Umunyamabanga Nshingwabikorwa w’Umurenge wa Rugera , Hakizimana Innocent, mu kiganiro yagiranye na Radio Rwanda mu gitondo cyo kuri uyu wa Gatatu, yavuze ko bataramenya impamvu y’ubwo bugizi bwa nabi.

Icyakora aremeza ko ari ubugome atari ubujura kuko ibitoki byatemwe babisize aho akavuga ko bafatanyije n’inzego zibishinzwe zirimo Urwego rw’igihugu rw’ubugenzacyaha (RIB) na Polisi barimo gukora iperereza.

Uwo muyobozi yakomeje avuga ko igikorwa nk’icyo cyari giherutse mu kwezi kwa Gatandatu k’umwaka ushize, uwakoze urugomo akaba yarafashwe agahanwa.

Amakuru ava mu baturage ndetse no kuri Ntamezayino, hari abaremeza ko urwo rugomo rwaturutse ku businzi, abandi bagahamya ko ari amakimbirane.

Ayo makuru akaba ari gukusanywa ngo bamenye impamvu nyayo, umuyobozi w’umurenge agasaba abaturage gukomeza gutanga amakuru kugira ngo bafashe iperereza ririmo gukorwa.

Yasezeranyije ubufasha Ntamezayino wakorewe urwo rugomo, bamufasha kumenya abamwangirije urutoki, kandi ko ubuyobozi n’abaturage bazamuba hafi kugira ngo urutoki rwe rukomeze rugire umusaruro.

Sonko ahakana ibirego ashinjwa harimo guhungabanya umutekano rusange byatewe n’imvururu zakurikiye ifatwa rye akavuga ko ari impamvu za politiki, abifata nk’uburyo bwo kumubuza kwitabira amatora ya Perezida wa Repubulika ategerejwe muri 2024.

Ihuriro ry’abatavuga rumwe n’ubutegetsi rya Mouvement pour défendre la démocratie (M2D) ni ryo riri inyuma y’imyigaragambyo, nk’uko bigaragara ku rubuga www.bbc.com dukesha iyi nkuru.

Alioune Badara Cissé uzwi ku izina ry’umuhuza wa Repubulika, yasabye Guverinoma kudatera ubwoba abigaragambyaga, gukemura ikibazo cy’ubukene bukabije n’ubushomeri mu rubyiruko, yanahamagariye abigaragambya kurangwa n’amahoro ndetse bakareka gusahura.

Minisitiri w’Umutekano, Antoine Félix Abdoulaye Diome, yavugiye kuri televiziyo y’igihugu ko bazakoresha inzira zose zishoboka kugira ngo bahagarike imyigaragambyo avuga ko yateguwe na Ousmane Sonko.

Hari amakuru avuga ko Perezida Macky Sall ashobora guhindura itegeko nshinga kugira ngo yemererwe kwiyamamariza manda ya gatatu. Sonko ukunzwe cyane n’urubyiruko waje ku mwanya 3 mu matora 2019, bikaba bivugwa ko ariwe bazahangana.

Perezida Macky Sall ku mugoroba wo ku ya 08 Werurwe 202, ku nshuro ya mbere yagize icyo avuga nyuma y’ifatwa rya Ousmane Sonko n’imvururu zakurikiye ifatwa rye.

Mu ijambo yavugiye kuri RTS1, Perezida Macky Sall yasabye abigaragambya kurangwa n’umutuzo, ati "Twese hamwe reka ducecekeshe inzika zacu twirinde guhangana byatuganisha ku bibi".

Umukuru w’igihugu yabasabye kureka ubutababera bugakorera mu bwigenge ku bijyanye n’ibirego Ousmane Sonko ashinjwa byo gufata ku ngufu.

Iyo myigaragambyo yakomeje kugarukwaho mu bitangazamakuru bitandukanye no ku mbuga nkoranyambaga, cyane cyane Twitter aho hifashishijwe #FreeSenegal mu gutanga ibitekerezo bitandukanye.

Itsinda ry’akarere ka Afurika y’iburengerazuba (Ecowas), ryamaganye ihohoterwa kandi rihamagarira "impande zose gutuza", ryanasabye abayobozi gufata ingamba zikenewe zo kugabanya amakimbirane ndetse abagigarambya bakabikora mu bwisanzure no mu mahoro".

Icyakora Sonko yararekuwe ku wa Mbere tariki ya 8 Werurwe 2021, gusa ngo azakomeza gukurikiranwa ku cyaha cyo gufata ku ngufu.

New York 1915, abagore bari mu rugendo rwo guharanira uburenganzira bwabo

Uyu munsi watangiye ari nk’ihuriro ry’abakozi, aho mu 1908 abagore 15.000 bakoze urugendo mu mujyi wa New York muri Leta Zunze Ubumwe za America rugamije gusaba amasaha make y’akazi, umushahara mwiza n’uburenganzira bwo gutora nk’uko urubuga www.bbc.com ryabyanditse.

Ishyaka rya Gisosiyalisiti ryo muri Amerika ryatangaje umunsi wa mbere w’umugore mu gihugu, mu 1909. Igitekerezo cyo kugira uyu munsi mpuzamahanga cyatanzwe mu 1910 n’umugore witwa Clara Zektin mu nama yabereye i Copenhagen muri Denmark, yitabiriwe n’abagore 100 baturutse mu bihugu 17, bashyigikira bose igitekerezo cye.

Uyu munsi waje kwamamara igihe Loni yatangiye kuwizihiza mu 1975, iwemeza ku mugaragaro mu 1977 nk’umunsi ugamije gukangurira abantu kumenya ibibazo by’umugore. Insanganyamatsiko ya mbere ya Loni yashyizweho mu 1996 yagiraga iti "Kwishimira ibyahise, Gutegura ejo hazaza".

Ibihugu bya mbere byizihije uyu munsi mu 1911 harimo, Austria, Denmark, Germany na Switzerland, isabukuru y’imyaka ijana yizihijwe muri 2011.

