Isinya ry’uyu rutahizamu ukomoka muri Repubulika Iharanira Demokarasi ya Congo Kiyovu Sports yaritangaje ibinyujije ku mbugankoranyambaga zayo aho yavuze ko Lola Kanda Moise w’imyaka 29 y’amavuko yasinye amasezerano y’imyaka ibiri.

Lola Kanda Moise yari amaze umwaka akinira Gicumbi FC aho yayifashije gusoza shampiyona ya 2025-2026 iri ku mwanya wa 12 n’amanota 38 mu gihe aribwo byayifashije kuguma mu cyiciro cya mbere yazamutsemo uyu mwaka.

Ibi APR FC yabikoze ibinyujije ku mbugankoranyambaga zayo aho yashimiye rutahizamu ukomoka muri Mauritania Mamadou Sy, Mahmadou Lamine Bah ukina hagati mu kibuga asatira ukomoka muri Mali ndetse na myugariro Aliou Souane ukomoka muri Senegal bose bayigezemo mu mpeshyi ya 2024.

Aba bakinnyi bose bavuye muri APR FC bayifashije gutwara ibikombe birimo bibiri bya shampiyona, 2024-2025 na 2025-2026 ibikombe bibiri by’Amahoro, icya 2025 na 2026 ndetse na Super Cup 2025.

Hari abakiri mu nzira zisohoka, abahaguma ndetse n’abashya binjira

Uretse aba bamaze gutandukana na APR FC, abandi basoje amasezerano harimo umunyezamu Ishimwe Pierre na Mugisha Gilbert usatira anyuze ibumoso nabo bari mu bashobora kuva muri iyi kipe, Ruhamyankiko Yvan, myugariro kapiteni Niyomugabo Claude, Nshimiyimana Yunussu na Niyigena Clément.

Aba kandi biyongeraho Ruboneka Bosco ukina hagati mu kibuga asatira aho uretse Ishimwe Pierre na Mugisha Gilbert abandi byitezwe ko bazongererwa amasezerano mu gihe bakumvikana n’iyi kipe mu gihe kandi hari n’abakiyafite bashobora kuba bayisohokamo muri iyi mpeshyi.

Uretse basohoka cyangwa abazongera amasezerano,ikipe ya APR FC yamaze kwinjira ku isoko ry’abakinnyi bashya aho bivugwa ko yamaze no kumvikana n’umunyezamu w’Umunya-Mozambique, Ernan Siluane nkuko byatangajwe n’ikinyamakuru cy’iwabo cyavuze ko yamaze gusezerera bagenzi bakinanaga ku ikipe ya Black Bulls.

Siluane w’imyaka 27, bivugwa ko azagurwa agera ku bihumbi 40 by’amadolori agasinyira APR FC imyaka ibiri.

APR FC izasohokera u Rwanda mu mikino ya CAF Champions League 2026—2027 nyuma yo gutwara igikombe cya shampiyona 2025-2026 mu gihe kandi igomba kwitabira andi marushanwa arimo na CECAFA Kagame Cup izabera mu Rwanda kuva tariki 18 Nyakanga kugeza ku ya 9 Kanama 2026.

Ibi Umujyi wa Kigali wabinyujije mu ibaruwa wandikiye aya makipe yombi, aho byumwihariko mu yo wandikiye Kiyovu Sports Kigali Today ifite kopi ifite impamvu igira iti " Kubashimira imikoranire myiza no kubamenyesha ko amasezerano y’ubufatanye atazongerwa."

Iyi baruwa yasinyweho n’Umuyobozi w’Umujyi wa Kigali Dusengiyumva Samuel, yavuze ko ubwo amasezerano azaba arangiye tariki 30 Kamena 2026 atazongerwa kuko banze kwihuza ngo bakore ikipe imwe nkuko bari babisabwe.

Ati" Nshingiye ku masezerano y’ubufatanye (MoU) mufitanye n’Umujyi wa Kigali yatangiye ku wa 01/07/2025 akazarangira ku wa 30/06/2026; nshingiye kandi ku biganiro twagiranye n’ibaruwa N° 5905/07.01.20/26 yo ku wa 12/03/2026 Umujyi wa Kigali wabandikiye ubagezaho icyifuzo cyo guhuriza hamwe inkunga yahabwaga Kiyovu Sport Football Club n’ayandi makipe Umujyi wa Kigali utera inkunga mu ikipe imwe y’Umujyi wa Kigali n’igisubizo mwatanze mu ibaruwa Ref.01/03/2026 yo ku wa 25/03/2026 muhakana icyo cyifuzo."

Umuyobozi w’Umujyi wa Kigali yakomeje agira ati "Mbandikiye mbamenyesha ko inkunga y’amafaranga mwahabwaga n’Umujyi wa Kigali izahagarara igihe amasezerano y’ubufatanye mufitanye n’Umujyi wa Kigali azaba arangiye ku wa 30/06/2026. Ndabashimira ubufatanye n’umusaruro byatanze mu gihe cyose cy’imikoranire no gukorera hamwe mu guteza imbere siporo n’impano mu Mujyi wa Kigali."

Ku rundi ruhande, iri hagarikwa ry’imikoranire ryanabaye kuri Gasogi United aho mu butumwa bwanyujijwe ku mbuga nkoranyamabaga, Perezida wayo, Kakoza Nkuriza Charles, yashimiye Umujyi wa Kigali ku mikoranire myiza yaranze impande zombi.

Umujyi wa Kigali wahaga Kiyovu Sports miliyoni 150 Frw buri mwaka, ndetse na Gasogi United ihabwa miliyoni 100 Frw, uzasigarana ikipe ya AS Kigali.

Nkurayija Ishimwe Hubert wari usanzwe ari Umuhuzabikorwa wa Tour du Rwanda anakurikirana ibikorwa byayo byose yatowe kuri iki Cyumweru aho yiyamamazaga ari umukandida umwe rukumbi agatorwa ku majwi 10 mu bantu 11 batoye.

Nkurayija si mushya mu magare kuko kuko uretse kuba Umuhuzabikorwa wa Tour du Rwanda kuva mu Ukuboza 2025, yari yarakoze muri iri siganwa mbere yaho aho yari ashinzwe ibijyanye no kwemera abitabira isiganwa akanatanga ubufasha mu bijyanye n’ikoranabuhanga.

Ishimwe Hubert kandi yanabaye umukinnyi w’amagare n’Umuyobozi wa Team Amani mu Rwanda, ari mu bagize uruhare ngo irushanwa rya Rwanda Youth Racing Cup rizamure urwego, aho rigamije guteza imbere impano z’abakiri bato mu gihugu.

Iki gikorwa cyabaye ku wa 29 Gicurasi 2026 kibera ku Rwibutso rwa Jenoside rwa Nyanza ya Kicukiro, aho umuryango mugari w’umupira w’amaguru mu Rwanda wahuriye hamwe wibuka ndetse wunamira abakinnyi, abatoza, abayobozi b’amakipe, abasifuzi, abanyamakuru ba siporo n’abafana bazize Jenoside.

Muri uyu mugoroba wo Kwibuka, Perezida wa FERWAFA, Shema Ngoga Fabrice yagaragaje ko ubumwe ari imwe mu ndangagaciro shingiro za FERWAFA.

Yagize ati: “Twishimira gukorera mu gihugu kirangwa n’ubumwe. Dufite inshingano zo kwamagana no kwima amatwi abapfobya n’abahakana Jenoside yakorewe Abatutsi, cyane cyane ku mbuga nkoranyambaga. Urubyiruko rukunda umupira rukwiye kuba ku isonga muri uru rugamba.”

Iki gikorwa cyateguwe n’Ishyirahamwe ry’Umupira w’Amaguru mu Rwanda rifatanyije n’Ishyirahamwe ry’Abakinira Amavubi kandi cyitabiriwe n’abayobozi b’amakipe, abakinnyi, abatoza n’abandi bakora mu nzego zitandukanye zirimo na Minisiteri ya Siporo.

Urwibutso rwa Jenoside rwa Nyanza ya Kicukiro rushyinguwemo imibiri y’abarenga ibihumbi 105.

Umuyobozi w’Urwego rutegura Shampiyona y’Icyiciro cya Mbere mu Rwanda Hadji Mudaheranwa Yussuf

Murangwa Eugene wahoze ari umunyezamu wa Rayon Sports n’Amavubi

Umuyobozi Mukuru ushinzwe Iterambere rya Siporo muri Minisiteri ya Siporo Gilbert Manier Muvunyi

Ni irushanwa riri kubera mu turere twa Gisagara na Huye aho mu bagabo hitabiriye amakipe atatu ariyo REG VC, Gisagara VC na Police VC. Aya makipe yarahuye hagati yayo Gisagara VC itsinda REG VC amaseti 3-1, REG VC itsinda Police VC 3-0 mu gihe Gisagara VC yanatsinzwe na Police VC 3-0.

Hahise habarwa amanota, hakorwa urutonde rwayobowe n’ikipe REG VC, ikurikirwa na Police VC Gisagara irasezererwa aho aya makipe yabaye abiri ya mbere ariyo arakina umukino wa nyuma kuri uyu wa Gatandatu, Saa Kumi z’umugoroba mu nzu y’imikino y’i Gisagara.

Mu bagore naho hitabiriye amakipe atatu aho RRA WVC yatsinze Police WVC amaseti 3-1, Police WVC itsinda RP Huye amaseti 3-0 mu gihe RRA WVC yongeye gutsinda RP Huye amaseti 3-0.

Mu bagore hakozwe urutonde ruyoborwa na RRA WVC ikurikirwa na Police WVC ari nazo zigomba guhurira ku mukino wa nyuma, kuri uyu wa Gatandatu Saa Munani, umukino nawo urabera mu nzu y’imikino y’i Gisagara.

Ibi byemejwe n’itangazo ry’Ishyirahamwe ry’Umupira w’Amaguru mu Rwanda ryavuze ko " ryakiriye ibaruwa ya Unity FC yo ku wa 27 Gicurasi 2026, itumenyesha ko iyi kipe itazitabira Shampiyona y’Icyiciro cya Mbere mu bagabo (BK Pro League) mu mwaka w’imikino wa 2026-2027 kubera ubushobozi budahagije."

FERWAFA yakomeje ivuuga ko hashingiwe ku ngingo ya 10.4 y’amategeko agenga amarushanwa ya FERWAFA, iteganya ko iyo ikipe yazamutse mu Cyiciro cya Mbere ivuye mu Cyiciro cya Kabiri isabye kutazamuka, isimburwa n’ikipe yabaye iya gatatu muri iryo rushanwa, hashingiwe kandi ku mwanzuro wafashwe na Komisiyo y’amarushanwa yateranye ku wa 28 Gicurasi 2026, yemeje ubusabe bwa Unity FC.

FERWAFA kandi yakomeje ivuga ko nyuma y’ibyo byose ikipe ya Etoile de l’Est FC ari yo izitabira BK Pro League mu mwaka w’imikino wa 2026-2027, nk’ikipe isimbura Unity FC, nk’uko amategeko abiteganya.

Wari umukino wa kabiri wa 1/2 ukurikira uwabaye ku wa Gatatu w’iki Cyumweru aho ikipe ya RSSB Tigers ihagarariye u Rwanda yasezereye Al Ahly SC ikagera ku mukino wa nyuma.

Muri uyu mukino agace ka mbere kegukanwe na Al Ahly Benghazi itsinze amanota 24 kuri 23 ya Petro de Luanda, aka kabiri igatwara ifite amanota 24 kuri 20 mu gihe agace ka gatatu karangiye amakipe yombi anganya amanota 22-22.

Ikipe ya Petro de Luanda yihariye agace ka kane kari na kanyuma ikitwaramo neza cyane kuko yatsinzemo amanota 29 mu gihe Al Ahly Benghazi yatsinze amanota 19 binayifasha kwegukana umukino itsinze amanota 94-88 byatumye inagera ku mukino wa nyuma wa BAL y’uyu mwaka.

Kuri uyu mukino wa nyuma uteganyijwe Cyumweru, Saa Kumi n’Ebyiri z’umugoroba muri BK Arena, ikipe ya Petro de Luanda izahahurira na RSSB Tigers BBC.

Ni umukino warebwe na Perezida Paul Kagame

Ni irushanwa ryiswe ’Climate Action Volleyball Tournament’ biteganyijwe ko rizabera mu Karere ka Gisagara mu nzu yaho y’imikino, rikamara iminsi ibiri kuva kuri uyu wa Gatanu, tariki 29 kugeza ku wa Gatandatu tariki 30 Gicurasi 2026.

Iri rushanwa rizitabirwa n’amakipe yaje mu myanya ine ya mbere ku rutonde rwa shampiyona mu mwaka usanzwe, aho mu bagabo aya makipe ari REG VC, Police VC, Kepler VC na Gisagara VC mu gihe mu bagore ari ikipe ya APR WVC, Kepler WVC, Police WVC ndetse na RRA WVC.

Mu bagabo Gisagara VC yabaye iya mbere izahura na Police VC yabaye iya kane, Kepler VC yabaye iya kabiri ihure na REG VC yabaye iya gatatu mu gihe mu bagore ikipe ya APR WVC yabaye iya mbere izakina na RRA WVC yabaye iya kane, Kepler WVC yabaye iya kabiri igakina na Police WVC yasoreje ku mwanya wa gatatu, imikino yose iteganyijwe kuri uyu wa Gatanu kuva saa saba z’igicamunsi.

Amakipe azagera ku mukino wa nyuma azahatanira ibikombe kuri uyu wa Gatandatu, mu gihe azaba yatsinzwe imikino ya 1/2 azahatanira umwanya wa gatatu.

Ni umukino watangiye Saa Kumi n’Ebyiri z’umugoroba kuri Kigali Pele Stadium, mbere yawo abakinnyi n’abatoza ba Al Merrikh SC babanza gukora imirongo ibiri hagati yayo hanyuramo ikipe ya APR FC mu rwego rwo kuyiha icyubahiro kuko yatwaye shampiyona 2025-2026 ari iya mbere mu makipe yo mu Rwanda.

Aamakipe yombi yatangiye akina neza mu guhererekanya ndetse no kugera imbere y’izamu.Ku munota wa kane ba myugariro ba APR FC bahagaze nabi maze Mohamed Gbane yinjirana umupira mu rubuga rw’amahina awuterekera neza Moise Musa Camara wahise atsindira Al Merrikh SC igitego cya mbere.

Nyuma y’iki gitego amakipe yakomeje kwerekana umukino mwiza ari nako ahusha uburyo butandukanye byatumye igice cya mbere kirangira Al Merrikh SC iyoboye umukino, ifite igitego 1-0.

Mu gice cya kabiri ikipe APR FC yakomeje gusatira maze ku munota wa 64 ibona penaliti nyuma y’umupira Byiringiro Jean Gilbert yahinduriye iburyo abakinnyi ba Al Merrikh SC bakawukora n’ukubo mu rubuga rw’amahina.

Iyi penalti yatewe na Djibril Ouattara neza ayinjiza mu izamu rya Mohamed Saeed yishyurira APR FC igitego. Amakipe yombi yakoze impinduka zitandukanye aho APR FC yazanye abakinnyi Hakim Kiwanuka ndetse na Dauda Yousif.

Iminota 90 yarangiye amakipe yombi anganya 1-1 maze hongereweho ine, APR FC ibonamo igitego cyatsinzwe na Hakim Kiwanuka ku mupira yahawe na Byiringiro Jean Gilbert nawe wari uwuhawe na Djibril Ouattara wawakiriye uturutse hagati ya Dauda Yussif.

Umukino warangiye APR FC itsinze ibitego 2-1, byatumye igira amanota 65 ku mwanya wa kabiri inyuma ya Al Hilal SC ifite amanota 75 ku mwanya wa mbere.

APR FC ya mbere mu makipe yo mu Rwanda ndetse yanatwaye shampiyona, izahabwa igikombe ku Cyumweru, ubwo izaba isoza shampiyona ikina na Gicumbi FC kuri Kigali Pele Stadium, Saa Kumi z’umugoroba.

Ni igikombe yashyikirijwe nyuma yo gutsindira Crystal Palace iwayo ibitego 2-1 ku mukino w’umunsi wa nyuma aho imikino yose uko ari icumi yakiniwe icyarimwe Saa Kumi n’Imwe z’umugoroba.

Delcan Rice asoma igikombe

Gutsinda uyu mukino byatumye isoza iyoboye shampiyona n’amanota 85 mu mikino 38 yatsinzemo 27, inganya irindwi itsindwa itanu.

Umutoza Mikel Arteta ateruye igikombe

Iyi kipe yakurikiwe na Manchester City yo yasoje ifite amanota 78, nyuma yo gutsindirwa na Aston Villa mu rugo ibitego 2-1.

Muri iyi shampiyona amakipe ya Westham United, Burnley na Wolverhampton yamanutse mu cyiciro cya kabiri.

Umutoza Mikel Arteta ateruye igikombe

Ibindi byaranze umunsi wa nyuma wa Premier League 2025-2026:

Tottenham yagumye mu cyiciro cya mbere

Ku munsi wa nyuma wa shampiyona y’u Bwongereza, ikipe ya Tottenham Hotspurs yari ifite ibyago byo kumanuka mu cyiciro cya kabiri yagumye mu cyiciro cya nyuma yo gutsinda Everton igitego 1-0 mu gihe na Everton bari banganye yatsinze Leeds United 3-0.

Liverpool yasezeye Mohamed Salah na Andy Robertson

Ikipe ya Liverpool yasoje shampiyona inganyiriza na Brentford mu rugo igitego 1-1, inasezera Umunya-Misiri Mohamed Salah wari umaze imyaka icyenda ayikinira. Uyu mugabo avuye muri iyi kipe atwaye ibikombe icyenda birimo shampiyona ebyiri na Champions League imwe.

Iyi kipe kandi yasezeye myugariro w’ibumoso Andy Robertson nawe wari umaze imyaka icyenda ayikinira aho nawe yatwaranye ibikombe nk’ibi na Mohamed Salah.

Man City yasezeye umutoza Pep Guardiola wari umaze imyaka icumi, Bernardo Silva na John Stones

Ikipe ya Man City yasoje shampiyona itsindirwa mu rugo na Aston Villa ibitego 2-1, mu mukino wa nyuma umutoza Pep Guardiola yatozaga iyi kipe yagezemo mu 2015 aho ayivuyemo atwaye ibikombe 20 birimo bitandatu bya shampiyona ndetse n’igikombe kimwe cya Champions League.

Iyi kipe kandi yasezeye ku Munya-Portugal Bernardo Silva nawe wayigezemo mu 2014 aho ayivuyemo atwaye ibikombe 20 birimo shampiyona esheshatu na Champions League imwe.

Uyu yajyanye na John Stones wageze muri iyi kipe mu 2016 nawe avuyemo atwaye ibikombe 20 birimo shampiyona esheshatu na Champions League imwe.

Erling Haaland yatsinze ibitego byinshi, Bruno Fernandes akora amateka

Rutahizamu wa Man City, Erling Haaland yatsinze ibitego byinshi 27, byatumye aba ariwe uyobora abandi bose muri uyu mwaka w’imikino.

Umunya-Portugal, Bruno Fernandes ukinira Manchester United yakoze amateka yo gutanga imipira myinshi ivamo ibitego mu mwaka umwe, kuko yatanze 21, akanyura kuri Thierry Henry na Kevin de Bryne bari bafite aka gahigo n’imipira 20.

Ni umukino watangiye ku isaha ya Saa Moya z’ijoro urangwa muri rusange no kwinjira mu mukino kare kwa Al Merrikh SC gusa Al Hilalal nayo yihahagararaho nk’ikipe nkuru, amakipe yombi agerageza uburyo butandukanye bw’ibitego gusa igice cya mbere kirangira ari 0-0.

Mu gice cya kabiri Al Merrikh SC yakomeje kuba hejuru mu mukino maze ku munota wa 54 ibona penaliti ku ikosa ryakorewe kapiteni wayo Mohamed Gbane wanayiteye neza agatsinda igitego cya mbere.

Kubera igitutu Al Merrikh SC yashyiraga kuri Al Hilal SC, ku munota wa 74 yiciwe uburyo bugana ku izamu, ku ikosa ryakozwe na Ali Mohamed wari winjiye mu kibuga asimbuye maze umusifuzi amuha ikarita y’umutuku.

Ku munota wa 87 kapiteni wa Al Hilal SC Faris Abdallah yahinduriye umupira murmure hagati mu kibuga, umunyezamu Adam Saeed wa Al Merriekh SC arasohoka gusa asigana na ba myugariro be ntiyafata umupira, bituma Yasir Mohamed wa Al Hilal SC awushyira mu izamu yishyurira iyi kipe igitego.

Yasir Mohamed yishyura igitego

Umukino warangiye amakipe yombi anganyije igitego 1-1 mu gihe mu mukino ubanza Al Merrikh SC yatsindiye Al Hilal SC kuri Stade Amahoro ibitego 2-1.

Iki gikombe Arsenal yaherukaga mu 2004 ubwo yatwaraga icya 2003-2004, Arsenal yacyegukanye ifite amanota 82 mu gihe habura umukino umwe no Shampoyona irangire, nyuma y’uko Man City bari bagihanganiye inganyije n’ikipe ya AFC Bournemouth igitego 1-1 cyatsinzwe na Kroupi Elie Junior ku munota wa 39 mu gihe Erling Haaland yatsindiye Man City ku munota kane muri itandatu yari yongerewe kuri 90 isanzwe, mu mukino w’umunsi wa 37 wa shampiyona utarabereye igihe.

Kroupi watsinze igitego cyahesheje Arsenal igikombe cya shampiyona yari imaze imyaka 22 idatwara

Gutsindwa uyu mukino kwa Man City, byatumye iyi kipe idashobora kuzageza amanota 82 Arsenal ifite nubwo yaba yatsinzwe na Crystal izasura ku Cyumweru hasozwa shampoyona, iyi Man City igatsinda Aston Villa izakira kuri uwo munsi Saa Kumi n’Imwe z’umugoroba dore ko ubu ifite amanota 77 bivuze ko irushwa atanu.

Ku wa Mbere w’iki cyumweru, Arsenal yari yatsinze Burnley igitego 1-0 byari bivuze ko igihe cyose Man City yatsindwa cyangwa ikanganya na AFC Bournemouth yatwaea igikombe nkuko byagenze. Arsenal itwaye igikombe cya shampiyona 2025-2026, mu mikino 37 imaze gukinwa, itsinzemo 25 inganya irindwi, itsindwa itanu.

Abafaba ba Arsenal mu Mujyi wa London barebaga umukino wa Man City bategereje ko batwara igikombe

William Saliba ubwo Arsenal yari imaze gutsinda Burnley ku wa Mbere w’iki Cyumweru

Unutoza Mikel Arteta amaze gutsinda Burnley, asigaje umukino umwe ngo atware igikombe cya Man City ikananirwa gutsinda AFC Bournemouth nk’uko byagenze

Ifoto ya mbere yafashwe n’abakinnyi ba Arsenal nyuma gurdwara igikombe mu ijoro ryo Kuri uyu wa Kabiri

Ni tombola yakozwe n’abanyabigwi muri ruhago ya Afurika barimo Umunya-Ivory Coast Max-Alain Gradel, William Troost-Ekong ukomoka muri Nigeria, Essam El Hadary wa Misiri na Trésor Mputu wo muri Repubulika Iharanira Demokarasi ya Congo.

U Rwanda rwari mu gakangara ka gatatu muri tune twari tugabanyijemo ibihugu 48 bigiye gutangira uru rugendo rugana muri Tanzania, Uganda na Kenya rwisanze mu itsinda rimwe na Liberia yari mu gakangara ka kane inaheruka guha akazi Umunya-Morocco Adil Mohamed watoje APR FC.

Muri iri tsinda kandi Amavubi ari kumwe n’ikipe y’igihugu Cape Verde yanabonye itike y’igikombe cy’Isi 2026 aho yari iri mu gakangara ka kabiri kabamo amakipe ya kabiri meza mu gihe kandi ari kumwe na Mali yari mu gakangara ka mbere kaba karimo amakipe ya mbere meza muri Afurika.

Umukino wa mbere n’uwa kabiri w’iyi mikino yo gushaka itike y’lgikombe cya Afurika 2027 izakinwa hagati y’itariki 21 Nzeri n’iya 6 Ukwakira 2026, uwa gatatu n’uwa kane ukinwe hagati y’itariki ya 9 n’iya 17 Ugushyingo 2026 mu gihe iminsi ibiri ya nyuma, uwa gatanu n’uwa gatandatu izakinwa hagati y’itariki 22 na 30 Werurwe 2027.

Igikombe cya Afurika 2027, gitenyagijwe gukinwa hagati y’itariki 19 Kamena a 17 Nyakanga 2027.

Aba bakinnyi ni Ndikumana Asman wari warababaye akagombambari, myugari akaba na kapiteni Youssou Diagne, umunyezamu Kwizera Olivier wari ufite ikibazo cy’iryinyo na myugariro Ramazani Tchimanga wari ufite imvune.

Aba bose basubukuranye imyitozo n’abandi ku wa Mbere w’iki cyumweru mu gihe biteganyijwe ko mu mwiherero uteganyijwe gutangira kuri uyu wa Gatatu harajyamo abakinnyi 22.

Uyu mukino wa nyuma w’Igikombe cy’Amahoro 2026 uteganyijwe kubera kuri Stade Amahoro ku wa Gatandatu w’iki cyumweru Saa Kumi n’Ebyiri z’umugoroba mu gihe Kigali Today yamenye ko itike ya macye ari amafaranga ibihumbi 2 Frw naho iya menshi ikazishyurwa miliyoni imwe n’igice.

Ni umukino watangiye ku isaha ya Saa Cyenda zuzuye maze igice cya mbere cy’uyu mukino wabereye kuri Kigali Pele Stadium kirangira Kiyovu Sports inganya na AS Muhanga 0-0.Mu gice cya kabiri Moise Sandja Bulaya yinjiye mu kibuga asimbuye ku ruhande rwa Kiyovu Sports maze ku munota wa 63 ahabwa umupira na Uwimana Yakubu, atera ishoti rikomeye mu izamu rya Hategekimana Bonheur umupira ukubita igiti cy’izamu ugana mu nshundura atsinda igitego cya mbere.

Ku munota wa 76 AS Muhanga yabonye koroneri ku ruhande rw’iburyo, yahererekanyijwe maze Niyonizeye Telesphore Foden ahindura umupira mwiza Twizerimana Onesme yahise atsinda igitego cyiza n’umutwe mu izamu rya James Bienvenue. Amakipe yombi yakomeje gushaka igitego cya kabiri ariko iminota 90 irangira bakinganya 1-1 hongerwaho itanu nayo yarangiye gutyo, umusifuzi Uwikunda Samuel avuga ko umukino urangiye.

Uyu mukino wahaye APR FC Igikombe cya shampiyona 2025-2026

Kunganya uyu mukino byatumye Kiyovu Sports igira amanota 51 ku mwanya wa gatanu ukaba uwa gatatu mu makipe yo mu Rwanda byatumye ibura amahirwe yo gufata umwanya wa kabiri ufitwe na Rayon Sports n’amanota 52. Aya makipe yose akurikira APR FC ifite amanota 59 ku mwanya wa kabiri habariwemo n’amakipe yo muri Sudani.

Iyi mibare ivuze ko mu mikino ibiri Kiyovu Sports na Rayon Sports zisigaranye zidashobora kugira amanota 59 APR FC bivuze ko ariyo izaba iya mbere mu makipe yo mu Rwanda bityo ikaba yatwaye igikombe cya shampiyona 2025-2026 mu makipe yo mu Rwanda hirengagijwe Al Hilal SC yatwaye igikombe cya rusange ndetse na Al Merrikh SC kuri ubu iri ku mwanya wa gatatu.

Iki gikombe icya 24 muri rusange kuri APR FC mu mateka yayo, cyikaba icya karindwi cyikurikiranya kuva mu mwaka w’imikino 2019-2020, abakunzi bayo bazacyishimira kuri iki Cyumweru bakira Rutsiro FC Saa Cyenda zuzuye kuri Kigali Pele Stadium.

Ni umukino iyi kipe yitwayemo neza maze ibona igitego cya mbere ku munota wa 21 gitsinzwe na Mugisha Gilbert wari wahushije byinshi, ku mupira yahawe na Byiringiro Jean Gilbert. Ku munota wa 38 Memel Raouf Dao yabonye igitego cya kabiri nyuma y’umupira wisirisimbye imbere y’izamu rya Irakoze Patience wafatiraga Etincelles FC uyu munsi igice cya mbere kirangira ari ibitego 2-0.

Mugisha Gilbert yatsinze igitego agaragaza ibimenyetso by’uko umufasha we agiye kwibaruka

Mu gice cya kabiri, Djibril Ouattara wari wahushije ibitego byinshi mu gice cya mbere, yatangiye noneho abona izamu ku munota wa 47 ku mupira wahinduriwe neza ibumoso na Niyomugabo Claude atsinda igitego cya gatatu. Etincelles FC yari yicaje abakinnyi benshi basanzwe babanza mu kibuga nka Ishimwe Djabilu, Ciza Hussein, Mwinyi Rodrigue, Dusabimana Anselme maze itangira gukina bitandukanye no mu gice cya mbere.

Aba bakinnyi bakoze itandukaniro maze ku munota wa 81 ku mupira wari mu kavuyo imbere y’izamu rya Hakizimana Adolphe wa APR FC Ciza Hussein atdindira Etincelles FC igitego rukumbi yabonye, uyu mukino bongereyeho iminota ibiri urangira iyi kipe itsinzwe ibitego 3-1 inasezerewe ku giteranyo cy’ibitego 6-2 kuko no mu mukino ubanza yari yatsinzwe 3-1.

APR FC yageze ku mukino wa nyuma ihasanze Rayon Sports yasezereye Gorilla FC muri 1/2, aho amakipe yombi azacakirana ku nshuro ya gatatu muri uyu mwaka w’imikino tariki 23 Gicurasi 2026.

Ibi byabereye mu mukino wo kwishyura wabereye kuri Kigali Pele Stadium, utangira ku isaha ya Saa Kumi n’Ebyiri z’umugoroba. Ni umukino amakipe yerekanyemo umukino mwiza ariko iminota 45 y’igice cya mbere irangira amakipe yombi anganya 0-0.

Mu gice cya kabiri amakipe yombi yakoze impinduka zitandukanye ariko nacyo kirangira amakipe yombi akinganya 0-0, Rayon Sports ikatisha itike y’umukino wa nyuma isezereye Gorilla FC ku gitego cyo hanze yatsinze mu mukino ubanza warangiye banganya 1-1.

Ni umukino umunyezamu Kwizera Olivier yarishije umutima Aba-Rayons inshuro zirenze imwe, aho yafataga imipira agashaka kuyikinisha amaguru abakinnyi ba Gorilla FC bakajya kuyimwambura.

Umukino wa nyuma uteganyijwe tariki 23 Gicurasi 2026, aho Rayon Sports itegereje ikipe izakomeza hagati ya Etincelles FC na APR FC yatsinze ibitego 3-1 mu mukino ubanza, zikina uwo kwishyura kuri uyu wa Gatatu Saa Kumi n’Ebyiri z’umugoroba kuri Kigali Pele Stadium.

Ibi byatangajwe binyuze mu itangazo rya ryashyizwe hanze n’uru rwego rwavuze ko ikipe yo muri Sudani izasoreza ku mwanya wa mbere muri BK Pro League y’uyu mwaka izahabwa igikombe nk’ikipe yahize izindi [BK Pro League Champions 2025/2026] ariko aya makipe y’abashyitsi akaba atazahabwa ibihembo by’amafaranga byagenewe amakipe yitwaye neza.

Rwanda Premier League kandi yavuze ko izatanga ikindi gikombe ku ikipe yahize andi mu makipe yo mu Rwanda [BK Pro League National Champions] ndetse akaba ari yo izahagararira u Rwanda muri CAF Champions League ya 2026/2027 ikomeza kandi yibutsa ko iyo kipe niramuka itwaye n’Igikombe cy’Amahoro, iyayikurikiye ku rutonde rwa Shampiyona mu makipe yo mu Rwanda ari yo izahagararira Igihugu muri CAF Condfederation Cup nk’uko biteganywa n’amategeko agenga amarushanwa ya FERWAFA.

Ubwo hitegurwaga kwakira aya makipe ari gukinira mu Rwanda kubera intambara iri mu gihugu cyabo, mu Ukwakira 2025 Umuyobozi w’Urwego rutegura Shampiyona y’Icyiciro mbere Hadji Mudaheranwa Yussuf n’ubundi yari yavuze ko ikipe yo mu Rwanda izaza hafi itaje ku mwanya wa mbere ku rutonde nayo izahabwa igikombe.

Ni igikorwa cyabaye kuri uyu wa Mbere mu masaha y’igicamunsi aho abakinnyi, abatoza, abayobozi ndetse n’abandi bitabiriye iki gikorwa basobanuriwe amateka yagejeje kuri Jenoside yakorewe Abatutsi mu 1994 igatwara ubuzima bw’abarenga miliyoni bazira uko bavutse, banashyira indabo ku mva zishyinguyemo abarenga 250, 000 baranabunamira mu rwego rwo kubasubiza agaciro bambuwe.

Iki gikorwa cyanitabiriwe n’abayobozi batandukanye barimo Perezida wa FERWAFA, Shema Ngoga Fabrice wavuze ko uru rwego rwifatanyine n’Umuryango mugari wa Kiyovu Sports ndetse n’Abanyarwanda muri rusange, yibutsa abari aho ko buri wese afite uruhare rwo kugira ngo Jenoside itazongera ukundi kandi ko ubumwe ari imwe mu ndangaciro yo gukoresha hubakwa igihugu.

Ati "Uyu munsi twibuka abacu n’Abanyarwanda muri rusange bazize Jenoside yakorewe Abatutsi mu 1994, abakunzi ba Kiyovu Sports by’umwihariko cyangwa n’abayikinagamo, twongeye kwifatanya namwe nk’urwego rwa FERWAFA. Turemeza neza tudashidikanya ko Jenoside itazongera kubaho ukundi, ariko ko twese tubifitemo uruhare rwo gutuma itazongera. Imwe mu ndangagaciro dufite muri FERWAFA ni ubumwe, kugira ngo dushobore kubaka igihugu cyacu tuzirikana amateka ya Jenoside yabaye, ubumwe ni ingenzi cyane."

Shema Ngoga Fabrice yakomeje avuga ko ku giti cye hari n’umwe mu bari bagize umuryango we ari we nyirarume wari umuyobozi muri Kiyovu Sports wishwe muri Jenoside yakorewe Abatutsi mu 1994 ndetse anahishura ko Sekuru ubyara nyina ari umwe mu bashinze iyi kipe ku makuru y’ibanze amaze kumenya.

Ubuyobozi bwa FERWAFA kandi bwavuze ko muri gahunda bafite harimo kwigisha amateka ya Jenoside yakorewe Abatutsi mu 1994 ababagana bityo ko ku bufatanye n’inzego zibifite mu nshingano bifuza kuzagira urwibutso rusange rw’abari bafite aho bahuriye n’imikino bishwe.

Iki gikorwa kandi cyaranzwe no kwibuka abahoze ari abakinnyi n’abanyamuryango ba Kiyovu Sports bazize Jenoside yakorewe Abatutsi mu 1994.

Ibi Perezida yabitangaje kuri uyu wa Mbere mu gihe hakomeje kwibazwa niba hazatangwa ibikombe bibiri, haba ku ikipe yo muri Sudani ariyo Al Hilal SC ya mbere kugeza ubu ndetse no kuri APR FC ya mbere mu makipe yo mu Rwanda aho yavuze ko hazatangwa igikombe kimwe, ikipe ya mbere mu zo mu Rwanda igahabwa amafaranga agenerwa uwabaye uwa mbere.

Ati" Ntekereza ko igikombe cya shampiyona ari igikombe kimwe cy’uwayitwaye ibyo turabyumvikanaho. Ikipe ya mbere mu makipe mu yo mu Rwanda izahabwa miliyoni 80 Frw ariko mu buryo bw’igikombe cya shampiyona 2025-2026 kizahabwa uwabaye uwa mbere. Ubwo rero niba ari ikipe yo muri Sudani bizitwa ko ariyo yagitwaye."

Shema Ngoga Fabrice yakomeje avuga ko yizeye ko uku ari nako Urwego rutegura Shampiyona y’Icyiciro cya Mbere mu Rwanda narwo rubyumva uretse babyumvise ukundi.

Ati "Ngira ngo njyewe ni uko mbyumva, uretse muri BK Pro League nibabibona ukundi ariko nizera ko ari uko tubyumva twese.Ni uko bizagenda."

Al Hilal SC na Al Merrikh SC ziri gukina Shampiyona y’Icyiciro cya Mbere mu Rwanda 2025-2026 nk’abashyitsi kubera intambara iri mu gihugu cyabo cya Sudani, ibintu bakoze ku nshuro ya kabiri kuko mu mwaka w’imikino 2024-2025 bakinnye shampiyona muri Mauritania.

Muri iki gihugu Al Hilal SC ariyo yabaye iya mbere nk’uko byitezwe ko mu mikino ine isigaranye muri BK Pro League ariyo izaba iya mber, aho yahawe igikombe cyo kuyishimira naho FC Noudhibou yabaye iya kabiri ikaba iya mbere mu makipe yo muri Mauritania ihabwa igikombe cyakwitwa icya nyacyo.

Uyu mukino wa nyuma aya makipe yawugezeho nyuma yo gutsinda imikino yabo yose y’amatsinda aho mu batarengeje imyaka 18 ku munsi wa mbere u Rwanda rwatsinze Tanzania, rugatsinda Djibouti ruyiteye mpaga mu gihe rwasoje rutsinda Kenya. Muri 1/2 u Rwanda rwakinnye na Uganda ruyisezerera rutsinze ibitego 34-30 rugera ku mukino wa nyuma w’iyi mikino mu batarengeje imyaka 18 aho rwagombaga gukina n’u Burundi.

Mu batarengeje imyaka 18 u Rwanda rwatsinze u Burundi ku mukino wa nyuma

Ku mukino wa nyuma wakinwe kuri uyu wa Gatanu, igice cya mbere cyarangiye u Rwanda ruyoboye umukino n’ibitego 20-18. Ni umukino wari ukomeye cyane urimo no guhangana byatumye igice cya kabiri cyegukanwa n’u Burundi butsinze ibitego 20 kuri 19 gusa muri rusange u Rwanda rwegukana intsinzi ku bitego 39-38 runegukanye igikombe.

Mu batarengeje imyaka 20 kandi naho u Rwanda rwatsinze imikino yose y’itsinda aho rwatangiye irushanwa neza ku wa Mbere w’iki Cyumweru rutsinda Tanzania, rukurikizaho Djibouti rusoza itsinda rutsinda Ethiopia yari iwayo, rugera muri 1/2 rwagombaga guhurira na Kenya rwasezereye ruyitsinze ibitego 41-33 n’ubundi rugomba guhura na Ethiopia ku mukino wa nyuma.

U Rwanda rwegukanye igikombe mu batarengeje imyaka 20 rutsinze Ethiopia

Kuri uyu mukino wa nyuma muri iki cyiciro nawo wabaye kuri uyu wa Gatanu, u Rwanda rwasoje igice cya mbere rufite ibitego 17 kuri 12 bya Ethiopia yari mu rugo. Igice cya kabiri cyihariwe na Ethiopia igitsindamo ibitego 25 mu gihe u Rwanda rwatsinzemo 22 gusa kuko rwitwaye mu cya mbere rutsinda umukino ku bitego 39-37, rwegukana igikombe.

Abaherekeje amakipe barimo abatoza n’abayobozi barimo Perezida w’Ishyirahamwe ry’Umukino wa Handball mu Rwanda Twahirwa Alfred (Wa mbere ibumoso)

Ibi yabigarutse mu kiganiro yagiranye n’itangazamakuru nyuma y’uyu mukino w’umunsi wa 30 wa Shampiyona aho yavuze ko yakinnye n’ikipe ikomeye ifite abakinnyi beza yongeraho ko niba APR FC yifuza kugera kure muri marushanwa Nyafurika ikwiriye abakinnyi bo kuri urwo rwego.

Ati "Niba dushaka gukina CAF Champions League umwaka utaha, dukeneye kugira abakinnyi ba Champions League. Niba dushaka kugera kure muri Champions League dukeneye abakinnyi bafite ubunararibonye."

Uyu mutoza kandi yavuze ko gutsindwa ibiteto bine byatewe no kuba atari afite abakinnyi batanu barimi William Togui wari ufite amakarita, Ruboneka Jean Bosco urwaye, Niyigena Clement na Ronald Ssekiganda bavunitse ndetse na Mahmadou Lamine Bah nubwo we atanakina.

Taleb kandi gukina na Al Hilal SC yavuze ko ari nko gukina n’ikipe y’igihugu ya Sudani ifitemo n’Abanyamahanga gusa yongeraho ko adahanganye n’aya makipe yo muri Sudani kuko atazatwara igikombe cya shampiyona ahubwo ahubwo ahanganye n’ayo mu Rwanda kandi ko n’ubundi APR FC ariyo izagitwara.

APR FC kugeza ubu iri ku mwanya wa gatatu muri shampiyona ariko ikaba iya mbere mu makipe yo mu Rwanda aho ifife amanota 56, irushwa na Al Hilal SC ya mbere n’amanota 11 kuko ifite 67 mu gihe Al Merrikh SC iri ku mwanya wa kabiri n’amanota 58.

PSG yageze ku mukino wa nyuma isezereye Bayern Munich muri 1/2

Ni umukino waje ukurikira ubanza wabereye mu Bufaransa mu cyumweru gishize, aho ikipe ya Bayern Munich yari yahatsindiwe ibitego 5-4. Hari hitezwe n’ubundi ibitego iri joro maze, binatanga ikizere kare ubwo ku burangare burimo ab’inyuma ba Bayern Munich, Fabian Luiz yakinanaga umupira na Kvicha Kvaratskhelia wahise anyura hagati mu bakinnyi babiri maze na Fabian Luiz akamucomekera umupira ruhande rw’ibumoso.

Uyu mupira Kvicha Kvaratskhelia yawirukankanye kuri uru ruhande ari hamwe na myugariro Dayot Upamecano wari wazamutse hagati gusa utagize icyo akora kugeza binjiranye mu rubuga rw’amahina. Kvicha yawuhinduye neza maze, usanga Ousmane Dembele wari uhagaze wenyine mu rubuga rw’amahina ahita awutera mu izamu ry’umunyezamu Manuel Neur.

Amakipe yombi yakomeje kwerekana umukino mwiza abakinnyi nka Jamal Musiala batera amashoti akomeye mu izamu ariko umunyezamu Safonov wa PSG akitwara neza mu gihe Michael Olise yagerageje ishoti rikomeye ryagiye hanze. Igice cya mbere cyaranzwe n’ibyemezo by’imisifurire Bayern Munich itishimiye nk’aho Nuno Mendez yakoraga umupira n’akaboko ntahabwe ikarita y’umuhondo yari kuba iya kabiri akabona umutuku.

Harry Kane ntabwo yumvaga imisifurire

Ibi kandi byakurikiwe n’umupira Joao Neves yakoreye mu rubuga rw’amahina n’akaboko bigaragara ubwo mugenzi we wa PSG yari awuteye akiza izamu ariko nabwo umusifuzi avuga ko nta penaliti iratangwa ibyo Bayern Munich itumvise neza. PSG nayo yakomeje kurwana no kubona igitego cya kabiri ariko iminota 45 irangira ifite igitego 1-0, mu mikino ibiri ari 6-4.

Joshua Kimmich yereka umusifuzi ko umupira wakozwe n’akaboko

Mu gice cya kabiri, ku munota wa 57 PSG yahushije uburyo bwahushijwe na Kvicha Kvaratskhelia, bongera guhusha kandi ku munota wa 65 ku buryo bwari bubonywe na Desire Doue, imipira yose yakuwemo n’umunyezamu Manuel Neuer.

Ku rundi ruhande umunyezamu Safonov wa PSG yagiye atabara iyi kipe mu bihe bitandukanye ku mipira igana mu izamu yagiye igeragezwa na Bayern Munich akayikuramo.

Iminota 90 isanzwe y’umukino yarangiye PSG igifite igitego 1-0 cyatsinzwe na Ousmane Dembele wasimbuwe na Bradley Barcola ku munota wa 65 aho uyu musore w’Umufaransa nawe yagiye agerageza amahirwe yo gushaka ibitego ariko umunyezamu Manuel Neur akamubera ibamba.

Ku minota isanzwe y’umukino hongereweho itanu. Ku munota wa gatatu w’iyi minora Harry Kane yakiriye umupira mu rubuga rw’amahina awuhawe na Alphonso Davies maze mu mwanya yari ahawe n’abakinnyi ba PSG atsinda igitego cyo kwishyura cya Bayern Munich.

Iki gitego cyari kije mu minota ya nyuma ariko ntacyo cyamariye Bayern Munich kuko umukino warangiye amakipe yombi anganyije 1-1, PSG isezerera Bayern Munich ku giteranyo cy’ibitego 6-5 dore ko mu mukino ubanza yari yatsinze 5-4, igera ku mukino wa nyuma wa UEFA Champions 2025-2026.

Bayern Munich yagiye igaragaza kutishimira imisifurire inshuro nyinshi

PSG yanegukanye Champions League ya 2024-2025, ku mukino wa nyuma uzabera kuri Puskas Arena i Budapeste muri Hungary tariki 30 Gicurasi 2026, Saa Kumi n’Ebyiri z’umugoroba izahura na Arsenal yasezereye Atletico Madrid ku giteranyo cy’ibitego 2-1 mu mikino ibiri.

Ibi Haringingo Francis yabitangaje ubwo yaganiraga n’itangazamaku aho yavuze ko uyu musore wagize imvune y’akagombambari bigoye ko yakongera gukina.

Ati "Razamazani Tshimanga ntekereza bidakomeye ariko nkurikije uko Fall Ngagne ameze nibaza ko bigoye ko yagaruka[Mu mwaka w’imikino 2026]."

Fall Ngagne yari aheruka gukira imvune yagize muri Gashyantare 2025 igatuma amara amezi 11 adakina aho yagarutse mu kibuga tariki 22 Mutarama 2026 ubwo Rayon Sports yanganyaga na Al Merrikh SC 2-2 mu mukino wa shampiyona.

Ni umukino AS Muhanga iri ku mwanya wa nyuma yatangiye neza itangirana n’umupira w’umuterekano wari ku ruhande rw’ibumoso maze uterwa neza na Twizeyimana Martin Fabrice atsinda igitego cya mbere.

Rayon Sports yakomeje kurwana no kwishyura mu gice ariko umunyezamu Hategekimana Bonheur agatabara nubwo na Aziz Bassane yayitengushye ubwo yahushaga igitego arebana n’izamu wenyine.

Bassane atera umupira yahushijemo igitegi kidahushwa

Rayon Sports yarwanaga no kwishyura yagize ibyago, ubwo ku munota wa 25 myugariro Ramazani Tshimanga agira imvune asimburwa na Nshimiyimana Fabrice, iki gice kirangira ari igitego 1-0.

Bassane nawe ntiyumvise uburyo yahushije igitego

Mu gice cya kabiri Rayon Sports yatangiye isimbuza ikuramo Faustin Likau wasimbuwe na Richard Ndayishimiye umutoza yavuze ko yamubanje kubera imikino myinshi amaze iminsi akina ndetse n’akabazo gato yagize mu mukino wa APR FC.

Rayon Sports yongeye gusimbuza ikuramo Habimana Yves ishyiramo Fall Ngagne ku munota wa 60. Muri iki gihe AS Muhanga y’abakinnyi nka Twizerimana Onesme bashakiraga AS Muhanga ibindi bitego ndetse n’abandi barimo Nizeyimana Telesphore winjiye asimbura.

Ku munota wa 80, Rayon Sports yongeye kuvunikisha rutahizamu Fall Ngagne wavuriwe mu kibuga ariko bikanga kugeza hatumijwe ingobyi akaba ariyo asohokaho.Uyu Munya-Senegal uheruka n’ubundi kugira imvune yatumye amara amara amezi 11 adakina.

Nyuma y’umukino umutoza Haringingo yavuze ko yagize imvune mu kabombambari ndetse avuga ko bigoye ko yazongera kugaragara mu kibuga muri uyu mwaka w’imikino, dore ko yanageze ku ntebe y’abasimbura akajyanwa mu rwambariro na Faustin Likau ahetswe mu mugongo.

Rayon Sports yari yamaze kuzuza abakinnyi isimbuza, yakinnye iminota 10 yari isigaye ari abakinnyi icumi ndetse n’irindwi yongereweho ndetse inarangira itsinzwe na AS Muhanga igitego 1-0.

Fall Ngagne yasohotse ku ngobyi

AS Muhanga yanakoze amateka kuko yaherukaga gutsinda Rayon Sports muri Shampiyona mu mwaka wa 2016. Gutsinda uyu mukino byatumye AS Muhanga igira amanota 27 ku mwanya wa 17 inganya na Etincelles FC ariko yo iri ku mwanya wa 16 mu gihe Rutsiro FC yanganyije na Musanze FC ari iya nyuma n’amanota 26.

Ibi Umukuru w’Igihugu yabinyujije ku rubuga rwa X nyuma y’uko Arsenal yari imaze gusezerera Atletico Madrid iyitsinze igitego 1-0 mu mukino wo kwishyura wa 1/2 gisanga 1-1 banganyije mu mukino ubanza, iyisezerera ku giteranyo cy’ibitego 2-1, inagera ku mukino wa nyuma yaherukagaho mu mwaka wa 2006, ni ukuvuga mu myaka 20 ishize.

Perezida Kagame yashimye umukino mwiza amakipe yombi akaba n’abafatanyabikorwa ba Visit Rwanda yerekanye muri rusange ariko by’umwihariko ashimira Arsenal asanzwe akunda, kubera intsinzi yabonye, jkagera no ku mukino wa nyuma wa UEFA Champions League.

Mu gihe kandi Arsenal itegereje ikipe bazakina umukino wa nyuma hagati ya Bayern Munich na PSG na zo zikorana n’u Rwanda, zikina umukino wo kwishyura kuri uyu wa Gatatu saa tatu z’ijoro, Umukuru w’Igihugu yifurije ikipe nziza kurusha izindi muri aba bafatanyabikorwa bose ba Visit Rwanda kuzatwara igikombe.

Umukino wa nyuma uteganyijwe tariki 30 Gicurasi 2026, i Budapest muri Hungary, saa kumi n’ebyiri z’umugoroba.

Arsenal yatsinze Atletico Madrid igera ku mukino wa nyuma wa UEFA Champions League ku nshuro ya kabiri mu mateka

Aya mateka yashimangiwe n’umukino wo kwishyura wabereye kuri Stade ya Arsenal, Emirates mu gihugu cy’u Bwongereza aho iyi kipe yatsindiye Atletico Madrid igitego 1-0 cyatsinzwe na Bukayo Saka ku munota wa mbere w’inyongera ku gice cya mbere nyuma y’umupira ukomeye Leandro Trossard yatereye mu rubuga rw’amahina ujya mu izamu, ugakurwamo n’umunyeza Jan Oblak watengushywe na ba myugariro be babiri bari bahagazwemo hagati na Bukayo Saka wahise asubiza umupira mu izamu.

Bukayo Saka yishimira igitego cyagejeje Arsenal ku mukino wa nyuma

Igice cya mbere cyihariwe na Arsenal mu guhererekanya umupira ku ijanisha rya 68% Atletico Madrid ifite 32 ntabwo cyagaragayemo uburyo bwinshi kuko Arsenal ubwayo yateyemo ishoti rimwe rigana mu izamu muri arindwi yateye muri rusange mu gihe Atletico Madrid yateye abiri atarimo na rimwe rigana mu izamu, cyarangiye ari igitego 1-0, mu mikino ari 2-1 kubera ubanza wabereye muri Espagne amakipe yombi yanganyijemo 1-1.

Mu gice cya kabiri, ikipe ya Atletico Madrid yihariye. mu minota 15 yacyo ya mbere yabonye uburyo burimo ubwa Simeone ku munota wa 52 w’umukino winjiranye umupira mu rubuga rw’amahina nyuma y’uko Gabriel Maghalaes yari awukojejeho umutwe ntawukureho maze ariko uyu musore ubyarwa n’umutoza w’iyi kipe ananirwa kuwutera mu izamu ukurwaho n’uyu myugariro mu buryo bwiza nubwo Atletico Madrid bavugaga ko Simeone yakorewe ikosa rya penaliti ariko umusifuzi avuga ko ntaryo.

Ubwo Simeone yagushwaga na Gabriel Maghalaes mu rubuga rw’amahina agahusha uburyo bw’igitego cya Atletico Madrid

Ku munota wa 58 Antoine Griezman n yongeye kubona andi mahirwe mu rubuga rw’amahina ahengamiye ku ruhande rw’iburyo akurikiye umupira n’ubundi wari uturutse ku ishoti yari abanje gutera rigakurwamo n’umunyezamu David Raya, ariko uyu ananirwa kuwuhindura mu izamu urarenga, nabwo Atletico Madrid itekereza ko yakabonye penaliti nyuma y’uko akandagiwe na myugariro Ricardo Calafiori ariko umusifuzi avuga ko ntayo.

