoboka cyane.”

SMRs zo zikorwa mu bice bito kandi zishobora kongerwa buhoro buhoro bitewe n’uko amashanyarazi akenerwa yiyongera. Ibi bituma igihugu cyubaka ubushobozi bwa nikleyeri mu byiciro, mu gihe kigabanya ibiciro n’ibikenerwa mu bikorwa remezo.

Yakomeje ati: “Ku bw’amahirwe, ubu ku isoko hari ikoranabuhanga rya small modular reactors ririmo gutezwa imbere. Ushobora kongera ubushobozi bitewe n’uko ibikenewe byiyongera.”

U Rwanda ruteganya gutangiza reactor yarwo ya mbere ya SMR mu ntangiriro z’umwaka wa 2030, kandi intego y’igihe kirekire ni ukugera kuri gigawati 1.5 z’ingufu za nikleyeri mu mwaka wa 2050.

Imari, Umutekano n’Impinduka mu Rwego rw’Ingufu

Nubwo ingufu za nikleyeri zifite amahirwe menshi, ni kimwe mu bikorwa remezo bihenze kandi bigoye cyane ku isi. Kuzubaka bisaba miliyari z’amadolari kandi akenshi bifata hagati y’imyaka irindwi na icumi mbere y’uko uruganda rutangira gukora.

Iyi myiteguro isaba gushyiraho amategeko akomeye ayigenga, kurengera ibidukikije, guhugura abakozi bafite ubumenyi buhambaye, kubaka uburyo bwo kwirinda ibitero by’ikoranabuhanga, gutegura uburyo bwo gutabara mu gihe cy’impanuka, no kugira umurongo mugari w’amashanyarazi ushobora kwakira amashanyarazi menshi kandi adahagarara.

Umutekano ni cyo kintu cy’ingenzi cyane. Nubwo impanuka za nikleyeri zibaho gake cyane mu mibare, u Rwanda ruri kwitegura ibishobora kuba nubwo byaba bidakunze kubaho ariko bikagira ingaruka zikomeye. Mu ntangiriro z’uyu mwaka, Ikigo Mpuzamahanga cy’Ingufu za Nikleyeri (IAEA) cyakoreye u Rwanda igenzura ryiswe Integrated Nuclear Infrastructure Review (INIR), ryemeza ko igihugu kimaze gutera intambwe igaragara mu myiteguro y’ibanze ya gahunda ya nikleyeri.

Muri rusange, u Rwanda rubona ubumenyi bwa nikleyeri atari nk’ubusimbura andi mashanyarazi rusanzwe rufite, ahubwo nk’ishingiro ry’ejo hazaza hafite amashanyarazi ahamye, ashobora kwagurwa kandi aturuka ku nkomoko zitandukanye, hamwe n’uruhare rwabwo rukomeza mu buvuzi, ubuhinzi n’ubushakashatsi bwa siyansi.

Iyi hoteli y’ikirenga iri mu Mujyi wa Kigali biteganyijwe ko izafasha gukomeza gushyira Kigali ku rwego rw’imijyi ikurura ba mukerarugendo bifuza serivisi zihanitse muri Afurika y’Iburasirazuba.

Richard Hyde, Umuyobozi Mukuru ushinzwe ibikorwa muri SLH, yavuze ko bishimiye kwakira The Pinnacle Kigali muri iri huriro, ashimangira ko ari hoteli yihariye mu Murwa Mukuru w’u Rwanda.

Yagize ati: “Twishimiye kwakira The Pinnacle Kigali muri SLH. Ni hoteli yihariye kandi izafasha kwagura ibikorwa bya Small Luxury Hotels of the World muri Afurika.”

Hyde yakomeje avuga ko icyerekezo cya Sheila Kyarisiima, washinze iyi hoteli, gihuye n’indangagaciro za SLH zo guteza imbere hoteli zifite umwihariko, ubwiza n’ubunararibonye budasanzwe.

Mu ntangiriro, Sheila Kyarisiima yari yarubatse uyu mutungo nk’urugo rw’umuryango we, ariko nyuma aza kuwuhindura hoteli nyuma yo kubona icyuho cyari kiri mu rwego rwa hoteli zihenze kandi zigezweho muri Kigali.

Yavuze ko intego ye yari ugushyiraho ahantu hatuma abashyitsi bamara igihe kinini mu Mujyi wa Kigali basura ibikorwa by’ubuhanzi, umuco n’ibiribwa, aho gufata Kigali nk’aho banyura gusa bajya gusura ingagi.

Yagize ati: “Twishimiye kuba hoteli ya mbere yo mu Rwanda yinjiye muri SLH, ihuriro duha agaciro nk’uko natwe duha agaciro umwihariko n’ubwiza biranga The Pinnacle.”

Iyi hoteli ifite ibyumba icyenda by’akataraboneka, birimo ibikoresho byabugenewe, ubwogero bugezweho, amatara akoresha ikoranabuhanga ndetse n’ibihangano bya Afurika bitatse imbere.

Serivisi zidasanzwe n’imyidagaduro

Ishami ni imwe muri resitora z’iyi hoteli, ikaba iri hejuru y’inyubako kandi itanga amafunguro ahuza uburyo bwa Afurika na Aziya, hamwe n’ahantu hareberwa Kigali hose.

Muri iyi hoteli harimo kandi pisine y’amazi arimo umunyu, spa na wellness center, salle de sport, sinema yihariye yakira abantu 21, ikibuga cya bowling, icyumba cy’imikino ndetse n’isomero.

The Pinnacle Kigali kandi itegurira abashyitsi ibikorwa byo gusura ahantu h’amateka n’umuco harimo Kigali Genocide Memorial, Kandt House Museum, Kigali Cultural Village na Niyo Arts Center.

Hari kandi gahunda zo gutembera muri Nyamirambo, gusura Kimironko Market no kumenyekanisha ibikorwa bya Made in Rwanda.

Yitezweho guteza imbere ubukerarugendo bwo mu mijyi

The Pinnacle Kigali irifuza gukurura ba mukerarugendo bahuza urugendo rwo gusura Kigali no kujya kureba ingagi cyangwa gukora ingendo mu misozi y’u Rwanda.

Iyi hoteli ivuga ko ifite gahunda yihariye yitwa “Departure Amenity”, ituma abashyitsi bakomeza gukoresha serivisi zayo na nyuma yo gusohoka mu byumba, harimo spa, amafunguro ndetse n’ahantu ho kuruhukira mbere yo kujya ku kibuga cy’indege.

Ubuyobozi bwa hoteli buvuga ko buri rugendo rw’umushyitsi ruba rurimo serivisi zifite agaciro k’amadolari 1,400 ku cyumba gisanzwe n’amadolari 1,800 ku byumba byisumbuyeho (suites).

Muri serivisi zitangwa harimo kwakirwa byihariye ku kibuga cy’indege, gufashwa kwihutisha ibikorwa byo kwinjira no gusohoka, imodoka zihariye, butler service, massage, kumesa imyenda ndetse no gusukura inkweto nyuma yo kuva mu bikorwa byo gutembera mu misozi.

Aravuga ati: “Iyo ugeze kuri urwo rwego rw’amashuri, amahitamo aba ari make.”

Uyu musore wari ufite imyaka 19 icyo gihe yafashe urugendo rwerekeza i Kigali rwamaze hafi amasaha icumi. Yagize amahirwe ahura n’inshuti ye Claude Bayizere mu mwaka wa 2016.

Yamumenyesheje abashakanye b’Abayapani bayoboraga Japanda, resitora y’ibiryo by’Abayapani iri i Kacyiru, aho Claude yakoraga nk’umutetsi.

Uyu muryango wakiriye Niyogushimwa kugira ngo amenyerezwe akazi, nyuma aza no guhabwa akazi. Nyuma y’umwaka umwe gusa, abo Bayapani bari bamaze kubona umuntu bashoboraga gusigira ibikorwa byabo mbere yo gusubira mu gihugu cyabo cyo mu Burasirazuba bwa Aziya.

Ati: “Twari abakozi benshi hano, ariko igihe bashakaga kugenda bahisemo kundagiza ibikorwa byabo. Buri mukoresha agira uko afata abantu.”

Amasezerano yabo yavugaga ko Niyogushimwa yajyaga afata amafaranga y’abakiliya baza kurira aho ndetse n’ay’ibikorwa byo gutegura amafunguro hanze, kugira ngo resitora ikomeze gukora, naho umunyamigabane w’Umuyapani agafata amafaranga yose yishyurwaga hakoreshejwe uburyo bwo kuri internet.

Mu mwaka wa 2018, nyuma y’umwaka umwe gusa, bongereye amasezerano maze Niyogushimwa aba nyiri resitora wese.

Agira ati : “Ibiryo byacu bikomoka ku muco w’Abayapani gusa.”

Ibiryo by’Abayapani bisobanuye indyo nziza – Niyogushimwa

Nk’uko Niyogushimwa abivuga, “ibiryo by’Abayapani bitanga indyo nziza, bitandukanye n’abakunda ibiryo by’iwacu bashobora gutekereza ko birimo amafunguro atajyanye n’umuco wacu.”

Yakomeje agira ati: “Ibikoresho ni bimwe, ahubwo itandukaniro riri mu buryo bwo guteka. Urugero, mu buryo bw’Abayapani amavuta yo gutekesha si yo aza ku mwanya wa mbere.”

Ifunguro rya Ramen. Ninde wavuze ko isosi ifata igihe gito gutegurwa? Bisaba amasaha 12 kugira ngo ibe yateguwe neza.

Kimwe mu biryo bikunzwe cyane muri ubu bwoko bw’imirire ni Ramen, ikorwa ahanini n’isosi y’inyama z’ingurube n’amakaroni yitwa noodle.

Ati: “Duteka iyi sosi amasaha cumi n’abiri yose.”

Iri funguro ritangwa rifite umufa ushingiye ku nyama, akenshi wongerwamo soya sauce cyangwa miso, kandi rigashyirwaho ibindi birungo nk’inyama z’ingurube zaciwe uduce duto, algues zumishijwe, menma n’ibitunguru by’ibibabi.

Nubwo buri gace k’u Buyapani kagira ubwoko bwihariye bwa ramen, nka tonkotsu ramen yo muri Kyushu cyangwa miso ramen yo muri Hokkaido, kuba u Rwanda rudakora ku nyanja bishobora gutuma haboneka gusa bumwe muri ubwo bwoko.

Teriyaki (imbere) na Ramen.

Hagati aho, Mazemen ni ubwoko bwa ramen budatangwa mu mufa ahubwo butangwa bufite isosi.

Nubwo inyama z’ingurube zisanzwe zizwiho kugira ibinure byinshi, mu Buyapani biba bitandukanye kuko ibikoresho byifashishwa mu guteka bifasha kugabanya ayo mavuta.

Ramen kandi ifasha umuntu kwimenyereza gukoresha uduti two kuriraho twitwa chopsticks, ariko abatazi kubikoresha ntibagira ikibazo kuko umutetsi abaha ibikoresho bisanzwe byo ku meza.

Ikindi funguro umuntu adakwiye kubura muri resitora y’Abayapani ni Teriyaki barbecue chicken don.

Abenshi bakunze gukoresha gusa ijambo “teriyaki” nubwo rifite ubwoko bwinshi n’ibikoresho byinshi.

Muri Japanda, bemeza ko inkoko ya Teriyaki yokeje ari ifunguro ryoroshye gutegura kandi riryoha cyane.

Nu buryo bwo guteka, inkoko yoroshye kandi irimo umutobe inyunyizwamo isosi nziza ya Teriyaki, nyuma ikotswa neza. Itangwa iri kumwe na salade zitandukanye zikunzwe hano harimo chou na céleri ndetse n’ibindi bikoresho.

Ati: “Mu Buyapani, amafunguro arimo ibikoresho bitwika ibinure nka tangawizi, divayi yifashishwa mu guteka, soya sauce n’ibindi.”

Iyo wumvise bavuga Teriyaki Barbecue Chicken, uku ni ko umutetsi atangira kuyitegura.

Mu by’ukuri, mu mafunguro y’Abayapani, barbecue cyangwa Yakitori bifite umwanya ukomeye cyane. Bikunze gutangwa hamwe na salade na divayi y’Abayapani izwi nka Sake cyangwa Takashimizu ikorwa mu muceri wasembuwe kandi ikoreshwa cyane mu birori.

Iyo wakiriye umushyitsi w’icyubahiro

Nubwo Niyogushimwa ataragera mu Buyapani kugeza ubu, azi neza ko iyo hari umushyitsi w’icyubahiro mu muco w’Abayapani, ikintu cya mbere umutetsi atekereza ari Sushi.

Sushi ni ifunguro ry’Abayapani rikozwe n’umuceri uteguwe ukavangwa na vinaigre, akenshi wongerwamo isukari n’umunyu, ugaherekezwa n’ibindi birungo nk’ibiribwa byo mu nyanja, rimwe na rimwe bidatetswe, hamwe n’imboga.

Uburyo sushi itegurwa n’uko itangwa biratandukanye cyane, ariko ikintu cy’ingenzi gihora gihari ni umuceri wa sushi uzwi nka Shari cyangwa Sumeshi.

Ati: “Iyo dufite bene uwo mushyitsi, nibura tugomba kugira salade, ibiryo bikaranze neza birimo n’ibiryo byo mu nyanja n’ifu ya tofu.”

Igihe Niyogushimwa yageraga muri Japanda, yari imaze umwaka umwe itangiye. Byamugiriye akamaro nk’umuntu ku giti cye, ariko ubu resitora ifitiye akamaro umuryango we mugari ndetse n’abakozi n’imiryango yabo.

By’umwihariko, yongeye guhura na Dukundane Alice wahoze ari umukozi wa Japanda mbere yo kujya muri kaminuza. Nyuma baza kubana nk’umugore n’umugabo, ubu bafite umwana umwe w’umukobwa.

Ati: “Iki ni kimwe mu bintu by’ingenzi nagezeho kubera Japanda. Byongeye kandi, nabonye impamyabushobozi esheshatu mu mahugurwa atandukanye ajyanye n’imiyoborere, serivisi, guteka n’ibindi, kandi ni ingenzi cyane mu buzima bwanjye.”

Muri 2017, nabwo igitangazamakuru cya CNN cyakoze urutonde rw’ahantu heza ho gutemberera muri uriya mwaka, nuko u Rwanda ruza mu bihugu biri ku isonga. Ndetse ubwo ikigo mpuzamahanga gitegura ingendo z’akataraboneka cya Condé cyatangazaga “Safari z’akataraboneka muri Afurika”, U Rwanda rw’imisozi igihumbi na bwo rwajemo.

Nta mwaka ushira u Rwanda rudafite kimwe, cyangwa byinshi mu bikorwa by’ubukerarugendo ku rutonde rw’ibikunzwe cyane. Akenshi, usanga ari amacumbi atangaje mu byanya bikomye, aho umuturanyi wa mukerarugendo aba ari inyamaswa zikunzwe cyane ku isi, hagati mu binyabuzima bidasanzwe n’umwuka uzira ubwandu.

Mukerarugendo mpuzamahanga afite amahitamo menshi yamufasha kumenya aho yasura igihe ageze mu Rwanda. Imyaka ishize isaga mirongo itatu igihugu kivuye mu icuraburindi rya Jenoside, ariko ubu u Rwanda rwubatse izina rishya; nk’igihugu cy’amahoro, ituze n’umutekano, aho Imana irara...ubwo se umuntu yabura ate kuhakunda?

Ku mukerarugendo uwo ari we wese no ku Munyarwanda usanzwe, dore urutonde rw’ahantu n’uturere two mu Rwanda byatoranyijwe neza, bishobora kugusigira amateka. Uru rutonde rwita ku myidagaduro, ituze ndetse n’ibijyanye n’ubuzima bwo mu mutima. Kurikira KT Press mu rugendo rwo gusura ahantu 10 heza kurusha ahandi mu Rwanda.

Indake ya Mulindi, aho u Rwanda rushya rwakorewe

Hari ku wa 12 Mata 1994. Gen. Paul Kagame yatangaje ko Amasezerano ya Arusha nta gaciro agifite, anategeka ingabo za RPA/F guhagarika Jenoside yakorewe Abatutsi. Ibyemezo bikomeye by’intambara byafashije RPF gutsinda ubutegetsi bwakoze Jenoside i Kigali byafatirwaga mu ndake iri munsi y’ubutaka ku burebure burenga metero eshatu.

Iyi ndake iri mu Murenge wa Mulindi, mu Karere ka Gicumbi, yacukuwe mu 1992 hashize imyaka ibiri intambara yo kubohora U Rwanda itangiye. Aha ni ho umuyobozi w’inyeshyamba yahuriraga n’abagaba b’ingabo be bagategura urugamba. Aha harimo gusa ameza mato y’imbaho n’intebe. Iterambere u Rwanda rugezeho uyu munsi rifitanye isano n’iyi ndake yoroheje. Mu 2012, iyi ndake yagizwe inzu ndangamurage ifite akamaro gakomeye ku gihugu.

Kubera iyi ndaki, ubukonje bw’aho hantu, imiterere y’imisozi ndetse n’imirima myiza y’icyayi, Akarere ka Gicumbi kari ku rutonde rw’ahantu hashimishije cyane ho gusura mu Rwanda.

Rubavu n’imijyi yo ku nkombe z’ikiyaga cya Kivu ku mucanga

Umujyi wa Rubavu, uhuza imyidagaduro, ubucuruzi n’ubwiza bw’urusobe rw’ibinyabuzima, uri ku nkengero z’Ikiyaga cya Kivu, uherereye nko mu masaha ane y’urugendo uvuye i Kigali. Buri munota, amagana y’Abanyarwanda n’Abanyekongo bambuka umupaka bajya cyangwa bava hakurya. Mu myaka mike ishize, ibi ntibyashobokaga. Ubu, ku nkombe z’Ikiyaga cya Kivu kuva mu Rwanda kugera muri RDC hahora huzuye abantu bishimisha.

Ku ruhande rw’u Rwanda, Ikiyaga cya Kivu kigera no mu turere twa Karongi na Rusizi, kandi Igiswahili ni ururimi ruvugwa cyane muri utu turere.

Ku Kiyaga cya Kivu hakorerwa ibikorwa byinshi birimo kayaking, gutembera mu bwato, kuroba ndetse no gukambika. Ushobora no gucumbika muri zimwe muri hoteli zirimo Bethanie, Rwiza Village – icumbi gakondo, Comoran Lodge, Amahoro Island n’ahandi henshi heza nyaburanga.

Ikintu gikurura amaso cyane ni uruganda runini rukuramo gaze ya methane rureremba ku Kiyaga cya Kivu. Ni ibintu bitangaje cyane cyane ku bantu bakunda ikoranabuhanga rigezweho ku isi. Hari abahanga baburiye u Rwanda ko gukoresha iri koranabuhanga bidashoboka, ariko u Rwanda rwabashije kubereka ko bibeshyaga, kuko ubu uru ruganda rutanga megawati 26 z’amashanyarazi zinjizwa ku muyoboro mugari w’igihugu.

Iyo ugeze muri aka gace k’u Rwanda, birasabwa gusogongera ku mafi mato azwi nk’indagara. Hari kandi na tilapia zo muri iki kiyaga, nubwo ari nto, ziba ziryoshye cyane iyo zokeje zigaherekezwa n’ibirayi byiganjemo ifiriti. Abashoramari bamaze no gutangira kororera ayo mafi mu dusanduku tureremba mu kiyaga. Iyo ubirebeye kure, ushobora kwibwira ko ari umujyi ureremba ku mazi.

Umujyi wa Kigali: Umujyi w’icyatsi kibisi n’isuku nk’iy’umukobwa w’umutima

Mu ijambo rimwe, ni gute wasobanura Kigali?: Umujyi mwiza, mutoya, uteye imbere, ufite ubuziranenge, usukuye, utoshye kandi ukoresha ikoranabuhanga rigezweho. Kigali ni umujyi umaze imyaka 100 ushinzwe n’Umudage Richard Kandt mu gihe cy’ubukoloni. Inzu Kandt yabagamo, iri mu Karere ka Nyarugenge, iracyahari kandi yahinduwe inzu ndangamurage yihariye ku bumenyi bw’urusobe rw’ibinyabuzima n’ibinyabuzima kamere.

Kigali yakuze iva ku mudugudu woroheje ihinduka umujyi ushimishije kandi ugezweho, ufite ibikorwa remezo byo ku rwego mpuzamahanga, ibikorwa by’ibigo bikomeye ku isi ndetse ugahora wakira inama n’ibikorwa mpuzamahanga. Mu 2015, World Travel Guide — igitabo mpuzamahanga kiyobora ba mukerarugendo bakunda ubukerarugendo bwo kuvumbura — yashyize Kigali ku mwanya wa gatatu mu mijyi itoshye kandi irangwa n’icyatsi ku isi. Ubu umujyi uri gushyiraho pariki z’ibidukikije (eco parks).

Ubuzima bwa nijoro muri Kigali burashimishije; amatara yo ku mihanda n’ibimenyetso biyobora ibinyabiziga byose birakora neza. Umutekano urahambaye kandi ushobora no kwiruka mu muhanda w’abanyamaguru usukuye neza.

Imihanda yose ifite ibimenyetso n’imibare biyiranga nka KN, KG na KK; inyuguti ya mbere “K” isobanura Kigali, naho iya kabiri “N”, “G” cyangwa “K” igasobanura uturere twa Nyarugenge, Gasabo na Kicukiro. Agace katagendwamo n’imodoka kari rwagati mu mujyi gafasha abaturage kugabanya umubyigano w’imodoka no gutembera hagati mu gace k’ubucuruzi gahoramo urujya n’uruza.

Mu duce duhendutse kandi duhora dufite ubuzima harimo Nyamirambo na Remera, mu gihe uduce tw’abifite turimo Nyarutarama na Kiyovu. Umujyi kandi ubarizwamo amahoteli y’ibirango bikomeye nka Marriott, Serena, Radisson Blu na Park Inn.

Ku bakunda imyambarire n’imideli, ushobora gusura House of Tayo, Inzuki, Haute Baso, Uzi na Kaplaki, byose bigaragaza ibikorerwa mu Rwanda. Iyo uri i Kigali ushobora no gusura ingoro y’ubugeni, ikaba iri mu nzu yari y’Ingoro y’Umukuru w’Igihugu wa kera, iri nko mu bilometero bibiri uvuye ku Kibuga cy’Indege Mpuzamahanga cya Kigali.

Ubwikorezi rusange muri Kigali bukoresha uburyo budakenera amafaranga y’impapuro; abagenzi bakoresha amakarita ya “Tap & Go” bayakozaho mbere yo kwinjira muri bisi zose zifite internet yihuta. Ndetse n’ahantu hahurira abantu benshi ndetse no mu ruhame hari internet ya 4G.

Ubu ngubu, Kigali yashyizeho imihanda yihariye ikoreshwa na bisi gusa, mu gihe abantu benshi bajya cyangwa bava ku kazi, ikaba ari gahunda igamje guteza imbere gutwarira abantu hamwe, no kubungabunga ibidukikije mu kwirinda imyuka ihumanya ikirere.

Nyungwe: Urugendo rwiza hejuru y’ibiti

Injira mu bwiza bw’urusobe rw’ibinyabuzima budasanzwe ushyira Ishyamba rya Nyungwe ku rutonde rw’ahantu ugomba gusura mu Rwanda. Pariki y’Igihugu ya Nyungwe ni ishyamba rinini ryo mu misozi y’icyanya cy’inzitane, rikaba ribamo amoko menshi y’ibimera n’inyamaswa. Muri iri shyamba harimo ikiraro kirekire kimanitse mu kirere gitanga amahirwe yo kureba ikibaya n’amashyamba aryegereye uri hejuru cyane.

Nubwo waba uri mukerarugendo ufite ingengo y’imari nto, ntiwabura kwishimira ubwiza bwa Nyungwe n’urusobe rw’ibinyabuzima birimo. Ku bashaka ubukerarugendo bwo ku rwego rwo hejuru, hari hoteli y’inyenyeri eshanu ndetse n’amacumbi yubatswe mu ishyamba.

Indabyo nziza z’aho hantu zifite impumuro idasanzwe zikurura inzuki cyane, ari na yo mpamvu Nyungwe yabaye kimwe mu bice bikomeye bitanga ubuki mu gihugu. Aborozi b’inzuki bahabwa amahugurwa yo gusarura ubuki batabangamiye ishyamba. Gutwika ishyamba cyangwa guhiga inyamaswa mu buryo bunyuranyije n’amategeko ni icyaha mu Rwanda.

Iyo ugeze muri Nyungwe ushobora gukora ibikorwa byinshi birimo gukurikirana inkende (chimpanzees), gutembera ishyamba, urugendo rugera ku nzira ya Kamiranzovu bivugwa mu migani ko yamiraga inzovu, gukambika ndetse no kugendera kuri canopy walk iri hejuru y’ishyamba. Ubu noneho hajeho n’undi mwicungo wo mu kirere abandu bamanukaho nk’uko abasirikare bamanuka mu mutaka, ukaba warazanywe na Sosiyete yitwa Zipline.

Mu gihe usubira i Kigali, ushobora kunyura umuhanda ujya i Kibeho ugasura ahantu bavuga ko Imana n’umubi bigeze guhurira. Bavuga ko umubi yatsinzwe akimuka.

Kibeho: Umunsi umwe habaye ubutaka bwa Shitani, ubu ni ubutaka Butagatifu

U Rwanda ni igihugu cyuzuyemo ibintu bitangaje. Mu 1983, Bikira Mariya yabonekeye abakobwa batatu bigaga mu ishuri ryisumbuye mu mudugudu wa Kibeho, mu Karere ka Nyaruguru. Buri mwaka, ibihumbi n’ibihumbi by’abakirisitu n’abasura ahantu hatagatifu baza mu Rwanda gushaka umugisha udasanzwe i Kibeho — abarenga 500,000 basura aha hantu buri mwaka.

.

Mu 2001, Papa Yohani Paul II yatangaje ko Kibeho ari ubutaka butagatifu nyuma y’uko abakobwa batatu batangaje ko babonekewe na Bikira Mariya.

Hari kandi isoko yihariye ya Bikira Mariya i Kibeho, aho amazi ahabarizwa afatwa nk’“amazi matagatifu” ku bizera. Bavuga ko uyanywa afite ukwizera ashobora kubona ibitangaza bitandukanye mu buzima bwe.

Ubukerarugendo bushingiye ku iyobokamana ni bumwe mu buryo bwa kera abantu bakoreshaga bagenda basura ahantu hatagatifu bashaka ihumure n’ukunyurwa mu buryo bw’umwuka, kandi ubu buragenda bwiyongera cyane mu Rwanda.

Kugeza ubu, Kiliziya Gatolika ya Kibeho ikomeje kuba kimwe mu byerekezo bikomeye by’ubukerarugendo bw’iyobokamana mu Rwanda. Nubwo ari ubutaka butagatifu, aka gace ko mu Majyepfo y’u Rwanda kabayemo amateka ababaje yashegeshe imitima mu gihe cya Jenoside yakorewe Abatutsi mu 1994. Ariko nyuma y’imyaka isaga 30, Kibeho yahindutse ikimenyetso cy’icyizere ndetse n’ahantu h’iterambere ryihuse.

Bugesera y’ubudasa…kera yaryaga abantu

Si kera cyane, Bugesera yabarwaga mu bice by’u Rwanda byari bikennye cyane. Ifite amateka y’umwijima n’agahinda yanyuzemo – Bugesera ni ho Jenoside yakorewe Abatutsi mu 1994 yatangiriye kugeragerezwa bwa mbere, ariko ubu yitwa umujyi urabagirana kandi iyi ni intangiriro gusa. Ifite ahantu heza nyaburanga, imisozi n’ibiyaga – uvuye mu Mujyi wa Kigali, mu minota 45 gusa uba ugeze muri Bugesera y’amateka n’ibitangaza byinshi.

Kubera ubwiza bw’aho hantu n’imiterere y’imisozi, Bugesera ni ahabera amarushanwa ya siporo atandukanye nka Tour du Rwanda, Rwanda Mountain Gorilla Rally ndetse n’amasiganwa ya moto. Akarere n’abagatuye bafite amatsiko menshi yo kwakira ikibuga cy’indege mpuzamahanga giteganyijwe kuzura mu mwaka wa 2018. Iki ni kimwe mu bituma ibikorwa by’ubucuruzi birushaho kuzamuka muri Bugesera ndetse kigakurura n’abashoramari benshi.

Musanze: Nawe wakwibera inshuti n’Ingagi

Bill Gates yigeze kuza muri iki gice cy’isi kugira ngo yite umwana w’ingagi izina. Buri mwaka, u Rwanda rwakira umuhango mpuzamahanga wo Kwita Izina ingagi. Ntukwiye gucikanwa amahirwe yo gusura Pariki y’Igihugu y’Ibirunga, icumbi ry’ingagi zo mu misozi zugarijwe no gucika ku isi.

Akarere ka Musanze gaherereye mu Majyaruguru y’u Rwanda, kandi ni urugendo rw’amasaha atatu uvuye mu Murwa Mukuru Kigali. Iyo ugeze i Musanze, ubona imisozi itatu minini y’ibirunga yegeranye cyane, izamuka igana mu bicu. Ibirunga ni ikimenyabose kandi ni ubunararibonye budasanzwe kubisura. Aka karere kandi kabamo ibiyaga bya Burera na Ruhondo. Nanone ntukwiye kubura amahirwe yo kumanuka mu buvumo bumaze imyaka ibihumbi byinshi bubayeho, harimo ubufite uburebure bwa kilometero zirenga ebyiri.

Musanze irigaragaza cyane mu turere 30 tw’u Rwanda. Ni ryo soko rikuru ry’ibirayi , ibiribwa biboneka hafi muri buri rugo rw’Abanyarwanda.

Kandi niba ufite ubushobozi buhagije, ushobora gusura Sabyinyo Silverback Lodge, hoteli y’inyenyeri eshanu itanga uburambe budasanzwe bwo kureba imisozi n’ibidukikije byiza. Uvuye i Musanze, mu rugendo rw’amasaha macye, ushobora kugera no mu Ntara y’Amajyepfo, ahaherereye ingoro y’abami b’u Rwanda rwa kera mu Karere ka Nyanza.

Huye – Umujyi w’Urukundo

Ese uri mu rukundo cyangwa ushaka kongera gukomeza isezerano ry’urukundo n’umukunzi wawe? Huye ni wo mujyi ukwiriye kujyamo – umujyi w’urukundo. Abakundana benshi mu Rwanda bajya i Gihindamuyaga muri Huye, kugura impeta za zahabu mbere yo gukora umuhango wo gusezerana. Izo mpeta zikorerwa mu rugo rw’abihayimana uri ku musozi wegereye umuhanda ujya i Rusizi. Abapadiri b’i Gihindamuyaga batuye kuri uwo musozi bahubaka monasteri, kandi ni na ho hakorerwa Ukaristiya Ntagatifu.

Aha hantu ni heza cyane ku bantu bari mu kwezi kwa buki, kuko hari inzu y’abashyitsi ituje kandi ihora ihuhwa n’umuyaga mwiza uturuka ku bidukikije biyikikije. Uretse aho hantu h’urukundo, Huye ni na ho hashinzwe Kaminuza ya mbere kandi nini mu Rwanda, UNR, mu myaka ya 1960. Umunyeshuri wa mbere wize ubuvuzi muri iyo kaminuza ubu yarasezeye, kandi atuye hafi aho.

Iyo kaminuza ifite arboretum izwi cyane. Si ishyamba kamerw, ahubwo ni ishyamba ryatewe n’abantu, kandi ribamo inkende nyinshi zikunda gusura abanyeshuri no kwicarana na bo igihe bari gusubiramo amasomo ku meza yashyizwe muri iryo shyamba.

Huye kandi ni hamwe mu hantu hakomeye cyane mu by’idini, aho amatsinda menshi y’abihayimana gatolika atuye. Mbere yo kuva i Huye, ntiwibagirwe kunyura ku Ethnographic Museum. Ni inzu ndangamurage ibika amateka y’u Rwanda, ikagaragaza uburyo abakurambere b’Abanyarwanda babagaho, umuco wabo, ibyo bagezeho n’ibindi byinshi.

Muhazi – Ahantu Heza ho kwikiza siteresi

Mu myaka makumyabiri iri imbere, aha hantu hashobora kuzaba kimwe mu bice byiza cyane mu Rwanda – ugomba kuhagera ukabyibonera. Uvuye i Kigali werekeza iburasirazuba, mu rugendo rw’isaha imwe gusa, ugera ku Kiyaga cya Muhazi gifite ubwiza budasanzwe, kiri hagati y’imisozi mito yo mu turere twa Rwamagana, Gatsibo, Kayonza na Gicumbi.

Abaturage batuye hafi y’iki kiyaga borora inka z’inyambo zifite amahembe maremare. Ariko umwihariko wa Muhazi ni uko hatanga umwuka utuje kandi mwiza ku nama, ndetse no ku bantu bashaka kuruhukira umunsi cyangwa ijoro ahantu hatuje hafite amazi meza n’amahoteli yubatse neza.

Nyanza: Umurwa mukuru wa mbere w’u Rwanda

Iherezo ry’ubwami bw’u Rwanda ryasorejwe muri aha hantu. Ni ho habaga icyicaro cy’umwami, kandi Umwami wa nyuma w’u Rwanda, Kigeli V Ndahindurwa, yashyinguwe iruhande rw’abakurambere be muri Mutarama uyu mwaka. Jya i Nyanza wibonere amateka y’imibereho y’abami b’u Rwanda. Umwami w’u Rwanda yari umuntu w’iterambere; yavuye mu nzu gakondo yubaka inzu igezweho, kandi ibyo bikorwa byose biracyahari. Mu Ngoro y’Umwami i Rukari, ushobora kubona uburyo u Rwanda rwavuye mu muco wa gakondo rukinjira mu gihe cya kijyambere.

Mu nzu imwe ya gakondo, harimo inkingi abantu batazwi batari bemerewe kurenga. Byasabaga ko ugira ibanga ku byo wumvaga hakurya y’iyo nkingi – aho hari icyumba cy’umwami.

Umwami Mutara III Rudahigwa yubakishije ibigega binini byo kubikamo imyaka i Nyanza. Na n’ubu biracyagaragara ku muhanda.

Inka z’inyambo zidasanzwe zifite amahembe maremare zakoreshwaga mu birori by’ibwami ziracyahari na n’ubu. Umwami wa nyuma yakuweho mu myaka ya 1950 nyuma y’imyigaragambyo y’Abahutu. Mu mwaka wa 1962, Repubulika yasimbuye ubwami ku mugaragaro.

Mu bihe byashize, Nyanza yari yarasigaye inyuma, ariko ubu irabagirana kubera ibikorwa remezo bigezweho ndetse n’iterambere ry’ubucuruzi. Nyanza iri mu hantu hatatu h’u Rwanda habarizwamo umubare munini w’Abayisilamu kuva mu myaka ya 1930, ubwo abacuruzi b’Abarabu bageraga mu gihugu.

Umwanditsi afite udutafari tubiri twa zahabu iyunguruye

Kugira ngo ibyo bishoboke, inganda zitunganya amabuye y’agaciro zahawe impushya zo gukora hashingiwe ku mabwiriza ya Rwanda Mining and Petroleum Board (RMB).

Imwe muri izo nganda ni Gasabo Gold Refinery ikorera muri Kigali Special Economic Zone mu Karere ka Gasabo. Gusura uru ruganda rwigenga bituma umuntu yumva impamvu zahabu ifatwa nk’icyuma cy’agaciro gakomeye.

Icya mbere wavuga ni uko umuntu wese wize neza Ubugenge n’Ubutabire Physics na Chimie kandi akitabira amasomo ya laboratwari, uru ruganda rwamufasha gusobanukirwa neza ibintu yize kuva mu mashuri yisumbuye cyangwa abanza, bitewe n’urwego rw’amashuri yize.

Nyuma y’uko ubusabe bw’uru ruganda bwo gusurwa bwemewe, twafashe umwanya uhagije kugira ngo tugire ubu bunararibonye bushya kandi bushimishije mu rwego rw’inganda z’u Rwanda. Twakiriwe n’Umuyobozi Mukuru ndetse n’Umuyobozi ushinzwe ibikorwa.

Abashinzwe umutekano bamaze kwemeza ko twemerewe kwinjira, twateguye ibikoresho byo gufata amashusho no gukora inkuru, ari na ko twiteguraga kwiga byinshi.

Gasabo Gold Refinery yakira zahabu iva ku bakiliya batandukanye babona ibikomoka ku bucukuzi bw’amabuye y’agaciro mu Rwanda no mu bindi bihugu bya Afurika. Iyo zahabu iba iri mu buryo bw’utudafari -bars cyangwa uduce duto twivanze n’ibindi byuma cyangwa ifeza.

Iyo bamaze kuyakira, icyambere bakora ni ukuyipima kugira ngo bamenye ingano yayo mbere yo kuyinyuza mu nzira yo kuyishongesha.

Mu cyumba kinini kirimo imashini zigezweho zikoreshwa mu gutunganya zahabu, Umuyobozi ushinzwe ibikorwa yasobanuye impamvu eshatu zituma zahabu ishongeshwa.

Yagize ati: “Icya mbere, kudufasha kwemeza ko atari uburiganya, ko ari zahabu nyayo. Hari abantu bashobora kuvanga zinc na copper bakabigurisha nk’aho ari zahabu. Zahabu ishonga ku bushyuhe bwa degrés Celsius 1063, mu gihe ibindi byuma bishonga munsi ya degrés 500.”

Yakomeje agira ati: “Icya kabiri, gushongesha bidufasha kubona sample. Iyo zahabu ishongeshejwe iba amazi kandi ikivanga neza. Hanyuma dufata sample ntoya tukayijyana muri laboratwari kugira ngo tumenye ijanisha rya zahabu iri muri alloy.”

Alloy ya zahabu ni ukuvanga zahabu n’ibindi byuma cyane cyane ifeza biba bigifatanye.

Mu mibare, niba agatafari gafite garama 2500 kandi zahabu ari 98.75%, bivuze ko zahabu irimo ari garama 2,468.7.

Hari kandi uburyo bwihuse bwo gupima hakoreshejwe imashini ya XRF (X-ray fluorescent) ishobora kumenya ingano ya zahabu iri muri alloy.

Gasabo Gold Refinery ifite imashini zitandukanye zishongesha zahabu, kuva ku bushobozi bwa garama 1 kugeza ku biro 85, kandi zishobora kuyishongesha mu gihe kitarenze iminota icumi.

Kuva ku “popcorn” kugera ku dutafari twa zahabu

Mu ruganda rutunganya zahabu, nta kintu gikorerwa mu kajagari. Nyuma yo gushongesha zahabu no gufata sample ijya muri laboratwari, zahabu ihindurwa utuntu dusa nk’impungure nto z’ibigori - popcons, ari na ho ayo mazina akomoka.

Izo popcorns zishyirwa mu byuma byabugenewe kugira ngo hatangire igikorwa cyo kuyitunganya.

Umuyobozi yavuze ati: “Ntushobora gushyira agatafari ka zahabu muri reactors kuko byatwara igihe kinini cyane. Popcorns zongera aho imiti ihurira na zahabu bigatuma reaction yihuta.”

Yongeyeho ko gutunganya zahabu bisaba uruvange rw’imiti yitwa Aqua regia.

Muri iyo nzira, niho zahabu n’ifeza bitandukanywa. Zahabu inyuzwa muri filters ikagera mu bigega byitwa precipitation tanks, mu gihe ifeza inyuzwa mu zindi nzira ziyitandukanya n’indi myanda.

Mu precipitation tanks, imiti igabanya ubukana ihindura zahabu iva mu buryo bw’amazi ikaba ifu. Iyo fu imaze gukama, yongeye gushongeshwa ikavamo utubuye duto twa zahabu nziza.

Umuyobozi ushinzwe ibikorwa yavuze ati: “Duhereye kuri utu tubuye duto duto, dushobora gukora udutafari twa zahabu twa kilo imwe, garama 500 cyangwa ibiro bitanu bitewe n’icyifuzo cy’umukiliya.”

Mu yandi magambo, bakira zahabu ivanze n’ibindi byuma iri mu dutafari, hanyuma nyuma yo kuyitunganya bakayisubiza umukiliya iri mu dutafari twa zahabu nziza cyangwa ifeza itandukanijwe.

Zahabu nziza cyane iba ifite carats 24. Carat ni igipimo gikoreshwa mu mitako kugira ngo hamenyekane ingano ya zahabu iri mu kintu ugereranyije n’ibindi byuma bivanzemo.

Nta Zahabu Iva Mu Bice By’Intambara

Gasabo Gold Refinery ikorera mu mabwiriza agenwa na Rwanda Mining and Petroleum Board, aho buri wese akorera mu rwego yemerewe.

Hari abafite impushya zo gucukura amabuye y’agaciro, abandi izo kuyatunganya, abandi iz’ubucuruzi.

Nk’uko Umuyobozi Mukuru wa Gasabo Gold Refinery, Bosco Kayobotsi, yabivuze, uruganda rwabo rwemerewe gusa gutunganya zahabu.

Yagize ati: “Twakira zahabu iva ku bakiliya batandukanye bayikura ku masosiyete yemewe mu Rwanda no mu bindi bihugu bya Afurika. Iyo tumaze kuyitunganya, tubasubiza zahabu n’ifeza byatandukanijwe.”

Kayobotsi yavuze ko batemera zahabu iva mu bice by’intambara. Mu bihugu zahabu yabyo itemerewe gutunganyirizwa muri uru ruganda harimo Democratic Republic of the Congo.

Yagize ati: “Ku rwego rw’isi, ubucuruzi bwa zahabu bugengwa n’amabwiriza menshi cyane kandi turayubahiriza yose.”

Gutunganya zahabu ni umurimo usaba ubwitonzi bukomeye kandi wihanganira ikosa rito cyane.

Kayobotsi yavuze ko igihombo ntarengwa cyemewe ari garama 0.5 kuri kilo imwe ya zahabu.

Ati: “Kuri buri cyiciro cy’ikorwa ryayo, dusuzuma buri hantu hose kugira ngo tumenye ko nta gace na gato ka zahabu kabuze, kuko na garama imwe ya zahabu nziza iba ifite agaciro gakomeye.”

Gasabo Gold Refinery ifite ubushobozi bwo gutunganya ibiro 480 bya zahabu mu masaha 30 cyangwa toni 8 kugeza kuri 10 za zahabu nziza ku kwezi.

Kayobotsi yavuze ati: “Turimo gukora ubukangurambaga mu bihugu bya Afurika bidafite amabuye y’agaciro ava mu ntambara kugira ngo byohereze zahabu yabyo mu Rwanda kuyitunganya.”

Yongeyeho ko gukorana n’uruganda rwo mu Rwanda bifite inyungu nyinshi zirimo ibiciro byiza byo gutwara ibicuruzwa, bafatanyije na RwandAir.

Yagize ati "Buriya, muzarebe ibigo ijana byateye imbere by’i Mahanga, ntabwo bigira nyirabyo, usanga ababishinze, bafitemo imigabane mirongo ine ku ijana ndetse no mu nsi yayo."

Aha ni ho yavuze ati "Aho kugira ngo ube umuyobozi w’akantu gatoya, basi wakwemera ukagira imigabane mu kintu kinini."

Uyu muyobozi yashimiye Perezida Kagame n’u Rwanda uburyo borohereza ishoramari, avuga ko Afurika yose ikwiye kubyigiraho.

Afirca CEO Forum ibaye ku nshuro ya cumi na gatatu.

Umukuru w’Igihugu yabivuze mu kiganiro cyatangije Africa CEO forum, inama ikomeye y’ubucuruzi n’ishoramari iri bumare iminsi ibiri hano i Kigali.

Aha, Perezida Kagame yari abajijwe niba ibijyanye n’ibihano u Rwanda rwafatiwe kubera ibibazo by’intambara iri kubera muri Congo, hari aho bihuriye n’inyungu z’abashaka amabuye y’agaciro muri Congo.

Aha Kagame, yagaragaje ko amahanga abogamira kuri Congo kubera inyungu z’amabuye y’agaciro baba bategerejeyo, nuko u Rwanda bakarufatira ibihano, kuko rwo rudafite ubwo butunzi bwo gutanga.

Perezida Kagame icyakora, yabagaragarije ko ibi byose biza bikagenda, ku buryo n’ababikora batakumva ko bazahoraho, bapyinagaza abo bashatse.

Yagize ati "Mu by’ukuri, imbaraga za Afurika zimeze nk’aho zifungiranye. usanga rero imbaraga zidufungirana, usanga ari iz’abantu bafite inkoni, bagakubita uwo bashaka gukubita, mbese nk’uko ubivuze muri icyo kibazo cya Congo, n’ibindi."

Yagize ati "Mbere na mbere se ibyo bihano biba bifite ishingiro? Ibyo bihano bitangwa bareba utanga bike kurusha undi. Usanga ufite byinshi ariwe babogamiraho."

Aha rero, Kagame bahise bamubaza bati "Ese koko imihanda y’abajya muri Congo, iraganisha ku mabuye y’agaciro?"

Aha naho, Perezida Kagame yagize ati "Ibyo rwose birigaragaza, biba izuba riva. Bimeze nka kera. Umwami yashoboraga guha umukwe we, umwana we ubutware ati genda utegeke aha n’aha. Ubu na none biri kuba hano. Umuntu baramubwira bati genda ufate hariya uhakoreshe icyo ushaka. Nguko uko Afurika ibayeho."

Kagame yagize ati "Ibi bintu mubona abantu bigisha bya Demokarasi, uburenganzira bwa muntu n’ibindi, barabivuga babifashe mu kuboko kumwe, ariko mu kundi kuboko bagatwara ibyo Abanyafurika batunze."

Yagize ati "Ni yo mpamvu abayobozi ba Afurika n’abacuruzi, dukwiye rwose kugerageza kwiha agaciro, ntitube abantu baza bashaka gusarura ibyacu bajyana. Tugomba kumenya kuvuga oya."

Icyakora, babajije Perezida Kagame niba atazagera aho akananirwa maze uru rugamba rwo kurwanira ukuri n’iterambere rya Afurika karuvamo, maze agira ati "reka reka sinamanika amaboko. Sinabikoze mu gihe gikomeye, cy’intambara zikomeye, ubu si bwo nabikora."

Kagame yagize ati "Koko ibihano birababaza, ariko nanone twababara kurushaho turamutse tudakoze ibyo tugomba gukora. Ni imibare. Kandi kuvuga Oya biroroshye, kuko kuvuga Yego ku kintu kibi ni byo byababaza kurushaho."

Yagize ati "Erega ibi bintu byose biraza bigahita, ku buryo bumwe cyangwa ubundi. Aba bantu bamenyereye kutujagaraza, ntabwo bazabaho igihe kinini ngo babone inyungu zo kugira abantu ibikoresho byabo, bariya bamenyereye gukora nabi. Twebwe Abanyafurika hari icyo twakora cyo kuzamura umugabane aho ukwiye kuba."

Aha yagize ati "Ntimuterwe ubwoba n’abo bibwira ko bahatse isi n’ijuru n’ibindi byose."

Yavuze ko buri wese ashatse gukora nk’uko Amerika yakoze, maze agashaka gushyira u Rwanda mu kato, icyo gihe ntabwo u Rwanda narwo rwaborohereza, ntirwafatanya nabo mu nzira yo gushakira Congo amahoro batekereza kugeraho.

Macron yasubizaga abanyamakuru nyuma y’inama ya Africa Forward yahuje Ubufaransa na Afurika i Nairobi muri Kenya.

Abanyamakuru bamwibukije ko Leta Zunze Ubumwe za Amerika zafatiye ibihano ingabo z’u Rwanda, na bamwe mu bayobozi bazo, nuko baramubaza bati Kuki u Bufaransa n’Umuryango w’Ubumwe bw’u Burayi nabwo budafatira u Rwanda ibihano?

Macron yagize ati "Twebwe, dushyigikiye umurongo ugamije gukomeza ibiganiro n’impande zose bireba, hashingiwe ku mahame yoroshye."

Yongeyeho ati "Icya mbere, kubaha ubusugire n’ubwigenge bwa RDC, bityo hakabaho gukura ingabo zose ku butaka bwa Congo. Kandi si iz’u Rwanda gusa ziri ku butaka bwa Congo. Icya kabiri, gusubukura ibiganiro bya politiki muri RDC hamwe na M23."

Icya gatatu, Macron yavuze gikenewe, ni ukongera guha RDC ububasha bwo kugenzura uburasirazuba bw’igihugu, harimo n’umurimo ugomba gukorwa wo gusenya umutwe w’iterabwoba wa FDLR.

Harimo ndetse no guhuriza hamwe imbaraga mu kurwanya imitwe y’iterabwoba ibangamiye RDC n’ibihugu byose byo mu karere.

Macron yagize ati "Muri urwo rwego rero, muri iki gihe nemera cyane ko hakwiye gusubukurwa ibiganiro bifatika, ibyo nkaba mbishishikariza ba Perezida bombi(Tshisekedi na Perezida Kagame), no kongera guhuza ubuhuza bwose ku meza y’ibiganiro kugira ngo habeho umushinga uhuriweho ushingiye kuri ayo mahame ane."

Ese Kagame yaramukanyije na Tshisekedi i Nairobi?

Perezida wa Repubulika Paul Kagame yitabiriye inama ya Africa Forward, ndetse na Tshisekedi yagiye mu irahira rya Perezida Yoweli Museveni, ariko agenda ritarangiye, yihuta ajya muri iyi nama i Nairobi.

Abanyamakuru rero babajije Macron uko abayobozi bombi bahuye, aho babajihe bati "Bari bari i Nairobi? Mwarababonye?"

Aha Macron yashubije ati "Nababonye buri wese ukwe." Nuko umunyamakuru ati "Bahuye?", Macron agira ati "Oya, kuko nk’uko mwabibonye, bombi bari bahari ariko batari mu masaha amwe, kandi ibyo bigaragaza ubushyamirane buri hagati yabo. Ntitugomba kuba injiji."

Yongeyeho ati "Nahuye na bo inshuro nyinshi, kandi ntekereza ko uyu munsi ibyo tugomba gukora twese hamwe ari uko abafite uruhare kuri iki kibazo bose bakora bahuje. Umuryango wa Afurika Yunze Ubumwe uri kubikurikirana. Ntekereza ko ari wo ugomba kuyobora uwo murimo wose. Icy’ingenzi kuri njye ni ugushyigikira uwo muryango."

Macron yavuze ko iki kibazo cya Congo ari kimwe mu bibazo aza kuganiragho n’Umuryango wa Afurika Yunze Ubumwe n’Umuryango w’Abibumbye uyu munsi, kuko atekereza ko byarushaho kuba byiza bashubije buri wese ku meza y’ibiganiro.

Ese buriya Amerika ntiyabaye kidobya?

Abanyamakuru bo, bashatse kwereka Macron ko kwinjira muri iki kibazo kwa Amerika byashubije inyuma intambwe yagombaga guterwa, ariko we abasubiza ko mu by’ukuri Amerika ishaka amahoro.

Yagize ati "Kuba Amerika yinjira muri iki kibazo ni byiza cyane. Ariko ntekereza ko tugomba gusubira ku mahame y’ibanze: kugabanya ubushyamirane no kongera guhuza abayobozi ku meza y’ibiganiro hamwe n’abahuza bose. Uko byagenda kose, ntekereza ko niba buri wese yihutiye gushyira u Rwanda mu kato kubera ko Abanyamerika babikoze, amahirwe yo gutuma u Rwanda rugira politiki y’ubufatanye yaba make cyane."

U Burundi, Uganda na bo binjire mu biganiro

Perezida Macron, yashimangiye ko yemera cyane akamaro k’ibiganiro hagati y’abayobozi bombi bakuru. Kandi ngo ibyo biganiro bikwiye no guhuza Uganda, u Burundi n’ibihugu byo mu karere, ndetse bikagaragaza ukuri kw’ingabo ziri mu kibazo n’ukuri ku nyungu z’ubukungu zisahurwa mu Burasirazuba bwa RDC.

Yagize ati "Ariko ntekereza ko muri icyo gihe hakwiye ibiganiro byubaka kandi byubahiriza buri ruhande, hagati ya Perezida Paul Kagame na Perezida Félix Tshisekedi, kugira ngo uwo murimo ukomeze kandi ubuhuza bwose busubizwe ku meza y’ibiganiro."

Aba badepite batangiye kureba imbanzirizamushinga y’ingengo y’imari, kugira ngo batange ibitekerezo ku byakwitabwaho mu gutegura ingengo y’imari.

Icyakora, aba Badepite ubwo bakiraga Minisiteri y’Ubutegetsi bw’igihugu, basanze hari ibigomba kuvanwa mu nzira.

Buri mwaka, Komisiyo y’ingengo y’Imari mu Nteko ikora ingendo mu gihugu cyose, kugira ngo irebe ibikorwa by’iterambere, ibyo kandi ikabikora mbere y’uko ingengo y’imari itangazwa, akenshi muri Mutarama, kugira ngo barebe aho ishyirwa mu bikorwa ry’ingengo y’imari rigeze.

Odette Uwamariya, Perezida wa Komisiyo y’Ingengo y’Imari yagarutse ku kibazo kiri mu Karere ka Rulindio, Intara y’Amajyaruguru, kubatse mu manegeka.

Yagize ati "Ikibazo cy’Akarere ka Rulindo twakibonye uyu mwaka mu Kwezi kwa mbere ubwo twajyaga muri izo ngendo, ariko n’umwaka ushize twari twakibonye."

Yongeyeho ati "Mu mitangire ya servise, buri rwego rugomba kugira ahantu heza rutangira servise, kandi twagiye tubibona kandi ni ikintu dushima cyane, ubona ko mu turere dutandukanye bagiye bubaka, ndetse bigeze no ku rwego rw’utugari."

Nyamara, muri Rulindo ngo akarere karacyari mu manegeka.

Yagize ati "Iki kibazo rero twakibonye mu kwezi kwa mbere ubwo twagiriraga urugendo muri ako karere, ariko n’umwaka ushize twari twakibonye. Impamvu twakigarutseho nuko twabonye ko iyi nyubako ikwiye kwitabwaho bitewe n’ahantu iri. Hari amanegeka hashobora kuba hateza ikibazo."

Uwamariya yongeyeho ati" Batwemereye ko iki kibazo bagiye kugikemura, kandi bakabikora mu byiciro."

Ibiro by’Akarere ka Rulindo byubatse mu Murenge wa Bushoki munsi y’imisozi miremire, aho mu bihe by’imvura amazi aturuka muri iyo misozi amanukira kuri izo nyubako z’Akarere bikabangamira imitangire ya serivise.

Mu myaka itatu ushize, Umuyobozi w’Akarere ka Rulindo, Mukanyirigira Judith, yavuze ku mushinga wo kubaka inyubako nshya y’Akarere abereye umuyobozi, aho yavuze ko uwo mushinga ugeze kure utegurwa.

Yagize ati “Iyo dusaba abaturage kwimuka bakava ahashyira ubuzima bwabo mu kaga, ni ngombwa ko n’Akarere ka Rulindo kimuka kuko byagaragaye ko kubatse mu manegeka, aho kubatswe byagaragaye ko nta nyubako iremereye yahajya”.

Arongera ati “Byadusabye kurambagiza aho ibiro by’Akarere byimukira, kwimura ibiro by’Akarere bikaba byemezwa n’iteka rya Minisitiri ufite Uturere mu nshingano. Nyuma yo kurambagiza aho ibyo biro byakubakwa inzego zitandukanye zibigizemo uruhare, harambagijwe ahantu hatandukanye ariko hemezwa ‘site’ imwe ya Mugote yo mu Murenge wa Ngoma”.

Komisiyo ishinzwe ingengo y’imari izabigeza ku nteko, hanyuma bishyikirizwe n’Umutwe wa Sena nawo utangeho ibitekerezo.

Nyuma y’aha, bikirizwa Guverinoma, kugira ngo ibitekerezo birimo bizabweho mu ngengo y’imari itangazwa muri Kamena.

Abaperezida cyangwa Abahgarariye za Guverinoma muri aka Karere kose, bari bitabiriye iri rahira, harimo Perezida wa Somariya, uwa Sudani y’Epfo, Tanzaniya, u Burundi, n’u Rwanda.

Perezida wa Repubulika Iharanira Demokarasi ya Congo, na we yari ahibereye, ariko byageze mu gihe cyo kwereka Museveni abashyitsi bagendereye Uganda, maze bagiye kwakira uyu Mukuru w’Igihugu basanga yagiye.

Visi Perezida wa Uganda, ni we wari uyoboye uyu muhango wo kumurika abashyitsi.

Yasomye amazina ye, ariko amenya ko yagiye, nuko agira ati "yamaze kugenda."

Amakuru aravuga ko Tshisekedi yihutishwaga no kujya mu nama iri kubera i Nairobi hagati y’Ubufarana na Afurika. U Bufaransa buhagarariwe na Perezida Emmanuel Macron.

Ibi byatumye atabona umwanya wo gushimira Perezida warahiye nk’uko byagenze ku bandi baperezida ubwo umuhango ubereye ijisho w’irahira warangiraga.

Umushumba mukuru wa Anglikani muri Uganda, afashe umwanya wo gusenga, yagize ati "Mana turagushumira ko ukiza Mama Jeannette Museveni urwaye, ndetse ugakomeza kwita ku muryango we, ukabashoboza."

Museveni, yambaye ishati yera, n’ipantaro y’umukara ku nkweto z’umukara, ndetse n’ingofero ya kaki mu mutwe, mu muhango wari wiganjemo umuhondo, ibara rya Uganda.

Akarasisi kamaze iminota nka cumi n’itanu, kakurikiwe no kururutsa ibendera rya Uganda, nk’ikimenyetso ko manda ya gatandatu ya NRM yari irangiye.

Yoweli Kaguta Museveni Tibuhaburwa yatowe muri Mutarama uyu mwaka ku majwi 71.6%. Mu irahira rye yari agaragiwe n’umuryango we.

By’umwihariko, Gen. Muhozi Kainerugaba, Umugaba Mukuru n’Umujyanama Mukuru mu bya Gisirikare yari amuri iruhande mu gihe cy’imyiyereko ya gisirikare.

Kaguta Museveni azayobora Uganda kugera mu mwaka wa 2031, manda y’imyaka itanu.

Muri uyu muhango, u Rwanda rwahagarariwe na Minisitiri w’Intebe Justin Nsengiyumva.

Aya, mafaranga, ni inyongera ya Miliyari 844.2 Frw ugereranyije na Miliyari 6,952.1 FRW mu Ngengo y’Imari y’Umwaka wa 2025-2026.

Uru ruzinduko rw’amateka y’Ibuhugu byombi rwaranzwe n’ibikorwa bikomeye byo gutsura umubano n’ubuhahirane.

Ibigo bishinzwe iterambere by’u Rwanda na Botswana byasinyanye amasezerano y’imikoranire.

Hasinywe kandi amasezerano y’ubucuruzi n’ishoramari, ndetse n’ay’ubwikorezi bwo mu kirere hagati y’Ibihugu byombi.

Perezida Kagame yashimiye mugenzi we wa Botswana Duma Boko
uburyo igihugu cye gicunga neza umutungo kamere wacyo, harimo na Diyama

Mu gitondo cy’uyu munsi, mbere yo guherekezwa na mugenzi we wa Botswana, Perezida Kagame yasuye uruganda rw’iki gihugu rutunganya diyama.

Perezida Duma Boko yashimiye umushyitsi we n’abo bagendanye, avuga ko bishimiye gukorana n’u Rwanda, kuko hari byinshi igihugu kimwe cyakwigira ku kindi.

Kubaka uyu mushinga bigeze kuri 90%, ukaba ari intambwe ikomeye mu rwego rwo guteza imbere gahunda y’u Rwanda yo gutanga amacumbi meza kandi agezweho ku Banyarwanda bafite ubushobozi buciriritse.

Heza Estate igizwe n’inzu 548 ziri mu byiciro bibiri: apartments (amagorofa atuwemo n’imiryango itandukanye) na townhouses (inzu zigenewe umuryango umwe), zubatswe hagamijwe guhaza ibyifuzo by’abakozi, imiryango ndetse n’Abanyarwanda baba mu mahanga bashaka gutura ahantu hizewe kandi hafite serivisi zose zikenewe.

Ibyerekeye uyu mushinga

Heza Estate ifite inzu 548 zirimo apartments na townhouses, zateganyijwe kugira ngo zihuze n’ubushobozi ndetse n’ibikenerwa n’imiryango itandukanye.

Apartments zifite ibyumba bibiri cyangwa bitatu byo kuraramo, zubatse mu nzu z’amagorofa ane, buri gorofa rikagiramo inzu ebyiri.

Townhouses zo ziri mu bwoko bubiri:

Inzu za duplex zifite ibyumba bibiri cyangwa bitatu byo kuraramo ndetse na corner townhouse zifite ibyumba bitatu.

Ibiciro

Ibiciro by’inzu biteye ku buryo bukurikira:

Townhouses: zitangirira kuri miliyoni 80 Frw ku nzu y’ibyumba bibiri, kugeza kuri miliyoni 117 Frw ku y’ibyumba bitatu.

Apartments: zitangirira kuri miliyoni 101 Frw kugeza kuri miliyoni 111 Frw

Abifuza kugura bashobora kwishyura mu byiciro byoroheje. RSSB kandi yakoranye n’amabanki atandukanye kugira ngo atange inguzanyo zo kugura inzu ku nyungu nto, bityo gutunga inzu bikorohera benshi.

Heza Estate yubatswe nk’umudugudu wujuje ibyangombwa byose, atari umushinga wo gutanga inzu gusa. Abahatuye bazabona:

• Ishuri ry’incuke
• Ibibuga bya basketball na volleyball
• Ubusitani n’ahagenewe umuryango
• Ahagenewe ubucuruzi
• Imihanda ya kaburimbo ifite amatara
• Parikingi yihariye kuri buri nzu

Claudette Rubangura, Umuyobozi ushinzwe ibikorwa by’ubucuruzi muri RSSB, yagize ati:

“Heza Estate yubakiwe intego isobanutse neza — guha Abanyarwanda bafite ubushobozi buciriritse, urubyiruko rw’abakozi, imiryango ndetse n’ababa mu mahanga ahantu bashobora kwita iwabo by’ukuri. Twifuza ko abaturage bazabona ibyo bakeneye hafi yabo: amashuri y’abana, amaduka n’ibindi bikoresho bya buri munsi, ahantu ho kuruhukira ndetse n’umutekano. Si umushinga w’amazu gusa; ni umuryango wubakiwe uburyo abantu babamo mu buzima bwa buri munsi.”

Heza Estate iri mu mishinga minini ya RSSB y’imiturire ikorera mu byiciro bitandukanye by’isoko ry’amazu. RSSB kandi iri kubaka Vision City II, umushinga munini wikubye inshuro eshatu Vision City I, aho umubare w’inzu uzava kuri 500 ukagera hafi ku 1,500.

Iyi mishinga ishyigikira gahunda y’u Rwanda yo gukemura ikibazo cy’amacumbi. Biteganyijwe ko igihugu kizaba gikenera nibura inzu miliyoni 5.5 mu mwaka wa 2050, igihe abaturage bazaba bageze kuri miliyoni 22.1.

Abifuza kugura inzu muri Heza Estate barasabwa gusura urubuga rwa RSSB rwa Heza Estate bakiyandikisha online cyangwa bagahamagara itsinda rishinzwe kugurisha kuri +250 787 750 033.

Ibyerekeye Heza Estate

Inzu 548 zirimo apartments na townhouses, zubakishijwe ikoranabuhanga rya precast rifite ubuziranenge. Iherereye i Batsinda, Umurenge wa Kinyinya, Akarere ka Gasabo, Kigali.

Ubwoko bw’inzu: apartments z’ibyumba 2 na 3; Iriba (townhouse y’ibyumba 3), Umurage (townhouse y’ibyumba 2), na Inganji (corner townhouse y’ibyumba 3).

Umudugudu wuzuye ufite ishuri ry’incuke, ibibuga by’imikino, ubusitani, amaduka ndetse na parikingi zihariye.

Gahunda yo kwishyura mu byiciro bitanu no kubona inguzanyo binyuze mu mabanki yafatanije na RSSB.

Kubaka bigeze kuri 90%
Ni umwe mu mishinga ya RSSB ishyigikira gahunda y’igihugu yo guteza imbere imituriwe

Ibyerekeye RSSB

Ikigo cy’Ubwiteganyirize mu Rwanda (RSSB) ni ikigo cya Leta gishinzwe ubwiteganyirize mu Rwanda.

Binyuze mu rwego rwacyo rw’ishoramari, RSSB yubaka imishinga y’imiturire n’ibikorwaremezo bifasha iterambere ry’igihugu no gutanga inyungu zirambye ku banyamuryango bacyo. Imishinga yayo y’imiturire irimo Vision City na Heza Estate, igamije gufasha Abanyarwanda batandukanye kubona amacumbi meza kandi agezweho.

Urwego rushinzwe iperereza rw’Urukiko rw’Ubujurire rwa Paris ni rwo rwafashe icyemezo, kuri uyu wa Gatatu tariki ya 6 Gicurasi 2026, cyo gutesha agaciro icyemezo cyo kudakurikirana cyari cyahawe uyu mugore umwaka ushize.

Umwanzuro wari uteganyijwe kuba ku itariki ya 8 Mata ishize, ariko Urukiko rw’Ubujurire rwasabye kongera igihe cyo gufata umwanzuro (délibéré) rudasobanuye impamvu zabyo mu buryo burambuye.

Agathe Habyarimana Kanziga, ashinjwa gushinga Akazu, kari kiganjemo abo mu muryango we, bari bakomeye ku gihe cy’ubutegetsi bw’umugabo we.

Aka kazu, ni nako kacurirwagamo imigambi yo gutsemba Abatutsi. Mu minsi micye cyane Jenoside imaze gutangira, Agathe Habyarimana n’umuryango we bahungiye mu Bufaransa, aho bari kugeza ubu.

Uyu mugore yakomehe guhatana kugira ngo atazakurikiranwa mu butabera, ku buryo inshuro nyinshi icyemezo cyo kumukurikirana cyagiye gikurwaho, ariko ubushinjacyaha nabwo bwanga kuva ku izima.

Uyu munsi, umuryango wa Habyarimana wagarutse mu binyamakuru cyane, kubera kubyutsa umubano udasanzwe na FDLR, umutwe w’iterabwoba wiganjemo abasize bakoze Jenoside mu Rwanda.

Jean Luc Habyarimana, umwe mu bahungu ba Habyarimana avugwa cyane muri ibi bikorwa, akaba amaze iminsi akora ingendo hagati ya Paris na Kinshasa, aho umuhuza we na FDLR ari Perezida Felix Tshisekedi.

Iyo mishinga, imaze igihe kiri hagati ya 60% na 97% y’ighe yateganyirijwe, ariko ishyirwa mu bikorwa byayo ubu riracyari hasi cyane, hagati ya 12% na 56%.

Umwe muri iyi mishinga wo kubaka urugomero rwo kuhira imyaka, no gutanga amashanyarazi, Muvumba Multipurpose Dam mu Karere ka Nyagatare, wagenewe Miliyari 102.7 Frw, ubu ukaba umaze 60% by’igihe wateganyirjwe, nyamara imirimo imaze gukorwa ubu ikaba iri kuri 55%.

Ubu imirimo yo kubaka urugomero igeze kuri 55%, kandi abawushyira mu bikorwa bateganya ko muri Werurwe 2027 iyo mirimo yose izaba yarangiye, harimo n’igice cy’amashanyarazi aturuka ku rugomero (Hydropower component).

Amafaranga yo gutunganya hegitari 3,073 muri hegitari 10,000 ateganyijwe ubu ngo yamaze kuboneka. Igice bisigaye ni icyo kugeza amazi ku baturage ndetse n’ahasigaye hagenewe kuhira imyaka, aho inyigo zabyo zose zamaze gukorwa, kandi Minisiteri y’Imari n’Igenamigambi (MINECOFIN) ifatanyije n’inzego bireba ubu ngo barimo gushaka uburyo bwo kubona inkunga zikenewe.

Mu mpera za Werurwe, ubwo yasozaga umwiherero w’Abayobozi PerezidaPaul Kagame yabajije impamvu uyu mushinga utashyizwe mu bikorwa uko bikwiye.

Icyo gihe, Guverineri w’Intara y’Uburasirazuba, Pudence Rubingisa, yasabye imbabazi avuga ati “Ni byo koko Nyakubahwa Perezida wa Repubulika twashyize mu bikorwa umushinga wo kuhira imyaka, ariko twibagirwa ko hariho n’igice cyo gutanga amazi mu mirenge yindi.”

Aha ngaha Perezida wa Repubulika yagize ati “Burya muranibagirwa? Kwibagirwa ni icyaha, it’s literally criminal. Ni gute mwakwibagirwa guha amazi abaturage?”

Perezida Kagame ibi bisobanuro byose ntiyabyemeye, ariko yavuze ko impamvu zitera ibi byose, “abayobozi ni abirasi, kandi biratana ubusa.”

Muri raporo y’Umugenzuzi mukuru w’Imari ya Leta y’Umwaka warangiye ku wa 30 Kamena 2025, Uwizeyimana yagaragaje ko Mbere y’uko Leta igura iriya nzu, ikigo kibishinzwe cyari kizi koifite amakosa.

Ngo muri iki gihe, ngo nyirayo yari yavuze ko ibibazo ifite azabikosora, none ngo yavuze ko byamunaniye.

Yagize ati “Twigeze gutumiza uwari Minisitiri w’Ibidukikije, atubwira ko munsi y’iriya nzu harimo isoko y’amazi. Ubundi hariya si igisigara cy’Inteko Ishinga Amategeko Ubundi hariya hemerewe kubakwa? Uretse muri Afurika, nta handi umuntu wubatse iriya nzu yakwemererwa kongera gukora umwuga w’ubwubatsi.”

Yavuze ko abashima ko hari amafaranga yagiye akoreshwa neza, ariko akavuga ati “ni gute tuvuga ngo amafaranga arakoreshwa neza, dufite ikibanza cy’inzu z”ikigo cy”imisoro n’Amahoro kitubakwa, icyo kigo kikaba na n’ubu gikodesha?

Mu minsi ishize, Ikigo cy’Igihugu cy”iterambere n’abakorera mu nyubako bose, bimukiye ahandi kuko inzu barimo ku Gishushu yagaragaye ko imeze nabi, ikaba igomba gusanwa.

Muri raporo y’Umwaka w’Ingengo y’Imari yarangiye muri Kamena 2025, ibigo byabonye Ntamakemwa, cyangwa se byitwaye neza cyane mu micungire y’imari ya Leta, byageze kuri 97%, bivuye kuri 62% mu mwaka wa 2021

Iyi mishinga igenewe Miliyari 399.9 Frw, yiganjemo imishinga yo kubaka cyangwa kuvugurura ibitaro, kubaka imihanda ndetse n’amashuri.

Umushinga wo kubaka ibitaro bya Muhororo mu Karere ka Ngororero, uwo kuvugurura Ibitaro bya Kabgayi muri Muhanga ndetse n’ibya Ruhengeri muri Musanze, yihariye Miliyari 239.2 Frw.

Iyi mishinga imaze hagati y’amezi 19 na 28 itegereje gutangira.

Umuhanda wa Kigali_Muhanga w’ibirometero 45, na wo wagenewe Miliyari 149 Frw, ariko na wo umaze amezi 27 utegerejwe.

Aha kandi, hari amashuri y’imyuga yo mu Cyanika, Akarere ka Nyamagabe, ndetse na Muhororo, Akarere ka Ngororero, yagenewe Miliyari 10.4 Frw, akaba amaze gukererwa amezi 31.

Ni kimwe n’undi mushinga ufite aho uhuriye n’abikorera wagombaga gutwa Miliyari 1.2 Frw, na wo umaze gukererwa amezi 31.

Umuhanda wa Prince House-Masaka ugomba kwagurwa, wagenewe Miliyari 87.2 Frw, na wo wagombaga kuba waratangiye muri Gicurasi 2022. Imirimo y’uyu muhanda isa n’aho iri gutangira, ariko Umugenzuzi Mukuru w’Imari ya Leta, yavuze ko ubwo bakoraga igenzura muri Mata 2026, basanze kwimura abaturage bigikorwa.

Iyi nyubako izajya yakira inama n’ibikorwa mpuzamahanga bitandukanye, kandi yitezweho kugira uruhare mu guteza imbere urwego rw’ubukerarugendo bushingiye ku nama muri Gabon.

Iyi nzu igizwe n’uruhererekane rw’inyubako zihambaye, kandi zigenewe ibikorwa byuzuzanya, bituma iryohera abayigana. Buri gice cyayo cyateguwe mu buryo bwitondewe kugira ngo cyakire abantu b’ingeri zose — kuva ku biganiro byihariye kugera ku biganiro mpuzamahanga.

Iby’ingenzi bigize iyi nyubako birimo icyumba kinini cy’Inama (cyakira abantu 3,000), Icyumba cya Perezida: Icyumba gifite umutekano, kimeze nk’uruziga, aho dipolomasi ibonera umwanya w’ibiganiro byimbitse kandi byihariye.

Inzu y’Ibitaramo n’Ibirori (yakira abantu 1,500 bicaye / 3,000 bahagaze): Ahabera ibirori n’imihango ya Leta.

Aho VIP baruhukira, Ibiro, Itangazamakuru, n’Inzu z’Umutekano: Ahateganyirijwe inzira zitandukanye, zihuza neza kandi mu ibanga, bitewe n’urwego rw’abinjira.

Ibi bice byose bihuzwa n’ibindi bice byagutse byo kwakiriramo abantu, inzira zifite ibyiciro bitandukanye, n’imiterere y’ahantu igaragaza imyumvire yimbitse y’imigendekere y’abantu, aho bahagarara gato, n’aho ibikorwa biba byihariye kandi bigaragara.

Muri uru ruzinduko, Perezida Kagame yavuze ko u Rwanda ruri mu minsi ijana yo Kwibuka ku nshuro ya 32 Jenoside yakorewe Abatutsi mu 1994.

Umukuru w’Igihugu, yavuze ko u Rwanda ruzashaka umwanya mwiza wo gushimira bamwe mu baturage b’Abanya Tanzaniya bagize ibikorwa by’ubutwari n’ubumuntu bwo gutabara abicwaga muri Jenoside.

Mu gihe cya Jenoside, abaturage batandukanye bo muri Afurika, ndetse n’ibwotamasimbi, bagaragaje ubumuntu, banga gusiga abicwaga, ndetse rimwe na rimwe interahamwe zirabica.

Hari abashoboye kuzirokoka, ndetse no kugira abo baramira, none ubu nabo bavuga uko babinyuzemo, bakarokoka, ndetse ibikorwa byabo bikagira abo birokora.

Hari n’abaturanyi b’u Rwanda bakomeje kugirira neza u Rwanda, maze babonye imibiri y’Abatutsi y’abishwe bakarohwa mu mazi, barabarohora.

