Ingabire Grace w’imyaka 25 y’amavuko wari wambaye numero 07, yinjiye mu irushanwa rya Miss Rwanda 2021 ahagarariye Umujyi wa Kigali, akaba yararangije Icyiciro cya Kabiri cya Kaminuza muri Leta Zunze Ubumwe za Amerika, aho yize ibijyanye n’imibyinire ihuzwa n’imitekerereze.

Ingabire Grace wegukanye ikamba rya Miss Rwanda 2021

Miss Ingabire Grace yahembwe imodoka nshya ya Hyundai Creta 2021 yatanzwe na Hyundai Rwanda, azajya ahembwa umushahara w’ibihumbi 800Frw ku kwezi mu gihe cy’umwaka azamarana ikamba, naho lisansi azashyira mu modoka ye mu gihe cy’umwaka izatangwa na sitasiyo ya Merez Petrolium.
Azahabwa kandi Internet mu gihe cy’umwaka wose ndetse anatunganyirizwe imisatsi uko abyifuza mu gihe cy’umwaka wose n’ibindi bihembo byinshi.

Akaliza Amanda, igisonga cya mbere

Umutoni Witness, igisonga cya kabiri

Habanje gutangwa andi makamba arimo Miss Popularity ryahawe Kayirebwa Marie Paul, agahembwa na MTN 1,000,000 y’Amafaranga y’u Rwanda, yemerewe kwiga muri University of Kigali n’ibindi bihembo bitandukanye.

Umutoniwase Sandrine ni we wahawe ikamba rya Miss talent ku mpano ye idasanzwe yo gushushanya, ahembwa 1,800,000 y’Amafaranga y’u Rwanda no kwiga muri University of Kigali.

Umutoniwase Sandrine, Miss Talent

Uwase Phiona niwe ubaye Miss Photogenic ahabwa 1,800,000Frw na Diamond Smile dental Clinic no kwiga muri University of Kigali.

Uwase Phiona

Musana Teta Hense niwe wabaye Miss innovative agahembwa na Bank Of Kigali amafaranga angana na 6,000,000frw, umushinga we uzashyirwa mu bikorwa afatanije n’umuhanga mu mishinga wo muri BK, akemererwa Kwiga muri University of Kigai.

Imodoka Miss Rwanda 2021 yahawe

Hararara hamenyekanye uweguukana ikamba rya Nyampinga w’u Rwanda 2021

Abiyandikishije muri iryo rushanwa bari 413 bitandukanye n’uko indi myaka byagiye bigenda, kubera ingamba zo kwirinda Covid19, abo bakobwa bifataga amashusho bavuga bagasubiza n’ibibazo babajijwe kuri murandasi.

Muri bo 37 ni bo batoranijwe bakomeza mu cyiciro cya mbere’ pre-selection’, harimo abahagarariye Intara zose zo mu Rwanda.

Tariki 3 Werurwe 2021 nibwo bahuriye mu mwiherero hakaza gutorwamo 20, ari nabo bakomeje umwiherero.

Uri bwegukane ikamba rya Miss Rwanda 2021 hamwe n’abaza gutsindira amakamba atandukanye barahabwa ibihembo n’izindi nyungu nyinshi mu rwego rwo gutuma ayo marushanwa aha icyizere abakobwa benshi bashoboka.

Mu mpinduka zabaye uyu mwaka, imyaka yemewe isabwa uwitabira yarongerewe iva kuri 24 igera kuri 28, mu gihe uburebure bwasabwaga bwavanyweho. Abitabira amarushanwa bagomba kuba bari mu kigero cyiza cy’umubiri (BMI).

Mu makamba ari butangwe usibye Miss n’ibisonga, hari Miss innovation ari we uwatanze umushinga uhiga indi uri buhembwe na Bank of Kigali, Miss Talent wagaragaje impano ihebuje, Miss popularity wakunzwe kurusha abandi, Miss Photogenic uzi kwifotoza kurusha abandi, Miss Heritage wahize abandi mu kugaragaza umuco nyarwanda na Miss congeniality wabanye neza n’abandi.

Ibyo birori birabera mu Ntare Arena Rusororo, bice kuri television ya KC2, abarebera kuri YouTube barishyura 3$ angana na 2,850Frw kuko nta bantu bari buze kuba bari aho bibera.

