Mu kiganiro batanze, Minisitiri w’Ubutegetsi bw’Igihugu, Prof Shyaka Anastase, uw’Uburinganire n’Iterambere ry’Umuryango, Amb Solina Nyirahabimana ndetse n’Umubikira witwa Uwamariya Immaculée, basobanuye imibereho n’inshingano by’umuryango nyarwanda muri iki gihe.

Prof Shyaka Anastase ashimira abaturage baturuka mu miryango y’Abanyarwanda, uruhare bagaragaza mu guteza imbere gahunda zo kwishakamo ibisubizo nka Gacaca, Abunzi, Inteko z’Ababyeyi, Imihigo, Umuganda n’izindi.

Babifashijwemo n’inzego z’ibanze, abaturage ngo bagize uruhare rungana na 62% mu kubaka ibyumba by’amashuri y’uburezi bw’ibanze bw’imyaka 12, Leta ikaba yaratanzemo umusanzu ungana na 30%, uruhare rusigaye rukaba rwari urw’abafatanyabikorwa.

Minisitiri w’Ubutegetsi bw’Igihugu, Prof Shyaka Anastase

Prof Shyaka avuga ko hashize imyaka 12 gahunda nka Girinka zifashije abarenga miliyoni imwe kuva mu bukene mu myaka itanu ishize, babifashijwemo n’abakozi b’abakorerabushake bafatanya na bo kurinda umutekano, kwishyira hamwe no kwitabira ibikorwa by’iterambere.

Minisitiri w’Uburinganire n’Iterambere ry’Umuryango, Amb Solina Nyirahabinana, akomeza avuga ko mu myaka itanu iri imbere imiryango yose igomba kuba ifite ubumenyi n’ubushobozi bwo kwiteza imbere, hashingiwe ku kwizigamira.

Avuga ko icyo gihe bazaba bafite ubuzima bwiza bose kandi imiryango ikazaba ibanye neza nta hohoterwa ririmo, ndetse yubakiye ku ndangagaciro nyarwanda.

Ati"Hashize imyaka 20 irenga igihugu gihaye umuryango ireme rikomeye, ukaba witabwaho kandi ukarebererwa na Leta, kandi hitawe ku bafite intege nke".

Ati "Hari gahunda zihariye zagenewe imiryango itishoboye nka VUP, Girinka, ndetse umubare w’abafite ubwisungane bwo kwivuza wariyongereye uva kuri 7%-78%".

"Abagore bapfa babyara bagabanutse kuri 80%, abana bapfa bavuka bagabanutse ku rugero rwa 50%, icyizere cyo kubaho kw’Abanyarwanda cyavuye ku myaka 51 kigera kuri 67 kugeza ubu".

Akomeza avuga ko abicwaga na malariya bagabanutse ku rugero rungana na 50% bituma Umuryango w’Abibumbye utangaza raporo ivuga ko u Rwanda na Ethiopia ari byo bihugu byageze ku ntego yo kurwanya malariya muri Afurika.

Umubikira witwa Uwamariya Immaculée washinze umuryango witwa Espérance ukorera ubujyanama abagize ingo zifite amakimbirane, ubukene no gutereranwa, asaba Leta kongera imbaraga mu bujyanama ku miryango yahungabanye.

Soeur Uwamariya Immaculée yashinze umuryango witwa Famille Espérance ufasha abagize ingo kubana neza

Ati "Abantu barashyingirwa mu buryo bwihuse batabyiteguye, hari n’aho ababyeyi babashyiraho igitutu, hari n’abashyingirwa kuko babuze aho baba ndetse n’abashaka amafaranga n’amaboko ariko bo ntacyo biteguye gutanga".

"Ababyeyi bamwe basigaye ari gito, aho bavuga ko babuze umwanya wo kuganira n’abana, nigeze gusengana n’abana barimo uwavuze ati ’Mana yanjye ndagushimira ko unkunda ariko ngutuye abana b’impfubyi bafite ababyeyi".

Avuga ko hari ingo zitakimara kabiri kubera ibyo bibazo, hakaba n’urubyiruko rwanga gushaka ruvuga ko ari ukwizirikaho igisasu.

Umubikira(Sr)Immaculée Uwamariya akomeza agira ati "Hari n’umwana(umunyeshuri) wigeze kunsaba kumuterefonera ababyeyi agamije kumenya aho azataha, kuko yari yasize bagiye gutandukana."

Soeur Uwamariya avuga ko hakanewe ishuri ryigisha abagiye gushinga ingo n’abamaze kuzubaka.