Abo ni Abarobyi b’Abagande barohoye imibiri y’Abatutsi ibihumbi birenga cumi na birindwi, ubu bakaba barashyinguwe mu rwibutso rw’ahitwa Ggolo muri Uganda.

Muri kiriya gihe ariko, abaturanyi bo mu Majyepfo y’u Rwanda b’Abarundi, bari barahungiye ahitwa Ntongwe, ku Mayaga, bafatanyije n’Interahamwe ziyobowe n’uwari Burugumesitiri Kagabo kwica Abatutsi, maze boreka imbaga.

Bakoze amabi menshi, ku buryo hari abatanze ubuhamya ko harimo abicaga Abatutsi, bakotsa imitima yabo bakayirya.

Ubu urwibutso rwa Jenoside rwa Kinazi rw’aho hahoze ari Komini Ntongwe, ruruhukiyemo imibiri y’Abatutsi barenga ibihumbi mirongo itandatu.

Uretse i Ntongwe, no hagati mu Gihugu hari Abarundi bavuzweho kwijandika muri Jenoside, abo bakaba barimo umupadiri witwa Robert Athanase Nyandwi wari muri Paruwasi ya Kaduha, Diyosezi ya Gikongoro.

Avugwaho gufata abakobwa b’Abatutsikazi ku ngufu, nyuma akabica.

Mu gihe u Rwanda ruzaba ruri gushimira Abatanzaniya bagiriye neza u Rwanda, i Burundi ho hashobora kuzaba hari kuvugwa indi nkuru.

Icyakora, mu gihe Abatanzaniya bazashimirwa bavugwa mu mazina, birashoboka ko hari n’Abarundi bazaba bibuka ineza bagiriye u Rwanda, kuko hari n’Abanyarwanda bahungiye i Burundi mu gihe cya Jenoside yakorewe Abatutsi, nuko bakaba barayirokotse. Abarundi babagiriye neza barakarama.

Ibi ntibyabuza kuvuga amateka y’Abarundi bari bagiriwe neza bagagabwa ubuhungiro mu Rwanda, maze bakadukira ababacumbikiye bakabatsemba.

Kugeza ubu, abenshi muri bo ntibaragezwa imbere y’ubutabera. Nta gushidikanya ko harimo n’abapfuye bataryojwe ibyo bakoze.

Ikindi kandi, nyuma ya Jenoside nta makuru twaba tuzi y’u Burundi busaba imbabazi ku bw’ayo mabi Abaturage babwo bijanditsemo.

Ikibigira bibi kurushaho uyu munsi, ni uko u Burundi butashoboye kwihakanira ngo bwerekane ko bwahindutse, cyangwa ko abakoze ubwicanyi mu Rwanda babukoze ku giti cyabo.

Uyu munsi, u Burundi buravugwa mu bikorwa byo kwifatanya na FDLR irimo abasize bakoze Jenoside mu Rwanda, mu ntambara bafatanya na Leta ya Congo.

Muri iyi ntambara, bibasira abaturage b’Abatutsi b’Abanyekongo bavuga Ikinyarwanda, ndetse n’Abanyamulenge. Ntibatinya kuvuga ku mugaragaro urwango bafitiye Abatutsi muri rusange.

Perezida Kagame yabivugiye i Dar Es Salam muri Tanzaniya, aho yagiriye uruzinduko rw’umunsi umwe rw’akazi, akaba yakiriwe na mugenzi we Samia Suruhu.

Bamaze kuganira mu muhezo, Perezida Kagame na Suruhu bakiriye itangazamakuru.
Yagize ati “U Rwanda ruri mu bihe byo Kwibuka abazize Jenoside yakorewe Abatutsi mu 1994, ariko vuba tuzagira amahirwe yo gushimira mu ruhame, bamwe mu Banye-Tanzania, bakoze ibikorwa muri kiriya gihe byerekanye ubudashyikirwa, ubutwari ndetse n’impuhwe.”

Nyuma ya Jenoside yakorewe Abatutsi, u Rwanda rwagiye rushimira abantu batandukanye, baba Abanyarwamda, ndetse n’Abanyamahanga bagerageje gutabara Abatutsi n’ubundi bwitange bukomeye bugaragaza gukunda u Rwanda.

Rimwe na rimwe banashoboraga no kwicwa n’interahamwe cyangwa abasirikare ba Leta yateguye ikanashyira mu bikorwa Jenoside, batashakaga ko hari Umututsi wo kubara inkuru wasigara.

Umudari wiswe uw’Abarinzi b’Igihango wagiye uhabwa abantu batandukanye muri urwo rwego. Mu banyamahanga bawuhawe harimo n’umunyamerika Carl Wilkens na Dr. Paul Farmer.

Mu Banyafurika harimo abandi nabo bahawe umudari w’ishimwe barimo Abajenerali bari bo muri Ghana bari bayoboye ingabo zari mu butumwa bw’Amahoro bwa MINUAR. Barimo Gen(Rtd) Henry Kwami Anyidoho.

Harimo kandi Capt. Mbaye Diagne wo muri Senegal wazize kurwanya Jenoside, na we muri kiriya gihe cya Jenoside.

Muri Tanzaniya ubwaho, uwahoze ari Perezida nyakwigendera Mwalimu Julius Nyerere, yahawe umudari w’Umurinzi w’igihango ndetse n’umudari ujyanye no Kwibohora. Iyo midari yakiriwe n’umugore we Mrs. Maria Nyerere.

Perezida wa Tanzania, Dr Samia Suluhu Hassan, yavuze ko u Rwanda n’igihugu cye bikorana mu nzego zirimo ubucuruzi, ishoramari, ubuhinzi, ingufu, ibikorwaremezo, ubwikorezi ndetse n’umutekano.

Yagize ati "Twaganiriye ku ngingo zitandukanye ariko icy’ingenzi muri byo ni ubucuruzi n’ishoramari bigamije kuzamura ubukungu bwacu. Ubucuruzi hagati y’u Rwanda na Tanzania yageze kuri miliyari 644 z’amashilingi mu mwaka ushize."

Mu kwimenyereza umwuga, Mukayisenga yakoreye mu Kigo gishinzwe guteza imbee ibikomoka ku buhinzi n’ubworozi byoherezwa hanze, NAEB, maze amenya ko burya ikawa ibamo amoko, ko uburyohe bwayo bunyuranye, n’ibindi byamuteye amatsiko, atangira ubwo.

Agira ati “Mu imenyerezamwuga twakoze cyane ibijyanye no gusogongera ikawa, maze ndabikunda cyane. Natangiye kumva uburyo amakawa atandukanye, uburyo ikawa iryohamo, ibiyigize.”

Mu gihe cye, hari icyo bitaga Cup of Excellence, akaba yari amarushanwa ya kawa, yatumaga ikawa nziza zihembwa amafaranga menshi ku isoko. Abagombaga guha amanota ikawa, ni abasogongezi, nuko Mukayisenga na we ajya mu irushanwa ry’abagombaga gusogongera araritsinda.

Agira ati “Kuva natsinda ariya marushanwa, sinongeye kubura mu basogongezi ba ririya rushanwa.”

Mu mwaka wa 2013 yari akiri kaminuza, aribwo haje abantu batanga amahugurwa ku basogongezi mpuzamahanga, maze yatangaga impamyabushobozi yitwaga Q Grader, kandi ngo ayo mahugurwa kuyarangiza byari bikomeye cyane.

Mu bahuguwe 24, bane bonyine ni bo bashoboye kubona impamyabushobozi, harimo na Mukayisenga, bikaba byaramubereye icyemezo ko agomba gukomeza inzira yatangiye. Kiriya gihe kandi, Mukayisenga yari yaratangiye gukora ibiraka byo gusogongera, na byo bikamuha amafaranga, bituma urukundo rwe na kawa rurushaho gukomera.

Gusogongera, ubuhanga butangaje

Mukayisenga, ubwo yatsindaga iki kizamini akabona impamyabushobozi, yababajwe n’uko bagenzi be basigaye, kandi abona neza icyuho kiri muri ubu bumenyi.

Yagize ati “Abasogongenzi twashakiye hamwe iriya mpamyabushobozi, bari abahanga cyane, ariko batsinzwe no kutamenya ururimi. Buriya iyo dusogongera twandika kugira ngo dutange amakuru, ariko bongeyeho no kubabaza ubumenyi rusange ku ikawa, maze ntibashobora kubisubiza mu Cyongereza.”

Yahise yumva ko agomba kwigisha abasogingezi, kugira ngo n’ikibazo cy’ururimi bagitambuke.
Ubwo yarangizaga kwiga muri 2014, ariko yari amaze kubona akazi muri Dormans Coffee, harimo gusogongera, no gufasha abakiriya mu byo bakeneye, no gukorana n’abatunganya kawa. Yagiye no mu mahugurwa menshi, ku buryo agira ati “umushahara mwinshi nawumariraga mu magihurwa.

Aha rero, ngo 2015, yatangiye kunganira abatanga amahugurwa mpuzamahanga mu gusogingera, maze akomeza kongera ubumenyi kurushaho, kugeza ubwo mu wa 2019 na we yakoze ikizamini gitanga uburenganzira mpuzamahanga bwo kwemererwa kwigisha gusogongera, no gutanga impamyabushobozi mpuzamahanga.

Aha yatangiye gukorana n’ibigo bitera inkunga imishinga y’ikawa, ariko bihita bimusaba gushinga ikigo

Ubu akorana n’ikigo Speciality coffee association, aho atanga amahugurwa, maze abatsinze ibizamini bibahesha impamyabushobozi zitangwa n’icyo kigo mpuzamahanga.
Iyi programu imara icyumweru, ariko abarangije bagahabwa n’imenyerezamwuga.

Mukayisenga avuga ko gusogongera ari umwuga mwiza udasaba igishoro cyinshi, kandi akazi kakaba gahari, haba ku bigo bitunganya ikawa, abajyana ikawa mu mahanga.

Aha kandi, Mukayisenga atanga amahugurwa kuva ku guhinga ikawa, n’inzira yose iyigeza mu gikombe.
Ibyo kandi binajyanye no gucuruza kawa, haba ku rwego mpuzamahanga ndetse no ku rwego rw’igihugu, kugira ngo n’Abanyarwanda bakomeze kuyikunda.

Ni naho ahera abwira urubyiruko ko, kwiga ibijyanye na kawa birenze ibijyanye n’ubu Barista, ariko no kuyitunganya, kuyikaranga, kuyisogongera n’ibindi, na byo ni uhumenyi baba bakeneye, kandi bwabagirira akamaro.

Agira ati “Kunywa ikawa nziza, yasogongewe igatangirwa amanota, ku buryo abantu bashobora gusobanura ikawa umuntu ari kunywa ni ingenzi.”

Iri tsinda, ryamenyekanye mu ntangiriro ya za 2010, aho ryari ribangikanye n’abiyise Intwarane za Yezu na Mariya, bigeze kuza bavuga amagambo arimo guteza imidugararo muri rubanda, bikaba byaranabagejeje mu nkiko, nyuma bakaza guhabwa imbabazi.

Imyemerere yabo, ishingiye cyane ku mabonekerwa, yaba aya Kibeho, n’andi atandukanye, bakaba ari itsinda ririmo Abalayiki, abihaye Imana bo mu ngeri zinyuranye. Bavuga ko abatemera izo nyigisho zabo zirimo ubuhanuzi, bayobye.
Iri tsinda rivuga ko riri ku isi hose.

Mu minsi yashize, aba "Batowe" bahanahanye amakuru, batangira gutumira, bavuga ko bagiye "gutora Papa", umushumba wabo wemewe, w’Abatowe, umubyeyi wabo.

Uwo munsi, wari uteganyijwe kubera mu Busanza, mu Karere ka Kicukiro, ku wa 26 Mata, amakuru avugwa akaba agaragaza ko Kiliziya Gatolika yabimenye ikanabyamagana, ndetse na bo ubwabo mu buryo bwo "kwirinda icyabateza ibibazo", bakabishyira mu buryo bujijishije.

Uyu munsi, waje kuba, ndetse hanatorwa n’uwo Papa, akaba ari uwitwa Faustin Harerimana uvuga ko yigeze gufungwa imyaka ine, agafungurwa ari Professeur mu by’Imana. Icyakora, yabyitiriye "umunsi w’isabukuru Umubyeyi Bikira Mariya na Yezu bamubonekeyeho mu 2004."

N’ubwo "yahawe inshingano" yambaye imyenda isanzwe y’umugabo w’umusirimu, kandi bikavugwa ku buryo buziguye, abamenye amakuru, bavuga ko mu mpano yahawe harimo imyenda n’ibimenyetso bisa n’iby’Umushumba wa Kiliziya Gatolika ku isi. Icyakora ku mugaragaro, yahawe n’inkoni ibaje mu giti, iriho umusaraba hejuru n’ishapure ndende ikubiranyije mu bitugu, igatendera ku maguru.

Muri Videwo ndende yafashwe atanga ikiganiro mu bari bitabiriye iyi gahunda, uyu Harerimana yavuze ko yahamagawe ari umuherwe(milliardaire) akabanza kubyanga, ariko Imana ikamubwira ko ibyo atunze byose ari umugisha yamuhaye, akabyemera.

Ati "Hahamagarwa benshi hagatorwa bake. Twebwe rero abatowe turi muri abo bacye."

Yarongeye kandi aravuga ati "Turi ku isi yose, na hano mu Rwanda abatowe barahari. Dufite aho dusengera, kandi twahahawe na Musenyeli Tadeyo. Ariko ntibatwemera batuziza ubuhanuzi, ariko jyewe mbukomeyeho."

Yaravuze ati "Hari abaje hano bibwiraga ko hano hari bube ibintu bikomeye(araseka), nyamara nta kintu gikomeye kiruta kwakira Ubutatu Butagatifu."

Yavuze ko Bikira Mariya yamubwiye ko azamuha inshingano ziremereye cyane, ariko avuga ko ngo yamwemereye ko azamufasha kuzisohoza.

Yabwiye abari muri icyo cyumba ati "Abatowe ni benshi ariko mwebwe ubu muhagarariye abandi benshi kuko mufite umubyeyi uri hafi yanyu, kandi nshimira Imana yabampaye."

Uyu mugabo yavuze ati "ntihakagire uduteranya na Kiliziya Gatolika ko tuyirwanya, kuko ahubwo ni twe tuyihagazemo neza. Iyaba abantu bose bari babaye Abatowe ig."

Uyu mugabo yavuze ati "nta rwango, ntibakajye batubeshyera ngo dushaka kujya muri politiki, cyangwa ngo dushaka gukuraho abayobozi ba Kiliziya. Ndabavanaho se ngo nshyireho nde?"

Nyuma y’ijambo ry’uyu Havugimana, nibwo haje umugore, akamwambika ya shapure nini cyane imuzengurutse ibitugu, ndetse amuha na ya nkoni ndende agira iti "Murabizi rero ko inkoni ihabwa umushumba uragiye intama mu rwuri. Ubwo rero papa, warakoze kwemerera Imana, iyo ni impano ijuru ryakugeneye."

Muri iki cyumba hagaragayemo abantu biganjemo abakuru, bambaye imyenda nk’iy’ubukwe, abakecuru bakenyeye biteye, bateze n’ingori. Hari n’umugati, uyu ukoreshwa mu isabukuru.

Inyigisho Harerimana yatanze, ntinyuranye n’iy’Intwarane zatangaga muri biriya bihe, aho yagize, ati "Abatowe dukomeza ubutumwa bwa Kibeho mu kwisubiraho no gusenga. Kandi abisubiyeho bagasenga, ubu tugiye guhembwa. Ariko abanangiye umutima, abanze, ubwo ni abakozi ba shitani. Bagiye guhura n’akaga, n’umuriro."

Antoine Kardinali Kambanda, umushumba wa Arkidiyosezi ya Kigali akaba na Perezida w’INama y’Abepiskopi aherutse kubwira ikinyamakuru cyo mu Rwanda ko bari mu gushakisha amakuru kuri iri tsinda, "kugira ngo bakureho urujijo."

Mu mushinga wa mbere, tuzafasha ibigo kubaka system zo gucunga amakuru yabo, uhereye mu Makoperative, mu gihe mu mushinga wa kabiri, tuzajya dufata nk’imodoka ya bisi urugero igura Miliyoni ijana, tugakora utubisi duto tw’ikimenyetso.

Niba urugero buri kabisi tugaha agaciro ka Miliyoni icumi, bivuze ko iyo bisi izagabanwa n’abantu icumi, buri wese akagura ako kamenyetso ka bisi, akaba abaye umunyamigabane kuri iyo bisi, ibyo ni byo tokenization.

Urundi rugero, niba hari nk’ishyamba rigurishwa Miliyoni ebyiri, dushobora gushushanya igiti kimwe gihagarariye iryo shyamba, maze icyo giti tukagiha agaciro, nuko abanyamigabane bagura iryo shyamba, buri wese akagura icyo giti gihagarariye umugabane we kuri iryo shyamba.

Uyu mushinga twawutangiye mbere ya COVID-19, jyewe n’abo dufatanyije. Nyuma COVID-19 yadukomye mu nkokora ariko ubu twongeye kuwuhagurutsa.

Mu by’ukuri jyewe sinize iby’ikoranabuhanga sinabyize, ariko nabikunze kuva cyera. Na Mudasobwa nayiyigishije nkoresheje murandasi.

Mu myaka ishize, uyu mwana w’umukobwa yarebye kure aravuga ati “ababyeyi bampa iby’ibanze, ariko se bazabimpa kugeza ryari?”

Ni bwo yafashe inshuti ye ya hafi, ati “hirya aha bari kubaka, tujye kwisabira akazi k’ubuyedi.” Bagiyeyo ubwa mbere, batashye ababyeyi babo barabakubita, mu gitondo barongera barabacika, nabwo batashye barakubitwa.

Ku munsi wa gatatu, gapita yaraje areba abo bana aravuga ati “aba ngaba baraduteza ibibazo, kuko barakora akazi batujuje imyaka y’ubukure.”

Baje kureba imyaka yabo, basanga bemerewe gukora akazi, maze babakura ku gikarayi cy’abayedi, babaha akazi ko kuzuza imibyizi y’ibipande by’Abayedi, ndetse banabashinga ububiko bw’ibikoresho.

Aha ngaha, Madederi agira ati “kuri iyi shantiye hari abakora iby’igisenge, abafunga ibyuma, ababumba amatafari…sinagumaga mu biro, nagendaga ndeba buri wese ibyo akora nkitegereza, mbona ibijyanye no kubumpa amatafari(blocs, pavers) mbona ko ari byo byoroshye gukora, ntangira kubyitaho no kubikunda."

Aha hantu, yahamaze imyaka itatu, kandi yibuka ko n’ubundi abiga imyuga mu yisumbuye, “bayiga imyaka itatu, nkanswe jyewe wari ufite amahirwe yo kubyiga nabikora. Nize kubumba mbona birakunze.”

Mu 2019, Madederi yabonye akazi mu nzu ya filimi zitwa Papa Sava, ari naho yakoze filimi yakunzwe cyane igira iti “Ndarongowe Mwiyahure”.

Filimi, yayigiyemo gushaka igishoro, ariko si ho yateganyaga kugarukira.
Agira ati “Naje muri sinema mfite igitekerezo cy’ayo ma pave, nari nje gushaka ubushobozi, kuko ntabwo nari mfite. Nashakaga amafaranga, ndetse n’abantu bampa ibitekerezo.”

Icyo gihe rero, amafaranga macye yabonaga, yaragendaga akayaguramo imashini ibumba amatafari, hanyuma agapiganirwa isoko, bakamuha avance agatangira.

Agira ati “Natangiye ntagira imashini. Naragendaga ngashaka akazi, nkapatana bakampa amafaranga yo gutangira(avance), ngakodeshamo imashini, narangiza nkayisubiza nkanayishyura.”

Madederi agira imibare cyane, kandi uku kumenyekana ko muri filimi, kwamwegereje abantu, bituma abona inama, n’abamwunganira mu mushinga we.

Agira ati “Kuba ufite abantu bagukunda, bakuzi, kwamamaza ibyo ukora birakorohera..abantu bagiye barushaho kubimenya nuko bigera aho mbona uko ngura imashini zanjye. Nabifashijwemo na sinema. Ni uruganda runini rwagutse.”

Madederi ni umukobwa uzi gutanga ibisubizo aho anyuze hose…uko yagendaga abona amafaranga macye, ni ko yanfashaga inzu ya sinema ya Papa Sava yamuhaye akazi, kuko yagendaga agura ibikoresho bakeneye, noneho bakajya babikodesha, agakomeza akabonamo amafaranga.

Agira ati “Icyo nishimira, nuko nabaye igisubizo muri icyo gihe. Nshimira Papa Sava cyane, kuko yemeye gukodesha ibikoresho byanjye, bikaba igisubizo kuri team yacu twese, ariko bikanamfasha kubona ibindi nari nkeneye mu mushinga wanjye w’ubwubatsi.”

Ubu Madederi yamaze kubaka imishinga ye yombi, ku buryo igendana, yunganirana. Kun ruhande rumwe, ibikoresho bya Sinema yamaze kubyigurira, ku buryo afasha n’abatarashobora kubyibonera.

Ku rundi ruhande, yaguze imashini eshatu zibumba amatafari, na paves, bikoreshwa muri kampani ye Clen Solution Group yanditse muri RDB kuva 2024.

Ibyo rero, bituma akora akiteza imbere, ariko agatanga n’akazi, cyane cyane ku rubyiruko n’abagore, ubu akaba afite abakozi mirongo itandatu baba bagomba guhaguruka bakitabira akazi, igihe abonye akazi ko kubumba amatafari.

Mu nzu yibuka yabumbiye amatafari, harimo ibitaro bishya byuzuye mu Busanza, inzu yahoze ikoreramo RDB n’ahandi. Ubu harimo n’izindi nzu zikomeye ari guha ibikoresho byo kubaka.

Kuri Madederi, “Kwitwa umukobwa mwiza, umusore mwiza, udashaka kwigomwa, gukora…icyo nakubwira ni uko ejo hawe hahora hagutegereje. Uyu munsi ushobora kuba ufite imbaraga, ariko ejo bugacya ufite ukuboko kumwe cyangwa abiri kandi hari igihe wari ufite ubushobozi bwo gukora, ukibagirwa kuzigamira ubuzima bugoye.”

Gahunda yari yaranogejwe kuva kera mu biganiro by’abayobozi ba radiyo n’Akarere ka Muhanga kandi na Ruzindana yari yarayibwiwe mbere, ariko umukono wa nyuma kugira ngo KT Radio itsimbure, ni wo wari utegerejwe.

Hagati aho, urutonde rw’abagomba kugenda rwongeye gusubirwamo, maze ababishinzwe batangira kurunoza bashingiye ku kazi gahari. Ruzindana we yari yabwiwe n’umuyobozi, ko agomba kwitegura kuzagenda ayoboye ikipe izajya muri uru rugendo rwa mbere rwa KT Radio mu ntara.

Ibyo ariko ntibyamubujije gukomeza gushidikanya niba azaguma ku rutonde rwa nyuma kuko yari afite amatsiko yo kujya i Muhanga.

Agira ati “Nibazaga ukuntu bizaba bimeze ubwo ijwi ryanjye rizumvikanira mu Mujyi natuyemo, nkawuhahiramo ubwenge bwampesheje akazi kari gutuma mba uwo ndi we, umujyi urimo abakunzi banjye batabarika, banyumva nanjye nkabumva ariko tutarabonana.”

Yongeyeho ati “Naribazaga nti ariko se buriya ningerayo nzavuga bamenye ko ari jye? Ku rundi ruhande, kuko Muhanga ari muri karitsiye, numvaga nzabifashwamo n’abantu twabanye, bazajya babwira abandi, bakabyemera, mbese sintangirire ku busa. Ibyo ari byo byose nashakaga kureba niba abakunzi banjye bazangaragariza urukundo bahora bambwira.”

Imbere y’abakunzi

Ku wa kabiri, Tariki 21 Mata, KT Radio yazindukanye n’Abayobozi ndetse n’abatuye Umujyi wa Muhanga mu gikorwa kihariye cy’isuku, icyo bise “igitondo cy’isuku”. Uyu, urebye ni Umuganda wihariye Akarere kashyizeho, kugira ngo kimakaze isuku, dore ko isuku imaze kuba umuco nyarwanda.

Aha hantu, Ruzindana na bagenzi be, batangajwe no gusanga abitabiriye gahunda bose, ari abakunzi ba KT Radiyo, nuko buri wese agahabwa ijambo yavuga bagakoma amashyi, maze bageze kuri Ruzindana, bati “woow! Twajyaga twibwira ko uri ikigabo kinini kubera ijwi ryawe na ryo ribyibushye. Turishimye kukubona.”

Bavuye muri uyu muganda, abakozi ba KT Radio bimuriye ibiganiro mu mirenge y’icyaro, nuko umutima wa Ruzindana ugenda utera cyane, kuko yibazaga ibintu byinshi aho yagiraga ati “ ubu noneho si ikibazo cy’abakunzi, ahubwo se, hariya naho KT Radio irabona signal? Ese ahubwo turavuga batwumve? Muri studio nkuru I Kigali ntibari buduhe ijambo bakatubura, maze abakunzi bacu bakavuga bati “muhimbirwa i Kigali ariko mu misozi nta kirimo?”

Nyamara, bageze mu misozi ya Nyarusange, byagenze neza, maze Ruzindana agira ati “RadiYo yacu yavuze neza bitangaje, numva ndishimye.”

Aha kandi, Ruzindana yatunguwe no kubona abaturage ba Nyarusange basanzwe bamwumva, ari abakuru, ari n’abato, ariko inkuru nziza ikomeye kuri we, kwari ukumva ko Radiyo akorera ishobora kumvikana mu gihugu hose, mu misozi n’amataba, no mu bibaya.

Icumbi ry’i Muhanga

Urugwiro rw’i Muhanga, ntirugaragarira mu kibuga gusa, ariko n’iyo umuntu ageze aho aruhukira, ruramuherekeza. Ku wa mbere nimugoroba, Ruzindana yageranye na bagenzi be kuri Hotel St. Andre, Hoteli y’inyenyeri enye y’abihaye Imana, ikaba ituranye na Bazilika ya Kabgayi.

Iyo hoteli, ni kimwe mu bikorwa byo kwakira abashyitsi akarere ka Muhanga kirata. Muri uwo mugoroba, abakozi ba KT Radio bayibereye abashyitsi bahire.

Ruzindana agira ati “n’ubwo nari narabaye i Muhanga, sinari nzi ijoro ry’iyo hoteli, sinari nzi icyumba cyaho, mbese nari nyiziho igice.”

Yongeraho ati “sinari nzi niba ubwogero bw’ibyumba bugira amazi, cyangwa niba bimeze nka za hoteli baba bagomba kuguterekera amazi mu njerekani, amazi ashyushye ukagomba kuyasaba mu gitondo ugiye koga, cyangwa ugasanga kamambiri bateguye rumwe ari ubururu urundi umutuku….ariko St. Andre twasanze ari hoteli y’abasirimu yujuje ibyangombwa.”

Muhanga, ni akarere k’Ama fraicheur, ku buryo abatabimenyereye bibwira ko gakonja, ariko Ruzindana yatangajwe n’uburyo Hoteli ifasha umushyitsi aho agira ati “n’iyo wasaba uburangiti(couvre-lit) eshanu baraziguha ugasusuruka.”

Yakunze amafunguro ya St. Andre n’umwete n’umucyo bayatangana, atari kwa kundi ngo ujya kuri hoteli, ukaka isukari, ariko ugasanga nta kayiko bakuzaniye, uwo ugatumye akamara indi minota mirongo itatu atarakazana.

Bakigera kuri iyo hoteli, ababishoboye bagiye mu myidagaduro inyuranye, bamwe muri piscine, abandi bajya muri gym, mbese buri wese uko abyifuza. Nta rungu I Muhanga.

Aha, Ruzindana agira ati “I Kigali, hari igihe uryama wamara gufata agatotsi ukumva imodoka y’igikamyo irahinda, mu kanya igatigisa uburiri iciye mu muhanda wo mu nsi y’iwawe. St. Andre ni ahantu umuntu yava I Kigali akaza akaruhukira, nta kintu kimusakuriza.”

Ndi muri studio ariko ndakureba iruhande rwanjye

Ku munsi wa kabiri w’Uruzindulko rwa KT Radio i Muhanga, Ruzindana yari afite akazi kenshi cyane kuko kuri gahunda yari afite abatumirwa barenga hafi makumyabiri, bose bashaka kubwira igihugu cyose, n’amahanga yose ibyo Muhanga izi gukora neza.

Ruzindana yarazindutse, ahera kuri Burakeye, maze aganira n’abakunzi be bari basanzwe bamuzi muri iki kiganiro, mbere y’uko ahindurirwa inshingano.

Yanyujijemo akaruhuko k’amasaha abiri mu gitondo cya kare, ariko ntiwari umwanya wo kuruhuka mu by’ukuri, kuko harimo byinshi byo kwitegura, kugira ngo aze gushobora gutunganya umunsi muremure.

Agira ati "muri ayo masaha abiri narasohotse, ndeba Muhanga, ndeba abajya guhaha n’abavayo, mbese ndeba ishusho yose y’umujyi nyibika mu mutima, kugira ngo noneho nze kuganira n’abadukunda nk’ubareba koko, kandi byarankundiye."

Asubiye muri Studio, Ruzindana yatangiye kwakira abatumirwa mu biganiro bitandukanye, maze agasuhuza abantu, bakumva wagira ngo ari kubareba batambuka cyangwa mu mirimo barimo, haba mu isoko rya Muhanga, mu mayira no mu tuyira."

Agira ati "Abantu bamaze kumenya ko turi iruhande rwabo, maze baraza buzura kuri studio twavugiragamo, bisaba umuntu ubafasha kugira ngo tutananirwa gukomeza."

Muri aba batumirwa, hari ikindi kintu gikomeye cyabatangaje. I Muhanga, ntibari bazi ubutunzi bukomeye bafite mu ishoramari.

Bagiye kumva bumva KT Radio yakiriye uruganda rukora impapuro z’isuku, izi bakunda kwivugira mu ’Kinyarwanda cy’iki gihe’ ngo ni "Papier Jenike", nuko bagira bati "ibi bintu twari tuzi ko biva i Kigali." Uru ruganda rukora n’impapuro z’isuku zikenerwa n’abagore, maze abaturage bati "aka ni agashya."

Reka noneho hazaze uw’uruganda rukora amasafuriya, abaturage nabwo baravuga bati "burya uwambaye ikirezi ntamenya ko cyera."

Haje n’abandi banyenganda batandukanye, harimo n’urukora sima, maze abari bazi ko uruganda ari Cimerwa, inzoga ikaba Primus, uwo munsi biga isomo.

Abashoramari b’i Muhanga, bahari atari ukubera amaburakindi

Babwiye Ruzundana ko bahakunda kuko ari akarere kari hagati mu gihugu, bityo ubwikorezi mu zindi ntara n’ibihugu by’akarere, bukaborohera.

Umwe yagize ati "Ngaho reba umwanya byatwara gukura ibintu mu cyanya cy’inganda cyo mu Mujyi wa Kigali ubijyana mu bihugu duturanye mu Majyepfo. Biratworohera cyane kwambutsa ibicuruzwa haba i Bukavu na Goma tubikuye hano, kurusha kubikura mu cyanya cy’inganda cy’i Kigali."

Ikindi bakundira Muhanga ni uko ifite ubuyobozi bubumva neza, ku buryo n’ikibazo bafite baba bizeye ko kizahabwa umurongo. Nk’ubu, umuriro w’amashanyarazi ujya ubera imbogamizi abanyenganda, ikibazo cyawo kizakemurwa na sub-station igiye kubakwa mu cyanya cy’inganda, ikibazo kigahita kirangirira aho.

Nk’imfura mu bana batanu barimo n’umukobwa umwe, Dusengiyumva yabonye amahano ya Jenoside agwira umuryango we n’abaturanyi babo mu cyahoze ari komini Ntongwe, ubu ni mu Murenge wa Kinazi, Akagari ka Mukoma mu Karere ka Ruhango.

Dusengiyumva yibuka byose neza. Nyina, wari umubyaza w’umwuga ndetse akaba yari anayoboye ishami ry’ababyeyi ku kigo nderabuzima cya Mukoma, yamugiriraga icyizere gikomeye.

Agira ati: “Mama yambwiraga ko ndi umugabo. Yarangiriraga icyizere cyane kandi yari inshuti yanjye magara; yambwiraga amakuru ajyanye n’ibyemezo bikomeye by’umuryango nko kugura cyangwa kugurisha ubutaka.”

Mu by’ukuri, nyina ni we wabaga hafi cyane y’umuryango, mu gihe se wari umupasiteri mu itorero ry’Ababatisita yabaga afite umurimo ukomeye kenshi akajya kwita ku Bakirisitu.

Yongeyeho ati: “Nibuka mama ambwira ko ngomba kuba intwari kugira ngo nshobore kubungabunga abavandimwe banjye. Inzu yacu yari iri hagati y’abahutu b’abahezanguni bari bafite urwango rukomeye ku Batutsi.”

Umuryango wa Dusengiyumva warushagaho kwibasirwa kuko se yari yarafashwe agafungwa mu gihe cyiswe icy’“ibyitso”, aho ubutegetsi bwateguye bukanashyira mu bikorwa Jenoside bwashinjaga Abatutsi benshi gufatanya na RPF Inkotanyi.

Icyakora, icyo gihe ntiyashoboraga gusobanukirwa neza impamvu y’urwo rwango, kandi ntiyigeze atekereza ko rwagera ku kwica, kugeza mu ntangiriro za Mata 1994.

Abahutu b’abahezanguni bo mu gace kabo ntibabirukanye mu rugo gusa, ahubwo babakurikiranye kugeza bishe umuryango wose, uretse we wenyine wabashije kurokoka ku buryo bw’igitangaza.

Iyo Dusengiyumva atanga ubuhamya bwe, wumva neza ukuntu Interahamwe zari zifite inyota y’amaraso.

“Nimuhumure Nzabarinda” – Umuyobozi w’Interahamwe yarabashutse

Ibimenyetso by’uko ejo hazaza h’Abatutsi muri Komini Ntongwe hatari heza byari byaratangiye kugaragara mbere cyane ya Mata 1994.

Dusengiyumva yibuka ko hari abarimu bakubitaga abanyeshuri b’Abatutsi nta mpamvu, ndetse hakaba n’amagambo mabi yabwirwaga we na bagenzi be, n’ibindi byinshi byabagaragarizaga urwango.

Ariko ibintu byafashe indi ntera mbi ku itariki ya 7 Mata, umunsi wakurikiye ihanurwa ry’indege ya Perezida Habyarimana.

Agira ati: “Interahamwe zatangiye gukora inama zo gutegura ubwicanyi, dutangira kubona imyotsi y’inzu zatwikwaga mu gace ka Bugesera kari hafi yacu.”

Yakomeje agira ati: “Twatangiye kubona imirambo mu mugezi, maze bigaragara neza ko tutari kurokoka. Nyuma yo kurya nimugoroba—ari bwo bwa nyuma twari dusangiye nk’umuryango—ku itariki ya 11 Mata 1994, mama yabwiye abana ati mwambare imyenda myinshi ishoboka twitegura ibishoboka byose kuko yumvaga iryo joro ridasanzwe.”

Ntibyatinze, bamaze kujya kuryama, urusaku rudasanzwe rutangira kumvikana mu baturanyi.

Umuzamu w’Ikigo nderabuzima cya Mukoma yaje mu masaha y’ijoro abwira nyina wa Dusengiyumva ko hari umugambi wo kubica bose.

Agira ati: “Mama yaje mu cyumba cyanjye arambwira ati ‘Sam, kanguka uzane abavandimwe bawe. Tugomba kugenda nonaha.’”

Umuryango wahise ujya ku kigo nderabuzima, maze nyina ahisha abana bane munsi y’ameza babyariraho, abatwikiriza igitambaro, maze umwana w’uruhinja amujyana mu kindi cyumba.

Ati: “Mama yagira ngo abicanyi nibaza bazamwibasira we gusa basige abana. Uko ni ko ababyeyi bahora biteguye kwitanga ku bw’abana babo.”

Iryo joro nta cyabaye ku kigo nderabuzima; ahubwo abicanyi bagiye mu rugo rwabo bagerageza kurufungura batabanje kurwangiza, ariko ntibabishobora baragenda.

Bukeye mu gitondo, nyina yabakuye aho bari bihishe abasubiza mu rugo.

Yahise ajya kureba Burugumesitiri witwaga Charles Kagabo amusaba uburinzi.

Yaramubwiye ati: “Ejo nijoro hari abantu bashakaga kutwica ariko Imana yaradufashije turarokoka. Ese bimeze bite?”

Ariko uwo burugumesitiri wari umeze nk’isega yambaye uruhu rw’intama, yamusubije mu buryo bw’uburyarya—afata umuyobozi w’akagari amwambika amapingu nk’aho ari kumuhana ngo atange Akabarore.

Yongeyeho amagambo ateye inkeke ati: “Abahutu basaze, nta cyo nabikoraho. Ariko nimujya ku biro bya Komini nzagerageza uko nshoboye hamwe n’abapolisi banjye tubarinde.”

Nyina wa Dusengiyumva amaze kumva ayo magambo ntiyatindiganyije. Yahise afata utuntu duke yari ashoboye, adushyira mu gikapu ajyana abana.

Icyo gihe hari ubukangurambaga bwo gukusanya Abatutsi bose ku biro bya Komini; barenga ibihumbi ijana nk’uko Dusengiyumva abivuga. Bamwe bari mu busitani bwa Komini, abandi mu biro bitandukanye—hari imbaga nini cyane.

Hari n’abari baragiye ku misozi batekereza ko bashobora kwirwanaho, ariko Kagabo yabashije kubateranyiriza hamwe bose.

Ati: “Yari umuntu mubi cyane. Yatumye abantu bose bajya kuri Komini mu mahoro, nta n’ubariye urwara mu nzira, ariko wari umugambi wo kubashyira hamwe ngo abone uko abatsemba. Ibi byatumye twibwira ko ikibazo kizashira mu minsi mike tugasubira mu ngo zacu.”

Ariko amaze gukusanya Abatutsi barenga ibihumbi 100 kuri Komini, Kagabo yatangiye gutega imitego no kunoza umugambi wo kubarimbura.

Ku itariki ya 19 Mata 1994, Interahamwe nyinshi zifatanyije n’impunzi z’Abarundi zari ku musozi wa Nyagahama, bateye Abatutsi bakoresheje intwaro gakondo.

Abatutsi bo muri Komini Ntongwe bashoboye kubasubiza inyuma bakoresheje amabuye, ariko ntibari bazi ko ibibi kurushaho byari bigitegereje.

Interahamwe zishyuye abasirikare bo kuza kuzifasha kwica

Igitero cyo ku wa 19 Mata cyarakaje cyane Abahutu, bahita baterana bakusanya amafaranga agera kuri miliyoni 2 z’amafaranga y’u Rwanda, bajya gushaka ubufasha mu Bugesera aho Interahamwe zari zararangije ubwicanyi.

Dusengiyumva agira ati: “Ayo mafaranga bayashyikirije ikigo cya gisirikare cya Gako nk’inkunga yo gutuma abasirikare baza kuturimbura. Banatumije Interahamwe zo muri Bugesera kugira ngo zize gufasha mu gusahura no kurangiza uwo amasasu yaba atishe.”

Hazanwe n’abandi basirikare Kagabo abakuye muri Sous-Préfecture, abashyira mu gishanga cya Nyamukumba, ari cyo kibaya kiri hagati y’imisozi ibiri kigakora nk’inzira ifunga umuhanda ujya Ruhango, ku buryo nta muntu washoboraga kuhacika.

Ku itariki ya 21 Mata, Dusengiyumva yibuka ko imbaga nini y’Interahamwe yagose inkambi y’Abatutsi.

Ati: “Yari imbaga nini cyane, bageraga nko ku bihumbi 30. Bari bakoze umurongo wa kilometero nka 5, maze twumva tudafite aho twihisha.”

Burugumesitiri Kagabo yahise abwira Abatutsi bari bihebye ati: “Murabizi, ndananiwe. Sinabasha kubarinda imbere y’aba Bahutu basaze. Icyiza ni uko mwahunga mujya Ruhango.”

Dusengiyumva ati: “Yari azi neza umugambi we wose. Yafunguye inzira ijya Nyamukumba werekeza Ruhango, aduha uburenganzira bwo kugenda.”

Muri urwo rugendo, umuryango wa Dusengiyumva wari ukiri hamwe.

Bakigera i Nyamukumba, imodoka nto ya gisirikare yahise ihagarika mu muhanda, abasirikare batanga ikimenyetso cyo gutera za gerenade.

Ati: “Bahise batangira kurasa ku basivili b’inzirakarengane, bamara iminota igera kuri 40. Bahagaritse gato, imbaga y’abantu bafite intwaro gakondo imanuka iva ku misozi yose ikomeza ubwicanyi. Sinabona uko nsobanura urusaku rudasanzwe bari bafite.”

Dusengiyumva yafashe umwe muri barumuna be, bagira ubutwari bukomeye bazamuka umusozi wa Nyagahama, bahura n’Interahamwe zimanuka zigiye gusahura no kwica.

Ati: “Ntibari bitaye ku bantu bake nka twe.”

Hagati aho, se yanyuze indi nzira ajyanye na mushiki wa Dusengiyumva n’undi muvandimwe.

Yageze ku rusengero rw’Ababatisita ruri ku musozi wa Nyarugenge ahitwa i Rwanda, ariko ntiyari azi ko n’abakirisitu na bo bari barahindutse; banze kumuhisha.

Yahise agaruka, ageze ku muhanda abona bariyeri iri nko muri metero 200 imbere ye, maze asa n’uhagaze gato, yereka abana bari inyuma ye ikimenyetso ko imbere bitameze neza, kugira ngo ababurire bihishe.

Abana babashije guhindukira basubira inyuma batabonywe n’Interahamwe, mu gihe se yakomeje yerekeza kuri iyo bariyeri.

“Narangije gusenga, ngaho nimunyice”

Kuri bariyeri, nyakwigendera Ruhamya Silas, se wa Dusengiyumva, yasuhuje abicanyi, na bo baramubwira bati: “Uuuhm! Uracyariho?”

Arabasubiza ati: “Yego.”

Baramubwira bati: “Tugiye kukwica nonaha.”

Na we ati: “Ndabizi, ariko munyemerere mbanze nsenge.”

Nk’uko Dusengiyumva yabimenye nyuma, se yasenze agira ati: “Data wo mu ijuru, nzi ko aba bantu bagiye kunyica. Mwami w’imbabazi, niba hari uzihana, uzamubabarire.”

Amaze gusenga, yabwiye Interahamwe ati: “Ndarangije.”

Bahise bamukubita inkota n’ubuhiri nta mbabazi, kandi “bishimiye ko atabatwaye imbaraga nyinshi kumwica,” nk’uko Dusengiyumva yabimenye muri Gacaca.

Dusengiyumva ati: “Data yari azi ko agiye gusanga Imana, ntiyari akeneye kwirwanaho.”

Umubiri w’uyu mubyeyi bawurekeye aho kuri bariyeri, kugeza aho undi mutwe w’abicanyi uza ukahamusanga. Bukeye bwaho, barawufashe bagenda bawukurura mu mugozi, bamushyira mu nsina zari hafi aho.

Hagati aho, ba bavandimwe ba Dusengiyumva babiri bari barokotse iyo bariyeri, bahuye n’izindi Nterahamwe bamaze iminsi ibiri batarya.

Izo nterahamwe zabajyanye kwa Burugumesitiri Kagabo, na we “ategeka” ko bagomba kwicwa.

Dusengiyumva yagize ati: “Kagabo yari afite ihame ko buri Mututsi agomba kujyanwa iwabo kugira ngo abe ari ho bamwicira. Babikoraga batekereza ko abaturanyi babo ari bo babica nabi kurushaho.”

Abantu 200 bahururiye abavandimwe ba Dusengiyumva

Kubera iri tegeko rya Kagabo, bajyanye abavandimwe ba Dusengiyumva iwabo, urugendo rw’ibilometero 12, maze bakirwa n’abantu bagera kuri 200 bari baje kureba uko bicwa.

Yagize ati: “Aba bana barimo mushiki wanjye nakundaga cyane n’umuvandimwe wanjye wari ukurikiye uwa nyuma, na we mwiza cyane.”

Babajyanye ku muntu witwaga Jacques Nsabimana, wari wariyitiriye izina rya “Pilato” kubera umutima we w’ubugome mu kwica Abatutsi.

Nsabimana, ugihari kugeza n’ubu, yari yarashyize intebe ye y’“ubucamanza” hejuru y’imva rusange, nuko afata ba bavandimwe ba Dusengiyumva, arabica nabo abajugunyamo.

“Mujyane umwana wanjye, ashobora kurokoka” – Nyina wa Dusengiyumva

Mu gihe ayo mahano yose yabaga, Dusengiyumva n’umuvandimwe we wundi bari kumwe bihishaga bava mu gihuru bajya mu kindi, bahura n’ingorane zitandukanye, berekeza i Kabgayi mu Karere ka Muhanga k’ubu, aho bakekaga ko hari umutekano.

Bageze ahitwa Shyogwe, abo bana babiri bihishe mu miryango ibiri itandukanye, maze nyina aza kuhabasanga ari kumwe na bucura bwe.

Byari nk’umugambi w’Imana wo kwemerera uyu mubyeyi gusezera bwa nyuma ku bana be basigaye.

Umuryango wari wahishe Dusengiyumva wateganyaga guhungira muri Zaïre (ubu ni Repubulika Iharanira Demokarasi ya Congo), maze begera nyina baramubwira bati: “Birababaje, tugiye guhungira muri Zaïre. Ushobora kujyana umwana wawe. Turakwifuriza amahirwe.”

Ariko nyina wa Dusengiyumva yarababwiye ati: “Ndabinginze, mujyane umwana wanjye, wenda ni we wenyine uzarokoka mu muryango wanjye.”

Uwo muryango wemeye kumujyana mu modoka yabo, bagenda babona ubwicanyi ndengakamere aho banyuraga hose.

Dusengiyumva agira ati: “Nababajwe no kuba ntarabashije gusezera ku muvandimwe wanjye kuko we yari yihise mu wundi muryango.”

Uwo muryango rero, wajyanye Dusengiyumva, bagera ahitwa muri Komini Muko mu Ntara y’Amajyepfo, ubu ni mu karere ka Nyamagabe.

Dusengiyumva yumvaga ageze ahantu atazwi, atekereza ko azahabona umutekano.

“Se yari umupasiteri, mumureke asenge bwa nyuma”

N’ubwo yibwiraga ko yari acitse interahamwe zimuzi zo muri Komini Ntongwe, zaramukurikiranye, ku buryo undi munsi ukomeye cyane wamusanze muri Komini Muko.

Umunsi umwe, Dusengiyumva yagiye ku isoko ari kumwe n’umwana w’umuryango wari wamuhishe.

Yagize ati: “Mana we! Umwana w’umwe mu bahezanguni b’Abahutu b’iwacu yarambonye, maze mu gihe ngitekereza uko yageze aho, nsanga nkikijwe n’Interahamwe nyinshi zaturukaga iwacu.”

Aha rero zahise zimubwira zisekera ziti “Ubwo se wibwiraga ko waducitse?”

Bongeyeho bati: “Wenda reka tukwihere amakuru: twishe so n’abavandimwe bawe, none ubu ni wowe utahiwe.”

Umwe muri bo yaramwegereye agiye kumukubita ikintu ngo amujugunye mu mwobo rusange, undi aramubwira ati: “Ba uretse! Se yari umupasiteri. Mumureke asenge bwa nyuma.”

Dusengiyumva ati: “Nasenze kurusha uko nari narigeze gusenga. Nta kindi gihe nigeze nsenga nka kiriya.”

Igihe bamwemeraga gusenga, Interahamwe zamuhaye undi mwanya wo kurokoka.

Umwana bari kumwe yahise yiruka asubira mu rugo kubwira nyina, na we yihutira kujya kuri Komini gutabaza ati: “Mutabare! Bagiye kunyicira umwana!”

Abapolisi bahise bajyanwa aho bari, Dusengiyumva akiri gusenga.

Umupolisi yabwiye abicanyi ati: “Musigeho! Muri impunzi ariko murashaka guteza umutekano muke hano?”

Aha rero, yabateye ubwoba, ababwira ko abata muri yombi, maze basaba imbabazi, nuko abari bafite Dusengiyumva bamubwira kutazongera gusohoka na rimwe.

Nk’umwana, yagerageje kubyubahiriza, ariko nyuma y’igihe gito, yongeye gushaka inzira aragenda, kugeza ageze i Murambi ya Nyamagabe, ahari inkambi y’impfubyi icungwa n’Abafaransa.

Aha ngaha, bababwiraga ko uwabishobora yari kujya i Maraba (mu Karere ka Huye k’ubu) kugira ngo arokoke.

Ati: “Kuva i Murambi, numvaga nta muntu n’umwe unyitayeho. Nari njyenyine mu bantu benshi, ariko nageze i Maraba. Mpageze mpura n’Inkotanyi, numva nsubijwe icyizere, ndaruhuka, nongera kugira icyizere cyo kubaho n’ubwo nari naranyuze mu bikomeye.”

Nyuma, Dusengiyumva yaje kumenya uko nyina n’umuvandimwe we muto bapfuye.

Ati: “Mama ageze i Kabgayi, ntiyabonye ubufasha, ariko yibutse ko hari umuryango yari azi hafi aho, maze ubwo yajyaga kuwureba, ahura n’akaga. Yageze mu nzira ahura n’Interahamwe zo muri Ntongwe zihakambitse."

Ati: “Baratonganye, ntibemeranya uwari bumwice, bamujyana mu cyumba cy’ishuri, nyuma bongera kumugarura.”

Bashatse kumwambura umwana yari ahetse ku mugongo, ariko aranga.

Ati: “Bahise bamutema vuba, bamujugunya mu musarani, umwana akiri muzima.”

Umwana amaze kugwa mu mwobo, yatangiye kurira, abicanyi bajugunyamo amabuye kugeza apfuye.

Dusengiyumva yababajwe no kumenya ko umugore wategetse ko nyina yicwa yari umuntu nyina yari yarabyaje.

Ati: “Birababaje ukuntu abantu bashobora kugirira nabi ababagiriye neza.”

Nubwo yanyuze muri ayo mateka akomeye, Dusengiyumva yagarutse ku ishuri, aratsinda ariga arangiza.

Mu 2008, yashatse umugore w’umuganga nk’uko nyina yari ari, ubu afite umuryango wishimye.

Ati: “Ku nama y’umugore wanjye, nahaye abana banjye bane amazina y’abavandimwe banjye bane.”

Yemeza ko: “Umubyeyi wese warokotse Jenoside agomba guha abana urukundo rwinshi cyane, kugira ngo asibe icyuho cy’ababyeyi batakiriho.”

Dusengiyumva yize ashyizeho umwete, araminuza, igihugu kimugirira icyizere kimuha inshingano zikomeye. Ubu ni Meya w’Umujyi wa Kigali.

Mu Bwongereza, muri Amerika n’ahandi hirya no hino ku isi, imyigaragambyo y’aba baturage bitwa Abanyamulenge yakomeje gusaba ko hari uwakumva ijwi ryabo akabagirira impuhwe.

Aka videwo kamaze iminsi gahererekanywa ku mbugankoranyambaga, karimo umugore wahawe umwanya, maze avuga ko ibyo ubwoko bwe bukorerwa ari agahomamunwa.

Nyirasafari Jolie, yavuze ko ari mu gihugu cya Kenya, maze agira ati “ ndi Umunyamulenge waturutse mu misozi ya Minembwe, Kivu y’Epfo muri Congo. Ndi umwe mu bantu bagizweho ingaruka z’ubwicanyi bukorerwa ubwoko bwacu buri gihe. Tuje kwamagana ubu bwicanyi butwibasira.”

Yongeyeho ati “Twebwe iwacu, twicwa na Mai Mai, twicwa na Wazalendo, twica n’igihugu cy’abaturanyi cy’u Burundi, ndetse tunicwa n’ingabo zacu ziyita FARDC.”
Nyirasafari yakomeje avuga ko iki gihugu cyanze kubemera nk’abenegihugu bacyo buzuye, kandi ngo Abasekuruza babo ni Abanyekongo, nyamara ngo igihugu kirirwa kibica umusubizo.

Yagize ati “abana baricwa, abagore baricwa, bakicishwa amabombe, bakicishwa drones, cyangwa n’indege y’intambara yitwa Sukoi iza ikarimbura amazu n’abayaryamyemo bose bagapfiramo.

Nyirasafari, yageze aho avuga mu magambo afatika neza yerekana ibibazo bari gucamo, maze agira ati “ Twebwe baratwica iteka, badufungira ahantu hataba umunyu, isura yacu yaraharaitswe, twitwa amaziba y’uburyo bwose…gufatwa ku ngufu byabaye byinshi, nta burenganzira ubwo ari bwo bwose duhabwa.”

Yongeyeho ati “Twebwe dukomeza kwicwa kandi ibihugu birebera, namara twese turi abaturage nk’abandi. Turashaka uburenganzira, turashaka kubaho nk’ibindi biremwamuntu, Leta yacu yatwimye uburenganzira, ibihugu by’abaturanyi biza kutwica.”

Yongeyeho kandi ko badafite inzu zo kubamo, kuko indege zasenye amazu yabo yose, bakaba barara hanze, bakanyagirwa, batagira amavuliro n’ikindi cyose cy’ibanze kigenerwa ikiremwamuntu.

Nyirasafari yongeyeho ko n’amatungo yabo yose yishwe n’indege za FARDC, maze agira ati “twari dusigaranye inka nkeya zaduhaga amata bigatuma abana babona ayo banywa, ariko kugeza ubu, nta nka isigaye. Leta yohereje indege ziraza zirazica zirazimara. Ubu abantu bishwe n’inzara. Abana na bo ubwabo barwaye bwaki.”

Mutekereze kubaho mu buzima butagira umunyu

Nyirasafari yerekanye ko ubuzima Abanyamulenge babayemo burenze uko umuntu yabutekereza, aho yagize ati “Namwe nimwibaze kubaho nta munyu mu gihe cy’imyaka icumi. Ubwo mwuma koko tubayeho dute?”

Yongeyeho ati “rwose turatabaza. Turicwa nk’inyamaswa, abantu bakaribwa nk’ibyo kurya by’abandi bantu. None se twebwe turi ibisimba, turi amatungo, cyangwa turi abantu> Mwabonye hehe aho umuntu yicwa, akotswa, hanyuma bakamurya? Umuntu bakamwica bakamukataguramo ibice, hanyuma bakamurya, kandi ibyo bigakorwa n’abaturanyi bacu.”

Aha niho yasabye Leta ya Kenya yabacumbikiye, iyo yita ati “mwaratwakiriye, mwatweretse umutima mwiza, turabashimiye. Turabinginga Leta ya Kenya, muturengere, mudufashe, uko mwaduhaye icumbi, tukaba dutembera hose dufite amahoro, tukarya ifunguro ryo muri iki gihugu, muhabwe umugisha. Gusa muhaguruke muturwaneho, kuko ababyeyi bacu bari kwicwa, abasigaye inyuma ntibashobora kubona aho banyura bahunga. Turasaba Perezida wacu William Ruto ngo atubere maso, atuyobore, Imana ibimufashemo. Turasaba ibihugu byose ko byadufasha zikaturinda.”

I Muhanga, KT Radiyo yatangiranye n’abaturage ndetse n’Abayobozi b’Inzego z’Ibanze mu gikorwa cya buri wa kabiri kijyanye n’isuku, igitondo cy’isuku.

Abanyamakuru bakunzwe ba KT Radiyo barafasha Abanyamuhanga gusabana n’abayobozi, mu gihe abandi nabo basanga abaturage mu mirimo babarizwamo.

Iyi gahunda kandi, irakira abashoramari b’i Muhanga n’ababakikije, kugira ngo bamenyekanishe ibyo bakora ku bakiriya babo.

Umunyamakuru wa KT Radio, Rusakara, yishimiwe bidasanzwe n'Abaturage b'Akarere ka Muhanga.

🎥: @rwibutsoj1 #KtRadioIwacu pic.twitter.com/MdtNykqep5

— Kigali Today (@kigalitoday) April 21, 2026

Bamwe mu bakozi ba UFC Plc n’abazakora ibarura

Mu kwaguka mu myaka itandukanye, abanyamigabane ba Umutanguha Finance Company Plc bo mu myaka itandukanye, bakoreshaga ibyangombwa byagiye bihinduka bijyanye n’iterambere ry’ikoranabuhanga mu gihugu.

Muri ibyo byangombwa twavuga nk’imiterere y’indangamuntu.

Harimo n’abagiye bagabanya gukoresha Konti zabo, kugera n’aho zishobora gusinzira.

Izi ni zimwe mu mpamvu z’ingenzi, abanyamigabane, uko babarirwa mu mashami 17 bazabarurwa kugira ngo buzuze ibisabwa.

Umuyobozi Mukuru wa Umutanguha Finance Company Plc (UFC Plc), Muhawenimana Noël, avuga ku mpamvu y’iri barura, agira ati " Iyi gahunda ijyanye no kubahiriza ibyo twasabwe na Banki Nkuru y’u Rwanda (BNR) n’itegeko rigenga ibigo by’imari mu gihugu. Ikigamijwe ni ukubarura abanyamigabane bacu ngo tugire imyirondoro yabo, bityo bagire uburenganzira busesuye mu migabane bafite muri UFC Plc.”

Umuyobozi Mukuru wa Umutanguha Finance Company Plc (UFC Plc), Muhawenimana Noël

Iri barura rizafasha Umutanguha Finance Company Plc kumenya abanyamigabane, bakabona inyungu, abashaka kugurisha bakabona ubwo burenganzira, n’abashaka kugura bakabyemererwa, ndetse n’abafite amakonti asinziriye bakayakangura bagakomeza kwiteza imbere mu kigo cy’imari cyabo.

Aha, abayobozi ba Umutanguha Finance Company Plc basobanuye ko iri gura n’igurisha rireba abanyamigabane hagati yabo gusa.

Ibarura rizatangira mu mpera z’uku kwezi, rikaba rizakorwa n’Ikig kizobereye mu mabarura, yaba aya rusange, cyangwa ay’ubukungu n’imari kitwa Centre for Economic and Social Studies (CESS Ltd).

Umuyobozi w’iki kigo MUTIJIMA (Nkaka) Prosper avuga ko abanyamigabane bazabasanga mu ma zone n’amashami babarizwamo, kandi bakaba bazagenda bamenyeshwa amatariki y’ibarura.

Ni ibarura rizakoresha ikoranabuhanga rigezweho, atari ukwandikisha amakaramu ku mpapuro, ahubwo uburyo bukoresha tablets kugira ngo amakuru abikwe neza, kandi kuyatunganya bizorohe, ndetse bibe byizewe.

Avuga ko iki kigo gifite ubushobozi n’ubunararibonye muri uyu murimo, kikagira ndetse n’ibyangombwa bisabwa abemerewe kwakira amakuru no kuyabungabunga, (data protection certificate).

Amwe mu makuru bazakusanya, harimo kumenya niba umunyamigabane ari nyir’ubwite.

Niba ari umuzungura, bazareba niba afite ibyangombwa bimwemerera kuzungura n’ibindi.

Kubera imyemerere ye, yumvaga adashobora kujya mu bijyanye n’ubwiza, bwaba ubw’imisatsi cyangwa kwirimbisha ku buryo bwose bufasha abagore.

Mu mutima we, yahagurutse agiye kwiga kudoda, ariko ahageze, ikizamini cyo kwinjira yagikoreye ahantu heza cyane, hari amashusho y’abagore beza, basutse neza, amafoto yerekana ubuhanga mu kurimbisha iminwa, ingohe n;ibindi, maze aravuga ati “mbega ubwiza! Aya ni yo mahitamo yanjye.”

Mu 2005, ni bwo yarangije kwiga umwuga wo kurimbisha imisatsi, maze yegera isoko rigari ryari hafi ye, muri Kaminuza y’u Rwanda, aho yasangaga abakobwa mu byumba byabo.

Agira ati “Gahoro gahoro nagiye menyerana n’abanyeshuri, maze muri Kaminuza mpagirira umugisha cyane, ariko bakanambwira ko ndamutse ngiye gukorera i Kigali natera imbere cyane, kuko babonaga mfite umwete.”

Aya magambo yamuteraga umwete wo kujya mu murwa, Clarisse yakomeje kuyumva, ndetse no kuyitaho, kugeza ubwo mu 2010 yiyemeje kuza i Kigali, maze akorera umuntu mu nzu itunganya imisatsi, ariko ahamara amezi abiri gusa.

Agira ati “mu buzima, nkunda kuyobora, kandi mbigiramo impano. Nyuma y’amezi abiri numvise ko ngomba gushinga salon yanjye, maze ntangirira ku nzu itunganya imisatsi nise Chez Clarisse.”

Aha, yatangiye kwaguka, atangira kubona abamugana benshi, atari abisukisha gusa, ahubwo n’abashaka kwiga, maze abona ko akeneye kwagura umushinga we.

Agira ati “uko bukeye n’uko bwije ni ko narushagaho kubona abansaba kubafasha biyongera, maze ngana ikigo cy’imari iciriritse, bampa amafaranga ibihumbi Magana cyenda (Rwf 900,000) y’igishoro, mfata umuryango umwe w’inzu, nyuma abahakoreraga bagenda bimuka mu yindi miryango, na yo ndayifata uko ari itandatu, umwe nkawishyura amafaranga ibihumbi ijana.”

Aha, niho yatangiye Clarisse Light Saloon ku Kimironko mu Karere ka Gasabo, aho avuga ko yakoresheje impano afite, maze akajya yigisha abantu igihe gito gishoboka, nuko uvuye mu ishuri rye akagenda agahamagara abandi.

Agira ati “Uyu murimo mba numva ngomba kuwushyiramo impuhwe za kibyeyi kuko hari abantu baza hano bameze nabi bakeneye ikibabeshaho. Abo rero kubatindira kwaba ari uguhemuka. Uwo nigishije ahita abifata ukwezi kumwe, agahita afata ikibanza hano agatangira agakora.”

Iyi mikorere imaze kumenyera, Uwitonze yagiye mu Kigo cy’igihugu gishinzwe iterambere, bamuha icyemezo cyo gutanga amahugurwa.

Ubu, afite abanyeshuri barenga mirongo itanu biga ibijyanye gusuka ndetse no kudefiriza, n’indi mirimo ijyanye n’ubwiza, akagira n’abarenga ijana barangije bahita bashaka ikibanza bishyura buri kwezi muri iyi nzu iherereye Kimironko, aho bakorera amafaranga ababeshaho.

Agira ati “Hano tugira ibyiciro bitatu: harimo abafundi, abo ni abantu baba bazi umwuga neza, baba bashobora gukorera Amafaranga ibihumbi mirongo itanu ku munsi. Hari n’Abafundi-aide, abo ni abo ku rwego rwa kabiri baba bashobora gutahana hagati ya Rwf 20-30. Urwego rwa gatatu ni aba aides, abakirangiza ishuri, baba bataragira abakiriya, bakimenyereza neza. Abo baba bashobora gutahana Rwf 4000-6000, cyangwa se 10000 frw ku munsi.”

Mu mezi abiri ashize, Uwitonze yaguye ishuri rye akodesha ikindi cyumba kinini mu nzu nshya yuzuye Kimironko.

Agira ati “Abanyeshuri biga mugitondo, hanyuma ikigoroba bakajya kwitoza ku isoko ry’umurimo twashyizeho, bigatuma bafata vuba. Ibi babyungukiramo, kuko buri wese ayo akoreye arayatahana, hanyuma akazishyura ubukode bw’aho akorera mu mpera z’ukwezi.”

Muri uyu mushinga, Uwitonze yagiye ahungukira byinshi, birimo inzu ifite agaciro ka Miliyoni 70 z’Amafaranga y’u Rwanda mu Mujyi wa Kigali, ndetse n’inshuti z’abo aba yafashije.

Agira ati “njya nshimishwa no kubona abantu mu bukwe banyambika ikamba rya kibyeyi. Binkoraho cyane.”

Mu byo agambirira kugeraho, ni ukubona izina ry’ubucuruzi bwe rigera mu Rwanda hose.

Padiri Athanase Seromba

Padiri Seromba yagiye inama n’abategetsi ba Komini Kivumu aho paruwasi gatorika ya Nyange yari yubatse bemeza kurimbura Abatutsi barenga 2000 bari bahahungiye. Iyi nama yabowe na padiri ubwe, yarimo burugumesitiri Grégoire Ndahimana, Umugenzacyaha wa Komini Kivumu Fulgence Kayishema, umwarimu witwa Télesphore Ndungutse, umucuruzi Gaspard Kanyarukiga n’abandi.

Bumvikanye ku mugambi wo kurimbura Abatutsi bari bahungiye mu Kiliziya, bavuga ko rwose bagomba Kubica ntibasige n’uwo kubara inkuru, kuko ngo Abatutsi Imana “yari yarabataye.”

Ku bwabo, bavugaga ko nta kwirirwa bigora ngo barabasohora mu Kiliziya, ahubwo bafashe umwanzuro ko bayibasenyeraho bakazubaka indi “igenewe abantu bazima, abahutu.”

Rwamasirabo Aloys, umwe mu barokoye i Nyange, akaba yari umucuruzi ukomeye w’inzoga muri iriya santere, yibuka ko inama irangiye, bamutumyeho, ngo azane imodoka ye ya Toyota Stout kuko bari bayikeneye, kandi nyamara na we yarahigwaga ngo yicwe, maze yibaza impamvu imodoka ye ari yo bashaka.

Icyo gihe, bamubwiye ko bayikeneye bitarenze saa kumi z’umugoroba. Ahageze, bamubwiye ko bashaka kuyijyana Kibirira, ndetse bamusaba ko ari we uyitwara, arabyanga abaha umushoferi we, ati “jyewe ndumva atari ngombwa.”

Icyo gihe imodoka yayitanganye n’umushoferi, ariko ajya kwihisha, kuko yari azi ko ibihe bigye kuba bibi, kuri we, abana be icumi n’Abatutsi b’i Nyange muri rusange.

Mu itangiriro rero, mu matariki ya 14 ngo Interahamwe zakomeje kuza gutera abari kuri paruwasi, ariko bagerageza kwitabara, ziza kunanirwa. Ya nama ishinzwe ibibi, ngo yaje kwiyungura ubugome burenzeho, maze bibuka ko hari caterpillar zari ziri gukora umuhanda.

Ni bwo bahamagaye umushoferi witwa Anastase Nkinamubanzi wakoreraga isosiyete yitwa Astaldi yari ishinzwe kubaka umuhanda uhuza Rubengera na Gisenyi, bamubwira kuzana Caterpillar (tingatinga) yatwaraga, akayikoresha mu kurimbura abatutsi abasenyeho Kiliziya, bamwizeza igihembo.

Icyo gihe ngo padiri abimubwira, umushoferi yagize ngo yumvise nabi, maze abaza Padiri Seromba ati “uravuze ngo dusenye Kiliziya? Dusenye Kiliziya? Amubaza inshuro eshatu, maze padiri aramusubiza ati “yisenye abahutu bazubaka indi mu minsi mirongo ine.”

Nyuma yo kumva Padiri yamaramaje, umushoferi yamubwiye ko imashini yari ikeneye mazutu, maze Padiri Seromba amubwira ko Mazutu we ubwe ayigura.

Paruwasi ya Nyange

Rwamasirabo agira ati “caterpilari yaraje maze isenya ihereye aho babika Ukarisitiya, nuko abatutsi barataka, babura gitabara.”

Aha, umukungugu, amabuye n’amatafari y’inkuta baherewemo ukarisitiya, bakabatizwa bagakomezwa cyangwa bakanashyingirwa, aho bari basanzwe baherwa penetensiya na padiri Seromba, byarabaridukiye.

Nyuma ngo baje gukomeza bigira hirya, bahirika n’umunara n’inzogera uwurimo. Aha, ngo bamaze kubona byose birangiye Abatutsi babatsembye, Padiri Seromba n’inshuti ze ngo bakomye amashyi, basubira mu cyumba cy’uruganiriro cya paruwasi ya Nyange banywa byeri babikorera umunsi mukuru.

Padiri Athanase Seromba, Grégoire Ndahimana na Gaspard Kanyarukiga bakatiwe n’Urukiko mpanabyaha mpuzamahanga rwashyiriweho u Rwanda rwakoreraga Arusha.

Padiri Seromba yahawe igihano cy’igifungo cya burundu. Kanyarukiga Gaspard yakatiwe igifungo cy’imyaka 30 naho Grégoire Ndahimana akatirwa imyaka 25. Fulgence Kayishema we ategerejwe koherezwa kuburanira mu Rwanda n’igihugu cya Afurika y’Epfo.

Mu rukiko Padiri Seromba na Ndahimana bari bakatiwe imyaka 15 y’igifungo bajurira ariko mu bushishozi bw’abacamanza b’ubujurire basanga igihano bari barahawe kidahuye n’ubukana bw’ubwicanyi bakoze, maze Padiri Seromba ahanishwa igifungo cya burundu naho Ndahimana bamwongereraho imyaka 10 ahabwa igifungo cy’imyaka 25.

Umushoferi wasenye Kiliziya na we yakatiwe n’Inkiko Gacaca, afungiye mu Rwanda.
Mu gihe Padiri Seromba yari mu rukiko amaze gusomerwa ibyaha bimuhamye n’igihano ahawe cyo gufungwa burundu yishongoye ku bacamanza ababwira ngo : "De toute façon, je suis prêtre et je le resterai." Ngo "Ibyo mwakora byose ndi padiri kandi nzabihorana".

Hagati aho, umuryango wa Rwamasirabo, wose warishwe, kugeza no ku kana kari katarageza ku myaka ibiri.

Nyuma ya Jenoside, Rwamasirabo yaje kongera kubona imodoka ye, ariko mu wa 2013 ayigurisha n’umuntu utuye mu Karere ka Rusizi.

Ubu nta modoka agira, kuko avuga ati “suko ntayishaka, ariko nta bushobozi bwo kuyigura mfite.”

Abapadiri berekereye, bahaye urugero(rubi) abakristu

Nyange, ni urugero rumwe muri nyinshi zerekana uruhare rw’Abapadiri mu gusenya Kiliziya, haba ku mutima w’ubutumwa bwayo bw’Amahoro yo mu Ivanjili ya Kristo, cyangwa se no mu buryo bugaragara, bwo gusenya, cyangwa gutwika Kiliziya, kugira ngo abatutsi barimo bashire.

Aha, Dr. Jean Damascene Bizimana wa Minisiteri y’Ubumwe bw’Abanyarwanda n’Inshingano Mboneragihugu, avuga ko hari Paruwasi zirenga 60 ziciwemo Abatutsi, ahenshi bigizwemo uruhare n’abihaye Imana, biganjemo Abapadiri.

Rwamasirabo avuga ko kuba yaraboneye akaga mu Kiliziya bitamubuza gusubira gusenga, kuko “Abapadiri bose ntibari babi.”

Seromba, urugero rumwe muri nyinshi

Mu gihe cya Jenoside, Abatutsi benshi bagiye bahungira kuri za Paruwasi, bumva ko ari ho bazakirira.

Padiri Wenceslas Munyeshyaka hagati y’abasirikare

N’abashakaga kubica, babwiraga ngo "mujye kuri paruwasi ni ho tuzaharindira."

Aha, ku munsi zabaga zagennye, Interahamwe zarazaga zikabica, ariko iyo zabaga zifite ubufatanye n’umwe mu bapadiri, bikaba bibi kurushaho.

Uretse muri Paruwasi ya Nyange, hirya no hino mu gihugu hagiye habera ubwicanyi bukomeye, bukabera mu Kiliziya, mu mbuga yayo, mu mazu y’Abapadiri, rimwe na rimwe bitegetswe, cyangwa biyobowe n’umwe mu Bapadiri washoboraga no guhera kuri bagenzi be b’Abatutsi.

Aho rero, Abakristu nabo bumvaga ko bashyigikiwe n’umusaserdoti, bikarushaho gutiza umurindi Jenoside.

Nk’i Kigali, Padiri Wenceslas Munyeshyaka wo kuri Paruwasi y’Umuryango Mutagatifu, azwi ho kuba yaritwazaga imbunda atari umusirikare.

Ikindi kandi, we ubwe yashyikirizaga interahamwe Abatutsi babaga bahungiye muri Sainte Famille, ndetse akaba yaranahamijwe ibyaha byo gufata ku ngufu abana b’abakobwa b’Abatutsikazi, bamwe akabahemba kubahungishiriza muri Hotel des Mille Collines yarindwaga n’Ingabo za MINUAR, ababyanze akabagabiza Interahamwe zikabica.

Padiri Robert Athanase Nyandwi

Minisitiri w’Ubumwe bw’Abanyarwanda n’Inshingano Mboneragihugu(Minubumwe) Jean Damascene Bizimana, avuga ko hari Paruwasi zirenze mirongo itandatu ziciweho Abatutsi, kandi "Hamwe na hamwe ari Abapadiri babigizemo uruhare."

Yatanze urugero rwa Padiri Robert Athanase Nyandwi, Umurundi wari muri Paruwasi ya Kaduha, akaba nawe ngo yarafataga ku ngufu abakobwa avanye aho babaga bihishe, ariko yarangiza akanabicisha.

Hagati aho, Tariki 14 Mata 1994, Abatutsi basaga ibihumbi mirongo itatu biciwe mu Kiliziya ya Paruwasi ya Kibeho n’ahayikikije, bigizwemo uruhare n’abayobozi batandukanye, barimo Superefe wa Munini Biniga Damien ndetse na Padiri Emmanuel Uwayezu, wari Umuyobozi w’Urwunge rw’amashuri Marie Merci rwa Kibeho.

Paruwasi ya Kibeho

Bivugwa ko Padiri Emmanuel Uwayezu ubu yaba ari i Burayi, aho akora umurimo wa Gisaserdoti.

Mu buhamya bwatanzwe ku bijanye na Jenoside yakorewe Abatutsi mu cyahoze ari Cyangugu, abarokotse Jenoside bagarutse ku witwa Padiri Mategeko, nawe wagize uruhare mu kuranga Abatutsi, kugira ngo interahamwe zibabone zibice.

Ku rubuga rwe rwa X, aho akurikirwa n’abantu miliyoni 1.2, Muhoozi yagize ati “Uyu munsi ndabivuze kandi ntibizigera bihinduka. Amasezerano yose ajyanye n’imihanda muri Uganda agomba kujya abanza kwemezwa nanjye guhera ubu! Abashidikanya ku mabwiriza yanjye bazasobanukirwa ukuri.”

