Imyitozo ya nyuma yakorewe ku Cyumweru muri Kigali Arena ari na ho iyi mikino ibera

Ni irushanwa ritangira kuri uyu wa Mbere tariki ya 12 kugeza ku itariki ya 17 Nyakanga 2021 muri Kigali Arena aho ibihugu bine ari byo bigomba kwitabira imikino. Ibyo ni u Rwanda , Kenya, South Sudan na Misiri.

Ikipe y’u Rwanda imaze iminsi yitegura irushanwa aho umutoza wayo, Dr Cheick Sarr, yahamagaye abakinnyi b’abanyarwandakazi beza bose bakina hanze barimo Ineza Sifa Joyeuse, Butera Hope, Murekatete Bella n’abandi. Abandi bakinnyi bitezwe ku ruhande rw’u Rwanda harimo abakina imbere mu gihugu barimo Micomyiza Rosine bakunda kwita Cisse , Urwibutso Nicole na Imanizabayo Rosine.

Minisitiri wa Siporo Madame Aurore Mimosa Munyangaju yasuye ikipe ku Cyumweru anakurikirana imyitozo yayo mu rwego rwo kubashyigikira no kubatera imbaraga mbere y’uko bakina umukino wa mbere.

Minisitiri wa Siporo, Aurore Mimosa Munyangaju, yasuye ikipe mu myitozo ku Cyumweru

Gahunda yo kuri uyu wa Mbere tariki ya 12 Nyakanga 2021

– 15:00: Sudani y’Epfo irakina na Misiri
– 18:00: U Rwanda rurakina na Kenya

Ikipe y’abagore y’u Rwanda yiteguye neza imikino y’Akarere ka Gatanu

Imurora (uri ku mupira) arasezera kuri ruhago kuri uyu wa Kane

Ni umuhango utenganyijwe kubera kuri Sitade Ubworoherane, aho ikipe ya Musanze FC izaba yakira Gorilla FC ku mukino w’umunsi wa Gatandatu wa Shampiyona.

Mu Kiganiro yagiranye na Kigali Today, Imurora yavuze ko yifuje gukora itandukaniro n’abandi bakinnyi.

Yagize ati "Ndifuza gukora itandukaniro n’abandi bakinnyi bo mu Rwanda, usanga umukinnyi yarakoze ibikorwa byiza mu kibuga ariko akava mu mupira nk’uhunga, njye siko bimeze. Ndashaka kwereka abakiri bato ko umupira nawukinnye, nawukunze kandi ari umwuga wampaye ubuzima bwiza mu myaka 14 maze nkina. Ndifuza gusiga umurage mwiza mu mupira".

Uyu Musore umaze gukinira Musanze FC imikino irenga 200, ni mukuru wa Harerimana Obed ukinira Police FC.

Imurora yazamukiye mu ikipe ya Marines FC mu mwaka wa 2007 aho yamazemo imyaka ibiri, yavuye muri Marines muri 2009 yerekeza muri Musanze FC. Muri Musanze FC yahakinnye imyaka itandatu, ni ukuvuga kugera muri 2015, yavuyemo yerekeza muri Police FC yakiniye kugera 2017 abona kugaruka muri Musanze FC kugeza uyu munsi.

Imurora yakiniyr na Police FC

Imibare ya Imurora Japhet mu myaka 14 akina Umupira

– Imikino 277 atsindamo ibitego 68.
– Ikarita imwe y’umutuku
– Amakarita 11 y’umuhondo

– Marines FC yayikiniye imikino 30 atsinda ibitego 7
– Musanze FC yayikiniye imikino 198 atsindamo ibitego 46
– Police FC yayikiniye imikino 30 atsinda ibitego 15.

Muri iyi myaka uko ari 14 Imurora Japhet yatwaye ibikombe bibiri yatwaranye na Musanze FC na Police FC. Muri Musanze FC yatwayemo igikombe cya Shampiyona y’ikiciro cya Kabiri mu mwaka wa 2011/2012 ubwo yazamukaga mu cyiciro cya mbere. Yatwaye igikombe cy’amahoro hamwe na Police FC mu mwaka wa 2015/2016.

Kaje Elie wagizwe kapiteni wa REG BBC ni umwe mu bakinnyi bayimazemo igihe. Inshingano zo kuyobora yazisimbuyeho Ally Kazingufu

Kaje Elie, umwe mu bakinnyi bakuru muri iyi kipe kandi usanzwe akinira n’ikipe y’igihugu, yahawe inshingano zo kuyobora bagenzi be mu kibuga aho azungirizwa na Kami Kabange Milambwe.

Mu zindi mpinduka zabaye muri iyi kipe ya REG BBC, uwari usanzwe ari umukinnyi wayo Ngando Bienvenue bakunda kwija Jobu yagizwe umutoza wungirije wa kabiri aho agomba gutanga imbaraga mu gufasha mu myitwarire y’abakinnyi mu kibuga.

Ngando Bienvenue asanzwe ari umutoza w’abana bakiri bato aho atoreza kuri Club Rafiki i Nyamirambo , akaba amaze no guhabwa amahungurwa atandukanye yo gutoza abakinnyi b’ibyiciro bitandukanye.

Amakuru Kigali Today yamenye ni uko Ngando Bienvenue yagize imvune mu ivi ku buryo gukira bishobora gutinda, ubuyobozi bukaba bwafashe icyemezo cyo kumushyira mu batoza kugira ngo abanze akire neza ndetse anabone umwanya wo gutangira gutegurwa kuzavamo umutoza ukomeye mu myaka iri imbere.

Ngando Bienvenue

Impinduka zakozwe muri REG BBC

Kapiteni: Kaje Elie
Visi Kapiteni: Kami Kabange Milambwe

Abatoza:

Umutoza Mukuru: Henery Muinuka
Umutoza wa mbere wungirije: Mwiseneza Maxime Marius
Umutoza wa Kabiri wungirije: Ngando Bienvenue

Imikino ya REG BBC mu mpera z’iki cyumweru:

Ku wa Gatanu tariki ya 11 Kamena 2021:
17:00: REG BBC vs Espoir BBC ( muri RP IPRC Kigali)

Ku wa Gatandatu tariki ya 12 Kamena 2021:
13:00: RP IPRC Huye BBC vs REG BBC ( muri RP IPRC Huye)

Ku Cyumweru tariki ya 13 Kamena 2021:
14:00 : UR CMHS BBC vs REG BBC ( muri Petit Stade)

Ngando Bienvenue (wambaye nimero 80) yagizwe umutoza wa kabiri wungirije muri REG BBC

Adonis Jovon Filer

Umwe mu bayobozi ba REG BBC utifuje ko amazina ye atangazwa, yabwiye Kigali Today ko uwo musore yamaze gusinyishwa na REG BBC kandi ko ari mu Rwanda.

Yagize ati “Ni byo koko twamaze kumusinyisha, navuga ko ari umukinnyi wacu kandi tukaba twishimiye kumwakira. Adonis ni umukinnyi mwiza twizeye ko azadufasha byinshi kuko uyu mwaka twizeye gutwara igikombe cya shampiyona”.

Amakuru Kigali Today yamenye ni uko Adonis azakinira REG BBC imikino ya kamarampaka (Playoffs) gusa, bakaba bamusinyishije mu rwego rwo kugira ngo bamushakire ibyangombwa bimwemeza nk’umukinnyi w’iyo kipe.

Adonis Filer yamenyekanye mu Rwanda mu mwaka wa 2020 ubwo yakiniraga ikipe ya Patriots BBC imikino ya shampiyona yaje kurangira anatwaranye na yo igikombe, nyuma yahise ahamagarwa mu ikipe y’igihugu ya Basketball yakinnye ijonjora rya kabiri ryo gushaka itike y’igikombe cya Afurika cy’ibihugu AFRO-Basket kizabera mu Rwanda.

Patriots

Shampiyona ya Basketball iratangira kuri uyu wa Gatanu tariki ya 04 Kamena 2021, aho ikipe ya REG BBC iri mu itsinda rya kabiri hamwe na APR BBC, RP-IPRC Huye, ESPOIR BBC, 30 Plus, Rusizi BBC na UR CMHS.

Iyi kipe y’ikigo cy’igihugu gishinzwe amashanyarazi iratangira shampiyona ikina n’ikipe ya Rusizi BBC saa kumi n’imwe z’umugoroba (17:00) ku bibuga biri hanze ya Sitade Amahoro.

Perezida Kagame yakiriye Patriots BBC

Kuri uyu wa Mbere tariki ya 31 Gicurasi 2021, Perezida Kagame yakiriye ikipe ya Patriots BBC yari ihagarariye u Rwanda mu irushanwa ry’amakipe yabaye aya mbere iwayo ku mugabane wa Afurika muri Basketball, umuhango wabereye muri Village Urugwiro.

Perezida Kagame yashimiye Patriots BBC ku bwo gushimisha Abanyarwanda. Yagize ati "Nashakaga kubashimira ku byo mwakoze byose muri BAL. Ndabizi ubu mushobora kuba mutishimye kuko mutatwaye igikombe, ariko ndatekereza ko mwakabaye mufite ishema, mwakabaye mwishima kuko mwatumye abandi bishima”.

Ati “Gutsinda no gutsindwa ni bimwe mu bigize ubuzima, igihe watsinzwe ntugatakaze uko gutsindwa kuko uko gutsindwa kugufasha kwiga. Niba hari ikintu gishimisha ni ugutsinda".

Perezida Kagame yakomeje avuga ko nk’igihugu kigomba gushora mu bikorwa by’imikino, gusa hari uruhare rw’abakinnyi rwo kuba aho bagomba kuba bari. Yanabijeje ko uruhare rwo kubashyigikira bazarubona.

Minisitiri wa Siporo, Aurore Mimosa Munyangaju, yavuze ko bashimiye uburyo Patriots BBC yitwaye.

Yagize ati "Twishimiye uburyo Patriots BBC yitwaye, kuba yazanye umwanya wa kane mu irushanwa nk’iri. Kwakira irushanwa nk’iri udafitemo ikipe byaba ari igisebo ariko Patriots BBC mwarakoze kuhaba kuko byatumye twerekana urwego rwacu. BAL yabaye umwanya mwiza wo gukora imyitozo kuko abakinnyi bari muri Patriots BBC, benshi bazaba bari mu ikipe y’igihugu, navuga ko babonye umwanya mwiza wo kumenyerana".

Kapiteni wa Patriots BBC, Mugabe Arstide, yavuze ko bashimishijwe no kwakirwa n’Umukuru w’igihugu.

Yagize ati "Twishimiye ko Umukuru w’ igihugu yatwakiriye, bitwereka ko twakoze neza. Gusa yaduhaye Inama z’uko tuzitwara mu marushanwa ataha kandi twabimwijeje".

Mugabe yakomeje avuga ko kugira ngo amakipe azaserukira u Rwanda azitware neza bisaba ko amarushanwa y’imbere mu gihugu agomba kuzamurirwa urwego rw’imikinire, haba ku bakinnyi, abatoza ndetse n’abandi bose bategura imikino.

Patriots BBC yabaye iya kane nyuma yo gutsindwa na Petro de Luanda amanota 97 kuri 68, mu gihe Ikipe ya Zamalek ari yo yegukanye igikombe itsinzwe US Monastir ku mukino wa nyuma.

Basketball Africa League yatangiye ku Cyumweru tariki 16 isozwa ku itariki 30 Gicurasi 2021 muri Kigali Arena. U Rwanda ni rwo ruzongera kwakira izindi nshuro ebyiri za BAL zizakurikiraho.

Perezida Paul Kagame yarebye umukino wa nyuma wa BAL

Kuva ku itariki ya 16 kugera ku ya 30 Gicurasi 2021, mu Rwanda haberaga irushanwa ry’amakipe yabaye aya mbere iwayo muri Afurika mu mukino wa Basketball. Umukino wa nyuma wabaye kuri iki Cyumweru wahuje ikipe ya Zamalek yo mu Misiri na US Monastir yo muri Tuniziya.

Zamalek yageze ku mukino wa nyuma imaze gutsinda Petro de Luanda muri ½, mu gihe US Monastir yatsinze Patriots BBC yo mu Rwanda bituma igera ku mukino wa nyuma.

Ni umukino US Monastir yinjiyemo neza kuko yatsinze agace ka mbere amanota 22 kuri 17 ya Zamalek. Agace ka kabiri Zamalek yakangutse maze binyuze ku musore wayo Walter Wallace Hodge afasha ikipe ye gutsinda agace ka kabiri ku manota 27 kuri 20 ya US Monastir. Byatumye igice cya mbere kirangira Zamalek iyoboye n’amanota 44 kuri 42 ya US Monastir.

Igice cya kabiri Zamalek yakomeje gushimangira intsinzi aho yanatsinze amanota 11 ku manota icyenda ya US Monastir.

Agace ka kane Souleyman Diabate ukinira Zamalek yakoze ikinyuranyo mu mukino aho yatsinze amanota icyenda, byatumye ikinyuranyo hagati ya Zamalek na US Monastir kiba amanota 11, agace ka kane karangiye Zamalek itsinze amanota 21 kuri 12 ya US Monastir ihita yegukana irushanwa ku guteranyo cy’amanota 76 kuri 63 ya US Monastir. Walter Wallace Hodge ni we watowe nk’umukinnyi w’irushanwa.

Uko umukino wagenze

US Monastir 63-76 Zamalek

Agace ka mbere :22-17
Agace ka kabiri : 20-27
Agace ka gatatu : 09-11
Agace ka kane : 12-21

Uko amakipe yakurukiranye

1. Zamalek
2. US Monastir
3. Petro de Luanda
4. Patriots BBC

Patriots BBC itahanye umwanya wa kane muri BAL

Umukino wo guhatanira umwanya wa gatatu watangiye saa 12:30 muri Kigali Arena. Patriots BBC yasezerewe na US Monastir, yahuye na Petro de Luanda yatsinzwe na Zamalek muri 1/2. Amakipe yombi yagaragaje guhatana ariko byanze bikunze imwe yagombaga gutsinda.

Ni umukino wayobowe na Petro de Luanda kuko yatsinze agace ka mbere amanota 22 kuri 14 ya Patriots BBC. Agace ka kabiri karumbutsemo amanota menshi kuko katsinzwemo amanota 54. Petro de Luanda yatsinze amanota 31 kuri 23 ya Patriots BBC, byatumye igice cya mbere kirangira Petro de Luanda itsinze amanota 53 kuri 37 ya Patriots BBC.

Igice cya kabiri Petro de Luanda yakomeje gutsinda ubudatuza maze agace ka gatatu karangira igatwinzemo amanota 27 kuri 13 ya Patriots BBC. Patriots BBC isa n’aho yari inaniwe yatsinze amanota 18 kuri 17 ya Petro de Luanda maze itahana umwanya wa kane ku mwaka wa mbere wa Basketball Africa League.

Uko umukino wagenze

Petro de Luanda 97-68 Patriots

Agace ka mbere : 22-14
Agace ka kabiri : 31-23
Agace ka gatatu : 27-13
Agace ka kane : 17-18

Ni umukino wabaye mu ijoro ryo ku wa Gatandatu tariki ya 29 Gicurasi 2021 mu mujyi wa Porto kuri Estadio de Dragao. Ni umukino Chelsea yagiye gukina idahabwa amahirwe yo kwegukana igikombe bijyanye n’uburyo ikipe ya Manchester City yari imaze iminsi yitwara.

Mu gice cya mbere amakipe yombi yatangiye akinira hagati ariko Chelsea FC itangira gufungura ishaka uburyo bwo kwinjira mu izamu.

Timo Werner yabonye uburyo nka bubiri ariko ntiyabubyaza umusaruro. Myugariro wa Chelsea Thiago Silva yagize ikibazo cy’imvune maze biba ngombwa ko asimburwa na Andre Christensen. Ku munota wa 42 Mason Mount yahereje umupira Kai Havertz maze acenga neza Umunyezamu wa Manchester City maze atsinda igitego ari na cyo cyasoje igice cya mbere.

Guterura igikombe biraryoha cyane

Mu gice cya kabiri myugariro wa Chelsea FC Antonio Rudiger, yagoganye na Kevin Debryune wa Manchester City byatumye amara igihe kinini aryamye hasi. Yahise asohorwa maze hinjira Gabriel Jesus na we utagize ibyo akora bidasanzwe iminota 90 yuzuye, maze hongerwaho iminota 7.

Chelsea FC yayikinnye neza bituma umukino urangira itsinze igitego kimwe ku busa bwa Manchester City, yegukana igikombe cya kabiri nyuma y’icyo yatwaye muri 2012 itsinze Bayern Munich kuri Penaliti. Umukinnyi Ngolo Kante wa Chelsea FC ni we watowe nk’umukinnyi w’umukino.

Umutoza wa Chelsea, FC Thomas Tuchel, yahise aca agahigo ko gutsinda abatoza bakomeye i Burayi aho uyu mwaka atsinze Pep Guardiola inshuro eshatu , Zidane, Diego Simeone wa Atletico na Ancelotti wa Everton.

Ngolo Kante yatowe nk’umukinnyi w’umukino (Man of the Match )

Ngarambe Raphaël yatorewe kuyobora FRVB

Ni amatora yabaye kuri uyu wa Gatandatu tariki ya 29 Gicurasi 2021, akaba yabereye mu Mujyi wa Kigali.

Ngarambe Raphaël watanzwe na Petit Seminaire Virgo Fidelis yari umukandida umwe rukumbi kuri uwo mwanya, aho uwo bagombaga guhangana, Dr Kabera Callixte yavanyemo kandidatire ye mbere y’iminsi itatu ngo amatora abe.

Komite nyobozi nshya ya FRVB

Perezida: Ngarambe Raphaël

Visi Perezida wa mbere: Nsabimana Eric

Visi Perezida wa kabiri: Bagirishya Jean de Dieu uzwi nka Jado Castar

Umunyamabanga: Mucyo Philbert

Umubitsi: Karigirwa Grace

Uko amatora yagenze

– Perezida w’inteko rusange: Karekezi Leandre, uyu mugabo wari usanzwe ari Perezida wa FRVB muri manda iheruka, mu matora yabaye uyu munsi yagize amajwi 25 kuri 32 y’abatoye, oya zabaye 6 n’impfabusa imwe.

-Visi Perezida w’inteko rusange: Mutabazi Aline, yatorewe kuba umuyobozi w’Inteko rusange wungirije n’amajwi 28 kuri 32 y’abatoye, mu gihe oya zabaye enye.

Komite nyobozi

– Perezida: Ngarambe Raphaël wari umukandida rukumbi yatorewe kuyobora FRVB muri manda y’imyaka ine. Yagize amajwi 31 kuri 32 y’abatoye.

– Visi Perezida wa mbere: Nsabimana Eric uzwi nka Machine atorewe kuba Visi Perezida wa mbere ufite mu nshingano ze ubutegetsi n’imiyoborere yagize amajwi 32 kuri 32 y’abatoye akaba yari umukandida rukumbi.

– Visi Perezida wa Kabiri: Bagirishya Jean de Dieu uzwi nka Jado Castar yatorewe kuba Visi Perezida wa kabiri ufite mu nshingano ze amarushanwa. Jado Castar yagize amajwi 24 kuri 32 y’abatoye, oya umunani akaba nawe yari umukandida rukumbi ku mwanya we.

– Umunyamabanga Mukuru: Mucyo Philbert yatorewe kuba Umunyamabanga Mukuru n’amajwi 16 yari ahanganye na, Nshimiyimana Innocent wagize amajwi umunani naho Dr. Ndayambaje Bernard yagize amajwi umunani

– Umubitsi: Karigirwa Grace yatorewe kuba Umubitsi mukuru n’amajwi 17 kuri 15 ya Mukase Josiane bari bahanganye.

Komite yatowe ingomba kuyobora ishyirahamwe ry’umukino wa Volleyball mu gihe kingana n’imyaka ine ikaba itegerejweho kongera kugarura uyu mukino ku rwego rwiza.

US Monastir yatsinze Patriots BBC bitayigoye

Umukino wa Kabiri wa kimwe cya kabiri wabaye kuri uyu wa Gatandatu tariki ya 29 Gicurasi 2021 muri Kigali Arena ahakomeje kubera iri rushanwa. Mu buryo buyoroheye, US Monastir yasezereye Patriots BBC ibona itike y’umukino wa nyuma.

Ni umukino woroheye US Monastir dore ko warangiye itsinze ku kinyuranyo cy’amanota 41.

Agace ka Mbere US Monastir yatsinze amanota 16 kuri 14 ya Patriots BBC. Agace ka kabiri Patriots BBC yagakinnye nabi kuko yakozemo amakosa menshi yo kugarira maze US Monastir ikabahaniramo itsinda amanota 21 kuri 08 ya Patriots BBC. Igiteranyo cy’igice cya mbere cyarangiye US Monastir ifite 37 kuri 22 ya Patriots BBC.

Igice cya kabiri US Monastir yakomeje kwerekana ko urwego rwayo n’urwa Patriots BBC rutandukanye maze itsinda agace ka gatatu amanota 28 kuri 11 ya Patriots BBC. Umukino wakomeje gukomera ku ruhande rwa Patriots BBC, ari na ko US Monastir ikomeza kuryoshya umukino maze agace ka kane igatsinda ku manota 22 kuri 13 ya Patriots BBC.

Umukino wose warangiye US Monastir itsinze amanota 87 kuri 46 ya Patriots BBC, amanota make itsinze mu mukino kuva iyi BAL yatangira. Muri uyu mukino Omar Abada wa US Monastir ni we watsinze amanota menshi 18, ku ruhande rwa Patriots BBC Ndizeye Ndayisaba Dieudonné ni we watsinze menshi, 13.

Uko umukino wagenze

– US Monastir 87-46 Patriots BBC

Agace ka mbere : 16-14
Agace ka kabiri :21-08
Agace ka gatatu :28-11
Agace ka kane : 22-13

Gahunda y’umunsi wa nyuma wa Basketball Africa League

Ku Cyumweru tariki ya 30 Gicurasi 2021

Guhatanira umwanya wa gatatu

12:30: Patriots BBC vs Petro de Luanda

Umukino wa nyuma

– 16:00: US Monastir vs Zamalek

Ni umukino wa 1/4 cy’irushanwa nyafurika ry’umukino wa Basketball (BAL), ikipe ya Patriots ikaba yasezereye Feroviario de Maputo bigoranye ku ntsinzi y’amanota 73 kuri 71.

Uwo mukino wabaye mu ijoro ryo ku wa Kane tariki ya 27 Gicurasi 2021 ubera muri Kigali Arena. Wabanjirijwe n’uwahuje US Monastir na AS Douanes yo muri Senegal. US Monastir yatsinze AS Douanes amanota 86 kuri 62 maze AS Douanes ihita isezererwa.

Saa tatu z’ijoro, Patriots BBC na Feroviario de Maputo ni zo zari zitahiwe kwishakamo izakina kimwe cya kabiri. Ni umukino Patriots BBC yatangiye neza kuko agace ka mbere yagatsinze ishyizemo ikinyuranyo cy’amanota icyenda kuko karangiye ifite amanota 24 kuri 15 ya Feroviario de Maputo.

Mu gace ka kabiri Feroviario de Maputo yakangutse maze itangira gukoresha abakinnyi ba Patriots amakosa. Abarimo Brandon Costner na Bush Wamukota bagowe cyane muri uyu mukino. Aka gace karangiye Feroviario de Maputo yigaranzuye Patriots maze igatsinda ku manota 24 kuri 18. Igice cya mbere cyarangiye Patriots BBC ifite amanota 42 kuri 39 ya Feroviario de Maputo.

Mu gice cya kabiri Feroviario de Maputo yakomereje aho yari igeze mu gice cya mbere maze ikomeza kurusha Patriots BBC bituma inayitsinda mu gace ka gatatu amanota 18 kuri 12.

Imibare yabaye myinshi ku ruhande rw’umutoza Alan Major ubwo abakinnyi babiri Brandon Costner na Chris Ibeh buzuzaga amakosa bagasohoka mu kibuga. Mugabe Aristide yerekanye ubunararibonye ndetse n’imbaraga z’ubuyobozi mu gace ka kane maze afasha Patriots BBC kugatsinda aho Patriots yatsinze amanota 19 kuri 14 ya Feroviario de Maputo.

Umukino warangiye Patriots BBC iwutsinze n’amanota 73 kuri 71 ya Feroviario de Maputo. Gasana Kenneth yatsinze amanota 23. Yakurikiwe na Mugabe Aristide watsinze amanota 18 ku ruhande rwa Patriots BBC. Patriots BBC irahura na US Monastir muri 1/2 kuri uyu wa Gatandatu tariki ya 29 Gicurasi 2021.

Uko imikino ya 1/4 yagenze:

– Patriots BBC 73-71 Feroviario de Maputo

Agace ka mbere : 24-15
Agace ka kabiri: 18-24
Agace ka gatatu 12-18
Agace ka kane : 19-14

– US Monastir 86-62 As Douanes

Agace ka mbere : 19-16
Agace ka kabiri: 29-18
Agace ka gatatu: 18-13
Agace ka kane :20-15

Gahunda y’imikino ya 1/2

Kuwa Gatandatu tariki ya 29 Gicurasi 2021

17:30: Zamalek vs Petro de Luanda
21:00: Patriots BBC vs US Monastir

Andi mafoto:

Amafoto: Plaisir Muzogeye

Kureba andi mafoto menshi, kanda HANO

Umukino wa Petro de Luanda na As Sale wari urimo ishyaka

Ni umukino wa kabiri wa 1/4 wakinwe mu ijoro ryo ku wa Gatatu tariki ya 26 Gicurasi 2021. Petro de Luanda yakomeje mu mikino ya 1/2 aho ku wa Gatandatu tariki ya 29 Gicurasi 2021 izacakirana na Zamalek yo mu Misiri.

Ni umukino Petro de Luanda yinjiyemo n’imbaraga nyinshi kuko yanahise itsinda agace ka mbere amanota 20 kuri 12 ya As Sale. Agace ka kabiri amakipe yombi yagaragaje gutsindana cyane kuko AS Sale yatsinze amanota 23 kuri 23 ya Petro de Luanda, igice cya Mbere cy’umukino cyarangiye Petro de Luanda ifite amanota 43 kuri 35.

As Sale nubwo yasezerewe yagaragaje gukomera cyane

Igice cya Kabiri ikipe ya As Sale yagitangiranye impinduka nyinshi mu kibuga zanatanze umusaruro byatumye isoza agace ka gatatu itsinze amanota 23 kuri 12 ya Petro de Luanda. Agace ka kane Petro de Luanda yakihariye byanatumye itsinda amanota 24 kuri 17 ya As Sale. Petro de Luanda ishimangira intsinzi no gukina imikino ya 1/2 cya Basketball Africa League.

Uko umukino wagenze

– Petro de Luanda 79-72 As Sale

Agace ka mbere: 20-12
Agace ka kabiri: 23-23
Agace ka gatatu: 12-20
Agace ka kane: 24-17

Gahunda yo ku wa Kane tariki ya 27 Gicurasi 2021

– 17:30: As Douanes Vs US Monastir
– 21:00: Patriots BBC vs Feroviario de Maputo

Zamalek yaryohereje abakurikiye umukino

Ni umukino wa mbere wa kimwe cya kane wabaye kuri uyu wa Gatatu tariki ya 26 Gicurasi 2021 muri Kigali Arena. Ni umukino ikipe ya FAP yatangiye neza dore ko yatsinze agace ka mbere amanota 16 kuri 12 ya Zamalek.

Agace ka kabiri ikipe ya Zamalek yakosoye amakosa yari yakoze mu gace ka mbere, maze igaruka mu mukino igatsindamo amanota 18 kuri 12 ya FAP. Igiteranyo cy’igice cya mbere kiba amanota 30 ya Zamalek kuri 28 ya FAP.

Zamalek yarushije FAP bigaragara

Zamalek ibifashijwemo na Walter Wallace yatangiye agace ka gatatu neza yigaranzuye FAP mu buryo bugaragara maze itsinda ako gace ku manota 25 kuri 14 ya FAP. Agace ka kane ikipe ya FAP yagaragaje gucika intege ndetse no gutakaza icyizere cyo gukomeza, yakoze amakosa menshi cyane byatumye Zamalek iyungukiraho maze itsinda amanota 27 kuri 11 ya FAP iba isezerewe mu irushanwa.

FAP yagerageje ariko igira abakinnyi badafite ubunararibonye mu irushanwa

Ikipe ya Zamalek itegereje ikipe irokoka hagati ya As Sale na Petro de Louanda bakazahura ku wa Gatandatu tariki ya 29 Gicurasi 2021 mu mukino wa 1/2.

Icyamamare muri NBA Joackim Noah yarimo afana FAP

Uko umukino wagenze

FT: Zamalek 82-53 FAP

Agace ka mbere: 12-16
Agace ka kabiri: 18-12
Agace ka gatatu: 25-14
Agace ka kane: 27-11

– 21:00: As Sale vs Petro de Louanda

Ni imikino y’umunsi wa kabiri ku makipe umunani ahatanira gutwara igikombe cya Shampiyona ndetse n’andi umunani ahatanira kutamanuka mu cyiciro cya kabiri.

Ikipe ya APR FC yakiriye ikipe ya As Kigali kuri uyu wa Gatatu tariki ya 26 Gicurasi 2021 kuri Sitade y’i Muhanga.

Abakinnyi 11 ba As Kigali ababanje mu Kibuga

Eric Ndayishimiye, Hassan Rugirayabo, Emery Bayisenge, Hassan karera, Christian ishimwe, Janvier Benedata, Pierrot kwizera, Eric nsabimana, Muhadjiri hakizimana, Shaban Hussein, Aboubakar Lawal.

Abakinnyi 11 ba APR FC babanje mu Kibuga

Pierre Ishimwe, Omborenga Fitina, Thierry Manzi, Ange Mutsinzi, Emmanuel Imanishimwe, Djuma Nizeyimana, Bosco Ruboneka, Olivier Niyonzima, Lague Byiringiro, Djabel Manishimwe, Jacques tuyisenge.

Ni umukino wari witezweho byinshi cyane nyuma y’uko ikipe ya As Kigali itsinze Rayon Sports ibitego bitatu kuri kimwe ku munsi wa mbere, mu gihe APR FC yari yatsinze Espoir FC igitego kimwe cya Ombolenga Fitina.

Abakinnyi 11 ba As Kigali babanje mu kibuga

Umukino watangiranye imbaraga nyinshi, mu minota itanu ya mbere As Kigali ni yo yihariye umupira. Nyuma y’iyo minota ikipe ya APR FC yakangutse maze itangira kotsa igitutu As Kigali.

Ku munota wa 32 ikipe ya As Kigali yafunguye amazamu ku gitego cyatsinzwe na Aboubakar Lawar wacenze ba myugariro ba APR FC maze ahindukiza umunyezamu Ishimwe Pierre. Nyuma y’icyo gitego ikipe ya APR FC yakangutse maze itangira gukina ishaka kwishyura, uko gusatira kwaje no kuyihira maze ku mupira wari uzamukanwe na myugariro Imanishimwe Emmanuel bita Magwende, yakase umupira maze usanga Byiringiro Lague ahagaze neza ahita atsinda igitego ku munota wa 45. Igice cya mbere cyarangiye amakipe yombi anganya igitego kimwe ku kindi.

Igice cya kabiri habaye impinduka nyinshi ku mpande zombi gusa nta gisubizo zatanze bituma amakipe asoza umukino anganya igitego kimwe kuri kimwe agabana amanota atatu. Mu mikino ibiri As Kigali yahise yuzuza amanota ane mu gihe APR FC na yo yagize amanota ane.

Abakinnyi 11 ba APR FC babanje mu Kibuga

Undi umukino wabaye ikipe ya Espoir FC yakiriye Rutsiro FC amakipe yombi anganya ibitego bibiri kuri bibiri. Rutsiro FC ni yo yafunguye amazamu igitego cyatsinzwe na Nwosu Samuel. wanatsinze igitego cya kabiri, mu gihe Espoir FC yavuye inyuma ibitego bibiri ikishyura. Ibitego bya Espoir FC byatsinzwe na Isah Akor Umor na Yves Habimana

Undi mukino wabaye ku makipe ahatanira kutamanuka mu cyiciro cya kabiri. Ikipe ya Gasogi United yakiriye Gorilla FC maze amakipe yombi anganya ibitego bibiri kuri bibiri.

Uko imikino yagenze

– APR FC 1-1 As Kigali
– Espoir FC -2 -2 Rutsiro

Amakipe ahatanira kutamanuka mu cyiciro cya kabiri

– Gasogi United 2-2 Gorilla FC

Kuwa Kane tariki ya 27 Gicurasi 2021

– Amakipe ahatanira gutwara igikombe

– 15:30: Rayon Sports vs Bugesera (Sitade Bugesera)
12:30: Police FC vs Marines (Sitade Bugesera)

Amakipe ahatanira kutamanuka mu cyiciro cya kabiri

– 15:00: Musanze FC vs As Muhanga (Sitade Ubworoherane)
– 15:00: Kiyovu Sports vs Mukura VS (Sitade Mumena)
– Etincelles FC vs Sunrise FC (Sitade Umuganda)

Nyuma y’uko amakipe umunani azakina kimwe cya kane n’amakipe ane yasezerewe amenyekaniye, Ubuyobozi bwa BAL bwatangaje ingengabihe ya 1/4 cy’iryo rushanwa.

Amakipe umunani azakina 1/4 ni: Patriots BBC, US Monastir, Petro de Louanda, As Sale , Zamalek, Feroviario de Maputo, As Douanes na FAP.

Amakipe ane yasezerewe ni: GS Petroliers yo muri Algeria , As Police yo muri Mali , Rivers Hoopers yo muri Nigeria na GNBC yo muri Madagascar.

Ingengabihe ya 1/4

Ku wa Gatatu tariki ya 26 Gicurasi 2021

17:30: FAP vs Zamalek
21:00: As Sale vs Petro de Luanda

Ku wa Kane tariki ya 27 Gicurasi 2021

17:30: As Douanes Vs US Monastir
21:00: Feroviario de Maputo vs Patriots BBC

Gahunda ya 1/2

Ku wa Gatandatu tariki ya 29 Gicurasi 2021

Umukino wa mbere: Saa 14:00
Umukino wa kabiri: Saa 17:30:

Ku Cyumweru tariki ya 30 Gicurasi 2021

Guhatanira umwanya wa Gatatu

– Umukino uzatangira Saa 12:30

– Umukino wa nyuma

Saa 16:00

Imikino ya 1/4, 1/2 ndetse n’umukino wa nyuma amakipe azahura mu mukino umwe, ikipe itsinzwe ihite isezererwa.

Zamalek ni imwe mu makipe yerekanye ubukana no gukomera mu mikino ya BaL

Ni umukino wagombaga kuba ku wa Gatatu tariki ya 19 Gicurasi 2021, gusa ntiwabaye kubera ikibazo cy’ubuzima nk’uko Ubuyobozi bwa BAL bwabitangaje. Amakuru Kigali Today yamenye ni uko umwe mu bakinnyi ba Zamalek yanduye Covid-19 bitera impungenge ko haba hari n’abandi banduye.

Umukino wakinwe mu ijoro ryo ku wa Mbere tariki ya 24 Gicurasi 2021. Ikipe ya Zamalek yatangiye umukino itsinda ikinyuranyo cy’amanota 19 kuko agace ka mbere karangiye itsinze amanota 37 kuri 16 ya GS Petroliers. Agace ka kabiri GS Petroliers yazamuye imbaraga maze ikinyuranyo kiba amanota atandatu kuko ako Zamalek yagatsinze amanota 17 kuri 11 ya GS Petroliers.

Agace ka gatatu ikipe ya GS Petroliers yagatsinze ku manota 24 kuri 14 ya Zamalek. Agace ka kane Zamalek yagarukanye imbaraga itsinda amanota 29 kuri 13 ya GS Petroliers. Iyo ntsinzi yatumye Zamalek igira amanota atandatu mu gihe GS Petroliers yasoje irushanwa nta mukino n’umwe itsinze.

Zamalek na GS Petroliers bakoresheje imbaraga nyinshi mu mukino wabo

Uko umukino wagenze

Zamalek 97-64 GS Petroliers

Agace ka mbere: 37-16
Agace ka kabiri: 17-11
Agace ka gatatu: 14-24
Agace ka kane: 29-13

Uko itsinda rya Gatatu rihagaze

1. Zamalek: Imikino itatu, amanota 6
2. Feroviario de Maputo: Imikino itatu, amanota 5
3. As Douanes: Imikino itatu, amanota 4
4. GS Petroliers : Imikino itatu amanota 3

Amakipe umunani azakina 1/4 ni: Patriots BBC, US Monastir, Petro de Louanda, As Sale, Zamalek, Feroviario de Maputo, As Douanes na FAP.

Amakipe ane yasezerewe ni: GS Petroliers yo muri Algeria, As Police yo muri Mali, Rivers Hoopers yo muri Nigeria na GNBC yo muri Madagascar.

Amafoto: Cheick Haidara

Umuraperi J Cole ari mu Rwanda kuva irushanwa rya Basketball Africa League (BAL) ryatangira aho amaze gukinira ikipe ya Patriots BBC imikino itatu. Mu mukino wa mbere J. Cole yakinnye iminota 17 atsinda amanota atatu. Ni umukino ikipe ya Patriots BBC yatsinzemo Rivers Hoopers.

Ku mukino wahuje Patriots BBC na US Monastir, J. Cole yakinnye iminota 12 atsinda amanota abiri.

J. Cole ni umwe mu baraperi bakomeye muri Leta Zunze Ubumwe za Amerika (USA) akaba ari muri BAL nk’umukinnyi wa Patriots BBC ndetse akaba aherutse gushyira ahagaragara umuzingo (Album) we mushya.

Mu ibaruwa yahaye abagize Komite Nyobozi ya Etincelles ndetse akanamenyesha Ubuyobozi bw’Akarere ka Rubavu kuri uyu wa Mbere tariki 24 Gicurasi 2021, yavuze ko kubera inshingano nyinshi atakibona umwanya wo kwita kuri Etincelles FC uko bikwiye.

Mu Kiganiro Kigali Today yagiranye na Hitayezu Dirigeant yemeje ayo makuru, aho yagize ati " Ni byo koko nanditse negura ku nshingano zo kuba Perezida wa Etincelles".

Ati "Mu by’ukuri mfite imirimo myinshi yaba iyanjye ndetse n’ireba urugaga rw’abikorera, navuga ko guhuza izo nshingano zose no kuba Perezida wa Etincelles FC bituma ntayibonera umwanya ukwiye. Nahisemo gusezera kuri uwo mwanya kugira ngo mparire abafite umwanya uhagije".

Hitayezu Dirigeant asize ikipe ya Etincelles FC mu makipe umunani agomba guhatanira kutamanuka mu cyiciro cya kabiri.

Hitayezu yatorewe kuyobora Etincelles FC ku itariki ya 22 Kamena 2020 asimbuye Ruboneza Gedeon. Nyuma yo kwegura ikipe iraba iyoborwa na visi Perezida wayo, Ndorimana Emmanuel.

Ni umukino wabaye kuri iki Cyumweru tariki ya 23 Gicurasi 2021 muri Kigali Arena. Ni umukino wa kabiri kuri Zamalek nyuma y’uko umukino yagombaga gukina na GS Petroliers usubitswe. Ni umukino watangiranye imbaraga nyinshi kuri Zamalek yagombaga gushaka tike mbere yo gukina na GS Petroliers kuri uyu wa Mbere. Agace ka mbere Zamalek yagatsinze amanota 20 kuri 14 ya As Douanes. Agace ka kabiri Zamalek yakomeje gushimangira intsinzi aho yatsinze amanota 24 kuri 19 ya As Douanes, igice cya mbere cyarangiye Zamalek ifite igiteranyo cy’amanota 4 kuri 33 ya As Douanes.

Ikiruhuko cy’igice cya mbere cyongereye imbaraga nyinshi ikipe ya Zamalek kuko yahise itsinda agace ka gatatu amanota 25 kuri 14 ya As Douanes . Agace ka kane Zamalek yagakinnye nk’iyamaze kwizera intsinzi kuko yatsinze amanota 17 kuri 15 ya As Douanes. igiteranyo cyose kiba amanota 86 Kuri 62 ya As Douanes.

Uko umukino wagenze:

FT: AS Douanes 62-86 Zamalek

Agace ka mbere: 14-20
Agace ka kabiri : 19-24
Agace ka gatatu: 14-25
Agace ka kane: 15-17

Uko itsinda rya gatatu rihagaze:

1. Feroviario de Maputo : Imikino itatu, amanota 5
2. Zamalek: Imikino ibiri , amanota 4
2. As Douanes : Imikino itatu , amanota 4
4 . GS Petroliers : Imikino ibiri , amanota 2

Kureba andi mafoto menshi yaranze uyu mukino, kanda HANO

Ni umukino wabaye mu ijoro ryo ku wa Gatandatu tariki ya 22 Gicurasi 2021 muri Kigali Arena, witabirwa na Perezida Paul Kagame na Madamu we Jeannette Kagame.

Ni umukino usoza imikino yo mu itsinda rya mbere amakipe yombi ahuriyemo. Amakipe yombi yagiye gukina uyu mukino anganya amanota ane mu mikino ibiri yari amaze gukina, gutsinda uyu mukino byari bisobanuye kuyobora itsinda rya mbere bidasubirwaho.

Abakinnyi batanu ba Patriots BBC babanje mu Kibuga : Gasana Kenneth Sagamba Sedar , Brandon Costner ,Chris Ibeh na Ndizeye Dieudonné.

Ni umukino ikipe amakipe yombi yakinnye agace ka Ka akoresheje imbaraga nyinshi dore ko karangiye US Monastir igatsinze n’amanota 24 kuri 20 ya Patriots BBC. Agace ka Kabiri Patriots BBC yazamuye amanota maze ishiramo ikinyuranyo cy’amanota abiri dore karangiye itsinze amanota 24 kuri 22 bivuze ko amakipe yombi yagiye kuruhuka US Monastir iyoboye n’amanota 46 kuri 44 ya Patriots BBC.

Agace ka gatatu US Monastir yungukiye mu makosa ya Patriots BBC yo gutakaza imupira hagati mu kibuga maze ishiramo ikinyuranyo cy’amanota 12 dore ko aka gace US Monastir yagatsinze amanota 22 kuri 14 ya Patriots BBC. Agace ka kane ari nako ka nyuma ikipe ya US Monastir yerekanye itandukaniro hagati yayo na Patriots BBC maze itsinda amanota 23 kuri 17 igiteranyo cy’uduce twose kiba amanota 91 ya US Monastir kuri 75 ya Patriots BBC. Muri uyu mukino umukinnyi wa US Monastir Wael ARAKJI yatsinze amanota 28 mu gihe Gasana Kenneth yamukurikiye n’amanota 22.

Uko umukino wagenze:

FT: Patriots BBC 75-91 US Monastir

Agace ka mbere: 20-24
Agace ka kabiri : 24-22
Agace ka gatatu:14-22
Agace ka kane:17-23

– Rivers Hoopers 80-69 GNBC

Agace ka mbere: 18-18
Agace ka kabiri: 23-22
Agace ka gatatu: 18-19
Agace ka kane:21-10

Uko itsinda rihagaze nyuma y’imikino itatu:

1. US Monastir : Imikino itatu,amanota 6
2. Patriots BBC : Imikino itatu,amanota 5
3. Rivers Hoopers: Imikino itatu, amanota 4
4. GNBC: Imikino itatu , amanota 3

Urugendo rwa Patriots BBC rugana mu makipe 12 ari gukina BAL 2021:

● Afurika y’iburasirazuba Patriots BBC yari mu itsinda rya kane imikino yabereye muri Tanzania

• Patriots BBC 73-64 DYNAMO( Burundi)
• Patriots BBC 125-50 Hawassa (Ethiopia)
• Patriots BBC 79-65 JKT ( Tanzania)
• Patriots BBC 74-63 City Oilers BBC ( Uganda )

Imikino yo mu Itsinda rya mbere (A), BAL yabereye Kigali -RWANDA

• Patriots BBC 94-88 GNBC ( Madagascar)
• Patriots BBC 76-53 UNZP (Zambia )
• Patriots BBC 113-61 JKT ( Tanzania)

● 1/2
• Patriots BBC 81-59 City Oilers ( Uganda )

● Umukino wa nyuma

• Patriots BBC 94-63 GNBC( Madagascar

Imikino ya nyuma y’amakipe 12 yatangiye 16 Kugera 30 Gicurasi 2021 Kigali-Rwanda

Itsinda rya mbere

• Patriots BBC 83-60 Rivers Hoopers ( Nigeriya)
• Patriots BBC 78-72 GNBC ( Madagascar)
. Patriots BBC 75-91 US Monastir ( Tunisia)

Amafoto: Muzogeye Plaisir

Kureba andi mafoto menshi, kanda HANO

Feroviario de Maputo yiyongereye ku bigugu birimo Patriots BBC,US Monastir, AS Sale n’andi azakina 1/4

Imikino isoza amatsinda yatangiye kuri uyu wa Gatandatu tariki ya 22 Gicurasi 2021 muri Kigali Arena. Mu itsinda rya gatatu ikipe ya Feroviario de Maputo nyuma yo gutsinda GS Petroliers yahise ishimangira kuzakina imikino ya 1/4 aho yicaye ku mwanya wa mbere w’agateganyo n’amanota atanu.

Ni umukino wakinwe igice kinini cyihariwe na Feroviario de Maputo aho yayoboye uduce dutatu twose, agace ka mbere yagatsinze amanota 22 kuri 17 ya GS Petroliers. Agace ka kabiri kabereye Feroviario umwanya wo gukomeza kuzamura imbaraga mu kibuga aho aka gace karangiye ikipe ya Feroviario de Maputo igatsinze n’amanota 25 kuri 18 ya GS Petroliers.

Ikiruhuko cy’igice cya mbere nta mpinduka nini cyasigiye GS Petroliers kuko Feroviario de Maputo bigaragara ko yayirushije imbaraga nyinshi no kumenyenyerana yayitsinze agace ka gatatu amanota 22 kuri 19. Agace ka kane kwabaye kurangiza umukino. Ikipe ya GS Petroliers yatsinze amanota 19 kuri 17 ya Feroviario de Maputo igiteranyo cy’uduce twose kiba 86 ya Feroviario de Maputo kuri 73 ya GS Petroliers.

Uko umukino wagenze

FT: GS Petroliers 73 -86 Feroviario de Maputo

Agace kambere : 17-22
Agace ka kabiri : 18-25
Agace ka gatatu:19-22
Agace ka kane : 19-17

Uko itsinda rya gatatu rihagaze

1. Feroviario de Maputo : Imikino itatu, amanota 5
2. As Douanes : Imikino ibiri , amanota 3
3. Zamalek : Umukino umwe , amanota 2
4 . GS Petroliers : Imikino ibiri , amanota 2

BAL yakomeje kuri uyu wa Gatandatu hakinwa imikino yo mu itsinda rya mbere

– 05:30: GNBC vs Rivers Hoopers
– 09:00 : US Monastir vs Patriots BBC

Petro de Louanda ibaye ikipe ya kabiri ikatishije itike ya 1/4 nyuma yo gutsinda FAP

Imikino y’Umunsi wa Gatanu wa Basketball Africa League yabaye kuri uyu wa Kane tariki ya 20 Gicurasi 2021 muri Kigali Arena. Petro de Louanda yashimangiye gukina imikino ya 1/4 nyuma yo gutsinda FAP amanota 66 kuri 64.