Kureba andi mafoto menshi, kanda HANO

Amafoto: Plaisir Muzogeye

Dore mu Mafoto uko Made in Rwanda yiganje mu Mushyikirano wa 17

Ku munsi wa mbere w’Umushyikirano Perezida Kagame yari yambaye Made in Rwanda

Madame Jeannette Kagame yagaragaye mu mwambaro wa Made in Rwanda ku munsi wa Kabiri w’Umushyikirano

Dr Diane Karusisi Umuyobozi wa Banki ya Kigali

Meya w’Umujyi wa Kigali (Ibumoso), Guverineri w’Amajyepfo (hagati) na Guverineri w’Uburasirazubat (Iburyo)

Bosenibamwe Aime Umuyobozi w’Ikigo cy’Igihugu cy’Igororamuco

Minisitiri wa Siporo Aurore Mimosa Munyangaju

Minisitiri Hakuziyaremye Soraya

Minisitiri w’Ubutabera Johnston Busingye

Min Kayisire Solange ushinzwe ibikorwa by’Inama y’abaminisitiri

Min w’Ubuzima Dr Diane Gashumba

Dr Patrick Ndimubanzi Umunyamabanga wa Leta muri Minissante

Minisitiri w’Ingabo Maj Gen Murasira Albert wa kabiri ibumoso

Minisitiri ushinzwe ibikorwa by’ubutabazi uhagaze

Prof Phillip Cotton umuyobozi wungirije wa Kaminuza y’u Rwanda

Fidele Ndayisaba Umunyamabanga mukuru wa Komisiyo y’igihugu y’ubumwe n’ubwiyunge

Andi mafoto Kanda hano

Yabivuze ubwo yasozaga Inama ya 17 y’Igihugu y’Umushyikirano, aho yashimiye abantu bose bitabiriye iyi Nama y’Umushyikirano, abasaba kuyivamo barushijeho kumva ko hari byinshi Abanyarwanda babatezeho.

Muri iri jambo risoza Inama y’Umushyikirano kandi, Perezida Kagame yaboneyeho kwifuriza Abanyarwanda Noheli nziza, ndetse anabifuriza umwaka mushya wa 2020.

Yagize ati “Ndabifuriza kurangiza umwaka neza, Noheli nziza abayubahiriza, ariko n’abatayubahiriza, ndabifuriza ibihe byiza muri icyo gihe cya Noheli, nkanabifuriza n’uko tuzatangira twese umwaka mushya tugiye kujyamo wa 2020”.

Perezida Kagame yavuze ko umwaka ushize wa 2018, na bwo yari yabwiye Abanyarwanda ko uwa 2019 uzaba mwiza kurushaho, kandi avuga ko hashingiwe no kubyavugiwe mu Nama y’Umushyikirano, uyu mwaka wa 2019 wabaye mwiza kurusha 2018.

Yaboneyeho no kuvuga ko iyo yitegereje, asanga umwaka wa 2020, uzaba mwiza nanone kurusha uyu wa 2019, ariko ko Abanyarwanda bagomba kubigiramo uruhare.

Ati “Ntabwo ari ukuragura, ni ukureba ukagererenya ibiri imbere. Ubushize twababwiye ko ibyiza biri imbere, ko umwaka wa 2019 uzaba mwiza kurusha uwo twavagamo wa 2018. Ndabona ko ibyo twavuze ari impamo.

Ariko reka ndeke kubigira akamenyero, ariko ntibyambuza kuvuga ko 2020 izaruta 2019, ariko nanone bizaterwa n’uko mwabishatse kandi mwabikoreye, kuko ntabwo bizaboneka ku busa gusa”.

Perezida Kagame yavuze ko byagaragaye ko inzira u Rwanda rurimo ari nziza, asaba ko yakomeza kuba nziza, n’aho Abanyarwanda bagana hagakomeza kubanogera, no kuba heza kurushaho.

Yasabye abayobozi bose kumva ko inshingano bafite, biba byiza iyo inshingano za buri wese ku giti cye zishyizwe hamwe, zikaba inshingano za bose bose.

Andi mafoto ku munsi wa kabiri w’Umushyikirano, kanda HANO

Yabitangaje ku munsi wa mbere w’Inama ya 17 y’Igihugu y’Umushyikirano iteraniye i Kigali, ndetse ikanakurikiranwa n’Abanyarwanda bari ku zindi site zitandukanye.

Imyanzuro 10 yari yafatiwe muri iyo nama y’Igihugu y’Umushyikirano yari igabanyije mu bikorwa 58, aho ibikorwa 47 ari byo bitanga 81% byashyizwe mu bikorwa hejuru ya 75%, ibikorwa birindwi bingana na 12% byashyizwe mu bikorwa ku ijanisha riri hagati ya 50% na 75%, mu gihe ibikorwa bine bingana na 7% byo bitashyizwe mu bikorwa uko bikwiye kubera impamvu zitandukanye zitagaragajwe.

Muri iyo myanzuro, uwa mbere warebanaga no kuvugurura imitangire n’imicungire y’inguzanyo zihabwa abatishoboye zinyura mu Mirenge SACCO zitangwa muri gahunda ya VUP zikaba zaranogejwe, aho Leta yageneye ingengo y’imari isaga miliyali 10 na miliyoni 500frw.

Miliyoni 435frw ni yo amaze gutangwa ku mishanga ikoze neza isaga 4000 yagejejwe mu Mirenge SACCO, cyakora ngo inguzanyo zitangwa zikaba zikiri hasi kuko habanje kunozwa ibitari byarakozwe neza mu mitangire mishya y’izo nguzanyo, hakaba hari icyizere cy’uko bigiye kwihutishwa inguzanyo zikiyongera.