Ku munota wa 66 w’umukino, rutahizamu wa Arsenal Viktor Gyoneres wanagize uruhare mu gitego yinjiza umupira mu rubuga rw’amahina yongeye kubona andi mahirwe arebana n’izamu ariko akomeza kugaraza ko nubwo yakinnye neza ariko gutsinda byo bitari hafi, ubwo yateraga umupira hejuru y’izamu yarebanaga naryo, ku mupira wari uturutse ku ruhande rw’ibumoso utanzwe na Hincapie.

Viktor Gyoneres nyuma yo guhusha igitego kidahushwa

Viktor Gyokeres ahusha igitego

Nubwo Atletico Madrid yihariye igice cya mbere mu mikinire ku ijanisha 64%, Arsenal ifite 36%, igatera amashoti arindwi arimo abiri agana mu izamu, Arsenal iteye atandatu atagira ishoti na rimwe rigana mu izamu ariko iyi kipe yo muri Espagne yabuze igitego cyo kwishyura nibura cyari gutuma hitabazwa iminota 30 y’inyongera umukino wari kurangira banganya, maze iminota 90 irangira bikiri 1-0 ndetse n’itanu yongerewe irangira Arsenal itsinze 1-0 igera ku mukino wa nyuma itsinze ibitego 2-1 mu mikino ibiri.

Ni inshuro ya kabiri, ikipe ya Arsenal igeze ku mukino wa nyuma UEFA Champions League mu mateka yayo, nyuma yo kubikora mu 2006 ubwo yatsindwaga ba FC Barcelona ibitego 2-1 tariki 17 Gicurasi 2006.

Ni imyanzuro yafashwe na Komisiyo Ishinzwe Imisifurire yateranye ku wa 4 Gicurasi 2026, isuzuma imigendekere y’imikino yo ku munsi wa 29 wa BK Pro-League, by’umwihariko umukino wabereye i Huye Mukura VS yatsinzwemo na Rutsiro FC 2-1 ku wa 3 Gicurasi 2026 mu buryo itemera byanatumye ihita itanga ikirego ku wa Mbere tariki 5 Gicurasi 2026.

Iyi komisiyo yavuze ko igendeye ku itegeko rigenga imyitwarire y’abasifuzi mu Rwanda, raporo ya komiseri n’amashusho y’umukino, umusifuzi wari uwa kabiri wo ku ruhande Nsengiyumva Jean Paul yagaragaje imyitwarire idahwitse idahuye n’inshingano, ahanishwa guhagarikwa amezi 12 adasifura.

Kuri iki gihano kandi hiyongeraho imikino itanu nayo yahagaritswe kubera gutanga penaliti itariyo yavuyemo igitego cya kabiri cya Rustsiro FC ku munota wa 80 aho iri kosa Nsengiyumva Jean Paul yakoze ryiswe ’icyemezo cya tekinike kitari cyo cyagize ingaruka ku uko umukino warangiye’.

Komisiyo yanavuze ko yagaye imiyoborere y’umukino ya Nshimiyimana Remy Victor wari umusifuzi wo hagati maze nawe ahanishwa guhagarikwa imikino itanu adasifura , ibi bivuze umwaka w’imikino 2025-2026 by’umwihariko Shampiyona ibura imikino itanu ngo irangire ku makipe amwe na mwe yamaze gukina imikino 29, izarangira atongeye kugaragara asifura.

Uretse ibi kandi, FERWAFA yabwiye Mukura VS ko nubwo yakubiswe umugeri ariko myugariro Mbonyamahoro Serieux nawe yitwaye nabi bityo ko ikarita y’umutuku yahawe itakurwaho ndetse n’iyahawe umutoza Nshimiyimana Canisius bivuze kuri uyu wa Gatatu batagaragara ku mukino w’umunsi wa 30 wa BK Pro League iyi kipe yakiramo Police FC, Saa Cyenda z’igicamunsi kuri Stade Kamena.

Ni imikino yatangiye kuri uyu wa Mbere maze mu batarengeje imyaka 18 u Rwanda rusoza igice cya mbere rutsinze Tanzania ibitego 22-11 mu gihe mu gice cya kabiri rwabonyemo ibindi bitego 30 Tanzania itsinzemo 13 umukino ukarangira, ruyitsinze 52 kuri 24.

Mu batarengeje imyaka 20 n’ubundi u Rwanda rwakinnye na Tanzania igice cya mbere kirangira rufite ibitego 20-10, mu cya kabiri rutsindamo ibitego 26, Tanzania itsinzemo icyenda byonyine, naho rwegukana intsinzi y’ibitego 46 kuri 19.

Kuri uyu wa Kabiri, imikino y’amatsinda irakomeza aho u Rwanda mu batarengeje imyaka 18 ndetse na 20 hose ruzakina na Djibouti ku i Saa Munani zo mu Rwanda mu gihe umunsi wa nyuma w’amatsinda uzakinwa ku wa Gatatu, mu batarengeje imyaka 18 u Rwanda rukina na Kenya, naho mu batarengeje imyaka 20 rukina na Ethiopia.

Ibyo Mukura VS iregera byabereye kuri Stade Kamena ku wa 3 Gicurasi 2026, aho muri rusange ivuga ko itishimiye imisifurire ihereye kuri penaliti yahawe Rutsiro FC ku munota wa 40 umusifuzi avuga ko Niyonzima Eric yakoreye ikosa Sunzu Bonheur mu rubuga rw’amahina ibyo ariko batemera nubwo n’ubundi umunyezamu Ssebwato Nicholas yayikuyemo.

Uretse ibyo kandi Mukura VS yanaregeye penaliti ya kabiri yahawe Rutsiro FC myugariro Niyonzima Eric ashinjwe gukorera ikosa Maniriho Destin mu rubuga rw’amahina, ibyo Mukura VS itemera kuko yo ivuga ko atamukozeho. Nyuma y’iyi penaliti Mukura VS ivuga ko umukinnyi wayo Mbonyamahoro Serieux yagiye gusobanuza umusifuzi, ariko uyu mukinnyi agakubitwa umugeri n’umusifuzi mu myanya y’ibanga.

Mukura VS kandi mu kirego cyayo yanavuze ko nyuma y’umukino umutoza Nshimiyimana Canisius yagiye kubaza umusifuzi ibisobanuro by’ibyabaye, umusifuzi akamuha ikarita y’umutuku agamije kumuhagarika mu mukino ukurikira, isoza isaba ko harebwa ibimenyetso birimo amashusho nayo yatanze kuko ibyabaye byahonye amategeko ndetse n’amahame y’umupira w’amaguru.

RAC yegukanye igikombe itsinze CHUB ibitego 4-1 ku mukino wa nyuma mu cyiciro cy’ibigo bifite abakozi bari hejuru y’ijana

Ni imikino yasojwe mu mpera z’icyumweru gishize ihuzwa n’umunsi Mpuzamahanga w’umurimo , hakinwa imikino ya nyuma aho mu mupira w’amaguru mu cyiciro cy’ibigo bifite abakozi barenze ijana, mu bagabo ikipe ya RAC yegukanye igikombe itsinze CHUB ibitego 4-1 ku mukino wa nyuma WASAC yegukana umwanya wa gatatu itsinze RBC 3-0. Mu bagabo kandi ariko mu bigo bifite abakozi bari munsi y’ijana ikipe ya DGIE niyo yegukanye igikombe itsinze RBC ibitego 3-0 ku mukino wa nyuma mu gihe REG yatsinze NISR igitego 1-0 ku mwanya wa gatatu.

DGIE niyo yegukanye igikombe itsinze RBC ibitego 3-0 ku mukino wa nyuma cy’ibigo bifite abakozi bari munsi y’ijana mu bagabo muri ruhago

Muri Volleyball, mu cyiciro cy’ibigo bifite abakozi bari hejuru y’inaja mu bagabo, ikipe ya RAC yongeye kwegukana igikombe itsinze MINICT ku mukino wa nyuma amaseti 3-0 naho umwanya wa gatatu utwarwa na RRA yatsinze CHUB amaseti 3-1. Mu cyiciro cy’ibigo bifite abakozi bari munsi y’ijana mu bagabo kandi , igikombe cyatwawe na NISR itsinze RwandAir amaseti 3-2 naho mu bagore Volleyball yakinwe mu cyiciro cy’ibigo bifite abakozi bari munsi y’ijana gusa aho RBC yatwaye igikombe itsinze WASAC amaseti 3-0.

Mu bagore, Volleyball mu cyiciro cy’ibigo bifite abakozi bari munsi y’ijana gusa RBC yatwaye igikombe itsinze WASAC amaseti 3-0

Muri Basketball mu cyiciro cy’ibigo bifite abakozi barenga ijana, mu bagabo ikipe ya RRA yatwaye igikombe itsinze RAC amanota 78-72, umwanya wa gatatu wegukanwa na RTDA yatsinze WASAC amanota 73-64. Mu bagabo kandi, mu cyiciro cy’ibigo bifite abakozi bari munsi y’ijana igikombe cyatwawe na NISR yatsinze DGIE amanota 95-86 naho MOD yegukana umwanya wa gatatu itsinze RwandAir amanota 73-70.

Mu cyiciro cy’ibigo bifite abakozi bari munsi y’ijana igikombe cyatwawe na NISR yatsinze DGIE amanota 95-86 muri Basketball

Mu bagore muri Basketball, mu cyiciro cy’ibigo bifite hejuru y’abakozi ijana ikipe ya CHUB yatsindiye RBC amanota 72-47 yegukana igikombe mu gihe mu cyiciro cy’ibigo bifite abakozi bari munsi y’ijana igikombe cyegukanwe na RBC yatsindiye CHUB ku mukino amanota 78-10.

CHUB yatsindiye RBC amanota 72-47 yegukana igikombe

Ibi uyu Murundi ukina asatira anyuze ibumoso yabigarutseho nyuma y’umukino Al Hilal SC yatsinzemo AS Kigali 2-0 mu mukino w’umunsi wa 29 wa BK Pro League wakinwe ku wa 3 Gicurasi 2026 ubwo yabazwaga ku bakinnyi beza byumwihariko b’Abanyamahanga yabonye akavuga ko harimo Umunya-Ghana ukina hagati muri APR FC Dauda Yussif.

Ati"Hari umukinnyi ukina muri APR FC, witwa Dauda[Yussif Seif] niwe mukinnyi nabonye uva hanze y’u Rwanda ukina umupira neza."

Girumugisha Jean Claude ni umwe mu bakinnyi baranze umwaka w’imikino 2025-2026 kubera ubuhanga bwe haba muri shampiyona aho amaze gukina imikino 15 yatsinzemo ibitego umunani akanatanga imipira irindwi yavuyemo ibitego kuri bagenzi be.

Mu Karere ka Huye Mukura VS yakiriye Rutsiro FC iri kurwana no kutamanuka mu cyiciro cya kabiri maze iyi kipe yo mu Burengerazuba ihatsindira ibitego 2-1 mu mukino wabayemo udushya umusifuzi akubita umugeri umukinnyi.

Muri uyu mukino igice cya mbere cyarangiye amakipe yombi anganya 0-0 ariko Rutsiro FC yabonyemo penaliti Mukura VS itemeye gusa n’ubundi Nizeyimana Jean Claude bita Rutsiro n’ubundi arayihusha kuko umunyezamu Ssebwato Nicholas yayikuyemo.

Mu gice cya kabiri ku munota wa 51, Mumbere Malekidogo Jonas yatereye ishoti rikomeye hanze y’urubuga rw’amahina umunyezamu Ssebwato Nicholas atashoboye gukuramo maze umupira ujya mu izamu havamo igitego cya mbere cya Rutsiro FC.

Ku munota wa 60 ariko Joseph Sackey yakoze ibisa nk’ibi nawe aterera ishoti rikomeye ryagenderaga hasi, aritereye hanze y’urubuga rw’amahina yishyurira Mukura VS igitego.

Ku munota wa 81 Rutsiro FC yahinduye umupira mu rubuga rw’amahina banyuze iburyo, maze umusifuzi wo ku ruhande Nsengiyumva Jean Paul avuga ko umukinnyi w’iyi kipe Maniriho Destin yakorewe ikosa mu rubuga rw’amahina na Niyonshuti Eric atanga penaliti.

Iki cyemezo ntabwo kishimiwe maze myugariro w’ibumoso Mbonyamahoro Serieux agenda yegera uyu musifuzi ashyize amaboko inyuma gusa uyu musifuzi nawe winjiraga mu kibuga azamura akaguru k’imoso amukubita umugeri ku itako.

Serieux wari wagiye ashyize amaboko inyuma nk’uko bisabwa igihe umukinnyi agiye kugira ibyo abwira umusifuzi atishimiye, yahise ayakurayo asa nk’uwirwanaho umusifuzi ariruka asubira inyuma mu mwanya we kugeza Polisi ihagobotse.

Umusifuzi Nshimiyimana Remy Victor yahise aha uyu mukinnyi ikarita y’umutuku Mukura VS ikomeza gukina ari abakinnyi icumi. Penaliti yari yatanzwe yatsinzwe na Aligo Gods Power, umukino unarangira Rutsiro FC itsinze ibitego 2-1.

Kigali Today yamenye ko nyuma y’uyu mukino umutoza Nshimiyimana Canisius yagiye kubaza umusifuzi impamvu yabasifuriye nabi maze Nshimiyimana Remy Victor wari hagati amubwirana umujinya ati "Reka n’uyu muhe umutuku azasibe umukino utaha."

Uyu mutoza yahise ahabwa iyi karita y’umutuku, Mukura VS itsindanwa amakarita abiri y’umutuku.

Mu yindi mikino ikipe ya Al Hilal SC yatsindiye AS Kigali kuri Kigali Pelé Stadium ibitego 2-0 byatsinzwe na Walielidin Daiyeen ku munota wa 41 ndetse na Salah Adil ku munota wa 80 byatumye iyi kipe ikomeza kuba iya mbere n’amanota 64.

Al Hilal SC yatsinze AS Kigali

Mu karere ka Muhanga naho habereye imvururu ndetse abasifuzi bakurwa mu kibuga n’abapolisi kubera igitego 1-0 AS Muhanga yatsindiwe na Twizerimana Onesme ku munota wa 84 cyayitandukanyije na Bugesera FC yavugaga ko cyatsinzwe habayemo kurarira.

AS Muhanga yatsinze Bugesera FC

Nubwo zatsinze imikino yazo ariko Rutsiro FC yagumye ku mwanya ubanziriza uwa nyuma ariwo 17 n’amanota 25 mu gihe AS Muhanga ari iya nyuma ku mwanya wa 18 n’amanota 24.

Urutonde rw’agateganyo

Ni umukino watangiye ku isaha ya Saa Kumi n’Ebyiri z’umugoroba, utangira Rayon Sports ihusha uburyo bukomeye ku mupira w’umuterekano watewe na Richard Ndayishimiye ku ruhande rw’iburyo nyuma y’ikosa ryari rikorewe Aziz Bassane. Uyu mupira watewe neza na Richard ariko umunyezamu Hakizimana Adolphe akora akazi gakomeye umupira awushyira muri koroneri.

Igice cya mbere cyabereye cyiza mu buryo buringaniye abakunzi ba ruhago benshi bari muri Stade Amahoro kuko cyabonetsemo ibitego bibiri. Ku munota wa 32 Tambwe Gloire yahinduriye umupira ku ruhande rw’ibumoso unyura mu rubuga rw’amahina ba myugariro babiri ba APR FC bose barawuhusha usanga inyuma yabo Ndikumana Asman atsinda igitego cya mbere cya Rayon Sports mu izamu rya Hakizimana Adolphe.

Ku munota wa 41 APR FC yazamukanye umupira maze Byiringiro Jean Gilbert acengera hanze gato y’urubuga rw’amahina rwa Rayon Sports arwinjiramo akora akorerwa ikosa na Tambwe Ngongo Gloire, aho umusifuzi wa kabiri w’igitambaro yavuze ko yamugushije hasi, Ishimwe Claude Cucuri wari hagati agahita yemeza ko ari penaliti.

Ikosa ryavuyemo penaliti

Kuva ku bakinnyi ba Rayon Sports kugeza ku bakunzi bayo ntabwo bishimiye iki cyemezo cyo gutanga penaliti ariko iterwa na rutahizamu Djibril Ouattara ayitsinda neza mu izamu rya Kwizera Olivier, igice cya mbere kirangira ari igitego 1-1. Mu gice cya kabiri amakipe yombi yakomeje gushaka ibitego anakora impinduka zitandukanye ariko atagaragaza umukino mwiza nk’uwo mu gice cya mbere.

Iminota 90 isanzwe yarangiye amakipe yombi anganyije na igitego 1-1 Aba-Rayons bataha bavuga ko basifuriwe nabi ariko abandi bavuga ko batabonye umukino bari biteze kuko beretswe umukino utari mwiza. Kunganya uyu mukino byatumye APR FC ikomeza kugumana umwanya wa kabiri ku rutonde rw’agateganyo n’amanota 56 mu gihe Rayon Sports iri ku mwanya wa kane n’amanota 48.

Ni umukino warimo ihangana n’amahane akomeye cyane

Indi mikino ya shampiyona yakinwe Musanze FC yanganyije na Kiyovu Sports 0-0, Al Merrikh SC itsinda Bugesera FC 3-0 naho Amagaju FC anganya na Etincelles FC 0-0.

Ibi Niyigena Clement yabitangarije itangazamakuru ubwo yabazwaga ku hazaza mu gihe habura ukwezi kumwe ngo asoze amasezerano muri APR FC aho yavuze igihe igihe Al Hilal SC yamwifuje muri Mutarama 2026 yaba ikimushaka bavugana

Ati "Al Hilal yari yifuje ko najyayo birangira bidakunze, babonye bakinkeneye twavugana baba batakinkeneye nabwo nkamenye ikindi nabikoraho."

Abajijwe niba yaba yaratangiye ibiganiro byo kongera amasezerano na APR FC Niyigena Clement yavuze ko nta biganiro byari byaba.

Ati"Ntabwo twari twavugana."

Niyigena Clement amaze imyaka ine akinira APR FC yinjiyemo mu mpeshyi ya 2022 avuye muri Rayon Sports.

Ibi byabaye nyuma y’uko mu mikino ya 1/4 cyakinwe ku wa Kane, ikipe ya REG VC isezereye KPA yo muri Kenya iyitsinze amaseti 3-1 mu gihe mu mukino wari ukomeye ikipe ya Police VC yasezereye Kepler VC iyitsinze amaseti 3-2, aya makipe yombi yo mu Rwanda akaba agomba guhurira muri 1/2 kuri uyu wa Gatanu Saa Kumi n’Ebyiri z’umugoroba muri BK Arena.

Ku rundi ruhande amakipe yo Misiri nayo yari ari kwigaragaza muri 1/4 aho ikipe ya PetroJet yasezereye PAD yo muri Cameroun iyitsinze amaseti 3-1 mu gihe Al Ahly yasezereye FUS Rabat yo muri Maroc iyitsinze amaseti 3-0, aya makipe yombi nayo akaza guhurira muri 1/2 kuri uyu wa Gatanu, Saa Mbili z’ijoro muri BK Arena.

Kugira amakipe abiri yo mu Rwanda ahurira muri 1/2 bivuze ko rugomba kugira ikipe ikina umukino wa nyuma ibintu bibaye bwa mbere mu mateka.

Ibi Niyigena Clement yabivuze nyuma y’imyitozo ibanziriza iya nyuma iyi kipe yakoreye i Shyorongi yitegura uyu mukino w’umunsi wa 29 wa BK Pro League uzabera kuri Stade Amahoro aho yavuze ko nubwo yakoze imyitozo atari yamera neza 100%.

Ati "Ntabwo navuga ko nari namera neza ijana ku ijana, rero ntabwo gukina(Umukino wa Rayon Sports) mbiha amahirwe. Nagize ikibazo cy’akagombambari."

Mu kiganiro yagiranye n’itangazamakuru kandi umutoza w’ikipe ya APR FC Abderlahim Taleb nawe yavuze ko uyu musore amaze iminsi icumi yaravunitse ko agomba kugarurwa intambwe ku yindi gusa ko aramutse ageze ku munsi w’umukino ameze nta kintu cyabuza ko yagaragara.

APR FC yakoze imyitozo kandi idafite Umugande Ronald Ssekiganda wagize imvune mu ivi mu mukino iyi kipe yatsinzwemo na Etincelles FC ku wa 18 Mata 2026 ibitego 2-1.

Ibi byabaye nyuma y’uko ikipe ya REG VC isezereye muri 1/4 KPA yo muri Kenya kuri uyu wa Kane iyitsinze amaseti 3-1(28-26, 25-18, 17-25, 30-28). Ibi byahise bivuga ko iyi kipe muri 1/2 izakina nikomeza hagati ya Kepler VC na Police VC zigomba gukina muri 1/4, muri BK Arena.

Ibi byiyongera ku kuba uretse APR VC yasezerewe itarenze 1/8 ikaba izahatanira imyanya kuva ku wa 9 kugeza ku wa 16 andi makipe atatu ahagarariye u Rwanda yose agomba kugaragara mu munani ya mbere arimo abiri nibura abiri agomba kuba ari mu myanya ine ya mbere.

Ni umukino watangiye ku isaha ya Saa Tatu z’ijoro kuri Stade ya Riyadh Air Metropolitano hagati y’aya makipe yombi akorana na yamamaza Visit Rwanda yageze muri iki cyiciro asezereye FC Barcelona na Sporting CP.

Ni umukino wakinwe muri rusange amakipe yegeranye mu mikinire, byatumye hatabonekamo ibitego byinshi. Ku musozo w’igice cya mbere ku munota wa 44 Arsenal yabonye penaliti ku ikosa ryakozwe na Dávid Hancko agusha Viktor Gyokeres.

Iyi penalti yatsinzwe neza na Viktor Gyoneres iki gice kirangira ari 1-0 Arsenal yihariye umukino ku ijanisha rya 52% iteye amashoti ane arimo rimwe rigana mu izamu kuri 48% ya Atletico Madrid yateye amashoti atanu nayo arimo rimwe rigana mu izamu.

Bitandukanye n’igice cya mbere Atletico Madrid yagize igice cya kabiri cyiza haba mu mikinire dore ko yasoje umukino mu kuwuhererekanya ifite 52% kuri 48% ya Arsenal ndetse n’amashoti 15 yateye muri iki gice yarimo atatu agana mu izamu mu gihe Arsenal yateyemo amashoti atanu arimo rimwe gusa ryaganaga mu izamu.

Ibintu byahindutse ubwo ku munota wa 55 Atletico Madrid yabonaga penaliti iturutse ku ishoti riremereye rya myugariro Marcos Llorente yari ateye maze Ben White agakora umupira n’akaboko mu rubuga rw’amahina.

Byasabye kwitaba ikoranabuhanga rya VAR ngo iyi penaliti yemezwe, maze yemejwe iterwa neza na Julian Alvarez mu izamu rya David Raya utamenye uko bigenze kuko yari ahagaze, amakipe yombi anganya 1-1.

Amakipe yombi yakomeje gukina ashakisha uko yatsinda Atletico Madrid ihusha uburyo bwinshi bukomeye ku bakinnyi nka Antoine Griezman na Ademola Lookman.

Arsenal yashyizemo abakinnyi nka Ebereche Eze ndetse na Bukayo Saka nayo yakomeje gushaka uko yatsinda ariko abanyezamu Jan Oblak na David Raya ku mpande zombi hakaba aho bakomeje kwitwara neza indi mipira ijya hanze.

Ku munota wa 80 myugariro wa Atletico Madrid Dávid Hancko yongeye kugusha Ebereche Eze mu rubuga rw’amahina umusifuzi avuga ko ari penaliti ariko abasifuzi bo ku ikoranabuhanga rya VAR bavuga ko atariyo ikurwaho.

Iminota 90 yarangiye amakipe yombi anganyije 1-1, aho agomba kwisobanura mu mukino wo kwishyura uteganyijwe tariki 5 Gicurasi 2026, Saa Tatu z’ijoro mu gihugu cy’u Bwongereza bikuramo ikipe izakina umukino wa nyuma izahuramo n’ikipe izakomeza hagati ya PSG Bayern Munich.

Ni umukino wabereye kuri Stade ya Riyadh Air Metropolitano mu Mujyi wa Madrid aho aya makipe yombi akorana n’u Rwanda mu kwamamaza ubukerarugendo binyuze muri gahunda ya Visit Rwanda, yahuriye nyuma yo kugera muri 1/2 Atletico Madrid isezereye FC Barcelona muri 1/4 mu gihe Arsenal yasezereye Sporting CP yo muri Portugal.

Uyu mukino warangiye amakipe yombi anganyije igitego 1–1.

Uretse Perezida Kagame kandi uyu mukino wakurikiwe n’Umwami wa Espagne Felipe VI, ndetse na Perezida wa Atlético Madrid, Enrique Cerezo.

Perezida Kagame yitabiriye uyu mukino nyuma yo kwitabira uwo PSG yatsindiye mu Bufaransa Bayern Munich ibitego 5-4 ku wa 28 Mata 2026 mu gihe asanzwe kandi by’umwihariko ari umufana wa Arsenal.

Perezida Kagame asuhuzanya n’Umwami wa Espagne, Felipe VI

Umukuru w’Igihugu kandi aheruka kuvuga ko nubwo amasezerano ya Visit Rwanda na Arsenal azarangirana n’umwaka w’imikino 2025-2026 bitazamubuza kuyifana kuko yatangiye kuyifana na mbere yo gukorana na yo.

Perezida Kagame yahawe impano y’ishusho ya stade ya Atlético Madrid

Umukinnyi Antoine Griezmann wa Atletico Madrid yatowe na UEFA nk’umukinnyi wahize abandi muri uyu mukino

Ni tombola yabaye mu byiciro bibiri aho muri rusange hazitabira amakipe 35 yo muri Afurika ariko bitewe nuko amakipe ahagaze ku rutonde rwa FIFA, ibihugu bitandatu aribyo Sudan izakina na Comoros, Sudani y’Epfo izakina na Madagascar ndetse na Mauritius izakina na Djibouti, bikazabanza gukina ijonjoro ry’ibanze bikikuramo bitatu bizasanga ibindi 29 byari bihagaze neza ku rutonde ubwo iyi tombola yabaga.

Muri ibi bihugu 29 bihagaze neza harimo n’u Rwanda aho bizahera mu cyiciro cya kabiri cy’iyi imikino. Tombola y’iki cyiciro yakurikiyeho yasize Amavubi azahura n’ikipe y’igihugu ya Ethiopia bazakina umukino ubanza n’uwo kwishyura ukomeje akajya mu cyiciro cya gatatu muri bitanu bizakinwa kugeza habonetse ibihugu bibiri bizahagararira umugabane wa Afurka.

Imikino y’ijonjora ry’ibanze izakinwa hagati y’itariki 1 n’iya 9 Kamena 2026 mu gihe ibihugu bitatu bizakomeza bisanga 29 birimo n’u Rwanda mu ijonjora rya kabiri aho imikino iteganyijwe hagati y’itariki 5 na 13 Ukwakira 2026, aho Amavubi ariyo azabanza kwakira Ethiopia.

Amavubi yatomboye Ethiopia mu gushaka itike y’Imikino Olempike 2028

Nepal niyo yatsindiye gutangira umukino ikubita udupira ishyiraho amanota menshi,u Rwanda rwo rutangira rujugunya udupira rubuza ikipe y’igihugu Nepal gushyiraho amanota. Igice cya mbere cyarangiye Nepal ishyizeho amanota 103, u Rwanda ikaba rusohoye abakinnyi barindwi bayo.

Igice cya kabiri cyatangiye u Rwanda rusabwa amanota 104 ngo rutsinde uyu mukino bitigeze bibotohera kuko muri overs esheshatu za mbere zingana n’udupira 36 rwari rumaze gushyiraho amanota 18 gusa,Nepal yasohoye abakinnyi babiri barwo.

Muri rusange, u Rwanda rwakoze amanota 65, Nepal yasohoye abakinnyi bose barwo (Allout) maze itsinda uyu mukino ku kinyuranyo cy’amanota 38.

Gutsindwa uyu mukino byagabanyirije u Rwanda amahirwe yo gutwara igikombe kuko rufite intsinzi enye mu mikino irindwi rumaze gukina, zituma ruri ku mwanya wa kabiri n’amanota umunani rusigaje umukino umwe uzaruhuza na Leta Zunze Ubumwe za Amerika zo zisigaje ibiri.

Uyu mukino uteganyijwe tariki 1 Gicurasi 2026 ari nawo munsi wa nyuma w’irushanwa mu gihe ariko iyi Leta Zunze Ubumwe za Amerika inafite undi mukino izabanza gukina n’u Butaliyani kuri uyu wa Kane, Saa Tatu za mu gitondo kuri Stade Mpuzamahanga ya Cricket i Gahanga.

Ni umukino wari uryoheye ijisho

Ni umukino wari witezwe cyane hirya no hino ku Isi kuko wari ugiye guhuza amakipe ari gufatwa nk’aya mbere meza uyu mwaka hakurikijwe uko yitwara mu marushanwa atandukanye kuva mu bihugu byayo dore ko Bayern Munich iheruka gutwara Shampiyona y’u Budage 2025-2026 mu gihe PSG iyoboye urutonde rw’agateganyo mu Bufaransa.

Ibyo abantu bari biteze nibyo babonye ndetse banabibibona hakiri kare ubwo ku munota wa 17, myugariro William Pacho yakoreraga ikosa Luis Diaz mu rubuga rw’amahina hagatangwa penaliti yatewe na Harry Kane akanayinjiza neza Bayern Munich ikayobora umukino.

Harry Kane amaze gutsinda igitego cya mbere cya Bayern Munich

Luis Diaz akorerwa ikosa ryavuyemo penaliti

Kugira ubusatirizi bwiza biri mu bigira aya makipe meza, byatumye PSG yishyura igitego ku munota wa 24 gitsinzwe na Kvicha Kvaratskhelia nyuma yo guhabwa umupira na Desire Doue maze akazenguruka myugariro Stansic kugeza ageze mu rubuga rw’amahina akubura amaso atera umupira ku giti cya kabiri cy’izamu.

Kvivicha watsinze ibitego bikini muri bitanu bya PSG

Nta muntu wari kwemeza ko birangiye kubera ubwiza bw’amakipe cyane cyane mu gusatira, bakomeje kwerekana umupira mwiza.Ku munota wa 33 PSG ibona koroneri yatewe na Ousmane Dembele maze Joao Neves nubwo ariwe mukinnyi mugufi wari mu kibuga, azamuka mu kirere atsinda igitego cya kabiri cy’iyi kipe yari ku rugo.

Joao Neves

Ntabwo byasabaye igihe kinini kuko umukino wakomeje kuryohera abawurebaga, kuko ku munota wa 41 Michael Olise yahawe umupira na Pavlovic maze yinjira mu rubuga rw’amahina arebana n’izamu, abakinnyi ba PSG bamuhaye umwanya wo kurebamo, atera ishoti rikomeye umunyezamu Matvéi Safónov atashoboye gukuramo.

Michael Olise

Byari bibaye 2-2 ku mpande zombi, ariko ubwo bari bongereyeho umunota umwe ku gice cya mbere, Ousmane Dembele yakiriye umupira ku ruhande rw’ibumoso awuhinduye Alphonso Davies awukoraho n’akaboko hatangwa penaliti yatsinzwe n’uyu Mufaransa igice cya mbere kirangira ari ibitego 3-2 , PSG iyoboye umukino.

Ousmane Dembele yishimira igitego

PSG yagarutse yariye karungu, minota 15 ibonamo ibitego bibiri. Ku munota wa 56 Achraf Hakimi yazamukanye umupira awuhindurira iburyo maze unyura mu rubuga rw’amahina Ousmane Dembele arawusimbuka usanga Kvicha Kvaratskeria wari wakurikiye yinjiyemo nawe atsinda igitego cya kane.

Kvicha yishimira icya kabiri yari atsinze

Ku munota wa 58 PSG yongeye kuzamukana umupira ufitwe na Desire Doue wazamukanye na Ousmane Dembele bakisanga bari kumwe n’abakinnyi batatu ba Bayern Munich mu rubuga rw’amahina maze Ousmane Dembele wawuhawe awunyuza mu maguru ya Dayot Upamecano ukubita igiti cy’izamu ujya mu izamu, umumyezamu Manuel Neur atari yamenya ibiri kuba uvamo igitego cya gatanu.

Ousmane Dembele amaze guhabwa na Doue umupira wavuyemo igitego

Bayern Munich yari ishyizwemo ikinyuranyo cy’ibitego bitatu ntabwo yacitse intege ndetse ku munota wa 64 inabona umupira w’umuterekano ku ikosa ryakorewe Luis Diaz hagati mu kibuga. Uyu mupira watewe na Joshua Kimmich maze myugariro Dayot Upamecano akoraho gato n’umutwe uruhukira mu izamu rya PSG uvamo igitego cya gatatu.

Ku munota wa 68 Umwongereza, rutahizamu Harry Kane yatangiye umupira udasanzwe hagati mu kibuga awunyujije mu kirere wakirirwa mu rubuga rw’amahina mu buryo budasanzwe n’Umunya-Colombia wari wakurikiye, acenga myugariro Marquinhos bari bahagararanye atsinda igitego cya kane cya Bayern Munich.

Luis Diaz amaze gutsindira Bayern Munich igitego cya kane

Mu minota 20 ya nyuma y’umukino amakipe yombi yagiye akora impinduka, ndetse ashakisha ibindi bitego ariko bitabonetse ariko habonekamo amahirwe arimo aya PSG yo ku munota wa 87 ubwo Seny Mayulu wari winjiye asimbuye yateraga ishoti rikomeye ryagaruwe n’igiti cy’izamu.

Iminota 90 yarangiye PSG ikiyoboye umukino n’ibitego 5-4 hongerwaho ine nayo irangiye gutyo, umukino urangira yegukanye intsinzi mu gihe umukino wo kwishyura uzakinirwa mu Budage tariki 6 Gicurasi 2026.

Kuri uyu wa Gatatu, harakinwa undi mukino wa 1/2 aho muri Espagne Atletico Madrid irakira Arsenal Saa Tatu z’ijoro.

Ni umukino wabaye ukurikira uwo APR FC yari yatsindiye Mukura VS kuri iyi Stade ku wa 25 Mata 2026 ibitego 3-0. Muri uyu mukino Rayon Sports yari yakoze impinduka yakuyemo Obed Uwumukiza wari wabanje hanze maze ku ruhande rw’iburyo habanza Nshimiyimana Kabange.

Nshimiyimana Emmanuel Kabange wari wahawe umwanya ku munota wa 33 yahinduriye umupira ku ruhande rw’iburyo maze awushyira ku mutwe wa Tambwe Gloire atsinda igitego cya mbere mu izamu rya Twagirumukiza Clement. Uyu Murundi wari uhagurukije abafana batari benshi barebye uyu mukino yahise agira imvune asimburwa na Fall Ngagne.

Igice cya mbere cyarangiye, Rayon Sports ifite igitego 1-0 maze mu gice cya kabiri iza ishakira icya kabiri gusa n’Amagaju FC nayo ashaka kwishyura. Abakinnyi nka Rachid Mapoli Yekini, Shaban Gloire, Destin Malanda na Nibibona Eddy bagiye bahusha uburyo bw’ibitego batashoboye kugeza mu izamu rya Kwizera Olivier.

Ku munota wa 75 Rayon Sports yabonye umupira w’umutereka imbere ku ruhande rw’ibumoso nyuma y’ikosa kapiteni w’Amagaju FC Abdel Matumona Wakonda yakoreye Sindi Jesus Paul. Uyu mupira w’umuterekano wahawe Nshimiyimana Emmanuel Kabange arawutera, maze abikora neza yongera kuwushyira ku mutwe wa Youssou Diagne nawe ahita awushyira mu izamu atsinda igitego cya kabiri.

Mu minota 16 yari isigaye, Rayon Sports yakomeje kugerageza gushaka ubundi buryo bw’ibitego ariko ntibyayikundira ari nako ku rundi ruhande Amagaju FC yashakisha uko yabona igitego nayo ariko iminota 90 irangira ari ibitego 2-0.

Rayon Sports yongeye kubona intsinzi nyuma y’amezi abiri idatsinda muri shampiyona kuko yaherukaga gutsinda tariki 22 Gashyantare 2026, itsinda Mukura VS 2-1 iri gukina mu kibuga, hatabariwemo mpaga yateye Gasogi United tariki 22 Werurwe 2026.

Gutsinda uyu mukino byatumye kandi iyi kipe igira amanota 47 ku mwanya wa kane ku rutonde rw’agateganyo aho irushwa na APR FC amanota umunani, mu gihe bitegura gucakirana tariki 2 Gicurasi 2026.

Mu yindi mikino yabaye, Al Merrikh SC yatsinze Bugesera FC 3-0, Etincelles FC inganya na Kiyovu Sports 0-0.

Isinya rya Niyonzima Pacifique ryabaye ku wa Gatanu tariki 24 Mata 2026 aho bivuze ko abaye umukinnyi w’umunyamwuga nyuma yo gusinyira Bodymax aho yamenyekanye cyane mu mikino yitwayemo neza ya Shampiyona y’Isi 2025 yabereye i Dubai aho yari yagiye mu cyiciro cy’abatarabigize umwuga yabereye i Dubai ari kumwe n’ikipe y’igihugu nayo yari yitabiriye bwa mbere.

Nyuma yo gusinya amasezerano Niyonzima Pacifique yahise yerekeza i Nairobi muri Kenya ku wa Gatandatu, tariki 25 Mata 2026 mu rwego rwo gukomeza imyiteguro ye y’amarushanwa ari imbere arimo shampiyona izakomeza muri Gicurasi 2026 ndetse no gutangira urugendo rushya nk’umukinnyi wabigize umwuga.

Niyonzimama Pacifique yerekeje Bodymax Ltd asanzemo Kazungu Frank usanzwe ugenderwaho muri iyi kipe ndetse no mu ikipe y’igihugu aho ari no kwitegura umukino woswe ’Roots Uganda’ uzabera i Kampala muri Uganda tariki 2 Gicurasi 2026 mu gihe kandi iyi kipe ikomeje no kwagurira ibikorwa byayo mu Karere aho igamije gushyira abakinnyi b’Abanyarwanda ku rwego Mpuzamahanga.

Niyonzima Pacifique (Uri hagati) ari kumwe na Perezida wa BodyMax Niyonsenga Karim(Ibumoso) ubwo yari amaze gusinya

Niyonzima Pacifique ubwo yari muri Shampiyona y’Isi 2025

Aba abakinnyi ndetse n’abandi baje muri iri rushanwa bifatanyije n’Abanyarwanda bo mu karere ka Gasabo mu muganda rusange usoza ukwezi kwa Mata 2026 maze bamwe mu bahagarariye aya makipe y’ibihugu bishimira iki gikorwa ngaruka kwezi Abanyarwanda bahuriramo bagahuriza hamwe amaboko maze bagakorera isuku igihugu cyabo.

Aba bagarutse ku isuku idasanzwe babonye mu Rwanda maze bavuga ko babonye inkomoko yayo ndetse banavuga ko babikuyemo isomo rikomeye. Uyu muganda rusange wari witabiriwe kandi n’abarimo Umunyabanga wa Leta muri Minisiteri ya Siporo Rwego Ngarambe.

Abitabiriye uyu Muganda kandi bari barimo Umunyamabanga Nshingwabikorwa w’Akarere ka Gasabo bwana Bernard Bayasese ndetse n’Umuyobozi wungirije w’Ishyirahamwe ry’Umukino wa Cricket mu Rwanda Sonia Uwimana.

Abitabiriye uyu Muganda ni abaturutse mu bihugu birimo Butaliyani, Leta Zunze Ubumwe za Amerika, Vanuatu, Nepal, n’Ikipe y’Igihugu y’u Rwanda.

Ni umuterankunga watangajwe ubwo igice cya mbere cy’umukino iyi kipe yatsinzwemo na APR FC 3-0 kuri Stade Kamena. Jibu isanzwe ikora amazi mu byo izajya itanga muri Mukura VS harimo guhemba umukinnyi w’ukwezi no gutanga amazi ku mukino ndetse no mu myitozo.

Uretse ibi kandi mu myaka iri imbere harimo kuba ashobora kuzajya agira uruhare mu ngendo ikipe ya Mukura VS mu gihe iyi kipe yo izajya yamamaza Jibu ku mbugankoranyambaga zayo.

Uyu muterankunga aje asanga abandi basanzwe bakorana na Mukura VS barimo Light House Hotel, BK Insurance, Volcano Express bose biyongera ku muterankunga mukuru ariwe Akarere ka Huye.

Ni umukino watangiye ku isaha ya Saa Cyenda zuzuye, igice cya mbere kirangwa no gukina neza kwa Mukura VS yakinaga imira mito kuri iki kibuga gito isanzwe imenyereye. Ibyo Mukura VS yakoraga byari byananiye APR FC kuko yagerageza gukina imipira miremire, myinshi bateraga igahita irenga kubera ubuto bw’ikibuga.

Muri iki gice cya mbere APR FC yabonye penaliti ku munota wa gatanu ku ikosa ryakorewe Djibril Ouattara aba ari nawe uyiterera. Uyu mupira wari kwinjiza neza APR FC mu mukino ariko, Djibril Ouattara yahise awutera ku ruhande, igice cya mbere kirangira amakpe yombi anganya 0-0. Muri iki gice APR FC yatakaje umunyezamu Hakizimana Adolphe wajyanywe kwa muganga n’imbangukiragutabara nyuma yo kugira ikibazo ku munota wa 33 ubwo hahindurwaga umupira washatse gukinwa na Mutsinzi Patrick nawe wagize ikibazo ariko we agakomeza umukino.

APR FC yahise isimbuza ishyiramo umunyezamu Ruhamyankiko Yvan wanasoje igice cya mbere.Ibyabaye mu gice cya mbere byicuritse mu cya kabiri, APR FC ikina imipira migufi, kuri iyi nshuro yanayikundiye ahubwo ku rundi ruhande Mukura VS biranga. Ku munota wa 52 Hakim Kiwanuka yahaye umupira mwiza Djibril Ouattara wari mu rubuga rw’amahina atsinda igitego cya mbere kuri uyu mupira wari uturutse iburyo.

Ku munota wa 57, uyu Mugande Hakimi Kiwanuka nawe yatsinze igitego cye ku mupira yakiriye mu rubuga rw’amahina cyari icya kabiri cya APR FC. Nyuma y’iminota itandatu ku munota 63, APR FC yabonye koroneri yatewe neza na Ruboneka Jean Bosco maze myugariro Nduwayo Alex atsinda igitego cya gatatu.

APR FC yakomeje guhusha uburyo butandukanye bwari kuvamo ibindi bitego byakurwagamo n’umunyezamu Ssebwato Nicholas mu gihe ku ruhande ruhande nta buryo bukomeye Mukura VS yigeze ibona bwari kuvamo igitego, umukino urangira APR FC itsinze 3-0.

APR FC gutsinda kwayo kwatumye igira amanota 55 ku mwanya wa kabiri aho ikurikira Al Hilal SC ifite amanota 61 kuko uyu munsi yatsindiye Musanze FC kuri Kigali Pele Stadium ibitego 2-0 mu gihe Mukura VS iri ku mwanya wa karindwi n’amanota 41.

Mu yindi mikino yabaye, AS Muhanga yakomeje kumanuka mu cyiciro cya kabiri kuko yatsinzwe na Gorilla FC 2-1 i Muhanga, maze ikomeza kugira amanota 21 ku mwanya wa 18. Ku isaha ya Saa Kumi n’Ebyiri n’Igice kuri Kigali Pele Stadium, Police FC irakira Marine FC.

Ibi yabigarutseho ubwo iyi banki yasinyanaga amasezerano na Shampiyona y’Icyiciro cya Mbere mu Rwanda byatumye yitwa BK Pro League, aho abajijwe ku makuru yo gukorana na Rayon Sports yavuze ko uyu ari umunsi wa Rwanda Premier League n’ibindi bazabivuga igihe cyayo cyageze.

Ati"Uyu munsi turavuga BK Pro League ntabwo dushaka kuvanga amadosiye. Ibya Rayon Sports cyangwa n’andi makipe tuzavuga amakuru igihe cyageze kuko uyu munsi dushaka ko abanyamakuru bavuga BK Pro League gusa akaba ariyo abakunzi b’imikino bamenya."

Hamaze iminsi mu bakunzi ba ruhago havugwa, gutandukana mwa Rayon Sports n’umuterankunga wayo mukuru isanzwe ifite bijyana no kuvugwa kwa Banki ya Kigali muri iyi kipe.

Amasezerano Banki ya Kigali yasinyanye na Rwanda Premier League afite agaciro ka miliyari 3 na miliyoni 250 Frw mu myaka itanu n’igice y’imikino iri mbere uhera mu gice cya kabiri cy’uwa 2025-2026.

Umuyobozi Mukuru wa Banki ya Kigali Dr. Diane Karusisi (Ibumoso), Umuyobozi Mukuru wa Rwanda Premier League Hadji Mudaheranwa Yussuf (Hagati) na Perezida w’Impuzamashyirahamwe y’Umupira w’Amaguru mu Rwanda Shema Ngoga Fabrice

Iri ni itangiriro ry’ubufatanye bw’ibihe bitanu n’igice(seasons) bufite agaciro ka miliyari 3.25 z’amafaranga y’u Rwanda, ishoramari rikomeye mu gukomeza guteza imbere ruhago mu Rwanda.

Kuri Banki ya Kigali, ubu bufatanye buri mu murongo mugari wo gushyigikira Abanyarwanda mu mibereho yabo ya buri munsi. Nyuma yo gushyigikira siporo zitandukanye zirimo basketball n’amagare, ubu banki yerekeje kuri ruhago, ihinduka “Banki ya Ruhago”, banki y’umukino ukunzwe cyane mu gihugu, nk’intambwe nshya igamije gutanga umusaruro ugaragara.

Iki gikorwa gishingiye ku ntambwe imaze guterwa na Rwanda Premier League mu myaka ishize mu kuzamura urwego rwa ruhago yo mu gihugu. Itangizwa rya BK Pro League rihagarariye icyiciro gishya kigamije gushimangira ubushobozi bw’imari bw’irushanwa, gushyigikira amakipe no kurushaho kwegera abafana ba ruhago.

Nka shampiyona y’icyiciro cya mbere mu Rwanda igizwe n’amakipe 18, BK Pro League igamije kuzamura urwego muri byose binyuze mu gufasha amakipe n’abakinnyi haba mu kibuga no hanze yacyo.

Ku isonga ry’ubu bufatanye harimo no guteza imbere kwinjira mu bikorwa by’imari. Ku bakinnyi benshi basanzwe badakorana na banki, ibi bizana impinduka. Binyuze mu kubona serivisi z’imari zibagenewe n’ubufasha bukwiye, abakinnyi bazashobora kubaka umutekano w’imari uhamye na nyuma y’akazi kabo ko gukina.

Abafana na bo bazungukira muri uru rugendo, binyuze mu kunoza uburyo bwo kwishimira imikino no kurushaho kwegera amakipe n’abakinnyi bagize ruhago nyarwanda.

Agaruka kuri ubu bufatanye, Perezida wa Rwanda Premier League, Yussufu Mudaheranwa, yagize ati:
“Ubu bufatanye ni intambwe ikomeye kuri Rwanda Premier League. Twari tumaze igihe twubaka shampiyona ikomeye kandi ihatana, kandi ubu bufatanye na Banki ya Kigali buzadufasha kwihutisha iterambere, dushyigikire amakipe, dushimangire imizi ya shampiyona, tunashyireho imibereho myiza ku bakinnyi n’abafana.”

Mu muhango wo gutangiza iri rushanwa, Umuyobozi Mukuru wa Banki ya Kigali, Dr. Diane Karusisi, yagize ati:“Ntabwo turi gushyira gusa izina ryacu kuri shampiyona. Turashora imari mu hazaza h’urusobe rwa ruhago nyarwanda, bukaba n’uburyo bwo gushyigikira ahazaza h’u Rwanda. Nka banki y’Abanyarwanda, twiyemeje kubaba hafi mu rugendo rwabo rwose, harimo na siporo. Mu gushyigikira ruhago, tugamije guteza imbere ubushobozi bw’imari no guhanga amahirwe ku bakinnyi, amakipe n’imiryango muri rusange.”

Perezida wa FERWAFA, Fabrice Shema Ngoga, na we yagaragaje akamaro k’ubu bufatanye ku iterambere rya ruhago, agira ati:“Ubufatanye nk’ubu bufite ingamba ni ingenzi mu guteza imbere ruhago mu Rwanda. Twishimiye ubushake bwa Banki ya Kigali, kandi twizeye ko ubu bufatanye buzagira uruhare rwiza mu kuzamura umukino ku nzego zose.”

Ubu bufatanye bufite icyerekezo gihuriweho. BK Pro League itegura ejo hazaza heza kandi hihariye, aho ruhago izakomeza gukura, guhuza abantu, gutanga icyizere no guhanga amahirwe mu Rwanda hose.

Ibi byatangarijwe mu itangazo ryashyizwe hanze aho FERWAFA yavuze ko ibi byakozwe hashingiwe ku ngingo ya 2.1 (igika cya 1) n’iya 2.3.3 z’Amategeko agenga imyitwarire muri FERWAFA bakanahagarika by’agateganyo Japhet Imurora Hakizimana nyuma y’imyitwarire idahwitse yamugaragayeho mbere y’umukino wa Shampiyona wahuje Musanze FC na Amagaju FC ku wa 17 Mata 2026.

Iri shyirahamwe ryanahagaritse kandi Olivier Ndatimana ushinzwe ibikoresho muri Gorilla FC, nyuma y’ibyiswe imyitwarire idahwitse yagaragaje mu mukino w’lgikombe cy’Amahoro wahuje Gorilla FC na Rayon Sports FC ku wa 22 Mata 2026 ubwo mbere y’umukino yagaragaraga amena ibisa n’ifu mu kibuga.

Aba bombi bahagaritswe mu bikorwa byose bijyanye n’umupira w’amaguru, banabujijwe kwinjira mu gace ka tekiniki, mu rwambariro no ku kibuga haba mu myitozo no mu mikino, kugeza igihe hazafatirwa icyemezo cya nyuma na Komisiyo ishinzwe Imyitwarire.

Ishyirahamwe ry’Umupira w’Amaguru mu Rwanda FERWAFA kandi ryakomeje rivuga ko rizakomeza guharanira ubunyangamugayo no kubungabunga isura nziza y’umupira w’amaguru.

Itangazo rya FERWAFA

Kigali, ku wa 24 Mata 2026

Ishyirahamwe ry’Umupira w’Amaguru mu Rwanda (FERWAFA) riramenyesha abakunzi b’umupira w’amaguru ko,

Hashingiwe ku ngingo ya 2.1 (igika cya 1) n’iya 2.3.3 z’Amategeko agenga imyitwarire muri FERWAFA, hafashwe icyemezo cyo guhagarika by’agateganyo,

Bwana Olivier NDATIMANA (ushinzwe ibikoresho muri Gorilla FC), nyuma y’imyitwarire idahwitse yagaragaje mu mukino w’lgikombe cy’Amahoro wahuje Gorilla FC na Rayon Sports FC ku wa 22 Mata 2026,

Na Bwana, Japhet IMURORA HAKIZIMANA (Umutoza wongerera imbaraga abakinnyi b’Amagaju FC) nyuma y’imyitwarire idahwitse yamugaragayeho mbere y’umukino wa Shampiyona wahuje Musanze FC na Amagaju FC ku wa 17 Mata 2026.

Aba bombi bahagaritswe mu bikorwa byose bijyanye n’umupira w’amaguru, banabujijwe kwinjira mu gace ka tekiniki, mu rwambariro no ku kibuga haba mu myitozo no mu mikino, kugeza igihe hazafatirwa icyemezo cya nyuma na Komisiyo ishinzwe Imyitwarire.

FERWAFA izakomeza guharanira ubunyangamugayo no kubungabunga isura nziza y’umupira w’amaguru.

Ibi byabereye mu mikino 11 yabaye kuri uyu wa Kane, muri BK Arena na Petit Stade yakurikiraga ufungura APR VC yatsinzemo Black Rhinos amaseti 3-0 ku wa 22 Mata 2026. Ikipe ya Police VC yakinnye mbere y’andi makipe yo mu Rwanda aho yakiniye na Prisons yo muri Tanzania muri BK Arena.

Muri uyu mukino iseti ya mbere mbere Police VC yayegukanye itsinze amanota 25-15, iya kabiri iyitwara ku manta 25-18 mu gihe iya gatatu yayitwaye itsinze amanota 26-17, igatsinda umukino ku maseti 3-0.

Undi mukino warimo ikipe yo mu Rwanda wabereye muri BK wahuje ikipe ya REG VC itahiriwe n’umunsi wa mbere kuko nubwo yagendanaga mu manota na Port Autonome de Douala yo muri Cameroon ariko byarangiye nta seti nimwe ibonye itsindwa amaseti 3-0.

Undi mukino arimo ikipe yo mu Rwanda wabereye kuri Petit Stade Amahoro, aho Kepler VC yo yahiriwe n’umunsi wa mbere kuko yatsinze AS INJS amaseti 3-0.Iseti ya mbere Kepler VC yayegukanye itsinze amanota 25-20, iya kabiri iyitwara itsinze 25-16 mu gihe yatwaye iya gatatu itsinze amanota 25-21.

Kuri uyu wa Gatanu harakomeza imikino yo mu matsinda haba muri Petit Stade ndetse na BK Arena kuva ku isaha ya Saa Yine za mu gitondo.

