Igishushanyo cya Monalisa

Mu bihangano yakoze, icyamenyekanye cyane ni icyo yakoze ahagana mu mwaka wa 1503 yise ‘Monalisa’ ubu giherereye i Louvre, i Paris mu Bufaransa.

Monalisa ni igihangano kimaze imyaka irenga magana atanu. Iyi shusho ni yo yabaye iya mbere igaragaza ubuhanga buhanitse, aho igaragaza umugore mwiza wicaye imbere y’ahantu umuhanzi yahimbiye kandi bigaragara ko ari ahantu nyaburanga.

Igitekerezo cyo gushushanya iyi shusho ya Monalisa, Leonardo Da Vinci, yagikuye ku mugore w’umuherwe wabayeho mu gihugu cy’u Butaliyani witwaga Francesco Del Giocondo. Uyu mugore we witiriwe Monalisa yitwaga Lisa Gherardini.

Bivugwa ko uyu mugore yari mwiza cyane kandi akanagira n’umutima mwiza, ibi ngo byaje gutuma umugabo we Francesco yigira inama yo kumushimira, ni ko gutumira Leonardo Da Vinci wari uzwi cyane mu gukora ibishushanyo kandi by’agatangaza, kugira ngo amukorere icy’akataraboneka kuko uyu muherwe yari afite ishyaka ryo gushimisha umugore we.

Igishushanyo cya Monalisa kibarirwa agaciro ka miliyoni 700 z’amadorali ya Amerika (arenga miliyari 700 z’amafaranga y’u Rwanda).

Izina Monalisa, Mona bisobanuye ‘Madam’ mu rurimi rw’Igitaliyani, cyangwa se ‘My Lady’ mu rurimi rw’icyongereza.

Iri zina Mona mbere ryari Madona maze bararihina baryita Mona, rikaba rifite inkomoko mu rurimi rw’Igitaliyani ndetse na Leonardo Da Vinci akaba Umutaliyani.

Iyi shusho ya Monalisa ubu ibitse mu nzu ndangamurage i Louvre, mu murwa mukuru Paris mu Bufaransa.

Mu mwaka wa 2014, hari inkuru yo mu kinyamakuru France24 yavugaga ko iyi shusho iramutse igurishijwe byagabanya imyenda igihugu cy’u Bufaransa cyari gifite, n’ubwo kugurisha iyi shusho ndetse n’ibindi bihangano bitari byemewe kubera itegeko rirengera umugore mu Bufaransa.

Uyu muraperi ntiyigeze yigaragaza nyuma y’urupfu rwa Takeoff rwabaye mu Gushyingo 2022, ariko yongeye kugaragara i St. Barts mu biruhuko.

Quavo yagaragaye ari mu birori hamwe na Diddy, French Montana, Fabolous, Yung Miami, Drake ndetse na Lil Baby.

Quavo yagaragaraga nk’uri mu mwuka mwiza, akikijwe n’inshuti ndetse anamwenyura ku maso ubwo yatangiraga umwaka wa 2023.

Diddy yasangije abamukurikira ku mbuga nkoranyambaga ifoto ya Quavo yamwenyuye, ari iruhande rwe na Meek Mill ubwo bari mu birwa bya Karayibe mu bwato bw’akataraboneka bwiswe ‘victorious’ bwa miliyoni 117 z’amadorali (arenga miliyari 117 z’amanyarwanda).

Igihe yari i St. Barts, Quavo yanahuye na mugenzi we Drake bakoranye indirimbo ‘Walk It Talk It’. Drake yashyize ahagaragara ifoto yerekana imyambarire ya Quavo, ndetse n’uburyo imisatsi ye yari iboshywe n’isaha y’agaciro gahambaye.

Ni ubwa mbere Quavo agaragara ku mugaragaro kuva Takeoff yashyingurwa. Ntiyigeze ashyira ikintu na kimwe ku mbuga nkoranyambaga ze kuva ku ya 12 Ugushyingo 2022, umunsi ukurikira ishyingurwa rya Takeoff.

Mu magambo yakoze benshi ku mutima, Quavo yagize ati “Biragoye cyane kukubwira ko ngukumbuye kuko buri gihe uhorana nanjye kandi byose twakoreraga hamwe.

Kuva tukiri abana wahoze iruhande rwanjye, igihe amaso yabo yabaga ategereje kureba intambwe dutera, ntabwo wigeze uhangana nanjye, twahoraga mu ikipe imwe”.

Hagati aho, Offset na we bahoranye mu itsinda rya ‘Migos’ yizihizaga umwaka mushya i Miami hamwe n’umugore we Cardi B.

Ibihe bitoroshye kuri Offset, wagaragaje ko yumva amerewe nabi kuva yabura mubyara we.

Ku rubuga rwe rwa twitter yanditse ati “Ntabwo byoroshye kumwenyura kuko ibyabaye bimpora mu mutwe”.