Uturere twabaye utwa mbere mu mihigo duherutse kubishimirwa n’Umukuru w’Igihugu

Baravuga ibi nyuma yaho iyi Ntara iheruka kuza mu myanya y’inyuma mu mihigo y’umwaka wa 2019-2020, mu gihe byari bimenyerewe ko twinshi mu turere tugize Intara y’Amajyaruguru, twazaga mu myanya y’imbere mu kwesa imihigo y’imyaka yatambutse.

Uwitwa Niyigena Marc yagize ati: “Ku bwanjye mbona impamvu uturere tw’Intara yacu twaje mu tw’inyuma mu kwesa imihigo byatewe n’uko abatuyobora mu turere batatwegera ngo batubwire ibikubiye mu mihigo mu buryo budasubirwaho. Tubona byinshi bitwitura ku mitwe ku buryo umuntu atatinya kubigereranya n’uko iyo mihigo iba yasinyiwe mu biro. Nkeka ko habayeho ibiganiro biduhuza tukayumva kimwe natwe tukabereka ibishobora kuturemerera, nta kabuza ibyo bahiga byazajya bigerwaho 100%”.

Hari abandi baturage bavuga ko mu gihe hakigaragara ibikorwa bimwe na bimwe bidindira kandi bifite aho bihuriye no kwihutisha iterambere na byo bigira uruhare mu kudindiza imihigo.

Hari uwo mu Karere ka Gakenke wagize ati: “Naguha nk’urugero rw’uburyo usanga haje ibikorwa runaka biba byitwa ibifite inyungu ku baturage ariko wajya kureba ku rundi ruhande ugasanga babirenganiyemo. Ni henshi tuzi bagiye batunganya amashanyarazi, ahakorwa imihanda cyangwa ahashyirwa imiyoboro y’amazi; hakaba abangirizwa ibyabo ariko wajya kureba igihe bishyurirwa ugasanga biba byarabanje gutinda, hamwe baratakambye yewe hari n’abo usanga barakuyeyo amaso. Usanga kenshi ababishinzwe bagenda biguru ntege ntibakemure ibyo bibazo ku gihe, bigasiga umuturage mu bukene cyangwa mu bwigunge. None aho wambwira gute ukuntu bashobora guhabwa amanota meza mu mihigo? Benshi muri abo bayobozi tuba twarabatoye, abandi bakagirirwa icyizere, ni byiza rero ko bakora ibyo bashinzwe mu rugero rudacagase”.

Hari ibyo ubuyobozi bw’Intara y’Amajyaruguru bugaragaza byatumye imihigo imwe n’imwe itagerwaho. Ibi ariko ngo hari igisubizo cyabyo nk’uko Gatabazi JMV uyobora Intara y’Amajyaruguru yabigarutseho mu kiganiro aheruka kugirana n’abanyamakuru.

Yagize ati: “Hari imihigo itaragezweho kubera imitangire y’amasoko itanoze cyangwa iba yaradindiye. Nanone hari abayobozi bamwe bagaragayeho imikorere idahwitse, kudatangira za raporo ku gihe n’iteganyabikorwa rya gahunda zimwe na zimwe muri tumwe mu turere ritagenze neza. Igisubizo cy’ibyo byose ni uko twafashe umurongo w’uko buri wese arangwa n’imikorere n’imigirire inyuranye n’ibyatumye Intara isubira inyuma, tugaharanira kurangwa n’umurava n’ubushishozi mu byo dukora kugira ngo ubutaha tuzitware neza”.

Gatabazi yongeraho ko Intara y’Amajyaruguru ifite umwihariko wo kuba ari ikigega cy’igihugu mu birebana n’ubuhinzi, ikaba n’igicumbi cy’ubukerarugendo. Bityo abayobozi mu byiciro babarizwamo kuva ku mudugudu kuzamura, ntacyo bageraho badafatanyije ari nako bajya inama n’abaturage, hagamijwe kuzamura ibipimo by’ibikorwa by’iterambere ry’iyi ntara.

Iyi ntara iheruka kuza ku mwanya wa kane mu mihigo n’amanota 61.2%;ikurikiye Umujyi wa Kigali waje ku mwanya wa gatatu ugira amanota 72.5%. Intara y’Amajyepfo iri ku mwanya wa kabiri n’amanota 73.58%. Intara y’Iburasirazuba ikaba ari yo yaje ku isonga mu mihigo n’amanota 73.7% mu gihe iy’Iburengerazuba ari yo yo iheruka izindi n’amanota 60.8%.

Ntazinda Erasme

Uwari Visi Meya w’aka Karere, Solange Umutesi, yahawe inshingano zo kuba Umuyobozi Nshingwabikorwa w’Akarere ka Kicukiro mu Mujyi wa Kigali, ntihashyirwaho umusimbura.