Uko indi mikino yagenze

Ni umukino watangiye ku isaha ya Saa Kumi n’Ebyiri z’umugoroba Rayon Sports yaguruye abakinnyi barimo umunyezamu Kwizera Olivier, myugariro Yousou Diagne ndetse na Ndikumana Asman.Gorilla FC isanzwe ikina umukino mwiza cyane n’ubundi yatangiye ikina neza maze ku minota wa cyenda ibona umupira w’umuterekano ku ruhande rw’iburyo imbere.

Uyu mupira watewe na Mosengo Tansele maze ugeze mu rubuga rw’amahina ugarurwa n’umutwe neza Kanamugire Roger awutereka mu izamu neza atsinda igitego cya mere. Rayon Sports yarwanye no kwishyura igerageza uburyo butandukanye ariko umunyezamu wa Gorilla FC Muhawenayo Gad agatabara.

Ubwo iminota 45 isanzwe yari irangiye, hongeweho itatu Rayon Sports yabonye umupira w’umuterekane hanze y’urubuga rw’amahina ahagana iburyo. Uyu mupira watewe neza na Ndayishimiye Richard ujya mu izamu nta wundi uwukozeho yishyurira Rayon Sports igitego, igice cya mbere kirangira ari 1-1.

Mu gice cya kabiri, amakipe yombi yakomeje gushakisha uko yabona igitego cya kabiri akina umukino uromo ihangana ariko uburyo bubonetse ntibubyazwe umusaruro. Iki gice cya kabiri cyari kirimo amahane menshi hagati y’abakinnyi ari nako umusifuzi Nizeyimana Isiaka atanga amakarita y’imihondo.

Umukino wasojwe n’amahirwe Rayon Sports ubwo yabonaga undi mupira w’umuterekano ureba n’izamu neza ariko kuri iyi nshuro utewe na Richard Ndayishimiye awutera mu rukuta ntiwabyara umusaruro, umukino urangira amakipe yombi anganyije igitego 1-1.

Imikino yo kwishyura izakinwa mu cyumweru gitaha aho APR FC izakira Etincelles FC mu gihe Rayon Sports izakira Gorilla FC.

Ibi Zambia yabigezeho nyuma yo gutsinda u Rwanda ibitego 2-1. U Rwanda nirwo rwatangiye rufungura amazamu ku munota wa cyenda ku gitego cyatsinzwe na Sylvie Uwabeza ndetse igice cya mbere kirangira ari igitego 1-0.

U Rwanda rwasabwaga kubona igitego cya kabiri ariko ntirwinjizwe hakaba hakwitabazwa penaliti cyangwa rugatsinda ibindi bibiri nubwo rwo rwari kwinjizwa kimwe rukaba rwakomeza kubera ibitego byinshi byo hanze. Ibi ariko ntabwo byarukundiye kuko Zambia ahubwo yarubonyemo ibitego bibiri byatumye umukino urangira rutsinzwe 2-1.

Ibi bitego byasanze, ibindi 2-0 Zambia yari yatsindiye u Rwanda kuri Kigali Pele Stadium ku wa Gatanu w’icyumweru gishize maze rusezererwa ku giteranyo cy’ibitego 4-1 mu mikino ibiri.

Ikipe y’igihugu y’u Rwanda y’Abangavu ni ubwa mbere yari ibayeho ndetse ubwo basozaga unukino ubanza Perezida w’Ishyirahamwe ry’Umupira w’Amaguru mu Rwanda Shema Ngoga Fabrice akaba yarabijeje gushyigikirwa.

Ni umukino wabaye ukurikira uw’umunsi wa 27 wa shampiyona aya makipe yombi yakiniye kuri iyi stade tariki 18 Mata 2026, Etincelles FC igatsinda APR FC 2-1. Kuri iyi nshuro ariko APR FC yihimuye maze hakiri kare ku munota wa 14 Mugisha Gilbert ayitsindira igitego cya mbere cyarangije igice cya mbere ari 1-0.

Ku munota wa 62 w’umukino Djibril Ouattara yatsndiye APR FC igitego cya kabiri ariko ku munota wa 67 Etincelles FC yishyuramo kimwe gitsinzwe na Ishimwe Jabilu. Nyuma y’iminota itatu rutahizamu Djibril Ouattara yongeye gutsindira APR FC igitego cya gatatu, umukino urangira ari ibitego 3-1.

Muri uyu mukino, u Rwanda nirwo rwatsinze toss(gutombora guhitamo gutangira ujugunya udupira cyangwa gutangira ukubita udupira) maze bahitamo gutangira bakubita udupira bashyiraho amanota, Leta Zunze Ubumwe za Amerika zitangira zijugunya udupira ari nako babuza ikipe y’igihugu y’u Rwanda gushyiraho amanota menshi.Igice cya mbere cyarangiye u Rwanda rushyizeho amanota 127,Leta Zunze Ubumwe za Amerika isohoye abakinnyi bane barwo( 4wickets).

Igice cya kabiri cyatangiye Leta Zunze Ubumwe za Amerika isabwa amanota 128 ngo itsinde uyu mukino mu gihe haburaga udupira dutandatu (1 Over) ngo umukino urangire bitayikundiye kuko yashyizeho amanota 126 u Rwanda rutsinda ku kinyuranyo cy’inota rimwe rwasohoye abakinnyi batanu Leta Zunze Ubumwe za Amerika (5 Wickets) mu gihe Umunyarwandakazi Ishimwe Gisele ari we yabaye umukinnyi mwiza w’umukino.

U Rwanda rwatsinze uyu mukino, usanga uwo rwatsinzemo Vanuatu ku Cyumweru tariki 19 Mata 2026 ndetse n’uwo rwatsinzwe n’u Butaliyani ku munsi wa mbere tariki 18 Mata 2026 mu gihe ruzakina umukino wa kane na Nepal kuri uyu wa Gatatu, Saa Tatu za mu gitondo, imikino yose iri kubera kuri Stade Mpuzamahanga ya Cricket i Gahanga.

Ibi byahamijwe n’ingengabihe y’imikino y’umunsi wa 28 yashyizwe hanze n’urwego rutegura Shampiyona y’Icyiciro cya Mbere mu Rwanda, aho nubwo Stade Mpuzamahanga ya Huye iri gusanwa itari yaboneka ariko imikino Amagaju FC azakiramo Rayon Sports tariki 26 Mata 2026, ndetse n’uwo APR FC izakirwamo na Mukura VS tariki 25 Mata 2026 yose izabera kuri Stade Kamena.

Ni ingengabihe yari itegerejwe na benshi bifuzaga kumenya aho aya makipe abiri y’ubukombe muri ruhago y’u Rwanda azakirirwa n’aya makipe yo mu Ntara y’Amajyepfo, nyuma y’uko mu mikino ibanza aya makipe yakoresheje Stade ya Muhanga ubwo Amagaju FC yakiraga APR FC naho Mukura VS ikahakirira Rayon Sports.

Amagaju FC yashatse kwakirira Rayon Sports i Kigali, asabwa kuyijyana i Bugesera

Mbere yo kwemeza ko imikino izabera mu Karere ka Huye, Kigali Today yamenye ko Amagaju FC yo yabanje gutanga ikifuzo muri Rwanda Premier League ko yakwakirira Rayon Sports i Kigali ariko ibwirwa ko bidashoboka.

Ku ikubitiro Amagaju FC yasabye kuzakirira Rayon Sports kuri Kigali Pele Stadium ariko ibwirwa ko amategeko avuga ko nta kipe yakwakirira indi kuri stade ugiye kwakirwa asanzwe yakiriraho imikino. Imaze gusubizwa gutya, Amagaju FC yahinduye umuvuno isaba ko umukino yawakirira kuri Stade Amahoro ariko nabwo ihabwa igisubizo nk’icyo yahawe kuri Kigali Pele Stadium.

Amagaju FC yabwiwe ko niba atifuza kwakirira Rayon Sports kuri Stade Kamena, ahashoboka ari uko yajya kuyakirira mu Karere ka Bugesera ariko nayo ibona ntaho bitandukaniye no kuba yakwakirira i Muhanga kuko byose ari ugukinira kure kuko nibura yo yashakaga kuzana umukino i Kigali kugira ngo ibe yakwinjiza amafaranga yarenga ayari kwinjira Huye cyangwa Muhanga kuko yaba yegereye abakunzi ba ruhago byumwihariko ba Rayon Sports.

Mu mukino ubanza wabereye kuri Kigali Pele Stadium, Rayon Sports yatsinze Amagaju FC 1-0 mu gihe APR FC yahatsindiye Mukura VS 2-1.

Ni umukino wabereye kuri Stade ya Manchester City Etihad Stadium, iyi kipe inawutangira neza aho ku munota wa 16 Umufaransa Ryan Cherki yakiriye hanze y’urubuga rw’amahina umupira wari utakajwe na Arsenal maze akarwinjira acengacemga abakinnyi barimo Gabriel Magalhães kugeza kuri William Saliba atsinda igitego cya mbere.

Nyuma y’iminota ibiri, ku munota wa 18 umunyezamu wa Man City, Donarruma yahawe umupira ku kirenge maze agishakisha aho awutanga Kai Havertz amutera igitutu cyatumye akora ikora ryavuyemo igitego ahuriye n’uyu Mudage ku mupira, yishyurira Arsenal igice cya mbere kirangira ari 1-1. Mu gice cya kabiri ku munota 59 Arsenal yahushije uburyo aho Martin Ødegaard yahaye umupira mwiza Kai Havertz wateye ishoti ariko umunyezamu Donnaruma awukuramo.

Mu minota ibiri, ku munota wa 61 Arsenal yongeye guhusha uburyo bw’ibitego ku ishoti rigana mu izamu ryatewe na Ebereche Eze maze umupira wari wanacitse umunyezamu Dunarruma ugarurwa n’igiti cy’izamu cy’ibumoso.

Nyuma y’iminota ibiri, ku munota wa 64 Man City yazamukanye umupira uhabwa Erling Haaland wari mu rubuga rw’amahina afashwe na myugariro Gabriel Maghalaes.Uyu rutahizamu yarushije imbaraga uyu myugariro maze atera uyu mupira ari kugwa hasi ariko ujya mu izamu atsindira Man City igitego cya kabiri.

Ku munota wa 72 Arsenal yongeye guhusha uburyo kuri kufura yatewe iterekwa ku mutwe wa Gabriel Maghalaes wateye mu izamu ariko ufata igiti cy’izamu nanone. Arsenal yakomeje kugerageza gushaka uko yakwishyura ngo ibe yanabona intsinzi, ishyiramo abakinnyi nka rutahizamu Victory Gyokeres wari wabanje ariko iminota 90 irangira Man City ikiyoboye n’ibitego 2-1.

Abasifuzi bari bayobowe na Anthony Taylor bongereyeho iminota irindwi maze Arsenal ibonamo andi mahirwe akomeye ubwo Leandro Trossard yahinduriraga umupira iburyo maze Kai Havertz ashyiraho umutwe ugana mu izamu ariko umupira ujya hejuru y’izamu.

Iyi minota nayo yarangiye Man City ikiyoboye umukino n’ibitego 2-1 yegukana amanota atatu yatumye igira 67 ku mwanya wa kabiri irushwa na Arsenal ya mbere n’amanota 70 mu gihe Man City inafite umukino w’ikirarane.

Ni umukino u Rwanda arirwo rwatsinze toss(Gutombora gutangira ujugunya udupira(Bowling) cyangwa gutangira ukubita udupira(Batting) maze bahitamo gutangira bajugunya udupira ari nako babuza ikipe y’igihugu y’u Butaliyani gushyiraho amanota menshi gusa mu gihe biteguraga gutangira umukino hagwa imvura nyinshi yamaze igihe kinini byatumye igihe cyagenwe cy’umukino gihinduka kuko Ikipe y’igihugu y’u Butaliyani yakinnye overs 10 ishyiraho amanota 72,u Rwanda rusohoye umukinnyi umwe w’ Butaliyani (1 Wicket).

Hifashishijwe DLS( Duckworth-Lewis-Stren Method) yifashishwa mu gihe habaye ikibazo nk’icyi hemejwe ko u Rwanda rukina overs zirindwi zingana n’udupira 42 basabwamo amanota 67. Aba bari b’u Rwanda ntabwo byabakundiye kuko basoje izi overs zirindwi bashyizeho amanota 50, u Butaliyani ikaba busohoye abakinnyi batatu b’u Rwanda, u Butaliyani butsinda ku cyinyuranyo cy’amanota 16.

U Rwanda rwihimuriye kuri Vanuatu kuri iki Cyumweru

Mu mukino wa kabiri wakinwe kuri iki Cyumweru, Saa Tatu za mu gitondo, u Rwanda rwatsinze Vanuatu aho rwabanje gutsinda tombora yo guhitamo gutangira ujugunya udupira(Bowling),Cyangwa gutangira ukubita udupira(Batting) maze bahitamo gutangira badukubita barwana no gushyiraho amanota menshi.

Igice cyambere cyarangiye u Rwanda rushyizeho amanota 109,ikipe ya Vanuatu igisoza isohoye abakinnyi umunani b’u Rwanda (8 wicket).

Igice cya kabiri cyatangiye Vanuatu isabwa amanota 110 ngo itsinde uyu mukino, bitaboroheye kuko muri overs 19 n’udupira dutatu u Rwanda rwari rumaze gusohora abakinnyi bose ba Vanuatu (Allout) yari imaze gushyiraho amanota 68 gusa, u Rwanda rutsinda ku kinyuranyo cy’amanota 41. Muri uyu mukino kapiteni w’u Rwanda Marie Diane Bimenyimana niwe wabaye umukinnyi mwiza w’umukino.

Mu mukino wakurikiyeho ikipe y’igihugu ya Nepal yatsinze ku kinyuranyo cy’amanota 50 aho Nepal yashyizeho amanota 112 muri overs 20 u Butaliyani busohoye abakinnyi umunani ba Nepal (8 Wickets). U Butaliyani ntibwashoboye gukuraho icyo kinyuranyo kuko muri overs 18 n’udupira tune Nepal yari imaze gusohora abakinnyi bose babwo(All out) bushyizeho amanota 62.

Imikino izakomeza ku wa kabiri w’icyumweru gitaha, u Rwanda rwisobanura na Leta Zunze Ubumwe za Amerika Saa Tatu za mu gitondo mu gihe Vanuatu n’u Butaliyani bazisobanura Saa Saba z’igicamunsi imikino yose iri kubera kuri Stade Mpuzamahanga ya Gahanga.

Byiringiro Emmanuel ushinzwe ibikorwa by’Ishyirahamwe ry’Umukino wa Cricket mu Rwanda yavuze ko babyakiriye neza kuba barahawe kwakira iri rushanwa dore ko bigaragaza icyizere u Rwanda rufitiwe.

Ati" Ni ibintu twakiriye neza byerekana ko u Rwanda badufitiye icyizere cyo twakakira imikino neza. Iri rushanwa rivuze ikintu kinini kuri twebwe kuko ni irushanwa Mpuzamigabane.Dusanzwe twakira amarushanwa yo ku mugabane wa Afurika ariko ni ni ubwa mbere iri rushanwa ribayeho none batugiriye icyizere baduha kuryakira. Ni ibyerekana ko ICC ifitiye u Rwanda icyizere muri rusange”.

Byiringiro Emmanuel yakomeje avuga ko iki gikombe hari icyizere ko cyasigara mu Rwanda.

Ati ”Muri Cricket tumaze igihe tugerageza gutwara ibikombe cyane cyane ku bakobwa, rero hari icyizere ko n’iki twagitwara”.

Ikipe y’igihugu y’u Rwanda igizwe n’abakinnyi barimo Bimenyimana Diane, Utagushimaninde Fanny, Ishimwe Gisele, Umutoniwase Clarisse, Niyomuhoza Shakila, Ishimwe Henriette, Ikuzwe Alice, Murekatete Belyse, Uwase Geovanis, Irera Rosine, Shimwamana Rosette, Irakoze Flora, Uwase Merveille na Uwimana Ruth.

Gahunda y’imikino yose muri rusange

Ni irushanwa Mpuzamahanga rya Karate rihuza ibyiciro by’abana, ingimbi n’abakuru mu bahungu n’abakobwa kuva ku myaka itandatu y’amavuko kuzamura aho kuri iyi nshuro ya kane rigiye kuba rizabera mu Mujyi wa Kigali mu gihe inshuro eshatu zabanje zose ryabereye mu Mujyi wa Huye.

Muri iri rushanwa byumwihariko bakina barushanwa mu kwiyerekana(Kata) abana barushanwa hakurijwe ibyiciro by’imyaka mu gihe abakuru barushanwa mu kurwana(Kumite) hakurijwe ibyiciro by’ibiro babarirwamo nkuko biteganywa n’Ishyirahamwe ry’umukino wa Karate ku Isi. Iri rushanwa kandi rinarangwa nuko mu gutanga amanota hifashishwa ikoranabuhanga rigezweho kandi hakanakoreshwa ikoranabunga ry’amashusho biha umutoza uburenganzira bwo kubaza igihe umukinnyi we atahawe amanota yabonye.

Mwizerwa Dieudonne, umuyobozi wa Zanshin Sport Solutions itegura iri rushanwa avuga ko kwiyandikisha bizatangirana n’ukwezi kwa Kamena kugeza mu mpera za Nyakanga, 2026 kandi uyu mwaka biteguye neza ndetse hari abakinnyi bakomeye bazitabira n’abasifuzi Mpuzamahanga ku mugabane wa Afurika bazaturuka mu bihugu bitandukanye yongera gukangurira amakipe kwandikisha abakinnyi hakiri kare kandi benshi anasaba abandi kuzaza gushyigikira abazaba bakina.

Ibi byatangarijwe mu itangazo ryashyizwe hanze n’Ishyirahamwe ry’Umupira w’Amaguru mu Rwanda aho ryavuze ko kuri uyu wa Kane, ku cyicaro gikuru cya FERWAFA haabereye inama yahuje ubuyobozi bwayo, Perezida wa Kyovu Sports David nkurunziza, Perezida wa Rayon Sports, Murenzi Abdallah n’umutoza Francis Christian Haringingo ubwe.

Iyi nama yize ku kibazo cy’uyu mutoza uherutse gusezera Kiyovu Sports ajya muri Rayon Sports ariko akibwa ibyangombwa kuko Kiyovu Sports yavugaga ko yagiye mu buryo budakurikije amategeko batigeze bishimira. FERWAFA yavuze ko nyuma y’ibiganiro byahuje impande zose kugira ngo uyu mutoza ahabwe uruhushya rwo gutoza zumvikanye ko yemererwa gutoza ikipe ya ikipe ya Rayon Sports mu buryo bwubahirije amategeko.

Haringingo Francis utari watoje umukino wa Gicumbi FC kubera ibi bibazo, azatoza umukino we wa mbere kuva agarutse muri Rayon Sports yatoje mu 2023, ku Cyumweru tariki 19 Mata 2026 ubwo iyi kipe izaba yasuye Rutsiro FC mu mukino w"umunsi wa 27 wa shampiyona uzabera mu karere ka Rubavu.

Ni ibiciro biri mu byiciro bibiri, aho kugeza tariki 27 Mata 2026 ahasigaye hose muri Stade Amahoro ariko hejuru ari ibihumbi 2 Frw, hasi hakaba ibihumbi 3 Frw, ibihumbi 10 Frw ahiswe Classic Seat, ibihumbi 20 Frw muri VIP, VVIP ibihumbi 40 Frw, Executive Seat yishyurwe ibihumbi 100 Frw mu gihe Sky Box izishyurwa miliyoni 1 Frw.

Nyuma y’iyi tariki ibiciro bizahinduka, ahasanzwe hejuru hishyurwe ibihumbi 3 Frw, hasi ibihumbi 5 Frw, Classic Seat yishyurwe ibihumbi 15 Frw, VIP ibihumbi 30 Frw, VVIP yishyurwe ibihumbi 50 Frw, Executive Seat hishyurwe ibihumbi 150 Frw mu gihe Sky Box izishyurwa miliyoni 2 Frw.

Mu mukino ubanza,wabaye tariki 8 Ugushyingo 2026 ikipe ya APR FC yatsinze Rayon Sports ibitego 3-0.

Ibi byabaye nyuma y’imikino yo kwishyura ya 1/4 yabaye muri iri joro muri Espagne aho Atletico Madrid yari yakiriye FC Barcelona yayihatsindiye 2-1 mu gihe Liverpool mu Bwongereza yari yakiriye PSG yayitsindiye mu rugo 2-0.

Ikipe ya FC Barcelona yari yatsindiwe mu rugo ibitego 2-0 mu rugo mu mukino ubanza yatangiye ku munota wa kane itsinda igitego cya mbere cyatsinzwe na Lamine Yamal inabona icya kabiri ku munota wa 24 cyatsinzwe na Ferran Torres. Kugeza ku munota wa 30, amakipe yombi yashoboraga kwitabaza iminota 30 y’inyongera byakwanga bagatera penaliti ariko iyi mibare yishwe n’Umunya-Nigeria Ademola Lookman watsindiye Atletico Madrid igitego cya mbere ku munota wa 31.

Igice cya mbere cyarangiye FC Barcelona ifite ibitego 2-1 ariko ku giteranyo Atletico Madrid ifite ibitego 3-2 maze mu gice cya kabiri ku munota wa 57 FC Barcelona ibona igitego cyatsinzwe na Ferran Torres nanone ariko cyangwa kubera ko habayemo kurarira. FC Barcelona yakomeje gushaka igitego cyatuma binjira mu minota wa 30 y’inyongera banganya 3-3 ariko iminota 90 isanzwe irangira igifite 2-1 ndetse n’inyongera umunani ishira bimeze gutyo, isezererwa ku giteranyo cy’ibitego 3-2 mu mikino ibiri.

Mu wundi mukino wabereye mu Bwongereza, Liverpool yahatsindiwe na PSG ibitego 2-0 isezererwa itsinzwe ibitego 4-0 mu mikino ibiri. Ni ibitego byatsinzwe na Ousmane Dembele ku munota wa 72 ku ishoti yatereye hanze y’urubuga rw’amahina umunyezamu Giorgi Mamardashvili akananirwa kurikuramo ndetse n’icyo yatsinze ku munota wa wa mbere w’inyongera muri itandatu yongereweho.

Ibi bitego byaje bikurikira uburyo bwinshi bwahushijwe na Liverpool ku bakinnyi barimo Rio Ngumoha, Virgil Van Dijk aho harimo akazi kagiye gakorwa n’umunyezamu Matvéi Safónov wa PSG ndetse na penaliti Liverpool yari ibonye ku munota wa 66 ariko VAR ivuga ko nta kosa ryakorewe Alexis Mac Allister.

PSG yasezereye Liverpool, muri 1/2 izahura n’ikipe izakomeza hagati ya Bayern Munich irakira Real Madrid kuri uyu wa Gatatu Saa Tatu z’ijoro aho umukino ubanza iyi kipe yo mu Budage yatsinze ibitego 2-1 mu gihe Atletico Madrid yasezereye FC Barcelona izahura n’ikipe ikomeza hagati ya Arsenal yakira Sporting CP aho mu mukino ubanza, Arsenal yari yatsinze igitego 1-0.

Gusezererwa kwa Liverpool bivuze ko iyi kipe uyu mwaka nta gikombe na kimwe izatwarwa kuko iri ku mwanya wa gatanu muri shampiyona y’u Bwongereza mu gihe yasezerewe mu bikombe bya FA Cup na Carabao Cup.

Uyu mukino kandi wari uwa nyuma wa UEFA Champions League Mohamed Salah na Andy Robertson bakiniye Liverpool aho byumwihariko urugendo rwabo muri iri rushanwa muri iyi kipe barusoreje mu rugo,dore ko mu mpeshyi y’uyu mwaka bazayivamo aho bombi bayihesheje iki gikombe mu 2019.

Iyi kipe iri kwitegura umukino wa mbere w’ijonjoro ry’ibanze ryo gushaka itike y’lgikombe cy’lsi izahuriramo na Zambia kuri uyu wa Gatanu, yasuye uru Rwibutso rwa Jenoside rwa Kigali, mu gihe u Rwanda n’Isi yose muri rusange kuva tariki 7 Mata 2026 rwatangiye iminsi ijana yo Kwibuka ku nshuro ya 32 Jenoside yakorewe Abatutsi mu 1994 ndetse n’Icyumweru cy’Icyunamo cyasojwe kuri uyu wa Mbere tariki 13 Mata 2026.

Ubwo basuraga uru Rwibutso, abakinnyi ndetse n’abatoza babo basobanuriwe amateka amateka yagejeje kuri Jenoside yakorewe Abatutsi mu 1994 yatwaye ubuzima bw’abarenga miliyoni bazira uko bavutse, banashyira indabo ku mva zishyinguyemo abarenga 250, 000 baranabunamira mu rwego rwo kubasubiza agaciro bambuwe bicwa urw’agashinyaguro.

U Rwanda ruzakira Zambia kuri uyu wa Gatanu, Saa Cyenda kuri Kigali Pele Stadium mu gihe umukino wo kwishyura uzabera muri Zambia tariki 22 Mata 2026.

Ibi iyi kipe yabitangaje binyuze mu mashusho yashyize hanze mu gitondo cyo kuri uyu wa Kabiri, yagaragayemo abakinnyi barimo umunyezamu David Raya, myugariro Ben White ndetse na myugariro Jurien Timber wavuze ko bifatanyije n’Abanyarwanda.

Ati "Ku nshuro ya 32 twibuka Jenoside yakorewe Abatutsi mu 1994, turaha icyubahiro ababuze ubuzima kandi twifatanyije n’Abanyarwanda."

Kuva yatangira gukorana n’u Rwanda mu 2018 muri gahunda ya Visit Rwanda binyuze mu Kigo cy’Igihugu cy’Iterambere(RDB), Arsenal buri mwaka yifatanya n"Abanyarwanda mu bihe byo Kwibuka Jenoside yakorewe Abatutsi mu 1994, itanga ubutumwa.

Mu ikipe ya PSG naho, abarimo Kapiteni Marquinhos, Vitinha, Bradly Barcola, Desire Doue nibo bahagarariye bagenzi babo mu gutanga ubutumwa bwo Kwibuka.

Bavuze ko bifatanyije n’Abanyarwanda baha agaciro abarenga miliyoni imwe bazize uko bavutse ndetse banakomeza abarokotse.

Bati "Uyu munsi turibuka ku nshuro ya 32 Jenoside yakorewe Abatutsi mu 1994 mu Rwanda.Twifatanyije n’u Rwanda kwibuka Jenoside yakorewe Abatutsi mu 1994, duha icyubahiro abarenga miliyoni babuze ubuzima, tunifuriza abarokotse gukomera."

Ikirango gishya cya Rwanda Premier League

Iki kirango gikubiyemo intego, indangagaciro za Rwanda Premier League n’ibyishimo biranga abareba Shampiyona y’umupira w’amaguru mu Rwanda. Hari kandi umwihariko wo gusigasira no kurinda umupira w’amaguru w’u Rwanda nk’imwe mu ntego za Rwanda Premier League, imisozi igihumbi itatse urwa Gasabo n’ingabo nk’ikimenyetso cyo kurinda umupira w’amaguru.

Iki kirango kandi gifite ishusho y’igikombe nka kimwe mu bihembo bihabwa uwahize abandi muri shampiyona gitangira gukoreshwa guhera kuri uyu wa Mbere tariki 6 Mata 2026 gisimbuye icyo Rwanda Premier League yatangiranye mu Ukwakira 2023 ubwo nayo yatangiraga gukora.

Ikirango Rwanda Premier League yari isanzwe ikoresha

Ni umukino wabereye mu Mujyi wa Guadalajara muri Mexico, aho Repubulika Iharanira Demokarasi ya Congo yageze isezereye Nigeria muri kamarampaka zo ku mugabane wa Afurika, maze Iminota 90 isanzwe y’umukino irangira amakipe yombi anganya 0-0, DRC yatsinze ibitego bibiri ariko bagasanga baraririye.

Nkuko amategeko y’iyi mikino yabivugaga, hagombaga kongerwaho iminota 30 igizwe n’uduce tubiri buri kamwe gafite iminota 15, maze mu ka mbere ubwo umukino wari ugeze ku munota w’i 100, DRC ibona koroneri yatewe umupira ugasanga myugariro Axel Tuanzebe mu rubuga rw’amahina wahise awushyira mu izamu rya Jamaica.

Agace ka mbere k’iminota 30 y’inyongera karangiye DRC akaguru kamwe kari mu Gikombe cy’Isi 2026, ndetse mu gace ka kabiri ikomeza guhagarara kuri iki gitego kugeza iminota 120 yuzuye. Iyi minota nayo yongereweho indi itandatu kuko ubwo umukino wari ugeze ku munota w’i 113 umusifuzi wo hagati Facundo yavunitse agasimbuzwa uwa kane, ariko n’ubundi urangira Repubulika Iharanira Demokarasi ya Congo ikoze amateka ibonye itike yo gukina iri rushanwa riruta ayandi muri ruhago ku Isi nk’igihugu cya 10 kizaba gihagarariye Afurika mu Gikombe cy’Isi 2026.

Repubulika Iharanira Demokarasi ya Congo yaherukaga Igikombe cy’Isi mu 1974 ubwo yitwaga Zaire aho yavuyeyo nta mukino numwe itsinze ahubwo itsinzwe ibitego 14 mu mikino itatu yose yakinnye mu itsinda birimo 9-0 yatsinzwe n’icyahoze ari Yugoslavia. Nyuma yo kubona itike iki gihugu cyahise kijya mu itsinda rya 11 ririmo
Portugal bazanaka umukino wa mbere tariki 18 Kamena 2026, Uzbekistan na Colombia.

Ntabwo ari Repubulika Iharanira Demokarasi ya Congo gusa yabonye itike y’igikombe cy’Isi 2026 binyuze muri kamarampaka kuko, ku mugabane w’i Burayi, ikipe y’u Butaliyani yongeye guhusha gukina iri rushanwa ku nshuro ya gatatu yikurikiranya nyuma yo gutsindwa na Bosinia & Herzegovina kuri penaliti 4-1, banganyije 1-1 mu minota 120.

Ibi byatumye u Butaliyani butazakina Igikombe cy’Isi nk’uko byagenze 2018 na 2022 kuko bugiherukamo 2014. Ikipe y’igihugu ya Sweeden yabonye itike itsinze Poland ibitego 3-2, Turkey iyobona itsinze Kosovo igitego 1-0 mu gihe Repubulika ya Czech yayibonye itsinze Denmark kuri penaliti 3-1 nyuma yo kunganya igitego 1-1 mu minota 120.

Igaruka ry’uyu mutoza w’Umurundi watozaga Kiyovu Sports kuva mu mpeshyi ya 2025, ryatangarijwe ku mbugankoranyambaga za Rayon Sports aho yavuze ko yishimiye kugaruka kwe nyuma y’iminsi 1035.

Yagize iti" Twishimiye gutangaza igaruka ry’umutoza mukuru Haringingo Francis nyuma y’iminsi 1035."

Haringingo Francis yatoje Rayon Sports umwaka umwe kuva mu mpeshyi ya 2022 kugeza mu mpeshyi ya 2023 aho muri shampiyona yabaye uwa kabiri ariko muri uwo mwaka afasha Rayon Sports kwegukana Igikombe cy’Amahoro 2023 atsindiye APR FC igitego 1-0 cya Eric Ngendahimana ku mukino wa nyuma.

Iyi hoteli yatangiye kubakwa muri Kanama 2015 biteganyijwe ko yuzura mu mpera za 2016, yafunguwe ku mugaragaro na Minisitiri wa Siporo Nellly Mukazayire afatanyije n’Umunyamabanga w’Impuzamashyirahamwe y’Umupira w’Amaguru ku Isi Mattias Grafstöm bari baherekejwe na Perezida w’Impuzamashyirahamwe y’Umupira w’Amaguru mu Rwanda (FERWAFA), Shema Ngoga Fabrice.

Iyi hoteli y’inyenyeri enye umushinga wayo watangiye igomba kuba igizwe n’ibyumba 88 yatangiye gukora mu mpera z’umwaka wa 2025 yagombaga kuzura itwaye miliyoni 4 z’amadolari, arenga miliyari 4 Frw yari kuva ku baterankunga babiri b’ingenzi ari bo Impuzamashyirahamwe y’Umupira w’Amaguru ku Isi ndetse n’Ishyiraramwe ry’Umupira w’Amaguru muri muri Maroc.

Nyuma yo guhura n’imbogamizi zitandukanye, ikamara imyaka irenga icumi itari yuzura, hubatswe igice cyayo kimwe kigizwe n’ibyumba 42, ibyumba bibiri binini byo kuriramo, ibyumba bitandukanye bizifashishwa nk’ibiro n’ibindi byumba bibiri binini by’inama aho mu ntangiriro za 2023 ari bwo imirimo yo kubaka iki gice cy’umushinga wose cyarangiye mu gihe cyari cyarasubukuwe muri Kamena 2021. Uretse hoteli kandi, imbere yayo hubatswe ikibuga kizajya gifasha mu myitozo mu gihe uretse amakipe atandukanye azajya ahitegurira, iyi hoteli kandi izajya yakira n’abantu basanzwe bahasohokera.

Hoteli ya FERWAFA mu bikorwa byagizwemo uruhare na FIFA byatashywe ku mugaragaro

Ubwo bari kuri hoteli ya FERWAFA kandi, Minisitiri wa Siporo Nellly Mukazayire, Umunyamabanga wa FIFA Mattias Grafström na Perezida w’Ishyirahamwe ry’Umupira w’Amaguru mu Rwanda Shema Ngoga Fabrice bari kumwe n’abandi bayobozi batandukanye, bashyikirije bamwe mu bana bakina umupira w’amaguru inkweto zo gukinana binyuze mu mushinga wa FIFA Boots for All ugamije kugeza inkweto kuri buri wese mu rwego rwo guteza imbere umupira w’amaguru kuri bose.

Abana bahawe inkweto zo gukinana binyuze mu mushinga wa FIFA Boots for All

Mu bindi bikorwa byafunguwe harimo ikibuga gito (Mini Pitch) giherereye ku Ishuri Ryisumbuye rya Kagarama mu Karere ka Kicukiro, cyikaba kimwe mu bibuga icumi bito cyane Impuzamashyirahamwe y’Umupira w’Amaguru ku Isi yemereye u Rwanda mu mushinga wa FIFA Arena bizaba bingana na metero 40x20 aho bizubakwa mu turere icyenda tw’u Rwanda hagamijwe guteza imbere impano z’abakiri bato mu gihe biziyongeraho ibindi bibuga 20 byemewe na Perezida w’Impuzamashyirahamwe y’Umupira w’Amaguru ku Isi Gianni Infantino ubwo yari mu Rwanda.

Ikibuga gito (Mini Pitch) giherereye ku Ishuri Ryisumbuye rya Kagarama mu Karere ka Kicukiro, ni kimwe mu bibuga icumi bito cyane Impuzamashyirahamwe y’Umupira w’Amaguru ku Isi yemereye u Rwanda mu mushinga wa FIFA Arena cyatashywe ku mugaragaro

Ibindi bibuga icyenda bizubakwa muri St Joseph Kabgayi mu Karere ka Muhanga, TTC Save mu Karere ka Gisagara, GSOB mu Karere ka Huye, GS Kabare mu Karere ka Ngoma, ES Nyamirama na IPM Mukarange mu Karere ka Kayonza, Collège Inyemeramihigo mu Karere ka Rubavu, Collège SINA Gerard mu Karere ka Rulindo ndetse n’ikizubakwa na Lycée de Kigali mu Karere ka Nyarugenge.

FIFA isanzwe ifatanya n’u Rwanda mu mishinga itandukanye igamije guteza imbere umupira w’amaguru cyane cyane haherewe mu mpano ziri mu bakiri bato haba mu bakobwa ndetse n’abahungu, aho ibi bikorwa byose byatashywe muri iki gihe u Rwanda rwakiraga imikino Mpuzamahanga ya gicuti FIFA Series 2026 yatangiye gukinwa tariki 26 kugeza 30 Werurwe 2026.

Kigali Fight Night izitabirwa abakinnyi 18 babigize umwuga baturutse mu bihugu bitandukanye birimo u Rwanda, Uganda,Cameroon,Gabon,Tanzania, Nigeria, Repubulika Iharanira Demokarasi ya Congo,Malawi n’ibindi aho kuri iyi nshuro abategura irushanwa bavuga ko urwego rw’abitabira rugaragaza ko iri rushanwa rikomeje kugira uruhare rukomeye mu guteza imbere iteramakofe muri Afurika no mu Rwanda .

Iri rushanwa rizitabirwa n’abatoza Mpuzamahanga bazwi cyane baturutse muri Leta Zunze Ubumwe za Amerika, u Bwongereza na Dubai aho bizatanga amahirwe akomeye yo kungurana ubumenyi, gushakisha impano nshya, no gufasha abarwanyi b’Abanyafurika kugera ku rwego mpuzamahanga.Imwe mu mikino izaba ihanzwe amaso cyane, irimo uwo Tamba Merlin azahuramo na Yusufu Changarawe mu mukino w’ingenzi, Jerry Katamba (DRC) ahure na Ali Mkojani (Tanzaniya), ndetse na Kingbo Hans (Gabon) uzakina na Taafu Odoyi (Uganda).

Abategura Kigali Fight Night bavuga ko uyu mwaka izaba itandukanye n’iya 2025

Iyi mikino kandi izakinwa no mu bagore aho hazaba imikino ikomeye irimo Daniella Muleketsi (DRC) uzakina na Martha Akinyi (Uganda), ndetse na Nene Joy Ojo (Nigeria) uzakina na Leila Yazidu (Tanzaniya).Uretse imikino y’ababigize umwuga, hazaba n’imikino irindwi y’abakinnyi bakizamuka mu Rwanda igamije kubaha urubuga rwo kwigaragaza no kwitegura kuzaba abakinnyi bakomeye mu gihe kizaza.

Imiryango izafungurwa guhera Saa Munani z’amanywa aho abazitabira bazanataramana n’abahanzi barimo abaraperi Bull Dogg na Riderman mu gihe imikino nyamukuru izatangira Saa Kumi n’Imwe z’umugoroba. Muri rusange, Kigali Fight Night ni igikorwa gikomeye kigiye gushyira Kigali ku ikarita y’isi mu bijyanye na siporo, cyane cyane iteramakofe, kikaba n’irembo ku bakinnyi b’Abanyafurika bashaka kugera ku rwego mpuzamahanga.

Mohamed Salah yatwaranye shampiyona ebyiri na Liverpool

Ibi Mohamed Salah yabitangarije mu mashusho yanyujije ku mbugankoranyambaga ze ku mugoroba wo kuri uyu wa Gatatu.

Ati" Mu byukuri, umunsi wageze. Iki ni igice cya mbere cyo gusezera kwanjye. Mu mpera z’umwaka w’imikino nzava muri Liverpool. Ndatangira mvuga ko ntigeze ntekereza uburyo iyi kipe, uyu Mujyi(Liverpool) abantu bizaba igice cy’ubuzima bwanjye.Liverpool ntabwo ari ikipe gusa. Ni urukundo, ni amateka, ni umuryango ntashobora gusobanurira mu magambo umuntu wese utagize iyi kipe."

Mohamed Salah wafashije Liverpool gutwara Shampiyona y’u Bwongereza mu 2020 yari imaze imyaka 30 idatwara ndetse na UEFA Champions League yatwaye mu 2019, yakomeje ashimira bagenzi be ndetse n’undi wese wari mu myaka icyenda yahabaye.

Ati "Twishimiye intsinzi, twegukana ibikombe by’ingenzi tunarwanira hamwe mu bihe bikomeye mu buzima bwanjye.Ndashimira buri wese wari ugize iyi kipe mu gihe cyanjye hano byumwihariko bagenzi banjye twakinanye, mu gihe cyashize, ubu ndetse n’abafana."

Salah yasoje ubutumwa bwe avuga ko kugenda bitoroshye ndetse ashimira abafana bamubaye hafi mu bihe byiza n’ibibi ababwira ko ari umwe muri bo kandi kubera bo atazigera abagenda wenyine nk’uko bawira ikipe yabo ko itazigera igenda yonyine.

Ati" Nta magambo ahagije mfite. Kunshyigikira mwanyeretse mu bihe byanjye byiza by’urugendo rwanjye ndetse no kumba hafi mu bihe bikomeye, ni ibintu ntazibagirwa kandi nzahorana iteka. Kugenda ntabwo byoroshye, mwampaye ibihe byiza by’ubuzima bwanjye. Nzahora ndi umwe muri mwe, iyi kipe izahora ari mu rugo kuri njyewe n’umuryango wanjye. Mwarakoze kubwa buri kimwe cyose. Kubera mwebwe mwese ntabwo nzigera ngenda njyenyine."

Mohamed Salah azava muri Liverpool umwaka w’imikino 2025-2026 urangiye

Salah wari ugifite amasezerano muri Liverpool agiye gute? Kubera iki?

Mohamed Salah wageze muri Liverpool mu 2017 avuye muri AS Roma yaherukaga kongera amasezerano y’imyaka ibiri yari kuzarangira mu mpeshyi ya 2027 akiyikinira.Hagati y’Ugushyingo n’Ukuboza 2025, Mohamed Salah yagiranye umubano mubi n’umutoza Arne Slot yafashije gutwara igikombe cya shampiyona 2024-2025, nyuma y’uko yari amaze imikino itatu ashyirwa ku ntebe y’abasimbura maze ariko ubwo banganyaga na Leeds United 3-3 tariki 6 Ukuboza 2025 aganira n’abanyamakuru avuga ko hari umuntu utamushaka mu ikipe.

Ati" Hari umuntu utanshaka mu ikipe."

Nyuma y’aya magambo yatangaje, ku wa Mbere tariki 8 Ukuboza 2025, umutoza Arne Slot wateguraga umukino wa Champions League yavuze ko ikintu cya nyuma aheruka kuvugana na Mohamed Salah kwari ukumubwira ko atari mu bakinnyi bari kujya mu Butaliyani gukina umukino wahuje Liverpool na Inter tariki 9 Ukuboza 2025.

Kuva yavuga amagambo akomeye yatumye akurwa mu ikipe yagiye mu Butaliyani, Salah witeguraga kujya mu Gikombe cya Afurika 2025 hamwe na Misiri, tariki 13 Ukuboza 2025 yongeye kugaragara ku rupapuro rw’umukino ndetse aninjira asimbuye mu mukino wa shampiyona Liverpool yatsinzemo Brighton ibitego 2-0 yanatanzemo umupira wavuyemo igitego.

Ibyabaye icyo gihe byatumye, hakomeza gutekerezwa ahazaza h’uyu mugabo waherukaga kongera amasezerano y’imyaka ibiri mu mpeshyi ya 2025, hagendewe ku mubano mubi wari umaze kuba hagati ye n’umutoza Arne Slot. Uyu mubano mubi usa nkaho uri mu byatumye uyu mugabo w’imyaka 33 n’umuryango we bafata umwanzuro wo kuva mu Mujyi wa Liverpool, mu mpeshyi ya 2026 aho iyi kipe yamwemereye kuzagenda yigurishije nubwo yari ayisigaraniye amasezerano y’umwaka umwe.

Mohamed Salah asigiye iki Liverpool mu mibare n’ibikombe?

Kugeza uyu munsi myaka icyenda Mohamed Salah amaze muri Liverpool amaze gukina imikino 435 yatsinzemo ibitego 255 agatangamo imipira 122 yavuyemo ibitego byatsinzwe na bagenzi be. Ibi byose yakoze muri iyi myaka byatumye afasha Liverpool kwegukanamo ibikombe icumi(10) birimo Shampiyona ebyiri yatwaye 2019-2020 n’iya 2024-2025, Igikombe kiruta ibindi ku mugabane w’i Burayi yatwaye mu 2019 nyuma ya UEFA Champions League yatwaye n’ubundi muri uwo mwaka.

Ibi bikombe kandi byiyongeraho, Igikombe cy’Isi cy’amakipe yatwaranye na Liverpool mu 2019, FA Cup batwaye mu 2022, Carabao Cup ya 2022 na 2024, ndetse na FA Community Shield nayo yo mu 2022.

Salah yashimiye abafana babanye mu bibi n’ibyiza

Ku giti cye Mohamed Salah yegukanye ibihembo bitandukanye, birimo kuba inshuro enye umukinnyi watsinze ibitego byinshi muri shampiyona y’u Bwongereza 2017-2018 atsinda ibitego 32, 2018/19 atsinda ibitego 22 yasangiye na Sadio Mané bakinanaga ndetse na Pierre-Emerick Aubameyang,
2021/22 yatsinze ibitego 23 yasangiye na Son Heung-min wakiniraga Tottenham ndetse n’umwaka wa
2024/25 yatsinzemo ibitego 29 .

Ku giti cye kandi Mohamed Salah yatwaye ibihembo bibiri nk’umukinnyi mwiza w’umwaka muri shampiyona 2017-2018 na 2024-2025 mu gihe yanabaye umukinnyi mwiza w’ukwezi muri iyi shampiyona inshuro zirindwi.

Mohamed Salah agiye yaherukaga kongera amasezerano mu mpeshyi ya 2025, aho azagenda yari asigaje umwaka umwe

Ni imyitozo yatangiye kuri uyu wa Mbere aho iri kubera ku kibuga cy’imyitozo cy’ahazwi nko kuri FERWAFA i Remera, ikorwa n’abakinnyi batandukanye barimo abakina imbere mu gihugu n’abakina hanze y’u Rwanda bamaze kuhagera.Mu gihe abandi batangiye imyitozo kuri uyu wa Mbere, Jojea Kwizera, Samuel Samuel Gueulette, Kavita Phanuel bageze mu Rwanda kuri uyu wa Mbere mu gihe hasigaye Hakim Sahabo.

U Rwanda ruzakina umukino wa mbere n’ikipe ya Grenada tariki 27 Werurwe 2026, Saa Tatu z’ijoro kuri Stade Amahoro aho muri rusange iyi mikino izitabirwa n’ibihugu umunani bizaba bigabanyije mu matsinda abiri, aho irya mbere ririmo u Rwanda, Kenya, Estonia na Grenada irya kabiri rikabamo Tanzania, Aruba, Liechtenstein na Macau.

Uyu mukino ubusanzwe wagombaga kubera kuri Kigali Pele Stadium ku Cyumweru, Saa Cyenda z’igicamunsi ariko wimurirwa kuri Stade Amahoro kuri uwo munsi Saa Yine z’ijoro ibyo Gasogi United itakojejwe kugeza yanze kujya kuwukina igaterwa mpaga. Ubwo yaganiraga n’itangazamakuru nyuma yibyabaye, Umuyobozi Nshingwabikorwa wa Rwanda Premier League Jules Karangwa yavuze ko iyi kipe bayimenyesheje byose kandi mu nzira zikwiriye nubwo yo ivuga ko atari ko byagenze.

Abajijwe niba hari impamvu z’amafaranga Gasogi United yaba yarifuzaga zatumye ititabira uyu mukino, Jules Karangwa yavuze ko mu buryo bw’ibizwi, mu byo bagiye bagirana na Gasogi United iyo mpamvu ntayo bazi icyakora avuga ko Perezida KNC yavuze ko mu buryo bw’imyiteguro hari icyo bizahombya.

Ati" Mu byo yatwandikiye nta hantu na hamwe yigeze avugamo amafaranga, icyakoze mu byo yavuze, yavuze ko impinduka hari igihombo zizateza."

Rayon Sports yahawe amafaranga na Al Hilal SC ngo yimure umukino?

Amakuru yizewe agera kuri Kigali Today ahamya ko ikipe ya Rayon Sports yahawe n’ikipe ya Al Hilal SC miliyoni 13 Frw, kugira ngo yemere kujyana umukino kuri Stade Amahoro ukinwe nyuma y’uwo kwishyura wa 1/4 cya CAF Champions League, iyi kipe yo muri Sudani yari yakiriyemo RS Berkane ku isaha ya Saa Kumi n’Ebyiri z’umugoroba tariki 22 Werurwe 2026.

Ibi ikipe Al Hilal SC yabikoze mu rwego rwo kugira ngo ibone abakunzi benshi ba ruhago biganjemo Aba-Rayons bari kuza kuyishyigikira nubwo nubundi byarangiye itsinzwe na RS Berkane igitego 1-0 ndetse ikanasezererwa itageze muri 1/2 cya CAF Champions League 2025-2026.

Kuri iyi ngingo kandi Jules Karangwa yavuze ko ibyo Gasogi United yakoze, yabikoze nyamara mu Ugushyingo 2025, nayo umukino yari kwakiramo Kiyovu Sports warakuwe kuri Kigali Pele Stadium ugashyirwa kuri Stade Amahoro ku mpamvu zisa neza n’izatumye himurwa uwo bari kwakirwamo na Rayon Sports, hagamijwe gushyigikira Al Hilal SC mu mikino Nyafurika.

Guhabwa amafaranga kwa Rayon Sports birahura neza neza n’ibyabaye mu Ugushyingo 2025, ubwo Gasogi United nayo yahabwaga abarirwa muri miliyoni 3 Frw na Al Hilal SC kugira ngo yemere ko umukino wayo ujyanwa kuri Stade Amahoro ngo ukurikire uwa mbere w’amatsinda ya CAF Champions League iyi kipe yatsinze MC Alger ibitego 2-1.

Iri tangwa ry’amafaranga, niryo rifatwa nk’imbarutso yo kwanga gukina umukino dore ko Perezida KNC mu biganiro yagiye avuga ko impinduka zizagira ingaruka ku myiteguro mu buryo bw’amafaranga nubwo atabitanze nk’impamvu yo kudakina.

Kudahabwa amafaranga ariko bisa nk’ibyabaye ubwo bakiraga Kiyovu Sports nayo ihinduriweho ikibuga ikajyanwa kuri Stade Amahoro nubwo amakuru agera kuri Kigali Today ahamya ko impande zombi ziyumvikaniye Kiyovu Sports ikavuga ko nta kibazo ifite cyatuma ihabwa amafaranga.

Kwanga gukina Gasogi United ibivugaho iki?

Mu kiganiro Rirarashe gitambuka kuri Radio TV 1 muri iki gitondo Perezida wa Gasogi United KNC yarahiriye ko Rwanda Premier League itigeze imumenyesha impinduka.

Ati" Ndahiriye hano imbere y’Imana isumba byose inkuba inkubitire muri Studio mutange iyo baruwa mwahaye Gasogi United. Nimuyizane, mureke gucanganyikisha abantu, muyishyire hanze."

KNC abinyujije mu rubuga rwe rwa X kandi yasabye abakunzi ba ruhago gutuza amategeko akazatanga ubutabera.

Ati" Mwaramutse bakunzi b’umupira wamaguru. Ndasaba ko dutuza amategeko akazatanga ubutababera."

Guterwa mpaga kwa Gasogi United byahaye Rayon Sports amanota atatu byatumye igira, 42 ayishyira ku mwanya wa kane ku rutonde rw’agateganyo rwa Shampiyona y’Icyiciro cya Mbere mu Rwanda mu gihe iyi kipe izanishyura miliyoni 2 Frw.

Gasogi United ivuga ko itamenyeshejwe mu buryo bukwiriye

Ni irushanwa rito ry’imikino ya gicuti rizahuriza ibihugu umunani mu Rwanda hagati y’itariki 26 na 30 Werurwe 2026 aho abakinnyi 31 baheruka guhamagarwa batangiye umwiherero bitegura iyi mikino aho uwa mbere u Rwanda ruzawukina na Grenada tariki 27 Werurwe 2026, Saa Tatu z’ijoro kuri Stade Amahoro.

Ibi bihugu umunani bizaba bigabanyije mu matsinda abiri, aho irya mbere ririmo u Rwanda, Kenya, Estonia na Grenada irya kabiri rikabamo Tanzania, Aruba, Liechtenstein na Macau.

Ibi byabaye ku Cyumweru, tariki 22 Werurwe 2026, aho 1º de Agosto yashakaga ko uyu mukino wayo ukinirwa kuri Stade yayo França Ndala ariko Ishyirahamwe ry’Umupira w’Amagaru muri Angola rikawushyira kuri Stade yitiriwe Tariki 11 Ugushyingo.

Ku munsi w’umukino ikipe ya 1º de Agosto yagiye kuri Stade yayo França Ndala aho yifuzaga ko umukino ubera maze Petro de Luanda yo ijya kuri Stade yitiriwe Tariki 11 Ugushyingo ahari n’abasifuzi mu gihe nta musifuzi wari kuri stade yariho 1º de Agosto.

Nk’uko bisanzwe bigenda mbere y’umukino, ikipe ya Petro de Luanda yari ku kibuga cyemejwe nk’icyakira umukino, yarishyuhije, igihe cyo gutangira umukino Saa Kumi n’Igice zo mu Rwanda, kigeze isohokana n’abasifuzi bategereza iminota 15 uhereye isaha umukino wari utangiriraho irangiye batera 1º de Agosto mpaga y’ibitego 3-0.

Abakinnyi ba Petro de Luanda ubwo bari bategereje ko mpaga yemezwa

Ni umukino watangite Saa Kumi n’Ebyiri n’Igice wari utegerejwe hagati y’aya makipe anahanganiye shampiyona uyu mwaka maze igice cya mbere cyawo kirangira amakipe yombi anganya 0-0.

Mu gice cya kabiri Man City yigaranzuye Arsenal ubwo ku munota wa 61 Nico O’Reilly yatsindaga igitego cya mbere akanongeramo icya kabiri ku munota wa 61 ahawe umupira na Matheus Nunez.

Arsenal yarwanye no kuba yakwishyura ariko umukino urangira itsinzwe na Man City ibitego 2-0 yanahise yegukana iki gikombe ku nshuro ya cyenda.