Uretse abasuye ba Nyampinga babigisha ibijyanye n’umuco, umutekano, ishoramari, uko imishinga itegurwa igashyirwa mu bikorwa kugera ku buzima bw’imyororokere. Abo bakobwa kandi biga uko bagomba kwiyerekana imbere y’abantu mu myambaro itandukanye n’uburyo basubiza.

Mu bamenyekanye cyane harimo Marie Paul Kayirebwa ufite numero ya 13 uri mu mashusho y’indirimbo zitandukanye nka Ikinyafu ya Bruce Melodie, abenshi bagiye bagaruka ku buryo agaragara mu ndirimbo.

Akaliza Amanda ufite numero 1 ufite tatouage ku kuboko, ibintu bitari bimenyerewe ku bakobwa bahatana muri Miss Rwanda.

Umunyamabanga wa Leta muri Minisiteri y’Urubyiruko n’Umuco, Edouard Bamporiki

Ku munsi wa mbere basuwe n’itsinda ry’ababigishaga uko umuntu yitwara ari imbere y’imbaga nyamwinshi nta bwoba afite, kandi akagusha ku ntego mu gihe gito.
Muribo harimo Sylvia Makario, enjeniyeri mu ikoranabuhanga akaba rwiyemeza mihigo, Natacha Karangwa umuhanzi na Katharina Hartwig.

Umunyamabanga wa Leta muri Minisiteri y’Urubyiruko n’Umuco, Edouard Bamporiki, nawe yasuye abo bakobwa abigisha kuri ‘nyampinga ufite umuco mu bakobwa bafite imico’.

Yasobanuriye abakobwa ko umuco ari umutima w’igihugu, ngo igihugu kitagira umuco ni igihugu kitabaho.

Yagaragarije ba Nyampinga ko umuco w’u Rwanda uturuka ku bintu bitatu ari byo, Umurage, Ibihangano n’Ibihahano. Yavuze ko Nyampinga ubereye u Rwanda akwiye kugira umutima.

Ibyo abakobwa baganirizwa babikuramo amasomo bakandika

Yabasabye kuba abakobwa bafite umuco mu isi y’abakobwa bafite imico kandi bavuga u Rwanda.

Yagize ati “Turabasaba kuba abakobwa bafite umuco, batwara u Rwanda ku mutima. Ntabwo ushobora kuba umukobwa w’umuco utavuga u Rwanda. Mutarame u Rwanda, mwange abarutaramana. U Rwanda ruruta ikamba ariko iyo urukoreye ruguha ikamba".

Banasuwe kandi na komiseri wungirije muri Community Policing, ACP Rose Muhisoni, yaganirije ba Nyampinga ku ruhare rw’umwari mu gucunga umutekano we n’uw’abandi.

ACP Rose Muhisoni

Ku bijyanye no kwicungira umutekano cyangwa kuwucungira abandi, ACP Muhisoni yavuze ko bikorwa umuntu yirinda agakungu n’abakora ibyaha, kwitwararika, gutangira amakuru ku gihe no gutungira agatoki inzego z’umutekano abashobora guhungabanya umutekano.

Umuyobozi mukuru w’inteko y’Umuco, Amb Robert Masozera, yasuye abo bakobwa, abaganiriza ku ndangagaciro z’umuco nyarwanda. Yabagaragarije ko umurage w’Abanyarwanda ugizwe n’indangagaciro z’umuco w’u Rwanda ari zo: gukunda igihugu no kugira ubupfura, kunga ubumwe no gukunda umurimo.

Amb Robert Masozera, Umuyobozi Mukuru w’Inteko y’Umuco

Abakobwa kandi basuye urwibutso rwa Ntarama ruri mu Karere ka Bugesera, babwirwa amateka ya Jenocide yakorewe abatutsi mu 1994 i ntarama, ahashyinguye abarenga 5000. Bose uko ari 20 nta n’umwe wari waravutse mu 1994.