Mu Burusiya ntabwo uyu munsi wahise wizihizwa kugeza mu gihe cy’intambara yo 1917 aho abagore bakoze imyigaragambyo basaba "Umugati n’amahoro", nyuma y’iminsi ine y’imyigaragambyo Umwami amaze kwegura, Guverinoma y’agateganyo yahaye abagore uburenganzira bwo gutora.

Iyo myigaragambyo y’abagore yatangiye tariki ya 23 Gashyantare kuri kalendari ya Julian yakoreshwaga mu Burusiya, itariki ihinduka 08 Werurwe kuri kalendari ya Gregory (Gregorian calendar).

Muri iki gihe umunsi mpuzamahanga w’umugore wizihizwa mu rwego rwo kwishimira intambwe abagore bamaze gutera muri politiki n’ubukungu, mu myaka yashize uyu munsi wizihizwaga mu ngendo n’ imyigaragambyo bigamije kugaragaza ikibazo cy’ubusumbane.

Clara Zektin

Nk’uko tubisanga ku rubuga www.internationalwomensday.com amabara yifashishwa mu kwizihiza uyu munsi harimo ‘move’ isobanura ubutabera n’agaciro, icyatsi kibisi gisobanura icyizere n’umweru usobanura ubuziranenge.

Ayo mabara atavugwaho rumwe yashyizweho mu 1908 n’ ihuriro rya politiki n’imibereho myiza y’abagore (WSPU) ryo mu Bwongereza.

Twifurije abari n’abategarugori umunsi mwiza mpuzamahanga w’umugore 2021, mu Rwanda hazirikanwa insanganyamatsiko igira ati "Munyarwandakazi, ba ku ruhembe mu isi yugarijwe na Covid-19".

Ambasaderi Vincent Karega ari kumwe na Perezida Tshisekedi mu mwaka ushize ubwo yatangaga impapuro zimwemerera guhagararira u Rwanda muri DRC. Umubano hagati y’ibihugu byombi wakomeje kugenda uba mwiza mu myaka ibiri ishize

Abayoboke b’ ishyaka ritavuga rumwe n’ubutegetsi bwa Congo (LAMUKA) bakoze imyigaragambyo imbere ya Ambasade y’u Rwanda i Kinshasa bavuga ko Ambasaderi Karega yavuze nabi umuyobozi wabo Martin Fayulu. Icyo gihe abigaragambyaga bahise batatanywa n’abapolisi bakoresheje imyuka iryana mu maso, abandi batabwa muri yombi.

N’ubwo abanyapolitiki bamwe batavuga rumwe na Leta ya Congo bashaka guhungabanya umubano mwiza w’ibihugu byombi, basubiza inyuma intambwe imaze guterwa n’ubuyobozi buriho bwa Perezida Félix Antoine Tshisekedi, Ambasaderi Karega avuga ko imyigaragambyo iherutse nta cyo yahungabanyije ku mubano mwiza ibi bihugu bifitanye.

Kuva Perezida Tshisekedi yatangira imirimo muri Mutarama 2019, umubano hagati ya Kigali na Kinshasa umaze gutera imbere ariko imigambi mibi yo kurwanya u Rwanda na yo yongerewe ingufu n’abanyapolitiki nka Fayulu, Adolphe Muzito na Dr. Denis Mukwege, n’abandi.

Bamwe muri aba banyapolitiki bari mu bashyigikiye imitwe y’inyeshyamba zo mu Rwanda ikorera muri DRC, bamamaza ’balkanisation’, ivuga ko u Rwanda rufite gahunda yo kwigarurira igice cy’Iburasirazuba bwa DRC mu gihe Dr. Mukwege n’abandi bakomeje gusebya u Rwanda bakoresheje raporo y’Umuryango w’Abibumbye.

Ati: “Byahindutse uburyo bwa Fayulu bwo gukoresha politiki n’ibinyoma yiyamamaza mu matora, avuga ko azakiza Abanyekongo ihohoterwa n’ iterabwoba by’ u Rwanda. Ashinja Leta ya Congo kugurisha Congo, no kuba ibikoresho by’ umwanzi ari we u Rwanda. Ambasaderi Karega yongeyeho ko ku bw’amahirwe, abantu benshi batagifite iyi mitekerereze ishaje imaze imyaka 20.

Ambasaderi Karega avuga ko umubano w’u Rwanda na Congo ushingiye ku mateka yo hambere no mu bihe by’abakoloni, abami n’abaturage bo mu Bushi no mu Rwanda barafatanyaga, bagashyingiranwa, bagakorana ubucuruzi, bakarwanira amahoro mu binyejana byashize.

Kuba hari abava mu Rwanda bajya gukora muri Repubulika Iharanira Demokarasi ya Congo cyangwa abavayo baza gukora mu Rwanda ni ibintu byahozeho kuva kera.

Ibihugu byombi byiyemeje gukomeza gushimangira uyu mubano mwiza ushingiye ku buhahirane, iterambere, amahoro n’inyungu ku bihugu byombi, Akarere na Afurika muri rusange.

Ambasaderi Karega ati: "Iyo nitegereje ubufatanye bw’ibihugu byacu ndetse n’ubucuruzi bugenda bwiyongera n’ubwo hari icyorezo cya COVID-19, ndanyurwa kandi nkishimira umubano wacu n’intambwe yatewe n’ubuyobozi bushya bwa DRC."

Ambasaderi Karega avuga ko u Rwanda rutazivanga muri Politiki ya Congo, ariko ko batazarambirwa kurwanya abasebya u Rwanda, bagamije guhungabanya umubano n’amahoro hagati y’ibihugu byombi.

Ubucuruzi bukorwa hifashishije ikoranabuhanga bugiye gushyirirwaho amabwiriza abugenga

RURA itangaje ibi nyuma y’uko hari abagaragaje ko ibi byemezo byari byakwirakwijwe bizagira ingaruka zikomeye ku bucuruzi bw’ amasosiyete mato n’aciriritse acyiyubaka.

Abaturage batari bishimiye uyu umushinga barimo benshi bakoresha imbuga nkoranyambaga, bakaba bavugaga ko aya mabwiriza azadindiza ubucuruzi bwifashisha ikoranabuhanga usanga bukiri kwiyubaka.