Arsenal yatsindiwe ku mukino wa nyuma wa Carabao Cup ku nshuro ya karindwi dore yanahatsindiwe mu 1968, 1969, 1988, 2007, 2011, 2018 ndetse na 2026.

Ni unukino watangiye ku isaha ya Saa Kumi n’Ebyiri zuzuye urangira RS Berkane itsinze igitego 1-0 cyatsinzwe na Mounir Chouiar mu minota irindwi y’inyongera mu gihe mu mukino ubanza wabereye muri Maroc mu mpera z’icyumweru gishize bari banganyi 1-1, RS Berkane ikomeza muri 1/2 itsinze ibitego 2-1 mu mikino ibiri.

Igice cya mbere cy’uyu mukino cyarangiye amakipe yombi anganya 0-0. Ku munota wa 58 w’umukino Adama Coulibali yatsindiye Al Hilal igitego ndetse umusifuzi yemeza ko aricyo ariko abasifuzi bakoresha VAR bahamagara bavuga ko mbere yacyo umukinnyi wa RS yakorewe ikosa mu rubuga rw’amahina rwa Al Hilal ndetse umusifuzi wo hagati ajya kubyirebera atanga penaliti igitego gikurwaho.

Iyi penalti RS Berkane yabonye, ku munota wa 60 yatewe na Mounir Chouiar ariko ikurwamo neza n’umunyezamu Sofiane Farid wagiye afasha Al Hilal SC mu bihe bitandukanye akuramo imipira ikomeye yaganaga mu izamu.

Iminota 90 isanzwe yarangiye amakipe yombi akinganya 0-0 maze hongerwaho irindwi. Ku munota wa gatandatu w’inyongera Munir Chouiar yakiriye umupira mu rubuga rw’amahina maze atazuyaje ahita awutera mu izamu rya Al Hilal SC atsindira RS Berkane igitego cyanarangije umukino ari 1-0.

RS Berkane yageze muri 1/2 cya CAF Champions League itsinze ibitego 2-1 mu mikino ibiri, aho izahurira na AS FAR Rabat nayo y’iwabo muri Maroc yo yaraye isezereye Pyramids FC yo mu Misiri.

Uyu musore utari wagaragaye mu bakinnyi 31 bahamagawe ku wa 16 Werurwe 2026, yongerewe mu ikipe y’igihugu kugira ngo asimbure Ntwari Fiacre ukinira ikipe ya Kaizer Chiefs muri Afurika ufite ikibazo cy’uburwayi nkuko byemejwe n’Ishyirahamwe ry’Umupira w’Amaguru.

Ryagize riti "Nyuma y’uko umunyezamu Ntwari Fiacre agize ikibazo cy’imvune, ubu yamaze gusimburwa na Kwizera Olivier usanzwe akinira ikipe ya Rayon Sports."

Nyuma yo guhamagara ikipe, mu biganiro by’abakurikirana umupira humvikanaga kuganira ku kudahamagarwa kwa Kwizera Olivier bavuga ko yari akwiriye guhamagarwa kubera uko ari kwitwara.

Icyo gihe umutoza wungirije, Eric Nshimiyimana ari nawe wahamagaye ikipe yavuze ko atamuhamagaye atari uko atamuzi ahubwo bari kumukurikirana anakomoza ku mpamvu z’umubiri avuga ko kenshi akina aryama cyane itarakiriwe neza na benshi.

Nyuma y’impaka zabereye mu kiganiro n’itangazamakuru cyahamagariwemo ikipe Perezida wa FERWAFA, Shema Ngoga Fabrice yavuze ko n’ubundi gutunga abakinnyi 31 no gutunga 32 mu mwiherero ntaho bitaniye, asaba ko yakongerwamo ariko umutoza mukuru Stephen Constantine avuga ko abahamagawe ari abo.

U Rwanda ruri kwitegura imikino ibiri ya gicuti izabera mu Rwanda binyuze muri FIFA Series hagati y’itariki 26 na 30 Werurwe 2026.

Ibi iyi kipe yabitangaje inyuze ku mbugankoranyambaga zayo aho yamushimiye ku bunyamwuga yagaragaje mu mezi atatu bari bamaranye.

Bruno Ferry yabaye umutoza wa gatatu Rayon Sports itandukanye nawe mu mwaka w’imikino 2025-2026 dore ko yawutangiranye na Afahmia Lotfi nk’umutoza mukuru batangaje ko batandukanye nawe tariki 15 Ugushyingo 2025.

Nyuma yo gutandukana na Lotfi iyi kipe yatojwe na Haruna Ferouz wari mu batoza bungirije ariko ayisigarana nk’umutoza mukuru nawe ariko tariki 22 Mutarama 2026 Rayon Sports yatangaje ko batandukanye.

Imibare:

Bruno Ferry agiye atoje Rayon Sports mikino 12 ya Rwanda Premier League ahereye kuri Etincelles FC aho yanganyijemo irindwi, atsinda imikino ine atsindwa umwe yatsizwemo na Al Hilal SC mu gihe mu yandi marushanwa yakinnye imikino ine 4 y’igikombe cy’Amahoro yatsinzemo itatu akanganya umwe, atsindwa umukino umwe wa Super Cup ndetse n’umwe wa Heroes Cup nawo yatsinzwe.

Rayon Sports itandukanye na Bruno Ferry mu gihe ku Cyumweru izakira Gasogi United mu mukino w’umunsi wa 25 wa shampiyona, Saa Yine z’ijoro kuri Stade Amahoro.

Ibi iri shyirahamwe ryabivuze risubiza ku myanzuro yasohotse mu ijoro ryo ku wa 17 Werurwe 2026, ivuga ko Senegal itewe mpaga ku mukino wa nyuma yari yatsinzemo Maroc 1-0 inamburwa igikombe yatwaye aho yavuze ko igiye kujya mu Rukiko rwa Siporo ku Isi (CAS) ikarenganurwa kuko ibyemezo byayifatiwe bitanyuze mu mucyo ahubwo bibogamiye kuri Maroc kuko batigeze banahabwa umwanya wo kumvwa nk’abaregwa.

Senagal ivuga ko mu ifatwa ry’umwanzuro wo kuyitera mpaga hahonyowe itegeko rya gatanu rya ruhago rivuga ko ibyemezo byafashwe n’umusifuzi mu mukino ari ntakuka, kandi ko abakinnyi ba Senegal bari bavuye mu kibuga, bakigarutsemo, penaliti bari banze igaterwa umukino nawo ugakomeza, kugeza iminota isanzwe irangiye hakanongerwaho 30 y’inyongera yarangiye batsinzwe umukino ukarangizwa n’umusifuzi bisanzwe.

Ishyirahamwe ry’Umupira w’Amagaru muri Senegal kandi ryavuze ko rizakomeza gutanga amakuru kuri iki kibazo aho benshi batunguwe n’umwanzuro wo kuyambura igikombe hisunzwe ingingo ya 84 y’amategeko agenga Igikombe cya Afurika yuzuzanya n’iya 82 ivuga ko ikipe yikuye mu kibuga itabiherewe uburenganzira n’umusifuzi iterwa mpaga.

Senegal yambuwe Igikombe cya Afurka 2025 gihabwa Maroc

Uyu mwanzuro wafashwe n’Akanama ku bujurire muri CAF ku wa 17 Werurwe 2026, aho kavuze ko hisunzwe ingingo ya 82 n’iya 84 z’amategeko agenda Igikombe cya Afurika aho zivuga ku kwikura mu kibuga nk’uko Senegal yabikoze zikunganirwa n’iya 83 ivuga ku kubura ku kibuga kw’ikipe.

Ingingo ya 82 ivuga ko iyo ikipe yikuye mu irushanwa cyangwa ntigaragare ku mukino cyangwa ikikura mu kibuga mbere y’uko umukino urangira itabiherewe uburenganzira n’umusifuzi iterwa mpaga ndetse igakurwa mu irushanwa yakinaga. Iyi ngingo yunganirwa n’iya 83 ivuga ko ikipe itagaragaye ku kibuga ku isaha yagenweho gutangira ku mukino bikarenga iminota 15 igomba guterwa mpaga umusifuzi akandika ko yabuze muri raporo ye, abategura irushanwa bakazafata icyemezo cya nyuma babigendeyeho.

Izi ngingo uko ari ebyiri, zikomatanyirizwa hamwe n’iya 84 ari nayo yashyizwe mu bikorwa, aho ivuga ko ikipe itubahirije iya 82 n’iya 83 ikurwa mu irushanwa, igaterwa mpaga y’ibitego 3-0 ari nabyo byakorewe Senegal kuko yavuye mu kibuga hagashira iminota 16.

Kwamburwa Igikombe cya Afurika kwa Senegal bivuze ko Maroc ariyo yegukanye iri rushanwa ryakiniwe iwayo kuva tariki 21 Ukuboza 2025 kugeza tariki 18 Mutarama 2026, ibintu ikoze ku nshuro ya kabiri nyuma y’igikombe yatwaye mu 1976.

Maroc yegukanye Igikombe cya Afurika 2025 nyuma y’amezi abiri kirangiye itsinzwe

Byagenze gute ku mukino wa nyuma?

Uyu mukino wahuzaga Senegal na Maroc, iminota 90 yarangiye amakipe yombi anganya 0-0 hashyirwaho inyongera. Ku munota wa karindwi w’inyongera ikipe ya Maroc yabonye koroneri yatewe maze hakemezwa ko El Hadji Malick Diouf yakoreye ikosa Brahim Diaz ubwo yamukururaga akagwa hasi mu rubuga rw’amahina.

Iri kosa ntabwo umusifuzi Jean Jacques Ndala yahise aribona byatumye hitabazwa ikoranabuhanga rya VAR birangira penaliti yemejwe. Iyi penalti yateje impaka kugeza abakinnyi ba Senegal bavuye mu kibuga banze ko iterwa, nyuma yo kubisabwa n’umutoza wabo Pape Thiaw byatumye umukino umara iminota 16 uhagaze.Nyuma y’ibiganiro byabaye aba bakinnyi ba Senagal bamwe bari bagiye no mu rwambariro,bigizwemo uruhare na Sadio Mane basabwe kugaruka mu kibuga penaliti iraterwa.

Iyi penalti yari yateje impagarara, igahagarika umukino iminota 16 yatewe mu buryo bubi budasanzwe na Brahim Diaz wateye agapira koroshye ’Panenka’, umunyezamu Edouard Mendy ayikuramo mu buryo bumworoheye afata umupira akawugumana.

Iminota isanzwe y’umukino yahise irangira hongerwaho indi 30. Ibintu byahindutse mu gace ka mbere k’iyi minota aho kuwa kane Idrissa Gana Gueye yahaye umupira Pape Gueye wateye ishoti mu izamu rya Maroc agatsinda igitego cya mbere cya Senagal cyasoje iminota 15 ya mbere y’inyongera ari igitego 1-0.

Iminota 120 yarangiye Senegal ikiyoboranye igitego 1-0 hongerwaho iminota itatu nayo yarangiye iki gihugu cyegukanye Igikombe ibyari inshuro ya kabiri mbere yo kucyamburwa ku wa 17 Werurwe 2026 batewe mpaga y’ibitego 3-0 na Maroc yagihawe.

Senegal yatewe mpaga kubera kwikura mu kibuga

Ibi bikubiye mu ibaruwa Umuyobozi w’Umujyi wa Kigali Dusengiyumva Samuel yandikiye aya makipe arimo iyanditse tariki 12 Werurwe 2026 aho ifite impamvu igira iti" Gushyiraho ikipe imwe y’umupira w’amaguru y’Umujyi wa Kigali." Muri iyi baruwa bavuze ko ari umwanzuro ushingiye ku masezerano y’ubufatanye asanzwe hagati y’aya makipe n’Umujyi ndeyse n’imyanzuro y’inama yabaye ku wa 27 Kanama 2025 haganirwa ku gushinga ikipe y’Umujyi.

Ibaruwa iragira iti "Nshingiye ku myanzuro yinama yabahuje n’ubuyobozi bwUmujyi wa Kigali tariki ya 27 Kamena 2025, ahaganiriwe ku cyerekezo cyo guhuriza hanwe ubushobozi mu kubaka ikipe imwe y’abagabo y’Umujyi wa Kigali izitabira amarushanwa mu mwaka w’imikino 2026/2027."

Iyi baruwa ikomeza igira iti" Hashingiwe kandi ku masezerano y’ubufatanye n’Umujyi wa Kigali, mbandikiye mbamenyesha ko inkunga y’amafaranga yahabwaga ikipe yanyu izakoreshwa mu kubaka ikipe y’Umujyi wa Kigali iriho irubakwa, bityo tukaba tubasaba ko mwihuza n’andi makipe Umujyi wa Kigali usanzwe utera inkunga (Gasogi United FC na Kiyovu Sports FC) kugira ngo icyemezo cyo guhuriza hamwe ubushobozi gishoboke."

Iyi baruwa yasinyweho n’Umuyobozi w’Umujyi wa Kigali isoza isaba aya makipe kuganira n’inzego ziyayobora iki gitekerezo cyo kwihuza n’andi makipe, no bakazawugezaho umwanzuro bafashe nyuma yo kubiganiraho n’abanyamuryango bitarenze tariki ya 30 Werurwe 2026.

Ni amarushanwa ryafunguwe ku mugaragaro na Visi Perezida w’Ishyirahamwe ry’Umupira w’Amaguru mu Rwanda ushinzwe Tekinike Mugisha Richard aho ubwo yarifunguraga yavuze ko aje gukemura ikibazo cyo gutegura umukinnyi mu byuryo bukwiriye.

Ati" Twari tumaze igihe nk’u Rwanda dufite ikibazo cyo gusobanukirwa urugendo umukinnyi kuva bigaragaye ko afite impano anyuramo kugeza ageze aho aba umunyamwuga, wanakinira igihugu. Rero hari uburyo buzwi FIFA yatangije burimo n’ubu bwitwa TDS, aho ari irushanwa ryibanda cyane ku bakinnyi bari munsi y’imyaka 14 na 16."

Mugisha Richard yakomeje ko avuga batangiye bafata amarerero n’ibigo by’ikitegererezo kugira ngo bibafashe kumenya umwana wese ufite impano ibyo bakoze banabanza kongerere ubumenyi abatoza bazabatoza.

Ati"Twabishyize mu byiciro dufata amarerero n’amashuri agera kuri 31 birimo ibigo ariko binasanzwe bifite gahunda zifatika za siporo, bifite ibibuga ndetse n’abayobozi bakunda siporo tubyita ikitegererezo kuko umwana ufite impano iruta iy’abandi ufite imyaka 13 turashaka kumumenya.Twabanje kandi kongera ubumenyi bw’abatoza mu marerero y’ikigegererezo kuko ubu abenshi bamaze kubona impamyabushobozi yo ku rwego rwa gatatu."

Visi Perezida wa FERWAFA Mugisha Richard yavuze ko ari uburyo bwiza bwo gutegura umukinnyi kuzagera ku rwego rwiza

Byumwihariko, abana baboneka ko bafite impano, bashyirwa muri sisiteme bikoroha kubakurikirana, byumwihariko bikoroha ku bari mu bigo by’ikitegererezo kuko bakurikiranwa binyuze muri TDS uburyo buzafasha kuzamenya aho umukinnyi yanyuze ndetse nuko yazamutse igihe cyose yaba agiye guhamagarwa mu byiciro runaka cyangwa ageze ku rwego runaka hakamenyekana uko yakuze.

Mu gutangiza aya marushanwa, kuri Stade Kamena hakiniwe imikino itatu mu bahungu n’abakobwa aho PSG Academy Rwanda yatsinze ES Nyamagabe ibitego 3-2 mu bahungu batarengeje imyaka 14, PSG Academy Rwanda kandi mu bakobwa batarenje iyi myaka itsinda Remera Rukoma Girls ibitego 3-1, PSG Academy Rwanda itsindwa na TSS Runda ibitego 3-2 mu bahungu batarengeje imyaka 16.

Muri rusange aya marushanwa azitabirwa n’amakipe 54 mu byiciro bine aribyo imyaka 14 na 16 mu bakobwa ndetse n’imyaka 14 na 16 mu bahungu. Muri aya makipe harimo 12 y’abatarengeje imyaka 14 mu bakobwa ma 13 mu bahungu, amakipe 13 y’abakobwa mu batarengeje imyaka 16 na 16 mu bahungu.

Ibiro by’Umukuru w’Igihugu byatangaje ko Perezida Paul Kagame yitabiriye uyu mukino wabereye kuri Stade ya Parc des Princes aho Paris Saint Germain isanzwe ari umufatanyabikorwa w’u Rwanda binyuze muri ’Visit Rwanda’ yakirira imikino yayo aho iyi kipe yaboneye intsinzi y’ibitego 5-2.

U Rwanda rusanzwe rukorana na Paris Saint Germain binyuze muri gahunda ya Visit Rwanda kuva mu 2019 hasinywa amasezerano yavuguruwe mu 2025 akazageza mu mwaka wa 2028, aho iyi kipe iyo iri kwishyushya mbere y’umukino yambara imyambaro yanditseho ’Visit Rwanda’.

Ibitego bya PSG byatsinzwe na Bradley Barcola
Ousmane Dembélé, Vitinha ndetse na Kvicha Kvaratskhelia watsinzemo ibitego bibiri, bituma itera intambwe igana muri 1/4 nubwo izasura Chelsea tariki 17 Werurwe 2026 mu mukino wo kwishyura uzabera mu Bwongereza.

Muri aya marushanwa u Rwanda ruzakira CECAFA Kagame hagati y’itariki 18 Nyakanga 2026 kugeza tariki 9 Kanama 2026.Uretse iri rushanwa rihuza amakipe kandi, u Rwanda ruzakira imikino yo gushaka itike y’imikino ya CAF Champions League mu bagore muri aka Karere iteganyijwe hagati y’itariki 22 Kanama 2026 n’itariko 9 Nzeri 2026.

Mu Rwanda kandi hazanabera imikino izashakirwamo itike y’igikombe cya Afurika cy’abatarengeje imyaka 17 hagati y’itariki 10 na 25 Ukwakira 2026 ndetse n’imikino yo gushaka itike yo gukina imikino Nyafurika y’amashuri nayo izabera mu Rwanda hagati y’itariki 22 na 25 Nyakanga 2026.

Ibi byatangajwe n’iyi kipe inyuze ku mbugankoranyambaga zayo aho yavuze ko uyu mugabo yagarutse mu rugo aho yasinye amasezerano azarangirana n’umwaka w’imikino 2025-2026.

Rashid Kalisa yaherukaga muri AS Kigali mu 2023 ubwo yayivagamo yerekeza muri Rayon Sports yakiniye umwaka umwe w’imikino 2023-2024.

Iyi ndege ya Bombardier Global Express ifite agaciro ka miliyari zisaga 119 Frw y’uyu Munya-Portugal, ikinyamakuru Dailymail cyatangaje ko yavuye mu Mujyi wa Riyadh asanzwe abanamo n’umugore we Georgina Rodriguez n’abana batanu, nyuma y’ibitero bibiri byibasiye Ambasade ya Leta Zunze Ubumwe za Amerika iri muri uyu Mujyi.

Amakuru y’iyi ndege yagaragaje ko yahagurutse i Riyadh ku 2 Werurwe 2026, saa moya z’ijoro ku isaha yo mu Rwanda inyura mu kirere cya Misiri n’inyanja ya Méditerranée, igera muri Espagne mu Mujyi wa Madrid, mu masaha ya Saa Sita n’igice z’ijoro mu rugendo rw’amasaha hafi arindwi. Nubwo bimeze gutya ariko nta makuru yari yemeza ko Cristiano Ronaldo yari muri iyi ndege.

Leta Zunze Ubumwe za Amerika na Israel byatangiye kugaba ibitero kuri Iran tariki 28 Werurwe 2026 ndetse bihita binahitana Umuyobozi w’Ikirenga w’iki gihugu Ayatollah Ali Khamenei mu gihe nayo yihimura irasa muri Israel ndetse no ku bikorwa bya Amerika biri hirya no hino ku Isi.

Harabura amezi atatu gusa kugira ngo iri rushanwa ritangire muri Leta Zunze Ubumwe za Amerika, Canada na Mexico ndetse Iran ikaba iri mu bihugu 48 bizakina iri rushanwa aho imikino itatu yo mu itsinda rya karindwi irimo izabera muri Amerika.

Ibitero Iran yagabweho tariki 28 Gashyantare 2026, byahitanye Umuyobozi w’Ikirenga wa Iran Ayatollah Ali Khamenei n’abandi bayobozi bakuru bayo bateganyaga gukora inama yo kurebera hamwe uko bagomba kwitwara muri ibi bihe.

Uru rupfu rwateye benshi kwibaza ibibazo byinshi birimo n’ibireba umupira w’amaguru by’umwihariko irushanwa riruta ayandi muri uyu mukino.

Ese Igihugu cya Iran cyizohereza ikipe yacyo muri iri rushanwa byumwihariko ku butaka bwa Leta Zunze Ubumwe za Amerika ziri mu bihugu byabateye?

Ese Amerika izemera kwakira iki gihugu ku butaka bwayo ko kugeza ubu Abanya-Iran batemerewe kwinjira muri Leta Zunze Ubumwe za Amerika?

Ku wa Gatandatu w’icyumweru gishize, tariki 28 Gashyantare 2026 ubwo Iran yagabwagaho ibitero, Umunyamabanga w’Impuzamashyirahamwe y’Umupira w’Amaguru Mattias Grafstöm yagize ati " Yego, intego yacu ni ukugira Igikombe cy’Isi gitekanye cyitabirwa na buri wese."

Undi muntu wizewe wo muri FIFA waganiriye n’ikinyamamakuru The Athletic akibwira ko kugeza ubu nta kintu cyari cyahinduka mu bazitabira Igikombe cy’Isi 2026.

Iran ibivugaho iki?

Ku ruhande rwa Iran, Perezida w’Ishyirahamwe ry’Umupira w’Amaguru muri iki gihugu Mehdi Taj yabwiye ibitangazamakuru bya Leta ati" Nyuma y’iki gitero, ntabwo dushobora kwitegwaho kwitegurana Igikombe cy’Isi ikizere."

Yongeraho ko abakuriye siporo aribo bazafata icyemezo ku bwitabire bwabo muri iki Gikombe cy’Isi cyizatangira tariki 11 Kamena 2026.

Byagenda bite Iran ititabiriye Igikombe cy’Isi 2026?

Iki gihugu gishobora kutitabira Igikombe cy’Isi nko gushaka gusubiza kuri ibi bitero cyagabweho na Leta Zunze Ubumwe za Amerika aho bazakinira imikino itatu yo mu itsinda rya karindwi baherereyemo hamwe na New Zealand, u Bubiligi na Misiri.

Kumva ko batazaba batekanye cyangwa bakangirwa kwinjira muri iki gihugu biramutse bibaye amategeko ya FIFA yemera ko hahamagarwa igihugu cyasimbura uwaba avuye mu irushanwa cyangwa rigakinwa n’amakipe asigayemo mu buryo bwagenwa.

Ni nde wasimbura Iran ivuyemo?

Igihe Iran itakwitabira Igikombe cy’Isi 2026 kubera impamvu twagarutseho hejuru, mbere na mbere hasubirwa mu nzira yanyuzemo ibona itike ku mugabane wayo. Iki gihugu cyabonye itike nyuma kuyobora itsinda rya mbere ku mugabane wa Asia aho cyakurikiwe na Uzbekistan nayo yayibonye ibaye iya kabiri mu gihe Leta Zunze Ubumwe z’Abarabu yabaye iya gatatu igakurikirwa na Qatar ya kane.

Ibi bihugu bibiri bya nyuma byagiye mu kindi cyiciro aho Qatar yiboneye itike mu gihe Leta Zunze Ubumwe z’Abarabu zo zatsindiwe muri kamarampaka ya Asia na Iraq byatumye inagera muri kamarampaka Mpuzamigabane zizakinwa muri uku kwezi kwa Werurwe 2026.

Iraq izakina n’ikipe izakomeza hagati Bolivia na Suriname tariki 31 Werurwe 2026, igihe yatsinda ikabona itike byaha amahirwe Leta Zunze Ubumwe z’Abarabu yo kuba zasimbura Iran mu gihe itsinzwe ikabura itike hatoranywa hagati yayo na Leta Zunze Ubumwe z’Abarabu.

Mu gutoranya uwasimbura Iran kandi mu gihe itakina Igikombe cy’Isi 2026, hashobora kurebwa hanze y’umugabane wa Asia, aharebwa Bolivia cyangwa Suriname igihe zaba zatsindiwe mu mikino ya kamarampaka Mpuzamigabane iteganyijwe muri uku kwezi muri Mexico.

Hari ikindi gihe kwikura no gusimbuzwa mu Gikombe cy’Isi byabayeho?

Yego, Iran idakinnye Igikombe cy’Isi 2026 ntabwo bwaba ari ubwa mbere igihugu gifite itike kivuye mu irushanwa kuko mu 1950, Scotland na Turkey zikuyemo mbere y’uko hakorwa tombola y’amatsinda, u Bufaransa n’Ubuhinde nabyo bikikuramo nyuma ya tombola y’iki Gikombe cy’Isi cyari kigiye gukinwa bwa mbere harangiye Intambara ya Kabiri y’Isi.

Icyo gihe hari havuyemo ibihugu bine muri 17 byari kwitabira irushanwa, maze 13 byari bisigaye bigabanywa mu matsinda abiri yarimo amakipe ane buri tsinda, rimwe ryari rigizwe n’ibihugu bitatu ndetse na rimwe ryari rigizwe n’amakipe abiri.

No muri 2025, mbere y’amezi atatu ngo irushanwa ritangire ikipe ya León yakuwe mu Gikombe cy’Isi cy’amakipe kuko yari igiye gukina na CF Pacuka, kandi bahuriye muri Campany imwe.

Icyo gihe FIFA yafashe ikipe ya Club Amerika yo Mexico nk’iyoboye izindi muri icyo gihugu ndetse na LA FC yari yaratsindiwe ku mukino wa nyuma wa Champions League ya Asia mu myaka ibiri yari yabanje, bakina umukino wa kamarampaka kugira ngo haboneke ikipe isimbura León.

Ubu uburyo bushobora no gukoreshwa hashakwa uwasimbura Iran igihe itakina Igikombe cy’Isi 2026 kubera impamvu zifitanye isano n’ibitero iri kugabwaho na Israel ifatanyije na Leta Zunze Ubumwe za Amerika ziri mu bihugu bizakira iri rushanwa kuva tariki 11 Kamena kugeza 19 Nyakakanga 2026.

Ni isiganwa ryatangiye ku isaha ya saa tanu za mu gitondo rihagurukira mu Mujyi wa Musanze aho ibilometero 145.3 byagombaga gusorezwa mu Mujyi wa Kigali imbere ya Kigali Pele. Muri aka gace hahagurutse abakinnyi 67 basoje isigwana ku gace ka gatandatu dore ko hari abarimo Umunyarwanda Tuyizere Etienne bataasoje aka gace kasorejwe mu Karere ka Musanze.

Nyuma yo kuva mu Karere ka Musanze abasiganwa bagomba gukatira kuri Base mu karere ka Gakenke, bakanyura mu Mujyi wa Gicumbi, mu Rukomo, bakinjira i Kigali bahingukiye Nyabugogo mbere yo gusoreza Kigali Pele Stadium. Muri uru rugendo Martins yegukanye amanota y’agasozi ka mbere, Thompson yegukana amanota y’ahatambika ha mbere mu gihe yanatwaye amanota y’agasozi ka kabiri.

Uyu mugabo kandi yanegukanye amanota y’agasozi ka gatatu dore ko yari akiri kumwe na Novak wabaye uwa kabiri kuri aka gasozi ndetse na Pareta wabaye uwa gatatu. Aba bakinnyi binjiye ku kilometero cy’ijana bakiyoboye isiganwa aho bari bafitemo ikinyuranyo cy’iminota ibiri n’amasegonda 20 hagati yabo n’igikundi.Uyu mugabo kandi yanegukanye amanota y’agasozi ka gatatu dore ko yari akiri kumwe na Novak wabaye uwa kabiri kuri aka gasozi ndetse na Pareta wabaye uwa gatatu.

Aba bakinnyi binjiye ku kilometero cy’ijana bakiyoboye isiganwa aho bari bafitemo ikinyuranyo cy’iminota ibiri n’amasegonda 20 hagati yabo n’igikundi. Thompson yakomeje kuyobora isiganwa ari hamwe n’abakinnyi babiri b’ikipe ya Movistar bageragezaga kumujya imbere ariko agera mu bilometero 25 bya nyuma akiyoboye.

Isiganwa ryinjiye mu bilometero icumi bya nyuma Thompson akiyoboye, ariko ubwo bageraga ku gasozi ko kwa Mutwe i Nyamirambo afatwa n’igikundi bagendera hamwe. Umunya-Brazil Henrique Ribeiro Bravo yasohotsemo asiga abandi kugeza ageze ahasorejwe isiganwa imbere y’amarembo ya Kigali Pele Stadium, yegukana Agace ka Gatandatu ka Tour du Rwanda 2026 kahagurukiye mu Karere ka Musanze akoresheje amasaha atatu, iminota 20 n’amasegonda 59.

Umunyarwanda waje imbere yabaye Masengesho Vianqeur wakoresheje amasaha atatu, iminota 21 n’amasegonda 29. Moritz Kretschy wambariye umwambaro w’umuhondo mu Karere ka Rubavu ubwo hakinwaga agace ka Kane, kuri uyu wa Gatandatu yegukanye umwanya wa gatanu arushwa amasegonda icyenda n’uwa mbere gusa agumana umwanya wa mbere ku rutonde rusange aho amaze gukoresha amasaha 21, iminota icyenda n’amasegonda umunani.

Ni agace kakinwe kuva ku isaha ya Saa Cyenda z’igicamunsi nyuma y’uko mu masaha ya mu gitondo hasiganwe abatarabigize umwuga bishimisha. Aka gace kandi katangiye nyuma y’imvura yaguye mu mu Mujyi wa Rubavu kugeza mu masaha ya saa munani z’igicamunsi aho bwari ubwa kabiri mu mateka ya Tour du Rwanda, isiganwa rigiye gutangirira mu Mujyi umwe utari Kigali akaba ari naho risorezwa, byaherukaga mu 2018 rikinirwa i Rwamagana.

Tour du Rwanda kandi yaherukaga gusorezwa mu Mujyi umwe, ikahaguma, hagakinirwa undi munsi, abakinnyi bakongera kuharara mu 2024 ubwo yari igeze i Musanze hakiniwe gusiganwa n’isaha umuntu ku giti cye. Ku kilometero cya kabiri Ribeiro wa Soudal Quick-Step na Jurgen Zomermaand wa Picnic, bahise bava mu bandi ndetse bashyiramo amasegonda 15 hagati yabo n’igikundi cyari kiyobowe n’Ikipe ya NSN banasoza inshuro ya mbere mu icyenda zazengurutse Umujyi wa Rubavu aribo bayoboye isiganwa.

Iki kinyuranyo ariko cyageze ku kilometero cya munani ari amasegonda umunani ndetse ku cya 10 abari bayoboye bafatwa n’igikundi ariko ku kilometero cya 11 Umunya-Slovenia Valjavec nawe ukira Soudal Quick Step agisohokamo ayobora isiganwa wenyine.Uyu ariko yafashwe n’igikundi abakinnyi bagenderaha hamwe igihe kinini. Umunya-Eritrea Henock Mulbrhan yegukanye amasegonda atatu ahabwa umukinnyi ugeze ahatambika hagenwe ari uwa mbere aho yakurikiwe na Cuylits wahawe amasegonda abiri naho Da Silva wahageze ari uwa gatatu ahabwa isegonda rimwe.

Isiganwa ryageze ku kilometero cya 43 rikigendera mu gikundi cyari kiyobowe imbere n’amakipe ya NSN, Movistar na Soudal Quick Step ariko ubwo bageraga ku kilometero cya 52 kapiteni w’ikipe y’igihugu y’u Rwanda Byukusenge Patrick agerageza gusohokamo ngo agende wenyine biranamukundira ashyiramo intera y’amasezerano icumi yiyongereye akagera kuri 15 gusa asubira ku icumi ku kilometero cya 55.

Byukusenge Patrick yongeye gushyiramo ikinyuranyo cy’amasegonda 15 bigera ku kilometero cya 60 harimo amasegonda 10 hagati ye n’igikundi cyageragezaga kumufata ndetse kinabigeraho bongera kugendera hamwe ubwo hari hasigaye kuzenguruka kabiri. Jurgen Zomermaand yasohotse mu gikundi ku kilometero cya 73 ayobora isiganwa ari wenyine. Uyu Muholandi wegukanye agace ka gatatu kasorejwe i Huye, yinjiye mu nshuro ya cyenda yari nayo ya nyuma mu kuzenguruka Umujyi wa Rubavu akiri imbere y’abandi n’ikinyuranyo cy’amasegonda 15 hagati ye n’igikundi.

Mu nshuro ya cyenda yari iya nyuma abakinnyi bahatanye maze Umudage w’imyaka 20 y’amavuko Zemke Jermaine aba ariwe aka gace ka gatanu ka Tour du Rwanda 2026, akoresheje isaha imwe n’iminota 44 n’amasegonda 27, ibihe byagizwe n’abakinnyi 45 muri rusange ariko bakagenda barushanwa iby’ijana aho ku mwanya wa kabiri haje Umunya-Israel Itamar Einhorn wegukanye agace ka mbere kasorejwe i Rwamagana kavuye mu Rukomo i Gicumbi, Henock Mulbrhan yabaye uwa gatatu mu gihe Umunyarwanda wa mbere yabaye Muhoza Eric ukinira ikipe ya Amani wabaye uwa 15.

Moritz Kretschy wari wambaye umwambaro w’umuhondo ku Gace ka Kane, muri aka Gace ka gatanu kakiniwe i Rubavu yabaye uwa 31 ariko ntibyamubuza gukomeza kuyobora urutonde rusange kugeza aho isiganwa rigeze mu gihe hasigaye uduce dutatu rigasozwa. Kuri uyu wa Gatanu, harakinwa Agace ka Gatandatu kangana n’ibilometero 84 na metero ijana karahagurukira mu Karere ka Rubavu Saa Saba z’amanywa kagasorezwa i Musanze.

Uyu Mubiligi yegukanye aka gace akoresheje amasaha atatu, iminota 55 n’amasegonda 55 yanganyije n’Umudage Kretschy Moritz banganyije ariko akamurusha iby’ijana.Kari agace ka kane ka Tour du Rwanda 2026, katangiriye mu karere ka Karongi, kagomba kunyura mu karere ka Rustsiro nko mu ishyamba rya Gishwati rigatungukira kuri Pfunda mu karere ka Rubavu mu gihe ryagomba gusorezwa mu Mujyi imbere y’isoko rishya aho isiganwa ry’uyu munsi ryaranzwe no kuyoborerwa mu matsinda y’abakinnyi benshi kurusha kuba ryayoborwa n’umuntu umwe.

Saa sita zuzuye nibwo abasiganwa bari bahagurutse mu Mujyi wa Karongi babanza kugenda ikilometero kimwe na metero 900 hataratangira kubarwa ibihe. Isiganwa ryatangiye abakinnyi batandukanye batangiye gushaka gusohoka mu gikundi ariko cyikabagarura aho muri bo hari harimo abakinnyi b’ikipe y’u Rwanda na Benediction.

Isiganwa ryatangiye ikivunge gicikamo amatsinda atandukanye ariko ku kilometero cya gatanu abakinnyi 19 bagisohokamo bayobora isiganwa. Aba bakinnyi bari barimo Abanyarwanda Byukusenge Patrick,Manizabayo Eric, Merhawi Kudus n’abandi batandukanye aho ku kilometero cya gatanu bari bafitemo ikinyuranyo cy’umunota umwe n’amasegonda 20 mu gihe Borresch nawe wari ubarimo yatwaye amanota y’agasozi ka mbere.

Igikundi cyari cyasigaye cyakomeje kuyoborwa n’ikipe ya Istanbul kuko itari ifite umukinnyi numwe muri 19 bari bayoboye isiganwa mu gihe kugeza ku kilometero cya 26 bari bafitemo ikinyuranyo cy’umunota umwe n’amasegonda 40 mu gihe ku cya 28 abakinnyi babiri bavuye muri 19 bahita bayobora isiganwa bafitemo ikinyuramo cy’iminota ibiri n’amasegonda 30 naho Borresch yongera kwegukana amanota y’agasozi ka kabiri.

Ku kilometero cya 40 abakinnyi ba NSN nibo bari bayoboye igikundi cyari kiyoboye cyari kinarimo Manizabayo Eric wahise akivamo akagenda wenyine. Isiganwa ryageze ku kilometero cya 50 Abanyarwanda babiri Manizabayo Eric na Byukusenge Patrick aribo bayoboye aho bari bafite ikinyuranyo cy’amasegonda 15 mu gihe igikundi cyari inyuma iminota itatu n’amasegonda 30 nubwo bafashwe ku cya 54 n’itsinda ryari ribari inyuma bagakomeza kuyoborana isiganwa.

Manizabayo Eric yongeye kugerageza gusohoka biranamukundira ashyiramo amasegonda icumi ariko bahita bongera kumufata. Abakinnyi bakomeje kuyoborera isiganwa mu itsinda kugeza ubwo ku kilometero cya 73 Sousa wa Localiza abavuyemo ariko akagarurwa. Abakinnyi 16 bari bayoboye isiganwa, mbere yo gutangira kuzenguruka bageze ahasorezwa isiganwa rwagati mu Mujyi wa Rubavu basiga igikundi iminota itandatu ari nayo isiganwa ryinjiranye mu bilometero 25 bya nyuma.

Abakinnyi batatu Kretschy, Cuylits n De Clercq basohotse mu itsinda ry’abakinnyi 16 bari bayoboye isiganwa bashyiramo ikinyuramo cy’amasegonda 20 binjiranye mu bilometero 20 bya nyuma. De Clercq wari mu bakinnyi batatu bayoboye isiganwa yegukanye amanota y’agasozi ka kane kari aka nyuma muri aka gace ka kane aho yahageze akurikiwe na Kretschy ndetse na Cuylits bose baninjiranye mu bilometero icumi ya nyuma mbere y’uko basoza isiganwa.

Cuylits ukinira ikipe ya Lotto yinjiye mu bilometero bitanu bya nyuma arushwa na bagenzi be babiri bari bayoboranye isiganwa amasegonda 40 ndetse De Clercq na Kretschy banagerana ku murongo w’ahasorezwa isiganwa bari kumwe gusa De Clercq Matthijs ukinira ikipe ya Soudal Quick Step aba ariwe wegukana agece ka kane ka Tour du Rwanda 2026 akojeje mu rungo ipine bwa mbere nyuma yo gukoresha amasaha atatu iminota 55 n’amasegonda55 yanganyije na mugenzi we ariko amurusha ibyijana.

Umunyarwanda waje hafi yabaye ni kapiteni w’ikipe y’igihugu y’u Rwanda Byukusenge Patrick wabaye uwa 12 arushwa n’uwa mbere iminota ibiri n’amasegonda 21.Nubwo Kretschy Moritz atashoboye kwegukana agace ka kane ariko yahise yambara umwambaro w’umuhondo wari wambawe na Jurgen Zomermaand utahiriwe n’agace ka kane kuko yasoreje ku mwanya wa 25 arushwa iminota itanu. Ku rutonde rusange kandi Umunyarwanda uza hafi ni Niyonkuru Samuel uri ku mwanya wa 17.

Ni agace ka gatatu ka Tour du Rwanda 2026 kahagurutse mu Karere ka Huye saa tanu za mu gitondo aho hahagurutse abasiganwa 79 bakabanza gusiganwa ibilometero bibiri mbere yuko hatangira kubarwa ibihe. Bagitangira kubara ibihe abakinnyi bageragezaga gusohoka mu gikundi ariko inshuro babikoze cyikabagarura aho kugeza ku kilometero cya gatandatu abakinnyi bari bakiri mu kivunge cyari kiyobowe nabakinnyi 15 bari bari imbere.

Ku kilometero cya karindwi abakinnyi batanu Mugalu Shafik ukinira Amani, Sousa ukinira Localiza, Manizabayo Eric ukinira Benediction, Zemke ukinira Rembe na Eyob Mektel ukinira Istanbul basohotse mu gikundi batangira kugenda bayoboye isiganwa bonyine ariko kibagarura ku kilometero cya 10 cyiyobowe n’ikipe ya PiCNIC team.

Iki gikundi cyakuyemo amasegonda icumi, bakomeza kugendera hamwe kugeza ku kilometero cya 18 aho abakinnyi batanu Mewael Girmay wa Istanbul, Muhoza Eric wa Amani, Vidal wa Bikaid ,Theiler wa Rembe Rad-Net na Tuyizere Etienne bashoboye gusohoka bayobora isiganwa aho kugeza ku bilometero 20 bari bamaze gushyiramo ikinyura cy’umunota umwe.

Umunya-Eritrea Mewael Girmay yegukanye amanota y’agasozi ka mbere mu karere ka Nyamagabe aho yakagezeho ari kumwe na Vidal na Theiler mu gihe kugeza ku kilometero cya 27 abakinnyi batanu bari bayoboye isiganwa barushaga igikundi umunota umwe n’amasegonda 50 naho uko basoje aka gasozi ka mbere ari aba ari nako basoza aka kabiri uyu Munya-Eritrea yongeye kwegukana amanota.

Ku Kilometero cya 45 abakinnyi batanu bari bayoboye isiganwa bafashwe n’igikundi batangira kugendera hamwe. Uretse gutwara amanota y’ahazamuka yatwawe na Girmay Mewael uyu musore yanatwaye amanota y’ahatambika ha mbere aya kabiri atwarwa na Miguel Heidemann wakurikiwe na Henock Mulbrhan na Mugalu Shafik.

Igikundi cyageze aho gicikamo kabiri ariko ku kilometero cya 55 Umunya-New Zealand Reuben Thompson ukinira ikipe ya Lotto ava mu bandi ayobora isiganwa anegukana amanota y’agasozi ka kane mu gihe kandi yanatwaye aka gatanu. Uyu mugabo ariko ku kilometero cya 83 yagize ikibazo cy’igare biba ngombwa ko ahindurirwa ahabwa irindi.

Ibi byatumye ahita afatwa n’igikundi ariko yunganirwa na mugenzi we bakinana muri Lotto Marvoete wahise ayobora isiganwa aho yarenze yinjira mu bilometero 103 ari gusiga igikundi umunota umwe n’amasegonda atanu mu gihe yinjiye mu bilometero 25 bya nyuma by’isigana harimo ikinyuranyo cy’umunota umwe n’amasegonda 25.

Marvoet yafashwe na n’Umunya-Eritrea Araya bakomeje kuyoborana isiganwa ariko nawe wahise amusiga akariyobora wenyine afitemo ikinyuranyo cy’amasegonda 15, gusa nawe atamaranye igihe kuko igikundi cyahise kimufata bakiri mu bilometero 20 bya nyuma. Muri ibi bilometero afatwa n’igikundi byatumye Umuholandi Jurgen Zomermaand atwara amanota y’agasozi ka gatandatu kari aka nyuma muri aka gace. Muri ibi bilometero kandi igikundi cyacitsemo kabiri kivamo amatsinda abiri Pau Soriano wari wambaye umwamba w’umuhondo yayoboye itsinda rimwe irindi riyobowe na Heno Mulbrhan.

Abakinnyi 12 basohotse mu gikundi bagisiga amasegonda 50 baninjira mu bilometero 10 bya nyuma aho nabo bahise basigwa na Zomermaand Jurgen w’ikipe ya PiCNIC waninjiye mu bilometero bine bya nyuma abasiga amasegonda 25. Uyu Muholandi yinjiye kandi mu bilometero bitatu bya nyuma agifitemo ikinyuranyo cy’amasegonda 25 agera mu cya nyuma afitemo amasegonda 35, anagera ku murongo ari imbere aho ibilometero 145.3 yabisiganwe akoresheje amasaha atatu, iminota 44 n’amasegonda 53 yegukana agace ka gatatu ka Tour du Rwanda 2026 kasorejwe mu Mujyi wa Rusizi.

Uyu musore wahise anambara umwambaro w’umuhondo nk’uyoboye urutonde rusange, muri aka gace ka kabiri yakurikiwe na Van Gils Lucas ukinira Lotto Groupe Wanty yarushije amasegonda 20 mu gihe Niyonkuru Samuel ukinira ikipe ya Amani ariwe Munyarwanda waje imbere ku mwanya wa 11 arushwa n’uwa mbere amasegonda 48 mu gihe Muhoza Eric ari ku mwanya wa 20 arushwa umunota umwe n’amasegonda 26 naho Masengesho Vianqeur asoreza ku mwanya wa 27 arushwa iminota ine.

Ku rutonde rusange Jurgen Zomermaand niwe uyoboye aho amaze gukoresha amasaha icumi, iminota 55 n’amasegonda atandatu mu gihe Umunyarwanda uza hafi ari Niyonkuru Samuel uri ku mwanya wa 11 arushwa amasegonda 44.

Ibi byatangajwe binyuze mu itangazo ryashyizwe hanze aho ubuyobozi bwa Tour du Rwanda bwavuze ko aba bantu babiri bazize impanuka yabereye i Gabiro mu Karere ka Gatsibo aho imodoka iri mu zigenda imbere yarenze umuhanda ikagonga abantu aho mu bagonzwe babiri bitabye Imana naho abandi batandatu bagakomereka.

Minisitiri wa Siporo Nellly Mukazayire abinyujije ku rubuga rwa X yihanganishije imiryango y’ababuze ababo muri iyi mpanuka anifuriza gukira abakomeretse, gusa anibutsa abantu ko bagomba kwitwararika no kuba maso buri gihe.

This is a very sad moment for Tour du Rwanda.
Our thoughts and prayers are with the families of the victims and we wish quick recovery to the injured.
This accident reminds us of the importance of road safety and always remain vigilant whether driving or cheering on the riders… https://t.co/DZyGtRZZ2j

— Nelly Mukazayire (@nmukazayire) February 22, 2026

Aka gace ka mbere kahagurukiye mu Rukomo mu karere ka Gicumbi katwawe n’Umunya-Israel Itamar wakoresheje amasaha ane n’amasegonda atanu n’ibyijana biri.

Ni agace ka mbere kahagurutse ku isaha ya Saa Tanu za mu gitondo aho abakinnyi 84 bari mu makipe 17 batangiye Tour du Rwanda 2026 bahagurutse mu Rukomo mu karere ka Gicumbi hari hari abantu benshi cyane kagomba gusorezwa mu karere ka Rwamagana ku ntera ingana n’ibilometero 174.

Umunya-Brazil Da Silva yegukanye igihembo cy’amasegonda atatu ahabwa umukinnyi ugeze ahatambika ari uwa mbere ubwo yari ageze Nyagatare ku kilometero cya 72.6 ariwe uyoboye, akurikiwe na Heidermann ukinira Bikaid we wahawe amasegonda abiri naho Umunyarwanda Uwiduhaye ahabwa isegonda rimwe ahageze ari uwa gatatu.

Iki gihembo cy’aya masegonda kandi Da Silva yongeye kucyegukana ubwo yageraga n’ubundi ahatambika yagombaga gutangirwa ku kilometero cy’i 113.4 i Kabarore mu karere ka Gatsibo naho yageze ari uwa mbere agahabwa andi masegonda atatu, akurikiwe n’ubundi na Heidemann wahawe amasegonda abiri naho Marti ahagera ari uwa gatatu yegukana isegonda rimwe.

Kuva mu Rukomo aho abasiganwa bahagurukiye, Nyagahanga, Ngarama, Cyabayaga, Ryabega, Nyagatare Karangazi, Rwagitima, Gakenke hose abakunzi b’igare n’Abanyarwanda benshi bari ku muhanda bafana ndetse banareba uko abakinnyi batandukanye banyonga igare.

Iri siganwa ryasorejwe mu Mujyi wa Rwamagana imbere ya Rwamagana Pension Plazza hatambika, byatumye abakinnyi bagera ahasorejwe ibilometero 173.4 bari mu kivunge ariko Umunya-Israel Itamar Einhorn ukinira ikipe ya NSN aba ariwe ukoza ipine ku murongo bwe aba umukino wa mbere wegukanye aka gace ka mbere ka Tour du Rwanda 2026akoresheje amasaha ane n’amasegonda atanu n’ibyijana bibiri.

Uyu mugabo w’imyaka 28 yakurikiwe na Munoz Hodei Gabina ukinira Soudal Quick Step wahageze akoresheje amasaha ane n’amasegonda atanu n’ibyijana 15 mu gihe Girmay Mewael ukinira Istanbul yabaye uwa gatatu akoresheje amasaha ane, amasegonda atanu n’ibyijana 17 naho Umunyarwanda waje hafi Muhoza Eric ukinira ikipe ya Amani aba uwa 11 akoresheje amasaha ane n’iminota itanu n’ibyijana 88 mu gihe Tuyizere Etienne w’ikipe y’igihugu y’u Rwanda yabaye uwa 14 akoresheje amasaha ane n’amasegonda atandatu n’ibyijana 14.

Agace ka kabiri karakinwa kuri uyu wa Mbere, aho abasiganwa barahagurukira i Nyamata mu karere ka Bugesera berekeza mu Karere ka Huye ku ntera y’ibilometero 134, 6 aho abasiganwa bazahaguruka Saa Sita z’amanywa mu gihe biteganyijwe ko bazagera i Huye Saa cyenda n’iminota 26.

Kubera intambara imaze igihe ibera muri Sudani, amakipe akomeye ya Al Hilal SC na Al Merrikh SC byatumye ahitamo kuba akinira hanze y’igihugu cyayo kugira ngo atazatakaza urwego yari ariho.

Mu mwaka w’imikino wa 2024-2025 yakinnye muri Mauritania, ariko muri uyu mwaka yahisemo gukinira muri Rwanda Premier League, nyuma yo kubisaba no kubyemererwa n’inzego zibishinzwe.

Uku kwimukira mu Rwanda kwahinduye byinshi mu mupira w’amaguru w’imbere mu gihugu.

Shampiyona yarushijeho gukomera, irushaho gukurura amaso y’akarere ndetse n’aya Afurika muri rusange.

Abakunzi b’umupira w’amaguru babonye ihangana rikomeye, imikinire yihuta n’inyota yo gutsinda bigaragara ku makipe asanzwe amenyerewe mu marushanwa nyafurika.

Icyashimishije benshi kurushaho, ni uko ku nshuro ya mbere mu mateka, imikino y’amatsinda ya CAF Champions League yakiniwe ku butaka bw’u Rwanda.

Al Hilal SC yakiriye iyi mikino i Kigali, biha Abanyarwanda amahirwe yo kwihera ijisho aya marushanwa akomeye aho kuyarebera kure.

Uretse kongera urwego rw’amarushanwa, aya makipe yanazamuye umubare w’abafana ku bibuga.

Abanyasudani bahungiye cyangwa batuye mu Rwanda babonye aho bahurira n’amarangamutima yabo, ariko n’Abanyarwanda ubwabo ntibyabatwaye igihe kirekire ngo biyumvemo aya makipe, bayashyigikire kandi bayagire isoko y’ibyishimo.

Impamvu yo guhitamo u Rwanda ntisobanutse ku rwego rwa siporo gusa

Umutekano usesuye, kwakira neza ababagana, ibikorwaremezo biteye imbere birimo Stade Amahoro ivuguruye, ndetse n’imiyoborere inoze ni bimwe mu byo aya makipe ahamya ko byayakuruye.

Al Hilal SC ubwayo yanyujije ubutumwa ku mbuga nkoranyambaga ishimira u Rwanda n’abafana bayibaye hafi, cyane cyane nyuma yo gutsinda imikino yayo yose ya CAF Champions League yakiniye i Kigali.

Na Al Merrikh SC ntiyasigaye inyuma mu gushima kuko mbere y’umukino wahuje aya makipe yombi, abafana bayo binjiye muri Stade Amahoro bitwaje igitambaro kinini cyanditseho amagambo agira ati “Murakoze Rwanda.”

Nubwo hari abavuga ko aya makipe yakagombye gukomeza gukina muri Rwanda Premier League n’umwaka utaha, si ukubifuriza ko ibibazo biri iwabo byakomeza, ahubwo ni ukwishimira urwego, ubunyamwuga n’ihangana byazanye, bikazamura isura y’umupira w’amaguru w’u Rwanda.

Mu gihe hategerejwe umukino wa 1/4 cya CAF Champions League, aho Al Hilal SC izakiramo RS Berkane i Kigali, biragaragara ko uru rugendo rwasize ikimenyetso gikomeye — atari ku makipe gusa, ahubwo no ku mupira w’amaguru w’u Rwanda muri rusange.

Ibi Kimenyi Yves yabitangarije mu itangazo yashyize ahagaragara aho yavuze ko gukina ruhago ari ibintu yatangiye ari umwana muto muri 2012 kubera inzozi n’urukundo rw’umukino, aho yahereye mu Isonga FC akanyura muri APR FC mbere yo kujya muri Rayon Sports mu 2019 yamazemo amezi atandatu akahava ajya muri Kiyovu Sports.

Kimenyi Yves wavuye muri Kiyovu Sports ajya muri AS Kigali yanakomoje ku mvune ikomeye yagiriye muri iyi kipe mu Ukwakira 2023 ubwo Musanze FC yari yakiriye AS Kigali aho yavuze ko ariyo yatumye ajya kure ya ruhago kugeza uyu munsi mu gihe we yakoze ibishoboka byose ngo abe yagaruka mu kibuga.