Abagize Komite nyobozi babiri bari basigaye, bahuje imbaraga n’abagize inama njyanama y’Akarere ndetse n’abafatanyabikorwa mu makomisiyo bakoreramo, maze baziba icyuho uyu muyobozi wahawe izindi nshingano yasize, nk’uko bivugwa na Meya wa Nyanza, Erasme Ntazinda.

Agira ati "Njyanama n’abafatanyabikorwa n’ubundi bakorera mu makomisiyo atatu atatu. Iy’ubukungu, iy’imiyoborere myiza, n’iy’imibereho myiza. Twabasabye ko igihe cyose bateranye biga ku mihigo iri mu nkingi yabo, bakajya aho ishyirirwa mu bikorwa, bakajya inama kandi ku gihe, hayuma abakozi bagomba kubikurikirana izo nama bakazishyira mu bikorwa."

Umuhigo wo kubakira abasemberaga 404 kuri 448 bagombaga kubakira, na wo uri mu yahesheje amanota aka Karere, kandi ubusanzwe wari mu mihigo ya Visi meya ushinzwe imibereho myiza.

Meya Ntazinda avuga ko mu babafashije kuwugeraho harimo n’abagize Umurenge wa 11 wa Nyanza, ni ukuvuga abakomoka muri Nyanza batahatuye.

Ati “Abagize umurenge wa 11 bagize uruhare runini mu kugura amabati kuko batanze miliyoni zisaga umunani, ubwabo bikuye mu mufuka kugira ngo badufashe. Ariko hari n’abandi bafatanyabikorwa bagiye badutera ingabo mu bitugu, baduha amabati n’ibindi bikoresho, n’amafaranga, kugira ngo tuzibe icyuho cy’ingengo y’imari twari dufite mu kubakira abatishoboye.”

Ibiro by’Akarere ka Nyanza

Umwanya wa 5 aka Karere kawugezeho kavuye kuwa 30, kandi mbere yaho na bwo Nyanza yari yabaye iya 21. Meya Ntazinda ashimira abafatanyabikorwa bafatanyije ndetse n’abaturage muri rusange, kuko na bo babigizemo uruhare, bakora neza ibyo basabwa.

Kubera ko uturere twasabwe gukomeza kwita cyane ku bibangamiye Imibereho myiza y’abaturage, uyu muyobozi arasaba abo ayobora bose kwimakaza isuku.

Ati "Ndasaba buri wese kutihanganira umwanda. Aho uwubonye usige uzi neza ko uhavuye. Ari uwufite ku mubiri we cyangwa mu rugo cyangwa n’ahandi hose, wihava utabimubwiye kugira ngo yumve ko agomba kwikosora kandi mu gihe cya vuba.”

Icyakora hari abatuye muri aka Karere bavuga ko isuku bayiharanira, ariko ko n’ibyo basabwe bazabishyira mu bikorwa.

Sophie Vuguziga utuye i Gacu mu Murege wa Rwabicuma ati “Mu midugudu yacu dufite club z’isuku n’isukura duhuriramo nk’abagore tukiga iby’isuku byo gufata ingo n’abana neza, gukaraba, gufura, noneho tukanaremerana. Twabanje Twambikane, ubu turi muri Dusasirane. Nitubirangiza tuzafata n’izindi ngamba.”

Kubera ko imibereho myiza idasigana no kuba abaturage bishimye, nyamara muri iki gihe cya Coronavirus inteko z’abaturage zakemurirwagamo ibibazo zitagiterana, Meya Ntazinda anasaba abayobozi b’imidugudu n’ab’utugari kwiha umunsi umwe mu cyumweru wo gukemura ibibazo by’abaturage, ibinaniranye ku rwego rumwe bikoherezwa ku rundi.

Reba uko uturere twakurikiranye mu kwesa imihigo:

1. Nyaruguru 84%

2. Huye 82.8%

3. Rwamagana 82.4%

4. Gisagara 78.3%

5. Nyanza 77.9%

6. Nyamasheke 77.4%

7. Ngoma 77.3%

8. Kicukiro 77.1%

9. Gasabo 76.4%

10. Kirehe 76.2%

11. Kayonza 73.9%

12. Kamonyi 73.6%

13. Nyagatare 69.3%

14. Gicumbi 68.7%

15. Bugesera 68.5%

16. Gatsibo 68.4%

17. Ruhango 67.9%

18. Rubavu 67.8%

19. Burera 66%

20. Nyamagabe 65%

21. Rutsiro 64.6%

22. Nyarugenge 64.6%

23. Rulindo 64.3%

24. Ngororero 61.5%

25. Muhanga 58.7%

26. Gakenke 55.9%

27. Musanze 53.2%

28. Nyabihu 52.9%

29. Karongi 51.2%

30. Rusizi 50%

Abayobozi bane b’uturere twaje mu myanya itanu ya mbere mu mihigo ya 2019-2020

Utwo turere twaje mu myanya y’imbere ni aka Nyaruguru kabaye aka mbere kavuye ku mwanya wa 24 mu mihigo iheruka, aka Huye kabaye aka kabiri kavuye ku mwanya wa 19, aka Gisagara kabaye aka kane karaherukaga ku mwanya wa 25 n’aka Nyanza kabaye aka gatanu karaherukaga ku wa 30, ari na wo wa nyuma.