Muhoozi, ni umusirikare ukunze kuvuga amagambo akomeye, yaba ku gihugu cye, ndetse no ku bihugu by’abaturanyi arata imbaraga ze bwite, iz’igisirikare ayobora cyangwa se n’iza se.

Akenshi, arabivuga ukumva ntibikoreka, hakaba n’ubwo ababishinzwe muri Leta ya Uganda basaba imbabazi, cyangwa se bakibutsa ko ibyo yavuze bitari mu nshingano ze.

Kuri ibi birebana no gukora akazi k’abo mu bikorwa remezo, Jenerali Muhoozi yakiriye ibisubizo bitandukanye bivuye ku bakoresha imbuga nkoranyambaga.

Bamwe bamubwiye ko bidashoboka kwibirwa ko wakora ibintu byose, ukabigenzura uri umwe, maze ahubwo bamugira inama bati "icyaba cyiza, wowe ubaka system, aho kumva ko waba Ushoborabyose."

Abandi na bo bamubwiye bati rwose turagushyigikiye, kura akavuyo na ruswa mu bikorwa remezo. Aha ndetse, bagiye bamuha ingero z’imihanda bashaka ko yaheraho agashyira ibintu mu buryo.

Icyakora hari n’uwamuciriye umugani ukomeye, ashaka kumwereka ko mu by’ukuri adakomeye, ahubwo ahabwa urubuga akibwira ko ari igihangange.

Yazanye ifoto yanditseho ngo "Iyo uhaye urubuga indogobe cyane bituma yibwira ko yahindutse intare."

Hari n’uwagize ati "Hanyuma se, ubwo akazi k’inteko n’abaminisitiri kazaba akande? Ndabona warasabitswe n’igitugu."

Icyakora, abashyigikiye Jenerali Muhoozi, bo bahereye kuri iri jambo, maze bagira bati "Abarya amafaranga y’imihanga batangiye kudagadwa."

Scammers who have been embezzling money in the road sector are crying now. Viva @mkainerugaba . pic.twitter.com/yoi4C7CZ2k

— Oyite Emmanuel. (@oyite6) April 11, 2026

Ubu busitani, buherereye neza mu mbago z’Urwibutso rwa Jenoside rwa Nyanza ya Kicukiro, aho Abatutsi ibihumbi biciwe, mu nzira yose bazamuka bava kuri ETO Kicukiro, aho abasirikare b’Ababiligi bari babatereranye, bakabasigira Interahamwe.

Hashize imyaka 32, ubutegetsi bubi bworetse Igihugu muri Jenoside yahitanye Abatutsi barenga miliyoni imwe, kuva muri Mata kugeza muri Nyakanga 1994.

Buri mwaka, u Rwanda rutangira icyumweru cyo kwibuka abazize Jenoside kuva ku ya 7 Mata kugeza ku ya 13 Mata, ariko ibikorwa byo kwibuka bikomeza kugeza ku ya 3 Nyakanga, umunsi ubanziriza umunsi wo Kwibohora, ubwo Ingabo za RPF Inkotanyi zahagarikaga ubutegetsi bwakoraga Jenoside.

Madamu Jeannette Kagame afungura ubu busitani, yagize ati: “Akenshi bavuga ko ubusitani ari ikimenyetso cy’ubuzima."

Yagize ati: “Nubwo ubu busitani dutangije uyu munsi bwibutsa amateka yacu aremereye, iyo urebye ubwiza bw’iki cyatsi, umutima uraruhuka.”

Yongeyeho ko bugaragaza “u Rwanda twubatse muri iyi myaka ishize nyuma ya Jenoside, rukomeza kuba rwiza kandi rutoshye n’igihe cy’izuba.”

Madamu yagejeje ijambo ku bitabiriye umuhango, barimo n’abandi banyacyubahiro, avuga ko ari ngombwa gushyiraho integanyanyigisho yigisha urubyiruko amateka y’igihugu yagejeje kuri Jenoside.

Ibigize iyi gahunda, asanga byashyirwamo n’ubuhamya bw’abarokotse Jenoside.

Yanagaragaje ko ari ngombwa gukomeza kurwanya abahakana Jenoside, kuko bitera urwango rushingiye ku moko.

Yagize ati: “Tuzarwanya icyahumanya igihugu cyacu n’ubutaka butunga ubu busitani.”

Madamu wa Perezida yongeye gushimangira ko u Rwanda rutazigera ruhagarika gushakisha amakuru ku bazize Jenoside yakorewe Abatutsi, ndetse no guha agaciro intwari (zaba zikiriho cyangwa zaratabarutse) zarwaniye uburenganzira bwa buri Munyarwanda bwo kubaho mu mahoro.

Yasobanuye kandi ibisobanuro by’ibice bigize ubu busitani, birimo Umunyinya, ikimenyetso cy’ubudahangarwa; ibishanga byabaye ubuhungiro ku benshi; n’amabuye ahagarariye abazize Jenoside, harimo n’abataramenyekana aho bari kubera ko abicanyi bahishe amakuru.

Muri iri jambo, Madamu wa Perezida yabwiye abarokotse Jenoside ati: “Mwifashishe ubu busitani mubonemo ihumure.” Yongeraho ati: “Mubukoreshe mwongera ubumenyi ku mateka yacu.”

Madamu Jeannette Kagame yasabye abitabiriye bose gufatanya n’Abanyarwanda bose bakabwira isi ijambo nyaryo rya “Ntibizongera kubaho ukundi.”

Aha, yari mu nama mpuzamahanga ku kurwanya Jenoside iri kubera i Kigali, aho yavuze ati "ibyo bahora bandika, bavuga, amategeko y’Umuryango w’Abibumbye bimaze iki, ko abantu bakomeza bakicwa?"

Yatanze urugero nko mu Gihugu cya Repubulika Iharanira Demokarasi ya Congo, aho Abanyekongo bavuga Ikinyarwanda bicwa buri munsi na Leta, kandi nyamara umuryango w’Abibumbye udahwema kuvuga ngo "ntibizongera", nyuma ya Jenoside yakorewe Abatutsi.

Yagize ati "Mbere y’izo system za ONU zirirwa zishyirwaho, nta kuntu twabanza tukarinda abariho, ko ubucamanza buhabwa abariho?"

Muri ibi biganiro, abatanze ibitekerezo bagiye bagaruka ku burangare bw’Umuryango w’Abibumbye utinda gufata icyemezo mu gihe hari abari kwicwa, bigatuma imbaga irimbuka.

Ibyo byabaye mu gihe cya Jenoside yakorewe Abatutsi, none byakomeje no muri Congo. Igitekerezo umwe mu bitabiriye yatanze ni ukuvuga ngo "ni ngombwa gutabara byihutirwa, kuko gufata icyemezo bishobora gutinda, ariko Jenoside yo ntitinda, ntihagarara, ahubwo abantu baba bakomeza gushira."

Yolande Mukagasana yashinze Yolande Mukagasana Foundation ifite intego yo kurwanya Jenoside no kwita ku barokotse.

Aha, yari mu nama mpuzamahanga ku kurwanya Jenoside iri kubera i Kigali, aho yavuze ati "ibyo bahora bandika, bavuga, amategeko y’Umuryango w’Abibumbye bimaze iki, ko abantu bakomeza bakicwa?"

Yatanze urugero nko mu Gihugu cya Repubulika Iharanira Demokarasi ya Congo, aho Abanyekongo bavuga Ikinyarwanda bicwa buri munsi na Leta, kandi nyamara umuryango w’Abibumbye udahwema kuvuga ngo "ntibizongera", nyuma ya Jenoside yakorewe Abatutsi.

Yagize ati "Mbere y’izo system za ONU zirirwa zishyirwaho, nta kuntu twabanza tukarinda abariho, ko ubucamanza buhabwa abariho?"

Muri ibi biganiro, abatanze ibitekerezo bagiye bagaruka ku burangare bw’Umuryango w’Abibumbye utinda gufata icyemezo mu gihe hari abari kwicwa, bigatuma imbaga irimbuka.

Ibyo byabaye mu gihe cya Jenoside yakorewe Abatutsi, none byakomeje no muri Congo. Igitekerezo umwe mu bitabiriye yatanze ni ukuvuga ngo "ni ngombwa gutabara byihutirwa, kuko gufata icyemezo bishobora gutinda, ariko Jenoside yo ntitinda, ntihagarara, ahubwo abantu baba bakomeza gushira."

Yolande Mukagasana yashinze Yolande Mukagasana Foundation ifite intego yo kurwanya Jenoside no kwita ku barokotse.

Nyakwigendera Prof. Rumiya Jean

Rumiya yarabitoye. Kugeza mu 1973 ubwo habaga ivangura ry’amoko mu mashuri, abatutsi bakameneshwa, bagatangira guhunga, Rumiya yigiriye inama ati “Jyewe ntabwo nahunga igihugu, kuko ndi mukuru mu muryango, ngomba kwereka barumuna banjye urugero.”

Yaragiye akomeza gufatanya n’ababyeyi be imirimo yo mu rugo, haza kugera igihe asubizwa mu ishuri, agera muri Kaminuza y’u Rwanda, araminuza, ndetse kubera umuhate we wo kwiga, aza kubona buruse imujyana mu Bufaransa kwiga Amateka, ku rwego rwa Doctorat, maze mu 1983, agaruka yiyemeje gukorera u Rwanda.

Rumiya ava i Burayi n’umuryango we, yahise yoherezwa kwigisha Amateka mu ishami rya Kaminuza nkuru y’u Rwanda i Nyakinama, Ruhengeri y’icyo gihe, maze agakurikira ubuzima bw’igihugu n’aho kigana nk’umunyabwenge.

Ni yo mpamvu mu Kwakiwa 1990, ubwo umutwe wa RPF Inkotanyi wateraga u Rwanda, yabaye mu bantu bari bafite ibitekerezo bigira biti “Bariya ni abanyarwanda, kandi beguye intwaro ngo batere igihugu kuko bagikunze, bashaka kukigiraho uburenganzira nkatwe twese.”

Umugore wa Rumiya, Veneranda Mukamudenge, ibyo abyibuka nk’aho byabaye ejo, aho agira ati “Icyo gihe, Kaminuza ya Nyakinama abantu barayikoresheje cyane. Abantu bacitsemo kabiri, haba abantu bandika nabi cyane, bavuga abo bantu bahunze bateye igihugu. Ariko uruhande rwe yarimo, bakandika bavuga bati: aba bantu uko byagenda kose bazagera aho bunge ubumwe n’abandi Banyarwanda batahe, kuko nta wundi muti, nabo ni abanyarwanda. Abo bari bakeya, ariko utwo twandiko baradusomaga, abandi nabo bakandika ibyabo, byo kuvuga ko abo bantu ari Inyangarwanda, bakabyohereza muri Minisiteri, bigasomwa kuri Radiyo.”

Madame wa Rumiya Jean uyu munsi aho atuye i Huye

Mu 1991, ibyo bitekerezo bihanganye muri Nyakinama byatumye haba umwuka mubi, maze Rumiya n’abo batekerezaga kimwe barameneshwa, bahungira i Kigali, maze we akomereza I Butare, kuko yari afite amasomo yigisha ku Kicaro gikuru cya Kaminuza.

Ntibikwiye ko MRND yaba nk’umutwe w’iterabwoba(Ku Klux Klan) – Ibaruwa Ikomeye Rumiya yandikiye Habyarimana

Umuyobozi w’ishyaka ryari ku butegetsi rya MRND, Perezida Juvenal Habyarimana, yakoraga ku buryo ashyiramo abantu bamwe bo kujijisha, ngo yerekane ko ishyaka ari iry’abantu bose.

Ni yo mpamvu ngo Rumiya na we yashyizwe muri Komite y’Ishyaka I Butare, asimbuye uwitwaga Pierre Claver Karenzi. Icyo gihe muri Butare, ishyaka ryayoborwaga n’uwitwaga Rugira Amandin.

Ubwo rero, ngo bahamazwaga mu nama y’ishyaka, bakiga amatwara yaryo, bakabwirwa ibjyanye no kwegera abaturage babakangurira iby’iterambere, ariko nyuma iyo nama yarangira, hakaba indi ya rutwitsi, igahezwamo bamwe.

Umugore wa Rumiya agira ati “Bakoraga inama, bakagera ku myanzuro myiza y’ibigomba gukorwa, ariko iyo yarangira, bamwe muri bo bagakomereza mu yindi nama, bagahura n’abandi bayoboke ba CDR, ishyaka rutwitsi, bagapanga imigambi y’uburyo bazamara abatutsi. Icyo gihe umugabo wanjye yamenyaga amakuru ko hari ababaca inyuma bagapanga ibintu bibi.”

Icyo gihe rero, hari n’ibindi bibazo byinshi byari mu ishyaka MRND, aho ibitekerezo bimwe byari bishyigikiye ko ikorana mu mpuzamashyaka irimo imitwe y’abahezanguni nka CDR, PARERWA na PECO. Iyi mitwe, yari ifite ivangura ry’amoko n’urwango rukomeye ku Batutsi.

Ku wa 14 Ugushyingo 1992, Rumiya wari muri Komite y’igihugu ya MRND ndetse n’iy’Intara ya Butare, Yari umuntu ukomeye mu ishyaka kuko yari muri komite yari ishinzwe kuvugurura inzego z’ishyaka, ariko abona ko umurongo bashaka guha ishyaka ushaka gutatirwa, yitandukanya na ryo.

Uko AI itekereza Rumiya ubwo yandikaga ibaruwa imubabaje

Mu ibaruwa yandikiye Perezida Habyarimana, hari aho yagize ati “Jyewe nizeye ko aya marushanwa amashyaka arimo, uzayatsinda ari uzemera guhuza neza Abanyarwanda(veritable ressembleur de tout les Rwandais), baba abo mu gihugu imbere, ndetse n’abo hanze, amoko yose, uturere twose tw’igihugu nta na kamwe kavuyemo.”

Yongeyeho avuga ko MRND idakwiye gukora nk’umutwe wavukiye muri Amerika w’ivangura n’iterabwoba wa Ku Klux Klan, maze amaze kwibutsa indangagaciro n’intego z’amahoro, ubumwe n’iterambere zitigeze zubahirizwa muri MRND agira ati “Mbabajwe no kubabwira ko ngomba kubasubiza ikarita y’umurwanashyaka nomero H01, nkanabamenyesha ko neguye muri komite y’igihugu n’iya perefegitura ya MRND.”

Iyi baruwa, Rumiya yayandikishije intoki, maze ayiha umugore we wakoraga mu Bunyamabanga bwa Kaminuza ajya kuyandika ku mashini, aho agira ati “Harimo amagambo akomeye, ariko nayanditse nishimye mvuga nti: utumva arorere.”

Uko AI itekereza madame wa RUmiya mu myaka 34 ishize ubwo yandikaga ibaruwa

Umuryango wa Habyarimana washatse kumuryoshyaryoshya ngo yisubireho

Ubwo Rumiya yandikaga asezera muri MRND, inkuru yarasakaye cyane, ivugwa no mu binyamakuru, maze inshuti ze ziba ari zo zimwegera bwa mbere ziti “ Wikuye amata mu kanwa ariko uranapfa . Reba aho uhungira”, ariko we arabangira agira ati “ntaho nzajya, hatazagira abo batoteza babanziza. Nibaza bazansange aha.”

Icyo gihe ariko, umuryango wa Perezida Habyarimana na wo wumvise ko utakaje umuntu ukomeye, maze wohereza murumuna wa Habyarimana, Jean Bararengana wari umuganga, maze aba ari we umuguyaguya.

Umugore wa Rumiya yibuka ko babwiye umugabo we bati “Ese wababajwe n’uko twakurekeye mu bwarimu kandi uri muri Komite y’Igihugu ya MRND? Ariko undi aramuhakanira, maze Bararengana ati: uwakugira Diregiteri w’Ingoro Ndangamurage, biriya ntiwabivuguruza?”

Ibi byose Rumiya yarabyanze, agira ati “jyewe ndi umwarimu kandi ibyo biranyuze.”

Kaminuza Nkuru y’u Rwanda, aho Jean Rumiya yigishaga

Aho kugira ngo asubire inyuma, Rumiya ahubwo yakomerejeho, akajya yereka n’abafatanyabikorwa b’u Rwanda ko bari gutera inkunga ikibi.
Muri ibyo bihe hari nk’ibaruwa yandikiye Ubuyapani, abushimira ku nkunga zinyuranye butera u Rwanda, harimo n’iy’amabisi ya ONATRACOM, ariko ababwira ko ayo mabisi asigaye atwara abajya muri za mitingi zirimo urugomo.

Rumiya yumvise amagambo ya Mugesera ku Kabaya ahinda umushyitsi

Imwe mu mabaruwa akomeye Rumiya yanditse, harimo iyari igenewe Dr. Leon Mugesera bakoranaga nk’umwarimu, ndetse no muri Komite yari ishinzwe kuvugurura MRND.

Akivuga iriya mbwirwaruhame yo muri Superefegitura ya Kabaya, Akarere ka Ngororero y’ubu, Mugesera yatumye igikuba gicika.

Umugore wa Rumiya yibuka ko yabonye umugabo we yabuze icyo afata n’icyo areka, amaguru aratitira, nuko azenguruka inzu yose yibaza ibyabaye kuri mugenzi we Mugesera, kugeza aho avuga amagambo rutwitsi.

Aha naho yashatse impapuro, afata ikaramu arandika maze ahereza umugore we ngo abijyane ku mashini, arandika.

Uko AI itekereza Rumiya ubwo yandikaga ibaruwa

Mu byo yanditse, harimo kubaza Mugesera ati “Intiti nkawe yize iby’ubuhanga mu ndimi, muri Kaminuza nziza yo muri Kanada, ni gute utinyuka gukinisha amagambo y’urwango, aryanisha Abanyarwanda?”

Yarongeye kandi aranamubwira ati “Si byiza kugerageza kuzana iturufu y’amoko igihe tugeze mu ikorosi runaka rya Polotiki, kuko ibyo bikurikirwa n’ingaruka mbi cyane.”

Aha, yamuhaye urugero kuri Perezida Glegoire Kayibanda, aho mu 1972-1973 yabonye ko atazashobora guhindura itegeko nshinga ngo abone manda ya kane, maze akazana iturufu y’amoko,

Aha rero niho yahise amwibutsa ati “Uz ibyakurikiyeho nyuma y’aho.” Uyu Kayibanda yishwe nyuma yo guhirikwa ku butegetsi na Juvenal Habyarimana.

Yarongeye kandi abwira Mugesera ati “Kuva namara kwegura muri MRND, niyemeje gufata umurongo wo kwifata, ariko byabaye ngombwa ko mvuga kugira ngo nkuburire ku kaga umuhanga nkawe ufite impano y’icuraburindi ashobora kuzanira igihugu cyose.”

Rumiya Interahamwe ziramwishe

Rumiya, yanditse amabaruwa menshi yanga ubutegetsi bubi, arwanya ivangura ry’uburyo bwose, maze mu gihe cya Jenoside nyir’izina, Interahamwe n’abasirikare bamushaka mu ba mbere baramwica.

Hari ku wa 4 Gicurasi 1994 ku manywa y’ihangu, ubwo Interahamwe zinjiraga mu rugo rwabo ku Itaba ya Butare, ari igitero kinini, hanyuma zigatangira gusaka.

Umugore wa Rumiya agira ati “Bamwe bari bafite imbunda, abandi imihini, abandi imihoro n’imyase. Bari abantu ntazi aho baturuka.”

Abo rero, ngo baraje bajagajaga inzu, babonamo ibintu by’akazi ka Rumiya, byaba uturadiyo dufata amajwi yifashishwa mu by’amateka, n’ibindi, maze babyitiranya n’ibikoresho ngo byo gukorana n’Inyenzi.

Abo, batwaye bimwe mu nzu, hanyuma baka amafaranga, ayo babonye yose barayatwara, maze basiga babakingiranye, nuko umuryango wose, ababyeyi n’abana batanu bigumira mu nzu, ariko barebeye mu idirishya, babona ko hasigaye umuntu ubacungira hafi.

Umuryango wa Rumiya. Abarokotse ni umugore we n’abana babiri bato-bambaye umweru n’umutuku

Bwarakeye baragaruka, maze babanza gusohora umugore, bamugejeje mu muryango, Rumiya arababaza ati “Ese ni we mubanza”?

Akivuga ibyo, ngo Interahamwe zahise zimutemera mu muryango ziramwica, umuryango ucura imiborogo.

Nyuma, umuryango waje kunyanyagira uraburana, ariko biza kurangira harokotse abana babiri bafite munsi y’imyaka icumi, hamwe na nyina, ubu baracyari ho.

Mu bihe byakurikiyeho, byabanje kugorana kwemeza abana ko bagomba gusubira mu ishuri, ariko nyuma baje kwishakamo imbaraga basubira mu ishuri, none ubu barakomeje, bariyubaka, bubaka ingo zabo.

Bishimira ko se yabahaye urugero rw’ubutwari, bwo guhagarara ku kuri.

Reba ibindi muri iyi Video:

Abandi nabo baba bafite aho bari burye ifi, bakareba umupira wa Champion’s League aho amakipe y’i Burayi yesurana, ubwo bikaba birabaye.

Kigali universe, ifata ibyo byose, ndetse n’ibindi byinshi bitabarika, ikabihuza, ku buryo package batanga ushaka kugira ngo uyifate neza, bigusaba gufata umwanya uhagije.

Wenda amasaha wayabara uramutse ugiye uri wenyine, cyangwa wowe n’umukunzi mwembi. Ariko haramutse hiyongereyeho abana, mushobora kugena amasaha muhagerera, ariko ayo muhamara byabagora kuyagena, kuko ibihari bibagenewe, bashobora kutabemerera kubivirira.

Kigali Universe, aho iri? Uri n’imodoka yawe, fata umuhanda ujya mu mujyi uce kuri rondpoint nkuru maze umanuke nk’ujya kuri Statistic, winjire muri Parking ngari y’inzu yitwa CHIC.

Numara guparika, wibuke gusa numero ziranga ikinyabiziga cyawe (plaque), kuko bari buzikubaze niwinjira muri Kigali Universe, kugira ngo baze kukwishyurira parking, umwanya wahamara wose.

Ubwo gahunda nyine ni ukwinjira muri assenseur yo hagati...kuri Banki ya Kigali, maze ukajya muri etaji ya gatatu, bakakwakira.

Mu minsi iri imbere, n’umuhanda wihariye wo mu kirere w’akataraboneka ugana yo uzafungurwa.

Iyo ukiva kuri recepion ya Kigali Universe, uhita usobanukirwa ko winjiye ahantu h’imikino n’imyidagaduro, ariko iherekejwe no gufata icyo kurya n’icyo kunywa cy’amahitamo yawe. Birahari by’uburyo bwose kugera no ku njugu, izi abana bakunda cyane, cyangwa se n’abakuru mu gihe bareba umupira n’ibindi.

Aha rero utangirira ku iduka ry’imyenda ya siporo, riteganye na tapis vert, ikibuga cya Minifoot, bigahita bikubwira ko uri ahantu ugomba kuba. Icya Basket na cyo kiri mu yindi nguni.

Uramutse ushaka gukina, ukaba wibagiwe imyenda yawe ya siporo, bahita baguha iyo ukoresha, ukishyura amafaranga yo kuyimesa gusa, hanyuma ukajya mu rwambariro ukaza ukigaragaza mu kibuga.

Muri Kigali Universe, ntabwo umuntu ava gukina ngo atahane ibyuya, uburyo bwo kwisukura bwarateganyijwe, kuko uba uri mu rugo rw’abasirimu.

Iyo urenze kuri iyo corridor, ukomereza aho abiyakira bataramira, bafata ibyo kurya ndetse no kunywa.

Buriya, muri Kigali universe, buri muntu wese ahaha uko yifite. N’iyo washaka inzoga zigura amagana, nazo baguha, cyane cyane muri VIP. Icyakora icyo kurya cya saa sita, buffet, cyo igiciro ni kimwe, kandi kiroroshye ku buryo hari abantu benshi bakorera mu mujyi bahafatira ifungura rya saa sita, ikaba ari yo resitora y’amahitamo yabo.

VIP ya Kigali Universe, ni urundi rwego. Aha, batubwiye ko hakunze gutaramira abasitari tuzi muri Kigali, bityo, nawe uba umusitari, ukahasanga bagenzi bawe.

Aha rero iyo bahari, baba bashobora no kwikinira billard, bakaganira bafata ibinyobwa bibanyura, cyangwa n’ikindi cyose bakenera.

Kigali Universe, yubahiriza amabwiriza y’ubuzima. Hana VIP, haba n’ahasanzwe, ntibyemewe kunywera itabi mu ruhame. Hashyizweho ahantu habugenewe.

Ihuriro ry’abana

Muri Kigali Universe, hari indi mikino myinshi isaba ubwenge, ndetse na gutekereza vuba. Iri mu moko anyuranye, yaba iy’abana, ndetse n’abakuru, ariko jyewe uwo nakunze cyane ni uwa basket, wo kunaga imipira mu gatebo nk’aka Basketball, ukagenda uzamuka mu manota.

Aha naho abahanga barigaragaza. Ushobora kuva ku mukino umwe ujya ku wundi, maze nakubwira iki, ukimara irungu.

Muri Kigali Universe kandi, muje muri benshi mu birori, nabwo mwakwitabwaho. Hari Salle nini yagenewe ibyo, muramutse mushaka nko kwakira uwanyu wari umaze iminsi hanze, mushaka gutungura uwo Imana yongereye umwaka wo kurama, mu bukwe, gutera ivi n’ibindi.

Aha ni naho haba televiziyo za rutura bareberaho imipira.

Inama nziza, ni ukujya muri Kigali Universe muri itsinda rinini, kuko nibwo mushobora kunywera macye kandi zikabaryohera. Kugabanya ibiciro birushaho koroha iyo muri benshi.

Umunyamakuru wa Jeune Afrique, yabajije Perezida Kagame ati "Mu kwezi kwa Kamena gushize, ntimwagaragaye mu gihe cy’ibyumweru bitatu, maze havuka ibihuha byinshi ku buzima bwanyu, ku buryo byabaye ngombwa ko guverinoma yanyu isohora itangazo risobanura uko bimeze. Ese mwumva impamvu yo gushyira ibintu mu mucyo?

Perezida Kagame yamushubije agira ati "Kuki ibyumweru bitatu byo kuruhuka ndi kumwe n’abuzukuru banjye byafatwa nk’igihe kirenze urugero? Nari no gufata ukwezi. Birashoboka ko abantu batari babimenyereye."

Yongeyeho ati "Ariko hari icyo nababwira: mufate urugero rw’abantu ijana bafite imyaka ingana n’iyanjye, mu Bufaransa, muri Leta Zunze Ubumwe za Amerika, mu Bwongereza cyangwa ahandi, munashyiremo nanjye muri abo, hanyuma mugereranye uko ubuzima bwa buri wese buhagaze, muzabona ko ndi mu icumi ba mbere. Ibyo byakabaye bitanga ituze. Sinzi uko bizaba ejo, mu myaka itanu cyangwa icumi iri imbere. Ariko ubu, yego, meze neza."

Perezida Kagame agira igihe cyo kubana n’umuryango, kandi bagasabana. Akenshi, avuga inkuru zumvikanisha ko nyuma yo kuba umuyobozi mwiza, ari n’umubyeyi mwiza mu rugo rwe.

Umunsi umwe, yavuze ukuntu yajyaga ajyana abana ku ishuri, akabona nk’agacupa ka plastic ku muhanda, maze kuko atihanganira umwanda, ahahagarara akakavanaho.

Aha rero, avuga ku bana be, yongeragaho ko abana be yabitwariraga ku ishuri, aho kubaha umushoferi. Aha yagiraga ati "Abana banjye ni abanjye, si ab’umushoferi wanjye."

Ikindi gihe nabwo, yavuze agakuru k’umwuzukuru we wamusanze ku kazi aje kumuramutsa, maze amwereka ahantu hari inzuki zihova mu ndabo zo muri Village Urugwiro.

Hashize iminsi, Perezida Kagame yagiye nawe gusura umwuzukuru iwabo, maze abantu bari kumwe nawe babaza umwana bati "none se grandpa uzi icyo akora, akazi ke urakazi?"

Umwana na we ntiyazuyaza, yibuka ka gakuru k’inzuki ati "Grandpa ashinzwe kureberera inzuki."

Mu kiganiro cyihariye yahaye Jeune Afrique, Perezida Kagame yabwiye Kinshasa, Washington n’umuryango mpuzamahanga ko bagomba gukora inshingano zabo.

Umunyamakuru Francois Soudan yandika iyi nkuru, yabanje kwibutsa umunsi wa nyuma w’aya masezerano uko wagenze.

Hari Tariki ya 4 Ukuboza 2025, mu cyumba cy’Ibiro bya Perezida wa Amerika i Washington. Monica Crowley, umuyobozi w’ishami ry’umutekano, yakiriye ba Perezida b’u Rwanda na Repubulika Iharanira Demokarasi ya Kongo (RDC) bategereje kwinjizwa mu biro bya Ovale, gusinya « amasezerano y’amahoro n’ubufatanye mu karere ». Hari intebe imwe aho aba bategetsi bagombaga kwicara no kuganirira, n’intebe zigera kuri esheshatu ku bagize intumwa zabo.

Félix Tshisekedi yaje mbere aricara, Paul Kagame yinjiye mu cyumba maze aramuramutsa, ariko Tshisekedi amusubiza atiriwe anamureba.

Abonye Perezida Kagame nta ntebe afite, Minisitiri w’Ububanyi n’Amahanga w’u Rwanda, Olivier Nduhungirehe yaramwimukiye, ariko Perezida Kagame arabyanga arakomeza arihagararira.

Francois Soudan avuga ko nyuma y’amezi ane y’isinywa ry’ayo masezerano, ubukonje bukabije hagati y’aba bayobozi ntibwahindutse, habe na gato.

Nk’uko ibintu bihagaze mu burasirazuba bwa RDC, aho intambara ikomeje hagati y’ingabo za Kongo na AFC/M23, ku rugamba rw’abarashisha intwaro barwanira ku butaka, ubu ngo hiyongereyeho urugamba rw’indege zidafite abapilote (drones), kandi kuva Leta Zunze Ubumwe za Amerika zihana ingabo z’u Rwanda ku itariki ya 2 Werurwe, u Rwanda rwakomeje kuvuga ko uruhande rwa Donald Trump rushobora kuba ruyobowe n’inyungu z’ubucuruzi.

Dore ikiganiro Jeune Afrique yagiranye na Perezida Kagame muri Village Urugwiro mu kwezi gushize:

Jeune Afrique: Kuva mu minsi ishize, u Rwanda ruri ku ihurizo ry’ibihano, igitutu n’ibitekerezo bikaze ku bijyanye na politiki yarwo mu karere. Ntimutekereza ko baba bashaka kubashyira mu kato ka Dipolomasi mpuzamahanga?

Paul Kagame: Mbere yo gusubiza ikibazo cyawe no gukosora uko ubibona, ndashaka kongera kuvuga ibyo nsigira abifuza kubyumva: amakimbirane mu burasirazuba bwa RDC si ikibazo cy’u Rwanda.

Mu buryo bumwe cyangwa ubundi, u Rwanda rurebwa n’iki kibazo, cyane cyane ku kibazo kitarakemuka cy’abicanyi ba FDLR [Forces démocratiques de libération du Rwanda]. Ni ikibazo buri wese azi, kimaze imyaka mirongo itatu, ariko nta muntu wigeze gushaka igisubizo nyacyo. Kunanirwa kw’Ingabo z’Umuryango w’Abibumbye zoherejwe muri Congo - MONUSCO, ari na yo misiyo nini cyane yabayeho ku isi, ikaba yarananiwe kuvanaho FDLR, ni ikintu kigaragara.

FDLR ni ikibazo ku Rwanda kuko ikorera mu gihugu cy’umuturanyi, RDC, bafashijwe n’ubutegetsi bw’icyo gihugu. Ntibateye ikibazo ku Rwanda gusa, ahubwo no ku baturanyi bacyo. Twe turirinda gusa, kandi ibihano uvuga twafatiwe ni nko guhanagura ibyaha byabaye ku bahohotewe ahubwo ugashyigikira ababikoze. Gushyira ibihano byose ku Rwanda biroroshye kurusha gushaka igisubizo nyacyo kuri iki kibazo.

Jeune Afrique: Ku itariki ya 2 Werurwe, ubuyobozi bwa Trump bwafatiye ibihano ingabo z’u Rwanda n’abasirikare bane babo kubera inkunga baha M23, kandi busaba ko ingabo zanyu zose zikurwa mu burasirazuba bwa RDC. Ese mufite gahunda yo kubikurikiza?

Paul Kagame: Mbere na mbere, banza wumve uwo tuvugaho. M23 si umutwe w’u Rwanda, ahubwo ni umutwe w’Abanyekongo waje kwitwa AFC/M23, ukaba unabarizwamo uwahoze ari Perezida Joseph Kabila. Iki kibazo ni icya politiki y’Abanyekongo, kigomba kubona igisubizo cya politiki y’Abanyekongo.

Ngarutse ku kibazo cyawe, ntushobora kwitega ko uruhande rumwe, u Rwanda, ruzuzuza inshingano zose ziri mu masezerano ya Washington yo ku itariki ya 4 Ukuboza, mugihe undi, RDC, atari bwuzuze cyangwa akora bike cyane. Igihugu cya Amerika, cyatwunze, kigomba gukurikirana ko Congo n’u Rwanda byombi bigenda mu cyerekezo cyiza. Ntigomba kugaragaza ko ishyira igitutu ku ruhande rumwe, mu gihe ifata undi mu buryo bworoshye, ku mpamvu ntashaka gutanga ibisobanuro.

Jeune Afrique: Gufata Uvira ku itariki ya 10 Ukuboza, iminsi itandatu nyuma y’amasezerano ya Washington, haba ari ho haturutse igitutu cya Amerika, ubutegetsi bwa Trump bugahera aho bubafatira ibihano? Ubyumva gute?

Paul Kagame: Oya. Ni ibindi. Bashakaga kwemeza abantu ko hari isano hagati yo gufatwa kwa Uvira n’amasezerano ya Washington, kandi ko gufatwa kwa Uvira kwari uburyo bwo kwanga ayo masezerano. Ibyo si ukuri na gato. Intambara zabaye igihe kirekire mbere y’amasezerano ya Washington. Igihugu cya Amerika cyari kimenyereye uko ibintu byifashe buri munsi. Amasezerano ya Washington asinywa, cyangwa n’iyo adasinywa, gufatwa kwa Uvira byari ngombwa. Abari bafite aho bahuriye n’amasezerano ya Washington bari babizi.

Jeune Afrique: Ku itariki ya 22 Mutarama, ambasaderi wanyu muri Washington yavuze ko u Rwanda rufite « ubufatanye mu mutekano na AFC/M23 », abantu benshi babyumvise nk’aho ingabo z’u Rwanda ziri ku butaka bw’Uburasirazuba bwa RDC. Murabyemera?

Paul Kagame: Yego, birumvikana. Ingamba z’ubwirinzi ni ukuvuga kurinda igihugu cyacu n’imipaka yacu ku bidutera akaga, harimo gukoresha ibikoresho bya gisirikare, kohereza ingabo ku butaka cyangwa ibindi. Nta gihabanye. Niba zirinze umupaka wacu kandi bisaba guhangana n’ikibazo kuri kilometero 5, 10 cyangwa 20 inyuma, ni ingamba z’ubwirinzi. Kandi reka duhagarike kureba ku ruhande rumwe. Kuki tuvuga gusa ku Rwanda, mu gihe dufite indi guverinoma ikorana na FDLR kandi nta cyo isabwa? Ntimutegereze ko nzakuraho ingamba zacu mugihe mutagira icyo mukora ngo mukumire ibyo bidutera akaga.

Jeune Afrique: Ese habaho kumvikana niba buri ruhande, RDC n’u Rwanda, rukora ibirureba?

Paul Kagame: Ubwo bwumvikane buri mu masezerano ya Washington no mu yandi menshi mbere, RDC ntiyigeze iyubahiriza!

Jeune Afrique: Mukomeza kuvuga ko ingabo za RDC zikorana na FDLR. Mubizi gute kandi muravuga ngo FDLR bafite abantu bangahe?

Paul Kagame: Ubufatanye burakomeje. Ku bijyanye n’umubare, si cyo kintu cy’ingenzi. Baba ari magana cyangwa ibihumbi, icyo bategura n’icyo baharanira, icyerekezo cyabo n’ubufasha bahawe na Guverinoma ya RDC ni cyo kibazo gikomeye. Urebye gusa ku mubare, waba wirengagije icy’ingenzi. Nta tandukaniro ry’umubare hagati ya FDLR n’ADF [Allied Democratic Forces], abakomoka ku itsinda rya Leta ya Kiisilamu intambara yo muri Uganda irimo imyaka myinshi ku butaka bwa RDC, ku bwumvikane na Tshisekedi.

Paul Kagame: Mu gihe guverinoma ya Kongo yagaragaje ubushake bwo guhagarika ibikorwa bya FDLR, ibisubizo bigeze he?

Mu turere M23 ifite, ikora neza mu guhangana n’aba bagizi ba nabi, ariko mu turere twa Masisi, Walikale n’ahandi FARDC zikora, FDLR ziracyariho mu bufatanye na guverinoma. Ibyo bishimishije si amagambo, ahubwo ni ukuri kw’ibigaragara.

Jeune Afrique:Urugendo rwa vuba rwa Jean-Luc Habyarimana i Kinshasa, umwe mu bana b’umuhungu wa Perezida Juvénal Habyarimana kandi ukunze kunenga ubutegetsi bwanyu, rwateje ikibazo muri guverinoma yanyu. Ariko, ni umuntu uri wenyine ugereranyije. Kuki habayeho icyo kibazo?

Paul Kagame: Niba umwana wa Habyarimana atangira kubona inkunga ya Tshisekedi, ubutunzi bw’Igihugu cya Kongo n’amasoko yayo, twavuga dute ko ari wenyine? Tshisekedi aragerageza kumukoresha mu gukurura abantu ku ruhande rwa FDLR no kubaka inkunga ye mu Bufaransa n’ahandi.

Jeune Afrique: Kuva M23 yafata Goma muri Mutarama 2025, kenshi bavuze ko yica uburenganzira bwa muntu kandi igashyira abantu mu gisirikare ku ngufu. Mubona ko uyu mutwe ushoboye neza gucunga uturere ugenzura kurusha guverinoma ya Kongo?

Paul Kagame: Nakwemera icyo kirego uramutse umbwiye ko i Goma hari amahoro kurusha mbere y’uko M23 ihajya. Ubu ibintu bimeze neza kuruta mbere. Buri wese ashobora kugereranya: Goma na Bukavu bimeze neza.

Jeune Afrique: Ese umupaka wanyu ubu urizewe kurusha mbere kubera AFC/M23?

Paul Kagame: Yego, nta gushidikanya. Ku byerekeye umutekano, ni ukuri. Umupaka wose hamwe na RDC urizewe.

Jeune Afrique: Intambara mu burasirazuba yari isaznwe ari intambara y’abarwanira ku butaka. Ubu ikoreshwamo indege zidafite abapilote (drones). Ibi birababaje?

Paul Kagame: Igihangayikishije cyane mbere ya byose, ni uko amakimbirane akomeje. Kandi icyo nkeka ko gikwiye kuturaza ishinga twese, ni ukumenya uko twarangiza ayo makimbirane. Naho bitabaye ibyo, izindi ntwaro, zishobora no kurushaho kuba mbi kurusha drones, zishobora kugaragara.

Jeune Afrique: Mu gihe amahoro yagaruka, ni nde ukwiye gucunga M23?

Paul Kagame: Sinzi, kandi sinabyitaho cyane. Siyo nshingano yanjye. Icyo nshaka ni uko uwacunga aka karere, uwo ari we wese, ataba ikibazo kuri twe kandi tugashobora kubana mu mahoro. Nta kindi.

Kuri ubu, akarere gagenzurwa na M23 ntikakigira ibibazo. Ukuri ni uko ibintu biri Goma na Bukavu byifashe neza kurusha mbere. Birumvikana, ibyo ntibivuze ko ibintu byarangiye. Haracyari byinshi byo gukora, haba mu Burasirazuba no muri Kongo yose, kugira ngo buri ruhande ntirubere abandi ikibazo, by’umwihariko ku Rwanda. Niyo mpamvu tutazatezuka mu bijyanye n’umutekano w’umupaka wacu. Ku buryo bwose bushoboka.

Jeune Afrique: Kuba Joseph Kabila ari i Goma bivuze ko wamuhaye uburenganzira kandi ko umushyigikiye?

Paul Kagame: Buri wese ushaka kugira uruhare mu rugamba rwo kugira Kongo ihamye akwiye kwakirwa. Kabila yahisemo ibyo akora. Uzi ibibazo bye. Leta ya Kongo yaramukurikiranye, yahanishijwe igihano cy’urupfu, igice cy’imitungo ye kirafatwa, kandi arashaka guhangana n’ibyo bibazo ari mu gihugu cye bwite. Simbona impamvu yo kumubuza inzira. Byaba bidafite ishingiro.

Jeaune Afrique: Uburyo u Rwanda rwubaka iterambere bushingiye mu buryo bumwe ku isura nziza y’ubuyobozi bwarwo mu by’ubukungu. Ese ibihano by’Amerika n’iby’Uburayi ntibishobora kuyisenya?

Paul Kagame: Isura nziza ntabwo ishingira ku bitekerezo bifite ubusumbane, ahubwo ishingira ku kuri. Nakora iki ngo nkomeze kuba mfite isura nziza? Ese nakwicara ngo ntakora icyo nshoboye imbere y’ibyo bishobora guteza akaga ku nkingi z’iyo sura nziza? Ese nakwihitiramo gukomeza kuba mfite isura nziza ntirwanirira? Oya. Guhitamo biragoye, ariko birasobanutse.

Izina ryiza ntirishingira ku bitekerezo bibogamye, ahubwo rishingira ku kuri. Nakora iki kugira ngo nzagume mfite izina ryiza? Nakomeza nkicara ntagira icyo nkora imbere y’ibyabangamira imizi y’iryo zina? Muri icyo gihe, mwibaze, ese nazagumana izina ryiza? Ese nakwihitiramo kurengera izina ryacu kugira ngo ntahabwa ibihano? Oya. Umwanzuro ntiworoshye gufata, ariko uragaragara neza

Jeune Afrique: Ese ntimutekereza ko ibi bihano bishobora kwiyongera, nk’uko Leta ya Kongo ibisaba, bikagera ku bigo bya Leta y’u Rwanda, nka Crystal Ventures, cyangwa ku ishyaka riri ku butegetsi?

Simbizi. RDC niyo itera ibibazo byose tuvuga, ariko abo bafata ibyemezo byo gushyiraho ibyo bihano babikora bagendeye ku byo bashaka n’inyungu zabo bwite. Gushyiraho ibihano ntibivuze ko zifite ishingiro. Bakwimika ibyo bihano kuko utajyanye n’inyungu z’ababishyiraho. Ikintu kimwe ni cyo kizwi neza: ntimuzantegerezeho gusaba imbabazi cyangwa kwemera ibihano bidafite ishingiro.

Jeune Afrique: U Rwanda rwakwihanganira guhagarikwa kw’amafaranga y’ubufasha mpuzamahanga?

Paul Kagame: Twahuye n’imbogamizi nyinshi cyane! U Rwanda rwari igihugu cyapfuye, igihugu kitariho. Ariko noneho kirahari. Twabashije kurokoka ibitari gushoboka ku kindi gihugu icyo ari cyo cyose."

Jeune Afrique: Ubuhuza bw’Abanyafurika bukurikirana imyaka myinshi ariko ntibwabashije gukemura amakimbirane yo mu burasirazuba bwa Kongo. Ni iki gituma uyu mugabane utabasha guhangana n’iki kibazo?

Paul Kagame: Sinzi. Hari ibintu ijana Afurika ihanganye nabyo kandi itabasha kubikemura, harimo n’iki. Ibibazo byinshi duhura nabyo tubyitera ubwacu, kandi n’iyo dushoboye kubirangiza, ntitubimenya. Cyangwa se, dukora ibyo tudakwiye gukora.

Jeune Afrique: Ese intego yanyu ni ukugira u Rwanda icyicaro nyamukuru mu gutunganya amabuye y’agaciro yo mu burasirazuba bwa RDC, nk’uko akenshi tubyumva mu byo muregwa?

Paul Kagame: U Rwanda rumaze kuba icyicaro nyamukuru ku bintu bitandukanye, by’umwihariko mu by’imari. None se kuba ushaka kuba icyicaro nyamukuru mu karere mu by’amabuye y’agaciro byaba ikibazo ki? Ese ibyo biba ikirego gute? Batubwira bati: “Muri muri RDC kubera ko mushaka amabuye yabo y’agaciro.” Ariko ku rundi ruhande, twe ubwacu dufite amabuye y’agaciro mu Rwanda. Kandi ku rundi ruhande, yego, twakira amabuye y’agaciro aturuka hanze y’igihugu twishimye. Hari amabuye aturuka mu Congo akanyura mu Rwanda mbere yo kujya i Dubai, mu Bufaransa, mu Bubiligi, muri Hong Kong cyangwa ahandi. None se kuki bigarukira ku Rwanda gusa?

Turagira uruhare rwuzuye mu gikorwa cyo kumenya inkomoko y’ayo mabuye. Dushobora gusobanura ibijyanye n’ibinyura hano cyangwa bisigara hano byose. Dushobora kugaragaza inyandiko zibihamya. Ariko bisa n’aho abantu bahitamo gukomeza gukwirakwiza ibyo birego by’ibinyoma.

Jeune Afrique: Ingabo z’u Rwanda muri Cabo Delgado zizagira ikibazo niba ubufasha bwa EU buhagaze?

Paul Kagame: Twagiye gufasha Mozambique imyaka hafi itanu ishize, ibintu byaguye bigenda neza. Ariko ntibikwiye ko twishyura ku bw’akazi twakoze. Niba nta wundi ufata ikiguzi, twiteguye kugaruka igihe cyose.

Jeune Afrique: Ingabo zanyu ziri kandi mu bikorwa by’Umuryango w’Abibumbye muri Centrafrique no muri Sudani y’Epfo. Ese muhangana n’ibibazo bisa n’ibyo mu Mozambique?

Paul Kagame: Oya. Ariko na ho, nidusanga kuhaba kwacu bidakenewe, yaba ku gihugu dukorera cyangwa ku Muryango w’Abibumbye, tuzavayo. Ni ibyo nta kindi.

Jeune Afrique: Mu Ugushyingo gutaha hazaba amatora yo guhitamo Umunyamabanga Mukuru wa Francophonie (OIF). Mufite umukandida wanyu, Louise Mushikiwabo, naho Félix Tshisekedi afite Juliana Lumumba. Ese ntimutinya ko aya matora ashobora kwangizwa n’amakimbirane hagati y’ibihugu byanyu byombi?

Paul Kagame: Ndakeka ko bishoboka, yego. Ariko umuntu uzatorwa, nta yandi mahitamo. Nabonye ko Tshisekedi ashyigikiye umukandida we, kandi ni uburenganzira bwe. Ashobora no gutanga abakandida babiri niba abishaka. Ibyo ntacyo bindebaho na gato.

Jeune Afrique: Murabona bishoboka ko mwakumvikana na Tshisekedi?

Paul Kagame: Yego cyangwa oya. Nta kibazo na kimwe mfite cyo gutegereza ko bizaba, cyangwa ngo nemeze ko bitazigera bibaho. Ndumva nzi neza uko ibintu bihagaze ubu.

Jeune Afrique: Tugeze mu bihe isi iri kurushaho kuba nk’inyeshyamba, nta mategeko akurikizwa, aho ibitekerezo by’umuryango mpuzamahanga n’amategeko mpuzamahanga bikomeza gusuzugurwa, bikabererekera inyungu z’abakomeye na ba mpatsibihugu. Afurika ishobora ite guhangana n’aka kaduruvayo gashya k’isi?

Paul Kagame: Ni ikibazo. Uyu munsi Afurika ihanganye n’imbogamizi zisa n’izari ho mu gice cy’ikinyejana gishize, kandi nyamara zagombaga kuba zaririnzwe kuva kera. Kwishyira hamwe, gukorera hamwe, gushora mu bushobozi bwayo bwite, guteza imbere umutungo w’abantu bayo, no kutongera kwishingikiriza ku bandi. Mu gukurikiza amasomo yo mu Burengeraziuba bw’isi, yadutegetse uko tugomba kwitwara, twubatse ku musenyi kuko tubona neza ko ibyo bihugu bikora ibinyuranye n’ibyo bidutegeka. Baduhamiriza demokarasi n’uburenganzira bwa muntu, ariko bo bakayica mu izina ry’indangagaciro rusange bavuga ko zihari, kandi ubukene bateje abandi bukagarukira kuri bo ubwabo. Ku rundi ruhande, kuba tudashobora kwigira ku makosa yacu, tugakomeza kwitega byose ku bandi ni iyobera ntazi uko nasobanura.

Jeune Afrique: Mu kwezi kwa Kamena gushize, ntimwagaragaye mu gihe cy’ibyumweru bitatu, maze havuka ibihuha byinshi ku buzima bwanyu, ku buryo byabaye ngombwa ko guverinoma yanyu isohora itangazo risobanura uko bimeze. Ese mwumva impamvu yo gushyira ibintu mu mucyo?

Paul Kagame: Kuki ibyumweru bitatu byo kuruhuka ndi kumwe n’abuzukuru banjye byafatwa nk’igihe kirenze urugero? Nari no gufata ukwezi. Birashoboka ko abantu batari babimenyereye. Ariko hari icyo nababwira: mufate urugero rw’abantu ijana bafite imyaka ingana n’iyanjye, mu Bufaransa, muri Leta Zunze Ubumwe za Amerika, mu Bwongereza cyangwa ahandi, munashyiremo nanjye muri abo, hanyuma mugereranye uko ubuzima bwa buri wese buhagaze, muzabona ko ndi mu icumi ba mbere. Ibyo byakabaye bitanga ituze. Sinzi uko bizaba ejo, mu myaka itanu cyangwa icumi iri imbere. Ariko ubu, yego, meze neza.

Mu magambo ye, Umuvugizi wa Leta ya Congo Patrick Muyaya, yagaragaje indimi ebybiri, aho yabwiye Radiyo Okapi ko "FDLR ihari, kandi ko nta yihari."

Yagize ati "Turabizi ko ibivugwa by’umutwe wa FDLR ari urwitwazo, tukaba twarahisemo kuruvanaho(qu’on a choisi de vider) nk’uko twakuyeho urwitwazo rw’impunzi(comme on a choisi de vider le contexte des refugies)".

Gufata FDRL, kuzambura imbunda ndetse no kohereza abagize uyu mutwe w’iterabwoba urimo abahekuye u Rwanda muri Jenoside yakorewe Abatutsi, biri mu rwego rwo gushyira mu bikorwa amasezerano yasinyiwe i Washington mu mwaka ushize, hagati ya Leta y’u Rwanda na Congo.

Ayo masezerano akubiyemo ingingo z’ubufatanmye mu iterambere ry’ubukungu hagati y’ibihugu byombi wongeyeho na Amerika, ndetse n’ingingo z’umutekano, arimo ingingo ebyiri zikomeye.

Muri izo, harimo isaba Leta y’u Rwanda gukuraho ingamba z’ubwirinzi, ariko ibyo bikaba gusa ari uko Leta ya Congo Kinshasa imaze kuvanaho umutwe wa FDLR.

Uretse kuba urimo abakoze Jenoside, uyu mutwe uri ku rutonde rwa Amerika rw’imitwe y’iterabwoba, muri iyi myaka mirongo itatu, wakomeje kugaragaza umugambi wo guhungabanya umutekano w’u Rwanda.

Aha ndetse, waje kubibonamo abaterankunga, kuko Leta ya Kinshasa yafashe FDLR ikazigira umufatanyabikorwa, ikinjira mu gisirikare cyayo cya FARDC.

Perezida Felix Tshisekedi wa Congo, we yavuze ko ashaka guhirirka ubutegetsi bw’u Rwanda. FDLR, ari mu b’imbere atezeho ubufatanyabikorwa muri uwo mugambi. U Rwanda rwafashe aya magambo ya Tshisekedi nk’ikintu gikomeye, rukaba rwerekana ko rugomba kwicungira umutekano warwo, no gushyiraho ingamba z’ubwirinzi nta kujenjeka, mu gihe FDLR na Tshisekedi bakiri muri uwo mugambi.

Naho kuri gahunda yo gufata FDLR, abakurikira amakuru y’aka karere baragira bati "Congo iravuga ko ishaka guhiga FDLR, kandi iri kumwe na yo? Bigaragara ko iyi gahunda nta musaruro izatanga."

Ikirere, ni aha hejuru yacu hanyura indege n’inyoni. Indege zitambukira zijyana abajya gutembera, kwiga cyangwa guhaha. Inyoni na zo ziduca hejuru uko zishakiye ziririmba, n’ubwo zo ziba ziri ku butumburuke bugufi.

Aha rero, nta watekereza ko hari uwabuza ikintu icyo ari cyo cyose kunyura mu kirere; uwavuga ko yabaza inzugi agateraho amapata, akagura ingufuri ubundi agafunga ikirere imfunguzo akazitwara, yaba atekereje iby’ubupfapfa.

Birasanzwe ko umuntu yafunga igipangu cy’inzu, agafungira inyuma, cyangwa agafunga bimwe mu byumba by’inzu, ariko gufunga ikirere byo bigenda bite?

Maniriho Emmy Arsonval, impuguke mu bwikorezi bwo mu kirere, asobanura ko kugira ngo indege ifate ikirere itangire urugendo ruva mu mujyi umwe w’igihugu runaka rujya mu wundi w’ikindi gihugu, bisaba ikipe y’abagenzura ingendo zo mu kirere, ari na yo iyobora abatwaye indege, akazi bakora ni ko bita mu Cyongereza Air Traffic Control.

Iyo indege yambutse ikirere cy’Igihugu yaturutsemo, ikajya mu kirere cy’ikindi gihugu, isezera kuri ba bayobozi b’indege b’aho iturutse, ikakirwa n’abayobozi b’igihugu gishya igezemo.

Mu yandi magambo, abayobora indege bagenda bakirana, uko uvuye mu gihugu ujya mu kindi.

Gupanga urugendo rw’indege(Flight plan)

Mbere yo gutangira urugendo rw’indege, ikigo gishinzwe indege za gisivile, ndetse na Kompanyi y’indege iri bufate ikirere, bategura urugendo, aho berekana ibiri bukenerwe byose.

Iyi gahunda kandi, bayisangira n’abayobozi b’indege bose bo mu bihugu indege iri bunyuremo, kugira ngo na bo bitegure kuyiyobora.

Muri iyi myiteguro, bimwe mu byo bareba ni amavuta y’indege akenewe, ingano y’urugendo, ibiro by’imitwaro indege iza kuba yikoreye(Cargo), abantu iri butware, uko ikirere cyifashe, n’ibihugu indege iri bucemo.

Aha kandi, abatwaye indege, ari bo dukunze kwita Abapilote, bahabwa icyo bita NOTAM, cyangwa Notification of Airman, ubutumwa bubabwira uko inzira zihagaze, uko ikirere cyifashe mu ncamake, aya makuru akaba abafasha mu kumenya uko bitwara mu rugendo.

Gufunga ikirere: Si ugupfa guhaguruka gusa, ikirere si akayira

Nk’uko rero byagaragajwe, nta ndege ishobora kwifata igahaguruka idafite ikiyemerera guca mu kirere cy’ibihugu binyuranye, bikaba biri mu masezerano agengwa n’ikigo mpuzamahanga cy’iby’indege za Gisivile, ICAO gifite icyicaro i Montreal muri Canada.

Iyo ubirenzeho ugaca muri cya kirere, uba ushobora guhura n’ingaruka zo kuvogera ikirere cy’abandi, ku buryo ushobora no kuraswa.

Ikindi kiyongereye kuri ibyo, nta bufasha bw’abayobozi b’indege – traffic control bo muri icyo gihugu ubona, bityo, kwaba ari ukwiyahura kuko indege si ikintu wavuga ngo mbuze inzira, reka mbe mparitse hano.

Maniriho avuga ko indege ubwayo ifite uburyo bwo kwiyobora ariko ubuyobozi bw’indege busanzwe – air traffic control ntawushobora kubwirengagiza.

Burya rero, ngo indege zigendera ku butumburuke butandukanye kandi mu kirere hagendamo indege nyinshi. Ubwo rero, abayobora indege, baguha n’amakuru bati “mu kirere uherereyemo harimo indege eshanu, wowe uragendera ku butumburuke bwa metero ibihumbi 20, 40.”

Mu yandi magambo, inzira zo mu kirere ngo zigenda zihinduka bitewe n’aho indege iri, ndetse n’umubare w’indege ziri mu kirere.

Muri iki kiganiro, abagize inteko ishinga amategeko bagarutse cyane ku kibazo cy’uburwayi bwo mu mutwe, aho bagiye babaza Guverinoma icyo iri gukora, kugira ngo ifashe abarwaye.

Senateri Marie Rose Mureshyankwano, umwe mu bakivuzeho yagize "Iki kibazo cy’uburwayi bwo mu mutwe kirahangayikishije wasanga na hano harimo ababufite."

Hari abadepite berekanye ko hakwiye kubaho uburyo bwo gufasha abana biga mu mashuri yisumbuye, yaba ayo mu bigo bicumbikira abana, ariko n’iby’abiga bataha.

Komisiyo y’Igihugu y’Uburenganzira bwa Muntu, muri raporo iheruka, ngo yasuye ibitari bya Caraeas - Huye, Icyizere - Kicukiro, Caraes Ndera muri Gasabo, Isange Rehab.

Ngo basanze Gasabo hari ikibazo cy’ubucucike cyaragabanutse, ariko nka Caraeas Butare basanze ubucucike buri hejuru y’145%.

Raporo ya 2023-2024 yagaragaje ko bamwe mu bafite uburwayi bwo mu mutwe ngo bakora ingendo ndende, rimwe na rimwe ngo bakaba bareka kubivamo ntibakomeze kujya kwivuza.

Imibare igaragaza ko abazifite indwara zo mu mutwe bakomeje kwiyongera. Bavuye ku bantu 35.000 mu mwaka wa 2017 bagera ku 50.000 muri 2025.

Minisitiri w’Intebe yagize ati "Akenshi ibi bituruka ku ngaruka za Jenoside yakorewe Abatutsi mu 1994, ikibazo cy’ubusinzi, ibiyobyabwenge n’ibindi."

Mu gukemura iki kibazo, ngo hashyizweho gahunda z’ubujyanama mu mashuri, na serivisi z’ubuzima bwo mu mutwe mu bigo nderabuzima, kandi ngo hari no kongerwa abakozi b’inzobere muri uru rwego.

Minisitiri w’Intebe yagaragaje ko umubare w’imbangukiragutabara ugenda wiyongera, ndetse n’igihe zigerera ku muntu utabaje kikaba cyaragabanutse.

Niyorurema yashimye iyo ntambwe, ariko avuga ikibazo cy’imicungire y’imbangukiragutabara, ubu ngo usanga ziri mu magaraji, kubera imitwarire yazo idahwitse.

Yagize ati "Mfite ingero: mperutse kunyura mu Kivuruga, maze mbona umushiferi utwaye imbangukiragutabara adepasa(anyuraho) imodoka zigera ku icumi. Ibyo bigaragaza ko abashoferi bakeneye amahugurwa kuko n’ubwo tuzifite n’imicungire yazo harimo ikibazo; dushobora kuhatakariza ubuzima bw’abarwayi n’abazitwaye."

Yongeyeho ati "Nagira ngo numve icyo mugiye gukora kugira ngo izo mbangukiragutabara ze kujya zangirikira mu muhanda, ari nako zangiza ubuzima bw’abantu. Ikigaragara nuko zitubahiriza n’ibyapa. N’ubwo ari imbangukiragutabara ariko, ntibibujijwe ko zigomba no kubahiriza ibyapa mu muhanda."

Aha ariko Dr. Nsengiyumva, yavuze ko ahubwo imbangukiragutabara zigomba gufashwa kwihuta bishoboka, buri wese akumva ko iyi modoka agomba kuyihigamira.

Icyakora, Senateri Uwera Pelague yasabye ko hashyirwaho ikoranabuhanga, ryatuma imbangukiragutabara ihaguruka izi neza ahantu yanyura hatari imodoka nyinshi, kuko "iyo iciye ahari embouteillage n’ubundi abakoresha umuhanda babura aho bihengeka ngo bayihigamire."

Mu Rwanda hari imbagukiragutabara 510, zivuye kuri 263 muri 2023. Igihe zikoresha zigera ku murwayi ngo cyaragabanutse kigera ku mpuzandengo y’ iminota 15 mu Mujyi wa Kigali, kivuye ku
minota 45.

Mu Ntara, iki kigereranyo cyavuye ku mpuzandengo y’iminota 150 (amasaha abiri n’igice) kigera ku minota 45.

Aha ngaha, Senateri Niyomugabo Cyprien yatanze urugero ati "nk’ubu mu buvuzi gakondo, umuntu ashobora kuvunika, ariko noneho bakareba igicucu cye, bakamwunga, kandi agakira. Ibyo ni ibintu byiza cyane. Ahubwo byagakwiye no kujya mu murage w’isi wa UNESCO."

Aha kandi, yavuze ko ubu buvuzi bukwiye guterwa inkunga, bugatera imbere kuko ari ubwa "Gihanga wahanze u Rwanda."

Aha ariko, Minisitiri w’Ubuzima, Dr. Sabin Nsanzimana, yavuze ko ngo abavuzi gakondo biyandikishije ari ibihumbi bitanu, ariko ngo bakavuga ko bavura inyatsi, bakagaruza ibyibwe n’ibindi bintu bitumvikana.

Ariko ngo hari n’abafata imiti ya kizungu bakayivanga n’ibyatsi, maze umuntu ubinyweye bikaba byamwica.

Aha, yavuze ko ubuvuzi gakondo ngo bukirimo ibibazo byinshi.

Uyu Musenateri, yanongeyeho ko, n’abafite ibibazo byo mu mutwe bashobora kujya kwivuriza ahantu heza hari umwuka mwiza, bakajya nko mu cyanya cy’ubukerarugendo cya Nyandungu, maze "bakumva utunyoni turirimba kandi byabafasha gukira."

Hagati aho, Senateri Niyomugabo yagaragaje ko u Rwanda rukwiye guha agaciro cyane abajyanama b’ubuzima, kuko nabo bafite akamaro gakomeye mu buvuzi bw’u Rwanda.

Yagize ati "Mu minsi ishize, najyanye umwuzukuru wanjye ku mujyanama w’ubuzima, maze barambaza bati: harya nturi Senateri? Ugomba kuba wibeshye kuko hano ni ku mujyanama w’ubuzima, kandi wowe washobora kumujyana ku mavuriro meza."

Aha rero, ngo yarabashubije ati "Oya ubuvuzi bwiza buhera hano ku rwego rw’ibanze."

Avugana n’Inteko Rusange y’imitwe yombi mu Kiganiro kigira kiti "umuturage ku isonga", Minisitiri w’Intebe Nsengiyumva yagize ati "Ku bijyanye n’ibi byiciro, ndagira ngo mpumurize abaturage ko byakoranywe ubushishozi."

Amafaranga y"ubwisungane rusange bw’ubuzima, yavuye ku bihumbi bitatu ku muntu ku mwaka, maze ashyirwa mu byiciro binyuranye, biri hagati y’ibihumbi bitatu, Frw, kugera ku bihumbi makumyabiri.

Dr. Nsengiyumva, yavuze ko iyi ari gahunda igamije kongerera ubushobozi urwego rw’ubuvuzi, ku buryo abarwayi bazajya babona ubuvuzi ku ndwara zinyuranye.

Abaturage bamwe bamaze iminsi bavuga ko bashyizwe mu byiciro bidahuye n’ubushobozi bw’ubukungu bafite.

Minisitiri w’Intebe, yavuze ko ibibazo byagaragaye mu byiciro bya Mituweli bizakomeza gusuzumwa, maze aheraho abereka akamaro ka mituweli.

Yerekanye ko hagati y’umwaka wa 2026-2027 amafaranga ya mituweli azagera kuri miliyari mirongo irindwi, ahwanye na 48% by’amafaranga akenewe. Asigaye, ngo azatangwa na Leta.

Atanga urugero rw’igiciro cy’ubuvuzi bw’impyiko, ubu bwitwa Dialise, ngo umurwayi yakwishyura Miliyoni 9.4 aramutse yiyishyuriye ijana ku ijana.

Icyakora, umurwayi uri muri mituweli wishyuye 10% yakwishyura 941,000 ku mwaka, bikaba byamufasha kuzigama miliyoni zirenze umunani.

Hagati aho, mu buryo bwa mituweli, umuturage ugiye kwivuza ku kigo nderabuzima, yishyura gusa amafaranga 200 frw, ariko yajya ku bitaro akishyura 10% by’ubuvuzi yahawe ku bitaro.

Mu mpinduka zabaye muri mituweli kandi, ubusanzwe ibigo nderabuzima byishyurwa nyuma hamaze kurebwa serivisi uko yatanzwe, bigatuma rimwe na rimwe amavuriro abura imiti.

Ubu noneho ibigo bizajya bihabwa amafaranga mbere, hashingiwe ku mubare w’abarwayi bitaho. Aha, amafaranga bazajya bayahabwa mbere, hanyuma batange raporo.

Iyi gahunda ngo yatangiye mu Ntara y’Uburengerazuba, kandi ngo "izakomeza mu gihugu cyose mu minsi ya vuba."

Icyakora Minisitiri w’Intebe, yongeyeho ko ibyiciro byakozwe, "ntabwo ari ibintu byanditse ku mabuye, bishobra guhinduka, kandi bizajya bigumya bisuzumwe."

Yavuze ko nk’umuntu aramutse afite akazi, nyuma akagatakaza, urubuga rwa Mituweli rwashobora kumuhindurira icyiciro.

Ikindi kandi, ngo ubonye akazi, na we yazamurwa mu cyiciro cyo hejuru.

Nsanzumuhire Jean Claude Shaffy, yavuze ko yari muri abo bari bigize intagondwa barenga mirongo ine, bahamwe n’ibyaha by’iterabwoba muri 2016, maze bagenda babihanirwa mu myaka itandukanye, bahabwa ibihano bitoya, ndetse bagirwa inama.

Yagize ati "Turashimira ubutabera, twabonye ko mu Rwanda Ubutabera ari Ubutabera nyakuri." Abagera kuri makumyabiri bararenganuwe, abandi nabo bahawe ibihano bigufi. Nanjye maze imyaka itandatu ngarutse miuri sosiyete."

Aha ngaha kandi, uyu Muyisilamu, yabwiye bagenzi be ko bagomba kwirinda abantu baryanisha Abanyarwanda.

Mufti w’u Rwanda, Sheikh Sindayigaya Musa, ari mu busabane bwahuje Perezida Kagame n’umuryango w’Abayisilamu kuri uyu wa Gatatu, 25 Werurwe.

Yagize ati "Turateganya kubaka igicumbi cy’Umuco wa Islam i Kigali, hakazaba harimo n’umusigiti ukomeye wo ku rwego rw’igihugu. Mu Rwanda twakira abashyitsi benshi ndetse bakomeye bikaba ari iby’igiciro, kandi biteye ishema u Rwanda n’umuryango w’Abayisilamu mu Rwanda."

Aha, Sheikh Musa yavuze ko iki gicumbi kizubakwa hafi y’amhoteli akomeye, kugira ngo kizafashe abashyitsi bagenderera u Rwanda.

Sheikh Musa yavuze kandi ko bagiye kubaka icyicaro cyabo ku rwego rw’Igihugu, kikazaba kirimo ivuriro, inyubako y’ubucuruzi, icyumba mberabyombi, parkingi y’imodoka igihumbi n’ibindi.

Bashimiye kandi Perezida wa Repubulika wabemereye inkunga muri uyu mushinga.

Perezida Kagame yabashubije agira ati "uzangaye gutinda, ariko ntabwo bizahera. Hari ibyasezeranyijwe kera muri 2011, ndabyibuka. Hari ibijyanye n’inyubako, na Mufti yanabivuze. Bizakemuka."

Yagize ati "Ngira ngo hari aho bagombaga kubaguranira, ese ubwo kugurana bitwara umwanya unagana iki?"

Perezida Kagame yavuze ko hari n’indi nkunga y’ubundi buryo yari yemeye, avuga ko na yo azayitanga mu gihe kitarenze umwaka.

Yagize ati "Umwaka utaha ubwo ahubwo nzaza jyewe mbabaza icyo iyo nkunga mwayikoresheje."

Ayo mezi icyenda yatangiye kubarwa guhera kuwa 2 Werurwe 2026, kugeza ku wa 1 Ugushyingo 2026.

Nyuma y’amezi icyenda, abafite izo noti zigomba gusimbuzwa, bazaba bashobora kuzivunjisha gusa kuri Banki Nkuru y’u Rwanda n’amashami yayo, kugera kuwa wa 1 Werurwe 2027.

Inoti zizava ku isoko, ni iza 500 zakozwe muri 2004 ndetse n’izakozwe muri 2013, Iz’1000 zakozwe muri 2004 na 2015, ndetse n’inoti z’2000 zakozwe muri 2007.

Mu Yandi magambo, umuntu uzaba afite izi noti zavuzwe ku wa 2 Werurwe 2027 ntacyo azazikoresha.

Iki cyemezo kandi kirareba inoti z’5000 zakozwe 2004 na 2009.

Hagati aho, inoti nshya zizakomeza ku isoko zirimo iz’2000 n’iza 5000 zemejwe n’igazeti ya Leta yasohotse muri Kanama 2024.

Perezida Kagame yababuriye ubwo yasozaga umwiherero w’inzego z’ibanze n’ubutegetsi bwite bwa Leta, aho yavuze ko hari abayobozi yagiriye inama kenshi, ariko bakaba bataragize icyo babikoraho.

Muri abo, Perezida Kagame yahereye kuri Meya w’Umujyi wa Kigali Samuel Dusengiyumva. Ntiyavuze inama yamugiriye, ariko yerekanye ko babiziranyeho cyane, ariko akaba atarubahirije ibyo bavuganye.

Yagize ati "Meya w’Umujyi wa Kigali! Urabizi kenshi ko hari ubwo nifatiraga imodoka nkaza mu Mujyi nkabona ibintu nkakugira inama, nkagenda, hanyuma nagaruka mu Mujyi nkongera nkabisanga, nkongera nkagutumaho. Na byo biraza guhagarara, ku buryo bumwe cyangwa ubundi(one way or the other). Urabizi? Ibyo ngusubiramo nkabikwereka urabizi?"

Aha Meya w’Umujyi yavuze ko abizi, ndetse na Minisitiri w’Ibikorwa Remezo Jimmy Gasore, bigaragaza ko ikibazo kijyanye n’Ibikorwa remezo.

Iki kibazo, gisa n’aho cyarenze imbaraga za Meya, kuko ngo byageze aho Perezida amubwira ati "ndagufasha kuko uyu mujyi ubamo byinshi, maze tugushyirireho ikipe irimo polisi, ingabo...abashinzwe umutekano ndetse n’abashinzwe ibikorwa remezo mubikurikirane."

Kuri ibi na byo Perezida Kagame ati "Inama nakugiriye urayibuka?" Meya nawe ati "twatangiye kubishyira mu bikorwa", ariko aha na ho Perezida ntiyanyuzwe kuko avuga ko gutangira ubwabyo ari intambwe ikiri ntoya, kuko ngo hashize imyaka abisaba, ku buryo byakagombye kuba byararangiye.

Yagize ati "none ubu ni bwo mwatangiye? Niba mwaratangiriye igihe, kuki ntacyo mwagezeho, kuki bitagaragara? Namwe muraza kumbona igihe kitari cyera."

Perezida Kagame yabajije Minisitiri w’Ibikorwa remezo, kugira ngo amenye niba na we yibuka ibyo bavuganye kuri ibyo bibazo, nuko agaragaza ko abizi, ndetse bagiye gukorana n’Umujyi wa Kigali, ariko Umukuru w’Igihugu wagaragaje ko yarambiwe, ntiyamwemerera kwirirwa ajya muri rwinshi, aramubwira ati "namwe muraza kumbona."

Perezida Kagame yagarutse ku kibazo cy’abana bata ishuri bakajya mu byaha, kandi batabuze ubishyurira ishuri, ati "nabyo mubihagarike."

Reba ibindi muri iyi Video:

Muri uyu mwiherero, Perezida Kagame yabajije Umuyobozi w’Akarere ka Bugesera, ati "Meya, nta message zijya zikugeraho? Kandi si wowe wenyine, ibyo ngiye kuvuga bireba benshi hano."

Yongeye aramubaza ati "nta messages zanjye ujya ubona? Wenda abaziguha ntabwo bazita izanjye. Nyura uyu muhanda kenshi(Kigali-Bugesera). Ndacyabona umwanda iruhande rw’umuhanda kuko ntabwo mba nawuvuyemo kenshi. Hari ubwo mpagarara nkabwira abasirikare bamperekeje nti mutoragure uriya mwanda, nkahita nkagenda, nagaruka nkasanga ibindi."

Ikindi nacyo kijyanye n’isuku, ndetse no kurengera ibikorwa remezo yabwiye Meya Richard Mutabazi, ni ikijyanye n’imihanda y’ibitaka igera kuri kaburimbo, ikamanuriramo ibitaka n’isuri mu gihe cy’imvura, bikaba byakwangiza igikorwa remezo cyatwaye amafaranga menshi.

Kagame yagize ati"nk’aho ngaho, nabagiriye inama ko byibuze mwajya muhatera ibyatsi, cyangwa se byibuze mukahashyira na pavers, kandi si ibintu bihenze."

Meya Mutabazi yagize "Nyakubahwa ubutumwa bwanyu butugeraho neza", icyakora Perezida Kagame ntiyanyuzwe kuko yamushubije ko amaze igihe abimubwira ariko ntihagire igikorwa.

Perezida Kagame yabwiye abayobozi ko imirimo nk’iyo baba bagomba kubwira abahatuye bakayikora, Leta ikabunganira.

Hari n’ikibazo Perezida Kagame yabajije uyu muyobozi, kijyanye n’abubaka inzu bageza hagati bakazitwikiriza amashitingi n’imifuka.

Yagize ati "ubutumwa naguhaye bwakugezeho, ubu hagiye gukurikiraho ibindi. Bikorwe vuba na bwangu.

Reba ibindi muri iyi Video:

Ariko icy’ingenzi, nuko uyu mubyeyi yakomezaga kumutera imbaraga ati “mwana wanjye, jya wiga ubishyizeho umwete.”

Uko yagendaga akura ariko, Kansayisa yagendaga yumva yikundiye imibare cyane cyane ubwo yahuraga n’umwarimu mwiza, Anyesi mu mwaka wa Gatatu w’ayisumbuye.