Basuye urwibutso rwa Ntarama mu Bugesera

Ku rukuta rwe rwa Twitter, Miss Jolly yagaragaje amafoto yifotoje yambaye iyo kanzu igaragaza ibice by’umubiri nk’imbavu, inda n’umugongo, ikaba ndende cyane ku buryo ifite n’ibikururuka inyuma iyo agenda. Ubutumwa bwaherekeje ayo mafoto bwashimiraga uwamudodeye iyo kanzu.

Mu bagize icyo bavuga kuri iyo kanzu kuri Twitter, hari uwitwa Ruhurwinda wavuze ko yari yambaye neza iryo joro. Uwitwa Frank ati “Aho kwica style rata wakwicwa n’umusonga, wambaye neza Miss w’ibihe byose, ramba ramba”.

Icyakora hari n’abamunenze nka Mama J wagize ati “Nibaza impamvu ba Role model muvuga atari bo mukurikiza no mu kwambara. Wari wabona yambara yagaragaje ibice by’umubiri kweli? Uzi ko uramutse ubaye nk’umuyobozi runaka wiyubashye, iyo foto wajya uyireba agahinda kakakwica!”

Kuri uwo mugoroba, Miss Jolly ntiyagaragaye mu kanama nkemurampaka muri icyo gikorwa nk’uko byari bisanzwe kuva muri 2018, gusa nta mpamvu yatangajwe y’iryo hagarikwa rye, icyakora yagaragaye atanga ‘Pass’ ku bakobwa bemerewe gukomeza guhatana.

So besides of the cameraMan , credit to my beautiful dress of yesterday’s preselections goes to @tangadesigns pic.twitter.com/l7gt9ZY3QB

— Jolly Mutesi. #TeamPK (@JollyMutesi) March 7, 2021

Mu birori byabereye kuri television ya KC2 mu ndimi eshatu zitandukanye Ikinyarwanda, Igifaransa n’Icyongereza ku mugoroba wo ku wa 6 Werurwe 2021, abakobwa 20 bahawe amahirwe n’akanama nkemurampaka yo gukomeza mu cyiciro gikurikira bamenyekanye.

Babiri muribo aribo Kabagema Laila na Ishimwe Sonia bakomeje babikeaha amanota menshi bagize biturutse mu majwi y’ababatoye, yaba ku butumwa bugufi ndetse n’izindi mbuga.

Aba nibo bakobwa bakomeje.

1 Ingabire Grace (No.7)

2 Ingabire Esther (No.6)

3 Ishimwe Sonia (NO.10)

4 Kabagema Laila (No.11)

5 Musango Nathalie (No.19)

6 Kayitare Isheja Morella (No.14)

7 Gaju Evelyne (No.5)

8 Akaliza Hope (No.2)

9 Akaliza Amanda (No.1)

10 Isaro Rolita Benita (No.9)

11 Uwase Phiona (No.35)

12 Uwase Kagame Sonia (No.34)

13 Uwankusi Nkusi Linda (No.32)

14 Umutoniwase Sandrine (No.29)

15 Umutoni Witness (No.28)

16 Umutesi Leah (No.27)

17 Teta Larissa (No.23)

18 Musana Teta Hense (No.18)

19 Karera Chryssie (No.12)

20 Kayirebwa Marie Paul (No.13)

Emma Claudine umwe mu bagize akanama nkemurampaka yasobanuye ibyagendeweho batora abo bakobwa 20.

Yagize ati “Twarebaga uburyo buri mukobwa yiyerekanye ingendo ye nuko atambuka, twarebaga icyo umukobwa yasubije n’uko yagisubije”. Hiyongeraho ubwiza, ubwenge n’umuco.

Bamwe mu bakobwa batoranyijwe

Ni igikorwa cyabaye kuri uyu wa Gatandatu tariki 20 Gashyantare 2021, kinyujijwe kuri Televisiyo y’igihugu umuronga wa KC2, hamwe n’imbuga nkoranyambaga za Miss Rwanda.

Abakobwa 413 ni bo bari biyandikishije mu marushanwa y’ubwiza n’ubwenge, kugira ngo hazabonekemo umukobwa uhiga abandi, icyakora hagendewe ku bibazo byabajijwe n’amabwiriza yatanzwe, abakobwa 37 ni bo bashoboye gutambuka icyiciro cya mbere.

Umujyi wa Kigali uhagarariwe n’abakobwa 14, Intara y’Amajyaruguru 5, Iburengerazuba 10, Amajyepfo 2, naho Intara y’Iburasirazuba ifite abakobwa 6.