Sibikino Samoson wo mu karere ka Burera, Intara y’Amajyaruguru, ashima kuba inyungu yatangwaga ku nguzanyo zitangwa muri VUP yaragabanutse ikava kuri 12% ikagera kuri 2%, ariko amafaranga akaba atabasha kugera ku bayakeneye bose.

Anagaragaza imbogamizi zirimo gutinda kw’amafaranga ahembwa abakoze muri VUP, kuko usanga hari igihe hashira amezi ane badahembwa, bakifuza ko bajya bahemberwa igihe kugira ngo ayo mafaranga abashe kubatunga.

Minisitiri w’Ubutegetsi bw’Igihugu Prof. Shyaka Anastase, yavuze ko ibijyanye na VUP byashyizwe ku murongo ku buryo inguzanyo zihabwa abaturage muri gahunda ya VUP zavuye ku mirenge 244 zikagera mu mirenge yose y’igihugu uko ari 416.

Minisitiri Shyaka agaragaza ko kuba inguzanyo zarakwirakwijwe mu mirenge kandi ingano y’amafaranga ntiyongerwe, ari imbogamizi iri kwigwaho n’abafatanyabikorwa ku buryo amafaranga ashobora kuzongerwa kugira ngo abayakeneye bayabone, dore ko mu kwezi kumwe n’igice inguzanyo zitangiye gutangwa, abaturage basaga ibihumbi 100 batangiye kuzaka mu gihe ubundi mbere ku mwaka wasangaga abaturage ibihumbi 30 ari bo bonyine bazatse.

Minisitiri w’Intebe agaragaza ko ku bijyanye no kuvugurura muri rusange imikorere y’Imirenge SACCO, habayeho kandi kugaruza asaga miliyali enye zari zitarishyurwa, n’inguzanyo zari zaratswe n’abayobozi b’inzego z’ibanze, ibikorwa byo kwishyuza bikaba bikomeje.

Mukiza Willy Maurice

Yagiriye inama Abanyarwanda bakiri hirya no hino hanze y’igihugu kuza mu Rwanda bagafatanya kubaka u Rwanda.
Yagize ati “Abanyarwanda bose bakiri mu mashyamba harimo na Data, bakwiye gushyira intwaro hasi bakaza tugafatanya kubaka igihugu. Mu Rwanda hari umutekano, amahoro ni yose, turakataje mu iterambere.”

Ati “Ubundi simba numva uburyo bakwingingira amahirwe ukayanga.”

Mukiza Willy Maurice afite mukuru we akagira na mushiki we umukurikira, bose uko ari batatu bakaba ari abana ba Ntawunguka Pacifique.

Mukiza yatse ijambo mu Nama y’Igihugu y’ Umushyikirano irimo kubera i Kigali ku nshuro ya 17, ashima Leta y’u Rwanda, atanga n’ubuhamya, abonerho no kugira inama urubyiruko bagenzi be.

Mukiza avuga ko n’ubwo se ari mu mashyamba ya Congo, Leta y’u Rwanda ngo ntabwo yatereranye abana be.

Ati “Igihugu cyatwitayeho, cyaratwigishije, dukora neza nk’abandi Banyarwanda bose, dufite umutekano, ntawe uturenganya, mbese mwatwitayeho nk’uko mwitaye ku Banyarwanda bose. Mu mashuri twarize, mukuru wanjye ndetse yize kaminuza arihirwa n’igihugu, arangije akomereza mu Bushinwa, ni ho arimo gukorera Master’s, nta cyangombwa yigeze yimwa, nta n’uwamubajije ngo ugiye he, mbese murumva ko twari tumeze nk’abandi Banyarwanda bose, hatitawe ko turi abana ba Ntawunguka Pacifique.”

Mukiza Willy Maurice yavuze ko mushiki we na we abayeho neza, ubu akaba arimo kwiga muri Ghana ibyerekeranye n’ubuvuzi (Pharmacy).

Mukiza na we arangije muri Kaminuza y’u Rwanda (College of Science and Technology Nyarugenge) mu byerekeranye n’ubwubatsi (Civil Engineering).
Arangije kwiga muri uyu mwaka akaba yishimira ko ubu ari umu enjeniyeri (Engineer) abikesha igihugu cyamuhaye umutekano kititaye ku wo ari we.

Ati “Mu rugo hari igihe tuganira tukumva bidashoboka ko dushobora kuba dufatwa kimwe nk’abandi kandi muzehe wacu ari umwe mu batakifuriza gutera imbere.”

Mukiza Willy Maurice agira inama urubyiruko bagenzi be ko bafite igihugu kibakunda kandi kibashyigikiye, abasaba kubyaza umusaruro ayo mahirwe, bihangira imirimo, bakora n’ibindi bitandukanye byabateza imbere, bigateza imbere n’igihugu muri rusange.

Yasabye urubyiruko kandi kwirinda abantu babajya mu matwi bakabashishikariza kwanga igihugu cyabo.

Mukiza Willy Maurice yijeje Perezida Paul Kagame ko bo nk’abana ba Ntawunguka Pacifique biteguye gukorera igihugu mu buryo ubwo ari bwo bwose bugiteza imbere.

