Izi nkweto Jordan yazambaye mu mwaka w’imikino (season) we wa mbere muri Chicago Bulls yabaye mu mwaka wa 1984, zikaba zari izo mu bwoko bwa Nike Airships z’umweru n’umutuku.

Muri uyu mwaka kandi Jordan nibwo yahise atangira gukorana n’iyi company ikomeye ya Nike ibintu byo mu bwoko bw’inkweto ndetse n’imyenda byamwitiriwe. Izi nkweto zaciye agahigo ko kuba ari zo za mbere ziguzwe amafaranga menshi mu nkweto zambawe mu mikino yose ku isi zagurishijwe.

Michael Jordan afatwa nk’igihangange cyabayeho mu gukina umukino wa Basketball kuko abenshi banamwita umwami w’uyu mukino. Uyu mukinnyi wakiniye igihe kinini Chicago Bulls, byatumye aba ikirangirire atuma NBA imenyekana ku isi kurusha uko yari izwi mbere.

Uyu mukinnyi yahagaritse gukina Basketball mu mwaka wa 2003, akaba yaraje kuba umukinnyi wa mbere wa NBA wakoze amateka agatunga amafaranga menshi agera mu ma miliyari y’amadolari. Nyuma y’uko izi nkweto ziguzwe nyiri inzu yakorewemo cyamunara, yagize ati “Aka ni agahigo gakozwe na Jordan hamwe na Jordan Nike Air Ships ku isoko rya siporo mu mateka.”

Izi nkweto yashyizeho umukono we zaguzwe na Nick Fiorella, uzwi cyane mu kwegeranya ibintu bya kera. Mbere y’iyi cyamunara, byari byitezwe ko izi nkweto zizagurwa hagati ya miliyoni imwe y’Amadolari na miliyoni imwe n’igice y’Amadolari kuko atari zo nkweto za siporo zihenze kurusha izindi ku isi cyangwa z’ubwoko bwiza kurusha izindi.

Akandi gahigo gafitwe n’umuraperi Kanye West aho inkweto ze Nike Air Yeezy zaguzwe Amadolari Miliyoni 1.8 mu kwezi kwa kane, mu mwaka wa 2021.
Michael Jeffrey Jordan, aya ni yo mazina ye yose, akaba ari we mukinnyi wa kabiri nyuma ya Wilt Chamberlain watsinze amanota 3000 yose wenyine mu mwaka w’imikino umwe.

Mark Zuckerberg nyiri Facebook akomeje kugaragaza inyota yo kwagura imikorere ishingiye ku ikoranabuhanga ryo ku rwego rwo hejuru

Abazakoresha iri koranabuhanga rya Metaverse bazaba bashobora gukina, gukorana no gutumanaho mu buryo buteye imbere.

Facebook yanditse ku rubuga rwa Interinet igira iti: "Metaverse ifite ubushobozi bwo gufasha gukingura uburyo bushya bwo guhanga, imibereho myiza, ndetse n’ubukungu."

Biteganyijwe ko iyi mirimo yo guhanga iri koranabuhanga izakorwa mu gihe cy’imyaka itanu, hakazifashishwa abahanga kabuhariwe mu ikoranabuhanga.

Facebook kandi yavuze ko gushora imari mu muryango w’ubumwe bw’ibihugu by’Uburayi byatanze inyungu nyinshi, harimo kugera ku isoko rinini ry’abaguzi, gukorana na kaminuza zikomeye no gukorana n’abantu babahanga bafite impano zo ku rwego rwo hejuru.

Abanyeshuri bo muri Gabon bagiye gukomereza amasomo mu Rwanda

Abanyeshuri bazakomeza amasomo, nyuma y’amasezerano y’ubwumvikane yashyizweho umukono hagati ya kaminuza y’u Rwanda n’urwego rwa Leta ya Gabon rushinzwe gutanga buruse (Agence Nationale des Bourses du Gabon - ANBG).

Amasezerano y’izi buruse yasinyiwe ku cyicaro gikuru cya kaminuza y’u Rwanda, mu mujyi wa Kigali ku wa 11 Nzeri 2021.

Umuyobozi wungirije ushinzwe amasomo n’ubushakashatsi muri kaminuza y’u Rwanda, Professor Nosa O. Egiebor, yagize ati “Aba banyeshuri baje bari ku rwego rutandukanye mu rurimi rw’icyongereza. Mu buryo bwo kugira ngo tumenye uko tuzagenda tubaha amasomo yo kwiga, bitewe n’urwego rw’ururimi rwabo, tugomba kubanza kubasuzuma umwe ku wundi”.

Abanyeshuri 13 muri bo ni ab’igitsina gore naho abandi 18 ni ab’igitsina gabo, bakaba bazajya mu mashami ane ya kaminuza y’u Rwanda harimo Gikondo, Huye, Nyarugenge na Rukara nyuma yo gufata amezi ane kugera kuri atandatu biga ururimi rw’icyongereza.