Mu itangazo ryo kuwa Kabiri tariki 23 Gashyantare 2021, RURA yagize iti: “Urwego Ngenzuramikorere (RURA) ruramenyesha abantu bose ko umushinga w’amabwiriza agenga ibigo bikora ubucuruzi bwifashisha ikoranabuhanga, cyane cyane abatanga servisi zo kugeza ibicuruzwa ku bakiliya babitumiza, ukiri ku rwego nyunguranabitekerezo, bityo rero uwo mushinga urimo gukwirakwizwa ku mbuga nkoranyambanga zitandukanye no mu binyamakuru bitandukanye, utagomba gufatwa nk’aho watangiye kubaharizwa.”

RURA ivuga ko icyabaye ari inama nyunguranabitekerezo yitabiriwe n’ibigo bikora ubucuruzi bwifashisha ikoranabuhanga, mu rwego rwo kungurana no gukusanya ibitekerezo byayo bizashyirwa muri uyu mushinga w’amabwiriza mbere y’uko utangira kubahirizwa.

Izindi nama nyungurabitekerezo ngo zizakomeza gukorwa mu rwego rwo gushyiraho umurongo uhamye wo kugenzura no gushyiraho uburyo butuma hatangwa serivisi zinoze, mu buryo butekanye, ndetse no kubaka icyizere hagati y’abaguzi n’abatanga serivisi.

Amabwiriza yari yakwirakwijwe yagaragazaga ko RURA isaba ibigo bikora ubucuruzi bwifashisha ikoranabuhanga kwishyura miliyoni eshatu z’amafaranga y’u Rwanda ku mwaka kugira ngo bihabwe uruhushya rubyemerera gukora. Ibi bikaba ari byo byari byinubiwe n’abantu batandukanye bagaragaza ko ayo mabwiriza aca intege ababa bashakisha uko batangira kwiteza imbere bafite igishoro gito.

Abanenze iyi mitegurire bavuga ko umuteguro mwiza cyangwa se umutako mwiza ari ufite igisobanuro, bakaba batabona igisobanuro cy’ubwo buryo bw’agaseke gacuritse, bamwe ndetse bakaba bavugaga ko byaba bihabanye n’igisobanuro cy’agaseke n’uko gakoreshwa mu muco nyarwanda.

Hari abatanze ibitekerezo bagira bati “Igiseke cyubitse kiba cyamennye, kirimo ubusa." Undi yagize ati "Igiseke kizwi nk’ikibika ibanga kigapfundikirwa kikazapfundurwa n’ukigenewe. Iyo umuntu yohererezaga undi ituro runaka mu giseke ntawundi wamenyaga ikirimo."

Muganga Rutangarwamaboko uzwiho kugira ubumenyi mu byerekeranye n’umuco w’Abanyarwanda, yabwiye Kigali Today ko na we asanga ibyakozwe byo gutegura igiseke kirangaye bihabanye n’umuco nyarwanda kuko ubusanzwe igiseke gipfundikiye gisobanura kugira ibanga.

Naho kuba hari abashobora gukoresha igiseke nk’umutako gusa batagamije kubijyanisha n’umuco, Rutangarwamaboko yavuze ko ibyo bidashoboka kuko ntawe ukinisha ibintu bifite icyo bisobanura ngo abikoreshe uko yishakiye.

Yatanze n’inama ko abategura ibikorwa nk’ibi byerekeranye n’umuco w’u Rwanda kandi bitegurwa mu izina ry’u Rwanda bajya begera ababisobanukiwe bakabagira inama y’uburyo byakorwamo.

Nyuma y’izi mpaka zitandukanye, abategura irushanwa rya Miss Rwanda 2021 banditse kuri Twitter bati "Nk’abategura irushanwa rya Miss Rwanda, duhora twiteguye kwakira inama n’ibitekerezo byubaka. Turabashimira ko mukomeje kuduha ibitekerezo byubaka kuko ni cyo gituma irushanwa rikomeza kwaguka no gutera imbere. Ibyagaragaye ko bitagenze neza bijyanye n’umuteguro (decoration) mu gutangaza abakobwa batsinze amajonjora y’ibanze muri #MissRwanda2021 bizakosorwa ubutaha. Turabashimira ku bitekerezo byiza mukomeza kuduha.

Umutako mwiza, umuteguro mwiza ni ufite igisobanuro. @MissRwandaDotRW mwashatse kutwereka iki mu giseke cyubitse umutemeri wacyo uri iruhande?Mumfashe nsobanukirwe bitaba ari uwateguye yibwira ko harimo “innovation”. Igiseke cyubitse kiba cyamennye, kirimo ubusa. @RuzindanaRUGASA pic.twitter.com/Vz8UrkP1Jm

— NKURANGA Alphonse (@Nkurangalphonse) February 20, 2021

Nk'abategura irushanwa rya Miss Rwanda, duhora twiteguye kwakira inama n'ibitekerezo byubaka. Turabashimira ko mukomeje kuduha ibitekerezo byubaka kuko ni cyo gituma irushanwa rikomeza kwaguka no gutera imbere....[1/2] pic.twitter.com/LHdbVPHfJ5

— Miss Rwanda (@MissRwandaDotRW) February 21, 2021

Iki cyemezo kije nyuma y’uko abarimu benshi bigisha mu bigo byigenga bagejeje ibibazo kuri Saccos bahemberwagamo aho umushahara wabo wabafashaga kwishyura uhagaze muri Gicurasi 2020 kuko amashuri menshi yari afunze kubera ingamba zo kwirinda icyorezo cya COVID-19.

Nyuma yo kumara hafi amezi icyenda batigisha kandi badahembwa umushahara wa buri kwezi, kugeza mu Gushyingo 2020 ubwo amashuri yongeye gutangira ibikorwa, abarimu bigisha mu bigo byigenga bavuga ko Sacco yakomeje kongera inyungu ku nguzanyo bahawe. Abarimu bahuye n’ibibazo bavuga ko begereye amashami ya Sacco yabo kubera izo mpungenge kugira ngo koperative yongere igihe cy’inguzanyo cyangwa izongere inguzanyo mu mezi akurikira Ugushyingo 2020, ariko biba iby’ubusa.