Abahagarariye Umujyi wa Kigali

Akaliza amanda

Akeza Grace

Gaju Evelyne

Ingabire Grace

Kabagema Laila

Karera Chrysie

Kayirebwa Marie Paul

Kayitare Isheja Morella

Musana Hense Teta

Musango Nathalie

Umutoni Witness

Uwase Phiona

Uwera Aline

Abahagarariye Intara y’Iburasirazuba

Akaliza Hope

Dorinema Queen

Mbanda Godwin

Mugabe Sheilla

Mugabekazi Assouma

Uwankusi Nkusi Linda

Abahagarariye Intara y’Iburengerazuba:

Ingabire Esther

Ishimwe Sonia

Mutesi Doreen

Muziranenge Divine

Teta Cynthia

Umunyana Divine

Umunyurwa Melissa

Umutoniwase Sandrine

Umwali Diana

Uwase Kagame Sonia

Abahagarariye Intara y’Amajyepfo:

Ingabire Honorine

Uwimana Clementine

Abahagarariye Intara y’Amajyaruguru:

Isaro Rolitha Benitha

Teta Lalissa Keza

Ufitinema Berline

Umutesi Lea

Uwase Aline

Abiyamamariza kuba Nyampinga 2021 bohereje amashusho basubiza ibibazo babajijwe

Irushanwa rya Miss Rwanda ritoranywamo umukobwa uhiga abandi mu bwiza mu Rwanda, iya 2021 ikaba ifite umwihariko kuko abakobwa bari basanzwe batorwa biyerekanye ndetse basubiriza ibibazo imbere y’abakemurampaka, uyu mwaka hakoreshejwe ikoranabuhanga.

Ubuyobozi bwa Rwanda Inspiration Back Up, butangaza ko bwakiriye ubusabe bw’abakobwa babarirwa muri 400 basabye bakoresheje ikoranabuhanga, ndetse n’ibikorwa byo gusubiza ibibazo hakoreshwa uburyo bwa video.

Tariki ya 17 Gashyantare abagize itsinda nkemurampaka ni bwo batangaje ko barimo gusoza amashusho y’abakobwa bashubije ibibazo ndetse abatsindiye guhagararira Intara bakazatangazwa tariki ya 20 Gashyantare.

Ibirori byo gutangaza abo bakobwa bikaba bizanyuzwa kuri televisiyo y’u Rwanda, ndetse no ku miyobora ya Rwanda Inspiration Back Up.

Nyampinga w’u Rwanda ucyuye igihe, Nimwiza Meghan, avuga ko bizeye ko abakobwa basubije neza.

Agira ati“Turizera ko abakobwa basubije neza kuko ibibazo babajijwe byari byoroshye, kandi byarebaga ku mishanga yabo baramutse batsindiye ikamba, icyo COVID-19 yabigishije n’icyo bashingiraho kugira ngo bashobore kwemererwa”.

Nimwiza asaba abakobwa gukomeza kwirinda icyorezo cya Covid-19 kugira ngo barinde ubuzima bwabo n’ubw’abandi, kuko barwaye bacikanwa no kwitabira amarushanwa.

Akomeza avuga ko irushanwa rya Nyampinga uyu mwaka ryatunguranye cyane, kuko hagendewe ku bihe u Rwanda rurimo habonetse abakobwa benshi.

Ati “Kuri twe birashimishije kuko bigaragaza ko hari abakobwa benshi baba bategereje aya mahirwe kandi baba bariteguye, bitwereka ko umwana w’umukobwa aba yifuza kwiteza imbere mu bihe bisanzwe no mu bihe by’icyorezo”.

Akomeza avuga ko ubusanzwe mu Ntara hatorwa abakobwa batandatu ariko bashobora kurenga bitewe n’uko abakemurampaka babibonye, kuko hari abakobwa benshi basubije neza kandi bujuje ibisabwa ku buryo umubare ushobora kurenga.