Ikipe ya FAP yinjiye neza mu mukino aho yatsinze agace ka mbere amanota 21 kuri 20 ya Petro de Louanda. Petro de Louanda yashyize ikinyuranyo cy’amanota 11 hagati yayo na FAP mu gace ka kabiri, dore ko yatsinze amanota 22 kuri 11 ya FAP byatumye amakipe yombi ajya kuruhuka FAP ifite amanota 32 kuri 42 ya Petro de Louanda.

Uduce tubiri twa nyuma kwabaye gucungana ku mpande zombi, Petro de Louanda yirinda ko FAP ivanamo ikinyuranyo Kinini cyane.

Mu gace ka gatatu FAP yatsinze amanota 15 kuri 14 ya Petro de Louanda, mu gihe mu gace ka kane ikipe ya FAP yakomeje kotsa igitutu Petro de Louanda maze itsinda amanota 17 kuri 10.

Ikinyuranyo cy’amanota abiri ni cyo cyatandukanyije impande zombi, dore ko umukino warangiye Petro de Louanda iwutsinze n’amanota 66 kuri 64 ya FAP. Antwan Scott wa Petro de Louanda ni we watsinze amanota menshi mu mukino, 23.

Uko umukino wagenze

– FAP 64-66 Petro de Louanda
Agace ka Mbere: 21-20
Agace ka kabiri: 11-22
Agace ka gatatu: 15-14
Agace ka Kane: 17-10

Indi mikino iteganyijwe kuri uyu wa Kane tariki ya 20 Gicurasi 2021

Itsinda rya Mbere

– US Monastir 90-70 Rivers Hoopers

Agace ka Mbere :24-12
Agace ka kabiri: 25-10
Agace ka gatatu: 21-25
Agace ka Kane: 29-25

US Monastir yabaye ikipe ya Gatatu ibonye itike yo gukina imikino ya kimwe cya kane . Iyo kipe iri mu itsinda rya mbere yiyongereye kuri Patriots BBC na Patro de Luanda zamaze gukatisha itike ya 1/4 cya Basketball Africa League.

Itsinda rya Kabiri

As Sale 88-79 As Police

Agace ka Mbere: 08-19
Agace ka Kabiri: 16-16
Agace ka gatatu: 31-19
Agace ka kane: 33-25

Muri uyu mukino Terrer de Von STOGLIN wa As Sale yo muri Morocco ni we watsinze amanota menshi, 40 agakurikirwa na Jawachi Joseph NZEAKOR wa As Police yo muri Mali watsinze amanota 33. Iyi ntsinzi ya As Sale yayihesheje itike ya 1/4.

Amakipe ane amaze gukatisha itike ya 1/4 cya Basketball Africa League ni : Patriots BBC yo mu Rwanda , Petro de Luanda yo muri Angola ,Us Monastir yo muri Tuniziya na As Sale yo muri Morocco

Patriots yatsinze GNBC ikatisha itike ya 1/4 cya BAL

Umunsi wa Kane w’iryo rushanwa wakomeje kuri uyu wa Gatatu tariki ya 19 Gicurasi 2021 muri Kigali Arena, ikipe ya Patriots BBC ni yo yabimburiye imikino ya kabiri mu matsinda aho yatsinze GNBC yo muri Madagascar amanota 78 kuri 72.

Ni umukino wasabye amayeri ndetse n’imbaraga nyinshi ku mpande zombi. Ikipe ya GNBC ni yo yayoboye agace ka mbere aho yatsinze amanota 25 kuri 18 ya Patriots BBC. Agace ka kabiri Patriots BBC yigaranzuye GNBC iyitsinda 23 kuri 16.

Amakipe yombi yasoje igice cya Mbere cy’umukino GNBC ifite amanota 44 kuri 41 ya Patriots BBC, ikinyuranyo cy’amanota atatu.

Igice cya Gatatu abatoza bombi batangiranye impinduka z’imikinire idasanzwe, GNBC yakomeje kwigaragaza muri ako gace aho yatsinze amanota 16 kuri 14 ya Patriots BBC, ikinyuranyo cy’igiteranyo cyose kiba amanota atandatu.

Brandon Costner yatsindiye Patriots BBC amanota 16 muri 78 batsinze GNBC

Agace ka Kane yari yo mahirwe ya nyuma Patriots BBC yari isigaranye gusa, yayakoresheje neza abasore nka Brandon Costner, Ndizeye Gaston, Sagamba Sedar bakoze ibyari bikenewe n’Abanyarwanda batari bake bafana iyo kipe maze itsinda amanota 22 kuri 12 ya GNBC, ikinyuranyo cy’amanota 12, umukino urangira Patriots BBC yegukanye amanota abiri y’intsinzi asanga andi abiri yavanye kuri Rivers Hoopers, ihita yuzuza ane ibona tike ya 1/4.

Muri uyu mukino Brandon Costner ni we watsinze amanota menshi ku ruhande rwa Patriots BBC watsinze 16, wakurikiwe na Ndizeye Ndayisaba Dieudonné Gaston yatsinze amanota 13. Muri rusange Kiady Razanamahenina wa GNBC ni we watsinze amanota menshi mu mukino, aho yatsinze amanota 21.

GNBC 72-78 Patriots BBC

Agace ka Mbere: 25-18
Agace ka Kabiri: 19-23
Agace ka gatatu: 16-14
Agace ka Kane: 12 -22

Uko itsinda rya Mbere rihagaze

1. Patriots BBC: Imikino 2 amanota 4
2. Us Monastir: Umukino umwe, amanota 2
3. GNBC: Imikino 2 amanota 2
4. Rivers Hoopers: Umukino umwe,inota rimwe.

Imikino ikurikira

Itsinda rya Gatatu

05:30: Feroviario de Maputo vs Douanes

– Feroviario de Maputo 88-74 Douanes

Agace ka Mbere: 21-12
Agace ka Kabiri: 17-25
Agace ka Gatatu: 24-19
Agace ka Kane : 26-18

09:00: Zamalek vs GS Petroliers

Umukino wo mu itsinda rya Gatatu wagombaga guhuza Zamalek vs GS Petroliers wasubitswe kubera ingamba zijyanye n’ubuzima. Ubuyobozi bwa BAL buvuga ko buzamenyesha vuba igihe uzongera gukinirwa

Petro de Louanda yatsinze As Police

Ni imikino y’umunsi wa gatatu ya Basketball Africa League ikomeje kubera mu Rwanda. Itsinda rya kabiri ni ryo ryari ritahiwe. Ikipe ya Petro de Louanda yinjiye neza mu irushanwa nyuma yo kwisarira As Police FC yo muri Mali.

Ni umukino wakinwe mu buryo bubiri aho buri kipe yagiye yiharira uduce tubiri. Ikipe ya Petro de Louanda yatangiye umukino ishyiramo ikinyuranyo cy’amanota 20 hagati yayo na As Police kuko agace ka ka mbere karangiye Petro de Louanda itsinze amanota 29 ku manota 9 ya As Police.

Ikipe ya As Police yigaranzuye Petro de Louanda mu gace ka kabiri iyitsinda amanota 28 kuri 20. Agace ka gatatu ikipe ya Petro de Louanda yongeye kwerekwana ubunararibonye muri Basketball maze itsinda amanota 21 ku 8 ya As Police. Agace ka kane karangiye As Police itsinze amanota 21 kuri 14 ya Petro de Louanda, amakosa yo mu gace ka mbere n’aka gatatu atuma itsindwa amanota 84 ya Petro de Louanda kuri 66 ya As Police.

Uko umukino wagenze

Petro de Louanda 84-66 As Police

Agace ka mbere: 29-9
Agace ka kabiri: 20-28
Agace ka gatatu: 21-8
Agace ka kane: 14-21

21:00: As Sale vs FAP

Imikino iteganyijwe kuri uyu wa Gatatu

Itsinda rya Mbere

02:00: GNBC vs Patriots BBC

Itsinda rya Gatatu

05:30: Feroviario de Maputo vs Douanes
09:00: Zamalek vs GS Petroliers

Idrissa yashimiye umutoza ku cyizere yamugiriye

Onesme Twizerimana yatangaje ko atagishoboye kuyobora bagenzi be ku wa Mbere tariki ya 17 Gicurasi 2021, uyu rutahizamu akaba yarahawe inshingano mbere yo gutangira Shampiyona mu matsinda, Musanze FC ikaba yarasoje ku mwanya wa Gatatu inyuma ya As Kigali na Police FC zakomeje mu makipe umunani. Icyemezo cyo kumusimbuza cyafashwe n’Umutoza Seninga Innocent.

Mu Kiganiro yagiranye na Kigali Today kuri uyu wa Kabiri tariki ya 18 Gicurasi 2021, Niyitegeka avuga ko ashimiye icyizere yagiriwe.

Yagize ati "Ndashimira umutoza icyizere yangiriye cyo kuyobora bagenzi banjye mu kibuga. Navuga ko mfite inshingano zo gufatanya na bagenzi banjye gushaka umusaruro mwiza mu mikino tugiye kwinjiramo".

Niyitegeka Idrissa arimo gukina umwaka we wa mbere muri Musanze FC, aho yageze avuye muri Bugesera FC muri 2020. Mu mikino itandatu ya Shampiyona iyo kipe iheruka gukina, uwo musore ukina hagati yatsinze ibitego bibiri. Ibyo bitego yabitsinze ku mukino wa Police FC wabereye kuri Sitade Amahoro ndetse n’igitego yatsinze As Kigali, cyanatanze amanota atatu kuri Musanze FC cyatumye iza ku mwanya wa gatatu.

Idrissa Niyitegeka yakuriye mu ikipe y’isonga yagezemo muri 2013 kugera 2015, nyuma yerekeje muri Kiyovu Sports kuva muri 2015 kugera 2017, ayivamo mu mwaka wa 2018 aho yakinnye umwaka umwe muri Marines.

Kuva 2018 kugera 2020 yakinnye muri Bugesera FC, ayivamo ajya muri Musanze FC akinira kugeza uyu munsi.

As Douanes ifite abasore bazi gusimbuka cyane

Umunsi wa kabiri wa BAL hakomeje imikino yo mu itsinda rya mbere n’irya Kabiri. Iyo mikino yabaye kuri uyu wa Mbere tariki ya 17 Gicurasi 2021 muri Kigali Arena.

Umukino wa As Douanes na GS Petroliers ni wo wafunguye imikino yo mu itsinda rya Gatatu, watangiye saa munani z’amanywa ku masaha yo mu Rwanda, ni umukino watangiranye imbaraga nyinshi ku mpande dore ko ikinyuranyo cyabaye amanota abiri mu gace ka mbere aho karangiye ikipe ya As Douanes yatsinze amanota 21 kuri 19 ya GS Petroliers.

Agace ka Kabiri ikipe ya As Douanes yashyizemo ikinyuranyo cy’amanota atanu kuko ako gace karangiye ifite amanota 20 kuri 15 ya GS Petroliers.

Ikiruhuko cy’igice cya mbere cyabaye umwanya mwiza wo kongera imbaraga ku ruhande rwa GS Petroliers yari yatsinzwe agace ka Kabiri, yazamuye amanota maze itsinda amanota 29 kuri 26 ya As Douanes.

Mu gace ka Kane kwabaye guhatana ku mpande zombi ariko As Douanes irusha imbaraga GS Petroliers aho ako gace karangiye ifite amanota 27 kuri 13, igiteranyo cy’iminota 40 kirangira As Douanes itsinze GS Petroliers amanota 94 kuri 76 . Muri uwo mukino Lamine Diop wa As Douanes Yahembwe nk’umukinnyi w’umukino kuko yatsinze amanota 18 akora rebound 9, igihembo gitangwa na Visit Rwanda.

– Zamalek 71-55 Feroviario de Maputo

Umukino wa Gatatu w’irushanwa wahuje amakipe yo mu itsinda rya gatatu, Zamalek yo mu Misiri na Feroviario de Maputo yo muri Mozambique. Agace ka mbere Zamalek yatsinze amanota 16 kuri 13 ya Feroviario de Maputo. Agace ka Kabiri Feroviario de Maputo yigaranzuye Zamalek maze iyitsinda amanota 20 kuri 18.

Byasabye Zamalek kwitekerezaho maze igarukana imbaraga mu gace ka gatatu kuko yatsinzemo 15 ku manota 9 ya Feroviario de Maputo. Agace ka Kane ikipe ya Zamalek yakomereje ku mbaraga yavanye mu gace ka Gatatu maze itsinda amanota 22 kuri 13 ya Feroviario de Maputo. Alvaro Masa wa Zamalek ni we watsinze amanota menshi muri uwo mukino kuko yatsinze amanota 24.

– As Douanes 94-76 GS Petroliers

Agace ka Mbere: 21-19
Agace ka Kabiri: 20-15
Agace ka Gatatu: 26-29
Agace ka Kane: 27-13

Zamalek 71-55 Feroviario de Maputo

Agace ka mbere: 16-13
Agace ka Kabiri: 18-20
Agace ka Gatatu: 15-9
Agace ka Kane: 22-13

– 21:00: US Monastir vs GNBC ( Itsinda rya Mbere )

– US Monastir 113-66 GNBC

Agace ka Mbere 23-13
Agace ka Kabiri: 35-19
Agace ka Gatatu: 30-11
Agace ka Kane: 25-23

Imikino iteganyijwe ku wa Kabiri tariki ya 18 Gicurasi 2021

Itsinda rya Kabiri

05:30: Petro de Louanda vs As Police
09:00: As Sale vs FAP

Niyonsaba Bienvenue yasezeye muri APR BBC

Mu butumwa yanyujije ku rubuga rwe rwa WatsApp kuri uyu wa Mbere tariki ya 16 Gicurasi 2021 yagize ati "Ntewe ishema no gushimira ikipe ya APR BBC urukundo ndetse n’imbaraga twakoresheje mu myaka yose twamaze duhatanira hamwe. Ndishimira buri gihe nagiranye n’abakinnyi haba mu buryo bwo gutera imbere mu bwenge bw’umukino n’ubunararibonye ku mukino. Muri ibyo byose navuga ngo mwarakoze Intare, amahirwe masa mu mwaka w’imikino, ntitukiri kumwe”.

Niyonsaba Bienvenue asezeye muri APR BBC nyuma yo kuyandikira ayisaba ko yamuvuza imvune y’umugongo yagize ariko ubuyobozi bw’ikipe bikavugwa ko bwari butaramusubiza, yahisemo gusezera.

Ni umukino wabaye kuri iki Cyumweru tariki ya 16 Gicurasi 2021 muri Kigali Arena, ni umukino wafunguraga irushanwa rikinwa ku nshuro yaryo ya mbere ku mugabane wa Afurika.

Abakinnyi batanu ba Patriots BBC babanje mu Kibuga.

Sagamba Sedar, Gasana Kenneth, Wamukota Bush, Ndizeye Ndayisaba Dieudonné Gaston na Brandon Costner.

Ni umukino ikipe ya Patriots BBC yinjiyemo itinze kuko Rivers Hoopers yatsinze agace ka mbere ku manota 18 kuri 17 ya Patriots BBC. Agace ka kabiri Patriots BBC yagarutse mu mukino byihuse maze abakinnyi nka Steven Hagumintwari, Brandon Costner bakora ikinyuranyo muri ako gace Patriots BBC yatsinzemo amanota 26 kuri 16 ya Rivers Hoopers.

Nyuma yo kuva mu kiruhuko umutoza wa Patriots BBC Alan Major yatangiye gukora impinduka aho icyamamare mu muziki J Cole, yinjiye mu kibuga aka gace karangiye Patriots BBC itsinzemo amanota 22 ku manota 10 ya Rivers Hoopers.

J Cole

Agace ka kane kwabaye kuryoshya umukino kuko karangiye Patriots BBC itsinze amanota 18 kuri 14 ya Rivers Hoopers igiteranyo cyose kiba amanota 83 kuri 60 ya Patriots BBC. Intangiriro nziza ku ikipe iri mu rugo ndetse n’icyizere ku Banyarwanda.

Mu gutsinda amanota menshi umukinnyi wa Patriots BBC, Brandon Costner yatsinze amanota 22 akaba ari na we wayoboye abatsinze menshi mu mukino.

Ikipe ya Patriots BBC iri mu itsinda rya Mbere hamwe na Rivers Hoopers yo muri Nigeriya US Monastir yo muri Tunisie na GNBC y muri Madagascar. Patriots BBC izagaruka mu kibuga kuwa Gatatu tariki ya 19 Gicurasi 2021 ikina na GNBC yo muri Madagascar saa 02:00 zo mu Rwanda.

Gahunda y’imikino ya Patriots BBC muri BAL

Imikino iteganyijwe kuwa Mbere tariki ya 17 Gicurasi 2021

– 02:00: As Douanes vs GS Petrolies (Itsinda rya Gatatu)
– 05:30: Zamalek vs Feroviario de Maputo (Itsinda rya Gatatu)
– 21:00: US Monastir vs GNBC (Itsinda rya Mbere)

Karera Hassan ahanganiye Umupira na Irokan Samson Watsinze Igitego cya mbere cya Musanze FC

Umunsi wa Gatandatu wa Shampiyona y’umupira w’amaguru mu Rwanda yakomeje kuri uyu wa Gatandatu tariki ya 16 Gicurasi 2021. Mu itsinda rya Gatatu ikipe ya As Kigali yakiriye Musanze FC itsindwa ibitego bibiri kuri kimwe, I Rubavu Police FC yazamutse ku mwanya wa Kabiri nyuma yo kunganya na Etincelles FC igitego kimwe ku kindi.

Abakinnyi 11 ba As Kigali babanje mu Kibuga

Rugero Chris (GK) ,Rugirayabo Hassan , Ishimwe Christian , Kwizera Pierrot , Benedata Janvier, Emery Bayisenge , Nkinzingabo Fiston , Karera Hassan , Hakizimana Muhadjiri Aboubakar Lawal ,Shaban Hussein Tshabalala

Abakinnyi 11 ba Musanze babanjel mu Kibuga

Ndoli Jean Claude ( GK) , Ndagijimana Ewing , Nyandwi Sadam , Muhoza Tresor, Mwiseneza Daniel , Niyitegeka Idrissa,Murangwamirwa Serge ,Moussa Ally Sova ,Irokan Samson , Twizerimana Onesme na Mutebi Rashid

Ni Umukino watangiranye imbaraga nyinshi ku mpande zombi, Musanze FC yaje guca mu rihumye ba myugariro ba As Kigali maze Irokan Samson afungura amazamu ku munota wa 23.

As Kigali yakomeje kotsa igitutu Musanze FC maze ibona Penaliti ku munota wa 36. Aboubakar Lawar yayinjije neza cyane igice cya Mbere cyarangiye amakipe yombi anganya igitego kimwe ku kindi.

Igice cya Kabiri habaye impinduka Biramahire Abeddy yasimbuye Nkinzingabo Fiston, izo mpinduka ntacyo zatanze ku ruhande rwa As Kigali . Musanze yaje kubona igitego cya kabiri ku munota wa 70 ku shoti rikomeye Idrissa Niyitegeka yatereye inyuma y’urubuga rw’izamu maze Umupira ukora kuri myugariro wa As Kigali igitego kirinjira. Impinduka zabaye ku makipe yombi ariko ntacyo zigeze zitanga umukino urangira Musanze FC yegukanye amanota atatu.

Uko imikino y’umunsi wa Gatandatu yagenze

Itsinda rya Gatatu

As Kigali 1-2 Musanze FC
Etincelles FC 1-1 Police FC

uko itsinda rihagaze

1. As Kigali: Imikino itandatu, amanota 12
2. Police FC: Imikino itandatu, amanota 10
4. Musanze FC: Imikino itandatu, amanota 9
4. Etincelles FC: Imikino itandatu, amanota 3

Itsinda rya Kane

– Espoir FC 1-1Sunrise FC
– Mukura VS 1-2 Marines

Uko itsinda rihagaze

1. Marines: Imikino itandatu, amanota 15
2. Espoir FC: Imikino itandatu, amanota 10
3. Sunrise: Imikino itandatu, amanota 8
4. Mukura VS: Imikino itandatu , amanota 2

Gahunda y’imikino izaba kuri uyu wa Mbere tariki ya 17 Gicurasi 2021

Itsinda rya Mbere

– 12:30: Gorilla FC vs APR FC (Sitade Bugesera
03:00: As Muhanga vs Bugesera (Sitade Muhanga )

Itsinda rya Kabiri

03:30: Gasogi United vs Rayon Sports (Sitade Bugesera)
03:00: Kiyovu Sports vs Rutsiro FC (Sitade Mumena )

Guterura igikombe biraryoha

Ni umukino wabaye ku wa Gatandatu tariki ya 15 Gicurasi 2021 kuri Sitade nkuru y’u Bwongereza, Wembley, unyura kuri shene za Star times. Ikipe ya Leicester City yari imaze kugera ku mikino ya nyuma inshuro enye muri iyo myaka 137 imaze ishinzwe.

Umukino wo ku wa Gatandatu Chelsea yahabwaga amahirwe menshi mu mateka ndetse no mu magambo ariko, ikibuga kigira ukuri kwacyo. Ni umukino amakipe yakinnye asatirana mu gice cya mbere ariko ubwugarizi bw’amakipe yombi bwihagararaho, abanyezamu ku mpande zombi bakoze akazi bahemberwa.

Igice cya kabiri Leicester City yabonyemo uburyo bwiza bwa Youri Tielmas ku munota bwa 63, wateye ishoti riremereye nyuma yo kureba neza uko umunyezamu wa Chelsea, Kepa Alizabaraga, yari ahagaze igitego gihita cyinjira ari na cyo cyatumye Leicester City ikora andi mateka nyuma y’imyaka hafi itanu yegukanye Shampiyona y’u Bwongereza.

Igitego cya Youri Tielmans niyo cyabaye ikinyuranyo ku gikombe

Nyuma y’umukino umutoza wa Leicester City, Brendan Rogers, yavuze ko icyo gikombe ari icya buri umwe wese ukunda ikipe.

Yagize ati "Iki gikombe ni icy’abakinnyi, abafana ndetse n’abaherwe b’ikipe. Turishimye cyane kandi tirabashimiye".

Umutoza wa Chelsea, Thomas Tuchel, yavuze ko babuze imbaraga zari kubasunika neza ku mukino wa UEFA Champions League.

Yagize ati "Dutakaje umukino wari kudufasha kwitegura neza gukina UEFA Champions League twemye ariko mu mupira bibaho. Turacyafite urugamba rwo gushimangira kuguma mu makipe ane ya Mbere ndetse no gutwara UEFA Champions League".

Leicester City iri ku mwanya wa Gatatu ku rutonde rwa Shampiyona n’amanota 66, mu gihe Chelsea ifite amanota 64 kandi harabura imikino ibiri kugira ngo Shampiyona isozwe.

Umusaruro wa Mukura VS ukomeje gutera impungenge abakunzi bayo ku buryo bamwe batekereza ko ishobora kumanuka mu cyiciro cya kabiri

Nk’uko urubuga rwa Twitter rw’iyo kipe rwabyanditse kuri uyu wa Gatandatu tariki ya 15 Gicurasi 2021, ngo bitewe n’imyitwarire ikemangwa mu bihe bibi ikipe irimo, Ubuyobozi bwahisemo guhagarika abakinnyi bakurikira: Gaël Duhayindavyi, Iragire Said, Mutijima Janvier, Olih Jacques na Lucky Emmanuel.

Ubuyobozi bwa Mukura VS bwanditse ko abo bakinnyi bagomba guhita bava mu mwiherero w’ikipe.

Ikipe ya Mukura iri mu itsinda rya kane hamwe na Espoir FC, Sunrise FC na Marines. Muri iryo tsinda Mukura VS imaze gukina imikino itanu, yanganyijemo ibiri itsindwa itatu.

Iyo kipe ibarizwa mu Karere ka Huye ifite amanota abiri kuri 15, aho abakunzi bayo bafite impungenge ko ishobora kumanuka mu cyiciro cya kabiri.

Itagire Said urigutera umuserebeko mu bakinnyi ba Mukura VS bavanwe mu mwiherero

Umuraperi J. Cole ari mu bakinnyi 12 ikipe izakoresha

Kuri uyu wa Gatanu tariki ya 14 Gicurasi 2021 habura iminsi ibiri gusa ngo irushanwa ritangire, nibwo Patriots BBC yatangaje urutonde rw’abakinnyi 13 izakoresha mu mikino ya Basketball Africa League.

Urutonde rw’abakinnyi Patriots BBC izakoresha muri BAL

Nimero Umukinnyi azambara

2. Mugabe Arstide
5. Sagamba Sedar
10. Gasana Sano
11. Wilson Nshobozwabyosenumukiza
12. Kenneth Gasana
14. Bush Wamutoka
15. Jermaine Cole
22. Dieudonne Ndizeye
23. Steve Hagumintwari
24. Jean Paul Ndoli
32. Prince Ibeh
33. Brandon Costner
34. Elie Kaje

Umutoza: Alan Major wungirijwe na Emmanuel Mavomo na Benson Oluoch Ogolla, umutoza w’ingufu Omar Khanani, Ushinzwe ubuzima bwa buri munsi bw’ikipe Claude Mukurarinda n’umuganga Dr. Jean-Claude Tuyishime.

Patriots BBC iri mu itsinda rya mbere aho iri kumwe na Rivers Hoopers yo muri Nigeria , US Monastir yo muri Tunizia na GNBC yo muri Madagascar.

J. Cole

Gahunda y’imikino ya Patriots BBC mu itsinda rya mbere:

Ku Cyumweru tariki ya 16 Gicurasi 2021
04:00: Patriots BBC vs Rivers Hoopers

Kuwa Gatatu tariki 19 Gicurasi 2021
02:00: GNBC vs Patriots BBC

Ku Cyumweru tariki ya 23 Gicurasi 2021
21:00: US Monastir vs Patriots BBC

Arsène Wenger yamamaye cyane mu ikipe ya Arsenal yatozaga

Arsene Wenger ari kumwe na Perezida wa FIFA Gianni Infantino, aba bombi bakazitabira Inama y’Inteko rusange ya CAF izayoborwa na Perezida wa CAF Dr Patrice Motseppe.

Imwe mu ngingo zizagarukwaho ni umushinga wa Miliyari y’Amadolari yo kubaka Sitade mu bihugu binyamuryango bya CAF aho mu rutonde rw’ibihugu 56, ibihugu 22 muri byo nta Sitade mpuzamahanga bifite bizemerera kwakira amarushanwa nyafurika cyangwa indi mikino mpuzamahanga.

Icyumba cya Serena Hotel kizaberamo inama kirateguye

Arsene Wenger Ushinzwe iterambere ry’umupira w’amaguru muri FIFA ari mu Rwanda nk’uzatanga inama ku cyakorwa muri Afurika kugira ngo ruhago yaho itere imbere mu buryo bwose.

Arsene Charles Ernest Wenger OBE yamamaye muri Arsenal aho yatangiye kuyitoza mu mwaka wa 1996 kugera mu mwaka wa 2018. Bimwe mu bihe abakunzi ba Arsenal bamwibukiraho ni ukubaka Sitade Emirates ndetse no gutwara igikombe cya Shampiyona muri 2002 adatsinzwe.

Arsène Wenger ubu arabarizwa mu Rwanda

Aya masezerano yashyizweho umukono tariki ya 13 Gicurasi 2021 aho Urwego rw’Igihugu rw’Iterambere (RDB) na BAL basinye amasezerano ngarukamwaka yo kwamamaza ndetse n’ubukerarugendo bw’imbere mu gihugu. Ibi biratuma RDB na gahunda yayo ya Visit Rwanda baba umufatanyabikorwa mu kwakira imikino ya Basketball Africa League izabera mu Rwanda kuva tariki ya 16 kugera tariki 30 Gicurasi 2021.

Ubu bufatanye buzagaragaza u Rwanda nk’igihugu cyo ku rwego rwo hejuru mu bukerarugendo ndetse n’ahantu heza ku bashaka gushora imari no kugaragaza Afurika nk’umugabane ukomeje guteza imikino imbere.

Imikino ya BAL izajya ibera muri Kigali Arena mu gihe Kigali Convention Centre izakoreshwa mu kwitoza ku makipe 12 azaba ari muri BAL. Visit Rwanda izambarwa ku myenda y’amakipe azaba ari muri BAL mu gihe RDB na BAL bazita ku bikorwa rusange by’urubyiruko mu gihe cy’imikino ya Basketball Africa League.

Aya masezerano kandi yagize RwandAir umufatanyabikorwa mu by’ingendo z’indege, ikazajya ifasha abaza n’abava i Kigali baba amakipe ndetse n’abayaherekeje baje muri Basketball Africa League. Muri uyu mwaka RwandAir yabaye kompanyi ya mbere y’indege muri Afurika yakingije abakozi bayo bose Covid-19.

Umuyobozi wa Basketball Africa League Amadou Gallo Fall yavuze ko aya masezerano yerekanye ko Basketball yaba umukino uzamura ubukungu muri Afurika. Yagize ati "Mu gihe twiteguye gutangira iri rushanwa tunakora amateka muri Basketball ,imikoranire ya RDB ndetse na RwandAir iratwereka ko imikino by’umwihariko Basketball yazamura ubukungu bwa Afurika.

U Rwanda ni igihugu kiyoboye Afurika mu bukerarugendo. Aya masezerano azagaragaza Afurika nk’umugabe uhanga udushya, uryoshye gukoreramo kandi witeguye kwandika amateka."

Umuyobozi wa RDB Clare Akamanzi yavuze ko BAL ari uburyo bwiza bwo kugaragaza u Rwanda . Yagize ati "Dutewe ishema no gukorana na BAL kuko tuzi neza ko izaduha amahirwe atabarika yo kugaragaza isura y’u Rwanda."

Ati "Nk’abatangije bakanakira BAL tuzagera ku mamiliyoni y’abafana ba Basketball ku isi hose. Tubonye umwanya mwiza wo kugaragaza ubwiza bw’u Rwanda, kuzamura ubukerarugendo bushingiye ku mikino, kwerekana aho gushora imari ndetse n’aho gukorera ubucuruzi. Kwakira BAL ni ubuhamya bwiza ku Rwanda kuko bigaragaza ko rurimo gutsinda icyorezo cya Covid-19. Duhaye ikaze abakinnyi bose ndetse n’abazasura u Rwanda tubabwira gutuza ndetse no kubona ubunararibonye bwacu."

Umuyobozi Mukuru wa RwandAir, Yvonne Manzi Makolo, yishimiye ko bagiye gukorana na BAL.

Yagize ati "Twishimiye gukorana na BAL mu bijyane n’ingendo z’indege. Twishimiye uruhare rukomeye mu guhuza amakipe yo ku mugabane wa Afurika muri buri mwaka wa BAL."

Ati "Twakingiye abakozi kugira ngo turinde ubuzima bwabo haba mu kazi ndetse no mu ndege. Izi ngamba twafashe zizatanga icyizere ku bakinnyi ndetse n’abandi bose ko ubwirinzi bwabo buri hejuru baba abaza n’abava i Kigali."

Amakipe 12 avuye ku mugabane wa Afurika arahurira mu Rwanda mu irushanwa ngarukamwaka rya Basketball Africa League. Inyubako ya Kigali Arena izakira imikino 26 y’irushanwa ndetse n’umukino wa nyuma uzaba ku Cyumweru tariki ya 30 Gicurasi 2021.

The land of a thousand hills welcomes the first ever Basketball Africa League! Proud to partner with @visitrwanda_now . GAME ON!🏀 #Rwanda #theBAL pic.twitter.com/bpQzO9w3lC

— Basketball Africa League (@theBAL) May 13, 2021

Nk’uko tubikesha urubuga rwa Internet rwa CAF, banditse ko iyo nama izayoborwa na Perezida wa CAF Dr Patrice Motseppe. Ibizigirwa muri iyo nama ndetse na gahunda y’Inama bizamenyekana mbere y’Inteko rusange

Inama y’Inteko rusange ya CAF iheruka yabaye ku itariki 30 Werurwe 2021 hifashishijwe ikoranabuhanga.

Iyo nama izabera mu Mujyi wa Kigali

RRG BBC niyo iheruka kwegukana igikombe cy’irushanwa ribanziriza Shampiyona itsinze RP-IPRC Kigali ku mukino wa nyuma

Shampiyona y’abagore iratangirana n’uku kwezi kwa Gicurasi, izitabirwa n’amakipe atandatu ari yo : APR BBC , The Hoops Rwanda , RP-IPRC Huye , Ubumwe BBC , UR Huye na GS Marie Reine Rwaza .

Uburyo bw’imikinire

Amakipe uko ari atandatu azakina hagati yayo (round robbing) buri kipe izakina n’indi umukino ubanza n’uwo kwishyura. Amakipe ane ya mbere azakina imikino ya kimwe cya kabiri. Ayasezerewe muri 1/2 azahatanira umwanya wa Gatatu aho azakina umukino umwe gusa, mu gihe amakipe azakina umukino wa nyuma azakina imikino ibiri.

RP-IPRC Huye yatsinze The Hoops Rwanda ku mukino wa nyuma mu bagore

Mu bagabo Shampiyona izatangira tariki ya 04 Kamena 2021 yitabirwe n’amakipe 14 yagabanyijwe mu matsinda abiri.

Itsinda rya mbere: Patriots BBC, RP- IPRC Kigali BBC, UGB, RP-IPRC Musanze BBC,Tigers BBC, Shoot 4 The Stars, UR Huye.

Itsinda rya kabiri: REG BBC, APR BBC, RP- IPRC Huye BBC, Espoir BBC, 30 Plus, Rusizi BBC na UR CMHS BBC.

Uburyo bw’imikinire

Amakipe azahura imikino ibanza n’iyo kwishyura mu matsinda maze hazarebwe amakipe ane ya mbere muri buri tsinda. Mu mikino ya kimwe cya kane, ikipe ya mbere mu itsinda rya Mbere izahura n’iya kane mu itsinda rya kabiri, ari na ko bizagenda ku ikipe yabaye iya mbere mu itsinda rya Kabiri izahura n’iya kane mu itsinda rya mbere. Ikipe yabaye iya kabiri mu itsinda rya Mbere izahura n’iya gatatu mu itsinda rya kabiri mu gihe iyabaye iya kabiri mu itsinda rya mbere izahura n’iyabaye iya gatatu mu itsinda rya mbere.

Amakipe azaba yabaye ane ya mbere azahura mu gushaka tike yo gukina umukino wa nyuma maze izasezerewe zikine umukino umwe mu guhatanira umwanya wa Gatatu. Amakipe azaba yageze ku mukino wa nyuma azakina imikino ibiri maze haboneke ikipe yegukana igikombe cya 2020/2021.

Amakipe ane ya nyuma muri buri tsinda azakina imikino yo gushaka imyanya kugera ku mwanya wa 10, mu gihe amakipe ane ya nyuma azamanuka mu cyiciro cya kabiri.

Ikipe ya REG BBC na RP-IPRC Huye BBC nizo ziheruka kwegukana ibikombe bibanziriza Shampiyona, irushanwa ryasojwe muri Mata 2021.

anki ya Kigali ni umuterankunga wa Shampiyona ya Basketball mu Rwanda

Banki ya Kigali ni umuterankunga wa Shampiyona ya Basketball mu Rwanda mu mwaka wayo wa gatatu, ari na yo mpamvu muri uyu mwaka Shampiyona izakomeza kwitwa BK Basketball National League.

Ruhamiriza Jean Sauveur (Ibumoso) na Gaga Didier (iburyo) ni bo basifuzi b’Abanyarwanda bazasifura BAL

Kuva ku Cyumweru tariki 16 kugeza 30 Gicurasi 2021, mu Rwanda by’umwihariko muri Kigali Arena hazabera irushanwa rigiye gutangira ku nshuro yaryo ya mbere rya Basketball Africa League.

Mu Kiganiro yagiranye na Kigali Today, umwe mu basifuzi bazasifura iryo rushanwa, Ruhamiriza Jean Sauveur, yavuze ko atewe ishema no kuba mu ikipe nziza izayobora imikino.

Yagize ati "Ibyishimo ni byose gutoranywa mu basifuzi bacye beza muri Afurika bazakora muri edition ya mbere ya BAL. Twakoze ‘virtual/online trainings’ nyinshi kuva muri Nzeri 2020, ubu icyumweru tumaze muri Bubble twarazikomeje, ubumenyi turimo kunguka ni bwinshi cyane kuko aba ‘instructors’ baduhugura ni abasanzwe bahugura abasifuzi ba NBA”.

Uwo musifuzi mpuzamahanga yakomeje avuga ku buryo bw’imisifurire muri BAL, ko bazagendera ku mabwiriza ya FIBA.

Yagize ati “Iyi BAL tuzakora NBA mecanics hamwe n’amabwiriza ya FIBA, amategeko ni aya FIBA ariko uburyo bwo gusifura n’ibindi biri bikorwa ni ibya NBA. Ni amahirwe rero menshi kuri njyewe na bagenzi banjye bacye turi kumwe kuva twaratoranyijwe mbere y’abandi ngo duhabwe ubwo bumenyi, tubashe no gusifura muri iyi mikino yo ku rwego rwo hejuru igiye kuba bwa mbere mu mateka ya Afurika”.

Gaga Didier ni umusifuzi mpuzamahanga kuva mu mwaka wa 2014 mu gihe Ruhamiriza Jean Sauveur yabonye License FIBA mu mwaka wa 2014.
Amakipe 12 avuye mu bihugu bitandukanye azatangira gukina kuva ku Cyumeru tariki ya 16 kugera tariki 30 Gicurasi 2021, aho agomba guhatanira kwegukana Basketball Africa League ku nshuro yayo ya mbere.

Ayo makipe ni:

GSP (Groupement Sportif des Pétroliers yo muri Algeria)
Petro de Luanda (Clube Atlético Petroleos de Luanda yo muri Angola )/
FAP (Forces Armées et Police Basketball yo muri Cameroon )
Zamalek yo mu Misiri.

Hari kandi GNBC (Gendarmerie Nationale Basketball Club yo muri Madagascar)
AS Police (Association Sportive de la Police Nationale yo muri Mali )
AS Salé (Association Sportive de Salé yo muri Morocco)
Ferroviàrio de Maputo ( Mozambique)
Rivers Hoopers BC (Rivers Hoopers Basketball Club yo muri Nigeria )
Patriots BC (Patriots Basketball Club yo mu Rwanda )
AS Douanes (Association Sportive des Douanes yo muri Senegal)
US Monastir (Union Sportive Monastirienne yo muri Tunisia)
Uburyo irushanwa rizakinwa

Amakipe 12 azagabanywa mu matsinda atatu buri tsinda rigizwe n’amakipe ane.
Irushanwa ryose rizakinwamo imikino 26 harimo 18 yo mu matsinda, aho buri kipe izahura n’andi atatu. Amakipe umunani yavuye mu matsinda azakina imikino azabona tike ya kamarampaka. Muri 1/4 hazakinwa umukino umwe ari na ko bizagenda muri 1/2 no ku mukino wa nyuma.

U Rwanda ruzahagararirwa na Patriots BBC yatwaye igikombe cya Shampiyona mu mwaka wa 2019.

Ni umukino ikipe ya Chelsea FC ihabwaho amahirwe menshi ukurikije uburyo irimo kwitwara muri ino minsi, by’umwihariko umutoza wayo Thomas Tuchel nyuma yo gusezerera Real Madrid muri UEFA Champions League muri ½.

Thomas Tuchel amaze amezi ane atoza ikipe ya Chelsea aho uyu mugabo muri ayo mezi amaze gutsinda no gusezerera abatoza bakomeye ku mugabane w’u Burayi.

Ikipe ya Chelsea FC yageze kuri Final ya FA Cup nyuma yo gusezerera Manchester City mu mukino wa ½ aho yayitsinze ibitego bibiri kuri kimwe. Ikipe ya Leicester City yageze ku mukino wa nyuma imaze gusezerera Southampton iyitsinze igitego kimwe ku busa cyatsinzwe n’umusore ukomeje kwigaragaza mu Bwongereza, umunya Nigeria Kelechi Ihenacho.

Ikipe ya Chelsea FC iri ku mwanya wa Gatatu muri shampiyona aho ifite amanota 64 mu gihe Leicester City iri ku mwanya wa kane ikagira amanota 63. Amakipe yombi ntabwo arizera umwanya wo kuzakina imikino ya UEFA Champions League umwaka utaha w’imikino 2021/2022, mu gihe habura imikino itatu ngo shampiyona mu Bwongereza isozwe.

Ikipe ya Leicester City yaherukaga kugera ku mukino wa nyuma wa FA Cup mu mwaka wa 1968, Chelsea FC iheruka gutwara igikombe cya FA Cup mu mwaka wa 2018 ikaba ari n’imwe mu makipe afite ibikombe bya FA CUP byinshi aho imaze gutwara ibikombe umunani ikaba ishaka kwegukana igikombe cya cyenda.

Leicester City yaherukaga gutwara igikombe icyo ari cyo cyose mu gihugu cy’u Bwongereza mu mwaka wa 2016 ubwo yegukanaga igikombe cya shampiyona, mu gihe Chelsea iheruka gutwara shampiyona mu mwaka wa 2017.

Umutoza Thomas Tuchel utoza Chelsea FC ni umwe mu bari kugarukwaho mu itangazamakuru ku isi hose nyuma y’amateka yanditse mu minsi yashize. Yasezereye Real Madrid muri UEFA Champions League ayitsinze ibitego 3-1 mu mikino ibiri akaba azahura na Pep Guardiola utoza Manchester City tariki ya 29 Gicurasi 2021.

Thomas Tuchel yanditse amateka yo kuba umutoza ugejeje amakipe abiri atandukanye ku mukino wa nyuma wa UEFA Champions League mu myaka ibiri yikurikiranya aho yagejeje PSG ku mukino wa nyuma muri 2020 agatsindwa na Bayern Munich ndetse na Chelsea FC itegereje guhatanira kwegukana igikombe cy’amatwi manini ku nshuro ya Kabiri.

Umutoza wa Chelsea Thomas Tuchel afite akazi ko gakomeye ko gutoranya umunyezamu hagati ya Kepa Arizabalaga usanzwe ukina imikino ya FA CUP na Eduard Mendy usanzwe ari we munyezamu wa mbere wa Chelsea FC.

Cheslea FC ifite akazi gakomeye ko guhagarika ubusatirizi bwa Kelechie Ihenacho na Jamie Vardy, gusa Iheanacho ni uwo kwitega kuri uyu mukino kuko amaze gutsinda ibitego 11 muri Leicester city.

Abakinnyi ba Chelsea nka Kai Havertz, Hakim Ziyech bari mu bategerejweho gutanga akazi kuri ba myugariro ba Leicester City ku munsi wo ku wa Gatandatu.

Robert Saba yatsinze ibitego bibiri mu mukino wa Kiyovu Sports na Gasogi United ahita yuzuza ibitego bitanu mu mikino ine

Umunsi wa Kane wa Shampiyona y’umupira w’amaguru mu Rwanda wakomeje kuri uyu wa Kabiri tariki ya 11 Gicurasi 2021. Kiyovu Sports yakiriye Gasogi United kuri Sitade Mumena iyitsinda ibitego bine kuri kimwe.

Abakinnyi 11 ba Kiyovu Sports babanje mu kibuga

Kimenyi Yves ( Umunyezamu)’ Serumogo Ally , Mutangana Derrick, Ngandu Omar , Habamahoro Vincent, Nsengiyumva Moustapha , Dusingizimana Gilbert , Bigirimana Abeddy , Nyirinkindi Saleh , Saba Robert , Babua Samson .

Abakinnyi 11 ba Kiyovu Sports babanje mu kibuga

Abakinnyi 11 ba Gasogi United babanje mu kibuga

Cyuzuzo Gael (Umunyezamu), Iradukunda Jean Bertrand, Bugingo Hakim , Kaneza Augustin , Yamini Salum, Tuyisenge Hakim Rugangazi Prosper ,Ndikumana Tresor ,Byumvuhore Tresor ,Herring Berrain Scarla na Kikoyo Hassan.

Ikipe ya Kiyovu Sports yagiye gukina uyu mukino yizihiza Isabukuru y’imyaka 57 ishinzwe. Nyuma yo gutsindwa na Gasogi United ku munsi wa Gatatu, yagombaga gufasha abakunzi bayo kwizihiza umunsi iyo kipe yashinzwe.

Ni umukino watangiranye imbaraga ku ruhande rwa Gasogi United kuko yafunguye amazamu kuri Penaliti yatsinzwe na Hassan Kikoyo ku munota wa 19. Kiyovu Sports ntabwo yatinze kugaruka mu mukino kuko ku munota wa 26, Robert Saba yatsinze igitego cyo kwishyura.

Kiyovu Sports yakomeje kotsa igitutu Gasogi United. Icyo gitutu cyatumye umunyezamu wa Gasogi United, Cyuzuzo Aime Gael, afata umupira n’amaboko inyuma y’urubuga rw’izamu maze umusifuzi amuha ikarita itukura. Nyuma y’iyo karita Kiyovu Sports yakoze ibyifuzwa n’abakunzi bayo kuko ku munota wa 45 Saleh Nyirinkindi yatsinze igitego cya kabiri maze igice cya mbere kirangira Kiyovu Sports iyoboye.

Igice cya kabiri cyatangiranye ibyishimo ku mutoza Etienne Ndayiragije watozaga umukino we wa kabiri, aho Babua Samson wakinaga umukino we wa mbere muri iyi Shampiyona yafunguye amazamu. Kiyovu Sports yakomeje gushaka igitego maze umunya Gana, Robert Saba, atsinda igitego cya kane ku munota wa 89 maze Kiyovu Sports ishimangira amanota atatu y’umunsi wa kane.

Abakinnyi 11 ba Gasogi United babanje mu kibuga bifotoje muri ubu buryo

Undi mukino wo mu itsinda rya kabiri wahuje Rayon Sports yakiriye Rutsiro FC kuri Sitade Amahoro, maze amakipe yombi agabana amanota atatu ku gitego kimwe kuri buri ruhande. Rayon Sports ni yo yafunguye amazamu ku gitego cyatsinzwe na Heritier Luvumbu ku munota wa 22 cyaje kwishyurwa na Ndarusanze Jean Claude kuri Penaliti ku munota 82.

Mu itsinda rya Mbere ikipe ya APR FC yakiriye Bugesera FC kuri Sitade Huye maze iyitsinda ibitego bibiri kuri kimwe, APR FC ni yo yafunguye amazamu ku munota wa 17, igitego cyatsinzwe na Bizimana Yannick.

Bugesera FC yishyuye icyo gitego ku munota wa 55 gitsinzwe na Ntwari Jacques, Kapiteni wa APR FC, Manzi Thierry yatsinze igitego cyabyaye amanota atatu ku munota wa 83 maze iyo ikipe y’Ingabo z’igihugu ishimangira kuyobora itsinda rya mbere n’amanota 12 mu mikino ine.

Kuri Sitade ya Muhanga, ikipe ya Gorilla FC yahatambukanye ishema nyuma yo gutsinda As Muhanga ibitego bibiri kuri kimwe.

