Umuhanzi Samlo yakoze ubukwe n’umukunzi we Mutesi Betty

Mu Ugushyingo 2023, nibwo Samlo wamamaye mu ndirimbo z’urukundo zirimo ‘ijana ku ijana’, ‘Sinzajya mu manza’, n’izindi zitandukanye, yatereye umukunzi we ivi amusaba kumubera umugore.

Kuwa Gatandatu nibwo umunsi wari utegerejwe n’inshuti ndetse n’imiryango y’aba bombi yateranye mu kubashyigikira muri uru rugendo rushya bari batangiye.

Umuhango wo gusaba no gukwa wabereye muri salle ya Impinga Village, mugihe gusezerana imbere y’Imana byabereye Niboye mu rusengero rwa UCC kwa Bishop Rwandamura.

Uyu muhango witabiriwe n’abantu batandukanye ndetse mu birori byo kwiyakira bamusaba gufata akanya akabaririmbira nk’umuhanz batahiye ubukwe, maze nawe ashimisha umugeni ndetse n’imbaga y’abari bateraniye aho.

Ni ubukwe bwagaragayemo abahanzi batandukanye harimo n’abagize Band asanzwe abarizwamo yitwa Imbonizarwo. Haje kubaho no guhabwa impano zitandukanye kugeza aho umwe mu bakunzi be yamugabiye inka zigera ku 10.

Uyu musore yatangiriye umuziki we i Gikondo, abifashijwemo n’inzu y’umuziki ya The Beam Beat Records ya Lazer Beat.

Yasezeraniye imbere y’Imana mu rusengero rwa UCC

Umunyarwenya Fred Omondi yitabye Imana

Fred Omondi ari mu bazamukiye cyane mu bikorwa by’urwenya bya Churchill Show, ari naho yarushijeho kumenyekana mbere y’uko atangira nawe gukora ibitaramo bye byo gusetsa. Mu minsi ishize yatangaje ko mukuru we Eric Omondi ariwe wamuteye imbaraga zo kwinjira mu bikorwa byo gutera urwenya.

Bamwe mu banyarwenya batandukanye, babajwe n’urupfu rw’uyu musore, aho uwitwa Terence yavuze ko Omondi yamufataga nk’umuvandimwe kuko bagitye basangira urubyiniro inshuro nyinshi kandi yagize uruhare mu kuzamura umwuga we.

Fred wari murumuna wa Eric Omondi bari basanzwe bahurira no ku rubyiniro rumwe mu bitaramo by’urwenya

Ati, "Ubwo ntari mfite aho njya yaranyakiriye, ampa umwanya kandi aranyishyura, twese hamwe twagiye dutangira ibitaramo byo gusetsa dukora mu matsinda".

Terence yatangaje atazibagirwa na rimwe ibihe byiza bagiranye mu bitaramo by’urwenya bagiye bategura mu bice bitandukanye muri Kenya kugeza ubwo bisanze basigaye batumirwa mu bitaramo bikomeye bya Churchill Show, ndetse n’ikiganiro cyabo cya mbere cy’urwenya cyatambukaga kuri televiziyo ya KTN.

Davido yashimiye abategura ibihembo bya Grammy Awards babizanye muri Afurika

Iki cyemezo cya Recording Academy isanzwe itegura ikanatanga ibihembo bya Grammy, Davido yavuze ko kigaragaza urwego umugabane wa Afurika ugezeho mu kugaragariza isi yose impano wifitemo binyuze muri muzika Nyafurika.

Davido yagize ati: "Nk’umuhanzi w’Umunyafurika, nshimishijwe no kuba Recording Academy, yagukiye muri Afurika no mu Burasirazuba bwo Hagati. Ni ukuzirikana impano zacu zikomeye ndetse n’uruhare rw’umuziki Nyafurika ku rwego rw’Isi."

Davido ni umwe mu bahanzi ba mbere b’Abanyafurika bashyizwe ku rutonde rw’abari bahataniye ibihembo bya Grammy nyuma y’uko ashyizwe mu byiciro bitatu birimo icya Best African Music Performance, Best Global Music Performance, and Best Global Album Performance, Ni ibihembo byatanzwe mu ntangiriro z’uyu mwaka. Gusa ntiyagize amahirwe yo kugira icyo yegukana.

Angelique Kidjo yavuze ko Afurika yiteguye kwakirana amaboko yombi iki gikorwa.

Umuhanzikazi Angelique Kidjo ukomoka muri Benin wegukanye ibihembo bitandukanye bya Grammy yavuze ko Recording Academy iri gushyira imbaraga zayo zo kugezaho abantu umuziki aho bari hose, kandi Afurika yiteguye kwakirana amaboko yombi iki gikorwa.

Yakomeje agira ati: "Turi umugabane w’umuziki kandi w’abakiri bato, bakora umuziki nk’impano banawukunze. Nishimiye kubona Recording Academy ryiyemeza ubufatanye na Nigeria, Kenya, u Rwanda na Afurika y’Epfo, kandi nta gushidikanya, n’ibindi bizaza!".

Iki cyemezo cya Recording Academy’ itegura ibihembo bya Grammy Awards cyakiriwe neza n’abafatanyabikorwa ndetse n’abakunzi ba muzika Nyafurika.

Skales yasubije Wizkd

Ubwo yari mu kiganiro na Hip TV, Skales yavuze ko iyi njyana itapfuye ahubwo ko urukundo rw’abafana bayo rwimukiye ahandi, yongeraho ko nta gahora gahanze.

Yagize ati “Umuntu wese agira igitekerezo cye. Wizkid afite igitekerezo cye ku buryo [’hip-hop yapfuye’] ni igitekerezo cye. Ariko kuri njye, ibitekerezo byanjye mu buzima ni uko buri kintu kigira igihe cyacyo."

Ati: “Ibintu byose bigira uko biza bikanagenda, kandi hanabaho uburyo gishobora kongera kwisubiramo, bivuze ko niba ushyushe uyu munsi, ejo ushobora kudashyuha. Uyu munsi, niba ari rap abantu bose bumva, ejo izaba Afrobeats, ejo hazaza Amapiano, nibindi."

Skales, yashimangiye ko hip-hop itapfuye ahubwo ko aho igihe kigeze atari icyayo kuko haje izindi njyana zikurura imitima y’abakunzi bayo. Ati "Nzi neza ko vuba aha, bazavuga ko Afrobeats yapfuye. Ni igihe gusa. Nta kintu na kimwe cyaremewe kubaho iteka. Niyo mpamvu natwe twese tugira umunsi dupfiraho."

Uwo mubatizo wabereye ku rusengero rwa Elayono Pentecost Blessing, mu muhango wo kubatiza Abakristo bashya barimo na Dj Drianne. Ni igikorwa cyayobowe na Rev Prophet Ernest Nyirindekwe.

DJ Brianne akimara kubatizwa, yavuze ko yumva yuzuye umunezero kandi akaba yishimiye cyane kuba ari butangire kujya afata igaburo ryera.

Yahishuye ko kubatizwa kwe byashimishije cyane umubyeyi we utari umufitiye icyizere ko biza gukunda akagera aho abatirizwa.

Nyina wa DJ Brianne yishimiye kuba umukobwa we abonye aho abarizwa mu bijyanye no gusenga.

DJ Brianne ari mu bakunze kugarukwaho cyane mu myidagaduro Nyarwanda.

Ku wa kabiri, uyu mugabo w’imyaka 41 y’amavuko nibwo yagiye ku rubuga rwe rwa Instagram maze asangiza abamukurikira amashusho yo gushimira Don Jazzy no kumutumira mu birori byo kwizihiza isabukuru yimyaka 20 amaze akora umuziki.

Yasobanuye ko imyaka 20 amaze akora umuziki yaranzwe n’ubuvandimwe, kumuba hafi bakishimana ndetse no kuba yaramuteye inkunga mu buryo bukomeye, aboneraho kumuha ubutumire bwo kwizihiza isabukuru y’iyo myaka.

D’banj yaranditse ati: "Urugendo rwanjye rw’imyaka 20 ntirushoboka utarugizemo uruhare @donjazzy!"

Yakomeje agira ati: "Mugihe twembi twizihiza imyaka 20 muri uru ruganda, nibutse ibintu bitabarika twibukiranya twembi n’intambwe twasangiye."

Don Jazzy na we yasubije ubwo butumwa agira ati: “Biracyagora kwizera ko hashize imyaka 20, muvandimwe. Urakoze kubwa byose. Imigisha myinshi. ”

Ibiro Ntaramakuru bya Nijeriya (NAN) bitangaza ko Don Jazzy, umwe mu batunganya umuziki muri Nigeriya akaba n’umuyobozi mukuru wa Mavin Records, mu 2004 aribwo yashinze inzu yafashaga abahanzi ya Mo’Hits Records ari kumwe na D’banj.

D’banj yari yatangaje ko gahunda ye yo kwizihiza imyaka 20 amaze mu muziki izabera ahitwa New Afrika Shrine i Lagos.

Patoranking yasoje amasomo ya Kaminuza muri Havard

Ku cyumweru, nibwo Patoranking yasangiye abamukurikira ku rubuga rwe rwa Instagram, ifoto ahagaze ku cyapa cy’ishuri ry’ubucuruzi rya Harvard.

Patoranking kandi yasangiye indi foto ari kumwe n’umwarimu muri iryo shuri, Anita Elberse afite icyemezo cya kaminuza kigaragaza ko yasoje amasomo.

Nubwo hatatangajwe icyiciro cya kaminuza uyu muhanzi arangije, gusa ni umwe mu bahanzi bakomeye muri Afurika bagiye bavanga umuziki n’amasomo asanzwe yo mu ishuri.

Si ibyo gusa kuko hari n’abagiye bahabwa impamyabumenyi z’ikirenga kubera ibikorwa byabo muri muzika, harimo nka Tiwa Savage, aho mu 2022, Kaminuza ya Kent, mu Bwongereza yamuhaye impamyabumenyi y’ikirenga y’icyubahiro muri muzika (PhD).

Stonebwoy yishimira igihembo cy’Umuhanzi w’umwaka

Ibihembo byabereye kuri Grand Arena, Centre International Conference Centre ndetse ni ku nshuro ya Gatatu Stonebwoy yari yegukanye icyo gihembo.

Ni ibirori byataramiwemo kandi n’abahanzi batandukanye barimo nka King Paluta, Efya Nokturnal, na Kuami Eugene cyayobowe na Chris Atoh na Naa Ashorkor.

Iki gitaramo cyabaye ku ya 1 Kamena 2024, mu bari bahataniye igihembo cy’Umuhanzi w’umwaka harimo Black Sherif, King Promise, Kuami Eugene, Nacee, Sarkodie, na Stonebwoy waje kucyegukana.

Icyiciro cy’abahanzi bashya cyo cyarimo Banzy Banero, DSL, King Paluta, Maya Blu, Olive the Boy ndetse na Oseikrom Sikani.

Umwaka ushize, Black Sherif niwe wari watsindiye igihembo cy’Umuhanzi w’umwaka ndetse yegukanamo n’ibindi bihembo bitatu.

Umuhanzi Camidoh niwe waje gutwara igihembo cy’Indirimbo y’Umwaka, King Promise yatwaye igihembo cya Album y’Umwaka yitwa "5 Star", Sarkodie yatwaye igihembo cy’Indirimbo nziza ya Hip Hop, yise "Otan", naho Piesie Esther yeguka icy’Indirimbo nziza y’Umwaka ya Gospel ndetse ahembwa nk’umuhanzi w’Umwaka muri Gospel.

Ubuzima bw’umuraperi Drake buri mu kaga

Iki gitero kibaye mu gihe uyu mugabo amaze iminsi mu ntambara y’amagambo n’umuraperi mugenzi we Kendrick Lamar. Aba baraperi bombi bari bamaze imyaka irenga icumi babanye neza ndetse bagakorana neza, ariko byagiye bihinduka kubera ibihembo buri umwe yagiye atwara akavuga amagambo yibasira mugenzi we agaragaza ko adashoboye.

Ibi byagiye bikurikirwa n’uko buri wese atangiye gusohora indirimbo zitandukanye zibasira mugenzi we, bikagera no ku muryango wa buri umwe.

Nyuma y’icyo gikorwa, Polisi yatangaje ko umuntu wari uri mu modoka ari we warashe ku rugo rwa Drake agakomeretsa uyu murinzi ndetse agahita acika, gusa ntibiramenyekana niba Drake yari mu rugo ubwo haraswaga ndetse niba ari nawe wari ugambiriwe kuraswa.

Uyu murinzi w’urugo rwa Drake nyuma yo kuraswa agakomereka mu uryo bukomeye, byumwihariko ku gikanu kuri ubu ari kwa muganga akaba ari kwitabwaho n’abaganga.

Ikinyamakuru CBS, mu rukerera rwo ku wa Kabiri, tariki 7 Gicurasi 2024, cyatangaje ko abapolisi bagose urugo rwa Drake ruri ku buso bwa meterokare ibihumbi 50 nyuma y’icyo gitero cyagabwe n’abari mu modoka bakarasa ku rugo rwa Drake.

Ukekwaho kuba yarateye akarasa mu rugo rwa Drake ntaramenyekana ariko abapolisi bakomeje gukora isuzuma ku mashusho ya kamera ziri hafi y’urugo rwe.

Fille Mutoni

Eddy Kenzo uheruka gutaramira mu Rwanda, yatangaje ko Fille Mutoni kuri ubu atameze neza kandi ko arimo kuvurwa kugira ngo akire neza.

Eddy Kenzo yatangaje ko amaze umwaka urenga yita kuri Fille muri federasiyo, ashimangira ko yiyemeje gushyigikira abahanzi bagenzi be.

Yavuze kandi ko Fille amaze amezi hafi abiri arwana n’indwara itatangajwe, kikaba ari ikibazo yahisemo kudatangazaho amakuru menshi kugeza ubu.

Yijeje abaturage ko Fille arimo kwitabwaho n’abaganga kandi agaragaza ko abizeye.

Iyi nkuru yatangajwe na Eddy Kenzo ku bibazo Fille Mutoni yagiye ahura na byo byerekana akamaro k’ubumwe n’inkunga ya Eddy Kenzo mu bikorwa bya muzika.

Fille Mutoni ni umuhanzikazi wo muri Uganda wagiye akorana indirimbo n’abahanzi batandukanye nka Radio na Weasel, Bruce Melodie n’abandi benshi.

Nubwo akenshi bitamenyerewe ko umukinnyi yakina akanaririmba, hari abakinnyi babikoze bigakunda mu gihe bamwe bitakunze neza ariko baragerageje gukora cyangwa kugana inzira ya muzika.

Aba ni bamwe mu bakinnyi bo muri siporo zitandukanye bagerageje gukina no gukora umuziki:

Julio Iglesias

Yakinnye umupira w’amaguru nk’umunyezamu wa Real Madrid Castilla, nyuma aza kuvamo umucuranzi. Ni byo, biragoye kwizera ko uyu mwami w’injyana z’urukundo yari mu izamu ry’ibitego. Uyu mukinnyi wari ukomeye yaje gukora impanuka biba ngombwa ko atongera gukina, gusa kubera impano yo kuririmba, yahisemo inzira nshya nk’umucuranzi.

Nyuma y’impanuka , yagize ati: “Numvaga ubuzima bwanjye bwarangiye, gusa nyuma naje gufata gitari maze nubaka iryo shyaka buhoro buhoro kandi nyuma byaje gukunda, kuko ubu namaze kuzenguruka Isi no kugera ku bantu no gutaramira ahantu hanini nko mu Bushinwa n’ahandi henshi."

Julio Iglesias yakoze indirimbo zakunzwe nka, Je n’ai pas changé, n’izindi.

Daniel Sturridge

Ari mu bakinnyi bitwaye neza muri shampiyona y’u Bwongereza igihe kinini ari rutahizamu mwiza.

iyo bigeze ku muziki, Daniel Sturridge ni umukunzi wa Hip-Hop, ibi byatumye anatangiza ku mugaragaro inzu ireberera inyungu z’abahanzi (Label) ye bwite, yise Dudley.

Hamwe n’itsinda rya Afro-Pop ryitwa The Wave, basohoye indirimbo yabo ya mbere muri 2018 yitwa Proposition.

Jesé Rodriguez

Umunya-Espagne wakiniye amakipe menshi nka Real Madrid, PSG, Stoke City yo mu Bwongereza ubu akaba akinira ikipe ya U.C. Sampdoria yo mu Butaliyani, na we ari mu bakinnyi bakina ruhago banakora akazi ko kuririmba.

Jesé Rodriguez yatangije itsinda ryitwa Duo Big Flow ryakoraga injyana ikunzwe ya Reggaeton ariko nyuma baza gutandukana ahitamo gukomeza wenyine. Yasohoye Alubumu ye ya mbere yise Otro Game muri 2019.

Indirimbo ya Rodriguez afatanyije na Big Flow ndetse na Ashela bise ’Baila Conmigo’ yarakunzwe cyane.

Memphis Depay

Uyu wanabaye Kapiteni w’ikipe ya Olympique Lyonnais yo mu Bufaransa, na we yaje kugana inzira yo gukora umuziki nubwo bitahise bikunda ako kanya ariko ubu abirimo neza kuko amaze gukora indirimbo nyinshi kandi nziza. Ubu MemphIs Depay akinira ikipe ya Atlético de Madrid yo muri Espagne. Zimwe mu ndirimbo ze ni nka These Days, Blessing n’izindi nyinshi.

Sergio Ramos

Usibye gukinira ikipe y’Igihugu cya Espagne, yakiniye amakipe akomeye nka Real Madrid anayifasha gutwara ibikombe byinshi. Kuri ubu uyu mugabo akinira ikipe ya Sevilla FC. Usibye gukina umupira, hari abantu batazi ko aririmba. Imwe mu ndirimbo ze ni Otra estrella en tu corazón ari kumwe na Demarco Flamenco.

Kenny Sol

Mbere y’uko atangira umuziki yari umukinnyi w’umupira w’amaguru aho yakinnye mu makipe nka Esperance FC, ananyura muri Kiyovu Sports. Iyo akomeza uyu mwuga byashobokaga kuba yarageze kure. Gusa yaje guhitamo inzira ya muzika ku buryo ubu ari mu bahanzi bahagaze neza. Kenny Sol yakoze indirimbo nka Say My Name, na One More Time ari kumwe na Harmonize.

Yannik Noah

Uwahoze ari umukinnyi wa Tennis akaba n’ikirangirire mu muziki, Umufaransa Yannick Noah, na we ari mu bakinnyi bahiriwe n’umuziki nyuma yo guhagarika gukina Tennis. Yannik Noah yakoze indirimbo nyinshi nka La vie c’est maintenant, Angela, Mon Eldorado ( du soleil) n’izindi.

Umuvugizi w’Urwego rw’iperereza mu gihugu (HSI), yavuze ko iki gikorwa cyakozwe ku nzu za P Diddy, ari mu rwego rw’iperereza rikomeje kumukorwaho.

Yagize ati "Iperereza ryakozwe na HSI ku mutekano mu gihugu, ryashyizwe mu bikorwa mu kubahiriza amategeko, rikaba rigikomeje ku birego P Diddy akurikiranyweho, tubifashijwemo na HSI ya Los Angeles n’iya Miami, ndetse n’abandi bafatanyabikorwa bacu bashinzwe kubahiriza amategeko. Tuzatanga andi makuru arambuye uko azagenda aboneka."

Ikinyamakuru ABC News, cyatangaje ko inzego z’umutekano zagitangarije ko ibikorwa byo gusaka imitungo y’umuraperi P Diddy, biri mu rwego rwo gukora iperereza ku icuruzwa ry’abantu.

Mu kwezi k’Ukuboza, nibwo umugore ukomoka muri Canada uzwi ku mazina ya Jane Doe yatanze ikirego ashinja P Diddy, avuga ko yafashwe ku ngufu asambanijwe ku gahato mu 2003 afite imyaka 17.

Ku ya 6 Ukuboza 2023, uyu mugabo ukomeje gushinjwa ibyaha byo gufata ku ngufu uko bukeye uko bwije, yahakanye ibyo aregwa avuga ko abakomeje kubimushinja bagamije kumukuraho indonke.

Yagize ati "Nta kintu na kimwe nigeze nkora kibi kuri ibyo bivugwa. Nzaharanira kurinda izina ryanjye, umuryango wanjye ndetse no kurwanira ukuri."

Ibirego bishinjwa Sean Combs byatangiye ku ya 16 Ugushyingo 2023, ubwo uwahoze ari umukunzi we, Cassandra ‘Cassie’ Ventura, yatangaga ikirego, amushinja icyaha cyo gucuruza abakobwa no kumusambanya ku gahato.

Benshi mu bahanzi bifashisha aba basore b’ibigango, usanga bahuriza ku kintu kimwe aho bavuga ko baba birinda umuntu uwo ari we wese wabasagarira cyangwa se bikaba byatuma abakunzi babo bashobora guteza umutekano muke bifuza kubakoraho no kubifotorezaho, bityo bagasanga umutekano wabo aho baba bari hose uba ukenewe.

Abasore bashinzwe umutekano w’ibyamamare bazwi ku izina rya ‘Bouncers’ ni bamwe mu bafasha abahanzi kwirinda ko abafana bashobora guteza umutekano muke cyangwa se ibindi bikorwa byabakorerwa haba mu bitaramo cyangwa ahandi hahurira abantu benshi.

Umwe mu bahanzi bagendana aba basore b’ibigango (Bouncers) waganiriye na Kigali Today, ariko ntiyifuze ko amazina ye atangazwa, yavuze ko umutekano wabo uba ari ngombwa kuko n’ibyo bakora uko byagenda kose biba bitishimirwa na bose, bityo rero bakaba bakeneye kurindwa.

Yagize ati: "Umutekano ni ngombwa cyane. Buri muhanzi cyangwa buri cyamamare gikeneye umutekano kuko ntabwo abantu bose bishimira ibyo dukora bityo rero tugomba kwirinda. Yewe niba n’umwana w’Imana Yezu atarishimiwe na bose urumva rero nanjye mba ngomba kuba niteguye."

Ni kenshi byagiye bigaragara mu bitaramo byinshi hirya no hino ku Isi aho wasangaga mu gihe umuhanzi ari ku rubyiniro hari bamwe mu batamwishimira bitewe n’amashyari usanga bafitanye, bakamutera amacupa y’amazi cyangwa ibindi bintu bishobora kumukomeretsa.

Uyu muhanzi yakomeje agira ati: "Kubera iyo mpamvu rero, iterabwoba ku muhanzi ni ikintu kigari kuruta iry’umuntu usanzwe."

Usibye abahanzi, mu bindi bihugu hari aho usanga n’abashumba b’amatorero akomeye baba bafite ababacungira umutekano (Bouncers).

Uwitwa Idrisaa Bouncer, yagize ati: "Ni iby’ingenzi cyane nubwo atari ibyamamare gusa, hari n’abantu b’abakire ducungira umutekano mu gihe basohotse, cyangwa mu gihe bagiye ahantu bari buhurire n’abantu benshi. Ariko ahanini ni ibyamamare kuko ni bo abantu bashungera cyane."

Umuhanzi Gabiro Guitar, we yavuze ko nanone usanga hari aho bitari gombwa kugendana aba Bouncers ahantu hose, nko muri siporo (Gym).

Akomeza avuga ko no guhemba aba basore b’ibigango muri iyi minsi usanga bihenze, Gabiro akavuga ko abifashisha iyo afite ibitaramo mu rwego rwo kumurindira umutekano. Ati: "Rero njyewe ngendana nka batatu mu gihe nagiye mu gitaramo cyangwa ahantu nzi neza ko ndi buhure n’abantu benshi bikaba byateza umutekano muke."

