Iki cyamamare mu njyana ya ‘hip-hop’ cyavuze ko ari ikibazo cy’igihe gusa, abantu bagatangira kubona ibikorwa bye muri uyu mwaka, harimo filime nshya, ibiganiro kuri televiziyo, ndetse n’umuziki mushya.

Ibi yabitangarije ku rubuga rwa Instagram, aho yashyizeho ifoto ya Eminem yanditsetseho ko ‘Eminem ari umuraperi ukurikiranwa cyane kuri YouTube mu 2022’, ari na ko yagarukaga ku bikorwa bye muri uyu mwaka mushya harimo no gusubira mu muziki.

Mu magambo ye 50 Cent yanditse ati “Uwo ni umuhungu wanjye, nzajya nibutsa abantu ko meze neza muri uyu mwaka, umuziki mushya, Televiziyo nshya, filime nshya, reka tugende”!

Gusa bamwe ntibumva ukuntu 50 Cent yaba ateganya gushyira hanze imiziki mishya, bagendeye ko atigeze ashyira hanze alubumu n’imwe kuva kuri ‘Animal Ambition’ aheruka gushyira hanze muri 2014.

Mu Ukuboza 2021, yatangaje ko azashyira ahagaragara alubumu imwe mbere y’uko ava mu muziki.

Ati: “Mwishimire alubumu yanjye itaha ishobora kuba iya nyuma. Nateye hip-hop imyaka cumi n’ine yose, n’iyo utanyizera, ariko imibare ntizigera ibeshya”.

50 Cent avuga ko alubumu ateganya gushyira hanze izaba yitwa ‘Street King Immortal’.

Ayra Starr yari mu byamamare byitabiriye iserukiramuco rya muzika ryamaze iminsi ibiri, iri serukiramuco ryiswe ‘Afrochella’ rikaba ari ngarukamwaka.

Ibirori bisobanurwa ko ari ibyo kwizihiza imico itandukanye ya Afurika ndetse n’imirimo ikomeye y’ibikorwa by’abahanga ba Afurika ndetse na ba rwiyemezamirimo.

Kuri iyi nshuro hakozwe igitaramo cy’iminsi ibiri cyatangiye ku ya 28 Ukuboza kirangira ku ya 29 Ukuboza kibera Accra muri Ghana.

Iki gitaramo cyaririmbyemo abandi bahanzi nka Burna Boy, Stonebwoy, Asake, Fireboy DML, Kwesi Arthur, Gyakie, Fally Ipupa ndetse n’abandi bakomeye bishyuriwe kuririmba muri ibi birori.

Umuhanzikazi umaze kubaka izina rikomeye kumugabane wa Afurika, Ayra Starr, na we yari mu bahanzi baririmbye ku munsi wa mbere w’ibi birori.

Uyu muhanzikazi ariko mu gihe yarimo aririmba indirimbo yahuriyemo n’abahanzi babana mu nzu itunganya umuziki ya ‘Mavins’ yiswe ‘Won Da Mo’, Ayra Starr yaguye nabi kurubyiniro ariko ahita ahaguruka vuba.

Avuga kuri uku kugwa, Ayra yikomye abateguye iki gitaramo ko batasukuye urubyiniro mbere y’uko agerwaho.

Asobanura ko kugwa bibabaza kandi bitari ngombwa. Yanditse kurukuta rwe rwa Instagram ati “Afrochella ubutaha mwese mukwiye kujya musukura urubyiniro nyuma y’imikorere ya buri muhanzi, kuriya kugwa ntibyari bikenewe kandi birababaza cyane”.

Hagati aho, uyu mukobwa w’imyaka 20 amaze igihe kitari gito yamaganwa n’abatari bake bamushinja kwambara imyenda idakwiye mu birori ndetse no mu mashusho y’indirimbo ze.