Uyu munsi nibwo abyumva neza, ko mu buzima umwana aba akwiye guhabwa amahirwe yose ashoboka, yakura ibintu byose bikisobanura.

Ubwo yasozaga Amashuri yisumbuye muri Lycee Notre Dames de Citeaux, Umwangavu Kansayisa ntiyari azi neza ko yakwiga ubuganga, kuko ibyo yari yize bijyanye n’Imibare n’Ubugenge, byamuhaga amahirwe menshi yo kwiga Ibijyanye n’Ubwubatsi(Civil Engineering).

Ni yo mpamvu, n’ubwo yashakaga kwiga ubuganga, ibijyanye no kubaka yabishyize ku rwego rwa mbere, nuko ku rwego rwa kabiri aba ari ho ashyira Ubuganga, kuko nta mahitamo yari afite.

Agira ati “Nashakaga Medicine ariko kubera ishami nize, nkumva amahirwe ari macye, amanota aje barabimpa.”

Kansayisa yaragiye yiga Ubuganga yishimye kuko yahawe icyo umutima we ushaka, maze bageze mu gihe cyo kwimenyereza umwuga mu mwaka wa Gatatu, yumva akunze ibijyanye no kubaga amagufa.

Akirangiza Kaminuza mu buganga, hageze igihe cyo guhitamo Icyiciro cya gatatu, aho umuganga agomba gufata ikintu kihariye aziga akakinononsora(Specialisation).

Yumvise akunze ibijyanye no kubaga amagufa, ariko arebye mu bamubanjirije, asanga nta wundi mukobwa wigeze abitinyuka, nuko akajya yiganiriza, ati “ariko menya mfite ikibazo. Ni gute najya kwiterereza ibi bintu, kandi abandi bakobwa batajya babybikoza?”

Icyakora, Kansayisa yari afite abaganga b’abagabo babyize, bamuteraga umwete aho agira ati “ Barambwiraga bati komeza, humura uzabigeraho. Baranshyigikiye nkumva birashoboka kuko navugaga nti no muri Afurika hari ibihugu bitaragira umudamu ubaga amagufa, ariko ngakomeza kubona abanshyigikira.”

Aha ni ho yafashe umwanzuro, ariyemeza, maze hejuru y’imyaka itandatu y’ubuvuzi rusange(General Medicine) n’umwaka umwe wo gukora akazi, yongeraho indi myaka itanu yo kwiga kubaga amagufa (Specialisation in Orthopedic Surgery), muri Kaminuza y’u Rwanda.

Ubwo yarangizaga iki cyiciro mu 2021, Kansayisa yahise yoherezwa gukora ku Bitaro Bikuru bya Kaminuza bya Kigali, ariko muri 2024 ajya kwiga kurushaho(sub speciality), aho yize kubaga Ikirenge n’Akagombabari(Orthopedic foot and ankle surgery ) mu gihugu cya Singapoure akaba yararangije amashuri mu ntangiriro z’uyu mwaka. Yahise agaruka kuri CHUK aho akiri gukorera na n’ubu.

Muri iki cyiciro, habamo ibibazo bikunze kugaragara by’abantu bafite ibirenge biryamye hasi(flat foot).

Kansayisa avuga ko muri ibi birenge hari uwo bibabaza, bikamugora kuzamuka cyangwa kumanuka, ariko hakaba n’ibisanzwe bitagira icyo bitwara. Muri byose ngo iyo umuganga abonye ufite ikibazo, amufasha kubikosora, maze umurwayi agashobora ibyamunaniye.

Agira ati “iby’ibirenge biryamye hasi, iyo umurwayi aje uramupima, ukareba kuko haba hari ibishobora kwihanganirwa, ibindi ukabiha igihe ukagenda ubikurikirana. Ku bana biba bishobora kugenda bigabanuka bikanashira, ariko ku muntu mukuru iyo ubona harimo ikibazo bishobora gusaba kubagwa.”

Uretse ikirenge kiryamye hasi, ngo hari n’abantu bagira ikirenge noneho cyegutse kikenda kumera nk’umuheto, cyangwa n’ikihinnye. Ariko ibyo byose umuganga wize iby’ibirenge n’utugombabari, aba yarabivuye imuzi.

Kansayisa, inkingi ya mwamba mu buvuzi bw’u Rwanda

Kugira ngo umuntu yumve uru rugendo rwa Kansayisa n’ubuhanga afite n’uburyo yageze kuri uru rwego, ni ngombwa guhera kuri iyi myaka itanu yize I Huye nyuma y’ubuvuzi rusange.

Aha, Kansayisa agaragaza ko ibyo biga habamo amagufa, imitsi, inyama ndetse n’ingingo, muri macye bikaba bigaragaza ko umuntu wiga iki cyiciro aba ari umuganga ukenewe cyane, kuko ubuvuzi bwe bukora ku gice kinini cy’umubiri w’umuntu.

Agira ati “kugira ngo igufa ribashe gukora riba rikeneye imitsi y’inyunganizi. Hari imitsi ifatanya igufa ku igufa( bone to bone-ligament), hakaba n’imitsi ihuza igufa n’inyama(muscle to bone-tendon), hamwe n’ingingo kuva ku mugongo kugera ku birenge, ibyo byose abaganga b’amagufa bagomba kubyiga.”

Yongeraho ati “Biba ari byinshi, akaba ari na yo mpamvu twiga imyaka myinshi, kuko buriya n’umugongo tuwusangira n’abiga ibijyanye no kubaga ubwonko. Mu kiganga usanga hari ahantu henshi tugenda duhurira.”

Ese amagufa bayabaga bate?

Mu by’ukuri, iyo Kansayisa asobanura ibyo yize, wumva mo ubuhanga buhambaye, cyane cyane iyo avuze kubaga amagufa.

Agira ati “umurwayi ashobora kuza yavunitse, wenda yagushijwe na moto… muri rusange, iyo umuntu yagize ikibazo cy’imvune, haba hari ahakeneye kubagwa kugira ngo ashobore guhina ingingo, ndetse no gukosora ibindi bibazo bitandukanye.”

Ku birenze ibyo ariko, hari ibindi bikoreshwa nk’ibyuma byunganira, cyangwa bijya mu mwanya w’amagufa, nk’ibyo bita tige, indege, n’ibindi.

Agira ati “Hari nk’aho usanga umuntu mukuru afite ingingo zitagikura. Uwo rero ahabwa insimburangingo yo gushyira mu mubiri.”

Kansayisa, avuga ko umurimo w’ikiganga usaba ubwitange, no kubikora ubikunze, naho ibyo bagenerwa - umushahara, abona ko bishobora kuzakomeza kongerwa, ariko bikaba bitabuza umunyamwuga gukora, no gukomeza kongera ubunararibonye, dore ko na Leta iba ifite gahunda yo kubikemura.

Agira ati "Iby’agahimbazamusyi, ibyo kwitega nk’umuganga, ubiha igihe. Wakwifuza ko habaho impinduka, ariko kugeza ubu ibishoboka barabiduha. Nk’igihugu gifite ubukungu butaratera imbere, hari ibyo uba ubona ko utasaba, ariko turi mu nzira nziza.”

Avuga ko akazi ke, ngo imvune kamutera ayibagizwa no kubona abakize. Agira ati “N’ubwo bivunanye, bisaba amasaha menshi, narabikunze cyane, n’ubu ndabikunda, ku buryo mpawe n’andi mahirwe yo kubyiga nakongera nkabisubiramo.”

Agira ati “Iyo urebye umusaruro ukabona umurwayi uza atameze neza, cyangwa yavunitse akabura akaguru, nyuma y’igihe mugahura asubira mu kazi, ajya guhinga, ibyo bintu ntabwo bifite igiciro, ni ibintu byiza cyane.”

Ni yo mpamvu agira ati “Ndashima igihugu ko kidukunze, kikaduha ubushobozi n’amahirwe tukiga. Ntabwo tubikerensa.”

Kuva yatangira Kaminuza, Kansayisa yamaze imyaka cumi n’itatu mu ishuri, iki kikaba ari ikintu bamwe mu bakobwa ngo bakunda gutindaho, bumva ko ari igihe kinini.

Icyakora we ababwira ko kwiga ikintu ukunze, nta kintu wabigurana.

Kansayisa abwira abandi bakobwa ati “Gukora neza ntibigira igitsina (mu cyongereza ni ho yabivuze ngo: excellency has no gender)”, ashaka kwerekana ko ibyo abagabo bakora, kandi bakabikora neza, n’abagore babigeraho.

Kansayisa iyo akitse imirimo ashinzwe, cyangwa iyo afite ikiruhuko, areba uko yisubizamo imbaraga, ariko akanabungabunga ubuzima bwe, bwaba umubiri, cyangwa n’imibanire ye n’abandi.

Akensi, ajya gutembera, agakora siporo, hanyuma akanahura n’inshuti bagasabana.

Agira ati “buriya iyo mbonye umwanya nsoma n’ibitabo, n’iyo byaba atari iby’ubuganga, nkiyicarira ahantu nkanywa ikawa nisomera igitabo, biranezeza.”

Nyuma ya Kansayisa, hari mugenzi we wundi w’umukobwa nawe wakomeje ibijyanye no kubaga amagufa, nawe amusanga mu kazi, bafatanya na basaza babo muri ubu buvuzi bw’ingenzi.

Ndayishimiye ufatanyije urugamba na Leta ya Tshisekedi yakiriye aba bagabo basaga icumi mu biro bye, Ntare Rushatsi.

Minisitiri Nduhungirehe yababwiye ko ibyo bakora atari ubwa mbere bibayeho, aho agira ati "Ibi bikorwa byo gukoresha abantu ngo bahangane n’abaturage babo si ibintu bishya mu karere kacu. Uwahoze ari Perezida w’u Rwanda Juvénal Habyarimana n’ishyaka rye MRND babikoze cyane mu ntangiriro z’imyaka ya 1990, igihe Abatutsi batotezwaga kandi bakicirwa mu bice byinshi by’igihugu."

Nduhungirehe yavuze umwe mu bo Habyarimana yatumaga, aho yagize ati "Umwe mu bantu Habyarimana yakoreshaga, Antoine Nyetera, yakomeje na nyuma ya 1994 guhakana Jenoside yarokotse ndetse anashima ubutegetsi bwa Habyarimana."

Ku bijyanye n’uru ruzinduko i Bujumbura, Nduhungirehe agira ati "kuba aba bantu (abenshi muri bo bakuwe mu ishyirahamwe rikuru ry’Abanyamulenge) baturutse muri Leta Zunze Ubumwe za Amerika bakaza mu Karere k’Ibiyaga Bigari (bose bishyuriwe n’ababateye inkunga) si ikintu kibi rwose."

Icyakora Minisitiri yabagiriye inama ko, niba koko bafite ishyirahamwe riharanira inyungu (advocacy), bakwiye gukomeza bagakora urugendo bajya i Minembwe mu misozi miremire (Haut Plateaux), bakirebera ibitero by’indege zitagira abapilote (drones) za FARDC bisenya amazu n’imibereho y’ababyeyi babo buri munsi, ndetse bakanamenya ingaruka z’ifungwa rishingiye ku moko ryashyizweho n’ingabo z’u Burundi, ryabujije abavandimwe babo kugera ku masoko.

Yagize ati "Nyuma yo gusura Minembwe, abo bagabo bashobora kugaruka i Bujumbura bagakora “ubuvugizi” hamwe n’umwe mu babababaza cyane."

Ndayishimiye ntiyatumwe n’umuryango w’Ubumwe bwa Afurika

Akivuga kuri ibi, Nduhungirehe yagaragaje ko Ndayishimiye yatangiye kurengera mu nshingano yahawe nk’Umuyobozi w"inama rusange y’Abakuru b’Ibihugu bigize Umuryango w’Ubumwe bwa Afurika.

Yagize ati "Ndashaka gushimangira ko, bitandukanye n’ibyavuzwe n’umuyobozi w’iri tsinda kuri camera, Perezida w’u Burundi Évariste Ndayishimiye yabakiriye nk’umukuru w’igihugu cye, atari mu mwanya we wo kuyobora Afurika Yunze Ubumwe. Ntabwo Inama Nkuru ya AU yigeze imuha ububasha bwo kwakira iri shyirahamwe. Keretse niba Perezida Ndayishimiye, utari ubwa mbere ashyira ibikorwa bye bwite ku rwego rwa AU (ibintu bidashimisha abandi bakuru b’ibihugu bya Afurika), yaba atumva neza inshingano n’uruhare rwe nk’Umuyobozi wa AU."

Ayisumbuye na yo yayatangiriye mu ishuri rya APAPE i Gikondo.

Ubwo yarangizaga amashuri y’icyiciro rusange, Mukeshimana yakomereje i Rwamagana mu ishuri ry’Ubuforomo n’Ububyaza, ariko ibi ntabwo byizanye.

Agira ati “aho natangiriye amashuri yisumbuye, najyaga mbona abaganga n’abaforomo bambaye itaburiya, nkabona ni byiza cyane, kandi nkumva mbubashye, kuko nabonaga ko ari abantu batanga ubuzima.”

Yongeraho ati “aha rero niho natangiye kumva mfite inzozi zo kuzaba umuforomo, maze nkajya mbeshaho abantu, abarembye bakaza iwanjye nkabavura.”

Ubwo rero, Mukeshimana agiye kwiga i Rwamagana yumvise ko inzozi ze zigiye kuba impamo, ariko hagati aho zaje kwaguka ku buryo bukomeye.

Yagize ati “Ngitangira, numvaga nshaka kuba umuntu ukomeye nk’abaforomo nabonaga ku Kigo Nderabuzima i Gikondo, ariko gahoro gahoro numva ko nakora ibirenzeho, nkiga cyane. Narangije amashuri yisumbuye mu Buforomo kuko nigaga nshyizeho umwete, mbona buruse ya Leta y’Ishuri ry’ubuvuzi rya Kigali, KHI y’icyo gihe.”

Aha ngaha, Mukeshimana yaragiye yiga ibijyanye n’ubuzima bwo mu mutwe, dore ko hatangiye hari amashami atatu, ari yo ubuforomo rusange, ububyaza ndetse n’ubuzima bwo mu mutwe.

Kuva muri KHI, Mukeshimana yahise ahindura ibitekerezo, maze yumva ko agomba kuba umuforomo w’umwarimu, aho kugira ngo ajye gukora ku bitaro nk’uko inzozi ze za mbere zari ziri.

Ubwo arangije KHI yahise atangira ajya gutanga umusanzu w’uburezi bwa barumuna be ku kigo cyamureze agitangira kuba umuforomo i Rwamagana.

Aha, yahavuye muri 2008, ajya kwiga Icyiciro cya Gatatu cya Kaminuza(Masters) muri Kwazulu Natal, muri Afurika y’Epfo, maze agarutse ahita yiyegurira umwuga w’ubwarimu muri Kaminuza y’u Rwanda mu 2011.

Mukeshimana atangira kuzamuka inzego z’umwarimu wa Kaminuza

Nk’uko abasirikare bazamuka mu mapeti, niko n’abarimu bo muri Kaminuza na bo bagira inzira banyuramo bazamuka umuhanda ugana aheza kurusha ahandi heza, kandi ibyo bakabiheshwa n’ibigwi byabo.

Mu 2013 Mukeshimana yavuye ku rwego rw’ibanze rw’umwarimu(assistant lecturer), maze ajya ku rwego rukurikiyeho rwitwa Lecturer.

Kuzamurwa mu ntera muri Kaminuza, bituruka ku bushakashatsi umwarimu akora bugatangazwa, ibigwi mu kwigisha, ndetse n’uburyo akazi ke kagirira umuryango Nyarwanda akamaro.

Ni nabyo byatumye akomeza kuzamuka, no mu zindi nzego z’ubwarimu. Hagati aho ariko, mu 2013 yasubiye Kwazulu Natal, maze agarukana PhD mu 2017, akomeza kwigisha ari ku rwego rwa Senior Lecturer.

Mu 2020 niho yanditse asaba kuzamurwa ku rwego rukurikira, maze Kaminuza irebye ibigwi bye byari bimaze no kwiyongeraho ubushobozi bwo kuyobora abandi, imuzamura ku rwego rwa Assistant Professor.

Mu mwaka wa 2024, yazamuwe ku rwego rwa nyuma umwarimu ashobora kugeraho, Professor akiri munsi y’inyaka 45, abikesha bya bigwi byose, uko bigenda byiyongera.

Kugeza uyu munsi, Mukeshimana yatangaje inyandiko z’ubushakashatsi(publications)73, ndetse yinjiriza Kaminuza amafaranga menshi mu bushakashatsi yagiye akora, research grants.

Yakoze ubushakashatsi 17 bwinjije amafaranga aringaniye, ariko agira ati “kugeza ubu, grant nini nagezeho, ni Amadolari ibihumbi magana atanu ya Amerika, ariko n’ibindi biracyaza. Aya mafaranga ntibivuze ko ajya mu mufuka wanjye uko yakabaye, ateza imbere Kaminuza n’Uburezi muri rusange.”

Uyu munsi, ikintu gishimisha Mukeshimana, ni ugukomeza kwigisha barumuna be b’Abaforomo, kugira ngo barusheho kwiyongera, dore ko ubu abari mu kazi bavunika cyane, kuko batarenze ibihumbi 15 mu gihugu hose.

Ibi abijyanisha no kwigisha amatsinda – clubs y’ubushakashatsi mu by’ubuforomo, ndetse no gutoza abato muri uyu murimo – mentorship.

Akomeza kandi kugira uruhare mu nama mpuzamahanga ku Buforomo, aho atanga ibitekerezo byatuma umwuga w’Ubuforomo utera imbere.

Harya ngo Diplome y’umugore ni umugabo? Iyo ni imvugo ishaje kuri Mukeshimana

Prof. Mukeshimana, ni umwana wa sosiyete Nyarwanda, kandi ibyo abakobwa/abagore bagenzi be banyuramo arabyumva, ndetse na we yashyizemo imbaraga kugira ngo hatagira ikimukerereza.

Agira ati “buriya, abantu usanga bashaka kwerekana ko umugabo hari ibyo ashoboye umugore adashoboye, ariko jyewe ibyo simbyemera. Icya mbere ni ukugira intego, ukamenya icyo ukurikiye n’aho ushaka kugera.”

Yerekana ko mu Rwanda, icyo abantu bakunze kubwira abakobwa, ari ugushaka umugabo hakiri kare, ariko bakirengagiza ko buri muntu – umugabo n’umugore wese agomba kuzana umusanzu ufatika mu kubaka urugo.

Agira ati “jyewe njya muri Masters, abantu b’urungano rwanjye barambwiraga ngo ese ubwo bizagenda gute ko udashaka umugabo, ayo mashuri uguma kwirukamo wumva bizagenda gute, uzarongorwa? Rimwe na rimwe ugomba kwima amatwi sosiyete kugira ngo ushobore gukomeza imbere.”

Ubu Mukeshimana ni umubyeyi wubatse, ariko ni n’umuhanga mu byo yize.

Umuforomo si umufasha w’umuganga, umuganga si boss w’umuforomo

Mukeshimana azi ibyo Abaforomo banyuramo; akazi kenshi, kwitanga kandi ari bakeya, aho ibihumbi 15 bigomba gufasha Abanyarwanda Miliyoni zirenga 13.

1st graduates of specialized cardiac nursing in Rwanda. pic.twitter.com/1ONWm3AO1E

— Prof. Madeleine Mukeshimana (@MadeleineMukes2) February 20, 2023

Agira ati “Umuforomo si umufasha wa muganga, ndetse na muganga(Dr) si boss w’umuforomo. Iyi ni imyuga ibiri y’abantu bakora kwa muganga buri wese akaba afite inshingano agomba gusohoza. Najyaga numva n’abayobozi bamwe bavuga ngo ese, umuforomo yakwiga PhD agakora iki? Iyo ni imyumvire ishaje.”

Mukeshimana, ubu si we wenyine kuko umuryango w’Abapforessors b’Abaforomo ubu ugizwe n’abantu batatu. Abandi babarirwa muri 30 na bo bamaze kwiga PhD, harimo n’abayigiye mu Rwanda, abandi benshi bakaba barize Masters.

Agira ati “ibintu biragenda bihinduka, kandi birarushaho kuba byiza.”

Umuyobozi wa Bauhaus International( i Bumoso) Dr. Victor Onukwugha ubwo yahuraga na CEO wa RDB Guy Africa umwaka ushize bakaganira ku mushinga w’ubwubatsi bafite mu Rwanda

Bauhaus International Ltd ni sosiyete ikora ibikorwa by’iterambere ry’imiturire n’ubwubatsi, ikorera cyane cyane muri Nigeria binyuze mu kigo cyayibyaye cya Bauhaus International Group.

Iyi sosiyete yibanda ku guteza imbere imishinga y’inyubako z’imiturire, iz’ubucuruzi n’izivanze (mixed-use developments), ikomatanya igishushanyo mbonera kigezweho n’imikoreshereze irambye y’ubwubatsi.

Imwe mu mishinga yakozwe na Bauhaus International mu bindi bihugu

Muri Mutarama uyu mwaka, Bauhaus International yasinyanye amasezerano n’Umujyi wa Kigali yo kubaka inzu 892 zo guturamo i Gahanga mu Karere ka Kicukiro.

Ni umushinga ugomba kujya kuri Hegitari 12.8, gutanga ingurane kuri ba nyir’ubutaka 121 bikaba bizatwara agera kuri Miliyari 7.9 Frw.

Muri uyu mushinga icyakora, umuturage ashobora guhitamo kongera guhabwa inzu muri uyu mushinga(rehousing) cyangwa agahitamo ingurane y’amafaranga.

Hagati aho, Muri Nzeri 2023, u Rwanda, binyuze mu Kigo cy’igihugu gishinzwe imiturire cyasinyanye na Bauhaus Intertnational Amasezerano ku Iterambere ry’Inzu Zihendutse mu Mujyi wa Kigali.

Bahaus International ifitanye isano na Bauhaus International Incorporated yanditswe muri New Jersey, muri Leta Zunze Ubumwe za Amerika (USA), ikaba ishyigikira ibikorwa byagutse bijyanye n’imiturire n’iterambere ry’inyubako.

Hariya i Gako, u Rwanda rusanzwe ruhafite umushinga w’uruganda rw’inyama z’inka, Gako Meat Project yari ifitwe na Gako Meat Company.

Mu ntangiriro z’umwaka ushize, u Rwanda rwatangiye inzira yo gushaka umushoramari mpuzamahanga ukomeye wo gukomeza uyu mushinga, ku buryo byari biteganyijwe ko waba wamaze kubona nyirawo mu mpera z’umwaka ushize.

Muri Mata 2024, ni bwo Leta yari yaguze imigabane yose yari ifitwe n’abashoramari bigenga, bituma Gako Meat Company iba ikigo cya Leta uko yakabaye.

Ubuyobozi bwari bufite gahunda yo kugurisha uyu mushinga wose uko wakabaye ku mushoramari ufite ubunararibonye, ubushobozi bukomeye mu by’imari, kandi usanzwe azwi ku masoko mpuzamahanga y’inyama.

Umuyobozi w’iyi Company Didace Rushigajiki. mu ntangiroro za Werurwe 2025 yavuze ko uyu mushinga wari ufite inka zisaga 6,700, kandi hakaba hari gahunda yo kongera umubare wazo mu rwego rwo kongera umusaruro w’inyama z’inka.

Mu gushyigikira iri terambere, harimo gushyirwa imbaraga mu kongera umusaruro w’ibiryo by’amatungo no kunoza gahunda zo kuhira imyaka.

Ni yo mpamvu hegitari 1,050 z’ubutaka zari mu kuhira, aho hegitari 310 zariho ibigori, ariko nyuma hagombaga kwiyongeraho n’izindi 700.

Uyu mushinga kandi wateganyaga gushyiraho uruganda rukora ibiryo by’amatungo, hagamijwe kubona ibiryo bihagije kandi bihoraho by’amatungo, ibigori bikaba ikiribwa cy’ibanze cyari gushingirwaho.

Ni umushinga wateganyaga kujya ugurisha inka 500 buri kwezi.

Umuvugizi wa Guverinoma y’u Rwanda Yolande Makolo, ibi yabivuze asubiza abanyapolitiki ba Congo banditse bashimagiza Leta Zunze Ubumwe za Amerika zafatiye Igisirikare cy’u Rwanda - RDF ndetse na bamwe mu bayobozi b’Ingabo z’u Rwanda ibihano.

Makolo yahereye ku ijambo Therese Kayikwamba Minisitiri w’Ububanyi n’Amahanga wa Congo aho yagize ati “Ijambo ryatanzwe ntirishobora guhora risubirwaho, kandi kwirengagiza ubuzima bw’abantu mu buryo bweruye ntibishobora kuramba.”

Umuvugizi wa Guverinoma y’u Rwanda yateruye agira ati "ibyo nta wabijyaho impaka — ariko hejuru y’urusaku, uku ni ko kuri kw’ibigaragara:"

Yagize ati "Guverinoma ya Repubulika Iharanira Demokarasi ya Kongo (DRC) ikomeje kuba umuterankunga wa mbere wa FDLR, umutwe ubangamiye cyane ubusugire n’umutekano by’u Rwanda. N’iyo hashorwa imbaraga nyinshi n’ubutunzi mu kwamamaza ibinyoma bigamije kurangaza abantu ku ruhare rwa Leta ya DRC mu gushyigikira FDLR, iki kibazo ntikizacika.

Ibihano bifata uruhande rumwe gusa, byongera gushimangira Guverinoma ya DRC mu gutsimbarara ku gisubizo cya gisirikare. Ibyo bituma habaho gukomeza kwiyongera kw’intambara, kongera ubukana bw’ihohoterwa, gutakaza amahirwe, kandi cyane cyane gutakaza ubuzima bw’abantu.

Nanone kandi, ikibazo cy’imbere muri DRC ntikizarangira: AFC/M23 irarwana ivuga ko irwanya itotezwa rishingiye kuri politiki za Guverinoma ya DRC zishyigikira abafite ingengabitekerezo ya jenoside (imvugo ziherutse z’urukozasoni zavugiwe kuri televiziyo y’igihugu na Jenerali Ekenge wa FARDC ni urugero rumwe mu zindi nyinshi). Iyi ni yo nkomoko y’ihohoterwa rikabije rishingiye ku moko rishyira mu kaga akarere kacu kose.

Aya makuru n’izi mpamvu ntibishobora kugorekwa cyangwa kwirengagizwa mu gushaka igisubizo cy’iki kibazo.

Inzira igana ku mahoro arambye n’iterambere yamaze gushyirwaho mu masezerano yumvikanyweho mu mwaka ushize, harimo n’amasezerano yuzuye ya Washington, ariko DRC isa n’iyifuza gukomeza intambara kurusha gushyira mu bikorwa inshingano zayo mu nzira z’amahoro.

Ni ibihano birimo gufatira imitungo y’abasirikare bakuru bane, barimo Umugaba Mukuru wa RDF Gen. Mubarakh Muganga, Vincent Nyakarundi, Ruki Karusisi na Stanislas Gashugi.

Ibi byaturutse ku birego bivuga ko ari bo bagize uruhare mu bikorwa byo gutera inkunga umutwe wa M23 uri mu ntambara yo guharanira uburenganzira bw’Abakongomani bavuga Ikinyarwanda bo mu bwoko bw’Abatutsi.

Itangazo ryaturutse mu biro by’umuvugizi wa Guverinoma rigira riti:

Ibihano byashyizweho uyu munsi na Leta Zunze Ubumwe za Amerika, bigamije uruhande rumwe gusa mu biganiro by’amahoro, ntibigaragaza ukuri kw’ibiri kubera mu burasirazuba bwa Repubulika Iharanira Demokarasi ya Congo, kandi bihindura isura nyayo y’iyi ntambara. Ibitero bya drones bikorwa mu buryo budahwitse ndetse n’ibitero byo ku butaka bikomeje gukorwa n’uruhande rwa DRC, bigize kurenga ku masezerano y’agahenge, kandi bikomeje guhitana ubuzima bw’abantu benshi. Kurinda igihugu cyacu ni ishema rikomeye Ingabo z’u Rwanda (RDF) zitwara zishimye kandi zishyizeho umutima.

Ihuriro rya DRC ririmo abacanshuro b’abanyamahanga, imitwe yitwaje intwaro y’abahezanguni ishyigikiwe na Leta (Wazalendo), ndetse n’umutwe wa FDLR wakoze Jenoside, urwana ku ruhande rwa FARDC. Mu Masezerano ya Washington, DRC yiyemeje guhagarika burundu inkunga iyo ari yo yose ya Leta ihabwa FDLR n’indi mitwe bifatanyije, ariko kugeza ubu nta ntambwe n’imwe yatewe muri iyo nzira. U Rwanda rwiyemeje byimazeyo gukuraho ingamba z’ubwirinzi mu gihe DRC yashyira mu bikorwa inshingano zayo.

U Rwanda rwishimiye kuba muri gahunda y’ishyirwa mu bikorwa ry’ayo masezerano, binyuze muri Komisiyo Ihuriweho ishinzwe Kugenzura iryo shyirwa mu bikorwa (Joint Oversight Committee), bisaba ko abafatanyabikorwa bose bagira uburenganzira bungana. U Rwanda rukomeje kwiyemeza gushyira mu bikorwa ingingo zose z’Amasezerano ya Washington, harimo n’Urwego rw’Ihuriro ry’Ubukungu mu Karere (Regional Economic Integration Framework).

Itangazo ryatanzwe n’Ushinzwe Itumanaho muri uyu mutwe, Lawrance Kanyuka ryagaragaje ko Willy Ngoma yaguye mi bitero Ingabo za Leta ya Congo n’abo bafatanyije bamaze iminsi bagaba kuri uyu mutwe mu birindiro byinshi bitandukanye.

Ibi rero, M23 ivuga ko bibangamiye amasezerano y’agahenge basinyanye. ariko ngo ntibizabuza uyu mutwe kurinda abaturage ndetse no kwirwanaho bya gisirikare mu kubungabunga ubuzima bwabo.

Iri tangazo riragira riti "AFC/M23 iramenyesha abantu bose ko Leta ya Kinshasa yishe amasezerano y’agahenge ku bushake, kandi igashoza intambara yeruye kuri AFC/M3, ikaba yibasira abasivile n’abasirikare bacu ahantu hanze y’urugamba ikoresheje ibitero bya Drone."

Ryongeraho riti "uku kwica amasezerano gukomeye kwahitanye umwe mu basirikare bacu bo mu rwego rwo hejuru, Col. Willy Ngoma wapfuye kuwa 24 Gashyantare, kandi bikomeje no guhitana abasivili b’inzirakarengane."

Icyakora M23 iravuga iti "ibi byaha ntituzabirebesha amaso ngo tubyihorere, kandi bigomba guhanwa. Ni inshingano zacu kwibuka no kugira icyo dukora ku bwo kwibuka abagwa muri ibi bitero."

Bongeraho kandi bati "Ibi bitero ntibizabura kugira ingaruka. Inshingano zacu ni ukurinda abaturage bacu ndetse n’abasirikare bacu ku butaka bwose twabohoje."

M23 yavuze ko imaze ibyumweru byinshi ibwira abantu bose bari muri gahunda yo guharanira amahoro muri Repubulika Iharanira Demokarasi ya Congo, cyane cyane bakurikiye amasezerano ajyanye n’agahenge, ko Congo imaze igihe irenga ku byo bumvikanye.

Ibi kandi ngo biba birimo no kwica abaturage b’inzirakarengane benshi miu duce dutuwe cyane muri Kivu zombi.

Muri ibi bice bavuzemo Kawele, Mweso, Rutigita, Walikale, Kalehe, Masisi, Nyagisozi, Nyabikeri n’ahandi.

Muri ibi bice harimo na Rubaya, ahakekwa ko Col. Willy Ngoma yaba ari ho yaguye, ariko itangazo ibyo byo ntacyo ryigeze ribivugaho.

Icyakora, M23 yavuze ko itazatezuka ku nshingano yo kurinda abasivile, ndetse ngo izakomeza no guharanira kuguma mu rugendo rw’amahoro.

Misile zikomeye zarashwe mu bice bitandukanye bya Iran muri rusange, hakaba n’ifoto yagaragajwe n’ibinyamakuru byo muri Amerika, ivuga ko urugo rwa Ayatollah Ali Khamenei rwarashwe rugahinduka umusaka.

Ibinyamakuru byatangiye kwandika imitwe y’inkuru igira iti "Ese Ayatollah yapfuye, cyangwa yarusimbutse?’

Hagati aho, Iran nayo yakomeje kwihimura irasa kuri Isiraheli misile ziremereye, ibinyamakuru bikaba bivuga ko ikirere cya Isiraheli kiri kumvikanamo amajwi y’urujya n’uruza y’akarumbeti kaburira abatuye Yeruzalemu ngo bihishe igihe Misile ya Iran zoherejwe.

Ibisasu bimira izo misile nabyo ngo ubu biri gukora akazi gakomeye.

Ibice bya Irani Amerika yibasiye

Ibnyamakuru byo muri Isiraheli byo byavuze ko Ayatollah yishwe, ariko Minisitiri w’intebe wa Iran asubiza agira "jyewe icyo nzi nuko Ayatollah ariho, ameze neza."

Hagati aho, ibihugu byamaze gufata ibyemezo birebana n’umutekano, haba ku ngendo mpuzamahanga, haba no ku baturage babo mu bihugu by’abafatanyabikorwa b’ingenzi ba Amerika, dore ko Irani yatangiye kubyihimuraho.

RwandAir yahagaritse ingendo ebyiri z’indege, zijya i Doha muri Qatar n'i Dubai muri Leta Zunze Ubumwe z'Abarabu (UAE) nyuma y’ibitero Israel na Leta Zunze Ubumwe za Amerika, zagabye kuri Iran kuri uyu wa Gatandatu.

RwandAir kandi yavuze ko abagenzi bari baguze amatike ajya muri… pic.twitter.com/2MYRhVb6JA

— Kigali Today (@kigalitoday) February 28, 2026

Lambert Gahungu, umusore w’imyaka mirongo itatu ari muri aba. Yabyirutse yumva bavuga ngo “China is the Future”, bivuze ngo Ubushinwa ni bwo bufite mu biganza ahazaza.

Ibi byahuriranye n’uko yari afite inzozi zo kwiga mu Bushinwa n’ubwo atari azi uburyo azabigeraho kubera amikoro macye.

Icyakora, kubera ko se yari yarigeze gucururiza muri Quartier Matheus, akarangura amafi akorana n’Abagande, Gahungu na we yumvaga ko byanze bikunze aziga, hanyuma akaza agakora ubucuruzi mpuzamahanga, kandi akarenza kure aho se yagejeje.

Ku myaka itanu, yapfushije se, ariko arakomeza aratwaza, amashuri ye abanza ayiga neza, maze ageze mu yisumbuye atangira gucuruza.

Mu Mwaka wa kane w’ayisumbuye, Gahungu yazanaga inkweto mu gikapu cy’amakayi azihishe mwarimu, maze akazigurisha bagenzi be.

Arangije ayisumbuye, yagiranye amaserano n’ikigo cyishyurira abantu buruse, nuko yibona mu nzozi zo kwiga mu Bushinwa.

Icyakora, icyizere cyaraje amasinde, kuko uwari wamusezeranyije kumwishyurira yavuze indimi ebyiri, maze umusore akisanga agomba gucuruza mbere yo kwiga.

Agira ati “Mbere yo kwiga, byabaye ngombwa ko mbanza gucuruza, kandi mbere nari nzi ko nzabanza kwiga, nkabona gucuruza.”

Urugendo rwa Gahungu kuva ubwo, kugeza aho akodesha inzu y’amagorofa atandatu muri Matheus ndetse akaba ashaka no gukomereza ku zindi nzu z’ubucuruzi zifite ibyumba byabuze ababicururizamo, ni ubuhamya bukomeye.

Ubucuruzi bwambukiranya imipaka

Ibyo Gahungu akora uyu munsi, byatangiye muri za 2018 ubwo yageraga mu Bushinwa, uwakamurihiye ishuri akamuterwa utwatsi.

Ku bushobozi bucye yari afite, yaranguye udutelefoni twaguraga nka Rwf 11,000, maze akatwohereza mu Rwanda, agakuramo Rwf 30,000, ariko mu 2020 agaruka mu Rwanda, araza agerageza gucururiza Gisimenti, ariko COVID-19 imukoma mu nkokora, maze ajya gushakishiriza Dubai.

Aha ahageze, yakomeje gukorana n’abo mu Rwanda yohereza ibicuruzwa bijyanye n’ikoranabuhanga byiganjemo amatelefoni.

Agira ati “Dubai nahakuye umugisha mwinshi. Nashoboraga gukorana n’abashoramari, maze bakanyizera bakampa nk’ibicuruzwa by’Amadolari ibihumbi mirongo itanu, tukumvikana ko nzayishyura nyuma y’ukwezi. Narakoraga nyuma y’icyumweru nkaba ndayagaruje, ariko simpite nyabaha, ngahita nyashora, nkazayabasubiza igihe twavuganye kigeze naramaze kuyakuraho igishoro cyanjye kinini.”

Aha ngaha ni ho agira ati “Icyo gihe nabonye cash, kandi mu bucuruzi iyo ufite cash uba ufite ikintu cy’igenzi. Kandi ntabwo nayahemutsemo, nishyuraga abo twavuganye mu gihe twasezeranye.”

Hamwe no gucuruza ibikoresho by’ikoranabuhanga, Gahungu yakodesheje inzu, maze ayihindura amacumbi aho Dubai, akajya acumbikira Abanyarwanda bamusanzeyo

Agira ati “Naragiye nkodesha inzu y’Amadolari ibihumbi bitatu ku kwezi, maze nshyiramo ibitanda bigerekeranye, nkajya mfasha Abanyarwanda baje ariko badafafite ayo gukodesha icyumba cya hoteli. Aho nahakuye amafaranga aryoshye.”

Ibi kandi, Gahungu ngo yabikoraga afite visa yo gusura (visit visa) y’amezi atatu, hanyuma akongera akayongeresha. Nyuma y’umwaka, ni bwo yabonye ko bitazashoboka muri ubu buryo, maze agaruka mu Rwanda, ariko amaze kubona abafatanyabikorwa b’ubucuruzi bemera kumuha amafaranga menshi.

Kuva ku cyumba kimwe kugera ku magorofa atandatu yose ya Matheus House

Gahungu akiva Dubai, yafashe icyumba cy’Ubucuruzi mu igorofa ya Matheus House iteganye neza na Yussa Plazza, ahahoze hitwa kwa Makuza, ariko ntiyakoreramo wenyine, ahubwo azanamo abandi bacuruzi mirongo itatu, bakajya bamwishyura ubukode bwa buri kwezi.

Lambert Gahungu, umusore w'imyaka 30, mu myaka itatu ishize yaraje akodesha icyumba kimwe muri Matheus House mu Mujyi wa Kigali, na we agenda akodesha abandi, nyuma inzu yose ifite amagorofa atandatu ayegukana yose ku bukode bw'imyaka icumi. Avuga ko ubu amaze kugezamo abacuruzi… pic.twitter.com/Wyji6pAsKL

— Kigali Today (@kigalitoday) February 27, 2026

Aha rero, yahise ashinga ikigo cy’ubucuruzi cya Tajyire Holdings. Muri ubu bukode yakuragamo ayo yishyura nyir’inzu, kandi agasigarana inyungu, ndetse akanacururizamo ibyo yari gucuruza iyo aba akoreramo wenyine.

Ubwo kandi byashoboraga no kwihuta, kuko aba bacuruzi bose ari we wabaranguriraga mu bafatanyabikorwa be b’ubucuruzi, yungukiye Dubai no mu Bushinwa.

Iyo abishyize mu mibare, Gahungu avuga ko buri mucuruzi muri abo mirongo itatu, ashobora gucuruza amafaranga angana na Miliyoni zirindwi Frw ku kwezi.

Aha ni ho yaje gusanga ko icyo cyumba cye kinjiza Miliyoni 220 frw ku kwezi, hanyuma yakuba n’amezi cumi n’abiri, agasanga ko icyo cyumba kinjiza hagati ya Miliyari 2.5 na Miliyari 3 Frw.

Agira ati “Iyo mibare nabashije gukora, nayihereyeho ndavuga nti ’ibingibi nabikomeza bikaguka cyane, bityo hakaboneka n’urubyiruko rwinshi ruza rugacuruza. Aha byari byoroshye ko ibicuruzwa nzanye byihuta kuko nabikwirakwizaga muri aba bacuruzi.”

Atanga urundi rugero ku nyungu irimo, yagize ati “Niba icyumba ngikodesheje miliyoni eshatu, ariko abakodesha bakanyishyura miliyoni eshanu, nzishyura nyir’inzu miliyoni eshatu, nsigarane inyungu yanjye ya Miliyoni ebyiri Frw.”

Agira ati “Ariko inyungu nyinshi mbona kurushaho, ni ugukora urwego rw’ubukungu.”

Gahungu akibona ko ibi bikora, yahise yumva ko ashobora kwagura, kuko mu bucuruzi bwose, iyo ukora ku buryo ugabanya ikiguzi cy’ubucuruzi, inyungu iraza.

Aha ni ho yahise avuga ati “Ubwo mfite icyumba kimwe, ndamutse mfite inzu yose, byagenda gute? Nyir’inzu rero naragiye ndamwegera, ampa etage ya mbere, mu mezi atatu mba nyujujemo abacuruzi.”

Aha rero, yahise agira ibyumba birindwi, maze asanga ku bacuruzi mirongo itatu yari afite, ahita agira abantu 210 bacuruza.

Agira ati “icyo gihe nyir’inzu yabonye mbigezeho mu gihe gito, anyegurira inzu yose, tuba dukoze ubucuruzi bw’inzu yose, bwitwa Tajire Electronics Mall.”

Uyu munsi, Gahungu avuga ko amaze kugeza ku bacuruzi barenga igihumbi muri iyi nzu, aho umuntu bamuha akabati akodesha hagati ya Rwf 80,000 Frws-100,000 Frws ku kwezi.

Aha Gahungu wakodesheje iyi nzu imyaka icumi, avuga ko ashaka kongera andi masoko yakodesha kuri ubu buryo, ndetse ngo ubu akaba yaratangiye kubona ba nyir’inzu babimusaba ahantu hatandukanye muri Kigali.

Hamwe n’isoko ry’ibikoresho by’ikoranabuhanga, ubu noneho yashyizemo n’ishuri rizajya ryigishirizwamo gukora amatelefoni n’ibindi bikoresho by’ikoranabuhanga.

Yanashyizemo kandi ikigo cy’ubushakashatsi mu ikoranabuhanga, kizajya gifasha urubyiruko ruhanga udushya kugera ku nzozi zarwo zo kubivanamo umusaruro.

Muri icyo kigo cy’ubushakashatsi, ubu bamaze gukora udukoresho tugena igihe amatara yakira n’igihe azimira, udukoresho dupima ubusharire bw’ubutaka, drones, ndetse n’inkoni z’umweru z’abafite ubumuga bwo kutabona.

Icya mbere ni uko twiteguraga kwakira umushyitsi muhire, Papa Yohani Pahulo wa II, “Ambasaderi w’isi n’Ijuru” nk’uko abahanzi bamwitaga.

Amasengesho yari yaramaze guhimbwa, maze tukayavuga twitegura kujya mu ishuri mu gitondo.

Ikindi kandi, twiteguraga kuzana ibyangombwa byo kwiyandikisha gukora ikizamini cya Leta gisoza abanza. Byari bishya kuko twagombaga kugikorana n’Umwaka wa Karindwi.

Mu kwezi kwa Nzeri koko Umushyitsi yaraje tumarana iminsi itatu, aduha umugisha.

Nyuma y’ukwezi kumwe, na bwo twarakomeje tujya gukora ibizamini i Masagara, ariko abari bafite abavandimwe i Kigali, bakavuga amakuru y’Inyenzi - Inkotanyi zateye u Rwanda, zikarasa ibisasu biremereye, abantu bakihisha munsi y’ibitanda.

Ifoto ya AI igerageza gushyira umwanditsi(hagati) mu buzima yarimo mu 1990. Icyo ikoranabuhanga ryananiwe ni ukumusubiza ubuto bw’icyo gihe, ariko ibisigaye ni byo. Abize bitemewe kwambara inkweto barabyumva

Abari mu Majyaruguru n’u Burasirazuba bw’u Rwanda babanye n’izi Nkotanyi ubwo zafataga imisozi uko bukeye n’uko bwije, ariko twebwe za Bunyambiriri, Bufundu na Nduga yose tukabyumva mu makuru ya Radiyo Rwanda, umutima wa Ofisi y’Amatangazo ya Leta (ORINFOR).

Nta mahirwe yo kumva Radiyo Muhabura, Ijwi rihabura, Ijwi rya FPR Inkotanyi twari dufite ngo tumenye andi makuru, kuko umurongo wa SW kuri Radiyo Nasiyonali, cyangwa Mera wavugaga uzanamo ibindi bihugu byinshi. Icyo nibuka gusa ni indirimbo ‘Umunezero’ ya Cecile Kayirebwa.

Akenshi inkuru zabaga zivuga ukuntu Inyangarwanda zateye u Rwanda, ingabo z’u Rwanda zikazikubita inshuro, zikicamo abagera kuri magana atatu, ariko hagapfa babiri gusa mu ngabo z’u Rwanda.

Ariko ku miryango yari ifite abasirikare mu ngabo z’u Rwanda, gahoro gahoro twagiye tumenya ko Inkotanyi zidakina. Nko muri Mata 1994 by’umwihariko, umuryango wanjye wagiye mu kiriyo, ubwo mukuru wanjye Mutuyiyera Jean de Dieu yagwaga ku rugamba, hanyuma tukaza no kubona izindi mpunzi za bagenzi be zihungana n’abasivili baturutse imihanda yose.

Ariko aha byari bimaze kuba bibi cyane, dore ko twari tumaze kugera muri Jenoside yakorewe Abatutsi muri Mata 1994, aho abarenga Miliyoni bishwe mu mezi atatu bazira uko bavutse. Iyo nkuru yaba iy’ikindi gihe.

Burya nta wuhunga atumvise umuriro

N’ubwo byari bimeze gutyo, n’ubwo twumvaga dutinye Inkotanyi, n’ubwo batubwiraga ko zifite imirizo, ko zifata abantu zikabasekura mu isekuru, ibyo ntibyaduhagurukije.

Nyamara, inkotanyi zigeze mu misozi ya Buhanda na Rwankuba muri Ruhango yo hakurya yacu ahahoze ari Masango kwa Burugumesitiri Mpamo, twiyumviye urusaku rw’imbuda zabira, duhita twumva ko tugomba gufata utwangushye.

Twanyuze muri Nyungwe ahagana muri Nyakanga 1994, kandi aho twanyuze nta Nkotanyi z’Amarere twabonye. Umuntu twabonye gusa ni Faustin Twagiramungu wakanguriraga abahunga kugaruka, abahumuriza ariko ntitwabyumvaga.

Ubwo rero twahingukiye Rusizi, maze twambuka umugezi dushinga amahema i Nguba ya Bukavu, ubuzima bw’ubuhunzi nyakuri buba buratangiye.

Aha ni ho twamaze iminsi mike mbere yo gukomereza INERA mwumva, hafi ya Kashusha, ADI Kivu n’ikibuga cy’indege cya Kavumu munsi ya Kahuzi Biyega n’uruganda rw’icyayi rwa Madaga.

Mu marembo y’inkambi ya INERA: Inkambi ya Kashusha-mu nkengero z’iyi nkambi niho hari haparitse za bisi, izi bitaga ingonokera. Zatwaraga EX-FAR n’interahamwe bakajya ku rugamba babyina hejuru ya bisi

Inkuru z’i Nera, ubuzima bugoranye, abapfa bazize macinya, abatubuza kugira icyo dukora kuko n’inyanya tuzihinze twazasubira mu Rwanda zitarera…sindi buzitindeho.

Ibyo ntibyatubujije kuhamara imyaka hafi itatu dutunzwe n’impungure na za Kivunde (kaunga yashaje, irura) twahabwaga na Padiri Carlos, nako HCR.

Kuba ku rugamba utari umusirikare, utagira intwaro

Inkuru zo mu nkambi zo muri Kivu y’Amajyepfo zabarwa gusa n’abaziboneye, kuko burya ribara uwariraye.

Mu gihe twiyandikishaga kwinjira mu nkambi, icyabaga gihangayikishije umuryango wose ni ugukora ku buryo babona ibibanza byinshi bibanditseho, kugira ngo bajye babona ifu y’ibigori nyinshi, amakarito menshi y’ibisuguti, amavuta inkwi n’ibindi, kuko uko umuntu afite abantu benshi, ibibanza byinshi bimwitirirwa, ni ko n’ibyo abona byarushagaho kwiyongera.

Hari ababonaga ibibanza byinshi n’ibyo kurya byinshi bagakora stock, maze bagahindukira bakabicuruza ku bandi, bakunguka. Kuri jyewe, umuryango wanjye twari abana benshi, kandi bageze mu gihe cyo gufungura cyane. Ibyo twari kubona byose twari kubirya, nta mahirwe y’ubucuruzi yari ahari.

Nuko rero...uko iminsi yagendaga ihita, ni ko twabonaga abavandimwe bacu bahoze mu gisirikare barushaho kwiyegeranya, dutangira ndetse no kubona bazanye imbunda, kandi nshyashya mu nkambi.

Aha kandi ni ho twatangiraga kumva amakuru y’amacakubiri hagati ya Perezida Mobutu Sese Seko na Minisitiri we w’Intebe Etienne Tshisekedi.

Aha kandi, abahoze mu gisirikare, ni nako bacengeraga mu Rwanda baciye ku kirwa cy’i Wawa n’ahandi henshi, bamwe bakagaruka amahoro, abandi bagafatwa.

Abandi na bo batangiye kwitoreza aho za Kashusha, maze tukababona nimugoroba bari muri morale, buzuye ku mabisi basahuye u Rwanda, bavuga ko bagiye kwirukana Inkotanyi zikabebera. Ubwo natwe rero twateraga hejuru tuti “twatashye!”

Ibyo byatumye Leta yari imaze guhagarika Jenoside yakorewe Abatutsi mu Rwanda ikomeza kubwira Zaire ya Mobutu ko biyibangamiye, kuba abasirikare bakoze Jenoside bari hafi y’imipaka y’u Rwanda, kuko batezaga umutekano muke.

Zaire ibyo ntiyabikozwaga, ariko ntibyatinze u Rwanda rufata umwanzuro wo kuza gusaba abiyemeza ko bitwa ‘Abasirikare bagishaka kurwana’ n’Abasivili kwitandukanya.

Nk’Abasivili rero, twebwe ayo makuru twabaga tutayasobanukiwe, dore ko no mu nkambi habaga hari iterabwoba rivuga riti “Inkotanyi zigufashe…zakugwa nabi cyane, ni ingome sana!”

Twari tuzi rero ko u Rwanda ruhiga uwahunze wese ngo rumwice. Kandi abo bene wacu b’interahamwe n’abasirikare kubona tubyumva gutyo byarabafashaga, kuko byatumaga babona abo bazajya bihishamo.

Ntabwo twari tuzi ko rero gukomeza kubana na bo byadushyiraga mu kaga, cyane cyane aho bamariye kubona imbunda. Ndibuka umuvandimwe wanjye ayizana, y’umukara nshyashya akayigumana muri burende (Burende si imodoka ya gisirikare, ni ko twitaga ihema ry’impunzi).

Aho ni ho inkambi zahindutse nk’ibirindiro. Abato n’abakuru, abasaza n’abakecuru, abasivili twese natwe twisanze tubirimo tutazi uburyo umuriro uzatwotsa tutazi iyo biva n’iyo bijya. Wagira ngo twabaga tuzi ko izo ari inkoni bafite. Gusa kuri uru rwego, mu nkambi hari amakuru menshi n’ibihuha byinshi biteye ubwoba, binyuranamo n’amakuru acicikana ya Radiyo Agatashya.

Ni yo mpamvu iby’iyo ntwaro ntamenye neza amaherezo yabyo, dore ko tunahunga twatatanye umuryango wose ukaburana. Iyaba uyu muvandimwe yari ahari nari kumubaza, ariko yatandukanye n’undi muvandimwe wanjye, acengera mu ishyamba kure. Ubu ishyamba rya Congo ni ryo ribitse amakuru menshi.

Umwanditsi nyuma y’imyaka 28 atahutse

Ndibuka umwarimu umwe niga muri Latin Philo, atubwira ngo “Je ne crois pas que l’ONU peut permettre à qui qu se soit de détruire les camps”…ni nko kuvuga ngo “Simpamya ko umuryango w’Abibumbye hari umuntu wakwemerera gusenya inkambi.

Nyamara imyitozo hirya no hino za Inera na Kashusha yarushijeho kwiyongera, maze umunsi umwe, ntazibagirwa, umuriro uraka.

Namanutse nifatiye Bibiliya Ntagatifu mu ntoki, iwacu barantwama bati “Ni gute wahunga utyo ntacyo uhunganye wa kigoryi we,” ariko ndiruka, bariruka, turiruka imisozi turayimara, nuko nimugoroba, ishyamba rya Kahuzi Biyega riratumira twese.

Sinibuka neza imibare, ariko ndumva Inkambi ya Inera, ADI Kivu na Kashusha zari zituranye, ntizari zibuze abantu ibihumbi ijana. Twese twanyanyagiye imisozi turengera mu ishyamba.

Inkuru zo mu ishyamba zari nyinshi, sinajya kuzitindaho, ariko sinabura kuvuga imirire. Buri wese afite umuhora yanyuzemo, ariko aho nzi, jyewe ni uko, n’ubwo nta kintu nahunganye, wagira ngo Imana yari ibizi. Naje guhinduka umuhigi (hunter, breadwinner), ushinzwe gutunga urugo.

Nagombaga kujya gukura amateke cyangwa imyumbati yimeza muri pariki, ni uko tukarya. Amavuta nticyari ikibazo kuko ingazi zitanga amavuta muri Congo zigomba kuba zimeza. Hari ibice bya Congo ibiribwa bimwe na bimwe byimeza, cyangwa ibindi nk’amashaza bakabimena mu gisambu bakazagaruka mu isarura.

Nyuma, twambutse uruzi runini tujya kuri centre yitwa Malembe, twaje no kubona ahandi hera imishaba, cyangwa imizuzu nk’uko njya mbyumva mu rurimi rw’iki gihe. Icyo tutashoboye kubona muri iryo shyamba ni “imirima y’inyama.”

Uwavuga ko Imana itahaye Congo imigisha y’ubutaka bwiza, yazambaza ku ruhande nkamuha amakuru. Andi makuru ni uko no muri Congo haba abana n’abantu bakuru benshi “bari mu mutuku.”

Ikitarabaga muri uyu muhora ni umunyu, ariko burya ngo ikibura bakarya ni umunyu. Hasigaye kumenya niba kuwubura igihe kinini byakugwa amahoro. Wasanga nzabyumva nshaje!

Gusa icyo nibuka aha hantu Malembe, ni uko ari ho naburaniye n’umukecuru wanjye, umubyeyi nari nsigaranye, ubwo hashize imyaka hafi mirongo itatu.

Iri shyamba rya Kahuzi, twarigenze amezi atatu, maze igitondo kimwe, mbere y’uko tugera aho umuntu ashobora kubona izuba, Abanyecongo baratuzindukira.

Abanyekongo bati mudusigire utwacu

Uwari usigaranye akenda kazima, uwari warashoboye guhisha amafaranga y’u Rwanda kugeza icyo gihe, n’ibindi, aba bantu bitwaje intwaro baraje baradusaka, barabitwara, nuko mu mutima, turababwira tuti “Nimujyane mudusige. Namwe mumeze nabi n’ubwo muri iwanyu.”

Muri iri shyamba, kereka niba abandi bari bafite amakuru, ariko icyo nzi cyo ni uko tutari tuzi aho tugiye, cyangwa ngo tumenye igihe tuzasoreza urwo rugendo.

Kahuzi - Biega. Ishyamba nk’iri umuntu wenda yarisura agataha, ariko kuriegendamo ukwezi, amezi, si igitekerezo cyiza

Ahubwo wagira ngo ryari isiganwa ryo kugenda no kugera kure hashoboka. Twumvaga ko hari abamaze kugera za Walikale, ndetse ngo n’abandi bakaba bakomeje inzira igana Kisangani. Ku makuru mfite, wa muvandimwe wanjye w’umusirikare yari mu b’imbere birutse cyane. Hari aho yageze atandukana na mukuru wanjye rukumbi wagarutse mu Rwanda. Bari bamaze gushyingura murumuna wanjye unkurikira. Uwo ishyamba ryaramuriye.

Abo twari twaraburaniye mu muhora wundi, ariko tugaruke muri wa muhora wa njye, aho nari kumwe na bashiki banjye babiri.

Tumaze kwamburwa n’Abanyecongo twarongeye dufata inzira turagenda, dore ko ntaho twararaga Kabiri. Business kwari ukugenda, nta kindi. Twarabyukaga mu gitondo tukagenda, bwakwira tugakwakwanya shitingi, twagira amahirwe ntihagire imvura igwa, cyangwa yagwa tukarara muri Piscine, mu gitondo tugacumbukura gutyo gutyo.

Uwo munsi rero, Imana yari yagambiriye kuturuhura, nuko tugize gutya, tubona tugeze ku kiraro, uuuhm! Tubona ahantu abantu bagiye basiga udukoni twinshiiii, turebye hakurya tubona kaburimbo, aho ni ahitwa Hombo.

Aha hantu rero, abasirikare bari badutegereje, badushyira ku murongo, ntawe bariye urwara, ntawe bakuye, bati "Ngaho nimwinyurire aha".

Yampaye inka rero! Abasirikare, bavuga Ikinyarwanda? Aho none izi si zo Nkotanyi? Uuuhm! Ni uko rero batujyanye ku musozi ucungamiye umuhanda, abantu batangira gusaba inema yo gupfa neza, ariko ntitwumva isasu, ahubwo tukajya tubona abaza kutwandika, bakaduha n’utwo kurya.

Bwarakeye amakamyo atangira kuza, bagashyiramo abanditswe, nuko dufata umuhanda, tugenda Kahuzi Biyega tugaruka, tubona duhingutse ku mupaka twinjiriyeho mu myaka itatu ishize. Hari Kuri Noheli ya 1996. Uwo munsi ni bwo twasezeye ku myumbati irungishije amamesa. Batubwiraga ko ntacyo yadutwara kuko burya ngo amavuta ni umuti.

Twabaye mu nkambi ya Nyagatare i Rusizi, maze igihe kigeze baduha imodoka itugeza iwacu i Musange. Aha rero twakomeje guhura n’Abasirikare b’u Rwanda kuri Komini Musange, bambaye “Mukotanyi”.

Mu gutangira wamubonaga hirya mutarahura ugaca indi nzira ngo mudahura, ariko gahoro gahoro tuza kubegera, tukavugana, tugasangira, noneho rero ubucuti buva aho.

N’ubwo twakomeje kubita Inkotanyi, turabizi ko bamaze kubohora u Rwanda, aba basirikare b’intwari babaye ingabo z’ibanze z’u Rwanda, ariko, uwo mwaganiraga hano, ni umwana w’imyaka 16 w’impunzi, yaje gutahuka mu rwamubyaye. Icyo gihe rero, mu mitima yacu, izina Inkotanyi ni ryo twari tuzi.

Ni zo ngabo z’u Rwanda zabaye ishema ryanjye n’abo twatahukanye bose n’Abanyarwanda muri rusange. Zatanze amahoro tubona amahirwe n’umwanya wo kwiyubaka, kuko ziyobowe neza. Zirakarama n’abagaba bazo, n’Umugaba wazo w’Ikirenga.

Afungura ikiganiro, Smith yerekanye ko afitanye amateka n’akarere u Rwanda ruherereyemo, aho yagize ati "Uruhare rwanjye mu gushyigikira amahoro hagati y’u Rwanda na Repubulika Iharanira Demokarasi ya Kongo (RDC) — kimwe n’inshuti yanjye magara ndetse wahoze ari umufatanyabikorwa wanjye, Ambasaderi Tony Hall, uza gutanga ubuhamya uyu munsi — rumaze imyaka irenga mirongo itatu, ruhera mu bihe bya Jenoside yakorewe Abatutsi mu 1994 kugera ku “Masezerano ya Washington” y’ubu.

Muri aya masezerano ya Washington, yavuze ko kuzana impande zombi ku meza y’imishyikirano ubwabyo ari igitangaza kuko ngo ari bwo bwa mbere mu mateka ya vuba intambwe nk’iyi yatewe muri iyi ntambara.

Aha yagize ati "amasezerano yagezweho, inyungu z’ubukungu n’umutekano azazana kuri RDC, u Rwanda, na Leta Zunze Ubumwe za Amerika ntizisanzwe."

Yavuze kandi ko gukurikiza no gushyira mu bikorwa ibyo impande zose ziyemeje mu maseserano yo mu Kuboza 2025 atari inyungu ya Amerika gusa, ahubwo ngo ni ingenzi cyane ku bantu babarirwa muri za miriyoni bamaze igihe babajwe n’ingaruka z’intambara.

Ati "Ibi bireba ab’ubu n’ab’igihe kizaza — abana b’Abanye-Kongo n’Abanyarwanda — ndetse n’icyubahiro cy’abagera kuri miliyoni esheshatu bishwe muri iyi ntambara imaze imyaka myinshi, ni igihombo cy’ubuzima bw’abantu giteye ubwoba kandi kitakwihanganirwa."

Smith yavuze ko mu gihe Amerika yari yizeye ko ibintu biri kugenda neza muri aya masezerano, hajemo kidobya "y’igitero cy’ubugwari ku mujyi wa Kisangani, bigaragaza ko amahoro afite abanzi.", maze agira ati "Ntitwakwemera ko intambwe tumaze gutera yigarurirwa n’abungukira mu mvururu."

Yongeyeho kandi ati "Intego yacu uyu munsi ni ugutuma impande zose n’abantu bose basobanukirwa inyungu ziri mu Masezerano ya Washington, no gutuma guverinoma z’u Rwanda na RDC zisobanukirwa neza intambwe zigomba gutera kugira ngo ayo masezerano agerweho."

Imwe mu nyungu zikomeye Amerika igaragaza muri aya masezerano ya Washington, ni irebana n’Urwego rw’Ubukungu bw’Akarere (Regional Economic Integration Framework), rusaba RDC n’u Rwanda gushyiraho igenamigambi rifatika ry’ubukungu bukomatanyije — mu gutunganya amabuye y’agaciro, ibikorwaremezo, ingufu n’ubukerarugendo.

By’umwihariko, Smity yibutsa ko Amasezerano ya Washington akubiyemo icyiciro kigizwe n’intambwe enye zigenga uko ibikorwa bizakorwa (“concept of operations”) impande zombi zemeranyijeho.

Yagize ati "Ibi ni ingenzi kugira ngo u Rwanda rwemere gukura ingabo zarwo mu karere, ariko ibyo bizakazashoboka ari uko RDC ikurikije gahunda yo kurandura umutwe wa FDLR. Icyakora mu gihe ingengabitekerezo ya Jenoside ya FDLR ikomeje kuba ikibazo nyamukuru ku mutekano w’u Rwanda, twiteze ko M23 n’u Rwanda bazafata ingamba zo gusubiza mu buzima busanzwe no gusenya imitwe y’abarwanyi bari mu maboko yabo."

N’ubwo Smith yerekanye ibisabwa u Rwanda muri uru rwego rw’umutekano, u Rwanda rwakomeje kuvuga ko rudafite ingabo zarwo muri Congo. Icyakora u Rwanda rwashyizeho ingamba z’ubwirinzi, zigamije kurinda ubusugire bw’igihugu, dore ko Perezida wa Congo Felix Tshisekedi inshuro zirenze imwe yavuze ko afite gahunda yo guhindura Ubutegetsi bw’u Rwanda.

U Rwanda ruvuga ko nta nkunga rutera abarwanyi abo ari bo bose mu ntambara Congo ihanganyemo n’umutwe wa M3.

Amerika yateze amatwi ibiganiro by’abahagarariye amadini mu kibazo cya Congo

Smith yavuze ko Amerika igomba kwemera uruhare rukomeye rw’Inama y’Abepiskopi Gatolika muri Kongo (CENCO) n’Itorero rya Kristo muri Kongo (ECC), bafatanyije n’Umuryango wa Afurika Yunze Ubumwe.

Yagize ati "Kenshi na kenshi, iyo ibisubizo bya politiki byananirwaga, CENCO na ECC barinjiraga bagafasha. Twibuka uruhare rwabo rukomeye mu kugera ku Masezerano ya Saint-Sylvestre yo ku mugoroba w’itariki ya 31 Ukuboza 2016, yahagaritse isenyuka ry’igihugu, ndetse n’Amasezerano yo mu 2025 agamije guhangana n’ibibazo by’ubutabazi n’ubugizi bwa nabi bikomeje mu karere."

Smith abona ko CENCO na ECC atari indorerezi, ahubwo ngo ni ingenzi mu gufasha mu biganiro by’igihugu byagutse muri RDC — bigahuza imiryango yose ya sosiyete sivile, amadini, amashyaka ya politiki n’imitwe yitwaje intwaro — bigamije guteza imbere ubumwe bw’igihugu, imibanire myiza n’amahame y’imiyoborere myiza.

Kugira ngo yumvikanishe agaciro aba banyamadini bafite mu kibazo cya Congo, Smith yavuze ko yaje muri Congres amaze kubonana n’abayobora CENCO na ECC, akaba yizeye ko bazafatanya n’abandi bahuza basanzwe, barimo na Perezida wa Repubulika ya Angola, Perezida Lorenco.

Ati "Ni ngombwa ko amajwi yose yumvwa kandi yubahirizwa, kandi ko umutekano w’abantu bakora mu miryango sivile urindwa."

Avuga kuri iki kiganiro cyatanzwe na Smith, Minisiitiri w’Ububanyi n’Mahanga n’Ubutwererane w’u Rwanda Amb. Olivier Nduhungirehe yagize ati "ni ishusho yuzuye y’igitekerezo cy’uburyo ibikorwa byasinywe i Washington ku itariki ya 27 Kamena 2025 bizakorwa (CONOPS)."

Ni na ho U Rwanda rwahereye rusaba ko habaho impinduka zikomeye ziganisha ku iterambere rishingiye kuri Afurika ubwayo kandi riterwa inkunga n’Abanyafurika.

Ubu butumwa bwatanzwe na Minisitiri w’Intebe, Dr Justin Nsengiyumva, wahagarariye Perezida Paul Kagame ku wa Kabiri mu Nama ya 43 ya Komite Ngishwanama y’Abakuru b’Ibihugu na za Guverinoma y’Ikigo cy’Umuryango wa Afurika Yunze Ubumwe gishinzwe Iterambere – AUDA-NEPAD, ari yo rwego rwo hejuru rushinzwe kugenzura no kuyobora politiki z’iki kigo.

Iyo nama yo ku rwego rwo hejuru yagarutse ku isuzuma ry’ishyirwa mu bikorwa rya gahunda z’iterambere ku mugabane, ndetse inaganira uburyo bwo kwihutisha ishyirwa mu bikorwa ry’ibikorwa byihutirwa by’Umuryango wa Afurika Yunze Ubumwe biteganywa muri Gahunda ya 2063.

Iyi nama ije mu gihe ibihugu bya Afurika bihanganye n’ihungabana ry’ubushobozi bwo kubona inkunga ku rwego mpuzamahanga.

AUDA-NEPAD ni ikigo cya AU gishinzwe guteza imbere iterambere, gifite inshingano zo guhuza no gushyigikira ishyirwa mu bikorwa rya gahunda z’ingenzi z’umugabane, binyuze mu gukorana n’ibihugu bigize Umuryango, imiryango y’ubukungu y’uturere, n’abafatanyabikorwa mu iterambere, hagamijwe guhindura politiki za AU imishinga ifatika mu nzego zirimo ibikorwaremezo, ubuhinzi, ubuzima, inganda n’iterambere ry’inzego n’ubushobozi bwazo.

Abayobozi bahuriye muri iyo nama mu gihe kirangwa n’izamuka ry’ihangana rya politiki ku rwego mpuzamahanga, igabanuka ry’inkunga z’iterambere, n’igitutu gikomeje kwiyongera ku bigo mpuzamahanga by’imari, ibibazo bikomeje kudindiza imbaraga z’iterambere muri Afurika.

Mu ijambo rye, Dr Nsengiyumva yavuze ko Afurika igomba gushimangira gahunda yayo y’iterambere ishingiye ku bushobozi bwayo n’imari ikomoka imbere, aho kwishingikiriza cyane ku nkunga ituruka hanze.

Yavuze ko nubwo ubufatanye mpuzamahanga bukiri ingenzi, budashobora gusimbura ubuyobozi bukomeye bwo mu gihugu, kubazwa inshingano no gushora imari ku rwego rw’igihugu.

Minisitiri w’Intebe yagaragaje ko iterambere rirambye rizashingira ku bushobozi bwa Afurika bwo gukusanya no gukoresha neza imari iva imbere, gushimangira inzego za Leta, no kwemeza ko ishyirwa mu bikorwa rya gahunda rihuza n’intego za Gahunda ya 2063.

Gahunda ya 2063 ni icyerekezo cy’igihe kirekire cy’Umuryango wa Afurika Yunze Ubumwe kigamije kugera ku iterambere ridaheza, iterambere rirambye n’ihuzwa ry’ibihugu by’umugabane. Ni ingenzi cyane ku Rwanda kuko ihuza cyane na Gahunda y’Igihugu yo Kwihutisha Iterambere (NST) n’icyerekezo cyo kubaka ubukungu bushingiye ku bumenyi, buyobowe n’abikorera.

Yagize ati: “Twongeye kwibutswa ko ibisubizo birambye kandi bihindura Afurika mu buryo bufatika bigomba guturuka imbere muri yo. Imiterere y’iterambere rya Afurika igomba kurushaho gushingira ku bushobozi bwayo bw’imari n’ubumenyi.”

U Rwanda rwishimiye kandi gahunda nyafurika zikomeje gushyirwaho zigamije gukomeza imiterere y’imari n’iterambere ku mugabane, zirimo gufungura amahirwe yo gukoresha neza ibigega by’ubwiteganyirize bw’iza bukuru, kongera ubufatanye hagati y’ibigo nyafurika by’imari mpuzamahanga, no kwagura uruhare rw’abikorera mu bikorwa by’iterambere.

Nk’uko Dr Nsengiyumva yabivuze, izi gahunda zigaragaza impinduka z’ingenzi mu miyoborere, zigamije kugabanya ukwishingikiriza kwa Afurika ku nkunga zo hanze.

Minisitiri w’Intebe yanagarutse ku ntambwe imaze guterwa mu kongera imari ikoreshwa mu rwego rw’ubuzima imbere mu bihugu, aho u Rwanda rufite intego yo kuba indongozi muri iyi gahunda muri Afurika.

Dr Nsengiyumva yanashimangiye akamaro k’ikoranabuhanga n’udushya mu gutanga serivisi za Leta, yishimira ikoreshwa rigenda ryiyongera ry’ubwenge bw’ubukorano (AI) mu gushimangira ubuvuzi bw’ibanze, kongera umusaruro no kwagura serivisi z’ubuzima muri Afurika.

Yanavuze kandi ku ntambwe igaragara iganisha ku gutangira gukora kw’Ikigo Nyafurika Gishinzwe Imiti (African Medicines Agency), abisobanura nk’intambwe ikomeye mu gushimangira igenzura ry’imiti, kurengera ubuzima rusange no gushyigikira iterambere ry’inganda zikora imiti muri Afurika.

Iyo nama yanaranzwe n’impinduka mu buyobozi bwa Komite, aho Perezida wa Angola, João Lourenço, yatorewe kuba Umuyobozi mushya, asimbuye Perezida wa Misiri, Abdel Fattah El-Sisi.

Mu gusoza, Dr Nsengiyumva yavuze ko icyizere Afurika ifitiwe ku rwego mpuzamahanga kizagenda gishingira cyane ku bushobozi bwayo bwo kwishakira inkunga, gushyira mu bikorwa no kurinda gahunda zayo z’iterambere.

Ku rubuga rwe rwa X, Nduhungirehe yanditse ati "uyu mugoroba nageze mu mujyi w’iwacu wa Addis Ababa kugira ngo nitabire inama isanzwe ya 48 y’Inama y’Ubutegetsi (Executive Council) n’inama isanzwe ya 39 y’Inteko Rusange y’Umuryango wa Afurika Yunze Ubumwe (AU)."

Inama isanzwe ya 39 y’Inteko Rusange y’Abakuru b’Ibihugu na za Guverinoma b’Umuryango wa Afurika Yunze Ubumwe (AU) izaba ku matariki ya 14–15 Gashyantare 2026 i Addis Ababa, muri Ethiopiya. Insanganyamatsiko yayo igira iti: “Kwihaza ku mazi no gushyiraho gahunda z’isuku zitekanye hagamijwe kugera ku ntego za 2063.”

Iyi nama izibanda ku mutekano w’amazi, isuku n’isukura, ivugurura ry’inzego, ndetse n’ibikorwa bigamije amahoro n’umutekano.

Ingingo z’ingenzi zizaganirwaho mu Nteko ya 39 ya AU zirimo:

Insanganyamatsiko y’Umwaka: Kwita ku kuboneka kw’amazi ku buryp burambye n’imirimo y’isuku n’isukura itekanye mu rwego rwo gushyigikira Gahunda ya 2063.

Ivugurura ry’Inzego: Guteza imbere ivugurura ry’Umuryango wa Afurika Yunze Ubumwe riyobowe na Perezida wa Kenya William Ruto.

Amahoro n’Umutekano: Kungurana ibitekerezo ku kurangiza amakimbirane, guteza imbere ituze, no gushyira mu bikorwa Imiterere Nyafurika y’Imiyoborere (AGA) n’Imiterere Nyafurika y’Amahoro n’Umutekano (APSA).

Iterambere n’Ukwishyira hamwe: Guteza imbere Isoko rusange ry’Ingendo zo mu Kirere muri Afurika, iterambere ry’ubukungu, n’imishinga y’ibikorwaremezo ihuza uturere.

Uburinganire n’Urubyiruko: Ibiganiro byo ku rwego rwo hejuru bigamije gushimangira ubuyobozi n’inkunga mu by’imari by’abagore, ndetse n’urubyiruko, binyuze muri gahunda ya WYFEI 2030 (Gahunda yo guteza imbere kwinjira mu bukungu n’imari by’abagore n’urubyiruko).

Iki ni igikorwa gikomeye cyihariye cy’ubuganga bwo kubaga, kizitabirwa n’abaganga b’inzobere mpuzamahanga mu kubaga ubwonko (Neurosurgeons), mu ndwara z’ubwonko (Neurologists) n’abatera ikinya (Anesthesiologists) baturutse mu bihugu bitandukanye.