Uko imikino yagenze

Itsinda rya Mbere

– As Muhanga 1-2 Gorilla FC
– APR FC 2-1 Bugesera FC

Uko itsinda rihagaze

1. APR FC: Imikino ine, amanota 12
2. Gorilla FC : Imikino ine, amanota 9
3. As Muhanga: Imikino itatu, amanota 0
4. Bugesera FC: Imikino itatu, amanota 0

Itsinda rya Kabiri

– Kiyovu Sports 4-1 Gasogi United
– Rayon Sports 1-1 Rutsiro FC

Uko itsinda rihagaze

1. Rayon Sports: Imikino ine, amanota 7
2. Kiyovu Sports: Imikino ine, amanota 6
3. Rutsiro FC: Imikino ine, amanota 5
4. Gasogi United: Imikino ine, amanota 4

Mu nama y’inteko rusange idasanzwe yabaye ku Cyumweru tariki ya 09 Gicurasi 2021, Abanyamuryango ba FRVB bashyizeho Komisiyo y’amatora banemeza ingengabihe y’amatora.

Ingengabihe y’amatora ya Komite Nyobozi ya FRVB

– Gutanga Kandidatire: Tariki ya 09 kugera 20 Gicurasi 2021
– Gutangaza Kandidatire zemewe: Tariki ya 20 Gicurasi 2021
– Kwiyamamaza kw’abakandida bemewe: Tariki ya 27 kugera 29 Gicurasi 2029
– Umunsi w: amatora: Tariki 29 Gicurasi 2021
– Kurahira kwa Komite yatowe: Tariki 29 Gicurasi 2021

Abagize Komisiyo y’amatora

– Perezida: Senateri Uyisenga Maurice
Abakomiseri
– Me Ngarambe Raphael
– Kabiligi Viateur
– Ingabire Claire
– Mukase Josiane

Komite Nyobozi izatorwa izayobora ishyirahamwe ry’umukino wa Volleyball mu Rwanda mu gihe kingana n’imyaka ine iri imbere.

Umunsi wa kane wa Shampiyona y’umupira w’amaguru mu Rwanda yakomeje kuri uyu wa Mbere tariki 10 Gicurasi 2021.

Ikipe ya Police FC yakiriye Musanze FC kuri Sitade Amahoro i Remera iyitsinda ibitego bibiri kuri kimwe, amakipe yombi ari mu itsinda rya Gatatu

Abakinnyi 11 ba Police FC babanje mu kibuga

Habarurema Gahungu, Derrick, Rutanga Eric, Nsabimana Aimable, Moussa Omar, Ntirushwa Aime, Iyabivuze Osee, Twizeyimana Martin Fabrice, Ndayishimiye Antoine Dominique, Ntwari Evode, Nshuti Savio Dominique

Abakinnyi 11 ba Police FC babanje mu kibuga

Abakinnyi 11 ba Musanze FC babanje mu Kibuga

Ndoli Jean Claude Niyonshuti Gadi , Dushimumugenzi Jean Niyonkuru Vivien Uzayisenga, Niyitegeka Idrissa , Irokan Ikechuku , Moussa Ally Sova Murangamirwa Serge , Twizerimana Onesme, Mutebi Rashid.

Ni umukino watangiranye imbaraga nyinshi ku ruhande rwa Police FC byaje no kuyifasha kubona igitego ku munota wa 26 cyatsinzwe na Ndayishimiye Antoine Dominique. Musanze FC yagaragaje kudahuza neza hagati mu gice cya Mbere cyarangiye itsinzwe igitego kimwe ku busa.

Igice cya kabiri Musanze FC yatangiranye impinduka mu Kibuga aho Umutoza wa Musanze FC Seninga Innocent yavanye mu Kibuga Moussa Ally Sova yinjiza Nyandwi Sadam izi mpinduka zatanze umusaruro kuko ku munota wa 51 cyatsinzwe na Idrissa Niyitegeka.

Police FC yatsinze igitego cya Kabiri ku munota wa 82 ku makosa ya ba myugariro ba Musanze FC ari na ko umukino warangiye. Police FC yahise yuzuza amanota icyenda mu gihe Musanze ifite amanota atatu.

Abakinnyi 11 ba Musanze FC babanje mu Kibuga

Mu itsinda rya Gatatu ikipe ya Marines yasanze Espoir FC i Rusizi iyitsinda igitego kimwe ku busa cyatsinzwe na Mugenzi Bienvanue ku munota wa 55 .

Ikipe ya Sunrise yakiriye Mukura VS i Nyagatare iyitsinda ibitego bine kuri bibiri. Ibitego bya Sunrise FC byatsinzwe na Mudeyi Suleiman ku munota wa 10 na 2 ,Yousuf Mubiru kuri Penaliti ku munota wa 23 na Iradukunda Barthelemy ku munota wa 90.Ikipe Mukura VS yatsindiwe na Muniru Abdallah kuri Penaliti ku munota wa 15 na Mwizerwa Eliassa ku munota wa 73.

Uko imikino y’umunsi wa Kane yagenze

Itsinda rya Gatatu

– Police FC 2-1 Musanze FC
– Etincelles FC 2-1 As Kigali

Itsinda rya Kane

– Sunrise FC 4-2 Mukura VS
– Espoir FC 0-1 Marines

Imikino iteganyijwe ku wa Kabiri tariki ya 11 Gicurasi 2021

Itsinda rya Mbere
03:00: APR FC vs Bugesera FC: Stade Huye
03:00: As Muhanga vs Gorilla FC:

Itsinda rya Kabiri

03:00: Rayon Sports vs Rutsiro FC: Sitade Amahoro
03:00: Kiyovu Sports vs Gasogi United : Sitade Mumena

Heritier Luvumbu (w’imisatsi y’umweru) na Mutatu Mbedi Manasseh bishimira igitego cya Rayon Sports

Umunsi wa gatatu wa Shampiyona y’umupira w’amaguru mu Rwanda yakomeje ku wa Gatandatu tariki ya 08 Gicurasi 2021 ku masitade atandukanye.

Ikipe ya Gasogi United yakiriye Kiyovu Sports iyitsinda ibitego bibiri kuri kimwe. Gasogi United yafunguye amazamu ku munota wa 36 ku gitego cyatsinzwe na Hassan Kikoyo cyanatumye igice cya mbere kirangira Gasogi United iyoboye umukino. Igice cya kabiri cyatangiranye igitego cya Gasogi United cyatsinzwe na Iradukunda Bertrand ku munota wa 47. Kiyovu Sports yari ikibyina intsinzi yakuye kuri Rayon Sports yatsindiwe na Robert Saba ku munota wa 88. Gasogi United yari inyotewe gutsinda yahise yuzuza amanota ane.

Mu itsinda rya kabiri ikipe ya Rayon Sports yasuye Rutsiro FC kuri Sitade Umuganda maze iyitsinda ibitego bibiri ku busa. Heritier Luvumbu wari ukumbuwe n’abakunzi ba Rayon Sports yafunguye amazamu ku munota wa 28 ku ishoti rikomeye yatereye inyuma y’izamu ari nako igice cya mbere cyarangiye. Rayon Sports yatsinze igitego cya kabiri ku munota wa 90 cyatsinzwe na Nishimwe Blaise ku mupira yari ahawe na Heritier Luvumbu maze Rayon Sports ishimangira kuyobora itsinda rya kabiri n’amanota atandatu.

Mu itsinda rya mbere Gorilla FC yatsinze AS Muhanga ibitego bibiri kuri kimwe mu gihe APR FC yatsinze Bugesera FC ibitego bitatu ku busa. APR FC yafunguye amazamu hakiri kare ku munota wa 13 igitego cyatsinzwe na Manishimwe Djabel.

Igice cya kabiri APR FC yatsinzemo ibitego bibiri byatsinzwe na Ombolenga Fitina ku munota wa 84 mbere y’uko Mugunga Yves ashimangira intsinzi atsinda igitego cya gatatu ku munota wa 88.

Uko imikino yo ku wa Gatandatu tariki ya 08 Gicurasi 2021 yagenze:

Itsinda rya mbere:

– Bugesera FC 0-3 APR FC
– Gorilla FC 2-1 Bugesera

Uko itsinda rihagaze
1. APR FC : Imikino itatu, amanota 9
2. Gorilla FC : Imikino,itatu ,amanota 6
3. As Muhanga : Imikino ibiri , amakuru 0
4. Bugesera FC: imikino itatu ,amanota 0

APR FC yayoboye itsinda rya gatatu nyuma yo gutsinda Bugesera FC ibitego bitatu ku busa

Itsinda rya kabiri
– Gasogi United 2-1 Kiyovu Sports
– Rutsiro FC 0-2 Rayon Sports

Uko itsinda rihagaze

1. Rayon Sports: Imikino itatu, amanota 6
2. Rutsiro FC: Imikino itatu’ amanota 4
3. Gasogi United: Imikino itatu, amanota 4
4. Kiyovu Sports: Imikino itatu, amanota 3.

Neymar Jr yishimiye kuba muri PSG kugera muri 2025

Mu ijambo rye, Neymar yavuze ko yishimiye gukomezanya na Paris Saint Germain. Yagize ati " Nishimiye gukomeza urugendo rwanjye muri Paris Saint-Germain. Yagize ati "Ndishimye muri Paris kandi nishimiye gukomezanya n’abakinnyi bagenzi banjye, umutoza mwiza nk’uyu, nakuze nk’umukinnyi ndetse nkura nk’umuntu, nNishimiye kongera amasezerano yanjye kandi ndizera gutwara ibikombe byinshi hano."

Umuherwe akaba n’umuyobozi wa Paris Saint-Germain Nasser Al-Khelaïfi yavuze ko umushinga wo kubaka PSG ugikomeje. Yagize ati "Umushinga wo kubaka PSG ni umutima, impano ndetse no kwitura abakinnyi bacu. Nishimiye ko Neymar yashimangiye n’urukundo rwo kuguma hano kugera muri 2025. Twishimiye kubona akomezanya n’umushinga mu myaka iri imbere iza."

Neymar Jr yageze muri PSG mu mwaka wa 2017 avuye muri Barcelona. Mu myaka ahamaze, amaze gukina imikino 112 atsinda ibitego 85 n’imipira yavuyemo ibitego 51 akaba yarinjiye mu bakinnyi 10 bamaze gutsinda ibitego byinshi muri PSG.

Neymar Jr amaze gutwara ibikombe icyenda : Ibikombe bitatu bya Shampiyona Ligue 1 (2018, 2019 na 2020),ibikombe bibiri by’igihugu (2018 na 2020), ndetse n’ibikombe bibiri bya Coupe de la Ligue (2018 na 2020) ndetse n’ibikombe bibiri bya Trophées des Champions (2018 na 2020).

Shaban Hussein Tshabalala yujuje ibitego bitanu nyuma yo gutsinda Etincelles FC ibitego bibiri

Umunsi wa gatatu wa Shampiyona y’umupira w’amaguru mu Rwanda watangiye kuri uyu wa Gatanu tariki ya 07 Gicurasi 2021 ku bibuga bitandukanye.

Kuri Sitade Amahoro i Remera ikipe ya As Kigali yakiriye Etincelles FC maze iyitsinda ibitego bibiri kuri kimwe.

Abakinnyi 11 AS Kigali yabanje mu kibuga

Ndayishimiye Eric (umunyezamu) , Rurangwa Mossi, Hassan Karera, Rugirayabo Hassan, Ishimwe Christian, Benedata Janvier, Kwizera Pierrot, Aboubakar Lawal, Kayitaba Jean Bosco, Nkinzingabo Fiston na Hussein Shaban Tshabalala.

Abakinnyi 11 ba Etincelles FC babanje mu kibuga

Dominique Nsengiyumva (umunyezamu) , Murengezi Rodrigue, Akayezu Jean Bosco, Kanamugire Moses, Hakizimana Abdoulkarim, Manzi Sencere Huberto, Olivier Osomba, Itangishaka Ibrahim, Uwimana Guillain, Brahim Djibrine Hassan, Niyibizi Ramadhan.

Ni umukino AS Kigali yashakaga gutsinda kugira ngo iyobore itsinda rya gatatu ari nako byagenze. AS Kigali yafunguye amazamu ku munota wa 26 igitego cyatsinzwe na Shaban Hussein Tshabalala watsinze n’igitego cya Kabiri nyuma y’iminota ine hari ku munota wa 30. Igice cya mbere cyarangiye AS Kigali ifite ibitego bibiri ku busa bwa Etincelles FC. Igice cya kabiri Etincelles FC yatsinze igitego ku munota wa 64 cyatsinzwe na Hassan Djibrili ukomoka muri Chad wahise wuzuza ibitego bibiri mu mikino itatu. Umukino warangiye abanyamujyi bakomeje kuyobora n’amanota icyenda.

Muri iri tsinda Police FC yasanze Musanze FC kuri Sitade Ubworoherane iyitsinda igitego kimwe ku busa cyatsinzwe na Harerimana Obed ku munota wa 10.

Mu itsinda rya kane ikipe ya Sunrise yakiriye Espoir FC kuri Sitade Nyagatare iyitsinda ibitego bibiri ku busa. Ibitego bya Sunrise FC byatsinzwe na Hood Kawessa ku munota wa 20 na Yafesi Mubiru ku munota wa 90 , Sunrise FC yuzuza amanota arindwi. Kuri Sitade Umuganda Marines yanganyije na Mukura VS ubusa ku busa.

Dore uko imikino yagenze kuri uyu wa Gatanu

Itsinda rya gatatu

Tariki ya 7 Gicurasi 2021

– Musanze FC 0-1 Police FC
– AS Kigali 2-1 Etincelles FC

Uko itsinda rihagaze

1. As Kigali . Imikino itatu ,amanota 9
2. Police FC : Imikino itatu ,amanota 6
3. Musanze FC: Imikino itatu,amanota 3
4. Etincelles FC: Imikino itatu,amanota 0

Itsinda rya kane

Tariki ya 07 Gicurasi 2021

– Marines 0-0 Mukura VS
– Sunrise FC 2-0 Espoir FC

Uko itsinda rihagaze

1. Sunrise FC : Imikino itatu, amanota 7
2. Espoir FC : Imikino itatu, amanota 6
3. Marines FC : Imikino itatu,amanota 4
4. Mukura VS: Imikino itatu, amanota 2

Gahunda yo kuri uyu wa Gatandatu tariki ya
ya 8 Gicurasi 2021

Itsinda rya mbere

Bugesera FC vs APR FC (Bugesera Stadium, 15h30’)
Gorilla FC vs AS Muhanga (Stade Amahoro, 15h00’)

Itsinda rya kabiri

Rutsiro FC vs Rayon Sports (Stade Umuganda, 15h00’)
Gasogi United vs SC Kiyovu (Bugesera Stadium, 12h30’)

UGB yasinyanye amasezerano y’imikoranire na Azam

Ni amasezerano yasinywe kuri uyu wa Gatanu tariki ya 07 Gicurasi 2021 muri Kigali Arena aho impande zombi zemeranyije gukorana mu gihe kingana n’imyaka ibiri.

Ubwo ayo masezerano yasinywaga, UGB yari ihagarariwe na Perezida wayo, Cyusa Jean Luc, mu gihe Azam yari ihagarariwe na Ndagano Faradjallah, ku ruhande rw’ishyirahamwe ry’umukino wa Basketball hari Visi Perezida ushinzwe umutungo n’imari, Madamu Pascale Umugwaneza.

Umuyobozi wa UGB Cyusa Jean Luc yavuze ko amasezerano ya UGB ari intangiriro y’abandi bafatanyanikorwa.

Yagize ati "Turashimira Azam yemeye gukorana natwe nk’umufatanyabikorwa wacu wa mbere mu mateka yacu. Ni igikorwa tutazibagirwa. Ibi birafungura imiryango n’abandi bafatanyanikorwa, turifuza gukora cyane kugira ngo tubone n’abandi dukorana".

Uwo muyobozi yakomeje avuga ko bifuza kujya mu makipe ane ya mbere muri Shampiyona kugira ngo bagaragarize Azam ko bahisemo neza.

Uwari uhagarariye Azam, Ndagano Faradjallah, yavuze ko bahisemo gukorana na UGB kubera umushinga wayo.

Yagize ati "UGB yatweretse umushinga wayo wo kuzamura Basketball mu Rwanda mu rubyiruko ndetse no kuba ari ikipe imaze igihe mu Rwanda kandi yitwara neza muri Shampiyona ya Basketball".

Visi Perezida wa FERWABA ushinzwe imari n’imenyekanishabikorwa, Umugwaneza Pascale, yashimiye Azam yemeye gutera inkunga UGB.

Yagize ati "Nka FERWABA Turashimira Azam yemeye gutera inkunga UGB, mu by’ukuri ni inshingano zacu gufasha amakipe kubona abafatanyabikorwa, ni yo mpamvu tuzakora ibishoboka byose kugira ngo UGB igaragaze ibikorwa bya Azam neza nk’uko tuzabigenza no ku yandi makipe azabona abafatanyabikorwa".

UGB izajya yamamaza ibikorwa bya Azam ku mikino yakiriye harimo kwambara imyenda uriho Azam ndetse no kuyamamaza mu irushanwa ngarukamwaka rya Legacy Tournament.

UGB ibaye ikipe ya Kabiri muri Basketball ikoranye na Azam nyuma ya Patriots BBC.

Tuyizere Jean Baptiste (ibumoso), Iradukunda Pacific (hagati) na Kwizera Eric (iburyo) ni bo bakinnyi bashya ba REG VC

Uwo muhango wabaye kuri uyu wa Gatanu tariki ya 07 Gicurasi 2021, ku cyicyaro cya REG VC kiri mu Mujyi wa Kigali.

Nk’uko tubikesha urubuga rwa Twitter rwa REG VC, iyi kipe ivuga ko yasinyishije Kwizera Eric wakiniraga Kirehe VC amasezerano y’imyaka ibiri.

Mu bandi bakinnyi basinyishijwe barimo Iradukunda Pacific wakiniraga ikipe ya APR VC amasezerano y’umwaka umwe, ushobora kongerwa bitewe n’imyitwarire n’umusaruro w’uwo musore.

Iradukunda Pacific yemeye gukinira REG VC umwaka umwe ushobora kongerwa

Umukinnyi wa Gatatu wasinyishijwe ni Tuyizere Jean Baptiste wakiniraga ikipe ya Kirehe VC, uyu musore yasinye amasezerano y’imyaka itatu ari umukinnyi wa REG VC .

Mu Kiganiro Kigali Today yagiranye na Perezida wa REG VC, Geoffrey Zawadi, yavuze ko basinyishije abo bakinnyi mu rwego rwo gusimbuza abagiye no kubaka ikipe y’ahazaza.

Yagize ati "Twasinyishije aba bakinnyi kugira ngo dusimbuze Mukunzi Christopher na Mutabazi Yves bagiye, ikindi turimo kubaka ikipe y’abana bafite impano y’ejo hazaza". Uyu muyobozi yakomeje avuga ko REG VC ari ikipe igomba guhatanira ibikombe.

REG VC iheruka kwitabira irushanwa ry’amakipe yabaye aya mbere iwayo ku mugabane wa Afurika (CAVB Men’s Club Championship), aho yegukanye umwanya wa cyenda mu makipe 16 yitabiriye irushanwa.

Abayobozi ba REG VC bishimiye kwakira Iradukunda Pacific

Don Van de Beek yakoze cyane

Ni imikino ya 1/2 yo kwishyura yabaye mu ijoro ryo ku wa Kane tariki ya 06 Gicurasi 2021. Ikipe ya As Roma yakiriye Manchester United iyitsinda ibitego bitatu kuri bibiri.

Manchester united yafunguye amazamu hakiri kare ku munota wa 39, igitego cyabonetse ku mupira Edinson Cavani yari ahawe na Fred ari na cyo cyasoje igice cya Mbere. Igice cya Kabiri cyatangiranye imbaraga nyinshi ku ruhande rwa As Roma maze Eden Dzeko ayitsindira igitego cyo kwishyura ku munota wa 57, nyuma y’iminota itatu Bryan Cristante yatsindiye As Roma.

Manchester united yabonye igitego cya kabiri cyatsinzwe na Edinson Cavani ku munota wa 68. As Roma yungukiye mu mpinduka za Manchester United maze ibotsa igitutu bituma Alex Telles yitsinda igitego, As Roma itahana intsinzi itagize icyo iyifasha. Imikino ibiri y’amakipe yombi yabonetsemo ibitego 13.

Eden Dzeko yatsinze igitego cyagaruye As Roma mu mukino

Mu mujyi wa Londre Arsenal yanganyije na Villarreal ubusa ku busa bituma isezererwa na Unai Emery wahoze ayitoza. Ku ruhande rwa Arsenal amahirwe yari ifite yo kuba yakina amarushanwa ategurwa na UEFA mu mwaka w’imikino wa 2021/2021 yarangiriye kuri Villarreal.

Umukino wa nyuma wa Europa League 2020/2021 uzaba tariki ya 26 Gicurasi 2021 kuri Stadion Energa Gdansk muri Polonye hagati ya Manchester United yo mu Bwongereza na Villarreal yo muri Esipanye.

Edinson Cavani wa Manchester United yatsinze ibitego bibiri muri uyu mukino

Bati n’ubwo dusezerewe ariko twabatsinze

Chelsea FC yatsinze Real Madrid iyirusha bigaragara

Ni umukino wabaye mu ijoro ryo ku wa Gatatu tariki ya 05 Gicurasi 2021 kuri Stamford Bridge mu gihugu cy’u Bwongereza. Ikipe ya Chelsea FC yakiriye Real Madrid iyitsinda ibitego bibiri ku busa.

Chelsea FC yatangiye neza umukino aho yagerageje uburyo bubiri bwashobora kuvamo ibitego ariko umunyezamu wa Real Madrid ahagarara neza. Ku munota wa 28 rutahizamu ukomoka mu gihugu cy’u Budage, Timo Werner yafunguye amazamu ku mupira yari ahawe na Kai Havertz.

Real Madrid yashatse uburyo yabona igitego cyo kwishyura ariko ba myugariro ba Chelsea FC barimo Thiago Silva na Antonio Rudiger bahagarara neza, byatumye igice cya mbere gisozwa Chelsea FC iyoboye n’igitego kimwe ku busa bwa Real Madrid.

Kai Havertz wambaye Nimero 10 yatsinze igitego cy’umutekano

Igice cya kabiri Real Madrid yagaragaje imbaraga nke bitandukanye n’umukino isanzwe ikina, bityo Chelsea ikomeza kuyotsa igitutu, maze ku munota wa 85 Mason Mount atsinda igitego cya kabiri cyahaye umutekano ndetse gishimangira intsinzi ku ruhande rwa Chelsea FC ari na ko umukino warangiye.

Chelsea FC yaherukaga ku mukino wa nyuma mu mwaka wa 2012 ubwo yatwaraga igikombe cya mbere itsinze Bayern Munich kuri Penaliti. Umukino wa nyuma wa UEFA Champions League uyu mwaka izabera mu mujyi wa Istanbul muri Turukiya tariki 29 Gicurasi 2021, aho Manchester City izacakirana na Chelsea FC.

Ibyishimo byari byose ku bakinnyi ba Chelsea nyuma yo gusezera Real Madrid

Umukino ntiwari woroshye

Ni imikino y’umunsi wa Kabiri wa Shampiyona y’umupira w’amaguru mu Rwanda yakomeje kuri uyu wa Gatatu tariki 5 Gicurasi 2021, wabereye kuri Sitade Amahoro i Remera aho Kiyovu Sports yakiriye Rayon Sports, ikayitsinda ibitego bitatu kuri bibiri. Mu gihe APR FC yasuye As Muhanga ikayitsinda ibitego bitatu kuri kimwe.

Abakinnyi 11 ba Kiyovu Sports babanje mu Kibuga

Abakinnyi 11 ba Kiyovu babanje mu kibuga

Kimenyi Yves (GK), Serumogo Ally, Dusingizimana Gilbert, Mbogo Ally, Ngando Omar, Habamahoro Vincent, Bigirimana Abed, Mbonyingabo Regis, Nyirinkindi Saleh, Gyslain Armel, Robert Saba.

Abakinnyi 11 ba Rayon Sports babanje mu Kibuga

APR FC yabanje mu kibuga ikina na As Muhanga

Kwizera Olivier (GK), Ndizeye Samuel, Rugwiro Herve, Niyigena Clement, Niyibizi Emmanuel, Nshimiyimana Amran, Nishimwe Blaise, Muhire Kevin, Sekamana Maxime, Sugira Ernest na Manasseh Mutatu.

Ni umukino watangiranye imbaraga nyinshi dore ko ku munota wa kane gusa Manasseh Mutatu yafunguye amazamu ku ruhande rwa Rayon Sports. Ntabwo byatinze ko Kiyovu Sports igaruka mu mukino kuko ku munota wa 10 Robert Saba yatsinze igitego cyo Kwishyura.

Mbere y’uko igice cya mbere kirangira, Muhire Kevin wa Rayon Sports yakandagiwe mu kavuyo kabereye imbere y’izamu rya Rayon Sports maze igice cya mbere kirangira amakipe yombi anganya igitego kimwe ku kindi.

Igice cya Kabiri cyatangiranye impinduka ku ruhande rwa Rayon Sports, Muhire Kevin yasimbuwe na Niyonkuru Sadjati mu gihe Ngendahimana Eric yasimbuye na Robert Saba ku ruhande rwa Kiyovu Sport.

Robert Saba nyuma yo gutsinda igitego cyo kwishyura

Kiyovu Sports yatsinze igitego cya Kabiri ku munota wa 52, kikaba cyatsinzwe na Gislain Armel ku makosa yari akozwe na ba myugariro ba Rayon Sports.

Umutoza wa Rayon Sports, Guy Bukasa, yakoze impinduka maze avana mu kibuga Amran Nshimiyimana yinjiza Drissa Dagnogo mu kibuga akigera mu kibuga yatsinze igitego ku munota wa 72 kuri kufura yari itewe na Mutatu Manasseh.

Kiyovu Sports yakomeje kotsa igitutu Rayon Sports byatumye myugariro wa Rayon Sports Niyibizi Emmanuel ahabwa ikarita itukura ku munota wa 76. Iminota 10 ishize hari Kapiteni wa Rayon Sports Rugwiro Herve yakoreye ikosa mu rubuga rw’amahina aho yateze Umukinnyi wa Kiyovu Sports maze umusifuzi, Hakizimana Louis ahita atanga Penaliti yinjijwe neza na Obed. Bigirimana ayinjiza neza mu izamu umukino urangira utyo Kiyovu Sports yegukana amanota atatu.

APR FC yabanje mu kibuga ikina na As Muhanga

Kuri Sitade ya Muhanga APR FC yatsinze As Muhanga ibitego bitatu kuri kimwe. APR FC yatsindiwe na Danny Usengimana kuri Penaliti ku munota wa 29, Niyonzima Olivier Sefu yinjije igitego cya kabiri ku munota wa 31 mu gihe Bizimana Yannick yatsindiye APR FC igitego cya gatatu ku munota wa 52, igitego kimwe rukumbi cya As Muhanga cyatsinzwe na Mwizero Parfait kuri Penaliti.

Uko imikino yabaye kuri uyu wa Gatatu yagenze

Itsinda rya Mbere

– Gorilla FC 3-2 Bugesera Fc
– As Muhanga 1-3 APR FC

Itsinda rya Kabiri

– Kiyovu Sports 3-2 Rayon Sports
– Gasogi United 0-0 Rutsiro FC

Etienne Ndayiragije afite akazi ko gufasha Kiyovu Sports gutwara igikombe cya Shampiyona

Amakuru y’ibiganiro hagati ya Etienne Ndayiragije na Kiyovu Sports yatangiye gucicikana ku wa Mbere tariki ya 03 Gicurasi 2021 nyuma y’ibiganiro byabaye hagati ya Kiyovu Sports na Mike Mutebi watoje ikipe ya KCCA yo muri Uganda.

Mbere yo gukina na Rayon Sports ku gicamunsi cyo ku wa Gatatu tariki ya 05 Gicurasi 2021 nibwo ubuyobozi bwa Kiyovu Sports bwerekanye umutoza Etienne Ndayiragije bivugwa ko aje gutoza amezi abiri ya Shampiyona.

Etienne Ndayiragije yakiniye ikipe ya Mukura VS akaba afite umubyeyi umwe ukomoka mu Rwanda. Ni umugabo watoje amakipe arimo Vital’o yo mu Burundi mbere yo kwerekeza muri Tanzania muri KMC mu mwaka wa 2015. Nyuma yo kuva muri KMC yatoje ikipe ya Mbao akomereza muri AZAM FC yavuyemo yerekeza mu ikipe y’igihugu ya Tanzania yaherukaga kwirukanwamo.

Kiyovu Sports iri mu itsinda rya Gatatu hamwe na Rayon Sports, Gasogi United na Rutsiro FC.

Imikino ya Kiyovu Sports mu itsinda rya Kane

Imikino Ibanza

Tariki ya 01/5/2021
– Rutsiro FC 2-1 Kiyovu Sports

Tariki ya 05/05/2021
– 03:30: Kiyovu Sports vs Rayon Sports : Sitade Amahoro

– Tariki ya 08/05/2021
– 12:20: Gasogi United vs Rayon Sports : Sitade Amahoro

Imikino yo kwishyura

Tariki ya 11/05/2021
– 03:00: Kiyovu Sports vs Gasogi united : Sitade Amahoro

Tariki ya 14/05/2021
– 03:30: Rayon sports vs Kiyovu Sports : Sitade Amahoro

Tariki 17/052021
– 12:30: Kiyovu sports vs Rutsiro: Sitade Amahoro

Ibyishimo byari byose ku bakinnyi ba Manchester City

Ni umukino wo kwishyura wa 1/2 wabereye mu gihugu cy’u Bwongereza kuri Sitade Etihad mu ijoro ryo ku wa Kabiri tariki ya 04 Gicurasi 2021, ikipe ya Manchester City itsinda PSG ibitego bibiri ku busa iyisezerera ku igiteranyo cy’ibitego 4-1 mu mikino yombi.

Ni umukino Paris Saint Germain yakinnye idafite rutahizamu Killian Mbappe wagize ikibazo cy’imvune.

Manchester City yinjiye mu mukino hakiri kare dore ko ku munota 11 w’umukino yabonye igitego. Icyo gitego gisa n’icyongeye imibare ya PSG kuko yasabwaga gutsinda ibitego bitatu ku busa. Mu rubura rwinshi abakinnyi barimo Neymar bashatse uburyo bushoboka ariko ntibyabakundira. Igice cya mbere kirangira Manchester City iyoboye n’igitego kimwe ku busa.
Igice cya Kabiri Manchester City yakomeje kotsa igitutu PSG maze ku munota wa 63 ku mupira yari ahawe na Phil Phoden, Riyad Mahrez yatsinze igitego cya Kabiri maze icyizere cy’umukino wa Nyuma Manchester City iragishimangira.

Angel Dimaria yahawe ikarita y’umutuku ku munota 69, maze Paris Saint Germain isoza umukino ari abakinnyi 10. Manchester City isezerera PSG ku igiteranyo cy’ibitego bine kuri kimwe mu mukino ibiri.

Umunya-Algeria Riyad Mahrez yatsinze PSG ibitego bitatu mu mikino ibiri

Nyuma y’umukino Pep Guardiola utoza Manchester City yavuze ko bakwiye kugera kuri Finali. Yagize ati "Dukwiye kugera ku mukino wa nyuma kuko mu myaka ine cyangwa itanu twarabyubatse, nishimiye abakinnyi ku kazi bakoze".

Umutoza wa PSG Mauricio Pochettino, yavuze ko batabuze amahirwe yo gutsinda. Yagize ati " Urebye muri iyi mikino ibiri yombi twari hejuru ya Manchester City ahubwo twabuze amahirwe yo gutsinda. Navuga ko twari dukwiye ibyiza birenze ibi twabonye".

Manchester City yaherukaga ku mukino wa nyuma w’irushanwa ryo ku mugabane w’Uburayi tariki 27 Kanama 1970, ubwo yatsindaga Gomik Zabrze yo muri Polonye.

Gahunda yo kuri uyu wa Gatatu tariki ya 05/05/2021

21:00: Chelsea FC vs Real Madrid (igiteranyo cy’igitego 1-1)

Shaban Hussein Tshabalala yagoye Cyane ubwugarizi bwa Police FC

Ni imikino y’umunsi wa Kabiri wa Shampiyona y’umupira w’amaguru mu Rwanda, yabaye kuri uyu wa Kabiri tariki ya 04 Gicurasi 2021.

Umukino wo mu itsinda rya gatatu wahuje As Kigali yakiriye Police FC wabereye kuri Sitade Amahoro i Remera, warangiye AS Kigali ibonye amanota atatu nyuma yo gutsinda Police FC ibitego bibiri ku busa. Ibitego bya AS Kigali byatsinzwe na Shaban Hussein Tshabalala ku munota wa 68 na Biramahire Abeddy ku munota wa 78.

Abakinnyi 11 ba AS Kigali babanje mu kibuga

Ndayishimiye Eric (GK), Bayisenge Emery, Ishimwe Christian, Rurangwa Amos, Karera Hassan, Kwizera Pierrot, Benedata Janvier (C), Aboubakar Lawal, Nkinzingabo Fiston Muhadjiri Hakizimana na Shaban Hussein Tshabalala

Abakinnyi 11 ba Police FC babanje mu Kibuga

Habarurema Gahungu ( GK), Faustin Usengimana, Moussa Omar, Iradukunda Eric, Rutanga Eric, Nduwayo Valeur, Twizerimana Martin Fabrice, Ntwari Evode, Iyabivuze Osee, Nshuti Dominique Xavio na Mico Justin.

Abakinnyi 11 ba As Kigali babanje mu kibuga

Ni umukino watangiranye imbaraga nyinshi ku ruhande rwa Police FC ariko mu buryo nka butatu bwabonetse ntibwagira icyo bubyara igice cya mbere cyarangiye amakipe yombi anganya ubusa ku busa.

Mu gice cya Kabiri habayeho impinduka AS Kigali yinjije mu Kibuga Abeddy Biramahire wasimbuye Nkinzingabo Fiston, nyuma yo kwinjira mu kibuga AS Kigali yatangiye gukina isatira maze Tshabalala atsinda igitego nyuma yo kudahagarara neza kwa ba myugariro ba Police FC.

Abakinnyi 11 ba Police FC babanje mu kibuga

Nyuma y’iki gitego As Kigali yakomeje kotsa igitutu Police FC, iza no kubona igitego cya Kabiri cyatsinzwe na Biramahire Abeddy ku mupira yari ahawe na Tshabalala ku munota wa 78 ari na ko umukino warangiye.

Nyuma yo gutsinda, As Kigali yahise uyobora itsinda rya Gatatu n’amanota atandatu, Police FC yagumye ku mwanya wa Kabiri n’amanota atatu, Musanze FC ku mwanya wa Gatatu n’amanota atatu na Etincelles isoza itsinda n’ubusa .

Uko imikino yo kuri uyu wa Kabiri yagenze

Itsinda rya Gatatu
– As Kigali 2-0 Police FC
– Etincelles FC 1-3 Musanze FC

Itsinda rya Kane
– Espoir FC 3-1 Mukura VS
– Sunrise FC 0-1 Marines

Ku wa Gatatu tariki ya 05/05/2021

Itsinda rya Mbere

– 03:00: As Muhanga vs APR FC: Sitade Muhanga
– 12:30: Gorilla FC vs Bugesera FC: Sitade Amahoro

Itsinda rya Kabiri

– 03:30 Kiyovu SC vs Rayon Sports FC: Amahoro Stadium
03:00: Gasogi United vs Rutsiro FC (Bugesera Stadium)

Umutoza Colum Shaun Selby yatangaje ko yasezeye ku Cyumweru tariki ya 02 Gicurasi 2021 avuga ko Perezida w’ikipe yashakaga kugira uruhare mu gupanga ikipe. Yagize ati "Ni byo koko namaze gusezera ku kazi ko gutoza ikipe ya Etincelles FC. Impamvu nyamukuru ni uko Perezida wa Etincelles FC yashakaga kugira uruhare mu gupanga ikipe ndabyanga."

Uyu mutoza yakomeje avuga ko atakwihanganira ko abantu bamuvangira mu kazi ke, akaba ngo yahisemo kubarekera ikipe bakayitoza uko babishaka, anabifuriza amahirwe masa.

Ikipe ya Etincelles FC iri mu itsinda rya Gatatu hamwe na Police FC, AS Kigali na Musanze FC. Kuri uyu wa Kabiri tariki ya 04 Gicurasi 2021 izakira Musanze FC kuri Sitade Umuganda mu Karere ka Rubavu, umukino ukazatozwa n’umutoza wungirije Saidi Abedi Makasi.

Imikino ya Etincelles FC

Imikino ibanza

Tariki ya 01/05/2021
– Police FC 5-1 Etincelles

Tariki ya 04/05/2021
03:00: Etincelles vs Musanze FC : Sitade Umuganda

Tariki ya 07/05/2021
– As Kigali vs Etincelles

Imikino yo kwishyura

Tariki ya 10/05/2021
03:30: Etincelles FC vs As Kigali

Tariki 13/05/2021
03:00: Musanze FC vs Etincelles

Tariki ya 16/06/2021
– 03:00: Etincelles FC vs Police FC

Chairman wa APR FC Maj General Mubarak Muganga yashikirijwe igikombe

Ni igikombe yashyikirijwe kuri iki Cyumweru tariki ya 02 Gicurasi 2021, ubwo yakiraga ikipe ya Gorilla FC mu mukino w’umunsi wa mbere wa Shampiyona 2021/2021.

APR FC yatwaye igikombe cya Shampiyona nyuma y’uko abanyamuryango b’amakipe yo mu cyiciro cya mbere bahisemo kureba APR FC igatwara igikombe mu gihe amakipe ya Heroes na Gucumbi FC zamanutse mu cyiciro cya Kabiri

Kapiteni wa APR FC Manzi Thierry yashimishijwe guterura igikombe

Umukino wa Rutsiro na Kiyovu wari urimo guhangana gukomeye

Umunsi wa mbere wa Shampiyona y’umupira w’amaguru mu Rwanda watangiye kuri uyu wa Gatandatu tariki ya 01 Gicurasi 2021 ku bibuga bitandukanye.

Umukino wabimburiye indi wabereye kuri Sitade Umuganda mu Karere ka Rubavu. Ni umukino wahuje Rutsiro FC yakiriye Kiyovu Sports maze iyitsinda ibitego bibiri kuri kimwe. Kiyovu Sports ni yo yafunguye amazamu mbere ku munota wa Karindwi kuri Penaliti yatsinzwe na Robert Saba. Nyuma y’iminota itanu gusa Rutsiro FC yishyuye kuri Penaliti igitego cyatsinzwe na NDARUSANZE Jean Claude. Igice cya mbere cyarangiye ari igitego kimwe ku kindi. Igice cya kabiri Rutsiro FC yatsinze igitego cya kabiri cyatsinzwe na Hatangimana Eric ku munota wa 79 maze itahana amanota atatu.

Cyagezemo

Abakinnyi ba Kiyovu Sports babanje mu kibuga

Kuri Sitade Amahoro

Police FC yatsinze Etincelles FC ibitego bitanu kuri kimwe.

Abakinnyi 11 ba Police FC babanje mu kibuga

Habarurema Gahungu (GK),Iradukunda Eric Eric Rutanga ,Moussa Omar ,Faustin Usengimana ,Munyakazi Yussuf ,Nshuti Dominique Savio,Twizeyimana Martin Fabrice, Mico Justin ,Sibomana Patrick ,Iyabivuze Osée.

Abakinnyi 11 ba Etincellles FC

Nduwayo Danny Balthez (GK) , Nshimiyimana Abdou ,Manzi Huberto Sincere ,Akayezu Jean Bosco , Niyibizi Pierro ,Murengezi Rodrigue, Uwimana Guillaume, Niyibizi Ramadhan , Itangishaka Ibrahim ,Brahim Djibrine Hassan na Isaac Muganza Isaac.

Ni umukino Etincelles FC yinjiyemo neza aho ku munota wa kane Umunya-Chad Djibril Hassan yafunguye amazamu ku ruhande rwa Etincelles FC. Police FC yagarutse mu mukino ku munota wa 29 ku makosa ya ba myugariro ba Etincelles bagonganye n’umuzamu maze Iyabivuze Osée atsindira Police FC igitego cyo kwishyura ari na ko igice cya mbere cyarangiye.

Igice cya kabiri cyatangiranye impinduka ku ruhande rwa Police FC aho Ntwari Evode yasimbuye Munyakazi Yousuf . Ntwari Evode ageze mu kibuga Police FC yahinduye imikinire yaje gutsinda igitego cyo ku munota wa 67 ,mu minota ine gusa yahise atsinda icya gatatu cya Police FC. Ku munota wa 90 Ntirushwa Aimé wasimbuye Twizerimana Martin Fabrice yatsinze igitego cya kane cyakurikiwe n’icya Harerimana Obed nyuma y’iminota itatu maze umukino urangira yegukanye amanota atatu.

Uko Imikino yose yagenze

Itsinda rya kabiri
– Rutsiro FC 2-1 Kiyovu Sports

Abakinnyi 11 ba Rutsiro FC babanje mu kibuga

Itsinda rya gatatu
– Police FC 5-1 Etincelles FC
– Musanze FC 2-4 As Kigali

Itsinda rya kane
– Marines FC 0-1 Espoir FC
– Mukura VS 1-1 Sunrise FC

Rutahizamu wa Kiyovu Sports Robert Saba atera Penaliti

Imikino yo ku Cyumweru tariki ya 02 Gicurasi 2021

Itsinda rya mbere

– 15:00: APR FC vs Gorilla FC : Sitade Huye

Itsinda rya Kabiri

– 15:00: Rayon Sports vs Gasogi United : Sitade Amahoro

Patriots BBC yisanze mu itsinda rya Mbere abenshi bise iry’urupfu

Iryo rushanwa rizabera muri Kigali Arena kuva ku itariki ya 24 kugeza ku ya 30 Gicurasi 2021, rikazahuza amakipe 12 yo ku mugabane wa Afurika, rikaba rigiye kuba ku nshuro yaryo ya mbere.

Uko amatsinda ahagaze

Itsindarya Mbere: US Monastir (Tunisia), Rivers Hoopers (Nigeria), Patriots BBC (Rwanda) na GNBC (Madagascar)

Itsinda rya Kabiri: Petro de Luanda (Angola), AS Salé (Maroc), AS Police (Mali) na FAP (Cameroun)

Itsinda rya Gatatu: Zamalek (Misiri), AS Douanes (Sénégal), Ferroviário de Maputo (Mozabique) na GS Pétroliers (Algeria)

Bruno Fernandes ibumoso na Paul Pogba bishimira igitego cya Gatanu cya Manchester United

Ni imikino ibanza ya kimwe cya kabiri yabaye mu ijoro ryo ku wa Kane tariki ya 29 Mata 2021. Ikipe ya Manchester United yari yakiriye As Roma yo mu Butaliyani maze iyinyagira ibitego bitandatu kuri bibiri.

Manchester United ni yo yafunguye amazamu ku munota wa cyenda, igitego cyatsinzwe na Bruno Fernandes ku mupira yahawe na Edinson Cavani. Nyuma y’iminota itandatu gusa, As Roma yishyuye kuri Penaliti, ikosa ryakoze na Paul Pogba maze Lorenzo Pellegrini ayinjiza neza. As Roma yabonye igitego cya kabiri ku munota wa 34 gitsinzwe na Eden Dzeko ku mupira yahawe na Lorenzo Pellegrini maze igice cya mbere kirangira As Roma iyoboye n’ibitego bibiri kuri kimwe cya Manchester United.

Igice cya kabiri cyatangiranye imbaraga ku ruhande rwa Manchester United maze Cavani atsinda igitego cyo kunganya ku munota wa 48, ku mupira yahawe na Bruno Fernandes. Manchester united yakomeje kwiharira umukino ibona igitego cya Gatatu ku munota wa 64 cyatsinzwe na Edison Cavani, ku munota wa 71 Bruno Fernandes yatsinze igitego cya kane kuri Penaliti kikaba icya kabiri cye mu mukino.

Edinson Cavani yatsinze ibitego bibiri atanga n’imipira ibiri yavuyemo ibitego

Paul Pogba wakoresheje Penaliti yaje kwihoza amarira atsinda igitego ku munota wa 75 ku mupira yahawe na Bruno Fernandes maze Mason Greenwood asoza ibirori ku munota wa 86 Manchester united itahana impanba y’umukino wa nyuma.

Muri Espagne Villarreal itozwa na Unai Emery wahoze atoza Arsenal, yayeretse ubukuru ayitsinda ibitego bibiri kuri kimwe. Villarreal ni yo yafunguye amazamu ku munota wa Gatanu igitego cyatsinzwe na Maunuel Trigueros, maze Raul Albiol atsinda igitego cya kabiri ku munota wa 29 Arsenal, igice cya mbere kirangira Villarreal iyoboye n’ibitego bibiri ku busa bwa Arsenal.

Villarreal itozwa na Unai Emery wirukanwe muri Arsenal yakosoye Arsenal mu gice cya mbere

Igice cya kabiri Arsenal yabonye ikarita itukura yahawe Daniel Ceballos wari wabonye ikarita ya kabiri y’umuhondo. Nyuma yo kubona iyo karita Nicolas Pepe yatsinze igitego ku munota wa 73 kuri Penaliti. Villarreal yabonye ikarita itukura ku munota wa 80, yahawe Etienne Capoue maze amakipe yombi asoza umukino ari abakinnyi 10, umukino urangira Villarreal itsinze ibitego bibiri kuri kimwe cya Arsenal.

Uko imikino yagenze kuri uyu wa Kane tariki ya 29 Mata 2021

– Manchester United 6-2 AS Roma
– Villarreal 2-1 Arsenal

Gahunda y’imikino ya 1/2 yo kwishyura izaba ku itariki ya 06 Gicurasi 2021

– Arsenal vs Villarreal
– As Roma vs Manchester United

AS Muhanga ifite abakinnyi 10 barwaye Covid-19

Ishyirahamwe ry’umupira w’amaguru mu Rwanda (FERWAFA) ryafashe iki cyemezo nyuma yo gusura iyo kipe igasanga abakinnyi bayo 10 ndetse n’abafasha mu kwita ku bikoresho babiri baranduye Covid-19.

Mu Kiganiro umuvugizi wungirije wa FERWAFA, Jules Karangwa, yagiranye na Kigali Today kuri uyu wa Kane tariki ya 29 Mata 2021 yemeje ayo makuru aho yagize ati "Ni byo koko umukino ntuzaba".

Ku ruhande rwa As Muhanga, umunyamabanga w’ikipe Bisangabagabo Yousuf, yabwiye KT Radio ko bifuzaga gukina Shampiyona kuko amabwiriza bahawe na FERWAFA avuga ko ikipe yemerewe gukina umukino mu gihe ifite abakinnyi 15. Uyu muyobozi akomeza avuga ko ikipe yasigaranye abakinnyi 19 kandi bose ni bazima, akavuga ko nta cyatuma umukino udakinwa.

As Muhanga yagaragayemo abanduye Covid-19 ubwo iyo kipe yari igiye gukina umukino wa gicuti na Sunrise ku Cyumweru tariki ya 25 Mata 2021 kuri Sitade y’ i Muhanga bituma usubikwa.

As Muhanga iri mu itsinda rya Mbere ririmo APR FC, Bugesera FC na Gorilla FC. Uretse kuba yifuzaga gukina, imyiteguro yayo yakomwe mu nkokora na Covid-19 mu gihe amakipe bari kumwe yakinnye imikino ya gicuti itandukanye.