Umwe mu barimu bahuye n’iki kibazo witwa David Mugabo avuga ko amashuri amaze gusubukurwa Saccos zakomeje gukuramo amafaranga y’inguzanyo no guca amande abatinze kwishyura inguzanyo.

Ati: “Twegereye SACCOs tubasaba guhagarika inguzanyo ariko biba iby’ubusa ahubwo badusaba gufata indi nguzanyo kugira ngo tuyishyure mbere.”

Abarimu bavuganye n’itangazamakuru bavuze ko basabye SACCOs zabo gusubira muri gahunda yo kwishyura inguzanyo SACCOs zikongeraho andi mezi yo kwishyura kugira ngo abo barium bashobore kwishyura neza igihe baba batangiye akazi, babwirwa ko gahunda idashobora guhinduka.

Umwarimu witwa JMV Karangwa yagize ati: "Sisitemu yubatswe n’abantu kandi igamije guha abantu ibyo bakeneye, ni iki kigoye mu guhindura iyo gahunda kugira ngo dushobore gukorana n’ibigo by’imari". Abarimu bireba bavuga ko iki kibazo cy’amafaranga kigira ingaruka ku mibereho yabo kandi bakeneye SACCOs kongera gusuzuma gahunda z’inguzanyo, ikibazo cyari gishyigikiwe na sendika y’abakozi (SYPERWA).

Sylvestre Vuguziga, umuyobozi wa SYPERWA yavuze ko mu bihe nk’ibi bigoye bya COVID-19, Umwalimu SACCO igomba gufata ingamba zorohereza abayigana. Vuguziga ati: "Mu buryo bwemewe n’amategeko ntushobora gukata umushahara w’umuntu wiyishyura inguzanyo ye mu gihe hari impamvu zifatika, nka COVID-19. Dukeneye ubufasha muri ibi bihe bidasanzwe by’icyorezo.”

Laurence Uwambaje, Umuyobozi mukuru wa Umwalimu SACCO, yasubije avuga ko barimo kwiga kuri iki kibazo kugira ngo habeho ubwumvikane hagati y’impande zose, kandi bazifashisha ubundi buryo nko gushaka inkunga mu kigega cyashyizwemo miliyari 100 z’amafaranga y’u Rwanda yo kuzahura ubukungu bwazahajwe na COVID-19 cyangwa kwitabaza abafatanyabikorwa kugira ngo bakemure icyuho cy’amafaranga cyatewe na COVID-19.

Kuva Koperative Umwalimu SACCO yashingwa mu 2008, imaze gutanga inguzanyo isaga miliyari imwe na miliyoni 300 ku barimu barimo abo mu mashuri ya Leta n’abo mu mashuri yigenga.

Ikigo cy’igihugu gishinzwe ibarurishamibare mu Rwanda (NISR) kigaragaza ko urwego rw’uburezi ruri mu zagezweho cyane n’icyorezo cya COVID-19.

Umuhango wo kwisiga cyangwa kwicara ku ivu wahozeho. Mu isezerano rya kera, ivu ryari ikimenyetso cyo kwihana cyangwa cy’agahinda. Mu gihe cyo hambere umuhango wo gusigwa ivu ntabwo wahise uhuzwa n’itangira ry’igisibo. Wahujwe n’itangira ry’igisibo ahagana mu mwaka wa 300. Muri Kiliziya zinyuranye wabaga umunsi wo gufungira amasakaramentu abakristu banyuranye, no guca abakoze ibyaha byafatwaga nk’ibikomeye.

Mu Kinyejana cya 7, ku wa Gatatu w’ivu, Abakristu bahabwaga Penetensiya, hanyuma bagashyirwa ku mugaragaro na Musenyeri mu bihannye, bakitegura kwakira imbabazi ku wa Kane Mutagatifu.

Nyuma yo kubarambikaho ibiganza n’ivu boherezwaga mu miryango yabo. Abihanaga babaga mu nkengero z’imiryango yabo mu minsi mirongo ine bakisiga ivu, bakitwikira imifuka, bakiyiriza, bakanabuzwa ibintu bitandukanye nko koga cyngwa kogosha umusatsi, hari Diyosezi zimwe zivuga ko hari Penetensiya zamaraga imyaka myinshi cyangwa ubuzima bwose.

Mu ntangiriro z’ ikinyejana cya 11 ni ho ibikorwa byakorwaga kuri uyu munsi usanga bidatandukanye cyane n’ibyo muri iki gihe. Kuri ubu uwa Gatatu w’ivu urangwa n’isigwa ry’ivu rishushanyije mu musaraba ku gahanga ku bakristu bikorwa mu gitambo cya Missa, iryo vu rikaba riva mu mashami y’imikindo y’umunsi wa Mashami y’umwaka ushize.

Usiga ivu abwira Umukristu ati: "Hinduka kandi wemere inkuru Nziza" (Mariko 1, 15) cyangwa "Wavuye mu gitaka uzasubira mu kindi ”(Intangiriro 3:19). Uyu mwaka muri Kiziliya Gatolika nyinshi ntabwo habaye umuhango wo gusiga ivu kubera ingamba zo kwirinda COVID-19, Abakristu bakaba bazirikanye uyu munsi bari mu ngo zabo.

Bizimungu yakoze urugomero rw’amashanyarazi acana iwe akanacanira abaturanyi

Uwo mugabo w’imyaka 47 akaba se w’abana babiri, ntabwo yagize amahirwe yo kugera mu ishuli, ntazi gusoma no kwandika, avuga ko kuba yarubatse urugomero yabyigiye ku rugendo yakoreye mu Karere ka Ngororero, akitegereza uburyo impuguke zakoze urugomero rutanga amashanyarazi, nk’uko yabitangarije ikinyamakuru The New Times.