General Major Pacifique Ntawunguka

General Major Pacifique Ntawunguka uzwi ku mazina nka Omega, Nzeri na Israel ni we wagizwe umuyobozi w’agateganyo ku buyobozi bw’umutwe w’igisirikare cya FDLR, nyuma y’urupfu rwa Lt Gen Sylvestre Mudacumura warashwe n’ingabo za Congo (FARDC) ku wa 17 Nzeri 2019 zimusanze mu birindiro bye ahitwa Makomalehe muri Rutshuru.

Gen Maj Pacifique Ntawunguka ni we wari umugaba w’ingabo (Etat Major) wa FDLR, akaba yaratoranyijwe n’abandi basirikare bakuru kugira ngo abe ayobora by’agateganyo igisirikare cy’uyu mutwe ubu uri mu bibazo bitoroshye.

Gen Maj Pacifique Ntawunguka wavutse mu 1964, yarushwaga imyaka 10 na Lt Gen Mudacumura. Avuka i Kageshi muri Gasebeya mu cyahoze ari Komini Gaseke aho azwi ku izina rya Mulefu.

Gen Maj Pacifique Ntawunguka (Omega) yize amashuri abanza ahitwa Mbandari akomereza mu Rwankeri mu cyari Komini Nkuri aho yavuye akomereza muri Christ-Roi mu Karere ka Nyanza, aho yarangije yinjira mu ishuri rya Gisirikare ESM icyiciro cya 25 kuri Leta ya Habyarimana ndetse akaba yarize ibyo gutwara indege.

Avugwa mu bayobozi ba batayo 94 yarwanye n’ingabo za RPA mu Mutara ahazwi nka Komini Muvumba agatsindwa akerekeza i Kigali. Muri Gicurasi 1994 yakomerekeye mu mirwano, ajyanwa mu kigo cya Gisirikare cya Mukamira, aho yavuye ahungira mu nkambi ya Katale inyuma y’ibirunga.

Mu gihe cy’umutwe wa ALIR yabaye umuyobozi w’ibikorwa bya gisirikare bizwi nka Bethlehem muri Komini Satinsyi, Gakenke na Ramba ariko nyuma yo gutsindwa asubira muri Congo.

Igitabo ‘Leadership of Rwandese armed groups in DRC’ kivuga ko azwi nk’umuntu utava ku izima, ibi bikaba intandaro ituma atarumvikanaga n’umuyobozi we Lt Gen Mudacumura.

Yabaye umuyobozi w’igisirkare cya FDLR mu bice bya Rutshuru na Masisi ndetse akajya asuzugura ibyemezo bya Mudacumura. Yari umwe mu barwanyi ba FDLR bifuzaga impinduka mu gisirikare binubira ko bayoborwa n’abasaza n’abanyabwoba.

Gen Kabarebe muri 2016 yatangaje ko Ingabo z’u Rwanda na we ubwe bavuganaga n’abarwanyi bari mu mashyamba bafite imigambi mibi ku Rwanda, babumvisha gutaha kandi mu bo yashishikarije gutaha harimo Ntawunguka Pacifique udakozwa ibyo gutaha.

Gen. Kabarebe ati ‘‘Njye ubwanjye naramwihamagariye nti ‘Pacifique ko wize, uri umupilote wigiye mu Bufaransa, ntabwo uri injiji, ayo mashyamba ya Congo urimo imyaka makumyabiri n’ingahe, ntugeraho ugashishoza ibyo urimo, n’intambara yarananiranye ntabwo uzayitsinda, ntugeraho ukibwira?"

Undi na we ati “Jenerali, reka nkubwire ikintu kimwe. Njyewe kugaruka mu Rwanda, nzagaruka mu Rwanda nta Mututsi n’uyu n’umwe uri muri icyo gihugu, niba hari ikindi washakaga kongeraho kumbwira, ikiganiro tukirekere ahangaha."

Omega ucumbagira kubera ibikomere yavanye mu Rwanda, yageze muri Congo ayobora Sonoki yashinze itsinda ry’abakirisitu riyoborwa n’uwitwa Muzimangane ariko riza kwamaganwa na Lt Gen Mudacumura.

Yahoze ari nimero enye mu gisirikare cya FDLR-FOCA ariko ubu ni we ugezweho kukiyobora nyuma y’uko abamubanjirije bagiye batakaza ubuzima barimo Lt Gen Sylvestre Mudacumura, Brig Gen Stanislas Nzeyimana wari uzwi nka Bigaruka waburiwe irengero yagiye muri Tanzania hamwe na Brig Gen Léodimir Mugaragu, uzwi nka Léo Manzi warasiwe mu birindiro bye.

Inkuru bijyanye:

Gen Pacifique Ntawunguka yasimbuye Gen Mudacumura ku buyobozi bwa FDLR-FOCA

Minisitiri w’Imari n’Igenamigambi, Dr. Uzziel Ndagijimana avuga ko muri iyi myaka ishize y’icyerekezo 2020 hagaragaye iterambere ry’ibikorwaremezo, ubuhinzi, ubuhahirane n’amahanga, uburinganire ndetse no kubungabunga ibidukikije.