Umuhanzikazi Alyn Sano, we yagize ati: "Urabizi ko turirimbira ahantu hatandukanye, urugero muri hoteli, mu tubari, mu ma sitade n’ahandi henshi. Ubwo rero ugomba kugira abantu bagukikije kugira ngo bakurinde kuko utazi uwakugirira nabi."

Bouncer Shaffy, uzwi cyane mu gucungira umutekano abahanzi bakora injyana ya HipHop, yavuze ko hari igihe umuhanzi aba ari ku rubyiniro, ugasanga abafana batangiye imvururu hagati yabo, ati: "Urumva rero icyo gihe umuhanzi aba agomba kugira abamucungira umutekano (Bouncers) ntihagire ikintu kibi cyose cyamubaho."

Gusa nubwo abahanzi cyangwa abandi bantu batandukanye bitewe n’abo bari bo, usanga bakoresha aba basore, kimwe mu byo bitondera harimo no kuba ibyo bakora byo kurinda umutekano bakwiye kuba ari abanyamwuga koko.

Shaffy akomeza agira ati: "Kuko akenshi usanga aho abahanzi basohokeye cyangwa bagiye kuririmbira nko mu tubari haba hari abanyoye ku bisindisha bishobora gutuma hari abateza umutekano muke bikaba byavamo n’urugomo ku buryo bouncer atabyitwayemo neza bishobora kuba bibi. Bisaba no kuba turi abanyamwuga."

Ushobora kwibaza amafaranga aba basore b’ibigango bacunga umutekano w’abahanzi bahembwa. Uwo bakunze kwita Rick Ross Bouncer, yavuze ko biterwa n’amasaha baba bari bumarane n’abo bari gucungira umutekano ariko bikanaterwa n’ubushobozi afite.

Ati: "Gusa nanone biterwa n’ubushobozi bw’uwo uri gucungira umuteno, urugero kuko akenshi dukora nijoro usanga amafaranga aba ari hagati y’ibihumbi 80Frw cyangwa 150Frw, gusa hari n’abahembwa ibihumbi 200 gutyo. Kuko urugero iyo haje nk’umuhanzi w’umunyamahanga, urumva icyo gihe amafaranga arikuba."

Usibye ibyamamare, umuntu usanzwe wifitiye ubushobozi bwo guhemba aba basore, na we akeneye kurindwa byihariye, ashobora kubaha akazi bakamucungira umutekano.

Mu Rwanda mu myaka ishize, abahanzi nka Kamichi, Uncle Austin, Mico The Best, na Senderi, buri wese yagiye yiyita umwami wa Afrobeats mu Rwanda, gusa buri wese usanga agira abantu bamukunda ndetse buri wese akagira abafana be.

Hashize iminsi mike umuhanzi wo muri Nigeria, Davido na we yumvikanye yitaka ndetse biteza imvururu mu bahanzi.

Wizkid (ufite indangururamajwi) yabwiye Davido ko iyo atagira umuryango ukize yavukiyemo nta wari kumumenya

Davido ukunzwe n’abatari bake, yavuze ko ari we muyobozi w’injyana ya Afrobeats, ubwo yari mu kiganiro kuri Billboard.

Ibi byateje urunturuntu hagati y’abahanzi bagenzi be ndetse n’abafana ubwabo, aho bamusabye kutishyira hejuru kuko atari we wa mbere ndetse akaba atari n’uwa nyuma ukoze iyi njyana.

Wizkid, umwe mu bakora iyi njyana, ndetse akaba na we yubashywe cyane, mu gusubiza Davido yamwibukije ko iyo atagira umuryango ukize yavukiyemo, nta muntu n’umwe wari kuba amuzi.

Ubwo yari mu kiganiro kuri Radio yo muri Nigeria yitwa 96.9 Cool FM, WizKid yagize ati: “Injyana iyo ari yo yose ntigira nyirayo, ahubwo habaho kugira amahirwe n’igihe cyawe cyo kwaka.”

Akenshi iyo umuhanzi akoze ibisa nk’ibyo Davido yakoze muri muzika, cyangwa se yavuze ikintu cyatuma Isi yose imuvugaho, aba ari guteguza igitaramo agiye gukora, cyangwa Alubumu nshya agiye gusohora.

Igisibo ni ukwigomwa kurya, kunywa, imibonano mpuzabitsina ku bashakanye n’ibindi bibujijwe uwasibye, kuva umuseke utambitse kugeza izuba rirenze, uwasibye akarushaho kwiyegereza Imana.

Igisibo kimenyereza umuntu uburyo bwo kurinda umutima no kureka ibibi byawo, kikanawutoza kwirengera inshingano no kwihangana mu gihe cy’ibibazo.

Igisibo gituma umuyislamu abasha kwiyumvamo ububabare buri kuri mugenzi we ushonje, ibyo bigatuma arushaho gutanga no kugirira neza abakene n’abatindi, bityo bigatuma habaho urukundo n’ubuvandimwe hagati y’abakire n’abakene. Igisibo cyeza umutima, kikawusukura kiwukura mu bikorwa bidahwitse.

Kimwe n’ahandi henshi ku Isi, Abayisilamu bo mu Rwanda bari mu gisibo, bamwe muri bo ni abahanzi, abanyamakuru, abakinnyi b’umupira n’abandi.

Hari ubutumwa bamwe mu byamamare byo mu Rwanda b’Abayislamu, batangaje muri iki gihe cy’igisibo cya Ramadhan.

Nuru Fasasi [Diplomat]:

“Ubutumwa nagenera Abanyarwanda muri rusange muri iki gihe cy’igisibo cya Ramadhan ni ubwo kubibutsa ko mu myemerere yacu itandukanye turi Abanyarwanda, turi abavandimwe kandi turi umwe, bityo rero dukomeze dusigasire ubwo bumwe bwo pfundo ry’amahoro n’iterambere ry’Igihugu cyacu. Kuri bagenzi banjye b’Abayislamu ubutumwa nabagenera ni uko Islam bisobanura amahoro, bityo dukomeze tube abanyamahoro, turangwe n’amahoro n’ituze. Abanduza idini ya Islam bakayitwaza mu bugizi bwa nabi hirya no hino ku Isi ndetse no mu Karere ntibigeze baruhuka. Ntidukwiye kubahishira, kubaha urwaho, kubashyigikira cyangwa kwifatanya na bo, ndetse kirazira kurangwa n’imyitwarire iyo ari yo yose y’ubuhezanguni. Ndabifuriza igisibo cyiza mbasabira ko Imana yazakira igisibo cyabo ndetse ikuzuza ukwifuza kwabo ikazabibahembera ku Isi no ku munsi wa nyuma.”

Nshimiyimana Fikiri [Ziggy55]:

“Igisibo ni igihe cyo kwisuzuma, kubabarirana hagati yacu, no gusaba imbabazi Allah aho twamukoshereje kandi tugafata umugambi wo kutazasubira. Ni igihe kimara iminsi mike cyane (30 gusa), Allah aduhe imbaraga zo kuyibyaza umusaruro, kandi iki gisibo kizatubere icy’imigisha kuri twese.”

Tidjara Kabendera:

“Iki gisibo kizabasigire imitima itunganye yo kuba abantu buje ubumuntu kuko ni cyo Imana idushakaho mu buzima bwacu bwa buri munsi.”

Nshimiyimana Muhamed [Nizzo Kaboss]:

“Ntabwo kumenya Imana, ari mu kwezi kwa Ramadhan gusa oya, kumenya Imana ni buri gihe, kuko biranagufasha nawe ubwawe kugira discipline muri rusange kuko akenshi tuzi ko Imana ari nziza. Rero byakabaye byiza tumenye Imana yacu buri gihe, ikindi tugakunda Igihugu cyacu nk’Abanyarwanda, byagera ku bahanzi, abakinnyi ba Filime, n’abandi bose, twese dushyire hamwe dukundane. Njyewe ndabifuriza amahoro n’imigisha, si Abayisilamu gusa, Igihugu muri rusange, Afurika n’Isi yose.”

Luckman Nzeyimana:

“Abanyarwanda ndabifuriza ko twese dukomeza gushyira hamwe tugakomeza kubaka Igihugu cyacu. Ubutumwa nagenera Abayislamu bari mu gisibo, twibuke gusenga cyane muri uku kwezi, twibuke gusabira Igihugu n’Abanyarwanda Imana ikomeze iduhe ubumwe; Igisibo cyiza kuba İslam bose.”

Khalfan Govinda:

“Njyewe Khalfan Govinda, nifurije igisibo cyiza Aba Islam bagenzi banjye. Nyabona ukwezi kumwe mu mezi cumi n’abiri, gufata ukwezi kumwe ukiyegereza Imana, tukayitura ibitubabaje, tukayiha umutima wacu, ikawuturamo ni ikintu cyiza. Mbifurije amahoro y’Imana aho muri hose mbibutsa ko tugomba gukoresha imbuga nkoranyambaga neza muri iki gihe cy’igisibo kuko ziri mu bintu bimwe bigusha abantu mu buryo bwinshi. Tumenye ibyo kureba n’ibitarebwa. Iki ni igihe cyiza cyo guha Imana karibu mu mitima yacu natwe tukegerana na yo tuyereka ibitubabaje, kuko Isi aho iri kugana si heza cyane. Amahoro y’Imana abane namwe ndabakunda cyane.”

Bamwe mu bahanzi b’abakobwa bemeza ko mu Rwanda hatangwa ruswa y’igitsina mu muziki, haba ku banyamakuru, ku batunganya indirimbo, abategura ibitaramo, abatanga amasoko, abajyanama b’abahanzi n’abandi bafite aho bahurira na byo.

Aba bahanzikazi bashimangira ko ibi bikidindiza umuziki Nyarwanda cyane bigasubiza inyuma abafite impano banga gutanga iyi ruswa.

Umwe muri bo utifuje ko amazina ye atangazwa, yatanze urugero atunga agatoki abanyamakuru agira ati “Ntibyoroshye kuba natera imbere mu gihe njyana indirimbo kuri radiyo bamwe mu banyamakuru bakambwira ko hari icyo tugomba kubanza kumvikana kugira ngo indirimbo yanjye bayicurange, nabaza icyo ari cyo akambwira ko ari ukumushimisha, biragoye kuba natera imbere.”

Undi na we yamwunganiye agira ati “Hari ubwo ujyana indirimbo kuri Radio umunyamakuru agahita agusaba ko wazamusura cyangwa mwazasohokana nyamara atarakina n’indirimbo yawe ashaka ko muryamana, bica intege bikagusaba gutegereza ikindi gihe kugira ngo ukore umuziki”.

Bamwe mu bahanzi b’abakobwa bagiye bahura n’ingaruka za ruswa y’igitsina bagatwara inda zitateganyijwe; aha hakaba hari na zimwe mu ngero zifatika z’abazwi, bityo bamwe bikarangira bacitse intege zo kongera gukora umuziki, abandi na bo baretse umuziki burundu kandi barawukundaga.

Uretse iyi ruswa, bamwe mu bakobwa bemeza ko n’imiterere y’umuziki mu Rwanda hari uburyo idindiza impano z’abakobwa baba bifuza kuwujyamo kuko akenshi usanga bigoranye kugira ngo ubone umuntu ukwizera ngo agufashe mu rugendo rwawe rwa muzika

Mu bihe bitandukanye, abakobwa bagiye batangaza ko hari imbogamizi nyinshi bahura na zo mu muziki zikabadindiza, bagereranyije n’izo abahungu bahura na zo.

Ikindi mu byo bagiye batangaza bibaca intege, harimo kwakwa amafaranga n’abanyamakuru ngo bakunde babateze imbere bakine indirimbo zabo, kandi mu by’ukuri iyo barimo gutangira igishoro kiba kikiri gito.

Hari ingero nyinshi z’abahanzikazi bagaragazaga ko bashoboye ariko baje kubyara bataranashaka ugasanga impano yabo n’urukundo rwabo mu muziki bikomwe mu nkokora.

Ku rundi ruhande, umuco nyarwanda wo hambere watumaga abakobwa bataboneka ari benshi mu muziki ndetse ntibanisanzure muri ibyo bikorwa by’umuziki, dore ko akenshi biba bisaba kugenda hirya no hino no kurara amajoro batarama cyangwa bakora indirimbo. Icyakora kuri ubu ibi ntibikiri ikibazo cyane kuko benshi usanga bararenze izo mbogamizi, kuko usibye n’umuziki, hari n’indi mirimo yakorwaga n’abahungu gusa kuri ubu ikorwa n’abakobwa.

Theo Bosebabireba

Muri iyi minsi uburyo abahanzi nyarwanda bari gukora umuziki bitandukanye no mu bihe byashize, aho usanga kugeza ibikorwa byabo ku rwego mpuzamahanga bitakiri mu magambo gusa nk’uko wasangaga benshi babivuga ariko ibikorwa bikabura.

Ibyo bijyana no kuba bashyira imbere gukora indirimbo nziza mu buryo bw’amajwi n’amashusho ndetse bakabikorerwa rimwe na rimwe n’ababizobereyemo bo mu bindi bihugu. Si ibyo gusa kuko banahinduye umuvuno wo gukorana n’abandi bahanzi bo mu bihugu bituranye n’u Rwanda no hanze yabyo.

Ibi byose ni bimwe mu bikomeje gutuma umuziki nyarwanda ukomeje gukundwa mu bihugu by’ibituranyi ndetse uyu munsi ntawabura kuvuga ko hari ibihugu birimo Uganda n’u Burundi byahoze biri imbere y’u Rwanda, ariko uyu munsi u Rwanda rusa n’urwabyigaranzuye mu muziki.

Ni muri urwo rwego mu kumenya uko muzika nyarwanda ihagaze mu Karere by’umwihariko mu gihugu cya Uganda, KT Radio yaganiriye na Jo Promoter akaba umwe mu bakurikirana bya hafi umuziki nyarwanda, akaba anategura ibitaramo bikunze gutumira abahanzi bo mu Rwanda bajya gutaramira mu tubyiniro dutandukanye.

DJ Jo Promoter ukorera muri Uganda

Jo Promoter, yakoze urutonde rw’abahanzi bakunzwe mu gihugu cya Uganda bitewe n’ibikorwa bya muzika yabo uburyo ikunzwe ku buryo usanga indirimbo zabo zicurangwa mu bitangazamakuru byo muri icyo gihugu.

Abo bahanzi 10, bayobowe na Mugisha Benjamin uzwi nka The Ben, barimo kandi Ngabo Medard cyangwa se Meddy, uyu akaba amaze iminsi atangaje ko agiye kwibanda ku muziki wo kuramya Imana. Harimo kandi Bruce Melodie umaze kwigarurira imitima y’abakunzi ba muzika mu Karere no muri Afurika muri rusange.

Uru rutonde kandi ruriho Producer cyangwa se utunganya indirimbo mu buryo bw’amajwi, Mugisha Robinson uzwi nka Element Eleeeh wamaze gufatanya gutunganya indirimbo no kuririmba, ndetse indirimbo 2 amaze gushyira hanze zikaba zarazamuye izina rye ku rwego mpuzamahanga. Hari kandi umuhanzi Afrique umaze kujya gukorera ibitaramo bitandukanye muri Uganda ndetse akaba yaranahuriye ku rubyiniro n’abahanzi bakomeye muri Uganda nka Jose Chameleone.

Rusanganwa Norbert wamamaye nka Kenny Sol, na we ni undi muhanzi nyarwanda ukunzwe muri Uganda. Umuhanzi Kwizera Bosco uzwi mu muziki nka Juno Kizigenza nyuma y’imyaka mike yinjiye mu muziki, akigarurira abakunzi ba muzika mu Rwanda, izina rye ryarenze n’imbibi, na we akaba ari mu bakunzwe muri Uganda.

Theo Bosebabireba, umuhanzi w’indirimbo ziramya Imana, ni izina abantu bashobora gutangarira baramutse bumvise ko na we ari mu bahanzi bakunzwe muri Uganda, ariko Jo Promoter yavuze ko nubwo mu Rwanda, atakiri Theo Bosebabireba wa mbere, ariko ari mu bahanzi nyarwanda banditse amateka, bakunzwe mu baturage ba Uganda.

Kuri uru rutonde kandi hiyongeraho Umuhanzi Ruhumuriza James cyangwa se King James ndetse na Muneza Christopher nka bamwe mu bahanzi bamaze igihe muri muzika nyarwanda.

Ku kijyanye no kuba abahanzikazi bo mu Rwanda batagaragara mu bakunzwe muri Uganda, Jo Promoter yavuze ko bataragera ku rwego nk’urwo bagenzi babo b’abahungu bariho ndetse n’iyo babacuranze usanga bikorwa n’aba DJ b’Abanyarwanda bakorera muri Uganda.

Yagize ati: "Si cyane rwose mvugishije ukuri cyeretse hari aba DJs b’Abanyarwanda nkatwe ducuraga tugashyiramo indirimbo za Bwiza, Marina, Butera Knowless, Charly na Nina ndetse na Alyn Sano ya ndirimbo yakoranye na Fik Fameica."

Yongeyeho ko abahanzi batagomba kwirara bakajya bagira igihe bagatemberera mu bihugu bitandukanye ku buryo bamenya uko ikibuga mu ruhando rw’imyidagaduro kiba cyifashe, kuko bizatuma bamenyana n’abantu batandukanye babarizwa muri iyo myidagaduro bakaba babafasha muri gahunda zabo za muzika.

Mu bandi bahanzi nyarwanda bakunzwe muri Uganda harimo:

The Ben

Afrique

Meddy

King James

Kenny Sol

Juno Kizigenza

Christopher

Bruce Melodie

Element Eleéeh

Abakobwa bayobotse umwuga wo kuvanga imiziki bakomeje kwiyongera ndetse no kugaragaza ubuhanga ku buryo hari abo bimaze guhira, banatumirwa mu bihugu bitandukanye.

Bamwe mu bamaze kwigarurira imitima ya benshi barimo nka DJ Brianne, DJ Higa and DJ Rusam, aba bakaba ari abakobwa bakora ari babiri, DJ Rugamba, DJ Douce, DJ Fabiola, DJ Ira, DJ Sonia, DJ Makeda, DJ Anita Pendo, DJ Tatiana n’abandi bakiri bato bagenda bazamuka gahoro gahoro.

DJ Anita Pendo na DJ Fabiola

Aba usanga bacurangira henshi mu tubyiniro dutandukanye, mu mahoteli no mu nama zikomeye ku buryo hari abamaze kubaka izina ndetse no gutera imbere babikesha kuvanga imiziki.

Ariko nubwo babikora, bamwe mu baganiriye na Kigali Today bavuga ko bagihura n’imbogamizi ku buryo bamwe batekereza kubivamo.

Zimwe mu mbogamizi bahura na zo muri uyu mwuga

Hari abagaragaza ko DJ w’umukobwa atarahabwa agaciro akwiriye, ku buryo rimwe na rimwe usanga ahabwa umwanya muto wo gucuranga, mu gihe aho yacurangiye hari bagenzi be b’abahungu bahabwa umwanya munini.

DJ Tatiana

Umwe muri bo yagize ati: "Kuko akenshi twe ducuranga kare nta bantu benshi baraza aho twakoreye. Bityo rero bituma kumenyekana bigorana mu ruganda rwiganjemo hafi 99% by’abakora uyu mwuga usanga ari abagabo."

Mu zindi mbogamizi bahura na zo harimo kutubahwa ndetse n’umushahara muto ugereranije n’uhabwa abagabo bakora umwuga umwe, kumara umwanya munini batari mu miryango yabo, no kuba nk’abakobwa bakora uyu mwuga batagira ihuriro rigamije kubafasha no kungurana ibitekerezo.

Umwe muri bo ati "Twese twagakwiye gufashanya muri aka kazi ku buryo mugenzi wawe mu gihe afite ahantu ari bukorere, ushobora no kumufasha kugira ngo abone abantu benshi bityo twese tuzagere igihe batwubahe."

DJ Higa na DJ Rusam

Uwitwa DJ Yoghurt, umwe mu bari kuzamuka muri uyu mwuga, asanga bakwiye kurangwa n’ubufatanye hagati yabo. Yagize ati: “Ereka urukundo mugenzi wawe. Ntukagirire mugenzi wawe ishyari ahubwo twese twakabaye dushyigikirana ku buryo twese twagera ku ntego zacu."

Indi mbogamizi benshi bagarutseho, ni ukutabona ibiraka bihagije nka bagenzi babo b’abahungu. Kubera icyizere gike bagirirwa n’abategura ibitaramo, cyangwa ba nyiri utubari, bigatuma benshi bacika intege.

Mu mbogamizi bahura na zo kandi harimo no kuba ibikoresho bikiri bike ndetse no kuba kubibona bisaba ubushobozi bwinshi ndetse banagerageza kubitira cyangwa kubikodesha bagenzi babo b’abahungu ugasanga bashaka kubafatirana bakabaca amafaranga menshi badafite cyangwa bakabasaba kuryamana na bo.

DJ Ira

Imbogamizi bagaragaza muri rusange ni nyinshi, kuko atari mu Rwanda gusa usanga ibibazo abakobwa cyangwa abagore bakora uyu mwuga bahura na byo, bigatuma abenshi mu bakora uyu mwuga batawukora kinyamwuga.

Bamwe uzasanga bawukora nko kwishimisha, abandi bakawukora kubera inshuti ye yawukoze n’izindi mpamvu nyinshi.

DJ Rugamba

Gusa nanone aba bakobwa bavuga ko kuba bamaze kuba benshi muri uyu mwuga, hakenewe ubukangurambaga bwabafasha kumenyekana cyane ku buryo na bo bafatwa kimwe nka basaza babo, bikazatuma uyu mwuga urushaho gutera imbere mu buryo bwiza.

DJ Sonia

DJ Brianne

DJ Douce

DJ Cyusa

Umuhanzi Joeboy yatangije ibikorwa bifasha abandi bahanzi

Uyu muhanzi kandi nyuma yo gutangaza ko ashinze inzu ye izajya ifasha abahanzi mu bikorwa byo kubazamurira impano, yavuze ko yahise asinyana amasezerano y’imikoranire n’imwe mu nzu zikomeye zitunganya umuziki zikanareberera inyungu z’abahanzi ku isi, ya Warner Music.

Joeyboy yatangaje ko amasezerano yasinyanye na Warner Music, azatuma ibikorwa bye ndetse n’iby’abahanzi azaba afasha bibasha kugera kure ku rwego mpuzamahanga.

Umuhanzi Joeboy atandukanye na Empawa Music ya Mr Eazi nyuma y’imyaka itanu akorana na yo ndetse imufasha mu bikorwa bitandukanye bya muzika. Ni na ho yakoreye indirimbo ye ya mbere yakunzwe cyane yitwa "Baby".

Reba video y’indirimbo ‘Baby’ ya Joeboy

Uyu munsi kandi urangwa n’ibitaramo ndetse n’ibirori bitandukanye, aho abahanzi bakunzwe akenshi usanga bafite akazi ko gushimisha abakunzi babo ku munsi wa Saint Valentin.

Nubwo abahanzi usanga bafasha abandi bantu mu kwizihiza uwo munsi w’abakundana, na bo bagaragaza ko batiyibagirwa. Ni yo mpamvu twaganiriye na bamwe muri bo bavuga uko bafata uwo munsi ndetse n’uko bawizihiza.