Bizimungu avuga ko mu gace atuyemo mu kibaya cy’Umurenge wa Rongi bagiye basezeranywa guhabwa amashanyarazi kenshi ariko ntibayabone. Nyuma yo kuva mu Karere ka Ngorero yagarutse ashaka kugerageza ibyo yari yabonye bikorwa n’impuguke, ahera ku rugo rwe, bigenze neza aha amashanyarazi abaturanyi be.

Nyuma yo kubona ibikoresho byaturutse i Kigali, yakoze isumo rito ku mugezi uri mu gace avukamo, akora icyo bita ‘hydraulic turbine’ ihindura ingufu z’amazi mu mashanyarazi hifashijijwe moteri bigatanga amashanyarazi.

Uretse agace atuyemo yahaye amashanyarazi, imidugudu baturanye ya Gifurwe na Nyagasozi yo mu Kagari ka Karambo. Uwo mushinga utanga Kilowatt 12 ku isaha, wahinduye ubuzima bw’abagezweho n’ayo mashanyarazi.

Ibikoresho Bizimungu yifashisha mu gukora amashanyarazi

Buri rugo rwishyura amafaranga 1,000 ku kwezi, Bizimana avuga ko yashyizeho igiciro gito mu rwego rwo gufasha abaturanyi be, amafaranga bamwishyura yamufashije kubaka inzu, kugura isambu kandi yateje imbere ibikorwa bye by’ubuhinzi.

Mbere ya Covid19 yari amaze kugeza amashanyarazi ku miryango 60, akavuga ko yongerewe ubushobozi yifuza kugeza amashanyarazi ku miryango 300 mu gihe gito. Bizimungu avuga ko ahura n’imbogamizi nko kuba afite ubumenyi budahagije ku byo akora, ibikoresho bitujuje ubuziranenge n’ikibazo cy’imvura n’inkuba byangiza insinga aba yakoresheje.

Leta yashoye amafaranga menshi mu kugura ibitabo by’Icyongereza byo mu mashuri abanza

Joan Murungi Umuyobozi w’ishami rishinzwe integanyanyigisho mu Kigo cy’igihugu gishinzwe uburezi (REB), avuga ko hari icyuho cy’ ibitabo by’icyongereza mu mashuri aho abanyeshuri batatu basangira igitabo kimwe.

Ni yo mpamvu Guverinoma y’u Rwanda yashoye asaga miliyari 6.8Frw mu kugura ibitabo by’Icyongereza bizifashishwa mu gutanga amasomo, ibigera kuri miliyoni 3.2 byakwirakwijwe mu mashuri abanza. Gahunda yo kongera umubare w’ ibitabo irakomeje aho asaga miliyari 5.3Frw yifashishijwe mu gucapa no gukwirakwiza ibitabo 600,000 mu mashuri abanza kuva muri Mutarama 2021.

Igice cya kabiri cy’ibitabo bifite agaciro ka miliyari 1.6Frw kiracyatunganywa mu macapiro, ibitabo by’ibanze bizifashishwa hari ibirimo amasomo y’imibare, amasomo mbonezamubano, ubumenyi bw’ibanze, ikoranabuhanga hamwe n’ uburere mboneragihugu.

Murungi akomeza avuga ko bahuye n’imbogamizi mu gucapa ibitabo bikenewe mu kongera umubare wabyo.

Agira ati “Gucapisha ibitabo byaragoranye kuko hari igihe ibihugu bimwe twashoboraga gukuramo ibikoresho fatizo byari byafunze amayira muri gahunda yo kwirinda Covid19”.

Yongeraho ko kuba barifashishije amasosiyete yo mu karere, byaboroheye mu buryo bw’itumanaho no gukosora amakosa igihe bibaye ngombwa.

Kwigisha mu rurimi rw’Ikinyarwanda byatangiye muri 2015 muri gahunda y’ubumenyi bushingiye ku bushobozi, muri 2019 gahunda yo kwigisha mu Cyongereza yabaye inkuru nziza ku banyeshuri, abarimu ndetse n’ababyeyi, aho bavuga ko bizateza imbere ireme ry’uburezi mu rwego mpuzamahanga.

Umwe mu barimu baganiriye na Kigali Today, Peter Rugamba wigisha ku ishuri ribanza rya Kambyeyi mu Karere ka Kamonyi mu Ntara y’Amajyepfo, avuga ko ibitabo by’Icyongereza bidahagije.

Ati “Ibitabo by’icyongereza dufite ntibihagije kuko abanyeshuri batatu basangira igitabo kimwe, ikindi ni uko abanyeshuri bataramenyera neza iyo gahunda nshya yo kwiga mu cyongereza”.

Paul Muhire wigisha mu mashuri abanza ya Karangazi, mu Karere ka Nyagatare Intara y’Iburasirazuba, avuga ko muri Mutarama uyu mwaka bahawe ibitabo 300 ariko nawe agasanga bidahagije.

Hon Mukabarisa Donatile yibikije ababyeyi gukangurira abana uburenganzira bwabo

Babikangurirwe kuri iki cyumweru , ubwo hatangizwaga igikorwa ngarukamwaka cy’iminsi 16, cyahariwe kurwanya ihohoterwa rishingiye kugitsina, kikaba gifite insanganyamatsiko igira iti” Twubake umuryango twifuza turwanya gusambanya abana bato.”

Hon Mukabarisa Donatile uyobora inteko ishinga amategeko umutwe w’abadepite, wari umushyitsi mukuru mu gutangiza iki gikorwa, avuga ko nubwo hari byinshi byagezweho, hakiri inzira ndende mu kurwanya ihohoterwa rishingiye ku gitsina.

Yagize ati” Byagaragaye ko umubare w’abakobwa bakiri bato batwara inda zitateganyijwe uri kugenda wiyongera. Tugomba kurwanya iki kibazo, nk’ababyeyi ndetse n’abarezi twigisha abana mu buryo bwihariye uburenganzira bwabo.”

Ministiri w’Uburinganire n’iterambere ry’umuryango, Solina Nyirahabimana, avuga ko iki gikorwa ngarukamwaka kibafasha mu kwisuzuma bareba aho bageze mu rugamba rwo guhangana n’ihohoterwa.