Kaminuza y’u Rwanda yavuze ko kwakira abo banyeshuri bizafasha mu kugaragaza ku rwego mpuzamahanga ireme ry’uburezi u Rwanda rutanga. Dr. Papias Musafiri Malimba, umuyobozi wungirije wa Kaminuza y’u Rwanda ushinzwe Igenamigambi n’Imiyoborere yavuze ko abo banyeshuri bazishyurirwa ikiguzi cyose cy’uburezi na Leta ya Gabon. Ku kijyanye n’ingano y’amafaranga abo banyeshuri bo muri Gabon bazishyura, Musafiri yavuze ko itandukaniro riri hagati y’amafaranga y’ishuri ku banyeshuri mpuzamahanga ndetse n’abenegihugu ari rito.

Umuyobozi wungirije ushinzwe amasomo n’ubushakashatsi muri kaminuza y’u Rwanda, Professor Nosa O. Egiebor, avuga ko kuri ubu umubare w’abanyeshuri mpuzamahanga ari muke, ariko kaminuza y’u Rwanda ngo irimo guteza imbere imikorere ku buryo gahunda zayo zirushaho gukurura abazikeneye no guhatana ku rwego mpuzamahanga. Kugeza ubu umubare w’abanyeshuri b’abanyamahanga muri kaminuza y’u Rwanda uhagaze kuri 2%.

Kugeza kuri uyu munsi ntawe uramukura kuri iyi ntebe yicajweho no kubera uburebure bw’izuru rye nk’uko Guinness World Record yabyemeje. Iki gitabo cyandikwamo abaciye uduhigo ku rwego rw’Isi kigaragaza ko uyu mugabo akiri uwa mbere ufite izuru rirerire ripima hafi santimetero umunani n’ibice birenga(8.8cm).

Ikinyamakuru The Mirror cyanditse ko uyu mugabo yamenyekanye cyane, nyuma y’aho akomeje kugira umwihariko wo kuba ari we ufite izuru rinini ku isi yose. Iri zuru ry’uyu mugabo ritangaje kubera ubunini bwaryo, hashize imyaka isaga 11 rimenyekanye ndetse rikaba rigifite ako gahigo kuko kuva mu mwaka wa 2010, kugeza kuri uyu munsi wa none, nta wundi muntu uragaragara ko afite izuru rinini riruta iry’uyu mugabo Mehmet Özyürek. Uyu mugabo kandi ngo afite uburyo yinjizamo umwuka mwinshi ahumeka bitangaje kubera ingano y’izuru.

Dmitry Muratov na Maria Ressa

Pavel Kanygin, umunyamakuru ufite ubunararibonye muri uwo mwuga mu Burusiya, yavuze ko ibyo bitanga imbaraga ku banyamakuru bose.

Yagize ati “Ibi birasa n’ibitabayeho, ubanza turimo kurota kuko iki ni ikintu kinini gitanga imbaraga kuri twese, amezi ashize yari akomeye cyane ku itangazamakuru ryo mu Burusiya, turimo kwiyumva nk’aho twegereje iherezo ritangaje kuko twaburaga ikizere”.

Yakomeje agira ati “Nizere ko kino gihembo kizafasha kuturinda ibitero by’ubuyobozi, ni igihembo kitari ingenzi kuri twe gusa, ahubwo ku banyamakuru bose bigenga bo mu burusiya”.

Yakomeje kandi avuga ko uyu munyamakuru Muratov wegukanye igihembo, ko ari umuntu usaba ibintu bigaragara ariko kandi bikwiye. Aba ashaka ko iteka dushyiraho izindi mbaraga nyinshi z’inyongera, ni umugabo ukunda kandi ushyira umutima we wose mu kazi akora.

Muratov, umwe mu batwaye iki gihembo yabwiye igitangazamakuru cyo mu Burusiya Tass (Russian news agency Tass), ko atavuga ko igihembo yahawe yari agikwiye, ko ari icya Novaya Gazeta kuko ari bo bapfuye bari kurwanirira uburenganzira bwa muntu, ndetse n’ukwishyira ukizana mu kuvuga, “ubu rero kuko batakiri kumwe natwe (komite y’abaharanira amahoro) twafashe umwanzuro wo kubibwira isi yose”.

Uwo mugabo yahise avuga urutonde rwose rw’abanyamakuru biciwe mu Burusiya kubera akazi kabo, abarondora anabavuga mu mazina yabo, ati “ni ku bwa Igor Domnikov, Yura Shchekochikhin, Anna Stepanovna Politkovskaya, Nastya Baburova, Natasha Estemirova na Stas Markelov, ni icyabo”.