Umuhanzi Gabiro Guitar (wambaye indorerwamo) yarakunzwe cyane mu ndirimbo "Igikwe"

Umuhanzi Gabiro Guitar, wakunzwe mu ndirimbo "Igikwe" yavuze ko uyu munsi awufata nk’ukomeye kuko wizihizwa ku Isi yose, ariko ngo kuri we ibikorwa bye bya buri munsi byo gukora umuziki birakomeza, ati "N’ubu tuvugana nibereye muri studio nkora ku ndirimbo yanjye ngomba gusohora mu minsi ya vuba. Gusa ku bandi mbifurije kugira ibihe byiza n’abo bakunda."

Alyn Sano

Umuhanzikazi Alyn Sano, unafite indirimbo nyinshi z’urukundo, we avuga ko Saint Valentin ubundi ari umunsi abantu bagaragarizanya ko bakundana. Ati: “gusa njyewe kuri uyu munsi ndaba ndi gufasha abakundana kuwizihiza neza kuko mfite ibitaramo ngomba kuririmbamo. Gusa nanjye ngomba gusangira n’umuryango wanjye kuko kuri njye ni bo bantu nkunda cyane kurusha ibindi bintu byose ku isi."

Butera Knowless na Ishimwe Clement

Butera Knowless we yagize ati: "Urukundo ni rwogere. Buriya uyu munsi uba rimwe mu mwaka, ariko iyo ukunda umuntu uba ugomba kumukunda buri bunsi, bivuze ngo Saint Valentin igomba kuba buri munsi ku bantu bakundana bya nyabyo."

Abajijwe impano yageneye umugabo we Ishimwe Clement yagize ati: “Buriya iby’abantu bakundana ni ibanga. Gusa ndamuha impano iri bumushimishe."

Aline Gahongayire

Umuhanzikazi Aline Gahongayire uririmba injyana zo kuramya no guhimbaza Imana, yatanze impanuro kuri uyu munsi w’abakundanye, avuga ko Umunsi nk’uyu uberamo ibyiza ku bantu bakundana, nubwo usanga bitagera kuri bose bitewe n’uko hari n’abasigarana ibibazo.

Ati: "akenshi usanga abantu birekura cyane kuri uyu munsi rimwe na rimwe bagashukishwa izo mpano bahabwa bakabakoresha mu nyungu zitandukanye harimo imibonano mpuzabitsina n’ibindi byinshi byatuma bicuza nyuma. Mbifurije kugira umunsi mwiza w’abakundana."

Producer Bob Pro, wamenyekanye mu gutunganya indirimbo z’abahanzi mu Rwanda, yavuze ko we uyu munsi awufata nk’igihe cyo gusubiza amaso inyuma ugatekereza aho wowe n’umukunzi wawe mwavuye, ugafata umwanya wo kumushimira, umuha impano. Ati: "Ibi rero bituma urukundo rwanyu rukomera."

Producer Bob Pro

Umuraperi Fireman, yavuze ko iyo bigeze kuri bo nk’abantu bakora injyana ya Hip Hop, benshi batekereza ko nta rukundo bagira, nyamara kandi ahubwo usanga ari bo banafite ingo zibanye neza.

Ati: "Iyo bigeze ku baraperi batekereza ko tutagira urukundo nyamara ariko nitwe ahubwo twubaka ingo neza. Njyewe uyu munsi ni ugushimira mama w’umwana wanjye, nkamuha agaciro akwiye nk’umukunzi wanjye kuko na we arabikora."

Fireman yanatangaje ko vuba abakunzi be muri muzika, bari bamaze igihe batamubona ari kubategurira indirimbo nshya agiye gushyira hanze vuba.

Fireman uri kumwe n’umugore we, Kabera Charlotte, yemeza ko Abaraperi na bo bagira urukundo

Ubundi amateka y’umunsi wa Saint Valentin, agaragaza ko wakomotse ku mupadiri w’Umuromani witwa Valentin wabayeho ku gihe cy’umwami w’abami Claudius II ahagana mu myaka ya 269 na 273 mbere y’ivuka rya Yezu Kristu

Uyu mwami Claudius II (Claude Le Cruel), ubwo Roma yari mu ntambara, yaje gufata icyemezo ko nta musirikari uzongera gushaka. Hagati aho ariko Valentin we yakomeje gusezeranya rwihishwa abakundanaga, harimo n’abasore b’abasirikare.

Byaje kumenyekana ibukuru n’uko arafungwa, ku munsi wo kunyongwa kwe ubwo hari tariki 14 Gashyantare yoherereza umukobwa wari ufite se wacungaga gereza yari afungiwemo agapapuro kanditseho ngo “biturutse kuri Valentin wawe”.

Bivugwa ko uwo mukobwa Valentin yamwiyunvagamo. Ni uko Valentin yagizwe umurinzi w’abakundana (le patron des amoureux). Uyu munsi kandi ukaba uhurirana n’umunsi Kiliziya Gatolika izirikana ku buzima bwa Mutagatifu Valentin.

Yvanny Mpano

Usibye kuba ari umuhanga mu miririmbire, Yvanny Mpano azwiho n’ubuhanga mu myandikire, dore ko yagiye agira uruhare mu kwandika indirimbo z’abahanzi batandukanye.

Yvanny Mpano wakoze indirimbo zakunzwe zirimo "Amateka", "Ndabigukundira", "Nyuma yawe" n’izindi, yagarutse ku mpamvu zituma abakunzi be batamubona uko bikwiye, avuga ko biterwa n’ubushobozi kuko umuziki uyu munsi kuwukora bihenze.

Uyu muhanzi yabigarutseho ubwo yari mu kiganiro Dunda Show kuri KT Radio, nyuma y’uko abakunzi be bamubazaga impamvu yari amaze igihe adashyira hanze indirimbo nyamara badashidikanya ku buhanga bwe.

Yasubije agira ati: "Urabizi gukora umuziki birahenda cyane, gusa nari narabonye abantu dukorana, harimo n’umu diaspora wakunze impano yanjye yiyemeza kumfasha mu buryo bushoboka, ariko kubera inda nini za bamwe mu bo yanyuzagaho amafaranga kugira ngo dukore ibikorwa byinshi, ayo mafaranga ntiyangeragaho yuzuye."

Yvanny yavuze ko ibyo byatumye afata icyemezo cyo kuba ahagaritse gukorana na bo bituma amara igihe adakora umuziki nk’uko yabyifuzaga ariko atangaza ko abakunzi be bagiye kongera kumwumva kuko ibintu byongeye kumera neza.

Uyu muhanzi uvuga ko abakunzi be bagomba kumwitegura, arabihera ku ndirimbo nshya yise "C’est la Vie" aherutse gushyira hanze afatanyije na Social Mula.

Yagize ati: "Ubu natangiranye umwaka n’indirimbo yanjye nshya yitwa "C’est La Vie" nakoranye n’umuhanzi mugenzi wanjye Social Mula. Iyi ndirimbo yakozwe na Producer Element naho amashusho afatwa na Musa Ewana."

Yvanny Mpano yanagarutse ku bahanzi benshi bafite ibibazo nk’ibyo yanyuzemo byo gukorana n’umuntu uri kure, by’umwihariko ku bantu baba muri Diaspora bakunda umuziki w’abahanzi Nyarwanda bakiyemeza kubafasha ariko bikarangira hajemo kidobya hagati yabo.

Ati: "Kuko akenshi usanga hari uwabahuje n’uwo mu diaspora ku buryo ari na we anyuzaho amafaranga yo kugufasha mu bihangano byawe ariko bikarangira ayakoresheje ibye."

Yakomeje agira ati: "Kugeza ubu ni njye uvugana na we, ubu nta wundi muntu uri hagati yanjye na we, ubwo urumva ko ngiye guha abakunzi banjye indirimbo nyinshi uyu mwaka."

Umuhanzi Social Mula wakoranye na Yvanny Mpano

Yavuze ko nyuma y’indirimbo ye nshya yise "C’est la Vie" yakoranye na Social Mula, hari n’izindi nyinshi abantu bagiye kumva muri uyu mwaka, byanashoboka akaba ari no gutegura uburyo yakora ibitaramo.

Reba indirimbo "C’est la Vie" Yvanny Mpano yakoranye na Social Mula

Umuziki ni nk’ubundi bucuruzi bwose bwambukirana imipaka, kuko umuziki utagira imbibi. Ni na yo mpamvu usanga abahanzi bava mu bihugu bimwe bajya mu bindi kuhakorera ibitaramo mu rwego rwo kwegera abakunzi babo.

Abahanzi bo mu gihugu cy’u Burundi kuba bavuga ko imyidagaduro ku ruhande rwabo ikomwe mu nkokora, nta kabuza kuko babihera ku kuba abahanzi Nyarwanda bari bamaze kuzamura urwego rw’imyidagaduro kubera ibitaramo bitandukanye babaga batumiwemo bigahurirana no kuba umuziki w’u Rwanda umaze kwigarurira igikundiro gikomeye muri aka Karere.

Umubano hagati y’abanyamuziki hagati y’ibihugu byombi na wo wari umaze kongera kumera neza bitewe n’imishinga itandukanye y’indirimbo bagiye bakorana ndetse n’ibitaramo bikomeye bagiye bahuriramo.

Umwaka wa 2023 wabaye mwiza ku bahanzi b’ibi bihugu bituranye dore ko uretse kuba Abanyarwanda bari bamaze kwigarurira urubyiniro mu gihugu cy’u Burundi, bagiye banahuza imbaraga bagakorana indirimbo zitandukanye zagiye zikundwa, ntawakwirengagiza "Say Less" Alyn Sano yafatanyijemo na Sat B, "Pyramid" ya Kevin Kade ari kumwe na Drama T n’izindi nyinshi utarondora.

Ese abahanzi b’i Burundi bavuga iki ku cyemezo cy’ifungwa ry’imipaka ihuza ibihugu byombi?

Kigali Today yaganiriye na bamwe mu bahanzi bakomeye bo mu Burundi nubwo benshi batashatse ko amazina yabo atangazwa ku mpamvu zitandukanye. Buri wese yagiye akomoza ku ngaruka bibagiraho nk’abahanzi ndetse n’ingaruka bigira ku myidagaduro muri rusange.

Icyo bose bagiye bahurizaho ni ukuba bidindiza iterambere ry’imyidagaduro muri rusange.

Umwe muri bo yagize ati: "Uzasanga ibikorwa byacu bya muzika bisubira inyuma dore ko twari tumaze gufatiraho mu buryo bwiza."

"Muzika ntabwo ari Politiki, njyewe icyo navuga ni uko twese dukenera bagenzi bacu, abaririmbyi b’i Burundi bakenera gukorana na bagenzi babo bo mu Rwanda, abo mu Rwanda na bo bagakenera Abarundi. Ibi rero byatumaga twese hamwe dutera imbere ku buryo bugaragara."

Umwe mu bategura ibitaramo mu gihugu cy’u Burundi we yagize ati: "Nk’ubu hari abahanzi nari narahaye avansi ngo bazaze kuririmba mu gihugu cyacu muri uyu mwaka mu kwezi kwa kabiri kuri Saint Valentin, urumva rero ni igihombo gikomeye cyane ku bantu bategura ibitaramo hano i Bujumbura."

Abo bahanzi b’Abanyarwanda bagombaga kuzataramira i Burundi kuri Saint Valentin ni bamwe mu basanzwe bakunzwe mu Rwanda no mu Burundi, ariko ntibifuje ko amazina yabo atangazwa mu nkuru kubera imikoranire bafitanye n’abari babatumiye.

Umwe mu bahanzi bo mu Burundi akaba n’umwe mu bagezweho, yatangarije Kigali Today ko yari afite imishinga yo gusoza indirimbo ze eshatu hamwe no gufatira amashusho yazo mu Rwanda ariko aba afashe umwanzuro wo kubihagarika.

Guverinoma y’u Burundi yafashe umwanzuro wo gufunga imipaka yose ihuza icyo gihugu n’u Rwanda guhera tariki 11 Mutarama 2024.

Kimwe na bagenzi babo bo mu bindi bihugu, abahanzi bakora injyana ya Hip-Hop mu Rwanda, bakunze kwibanda cyane ku bibazo bya sosiyete nyarwanda, ndetse abakora iyi njyana bigaruriye imitima ya benshi bitewe n’uburyo bayikoramo, uburyo baririmbamo, ubutumwa bwubaka, n’ibindi byinshi.

Hari abibaza impamvu iyi njyana ya Hip-Hop isigara inyuma

Nubwo akenshi bamwe mu baraperi bashyiramo imbaraga nyinshi, gusa injyana muri rusange ikunze kuguma ahantu hamwe. Ese ibi biterwa no kutimenyekanisha cyane kw’abayiririmba (promotion) ? Ese injyana ya Hip-Hop ntigurisha nk’izindi mu Rwanda?

Mu Rwanda, abahanzi bacye bakora injyana ya Hip-Hop ni bo babasha gutegura ibitaramo byabo. Mu by’ukuri, ibitaramo bicye byateguwe mu myaka yashize na byo ntibyabonye abantu benshi babyitabiriye.

Injyana ya Hip-Hop mu Rwanda yatangiye kumenyekana mu myaka ya 2003 ubwo abaraperi nka MC Mahoni Boni yasohoraga indirimbo nka kubaka izina n’izindi nyinshi zagiye zituma abantu batangira gukunda iyi njyana.

Bamwe mu bakora iyi njyana bababazwa akenshi n’abantu bategura ibitaramo bikomeye mu Rwanda kubera ko akenshi ntibakunze gutumirwa cyane mu bitaramo byinshi bibera mu Rwanda bigatuma bamwe mu bayikora bacika intege.

Muri iyi minsi uzasanga abahanzi bakora injyana ya Hip-Hop bayivanga n’izindi zirimo na Afrobeats, kugira ngo na bo babashe kubona ibyo biraka.

Abantu batandukanye baganiriye na Kigali Today banenze cyane abategura ibihembo mu Rwanda kuba bidaha agaciro abakora injyana ya Hip-Hop kandi ari injyana ikunzwe n’abatari bacye mu Rwanda.

Usanga icyiciro cya Hip-Hop badakunda kugiha agaciro nk’uko bikorwa mu bindi bihugu. Ibi na byo bituma iyi njyana ya Hip-Hop idakomeza gutera imbere kuko akenshi usanga bacika intege.

Nubwo iyi njyana idatera imbere mu buryo bufatika, hari abayihebeye, haba ku ruhande rw’abahanzi ndetse no ku ruhande rw’abakora indirimbo nziza n’amashusho meza, gusa hakaba abavuga ko igikenewe ari ukongera guhuriza hamwe, no kubikorana ishyaka nk’uko byahoze mbere.

Abahanzi bakora injyana ya Hip-Hop bazwiho kuba barahuzaga cyane mu gukora indirimbo zihurirwamo n’abahanzi benshi (AllStars), gufashanya mu bitaramo n’ibindi.

Umuhanzi ashobora kumara igihe kirekire akora umuziki gusa kumenyekana kwe bikanga, hakaba n’undi uwukora mu gihe gito Isi yose ikamumenya. Ibi akenshi bihuzwa no kugira amahirwe mu kintu runaka.

Kigali Today yanyuze muri bamwe mu banyamakuru b’imyidagaduro mu Rwanda kugira ngo batange ibitekereza byabo nk’abantu bakurikirana umuziki, na bo bagire uruhare mu guhitamo abahanzi babona bashobora kuzigaragaza cyane muri uyu mwaka.

Mu guhitamo aba bahanzi, harebwe uko basoje umwaka wa 2023 bahagaze, imiterere y’umuziki bakoze, ndetse n’uburyo bakiriwe n’abakunzi ba muzika mu Rwanda, hari no kuba kandi umuhanzi yaratangiye umwaka mushya yigaragaza bikomeye kandi ari umwe mu batari basanzwe bazwi.

Aba ni bamwe mu bahanzi barimo n’abashya bashobora kuzigaragaza cyane muri muzika nyarwanda muri uyu mwaka wa 2024.

1 . Umuraperi Zeo Trap

Ni umwe mu bakiri bato ariko ukunzwe n’abatari bake mu Rwanda biganjemo urubyiruko rukunda injyana igezweho ya Drill cyangwa Trap Music. Uyu ni umwe benshi bahurijeho ko ashobora kwitara neza uyu mwaka.

2. Da Rest

Nyuma y’isenyuka ry’itsinda Juda Muzik, Ishimwe Prince [Da Rest] yahise atangira urugendo rwa muzika ari wenyine. Umwaka ushize yawukozemo Extended Play (EP) ya mbere yise “Death and Depression” igizwe n’indirimbo eshanu zaje ziyongera ku zindi enye yakoze mbere yayo.

Uyu musore na we ari mu bo kwitega muri 2024 cyane ko agaragaza ubushake bwo gukora cyane mu muziki we.

3 . Li John

Izina Li John benshi batangiye kurishyira ku rutonde rw’aba Producers bafite impano mu 2021 nyuma y’aho yagaragaje ko yavamo n’umuririmbyi mwiza.

Nyuma yo gukora indirimbo “Kamwe” , umwaka wa 2023 wamusize awukozemo izigera kuri eshatu zirimo “Ready”, “Pola” na “Ndamutinya” zatumbagije izina rye.

4. Nillan

Ntare Senga Moses ubusanzwe akoresha amazina ya Nillan YNB[Ya Ntare]. Uyu musore atunganya indirimbo cyane ko ize nyinshi ari we uzikorera mu buryo bw’amajwi.

Yatangiye kuririmba mu 2018 ubwo yari amaze igihe akora indirimbo.

Uyu musore w’imyaka 21 yamamaye mu ndirimbo zirimo iyo yise “Sober”, “Pause’’ n’izindi. Ubu agezweho mu yo yise “Credit Card’’ yahuriyemo na Mistaek.

5 . QD

Ubusanzwe amazina ye yiswe n’ababyeyi ni Shema Qusay Diaby. Uyu musore yavukiye mu Karere ka Musanze ariko akorera umuziki mu Mujyi wa Kigali.

Uyu musore afite indirimbo eshatu zirimo iyo yise “Teta’’ yashyize hanze mu ntangiriro z’uyu mwaka yazamuye izina rye mu buryo bukomeye.

Nawe wakwandika hepfo mu mwanya wagenewe ibitekerezo, abo wumva bazitwara neza muri uyu mwaka.

Bwiza ntakibarizwa muri KIKAC Music Label

Amakuru aturuka muri iyi nzu ya KIKAC Music, ni uko umuyobozi mukuru wa KIKAC Music, Dr Kintu Muhammed, yemeye ko atakiri kumwe na Bwiza.

Ibi byose byatewe n’ubwumvikane bucye hagati ya Dr Kintu Muhamad nyiri KIKAC Music, na Uhujimfura Jean Claude wari ushinzwe inyungu za Bwiza muri iyi nzu ifasha abahanzi.

Aganira na KT Radio, Dr Kintu Muhamed yemeje ayo makuru agira ati "Yego natandukanye na we nyuma y’igihe dukorana na Bwiza, ntabwo twabashije kumvikana na Uhujimfura Jean Claude bituma mbareka barigendera."

Kugeza ubu Uhujimfura bivugwa ko yabonye abandi bantu bazakomeza gukorana na Bwiza, mu kureberera inyungu ze.

Dr Kintu Muhamad

Si ubwa mbere humvikanye ikibazo cy’ubwumvikane buke bw’abahanzi batandukanye n’inzu zireberera inyungu zabo mu Rwanda, bigatuma batandukana ndetse akenshi bose bakitana ba mwana.

Hari hashize iminsi Bwiza yemeje ko Zaramuhaye Francine, benshi bita Abde wari usanzwe ari inshuti ye, yabaye umujyanama wihariye w’ibikorwa bye bya buri munsi mu muziki.

Bwiza yatangiye gukorana na KIKAC Music nyuma yuko ari we wabaye uwa mbere utsinze irushanwa rya ‘The Next Diva’, ritegurwa na KIKAC Music mu rwego rwo gushakisha impano z’abakobwa mu muziki.

Uhujimfura Jean Claude

Kugeza ubu KIKAC Music iri gukorana na Niyo Bosco baherutse gusinyisha, unaheruka gushyira hanze EP ye nshya yise ‘New Chapter’.

Jay-Jay Okocha

Ibi Jay Jay Okocha yabitangeje nyuma y’umukino wahuje Senegal na Cameroon wanarangiye Senegal itsinze ibitego bitatu kuri kimwe cya Cameroon

Aganira na SportingLife, Okocha yabajijwe icyo atekereza ku kuba cyatwarwa na Senegal ifite icy’ubushize, cyangwa Maroc yageze muri kimwe cya kabiri mu gikombe cy’Isi giheruka.

Jay Jay Okocha wahoze akinira amakipe nka PSG na Bolton Wanderers yasubije ati: "Nta gushidikanya, dufite amakipe menshi twavuga ko afite icyo bisaba gutsinda.
Nk’uko wabivuze, Senegal nari ku mukino wabo ejo, berekanye imikinire myiza kandi banafite ishyaka.

Ati: "Birumvikana ko Maroc tuzi ko bashimishije benshi mu gikombe cy’Isi na bo bashobora kuzitwara neza. Ariko nanone, iyo urebye amakipe nka Cape Verde, Guinea Equatorial, Angola, ntushobora kubyirengagiza, berekanye uburyo Igikombe cya Afurika kigoye.

Ati: “Ubu ntushobora kuvuga ko ikipe yoroshye muri iki gikombe cya Afurika. Birumvikana ko hari n’Igihugu cyakiriye iki gikombe ari cyo, Côte d’Ivoire.”

Quinta Brunson

Uyu mugore yegukanye Emmy Awards nk’umukinnyi wa filime mwiza binyuze muri filime z’uruhererekane z’urwenya, ndetse iki gihembo yegukanye cyaherukaga guhabwa Isabel Sanford wa "The Jeffersons" ubwo yacyegukanaga mu 1981.

Ku wa Gatatu tariki 17 Mutarama 2024 nibwo Brunson yahawe icyo gihembo kubera ibikorwa by’indashyikirwa muri filime "Abbott Elementary", atakinnyemo gusa ahubwo yatanze n’umusanzu nk’umwanditsi.

Mu ijambo rye ryuzuye amarangamutima, Brunson, nyuma yo guhabwa igihembo cye, yagaragaje ko akunda cyane ibihangano by’urwenya.

Ati: "Nkunda gukora ’Abbott Elementary’ cyane, kandi nshimishijwe cyane no kuba narabashije kugabya inzozi zanjye no gukina urwenya. Nagiye mbivuga buri gihe ariko nejejwe no kuba mpawe iki gihembo."

Brunson yashimye "umuryango we wose, umugabo we, hamwe n’abakinnyi bakinanye muri "Abbott Elementary."

Quinta Brunson asanzwe ari umwanditsi, umukinyi wa filime ndetse n’umunyarwenya w’Umunyamerika.

Don Jazzy (wambaye isaha) yagaragaje ko ashima urwego Davido agezeho mu muziki

Don Jazzy, ubwo yari mu kiganiro kuri Zero Condition Podcast, yavuze ko kuva kera yari umufana wa Davido, kabone nubwo yari Umuyobozi wa Label yitwaga Mo’Hits.

Don Jazzy yavuze ko yatekerezaga ko Davido ari we uzamusimbura nk’umwe mu bahanga bakomeye mu bihe bizaza mu gutunganya umuziki.

Yashimye ishyaka Davido yakomeje kugaragaza ndetse n’urukundo akunda umuziki nyamara nubwo akomoka mu muryango ukize.