Urebye mu mihigo iheruka, uturere two mu Ntara y’Amajyepfo twarakoze cyane ugereranyije n’ubusanzwe, kuko ubungubu akari inyuma ari Muhanga iri ku mwanya wa 25, nyamara mu mihigo iheruka aka mbere kari Muhanga yari ku mwanya wa 16, igakurikirwa na Huye yari ku wa 19. Utundi twose twari mu y’inyuma uhereye kuri Nyaruguru yari ku wa 24.

Abayobozi b’utu turere bavuga ko mu byo bagezeho bishimira harimo gukemura ibibazo bibangamiye imibereho myiza y’abaturage.

Nko mu Karere ka Gisagara bubakiye imiryango y’abatishoboye 515 yasemberaga nyuma yo gukurwa muri nyakatsi, muri Nyanza bubakira 404 ku buryo na 44 bari basigaye umwaka w’ingengo y’imari 2019-2020 usozwa ubu bubakiwe, hakaba hasigaye bane gusa.

Mu Karere ka Huye bubakiye 193, naho muri Nyaruguru bubakira 328 kandi aha hombi ngo nta wakuwe muri nyakatsi uhasigaye ugisembera.

François Habitegeko, Umuyobozi w’Akarere ka Nyaruguru ati “Nyuma yo kurwana no kubashakira aho barambika umusaya, ubu noneho dushyize imbaraga ku bafite amazu atabahesheje agaciro. Yose hamwe ni 1,673, kandi n’abahuye n’ibiza 627 tuzabitaho. Dushyize imbaraga kandi ku isuku, tutibagiwe no kurwanya imirire mibi”.

Mu bindi bikorwa utu turere twagezeho harimo kugeza amazi meza ku baturage ndetse n’amashanyarazi, ku buryo muri Gisagara bayagejeje ku ngo 8,110 mu mwaka umwe gusa w’ingengo y’imari.

Jérôme Rutaburingoga uyobora aka karere yungamo agira ati “Twanateye ibiti by’imbuto 275,000 ku bufatanye n’abafatanyabikorwa. Kwitabira mituweli turi aba mbere, kandi Gisagara yanabaye mu turere dutatu twa mbere twejeje umuceri mwinshi”.

Muri Gisagara n’i Nyaruguru hari n’umwihariko ko ubu bagejejweho kaburimbo, byatumye guhahirana n’abaturutse ahandi birushaho kuborohera.

Abayobozi b’utwo turere bavuga ko hari ibikorwa byinshi byadindiye byari byarashyizwe mu mihigo, birimo nk’inyubako zitandukanye, ndetse n’amafaramnga menshi ashorwa mu bikorwa byo guhangana na COVID-19.

Akarere ka Rusizi kaje ku mwanya wa 30 ari na wo wa nyuma naho Akarere ka Karongi kaza ku mwanya wa 29 mu kwesa imihigo y’umwaka wa 2019-2020.

Umuyobozi w’Akarere ka Rusizi, Kayumba Ephrem, avuga ko COVID-19 yatumye batesa imihigo uko babiteganyaga

Ni imyanya abayobozi bw’utwo turere bavuga ko batishimiye, bagashyira icyorezo cya COVID-19 ku isonga mu byatumye batesa neza imihigo.

Umuyobozi w’Akarere ka Rusizi, Kayumba Ephrem, avuga ko kubera kwita ku bikorwa byo kuvura n’ubukangurambaga kuri COVID-19, Akarere kashoye amafaranga menshi asaga miliyari n’igice y’u Rwanda bigatuma indi mirimo idindira.

Avuga ko kandi hari ibikorwa bititaweho mu gutanga serivisi kuko abakozi b’akarere bitabiriye gukora ubukangurambaga bwo kwirinda Coronavirus.

Agira ati, “Umwanya wa nyuma twagize watewe no kuba Akarere karamaze igihe kinini kibasiwe n’icyorezo cya COVID-19, twashoye amafaranga menshi mu guhangana n’icyorezo kandi umusaruro byatanze mwabonye ko ari mwiza”.