Abakemurampaka mu gikorwa cyo kureba amashusho yoherejwe n’abiyamamariza kuba Nyampinga

Bimwe mu byahaye amahirwe abakobwa kwiyandikisha ari benshi birimo kuba harongerewe imyaka, aho hemewe abafite imyaka hagati ya 18-28, mu gihe byari bimenyerewe ko umukobwa witabira iryo rushanwa agomba kuba atarengeje imyaka 25 y’amavuko.

Ibyo bikiyongeraho ku kuba umukobwa wemerewe kujya mu marushanwa ya Nyampinga w’u Rwanda, yarasabwaga kuba yararangije amashuri yisumbuye, atarabyaye, afite ubuzima buzira umuze ndetse atarashatse umugabo.

Byari bimenyerewe ko hatangwa amakamba ya Miss Rwanda harimo iry’igisonga cya mbere, icya kabiri, uwakunzwe n’abantu, uw’umurage ndetse n’uwabanye neza na bagenzi be, ariko uyu mwaka ngo hazanatangwa iry’umushinga ufite agashya ndetse n’uwagaragaje impano yihariye kurusha bagenzi be.

Ikindi kiziyongera ku byiza mu marushanwa yo gutora Nyampinga w’u Rwanda ni uko abakobwa 20 bazagera mu kiciro cya nyuma bazahabwa buruse zo kwiga muri kaminuza.

Mariya Yohana ari mu bakemurampaka

Akanama nkemurampaka ka Miss Rwanda 2021 kagaragajwe

Kuri ubu itsinda ritegura Miss Rwanda rya ‘Inspiration Backup’ ryatangaje akanama nkemurampaka, kagizwe n’abantu batanu barimo Miss Jolly Umutesi wabaye Miss Rwanda 2016.

Harimo kandi Maria Yohana Mukankuranga uririrmba indirimbo za gakondo. Ni umwe mu bagize aka kanama, akaba kandi yari ari no mu majojonjora ya Miss Rwanda 2020 y’ibanze.

Undi ni Emma Claudine uzwi mu biganiro bivuga ku buzima bw’imyororokere y’abangavu mu myaka 15 ishize. Yatangiriye mu kiganiro “Imenye Nawe” kuri Radio Salus muri 2005, aza guhindura akora icyitwa “Baza Shangazi” akorana n’ikinyamakuru Ni Nyampinga.

Michèle Iradukunda ni umunyamakuru ubimazemo imyaka 8, na we ubwe yagiye mu marushanwa menshi y’ubwiza atandukanye akiri umunyeshuri ndetse no ku rwego rw’igihugu.

Umushya muri ako kanama ni Pamela Mudakikwa, akaba umuhanga mu itumanaho, akazi akoze imyaka irenga 10. Bimwe mu byo azwiho ni uburyo ayobora ibiganiro haba ibivuga ku buzima bw’umuryango ndetse n’iterambere rya muntu.

Undi ni Miss Rwanda 2016, Mutesi Jolly. Asanzwe agaragara muri ako kanama abakobwa benshi bakavuga ko bamutinya kubera ibibazo bikomeye abaza, na we akaba azagaruka muri Miss Rwanda 2021.

Miss Rwanda 2021 irimo kuba mu buryo butandukanye n’ubusanzwe, aho abakobwa bajyaga aho amajonjora abera bagatoranywa. Ubu abakobwa bifata amashusho bavuga bakohereza ubundi bagatoranywamo nta guhura kugira ngo hakurikizwe amabwiriza yo kwirinda Covid-19.

Nishimwe Naomie ni we uheruka kwegukana ikamba rya Miss Rwanda 2020

Nk’urubuga ruha imbaraga abakobwa bakiri bato mu gukurikira inzozi zabo no guteza imbere ubukerarugendo bushingiye ku muco, abategura iri rushanwa, mu Ukuboza 2020 batangaje ko hari impinduka zikomeye z’irushanwa ry’umwaka wa 2021, biyemeje kuyobora Miss Rwanda y’uyu mwaka mu buryo bw’ikoranabuhanga n’umuhezo kugira ngo harindwe ubuzima bw’abahatana.

Umuyobozi ushinzwe itumanaho muri Miss Rwanda, Meghan Nimwiza yagize ati: “Miss Rwanda ni amarushanwa ngarukamwaka abakobwa benshi bifuza kwitabira. Mu myaka yashize, aya marushanwa yaramenyekanye cyane mu Rwanda ndetse no hanze yarwo mu gihe amahirwe atanga na yo yagiye yiyongera buri mwaka.”

