Ubwo Dr. Pierre Damien Habumuremyi aheruka mu rukiko (Ifoto: Igihe)

Urukiko rwavuze ko ibyavuye mu iperereza bigize impamvu zikomeye zituma akekwaho gukora ibyaha akurikiranyweho.

Isomwa ry’urubanza ryabaye uregwa atari mu rukiko, ariko umwe mu bamwunganira we yari ahari.

Ubwo aheruka mu rukiko ku wa Kane w’icyumweru gishize, tariki 16 Nyakanga 2020, umwe mu bunganira Dr. Habumuremyi yabwiye Urukiko ko umukiriya we nta mutekano afite mu kuza kwiregura imbere y’abantu benshi barimo n’itangazamakuru, icyo gihe akaba yarasabaga ko yaburanira mu muhezo.

Umucamanza yahise atangaza ko urukiko rugiye gufata iminota 30 yo kwiherera rukiga ku nzitizi zagaragajwe n’uregwa, nyuma ari bwo ruza gutanga umwanzuro. Nyuma urukiko rwanzuye ko urubanza rwa Dr. Habumuremyi rugomba kubera mu ruhame.

Dr. Habumuremyi aregwa gutanga sheki zitazigamiye hamwe no gusabira Kaminuza ye yitwa Chrisitian University of Rwanda (iherutse gufungwa), inguzanyo zitangwa n’abantu bungukira ku bandi inyungu z’ikirenga, ibizwi nka ‘banki Lambert’.

Urubanza rwabereye mu ruhame (Ifoto: Umuseke)

Dr. Habumuremyi akurikiranyweho icyaha cyo gutanga sheki zitazigamiye hamwe n’ubuhemu, byose byakozwe mu gushakira imibereho ishuri rye ‘Christian University of Rwanda’. Abarimu n’abakozi bayo bavuga ko bari bamaze igihe kinini badahembwa.

Ni urubanza rwabereye mu ruhame, imbere y’abantu benshi barimo itangazamakuru. Umwe muri babiri bunganira Dr. Habumuremyi, Me Bayisabe Erneste yabwiye umucamanza ko kuburanira mu ruhame biteza umukiliya wabo kwiregura adatekanye.

Nyuma yo kwiherera k’Urukiko, Umucamanza yagarutse avuga ko iburanisha riri bubere mu ruhame, ariko ko rishobora kuba ryabera mu muhezo mu gihe hagaragara umutekano muke w’abari mu rukiko muri rusanze, aho kuba umuntu ku giti cye.

Umucamanza yavuze ko amategeko yemerera abanyamakuru gukurikirana urubanza bafata amajwi n’amashusho mu gihe babisabiye uburenganzira, kubera iyo mpamvu urubanza rugomba gukomeza kuburanishwa mu ruhame.

Ubushinjacyaha bwahise butangira kugaragaza ibyaha Dr. Habumuremyi aregwa by’ubuhemu no gutanga sheki zitazigamiye.

Ubushinjacyaha bwavuze ko hari sheki zifite agaciro ka miliyoni zirenga 170 Frw bwaregewe, zimwe ziri mu mazina ya Christian University of Rwanda ariko zasinyweho na Dr. Habumuremyi, izindi ziri mu mazina ye bwite.

Ubushinjacyaha buvuga ko Dr. Habumuremyi yatanze isoko rya miliyoni 12,5Frw ryo kugura mudasobwa 20, aho rwiyemezamirimo yasabwaga kubanza gutanga ingwate ya miliyoni 10Frw, nyuma yo gutanga ibyo bikoresho ngo yasubijwe miliyoni eshanu zonyine ndese n’ayo yari yakoreye ntiyayahawe.

Sheki uwo rwiyemezamirimo yahawe na bwo ngo yayigejeje kuri banki asanga nta mafaranga ariho. Habumuremyi ngo yabwiye Ubugenzacyaha n’Ubushinjacyaha ko bitari ngombwa ko konti muri banki ibaho amafaranga kuko sheki yatangaga zari nk’ingwate.

Mu kwiregura, Dr. Habumuremyi yavuze ko yahaye uwo rwiyemezamirimo witwa Ngabonziza sheki y’amafaranga miliyoni 17,5Frw itazigamiye muri banki, bahana igihe cyo kuzaba yishyuwe bitarenze tariki ya 10 Mata 2020, ariko uwo Ngabonziza akaba yaragiye kuyabikuza mbere yaho.

Gusa na none bitewe n’icyorezo Covid-19, itariki yageze ya mafaranga ataraboneka, ubuyobozi bwa Kaminuza ya Dr. Habumuremyi bukaba ngo bwarahise bwandikira Ngabonziza bumusaba kuganira na we kugira ngo bagirane andi masezerano.

Ubushinjacyaha buvuga ko hari n’abandi bagurije Christian University of Rwanda amafaranga bakaba batari bayishyurwa yose, harimo Nkurunziza Charles watanze miliyoni 38Frw na Kazungu Edmond wayihaye miliyoni 28.9Frw.

Dr. Habumuremyi avuga ko adakwiye gushinjwa icyaha cy’ubuhemu ahubwo ikibazo ngo ari amasezerano yagiye agirana n’abantu, akaba asaba kurekurwa kugira ngo ajye kubashakira ubwishyu buzava mu kugurisha imigabane ya Christian University.

Ubushinjacyaha bumusabira gufungwa by’agateganyo ariko we akavuga ko afite uburwayi bw’umutima n’ijisho bwatuma atabasha kwivuza no gushakira abantu ubwishyu.

Pierre Damien n’abamwunganira mu rukiko (Ifoto: Umuseke)

Urwego rw’Ubushinjacyaha rwatangaje ko rwafunze Dr. Habumuremyi ku wa Gatanu tariki 03 Nyakanga 2020, akaba yarafungiwe rimwe na Prof. Egide Karuranga wayoboraga Kaminuza ya Kibungo (UNIK).

Hagati y’abamwungara babiri ari bo Me Bayisabe Erneste na Kayitare Jean Pierre, imbere y’Urukiko rw’Ibanze rwa Gasabo kuri uyu wa kane, Dr. Habumuremyi yabajijwe niba ibyaha aregwa abyemera, asubiza ati “ntabwo mbyemera”.

Umwe mu bunganira Dr. Habumuremyi yabwiye Urukiko ko umukiriya we nta mutekano afite mu kuza kwiregura imbere y’abantu benshi barimo n’itangazamakuru.

Umucamanza yahise atangaza ko urukiko rugiye gufata iminota 30 yo kwiherera rukiga ku nzitizi zagaragajwe n’uregwa, nyuma ari bwo ruza gutanga umwanzuro.

Dr. Habumuremyi aregwa gutanga sheki zitazigamiye hamwe no gusabira Kaminuza ye yitwa Chrisitian University of Rwanda (iherutse gufungwa), inguzanyo zitangwa n’abantu bungukira ku bandi inyungu z’ikirenga, ibizwi nka ‘banki Lambert’.

Iyi kaminuza iri mu Mujyi wa Kigali imaze igihe ivugwamo ibibazo birimo icyo kumara igihe kinini idahemba abarimu bayo n’abandi bakozi, bivugwa ko bayitangiye ikirego.

Dr. Habumuremyi afunzwe yayoboraga Urwego rw’Igihugu rushinzwe Intwari z’Igihugu, Imidari n’Impeta by’Ishimwe.

Christian University of Rwanda iri mu zahagaritswe

Amakuru y’ihagarikwa ryazo aje akurikira andi y’ihagarikwa rya Kaminuza ya Kibungo (UNIK), zose zikaba zarahagaritswe mu ntangiriro z’uku kwezi kwa karindwi 2020.

Minisitiri w’Uburezi, Dr Valentine Uwamariya, yemeje aya makuru, asobanura ko zizira ibibazo bitandukanye bishamikiye ku ireme ry’uburezi rikemangwa, n’andi makosa y’imicungire y’ibyo bigo.

Kaminuza ya Kibungo (UNIK) yakoreraga i Ngoma mu Burasirazuba, Christian University of Rwanda yakoreraga mu Mujyi wa Kigali kuri Saint Paul naho Indangaburezi College of Education (ICE) yakoreraga mu karere ka Ruhango, zose zikaba zari kaminuza zigenga.

Mu kiganiro yagiranye na RBA ku cyumweru tariki 5 Nyakanga 2020, Minisitiri w’Uburezi, Dr Valentine Uwamariya yasobanuye iby’ifungwa ry’izo kaminuza uko ari eshatu.

Ati “Kaminuza ya Kibungo yari ifite uruhushya rwo gukora rwa burundu ikaba yo yarahagaritswe mbere, Christian University of Kigali yo yari ifite uburenganzira bw’igihe gito. Ariko kuko yari yarananiwe kubyuzuza kuva yatangira gukora muri 2016, byabaye ngombwa ko na bwa burenganzira bw’igihe gito ibwamburwa”.

Ati “Indi ni Indangaburezi College of Education ikorera mu karere ka Ruhango, yigishaga amashami atandukanye y’uburezi. Iyi na yo yari ifite uburenganzira bw’igihe gito ariko na yo yananiwe kuzuza ibyari bisigaye ngo yemerwe n’amategeko, bituma na yo yamburwa bwa burenganzira bw’igihe gito, ni ukuvuga ko ari kaminuza eshatu zahagarikiwe igihe kimwe”.

Minisitiri Uwamariya yavuze kandi ko igenzura rikomeje no mu zindi kaminuza kugira ngo ahari ibibazo bigaragare hakiri kare.

Ati “Kaminuza nyinshi zifite ibibazo, ni yo mpamvu Inama Nkuru Ishinzwe Uburezi (HEC) iba igomba gukora igenzura rihoraho, kandi n’ubu amagenzura arakomeje. Aho bazasanga hari ibidakosorwa cyangwa batubahiriza ibisabwa hazafatirwa ibyemezo. Gusa aho hose ibibazo bigomba kuba byakemutse mbere y’uko amashuri muri rusange atangira”.

Yakomeje avuga ko bagiye kongera ibiganiro na za kaminuza kugira ngo ahari ibibazo bikemuke hakiri kare, bitabaye ngombwa ko abantu babanza gutabwa muri yombi.

Ibyo biravugwa mu gihe kuri iki cyumweru, Urwego rw’ubugenzacyaha (RIB) rwatangaje ko rwataye muri yombi abayobozi babiri ba zimwe muri izo kaminuza, ari bo Dr Pierre Damien Habumuremyi ukuriye Christian University of Rwanda na Prof Egide Karuranga wayoboraga Kaminuza ya Kibungo (UNIK).

Dr Pierre Damien Habumuremyi

Araregwa ibyaha byo gutanga sheki zitazigamiye hamwe no gusabira Kaminuza ye yitwa Chrisitian University of Rwanda inguzanyo zitangwa n’abantu bungukira ku bandi inyungu z’ikirenga, ibizwi nka ’banki Lambert’.

Iyi kaminuza iri mu mujyi wa Kigali imaze igihe ivugwamo ibibazo birimo icyo kumara igihe kinini idahemba abarimu bayo n’abandi bakozi.

Umuvugizi w’agateganyo wa RIB, Dominique Bahorera, yabwiye umunyamakuru wa Kigali Today ati "Ni byo Dr Pierre Damien Habumuremyi arafunzwe kubera ibyaha byo gutanga Sheki zitazigamiye n’ubuhemu akurikiranyweho".

Bahorera yabwiye Itangazamakuru ko Dr Habumuremyi hamwe na Prof Egide Karuranga wayoboraga Kaminuza ya Kibungo(UNIK), bamaze iminsi ibiri bafunzwe, bakaba bakurikiranyweho ibyaha bakoze mu gihe umwe yari umuyobozi w’ishuri, undi ari nyiraryo.

Mu byaha Prof Karuranga akurikiranyweho ngo harimo gushingira ku kimenyane n’icyenewabo akemerera bamwe mu banyeshuri kwiga ku buntu muri iyo kaminuza iri mu mujyi wa Ngoma (Iburasirazuba).

Minisiteri y’Uburezi (MINEDUC) yafunze burundu iyi kaminuza ya UNIK ku itariki 30 Kamena 2020, iyiziza gutanga uburezi budafite ireme. Nyuma yaho hari umukozi wa MINEDUC watangarije Kigali Today ko nyuma yo gufungwa iyi Kaminuza ya Kibungo, hari izindi na zo zizakurikiraho.

Christian University of Rwanda

Ibyo DR. Habumuremyi Damien umuyobozi wa Kaminuza yigenga ‘CUR’, yabigarutseho ubwo muri iyi kamunuza hatangizwaga umwaka wa mashuri wa 2017-2018, kuri uyu wa 25 Ukwakira 2017.