Nk’uko abari mu itumanaho rya CHUK babivuga, iki gikorwa cyihariye kizibanda ku kubaga abarwayi 8 bafite amateka y’indwara y’igicuri cyananiye imiti isanzwe (drug-resistant epilepsy).

Ni bwo bwa mbere mu Rwanda, ndetse no mu karere k’Ibiyaga Bigari muri rusange, ibikorwa nk’ibi byo kubaga abarwaye igicuri bigiye kuba.

Minisitiri Joseph Nsengimana yasubizaga umuturage w’i Kibungo wasabye Perezida Kagame ko Kaminuza yigenga ya INATEK yahoze ikorera i Kibungo yakongera gufungurwa, bakavanwa mu bwigunge.

Nsengimana yabwiye uyu muturage ati "Iyi kaminuza Leta yayihaye ikibanza ikoreramo, iyifasha no mu bindi byangombwa by’ingenzi yari ikeneye kugira ikore, ariko iza kunanirwa irafunga."

Nsengimana yahereye ho abwira uyu muturage ati "ntabwo Leta yakomeza gushora imari mu mishinga idashobotse. Abashaka kwiga bareba izindi Kaminuza bigiramo."

Ikibazo cya INATEK giteye gite?

Muri Nyakanga 2020, Minisiteri y’Uburezi yafunze Kaminuza ya Kibungo (UNIK), yari izwi mbere nk’Ikigo cy’Ubuhinzi, Ikoranabuhanga n’Uburezi cya Kibungo (INATEK), bitewe n’“ibibazo by’imiyoborere byabangamiraga ireme ry’uburezi”.

Nyuma yo gufungwa kwayo, iyi kaminuza yahawe amezi atatu yo gutanga raporo igaragaza uko ingamba zitandukanye zizashyirwa mu bikorwa, zirimo inshingano z’amasomo n’iz’imari ku banyeshuri, kugira ngo bashobore gushakira ahandi bakomeza amasomo yabo mu yandi mashuri makuru.

Kuva icyo gihe, imitungo ya UNIK ihamye n’idahamye yashyizwe mu cyamunara hagamijwe kwishyura amadeni arenga miliyari 2 z’amafaranga y’u Rwanda (Rwf) iyi kaminuza yari ifitiye ibigo by’imari, abakozi n’abayigurishaga ibikoresho n’ibindi.

Cyamunara iheruka yari iteganyijwe kuva tariki ya 17 kugeza ku ya 24 Mata 2023, aho imitungo idahamye igizwe n’ibikoresho by’ishuri bifite agaciro ka Rwf 20,785,620 yashyizwe mu cyamunara mu rwego rwo kubahiriza icyemezo cy’Urukiko Rukuru rwa Ngoma cyo kwishyura ideni ryari rifitiwe Ramuald Mutabaruka.

Abahoze ari abanyeshuri baganiriye na KT Press bagaragaje impungenge ko bashobora kubura amahirwe mu kazi cyangwa mu gukomeza amasomo yabo, bitewe no kubura impapuro z’amasomo zirimo impamyabumenyi (transcripts) n’impamyabushobozi (degrees).

Umwe yagize ati: “Nagize amahirwe yo kubona akazi nerekanye impapuro z’amasomo z’agateganyo, ariko ikigo cyarafunzwe tutahawe impamyabushobozi zacu.”

Yakomeje agira ati: “HEC yagombye kuba ifite ububiko bw’inyandiko z’ingenzi za kaminuza ku buryo buri munyeshuri ashobora kubona impapuro z’amasomo igihe azikeneye, n’ubwo ishuri riba ritakibaho.”

Mu kiganiro cyihariye yagiranye na KT Press muri iki cyumweru, Faustin Musare, wabaye Perezida wa UNIK wa nyuma, yavuze ko intandaro y’ibi byose ari ikibazo cy’ubwownership (ownership).

Yagize ati: “Mu by’ukuri, amadeni kaminuza yafashe yari menshi cyane ku buryo yananiwe kwishyura abakozi n’abayigenewe ibikoresho. Ibi byose byatewe no kubura ubwownership bw’abagize umuryango shingiro wa kaminuza n’abayobozi bo muri perefegitura ya Kibungo bagize uruhare rukomeye mu ishingwa ryayo.”

Yakomeje agira ati: “Twagerageje kongera kuzahura kaminuza, ariko byarananiranye bitewe n’uburemere bw’amadeni. Twasanze nibura kugira ngo kaminuza yongere gukora bisaba arenga miliyari 2 z’amafaranga y’u Rwanda, ayo tudafite. Twanasabye Leta ubufasha ariko yanga kwivanga mu bikorwa by’urwego rw’abikorera muri ubwo buryo.”

Mu rwego rwo gushaka iherezo ryiza kuri iyi kaminuza izina ryayo rishobora kuzibagirana vuba, Musare asaba inzego zibishinzwe zirimo MINEDUC na HEC kwicarana n’abagize ishyirahamwe rya UNIK bakagena umuntu cyangwa itsinda ry’abantu bahabwa inshingano zo gukemura ibibazo by’amasomo byari bisigaye.

Umuyobozi Mukuru w’Inama y’Igihugu ishinzwe Amashuri Makuru (HEC), Dr. Rose Mukankomeje, ku ruhande rwe, yavuze ko nyuma yo gufungwa kwa UNIK, abanyeshuri bafashijwe kubona andi mashuri no kubona impapuro zose z’ingenzi z’amasomo zabo.

Yagize ati: “Kaminuza yahawe igihe gihagije cyo gukemura ibyo bibazo.”

Yakomeje agira ati: “Ni gute umuntu yakanguka abonye ko ibikoresho n’inyubako bigiye gushyirwa mu cyamunara maze akavuga ko atigeze abona impamyabumenyi ze? Kaminuza na HEC bafatanyije gufasha abanyeshuri mu gihe cy’amezi atandatu, ari na cyo gihe cyari gihagije.”

Yongeyeho ko ikibazo gishobora kuba kiri ku banyeshuri bari bagifite imyenda yo kwishyura muri kaminuza.

Ati: “Nta kindi dufite cyo gukora ku ishuri ritakiri mu nshingano zacu.”

UNIK yafunguwe mu 2003, ikagira icyicaro gikuru cya Kibungo mu Karere ka Ngoma. Igihe yafungwaga, yari imaze no gutangiza indi campus mu Karere ka Rulindo, mu Ntara y’Amajyaruguru.

Iyi kaminuza yahaye isoko ry’umurimo abanyeshuri barenga 9,500.

Ubwo yavugaga ijambo rifungura inama y’igihugu y’Umushyikirano, yagize ati "Abantu bavuga ngo twahakanye ko tutari muri Congo, ngo none ubu twarabyemeye...ibyo ni ubugoryi(nonsense)."

Kagame yavuze ko hari ikintu u Rwanda ruhora rubabwira abantu kijyanye n’ingamba z’ubwirinzi, ariko bakaba batabyumva.

Yagize ati "ubundi iki kibazo uko mpora ngisubiza, ni uku: niba ushaka kutubaza niba turi muri Congo, tubwire impamvu u Rwanda rwajya muri Congo, aho nawe wakwikuriramo igisubizo."

Kagame kandi yongeyeho ati "Mu myaka mirongo itatu ishize, twavuze ikibazo cy’umutekano mucye gituruka muri Congo, ariko bagakomeza batubaza, muri muri Congo, muri muri Congo?"

Kagame yavuze ko kuvuga ngo "Yego, icyo kiba ikibazo gikomeye mu isi, ndetse n’abanyamategeko barabizi...ni ukuvuga ngo ibindi bibazo byose bahita babyihorera, ubundi bakakurundaho ibibazo bya Congo ku mutwe wawe."

Aha ni ho Perezida Kagame yongeye kwibutsa ikiganiro yagiranye n’umunyamakuru mpuzamahanga mu minsi yashize,maze akamusubiza nk’uko nawe yari yakomeje kumubaza ikibazo kimwe asubiramo buri kanya.

Yagize ati "Ndibuka igihe umunyamakuru mpuzamahanga yambazaga niba tutari muri Congo, nkamubwira nti "simbizi. Icyo si igisubizo cyuzuye, ariko nta n’ubwo cyanjyana mu rukiko."

Kagame yahise yongera yibutsa ko u Rwanda rwakwikorera imitwaro yarwo, ariko rukaba rudashobora kongeraho ibya Congo.

Iyi ni inama ngarukamwaka iyoborwa na Perezida wa Repubulika Paul Kagame, ikaba ikiganiro gihuza Abanyarwanda bose, bakavuga iterambere u Rwanda rugezeho, urgendo rusigaye kugira ngo rugere aho rwifuza, ndetse n’icyakorwa kugira ngo intambwe idasubira inyuma.

Mu kiganiro cy’amasaha hafi atatu, uwitwa Gahunde Chaste avuga uburyo mu ntangiriro y’imyaka ya za 2010 yamenyanye na Nahimana, ariko bakaganira azi ko ari kuganira na ’Nyakubahwa Padiri’ ukorera umurimo muri Paruwasi runaka.

Icyo gihe Gahunde ngo yari mu gihugu cya Guyana cyo muri Amerika y’Epfo, maze umunsi umwe amenye iby’ikinyamakuru ’Le Prophete’ cyari gikuriwe na Padiri Nahimana, yifuza ko bavugana.

Impamvu uyu Gahunde yashakaga gukorana na Le Prophete, ni uko yashakaga aho kunyuza ibitekerezo bye by’amacakubiri, nk’uko umurongo w’icyo kinyamakuru ugaragara.

Uretse iby’ikinyamakuru, izi mpunzi ebyiri zaje kumenya ko zinahuje igitekerezo cyo gushinga ishyaka, maze Padiri Nahimana abwira mugenzi we ko iyo gahunda ayigeze kure.

Yaramutumiye ngo barebe uko batangira, maze bahurira mu Bufaransa, hari n’abandi banyuranye, maze nyuma y’impaka nyinshi, batangira ishyaka ’Ishema’ ritemewe aho ari ho hose.

Uko yegeranyaga abarwanashyaka bo gutangirana na we ariko, Padiri Nahimana wabaye igicibwa muri Kiliziya, ngo yari yarashatse iturufu, aho ngo yabwiraga buri wese ati "gahunda yanjye, iyi politiki ndimo ntangira, Roma iyiri inyuma, iranshyigikiye, ni umuterankunga w’imena."

Ngo yanababwiraga kandi ko Ikinyamakuru Le Prophete kitari nk’ibisanzwe kuko ngo cyari gifite network, uruhererekane runini ruyiha amakuru buri gitondo yakusanywaga n’abapadiri mu maparuwasi Gatolika yose y’u Rwanda.
Aha rero ngo bahitaga bamwumva kuko bumvaga bamwizeye kuko ngo ari padiri, ku buryo rimwe na rimwe no mu nama, iyo hagiraga uhaguruka ngo amuvuguruze, hari abamucyahaga, bati “sigaho utavuguruza padiri.”

Abazaga rero, ngo bumvaga baje gukorana n’umuntu ukomeye washyizwe imbere na Roma, inyuma ye hakaba hari abanyabubasha bukomeye kuko bavugaga bati “na Roma ibirimo.”

Iby’iyi nkunga ituruka muri Kiliziga Gatolika ngo yari imvugo yakwiriye hose, ariko ngo bamaze gushyiraho ishyaka ryari "rigamije guhangana na FPR Inkotanyi mu matora y’umukuru w’igihugu ya 2017", babonye ko bibeshye.

Imyifatire ya Nahimana ngo yatangiye kubatungura, maze buri wese atangira kuvuga ati "sinamenye."

Uwo bari bazi ko ari umupadiri, umuntu koko ushyigikwe n’amaboko akomeye, ngo basanze ari Rubebe wibereye aho, Enjeniyeri w’ibihuha.

Imvano y’amacakubiri: amaco y’inda

Mu nkuru zatambutse, twagiye twumva abagendanye na Padiri Nahimana baterana amagambo, bavuga ko uwabahamagaye ari igisambo, umuntu ushaka amafaranga cyane, kandi akayashakira ahashoboka n’ahadashoboka.

Urugero ni umushinga duherutse kumva uvuga ko ngo yashinze irimbi rigurishwa ku mbuga nkoranyambaga.

Uyu Gahunde we rero, avuga ko bamaze gushinga ’Ishema’, habaye ikibazo cyo kureba ubuzima bwaryo, uko ryakora ku buryo buhoraho, aho kugira ngo ribe "ishyaka ry’ikigoroba" abantu badafite umwanya wo kwitangira.

Ngo hari hakenewe abantu batatu bakora imirimo ihoraho cyane cyane y’ubunyamabanga bw’ishyaka, n’ububitsi. Kubona abantu basiga byose ngo baze kwitangira ishyaka ry’impunzi batazi ikizababeshaho ngo byaragoranye.

Gahunde we rero ngo yari "yimereye neza afite akazi karyoshye muri Guyana", ariko ngo ku bw’inyota yari afite yo "guharanira impinduka mu Rwanda" yemera kukareka aza gukorera ishyaka mu Bufaransa.

Icyakora ngo bari bamuhaye kontaro yerekana ko azabona iby’ingenzi bimubeshaho, kuko ngo hari abaterankunga bari baremeye guhemba buri mukozi uhoraho w’ishyaka.

Padiri Nahimana we ngo yarababwiraga ati "Mu by’ukuri jye nta mafaranga mfite ariko narabanye we! Mfite abaterankunga ahubwo bari kwibaza impamvu turi kubatindira. Imishahara yanyu irahari muzabona icyo mukeneye cyose."

Gahunde rero ngo yaragiye asezera akazi, aza kuba umukozi uhoraho w’ishyaka, maze ukwezi kwa mbere kurangiye, ategereza ko perezida w’ishyaka Nahimana akanda akanyenyeri(amuhemba), araheba. Ukwezi kwa kabiri n’ukwa gatatu biba uko, maze ibibazo biravuka.

Hagati aho ariko, Nahimana ngo yagendaga aguzaguza mu bantu, avuga ko ashaka inkunga ituma ishyaka rikomeza kubaho, ariko akayakoma umufuka.

’Ishyaka ni iryanjye jyewe jyenyine’ - Imvano

Ikintu gikomeye cyatangije amahane, bigatuma Nahimana arakara, nuko ngo nyuma ya 2017, bongeye gutora Perezida w’ishyaka, we yisanga abaye umurwanashyaka usanzwe, kandi yari azi ko ari we Kizigenza.

Amatora yabaye amaze kubona ibikenewe byose bimwereka ko atagifatwa nk’umuntu w’igihangange mu ishyaka. Aha ni ho yatangiye ahagurutsa inkuru zinyuranye ku bo batangiranye.

Nahimana yagize ati "Uyu Gahunde nijye wamuvanye aho yari yandagaye i Mahanga muri Mexico, ndamuzana mushyira mu ishyaka ryanjye none ndebera ibyo ari kunkora."

Gahunde ariko, uretse guhakana ko atigeze aba Mexico, avuga ko atari umwana bahamagara ngo bamugaburire, ko ahubwo nawe yari afite ubuzima bwiza, akemera "gusiga byose" ngo yitangire ikintu bari binjiyemo.

Ikindi rero, avuga ko nta muntu umwe ushinga ishyaka, ko bose ari abanyamuryango b’ifatizo, ariko Nahimana byose akumva ko ari ibye.

Kubika umukuru w’igihugu atapfuye

Nahimana ntiyigeze yakira kuba atari ku isonga ry’ishyaka yatangije, ritemewe. Yari yiteguye gukora igishoboka cyose kugira ngo bamutore, maze umunsi umwe abonye amatora yegereje ahagurutsa igihuha kigira kiti "erega, iby’amatora nimubireke, ahubwo dukore ibyihutirwa tujye gufata ubutegetsi kuko Perezida Kagame yapfuye."

Abo bari kumwe ngo barabisetse, maze bati "duhe ibimenyetso", arabibura, nuko ngo bamwibutsa ko n’aho Kagame yaba adahari cyangwa ahari, batari kureba umuntu ku giti cye ahubwo igihugu nk’u Rwanda.

Icyakora, ibyo byakomeje kumurya mu mutwe, bamubwira ko niba ashaka kuyobora ishyaka agomba kwiyamamaza nk’abandi bose, maze abigerageje ntibyamuhira.

Aha, muri iyo minsi yakomeje gushyira imbaraga muri Guverinoma ngo yari yashinze yo mu buhungiro, itegereje kuzaza igafata u Rwanda, igahita ikomerezaho.

Icyo gihe, Nahimana ngo yacaga ku ruhande akabwira abantu ati "ishyaka murireke, muyoboke guverinoma yanjye.", maze banamuhamagara ngo aze mu nama z’ishyaka, ati "simboneka ndi muri cabinet."

Byatangiye kuba ikibazo kwa Nahimana n’abamukikije, kuko bavugaga bati "ishyaka ni ryo rikuru, guverinoma ni akana karyo. Natubahiriza amategeko y’ishyaka, n’ibya guverinoma ntibizavamo."

Mvuye kwa Tshisekedi, yambwiye ngo niyamamaze - Nahimana

Iturufu iheruka kuri manda y’ishyaka ryo kwa Nahimana, ni urugendo avuga ko yagiriye i Kinshasa, agahura na Perezida Felix Tshisekedi, kuko yari yaramaze guta mu gutwi amagambo yeruye, avuga ko ashaka gufata Kigali.

Tshisekedi yari amaze igihe yakira abafite inzozi zo kuva mu turimo tw’isuku n’ubukarani i Burayi bakaza guhirika ubutegetsi bw’u Rwanda. Abo barimo n’umuhungu w’uwahoze ari Perezida Juvenal Habyarimana wasize atunganyije ibyari bikenewe byose kugira ngo Jenoside yari yaragerageje kuva cyera imareho abatutsi.

Igitekerezo cyo kugaruka kwiyamamaza mu ishyaka, ngo cyatangaje abatangiranye na Nahimana, ariko ngo baramubwira bati "nta kibazo uziyamamaze". Impamvu ngo batari kumwangira, nuko muri iri shyaka ryabo, ngo abarwanashyaka shingiro baba ari "iyizimiza ikicyura."

Ngo umurwanashyaka shingiro ntashobora kwirukanwa, kereka we iyo ashatse kwigendera. Icyakora, aha na ho Nahimana ngo yariyamamaje ariko atsindwa amatora, asigara avuga ko bamushyize ku ruhande.

Ubu ngo yakomereje muri ya guverinoma ye, agashaka abantu akuramo imisanzu, ariko abo batangiranye ishyaka bakavuga bati "ibyo akora ni mu izina rye, si mu izina ry’ishyaka. Umuha amafaranga biramureba."

Nanjye ningera ku butegetsi nzihorera - Nahimana

Ubu rero Nahimana ngo amaze kumenya abanzi be n’abakunzi be, kandi ngo "nagera ku butegetsi bw’u Rwanda" azakubita ahababaza. Nguwo umuperezida ushaka gusimbura "Leta y’Ubumwe bw’Abanyarwanda."

Icyakora, abo bari kumwe, cyane cyane uyu Gahunde, na we ngo yumva ko ari umuntu ukomeye ku buryo amasubiza ati "barakubeshye! Ni nde wakubwiye ko uzantanga gufata ubutegetsi’?

Inkuru y’uyu munyeshuri wiga mu mwaka wa kabiri w’ishuri Inyange Girls’ School of Science ryo mu Murenge wa Rusiga, akarere ka Rulindo mu Majyaruguru, yatangiye gusakara mu mpera z’icyumweru gishize.

Yamenyekanye bitewe n’ibaruwa y’umubyeyi we yasinyeho yemeza ko yakiriye umwana wirukanwe burundu n’ishuri yigagaho, "kubera kumena amazi ku bikoresho by’ishuri."

N’ubwo ishuri ritigeze rigaragaza niba ibikoresho by’ishuri Abimana yamennyeho amazi ari ibitabo bikaba byaracitse, cyangwa ibiryo bikaba byarabiteye kubiha, abavuze ku mbuga nkoranyambaga bibanze ku kuvuga ko iki gihano gikabije.

Abenshi bavugaga ko hashoboraga uboneka ikindi gihano gihabwa uyu munyeshuri, kirenze kuburizamo inzozi ze z’amashuri.

Hari n’ababishyiraga ku rundi rwego bakagira bati "ibi ni nko kwicisha isazi inyundo."

Umuyobozi mukuru wa REB wungirije Dr. Flora Mutezigaju, mu kiganiro kuri KT Radio yabwiye umunyamakuru ko iki gihano kidakwiranye n’ikosa umunyeshuri yakoze.

Yagize ati "hari sitati yihariye igenga abakozi bakora mu nzego z’uburezi, igaragaza ni ryari umunyeshuri yirukanwa, ni ryari umukozi ukora mu burezi bw’ibanze yirukanwa. Dushishikariza abakora mu burezi bw’ibanze kumenya ngo ni ryari umunyeshuri ashobora guhanishwa igihano cyo kwirukanwa burundu. Icyo ngicyo kumena amazi, ntabwo birimo."

Mutezigaju avuga ko iyo habaye ikintu nk’iki bihutira kuvugana n’ishuri ndetse n’ababyeyi ngo bumve uko iki gihano cyaje, ariko ngo uretse n’ibyo, inama y’ababyeyi n’abarimu iki kibazo iragikemura, bitiriwe bigera ku rwego rwa REB cyangwa Minisiteri y’Uburezi.

Muri Gicurasi 2017, Minisiteri y’Uburezi yashyizeho amabwiriza ashyiraho imirongo migari ishingirwaho n’ishuri mu gushyiraho amategeko ngengamikorere mu mashuri y’Uburezi bw’ibanze.

Ingingo ya 26 y’aya mabwiriza iteganya ko amwe mu makosa ashobora gutuma umunyeshuri
yirukanwa ku ishuri ni nko kurwana, kunywa ibiyobyabwenge, ingengabitekerezo ya Jenoside,
ubusambanyi n’ibindi.

Mu gihe umuntu akoze ikosa riteganywa n’andi mategeko ikibazo gishyikirizwa inzego zibishinzwe.

Umuyobozi mukuru wungirije wa REB, Dr. Flora Mutezigaju, yavuze ku kibazo cy'umwana wirukanwe burundu kubera kumena amazi ku bikoresho by'ishuri. pic.twitter.com/HkzYb3gUHy

— KT Radio (@ktradiorw) February 3, 2026

Kagame ahereye ku mibare igaragara ya za gatanya, yagize ati "niba koko mwemera Imana n’amasengesho byo mwabisengeye da! Mwakwicaye mukabisengera mukabishakamo igisubizo mukakibona, niba mutabeshya koko."

Yongeyeho ati "niba aho tuzindukira buri gitondo dukurikiye inyigisho, izo nyigisho zikuviramo iki kidashobora kugufasha kurenga iyo nabi, uwo mujinya, ni iki? Niba udashobora kubikoresha ngo uzane ubumwe mu muryango, ndetse n’igihugu? Igihugu gikeneye kuba mu mudendezo."

Imiterere y’itandukana ry’abashakanye mu Rwanda kuva mu 2020

Hashingiwe ku makuru aturuka ahanini muri raporo z’Ubucamanza, igaragaza imibare y’imanza z’itandukana zakiriwe n’inkiko:

🔹 2020
– Habaruwe imanza z’itandukanye zirenga 3,200. Icyo gihe cyaranzwe n’ingaruka za COVID-19, zongereye amakimbirane mu miryango.

🔹 2021–2022
– Mu mwaka w’ubucamanza wa 2021–2022, imanza zirenga 3,300 z’itandukana zarakiriwe. Iyi mibare yari hafi kungana n’iyo mu 2020, bigaragaza ko ikibazo cyari kigihari ku rwego rwo hejuru.

🔹 2022–2023
– Habayeho igabanuka rike, aho imanza z’itandukana zari hafi 3,075. Ibi byerekana intambwe nto igana ku kugabanuka kw’izo manza.

🔹 2023–2024
– Imibare yakomeje kugabanuka, igera hafi ku 2,833 z’itandukana mu mwaka w’ubucamanza wa 2023–2024.

🔹 2024–2025
– Mu mwaka w’ubucamanza wa 2024–2025, imanza z’itandukana zabaye 2,674.

Perezida Kagame yari abikurije ku ijambo ry’Imana ryavuzwe n’umuvugabutumwa w’uyu munsi, wavuze ko ababyeyi be babayeho mu bukene, ariko bakagira ishyaka ryo gutera imbere babigeraho.

Yagize ati "Jyewe rero turatandukanye n’uwatwigishije uyu munsi. Jyewe mvuka sinishwe n’inzara kuko iwacu ntitwari dukennye. Ariko nyuma mu buzima bw’ubuhunzi naje gusonza bikaba ngombwa ko baduha ibyo kurya. Twari mu buhunzi."

Kagame, yakanguriye urubyiruko kuba uwo bari we, aho kugira ngo bige kuba uko abandi babayeho, kuko n’u Rwanda, "ruri uko ruri, ariko nta washaka kuruhindura byaba ari kosa."

Aha, yerekanye ko n’ubwo yaciye mu bihe bikomeye, yashoboye kwihangana, ndetse n’abandi Banyarwanda bafatanyije, bagize ukwihangana gikomeye, maze bakaba bararwanye urugamba rwatumye u Rwanda rugera ku iterambere rufite uyu munsi.

Ni nayo mpamvu yagarutse ku munsi w’Intwari z’u Rwanda wijihijwe kuri uyu munsi, ndetse akaba yaje muri iri sengesho narukamwaka avuye gushyira indabo ku Gicumbi cy’Intwari i Remera mu Karere ka Gasabo.

Ni amasengesho ngarukamwaka ategurwa n’umuryango Rwanda Leaders Fellowship

Umwaka ushize muri Nzeli 2025, Madamu wa Perezida wa Repubulika Jeannette Kagame yabwiye abitabiriye amasengesho yo gusabira igihugu ko umuryango ari ishingiro ry’ubuzima, ukaba ugomba kurindwa ku buryo bushoboka bwose.

Yagize ati "Duharanire ko ingo zacu ziba ahantu huzuyemo ibyishimo byubakwa ku bushake, bisangiwe n’abagize umuryango, kandi bigahoraho—bikaba ubuhamya bw’imbaraga zo kugumana, kurerera no kwita ku bandi, no kugendana mu buzima bwose, mu bihe byabwo byose."

Umuganda urangwa n’ibikorwa by’inyungu rusange byiganjemo kubungabunga ibidukikije, birimo gusibura imihanda, gutunganya amateme atakigendeka, gusukura inyubako, imiharuro n’imihanda, ndetse no kugoboka abadafite amaboko yo kwibonera iby’ibanze mu buzima bwa muntu-kubakira abatishoboye n’ibindi.

Nk’i Kigali, abayobozi, abaturage, abantu bamamaye ku mbuga nkoranyambaga ndetse n’ibigo bitandukanye bahuriye mu gishanga cya Gikondo miri Kicukiro kirimo gutunganywa kugira ngo kibe ahantu hakomye, ariko hanabungabunga ibidukikije, ndetse hanateza imbere ubukerarugendo.

Aha i Gikondo, abitabiriye umuganda bateye ibiti byagenewe ahanti nk’aha, kandi babikora bishimye.

Umujyi wa Kigali, urimo uratunganya ibishanga byawo, kugira ngo bibe ahantu nyaburanga hakurura ba mukerarugendo, hagafasha abantu guhumeka umwuka mwiza no kwidagadura.

Icyanya nk’icyo cyamaze gutunganywa ahitwa Nyandungu mu karere ka Kicukiro, ahatunganyijwe hagashyirwa ibimera bihahindura nk’uko tujya tubona za pariki z’u Rwanda.

Muri Kigali, buri gishanga kizaba gifite umwihariko wacyo. Kuri hegitari 162(kinini kurusha ibindi), igishanga cya Gikondo, ari nacyo cyangiritse kurusha ibindi, kizaba kigizwe n’urusobe rw’ibinyabuzima.

Kizaba gifite uburyo bwo kubungabunga amazi, kuko azayoborwa neza, mbese agashyirwa mu muyobora w’amazi azahinduka umugezi wiroha mu ruzi rukuru rw’u Rwanda, ari rwo Nyabarongo.

Igishanga cya Rwampara cyo kizibanda ku mirimo y’imyidagaduro ariko yerekana umuco nyarwanda, ku buryo hazaba harimo n’ama resitora yibutsa abashyitsi indyo yo hambere.

Kuri ibyo, haziyongeramo amaduka y’ibikorerwa mu Rwanda, ndetse n’ikigo cyigisha iby’umuco Nyarwanda.

Ibindi bishanga nka Nyabugogo, Kibumba na Rugenge-Rwintare, nabyo bizagira umwihariko wabyo, uzahesha Kigali isura nshya, mu bwiza no mu mutekano, aho kugira ngo bobe indiri y’urugomo cyangwa imirima y’ibijumba, ibishyimbo n’amateke ihora itwarwa n’isuri uko umuhindo utashye.

Bizafasha kandi n’abakerarugendo kubona ahantu henshi hanyuranye ho kwidagadurira, birenze kujya mu tubyiniro cyangwa mu tubari n’ahandi hantu hake Umujyi wa Kigali wari usanzwe wereka abawugana n’abawutuye.

Min. Irere Claudette

Muri iyo minsi, abafundi n’abayedi bari barimo gushyashyana, itafari ku rindi, basiganwa n’isaha kugira ngo bubake ishuri azakomerezamo ayisumbuye.

Ku myaka ye, Irere ntiyari abizi. Yakoze ibizamini bya Leta maze abitsinda neza, nuko Minisiteri y’Uburezi imwohereza mu ishuri ryisumbuye rya FAWE Girls School riri mu Murenge wa Gisozi, Akarere ka Gasabo mu Mujyi wa Kigali.

Kuko ryari ishuri rishya, nta wari kumenya umusaruro rizatanga, nyamara hari andi mashuri meza kandi azwi.

Igihe cyo gutangira, andi mashuri yafunguye imiryango ariko FAWE Girls School ntiyahise itangira.

Ibitanda, intebe, n’ibindi bikoresho by’ingenzi byari bitaraboneka. Ni yo mpamvu Irere yatekereje ko yari kwisubirira mu ishuri yizeho abanza, dore ko rifite n’ayisumbuye, kandi yari afite amanota meza.

Icumbi rishya ry’Abanyeshuri ryuzuye kuri FAWE GIRLS School

Icyakora, mu bunararibonye bwe, umubyeyi we yaramubwiye ati "Mwana wanjye ihangane utegereze." Yari afite icyizere ko iri shuri rizamurerera neza. Icyakora ntiyari azi ko FAWE GIRLS shool igiye guha umusingi umuyobozi mu burezi bw’u Rwanda mu gihe cya none.

Nyuma y’ibyumweru bitatu, FAWE GIRLS school yaratangiye. Ni bwo ishuri ryabonye imfura ijana na mirongo itanu z’abakobwa.

Irere yakomeje amashuri araminuza, ndetse agirirwa icyizere n’Umukuru w’Igihugu, amuha inshingano zitandukanye kugira ngo atange umusanzu wo kubaka u Rwanda.

Umunyamabanga wa Leta muri Minisiteri y’Uburezi, Irere afite byinshi yibuka kuri FAWE GIRLS SCHOOL.

Agira ati "Natangiriye ishuri kuri Ecole Primaire Kacyiru, ariko nza gusoreza kuri EPAK Kimihurura. Iri shuri ryatangaga ikizamini cyo kwinjira mu mashuri yabo yisumbuye IFAK, nuko nanjye nshoje amashuri abanza, icyo kizamini ndagikora ndagitsinda. Icyo gihe ishuri ryitwa FAWE ryari rimaze kuza, abantu baratubwira ngo ni ryiza. Sinzi icyatumye twihangana tugategereza ko ritangira."

Avuga ko hari ibikoresho byari bitarahagera, ritariyubaka neza. Ngo kugira ngo ritangire, byaratinze, aho agira ati "Burya koko icyo uzaba gitangira kare. Twaravuze tuti reka twihangane, maze ishuri ritangira nyuma y’ibyumweru nka bitatu."

Min. Irere Claudette yakira impano ya Antoine Cardinal Kambanda mu birori bya Yubile (25) ya FAWE GIRLS SCHOOL

Ubwo hari mu mwaka w’amashuri 1998-1999, maze asoza amashuri yisumbuye mu wa 2005.

Icyo yibuka gikomeye kuri FAWE, nuko hari urukundo rukomeye mu bana biganye bose, ndetse n’amahirwe menshi yahabaga, cyane cyane abashyitsi bahire bazaga kubasura babazaniye ubutumwa, cyangwa babigisha imyitwarire ikwiriye umwana w’umukobwa.

Agira ati "ndibuka umugore wa George Bush adusura,ariko si we wenyine twagize abashyitsi benshi cyane. N’amashuri uyu munsi akeneye abashyitsi, kandi si ngombwa abakomeye, ahubwo bakeneye ababigisha, bakababwira ibibera hanze, uko bitwara n’ibindi."

Mu gihe cye, FAWE yari ifite ishami ryigisha mu Gifaransa n’iryigisha mu Cyongereza, maze rero abanyeshuri biga Icyongereza, bakigira kuri bagenzi babo Igifaransa, ab’Igifaransa na bo gutyo bakigira Icyongereza kuri bagenzi babo.

Ku bijyanye n’uburezi bw’Umwana w’umukobwa, Irere avuga ko muri FAWE Girls School ari ho yigiye ko umukobwa "nta kintu na kimwe atashobora.

Agira ati "twatangiye ari promotiom imwe, ariko tugeze mu wa gatatu, bashyiramo ama section ya siayansi - Maths Phyisic na Biochimie. "

Barumuna ba Min. Irere Claudette bakomeje imihigo

Icyo gihe, Irere yagiye muri Biochimie, ariga, maze hamwe na bagenzi be ishuri ribaha siyansi ihagije, ribongeraho n’uburere butuma batinyuka kuvugira mu ruhame, bashabutse, cyane cyane biciye muri "Club Tuseme."

Aha ni ho yigiye kuvuga, kandi avuga ko n’uyu munsi uko gutinyuka, no kwigirira icyizere bimufasha mu kazi ke, ndetse no mu buzima busanzwe.

Ishuri ryababereye umuryango

Muri FAWE, izi mfura z’ishuri zakoraga zitikoresheje kugira ngo zihe ishuri umusingi ukomeye. Icyi cyiciro cya mbere cyamaranye imyaka itandatu cyagabye amashami, bamwe bajya muri Kaminuza y’u Rwanda, abandi muri ESAE Busogo, ndetse hari n’abagiye kwiga hanze. Irere we yagiye kwiga muri Kaminuza Nkuru y’u Rwanda.

Agira ati "abantu bose twiganye turacyari kumwe. Turahura, tukaganira, kandi iyo duhuye usanga dufite inkuru nyinshi tuganira cyane. Uko kubana kwacu twamaranyemo imyaka itandatu, kwatumye dukomezanya."

Ibituma Irere atibagirwa ni byinshi, kandi harimo n’ibyo umuntu yakwibwira ko byoroshye, ariko bituma agumana na bagenzi be nk’inshuti za hafi.

Nk’igihe habaga habaye gusurwa ku ishuri "Visit" buri kwezi, abanyeshuri bishimiraga gusangira ibyo imiryango yabo yazanye. Uwo munsi, igikoni cy’ishuri, refectoire, yaburaga abakiriya.

Uyu munsi, abiganye na Irere, ubasanga mu mabanki, mu bigo by’ubuvuzi, uburezi n’ahandi, ariko ngo harimo n’abikorera ku giti cyabo.

Min. Irere Claudette abwira abo biganye, abanyeshuri, abarimu, ababyeyi n’abashyitsi

Aba bose, iyo bahuriye mu buzima busanzwe, bumva bafite ubwuzu bwo gufatanya no kunganirana.

Ku babyeyi bohereza abana mu mashuri yisumbuye, Min. Irere yibutsa ko nta muntu n’umwe ushobora kubarerera batabigizemo uruhare.

Kandi agira ati "Ababyeyi bafate iya mbere. Gufasha abana guhitamo amashuri nabyo ni ikintu cy’ingenzi. Na nyuma y’Icyiciro rusange, nabwo umubyeyi wanjye yarakomeje arambwira ati komereza hano kuko Siyansi urazishoboye, kandi iri shuri ni ryiza."

Min. Irere agira inama ababyeyi agira ati "Gufasha abana guhitamo, nta wundi wabigukorera mubyeyi (You cannot outsource)."

Yashatse kuba umuganga, nyuma amenya ko bitari ibye

Irere yongera kwibutsa abanyeshuri yuko baramutse bahisemo ikintu bakabona ntibijyana bashobora guhindura.

Aha ni ho agira ati "nkanjye mpitamo Biochimie, nari nzi ko nzaba muganga, ariko ngeze igihe cyo kujya muri Kaminuza, sinahabwa ishuri ry’Ubuvuzi. Banshyize muri Computer Science, ariko nabwo numva ko ngomba kujya ahantu nabona ibyo abaganga bakora."

Aha ngaha, Irere yasabye imenyerezamwuga - Stage ku bitaro bya Kaminuza bya Huye, CHUB, ayimaramo igihe kirenze igisanzwe.

"Nashakaga kuba hafi y’abaganga, nibaza niba nta kuntu nazakora kwa muganga uko biri kose. Navaga kwiga nkajya ku bitaro, cyangwa nkagenda mvuye i Mamba ku ishuri, mara nk’umwaka cyangwa ibiri mbigira gutyo."

Aha ariko, Min. Irere yaje gusanga ko ubuganga atari ubwe, kubera ukwihangana gukomeye kugomba kuranga umuganga imbere y’abababaye.

Bana mwige cyane

Min. Irere abwira barumuna be, ati "mwige cyane, mukoreshe amahirwe ishuri ribaha, abashyitsi babasura mubatege amatwi."

Min. Irere Claudette afungura icumbi rishya barumuna be ba FAWE GIRLS SCHOOL bubakiwe

Ikindi yibutsa urubyiruko, nuko bagomba kumenya iki: Abantu mwicaranye ku ntebe y’ishuri, ni bo bazaba inshuti zawe z’ubuzima. Mu mahanga cyangwa mu gihugu, aba bantu aho ubasanze hose, ni cyo gishoro cya mbere Imana iguhaye. Bakomereho."

Abifuriza gukora siporo hakiri kare, ntibayisuzugure kuko nyuma y’ubwenge, amasomo, hakenerwa n’ubuzima bwiza, kugira ngo ibyo bize bazabigeze kure.

Ahasigaye rero mu gihe bizihiza Yubile y’Umuringa, abantu bicaye bagatekereza gutangiza FAWE Girls School, Min. Irere ababwira mu ijambo rimwe ati "Mwarakoze cyane, nimwe mwatugize abo turi bo, mu buzima bw’umurimo, ariko n’ubwa buri munsi."

Uyu munsi, FAWE Girls School ifite abanyeshuli b’abakobwa basaga magana inani biga siyanse, bagera hanze bagatera ikirenge mu cya bakuru babo, Irere Claudette na bagenzi be.

Reba ibindi muri iyi video:

Iyi nkuru ya Mongabay ivuga ko mu moko 491 y’inkende zitari abantu yasuzumwe muri ubu bushakashatsi, 59 byagaragaye ko zibonana n’izo zihuje igitsina. Abashakashatsi bagaragaje ko iyi myitwarire ikunze kugaragara cyane mu moko aba mu bice bishyuha, ahakunze kubura ibiribwa, n’izihura n’igitutu gikomeye gituruka ku nyamaswa zizihiga. Ibi byashingiwe n’isesengura ryakorewe ku moko 23.

Iyo myitwarire kandi ikunze kuboneka cyane igihe hari itandukaniro rinini ry’ingano z’umubiri hagati y’igitsina gabo n’igitsina gore, ndetse no mu nkende zibaho igihe kirekire.

Chloë Coxshall, umunyeshuri wo mu rwego rwa dogitora mu binyabuzima muri Imperial College London mu Bwongereza, akaba n’umwanditsi mukuru w’ubushakashatsi, yagize ati:
“Guhura hagati y’izihuje igitsina mu ngagi byagiye bihuzwa n’ubwiyunge no gushimangira umubano. Ubwiyunge bugabanya amahirwe y’uko hakomeza kuba imirwano, bikagabanya ibyago byo gukomereka cyangwa gupfa, kandi bigateza imbere ubumwe bw’itsinda ry’ingagi.”

Jonah Henri Ratsimbazafy, undi mushakashatsi ariko utari mu bakoze kuri iyi myifatire mishya y’inkende, avuga ku nyamaswa zo mu bwoko bw’inkende (lemurs), yasobanuye ko mu gihe ingagi y’ingabo ifite uburenganzira bwo kubana n’ingagi z’ingore zose zo mu itsinda, rimwe na rimwe ubu bushyingiranwe bwinshi (polygamie) butuma ingagi z’ingore zisohoka muri iryo tsinda zigashaka izindi ngore bagirana umubano wihariye.

Mu nkende zo mu bwoko bwa rhesus macaque zo muri Puerto Rico, ubushakashatsi bwa mbere y’ubu bwerekanye ko ingabo zishobora kugirana imibonano hagati yazo hagamijwe gushyiraho ubufatanye, bushobora kuzifasha kugera ku ngore nyinshi, bityo zikabona amahirwe yo nkororoka cyane.

Ubushakashatsi kandi bugaragaza ko imihindagurikire y’ikirere nayo ishobora kuba nyirabayazana muri iyi myifatire n’ubwo ibyo ngo byasaba ubundi bushakashatsi.

Ikipe ya Maroc (Atlas Lions) yigaranzuye umukino, ariko igwa mu mutego w’imikinire ya Sénégal ishingiye ku gukoresha amahirwe make yabonetse. Ibi byasize abakunzi ba ruhago ba Maroc mu marira, inzozi zo gutwara igikombe ku butaka bwabo zishira.

Icyakora, inyungu zikomeye z’amafaranga igihugu cyabonye binyuze mu kwakira iri rushanwa rikomeye ku mugabane wa Afurika zahinduye icyo gihombo cyo mu kibuga kibe intsinzi mu bukungu, zitanga ihumure rikomeye ku gikombe Maroc imaze kubura kuva mu 1976.

Guverinoma ya Maroc yatangaje ko amafaranga yinjijwe mu buryo butaziguye mu kwakira iri rushanwa ry’amakipe 24 arenga miliyari 1.5 z’amayero (€1.5bn), angana na miliyari 16 z’amadiramu ya Maroc (MAD), nk’uko byatangajwe na Minisitiri w’Inganda n’Ubucuruzi, Ryad Mezzour, mu kiganiro yahaye ikigo cy’itangazamakuru cyo muri Espagne, EFE. Aya mafaranga yafashije gutera inkunga 80% by’ibikorwaremezo bikenewe mu Gikombe cy’Isi cya 2030, Maroc izafatanya kwakira na Espagne na Portugal.

Mezzour yasobanuye ko habaye “ingaruka ebyiri” mu kwinjiza amafaranga no mu ishoramari, bitewe n’abashyitsi bagera ku 600,000 baje by’umwihariko gukurikirana irushanwa. Aba bashyitsi bifatanyije n’abandi mu mwaka w’ubukerarugendo wabaye indashyikirwa kuri Maroc, aho yakiriye ba mukerarugendo miliyoni 20, bikaba byaragize izamuka rya 14%.

Uru rugendo rw’abantu rwatumye ubwikorezi, amahoteli, resitora n’ubukorikori bigira uruhare runini mu bukungu, bitanga amafaranga ako kanya mu mirimo yo mu gihugu.

Minisitiri yavuze ko miliyari 2.3 z’amayero (€2.3bn) zashowe muri iri rushanwa ari “ishoramari rya Leta” mu bikorwaremezo bizamara igihe kirekire. Hubatswe cyangwa havugururwa stade icyenda, hongerwa imihanda, ibibuga by’indege n’izindi serivisi.

Yagize ati: “Mu mezi 24 gusa, twungutse iterambere twari gutegereza mu myaka icumi, tunaha ubwami ibikorwaremezo bizagirira akamaro abaturage mu myaka 50 iri imbere.”

Ubushobozi bwa Maroc bwo gukuba gatatu ibiva mu bukerarugendo mu myaka 20 gusa ubu butangiye guhungabanya ubusanzwe bwa Espagne nk’igihugu kiyoboye uru rwego. Ingaruka zabyo ku mirimo ni “ishema rikomeye,” aho imirimo irenga 100,000 yaremwe.

Yagize ati: “Iyi si imirimo y’igihe gito gusa: ibihumbi by’urubyiruko byaratojwe hakurikijwe amahame mpuzamahanga, bihabwa ubumenyi bubafasha kubona akazi mu gihe kirekire, bitarenze 2025 gusa.” Yongeyeho ko ibigo by’inganda birenga 3,000 byagize uruhare mu mirimo yo kubaka no kuvugurura.

Iri rushanwa ryihutishije ihinduka rya Maroc mu by’ikoranabuhanga binyuze mu gushyiraho murandasi ya 5G, sisitemu z’irangamuntu z’ikoranabuhanga, kugurisha amatike hifashishijwe ikoranabuhanga, ndetse n’ibisubizo by’umutekano w’ikoranabuhanga (cybersecurity). Ibi byagabanyije ikiguzi cy’ibikorwa by’itumanaho n’imiyoborere, binakurura ishoramari rishya.

Mu kiganiro yahaye France 24 ku itariki ya 19 Mutarama, Mezzour yemeye ko hari ukubabazwa no kudatwara igikombe, ariko yise iri rushanwa “rimwe mu marushanwa ya AFCON yatanze inyungu nyinshi kurusha ayandi yose mu mateka ya CAF n’igihugu cyaryakiriye.”

Uretse kurema imirimo mishya 100,000, yavuze ko ikoreshwa ry’ibicuruzwa n’ibikorwa by’ubucuruzi byiyongereye ku kigero cya 25–30%, ndetse ko iterambere ry’ubukungu riteganyijwe kurenga 4.5%. Minisitiri yatangaje ko igipimo cy’inyongera y’amafaranga n’ishoramari (multiplier effect) cyari 1.82, avuga ati: “Mu mezi 24 gusa, twungutse iterambere ry’ibikorwaremezo twari kubona mu myaka icumi.”

Ku bantu barenga miliyari 2 bakurikiye irushanwa kuri televiziyo n’ishusho zisaga miliyari 10 zabonwe ku mbuga nkoranyambaga, Maroc yerekanye ubushobozi budasanzwe bwo gutegura no kuyobora ibirori mpuzamahanga.

Minisitiri yashimangiye ko hafi 80% by’ishoramari rikenewe mu bikorwaremezo bya siporo ryamaze gukorwa kandi ryatanze inyungu.

20% isigaye y’ibikorwaremezo by’Igikombe cy’Isi irimo kwagura gari ya moshi yihuta iva Casablanca–Tangier ikagera i Marrakech na Agadir, kongera umubare w’amahoteli, no kubaka Stade Nkuru ya Casablanca.

Impuzamashyirahamwe y’Umupira w’Amaguru muri Afurika (CAF) yagize inyungu zitigeze zibaho, aho amafaranga yinjijwe yarenze ayo muri Côte d’Ivoire 2023 ku kigero kirenga 90%. CAF yinjiye mu masoko mashya, cyane cyane mu Bushinwa n’Ubuyapani, inashimangira umwanya wayo mu masoko yari isanzwe irimo. Abafatanyabikorwa mu bucuruzi biyongereye bava ku baterankunga 9 muri Cameroun 2021, bagera kuri 17 muri Côte d’Ivoire 2023, bageza kuri 23 muri Maroc 2025.

Nubwo gutsindwa ku mukino wa nyuma kwababaje, kwakira AFCON kwa Maroc kwashyizeho urufatiro rukomeye kandi rudashobora gusenyuka ruganisha ku Gikombe cy’Isi cya 2030, mu gihe rwatanze inyungu zikomeye zahinduye ubukungu mu nzego zose.

Yakira iyi mpamyabumenyi, Madamu Jeannette Kagame yagize ati "ndanezerewe cyane kandi ndumva nishimiye byimazeyo kwakira impamyabumenyi y’ikirenga y’icyubahiro ya Doctor of Humane Letters. Nakira iyi mpamyabumenyi nzi neza inshingano ikomeye ijyanye na yo, mu kwibuka ukwiyemeza dusangiye kuduhuza uyu munsi. Ni ukwemera ko ubuzima ari uburenganzira bw’ibanze, uburenganzira bwa muntu, kandi ko uburinganire bugomba guhora buri ku isonga mu buryo twigisha, mu buryo dukorera abandi, no mu buryo tuyobora."

Madamu Jeannette Kagame kandi yagize ati "Nta gikorwa kiruta ibindi mu rukundo kurusha kurinda no gukiza ubuzima. Mu bihe aho ubugome n’amakimbirane byongeye kwiyongera ku isi hose, gukiza ubuzima ni nko kuba umusirikare ku rugamba rwo guharanira icyiza. Mbega ishema mfite ryo kuvugira imbere y’abantu bakwiye kubahwa nkamwe uyu munsi.Nakiriye iyi mpano ikomeye kandi yuzuye icyubahiro."

Doctor of Humane Letters, honoris causa ni impamyabumenyi y’icyubahiro itangwa kubera serivisi idasanzwe ku bantu, ikaba ishingiye ku myitwarire myiza, uburezi, n’impinduka mu muryango

Ni kimwe mu byubahiro bikomeye kaminuza ishobora guha umuntu.

Ishimangira ibikorwa by’ubuzima byiganje mu guteza imbere umuryango aho kuba amasomo gusa

Mu birori byo kubakira mu muryango wabarangije Kaminuza(Graduation) wabereye ku cyicaro cy’ishuro i Butaro mu karere ka Burera, Minisitiri Nsengiyumva yagize ati "Banyeshuri barangije, murinjira mu isoko ry’umurimo mu gihe sisitemu z’ubuzima zihanganye n’igitutu gikomeje kwiyongera, mu Rwanda no ku isi hose. Indwara nshya, ibura ry’abakozi b’inzobere, n’ibibazo by’imari si amagambo gusa, bisaba ibisubizo bifatika."

Minisitiri w’Intebe witabiriye ibi birori ari intumwa ya Perezida wa Repubulika, yabagiriye inama ivuga ko guhangana neza n’ibi bibazo bisaba ibirenze ubumenyi bwo kuvura.

Avuga ko bisaba gusobanukirwa politiki, imiyoborere, ikoreshwa ry’amakuru n’ishyirwa mu bikorwa, kimwe n’ubushobozi bwo guhindura imigambi ikaba ibisubizo bifatika.

Icyiza ariko ngo nuko, amahugurwa aba banyeshuri bahawe yabateguye neza izi nshingano, bakaba batagomba gukorera nk’abanyamwuga gusa, ahubwo nk’abayobozi bateza imbere ibigo bakorera, bateza imbere ireme rya serivisi, kandi bagafasha gufata ibyemezo bifite ishingiro mu rwego rw’ubuzima.

Aha kandi, Minisitiri w’Intebe yagaragaje ko iterambere rya Afurika rizashingira kuri sisitemu zikomeye kandi zihamye, zishingiye ku bakozi bafite ubumenyi kandi babazwa inshingano.

Yagize ati "Ni yo mpamvu u Rwanda, rufatanyije n’abafatanyabikorwa barwo, ruri gushora imari mu kwagura uburezi mu by’ubuvuzi ku nzego zose, kandi rukomeje kwiyemeza guteza imbere ubushobozi bw’abantu binyuze mu bigo by’icyitegererezo nka University of Global Health Equity."

Abarangije i Butaro, baturutse mu bihugu birindwi bya Afurika harimo n’u Rwanda rwabakiriye, ndetse no mu kindi gihugu cyimwe cy’i Burayi.

Minisitiri w"intebe yababwiye ko bisanga rwose mu Rwanda, ariko anababwira ko bafite inshingano zikomeye zo guteza imbere iwabo.

Yagize ati "ndabashishikariza gukorana umwuga kinyamwuga, mwitwararike, kandi mugire umutima wo gukorera inyungu rusange. Mwitegure kuyobora, guhinduka uko ibihe bisaba, no gukorana n’abandi mu ngeri zitandukanye."

Ni impamyabumenyi yashyikirijwe n’umuyobozi w’iri shuri ubwo hatangwaga impamyabumenyi bwa mbere ku banyeshuri baharangije kuri iki cyumweru, i Butaro ku cyicaro cy’ishuri.

Iyi mpamyabubemyi yayishyikirijwe na Dr. Jim Yong Kim, umuyobozi w’Ikirenga(Chancellor) w’iyi Kaminuza.

Dr. Jom Yong yavuze amagambo akomeye kuri Madamu Jeannette Kagame ku ruhare rukomeye yagize mu gufasha iri shuri, cyane cyane nyuma y’uko umwe mu barishinze Dr. Paul Farmer yitabye Imana mu mwaka wa 2022.

Yagize ati "Nyakubahwa Madamu Jeannette Kagame, Madamu wa Perezida wa Repubulika y’u Rwanda, ni umuyobozi w’indashyikirwa wagize uruhare runini mu burezi, ubuzima n’ihinduka ry’imibereho myiza y’abaturage. Nk’uwashinze akaba n’umuyobozi w’Inama y’Ubutegetsi ya Imbuto Fondation, yaharaniye uburezi bw’abakobwa, ashyigikira kugera ku burezi ku banyeshuri baturuka mu miryango itishoboye, ateza imbere iterambere ry’umuryango, anateza imbere gahunda z’ubuzima bw’imyororokere, zirimo kurwanya kanseri y’inkondo y’umura binyuze mu gukingira abakobwa virusi ya HPV no gupima abagore, kimwe n’umurimo we uzwi cyane mu gukumira, kuvura no guhangana n’icyorezo cya VIH/SIDA."

Yongeyeho kandi ko Jeannette Kagame yagize uruhare rugaragara mu buzima bw’ibihumbi by’abantu mu Rwanda no hanze yarwo. Nk’umwe mu bashinze Ihuriro ry’Abadamu b’Abaperezida ba Afurika rishinzwe Iterambere (Organisation of African First Ladies for Development – OAFLAD),

Yabaye Perezida w’iryo huriro kandi n’ubu ngo akomeje kuba ijwi rikomeye mu kurengera ubuzima bw’ababyeyi n’abana, gukumira kanseri no guteza imbere ubukangurambaga ku buzima bwo mu mutwe. Nk’umuvugizi w’uburinganire n’ubudaheranwa bw’imibereho, yanashinze Unity Club, iharanira ubumwe n’ubwiyunge bw’Abanyarwanda mu rugendo rwo kwiyubaka nyuma ya Jenoside yakorewe Abatutsi.

Yavuze ko ubuyobozi bwe bwagize uruhare rukomeye mu gutuma u Rwanda rufatwa nk’icyitegererezo ku rwego mpuzamahanga mu guharanira iterambere rishingiye ku guha abagore ubushobozi no n’iterambere ridaheza. Ku rwego mpuzamahanga, Nyakubahwa Madamu Jeannette Kagame yitabira ibiganiro ku mbuga zikomeye zirimo Inteko Rusange y’Ishami ry’Umuryango w’Abibumbye ryita ku Buzima (World Health Assembly), aho aharanira uburinganire mu buzima, uburezi n’ubutabera mu mibereho.

Aha kandi ngo Madame Jeannette Kagame yabaye umufatanyabikorwa w’ingenzi wa University of Global Health Equity (UGHE) kuva mu ntangiriro.

Dr. Kim yagize ati "Kuva mu ntangiriro zayo, yahagaze hafi ya kaminuza, ashyigikira inshingano zayo zo guhindura uburezi mu by’ubuzima no kwagura serivisi z’ubuvuzi zigera ku baturage batishoboye kurusha abandi. Inama ze zishingiye ku ndangagaciro, kuba hafi yayo no kuyivugira byagize uruhare mu gukomeza iterambere, icyizere n’icyubahiro cya UGHE muri Afurika no ku isi hose."

Amaze kuvuga ibigwi bya Nyakubahwa Jeannette Kagame ku buryo rusange, Dr. Kim yavuze ko na we afite iby’umwihariko yavuga kuri Madamu Jeannette Kagame maze agira ati "Mu mwaka wa 2022, mu bihe bikomeye cyane kuri kaminuza byakurikiye urupfu rwa Chancellor wayo, nyakwigendera Dr. Paul Farmer, Nyakubahwa Madamu wa Perezida yahagaze ashikamye iruhande rw’umuryango wa UGHE, atanga ihumure n’ituze. Yabikoze adacogora, arangwa n’impuhwe nyinshi n’inkunga idahwema kuri twese twari mu rujijo rwo kumenya icyakurikira. Iyo nkunga yaduhaye muri icyo gihe cy’inzibacyuho ni igihamya cy’ukwiyemeza kwe gukomeye ku cyerekezo cya kaminuza n’indangagaciro Dr. Farmer ubwe yaharaniraga."

Bityo rero, Madamu wa Perezida, nshingiye ku bubasha nahawe n’Inama Nkuru ya Kaminuza n’Inama y’Abayobozi Bakuru, kandi nkurikije amategeko n’amabwiriza agenga University of Global Health Equity ndetse n’amategeko n’amabwiriza ya Repubulika y’u Rwanda, ni iby’honneur ikomeye n’agaciro gakomeye kuri njye kubashimira no kubaha impamyabumenyi y’ikirenga y’icyubahiro ya Dogiteri mu Nyandiko z’Ikiremwamuntu (Doctor of Humane Letters, honoris causa), mu gushimira ubuyobozi bwanyu budasanzwe, umurimo w’icyitegererezo mwakoreye rubanda, n’umusanzu wanyu mu burezi, ubuzima n’uburinganire mu Rwanda, muri Afurika no ku isi hose.

Iri jambo ryavuzwe mu gihe Minisitiri, akaba n’Intumwa Nkuru ya Leta (Attorney General), yagiranaga ikiganiro kigufi ku ruhande rw’iyi nama ya UPR na Rémy Amahirwa, umuhungu wa Victoire Ingabire Umuhoza. Amahirwa yegereye abagize itsinda ry’u Rwanda kugira ngo agaragaze impungenge zijyanye n’imiterere y’uruhererekane rw’imanza zireba nyina.

Nubwo bishoboka ko yaba yibwiraga ko bamwima amatwi, Minisitiri n’itsinda ry’u Rwanda bagiranye ikiganiro cyiza kandi gitekanye na Amahirwa.

Bivugwa ko Minisitiri Ugirashebuja yabwiye Amahirwa ko nyina “azahabwa urubanza ruboneye,” agaragaza ko hari inzira z’ubutabera zikomeje gukurikizwa, zirimo n’urubanza ruherutse kuburanishwa n’Urukiko rw’Ikirenga rw’u Rwanda.

Icyo gisubizo cyashimangiye umwanzuro w’u Rwanda uvuga ko imanza zose zikurikiranwa mu nzego z’ubutabera zigenga, hubahirijwe amategeko y’igihugu n’inshingano mpuzamahanga u Rwanda rufite.

Victoire Ingabire Umuhoza yatawe muri yombi muri Kamena 2025, akaba ari gukurikiranwa n’ubutabera mu Rwanda ku byaha bijyanye no guhungabanya umutekano w’igihugu no kugira uruhare mu ishyirahamwe ritemewe n’amategeko. Ubushinjacyaha buvuga ko ibyo aregwa bishingiye ku bikorwa bifatwa nk’ibinyuranyije n’amategeko y’igihugu, kandi ko urubanza rwe rurimo gukurikiranwa n’inzego z’ubutabera zigenga.

Ubutegetsi bw’u Rwanda bwagaragaje ko Ingabire, kimwe n’abandi bose bakekwaho ibyaha, afite uburenganzira ku bwunganizi mu mategeko, gukurikiranwa mu mucyo no kuburanishwa mu nkiko zibifitiye ububasha, bikurikije amategeko y’igihugu.

Ibi biganiro hagati ya Minisitiri Dr Ugirashebuja n’umuhungu wa Ingabire byabaye mu gihe u Rwanda rwaganiraga n’ibihugu bigize Umuryango w’Abibumbye byasuzumaga uko rwubahiriza uburenganzira bwa muntu, igikorwa Leta ivuga ko yakiriye neza nk’igice cy’ubwitange bwayo mu mucyo, ibiganiro n’iterambere rihoraho.

Mu nama, u Rwanda rwongeye gushimangira ko rwiyemeje kubahiriza amahame mpuzamahanga y’uburenganzira bwa muntu, rugaragaza n’ivugurura ryakozwe mu rwego rw’ubutabera rigamije kurushaho gukomeza uru rwego no kurengera uburenganzira bw’abafungwa.

Abayobozi bo muri Komisiyo y’Igihugu y’Uburenganzira bwa Muntu na bo bagaragaje ko hari uburyo n’inzego z’igihugu zashyizweho zo kwakira no gukemura ibibazo bijyanye n’imiterere y’ifungwa n’ishyirwa mu bikorwa ry’amahame mpuzamahanga, harimo n’Amategeko ya Mandela ya Loni agenga imicungire y’abafungwa.

Itsinda ry’u Rwanda ryasubije ibibazo byaturutse mu bihugu bitandukanye byitabiriye isuzuma, rigaragaza intambwe imaze guterwa mu kongera uburyo bwo kugera ku butabera, ubufasha mu by’amategeko no gukurikirana inshingano z’abacamanza.

Leta y’u Rwanda yongeye gushimangira ko nta muntu uri hejuru y’amategeko, kandi ko abaregwa bose bafite uburenganzira ku bwunganizi mu mategeko no kuburanishwa mu mucyo imbere y’inkiko zibifitiye ububasha.

Iyi nama ya UPR iri mu murongo mugari w’ubufatanye bw’u Rwanda n’umuryango mpuzamahanga, aho rwagiye rwakira inama zitangwa kandi rugashyira mu bikorwa ivugurura rigamije gukomeza imiyoborere myiza, iyubahirizwa ry’amategeko n’uburenganzira bwa muntu.

Leta y’u Rwanda yakomeje kugaragaza ko inzego z’ubutabera z’igihugu zikora mu bwigenge, kandi ko imanza zidashingiye ku nyungu za politiki.

Abayobozi bashimangiye ko kubahiriza inzira zemewe n’amategeko (due process) ari inkingi y’ingenzi y’urwego rw’ubutabera bw’u Rwanda, mu gihe igihugu gikomeje kuvugurura inzego zacyo no gushimangira ubufatanye mpuzamahanga.

Mu rubanza rwabanje, Ingabire yatawe muri yombi mu 2010, nyuma aza guhamywa n’inkiko z’u Rwanda ibyaha birimo gukorana n’imitwe yitwaje intwaro no gupfobya Jenoside yakorewe Abatutsi. Nyuma yo gufungwa imyaka myinshi, yahawe imbabazi na Perezida Paul Kagame mu 2018, wamugabanyirije igihano cye mu rwego rwa politiki y’igihugu igamije gusubiza mu buzima busanzwe abafungwa, aho kubahana ubuziraherezo.

Iki cyemezo cyasobanuwe na Leta nk’amahirwe yo gutuma Ingabire agira uruhare mu buryo bw’amahoro mu bikorwa by’iterambere ry’igihugu, kandi cyakiriwe neza na bamwe nk’intambwe iganisha ku bumwe bw’igihugu.

Ibi Ugirashebuje yabigrutseho ejo, mu nama yo gusuzuma uko buri gihugu cyubahiriza uburenganzira bwa muntu(Universal Periodic Review).

Abafashe ijambo bavuga icyo batekereza ku Rwanda bashimiye intambwe igihugu gitera mu kugabanya ubucucike mu magororero, guharanira uburinganire bw’umugabo n’umugore mu nzego zose no mu buzima muri rusange.

Banasabye kandi u Rwanda gufata ingamba zituma uburezi kuri bose n’uburezi budaheza bugerwaho, ndetse banasaba ko u Rwanda rwasubiramo itegeko rigenga imiryango itari iya Leta, kugira ngo basubize impungenge zagaragajwe.

Hari abahagarariye ibihugu byabo bavuganye ubukana bwinshi, ariko bageze aho bamera nk’abibagiwe igihugu bari guha ibitekerezo.

Abo barimo ibihugu nka Norway ndetse n’Ubwongereza. Aba icyo batarukiyeho bamaze kuvuga ibyo bagenzi babo na bo bagiye bagarukaho, bahisemo kuvuga akari ku mutima wabo cyangwa ibyo ibihugu byabo byapanze kubera inyungu baba bafite.

Uhagarariye Ubwongereza yagize ati "Twabivugiye mu zindi nama, ariko turasubiramo ikibazo gikomeye cy’ihungabanywa by’uburenganzira bwa muntu mu gihugu cya Repubulika Iharanira Demokarasi ya Congo. Turasaba ko impande zose zirebwa n’icyo kibazo zagira icyo gikora."

Minisitiri Ugirashebuja ahawe ijambo, yashimiye Visi Perezida wa Komisiyo, ari na we wari uyoboye iyi nama ati "hari bagenzi bacu batanze inama ku bijyanye n’uburenganzira bwa muntu muri Congo. Murabizi ko ibijyanye n’iyi myanzuro bireba igihugu ku butaka bwacyo, ariko ntibyambuka imipaka. Birumvikana rero ko tutabazwa ibibazo by’uburenganzira bwa muntu muri Congo."

Iki cyemezo cyagiweho impaka nyinshi mu muryango nyarwanda ukunda kubundikira cyane umwana, kirimo n’ingingo zigendanye n’ubuzima bw’imyororokere.

Ariko, itegeko rigenga serivise z’ubuvuzi ryashyizwe mu igazeti ya Leta muri Nzeli 2025, ryashyize mu ngingo yaryo ya kabiri, abatemerewe kwifatira ibyemezo by’ubuvuzi, rigena ko ari abari hasi y’imyaka cumi n’itanu, hamwe n’abandi batandukanye.

Mu isuzuma rya kane ry’ishyirwa mu bikorwa ry’iyubahirizwa ry’uburenganzira bwa muntu(Universal Periodic Review 4) i Geneve mu Busuwisi, ibihugu byinshi byafashe ijambo, ababihagarariye bakavuga icyo batekereza ku Rwanda.

Uhagarariye u Burusiya wavuze nyuma y’uhagarariye Norvege, Netherlands, Philipines, Portugal. Qatar n’abandi, yateruye agira ati "turashimira u Rwanda ko rwasinye amasezerano mpuzamahanga hafi ya yose ajyanye n’Uburenganzira bwa muntu."

Yanongeyeho ndetse kandi ati "Twumvise ari ikintu gitangaje kuba Komisiyo y’igihugu y’uburenganzira bwa muntu itanga raporo yayo ya buri mwaka mu nteko, ijyanye n’ibikorwa byayo."

Yashimiye kandi "imbaraga u Rwanda rushyira mu kubahiriza uburinganire bw’abagabo n’abagore", maze asaba ko u Rwanda rwakomeza gutera intambwe mu gushyiraho amategeko agamije kurengera abanyantege nke harimo abana n’abagore na ba nyamucye ndetse n’abandi.

Yasabye u Rwanda "gukomeza gushyira imbaraga mu gushimangira ubushobozi bw’igihugu mu bijyanye no kurengera no guteza imbere uburenganzira bwa muntu."

Uhagarariye Korea, yasabye ko u Rwanda rwashyira imbaraga mu kurwanya ubucucike muri gereza, akaba yabihuriyeho n’abandi batandukanye.

Uwari uyoboye intumwa z’u Rwanda Dr. Emmanuel Ugirashebuja akaba ari Minisitiri w’Ubutabera n’intumwa nkuru ya Leta, yagaragaje ko Mu mwaka w’ingengo y’imari 2022/23, hakozwe ubugenzuzi mu magororero 40 na za kasho 103 harebwa uko uburenganzira bwa muntu bwubahirizwa.

Yavuze ko Impinduka zitandukanye zagaragajwe zatumye u Rwanda rukomeza kujya rugaragara mu myanya myiza mu bihugu byubahiriza amategeko ku Isi, ruzamukaho umwanya umwe ruba urwa 39 mu bihugu 143 ku Isi. Mu 2025, u Rwanda rwabaye urwa mbere muri Afurika mu bijyanye n’imiyoborere mu bipimo binyuranye.

Ku ruhande rwa Qatar n’abandi batandukanye bafashe ijambo, u Rwanda rukeneye gushyira imbaraga mu gufasha abafite ubumuga kujya mu ishuri, ibyo bikaba bishobora gukemurwa na gahunda y’u Rwanda y’uburezi budaheza.

Ikibazo cy’ubucucike mu magororero y’u Rwanda gihagaze gite?

Umubare w’abantu bafunzwe mu magororero y’u Rwanda wiyongereye cyane guhera hagati mu myaka ya 2010 kugera mu ntangiriro z’imyaka ya 2020.

Urugero, amagereza yavuye ku kuba hafi kuzura (hafi 99% mu 2014–2015) agera ku rwego rwo kurenza ubushobozi ku buryo bukabije (hafi 174% mu 2022).

Ibi byatewe n’impamvu ziganjemo itinda ry’imanza n’ikirundo cy’imanza zitararangira,
n’umubare munini w’abantu bafunzwe by’agateganyo bategereje kuburana.

Kugabanuka gahoro gahoro (2023–2025)

Mu myaka ya vuba, habayeho kugabanuka k’ubucucike mu magororero, bitewe ahanini no
kwagura no kongera ubushobozi bw’amagororero, harimo no kubaka amagororero mashya nk’irya Nyamasheke.

Hajemo kandi no gukoresha cyane uburyo busimbura igifungo, nko kwiyunga mu manza, ubwunzi, no kwemera icyaha (plea bargaining), bigabanya umubare w’abafungwa by’agateganyo.

Hajemo kandi kurekura by’agateganyo, imbabazi zitangwa n’Umukuru w’Igihugu, ndetse no kuba abarangije ibihano byabo barutaga abinjiraga bashya mu magereza.

Uko ibintu bihagaze uhereye ku mibare ya 2025

Mu kwezi kwa Kanama 2025, amagororero y’u Rwanda yari arimo abagororwa 71,561, mu gihe ubushobozi bwose bwari 68,933. Ibi bigaragaza urugero rw’ubucucike rwa 103.8%.

Nubwo hakiriho ubucucike buke, ni intambwe ikomeye ugereranyije n’imyaka ishize, kandi bigaragaza ko icyerekezo ari cyiza mu kugabanya iki kibazo.

Mu myaka icumi ishize, u Rwanda rwahuye n’ikibazo gikomeye cy’ubucucike mu magororero, aho cyageze ku rwego rwo hejuru cyane mu ntangiriro z’imyaka ya 2020.

Nyuma y’aho, kwagura amagororero no kugabanya ikoreshwa ry’igifungo binyuze mu zindi ngamba byatumye ubucucike bugabanuka buhoro buhoro, buva ku rwego rwo hejuru cyane (hejuru ya 140%) bugera hafi ku bushobozi busanzwe (hafi 104%) mu 2025.

Iyo gahunda izamara ukwezi kose, uhereye tariki 26 Mutarama kugera Tariki 28 Gashyantare nk’uko RRA yabisobanuye mu itangazo rikurikira.

Iyi gahunda ije gufasha abantu benshi bari bamaze kugira ibirarane byo kwandikisha, guhererekanya ibinyabiziga, ndetse no kuvana mu bitabo ibinyabiziga byavuye mu muhanda.

Uyu muhanda uzaba ufite n’umuhanda uca mu kirere (flyover), nk’uko byatangajwe n’Ikigo cy’Igihugu gishinzwe Guteza Imbere Ubwikorezi (RTDA) mu nkuru ziheruka.

Uyu muhanda usanzwe ugenda imodoka nyinshi, ukagira imirongo ibiri, uzagurwa ugire imirongo ine.

Uwo muhanda ufite uburebure bwa kilometero 10, ariko igice gituruka kuri Prince House kugera ahazwi nka Ku cya Mitsingi kizubakwamo ikiraro cyo mu kirere gifite uburebure bwa kilometero 1.2, na cyo kikagira ibice bine.

Ni umushinga uzafasha cyane mu guhangana n’urujya n’uruza rw’imodoka nyinshi zihurira muri biriya bice, ziva cyangwa zijya mu bice bikomeje guturwa cyane bya Masaka, Kanombe, ndetse no gukomeza mu ntara y’i Burasirazuba n’ahandi, utaretse n’izijya ku Kibuga cy’indege Mpuzamahanga cya Kanombe.

Imodoka zimwe zizajya zinyura kuri icyo kiraro cyo mu kirere, izindi zinyure munsi yacyo (mu muhanda wo munsi), ibintu bizafasha kugabanya ubucucike bw’imodoka no koroshya urujya n’uruza.

Uyu muhand umaze iminsi mu bikekerezo by’u Rwanda. Ku wa 18 Kamena 2019, ni bwo Guverinoma y’u Rwanda na Repubulika y’Abaturage y’u Bushinwa basinye amasezerano y’impano angana na miliyoni 42.8 z’amadolari ya Amerika, azifashishwa mu bindi bikorwa birimo kwagura no gusana umuhanda wa Prince House–Giporoso–Masaka.

Kwagura no gusana umuhanda wa Prince House–Giporoso–Nyandungu–Masaka bizatuma uhinduka umuhanda w’imirongo ine yose, uvuye ku wari ufite imirongo ibiri gusa.

Icyo gihe, uwari Umunyamabanga wa Leta ushinzwe ubukungu n’igenamigambi muri Minisiteri y’imari, Dr. Claudine Uwera, yavuze ko uyu uri mu mishinga yo kwagura imihanda mu Mujyi wa Kigali no mu nkengero zawo, hagamijwe kugabanya ubucucike bw’imodoka, koroshya ingendo no gutuma ibikorwa by’ubucuruzi bikorwa neza kandi bidahungabanye.

Yagize ati: “Uwo muhanda uzahuza rwagati mu Mujyi wa Kigali n’Agace k’Inganda (Special Economic Zone), ndetse n’icyambu cy’imbere mu gihugu cya Masaka, bityo ugabanye igihe n’ikiguzi byo gutwara abantu n’ibintu. Turashimira inkunga ya Guverinoma y’u Bushinwa kandi dutegereje gukomeza gushimangira ubufatanye hagati y’ibihugu byacu byombi.”

Aganira n’umunyamakuru mu kiganiro cyihariye, Nangaaa yavuze ko iyaba Lumumba yari akiriho, yari kuba ari i Goma, kuko ari ho hari ukuri yarwaniye, akakuzira.

Yagize ati "nibyo bitekerezo bye, ni filozofiya ye tuba tugaragaza. Lumumba ni intwari yacu y’Igihugu."
Yongeyeho ati " Abishe Lumumba turabazi. Kandi abana babo ni bo bari i Kinshasa uyu munsi. Bavuga ko dushaka guca Congo mo ibice, mu gihe bo ubwabo aribo bakoreshaga ibikorwa byo gusenya igihugu."

Yatanze urugero ku bikorwa bivangura abanyekongo bavuga Ikinyarwanda, bo mu bwoko bw’Abatutsi, ndetse n’Abanyamulenge, aho Leta ya Kinshasa ngo ivuga iti "aba si abanyekongo."