Ati “Ariko mu bintu bitatu by’ingenzi byagezweho harimo icy’ubukungu bwazamutse ku gipimo cya 8% buri mwaka.

Uyu ni umusaruro ukomeye ugereranyije n’uwo ibindi bihugu ku isi bibona, kuko u Rwanda rwaje mu bihugu bitanu byazamutse cyane muri iyi myaka ishize, aho n’umusaruro mbumbe wikubye kane”.

Dr. Ndagijimana avuga ko ibi byagize ingaruka zikomeye mu iterambere ry’imibereho myiza y’abaturage, kuko ngo muri 2005 abagera kuri 60% bari munsi y’umurongo w’ubukene, baza kugabanuka muri 2015 basigara ari 38%.

Minisitiri w’Imari n’Igenamigambi Dr. Uziel Ndagijimana

Avuga kandi ko impfu z’abana n’ababyeyi mu gihe babyara zagabanutse cyane, hashyizweho ubwishingizi bw’indwara ku bantu bose, hongerwa n’umubare w’ibitaro, ndetse icyizere cy’ubuzima ku Banyarwanda cyavuye ku myaka 59 kigera kuri 67.

Uburezi bw’ibanze hamwe no guteza imbere imyuga n’ubumenyingiro byongereye umubare w’abiga ayisumbuye kuko wikubye inshuro 19, naho abiga muri kaminuza bakaba barikubye inshuro 20, ariko ngo haracyakenewe ireme ry’uburezi.

Ministiri w’Imari n’Igenamigambi avuga ko amashanyarazi ku baturage yavuye kuri 2% mu mwaka wa 2000, ubu akaba amaze guhabwa abaturage 52%.

Yakomeje asobanura ko mu myaka 18 ishize ingengo y’imari yikubye inshuro 16, aho yavuye kuri miliyari 174 ikaba igeze kuri miliyari 2,876, kandi amafaranga menshi ari ava mu gihugu imbere, inkunga y’amahanga ikaba igenda igabanuka.

Umuyobozi w’Ikigo cy’Igihugu cy’Ibarurishamibare (NISR), Murangwa Yussuf, ashimangira ko kuri ubu u Rwanda ari urwa kabiri muri Afurika mu kuzamuka k’ubukungu nyuma ya Ethiopia, mu myaka 18 ishize.

Avuga ko habayeho kwiyongera kw’inganda, serivisi cyane cyane iz’amahoteli, iz’uburezi, iz’ubuvuzi n’ibigo by’imari, ibi byose hamwe n’ibindi bikaba bitanga imirimo 160,000 ku mwaka idashingiye ku buhinzi.

Umuyobozi Mukuru wa NISR, Murangwa Yussuf

Murangwa ati “Hari urubyiruko hafi 200,000 bajya ku isoko ry’umurimo buri mwaka, bivuze ko hari abangana n’ibihumbi 40 batabona akazi. Ibi bikaba byakemurwa n’uko ubukungu bw’igihugu bwazamuka ku rugero rwa 10%”.

Umuyobozi wa NISR yasobanuye ko ibiribwa birimo guhenda muri iki gihe bitewe n’uko umusaruro wari warabonetse mu kwezi kwa Nyakanga 2019 umaze kugabanuka, ariko ko n’ubwiyongere bw’abaturage hamwe n’ibijyanwa mu mahanga bituma ibiribwa biba bike mu gihugu.

Umuyobozi w’Urwego rw’Igihugu rw’Iterambere (RDB), Clare Akamazi hamwe na Minisitiri w’Ubucuruzi n’Inganda, Soraya Hakuziyaremye, bizeza ko ubushomeri buzakemurwa no kongera inganda na serivisi.

Minisitiri w’Ibikorwa remezo Ambasaderi Claver Gatete yavuze ko amashanyarazi ataragera hose mu gihugu kuko ahari angana na 52%.

Minisitiri Gatete atanga icyizere ko muri 2024 amashanyarazi mu Rwanda azaba ageze ku ijana ku ijana.

Ambasaderi Gatete avuga ko mu gihugu hari imirenge icumi basanze idafite umuriro na muke w’amashanyarazi, iyo mirenge bakaba ari yo bateganya kugezamo amashanyarazi mu buryo bwihutirwa.

Iyo mirenge ni Cyabakamyi mu Karere ka Nyanza, Umurenge wa Rwaniro muri Huye, muri Nyamagabe hari imirenge ya Mugano, Musange na Nkomane, Umurenge wa Kibangu muri Muhanga, Umurenge wa Mutuntu muri Karongi, Umurenge wa Nyabirasi muri Rutsiro, n’Umurenge wa Gasange muri Gatsibo n’Umurenge wa Ndego muri Kayonza.

Mbere y’ukwezi kwa gatandatu mu mwaka wa 2020 ugiye gutangira, aha hose ngo hazaba hafite amashanyarazi, nk’uko Minisitiri Gatete yabisobanuye. Umurenge wa Ndego ni wo uzaba utarageramo amashanyarazi kubera ko hakirimo gukorwa akandi kazi kugira ngo na bo umuriro uzabagereho vuba.