Kimenyi Yves yakiniye APR FC imyaka itanu hagati ya 2014 na 2019 ubwo yajyaga muri Rayon Sports muri Nyakanga nayo yavuyemo mu Ukwakira 2020 ajya muri Kiyovu Sports yabayemo kugeza muri Nyakanga 2023 ubwo yerekezaga muri AS Kigali ari nayo asorejemo gukina ku myaka 33 y’amavuko.

Kimenyi Yves yasezeye gukina ruhago nk’ubigize umwuga

Ni imikino yatangiye ku isaha ya Saa Sita n’igice aho Gicumbi FC yabanje kwakira Police banganyije 1-1, Ani Elijah yafunguye amazamu ku igitego yatsindiye Police FC ku. munota wa 36 kuri penaliti igice cya mbere cyikarangira ari 1-0 mu gihe mu gice cya kabiri Ntibazonkiza Djuma yishyuriye Gicumbi FC ku munota wa 84 umukino ukarangira ari 1-1.

Umukino wa kabiri wari uteganyijwe Saa Cyenda n’Igice ariko utangura ukereweho iminota itandatu, aho Kiyovu Sports yari yakiriye APR FC. Aya makipe yaherukaga guhura muri shampiyona tariki 14 Gashyantare 2026 akanganyiriza 1-1 kuri Stade Amahoro, n’ubundi mu minota 45 y’igice yerekanye umukino mwiza nubwo cyarangiye anganya 0-0.

Mu gice cya kabiri, APR FC yatanguye ibona igitego cyatsinzwe na Djibril Ouattara nyuma y’ikosa myugariro wa Kiyovu Sports Obiang wari winjiye asimbura yakoze akitangira umupira maze uyu Munya-Burkina Faso nawe ntazuyaze kuwushyira mu izamu rya James Desire Bienvenue. Obiang wari wasimbuye Rwabuhihi Placide yakomeje kugira umukino mubi kugeza ubwo nanone yakoraga ikosa ku munota 73 agashaka gushyira umupira ku mutwe ntawufatishe, maze ukifatirwa na William Togui Mel wari umaze gusimbura Ouattara.

Uyu mupira William Togui yawuhaye neza Mamadou Sy bari binjiranye mu kibuga nawe ahita awushyira mu izamu rya Kiyovu Sports atsinda igitego cya kabiri. Kiyovu Sports itagize igice cya kabiri cyiza mu mikinire nk’uko yari yabigenje mu gice cya mbere, yakomeje gusunika ngo ibe yabona igitego ariko yaba Uwineza Rene, Moise Sandja Bulaya waje asimbura bose ntibyashoboka ko bareba mu izamu rya Hakizimana Adolphe, umukino urangira APR FC itsinze ibitego 2-0.

Imikino yo kwishyura iteganijwe mu cyumweru gitaha hagati y’itariki 24 na 25 Gashyantare 2026.

Ibi byatangajwe n’Urwego rutegura Shampiyona y’Icyiciro cya Mbere aho rwavuze ko "Rwanda Premier League iramenyesha abafatanyabikorwa n’abakunzi b’umupira w’amaguru bose ko umukino w’ikirarane cy’umunsi wa 15 uzahuza Al Hilal SC na Al Merrikh SC uzabera kuri Stade Amahoro ku wa kabiri tariki 17/02/2026 saa 18:30."

Uyu ni umukino uba ukomeye kuko aya makipe ari abakeba muri ruhago ya Sudani dore ko ari nayo yiharira ibikombe dore ko Al Hilal SC ariyo imaze gutwara shampiyona inshuro nyinshi (31) mu gihe Al Merrikh SC imaze kuyegukana inshuro 19.

Ubwo amakipe yombi yahuriraga muri shampiyona ya Mauritania muri Werurwe 2025, Al Merrikh SC yatsinze igitego 1-0 aho yari inshuro ya mbere iyi kipe ibonye intsinzi kuri mukeba wayo bari hanze ya Sudani.

Ni umukino watangiye ku isaha Saa Moya zuzuye, uryohera abari bawitabiriye kubera imikinire y’amakipe yombi yerekanya umukino uryoheye ijisho aho Kiyovu Sports abakinnyi nka Uwineza Rene, Bukuru Christophe kongeraho Rwabuhihi Placide na Mbonyingabo Regis bari mu bwugarizi bwayo bitwaye neza.

Ku ruhande rwa APR FC abakinnyi nka Memel Raouf Dao ntabwo bahiriwe n’umukino icyakora Dauda Yussif, Ronald Ssekiganda bakora ibishoboka byose nubwo ubusatirizi bwari buyobowe na Djibril Ouattar,a Hakim Kim Kiwanuka na William Togui batashoboye kumenera mu bwugarizi bwa Kiyovu Sports ndetse bakanagorwa n’umunyezamu James Desire Bienvenue wakuyemo imipira itandukanye yari ikomeye.

Igice cya mbere cyarangiye amakipe yombi anganya 0-0 ariko mu gice cya kabiri nabwo akomeza kwerekana umukino uryoheye ijisho kugeza ubwo ku munota wa 83 Harerimana Abdoulraziz wari winjiye mu kibuga asimbuye, atsindiye Kiyovu igitego cya mbere ku mupira wari uvuye ku ruhande rw’iburyo akawurenza umunyezamu Hakizimana Adolphe.

Ku munota wa gatatu muri itandatu bongereyeho, APR FC yishyuye ibitego ubwo Denis Omedi nawe wari winjiye asimbuye yafashe umupira agaterera ishoti rikomeye hanze y’urubuga rw’amahina, umunyezamu wa Kiyovu Sports atashoboye gukuramo, umukino urangira amakipe agabanye amanota anganyije 1-1.

Harerimana Abdoulraziz watsindiye Kiyovu Sports yishimana n’abafana

Nyuma yo kunganya uyu mukino APR FC yahise yuzuza imikino itatu idatsinda aho yatsinzwe umwe ikanganyamo ibiri, gusa bitayibuza kuba ku mwanya wa kabiri n’amanota 38 mu gihe Kiyovu Sports iri ku mwanya wa gatanu n’amanota 32.

Amafoto: Isimbi Melissa

Ni mu mukino wabaye kuri uyu wa Gatanu, ubera kuri Stade ya Kigali Pele ku isaha ya Saa Cyenda, utangirana ishyaka ridasazwe ku makipe yombi ariko cyane cyane ku ruhande rwa Police FC, kuko wabonaga igera imbere y’izamu rya Kwizera Olivier.Abatoza ku mpande zombi bari bakoze impinduka zitandukanye mu bakinnyi 11 basanzwe babanza mu kibuga, Ben Moussa yahisemo kugarura mu kibuga Henry Msanga ndetse abanzamo Jean De Dieu Udahemuka na Ekeson Okorie baguzwe muri uku kwa Mbere.

Ku rundi ruhande umutoza wa Rayon Sports, Bruno Ferry agarura Emmanuel Nshimiyima, Yannick Bangala Litombo, Elie Ishimwe Ganijuru na Bassane Koulagna Aziz batakinnye ku mukino uheruka. ‎Ku munota wa 18 myugariro wa Police FC Ndayishimiye Dieudonne, yagize ikibazo cy’imvune gituma adakomeza umukino asimburwa na Richard Kilongozi Bazombwa, wakinaga uruhande rw’iburyo rwose.
‎
‎Amakipe yombi yakomeje gusatirana ariko ibitego birabura, binyuze mu busatirizi bwa Gikundiro bwari buyobowe na Aziz Bassane, Mugisha Didier na Asman Ndikumana bagerageje kwataka cyane izamu rya Rukundo Onesime ariko ababera ibamba iguce cya mbere kirangira ari ubusa ku busa, hagati y’makipe yombi.

‎Igice cya kabiri cyatangiranye imbaraga zidasazwe cyane ko nta mpinduka zari zabayeho ku makipe yombi, maze abakinnyi ba Rayon Sports bgarukana imbaraga zidasazwe maze ku munota wa 51 iyi kipe yambara ubururu n’umweru itsinda igitego cyatsizwe na Tambwe Ngongo Gloire nyuma y’amakosa yakozwe na Iradukunda Simeon washatse gusubiza umupira inyuma akawihera uyu Murundi.
‎

‎Nyuma yo gutsindwa igitego ikipe ya Polisi y’Igihugu yakoze impinduka Iradukunda Simeon na Ekeson Okorie baha umwanya Kwitonda Alain Bacca na Emmanuel Okwi, maze bakomeza kotsa igitutu Rayon Sports ariko ubwigarizi bwa Bayisenge Emery na Ramazani Tshimanga bahagarara neza.
‎

‎Ku munota wa 83 Kwizera Olivier yagonganye na Ani Elijah, abaganga binjira mu kibuga ndetse banahamagara imbangukiragutabara, gusa nyuma y’iminota abakinnyi bombi barahaguruka unukino urakomeza, iminota 90 yuzuye maze umusifuzi wa kane ashyiraho iminota 10 y’inyongera, nayo irangira ari 1-0.
‎

‎Nyuma y’uyu mukino Rayon Sports yujuje amanota 32 ayishyira ku mwanya wa gatanu ku rutonde rwa Shampiyona y’u Rwanda igeze ku Munsi wa 20, naho undi mukino wabaye kuri uyu munsi wasize Musanze FC inganyije na Al Merrikh igitego 1-1, Karere ka Musanze.

Reba ibindi muri iyi Video:

Ibi byatangajwe n’ubuyobozi bw’Urwego rutegura Shampiyona y’Icyiciro cya Mbere aho rwavuze ko "Rwanda Premier League iramenyesha abakunzi b’umupira w’amaguru ko umukino w’umunsi wa 20 uzahuza APR FC na Kiyovu SC uzabera kuri Stade Amahoro saa Moya z’ijoro (19:00)."

Uyu mukino uzakurikira umukino wa CAF Total Energies Champions League uzahuza Al Hilal na FC St Éloi Lupopo uzatangira ku isaha ya saa cyenda ndetse itike imwe izahesha abafana kureba imikino yombi.

Iri siganwa rizatangira tariki 22 Gashyantare 2026 rigasozwa tariki 1 Werurwe 2026, rizitabirwa n’amakipe 18 muri rusange, aho aho kuba 16 yari yatangajwe ubwo hatangazwaga amakipe azaryitabira. Amakipe yiyongereyeho ni Bike Aid ndetse na CAC Team izaba igizwe na n’abakinnyi b’Abanyafurika bo mu bihugu bitandukanye.

Uretse aya makipe abiri nayo yemeje ko azitabira, andi 16 yemeje ko azakina Tour du Rwanda 2026 ni UAE Team Emirates Gen Z, Movistar, NSN, PiCNIC PostNL, Lotto Intermarché, Soudal Quick Step, Madar, Rembe Rat, Swift Pro Cycling, Eritrea, South Africa, Ethiopia mu gihe azaba arimo ane yo mu Rwanda ariyo Team Rwanda, Benediction Club, May Stars na Team Amani.

Tour du Rwanda izatangirana na gace ka mbere kazahaguruka i Rukomo kagasorezwa i Rwanda aho kangana n’intera y’ibirometero 174 igasozwa n’agace ko kuzenguruka muri Kigali tariki 1 Werurwe 2025, mu gihe mu gace ka gatandatu izazenguruka mu Mujyi wa Rubavu kuva ku isaha ya saa cyenda zuzuye.

Rubavu izazengurukwa byihariye:

Tariki 24 Gashyantare 2026, agace ka gatanu ka Tour du Rwanda 2026, kazakinwa abakinnyi bazenguruka Umujyi wa Rubavu ku ntera y’ibilometero 82, aho bazahaguruka saa cyenda z’igicamunsi mu gihe mbere ya saa sita, abantu bazaba bari muri aka Karere bakunda umukino w’amagare bazi no kunyonga igare bazakora bazabikora byo kwishimisha banyuze mu nzira abakinnyi bazakorwsha.

Abasiganwa bazaba bageze i Rubavu tariki 25 Gashyantare 2026 bamaze gusiganwa agace ka kane kazahagurukira i Karongi ku ntera y’ibilometero 174.

Abanyarwanda bahize kwegukana Tour du Rwanda 2026

Umutoza w’ikipe y’igihuguy’uRwanda Sempoma Felix avuga ko akurikije uko abona ikipe ye, hari ikizere cyo kwambara umwambaro w’umuhondo kugeza ku munsi wa nyuma bakegukana isiganwa byakwanga bagatwaramo uduce.

Ati "Abakinnyi bameze neza. Amakipe yose azaza, azaba afite ikizere natwe ubwacu nk’ikipe y’igihugu nzaba nyoboye turagifife. Icya mbere ni ugushaka umwenda w’umuhondo, tukawugumana kugeza ku munsi wa nyuma byakwanga tugatwara uko dutwara uduce kandi ubushobozi burahari."

Inzira zizakoreshwa muri Tour du Rwanda 2026

Agace ka mbere: Ku Cyumweru tariki ya 22 Gashyantare: Rukomo – Rwamagana (ibilometero 174).

Agace ka Kabiri: Ku wa Mbere tariki ya ya 23 Gashyantare: Nyamata – Huye (ibilometero 135).

Agace ka Gatatu: Ku wa Kabiri tariki ya 24 Gashyantare: Huye – Rusizi (ibilometero 144).

Agace ka Kane: Ku wa Gatatu tariki ya 25 Gashyantare: Karongi – Rubavu (ibilometero 127).

Agace ka Gatanu: Ku wa Kane tariki ya ya 26 Gashyantare: Kuzenguruka mu Karere ka Rubavu (ibilometero 82).

Agace ka Gatandatu: Ku wa Gatanu tariki 27 Gashyantare: Rubavu – Musanze (ibilometero 84).

Agace ka Karindwi: Ku wa Gatandatu tariki ya 28 Gashyantare: Musanze – Kigali (ibilometero 147).

Agace ka Munani: Ku Cyumweru tariki ya 1 Werurwe: Kuzenguruka mu Mujyi wa Kigali (ibilometero 99).

Umutoza wa Team Sempoma Felix avuga ko bafite ikizere cyo kwegukana Tour du Rwanda 2026

Iyi kipe yageze mu Rwanda mu gitondo cyo kuri uyu wa Gatatu, izakina na Al Hilal SC ku wa Gatandatu tariki 14 Gashyantare 2026 mu mukino w’umunsi wa gatandatu w’amatsinda ya CAF Champions League uzabera kuri Stade Amahoro saa cyenda zuzuye.

Ni umukino ukomeye kandi uhanzwe amaso kuko mu itsinda rya gatatu aya makipe ahuriyemo na Mamelodi Sundowns yo muri Afurika y’Epfo na MC Alger yo muri Algeria, Al Hilal SC iri ku mwanya wa mbere n’amanota umunani mu gihe FC Saint-Éloi Lupopo iri ku mwanya wa kane ariwo wa nyuma n’amanota atanu gusa nayo mu mibare ikaba igifite amahirwe yo gukomeza muri 1/4 igihe yakwitara neza i Kigali.

Uyu mukino kandi ukomeye kuko ubwo ubwo uzaba uri kuba hazaba hari no kuba umukino uzahuza Mamelodi Sundowns iri ku mwanya wa gatatu n’amanota atandatu izaba yakiriye MC Alger iri ku mwanya wa kabiri n’amanota arindwi zose zizaba zirwanira kugeza muri 1/4.

Mu mukino ubanza wabereye i Lubumbashi, FC Saint-Eloi Lupopo yanganyije na Al Hilal SC igitego 1-1 ku munsi wa kabiri w’amatsinda.

Adeline Djonreba yasifuye umukino atwite inda y’amezi atanu

Ibi byabereye mu mukino w’injojora rya gatatu ryo gushaka itike y’igikombe cy’Isi 2026 cy’abagore Uganda yanganyirijemo iwayo na Zambia igitego 1-1 ku wa Gatandatu tariki 7 Gashyantare 2026. Adeline yari umusifuzi w’igitambaro muri uyu mukino wabereye kuri FUFA Stadium Kadiba i Kampala.

Adeline Djonreba uheruka guhembwa nk’umusifuzi mwiza wo ku ruhande muri Cameroon mu 2025, binyuze mu bihembo bitangwa muri shampiyona y’Icyiciro mbere mu bagore, yasifuye uyu mukino ubanza muri iki cyiciro atwite inda y’amezi atanu byatumye aba ikimenyabose ku mbugankoranyambaga.

Uretse gusifura imikino y’abagore kandi Adeline Djonerba anasifura imikino ya Shampiyona y’Icyiciro cya Mbere mu bagabo iwabo muri Cameroon, aho aheruka kuvuga ko ashimira umugabo we umwemerera gukora aka kazi.

Adeline Djonerba (Ubanza iburyo) yasifuye umukino wahuje Uganda U20 na Zambian 20 mu bagore, atwite inda y’amezi atanu

Adeline Djonerba aheruka guhembwa nk’umusifuzi mwiza wo ku ruhande muri Shampiyona y’Icyiciro cya Mbere muri Cameroon

APR FC yatangaje uyu musore kuri uyu wa Gatatu aho yahaye nomero 16 uyu musore uheruka kuva muri Mukura VS nk’umukinnyi Intare FC yari yaratije muri iyi kipe yo mu Karere ka Huye kuva mu mwaka w’imikino wa 2024-2025.

Uyu musore atizwa, impande zombi zemeranyije ko umwaka w’imikino nurangira Mukura VS izishyura Intare FC miliyoni 10 Frw bitarenze tariki 31 Mutarama 2025, ibyo iyi kipe ivuga ko yakoze nk’uko Kigali Today yabyemerejwe n’Umuyobozi Nshingwabikorwa wa Mukura VS Musoni Protais.

Ati" Mukura VS izi neza ko yishyuye amafaranga yose mbere y’itariki 31 Mutarama 2025. Icyo twemera icyiciro cya mbere ntabwo kishyuriwe ku gihe ariko habayeho ibiganiro byerekana impamvu yabyo kandi byemewe n’amategeko ya FIFA."

Nyuma yo kubona ibi, tariki 1 Gashyantare 2026 Mukura VS yandikiye Umunyamabanga bw’Ishyirahamwe ry’Umupira w’amaguru mu Rwanda ivuga ko ibyabaye byose bitubahirije amasezerano kuko Ishimwe Abdoul ari umukinnyi ukiyifitiye amasezerano.

Ibi Kigali Today yabyemerejwe na Perezida wa Etincelles FC wavuze ko byakozwe mu rwego rw’impinduka rusange zakozwe kuva mu batoza.

Ati" Papy ni kapiteni w’ikipe ariko amaze iminsi yaravunitse, mu kuziba icyuho niwe wabaye afashe inshingano za Team Manager by’igihe gito. Staff yose twagombaga kuyihagarika kuko twabona harimo umwuka utari mwiza kandi nubwo umuti ushaririye wagombaga kunyobwa."

Etincelles FC iheruka gutandukana na Masudi Djuma wari umutoza wayo, imusimbuza Bizimana Abdou Bekeni wungirijwe n’Umunye-Congo Todet ariko ubuyobozi buvuga ko ari ab’igihe gito kuko hari gushakwa abatoza bashya.

Ibi byabaye kuri uyu wa mbere aho uyu mugabo w’imyaka 41 y’amavuko aribwo yasinye amasezerano y’amezi atandatu atoza iyi kipe iri ku mwanya wa 16 muri shampiyona aho ibanziriza ebyiri za nyuma arizo AS Muhanga ya 17 na ya 18 ariyo ya nyuma.

Hammid yatoza mu makipe atandukanye aho bigaragara ko yanyuze muri Young Africans nk’umutoza wungirije mu mwaka w’imikono 2021-2022 aho yageze avuye muri Al Merrikh SC 2020-2021 mu gihe aheruka muri Ismaily yo mu Misiri mu mwaka w’imikino 2025-2026 nabwo nk’umutoza wungirije ariko yavuyemo tariki 13 Ukwakira 2025.

Ibi byatangarijwe mu itangazo Urwego rutegura Shampiyona y’Icyiciro cya Mbere mu Rwanda rwashyize hanze aho rwavuze ko "Rwanda Premier League iramenyesha abakunzi b’umupira w’amaguru ko habayeho impinduka ku masaha yo gutangira imikino ibiri iteganijwe kubera kuri Stade Kigali Pelé, tariki 4 Gashyantare 2026, Gasogi United na APR FC, tariki 4 Gashyantare 2026 AS Kigali na Rayon Sports."

Rwanda Premier League yakomeje ivuga ko iyi mikino yombi izatangira saa cyenda z’igicamunsi aho kuba saa kumi n’ebyiri z’umugoroba aho izi mpinduka zatewe n’uko gukemura ikibazo cy’amatara acanira ikibuga bizatwara igihe kirenze icyari giteganyijwe.

Ni imikino izaba ari iy’umunsi sa mbere w’imikino yo kwishyura aho muri rusange yatangiye tariki 30 Mutarama 2026.

Ibi iyi kipe yabitangaje ibinyujije mu itangazo yashyize ahagaragara aho yavuze ko "Ubuyobozi bwa Etincelles FC bumaze gusezerera abatoza bayo kubera umusaruro mucye."

Ikipe yakomeje ivuga ko "Ikipe iraba itozwa na Bizimana Abdou (Bekeni) mu gihe hagishakwa abandi bo kubasimbura."

Muri Mutarama 2026, Kigali Today yakiriye amakuru yizewe ahamya ko abakinnyi ubwabo babwiye ubuyobozi ko batakifuza gutozwa na Masudi Djuma ndetse banabubwira ko" Muzahitamo umutoza cyangwa abakinnyi."

Masudi Djuma yemejwe nk’umutoza wa Etincelles FC tariki 18 Ukwakira 2025 asinya amasezerano y’umwaka umwe ugomba kurangira mu Ukwakira 2026.

Ibi byabaye ku nshuro ya gatatu nyuma y’aho banze gukora imyitozo yo ku wa Gatandatu tariki 31 Mutarama 2026 no ku Cyumweru tariki 1 Gashyantare 2026, aho babwiye ubuyobozi ko igihe batari bahembwa nta myitozo bazakora.

Kigali Today yamenye ko no kuri uyu wa Mbere, nk’uko bisanzwe abatoza bo bageze ku kibuga cya Nzove basanzwe bakoreraho imyitozo, hakanagera abakinnyi babarirwa mu icumi ariko batigeze bakora imyitozo nk’uko babibwiye ubuyobozi ko igihe cyose batari bahembwa batazakora imyitozo.

Uretse abatoza n’abakinnyi bacye bageze ku kibuga cy’imyitozo, nta muyobozi wigeze ahagaragara.Abakinnyi bari basanzwe muri Rayon Sports baberewemo ibirane by’umushahara w’amezi abiri, ibi kandi binameze gutyo ku batoza.

Rayon Sports ntabwo yongeye gukora imyitozo mu gihe yitegura umukino w’umunsi wa 18 izakina na AS Kigali ku wa Kane, tariki 5 Gashyantare 2026, saa kumi n’ebyiri z’umugoroba kuri Kigali Pelé Stadium.

Police FC yegukanye Igikombe cy’Intwari 2026 itsinze APR FC ku mukino wa nyuma

Ni umukino wa nyuma wari uryoheye ijisho wabereye kuri Stade Amahoro, aho buri kipe yerekanye umupira mwiza. Uretse gukina neza, mu gice cya mbere amakipe yombi yagerageje gutera mu izamu ariko abanyezamu ku mpande zombi bitwara. Umunyezamu wa Police FC Rukundo Onesime yakuyemo amashoti abiri yatewe na rutahizamu William Togui mu gihe Ishimwe Pierre wa APR FC yakuyemo umupira watewe na Byiringiro Lague, igice cya mbere kirangira ari 0-0.

Mu ntangiriro z’igice cya kabiri, ikipe ya APR FC yafunguye amazamu ku gitego cyiza cyatsinzwe na William Togui witambitse mu kirere agatera mu izamu umupira wari uhinduwe na Hakim Kiwanuka anyuze ku ruhande rw’iburyo. Ku munota wa 62 w’umukino Police FC yishyuye igitego, ku mupira nawo wahinduriwe iburyo na Richard Kilongozi ugendera hasi maze umunyezamu Ishimwe Pierre utavuganye na myugariro we Nshimiyimana Yunusu, awufashe uyu musore awumukura mu biganza, uhita ushyirwa mu izamu na Gakwaya Leonard.

Amakipe yose yakomeje kugaragaza umupira mwiza asatirana, kugeza iminota 90 irangiye bongeraho itatu nayo yarangiye amakipe akinganya 1-1. Hahise hitabazwa penaliti aho zatewe buri kipe itera icyenda Police FC yinjijemo zirindwi, APR FC ikinjizamo esheshatu. Abakinnyi nka Ronald Ssekiganda, William Togui na Dauda Yussif bazihushije ku ruhande rwa APR FC mu gihe Nsabimana Eric Zidane na Ekeson Okorie nabo bazihushije kuri Police FC bigatuma iyi kipe itwaye igikombe itsinze penaliti 7-6.

David Chimezi niwe wateye penaliti ya nyuma yahesheje Police FC igikombe

Mu bagore, Rayon Sports WFC yatwaye igikombe itsinze Indahangarwa WFC ibitego 2-0.Indahangarwa WFC yabaye iya kabiri yahawe sheki ya miliyoni 3 Frw, Rayon Sports yatwaye Igikombe cy’Intwari cya 2026 mu bagore, ihabwa ya miliyoni 6 Frw mu gihe mu bagabo APR FC yabaye iya kabiri, yahawe ya miliyoni 3 Frw naho Police FC yegukanye Igikombe igahabwa miliyoni 6 Frw.

Rayon Sports yegukanye igikombe mu bagore

Abasifuzi bayoboye umukino, bambikwa imidali

Byiringiro Lague yishimira igikombe hammer n’umugore we

Ni umukino watangiye ku isaha ya saa kumi z’umugoroba, Misiri inawutangira neza dore ko yasoje igice cya mbere ifite ibitego 17-10. Mu gice cya kabiri yakomerejeho itsindamo ibitego 17 nanone, mu gihe Tunisia yabonyemo ibitego 14 byonyine umukino ukarangira, Misiri yegukanye igikombe cya 11 cyayo mu mateka.

Mu mukino wo guhatanira umwanya wa gatatu nawo wabaye kuri uyu wa Gatandatu, Cape Verde yawegukanye itsinze Algeria ibitego 29-23 mu gihe igice cya mbere cyari cyarangiye banganya 16-16. Angola yegukanye umwanya wa gatanu itsinze Nigeria yegukanye umwany wa gatandatu ibitego 25-20 mu gihe umwanya wa karindwi wegukanywe na Maroc itsinze Guinnea yabaye iya munani ibitego 38-37.

Uretse aya makipe yasoje mu myanya umunani, umwanya cyenda wegukanywee na Gabon itsinze Cameroon yegukanye umwanya wa cumi ibitego 29-27 mu gihe mu guhatanira umwanya wa 11, u Rwanda rwatsinzwe na Congo Brazzaville ibitego 30-28 rukegukana umwanya wa 12. Ikipe y’igihugu ya Benin yegukanye umwanya wa 13 itsinze Zambia yabaye iya 14 ibitego 42-25.

Amakipe 16 yari amaze hafi ukwezi akina iki Gikombe cya Afurika, yaherekejwe na Uganda yabaye iya nyuma itsinzwe na Kenya mu guhatanira umwanya wa 15 ibitego 35-29.

Abakinnyi beza bitwaye neza muri iri rushanwa

Ni imikino yarebwe n’abantu batandukanye bari umutoza wa Police FC Ben Mousa wari waje gushyigikira Tunisia aho akomoka

Ibi byatangiye kuvugwa ubwo kuri uyu wa Kane hari hamaze kujya hanze amakuru avuga ko myugariro wo hagati Niyigena Clement wari umaze imyaka ine akinira APR FC yamaze gusinyira Al Hilal SC yo muri Sudani, amasezerano y’imyaka itatu bityo ko agomba gusimburwa na Ishimwe Abdoul wakuriye mu irerero ry’Intare za APR FC kuva ku myaka icyenda y’amavuko.

Nubwo bimeze gutya ariko, kuri ubu Ishimwe Abdoul akinira Mukura VS inavuga ko ayifitiye amasezerano nk’umukinnyi wayo gusa yagurisha igihe yabona ibyo ibona bikwiriye. Mu gihe benshi batekereza ko iyi kipe yamugurisha ikabonamo amafaranga, Intare FC yahise iyandikira iyibwira ko itubahirije ibyo bari bumvikanye babatiza uyu musore, bityo ko basesa amasezerano bagiranye ndetse Kigali Today ikaba yanabyemerejwe mu makuru yahawe n’abantu ba hafi, ibwirwa ko Mukura VS itigeze yubahiriza igihe cyo kwishyura yari yahawe kuri uyu musore Intare FC zivuga ko azifitiye amasezerano y’imyaka ibiri izarangira mu 2027 ariyo yari kugurwa.

Ku rundi ruhande ariko, Kigali Today yanahawe amakuru n’umuntu wizewe wanayemereye ko koko batijwe Ishimwe Abdoul muri Mukura VS, gusa ko ubw umwaka umwe w’intizanyo warangiranaga n’umwaka w’imikino 2024-2025, iyi kipe yaguze Ishimwe Abdoul ndetse akanasinya imyaka itatu kuri ubu amaze gukinamo amezi atandatu yonyine, kandi ko iyi kipe byayitwaye miliyoni 15 Frw bityo ko ari umukinnyi wayo.

Ibyo kwishyurwa amafaranga ayo ariyo yose ariko Intare FC zivuga ko ntabyo zizi, nayo mafaranga batigeze bayabona kuko bitabaye mu gihe cyari cyumvikanyweoho kandi ko umuntu atabanza kukubwira ko musesa amasezerano kugira ngo wibukwe kwishyura ibyo wasabwaga bityo ko Ishimwe Abdoul ari umukinnyi wazo ufite amasezerano, gusa ko nibikenera kuburana nabyo amategeko azabisonura dore ko hari n’ibimenyetso by’ibyo impande zombi zumvikanye.

Uretse kuba Ishimwe Abdoul yajya mu ikipe ya APR FC uyu musore kandi muri Kemena 2026, biteganyijwe ko azajya gukora igeragezwa muri TS Galaxy yo muri Afurika y’Epfo kuko ubutumire bwamaze kuhagera dore yagombaga kuba yaragiye muri Mutarama 2026.

Ni imikino yabaye kuri uyu wa Kane ibera muri BK Arena na Petit Stade Amahoro i Remera, aho muri 1/2 ikipe y’igihugu ya Misiri yasezereye Cape Verde iyitsinze ibitego 32-26. Igice cya mbere cy’uyu mukino cyarangiye Misiri iri imbere n’ibitego 16 kuri 11 mu gihe mu gice cya kabiri yatsinzemo ibitego 21, Cape Verde itsinzemo ibitego 15.

Mu wundi mukino wa 1/2 ikipe ya Tunisia yatsinze Algeria ibitego 33-24, aho igice cya mbere cyari cyarangiye n’ubundi Tunisia iyoboranye umukino ibitego 19-11 ariko mu gice cya kabiri yongeraho ibindi 14 mu gihe Algeria yatsinzemo ibitego 13. Misiri na Algeria zageze ku mukino wa nyuma zizahatanira igikombe muri uyu mukino uteganyijwe ku wa Gatandatu saa kumi z’umugoroba muri BK Arena.

Mu mikino yo guhatanira imyanya, u Rwanda rwasoje itsinda rya President’s Cup rutsindwa na Gabon ibitego 32-28 rurisoza ari u rwa kabiri n’amanota ane, ibyatumye ruhita rujya mu makipe abiri azahatanira umwanya wa 11 aho ruzakina na Congo Brazzaville kuri uyu wa Gatanu saa yine za mu gitondo muri BK Arena mu gihe umwanya wa cyenda uzahatanirwa na Gabon na Cameroon zayoboye amatsinda President’s Cup, saa munani z’igicamunsi.

Mu guhatanira imyanya mu munani ya mbere kandi, saa kumi z’umugoroba muri BK Arena, Cape Verde na Algeria zizahatanira umwanya wa gatatu, saa moya zuzuye Nigeria na Angola zihatanire umwanya wa gatanu mu gihe Guinnnea na Maroc bazaba babanje gukina umukino wo guhatanira umwanya wa karindwi, imikino yose izabera muri BK Arena.

Mu yindi mikino yo guhatanira imyanya, Uganda na Kenya bazahurira muri Petit Stade Amahoro saa yine za mu gitondo bahatanira umwanya wa 15 itsinzwe ibe iya 16 ari nayo ya nyuma. Saa sita zuzuye muri iyi stade Zambia na Benin zizahatanira umwanya wa 13 utsinzwe abe uwa 14.

Amakuru dukesha umunyamakuru Micky Jr uzobereye mu nkuru z’isoko ry’igura n’igurishwa ry’abakinnyi ku mugabane wa Afurika, yavuze ko "Byarangiye,Niyigena Clement yasinye amasezerano y’imyaka itatu avuye muri APR FC."

Niyigena Clement yakiniraga APR FC kuva mu mwaka wa 2022 aho yayigiyemo avuye mu ikipe ya Rayon Sports.

APR FC yatsinze AS Kigali mu mukino w’igikombe cy’Intwari

Ni umukino igice cya mbere kitaranzwe n’uburyo bwinshi bwari kuvamo ibitego kuko nubwo Dauda Yussif Seif yateyemo amashoti abiri akomeye, Ruboneka agatera irindi ku ruhande rwa APR FC ariko iminota 45 yarangiye nta kipe iteye ishoti rigana mu izamu. Sunday Inemeste ku ruhande rwa AS Kigali yatangiye umukino avunda ashyiramo imbaraga ariko kimwe na Dushimimana Olivier na Tuyisenge Arsene bari bayoboranye ubusatirizu mbere y’uko asimburwa na Gedeon Bendeka kubera imvune, nta kintu gikomeye bakoze imbere y’izamu rya APR FC ryari ririnzwe na Ishimwe Pierre, iki gice cya mbere kirangira ari 0-0.

Dauda Yussif yongeye kugaragaza mu gutera imipira ikomeye cyane nubwo nta gitego yatsinze

Mu ntangiriro z’igice cya kabiri, ku munota wa 49 William Togui ari mu rubuga rw’amahina yahaye umupira Hakim Kiwanuka ariko ashatse kuwutera mu izamu ujya hejuru.Ku munota wa 54 APR FC yateye bwa mbere umupira ugana mu izamu, wari n’uwa mbere mu mukino wose ubwo Hakim Kiwanuka yatereraga umupira mu rubuga rw’amahina umunyezamu Ndikuriyo Patient akawukuramo, Mugisha Gilbert yawusubizamo abakinnyi bakawuzibira.

Hakim Kiwanuka watsinze igitego cya mbere akanatanga umupira wavuyemo ikindi gitego

APR FC yakomeje gukina neza igice cya kabiri, ku munota wa 60 ibona ibitego cya mbere cyatsinzwe na Hakim Kiwanuka ku mupira yahawe na Ronald Ssekiganda agacenga yinjira mu rubuga rw’amahina kugeza ateye umupira mu izamu umunyezamu Ndikuriyo Patient atashoboye gukuramo. APR FC yakomeje koroherwa n’umukino, yabonye igitego cya kabiri ku munota wa 65 gitsinzwe na William Togui Mel ahawe umupira na Hakim Kiwanuka.

William Togui nawe yatsinze igitego

Hakim Kiwanuka wagize umupira mwiza cyane, ku munota 78 wa yongeye kugira uruhare mu gitego cya gatatu cyatsinzwe na Ruboneka Jean Bosco, ubwo yacengaga agaha umupira William Togui nawe wawuhaye Niyigena Clement mu rubuga rw’amahina maze nawe agahita asiga umupira inyuma akoresheje agatsinsino, awuterekeye Ruboneka Jean Bosco wateye ishoti ryiza mu izamu. Abarimo Djibril Ouattara, Niyibizi Ramadhan na Ngabonziza Pacifique binjiye mu kibuga basimbuye abarimo Dauda Yussif Seif na Ruboneka, bakina iminota yari isigaye ndetse n’inyongera yarangiye APR FC ikiyoboye n’ibitego 3-0 inegukanye intsinzi.

APR yahise igera ku mukino wa nyuma uzakinwa ku Cyumweru tariki 1 Gashyantare 2026, umunsi nyirizina u Rwanda ruzirakaho Intwari z’Igihugu aho izakina n’ikipe izakomeza hagati ya Rayon Sports na Police FC bakina umukino wa 1/2 kuri uyu wa Kane, saa cyenda zuzuye kuri Kigali Pele Stadium.

Chairman wa APR FC, Brig Gen. Deo Rusanganwa yarebye uyu mukino

Isinya ry’uyu musore wugarira anyuze iburyo, Rayon Sports yabitangarije ku mbuga nkoranyambaga zayo aho yavuze ko " Yahisemo kugaruka mu rugo. Uwumukiza Obed uvuka i Nyanza ni umukinnyi wa Rayon Sports ku mugaragaro. Duhuje amateka n’aho tuvuka."

Uwumukiza Obed wasinye imyaka ibiri akinira Rayon Sports y’iwabo i Nyanza mu Ntara y’Amajyepfo, yari amaze umwaka n’igice akinira Mukura VS yagezemo mu mpeshyi ya 2024 avuye mu ikipe ya Muhazi United.

Amakuru Kigali Today yamenye ni uko uyu mugabo wari umaze umwaka akinira Mukura VS arasubira mu Amagaju FC yavuyemo muri Mutarama 2025, aho araba arekuwe na Mukura VS yari asigajemo amezi atandatu ku y’amasezerano y’umwaka n’igice yari yayisinyiye.

Destin Malanda wamaze kumvikana byose n’Amagaju FC ngo ayasubiremo, araba abaye umukinnyi wa kabiri Amagaju FC asinyishije muri uku kwezi nyuma y’Umunya-Ivory Coast Koué Bi Jean Junior usatira anyuze ku mpande iheruka gusinyisha, kugira ngo bayifashe kuva kuva ku mwaka wa 17 iri n’amanota 12, mu makipe 18.

Ni umukino wo mu itsinda rya mbere ry’igikombe cya President’s Cup gikinwa n’amakipe atarageze muri 1/4 akajya guhatanira imyanya, wabereye muri BK Arena kuva saa munani z’igicamunsi cyo kuri uyu wa Kabiri, utangirana imbaraga ku mpande zombi byatumye igice cya mbere kirangira u Rwanda runganya na Zambia ibitego 17-17.

Bitandukanye n’igice cya mbere, mu gice kabiri u Rwanda rwashyizemo intera rutsindamo ibitego 17 mu gihe Zambia yo yatsinzemo ibitego icyenda byonyine, umukino ukarangira rutsinze ibitego 34-26 runatsinze umukino wa kabiri muri rusange mu itsinda ryo guhatanira imyanya, ibi bihugu byombi bihuriyemo na Gabon na Uganda.

Amakipe abiri ya mbere muri aya matsinda abiri ari gukina President’s Cup azahatanira hagati y’umwanya wa cyenda n’uwa 12, iya mbere mu itsinda rimwe ihura n’iya kabiri mu rindi tsinda mu gihe ebyiri za nyuma zihatanira kuva ku mwanya wa 13 kugeza ku ya 16 iya gatatu ihura n’iya kane.

Cameroon yatsinze Kenya mu gikombe cya President’s Cup

Muri President’s Cup kandi Gabon yatsinze Uganda

Mu cyiciro cy’amakipe yabaye abiri ya mbere mu matsinda Algeria yatsinze Angola

Amakuru yizewe agera kuri Kigali Today ahamya ko iyi kipe yakomanze muri Mukura VS, kandi ikahakomanga idashaka umukinnyi umwe ahubwo yageze yo yifuzayo abakinnyi batatu. Ku ikubitiro, iyi kipe irifuza myugariro Uwumukiza Obed ngo aze gusimbura Serumogo Ally ndetse kuri uyu musore uvuka i Nyanza ngo ibiganiro bigeze ku kigero cya 90% kuba yakwambara ubururu n’umweru vuba kuko hategerejwe ko iyi kipe ikora ibyo yabwiwe na Mukura VS gusa kuko yo yiteguye kumurekura mu gihe yari asigaje amezi atandatu ku masezerano.

Abandi bakinnyi Rayon Sports yagiye i Huye ibaza ibyabo, ni Iradukunda Elie Tatou ukina ku ruhande asatira gusa we bishobora kugorana ko yakwerekeza muri iyi kipe dore ko agifite amasezerano y’umwaka n’igice nyuma yo gusinya imyaka ibiri mu mpeshyi ya 2025, ibyatuma igiciro cye kijya hejuru bikagora iyi kipe hakurikijwe uko isanzwe igura. Uretse igiciro ariko, kugura uyu musore muri Mutarama 2026 bisa nk’ibyagize amahirwe macye nyuma y’uko Rayon Sports itijwe na Police FC Mugisha Didier nawe ukina aciye ku mpande.

Rayon Sports kandi, yanabajije icyo bisaba kugira ibone Umunya-Ghana Joseph Sackey ukina hagati mu kibuga yugarira yanifuje mu mpeshyi ya 2025 adafite ikipe ariko ikanga kumusinyisha kugeza asinyishijwe na Mukura VS imyaka ibiri. Kimwe na Iradukunda Elie Tatou, nubwo Rayon Sports yabajije ibye ariko uyu musore nubwo bishoboka, biragoye ukurikije amasezerano y’umwaka n’igice asigaranye gusa ngo ibyamwifuzwaho bitanzwe nawe ntabwo yakumirwa kuba yajya gukomereza akazi mu Nzove.

Uretse kuba ikibazo cyaba amafaranga yo kugura amasezerano basigaranye muri MukuraVS, ariko Iradukunda Elie Tatou na Joseph Sackey Rayon Sports ntabwo yari yakurayo amaso burundu kuko ngo ibiganiro bikirimo kandi biri no ku rwego rwiza.

Imurora Japhet yasinye amasezerano nk’ushinzwe ubuzima bwa buri munsi bw’ikipe y’Amagaju FC azafatanya no kuba umutoza wungirije

Kigali Today yamenye ko Imurora Japhet yasinye amasezerano nk’ushinzwe ubuzima bwa buri munsi bw’ikipe(Team Manager) ariko icyarimwe akazajya anakora inshingano zo kuba umutoza wungirije nk’uko byari bimeze muri Musanze FC.

Kugeza ubu Amagaju FC atari yabona umutoza mukuru mushya nyuma yo kwirukana Niyongabo Amars n’abungiriza be batanu ari gutozwa na Hakizimana Jean Baptiste wanatoje umukino batsinzwemo na APR FC igitego 1-0 ku wa 14 Mutarama 2026, mu gihe ariko azaba ari umutoza wongerera imbaraga abakinnyi, iyi kipe nimara kubona itsinda tekinike ryuzuye.

Amagaju FC yagiranye ibiganiro n’abatoza batandukanye barimo Afahmia Lotfi watoje Mukura VS na Rayon Sports, Umwongereza Callum Wilson nk’abavamo umutoza mukuru, gusa Kigali Today ikaba yamenye ko izi nshingano zishobora guhabwa Umunya-Tunisia witwa Mohamed mu gihe kandi iyi kipe yanaganiriye na Mateso Jean de Dieu nk’uwari kuba umutoza wungirije.

Imurora Japhet uri mu batoza bari kwigira kubona impamyabushobozi yo ku rwego rwa B mu gutoza, aho kuri uyu wa Mbere banakoze ikizamini cyo gushyira mu bikorwa ibyo bize cyabereye kuri Kigali Pele Stadium, agiye gukomereza akazi mu Amagaju FC yasoje igice kibanza cya shampiyona ari ku mwanya wa 17 mu makipe 18 n’amanota 12 mu mikino 17 yakinwe.

Byasabye ko habaho kungwa na FERWAFA kugira ngo Imurora Japhet atandukane na Musanze FC yashinje kutubahiriza amasezerano

Mbere yo gusinyira Amagaju FC Imurora Japhet yari umukozi w’ikipe ya Musanze FC wari ufite amasezerano yari kuzarangirana n’umwaka w’imikino wa 2026-2027, icyakora nubwo byari bimeze gutya uyu mugabo ntabwo yari akigaragara muri iyi kipe kuko kuva mu hashyirwaho ubuyobozi bushya bugashyiraho abatoza bashya bayobowe na Ruremesha Emmanuel yahise akurwa mu nshingano zo kuba umutoza wungirije, icyakora abanza gufasha iyi kipe mu kubona ibyangombwa by’abakinnyi hitegurwa umwaka w’imikino 2025-2026 nka zimwe mu nshingano yari afite mu kuba ushinzwe ubuzima bwa buri munsi bw’abakinnyi.

Mu ntangiriro z’umwaka w’imikino 2025-2026 ubuyobozi bw’ikipe ya Musanze FC bwafashe icyemezo guhindurira uyu mugabo inshingano agirwa ushinzwe amakipe y’abakiri bato. Ibi byakurikiwe no kuba iyi kipe yarasabye Imurora Japhet ko asinya andi masezerano mashya haherewe ku igeragezwa ry’amezi atandatu ariko ababwira ko adashobora gusinyira amasezerano ku yandi dore ko tariki 1 Nyakanga 2024 yari yasinye imyaka utatu.

Mu mpera z’Ugushyingo 2025, Musanze FC yasabwe ko basesa amasezerano ariko akabyanga cyangwa bakamwirukana ibyatumye ahubwo we abandikira ibaruwa ibibutsa ko batubahiriza amasezerano dore kuva muri Nyakanga 2025 umushahara we wari waragabanyijwemo kabiri atabimenyeshejwe.Nyuma yo kwandikira ibaruwa Musanze FC ayisaba kubahiriza amasezerano bafitanye yo mu gihe yo yamusabaga ko batandukana, iyi kipe ntabwo yigeze imusubiza, Imurora Japhet nawe afata icyemezo cyo gutanga ikirego mu kana gashyinzwe gukemura impaka mu Ishyirahamwe ry’Umupira w’Amagaru mu Rwanda.

Impande zombi zitabye tariki 9 Mutarama 2026, Akanama Gashinzwe gukemura impaka kagerageza kubunga, aho kabwiye Musanze FC yari ihagarariwe n’Umunyabanga Mukuru wayo Siradji ko itubahirije amasezerano bari bafitanye ndetse kuba barahinduriye umukozi inshingano bitavuze ko amasezerano yahindutse kuko guhinduka kwayo bigirwamo uruhare n’umukozi n’umukoresha kabasaba kugenda bakumvikana bakazagaha umwanzuro impande zombi zafashe.

Mu biganiro byahuje impande zombi zitashatse gusubira muri FERWAFA ahubwo zigahitamo kiganira ubwazo, Imurora Japhet na Musanze FC bumvikanye ko yishyurwa 1/2 cy’umushahara yakaswe mu mezi atandatu hagati ya Nyakanga n’Ukuboza 2025, agahembwa umushahara wuzuye w’ukwezi kwa Mutarama 2026 ndetse akanahabwa imperekeza z’amezi atatu.

Ni umukino watangiye ku isaha ya saa moya zuzuye muri BK Arena ugenda mu buryo bwari bwitezwe kuko Algeria iri mu makipe ahabwa amahirwe yo kwegukana igikombe. Igice cya mbere cy’uyu mukino witabiriwe n’abantu benshi cyarangiye ifite ibitego 23-10.

Iki gihugu gifite ibikombe birindwi cyakomeje koroherwa n’umukino ari nako u Rwanda rugorwa mu gice cya kabiri cyarangiye rutsinzemo ibitego 15 mu gihe Algeria yatsinzemo ibitego 23, ikanasoza umukino itsinze 46 kuri 25, itsinda umukino wa mbere kuko yari yabanje gutsindwa na Nigeria mu gihe u Rwanda rwo rwatsinze Zambia ku munsi wa mbere.

Mu yindi mikino yabaye, Cameroon yatsinze Kenya ibitego 28-24, Cape Verde itsinda Maroc 33-28, Gabon itsinda Uganda 33-16, Congo Brazzaville itsinda Benin 26-22, Misiri itsinda Angola 41-28, Nigeria itsinda Zambia 38-18 mu gihe Tunisia yatsinze Guinnea 35 kuri 25.

Kuri uyu wa Gatanu, amakipe yose uko ari 16 yitabiriye azaruhuka imikino ikazakomeza mu mpera z’iki cyumweru, ku wa Gatandatu no ku Cyumweru aho u Rwanda ruzakina na Nigeria mu mukino usoza itsinda rya mbere.

Ibi iyi kipe yabitangaje inyuze ku mbuga nkoranyambaga zayo aho yavuze yavuze ko Nshimirimana Ismael Pitchou utari ufite ikipe, myugariro w’ibumoso Udahemuka Jean de Dieu wakiniraga Gasogi United n’uwo hagati Isaac Eze wakiniraga AS Kigali ndetse na rutahizamu wayo Rudasingwa Prince ari abakinnyi bayo bashya.

Police FC isinyishije aba bakinnyi mu gihe yitegura igice cya kabiri cya shampiyona 2025-2026 nyuma yo gusoza imikino ibanza ifite amanota 34 mu mikino 17 yakinnye biyishyira ku mwanya wa kabiri.

Ni amasezerano yasinyiwe ku cyicaro cy’iyi kipe mu Mujyi wa Kigali aho umuyobozi wa Jayrutty Investment Limited ,Joseph Rwegasira yavuze ko izaha iyi kipe ikina Shampiyona y’Icyiciro cya Mbere mu Rwanda miliyari 1,453,000,000 ndetse n’ibikoresho birimo imyambaro.

Ati" Mu myaka itanu tuzashyiramo miliyoni y’amadolari mu mafaranga n’ibirenze iyo miliyoni mu bindi byose ikipe ikenere uhereye ku myambaro yo gukinana.Ntabwo ari ugutera inkunga bizaba ari imikoranire, ni ugufatana ikiganza, Gasogi United ikabona ibyo igombwa natwe tukabona ibyo tugombwa. Hari inyungu nyinshi zizavamo harimo amafaranga n’ibitari amafaranga."

Perezida w’ikipe ya Gasogi United, Kakooza Nkuriza Charles yavuze ko uyu muterankunga azabambika ndetse akanabaha ibikoresho byose kugeza no ku myenda y’abafana.

Ati"Dushingiye ku mateka ya Jayrutty Investiment Ltd, imyenda bazaduha bazatwambika guhera ku myenda, amasogisi kugeza ku nkweto zo gukinana ndetse abafana babibone ku giciro gito mu gihe bazanambika amakipe yacu y’abato."

Jayrutty Investment Limited isanzwe ikorana na Simba SC yo muri Tanzania aho mu myaka itanu bazakorana kuva 2025 kugeza 2030 basinye amasezerano afite agaciro ka miliyoni 17 z’amadolari.

umuyobozi wa Jayrutty Investment Limited ,Joseph Rwegasira yavuze ko izaha iyi kipe ikina Shampiyona y’Icyiciro cya Mbere mu Rwanda miliyari 1,453,000,000 ndetse n’ibikoresho birimo imyambaro

Perezida w’ikipe ya Gasogi United, Kakooza Nkuriza Charles yavuze ko uyu muterankunga azabambika ndetse akanabaha ibikoresho byose kugeza no ku myenda y’abafana

Uyu mukino wabanjirijwe n’ibirori byo gufungura iri rushanwa, byatangiye ku isaha ya saa moya z’ijoro ryafunguwe ku mugaragaro na Minisitiri wa Siporo Nellly Mukazayire wahaye ikaze ibihugu byose byitabiriye. Mu bagejeje ijambo ku bitabiriye ibi birori kandi harimo Perezida w’Ishyirahamwe ry’Umukino wa Handball mu Rwanda Twahirwa na Alfred na Perezida w’Impuzamashyirahamwe y’uyu mukino muri Afurika Dr. Mansourou Aremou mu gihe ibi birori byanasusurukijwe n’itorere Inganzongari.

Ni umukino utagoye ikipe y’u Rwanda cyane kuko yawutangiriye hejuru, byatumye iminota icumi ya mbere y’umukino irangira rufite ibitego 7-1. Ikipe ya Zambia yitwaye neza mu minota icumi yakurikyeho kuko yatsinzemo ibitego bine u Rwanda rugatsindamo bitanu byatumye umukino winjira mu minota icumi ya nyuma y’igice cya mbere ari ibitego 12-5.

Iminota icumi ya nyuma y’igice cya mbere u Rwanda rwongeye kuzamuka rutsindamo ibitego bitanu mu gihe Zambia yatsinzemo ibitego bitatu, byatumye igice cya mbere kigizwe n’iminota 30 kirangira ruyoboye umukino n’ibitego 17-8.Iminota icumi ya mbere y’igice cya kabiri yarangiye habonetsemo ibitego bitanu ku mpande zombi, birimo bitatu by’u Rwanda na bibiri bya Zambia, u Rwanda ruyoboye n’ibitego 20-10 mu gihe umukino wari usigaje iminota 20.

Zambia mu gice cya kabiri wabonaga ko yihagazeho ugereranyije nuko yatangiye umukino, yatumaga u Rwanda rudatsinda ibitego byinshi, kuko mu minota icumi yakurikiyeho rwatsinzemo ibitego bine iyi kipe nayo itsinze bine rukinjira mu minota icumi ya nyuma y’umukino rukiyoboye n’ibitego 24-14. Ibi ariko batandukanye n’iminota icumi ya nyuma y’umukino kuko u Rwanda rubifashinwe na Kayijamahe Yves cyane, rwayitsinzemo ibitego bitandatu Zambia igatsindindamo bitanu byatumye runegukana umukino wa mbere muri iki Gikombe cya Afurika rutsinze ibitego 30-19.