Aha Nangaa agira ati "ibyo bivuze ko baba bavuga iki ni igice kitakiri mu gihugu, Barabivuze. Gufunga amabanki mu gace runaka, ni uburyo bwo kugaragaza ko hari aho batemera ko ari muri Congo, ahubwo ari mu mahanga."

Yavuze ko Kinshasa yita abaturage bo mu Burasirazuba bwa Congo abanyamahanga, nyamara ngo impinduramatwara yuzuye iba ireba igihugu cyose.

Ni aha yahereye abaza ati "Ese Lumumba uko tumuzi, uko amateka yamutubwiye, Kinshasa ishobora kumwiyitirira? Ese bashobora kwigira abaharanira igihugu? Oya. Ni abantu bacuruza igihugu. Ni abantu biteguye gukora amasezerano ayo ari yo yose kugira ngo bagume ku butegetsi."

Nangaa yagereranyije ubutegetsi bwa Kinshasa "n’abambuzi basahura umutungo w’igihugu. Icyababera cyiza ni ukwirinda kwica cyangwa gusuzugura amazina akomeye nk’irya Lumumba."

Mu mfuruka zijimye za politiki y’Abanyarwanda baba mu buhungiro—aho inzozi zikunze kugonganira na “bandebe” —Padiri Thomas Nahimana yongeye kugaragara.

Uyu mupadiri webereye Kiliziya Gatolika igihombo, umaze igihe kirekire atuye mu Bufaransa nyuma yo kwamburwa ubupadiri, yashyize ahagaragara umutwe wa politiki mushya: Ihuriro ry’Amashyaka Atavuga Rumwe n’Ubutegetsi mu Rwanda Rigamije Impinduka zishingiye kuri Demokarasi (Rwandan Opposition Coalition for Democratic Change – ROC).

Ryatangijwe ku itariki ya 16 Mutarama 2026, ROC rigaragazwa nk’ihuriro rinini rigamije guhuza abantu bagera ku 100 bo mu batavuga rumwe n’ubutegetsi, baturutse mu turere dutandukanye tw’u Rwanda, rifite intego yo guhangana n’Umuryango FPR Inkotanyi mu matora ateganyijwe mu 2029. Nahimana yatoranyijwe ku bwumvikane bwa bose nk’umukandida w’ihuriro ku mwanya wa Perezida wa Repubulika.

Iri tangazo ryaherekejwe n’imvugo isanzwe imenyerewe: gusaba ibihano mpuzamahanga, guhagarika itangwa ry’intwaro, guta muri yombi abakekwaho ibyaha by’intambara, no kwifashisha ubutabera bw’Imana.

Ariko ku bakurikirana politiki y’abatavuga rumwe n’ubutegetsi mu buhungiro igihe kirekire, iki gikorwa nticyumvikanye nk’intambwe nshya ikomeye, ahubwo cyasaga n’indi nkuru mu ruhererekane rurerure kandi rutavugwaho rumwe.

Urugendo rwa politiki rwa Nahimana rwatangiriye muri Diyosezi ya Cyangugu, aho yaherewe ubusaseridoti mu 1999, akora nka padiri wa paruwasi kugeza mu 2005, ubwo yajyaga mu buhungiro akurikiranyweho ibirego byo gukoresha nabi umutungo—ibirego abakunzi be bakomeje guhakana bavuga ko byari bifite impamvu za politiki.

Uko ibikorwa bye bya politiki byiyongeraga, umubano we na Kiliziya Gatolika warushijeho kuzamba, kugeza aho yamburiwe ubupadiri burundu.

Mu 2013, yashinze ishyaka Ishema, ryaje guhinduka icyo yise Leta y’u Rwanda iri mu Buhungiro (Government in Exile – GREX) mu 2017, aho yiyise “Perezida”.

ROC ubu ni yo nshya yagaragaje—ivugwa nk’urubuga rufunguye, rushingiye ku bufatanye bw’amashyaka. Ariko abayinenga bavuga ko imiterere yayo isa cyane n’iy’ibikorwa byabanje, bigatuma hibazwa niba koko ari ihuriro nyaryo cyangwa se ari umushinga w’umuntu umwe wambitswe izina rishya.

Ibikorwa byo Gusaba Inkunga

Kimwe mu byakunze kunengwa kuri Nahimana ni uburyo asaba inkunga mu Banyarwanda baba mu mahanga. Mu myaka yashize, yakomeje gusaba amafaranga, yiyerekana nk’umuntu w’ingenzi ushobora guteza impinduka za politiki mu Rwanda.

Mu gikorwa cyakwirakwiye cyane, byavuzwe ko Nahimana yasabye Abanyarwanda bo mu mahanga miliyoni imwe y’amadolari ($1,000,000) yo gukuraho Leta y’u Rwanda—ayo mafaranga akavugwaho ko ari make cyane ugereranyije n’intego za politiki yavugaga ko ashaka kugeraho.

Nubwo amakuru arambuye kuri iki gikorwa adashobora kugenzurwa neza, ibikorwa nk’ibi byo gukusanya inkunga byongeye kugaragara mu bihe bya vuba.

Urugero, muri Gicurasi 2024, Nahimana yabonetse muri Malawi, aganiriza itsinda rito ry’abamushyigikiye, abasaba gutanga inkunga y’ubukangurambaga.

Abamunenga bavuga ko izi nkunga akenshi zikoreshwa mu ngendo mpuzamahanga ze aho kugira ngo zigire ingaruka zigaragara muri politiki, bityo bikongera isura y’ibikorwa byo kwigaragaza cyane kurusha ibikorwa bifatika.

“Leta iri mu Buhungiro”

Thomas Nahimana yigeze guhura na Perezida wa Repubulika Iharanira Demokarasi ya Kongo, Félix Tshisekedi, mu Bubiligi, mu gihe uyu muyobozi wa Kongo yateguraga umushinga uvugwa nk’ugamije “guhindura ubutegetsi” mu Rwanda.

Igice gikunze gusetsa cyane mu mishinga ya politiki ya Nahimana ni imiterere y’imbere muri GREX, cyane cyane ubuyobozi bwayo n’ibikorwa byiswe amahugurwa ya gisirikare. Muri ibi bikorwa bikorerwa kuri interineti mu buryo bwa videwo, Nahimana yagiye atanga impamyabushobozi, impamyabumenyi z’icyubahiro n’amapeti ya gisirikare ku bamushyigikiye—ibikorwa abanenga bavuga ko ari byenda gusetsa muri politiki aho kuba ibintu bifatika.

Mu ngero zidasanzwe cyane, harimo kuzamura mu ntera abasirikare bahoze mu ngabo z’igihugu bakagirwa abayobozi bakuru muri GREX, barimo abantu bafite amateka akomeye cyane. Urugero ni Innocent Sagahutu, wahoze ari Kapiteni, wakatiwe kubera uruhare rwe muri Jenoside yakorewe Abatutsi mu 1994, wagizwe “Jenerali” mu itangazo ryashyizwe kuri YouTube.

Ku Banyarwanda benshi, cyane cyane abarokotse Jenoside, bene ayo mashyirahamwe yerekana icyizere gike n’ubunyangamugayo hafi ya ntabwo bwa politiki bya Nahimana.
Umushinga wa Pasiporo
Ikindi gikorwa gikomeje gukurikirana izina rya Nahimana ni ibivugwa—nubwo ahanini ari inkuru z’abantu ku giti cyabo ariko zikomeje kugarukwaho—bijyanye no gutanga “pasiporo” za GREX.

Hakurikijwe amakuru akwirakwira mu matwara atavuga rumwe n’ubutegetsi, bamwe mu Banyarwanda baba mu mahanga batanze amafaranga bahabwa inyandiko zagaragazwaga nk’indangamuntu zemewe z’iyo leta iri mu buhungiro.

Izo nyandiko bivugwa ko zitari zifite agaciro kemewe n’amategeko, bikaba byari ibimenyetso by’ikirango gusa. Nahimana ubwe akoresha pasiporo y’i Burayi mu ngendo ze.
Ibyo ari byo byose, imyifatire ya Nahimana, igaragaza ko amahuriro y’abanyarwanda bigize impunzi bafite imigambi mibisha ashobora kwigaragaza mu ishushuo ya politiki,nyamara mu by’ukuri ari urubuga rwa ba rusahurira mu nduru.

Inama Mpuzamahanga

Politiki ya Thomas Nahimana ikorerwa ahanini kuri interineti.

Inama mpuzamahanga ategura ni zo zigaragara cyane—kandi zigira isura yo kwigaragaza gusa —mu ngamba ze za politiki. Izo nama zagiye zibera muri Kanada (Ottawa), Afurika y’Epfo (Cape Town), Ositaraliya n’ahandi, zigatangazwa nk’ibihe bikomeye byo gukangurira impinduka za demokarasi mu Rwanda.

Muri Gashyantare 2025, yavugiye mu Kigo cya Ositaraliya gishinzwe Ububanyi n’Amahanga, nyuma hakurikiraho Inama Mpuzamahanga ya GREX muri uwo mwaka. Inama nk’izo no mu bindi bihugu zagiye zikurura abitabira bake ariko bamushyigikiye by’indahemuka.

Amashusho n’inkuru byagaragaje ko izo nama zari nto, aho kuba ihuriro rinini nk’uko byatangazwaga mu magambo.

Imbuga nkoranyambaga, cyane cyane X (yahoze ari Twitter), zagize uruhare mu gukwiza ayo makuru, ariko abanenga bagaragaza uko hakunze kubaho itangazo rinini riherekejwe n’ingaruka nkeya mu buzima busanzwe.
Imyiyereko irimo ubusa
Nahimana yarasebye cyane mu 2020, ubwo yatangazaga mu ruhame ko Perezida Kagame yapfuye—inkuru yahise ihakanwa ubwo Kagame ubwe yaje gusetsa avuga kuri ayo makuru. Nubwo ayo makosa yagaragaye cyane, Nahimana yakomeje ibikorwa bye nta gucika intege.

Itangizwa rya ROC risa n’andi yatangajwe mbere, rihuza intego za politiki n’imvugo zishingiye ku idini hamwe no kwizeza abantu ibintu bikomeye, ariko bya baringa.

Nahimana akomeza gukoresha cyane umuyoboro wa YouTube, aho insanganyamatsiko igaruka kenshi ari ugushinja Leta ya Perezida Kagame—n’Abanyarwanda bagarutse mu gihugu nyuma ya 1994—abita “Abavantara” (abateye igihugu). Nubwo bigaragara nk’isesengura rya politiki, iryo jambo rifite ubusobanuro bwimbitse kandi bukomeye.

Ritanga igitekerezo cy’uko abo bagarutse baje kwigarurira igihugu, bigashyira mu mitima y’abamukurikiye igitekerezo cy’uko “Abatutsi” bigaruriye “Abahutu,” nubwo bitavugwa mu magambo yeruye.

Ku bantu batari Abanyarwanda, cyane cyane iyo amagambo ye ahinduwe mu Cyongereza cyangwa Igifaransa, imvugo ya Nahimana ishobora kugaragara nk’isesengura rya politiki risanzwe.

Ariko ku bavuga Ikinyarwanda kavukire, ubutumwa burumvikana neza kandi buteye impungenge. Ururimi rwe rushingira cyane ku gutandukanya “twebwe” na “bo”—amagambo n’imiterere byibutsa cyane imvugo y’amoko yakoreshejwe mu Rwanda mbere ya Jenoside yakorewe Abatutsi mu 1994.

Mu gihe u Rwanda rwerekeje amaso kuri 2029, ikinamico ya politiki ya Nahimana irakomeje. Niba izahinduka imbaraga zifatika cyangwa igakomeza kuba urwenya ruri aho, bizagenwa n’umurongo azafata wo gukomeza kubomborekana hanze, cyangwa akaza ukuri kw’ibihari mu Rwanda kukamwigisha.

Ibirori by’irahira byitabiriwe n’abashyitsi b’abanyacyubahiro bakomeye, barimo abakuru b’ibihugu umunani. Ku rutonde rw’abakuru b’ibihugu harimo na Perezida wa Repubulika y’u Rwanda Paul Kagame.

Mu bitabiriye ibi birori, harimo n’umuryango we.

By’umwihariko, ku mbuga nkoranyambaga hagaragaye amafoto yerekana amarangamutima ya Doumbouya ndetse n’umubyeyi we wamuramukije nk’umwana we, akibuka byinshi banyuzemo ariko akaba ageze kuri iyi ntebe y’icyubahiro yicajwemo n’abanya Gineya.

Ni ibirori byabereye kuri stade ya Conakry. Byanze bikunze uyu wabaye umunsi utazibagirana mu muryango wa Doumbouya, aba hafi n’aba kure.

La reconnaissance est la vertue des grands Hommes.
Le PR de la Guinée @presi_doumbouya rend hommage à sa chére maman, lors de la ceremonie de son investiture hier samedi au stade à Conakry. pic.twitter.com/w8ZMoSXhzW

— Raïssa Nouradine Kassiré (@RaissaKassire) January 17, 2026

Minisitiri Balaam Barugahara ushinzwe Urubyiruko n’abana muri Uganda

Iyakomeje kuvugwa cyane ni iy’Umuminisitiri wasobanuye ikibazo cy’ibura ry’amashanyarazi ku buryo butavuzweho rumwe.

Uyu mu Minisitiri yabeshyuje ibyavuzwe na na Komisiyo y’itumanaho ya Uganda, Uganda Communications Commission(UCC).

UCC ngo yari yavuze ko ahagana ku munsi w’amatora, internet bayihagaritse, bikekwa ko byakozwe ku mpamvu z’umutekano.

Uyu muyobozi we rero yagize ati "Ariko amakuru ya vuba mbonye aturutse ku nshuti zanjye ziri i Mombasa avuga ko ubwato bwari burimo gutambuka bwagonze umugozi (cable) wa interineti ahitwa Tutu, ubu bakaba barimo kugerageza gushakisha ibice byawo kugira ngo bongere bawuhuze."

Aha ariko, umunyamakuru yashatse kubeshyuza umutumirwa we, ariko amubwira ko ameze nk’ushaka gutema ishami yicayeho, kuko Perezida Yoweli Kaguta Museveni watowe, n’ubundi ari we wazanye Internet.

Yagize ati "Umuntu wazanye interineti ni we mwatoye; ibyo ni bimwe mu byiza yabahaye. Mbese mu 1986 mwari mufite interineti? Mwari muyifite se? Mama wawe yakubwiye ko icyo gihe bari bafite interineti? Ariko icyo gihe igihugu nticyakoraga neza. Ubu ibintu birahinduka, turi kwerekeza mu isi y’ikoranabuhanga n’ikoranabuhanga rya internet."

Yongeyehi ati "Ni ikibazo cy’iminsi mike gusa, wenda ibyumweru bibiri cyangwa icyumweru kimwe; barimo gukora, abatekinisiye bacu barimo gukora ibishoboka byose kugira ngo bayisubizeho. Reka twizere perezida; uwazanye interineti ni na we uzayisubizaho. Barimo gukora amanywa n’ijoro, abatekinisiye bacu bakorana bya hafi."

Kuri nyakubahwa Minisitiri, ngo Uganda yashyizwe mu bibazo bya internet n’ubwato bwabaciriye insinga za internet. Photo Ai

Agaruka ku makuru ya mbere, uyu muminisitiri yagize ati "Ibyo UCC yababwiye, ifite uburenganzira bwo kubibabwira, kandi amakuru tuzi, abantu bacu bakora mu rwego rw’itumanaho, tuzi ko umugozi wa interineti wangiritse, kandi barimo kuwusana, barimo kuwukosora."

Umunyamakuru yagaragaje ko atanyuzwe, nuko arabaza ati "Ariko se mubisobanura mute, kuki ibi bibaho muri iki gihe cy’amatora?"

Aha rero, umutumirwa yeretse umunyamakuru ko ab’ubu barangaye batumva, aho yagize ati "Muzi se ikibazo mufite mwebwe rubyiruko? muta igihe kinini kuri TikTok aho kumva ubutumwa bwa perezida. Kandi abumvise ubutumwa bwa perezida ni bo bamuhundagajeho amajwi. Mbabwire? Perezida yatsinze mu gace ka Arua Central, kandi ntiyari yarigeze atsinda i Arua Central. Mu matora yose yabaye muri Uganda, ntiyari yarigeze atsinda i Arua Central. Ubu ni we wegukanye intsinzi ya Arua Central, icyo twita Central Division ya Arua. Perezida wacu arimo kurushaho gukundwa."

Icyakora, ku mbuga nkoranyambaga abantu benshi babwiye Nyakubahwa Balaam bati "uzabeshye abandi."

Isi yabonye Umukiza, Jambo wigize umuntu akabana natwe, nuko nyina na we ahabwa izina rya Nyina wa Jambo, ahabwa icyubahiro gikwiye uwatumye Umukiza aza mu Isi. Yezu yasubiye mu ijuru kwa se, amaze gupfa, akazuka, urupfu arutsinze.

Nyina wa Jambo, Utasamanywe icyaha nk’uko Kiliziya Gatolika imwita, nawe yitabye Imana, kandi Kiliziya Gatolika ikavuga ko yazutse akajya mu ijuru, akaba "ari ho adusabira ku Mwana we Yezu."

Kiliziya Gatolika ivuga ko Mariya yakomeje kuganira n’abantu mu ibonekerwa, akabaha ubutumwa butandukanye.

Uyu munsi, amakuru yerekana ko hamaze kuba amabonekerwa y’ubwo buryo arenga 1500, yaba ayemejwe n’ataremejwe.

Amabonekerwa yemejwe kugeza ubu, ni cumi n’umunani, ariko muri Afurika ayemejwe ni ayabereye mu Rwanda, i Kibeho hagati ya 1981-1989.

Byafashe imyaka isaga makumyabiri, kugira ngo Kiliziya Gatolika yemeze ko abakobwa batatu biga amashuri yisumbuye i Kibeho babonekewe.

Ubu noneho, abatuye i Musanze nabo batangije indi nkuru, na yo ijya gusa nk’uko iya Kibeho yatangiye.

Mugitondo cyo kuri uyu wa 17 Mutarama 2026 hadutse inkuru yabaye kimomo ivuga ko Bikiramariya yabonekeye abana babiri bo mu Rwunge rw’amashuri rwa Rwinzovu, Akagali ka Murago ho mu Murenge wa Gataraga mu Karere ka Musanze.

Ariko inkuru ngo yatangiye ku wa gatanu tariki 16 Mutarama ubwo abo bana babiri- umuhungu n’umukobwa biga mu mwaka wa kane w’amashuri abanza bavaga ku ishuri batashye, bagera munsi y’Ishuri ngo bakabona Bikiramariya ateruye umwana Yezu bambaye n’imisaraba, igaragara mu giti.

Iyo shusho ngo babanje kuyibona ku ipoto y’amashanyarazi, bongera kuyibona ku giti gisanzwe, maze inkuru imenyekanye, abantu baturuka imihanda yose, bati ibitangaza birabaye.

Abanyamakuru bagiyeyo kuri uyu wa gatandatu, bavuga ko abasanzwe bemera iby’ibonekerwa, basanzwe bajya i Kibeho ari ibihumbi, ngo baturutse hirya no hino mu gihugu ngo baze kwirebera ibitangaza.

Niho rero Padiri mukuru wa Paruwasi ya Busogo, ibarizwamo aka gace kavuzwemo amabonekerwa, Jean Bosco Nambaje, yavuze ko kwemeza amabonekerwa bigira inzira binyuramo, bityo ko ubu batahita bemeza ku rwego rwa Kiiziya ko yabaye cyangwa atabaye mu Gataraga.

Yavuze ko " Ibi bintu bisaba ubushishozi kuko Bikira Mariya ntabonekera abantu ibihumbi bitanu icyarimwe. Iyi nkuru twayishyikirije urwego rwa Diyosezi narwo ruzegeza imyanzuro ku Bakristu."

Yanabwiye Abakristu ’kumvira inzego za Leta n’iza Kiliziya", maze koko akarere ka Musanze kandika ku rukuta rwa X ko aya makuru y’ibonekerwa atari ukuri.

Meya wa Musanze Nsengimana Claudien yabwiye TV1 ko ubwo yajyaga hariya ibi byabereye ngo yasanze hari abantu barenga igihumbi, ariko akavuga ati "ni inkuru itari ukuri."

Iyo ibonekerwa ryemejwe bigenda gute?

Kuva amabonekerwa ya Kibeho yakwemezwa mu 1981, Bikira Mariya yahise ahabwa igisingizo gishya, kiyongera ku bindi byinshi afite, maze yitwa Umwamikazi wa Kibeho", nuko Kibeho na yo iba ihuriro ry’ubukerarugendo bushingiye ku iyobokamana.

Andrzej Duda, Perezida wa Polonye, igihugu cya Papa Yohani Pahulo wa II (wemeje amabonekerwa ya Kibeho) apfukamye muri chappelle i Kibeho hamwe n’umugore we Agata Kornhauser-Duda. Hari mu ruzinduko bagiriye mu Rwanda muri Gashyantare 2024

Uyu munsi rero, abakabakaba ibihumbi 500 basura Kibeho buri mwaka. Kuri Assomusiyo ya 2024, Kibeho ngo yaba yarakiriye abakerarugendo ibihumbi 85.

Izi ngendo nyobokamana zahinduye Kibeho umurwa ukomeye. Imihanda yageze mu cyaro cya Kibeho, amahoteri arahazamurwa, none Kiliziya Gatolika ndetse n’Akarere ubwako akenshi batumira abashoramari ngo baze babafashe kubaka amacumbi azajya yakira abaza kuhasengera.

Mu gishushanyo mbonera cy’imikoreshereze y’Ubutaka, cy’intumbero y’igihugu ya 2050, Nyaruguru, aho Kibeho iherereye yagizwe Igicumbi cy’Ubukerarugendo bushingiye ku iyobokamana ndetse n’ikigega cy’icyayi cy’u Rwanda.

Kiliziya kandi ubwayo, ikomeza kwagura ibikorwa bya Kibeho, kugira ngo yigishe iby’ibonekerwa, mbese aha hazahinduke ahantu ho kwigira ibya Mariya ku buryo bukomeye.

Muri Mata umwaka ushize, abepiskopi gatolika b’u Rwanda barangajwe imbere na Antoine Kardinali Kambanda, batangije umushinga wo gushaka miliyari 4.2 z’u Rwanda wo kugura hegitari cumi n’imwe zizubakwaho imishinga mishya makumyabiri.

Abasenyeri mu ibaruwa yabo babwiye Abakristu bati "Kibeho ya cyera si yo y’ubu, ubutumwa Nyina wa Jambo yatanze bwagiye buhagurutsa benshi, ishusho ya Kibeho igenda irushaho gukura uko imyaka ihita."

Basilica nini ku isi itegereje kubakwa i Kibeho

Nta kabuza, Kibeho itanga inkunga ikomeye mu bukerarugendo bw’u Rwanda, kandi ahandi hantu hakwemezwa amabonekerwa mu Rwanda, naho byahita biba bityo.

Hagati aho, hari ibihugu bifite agace karenze kamwe aho amabonekerwa yemejwe.

Mu Bufaransa hari hatanu, mu Bubiligi hari habiri. Muri aka karere u Rwanda rutuyemo, ahantu habereye amabonekerwa hakunzwe kuvugwa cyane ni Kibeho y’u Rwanda, Lourdes mu Bufaransa na Fatima muri Portugal.

Avuga kuri iki gikorwa, Lawrance Kanyuka, umuvugizi wa AFC/M23 wari uhagaze mu mujyi rwagati yagize ati "AFC/M23 yongeye gushimangira ku mugaragaro ko ihora yubahiriza kandi yongeye kwiyemeza kubahiriza amasezerano yayo."

Yongeyeho ati "Ibi ni iby’ingenzi cyane kuko muri iyi minsi, AFC/M23 yashyize mu bikorwa icyemezo kigoye, cyo gukuraho burundu umutwe wayo w’igenzura no gukurikirana (observation et monitoring), wari ushinzwe kurinda umutekano w’umujyi wa Uvira n’abawutuye, mu gihe hategerejwe igikorwa cyo gushyikiriza no kwakira umujyi wari umaze kubohorwa ku mbaraga za gisirikare zifatika."

Kanyuka yavuze ko umujyi wa UVira wari igihome cy’ingenzi cy’ingabo zari zishyize hamwe n’ubutegetsi bwa Kinshasa, harimo Wazalendo, FDLR, Mai-Mai, abacanshuro b’abanyamahanga, ndetse n’ingabo z’u Burundi.

Aha, yavuze ko Uvira yari yarabaye icyicaro gikuru cyategurirwagamo kandi kigatangirwamo ibitero byagabwaga kuri M23 ndetse no ku duce dutuwe cyane two muri Kivu y’Amajyepfo, harimo na Minembwe.

Ibyo bitero ngo byagize ingaruka zikomeye ku buzima bw’abantu, bituma benshi bahasiga ubuzima, binateza ihunga rikomeye ry’abaturage, bikurikirwa n’ikibazo cy’ubutabazi bucyekitari cyarigeze kibaho.

Nyamara kuva Uvira yabohorwa, ngo ibintu byabaye byiza.

Ngo abaturage babayeho mu mahoro, bakora imirimo yabo mu bwisanzure no mu mutuzo, nta kubangamirwa, nta bujura kandi nta hohoterwa. Nta bikorwa by’ubugome bukabije (cannibalisme) byigeze bigaragara, nta mvugo z’urwango, nta politiki y’ivangura. Umutekano, ituze n’icyubahiro cya muntu byarasubijwe.

Aha rero, nk’uko uyu mutwe wari wavuze ko ushyize Uvira mu maboko y’umuryango mpuzamahanga, Kanyuka yagize ati "AFC/M23 ntizabazwa inshingano ku kintu cyose gishobora kubangamira umujyi wa Uvira n’abawutuye nyuma yo kuva mu ntara."

Aha rero ngo AFC/M23 yashyize umujyi wa Uvira n’abawutuye mu nshingano zisesuye z’Umuryango w’Abibumbye (Loni) kugira ngo barindire umutekano abasivili, kandi bubahirize uburenganzira bw’ibanze bwa muntu muri Uvira.

Nk’uko byatangajwe n’iyo Komisiyo nyuma yo kubara amajwi ya nyuma, Museveni yatsinze ku majwi 71.65%, mu gihe umunyapolitiki utavuga rumwe n’ubutegetsi wamukurikiye hafi, Robert Kyagulanyi Ssentamu, uzwi cyane ku izina rya Bobi Wine, yagize 24.7%.

Iyi nkuru ishimangira gukomeza kuganza kwa Museveni mu miyoborere ya Uganda, aho yagiye ku butegetsi kuva mu 1986. Intsinzi ye itumye akomeza kuba umwe mu bayobozi ba Afurika bamaze igihe kinini ku butegetsi.

Ibyaranze Amatora:

Ubwitabire: Abaturage bitabiriye amatora ku bwinshi mu bice byinshi by’igihugu, cyane cyane mu byaro byagaragaje gushyigikira cyane ishyaka rya NRM.

Icyo abatavuga rumwe n’ubutegetsi babivuzeho: Kyagulanyi n’ishyaka rye National Unity Platform (NUP) ntibarasohora itangazonyir’izina, ariko abayobozi b’ishyaka bagiye bagaragaza impungenge ku butabera n’ukwigenga by’amatora.

Ingaruka ku karere: Abasesenguzi bavuga ko kongera gutorwa kwa Museveni bizakomeza gushimangira uruhare rwa Uganda mu mutekano w’akarere no mu mikoranire y’ubukungu mu Muryango w’Ibihugu bya Afurika y’Iburasirazuba (EAC).

Ibyitezwe mu bihe biri imbere:

Kubera iyi manda nshya, biteganyijwe ko Museveni azakomeza gushyira imbaraga mu kubaka ibikorwa remezo, ububanyi n’amahanga mu karere, no kurinda umutekano w’igihugu.

Ariko kandi, abatavuga rumwe n’ubutegetsi n’imiryango iharanira uburenganzira bwa muntu bazakomeza gusaba ivugururwa ry’imiyoborere, imiyoborere myiza n’uburenganzira bwa muntu.

Habaye n’umukino wa Super Cup mu bagore, aho Rayon Sports yihereranye Indahangarwa iyinyagira ibitego bine ku busa, iyitwara igikombe.

Byari uburyohe kuko mbere gato, Indahangarwa na zo zari zakubise She Rayon Sports ahababaza zikayitwara Igikombe cy’Amahoro.

Ku mugoroba w’uwo munsi ariko, ndavuga ku wa gatandatu tariki 10 Mutarama, Super Cup y’Abagabo nayo yahuje abakeba b’ibihe byose, APR a.k.a Nyamukandagira cyangwa Igikona bitewe n’amadarubindi umufana yambara, na Rayon Sports a.k.a Gikundiro cyangwa Gasenyi nabwo bitewe n’ibara ry’amarangi umufana yisiga.

Stade Amahoro yari yakubise yuzuye, yanyeganyeze, ariko n’inshundura zaranyeganyeze karahava.

APR FC yiherereranye, nako yakubitiye Rayon Sports imbere y’imbaga y’abafana ibitego 4-1, maze igikuba kiracika.

Rayon Sports byarayibabaje, ariko abafana bo byabaguye nabi cyane. Mu minsi ishize havuzwe inkuru ibabaje y’umuntu wiyambuye ubuzima mu Karere ka Kayonza, bikaba bivugwa ko ngo yaba yarabitewe no kunanirwa kwakira uku kwihanangirizwa kw’ikipe yihebeye.

Ku rundi ruhande rero, muri iriya minsi nabwo habaye akaga ku Ikipe y’Amagaju, igifite akabyiniriro ko kwitwa Ikipe y’umwami, kuko yabayeho mu mateka y’igihe cya cyami, ariko ikaba nta bindi bitangaza izwiho uyu munsi.

Ikipe y’Amagaju yacakiranye na Al Hilal yo muri Sudani iri gukina Shampiyona y’u Rwanda kuko iwabo umutekano udahagije ku buryo bakina.

Aha rero, Al Hilal yanyagiye Amagaju iyatsinda ibitego umunani ku busa, ariko nta makuru y’agahinda kenshi yamenyekanye mu bafana y’ikipe y’i Nyamagabe.

Bashobora kuba bariyakiriye, cyane ko bashobora kuba bari babizi ko nta gikomeye bakora imbere y’iki gikomerezwa.

Iyi weekend rero, bigiye kongera kuba. Al Hilal iracakirana na Rayon Sports i saa kumi n’imwe n’igice z’umugoroba mu gikombe cya Shampiyona, ku matara y’Amahoro. Aha nta kibazo nk’icyabaye kuri Pele Stadium aho Amagaju yahondaguriwe, kuko umuriro wabuze, nk’uko bisanzwe iteka hariya kuri stade yo ku rya nyuma.

Ariko se Al Hilal irakora Rayon Sports nk’ibyo yakoze Amagaju? Bamwe barabyemera abandi bakabihakana, bakavuga ko uko biri kose, imbere y’Abafana, mu ntege nke ifite muri iyi minsi, Rayon Sports itaba mbi bigeze aho.

Gusa, abazi iby’umupira nabo bakomeje kuvuga ko Al Hilal atari ikipe yo gukinisha. Iyi kipe mu minsi ishize yari yohereje abakinnyi mu Ikipe y’igihugu ubwo yakinaga AFCON n’ubwo yaviriyemo mu matsinda. Hari imikino rero ya shampiyona ya hano mu Rwanda Al Hilal yakinnye idafite ab’inkwakuzi muri yo, ariko ubu irikwije neza.

Mu gihe rero Rayon Sports ihura na Al Hilal Abafana ubu batangiye kubwira Rayon Sports ngo "nicire birarura ubuzima bw’abafana itabukinisha"

Hari umunyamakuru wagiriye inama Rayon Sports ati "Mwihagarareho ariko nyabuneka mutitoneka dore mwakomeretse nabi."

Ubu ku rutonde rwa shampiyona. Al Hilal iri ku mwanya wa kabiri, n’amanota 32, ikaba irusha Rayon Sports iri ku mwanya wa cyenda, n’amanota 24.

Undi mukino rero uzaba muri iyi weekend, ni uzahuza Al Merreikh SC na yo yaturutse muri Sudani, ikazahura na APR FC.

Abanyamakuru ba Siporo ubu baravuga ko APR FC imeze neza, ariko na Al Merrikh SC ngo ntabwo imeze nabi, ku buryo bavuga ko izi kipe zishobora kujya mi mitsi gatanu kuri gatanu.

Mu mukino uheruka, Al Merreikh SC yahuye na Mukura VS kuri Pele Stadium banganya 1-1, ariko tugarutse kuri APR y’iwacu, abakinnyi amakipe yacu afite, bakina uko baramutse.

Uyu munsi APR ihagaze ku mwanya wa gatatu n’amanota 32 ikaba iri imbere ya Al Merreikh SC iri ku mwanya wa kane n’amanota 30.

Perezida wa Sena, Dr Kalinda François-Xavier, yagize ati “Intego yacu muri iki gikorwa ni ukumva abaturage tubasanze aho batuye, tukamenya uko bitabira ubworozi n’uko umusaruro uva mu bworozi ubafasha mu guhindura imibereho yabo ikarushaho kuba myiza. By’umwihariko Sena izamenya uko ibiryo by’amatungo biboneka, kuko iyo amatungo yitaweho aribwo atanga umusaruro uhagije, bigafasha abaturage kwihaza mu biribwa no gukemura ibibazo bafite”.

Ibarura ryijyanye n’ubworozi mu Rwanda riheruka, ryerekanye ko ingo z’abahinzi miliyoni 1.6 zorora amatungo.

Iri barura rya 2024 ryagaragaje ko inka ziri mu Rwanda zari miliyoni 1.6, ihene miliyoni 1.8, intama miliyoni 0.4, ingurube miliyoni 1, inkoko miliyoni 3.9, n’inkwavu miliyoni 0.8.

Hagati aho, abagera kuri 80 ku ijana baba bororera inka mu biraro, naho 17 ku ijana bakororera mu nzuri, mu gihe gatatu ku ijana babivanga byombi.

Mbere yo gutangira ingendo mu Turere, Abasenateri bazagirana ikiganiro na Minisitiri w’Ubuhinzi n’Ubworozi ku igenamigambi ry’Igihugu ryo guteza imbere ubworozi, ibyagezweho mu kurishyira mu bikorwa, imbogamizi zagaragaye n’ingamba ziteganyijwe zo kuzikuraho.

Umusaruro witezwe muri iki gikorwa ni ugukomeza guteza imbere ubworozi bufasha mu guhindura imibereho y’umuturage no kuzamura ubukungu bw’igihugu.

Bishingikirije ku cyemezo bafashe ku wa 15 Ukuboza umwaka ushize wo kwivana mu Mujyi wa Uvira bari bamaze igihe gito bafashe, ndetse no ku masezerano y’agahenge bavuga ko biyemeje gushyira mu bikorwa, M23 yabwiye umunyamabanga mukuru w’Umuryango w’abibumbye ko iyihereje ku mugaragaro umujyi wa Uvira kugira ngo irengere abaturage.

Itangazo bandite ryagize riti "Ihuriro ryacu AFC/M23 ryiyemeje ku mugaragaro, uyu munsi guhereza umuryango mpuzamahanga inshingano zo kwita ku Mujyi wa Uvira wose."

Itangazo ryongeyeho ko kuva kuri uyu wa 15 Mutarama bakuye mu birindiro umutwe w’ingabo wari utegereje gukurikirana uko ibintu bihagaze, ndetse n’ihererekanyabubasha ry’uyu mujyi n’ingabo z’Umuryango w’Abibumbye zidafite aho zibogamiye.

Aha bagize bati "ubu noneho ni inshingano z’umuryango w’abibumbye kwita ku mutekano no kurinda abaturage b’abasivile, kubungabunga umutekano w’abaturage bose ba Uvira, nta vangura na mba."

Mu gihe M23 yandikiraga LONI, ingabo za Congo ngo zarashishije drone icyamby cya Kalundu muri Uvira, zica abantu, zangiza ibintu.png

Muri iri tangazo kandi, M23 yavuze ko FARDC, Abarundi, Wazalendo na FDLR bose ari ihwa mu kirenge ku baturage ba Uvira, kuko bafite gahunda yo kubagirira nabi, bityo bakavuga ko nta gahunda na ntoya bafite yo kubahiriza amasezerano y’amahoro.

Aha rero bagize bati "kuba muri Uvira kw’aba bantu, ntibibangamiye abahatuye gusa, ahubwo ni n’imbogamizi y’ishyirwa mu bikorwa ry’amasezerano y’amahoro."

Gen. Nzabamwita yoherejwe n’u Rwanda kuba Ambasaderi mu Burusiya, mu Kuboza 2024, aho yari asimbuye Lt Gen Mushyo Kamanzi.

Muri Mata 2025 yatanze impapuro zisabwa n’igihugu yoherejwemo.

Izo mpapuro zimuhesha uburenganzira bwo guhagararira u Rwanda mu Burusiya yazishyikirije Mikhail Bogdanov, Minisitiri w’Ububanyi n’Amahanga wungirije w’Uburusiya.

Mbere y’izi nshingano, Nzabamwita yakoreye igihugu mu nzego zinyuranye za Gisirikare, harimo no kuba Umuvugizi wa RDF.

Yanabaye umunyamabanga mukuru w’urwego rw’igihugu rw’ubutasi, ndetse n"umujyanama mukuru wa Perezida wa Repuburlika Paul Kagame mu by’umutekano.

Somaliya iravugwaho kuba nyirabayazana w’iki cyemezo

Mu nyandiko y’imbere muri urwo rwego, abashinzwe gutanga viza mu mahanga basabwe kwanga gutanga viza hashingiwe ku mategeko asanzwe, mu gihe urwego rugisuzuma bushya uburyo bwo gusuzuma no kugenzura abasaba viza.

Mu bihugu byibasiwe n’iki cyemezo harimo Somalia, Uburusiya, Afghanistan, Brésil, Iran, Iraq, Misiri, Nigeria, Thailand, Yemen n’ibindi.

Uku guhagarika gutanga viza kuzatangira ku itariki ya 21 Mutarama, kandi kuzamara igihe kitazwi kugeza igihe State Department izarangiriza isuzuma rishya ry’imikorere yo gutanga viza z’abimukira.

“FEEDING OUR FUTURE” MURI MINNESOTA, imwe muri nyirabayazana

Igihugu cya Somalia cyashyizwe mu byitabwaho cyane n’inzego za Leta ya Amerika nyuma y’iperereza rikomeye ku buriganyi bwabereye muri Leta ya Minnesota, aho abashinjacyaha bavumbuye ikoreshwa nabi rikabije ry’amafaranga ya Leta yagenewe gufasha abaturage. Abenshi mu bakekwaho ibyo byaha ni Abanyasomaliya cyangwa Abanyasomaliya bafite ubwenegihugu bwa Amerika.

Mu Ugushyingo 2025, ubutumwa bwa dipolomasi (cable) bwa State Department bwoherejwe ku biro byayo byo hirya no hino ku isi, busaba abashinzwe gutanga viza gushyira mu bikorwa amabwiriza mashya akomeye ashingiye ku itegeko rya “public charge”.

Ayo mabwiriza ategeka ko viza yangwa ku basaba bashobora kwishingikiriza ku nkunga za Leta, hifashishijwe ibipimo bitandukanye birimo ubuzima, imyaka, ubumenyi bw’Icyongereza, ubushobozi bw’imari, ndetse n’ibishobora gutuma umuntu akenera ubuvuzi bw’igihe kirekire.

Abasaba viza bageze mu zabukuru cyane cyangwa bafite ibiro birenze urugero bashobora kwangirwa, kimwe n’abigeze gukoresha inkunga ya Leta ishingiye ku mafaranga cyangwa abigeze kujyanwa mu bigo byita ku barwayi b’igihe kirekire.

Umuvugizi wa State Department, Tommy Piggott, yagize ati:
“Urwego rushinzwe ububanyi n’amahanga ruzakoresha ububasha rufite kuva kera bwo gufata nk’abatemerewe kwinjira muri Amerika abimukira bashobora kuba umutwaro ku nkunga za Leta Zunze Ubumwe za Amerika no gukoresha nabi ubuntu bw’Abanyamerika.”

Yakomeje agira ati:
“Kwimukira muri Amerika ku baturage b’ibi bihugu 75 bizahagarikwa mu gihe State Department iri gusuzuma bushya uburyo bwo gutunganya viza, hagamijwe gukumira abanyamahanga bashobora kuza gukoresha inkunga n’imibereho rusange itangwa na Leta.”

Umuyobozi wa Quality Learning Center witwa Ibrahim Ali yahakanye ibyaha by’uburiganyi, n’ubwo hari raporo iherutse gutangazwa n’umunyamakuru wigenga Nick Shirley. Ibyo byaha byagaragajwe mbere gato y’uko State Department ihagarika gutanga viza.

N’ubwo itegeko rya “public charge” rimaze imyaka myinshi rikoreshwa, uko ryashyirwaga mu bikorwa byagiye bihinduka bitewe n’ubuyobozi buriho, kandi abashinzwe gutanga viza bahabwaga ububasha bunini mu gufata imyanzuro.

Harateganywa ko abazahabwa uburenganzira budasanzwe (exceptions) bazaba ari bake cyane, kandi bizakorwa gusa nyuma y’uko basuzumwe bagasanga badateza ikibazo cyo kuba umutwaro ku nkunga za Leta.

Mu 2022, ku butegetsi bwa Perezida Joe Biden, hasohotse inyandiko igabanya ubwoko bw’inkunga zafatwaga nk’ishingirwaho mu itegeko rya “public charge”, hibandwa cyane ku nkunga y’amafaranga n’ubuvuzi bwo mu bigo by’igihe kirekire, hadashyizwemo gahunda nka SNAP (ibiribwa), WIC, Medicaid cyangwa inkunga y’amazu.

Itegeko rigenga abinjira n’abasohoka muri Amerika (Immigration and Nationality Act) rimaze igihe ryemerera abashinzwe gutanga viza kwanga abasaba hashingiwe ku mpamvu zo kuba “public charge”. Icyakora, mu 2019, Perezida Donald Trump yaguye ibisobanuro by’iri tegeko, ashyiramo n’izindi nkunga nyinshi za Leta. Ibyo byaje kujyanwa mu nkiko, bimwe birahagarikwa, mbere y’uko bisubizwaho n’ubutegetsi bwa Biden.

Urutonde rwose rw’ibihugu byibasiwe n’iki cyemezo rurimo: Afghanistan, Albania, Algeria, Antigua na Barbuda, Armenia, Azerbaijan, Bahamas, Bangladesh, Barbados, Belarus, Belize, Bhutan, Bosnia, Brésil, Burma, Cambodia, Cameroon, Cape Verde, Colombia, Côte d’Ivoire, Cuba, Repubulika Iharanira Demokarasi ya Congo, Dominica, Misiri, Eritrea, Ethiopia, Fiji, Gambia, Georgia, Ghana, Grenada, Guatemala, Guinea, Haiti, Iran, Iraq, Jamaica, Jordan, Kazakhstan, Kosovo, Kuwait, Kyrgyzstan, Laos, Lebanon, Liberia, Libya, Macedonia, Moldova, Mongolia, Montenegro, Maroc, Nepal, Nicaragua, Nigeria, Pakistan, Repubulika ya Congo, Uburusiya, u Rwanda, Saint Kitts na Nevis, Saint Lucia, Saint Vincent na Grenadines, Senegal, Sierra Leone, Somalia, South Sudan, Sudan, Syria, Tanzania, Thailand, Togo, Tunisia, Uganda, Uruguay, Uzbekistan na Yemen.

Imibare y’inzego zibifitiye ububasha iragaragaza ko Abarundi cyangwa abavukiye i Burundi, mu mwaka ushize wa 2025 ari bo baza ku mwanya wa mbere mu bahawe ubwenegihugu bw’u Rwanda kurusha abandi baturage bose ku isi.

Abantu 101 baturuka mu bihugu bitandukanye by’isi babonye ubwenegihugu bw’u Rwanda ku wa 30 Ugushyingo 2025, kandi muri bo, harimo abavukiye i Burundi 27, barenze gato kimwe cya kane.

Kuri uru rutonde, Abarundi bakurikiwe n’Abagande, bakaba ari 21, hakaza Abanyekongo, bo bakaba ari 18.

Mu karere, Abanyakenya baza ku mwanya wa kane n’abahawe ubwenegihugu icyenda, hanyuma urutonde rugatangira kuzaho ibihugu binyuranye byo ku isi uhereye ku Buhinde bufitemo batanu na Canada ifitemo bane.

Ibihugu nka Amerika, Ubwongereza, Ubufaransa n’Ubutariyani byo bigiye bifitemo umuntu umwe wahawe ubwenegihugu bw’u Rwanda.

Aba banyarwanda bashya, biyongereye ku rutonde rw’abandi 76 babonye ubwenegihugu bw’u Rwanda muri Nzeli 2025.

Icyo gihe na bwo, Abarundi bari 32 ku ijana, bangana hafi na 50 ku ijana, ndetseAbanyekongo nabo bari bari ku mwanya wa kabiri.
Mbere y’uyu mubare, Umurundikazi w’umunyamuziki Iradukunda Grace Divine uzwi nka DJ Ira nawe yari yasabye Perezida Paul Kagame ubwenegihugu bw’u Rwanda.

Umukuru w’Igihugu wari wahuyen’Urubyiruko yarabumwemereye, maze inzego zibishinzwe zibishyira mu bikorwa.

Itangazo rya Minisitiri w’Ububanyi n’Amahanga n’Ubutwererane w’u Rwanda, Ambasaderi Olivier Nduhungirehe, ryavuze ko Perezida wa Repubulika Paul Kagame yatanze Madame Louise Mushikiwabo.

Umunyarwandakazi Louise Mushikiwabo, yabaye Umunyamabanga mukuru wa Francophonie wa kane, akaba yaratangiye manda ya mbere y’imyaka ine mu Kwakira 2018, aho yatsinze umunya Canada Michaëlle Jean wari uyoboye manda imwe.

Yongeye gutorerwa manda ya kabiri mu Gushyingo 2022 ku bwiganze bw’Amajwi, nta n’umwe bahanganye.

Sonia yabwiye Congo ko Abanyarwanda b’iki gihe, mu myaka 30 ishize, bagerageje guhamagara umuryango mpuzamahanga ngo ubatabarize igihugu kibemerere gutahuka ni kubona uburenganzira ku gihugu cyabo, ntibyagira icyo bitanga.

Aha ngo babonye byanze, bagerageje gusubira mu gihugu ku ngufu kugira ngo bafate abo bagize uruhare muri Jenoside maze bashyikirizwe ubutabera.

Aho kugira ngo umuryango mpuzamahanga n’ibihugu by’amahanga bibumve, ahubwo byaciriye ibihano mpuzamahanga, banakatirwa guhagarikirwa inkunga n’imfashanyo.

Aha rero Sonia atangazwa n’uko ubu ibindi birego bikomeza kuzamuka byibasira u Rwanda ati "Kandi noneho, nanone, u Rwanda rurashinjwa ibyaha byose bikorerwa muri Congo."

Aha yongeyeho ko ibi nta shingiro bifite, ahubwo ahindukirira Congo ayigira inama agira ati "Iyaba Congo y’uyu munsi yari yifatanyije n’u Rwanda, byahinduka igihangange mu bukungu ku mugabane wa Afurika."

Miss Sonia agaragaza ko uku kwishyira hamwe, byagirira Congo inyungu, agira ati "Kubera ko iyo turebye icyitegererezo cy’u Rwanda rw’ubu, hashingiwe ku iterambere rumaze kugeraho mu myaka 30 ishize—iyo turebye imibare—rwagize izamuka ry’ubukungu rya 8% mu gihe cy’imyaka 12."

Si n’ibyo gusa kuko yibukije Congo amakuru asanzwe azwi, ko abagore mu Rwanda bagize 64% by’Abadepite mu Nteko Ishinga Amategeko, abagore bakaba barinjijwe byimazeyo mu mibereho rusange y’igihugu; hakabaho umutekano usesuye, gahunda z’ubwiteganyirize bw’imibereho, uburezi bw’ibanze kandi butangwa ku buntu n’ibindi.

Aha rero, yagize ati "Izo ngero zose, zishyizwe mu bikorwa muri Congo y’uyu munsi, byatuma na yo igira ubwigenge busesuye, kuko u Rwanda ari igihugu cyigenga, cyiyumvamo Afurika (pan-africaniste), cyigeze kuvuga OYA ku mfashanyo mpuzamahanga mu gihe kirekire kugira ngo gishyireho amategeko n’amahame yacyo, cyubake igihugu gishya uhereye ku busa, gikumire burundu amacakubiri ashingiye ku moko. Ubu abana ntibazi n’uwitwa umututsi cyangwa umuhutu."

Yabwiye Congo ko abana bakura bahabwa amahirwe angana, ndetse n’abana b’abakoze Jenoside yakorewe Abatutsi bahabwa amahirwe yo kwinjizwa mu muryango nyarwanda.

Ati "Bityo, abantu bakatiwe kubera Jenoside uyu munsi basohoka muri gereza—kuko hashize imyaka 30—bakumva ari ibintu bidasanzwe cyane; kubaho muri iki gihugu ubwabyo ni nk’igitangaza."

Yongeyeho ati "Ariko izo ngero z’u Rwanda zajya no muri Congo, mwibaza ko ibihugu by’iburengerazuba byabyemera? Ikintu kinkomeretsa ni uko tutabasha kwemera ko za dipolomasi z’ibihugu by’iburengerazuba zidafite inyungu mu kubona ibihugu bya Afurika bitera imbere nk’u Rwanda. Niyo mpamvu igitutu bashyira ku Rwanda ari ukurushinga amakosa yose yo muri Congo."

Nk’uko REG yabyanditse ku rukuta rwa X, muri iyo nama yagize umumaro ukomeye, hatanzwe ibyifuzo bitandukanye, hanashyirwaho itsinda ryihariye (task force) rishinzwe gukurikirana ishyirwa mu bikorwa ry’ibyifuzo byatanzwe ndetse no gutanga izindi ngingo n’ibitekerezo ku bibazo by’ingenzi biri kugira ingaruka ku mikorere y’akazi.

Iryo tsinda rizatanga ibisubizo byihuse kandi birambye ku bibazo byagaragajwe, bigashyikirizwe Minisiteri kugira ngo bisuzumwe mu rwego rwo kuvugurura politiki zibishamikiyeho.

Hamaze iminsi haba ibura ry’amashanyarazi rya hato na hato, rigasiga abaturage bayakoresha bavuga ko bibateza igihombo, haba mu bucuruzi, mu myigire, ndetse no mu buzima.

Icyakora, Minisiteri y’Ibikorwa Remezo igaragaza ko mu ibura ry’amasahanyarazi harimo uruhare rw’imiyoboro u Rwanda ruhuriyeho n’ibihugu by’abaturanyi.

ifoto yatanzwe na AI. U Burundi ntibugira indege y’igihugu

Hakurikijwe iri tegeko rishya, Abarundi basaba visa bazasabwa gutanga ingwate ingana na 5,000$, 10,000$ cyangwa 15,000$ z’amadorali ya Amerika, bitewe n’uko ikiganiro (interview) cya visa kizagenda.

Mu gusobanukirwa neza n’izo ngano, ayo mafaranga aba menshi cyane iyo ahinduwe mu mafaranga akoreshwa mu karere.

Amadolari 5,000$ angana hafi na 14.8 miliyoni z’amafaranga y’u Burundi (BIF) cyangwa 7.25 miliyoni z’amafaranga y’u Rwanda (RWF).

Ni mu gihe Amadolari 10,000$ angana hafi na 29.7 miliyoni BIF cyangwa 14.5 miliyoni RWF.

Ingano iri hejuru ya 15,000$ ihwanye na 44.5 miliyoni BIF cyangwa 21.75 miliyoni RWF.

Nubwo ayo mafaranga agenwa mu madolari ya Amerika, abasaba visa bazishyura ingano ihwanye n’amafaranga y’u Burundi (BIF) banyuze muri sisitemu yemewe ya Leta ya Amerika yo kwishyura, nyuma yo kubibwirwa n’umukozi wa konsula. Iri tegeko rishya rizatangira gukurikizwa ku ya 21 Mutarama 2026.

Iyi ngwate izakoreshwa ku basaba visa za B1/B2, zitangwa ku mpamvu z’ubucuruzi no gutembera. Intego yayo ni ukugenzura ko ufite visa ava muri Amerika ku gihe kandi yubahiriza ibisabwa n’iyo visa. Ni ngombwa kumenya ko kwishyura ingwate bidahita byemeza ko visa yatanzwe.

U Rwanda nta ngwate rusabwa

U Burundi si cyo gihugu cyonyine cyo muri Afurika y’Iburasirazuba kirebwa n’iki cyemezo. Itegeko ry’ingwate ya visa rizanakoreshwa kuri Tanzaniya guhera ku ya 23 Ukwakira 2025, no kuri Uganda guhera ku ya 21 Mutarama 2026.

Icyakora, u Rwanda, Kenya na Sudani y’Epfo ntibiri mu bihugu bizagirwaho ingaruka n’iki cyemezo kuri ubu.

Iyo ngwate izishyurwa gusa nyuma y’uko umukozi wa konsula wa Amerika abitegetse mu gihe cyo gusaba visa.

Kwishyura bigomba gukorwa binyuze ku rubuga rwemewe rwa Leta ya Amerika rushinzwe imari, Pay.gov, hakoreshejwe Form I-352. Amafaranga yishyuwe anyuze ku mbuga zitari izemewe ntazemerwa, kandi Leta ya Amerika ntizabazwa igihombo cyose cyaturuka kuri izo nzira zitari zo.

Iyo ngwate irasubizwa yose iyo ufite visa avuye muri Amerika ku gihe yemerewe, iyo visa irangiye atigeze ajya muri Amerika, cyangwa iyo umugenzi yangiwe kwinjira ku mupaka wa Amerika.

Ariko, iyo ngwate ishobora gutakara iyo ufite visa arengereye igihe yemerewe, aguma muri Amerika mu buryo butemewe n’amategeko, cyangwa asabye guhindura icyiciro (status), harimo no gusaba ubuhungiro (asylum).

Abishyura ingwate bashyiriweho umuhora wabo

Mu kubahiriza ibisabwa n’iyo ngwate, abagenzi bireba bagomba kwinjira no gusohokera muri Amerika banyuze ku bibuga bitatu by’indege byagenwe gusa:
– Ikibuga mpuzamahanga cya Boston Logan,
– John F. Kennedy International Airport i New York,
– na Washington Dulles International Airport.
Kudakoresha ibi bibuga bishobora gutuma umuntu yangirwa kwinjira cyangwa hakabaho ibibazo mu kwemeza ko yasohotse muri Amerika.

Guverinoma ya Leta Zunze Ubumwe za Amerika ivuga ko iki cyemezo gishingiye ku mibare igaragaza ko hari abantu benshi barenza igihe cya visa, hashingiwe ku makuru atangwa n’Ikigo cya Amerika gishinzwe umutekano w’imbere mu gihugu (Department of Homeland Security).

Iyi gahunda y’ingwate ya visa igiye gushyirwa mu bikorwa nk’igeragezwa (pilot program) hashingiwe ku mategeko ya Amerika agenga abinjira n’abasohoka.

Ku Barundi n’abandi baturage bo muri Afurika y’Iburasirazuba bireba, iki gisabwa gishya cyongeraho umutwaro w’amafaranga mu gikorwa cyo gusaba visa, ariko abayobozi bashimangira ko ingwate izasubizwa igihe cyose uyitanze yubahirije amategeko ya visa.

Muri iri gabanya, Abanyarwanda n’abaturage b’ibihugu bigize umuryango wa Afurika y’i Burasirazuba bazishyura amadolari 200 ya Amerika, berekanye gusa indangamuntu yabo, pasiporo cyangwa icyemezo cy’amavuko.

Abanyafurika n’ab’ahandi batuye muri Afurika, bo bazajya bishyura Amadolari 500 ya Amerika, bakaba basabwa Pasiporo, Indangamuntu y’aho batuye, ikarita y’Umudiplomate cyangwa visa imara nibura amezi ane akurikirana.

RDB ivuga ko iri gabanya rigamije gukangurira Abanyarwanda n’akarere gusura ahantu nyaburanga hakomeye cyane muri aka karere, ari ho muri Pariki y"Igihugu y’ibirunga.

Iyi pariki ni cyo cyanya rukumbi ku isi kikibarizwam ingagi zo mu Birunga.

Izamuka ry’ibiciro byo gusura ingagi mu Rwanda ryatangiye kuva ku Madolari ya Amerika 750 hagati ya 2017 na 2019, kikagera ku madolari 1500 ya Amerika.

Kuva mu 2020 kugeza ubu, igiciro cyo gusura ingagi ku banyamahanga nticyigeze gihinduka mu Rwanda.

Ibyahindutse ahanini ni ibiciro byagabanyijwe by’agateganyo byagenewe, abanyarwanda n’Abanyafurika bo mu Karere (nko ku Madolari 200 USD)

Abanyamahanga batuye mu Rwanda (Amadolari $500 USD). Ibi byagabanyijwe byagiye bikoreshwa cyane cyane mu bihe byo kuzahura ubukerarugendo nyuma ya COVID-19.

Inkuru yatangiriye ku munyamabanga mukuru w’ishyaka riri ku butegetsi mu Burundi wavuze ko ingabo z’u Burundi zitigeze ziva muri Congo nk’uko abantu babyibwiraga.

Ariko inkuru yaje gukurikiraho, ni iya Minisitiri w’Ububanyi n’Amahanga Eduward Bizimana wafashe ikaramu, nako mudasobwa, akajya ku rubuga rwe wa X-Twitter, agasebya igihugu cya Qatar cyagerageje guhuza Leta ya Congo n’umutwe wa M23 uhanganye na yo.

Yagize ati "U Rwanda rwagerageje Perezida wa Leta Zunze Ubumwe za Amerika, zibona ko ntacyo yakora, none rukomeje gufata ibindi bice mu Burasirazuba bwa Congo, rukica amasezerano ya Washington. Birakwiye ko twongera gushimangira uruhare rubi rw’Igihugu cya Qatar gikoresha amafaranga n’imbaraga gifite mu kubuza Leta Zunze Ubumwe za Amerika kugira icyo ikora."

Minisitiri w’Ububanyi n’Amahanga w’u Burundi, na Leta ye muri rusange, bumva ko Amerika igomba kubamba u Rwanda, ntiyite ku masezerano yasinywe hagati y’abakuru b’ibihugu b’u Rwanda na Congo itariki enye Ukuboza i Washington, yo guteza imbere amahoro mu Karere, no gukorana ibikorwa by’iterambere bizamura ibihugu byombi.

Kubera gukorana na Congo mu mugambi mubisha wo kumara abanyekongo bavuga Ikinyarwanda cyane cyane abo mu bwoko bw’Abatutsi, ubu ndetse bakaba bivugiye ko ibihumbi by’ingabo zabo zikiri muri Congo, uyu mudiplomate ashaka ko ibintu byose bigenda uko leta ye, n’iya Congo babishaka, bityo yamennye ibanga.

Icyakora, uwamuhaye akazi, Perezida Evariste Ndayishimiye, yahise yumva ko bakoze ishyano, maze atajuyaje ajya ku mbuga nkoranyambaga aramusubiza.

Yagize ati "“U Burundi bushima kandi bugashimira umubano mwiza umaze igihe kirekire bufitanye na Qatar, kimwe n’uruhare rukomeye Qatar igira mu bikorwa byo kunga no guhuza impande zitandukanye muri Repubulika Iharanira Demokarasi ya Congo (DRC).
Ni ngombwa gusobanura no gukosora icyo ari cyo cyose cyaba cyaravuzwe nabi cyangwa cyaba cyarumvikanye nabi ku ruhare Qatar igira mu iterambere no kubaka amahoro.”

Minisitiri w’Ububanyi n’Amahanga w’u Rwanda Amb. Olivier Nduhungirehe wagize uruhare mu gutegura imbanzirizamushinga y’amasezerano ya Washington afatanyije na bagenzi be ba Congo, ndetse akanakurikirana uko amasezerano ya Qatar hagati ya M23 na DRC yagiye atera imbere, yabonye ibi biganiro no kuvuguruzanya ku karubanda maze agira ati "Kagire Inkuru!, Perezida w’u Burundi yacyashye ku mugaragaro, binyuze ku mbuga nkoranyambaga, Minisitiri we ushinzwe Ububanyi n’Amahanga, wari ushinje Qatar kugira uruhare rubi mu makimbirane yo mu burasirazuba bwa Repubulika Iharanira Demokarasi ya Congo, ayishinja gukoresha ijambo ryayo n’amafaranga mu kugerageza gukumira Leta Zunze Ubumwe za Amerika kugira icyo zikora, mbere y’uko asiba ubutumwa yari yashyizeho kubera ubwoba.”

Abari ku mbuga nkoranyambaga bagaragaje ko iki ari ikibazo muri diplomasi, aho umwe yagize ati “Ibi ni urugero rugaragara rw’ubunyamwuga buke mu bya dipolomasi, aho kutumvikana n’akajagari ko mu buyobozi bw’imbere mu gihugu byerekwa isi yose mu kanya nk’ako guhumbya.”

Undi na we yagize ati "Leta y’u Burundi ni iyo gusekwa, icyakora hari ikintu kimwe ishoboye gutsemba imbaga y’abantu."

Hari undi wagize ati “Nta kindi yakoze uretse kuvuga ku mugaragaro ibyo bose batekereza mu ibanga. Bamaze amezi bangiza kandi basenya umuhate wa Doha, kandi nta n’ubwo bawemera by’ukuri… we yarabivuze mu kuri, wenda abitewe n’inzoga za Amstel ikonje yanyweye, mbese aravugisha ukuri kw’inzoga.”

Ibisubizo kuri iyi mvugo byari byinshi, icyakora hari n’uwagize ati “Biratangaje koko: Qatar iba intwari y’amahoro mu gitondo, igahinduka umunyabyaha w’akarere ku manywa? 🤔 Hari umuntu i Bujumbura wagombye guhuza amagambo avugwa, cyangwa nibura akabanza kuganira n’abandi mbere yo kwihutira gutangaza kuri Twitter. Amahoro ntiyubakwa no kuvuga indimi ebyiri."

Uyu ni umudugudu wa Nyabisindu, umurenge wa Remera urimo gutunganywa mu Karere ka Gasabo

Imibare iheruka gutangazwa n’inzego za Leta igaragaza ko ubu imiryango ifite amazu ituyemo ari mike ugereranyije n’uko byari bimeze mu myaka icumi ishize.

Iyi mpinduka ikwiye gusobanurwa neza, kuko ituruka cyane ku mpinduka zikomeye mu mibereho y’abaturage no mu bukungu bw’igihugu, aho guterwa no kugabanuka kw’imibereho myiza.

Imibare ya Rwanda Statistical Yearbook 2025 igaragaza ko hafi 72 ku ijana by’imiryango itunze amazu ituyemo, nk’uko bigaragazwa n’imibare iheruka gutangazwa ku wa 31 Ukuboza 2025.

Ibi bigaragaza igabanuka rigaragara ugereranyije na 80 ku ijana byari byaragaragajwe mu Ibarura Rusange ry’Abaturage n’Imiturire ryo mu 2012.

Mu gihe cy’imyaka igera ku icumi, kuba nyiri inzu byagabanutseho hafi amanota umunani ku ijana.

Muri icyo gihe kandi, umubare w’imiryango ituye mu nzu z’aho bakodesha wiyongereye uva kuri 15 ku ijana ugera kuri 22 ku ijana ku rwego rw’igihugu. Iki ni ikibazo kigaragara cyane mu mijyi.

Mu Mujyi wa Kigali, hafi 34 ku ijana gusa by’imiryango ni yo itunze amazu ituyemo, mu gihe igice kinini ari abakodesha. Iyi mibare igaragaza ihinduka rikomeye mu buryo Abanyarwanda batujwemo, cyane cyane mu mijyi.

Ukwiyongera kw’abaturage

Imwe mu mpamvu zikomeye zitera iyi mpinduka ni ukwiyongera kwihuse kw’abaturage.

Umubare w’abaturage b’u Rwanda wavuye kuri miliyoni 10.5 mu 2012 ugera kuri miliyoni 13.2 mu 2022, bivuze inyongera ya hafi miliyoni 2.7 mu myaka icumi gusa.

Iri ni izamuka rya hafi 26 ku ijana mu myaka icumi. Ukwiyongera kw’abaturage gutuma havuka imiryango mishya, kandi umubare w’imiryango uragenda wiyongera vuba.

N’iyo hubatswe amazu menshi, igipimo cyo gutunga inzu gishobora kugabanuka mu gihe imiryango mishya ivuka ku muvuduko urenze ubushobozi bwo kugura cyangwa kubaka amazu.

Mu buryo bufatika, abantu barushaho guhatanira amazu, kandi benshi muri bo ntibahita babona ubushobozi bwo gutunga inzu yabo.

Igihugu kigizwe ahanini n’urubyiruko

Imiterere y’imyaka y’abaturage b’u Rwanda igira uruhare runini mu gusobanura igabanuka ry’ugutunga inzu.

Abaturage barenga 70 ku ijana bari munsi y’imyaka 30, naho imyaka mpuzandengo iri hafi ya 20. Ibi bituma u Rwanda ruba kimwe mu bihugu bifite abaturage bato cyane ku isi.

Gutunga inzu akenshi biza mu myaka yigiye imbere mu buzima, umuntu amaze kubona akazi gahoraho, yarazigamye, cyangwa afite uburyo bwo kubona inguzanyo.

Igihugu kigizwe cyane n’abanyeshuri, abashaka akazi bwa mbere, n’imiryango ikiri mishya kigira abantu bacye batunze amazu yabo.

Iyo urubyiruko rwinshi ruvuye mu ngo z’ababyeyi, akenshi babanza gukodesha mu gihe bagerageza kwiyubaka mu bukungu.

Ibi byonyine birahagije gutuma igipimo cyo gutunga inzu kigabanuka ku rwego rw’igihugu, n’ubwo icyerekezo cy’igihe kirekire kiba ari cyiza.

Ukwiyongera kw’imijyi

Ukwiyongera kw’imijyi (urbanisation) na byo ni indi mpamvu ikomeye. Urubyiruko rwinshi rwerekeza mu mijyi, cyane cyane Kigali, rushaka amashuri n’imirimo.

Isoko ry’amazu mu mijyi rikorera mu buryo butandukanye n’iry’icyaro. Mu cyaro, imiryango myinshi yubaka ku butaka bw’umuryango ikoresheje ibikoresho by’aho, bigatuma igipimo cyo gutunga inzu kiba hejuru, akenshi kirenga 80 ku ijana.

Mu mijyi, ubutaka ni bucye kandi buhenze, ibiciro byo kubaka biri hejuru, kandi amazu menshi yubakwa agamije gukodeshwa.

Kugura inzu mu mujyi bisaba igishoro kinini cyangwa kubona inguzanyo yo kugura inzu, ikintu kikiri ingorabahizi ku miryango myinshi.

Kubera ko abaturage bo mu mijyi biyongera vuba kurusha abo mu cyaro, igipimo cyo gutunga inzu ku rwego rw’igihugu kiragabanuka mu buryo budasanzwe.

Gutunga inzu si byo bihwanye n’ubuziranenge

Ni ingenzi kandi gutandukanya gutunga inzu n’ubuziranenge bwayo.

N’ubwo hafi 72 ku ijana by’imiryango itunze amazu, menshi muri ayo mazu aracyari asanzwe kandi adatunganye.

Imibare y’ibarura igaragaza ko hafi 60 ku ijana by’amazu bidafagiye n’amatafari cyangwa sima(pavement), naho hafi 68 ku ijana byubakishijwe amatafari ya rukarakara.

Hafi 31 ku ijana gusa by’amazu bifagiye na sima. Ibi bigaragaza ko imiryango myinshi ifite umutungo w’amazu ariko ikabura amafaranga ahagije yo kuyatunganya no kuyazamura ku rwego rwo hejuru.

Ibi bishimangira igitekerezo cy’“umutungo utabyara amafaranga”. Mu yandi magambo imitungo ifatika irahari, ariko amafaranga ni macye.

Imiryango mito, ibisabwa byinshi

Ingano y’imiryango na yo iragenda ihinduka. Imiryango iragenda iba mito, bivuze ko abaturage bangana bashobora kuvamo imiryango myinshi.

Imiryango ibiri mito isaba amazu abiri aho kuba imwe. Ibi byongera icyifuzo cy’amazu kandi bigashyira igitutu ku isoko, cyane cyane mu mijyi.

Ibyo bituma abantu benshi bakodesha igihe kirekire mbere yo kugera ku rwego rwo gutunga inzu yabo.

Iterambere rya Nyabisindu

Ivugururwa rya Nyabisindu (nk’uko bigaragara ku ifoto) rihura n’ingamba rusange z’u Rwanda zo guhindura urwego rw’imiturire mu gihugu hose.

Binyuze muri Rwanda Housing Authority, Leta iri gushyira mu bikorwa imishinga minini yo kuvugurura imijyi, igasimbuza utujagari tudateguwe amazu ateguye neza, agezweho kandi ashobora guhangana n’imihindagurika ry’ikirere.

Iyi nzira igamije kunoza imibereho y’abaturage no kwagura amahirwe yo gutunga inzu binyuze mu kongera umubare w’amazu no gutanga amazu meza kurushaho.

Icy’ingenzi cyane, iyi gahunda ishyigikiwe n’ingamba nini zo gutera inkunga imari y’imiturire, zigamije gufasha imiryango kuva mu nzu zidakwiye cyangwa mu bukode ikajya mu nzu yayo bwite, bityo iterambere ry’imijyi rigahuza n’intego z’igihe kirekire z’imibereho myiza n’ubukungu bw’igihugu.

Icyo igabanuka risobanura mu by’ukuri

Igabanuka ry’ugutunga inzu ntirikwiye gusobanurwa nk’ikimenyetso cy’uko u Rwanda rugenda rusubira inyuma.

Ahubwo, rigaragaza sosiyete iri mu mpinduka yihuse mu mibare y’abaturage.

Ukwiyongera kw’abaturage, ubwinshi bw’urubyiruko, n’iyihuta ry’ukwiyongera kw’imijyi bihindura uburyo abantu babaho n’uko babona amazu.

Mu bihugu byinshi, ibyiciro nk’ibi byajyaniranye no kwiyongera kw’isoko ry’ubukode mbere y’uko igipimo cyo gutunga inzu gihagarara cyangwa kikongera kuzamuka uko ibyinjira byiyongera n’imari igenda ikura.

Inzitizi ikomeye iri imbere

Inzitizi nyamukuru ku rwego rwa politiki si uguharanira gusa kuzamura igipimo cyo gutunga inzu, ahubwo ni ugutanga amazu ahendutse, akwiye, n’uburyo bufatika bwo kubona inguzanyo zo kuyagura, cyane cyane ku rubyiruko.

Mu gihe urubyiruko rw’uyu munsi ruzaba rukuze kandi rukagira umutekano mu bukungu, icyifuzo cyo gutunga inzu kiziyongera.

Uko urwego rw’imiturire ruzashobora gutanga amazu ahendutse, inguzanyo zoroshye, n’iterambere ry’imijyi riyobowe neza ni byo bizagena uko igipimo cyo gutunga inzu kizongera kuzamuka vuba.

Kugeza ubu, igabanuka ry’ugutunga inzu risobanurwa neza nk’ingaruka z’igihugu gito mu myaka, gikura vuba kandi kigenda kiba icy’imijyi, kigenda cyihindura kijyanye n’ibihe bishya, aho kuba igihombo cy’umutungo w’imiryango.

Ni imyigaragambyo yaje ikurikira iyabaye ejo mu nkambi za Kigeme na Mahama.

Izi mpunzi, zifite ibyapa byanditseho amagambo akomeye abwirwa Leta ya Congo, mu rurimi rw’Ikinyarwanda, Igifaransa n"icyongereza ko ivangura bakorerwa riteye agahunda.

Umuntu wumvise ririya jambo(rya Gen. Ekenge) ari mu nzu y'Umuhavu, ari mu nzu y'Umuhunde...murumva afite amahoro, bamubwira ngo nyoko ni umututsikazi, ni indaya...ni virusi? Amagambo y'Abayobozi ba Leta ya Congo yababaje cyane Abakongomani bavuga Ikinyarwanda bahungiye mu nkambi… pic.twitter.com/QoXoYlUwMS

— Kigali Today (@kigalitoday) January 2, 2026

Impunzi zerekanye ko urwango n’ivangura ribakorerwa, rufite abaterankunga, ku isonga hakaba hariho Perezida Tshisekedi n’ibyegera bye bya hafi, ndetse n’Umuvugizi w’Ingabo za Leta ya Congo, ari na we wabaye nyirabayazana w’iyi myigaragambyo, ahanini.

"Our girls were raped, others killed in DR Congo, but we are lucky to have sought refuge in a country (Rwanda) that is decent, loves us, and have found peace in the camp," a Congolese protester in Kiziba Camp says Congolese Tutsi should be protected to live in peace since they… pic.twitter.com/aZvaIYGQbv

— KT Press Rwanda (@ktpressrwanda) January 2, 2026

Impunzi z'Abanyekongo zo mu Nkambi ya Kiziba mu Karere ka Karongi, nazo zazindukiye mu myigaragambyo zamagana Leta ya Congo ibiba urwango n'ivangura rishingiye ku bwoko. Mu minsi ishize, ijambo umuvugizi wa Leta ya Congo Gen. Sylvain Ekenge yavugiye kuri Televiziyo ya Leta… pic.twitter.com/fDvgOMhIiF

— Kigali Today (@kigalitoday) January 2, 2026

Aba ni bo bagabo badashaka ko dutaha, aba ni bo bagabo badufitiye urwango...
Impunzi z'Abanyekongo ziri mu Nkambi ya Mugombwa zaramukiye mu myigaragambyo yamagana ihohoterwa rikorerwa Abanyekongo bavuga Ikinyarwanda, cyane cyane abo mu Bwoko bw'Abatutsi. Bahagurukijwe n'ikiganiro… pic.twitter.com/ptPPQ5582O

— Kigali Today (@kigalitoday) January 2, 2026

Ayo ni amwe mu magambo impunzi z’Abanye Congo ziri mu Nkambi ya Kigeme mu Karere ka Nyamagabe, intara y’Amajyepfo bavuze.

Muri iki gitondo, abakongomani bo muri iyi nkambi icumbikiye abagera ku bihumbi 14 kuva mu myaka 12 ishize, bazindutse bigaragambya mu mutuzo, batarenze inkambi yabo, ariko bashaka ko ibibazo byabo byakwitabwaho.

Ahanini bahagurukijwe n’impamvu eshatu zirimo kwamagana ivangura ribakorerwa mu gihugu cyabo bwite.

Hari no gusaba umuryango mpuzamahanga kudacceka ngo iri vangura rikorerwa Abakongomani bavuga Ikinyarwanda bo mu bwoko bw’Abatutsi, rigakorwa na Leta ya Congo rihagarare.