“Tumaze gutangaza Miss Rwanda 2021 no gusuzuma ko abifuza kuzitabira amarushanwa bari bamaze kwiyandikisha kuri murandasi, twatekereje ko ari ngombwa gushakisha uburyo bwo kuyobora amarushanwa mu murongo w’ikoranabuhanga ndetse n’umuhezo aho kuyasubika.”

Bitewe n’icyorezo cya COVID-19 n’ingamba zo kwirinda ziriho, abategura Miss Rwanda bateguye gahunda ifatika hamwe n’umurongo ngenderwaho uzatuma Miss Rwanda yo mu 2021 ikorwa ariko mu buryo bwizewe mu kurengera ubuzima, haba ku bahatana ndetse n’abategura.

Muri gahunda nshya, ibyiciro bitanu byose byo gutora bizakorwa neza, aho amajonjora n’ibindi bikorwa by’ibanze bizaba hifashishijwe ikoranabuhanga naho ‘pre-selection,’ umwiherero na finale bikorwe hifashishijwe uburyo bw’umuhezo.

Mu gice cy’amajonjora y’ibanze, abazitabira amarushanwa bazasabwa gutanga amashusho yabo n’ibisabwa byihariye, abagize akanama nkemurampaka bazabisuzuma hanyuma bashingiye ku nsanganyamatsiko y’‘ubwiza, ubuhanga n’umuco’, hatorwe abahatana bujuje ibisabwa.

Abazitabira amarushanwa bazanyura mu igenzura hamwe n’itsinda ryose ritegura irushanwa bakorerwe ikizamini cya PCR COVID-19 hanyuma bashyirwe mu muhezo aho ibyiciro byose bizakurikira bizabera kugeza kuri finale.

Nimwiza yakomeje agira ati: “Iyi gahunda yaragenzuwe kandi yumvikanyweho n’impande zose n’abaterankunga nyuma y’inama zitandukanye. Ibyiciro byose bizamenyeshwa kandi abaturage bazakurikirana amakuru y’irushanwa yose ku Kigo cy’Igihugu cy’Itangazamakuru (RBA) n’ibindi bitangazamakuru bitandukanye.”

“Ibikorwa byinshi ku isi byabaye ngombwa ko bihinduka mu buryo bushya nyuma y’iyaduka ry’iki cyorezo, ntacyabuza na Miss Rwanda. Inzira zose zarashakishijwe kugira ngo imyiteguro y’irushanwa rya 2021 ikorwe neza, nk’ibindi bikorwa byinshi ku isi.”

Kwiyandikisha kuri murandasi birakomeje ariko bizasozwa ku ya 8 Gashyantare 2021. Icyemezo cyo gukomeza iyi myiteguro cyaje nyuma y’isuzuma ryakozwe, ryerekanye ko amajonjora ya Miss Rwanda ashobora gutegurwa hifashishijwe uburyo bw’ikoranabuhanga ry’amashusho.

Nimwiza yongeyeho ati: “Iki cyemezo cyatewe ahanini n’uko abakobwa benshi bari bamaze kwiyandikisha kandi bagaragaza ko bifuza kwitabira kandi ntitwashoboraga kubabuza amahirwe. Turizera ko icyorezo kizagabanuka vuba kugira ngo habeho urwego runaka rw’ibisanzwe ariko bitabaye ibyo, ubuzima bugomba gukomeza ariko mu buryo bw’ubwirinzi.”

Mu mpinduka nshya, kwiyandikisha bizarangira ku ya 8 Gashyantare mu gihe ibikorwa by’amajonjora y’ibanze byo bizatangira kuva ku ya 9 Gashyantare kugeza ku ya 18 Gashyantare. Kuva ku ya 19 Gashyantare, abategura bazatangira kwerekana abahagarariye intara zitandukanye bazaba batsinze amajonjora y’ibanze.

Gutora kuri murandasi na SMS bizatangira ku ya 22 Gashyantare kugira ngo hamenyekane abazaba batsindiye imyanya ya mbere 20. Abahatana bazinjira mu muhezo ku ya 3 Werurwe mu gihe ‘pre-selection’ yo gutoranya izaba ku ya 6 Werurwe.