Riyad Mahrez yishimira igitego cy’intsinzi ku ruhande rwa Manchester City

Ni umukino wabaye mu ijoro ryo ku wa Gatatu tariki ya 28 Mata 2021 mu mujyi wa Paris mu Bufaransa, aho ikipe ya PSG yakiriye Manchester City igatsindirwa mu rugo, imibare ikayibana myinshi aho isabwa ibitego bibiri mu gihugu cy’u Bwongereza.

Ni umukino wasifuwe n’umudage Felix Brych. Umukino watangiranye imbaraga nyinshi ku ruhande rwa PSG aho yabonye uburyo bwo gutsinda nka butatu mu minota 12 ya mbere y’umukino.

Ku munota wa 15 kapiteni wa PSG, Marquinhos yafunguye amazamu ku mupira yari ahawe na Angel Di Maria. Icyo gitego cyazamuye imbaraga n’ubusatirizi ku ruhande rwa PSG, Manchester City itangira gukora amakosa yagiye avamo amakarita y’umuhondo aho myugariro Joao Cancelo yahawe ikarita ya mbere y’umuhondo nyuma yo gukorera ikosa kuri Mbappe , igice cya mbere cyarangiye PSG iyoboye n’igitego kimwe ku busa bwa Manchester City.

Igice cya Kabiri cyatangiranye impinduka ku ruhande rwa Manchester City, Joao Cancelo wari wahawe ikarita y’umuhondo yasimbuwe na Oleksandr Zinchenko, nyuma y’iyo mpinduka Manchester City yatangiye gusatira maze ku munota wa wa 64 kapiteni wa Manchester City yabonye igitego cya mbere cyatsinzwe na Kevin De Britney ku mupira yahawe na Oleksandr Zinchenko.

Nyuma y’iminota irindwi gusa ku munota wa 71, Riyad Mahrez yatsinze igitego cya Kabiri cya Manchester City maze imibare ya PSG ikomerera aho.

Umupira waciye hagati y’abakinnyi ba PSG

Amakosa menshi yatangiye gukorwa n’abakinnyi ba PSG aho Neymar yahawe ikarita y’umuhondo ku munota wa 74 ndetse haje no kuboneka ikarita y’umutuku yahawe Idrissa Gana Gueye ku munota wa 77, iminota hafi 13 ya nyuma PSG iyikina ari abakinnyi 10, umukino urangira Manchester City ibonye intsinzi itanga icyizere ku mukino wa nyuma.

Manchester City izahura PSG kuwa Kabiri tariki ya 04/05/2021 Mu mujyi wa Manchester hakinwa umukino wo kwishyura . Manchester City irasabwa kunganya gusa ikagera ku mukino wa nyuma mu gihe PSG isabwa gutsinda ibitego bibiri ku busa

AS Muhanga

Ku Cyumweru tariki ya 25 Mata 2021 hagombaga kuba umukino wa gicuti wari guhuza AS Muhanga na Sunrise ariko ntiwaba nyuma yo gusangana Covid-19 abakinnyi 10 n’abashinzwe ibikoresho (Kit Managers) babiri. Ubuyobozi bw’ishyirahamwe ry’umupira w’amaguru mu Rwanda (FERWAFA) bwafashe icyemezo cyo guhagarika uwo mukino kugira ngo hakurikiranwe ikibazo cyateye Covid-19 muri AS Muhanga.

Mu kiganiro KT Sports cya KT Radio cyabaye kuri uyu wa Gatatu tariki ya 28 Mata 2021, umunyamabanga w’ikipe ya AS Muhanga, Bisangabagabo Yousuf, yavuze ko biteguye gukina Shampiyona. Yagize ati "Aka kanya nakubwira ko twiteguye gukina Shampiyona izatangira ku wa Gatandatu. Ni byo koko abakinnyi bacu 10 bagaragaweho Covid-19 ariko ikipe yacu ifite abakinnyi 29, abanduye ni 10 bivuze ko 19 bahari kandi biteguye guhatana."

Uyu muyobozi yakomeje avuga ko intego batangiranye itigeze ihinduka ari ukwitwara neza bakaguma mu cyiciro cya mbere.

AS Muhanga yanenze FERWAFA idakurikiza amabwiriza yashyizeho

Amabwiriza yo kwirinda Covid-19 avuguruye yashyizweho na FERWAFA avuga ko ikipe ifite abakinnyi 15 yemerewe gukina umukino. Ashingiye kuri aya mabwiriza, Umunyamabanga w’ikipe ya AS Muhanga Yousuf yavuze ko batishimiye kuba umukino wabo utarabaye. Yagize ati " Ni byo koko abakinnyi bacu bagaragaweho Covid-19, ariko ibisubizo byatanzwe amasaha atatu mbere y’umukino, bagombaga kutwemerera tugakoresha abakinnyi bazima ariko bakareka kuduhombya kuko umukino uba watanzweho byinshi , navuga ko niba bashyiraho amabwiriza bakabaye aba mbere mu kuyubahiriza.”

AS Muhanga iri mu itsinda rya mbere hamwe na APR FC, Bugesera na Gorilla FC.

Gahunda y’imikino ya AS Muhanga

Imikino ibanza

Tariki ya 01/05/2021
03:00: Bugesera FC izakira AS Muhanga kuri Sitade Bugesera

Tariki ya 05/05/2021
03:00: AS Muhanga izakira APR FC kuri Sitade Muhanga

Tariki 08/05/2021
12:30: Gorilla izakina na AS Muhanga kuri Sitade Amahoro

Imikino yo kwishyura

Tariki ya 11/05/2021
03:00: AS Muhanga izakira Gorilla FC kuri Sitade Muhanga

Tariki ya 14/05/2021
03:00: APR FC izakina na AS Muhanga kuri Sitade Huye

Tariki ya 17/05/2021
03:00: AS Muhanga izakina na Bugesera FC kuri Sitade Huye

Karim Benzema yishimiye igitego cya 70 atsinze muri iri rushanwa ry’ibihangange i Burayi

Ni umukino wabaye mu ijoro ryo ku wa Kabiri tariki ya 27 Mata 2021 kuri Sotade yitiriwe Alfred De Stefano mu mujyi wa Madrid muri Esipanye. Ni umukino ikipe ya Real Madrid ifite ibikombe by’iri rushanwa 13 yagiye gukina ibura Kapiteni wayo Sergio Ramos wavunitse, mu gihe Chelsea ifite igikombe kimwe yaburaga umukinnyi wo hagati Mateo Kovacic.

Chelsea yatangiye umukino yotsa igitutu Real Madrid, abafana bawukurikiraga ku mateleviziyo babona ibyo batatekerezaga dore ko abenshi bavugaga ko umutoza wa Real Madrid Zinedine Zidane ari umwe mu bamenyereye iri rushanwa.

Ku munota wa 14 Chelsea yafunguye amazamu ku gitego cyatsinzwe na Christian Pulsic ku mupira yari ahawe na Antonio Rudiger maze acenga ba myugariro ba Madrid ndetse n’umuzamu atera ishoti rikomeye, umupira winjira mu izamu.

Cristian Pulsic wa Chelsea yishimana n’abatoza igitego cya mbere

Real Madrid nyuma yo gutsindwa igitego yakangutse maze kuri koruneri yahawe neza Luka Modric atera Umupira, Edel Miltao akozaho umutwe, umupira usanga Karim Benzema ahagaze neza ahita atsinda igitego, igice cya mbere kirangira amakipe anganya igitego kimwe ku kindi.

Igice cya Kabiri cyatangiranye imbaraga ku mpande zombi zikora impinduka ari na ko gusatirana bigenda biba ku mpande zombi ariko igice cya Kabiri kirangira gityo amakipe yombi agabana amanota atatu.

Karim Benzema yishyuye igitego ku munota wa 29

Umukino wo kwishyura uzaba ku wa Gatatu tariki 05 Gicurasi 2021 kuri Sitade ya Chelsea Stamford Bridge.

Kuri uyu wa Gatatu tariki ya 28 Mata 2021 saa tatu n’igice z’umugoroba hateganyijwe umukino uhuza Paris Saint Germain yo mu Bufaransa na Manchester City yo mu Bwongereza. Umukino urabera kuri Stade Parc des Princes i Paris mu Bufaransa.

Mu ibaruwa Skol yashyikirije Ubuyobozi bwa FERWACY, uwo mufatanyabikorwa uri no mu bakomeye yatanze impamvu eshatu ari zo gucuruza inzoga ahari abantu benshi bitemewe, icyorezo cya Covid-19 cyiswe ikiza kitateguje cyatuma umufatanyabikorwa adakora uko bikwiye ndetse cyemejwe mu mategeko ko cyatuma amasezerano ahinduka, hari no kuba Skol yacururizaga muri Tour du Rwanda bitazakunda.

Uwahaye amakuru Kigali Today yavuze ko impande zombi zari mu mwaka wa nyuma w’amasezerano, aho Skol yatangaga Miliyoni 82 ku mwaka. FERWACY ngo yifuje ko bagabanyaho 10% ariko Skol Brewery Rwanda ibaha Miliyoni enye gusa (4,000,000).

Ibyo bibaye mu gihe Tour du Rwanda 2021, izatangira ku Cyumweru tariki 02 ikazasoza ku ya 09 Gicurasi 2021.

Abakinnyi ba REG VC ku rukuta rugarura umupira wa APR VC

Ni umukino wabaye kuri uyu mbere tariki ya 26 Mata 2021 mu mujyi wa Sousse muri Tuniziya, ahakomeje kubera iryo rushanwa ryatangiye ku ya 16 rikazageza ku ya 28 Mata 2021.

Ni umukino amakipe yombi yakinnye nyuma yo gusezererwa mu mikino y’amatsinda akajya guhatanira imyanya. Amakipe ubwayo araziranye cyane, uretse kuba asanzwe akina Shampiyona ndetse n’andi marushanwa ya hano mu Rwanda, mbere yo kwerekeza muri Tuniziya bakinnye imikino itatu ya gicuti aho REG VC yayitsinze yose.

Ikipe ya REG VC yegukanye iseti ya mbere itsinze ibitego 25 kuri 18 bya APR VC. Iseti ya Kabiri APR VC yazamuye amanota ariko isanga REG VC yayiteguye iyitsinda 25 kuri 21. Iseti ya Gatatu REG VC yakomereje imbaraga zayo mu maseti abiri ya mbere iyitsinda ibitego 25 kuri 22 bya APR VC.

Uko umukino wagenze

APR VC 0-3 REG VC

Iseti ya Mbere: 18 - 25
Iseti ya Kabiri: 21 - 25
Iseti ya Gatatu: 22 - 25

Ugutsinda uyu mukino byatumye REG VC isoza irushanwa ku mwanya wa Cyenda mu gihe APR VC yasoje irushanwa ku mwanya wa 10, amakipe yombi akazagaruka mu Rwanda tariki ya 28 Mata 2021 ubwo irushanwa rizaba risojwe.

Ni igikorwa cyabaye ku wa Gatandatu tariki ya 24 Mata 2021 ubwo abanyeshuri bagera kuri 20 bize mu ishuri rya Maitre Sinzi Tharcisse ryitwa “Sinzi Academy" bashimiye mwarimu wabo ubutwari yagize akarokora Abatutsi benshi muri Jenoside mu Rwanda mu 1994.

Abigishijwe karate na Sinzi babanje gutemberezwa, berekwa imwe mu misozi bagiye bihishamo mu gihe bahigwaga muri Jenoside yakorewe Abatutsi, aho beretswe urutare ruri ku musozi wa Rwambariro yamanutseho ariko akaba muzima ubwo yahungaga imodoka ya MINUAR yari iri kumuhiga, ndetse hari harashyizweho ibihembo ku muntu wese uzamwica.

Iri tsinda ryeretswe kandi umusozi wa ISAR Songa ubumbatiye amateka akomeye y’Abatutsi bari batuye mu Murenge wa Kinazi ndetse n’abaturanyi baho bari kumwe na Sinzi, kuko bari bahahungiye ari 3,480 birwanaho igihe gito bakoresheje intwaro gakondo, ariko imperuka iza kubabaho ubwo baraswaga n’ingabo za Leta zikoresheje imbunda ziremereye, hatikirira imbaga y’Abatutsi.

Sinzi Tharcisse

Iri tsinda ry’Abakina Karate ryakomereje mu cyahoze ari Rugarama, aho Sinzi Tharcisse avuka, hakaba habaye igikorwa kunamira no gushyira indabo ku nzibutso zitandukanye zishyinguyemo ababyeyi be, abavandimwe, umuryango we muri rusange, inshuti ndetse n’abavandimwe.

Kigali Today yaganiriye na Nkurunziza Jean Claude wari uhagarariye abigishijwe na Maitre Sinzi Tharcisse asobanura impamvu y’uru rugendo. Yagize ati "Igitekerezo cyacu cyaje nk’abanyeshuri bigishwa na Maitre Sinzi Tharcisse. Nk’uko mubizi ni umuntu wagize uruhare mu kurokora umubare munini w’Abatutsi bahigwaga muri Jenoside, nk’abanyeshuri be twabitekerejeho turavuga tuti ‘ni gute twajya tubwirwa amateka tukayasoma ahandi, twemeza ko byaba byiza twigiriye aho byabereye akatwereka amateka tutayasoma gusa, kugira ngo turusheho gutera ikirenge mu cye ku bw’ubutwari yagize."

Ku ruhande rwe, Maitre Sinzi Tharcisse yavuze ko yishimiye iki gikorwa, asaba abakarateka kurangwa n’urukundo . Yagize ati "Abakarateka bishyize hamwe bavuga ko tugomba gufatanya kwibuka ababyeyi, abavandimwe, inshuti ndetse n’abandi twabanaga mu muryango. Baje nk’abakarateka kubera ko ibikorwa by’ubutwari byo kurokora abantu nabikoze nk’umukarateka, bishyize hamwe bampa igikombe, inka n’umudali, nabyishimiye cyane.

Uru rubyiruko rwambitse Maitre Sinzi Tharcisse umudali w’ishimwe , bamuha igikombe ndetse bamugabira inka. Uru rubyiruko rurifuza ko iki gikorwa kizajya kiba ngarukamwaka mu rwego rwo gusobanukirwa amateka ya Jenoside yakorewe Abatutsi mu Rwanda.

Dr Cheikh SARR wahawe akazi k’umwaka umwe amaze iminsi areba imikino ya BK Pre-season 2021

Mu itangazo ryagenewe itangazamakuru kuri uyu wa Mbere tariki ya 26 Mata 2021, FERWABA yavuze ko yashingiye ku bunararibonye, amashuri yize ndetse n’uburambe mu mukino wa Basketball muri Afurika, bituma agirwa umutoza w’amakipe y’u Rwanda.

Amakuru Kigali Today yamenye ni uko uwo mugabo yahawe amasezerano y’umwaka umwe ushobora kongerwa mu gihe yaba yitwaye neza.

Amakuru ya Dr Cheikh SARR yatangiye kumenyekana mu Rwanda muri Gashyantare ubwo u Rwanda rwari mu ijonjora rya Kabiri rya Afro-Basket 2021 ryaberaga muri Tuniziya.

Mu ntangiriro z’ukwezi kwa Mata ni bwo Cheikh SARR yageze mu Rwanda. Uyu mugabo afite akazi kamutegereje imbere ye aho agomba gufasha ikipe y’u Rwanda y’abagabo kwitwara neza mu irushanwa ry’amakipe y’ibihugu ku mugabane wa Afurika, Afro-Basket 2021, rizabera mu Rwanda kuva tariki 24 Kamena kugeza tariki 05 Nzeri 2021.

Uretse abagabo azanafasha ikipe y’abagore kwitwara neza mu irushanwa ry’akarere ka Gatanu bahatanira Kwerekeza mu gikombe cya Afurika cy’abagore.

Dr Cheikh SARR yatangiye umwuga w’ubutoza mu mwaka wa 2007, uwo mugabo afite ibigwi byo kuba yaragejeje ikipe ya Senegal mu mikino ya kimwe cya Kane mu gikombe cy’isi cya 2014.

IPRC Huye yishimira igikombe

Ni imikino yabereye muri Kigali Arena kuri iki Cyumweru tariki ya 25 Mata 2021. Mu guhatanira umwanya wa Gatatu mu bagabo, ikipe ya APR BBC yatsinze Shoot 4 The Stars amanota 91 kuri 66.

Ku mukino wa nyuma mu bagore, ikipe ya IPRC Huye yahuye na The Hoops Rwanda. Ni umukino wari ukomeye dore ko amakipe yombi yari yahuriye ku mukino wa nyuma muri Shampiyona 2020 maze The Hoops itwara igikombe. Mu gace ka mbere, The Hoops yatsinze amanota 20 kuri 19 ya IPRC Huye. Mu gace ka kabiri, IPRC Huye yatsinzemo amanota 15 ku manota 10 maze igice cya mbere cy’umukino kirangira IPRC Huye ifite amanota 34 kuri 30 ya The Hoops.

Mu gace ka gatatu Urwibutso Nicole wa IPRC Huye yakoze ikinyuranyo mu kibuga maze aka gace karangira IPRC Huye igatsinzemo amanota 18 kuri 15 ya The Hoops.

Mu gace ka kane, IPRC Huye yashyizemo ikinyuranyo cy’amanota atanu, ni ukuvuga 19 ya IPRC Huye kuri 14 ya The Hoops. Umukino warangiye igikombe gitashye i Huye n’amanota 71 kuri 59 ya The Hoops, bifatwa nko kwihimura kwiza kwa IPRC Huye nyuma yo gutakaza igikombe cya Shampiyona.

REG BBC na yo yegukanye igikombe mu bagabo yafashe ifoto y’urwibutso

Mu bagabo, ikipe ya REG BBC yisubije igikombe nyuma yo gutsinda IPRC Kigali BBC amanota 67 kuri 53. Muri uyu mukino Belleck Bell ukinira REG BBC ni we watsinze amanota menshi 27 yakurikiwe na Kami Kabange bakinana watsinze amanota 15.

Uko amakipe yahembwe

Mu bagore:

1. Iya mbere : IPRC Huye, yahawe 1,000,000 Rwf

2. Iya kabiri : The Hoops yahembwe ibihumbi 800,0000 Rwf

3. Iya gatatu : APR BBC yahembwe ibihumbi 500,000 Rwf.

Mu Bagabo:

1. REG BBC : Yahembwe 1000,000 Rwf

2. RP-IPRC Kigali BBC: Yahembwe ibihumbi 800,000 Rwf

3. APR BBC: Yahembwe ibihumbi 500,000 Rwf

Uko Imikino yagenze mu bagore:

IPRC Huye 71-59 The Hoops

Agace ka mbere : 19-20
Agace ka kabiri: 15-10
Agace ka gatatu : 18-15
Agace ka kane : 19- 14

Uwatsinze amanota menshi: Urwibutso Nicole 27 akinira IPRC Huye BBC.

– Ubumwe WBBC 55- 64 APR WBBC

Agace ka mbere : 12-17
Agace ka kabiri : 14-15
Agace ka gatatu: 10-15
Agace ka kane: 19-17

Uko imikino yagenze mu bagabo

– APR BBC 91-66 SHOOT 4 STARS

Agace ka mbere : 20-17
Agace ka kabiri : 23-17
Agace ka gatatu: 20-17
Agace ka kane : 28-15

-IPRC Kigali BBC 53-67 REG BBC

Agace ka mbere: 14 -13
Agace ka kabiri : 11 - 14
Agace ka gatatu : 05 - 20
Agace ka kane: 23- 20

IPRC Kigali BBC irasabwa gutsinda REG BBC kugira ngo yegukane igikombe cy’irushanwa ribanziriza shampiyona

IPRC Kigali yabigezeho nyuma yo gutsinda APR BBC mu mukino wa 1/2 amanota 72 kuri 64 wabaye ku wa Gatandatu tariki ya 24 Mata 2021 muri Kigali Arena. Ni mu gihe ikipe ya REG BBC yatsinze Shoot For The Stars amanota 96 kuri 76.

IPRC Kigali yahuye na APR BBC nyuma yo kuyobora itsinda rya Kane aho yari hamwe n’amakipe ya IPRC Musanze BBC na UGB, mu gihe APR BBC yazamutse ari iya mbere mu itsinda rya mbere yari kumwe n’amakipe ya Tigers BBC na UR Huye BBC.

Mu mukino wa 1/2 Ikipe ya IPRC Kigali na APR BBC zanganyije amanota 16 mu gace ka mbere, mu gihe APR BBC yayoboye agace ka kabiri aho yatsinzemo amanota 24 kuri 18. Igiteranyo kiba amanota 40 ya IPRC Kigali BBC kuri 34 ya APR BBC. Mu gace ka gatatu IPRC Kigali BBC yongeye gushyiramo ikinyuranyo cy’amanota 5 aho yatsinze amanota 21 kuri 16 ya APR BBC maze APR BBC itsinda amanota 14 kuri 11 ya IPRC Kigali BBC mu gace ka kane. Umukino warangiye IPRC Kigali BBC itsinze amanota 72 kuri 64 ya APR BBC.

Uko imikino yagenze

Mu bagabo

SHOOT FOR THE STARS 73-96 REG BBC

Agace ka mbere : 18-2
Agace ka kabiri : 22-21
Agace ka gatatu: 22-29
Agace ka kane : 11-20

APR BBC 64 - 72 IPRC Kigali

Agace ka mbere : 16-16
Agace ka kabiri: 18-24
Agace ka gatatu:16-21
Agace ka kane :14 - 11

UR Huye 51-77 Tigers BBC

Agace ka mbere: 17-17
Agace ka Kabiri 14- 25
Agace ka Gatatu: 11-12
Agace ka Kane : 09-23

Abagore

IPRC Huye 116 - 43 UR Huye

Agace ka mbere : 31- 10
Agace ka kabiri:: 31- 08
Agace ka gatatu:25- 11
Agace ka kane : 29- 14

RP IPRC Huye 89-67 UBUMWE BBC

Agace Ka mbere: 20-17
Agace ka kabiri : 25- 16
Agace ka gatatu: 22-19
Agace ka kane : 22-17

UR HUYE BBC 33-109 THE HOOPS

Agace ka mbere : 05-29
Agace ka kabiri : 07-26
Agace ka gatatu : 06-17
Agace ka kane : 15-37

Gahunda yo kuri iki Cyumweru tariki ya 25 Mata 2021

10:00: Ubumwe BBC irakina na APR W BBC (abagore ): muri Kigali Arena.

12:00: Shoot For The Stars irakina na APR BBC (abagabo) :Guhatanira umwanya wa Gatatu : muri Kigali Arena.

14:00: RP IPRC Huye vs The Hoops ( Abagore ) Itsinda iratwara igikombe : muri Kigali Arena.

16:00: IPRC Kigali BBC irakina na REG BBC.

The Hoops Rwanda ifite akazi gakomeye imbere ya IPRC Huye

IPRC Huye BBC irashaka kwihimura kuri The Hoops nyuma yo kuyitwara igikombe cya Shampiyona muri 2020

Umukino wa APR BBC na Tigers BBC wari ishiraniro

Ni imikino yabaye kuri uyu wa Kane tariki ya 22 Mata 2021 muri Kigali Arena ndetse no ku kibuga kiri hanze ya Sitade Amahoro, uyu munsi ukaba wabimburiwe n’umukino wahuje APR BBC na Tigers.

Ni APR BBC igaragaramo amasura mashya nka Kazingufu Ali Kubwimana wari Kapiteni wa REG BBC, Isezerano Enock wari Kapiteni wa RP IPRC Kigali, Rukundo Fabrice na Nkusi Arnond. Tigers BBC nayo yiyubatse izana uwari Kapiteni wa Espoir BBC Kubanatubane Jean Philipe.

APR yayoboye umukino wose aho yatsinze agace ka mbere amanota 22 kuri 12 ya Tigers, agace ka Kabiri APR BBC yinjijemo amanota 17 ku manota 10 ya Tigers byatumye amakipe yombi ajya ku ruhuka APR BBC ifite 39 kuri 22 ya Tigers.

Agace ka Gatatu APR BBC yatsinze amanota 21 kuri 17 ya Tigers BBC mu gihe agace ka Kane APR BBC yakomeje kuyobora itsindamo amanota 24 kuri 15 ya Tigers BBC. Umukino warangiye APR BBC itsinze ku manota 84 kuri 54 ya Tigers BBC.

Ikipe ya REG BBC idafite impinduka nyinshi uretse Umusore Niyonkuru Pascal bakunda kwita Kacheka yatsinze URH CMHS amanota 98 kuri 34.

Ni umukino abakinnyi barimo Shyaka Olivier yigaragajemo dore ko yatsinze amanota 19 mu gihe Kami Kabange yatsinze amanota 15.

Uko imikino y’umunsi wa mbere yagenze

Abagabo

– APR BBC 84-54 Tigers BBC

Agace ka mbere: 22-12
Agace ka Kabiri: 17-10
Agace ka Gatatu: 21-17
Agace ka Kane : 24-15

– Shoot For The Stars BBC 67-80 30 PLUS

Agace ka Mbere: 16-11
Agace ka Kabiri: 19-20
Agace ka Gatatu: 16-13
Agace ka Kane: 16-33

– REG BBC 98-34 UR CMHS

Agace ka Mbere: 21-02
Agace ka Kabiri: 21-08
Agace ka Gatatu: 29-11
Agace ka Kane: 27-13

– RP IPRC Kigali 63-50 UGB

Agace ka Mbere: 19-10
Agace ka Kabiri: 20-09
Agace ka Gatatu: 10-08
Agace ka Kane: 14-13
Abagore:

– The Hoops 75-53 Ubumwe BBC*

Agace ka Mbere: 17-13
Agace ka Kabiri: 17-12
Agace ka Gatatu: 15-10
Agace ka Kane: 26-18

Imikino iteganyijwe ku wa Gatanu tariki ya 23 Mata 2021

Abagabo

11:00: UR Huye vs APR BBC: Hanze ya Sitade Amahoro
11:00: IPRC Huye vs UR CMHS: Kigali Arena
13:00: Shoot 4 The Stars vs 30 Plus: Kigali Arena
13:00: IPRC Musanze BBC vs IPRC Kigali BBC: Hanze ya Sitade Amahoro
15:00: IPRC Huye vs REG BBC: Kigali Arena
17:00: UR Huye BBC vs Tigers BBC: Hanze ya Sitade Amahoro
17:00: UGB Vs IPRC Musanze BBC

Abagore

09:00: APR BBC vs IPRC Huye BBC: Kigali Arena
09:00: Ubumwe BBC vs UR Huye BBC: Ikibuga anze ya Sitade Amahoro
15:00: UR Huye BBC vs APR BBC

REG BBC irakina idafite Nshobozwabyosenumukiza wambaye nimero 4 na Kaje Elie wambaye nimero 13 bazakinira Patriots BBC muri BAL

Kuri gahunda yari yatanzwe mbere habayemo impinduka nke zirimo ko Patriots BBC itakitabiriye irushanwa ndetse no kuba ikibuga cya NPC kitazaboneka.

Amakipe 11 mu bagabo ni yo yitabira iryo rushanwa, yagabanyijwe mu matsinda ane. Itsinda rya Mbere ririmo: APR BBC, UR Huye BBC na Tigers BBC.

Itsinda rya Kabiri ririmo 30 Plus na Shoot 4 The Stars, itsinda rya Gatatu ririmo: REG BBC, IPRC Huye BBC na UR CMHS mu gihe itsinda rya Kane ririmo IPRC Kigali BBC, UGB na IPRC Musanze BBC.

Mu bagore amakipe atanu ari yo The Hoops, Ubumwe BBC, UR Huye, APR BBC na IPRC Huye ni azitabira irushanwa.

The Hoops mu makipe yitezwe muri iri rushanwa

Gahunda yo kuri uyu wa Kane tariki ya 22 Mata 2021 iteye itya:

Abagabo

14:00: APR BBC vs Tigers BBC muri Kigali Arena

14:00: Shoot 4 The Stars vs 30 Plus: Ikibuga kiri hanze ya Sitade Amahoro

16:00: REG BBC vs UR CMHS:Ikibuga kiri hanze ya Sitade Amahoro

18:00: IPRC Kigali BBC vs UGB: Kigali Arena

Abagore

16:00: The Hoops vs Ubumwe BBC: Kigali Arena

APR BBC

Uburyo irushanwa rizakinwamo mu bagabo, ikipe ya mbere mu itsinda rya Mbere izahura n’iya mbere mu itsinda rya Kane mu gihe ikipe ya mbere mu itsinda rya Kabiri izahura n’iya mbere mu itsinda rya Gatatu. Mu bagore amakipe yose azahura hagati yayo maze harebwe ifite amanota menshi.

Patriots BBC ntizitabira irushanwa ribanziriza Shampiyona

Mu ibaruwa Kigali Today ifitiye Kopi yandikiwe Perezida w’ishyirahamwe ry’umukino wa Basketball mu Rwanda (FERWABA) kuri uyu wa Mbere tariki ya 19 Mata 2021, ubuyobozi bwa Patriots BBC bwamenyesheje FERWABA ko abategura Basketball Africa League basabye amakipe azayitabira kutagira irindi rushanwa akina kuvaku itariki ya 19 Mata 2021 kugira ngo akomeze kwirinda kwandura no gukwirakwiza COVID -19.

Patriots BBC yamenyesheje ubuyobozi bwa FERWABA ndetse n’ikipe ya REG BBC ko abakinnyi babiri ari bo Jean Jacques Nshobozwabyosenumukiza na Kaje Elie batazakina iryo rushanwa kubera ko bazayifasha muri BAL.

Patriots BBC yari mu itsinda rya kabiri hamwe n’amakipe ya 30 Plus na Shoo 4 the Stars. Umukino wa mbere yagombaga kuzawukina na 30 Plus ku wa Kane tariki ya 22 Mata 2021 saa cyenda ku bibuga biri hanze ya sitade Amahoro, igasoreza kuri Shoot 4 the Stars ku wa Gatanu tariki ya 23 saa kumi n’imwe (17:00) muri NPC.

Basketball Africa League izabera mu Rwanda kuva tariki ya 24 kugera 30 Gicurasi 2021, ikazakinirwa muri Kigali Arena.

Amakipe 12 ni yo azitabira irushanwa ribanziriza Shampiyona mu bagabo ari yo REG, APR, IPRC- Huye, IPRC-Kigali, United Generations for Basketball, Tigers, Shoot for the Stars, IPRC-Musanze, UR-CMHS, 30 Plus na UR-Huye. Mu gihe mu bagore hazitabira IPRC-South, Ubumwe, The Hoops, APR na UR-Huye.

Kelechi Iheanacho yafashije Leicester City kugaruka kuri final nyuma y’imyaka 52

Ni umukino wabaye ku Cyumweru tariki ya 18 Mata 2021 kuri Sitade nkuru y’u Bwongereza Wembley. Uwo mukino waranzwe no gusatirana ku mpande zombi mu gice cya mbere cy’umukino ariko kitabyajwemo amahirwe.

Igice cya Kabiri cyatangiranye imbaraga maze ku munota wa 55 umukinyi ukomoka muri Nigeria, Kelechi Iheanacho ahita yinjiza igitego neza.

Southampton yashatse uburyo yakwishyura ariko ba myugariro ba Leicester City bihagararaho, umukino warangiye utyo maze nyuma Leicester isanga Chelsea ku mukino wa nyuma hari hashize y’imyaka 52 itazi gukina Finali.

Chelsea FC yageze ku mukino wa nyuma imaze gusezerera Manchester City ku wa Gatandatu iyitsinze igitego kimwe ku busa, cyatsinzwe na Hakim Ziech ku munota wa 55.

Leicester City yaherukaga gukina umukino wa nyuma wa FA CUP mu mwaka 1969 ikina na Tottenham. Umukino wa nyuma wa FA CUP 2021 uzakinwa ku itariki ya 15 Gicurasi 2021 kuri Sitade Wembley.

Abakinnyi ba Chelsea bishimira igitego cya Hakim Ziech

Ni umukino warimo imbaraga n’amayeri menshi

Ni imikino yabaye kuri iki Cyumweru tariki ya 18 Mata 2021, kipe ya REG VC iri mu itsinda rya Kabiri yatangiye itsindwa umukino wa mbere na Swehly VC yo muri Libya.

Ikipe ya Swehly yatsinze iseti ya mbere ku manota 25 kuri 20 ya REG VC. Ikipe ya REG VC yagarutse neza mu mukino itsinda iseti ya Kabiri ku manota 25 kuri 23 ya Swehly. Swehly yerekanye ubunararibonye itsinda amaseti abiri ya nyuma mu buryo bworoshye ku manota 25 kuri 16 ya REG VC na 25 kuri 21 ya REG VC.

Uko umukino wagenze

Swehly 3-1 REG VC

Set 1: 25-20

Set 2: 23-25

Set 3: 25-16

Set 4: 25-21

REG VC izagaruka mu kibuga ku wa Mbere tariki ya 19 Mata 2021 saa yine za mu gitondo.

Tombola yasize REG VC mu itsinda rya kabiri, iri kumwe n’amakipe ya Port Douala yo muri
Cameron, Swehly yo muri Libya na SOA yo muri Côte D’ivoire.

APR VC bashakiraga hamwe ibisubizo byo gutsinda KPA ariko Sam Molinge yababereye ibamba

I saa munani (14:00) ni bwo ikipe ya APR VC yo mu Rwanda yinjiye mu Kibuga na Kenya Ports Authority yo muri Kenya. Ikipe ya KPA itozwa na Sam Molinge wabaye umutoza wa APR VC imyaka irenga irindwi.

Ni umukino APR VC yinjiyemo neza dore ko yatsinze iseti ya mbere ibitego 26 kuri 24 bya KPA Iseti ya Kabiri KPA yayegukanye ku bitego 25 kuri 23 bya APR VC. APR VC yerekanye imbaraga nyinshi mu iseti ya Gatatu ku kazi ka Nelson Murangwa ,Yves Mutabazi n’abarimo Mahoro Yvan maze itsinda ibitego 25 kuri 21 bya KPA. Iseti ya Kane KPA yayegukanye ku bitego 25 kuri 23 bya APR VC.

Byabaye ngombwa ko hitabazwa iseti ya kamarampaka maze KPA itsinda ibitego 15 kuri 12 bya APR VC.

Uko umukino wagenze

itsinda rya Mbere

KPA 3-2 APR VC

Set 1: 24-26

Set 2: 25-23

Set 3: 21-25

Set 4: 25-23

Set 5: 15-12

APR VC iri mu itsinda rya Mbere hamwe na KPA yo muri Kenya, Rukinzo yo mu Burundi na Esprence yo muri Tuniziya.

APR VC izagaruka mu kibuga ku wa mbere tariki ya 19 Mata 2021, ikina na Rukinzo saa munani z’amanywa.

Patriots BBC niyo iheruka kwegukana igikombe cya Shampiyona 2020 mu bagabo iri mu itsinda rya Kabiri

Mu bagabo amakipe 12 ni yo yemeye kwitabira irushanwa yagabanyijwe mu matsinda ane aho buri tsinda rigizwe n’amakipe atatu.

Buri tsinda rizazamukamo ikipe imwe ariyo ijya muri ½, ikipe yabaye iya mbere mu itsinda rya mbere izahura n’iya mbere mu tsinda rya gatatu, mu gihe iya mbere mu itsinda rya Kabiri izahura n’iyabaye iya mbere mu itsinda rya Gatatu.

Uko Tombola yagenze mu bagabo

Itsinda rya Mbere:
1. APR BBC
2. TIGERS BBC
3. UR HUYE BBC

Itsinda rya Kabiri:

1. PATRIOTS BBC
2. SHOOT 4 THE STARS
3. 30 PLUS

Itsinda rya Gatatu

1. REG BBC
2. RP- IPRC HUYE BBC
3. UR-CBMS

Itsinda rya Kane:

1. RP- IPRC KGL BBC
2. RP- IPRC MUSANZE
3. UGB BBC

Mu kiganiro yagiranye na Kigali Today nyuma ya Tombola, Ushinzwe ubuzima bwa buri munsi bw’ikipe ya IPRC Kigali BBC, Muhoza Eric, yavuze ko bishimiye uko Tombola yagenze.

IPRC Kigali BBC yabaye iya Gatatu mu mwaka Ushize

Yagize ati "Navuga ko ku ruhande rwacu twishimiye kwisanga mu itsinda rya Kane ahari amakipe twari kumwe muri Shampiyona 2020, umwuka ni mwiza muri rusange, navuga ko twiteguye kuriyobora nk’uko byagenze umwaka ushize".

Mu bagore irushanwa ribanziriza Shampiyona rizitabirwa n’amakipe atanu ari yo: The Hoops Rwanda, APR BBC, IPRC Huye, Ubumwe BBC na UR Huye.

Uburyo bw’imikinire mu bagore amakipe yose azahura maze harebwa ikipe yagize amanota menshi.

The Hoops Rwanda irashaka gutangira umwaka itwara ikindi gikombe

Umwaka w’imikino wa 2020 muri Basketball hakinwe Shampiyona gusa nabwo ikinwa mu matsinda ikipe ya The Hoops Rwanda ni yo yatwaye igikombe mu bagore mu gihe Patriots BBC yagitwaye mu bagabo.

Perezida wa REG VC Zawadi Geoffrey avuga ko bihaye intego yo kuza mu makipe ane ya mbere ku mugabane wa Afurika

Ibi byatangajwe mu kiganiro n’itangazamakuru cyabaye ku wa Gatatu tariki ya 14 Mata 2021 i Remera mu mujyi wa Kigali.

Perezida wa REG VC Geoffrey Zawadi yavuze ko batagiye kwitabira gusa. Yagize ati “Ntabwo tugiye kwitabira gusa ahubwo tugiye guhatana turifuza kuza kugera muri 1/2 bivuze kuza mu makipe ane ya mbere.”

Uyu muyobozi yakomeje asaba abakinnyi ba REG VC gukoresha amahirwe babonye bakitwara neza ku buryo bazavayo babonye amakipe yo hanze.

Umutoza w’iyi kipe Mugisha Benon yavuze ko urwego ikipe igezeho ruzatuma ihatana. Yagize ati "Twitehuye hafi Ukwezi kose dukina imikino itatu ya gicuti na APR VC yose turayitsinda. Navuga ko imyiteguro yacu itwemerera guhatana muri iri rushanwa."

Umutoza Mugisha Benon avuga ko amakuru y’amakipe bazakina bagikomeje kuyashaka

Ikipe ya REG VC yahagurutse mu rukerera rwo kuri uyu wa Kane saa kumi z’igitondo aho inyura Istanbul muri Turukiya, ihamare amasaha atatu, ihave yerekeza mu mujyi wa Sousse ahazabera irushanwa.

Abakinnyi, abayobozi n’abatoza berekerekeje muri Tuniziya:

1. Dusabimana Vincent
2. Twagirayezu Emmy
3. Twagirayesu Peacemaker
4.Niyonkuru Gloire
5. Rwigema Simeon
6. Kwizera Eric
7. Ongom Ivan BOB
8. Tuyizere Jean Baptiste
9.Sibonama Jean Paul
10. Akumuntu Kavalo
11.Romeo Ngabo
12. Ntagengwa Olivier
13. Ndayisaba Sylvestre
14. Niyogosubizo Samuel
15.Iradukunda Pacific
16. Rusika Emmanuel: Umuganga
17. Mbonyuwontuma Jean Luc : Umutoza wungirije
18. Mugisha Benon : Umutoza Mukuru
19. Nsanzamahoro Faustin: Umusifuzi
20. Shema Innocent: Ushizwe gutanga amakuru
21. Ndabikunze Robert : Ushizwe ubuzima bwa buri munsi bw’ikipe (Team Manager )
22 . Mbonera Michel : Visi Perezida
23. Zawadi Geoffrey: Perezida wa REG VC

Visi Perezida wa REG VC Mbonera Michel na we ari mu bahagurukanye n’ikipe

Ikipe ya REG VC yakinnye na APR VC imikino itatu ya gicuti aho yayitsinze yose.

Umukino wa Mbere:

REG VC 3-0 APR VC

REG VC 22-25 APR VC
REG VC 25-22 APR VC
REG VC 25-19 APR VC

Umukino wa Kabiri:

REG VC 3-1 APR VC

REG VC 25-23 APR VC
REG VC 26-24 APR VC
REG VC 26-28 APR VC
REG VC 25-23 APR VC

Umukino wa Gatatu:

REG VC 3-1 APR VC

REG VC 22-25 APR VC
REG VC 25-22 APR VC
REG VC 25-20 APR VC
REG VC 25-14 APR VC

Abanyamakuru bahawe umwanya wo kubaza

Imikino y’amakipe yabaye aya mbere iwayo muri Volleyball ku mugabane wa Afurika izatangira tariki ya 16 kugeza tariki 28 Mata 2021 mu mujyi wa Sousse muri Tuniziya. REG VC yitabiriye iri rushanwa ku nshuro ya mbere yatwaye igikombe cya Shampiyona mu mwaka wa 2019. Yagombaga kwitabira muri 2020 ariko kubera icyorezo cya Covid-19 gihagarika imikino irimo n’iri rushanwa.

Abakinnyi ba APR BBC bashyira indabo ahashyinguye imibiri y’abishwe muri Jenoside mu 1994

Ni igikorwa cyabaye kuri uyu wa Gatatu tariki ya 14 Mata 2021, aho abakinnyi bose b’iyo kipe ndetse n’abatoza bakoze icyo gikorwa mu rwego rwo kugira ngo bamenye amateka ya Jenoside ndetse n’uruhare ingabo za RPF zagize mu kubohora igihugu no kurokora Abatutsi bicwaga

Umukinnyi mushya wa APR BBC, Enock Isezerano mu kiganiro yagiranye na Kigali Today, yavuze ko bahavanye ubutumwa bwo kwigisha barumuna babo.

Yagize ati “Batubwiye amateka y’uru rwibutso ndetse banatubwira uko ingabo zahoze ari iza RPA zarokoye abantu benshi. Batwibukije ko tugomba gufata iya mbere tukigisha barumuna bacu amateka y’igihugu kugira ngo Jenoside itazongera kubaho ukundi”.

APR BBC ni imwe mu makipe y’ubukombe mu Rwanda ikaba inifuza gutwara igikombe cya shampiyona uyu mwaka. Ibi byatumye izana umutoza Cliff Uwor ukomoka muri Kenya , igura abakinnyi barimo Enock Isezerano bavanye muri IPRC Kigali BBC , Kubwimana Kazingufu Ally bavanye muri REG BBC n’abandi.

Abatoza ba APR BBC na bo bitabiriye icyo gikorwa

Gianni Infatino

Ni ibaruwa yandikiwe Perezida wa FERWAFA, Jean Damascène Sekamana, kuri uyu wa Kane tariki ya 08 Mata 2021.

Iyo Baruwa iragira iti:

Bwana Perezida,

Uyu munsi, abatuye isi bari ahatandukanye basubije amaso inyuma kuri uyu munsi mpuzamahanga bibuka inzirakarengane zazize Jenoside yakorewe Abatutsi mu 1994 mu Rwanda.

Mu izina rya FIFA, inshuti zanyu n’Umuryango mpuzamahanga w’umupira w’amaguru, twagiraga ngo twifatanye namwe tubagaragarize agahinda kuri iyi nshuro ya 27 yo kwibuka Jenoside yakorewe Abatutsi.

Ni igihe cyo kwibuka abarenga Miliyoni bishwe, tunizera ko icyo cyago cya Jenoside kitazigera cyibagirana ndetse ntikizongere kubaho ukundi, twubake ejo hazaza.

Ndabifuriza kugira imbaraga ndetse n’iterambere, muteza imbere umupira w’amaguru mu Rwanda kandi ndabyizeye.

Perezida wa FIFA

Gianni Infatino

FERWAFA yashimiye FIFA ndetse na Infatino muri ibi bihe bikomeye byo kwibuka, u Rwanda rwibuka runiyubaka.

FIFA ubusanzwe itera inkunga zitandukanye mu bikorwa by’iterambere ry’umupira w’amaguru mu Rwanda, dore ko no mu minsi yashize yafunguye icyicaro cyayo hano mu Rwanda mu rwego rwo gukomeza guteza imbere impano zitandukanye.

Murema Jean Baptiste yongeye gutorerwa kuyobora NPC Rwanda mu gihe cy’imyaka ine

Ni amatora yabaye kuri iki cyumweru tariki ya 04 Mata 2021 hifashishijwe ikoranabuhanga.

Komite yatowe :

Perezida: Murema Jean Baptiste
Visi Perezida wa mbere: Safari William
Visi Perezida wa Kabiri: Mukarusine Claudine
Umunyamabanga: Dr Mutangana Dieudonné
Umubitsi: Vuningabo Emile

Abajyanama:

• Bizimana Jean Damascène: Uhagarariye abafite ubumuga bwo kutumva no kutavuga
• Mukanyemazi Adèle: Uhagarariye abafite ubumuga bw’ingingo
• Sekarema Jean Paul: Uhagarariye abafite ubumuga bwo mu mutwe
• Mukanziza Venantie: Uhagarariye abafite ubumuga bwo kutabona
• Mukobwankawe Liliane: Uhagarariye abagore
• Twagirayezu Callixte: Uhagaririye abakinnyi

Murema Jean Baptiste watorewe kuyobora komite y’imikino y’abafite ubumuga yari asanzwe kuri uyu mwanya ndetse ari n’umukinnyi w’Intwari za Gasabo.

Uretse amatora, inama y’Inteko rusange yaganiriye ku zindi ngingo zitandukanye zirimo gutangira umushinga wo kugira inyubako yayo bwite (Complexe sportif), abitabiriye iyo nama biyemeje kongerera imbaraga za DPSCO (Districts Paralympic Sports Committees.

Mu bindi harimo kwerekwa raporo y’umutungo banagezwaho gahunda y’ibikorwa by’umwaka wa 2020-2021.

Ruhamiriza Jean Sauveur

Mu kiganiro yagiranye na Kigali Today kuri uyu wa Gatanu tariki ya 02 Mata 2021, Ruhamiriza yemeje iyi nkuru anagaruko ku buryo yayakiriye. Yagize ati "Nayakiranye ibyishimo byinshi kuko yaje ntabyiteze, ntabitekerezaga".

Yakomeje avuga ko ubunararibonye bugiye kwiyongera "Ku bunararibonye bw’imikino yo ku rwego rwo hejuru mfite niteguye kongeraho ubundi bumenyi bushya kuko haba harimo abasufuzi ba mbere bo ku migabane itandukanye ndetse n’abaduhugura ba FIBA bakomeye, ndatecyereza kuzabigiraho byinshi".

Ruhamiriza ni umwe mu basifuzi batatu b’umukino wa Basketball mu Rwanda nyuma ya Gaga Didier ndetse na Shema Maboko Didier, wagizwe umunyamabanga uhoraho wa Minisiteri ya Siporo.

Urugendo rwo gusifura basketball, Ruhamiriza yarutangiye mu mwaka wa 2007 ubwo yigaga mu mwaka wa kane w’amashuri yisumbuye,yinjiye mu ishyirahamwe ry’abasifuzi mu mwaka wa 2008 atangiye gusifura shampiyona muri 2011.

Ruhamiriza ubanza iburyo, ari kumwe na Shema Maboko Didier

Nyuma y’imyaka itandatu ni ukuvuga muri 2017, yabonye Licence ya FIBA 2017 ari nabwo yatangiye gusifura imikino mpuzamanga guhera ku mikino y’akarere ka Gatanu.