Mu yindi mikino yabaye ku munsi wa mbere w’iki Gikombe cya Afurika uyu ikipe ya Algeria iri mu zibahabwa amahirwe yo gutwara igikombe yatsinzwe na Nigeria ibitego 25-23, Misiri itsinda Gabon 36-25, Guinnea itsinda Kenya 36-27, Angola itsinda Uganda 37-21, Cape Verde itsinda Congo Brazzaville 34-28, Maroc itsinda Benin 52-28 mu gihe Tunisia yatsinze Cameroon 41-22.

Biteganyijwe ko kuri uyu wa Kane, u Rwanda rukina umukino wa kabiri aho rurahura na Algeria yatsinzwe na Nigeria mu mukino wa mbere.

Ni umukino, ikipe ya Rayon Sports yatangiye neza ndetse inagira igice cya mbere cyiza aho gutsinda yabitangiye hakiri kare dore ko ku munota wa munani yabonye igitego cya mbere cyatsinzwe na Tambwe Ngongo Gloire ahawe umupira na Vigninou. Ku munota wa 33 iyi kipe yari yagaruye rutahizamu Fall Ngagne wari umaze amezi 11 adakina kubera imvune, yabonye igitego cya kabiri cyatsinzwe na Faustin Likau, igice cya mbere kirangira ifite ibitego 2-0.

Mu ntangiriro z’igice cya kabiri, ikipe ya Al Merrikh SC yishyuye igitego cya mbere binyuze kuri Bachir Bangoura ku burangare bwab’inyuma ba Rayon Sports, ahita ashyira umupira mu izamu ryari ririnzwe na Mugisha Yves. Rutahizamu Fall Ngagne wari wongeye kubanza mu kibuga nyuma y’amezi 11 adakina akaba atabonye imipira myinshi yatuma atsinda igitego,yasimbuwe ku munota wa 62 w’umukino hinjira Sindi Jesus Paul.

Iminota 20 yakurikiyeho kugeza ku munota wa 70 w’umukino, ikipe ya Al Merrikh SC yakomeje gushaka uko yakwishyura ariko Rayon Sports nayo ishaka uko yatsinda ikindi gitego gusa muri iyi minota buri kipe nta buryo bukomeye bwari kuvamo igitego yabonye. Ikipe ya Al Merrikh SC ku munota wa 70 yasimbuje ikuramo Razafimaro ishyiramo Moise Mousa Camara. Ku munota wa 75 Ishimwe Fiston ysimbuye Joachim Vigninou ku ruhande rwa Rayon Sports, maze uyu musore wari winjiye mu kibuga akorerwaho ikosa hanze gato y’urubuga rw’amahina, ariko uburyo bwiza bwari bubonetse ntibwabyara umusaruro kuko Yannick Bangala wateye iyi kufura yayiteye hejuru y’izamu kure.

Ku munota wa 88, ikipe ya Al Merrikh SC yishyuye igitego cya kabiri n’ubundi ku burangare bwa ba myugariro ba Rayon Sports aho Mousa Moise Camara wari winjiye asimbura yatereye ishoti ku murongo w’urubuga rw’amahina, umunyezamu Mugisha Yves atashoboye gukuramo. Iminota 90 isanzwe yuzuye amakipe yombi anganya ibitego 2-2, bongeraho iminota ine Rayon Sports yabonyemo koroneri eshatu zikurikiranya ariko itashoboye kubonamo igitego cy’itsinzi kugeza umukino urangiye ari ibitego 2-2.

Ibi byemerejwe mu itangazo Ishyirahamwe ry’Umupira w’Amaguru mu Rwanda ryashyize hanze mu rukerera rwo kuri uyu wa Kabiri aho ryavuze hasanzwe iki gitego cyaranzwe hashingiwe ku cyemezo cyitaricyo aho Jabo Aristote yavuze ko habayeho kurarira.

Ryagize riti" Komisiyo y’imisifurire muri FERWAFA yateranye ku wa 19 Mutarama 2026 isuzuma imisifurire ku mukino wahuje APR FC na El Merrikh SC (umukino wabaye ku wa 18/01/2026) mu marushanwa ya Rwanda Premier League, yasanze ku munota wa 88’ w’umukino harabaye ikosa rikomeye ryakozwe n’umusifuzi wungirije wa kabiri (2nd assistant referee), aho igitego cya APR FC cyanzwe hashingiwe ku cyemezo kitari cyo cy’uko habaye kurarira."

FERWAFA yakomeze ivuga ko "Kubera iryo kosa, komisiyo y’imisifurire yafatiye umusifuzi ibihano bikurikira: Jabo Aristote ahagaritswe gusifura imikino ine (4).FERWAFA izakomeza guharanira ubutabera, ubunyangamugayo n’izamuka ry’ireme ry’imisifurire mu mupira w’amaguru mu Rwanda."

Iki gitego cyanzwe na Jabo Aristote cyari gitsinzwe na Dauda Yussif Seif ku mupira Ruboneka Jean Bosco yari amuhaye agaterera ishoti rikomeye hanze y’urubuga rw’amahina ariko umusifuzi avuga ko hari abakinnyi ba APR FC bari baraririye.

Itangazo rya FERWAFA

RGP yegukanye Rwanda Cue Kings Championship yakinwaga ku nshuro ya gatatu

Aya makipe yari agabanyije mu matsinda ane aho itsinda rya mbere ryari ririmo amakipe ane ryazamutsemo ikipe ya Drums yariyoboye, RGP yatwaye igikombe iyobora irya kabiri naryo ryari rigizwe n’amakipe ane, Snipers iyobora itsinda rya gatatu ryari rigizwe n’amakipe ane mu gihe Eza Breakers yayoboye itsinda rya kane ryari rigizwe n’amakipe atatu.

Mu mikino ya 1/2 cy’iri rushanwa ryakinwe hagati y’itariki 16 na 18 Mutarama 2026, ikipe RGP mbere yo kugera ku mukino wa nyuma yahatsindiye Drums, ku rundi ruhande isangwa ku mukino wa nyuma na
Eza Breakers yatsindiye Snipers muri 1/2. Kuri uyu mukino wa nyuma utari woroshye, RGP yahatsindiye Eza Breakers yegukana igikombe inahabwa igihembo cya miliyoni 1 Ftw mu gihe Eza Breakers ya kabiri yahawe ibihumbi 700 Frw naho Snipers yabaye iya gatatu itsinze Drums ihabwa ibihumbi 400 Frw.

Perezida w’Ishyirahamwe ry’Umukino wa Biyari mu Rwanda Shema Jean Claude yavuze ko "Twishimiye intambwe iri guterwa mu mikino wa Billiards mu Rwanda. Nyuma yo gutegura neza shampiyona ya gatatu ya Rwanda Cue Kings Championship, ahazaza hasa neza cyane, byongeye kandi ubu turi mu nzira yo kwandikisha ishyirahamwe mu buryo bwemewe n’amategeko, kandi muri iki gihe cy’impeshyi rizaba ryanditswe mu Rwego rw’Igihugu rw’Imiyoborere (RGB)."

Abarimo Perezida w’Ishyirahamwe ry’Umukino wa Biyari mu Rwanda Shema Jean Claude(Ubanza ibumoso) bari bakurikiye iyi mikino

Shampiyona ya Biyari mu Rwanda yakinwe bwa mbere muri Kamena 2025 yegukanwa n’ikipe ya Drums, yongera no kuyisubiza ubwo yakinwaga ku nshuro ya kabiri muri Nzeri 2025 mu gihe muri uyu mwaka, hari gutegurwa gahunda yagutse yo kuzenguruka intara zose z’igihugu hategurwa amarushanwa.

Uko amakipe yari agabanyije mu matsinda

Aba bakinnyi berekanywe nyuma y’uko Serumogo Ally atandukanye na Rayon Sports ku mugaragaro tariki 17 Mutarama 2026 nyuma y’imyaka ibiri n’igice ayikinira mu gihe Shaban Hussein Tshabalala we yaherukaga kugurishwa na Musanze FC tariki 11 Mutarama 2026 aho iyi kipe yamubonyemo miliyoni 11 Frw mu gihe we yahawe miliyoni 9 Frw.

Iyi kipe yatangaje ko Shaban Hussein Tshabalala yasinye amasezerano y’umwaka umwe mu gihe Serumogo Ally yayisinye amasezerano y’imyaka ibiri ayikinira, ibi byose bikaba byakoze aba bombi basoje gukora ikizamini cy’ubuzima.

Shaban Hussein Tshabalala ubwo yakorerwaga ikizimani cy’ubuzima

Serumogo Ally akorerwa ikizamini cy’ubuzima

Ibi Ishyirahamwe ry’Umupira w’Amagaru na Rwanda Premier League babikoze babinyujije mu itangaza bashyize hanze mu gitondo cyo kuri uyu wa Mbere, aho bavuze ko" Ubuyobozi bw’Ishyirahamwe ry’Umupira w’amaguru mu Rwanda (FERWAFA) bufatanyije n’ubwa Rwanda Premier League buramagana ibikorwa byaranze bamwe mu bafana ba APR FC nyuma y’umukino wahuje APR FC na Al-Merrikh SC kuri iki cyumweru, tariki ya 18/01/2026."

Iri tangazo rikomeza rivuga ko "Abo bafana bagaragaje kutishimira ibyemezo by’abasifuzi bituma bakora imyigaragambyo imbere y’icyicaro cya FERWAFA.Hari kandi abakoresheje imvugo n’ibikorwa bishobora guteza ubushyamirane no kubangamira ituze bya rubanda."

FERWAFA na Rwanda Premier League basoje bibutse abafana ko kutishimira ibyemezo by’abasifuzi bidakwiye kuba intandaro yo gushyamirana, ahubwo abakunzi b’umupira w’amaguru bose bakwiye gutegereza inzego zibifitiye ububasha zigafata ibyemezo ndetse ko nk’Abanyarwanda, umupira w’amaguru ukwiye gushimangira ubumwe n’ubworoherane, nta na rimwe ukwiye kuba impamvu y’ubushyamirane.

APR FC nayo yamaganye aba bafana inavuga ko iratanga ikirego

Binyuze mu butumwa yageneye abakuriye abafana, Umuyobozi w’Icyubahiro wa APR FC Gen Mubarak Muganga yabasabye kubwira abafana kwirinda kugwa mu mutego wo gusagarira abasifuzi ndetse ko ikipe iratanga ikirego.

Yagize ati "Bayobozi ba Fan Clubs, muraho n’abandi mwiriwe.Mukomere, numvise ko mukemanze imisifurire y’uyu munsi, ngo ndetse bamwe mu bafana ba APR F C bagaragaza imico itaranga Ikipe bafana/bakunda bajya gushaka gusagarira umusifuzi wo ku ruhande wanze igitego."

Yakomeje avuga ko "Ndagira ngo nsabe kandi nibutse abo bafana kutagwa mu mutego wo gukosa bakorera urugomo uwo musifuzi. Ubuyobozi bwa APR F C buratanga ikirego uwakosheje akurikiranwe n’amategeko. Nk’abayobozi, ubu butumwa mubugeze kuri bose ababirengaho babwirwe ko natwe ubwacu tuzabakurikirana bagahanwa. Ikipe ya APR F C n’Abafana barangwa n’Ikinyabufura."

Igitego cyateye abakunzi ba APR FC batishimira imisifurire cyatsinzwe na Dauda Yussif Seif ku munota wa 87 ariko umusifuzi wa kabiri w’igitambaro Jabo Aristote avuga ko habayemo kurarira.

Uyu mukino wa nyuma wabereye kuri Stade ya Prince Moulay Abdellah mu Mujyi wa Rabat aho Senegal yatwariyemo igikombe cya Afurika cyayo cya kabiri mu mateka.

Mu butumwa yanyujije ku rubuga rwa X Kagame yashimiye iyi kipe, hamwe na Morocco uburyo yateguye iri rushanwa.

Perezida Kagame yari kumwe n’Umunyamabanga wa Leta muri Minisiteri ya Siporo Rwego Ngarambe ndetse na Perezida w’Ishyirahamwe ry’Umupira w’Amaguru mu Rwanda(FERWAFA) Shema Ngoga Fabrice.

Senegal yegukanye Igikombe cya Afurika 2025, itsindiye Morocco ku mukino wa nyuma igitego 1-0 cyatsinzwe na Pape Gueye ku munota wa 94 ku mupira yahawe na Idrissa Gana Gueye.

Perezida Paul Kagame aganira n’abarimo Perezida wa FIFA Giani Infantino na Perezida wa CAF Patrice Motsepe

Senegal yegukanye Igikombe cya Afurika 2025 mu mukino wa nyuma warebwe na Perezida Paul Kagame

Senegal yegukanye Igikombe cya Afurika 2025

Ni umukino wari ukomeye unaryoheye ijisho, wasozaga iri rushanwa ryaberaga muri Maroc kuva tariki 21 Ukuboza 2025, ryasorejwe mu Mujyi wa Rabat. Ni umukino muri rusange wari wegeranye ku mpande zombi mu mikinire, igice cya mbere cyawo cyarangiye amakipe anganya 0-0, Senegal iteye amashoti ane yarimo abiri agana mu izamu mu gihe Morocco yateye amashoti atatu atarimo na rimwe ryaganaga mu izamu. Muri iki gice cya mbere ikipe ya Senegal yahushije uburyo bukomeye bwahushijwe na Ilimane Ndiaye arebana n’umunyezamu Yacine Bono wenyine ariko umupira uyu munyezamu awukuramo.

Igitego Ilimane Ndiaye yahushije areba n’umunyezamu Bono

Amakipe yombi mu gice cya kabiri yahushije uburyo bukomeye burimo ubwahushijwe na Siabari ku ruhande rwa Morocco nawe arebana n’umunyezamu Edouard Mendy ndetse n’ubundi bwahushijwe na Ayoub El Kaabi . Amakipe yose yakomeje kwerekana umukino mwiza cyane kugeza iminota 90 irangiye akinganya 0-0 hakongerwaho iminota umunani. Ku munota wa karindwi w’inyongera ikipe ya Maroc yabonye koroneri yatewe maze hemezwa hakemezwa ko bEl Hadji Malick Diouf akorera ikosa Brahim Diaz ubwo yamukururaga akagwa hasi mu rubuga rw’amahina.

Iri kosa ntabwo umusifuzi Jean Jacques Ndala yahise aribona byatumye hitabazwa ikoranabuhanga rya VAR bikarangira yemejwe. Iyi penalti yateje impaka kugeza abakinnyi ba Senegal bavuye mu kibuga banze ko itegwa, nyuma yo kubisabwa n’umutoza wabo umukino ukamara iminota 16 uhagaze.Nyuma y’ibiganiro byabaye aba bakinnyi ba Senagal bamwe bari bagiye no mu rwambariro,bigizwemo uruhare na Sadio Mane basabwe kugaruka mu kibuga penaliti iraterwa.

Brahim Diaz atereka penaliti yahushije

Iyi penalti yari yateje impagarara, igahagarika umukino iminota 16 yatewe mu buryo bubi budasanzwe na Brahim Diaz wateye agapira koroshye, umunyezamu Edouard Mendy ayikuramo mu buryo bumworoheye afata umupira akawugumana.

Edouard Mendy akuramo penaliti

Iminota isanzwe y’umukino yahise irangira hongerwaho indi 30. Ibintu byahindutse mu gace ka mbere k’iyi minota aho kuwa kane Idrissa Gana Gueye yahaye umupira Pape Gueye wateye ishoti mu izamu rya Morocco agatsinda igitego cya mbere cya Senagal cyasoje iminota 15 ya mbere y’inyongera ari igitego 1-0.

Uburyo Pape Gueye yatsinzemo igitego

Pape Gueye yishimira igitego cyahesheje Senegal Igikombe cya Afurika 2025

Mu gace ka kabiri kagizwe n’iminota 15 muri 30 y’inyongera ikipe ya Maroc yateyemo amashoti atandatu ishaka kwishyura ariko umunyezamu Edouard Mendy akuramo abiri mu gihe muri ane yatewe na Senegal nta na rimwe ryaganaga mu izamu.Iminota 120 yarangiye Senagal ikiyoboranye igitego 1-0 hongerwaho iminota itatu nayo yarangiye iki gihugu cyegukanye Igikombe cya Afurika ku nshuro ya kabiri nyuma kugitwara bwa mbere mu 2022.

Abakunzi ba Senegal

Abaturage mu Murwa mukuru wa Senagal, Dakar

Amarira y’ibyishimo kuri Sadio Mane

Sadio Mane yabaye umukinnyi kwiza w’irushanwa

Byari agahinda kuri Achraf Hakimi

Sadio Mane yakinaga igikombe cya Afurika ku nshuro ya nyuma nk’uko yabitangaje

Ibi Rayon Sports yabitangarije ku mbuga nkoranyambaga zayo aho yamushimiye ku myaka ibiri n’igice bari bamaranye.

Ati "Nyuma y’imyaka ibiri n’igice turashimira Ally Serumogo. Turamushimira ku bwitange bwe tunamwifuriza intsinzi mu rugendo rwe ruri imbere."

Ubwo uyu mukino shampiyona wari ugeze mu gice cya kabiri, Abafana ba Rayon Sports bumvikanye basaba ko Serumogo Ally asimbuzwa, bikorwa nyuma y’iminota micye asimburwa na Nshimiyimana Emmanuel Kabange . Serumogo Ally usanzwe asengera mu idini ya Islam mbere yo kuva mu kibuga yabanje kunama arasenga ubwo yari ageze ku murongo w’ikibuga.

Muri uyu muhuro wabaye kuri uyu wa 15 Mutarama 2026, aho Minisitiri wa Siporo yasabye abakinnyi ko bagomba kurangwa n’ishyaka, bakibuka ko bahagarariye Abanyarwanda bose kandi nabo biteguye kubashyigikira.

Ati “Ntabwo tugomba kuba abo kwakira gusa, tugomba kwakira neza tukanitwara neza tukaza mu ba mbere.Ni ishema kuba dushoboye kwakira iri rushanwa, dufite ikipe ikina ifite n’ubushobozi bwo kongera kwitabira igikombe nk’iki atari ukwitabira gusa kuko twakiriye."

Minisitiri wa Siporo yakomeje avuga ko umukino wa Handball ari umukino utanga icyizere kandi ko bagomba kuyishyigikira

Ati" Ni umukino dushyigikiye kandi ni siporo tubonamo ejo heza, iri muri siporo itwereka ko gutangirira mu batoya bishoboka, ikaba ishobora gutuma tugira icyizere. Iyo wabonye aho ufite amahirwe urushaho kuhashyira imbaraga, mu myaka itatu iri imbere, dushobora kuba turi mu bihugu bitatu bya mbere muri Afurika bishobora kwinjira mu gikombe cy’isi banabitsindiye."

Minisitiri wa Siporo yasabye abakinnyi ko batagomba gutahira kwakira gusa anababwira ko umukino wa Handball ushyigikiwe ndetse anabibutsa ko Abanyarwanda babari inyuma muri iri rushanwa

Minisitiri wa Siporo yijeje abakinnyi ko Abanyarwanda bose bari kumwe n’ikipe y’igihugu kandi bizeye ko abakinnyi bafite ubushobozi bwo kugaragaza ko igihugu gishoboye, ndetse banakora ibyo benshi batatekerezaga, ari naho hava kwerekana ishusho ya Siporo y’u Rwanda.

Ati" Gutsinda si impano gusa, ni ikiri ku mutima n’ikiri mu muntu, igihe cyose muhagaze muri kiriya kibuga ntimwibagirwe ko byose bigomba kurangwa n’indangagaciro no kuba mwambaye Ubunyarwanda. Tuzaba duhari n’Abanyarwanda twabashishikarije kuzaba bahari kandi batweretse ko bazaba bahari."

Kapiteni w’ikipe y’igihugu y’u Rwanda Kwisanga Peter yavuze ko yavuze abakinnyi bose bameze neza nta n’umwe ufite ikibazo kandi biteguye guhagararira neza igihugu muri iri rushanwa kandi ko intego ya mbere bihaye ari ukubanza kurenga imikino y’amatsinda bakaza mu makipe umunani ya mbere, nyuma bakazabona kwiha zindi ntego.

Kapiteni w’ikipe y’igihugu Kwisanga Peter

Tombola y’iki gikombe cya Afurika yabaye mu Ukwakira 2025, mu cyumba cy’inama cya Stade Amahoro yasize u Rwanda ruri mu itsinda rya mbere ruhuriyemo na Algeria, Nigeria na Zambia ari nayo bazakina umukino wa mbere mu gihe kuri uyu wa Gatanu, saa moya z’ijoro muri Petit Stade i Remera u Rwanda rurakina umukino wa nyuma wa gicuti uruhuza na Gabon yarutsinze mu mukino wa mbere, mu gihe ariko narwo rwatsinze Cameroon.

Minisitiri wa Siporo yakiriye Ikipe y’Igihugu ya Handball iri kwitegura Igikombe cya Afurika 2026 kizabera mu Rwanda

Abatoza b’ikipe y’igihugu y’u Rwanda ya Handball

Perezida w’Ishyirahamwe ry’Umukino wa Handball mu Rwanda Twahirwa Alfred

Kapiteni w’ikipe y’igihugu y’u Rwanda Kwisanga Peter yavuze ko biteguye kandi ko intego ya mbere ari ukugera mu makipe umunani ya mbere

Amakuru yizewe Kigali Today ifite ahamya ko iyi kipe iheruka gutandukana n’abatoza bose bayobowe na Niyongabo Amars, yagiranye ibiganiro n’abatoza barimo Umunya-Tunisia Afahmia Lotfi watoje Mukura VS na Rayon Sports aherukamo bakumvikana byose hakaba hasigaye gufata umwanzuro.

Undi mutoza ni Umwongereza Mark Harrison wayoje amakipe atandukanye yo muri Afurika aho bigaragara ko aheruka muri UD Songo yo muri Mozambique mu 2024 mu gihe mu makipe yatoje harimo na GorMahia yo muri Kenya.

Aba bose biyongeraho Umunyarwanda Mateso Jean de Dieu nawe ushobora guhabwa akazi mu ikipe y’Amagaju FC ariko we akazajyamo nk’umutoza wungirije aho azaba akorana n’uzatoranywa hagati ya Afahmia Lotfi na Mark Harrison cyangwa undi ushobora kuva muri Tunisia n’ubundi.

Amagaju FC yasoje imikino ibanza ya shampiyona atsindirwa na APR FC mu karere ka Muhanga igitego 1-0 ku wa 14 Mutarama 2026, aho yatojwe na Hakizimana Jean Baptiste ariko nawe wahawe akazi nk’uzaba ashinzwe kongerera imbaraga abakinnyi akazi yakoze no mu ikipe ya Mukura VS.

Amagaju FC kandi asoje igice kibanza cya shampiyona afite amanota 12 n’umwenda w’ibitego 17 mu mikino 17 yakinnye aho aya manota ayashyira ku mwanya wa 17 ubanziriza uwa nyuma uriho Etincelles FC.

Ibi Senegal yabigezeho binyuze mu mukino watangiye ku isaha ya saa moya z’ijoro ryo ku wa 14 Mutarama 2026, yitwayemo neza igatsinda Misiri igitego 1-0. Ni umukino igice cyawo cya mbere cyarangiye ari 0-0 ariko Sadio Mane ku munota wa 70 atsinda igitego cyiza ku ishoti yatereye inyuma y’urubuga rw’amahinda umunyezamu wa Misiri El Shenawy akanirwa gukuramo umupira.

Sadio Mane watsindiye Senegal

Uyu mukino wakurikiwe n’undi nawo wari uryoheye ijisho wabere mu Mujyi wa Rabat, aho ikipe ya Maroc yakiriye iri rushanwa yari yakiriye ikipe ya Nigeria. Ni umukino wari uryoheye ijisho ku mpande zombi mu mikinire ku bawurebye kuko amakipe yombi yari yegeranye dore ko iminota 120 yakinwe yose yarangiye Maroc yihariye umupira ku ijanisha rya 48.9 % mu gihe Nigeria yari ku ijanisha rya 51.1%.

Igice cya mbere cy’uyu mukino cyarangiye amakipe yombi anganya 0-0 buri kipe iteye ishoti rimwe rigana mu izamu, muri arindwi arindwi yakigaragayemo muri rusange yarimo atandatu ya Maroc na rimwe rya Nigeria. Igice cya kabiri cyagaragayemo amashoti atandatu muri rusange yarimo abiri ya Maroc yaganaga mu izamu, ariko iminota 90 yose isanzwe y’umukino irangira bikiri 0-0 hongerwaho iminota 30.

Iyi minota 30 ikinwa mu duce tubiri tugizwe n’iminota 15 Maroc yabonyemo amashoti atanu muri rusange arimo abiri yaganaga mu izamu mu gihe Nigeria yaherukaga rimwe ryo mu gice cya mbere ariko amakipe yombi akomeza kunganya 0-0 biba ngombwa ko hitabazwa za penaliti. Iyi mipira y’imipira y’imitekerekano yahiriye Maroc itsinda penaliti 4 kuri ebyiri za Nigeria.

Ku ruhande rwa Maroc, El Aynaoui, Ben Seghir, Achraf Hakimi na En-Nesyri binjije penaliti enye zayo iya Igamane ikurwamo n’umunyezamu Stanley Nwabari mu gihe Paul Onuachu na Dele-Bashiru batsinze iza Nigeria ariko izatewe na Samuel Chukwueze na Bruno Onyemaechi zigakurwamo n’umunyezamu Yacine Bono wagejeje Maroc ku mukino wa nyuma itsinze Nigeria kuri penaliti 4-2.

Morocco yasezereye Nigeria kuri penaliti 4-2

Umukino wa nyuma w’iri rushanwa ryatangiye tariki 21 Ukuboza 2025 uteganyijwe ku Cyumweru tariki 18 Mutarama 2026, saa tatu z’ijoro hagati ya Senegal na Maroc mu gihe ku wa Gatandatu tariki 17 Mutara 2026, saa kumi n’ebyiri z’umugoroba Nigeria na Misiri zizakinira umwanya wa gatatu.

Sadio Mane yabaye umukinnyi mwiza w’umukino

Sadio Mane yasezereye Mohamed Salah

Amakuru yizewe agera kuri Kigali Today ahamya ko abakinnyi ubwabo babwiye ubuyobozi ko batakifuza gutozwa na Masudi Djuma ndetse banabubwira ko" Muzahitamo umutoza cyangwa abakinnyi."

Uretse ibyifuzo by’abakinnyi gusa kandi, umusaruro w’uyu mutoza ntabwo umurengera kuko mu mikino 14 yayitoje kuva mu Ukwakira 2025, yatsinzemo umwe umwe anganya irindwi atsindwa itandatu aho yahesheje Etincelles FC amanota 10 kuri 42 yakiniye nyuma yo kuyisangana inota rimwe ku manota icyenda yari imaze gukinira mu mikino itatu.

Masudi Djuma yemejwe nk’umutoza wa Etincelles FC tariki 18 Ukwakira 2025 asinya amasezerano y’umwaka umwe ugomba kurangira mu Ukwakira 2026.

Ibi FERWAFA yabyemereje mu itangazo yashyize ahagaragara mu rukerera rwo kuri uyu wa Gatatu aho yavuze ko uyu mugabo atubahirije ibikubiye mu masezerano cyane cyane mu ngingo ya 17 agace kayo ka kabiri.

Yagize iti "Ishyirahamwe ry’Umupira w’Amaguru mu Rwanda (FERWAFA) riramenyesha abanyarwanda bose cyane cyane abakunzi b’umupira w’amaguru ko, bwana Adel Amrouche, yahagaritswe mu nshingano ze nk’umutoza mukuru w’ikipe y’igihugu y’abagabo.Iki cyemezo cyafashwe nyuma y’isesengura ryimbitse, nyuma haza gusangwa ko bwana Adel atubahirije amasezerano y’akazi nk’uko biteganywa mu ngingo ya 17.2 y’amasezerano y’umurimo."

FERWAFA yakomeje ivuga mbere yo gufata icyemezo cyo kumuhagarika, Adel Amrouche yahawe igihe gihagije cyo gukemura ibibazo.

Iti" Bwana Amrouche yahawe igihe gihagije cyo gukemura ibi bibazo mbere y’uko hafatwa iki cyemezo.Turamushimira ku bw’akazi yakoze kandi tumwifurije amahirwe masa muri gahunda ze zo mu bihe bizaza."

Imibare ntiyamuvugirga:

‎Kuva ageze mu ikipe y’ igihugu, Adel Amrouche agiye amaze gutoza imikino itandatu y’amarushanwa, aho yatsinzwemo ine, atsinda umwe anganya undi. Muri iyi mikino, yatsinzwe na Nigeria 2-0, anganya na Lesotho 1-1, atsindwa na Nigeria 1-0, atsinda Zimbabwe 1-0, atsindwa na Benin 1-0 i Kigali, ndetse asoza atsindwa na Afurika y’Epfo 3-0, aho yose yari imikino yo gushaka itike y’ igikombe cy’ Isi 2026.
‎
‎Adel kandi yakinnye imikino ibiri ya gicuti n’ikipe y’ Igihugu ya Algeria ya mbere, imutsinda ibitego 2-0, yongera gutsindwa nk’ibyo na Algeria ya CHAN nyuma y’ iminsi ine.
‎
‎Mu mikino yose hamwe umunani ikipe ya Adel Amrouche yinjijemo ibitego bibiri gusa naho atsindwamo 12 aho muri itandatu yo gushaka itike y’ igikombe cy’ Isi 2026, yatsinzemo ibitego bibiri, atsindwa umunani, bivuze ko ku manota 18 yashobokaga yabonyemo 4 gusa.
‎
‎Iyi mibare ntabwo yorohera Adel Amrouche iyo ishyizwe ku munzani ikagereranywa n’iy’uwo yasimbuye
‎Torsten Frank Spitler watoje Amavubi, kuva tariki ya 1 Ugushyingo 2023 kugeza tariki ya 31 Ukuboza 2025.
‎
‎Mu mikino itandatu ye ya mbere itarimo iya gicuti, Frank Spitler yatsinzemo ibiri, anganya itatu atsindwa umwe, byari bivuze ko yari afite amanota icyenda kuri 18. Uyu Mudage kandi yanganyije na Zimbabwe 0-0, atsinda Afurika y’Epfo 2-0, atsindwa na Benin 1-0, atsinda Lesotho 1-0, anganya na Libya 1-1 ananganya na Nigeria 0-0.

Adel Amrouche yari yagizwe umutoza mukuru w’Amavubi tariki 2 Werurwe 2025, aho yari asimbuye Umudage Frank Spittler wari umaze umwaka atoza u Rwanda kuva mu Ugushyingo 2023. Mu bihe bitandukanye‎
uyu Munya-Algeria inshuro nyinshi akaba yarumvikanaga avuga ko ari kubaka.

Adel Amrouche watozaga Amavubi yirukanwe

Itangazo Ishyirahamwe ry’Umupira w’Amagaru mu Rwanda ryashyize hanze ķu ihagarikwa rya Adel Amrouche watozaga Amavubi

Dr. Mugemana Charles ubwo yashimirwaga imyaka 30 yari amaze avura Rayon Sports

Inkuru y’itabaruka ry’uyu munyabigwi wari umaze imyaka 31 avura ikipe ya Rayon Sports yamenyekanye ku mugoroba ku wa 13 Mutarama 2026, aho yari amaze igihe kirekire arwaye.

Nyuma yo kujya mu bitaro, Dr Mugemana Charles yagiye asurwa n’abantu batandukanye bari mu muryango wa Siporo, aho tariki 22 Ukwakira 2026 yasuwe n’abakinnyi ba Rayon Sports mu Bitaro bya Kaminuza bya Kigali ’CHUK’ igasaba abakunzi bayo kumusengera.

Yagize iti" Ikipe ya Rayon Sports yasuye umunyabigwi Dr. Charles MUGEMANA, umaze imyaka 31 yitangira Gikundiro nk’umuganga wayo.Ubu ari kwitabwaho ku bitaro bya Kaminuza bya Kigali (CHUK).Turabasaba kumuzirikana mu masengesho no gukomeza kuba hafi y’umuryango we muri ibi bihe bitoroshye.Imana imukomeze, imuhe imbaraga."

Ubwo yaganiraga n’itangazamakuru rya Rayon Sports, Dr.Mugemana Charles yavuze ko uretse kuba umukozi wa Rayon Sports yari asanzwe ari n’umukunzi wayo.

Ati"Muri Rayon Sports nagezemo nk’umukozi mu 1995 ariko na mbere yaho nari nsanzwe ndi umukunzi wa Rayon Sports nta umukozi."

Uretse kumara igihe kirekire avura ikipe ya Rayon Sports, Dr.Mugemana Charles ni umubyeyi w’umuhanzikazi Mugemana Yvonne uzwi nka Queen Cha.

Dr.Mugemana Charles yitabye Imana azize uburwayi

Ubwo ikipe ya Rayon Sports yari yasuye Dr.Mugemana Charles mu bitaro bya CHUK

Ni icyemezo uyu mutoza yafashe kuri uyu wa Mbere, aho uyu rutahizamu ukomoka mu Burundi yahagaritswe icyumweru adakorana n’abandi imyitozo ndetse akazanasiba umukino wa shampiyona wa Al Hilal SC uzakinwa tariki 18 Mutarama 2026.

Bruno Ferry yafashe iki cyemezo nyuma y’uko ubwo Rayon Sports yari imaze kunyagirwa na APR FC ibitego 4-1 mu mukino wa FERWAFA Super Cup wakinwe tariki 10 Mutarama 2026, yavuze ko hari umwe mu myitwarire atishimiye irimo kudakinana n’abandi kandi ruhago ari ugushyira hamwe, arenzaho ko hari n’ibyemezo azafata.

Ati" Hari ibintu bicye ntakunze, tutakunze uyu mugoroba, hari imyitwarire nabonye itari iy’umukinnnyi w’umwuga ntigeze nkunda rero hari ibyemezo bimwe nzafata kuko ntashobora kuyemera.Iyo ukina ruhango, ni umukino wo gushyira hamwe ,bivuze ko ufite abo mufatanya bivuze ukinira ikipe, utikinira ku giti cyawe."

Ndikumana Asman niwe watsinze igitego kimwe rukumbi Rayon Sports yabonye muri bine yanyagiwemo n’ikipe ya APR FC ku mupira yahawe na Habimana Yves ku munota wa kabiri mu minota y’inyongera y’umukino.

Amakuru Kigali Today yemerewe n’ubuyobozi bw’iyi kipe ni uko uretse umutoza mukuru Niyongabo Amars wirukanwe, yanajyanye n’abungiriza be bose bafatanyaga barimo Nduwimana Pablo wari wungirije wa mbere , Peter Ismael wari umutoza wa kabiri wungirije, Hategekimana Abdallah wongereraga abakinnyi imbaraga ndetse na Hassan Djumaine watozaga abanyezamu.

Umutoza Niyongabo Amars yirukanwe yaburaga amezi atandatu ngo amasezerano ye arangire kuko yari kurangirana n’uyu mwaka w’imikino. Muri aya masezerano hari harimo ko yagombaga gusoza shampiyona ikipe iri ku mwanya wa gatanu ariko ubuyobozi bukaba bwabonye bidashoboka bitewe nuko ikipe ihagaze kugeza ubu.

Uyu mutoza kandi yari yasabwe kubaka ikipe y’abakinnyi beza ihatana ibyo atagezeho bijyanye n’umusaruro afite dore ko yahawe byose agahabwa uburenganzira bwo kwigurira abakinnyi. Nduwimana Pablo wari umutoza wungirije we yirukanwe hadashije igihe kinini ku masezerano kuko yasinye imyaka ibiri muri Kanama 2025 mu gihe kandi amaze iminsi yaravunitse atari no gutoza.

Amagaju FC yirukanye abatoza bose mu gihe yitegura kwakira APR FC mu mukino usoza imikino ibanza ya shampiyona uteganyijwe kubera i Muhanga kuri uyu wa Gatatu gusa ikaba iteganya ko uyu mukino uzatozwa n’umutoza wo mu ikipe y’abatoza ikazashaka umutoza mukuru mushya mu mikino yo kwishyura

Kugeza ubu Amagaju FC ari ku mwanya w 17 ubanziriza uwa nyuma n’amanota 12 mu mikino 16 amaze gukina.

Nubwo yavunitse Nduwimana Pablo ari mu batoza birukanwe n’Amagaju FC

Ni umukino woroheye Al Hilal SC kuko igice cya mbere cyawo cyarangiye ifite ibitego 4-0 byabimburiwe n’icyatsinzwe na Girumugisha Jean Claude ku munota wa 12. Ubwo iki gitego cyatsindwaga nyuma yacyo Kigali Pele Stadium yabuze umuriro ariko ugaruka nyuma y’iminota 12 umukino urakomeza. Ku munota wa 19 w’umukino Al Hilal SC yabonye igitego cya kabiri cyatsinzwe na Adama Coulibali ku munota wa 19, Emmanuel Flomo watsindaga igitego cye cya cumi muri shampiyona atsinda icya gatatu ku munota wa 23 mu gihe Ousmane Diouf yatsinze icya kane ku munota wa 29, igice cya mbere kirangira ari ibitego 4-0.

Amagaju FC yagaragazaga intege nke ari nako bimeze muri shampiyona yose muri rusange, yatsinzwe igitego cya gatanu ku munota wa 50 gitsinzwe nanone na Adama Coulibali, iyi kipe inatsindwa icya gatandatu ku munota wa 57 gitsinzwe na Girumugisha Jean Claude abasore bose batsindaga ibitego bibiri muri uyu mukino. Ku munota wa 66 Adama Coulibali yatsinze igitego cye cya gatatu mu mukino cyari icya karindwi muri rusange ku ikipe ya Al Hilal SC.

Adama Coulibali yashyizemo agashinguracu mu minota y’inyongera atsinda igitego cya munani cyari icya kane cye ku giti cye. Gutsinda uyu mukino byatumye Al Hilal SC igira amanota 29 mu mikino 13 imaze gukina mu gihe isigaje imikino ine kugira ngo isoze imikino ibanza ya shampiyona.

Ni umukinnyi watangiranye imbaraga n’uburyohe ku makipe yombi kuko mu minota 13 hari hinjiye ibitego bine byaranze igice cya mbere birimo bibiri bya FC Barcelona byatsinzwe na Raphinha wafunguye amazamu ku munota wa 36 mu gihe Robert Lewandowski yatsinze icya kabiri ku munota wa kabiri w’inyongera ku gice cya mbere mu gihe ku munota wa kane w’inyongera ku gice cya mbere Vinicius Jr yari yishyuriye Real Madrid naho Gonzalo Garcia agatsinda icya kabiri cyayo ku munota wa gatandatu w’inyongera ku gice cya mbere, igice cya mbere kirangira ari ibitego 2-2.

Mu gice cya kabiri, amakipe yombi yakomeje gusatirana anarema uburyo bw’ibitego ariko bihira FC Barcelona ku munota wa 73 ubwo Raphinha yatsindaga igitego cya gatatu atereye umupira inyuma y’urubuga rw’amahina ukajya mu izamu nubwo yari yananyereye.

Real Madrid yashyizemo abakinnyi barimo Kylian Mbappe wari wabanje hanze kubere imvune yari amaranye iminsi ari nako FC Barcelona ishyiramo abarimo Dani Olmo. Ku munota wa 87 kapiteni wa FC Barcelona Frankie de Jong yakoreye ikosa Kylian Mbappe wari umaze gucenga Lamine Yamal maze ahabwa ikarita y’umutuku,iyi kipe ikina iminota yari isigaye n’itanu yongereweho ari abakinnyi icumi.

Mu minota ya nyuma FC Barcelona yatabawe n’umunyezamu Joan Garcia akuramo imipira ibiri yakuriyemo ku murongo w’izamu yose irimo umutwe wa Raul Asencio ndetse n’ishoti ryatewe na Alvaro Carerras, umukino urangira ari ibitego 3-2 FC Barcelona yegukanye igikombe.

Ibi iyi kipe yabitangaje ibinyujije kuri X(Twitter) yayo aho yavuze ko yumvikanye na El Merriekh Bintiu yo muri Sudani y’Epfo ku igurwa ry’uyu mugabo wasinye umwaka umwe.

Yagize iti" Twumvikanye na El Merriekh Bintiu ku igurwa rya Shaban Hussein."

Amakuru yizewe agera kuri Kigali Today ni uko muri rusange Shaban Hussein Tshabalala yaguzwe miliyoni 20 Frw, Musanze FC yari asigajemo amezi atandatu igahabwamo 11 Frw mu gihe we ku giti cye yahawemo miliyoni 9 Frw mu gihe kandi ubwumvikane bw’amakipe yombi bwarangiye ku wa Mbere w’iki cyumweru tariki 5 Mutarama 2025.

Shaban Hussein Tshabalala umaze gutsinda ibitego 96 muri shampiyona y’u Rwanda kuva yahagera mu 2016 agahera mu ikipe y’Amagaju FC kandi muri El Merriekh Bintiu azajya ahembwa ibihumbi 3 by’amadolari ku kwezi angana na miliyoni 4,376,058 Frw.

Shaban Hussein Tshabalala yakiniye umukino wa nyuma Musanze FC kuri iki Cyumweru ubwo yatsindaga Marine FC ibitego 3-1 yanatsinzemo bibiri akaba yasezeweho anashimirwa n’ubuyobozi mu musangiro wabaye mu ijoro ryo kuri uyu munsi.

Ni umukino waryoheye abakunzi ba ruhago bari bari kuri Kigali Pele Stadium cyane cyane mu mikinire y’amakipe ku mpande zombi kuko nubwo yanganyije ariko yerekanye umukino mwiza.

Ku munota wa 27, Iradukunda Elie Tatou wa Mukura VS yazamukanye umupira ku ruhande rw’iburyo yihuta ariko ashatse kwinjira mu rubuga rw’amahina baramuzibira umupira Al Merrikh SC iwushyira muri koruneri. Uyu mupira watewe neza maze ukorwaho n’abakinnyi mu kavuyo kenshi kabereye imbere y’izamu kugeza Joseph Sackey awushyize mu izamu ryari ririnzwe na Ladji Brahima agafungurira Mukura VS amazamu atsinda igitego cya mbere.

Ibyishimo bya Mukura VS ariko ntabwo byamaze kabiri kuko nyuma y’iminota itatu, ku munota wa 30 w’umukino Al Merrikh SC yishyuye igitego nyuma y’uko myugariro Ishimwe Abdoul ashatse kuwukinira mu kirere akawutera nabi ahubwo ugasanga Gilles Razafimaro wari inyuma ye mu rubuga rw’amahina wahise aroba n’umutwe umunyezamu we Ssebwato Nicholas wari uhagaze imbere cyane kuko yari azi ko myugariro we arawukina neza.

Igice cya mbere cyitaranzwe n’uburyo bwinshi bwabyara ibitego cyarangiye amakipe yombi anganyije igitego 1-1. Mukura VS yatangiye igice cya kabiri isimbuza ikuramo Irumva Justin yinjiza Samuel Pimpong wagiye gutanga umusanzu ibumoso aho uyu musore yasimbuye yakinaga. Kugeza ku munota wa 70 amakipe yombi yari yakomeje gushaka uko yatsinda igitego cya kabiri aho nko ku munota wa 68 Al Merrikh SC yahushije uburyo bukomeye kuri kufura yatewe na Aboubakar Bangula ariko umunyezamu Ssebwato Nicholas agatabara umupira awushyira muri koruneri.

Ku munota wa 77, Mukura VS yakoze impinduka ikuramo Iradukunda Elie Tatou na wasimbuwe na Destin Malanda mu gihe Jordan Ndimbumba wavunitse yasimbuwe na Nisingizwe Christian. Ku munota wa 82 Mukura VS yahushije uburyo bukomeye ubwo rutahizamu Boateng Mensah yacengaga anyura mu bantu maze yitegeye izamu hanze gato y’urubuga rw’amahina agatera ishoti rikomeye ariko ryafashwe neza n’umunyezamu Ladji Brahima.

Iminota ya nyuma y’uyu mukino yaranzwe no gukomeza gusatirana kw’amakipe yombi mu mukino wose yakinnye umukino wegeranye ariko 90 isanzwe ndetse n’ine y’inyongera irangira anganyije igitego 1-1, aho Mukura VS yujuje imikino itanu idatsindwa kuko yatsinzemo ine(4) ikanganya umwe ikaba iri ku mwanya wa gatandatu n’amanota 26 mu gihe Al Merrikh SC yo yatsinzemo itatu ikanganya ibiri ikaba iri ku mwanya wa gatatu n’amanota 30.

Al Merrikh isigaje imikino itatu ngo isoze igice cya mbere cya shampiyona izakurikizaho umukino uzayihuza na APR FC tariki 17 Mutarama 2025 kuri Stade Amahoro mu gihe Mukura VS yo isigaje umukino umwe izakina na Rayon Sports tariki 24 Mutarama 2025 mu Karere ka Muhanga.

Ni imikino ibiri y’amakipe yo muri Sudani ari gukina Shampiyona y’Icyiciro cya Mbere mu Rwanda 2025-2026, yabanjirijwe na Al Hilal SC yakiriye Etincelles FC ku isaha ya saa cyenda zuzuye. Iyi kipe yanafunguye amazamu hakiri kare kuko ku munota wa 17 Kindness Cole yatsindiye Al Hilal igitego cya mbere cyanasoje igice cya mbere ari 1-0.

Mu gice cya kabiri, Al Hilal SC yabonye igitego cya kabiri cyatsinzwe na Emmanuel Flomo ku munota wa 69 wanatsindaga igitego cya cyenda kimuhesha kuyobobora abamaze gutsinda byinshi. Etincelles FC yananiwe gutsinda igitego na kimwe muri bibiri yatsinzwe, isoza iminota 90 ndetse n’inyongera itsinzwe ibitego 2-0.

Ku isaha ya saa kumi n’ebyiri n’igice, ikipe ya Al-Merrikh yakiriye Police FC ikomeje kuyobora shampiyona, ndetse iyi kipe ya Polisi y’u Rwanda ininjira mu mukino hakiri kare itsinda igitego cya mbere ku munota wa kabiri gitsinzwe na rutahizamu Ani Elijah. Amakipe yombi yakomeje kwerekana umupira mwiza ariko igice cya mbere kirangira Police FC ikiyoboye n’igitego 1-0.

Nyuma yo guhererekanya umupira neza akawutanga bakawumucomekera mu rubuga rw’amahina, ku munota wa 52 Obino Chisala yatsindiye Al-Merrikh SC igitego cyo kwishyura, amakipe yombi akomeza guhusha uburyo butandukanye burimo nk’umupira w’umuterekano umunyezamu Rukundo Onesime wa Police FC yakuyemo, bituma umukino urangira amakipe yombi anganyije 1-1.

Ikipe ya Police FC imaze gukina imikino 16 iri ku mwanya wa mbere n’amanora 33 ,ikurikirwa na APR FC ifite amanota 29 izigamye ibitego icumi mu gihe Al-Merrikh SC iri ku mwanya wa gatatu n’amanota 29 izigamye ibitego umunani.

Iyi kipe yari yakomeje gutanga ibimenyetso byo kwegukana iri siganwa, yabikoze ku wa 5 Ukuboza 2025 ubwo yegukanaga agace ka gatanu karisozaga kangana n’ibilometero 77 na metero 300 ku butumburuke bwa metero 1392 aho kahagurukiye Nemba mu karere ka Gakenke kagasorezwa Shyorongi mu karere ka Rulindo.

Aba bagabo begukanye aka gace bakoresheje amasaha abiri n’iminota 51 n’amasegonda 20 gahita kuzuza aka gatatu batwaye muri dutanu twakinwe muri irushanwa tungana n’ibilometero 245 muri rusange, basiganwe bakoresheje amasaha icumi n’iminota itatu n’amasegonda 41. Iyi kipe yabaye iya mbere yakurikiwe n’ikipe igizwe na Lukas Baum na Daniel Kiptala barushijwe iminota 12 n’amasegonda 37 bari banegukanye n’umwanya wa kabiri mu gace ka nyuma.

Mu bagore, iri siganwa ry’amagare yo mu misozi 2025 ryegukanywe n’ikipe ya BeMC-Ndabaga igizwe na Ntakirutimana Martha wari uri gufatanya n’Umuholandikazi Elodie Kuijper nyuma yo gukoresha amasaha 13 n’iminota 34 n’amasegonda 14 mu gihe mu bakina bafatanyije (Umugore n’umugabo) irushanwa ryegukanywe n’Abanya-Afurkka y’Epfo Bianca Haw wafatanya na Wade Young bakoresheje amasaha 12 n’iminota 12 n’amasegonda 56.

Ku nshuro ya gatanu iri rushanwa ryakinwaga, Daniel Gathof na Bart Classens baryegukanyemo inshuro ebyiri kuko bari banaritwaye mu 2023 aho iry’uyu mwka ryatangiye tariki 1 Ukuboza 2025.

Ni agace kareshyaga na kilometero 52 na metero 900 kakiniwe ku butumburuke bwa metero 883, aho kahagurukiye ku Kigo cy’Iterambere ry’Umukino w’Amagare mu Kinigi mu Karere ka Musanze kerekeza i Burera ku nkengero z’Ibiyaga bya Burera na Ruhondo bituma aka kanahabwa izina rya ’Twin Lakes’ cyangwa Ibiyaga by’Impanga.

Iyi kipe igizwe n’Umudage, Daniel Gathof ukina afatanyije n’Umuholandi, Bart Classens yagatwaye ikoresheje amasaha abiri n’iminota itanu n’amasegonda 26.Kwegukana aka gace kuri iyi kipe byazamuye amahirwe yo gutwara iri siganwa banatwaye mu 2023 kuko kiyongereye ku ka mbere batwaye ku munsi wa kabiri kavaga Nyirangarama mu Karere Rulindo kerekeza i Musanze.

Umwanya wa kabiri muri iki cyiciro cy’abagabo bakina bafatanyije, wegukanywe n’lkipe ya Amani igizwe na Lukas Baum na Dan Kiptala, bakoresheje amasaha abiri n’iminota umunani n’amasegonda 37 mu gihe ku mwanya wa gatatu haje ikipe y’Abanya-Zambia, Levy Pyele na Ernest Mazabuka bitabiriye iri siganwa bwa mbere.

Mu cy’abagore bakina bafatanyije aka gace ka gatatu kegukanywe n’ubundi n’ikipe y’Umunyarwandakazi Martha Ntakirutimana, ukina afatanyije n’Umuholandikazi Elodie Kuijper, bakoresheje amasaha atatu n’iminota itatu n’amasegonda 46 kaba aka gatatu begukanye kuko kuva isiganwa ryatangira ku wa Mbere w’iki Cyumweru batwaye uruce twose.

Mu cyiciro cyo gufatanya hagati y’umugabo n’umugore, agace ka gatatu kiri siganwa ry’amagare yo mu misozi 2025 kegukanywe n’Abanya-Afurika y’Epfo, Bianca Haw ufatanya na Wade Young, nabo banatwaye tubiri twa mbere aho uyu munsi bakoresheje amasaha abiri n’iminota 32 n’amasegonda 14 bakurikirwa n’Abanya-Espagne, Oscar Pujol na Mude Rodriguez bakoresheje amasaba abiri n’iminita 45 n’amasegonda 21 mu gihe umwanya wa gatatu wegukanywe n’ikipe y’Umunya-Espagne n’ubundi Roberto Barreros Huertos ufatanya n’Umutaliyanikazi, Danila Fumero.

Mu bakina ku giti cyabo Umwongereza Thomas Nærland wari wegukanye agace ka kabiri yanegukanye aka gatatu, akoresheje amasaha abiri iminota 18 n’amasegonda 18 akurikirwa n’Umunyarwanda bahanganya Jackson Nkurikiyinka yasize amasegonda atatu gusa mu gihe umwanya wa gatatu wegukanywe n’Umubiligi Wim Wijnen, wakoresheje amasaha abiri n’iminota 28 n’amasegonda icyenda.

Iri siganwa ry’amagare rikinirwa mu misozi riri gukinwa ku nshuro ya gatanu, kuva tariki 1 Ukuboza 2025 aho biteganyijwe ko rizarangira ku wa Gatanu, tariki 5 Ukuboza 2025 mu gihe kuri uyu wa Kane rirakomeza hakinwa agace kitiriwe Ibirunga kazakinirwa mu gace gasanzwe gakoreshwa mu muhango wo Kwita Izina Abana b’Ingagi ku ntera y’ibilometero 29 na metero 800, ku butumburuke bwa Metero 514, biteganyijwe ko abasiganwa bahaguruka saa tatu n’iminota 45 za mu gitondo.

Reba ibindi muri iyi video:

Aka gace kahagurukiye kuri Nyirangarama mu karere ka Rulindo saa tatu n’igice za mu gitondo, aba bagabo bakegukanye bakoresheje amasaha atatu,iminota 13 n’amasegonda 56 nyuma yo kugera ku Kigo cy’Iterambere ry’Umukino w’Amagare mu karere ka Musanze aho kasorejwe, saa sita n’iminota 44 z’amanywa ari aba mbere.

Iyi kipe yakurikiwe n’ikipe ya Amani igizwe n’Umudage Lukas Baum ndetse n’Umunya-Kenya Dan Kiptala basizwe iminota 13 n’amasegonda 40 mu gihe Banzi Bukhari na Louis Van Zeeland bari gufatanya mu ikipe ya TCLA1 baje ku mwanya wa gatatu basizwe na ba mbere iminota 20 n’amasegonda 57.