Abahatana 20 ba mbere, bazagera mu cyiciro cya nyuma, bazajya mu mwiherero uzatangira ku ya 6 Werurwe kugeza ku ya 20 Werurwe, ubwo hazaba ari ku munsi wa nyuma w’irushanwa. Finale izabera kuri Kigali Arena kandi izaba itambuka kuri RBA.

Ku ya 11 Ukuboza 2020, abateguye Miss Rwanda batangaje impinduka zikomeye mu irushanwa rya Miss Rwanda 2021, ryiswe ‘Miss Rwanda y’impinduka’, nyuma y’amavugurura mu mitegurire, ryakinguye amarembo ku bakobwa benshi mu gihe ibihembo na byo byavuguruwe.

Uzegukana ikamba rya Miss Rwanda hamwe n’abazatsindira amakamba atandukanye bazahabwa ibihembo n’inyungu nyinshi mu rwego rwo gutuma aya marushanwa aha imbaraga abakobwa benshi bashoboka.

Mu mpinduka nshya, imyaka yemewe isabwa uwitabira yongerewe kuva kuri 18 kugeza kuri 24 igera kuri 18 kugeza kuri 28, mu gihe uburebure bwasabwaga bwavanyweho. Abitabira amarushanwa bagomba kuba bari mu rwego rwiza rw’umubiri (BMI).

Bitandukanye no mu marushanwa y’imyaka yashize, uwatsindiye Miss Rwanda 2021, abatsindiye andi makamba n’abageze mu cyiciro cy’umwiherero bazashyigikirwa mu buryo butandukanye, harimo gutera inkunga imishinga yabo n’impano zabo nziza mu gihe cy’umwaka wose.

Ni inkuru dukesha abategura Miss Rwanda 2021

Abashinzwe gutegura Miss Rwanda bavuguruye ibisabwa ku bazayitabira

Abakobwa benshi basibaga kwitabira iri rushanwa kuko batabaga bujuje ibisabwa ngo bemerwe. Ariko nyuma yo kwicara abategura Miss Rwanda bakareba ibisabwa ku rwego mpuzamahanga mu marushanwa nk’aya, babihereyeho bahindura.

Kuri ubu uburebure n’ibiro ntabwo bigihamye, ahubwo umukobwa agomba kuba afite ubuzima bwiza, aho bazajya bapima bakareba Body Mass Index (BMI).

Imyaka ntabwo ikiri hagati ya 18 na 24 yongerewe igera kuri 28, ibi byakozwe kugira ngo bihe amahirwe abandi bakobwa benshi, kandi iyi myaka ni yo ngenderwaho ku rwego mpuzamahanga.

Abafatanyabikorwa muri Miss Rwanda 2021

Izindi mpinduka ni uko buri mukobwa uzahabwa ikamba wese azahabwa igihembo cyo guhagararira umwe mu bafatanyabikorwa batandukanya barimo MTN, Banki ya Kigali, Africa improved food, Bella Flowers, Hyundai na Volcano.

Usibye guhagararira umufatanyabikorwa runaka kandi, umukobwa uzahabwa ikamba azafashwa gukurikirana umushinga we awushyire mu bikorwa.

Mu bihembo bitangwa hiyongeremo ibindi bishya, kuri ubu abakobwa bari muri ‘boot camp’ uza jya agaragaza impano ye neza azajya afashwa anahuzwe n’abamuteza imbere mu mpano ye.

Imodoka ya Hyundai Creta 2021, ni yo uzegukana ikamba rya Miss Rwanda 2021 azahabwa

Ndetse n’ufite umushinga mwiza kurusha indi ibi bizemezwa n’abahanga mu kugenzura imishinga, azahembwa na BK imufashe gushyira mu bikorwa uwo mushinga nubwo yaba atari we uzatsindira ikamba rya Miss Rwanda.

Iri rushanwa uyu mwaka rizaba ku buryo butandukanye kuko abakobwa aho kwiyandikisha bagiye ku ma hoteli yashyizweho mu ntara zose z’igihugu, ubu baraza kwiyandikisha kuri internet baciye ku rubuga rwa Miss Rwanda arirwo www.missrwanda.rw.