Ngo haniyongeraho kandi kwita ku bahohotewe, bavurwa ndetse bakanafashwa kwiyakira bagasubizwa mu buzima busanzwe.

Uhagarariye umuryango w’abibumbye mu Rwanda Fode Ndiaye nawe wari witabiriye itangizwa ry’iki gikorwa, yavuze ko kwita ku bana no kubarinda ihohoterwa, bifitiye inyungu imiryango ndetse n’iterambere ry’igihugu.

Ati” Ntago iri hohoterwa rigira ingaruka ku bantu gusa, kuko rinahungabanya iterambere ry’igihugu ndetse n’isi muri rusange. Ihohoterwa rishingiye ku gitsina ni ikibazo cyugarije isi ariko birashoboka kukirinda.”

Yijeje inkunga y’Umuryango w’abibumbye mu kurushaho guhangana n’ihohoterwa rikorerwa abana, avuga ko buri wese nabigira ibye, akabigira intero n’inyikirizo, ntakabuza bizacika burundu.

Iki gikorwa cy’iminsi 16 cyatangijwe n’urugendo rwo kurwanya ihohoterwa rikorerwa abagore n’abakobwa. Rwitabiriwe n’abantu benshi barimo abayobozi bakuru ba leta, abanyamadini n’abaharanira uburenganzira bw’abana.

Muri iyi minsi kizamara kizatangwamo inyigisho zinyuranye zo gusobanura byimbimbitse iri hohoterwa rishingiye ku gitsina , gisozwe tariki 10 Ukuboza 2018.

Sembagare yabaye ikirangirire muri Rayon Sports

Yabitangarije mu Kiganiro KT Sport cya KT Radio cyabaye kuri uyu wa gatatu tariki ya 21 Ugushyingo 2018, agaragaza ko abakinnyi ba kera bakundaga umupira cyane, ari nayo mpamvu wasangaga abenshi bakina badahembwa.

Sembagare w’imyaka 52 y’amavuko, muri iki kiganiro yagarutse ku bihe byiza yagiriye mu ikipe ya Rayons Sport, birimo igikombe batwaye mu irushanwa ryategurwaga n’uruganda rukora inzoga rwo mu Burundi rwitwa Brarudi.

Muri iri rushanwa Sembagare avuga ko yashimishijwe cyane no guhesha intsinzi ikipe ye ya Rayon Sports, aho yatsinze igitego kimwe Kiyovu Sport ku mukino wa nyuma bagahita begukana igikombe.

Icyo gihe ngo byatumye mu mwaka wakurikiye w’imikino yegukana igihembo cy’umukinnyi witwaye neza anegukana sheki y’amafaranga ibihumbi 100.

Mu bihe bibi yahuye nabyo, yagarutse ku gihe ikipe ya Kiyovu Sport yabatsinze ari ku bunani, bigatuma batangira undi mwaka bari mu gahinda gakomeye ko gutsindwa na Mukeba ku bunani.

Byinshi muri iki kiganiro birebe muri iyi Video

Uruganda rwa Burera rumaze gutanga imirimo 250

Made in Rwanda Expo izatangira tariki 28 Ugushyingo kugeza tariki 4 Ukuboza 2018, izitabirwa n’abamurika ibikorwa byabo barenga 400, nk’uko bitangazwa na Kabera Eric ushinzwe itangazamakuru mu Rugaga rw’Abikorera mu Rwanda (PSF).

Mu mamurika yashize, hagiye hagaragara ibikorwa byiza ariko nyuma y’imurikagurisha ntibyongere kugaragara ku isoko.

Ntagengerwa Theoneste , umuvugizi wa Made in Rwanda, yasobanuye ko ibyo biterwa ahanini n’uko abamurika benshi baba bagifite ibitekerezo byiza ariko bakananirwa kubishyira mu bikorwa.

Avuga ko yizeye ko kuri iyi nshuro abacuruzi benshi bazamurika ibikorwa bizahaza isoko kandi bikaba bifite ubwiza n’ubuziranenge.

Yatanze urugero rwa bimwe mu bikorwa byateye imbere yizeye ko bidashobora kubura ku isoko. Muri byo ngo harimo inganda zikora imyenda nka C&H Garment, East Africa Sewing Ltd, ndetse n’urundi rushya rwitwa Burera Garments.

Ati “Inganda zikora imyenda zikubise agashyi ku buryo hari izimaze kugira ubushobozi bwo gukora imyenda mu buryo buhagije igihe bahawe isoko.”

Abdul Wahab Harelimana, umuyobozi w’uru ruganda rwa Burera Garments, avuga ko mu mezi atandatu gusa urwo rugana rumaze kubona isoko ryo kujya rudodera imyenda ibigo by’amashuri 10.

Ati “Ibiciro byacu ni byiza ugereranyije n’ibiciro by’imyenda ituruka ku isoko ryo hanze y’igihugu ariko usanga imiterere yayo ari imwe.”

Imyenda ya siporo ikorwa na Burera Garments

Harelimana avuga ko kuri ubu bakoresha abakozi bagera kuri 250, bafite ubushobozi bwo gukora imyenda 600 ku munsi.

Mu bindi Made in Rwanda ikora ni uguteza imbere ba rwiyemezamirimo bakiri bato nabo bari guhanga ibintu bitandukanye.

Uwajeneza Pacifique uhagarariye ba rwiyemezamirimo bakiri bato muri PSF, avuga ko bafashe ingamba zo gufasha urubyiruko kugira ngo bateze imbere ibikorwa byayo kuko basanze hari byo rutakwigezaho rudatewe inkunga.

Ati “Twasanze hari urubyiruko rufite ibitekerezo ariko ntibashobore kubishyira mu bikorwa ngo bigere ku isoko kubera nta bushobozi buhagije bafite. Turi kubashishikariza kwibumbira mu mashyirahamwe, bizatuma bagira aho babarizwa no kumenyekanisha ibyo bakora.”