Yagize ati: “Ubwo numvaga Davido, natekereje ko azaba njye mu bihe biri imbere, kubera kuririmba kandi akanatunganya umuziki. Jya kuri page ya Instagram ya Davido cyangwa kuri Twitter, nibwo uzumva ishyaka uyu musore afitiye umuziki."

Don Jazzy yakomeje avuga ko Davido amubonamo ishyaka ryo gukora ndetse akaba akunda umuziki.

Ati: "Kugeza ubu, afite amafaranga, afite indege ye bwite. N’iyo yahagarika umuziki aka kanya, azakomeza kugendera mu indege ye bwite kandi azaba ameze neza.”

Iki gitaramo cyatangiye saa tatu n’igice aho Gabiro Guitar yaririmbye amasaha abiri, kiyoborwa n’Umunyamakuru Iradukunda Bertrand wa Power Fm.

Usibye Gabiro Guitar, hari abahanzi batandukanye baje gushyigikira Mugenzi wabo. Gabiro Guitar wanitabiriye irushanwa rya Tusker Project Fame, ni umwe mu bahanzi bamaze igihe kinini muri muzika.

Uyu mwaka yatangaje ko agiye kwibanda ku bitaramo hirya no hino mu gihugu kugira ngo abashe kwiyegereza abakunzi be.

Gabiro Guitar live Experience, yitabiriwe n’abantu mu ngeri zitandukanye bari biganjemo inshuti ze, dore ko ari cyo gitaramo akoze muri 2024.

Umuhanzi Davido ari mu bataramiye i Kigali mu bihe bitandukanye muri uyu mwaka, ndetse ahahererwa igihembo cya Trace Awards cy’umuhanzi mwiza w’umugabo w’umwaka wa 2023

Ibi byose byatewe n’ibitaramo mpuzamahanga bikomeye u Rwanda rwakiriye muri uyu mwaka wa 2023. Ibi bikorwa byagiye bihuza abantu b’ingeri zitandukanye cyane ababarizwa mu myidagaduro na Siporo mu Rwanda.

Reka Turebere hamwe bimwe muri ibyo bikorwa byatumye isura y’imyidagaduro mu Rwanda hirya no hino mu binyamakuru byo ku isi byandika inkuru zagarukaga ku gihugu cy’u Rwanda.

1. Ibirori byo gusoza imikino ya BAL 2023

Ibirori byo gusoza imikino ya BAL yabaye muri Gicurasi 2023, bifata umwanya wa kane mu bitaramo byinjije abantu benshi bishyuye amatike muri BK Arena.

Ikipe ya Al Ahly yo mu Misiri yishimira igikombe cya BAL 2023 yegukanye tariki 27 Gicurasi 2023 muri BK Arena itsinze AS Douanes amanota 80 kuri 65

Ni ibirori byari iby’imikino ya Basketball byari byahujwe n’umuziki, bitumirwamo abahanzi nka Bruce Melodie, Pheelz na DJ Neptunez.

2. Iwacu Muzika Festival

Ku Cyumweru tariki ya 26 Ugushyingo 2023 muri BK Arena nibwo habereye igitaramo cy’amateka cyahuje abahanga mu njyana gakondo, mu birori byasozaga ibitaramo bya Iwacu Muzika Festival 2023.

Ni kimwe mu bitaramo byari biteganyijwe muri iri serukiramuco rya muzika ryabanjirijwe n’ibitaramo byabereye mu Ntara zitandukanye z’u Rwanda.

Iki gitaramo cyahurije hamwe ku rubyiniro Cecile Kayirebwa, Muyango Jean Marie, Ruti Joel, Cyusa Ibrahim ndetse n’Itorero Ibihame by’Imana.

3. Trace Awards

Abahanzi bafite amazina mu bihugu hafi ya byose bya Afurika no hanze yayo banyuze ku rubyiniro bashimisha abitabiriye iki gitaramo cyatangiwemo ibi bihembo.

Abaririmbye barimo abo mu Rwanda nka Bruce Melodie, Bwiza na Chriss Eazy mu gihe abaturutse hirya no hino banyuze ku rubyiniro barimo Diamond Platnumz, Davido, Yemi Alade, Mr Eazi n’abandi.

Perezida Kagame yakiriye bamwe mu bahanzi bitabiriye ibirori byo gutanga ibihembo bya Trace Awards

Iki gikorwa cyabaye ku mbaraga za Trace Group yatangijwe mu 2003. Ndetse ni ubwa mbere hari hatanzwe ibi bihembo ku mugabane wa Afurika.

Iki kigo cyatangijwe na Olivier Laouchez kuri ubu ni cyo kiri inyuma ya televiziyo zikomeye nka Trace Africa, Trace Muziki, Trace Urban n’izindi nyinshi zinyuzwaho imiziki.

4. Time 100

U Rwanda rwakiriye bwa mbere ku mugabane wa Afurika itangizwa ry’inama ihuza abantu 100 bavuga rikijyana n’itangwa ry’ibihembo ku bakoze ibikorwa by’indashyikirwa ku rwego rwa Afurika bizwi nka ‘TIME100 Summit and Impact Awards Africa’.

Abarimo Sherrie Silver na Ellen Sirleaf baherewe ibihembo bya TIME100 i Kigali

Hirya no hino ku Isi, iyi ni imwe mu nkuru yagarutsweho cyane, kubera iki gikorwa cyabereye muri Kigali Convention Centre, mu ijoro ryo ku itariki ya 17 Ugushyingo mu 2023.

Ni ibirori byakurikiwe n’abantu benshi, ndetse binitabirwa n’abantu bafite amazina akomeye ku Isi, barimo Danai Gurira, Ellen Johnson Sirleaf na Fred Swaniker n’abandi.

5. Move Afrika

‘Move Afrika Rwanda’ ni igitaramo cyaririmbyemo icyamamare akaba umuraperi ukomoka muri Amerika, Kendrick Lamar, kibera muri BK Arena tariki 6 Ukuboza 2023.

Iyo uganiriye na bamwe mu bategura ibirori mu Rwanda bavuga ko ari cyo gitaramo kugeza ubu kiyoboye ibindi byabaye, bijyanye n’imitegurire yacyo yari ku rwego rwo hejuru ndetse n’ubwitabire.

Ni igitaramo kandi cyitabiriwe na Perezida wa Repubulika y’u Rwanda, Paul Kagame wanavuze ko wari umwanya mwiza wo gusoza umwaka wa 2023.

Abapfuye ni umusore w’imyaka 24 witwa Arnold Senkungu wakoraga akazi ko kogosha, n’umukobwa w’umunyeshuri w’imyaka 21 y’amavuko witwa Shina Atwine, nyuma yo kurwana bakoresheje ibyuma, nk’uko abapolisi bakoze iperereza babitangaje.

Polisi ya Kampala yatangaje ko umuturanyi wabo ari we wabonye amaraso mu rugo rw’uwo musore kandi inzugi zifunze, ahuruza abaturanyi bakora ibishoboka byose ngo binjire mu nzu, basanga umuhungu aracyahumeka ariko yanegekaye, bihutira kumujyana kwa muganga, ariko aza kugwa mu bitaro bya Kibuli kubera ibikomere. Ni mu gihe umukobwa we basanze yashizemo umwuka ndetse afite igikomere kinini ku ijosi.

Assistant Superintendent of Police (ASP) Owoyesigyire, yavuze ko bakimara kumenya ibyabaye ishami rya polisi rishinzwe ibyaha by’ubwicanyi ryahise rihagera.

Yavuze ko ibimenyetso birimo icyuma cyariho amaraso ndetse n’ubuhamya bw’abatangabuhamya bigomba kwifashishwa mu iperereza.

Abatanze ubuhamya bavuga ko Senkungu na Atwine, bari basanzwe bagirana amakimbirane ya hato na hato, ndetse ko umukobwa bivugwa ko ari we wagiye kugura icyuma nyuma y’uko yahoraga ashinja umuhungu kumufata nabi, bikaba bishoboka ko ibyabaye byari byagambiriwe.

Icyakora hari abandi bakeka ko umwe yateye undi icyuma, na we agahita acyitera mu rwego rwo kwiyahura.

ASP Owoyesigyire yavuze ko bakomeje gukora iperereza ngo hamenyekane impamvu nyamukuru y’ubu bwicanyi.

Bamwe mu bahanzi bavuze uko biteguye kwizihiza iminsi mikuru

Bamwe mu baganiriye na Kigali Today bayitangarije ko nubwo baba bafite akazi keshi ku buryo gusangira n’inshuti n’imiryango yabo bibagora ariko ngo biteguye kubona uwo mwanya, nk’uko abakurikira babitangaza.

1. Butera Knowless, avuga ko iyi minsi azayimara ari kumwe n’umuryango we n’inshuti, gusa ko hari n’aho azaririmba.

Yagize ati "Kuri jyewe Noheri ni iy’abana, rero ngomba kubaha umwanya ngasangira na bo. Gusa nanone mfite igitaramo hano mu Mujyi wa Kigali."

Uyu muhanzikazi ukorera umuziki we mu nzu ifasha abahanzi ya Kina Music, yasoje yifuriza abakunzi be bose n’Abanyarwanda muri rusange, kuzagira Noheri nziza n’umwaka mushya muhire wa 2024.

2. Alyn Sano, aherutse no gutaramira Abanya-Namibia ku wa Kabiri tariki 19 Ukuboza 2023, we yashimiye Imana yatumye agera kuri uyu munsi akiri muzima, avuga ko na we aba ari kumwe n’umuryango ariko mu masaha y’umugoroba agakora akazi, na ko kaba ari kenshi muri iki gihe.

Ati "Iminsi mikuru akenshi mba ndi kumwe n’umuryango wanjye dore ko ari ingezi mu buzima bwanjye, ariko nanone muri iki gihe nibwo akazi kaboneka ku bahanzi bivuze ko nyuma yo gusabana n’inshuti n’abavandimwe, nimugoraba mba mfite akazi ahantu hatandukanye, cyane mu ma hoteli akomeye muri Kigali."

Alyn Sano aherutse kwegukana igikombe cya "Best Collabo" mu bihembo bya Isango na Muzika abikesha indirimbo ye ’Say Less’, yakoranye na Fik Fameika wo muri Uganda ndetse na Sat B wo mu Burundi.

3.Gabiro Guitar, ni umwe mu bahanzi bagize ibihe byiza muri 2023, na we avuga ko iminsi mikuru akenshi isanga afite akazi kenshi, dore ko afite ibitaramo birenga 5 muri iyi minsi mikuru iri imbere. Gusa nanone yagize ko atabura uko yakwishimana n’inshuti ndetse n’abavandimwe be.
Yateguje abakunzi be indirimbo ye nshya mu ntangiriro z’umwaka utaha wa 2024, agasoza yifuriza abakunzi be kuzagira Noheri nziza n’umwaka mushya muhire wa 2024.

4. Director Ab Godwin, uyu ni umwe mu batunganya amashusho y’indirimbo hano mu Rwanda. Dirctor Ab Godwin yakoze Video nyishi z’abahanzi batandukanye, ngo we iminsi mikuru ya Noheri na Bonane irasanga ari kumwe n’umuryango we, kuko nigombwa cyane. Gusa nanone akaba afite akazi kenshi agomba gusoza mbere y’uko umwaka urangira. Ab Godwin na we wamaze kwinjira mu muziki amaze gushyira hanze indirimbo ye nshya yise ‘where is the love’.

5. Fire Man, Uwimana Francis wamamaye nka Fire Man ni umuraperi wakoze umuziki guhera mu itsinda rya Tuff Gang, yagize ati “Abantu benshi bazi ko abaraperi nta mwanya tubona wo gusangira n’imiryango yacu ariko si ko biri. Njyewe muri iyi minsi mikuru ya noheri na Bonane nzaba ndi kumwe n’umuryango wanjye rwose, kuko baba bankumbuye cyane kubera indi minsi umuntu aba ari gushakisha imibereho. Noheri ni umunsi mwiza wabana, rero iyo uri kumwe na bo barishima cyane. Gusa nimugoroba nk’umuhanzi mfite ahantu atandukanye nzajya gutaramira abakunzi banjye. Abakunzi banjye mbirufurije kuzagira Noheri nziza n’umwaka mushya muhire”.

6. Papa cyangwe, uyu ni umuraperi umaze kubaka izina hano mu Rwanda, yatangarije ko we buri munsi aba ari kumwe n’inshuti n’umuryango. Muri iyi minsi mikuru afite akazi kenshi dore ko kuri Noheri afite igitaramo muri Stade ya Musanze, hanyuma kuri Bonane azaba afite igitaramo mu Karere ka Rubavu. Na we yifuriza abakunzi be kuzagira Noheri nziza n’umwaka mushya muhire.

7. Fizo Mason, ni umuhazi ubarizwa mu Karere ka Musanze, uyu ari mu bahazi bakorera umuziki mu ntara bitwaye neza. Fizo Mason yavuze ko we nk’umuhanzi yiteguye neza gusoza umwaka ari kumwe n’inshuti n’umuryango we.

Yagize ati “Umwaka uba ari muremure, rero umuntu agomba gushaka igihe nk’iki akishimana n’umuryango we”. Gusa yanakomoje ku gitaramo azahuriramo n’abandi bahanzi kuri Noheri kuri stade ya Musanze, anateguza abakunzi be ko umwaka utaha agiye gukora cyane asohora indirimbo nyinshi.

8. Marina, umuhanzikazi Uwase Ingabire Marina uzwi nka Marina, uherutse gukorana indirimbo n’umuhanzi Ykee Benda wo muri Uganda, yavuze ko ibyishimo ari byose kubera iyi minsi mikuru.

Ati “Njyewe Nzaba ndi kumwe n’umuryango wanjye kuko mba mbakumbuye cyane. Abavandimwe banjye akenshi tuvugana kuri Telephone, ubu rero biba byiza iyo dusoza umwaka turi kumwe twishimana. Ikindi nabwira abakunzi banjye ni uko muri 2024 bagiye kureba Marina mu isura nshya, kuko mbafitiye byinshi mu bubiko. Muzagire Noheri nziza n’umwaka mushya muhire wa 2024”.

Mu Rwanda, hagiye habaho ibihembo bitandukanye nka Salax Awards, Kiss Summer Awards, Isango na Muzika Awards, Kalisimbi Awards, PGGSS, Groove Awards ( Gospel) n’ibindi byinshi.

Ni ibihembo bitegurwa mu rwego rwo gushimira abantu baba baritwaye neza mu byiciro by’imyidagaduro babarizwamo, bagahabwa igikombe (Awards) akenshi kigaherekezwa n’amafaranga.

Iyo uganiriye na bamwe mu babarizwa mu myidagaduro y’u Rwanda, usanga batemeranywa ku itangwa rya bimwe mu bihembo bitangirwa mu Rwanda, ndetse bakavuga ko usanga harimo n’amarangamutima cyane bitewe n’uburyo bitangwamo cyane ko batizera inzira binyuzwamo mu gutora abagomba guhembwa.

Usibye mu Rwanda, no muri Amerika hari igihe Taylor Swift yatwaye igihembo cya Video y’umwaka mu bihembo bya MTV byo mu mwaka wa 2009, icyo gihe yari ayitwaye Beyonce abantu benshi baratungurwa. Ibi byanatumye Umuraperi Kanye West asanga Taylor Swift ku rubyiniro avuga ko atari we wagatwaye icyo gihembo.

Mu Rwanda, muri Primus Guma Guma (PGGSS) ubwo yabaga ku nshuro ya kabiri, yarangiye abakunzi ba Nyakwigendera Jay Polly bateye amabuye ku rubyiniro kuko ntibiyumvishaga ukuntu King James yamutwara igihembo cy’umwanya wa mbere.

Hari abahanzi benshi bagiye bivana mu marushanwa atandukakanye bavuga ko batishimira uburyo ibyo bihembo bitangwamo ndetse bigakurura amakimbirane akenshi hagati y’abategura ibyo bihembo n’abahanzi akenshi batanyurwa n’uburyo amajwi abarwamo n’ibindi.

Hari n’ibyagiye bivugwa ko hari n’abahanzi bagura ibyo bihembo kugira ngo bakomeze kugaragara imbere y’abafana babo nk’abantu bakora cyane.

Ese buri muntu ufite amafaranga yategura igikorwa cyo gutanga ibihembo? Ese ni nde utanga uburengazira bwo gutegura itangwa ry’ibyo bihembo? Ese guhitamo abari buhembwe bikorwa gute? Ibibazo byibazwa ni byinshi cyane, ndetse aha ni na ho uzasanga umuhanzi yatsindiye igihembo runaka, ariko akamara igihe kinini akiri kwishyuza amafaranga yaje agiherekeje.

Mu bihembo bitangwa mu Rwanda kugeza ubu bishingiye ku muziki, usanga ibyiciro biba bihanzwe amaso n’abakunzi ba muzika, harimo nka ’Best Male artist’, igihembo gihabwa umuhanzi mwiza wahize abandi mu bagabo. Hari ’Best Female Artist’ gihabwa umugore wahize abandi ndetse na ’Best Album of the Year’ gihabwa Album y’umwaka yahize izindi.

Aha ni ho hakunze kuzamura impaka cyane bitewe n’uburyo abakurikirana umuziki n’abafana muri rusange buri wese aba afite uko abibona rimwe ugasanga ibyo avuga abihurizaho na benshi, ku buryo rimwe na rimwe bizana amakimbirane hagati y’abategura ibyo bihembo ndetse n’abahanzi.

Hari benshi usanga badatinya kunenga ku mugaragaro abategura bimwe mu bihembo bitangirwa mu Rwanda bagendeye ku kuba hari abagiye babitwara nyamara wagereranya n’abo bari bahatanye, ushingiye ku mikorere yabo benshi bakagaragaza ko hajemo amarangamutima cyane ku babitegura.

Urugero ni Umuhanzi Kevin Kade uherutse kuvuga ko ubusanzwe mu gutanga ibihembo haba hakwiye kugendera ku bimenyetso aho kuba amarangamutima.

Yagize ati: "Ni gute utanga igihembo cya Best Collabo, mu gihugu kandi atari yo ndirimbo nini mu gihugu? Ubwo se ni gute ari yo Best Collabo y’umwaka? Warangiza ukongera ukambwira ukuntu utanga igihembo cya Producer mwiza hari uri gukora indirimbo nini za mbere mu gihugu?"

Uyu musore wagize umwaka mwiza cyane mu ruhando rwa muzika uyu mwaka, yavuze ko abategura ibihembo bakwiye kurenga ibintu by’amacenga bagakora ibintu bya nyabyo, hakirengagizwa amarangamutima.

Mu bihembo mpuzamahanga bikomeye ku isi nka Grammy Awards, BET Awards, MTV Awards n’ibindi bikomeye, usanga bifite agaciro ndetse ugihawe kikamwongerera agaciro mu bikorwa bye, aho bijyana no kumuhesha amasezerano akomeye mu bigo bikomeye, ibitaramo bikaba byinshi, n’ibindi byinshi.

Ari kumwe n’inshuti ze za hafi, Muyango Claudine yasomye ubutumwa yandikiwe na Kimenyi Yves agira ati “Warakoze cyane mukundwa ku myaka yose ishize, uri umugore mwiza ntigeze ndota ko nzagira, simbasha kwihanganira uriya munsi ukomeye. Ndagukunda, umunsi mwiza.”

Ubukwe bwe na Kimenyi uzwi mu mupira w’amaguru, buteganyijwe mu ntangiriro z’umwaka utaha, tariki 06 Mutarama 2024.

Bagiye gukora ubukwe nyuma y’imyaka itatu Kimenyi yambitse Muyango impeta. Bamaranye imyaka itanu mu buryohe bw’urukundo, bakaba bafitanye umwana w’umuhungu babyaye muri Kanama 2021.

Uwase Muyango Claudine ukorera Isibo TV yamamaye nyuma yo kwegukana ikamba rya Nyampinga uberwa n’amafoto kurusha abandi muri 2019 (Miss Photogenic 2019).

Urupfu rwa Zahara rwemejwe na Minisitiri wa Afurika y’Epfo witwa Zizi Kodwa, ufite ubuhanzi n’umuco mu nshingano ze, aboneraho no kwihanganisha abo mu muryango w’uyu muhanzikazi.

Abakunzi b’uyu muhanzi bo hirya no hino ku Isi bagaragaje ko bababajwe n’urupfu rwe. Zahara yari afite n’abakunzi b’ibihangano bye mu Rwanda, dore ko yahakoreye ibitaramo mu bihe bitandukanye.

Zahara wamamaye mu ndirimbo nka “Loliwe” yasohoye muri 2011, biravugwa ko yazize indwara y’umwijima. Mu byumweru bibiri bishize yari yajyanywe kwa muganga igitaraganya, ubwo yari arembejwe n’ubwo burwayi, ndetse agenda yoroherwa.

Abakunzi b’umuziki we ntibahwemye kumwereka ko bamuri hafi, bamwandikira ubutumwa bumwifuriza gukira vuba, abandi ndetse biganjemo abo muri Afurika y’Epfo bateranira aho yari arwariye bamusabira gukira, ariko birangira ashizemo umwuka.

Amakuru aturuka muri Afurika y’Epfo avuga ko Zahara yitabye Imana ku wa Mbere ahagana saa tatu z’ijoro ari mu bitaro yari arwariyemo, akaba yari kumwe n’umukunzi we witwa Mpho Xaba.

Zahara yataramiye mu Rwanda mu myaka ya 2018 na 2019 mu bitaramo bizwi nka ‘Kigali Jazz Junction’ byabereye muri Serena Hotel.

Reba indirimbo ya Zahara yise ‘Loliwe’

Bimwe mu bitaramo bikomeye byatumye umwaka wa 2023 usize umuziki w’u Rwanda ku rundi rwego, harimo ‘Giants of Africa’ yitabiriwe n’ibyamamare nka Davido, Tiwa Savage, Diamond Platnumz n’abandi benshi. Ntitwakwibagirwa ‘Trace Music Awards’ yahurije i Kigali mu Rwanda abahanzi bakomeye bo ku mugabane wa Afurika ndetse binafasha abahanzi nyarwanda kuhakura uburyo bw’imikoranire.

Hari kandi igitaramo giheruka kuba cya ‘Move Afrika’ cyari cyatumiwemo umuraperi ukomoka muri Amerika, Kendrick Lamar, ndetse na ‘Iwacu Muzika Festival’ yafashije abahanzi bo mu Rwanda kwegera abakunzi babo mu Ntara zitandukanye, tutibagiwe n’ibitaramo bagiye bitabira hanze y’u Rwanda mu kurushaho kwagura imbibi.

Gusa nubwo twagarukaga muri rusange uko umwaka wa 2023 wagenze duhereye ku bitaramo mpuzamahanga byafashije abahanzi nyarwanda kwisanga ku rubyiniro ruriho ibyamamare byabaga biturutse hirya no hino ku isi, ntawakwirengaza ko nanone hari abahanzi bakoze cyane bagaragaza guhozaho kurusha abandi muri 2023.

Hano benshi babikesha Albumu cyangwa indirimbo bagiye bashyira hanze muri uyu mwaka zigakundwa kandi ibyo nanone bikajyana no guhozaho.

Uru ni urutonde rwa bamwe mu bahanzi bitwaye neza ndetse bakagaragaza guhozaho muri 2023.

1. Bruce Melodie

Bruce Melodie yitabiriye ibitaramo hafi ya byose byabereye imbere mu gihugu ndetse ajya no hanze yarwo, bikajyana no gukorana indirimbo n’abahanzi batandukanye kandi mpuzamahanga.