Avuga ko kubera COVID-19 imisoro na yo itinjijwe neza kuko nka miliyoni zisaga 600 z’Amafaranga y’u Rwanda zagombaga kuva mu misoro Akarere ntayo kinjije.

Agira ati “Ubu Akarere kongeye gusubira mu buzima busanzwe ku buryo twizeye ko iyi mihigo duherutse gusinya tuzongera kwisubiza umwanya mwiza twahoranye kuko twigeze kuba aba gatatu.”

Umuyobozi w’Akarere ka Karongi, Mukarutesi Vestine, avuga ko umwanya wa 29 babonye batawishimiye ariko biteguye gukora cyane kugira ngo bagaruke mu myanya myiza iri imbere.

Avuga ko hari ibikorwa by’iterambere by’ubwubatsi byahagaritswe na COVID-19 ku buryo hari n’ibyabaye nk’ibihagaze burundu kuko ba rwiyemezamirimo batabonaga uko babasha gukora akazi.

Mukarutesi Vestine uyobora Akarere ka Karongi

Avuga ko kubera ibiza byibasiye Akarere ka Karongi byatumye kubakira abatishoboye bidakunda ku buryo hari amazu atangiye kubakwa bundi bushya.

Agira ati, “Usibye icyorezo cya COVID-19 twanagize izindi mbogamizi zirimo no kugwisha ibiza byinshi bituma amazu y’abatishoboye twateganyaga kubaka atuzurira ku gihe, ariko turitegura kuzakora ibishoboka byose abakozi n’abandi bose tugafatanya kwesa imihigo y’uyu mwaka”.

Umuyobozi w’Akarere ka Karongi avuga ko ku bufatanye n’inzego zitandukanye bagiye gushyira imbaraga mu gukorera ku gihe, no kwihutisha ibyatangiye gukorwa, gutangira amasoko ku gihe no gukorana neza n’abafatanyabikorwa.

Muri rusange, dore uko uturere twakurikiranye mu kwesa imihigo ya 2019 – 2020:

1. Nyaruguru 84
2. Huye 82,8
3. Rwamagana 82,4
4. Gisagara 78,3
5. Nyanza 77,9
6. Nyamasheke 77,4
7. Ngoma 77,3
8. Kicukiro 77,1
9. Gasabo 76,4
10. Kirehe 76,2
11. Kayonza 73,9
12. Kamonyi 73,6
13. Nyagatare 69,3
14. Gicumbi 68,7
15. Bugesera 68,5
16. Gatsibo 68,4
17. Ruhango 67,9
18. Rubavu 67,8
19. Burera 66
20. Nyamagabe 65
21. Rutsiro 64,6
22. Nyarugenge 62,6
23. Rulindo 62,3
24. Ngororero 61,5
25. Muhanga 58,7
26. Gakenke 55,9
27. Musanze 53,2
28. Nyabihu 52,9
29. Karongi 51,2
30. Rusizi 50

Ubwo yamurikaga uko imihigo ya 2019/2020 yashyizwe mu bikorwa ndetse n’ibikorwa by’ingenzi bizibandwaho mu mihigo y’umwaka wa 2020/2021, Minisitiri w’Intebe, Dr Edouard Ngirente, yatangaje ko imihigo ya 2019/20 yitaye ku mahame arimo ko buri mwaka hazajya hasuzumwa ibyagezweho, hanyuma buri myaka itatu hagasuzumwa ibyakorewe abaturage.

Umuyobozi w’Akarere ka Nyaruguru yahishuye ibanga ryatumye akarere ayoboye ka Nyaruguru kaza ku isonga mu mihigo ya 2019-2020.

Video: Richard Kwizera

Umuyobozi w’akarere bamwakirira i Karama muri Ruhashya

Bishimye banategereje umuyobozi w’Akarere kabo, Ange Sebutege, wari uturutse i Kigali aho yashimiwe na Perezida Kagame, uko Akarere ayoboye kitwaye mu guteza imbere abaturage.

Ku gasantere ka Arete mu Murenge wa Kinazi, ari na ho ku marembo y’Akarere ka Huye uvuye mu ka Nyanza, umuyobozi w’Akarere ka Huye Ange Sebutege yakiriwe n’abaturage, banamushyikiriza impano.

Mu Mujyi wa Huye hafi ya Kaminuza, abaturage ntibatinye imvura

Izo mpano ni inkoni nk’ikimenyetso cy’uko bishimiye uko abayoboye, icyansi cyo kumugaragariza ko ubukungu bwa Kinazi bushingiye ku bworozi bw’inka n’ifoto uyu muyobozi ariho hamwe na Perezida Kagame, nyuma yo gushimirwa uko Huye yitwaye mu mihigo.