Iri vangura, n’ubwo rimaze igihe kinini, mu cyumweru gishize Congo yarimurikiye isi yose ku mugaragaro ubwo umuvugizi w’Igisirikare cya Congo Gen. Sylvain Ekenge yavugaga amagambo y’urwango yibasira abatutsi, abafata nk’abagambanyi, indyarya.

Ekenge ari kuri televiziyo y’igihugu yakoresheje amategeko icumi y’Abahutu yari akubiyemo ubugome bukabije ku batutsi mu Rwanda, maze nawe yerekana ko umututsi muri Congo atagomba kugirirwa impuhwe.

Ikindi izi mpunzi zirasaba kugira uburenganzira ku gihugu cyabo, bagatahurwa mu gihugu cyabo. Icyakora bemera ko ubu n’ubwo M23 hari uduce yafashe, batahera ko bataha ngo kuko umutekano utarizerwa neza. Ibimenyetso bihari, ngo bigaragaza ko abantu bagishimutwa, bakicwa.

Izi mpunzi zivuga ko zishyigikiye umutwe wa M23, urimo abana babo bahagurutse ngo barwanye iryo vangura, bati "leta ihaguruke irwanye iryo vangura tubone uburenganzira ku gihugu cyacu, kuko nta handi iwacu tugira."

Ibi bibazo ntibyihariwe n’impunzi ziri ku Kigeme, kuko n’iziri mu Nkambi ya Mahama, Akarere ka Kirehe mu burasirazuba bw’u Rwanda zabigarutseho, mu myigaragambyo zakoze kuri uyu wa Mbere Mutarama.

Impunzi z'Abanyekongo mu Nkambi ya Mahama zabwiye Tshisekedi ziti 'Murekere aho' pic.twitter.com/NZkL3klltW

— Kigali Today (@kigalitoday) January 1, 2026

Mu ijwi rimwe, bagize bati "turashaka ubutabera, turashaka amahoro muri Congo."
Bibaza kandi impamvu mu gihugu cyose cya Congo Abatutsi bavuga Ikinyarwanda, Abahema n’Abanyamukenge bibasirwa

Mu birori bisezeraho umwaka wa 2025 ari nako biha ikaze umwaka wawusimbuye wa 2026, amahitamo yari abiri; bamwe bagannye mu nsengero, abandi bagana mu banyabigwi bari bateguye ibitaramo hirya no hino mu mujyi wa Kigali, cyangwa se bajya kunywa agacupa bitewe n’uko buri wese ashaka kurya ubuzima.

Hari n’abahisemo kwigira ahantu hahurira abantu benshi, bategereza twa tunyenyeri tuzamuka mu kirere, mu gihe baturitsa ibishashi, ibi bita ‘kurasa umwaka’.

Ku nsengero zifunguye, dore ko uyu mwaka usanze izigera ku bihumbi icumi zifunze, abantu bari benshi cyane, ku buryo uretse urusengero rusanzwe, n’imbuga zose zari zitewemo amahema, kugira ngo abadashoboye kwinjira mu rusengero bakurikirire hanze kuri Televiziyo za rutura.

Ku Itorero ry’ivugabutumwa n’isanamitima, Paruwasi ya Masoro ni ko byari bimeze. Urusengero rwakira abantu ibihumbi bitanu rwari rwuzuye, ariko no hanze huzuye abangana n’abari imbere.

Abayobozi basaga n’ababizi ku buryo bari batiye parking y’abaturanyi ku ishuri ry’Abadiventisiti b’umunsi wa Karindwi rya AUCA.

Buri mwaka utangiye muri iri torero, uba ufite insanganyamatsiko, iy’uyu mwaka ikaba ari ‘guhabwa ukwizera ndengakamere.’

Uku gushaka ‘gutangirira umwaka mu rusengero’ byari byatumye n’izindi nsengero nka Zion Centre mu Gatenga na zo zuzura n’imbuga zaho, ndetse na Four Square ya Kimironko n’izindi.

Abatagiye mu nsengero, na bo ntibagumye imuhira. Ahitwa mu cyanya gikomye kitagendamo imodoka-car free zone mu mujyi wa Kigali, ababyeyi bari bahateraniye, maze muri iryo joro ntibasiga abana, ahubwo babazana kwishimira ibikinisho by’uburyo bunyuranye.

Indi mbaga nayo yari ikoraniye kuri Kigali Convention Centre, ahaturikirijwe urufaya rwo kurasa umwaka-fireworks.

Aha, ntibari bicaye ubusa kuko bataramiwe na Kevin Kade wari wanatumiye bamwe mu banyempano barimo abana batozwa n’umubyinnyi kabuhariwe Cherrie Silver.
Undi na we uri mu basusurukije abantu kakahava ni umuhanzi uri mu bagezweho mu bakora Injyana Gakondo, Ruti Joël.

Hagati aho, umuhanzi Marina Deborah we yashimishije ab’i Nyamirambo bitabiriye igitaramo cyabinjije mu mwaka mushya wa 2026.

Iki gitaramo cyabereye muri parking ya Kigali Pelé Stadium i Nyamirambo, ahaturikirijwe urufaya rw’ibishashi mu gusoza umwaka wa 2025.

Mu ijambo risoza umwaka wa 2025, Perezida Kagame yavuze ko habaye ibikorwa byinshi by’ingenzi byazamuye izina ry’u Rwanda ku rwego mpuzamahanga.

Hateguwe ku nshuro ya mbere Inama Mpuzamahanga ku Mutekano muri Afurika, kandi Ishuri Nyafurika ry’Imiyoborere (African School of Governance) ryakiriye icyiciro cya mbere cy’abanyeshuri baturutse hirya no hino muri Afurika.

Mu Rwanda kandi hatangiye inama ngarukamwaka nshya igamije guteza imbere udushya mu bijyanye n’ingufu za nucléaire muri Afurika.

Kagame yagize ati "Ibi byose byongera kwemeza ko Abanyarwanda n’Abanyafurika muri rusange bafite ubushobozi bwo kwiyemeza abo turi bo, ibyo duhagarariye n’icyerekezo twerekeza."

Kagame yagize ati "Icyaranze cyane umwaka wa 2025 ni ukwakira Shampiyona y’Isi y’Amagare ya UCI. Kuzana iri rushanwa n’abakinnyi baryitabira ku rwego rwo hejuru mu mihanda ya Kigali byabaye ishema rikomeye ku gihugu cyacu. Ndashimira byimazeyo abantu bose bagize uruhare mu gutuma ibi bikorwa bigenda neza."

Kagame yavuze kandi ko Siporo ihuza kandi igaha imbaraga imiryango yose, nta mipaka; ati "isi yabonye u Rwanda na Afurika mu isura nshya. Kandi nubwo tutaragera ku rwego rwo hejuru mu mupira w’amaguru, icyizere cy’ejo hazaza ni cyiza bitewe n’ubufasha bwa FIFA mu kudufasha kwiyubaka. Tuniteze kandi kwakira FIFA Series umwaka utaha."

Avuga ko hashingiwe ku bikorwaremezo u Rwanda rwubatse, intego y;igihugu y’igihe kirekire ari ukurema no kurera impano z’Abanyarwanda b’ejo hazaza, zigashobora guhatana no gutsinda ku rwego rwo hejuru.

Mu bubanyi n’amahanga, perezida Kagame yavuze ko muri uku kwezi, u Rwanda na DRC byashyize umukono ku Masezerano ya Washingtonm ari naho yashimiye Leta Zunze Ubumwe za Amerika na Qatar, hamwe n’inzego nyafurika, ku bw’inkunga batanze mu gutuma iyi nzira y’amahoro igera ku musaruro.

Yagize ati "Iyi ni intambwe ikomeye igamije gukemura imizi y’amakimbirane mu burasirazuba bwa DRC no kugarura ituze mu karere. U Rwanda rwiyemeje byimazeyo gushyira mu bikorwa aya masezerano, ariko icyabangamira amahoro n’umutekano w’abaturage bacu nticyemewe na gato."

Aha ariko Perezida Kagame yavuze ko ikibabaje ari uko icyago cy’iterabwoba rishingiye ku mitwe yitwaje intwaro ifashwa n’ibihugu kigihari kandi kikiri ikibazo gikomeye.

Mu ijambo risoza umwaka, umukuru w’igihugu yabanje kwibutsa ko uyu mwaka wa 2025 usize u Rwanda ruteye intambwe igaragara, ariko rero kikaba cyarananyuze mu bibazo bitoroshye.

Aha, yashimiye Abanyarwanda bose ku bw’icyizere n’ubufatanye bagaragaje.

Yishimiye kandi ko n’’ubukungu bw’u Rwanda bwarazamutse(nk’uko byagaragajwe n’ikigo cy’ibarurishamibare, aho ubukungu bwazamutseho 9%).

Kagame yagize ati "Ubu inshingano dufite ni ukububungabunga kandi tugakoresha neza amikoro dufite nk’igihugu."

Ni ho rero Perezida Kagame agira ati "Ibi biradusaba ko twishakamo ibisubizo bituma duharanira intego n’imigambi mishya. Nta wundi muntu dukwiye gutegerezaho iterambere n’imibereho myiza yacu."

Yongeyeho kandi ati "Igishoro kinini kandi cy’agaciro dufite nk’igihugu ni urubyiruko rushoboye. Ni inshingano zanyu nk;urubyiruko rw’u Rwanda gusigasira ibyo twubatse no kubiteza imbere. Ndizera ko ibyo byose mubyiteguye n’iyo byasaba kwitanga haba ku giti cyanyu cyangwa twese hamwe."

Kagame kandi yavuze ko mu rugendo u Rwanda rwagenze, imbogamizi zahinduwemo twazihinduyemo amahirwe, nuko agira ati "kandi twarushijeho gukomera. Ntidukwiye na rimwe kwibagirwa aho twavuye, kandi uko niko bizakomeza kugira ngo bidufashe kwiyubaka uko tubyifuza."

Kagame yavuze ko ari uyu mwaka, ari n’uwawubanjrije, yahuye n’Abanyarwanda bakishimana, ku bw’ibyagezweho mu mwaka wose.

Yagize ati "n’uyu mwaka wa 2025, twayugenjeje gutyo. Twawukozemo byinshi, twageze kuri byinshi, uyu mwanya ni uwo kubyishimira. Ariko iyo wishimira ibikorwa nk’ibyo, aho uhera ni ku bantu, kuko abantu ni bo bakora ibintu. ndabashimiye rero nk’abantu, mwakoze ibikorwa byinshi tukaba twarageze kuri byinshi, ndetse dutegereje kugera ku bindi byinshi muri uyu mwaka wa 2026."

Yashimiye abanyarwanda bari imbere ye, ariko ati "n’abandi bari kure babyumve, turi kumwe nabo aho bari hose. Ibi kandi bishoboka na none kubera ko dufite umutekano."

Kagame yasubiyemo ati "ubushize nababwiye ngo abaryama baryame, basinzire, baryamire igihe, ariko ni ukuryamira igihe cyabyo, hakaba n’igihe cyo gukora."

Umukuru w’Igihugu yashimiye abaturage muri rusange kuko uwo mutekano bawugiramo uruhare runini cyane.

Ariko agira ati "ubwo birumvikana abo ndi bukurikizeho. Ni abasore n’inkumi, bagenzi banyu, basaza banyu, bashiki banyu, barara ijoro n’amanywa ndetse abandi bagatanga ubuzima bwabo, kugira ngo ubwanyu bukomeze, batanga ubuzima bwabo kugira ngo ubwanyu bukomeze. Nagira ngo mu izina ryabo n’abanyu mbashimire cyaneee. Ndetse hari imiryango abo bana bakomokamo, cyangwa bafitanye isano iyo ari yo yose, batazashobora kwishimana n’abo babo kuko batanze ubuzima bwabo kugira ngo ubwanyu bukomeze bubeho. Ariko nagira ngo mbabwire ko iyo miryango itari yonyine, buri munsi."

Yavuze ko n’ejo, n’umwaka utaha, n’undi utaha bityo, bazakomeza kubana n’iyi miryango.

Mu mvugo itebya, Umukuru w’Igihugu yongeye kugaragaza ko adashyigikiye umuco wo gusinda, ndetse no kuba umuntu yakora amakosa mu muhanda, kuko nta wakora atyo ngo yihanganirwe.

Amaze gushimira abanyarwanda bitabiriye igitaramo, agashimira ibyagezweho n’ababigezeho, abaharaniye umutekano w’igihugu uhereye ku banyarwanda bose ugakomereza ku bashinzwe umutekano, umukuru w’igihugu yibukije urubyiruko rwari rwiganje mu batumirwa, ko ari zo mbaraga z’u Rwanda.

Ntabwo ari impanuka kuba yarahise akurikizaho ubutumwa bugendanye n’akayoga, ndetse no kunywa mu rugero, kuko urubyiruko rwangiritse, ni igihugu cyaba cyangiritse.

Umukuru w’igihugu rero, yaciye amarenga ati "n’ubwo mwidagadura mukimarayo, hari ibigomba kwitonderwa. Amasaha yo twayigijeyo ariko hari icyo tutigizayo. Abapolisi n’abandi babwiwe ko nta muntu bari bukoreho isaha iyo ari yo yose, ariko ubushobozi bwanjye na bwo bufite aho bugarukira. Ntabwo nashoboye kubabwira kudakoresha twa twuma dupima. Utwo mutwitondere."

Perezida Kagame yabwiye abari aha, ko Polisi noneho ifite n’ikoranabuhanga rirenze uko baritekereza, ku buryo ibyuma bipima alkoro bishobora no kuyumvira kure.

Dore icyo Perezida Kagame avuga ku kunywa inzoga

Mu bihe bitandukanye, Perezida Kagame yerekanye ko kunywa inzoga, gusinda, atari ishema, ko ahubwo bishobora kwangiriza umuntu gahunda ze.

Mu muhango wo gusoza amasomo ya Gisirikare mu Kigo cya Gisirikare cya Gako, Akarere ka Bugesera, Ukuboza 3, 2025, Perezida Kagame yibukije abasirikare bashya kwirinda inzoga n’ibiyobyabwenge.

Yagaragaje ko gukoresha inzoga — cyane cyane kunywa birengeje urugero — bishobora kwangiza imyitwarire, gutakaza ubushishozi, no kudakora inshingano neza.

Yagize ati: “Mwirinde kunywa inzoga zitera igihunga. Iyo utakaje ubushishozi, na byo bituma udashobora gukora inshingano zawe neza.”

Kagame ntavuga inzoga nk’ikintu kibi ubwacyo, ahubwo yibanda ku ngaruka mbi zo kuyinywa birengeje urugero, cyane cyane ku bantu bafite inshingano zikomeye.

Mu kiganiro n’itangazamakuru mu birori bya Kwibohora 31 (Nyakanga 4, 2025), Kagame yavuze ko iyaba yari akiri muto, atari kunywa inzoga. Yashishikarije urubyiruko kutarya inzoga no kutazishyigikira, abibutsa ingaruka mbi ku buzima no ku murimo.

Yagize ati “Ndamutse ndi nkamwe nareka kunywa, nkagira ubuzima burimo ibyishimo… nta nzoga. Inzoga yangiza ubuzima kandi ntikwiye gushimagizwa cyane.”

Aha yerekanye ko kwirinda inzoga bihuzwa n’ubuzima bwiza, gukora cyane, no gutanga umusanzu ku iterambere ry’igihugu.

📌 3. Guhana no gutahura abarenze ku mategeko bakoresheje inzoga

Mu myaka yashize (nko mu muhango wa Unity Club mu 2022), Kagame yanenze abayobozi n’abaturage banywa inzoga birengeje urugero, harimo no gushyira ubuzima mu kaga nko gutwara imodoka banyoye inzoga.

Yagaragaje ko bidakwiye ko umuntu ufite inshingano akora amakosa ajyanye n’inzoga adafite ingaruka.

Sylvain Ekenge imbonankubone kuri RTNC, 28 Ukuboza 2025

Uyu muvugizi yagarukaga ku byaraye bitangajwe n’umuvugizi w’igisirikare cya Congo Gen. Sylvain Ekenge, aho yavugiye kuri Televiziyo amagambo menshi, harimo n’agaira ati "Iyo ushatse umugore w’umututsikazi uyu munsi, ugomba kwitonda"... Umuryango w’abatutsi b’abanyekongo "w’abahemu"...

Aha, umunyamakuru nawe yakomezaga kumwogagiza yerekana ko mu by’ukuri koko ubwoko bw’Abatutsi ari abantu bagomba kugendera kure.

Kanyuka yagize ati "kuwa 27 Ukuboza 2025, hatambutse itangazo rya televiziyo ryatanzwe n’umuvugizi w’ingabo za FARDC, General Sylvain Ekenge. Ibyavuzwe bigaragaza urukurikirane rw’imvugo ihoraho ihuye n’icyiciro cya nyuma cy’imyiteguro ya Jenoside ikorerwa Abatutsi bo muri Congo muri rusange, by’umwihariko abagore n’abana.
Iyi mvugo ishishikariza urwango ishyira Abatutsi bo muri Congo mu kaga gakomeye."

Umunyamakuru wa RTNC wenyegezaga amagambo ya Gen. Sylvain Ekenge

Kanyuka yavuze ko amagambo asubirwamo kenshi n’umuvugizi wa FARDC, ubutegetsi bwa Kinshasa, n’abavugizi n’abanyamakuru bafitanye isano na Bwana Félix Tshisekedi, agize ihohoterwa rihoraho kandi rigaragara ry’amategeko mpuzamahanga, arimo, ariko atagarukira gusa kuri ibi bikurikira:

I. Amasezerano Mpuzamahanga (Loni)

Amasezerano yo Gukumira no Guhana Icyaha cya Jenoside (1948)

Amasezerano Mpuzamahanga ku Burenganzira bwa Politiki n’Imibereho rusange (ICCPR) (1966)

Amasezerano Mpuzamahanga yo Kurandura Ivangura iryo ari ryo ryose rishingiye ku moko (ICERD) (1965)

Amasezerano yo Kurandura Ivangura iryo ari ryo ryose rikorerwa Abagore (CEDAW) (1979)

Amasezerano yo Kurwanya Ihohoterwa n’Ikinyuranyo gishingiye ku kubabaza umubiri n’umutima (1984)

Amasezerano ku Burenganzira bw’Umwana (1989)

Statute ya Roma y’Urukiko Mpuzamahanga Mpanabyaha (ICC) (1998)

II. Inzego n’Amabwiriza yo mu Karere n’Amahame Ngenderwaho

Itegeko Nshinga ry’Afurika ku Burenganzira bwa Muntu n’Abaturage (1981)

Protokole ya Maputo (2003)

Itangazo Mpuzamahanga ry’Uburenganzira bwa Muntu (1948)

Gahunda ya Loni ya Rabat ku gukumira imvugo ishishikariza urwango (2012)

Muri iri tangazo, Kanyuka yavuzde kandi ko uretse ibi byaha, ubutegetsi bwa Kinshasa burimo kwica ku mugaragaro amasezerano y’agahenge, mu gihe kimwe bukora ibitero byica by’indege n’ibyo ku butaka bigabwa ku bice bituwe cyane n’abaturage, ndetse no ku birindiro bya M23 muri Kivu y’Amajyaruguru na Kivu y’Amajyepfo. Ibi bikorwa birimo gukoresha indege z’intambara za Sukhoi-25, drone z’intambara, n’intwaro ziremereye.

Yavuze ko mui Uvira na Bukavu, mu gihe cy’imyigaragambyo y’abaturage yabaga mu mahoro mu minsi ishize, ingabo z’ihuriro zishyigikiwe n’ubutegetsi bwa Kinshasa zakoresheje intwaro ziremereye n’izunganira izo ntwaro mu gutatanya abigaragambyaga, bigashyira mu kaga gakomeye ubuzima bw’abasivili. Ibyo bikorwa by’ubugizi bwa nabi ngo byaguyemo abasivili batanu bari bari mu myigaragambyo y’amahoro muri Bukavu, bakoresha uburenganzira bwabo bwo kwigaragambya mu mahoro.

Gen. Sylvain Ekenge yasomye neza amategeko icumi y’Abahutu ni na yo yifashishije mu gukwirakwiza urwango ku Batutsi

Aha, Kanyuka yagize ati "AFC/M23 irahamagarira ku mugaragaro umuryango mpuzamahanga kumenya ko hari Jenoside iri hafi gukorerwa Abatutsi bo muri Congo, itegurwa kandi igashyirwa mu bikorwa n’ubutegetsi bwa Kinshasa."

Yabwiye LONI kandi, kumenya ko iyi mvugo ishishikariza urwango ikwirakwizwa ku bushake; ikaba ishyira mu kato, igaheza, ndetse ikavanfgura ku buryo buhoraho Abatutsi.

Yanavuze kandi ko ingabo za Kinshasa zikomeje kwica agahenge, binyuranyije n’Amasezerano ya Doha.

Avuga ku butegetsi buyobowe na Perezida Felix Tshisekedi, umuvugizi wa FARDC yagize ati "Ubu butegetsi bushingiye kuri Jenoside buracyakomeje guteza intambara, gusenya imiryango, no gukora ubukangurambaga bwo gutsemba abaturage bo mu burasirazuba bwa Repubulika Iharanira Demokarasi ya Congo muri rusange, n’Abatutsi by’umwihariko."

Yavuze ko M23 yifatanyije n’Abaturage ba Congo cyange cyane mu Burasirazuba bw’Igihugu, ndetse avuga ko batazahwema kubarengera.

Ku gicamunsi cy’ejo, Sylvain Ekenge yagiye kuri Televiziyo ya Leta, RTNC, maze asubiramo neza neza amagambo yanditse mu mategeko icumi y’Abahutu, yari agamije kubiba urwango ku Batutsi.

Muri ayo mategeko, irya mbere ryavugaga ko umuhutu wese ushaka umututsikazi aba ari umugambanyi....hanyuma hakaza n’izindi ngingo zerekana abatutsi nk’abantu b’indyarya n’ibindi bihimbano bikomeye bigamije kwerekana ko umututsi agomba gupfa.

Muri iki kiganiro, Ekenge na we yifashishije aya mategeko yashyizweho na Joseph Gitera ufatwa nk’umwe mu bacurabwenge b’ingengabitekerezo ya Jenoside, maze agira ati "Iyo ushatse umugore w’umututsikazi uyu munsi, ugomba kwitonda"... Umuryango w’abatutsi b’abanyekongo "w’abahemu"...

Umwe mu bamaganye iyi mvugo ni Amb. Olivier Nduhungirehe, Minisitiri w’Ububanyi n’Amahanga n’Ubutwererane w’u Rwanda wagize ati "Ku rubyiruko rutabizi "Amategeko Cumi y’Abahutu," Jenerali Sylvain Ekenge yifashishije, ndabiibutsa ko yasohowe bwa mbere muri Nzeri 1959 na Joseph Habyarimana Gitera, umuyobozi wa politiki w’umuhutu w’intagondwa (ibikorwa bye byatumye Abatutsi bicwa mu 1959 na jenoside ya Gikongoro yo mu 1963), mbere yuko yongera kuvugururwa mu Kuboza 1990 na Hassan Ngeze wo mu kinyamakuru Kangura, mu gitabo cy’Abahutu bari bashyigikiye ubutegetsi (amategeko yabaye ishingiro rya jenoside yakorewe Abatutsi mu 1994)."

Nduhungirehe yagaragaje ko mu gihe hari hasanzweho ibintu bibabaje byo kugirira nabi Abanyekongo bavuga Ikinyarwanda bo mu Bwoko bw’Abatutsi, bakoresheje cyane cyane gukorana n’imitwe y’iterabwoba nka FDLR, noneho FARDC yateye indi ntambwe ibabaje kurushaho.

Yagize ati "noneho umuvugizi w’ingabo za Repubulika Iharanira Demokarasi ya Congo (FARDC) ku mugaragaro, kuri televiziyo y’igihugu RTNC, yasubiyemo itegeko rya mbere mu byo bise “Amategeko Cumi y’Abahutu” (1990) yatangajwe n’ikinyamakuru cy’ivanguramoko cyo mu Rwanda Kangura, kizwiho amateka mabi."

Yavuze ko uyu General, yasomaga neza inyandiko ze zateguwe n’abapfobya Jenoside n’abanyapolitiki b’ivanguramoko nka Professeur Filip Reyntjens, abishingira ku cyo yise “ubwenge”, igitekerezo cy’ivanguramoko kidafite ishingiro, uwo mwarimu wo muri kaminuza ya Anvers ahora yitirira Abatutsi. Sylvain Ekenge anagera aho avuga ko ubwo “ubwenge” (ijambo ryo mu Kinyarwanda risobanura intelligence) bwigishwa no ku bana bato b’Abatutsi, bityo, nk’uko byagenze mu 1994 mu Rwanda, agashyira akamenyetso k’iterabwoba n’ubugizi bwa nabi ku bana.

Nduhungirehe yagize ati "Uyu musirikare mukuru wo muri Congo ntanahagararira aho, ahubwo anagarura ibitekerezo bya gikoloni byashyizeho imizi y’amacakubiri yiswe ay’amoko ndetse na Jenoside yakorewe Abatutsi, birimo igitekerezo kivuga ko Abatutsi ari Abanilotike bigaruriye u Rwanda bagakandamiza Abahutu, ndetse bakabambura ururimi rwabo rw’Ababantu (Bantou) ari rwo Ikinyarwanda."

Nduhungirehe yavuze ko kKubera ipfunwe, cyangwa abigiriwemo inama n’inshuti ze zo mu bihugu by’iburengerazuba, Perezida Tshisekedi ashobora kuba azirukana General Sylvain Ekenge mu gihe kiri imbere.

Nyamara avuga ko ibyo bitazabuza ibyavuzwe n’uriya musiririkare gusubiza akarere mu icuraburindi rya Jenoside.

Uyu mushinga wagaruwe n’abo wasigiye ibikomere kuko bari bagiranye amasezerano n’abawuzanye ngo babahingire ibiti bikamurwamo amavuta, ariko bikarangira batishyuwe ibyo bashoyemo.

Abazamuye ikibazo ni abaturage 432 bo mu karere ka Kayonza, bamaze imyaka icumi bishyuza amafaranga y’u Rwanda Miliyoni 38. Ngo bahora bizezwa n’inzego za leta zitandukanye ko bazishyurwa, ariko icyizere cyaraje amasinde.

Umwe muri bo uhagarariye abo bahinzi yagize ati "muri iyi myaka icumi twishyuza amafaranga yacu, nta rwego tutagezemo. Ariko Minisiteri y’Ubutegetsi bw’Igihugu, kuva mu wa 2015 itubwira ko iri kubikorana n’izindi nzego kugira ngo ikibazo kirangire. Igihe babikoreye ntikirangira?"

Mu Kwakira 2025, aba bahinzi banditse batakambira Minisitiri w’Intebe kuri iki kibazo, bavuga ko abayobozi bagiye basimburana mu nzego z’ibanze, bababwira ko ’Ikibazo bakizi" kandi ko "bari kugikurikirana."

Umushinga wa biodiesel mu Rwanda watangiye mu mpera z’imyaka ya 2000, ugamije kugabanya kwishingikiriza ku mavuta aturuka hanze no guteza imbere ingufu zisukuye. Leta yashakaga gutunganya Mazout ikomoka ku bimera byihingirwa mu gihugu, cyane cyane Jatropha n’ingazi.

Ikigo cy’igihugu gishinzwe ubushakashatsi mu bya siyansi n’ikoranabuhanga (IRST y’icyo gihe, nyuma kiba NIRDA) ni cyo cyari gishinzwe gushyira mu bikorwa uyu mushinga. Mu 2010, u Rwanda rwakoze igerageza rikomeye aho bisi yakoresheje biodiesel 100% yavuye i Kigali igana ku mupaka w’u Burundi.

Imodoka yakoze rimwe ikoresheje biodiesel

Hashyizweho uruganda rw’igerageza ku Mulindi mu Karere ka Kicukiro, rwatwaye amafaranga menshi (agera kuri miliyoni 35 z’amadolari ya Amerika). Abahinzi benshi bashishikarijwe guhinga Jatropha, bavuga ko hatewe ibiti birenga miliyoni eshanu mu gihugu.

Hari icyizere ko biodiesel izafasha igihugu kugabanya amafaranga yatakazwaga mu kugura lisansi hanze, ikanatanga imirimo n’amafaranga ku bahinzi.

Impamvu Umushinga wananiranye

Nubwo hari icyizere gishingiye ku igeragezwaa ryakozwe, umushinga ntiwigeze ugera ku rwego rw’ubucuruzi kubera impamvu nyinshi:
– Biodiesel yari ihenze kurusha mazout isanzwe itumizwa hanze.
– Umusaruro wa Jatropha wari muke cyane mu Rwanda.
– Abahinzi babuze isoko rihamye ry’imbuto za Jatropha.
– Uruganda rwifashishaga ingazi zitumizwa hanze, bigatesha agaciro intego yo kwigira.
– Hari ibibazo by’imicungire, amasoko n’amabwiriza.

Byageze aho ibikorwa bihagarara burundu, ibikoresho birangirika, n’imari yashowemo iratakara.
Raporo zitandukanye zigaragaza ko umushinga wafashwe nk’uwananiranye burundu.

Umushinga wa biodiesel mu Rwanda wabaye isomo rikomeye ku bijyanye n’igenamigambi, ubushakashatsi bufatika, n’isesengura ry’ubukungu mbere yo gushora imari mu mishinga minini y’ingufu.

Batangaje ko uyu ari umugabo w’imyaka 41 y’amavuko, akaba afite iduka ricuruza Telefone ku Iposita imbere y’Umusigiti wa Nyarugenge, ari naho yanakoreye urugomo.

Basobanuye kandi ko uyu mugabo yafashe ikirahure cy’akabati acururizamo Telephone akagitemesha abantu babiri, barimo umuturage wigenderaga ku kuboko w’imyaka 45 ndetse n’umwe mubashinzwe umutekano.

Muri aba, ushinzwe umutekano - umunyerondo wari mu kazi, yakomeretse ku mutwe bikomeye. Abakomerekejwe bari kuvurirwa ku Bitaro bya Nyarugenge.

Uwakoze urugomo, yanamenaguye imodoka zitaramenyekana umubare, ubu we akaba yajyanywe ku bitaro by’abafite uburwayi bwo mu mutwe, CARAES Ndera mu Karere ka Gasabo kugirango akurikiranwe n’abaganga, imbere y’umuryango we.

Mwiriwe neza @Rwandapolice,

ibi bintu bimaze kugenda bifata Indi ntera harimo abantu bamaze kwigira ibinani bumvako ntacyo mwabatwara Harya ubu ngo umuntu nkuyu nawe Nuwo kujyanwa imbere y'amategeko agahanwa?! Umuntu wigize gutya akwiye kuraswa Ubundi ibintu bikava munzira!💔 pic.twitter.com/AxTjqatYt7

— agapetigatuje 🇷🇼🇧🇮 (@agapetigatuje) December 26, 2025

Hari ibigo byasobanukiwe iyi ngingo, ku buryo muri iki gihembwe giheruka cy’umwaka biba byiteguye ibyo abantu bakunda gukenera, kuko baba bazi ko bagiye kuyakorera kakahava.

Ku isonga n’ubundi hasanzwe hariho ibigo bisanzwe byarubatse izina mu bucuruzi ku isi.

Nk’urugero, amafaranga Amazon yinjije mu gihembwe cya kane (Q4) yari hafi miliyari 187.8 z’amadolari ya Amerika, bikaba byaratewe cyane n’ubucuruzi bwo mu minsi mikuru, harimo n’impano za Noheli.

Walmart na yo, akayabo yinjije katurutse ahanini mu bikinisho, ibikoresho by’ikoranabuhanga n’ibikoresho byo mu rugo — bigurishwa cyane mu gihembwe cya kane (Q4).

Ibi n’ubundi ntibiri kure y’ibyinjirije amafaranga y’umurengera ibigo nka Target & Costco ariko Costo yo cyane cyane ikagira umwihariko mu makarita y’impano, ibiribwa n’ibicuruzwa bigurwa ari byinshi (bulk gifts). Ikijyanye n’Amakarita y’impano cyo igihuriyeho na Starbucks.

Amafaranga yo mu minsi mikuru akubiyemo Black Friday na Cyber Monday kimwe na Noheli.

Ni umugabo wateje impagarara kuri iki gicamunsi, ubowo yadukiraga ibirahure by’imodoka asanze ziparitse, n’uburakari bwinshi, abamubonye bagakiza amagara yabo.

Ababibonye ku rubuga rwa X bagiye impaka ku cyo Polisi yakagombye gukora, bamwe bavuga ko yakagombye kuraswa, abandi bavuga ko ibyo yakoze atari iby’i Rwanda, bivuze ko yakagombye kuvuzwa.

Aba bavuga ibyo kvuzwa barahuza na Polisi y’u Rwanda, kuko mu iperereza ry’ibanze yagaragaje ko uyu mugabo ashobora kuba afite uburwayi bwo mu mutwe.

Muraho,

Umugabo wagaragaye muri aya mashusho yafashwe. Iperereza ry’ibanze ryagaragaje ko afite uburwayi bwo mu mutwe. Yajyanywe mu bitaro bya CARAES I Ndera. Murakoze https://t.co/lIw5DXJedN

— Rwanda National Police (@Rwandapolice) December 26, 2025

Kambanda yagize ati "Uwo Jambo wavukiye abantu bose, natwe hano mu Rwanda yatuvukiye, ariko se asanze tumeze dute? Asanze dufite inyota yo kumenya Imana. Ariko, adusanganye n’ibibazo bikomeye bibagamiye ukwemera. Adusanze mu mwijima w’ijoro ryacu, mu byaha by’isi."

Yongeyeho kandi ati "Aje asanga Kiliziya nyinshi, za Paruwasi, za Santarali, na sicursales zifunze. Adusanze turwana n’iterambere ry’isi rishaka gusimbura Imana. Adusanze tutubaha umunsi w’Imana, ku batari bacye. Asanze hari abatubaha isengesho n’ibimenyetso Imana inyuzamo umukiro wabo."

Yavuze ko Yezu asanze ku isi hariho guharanira uburenganzira butagira rutangira, guha agaciro ubuyobe n’ikizira.

Ngo asanze hariho abasuzugurwa kuko bemera Imana, hakaba n’abatubaha Umubyeyi Bikira Mariya n’impanuro atanga, nyamara ari we Imana yanyuzeho ngo haboneke umukiza.

Aha ni ho yagize ati "Umuntu uri mu mwijima akenera urumuri ngo abone aho ari, n’aho agana. Mu mwijima umuntu yikanga byose, yikanga n’uwo bahuye kandi ari umuvandimwe. Nk’uko ijisho rikenera urumuri ngo ribashe kubona, ni nako ubwenge bwa muntu bukenera Imana ngo bumenye aho buri n’aho bugana."

Kambanda yavuze ko "iyo umuntu ashakira Imana aho itari, aba ari mu mwijima. Iyo ashaka kumenya Imana n’ubwenge bwe gusa, akenshi abona ibitari yo. Mbese nk’uko ukwezi kutabasha kumurika kudahawe urumuri n’izuba, ni nako umuntu adashobora kugira urumuri, atarukomoye ku rumuri nyakuri rw’Imana."

Urwo rumuri nyarwo ni Yezu Kristo, Jambo w’Imana wigize umuntu.

Kambanda, yavuze ko muri iki gihe hadutse ubuyobe buhakana Imana, buvuga ko umuntu adakeneye Imana, ahubwo akeneye ibumufasha by’umubiri n’iterambere gusa.

Nyamara ngo abanyabwenge baje kureba Yezu ubwo yavukaga, ngo "baratanga urugero rwo guha Yezu umwanya w’ibanze mu mibereho yacu. Umuntu ntashobora kugera ku ihirwe yagenewe atari kumwe n’Imana."

Cardinal Kambanda, yongeye kwihanganisha Abakirisitu bafite kiliziya zifunze, ubu bakaba bakurikira inyigisho kuri za Youtube, maze agira ati "Twongeye gusaba ko ababireba bagira icyo bakora, Kiliziya zifunze ariko zikaba zujuje ibisabwa zifungurwe, abana b’Imana babone uko basengera hamwe."

Yavuze ko isengesho ari ngombwa cyane ku bemera, kuko badashobora gutingwa n’iby’isi gusa, kandi bararemewe kubaho iteka.

Abakristo ku isi yose, abemera Yesu Kristo nk’umwami n’umukiza w’ubugingo bwabo bazindukiye mu masengesho, amateraniro yo kwizihiza Noheli.

Ni umunsi wizihiza ivuka rya Yesu, Imana yigize umuntu ikaza kubana n’abantu ngo ibacungure ku musaraba.

Uko Kwigira umuntu gufatwa nk’intangiriro y’uko gucungurwa ku ngoyi y’icyaha n’urupfu.

Mu Rwanda, Abakristo bari buzuye mu nsengero basanzwe babarizwamo, bahimbaza Imana, kandi bumva Ijambo ryayo.

Intumwa Paul Gitwaza uyobora Zion Temple celebration we mu butumwa yahaye abari bateraniye mu Gatenga, yagize ati "kuvuka ubwa kabiri ntiwabyiga muri theology, anthropology cyangwa ubundi bumenyi, ubyigira muri Kaminuza yo mu ijuru."

Yavuze ko uwo Kristo afite umwuka w’Ubujyanama, ndetse kandi, inama ze ntiziyobya, ntizigira error."

Aha, ngo ni yo mpamvu yatumaga abami bakomeye nka Dawidi babaza Imana bati "ese Mana ntere ababisha banjye?" Maze Imana ikabasubiza iti "uyu munsi ntutere uzatere ejo, cyangwa se bireke, cyangwa se tera."

Yavuze ko kujya inama kw’Imana, ari ko kubeshejeho abantu kuko Imana igira inama zitabeshya, kandi ikareba aho abantu batareba.

Yavuze ko Umwuka wo kujya inama ni umwuka Yesu yari afite, maze agira ati "abantu bose yagiriye inama byaciyemo."

Mu gitaramo cya Noheli, Antoine Cardinale Kambanda, Arkiyepiskopi wa Kigali, yavuze ko Yezu wavutse asanze abantu mu mwijima w’icuraburindi uterwa n’ibyaha.

Intumwa Yoshua Ndagijimana Masasu uyobora itorero ry’ivugabutumwa n’isanamitima, yabwiye abari bateraniye mu itorero ry’i Masoro ko kuza mu isi kwa Yesu ari igikorwa cy’agaciro gakomeye.

Yavuze ko Yesu yaje akaba umuntu kugira ngo abone uko akiza abantu, ariko ibyo byari ikintu gikomeye kirimo kwicisha bugufi kuko yiyambuye gukomera kwe k’ubumana.

Yagize ati "burya kuzamuka biroroshye, biraryoha, kuba wabona promotion, biba byiza cyane, ariko kumanuka si byiza. Kuva mu bumana bwe akaza akambara umubiri, birakomeye kuruta uko twebwe yatuzamuye akatugira abana b’Imana, kandi koko turi bo."

Aha ni ho yagize ati "jyewe Masasu izina wanyita ryiza kurusha ayandi rikanshimisha, ni brother to Christ, umuvandimwe wa Yesu Kandi na Kristo ubwe ntagira isoni zo kutwita abavandimwe be."

Yongeyego ko Kristo yambaye inyama n’amaraso kugira ngo abe ushobora gupfa, ariko rwari urupfu ruri strategique, arapfa kugira ngo urupfu aruvane mu nzira ku bwacu

Nuko Jambo yigira umuntu abana natwe

Abandi bapanze ingendo, bapanga gusurana, guhana inka, bafata gahunda z’ibirori, zo kubatizwa, gukomezwa no gushyingirwa, ndetse n’ibindi byiza, maze babigena ko bizaba kuri, cyangwa hafi ya Noheli.

Uyu munsi, abizera Yezu Kristu nk”umwami n’Umukiza, bawufata nk’isabukuru y”ivuka rya Yesu, umaze imyaka 2025, dore ko uko kuvuka kwabaye itangiriro rishya, ku babyemera.

Kuri uwo munsi nyirizina rero, Uwa 25 Ukuboza buri mwaka, abatuye isi bararya, bakanywa, bamwe bakirarira aho bahahiye, abandi bagataha bwenda gucya, ariko abandi nabo bakajya gusenga barangiza bakajya mu miryango yabo.

Ibyo ari byo byose, uyu ni umunsi utuma abantu bose bajya hanze, n’iyo bagarukira ku gipangu. Ni umunsi ukoranya imodoka zose, ibinyabiziga bikabyiganira mu mihanda, buri wese afite aho ajya guhahira, gusura, gusenga, kuryoshya, n’ibindi.

Bimwe muri ibyo binyabiziga bitaha binaniwe, cyangwa se ba nyirabyo batakibasha kubibwira neza inzira binyuramo, kuko baba bafite amavunane umubiri wose. Ni yo mpamvu rimwe na rimwe usanga ibyo binyabiziga biramukanya, nk’aho ba nyirabyo bakabaye ari bo baramukanya.

Uyu munsi, bawubatije umunsi w’abana, ku buryo kugira neza ko kuwa 25 Ukuboza, ari ugukoranya abana, ukabambika utugofero tw’umutuku n’umweru, ukabagaburira.

Maze rero, ibyo biba akarusho iyo ubikoreye abana wajyaga usanga ku muhanda, ukazamura ibirahure cyane kugira ngo badakora mu modoka bakagutwarira telephone.

Uwo Yesu buri wese yizihiza mu buryo bwe, yaba abigambiriye cyangwa se yaba abigiyemo kuko ari umunsi wa conge yiboneye, wo gusangira no gusabana n’abandi, ni we ibyanditswe Byera ari byo Bibiliya bivuga ko Mbere na mbere yahozeho, kandi yahoranye n’Imana, kandi yari Imana. Uwo ibyanditwe bivuga ko nta kintu na kimwe kitaremwe nawe.

Nta na kimwe kitaremwe na we

Ariko nyamara, ntiyahise aza mu isi iyi dutuyemo, duhingamo ibijumba n’ibishyimbo, tukubakamo amazu, yakomeje kubana na se mu ijuru.

Ariko hari ubwoko bwamwitiriwe, bwakomeje gutegereza kuza kwe ngo aburuhure igitugu cy’ababushikamizaga uburetwa, maze Abahanuzi b’ubwo bwoko, barimo Uwitwa Yesaya, bavuga ko azaza.

Bamwe bamuhanuraga bamuvuga nk’Intare yo mu Muryango wa Yuda, abandi bakamuvuga nyine uko bamweretswe, bakamubwira bene wabo, bamwe bakabyemera, abandi bakabihakana.

Icyatumaga bamwe babifata nk’ibintu bidafashe, nuko ibyanditswe byerekanaga ko azavukira mu cyaro kibisi, mbese nk’uko wavuga ngo umwami azavukira nka…(shyiramo izina ry’ahantu utekereje).

Hageze n’igihe rero, Umukobwa w’isugi witwa Mariya, abwirwa ko ari we Yesu azanyuraho yigira umuntu, kugira ngo abane natwe abari mu isi. Mariya ati “Ndi Umuja wa Nyagasani, ibyo uvuze bingirirweho.”

Nuko Mariya asama inda, bidaturutse ku bushake bw’umugabo, ahubwo ku mbaraga za Roho Mutagatifu, maze abyara umwana w’Umuhungu amwita Yezu, Emmanuel, bivuze ngo Imana turi kumwe.

Yaje mu be, ariko abe ntibamumenya

Ibyanditswe bivuga ko Yesu yaje mu be, ariko abe ntibamunenya, ahubwo baramugambanira, yicwa nk’umugome ku munsi wa gatatu arazuka. Bamwishe akiri urubyiruko ku myaka 33, ariko yahoraga akora ibitangaza, agira neza, yereka abantu urukundo nyakuri n’ubutabera.

Icyakora ngo Abamwemeye bose yabahaye ubushobozi bwo kwitwa abana b”Imana, abo bakarangwa n’ibyiza, bakanga ibibi.

Ubwo azagaruka mu isi kujyana abamwemeye ngo aho ari nabo bahabe, azacira abo mu isi imanza zitabera, maze abamwemeye bajyane na we mu birori by’Umukwe n’umugeni. Bazaba mu ijuru hamwe n”Imana data n’Umwana n’Umwuka Wera ibihe bidashira.

Minisiteri y’Ibikorwa Remezo yavuze ko imiryango isaga 80 ni yo izatuzwa muri aya mazu. Usibye aya mazu, abazatuzwa begerejwe ibindi bikorwa remezo by’ibanze, birimo irerero (Early Childhood Development – ECD), ndetse banubakiwe ibiraro by’amatungo, mu rwego rwo guteza imbere imibereho yabo.

Uruganda rw’amashanyarazi rwa Rusumo ni umushinga munini w’amashanyarazi akomoka ku mazi, uherereye ku isumo rya Rusumo ku mugezi w’Akagera, ku mupaka w’u Rwanda na Tanzania, hafi cyane n’u Burundi.

Uyu mushinga washyizweho ku bufatanye bw’ibihugu bitatu: u Rwanda, u Burundi na Tanzania, hagamijwe kongera amashanyarazi ahendutse kandi arambye muri aka karere.

Uruganda rufite ubushobozi bwo gutanga megawati 80 (80 MW) agabanwa ku buryo bungana n’u Rwanda, u Burundi na Tanzaniya, rukaba rucungwa na Rusumo Power Company Limited (RPCL) na yo ihuriweho n’ibi bihugu.

Yagize ati "iyo dutegura amasomo ya Polisi, dutegura n’ibishobora kuzabaho. Dutunguwe se bikaba? Ntabwo tubiteganya, ariko birashoboka.Bibaye se bigenda gute?"

Ikindi ariko, yibukije ko hari n’ibindi bihugu Polisi y’u Rwanda ifasha kugarura umutekano, mu butumwa bw’amahoro, ariko ugasanga imyigaragambyo ikunze kuhaba. Icyo gihe usanga abapolisi bacu bakoze biriya biga. Wenda iwacu ntibihari, ariko ahandi birahari."

Yavuze ati "suko tubiteganya, si n’uko tuvuga ko bizabaho, ariko rero ntitwakwicara ngo tudamarare."

Nyamara kandi avuga ko n’ubwo nta byihebe byigeze bigaragara mu Rwanda, ariko umuntu agomba gutekereza uko yabyitwaramo biramutse bibayeho."

Asimbuye Kampeta Pitchette Sayinzoga, weguye kuri uwo mwanya nyuma y’imyaka itandatu ayoboye iki kigo cy’imari cya Leta gishinzwe iterambere. Mu gihe cye, BRD yakomeje gushimangira uruhare rwayo nk’inkingi y’ingenzi mu gutera inkunga gahunda z’iterambere ry’u Rwanda, inagura ibikorwa byayo mu nzego z’ingenzi z’ubukungu.

Nteziryayo atangiye kuyobora banki mu gihe BRD imaze kwiyubaka cyane mu gutanga inguzanyo z’igihe kirekire mu nzego zirimo ingufu, uburezi, ubuhinzi, inganda, n’imari irengera ibidukikije. Banki yanagize uruhare rukomeye mu gukangurira abafatanyabikorwa mpuzamahanga gutera inkunga imishinga minini y’iterambere.

Nteziryayo ni umuhanga mu by’ubukungu ufite ubunararibonye burenga imyaka icumi mu bijyanye na politiki rusange y’ubukungu, igenamigambi ry’imari ya Leta, imicungire y’imyenda, ndetse n’imari ijyanye n’ikirere n’iterambere rirambye. Kugeza vuba aha, yari Umuhanga mu by’Ubukungu muri Minisiteri y’Imari n’Igenamigambi (MINECOFIN), aho yagize uruhare rukomeye mu gutegura ingamba z’ubukungu z’u Rwanda no guhuza imishinga yo gushaka inkunga ku rwego rwa Leta.

Kampeta Pitchette Sayinzoga(Uwa gatatu i Bumoso)

Ikindi kandi ni umwe mu bagize Inama y’Ubuyobozi ya BRD, bikaba biteganyijwe ko bizafasha mu gukomeza umurongo no mu mpinduka z’ubuyobozi bushya.

Mu myaka itandatu ishize, Kampeta yafashije banki kuva mu gihombo yari ifite, ayigeza ku nyungu ya buri mwaka ingana na miliyari 22.8 z’amafaranga y’u Rwanda, mu gihe inguzanyo zatanzwe ziyongereye ziva kuri miliyari 167 zigera kuri miliyari 710.

BRD yashinzwe mu 1967, ikaba ifite inshingano zo gutanga inguzanyo z’igihe kirekire kandi zihendutse mu nzego z’ingenzi zigamije guhindura imibereho n’ubukungu by’igihugu, bijyanye n’Icyerekezo 2050 n’Ingamba z’Igihugu zo Kwihutisha Iterambere.

Ni amahughurwa y’Icyiciro cya karindwi yaberaga mu Kigo cya Nasho mu Karere ka Kirehe, akaba yarashojwe kuri uyu wa 22 Ukuboza.

Gen. Mubarakh yababwiye ko ari amahugurwa ategura abantu guca mu bibazo bikomeye.

Yagize ati "Ndangira ngo rero mbashimire umuhate, imbaraga, umurava, mpereye ku buyobozi bw’iri shuri, abarimu, ndetse namwe abanyeshuri kuko mwabaye abanyeshuri beza. Kuva ku munsi wa mbere mwarakoze mushyiramo imbaraga kugeza umunsi mushoje amahugurwa."

Yongeyeho ati "Nk’uko rero mubizi, gukora imyitozo bisaba umurava, no kudacika intege. Kuba twese, jyewe, namwe n’abandi batari hano twarahisemo inshingano nk’iyi yo kurinda igihugu cyacu, kurengera abagituye ni iby’agaciro."

Yavuze kandi ko ibyo RDF imaze kugeraho byose, haba cyera cyangwa ubu ngibu, bishingiye ku bwitange, n’amahugurwa nk’aya.

Yagize ati "Mbere rero mwari musanzwe muri abasirikare bafite ubumenyi bw’amasomo asanzwe y’ibanze. ariko iyo myitozo ibongereye ubumenyi."

Yagaragaje icyo bashoboye kugeraho kidasnzwe agira ati "Mwaratyajwe bihagije, kugira ngo mube abarwanyi badasanzwe. Ubwo bumenyi na none bwabafashije kubaka umubiri ntabwo physical fitness igarukira aha, ku buryo imbunda nuyifata, isasu uriganisha aho ushaka ko rigana, ku mwanzi kandi ku mutwe ntabwo ari ugushakishiriza ku maguru. Oya kirazira."

RDF Infantry Brigade completes advanced training course at Nasho Basic Military Training Centre pic.twitter.com/0VfC5IQCEY

— Rwanda Defence Force (@RwandaMoD) December 23, 2025

Ubu bukangurambaga bumaze iminsi butangiye, buje bukurikira ubwitwa "Gerayo amahoro" bwatangioye mu wa 2019, nabwo mu by’ukuri budatandukanye n’ubwa mbere, ariko bikaba bifite intego imwe.

Turindane tugereyo amahoro, uwabyumva atabitinzeho yakwibwira ko bisobanuye ngo "turindane", umwe ahagarare, n’undi ahagarare, maze tuze kugendera rimwe ntawe usize undi, ariko si byo.

Turindane, tugereyo amahoro, bisobanuye ngo ’buri wese arinde ubuzima, umutekano wa mugenzi we mu muhanda, awitwararike cyane cyane igihe atwaye ikinyabiziga, kugira ngo we, umuri imbere n’umuri inyuma basoze uruzinduko/urugendo rwabo amahoro, maze bongere guhura n’imiryango yabo bishimye.

Ubwo yaganiraga n’abatwara imodoka zitwara abagenzi muri Nyabugogo i Kigali mu cyumweru gishize, Umuvugizi w’Ishami rya Polisi rishinzwe umutekano wo mu muhanda, Superintendent of Police (SP) Emmanuel Kayigi yabasobanuye ko hari amakosa abashoferi batwara imodoka zitwara abagenzi mu buryo bwa rusange bakora rimwe na rimwe yakagombye kwirindwa muri iyi minsi mikuru isoza umwaka.

Yagize ati "Amwe mu makosa mukora ni nko kwizihirwa mugatwara mwanyoye ibisindisha no gutwara nk’abari mu irushanwa ari nabyo bibaviramo kurenza umuvuduko bigateza impanuka. Muri iyi minsi rero turabasaba gutwara neza mwubahiriza ibyapa n’amategeko y’umuhanda muri rusange kugira ngo mubashe kugera aho mujya amahoro.’’

SP Kayigi yakomeje asaba abatwara bisi kujya bagira inama bagenzi babo bakora akazi nabi rimwe na rimwe bikabasiga icyasha, asaba n’abagenzi kutarebera amakosa akorwa n’ababatwaye.

Ati: ‘‘Mujye muhwitura bagenzi banyu batubahiriza amategeko y’umuhanda kuko iyo umushoferi atwaye imodoka yasinze cyangwa avugira kuri telefone, uretse kuba asiga umwuga wanyu icyasha aba ashyira no mu kaga ubuzima bw’abo atwaye niyo mpamvu twibutsa n’abagenzi kutarebera ahubwo bagatanga amakuru’’.

Yasoje ababwira ko impanuka nyinshi ziba zituruka ku burangare n’amakosa y’abakoresha umuhanda, asaba buri wese gufata ingamba zo kuzikumira binyuze mu bufatanye buhuriweho, buri wese yirinda, arinda na mugenzi we basangiye umuhanda.

intego y’ubu bukangurambaga ni uguteza imbere inshingano rusange: Umushoferi, umumotari, umunyamaguru, umunyamagare n’abandi bose bagomba kwitwararika ubuzima bw’abandi.

Harimo kandi no gushishikariza imyitwarire myiza mu muhanda: nko kubahiriza amategeko, kwirinda umuvuduko ukabije, ubusinzi, n’uburangare.

hazamo ikijyanye no kugabanya impanuka n’impfu zo mu muhanda: cyane cyane iziterwa n’imyitwarire mibi y’abantu.

Polisi igamije kugera ku byiciro byose by’abakoresha umuhanda: abatwara ibinyabiziga rusange, amakamyo, abamotari, abanyamaguru, ndetse n’abana binyuze mu mashuri.

Wellars Gasamagera(i Bumoso) ahererekanya ububasha n’umusimbuye Bazivamo Christophe

Ni nyuma y’ihererekanya bubasha n’umuyobozi ucyuye igihe Wellars Gasamagera wamusimbuye binyuze mu matora ya Kongere y’umuryango yabaye kuri uyu gatanu, 19 Ukuboza i Kigali.

Bazivamo watorewe manda y’imyaka itanu iteganywa n’amategeko y’umuryango yungirijwe na Gasana K. Stephen.

Uyu muhango wayobowe na Visi Perezida wa mbere w’umuryango RPF Uwimana Consolée.

Hagati aho, umwanya w’Umunyamabanga mukuru wungirije, hamwe n’uwa visi perezida wa kabiri muri FPR Inkotanyi nawe washyizweho muri Kongere ntiyari isanzwe mu nzego z’ubuyobozi.

Muri iki gitondo mu kiganiro yagiranye n’itangazamakuru rya Leta, RBA, Tito Rutaremara, umwe mu ba Komiseri muri FPR Inkotanyi, yavuze ko atari ubwa mbere imyanya nk’iyi ibayeho, kuko mu ntangiriro mu 1987, FPR Inkotanyi yari ifite Perezida na visi perezida umwe, ariko ikagira n’Umunyamabanga mukuru n’umwungirije.

Icyakora, ngo FPR Inkotanyi itangiye urugamba, hagumyeho umunyamabanga mukuru hashyirwaho n’umuhuzabikorwa ushinzwe politiki.

Mu gihe cyo kwinjira mu Rwanda, mu masezerano ya Arusha, hasubiyeho perezida w’umuryango n’aba visi perezida babiri.

Icyo gihe Umunyamabanga mukuru na we yari ahari, ariko ntabwo yari afite umwungirije.

Nyuma haje kugaruka urwego rufite visi perezida umwe, n’umunyamabanga mukuru udafite umwungirije.

Tito avuga ko impinduka zabaye, zatewe n’uko umuyobozi w’Umuryango, Perezida Paul Kagame yasanze ko abayobozi, haba mu buyobozi bw’igihugu, ndetse no mu muryango FPR inkotanyi bategera abaturage.

Yagize ati “Twarahuye, arabitubwira, kandi turabyumva. Muri macye, abaturage dufite ni bazima cyane, ariko yavuze ko abayobozi ari twebwe tutabaha ibyangombwa bishakwa. Ubwo rero ashaka ko kuvugurura ari ukugira ngo abayobozi bashyizweho, batangire barebe uko abayobozi munsi yabo bakora imirimo uko bikwiye, bazi ko inzego zo hejuru zibareba, zibabaza icyo bakora.”

Muri uyu mwitozo, hagaragaye ibikoresho bikomeye, birimo imodoka y’umutamenwa izimya umuriro, bakaba bayishyize mu muhanda, urimo abagaragazaga ko bari mu myigaragambyo irimo urugomo.

Aha, uko bayiteraga amabuye, niko yikomerezaga itabyitayeho, maze ikazimya umururiro w’amapine bari batwikiye mu muhanda.

Imbere yayo kandi, hari abandi bapolisi benshi bagenda basunika abigaragambya, babatera amabuye, cyangwa se banashaka kubakubita.

Icyakora, inkoni ntizabageragaho kuko bari bikingiye ibikoresho byabugenewe.

Mu myaka mirongo itatu ishize, u Rwanda nta myigaragambyo irimo urugomo yigeze iba haba ku muhanda, haba mu kgo runaka cy’ishuri cyangwa cy’abakozi mu mirimo yabo inyuranye.

Imyigaragambyo nk’iyo iheruka kubaho mu Rwanda mu ntangiriro z’1994, ikaba akenshi yarabaga irimo ihangana ry’amashyaka, cyangwa abinubira ubutegetsi buriho.

Leta y’ubumwe bw’Abanyarwanda ikangurira abantu bose gukemura amakimbirane mu mahoro, ndetse no kuvuga ibibazo byabo mu mutuzo, bigasubizwa.

Kubazwa inshingano, ni kimwe mu bikomeye bituma abaturage batagera aho bagomba kwigaragambya, ahubwo Leta igatanga umurongo ku kibazo abantu bagaragaje.

Akenshi, abaturage iyo bagaragaje ikibazo kirengagijwe n’abayobozi, inzego ziriho zireba aho ikosa riri, abo bayobozi bakaba bashobora kubiryozwa.

Ubwo buryo bwo gukemuramo ibibazo n’amakimbirane, no guha abaturage ibibakwiriye, ni byo bituma muri iyi myaka ishize yose, ibifaru byo guhosha imyigaragambyo bigaragara mu myitozo ya polisi gusa.

Ntituramenya niba mu myitozo birirwa nakoresha ibyuka biryana mu maso.

Reba ibindi muri iyi video:

Barasaba ko igisirikare cya AFC/M23 gikomeza gucunga umutekano w’abatuye muri Kivu y’Amajyepfo n’iy’Amajyaruguru.

Hashize iminsi havugwa inkuru yo kuva mu birindiro k’uyu mutwe umaze umwaka uhanganye n’ingabo za Congo, ukaba waranazambuye gice kinini cya Kivu zombi-iy’Amajyepfo n’iy’Amajyaruguru.

Uyu mutwe uharanira uburenganzira bw’Abakongomani, cyane cyane abo mu bwoko bw’Abatutsi bavuga Ikinyarwanda, uherutse gutangaza ko wavuye mu gice cya Uvira cya Kivu y’Amajyepfo, kugira ngo wubahirize ingingo ziri mu masezerano ya Doha, n’aherutse gusinywa i Washington.

Abaturage benshi b’i Buvira ntibabyakiriye neza, kuko aho uyu mutwe uvuye, ingabo za FARDC n’abafatanya nazo ari bo Abarundi, Wazalendo ndetse n’umutwe w’iterabwoba wa FDLR bahita bahagaruka bakica abaturage.

Mu myigaragambyo yabo, abaturage bari bafite ibyapa bivuga ko iyo bavuze M23 bumva amahoro, amazi meza, umuriro, ubumwe, amajyambere.

Ifoto(yatanzwe na AI) yerekana imiterere y’intara y’Uburengerazuba, ahiganje ikibazo cy’igwingira

Mu myaka itanu ishize, u Rwanda rwamanuye imibare y’abana bagwingiye iva kuri 33%, igera kuri 27%, bivuze igabanuka rya 6%.

Ababirebesha amaso batagiye imwina, babona ko igihugu kiri gukora neza, nyamara iyi mibare ibitse amakuru menshi ku muntu wafata umwanya akareba ibihari, ibidahari, ibikorwa n’ibidakorwa kugira ngo aba bana basigaye mu mutuku bazanzamuke, igihugu kigire zeru ku ijana mu igwingira.

Tumanutse neza mu mibare ya 27% dufite muri raporo iheruka, mu Rwanda mu bana bane, abarenze umwe baba bafite ikibazo cyo kubura ibyo kurya mu gihe kirekire, ku buryo bishobora kugira ingaruka ku mikurire yabo, ku bwenge, ndetse no ku musaruro bategerejweho ahazaza.

Mu by’ukuri, igabanuka rya 6% rigaragaza intambwe, ndetse bikerekana ko imirimo ikorwa muri gahunda y’igihugu y’imirire, ubuzima no kwita ku mibereho myiza y’abaturage biri kugira umusaruro mwiza.

Iyo mirimo ni nk’ibijyanye no kwita ku buzima bw’umubyeyi n’umwana kuva ku mezi atandatu kugera ku mezi 23, aho guha umwana imfashabere biba ari ikintu umubyeyi agomba kwitwararika.

Harimo no konsa abana bihagije mu mezi ya mbere y’amavuko biha umwana imbaraga n’imikurire myiza.
Icyakora, umuvuduko w’iri gabanuka uracyaciriritse, ku buryo igwingira rikomeje kuba ikibazo gikomeye.

No ku rwego mpuzamahanga, ijanisha ry’igwingira rya 27% riracyari umubare munini, dore ko ku rwego rw’isi, igwingira ryari kuri 23.2% umwaka ushize wa 2024.

Mu Rwanda rero, icyo bisobanuye nuko hakiriho imirire mibi yashinze imizi mu bana, cyane cyane mu miryango ikennye.

Kuki imibare ikiri hejuru?

Nubwo gahunda za Leta z’uruhurirane zitaye ku kuzahura imirire y’abana, haracyari ikibazo cy’indyo yuzuye mu gihe cy’igaburo ry’imfashabere, hagati y’amezi 6 na 23 y’umwana.
Hari n’ikibazo cy’umutekano mucye w’ibiribwa mu ngo nyinshi, bityo kuko ibyo kurya biba bidahagije mu bwinshi, ugasanga no mu mumaro, cyangwa mu ntungamubiri nta kirimo.
Aha kandi hazamo n’ikibazo cy’indwara za hato na hato zituruka ku kunywa amazi mabi, isuku n’isukura, bigatuma umubiri utakira intungamubiri ngo uzibyaze umusaruro.
Ikibazo kindi kitakwirengagizwa ni ubusumbane mu bukungu, birimo ubumenyi bujyanye no kurera, n’ubuzima bwo mu cyaro byongera ibyago byo kugira igwingira ku bana.
Uwashaka yarebera ikibazo mu minsi igihumbi ya mbere y’ubuzima bw’umwana n’umubyeyi(uhereye ku isamwa). Uburyo umubyeyi utwite yitabwaho, uburyo yita ku mwana uvutse mu mezi ya mbere, nibyo biha umwana umusingi w’ubuzima bwe bwose.

Abameze nabi kurusha abandi

Muri raporo iherukaka, biragaragara ko hari uturere igwingira ryabaye umuco, kandi rikaba riri ku rwego rwo hejuru. Utwo ni nka Gicumbi, Burera na Gakenke mu Majyaruguru.

Ahanini, iri gwingira riterwa n’ikibazo cy’ubutaka buto kandi bukenewe na byinshi, ubucucike bw’abaturage buhanitse n’ubukene, ariko hakaba no kuba hataboneka ibiribwa by’amoko anyuranye.

Ngororero, Rutsiro, Rubavu na Nyabihu mu Burengerazuba, ni two turere tumeze nabi kurusha utundi, duhora hejuru mu mutuku, ariko na byo bifite impamvu.

Imwe mu mirenge ya turiya turere, ifite ubuhaname bukabije, aho abaturage bagorwa no kuba bagera ku isoko, utaretse ariko n’ubukene. Iki ngiki ariko, kiyongeraho n’ikibazo cy’isuku nke muri biriya bice, nayo ikaba ishobora gutera indwara zizitira intungamubiri umwana yakagombye kwakira.

Uturere twa Gisagara, Nyamagabe na Nyaruguru mu Majyepfo, natwo dukomeza kugaragaramo igwingira, ariko ntiturusha mu Burengerazuba.

Abari mu rugendo rugana aheza

N’ubwo hari uturere tumeze nabi, hari n’utundi twerekana icyizere; nk’uturere dutatu tw’Umujyi wa Kigali ari two Kicukiro, Gasabo na Nyarugenge, ni two difite imibare micye y’igwingira.

Impavu nuko muri Kigali bafite ibikorwa remezo by’ingenzi by’isuku n’isukura bituma indwara ziterwa n’umwanda zitibasira abana, kuko abafite icyo kibazo, intungamubiri ntizikora umurimo wazo.

Aha kandi hiyongeraho kuba bafite ubuuzi hafi yabo, ndetse n’imibereho muri ursange ikaba ihagaze neza, ku buryo muri rusange ababyeyi bashobora guhahira abana ibibatunga by’amoko anyuranye.

Mu Burasirazuba, Ngoma, Rwamagana, Kayonza na Kirehe na zo zikomeza kwerekana iterambere mu guhangana n’igwingira, kubera ko abaturage bashobora guhaha, hakaba na gahunda ndende zijyanye n’ubuhinzi ndetse n’imirire myiza.
Kamonyi, Muhanga, Huye zo mu Majyepfo nazo, ziragenda zigerageza kwehera impuzandengo y’igihugu, ndetse hakaba n’aho usanga bajya munsi yayo.

Muri rusange, ahantu bigikomeje kuyoberana ni mu turere twa Rubavu, Nyabihu, Rusizi, Karongi zose zo mu Burengerazuba, na Musanze yo mu Majyaruguru, aho ubona impinduka zigenda buguruntege.

Gahoro gahoro, igwingira ry’abana mu Rwanda riragenda riba umuzigo w’uturere tumwe na tumwe, aho kuba ikibazo cyibasiye igihugu cyose. Intambwe izagerwaho mu gihe kizaza izashingira ku buryo uturere dufite umutwaro munini w’igwingira—by’umwihariko two mu Ntara y’Amajyaruguru n’Iburengerazuba—tuzashyigikirwa.

Hakenewe ingambaa zireba uturere n’imirenge by’umwihariko. Izo ngamba zigomba guhuriza hamwe imirire, umutekano w’ibiribwa, amazi meza n’isuku (WASH), ndetse no kugabanya ubukene, kugira ngo hakumirwe icyuho cy’ubusumbane gikomeje kugaragara.

Icyakora Perezida Kagame, yavuze ko igisirikare, abapolisi mbese inzego zose z’umutekano, zihuye n’inzozi nze.

Hari muri Kongere ya 17 ya FPR Inkotanyi, aho yagize ati "Inzego nshaka gushimira ni inzego z’umutekano, RDF, Rwanda national police, abasekurite...aba bantu bakora, ibyo bakorera igihugu cyacu twese, sinavuga ko mfite byinshi barenze ibyo bakora mbasaba. Barabyujuje."

Kagame yagize ati "Ingabo dufite uyu munsi ni zo ngabo nahoraga nifuza kugira."

Ubwo yari muri Kongere ya FPR kuri uyu wa 19 Ukuboza, Perezida Kagame yatanze urugero rw’uburyo yitabwaho iyo agize ikibazo, akaba asanga ko biteye kwibaza, ugereranyije n’uburyo abayobozi bakemura ibibazo mu buzima busanzwe.

Yagize ati “jywe ku rwegoi ndimo, cyangwa inzego zimwe na zimwe muriho, zibahuma amaso. Jyewe ubwanjye iyo nsitaye abantu barahurura bagashaka kundamira ngo ntagwa hasi, nakorora bakiruka bajya kunshakira umuti...ubwo ni ukuntetesha…? Ariko nizere ko atari ugushaka kumpuma amaso.”

Yagize ati “kuko ibyo buri muntu wese akora gutyo, ni cyo na buri wese yakagombye kuba akorerwa. Igihe akeneye umuti, yagakwiye kuba awubona, igihe akeneye transport kuva kugera hariya, aba akwiye kuba ayibona. Niba akwiye amashuri y’umwana, aba akwiye kuba ayabona. Ibyo tubibaza nde atari mwe, ndetse kugira ngo hatazenda kugira ubibabaza ku ngufu nk’uko uyu muryango wubatswe kugira ngo ubaze abantu ibyo bagomba gukora ku neza cyangwa ku ngufu.”

Yongeyeho ati “rero mwebwe iyo mujya aho ukumva mu giturage iyo ngiyo bahwihwisa bakavuga umuyobozi wabo ati uriya se hari uwo abwira? Ugana hariya wasaba serivise, ugasanga ntibakwitayeho, ugasanga umukobwa, umuhugu yicaye aho ngaho, yibereye kuri telephone, arakora ibyo akora sinzi ibyo akora, wamusaba serivise akaba yanagutuka rwose, akagira ati icara aho, tegereza, cyangwa ati uwagombaga kuguha servise ntahari, genda.”

Aha niho agira ati “abo baturage ugira utyo, uwampa ngo bishyire hamwe baze bagukubite. Iyo umuco mu buyobozi umaze kuba mubi, aho kuba banagukubita, ahubwo basa n’abumiwe baragowe. Abantu barinda kumirwa muri hehe? Birirwa biruka inyuma yanyu kubera iki?”

Yongeyeho ati “Jyewe uwo menye gutyo ndamukubita, ntarara.”

Yatanze urugero ku bibazo biherutse kuba mu karere ka Kayonza, aho abayobozi banze kwita ku baturage bashonje, maze Perezida Kagame agira ati “impamvu batabonaga icyo kibazo cy’abaturage, nuko bo bari bahaze.”

Yabivuze muri Kongere y’Umuryango RPF Inkotanyi, aho yerekanye ko kuba abayobozi bakuru badaha urugero ababagwa mu ntege ari ikibazo, kuko batabaha umurage mwiza, ndetse kutabaha icyo bakwiye, bikaba bigayitse.

Yahereye ku bikorwa RPF yakoze itangira urugamba rwo kubohora u Rwanda, maze yerekana ko hari abato batazi urwo rugamba agira ari “hari abato babayeho vuba, hari abari impinja, cyangwa se bari bataravuka, ubu aba bose aho bageze, bari hano, ni abayobozi ku rwego rumwe cyangwa urundi. Muri bo hazarokoka bangahe niba abakuru batabereka urugero rwiza?”

Yagize ati “Inshingano rero dufite, ni inshingano ikomeye cyane. Twakabaye kuba dutekereza icyo dukwiye kuba dukora.”

Aha ni ho Perezida Kagame yahise agaruka ku bihe Afurika irimo, aho usanga urubyiruko ruhaguruka, aha akaba yagize ati “Hari ibihe bigezweho mubona hirya no hino, nabyo bya politiki, aho urubyiruko rusigaye ruhaguruka, rukagira ibyo rusaba. Uzi ko ari byo ariko? Bakwiye kugira ibyo basaba. Twebwe, RPF, tugomba gutegereza ko hari abaza gusaba ibyo bagomba gusaba? Ubwo twaba twarujuje inshingano zacu twiyemeje, aho abantu bagomba guhaguruka bati turashaka iki, turasha iki, twarakibuze?”

Yongeyeho bati “Iyo urubyiruko ruhagurtse rusaba, jye ndabyumva, ndetse icyo bivuze, impamvu nabyumva, nuko ari nk’ibyo twakoze natwe tukiri bato, kurinda tugera hano uyu munsi.”

Yagize ati “Urugamba rwa RPF, amateka ya RPF ni ukuvuga ngo hari ibyo mungomba, mugomba kubimpa. Abantu bakoresha wenda uburyo butandukanye ariko ni bimwe. Uburenganzira bwanjye si ibyo ngomba kugusaba ngapfukama. Tutagombana kabisa (tuzahangana). Ntawe napfukamira, ntabwo nategereza ko umuntu ampa uburenganzira bwanjye nk’aho ari impuhwe angiriye. Oya.”

Kagame yavuze ko mu Rwanda hari abahagurutse bakavuga bati “hari ikintu utaduhaye, jye nabyumva, kuko nanjye niho nahereye, namwe mwese niho mwahereye.”

Yavuze ko abari mu myanya, bagomba kumva ko ntawe uzagomba kubasaba uburenganzira bwe, maze agira ati “kwaba ari ukwibagirwa birenze urugero.”

Ni yo mpamvu kandi mu mikorere y’abayobozi ngo bagomba kumva ko hari inshingano batagomba kibingingira.

Kongere ya 17 ya RPF Inkotanyi yahuriyemo abarenga 2200.

Itangazo ryatanzwe n’Ibiro by’Umukuru w’Igihugu-Village Urugwiro rivuga ko Perezida Kagame aherekejwe na Madamu Jeannette Kagame, muri iri huriro ry’Umuryango ryatumiwemo abanyamuryango barenga 2,200.

Baraganira ingingo z’ingenzi zikeneye kwitabwaho mu kubaka u Rwanda abanyagihugu bifuza.

U Rwanda rurashyira mu bikorwa Intego z’igihugu z’iterambere ry’ubukungu n’Imibereho (NST2) mu myaka itanu iri imbere (2024–2029).

Iyi gahunda yubakiye ku byo NST1 yagezeho, igamije gushyiraho intego zifatika zizihutisha u Rwanda kugera ku bukungu buringani bushingiye ku bumenyi n’ikoranabuhanga.

NST2 igamije gukomeza urugendo rw’ubukungu rwiza, igashyiraho intego y’ubukungu bw’igihugu izamuka ku gipimo cya 9.3% ku mwaka, mu gihe umusaruro mbumbe ku muturage uzazamuka uva ku $1,040 ukagera ku $1,369 mu 2029.

Ishoramari ry’abikorera rigomba kwikuba kabiri, riva kuri miliyari $2.2 rigera kuri miliyari $4.6, mu gihe kohereza ibicuruzwa n’imirimo hanze byitezwe kwiyongera uvuye kuri miliyari $3.5 ukagera kuri miliyari $7.3.

Iyi gahunda kandi iha agaciro kanini imirimo, ikaba igamije guhanga imirimo myinshi ibarirwa muri miliyoni 1.25 mu myaka itanu iri imbere, hamwe no gukomeza iterambere mu buhinzi, inganda n’ibikorwa bya serivisi.