Yagize ati “erege reka nk’ubwire, inama nkuru y’mashuri makuru na Kaminuza HEC, siyo afunga amashuri, ahubwo yo icyo ikora ni igenzura, hari icyo twita clarification framework, yerekana neza ibyo ikigo kugirango kibe kaminuza kigomba kuba cyujuje.”

Arakomeza ati “HEC rero icyo ikora iragenzura ko ubyujuje, none se niba wowe wikoreye igenzura, ugasanga ntubyujuje, urumva atari wowe uzaba wifunze? Niwuzuza ibyo clarification framework igusaba, bazagufungira se bagushakaho iki?”

Uyu muyobozi akaba yabivuze ahumuriza abanyeshuri b’iki kigo, abasaba kumva ko nta bwoba bakwiye kugira bwo kuba hari kaminuza ziri guhagarikirwa amasomo cyangwa gufungwa burundu, ngo bibaze ko na CUR ariko bizayigendekera.

Abanyeshuri b’iyi Kaminuza bagaragaza impungenge ariko bagasaba abayobozi b’iyi kaminuza gukora ibyo biyemeje, kugirango ntibazatakaze umwanya.

Gatabazi Junior umwe mu banyeshuri ati “nta kuntu utagira impungenge, ubona abandi banyeshuri bafungirwa ibigo byabo, birababaza kuba watangiye umushinga wa kaminuza nukuntu uvuna, wagera hagati bati, turabahagaritse, ugasanga ahanini abanyeshuri nibo bigizeho ingaruka.”

Arongera ati “gusa kubera ko tuziko umuyobozi w’iyi kaminuza, amaze igihe kinini mu burezi, turizera ko izi mpungenge zizashira”.

Christian University of Rwanda, yatangiye mu kwezi kwa kabiri, uyu mwaka wa 2017, kugeza ubu ikaba ifite abanyeshuri 1000 batangiye kuyigamo, ikavuga ko yitegura kugaba amashami hirya no hino mu gihugu, aho yahereye mu karere ka Karongi.

Ibi Dr Habumuremyi yabitangarije mu muhango w’ihererekanya bubasha hagati ye na Dr Iyamuremye Augustin wayoboraga uru rwego wabaye ku wa kabiri tariki ya 10/03/2015.

Yagize ati “Urwego nk’uru rutagira aho gukorera, ni ibintu biba bitumvikana kuko uko nahabonye, ni ahantu umuntu adashobora no kubona uko ahinjira, kuhagera ni nka bimwe mu Kinyarwanda bita gusesera, kandi ikiyongereyeho ni ahantu uko tungana tudashobora kubona aho gukorera inama”.

Dr Habumuremyi arasaba ko bahabwa aho bakorera hahagije.

Dr Habumuremyi yatangaje ko kuba uru rwego rudafite aho gukorera hafite ubwinyagamburiro bidakwiye ndetse nta n’urundi rwego rwa Leta rwakagombye gukorera ahantu nk’aha, aboneraho gusaba Minisitiri w’umuco na Siporo, Uwacu Julienne ko yabakorera ubuvugizi kugira ngo babashe kubona aho gukorera hajyanye n’inshingano ikigo gifite.

Dr Habumuremyi kandi yasabye ko iki kigo cyakongererwa ingengo y’imari, kugira ngo ibikorwa bafite byinshi birimo cyane cyane icyo gutoza urubyiruko umuco w’ubutwari kugira ngo ruzawukurane bizabashe kugerwaho, aho yavugaga ko ubushobozi bw’igihugu n’ubwo ari buke bwasaranganywa imirimo yose ikabasha gutungana.

Dr Iyamuremye na Dr Habumuremyi bahererekanya ububasha ku buyobozi bwa CHENO.

Minisitiri uwacu Julienne, yashimiye Dr Iyamuremye Augustin umuyobozi wa CHENO ucyuye igihe, anizeza ubuyobozi bw’iki kigo ubufatanye mu bikorwa byarwo bya buri munsi biyemeje.

Yabijeje kandi kubakorera ubuvugizi ku bibazo bagaragaje birimo kubona aho bakorera hafite ubwinyagamburiro, ndetse no kubashakira ingengo y’imari ihagije izabibashamo, kugira ngo inshingano zabo zizabashe kugerwaho nk’uko babyifuza.

Minisitiri Uwacu yabijeje ubufatanye mu mirimo yabo ya buri munsi ndetse n’ubuvugizi ku bibazo bafite.

Umuhango w’ihererekanyabubasha wari witabiriwe n’abantu benshi.

Inzira igana aho CHENO ikorera.

CHENO ikorera hamwe n’inama y’igihugu y’abagore (CNF).

Roger Marc Rutindukanamurego

Iyi nkuru yamenyekanye nyuma y’itangazo ryashyizwe ahagaragara nyuma y’inama y’abaminisitiri yari iyobowe n’Umukuru w’Igihugu, Perezida Paul Kagame, yateranye kuri uyu wa gatanu tariki 13/2/2015.

Dr. Habumuremyi ni umuyobozi mushya w’Urwego rw’Igihugu rushinzwe Intwari z’Igihugu, Imidari n’Impeta y’Ishimwe.

Dr. Habumuremyi wabaye Minisitiri w’Intebe hagati ya tariki 7/10/2011 kugeza tariki 24/7/2014, yasimbuwe kuri uyu mwanya na Anastase Murekezi ashyizweho na Perezida Kagame nk’uko itegeko nshinga ribimwemerera.

Mbere y’uko aba Minisitiri w’Intebe, Dr. Habumuremyi yabaye umudepite mu nteko ishinga amategeko ya Afurika y’Iburasirazuba (EALA) avamo aba Minisitiri w’Uburezi mbere yo kwerekeza muri PRIMATURE.

Dan Ngabonziza

Uyu muryango usanzwe uyoborwa na Perezida wa Uganda, Yoweri Museveni, inama yawo ibereye i Kinshasa kugira ngo ubuyobozi bwakirwe na Perezida Joseph Kabila, naho ibizibandwaho akaba ari ikibazo cy’umutekano n’iterambere mu karere.

Iyi nama yari iteganyijwe kwitabira n’abayobozi ba Guverinoma n’abayobozi b’ibihugu, u Rwanda rukaba ruhagarariwe na Minisitiri w’intebe Dr Pierre Damien Habumuremyi, Uganda ihagararirwa na Perezida Yoweri Museveni, Kenya ihagararirwa na Vice perezida wa William Ruto naho Zimbabwe ihagararirwa na Perezida Robert Mugabe.

Abandi bayobozi bitabiriye iyi nama barimo Perezida wa Zambiya Michael Sata, Vice président w’u Burundi, Gervais Rufyikiri, Perezida wa Sudani Omar al Bechir, Perezida wa Malawi Joyce Banda hamwe na Ismail Omar Guelleh Perezida wa Djibouti.

Visi-Perezida wa Kenya William Ruto akigera Kinshasa taliki ya 25/2/2014 yatangaje ko inama ya 17 ya COMESA izaganira ku kongera imirimo ku rubyiruko rugize uyu muryango, avuga ko ikibazo cy’ubuhahirane n’ubwikorezi kigomba kuganirwaho kuko bugifite ingorane kandi hakoreshejwe inzira ya gari ya moshi byagenda neza.

Ruto avuga ko nubwo gushyiraho ubuhahirane bicyenewe mu karere hakiboneka ikibazo cy’imitwe yitwaza intwaro kandi yabangamira ubwikorezi, kuburyo asanga hakwiye kubanza gukurwaho iyi mitwe kugira ngo ubutwererane mu bihugu bigize umuryango wa COMESA bwiyongere.

Minisitiri w’intebe w’u Rwanda ubwo yakirwaga ku kibuga cy’indege cya Kinshasa.

Muri iyi nama kandi hagomba kurebwa ku korohereza kwambukiranya imipaka kw’abantu n’ibintu mu buhahirane, iterambere ry’ubuhinzi, kongera ubukungu mu birebana n’ubucuruzi mu bihugu bigize COMESA, guteza imbere ubucyerarugendo no kongera ingufu zikomoka ku mashanyarazi.

Inama yabanjirijwe n’iy’impugucye zabanje kwiga ingengo y’imari uyu muryango ugomba gukoresha muri uyu mwaka wa 2014 yiyongereyeho 8 868 304 ivuye kuri miliyoni 82 z’amadolari agomba gutangwa n’ibihugu bigize COMESA.

Cyakora n’ubwo aya mafaranga agaragara nkaho ari menshi ibihugu bisabwa kuzatanga agera kuri miliyoni 14 z’amadolari naho abafatanyabikorwa ba COMESA bagatanga agera kuri miliyoni 70, umunyamabanga wa COMESA akaba afite impungenge z’ubucyererwe bw’umugabane ibihugu bisabwa gutanga.

Umunyamabanga wa COMESA, Nagla El-Hussainy, avuga ko aya mafaranga yashyirwa mu bikorwa byo gutegura ubuhahirane mu bihugu bigize COMESA mu kongera itarambere mu bucuruzi bw’ibigo n’inganda zo mu karere.

Umuryango wa COMESA ugizwe n’ibihugu 19 ukaba ufite inshingano yo guteza imbere ubuhahirane bw’ibihugu n’ababituye, isoko rusange muri uyu muryango ryatangiye mu Ukuboza 1994 mu gishyira mu bikorwa amasezerano yasinywe mu mwaka w’1981, COMESA ibarwa kuba ifite abaturage bagera kuri miliyoni 390 bashobora kwinjiza miliyari 170 z’amadolari nk’uko byagaragajwe muri 2006.

Sylidio Sebuharara

Muri iki gitabo minisitiri Habumuremyi yanditsemo ko muri leta iyobowe na perezida Paul Kagame hagaragaramo ubuyobozi bushimangira Ubunyarwanda kuri bose, Abanyarwanda bakaba basaranganya ibyiza by’igihugu mu buryo bungana, kandi ntawavuga ngo igihugu ni icye kurusha abandi.

Minisitiri w’Intebe Pierre Damien Habumuremyi yanditse mu gitabo cye ko u Rwanda rw’ubu rutandukanye n’urw’abanyepolitiki bo hambere bashingiraga ku ivangura

Mu mihango yo kumurika iki gitabo yabereye mu mujyi wa Kigali ku ishuri rikuru rya kaminuza ya ULK, Université Libre de Kigali, kuwa 23/01/2014, Dr Damien Habumuremyi yahereye kuri filimi igaragaza amateka y’u Rwanda yerekanywe uwo munsi, avuga ko ubu u Rwanda ruri mu bihe bitandukanye cyane n’ayo mateka mabi.

Minisitiri Habumuremyi yagize ati “Twabonye uko abanyapoliki bavugaga ko Abanyarwanda atari bamwe, ko bava mu bice bitandukanye, batagize n’aho bahurira. Nyamara uyu munsi Umunyarwanda wagize impanuka cyangwa ikibazo ari mu kindi gihugu, twoherezayo ambulance ndetse n’indege bijyayo, ntabwo bireba amazuru.”

Minisitiri Habumuremyi aremeza ko Abanyarwanda ko ubu Abanyarwanda bose birebera mu cyerecyezo kimwe cy’Ubunyarwanda

Dr Damien Habumuremyi yavuze ko ibyo yandika iki gihe bitari ukurengera imbehe kubera kuba Minisitiri w’intebe kuko ngo kwandika yabitangiye mu 2008 ataraba minisitiri.

Igitabo ‘Rwanda: Building a model nation state’ (twagenekereza mu Kinyarwanda ngo “Rwanda: kubaka igihugu nyacyo”) cyanditswemo ko n’ubwo abantu bashyira ivangura n’amacakubiri ku bakoloni n’abamisiyoneri, ngo intandaro y’ibibazo byose u Rwanda rwabayemo ni abanyapolitiki bashingira ku ivangura no kureba inyungu zabo bwite.

Iki gitabo cyanditswe hashingiwe ku nyandiko z’abandi bashakashatsi, za raporo za minisiteri n’ibigo binyuranye byo mu Rwanda, ibitekerezo by’inzobere n’impuguke nk’uko byasobanuwe na Prof. Shyaka Anastase wayoboye Dr Damien Habumuremyi mu kwandika icyo gitabo, mu gihe yateguraga guhatanira impamyabushobozi y’ikirenga PhD.