Mu cyiciro cy’abagore ikipe ya BeMC-Ndabaga igizwe n’Umunyarwandakazi Ntakirutimana Martha n’Umuholandikazi Elodie Kuijper yari yegukanye agace ka mbere yongeye gutwara aka kabiri uyu munsi aho yakoresheje amasaha ane n’iminota 26 n’amasegonda 56 mu gihe mu bakina bavanze abagabo n’abagore, ikipe igizwe n’Umunya-Afurika y’Epfokazi Bianca Haw na Wade Young yongeye kwisubiza aka gace nk’uko yari yabikoze mu ka mbere, aho kuri uyu wa Kabiri yakoresheje amasaha ane n’iminota itanu n’amasegonda 21.

Mu cyiciro cy’abagore ikipe igizwe n’Umunyarwandakazi Ntakirutimana Martha yari yegukanye agace ka mbere yongeye gutwara aka kabiri

Kuri uyu wa Gatatu, isiganwa rirakomeza hakinwa agace ka gatatu kangana n’intera y’ibilometero 52,9 ku butumburuke bwa matero 883 aho karahagurukira ku Kigo cy’Iterambere ry’Umukino w’Amagare mu Kinigi saa tatu n’igice za mu gitondo kagasorezwa mu Mujyi wa Musanze.

Mu bakina bavanze Bianca Haw na Wade Young bongeye gutwara agace ka kabiri

Ikipe ya BeMC- Ndabaga irimo Ntakirutimana Martha (Uri iburyo) yegukanye agace ka kabiri muri iri siganwa ry’amagare yo mu misozi

Ni irushanwa ryabaye tariki 29 kugeza 31 Ugushyingo 2025,byumwihariko ribera ku bibuga bya ISF Nyamasheke, ryitabirwa na ES Kigoma, GSFA Kibogora, ADEGI-Gituza, TTC De La Salle mu bahungu, na Kiziguro SS, ISF Nyamasheke, ES Nyamagabe na GS Gihundwe mu bakobwa, aho ku munsi wa mbere hakinwe imikino y’amajonjora, buri kigo gihura n’ikindi.

Nyuma yaho hakozwe urutonde rw’uko amakipe akurikirana maze amakipe ya mbere muri buri cyiciro ahurira ku mukino wa nyuma wakinwe ku Cyumweru. Mu bahungu ES Kigoma yegukanye umwanya wa mbere, itsinze ku mukino wa nyuma ikipe ya TTC de la Salle ibitego 23 kuri 19, mu gihe mu bakobwa, ishuri rya Kiziguro SS ari ryo ryegukanye umwanya wa mbere nyuma yo gutsinda ishuri rya ESC Nyamagabe ibitego 26 kuri 19.

Nyuma y’iyi mikino yari igamije kuzamura impano z’abakiri bato mu mukino wa Handball mu Rwanda ndetse no gutoranya abakinnyi bazitabira imikino mpuzamahanga iri mu minsi iri imbere, hatoranyijwe abana 14 bitwaye neza mu bahungu na 14 mu bakobwa.

Gahunda y’Isonga igiye kwagurwa

Dr Clairon Niyonsenga ushinzwe imishinga muri Minisiteri ya Siporo mu Rwanda ndetse irimo n’uyu mushinga w’Isonga, wahereye ku mikino itandatu ari yo Football, Handball, Volleyball, Basketball, gusiganwa ku magare (Cycling) ndetse n’imikino ngororamubiri (Athletics), bikorerwa mu bigo 17, harijwe hamwe abana 599, yashimye umusaruro watangiye kuboneka bivuye muri iyi gahunda y’Isonga aho abana bamwe batangiye kwifashishwa mu makipe y’igihugu ndetse no mashuri yigisha umupira

Yagize ati “Muri Handball ikipe y’abatarengeje imyaka 17 yitabiriye amarushanwa mu gihugu cya Uganda, nka 90% bari bavuye mu Isonga, iyo urebye no mikino ya FEASSSA usanga harimo benshi b’Isonga, nka Bayern Munchen Academy na Tony Football Academy harimo abana bavuye mu Isonga, byose ni ibiduha icyizere ko mu gihe kizaza nidukomeza kwita ku bana tuzajya tubasha gutanga abana benshi bafasha abana mu makipe y’igihugu y’abakiri bato”

Dr Clairon Niyonsenga ushinzwe imishinga muri Minisiteri ya Siporo mu Rwanda ndetse irimo n’uyu mushinga w’Isonga yavuze bishimira umusaruro watangiye kuboneka bivuye muri gahunda y’Isonga aho abana bamwe batangiye kwifashishwa mu makipe y’igihugu ndetse no mashuri yigisha umupira

Mu gice cya kabiri y’uyu mushinga uzamara imyaka ine, ibigo biziyongera bibe 42 aho abanyeshuri bakorana bazaba ari 2227, hakaniyongeramo imikino y’abafaite ubumuga ari yo Sitting Volleyball na Goal Ball, naho umubare w’abakobwa nawo ukazamuka ukava kuri 42% ukagera kuri 51%.Hateganyijwe kandi kuvugurura no kubaka ibibuga, gutanga ibikoresho, amahugurwa ku batoza n’abasifuzi, no guhuriza abana hamwe mu biruhuko bagakora umwiherero urimo n’amarushanwa.

Mu gice cya mbere hubatswe ndetse hanasanwa ibibuga 14, mu gihe mu gice cya kabiri cy’uyu mushinga hazakoreshwa ibibuga bishyashya 63 biri ku rwego rwiza, aho nko mu mupira w’amaguru hazakorwa ibibuga biriho ubwatsi bw’ubukorano.

Perezida w’Ishyirahamwe ry’Umukino wa Handball mu Rwanda, Twahirwa Alfred ari mu bitabiriye iyi mikino

Umunyarwanda Bukhari Banzi n’Umuholandi Louis van Zeeland

Aka gace kahagurukiye Fazenda Sengha ku isaha ya saa tatu n’igice za mu gitondo kari kagizwe n’ibilometero 8,8 mu bagabo iyi kipe ya TCLA1 igizwe n’Umunyarwanda Bukhari Banzi n’Umuholando Louis van Zeeland yakoresheje iminota 26 n’amasegonda 26.

Muri iki cyiciro cy’abagabo umwanya wa kabiri wegukanywe n’ikipe ya SURF Pro igizwe n’Umudage Daniel Gathof n’Umuholandi Bart Classens begukanye isiganwa mu 2023 aho uyu munsi basizwe amasegonda 19 mu gihe ikipe ya Team Amani igizwe n’Umudage kandi Lukas Baum n’Umunya-Kenya Dan Kiptala yasizwe amasegonda 21 ikegukana umwanya wa gatatu.

Mu bagore ikipe ya BeMC-Ndabaga igizwe n’Umunyarwandakazi Ntakirutimana Martha n’Umuholandikazi Elodie Kuijper niyo yegukanye agace ka mbere muri iri siganwa ry’amagare yo mu misozi aho aho bakoresheje iminota 36 n’amasegonda 42.

Ikipe ya BeMC-Ndabaga igizwe n’Umunyarwandakazi Ntakirutimana Martha n’Umuholandikazi Elodie Kuijper niyo yegukanye agace ka mbere

Mu cyiciro cy’amakipe avanze(Umugabo n’Umugore) aka gace ka mbere kegukanywe n’ikipe igizwe n’Umunya-Afurika y’Epfokazi Bianca Haw na Wade Young bakoresheje iminota 32 n’amasegonda 42.

Agace ka kabiri, karakinwa kuri uyu wa Kabiri kiswe Buranga, kuva saa tatu n’iminota 30 za mu gitondo aho abasiganwa barahagurukira kuri Nyirangarama mu karere ka Rulindo basiganwa ibilometero 76,1 bazasoreza ku kigo cy’umukino w’Amagare mu karere ka Musanze.

Iri rushanwa ririgukinwa ku nshuro gatanu biteganyijwe ko rizasozwa ku wa Gatanu tariki 5 Ukuboza 2025 hakinwa agace ka nyuma.

Iri rushanwa rigiye kuba ku nshuro ya gatanu muri rusange rizatangirira mu Mujyi wa Kigali aho kuri uyu wa Mbere, abasigwanwa 85 bazasiganwa ibilometero 8,8 bahagurukiye Fazenda ari naho bazasoreza akaba ari naho bazasoreza mbere yo kwerekeza mu Majyaruguru hazakinirwa uduce tune muri dutanu turigize.

Umuyobozi w’isiganwa Simon De Schutter yavuze ko bamaze kugera ku ntego yo gutuma u Rwanda rumenyekana nk’igihugu cy’amagare yo mu misozi nk’imwe mu zo batangiranye.

Ati"Dutangira Rwandan Epic twari dufite intego ebyiri zikomeye. Iya mbere kwari kugira ngo Isi imenye u Rwanda nk’igihugu cy’amagare ariko bitari ibyo gusa ahubwo nk’igihugu cy’amagare yo mu misozi kandi twavuga ko ibyo twabigezeho kuko abantu bava mu bihugu bitandukanye ku Isi bishimira ko u Rwanda ari igihugu cy’amagare yo mu misozi."

Abasiganwa 85 baturutse mu bihugu 16 barimo Abanyarwanda 18 nibo baratangira isiganwa kuri uyu wa Mbere saa yine n’igice za mu gitondo aho agace ka mbere ’Mont Kigali’ kangana n’ibilometero 8,8 kakagira ubuhaname bwa metero 259 karakinirwa mu Mujyi wa Kigali gahagurukiye kuri Fazenda Sengha ari naho karasorezwa mu gihe ku wa Kabiri bazasiganwa agace ka kabiri ’Mont Kabuye’ kuva saa tatu n’igice za mu gitondo aho abasiganwa bazahagurukira kuri Nyirangarama bagasoreza kuri ARCC aho kagizwe n’intera y’ibilometero 76,1 n’ubuhaname bwa metero 1846.

Visi Perezida wa mbere w’Ishyirahamwe ry’Umukino w’Amagare mu Rwanda Bigango Valentin avuga ko bafatanyije n’izindi nzego bireba batangiye kubona ko ari rushanwa ryagirira akamaro igihugu cyane bityo bagiye kuryitaho bakarifasha gukomera bafatanya n’abaritangije.

Ati" Ni irushanwa twatangiye kubona ko rishobora kutugirira akamaro cyane, rigiye kuba ku nshuro ya gatanu ariko mu nshuro ntabwo twari turimo cyane, gusa uyu mwaka turirimo kuko dufite amahirwe y’uko Rwandan Epic yatangiye nubwo tutari turimo cyane, kandi ubu turayishyikiye."

Bigango Valentin yakomeje avuga ko bari gufatanya n’amakipe mu gushyira imbaraga muri iki gice cyo gusiganwa ku magare yo mu misozi, ndetse bakanashyira mu kumenyekanisha iri rushanwa.

Ati" Twatekereje ko hamwe n’amakipe tugomba kuzamura amagare yo mu misozi, kandi tugomba no gutera inkunga Rwandan Epic tuyifasha kumenyekana ,tukayifasha gukomera ikagenda izamuka kuko ahantu igeze ishobora kuba Mpuzamahanga mu myaka itatu ikaba yanagera kuri Tour du Rwanda."

Agace ka gatatu ’Twin Lakes’ kangana na kilometero 52,9 n’ubuhaname bwa metero 883 kazakinwa ku wa 3 Ukuboza 2025 kuva saa tatu n’igice za mu gitondo abasiganwa bahagarukire kuri ARCC basoreze mu Mujyi wa Musanze mu gihe ku wa 4 Ukuboza 2025 bazakina agace ka kane kitiriwe ibirunga ’Volcanoes’ kuva saa tatu n’iminota 45 za mu gitondo aho bazasiganwa kilometero 29,8 ku buhaname bwa metero 514 baharukire Kwita Izina mu Kinigi ari naho bazasoreza.

Iri siganwa rizazozwa ku wa Gatanu, tariki 5 Ukuboza 2025 hakinwa agace ka gatanu kiswe ’ Buranga’ kazahaguruka saa tatu zuzuye za mu gitondo, aho abasiganwa bazahagurukira Nemba bagasoreza Shyorongi basiganwe kilometero 77,3 ku buhaname bwa metero 1392.

Abitabiriye bazarushanwa mu byiciro bitatu birimo amakipe y’abagabo aho Ababiligi Pierre de Froidmont na Axel Baumans aribo begukanye isiganwa mu 2024, amakipe y’abavanze (umugabo n’umugore) aho mu 2024 ikipe y’Abanya-Espagne ya Oscar Pujol na Mude Rodriguez, ariyo yegukanye isiganwa ndetse no mu makipe y’abagore aho mu 2024 ryegukanywe n’ikipe yari igizwe n’Umunyarwandakazi Ntakirutimana Martha wafatanyaga n’Umubiligikazi Siska Marrécau.

Umuyobozi w’isiganwa Simon De Schutter yavuze ko bamaze kugera ku ntego yo gutuma u Rwanda rumenyekana nk’igihugu cy’amagare yo mu misozi

Visi Perezida wa mbere w’Ishyirahamwe ry’Umukino w’Amagare mu Rwanda Bigango Valentin avuga ko bafatanyije n’izindi nzego bireba batangiye kubona ko ari rushanwa ryagirira akamaro igihugu cyane bityo bagiye kuryitaho bakarifasha gukomera bafatanya n’abaritangije

Isiganwa ry’amagare yo mu misozi rigiye kuba ku nshuro ya gatanu

Isiganwa ry’amagare yo mu misozi rigiye kuba ku nshuro ya gatanu

Ni umukino wabereye kuri Kigali Pele Stadium utangira ku isaha ya saa cyenda zuzuye, urangwa no gukina nabi kwa Rayon Sports yujuje imikino itatu idatsinda. Iyi kipe yari yagaruye Ganijuru Elie wakinaga ibumoso mu mukino we wa mbere muri uyu mwaka, yatsinzwe igitego cya mbere ku munota wa 62 gitsinzwe na Rubuguza Jean Pierre afungurira amazamu Gicumbi FC yakinnye neza nkuko imaze iminsi ibikora.

Rayon Sports mu gice cya kabiri yakoze impinduka ikinjiza rutahizamu Ndikumana Asoumani, uri gukira imvune kuko ari umukino wa kabiri agaragayemo kuva yagaruka, yishyuye igitego cyatsinzwe n’uyu Murundi n’umutwe ku munota wa 85 nyuma ya kufura yari iterewe iburyo na Tonny Kitoga. Iki gitego cyatsinzwe umunyezamu wa Gicumbi FC Agape nawe winjiye asimbura Ahishakiye Hertier wavunitse, avuga ko yakorewe ikosa na Sindi Jesus Paul wamusunitse ariko umusifuzi yemeza ko nta kosa ryabayeho, umukino urangira amakipe yombi anganyije 1-1.

Rayon Sports yujuje itatu idatsinda, dore ko yatsinzwemo ibiri, ikanganya umwe aho mu mikino icyenda ifite amanota 14 ku mwanya wa gatanu mu gihe Gicumbi FC nayo yujuje imikino ine idatsinda aho yanganyije ibiri igatsindwa ibiri, mu mikino icyenda ikaba ifitemo amanota icyenda ku mwanya wa 12.

Mu yindi mikino yakinwe Gasogi United yatsindiye Amagaju FC i Huye igitego 1-0, AS Muhanga itsinda Rutsiro FC 1-0 mu gihe kuri iki Cyumweru, Police FC izakira Musanze FC kuri Kigali Pele Stadium saa cyenda naho saa kumi nebyiri n’igice z’umugoroba Al Merrikh ikahakirira Gorilla FC.

Ni umukino watangiye ku isaha ya saa kumi nebyiri z’umugoroba, APR FC yaherukaga gutsinda Marine FC bigoranye mu mukino w’ikirarane ibitego 2-1, ifungura amazamu ku munota wa 41 ku gitego cyatsinzwe na Ruboneka Jean Bosco kuri kufura yateye, umunyezamu Niyonkuru Pascal wa AS Kigali nubwo bateye aho yari ahagaze ntashobore gukuramo umupira, igice cya mbere kinarangira ari 1-0.

Mu gice cya kabiri, AS Kigali yakinnye bitandukanye nuko yari imeze mu gice cya mbere maze ku munota wa 48 Ndayishimiye Didier ayishyurira igitego ku mupira wari uturutse ku ruhande rw’ibumoso. Amakipe yombi yakomeje gushaka igitego cy’itsinzi ari nako akora impinduka aho APR FC yinjijemo Djibril Ouattara, Mugisha Gilbert na Mamadou Sy arko umukino urangira ari igitego 1-1.

Kunganya uyu mukino byatumye APR FC igira amanota 15 mu mikino umunani imaze gukina ayisyira ku mwanya wa kabiri mu gihe ifite undi umwe w’ikirarane mu ghe kandi ikomeje no kwibazwaho kuko mikino itanu ya shampiyona iheruka gukina, yatsinzemo ibiri, inganya ibiri itsindamo umwe.

Ku rundi ruhande, AS Kigali yanganyije na APR FC mu gihe yaherukaga gutsinda Rayon Sports ibitego 2-0, bituma kugeza ubu iri ku mwanya wa 11 n’amanota icyenda.

Ibi byatangajwe n’ikipe ya Rayon Sports ibinyujije ku mbugankoranyambaga zayo aho yavuze ko uyu musore yagize imvune munsi y’ikirenge ndetse akaba ari kuvurwa, bizatuma amara ibyumweru bitatu adakina.

Bigirimana Abedi aheruka mu kibuga tariki 8 Ugushyingo 2025 ubwo Rayon Sports yatsindwaga na APR FC 3-0, asiba umukino n’ubundi iyi kipe yatsinzwemo na AS Kigali 2-0 tariki 23 Ugushyingo 2025.

Iyi myanzuro ikubiye mu ibaruruwa uyu mugabo ukomoka mu Burundi yandikiwe n’ubuyobozi bw’ikipe tariki 25 Ugushyingo 2025 nyuma y’uko, ku wa Mbere w’iki Cyumweru asimbujwe mu mukino Kiyovu Sports yatsinzwemo na Al Merreikh 2-0, ntabyishimire agakubita igitambaro cyo kuyobora bagenzi be hasi, ibyo yari akoze ku nshuro ya kabiri yikurikiranya.

Muri iyi baruwa yasinyweho na Perezida Nkurunziza David bavuze babwiye Cedric Amiss ko "Ubuyobozi bwa Kiyovu Sports Club bukwandikiye yi baruwa bugira ngo bukumenyeshe ko buguhagaritse imikino ibiri ku mpamvu z’amakosa yakugaragayeho.Bwana Amiss Cedric, dushingiye kumyifatire odakwiriye wagaragaje, ku wa 21 Ugushingo 2025 ubwo ikipe ubereye kapiteni yakinaga na Gasogi United ndetse no ku wa 24 ugushyingo 2025 mu mukino ikipe ya Kiyovu Sports Club yakiraga Al Marrikh, ubwo wafashe igitambaro kiranga umuyobozi uyoboye abandi mu kibuga (Brassard) ukayijugunya hasi imbere y’umutoza, buyobozi bw’ikipe ndetse n’abafana.

Dushingiye kandi ko imyitwarire nk’iyo idakwiriye umuyobozi, byumwhariko umukinnyi w’umunyamwuga nkawe, tukwandikiye tukumenyeshako guhera uyu munsi utakaje icyizere wagiriwe nk’umuyobozi uyobora abandi mu kibuga bityo ukaba utakiri kapiteni wa Kiyovu Sports Club ndetse ukaba uhagaritswe imikino ibiri (2) ikurikirana. Ibyo kandi ntibikuraho ko ugomba gukora imyitozo nkuko biri mu masezerano y’akazi ufitanye na Kiyovu Sports Club."

Ubwo yabazwaga kuri myitwarire ya Amiss Cedric, nyuma y’umukino wa Al-Merrikh, umutoza Haringingo Francis yar8 yavuze ko bizaganirwabo bigakumirirwa imbere mu ikipe.

Kiyovu Sports iritegura umukinnyi w’umunsi wa cyenda wa shampiyona izakirwamo na Gorilla FC kuri uyu wa Kane, saa kumi nimwe z’umugoroba kuri Kigali Pele Stadium.

Ibaruwa yandikiwe Amiss Cedric

KIYOVU SPORTS CLUB

Kigali ku wa 25 Ugushyingo 2025

N/Ref: 0117/2025

Bwana Amiss Cedric

Impamvu: Guhagarikwa imikino ibiri

Bwana Amiss Cedric,

Ubuyobozi bwa Kiyovu Sports Club bukwandikiye yi baruwa bugira ngo bukumenyeshe ko buguhagaritse imikino ibiri ku mpamvu z’amakosa yakugaragayeho.

Bwana Amiss Cedric, dushingiye kumyifatire idakwiriye wagaragaje, ku wa 21 Ugushingo 2025 ubwo ikipe ubereye kapiteni yakinaga na Gasogi United ndetse no ku wa 24 ugushyingo 2025 mu mukino ikipe ya Kiyovu Sports Club yakiraga Al Marrikh, ubwo wafashe igitambaro kiranga umuyobozi uyoboye abandi mukibuga (Brassard) ukayijugunya hasi imbere y’umutoza, ubuyobozi bw’ikipe ndetse n’abafana, dushingiye kandi ko imyitwarire nkiyo idakwiriye umuyobozi nkawe, byumwhariko umukinnyi wumunyamwuga.

Tukwandikiye tukumenyesha ko guhera uyu munsi utakaje icyizere wagiriwe nk’umuyobozi uyobora abandi mukibuga bityo ukaba utakiri kapiteni wa Kiyovu Sports Club ndetse ukaba uhagaritswe imikino ibiri (2) ikurikirana.

Ibyo kandi ntibikuraho ko ugomba gukora imyitozo nkuko biri mu masezerano y’akazi ufitanye na Kiyovu Sports Club.

Ugire amahoro.

Murakoze mugire amahoro y’lmana.

NKURUNZIZA David

Perezida wa Association Kiyovu Sports

FERWAFA

Kigali Today yamenye ko uyu mwanzuro wafatiwe mu nama yahuje inzego zitandukanye z’ubuyobozi zirimo Minisiteri ya Siporo yabaye ku mugobora wo kuri uyu wa Kabiri, igafatirwamo umwanzuro wo gusesa inzego zose z’umuryango wa Rayon Sports zatowe tariki 16 Ugushyingo 2024, hagashyirwaho inzibacyuho iyobowe na Murenzi Abdallah.

Uretse Murenzi Abdallah uyoboye iyi nzibacyuho izayobora amezi atatu hanategurwa amatora, azaba ari gukorana kandi na Gakwaya Olivier wabereye Rayon Sports Umunyamabanga Mukuru igihe kinini, Akayezu Josée na Musabyimana Jean Baptiste ndetse na Me Nubumwe Jean Bosco.

Ibi kandi byanemejwe n’itangazo ryasinzweho na Paul Muvunyi wari Umuyobozi w’Inama y’Ubutegetsi ndetse na Twagirayezu wari Perezida aho rivuga ko inzego zose zashesheshwe inzibacyuho igahabwa amezi atatu yo kuvugurura amategeko ndetse no gushyiraho umurongo w’imiyoborere.

Ibi byose bibaye mu gihe hari hamaze igihe ukutumvikana hagati y’inzego z’umuryango wa Rayon Sports cyane cyane bitewe n’icyuho kiri mu mategeko dore ko mu Ugushyingo 2024 haba amatora, uyu muryango wari utari wabona amategeko shingiro awugenga mu gihe ibi byatumaga buri wese atamenya inshingano afite naho zirangirira.

Itangazo rihagarika inzego zose za Rayon Sports rigashyiraho inzibacyuho y’amezi atatu:

RAYON SPORTS ASSOCIATION

Created in 1965, with the Ministerial Order No 72/01of25.05.1968

ITANGAZO RIGENEWE ABANYAMAKURU

None kuwa 25/11/2025, ku cyicaro cy Urwego rw’lgihugu rw’Imiyoborere (RGB), hateranye inama yahuje Uwego rw’Igihugu rw’Imiyoborere n’abagize inzego z’ubuyobozi bw’Umuryango Association Rayon Sports arizo:

Inama y ’Ubutegetsi

Komite Nyobozi

Komite Ngenzuzi

Akanama gashinzwe gukemura amakimbirane

Inama yemeje ko inzego zose zari ziyoboye Umuryango Association Rayon Sports zihagaze zikaba zisimbuwe na Komite y’agateganyo igizwe na:

Bwana MURENZI Abdallah (Umuyobozi)

Bwana MUSABYIMANA Jean Baptiste

Bwana GAKWAYA Olivier

Madamu AKAYEZU Josée

Me NUBUMWE Jean Bosco

Komite y’agategaryo ihawe igihe cy’amezi 3, ikaba ishinzwe kuvugurura amategeko y’Umuryango, inzego zawo no gushyiraho umurongo w’imiyoborere y’Umuryango.

lyi Komite y’agateganyo itangiye imirimo yayo gubera kuri uyu wa 25/11/2025.

Bikorewe Kigali kuwa 25/11/2025

MUVUNYI Paul

Umuyobozi w’Inama y’Ubutegetsi

TWAGIRAYEZU Thadee Umuyobozi wa Komite Nyobozi

Ryasinzwe na Thaddée na Paul Muvunyi.

Mu ibaruwa yanditse yandikiye Abanyamuryango bose ba AS Kigali yavuze ko hari Abanyamuryango bacye cyane bahuye mu buryo butemewe n’amategeko tariki 23 Ugushyingo 2025 bagatangaza ko bashyizeho ubuyobozi bwa AS Kigali.

Ati" Banyamuryango ba AS Kigali,tubandikiye tubamenyesha ko hari Abanyamuryango bacye cyane bahuye mu buryo butemewe n’amategeko tariki 23 Ugushyingo 2025 batangaza ko bashyizeho ubuyobozi bwa AS Kigali."

Muri iyi baruwa yakomeje avuga ko ubwo buyobozi bwishyizeho bidakurikije amategeko kandi ko byamenyeshejwe Urwego rw’Igihugu rw’Imiyoborere ndetse Abanyamuryango badakwiriye kurangazwa nabwo.

Ati" Turamenyesha abanyamuryango bose ko ubwo buyobozi bwishyizeho binyuranyije n’amategeko butemewe kandi ko mutagomba kurangazwa nabo bantu, byamenyeshejwe RGB Urwego rw’Igihugu rw’Imiyoborere izabishakira igisubizo vuba."

Dr Rubagumya Emmanuel kandi yavuze ko banategenya gutumira Inama y’Inteko Rusange nyuma yo gusesengura ibibazo by’icungamutungo byagaragaye mu ikipe no gukora ubugenzuzi aho bazageza ku Banyamuryango raporo nyuma yaho bakabona gutora abagize inzego zose z’umuryango wa AS Kigali mu buryo bwubahirije amategeko.

Dr Rubagumya yari yatowe ari Visi Perezida mu matora yo muri Kanama 2024, aho yari yungirije Perezida Shema Ngoga Fabrice nyuma watorewe kuba Perezida w’Ishyirahamwe ry’Umupira w’Amaguru mu Rwanda muri Kanama 2025 agasigara ari umuyobozi w’agateganyo.

Ni umukino watangiye ku isaha ya saa kumi nebyiri, bigaragara ko amakipe yombi yafunganye akinira hagati mu kibuga. Ibi byatumaga uburyo butaba bwinshi kuri buri ruhande ariko mu mikinire nta kipe irusha indi bidasanzwe.

Abakinnyi nka Dauda Ba wanahembwe nkuwitwaye neza kurusha abandi mu mukino,Aboubacar Bachir Bangoura ni bamwe mu bigaragaje cyane mu gihe Kiyovu Sports yari yakoze impinduka Nsanzimfura Keddy yabanje hanze, umukinnyi nka Uwineza Rene wanyuraga imbere iburyo ari mu bagerageje mu gice cya mbere nubwo bitatanze umusaruro igice cya mbere cyikarangira amakipe anganya 0-0.

Mu gice cya mbere n’ubundi, umukino wakomeje kuba ufunze maze kubera iyi mimerere yatumaga babura aho bamenera, ku munota wa 69 Duada Ba ubwo yari hanze y’urubuga rw’amahina afata icyemezo atera umupira ukomeye umunyezamu wa Kiyovu Sports James atashoboye gukuramo, ukavamo igitego cya mbere.

Kiyovu Sports yakoze impinduka nkaho yazanyemo Nsanzimfura Keddy watangiye gutera amashoti ya kure amenyereweho ndetse n’imipira y’imiterekano ariko itagize icyo itanga.

Ku munota wa 87 Mohamed Teya Abudegen wari winjiye asimbuye ku munota wa 69, ari mu rubuga rw’amahina yakiriye umupira wari uvuye ibumoso anawutunganya neza kugeza awuteye mu izamu ba myugariro ba Kiyovu Sports batawumukuyeho atsinda igitego cya kabiri cya Al-Merrikh, ari nacyo cyasoje umukino iyi kipe itsinze Kiyovu Sports ibitego 2-0.

Kiyovu Sports itsinzwe uyu mukino nyuma y’uko ku wa Gatanu yari yatsinzwe na Gasogi United 1-0 mu gihe ku wa Gatanu w’iki cyumweru izakina na Gorilla FC naho Al-Merrikh ikabaza izagaruka mu kibuga tariki 27 Ugushyingo 2025, yakirwa na Bugesera FC.

Rindiro Jean Chrysostome yatorewe mu Nama y’Inteko Rusange idasanzwe yateraniye ku biro by’umujyi wa Kigali aho yari irimo igikorwa cyo gutora abayobozi bashya ba AS Kigali nu myaka ine iri imbere.

Ku mwanya wa Visi Perezida wa mbere hatowe Anne-Lise Alida Kankindi, Fabrice Habanabakize yatorewe kuba Umunyamabanga Mukuru, Chantal Habiyakare agirwa Umubitsi, Jonathan Harindintwari aba Umujyanama mu bya Tekinike mu gihe Yves Sangano ari Umujyanama mu mategeko.

Kuva Shema Ngoga Fabrice yatorerwa kuyobora FERWAFA tariki 30 Kanama 2025, Dr. Rubagumya Emmanuel niwe wari uyoboye AS Kigali by’agateganyo mu gihe Rindiro Jean Chrysostome watorewe kuba Perezida mushya yari asanzwe muri Komite Ngenguzi kuva mu 2020 ubwo haherukaga gukorwa amatora.

Ni umukino watangiye hamaze guhita imvura yaguye iminota micye mu karere ka Musanze, utangirana imbaraga zidasanzwe kuri Musanze FC yari mu rugo ndetse ubona ko inamenyereye ikibuga cyayo.

Iyi kipe wabonaga ko yiteguye neza haba mu mutwe no mu mikinire, nyuma yo gutanga ibimenyetso ku munota wa gatandatu yafunguye amazamu ku gitego cyatsinzwe na Mutsinzi Charles yakiriye umupira mu rubuga rw’amahina. Iyi kipe yakomeje gukina umupira mwiza cyane maze ku munota wa 19 ibona igitego cya kabiri ku mupira wavuye muri koruneri maze Shaban Hussein Tshabalala azamuka ku kirere umupira awushyira mu izamu n’umutwe.

Ubwugarizi bwa APR FC bwari bwahindutse kuko bwarimo Nshimiyimana Yunusu na Aliou Soune , bwakomeje kugorwa na Musanze FC, yanakinaga neza hahagati mu kibuga harimo Ntijyinama Patrick, Bizimungu Omar na Mutsinzi Charles mu gihe iburyo imbere hakinaga Lethabo ibumoso hari Katembo Lubila hataha izamu Shaban Hussein Tshabalala.

Ikipe ya APR FC yatangiye igorwa n’ikibuga cyane cyane gushyira umupira hasi yari yakoze impinduka zirimo Aliou Souane wasimbuye Clement Niyigena mu mutima w’ubwugarizi, Mugisha Gilbert wari wabanje ibumoso imbere mu gihe hagati bari abakinnye itsinda Rayon Sports 3-0 barimo Ssekiganda Ronald, Dauda Yussif na Ruboneka Jean Bosco. Uretse ishoti rikomeye rya Mugisha Gilbert ryakuwemo n’umunyezamu Nsabimana Jean de Dieu ku munota wa 16 nta bundi buryo bukomeye iyi kipe yateje ubwugarizi bwa Mukengere Christian na Yvan Dikoume, Nkurunziza Felicien na Murangamirwa Serge.

Ikipe ya Musanze FC ku munota wa 39 yongeye gukoresha umupira w’umuterekano itsinda igitego cya gatatu kuri koruneri yatewe maze Bizimungu Omar akajya mu kirere byamufashije gutereka umupira mu izamu n’umutwe akongera guhagurutsa abakunzi ba Musanze FC. Ibyari biri kuba byari bikomeje gutungura abakunzi ba ruhago, ariko amakipe yombi ajya kuruhuka Musanze FC ifite ibitego 3-0.

Igice cya kabiri cyatangiye APR FC ishaka kwishyura gusa itiharira umupira cyane nubwo kuko Musanze FC yakomeje urwego yasorejeho igice cya mbere inakomeza gukinira cyane mu kirere. Ku munota wa 55 APR FC yahushije uburyo bukomeye ubwo Fitina Omborenga yateraga umupira mu izamu, umunyezamu Nsabimana Jean de Dieu akongera kurokora ikipe ye awushyira muri koruneri. Nubwo yari itangiye igice cya kabiri itarusha Musanze FC cyane ariko iminota myinshi y’iki gice APR FC yari hejuru. Abafana ba Musanze FC bari basazwe n’ibyishimo batangiye kuririmba indirimbo zirimo Murera iririmbirwa Rayon Sports gusa n’itsinda ryayirirmbaga rikaba ryarimo abakunzi b’iyi kipe ihangana na APR FC.

APR FC yari yakomeje gukomanga, ku munota wa 61 yabonye igitego cya mbere nyuma y’uko Mugisha Gilbert ateye umupira mu ruga rw’amahina maze kubera imiterere y’ikibuga ndetse n’imvura yaguyemo ba myugariro ba Musanze FC bakawuhusha. Uyu mupira wageze kuri Murangamirwa Serge wakinaga inyuma ibumoso awushyira mu izamu rye yitsinda igitego. Ku munota wa 69 Musanze FC yasimbuje Tuyisenge Pacifique ajyamo havamo Katembo Lubila ku ruhande rwa wakinaga imbere ibumoso. Ku munota wa 72 Mugisha Gilbert yasimbuwe na Hakim Kiwanuka naho ku wa 79 Hakizimana Thity asimbura Lethabo Mathaba wavunitse ku ruhande rwa Musanze FC.

Umukino winjiye mu minota icumi ya nyuma, APR FC ikigerageza gushaka igitego cya kabiri ari nako abarimo Shaban Hussein Tshabalala bakomeza gushakira Musanze FC ikindi. APR FC yakibatanze ku munota wa 87 ubwo William Togui yatsindaga igitego cya kabiri ku ishoti rigendera hasi yatereye mu rubuga rw’amahina ahawe umupira na Ronald Ssekiganda. Abakunzi ba APR FC muri Stade Ubworoherane bakomeje kugira ikizere ko bakwishyura dore ko ikipe yabo yari yashyize ku gitutu Musanze FC. Ku rundi ruhande abakunzi ba Musanze FC ndetse nabari bayishyigikiye bahise bagabanya gufana kuko babonaga ko byose bishoboka.

Iminota 90 yuzuye hongerwaho irindwi, ariko abakunzi ba Musanze FC bagaragaje ko ari myinshi. Iyi minota yakinwe APR FC igishyira ku gitutu Musanze FC maze ku munota wa gatatu w’inyongera APR FC inahusha uburyo bw’igitego bwabazwe ubwo Ronald Ssekiganda ari mu rubuga rw’amahina yateraga ishoti mu izamu, umunyezamu Nsabimana Jean de Dieu akarikuramo umupira ukajya mu kirere. Uyu mupira ariko ntiwavuye hafi y’izamu dore ko wamanutse ushaka kwinjiramo ariko uyu munyezamu yongera kuwukuramo awushyira muri koruneri. Iyi koruneri yatewe maze uyu umunyezamu wanahembwe nk’umukinnyi mwiza w’umukino yongera gutabara Musanze FC nanone akuramo uyu mupira waganaga mu izamu.

Iminota irindwi y’inyongera yarangiye Musanze FC itsinze APR FC ibitego 3-2, ibyo ikoze ku nshuro ya gatatu mu mateka yayo itsinda iyi kipe ifite ibikombe byinshi bya shampiyona mu Rwanda aho yabiherukaga tariki 16 Gashyantare 2022 ubwo n’ubundi yayitsindiraga kuri Stade Ubworoherane igitego 1-0 muri shampiyona.

Nyagatare yegukanye igikombe cya Goalball

Ni Umunsi NPC Rwanda yizihije ku bufatanye na UNICEF Rwanda na NCDA, mu gikorwa cyabereye Nyubako y’Imikino y’Abafite Ubumuga iri kuri Stade Amahoro Remera. Ni igikorwa cyitabiriwe n’abana bafite ubumuga baturutse mu turere twa Gasabo, Huye, Nyagatare na Rubavu aho basabanye bakina imikino itandukanye banegukanyemo ibikombe.

Mu mukino wa Goalball, ikipe ya Nyagatare yegukanye igikombe itsinze ikipe ya Rubavu ibitego 10-0 mu gihe mu mukino wa Boccia ikipe ya Huye ariyo yegukanye igikombe itsinze Gasabo amanota 7-3.

Huye yegukanye igikombe muri Boccia

Kwizihiza uyu munsi Mpuzamahanga muri NPC Rwanda byitabiriwe n’abantu batandukanye barimo Umuyobozi Mukuru w’Agateganyo ushinzwe Iterambere ry’Imikino muri Minisiteri ya Siporo Uwayo Fabrice mu ijambo rye wavuze ko siporo ari iy’abana bose barimo n’abafite ubumuga. Umuyobozi wa NPC Rwanda Dominique Bizimana, Umuyobozi uhagarariye UNICEF mu Rwanda Dominic Muntanga, ndetse n’Umuyobozi Mukuru w’Ikigo cy’Igihugu Gishinzwe Iterambere ry’Abana (NCDA) Ingabire Assumpta.

Uyu mwaka Insanganyamatsiko y’uyu Munsi Mpuzamahanga w’Umwana igira iti “Uburenganzira bwanjye, igihe cyose".

Umuyobozi uhagarariye UNICEF mu Rwanda Dominic Muntanga

Umuyobozi wa NPC Rwanda Dominique Bizimana

Umuyobozi Mukuru w’Agateganyo ushinzwe Iterambere ry’Imikino muri Minisiteri ya Siporo Uwayo Fabrice

Umuyobozi Mukuru w’Ikigo cy’Igihugu Gishinzwe Iterambere ry’Abana (NCDA) Ingabire Assumpta

Ibi byabereye mu Nama ya Komite Nyobozi ya CAF yateraniye i Rabat muri Maroc aho ku murongo w’ibyigwa hari hariho ingingo yo guha uruhushya aya makipe kugira ngo akine Shampiyona y’Icyiciro cya Mbere mu Rwanda 2025-2026, nk’uko byanemejwe mu itangazo Ishyirahamwe ry’Umupira w’Amaguru mu Rwanda ryashyize hanze

Ryagize riti" Inama ya Komite Nyobozi ya CAF yateranye uyu munsi, yemeje ko amakipe yo muri Sudani Al Hilal Omdruman NA Al-Merrikh azakina muri Rwanda Premier League mu maaka w’imikino 2025/2026. Murakoze."

Aya makipe abiri amaze igihe ageze mu Rwanda aho yari akomeje imyiteguro, mu gihe yari agitegereje uruhushya rw’Impuzamashyirahamwe y’Umupira w’Amaguru muri Afurika dore ko imbere mu gihugu ho yari yamaze kwemererwa.

Al Hilal SC izatangira ikina na Police FC mu gihe Al-Merrikh SC I zatanguranwaga na Bugesera FC

Ibi iyi ntumwa ya rubanda yabigarutseho mu Nama Ihuriweho n’Imitwe yombi aho yagezwagaho raporo y’ibikorwa by’Urwego rw’Igihugu rw’Imiyoborere y’umwaka wa 2024/2025 ndetse na gahunda y’ibikorwa by’umwaka wa 2025/2026, maze asaba uru rwego guhagurukira ibibazo bihora bivugwa mu ikipe ya Rayon Sports bimaze igihe.

Depite Nizeyimana Pie yavuze ko iyi kipe ikundwa n’abatari bacye, bityo ko hakwiriye kurebwa uko aba bakunzi barindwa agahinda baterwa n’ibyo bibazo bihoramo.

Ikipe ya Rayon Sports imaze igihe yumvikamo ibibazo by’imiyoborere ndetse no kugongana kw’inzego zayo aho byumwihariko icyuho mu mategeko shingiro yayo gituma buri wese atamenya imbago ze, ibibazo iri kurwana nabyo uyu munsi ku buyobozi bwatowe mu Ugushyingo 2024, ariko yanahuye nabyo mu mwaka w’i 2020 bigatuma Urwego rw’Igihugu rw’Imiyoborere rugira uruhare mu kubikumura, bityo n’ubu benshi bakaba babona biwkiriye ko rwakongera gufasha mu ikemurwa ryabyo.

Kuva haba amatora tariki 16 Ugushyingo 2025, ubu hari kuvugururwa amategeko ndetse Perezida Twagirayezu Thaddée aheruka gutangaza ko nibura muri Mutarama 2026 azaba yamaze kujya ku murongo.

Depite Nizeyimana Pie yabigarutseho mu Nama Ihuriweho n’Imitwe yombi aho yagezwagaho raporo y’ibikorwa by’Urwego rw’Igihugu rw’Imiyoborere y’umwaka wa 2024/2025 ndetse na gahunda y’ibikorwa by’umwaka wa 2025/2026

Depite Nizeyimana Pie yavuze ko abakunzi ba Rayon Sports barindwa agahinda baterwa n’ibibazo bihoramo

Ibi byatangajwe n’iyi kipe ibinyujije ku mbugankoranyambaga zayo aho yavuze ko "Mohamed Chelly yatandukanye na Rayon Sports ku bwumvikane busesuye.Tumwifurije guhirwa mu hazaza."

Muri iyi kipe kandi umutoza Azouzi Lotfi wari wungirije, nubwo tariki 14 Ugushyingo 2025 Rayon Sports yatangaje ko batandukanye kimwe na Afahmia Lotfi wari umutoza mukuru, kuri uyu wa Kabiri nibwo yasinye impapuro zemeza ko ntacyo azabaza ikipe, nko kuba yazayirega muri FIFA mu gihe hanakomeje ibiganiro biganisha kuri aya masezerano hagati y’iyi kipe n’uwari umutoza mukuru.

Ibi Fall Ngagne ukomoka muri Senegal wari umaze amezi 11 adakina na Ndikumana Asoumani ukomoka i Burundi wari umaze amezi abiri adakina babitangarije mu myitozo yo kuri uyu wa Kabiri aho Rayon Sports iri gutegura umukino w’umunsi wa munani wa shampiyona uzayihuza na AS Kigali, ku Cyumweru saa cyenda zuzuye kuri Kigali Pele Stadium, mu mashusho bifashe bavugavu ko bagarutse.

Bagize bati" Muraho, ndi Asoumani nagarutse. Ndi Fall Ngagne nagarutse."

Aya magambo aba basore bayakurikije akanyamuneza bagaragazaga baseka.

Rutahizamu Fall Ngagne yavunitse tariki 11 Mutarama 2025, mu mukino wa shampiyona ikipe ya Rayon Sports yatsindiwemo na Mukura VS ibitego 2-1 kuri Stade Mpuzamahanga ya Huye mu gihe Ndikumana Asoumani yavunikiye mu mukino ubanza wa CAF Confederation Cup 2025-2026 , iyi kipe yatsindiwemo na Singida Black Stars 1-0 kuri Kigali Pele Stadium tariki 20 Nzeri 2026.

Ni inteko rusange yatumije tariki 14 Ugushgingo 2025 igomba kuba tariki 22 Ugushgingo 2025, ariko bitunguranye irasubikwa, abanyamuryango babwirwa ko bazamenyeshwa undi munsi izaberaho.

Kuzamenyeshwa undi munsi ariko bishobora kuba noneho bitazakorwa na Paul Muvunyi nk’uko yabikoze ayitumiza akanayisubika, kuko atabyemererwa n’amategeko shingiro y’Umuryango wa Rayon Sports.

Amakuru Kigali Today yamenye ni uko Paul Muvunyi usanzwe ari Perezida w’Inama y’Ubutegetsi wari wayitumije, yabwiwe ko atari mu mwanya wo gutumiza Inteko Rusange, kuko urwego ahagarariye rutazwi mu mategeko shingiro y’Umuryango wa Rayon Sports.

Ibi bituruka ku kuba mu mategeko shingiro yo mu 2020 asanzwe agenga umuryango wa Rayon Sports, adateganya inama y’ubutegetsi Paul Muvunyi ayoboye, ahubwo uru rwego rukaba rwari gushyirwaho n’andi mashya yateguwe ariko Urwego rw’Igihugu rw’Imiyoborere rukagaragaza ko akirimo ibihanga akaba atari yemezwa, dore ko na n’ubu akiri kunononsorwa.

Rayon Sports ikomeje kugaragaramo kugongana ku inzego zayo, bishingiye cyane cyane ku cyuho kiri mu mategeko dore ko kuva ubuyobozi bushya bwajyayo tariki 16 Ugushgingo 2024, hatangiye gutegurwa amategeko mashya na n’ubu atari yarangira, gusa Perezida Twagirayezu Thaddée akaba aheruka gutangaza ko muri Mutarama 2026 azaba yabonetse.

Ibi bikubiye mu itangazo ryashyizwe hanze n’ubundi risinyweho na Paul Muvunyi rivuga ko iyi nama isubitswe "Ubuyobozi bw’Umuryango wa Association Rayon Sports buramenyesha abanyamuryango bawo ko Inama y’Inteko rusange yari yatumiwe kuwa 22 Ugushyingo 2025 isubitswe."

Muri iri tangazo ntabwo hatangajwe indi tariki inama izakorerwaho ariko abanyamuryango babwiwe ko bazamenyeshwa undi munsi mu mu gihe kiri imbere.

Itangazo rirambuye :

RAYON SPORTS ASSOCIATION

Created in 1965, with the Ministerial Order No 72/01of25.05.1968

Kigali kuwa 17/11/2025

ITANGAZO

Ubuyobozi bw’Umuryango wa Association Rayon Sports buramenyesha abanyamuryango bawo ko Inama y’Inteko rusange yari yatumiwe kuwa 22/11/2025 isubitswe.

Indi tariki inama izakorerwaho muzayimenyeshwa mu minsi iri imbere.

Mugire, Amahoro.

MUVUNYI Paul

Chairman

Ni inteko rusange yatumijwe binyuze mu ibaruruwa yasinywe na Paul Muvunyi uyobora inama y’Ubutegetsi y’Umuryango wa Rayon Sports, aho ifite impamvu ivuga ko ari ugutumiza Inteko Runge idasanzwe.

Mu ibaruwa yagize ati"Impamvu: Inama y’Inteko rusange idasanzwe.Bwana/Madamu, nejejwe no kukwandikira iyi baruwa ngira ngo ngutumire mu nama y’Inteko rusange idasanzwe ya Association Rayon Sports izaba ku wa 22 Ugushyingo 2025 saa tatu za mu gitondo mu cyumba cy’inama cya Delight Hotel."

Ni Inteko Rusange izaba ifite ingingo imwe izigwaho ariyo kureba uko Umuryango wa Rayon Sports uhagaze n’icyakorwa mu gushaka umuti w’ibibazo biwurimo, ndetse abatumiwe bakaba babwiwe ko kubera uburemere bw’iyi nama no gushaka ibisubizo by’umuti w’ibibazo, basabwe kutazabura.

Muri iyi baruwa hamenyeshejwe Ishyirahamwe ry’Umupira w’Amaguru mu Rwanda ndetse n’Urwego rw’Igihugu rw’Imiyoborere (RGB).

Rayon Sports imaze igihe yumvikanamo ibibazo bishingiye ku bwumvikane bucye hagati y’abayiyibora n’inzego zayo, byose bishingiye ku cyuho kiri mu mategeko yayo, aho ibi byose bigira ingaruka zikomeye no ku musaruro w’ikipe mu kibuga.

Ibaruwa itumiza Inteko Rusange idasanzwe ya Rayon Sports:

RAYON SPORTS ASSOCIATION

Created in 1965, with the Ministerial Order No 72/01of25.05.1968

Kigali tariki ya 14/11/2025

Bwana/Madamu ugize Inteko rusange ya Association Rayon Sports

Impamvu: Inama y’Inteko rusange idasanzwe

Bwana/Madamu,

Nejejwe no kukwandikira iyi baruwa ngirango ngutumire mu nama y’Inteko rusange idasanzwe ya Association Rayon Sports izaba kuwa 22/11/2025 saa 9:00 mu cyumba cy’inama cya Delight Hotel.

Ingingo izaganirwaho:

Uko Umuryango uhagaze n’icyakorwa mu gushaka umuti w’ibibazo bihari.

Kubera uburemere bw’iyi nama no gushaka ibisubizo by umuti w’ibibazo, urasabwa kutazabura.

MUVUNYI Paul

Umuyobozi mukuru wa Association Rayon Sports

Bimenyeshejwe:

1. Umuyobozi wa RGB

2. Umuyobozi wa FERWAFA

Email: info@rayonsportsassociation.com, Website: www.rayonsportsfc.net

Uyu musore w’imyaka 26 y’amavuko usanzwe akinira ikipe ya Kaizer Chiefs yo muri Afurika y’Epfo, yabazwe urutungu ku wa 11 Ugushyingo 2025 aho bizatuma amara amezi abiri atagaragara mu kibuga.

Ntwari Fiacre aheruka mu kibuga tariki 14 Ukwakira 2025, ubwo Amavubi yatsindwaga na Nigeria ibitego 3-0 mu mukino usoza imikino yo gushaka itike y’Igikombe cy’Isi 2026, mu gihe muri Kaizer Chiefs yaherukaga mu kibuga tariki 5 Ukwakira 2025 ubwo iyi kipe yasezererwaga na Stellenbosch itsinzwe penaliti 5-4 muri League Cup.

Ibi Minisitiri wa Siporo yabigarutseho kuri uyu wa Gatatu ubwo yaganiraga n’Abadepite bagize Komisiyo ishinzwe gukurikirana imikoreshereze y’Imari n’Umutungo bya Leta ’PAC’ ku isesengurwa rya raporo y’Umugenzuzi Mukuru w’Imari ya Leta y’umwaka wa 2022-2023 aho yavuze ko ingaga za siporo zamaze kumenyeshwa nta kipe izajya isohoka igiye kuba ingwizamurongo.

Ati "Twaganiriye n’ingaga zacu, n’ubu barabizi ko ikipe y’u Rwanda idasohoka byo gusohoka gusa. Niba tutariteguye tukaba tubona ko aho hantu tugiye kuba ingwizamurongo, icyo gihe ntabwo tuhashora amafaranga kuko gusohoka kw’ikipe byonyine cyangwa kwakira irushanwa, nta nimwe dutangaho amafaranga ari munsi ya miliyoni 300 Frw, iyo ubaze amatike, ukabara igihe bazamarayo usanga agera muri ayo mafaranga."

Minisitiri yakomeje avuga ko izi ngaga zagaragarijwe ko hatazajya hatangwa amafaranga ahantu hatari inyigo zigaragaza ko zizatanga umusaruro.

Ati" Mu biganiro tumaze tugirana n’ingaga za siporo zose twagaragaje ko tutazajya twohereza amafaranga ahantu hatari inyigo, igaragaza ko hazatanga umusaruro ugaragara. Niba muri iyo mikino cyangwa siporo hatari inyigo igera ku musaruro ntabwo ari ngenzi. Muri uko kuganira niho twageze turavuga tuti ni byiza, siporo ni nziza ariko iyo bigiye aho amafaranga arajya tugomba kugira umusaruro uzagaragara."

Minisitiri wa Siporo yahaye Abadepite urugero rw’uko umwaka ushize hahagaritswe ubwitabire bw’u Rwanda mu mikino ya CECAFA y’abatarengeje imyaka 17 ariko uyu mwaka bagomba kwitabira izitabira iri rushanwa rizabera muri Ethiopia kuko icyo gihe amafaranga yagombaga gutangwa, yakoreshejwe mu gushaka abakinnyi, kubategura no gushyiraho abatoza babo no mu gushaka abakinnyi bakina hanze y’u Rwanda aho uyu mwaka ikipe irimo batanu.

Imbere ya Komisiyo ishinzwe gukurikirana imikoreshereze y’Imari n’Umutungo bya Leta kandi Minisitiri yavuze ko nta federasiyo izongera guhabwa amafaranga na Minisiteri itaratanga raporo y’uko ayo yahawe mbere yakoreshejwe, aho mu bibazo byagaragaye harimo imikoreshereze ya miliyari 9.7 Frw yo gutegura imikino inyuranye yohererejwe ingaga za siporo ariko ntiyakorerwa igenzura, miliyoni 129 Frw Ministeri yohereje ariko ntatangirwe raporo igaragaza ikoreshwa ryayo ndetse na miliyoni 676 Frw yatanzwe ariko hakaba nta nyandiko zuzuye ziyasobanura.