Bruce Melodie

Aha ntawakwibagirwa indirimbo “When She’s Around” iri kubica bigacika yakoranye na Shaggy. Bruce Melodie kandi yakoranye na Pallaso wo muri Uganda, Bahati wo muri Kenya, Harmonize wo muri Tanzania mu ndirimbo “Zanzibar” n’izindi.

Umwaka wa 2023 kandi wabaye umwaka Bruce Melodie yegukanyemo igihembo kiri mu bikomeye ku Isi cya Trace Awards, nk’umuhanzi w’Umunyarwanda wahize abandi.

2. Israel Mbonyi

Umuhanzi Israel Mbonyicyambu uzwi nka Mbonyi, ni umwe mu bahanzi b’ibyamamare mu Karere k’Ibiyaga bigari baririmba indirimbo zo kuramya no guhimbaza Imana. Ni umwe mu bagize umwaka mwiza abikesha indirimbo ze zitandukanye yashyize hanze zirimo nka “Nina Siri” iri mu rurimi rw’Igiswahili yatumye Israel Mbonyi aza ku rutonde rw’abahanzi bakunzwe cyane muri Kenya binyuze ku rubuga rwa YouTube.

Israel Mbonyi

Indirimbo “Nina Siri” iri kuri Album Israel Mbonyi aherutse gushyira hanze yise ‘Nk’Umusirikare’ yakoreye muri Intare Conference Arena. Yakuye ku mwanya wa mbere indirimbo “Enjoy” ya Diamond na Jux yari imaze igihe iri kuri uyu mwanya.

3. Chriss Eazy

Chriss Eazy na we ari mu bahanzi bakoze cyane muri 2023. Yasohoye indirimbo nyinshi zakunzwe n’abatari bacye.

Chriss Eazy

Aha ntitwakwirengagiza “Inana”, “Eden” ndetse na “Stop”. Izo ndirimbo ziyongeraho “Bana” yakoranye na Shaffy ubarizwa muri Amerika imaze iminsi mu mitwe y’abakunzi ba muzika, hakaba na “Lala” yakoranye na Kilikou (Burundi).

4. Danny Nanone

Danny Nanone nyuma y’igihe kinini adakora umuziki, umwaka wa 2023 umusize ahantu hashimishije muri rusange.

Danny Nanone

Ni we muraperi uhagaze neza kugeza ubu mu Rwanda abikesha indirimbo ze nka “Comfirm”, “Nasara” yakoranye na Ariel Wayz ndetse na “My Type”. Usibye gukora cyane, uyu mwaka Danny Nanone afite igitaramo cyo kumurikira abakunzi be Alubumu ye yise “Iminsi myinshi” izaba mu mpera z’uyu mwaka.

5. Alyn Sano

Uyu muhanzikazi ni umwe mu bagaragaje imbaraga zo gukora cyane muri 2023. Alyn Sano yasohoye Alubumu yitwa “Rumuri”, iyi Alubumu hariho indirimbo zakunzwe n’abantu batandukanye, ndetse yagize n’umwanya wo kuyimurikira abakunzi be, mu gikorwa yise ‘Listening Party’ cyari kigamije kumvisha inshuti ze, abavandimwe n’abandi iyi Alubumu mbere y’uko ayishyira hanze.

Alyn Sano

Iyo Alubumu igizwe n’indirimbo 13, ziriho izo yafatanyijemo n’abahanzi nka Fik Fameica(Uganda), Sat B(Burundi) n’abandi benshi. Ni Alubumu yakoze nyuma y’imyaka itanu amaze atangiye umuziki mu buryo bw’umwuga.

6. Keny Sol

Kenny Sol muri uyu mwaka na we ni umwe mu bahanzi bigaragaje cyane akora indirimbo zakunzwe binyuze muri EP ye nshya yashyize hanze yise ‘Stronger Than Before’ iyi ikaba yarabanjirije Alubumu ye ya mbere na yo arimo ategura.

Kenny Sol

Iyo EP yakozeho indirimbo zirimo nka “One More Time” ari kumwe na Harmonize wo muri Tanzania. Uyu muhanzi kandi kuva mu kwezi k’Ukwakira yakoze ibitaramo bizenguruka Canada ndetse na Leta Zunze Ubumwe za Amerika.

7. Juno Kizigenza

Uyu muhanzi kuva yatandukana na Bruce Melodie wamufashaga binyuze mu nzu ifasha abahanzi ‘Igitangaza Music Record Label’ Juno Kizigenza yakomeje kugaragaza ko ari umuhanzi utanga icyizere kubera ubuhanga bwe yakomeje kugaragaza muri muzika.

Juno Kizigenza

Juno Kizigenza na we ari ku rutonde rw’abahanzi bakoze cyane mu 2023, abikesha ibitaramo bitandukanye mu Rwanda ndetse no hanze. Ikindi kandi ntawakwirengagiza Alubumu ye ya mbere yise ‘Yaraje’ iriho indirimbo ye “Igitangaza” yakoranye na Bruce Melodie na Kenny Sol, ikaba imwe mu ndirimbo zimeze neza muri 2023. Iyo Alubumu igizwe n’indirimbo 17.

8. Bwiza

Bwiza na we ni undi muhanzikazi wakoze mu buryo bukomeye muri uyu mwaka wa 2023. Yakozemo indirimbo nyinshi kandi zakunzwe, bituma aba umwe mu bahanzi bagiye banitabira ibitaramo bikomeye ndetse anahatana mu bihembo bya Trace Awards, kuri ubu akaba akubutse mu bitaramo bya ‘Iwacu na Muzika Festival’.

Bwiza

Uyu mwaka usize Bwiza akabije inzozi ze nyuma yo kwitabira ibihembo bya Trace Awards, akaba ari mu bahanzi bakiriwe na Perezida Paul Kagame.

Zimwe mu ndirimbo yakoze zagiye zikomeza gutuma umwaka wa 2023, ugenda neza harimo nka “Do me”, “Carry me”, ndetse na “No Body” yakoranye na Double Jay wo mu Burundi.

9. Kevin Kade

Umwaka wa 2023 usize Kevin Kade amwenyura, abikesha indirimbo ze zitandukanye zirimo n’izo yafatanyije n’abandi bahanzi, by’umwihariko iyitwa “Pyramid” yakoranye na Drama T na Kivumbi King, n’izindi nk’iyitwa “Umuana”, ndetse na “Munda” aherutse gushyira hanze.

10. Christopher Muneza

Christopher Muneza na we yaje ku rutonde rw’abahanzi bitwaye neza muri 2023. Yakoze indirimbo zitandukanye zakunzwe cyane. Yamaze igihe ku mugabane w’u Burayi ndetse na Amerika aho yakoreye ibitaramo bitandukanye. Christopher Muneza azanakorera ikindi gitaramo mu Burundi aho ategerejwe n’abantu batari bacye.

Christopher

Aba tuvuze ni bamwe mu bahanzi bakoze cyane muri 2023, ariko si aba gusa ahubwo nawe ushobora kuba hari abandi wasangiza abasomyi wandika hepfo mu mwanya wagenewe ibitekerezo by’abasomyi.

Niyo Bosco na KIKAC Music biravugwa ko bamaze no kwemeranya uburyo bw’imikoranire hagati y’impande zombi. Akaba aje yiyongera kuri Bwiza wari usanzwe abarizwa muri iyi nzu.

Label yitwa ’MetroAfro’ ni yo yari amaze iminsi afitanye nayo imikoranire, gusa kugeza ubu yamaze gusezera. Iyi Label yafashaga abahanzi barimo Confy, Boukuru ndetse na Okkama nawe uherutse kuyisezera.

Umuyobozi wa KIKAC Music, Uhujimfura Jean Claude avuga ko bamaze kwemeranya na Niyo Bosco imikoranire, igisigaye ari ugushyira umukono ku masezerano no kureba uko ibikorwa by’umuziki we byatangira kujya hanze.

Biteganyijwe ko bimwe mu bikorwa bishobora kujya hanze nyuma y’uko Niyo Bosco yinjiriye muri KIKAC harimo album iri hafi kurangira.

KIKAC Music ni sosiyete imaze kubaka izina mu gufasha abahanzi cyane ko yafashe umuhanzikazi Bwiza kuva mu 2021, ndetse yananyuzemo Mico the Best.

Niyo Bosco yamenyekanye mu muziki cyane akiri mu maboko ya MIE Empire ya Murindahabi Irene, ayivamo yinjira muri Sunday Entertainment atamazemo kabiri.

Uyu muhanzi ufite umwihariko wo kwandikira abandi bahanzi indirimbo, yamenyekanye mu ndirimbo zirimo nka Ubigenza ute, Piyapuresha, Ishyano, Seka, Urugi n’izindi nyinshi.

Uyu musore wamenyekanye mu ndirimbo zirimo ‘ijana ku ijana’, ‘Sinzajya mu manza’, n’izindi zitandukanye, yatereye umukunzi we ivi ku wa Gatandatu tariki 25 Ugushyingo 2023.

Ibi birori byabereye muri Uganda, byitabirwa na bamwe mu nshuti ze, by’umwihariko abakorera umuziki mu gihugu cya Uganda.

Uyu musore watangiriye umuziki we i Gikondo, akabifashwamo n’inzu y’umuziki ya The Beam Beat Records ya Lazer Beat, ubu asigaye abarizwa muri Band yitwa Imboni Zarwo.

Ibi byavuzwe n’aba bayobozi mu itangazo ryashyizwe ahagaragara ku rubuga rwa interineti, bashimira Burna Boy ndetse n’abandi ndetse n’abandi bahanzi bo muri Afurika bahataniye icyiciro gishya cya "Afrobeats" muri ibi bihembo barimo Tyla, Ayra Starr, Davido, Asake na Olamide kuba barabashije guhatana mu bihembo bya Grammy.

Iri tangazo ryavugaga ko muri iki gihe, Burna Boy ahagaze yemye ndetse bigaragazwa no kuba yaragiye akorana n’abahanzi b’amazina akomeye mu ruhando mpuzamahanga, barimo nka Ed Sheeran, Justin Bieber ndetse bikajyana no kuba afite album aherutse gushyira hanze ikaba iya mbere mu Bwongereza.

Album uyu muhanzi yashyize hanze muri Kanama uyu mwaka yayise "I told them" ikaba iriho indirimbo yafatanyijeho n’abandi bahanzi bakomeye barimo nka 21 Savage, J. Cole, RZA na GZA.

Ikinyamakuru cya Daily Guide Network gisubiramo itangazo rya Recording Academy, kigira kiti: "Nta muhanzi mu njyana ya Afrobeats cyangwa na Afurika yose uhiga Burna Boy. Mu nshuro ebyiri zikurikiranya yabashije guhatana mu cyiciro cya album nziza [Best Album] harimo Twice as Tall na African Giant kandi kugeza ubu akaba yarakoranye indirimbo n’abahanzi bakomeye nka Ed Sheeran na Justin Bieber."

Burna Boy ufite indirimbo ikunzwe muri iyi minsi yise "City Boys" mu bihembo bya Grammy Awards bigiye gutangwa ku nshuro ya 66, niwe muhanzi wo muri Afurika uhatanye mu byiciro byinahi aho ahatanye mu bigera muri bine.

Indirimbo ’City Boys’ ya Burna Boy ihatanye mu cyiciro cya ’Best African Music Performance’ na Unavailable ya Davido na Musa Keys, ’’ Rush ’ya Ayra Starr,’ Amapiano ’ya Asake na Olamide, na ’Water’ ya Tyla.

Burna Boy kandi ahatanye mu cyiciro cya ’Best Melodic Rap’ kubera indirimbo ye yise ‘Sitting On Top of the World’ yakoranye na 21 Savage, ari no mu cyiciro cya ’Best Global Music Album’ kubera indirimbo ‘I Told Them’ ndetse n’indirimbo ye ‘Alone’ ihatanye mu kiciro cya Best Global Music Performance.

Safi, Nizzo na Humble bataratandukana

Niyibikora Safi uzwi nka Safi Madiba, Nshimiyimana Mohamed uzwi nka Nizzo ndetse na Manzi James uzwi ku izina rya Humble Jizzo ni bo bari bagize itsinda rya Urban Boys ryabonye izuba mu mwaka wa 2007.

Ubwo yari ari mu kiganiro Dunda show kuri Kt Radio, Uwitwa Nizzo Kabos akaba ari nawe uri kubarizwa mu Rwanda kugeza ubu dore ko Bagenzi be bose basigaye baba hanze y’u Rwanda, yavuze ko kugaruka kwa Ubarn Boyz bishoboka cyane dore ko ibiganiro bigeze ku kigero cya 70%.

Ubwo mu 2017 itsinda rya Urban Boyz ryagiranaga ibibazo ndetse Safi wari ishyiga ry’inyuma muri iri tsinda akaza kurivamo, Nizzo Kabos yasigaye ahanyanyaza afatanyije na mugenzi we Humble Jizzo ariko na bo baza gutandukana, kuri ubu buri wese akaba arimo kubaho ubuzima bwe.

Nizzo kabos yanagarutse ku mirimo ahugiyemo muri iyi minsi harimo no gutangiza Podcast ica kuri channel ye ya YouTube yitwa "KBoss Entertainment", ndetse akaba yarayifunguye mu rwego rwo kunganira Urban Records y’umuziki yongeye gufungura imiryango nyuma y’igihe idakora.

Yabajijwe kimwe mu bintu akumbuye muri Urban Boyz, asubiza agira ati: "nkumbuye bagenzi banjye bose bari ku rubyiniro bari gutanga ibyishimo ku banyarwanda."

Nizzo Kabos yanagarutse no ku mpamvu muri iyi minsi hatakivuka andi matsinda y’abahanzi avuga ko impamvu ibitera muri rusange gukora nk’itsinda bigora ndetse bikanasaba ibintu byinshi.

Nizzo Kabos yatanze icyizere ko abakunzi ba Urban Boyz igihe icyo ari cyo cyose bashobora kongera kubona ibikorwa byabo nk’itsinda ryahoze rikora benshi ku mutima.

Burna Boy

Uyu muhanzi wegukanye igihembo cya Grammy Awards, amazina ye nyakuri yitwa Damini Ebunoluwa Ogulu, yabigarutseho mu mashusho yakwirakwijwe ku mbuga nkoranyambaga, ubwo yari mu myiteguro n’itsinda risanzwe rimucurangira, Outsiders.

Mu busanzwe amategeko mu bihugu bimwe na bimwe ku isi, abuza akanahana abantu bakoresha cyangwa bakanagurisha urumogi, nubwo hari n’ahandi rwemewe. Amategeko y’i Dubai aho Burna Boy yagombaga gukorera igitaramo, na yo abuza ikoreshwa ry’urumogi ndetse no kunywera itabi ahantu h’imyidagaduro rusange.

Ubwo yari mu myiteguro n’itsinda rye, Burna Boy yagize ati: "Nanze amafaranga y’i Dubai; Miliyoni eshanu z’Amadolari. Ni ikintu gito kuko njyewe sinkunda kujya aho batazanyemerera kunywa urumogi.”

Uyu muhanzi w’icyamamare, avuga ko afata urumogi nk’uburyo bw’umwihariko mu bikorwa bye bya gihanzi byatumye atemera akayabo ka miliyoni eshanu z’amadolari ya Amerika, kuko amategeko y’i Dubai ahana bikomeye ikoreshwa ry’ibiyobyabwenge.

Icyemezo cya Burna Boy benshi mu batanze ibitekerezo baragishyigikiye, bavuga ko babifata nko guharanira ubwisanzure bwe mu buhanzi no gukomera ku mahame ye, kabone n’ubwo amafaranga yari yahawe na yo atari make.

Abandi bavuze ko amahitamo yagize akomeye cyane kuko yari kwirengagiza izo ndangagaciro ze maze akabanza agakorera amafaranga.

Papa Emile n’umugore we Ineza Parfine bari basigaye batuye muri Kenya

Uyu mugabo usanzwe uzwiho ubuhanga mu gutunganya indirimbo, amakuru y’urupfu rw’umugore we yamenyekanye ku wa Gatatu tariki 20 Nzeri 2023.

Umugore wa Papa Emile yitabye Imana azize uburwayi aguye muri Kenya aho we n’umuryango we bari barimukiye, dore ko ari ho Papa Emile yari asigaye akorera ibijyanye no gutunganya umuziki.

Ineza Parfine witabye Imana, asize abana batanu.

Papa Emile ni umwe mu bahanzi bamenyekanye cyane mu ndirimbo zihimbaza Imana, akaba n’umwe mu bazitunganya (Producer). Yamenyekanye birushijeho mu ndirimbo zihimbaza Imana nka ‘Mbayeho’, ‘Guhinduka birashoboka’, ‘Uri amaso yanjye’ n’izindi nyinshi.

Papa Emile amaze gushyira hanze albums zitandukanye, zirimo iyitwa ‘Mbayeho’, ‘Muvuzuko’, ‘Izabikora’, ‘Ubuzima bwiza’, ‘Hakuna akujuae’ ndetse na ‘what a shock’.

Producer Papito

Producer Papito usanzwe utunganyiriza umuziki muri studio ya Switch On Music, yabigarutseho ubwo yari mu kiganiro Dunda Show kuri KT Radio, avuga ko kugira ngo umuziki wo mu Rwanda urusheho gutera imbere no kumenyekana ku rwego mpuzamahanga, bisaba kurebera ku bandi.

Yagize ati: Kugira ngo umuziki Nyarwanda ubashe gutera imbere, birasaba ko abahanzi bacu barushaho gukora ariko bakagerageza no kwigira ku by’abandi bahanzi bo mu bindi bihugu, nka Tanzania, Nigeria n’ahandi."

Uyu musore umaze gukorera indirimbo abahanzi bakomeye hano mu Rwanda, asanga ibyo bizatuma umuziki w’u Rwanda ukorwa nk’ubucuruzi, ndetse ureke no kwiganza hano mu Rwanda cyane no mu bihugu byo hafi mu Karere.

Producer Papito yanakomoje kuri bagenzi be batunganya umuziki, ku bijyanye no kutiga guhindura imikorere, ugasanga bibanda ku njyana zimwe, avuga ko nabyo biri mu bidindiza umuziki Nyarwanda. Ashimangira ko niba Isi yihuta mu ikoranabuhanga, nabo bakwiye kujyana naryo, bakihugura kenshi kandi bakiga guhorana udushya mu byo bakora.

Akomeza avuga ko ibi bituma abahanzi nabo bagira amahitamo atandukanye mu mikorere yabo, aho gukomeza kwizirika ku njyana imwe, nyamara bashobora no kugerageza gukora inzindi zitandukanye.

Producer Papito yanagarutse no kuba uyu munsi hari abahanzi bataramenya kugendana n’ikoranabuhanga rivuka umunsi ku wundi mu muziki, ugasanga hari imbunga nyinshi zicururizwaho umuziki badakoresha, kandi mu by’ukuri byabafasha gutera imbere.

Abajijwe ku baterankunga mu muziki abitwa ‘Managers’, Papito yavuze ko abantu bafite ubushobozi batariyumvisha ko umuziki ari igicuruzwa nk’ibindi byose, mu gihe wize umushinga neza, cyane ko abahanzi bo mu bihugu byateye imbere aribwo buryo bakoreramo.

Ati "Ibi byo ni ikibazo gikomeye, benshi mu bantu bafite ubushobozi hano iwacu ntibariyumvisha ko umuziki ari nk’izindi business kandi zunguka cyane."

Yakomeje asaba ko ibigo by’ubucuruzi, ba rwiyemezamirimo n’abandi bafite ubushobozi gushaka uko bashora amafaranga mu muziki, kuko ari umushinga ubyara inyungu iyo ukozwe neza.

Papito yashimye uruhare rw’itangazamakuru uburyo rikomeje gufasha abahanzi mu buryo bigaragra.

Producer Papito, amaze gukorera indirimbo abahanzi barimo Gabiro Guitar, Comfy, Bull Dog, Tbb, Mc Tino, Sintex, Mistaek n’abandi benshi.

Mu mpera z’icyumweru gishize, umuraperi Meek Mill wari umaze iminsi mu biruhuko muri Ghana, yasangije amashusho y’indirimbo yafatiye mu murwa mukuru Accra, ariko hakabamo amashusho make atishimiwe n’abaturage.

Ayo mashusho Meek yasabiye imbabazi yerekana imbere mu nzu ya ‘Jubille House’, ari na yo ngoro ya Perezida w’iki Gihugu.

Ni mugihe andi mashusho yerekana uyu muraperi yakoresheje amugaragaza ari kuri podium yakoreshejwe na Perezida Nana Akufo-Addo, ubwo yarahiriraga kuyobora igihugu.

Abaturage ba Ghana bakimara kubona ayo mashusho bahise bakoresha imbuga nkoranyambaga, bagaragaza ko batishimiye ibyakozwe na Meek Mill, bavuga ko ari agasuzuguro kuri Perezida w’Igihugu cyabo.

Benshi babinenze bavugaga ko gufatira amashusho muri iyi nyubako ari ukurenga ku mategeko, mu gihe batanumva uburyo Meek yemerewe gufatira amashusho aho hantu hubashywe cyane.

Meek Mill yahise ajya kuri twitter asaba imbabazi, agira ati “Ndasaba imbabazi abaturage niba ari agasuzuguro! Ku baturage ba Ghana nta videwo nashyize hanze igamije gusuzugura abaturage ba Ghana”.

Yavuze ko nk’umuhanzi kwari uguhuza umuziki ndetse n’ubugeni bugamije guhuza umugabane wa Afurika na Amerika, ndetse ko nk’umuntu wakuriye muri Amerika kugeza ku myaka irenga 30, Atari azi neza imibereho y’abaturage bo muri Ghana.

Meek Mill yemeye kandi ko abayobozi bo mu biro bya Perezida wa Ghana, Nana Akufo-Addo, batari bazi ko arimo gufata amashusho, ndetse ko yahise ayakura ku mbuga nkoranyambaga.

Chorale de Kigali yasubiyemo indirimbo ya Buravan

Umuhanzi Burabyo Dushime Yvan (Yvan Buravan) yitabye Imana tariki 17 Kanama 2022 aguye mu bitaro byo mu Buhinde aho yari yaragiye kwivuriza.

Mu butumwa Chorale de Kigali yasangije abayikurikira kuri Twitter buherekejwe n’iyo ndirimbo basubiyemo, yavuze ko babikoze nk’uko Yvan Buravan yabyifuje.

Bagize bati “Nk’uko umuhanzi Yvan Buravan yari yarabyifuje, Chorale de Kigali yasubiyemo indirimbo ‘Gusaakaara’ y’uyu muhanzi; ikaba izajya ahagaragara mu gitaramo cya ‘Christmas Carols Concert’ kiba kuri uyu wa Gatanu tariki ya 16 Ukuboza 2022”.

Iyi ndirimbo ‘Gusaakaara’ cyo kimwe n’iy’igikombe cy’Isi, ni zimwe mu ziririmbirwa abitabira igitaramo Chorale de Kigali yateguriye abakunzi bayo.

Ibi byagarutsweho na Shema Christian, ubwo yari mu kiganiro Dunda Show kuri KT Radio, agira ati “Ni uruhisho dufitiye abakunzi bacu bazitabira igitaramo cyo kuri uyu wa Gatanu, bazaze ari benshi nk’uko bisanzwe, indirimbo twasubiyemo ya Yvan Buravan, bazayumva ndetse tuzabaririmbira n’iy’igikombe cy’Isi”.

Christmas Carols Concert, ni igitaramo ngarukamwaka gitegurwa na Chorale de Kigali mu rwego rwo gufasha abakunzi bayo kwinjira mu minsi mikuru isoza umwaka neza.