Igitabo ‘Rwanda: Building a model nation state’ gishima cyane ubuyobozi bwa perezida Paul Kagame

Prof Shyaka yasobanuye ko icyo gitabo kigizwe n’ibigice bine, igice cya mbere ngo gisesengura ibivugwa mu mateka y’u Rwanda nk’Ubuhake, uburetwa, ibimanuka, kuba ubuhutu n’ubututsi bitari amoko, revolisiyo yo muri 1959 n’ubwigenge bw’u Rwanda muri 1962 n’ibindi.

Igice cya kabiri gisesengura ivangura n’irondakoko. Igice cya gatatu kivuga ku migendekere ya Jenoside yakorewe Abatutsi n’imiyoborere mibi y’icyo gihe.

Gahunda ya Ndi umunyarwanda ngo isobanurwa neza mu gice cya kane cy’icyo gitabo ‘Rwanda: Building a model nation state’, aho Dr Habumuremyi avuga ko imiyoborere ya perezida Kagame yazanye impinduka mu bukungu, ubutabera, imibereho n’imiyoborere myiza by’abaturage, ndetse n’isaranganywa ry’ubutegetsi, iterambere ry’umuturage no kugira ijambo.

Minisitiri w’Intebe Pierre Damien Habumuremyi yanditse mu gitabo cye ubutegetsi mu Rwanda busaranganywa neza abaturage babigizemo uruhare

Mu mwanzuro w’icyo gitabo harimo ko ubuyobozi butagira amakemwa bushingira ku kubaka amahoro, ubwumvikane no kubonera abaturage bose mu ndorerwamo y’Ubunyarwanda kurusha mu moko n’irindi vangura.

Kumurika igitabo ‘Rwanda: Building a model nation state’, byabereye muri kaminuza yigenga ya Kigali ULK, mu mihango yitabiriwe n’abaminisitiri bo mu Rwanda, abarimu ndetse n’abanyeshuri bo muri iyo kaminuza.

Mu gitabo cye ‘Rwanda: Building a model nation state’, minisitiri Habumuremyi agaragaza ko Ndi Umunyarwanda ari imyumvire Abanyarwanda bakwiye guhuza bagatera imbere

Ku ikubitiro ULK ngo igiye kugura ibitabo 200 bizashyirwa mu isomero ryayo, kugira ngo abanyeshuri bazabisoma bazajye gusakaza ubwo bumenyi mu muryango Nyarwanda, nk’uko Prof. Rwigamba Balinda, Perezida wa ULK yamenyesheje ko azanakangurira andi mashuri kubigura.

Igitabo ‘Rwanda: Building a model nation state’ kigurwa amafaranga 15,000 Rwf muri Librerie Caritas na Ikirezi.

Simon Kamuzinzi

Minisitiri Habumuremyi wifatanyije n’abaturage mu muganda yagize ati: “ntabwo aribyo ndagirango rwose abaturage mwese mubyumve neza, ntabwo iyi gahunda ya ndi umunyarwanda igenewe gushyira inkeke ku bahutu yagenewe Abanyarwanda bose ibyiciro byose”.

Aha misitiri ariko yasabye Abanyarwanda ko bakwemera ko kubera Jenoside, itotezwa n’ibindi byabayeho Abatutsi bafite ibikomere bishobora gutuma uwakorerwaga Jenoside agira imitekerereze n’imigenzereze bibangamira gahunda ya “Ndi Umunyarwanda”.

Minisitiri w’Intebe aganira n’abaturage mu murenge wa Mushishiro mu karere ka Muhanga.

Ati: “ashobora kubona Umuhutu uwo ariwe wese, akavuga ati kiriye kintu ni icyicanyi kandi Abahutu bose siko bicanye”.

Uyu muyobozi avuga ko mu banyarwanda harimo ibice bibiri; aribyo kimwe cy’abafite ibikomere n’icyindi cy’abafite ipfumwe kandi ngo agakiza kabo kari muri “Ndi Umunywanda”.

Minisitiri w’Intebe arasaba Abanyarwanda kwitwararika iyi gahunda bakavugisha ukuri kuko ngo bitagenze uko nta cyizere Abanyarwanda bashobora kugiranira. Ati: “Kugirango twubake Ubunyarwanda n’ubwizerane turasabwa gusasa inzobe ariko byumvikane neza ko tutari kuri Gacaca”.

Aha abaturage bari barangije gutera ibiti bakurikirana ijambo rya Minisitiri w’intebe.

Akomeza avuga ko Abanyarwanda mu gusasa inzobe bajye baganira hagati yabo babane baziranye nta rwikekwe kuko nta bihano bihari ku basasa inzobe babwizanya ukuri.

Akaba asaba ko iki gikorwa cyatangiriye mu bayobozi cyanagera mu baturage kandi bakacyakira neza. Aha akaba abwira aba baturage ko gusaba imbabazi ari kimwe mu binti by’ingenzi bireba abasasa inzobe kandi bakanagaranira ko ibyabaye mu Rwanda bitazongera ukundi.

Yasabye abayobozi kurinda ibiti byakwangirika bakabibazwa

Muri icyo gikorwa cy’umuganda, Minisitiri w’intebe w’u Rwanda, Pierre Damien Habumiremyi yasabye ko abayobozi b’intara n’ab’uturere kwita ku biti biba byatewe kuko bitwara amafaranga menshi bitaba ibyo bakabibazwa.

Muri uyu muganda wakorewe mu nkengero z’urugomero ruzabyazwa amashanyarazi ruri kubakwa muri uyu murenge, hatewe ibiti bigera ku bihumbi 11 kuri hegitari 15.

Minisitiri w’intebe Dr Habumuremyi P. Damien n’umuturage batera igiti.

Minisitiri w’intebe avuga ko ibiti biterwa buri mwaka biba ari byinshi kandi bitwara akayabo k’amafaranga kuko mu mwaka nibura hatabura miliyari eshanu zihagendera. Agaragaza kandi ko raporo yagejejweho zerekana ko mu biti byose biterwa hakura gusa 75% ibindi bisigaye bigapfa.

Ibi ngo byamuteye gufata ingamba zikomeye, aho abayobozi bafatanije n’abaturage basabwa kurinda ibi biti bitaba ibyo bakabiryozwa.

Yagize ati: “umwaka utaha tuzagaruka tubare ibiti twateye nidusanga atari ibihumbi 11 nk’uko twabiteye; ibizaburaho, governor, ba mayor n’abandi bayobozi ndetse n’abaturage bazabigura…muzabigura n’abaturage banyu mwongere mubitere”.

Akomeza avuga ko aho bigeze Leta itazongera kwihanganira iki gihombo, ati: “ntabwo Leta tuzongera kwihanganira ko dushyiramo miliyari eshanu hanyuma ngo dukuze 75% gusa”.

Uyu musozi muremure ukikije urugomero rw’amashanyarazi wateweho ibiti ibihumbi 11.

Aha avuga ko ibi bizakuraho igihombo Leta ihura nacyo buri mwaka, nibigenda gutya icyo bazaba bahombye ni uko ibi biti bitakurira rimwe.
Ikindi uyu muyobozi yanenze ni uburyo hashyirwaho abazamu barinda ibiti byamaze guterwa kandi ari iby’abaturage kandi ari abo bagakwiye kubyirindi kuko aribo bigirira akamaro.

Akaba avuga ko abaturage bagomba kujya babyirindira bitaba ibyo bakazajya babyishyura mu gihe byapfuye. Minisitiri yavuze ko ibi asabye atari ibireba intara y’Amajyepfo gusa ahubwo ngo birareba igihugu cyose.

Gerard GITOLI Mbabazi

Minisitiri w’Intebe yabitangarije mu mwiherero w’umunsi umwe wahuje abakorera serivisi z’ibiro bya Minisitiri w’Intebe kuri gahunda ya Ndi Umunyarwanda, kuri uyu wa Gatanu tariki 29/11/2013.

Mu ijambo rye yashimangiye ko iyi gahunda igamije kurushaho kurema ubwizerane mu Banyarwanda binyuze mu kubwizanya ukuri, kubabazwa n’ivangura rishingiye ku muko ryateye Jenoside yakorewe Abatutsi mu 1994.

Minisitiri w’Intebe Dr. P.D Habumuremyi atangiza ibiganiro.

Ibi bigakorwa abantu bitandukanya n’ikibi, gusaba imbabazi no guharanira ko bitazongera kubaho ukundi, nk’uko yabisobanuye.

Minisitiri Dr. Habumuremyi yagaragaje ko n’ubwo atigeze agira uruhare mu bwicanyi ubwo aribwo bwose, ariko yicuza kuba ntacyo yakoze kugira ngo akize Abatutsi bicwaga kandi we atarahigwaga.

Nyuma y’ibiganiro bibiri byatanzwe ku ruhare rw’abakoloni mu gutanya no gukwirakwiza urwango mu Banyarwanda, hatanzwe ubuhamya butandukanye ku mateka bamwe mu bakozi baciyemo.

Abari bitabiriye umwiherero batanze ubuhanya n’ibitekerezo bitandukanye.

Mu kiganiro ku mateka cyatanzwe na Gen. Frank Rusagara yagaragaje ko ubuyobozi bubi bwose buyobya abaturage bukabagusha mu kibi bugamije inyungu zabo bwite.

Amb. James Kimonyo, umuyobozi w’Ibiro bya Minisitiri w’Intebe, yagaragaje ko we kubera ubuzima yabayemo bw’ubuhunzi no kurenganywa byatumye yanga abahutu biza guhumira ku mirari ubwo yatahaga agasaga benewabo basigaye mu Rwanda bose barishwe muri Jenoside.

Batanze urugero rw’uburyo ubwoko bwakoreshwaga mu byangombwa.

Cyakora yagaragaje ko yamaze kubohoka bitewe na gahunda y’ubumwe n’ubwiyunge Leta yahisemo ndetse bimubera byiza ubwo hatangiraga gahunda ya Ndi Umunyarwanda.

Innocent Nkurunziza, umukozi mu biro bya Minisitiri w’Intebe yatanze ubuhamya agaragaza ivangura yakorewe ubwo yigaga mu mashuri yisumbuye kugera naho ahabwa indangamuntu eshatu mu rwego rwo kugira ngo abone uko yajya acika abamuhigaga.

Yagize ati “Icyambabaje nuko nyuma ya Jenoside nahawe indangamuntu ariko nkasanga nta bwoko bwange burimo kandi narumvaga nage igihe kigeze ngo nishimire icyo ndicyo cyane ko benewacu bari bamaze gufata ubutegetsi.’’

Andre Bucyana, umwe mu bakozi nyuma yo kubohoka yatangaje ko aterwa ipfunwe no kuba abo mu muryango we ndetse barimo na mukuru we wishe abatutsi abonera ho no kubisabira imbabazi.

Gahunda ya Ndi Umunyarwanda mu biro bya Minisitiri w’Intebe ije ikurikira izindi zabereye mu bigo bitandukanye.

Emmanuel N. Hitimana

Ibi Umukuru wa Guverinoma yabitangaje kuri uyu wa Mbere tariki 18/11/2013, mu nama mpuzamahanga yateraniye i Kigali yiga ku buryo muri Afurika haba imiyoborere myiza iganisha ku gufasha abakozi ba Leta mu mitangire myiza ya serivisi.

Yagize ati: “Ubuyobozi bwa Afurika bwakomeje kureberwa mu ndorerwamo ya ruswa, ivangura, kwikubira n’ibindi. Iki nicyo gihe ko Afurika iva kuri iyo sira mbi y’ubuyobozi yayiranze maze igatera intambwe mu buyobozi bunoze, bufasha abakozi kandi bunatanga serivisi nziza.”

Minisitiri Habumuremyi yakomeje avuga ko nta gihe gihari cyo gutakaza mu kutayobora neza niba Afurika ishaka kugera ku iterambere rirambye. Yatanze urugero ku Rwanda rushimwa kuri iki gihe, avuga ko kugira ngo ibyagezweho bibe impamo ari ubwitange bw’ubuyobozi buriho.

Minisitiri w’Intebe, Dr. Pierre Damien Habumuremyi.

Yavuze kandi ko abayobozi bo muri Afurika bakwiye guharura inzira y’abayobozi b’ejo hazaza, bagahanga udushya kandi bagatanga urugero mu gushyiraho udushya dutuma abaturage bishima.

Minisitiri w’intebe w’u Rwanda yasabye ko aba bayobozi batakwibagirwa gushyiraho uburyo bwongera ubukungu, bugafasha abaturage kubaho neza, ariko byose bakabikora batirengagije ko umuti mwiza ari uturuka mu rugo aho kwigana iby’abandi gusa.