Iyi foto inariho ba Visi meya ba Huye ndetse na Perezida w’Inama Njyanama y’Akarere ka Huye.

Gitifu wa Kinazi, Jacqueline Uwamariya, asobanurira Meya Sebutege ibiri mu ifoto yamwoherereje

Meya Sebutege yabwiye abaturage ba Kinazi bari baje kumwakira ko umwanya akarere kagize na bo bawugizemo uruhare, abasaba gukomeza kwitabira kugira isuku no gukunda umurimo kugira ngo batazasubira inyuma ubutaha.

Yagize ati “Kugera hejuru ni byiza, ariko kuhaguma bisaba imbaraga nyinshi. Ariko twabonye ibanga ryo kubikora”.

Kwishimira umwanya ntibyagarukiye ku dusantere, kuko abanyamabanga nshingwabikorwa b’imirenge bo muri aka karere banageze mu mujyi i Huye, bakawuzenguruka hanatangwa ubutumwa bwo kwishimira kwesa imihigo ku rugero rwo hejuru.

Bari kumwe n’abamotari bamwe na bamwe batari bitaye ku mvura yabanyagiraga, dore ko yabyukiye ku muryango.

Ku Karere ka Huye abamotari na ba Gitifu imvura ntiyababujije kwishima

I Karama mu Murenge wa Ruhashya

Abaturage bakaba babihera ku iterambere amaze kugeza ku gihugu mu myaka amaze akiyobora hamwe n’umwete agira mu gukemura ibibazo.

Perezida Kagame kuva muri 2019 yari yarahagaritse kongera gusinyana imihigo n’abayobozi b’Uturere na za Minisiteri kubera ko uburyo yakorwagamo butakemuraga ibibazo by’abaturage, ntibunateze imbere imibereho yabo uko byifuzwa. Icyo gihe yasabye ko hanozwa uburyo bwo gukemura ibibazo by’abaturage no kubakura mu bukene.

Uretse kuba yizerwa n’abaturarwanda bamugezaho ibibazo, ni umwe mu bayobozi ku mugabane wa Afurika bakunzwe kandi bizewe kuba bashobora gukemura ibibazo uyu mugabane uhura na byo, ibi bikagaragarira mu nshingano ahabwa ku rwego mpuzamahanga, urugero nko mu kuvugurura imikorere y’Umuryango wa Afurika yunze Ubumwe, hamwe no guteza imbere ibikorwa by’ikoranabuhanga.

Dr Usta Kaitesi

Ubushakashatsi bwatangajwe na Dr Usta Kaitesi, Umuyobozi w’Urwego rw’Igihugu rw’Imiyoborere (RGB) bugaragaza ko Abanyarwanda bafitiye icyizere ubuyobozi bukuru bw’igihugu kurusha izindi nzego mu Rwanda. Ubwo bushakashatsi bugaragaza ko abaturage bizera Inteko Ishinga Amategeko nk’intumwa bitoreye kubahagararira ku kigero cya 92.8%, naho inkiko zibakiranura mu manza bakazizera ku kigero cya 88.7%.

Ubu bushakashatsi bugaragaza ko abaturage bizera inzego z’umutekano mu Rwanda zirimo igisirikare n’igipolisi hejuru ya 90%.

Bukomeza bugaragaza ko abaturage bari kuri 71.3% bishimira serivisi bahabwa mu nzego z’ibanze naho 77.17% bishimira uruhare bagira mu bibakorerwa.

Iki cyegeranyo cyamuritswe kuri uyu 30 Ukwakira 2020 kigaragaza ko n’ubwo abaturage bagaragaza ibyo bishimira, hari n’ibyo batishimira birimo uburyo bamwe mu baturage basiragizwa bitewe n’abayobozi batanga serivisi batitaye ku wo bayiha.

Icyegeranyo cya 2019 cyakozwe na RGB kigaragaza ko abaturage bishimiraga uburyo batekanye ku kigero cya 94.29%, bizeraga ubuyobozi bwabo n’ubwisanzure ku kigero cya 85.17%, naho gushora imari mu bikorwa by’imibereho myiza byari kuri 68.53%.

Perezida Kagame akunze gutega amatwi abaturage bagasabana bakamugezaho n’ibibazo

Yabigarutseho kuri uyu wa Gatanu tariki 30 Ukwakira 2020 ubwo yagezwagaho ibyavuye mu mihigo y’umwaka wa 2019 – 2020 no gusinyana n’abayobozi imihigo y’umwaka wa 2020 – 2021.

Perezida Kagame yavuze ko guhora abantu bibutswa ibyo bakwiriye gukora nyamara ntibabikore batesha abandi igihe. Yanenze abatarakoze ibyo biyemeje kandi ingengo y’imari yo kubikora itarabuze.