Iki kigiye kuba ku nshuro ya cyenda kikaba kibera muri Kigali Conference and Exhibition Village (KCEV) ahazwi nka Camp Kigali.

Yvan Buravan ni we wasabye ko Chorale de Kigali isubiramo indirimbo ye

Iyi ndirimbo ‘Gusaakaara’ ya Yvan Buravan yatunganyijwe na Producer Madebeats ikaba iri kuri Album ya kabiri yise ‘Twaje’.

Amatike y’iki gitaramo amaze amezi abiri agurishwa ku bifuza kukitabira, ndetse imyanya isigaye ikaba ari mbarwa nk’uko Christian yabikomojeho.

Ku bifuza amatike bashobora gukoresha telefoni ngendanwa, bagakanda *939*3*2#.

Ibiciro ku bashaka kwitabira iki gitaramo bicaye mu myanya y’icyubahiro VVIP barishyura 25,000 Frw, mu gihe uzagurira itike ku muryango azishyura 30,000 Frw.

Mu myanya ya VIP ni 15,000 Frw mu gihe kugurira ku muryango ari 20,000 Frw naho imyanya isanzwe ni 10,000 Frw gusa ariko ugurira itike ku muryango arishyura 15,000 Frw.

Amakuru y’urupfu rw’umubyeyi wa Bad Rama yamenyekanye kuri uyu wa Mbere, aho bivugwa ko yitabye Imana mu ijoro ryo ku Cyumweru tariki 11 Ukuboza 2022.

Bad Rama ni umwe mu bagabo bamaze igihe kinini mu muziki, aho yatangiye aririmba nyuma aza gushinga inzu ya The Mane yari igamije gufasha abahanzi mu muziki.

Izina Bad Rama ryamenyekanye cyane ubwo iyo nzu ifasha abahanzi yatangiriye ku mazina akomeye arimo abahanzi nka Jay Poly, Safi Madiba, Queen Cha ndetse na Calvin Mbanda, n’ubwo aba baje kuyivamo.

Inzu ya The Mane kugeza ubu yasigaranye Marina Deborah, nyuma y’uko ayisezeyemo ariko akaza kongera kuyisubiramo.

Bad Rama aherutse kugaruka mu Rwanda nyuma y’imyaka ibiri yari ishize abarizwa muri Leta Zunze Ubumwe za Amerika.

Ubwo yagarukaga mu Rwanda, yavuze ko hari byinshi byo gushyira ku murongo, gutegura ibitaramo by’umuziki n’ibindi.

Indirimbo ya Alyn Sano iri mu zikunzwe kuri RFI

Alyn Sano wanegukanye igihembo nk’umuhanzikazi w’umwaka mu Rwanda, muri Kiss Summer Award, indirimbo ye yashyizwe mu zikunzwe kuri Radio mpuzamahanga y’Abafaransa RFI, nk’uko bigaragara ku rutonde rwashyizwe ahagaragara ku wa Kane.

Kuri uru rutonde, Yemi Alade ukomoka muri Nigeria ni we uyoboye n’indirimbo ye yise ’Baddie’, Aya Nakamura akaza ku mwanya wa kabiri n’indirimbo yise ’SMS’, mu gihe ’Say Less’ iri ku mwanya wa gatandatu.

Ku wa Kane tariki 1 Ukuboza 2022, ni bwo Alyn Sano yashyize hanze amashusho y’iyi ndirimbo ifite iminota 4 n’amasegonda 50.

Umuhanzi Fik Fameika yafatanyije na Alyn Sano

Abahanzi uyu mukobwa yahurije muri iyi ndirimbo ni Fik Fameika umwe mu bahanzi bagezweho muri Uganda ndetse na Sat B uri mu bakomeye mu gihugu cy’u Burundi.

’Say less’ ni imwe mu ndirimbo uyu muhanzikazi avuga ko zamuvunnye, kuko yamutwaye imbaraga nyinshi zinarenga izo yari yateganyije ajya kuyitangira.

Alyn Sano

Alyn Sano yatangaje ko imyaka hari hashize imyaka ibiri agerageza guhuriza hamwe aba bahanzi muri iyi ndirimbo yise "Say Less", gusa bibangamirwa n’icyorezo cya Covid-19 cyatumye badahuza neza.

Uyu mukobwa yavuze ko muri Gicurasi 2022 ari bwo bafashe amashusho y’iyi ndirimbo, yafashwe akanatunganywa na Sasha Vybz umwe mu bakomeye mu gihugu cya Uganda mu gutunganya amashusho y’indirimbo z’abahanzi bo mu Karere.

Sat B na we yafatanyije na Alyn Sano

Indirimbo ’Say Less’ mu buryo bw’amajwi yakozwe na Producer Element muri Country Records inononsorwa na Bob Pro.

Kuva bapfusha umwana ni bwo bongeye kugaragara mu ruhame

Davido na Chioma baheruste kugira ibyago byo gupfusha umwana w’umuhungu w’imyaka 3 witwa Ifeanyi Adeleke, wapfuye nyuma yo kurohama muri pisine ku itariki 01 Ugushyingo 2022.

Nyuma y’urupfu rw’uyu mwana w’imfura w’aba bombi, bari batarongera kugaragara mu ruhame, cyangwa se ngo no ku mbuga nkoranyambaga zabo basanzwe bakoresha.

Ikinyamakuru Pulse.com.gh cyatangaje ko Davido na Chioma bagaragaye mu ruhame bishimanye n’abandi bo mu miryango yabo, mu birori byateguwe na Nyirarume witwa Ademola Adeleke warahiriraga kuyobora Intara ya Osun yo muri Nigeria.

Amafoto bafotowe muri ibyo birori yagaragaje aba bombi kandi bambaye impeta z’ubukwe, aho bivugwa ko bashobora kuba barashyingiranywe ariko ibirori bikaba mu buryo bwibanga rikomeye.

Umwe mu banya-Nigeria uzwi ku mbuga nkoranyambaga, Tunde Ednut, akaba kandi umuntu wa hafi y’umuryango wa Davido, aherutse gushyira kuri Instagram ye ifoto ya Davido na Chioma igaragaza impeta ku ntoki z’aba bombi.

Iyo foto Tunde yayiherekeresheje amagambo ariho imoji y’impeta, agira ati "Si njye uzarota mbibonye"!

Aha ni ho ibitangazamakuru byahise bitangira kwandika ko Davido na Chioma Rowland baba barashyingiranywe, ariko bakabikora mu ibanga rikomeye.

Davido ibirori bya nyirarume yagaragayemo bivugwa ko n’ubundi yari asanzwe amushyigikira muri gahunda ze zirimo no kuba yariyamamarije kuba Guverineri w’intara ya Osun ndetse aranabitorerwa.

Umubyeyi wa Diamond (Uri hagati), yashyigikiye urukundo rw’umuhungu we na Zuch

N’ubwo mu bihe bitandukanye Zuchu na Diamond bagiye bahakana amakuru yabavugagaho ko bakundana, bo bakavuga ko bahuzwa n’akazi cyane ko Zuchu asanzwe afashwa n’inzu ya Wasafi, imwe muri sosiyete zikomeye mu myidagaduro ya Diamond.

Gusa amakuru y’urukundo rwa Diamond na Zuchu yabaye nk’ajya ku karubanda binyuze kuri ba nyir’ubwite, ubwo Zuchu yagiraga isabukuru y’amavuko.

Icyo gihe Diamond yaramutatse, ndetse avuga ko ntawe umumurutira kandi ko iteka azahora amukunda, ndetse aya magambo ayaherekeresha amafoto menshi ya Zuchu ndetse n’amashusho amwicayeho banasomana byimbitse.

Ibi by’urukundo rwa Diamond na Zuchu byabaye nk’ibitakiri ibihuha nyuma y’uko bibaye nk’ibihabwa umugisha na Sanura Kasim, nyina wa Diamond, ubwo na we yifurizaga Zuchu isabukuru nziza y’amavuko.

Diamond ari kumwe na nyina umubyara

Ati “Nkwifurije kurambana imigisha myinshi mukazana wanjye Zuchu”.

Ibinyamakuru byo muri Tanzaniya byatangaje ko nyuma y’amagambo ya nyina wa Diamond kuri Zuchu agaragaza amahirwe adasanzwe uyu mukobwa agize mu rukundo rwe na Diamond, cyane ko abandi bakobwa bose bakundanye na Diamond batigeze bishimirwa n’uyu mubyeyi.

Aha Diamond yari kumwe na Tanasha, umwe mu bagore be hamwe n’umwana babyaranye

Zari Hassan na we ni umwe mu bagore ba Diamond

Ni igitaramo cyabaye ku mugoroba wo ku wa Gatanu tariki 25 Ugushyingo 2022. Cyateguwe na Rwanda Events Group ifatanyije na Aflewo Rwanda.

Hari ku nshuro ya kabiri Hillsong London ikoreye igitaramo mu Rwanda kuko icyaherukaga cyabaye mu 2019 na cyo cyari cyiswe ‘Hillsong London Live in Kigali’.

Uretse Hillsong London, Bishop Benjamin Dube wo muri Afurika y’Epfo na we yari ategerejwe muri iki gitaramo cyayobowe n’umunyamakuru Tracy Agasaro.

Iki gitaramo cyitabiriwe n’abarimo abahanzi bakomeye mu Rwanda mu muziki wo kuramya no guhimbaza Imana, nka Gaby Irene Kamanzi, Israel Mbonyi, James & Daniella, Aline Gahongayire n’abandi batandukanye.

Aime Uwimana umaze igihe kinini akora umuziki wo kuramya no guhimbaza Imana ni we wabimburiye abandi bahanzi ku rubyiniro. Yaririmbye zimwe mu ndirimbo zakunzwe zirimo ‘Shimwa’, ‘Urwibutso’ n’izindi.

Aimé Uwimana yakurikiwe n’Umunyafurika y’Epfo, Bishop Benjamin Dube, wakiranywe urugwiro rudasanzwe n’abari bateraniye muri BK Arena doreko yari yakubise yuzuye.

Benjamin Dube n’itsinda ry’abamufasha kuririmba na bo urukundo bagaragarijwe ntibarupfushije ubusa, kuko bagaragaje imbaraga zidasanzwe ku rubyiniro ndetse yibutsa Abanyarwanda ko n’ubwo akuze ariko afite ijwi ry’umwimerere.

Uyu mugabo w’imyaka 60, yanyuzagamo akaganiriza abari bitabiriye iki gitaramo. Hari aho yagize ati “Iyo Imana iri mu ruhande rwawe, nta muntu wakurwanya ngo bimukundire”.

Mu ndirimbo yaririmbye zirimo ‘Jehovah Is your’, ‘When I think About Jesus’, ‘Elshadai Medley’, ‘Uvumule’ n’izindi zitandukanye yamenyekanyemo.

Ubusanzwe, Benjamin Dube ni umushumba w’itorero High Praise Centre Church, akaba umwanditsi w’indirimbo akanizitunganya, akaba amaze imyaka irenga 30 akora umurimo wo kuririmba.

Indirimbo ze zaramamaye cyane ndetse zashyizwe mu Kinyarwanda, nka ‘Ketshepile Wena’ yahimbwemo ‘Hariho Impamvu’ na ‘Thel’umoya’ ihinduka ‘Nimurebe Urukundo’.

Hillsong London nk’abahanzi bari bategerejwe n’abantu benshi ni yo yakurikiye Bishop Benjamin Dube.

Mbere y’uko batangira gutaramira imbaga y’abakunzi babo bari babukereye ku bwinshi, aba baramyi bavuze ko bakunze cyane Abanyarwanda, akaba ari na yo mpamvu bagarutse gutaramana na bo mu gitaramo gifite umwihariko wo gushima Imana.

Zimwe mu ndirimbo baririmbye zirimo ‘Oceans’, ‘This is Living’, ‘Real Love’, ‘Jesus Is’, ‘That’s The Power’, ‘Lord you’re all I Need’, ‘Surrender’, ‘Behold’ n’izindi nyinshi.

Iri tsinda ubwo ryari rigeze ku ndirimbo yabo bise ‘What a beautiful name’, ibintu byahise bihindura isura muri BK Arena, kuko abantu bose bahise bahaguruka baririmbana ijambo ku rindi n’iri tsinda bahamya ko “Nta rindi zina wabona wagereranya n’izina rya Yezu”.

Iyi ndirimbo ni imwe mu zakunzwe cyane za Hillsong London ku Isi hose, dore ko kuri Youtube honyine imaze kurebwa n’abarenga miliyoni 464.

Junior Multisystem mbere na nyuma yo gukora impanuka

Amakuru avuga ko Junior Multisystem amaze iminsi arembeye mu rugo kubera uburwayi bufitanye isano n’ingaruka zo gucibwa ukuboko.

Mu butumwa yanyujije kuri konti ye ya Facebook, yasabye abakunzi be kumusengera, ati “Pray for me” (Munsengere).

Muri Mata 2019, ni bwo Junior yakoze impanuka agonzwe n’imodoka bimuviramo gucibwa ukuboko kuko kwari kwangiritse.

Muri uyu mwaka ubwo yasurwaga n’itangazamakuru, yavuze ko akeneye ubuvuzi bwimbitse kugira ngo abe yakira neza, anahishura ko abayeho mu buzima bushaririye.

Junior arasaba abamukurikira kumusengera kuko ubuzima bwe bumerewe nabi

Icyo gihe Junior Multisystem yavuze ko nyuma y’igihe gito avuye mu bitaro, yatangiye kujya yumva uburibwe aho baciriye ukuboko, bigera aho birushaho kwiyongera.

Uyu mugabo wakoze indirimbo zakunzwe na benshi mu bakunzi ba muzika nyarwanda, ahamya ko igisigaye ari ukwiragiza Imana.

Zimwe mu ndirimbo Junior Multisystem yakoze harimo ‘Urudashoboka’ ya Knowless, ‘Umfatiye Runini’ ya Urban Boyz, ‘Ni ko Nabaye’ ya Zizou Alpacino, ‘Birarangiye’ ya Dream Boyz, n’izindi nyinshi zakunzwe.

Hillsong London, yageze i Kigali bari kumwe na Bishop Benjamin Dube ukomoka muri Afurika y’Epfo mu gitondo cyo kuri uyu wa Kane tariki 24 Ugushyingo 2022.

Iki gitaramo giteganyijwe kuba kuri uyu wa Gatanu tariki 25 Ugushyingo 2022, kikazabera muri BK Arena.

Uretse Hillsong London na Bishop Benjamin Dube uri mu baramyi bakomeye muri Afurika, iki gitaramo kizaririmbamo na Aimé Uwimana.

Abateguye iki gitaramo batangaje ko impamvu bongeye gutumira iri tsinda rya Hillsong London ari uko ubwo baheruka mu Rwanda muri 2019 bakoze igitaramo cyiza cyakoze ku mitima ya benshi.

Bikazaba n’umwihariko wo guha umwanya abakunda indirimbo zo kuramya no guhimbaza mu muziki w’umwimerere.

Kwinjira muri iki gitaramo cyateguwe na Rwanda Events ifatanyije na AFLEWO Rwanda ni 5000 Frw mu myanya isanzwe, 20 000 Frw muri VIP na 50 000 Frw muri VVIP.

Amatike yo kwinjira mu gitaramo agurishirizwa kuri BK Arena no mu buryo bw’ikoranabuhanga binyuze ku rubuga rwa www.ticqet.rw

Iki gitaramo kizaba tariki 23 Ukuboza 2022, cyateguwe na East Gold Entertainment ifatanyije na Skol Rwanda.

East Gold Entertainment ni yo yateguye igitaramo cy’amateka umuhanzi The Ben yakoreye muri BK Arena ku wa 6 Kanama 2022, cyitwaga ‘Rwanda Rebirth Celebration Concert’.

Nta byinshi biratangazwa kuri iki gitaramo cya Diamond, haba ku biciro byo kwinjira ndetse n’aho kizabera.

Uyu muhanzi w’icyamamare muri Afurika by’umwihariko mu Karere ka Afurika y’Iburasirazuba, Diamond Platnumz yaherukaga gutaramira Abanyakigali mu mwaka wa 2019, ubwo yitabiraga isozwa ry’ibitaramo bya ‘Iwacu na Muzika Festival’.

Uzatsinda azahembwa Miliyoni 10 z’Amanyarwanda

Abahatana bagera kuri 40 ni bo bakomeje mu cyiro cya mbere, na cyo cyaje kuvamo abanyempano 10 bazakomeza mu cyiciro cya nyuma kugira ngo hamenyekane uzatsinda.

Aba banyempano bagombaga kwerekana impano zabo ku wa Gatandatu tariki 12 Ugushyingo 2022, biza gusubikwa kubera imvura yaguye ari nyinshi biba ngombwa ko babyimurira ku munsi ukurikiyeho.

Abahanzi 10 bakomeje

Iri rushanwa ryabereye i Nyamirambo aho bita mu marangi. Umuhanzi uzatsinda iri rushanwa azahembwa Miliyoni 10 z’amafaranga y’u Rwanda.

Ngeruka Faycal yavuze ko aya mafaranga akubiyemo 20% azahabwa mu ntoki uwatsinze, gukorerwa indirimbo, kwitabwaho mu buryo bwose bw’umuhanzi, guhabwa abafamusha mu muziki ‘Label’ n’ibindi.

Abitabiriye iri rushanwa bahatanye mu bice bine:

Igice cya mbere ni ukuririmba indirimbo zizwi nka ‘Karahanyuze’ zaririmbwe hagati y’imyaka ya 1980 na 1990, kuririmba indirimbo zaririmbwe hagati y’imyaka ya 1998 na 2011, indirimbo zo muri iki gihe (New school) ndetse na ‘Original song’ (aho uhatana yaririmbaga indirimbo ye bwite).

Abagize akanama nkemurampaka

Akanama nkempurampaka kagizwe na Mani Martin, Mr Kamanzi, ndetse na Chantal.

Eddy Kenzo ari mu bahanzi bahatanira Grammy Awards 2023

Eddy Kenzo washinze inzu y’imyidagaduro inafasha abahanzi yitwa Big Talent Entertainment, yamenyekanye ku rwego mpuzamahanga nyuma yo gusohora indirimbo ‘Sitya Loss’, mu 2014 yatumye azamuka.

Iyi ndirimbo yarushijeho gukundwa hirya no hino ku Isi, bitewe na video yayo igaragaramo abana babarizwa muri ry’ababyinnyi ‘Triplets Ghetto Kid’.

Abahatanira ibihembo ngarukamwaka bya Grammy bigiye kuba ku nshuro ya 65 batangajwe ku wa Kabiri tariki ya 15 Ugushyingo 2022, mu gihe umuhango nyirizina wo kubibashyikiriza uzaba ku ya 5 Gashyantare 2023, kuri Crypto.com Arena i Los Angeles muri Leta Zunze Ubumwe za Amerika.

Muri ibi bihembo, umuhanzikazi Beyonce ni umwe mu bahatanye mu byiciro byinshi kuri iyi nshuro aho abarizwa mu bigera ku icyenda, nyuma yo gushyira hanze Album ye yitwa ‘Renaissance’ yakunzwe cyane hirya no hino ku Isi.

Indirimbo Eddy Kenzo yakoranye na Mat B yitwa ‘Gimme Love’ yashyizwe hanze mu mezi make ashize, ni yo yamushyize mu bahatanira bihembo bikomeye ku rwego rw’Isi.

Iyi ndirimbo yatowe mu cyiciro cya ‘Best Global Music Performance’, aho ihanganye na ‘Udhero Na’ yakozwe na Arooj Aftab afatanyije na Anoushka Shankar, ‘Last Last’ ya Burna Boy, na ‘Neva Bow Down’ ya Rocky Dawuni afatanyije na Blvk H3ro.

Kenzo akimara kubona ayo makuru, yashimiye Imana ku byo yagezeho, agira ati “Imana ni nziza cyane, Uganda iri muri Grammy”.

Muri rusange, Edrisah Musuuza amaze gusohora Alubumu enye, harimo iyitwa ‘Roots’ yasohoye muri 2018 ndetse na ‘Made In Africa’ aheruka gushyira hanze muri 2021, ndetse yakoze n’indirimbo nyinshi zamenyekanye ku rwego mpuzamahanga.

Muri 2015, Eddy Kenzo yatsindiye BET Award

Kenzo kandi yatsindiye ibihembo byinshi haba imbere mu gihugu ndetse no ku rwego mpuzamahanga, harimo igihembo cya BET yakiriye mu 2015, igihembo cya Nickelodeon Kids’ Choice Award muri 2018, n’ibindi bihembo byinshi byo ku mugabane wa Afurika.

Ni we muhanzi wa mbere wo muri Uganda wegukanye igihembo cya BET, akaba ari we muhanzi wa mbere muri iki gihugu uhatanye mu bihembo bya Grammy.

Umuhanzi Eddy Kenzo yahishuye ko hari abadhaka kumwica

Eddy Kenzo wamamaye mu ndirimbo ’Sitya Loss’ akaba asanzwe ari umuyobozi wa sosiyete y’imyidagaduro no gufasha abahanzi, yahishuye ko hari abantu bishyuwe kugira ngo bamuhitane.

Uyu mugabo yavuze ibi ubwo yaganiraga n’abanyamakuru mu murwa mukuru wa Kampala muri Uganda, agaruka ku gitaramo cy’amateka aheruka gutegura mu cyo yise "Eddy Kenzo Festival", kikitabirwa n’abarenga ibihumbi 30.

Ni igitaramo cyabaye ku wa Gatandatu tariki 12 Ugushingo 2022, gitumirwamo abahanzi bakomeye mu karere barimo Bruce Melodie, Harmonize, Mampi, Jose Chameleone n’abandi.

Eddy Kenzo muri icyo kiganiro n’abanyamakuru cyabereye kuri Fairway Hotel, yavuze ko yifuza kumenyesha abanya-Uganda ko hari abantu bashaka kumutwara ubuzima bwe.

Ati "N’ubwo ndi muzima ariko ntabwo nzi neza amaherezo y’ubuzima bwanjye kugeza ubu".

Eddy Kenzo yongeyeho ko abantu bava mu gihugu bajya mu mahanga bavuga ko bagiye gushakirayo amahoro ari bo bahindukira bagateza umutekano muke no kubangamira ituze ry’igihugu.

Yagize ati "Nyamuneka munsengere, ibintu mubona ku mbuga nkoranyambaga ntibigarukira aho. Hariho abantu benshi bahawe amafaranga ngo banyice".

Yakomeje agira ati "Reka mvuge ibi bintu nkiri muzima kuko sinzi neza niba ejo nzabona uko mbivuga".

Eddy Kenzo yashimangiye ko ibyo abantu babona kuri internet by’abantu batera abandi ubwoba ari ukuri kuko na we ubwe bamugezeho.

N’ubwo atashatse gutangaza abantu bashaka kumutwara ubuzima, yahamije ko urwango abo bamufitiye kugeza ubu rudafite icyo rushingiyeho.

The Ben (iburyo), yongeye gukorana indirimbo na Otile Brown

Otile Brown umwe mu bahanzi bakomeye cyane mu gihugu cya Kenya no mu Karere ka Afurika y’Iburasirazuba, iyi ndirimbo si yo ya mbere akoranye na The Ben, nyuma ya ‘I can’t get enough’.

Iyi ndirimbo iri kuri EP ya Otile Brown yise ‘Uptown Flex’, aho iri kumwe n’izindi zirimo Sempre, Run Up, Fine by Me Realer na Double Up.