Ihuriro ry’Urubyiruko rw’abakora ubuhinzi mu Rwanda (RYAF) riri mu mahuriro y’urubyiruko yashinzwe ngo ahuze urubyiruko rukora ibikorwa by’ubuhinzi. Aho bibanda mu kujyanama mu bijyanye n’ubuhinzi, ubworozi ndetse n’ibijyanye no kubungabunga amashyamba.

Abaturage bibumbiye mu matsinda y’ubuhinzi bahawe ibigega bazajya babikamo amazi yo kuhira imyaka

Ibyo bikoresho bifite agaciro ka miliyoni 6Frw bigizwe n’ibigega 10 ndetse n’imashini 10 zikurura amazi, byahawe amatsinda 20 agizwe n’abahinzi bagera kuri 600.

Ibyo bikoresho babihawe mu rwego rwo kugira ngo bijye bibafasha mu kwita ku myaka yabo mu gihe cy’izuba, bityo ubuhinzi bwabo butange umusaruro.

Seunghoon Woo uhagarariye uwo mushinga, yabwiye Kigali Today ko ubwo yaganiraga n’abo bahinzi bamugejejeho ibibazo bafite byo kumisha imyaka, bituma uwo mushinga wiyemeza kubaha ibikoresho bazifashisha buhira imyaka yabo mu gihe cy’impeshyi.

Banahawe imashini 10 zikurura amazi

Abahinzi basabwe gufata neza ibyo bikoresho,uwo muryango nawo ukazajya ugenzura uko bikoreshwa. Uteganya kandi guha abandi baturage bagera ku 1200 ibindi bikoresho bakurikije aho bikenewe, cyane cyane nk’amatsinda y’abahinzi bahinga mu bishanga n’ahandi hatandukanye hatanga umusaruro.

Kiniga Marcel uhagarariye itsinda “Twitezimbere” yavuze ko ibikoresho bahawe bigiye kubafasha kongera umusaruro bakuragamo ndetse bikanongera n’uwi gishanga cya Mpombori begeranye.

Abo baturage bavuga ko igihembwe cy’ihinga cyatangiye muri Nzeri kikazarangira muri Gashyantare 2019, cyabateje igihombo gikabije, ariko ubu bakaba bizeye kuzabona nibura umusaruro, ku buryo toni umunani za Soya bahinga kuri hegitari 22 zizabyara toni cumi n’esheshatu.

Bizeye ko batazongera kurumbya imyaka

Min Sezibera avuga ko u Rwanda rwubashywe mu ruhando rw’amahanga kubera kwihera agaciro

Yabitangarije mu kiganiro yagiranye n’abanyamakuru kuri uyu wa 20 Ugushyingo 2018, yibanze cyane ku mibanire y’u Rwanda n’ibindi bihugu, by’umwihariko ibihana imbibe n’u Rwanda, ari byo u Burundi, Uganda ndetse na Tanzania.

Muri rusange Dr Sezibera yavuze ko umubano w’u Rwanda n’u Burundi utameze neza, ariko byose bikaba bikomoka ku Barundi, u Rwanda rukaba rwiteguye kubana nabwo nibubishaka.

Ati” Iyo ukomanze umuntu ntagufungurire urugi, ntabwo wahitamo kumena urwo rugi kugira ngo winjire.”

Umwe mu banyamakuru bari muri iyi nama, yakomoje kuri bimwe mu birego u Burundi burega u Rwanda, birimo kujugunya imirambo mu mugezi wa Rweru, bakareremba mu mazi bagana i Burundi.

Dr Sezibera asubiza iki kibazo yagize ati” Ibyo ni amafuti. Iyo Umunyarwanda apfuye, umuryango we urabimenya tukamushyingura. Agaciro k’Abanyarwanda ntikabemerera kureremba mu mazi, niyo baba batakiriho.”

Uyu muyobozi yanavuze ko kugeza ubu mu ruhando mpuzamahanga u Rwanda rwubashywe, byose bikaba bikomoka mu kwihesha agaciro.

Ati" Iyo wihesheje agaciro n’abakwanga barakubaha, ariko iyo witesheje agaciro n’abagukunda baraguhunga."

Dr Sezibera yakanguriye abanyamakuru kurushaho gusobanukirwa n’ibibera mu gihugu, kugira ngo bibafashe kubisobanurira neza abandi, kuko iyo bitabaye ibyo, inyo batangaza usanga bifatwa nk’ibitutsi.

Mukansanga Theodette amaze umwaka urenga muri koma

Tariki ya 8 Kanama, ni bwo Juvenal Habyarimana w’imyaka 42 y’amavuko, utuye mu mudugudu wa Rugogwe mu Kagari ka Bweramvura mu murenge wa Jabana mu karere ka Gasabo, yajyanye umugore we Theodette Mukansanga w’imyaka 39 ku bitaro bya Kibagabaga kubyara umwana wabo wa gatandatu.

Mukansanga baramubaze abyara umukobwa umeze neza ariko umuryango we utegereza ko akanguka ngo bishimane, uraheba.

Nyuma ibitaro bya Kibagabaga byamwohereje kuvurirwa ku bitaro bya Kaminuza bya Kigali , ari naho Habyarimana yahishuriwe ko umugore we kujya muri koma agaheramo, yabitewe no kuba yaratinze guhabwa umwuka (oxygene) igihe yari yatewe ikinya.

Nyuma se w’umwana Juvenal Habyarimana yakoze umuhango wo mu muco nyarwanda wo kwita izina umwana we wa gatandatu , amwita Cynthia Izabayo, ategereza ko umugore we akanguka ariko ntiyakanguka.

Cynthia Izabayo umaze umwaka urenga ataragira amahirwe yo konka kw’ibere rya nyina

Mu gihe Mukansanga amaze muri koma umwaka n’amezi ane, abaganga bamubwiye ko batazi igihe ashobora kuzayimaramo.

Tariki ya 19 ugushyingo ubwo twasuraga Mukansanga ku bitaro bya kaminuza bya Kigali (CHUK) mu nzu y’indembe, dusanga uretse kuba bigaragara ko umutima ugitera, nta kintu na kimwe ashobora kumva.

Imiti n’amafunguro ahabwa binyuzwa mu gakoresho kabugenewe kitwa Sonde.