Mu marushanwa akomeye amaze gusifura harimo Afrobasket y’abagabo U18 yabaye mu mwaka wa 2018 i Bamako muri Mali, gushaka tike y’imikino Olempike icyiciro cy’ibanze cyabaye mu mwaka 2019 i Maputo muri Mozambique , Basketball Africa League y’abagabo ibyiciro bibanza byabaye muri 2019 i Yaoundé muri Cameroon na Kigali mu Rwanda ndetse n’ibyiciro bitatu byo gushaka tike ya Afro-Basket 2021 byabereye i Yaoundé no mu Rwanda.

Ikirango cya Basketball Africa League

Umuyobozi wa Basketball Africa League Amadou Gallo Fall yatangarije urubuga rwa FIBA (Federation International de Basketball Association) dukesha iyi nkuru ko Kigali Arena izakira ibihangage. Yagize ati " Twishimiye kubatangariza ko itangizwa rya Basketball Africa league rizabera muri Kigali Arena yo Ku rwego rw’isi. "

Yakomeje avuga ko iri rushanwa rizaha amahirwe abandi bakinnyi. Yagize ati "BAL izatanga uburyo bwo kugaragaza impano z’abakinnyi batandukanye bo Ku mugabane wa Afurika , gukoresha basketball mu kuzamura ubukungu no kugaragaza umugabane wacu nk’igicumbi cy’umuco wa Siporo.

Umuyobozi wa FIBA Africa akaba n’umuyobozi w’Inama y’ubutegetsi ya BAL Anibal Manave yishimiye gutangaza iri rushanwa . Yagize ati " Twishimiye kubamenyesha ko Basketball Africa League igiye kuba nshuro yayo ya mbere. FIBA na NBA byakoranye bya hafi kugira ngo ubuzima bw’abakinnyi ,abatoza ndetse n’abandi barebwa n’umukino buzabe bwizewe kandi neza. Ubunararibonye bwo kwakira imikino yo gushaka tike y’igikombe cya Afurika 2021 ryabaye umwaka ushize buzagira uruhare ndetse n’umutekano mu kugenda neza kwa BAL" Anibal Manave

Amakipe 12 avuye mu bihugu bitandukanye azahurira I Kigali kuva tariki ya 16 Gicurasi 2021 azahatanira kwegukana basketball Africa League Ku nshuro yayo ya mbere.

Ayo makipe ni:

GSP (Groupement Sportif des Pétroliers yo muri Algeria)
Petro de Luanda (Clube Atlético Petroleos de Luanda yo muri Angola )/
FAP (Forces Armées et Police Basketball yo muri Cameroon )
Zamalek yo mu Misiri
GNBC (Gendarmerie Nationale Basketball Club yo muri Madagascar)
AS Police (Association Sportive de la Police Nationale yo muri Mali )
AS Salé (Association Sportive de Salé yo muri Morocca)
Ferroviàrio de Maputo ( Mozambique)
Rivers Hoopers BC (Rivers Hoopers Basketball Club yo muri Nigeria )
Patriots BC (Patriots Basketball Club yo mu Rwanda )
AS Douanes (Association Sportive des Douanes yo muri Senegal)
US Monastir (Union Sportive Monastirienne yo muri Tunisia)

Uburyo irushanwa rizakinwa

Amakipe 12 azaganwa mu matsinda atatu buri tsinda rigizwe n’amakipe ane.

irushanwa ryose rizakinwamo imikino 26 harimo 18 yo mu matsinda . Mu matsinda buri kipe azahura n’andi atatu .Amakipe umunani ya avuye mu matsinda azakina imikino azabona tike ya kamarampaka. Muri kimwe cya 1/4 hazakinwa umukino ari nako bizagenda muri 1/2 no Ku mu kino wa nyuma.

U Rwanda ruzahagararirwa na Patriots BBC yatwaye igikombe cya Shampiyona mu mwaka wa 2019.

REG VC niyo yatwaye igikombe cya shampiyona cya 2020 mu gihe APR VC ari yo yatwaye igikombe cya shampiyona cya 2021 bityo amakipe yombi agomba guhagararira u Rwanda muri iyo mikino nyafurika muri Tunisia.

Ubwo twasuraga ikipe ya REG VC aho yitoreje kuri uyu wa Mbere kuri Maison des Jeunes ku Kimisagara, twasanze abakinnyi morale ari yose ndetse bemeza ko bagomba kwitwara neza muri ririya rushanwa rya Afurica.

Rwigema Simon, ukina nka ribero muri REG yagize ati “Abakinnyi bose tumeze neza, ndetse urabona ko twongeye gusubira mu bihe byacu byiza, abenshi bari barabyibushye kuko twamaze igihe tudakina ariko ubu urabona ko twasubiranye fitness ndetse turifuza kuza mu makipe ane ya mbere muri ririya rushanwa tuzajyamo”.

Mugisha Benon, Umutoza wa REG VC nawe yemeza ko kwigiza iyo mikino inyuma byabongereyemo ingufu ndetse bizatuma bitwara neza mu irushanwa.

Yagize ati “Ubusanzwe irushanwa ryagombaga kuba kuva tariki 02-12 Mata 2021, kuba bararyigije inyuma ibyumweru bibiri ni ikintu cyadushimishije cyane nka REG, kuko abakinnyi bacu bari batarasubira ku rwego rwabo rwiza, ariko ubu urabona ko tumeze neza imyitozo ndetse ikomeye turayikomeje, twizeye ko tuzaza byibuze mu makipe ane ya mbere”.

Mugisha avuga ko kuba bazagira amahirwe yo gukina na APR mbere yo kugenda bizabafasha kwitegura neza iyi mikino bazajyamo.

Ndabikunze Robert ushinzwe gukurikirana ubuzima bw’ikipe ya REG VC, avuga ko bifuza kuzakina na APR VC imikino ibiri ya gishuti ariko bataremeranywa neza amatariki y’iyo mikino ya gishuti bazakina.

Ndabikunze avuga kandi ko nibagera muri Tunisia mbere y’uko irushanwa ritangira bazashaka undi mukino wa gishuti bazakina n’ikipe yo hanze y’u Rwanda.

Kugeza ubu amakipe 27 yo muri Africa niyo amaze kwiyandikisha kuzitabira iryo rushanwa rya Champions’ league rizabera i Sousse muri Tunisia.

Muri ayo makipe nta n’imwe irimo yo mu Misiri ndetse na Al Ahly ifite iki gikombe ntizayitabira.

Umutoza wa REG VC Migisha Benon yishimiye ko irushanwa ryigijwe inyuma

Amakipe azitabira ni: Espérance na CS Sfaxien (Tunisia), JKT, Jeshi Stars na Afunzo Zanzibar (Tanzania), Société Omnisport de l’Armée (Coté d’Ivoire), Madda Warabu University na Mugher Cement Sport (Ethiopia), GSU, Prisons na KPA (Kenya).

Hari kandi Forces Armée et Police (Cameroun), Al Ahly Tripoli, Ittihad Misrati na Alswehly (Libya), Price, Espoir na Police (RDC), University of Zimbabwe (Zimbabwe), Wadid Amel Tlemcen na NRBBA (Algeria) Nigeria Customs Office (Nigeria) Rukinzo (Burundi), REG na APR (Rwanda).

Kigali Today ikimara kumenya ayo makuru yabajije Umunyamabanga wa FERWABA; Jabo Landry, maze arayahamya.

Yagize ati "Tubonye uburenganzira mu mwanya, ubu tumaze kwandikira amakipe tuyasaba kuduha urutonde rwa nyuma".

Mu byo iri shyirahamwe ryandikiye abanyamuryango ni ukuvuga amakipe harimo kubamenyesha ko imikino ibanziriza shampiyona (BK Preseason) izatangira ku itariki 23 Mata 2021. Amakipe yasabwe kuba yamaze gutanga ibisabwa kugira ngo yemererwe gutangira imyitozo bitarenze tariki ya 31 Werurwe 2021 isaa kumi.

FERWABA yakomeje imenyesha amakipe ko nta n’imwe izemererwa gutangira imyitozo itarabihererwa uburenganzira ndetse yibutsa gukomeza gushyira mu bikorwa ingamba zo kwirinda Covid -19.

Mu bikorwa bitenganyijwe muri Basketball muri uyu mwaka wa 2021 mu Rwanda harimo imikino ibanziriza Shampiyona, Shampiyona nyirizina, irushanwa ryo kwibuka, Basketball Africa League itenganyijwe mu kwezi kwa Gicurasi ndetse na AFRO-Basket 2021 izaba kuva tariki ya 24 Kanama kugera tariki 05 Nzeri 2021.

Manzi Thierry (wa mbere iburyo mu bahagaze) ntabwo ari mu bakinnyi berekeza muri Cameroun

Urutonde rwatangajwe kuri uyu wa Kane tariki ya 25 Werurwe 2021 ntirugaragaraho umunyezamu Kimenyi Yves na myugariro Emery Bayisenge bagize ibibazo by’imvune.

Abakinnyi bazitabazwa muri Cameroun

Abanyezamu
1. Kwizera Olivier
2.Mvuyekure Emery
3. Ndayishimiye Eric

Ba myugariro
4. Mutsinzi Ange
5. Nirisarike Salomon
6. Usengimana Faustin
7. Rugirayabo Hassan
8.MImanishimwe Emmanuel
9. Fitina Ombolenga
10. Rutanga Eric

Abakina hagati mu kibuga
11. Rubanguka Steve
12.Mukunzi Yannick
13. Niyonzima Haruna
14. Niyonzima Olivier
15. Twizeyimana Martin Fabrice
16.Ngendahimana Eric
17.Manishimwe Djabel

Ba Rutahizamu
18. Nshuti Dominique Savio
19. Meddie Kagere
20.Iradukunda Bertrand
21. Danny Usengimana
22. Byiringiro Lague
23. Sugira Ernest

Byiringiro Lague umanitse amaboko yatsinze igitego cyagaruriye u Rwanda icyizere

Nyuma y’uko u Rwanda rutsinze Mozambique ku wa Gatatu tariki ya 24 Werurwe 2021 rwahise rwicara ku mwanya wa kabiri mu itsinda ruherereyemo inyuma ya Cameroun ifite amanota 10 ikaba izakira n’imikino.

Kugira ngo u Rwanda rukatishe itike y’igikombe cya Afurika rurasabwa gutsinda Cameroon iwayo tariki ya 30 Werurwe 2021, maze rugategereza ko Cameroon itsinda Cape Vert ku wa Gatanu tariki ya 26 Werurwe 2021 no kunganya kwa Mozambique na Cape Vert umukino uzaba ku wa 30 Werurwe 2021.

Ibaruwa Minisitiri wa Siporo yandikiye Perezida wa FRVB ku wa Gatatu tariki ya 24 Werurwe 2021 yavuze ko impamvu aya matora yasubitswe ari uko nta mategeko agenga amatora ndetse nta na Komisiyo itegura amatora ihari.

Minisiteri ya Siporo yasabye Komite Nyobozi y’ishyirahamwe ry’umukino wa Volleyball gushyiraho komisiyo y’amatora n’amategeko azayagenga mu gihe kitarenze iminsi 15.

Abakandida babiri ari bo Kansiime Julius na Mukamurenzi Providence ni bo bari biyamamarije kuyobora iri shyirahamwe, buri mukandida akaba yari afite ikipe bazakorana.

Nk’uko umuvugizi wungirije w’ishyirahamwe ry’umupira w’Amaguru mu Rwanda FERWAFA, Jules Karangwa, yabitangarije urubuga rwa CAF dukesha iyi nkuru, yavuze ko shampiyona izasubukurwa ikinwa mu matsinda aho hazakorwa amatsinda ane.

Buri tsinda rizazamukamo amakipe abiri maze akine imikino ya 1/4 ndetse bakomeze kugera ku mukino wa nyuma.

Ikipe izatwara shampiyona 2021 izitabira CAF Champions League mu gihe izatsindirwa ku mukino wa nyuma izakina CAF Confederation Cup.

Shampiyona nikinwa mu matsinda, bizaba bibaye ubwa gatatu mu mateka y’umupira w’amaguru mu Rwanda.

Byaherukaga mu 1993, aho Kiyovu Sports yegukanye Shampiyona idatsinzwe nyuma yo kwisengerera Mukura Victory Sports ikayitsinda ibitego 3-0 ku mukino wa nyuma.

Byabaye kandi mu mwaka w’imikino wa 1989/1990, ubwo Kiyovu Sports yegukanaga igikombe itsinze Panthères Noirs ibitego 2-1, iyi ikaba ari nayo shampiyona ya nyuma yakinwe n’iyi kipe yari ishingiye ku gisirikare kuko yahise isenyuka kubera intambara.

Shampiyona y’umupira w’amaguru mu Rwanda yahagaritswe tariki ya 12 Ukuboza 2020 imaze gukinwamo iminsi itatu gusa, kubera ko hari amakipe yagaragayemo ubwandu bwa COVID-19.

Hari ku munsi wayo wa gatatu, imikino ine imaze gusubikwa kubera COVID-19 irimo iyari gukinwa n’amakipe ya Rayon Sports na Rutsiro FC icyo gihe yari amaze iminsi mu kato. Indi ine ni iyari gukinwa na APR FC na AS Kigali zari mu mikino Nyafurika.

Marines FC yari ku mwanya wa mbere n’amanota arindwi, ikurikiwe na Musanze FC yari ifite amanota atandatu mu mikino ibiri mu gihe Mukura Victory Sports yari ifite inota rimwe mu mikino itatu.

Ku wa Kane w’iki cyumweru, Minisiteri ya Siporo yakomoreye shampiyona z’icyiciro cya mbere mu mikino yose, ariko ivuga ko kugira ngo imyitozo n’amarushanwa bikorwe bigomba gusabirwa urushya.

Ikipe ya Bayern Munich yegukanye igikombe cya UEFA Champions League cy’umwaka ushize wa 2020 itsinze Paris St-Germain igitego kimwe ku busa. Uyu mwaka aya makipe yombi azahurira mu mikino ya 1/4 nk’uko Tombola yabigaragaraje.

Indi mikino abantu bagarutseho izaba ikomeye ni izahuza Real Madrid yo muri Esipanye na Liverpool yo mu Bwongereza. Icyo abenshi bibuka ni imvune ya Mohammed Salah yagize ubwo yagonganaga na Sergio Ramos akaba na kapiteni wa Real Madrid ku mukino wa nyuma mu mwaka wa 2018, icyo gihe bikaza kurangira Real Madrid yegukanye igikombe, mu gihe benshi bahaga amahirwe Liverpool.

Uko Tombola ya 1/4 yagenze:

– Bayern Munich izahura na Paris St-Germain
– Manchester City izahura na Borussia Dortmund
– FC Porto izahura na Chelsea FC
– Real Madrid izahura na Liverpool

Benshi bahise bibuka Sergio Ramos wa Real Madrid avuna ukuboko Mohammed Salah wa Liverpool

Uretse Tombola ya 1/4 hanatangajwe uko amakipe azahura muri 1/2. Ikipe izarokoka hagati ya FC Porto na Chelsea izahura n’izava hagati ya Real Madrid na Liverpool, mu gihe ikipe izava hagati Bayern Munich na Paris St-Germain izahura n’izakomeza hagati ya Manchester City na Borussia Dortmund.

Imikino ya mbere ya 1/4 izakinwa hagati ya tariki 06 na 07 Mata 2021 mu gihe imikino yo kwishyura izaba tariki ya 13 na 14 Mata 2021.

Akumuntu Kavalo Patrick ukinira Gisagara VC azakinira REG VC mu irushanwa rizabera muri Tunisia

Mu kongera imbaraga mu myiteguro no gushaka umusaruro muri iryo rushanwa, ikipe ya REG VC yongeyemo abakinnyi bane kugira ngo bazayifashe muri iyi mikino.

Abo bakinnyi ni: Akumuntu Kavalo Patrick usanzwe ukinira ikipe ya Gisagara VC, Ndayisaba Sylvestre nawe akinira Gisagara VC akaba yaranyuze muri iyo kipe akanayifasha gutwara shampiyona ya 2019 ari nayo yahaye REG VC itike yo kwitabira ayo marushanwa.

Mu bandi bakinnyi harimo Ntagengwa Olivier ukinira UTB VC nawe akaba yaratwaranye na REG VC igikombe mu mwaka wa 2019 ndetse na Niyogisubizo Samuel bakunda kwita Tayson ukinira UTB VC.

Ntagengwa Olivier ukinira UTB VC ari mu bari bahetse REG VC mu mwaka wa 2019

Mu Kiganiro Kigali Today yagiranye n’umuyobozi wa REG VC, Zawadi Geoffrey, yavuze ko ikipe imeze neza kandi iri gukora ibishoboka ngo izitware neza muri iryo rushanwa.

Yagize ati "Navuga ko ikipe imeze neza kuko turi mu mwiherero, turakora imyitozo kabiri ku munsi kandi abakinnyi bacu bameze neza cyane. Twongereyemo abakinnyi bane kugira ngo twongere imbaraga mu ikipe yacu ndetse no gushaka umusaruro mwiza muri iri rushanwa".

Ati “Navuga ko imyiteguro igoranye kuko kubona imikino ya gicuti bidakunda kuko nta shampiyona ihari cyangwa amarushanwa hano mu Rwanda. Dutegereje ko APR VC itangira imyitozo ubundi tukayisaba imikino ya gicuti. Ikindi abatoza bacu barimo gushaka imikino ya gicuti n’amakipe yo muri Tunisia ku buryo twazagenda mbere tukabona uko dukina na yo”.

Abakinnyi ba REG VC bari mu myitozo.

– Dusabimana Vincent

– Twagirayesu peacemaker

– Tuyizera John Baptiste

– Twagirayezu Emmy

– Sibomana Jean Paul

– Ndayisaba Sylvester

– Kiramira Fouste

– Rwigema Simon

– Niyonkuru Gloire

– Ngabo Romeo

– Irankunda Pacifique

– Kwizera Eric

– Ndayabaje Friend

– Niyogisubizo Samuel

– Ntagengwa Olivier

– Ongom Bob Ivan

– Akumuntu Kavalo Patrick

REG VC

Robert Lewandowiski yatsindiye Bayern Munich igitego cya mbere

Imikino ibiri yabaye mu ijoro ryo ku wa Gatatu tariki ya 17 Werurwe 2021 mu bihugu bitandukanye. Kuri Sidate ya Stamford Bridge,ikipe ya Chelsea yasezereye Atletico Madrid nyuma yo kuyitsinda ibitego bibiri ku busa.

Ibitego bya Chelsea byatsinzwe na Hakim Ziyech ku munota wa 34, igitego cya Kabiri cyabonetse Ku munota wa kane w’inyongera ku minota 90 y’umukino, maze Chelsea itambuka yemye nyuma yo gutsinda ibitego bitatu mu mikino ibiri yombi.

Ikipe ya Bayern Munich yasezereye Lazio Rome yo mu Butaliyani nyuma yo kuyitsinda ibitego bitandatu kuri bibiri mu mikino ibiri.

Emerson yatsindiye Chelsea FC igitego cya Kabiri cyashimangiye intsinzi ndetse no gukomeza mu cyiciro gikurikiyeho

Mu mukino wo ku wa Gatatu Bayern yatsinze Lazio Rome ibitego bibiri kuri kimwe . Ibitego bya Robert Lewandowiski kuri Penaliti ndetse n’igitego cya Eric Maxim Choupo- Moting ku munota wa 73. Lazio Rome yatsindiwe na Macro Parole ku munota wa 82.

Amakipe umunani agomba gutomborana muri 1/4 kuri uyu wa Gatanu tariki ya 19 Werurwe 2021 isaa saba z’amanywa ku cyicaro cya FIFA kiri mu Busuwisi.

Ayo makipe ni Liverpool, Manchester City na Chelsea zo mu Bwongereza, Real Madrid yo muri Esipanye, Paris St Germain yo mu Bufaransa, Bayern Munich na Borusia Dortmund zo mu Budage na FC Porto yo muri Portugal.

Ibyishimo by’igitego biraryoha ,abakinnyi ba Chelsea FC mu kanyamuneza

Abakinnyi babiri ba Real Madrid Lucas Vazquez wambaye nimero 17 na Sergio Ramos bishimiye igitego cya kabiri muri ubu buryo

Real Madrid yabigezeho nyuma yo gusezerera Atalanta yo mu Butaliyani ku giteranyo cy’ibitego bine kuri kimwe mu gihe Manchester City yasezereye Borrussia Monchenglabch yo mu Budage Ku giteranyo cy’ibitego bine Ku busa.

Ni imikino yabaye mu ijoro ryakeye ryo ku wa Kabiri tariki ya 16 Werurwe 2021. Ikipe ya Real Madrid yakiriye Atalanta yo mu Butaliyani kuri Stade Alfred Destefano mu mujyi wa Madrid. Ni umukino warangiye Real Madrid itsinze ibitego bitatu kuri kimwe (3-1) cya Atalanta.

Real Madrid yatsindiwe na Karim Benzema wafunguye amazamu Ku munota wa 34 aho yahise yuzuza ibitego 70 muri Uefa Champions League. Igitego cya kabiri cyatsinzwe na Sergio Ramos ku munota wa 60 kuri Penaliti na Marco Asensio watsinze icya gatatu ku munota wa 84.

Igitego rukumbi cya Atalanta cyatsinzwe na Louis Muriel Ku munota wa 83 bityo Madrid ikomeza ku giteranyo cy’ibitego bine kuri kimwe kuko umukino ubanza yariyatsindiye mu Butaliyani igitego kimwe ku busa bwa Atalanta.

Mu mujyi wa Budapest kuri Sitade Puskas Arena mu gihugu cya Hungary, habereye umukino wahuje Manchester City yo mu Bwongereza yakiriye Borussia Monchengladbach yo mu Budage iyitsinda ibitego bibiri Ku busa.

Ibitego byatsinzwe na Kevin de Bryune na Ikal Gundogan maze Manchester City ikomeza Ku giteranyo cy’ibitego bine ku busa kuko no mu mukino ubanza yari yatsinze bibiri ku busa bwa Monchengladbach

Karim Benzema yujuje ibitego 70 muri Uefa Champions League

Imikino itegerejwe kuri uyu wa Gatatu tariki ya 17 Werurwe 2021

22:00: Chelsea irakira Atletico Madrid
22:00: Bayern Munich vs Lazio de Roma

Amakipe atandatu niyo amaze kubona tike ya ¼ ariyo: Paris St Germain, Real Madrid , Liverpool, Manchester City, Fc Porto na Borussia Dortimund.

REG VC ikomeje imyitozo yitegura guserukira u Rwanda ku nshuro ya mbere

Iri rushanwa ryari riteganyijwe kuva tariki 02 kugeza 14 Mata 2021 ariko amatariki yigijwe inyuma.

Mu itangazo impuzamashyirahamwe y’umukino wa Volleyball ku mugabane wa Afurika CAVB yasohoye ku wa Kabiri tariki ya 16 Werurwe 2021 yamenyesheje abayobozi b’amashyirahamwe aho imikino yimuriwe n’amatariki mashya.

Yagize iti "Kubera ko tutarabona igisubizo cya nyuma cy’ishyirahamwe rya Misiri ku kwakira iri rushanwa, turabamenyesha ko Tuniziya ari yo izaryakira. Mubimenye imikino izabera i Sousse muri Tuniziya kuva tariki ya 16 kugeza 28 Mata 2021".

APR VC yabonye itike yo guhagararira u Rwanda nyuma yo gutwara igikombe cya shampiyona hashize imyaka itandatu

Ingengabihe y’irushanwa

– Tariki ya 16 Mata 2021: Kuhagera kw’amakipe
– Tariki ya 17 Mata 2021: Inama tekinike y’irushanwa
– Tariki ya 18 kugeza 27 Mata 2021 iminsi y’irushanwa nyirizina
– Tariki ya 28 Mata 2021 : Gutaha kw’amakipe n’abandi bose barebwa n’irushanwa

Ikipe ya REG VC yatwaye igikombe cya shampiyona mu mwaka wa 2019 mu gihe APR VC ari yo iheruka kwegukana shampiyona ya 2021.

Lionel Messi mu marira menshi nyuma yo gusezererwa

Ikipe ya FC Barcelone yasezerewe mu ijoro ryo ku wa Gatatu tariki ya 10 Werurwe 2021 nyuma yo kunganya na Paris St-Germain yo mu Bufaransa igitego kimwe ku kindi. Ni mu gihe mu mukino ubanza Paris St-Germain yari yanyagiye FC Barcelone iwayo muri Esipanye ibitego bine kuri kimwe.

Ikipe ya Juventus yo mu Butaliyani yasezerewe mu ijoro ryo ku wa Kabiri tariki ya 09 Werurwe 2021 nyuma yo gutsinda Porto yo muri Portugal ibitego bitatu kuri bibiri hakarebwa ibitego byo hanze kuko ikipe ya Porto yari yatsinze ibitego bibiri kuri kimwe mu mukino ubanza wabereye muri Portugal. Igiteranyo cyose cyabaye ibitego bine kuri bine ariko Porto ikomeza kubera ko yatsinze ibitego byinshi hanze.

Penaliti ya Mbappe yabaye igitego cya kane atsinze FC Barcelone mu mikino ibiri

Umukino wa Paris St-Germain yakiriye FC Barcelone wari witezwe na benshi kuko abafana ba Barcelone bavugaga ko ikipe yabo ishobora gutsinda ibitego bine ku busa igakomeza , cyangwa igakora nk’ibyo yakoze muri 2017 aho mu mukino ubanza yatsinzwe ibitego bine, mu mukino wo kwishyura igatsinda PSG ibitego bitandatu kuri kimwe, ibyiswe ‘La Montada’.

Ikipe ya Paris St-Germain yari mu rugo ni yo yafunguye amazamu ku munota wa 31 kuri Penaliti yari ikorewe Mauro Icardi maze Mbappe yinjiza neza iyo Penaliti. Nyuma y’iminota itandatu, ku munota wa 37, FC Barcelone yaje kubona igitego cyo kwishyura cyatsinzwe na Lionel Messi ari na ko igice cya mbere cyarangiye.

Cristiano Ronaldo na Messi bababajwe no gusezererwa hakiri kare

Mu gice cya Kabiri FC Barcelone yaje kubona penaliti yakorewe Antoine Griezman maze Lionel Messi ayiteye umunyezamu Keylor Navas ayikuramo, umukino urangira utyo Paris St-Germain ikomeza ku giteranyo cy’ibitego bitanu kuri bibiri.

Uko imikino ya 1/8 yagenze:

Kuwa Kabiri tariki ya 09 Werurwe 2021

– Borussia Dortmund 2 – 2 Sevilla
– Juventus 3 – 2 FC Porto

Ku wa Gatatu tariki ya 10 Werurwe 2021

Liverpool 2 – 0 RasenBallsport Leipzig
Paris Saint-Germain 1 – 1 Barcelona

Indi mikino ya 1/8 iteganyijwe mu cyumweru gitaha:

Ku wa Kabiri tariki ya 16 Werurwe 2021

22:00 Manchester City ? - ? Borussia Moenchengladbach
22:00 Real Madrid ? - ? Atlanta

Ku wa Gatatu tariki ya 17 Werurwe

22:00 Bayern Munich ? - ? Lazio
22:00 Chelsea ? - ? Atletico Madrid

Kaze Cedric yirukanywe muri Yanga nyuma yo kubona amanota umunani kuri 18

Nyuma yo kunganya umukino wa Gatatu yikurikiranya, ikipe yafashe icyemezo cyo kumwirukana. Mu itangazo yageneye abakunzi bayo, ubuyobozi bw’iyo kipe bwatangaje ko bwatandukanye n’abatoza bose uhereye ku Cyumweru tariki 07 Werurwe 2021.

Iyo kipe yatangaje ko yatandukanye n’umutoza mukuru Kaze Cedric, Umutoza wungirije Nizar Halfan umutoza wongerera ingufu abakinnyi Edem Mortolsi, umutoza w’abazamu Vladimir Niyonkuru ndetse n’ushinzwe umutekano w’ikipe Mussa Mahundi.

Yanga yashimiye aba batoza akazi bayikoreye mu gihe bayimazemo inasaba abakunzi bayo gutuza mu gihe bagishaka abatoza bashya.

Mu mikino itandatu iheruka, Yanga yatsinzemo umukino umwe wa Mtibwa Sugar, itsindwa na Costal Union, inganya na Tanzania Prison, Mbeya City, Kagera Sugar na Polisi Tanzania. Bivuze ko mu manota 18, Young Africans yabonyemo amanota 8 gusa.

Kaze Cedric yinjiye muri Yanga aje gusimbura umutoza Zlatko Krampotic na we wirukanywe nyuma yo kugira umusaruro mubi.

Kaze Cedric n’abatoza bagenzi be basize Yanga ku mwanya wa mbere n’amanota 50 mu mikino 23. Ikipe ya Simba SC iri ku mwanya wa kabiri n’amanota 45 mu mikino 19. Bivuze ko Simba niramuka itsinze imikino yayo ine y’ibirarane izayobora urutonde rwa Shampiyona n’amanota 57.

Minisitiri Munyangaju yakiriye Team Rwanda

Ni igikorwa cyabaye kuri uyu wa Mbere tariki ya 08 Werurwe 2021, nk’uko tubikesha urubuga rwa Twitter rwa Minisiteri ya Siporo, rwanditseho ko Minisitiri wa Siporo Aurore Mimosa Munyangaju yashimye umusaruro w’Ikipe y’Igihugu y’Amagare.
Yagize ati "Ibyo mwakoze turabibashimira, mwahaye ibyishimo Abanyarwanda. Abanyarwanda bose bamaze kumva ko aho mugiye nta mpungenge, ko muzitwara neza".

Kapiteni wa Team Rwanda, Joseph Areruya, yavuze ko imidali 14 batwaye idahagije ugereranyije n’ibyo bifuzaga, bikaba byaratewe n’uko bakoze imyiteguro idahagije kubera Covid-19. Yongeraho ko hakenewe imyitozo myinshi kugira ngo barusheho kwitegura n’andi marushanwa ategerejwe arimo na Tour du Rwanda 2021.

Minisitiri Munyangaju ( hagati) yashimye umusaruro abakinnyi bavanye mu Misiri

Shampiyona Nyafurika yebereye mu Mujyi wa Cairo mu Misiri kuva tariki ya 03 kugera ku ya 06 Werurwe 2021, aho ikipe y’u Rwanda yegukanye imidari 14 irimo umwe wa Zahabu wegukanywe na Tuyizere Etienne mu gusiganwa mu muhanda ( road race) mu cyiciro cy’ingimbi.

Kapiteni wa Team Rwanda yasabye Minisiteri ya Siporo kubafasha kwitegura neza amarushanwa arimo na Tour du Rwanda 2021

Myugariro wa Manchester, United Wan Bissaka ahanganye na Rutahizamu wa Manchester City, Raheem Sterling

Ku Cyumweru tariki ya 07 Werurwe 2021 kuri Sitade ya Etihad ikipe ya Manchester City yakiriye Manchester United ihatsindirwa ibitego bibiri ku busa. Manchester United yafunguye amazamu ku gitego cyatsinzwe na Bruno Fernandez kuri Penaliti, ku ikosa ryari rikozwe na Gabriel Jesus arikoreye Anthony Martial, icyo gitego nicyo cyasoje igice cya mbere.

Manchester United yakinnye neza igice cya mbere, yabonye igitego cya kabiri cyatsinzwe na Luke Shaw ku munota wa 50 maze icyizere cy’amanota atatu kwa Pep Guardiola kirayoyoka.

Abakinnyi ba Manchester United bishimira igitego cya Kabiri

Umutoza wa Manchester United, Ole Gunner Solsker, yakoze amateka yo gutsinda Manchester City iwayo inshuro eshatu zikurikirana.

Nyuma yo gutsinda uwo mukino, Manchester United yagumye ku mwanya wa kabiri n’amanota 54 mu gihe Manchester City ikomeje kuyobora urutonde n’amanota 65.

Ikipe ya Liverpool yabihiwe n’umunsi wa 27 nyuma yo gutsindwa na Fulham mu rugo igitego kimwe ku busa, cyatsinzwe na Mario Lemina ku munota wa 45 w’umukino.

Umunsi wa 27 wa Shampiyona

Kuwa Gatandatu tariki ya 06 Werurwe 2021

– Burnley 1-1 Arsenal
– Sheffield United 0-2 Southampton
– Aston Villa 0-0 Wolverhampthon Wanders
– Brighton &Hove Albion 1-2 Leicester City

Ku Cyumweru tariki ya 07 Werurwe 2021

– West Bromwich Albion 0- New Castle
– Liverpool 0-1 Fulham
– Tottenham 4-1 Crystal Palace
– Manchester City 0-2 Manchester United

Kuwa Mbere tariki ya 08 Werurwe 2021

– 20:00 Chelsea irakira Everton
– 22:00: West Ham United irakira Leeds United

Umwe mu bakinnyi ba Musanze FC akingirwa

Kuri uyu wa Gatandatu tariki 06 Werurwe 2021, abakinnyi b’ikipe ya Musanze FC nabo bazindukiye mu gikorwa cyo gukingirwa icyo cyorezo.

Mu Kiganiro yagiranye na Kigali Today, Umuvugizi wa Musanze FC Uwihoreye Ibrahim, yavuze ko 75% by’abakinnyi b’iyo kipe bamaze gukingirwa.

Yagize ati" Ubu tuvugana abakinnyi bagera kuri 75% bamaze gukingirwa, abari mu Karere ka Musanze ndetse n’abari mu Ntara y’Amajyaruguru nibo twahereyeho kuko bitari kudukundira kugera ku bandi batashye iwabo, ariko nabo turakora ibishoboka byose ngo nabo bakingirwe".

Aba bari bamaze gukingirwa

Uwo muvugizi wa Musanze FC yakomeje avuga ko basabye abakinnyi gukomeza kwirinda icyorezo cya Covid-19 nubwo bakingiwe.

Ati "Mbere yo kubakingira twabasabye kutirara ngo bumve ko bageze ku iherezo rya Covid-19. Bakomeze birinde turebe ko Shampiyona yagaruka duhagaze neza".

Ikipe ya Musanze FC yabaye ikipe ya mbere ikingiwe icyorezo cya Covid-19, ikaba itegereje ko Shampiyona yasubitswe yasubukurwa.

Uganda Cranes yahamagaye abakinnyi izifashisha muri Afcon 2021

Mu bakinnyi bahamagawe harimo abakinnyi babiri bari mu ikipe y’igihugu y’abatarengeje imyaka 20 iri mu gikombe cya Afurika kirimo kubera muri Mauritanie, abo ni Kapiteni wayo Garvin Mugweri Kizito n’umukinnyi ukina hagati Bobosi Byaruhanga.

Abakinnyi 31 bahamagawe

Goalkeepers: Denis Onyango (Mamelodi Sundowns, South Africa), Salim Jamal Magoola (Al Hilal Omdurman, Sudan), Mathias Kigonya (Azam FC, Tanzania), Charles Lukwago (KCCA FC, Uganda).

Defenders: Nico Wakiro Wadada(Azam FC, Tanzania), Elvis Bwomono (South End, England), Bevis Mugabi (Motherwell, Scotland), Murushid Juuko (Express FC, Uganda), Musitafa Kiiza(DC Montreal, USA), Joseph Ochaya (TP Mazembe, DR Congo), Timothy Dennis Awany (FC Ashdod, Israel), Ronald Mukiibi(Ostersunds, Sweden), Halid Lwaliwa (Vipers SC, Uganda), Garvin Kizito Mugweri (SC Villa, Uganda).

Midfielders: Khalid Aucho (Misr Lel Makkasa, Egypt), Mike Azira (New Mexixo United-, USA), William Kizito Luwagga (Hapoel Kfar Saba- Israel), Allan Okello (AC Paradou, Algeria), Allan Kyambadde (El Gouna, Egypt), Moses Waiswa (SuperSport United, South Africa), Taddeo Lwanga (Simba SC, Tanzania), Abdu Lumala (Pyramids FC, Egypt), Bobosi Byaruhanga (Vipers SC, Uganda).

Forwards: Uche Ikpeazu Mubiru (Wycombe Wanders, England), Fahad Bayo (FC Ashdod, Israel), Daniel Isiagi(Jomo Cosmos, South Africa), Faruku Miya (Konyaspor, Turkey) Yunus Ssentamu (Vipers SC), Emmanuel Okwi (Al Ittihad Alexandria, Egypt), Patrick Kaddu (Youssoufia Berrechid-Tunisia.

Uganda iri mu itsinda rya kabiri aho iri kumwe n’amakipe nka Burkina Faso, Malawi na South Sudan.

Uko itsinda rihagaze

1. Burkina Faso imikino ine, amanota 8

2. Uganda : Imikino ine, amanota 7

3. Malawi : Imikino ine, amanota 4

4. South Sudan: Imikino ine, amanota 3

Rutahizamu wa Chelsea Mason Mount (wambaye ubururu) amaze gutsinda ibitego bitatu mu mikino umunani

Ni umukino wagoye ikipe ya Liverpool yibasiwe n’imvune z’abakinnyi bakomeye bayo. Ikipe ya Chelsea yabonye uburyo bwa mbere ku munota wa 24 igitego cyatsinzwe na Timo Werner ariko ikoranabuhanga ryunganira abasifuzi VAR riracyanga. Ku munota wa 42 Chelsea yaje kubona igitego ku mupira wari utewe neza na N’golo Kante maze Moson Mount aboneza mu izamu.

Iki gitego Liverpool yashatse uburyo bwo kucyishyura ariko ntibyayikundira ari na ko umukino waje kurangira.

Gutsinda kwa Chelsea kwayinjije mu makipe ane ya mbere aho yahise igira amanota 47 ku mwanya wa kane mu gihe Liverpool yisanze ku mwanya wa karindwi n’amanota 43.

Indi kipe yanyereye ku munsi wa 27 ni Manchester United aho ku wa Gatatu tariki ya 03 Werurwe 2021 yanganyije na Crystal Palace ubusa ku busa. Kunganya kwa Manchester United byongereye ikinyuranyo cy’amanota 14 hagati yayo na Manchester City iri ku mwanya wa mbere mu gihe Manchester United yagumye ku mwanya wa Kabiri n’amanota 51.

Imikino y’umunsi wa 27:

Ku wa Kabiri tariki ya 02 Werurwe 2021

– Manchester City 4 - 1 Wolverhampton Wanderers

Ku wa Gatatu tariki ya 03 Werurwe 2021

– Burnley 1 – 1 Leicester City
– Sheffield United 1 - 0 Aston Villa
– Crystal Palace 0 - 0 Manchester United

Ku wa Kane tariki ya 04 Werurwe 2021

– Fulham 0 - 1 Tottenham Hotspur
– West Bromwich Albion 0 - 1 Everton
– Liverpool 0 - 1 Chelsea

Ikipe y’igihugu ya Cameroon iyoboye itsinda rya Munani izasura Cap-Vert, isoze imikino yo mu itsinda rya munani yakira u Rwanda kuri Jopoma Stadium mu mujyi wa Douala

Abakinnyi 37 bahamagawe:

Abanyezamu:

1.Ondoa Fabrice (NK Istara 1961- Croatia)
2. Omossola Simon (AS Vita Club - RDC)
3.Efala Komguep Jean ( Akwa United - Nigeria)
4.Blondy Noukeu ( Stoke City - mu Bwongereza)
5. Haschou Kerriso( PWD Bamenda - Cameroon)

Ba myugariro:

6. Fai Collins (Standard de Liege- Belgique)
7.Ngadeu Michael ( La Gantoise- Belgique)
8. Onguene Michael ( Genoa - Italie)
9.Bagnack Macky( Partizan Belgrade- Serbia)
10.Moukoudi Harold ( St Etienne - France )
11.Mbaizo Olivier ( Union Philadelphia- USA)
12.Castelletto J.C( Nantes- France)
13. Meyapa Fongain ( Fauvre Azur-Cameroon)
14. Ngah Fabrice (Ceramica Cleopatra FC- Egypt)
15.Nouhou Tolo ( Seattle- USA)
16.Serge Leuko ( Waasland Beveren - Belgique

Abakina Hagati:

17. Kunde Malong ( Mainz - Allemagne )
18. Zambo Anguissa (Fulham- Angleterre)
19.Djoum Arnaud ( AL Raed- Arabie Saudite)
20. Onana Jean ( Royal Excel Mouscron - Belgique)
21. Eteki Brice Van ( Granada- Espagne)
22. Hongla Martin (Antwerp- Belgique)
23. Oum Couet Samuel (Altach- Autriche)
24.Lea Siliki ( Rennes- France)
25.Franck Bambock ( Martimo- Portugal)
26. Ivan Neyou ( As St Etienne- France)

Ba Rutahizamu

27. Yoko Ekambi( Lyon - France)
28. Martin Assomo (As Fortuna- Cameroon)
29.Bassogog Christian ( Shanghai Shenshua-Chine)
30. Choupo- Moting ( Bayern Munich- Allemagne)
31. Vincent Aboubakar ( Beskitas- Tourquie)
32. John Mary ( Avista Fukuoka- Japan )
33. Ngamaleu Moum ( Young Boys - Suisse)
34. Bahoken Stephene ( Angers - France)
35. Tabekou Serge ( Royal Excel Mouscron- Belgique)
36. Clinton Njie ( Dynamo Moscow- Russie)
37.Ignatius Ganago ( Lens - France)

Amavubi amaze gukina imikino ine akaba yaratsinzwemo imikino ibiri. Amavubi yatsinzwe na Mozambique ibitego bibiri ku busa ndetse atsindwa na Cameroon igitego kimwe ku busa. Amanota abiri u Rwanda rufite rwayabonye mu mikino rwanganyijemo na Cap-Vert imikino yombi.

Uko itsinda rya Gatandatu rihagaze :
1. Cameroon: imikino ine, amanota 10
2. Mozambique: Imikino ine ,amanota 5
3. Cape Vert: Imikino ine ,amanota 4
4. Rwanda: imikino ine, amanota 2

Dean Murray yamaze gutandukana na Patriots BBC

Mu kiganiro Kigali Today yagiranye na Perezida wa Patriots BBC, Brian Kirungi, yasobanuye impamvu uyu mutoza yagiye. Yagize ati "Umutoza wacu yari hano kubera imikino ya Basketball Africa League kandi imikino yarasubitswe dutegereje igihe bazatangariza andi matariki y’iyi mikino".

Uyu muyobozi yakomeje avuga ko bazasuzuma umusaruro w’umutoza barebe niba azagaruka. Yagize ati "Tuzasuzuma umusaruro w’umutoza wacu turebe niba twamugarura cyangwa tuganire n’abandi batoza bazaba bahari".

Dean Murray yaje muri Patriots BBC mu kwezi kwa Gashyantare 2020 akaba yaragombaga gutoza imikino ya Basketball Africa League. Yahesheje Patriots BBC Shampiyona ya 2020 atsinze REG BBC ku mukino wa nyuma amanota 76 kuri 61.

Umukino wa Chelsea na Manchester wari ishiraniro

Kunganya kwa Chelsea na Manchester United byatumye Manchester United ijya ku mwanya wa Kabiri n’amanota 50 mu gihe Manchester City yicaye ku mwanya wa mbere n’amanota 62.

Undi mukino wari witezwe n’abatari bake wabaye kuri iki Cyumweru ni uwo ikipe ya Arsenal yatsinzemo Leicester City ibitego bitatu kuri kimwe. Leicester City ni yo yafunguye amazamu ku gitego cyatsinzwe na Youri Tielmans ku munota wa Gatandatu. David Louiz yatsinze igitego cyo ku munota wa 39 ku mupira yari ahawe na Willian. Arsenal yaje kubona igitego cya kabiri ku munota wa Kabiri w’inyongera ku minota 45 y’umukino cyatsinzwe na Alexandre Lacazette kuri Penaliti. Igitego cya Gatatu cyatsinzwe na Nicolas Pepe ku munota wa 52 maze Arsenal itahana amanota atatu.

Gutsinda kwa Arsenal kwatumye yongera amanota igera kuri 37 ,mu gihe Leicester City yagumye ku mwanya wa Gatatu n’amanota 49.

Imikino y’umunsi wa 26 wa Shampiyona

Imikino yabaye Gatandatu tariki ya 27 Gashyantare 2021

* Manchester City 2-1 West Ham
* New Castle united 1-1 Worvempton Wonders
* Leeds United 0-1 Aston Villa
* West Bromwich Albion 1-0 Brighton & Hove Albion

Imikino yakinwe Cyumweru tariki ya 28 Gashyantare 2021

* Leicester City 1-3 Arsenal
* Crystal Palace 0-0 Fulham
* Tottenham 4-0 Burnley
* Chelsea 0-0 Manchester United
* Sheffield United 0-2 Liverpool

Ku wa Mbere tariki ya 01 Werurwe 2021

22:00: Everton irakina Southampton

Kigali Today yabonye ibaruwa itumira abanyamuryango ba FRVB kuzitabira inama y’inteko rusange isanzwe izaba tariki ya 27 Werurwe 2021 izaberamo amatora.

Uretse Komite Nyobozi izatorwa, hazatorwa kandi :
▪️ Biro y’Inteko Rusange
▪️ Abagenzuzi b’Imari
▪️ Akanama nkemurampaka

Komite Nyobozi ya FRVB iyobowe na Karekezi Leandre, wungirijwe na Visi Perezida wa Mbere Kansiime Julius ,Visi Perezida wa Kabiri ushinzwe amarushanwa Ruterana Fernand n’Umunyamabanga Adalbert Mfashimana.

Amategeko agenga amatora mu ishyirahamwe ry’umukino wa Volleyball avuga ko Kandidatire zitangwa iminsi 15 mbere y’itariki nyirizina y’amatora.

Umukino wa Chelsea yakira Manchester United urimo imibare myinshi ku mpande zombi

Saa munani z’i Kigali ikipe ya Arsenal iri ku mwanya wa 10 irakina na Leicester City iri ku mwanya wa Gatatu. Ni umukino ufite igisobanuro ku mpande zombi. Ikipe ya Leicester City ikeneye gutsinda uyu mukino kugira ngo yizere umwanya wa Kabiri mbere y’uko Manchester United iri kuri uyu mwanya wa Kabiri ikina 18:30.

Arsenal itozwa na Mikel Arteta iracyashaka amanota ndetse no guhatanira kwinjira mu makipe ane ya mbere ( Big Four).

Umukino twakwita uw’umunsi ni umukino uhuza Chelsea yakira Manchester United saa 18:30 ku masaha yo mu Rwanda. Gutsinda uyu mukino kuri Chelsea biratuma yicara ku mwanya wa Kane n’amanota 46 imbere ya West Ham United iri ku mwanya wa Kane.

Manchester United ifite akazi gakomeye ko kwivana i Londres mu murwa mukuru w’iki gihugu kuko iramutse ihatsindiwe ikinyuranyo hagati yayo n’umuturanyi wayo ari we Manchester City cyaba amanota 12 bikaba byasobanura gutakaza igikombe kuri Manchester United.