Indirimbo ‘Kolo Kolo’ Otile Brown yakoranye na The Ben yakozwe mu buryo bw’amajwi na Ayooo Rush umwe mu bahanga batunganya indirimbo mu Rwanda, mu gihe amashusho yayo yo yafashwe anatunganywa na Hanscana wo muri Tanzania.

Umukobwa ugaragara mu mashusho y’indirimbo Kolo Kolo ya The Ben na Otile

Mugisha Benjamin wamamaye nka The Ben, uyu ni umuzingo wa kabiri w’indirimbo z’umuhanzi wo mu bihugu bituranye n’u Rwanda agaragayeho, nyuma y’uko ari umwe mu bahanzi bagaragaye kuri Album ya Ommy Dimpoz yise ‘Dedication’.

Indirimbo The Ben yakoranye na Ommy Dimpoz yitwa ‘I Gatch You’, iri muri 15 ziri kuri Album y’uyu muhanzi, ikaba ari na yo ya mbere The Ben yakoranye na Ommy Dimpoz.

Izi ndirimbo The Ben akoranye n’aba bahanzi zije nyuma yo gukorana na Diamond Platnumz indirimbo bise ‘Why’, imwe mu zakunzwe cyane ku rwego mpuzamahanga.

Davido uherutse gupfusha umwana yasubitse ibitaramo yari afite muri Amerika

Amakuru y’urupfu rw’imfura ya Davido, yitwa Ifeanyi Adeleke w’imyaka itatu yamenyekanye itariki ya 01 Ugushyingo 2022, arohamye muri pisine mu rugo rwa Davido ahitwa Banana Island.

Uyu mwana w’umuhungu Davido yamubyaranye n’umukunzi we Chioma Rowland.

Davido yafashe umwanzuro wo gusubika ibitaramo byose yari afite, mu itangazo ryashyizwe hanze, rivuga ko bitari byoroshye gufata umwanzuro nk’uwo.

Iryo tangazo rigira riti “Twakoze byinshi byari bikomeye, ariko umwanzuro wo gusubika iserukiramuco rya ‘Are We Africans Yet?’ (A.W.A.Y Festival) ni ibintu bikenewe cyane.”

Iri tangazo rivuga ko muri ibi bihe Davido akeneye umwanya uhagije wo kumarana n’abo akunda ndetse n’umuryango we.

Ikinyamakuru Ghanaweb.com cyatangaje ko iri serukiramuco ryimuriwe tariki 18 Ugushyingo 2023, ndetse abaguze amatike basabwe kwihanganira izi mpinduka, bizezwa ko ayo baguze azahabwa agaciro umwaka utaha.

Iri serukiramuco rya A.W.A.Y Festival ryari kuzabera mu nyubako ya ‘State Farm Arena’ yakira abantu basaga ibihumbi 20, ikaba iherereye mu mujyi wa Atlanta muri Leta ya Georgia.

Abahanzi byari biteganyijwe ko bazaririmbira muri iryo serukiramuco barimo abasanzwe bafashwa na Davido nka Mayorkun, Stonebwoy, BNXN, Kizz Daniel, Pheelz, Lojay, n’abandi.

Davido yakomeje asaba abakunzi be kwihanganira izo mpinduka ndetse ko bizeye ko ubwo iri serukiramuco rizaba risubukuwe bazamushyigikira.

Uretse iri serukiramuco, uruganda rwa PUMA rwahagaritse imurika ry’ibicuruzwa byayo byamamazwa na Davido binyuze mu cyitwa ‘We Rise by Lifting Others’.

Hamida witabye Imana

Amakuru y’urupfu rwa Hamida, yamenyekanye mu gitondo cyo kuri iki Cyumweru tariki 6 Ugushyingo 2022, atangajwe n’umuvandimwe we wari umaze iminsi amurwaje.

Hamida wari wariyongereyeho izina rya Abdul ku mazina ye, akaba yaraguye iwabo mu Biryogo, Akarere ka Nyarugenge i Kigali.

Mu butumwa yanyujije kuri Whatsapp ya Hamida, uyu muvandimwe we yagize ati “Mwaramutse, umuryango, inshuti n’abavavandimwe, ndagira ngo mbamenyeshe ko umuvandimwe wanjye yitabye Imana. Mukomeze mu mumusengere.”

Hamida yari aherutse gutangaza ko arembye bikomeye, ndetse yanatakaje amaraso menshi aho atanabashaga gutambuka.

Hamida kandi yaboneyeho guhishura ko arwaye Leukemia (ubwoko bwa kanseri y’amaraso) ndetse na Infenction y’ibihaha.

Rwatubyaye Abdul muri 2019 nibwo yatangiye kuvugwa mu rukundo na Hamida, umunyarwandakazi usanzwe uba muri Indonesia. Mu 2020 urukundo rwabo rwaje gukomera, icyakora mu minsi ishize Rwatubyaye yemeje ko iby’urukundo rwe na Hamida byarangiye, ndetse batakiri kumwe.

LADIPOE yaje gutaramira mu Rwanda

Uyu musore w’imyaka 30, ari mu Rwanda mu ruzinduko rw’iminsi ibiri aho yaje kumenyekanisha ibihangano bye bishya ndetse no gusabana n’abakunzi be mu Rwanda ndetse akanabataramira.

LADIPOE ubwo yari yakiriwe kuri KT Radio mu kiganiro Dunda show, yavuze ko mbere na mbere ibyo yishimira mu muziki we ari ukuba abarizwa mu nzu ifasha abahanzi yitwa Mavin Records yo muri Nigeria ikaba inayoborwa na Don Jazzy umwe mu bakomeye muri Afurika.

Muri 2017 nibwo uyu muhanzi yasinye amasezerano yo gutangira gufashwa n’iyi nzu ya Mavin Records, akibarizwamo kugeza uyu munsi.

Iyi nzu yanyuzemo abahanzi b’ibyamamare barimo Tiwa Savage, Wande Coal, Iyanya na Korede Bello.

Ladipoe yavuze ko kuba abarizwa mu nzu ifasha abahanzi yanyuzemo ibyamamare bitandukanye, ikaba kandi irimo abandi bahanzi b’abahanga bituma akora cyane kugira ngo ibihangano bye bibashe kugera kure no gukundwa.

Abajijwe ku cyo abahanzi nyarwanda bakwiye gukora kugira ngo na bo babashe kumenyekana nka we ku rwego mpuzamahanga, yavuze ko ibyinshi babizi na bo kandi babibwirwa kenshi bityo ko icyo bakeneye ari uguhozaho.

Ati: "Benshi mu bahanzi baza mu muziki bashaka guhita babona amafaranga bakagafata, oya ibyo si byo, umuziki usaba kwihangana."

Yakomeje agira ati: "Indirimbo yanjye yitwa ’Know You’ nakoranye na Simi, nayikoze muri 2017 ariko nyishyira hanze muri 2020, urumva ko byansabye kwihangana cyane. Rero niba hari umuhanzi uri kutwumva na we yakwihangana akazajya ashyira hanze indirimbo mu gihe yumva gikwiye."

LADIPOE yavuze ko ibyo bizarushaho gufasha abahanzi nyarwanda kugera ku nzozi zabo.

Yavuze kandi ko yiteguye gukorana n’umuhanzi w’umunyarwanda mu gihe bahuza ariko na none akaba afite ubushake bwo gukora.

LADIPOE yaherukaga mu Rwanda muri Kamena uyu mwaka mu gitaramo cya Kigali Chop Life cyari cyateguwe na sosiyete EmPawa Africa ya Mr Eazi.

Indirimbo 10 za Taylor Swift zihariye imyanya 10 ya mbere kuri Billboard Hot 100

Aka gahigo yagakuyeho umuhanzi Drake, wari warakoze amateka nk’ayo, dore ko muri Nzeri ya 2021 yagize indirimbo icyenda mu icumi za mbere kuri urwo rutonde rwa Billboard Hot 100.

Imbonerahamwe ya Swift yiganje bitewe na alubumu ye iheruka yise ‘Midnights’, iriho indirimbo 20, yagurishijwe cyane muri uyu mwaka wa 2022.
Uyu mugore w’imyaka 32 uretse ako gahigo yashyizeho, imwe mu ndirimbo ze yitwa ‘Anti-Hero’, kugeza ubu na yo iri gukora amateka ku rubuga rwa ‘Tik Tok’.

Ngizi indirimbo 10 zose za Taylor Swift

Indirimbo za Taylor Swift zigera kuri 13 za album Midnights zigaragara mu ndirimbo 15 za mbere, mu gihe ‘Unholy’ ya Sam Smith iza ku mwanya wa 11 na ‘Bad Habis’ ya Steve Lacy ikaza ku mwanya wa 12.

Izindi ndirimbo za Taylor Swift zisigaye zigera kuri zirindwi ziri hagati y’umwanya wa 20 na 45.

Taylor Swift

Uretse kuba Album ya Taylor Swift yakoze amateka kuri ‘Billboard Hot 100’, kugeza ubu ni na yo ifatwa nka Album imaze kugurishwa cyane muri 2022 nyuma y’igihe gito igiye hanze.

Umuraperi Takeoff yishwe arashwe

Urupfu rwa Takeoff rwatangajwe n’ikinyamakuru cya TMZ Hip Hop.

Abashinzwe umutekano ndetse n’abatangabuhamya benshi, batangarije ikinyamakuru TMZ ko iki gikorwa cy’urugomo cyabaye mu masaha y’igitondo, ari na bwo Polisi yahamagawe ibwirwa ko hari umuntu urasiwe mu kabari kitwa 810 Billiards & Bowling gaherereye i Houston.

Amakuru avuga kandi ko uku kurasana kwabaye ubwo Takeoff na Quavo bariho bakina umukino wa ‘dice’, maze umuntu utahise amenyekana abamishamo amasasu ari na bwo Takeoff yahitaga araswa akahasiga ubuzima.

Takeoff yarashwe ari kumwe na Quavo babanaga mu itsinda Migos akaba na se wabo

Polisi yatangaje ko hari abandi bantu babiri barashwe aho bahise bajyanwa mu bitaro gusa ntibiramenyekana uko bamerewe kugeza ubu.

Amasaha make gusa mbere y’uko kurasana, Takeoff yasangije abamukurikira ifoto yari amaze kwifotoza.

Takeoff yabarizwaga mu itsinda Migos

Mu ijoro ryakeye, Quavo na we yari yashyizeho andi mashusho atwaye imodoka bari kuzenguruka muri Houston ari kumwe na Jas Prince, wizihizaga isabukuru ye.

Itsinda rya Migos ryari risanzwe rigizwe n’abasore batatu barimo Offset wari mubyara wa Takeoff, na Quavo wari nyirarume.

Patient Bizimana yakiriwe n’umugore we muri Amerika

Patient Bizimana yimukiye muri Amerika nyuma y’uko tariki ya 19 Ukuboza 2021 ari bwo yakoze ubukwe na Gentille, ndetse mu mpera za Nzeri muri uyu mwaka bibarutse imfura ya bo aho yavukiye muri Amerika kuko umugore yari yarasubiyeyo mu kazi.

Uyu muhanzi ntiyabashije guhita ajyana n’umugore we muri Amerika kuko yagumye mu Rwanda kugira ngo abanze abone ibyangombwa bimwemerera kujya gutura muri Amerika.

Ku Cyumweru tariki 30 Ukwakira 2022, ni bwo Patient Bizimana yasangije abamukurikira ku rukuta rwe rwa Instagram amafoto n’amashusho agaragaza ko yageze muri Leta Zunze Ubumwe za Amerika, ari naho agiye gutura.

Uyu muhanzi akaba yarakiranywe urugwiro n’abantu batandukanye, barimo inshuti z’umuryango ndetse n’umugore we Gentille Uwera Karamira n’imfura ya bo baheruka kwibaruka, bamuha ikaze muri Amerika.

Patient Bizimana yiyongereye kuri Serge Iyamuremye na we usanzwe aririmba indirimbo zihimbaza Imana, umaze iminsi yerekeje muri Amerika aho bivugwa ko na we yasanze yo umugore we.

Bull Dogg yataramiye Abanyarwanda n’Abarundi batuye i Dubai

Iki gitaramo cyabereye muri Lotus Grand Hotel, cyabaye ku wa 29 Ukwakira 2022, Uretse Bull Dogg cyaririmbyemo kandi n’umuhanzi Lollilo ukomoka mu Burundi.

Iki gitaramo cyitabiriwe n’Abanyarwanda n’Abarundi batuye cyangwa bakorera i Dubai. Aba bishimiye kuririmbirwa n’abahanzi bo mu bihugu byabo batari baherutse kubona.

Bull Dogg yifatanyije na Lollilo mu gitaramo

Umuraperi Green P usanzwe ubarizwa i Dubai, ni umwe mu bagombaga kugaragara muri icyo gitaramo ariko ntiyahageze gusa bivugwa ko azagaragara mu kindi gitaramo kizaba tariki 5 Ugushyingo 2022, akazafatanya na Bull Dogg gutaramira abakunzi b’umuziki.

Bishimiye gutaramirwa n’abahanzi bakomoka mu bihugu bimwe

Bull Dogg na Green P, uretse kuba bombi ari abaraperi bakomeye ndetse banagize uruhare runini mu gushyira itafari ku njyana ya Hip Hop mu Rwanda, banabanye mu Itsinda rya Taff Gang ryari rimwe mu matsinda akomeye cyane, kandi bamwe mu bari barigize bakaba baragize uruhare rukomeye cyane mu iterambere ry’umuziki Nyarwanda.

Bull Dogg abaye undi muraperi utaramiye i Dubai nyuma ya Riderman na Bushali na bo baherutse gutaramira yo.

Ariel Wayz agiye guhurira mu gitaramo na Symphony Band

Ariel Wayz na Symphony Band bagiye guhurira mu gitaramo cyiswe ‘Fantasy Music Concert’ cyahawe insanganyamatsiko yiswe “Dusubire aho byatangiriye”.

Abakurikiranira umuziki Nyarwanda hafi batunguwe no kubona Ariel Wayz na Symphony bagiye guhurira mu gitaramo kimwe, gusa umuyobozi w’iri tsinda Niyontezeho Etienne yavuze ko nta byacitse ihari, kuko nta bibazo bari bafitanye ahubwo abantu ari bo babifashe uko bitari.

Yagize ati “Umubano wacu uhagaze neza, navuga ko abantu ari bo bari barabifashe nk’aho ari urwango ariko mu by’ukuri nta rwango ruri hagati yacu na we (Ariel Wayz)”.

Yakomeje avuga ko impamvu y’igitaramo ari ukugaragariza Abanyarwanda ko nta bibazo biri hagati y’aba banyamuziki.

Niyontezeho yagize ati “Kuba twateguye iki gitaramo ni ukugira ngo twereke abantu ko nta kibazo na kimwe kiri hagati yacu na we, cyane ko muri iki gitaramo ni we muhanzi mukuru uzaba ahari”.

Byari bimaze iminsi bivugwa ko aba bahanzi batabanye neza, dore ko mu mezi atanu ashize hadutse umwuka mubi waturutse ku ndirimbo ‘My Day’, Symphony Band yakoranye n’umuhanzikazi Bwiza.

Nyuma yaho Ariel Wayz yahise atangaza ko iyi ndirimbo ayifiteho uburenganzira kuko bayikoranye kera bakiri kumwe, bakaba bari bakuyemo amajwi ye batamumenyesheje.

Icyo gihe uyu muhanzikazi na we yahise akora indirimbo isa n’iyo Sympony Band bakoze akuramo amajwi y’abagize iri tsinda ayita ‘Nkomeza’.

Umuhanzikazi France Leesa yijeje abakunzi be ko agiye gusohora indirimbo nyinshi

Uyu mukobwa yatangiye urugendo rw’umuziki muri 2019, ubwo yari amaze kwegukana irushanwa rya ‘I am The Future’ ryateguwe na Future Music ya David Pro ndetse ahita asinyamo amasezerano y’imyaka ibiri.

France Leesa ubwo yari mu kiganiro Dunda Show kuri KT Radio, mu rwego rwo kumenyekanisha indirimbo ye nshya yise ‘Shawty (Shori)’ yavuze ko ibituma adahozaho mu muziki harimo kubura ubushobozi bw’abamufasha by’umwihariko mu buryo bw’amafaranga.

Yanakomoje ku kuba n’abaterankunga abonye bakiyemeza kumufasha akenshi usanga batabyubahirije cyangwa bishakiraga izindi nyungu ku ruhande.

Uyu muhanzikazi ariko yavuze ko ubu ari gufashwa na musaza we, kandi ko hari ibyo ari kugenda ageraho.

Uyu mukobwa wakoranye indirimbo na Yvan Buravan yitwa ‘Darling’, yavuze ku gahinda gakomeye yasigiwe n’urupfu Buravan, ko ndetse akenshi iyo abyibutse asuka amarira.

France yagize ati “Kugeza ubu iyo mbitekerejeho cyane, mpita ndira”.

Yvan Buravan amaze amezi abiri yitabye Imana. Urupfu rwe rwashenguye abakunzi ba muzika Nyarwanda n’urubyiruko rw’urungano rwe, yaba abari mu ruganda rw’imyidagaduro n’abandi.

France Leesa, kuri ubu afite indirimbo shya yitwa ‘Shawty’ cg se ‘Shori’ ari muri Media Tour mu rwego rwo kugenda ayimenyekanisha no kurushaho kwiyegereza abakunzi be.

Yaboneyeho no guteguza abakunzi be ko hari n’izindi ndirimbo agiye kuzashyira hanze mu minsi ya vuba.

Indirimbo ‘Shawty’ yakozwe na Ayo Rush mu buryo bw’amajwi, naho amashusho akorwa na Wacka Rocks uyu akaba ari na Musaza wa France Leesa.

Ku wa 31 Kanama 2022, ni bwo Nel Ngabo aherekejwe na Ishimwe Clement uyobora inzu ya Kina Music isanzwe ireberera inyungu z’uyu muhanzi, berekeje muri Canada aho bari bagiye mu bikorwa bya muzika birimo n’ibitaramo bahakoreye.

Kuri ubu Nel Ngabo ugiye kumara hafi ibyumweru bibiri agarutse mu Rwanda, yavuze ko yatunguwe kandi akishimira uburyo abakunzi b’umuziki we batuye muri Canada bamwakiriye, ndetse no gusanga hafi indirimbo ze zose bazizi.

Nel Ngabo uherutse no gushyira hanze indirimbo nshya yise "DJ" yagize at "Nishimiye cyane uburyo banyakiriye neza, nanatangajwe no gusanga hafi indirimbo zanjye zose zizwi cyane".

Nel Ngabo ibi yabigarutseho ubwo yari mu kiganiro Dunda Show kuri KT Radio, ndetse aboneraho no kugira inama abahanzi bagenzi be gushyira imbaraga mu byo bakora kuko hanze y’u Rwanda, indirimbo nyarwanda zizwi kandi zikunzwe cyane.

Nel Ngabo nk’abandi bahanzi batandukanye na we yagarutse ku gahinda gakomeye yatewe n’urupfu rwa Yvan Buravan ugiye kumara amezi abiri yitabye Imana, ndetse bakaba bari barakoranye indirimbo bise "Keza".

Yavuze ko icyamubabaje ari uko yitabye Imana bari muri gahunda yo gufata amashusho y’iyo ndirimbo, akomeza agira ati "Gusa Imana ikomeze imuhe iruhuko ridashira".

Nel Ngabo yabajijwe niba afite umukunzi, abanza guseka agira ati "Sha nta mukunzi mfite rwose, ntabwo biracamo neza".

Uyu musore ukorera umuziki we mu nzu ya Kina Music, isanzwe ibarizwamo abahanzi nka Knowless, Platini, Igor Mabano, Tom Close na Fireman bivugwa ko bakiriye vuba aha, yateguje abakunzi be kwitegura Album ye ya gatatu.

Yavuze kandi ko umwaka utaha azakora ibitaramo bizazenguruka Igihugu cyose mu rwego rwo kwiyegereza abakunzi be.

Nel Ngabo igitaramo yakoze wenyine muri Canada, cyabereye mu mujyi wa Edmonton mbere y’uko ahurira na The Ben mu bitaramo bibiri byabereye mu Mujyi wa Quebec no mu Mujyi wa Ottawa.

Ni ku nshuro ya mbere Zuchu agiye guhatana mu bihembo bikomeye bya MTV Awards.

Uyu mukobwa wakoze indirimbo yakunzwe yitwa ’Sukari’ ni we muhanzi wenyine wo muri Afurika y’Iburasirazuba ugiye guhatanira ibihembo bya MTV EMA 2022.

Zuchu azahatanira iki gihembo mu cyiciro cya ’Best African Act award’, ahanganye n’abandi bahanzi b’ibyamamare muri Afurika barimo Abanya-Nigeria Burna Boy, Ayra Starr na Tems, ndetse na Musa Keys wo muri Afurika y’Epfo ndetse n’umuhanzi wo muri Ghana witwa Black Sherif.

Urutonde rw’abahatanira ibi bihembo rwatangajwe ku rubuga rwa interineti rwa MTV Europe ku wa Gatatu ttariki 12 Ukwakira 2022, ndetse abafana bahise bafungurirwa umwanya wo gutangira gutora.

Itangazo ryashyizwe kuri uru rubuga rivuga ko MTV EMA 2022 izaba ku ya 13 Ugushyingo 2022, mu mujyi wa Düsseldorf mu Budage. Biteganijwe kandi ko ibirori bizatambuka kuri MTV mu bihugu birenga 170.

Bizaba bibaye ku nshuro ya gatandatu u Budage bwakira ibi birori.

Bamwe mu bitabiriye irushanwa mu Karere ka Kayonza

Mu Ntara y’Iburasirazuba igikorwa cyo gutoranya abo banyempano, cyabereye mu Karere ka Kayonza ku wa 08 kugeza ku wa 09 Ukwakira 2022.

Abanyempano bagera kuri 50 ni bo bari biyandikishije baturutse mu Turere dutandukanye tw’iyi Ntara.

Abanyempano 22 ni bo bagize amahirwe babasha gutambuka mu kindi cyiciro cy’amatora azakorwa, binyuze kuri telefone no ku rubuga rwa interineti nk’uko abategura iki gikorwa babitangaje.

Bbagize bati “Ikigiye gukurikiraho, hagiye gutangira amatora kuri website yacu ndetse tuzatanga n’uburyo bazatora kuri telephone”.

Abategura iki gikorwa baganira na Kigali Today bavuze kandi ko batunguwe n’abanyempano badasanzwe bagaragaye kuri site ya Kayonza.

Byari ibyishimo ku bitabiriye irushanwa mu Karere ka Kayonza

Bati “Ikintu cyatunguranye tutari twiteze, twabonye abanyempano badasanzwe pe! Navuga ko tutari twiteze kubona abanyempano bameze gutyo”.

Iri rushanwa rizazenguruka u Rwanda, nyuma yo kuva i Kayonza, mu Burasirazuba ubu hatahiwe abo mu Ntara y’Amajyaruguru bazahurira mu Karere ka Musanze ku wa 15-16 Ukwakira 2022.

Abifuza guhatana muri iri rushanwa biyandikisha banyuze ku rubuga rw https://jamglobalevents.com/events, abatabishobohe bakaziyandikishiriza kuri site ziberaho irushanwa.

Kwiyandikisha umuntu umwe yishyura 5000 Frw, itsinda ry’abantu babiri kugera kuri batanu bakishyura 15,000Frw mu gihe amakorali yishyura 25,000Frw.