Hari indi mirenge igeramo umuriro w’amashanyarazi ariko ku kigero gito. Ambasaderi Gatete yavuze ko barimo kwihatira kongera amashanyarazi aho akiri make. Hari n’aho usanga imiyoboro y’amashanyarazi ica hejuru y’ingo ikajyana amashanyarazi ahandi ariko izo ngo ntayo zifite.

Minisitiri Gatete yavuze ko ubu gahunda iriho ari uko hashyirwaho uburyo bwo guha umuriro abaturiye ingomero z’amashanyarazi, kimwe n’abatuye aho uwo muriro w’amashanyarazi unyura.

Ku munsi wa mbere w’Umushyikirano w’uyu mwaka watangiye kuri uyu wa Kane tariki ya 19 ukazasoza ku ya 20 Ukuboza 2019, abawitabiriye bari buje urugwiro ndetse n’akanyamuneza kagaragara kuri buri wese.

Dore mu Mafoto uko byari bimeze

Perezida Kagame na Madame Jeannette Kagame bitabira Inama y’umushyikirano

Amafoto: Plaisir Muzogeye

Kureba andi mafoto, kanda HANO

Mukeshimana Eugene, ageza ikibazo kuri Perezida Kagame n’abitabiriye Inama y’Umushyikirano

Perezida Kagame yabivugiye mu Nama ya 17 y’Igihugu y’Umushyikirano, iteraniye i Kigali, no ku yandi ma site, nyuma y’uko Mukeshimana wari uri kuri site ya Intare Arena agaragarije zimwe mu mbogamizi abahinzi b’urusenda bahura na zo.

Mukeshimana yagaragaje ko we na bagenzi be batatu barangije kaminuza, nyuma bagatangira gukora ubuhinzi bw’urusenda muri Kamena 2018, batangira gusarura Gashyantare 2019, aho babona umusaruro uri hagati ya toni 1.5 na toni ebyiri buri cyumweru.
Uyu muhinzi yavuze ko mu kwezi kwa Nyakanga uyu mwaka baje kugira amahirwe babona umukiriya i Burayi.

Yagaragaje imbogamizi abahinzi b’urusenda bahura na zo, zirimo kuba mu Rwanda nta bushakashatsi no guteza imbere ubuhinzi bw’urusenda buhari, biogatuma kubona imbuto bibagora.

Yagize ati “Imbuto ku isoko ry’imbere mu gihugu zirahenze cyane, kuko nk’imbuto ya Hybride kuri pilipili umuntu yahinga kuri hegitari zigura ibihumbi 900. Hari ubundi bwoko ikilo kimwe kigura miliyoni 3.5”.

Mu kugaragaza igihombo bagize, Mukeshimana yagize ati “Mu kwa Karindwi, twahombye amafaranga ibihunbi 800, bitewe n’uko ku musaruro twohereje hanze, toni yose yagezeyo yangiritse. Izo mvune twatewe n’icyo gihombo, n’ubu ntiturazikira turacyazigenderaho”.

Mu gusubiza ibi bibazo, Minisitiri w’Ubuhinzi n’Ubworozi Dr. Gerardine Mukeshimana, yagize ati “Turacyari mu rwego rwo kubaka ubushakashatsi cyane cyane iki gihingwa cy’urusenda ntabwo turagira ubushobozi bwo kubona imbuto yacu”.

Minisitiri Mukeshimana yasabye ibigo bifite iryo koranabuhanga kwegera Minisiteri bagakorana kugira ngo izo mbuto ziboneke.

Ku kijyanye no gufata neza umusaruro, Minisitiri Mukeshimana yavuze ko muri Bugesera nta cyuma gikonjesha imboga gihari, ariko ko abakorera muri ako karere bakoresha ikiri muri NAEB no ku kibuga cy’indege cya Kanombe.

Perezida wa Repubulika ntiyanyuzwe n’ibisobanuro byatanzwe na Minisitiri Mukeshimana, aho we asanga iyo ari imikorere mibi ku nzego zibishinzwe.

Yagize ati “Ntabwo numvise impamvu urusenda twese tuzi mu myaka yacu, MINAGRI n’inzego zindi zibishinzwe, kutubwira gusa ngo ntabyo dufite bigahita, bifite ikindi byerekana.

Ni ukwerekana ko nta cyo dukora rwose kandi ntabwo numva impamvu. Uriya wabajije ikibazo ubwo akuyemo iki? Ni nko kumubwira ngo komeza wirwaneho, ukomeze uhombe, bizinesi nikunanira uzayireke, jye ni cyo numvise kivuyemo”.

Ku kibazo cyo gukonjesha imboga, Perezida Kagame yagize ati “N’ibikonjesha ibyo bijya hanze by’ibiribwa, bavuze ahantu habiri bishobora kuba biri, ariko uriya wabajije ikibazo, ni ukuvuga ko adafite uburyo bwo kugera aho havuzwe. Cyangwa se ni ukuvuga ko hadahagije. MINAGRI yari akwiye kuba atubwira ingamba zihari zo kuhongera, cyangwa se gukora irindi shoramari ryatuma ahakonjesha imyaka haboneka. NAEB cyangwa abandi bose baba mu biki”?