Iyi nama u Rwanda rwakiriye ni iya 35 y’ishyirahamwe ry’abakozi ba Leta n’abayobozi muri Afurika (AAPAM). Yahuriwemo n’impuguke n’abayobozi bo muri Afurika no ku isi, mu rwego rwo kuganira ku buryo bunoze abakozi ba Leta bakomeza gutanga serivisi zinoze ariko n’ubuzima bwabo bukaba bwiza.

Iri shyirahamwe ryashinzwe guhera mu 1978, rifite inshingano zo guteza imbere imiyoborere myiza n’imitangire myiza ya serivise. Uyu muryango unatanga igihembo cya AAPAM Award ku bantu babaye indashyikirwa mu kazi ku rwego rwa Afurika.

Emmanuel N. Hitimana

Ibi minisitiri w’intebe, Dr. Pierre Damien Habumuremyi yabibwiye abitabiriye amatora y’abahagarariye urubyiruko rw’umuryango FPR Inkotanyi mu ntara y’Amajyaruguru yabaye kuri iki cyumweru tariki 17/11/2013.

Na minisitiri w’Intebe yacinye akadiho n’abandi bayobozi bishimira intera nziza bagejejweho na FPR

Yagize ati: “Dukeneye urubyiruko rutekereza ku buryo budasanzwe. Dukeneye urubyiruko rushaka ibisubizo, ntabwo ari urubyiruko rutera ibibazo.”

Yaboneyeho kandi gukangurira urubyiruko ibyiza bya gahunda ya ‘Ndi Umunyarwanda’, aho yabasabye kuyishyigikira, kugira ngo ibashe kugera ku ntego zayo, hagamijwe kubaka ejo hazaza heza h’igihugu kibereye buri Munyarwanda.

Yagize ati: “Iyi gahunda nimuyishyigikira ntakabuza izatsinda. Turashaka kuraga urubyiruko rwacu n’abazavuka ejo u Rwanda ruzira urwicyekwe, ivangura n’ ubukene. Tukagira igihugu cyiza abantu bose bifuza kubamo.”

Aba ni bamwe mu bitabiriye inteko ya FPR yatorewemo abahagarariye urubyiruko.

Yongeyeho ko FPR Inkotanyi ifite intego yo guhindura u Rwanda vuba, ikihutisha iterambere, mu bukungu, mu burezi, ikoranabuhanga, imiyoborere myiza, mu mutekano, mu bumwe n’ubwiyunge ndetse n’ibindi, bityo n’urubyiruko rwo muri FPR Inkotanyi rukaba rukwiye kugendera iyi ntambwe mu buzima bwabo bwose.

Bosenibamwe Aimé, umuyobozi wa FPR Inkotanyi mu ntara y’Amajyarugugu anabereye guverineri yavuze ko urubyiruko rw’umuryango FPR n’urubyiruko rw’igihugu muri rusange rukwiye kuba umusemburo w’iterambere, kuko igihugu gifite urubyiruko rudakora kitatera imbere.

Nyuma y’igikorwa cy’amatora, bacinye akadiho bishimira intera nziza FPR itera buri munsi.

Ati: “Rubyiruko banyamuryango, munyemerere mbibutse ko ari mwebwe musemburo w’iterambere ryanyu n’igihugu cyanyu, kuko igihugu gifite urubyiruko rudakora rutatera imbere na gato. Mugomba guhora iteka mufata umwanya uhagije wo gutekereza aho muva n’aho mugana.”

Irakarama Justin, umuyobozi watowe ngo ayobore urugaga rw’urubyiruko rushamikiye ku muryango FPR Inkotanyi mu ntara y’Amajyaruguru, yavuze ko nk’urubyiruko bagiye gushyira imbaraga mu kubaka igihugu dore ko hari abakoresheje imbaraga z’ubusore mu kugisenya.

Komiseri Habumuremyi n’umuyobozi wa FPR mu Manyaruguru mu ifoto na bamwe mu batorewe kuyobora inzego z’urubyiruko muri FPR Inkotanyi.

Ati: “Imbaraga z’urubyiruko nizo u Rwanda ruhanze amaso. Tuzakoresha imbaraga zacu mu kubaka igihugu, cyane ko hari n’abazikoresheje bagisenya, twe icyo duharanira ni ukucyubaka, tunaharanira no kwiteza imbere muri rusange.”
Komite nyobozi y’urubyiruko rw’umuryango FPR ku rwego rw’intara y’Amajyaruguru ni ubwa mbere itowe. Kuri uyu munsi kandi hakaba hatowe abagize urugaga rw’urubyiruko ku rwego rw’intara y’Amajyaruguru.

Jean Noel Mugabo

Ibi yabitangaje mu gikorwa cyo kurahiza abashinjacyaha bashya, aribo Nyirurugo Jean-Marie Vianney na Mutaganda Albert, ku gicamunsi cyo kuri uyu wa Kane tariki 17/10/2013.

Abashinjacyaha bashya, Nyirurugo na Mutaganda barahiriye imbere ya Ministiri w’intebe, Dr Pierre-Damien Habumuremyi.

Yagize ati: “Abize amategeko ni benshi, mugomba rero kudatatira igihango, mukaba inyangamugayo, mukakira abanyarwanda bose neza nta kubarutanisha cyangwa kubasiragiza, ahubwo ibiro byanyu bigahora bifunguye; muraramuka mudakoze neza nta kubajenjekera, amategeko azabakurikirana.”

Yasabye inzego z’ubutabera, by’umwihariko Ministiri Johnston Businjye ubufite mu nshingano, kutajenjeka ku byaha bihungabanya umutekano n’umudendezo by’igihugu, ibirebana n’ihohoterwa rikorerwa abagore n’abana, ibyaha bijyanye na ruswa no kunyereza umutungo wa rubanda, ndetse n’ihohoterwa rikorerwa mu ngo; ko bigomba guhanirwa imbere y’abaturage.

Itsinda rigizwe na Ministiri w’intebe na Ministiri w’ubutabera, abashinjacyaha barahiye n’abacamanza bitabiriye igikorwa cyo kurahira.

Gahunda ya “Ndi Umunyarwanda” ngo igomba kuba mu bitekerezo by’abashinzwe gutanga ubutabera, aho ngo batagomba kuba imbata z’amateka y’amacakubiri, irondakoko n’irondakarere, ahubwo ngo bagomba kubonera buri wese mu ndorerwamo y’ubunyarwanda,nk’uko Ministiri w’Intebe yabisabye.

Umuyobozi wa Guvernoma avuga ko ubutabera ari umusingi ubukungu bw’igihugu, umutekano n’imibereho myiza y’abenegihugu muri rusange, bishingiraho.

Yongeyeho umugani ati: “Uca urw’abavandimwe areba hejuru”, ngo ntagomba guhanga amaso umutura ikirego, kugirango adatwarwa n’amangamutima, akabogama.

Jean-Marie Vianney Nyirurugo, umwe muri babiri barahiy, yasobanuye ko azagendera ku ihame ry’uko ‘umuntu wese utarahamwa n’icyaha aba akiri umwere’, ko uwavuga ngo abashanjacyaha babeshyeye umuntu bakamushinja icyaha atakoze, yaba abeshya.

Nyirurugo ni umunshinjacyaha ku rwego rwisumbuy, bivuga ko akorera ku rukiko rwisumbuye, naho mugenzi we Mutanganda Albert akaba ari umushinjacyaha ku rwego rw’ibanze.

Simon Kamuzinzi

Atangiza iki gikorwa kuri uyu wa Gatanu tariki 28/09/2013, Minisitiri Dr. Habumuremyi wabanje kwifatanya n’abaturage mu gutunganya uturima tw’igikoni, yavuze ko akarima k’igikoni ari igisubizo ku mirire mibi mu miryango.

Minisitiri w’Intebe ashyikiriza indyo yuzuye umuryango. (Foto: L. Nshimiyimana)

Yongeyeho ko kandi ari n’isoko y’amafaranga kuko umuntu ashobora kweza imboga ndetse ugasagurira n’isoko.

Yakanguriye abantu bose batitaye ku rwego bariho kugira uturima tw’igikoni, ubuyobozi bugashyiramo imbaraga kuko uturima tw’igikoni twabaye amateka mu miryango myinshi.

Yagize ati: “Nasuye ingo eshanu, urugo rumwe ni rwo nasanze akarima k’igikoni. Ni nka byabindi bavuga gucurangira abahetsi; ntabwo dukwiye gucurangira abahetsi kuko akarima k’igikoni ni ikintu gikomeye ku buzima bw’urugo n’umuryango kaguha imboga zo kurya, ndetse ushobora no kubona amafaranga yo kwiteza imbere.

Umubyeyi utwite akenera ifunguro ryuzuyengo agire ubuzima bwiza n’umwana atwite. (Foto: L. Nshimiyimana)

Ndasaba abayobozi n’inama nkuru y’abagore bakurikirane iki kibazo cy’uturima tw’igikoni igihugu cyose kibe gifite uturima tw’igikoni.”

Yakomeje avuga ko ugira ngo ikibazo cy’imirire mibi gikemuke, hagomba ubufatanye bw’umugabo n’umugore byagaragaye ko imiryango ibanye nabi, abana batabona indyo yuzuye. Uretse abana, ababyeyi batwite bagomba gufata ifunguro ryuzuye bibafasha kugira ubuzima bwiza n’umwana azabyara.

Ibi bigomba kujyana no kwipimisha mu gihe batwite, babyara bakonsa abana amezi atandatu nyuma y’aho bagashakirwa imfashabere ari ryo funguro ry’umwan, kuko amashereka ya nyina yonyine aba atakimuhaza.

Abayobozi berekwa uko indyo yuzuye itegurwa. (Foto: L. Nshimiyimana)

Mu ijambo rye, kandi Minisitiri w’Intebe yasabye abaturage kwitabira igikoni cy’umudugudu kizatangirwamo amasomo yo gutegura indyo yuzuye, ntibiharirwe abagore gusa n’abagabo bakabyitabira kandi abana bakagirirwa isuku.

Iyi kampanye izibanda ku kongerera abagore ubumenyi bujyanye no gutegura indyo yuzuye bakoresheje ibihingwa biyezereza.

Hari gahunda yo kwigisha abagabo kugira ngo bahindure imyumvire na bo bagire uruhare mu kwita ku babyeyi batwite n’abana babone ifunguro ryuzuye; nk’uko Anita Asiimwe, Umunyamabanga wa Leta muri Minisiteri y’Ubuzima yabitangaje.

Abayobozi batandukanye batera imboga mu karima k’igikoni (Foto: L. Nshimiyimana)

Ikibazo cy’imirire mibi mu bana kigenda kigabanya ubukana mu Karere ka Gakenke, aho imibare igaragaza ko abana 131 ari bo bafite icyo kibazo ubu mu gihe mu myaka ibiri ishize bari ibihumbi bitatu; nk’uko bitangazwa na Nzamwita Deo, Umuyobozi w’ aka karere.

Yavuze ko bafite ingamba zo kukirandura burundu bongera ingufu mu koroza abaturage amatungo magufi, yiyongera ku nka 7.650 zimaze gutangwa muri Gahunda ya Girinka ziha amata abaturage.

Abaturage n’abayobozi batandukanye babanje gukora umuganda aho bubatse uturima tw’igikoni banatunganya ahazubakwa inzu izigishirizwamo uko bategura indyo yuzuye.

Uretse Minisitiri w’Intebe, uyu munsi witabiriwe kandi na Minisitiri w’Iterambere ry’Umuryango, Abanyamabanga ba Leta bo muri MINALOC, MINISANTE, MININFRA na MINEDUC ndetse Umuyobozi wa UNICEF mu Rwanda.

Leonard Nshimiyimana

Ibi yabitangaje kuri uyu wa Gatanu tariki 20/09/2013, ubwo yafunguraga ku mugaragaro iri huririro ryahuje kaminuza zitandukanye ryari ryakiriwe na Kaminuza Nkuru y’u Rwanda (NUR).

Minisitiri w’intebe Habumuremyi yijeje ubufatanye bwa leta na RUFORUM.

Minisitiri yavuze ko RUFORUM ifite byinshi imaze guhindura mu mwuga w’ubuhinzi ukorwa n’Abanyarwanda benshi kugeza ubu, kuko ryafashije abanyeshuri barenga 20 kwiga amashuri y’icyiciro cya kabiri cya kaminuza (Masters).

Minisitiri w’intebe yashimye ko gahunda za RUFORUM zihura na gahunza ya IDPRS ya kabiri kuko bihurira ku kongera umusaruro mu buhinzi. Yijeje iri huriro ubufatanye busesuye na leta y’u Rwanda.