Uzegukana irishanwa rya Rise and Shine Talent Hunt azahembwa miliyoni 10 z’amafaranga y’u Rwanda, uwa kabiri abone miliyoni eshatu naho uwa gatatu akazahabwa miliyoni ebyiri.

Abagize akanama nkemurampaka

Iri rushanwa rizabera ku ma site atandatu, ari yo Huye, Kayonza (ryamaze kuba), Kigali, Musanze, Rubavu na Rusizi.

Biteganyijwe ko rizasozwa muri Gashyantare umwaka utaha wa 2023, ari na bwo ibihembo bizatangwa.

Umuraperi Khalfan Govinda n’umunyamakuru MC Tino

Uyu muraperi ari mu gikorwa cya "Media tour" mu kumenyekanisha indirimbo ye nshya aherutse gushyira hanze yitwa "BIPE" afatanyije na Social Mula.

Ni indirimbo yakozwe mu buryo bw’amajwi na Producer Santana Sauce, itunganywa neza na Bob Pro, mu gihe amashusho yayo yakozwe na Ligana.

Khalfan ku bijyanye n’uburyo abona injyana ya Hip Hop ihagaze mu Rwanda kugeza ubu, yavuze ko ihagaze neza, kuko ubu hari abahanzi bashya kandi benshi bari kubikora neza nka, Bushali, Ish Kevin, Logan Joe, Kenny k shot, Ndetse na B Threy.

Uyu muhanzi wanyuzagamo akanaririmbira abakurikiranye ikiganiro Dunda Show, yakomoje no ku baraperi akunda ndetse afatiraho icyitegererezo.

Abo bahanzi ni Tupac Shakur, Jay Polly bigeze no kubana mu itsinda yashakaga gusimbuza Tuff Gang, Bull Dogg, Fireman na Riderman baherutse gukorana indirimbo bise “Sinyoko” afatanyije na Nel Ngabo.

Khalfan yavuze ko gahunda afite muri iyi minsi ari ugukora ibihangano byinshi kandi byiza aho yasezeranyije abakunzi be ko nyuma y’iyi ndirimbo "Bipe", yitegura kuzashyira hanze indi mu kwezi gutaha, asaba abakunzi be n’abakunzi b’umuziki muri rusange gukomeza kumushyigikira.

Reba Videwo y’indirimbo ‘Bipe’ ya Khalfan Govinda afatanyije na Social Mula

Bishop Alain Justin

Uyu muryango ushingiye ku myemerere, washingiwe muri Australia na Bishop Alain Justin.

Iki gikorwa kigiye kubera mu Rwanda ku nshuro ya mbere kikazazenguruka intara zose hashakishwa abanyempano mu ndirimbo zihimbaza Imana, mu njyana zose.

Iri rushanwa rifite insanganyamatsiko igira iti: Reka impano yawe imurikire gukorera Imana, n’umutima w’ubumuntu."

Abazahatana muri iri rushanwa batangiye kwiyandikisha kuva tariki ya 1 Nzeri 2022. Mu gihe ibihembo nyirizina bizatangwa tariki 25 Gashyantare 2023.

Uzegukana iri rushanwa ryo gushaka abanyempano mu muziki wo kuramya no guhimbaza Imana azahembwa amafaranga y’u Rwanda angana na miliyoni 10, uwa kabiri yegukane miliyoni 3Frw naho uwa gatatu ahabwe miliyoni 2Frw.

Abategura iri rushanwa, bavuga ko nta myaka runaka yagenwe ku bazaryitabira, kimwe n’uko nta n’umwe uhejwe yaba abahanzi basanzwe bazwi mu ndirimbo zo kuramya no guhimbaza Imana n’abatazwi, waba usanzwe ufite indirimbo cyangwa se utayifite.

Kugeza ubu ibisabwa abiyandikisha, ni ukuba uri umukirisitu, akarusho ukaba usanzwe ukora umuziki uhimabaza Imana mu njyana zitandukanye, haba muri Reggae, Hip Hop, RnB n’izindi.

Kwiyandikisha ku bifuza guhatana muri iri rushanwa, ni amafaranga aho umuntu umwe atanga 5000Frw, itsinda ry’abantu babiri kugera kuri batanu ni 15000Frw, mu gihe korali kwiyandikisha ari 25000Frw.

Abari gutegura iri rushanwa, bavuga ko itsinda ry’akanama nkemurampaka mu gikorwa cy’ijonjora ry’ibanze rizaba rigizwe n’Abanyarwanda. Mbere yo guhurira i Kigali mu byiciro bibiri bya nyuma bizasiga uzegukana iri rushanwa.

Bavuga kandi ko ntawe uzaba yemerewe gutsindirwa kuri site imwe ngo ajye kwiyandikisha ku yindi.

Ni byo basobanuye bati "Aha icyo bivuze ni uko uzatsindirwa mu Ntara y’Amajyepfo atazaba yemerewe kuba yajya kwiyandikisha mu Ntara y’Amajyaruguru."

Ushaka kwiyandikisha kuri ubu ashobora kubikora mu buryo bw’ikoranabuhanga anyuze ku rubuga rwa www.jamglobalevents.com, mu gihe abandi batazabasha kugera ku ikoranabuhanga bazaza bayitwaje kuri site baziyandikishirizaho bazahataniraho.

Nektunez

Umuhanzi akaba n’umushabitsi Aliaune Damala Badara Akon Thiam wamamaye cyane nka Akon, yafashe icyemezo cyo gusinyisha Dj Nektunez mu rwego rwo kumufasha kongera ubunararibonye no guteza imbere impano ye mu gukora umuziki.

Akon asanzwe afatwa nk’umuntu w’intangarugero ku rwego rw’isi kubera uruhare yagize mu kumenyekanisha ibihangange bitandukanye haba muri Amerika, Afurika ndetse no ku isi hose muri rusange.

Ni umwe mu bashyize itafari ku muziki w’abahanzi batandukanye barimo nka Lady Gaga, T-Pain, Wizkid, P-Square, Davido, French Montana, David Guetta, na DJ Khaled.

Aya masezerano yasinywe mu gihe Akon yari aherutse kuvuga ku mpano ziri kugaragazwa n’abahanzi bo ku mugabane wa Afurika uburyo bakomeje kugenda bigarurira Isi gahoro gahoro.

Ibi yabigarutseho ubwo yari mu kiganiro ‘Sway in The Morning’ gikorwa na Sway Calloway, aho yashimye abahanzi bo muri Nigeria barimo Wizkid, Davido na Burna Boy ku bw’imbaraga bakoresha bamenyekanisha umuziki wa Afrobeat ku Isi hose.

Mu 2021, Nektunez nibwo yinjiye mu ruhando rwa muzika ku rwego rw’isi, ubwo yashyiraga hanze indirimbo yitwa ‘Ameno Amapiano Remix’, yasubiwemo ikomowe ku ya Era yise ‘Dori Me’.

Iyi ndirimbo yaje guca agahigo ko kuba yaraje ku mwanya wa 7 kuri US Billboard charts, urutonde rw’indirimbo zikunzwe muri Amerika. Ameno Amapiano Remix yagiye hanze muri Kamena 2021.

Iyi ndirimbo kandi yagezweho kuri TikTok, ndetse video zakozwe ziyikomotseho, muri Gashyantare uyu mwaka zari zimaze kurebwa na miliyari 10 n’abakoresha uru rubuga, si ibyo gusa kuko abahanzi barenga miliyoni enye kuri uru rubuga bari bamaze gukora amashusho atandukanye kuri iyi ndirimbo.

Ibi byatumye ihita ijya ku mwanya wa mbere ku mbuga zicururizwaho umuziki muri Amerika mu gihe cy’ibyumweru umunani, ifata umwanya wa mbere kuri Shazam ku rwego rw’isi, iba indirimbo ya mbere kuri iTunes mu bihugu birenga 22 birimo u Bwongereza, u Budage na Amerika.

Iyi ndirimbo kandi yaje ku mwanya wa mbere ku rutonde rwa Apple Music mu bihugu 39.

Akon yishimiye gusinyisha Nektunez

Akon avuga kuri aya masezerano yo gusinyisha uyu muhanzi, yagize ati: “Nishimiye kongera Nektunez mu bagize KONVICT”. Ntabwo nigeze mpura na producer wicisha bugufi, ukora cyane, kandi ufite impano nka Nektunez. Natangajwe cyane n’ubuhanga bwe mu by’ubuhanzi!"

Yakomeje agira ati: "Ahagarariye Afurika nshya kandi niyemeje kwereka isi uruhare rwe mu majwi meza ya Afrobeat na Amapiano.”

Nektunez ku ruhande rwe na we yagaragaje ko yishimiye ubufatanye bushya, anasezeranya kuzagera ku byo buri wese amutegerejeho.

Ati: “Nishimiye gutangira igice cyanjye gikurikira hamwe na Akon; umuntu nahoze ndeberaho mu mikurire yange. Ajya kugira icyerekezo nk’icyange kandi afite ishyaka ry’ikirango cy’umuziki nkora. Si njye uzabona nkomeje gushyira umuziki wanjye ku rwego rw’isi. Ubu igihe kirageze cyo kujya ku kazi kandi ntegereje kureba ibyo tuzageraho dufatanyije."

Reba indirimbo ‘Ameno Amapiano Remix’ ya Goya Menor afatanyije na Nektunez:

Judith Niyonizera

Judith, wari uje kumenyekanisha imwe mu mishinga yakoreye muri Canada ndetse n’iyo ari gukorera mu Rwanda, yiganjemo ijyanye na sinema, yabajijwe ku bijyanye n’umubano we na Safi Madiba wahoze ari umugabo we, ariko yirinda kugira icyo abivugaho.

Ubwo yari abajijwe ku ndirimbo akunda zaririmbwe n’uwo wahoze ari umugabo we, Judith Niyonizera, yasubije aseka, ariko avuga ko akunda indirimbo yitwa "Kelele" Safi Madiba yakoze akiri mu itsinda rya Urban Boys.

Ati: Impamvu nyikunda kurusha izindi nubwo na zo ari nziza, ni uko nanjye nanga abantu bagira amagambo menshi (kelele)."

Imishinga kugeza ubu amaze gukora ijyanye na sinema harimo filime ye nshya yise “Gift of Kindness” ikangurira abantu kugira neza mu buzima bwabo bwa buri munsi.

Judith Niyonizera yagiranye ikiganiro na MC Tino kuri KR Radio, akomoza kuri imwe mu mishinga ye

Judith Niyonizera yatangaje ko Filime ye yitwa “Gift of Kindness” izasohoka vuba, ikazagaragara kuri shene ya YouTube yitwa "Icyerekezo TV Show" ku bantu bazashaka kuyireba.

Iyi filime yakinwemo na Judith Niyonizera nk’umukinyi w’imena, ikazagaragaramo n’abandi bakinnyi bo muri Canada ari na ho yakiniwe ndetse n’abandi benshi.

Umuhanzi Safi Madiba na we usigaye utuye mu gihugu cya Canada, yakoze ubukwe na Niyonizera Judith mu 2017, basezerana mu mategeko ndetse bakurikizaho umuhango wo gusaba no gukwa.

Mu 2020, Safi Madiba yahamije ko yatandukanye na Judith wari umugore we nyuma yo kutumvikana ku bintu bimwe na bimwe.

Icyakora uyu mugore yahakanye amakuru y’uko yatandukanye na Safi Madiba, avuga ko we akiri umugore w’uyu muhanzi.

Judith na Safi Madiba bakanyujijeho, gusa bavugwaho gutandukana nyuma y’igihe gito cyari gishize

Coolio yitabye Imana ku myaka afite imyaka 59 y’amavuko

Coolio wavutse mu 1963, yari umwe mu baraperi bakomeye, umwanditsi w’indirimbo n’umukinnyi wa filime muri Leta Zunze Ubumwe za Amerika. Mu ijoro ryakeye nibwo inkuru y’urupfu rwe yamenyekanye.

Inzego z’umutekano zatangarije ikinyamakuru cya TMZ ko imbangukiragutabara zageze mu rugo rw’inshuti Coolio yari yagiye gusura, ruherereye i Los Angeles, mu rwego rwo gutanga ubutabazi bw’ibanze mbere yo kujyanwa kwa muganga, ariko zigasanga yashizemo umwuka.

Umujyanama wa Coolio, Jarez yatangarije TMZ ko imbangukiragutabara zikeka ko urupfu rwa Coolio, rwatewe no guhagarara kw’umutima, nubwo impamvu nyamukuru itaramenyekana.

Jarez yabwiye TMZ ko Coolio yari amaze imyaka itandatu arwaye indwara y’umutima.

Jarez yavuze kandi ko urupfu rwa Coolio rwabereye mu nzu y’inshuti ye ku wa Gatatu nyuma ya saa sita ubwo yari yagiye kuyisura maze ubwo yajyaga mu bwihererero akamarayo igihe kinini, bagize amatsiko yo kureba icyo yabaye, maze bagasanga aryamye hasi.

Coolio ni umwe mu bahanzi bo hambere bakunzwe cyane cyane mu njyana ya Rap

Jarez yagize ati: "Coolio yagiye mu bwihererero bwo mu nzu y’inshuti yari yagiye gusura, amazemo igihe kinini, iyo nshuti iramuhamagara, ikomeza kumuhamagara ariko ntiyasohoka.....iyo nshuti ye nibwo amaherezo yaje kwinjira asanga Coolio aryamye hasi."

Inzego z’umutekano kandi zatangaje ko ubwo zageraga aho Coolio yapfiriye nta biyobyabwenge cyangwa ibikoresho by’ibiyobyabwenge bahasanze byatuma bakeka ko ari byo yaba yazize. Ndetse batangaza ko haza gukorwa ikizamini cya autopsie na toxicology kizakoreshwa kugira ngo hamenyekane icyateye urupfu rwe.

Artis Leon Ivey Jr (Coolio) yatangiye gukundwa mu myaka ya 1989 ubwo yasohoraga album yise ‘It Takes a Thief’.

Coolio yarushijeho kwamamara no gukundwa cyane mu 1990 ubwo yasohoraga indirimbo yise ’Gangsta Paradise’ yahimbiye filime yitwa Criminal Minds, yatumye ahabwa igihembo gikomeye cya Grammy Award nk’umuhanzi wanditse indirimbo nziza y’umwaka ikoze mu njyana ya Rap.

Coolio biravugwa ko yari asanzwe afite uburwayi bw’umutima

Abahanzi batandukanye babanye na Coolio mu myaka yo hambere bagize byinshi batangaza ku rupfu rwe, bavuga ko batewe agahinda no kuba atakiriho.

MC hammer wamamaye mu ndirimbo yitwa ’U can’t touch this’, abinyujije kuri Twitter yagize ati: "Umwe mu bantu beza namenye, abantu beza, uruhukire mu mahoro, Coolio."

Reba indirimbo ‘Gangsta’s Paradise’ y’umuhanzi Coolio:

Reba indirimbo ‘C U When U Get There’ y’umuhanzi Coolio afatanyije na 40 Thevz

Livingstone Etse Satekla uzwi mu muziki nka Stonebwoy ari i Kigali aho yaje mu bikorwa bitandukanye birimo ibirori azataramamo mu itangwa ry’ibihembo bya GUBA Awards bitangwa kuri uyu wa Kane tariki 29 Nzeri 2022 kuri Intare Arena.

Ubwo yari mu kiganiro Dunda Show kuri KT Radio, StoneBwoy a.k.a 1GAD yavuze ko abahanzi nyawaranda bakwiye kwigirira icyizere mu byo bakora byose kuko ari byo byatuma bagera kure.

Uyu muhanzi w’imyaka 34, yanagarutse kandi ku bahanzi bibeshyera ubuzima babayeho kuko bitatuma bagera ku nzozi zabo, ibi anabivugira mu ndirimbo ye nshya yise “GIDIGBA”.

Abajijwe niba hari abahanzi nyarwanda azi, yavuze ko ari ibanga, kuko abakunzi be bazamumenyera mu ndirimbo bazakorana.

Yagize ati: “Sinamuvuga ubungubu, ni ibanga abafana bazamumenya mu ndirimbo tuzakorana.”

Ibi bishimangira ibyo yagarutseho ko yifuza kuba yagira imishinga imwe n’imwe yakorana n’abahanzi bo mu Rwanda.

Stonebwoy yavuze no ku bantu bamugereranya n’abahanzi nka Sean Paul, Sizzla Kalongi, Beanie Man n’abandi benshi, avuga ko nta munsi n’umwe yari yumva ko yageze nibura kuri kimwe cya kane cy’ibyo bakoze, kuko we yumva aribwo agitangira, ati: “nakuze numva aba bahanzi, abahanzi nka Buju Banton, rero ndacyafite urugendo runini.”

Stonebwoy mu kiganiro Dunda Show hamwe na MC Tino yafashe umwanya anaririmbira abakunzi be mu buryo bwa ‘Free style’.

Ibi bihembo bya GUBA Awards, Stonebwoy azaririmbamo bigiye kubera mu Rwanda ku nshuro ya mbere.

Stonebwoy ni we muhanzi wa mbere muri Afurika yose ukora injyana ya Reggae na Dancehall watsindiye BET Awards muri 2015.

Reba ibindi muri iki kiganiro:

Ku wa Gatandatu tariki 24 Nzeri 2022, abakunzi ba Basketball ndetse n’umuziki ntibacikanywe mu gitaramo cy’amateka cyabereye mu nyubako y’imikino n’imyidagaduro, BK Arena, ahongeye kubera ijoro ridasanzwe ry’umukino wa Basketball ndetse n’umuziki mwiza waririmbwe n’itsinda rya Sauti Sol, Ish Kevin, Christopher, n’abandi.

Iki gitaramo cyabanjirijwe n’umukino w’intoranywa usoza umwaka w’imikino muri Basketball uba ugamije kwishimisha. Ni umukino wahuzaga Team Mpoyo yatsinzemo Team Steve amanota 126 ku 116 muri ‘Rwanda Basketball League All Star Game 2022’.

Ni umukino watangiye abantu benshi bawutegereje ndetse warebwe na Minisitiri wa Siporo Munyangaju Aurore Mimosa na Perezida w’Ishyirahamwe ry’Umukino wa Basketball mu Rwanda, Mugwiza Désiré.

Sauti Sol nk’abahanzi bari imena muri iki gitaramo baririmbye indirimbo zabo zitandukanye zirimo izo bamenyekaniyemo mu myaka yo hambere n’inshya ziri kuri Album bamaze igihe batunganya.

Umuraperi Karigombere yamuritse Album ye ya mbere yise "Ikirombe cya Karigombe" mu gitaramo yashyigikiwemo n’abahanzi bakuru bafatwa nk’amashyiga y’inyuma muri Hip Hop y’u Rwanda.

Riderman

Ben Adolphe na we yaririmbye mu gitaramo cya Karigombe

Abashyigikiye Karigombe, barimo Riderman usanzwe umufasha mu bisumizi na Bull Dogg, Racine waje atunguranye na we yahawe umwanya. Hari kandi Ben Adolphe na Yvanny Mpano.

Bull Dogg

Iki gitaramo cyabereye i Nyamirambo mu kabyiniro ka Bahaus mu ijoro rishyira tariki 24 Nzeri 2022, kiyoborwa n’abashyushyarugamba MC Kate Gustave na Anita Pendo.

Anita Pendo

Mu bindi bitaramo byabereye mu bindi bice by’igihugu, Abanyamusanze bataramiwe n’umuhanzi Fireman wongeye kugaragaza ko ari izina rikomeye by’umwihariko mu njyana ya Hip Hop, mu gitaramo cyari kitabiriwe n’abanyabirori bo mu mujyi wa Musanze.

Iki gitaramo cya Fireman, cyabereye ahitwa Twister Bar. Fireman, yaririmbye zimwe mu ndirimbo ze zakunzwe ndetse n’inshyashya yahuriyemo n’abahanzi nka Igor Mabano, iyitwa Kabiri kuri Kabiri, ndetse na Nel Ngabo iyo bise Muzadukumbura.

Abanyarusizi na bo ntibatanzwe muri iyi weekend kuko umuhanzi umaze kubaka izina mu muziki w’u Rwanda, Mr Kagame na we yari yerekeje muri uyu mujyi uri mu mijyi itandatu yunganira Kigali, gutaramira abanyabirori baho.

Mr Kagame uzwi mu ndirimbo zirimo Mukunzi yafatanyije na Theo Bosebabireba, Mpa Power, Igitekerezo n’izindi, muri iki gitaramo yari kumwe n’abandi bahanzi nka Javanix na Fanny Baby

Anne Kansiime

Uretse abakunzi b’umuziki bari bashyizwe igorora muri iyi weekend, abakunda urwenya na bo kuri iki Cyumweru basusurukijwe mu gitaramo ngaruka kwezi cy’urwenya cyatumiwemo Umunyarwenya Anne Kansiime.

Uyu munyarwenya, umwe mu bakunzwe cyane mu karere yageze i Kigali ku mugoroba wo ku wa Gatandatu tariki 24 Nzeri, azanywe no gutaramira abakunzi be mu gitaramo ‘Seka Live’.

Igitaramo cya Seka Live cyabereye muri Kigali Conference and Exhibition Village ahazwi nka Camp Kigali.

Arthur Nkusi na we yari muri iki gitaramo

Usibye Anne Kansiime, iki gitaramo cyari cyatumiwemo abandi banyarwenya barimo abo mu Rwanda, nka Ndaruhutse Merci uzwi nka Fally Merci, Andrew Ondongo , Okello Hirray , Herbert Admin , Tycoon na Joseph.

Kwinjira muri iki gitaramo cyayobowe na Arthur Nkusi byari 20,000 Frw ndetse na 10,000 Frw.

Ku wa Kane tariki 22 Nzeri 2022, nibwo Alyn Sano yashyize hanze iyi ndirimbo nshya ije ikurikira iyitwa ‘Fake Gee’ imaze amezi atatu igiye hanze.

Alyn Sano, ubwo yaganiraga na Kigali Today, yavuze ko iyi ndirimbo ari iy’urukundo, ati: "Ni iy’urukundo hagati y’abantu babiri, aho umwe aba abwira undi ngo amucanire radiyo, urabizi ko umuziki mu buzima utuma twishima kandi radio inshuro nyinshi iba irimo umuziki."

Mu nyikirizo y’iyi ndirimbo aba agira ati: "Ncanira radiyo ntarira nkakwanduza emotion, Ncanira radiyo ibyishimo bikaza ngapesa ubwo."

Alyn Sano yavuze ko indirimbo ye nshya yakozwe mu buryo bw’amajwi na Producer X On The Beat na BOB Pro naho amashusho yayo yo yafashwe anatunganywa na Chriss Eazy usanzwe ari umuhanzi.

Reba hano amashusho y’indirimbo ‘Radiyo’ ya Alyn Sano:

Uyu muhanzikazi yakoze ubukwe tariki 18 Nzeri 2022, n’umugabo we Kayiranga Eric, mu birori bibereye ijisho, bwitabirwa na bamwe mu nshuti ze ndetse na bamwe mu bahanzi batandukanye.

Muri Gicurasi uyu mwaka nibwo Emerance Gakondo, yasabwe n’umukunzi we ko yamubera umugore, ndetse bahishura ko bateganyaga guhita bakora ubukwe.

Kuri ubu Emerance Gakondo ni umuhanzi umaze gutera intambwe ikomeye mu gukora umuziki gakondo dore ko afite ibihangano bitandukanye. Mu ndirimbo ze harimo Ndate u Rwanda, Igitego ndetse na Mama.

Mu 2018, ni bwo Emerance yatangiye urugendo rw’umuziki nk’umuhanzi wigenga.