Perezida Kagame kandi yasabye Minisitiri w’Ubuhinzi n’Ubworozi gusubiza icyo kibazo ku buryo burenze ibyo yasobanuye, ndetse ategeka ko Minisiteri izasubiza abo bahinzi amafaranga bahombye, ati “yavuze ibyo yatakaje n’amafaranga, MINAGRI muzayamusubize”.

Perezida wa Repubulika Paul Kagame yabigarutseho kuri uyu wa kane tariki 19 Ukuboza 2019 ubwo yafunguraga ku mugaragaro inama y’Igihugu y’Umushyikirano ibaye ku nshuro ya 17.

Mu ijambo rye, agaragaza uko igihugu gihagaze, Perezida Kagame yavuze ko Igihugu cy’u Rwanda gihagaze neza.

Ati “Igihugu gihagaze neza pe!”

Yavuze ko kuba igihugu gihagaze neza, bituruka ku ruhare rwa buri wese ukora ibiteza igihugu imbere no ku ruhare rw’inshuti z’u Rwanda.

Ati “Iyo ntambwe tuba tumaze gutera, iba ikwiye gutanga imbaraga zo gukomeza mu nzira nziza turimo, tugakora byinshi biruseho, kandi na none byiza.”

Umukuru w’igihugu yavuze ko iryo terambere ryifuzwa ritagerwaho mu gihe umutekano udahagaze neza. Yagize ati “Umutekano ni wo utuma buri wese abasha gukora imirimo ye, umutekano ni wo utuma igihugu kiba nyabagendwa, haba ku Banyarwanda ndetse no ku basura u Rwanda.”

Perezida Kagame yagaragaje ko uko igihugu kigenda gitera imbere, ari nako haduka ibigaragara ko bishobora guhungabanya umutekano w’u Rwanda. Yavuze ko ari ibikorwa bibi bikorwa n’abantu bake, bikagaragara nk’aho ibyo bikorwa ari byinshi.

Yavuze ko nko mu myaka ibiri ishize mu Rwanda hakomeje kugaragara ibikorwa by’abahungabanya umutekano, ariko na byo ngo biri mu marembera.

Abakibirimo na bo hari ubutumwa yabageneye, aho yagize ati “Bafite amatwi ariko barabwirwa ntibumve, bafite amaso ariko ntibabona, twagiye tubabwira ko uko byagenze ari uko bizagenda.”

Perezida Kagame yavuze ko abagaragara mu makuru batanga ubuhamya bw’uburyo bafatiwe muri ibyo bikorwa byo guhungabanya umutekano w’u Rwanda bikwiye kubera isomo abandi babitekereza.

Umukuru w’Igihugu yavuze ko u Rwanda ruhora ruhamagarira Abanyarwanda aho bari hose gutaha. Ati “Baze mu gihugu cyabo twese dusangiye, niba ari impaka tukajya impaka, niba ari uburenganzira bumva bafite bifuza kugezwaho ibyo na byo bikaganirwa tukareba icyakorwa.”

Perezida Kagame yongeye gushimira abaturage kubera uruhare bagira mu kwicungira umutekano bafatanyije n’inzego zishinzwe kurinda ubusugire bw’igihugu.

Amafoto: Plaisir Muzogeye

Kureba andi mafoto y’Umushyikirano, kanda HANO

Yabivuze ubwo yatangizaga Inama ya 17 y’Igihugu y’Umushyikirano, kuri uyu wa kane tariki 19 Ukuboza 2019.

Ibi Perezida Kagame yabivuze agendeye kuri gahunda yo kwimura abaturage batuye ahantu hashobora gushyira ubuzima bwabo mu kaga, mu rwego rwo kubarinda kuba bahitanwa n’ibiza.

Ni gahunda yatangiye nyuma y’itangazo ry’Ikigo cy’Igihugu gishinzwe ubumenyi bw’ikirere, ryagaragaje ko mu karere u Rwanda ruherereyemo hari imvura nyinshi ishobora guteza Ibiza.

Perezida Kagame yavuze ko muri ibi bihe by’imvura, iyo habaye ibiza uwo bigiraho ingaruka ari umuturage utuye mu mu gishanga.
Perezida Kagame ariko avuga ko n’ubundi igishanga kidakwiye guturwamo.

Ati “Ntabwo igishanga giturwamo”!

Abandi batuye mu manegeka, na byo iyo bigaragara ko muri ayo manegaka imvugra nigwa nyinshi, bikagaragara ko abantu bazahutwazwa, nbazabura ubuzima bwabo bazabura ibyabo, ubundi abo bantu barimurwa bagashyirwa ahandi.

N’ubwo avuga ko bidakwiye ko abaturage batura mu bishanga cyangwa ahandi hashobora gutera ingaruka ku buzima bwabo, Perezida Kagame yanavuze ko uburyo kuhabakura biri gushyirwa mu bikorwa na bwo butanoze.

Yavuze ko hari abaturage basabwa kwimuka aho batuye, bagasabwa kwishyurwa nyamara batuye ahantu hatemerewe guturwa, kandi barahatuye mu buryo butemewe.