Ati “Ibyo udafitiye ingengo y’imari ntabwo ndi bubikubaze, n’ibyagize izindi ngorane zumvikana umuntu yabyumva ariko iyo bitameze gutyo biba ari iki?”

Ati “Ugasanga ngo ntabwo inzego zavuganye, ntabwo zuzuzanya, cyangwa ngo ntabwo byakozwe kubera ko umuntu yategereje ko babanza bakamuha ruswa, …cyangwa ngo ntabwo hakozwe igenamigambi (planning).”

Yavuze ko imikorere itanoze igaragarira mu manota uturere twagiye tubona, dore ko hari utwaje mu myanya y’inyuma nyamara byari bimenyerewe ko tuza mu tw’imbere.

Yatanze urugero rw’Akarere ka Musanze ubu kaje ku mwanya wa 27, avuga ko uyu mwanya ushoboka bitewe n’ibyo yabonye muri ako Karere abayobozi badakemura kugeza ubwo na we abyibonera akabibereka akibaza impamvu baba batabitunganyije mbere kandi biri mu byo bashinzwe umunsi ku munsi.

Yavuze ko umunsi umwe yari yaraye i Musanze abona imyotsi izamuka y’ahantu hasa n’ahahiye, abona abatwika amakara bangiza n’ishyamba, abubaka mu kajagari, isuku nke ku bana, ibi byose ntiyabyihanganira ahamagara abayobozi b’ako Karere n’Intara arabibabaza, bamwemerera ko bagiye kubikemura nyamara bakabaye barabikemuye mbere.

Umuyobozi w’Akarere ka Musanze yahawe ijambo na Perezida Kagame, amwizeza ko ibyo babanenze bagiye gushyiramo imbaraga bigakemuka vuba. Icyakora Perezida Kagame yagaragaje ko igihe ibyo bimaze bivugwa ari kirekire kandi ko igihe cyatakaye kitazagaruka.

Yatanze urugero rw’ahandi muri Kigali yatembereye agasanga abantu bubaka bangije umuhanda mushya wa kaburimbo bawusutsemo umucanga barawufunga, bibangamira abandi bawukoresha. Yanagaragaje ko hari aho yasanze muri Kigali abubaka bafunze inzira imanukana amazi basukamo ibyo bubakishaga.

Yavuze ko akibibona atabyihanganiye, ahubwo yahamagaye Minisitiri w’Ibikorwa Remezo Ambasaderi Claver Gatete, ahamagara n’Umuyobozi w’Umujyi wa Kigali Pudence Rubingisa, abereka ko ibyo bintu bidakwiriye, asaba ko abo bantu ibyo bangiza baba bagomba kubisubiranya kandi bakabihanirwa.

Naho ku byavuye mu mihigo, Umukuru w’Igihugu yavuze ko uturere twose tutaba utwa mbere ariko ko ikinyuranyo kiri hagati y’uturere twa mbere n’utwa nyuma tugaragaza ko hari utudakora ibyo tuba twiyemeje.

Ati “Uwa nyuma aramutse agize 70% byaba bimeze neza, ariko iyo bimanutse bikagera muri 40% biba bitameze neza.”

Mu bijyanye n’imihigo uturere twari twarahize mu mwaka ushize wa 2019-2020, Akarere ka Nyaruguru kaje ku mwanya wa mbere mu kuyesa n’amanota 84%, naho Rusizi iza ku mwanya wa nyuma n’amanota 50%.

Muri rusange, dore uko twakurikiranye mu kwesa imihigo ya 2019 – 2020

1. Nyaruguru 84
2. Huye 82,8
3. Rwamagana 82,4
4. Gisagara 78,3
5. Nyanza 77,9
6. Nyamasheke 77,4
7. Ngoma 77,3
8. Kicukiro 77,1
9. Gasabo 76,4
10. Kirehe 76,2
11. Kayonza 73,9
12. Kamonyi 73,6
13. Nyagatare 69,3
14. Gicumbi 68,7
15. Bugesera 68,5
16. Gatsibo 68,4
17. Ruhango 67,9
18. Rubavu 67,8
19. Burera 66
20. Nyamagabe 65
21. Rutsiro 64,6
22. Nyarugenge 62,6
23. Rulindo 62,3
24. Ngororero 61,5
25. Muhanga 58,7
26. Gakenke 55,9
27. Musanze 53,2
28. Nyabihu 52,9
29. Karongi 51,2
30. Rusizi 50

Perezida Kagame mu ifoto y’urwibutso hamwe n’abayobozi b’uturere twaje mu myanya itatu ya mbere

Kureba andi mafoto menshi y’iki gikorwa, kanda HANO

Amafoto: Plaisir Muzogeye

Umuyobozi w’Akarere ka Nyaruguru, Francois Habitegeko

Byatangarijwe mu muhango wo gusinya imihigo y’umwaka wa 2020-2021, wabereye mu Karere ka Nyagatare, ukitabirwa na Perezida wa Repubulika Paul Kagame.

