Jacob Désvarieux

Inkuru yatangajwe ku rubuga rwa francetvinfo mu ijoro ryo ku wa Gatanu iravuga ko abaganga bamaze kubona ko Jacob Désvarieux arembye cyane, bafashe icyemezo cyo kumusinziriza (kumushyira muri coma), kugira ngo bagerageze kumuvura uko bashoboye atababaye, nk’uko bisanzwe bigenda ku barwayi barembye cyane.

Abaganga bakoze uko bashoboye ariko biba iby’ubusa kuko nyakwigendera umutima we wahagaze inshuro ebyiri bagerageza kumugarura biranga, kugeza ubwo n’imyanya y’ubuhumekero ihagaze gukora, ubwonko na bwo burahagarara umusaza ashiramo umwuka atarava muri coma.

Ku mugoroba wo ku wa Gatanu, abo mu muryango we bari bamenyeshejwe ko arembye cyane bajya kumusura ku bitaro basanga akirimo kurwana n’umutima kandi asinziriye, atabaruka ntawe ubashije kumusezeraho bwa nyuma.

Kassav’ ni itsinda cyangwa se orchestre yo mu birwa bya Caraïbes bigengwa n’u Bufaransa ryashinzwe mu 1979 muri Guadeloupe.

Kassav’

Mu bahanzi b’ingenzi baza ku isonga mu bashinze Kassav’ harimo nyakwigendera Jacob Désvarieux, Jocelyne Béroard, Jean-Philippe Marthély, Patrick St. Eloi (na we witabye Imana muri 2010 azize kanseri afite imyaka 51), Jean-Claude Naimro, Claude Vamur na Georges Décimus (wigeze gusezera mu itsinda agashyiraho irye yise Volt Face ariko aza gusubira muri Kassav’.

Kassav’ yasohoye imizingo cyangwa albums zirenga 20, n’izindi 12 zagiye zisohorwa n’abahanzi umwe umwe ku ruhande rwe atari kumwe n’abandi. Kuva mu 1979 abagize Kassav’ ntibigeze batandukana usibye Jacob Désvarieux na Patrick St. Eloi bitabye Imana.

Jacob Désvarieux yitabye Imana afite imyaka 65.

Abagize iri tsinda bari baherutse gususurutsa Abanyakigali ku munsi w’abakundana (St Valentin) tariki 14 Gashyantare 2020

Madamu Jeannette Kagame mu baryohewe n’umuziki wa Kassav kuri St Valentin

Ku mirongo y’imbere ahicara abanyacyubahiro bishyuye akayabo, Madamu Jeannette Kagame yagaragaye yishimira zimwe mu ndirimbo za kera z’itsinda rya Kassav, hamwe n’umuhanzi w’umunyarwanda Christopher.

Igitaramo kigitangira, yabanje kwicara mu byicaro byari byamuteguriwe, ariko uko igitaramo cyagendaga gishyuha aza kugera aho arahaguruka, yishimira uburyohe bw’umuziki hamwe n’abandi bari muri iki cyumba.

Benshi mu bandikaga ku mbuga nkoranyambaga, bagaragaje ko ari iby’agaciro kuba Madamu Jeannette Kagame ashyigikira umuziki n’ibitaramo bibera mu Rwanda.

Kassav ni itsinda ryavukiye muri Guadeloupe, rikaba rizwi cyane kuva mu myaka ya 1979. Ryamamaye cyane kubera kuririmba no gucuranga injyana za Zouk zibyinwa n’abegeranye kandi bakaririmba amagambo y’urukundo.

Bamenyekanye mu ndirimbo nka “Ou Le’, Kore’ Se’re’, Soulage Yo, n’izindi nyinshi zamenyekanye hafi ku mubumbe wose.

Uretse iri tsinda rije mu Rwanda ku nshuro ya mbere, iki gitaramo cyanaririmbyemo umunyarwanda Christopher na we wahagurukije abatari bake kuri uyu munsi w’abakundana, cyane ko ari umwe mu bahanzi Nyarwanda bafite indirimbo z’urukundo.

Inkuru bijyanye:

Kassav izasusurutsa Abanyarwanda ku munsi w’abakundana

Aho wasohokera kuri uyu munsi w’abakundana

Iri tsinda riri mu yakunzwe cyane ku isi kuva mu myaka ya 1979, ryashinzwe na Pierre Edouard Decimus, waje guhamagara bagenzi be barimo Jacob Desvarieux, murumuna we Georges Décimus, Jocelyne Béroard, Jean-Philippe Marthély, na Jean-Claude Naimro. Mu mwaka wa 2010, iri tsinda ryabuze inshuti, umwe mu bari barigize Patrick Saint Eloi wari wararivuyemo mu mwaka wa 2002.

‘Kassav’ bisobanuye umugati ukoze mu myumbati mu ririmi rw’igi creole, ni izina bahaye iri tsinda, nyuma yo kugerageza andi menshi. Ryatangiye ricuranga ngo ryishimishe kuko icyo gihe mu muziki nta mafaranga yabagamo.

Bamaze kumenyekana mu birwa bya Guadeloupe, batangiye gukora ibitaramo ndetse no mu bihugu bitandukanye nka Congo-Brazzaville, Sénégal, Amerika, u Buyapani, rikaba ari ryo tsinda rya mbere ry’abirabura ryaririmbiye mu cyahoze ari Leta zunze ubumwe z’aba Soviete.

Abazitabira iki gitaramo bazagira amahirwe yo kureba no kuririmba imbonankubone zimwe mu ndirimbo za Kassav zakunzwe cyane mu Rwanda zirimo OU La, Rété, Siwo, Kolé Séré, n’izindi.

Abinyujije ku rukuta rwe rwa Instagram, umuhanzi Christopher yari yaciye amarenga ko ku munsi w’abakundana azashimisha abakunzi be, ariko ntiyasobanura uko azabikora.

Christopher ukunzwe mu ndirimbo zigaruka kenshi ku rukundo, azahurira ku rubyiniro na Kassav ku munsi w’abakundana. Si ubwa mbere Christopher akora igitaramo ku munsi nk’uyu, kuko tariki ya 14/02/2017 yakoze igitaramo amurika Album ye yise "Ijuru rito".

Iki gitaramo kizabera muri Kigali Conference and Exhibition Village hazwi nka Camp Kigali. Kwinjira bizaba ari 10,000 Frw ahasanzwe, 20.000Frw muri VIP ndetse na 30.000Frw muri VVIP.

Umva hano indirimbo yakunzwe na benshi ya Kassav