Iki n’igihembo gitangwa buri mwaka ku bantu bakoze imirimo y’indashyikirwa muri Siyansi, ubukungu ndetse n’abaharaniye amahoro ku isi yose.

Clement Chiwaya

Uyu mugabo akaba yari afite imyaka 50, kuko yavutse mu mwaka wa 1971. Yagiye mu nzu inteko ishinga amategeko ikoreramo kuri uyu wa kane kuganira ku byerekeye imodoka yagendagamo mbere yuko ahagarika kuba umwe mubagize inteko ishinga amategeko muri iki gihugu cya Malawi, yamufashaga mu gutwara kuko uyu mugabo yabanaga n’ubumuga akaba yagenderaga mw’igare(Wheelchair) bitewwe nuko akiri muto yarwaye indwara y’imbasa afite imyaka ibiri gusa bituma agira ubumuga.

Mu nyandiko kandi Chiwaya yasize yanditse mbere yuko yiyahura yavuze ko iyi modoka yakozwe hagendewe ku bumuga yari afite ikaba yaramufashaga haba mu buryo bwo kwicara ndetse no kuyitwara. Yavuze kandi ko yari yarishyuye iyi modoka ariko nyuma bakamwima impapuro zemeza ko imodoka ari iye kandi yarayishyuye.

Ibinyamakuru byo muri iki gihugu bivuga ko Chiwaya yinjiye mu biro by’umwanditsi w’inteko ishinga amategeko (Greffier) mu ndimi z’amahanga kuri uyu wa kane aribwo yafataga imbunda akirasira imbere ye, mu nyandiko ye kandi ngo yakomezaga kuvuga ko yari arambiwe guhora asaba ibintu nyamara byakagombye kuba ari ibye kandi ko yiyahuye bitewe nuko yari afite ubwoba bwo kuba yagira abandi ababaza.

Igipolisi cyo muri iki gihugu cyatangiye iperereza kugira ngo kimenye ukuntu uyu mugabo Chiwaya yabashije kwijira mu nteko ishinga amategeko , kuko mu busanzwe haba harinzwe cyane kuburyo nta muntu upfa kwinjiramo noneho akaba yanakwinjiramo afite intwaro ntibibonwe mbere y’uko yinjiramo.

Vanessa Mdee w’imyaka 33 ukunzwe muri Tanzania ndetse no muri Afurika muri rusange akaba aririmba mu rurimi rw’igiswahili n’Icyongereza. Ni umwe mu bantu bajya batumirwa mu kuba abakemurampaka mu irushanwa ryo guteza imbere abantu bafite impano mu kuririmba muri Afurika y’Iburasirazuba (East African’Got Talent Judges).

Aba bombi batangiye gukundana nyuma y’aho bahuriye muri “Essence Festival after party”.

Jacyiom yabereye muri New Orleans muri cya Leta zunze ubumwe za America ni nyuma yaho Vanessa yari amaze gutandukana n’umuhanzi Juma Jux mu mwaka wa 2019. Gutangaza ko Vanessa ko atwite byatunguye benshi kuko atigeze agaragaza ikimenyetso na kimwe cyuko yaba atwite ku mbuga nkoranyambaga gusa mu byuweru bibiri bishize yari yakorewe ibirori byo kwitegura umwana bizwi nka Baby Shower.

Ni irushanwa ryitwa Arnold Classic ryashinzwe na association yitwa IFBB (International Federation of Bodybuilding and Fitness) na Arnold Schwarzenegger. Iri rushanwa rikaba ryarabaye kuva tariki 17 kugeza tariki 19 Nzeri 2021 ribera mu gihugu cya Espagne, mu mujyi wa Seville.

Iri rushanwa ryitabiriwe n’ibindi bihugu bitandukanye harimo u Butaliyani, Ireland, Switzerland, Portugal, Gabon n’ibindi . Uyu munyarwanda uba mu Bufaransa yahatanye mu cyiciro cya Men’s BodyBuilding kugeza ku biro 80kg ( abari munsi y’ibiro 80kg) bakaba bahitamo ibi byiciro hagendewe ku bushobozi bw’imibiri yabo (physique) ndetse n’imyaka.

Uyu munyarwanda ntabwo yabashije kwegukana iri rushanwa, akaba yaraje ku mwanya wa cyenda. Uyu musore kandi yagiye anitabira andi marushanwa atandukanye ari yo Muscle show, Muscle Mania muri 2016, Pre selection IFBB France na IFBB Diamond Cup.

Clement Hirana amaze imyaka icumi akora iyi siporo. Afite ubwenegihugu bw’ u Rwanda, ndetse ajya mu marushanwa nk’umunyarwanda ariko kuko u Rwanda nta federation ya Bodybuilding rugira, aherekezwa na IFBB France.