Prof Manasse Mbonye, umuyobozi w’agateganyo wa kaminuza Nkuru y’u Rwanda, yatangaje ko aho RUFORUM ikorera mu bihugu bitandukanye mu myaka 10, hagaragara iterambere ku buryo no mu Rwanda hari kugaragara iterambere kuko mu buhinzi bahashyize ingufu nyinshi.

Yakomeje avuga ko aba banyeshuri barihiwe aya mashuri muri za kaminuza zigize iri huriro ziri mu bihugu bitandukanye mu karere, ngo bari gufasha byinshi mu bushakashatsi mu buhinzi kandi ngo bari no gufasha kuzamura ubuhinzi muri rusange.

Mu bushakashatsi kaminuza nkuru y’u Rwanda ishami ry’ubuhinzi (faculty of Agriculture) yakoze, abarihiwe na RUFORUM baragaraza umusaruro mu guteza imbere ubuhinzi mu gihugu.

Iri huriro rikorera mu bihugu bigera kuri 18 byo muri Afurika harimo n’u Rwanda.

Gerard GITOLI Mbabazi

Minisitiri w’Intebe yihanganishije abarwayi bari mu bitaro hamwe n’imiryango y’ababuriye ababo muri iriya mpanuka, akaba yarababwiye ko bagiye kwitabwaho n’akarere gafatanyije n’ubuyobozi butandukanye mu kuvuza aba bakomerekeye muri iyi mpanuka hamwe no mu bikorwa byo gushyingura abasize ubuzima muri iyi mpanuka.

Dr Pierre Damien yavuze ko Perezida wa Repubulika Paul Kagame yihanganishije iyi miryango yaburiye ababo mu mpanuka hamwe n’abakomeretse n’imiryango yabo muri rusange, akaba yabwiye abari mu bitaro ko bagiye kubavuza bishoboka kugira ngo babe bakira.

Aha ni mu ikorosi rya Cyunuzi habereye impanuka ubwo barebaga uko hameze.

Minisitiri w’Intebe ari kumwe na Guverineri w’intara y’Uburasirazuba hamye n’abandi bayobozi batandukanya kandi bageze aho iyi mpanuka yabereye mu rwego rwo kureba icyaba gikunze guteza impanuka aho bagiye inama y’uko bakemura iki kibazo cy’impanuka zikunze kuhabera.

Iyi mpanuka yabereye mu ikorosi ry’ahitwa Cyunuzi ahagana saa kumi n’igice z’igitondo tariki 18/07/2013 hagati y’ikamyo yo muri Tanzaniya na Coaster ya Agence Select.

Ikamyo yari itwawe n’umushoferi w’Umutanzaniya witwa Kasanzu Ismail akaba nawe ari mu bakomeretse akaba yari kumwe n’umutandiboyi we naho Coaster yari itwawe n’uwitwa Karifanu Rajabu.

Umuyobozi w’Akarere ka Kirehe abasobanurira imiterere y’umuhanda mu ikorosi rya Cyunuzi.

Abaturiye uyu muhanda wa Cyunuzi ubwo impanuka yabaga badutangarije ko aha hantu hakunze kubera impanuka kandi ko iyi mpanuka yabaye bigaragara ko yatejwe n’ikamyo kuko bigaragara ko yagenderaga mu muhanda hagati bityo bituma iyi modoka yo mu bwoko bwa Coaster bigongana.

Grégoire Kagenzi

Ati: “Umunsi wa6 suwo kwiyicisha ibisindisha ni umwanya wo kuruhura umubiri binyuze muri sport,gusoma,gutembera tureba ibyiza by’u #Rwanda.”

Ibi umukuru wa guverinoma arabitangaza mu gihe hari abahitamo gutangirira wikendi mu kabari. Akenshi usanga ariho bayisoreza cyane cyane muri gihe cy’ubushyuhe benshi bakabyita kwimara icyaka.

Gusa hari n’abafata umwanya wo gusura abavandimwe n’incuti zabo cyangwa gucyemura izindi gahuta batabona uko bakemura mu mibyizi.

Minisitiri w’Intebe atanze iyi nama kandi mu gihe Abanyarwanda bakomeje kugawa kutitabira gusura ibikorwa n’ibyiza nyaburanga bitatse igihugu cyabo. Imibare y’ishami rishinzwe ubukerarugendo igaragaza ko umubare w’abanyamahanga basura ibitatse igihugu ariwo mwinshi kuruta uw’Abanyarwanda.

Emmanuel N. Hitimana

Ibi Minisitiri w’Intebe yabitangaje ubwo yaganiraga n’urubyiruko rurenga 800 hamwe na bamwe mu bayobozi bakuru b’igihugu mu mujyi wa Kigali ku wa 30/06/2013.

Dr Habumuremyi avuga ko yaterwaga ipfunwe n’ibikorwa bya Leta ya mbere n’iya kabiri kuko zavanguraga Abanyarwanda kugeza n’ubwo iri vangura ribyaye Jenoside yakorewe Abatutsi mu mwaka w’1994; Jenoside ifite umwihariko ku isi kuko yakozwe n’Abanyarwanda bayikorera abandi Banyarwanda.

Mu byo Misitiri yerekanye byerekana ko izo Leta zakoreye Abanyarwanda ibintu bibi, harimo politike y’ivangura mu mashuri, mu gisirikare, mu buyobozi, muri sosiyete sivile n’ahandi.

Yerekanye ko zimwe muri za perefegitura zariho zatoneshwaga izindi zigashyirwa hasi, aho yerekanye ko nko mu mwaka w’1989, muri perefegitura ya Gisenyi yonyine ubundi yari igenewe imyanya 649 mu mashuri ariko bayihaye imyanya 1045 bitewe n’uko yari itoneshejwe.

Perefegitura ya Butare yo yari yaragenewe imyanya 836 ariko barayigabanije bayigira imyanya 396. Nk’uko Misitiri w’Intebe akomeza abisobanura, muri perefegitura ya Butare Abatutsi bemerewe kujya muri iyi myanya babaye batandatu gusa muri 44 bari batsinze.

Urundi rugero yatanze muri iyi perefegitura n’urwo muri komini ya Huye aho hatsinze Abatutsi 21 hemererwa umwe gusa kujya kwiga mu mashuri yisumbuye.

Urubyiruko rwiyemeje kwibohora ipfunwe ruterwa n’ibyabaye mu Rwanda.

Muri Kaminuza naho, uyu muyobozi yagaragaje ko habaye ivangura ku buryo bukabije kuko usibye ko habaye ivangura rishingiye ku moko ngo ryanagendanye n’ivangura rishingiye ku turere ku buryo bukabije kuko muri kaminuza gusa Abanyagisenyi bari 39% by’abanyeshuri bose.

Ikindi Minisitiri w’Intebe yerekana cyakorwaga muri iyi Leta yayoborwaga Juvenal Habyalimana ni ivangura ryakorwaga mu gisirikare aho nta musikare wo hejuru wabaga wemerewe kuba yarongora Umututsikazi.

Avuga ko mbere yo kukugira umusirikare mukuru babanzaga kureba niba umugore wawe atari Umututsikazi cyangwa niba yaba adafite amasano ya hafi nabo.

Ibi bishimangirwa na Maj. Gen Rwarakabije nawe wahoze muri iki gisirikara, ubu akaba abarizwa mu gisirikare cya RDF, aho avuga ko Abatutsi bari mu gisirikare cya cyera bari mbarwa.

Ati: “nabara nkakubwira Abatutsi twari dufite mu girikare ariko mu gisirikare cy’ubu nta moko, Umunyarwanda ni Umunyarwanda bose baragikora”.

Minisitiri w’Intebe akomeza avuga ko iri vangura ryabaga no mu bigo kuko 60% by’ibigo byo mu Rwanda byayoborwaga n’Abanyaruhengeri.

Akomeza avuga ko nyuma y’uko RPF ihagaritse Jenoside yakorewe Abatutsi, bakazana ingengabitekerezo nshya yo kubaka ‘Ubunyarwanda’ byatumye iri pfunwe rishira, asaba n’urubyiruko ndetse n’Abanyarwanda bandi nabo bagifite iri pfunwe kuryibohora.

Ati: “ubu narabohotse kubera ingengabitekerezo nshya yo kubaka Ubunyarwanda iha amahirwe buri Munyarwanda nanjye ubu nkaba ndi umuyobozi. Urubyiruko narwo rugifite ipfunwe narwo ni ukubohoka rugakwirakwiza politike nshya”.

Dr Habumuremyi agaragaza ko nyuma ya Jenoside kandi ubuyobozi bushya bwagiyeho bwakoze akazi gakomeye kandi keza kuko ngo basaranganije ibyiza by’igihugu. Ati: “politike ziri muri iki gihugu zigenewe Abanyarwanda ntizigenewe Abahutu cyangwa Abatutsi”.

Minisitiri avuga ko abantu bakuru bakuriye muri izi politike bigoye kubahindura ariko ngo urugamba rwo kubahindura rugeze kure ariko kandi ngo icyiza cyo kwishimira ni uko urubyiruko ruri kubyiruka ubu ari narwo rugize umubare munini w’Abanyarwanda, rufite ingengabitekerezo yubaka igihugu nta macakubiri.

Gerard GITOLI Mbabazi

Ministiri w’intebe yabitangaje ubwo yifatanyaga n’abaturage bo mu karere ka Kicukiro, umurenge wa Masaka mu kagari ka Rusheshe, mu muganda watangijwe mu gihugu hose kuri uyu wa gatandatu tariki 08/06/2013, wo kubakira abatishoboye batuye aho bashobora kwibasirwa n’ibiza.

“Imibare iteye ubwoba, kuko kugeza ubu uhereye mu mwaka wa 2012 hamaze gupfa abarenga 133 mu gihugu hose, amazu ibihumbi icyenda yarasenyutse”, hatabariwemo abakomeretse bose, amatungo n’ibiribwa byangiritse”; nk’uko Ministiri w’Intebe yamenyesheje abaturage b’i Masaka, ko Guvernoma itagomba kubyihanganira.

Umuyobozi wa Guvernoma yamenyesheje ko bitarenze ukwezi kwa cyenda k’uyu mwaka wa 2013 abaturage 3,822 batuye hafi y’ibishanga no ku misozi ahantu hahanamye bagomba kuba bahavuye nta mahane bateje; abakene nibo barimo kubakirwa, abifashije bakazahabwa bimwe mu bikoresho by’ubwubatsi, naho abakire bagasabwa kwimuka nta kintu na kimwe basabye.

Abaturage baganirijwe na Ministiri w’Intebe.

Paul Jules Ndamage, umuyobozi w’akarere ka Kicukiro kakorewemo umuganda wo kubakira abatishoboye bazavanwa ahameze nabi, yavuze ko nta baturage batuye ahahanamye muri ako karere bagaragaye, ariko ko hari imiryango igera kuri 320 ituye mu mibande no hafi y’ibishanga, aho ngo byagaragaye ko imiryango 32 ari yo yonyine ikeneye kubakirwa.

Abo nibo batangiye kubakirwa aho muri Rusheshe Ministiri w’Intebe yatangirijemo umuganda, ugomba kuzageza mu kwezi kwa cyenda amazu yose yagenewe abatishoboye batuye habi mu ihugu hose, yarangije kubakwa.

Umudugudu w’Umubano uri mu kagari ka Rusheshe, ahazimurirwa abatuye nabi mu karere ka Kicukiro batishoboye, ngo ni uw’icyitegererezo nk’uko Umuyobozi w’akarere agaragaza ko uzaba ugizwe n’amazu 630, n’ibyangombwa by’ingenzi birimo Polisi yo kurinda abaturage, amashuri, ivuriro, amashanyarazi, imodoka za taxi, isoko n’ibindi.

Uretse abaturage bahasanzwe, uwo mudugudu utuwe n’abantu bari mu byiciro bitandukanye Leta yitwararika cyane, barimo abarokotse Jenoside batishoboye, abasirikare bamugariye ku rugamba, abasigajwe inyuma n’amateka, ndetse n’abatishoboye barimo kubakirwa kugirango bahunge ibiza.

Simon Kamuzinzi

Ubwo yatangizaga ukwezi kwahariwe kuzirikana ku miyoborere myiza mu Rwanda, Dr Pierre Damien Habumuremyi, yavugiye mu Karere ka Rwamagana ko abayobozi bahawe umukoro udasanzwe wo gucyemura ibibazo byose by’akarengane, abaturage barenganijwe mu buryo ubwo aribwo bwose bakarenganurwa.