Imikino y’umunsi wa 26 wa Shampiyona:

Imikino yabaye Gatandatu tariki ya 27 Gashyantare 2021

– Manchester City 2-1 West Ham
– New Castle united 1-1 Worvempton Wonders
– Leeds United 0-1 Aston Villa
– West Bromwich Albion 1-0 Brighton & Hove Albion

Imikino itegerejwe kuri iki Cyumweru tariki ya 28 Gashyantare 2021

– 14:00: Arsenal irakina na Leicester City
– 14:00 : Crystal Palace irakina na Fulham
– 16:00: Tottenham irakina na Burnley
– 18:30: Chelsea irakina na Manchester United
– 21:00: Sheffield United irakina na Liverpool

Ku wa Mbere tariki ya 01 Werurwe 2021

– 22:00: Everton irakina na Southampton

CIP Obed Bikorimana (uri ibumoso) wagizwe Umunyamabanga wa Police FC ahererekanya ububasha na CIP Maurice Karangwa yasimbuye

Umuhango w’ihererekanyabubasha wabaye ku gicamunsi cyo kuri uyu wa Gatanu tariki ya 26 Gashyantare 2021, ukaba wabereye ku cyicaro cya Police FC giherereye ku Muhima mu Karere ka Nyarugenge mu Mujyi wa Kigali.

Nk’uko tubikesha urubuga rwa Twitter rw’ikipe kipe ya Polisi FC, banditse bagira bati "Ubuyobozi bwa Police FC bwashyizeho CIP Obed Bikorimana, kuba Umunyamabanga mushya, akaba asimbuye CIP Maurice Karangwa”.

Mu byo abakurikirana umupira w’amaguru mu Rwanda bazibukira kuri CIP Maurice Karangwa, ni uko ku ngoma ye ari bwo ikipe yatangiye kugura abakinnyi b’amazina akomeye cyane barimo Nshuti Dominic Savio, Nsabimana Aimable, Munyakazi Yousuf Lule , Rutanga Eric n’abandi bakinnyi bafite amazina azwi mu Rwanda.

Shampiyona yahagaze Police Fc imaze gukina umukino umwe, aho ifite amanota atatu ikaba ku mwanya wa Gatanu.

Abayobozi ba Police FC bafashe icyemezo cyo guhindura Umunyamabanga mu rwego rwo kongera amaraso mashya mu ikipe

Ihererekanyabubasha ryahise rikorwa ako kanya

Abafana bafite amatsiko yo kureba ibihanganye muri Basketball n’ubwo amahirwe ari make kubera icyorezo cya Covid-19

Ibihugu 13 bizitabira iri rushanwa byamaze kumenyekana. Ikipe ya Sudan y’Epfo ni yo izaryitabira ku nshuro ya mbere, mu gihe Kenya yari imaze imyaka 28 ititabira. Ikipe ya Senegal ni yo imaze kwitabira inshuro nyinshi 29, mu gihe ikipe y’igihugu ya Angola ari yo imaze gutwara ibikombe byinshi 11.

1. Rwanda

U Rwanda ni igihugu kizakira iri rushanwa kikaba cyari mu itsinda rya kane. Mu mikino itandatu rwakinnye rwatsinzemo umukino umwe rutsindwa itanu. U Rwanda rumaze kwitabira inshuro esheshatu rukaba rugiye kwitabira ku nshuro ya karindwi. Umwanya mwiza ikipe y’u Rwanda yabonye ni umwanya wa cyenda mu mwaka wa 2009.

2. Nigeria

Ikipe ya Nigeria ni imwe mu makipe y’ubukombe ku mugabane wa Afurika mu mukino wa Basketball. Nigeria yasoje urugendo rwo gushaka itike y’igikombe cya Afurika idatsinzwe, aho yatsinze imikino yose itandatu. Nigeria imaze kwitabira inshuro 19 ikaba izaza i Kigali muri iryo rushanwa izaba yitabiriye ku nshuro ya 20. Mu nshuro 19 imaze kwitabira yatwayemo igikombe inshuro imwe mu mwaka wa 2015.

3. Sudan y’Epfo

Iyi kipe ni imwe mu makipe abiri yitabiriye ku nshuro ya mbere ikaba yari mu itsinda rya Kane hamwe na Nigeria, Mali, n’u Rwanda. Iyi kipe yasoje iri ku mwanya wa Gatatu yandika andi mateka muri uyu mukino.

4. Mali

Ni imwe mu makipe amaze kwitabira iki gikombe inshuro nyinshi aho imaze kwitabira inshuro 20. Umwanya mwiza yabonye ni uwa Gatatu hari mu mwaka wa 1972. Mali yabonye itike ije ku mwanya wa kabiri aho yari mu itsinda rya Kane hamwe na Nigeria, Mali n’u Rwanda.

Kenya yabonye itike yo gukina Afro-Basket nyuma y’imyaka 28 yari imaze itabona itike

5. Senegal

Ni yo kipe imaze kwitabira iki gikombe inshuro nyinshi 29. Muri izi nshuro yatwayemo ibikombe bitanu mu mwaka wa 1968, 1972, 1987, 1990, 1997. Iyi kipe yabonye itike yo kwitabira iki gikombe ku nshuro ya 30 aho yayoboye itsinda rya kabiri ryarimo amakipe ya Kenya, Mozambique na Angola. Mu mikino itandatu yakinnye yatsinze itanu itsindwa umwe isoza ifite amanota 11.

6. Côte d’Ivoire

Iyi kipe imaze kwitabira inshuro 24 ikaba yaratwayemo ibikombe bibiri mu mwaka wa 1981 na 1985. Côte d’Ivoire yabonye itike yo kwitabira ku nshuro ya 25 nyuma yo kuba iya mbere mu itsinda rya Gatatu ryarimo Cameroon, Guinea na Equatorial Guinea. Urugendo rwo gukina Afro-Basket 2021 Côte d’Ivoire yarusoje itsinze imikino itandatu n’amanota 12, aka gahigo ikaba isangiye na Nigeria.

7. Tuniziya

Iyi kipe imaze kwitabira inshuro 23 ikaba yaratwaye ibikombe bibiri. Ni yo yegukanye igikombe giheruka yari yakiriye muri 2017 ndetse inatwara icya 2011. Inshuro ya 24 izitabira yayikesheje kuba iya mbere mu itsinda rya mbere ryarimo : Tuniziya, DR Congo, Santarafurika na Madagascar.

Tuniziya ni yo ifite igikombe giheruka mu mwaka wa 2017

Uburyohe bwo gutwara igikombe mu mwaka wa 2017 bwatumye kuri iyi nshuro itsinda amakipe yose bari kumwe, imikino itandatu, amanota 12 izamuka yemye.

8. Angola

Ikipe ya Angola ifatwa nk’umwami wa Basketball muri Afurika. Imaze kwitabira inshuro 21 ikaba imaze gutwara ibikombe 11 mu mwaka wa 1989, 1992, 1993, 1996, 1999, 2001, 2003, 2005, 2007, 2009 na 2013.

Angola ni ubukombe kuko imaze gutwara ibikombe 11 bya Afurika muri Basketball

Angola izitabira igikombe kizabera i Kigali ku nshuro yayo ya 22 nyuma yo kuba iya kabiri ikurikiye Senegal mu itsinda rya Kabiri.

9. Misiri

Iyi kipe imaze kwitabira inshuro 24 itwaramo ibikombe bitanu mu mwaka wa 1962, 1964, 1970, 1975 na 1983. Iyi kipe yabonye itike yo kwitabira ku nshuro ya 25 nyuma yo kuba iya mbere mu itsinda rya Gatanu ryarimo Cap Vert, Morocco na Uganda. Misiri yatsinze imikino itanu yose yakinnye ibona amanota 10.

Kigali Arena izakira amakipe y’ibihugu 13 mu irushanwa rizayahuza

10. Cameroon

Iyi kipe imaze kwitabira iki gikombe inshuro 10. Umwanya mwiza yagize ni uwa Kabiri aho yatsinzwe na Angola ku mukino wa nyuma. Ikipe ya Cameroon yabaye iya Kabiri inyuma ya Côte d’Ivoire. Mu mikino itanu yakinnye, yatsinzemo itatu itsindwa imikino ibiri isoza ifite amanota umunani.

11. Santarafurika

Iki gihugu kimaze iminsi cyarayogojwe n’intambara ntikijya gisiba mu gikombe cya Basketball. Kimaze kwitabira inshuro 20 aho kimaze gutwara ibikombe bibiri mu mwaka wa 1974, 1987. Inshuro ya 21 kigiye kwitabira cyayigezeho nyuma yo kuza ku mwanya wa Gatatu mu itsinda rya Mbere aho cyakurikiye Senegal na DR Congo. Mu mikino itandatu cyatsinze itatu gitsindwa itatu gisoza gifite amanota icyenda.

12. DR Congo

Uyu muturanyi w’u Rwanda mu Burengerazuba amaze kwitabira inshuro zirindwi aho mu mwanya mwiza yagize ari uwa Kane mu mwaka wa 1975. Inshuro ya munani DR Congo yayibonye nyuma yo kuza ku mwanya wa kabiri nyuma ya Tuniziya aho mu mikino itandatu iyi kipe yatsinze itatu itsindwa itatu isoza ifite amanota icyenda.

13. Kenya

Iyi kipe yanditse amateka nyuma yo kubona itike nyuma y’imyaka 28 yari ishize ititabira. Iyi kipe yaherukaga kwitabira mu mwaka wa 1993 aho yasoje iri ku mwanya wa Kane ukaba ari na wo mwanya mwiza yagize.

Kenya yabonye itike yo kuza i Kigali nyuma yo gutsinda Angola amanota 75 kuri 74 ya Angola. Kenya yabaye iya Gatatu mu itsinda rya Kabiri aho yaje inyuma ya Senegal na Angola. Mu mikino itandatu, Kenya yatsinze ibiri, itsindwa ine isoza urugendo ifite amanota umunani.

Umutoza wa Kenya Lizzy Mills yanditse amateka yo kuba umutoza wa mbere w’umugore uhesheje ikipe y’abagabo itike yo kwitabira iki gikombe

CS Sfaxien yasezereye As Kigali izacakirana na Etoile du Sahel, amakipe asanzwe ahangana muri Shampiyona ya Tuniziya

Ikipe ya Sfaxien yasezereye As Kigali yisanze mu itsinda rimwe rya Gatatu na Etoile du Sahel amakipe yombi akomoka mu gihugu cya Tunisie. Ikipe ya RS Berkane yo muri Morocco yatwaye igikombe cya 2020 yisanze mu tsinda rya Kabiri iri kumwe na JS Kabilie yo muri Algeria na Napsa Stars yo muri Zambia yasezereye Gormahia yo muri Kenya

Uko Tombola yagenze:

Itsinda rya Mbere ( Group A)
Enyimba FC
ES Sétif
Orlando Pirates
Ahli Benghazi

Itsinda rya Kabiri (GROUP B)
RS Berkane
JS Kabylie
Cotonsport
NAPSA Stars

Itsinda rya Gatatu (GROUP C)
Etoile Sahel
CS Sfaxien
Salitas FC
ASC Jaraaf

Itsinda rya Kane (GROUP D)
Raja Club Athletic
Pyramids FC
Nkana FC
Namungo SC/Primeiro Agosto

Ingengabihe y’uko imikino y’amatsinda izakinwa:

Umunsi wa Mbere uzakinwa tariki ya 10 Werurwe 2021
Umunsi wa Kabiri uzakinwa tariki 17 Werurwe 2021
Umunsi wa Gatatu uzakinwa tariki 04 Mata 2021
umunsi wa Kane uzakinwa tariki 11 Mata 2021
Umunsi wa Gatanu uzakinwa 21 Mata 2021
Umunsi wa Gatandatu uzakinwa tariki ya 28 Mata 2021

Buri kipe yageze mu mikino y’amatsinda yegenewe ibihumbi 250 by’Amadolari ya Amerika ni ukuvuga asaga Miliyoni 240 z’Amafaranga y’u Rwanda. Ikipe izatwara iki gikombe izegukana Miliyoni imwe n’igice y’Amadolari ya Amerika ($1.500,000), ni ukuvuga asaga Miliyari n’igice mu mafaranga y’u Rwanda.

Ni umukino wabaye kuri uyu wa Gatanu tariki ya 19 Gashyantare 2021 kuri Salle Mohammed Mzali Arena mu Mujyi wa Monastir muri Tuniziya.

Ikipe y’u Rwanda yaje muri uyu mukino nyuma yo gutsindwa imikino ibiri uwa Nigeria na Mali. Gutsindwa na Sudani byari gutuma u Rwanda rutsindwa imikino itandatu yo mu byiciro bibiri.

Ni umukino watangiye Sudani y’Epfo itwara agace ka mbere aho yatsinze amanota 19 kuri 18 y’u Rwanda. Agace ka Kabiri Sudani y’Epfo nako yakayoboye aho yatsinze amanota 29 kuri 28 y’u Rwanda. Abasore b’u Rwanda batozwa na Henry Muinuka bavuye mu kiruhuko n’imbaraga nyinshi maze bigaranzura Sudani y’Epfo bayitsinda amanota 43 kuri 38. Agace ka kane karangiye amakipe yombi anganya amanota 53.

Nyuma yo kunganya amanota 53 kuri 53 hitabajwe iminota 5 maze u Rwanda rutsindamo amanota 9 ku manota atanu ya Sudani y’Epfo umukino wose urangira u Rwanda rutsinze amanota 62 kuri 58 ya Sudani y’Epfo.

Kaje Elie ni we mukinnyi wahize abandi mu mukino kuko yatsinze amanota 10, rebounds 5, atanga imipira ine yabyaye amanota, yiba imipira itatu yavaga ku bakinnyi ba Sudani y’Epfo. Kaje yasoje afite impuzandengo y’umusaruro ya +19 mu minota 37’48’’ yamaze mu kibuga. Jean Jacques Nshobozwabyosenumukiza umwe mu bakinnyi bafashije u Rwanda muri iyi mikino itatu, yakinnye iminota 41’34” yatsinze amanota 15, atanga umupira umwe wabyaye amanota aniha imipira 14 ayikuye ku bakinnyi ba Sudani y’Epfo anagira impuzandengo y’umusaruro ya +18.

Nigeria, Sudani y’Epfo na Mali zakatishije itike ya Afrobasket 2021

Nyuma y’uko hasojwe iyi mikino y’amajonjora yo mu itsinda D, ikipe y’igihugu ya Nigeria yabaye iya mbere n’amanota 12, Sudani y’Epfo iba iya kabiri n’amanota 9 ndetse na Mali ya 3 n’amanota 8, zabonye itike y’imikino y’igikombe cya Afurika “FIBA AFROBASKET”, kizabera mu Rwanda kuva tariki 28 Kanama kugeza 5 Nzeri 2021.

Iyi kipe ya Nigeria yabaye ikipe ya mbere ibonye iyi tike, ikaba yarashyizeho n’agahigo ko gusoza imikino y’amatsinda idatsinzwe umukino n’umwe mu mikino 6 yakinnye.

Ni mu gihe Sudani y’Epfo itozwa na Luol Deng, Perezida wa Federasiyo ya Sudani y’Epfo wanakanyujijeho muri shampiyona ya ‘NBA’, yakoze amateka yo kubona itike y’igikombe cya Afurika ku nshuro yayo ya mbere, na yo yitwaye neza itsinda imikino 3 muri 6 yakinnye.

Ni umukino wabaye kuri uyu wa Kane tariki ya 18 Gashyantare 2021 muri Salle Mohammed Mzali Arena. Amakipe yombi yakinaga umukino wa Kabiri mu itsinda rya Kane muri iki cyiciro . Umukino wa mbere warangiye Nigeria itsinze Sudani y’Epfo, mu gihe u Rwanda rwatsinzwe na Mali.

Ni umukino watangiye uyobowe n’u Rwanda mu duce tubiri twawo twa mbere aho agace ka mbere karangiye u Rwanda rutsinze amanota 22 kuri 14 ya Nigeria. Agace ka Kabiri u Rwanda rwatsinzemo amanota icyenda mu gihe Nigeria yatsinzemo amanota 16. Byatumye agace ka mbere karangira u Rwanda rufite amanota 31 kuri 30 ya Nigeria.

Agace ka Gatatu u Rwanda rwagasoje rugatakaje rwari rufite amanota 41 kuri 44 ya Nigeria. Agace ka Kane ari na ko ka nyuma, ikipe y’u Rwanda yakozemo amakosa menshi arimo : kutumvikana, gutakaza imipira myinshi no kubura uyobora umukino, birangira Nigeria itsinze amanota 12 muri aka gace u Rwanda rutsinda amanota 10, igiteranyo cy’umukino wose kigaragaza ko Nigeria itsinze u Rwanda 64 kuri 51.

Kami Kabange (ufite umupira) ashaka inzira yo gutambukiramo

Urutonde rw’uko itsinda rya Kane rihagaze

1. Nigeria : Imikino itanu, amanota 10
2. Sudani y’Epfo: Imikino ine, amanota 6
3. Mali : imikino ine, amanota 6
4 Rwanda : Imikino itanu, amanota 5

U Rwanda ruzagaruka mu kibuga ku wa Gatandatu tariki ya 20 Gashyantare 2021 aho ruzakina na Sudani y’Epfo mu gihe Nigeria izacakirana na Mali.

Nshobozwabyosenumukiza Jean Wilson ni umwe mu bakinnyi bakoze byinshi kuri uyu mukino

Nigeria ni ikipe ifite abakinnyi bakomeye

U Rwanda rwatsinzwe na Mali

Ni umukino wabaye mu ijoro ryo kuwa Gatatu tariki 17 Gashyantare 2021 mu mujyi wa Monastir mu gihugu cya Tunisie.

Uwo mukino wabimburiwe n’uwahuje Nigeria yatsinze Sudan y’Epfo ku manota 75 kuri 70 . U Rwanda rwatangiye nabi umukino aho agace ka mbere karangiye Mali iyoboye n’amanota 17 kuri 12 y’u Rwanda, agace ka kabiri Mali yazamuye amanota aho yatsinze amanota 19 kuri 11 bituma karangira Mali ifite amanota 36 kuri 23 y’ u Rwanda.

Agace ka gatatu Mali yashyizemo ikinyuranyo cy’amanota 12 hagati yayo n’u Rwanda, dore ko karangiye Mali ifite amanota 26 kuri 14 y’U Rwanda. Agace ka kane amakipe yombi yanganyije amanota aho yatsinzwe amanota 14 bituma umukino urangira Mali itsinze 76 kuri 51 y’u Rwanda.

Sadio Doucure niwe witwaye neza kurusha abandi muri uwo mukiino kuko yatsinze amanota 11, akora Rebounds 5, atanga imipira 3 yavuyemo amanota, yiba abo bari bahangange imipira 2, bimuhesha kwitwara neza ku kigero cy’amanota 17.

Ku ruhande rw’u Rwanda, Kaje Elie yitwaye neza ku kigero cy’amanota 13, abikesha kuba yatsinze amanota 7, akora Rebounds 10, atanga umupira 1 wavuyemo inota, yiba abo bari bahangange imipira 2.

Ikipe y’u Rwanda

Ikipe y’u Rwanda itozwa n’umunya Tanzania Mwinuka Henry nk’umutoza mukuru w’agateganyo, ikaba igaruka mu kibuga kuri uyu wa Kane tariki 18, Gashyantare 2021 ihura na Nigeria, mu mukino ubera muri Salle Mohamed Mzali saa munani z’amanywa (14h00).

Uyu mukino ukaba uzakurikirwa n’umukino uzahuza Mali ndetse na South Sudan saa kumi n’imwe.

Mu mukino uheruka guhuza u Rwanda na Nigeria, mu ijonjora rya mbere ryabereye i Kigali tariki 28 Ugushyingo 2020, warangiye ku ntsinzi ya Nigeria y’amanota 83 kuri 62.

Ikipe ya Mali

U Rwanda rufite tike yo kuzakira imikino ya nyuma ya Afro-Basket 2021 izatangira tariki 24 Kanama kugera 05 Nzeri 2021

Uko umunsi wa mbere wagenze mu itsinda rya kane (Group D)

Rwanda 51-76 Mali

Nigeria 75-70 South Sudan

Uko imikino iteganyije kuri uyu wa Kane tariki 18-02-2021

Rwanda-Nigeria (Salle Mohamed Mzali-14h00)

Mali-South Sudan (Salle Mohamed Mzali-17h00)

Kenny Gasana wambaye nimero 12 ni umwe mu bakinnyi bafite ubunararibonye mu Rwanda

Mu masaha asatira umugoroba wo ku wa Mbere tariki ya 16 Gashyantare 2021 Ikipe y’igihugu’U Rwanda ya Basketball yakinnye umukino wa Kabiri wa gicuti na Morocco umukino U Rwanda rwakinnye neza nubwo rwatsinzwe amanota 58 kuri 53.

Nyuma y’umukino umutoza w’iyi kipe Henry Muinuka yavuze ko uyu mukino wabafashije kugaragaza amakosa. Yagize ati " Uyu mukino wadufashije kugaragaza amakosa yacu neza , navuga ko twugariye neza cyane ariko twakinnye umukino ugenda gake mu busatirizi aribyo tugomba gukosora mu irushanwa nyirizina."

Uko uduce tw’umukino twagenze

Agace ka Mbere: Rwanda 13-14 Morocco
Agace ka Kabiri: Rwanda 22-33 Morocco
Agace Gatatu : Rwanda 37-46 Morocco
Agace ka Kane: 53 Rwanda 58 Morocco

Morocco yagoye u Rwanda cyane

Ku wa Gatatu tariki ya 17 Gashyantare 2021 saa 18:00 z’umugoroba nibwo u Rwanda ruzakina umukino warwo wa Mbere aho ruzakina na Mali. Umukino uzabanzirizwa n’uwa Sudani y’Epfo na Nigeria uzakinwa saa kumi.

Morocco

Rwanda

Umutoza wa Etincelles yavuze ko kutamuhemba no kudahemba abakinnyi ari byo bitumye asezera

Mu ibaruwa yandikiye ubuyobozi bwa Etincelles kuri uyu wa Kabiri tariki ya 16 Gashyantare 2021 yakiriwe na Visi Perezida w’iyi kipe Ndolimana Emmanuel yavuze impamvu yasezeye ku mirimo. Yagize ati "Nsezeye ku kazi ko kuba umutoza wa Etincelles FC kubera kutishyurwa ndetse no kubura ubufasha ku bakozi nkoresha (abakinnyi) ngiye gushaka ahandi nkorera."

Muri Werurwe mu mwaka ushize nibwo yerekanywe nk’umutoza mushya wa Etincelles

Umwongereza watozaga Etincelles FC Colum Shaun Selby yagizwe umutoza mukuru wa Etincelles tariki ya 02 Werurwe 2020 aho yari aje gusimbura Bizimana Abdul bakunda kwita Beken.

Uyu mutoza wongerewe amasezerano y’imyaka ibiri mu ntangiriro za Shampiyona 2020/2021 asize Etincelles FC ku mwanya wa Gatatu muri Shampiyona aho mu mikino itatu yatsinze umwe anganya undi atsindwa umwe ikipe ikaba ifite amanota ane ku icyenda.

Ibaruwa yandikiye ubuyobozi bwa Etincelles FC

Ni umukino wabaye ku Cyumweru ubera kuri Mohammed Mzali Arena mu mujyi wa Monastir muri Tuniziya.

Abakinnyi batanu b’u Rwanda babanje mu kibuga:

Ntore Habimana
Kenny Gasana Hubert
Dieudonné Ndizeye Ndayisaba
Olivier Shyaka
Jean Paul Ndoli

U Rwanda rwatsinzwe na Misiri mu mukino wa Gicuti amanota 84 kuri 89

U Rwanda twatangiye nabi muri uyu mukino kuko mu gace ka mbere rwatsinzwe na Misiri amanota 25 kuri 7. Mu gace ka kabiri, abakinnyi b’ikipe y’igihugu bazamuye amanota aho bageze ku manota 22 kuri 38 ya Misiri.

Igice cya mbere cy’umukino cyasize umutoza Henry Muinuka abonye ibyo gukosora. Mu gace ka gatatu Misiri yakomeje kuyobora umukino aho yatsinze amanota 58 kuri 30 y’u Rwanda. Nyuma yo gutsinda amanota umunani mu gace ka gatatu u Rwanda rwazamuye amanota aho rwatsinze 19 mu gace ka kane mu gihe Misiri yatsinze amanota 26. Umukino warangiye Misiri iwutsinze n’amanota 84 kuri 49 y’u Rwanda.

Uko uduce twakurikiranye:

Agace ka mbere : Rwanda 07-25 Misiri
Agace ka kabiri: Rwanda 22- 38 Misiri
Agace ka gatatu : Rwanda 30 - 58 Egypt
Agace ka kane : Rwanda 49 - 84 Egypt

Nyuma y’umukino, umutoza w’ikipe y’u Rwanda, Henry Muinuka, yavuze impamvu basabye gukina n’ikipe ikomeye nka Misiri. Yagize ati "Nishimiye gukina n’amakipe nk’aya manini cyane. Hari icyo nashakaga kureba, usanga abakinnyi bacu bashyushye mu mutwe, aho wakosora amakosa y’ikipe, ni na yo mpamvu nashakaga Tuniziya. Navuga ko dukosora ubwugarizi bwacu ku mukino wa Maroc uyu munsi."

Kapiteni w’ikipe y’igihugu, Shyaka Olivier, yavuze ko batinze kwinjira mu mukino. Yagize ati "Navuga ko tutugariye neza cyane, twiniiye mu mukino dukonje tuza gukanguka umukino ugiye kurangira. Umukino wa Maroc turasabwa kuryoherwa na Basketball tukayikina nta kwihuta cyane."

Kuri uyu wa mbere tariki ya 15 Gashyantare 2021 saa cyenda za Kigali, u Rwanda rurakina umukino wa kabiri na Maroc kuri Mohammed Mzali Arena.

Ijonjora rya kabiri rya Afro-Basket 2021 rizatangira ku wa gatatu tariki ya 17 kugeza tariki 21 Gashyantare 2021 mu mujyi wa Monastir muri Tuniziya.

Umutoza w’u Rwanda Henry Muinuka yavuze ko gukina n’amakipe akomeye nk’iyi ya Misiri bimufasha gutinyura no gukosora amakosa y’abakinnyi

Gahunda y’imikino y’u Rwanda:

Ku wa Gatatu tariki ya 17 Gashyantare 2021:

 U Rwanda ruzakina na Mali

Ku wa Gatanu tariki ya 19 Gashyantare 2021:

Nigeria izakina n’u Rwanda

Ku Cyumweru tariki ya 21 Gashyantare 2021:

U Rwanda ruzakina na Sudani y’Epfo

U Rwanda ruri gukora imyitozo inshuro ebyiri ku munsi

Kuva tariki ya 17 kugera tariki 21 Gashyantare 2021 mu mujyi wa Monastir muri Tuniziya hazabera ijonjora rya Kabiri ryo gushaka itike y’igikombe cya Afurika cya 2021 aho amatsinda atatu harimo n’itsinda rya Kane u Rwanda ruherereyemo azahurira.

Mu rwego rwo kwitegura gukarishya imyitozo ndetse no gufasha abakinnyi kumenyerana muri iki cyiciro, u Rwanda rwateguye imikino ya gicuti na Misiri ndetse na Tuniziya.

U Rwanda ruzakina na Misiri ku Cyumweru tariki ya 14 Gashyantare 2021, bukeye bwaho ku wa mbere tariki ya 15 Gashyantare 2021 u Rwanda rukine na Tuniziya.

Mu gushaka kumenya byimbitse ibijyanye n’aya makuru, Kigali Today, yaganiriye n’ushinzwe ubuzima bwa buri munsi bw’iyi Kipe (Team Manager) Ntaganda Ernest avuga ko bateganya imikino ibiri.

Yagize ati "Ikipe ya Misiri yamaze kutwemerera ko tuzakina ku Cyumweru, ku wa Mbere tariki 15 Gashyantare twabonye undi mukino na Tuniziya izakira iki cyiciro. Ni imikino y’ingenzi twitezemo kumenyereza abakinnyi bacu.

Henry Muinuka ni we ukomeje kuyobora imyitozo

Ikipe y’u Rwanda izahaguruka ku wa Kane tariki ya 12 Gashyantare 2021 yerekeza muri Tuniziya aho igomba gukina imikino itatu mu itsinda rya Kane ririmo : Nigeria, Sudan y’Epfo na Mali.

Gahunda y’imikino y’u Rwanda

Ku wa Gatatu tariki ya 17 Gashyantare 2021:

– U Rwanda ruzakina na Mali

Ku wa Gatanu tariki ya 19 Gashyantare 2021:

– Nigeria izakina n’u Rwanda

Ku Cyumweru tariki ya 21 Gashyantare 2021:

– U Rwanda ruzakina na Sudani y’Epfo

Mu mikino y’ijonjora ribanza yabereye i Kigali, kuva tariki 25-29 Ugushyingo 2020, ikipe y’u Rwanda ntabwo yitwaye neza kuko yatsinzwe imikino yose yakinnye (3 bituma isoza ku mwanya wa nyuma (4), n’amanota 3, inyuma ya Mali ya 3 n’amanota 4, Sudani y’Epfo ya Kabiri n’amanota 5, ndetse na Nigeria yabaye iya mbere n’amanota 6.

Abakinnyi 14 bakomeje umwiherero w’ikipe y’igihugu:

Abo ni: Bugingo Hubert Kabare, Hagumintwari Steven, Kami Kabange, Kaje Elie, Ndizeye Ndayisaba Dieudonné, Ndoli Jean Paul, Niyonkuru Pascal ‘Kaceka’, Nshobozwabyosenumukiza Wilson, Ntwari Marius Tresor, Sagamba Sedar, Shyaka Olivier, Axel Mpoyo, Ntore Habimana na Sano Gasana.

Biteganyijwe ko imikino ya Afro-Basket 2021 izabera mu Rwanda kuva tariki ya 24 Kanama kugera tariki 05 Nzeri 2021 muri Kigali Arena.

Umwe mu myanzuro yafatiwe mu nama y’inteko rusange y’Ishyirahamwe ry’umukino wa Volleyball mu Rwanda yabaye tariki ya 06 Gashyantare 2021 hakoreshejwe ikoranabuhanga, yanzuye ko shampiyona ikinwa mu byiciro aho gukinwa uko yari isanzwe ikinwa.

Uyu mwanzuro uvuga ko buri kipe izajya yakira amakipe yose umunsi umwe. Urugero ikipe ya Gisagara VC niba izakira umunsi wa mbere wa shampiyona, amakipe yose y’abagabo akina shampiyona azahurira i Gisagara ahure hagati yayo maze habarwe amanota buri kipe yagize kuri uwo munsi. Buri kipe yose ikina shampiyona ikazakira icyiciro.

Ni izihe nyungu ziri muri ubu buryo bushya?

Mu kiganiro Kigali Today yagiranye na Visi Perezida wa Kabiri ushinzwe amarushanwa mu ishyirahamwe ry’umukino wa Volleyball mu Rwanda (FRVB), Ruterana Fernand, yavuze ko abakinnyi bagiye kubona imikino myinshi. Yagize ati "Inyungu ni nyinshi ku bakinnyi, ubu buryo burafasha abakinnyi bamaze igihe badakina kubona imikino myinshi aho usanga muri weekend (mu mpera z’icyumweru) umukinnyi yakinaga umukino umwe ariko ubu azajya akina hejuru y’imikino ine."

Visi Perezida wa Kabiri ushinzwe amarushanwa muri FRVB Ruterana Fernand

Ingengo y’imari amakipe yakoreshaga nta kiri buhinduke kuko hari ayararaga aho akinira agakina umukino umwe akagaruka ariko iyi nshuro ikiziyongera ni imikino gusa.

Financial Fair Play ishobora gutangira muri FRVB

Nk’uko uyu muyobozi yakomeje abivuga, muri iyi nteko rusange bagarutse no ku buryo bwo kugura no kugurisha abakinnyi. Yagize ati "Usanga ikipe twakira imanza za buri munsi hagati y’abakinnyi n’amakipe aho amakipe asinyisha abakinnyi ku mafaranga menshi n’umushahara uhanitse ugasanga nyuma y’igihe gito batangiye gusubiranamo kuko ikipe yanze kubahiriza ibikubiye mu masezerano. Turashaka gufasha abakinnyi gusinyira bike bazabona ,amakipe na yo akareka kwizeza abakinnyi ibitangaza."

Ruterana yakomeje ati "Urugero rufatika usanga ikipe isinyisha umukinnyi ikamwemerera Miliyoni eshanu n’umushahara wa Miliyoni ku kwezi mu myaka. Ubibaze neza umukinnyi atwara miliyoni 25 mu myaka ibiri, ikipe idafite abaterankunga usanga zigorwa no kwishyura aba bakinnyi,umukinnyi yakenera kugenda ikipe ikamukumira kuko aba akiyifitiye amasezerano."

RP- IPRC Musanze VC izakina icyiciro cya mbere mu bagabo

Mu bindi byaganiriweho mu nteko rusange harimo kwakira abanyamuryango bashya barimo Kaminuza y’u Rwanda ishami rya Nyarugenge izatangirira mu cyiciro cya Kabiri na RP-IPRC Musanze izakina shampiyona mu cyiciro cya Mbere.

Iyi nama yafashe umwanzuro ko shampiyona izatangira tariki ya 20 Werurwe 2021 mu gihe ingamba zo kwirinda icyorezo cya Covid-19 zaba zorohejwe.

Igikombe kiratwarwa na nde?

Ni amakipe abiri atarigeze atsindwa umukino n’umwe muri iri irushanwa, Morocco ifite umwihariko wo kuba ari yo ifite igikombe cya 2018, ikaba ari nayo kipe imaze gutsinda ibitego byinshi muri iryo rushanwa ikaba ifite ibitego 14.

Ikipe y’igihugu ya Mali yageze ku mukino wa nyuma isezereye Guinea kuri Penaliti eshanu kuri enye, mu gihe Morocco yanyagiye Cameroon iyitsinda ibitego bine ku busa (4-0). Uyu mugoroba ni nde wegukana igikombe hagati ya Mali na Morocco?

Guinea yegukanye umwanya wa Gatatu.

Guinea yegukanye umwanya wa gatatu ihembwa Amadolari ya America ibihumbi 700

Ikipe ya Guinea yegukanye umwanya wa Gatatu muri CHAN 2020, itsinze Cameroon ibitego bibiri ku busa (2-0).

Umukino wo guhatanira umwanya wa Gatatu wabaye ku wa Gatandatu tariki ya 06 Gashyantare 2021 kuri Stade de la Réunification mu mujyi wa Douala. Guinea yafunguye amazamu ku munota wa cyenda, igitego cyatsinzwe na Morlaye Sylla, umusore wigaragaje cyane muri iri rushanwa.

Guinea yatsinze igitego cya kabiri ku munota wa 45 gitsinzwe na Mamadouba, igice cya mbere kirangira gutyo.

Igice cya kabiri Cameroon yakoze ibishoboka byose ngo ishimishe abafana bayo, ariko Guinea iyereka ugukomera no kwitegura birushijeho, umukino urangira utyo. Morlya Sylla wa Guinea akaba ari we watowe nk’umukinnyi w’umukino.

Ikipe y’igihugu ya Guinea yatahanye umwanya wa gatatu muri CHAN, umwanya mwiza igize mu nshuro eshatu yitabiriye iryo rushanwa, 2016 yabaye iya kane naho muri 2018 yaviriyemo mu matsinda.

Ikipe ya Guinea yashimiye abafana bayo bayishyigikiye

Ikipe y’igihugu ya Cameroon itahanye umwanya wa kane muri CHAN 2020, umwanya mwiza igize mu nshuro enye yitabiriye, muri 2011 na 2016 yaviriyemo muri ¼, naho muri 2018 yari yavuyemo itarenze Amatsinda.

Gahunda yo kuri iki cyumweru

Umukino wa nyuma

Isaha: 21:00 Mali vs Morocco

Stade: Ahmadou Ahidjo

Ikipe yegukana umwanya wa mbere hagati ya Morocco na Mali irahembwa miliyoni 1.25 y’Amadolari ya Amerika, mu gihe iya kabiri ihembwa ibihumbi 700 by’Amadolari ya America.

Guinea yatwaye umwanya wa Gatatu yahawe ibihumbi 400 naho Cameroon yakiriye imikino igatwara n’umwanya wa kane yahembwe ibihumbi 300 by’Amadolari ya America.

AS Kigali igiye kwitwa Kigali FC mu rwego rwo korohereza abanyamigane bashaka kuyinjiramo

Ibi byatangajwe n’Umuyobozi w’iyi kipe Shema Ngoga Fabrice mu kiganiro yagiranye na RBA kuri uyu wa Gatandatu, akaba yasobanuye ko impamvu nyamukuru ari ukugira ngo ikipe yinjiremo n’abanyamigabane ireke kuba iy’abanyamuryango.

Shema Fabrice yagize ati "Ikipe izitwa Kigali FC kugira ngo abifuza kuyigiramo imigabane babone uko bashoramo imari yabo."

Uyu muyobozi yakomeje avuga ko uyu munsi bigoranye ko yakwinjiramo abanyamigabane kuko ari ikipe y’abanyamuryango.

Association Sportive de Kigali imaze imyaka 14 ishinzwe. Nyuma yo kwihuza kwa Renaissance FC na Kigali FC mu 2006, imaze kwegukana igikombe cy’Amahoro inshuro ebyiri; mu 2013 no mu 2019.

Kigali FC yari yagiyeho nyuma yo guhindurirwa izina kwa Les Citadins mu 2003.

Mu 2019, byavugwaga ko AS Kigali ishobora guhuzwa na Kiyovu Sports, zombi zihuriye ku guterwa inkunga n’Umujyi wa Kigali, ariko ntibyemezwa na Njyanama yawo.

Kuri ubu, iyi kipe ihagarariye u Rwanda mu mikino nyafurika, ikaba iri kwitegura guhura na CS Sfaxien yo muri Tunisia mu ijonjora rya gatatu ribanziriza amatsinda ya CAF Confederation Cup.

Iyi kipe ikomeje gukorera imyitozo kuri sitade amahoro i Remera aho ifite imikino ibiri na CS Sfaxien. Umukino ubanza uzaba tariki 14 Gashyantare 2021 muri Tunisia, mu gihe umukino wo kwishyura uzabera mu Rwanda tariki ya 21 Gashyantare 2021.

Nizeyimana Mirafa yasinyiye Zanaco FC iyoboye shampiyona muri Zambia

Mu kiganiro Kigali Today yagiranye na Nizeyimana, yemeje amakuru yo gusinya muri Zanaco FC.
Yagize ati "Ni byo koko nasinye amasezerano y’imyaka ibiri muri Zanaco FC. Navuga ko aka kanya ndi umukinnyi wayo".

Abajijwe icyatumye adasinyira Napsa Stars nk’ikipe yavuye mu Rwanda agiyemo, Nizeyimana yasubije agira ati "Navuye mu Rwanda nje muri Napsa Stars ariko ntibyakunze kuko hari ibyo tutumvikanyeho mpitamo kutabasinyira".

Uwo musore yerekeje muri Zambia abisikana n’abandi bakinnyi benshi bakomoka mu Rwanda barimo Bashunga Abouba na myugariro wa Police Usengimana Faustin. Nizeyimana akavuga ko yizeye kubanza mu kibuga hagati muri Zanaco FC.

Zanaco FC iyoboye urutonde rwa shampiyona ya Zambia igeze ku munsi wa 15, aho mu mikino 15 ifitemo amanota 25, muri iyo mikino yatsinzemo irindwi inganya ine itsindwa ine.

Mirafa ukunda kwambara nimero 8 yizeye kubanza mu kibuga muri Zanaco FC

Nizeyimana Mirafa yakinnye shampiyona ye ya mbere mu mwaka wa 2012 muri Etincelles, yayivuyemo yerekeza muri Police FC aho yamazemo imyaka ibiri, avamo yerekeza muri APR FC ahava ajya muri Rayon Sports yakinnyemo umwaka umwe.

Morocco ibitse igikombe cya 2018 irashaka n’icya 2020

Ni nyuma y’uko ku wa Gatatu tariki ya 03 Gashyantare 2021 hakinwe imikino ya 1/2. Umukino wabanje ni uwahuje Mali na Guinea wabereye kuri Jopama Stadium iherereye mu mujyi wa Douala. Iminota 90 y’umukino yarangiye amakipe anganya ubusa ku busa. Hongeyeweho iminota 30 na yo irangira nta kipe irebye mu izamu ry’indi. Nyuma y’iyi minota hitabajwe Penaliti maze Mali itsinda Guinea Penaliti eshanu kuri enye.

Saa tatu z’ijoro kuri Limbe Omnisport Stadium, ikipe y’igihugu ya Morocco yari mu itsinda rimwe n’u Rwanda yanyagiye Cameroon yakiriye imikino ibitego bine ku busa.

Morocco yafunguye amazamu ku munota wa 29, igitego cyatsinzwe na Soufiane Bouftini. Ku munota wa 40 na 70 Soufiane Rahimi yatsinze ibitego bibiri maze Mohammed Ali Bemmamer atsinda igitego cya kane ku munota wa 83.

Morocco yatwaye igikombe cya CHAN 2018 cyabereye iwabo yageze ku mukino wa nyuma idatsinzwe, aho mu mikino itanu imaze gutsindamo ibitego 14.

Gahunda yo guhatanira umwanya wa Gatatu

Ku wa Gatandatu tariki ya 06 Gashyantare 2021:

– Guinea izakina na Cameroon kuri Stade de la Reunification i Douala

Umukino wa Nyuma:

Ku Cyumweru tariki 07 Gashyantare 2021:

– Mali izakina na Morocco kuri Stade Ahmadou Ahidjo i Yaoundé

Mali yashimiye kugera ku mukino wa nyuma isezereye Guinea yari yasezereye u Rwanda

Irushanwa rya CHAN rihuza abakinnyi bakina imbere mu bihugu byabo. Iri rushanwa ririmo kuba ku nshuro yaryo ya Gatandatu. CHAN yatangiye mu mwaka wa 2009 yakiriwe na Côte d’Ivoire itwarwa na Repubulika Iharanira Demokarasi ya Congo. Muri 2011 yakiriwe na Sudani yitabirwa n’amakipe 16 yegukanwa na Tunisia. Muri 2014 yabereye muri Afurika y’Epfo yegukanwa na Libya. Muri 2016 yabereye mu Rwanda yegukanwa na Repubulika Iharanira Demokarasi ya Congo. Muri 2018 yabereye muri Morocco, ikipe y’icyo gihugu iba ari na yo iryegukana.

Jacques Tuyisenge agiye kumara igihe kinini adakina kubera imvune

Yavunitse ari mu mukino wabaye ku Cyumweru tariki 31 Mutarama 2021, ubwo u Rwanda rwasererwaga na Guinea muri 1/4 cya CHAN 2021, imikino ikaba ikomeje kubera muri Cameroon.

Kuri uyu wa Kabiri tariki ya 02 Gashyantare 2021, nibwo Tuyisenge yanyuze mu cyuma (MRI), kugira ngo barebe neza uko imvune ihagaze.

Nyuma y’ikizamini muganga w’ikipe y’igihugu, Patrick Rutamu aganira na The New times dukesha iyi nkuru, yavuze ko imvune izamara ibyumweru bitandatu.

Yagize ati "Jacques Tuyisenge yagize imvune mu ivi, bizafata hagati y’ibyumweru bine na bitandatu kugira ngo akire neza".

Rutamu avuga kandi ko Kalisa Rashid nawe yagize ikibazo cy’umutsi, akaba ashobora kugaruka igihe shampiyona izaba isubukuwe.

Ati “Twavuga ko amahirwe ya Kalisa yo gukina imikino ya CAF Confederation Cup iteganyijwe muri uku kwezi kwa Kabiri ari make, biragoranye”.

As Kigali izasura ikipe ya CS Sfaxien yo muri Tunisia tariki 14 Gashyantare 2021, mu gihe umukino wo kwishyura uzabera kuri Stade ya Kigali i Nyamirambo tariki 21 Gashyantare 2021.

Manzi Thierry azamara iminsi mike hanze y’ikibuga nyuma yo kuvunikira mu mukino na Togo

Ku mvune za Manzi Thierry na Iradukunda Jean Bertrand, uwo muganga yakomeje avuga ko bagize utubazo duto ariko ko bazagaruka mu minsi ya vuba.

Iradukunda Jean Bertrand na we yagize ikibazo mu ivi

Amavubi aragera mu Rwanda akubutse muri Cameroon kuri uyu wa Gatatu tariki 03 Gashyantare 2020, saa tatu n’iminota 40 z’ijoro (21:40).

Abakinnyi bumva inama z’umutoza, Henry Muinuka, anabagezaho urutonde rw’abasezerewe

Ku wa mbere tariki ya 01 Gashyantare 2021 nibwo umutoza yafashe icyemezo cyo gusezerera abakinnyi batanu kugira ngo atangire agabanye umubare w’abo agomba gutegura. Abakinnyi batanu basezerewe ni: Niyonsaba Bienvenue ( APR BBC), Uwitonze Justin na Nyamwasa Bruno ( IPRC Kigali BBC), Muhizi Prince (UGB BBC) na Eric Muhayumukiza (IPRC Huye BBC).

Uretse aba bakinnyi basezerewe biteganyijwe ko abakinnyi babiri ari bo : Gasana Kenneth Hubert na Axel Mpoyo bakina muri Leta zunze Ubumwe za Amerika bazasanga bagenzi babo kuri uyu wa Gatatu tariki ya 03 Gashyantare 2021.

U Rwanda rwasoje ijonjora ryabereye muri Kigali Arena nta mukino rutsinze

Manzi Kimasa Dan ntazitabira ubutumire kuko ari gushaka uburyo yakwinjira mu makipe akina shampiyona ya Basketball muri Leta zunze Ubumwe za Amerika, Shema Osborne na we ntazaza. Ikipe ye yamwimanye kuko ifite imikino myinshi.

Abakinnyi basigaye mu mwiherero

Hubert Kabare Bugingo (IPRC-Huye), Steven Hagumintwari (Patriots), Kami Kabange (REG), Elie Kaje (REG), Dieudonné Ndizeye Ndayisaba (Patriots), Jean Paul Ndoli (IPRC-Kigali) na Pascal Niyonkuru (APR).

Jean Jacques Wilson Nshobozwabyosenumukiza (REG), Marius Tresor Ntwari (APR), Sedar Sagamba (Patriots), Olivier Shyaka (REG), Sano Gasana (USA) na Ntore Habimana (Canada).

Imyitozo igeze ahakomeye

Imikino y’amakipe yo mu matsinda ya B na C izabera mu Mujyi wa Yaoundé muri Cameroon kuva tariki ya 19 kugeza 21 Gashyantare 2021. Amakipe yo mu matsinda ya A,D na E azakinira mu mujyi wa Monastir muri Tuniziya kuva tariki ya 17 kugeza tariki ya 21 Gashyantare 2021.

Biteganyijwe ko imikino ya nyuma ya Afro-Basket 2021 izabera mu Rwanda kuva tariki 24 Kanama kugeza 05 Nzeri 2021 muri Kigali Arena.

Mali yishimiye kugera muri 1/2 dore ko byasabye ko hitabazwa Penaliti

Imikino ya mbere ya 1/4 yakinwe ku wa Gatandatu tariki ya 30 Mutarama 2021. Umukino wa mbere watangiye saa kumi n’ebyiri ku isaha yo mu Rwanda wahuje Mali na Congo Brazaville wabereye kuri Sitade Ahmadhou Ahidjo mu mujyi wa Yaoundé. Iminota 90 y’umukino yarangiye amakipe anganya ubusa ku busa, hongerwaho iminota 30 na yo irangira nta gitego kibonetse. Nyuma y’iminota 120 hitabajwe Penaliti maze ikipe ya Mali isezerera Congo Brazaville kuri Penaliti eshanu kuri enye.