Mbere y’uko hatangazwa uko inzego zitandukanye zarushanyijwe mu kwesa imihigo y’umwaka ushize, Minisitiri w’Intebe Dr. Edourd Ngirente yabanje kugaragaza inshamake y’uburyo izo nzego zesheje imihigo, agaragaza ibikorwa byagiye bigerwa n’ibipimo byagiye byeswaho.

Abayobozi b’uturere dutatu twa mbere na Perezida Kagame

Minisitiri w’Intebe Dr. Edouard Ngirente, yavuze ko mu nzego z’ibanze muri rusange imihigo yashyizwe mu bikorwa ku gipimo cya 68.44%.

Reba uko uturere twakurikiranye:

1. Nyaruguru 84%

2. Huye 82.8%

3. Rwamagana 82.4%

4. Gisagara 78.3%

5. Nyanza 77.9%

6. Nyamasheke 77.4%

7. Ngoma 77.3%

8. Kicukiro 77.1%

9. Gasabo 76.4%

10. Kirehe 76.2%

11. Kayonza 73.9%

12. Kamonyi 73.6%

13. Nyagatare 69.3%

14. Gicumbi 68.7%

15. Bugesera 68.5%

16. Gatsibo 68.4%

17. Ruhango 67.9%

18. Rubavu 67.8%

19. Burera 66%

20. Nyamagabe 65%

21. Rutsiro 64.6%

22. Nyarugenge 64.6%

23. Rulindo 64.3%

24. Ngororero 61.5%

25. Muhanga 58.7%

26. Gakenke 55.9%

27. Musanze 53.2%

28. Nyabihu 52.9%

29. Karongi 51.2%

30. Rusizi 50%

Minisitiri w’Intebe Dr. Edouard Ngirente

Ku rwego rw’Intara n’Umujyi wa Kigali, Minisitiri w’Intebe yavuze ko zihabwa amanota hakurikijwe uturere tuzigize, bityo , Intara y’Uburasiurazuba ikaba ari yo yaje ku isonga n’amanota 73.7%, ikurikirwa n’Intara y’Amajyepfo n’amanota 73.58%, hakurikiraho Umujyi wa Kigali 72.5%, Intara y’Amajyaruguru 61.2%, haheruka Intara y’Uburengerazuba 60.8%.

Mu buyobozi bwite bwa Leta (Central Governement), Minisitiri w’Intebe yavuze ko inkingi y’iterambere ry’ubukungu ari yo yaje ku isonga, n’amanota 71.9%, imiyoborere myiza n’ubutabera, igira 69.1%, naho iterambere ry’imibereho myiza y’abaturage rigira 56.3%.

Minisitiri w’Intebe Dr. Ngirente yavuze ko hari ibyari biteganyijwe gukorwa ariko bikaza gukomwa mu nkokora n’icyorezo cya Covid-19.

Bamwe mu baturage ba Nyaruguru baganiriye na Kigali Today batangaje ko bishimiye uyu mwanya wa mbere akarere kabo kegukanye, bavuga ko bibateye imbaraga zo kurushaho gukora kugira ngo bazagumane uwo mwanya.

Umugoronome yagize ati "Ntabwo mbizi, tubaye aba mbere! Akarere ka Nyaruguru! Habitegeko! Yesu wanjye! Umva turishimye cyane, kuko rwose ibikorwa birivugira. Muri Nyaruguru iubintu byose bigaragara ko turi mu ba mbere. Ubundi se akarere katurusha ni akahe"!

Mu Karere ka Nyaruguru ubu hari kuzura umuhanda wa kaburimbo uzagera ku bitaro bya Munini uturutse mu Karere ka Huye

Umwe mu bamotari bo mu Karere ka Nyaruguru na we yabwiye Kigali Today ati "Twabaye aba mbere twebwe ntitwikoraho, turahumura! Kaburimbo Nyaruguru igiyebkuzura tujye tugenda tunyerera, amavuriro meza, gare ubu turaparikamo neza".

Umuyobozi w’Akarere ka Nyaruguru wungirije ushinzwe imibereho y’abaturage, Kayitesi Collette, we ati "Dufite ibyishimo, turashimira abafatanyabikorwa bose babigizemo uruhare, kuko uyu mwanya wagizwemo uruhare n’abantu benshi batandukanye".