Minisitiri w’Intebe yagize ati “Abayobozi bose twabahaye inshingano yihutirwa yo gusohoka bakava mu biro, bagasanga abaturage aho batuye mu Midugudu no mu Mirenge, bagacyemura ibibazo byose by’akarengane bikibabangamiye.”

Minisitiri w’Intebe yavuze ko inshinganyo y’umuyobozi uwo ariwe wese ari ugufasha abaturage aba ashinzwe kuva mu bibazo, bagafatanya gushaka ibisubizo by’ibibazo bibabangamiye ndetse akanababera imboni ireba ahari ibyiza byabagirira akamaro akabibagezaho.

Minisitiri w’Intebe ati “Gahunda y’imiyoborere myiza u Rwanda rwiyemeje ni icyo ivuga. Ni ugufasha abaturage kuva mu bibazo, abaturage bagatekana ndetse bikarenga kureba ibibazo ahubwo tukanabashakira ibyiza bakagana iterambere, bakivuza, bagahunga bakeza, bagacuruza bakunguka, bakagana iterambere mu mpande zaryo zose.”

Minisitiri w’Intebe yahaye amabwiriza abayobozi b’ibanze ngo bacyemure ibibangamiye abaturage bashinzwe mu maguru mashya.

Dr Habumuremyi yavuze ko iyo miyoborere myiza u Rwanda rwiyemeje igomba kugaragaza umusaruro mu mpinduka nziza n’ibikorwa by’iterambere bigomba kugaragara hose mu gihugu.

Uretse amabwiriza ya minisitiri w’Intebe yo gucyemura ibibazo by’akarengane byose, muri uku kwezi abayobozi basabwe gukora ibikorwa byose bijyana n’insanganyamatsiko yagenewe ukwezi kw’imiyoborere kw’imiyoborere myiza yiswe Imiyoborere myiza igamije kwihutisha iterambere n’indangagaciro yo kwigira.

Guverinoma y’u Rwanda yashyizeho ukwezi kwahariwe imiyoborere myiza mu mwaka ushize wa 2012, ubu kurizihizwa mu Rwanda hose ku nshuro ya kabiri.

Minisitiri w’Ubutegetsi bw’igihugu, Musoni James, avuga ko isesengura minisiteri yakoze ryagaragaje ko mu kwezi kw’imiyoborere myiza hacyemurwa ibibazo byinshi biba bibangamiye abaturage, ndetse abaturage ngo banabona umwanya wihariye wo gusabana no kujya inama n’abayobozi.

Ahishakiye Jean d’Amour

Ubwo yatangizaga ukwezi kwahariwe imiyoborere myiza mu Rwanda ku nshuro ya kabiri, tariki 22/01/2013 mu Karere ka Rwamagana, minisitiri yavuze ko Leta y’u Rwanda itazigera izuyaza gufasha buri wese mu baturage bayo ushaka kwiteza imbere.

Abaturage b’i Rwamagana babwiye Minisitiri w’Intebe ko bashishikariye kuvana amaboko mu mifuka bagakora ibibateza imbere, maze Minisitiri w’Intebe yemerera uwitwa Habimana Jean Nepo kuzamwuzuriza inzu yari yaratangiye kubaka, ariko inguzanyo uwo Habimana yari yarasabye banki yo kubaka akazayikoresha mu mushinga yatekereza ubyara inyungu.

Minisitiri w’Intebe yagize ati “Leta y’u Rwanda isanzwe itera inkunga abaturage bayo bose ngo biteze imbere, ndetse ni umuco mwiza Abanyarwanda basanganywe wo guha umuganda umuntu wese wagaragaje ko yashyizeho ake, agashyiramo imbaraga ze mu kwiyubakira. Ku bw’ibyo rero Guverinoma iteye inkunga yo kuzuriza inzu Habimana, maze amafaranga yari yaragujije yo kubaka azayashore mu mushinga uzamubyarira inyungu maze atere imbere.”

Minisitiri w’Intebe w’u Rwanda, Dr Pierre Damien Habumuremyi.

Minisitiri w’Intebe yemeje kandi ko Guverinoma izahora ifasha mu buryo bunyuranye abafite ubushake bwo kwiteza imbere bose.

Uyu Habimana Jean Nepo azwi muri Rwamagana ko yari umuturage w’umukene, waje guhabwa inguzanyo yahabwaga abakene kuruta abandi muri gahunda yiswe Vision 2020 Umurenge Program yarebaga Imirenge ikennye ikayifasha gutera imbere.

Habimana Jean Nepo ngo yakoresheje neza inkunga yahawe, atangira kwiyubakira inzu, akajya akoresha amaboko ye akabona amafaranga akishyura akongera agasaba inguzanyo. Ubwo Minisitiri w’Intebe yageraga i Rwamagana, ngo Habimana yari asigaje imirimo ya nyuma yo kunoza inzu ye ashyiramo isima n’amarangi.

Aha niho Minisitiri w’Intebe yavuze ko Guverinoma imuhaye umuganda, inguzanyo yari yarasabiye gusoza iyo mirimo akazayikoresha mu mushinga wunguka azakora ukamubera aho avana agafaranga mu bihe biri imbere.

Minisiitiri w’Intebe yavuze ko u Rwanda rukeneye abantu bashyiraho akabo mu kwiteza imbere nka Habimana n’abandi bakomeje kwiteza imbere mu gihugu. Aba bose, ndetse n’abandi bataratangira, ngo Guverinoma y’u Rwanda izakomeza kubafasha mu buryo bukwiye, ariko abafite ubushake bose batere imbere.

Ahishakiye Jean d’Amour

Mu kiganiro n’abaturage bo mu Murenge wa Busengo, Akarere ka Gakenke kuri uyu wa gatandatu, tariki 26/01/2013 nyuma y’umuganda rusange ngarukakwezi, Minisitiri w’Intebe yashimye abaturage kubera uruhare bagize mu kugarura umutekano muri ako gace, ubu bakaba baryama ntacyo bikanga.

Yagize ati: “Ukoze neza arashimwa. Aka karere kanyu, kera kigeze kurangwa n’umutekano muke ariko ubu abaturage baryama bagasinzira, abari ku isonga ni Akarere ka Gakenke. Utabasura yaba ari umubyeyi gito; utabibashimira yaba ari umuyobozi mubi udakunda abaturage be.”

Imirenge ya Busengo, Muzo, Cyabingo, Mataba , Rusasa , Janja na Kamubuga yabaye indiri ikomeye y’umutekano muke mu ntambara y’Abacengezi yayogoje Akarere ka Gakenke mu mwaka w’i 1998.

Minisitiri w’Intebe yashimye kandi ubuyobozi bw’ibanze imbaraga bwashyize mu guteza imbere abaturage, bakangurirwa guhuza ubutaka ku gihingwa cy’ibigori bakaba bitegura kubona umusaruro ushimishije.

Yabivuze muri aya magambo: “Gakenke izwi nk’akarere kari gakennye cyane … ariko aho nanyuze hose, ibigori nabonye nagize ngo ni i Burayi, ni Amerika ni hehe? Utabashimira kubera iyo mpamvu yaba atari umuyobozi mwiza.”

Abaturage ba Gakenke bashimwe uruhare bagize mu kugarura umutekano. (Photo: N. Leonard)

Ku kibazo cy’isoko ry’umusaruro w’ibigori, Minisitiri yijeje abahinzi ko isoko rihari kandi ari rigari ko nta mpungenge bagombye kugira. Yabasabye guhinga ibigori byinshi kugira ngo barushaho kubona amafaranga menshi.

Yakanguriye abaturage kubungabunga ibidukikije, baca imirwanyasuri ifata amazi ku misozi ihanamye, bita ku migezi, ibiyaga, ibishanga kuko ibidukikije bituma abantu babaho neza kandi bikabarinda ibiza.

Imirenge itandatu izabona amashanyarazi bitarenze Nyakanga

Minisitiri w’Intebe yemeza ko abaturage bo mu Mirenge ya Busengo, Muzo, Cyabingo, Janja na Rusasa bazagerwaho umuriro w’amashyanyarazi mu kwezi kwa Werurwe 2013 mu gihe Umurenge wa Mataba uzabona umuriro bitarenze mu kwezi kwa Nyakanga uyu mwaka.

Dr. Pierre Damien Habumuremyi yijeje abaturage ko umuhanda wa Gicuba-Janja uzakorwa vuba ndetse n’ikibazo cyo kutabona televisiyo na bisi (bus) ikora muri uwo muhanda ko na byo bizakemuka mu minsi iri imbere.

Mbere yo kuganira n’abaturage, Minisitiri w’Intebe aherekejwe n’abaminisitiri bane bifatanyije n’abaturage gukora umuganda bacukura imirwanyasuri ku musozi wa Gashirwe uri mu Kagali ka Ruhanga, Umurenge wa Busengo. Hakozwe hegitare 16 zifite agaciro k’amafaranga miliyoni 9.

Minisitiri w’Intebe na Guverineri w’Intara y’Amajyaruguru bari mu muganda. (Photo: N. Leonard)

Nyuma y’umuganda, Minisitiri w’Intebe yabanje gutaha inzu ndangamuco (Centre Culturel) ya Busengo yubatswe ku nkunga ya PADSC yuzura itwaye akayabo k’amafaranga miliyoni 70.

Iyi ni inshuro ya kane, Minisitiri w’Intebe asuye Akarere ka Gakenke kuva yatangira imirimo ye, ikaba inshuro ya mbere asuye ako karere muri uyu mwaka wa 2013.

Nshimiyimana Leonard

Uwo muganda uzibanda ku gucukura imirwanyasuri ku musozi uri mu Mudugudu wa Gashirwe, Akagali ka Ruhanga mu Murenge wa Busengo.
Nyuma y’umuganda, biteganyijwe ko Minisitiri w’Intebe azaganira n’abaturage.

Mu bibazo abaturage bashobora kuzamugezaho harimo ikibazo cy’umuriro w’amashanyarazi batagira mu murenge wabo n’isoko ry’umusaruro w’ibigori ugaragara ko uzaba mwinshi ugereranyije n’ibihe byatambutse.

Umurenge wa Busengo ni umwe mu mirenge iza ku isonga mu guhuza ubutaka ku gihingwa cy’ibigori aho imusozi no mu bibaya hahinzemo ibigori ku bwinshi kandi bimeze neza, binatanga icyizere cy’umusaruro ushimishije.

Kutagira umuriro w’amashanyarazi bituma abaturage bo mu Murenge wa Busengo bibagora kubona insyo zisya ibigori byabo ngo babone akawunga n’ifu y’igikoma ku buryo byoroshye.

Abaturage bashobora no kuzageza kuri Minisitiri w’Intebe ikibazo cya bisi (bus) y’icyahoze ari ONATRACOM yakoraga ingendo za Kigali-Gicuba na Janja itagikorera muri uwo muhanda, kubona imodoka zizwi nka “Twegerane” bikaba imbonekarimwe ari na ko zinahenda ugereranyije na bisi.

Ingendo za Minisitiri w’Intebe zamariye iki Abanyagakenke?

Mu mwaka wa 2012, Minisitiri w’Intebe yasuye Akarere ka Gakenke inshuro eshatu. Hagati y’ukwezi kwa Gicurasi na Kanama yasuye ingomero z’amashanyarazi za Janja na Musarara bituma imirimo y’ubwatsi yihuta.

Abaturage bo mu Mirenge ya Janja na Mugunga ubu baracana umuriro w’amashanyarazi uva ku rugomero rwa Janja rwari rumaze imyaka irenga ine rutangiye kubakwa ariko imirimo igenda buhoro cyane.

Habumuremyi asura urugomero rw’amashanyarazi rwa Janja.

Uretse no kuva mu icuraburindi, abaturage bo mu Gasentere ka Janja baboneyeho kuwubyaza umusaruro bahanga imirimo mishya irimo soudure, kogosha, gutunganya imisatsi n’ibindi.

Urugomero rwa Musarara rugomba gucanira imirenge ya Rusasa, Cyabingo n’igice cya Kivuruga na rwo ruratanga icyizere cyo gutanga umuriro mu gihe gito kiri imbere.

Minisitiri w’Intebe yanasuye Akarere ka Gakenke hasozwa ukwezi kwahariwe umugore tariki 05/04/2012. Urwo rugendo rwasigiye isura nshya Umujyi wa Gakenke hakorwa ubusitani buteyemo ibiti byiza, umuhanda ugana ku Bitaro Bikuru bya Nemba ndetse n’amazu y’ubucuruzi aravugurwa.