N’amarira abunga mu maso Habyarimana agira ati ‘’Uretse Isupu ishobora gucishwa muri Sonde, nta kindi kintu ashobora kugaburirwa. Uretse aho abagiraneza ubushobozi bwanjye ntibwatuma nyibona.”

Habyarimana udafite ababyeyi cyangwa umuvandimwe yiyemeje gukomeza kwita ku mugore we kugeza igihe Imana izakora igikwiye ku buzima bwe, hagati aho kurera abana babo batandatu ntabwo bimworoheye na gato.

Imibereho y’abana ntimeze neza.

Abana b’uyu mubyeyi ntibabayeho neza

Igihe Izabayo yavukaga ntabashe kurerwa na nyina, Habyarimana yabwiye KT Press ko yohereje abana be kwa nyirakuru wabo ufite imyaka 70, kugira ngo abamufasha.

Byatumye umukobwa wabo w’imfura Jeanine Uwamahoro wari urangije umwaka wa gatandatu w’ Amashuri Abanza yitegura gukomeza Ayisumbuye, ayahagarika kugira ngo afatanye na nyirakuru, kwita kuri murumuna we wari umaze kuvuka ndetse n’abandi bavandimwe be.

Ku mwaka umwe n’ amezi ane Izabayo ntarumva ijwi cyangwa inseko ya nyina, ntago arigera yonka amashereka ye atunzwe n’ amata Leta igenera abana bafite ibibazo by’imikurire.
Habyarimana avuga ko Izabayo nta mahirwe afite yo kubona indyo yuzuye, ndetse n’abavandimwe be ntibabasha gufungura uko bikwiye bigatuma bigira ingaruka mu myigire yabo.

Habyarimana avuga ko amaze kwishyura akayabo kwa muganga kandi agikomeje

Juvenal Habyarimana umugabo wa Mukansanga asaba inkunga za buri wese ngo abashe gukomeza kwita ku mugore we

Tugarutse ku bitaro bya CHUK, Habyarimana avuga ko ubuvuzi bwa Mukansanga bwamutwaye amafaranga menshi kandi bugikomeje, nubwo babona inkunga y’abagiraneza.

Ati “Maze kwishyura asaga miliyoni enye (4,000,000) kandi zirakiyongera kuko ntazi igihe ibi bizarangirira. Gusa ndashimira cyane by’umwihariko abagiraneza bamfashije cyane cyane kubijyanye no kubona amafunguro ndetse n’ imiti ihenze.”

Anasaba abagiraneza gukomeza kumuba hafi n’umuryango we muri ibi bihe bitoroshye barimo, anashimira ibitaro bya CHUK by’umwihariko ku nkunga y’ibikoresho by’isuku bamuhaye ndetse n’amata.

Mu gihe cy’iburanisha ry’uru rubanza Habyarimana yari yasabye ko Minisiteri y’ubuzima yashyize mu kaga umuryango we, yamusubiza amafaranga yishyuye mu bitaro ndetse n’indishyi, ikanita ku bana be.

Ivuriro Pineda risanzwe rivura indwara zitandukanye

Ibibazo byatangiye mu myaka ibiri ishize ubwo bombi basanzwe basengera mu rusengero rumwe, bagiranye amasezerano y’uko Bizimana azagenda yishyura gahoro gahoro ivuriro Pineda kugeza aryegukanye.

Igiciro bari bemeranyije ko kizishyurwa mu byiciro bitatu bahereye ku bihumbi 30 by’amadolari ya Amerika (asaga miliyoni 27Frw). Ayo Bizumuremyi yahise ayishyura, akongera akishyura andi ibihumbi 13 by’amadolari ku nguzanyo ya banki naho andi ibihumbi 13 akazayishyura nyuma.

Kuri uyu wa Mbere tariki 19 Ugushyingo 2018, ubwo urubanza rwabo watangizwaga, Bizumuremyi yabwiye urukiko rw’ubucuruzi ko yari yemeranyijwe na Dr Pineda ko azaka inguzanyo ariko igihe bemeranyijwe cyarenga atarayibona bakumvikana ubundi buryo bushya bwo kuzamwishyura.

Nk’uko bari babyemeranyijwe koko igihe cyo kwishyura igice cya kabiri cy’amafaranga yamugombaga cyageze atarabona inguzanyo ariko ngo abimenyesha Dr Pineda.

Kutabona inguzanyo ngo byatewe n’uko ivuriro Lex chambers ritari ryujuje ibyangombwa biryemerera guhabwa inguzanyo, kuko ari ryo Bizimana yakoresheje mu kuyaka.

Umunyamategeko wunganira Bizimana yavuze ko amakosa ari aya ba nyirivuriro akifuza ko basubizwa amafaranga batanze mbere.

Yagize ati "Iyo iryo vuriro riza kuba ryujuje ibisabwa umukiriya wanjye yari kubasha kwishyura amafaranga yari asigaye. Ku bw’ibyo turasaba gusubizwa amafaranga ibihumbi 30 by’amadolari twatanze kandi hakiyongeraho n’inyungu ya 2% y’imyaka ibiri ayamaranye."

Umunyamategeko wa Dr Pineda, Kayijuka Ngabo, nawe yasabye ko ahubwo umukiriya we yakwishyurwa impozamarira ya miliyoni 18Frw. Avuga Dr Pineda ntako atagize ngo agabanye igiciro cyo kugurisha ariko undi bikamunanira kubahiriza ibyemeranyijweho.

Ngabo yabwiye urukiko ko umunyamategeko wa Lex chambers yasabye banki eshatu n’ibigo bitanu by’ubwishingizi guhagarika ibikorwa byabo mu ivuriro Pineda, bibatera igihombo kinini ndetse byangiza n’isura yaryo.

Ibyo yabisabiye miliyoni 10Frw kubera igihombo byateye, anasaba na miliyoni 5Frw kubera uburyo isura yaryo yangijwe mu rusengero basengeramo. Pineda kandi yasabye impozamarira ya miliyoni 3Frw.

Urukiko ruzongera guterana tariki 26 Ugushyingo 2018.