Muri Nyaruguru kandi hari kubakwa ibitaro by’icyitegererezo bya Munini

Muri ako Karere ni ho hagiye kubera igikorwa cyo gusinyana imihigo na Perezida Kagame, igikorwa cyari kimaze igihe gitegerejwe na benshi.

Reba mu mafoto uko byari byifashe ubwo bahagurukaga

Kureba andi mafoto menshi, kanda HANO

Reba Video igaragaza uko bahagurutse i Kigali

Amafoto: Plaisir Muzogeye

Video: Richard Kwizera

Ubwo uturere twitwaye neza mu mihigo ya 2017 - 2018 twabishimirwaga na Perezida wa Repubulika

Ubusanzwe cyaberaga i Kigali, ariko biravugwa ko kubijyana i Nyagatare ari mu rwego rwo guteza imbere abahafite ibikorwa byakira abitabira bene izo nama kugira ngo na bo ayo mahirwe abagereho.

Ni umuhango wari umaze imyaka ibiri utaba, dore ko waherukaga kuba hahigurwa imihigo y’umwaka wa 2017/2018, icyo gihe habaho no guhiga imihigo ya 2018/2019.

Byari biteganyijwe ko tariki ya 13 Kanama 2019 uturere twose tumenya ibyavuye mu isuzuma ry’imihigo twasinyanye na Perezida wa Repubulika mu mwaka wa 2018-2019, ndetse no kongera gusinyana na we indi mihigo yo mu mwaka wa 2019-2020 ariko ntibyaba.

Icyo gihe abayobozi kuva ku mudugudu kugera ku rwego rw’igihugu bari bahuriye mu Ngoro y’Inteko Ishinga Amategeko, baje guhigura imihigo y’umwaka wari ushize ndetse no guhiga iy’umwaka wari ukurikiyeho.

Abo bayobozi bagiranye ibiganiro na Minisitiri w’Intebe, Dr Edouard Ngirente, kugira ngo basobanurirwe iby’izo mpinduka ndetse n’uko bagomba gusubira mu mihigo yabo, bityo bazongere guhura itunganye.

Mu kiganiro Minisitiri w’Imari n’Igenamigambi, Dr Uzziel Ndagijimana yagiranye n’abanyamakuru nyuma y’iyo nama, yagaragaje ibyatumye iyo mihigo idasinywa.

Yagize ati “Perezida wa Repubulika yasabye Minisitiri w’Intebe ko aho gusinya iyo mihigo ahubwo abayobozi babanza kwinjizwamo ibikorwa byibanda ku mibereho y’ibanze y’abaturage. Ibyo bigatuma imihigo iba koko umusemburo w’impinduka nziza ku mibereho y’umuturage aho atuye”.

Ati “Ibikwiye kwibandwaho byadindiraga ni ibihumbi by’abaturage badafite amacumbi ajyanye n’igihe, abaturage benshi badafite ubwiherero bwujuje ibyangombwa ndetse n’abaturage bakirarana n’amatungo. Ibyo bigira ingaruka ku mibereho y’abaturage kubera isuku idahagije”.

Minisitiri Ndagijimana yavuze kandi ko hari n’ibindi bijyanye n’imiyoborere y’abayobozi batandukanye bizagarukwaho, abo bayobozi ngo bakaba bagiye kongera kubireba bityo imihigo ikazasinywa nyuma, gusa ntihatangajwe itariki icyo gikorwa kizaberaho.

Kuri icyo kijyanye n’imiyoborere, Minisitiri Ndagijimana yavuze ko hari ibigomba kunozwa kuko hakiri abaturage bahorana ibibazo.

Ati “Kuba hari abaturage benshi bagitonda umurongo bageza ibibazo kuri Perezida wa Repubulika iyo yabasuye, icyo ni ikimenyetso cy’uko imiyoborere itanoze aho hantu. Abayobozi begereye abaturage bagombye kuba barabikemuye mbere y’uko Perezida ajyayo, cyane ko iyo urebye usanga biba bitanakomeye, wenda baba barabirangayeho cyangwa byarakemuwe nabi”.

Icyo gihe yavuze kandi ko ikigiye gukorwa ari ukongera mu myandikire y’imihigo isanzwe, igika gikubiyemo ibibazo bijyanye n’ubuzima bw’abaturage ndetse no mu gihe cyo kuyigenzura na cyo kikazaba gifite amanota ahwanye n’uburemere bwacyo.

Imihigo yatangiye mu mwaka wa 2006 ibera ku rwego rw’akarere gusa. Byaje guhinduka, muri 2009-2010 guhiga bigera no muri za Minisiteri. Imihigo yaherukaga kuvugururwa mu mwaka w’ingengo y’imari 2017-2018, aho na none hibanzwe ku mibereho myiza y’abaturage.