Nshimiyimana Leonard

Ibi minisitiri w’Intebe yabivugiye mu Karere ka Rwamagana, tariki 22/01/2013, aho yatangije icyumweru cyahariwe imiyoborere myiza, cyizihijwe ku nshuro ya kabiri mu Rwanda.

Minisitiri w’Intebe yagize ati « Imiyoborere myiza u Rwanda rugamije ni ifasha abaturage barwo kwiteza imbere, abayobozi mu nzego zose bakazirikana ko babeshejwe mu buyobozi no gufasha abaturage kugera mu byiza, cyane cyane imishinga n’ibikorwa bibabyarira inyungu».

Mu mihango yo gutangiza icyi cyumweru cyahariwe imiyoborere myiza, Minisitiri w’Intebe yatashye ku mugaragaro isoko rya kijyambere riri ahitwa Ntunga mu Murenge wa Mwurire, aho yavuze ko imiyoborere myiza ari ifasha abaturage kubona aho bahahira heza kandi hafi.

By’umwihariko kandi ngo imiyoborere myiza ifasha abacuruzi kubona uko bacuruza neza kandi bakunguka, abahinzi bakabona uko bagurisha umusaruro wabo hafi kandi utangiritse.

Minisitiri w’Intebe ataha ku mugaragaro isoko rya Ntunga muri Rwamagana.

Iri soko Minisitiri w’Intebe yatashye, ryubatswe ku bufatanye bw’Akarere ka Rwamagana na Minisiteri y’Ubutegetsi bw’igihugu n’umuganda w’abaturage rifite agaciro ka miliyoni zisaga gato 333.

Ni isoko ricururizwamo ibiribwa byinshi bikomoka ku musaruro w’ibiboneka muri Rwamagana, imyambaro, ibikoresho binyuranye byo mu rugo n’iby’ubwubatsi.

Minisitiri w’Intebe yavuze ko ngo aho yabajije ibiciro yasanze ibicuruzwa muri iryo soko bihendutse kurusha mu mujyi wa kigali, Abanyakigali ngo bakaba bashobora kurihahiramo kuko ari hafi ya Kigali.

Abaturage ba Rwamagana bari baremye iryo soko bavuze ko ryabafashije cyane kuva ryakubakwa, naho abacuruzi bo bishimira ko batazongera kubura uko babika ibicuruzwa byabo kuko ubusanzwe imvura n’izuba byari byarabajujubije.

Gasana Didace ucuruza imbuto avuga ko mbere yajyaga avunwa cyane no kutagira aho abika ibyo atacuruje, kubitwara no kubigarura mu isoko bikamuvuna cyane, ndetse bimwe bikangirikira mu nzira iyo imvura yabaga yaguye.

Abacuruzi bishimiye ko babonye aho gucururiza hatekanye.

Mariam Kazayire we ati « Ntacyo nabona nshima Leta yacu kuko gucururiza aha hatarubakwa byari imvune ikomeye, mu mvura twarwanaga no gushaka aho twikinga ariko abajura batunyura mu rihumye muri uwo muvundo.

Mu gihe cy’izuba nabwo tukabura aho twugama, ibicuruzwa bikangirika cyane, ndetse n’abaguzi bakagabanuka cyane. Ubu noneho navuga ko Leta idushyize igorora rwose.»

Aha muri Rwamagana kandi minisitiri w’intebe yakoze umuganda mu bikorwa byo kubaka amacumbi y’abarimu mu Murenge wa Kigabiro, aho yavuye ajya gutangiza ku mugaragaro ibikorwa by’urubyiruko 1500 rwagiye ku rugerero mu Karere ka Rwamagana.

Ahishakiye Jean d’Amour

Aba bakozi bombi bazakatwa ¼ cy’umushahara wabo w’ukwezi kwa Mutarama 2013 nk’uko inama Njyanama y’akarere ka Nyanza yateranye ku wa 28/12/2012 yabyemeje nyuma yo kubisabwa na Minisiteri w’Intebe w’u Rwanda binyuze mu ibaruwa yandikiye umuyobozi w’akarere Murenzi Abdallah asabwa kubafatira ibihano byo mu rwego rw’akazi.

Mu kiganiro na Ir Kambanda Rucweli Hormisdas, Perezida w’inama Njyanama y’akarere ka Nyanza yemeje ko abo bakozi bahanwe biturutse ku ibaruwa umuyobozi w’akarere ka Nyanza yandikiwe na Minisitiri w’intebe amusaba ko bahanirwa amakosa yabagaragayeho mu mirimo bashinzwe.

Usibye abo bakozi babiri bahawe ibyo bihano byo mu rwego rw’akazi, Inama Njyanama y’akarere ka Nyanza yanafashe umwanzuro wo kwimura umukozi witwa Akimana Speciose akajya gukorera ahandi nyuma y’uko yari amaze iminsi atarebana neza na mugenzi we witwa Nyiracumi Généreuse bakorana.

Icyakora intandaro y’uwo mwuka mubi wagaragaye hagati yabo bakozi bombi perezida w’Inama Njyanama y’akarere ka Nyanza yirinze kugira icyo abivugaho mu itangazamakuru ubwo yabazwaga kuri icyo kibazo kigiwe mu muhezo mu buryo burambuye.

Jean Pierre Twizeyeyezu

Yabitangarije abanyamuryango ba FPR Inkotanyi bo mu karere ka Musanze, ubwo bizihizaga imyaka 25 uyu muryango umaze ubayeho kuri uyu wa Gatandatu tariki 01/12/2012.

Minisitiri Habumuremyi yifatanyije nabo mu kuremera umuryango umwe w’uwitwa Saidath Mukamutesi utuye mu murenge wa Kimonyi akarere ka Musanze.

Minisitiri Habumuremyi yavuze ko mu myaka 25 PFR-Inkotanyi imaze ibayeho, ibikorwa byayo byabaye urumuri rumurikira Abanyarwanda bose n’abatayirimo, bikagaragaza agaciro uyu muryango uha Abanyarwanda.

Minisitiri yifatanya n’Abanyamusanze mu kwizihiza isabukuru y’imyaka 25 umuryango FPR-Inkotanyi umaze ubayeho.

Minisitiri Habumuremyi akaba na komiseri mu muryango FPR Inkotanyi, yashimiye abanyamuryango bo mu karere ka Musanze batekereje kuremera uyu muryango w’uunyamuryango, bawubakira inzu ifite agaciro ka miliyoni 14.

Uwo muryango uteri wishoboye, ufite abana bagera kuri barindwi n’umugabo abana n’ubumuga.

Yaboneyeho gusaba umuryango waremewe guhera ku musingi wahawe maze ukiteza imbere, dore ko ubu bafite aho kuba, boroye banafite n’abanyamuryango ba FPR Inkotanyi babari inyuma bashobora inkunga iyariyo yose kugira ngo babashe kujya imbere.

Si ubwambere abanyamuryango ba FPR mu karere ka Musanze baremera imiryango, tariki 17/11/2012, abanyamuryango bagize urugaga rw’abagore rushamikiye kuri FPR-Inkotanyi mu Ntara y’Amajyaruguru baremeye imiryango ituye mu mazu adahomye yo mu mirenge yegereye ibirunga muri Musanze.

Minisitiri w’Intebe kandi yaganiriye n’abanyamuryango ba FPR Inkotanyi mu karere ka Musanze bamugaragariza aho uwo muryango wabavanye, nk’ uwitwa Nyirabahutu Sophia yerekana uburyo yavanywe muri Nyakatsi ubu akaba ari mu nzu y’ibati.

Minisitiri w’Intebe abibutsa ko bagomba kurushaho gukora cyane, kugirango ibyo bagezeho bitazasubira inyuma.

Jean Noel Mugabo

Ati: “hari aho nabonye hari urutoki umwana muto yakwikoreramo ibitoki igihumbi, uru rukoti nta cyo rumaze, kurureba gusa ntacyo bimaze”.

Minisitiri avuga ko aha hantu hagihinze urutoki nk’uru hakwiye kuba haratewe ibindi bintu bishobora kuhera byagirira umuturage akamaro kuko ngo kugira urutoki nk’uru ari uguta igihe.

Asaba abaturage bagihinga urutoki nk’uru kujya babara ibyo bakuramo bakoresheje imibare aho kugirango bajye barurebera gusa kugira ngo babonereho gufata icyemezo cyo kuruca cyangwa kuruvugurura bagatera urundi rushobora kugira icyo rubabyarira.

Minisitiri w’intebe yatangaje ibi mu gihe ubuyobozi bw’akarere ka Muhanga bwatangiye kuvugurura urutoki aho bagenda basimbuza insina zitera izindi nshya za kijyambere zitanga umusaruro.

Iki gikorwa gikorwa n’abaturage ubwabo bafatanije n’ubuyobozi bwabo kuko aribwo bubazanira insina za kijyambere umuturage akazigura; insina imwe umuturage ayigura amafaranga 600.

Aha Minisitiri yagaye kandi uburyo muri aka karere hari aho bagiye baca amaterasi y’indinganire ariko ugasanga barahinzeho imyaka idakwiye kuhahingwa.

Minisitiri Habumuremyi ati: “nta kuntu amaterasi nk’ariya meza muyahingaho ibijumba, amaterasi ahingwamo imyaka yera vuba, imyaka itanga umusaruro, imyaka itanga amafaranga ku buryo bwihuse nk’ibigori, ibishyimbo, ibirayi, abayobozi namwe baturage muvuge ngo mbere y’uko tugire icyo dukora turebe ikidufitiye akamaro”.

Yasabye abaturage kandi gucika ku muco wo kuvangavanga imyaka mu murima kuko nta mibare iba irimo; ngo ni uburyo bwa cyera budatanga umusaruro.

Ahantu hose hateranira abantu benshi hajye harindwa inkuba

Minisitiri w’Intebe kandi yasabye ko ahantu hose hateranira abantu benshi hajya hashyirwa ibyuma birinda inkuba.

Aho hantu ni nko ku bigo by’amashuri, insengero na za kiliziya, amavuriro n’ahandi hazwi ko hahurira abantu benshi.

Guverinoma y’u Rwanda iri gusha ibikoresho bigezweho bijyanye n’iteganyagihe mu rwego rwo gukumira ibiza bitaragira abo bitwara cyangwa ngo bigire icyo byangiza; nk’uko Minisitiri w’Intebe abyemeza.

Iki kibazo cy’inkuba Guverinoma ikigarutseho nyuma y’uko hari abantu imaze guhitana ndetse ikanangiza ibitari bike muri ibi bihe by’imvura.

Muri urwo ruzinduko, Minisitiri w’Intebe yanatangije igikorwa cyo kubaka umudugudu uzatuzwamo abatuye mu murenge wa Rongi na Nyabinoni. Yasabye abatuye ahantu hatatanye kugira umurava wo kuhava vuba na bwangu kandi bakirinda kurushya ubuyobozi.

Mu gihugu hose harabarurwa abantu bagera kuri 25 bamaze guhitanwa n’ibiza ndetse hasenyutse amazu agera hafi ku 1000 n’imyaka yabo yangizwa nabyo.

Gerard GITOLI Mbabazi

Ibi yabitangaje kuri uyu wa 01/11/2012 ubwo yasuraga isosiyeti yitwa PYRAMIDES icukura koruta mu karere ka Muhanga mu murenge wa Kabacuzi.

Ba nyiri iyi sosiyete beretse Minisitiri w’Intebe ko u Rwanda rufute umutungo uhambaye w’amabuye y’agaciro ariko rukaba rutarabivumbura ahenshi.

Kugira ngo iyo sosiyete ize gucukura aya mabuye yari yabonye abantu bacuruza koruta ku isoko ritemewe mu gihugu cya Repubulika Iharanira Demokarasi ya Congo, kubera ubwiza bwayo ngo byabaye ngombwa ko bakurikirana kugira ngo barebe aho yaturutse; nk’uko byasobanuwe n’umuyobozi wa sosiyeti PYRAMIDES, Muhamoud Salem.

Nyuma yo gupima bagasanga muri uyu murenge wa Kabacuzi higanje amabuye y’agaciro ya koruta, mu mwaka w’2003 sosiyete PYRAMIDES kuyacukura.

Umuyobozi wa sosiyeti PYRAMIDES, Muhamoud Salem, yasobanuriye Minisitiri w’Intebe ko mu Rwanda hari amabuye y’agaciro menshi.

Minisitiri w’Intebe yasabye ubuyobozi bufite ubucukuzi na mine mu nshingano zabo kwita by’umwihariko ku bucukuzi maze bukagenda neza cyane ko aba bashoramari berekanye ko ubu bucukuzi bwitaweho u Rwanda rwaza mu bihugu bicukura cyane amabuye ya koruta kandi y’ubwoko bwiza.