Kuri iyi ngingo ariko Minisitiri yagaragaje ko ubu hamaze gukorwa raporo zerekana imikoreshereze y’aya mafaranga yari yagaragajwe n’Umugenzuzi Mukuru w’Imari ya Leta aho yagaragaje ko gutanga raporo byagiye bitinda cyane, byaturukaga ku mikoranire itanoze hagati ya Minisiteri na za federasiyo anongeraho ko kuba Minisiteri nta mugenzuzi w’imari imbere mu kigo yari afite, aribyo byatumaga hatabaho gukurikirana neza amafaranga itanga ariko kuri ubu yamaze kuboneka.

Minisiteri Nelly Mukazayire yabwiye Abadepite ko bamaze kwandikira ingaga za siporo zose ko zigomba kuba zatanze raporo z’imikoreshereze y’amafaranga guhera mu 2022/2023 na 2023/2024 bitarenze umwaka wa 2025.

Ni imikino itatu yakinwe ikinirwa hirya no hino mu gihugu ku bibuga bitandukanye. Ahari hahanzwe amaso cyane ni kuri Stade Umuganda i Rubavu aho ikipe ya Rutsiro FC yari yakiriye APR FC yaherukaga kunganya na Kiyovu Sports 0-0.

APR FC yafunguye amazamu ku munota wa 32 itsinda igitego cya mbere cyatsinzwe na Denis Omedi nyuma y’umupira wahinduwe mu rubuga rw’amahina na Hakim Kiwanuka. Mbere y’uko igice cya mbere kirangira, Rutsiro FC yabonye penaliti itavuzweho rumwe, gusa umusifuzi Ngabonziza Jean Paul wari uyoboye umukino yemeza ko Godspower yagushijwe mu rubuga rw’amahina na Ngabonziza Pacifique ari nawe wari utakarije umupira hanze y’urubugarw’amahina gato.

Iyi penaliti yateje impaka mu gihe n’ubundi APR FC yari imaze iminsi ivuga ko itishimiye uko umukino wa Kiyovu Sports nawo wasifuwe, ariko iterwa neza na Nizeyimana Jean Claude ’Rutsiro’ ashyira umupira mu izamu rya Ishimwe Pierre yishyurira Rutsiro FC amakipe yombi ajya kuruhuka anganya 1-1 ari nako umukino wose warangiye, agabanye amanota.

Mu wundi mukino wari ukomeye, ikipe ya Police FC yanganyirije na Mukura VS kuri Kigali Pele Stadium igitego 1-1 mu gihe yari imaze gutsinda indi mikino itanu yose yari imaze gukina kuva shampiyona yatangira. Police FC yatsindiwe na Ishimwe Christian ku munota wa kane ku mupira yahawe na Kwitonda Alain ’Bacca’ igice cya mbere kirangira ari 1-0. Mu gice cya kabiri, Mukuru VS yakoze impinduka zayifashije nkaho yakuyemo Iradukunda Elie Tatou igashyiramo Samuel Pimpong wagoye cyane uruhande rw’iburyo rw’ibumoso rwa Police FC inyuma.

Hakizimana Zuberi yasimbuye Niyonizeye Fred utagize umukino mwiza Tuyishime Emmanuel asimbura Abdoul Jalilu mu bwugarizi naho Jordan
Ndimbumba asimbura Joseph Sackey. Izi mpinduka zatanze umusaruro kuko Mukura VS ariyo yabaye nziza mu gice cya kabiri cyose aho byanatumye ku munota wa 65, binyuze ku mupira wahinduriwe hagati iburyo na Boateng Mensah iyi kipe yishyura igitego cyatsinzwe mu buryo bwiza na Jordan Ndimbumba nyuma y’uko umusanze areba neza n’izamu hanze y’urubuga rw’amahina agatsinda mu buryo bwiza cyane ateye ishoti rikomeye mu izamu rya Niyongira Patience, umukino ukarangira amakipe yombi anganyije 1-1.

Undi mukino wabaye, ikipe ya Musanze FC yagiye gutsindira Amagaju FC i Huye ibitego 2-0 byatsinzwe na Shaban Hussein Tshabalala ku munota wa 68 na Charles Nonso mu gihe kuri iki Cyumweru, saa cyenda Marine FC izakira Rayon Sports i Rubavu, Gicumbi FC yakire Etincelles FC kuri Kigali Pele Stadium naho kuri iyi stade saa kumi n’ebyiri n’igice z’umugoroba AS Kigali izahakirire Kiyovu Sports.

Ni umukino mu gice cya mbere, amakipe yombi yakinnye umupira uringaniyr abanyezamu baba itandukaniro ku mpande zombi yaba Ishimwe Pierre wa APR FC na James wa Kiyovu Sports. Nko ku munota wa gatanu Kiyovu Sports yari itsinzwe igitego ku ishoti Ruboneka Jean Bosco yateye ariko umunyezamu James afata umupira mu buryo bwiza.

Ku rundi ruhande kandi, ku munota wa 14 Ishimwe Pierre yatabaye APR FC ubwo yashyiraga muri koruneri umupira ukomeye watewe na Nsanzimfura Keddy kuri kufura nyuma y’ikosa Byiringiro Gilbert yari akoreye rutahizamu Sandja Bulaya hafi y’urubuga rw’amahina. Ku munota wa 18 Kiyovu Sports yakoze impinduka zitateguwe ubwo Amiss Cedric yagiraga imvune agasimburwa na Uwineza Rene.

Uwineza Rene yageze mu kibuga atangira gufasha Kiyovu Sports ku ruhande rw’ibumoso, arema uburyo butandukanye nubwo butagiye bubyazwa umusaruro. Amakipe yombi yakomeje gushaka uko yafungura umukino ngo haboneke igitego ariko bitayakundiye. Mbere y’uko igice cya mbere kirangira Niyomugabo Claude yahinduriye umupira imbere ibumoso uza mu rubuga rw’amahina, usanga Lamine Bah washyizeho umutwe ariko umunyezamu James awushyira hanze.

Mu gice cya kabiri Kiyovu Sports yarushije ikipe ya APR FC mu mikinire, nubwo uburyo yabonye butari bwinshi nabwo itabubyaje umusaruro. Nsanzimfura Keddy wakinaga hagati mu kibuga, ari mu bakinnyi bagerageje uburyo bwinshi akoresheje amashoti aremereye yatereraga kure ariko umunyezamu Ishimwe Pierre agakora akazi gakomeye cyane ashyira imipira muri koroneri.

Ku munota wa 67, ikipe ya APR FC yasimbuje ikuramo Mahmoud Lamine Bah asimburwa na Niyibizi Ramadhan naho Denis Omedi asimburwa na Mugisha Gilbert. Kiyovu Sports nayo yakuyemo Niyo David asimburwa na Rukundo AbdoulRahman ’Paplay’. Kiyovu Sports yagize igice cya kabiri cyiza dore ko kugeza ku munota wa 77 mu guhererekanya umupira yarushaga APR FC, yongeye gusumbuza ikuramo Cherif Bayo ishyiramo Bukuru Christophe mu gihe Uwineza Rene wari wasimbuye yasimbuwe na Gabriel Fils.

Ku munota wa 80 w’umukino APR FC yari ku gitutu cyo gushaka igitego yakomeje gushyiramo abakinnyi basatira ishyiramo Iraguha Hadji wasimbuye Hakim Kiwanuka. Ku munota 82, Rukundo AbdoulRahman yazamukanye umupira hagati mu kibuga akorerwa ikosa na Ronald Ssekiganda wahise ahabwa ikarita ya kabiri y’umuhondo ivamo umutuku APR FC igasigara ikina ari abakinnyi icumi.

Mu minota icumi ya nyuma y’umukino amakipe yombi yerekanye umupira mwiza asatirana,hanabonekamo uburyo bw’ibitego ariko butabyajwe umusaruro, iminota 90 isanzwe n’itanu yongereweho irangira ari 0-0, Nsanzimfura Keddy ahembwe nk’umukinnyi mwiza w’umukino.

Kunganya uyu mukino, byatumye APR FC itakaza amanota abiri ya mbere muri shampiyona 2025-2025 nubwo yo imaze gukina imikino itatu aho ifitemo amanota arindwi. Kiyovu Sports yo mikino itanu yujuje, ifitemo amanota atandatu aho imaze gutsinda umukino umwe, ikanganya itatu itsindwa undi.

Indi mikino yabaye:

Bugesera FC 0-1 AS Muhanga
Etincelles 0-0 Gorilla FC
Mukura VS 2-0 AS Kigali
Musanze FC 1-1 Rutsiro FC

Ni umukino wagiye kuba abenshi badaha amahirwe menshi Gisagara VC nubwo ifite abakinnyi barimo Ndayisaba Sylvestre, Muvara Ronald, Tyson, Malinga n’abandi batandukanye gusa benshi batatekerezaga ko yahagarara imbere ya Kepler VC y’abakinnyi Dusenge Wyclif, Mahoro Yvan n’abandi kugeza no kuyitsinda.

Abavugaga ibi kandi banashingiraga ku byabaye ku munsi wa mbere dore ko Gisagara VC yatsinze Kirehe VC bigoranye amaseti 3-2 mu gihe Kepler VC yo yatsinze REG VC amaseti 3-1. Nyuma y’ibi byose abantu batekerezaga ariko Gisagara VC yatanze ibimenyetso ko bishobora guhinduka ubwo yegukanaga iseti ya mbere itsinze amanota 25-22.

Gisagara VC iba ishyigikiwe nk’uko bisanzwe

Gisagara VC kandi yakomereje mu iseti ya kabiri nayo iyitwara itsinze Kepler VC amanota 25 -22. Kepler VC itatsindirwaga ku kinyuranyo kinini, yegukanye iseti ya gatatu y’umukino yari iya mbere kuri yo nyuma yo gutsinda amanota 25 kuri 17 ya Gisagara VC.

Dusenge Wyclif ugenderwaho muri Kepler VC

Amakipe yombi yinjiye mu iseti ya kane, Gisagara VC ishaka gusoza umukino mu gihe Kepler VC yashakaga kubona iseti ya kabiri bakaba bakina iya kamarampaka. Gisagara VC yagaragaraga nk’ikipe iri mu mukino neza bitandukanye nuko yatekerezwaga yakomeje kuyobora umukino inatanga Kepler VC kwinjira mu manota 20, yirinda ko bayijya imbere.

Kepler VC yakomeje gusunika ngo irebe ko yakuramo amanota yari iri kurushwa ndetse inagera ku manota 20. Kuri aya manota ariko nta na rimwe yarengejeho kuko Gisagara VC yakomeje kuba ibamba iyobora iseti kugeza igize amanota 25 Kepler VC igifite 20, itsinda umukino ku maseti 3-1.

Mu yindi mikino yabaye, mu bagore ikipe ya Police WVC yatsinze RRA WVC amaseti 3-0, bigenda gutyo kandi Kepler WVC nayo itsinda EAUR WVC amaseti 3-0.

Reba ibindi muri iyi video:

Ni umukino Rayon Sports yari ihagazemo neza cyane cyane mu gice cya mbere, mu guhererekanya umupira. Ku munota wa 23 Amagaju FC yabonye ikarita y’umutuku yahawe Rwema Amza nyuma y’ikosa yakoreye Aziz Bassane ariko ku ruhande rw’Amagaju FC barayihakana.

Nubwo iyi kipe yari isigaye ari isigaranye abakinnyi icumi ariko yakomeje kwihagararaho inakina neza, ikanabifashwamo n’umunyezamu wayo Henock wakuyemo imipira yatewe na Nshimiyimana Emmanuel Kabange na Ndayishimiye Richard. Igice cya mbere rero cyashoje ari ubusa ku busa.

Nyuma y’iminota itatu igice cya kabiri gitangiye, Rayon Sports yabonye igitego cyatsinzwe na Habimana Yves. Nyuma y’iyi ntsinzi, Rayon Sports yakomeje gushaka ikindi gitego ariko ntibyayikundira. Yari yanabonye uburyo bubiri bwiza bw’imipira ikomeye yatewe na Adama Bagayogo na Aziz Bassane ariko ivanwamo n’umunyezamu Henock Kama.

Umukino warangiye Rayon Sports itsinze igitego 1-0 ibona amanota atatu yatumye igira 10 mu mikino itanu imaze gukina, ifata umwanya wa kabiri nyuma ya Police FC ifite amanota 12 mu mikino ine.

Mu wundi mukino wabereye kuri Kigali Pele Stadium, saa cyenda ikipe ya Gicumbi FC yahatsindiye Gasogi United ibitego 2-1.

Kuri iki Cyumweru, Polisi izakina na Marine FC umukino w’umunsi wa gatanu uzabera I Rubavu.

Ibi aya makipe yabitangaje abinyujije mu itangazo yanyujije ku mbuga nkoranyambaga zayo aho yavuze ko yakiriye ibaruwa y’Ishyirahamwe ry’Umupira w’Amaguru mu Rwanda iyemerera gukina Shampiyona y’Icyiciro cya Mbere 2025-2026 kuva mu Ugushyingo 2025.

Al-Merrikh yagize iti" Kuri uyu wa Kane tariki 23 Ukwakira 2025, Al-Merreikh yakiriye ibaruwa ivuye mu Ishyirahamwe ry’Umupira w’Amaguru mu Rwanda (FERWAFA) yemerera ikipe gukina Shampiyona y’Icyiciro cya Mbere mu Rwanda y’uyu mwaka w’imikino, uhereye mu Ugushyingo 2025."

Ibi kandi ninako byagenze kuri Al Hilal Omdurman nayo yavuze ko yamaze kwemererwa gukina shampiyona y’u Rwanda.

Yagize iti" Al Hilal yakiriye ibaruwa iturutse mu Ishyirahamwe ry’Umupira w’Amaguru mu Rwanda iyemerera gukina Shampiyona y’Icyiciro cya Mbere."

Al-Merrikh itozwa n’umutoza Darko Novic uheruka gutandukana na APR FC na Al Hilal zose ziri mu makipe atatu yo muri Sudani yasabye gukina Shampiyona y’Icyiciro cya Mbere mu Rwanda 2025-2026 hamwe na Al Ahli SC Wad Madani kuko mu gihugu cyabo nta shampiyona ikinwa kuva mu 2023 kubera intambara.

Muri iki cyumweru, Perezida wa FERWAFA Shema Ngoga Fabrice ubwo yari i Cairo mu Misiri yahuye n’uruhande rwa Al-Merrikh

Police HC yakoze amateka yo kuba ikipe ya mbere mu Rwanda igeze muri 1/4 cya Champions League yegukanyemo umwanya wa munani muri rusange

Ibi babigarutseho ku wa 22 Ukwakira 2025, ubwo bageraga ku Kibuga cy’Indege Mpuzamahanga cya Kigali bavuye i muri Marocc habereye iyi mikino hagati y’itariki 10-21 Ukwakira 2025 aho umutoza wa Police HC, CIP(Rtd) Antoine Ntabanganyimana yavuzeko bishimira kuba barakoze amateka yo kugera muri 1/4 nubwo nta gikombe batwaye.

Ati"Ni irushanwa rikomeye cyane, riba ririmo amakipe akomeye muri Afurika. Twe nka Police HC twaryitwayemo neza, kuko amateka atarigeze akorwa muri iki gihugu twarayakoze, ni ubwa mbere ikipe yo mu Rwanda igiyemo igatsinda umukino urenze umwe kuko twatsinze ibiri dukora n’amateka yo kugera muri 1/4, ibintu bitigeze bibaho. Rero ubwo tutashoboye gutwara igikombe ariko twavanyemo ubunararibonye bukomeye kuko amakipe twahuye yagiye aturusha ibitego bicye cyane."

Uyu mutoza yakomeje avuga ko kutarenga 1/4 byatewe no kutamenyera amarushanwa cyane ariko bigaragara ko mu gihe kuri imbere byashoboka.

Ati" Wabonaga ko byanashoboka ko twagera muri 1/2 cy’irushanwa ariko kubera kutamenyera amarushanwa cyane, ubwo twakinaga 1/4 ntabwo byadukundiye ngo dutsinde, birangira tugiye gukinira umwanya wa karindwi n’uwa munani, dutahana uwa munani muri Afurika. Ni ibintu rero twebwe nka Police HC tubona atari bibi nyuma y’imyaka tutitabira iri rushanwa ariko ikigaragara ni uko abasore bacu nitwongera kugira amahirwe yo gusubira yo dushobora kugera kure bashoboka."

Umukinnnyi Mbesutunguwe Samuel wegukanye ibihembo bibiri nk’umukinnyi witwaye neza mu mukino yavuze ko bahuye n’abakinnyi bafite ubunararibonye ariko bagerageza kwitwara byumwihariko we ku giti ashobora no kugera ku rwego rwabo.

Ati" Irushanwa ntabwo ryari ryoroshye, twahuye n’abantu bakinnye imikino myinshi cyane bakomeye bafite imbaraga n’imyitozo myinshi cyane, ariko nanjye kuko hari imikino imwe ikomeye nakinnye, bagerageje kwitwara neza cyane. Nabonye mfite ikizere cyo kuba nabageraho nkoze cyane , nta kidasanzwe bandusha uretse akamenyero mu marushanwa n’ibikoreshoho bimwe na bimwe bandusha ariko nkoze cyane nabageraho kuko mba numva nakina mu ikipe yo hanze."

Mbesutunguwe Samuel ahembwa nk’umukinnyi mwiza w’umukino

Muri iyi mikino, ikipe ya Police HC mu itsinda yari irimo yatsinze imikino irimo uwayihuje na Mekele yo muri Ethiopia byatsinze ibitego 39-18 ndetse na JSK yo muri DRC batsinze ibitego 27-25 mu gihe muri 1/4 batsinzwe na FAP bakajya guhatanira umwanya wa karindwi n’uwa munani naho batsindiwe na JSK ibitego 29-27 bagatahana umwanya wa munani.

Umutoza wa Police HC avuga ko bishimira uko bitwaye

Umunyezamu Kwisanga Peter ahabwa igihembo cy’umukinnyi mwiza w’umukino

Police HC igera mu Rwanda

Ishimwe Jean Claude ’Cucuri’ yahagaritswe ibyumweru bibiri adasifura

Ibi byemezo bireba uyu mukino wari uw’umunsi wa kane wa shampiyona byatangajwe mu ijoro ryo kuri uyu wa Gatatu, nyuma y’isesengura ryakozwe na Komisiyo y’Imisifurire aho bivuga ko Ishimwe Jean Claude wari hagati ahagaritswe ibyumweru bibiri kubera kudatanga ikarita y’umuhondo yari kuvamo umutuku ku ikosa Niyigena Clement yakoreye Hakizimana Zuberi .

Muri Ibi byemezo bagize bati" Nyuma yo gusuzuma imigendekere y’uyu mukino, komisiyo yasanze Ishimwe J. Claude yarakoze ikosa ryo kudatanga ikarita y’’umuhondo yari kuba ari iya kabiri ku mukinnyi Nomero 17(Niyigena Clement) wa APR FC (Yari guhita iba ikarita itukura), bityo ahagaritswe ibyumweru Bibiri nk’uko amategeko abiteganya."

Iyi myanzuro ikomeza ivuga ko kandi umusifuzi Mugabo Eric wari uwa mbere w’igitambaro ku ruhande nawe yakoze ikosa ryo gufata icyemezo tekinike cyitaricyo kandi kigira ingaruka ku byavuye mu mukino, ubwo yangaga igitego cya Mukura VS cyatsinzwe na Boateng Mensah ku munota wa 86 bityo akaba yahagaritswe ibyumweru bine adasifura.

Komisiyo iti" Kuri Mugabo Eric yakoze ikosa ryitwa "Decision technique incorrecte infuençant le resultat du match" aho yanze igitego cya Mukura VS ku munota wa 86 yerekana ko umukinnyi wa Mukura VS yari yaraririye kandi atari byo (No Offside), akaba ahagaritswe ibyumweru bine nk’uko amategeko abiteganya."

Ntabwo ari aba basifuzi gusa bahagaritswe kuko hanahagaritswe ibyumweru bine Habumugisha Emmanuel wari umusifuzi wo ku ruhande mu mukino w’umunsi wa gatatu wa Shampiyona Rayon Sports yanganyinemo na Gasogi United 2-2, aho nawe yanze igitego cya Gasogi United avuga ko habayemo kurarira.

Nubwo bimeze gutya ariko FERWAFA yavuze ko ibyavuye mu mukino bidahinduka nk’uko biteganywa n’amategeko agenga Rwanda Premier League mu ngingo yayo ya munani agaka ka kabiri ivuga ibyerekeye kwemeza ibyavuye mu mukino.

Iri shyirahamwe kandi ryanavuze ko hari kuvugururwa amategeko y’imisifurire mu Rwanda yo muri 2019 kugira ngo agendane n’igihe ndetse rizakomeza gushimangira ubunyangamugayo, kongera ubushobozi bw’abasifuzi no gukurikiza amategeko n’amabwiriza agenga imisifurire.

Mugabo Eric (Ubanza ibumoso) na Ishimwe Jean Claude ’Cucuri’ (Wa gatatu uturutse ibumoso ) bahagaritswe kubera umukino wa APR FC na Mukura VS

Umusifuzi Mugabo Eric

Uyu munsi watangiye gukinwa ku wa Gatanu, tariki 17 Ukwakira 2025 aho ikipe ya Gicumbi FC yanganyije na Gorilla FC 0-0, umunyezamu wayo Ahishakiye Heritier wayifashije kutinjizwa igitego ahembwa nk’umukinnyi mwiza w’umukino.Ku wa Gatandatu, tariki 18 Ukwakira 2025, hakinwe imikino ine aho kuri Kigali Pele Stadium ikipe ya AS Kigali yahatsindiye Marine FC igitego 1-0 cyatsinzwe na Ndayishimiye Didier. Nubwo yatsinze igitego ariko umukinnyi mwiza w’umukino yabaye Ntirushwa Aime wateye koruneri yavuyemo iki gitego.

Mu karere ka Muhanga ikipe ya AS Muhanga yari yakiriye Etincelles FC banganya igitego 1-1 aho iyi kipe yari mu rugo yatsindiwe na Niyonizeye Telesphore wanahembwe nk’umukinnyi mwiza w’umukino mu gihe Dennis Kaweesa yishyuriye Etincelles FC. Mu karere ka Bugesera, ikipe ya Bugesera FC yari yakiriye Gasogi United amakipe yombi anganya 0-0, bisiga Ngono Guy Herve wa Gasogi United ariwe utowe nk’umukinnyi mwiza w’umukino.

Ku wa Gatandatu kandi, Kigali Pele Stadium yakiriye umukino wahuje Rayon Sports na Rutsiro FC maze Umunya-Cameroon Aziz Bassane ayifasha gutsinda ibitego 3-1 aho yatsinzemo icya gatatu ndetse akanatanga umupira wavuyemo igitego cya mbere cyatsinzwe na Tambwe Gloire. Aziz Bassane niwe wegukanye igihembo cy’umukinnyi wahize abandi muri uyu mukino. Ku Cyumweru hakinwe imikino ibiri irimo uwahuje Police FC n’Amagaju FC , aho Ndayishimiye Dieudonne Nzotanga ariwe wahembwe nk’umukinnyi mwiza w’umukino kubera igitego kimwe rukumbi yatsinze cyaranze uyu mukino, cyigahesha Police FC amanota atatu.

Ku Cyumweru kandi, APR FC yakiriye Mukura VS ku isaha ya saa kumi n’ebyiri n’igice maze inayitsinda igitego 1-0 cyatsinzwe na Ronald Ssekiganda ku munota wa 18, ibyanatumye ariwe uhembwa nk’umukinnyi mwiza w’umukino. Umunsi wa kane wa shampiyona wasojwe hakinwa umukino Kiyovu Sports yakiriyemo Musanze FC ku wa Mbere tariki 20 Ukwakira 2025, aho amakipe yombi yanganyije 0-0. Muri uyu mukino kubera imipira itatu ikomeye, umunyezamu wa Musanze FC Nsabimana Jean de Dieu ’Shaulin’ yakuyemo niwe wahembwe nk’umukinnyi mwiza w’umukino ari nawe wasozaga imikino umunani yose yari isigaye.

Muri iri rushanwa rya PFL Africa hakinwa ibyiciro bine ari byo Bantamweight, Featherweight, Welterweight na Heavyweight.Mu cyiciro cya Bantamweight Umunya-Algeria Karim Henniene yatsinze Umunya-Angola Boulie Godogo aho ku mukino wa nyuma azahura n’Umunya-Afurika y’Epfo Nkosi Ndebele we watsinze Umunya-Zimbabwe Simbarashe Hokonya.

Mu cyiciro cya Heavyweight Umunya-Afurika y’Epfo Justin Clark watsinze Maxwell Djantou Nana ukomoka muri Cameroun azahura n’Umunya-Ivory Coast Abraham Bably we wasezereye Umunya-Nigeria Joffie Houlton. Mu cyiciro cya Welterweight Umunya-Cameroon Yabna N’tchala yatsinze mugenzi we bakomoka mu gihugu kimwe Emilios Dassi akaba ku mukino wa nyuma azahura n’Umunya-Angola Shido Boris we watsinze Octave Ayinda ukomoka muri Cameroon.

Muri Featherweight Umunya-Cameroon Alain Majorique yageze ku mukino wa nyuma asezereye Umunya-Guinnea Mohamed Camara aho azaharurira n’Umunya-Nigeria Wasi Adeshina muri 1/2 watsinze Umunya-Liberia Dwight Dassi.

Uretse Abanyarwanda batandukanye bari bitabiri iyi mikino, Perezida Paul Kagame yarebanye iyi mikino n’abarimo umunyabigwi muri iyi mikino Francis Ngaou ukomoka muri Cameroon akaba n’Umuyobozi w’Inama y’Ubutegetsi ya PFL Africa, ndetse na Minisitiri wa Siporo Nelly Mukazayire.

Biteganyijwe ko imikino ya nyuma ya PFL Africa izaba mu Ukuboza 2025, ikabera muri Benin aho abazayitwaramo neza bazahembwa ibirimo ibihumbi 100$.

Ni imikino yarebwe na Perezida Paul Kagame

Ni umukino iyi kipe yagiye gukina imaze imikino ine idatsinda yarimo ibiri ya shampiyona mu gihe Rutsiro FC yo yari imaze itatu ya shampiyona.Rayon Sports yafunguye amazamu hakiri kare ku munota wa kabiri ku gitego cyatsinzwe na Tambwe Gloire nyuma y’umupira wahinduriwe iburyo na Aziz Bassane umunyezamu Ebinj akananirwa kuwufata ngo awukomeze.

Ibi ariko ntabwo byamaze igihe kuko ku munota wa munani Rutsiro FC yishyuye binyuze muri Mumbele Jonas nyuma y’uko batwaye umupira wari utakarijwe hagati na Bigirimana Abedi. Mu mikinire amakipe yombi yakinaga umupira ungana dore ko Rutsiro FC hagati hayo habonanaga neza ndetse n’impande zayo zariho Mumbele Jonas ibumoso na Mumbere Malekidogo iburyo. Rayon Sports yakoreshaga uburyo bwo gusatira byihuse ikoresheje impande cyane dore ko imipira itatindaga hagati hayo hari harimo Niyonzima Olivier Seif, Richard Ndayishimiye na Bigirimana Abedi.

Mbere y’uko igice cya mbere kirangira, Rayon Sports yabonye igitego cya kabiri cyatsinzwe na Abedi Bigirimana ku munota wa 44, ku mupira n’ubundi wavuye ku ruhande rw’iburyo ugendera hasi uhinduwe na Serumogo Ally maze uyu Murundi akawushyira mu izamu atawuhagaritse. Ku munota wa 59 Rayon Sports yabonye penaliti ku ikosa umunyezamu Ebini yakoreye Aziz Bassane witwaye neza muri rusange, byatumye anaba umukinnnyi w’umukino ariko Bigirimana Abedi ayiteye ikurwamo n’umunyezamu.

Rayon Sports yasimbuje ikuramo Niyonzima Olivier Seif utahiriwe n’umukino ishyiramo Ishimwe Fiston. Rutsiro FC yakomeje gukina neza hagati mu kibuga ariko ubwugarizi bwabo bwari
buyobowe na Hitimana Claude na Mutijima Gilbert bugakomeza kubatenguha bakora amakosa. Ku munota wa 89 Tambwe Gloire na Aziz Bassane bisanze barikumwe n’umukinnyi umwe wa Rutsiro FC bazamukana umupira bawuhanahana kugeza mu rubuga rw’amahina Gloire awuha Aziz Bassane agatsinda igitego cya gatatu.

Umukino warangiye Rayon Sports itsinze ibitego 3-1, yongeye kubona intsinzi nyuma y’imikino ine yari imaze idatsinda mu marushanwa yose harimo ibiri ya shampiyona.Indi mikino yabaye AS Muhanga yanganyije na AS Muhanga 1-1, Gasogi United inganya na Bugesera 0-0 mu gihe AS Kigali yatsinze Marine FC 1-0 cyatsinzwe na Ndayishimiye Didier ahawe umupira na Ntirushwa Aime kuri koruneri.

Kuri iki Cyumweru, hateganyijwe indi mikino irimo uwo Police FC yakiramo Amagaju FC kuri Kigali Pele Stadium saa cyenda zuzuye, saa kumi n’ebyiri n’igice APR FC ihakirire Mukura VS mu gihe Kiyovu Sports ku wa Mbere izasoza umunsi wa kane wa shampiyona yakira Musanze FC saa kumi n’ebyiri kuri Kigali Pele Stadium.

Ni ibiganiro Komite Nyobozi ya FERWAFA iyobowe na Shema Ngoga Fabrice na begenzi be baganiriye na Minisiteri ya Siporo ku kuzamura ruhago nk’uko byatangajwe n’iri shyirahamwe.

Ati"Nyakubahwa Minisitiri wa Siporo Nelly Mukazayire yahuye n’ubuyobozi bwa FERWAFA baganira ku bufatanye mu bikorwa bigamije kuzamura Siporo (Ruhago by’umwihariko), ndetse bafata n’ingamba zo gukomeza guteza imbere umupira w’Amaguru mu Rwanda."

Ni ibiganiro bibayeho nyuma y’amezi hafi abiri, iyi Komite Nyobozi nshya ya FERWAFA itorewe kuyobora mu myaka ine iri imbere. Ibi kandi bikaba binabaye mu gihe ikipe y’igihugu y’u Rwanda Amavubi isoje imikino yo gushaka itike y’Igikombe cy’Isi 2026 ibyasize benshi bashidikanya ku mutoza Adel Amrouche n’umusaruro we ndetse bamwe bagera kure bakavuga ko akwiriye kwigwaho akaba yasezererwa.

Ni imikino yabereye muri Petit Stade Amahoro i Remera, aho ku isaha ya saa kumi n’ebyiri, abagore aribo babanje gukin, APR WVC ikina na Kepler. Kepler WVC yatangiye umukino neza binatuma yegukana iseti ya mbere itsinze amanota 25 kuri 19 y’ikipe ya APR WVC.

Iyi kipe y’Ingabo z’Igihugu ariko yikosoye mu iseti ya kabiri iyegukana itsinze amanota amanota 25 kuri 16 ya Kepler WVC yakinaga biri hasi ugereranyije nuko yari yatangiye umukino. Nk’uko yari ibikoze mu iseti ya kabiri, Ikipe ya APR WVC yatangiye ya gatatu ikina neza nayo bituma iyegukana itsinze amanota 25 kuri 23.

Mu iseti ya kane, imbaraga Kepler VC yari yongeye gusa nkigaragaza mu iseti ya gatatu, zagabanyutse itsindwa itanagize amanota 15 dore ko APR WVC yatwaye iyi seti biyoroheye cyane itsinze amanota 25 kuri 14 inatsinda umukino ku maseti 3-1.

Ku isaha ya saa mbili z’ijoro, abantu bari bamaze kwiyongera muri Petit Stade Amahoro aho bari bagiye gukurikira umukino wari ugiye guhuza REG VC na Kepler VC mu bagabo. Uyu mukino Kepler VC y’abakinnyi nka Mahoro Yvan, Mohamed Erradi Khalid na Dusenge Wyclif yawutangiye neza inatwara iseti ya mbere yatsindiye ku manota 25 kuri 21.

REG VC y’abakinnyi nka Sam Engwao, Akumuntu Kavalo Patrick, Nanteteri Cryspin na Gisubizo Merci ntabwo n’ubundi yahiriwe mu iseti ya kabiri dore ko amanota yatsindiweho iya mbere yanagabanyutse, Kepler VC ikayitwara ku manota 25 kuri 18. Iseti ya gatatu yatandakunanye n’izindi kuko nubwo Kepler VC yongeye gutangira iyoboye ariko ubwo yageraga ku munota 18, yahasanzwe na REG VC bakanganya.

Kuva ku manota 18, ikipe ya REG VC yatangiye kuyobora umukino ndetse inatanga Kepler VC kwinjira mu manota 20. Iyi kipe ya Sosiyete y’Ingufu yakomeje kugerageza kuba yabona nibura iyi seti yari kuba imwe muri eshatu zari kuba zimaze gukinwa mu gihe Kepler VC yo yarwanaga no kuba yabona n’iya gatatu umukino ugahita unarangira.

REG VC yakomeje kuyobora umukino ndetse inatanga Kepler VC kugera ku manota 22 ariko nayo iyitanga kubona inota rya 23 nubwo REG VC yahise ibikora gutyo bakanganya 23 kuri 23. Ikipe ya REG VC wabonaga ko kuri iyi nshuro igaragaza imbaraga kuko yari ikomeje kuyobora iseti yongeye kubona inota rya 24, ihita inasaba akaruhuko ko kumva inama z’abatoza ariko bakavuyemo Kepler VC ihita ibabonamo inota, bongera kunganya 24 kuri 24.

Nicholas Matuyi yakomeje gufasha REG VC kuyobora umukino ndetse anayifasha kubona inota rya 25 ariko Kepler VC yongeye guhita ikuramo ibifashijwemo na Dusenge Wyclif witwaye neza mu mukino wose. Uyu musore yongeye gufasha Kepler VC kwandikisha inota rya 26, aho yaburaga rimwe ngo yegukane umukino, ibyanabaye kuri serivise ye n’ubundi, afasha Kepler VC gutwara iyi seti ya gatatu itsinze amanota 27 kuri 25, inegukanye umukino ku maseti 3-0.

Gahunda y’imikino iri kuri uyu wa Gatandatu hakomeza gukinwa umunsi wa mbere:

Amafoto: Eric Ruzindana

Ibi Muhirwa Prosper yabivugiye mu ibaruwa yanditse ikurikira iyo Perezida Twagirayezu Thaddée yandikiye umutoza Afhamia Lotfi imutegusa iseswa ry’amasezerano y’imyaka ibiri ariko yari amaze gukoramo amezi ane aho yavuze ko yitandukanyije nicyo cyemezo kandi ko ingaruka kizagira zitakwitirirwa Umuryango wa Rayon Sports.

Ati"Bwana Perezida, nshinginye ku mabaruwa yo kuwa 13 Ukwakira 2025 wandikiye umutoza Afhamia Lotfi nk’umutoza mukuru na Azzouz Lotfi nk’umutoza wungirije, mubateguza ku gusesa amasezerano mu nshingano nk’abatoza ba Rayon Sports FC. Nanditse iyi baruwa ngirango nitandukanye n’icyemezo wafashe cyo guhagarika abatoza navuze haruguru kuko nsanga waragifashe ku giti cyawe atari icyemezo cya Komite Nyobozi bityo ko n’igihe havuka ingaruka ziturutse kuri icyo cyemezo, zidakwiye kwitirwa Association Rayon Sports."

Kutumvikana ubusanzwe ntabwo ari bishya muri Rayon Sports ndetse n’uyu mwaka ntabwo ari bishya kuko nubwo Twagirayezu Thaddée ari Perezida atigeze yemera na rimwe ko Afahmia Lotfi ari umutoza wari ukwiriye gutoza Rayon Sports mu gihe yazanywe bigizwemo uruhande na Muhirwa Prosper badacana uwaka.

Kutemeranywaho n’abayobora Rayon Sports ku mutoza Lotfi, byagaragaye kuva ku munsi wa mbere asinyira iyi kipe ndetse na mbere yaho ubwo bari bakiri mu biganiro,aho mu mikino yo kwitwegura umwaka w’imikino 2025-2026, mu bihe bitandukanye Perezida Twagirayezu Thaddée akaba we yaranageze aho avuga ko abakinnyi birwanaho mu kibuga.

Ibaruwa Muhirwa Prosper yandikiye Perezida Twagirayezu Thaddée yatandukanya n’icyemezo cyo gusesa amasezerano y’umutoza Afhamia Lotfi

MUHIRWA Prosper

Tel: 0788306439

Gasabo-Umujyi wa Kigali

Itariki: 14/10/2025

Perezida wa Komite Nyobozi ya Rayon Sports

Impamvu: Kwitandukanya n’icyemezo cyo guhagarika abatoza

Bwana Perezida,

Nshinginye ku mabaruwa yo kuwa 13/10/2025 wandikiye umutoza Afhamia LOTFI nk’umutoza mukuru na Azzouz LOTFI nk’umutoza wungirije, mubateguza ku gusesa amasezerano mu nshingano nk’abatoza ba Rayon Sports FC.

Nanditse iyi baruwa ngirango nitandukanye n’icyemezo wafashe cyo guhagarika abatoza navuze haruguru kuko nsanga waragifashe ku giti cyawe atari icyemezo cya Komite Nyobozi bityo ko n’igihe havuka ingaruka ziturutse kuri icyo cyemezo, zidakwiye kwitirwa Association Rayon Sports.

Ugire amahoro

MUHIRWA Prosper

Visi President ushinzwe Tekinike muri Rayon Sports

Bimenyeshejwe

Umuyobozi w’Inama y’Ubutegetsi ya Association Rayon Sports

Umuyobozi wa Komite Ngenzuzi muri Association

Rayon Sports

Umuyobozi w’Akanama gashinzwe gukemura amakimbira

muri Association Rayon Sports

Ibi babivuze kuri uyu wa Kabiri mbere y’uko bahaguruka berekeza muri Kenya hazabera iyi mikino hagati y’itariki 15 kugeza 25 Ukwakira 2025, aho kapiteni Niyonzima Pacifique yavuze ko bagiye biteguye.

Ati" Tumaze hafi amezi atatu dukora imyitozo, kuko twabimenyeshejwe mbere ko hari amarushanwa, tugiye nk’abantu dufite icyo dushaka kandi ni ukuzana imidali ya mbere kuko ikipe yanjye ndayizeye."

Umutoza w’ikipe y’igihugu Gatorano Jean Claude yavuze ko abakinnyi be bameze neza kandi yizeye intsinzi.

Ati" Mfite abakinnyi bameze neza, bariteguye bihagije , bafite ingufu ndetse n’ubunararibonye ku buryo twizeye kuzahesha ishema igihugu tugatwara imidali ya zahabu."

Ikipe y’Igihugu yari imaze imyaka itandatu ititabira imikino Mpuzamahanga , igiye muri Kenya ijyanye abakinnyi batandatu bazahatana mu byiciro bitandatu birimo ibiro 54, 57, 63, 67, 71 na 75.

Mbere yo guhaguruka berekeza muri Kenya, ikipe y’Igihugu y’u Rwanda yakiriwe na Minisitiri wa Siporo Nelly Mukazayire wabifurije intsinzi akabibutsa kandi ko bahagarariye igihugu.

Abakinnyi bavuga ko babonye byose bizatuma bahesha ishema igihugu begukana imidali ya mbere

Ibi byagaragariye mu mafoto y’imyitozo yitegura uyu mukino uteganyijwe ku Cyumweru, yashyizwe ku mbugankoranyambaga z’ikipe aho aba basore abarimo myugariro Niyigena Clement bari basanzwe bafite ibisuko bagaragaye bogoshye bakabikuraho.

Niyigigena Clement yari amaze igihe afite ibisuko bito bito bizinze(Dread) ariko uyu munsi yagaragaye afite umusatsi usanzwe utari mwinshi cyane kandi utanazinze. Ntabwo ari uyu mukinnyi gusa dore ko ibi ari nako bimeze kuri rutahizamu William Togui wari usanzwe afite ibisuko biryamye ku mutwe bizwi nk’ibituta nawe wogoshe agasigaho umusatsi mucye cyane.

Aba kandi baniyongeraho Umunya-Burkinafaso Memel Raouf Dao nawe wogoshe ibisuko biryamye ku mutwe yari afite, agasigaho umusatsi mucye usanzwe.

Ntabwo ari ubwa mbere abakinnyi ba APR FC bafite umusatsi mwinshi cyangwa se udasanzwe basabwe kogosha kuko mu 2019 ubwo iyi kipe yiteguraga imikino mpuzamahanga ya Gisirikare y’Akarere ka Afrika y’i Burasirazuba yabereye muri Kenya,abakinnyi bayo nabwo basabwe kwiyogoshesha mu gihe kandi na mbere yaho byabaye ndetse ababyanze b’Abanyamahanga icyo gihe bagatandukana nayo.

William Togui mbere yo kogosha

Memel Raouf Dao mbere yo kogosha

Niyigena Clement mbere yo kogosha

Wari umukino usoza imikino yo gushaka itike yo gukina iri rushanwa rizabera muri Leta Zunze Ubumwe za Amerika, Canada na Mexico mu mpeshyi ya 2026 wabereye kuri Stade ya Mbombela. Ni umukino Amavubi yarushijwe kuva ku munota wa mbere kugeza ku wa nyuma, arushanwa mu bintu byose haba mu kugarira, hagati ndetse no mu gusatira.

Amakosa yaberaga mu bwugarizi, yatumye ku munota wa gatanu, Mbatha yakirira hanze y’urubuga rw’amahina maze awushyira mu mwanya mwiza wo kuwutera, atera ishoti rikomeye rigana mu izamu, Ntwari Fiacre ntiyashobora kurikuramo atsindwa igitego cya mbere.

Afurika y’Epfo yakomeje gukina umupira wihuta, irusha u Rwanda, maze ku munota wa 26 ibona igitego cya kabiri n’ubundi ku mupira wisirisimbye imbere y’izamu ukacyirwa na Appollis wari mu rubuga rw’amahina agahita awutera mu nguni yo ku giti cya kabiri cy’izamu, igice cya mbere kirangira ari ibitego 2-0.

Mu gice cya kabiri, Afurika y’Epfo yakomeje gushaka ibindi bitego byari bifite akamaro kuko nubwo Benin ku rundi ruhande yatsindwaga na Nigeria ariko mbere y’imikino iyo inganya byari kubarwa. Muri iki gice Afurika ntiyabonyemo byinshi ariko mbere y’uko umukino urangira, ku munota wa 72 yabonye koruneri maze Makgopa atsinda igitego n’umutwe, umukino urangira Amavubi anyagiwe ibigego 3-0.

Ni ku nshuro ya mbere, Afurika y’Epfo ibonye itike y’Igikombe cy’Isi, kuva yacyakira mu mwaka w’i 2010 mu gihe ariko igiye gukina iri rushanwa ku nshuro ya kane nyuma yo kurikina mu 1998, 2002 na 2010.

Amavubi asoje imikino yo gushaka itike y’Igikombe cy’Isi 2026 yatangiye mu Ugushyingo 2023, ari ku mwanya wa gatanu mu makipe atandatu aho mu mikino icumi atsinzemo ibiri, atsindwa itanu anganya ine mu gihe muri iri tsinda kandi kuri uyu wa Kabiri Nigeria yasoreje ku mwanya kabiri nyuma yo kunyagira Benin ibitego 4-0 ariko bitagize icyo biyifasha ngo ibe yabona itike nubwo yagize amanota 17.

Isinya ry’uyu musore waherukaga mu ikipe ya Naft Al-Wasat Sports Club yo muri Iraq ariko amasezerano akaba yari yararangiye, Police FC yaritangaje ibinyujije ku mbugankoranyambaga zayo imuha ikaze.

Manishimwe yanyuze mu makipe menshi mu Rwanda nka Isonga, Rayon Sports, APR FC na Mukura mu gihe anze y’u Rwanda yanyuze muri USM Khenchela yo muri Algeria na Air Force Club yo muri Iraq.

Ibi iyi kipe yabitangarije mu itangazo yashyize hanze ku mugoboroba wo kuri uyu wa Mbere, aho yavuze ko uyu Munya-Tunisia ndetse n’umwungiriza we Azouzi Lotfi bahagaritswe.

Yagize iti" Ubuyobozi bwa Association Rayon Sports bwafashe icyemezo cyo guhagarika mu nshingano Umutoza mukuruAfhamia Lotfi n’Umutoza wungirije wa kabiri Azzouz Lotfi."

Muri iri tangazo Rayon yakomeje ivuga ko ikipe izakomeza kuba iri gutozwa na Harna Ferouzi wari umutoza wa mbere wungirije.

Iti" Umutoza wungirije Haruna Ferouz n’abandi bakorana barakomeza inshingano zo gutegura imikino iri imbere."

Yangiwe gukoresha imyitozo, nyamara yageze ku kibuga

Kuri uyu wa Mbere, Rayon Sports yasubukuye imyitozo mu Nzove aho uyu mutoza yageze ari hamwe n’umwungiriza we ariko yangirwa gutoza kugeza ahavuye. Aha ku kibuga cyo mu Nzove, Afahmia Lotfi yaganiriye by’igihe gito na Visi Perezida wa Rayon Sports Muhirwa Prosper wamuzanye muri iyi kipe bitemerwana na bamwe mu bandi bayobozi kugeza kuri Perezida Twagirayezu Thaddee.

Kutemeranywaho n’abayobora Rayon Sports byagaragaye kuva ku munsi wa mbere asinyira iyi kipe ndetse na mbere yaho ubwo bari bakiri mu biganiro, ndetse mu mikino yo kwitwegura umwaka w’imikino 2025-2026, mu bihe bitandukanye Perezida Twagirayezu Thaddee akaba we yaranageze aho avuga ko abakinnyi birwanaho mu kibuga.

Afahmia Lotfi ntabwo azongera gutoza Rayon Sports

Nubwo Rayon Sports itatangaje igihe yahagaritswe ariko amakuru Kigali Today ifite ni uko Afahmia Lotfi wari waratangajwe nk’umutoza wa Rayon Sports muri Gicurasi 2025 agasinya imyaka ibiri, yahagaritswe ukwezi ariko akaba atazongera gusubira mu kazi kuko hari gutegurwa uko azatandukana nayo burundu ariko hubahirijwe amategeko, agababwa ibisabwa.

Afahmia Lotfi ahagaritswe amaze gutoza Rayon Sports imikino itanu y’amarushanwa irimo ibiri ya CAF Confederation yatsinzwe na Singida Black Stars akanasezererwa ndetse n’itatu ya shampiyona yatsinzemo umwe, agatsindwa undi, akanganya undi.

Ibi byemejwe n’itangazo Rayon Sports yashyize hanze ivuga ko ko yatandukanye n’uyu mukinnyi itigeze ishakira ibyangombwa byo gukina umwaka w’imikino 2025-2026.

Yagize iti " Rayon Sports na Aimable Nsabimana bemeranyije gutandukana ku bwumvikane."

Bivugwa ko Nsabimana Aimable wari usigeje umwaka umwe w’amasezerano muri Rayon Sports ashobora kwerekeza mu gihugu cya Libya kuko hariyo amakipe amwifuza.

Ni umukino Amavubi yari yitwayemo neza mu mikinire, ariko uburyo butari bwinshi yabonye imbere y’izamu ntiyabubyaza umusaruro nk’aho ku munota wa kane Jojea Kwizera yahinduye umupira ariko Nshuti Innocent ashyizeho umutwe ujya hanze. Muri rusange Amavubi yatangiye umukino neza ugereranyije na Benin yo yatangiye ahubwo ikora amakosa menshi.

Ku munota wa 17 Mutsinzi Ange yahawe umupira atera ishoti rirerire ariko rijya hejuru gato y’izamu ryari ririnzwe na Marcel Dandjinou.Andreas Hountondji wanyuraga ibumoso bwa Benin imbere, yinjiranye umupira ku munota wa 29 ariko ateye ishoti ujya muri koruneri.

Amakipe yakomeje gukinira umupira hagati ariko atarema uburyo bwinshi imbere y’izamu kuko nk’Amavubi yakinaga ahererekanya ariko kenshi akabikorera mu kibuga cyayo. Ku munota wa 37, abari muri Stade Amahoro bakiriye Umukuru w’Igihugu Perezida Paul Kagame wari ugeze muri Stade, mbere y’iminota umunani ngo igice cya mbere kirangire, ndetse n’itatu y’inyongera yarangiye amakipe akinganya 0-0.

Perezida Paul Kagame yarebye uyu mukino

Mu gice cya kabiri naho, nta kintu kidasanzwe cyakomeje kugaragara mu mukino hagati ariko Amavubi yabonyemo uburyo bukomeye ku munota wa 60 ubwo Mugisha Gilbert yacomekerwaga umupira mwiza, akagera mu rubuga rw’amahina, gusa ashatse kuwushyira mu kaguru ke ngo atere biramugora ahitamo kuwusubiza inyuma ,byarangiye nta kintu kivuyemo.

Amakipe yombi yatangiye gusimbuza, ikipe ya Benin ishyiramo Tosin waje gutanga umusaruro ku munota wa 80 atsinda igitego cyayihesheje intsinzi, nyuma yo gukora amakosa mu bwugarizi bw’Amavubi ndetse n’umunyezamu Ntwari Fiacre wananiwe gusohoka ku gihe bigatuma umupira muremure wari unyuze ku mutwe wa Steve Mounie.

Tosin yahise yisanga imberw y’izamu ry’Amavubi mu buryo bwiza, umupira awushyira mu rushundura mu buryo bumworoheye. Amavubi yari yamaze gushyiramo abarimo Ruboneka Jean Bosco na Biramahire Abeddy yakomeje kurwana no gushaka intsinzi ariko umukino urangira atsinzwe igitego 1-0.

Nyuma y’umukino, myugariro Kavita Phanuel wakinaga inyuma ku ruhande rw’iburyo yagaragaje agahinda gakomeye kuko mu gihe abandi bakinnyi bajyaga mu rwambariro yasigaye mu kibuga, maze agatungurana akora isuku muri Stade Amahoro aho yatoraguye amacupa y’amazi yari yakoreshejwe yose, ayashyira ahabikwa imyanda.

Nyuma yo gutsinda umukino, Benin yahise igira amanota 17 ikomeza kuyobora itsinda rya gatatu dore ko Afurika y’Epfo ya kabiri bahanganye yananiwe gutsindira Zimbabwe iwayo banganya 0-0 ikagira amanota 15 mu gihe Nigeria ya gatatu n’amanota 14 yo yatsinze Lesotho ibitego 2-1.

Ibi bikubiye mu itangazo rigizwe n’ingingo enye, iyi kipe yashyize hanze aho yavuze ko abasore barenze ku mabwiriza y’umutoza n’ubuyobozi ndetse byanatumye bakurwa mu bagombaga gukina uyu mukino wabaye tariki 5 Ukwakira 2025.

Yagize iti" Ubuyobozi bwa APR Football Club bwifuje gusobanurira abo bireba, cyane cyane abafana n’abakunzi bacu b’akadasohoka, ibyerekeye ikibazo cy’imyitwarire idakwiye cyagaragaye i Cairo, mu Misiri, mu mukino wa CAF Champions League wahuje APR FC na Pyramids FC. Mu gihe cyo kwitegura uwo mukino, abakinnyi babiri Sy Mamadou na Dauda Yussif basuzuguye nkana amabwiriza n’amategeko yari yatanzwe n’Umutoza Mukuru hamwe n’Ubuyobozi bw’ikipe. Iyo myitwarire mibi bagaragaje yagize ingaruka mbi ku musaruro w’ikipe no gushyira hamwe bisanzwe bituranga."

Muri iri tangazo APR FC yakomeje ivuga ko mu gihe hari gukorwa iperereza aba basore bahagaritswe iminsi 30.

Iti"Nyuma yo kubiganiraho imbere mu ikipe, hakanakurikizwa amategeko agenga imyitwarire y’ikipe ndetse n’amasezerano y’abakinnyi, ubuyobozi bwafashe icyemezo cyo guhagarika abo bakinnyi bombi mu gihe cy’iminsi mirongo itatu (30). Icyo gihano kizatanga umwanya wo gukora iperereza ryigenga kandi ryimbitse mbere y’uko ubuyobozi bufata izindi ngamba."

Iri tangazo ryasinyweho n’Umuyobozi wa APR FC, Brig Gen. Deo Rusanganwa ryasoje rivuga ko iyi kipe izakomeza guhagarara no gushyira imbere ubunyamwuga, imyitwarire myiza, no kubahana mu ikipe. Nta muntu n’umwe uri hejuru y’indangagaciro zituranga, kandi buri mukinnyi asabwa kubahiriza amahame y’ubudahemuka, gukorera hamwe, n’imyitwarire myiza byaranze APR FC kuva kera."

Umunya-Ghana Dauda Yussif n’Umunya-Mauritania Mamadou Sy bari mu mwaka wabo wa nyuma w’amasezerano basinyiye APR FC mu mpeshyi ya 2024, bose bari bagaragaye mu mukino ubanza w’ijonjora ry’ibanze rya CAF Champions League APR FC yatsindiwemo na Pyramids FC ibitego 2-0 mu Rwanda tariki 1 Ukwakira 2025, aho Dauda Yussif yabanje mu kibuga naho Mamadou Sy akinjira asimbuye.

Itangazo ryose APR FC yashyize hanze ku ihagarikwa rya Dauda Yussif na Mamadou Sy