Umukino wa Kabiri watangiye saa tatu z’ijoro wabereye kuri Sitade Jopama iri mu mujyi wa Douala wahuje Cameron yakiriye imikino na Repubulika Iharanira Demokarasi ya Congo (DR Congo). Ikipe ya Cameroon yasezereye DR Congo iyitsinze ibitego bibiri kuri kimwe. Ibitego bya Cameroon byatsinzwe na Yannick Ndjeng, Felix Oukine Tcheoude mu gihe icya Congo Kinshasa cyatsinzwe na Glody Makabi Lilepo.

Umukino wa Cameroon na DR Congo warimo imbaraga nyinshi

Cameroon yasabye abafana guhaguruka bakishimira intsinzi ya 1/2

Gahunda y’imikino ya 1/4 kuri iki Cyumweru tariki ya 31 Mutarama 2021:

18:00: Zambia irakina na Morocco kuri Stade de la Reunification
21:00: Guinea irakina n’u Rwanda Rwanda kuri Stade de Limbe

Mu mikino ya 1/2 Ikipe ya Mali izahura n’iri bukomeze hagati y’u Rwanda na Guinea, mu gihe Cameroon izahura n’iri bukomeze hagati ya Zambia na Morocco.

Uwihoreye Ibrahim yongerewe Inshingano: Ubu ni we muvugizi wa Musanze FC

Ni umwanzuro wafatiwe mu nama ya Komite ya Musanze FC yateranye ku wa Gatanu tariki ya 28 Mutarama 2020 i Musanze. Urubuga rwa Internet rwa Musanze FC rwanditse ko Ibrahim Uwihoreye yongerewe inshingano zo kuba Umuvugizi wa Musanze FC umwanya yasimbuyeho usanzwe ari Umunyamabanga wa Musanze FC Rutishereka Makuza Jean.

Mu kiganiro Kigali Today yagiranye n’Umuvugizi mushya wa Musanze FC, Beans Uwihoreye Ibrahim, yashimiye Komite y’ikipe icyizere yamugiriye. Yagize ati "Ndashima Komite y’ikipe yangiriye icyizere ndetse nkazagikoresha mu nyungu z’ikipe. Ndizeza abayobozi ba Musanze FC n’abafana ko nzakora inshingano zanjye mu rwego rwo guteza Musanze FC imbere."

Rutishereka Makuza Jean wari usanzwe ari umuvugizi akaba n’Umunyamabanga yagumanye inshingano zo kuba Umunyamabanga, mu gihe Uwihoreye Ibrahim azakora inshingano zo gukurikirana ubuzima bwa buri munsi bwa Musanze FC no kuba Umuvugizi wayo.

U Rwanda rwabonye itike ya 1/4 nyuma yo gutsinda TOGO 3-2

Ku wa Gatatu tariki ya 27 Mutarama 2021 nibwo hakinwe imikino ya nyuma y’amatsinda mu itsinda rya Kane ( Group D). Ikipe y’igihugu ya Guinea yasezereye Tanzania nyuma yo kunganya na yo ibitego bibiri kuri bibiri. Guinea ni yo yafunguye amazamu ku munota wa Kane w’umukino igitego cyatsinzwe na Yakhiuba Gnagna Barry kuri Penality. Tanzania yishyure igitego cya mbere ibifashijwemo na Baraka Majogoro ku munota 23. Tanzania yatsinze igitego cya Kabiri ku munota wa 69 gitsinzwe na Edouard, ariko kiza kwishyurwa na Victor Kantabadouna wa Guinea ku munota wa 82 icyizere cya Tanzania kirangirira aho. Muri iri tsinda Zambia yanganyije na Namibia ubusa ku busa.

Umukino wa Guniea na Tanzania wabonetsemo ibitego bine

Uko itsinda rya D rihagaze

1. Guinea imikino itatu amanota 5
2.Zambia : Imikino itatu amanota 5
3. Tanzania : Imikino itatu amanota 4
4. Namibia : Imikino itatu inota rimwe

Zambia na Namibia basoje buri kipe nta gitego yinjije mu izamu ry’iyindi

Gahunda y’imikino ya 1/4

Ku wa Gatandatu tariki ya 30 Mutarama 2021

18:00 : Mali vs Congo : Stade Ahmadou Ahidjo, Yaoundé
21:00: DR Congo vs Cameroon : Japoma Stadium, Douala

Ku Cyumweru tariki ya 31 Mutarama 2021

18:00 : Morocco vs Zambia : Stade de la Reunification, Douala
21:00: Guinea vs Rwanda : Limbe Stadium, Limbe

Sugira Ernest aritezwe ku mukino w’u Rwanda na Guinea

Irushanwa rya CHAN riri kuba ku nshuro ya Gatandatu. Kuri iyi nshuro, mu mikino 24 yakinwe mu matsinda hamaze kubonekamo ibitego 46 bivuze impuzandego ya 1.92 y’igitego kuri buri mukino. Rutahizamu wa Guniea Yakhouba Gnagna Barry asoje imikino y’amatsinda afite ibitego bitatu. Imikino y’amatsinda yakinwe mu mijyi itatu ari yo Yaoundé, Douala na Limbe. Irushanwa rizasozwa ku Cyumweru tariki 07 Gashyantare 2021.

Sugira Ernest ni umwe muri ba rutahizamu bakunze kubonera ibitego Amavubi

Mu kiganiro yagiranye n’abanyamakuru nyuma yo gutsinda igitego cya Gatatu mu mukino u Rwanda rwasezereyemo Togo , Sugira yijeje Abanyarwanda kugera ku mukino wa nyuma. Yagize ati "Abanyarwanda nabizeza ko tuzagera kure hashoboka bivuze gutwara igikombe byakwanga tukagera ku mukino wa nyuma."

Sugira Ernest yakomeje avuga ko yishimira kuba atsinda ibitego bitanga itike ku ikipe Amavubi kandi bikamutera ishema.

Igitego Sugira Ernest yatsinze ku munota wa 65 ubwo Amavubi yakinaga na Togo cyabaye icya 12 atsinze mu ikipe y’igihugu Amavubi ndetse kikaba n’igitego cya kabiri gitanze itike ku kindi cyiciro.

Mu mwaka wa 2019 igitego cya Sugira Ernest cyahesheje u Rwanda itike yo gukina CHAN 2020 rusezereye Ethiopia.

Igitego yatsinze kuri uyu wa Kabiri tariki ya 26 Mutarama 2021 cyasezereye ikipe y’igihugu ya Togo, u Rwanda rugera mu mikino ya 1/4 mu irushanwa rya CHAN 2020 rihuza abakina imbere mu bihugu byabo.

this one, it was one of those Goals "you've got to see it to believe it" kind of goals. VAMOS RWANDA💙#Rwanda #Amavubi #TotalCHAN2020 pic.twitter.com/1M7qJZWeoT

— Lionel NDIZEYE (@NDIZEYELionel) January 26, 2021

Ikipe ya DR Congo yatsinze Niger

Ni imikino yabaye ku wa mbere tariki ya 25 Mutarama 2021. Umunsi wa Gatatu mu itsinda rya Kabiri wasize abaturanyi biyongereye kuri Cameroon na Mali.

Ikipe ya Congo Brazzaville yatsinze Libya igitego kimwe ku busa. Igitego cyatsinzwe na Gautrand Ngouonimba cyatanze intsinzi kinashimangira amanota ane ndetse kinatanga itike yo kuzacakirana na Mali.

Ikipe ya DR Congo yagiye gukina umukino abandi bakinnyi batatu bayo bagaragayeho Covid-19. Ikipe yasigaye ari abakinnyi 13 gusa. Icyakora iki cyorezo nticyakomye mu nkokora imyitwarire ya DR Congo. Iyi kipe yatsinze Niger ibitego bibiri kuri kimwe, DR Congo ihita ishimangira intsinzi ndetse inayobora itsinda rya Kabiri.

Urutonde mu itsinda rya Kabiri (Group B Standing)

1. DR Congo: Imikino 3,amanota 7
2. Congo Brazzaville : Imikino 3 ,amanota 4
3. Libye: Imikino 3,amanota 2
4. Niger : Imikino 3,amanota 2
4. Libye: Imikino 3,amanota 2

Ikipe ya Congo Brazaville yahaye icyubahiro umukinnyi wayo Ikouma wagize ikibazo cy’imvune

Gahunda yo kuri uyu wa kabiri tariki ya 26 Mutarama 2021

Itsinda rya Gatatu

21:00 . Rwanda vs Togo: Stade de Limbe
21:00: Morocco vs Uganda: Stade de la Réunification

Uko itsinda rya Gatatu rihagaze

1. Morocco : Imikino 2, amanota 4
2. Togo: Imikino 2, amanota 3
3. Rwanda : Imikino 2 , amanota 2
4. Uganda : Imikino 2 ,Inota rimwe .

Imikino ya 1/4 izatangira ku wa Gatandatu tariki ya 30 Mutarama 2021 aho ikipe ya Mali izacakirana na Congo Brazzaville, mu gihe DR Congo izacakirana na Cameroon imikino izabera kuri sitade Japoma iherereye mu mujyi wa Douala. Iyi sitade ifite ubushobozi bwo kwakira abantu ibihumbi 50.

Ni imikino yabaye ku cyumweru tariki ya 24 Mutarama 2021 muri Cameroon ahakomeje kubera iyi mikino. Cameroon yageze muri iki cyiciro nyuma yo kunganya na Burkina Faso ubusa ku busa. Ikipe ya Mali yatsinze Zimbabwe igitego kimwe ku busa maze ishimangira bidasubirwaho gukina imikino ya 1/4.

Uko itsinda rya A rihagaze nyuma y’imikino itatu

1. Mali amanota: 7
2. Cameroon : amanota: 5
3. Burkina Faso :amanota: 4
4. Zimbabwe : amanota : 0

Gahunda y’imikino yo mu itsinda rya kabiri kuri uyu wa Mbere tariki ya 25 Mutarama 2021

21:00: DR Congo vs Niger
21:00: Congo Brazaville vs Libya

Urutonde rw’itsinda rya B

1. RD Congo : Imikino 2 amanota 4
2. Niger : Imikino 2 amanota 2
3. Libye : Imikino 2 amanota 2
4. Congo : Imikino 2 ,inota 1.

Ikipe izamuka ari iya mbere mu itsinda rya kabiri izahura na Mali, mu gihe ikipe izamuka ari iya Mbere mu itsinda rya kabiri izahura na Cameroon.

Ikipe ya Mali yishimira gukatisha itike nyuma yo gutsinda Zimbabwe igitego kimwe

Urubuga rwa Instagram rw’iyi kipe rwagaragaje ko Rwatubyaye yakiriwe muri iyo kipe mu butumwa bugira buti "Ikaze muri FC Shkupi Rwatubyaye Abdul".

Rwatubyaye yasinyiye amasezerano y’umwaka n’amezi atandatu mu gihugu cya Turkiya aho iyi kipe irimo gukorera umwiherero.

Iyi kipe ya FC Shkupi iri ku mwanya wa Kabiri n’amanota 33 ku rutonde rw’agateganyo muri Shampiyona ya Macedonia nyuma y’imikino 18 imaze gukina. Iki gihugu gitanga ikipe ikina muri Europa League.

FC Shkupi irimo gukorera umwiherero muri Turikiya ifite imikino itatu ya gicuti n’amakipe atandukanye harimo FK Obolon Kyiv bazakina tariki 25 Mutarama, na FC Lviv bazakina tariki 31 Mutarama yo muri Ukraine, Akhmat Grozny yo mu Burusiya (Russia) bazakina tariki 28 Mutarama na FK Ulfa na yo yo mu Burusiya bazakina tariki 3 Gashyantare.

FC Shkupi izasubukura Shampiyona ihura na FC Borec iri ku mwanya wa Gatandatu tariki 14 Gashyantare mbere yo guhura na Akademija Pandev tariki 21. Rwatubyaye yerekeje mu ikipe ya ya Colorado Springs Switchbacks yo mu cyiciro cya Kabiri avuye muri Colorado Rapids yo muri MLS yabuzemo umwanya.

Rwatubyaye yavuye mu Rwanda asinyishijwe na Sporting Kansas City muri Gashyantare 2019 ariko iyi kipe yaje kumutanga mu ikipe ya Colorado Rapids na yo ikina mu cyiciro cya mbere muri USA, imugurana umukinnyi wo hagati witwa Benny Feilhaber wigeze kuyikinira mbere muri 2013-2017.

Rwatubyaye yakuriye mu bakinnyi b’ingimbi (academy) ba APR FC aho yavuyemo yerekeza muri APR FC ayigiriramo ibihe byiza mbere yo kwerekeza muri Rayon Sports yavuyemo mu mwaka wa 2019 yerekeza muri Leta zunze ubumwe za Amerika.

Manzi Kimasa Dan ntacyitabiriye ubutumirwe bw’u Rwanda

Ikipe y’igihugu y’abagabo ya Basketball yatangiye umwiherero (Camp) ku wa Gatatu tariki ya 20 Mutarama 2021. Abakinnyi benshi bakina mu Rwanda batangiye iyi myitozo aho babanje gupimwa COVID-19 bagasanga bose ari bazima.

Mu kiganiro Kigali Today yagiranye n’ushinzwe ubuzima bwa buri munsi bw’iyi kipe (Team Manager ) Ernest Ntaganda, yavuze ko Manzi Dan na Shema Osborne batazitabira iri jonjora. Yagize ati "Mu bakinnyi 22 n’umutoza yahamagaye babiri muri bo bamaze kutubwira ko batazitabira iki cyiciro kuko amakipe yabo yanze kubarekura kuko bafite imikino ikomeye kandi ari abakinnyi bagenderwaho."

Yongeyeho ati "Ubu ikipe ifite abakinnyi 17 bari gukora imyitozo mu gihe tugitegereje Gasana Kenneth Hubert , Jovon Filler Adonis bazagera mu Rwanda mu ntangiriro za Gashyantare na Mpoyo Axel uzagera mu Rwanda tariki 29 Mutarama 2021".

Shema Osborne

Kuri uyu wa Gatandatu ikipe y’igihugu yakoze imyitozo inshuro imwe ku munsi, ku cyumweru ni ikiruhuko imyitozo ikazakomeza tariki ya 24 Mutarama 2021 aho ikora inshuro ebyiri ku munsi.

U Rwanda ruri mu itsinda rya D n’ibihugu nka Nigeria ,Sudani y’epfo na Mali.

Uko amatsinda ateye:

itsinda A : Central African Republic, Congo DR, Tunisia na Madagascar
Itsinda B: Senegal, Angola, Mozambique na Kenya
Itsinda C: Côte d’Ivoire, Cameroon, Guinée équatoriale na Guinea
Itsinda D: Rwanda, Mali, Nigeria na Sudani y’Epfo
Itsinda E: Misiri, Uganda, Cape Verde na Maroc

Imikino y’amakipe yo mu matsinda ya B na C izabera mu mujyi wa Yaoundé muri Cameroon kuva tariki ya 19 kugeza 21 Gashyantare 2021. Amakipe yo mu matsinda ya A,D na E azakinira mu mujyi wa Monastir muri Tuniziya kuva tariki ya 17 kugeza tariki ya 21 Gashyantare 2021. Biteganyijwe ko imikino ya nyuma ya Afro-Basket 2021 izabera mu Rwanda kuva tariki 24 Kanama kugeza 05 Nzeri 2021 muri Kigali Arena.

AS Kigali iri kwitegura imikino ibiri ya kamarampaka izakinamo na Sfaxien yo muri Tuniziya

Mu kiganiro Kigali Today yagiranye n’Umunyamabanga wa AS Kigali bwana Gasana Francis yemeje aya makuru. Yagize ati "Ni byo koko twemerewe gusubukura imyitozo n’ikimenyimenyi uyu munsi ikipe yacu irakora imyitozo."

AS Kigali irasubukura imyitozo idafite abakinnyi bayo batanu bari mu ikipe y’igihugu Amavubi iri muri Cameroon mu gikombe cya Afurika cy’ibihugu ku bakinnyi bakina imbere mu bihugu byabo CHAN 2020. Abo bakinnyi ni : Muhadjiri Hakizimana, Nsabimana Eric, Kalisa Rachid , Ndayishimiye Eric na Bayisenge Emery.

As Kigali iri kwitegura imikino ya Kamarampaka ya CAF Confederation Cup aho tariki ya 14 Gashyantare 2021 izasura ikipe ya CS Sfaxien mu gihugu cya Tuniziya . Umukino wo kwishyura uzabera mu Rwanda tariki ya 21 Gashyantare 2022 kuri Sitade ya Kigali i Nyamirambo.

Mukobwankawe Liliane wagizwe umunyamuryango wa Komisiyo y’abakinnyi muri Volleyball y’abafite ubumuga asanzwe ari Visi Perezida wa Komisiyo y’abakinnyi muri Komite Olempike y’u Rwanda

Mu ntangiriro z’Ukwezi kwa Mutarama 2021 nibwo Komisiyo y’abakinnyi (Athlets Commission) muri Volleyball y’abafite ubumuga ku rwego rw’Isi (Paravolley) yagize Mukobwankawe Liliane umunyamuryago wayo aba Umunyafurika umwe rukumbi muri iyi komisiyo. Mu mpera z’icyumweru gishize nibwo iyi nkuru yasakaye mu Rwanda.

Mu kiganiro yagiranye na Kigali Today, Mukobwankawe Liliane yavuze ko gushyirwa muri uyu mwanya abikesha ibikorwa by’impuzamashyirahamwe y’abafite ubumuga mu Rwanda (NPC Rwanda). Yagize ati "Ni umwanya nishimiye cyane kuko si abakinnyi benshi bageze kuri uyu mwanya. Navuga ko iki cyizere nagiriwe ngikesha ibikorwa bya NPC Rwanda kuko ni yo yadufashije kwitabira imikino Olempike y’abafite ubumuga inshuro ebyiri, shampiyona y’Isi n’ibindi."

Yakomeje avuga ko uyu mwanya uzamufasha kuvugira abakinnyi bafite ubumuga mu Rwanda kugira ngo byaba ibibuga cyangwa ubundi bufasha bushoboka buzabagereho.

Liliane (uri imbere) asanzwe ari Kapiteni w’ikipe y’igihugu y’abagore ya Sitting Volleyball

Lilliane Mukobwankawe usanzwe ari kapiteni w’ikipe y’igihugu y’abagore ya Sitting Volleyball yasabye abakinnyi bafite ubumuga gutinyuka kuko bafite amahirwe menshi. Yagize ati "Amahirwe arahari menshi kandi buri wese afite umukino yakwisangamo kandi akagiramo umusaruro mwiza. Icyo nabashishikariza ni ugutinyuka bagashaka umukino bakina kandi bakawushyiraho imbaraga n’urukundo rwawo."

Liliane Mukobwankawe afite ubumuga bw’ukuguru kw’iburyo yatewe n’impanuka mu mwaka wa 1996. Yatangiye gukina Volleyball y’abafite ubumuga mu mwaka wa 2007. Liliane asanzwe ari Kapiteni w’ikipe y’igihugu y’abagore ya Sitting Volleyball. Akina mu Ntwari za Gasabo aho asanzwe ari na Visi Perezida w’iyi Kipe. Mu bindi, asanzwe ari Visi Perezida wa Komisiyo y’abakinnyi muri Komite Olempike na Siporo mu Rwanda. Ni umusifuzi w’umukino w’abatabona akaba n’umubitsi wabo. Mukobwankawe Liliane asanzwe aba mu nama y’ubutegetsi ya NPC Rwanda nk’uhagarariye abagore ndetse akaba akina Sitball na Sitting Volleyball.

Liliane Mukobwankawe yayoboye ikipe ya Sitting volleyball yitabiriye Imikino Olempike y’abafite ubumuga inshuro ebyiri muri 2016 yabereye muri Brazil na 2012 yabereye i Londres mu Bwongereza.

Abakinnyi ba As Muhanga bamenyeshejwe ko amasezerano yabo asubitswe

Ibaruwa Kigali Today ifitiye kopi ivuga ko ikipe yagaragaje impamvu zirimo amikoro make yo guhemba abakinnyi n’abandi bakozi bayo, kuba shampiyona yarahagaritswe na Minisiteri ya Siporo ndetse no kuba nta bikorwa by’ikipe birimo birakorwa bishobora gutuma ihemba abakozi bayo.

As Muhanga ikurikiye Kiyovu Sports na yo yahagaritse amasezerano y’abakozi bayo mu minsi yashize kubera ko nta bikorwa by’ikipe birimo kuba.

Amakuru Kigali Today yamenye ni uko iyi kipe yiyemeje guhemba abakozi bayo iminsi 15 ku kwezi kwa Mutarama mu mwaka wa 2021 ndetse no gutunga abakinnyi b’abanyamahanga bayikinamo.

Shampiyona yahagaritswe ikipe ya As Muhanga iri ku mwanya wa cyenda aho mu mikino itatu yari ifitemo amanota abiri.

Mutokambali Moise yatwaye Shampiyona ya 2019/2021 muri The Hoops Rwanda

Mu gitondo cyo kuri uyu wa Kabiri tariki ya 19 Mutarama 2020 nibwo FERWABA ibinyujije kuri Twitter, yatangarije Abanyarwanda n’abakunzi ba Basketball ko Mutokambali Moise umaze imyaka irenga 15 mu butoza ari we wagizwe umuyobozi wa tekinike muri iri shyirahamwe.

Kigali Today yaganiriye na Visi Perezida wa mbere ushinzwe amarushanwa muri FERWABA, Nyirishema Richard, avuga ko Mutokambali yabaye diregiteri tekinike binyuze mu bizamini. Yagize ati "Twasabye Minisiteri ya Siporo uyu mwanya irawuduha. Twatanze itangazo ku bifuza guhatana barasaba, twakoresheje ibizamini Mutokambali aba ari we ugira amanota ya mbere."

Zimwe mu nshingano z’umuyobozi wa tekinike ari na zo zitegereje Mutokambali Moise harimo : Gukurikirana ishyirwano ry’abatoza b’amakipe y’igihugu, gukurikirana imitegurire y’abakinnyi bato (Development) , gukurikirana imitegurire y’amakipe y’igihugu mu byiciro bitandukanye, gukorana n’abatoza batoza abana, ndetse no gushakira abatoza amahugurwa afatanyije n’izindi nzego bireba.

Mutokambali Moise ni umwe mu batoza barambye mu gutoza Basketball mu Rwanda dore ko uretse kuba yaratoje ikipe y’ibihugu ya Basketball y’abagabo nkuru, asanzwe aba mu bikorwa byo kuzamura abana bakiri bato bakina Basketball.

Ikipe ya The Hoops Rwanda yari asanzwe atoza ni yo iherukwa kwegukana igikombe cya shampiyona nyuma y’imyaka itandatu ishinzwe.

U Rwanda ruzahatana na Nigeria muri Tuniziya

Iyi mikino yo gushaka itike ya AfroBasket iteganyijwe gutangira tariki 19 kugeza 23 Gashyantare 2021, izahuriza hamwe amatsinda ane aho u Rwanda ruri mu itsinda D ririmo Nigeria, Mali na Sudani y’Amajyepfo.

Imikino y’ijonjora rya Kabiri yo gushaka itike ya AfroBasket 2021 izaba hagati y’itariki 17 kugeza 21 Gashyantare 2021 muri Tuniziya. Amakipe abiri ya mbere muri buri tsinda azahita abona itike yo gukina AfroBasket 2021 izabera mu Rwanda muri Nzeri.

Mu gitondo cyo kuri uyu wa Gatanu tariki ya 15 Mutarama 2022 nibwo Umutoza yahamagaye abakinnyi bagomba kwitabira imyitozo kuva tariki ya 16 Mutarama 2021.

Abakinnyi Bahamagawe:

Kenny Gasana, Kabare Hubert, Hagumintwari Steven, Jovon Adonis Filer, Kabange Kami, Kaje Elie, Mpoyo Axel, Muhizi Prince, Muhayumukiza Eric, Ndizeye Ndayisaba Dieudonné, Ndoli Jean Paul, Niyonkuru Pascal, Niyonsaba Bienvenu, Nshobozwabyosenumukiza Jean Jacques Wilson, Ntwari Marius, Nyamwasa Bruno, Sagamba Sedar, Shema Osborne, Shyaka Olivier, Uwitonze Justin, Sano Gasana na Manzi Kimasa Dan.

Uko Amatsinda ateye:

itsinda A : Central African Republic, Congo DR, Tunisia na Madagascar
Itsinda B: Senegal, Angola, Mozambique na Kenya
Itsinda C: Côte d’Ivoire, Cameroon, Guinée équatoriale na Guinea
Itsinda D: Rwanda, Mali, Nigeria na Sudani y’Epfo
Itsinda E: Misiri, Uganda, Cape Verde na Maroc

Imikino y’amakipe yo mu matsinda ya B na C izabera mu mujyi wa Yaounde muri Cameroon kuva tariki ya 19 kugeza 21 Gashyantare 2021. Amakipe yo mu matsinda ya A,D na E azakinira mu mujyi wa Monastir muri Tuniziya kuva tariki ya 17 kugeza tariki ya 21 Gashyantare 2021.

Perezida wa AS Kigali yageneye buri mukozi wa AS Kigali wagiye muri Uganda ibihumbi birenga 400

Umwe mu baganiriye na Kigali Today kuri uyu wa Gatanu tariki ya 15 Mutarama 2021 utashatse ko amazina ye atangazwa, yashimiye uyu muyobozi. Yagize ati "Ndashima Perezida wacu kuko ibyo yadusezeranyije mbere yo kujya muri Uganda yabiduhaye. Biradushimishije cyane kandi biradufasha kwitegura neza umukino wa CS Sfaxien."

Undi mukozi wa AS Kigali na we waganiriye na Kigali Today yemeye ko amafaranga bayabashyiriye kuri banki. Yagize ati "Amafaranga bayadushyiriye kuri banki, byatunejeje cyane binatwongerera izindi mbaraga zo gukora cyane."

Perezida wa AS Kigali, Shema Ngoga Fabrice, yari yemereye Amadolari 450 ku bakinnyi, abatoza ndetse n’abandi bakozi b’iyi kipe nibaramuka basezereye ikipe ya KCCA yo muri Uganda mu ijonjora rya kabiri rya CAF Confederation Cup.

Abakinnyi bishimiye igikorwa umuyobozi wabo yabakoreye

Ku wa Gatatu tariki ya 13 Mutama 2021 nibwo ikipe yasubukuye imyitozo nyuma y’iminsi itanu y’ikiruhuko. Iyi kipe iri gukora inshuro ebyiri ku munsi, irakorera kuri sitade ya Kigali iherereye i Nyamirambo.

AS Kigali yatomboye kuzahura na CS Sfaxien yo muri Tuniziya mu mikino ya kamarampaka ya CAF Confederation Cup. Biteganyijwe ko tariki ya 14 Gashyantare 2021 As Kigali izajya gukina umukino ubanza mu gihugu cya Tuniziya, mu gihe ku itariki ya 21 Gashyantare 2021 AS Kigali izakira ikipe ya CS Sfaxien kuri Sitade ya Kigali.

Abahoze bakinira Kirehe FC bashimishijwe n’icyemezo cya Guverineri Mufulukye Fred

Ikibazo cy’abakinnyi n’abatoza bakoreye ikipe ya Kirehe FC kimaze iminsi cyumvikana mu itangazamakuru mu Rwanda. Abakinnyi n’abandi bakoze barishyuza iyi kipe Miliyoni 16 z’amafaranga y’u Rwanda.

Nyuma yo kwandikirwa n’abari abakozi bayo ikabihakana, ikababwira ko itabazi ko nta maseserano bigeze bagirana, Kirehe FC yatumijwe na FERWAFA kugira ngo icyemure ikibazo ariko ntiyagikemura.

Kigali Today yifuje kumenya niba ibaruwa aba bakinnyi bandikiye Guverineri yaramugezeho iganira na Munyeshyaka Gilbert bakunda kwita Lukaku ayemerera ko Guverineri yategetse Kirehe FC kubishyura mu gihe gito. Yagize ati "Amaze kubona ibaruwa namwoherereje kuri email, Guverineri yatumijeho Umuvunyi w’Intara, Umuyobozi wa Kirehe FC ndetse na Division manager w’Akarere ka Kirehe ndetse nanjye uhagarariye abandi. Umwanzuro wavuyemo muri icyo kiganiro cyabaye mu buryo bw’ikoranabuhanga, ni uko ubuyobozi bwa Kirehe FC bwemeye ko bitarenze tariki 20 Mutarama 2021 bugomba kuba bwamaze gukemura ikibazo cyacu."

Nyuma y’igihe kitari gito aba bakinnyi basiragira, ubuyobozi bwa Kirehe FC bwatangiye kubasaba ibimenyetso bigaragaza ko bari abakinnyi bayo. Nk’uko ubahagarariye yakomeje abivuga, ati "Twatangiye gukusanya ibimenyetso bigaragaza ko twari abakinnyi ba Kirehe FC, bigaragazwa n’amasezerano y’akazi ndetse n’ibindi bitandukanye kandi turashima Guverineri Mufulukye Fred ukomeje gukurikirana ikibazo cyacu."

Kirehe FC yamanutse mu cyiciro cya Kabiri mu mwaka wa 2019 aho abakinnyi n’abatoza bayitozaga yanze kubishyura igahakana ivuga ko itabazi.

Amavubi yahize kuzagera mu mikino ya 1/4 cya CHAN 2021

Mu bakinnyi basezerewe ,habayemo gutungurana aho rutahizamu wa Police fc Patrick Sibomana bakunda kwita Pappy yasezerewe mu bakinnyi batatu basigaye. Uretse Pappy mu bandi bakinnyi basezerewe barimo myugariro wa Kiyovu Sports Serumogo Ally na Rutahizamu wa Musanze fc Onesme Twizerimana.

Abakinnyi bazerekeza muri Cameroon

Abanyezamu: Kimenyi Yves (Kiyovu Sports), Ndayishimiye Eric ‘Bakame’ (AS Kigali), Kwizera Olivier (Rayon Sports) na Rwabugiri Umar (APR FC).

Ba myugariro: Manzi Thierry (APR FC), Mutsinzi Ange (APR FC), Rugwiro Hervé (Rayon Sports), Nsabimana Aimable (Police FC), Fitina Omborenga (APR FC), Imanishimwe Emmanuel (APR FC), Rutanga Eric (Police FC), Niyomugabo Claude (APR FC) na Usengimana Faustin (Police FC) na Bayisenge Emery (AS Kigali).

Abakina hagati: Niyonzima Olivier ‘Seif’ (APR FC), Ngendahimana Eric (Kiyovu Sports), Twizeyimana Martin Fabrice (Police FC), Nsabimana Eric (AS Kigali), Ruboneka Jean Bosco (APR FC), Manishimwe Djabel (APR FC), Nshuti Dominique Savio (Police FC) na Kalisa Rachid (AS Kigali).

Ba rutahizamu: Byiringiro Lague (APR FC), Sugira Ernest (Rayon Sports), Usengimana Danny (APR FC), Iradukunda Bertrand (Gasogi United), Iyabivuze Osée (Police FC), Mico Justin (Police FC), Tuyisenge Jacques (APR FC)na Hakizimana Muhadjiri (AS Kigali).

Rutahizamu wa Police FC yatunguranye mu bakinnyi batatu basigaye

Kuwa Kane tariki ya 07 Mutarama 2021 ikipe y’igihugu yakinnye umukino wa gicuti na Congo Brazzaville mu rwego rwo kwitegura CHAN umukino warangiye amakipe yombi anganya ibitego bibiri. Aya makipe azobgera gukina umukino wa Kabiri ku Cyumweru tariki ya 10 Mutarama 2021 kuri Sitade Amahoro i Remera.

Bitenganyijwe ko U Rwanda ruzagera muri Cameroon tariki ya 13 Mutarama 2021 rukazakina umukino wa mbere na Uganda tariki ya 18 Mutarama 2021 ,umukino wa Kabiri ,U Rwanda ruzawukina tariki ya 22 aho ruzakina na Morocco ,umukino wa nyuma wo mu matsinda rukazakina na Togo tariki ya 26 Mutarama 2021.

AS Kigali

Ni umuhango wabaye ku gicamunsi cyo kuri uyu wa Gatanu tariki ya 08 Mutarama 2021 ku cyicaro cy’Impuzamashyirahamwe ku mugabane wa Afurika (CAF) giherereye i Cairo mu Misiri.

Tombola yasize ikipe ya AS Kigali yo mu Rwanda itomboye kuzakina na Club Sportif SFAXIEN yo muri Tunisia.

Ikipe ya AS Kigali yageze mu mikino ya Kamparampaka nyuma yo gusezerera ikipe ya KCCA yo muri Uganda ku giteranyo cy’ibitego bitatu mu mikino ibiri. AS Kigali yakomeje ku gitego cyo hanze yatsinze mu mukino wo kwishyura wabereye muri Uganda ku wa Gatatu tariki ya 06 Mutarama 2021 aho KCCA yatsinze AS Kigali ibitego bitatu kuri kimwe.

Club Sportif Sfaxien

Ikipe ya CS Sfaxien yasezerewe muri CAF Champions League na MC Alger yo muri Algeria ku giteranyo cy’ibitego bibiri kuri kimwe mu mikino ibiri.

Ikipe ya CS Sfaxien ni imwe mu makipe akomeye mu gihugu cya Tunisie aho muri shampiyona ya 2020/2021 iri ku mwanya wa Kabiri nyuma y’imikino itanu aho ifite amanota 10 ku mwanya wa Kabiri.

Ikipe ya AS Kigali izabanza gusura CS Sfaxien tariki 14 Gashyantare 2021 mu gihe umukino wo kwishyura uzabera mu Rwanda tariki ya 21 Gashyantare 2020 kuri Sitade ya Kigali i Nyamirambo.

Maj Gen Mubarak Muganga

Komite nshya igomba kuyobora APR FC yatangajwe mu gitondo cyo kuri uyu wa Gatanu tariki ya 08 Mutarama 2021 ku biro by’iyi kipe biherereye ku Kimihurura, umuhango uyoborwa na Major General Mubarakh Muganga.

Ubuyobozi bwa APR FC:

Chairman: Maj General Mubarak Muganga
Vice Chairman: Brig Gen Firmin Bayingana
Umunyamabanga: Masabo Michel
Umubitsi: Lieutenant Colonel Emmanuel Rutebuka
Team Manager : Ikipe irateganya kumutangaza vuba

Mu kiganiro n’itangazamakuru, umuyobozi wa APR FC Maj General Mubarak Muganga wayoboye iki gikorwa yavuze ko bagiye gukomeza gufasha APR FC gutwara ibikombe . Yagize ati "Mu bikombe 26 bimaze gukinirwa kuva APR FC yashingwa tumaze gutwaramo ibikombe 18 bya shampiyona. Tuzakomeza gufasha iyi kipe gutwara ibikombe haba mu Rwanda, mu karere ndetse no muri Afurika aho bishoboka."

Uyu muyobozi yakomeje avuga ko APR FC izakomeza guha umwanya abana b’Abanyarwanda kugira ngo bakomeze gutera imbere no guhesha igihugu ishema.

Visi Perezida wa APR FC Brig General Firmin Bayingana yabaye mu buyobozi bwa APR FC kuva mu mwaka wa 1998 kugera mu 2000 aho yari Umunyamabanga mukuru w’iyi kipe. Kuva mu mwaka wa 2000 kugera muri 2010 yayoboraga ikipe y’ingabo z’igihugu zirwanira mu mazi ari yo Marines FC.

Uwagizwe Umunyamabanga, Michel Masabo, yabaye Umunyamabanga wa APR FC kuva mu mwaka wa 2003 kugera muri 2007.

Ku bijyanye no kuba intego zo kugera mu matsinda ya CAF Champions League zitaragezweho, Gen Mubarak Muganga yavuze ko abakinnyi batari bamenyeranye. Yagize ati "Twari dufite intego yo kugera mu matsinda ya CAF Champions League ariko ntitwazigezeho kuko abakinnyi dufite bari bamaranye umwaka umwe. Turizera ko mu mwaka wabo wa Kabiri bizagerwaho kandi turabyizeza abakunzi ba APR FC.”

Mu bindi uyu muyobozi yagarutseho ni amakuru yo kuba ikipe ya APR FC ishaka kugarura myugariro Rwatubyaye Abdul. Umuyobozi wa APR FC yavuze ko nta biganiro bihari. Yagize ati "Rwatubyaye ni umwana wacu, ni umunyamuryango, ni umwe mu bakinnyi twareze. Umukinnyi wese witwaye neza ari iwacu aba agomba kugaruka igihe cyose tumukeneye. Umutoza wacu namwifuza tuzaganira ariko aka kanya nta biganiro na Rwatubyaye Abdul.”

Major General Mubarak Muganga usanzwe akuriye ingabo mu mujyi wa Kigali no mu Ntara y’Iburasirazuba asimbuye ku buyobozi bwa APR FC Lieutenant General Jacques Musemakweli wari umaze igihe kitari gito ayobora iyi kipe.

Ni umukino wabaye kuri uyu wa Kane tariki 07 Mutarama 2021 kuri Sitade Amahoro i Remera. Uyu mukino wakinwe nta bafana bari kuri stade mu rwego rwo kwirinda icyorezo cya Covid-19.

Umutoza wa Congo Brazzaville Barthelemy Ngaisono yabanje mu kibuga abakinnyi bakurikira:

Massa Chansel
Magnokele Dimitri (c)
Nsenda Francis
Ondongo Tulfin
Mounoza Prince
Massanga Chandrel
Langa Bercy
Ngouenimba Gautrand
Bintsouka Archange
Obassi Bersyl

Umutoza w’Amavubi Mashami Vincent yitabaje mu kibuga aba bakinnyi:

Kwizera Olivier (umunyezamu)

Ba myugariro: Omborenga Fitina, Imanishimwe Emmanuel, Mutsinzi Ange na Manzi Thierry.

Hagati: Niyonzima Olivier ’Seif’, Twizeyimana Martin Fabrice, Manishimwe Djabel.

Ikipe ya Congo Brazzaville yinjiye mo kare aho yafunguye amazamu ku munota wa cyenda ku gitego cyatsinzwe na Obassi Bersly nyuma yo kunanirwa gutera umutwe n’umupira kwa Manzi Thierry. Congo Brazzaville yakomeje gusatira U Rwanda ibona igitego cya Kabiri ku munota wa 26 ari nako igice cya mbere cyarangiye.

Igice cya Kabiri cyatangiranye impinduka ku ruhande rw’amavubi umutoza Mashami Vincent yinjije Usengimana Faustin asimbura Manzi Thierry , Byiringiro Lague asimbura Iyabivuze Osee na Ruboneka Bosco wasimbuye Niyonzima Olivier.Nyuma y’Isi mpinduka u Rwanda rwaremye uburyo bushoboka bwo gutsinda ariko Umunyezamu wa Congo Brazzaville.

Izindi mpinduka zabaye ku ruhande rw’Amavubi Mico Justin yasimbuye Djabel Manishimwe , Iradukunda Jean Bertrand yasimbuye Nshuti Dominique Savio na Twizerimana Onesme. izi mpinduka zaje gutanga umusaruro ku munota wa 87 ku kazi kakozwe na Bertrand maze Mico Justin atsinda igitego cya Kabiri ari nako umukino warangiye.

Ku cyumweru tariki ya 10 Mutarama 2021 u Rwanda ruzongera gukina na Congo Brazzaville umukino wa Kabiri mbere yo kwerekeza muri CHAN 2021 igomba gutangira tariki ya 16 Mutarama kugeza 07 Gashyantare 2021 muri Cameroon.

U Rwanda ruri mu itsinda rya Gatatu hamwe na Togo , Morocco na Uganda ruzagera muri Cameroon tariki ya 13 Mutarama 2021 rukinwe umukino wa mbere na Uganda tariki ya 18 Mutarama 2021.

Wari umukino w’imbaraga nyinshi

Abakinnyi 11 ba KCCA babanje mu kibuga

Charles Lukwago(C), Denis Iguma, Musa Ramadhan , Herbert Achai, Bukenya Joseph Kizza, Mugume Ashraf , Kafumbe Joseph , Keziron Kizito , Anukani Bright, Ssenyonjo Samuel, Brian Aheebwa.

Abakinnyi 11 ba As Kigali babanje mu kibuga

Bate Shamiru Robert ; Rugirayabo Hassan , Karera Hassan , Bayisenge Emery , Ishimwe Christian, Nsabimana Eric , Ntamuhanga Tuamaine (C), Kalisa Rachid ,Hussein Shabaan Chabalala , Hakizimana Muhadjili , Aboubakar Lawal.

Ni umukino wabaye kuri uyu wa Gatatu tariki ya 06 Mutarama 2021 kuri St Mary’s Kitende Stadium mu mujyi wa Kampala. Ikipe ya KCCA yatsinze As Kigali ibitego bitatu kuri kimwe.

KCCA ni yo yafunguye amazamu ku munota wa mbere w’umukino, igitego cyatsinzwe na Brian Aheebwa. Ku munota wa 36 Brian Aheebwa yatsinze igitego cya Kabiri ari nako igice cya mbere cyarangiye.

Mu gice cya Kabiri umutoza wa As Kigali Eric Nshimiyimana yakoze impinduka yinjiza Orotomal Alex mu kibuga asimbuye Ntamuhanga Tumaine. Nyuma yo kwinjira yakoze akazi katumye As Kigali ibona Penaliti maze ku munota wa 50 Hakizimana Muhadjili ayitsinda neza. KCCA yabonye igitego cya Gatatu cyatsinzwe na Brian Aheebwa ku munota wa 75 ari nako umukino warangiye maze As Kigali ikomeza ku gitego cyo hanze.

Gusezerera KCCA kwa As Kigali kwatumye igera mu mikino ya kamarampaka aho igomba guhura n’imwe mu makipe yasezerewe muri CAF Champions League mbere yo kugera mu matsinda.

Cassa Mbungo André yasinye amasezerano y’imyaka ibiri atoza Bandari FC

Kuri uyu wa mbere Tarik ya 04 Mutarama 2021 nibwo ikipe ya Bandari FC yatangaje ko Cassa Mbungo André ari umutoza wayo. Ibicishije ku rukuta rwayo rwa Twitter yavuze ko umushyitsi wari utegerejwe yahageze. Yagize iti “Umushyitsi wacu yahageze ubu ni uwacu urakaza neza mu muryango wa Bandari.”

Ku cyumweru tariki ya 03 Mutarama 2021 ikipe ya Gasogi United yasezeye kuri uyu mutoza. Ibinyujije kuri Twitter yayo yagize iti “Ikipe ya Gasogi United turashima umusanzu w’uwari umutoza wacu Cassa Mbungo Andre Tukwifurije Ishya n’ihirwe aho uzajya hose.”

Si ubwa mbere atoje muri Kenya kuko yanyuze no muri AFC Leopard

Ikipe ya Bandari FC iri ku mwanya wa Gatandatu muri shampiyona y’icyiciro cya mbere muri Kenya aho mu mikino itandatu imaze gukina yatsinzemo imikino ibiri, inganya imikino ibiri , itsindwa imikino ibiri ikaba ifite amanota umunani.

Cassa Mbungo yatoje amakipe akomeye mu Rwanda arimo As Kigali, Police FC, Kiyovu Sports, Rayon sports, AFC Leopards yo muri Kenya na Gasogi United aherukamo. Uyu mugabo yatwaranye na Police FC igikombe cy’amahoro itsinze Rayon Sports ku mukino wa nyuma.

Nyuma y’iminsi ibiri iyi kipe itanze akaruhuko ka Noheli, ku Cyumweru tariki ya 27 Ukuboza 2020 nibwo uyu mukinnyi yaje mu myitozo yambaye imyenda isanzwe ataje gukora imyitozo.

Nk’uko As Kigali yabitangaje kuri Twitter yayo yamwifurije amahirwe masa. Yagize ati “Myugariro w’iburyo Michel Rusheshangoga yasezeye ku muryango mugari wa AS Kigali yari amazemo umwaka umwe n’igice. Turamwifuriza ishya n’ihirwe mu bundi buzima yerekejemo.” Ubutumwa As Kigali yanyujije kuri Twitter yayo.

Rusheshangoga hamwe n’abatoza ba AS Kigali

Umuyobozi wa As Kigali na we yageneye ubutumwa uyu myugiro. Yagize ati “Ugire urugendo rwiza Michel. Byari ibyishimo kukugira muri AS Kigali wabaye urugero rwiza kuri bose. Imana ikomeze kukurinda kandi ikugirire neza, usuhuze umuryango wawe.”

Amakuru Kigali Today yamenye ni uko uyu mukinnyi yerekeza muri USA kuri uyu wa mbere tariki ya 28 Ukuboza 2020 aho agiye kubana n’umugore we Kazungu Aimée bakunda kwita Njungu basezeranye muri Nyakanga 2019.

Rusheshangoga w’imyaka 26 nk’uko bigaragara ku byangombwa akiniraho, ni umwe mu bari bagize Amavubi U-17 yakinnye Igikombe cy’Isi cyabereye muri Mexique mu 2011.

Yatangiye gukinira APR FC mu 2012 ubwo yayigeragamo avuye mu Isonga FC, ayifasha kwegukana ibikombe bitandukanye bikinirwa mu Rwanda.

Michel Rusheshangoga yafashe ifoto y’urwibutso n’abakinnyi bakinanaga muri AS Kigali

Muri Nyakanga 2017 yerekeje muri Singida United yo muri Tanzania ahawe ibihumbi 50 by’Amadolari ya Amerika, aho byavugwaga ko azajya ahabwa umushahara w’Amadolari ya Amerika ibihumbi bitatu (3000$) ku kwezi, akanagenerwa andi 500$ mu gihe ashoboye gutanga umupira uvamo igitego.

Rusheshangoga yamaze umwaka umwe muri Tanzania, ahita agaruka muri APR FC yasinyiye imyaka ibiri muri Kanama 2018, ariko nyuma y’umwaka umwe atandukana na yo, yerekeza muri AS Kigali.

Muri Nyakanga 2019 nibwo yakoze ubukwe na Kazungu Aimée ‘Njungu’.

Michel (iburyo) hamwe na Emery Bayisenge bakinanye muri APR FC no muri AS Kigali

Rusheshangoga waherukaga guhamagarwa mu ikipe y’igihugu Amavubi yitegura irushanwa rya CHAN 2020 izabera muri Cameroun kuva tariki ya 16 Mutarama kugera tariki 07 Gashyantare 2021, yasezeye kuri AS Kigali mu gihe ikomeje imyitozo yo kwitegura umukino wo kwishyura w’ijonjora rya kabiri rya CAF Confederation Cup izahuramo na KCCA FC yo muri Uganda.

Mu mukino ubanza wari kuba ku wa 23 Ukuboza 2020, AS Kigali yahawe ibitego 2-0 kuri mpaga yatewe iyi kipe yo muri Uganda kubera kutagira umubare uhagije w’abakinnyi.

Amahirwe ya AS Kigali yo gukomeza mu cyiciro gikurikiyeho yiyongereye nyuma y’uko KCCA itewe mpaga

Ni umukino wagombaga kuba kuri uyu wa Gatatu tariki ya 23 Ukuboza 2020 saa cyenda kuri Sitade ya Kigali i Nyamirambo.