Ku munsi sosiyete PYRAMIDES icukura ibiro bigera kuri 300 bya koruta iyunguruye. Ubu icukura kuri hegitari 20 z’ubuso ariko aho bagomba gucukura ni kuri hegitari 450.

Minisitiri Habumuremyi avuga ko ubu u Rwanda rugiye gushyira ingufu mu kumenyekanisha umutungo rufite kugirango abashoramari bashora imari mu bucukuzi bw’amabuye y’agaciro biyongere mu gihugu kuko byagaragajwe ko ibihugu byinshi bitazi uyu mutungo u Rwanda rufite.

Gerard GITOLI Mbabazi

Muri uyu muganda wabereye mu mudugudu wa Kabuye, akagari ka Kigabiro, mu murenge wa Rutare, wahakoerewe kubera ko uwo musozi wa Murehe, umanukagaho amazi menshi n’ibitaka bikiroha mu kagezi ka Murama nako kakabijyana mu kiyaga cya Muhazi.

Umuyobozi w’akarere ka Gicumbi, Alexandre Mvuyekure yasobanuye ko kagezi kandi iyo kuzuye gateza ibibazo by’imyuzure mu gishanga cya Nyabugogo n’umugezi ubwawo, ariyo mpamvu hagombaga kubungwabungwa.

Inzego z’umutekano nazo zitabiriye umuganda.

Mu biganiro n’abaturage byakomereje ku kibuga cy’ishuri ribanza rya Murehe, Minisitiri w’intebe Dr Habumuremyi, yishimiye uburyo abaturage bitabiriye umuganda ari benshi kandi bagatahana umubyizi munini.

Yavuze ko kuva hatangizwa gahunda yo gukora umuganda buri cyumweru, witabiriwe ku rwego rwa 87% , aho ibyakozwemo bifite agaciro ka miliyoni 61 y’amafaranga y’u Rwanda. Abasaba gukomeza kwita ku kurwanya ku isuri muri iyi gahunda idasanzwe izamara amezi atandatu.

Abaturage baaje ari benshi muri uwo muganda.

Yabibukije ko hari intego y’uko isuri igombagushira 100% ku buryo ikiyaga cya Muhazi kizongera kigacya, ariko hakazakurikiraho na gahunda yo kugutera imirwanyasuri no kwita ku gihembwe cy’ihinga bubahiriza gahunda za Leta zagiteganyijwemo.

Kwirinda amakimbirane mu muryango no gusezerana ku miryango itarasezerana, kubeneza imbyaro no kwita ku mirire ni byo umukuru wa Guverinoma yasorejeho ijambo rye.

Ernestine Musanabera

Raporo yakozwe n’ikinyamakuru The Atlantic cyo muri Amerika tariki 18/10/2012 ivuga ko abayobozi ba za Leta na Guverinoma bagera kuri 30 bifitiye imirongo bwite ya Twitter (atari iya rusange y’ibigo bahagarariye, cyangwa badasuburizwa n’abo bahagarariye).

The Atlantic cyanditse kiti:“Abayobozi baza ku isonga mu kuganira n’abandi ni Ministiri w’intebe wa Uganda, Amama Mbabazi witwa @AmamaMbabazi, ndetse n’uw’u Rwanda Dr Pierre Damien Habumuremyi witwa@HabumuremyiP kuri Twitter, bombi bajya bisubiriza ababakurikiye nta muntu ubasubirije”.

Dr Pierre Damien Habumuremyi ajya afata igihe kirenga isaha buri cyumweru, cyo kuganira n’uwo ariwe wese wifuza kugira icyo amubaza.

“Muratumiwe mu biganiro kuri Twitter kuri uyu wa gatanu, ndaza kuba nakira ibibazo bijyanye na gahunda za Guvernema ku gicamunsi, kuva saa munani kugera saa cyenda”, niko ikinyamakuru the Atlantic cyamusubiyemo.

Uburyo bwo kuganirira kuri Twitter burimo kubaka imibanire myiza n’amahanga; nk’uko The Atlantic cyakomeje kibivuga, ndetse ngo mu bihe biri imbere nta muyobozi uzaba ashobora gutorwa n’abo ayobora atifashisha itumanaho rikoresha imbuga nkoranyambaga nka Twitter na Facebook, n’ubwo hari n’izindi nyinshi zitarakoreshwa cyane.

Ba Ministiri bashinzwe ububanyi n’amahanga b’ibihugu bitandukanye biyemeje gukoresha Twitter ku buryo banagenzurana, utayikoresha akaba ashobora gutuma igihugu cye kitagira imibanire myiza n’ibindi.

Nubwo The Atlantic gishyize Ministiri w’intebe w’u Rwanda mu bayobozi bose bo ku isi bari ku isonga mu gukoresha Twitter bisubiriza ababandikira, hari uwahamya ko atarusha Perezida Kagame cyangwa Ministiri w’ubuzima, Dr Agnes Binagwaho.

Simon Kamuzinzi

Minisitiri w’intebe yavuze ko ashimira minisiteri y’umutungo kamere yateguye iki gikorwa maze asaba abaturage kwitabira kubungabunga amashyamba.
Yashimiye kandi ubufatanye bw’abayobozi n’abaturage mu kwitabira gutera igiti, anabizeza ko igikorwa cyo kuhira imyaka guverinoma igiye kugishyiramo imbaraga maze inzara ikaba amateka mu Rwanda.

Ministiri w’intebe yaboneheho kumenyesha abaturage ko Nyakubashwa Perezida wa Repubulika Paul Kagame abashimira uburyo bitabira gahunda za guverinoma.

Stanislas Kamanzi, minisitiri w’umutungo kamere, yavuze ko kuba bateye ingemwe z’ibiti zigera ku bihumbi 25 biri mu byongera amashyamba no kuyafata neza. Yasabye abaturage kwirinda kuragira ku gasozi mu rwego rwo gufata neza amashyamba.

Kamanzi kandi yasabye abaturage kwita ku biti byatewe kuko kubungabunga amashyamba ari ngombwa. Yabasobanuriye ko ishyamba rigirira akamaro nyiraryo ndetse n’aho riri kuko rigabanya imyuka yanduza ikirere.

Odette Uwamaliya, umuyobozi w’intara y’iburasirazuba, yavuze ko kubungabunga amashyamba ari ngombwa kandi ko afitiye Umunyarwanda wese akamaro.

Insanganyamatsiko y’iyi sabukuru ya 36 y’igiti mu Rwanda igira iti: “amashyamba ishingiro ry’iterambere rirambye”. Insanganyamatsiko ku isi ni: “Amashyamba abereyeho abaturage.”

Grégoire Kagenzi

Muri iyi mihango yabereye mu Ngoro y’Inteko Ishingamategeko y’u Rwanda kuri uyu wa gatanu tariki ya 7 Ukwakira 2011, Minisitiri w’Intebe Habumuremyi abyumvikanyeho na Perezida wa Repubulika yatangaje Guverinoma Nshya ku buryo bukurikira :

• Minisitiri w’Intebe: Pierre Damien Habumuremyi
• Minisitiri w’Ubuhinzi n‘Ubworozi : Dr. KALIBATA M.Agnes
• Minisitiri ushinzwe Umuryango w’Ibihugu by’Afurika y’Iburasirazuba : MUKARULIZA Monique
• Minisitiri w’Ubuzima: Dr. BINAGWAHO Agnes
• Minisitiri w’Umutekano mu Gihugu: Sheikh Mussa Fazil HARELIMANA
• Minisitiri w’Ingabo: Gen. KABAREBE James
• Minisitiri w’Umutungo Kamere : Ubutaka, Amashyamba, Ibidukikije na Mine : KAMANZI Stanislas
• Minisitiri w’Imali n’Igenamigambi: RWANGOMBWA John
• Minisitiri w’Ibiza no Gucyura Impunzi: Gen. GATSINZI Marcel
• Minisitiri w’Ubutegetsi bw’Igihugu: MUSONI James
• Minisitiri muri Primature ushinzwe Uburinganire n’Iterambere ry’Umuryango : INYUMBA Aloysia
• Minisitiri w’Urubyiruko, Umuco na Siporo: MITALI K.Protais
• Minisitiri w’Ubutabera/Intumwa Nkuru ya Leta: KARUGARAMA Tharcisse
• Minisitiri muri Perezidansi ya Repubulika: TUGIREYEZU Venantia
• Minisitiri w’Abakozi ba Leta n’Umurimo: MUREKEZI Anastase
• Minisitiri w’Ububanyi n’Amahanga n’Ubutwererane: MUSHIKIWABO Louise
• Minisitiri muri Perezidanzi ya Repubulika Ushinzwe Ikoranabuhanga mu Itangazamakuru, Itumanaho n’Isakazabumenyi - ICT) : Dr. GATARE Ignace
• Minisitiri muri PRIMATURE ushinzwe Imirimo y’Inama y’Abaminisitiri: MUSONI Protais
• Minisitiri w’Ubucuruzi n’Inganda: KANIMBA Francois
• Minisitiri w’Ibikorwa Remezo: NSENGIYUMVA Albert

Abanyamabanga ba Leta:

• Umunyamabanga wa Leta muri Minisiteri y’Ibikorwa Remezo ushinzwe gutwara abantu n’ibintu: Nzahabwanimana Alexis.
• Umunyamabanga wa Leta muri Ministeri y’Uburezi ushinzwe Amashuri Abanza n’Ayisumbuye: Dr. HAREBAMUNGU Mathias.

Muri Guverinoma yatangajwe na Minisitiri w’intebe Mushya w’u Rwanda, Pierre Damien Habumuremyi, hari imyanya itatu itatangarijwe abayiyobora :

1. Minisitiri w’Uburezi : Uwari usanzwemo ni Pierre Damien Habumuremyi wagizwe Minisitiri w’intebe
2. Umunyamabanga wa Leta muri Ministeri y’Ubutegetsi bw’Igihugu ushinzwe Amajyambere Rusange n’Imibereho Myiza y’Abaturage : Uwari usanzwemo, Madamu Nyatanyi Christine aherutse kwitaba Imana
3. Umunyamabanga wa Leta muri Minisiteri y’Ibikorwa Remezo ushinzwe Ingufu n’Amazi : Uwari uwusanganywe ni Ingenieur Colette Ruhamya utagaragaye muri Guverinoma nshya.

Mu jambo yageje ku barahiriye kwinjira muri Guverinoma nshya n’abari aho muri rusange, Perezida wa Repubulika Paul Kagame yavuze ko ntawahindura ikipe itsinda.

Yagize ati : “Ubundi ikipe iyo itsinda urayikomeza, ariko kandi iyo ufite amakipe menshi hari ubwo biba ngombwa ko usaranganya abakinnyi, bamwe bakava mu makipe amwe bakajya gukina mu yandi makipe, kugira ngo dukomeze dutsinde mu makipe yose, kandi dutsindira ikipe imwe y’igihugu muri rusange. Niyo mapamvu rero bimwe iyo bihindutse nk’uku, njye ni uko mbibona nta gitangaza kinini kiba gihari”.

Mu ijambo rye Minisitiri w’Intebe Mushya Habumuremyi Pierre Damien ryagaragayemo ibyishimo no gutungurwa yashimye Perezida Kagame wamugiriye icyizere cyo kuyobora Guverinoma y’u Rwanda.

Yagize ati : « Birumvikana ko ari inshingano zikomeye, ariko nkaba nzakiranye umutima mwiza, ubushake buhagije, n’icyubahiro mbagomba Nyakubahwa Perezida wa Repubulika kimwe n’Abanyarwanda babatoreye kubayobora ».

Yanashimiye byimazeyo Umuryango wa FPR Inkotanyi ku kuba waramureze muri Politiki n’imikorere myiza igamije guteza imbere igihugu ku buryo bwihuse.

Minisitiri w’Intebe yisezeranije abanyarwanda n’Umukuru w’Igihugu, ko azakoresha imbaraga ze zose mu kuzuza inshingano yahawe akaba kandi yizeye ko bizashoboka biturutse ku cyerecyezo cyiza na gahunda nziza bikeshwa Perezida Kagame.

Yavuzeko kandi azakomereza ku ntambwe nziza u Rwanda rumaze kugeraho zikubiye muri gahunda ya Guverinoma y’imyaka irindwi, arizo imiyobororere myiza, ubutabera, ubukungu n’imibereho myiza y’abaturage.

Mutijima Abu Bernard