Perezida Kagame kandi avuga ko amakosa aba yaraturutse ku nzego z’ubuyobozi, zari zihari abo baturage batura aho hantu, ntizigire icyo zikora.

Yagize ati “Ndagira ngo twumvikane rero. Muri mwebwe abayobozi muri hano. Ujya gutanga igishanga abihera he? Igishanga ni icya nde? Kigomba kuba gikoreshwa iki? Ujya gutanga ibyo bishanga ahera he”?

Ati “Akarere kadafite ubuyobozi ni akahe? Imirenge, utugari, aho abayobozi bataba ni hehe? Niba abo bayobozi bahari hose, umuntu araza kubaka mu gishanga akarangiza ububona, akarangiza ku buryo ejo bazaza kumusenyera ati nimunyishyure, yarahubatse ureba”!

Perezida Kagame kandi yananenze abaturage batura ahantu hatemewe ndetse hashobora gushyira ubuzima bwabo mu kaga, ariko basabwa kuhava, bagasaba kubanza kwishyurwa.

Ati “Ujya kuvanwamo ngo mubanze munyishyure. Barakwishyura ibitari ibyawe gute? Barakwishyura ibyo wakoze bidakwiye gute? Uragiye wubatse mu muhanda, baza kugusenyera uti muranyishyura, barakwishyra se wari ukwiye kuba wubaka mu muhanda”?

Perezida Kagame kandi yanenze uburyo abayobozi bashyize mu bikorwa gahunda yo gukura abaturage ahantu hashobora gushyira ubuzima bwabo mu kaga, batabanje kubasobanurira neza impamvu yabyo.

Ati “Abantu barasenyewe, ni byo bagomba kuva aho bari badakwiye kuba bari. Ariko ababikoze ni Abaminisitiri, Abayobozi… Sinumva impamvu badakwiye kuba basobanurira abo babikorera, kugira ngo bumve igikorwa icyo ari cyo.

Bakwiye gusobanura, kuko bifite ingaruka kandi ku bantu benshi cyane. Byarangiza bikajyamo politiki n’ibindi, ndetse bikaba byanaduhungabanyiriza umutekano. Kuki mukora ibyo bintu mutyo”?

Perezida Kagame yavuze ko abantu bimurwa kuko aho batuye hashobora kwibasirwa n’ibiza, bikaba byahitana ubuzima bwabo n’ibyabo.

Yavuze ko abantu bimurwa ariko bari batuye ahantu hemewe guturwa ndetse banabifitiye ibyangombwa, bagomba guhabwa ingurane nk’uko bigenwa n’amategeko.

Ati “Abo ni byo bahabwa indishyi, ni ko bigenda. Urabibara ukareba, na byo ku buryo ari ugufasha kuruta ibindi byose. Kuko iyo uhabarekeye, ukamubwira uti ngaho hagume, imvura se yabura kuhamukura! Cyangwa umusozi ukariduka, ushobora kwanga kuhava, ukahavanwa n’ibyongibyo. Uzabyishyuza se? Uzabwira imvura ngo iguhe indishyi”?

Yavuze ko hari n’abandi batuye mu ahantu hatemewe guturwa, nta by’ibyangombwa babifitiye, avuga ko abo na bo Leta ifite inshingano zo kubafasha gutura ahantu hatashyira ubuzima bwabo mu kaga.

Ati “Hari n’abandi rero badakwiye kuba bagira ikintu bavuga ngo ni banyishyure. Bakwishyure kandi uri ahantu udakwiye kuba uri? Abo na bo, uburyo dufite inshingano ku banyagihugu bacu, turabafasha, tugashaka uko twabatera inkunga bakajya aho bakwiye kuba batura. Izo na zo ni inshingano zacu”.

Perezida Kagame yavuze ko iyi gahunda yatumye hari abantu bayivugaho byinshi, ndetse bakananenga icyo gikorwa, ariko avuga ko Leta y’u Rwanda yo yahisemo kurengera ubuzima bw’abaturage bayo.

Andi mafoto ku munsi wa mbere w’Inama ya 17 y’Umushyikirano, kanda HANO

Yabitangarije mu Nama y’Umushykirano ya 17 iteraniriye i Kigali kuva kuri uyu wa kane tariki 19-20 Ukuboza 2019.

Perezida Kagame yagize ati"mwongere ’vitesse’(umuvuduko),..njya nifuza rimwe ko uyu mwanya mwampaye ubukurikira uzatwarwa n’umugore, abagabo ntabwo nzi uko mubyumva".

Umukuru w’Igihugu avuga ko kuba u Rwanda ruza mu bihugu 10 bya mbere ku isi byubahiriza ihame ry’uburinganire bidahagije, akaba asaba ko mu myaka itaha rwazaza mu myanya itanu ya mbere ku isi.

U Rwanda rwashyizeho gahunda ishingiye ku Itegeko nshinga, y’uko mu nzego zose hagombye kugaragaramo byibura abagore 30% mu myanya ifata ibyemezo.

Kuri ubu Inteko ishinga amategeko ifite abagore 61.25%, Guverinoma ikagira 50% by’abagore na 50% by’abagabo.