Mu nama n’abanyamauru itegura igitaramo cya Noheli kizabera muri BK Arena kuri Noheli, Mbonyi yabajijwe icyo avuga kuri ubu busabe aravuga ati “ndashima abampaye iki gitekerezo cyane. Icyatumye kugeza ubu turapanga igitaramo muri stade, ni uko yari ikiri nshyashya bitarashoboka ko abantu bashobora kujya mu kibuga hasi kugira ngo umuntu abe yegeranye n’abafana.”

Mbonyi avuga ko BK Arena asanzwe akoreramo ifite ibyangombwa byose byorohereza umuhanze, kubera uburyo yegeramye, bitandukanye na Stade Amahoro.

Kuri ibi ariko, hiyongeraho n’ikijyanye n’ikirere aho agira ati “Ntabwo twakwizera ibijyanye n’imvura, dutinya ko mu gihe cy’igitaramo yagwa maze twaba turi muri stade ntibigende neza cyane.”

Icyakora yongeyeho ati “ibyo ari byo byose mu gihe cyabyo tuzabigeraho Imana nibishaka.”

Abategura gahunda ya Mbonyi bari aha icyakora, bahise bamwunganira bamubwira ko adakwiye gutinya ibijyanye n’ikirere, ko ahubwo agomba “kuva mu bwiza ajya mu bundi”, mbese akambuka ava muri BK Arena yakira ibihumbi icumi, agakomereza muri Stade Amahoro yakira ibihumbi 45.

Mbonyi yavuze ko agitangira concert yitwa Icyambu, yabaga yibwira ko abazaitabira ari abo basengana, ariko nyuma yaje kubona ko ari ukwibeshya, abona ko igitaramo cye cyitabirwa na benshi, maze iyerekwa afite kuri iyi Concert irakura.

Agira ati “abantu benshi baranyandikira, barimo n’abadakijijwe benshi bakambwira ko bakunda igitaramo cyanjye. Uyu munsi ndagira ngo mbabwire ko igitaramo ari icya buri wese, muzi uko mwese uko turi twitaramire.”

Avuga ku bitaramo bibera hanze akagereranya n’ibibera mu Rwanda, yavuze ko hanze bizihirwa cyane, ndetse bakabyina bakirekura, ariko mu Rwanda ubona bazana udufiyeri.

Yongeraho ko “hanze iyo bagukunze koko baragukunda kandi bakabikwereka, ariko nanone ntibankunda kurusha iwacu hano bankunze iyi myaka irenga cumi n’ingahe maze ndi muri ministere.”

Mbonyi ngo yize ishami ry’ubuganga ryitwa Farumasi, ariko bakibaza ukuntu yazamutse mu bijyanye n’ubuhanzi, ariko avuga ko nta zindi mbaraga zikaze yashyizemo.

Umunyamakuru yabajije uko Mbonyi abigenza iyo yambuwe mu gitaramo maze agira ati "Iyo abantu bakuruye nanjye sinkurura sinabishobora. Kuririmba indirimbo z’Imana ni hatari, ariko si kenshi bibaho ko nakwamburwa."

Videwo igaragaza ingabo zimwe zigenda n’amaguru, ndetse n’izindi ziri ku modoka itwaye imbunda yagaragaye mu ijoro ryo kuri uyu wa 17 Ukuboza, n’ubutumwa buvuga ko izo ngabo zatangiue kuva Uvira kubera impamvu z’amahoro.

Ifoto yoherejwe na Willy Ngoma kuri X na yo yari ifite ayo makuru.

Gahunda yo kuva mu mujyi wa Uvira igitangira kuvugwa mu ntangiriro z’iki cyumweru, ntiyakiriwe neza n’abahatuye bagaragaje impungenge ko Ingabo za Congo n’abafatanyabikorwa babo barimo FDLR, Wazalendo ndetse n’Abarundi bazahita bagaruka bakarimbura Abanyamulenge ndetse n’Abandi bakongomani bavuga Ikinyarwanda bari bamaze igihe bibasirwa.

Pour raison de la paix, nos troupes depuis cet après-midi, ont commencé à quitter la ville d'uvira. pic.twitter.com/x2JbBFedqu

— Willy NGOMA (@WillyNG0MA) December 17, 2025

AFC/M23 yari yavuze ko yemera kuva Uvira, ikajya mu nkengero zayo, ariko umujyi ugashyirwamo ingabo zidafite aho zibogamiye, aho kugira ngo abasanzwe barayogoje aka karere bongere kugarukamo bakomeze gukora amarorerwa.

Maxime Marius Mwiseneza

WASAC Group ni ikigo Gishinzwe gahunda zose zijyanye n’Amazi Isuku n’Isukura, kikaba kibumbatiye ibigo birimo WASAC Utility, ari yo ishinzwe gutanga serivisi z’Amazi Isuku n’isukura na WASAC Development, Kampani ishinzwe imishinga y’amazi isuku n’isukura.

Umuyobozi w’inama y’Ubutegetsi y’iki kigo yagizwe Chew Men Leong, akaba yungirijwe na Dederi Wimana, ndetse akazafatanya iyi mirimo n’abagize inama y’Ubutegetsi (members)bandi batanu.

Muri Wasac Utility Ltd, umuyobozi washyizweho n’inama y’Abaminisitiri ni Maxime Marius Mwiseneza akaba asimbuye BAHIGE Jean Berchimas wari umuyobozi w’agateganyo wasimbuye Gisele Muhumuza kuva muri Nyakanga uyu mwaka.

Mwiseneza yari umukozi mu Kigo cy’igihugu gishinzwe iterambere ry’imihanda n’ubwikorezi, (RTDA).

Maxime Marius Mwiseneza

Mu nama y’Abaminisitiri, bagejejweho iby’amasezerano y’Amahoro n’iterambere yasinywe hagati y’u Rwanda, Repubulika Iharanira Demokarasi ya Congo ndetse na Leta Zunze Ubumwe za Amerika ku wa 4 Ukuboza, nuko bongera guhamya ko u Rwanda rwiteguye kuyashyira mu bikorwa.

Mu nama y’Abaminisitiri, hari amazina y’abemerewe ubwenegihugu bw’u Rwanda yemejwe, uretse ko itangazo ritayagaragaje.

Kimwe mu bimenyetso bizwi biranga umujyi wa Uvira

Amakuru menshi agaragaza ko ari igihombo gikomeye, haba kuri Congo, haba no ku Burundi, kuko batakaje inzira icamo ibicuruzwa ndetse n’intwaro, mu rujya n’uruza hagati y’u Burundi, ndetse na Congo, kuva umutwe wa AFC/M23 wafata Uvira ku wa 9 Ukuboza.

Ibyo rero byaba binasobanuye ko bitoroheye aba banywanyi gutabarana, dore ko u Burundi nta mupaka wundi buhuriyeho na Congo

Andi makuru na yo avuga ko biteye impungenge ku Burundi by’umwihariko, nk’igihugu cyarwanyije M23 ikakibera ibamba, ikagenda isunika ingabo zabwo kuva Goma kugera ku nkomanizo z’umuryango, aho iba yitegeye neza umujyi wa Bujumbura.

Ababibona gutyo nta wavuga ko bibeshya, kuko buri mupaka ufunzwe hagati y’ibihugu by’ibituranyi, kandi bishyize hamwe, ni igihombo gikomeye.

Nyamara ariko, hirya y’ibigaragara, hari amateka yerekana ko kuri Uvira, abafite ingengabitekerezo y’urwango, cyane cyane urwo kwikiza abo badahuje ubwoko, batakaje umurwa mukuru wabo, icyicaro cy’akarere.

Umushakashatsi w’umunyakongo w’impuguke mu by’amateka n’ubumenyi kuri aka karere Dr. Alex Mvuka, iki kibazo yakivuye imuzi.

Ivuka rya Mai Mai, umukurambere wa Hutu Power

Avuga ko Uvira imaze imyaka irenga 60 ari agace karangwamo umutekano mucye n’ubugizi bwa nabi bukabije. Ni umurwa mukuru w’akarere kandi ni ho havukiye ihuriro rya Mai-Mai. Mu mwaka wa 1964, Uvira yafashwe n’inyeshyamba za Simba. Izo nyeshyamba zahinduye ubugome bwari bushingiye ku bumwe bw’igihugu bwa Pierre Mulele zibugira intambara ishingiye ku moko. Umwami w’intambara ukomoka i Luvungi mu kibaya cya Ruzizi, witwaga Maidu (izina rye nyakuri ni Louis Bidarira), yarwanyije abakuru b’ubutegetsi gakondo bw’Abafuliru n’Abarundi. Bidarira n’abarwanyi be bafashe umujyi wa Uvira bawugenzura umwaka umwe. Impamvu ze zo gufata intwaro ni zo zabyaye ihuriro rya Mai-Mai n’inyigisho y’uko hari “abanyamahanga”.

Imyemerere yari ishingiye kuri iri huriro yavugaga ko buri murwanyi yagombaga kunyura mu mihango y’“amazi matagatifu” yavugwaga ko amurinda intwaro zigezweho. Iyi myemerere yabyaye imigani ikomeye ivuga ko abarwanyi ba Mai-Mai batagerwaho n’amasasu y’intwaro zigezweho. Bafatanyije n’abandi barwanyi barimo Musa Marandura na Alexis Mushubazi, bahinduye ingengabitekerezo yabo bayigira igamije guhiga Abanyamulenge. Barasenye hafi amazu yose y’Abanyamulenge. Indirimbo bakundaga kuririmba cyane yari Mai Mulele Mai Mulele. Ubu bugizi bwa nabi bwabaye imwe mu mpamvu zatumye inyeshyamba za UNAR ziyobowe na Joseph Mudandi na François Rukeba zivana mu bufatanye zari zifitanye n’inyeshyamba za Simba.
Ihuriro ry’Abanyamulenge n’ingabo za Leta mu kurwanya Mai-Mai
Ingabo za Perezida Mobutu Seseko wayoboraga Zaire muri kiriya gihe, zaje kongera gufata umujyi wa Uvira, hanyuma umwe mu Banyamulenge witwaga Mushishi Karori yatangije igitekerezo cyo kwirwanaho no kwiyubakira umutekano. Abanyamulenge babiri, Stephen Muhindanyi na Gakingiye Norbert Aaron, begereye umuyobozi w’ingabo za Leta ya Congo, Colonel Kaniki, maze abaha intwaro esheshatu.

Abo bagabo bombi bahise bakusanya abandi bakorerabushake icumi barimo: Cyaziga, Kanyamagaja, Cyunguti Jerome, Minyati Fastin, Rurinda Gacerehwa, Gahungu Elias, Haizuru, Thoma Muyoboke, Karojo, Muganwa Cyondaburwa, Ndagiro Ndaganzwa, Sekabwe, Mambo Amosi na Zarizo. Intambara yo kurwanya Simba yahise itangira. Nyuma baje kongera kubona izindi ntwaro bahawe na Mobutu. Abanyamulenge bashoboye kugarura amahoro mu karere kose. Kuva icyo gihe, amoko aturanye na bo ntiyigeze ababababarira.

Nyuma y’ibi ariko, hake kwaduka abantu benshi b’abahezanguni mu bibazo by’irangamuntu n’imiyoborere y’uturere, barimo Kadari Mwene Kadari, Pardonne Kaliba, Muzima wa Muzima, Mwene Malungu, Anzuluni Bembe, Kanyegere Lwaboshi, Justin Bitakwirwa Bibonahai na Claude Misare. Bose barwanyije imiryango gakondo y’Abanyamulenge, bavuga ko Abanyamulenge ari “abantu badafite ubutaka, badafite inzego gakondo kandi badafite irangamuntu.

Ikibazo cy’irangamuntu n’ingaruka za Mai-Mai

Igihe ikibazo cy’irangamuntu cyatangiraga, Uvira yakoresheje umuco w’urwango watewe n’aya mateka ya Mai-Mai. Muri Mata 1995, Inteko Ishinga Amategeko ya Congo yafashe icyemezo cyabuzaga Abanyamulenge/Abatutsi b’Abanye-Congo kubona ubwenegihugu bwa Zaïre.

Icyo cyemezo cyanashishikarije gufunga no kwirukana bamwe mu bayobozi b’Abanyamulenge/Abatutsi, babaziza ubu bwoko gusa. Inteko yafashe kandi icyemezo cyo kwambura ku ngufu imitungo y’Abatutsi/Abanyamulenge.

Guverinoma yavuze ko abo baturage badafite uburenganzira bwo kubaho, gukora, kugira ubwenegihugu cyangwa gutunga imitungo muri RDC. Impamvu yatanzwe n’Inteko yari ivuga ko imitungo y’Abanyamulenge/Abatutsi yari yarabonetse mu buryo bw’uburiganya. Uwaharaniye icyo cyemezo yari Anzuluni Bembe Isilonyonyi, ukomoka muri Sud-Kivu. Ni bwo urugamba rwa Mai-Mai rwongeye kubura.

Isilonyoni, umwe mu batumye ikibazo cy’Abanyamulenge cyongera gufata indi ntera mu myaka ya vuba

Nyuma gato y’iryo tangazo, ubuyobozi bwa Uvira bwafashe icyemezo cyo kwigarurira imitungo y’Abanyamulenge. Hatangiye gusahurwa no gufungwa abantu ku buryo butemewe. Ku wa 19 Ukwakira 1995, abanyacyubahiro b’Abanyamulenge bashyize umukono kuri mémorandum yo kwamagana ibyo bitero byihariye. Mu gusubiza, ubuyobozi bw’umujyi bwafashe icyemezo cyo gufata abo bayisinye. Umuyobozi w’umujyi yatangaje ko ubwoko bw’Abanyamulenge butazwi muri Zaïre kandi ko bose ari “abanyamahanga”.

Mu gusubiza icyemezo cy’Inteko Ishinga Amategeko no mu kwerekana kwanga Abanyamulenge, abaturage ba Uvira baciye imitwe abasore babiri b’Abanyamulenge bavukana: Paul Muhindanyi Semahungiro na Bizimana Semahungiro.
Nyamara Paul yari yarashatse umukobwa w’Abafuliru, kandi sebukwe yari afitanye umubano mwiza n’Abanyamulenge. Imitwe yabo yamanitswe ku mbaho z’imigano miremire mu ruhame rw’abantu ibihumbi. Abaturage berekanye imitwe ya Paul n’umuvandimwe we Bizimana nk’aho ari ibihembo by’amarushanwa mpuzamahanga. Ubu bugome bwari bushingiye ku myumvire ya Mai-Maisme.

Ibi bitero byagize ingaruka zikomeye mu misozi miremire n’iringaniye ya Uvira, ari ho hantu gakondo h’Abanyamulenge. Abahezanguni b’Ababembe bashinze imitwe yitwaje intwaro ya Mai-Mai, bongera urugomo bakorera Abanyamulenge. Bashyigikiwe n’ingabo za Zaïre, basahuye imirima n’amatungo. Iterabwoba n’urugomo byakwiriye hose. Habayeho guhiga abantu ku mugaragaro byakozwe n’ishami rya gisirikare ryitwaga Service d’Action et de Renseignement Militaires (SARM). Mu gice kinini, ibi ni byo byateye intangiriro y’intambara ya AFDL.

Aya mateka ni yo soko ya Mai-Mai yo muri iki gihe, ishyigikiwe n’ingabo za Leta ya Congo (FARDC) n’ingabo z’u Burundi. Muri Sud-Kivu honyine, imitwe ya Mai-Mai irenga 57. Uvira yabaye indiri y’ibitero byibasira Imisozi miremire no gusenya ku buryo bukomeye, bituma hejuru ya 90% by’imidugudu y’Abanyamulenge ihinduka amatongo. Iyi mitwe yakoze ubusahuzi bukabije bw’inka z’Abanyamulenge, zirenga ibihumbi 500, zagurishijwe mu masoko y’Uvira. Uvira ni yo mutima w’ikibazo cy’irangamuntu.
AFC/M23 mu minsi micye imaze igeze I Buvira, irakangurira abahunze bose gutaha, bakabana neza mu mahoro, bose nk’Abanyekongo, nta vangura. Umurwa mukuru w’urwango n’ubugiranabi bwibasira Abanyamulenge n’Abanyekongo bo mu bwoko bw’Abatutsi bavuga Ikinyarwanda urasenyutse.

Inkuru yo gukira SIDA ku muntu wa cumi yasakaye kuwa Munani Ukuboza.

Raporo yasohotse mu kinyamakuru cya siyansi Nature igaragaza ko umurwayi yatewe uturemangingo fatizo (stem cell transplant) kandi ubu amaze imyaka irenga itandatu abaho atagifite virusi itera SIDA (HIV) mu mubiri we.

Minisitiri w’Ubuzima, Dr. Sabin Nsanzimana, yagize icyo abivugaho mu butumwa yashyize ku rubuga X ku itariki ya 9 Ukuboza, avuga ko “gukuraho ahihishe virusi mu mubiri bishobora kuba urufunguzo rwo kuyikira burundu.”

Kuva HIV yamenyekana bwa mbere, abantu bagera kuri miliyoni 88 bamaze kuyandura, ariko umubare w’abigeze kugera ku gihe kirekire badafite virusi mu mubiri (long-term remission) ni muto cyane. Uwa mbere uzwi ni uwiswe umurwayi w’i Berlin, wakurikiwe n’abandi bamenyekanye nka umurwayi w’i London, Düsseldorf, New York, City of Hope, n’uw’i Genève.

Aba bakize bose bahuriye ku kintu kimwe cy’ingenzi : buri wese yatewe uturemangingo fatizo mu rwego rwo kuvura kanseri yo mu maraso, kandi uturemangingo yatewe twari dufite impinduka idasanzwe mu turemangingo ndangasano (genetic mutation) ituma HIV biyigora cyane kwinjira mu turemangingo tw’ubwirinzi bw’umubiri.

Inkuru nziza zishoje iki cyumweru pic.twitter.com/Tlu5IgAnV2

— Kigali Today (@kigalitoday) December 14, 2025

Iyo mpinduka ikora nk’ifunga aho HIV yinjirira mu turemangingo tw’ubwirinzi. Mu myaka myinshi ishize, abashakashatsi bizeraga ko iyo mpinduka ari yo kintu cy’ingenzi cyatumye abo barwayi bagera ku gukira cyangwa kugabanyuka gukomeye kw’indwara.

Iki cyumweru kandi gisize abanyarwanda 337 batahutse bava mu mashyamba ya Repubulika Iharanira Demokarasi ya Congo(DRC) aho bari baraheranwe n’umutwe wa FDLR wababuzaga gutahuka. Abenshi bava mu bice byafashwe na M23, bikaba ari amahirwe kuri bo kuko bibavanye mu buzima bw’ishyamba bakaza kuba amahoro mu gihugu cyabo.

Soma n’iyi: Abandi Banyarwanda 337 babaga muri RDC batahutse

Kuva muri Mutarama 2025, abarenga 6000 ni bo bamaze gutaha bavuye mu Burasirazuba bwa Congo, mu gihe guhera mu 2021 abarenga ibihumbi 12 aribo bamaze gutaha.

Iki cyumweru kandi, imiryango y’abasirikare ba RDF nayo yatewe akanyamuneza n’izamurwa mu ntera rya bamwe muri bo.

Perezida wa Repubulika yazamuye mu ntera abarenga ibihumbi makumyabiri mu nzego zose, bakaba barangajwe imbere n’Abajenerali babiri.

Coloneli François Regis Gatarayiha na Colonel Innocent Munyengango, bahawe ipeti rya Brigadier General.

Soma n’iyi: Perezida Kagame yazamuye mu ntera abasirikare b’amapeti atandukanye

Kuri uru rutonde, abasirikare 43 bazamuwe ku ipeti rya Colonel, bavuye kuri Lietenant Colonel, naho aba Major 223 bagirwa Lieutenant Colonel.

Hagati aho, mu mpera z’iki cyumweru, imiryango yashinzwe n’umuherwe w’Umushinwa Jack Ma, ari yo Alibaba Foundation na Jack Ma Philanthropy, ku nshuro ya karindwi yahembye abashoramari batanga ikizere muri Afurika.

Ni mu gikorwa cyiswe Africa’s Business Heroes(ABH), kikaba cyabaye ku nshuro ya karindwi, aho Abanyafurika bahuriye mu Rwanda, maze icumi bageze ku irushanwa rya nyuma bakarushanwa hakabonekamo batatu ba mbere, ariko n’abandi barindwi basigaye bagahembwa.

Jack Ma witabiriye iki gikorwa yanakiriwe na Perezida Paul Kagame baganira ku bijyanye no gukomeza imikoranire.

Soma n’iyi:Tanzaniya, Afurika Y’Epfo na Kenya batwaye akayabo muri ABH

Ku wa 12 Ukuboza 2025 — Shampiyona y’Icyiciro cya Mbere mu Rwanda (Rwanda Premier League – RPL) na Kigali Today Ltd (KT Ltd) basinyanye Amasezerano y’Ubufatanye (MoU) akomeye, atangiza ku mugaragaro ubufatanye bukomeye mu itangazamakuru no mu by’ubucuruzi.

Aya masezerano yasinywe n’Umuyobozi Mukuru wa RPL, Bwana Jules Karangwa, n’Umuyobozi Mukuru wa Kigali Today Ltd, Bwana Dan Ngabonziza.

Amasezerano mashya yasinywe ashyiraho urwego rw’ubufatanye bushingiye ku nyungu z’ubucuruzi, buzafasha impande zombi guteza imbere amahirwe yo kubona inkunga (sponsorship) n’iyamamaza (advertising).

Ubu bufatanye bugamije kongera kugaragara isura y’umupira w’amaguru w’u Rwanda, kunoza ubunararibonye bw’abafana, no kwagura imari iva mu bucuruzi bwa RPL na KT Ltd.

Kigali Today Ltd izifashisha urusobe rwayo rwose rw’itangazamakuru, harimo KT Radio 96.7FM, KT Press, KigaliToday.com, Kigali Today TV kuri YouTube, ndetse n’imbuga nkoranyambaga zayo, mu kujyana abafana b’umupira ku kibuga biciye mu kogeza umupira imbonankubone, “live”, ibiganiro byihariye ku mupira w’amaguru, inkuru za siporo zinyuze ku ikoranabuhanga, n’iyamamaza rishyigikira ibikorwa bya RPL n’abaterankunga bayo.

Ingingo z’ingenzi

Inkingi y’ingenzi y’ubu bufatanye ishingiye ku bushobozi bukomeye bwa KT Ltd bwo kugera ku baturage benshi mu gihugu no mu karere. Kigali Today Ltd iri mu bigo by’itangazamakuru bimaze igihe kirekire kandi bifite ijambo rikomeye mu Rwanda.

Kigali Today TV, umuyoboro w’inkuru kuri YouTube wa Kigali Today, ni wo wa mbere wagiyeho mu Rwanda kandi ufite abarenga miliyoni 1.1 bayiyandikishijeho.

KT Radio 96.7FM yumvwa n’abantu barenga miliyoni 1.8 buri munsi, ikagera ku bice bingana na 83% by’ubuso bw’igihugu.

Ku mbuga nkoranyambaga zose, KT irebwa n’abantu bagera kuri miliyoni imwe buri munsi. KT Press izwi nk’urubuga rukomeye rw’inkuru mu Cyongereza mu Rwanda, mu gihe KigaliToday.com ari imwe mu mbuga za mbere kandi zizewe cyane zitanga amakuru ku rwego rw’igihugu.

Ubu bushobozi butuma Rwanda Premier League ibona amahirwe adasanzwe yo kugaragara cyane ku mbuga n’imiyoboro iyoboye itangazamakuru ryo mu gihugu.

Inyungu zisangiwe

Hashingiwe ku masezerano, Rwanda Premier League izatanga uburyo bunoze bwo kugera kuri gahunda z’imikino, amakuru y’imikino, ahagenewe itangazamakuru (media zones), n’itumanaho ryemewe rya shampiyona.

KT ije nk’inyongeragaciro mu masezerano yose ya RPL ajyanye n’abaterankunga. Impande zombi zizafatanya kuganira no kumvikana ku mahirwe y’inyungu, hubahirizwa gukorera mu mucyo no kugabana inyungu ku buryo bungana.

Ibyatangajwe n’Abayobozi

Umuyobozi Mukuru wa RPL, Bwana Jules Karangwa, yashimye ubu bufatanye agira ati: “KT ni igitangazamakuru gifite imbaraga ku rwego rw’igihugu, kandi uruhare rwayo ruzongera agaciro gakomeye kuri shampiyona yacu n’abaterankunga bacu. Dufatanyije, tuzazamura imbaraga z’ubucuruzi n’ishusho y’ umupira w’amaguru mu Rwanda."

Umuyobozi Mukuru wa KT Ltd, Bwana Dan Ngabonziza, yavuze ko ubu bufatanye bujyanye n’intego za KT zo guteza imbere itangazamakuru rya siporo agira ati: “Turashaka guha abafana ubunararibonye bwimbitse ku mupira w’amaguru no gushyiraho amahirwe mashya yo kubona inyungu ku bigo byombi. Ubu bufatanye buzazamura cyane ishusho ya RPL mu gihugu cyose."

Inyungu Bafana n’Urwego rw’Umupira w’Amaguru mu Rwanda

Biteganyijwe ko ubu bufatanye buzahindura cyane uko umupira w’amaguru utangwa, ugaragazwa n’ uburyo abaturage bawiyumvamo mu gihugu hose.

Binyuze ku bafana benshi KT igeraho ku rwego rw’igihugu, abafana bazabona amahirwe yagutse yo kubona amakuru ya shampiyona, isesengura ry’imikino, ibiganiro byihariye n’abakinnyi n’abatoza, ibiri inyuma y’ibikorwa (behind-the-scenes), n’itumanaho rishingiye ku ikoranabuhanga.

Biteganyijwe kandi ko ubu bufatanye buzakurura inyungu z’ubucuruzi zikomeye kurushaho, bigafasha shampiyona kongera agaciro iha amakipe ayigize n’abaterankunga bayo.

Ku izina rya Africa Business Heroes (ABH), ni gahunda yateguwe n’umuherwe w’Umushinwa Jack Ma biciye mu bigo bye bibiri bya Jack Ma Philantropy na Ali Baba Foundation.

Bibaye ku nshuro ya karindwi, u Rwanda rukaba rwakiriye ibi birori inshuro eshatu zikurikiranya.

Mu gutangiza inama izahemberwamo abatsinze irushanwa ry’abashoramari b’icyerekezo cya Afurika, Juliana Muganza, umuyobozi wungirije w’Ikigo cy’Igihugu cy’Iterambere RDB yavuze ko ABH iganisha aheza iterambere ry’ubucuruzi n’ishoramari ku mugabane wa Afurika.

Yagize ati “Nk’uko mu myaka 40 ishize abashoramari benshi b’Abashinwa beza bahinduye iterambere ryihuse rya China, natwe twizera ko mu bihe biri imbere hazaboneka abashoramari benshi beza b’Abanyafurika. Nabo bazazana impinduka zikomeye muri Afurika.”

Aha, yagaragaje ko abashoramari ba ABH, babifashijwemo n’iterambere ry’ikoranabuhanga nk’Internet n’ukuri ku buzima bwa Afurika, bamaze guhanga ibisubizo byinshi bishya kandi bikora neza mu rwego rw’ubuvuzi, imari, ubwikorezi n’ubushakashatsi.

Yongeyeho ati “Icyo dushaka ni ugutanga inkunga ku bigo bya Afurika no kubaka urubuga rufasha mu guhuza Afurika n’isi yose. Ndishimira kubona ABH ikurura abantu benshi baturutse hirya no hino ku isi.”
“Nizeye ko umuryango w’intwari za ABH uzakomeza kwaguka. Bazakomeza kwandika inkuru nyinshi nshya z’Afurika.”

Aha kandi yijeje ko ABH izakomeza gufasha abashoramari b’Abanyafurika.

Yavuze ko mu bihe bizaza, binyuze mu bufatanye bwimbitse n’u Rwanda, ibirori byo guhemba abatsinze bya ABH bizarushaho kuba byiza kurusha uko byari bimeze.

Muri iki gikorwa cyo gutera inkunga abashoramari ba Afurika, abakandida icumi barahatanira umwanya wa mbere, bakaba baratoranyijwe mu bantu ibihumbi 32 bahiganwe.

Umuyobozi mukuru wa ABH Zahra Baitie-Boateng. Yagize ati “Buri mwaka, ABH itwibutsa ko guhanga umurimo atari inzozi gusa, ahubwo ari ururimi ruca impaka ku mugabane wacu, rutwibutsa ko urubyiruko, n’abagore, batagitegereza amahirwe — ahubwo bayahanga.”

Yabwiye kandi abageze ku cyiciro cya nyuma muri iri rushanwa ati “Mwerekanye ko mudafite gusa ubwenge bw’ubucuruzi, ahubwo mufite n’umuhate wo gukemura ibibazo nyakuri— nko guhuriza hamwe amakuru mu ikoranabuhanga, kongera gukora byinshi mu gihugu, guhindura uburyo bwo gutunganya ibiribwa, no gutuma serivisi z’ubuvuzi ziboneka kuri bose— n’ibindi byinshi mwumvise.”

Ku bashoramari bato cyane cyane abo mu Rwanda, nabo yababwiye ati “ntimuri kubaka kompanyi gusa; muri guhindura uko isi ibona Afurika. Muri gusobanura uko ubuhanga n’ubudasa bwa Afurika busa. Mureke iri huriro ribabere umwanya wo gutangiriraho urugendo rushya. Mwihagarareho, muvuge neza kandi mutinyuke kubaka.”

Lijun Sun, Visi Perezida wa Alibaba Foundation yavuze ko ABH kugeza ubu imaze guhemba abantu 60, kongeraho abandi icumi bazahembwa ejo, akaba agira ati byo twabonye buri munsi, ibyo twabonye mu myaka 7 ishize. Byerekana ko ejo hazaza h’Afurika atari inzozi ziri kure, ahubwo harubakwa ubu n’abashoramari bayo, benshi muri bo bari hano uyu munsi.”

Mu ngero yatanze z’abahawe ibihembo mu byiciro byatambutse, yavuzemo umunyarwanda Francine Muneza uhindura ubuzima bw’abana butari bworoheye bukajya ku mashanyarazi y’imirasire y’izuba.

Yavuzemo na Shona McDonald wo muri Afurika y’Epfo, wakoze igare ry’abantu bafite ubumuga ryambere ryakozwe muri kiriya gihugu.

Hari kandi na Dr. Neto wo muri Wella Health muri Nigeria, utanga ubuvuzi ku miryango itishoboye na Shalomagai, ukora ibikoresho by’isuku byo guteka birengera abantu miliyoni nyinshi.

Abahatanira ABH bazagabana miliyoni imwe n’igice y’amadolari, mu birori bizaba kuri iki cyumweru, nyuma yo gusobanura(Pitch) imishinga yabo maze inteko ibishinzwe (jury) ikagenda itanga amanota azerekana uko barushanyijwe.

Mu kiganiro yagiranye na Televiziyo y’u Rwanda kuri uyu wa Kabiri, Nduhungirehe yabanje kwibutsa amasezerano y’ingenzi yagiye asinywa hagati y’u Rwanda na DRC, ndetse no hagati ya DRC n’umutwe bahanganye wa AFC/M23.

Nko ku masezerano ya Washington u Rwanda rwagiranye na Drc, yagaragaje ishingiro ryayo, aho yabanjirijwe n’amasezerani bise Itangazo ry’Amahame, ryasinywe ku wa 25 Mata uyu mwaka, Amasezerano y’amahoro kuwa 27 Kamena, ndetse n’Amasezerano mu by’Ubukungu yasinywe ku wa 4 Ukuboza.

Yagize ati “Byose byitwa amasezerano ya Washington agamije amahoro n’uburumbuke-Peace and prosperity.”

Yibukije ko ku wa 27 Kamena, amasezerano yasinywe yarimo harimo inkingi y’umutekano aho impande zombi zemeje ko umutwe wa FDLR ufashwa na DRC uvanwaho, hanyuma u Rwanda rukavanaho ingamba z’ubwirinzi rwashyizeho hagamijwe kwirinda ibitero bya FDLR.

Aha kandi, amasezerano arimo inkingi ya Politiki igamije gushyigikira ibiganiro by’amahoro bya Doha kugira ngo ikibazo bagikemure bahereye mu mizi. Yibukije ko iki ari ikibazo cy’Abanyekongo b’Abatutsi bavuga Ikinyarwanda batotezwa.

Indi nkingi ikomeye y’i Washington ni amasezerano ajyanye n’ubukundu azaba agamije ibikorwa by’ishoramari harimo nko kubaka ibikorwaremezo by’imihanda, ingufu zaba iza Gas mathane yo mu Kivu ndetse n’iz’amashanyarazi ibihugu byombi bihuriraho.

Harimo kandi no kubungabunga Pariki y’igihugu y’Ibirunga ihuriweho u Rwanda na Congo, akaba ari ho hasigaye ingagi zo mu Birunga ku isi.

Bumvikanye kandi ku bijyanye no guteza imbere ubucukuzi no gutunganya amabuye y’agaciro haba aturuka mu Rwanda ndetse n’aturuka muri Congo, kugera aho yoherezwa mu mahanga,

Aya masezerano kandi arimo ibijyanye no guteza imbere ubuzima cyane ko iyo icyorezo kibonetse kuri kimwe muri ibi bihugu, ibibazo bigera no ku kindi.

Hagati aho, hagiye haba n’amasezerano ya Doha, hagati ya M23 na DRC, akaba avuga ko aya masezerano atandukanye ariko akaba yuzuzanya.

Tariki 15 Ugushyingo, hashyizweho amasezerano rusange, nayo agizwe n’andi masezerano umunani, harimo abiri yamaze gushyirwaho umukono

Harimo amasezerano yo guhererekanya imfungwa, amasezerano ajyanye n’ubwenegihughu, aho hagomba gusobanurwa neza aho abanyecongo bavuga Ikinyarwanda babarizwa. Aba ni bo bamaze igihe bibasirwa, aho Congo itabemera nyamara amateka y’Ubukoloni ari yo yabagize abanyakongo.

Nduhungirehe yagize ati “Twizera ko bazumvikana kuri izo ngingo bikaganisha ku mahoro arambye.”

Ibiganiro hagati y’Abanyekongo

Minisitiri Nduhungirehe, avuga ko kugira ngo hazaze amahoro arambye agaruke muri Congo ndetse no mu karere, hari ibindi biganiro bikenewe, birimo ibyo Abasenyeri ba Congo basaba, ibyo uwahoze ari Perezida wa Congo Joseph Kabila asaba, ndetse n’abandi bakandida ku mwanya wa Perezida bagiye babisaba.

Aha ngaha agaragaza ko muri ibyo biganiro bagomba kureba ku mitwe yindi yitwaje intwaro muri Congo irenga 250, bakiga ikibazo cy’imiyoborere n’icya ruswa yamunze igihugu n’ibindi.

Nduhungirehe avuga ku birego Congo ikomeza kuzamura ishinja u Rwanda, yavuze ko kuva mu mezi atatu ashize, u Rwanda rudasiba kubwira amahanga ibiri kubera mu burasirazuba bwa Congo.

Muri ibyo, harimo bitero bya Leta ya Congo yifashishije indege zayo, cyangwa attack drones mu kurasa ibirindiro bya M23, ikica agahenge kashyizweho, ndetse ikanarasa na za villages z’abanyamulenge kandi bigakorwa bijyanye n’imvugo z’urwango.

Hari n’ikindi kibazo u Rwanda ngo rutahwemye kuvuga, cy’ingabo z’Abarundi bari muri Congo. Ubu bageze ku bihumbi makumyabiri biri muri Kivu y’Amajyepfo batangatanze villages z’Abanyamulenge kugira ngo hatagira usohka, babicishe inzara.

Yagize ati “Hashize amezi atatu, ane atanu ari byo dusobanura ariko ntibabyitaho. Ntibyumvikana ukuntu ayo mahanga bakomeza kuregera u Rwanda atarigeze agira icyo akora...Nta tangazo na rimwe ushobora kunyerekia ryaba iry’Umuryango w’Abibumbye cyangwa uw’Ibihugu by’Ubumwe bw’u Burayi ryamagana Tshisekedi cyangwa Leta ya Congo yica abaturage.”

Yongeyeho ati “Agahenge bivuze aho abarwana bumvikanye guhagarika intambara, ntihagire urasa undi. None se, niba Leta ya Congo itubahirije ako gahenge, ikarasa ibirindiro bya AFC/M23, hanyuma na yo igasubiza, ubwo urumva uba yakosheje ari nde?”

Hagati aho, hari urwego rwashyizweho rushinzwe kureba iyubahirizwa ry’amasezerano y’umutekano rwitwa joint security coordination mechanism-Rwanda, Congo na Amerika.

Iyo mechanism kuwa 7 Ugishyingo ngo yari yemeranyije ko nta bisasu by’indege bya Leta ya DRC byongera kumvikana, maze u Rwanda na rwo rukavanaho zimwe mu ngamba z’Ubwirinzi, ariko nyuma y’aho Guverinoma ya Congo ntiyigeze ibyubahiriza.

Nduhungirehe ati “Aha rero, twibaza niba Tshisekedi ibyo yasinyiye I Washngton abifite mu mutima, kuko bigaragara muri we ko icyo ashaka ari igisubizo cy’intambara.”

Ibyo ibuhugu byo mu Burengerazuba bw’isi byavuze mu itangazo ryikoma u Rwanda
nabyo Nduhungirehe yavuze ko bigomba kwamaganwa kuko batabogamira ku kuri kandi bakuzi.

Kuvuga ngo u Rwanda na M23 bisubire inyuma mu birindiro aho byahoze, kandi u Rwanda rutari muri iyi ntambara, ibyo twarabivuze inshuro nyinshi. Umwaka ushize, muri teritwari ya Walikale M23 yari yarahageze, maze Amerika iradusaba ngo dukoreshe imbaraga dufite kuri M23 maze tubasabe bagaruke inyuma, byorohereze amasezerano y’amahoro. Ibyo bintu. N’ubwo batari babyishimiye, ba M23 barabyemeye, ariko se muzi icyabaye nyuma?

Aha Nduhungirehe avuga ko DRC yageze Walikale maze abishimiye ko M23 yahaje, barishwe. Abahagiye bakoze ibyaha by’intambara. Ubu bongeye kugira icyo badusaba giteye gityo ntitwabikora kuko bigira inkurikizi mbi ku baturage.

U Burundi rwasuzuguye ibyo rwaganiriye n’u Rwanda

Ku bijyanye n’u Burundi, M23 imaze gufata Goma na Bukavu mu kwezi kwa mbere gushyira ukwa Kabiri, ngo habaye ibiganiro bihuza inzego z’Umutekano z’u Rwanda n’iz’u Burundi. Hari inama ebyiri zabereye ku mupaka, indi nama ibera Naivasha muri Kenya ubwo hari inama y’umutekano w’Akarere.

Muri Werurwe, humvikanywe ibigomba gukorwa kugira ngo haze umutuzo, bavuga ku bijyanye no kureka imvugo z’urwango zibasira ikindi gihugu kugira ngo amahoro ahinde.

Nduhungirehe agira ati “Icyo gihe rwose nanavuganaga kenshi na mugenzi wanjye w’u Burundi Albert Shingiro, ariko mwabonye ibyakurikiye. Perezida w’u Burundi yagiye mu binyamakuru avuga ko u Rwanda rushaka kumutera, yohereza n’izindi ngabo muri Congo bidusubiza inyuma.”

Nduhungirehe avuga ko nta kindi ingabo z’u Burundi zikora muri Congo uretse guhungabanya umutekano, zifatanyije na FDLR, zikaba ndetse ziri mu mugambi Tshisekedi yatangaje mu gihe cy’amatora mu 2023, aho yavuze ko azahirika ubutegetsi buriho mu Rwanda.

Nduhungirehe yagize ati “Ikibazo nyamukuru dufitanye, ni icy’umutekano kuko ntabwo wafatanya na FDLR ngo ube udahungabanya umutekano w’u Rwanda kuko niyo gahunda yayo.”

Kugira ngo rero ibi bibazo byose bikemuke, nuko ingabo z’ABarundi zava muri Congo, FDLR ikarandurwa n’ibitero by’indege by’ingabo za Congo bikavaho bikarangira.

Nduhungirehe yagize ati “ubu inzira ishoboka nziza ni imwe-hari amasezerano yashyizweho umukono, nta yandi masezerano agomba gukorwa, ahubwo tugomba kuyashyira mu bikorwa.”

Ibi kandi ngo bigomba gutangirira ku kubahiriza amasezerano yo guhagarika imirwano.

Nyamagabe ku Karere

Gahunda y’Imikoreshereze y’Ubutaka (DLUP) ya Nyamagabe 2024–2050 yashyizweho nk’uko n’utundi turere tuyifite, yatanze icyerekezo gisobanutse cy’akarere, ubu kakaba kagiye kwitwa “Ikigega cy’Ibihingwa n’Ubukungu bushingiye ku Mashyamba.”

Abategerejweho guteza imbere aka karere, ni abagize icyiciro cy’ubuhinzi, ubworozi n’inganda zitunganya ibikomoka ku buhinzi.

Stade Nyagisenyi

Akarere kandi kazazamurwa n’amahirwe y’akazi biciye mu bikorwa by’ubucuruzi n’inyongeragaciro mu byiciro by’ingenzi by’ubukungu.

Nyamagabe ifite ibigo by’ingenzi by’abikorera bifite uruhare runini mu bukungu bw’akarere binyuze mu ishoramari mu nzego zitandukanye, zirimo inganda z’icyayi n’ibigo bitunganya ikawa.

Gasarenda

Hari n’inganda z’itunganya ibikomoka ku buhinzi, uburyo bwo kubaka amahoteli n’andi macumbi y’abashyitsi, ibinyabiziga byo gutwara abantu n’ibicuruzwa n’andi masoko y’ubucuruzi.

Icyerekezo gishya cya DLUP gihamagarira akarere ka Nyamagabe gukoresha aya mahirwe gafite, kugira ngo kabe indashyikirwa mu bihingwa nyongerabukungu n’amashyamba, kandi hitabwa ku kubungabunga ibidukikije muri aka karere k’imisozi miremire

Gasarenda

Ubukungu bwa Nyamagabe rero, bushingiye ku nkingi ebyiri z’ingenzi, zirimo ubuhinzi, ndetse n’umutungo kamere.

Mu buhinzi hazamo ibihingwa ngengabukungu bibiri by’ingenzi, ari byo icyayi gitunganyirizwa mu ruganda rwa Mushubi ndetse n’uruganda rwa Kitabi, hakaba n’ikawa, ndetse n’inganda zitandukanye ziyitunganya.

Mu bihingwa bindi bisanzwe, habamo ibirayi, ibishyimbo, amashaza, urutoki n’ibindi bihingwa biboneka mu mirenge hafi ya yose y’akarere.

Gare y’umujyi wa Nyamagabe

Mu mutungo kamere, akarere ka Nyamagabe gafite impano y’amashyamba, yiganjemo amoko anyuranye y’inturusu zivamo imbaho zikomeye zikoreshwa mu bwubatsi no mu gukora ibikoresho byo mu ngo n’ibyo mu biro, gukora amapoto y’amashanyarazi, amateme n’ibindi.

Muri 2050, abarenga 60% bazaba batuye mu mujyi

Aka karere, mu mwaka wa 2022 kari gafite abaturage 371,501 abenshi (89.1%) bakaba batuye mu cyaro, abasigaye bakaba bari mu mujyi wa Gasaka, ahari ibiryo by’Akarere, akaba ari na wo murenge rukumbi wa Nyamagabe ufite umujyi.

Mu mwaka wa 2035, aba baturage baziyongera bagere kuri 419,646 na 483,000 mu mwaka wa 2050, aho u Rwanda ruteganya kuzaba rugeze mu rwego rw’ibihugu byateye imbere.

Muri 2050, Umujyi wa Nyamagabe uzaba ungana na 25.981km2, mu gihe ubutaka buhingwa n’ubuteyeho amashyamba buzaba ari 15.894km2 naho 10.718km2 zigakoreshwa indi mirimo.

Ahantu ho kwidagadurira-Car free zone

Abateguye uyu mujyi bagennye igice kizaba gikorerwamo ubucuruzi na serivise zikomatanyije(mixed use), icy’ubucuruzi n’indi mirimo, ndestse n’icy’ubucuruzi gusa. Hari kandi n’igice kigenewe inganda nto n’iziciriritse.

Serivisi za Leta n’ibikorwaremezo biri ku rwego rwiza, aho ibikorwaremezo by’uburezi n’ubushakashatsi bifite 39.48 ha, ibikorwaremezo by’ubuvuzi bifite 5.65 ha, naho ibikorwaremezo by’amadini bikagira 18.78 ha.

Hanateganyijwe kandi ibibuga by’imikino n’imyidagaduro (9.62 ha) hamwe n’ibikorwaremezo by’umuco (9.59 ha) bigamije guteza imbere imibereho myiza y’abaturage.

Hamwe n’ubutaka bwagenewe imihanda (167.11 ha) n’ubutaka bwo kurengera ibishanga (27.29 ha), igishushanyo mbonera cy’umujyi gihuza iterambere n’ihame ryo kubungabunga ibidukikije, bikazamura iterambere ry’umujyi rirambye kandi rifite icyerekezo.

Igishushanyo cy’umujyi wa Nyamagabe cyibanda ku gutuza ku bwinshi no kubaka bazamura inzu ndende (vertical development), bigahuza umujyi mu buryo bworoshya ikwirakwizwa ry’imiturire n’imirimo.

Agace k’umujyo rwagati (CBD) ni ko kagenewe ubucuruzi bukomeye gahurirwamo n’ibikorwa by’ubukungu, kagashyigikirwa n’utundi duce tw’inyubako zikomatanyije zihuza ubucuruzi, gutura n’ibiro.

Ahantu ho kwidagadurira-Car free zone

Muri Nyamagabe, n’ubwo igishushanyo mbonera cyashakaga ko imidugudu ituwe iva ku 162 ikagera kuri 88. hagaragaye ibibazo bijyanye n’imisozi itorohereza imiturire, nuko hafatwa umwanzuro ko imidugudu igabanywa gacye ikazagasigara ari 152.

Gasarenda.

Mu Kiyovu

Mu mujyi rwagati

Umujyi upanze neza

Gasarenda...

Mu mujyi hafi yo kwa Kanimba no kwa Majyambere

Ibiganiro bya Qatar, ibiganiro bya Washington, si igitekerezo cy’u Rwanda, ahubwo byatangiye biturutse ku cyifuzo cya Perezida Felix Tshisekedi wa DRC.

Perezida Kagame yabigarutseho mu cyumweru gishize, ubwo yaganiraga n’umunyamakuru wa Al Jazzera.

Iki kiganiro, ahanini kibanze ku masezerano y’ubukungu n’itermbere no kugarura amahoro mu Burasirazuba wa Congo, yasinyiwe I Washington hagati ya Perezida Kagame na Tshisekedi, ndetse na Donald Trump wa Amerika.

Kagame yateruye avuga ko ariya masezerano adasanzwe kuko ibibazo by’intambara bimaze igihe kinini, kandi ngo ntihiheze habaho ikintu gisa nk’iki, kigahabwa imbaraga kuri uru rwego aho abaperezida b’ibihugu bibiri, u Rwanda na Congo bahurira kwa Perezida wa Amerika witaye kuri iki kibazo.

Uburyo iki kibazo cyakomeje kugaragara, imbaraga zashyizwemo, ndetse n’igitutu cyashyizwemo mu gukemura iki kibazo Kagame asanga bitarigeze bibaho mu bihe byashize.

Uburyo iki kibazo bakinjiyemo bushingiye ku mpamvu shingiro nyazo; politiki, umutekano n’ubukungu.

Kagame agaragaza ko igihe cyose umuntu yashaka gukemura ibibazo by’iyi ntambara, ni byiza cyane gutangirira mu mizi, kandi ukubakira kuri ziriya ngingo eshatu za politiki, umutekano ndetse n’ubukungu.

Avuga ko aya masezerano arimo ibyangombwa byose, cyane cyane urebye mu buryo bw’ingingo, n’amagambo yakoreshejwe, igisigaye akaba ari ishyirwa mu bikorwa, ari naho ikibazo gikunze kuvukira.

Perezida Kagame kandi yerekanye ko ubu buryo Trump yakoresheje hari ibintu bibiri bwaje gusubiza byari byarirengagijwe.

Yagize ati “hari uburyo bwibanda ku bibazo bya Afurika, bukabihuza n’imitekerereze y’uburenganzira bwa muntu, demokarasi n’ibindi. Ariko imyaka myinshi ishize ibyo byabaye amagambo gusa, ntibitange impinduka ku mibereho y’abantu ku mugabane.”

Hanyuma hari ubundi buryo bushingiye ku bintu bifatika: ubucuruzi, inyungu z’ubukungu zitanga impinduka ku mibereho y’abantu. Ku bwanjye no ku Rwanda, ni bwo buryo bwungura byinshi. Ni mu gihe ubundi buryo bwabanje, bwongereye ibibazo aho kubikemura.

Kagame yonegeho kandi ati “ibi sinshaka kubitindaho cyane, kuko uruhare runini rugaruka kuri twe. Ikindi ariko, yongeraho ko kugira ngo ibintu bigende neza, ibihugu byasinyanye amasezerano bigomba gukora ku buryo amahirwe yose arimo baba ari bo bayagiramo inyungu.

Yagize ati “usanga hari igihe habaho kwitana bamwana, ariko kenshi usanga biterwa ko hari ibindi biba byirengagijwe. Biri gihe jyewe mba numva ntashaka kwitakana abandi.”

Umunyamakuru yabajije niba Trump yaba atangiye kuza muri Afurika, cyane cyane agamije kongera ubukire bwe by’umwihariko, n’ubwa Amerika muri rusange, ariko yashubijwe ko kuba Trump yarahaye iki kibazo umwanya, ibyo byonyine ni byo bikeneye gushimwa.

Birashoboka ko hari ibindi bibazo byagiye bivugwa, ariko Kagame we asanga igikwiye guhabwa umwanya ufatika ari iki ngiki kiganisha ku iterambere.

Ku bijyanye n’ubuhuza bwa Qatar, Perezida Kagame yashubije umunyamakuru wari umubajije impamvu habayeho ibiganiro bibiri bibangikanye, asubiza ko mbere byatangiriye hamwe, ariko nyuma biza gutandukanywa.

Uko biri kose ariko, Kagame yerekanye ko ibi biganiro bitatangijwe n’u Rwanda, ahubwo bwari ubusabe bwa Tshisekedi. Kubitandukanya byabereye mu biganiro abaperezida bombi bagiranye I Doha.

Agira ati “Hari abayobozi n’ibihugu byibwira ko ari twe twanze ubuhuza bwari busanzwe buhari bwakorwaga n’abanyafurika ariko si ko byagenze. N’ubundi rwose Tshisekedi ni we wabisabye, kandi ubwo yumvaga azabihengeka bikagenda uko we abyishakira, mbese ibiganiro bikaba mu nyungu ze.”

Kagame yongeyeho ko Tshisekedi abona ko igihugu cye ari kinini cyane, kandi cyiza, ku buryo ngo aho anyuze hose yajya aha abantu ruswa, maze ibintu byose bikagenda uko abyifuza kuko buri wese akifuza. Icyakora ngo muri ibi biganiro byose u Rwanda rwagiye rutanga ingingo zarwo z’ukuri, zerekana uko ibintu bigomba kugenda n’ingingo fatizo zikwiye gushingirwaho kugira ngo amahoro agaruke muri DRC.

Muri uku gusobanura ishingiro ry’ikibazo rero, niho havuye gahunda yo gutumira M23 ikaganira na Leta ya Congo.

Perezida Kagame kandi yagaragaje ko mu bihe byashize, DRC yagiye irenga ku masezerano yagiranye n’u Rwanda, akaba yizeye ko Qatar na Amerika bazakomeza guherekeza aya masezerano, kugira ngo abasinyanye bayubahirize, kandi udakoze ibyo asabwa bamukebure.

Ihangana ry’abakomeye si ryo Kagame areba, arareba ibibazo biri mu karere

Perezida Kagame yabajijwe uko abona ihangana rya Amerika n’Ubushinwa, ariko we avuga ko ibyo atangomba kubitindaho, kuko biremereye ku buryo atabasha kubyikorera.

We ahubwo ngo ibyo areba ni ikibazo kiri mu karere n’uburyo gikwiye gukemuka,

Agira ati “buriya abantu iyo bavuga ikibazo kiri mu karere, usanga bibwira ko ibibazo Congo igira ari umwihariko wayo ku isi. Ikindi ngo ubabwira ko ufite zahabu, bakakubwira bati ntabwo bishoboka byanze bikunze iyo ni zahabu yo muri Congo.

Nyamara Kagame yagaragaje ko u Rwanda rugira amabuye y’agaciro arimo ayitwa T eshatu, yo akaba ari na meza kurusha ayandi aboneka mu karere, dore ko ari aya mbere muri Afurika, akaba aya kane ku isi mu bwiza.

Aya makuru ngo yamenyekanye neza ubwo ikigo cy’ubucukuzi bw’amabuye y’agaciro cyo muri Amerika cyitwa Trinity Company cyakoraga ubushakashatsi kikabigaragaza.

Tshisekedi, Kagame, Trump...ese baba abakandida b’igihembo kitiriwe Nobel?

Kuri iki kibazo, Perezida Kagame yavuze ko nta kibazo ku bandi bashobora kubireba niba bakibaha, ariko kuri we ubwe yagize ati “jyewe sindabigeraho.”
Ku mwihariko wa Trump, yavuze ko ababishinzwe ibyo babireba, nyamara yongeraho ko byanashoboka, kubera ibintu yagerageje kugeraho mu kanya hato. Icyakora agira ati “erega ntabwo ibisubizo yabigeraho wenyine, n’ubwo ari umuyobozi ukomeye akagira n’igihugu gikomeye. Ni yo mpamvu jyewe navuze ko twebwe bitureba gushyira mu bikorwa aya masezerano kurusba uko bireba Perezida wa Amerika.

Perezida Kagame yabajijwe niba abona yiyumvamo Trump cyane, avuga ko ari ko bimeze, kuko Trump ari umuperezida uvuga ibyo azakora, kandi koko ntibihere mu magambo nk’uko abayobozi benshi bajya bamera.

Aha ndetse ni naho ahera avuga ko ibyo yatangije, ibyo agerageza gukora bishobora kuzatanga umusaruro utangaje utarigeze ugerwaho, ariko agashimangira ko nta na rimwe yabigeraho niba abo bireba ku rwego rwa mbere bidamarariye.

Uyu munsi, ibigo by’igihugu by’igorora bifunze abagera ku bihumbi mirongo irindwi, ndetse muri bo, ibihumbi makumyabiri na bitatu byafunzwe uyu mwaka kuva mu kwezi kwa mbere, kugeza uyu munsi.

Mukantaganzwa yavuze ko muri aba bafunze, akenshi usanga bafungiwe ibyaha byashoboraga kwirindwa, bakaba bafungiwe hagati y’amezi atandatu n’imyaka itanu.

Agira ati “Usanga akenshi ari ibyaha byo gukubita no gukomeretsa, ubwambuzi bushukana n’ibindi, kandi usanga ibyo ari ibyaha twicaye tugatekereza twakwirinda.”

Mukantaganzwa yagize ati “Tworoheje imitwe yacu ntidushake guhangana, tugasaba ubuhuza, ni ibyaha wakwirinda bikemera. Ni ngombwa ko tubikangurira abantu.”

Amakimbirane ari muri kamere

Muri iki kiganiro n’itangazamakuru, Perezida w’Urukiko rw’ikirenga yabajijwe ikiguzi cy’ubutabera, kugira ngo abantu bamenye niba koko bahitamo ubuhuza, yashubije ko ubutabera buhenda, bugakenesha, dore ko ngo imanza nk’uko tuzibona ubu mu nkiko ari umuco w’i Burayi atari umuco w’Abanyarwanda.

Icyakora yavuze ko gukimbirana mu bantu ari kamere, kuko ngo inka zibana ntizibura gukomana amahembe. Aho abantu bari bashobora gusakirana,ariko uko bitwara nyuma yo gukimbirana ni cyo kibazo.

Yagize ati “aha rero ni ho tubwira abantu ko niba ukosheje usaba imbabazi. Hari n’abantu usanga ari ba ruhaewa ariko bagakomeza kuvuga ko ari abere, nyamara n’umuco wo kwemera guhanwa ni mwiza.”

Aha ngaha, agaragaza ko ubwinshi bw’ibirarane by’imanza buzagabanywa no guhindura imyumvire.

Mu bindi biri gufasha kugabanya abafungwa, ni igihano nsimburagifungo cy’imirimo ifitiye igihugu akamaro. Umuyobozi w’Urwego rw’igihugu rushinzwe igorora agira ati “Abanyarwanda babimenyere ko hari abanyabyaha bari muri bo bari gukora ibihano, bakazagira igihe bakabirangiza. Icyakora ibyo bihano biba byoroshye kurusha gufungwa kuko bakora amasaha atanu ubundi bakisubirira mu ngo zabo, bagakora imirimo ibateza imbere.”

Murenzi yavuze ko ibyaha byiganje muri aba bafunzwe, ngo ni inyandiko mpimbano, ndetse no gukubita no gukomeretsa, aho abona ko hari abantu bameze nk’aho bafite mu mico yabo gukubita no gukomeretsa.

Murenzi yabivuze nyuma y’uko abanyamakuru babajije ibibazo bijyanye n’Abanyamahanga bagenda bagaragara cyane mu byaha by’urugomo, haba hagati yabo, cyangwa bakanakubita Abanyarwanda.

Mu minsi ishize, abagiye bashyirwa mu majwi, ni urubyiruko rwa Sudani.

Umuyobozi wungirije wa Polisi y’igihugu Jeanne Chantal Ujeneza, yavuze ko haba ku Banyarwanda, haba no ku banyamahanga, nta muntu n’umwe wihanganirwa iyo akoze ibyaha by’urugomo.

Hagati aho ariko, Murenzi yavuguruje amakuru avuga ko aba bantu baba bafunzwe kubera gukubita no gukomeretsa, bahozwa ku nkoni muri gereza.

Yagize ati "twebwe ntabwo tugira abanyururu, tugira abagororwa, kandi ntitugoroza inkoni."

Mu kiganiro gitangiza icyumweru cy’ubutabera cyatangiye kuri uwa 8 Ukuboza kikazasoza kuwa 19 Ukuboza, Mukantaganzwa yavuze ko kuva mu mwaka wa 2022 kugeza uyu munsi hamaze kurangizwa imanza ibihumbi makumyabiri.

Icyo Mukantaganzwa yatangiriyeho ni ugusobanura ubuhuza icyo ari cyo, aho yavuze ko ari uburyo bukoreshwa mu gukemura ibibazo mbonezamubano ibijyanye n’ibyemezo by’ubutegetsi ndetse n’ibibazo bijyanye n’ubucuruzi.

Yatanze urugero agira ati "niba umuntu yibye ihene, ashobora kwiyunga na mugenzi we, akishyura bikarangira, kereka iyo ari umujura wabigize umwuga aho inzego z’ubushinjacyaha ziramukurikirana."

Yongeyeho ati "Mbere y’uko abazungu batwigisha guca imanza no gufunga, twari dufite uburyo buhuza abanyarwanda. Ni uburyo buhuje n’imyemerere yacu, si inzaduka."

Kuva mu 2022 Politiki y’ubuhuza itangira, umusaruro w’ubuhuza ngo umaze kugera kuri byinshi. Mu madosiye ibuhumbi makumyabiri yakemukiye mu buhuza, Mukantaganzwa asanga igeze ku 10-15 ku ijana y’imanza zose ziri mu nkiko.

Ubu buhuza kandi ngo bukorwa n’abantu bose baharanira ko ubutabera butera imbere. Bisaba ko abahuza baba bafitiwe ikizere, ariko nabo bakaba babizi.

Hariho kandi n’ababyize, babikora cyane cyane mu nkiko z’ubucuruzi.

Umuyobozi w’urukiko rw’ubucuruzi avuga ko umwaka ushize imanza 301 zakemutse binyuze mu buhuza.

Ku nzego zose, kugera no mu bujurire, abantu bashobora guhitamo ubuhuza, uretse ko baba barataye igihe, baratakaje byinshi.Aha rero inyandiko y’ubuhuza ni yo ihita irangiza urubanza.

Aha icyakora, ubuhuza ku butane bwo ngo ntiburatera imbere.

Mukantaganzwa yagize ati "ku bijyanye n’ubutane turagerageza, ariko akenshi abatanye baba bamaramaje kandi no kubitinza hari igihe biba bibi kurushaho."

Ni yo mpamvu ngo bashikariza inkiko kubatandukanya bidatinze, ariko na none ngo iyo bongeye gushaka gusubirana nabwo barabafasha.

Icyakora ibyaha by’ubugome; ubwicanyi gusambanya abana, no gusambanya abakuru ku ngufu, kunyereza umutungo wa Leta, Jenoside, byo ntibishobora kujya mu buhuza.

Mukantaganzwa yagize ati "Ni ibyaha abantu bagomba kugendera kure kuko ni ibyaha biremereye bijyana n’ibihano biremereye."

Kuva mu kwa mbere, kugera uyu munsi, urwego rw’ubugenzacyaha- RIB narwo ngo rwarangije ibibazo 2800 mu buryo bw’ubuhuza.

Umuyobozi wa RIB yagize ati "Kunga ni byo dushyira imbere kurusha kubakorera dosiye zijya mu bushinjacyaha."

Mu bushinjacyaha na bo bavuga ko muri 2024-2025, dosiye ibihumbi bitatu ngo zarangiye mu buhuza, ndetse no muri uyu mwaka w’ingengo y’imari, ngo amadosiye 5000 ari mu buhuza.

Reba ibindi muri iyi video:

Iri ni ryo dini rya mbere ryazanye imyemerere mishya ya mbere mu Rwanda, nyuma y’igihe kinini cyari gishize abanyarwanda bizera idini rya gakondo.

Uyu munsi rero, waranzwe n’ibiriro bikomeye aho abashumba, abakristo n’abayobozi mu nzego zinyuranye bari muri Stade Amahoro yari yakubise yuzuye, bashima Imana, bavuga ibyo Imana yakoze muri iyi myaka yose.

Antoine Karidinali Kambanda Arikiyepiskopi wa Kigali akaba na Perezida w’Inama y’Abepiskopi Gatolika mu Rwanda mu ijambo rye mu birori byo gusoza Yubile y’impurirane yagarutse ku mateka y’ubukristu mu Rwanda n’uko abamisiyoneri bageze mu Rwanda.

Ati ’’Misa ya Mbere mu Rwanda igitambo cy’ukaristiya bwa mbere cyaturiwe i Shangi muri Diyosezi ya Cyangugu, hari ku itariki ya 20 Mutarama mu 1900. Nibwo umugisha w’igitambo cy’ukaristiya wageze ku butaka bw’u Rwanda.

Tariki ya 08 Gashyantare mu 1900 nibwo hatangijwe Misiyoni ya save bayiragiza umutima Mutagatifu wa Yezu nyuma yaho abamisiyoni bagiye bashinga n’izindi, Zaza tariki ya 01 Ugushyingo 1900, ku Nyundo mu 1901, Rwaza mu 1903, Mibilizi mu 1903, Kabgayi mu 1906, Rulindo mu 1909, na Kansi mu 1909.’’

Umukristu uhagarariye abandi mu ijambo rye nawe yavuze ko bishimira kuba baramenye inkuru nziza, bigishwa gusoma no kwandika, Kiliziya Gatolika ikomeza kugira uruhare mu buzima n’uburezi.

Ati ’’abanyarwanda bakoreshaga ubuvuzi gakondo buvanze n’ubupfumu ariko Kiliziya Gatolika yaradufashije igira uruhare mu mavuriro.’’

Yakomeje ati ’’Iyi yubile yatubereye umwanya wo gushimira Imana, n’igihe cyo kwisuzuma ngo turebe koko niba twarakiriye ukwemera. Uku kwemera twakiriye byatumye abalayiki babyara abihayimana, abapadiri ndetse n’imiryango ya agisiyo Gatolika iba myinshi.’’

Ni koko iyi myaka, Kiriziya yayibanyemo n’abanyarwanda mu buryo butandukanye, hamwe bushimishije, ariko ahandi, hari aho Kiliziya yanyuranyije n’ijambo yake kwigisha

Buri gihugu muri ibi tuvuze, cyari gihagarariwe na Perezida wacyo, ndetse hakaba n’abahamya biganjemo abakuru b’ibihugu bafite inshingano mpuzamahanga muri Afurika, wongeyeho Perezida Evariste Ndayishimiye w’u Burundi wari uhagarariye igihugu cye rukumbi, akaba yari aherekeje munywanyi we wa Congo, Felix Tshisekedi.

Umusangwa, Perezida Donald Trump yakiriye buri mushyitsi we mu cyumba cy’inzu y’akataraboneka aherutse kuzuza akayita ‘United States Institute of Peace, ndetse ikaba iriho n’amazina ye.

Buri mushyitsi wese yamuvugaga amwubashye cyane, akongeraho ko abatumirwa be baturutse muri Afurika “bahagarariye benshi, kandi bakaba babahagarariye neza.”

Mbere yo gusinya kandi, Perezida w’u Rwanda Paul Kagame yongeye yibutsa ko u Rwanda ari igihugu kidashobora gutenguha uwo basezeranye, ko ruzagira uruhare rwarwo.

Mugenzi we wa Congo Felix Tshisekedi, na we yaje yiyemeza atyo, ariko nk’aho ibyo bidahagije, yongeraho ka gakeregeshwa asanganywe, ko “kwibutsa u Rwanda inshingano zarwo”. Abakurikiye ijambo yavugiye mu muryango w’Ubumwe bw’ibihugu by’i Burayi mu byumweru bishize, bakwibuka iyo myitwarire.

Ibi birangiye, Perezida Trump yahamagaye bamwe mu bagiye bagira uruhare mu rugendo rw’amahoro, aribo Perezida Jao Lourenco wa Angola, William Ruto uyoboye EAC ndetse igihugu cye cya Kenya kikaba cyarigeze gutanga umuhuza, uwari uhagarariye Togo na yo iri mu bahuza, wongeyeho Perezida w’u Burundi wari uherekeje...cyangwa se akaba yaje kwibutsa ko yigeze kuyobora EAC mu bihe by’amahina y’urugamba rwa DRC na M23 mu myaka nk’ibiri ishize.

Aba bayobozi bose bavuze amahirwe ari muri aya masezerano, berekana ukuntu Afurika, na Kongo by’umwihariko ikize, ko ubukungu bwayo bugiye kubyazwa umusaruro mu bihe by’amahoro igihugu kigiye kwinjiramo.

Ndayishimiye na we ahawe ijambo, yisuganyije, yunga mu rya munywanyi we maze mu kugaragaza ikizere gicye, ati “gusinya amasezerano ni kimwe, ariko kuyashyira mu bikorwa ni ikindi.”

Igihe cyo gusinya rero reka kizagere, maze umusangwa yicara ku ruhembe rumwe, umwe mu bashyitsi yicara ku rundi, undi bamushyira hagati.

Bamaze gusinya rero, bakoze umuhango usanzwe wo kwerekana amapaji basinyeho, iki rwose kikaba ari ikintu gisanzwe muri protocole z’abayobozi. Umusangwa n’umushyitsi uri hagati barambuye ibitabo babyereka abafotora, ariko uwa gatatu we ntiyarambura igitabo yasinyemo.

Mu cyumba umuhango wabereyemo abantu bakomeje kujujura bibaza impamvu yishe protocole, maze igitabo akirambura wenyine bamufotora ukwe abandi bamaze gusubiza ibitabo byabo ku meza.

Banyamakuru bavandimwe! Ntimushobora kwigirira ibanga koko n’isegonda rimwe?

Abavandimwe banjye b’abanyamakuru rero babonye ko ibirori biri kugana ku musozo, nabo banze kwihishira, baravuga bati byanze bikunze reka twiyerekane nk’uko turi, imbere y’aba bashyitsi bahire.

Umunyamakuru w’umugore yahagurutse mu gihe abantu batangiye basezeranaho, bishimira ibimaze kuba, maze we bimwanga mu nda atera hejuru ati “nyakubahwa Perezida wa Amerika, tuzi ko ingabo z’u Rwanda ziri muri Congo? Zizavayo ryari?”

Nk’aho ibyo bidahagije, uyu munyamakuru wigize umushinjacyaha, ndetse wumvaga wagira ngo ni we mugaba uzigaba, yagize ati “izo ngabo zigomba kuva muri Congo, kuko dore abantu bakomeje kwicwa muri Congo.”

Mu bupfura bwe bwa Kinyarwanda, Trump yabwiye uyu munyamakuru ko yizeye abayobozi beza basinyanye amasezerano, ko ibyasinywe bazabishyira mu bikorwa, ku buryo mu minsi iri imbere hazagenda hagaragara impinduka.

Mu by’ukuri, itangazamakuru twiga, batubwiye ko ryaturutse mu bihugu uyu munyamakuru akomokamo, ariko biratangaje kumva abaza ikibazo giteye gutyo.

Uretse no kuba u Rwanda rwarahakanye ko nta ngabo zarwo ziba muri Congo, n’imibarize ye yari igamije kwibutsa ko itangazamakuru ryapfiriye ku isooko, abaritwgishije bakaba ari bo ba mbere mu kuryica.

Ubu bwabaye uburyo bwiza bwo kutubwira ko n’ubwo aya masezerano asinywe, I Burayi na Amerika bo bazakomeza kwivugira ikibazo cyo mu karere kacu uko bacyumva, kandi nta rubanza rutabera bazaducira. Uwo banga bazakomeza bamwange, uwo bavuga nabi bazakomeza bamusige ibyondo mpaka na mwisho.

Erega tutabeshyanye, bariya bavandumwe wenda baturusha amikoro, ariko ibijyanye n’ubunyamwuga byo, bazaze twongere tubiganireho nk’abantu b’abagabo n’abagore.

Yabivugiye muri Amerika mu muhango wo gushyira umukono kuri aya masezerano, hamwe na Perezida Felix Tshisekedi wari uhagarariye igihugu cye.

Perezida Kagame yagaragaje ko Trump mu kuba umuhuza muri ibi biganiro, byari urukundo gusa, kuko nta tegeko ryabimutegekaga.

Aha yagize ati “Nta muntu wari wamutegetse kwinjira mu gukemura iki kibazo. Aka karere kacu ntikazwi cyane mu bitangazamakuru mpuzamahanga, ariko Perezida abonye impamvu yo kugira icyo akora kugira ngo amahoro aboneke, ntiyajuyaje, kandi mu by’ukuri iki ni ikibazo kimaze imyaka mirongo itatu.”

Kagame yerekanye kandi ko habayeho ibiganiro n’ubuhuza bwinshi mu bihe bitandukanye, ariko nta na bumwe bwabashije gukemura ibibazo by’ingenzi biri mu mutima w’iki kibazo. Nyamara ngo Perezida Trump aje, yazanye imbaraga n’imikorere mishya kandi isubiza ibibazo, ku buryo byafunguye inzira nshya yo gutera intambwe idasanzwe.

Muri byose kandi, ngo Trump akora ntaho abogamiye, atanafashe uruhande.

Yagize ati “adusunikira kureba ejo hazaza aho kugarukira ku byahise, kandi akerekana ko inyungu z’amahoro zirimo iterambere n’ishoramari, birimo n’irituruka muri Leta Zunze Ubumwe za Amerika. Ikirushijeho, Perezida Trump arangwa n’ubushishozi bwihariye. Ntashaka ko inzira y’ibiganiro iba uburyo bwo kugera ku mahoro.”

Perezida Kagame yashimiye itsinda ry’abafashije Perezida Trump muri ubu buhuza, by’umwihariko Umunyamabanga wan Leta Rubio na Massad Boulos.

Yagize ari “Ntitwari kugera aha turi uyu munsi iyo hatabaho uruhare rwabo. Kuri ubu, dufite inzira ifatika kandi isobanutse kurusha izindi twari twaragerageje mu mateka yacu.”

Kagame yavuze ko aya masezerano atanga ibikenewe byose kugira ngo aya makimbirane arangire burundu. Bityo rero, ngo aya masezerano atubahirijwe uko ateye, ntawe uzitakana Perezida Trump, ahubwo bizaba bireba abayasinye, ndetse ku buryo bugari Afurika, n’abafatanyabikorwa bose.

Kagame yagize ati “mu rugendo ruri imbere, hazabamo ibigeragezo n’imbogamizi. Ibyo ntawashidikanyaho. Ariko u Rwanda, ndabizi neza, ntiruzateshuka.Ndabibizeza.”

Muri ibi byose, Perezida Kagame yongeye kugaruka ku byo u Rwanda rwiyemeje mu kurinda ubusugire bwarwo, aho yagize ati “Intego yacu kuva kera ni uko igihugu cyacu kiba gitekanye nyuma y’akababaro kenshi cyanyuzemo. Ubu dufite icyifuzo kimwe: kureba imbere, twizeye ahazaza haganje amahoro n’iterambere.”

Abandi bahitamo gukoresha umushahara bakawumarira mu kwishyura moto bajya cyangwa bava ku kazi, ariko abandi bakemera bakagenda muri bisi kuko ica macye, ariko bakagenda bayituka, ngo ni Shirumuteto.

Bisi muri Kigali zifite izina ridahesheje icyubahiro, aho zizwiho kuba imodoka zikerereza abagenzi, zikabiriza muri gare, ariko banazigeramo, zikabaraza mu nzira. Si uko zigira moteri ntoya, cyangwa se ngo zibe zishaje, ahubwo zigenda mu mihanda mito isaranganywa n’ikintu cyose gifite imitende/amapine yikaraga.

Uburyo bwinshi bwarageragejwe kugira ngo bisi igarurirwe ikizere, maze bitanga umusaruro mucye, ariko noneho uyu munsi, Minisiteri y’Ibikorwa Remezo n’abafatanyabikorwa bayo, iravuga ko yatangiye urugendo ruzashyira akadomo kuri ibi bibazo.

Bahereye mu Mujyi wa Kigali kuri uyu wa Kabiri, kuri uyu wa Kabiri tariki 2 Ukuboza 2025, Minisiteri y’ibikorwa remezo yatangije uburyo bushya bwo gutwara abagenzi bagomba kugenda batavuma bisi bagendamo, bakagerayo amahoro kandi ku gihe.

Leta izanye Eco Fleet, izingiro ry’uburyo bushya bugamije gutwara abantu neza

Mu buryo busanzwe, Kompanyi zatsindiye isoko ryo gutwara abagenzi muri bisi, zigirana amasezerano n’ikigo cy’igihugu kigenzura imwe mu mirimo ifite igihugu akamaro, RURA, maze zigahabwa imihanda zigomba gukoreramo. Bisi ziganjemo iz’imyanya irenga mirongo itandatu zijya muri gare, zigategereza abagenzi, kugeza zuzuye, zikabona guhaguruka, zititaye ku mwanya umugenzi waje mbere amaze yicaye.