Itegeko rya CAF ruvuga iki muri ibi bihe bya COVID-19?

Impuzamashyirahamwe y’umupira w’amaguru ku mugabane wa Afurika (CAF) iteganya ko ikipe igomba gukina amarushanwa ya CAF igomba kuba ifite abakinnyi 15 barimo n’abanyezamu , bivuze abakinnyi 11 n’abasimbura bane. Iyo uyu mubare ikipe iwubuze iterwa mpaga n’ibitego bibiri.

Ikipe ya KCCA yaje mu Rwanda ifite abakinnyi 15, igeze mu Rwanda bapimwa COVID-19 basanga umukinnyi umwe yaranduye basigara ari 14. Nyuma y’imyitozo yakoze ku wa Kabiri tariki ya 22 kuri Sidate ya Kigali, ibindi bisubizo byagaragaje undi mukinnyi wayo wanduye basigara ari 13 bivuze ko batari bemerewe gukina uyu mukino.

As Kigali yakiriye ite iyi mpaga?

Mu kiganiro yagiranye na KT Sports cya KT Radio cyabaye kuri uyu wa Gatatu tariki ya 23 Ukuboza 2020, Umunyamabanga wa As Kigali Gasana Francis yavuze ko bashakaga gukina . Yagize ati "Twashakaga gukina uyu mukino kuko twari dufite amakuru yabo ahagije ko nta bakinnyi bafite twifuza kubatsinda ibitego byinshi. Ariko umukino uwubara ifirimbi irangiye twakiriye ibyo twabonye. Turasabwa gutsinda ibitego byinshi Uganda kugira ngo dukomeze"

Ku isomo bakuye muri iki kibazo cya KCCA, Umunyamabanga wa As Kigali yavuze ko bagomba kujyana abakinnyi benshi. Yagize ati "Twize ko tugomba kurinda abakinnyi bacu kudasohoka, kugenda kare kandi tukajyana abakinnyi benshi ku buryo tutazahura n’iki kibazo."

As Kigali izakina umukino wo kwishyura ku wa Gatatu tariki ya 06 Mutarama 2021 ikaba isabwa kunganya gusa cyangwa kudatsindwa ibitego birenze kimwe igahita igera mu cyiciro kibanziriza icya nyuma cy’amatsinda ya Confederation Cup.

Urutonde rw’agateganyo rw’abakinnyi bahamagawe

Kapiteni wa Rayon Sports Rugwiro Hervé, Umunyezamu wayo Kwizera Olivier na rutahizamu Sugira Ernest ni bo bakinnyi batatu bahamagawe mu myiteguro ya CHAN.

Ikipe ya APR FC ni yo ifite abakinnyi benshi mu ikipe yahamagawe aho ifite abakinnyi icumi. Abo ni: Umunyezamu Rwabugiri Ndayisenga Omar, ba myugariro Manzi Thierry ,Mutsinzi Ange, Fitina Ombolenga ,Imanishimwe Emmanuel ,abakina hagati ni : Niyonzima Olivier, Manishimwe Djabel na ba rutahizamu Byiringiro Lague, Usengimana Danny na Tuyisenge Jacques.

As Kigali ifitemo abakinnyi batandatu ari bo : Ndayishimiye Eric, Bayisenge Emery, Rusheshangoga Michel, Nsabimana Eric, Kalisa Rashid na Hakizimana Muhadjiri.

Police FC ifitemo abakinnyi batarindwi ari bo : Nsabimana Aimable, Usengimana Faustin,Twizerimana Martin Fabrice, Nshuti Dominique Savio, Iyabivuze Osée na Mico Justin.

Kiyovu Sports ifitemo abakinnyi batatu ari bo Kimenyi Yves, Serumogo Ally na Ngendahimana Eric.

Musanze FC ifitemo umukinnyi umwe ari we Twizerimana Onesme, na Gasogi United ikagiramo umukinnyi umwe ari we Iradukunda Jean Bertrand.

U Rwanda ruri mu itsinda rya Gatatu ririmo amakipe ya Uganda, Morocco na Togo. U Rwanda rukazakina umukino warwo wa mbere rukina na Uganda.

Uganda yegukanye igikombe idatsinzwe umukino n’umwe

Ni umukino wabanjirijwe n’umukino wo guhatanira umwanya wa Gatatu aho ikipe ya Ethiopia yegukanye umwanya wa Gatatu nyuma yo kunyagira Djibouti ibitego bitanu kuri bibiri.

Ikipe ya Ethiopia yatsindiwe na Yodahe Dawit Bakalo ku munota 18 n’uwa 35, Bereket Birhanh Jiru ashyiramo icya Gatatu ku munota wa 36, hanyuma Bereket Mohamed atsindamo ibitego bibiri ku munota wa 58 na 72.

Ibitego bibiri bya Djibouti byatsinzwe na Ayoub Mohammed Hadi ku munota wa 56 no ku munota wa 77.

Nyuma y’uyu mukino hakurikiyeho umukino wa nyuma wahuje Tanzania na Uganda.

Uganda yageze ku mukino wa nyuma isezereye Djibouti ku gitego kimwe ku busa, naho Tanzania yatsinze Ethiopia kuri Penaliti enye kuri eshatu za Ethiopia.

Ikipe ya Uganda y’abatarengeje imyaka 17 yishimira igikombe

Sitade Umuganda iherereye mu Karere ka Rubavu ni yo yakiriye imikino yose y’irushanwa ikaba ari na yo yakiniweho umukino wa nyuma. Uganda yerekanye ingufu muri uyu mukino nubwo igice cya mbere cy’umukino cyarangiye ari ubusa ku busa.

Mu gice cya Kabiri Uganda yafunguye amazamu ku munota wa 62 n’igitego cyatsinzwe na Irinimbabazi Yvan, ku munota wa 80 Mutyaba Travis yongeyemo icya Kabiri, naho Ibrahim Juma yatsinze agashinguracumu ku munota wa 90 w’umukino. Igitego cya Tanzania cyitsinzwe n’umukinnyi wa Uganda Mulema Vincent ku munota wa 88.

Rutahizamu wa Uganda Oscar Mawa yahembwe nka rutahizamu watsinze ibitego byinshi (bitandatu)

Iyi ntsinzi ya Uganda yashimangiye ugukomera kwa Uganda aho isoje irushanwa idatsinzwe umukino n’umwe.

Tubibutse ko amakipe ya Uganda na Tanzania azahagararira Akarere ka CECAFA mu gikombe cya Afurika kizabera muri Maroc mu mwaka wa 2021.

Minisitiri wa Siporo Munyagaju Aurore Mimosa ashyikiriza igikombe kapiteni wa Uganda

Ethiopia yatahanye umwanya wa Gatatu

Abasifuzi bashimiwe akazi bakoze

As Muhanga yakinnye umukino wa Etincelles itapimishije abakinnyi

Nk’uko icyemezo cya Komisiyo y’imyitwarire cyatangajwe ku rubuga rwa FERWAFA ku wa Mbere tariki ya 21 Ukuboza 2020 kigaragaza ibihano byafatiwe amakipe ndetse n’abakomiseri ku mikino itandukanye.

Imyanzuro ya Komisiyo y’imyitwarire ya FERWAFA

– AS Muhanga: Komisiyo yemeje ko iyi kipe yakoze amakosa yo kutubahiriza amabwiriza ya COVID-19 mu mukino wayihuje na Etincelles FC ku wa 4 Ukuboza 2020 bityo Komisiyo itegeka AS Muhanga kwishyura ihazabu y’ibihumbi magana atanu by’amanyarwanda (500,000Frw) azishyurwa mu gihe cy‘amezi abiri.

– Rayon Sports FC: Komisiyo yemeje ko Rayon Sports FC ihamwa n’amakosa yo kutubahiriza amabwiriza yo kurwanya Covid-19 kandi ayo makosa yakoze akaba akomeje kugira ingaruka ku bitabiriye umukino wayihuje na Rutsiro FC bityo iyi kipe ikaba ihanishijwe kwishyura ihazabu y’amafaranga y’u Rwanda miliyoni ebyiri (2,000,000 Frw) azishyurwa mu gihe cy‘amezi abiri.

– Bugesera FC: Komisiyo yasanze ikipe ya Bugesera FC yemera amakosa yo kutubahiriza amabwiriza yo kwirinda COVID-19 mu mukino wayihuje na Espoir FC ku wa 4 Ukuboza 2020 ikaba yategetswe kwishyura ihazabu y’amafaranga y’u Rwanda ibihumbi magana atanu (500,000Frw) azishyurwa mu gihe cy‘amezi abiri.

Abakomiseri bayoboye imikino y’amakipe na bo bahanwe

– FUNGAROHO Issa: Komisiyo yasanze bwana FUNGAROHO Issa atarasuzumye ibyemezo byo kwipimisha COVID-19 ku bakinnyi n’abayobozi bari bitabiriye umukino wahuje AS Muhanga na Etincelles FC wabaye ku wa 4 Ukuboza 2020, bityo Komisiyo ikaba yihanangirije ubwa nyuma.

– TWAGIRAYEZU Richard: Komisiyo yasanze bwana TWAGIRAYEZU Richard atarasuzumye ibyemezo byo kwipimisha COVID-19 ku bakinnyi n’abayobozi bari bitabiriye umukino wahuje Espoir FC na Bugesera FC wabaye ku wa 4 Ukuboza 2020, bityo Komisiyo ikaba yihanangirije ubwa nyuma.

– RWIRASIRA François: Komisiyo yasanze bwana RWIRASIRA François atarasuzumye ibyemezo byo kwipimisha COVID-19 ku bakinnyi n’abayobozi bari bitabiriye umukino wahuje Rutsiro FC na Rayon Sports FC wabaye ku wa 4 Ukuboza 2020, bityo Komisiyo ikaba isanga harabayeho uburangare ku ruhande rw’uwo muyobozi w’umukino ikaba imuhanishije kwishyura ihazabu y’amafaranga y’u Rwanda ibihumbi mirongo itanu (50,000Frw) yishyurwa mu gihe cy’amezi abiri.

Nyuma y’umukino wa Rayon Sports yanganyije na Rutsiro fc igitego kimwe kuri kimwe hagaragaye abakinnyi bane bakinnyi umukino bafite COVID-19 bituma nyuma y’umunsi wa Gatatu Minisiteri ya Siporo ifata icyemezo cyo guhagarika shampiyona y’icyiciro cya mbere mu bagabo.

Ikipe ya Tanzania izwi nka Serengeti Boys yishimira kuzitabira imikino nyafurika y’abatarengeje imyaka 17 (AFCON U17) izabera muri Maroc

Ni imikino ya kimwe cya kabiri yabaye kuri iki Cyumweru tariki ya 20 Ukuboza 2020 kuri Sitade Umuganda mu Karere ka Rubavu.

Mu mukino watangiye saa sita, ikipe ya Uganda yatsinze Djibouti igitego kimwe ku busa cyatsinzwe na Oscar Mawa ku munota wa 90 w’umukino. Uyu mukinnyi yujuje ibitego bitandatu mu mikino itatu amaze gukina.

Ikipe ya Uganda yabanje mu kibuga

Saa cyenda ikipe ya Tanzania izwi nka Serengeti boys yacakiranye na Ethiopia. Ni umukino Tanzania yafunguyemo amazamu ku munota wa 38 igitego cyatsinzwe na Omari Sultan Omari. Ku munota wa 71 w’umukino ikipe ya Ethiopia yatsinze igitego cyo kunganya cyatsinzwe na Makiyas Ganta, iminota 90 y’umukino yarangiye amakipe anganya igitego kimwe ku kindi.

Uganda na Djibouti

Nyuma y’iyi minota hitabajwe Penaliti, ikipe ya Tanzania itsinda Penaliti enye kuri eshatu za Ethiopia umukino urangira Serengeti boys berekeje muri Maroc.

Kuri uyu wa Kabiri haraba umukino wa nyuma aho Uganda izacakirana na Tanzania mu gihe bazabanzirizwa n’umukino wo guhatanira umwanya wa Gatatu aho Ethiopia izakina na Djibouti.

Haruna Niyonzima (iburyo) nyuma yo kongera amasezerano y’umwaka muri Young Africans

Nk’uko byatangajwe binyujijwe ku rubuga rwayo rwa Instagram rwa Young Africans, ikipe yavuze ko bongereye amasezerano ya Haruna . Bagize bati "Ikipe yacu ya Young uyu munsi twongereye amasezerano ya Niyonzima Haruna Fabregas aracyari hano aracyari muri twe."

Amasezerano ya Haruna Niyonzima yari asigaje ukwezi kumwe ku mwaka umwe yasinye muri Young Africans mu mwaka wa 2019.

Haruna Niyonzima yerekeje muri Young Africans mu kwezi k’Ukuboza 2019 avuye muri As Kigali yari yagezemo avuye muri Simba yo muri Tanzania.

Minisitiri wa Siporo Munyangaju Aurore Mimosa

Ibi byatangajwe na Minisitiri wa Siporo, Madamu Munyangaju Aurore Mimosa, mu kiganiro cy’imikino KT Sports cyatambutse kuri KT Radio kuri uyu wa Kabiri tariki ya 15 Ukuboza 2020 aho yavuze ko Minisiteri ayobora iri kwiga uburyo bwo gufasha amakipe.

Yagize ati” Turi kwiga uburyo twazafasha amakipe binyuze mu banyamuryango bacu ari bo mashyirahamwe y’imikino kugira ngo tuyafashe guhangana n’ingaruka z’iki cyorezo.”

Minisitiri yakomeje avuga ko iki gikorwa kigomba kwihutishwa kugira ngo ubu bufasha buboneke mu minsi ya vuba

Shampiyona y’umupira w’amaguru izasubukurwa FERWAFA yerekanye ingamba zo kurinda amakipe

Kuwa Gatanu tariki ya 11 Ukuboza 2020 nibwo Minisiteri ya siporo yafashe icyemezo cyo guhagarika shampiyona y’icyiciro cya mbere mu mupira w’amaguru yari igeze ku munsi wayo wa Gatatu.

Kuri iyi ngingo Minisitiri Mimosa yavuze ko FERWAFA ariyo ifite inshingano mu gusubukurwa kwayo.

Yagize ati “ Nka Minisiteri twahagaritse shampiyona nyuma yo gusanga ingamba FERWAFA yatanze itarazubahirije aho amwe mu makipe yakinnye imikino atapimishije abakinnyi , Ubwandu bwagaragaye mu bakinnyi ndetse no gutanga ibisubizo by’imihimbano. Kuri iyi ngingo rero icyo dushinzwe ni ukurinda abakinnyi n’abanyarwanda muri rusange. Kugira ngo shampiyona isubukurwe turasaba FERWAFA kuduha ingamba yafashe z’uburyo ibibazo byagaragaye bitazongera ndetse n’uburyo buhamye bwo kurinda abakinnyi ndetse n’abandi bose barebwa n’umukino.”

Mu bindi Minisitiri yatangarije KT Sports yagarutse ku myiteguro y’amakipe azahagarira u Rwanda mu mikino nyafurika. Yagize ati” Ikipe y’igihugu yitegura imikino ya CHAN izabera muri Cameroon kuva mu kwezi kwa mbere umwaka utaha wa 2021 ndetse na AS Kigali ihagarariye u Rwanda muri CAF Confederation Cup zigomba gukomeza imyitozo ariko hari uburyo bwo kwirinda COVID-19 kugira ngo azazane umusaruro mwiza.”

Icyorezo cya COVID-19 cyatumye amakipe ahomba amafaranga yinjizaga ku kibuga wasangaga ari yo ayafasha mu buzima bwa buri munsi ndetse bamwe mu baterankunga batinye gutanga amafaranga mu makipe yo kwamamaza kuko abafana batemerewe kureba imikino kandi ari bo batuma ibigo by’ubucuruzi byunguka.

Inkunga izahabwa amakipe izanyuzwa mu mashyirahamwe, amashyirahamwe na yo ayishyikirize amakipe kuko ari bo banyamuryango bagize minisiteri.

Mugwiza Désiré watorewe kuyobora FERWABA avuga ko u Rwanda rufite ubushake bwo kwakira uyu mukino

Nk’uko yabitangarije Kigali Today mbere y’amatora, Mugwiza Désiré yavuze ko u Rwanda rwiteguye kwakira uyu mukino.

Yagize ati "Muri Manda y’imyaka ine tuzakora byinshi. Kimwe muri byo ni umukino w’abakinnyi b’Abanyafurika bakina muri NBA n’abandi bose beza basigaye (NBA All-Star Game) , twatangiye ibiganiro byo gutegura uyu mukino kandi dufite icyizere."

Mugwiza Désiré yakomeje avuga ko visi Perezida wa mbere ushinzwe umutungo, Mugwaneza Pascale, mu rugendo yagiriye muri Amerika yagiranye ibiganiro n’ubuyobozi bwa NBA kandi igitekerezo cyakiriwe neza.

Amatora yabaye ku wa Gatandatu tariki ya 12 Ukuboza 2020 mu mujyi wa Kigali yasize Mugwiza Désiré yongeye gutorerwa kuyobora Ishyirahamwe ry’Umukino wa Basketball mu Rwanda (FERWABA) muri manda ye ya Gatatu.

Uko amatora yagenze

Perezida: Mugwiza Désiré yatowe n’amajwi 100% amajwi 24/24

Visi Perezida wa mbere ushinzwe umutungo: Mugwaneza Pascale: yagize amajwi 20 kuri 24

Visi Perezida wa mbere ushinzwe amarushanwa: Nyirishema Richard yatowe n’amajwi 23 kuri 24 y’abatora

Umubitsi: Muhongerwa Alice yatowe n’amajwi 23 kuri 24

Komisiyo y’amategeko: Munana Aimé yatowe n’amajwi 24 kuri 24

Umujyanama mu bya tekinike: Habimana Mugwaneza Claudette yatowe n’amajwi 18 kuri 24

Umukino uhuza abakinnyi b’Abanyafurika bakina muri NBA ukunda kwakirwa na Afurika y’Epfo ariko u Rwanda na rwo rukaba rwifuza kwakira iyi mikino.

Kayitesi avuga ko amakipe yo mu ntara akeneye kugira uyahagarariye muri komite nyobozi

Kayitesi Eugenie wiyamamariza kuba visi perezida wa mbere ushinzwe umutungo muri FERWABA, avuga ko kuzamura impano z’abakinnyi bakiri bato no kongera umubare w’ibigo byigisha basketball ndetse no kumenyekanisha uwo mukino mu Rwanda, ari zimwe mu ntego ashaka kwinjirana mu gihe yaba atowe.

Mu kiganiro yagiranye na Kigali Today kuri uyu wa Gatanu tariki ya 11 Ukuboza 2020 , Kayitesi Eugenie yavuze ko ashyize imbere kuzamura umutungo wa FERWABA no kuzamura impano z’abakiri bato.

Yagize ati “Intego zanjye muri FERWABA ni eshatu, zirimo kuzamura umutungo wa Federation, harimo kongera ubushobozi bw’amakipe ari bo banyamuryango, no gufasha mu kuzamura impano z’abakinnyi bakina basketball ibi bivuze kongera umubare w’abakinnyi mu gihugu ndetse no gushaka impuguke mu iyamamaza n’imenyekanisha ry’umukino wa basketball mu Rwanda”.

Yakomeje avuga ko igitekerezo cyo kwiyamamaza kitaje kuri iyi manda ahubwo akimaranye igihe, kuko mu mwaka wa 2015 yashatse kwiyamamaza ariko akazi n’izindi nshingano yari afite bimubera imbogamizi.

Uyu munsi rero igihe kikaba ari iki cyo kuzana impinduka mu mukino wa Basketball mu Rwanda. Indi mpamvu yatumye yiyamamaza avuga ko usanga komite nyobozi yose ikomoka mu makipe yo mu Mujyi wa Kigali ugasanga ijwi ry’amakipe yo mu ntara ritumvikana.

Kayitesi Eugenie ubusanzwe ni Umuyobozi w’Ishami ry’Ubutegetsi n’imicungire y’abakozi muri IPRC Huye, akabifatanya no kuyobora by’agateganyo ishami ry’Imari, mu bijyanye na sport.

Kayitesi Eugenie ni umutoza wa Kaminuza y’u Rwanda ishami rya Huye akaba yaranayikiniye

Yatangiye gukina basketball mu 1998, nyuma yaje gushaka ikipe atangira gukinira kaminuza mu mpera za 2002, muri 2003 yatorewe kuba kapiteni wungirije w’ikipe ya Kaminuza nkuru y’u Rwanda, aza no kuba kapiteni wayo guhera 2004-2007, yahagaritse kuyikinira muri 2008 nyuma yo kugira imvune.

Muri 2012- 2015, yabaye umutoza wungirije wa Kamunuza y’u Rwanda, 2016-2017 aba umutoza mukuru wayo. Mu bindi yakoze muri Sport, yabaye umukinnyi wo gusiganwa ku maguru anatorerwa umwanya Visi Perezida ushinzwe amarushanwa y’imbere mu gihugu ndetse no hanze y’igihugu 2003-2006 mu ishyirahamwe ry’imikino ngororamubiri mu Rwanda (RAF).

Komite icyuye igihe irishimira ko shmpiyona yabonye umuterankunga ari we Banki ya Kigali

Nk’uko Mugwiza Desiré wiyamamaza ku mwanya wa Perezida yabitangaje, yashimye icyizere abanyamuryango bakomeje kumugirira.

Yagize ati “Kuba niyamamaje ku mwanya wa Perezida njyenyine ni icyizere abanyamuryango bakimfitiye kandi bifuza ko aho twari tugeze twakomerezaho”.

Mugwiza Desiré wiyamamariza manda ya gatatu yo kuyobora Ferwaba

Yakomeje avuga ko mu myaka itandatu amaze ayobora FERWABA hari urwego imaze kugeraho. Ati “Mu myaka ine ishize Basketball mu Rwanda wari umukino utagira abafana ariko kugera uyu munsi navuga ko tumaze kugira urwego tugeraho mu bijyanye n’ubwitabire ku bibuga. Kigali Arena twayujuje inshuro zirenze eshatu, navuga ko byavuye mu gukora ndetse no kuzamura urukundo rw’umukino”.

Komite yifuza kuyobora FERWABA mu myaka ine iri imibere

Perezida: Mugwiza Desiré

Visi Perezida wa mbere ushinzwe umuryango: Umugwaneza Pascale

Visi Perezida wa mbere ushinzwe amarushanwa: Nyirishema Richard

Umubitsi: Muhongerwa Alice

Umujyanama mubya tekinike: Habimana Umugwaneza Claudette

Umugwaneza Pascale yiyamamaje ku mwanya wa visi perezida wa mbere ushinzwe umutungo

Mu byo FERWABA yishimira byagezweho mu myaka ine ishize, harimo kubona umuterankunga wa shampiyona ‘Banki ya Kigali’, habonetse ibikorwa remezo bigezweho nka ‘Kigali Arena’, kwakira no gutegura amarushanwa mpuzamahanga kandi akagenda neza, kugarura abakunzi ba Basketball ku kibuga ndetse no gushyiraho amategeko agenga ishyirahamwe ndetse n’amakipe kugira ngo haboneke ubuzima gatozi kandi byagezweho.

Mu byo komite iyobowe na Mugwiza Desiré yifuza gukora mu myaka ine igihe yaramuka itowe, harimo kubaka ibibuga bine byo hanze.

Ku ikubitiro mu myaka ibiri hazubakwa ibibuga bibiri muri Kimironko ku butaka FERWABA ifite. Mu yindi myaka ibiri hazashakishwa ahandi hazubakwa ibindi bibuga bibiri.

Harimo kandi gufasha amakipe kubona abaterankunga no kuzamura urwego rwayo akava mu cyiciro cy’abatarabigize umwuga akajya mu cy’ababigize umwuga.

Hari ukwifashisha amarushanwa ya NBA Jr League, umwiherero w’abana ukorwa buri mwaka ndetse n’umwiherero wa Giant of Africa mu guteza imbere umukino bihereye mu bana.

Nyirishema Richard ku isonga y’abategura amarushanwa muri FERWABA

Harimo no kubaka ishuri ry’umukino wa Basketball (Basketball Academy) mu bakobwa n’abahungu. Hari ibiganiro byabaye hagati ya FERWABA na NBA kugira ngo harebwe aho iryo shuri ryashyirwa hagati ya Lycée de Kigali na Green Hills Academy. Nyuma yo gutorwa bizahita bishyirwa mu bikorwa.

Hakaba no gushyiraho shampiyona y’icyiciro cya kabiri no kugarura imikino ihuza za kaminuza.

Tubibutse ko amatora ya komite nyobozi ya FERWABA azaba kuwa Gatandatu tariki ya 12 Ukuboza 2020 saa yine za mu gitondo kuri Onomo Hotel mu Mujyi wa Kigali.

Mugwiza Desiré wiyamamaje ku mwanya wa Perezida akaba amaze kuyobora manda ebyiri, amategeko akaba yemerera umuyobozi kuyobora manda eshatu zitongerwa bikaba ari muri urwo rwego Mugwiza Desiré yifuje kongera kuyobora FERWABA.

Abakinnyi ba Musanze FC bishimira igitego

Hari ku munsi wa kabiri wa shampiyona y’umupira w’amaguru mu Rwanda wakinwe ku wa mbere tariki ya 07 Ukuboza 2020.

Abakinnyi 11 ba Musanze FC babanjemo:

Ndoli Jean Claude
Nyandwi Saddam
Niyonshuti Gad
Mussa Ally Sova
Niyonkuru Tuyisenge Vivier
Niyonsenga Idrissa
Twizerimana Onesme
Mutebi Rashid
Samson Ikwechukwu
Ndizeye Innocent
Muhire Anicet.

Abakinnyi 11 ba AS Muhanga babanjemo:

Hakundukize Adolphe (captain)
Mbarushimana Emile (30)
Ndacyayisenga Ally (16)
Nkurikiye Jackson (2)
Dushimimana Janvier (15)
Tuyishime Eric (5)
Nsengiyumva Idrissa (6)
Kagaba Obeid (3)
Minani Paul (10)
Izabayo Daniel (7)
Harerimana Jean Claude

Abakinnyi 11 ba As Muhanga babanjemo

Musanze FC mu rugo yakiriye As Muhanga kuri stade Ubworoherane itsinda ibitego bibiri kuri kimwe. Musanze FC yafunguye amazamu ku munota wa mbere w’umukino ku gitego cyatsinzwe na Twizerimana Onesme. Nyuma y’iminota 11 gusa Musanze FC yatsinze igitego cya Kabiri cyatsinzwe na Ndizeye Innocent bakunda kwita Kigeme.

Nyuma y’ibi bitego As Muhanga isa n’iyakangutse maze ku munota wa 30 Kapiteni wa As Muhanga Hakundukize Adolphe atsinda igitego kimwe.

Igice cya kabiri cyaranzwe no kwiharira umupira kwa As Muhanga ariko birangira Musanze FC irinze izamu ryayo umukino urangira amanota agumye mu majyaruguru.

Ikipe ya Mukura VS yabuze andi manota atatu imbumbe nyuma yo kunganya na Sunrise FC ubusa ku busa. Umunsi wa mbere wa shampiyona na wo wari wasize itsinzwe na Kiyovu Sports ibitego bitatu kuri kimwe.

Abakinnyi 11 ba Musanze FC babanje mu kibuga

Imikino y’umunsi wa kabiri wa Shampiyona:

Ku wa mbere tariki ya 07 Ukuboza 2020

– Musanze FC 2-1 As Muhanga
– Etincelles FC 2-1 Espoir FC
– Mukura VS 0-0 Sunrise FC

Ku wa kabiri tariki ya 08 Ukuboza 2020

15:00 Kiyovu Sports vs Marines FC kuri Stade ya Kigali i Nyamirambo

Mugwiza Désiré arahabwa amahirwe yo kuyobora indi manda

Nk’uko byatangajwe mu nama y’inteko rusange iheruka, yemeje ko amatora ya Komite Nyobozi y’ishyirahamwe ry’umukino Basketball mu Rwanda (FERWABA) azaba tariki 12 Ukuboza 2020 akabera mu Mujyi wa Kigali.
Komite Nyobozi itowe iyobora manda y’imyaka ine.

Urutonde rw’ abakandida biyamamaje:

Perezida :

1. Mugwiza Désiré wari usanzwe ayobora FERWABA

Visi Perezida wa mbere ushinzwe umutungo :

1. Umugwaneza Pascale yari asanzwe kuri uwo mwanya muri Komite icyuye igihe
2. Kayitesi Eugenie

Visi Perezida wa mbere ushinzwe amarushanwa :

1. Nyirishema Richard : yari asanzwe kuri uwo mwanya muri Manda icyuye igihe

Umubitsi:
1. Muhongerwa Alice: yari asanzwe kuri uwo mwanya

Umujyanama mu mategeko:

Munana Aimé

Myasiro na Sina Gerard mu gikorwa cyo gusinya amasezerano y’imikoranire

Ku wa Kane tariki ya 19 Ugushyingo 2020 nibwo uyu musore waherukaga gukinira ikipe ya Mountain Classic Athletic Club y’ i Gicumbi yashyize umukono kuri ayo masezerano.

Mu kiganiro yagiranye na Kigali Today nyuma yo gusinya amasezerano, Myasiro Jean Marie Vianney yavuze yishimiye gukinira iyi kipe.

Yagize ati "Navuga ko nishimiye gukina muri Sina Gerard Athletic Club. Ni amasezerano akubiyemo gukina amarushanwa atandukanye abera hano mu Rwanda ndetse no hanze ndetse no kubafasha kwamamaza ibikorwa butandukanye."

Yakomeje avuga ko agiye gufasha iyi kipe kuzamura urwego ndetse no kuyifasha gutwara imidari.

Myasiro JMV yatangiye gukina umukino wo gusiganwa ku maguru mu mwaka wa 2014. Mu Rwanda yakiniye ikipe imwe gusa ya Mountain Classic Athletic Club. Muri 2014 yakinnye imikino Olempike y’abatarengeje imyaka 20, mu mwaka wa 2016 akina shampiyona y’Isi yabereye muri Pologne.

Muri 2017 yerekeje mu Butaliyani mu ikipe ya Run Love tern Club kugera mu mwaka wa 2019.

Myasiro uri (hagati) asanzwe asiganwa ku rwego mpuzamahanga

Mutabazi Yves (iburyo) yasinyiye kuzakinira Gisagara VC imyaka ibiri

Mutabazi Yves wasoje amasezerano muri REG VC yatandukanye na yo mu minsi yashize, yari amaze iminsi avugwa mu makipe atandukanye ya hano mu Rwanda arimo na APR VC.

Mu kiganiro yagiranye na Kigali Today, umunyamabanga w’iyi kipe Gatera Edmond, yavuze ko bwari byatwaye igihe kirekire kugira ngo babone uyu mukinnyi i.

Yagize ati “Ni umukinnyi mwiza ikipe iyo ari yo yose yakenera, uzadufasha mu gusatira amakipe. Ni umukinnyi twifuje igihe kirekire ntibikunde, ariko aka kanya navuga ko bikunze turamushimira ko yemeye kudukinira”.

Kubafasha gutwara ibikombe biri mu byatumye Gisagara VC imugura nk’uko umunyamabanga yakomeje abivuga. Yagize ati “Yves ni umukinnyi uje kudufasha gutwara ibikombe nk’uko tubyifuza, si we wenyine kuko hari n’abandi twifuza gusinyisha kandi ibiganiro bigeze kure”.

Jean Claude Mwizerwa (ibumoso) ushinzwe kugura abakinnyi ati "twagushatse kera amaherezo turakubonye".

Gisagara VC yasoje shampiyona ku mwanya wa kane mu makipe ane yakinnye imikino ya nyuma ya shampiyona mu kwezi gushize k’Ukwakira, aho igikombe cyegukanywe na APR VC.

Mutabazi Yves ni umwe mu bakinnyi bamenyekaniye muri APR VC yavuyemo yerekeza mu gihugu cy’u Buyapani gukina nk’umukinnyi wabigize umwuga, nyuma yo kuvayo yerekeje muri REG VC aho yasoje amasezerano ntiyongererwa.

Ahabereye inama y’inteko rusange

Komite nyobozi y’ishyirahamwe ry’umukino wa Basketball mu Rwanda FERWABA izasoza manda yayo tariki 15 Ukuboza 2020 ni yo mpamvu hashyizweho itariki y’amatora iminsi itatu mbere y’uko manda yayo irangira.

Mu kwitegura amatora, inama y’inteko rusange yashyizeho komisiyo y’amatora igomba gutegura ibirebana n’amatora.

Perezida wa komisiyo y’amatora Richard Murefu

Iyi komisiyo igizwe n’abantu batatu ari bo: Richard Murefu (Perezida wa komisiyo) ubusanzwe ni Perezida wa APR Basketball Club y’abagabo , Kayiranga Albert (Visi Perezida wa komisiyo) na Francine Kaligirwa wagizwe umwanditsi wa Komisiyo.

Nyuma y’Inama y’inteko rusange, Perezida wa FERWABA Mugwiza Desiré yabwiye itangazamakuru ko bishimira ko shampiyona yasojwe kandi neza.

Yagize ati "Turishimira ko shampiyona ya Basketball yasojwe neza n’ubwo umwaka w’imikino wabihijwe na COVID-19 ,twizeye ko umwaka w’imikino wa 2020/2021 ibikorwa byacu bizagenda neza. Aha turasabwa kwirinda no kubahiriza amabwiriza yo kwirinda iki cyorezo."

Mugwiza Desiré uyobora FERWABA arimo arasoza manda ya kabiri

Inama y’inteko rusange yemeje ko hagomba gushyirwaho umunyamabanga uhoraho uzashyirwaho na Komite nyobozi. FERWABA iheruka umunyamabanga ubwo Richard Mutabazi yari afite izi nshingano.

Amatora ya komite nyobozi y’ishyirahamwe ry’umukino wa Basketball mu Rwanda yaherukaga mu mwaka wa 2016 ubwo Mugwiza yatorerwaga kuyobora manda ya kabiri.

APR FC ikomeje imyiteguro ya CAF Champions League

Ni imikino yabaye ku wa kane tariki ya 12 Ugushyingo 2020, ibera ku bibuga bitandukanye.

Ikipe ya APR FC yatsinze Sunrise FC ibitego bibiri kuri kimwe mu mukino wabereye kuri stade ya Kigali i Nyamirambo.

Gasogi United yatsinze Etincelles FC

APR FC yakinaga umukino wa karindwi wa gicuti yatsindiwe na Yannick Bizimana ku munota wa 37 na Mushimiyimana Mohammed watsinze igitego ku munota wa 90 w’umukino.

Igitego cya Sunrise cyatsinzwe na Yafes Mubiru ku munota wa 76, mu gihe Mugabo Emmy yahawe ikarita y’umutuku.

Kuri stade ya Rubavu, ikipe ya Gasogi United yahatsindiye Etincelles igitego kimwe ku busa cyatsinzwe na Iradukunda Jean Bertrand ku munota wa 70 w’umukino.

Gasogi United ni wo mukino wa mbere itsinze mu mikino ine imaze gukina. Iyi kipe itozwa na Cassa Mbungo André yanganyije na Vision FC, yatsinzwe na Gorilla FC na Marines FC, itsinda Etincelles.

Mu mpera z’iki cyumweru ikipe ya APR FC izakina na Etincelles FC Ku cyumweru tariki ya 15 Ugushyingo 2020.

Sibomana (ibumoso) yahawe umwambaro azambara mu myaka ibiri

Ku wa Mbere tariki ya 09 Ugushyingo 2020, ibinyujije kuri Twitter yayo, ikipe ya REG yamenyesheje abakunzi bayo ko yasinyishije umukinnyi Sibomana Jean Paul uzwi nka Sibo.

Mu kiganiro Kigali Today yagiranye n’umutoza wa REG VC Mugisha Benon, yavuze ko Sibomana ari umukinnyi mwiza. Yagize ati “Ni umukinnyi mwiza uzadufasha mu kuzamura uburwanyi (fighting spirit) mu ikipe. Ni umukinnyi uzi kuzibira imipira kandi azadufasha mu gushyira ikipe ku murongo”.

Sibomana Jean Paul yatangiye gukina Volleyball ubwo yigaga muri ASPEKI i Kibungo, akina imikino ihuza amashuri mu mwaka wa 2013. Yahavuye yerekeza muri IPRC Huye aho yavuye yerekeza muri UTB VC yari amazemo imyaka itatu.

Sibomana Jean Paul (ibumoso) asinyana amasezerano na REG VC yari ihagarariwe na Perezida wayo Geoffrey Zawafi

Abayobozi n’umutoza Mugisha Benon (iburyo) bahaye ikaze Sibo

Umwe mu bayobozi b’ishyirahamwe ry’umukino wa Basketball mu Rwanda utashatse ko amazina ye atangazwa yemereye Kigali Today ko aya makuru ari yo. Yagize ati "Ni byo koko imikino ya Basketball Africa League twari kuzakira yasubitswe ariko ntabwo baratumenyesha mu buryo bwanditse (Officiall Statement)"

U Rwanda rwagombaga kwakira iyi mikino nyuma yo kwakira imikino y’amakipe y’ibihugu igomba kubera muri Kigali Arena kuva tariki ya 25 kugeza 29 Ukuboza 2020 mu gushaka itike y’igikombe cya Afurika 2021(Afro-Basket 2021).

Mu kwezi k’Ukuboza 2019 nibwo mu Rwanda habereye ijonjora rya Kabiri rya Basketball Africa League aho u Rwanda rwari ruhagarariwe na Patriots yasoje imikino yayo idatsinzwe.

Basketball Africa League ni irushanwa ryakinwe ku nshuro yaryo ya mbere aho rihuza amakipe yabaye aya mbere iwayo. Ryashyizweho mu rwego rwo gufasha abakinnyi bakina imbere mu bihugu byabo kuzamura urwego no gutera imbere. U Rwanda rwagombaga kwakira icyiciro cya nyuma cy’iri rushanwa cyagombaga kuba mu kwezi kwa Gatanu 2020 rikumirwa na COVID-19.

Ikipe y’ u Rwanda iratangira imyitozo ku wa Kane

Abakinnyi 19 bahamagawe bazatangira imyitozo ku wa Kane tariki ya 05 Ugushyingo 2020.

Ikipe ya Patriots BBC ni yo ifite abakinnyi benshi mu ikipe yahamagawe. Barindwi ni abo muri iyo kipe bakaba ari: Habineza Shaffy, Hagumintwari Steven, Gasana Kenneth Herbert, Jovon Filer Adonis, Ndizeye Ndayisaba Dieudonné na Sagamba Sedar.

Ikipe ya REG BBC ni yo ikurikiraho mu kugira abakinnyi benshi bahamagawe aho ifitemo bane ari bo: Kami Kabange, Shyaka Olivier, Kaje Elie na Nshobozwabyosenumukiza Jean Jaques Wilson .

APR BBC ifitemo abakinnyi batatu: Niyonkuru Pascal uzwi nka Kacheka, Niyonsaba Bienvenue na Ntwari Marius Tresor.

IPRC Kigali BBC ifite umukinnyi umwe ari we Uwitonze Justin. IPRC Huye ifitemo Bugingo Kabare Hubert naho, UGB ifitemo Muhizi Prince.

Abakinnyi batatu ni bo bahamagawe bakina hanze y’ u Rwanda. Abo ni: Mukama Jean Victor ukinira Ari’s Leeuwarden yo mu Buholandi, Ngoga Elias ukinira Blinn Junior College muri Leta zunze ubumwe za Amerika (USA) na Schommer Kalekezi ukina muri Fribourg Olympic yo mu Busuwisi.

U Rwanda rusanzwe rufite itike yo kuzitabira imikino ya nyuma kuko ari rwo ruzakira iki gikombe. Gusa rwashyizwe mu itsinda rya Kane mu rwego rwo kurufasha kwitegura neza.

U Rwanda ruri kumwe na Mali, Algeria na Nigeria.

Gahunda y’imikino y’ijonjora yo gushaka itike ya Afro-Basket 2021 iteye mu buryo bukurikira:

Tariki ya 26 Ugushyingo 2020:

Rwanda vs Mali

Tariki 28 Ugushyingo 2020:

Rwanda vs Nigeria

Tariki ya 29 Ugushyingo 2020:

Rwanda vs Algeria

Tubibutse ko imikino ya nyuma ya Afro-Basket 2021 izatangira tariki ya 24 Kanama kugeza 05 Nzeri 2021 muri Kigali Arena.

Perezida wa REG aha Dusengimana Wyclif ikaze mu muryango wa REG VC

Nk’uko byatangajwe n’urubuga rwa Twitter rw’ikipe ya REG VC kuri uyu wa mbere tariki ya 02 Ugushyingo 2020, REG VC yemeje ko Dusengimana Wicklif ari umukinnyi wayo mu gihe kingana n’imyaka ibiri.

Mu kiganiro umuyobozi wa REG VC Geoffrey Zawadi yagiranye na Kigali Today, yavuze ko batakaje abakinnyi batatu kandi bagomba kubasimbuza byihuse.

Yagize ati “Navuga ko twatakaje abakinnyi babatu barimo Otama Sevior tutatangiranye shampiyona, Mukunzi Christopher na Mutabazi Yves tutari kumwe mu mikino ya Playoffs, navuga ko tugomba gukora ibishoboka byose tukabasimbuza”.

Ku bijanye no kuba ikipe itaritwaye neza mu mikino ya kamarampaka, uyu muyobozi yavuze ko kubura abakinnyi batatu kandi b’igenzi byatumye bagira umusaruro mubi.

Abayobozi ba REG VC bamuhaye ikaze

Yagize ati “Urabizi ko twakinnye iyi mikino tudafite abakinnyi batatu bacu navuze haruguru, kandi navuga ko byatugizeho ingaruka bituma dutahukana umwanya wa gatatu”.

Yakomeje avuga ko ikipe igomba kwitegura kuzakina imikino mpuzamahanga (CAVB Championship) dore ko ubusanzwe yari ifite tike yo kuzakina iyi mikino mu kwezi kwa Mata 2020 ikabangamirwa n’icyorezo cya COVID-19.

Dusengimana Wicklif werekeje muri REG VC yakinnye mu makipe ya Canal Sports Club yo mu Misiri na Gisagara VC na APR VC yo mu Rwanda.

Ni uko UTB bishimiye igikombe cya kabiri

Ni imikino yasozaga umwaka wa shampiyona wa Volleyball 2019/2020, imikino ya nyuma yabereye muri Sitade nto i Remera ku wa Gatandatu tariki 31 Ukwakira 2020.

Nyuma y’imyaka itandatu, dore ko yaherukaha gutwara igikombe mu mwaka wa 2014, APR VC y’abagabo yinjiye muri kamarampaka idahabwa amahirwe, yatunguye benshi ubwo yageraga ku mukino wa nyuma idatsinzwe.

Uko umukino wa nyuma wagenze mu bagabo

UTB VC 2-3 APR VC

Kapiteni wa APR VC ashyikirizwa igikombe na sheki ya 1,000,000Frws

Iseti ya mbere: UTB 23-25 APR

Iseti ya 2: UTB 25-19 APR

Iseti ya 3: UTB 25-13 APR

Iseti ya 4: UTB 23-25 APR

Iseti ya kamarampaka: UTB 12-15 APR

UTB W VC

Mu bagore, ikipe ya UTB W VC na yo yasoje imikino idatsinzwe umukino n’umwe, aho mu irushanwa ryose yinjijwe amaseti abiri gusa.

Uko umukino wagenze

Iseti ya mbere: UTB WVC 19-25 APR WVC

Iseti ya 2: UTB WVC 19-25 APR WVC

Iseti 3: UTB WVC 25-20 APR WVC

Iseti 3: UTB WVC 25-21 APR WVC

Iseti ya kamarampaka: TB WVC 15-10 APR WVC

Ibyishimo bivanzemo amarira byagaragaye Ku maso ya Elie Mutabazi utoza APR VC

Mu guhatanira umwanya wa gatatu mu bagabo, REG VC yawegukanye itsinze Gisagara amaseti atatu ku busa (10-25, 23-25, 22-25), mu gihe RRA W VC yegukanye umwanya wa gatatu mu bagore, nyuma yo gutsinda KVC amaseti atatu ku busa ( 27-25, 25-16, 25-17).

Amakipe ya APR VC mu bagabo na UTB VC mu bagore zizahagararira u Rwanda mu mikino Nyafurika y’amakipe yabaye aya mbere iwayo, mu mwaka w’imikino 2020-2021.

APR VC ifite akazi gakomeye ko guhigika UTB Ku gikombe

Kuri uyu wa Gatandatu tariki ya 31 Ukwakira 2020 muri Sitade nto i Remera hararabera imikino ya nyuma ndetse no guhatanira umwanya wa gatatu muri shampiyona ya Volleyball.

Ikipe ya APR VC mu bagabo yabigezeho nyuma yo gutsinda imikino ibiri yayo yabaye kuri uyu wa Gatanu. Mu mukino w’umunsi wa kabiri, APR VC yatsinze REG VC amaseti atatu ku busa. 3-0 (25-22, 26-24, 25-21). Nyum y’uyu mukino, UTB VC yakurikiyeho mu mukino w’umunsi wa kabiri itsinda Gisagara VC amaseti atatu kuri imwe 3-1 (27-29, 25-19, 26-24, 25-16).

Nyuma y’iyi mikino hakinwe imikino y’umunsi wa gatatu, APR VC yatsinze Gisagara VC amaseti atatu kuri abiri 3-2 (22-25, 25-20, 19-25, 25-23 na 15-12). UTB VC mu buryo bworoshye yatsinze REG VC amaseti atatu ku busa 3-0 (25-17, 25-21, 26-24).

UTB VC irashaka kwihimura nyuma yo gutsindwa na APR mu mikino y’ijonjora

Uko imikino yose yagenze

Abagabo

– APR VC 3-0 REG VC

– Gisagara VC 1-3 UTB VC

– APR VC 3-2 Gisagara VC

– UTB VC 3-0 REG VC

Uko amakipe yakurikiranye

1. APR VC amanota 8

2. UTB VC amanota 5

3. Gisagara VC amanota 4

4. REG VC amanota 0

Mu mwaka wayo wa kabiri, UTB VC y’abagore irashaka kwisubiza shampiyona

Abagore

UTB VC 3-0 APR VC

RRA VC 3-0 KVC

Urutonde

1. UTB VC amanota 9

2. APR VC amanota 4

3. RRA VC amanota 4

4. KVC inota 1

Gahunda yo kuri uyu wa Gatandatu tariki 31 Ukwakira 2020

Abagore

Umwanya wa Gatatu 09:00: RRA VC vs KVC

Umukino wa nyuma 15:00-17:00: UTB VC vs APR VC

Abagabo

Umwanya wa Gatatu: 11:00-13:00: Gisagara VC vs REG VC

Umukino wa nyuma : 18:00-20:00: APR VC vs UTB

APR VC iracakirana na UTB VC ku mukino wa nyuma

Ikipe yegukana igikombe cya shampiyona irahabwa 1,000,000 ikazahagararira u Rwanda mu mikino y’amakipe yabaye aya mbere iwayo ku Mugabane wa Afurika, iya kabiri irahabwa ibihumbi 800, naho iya gatatu ihabwe ibihumbi 500 mu mafaranga y’u Rwanda.

Kuba sitade nto iva iyo hagize imvura nyinshi ingwa ni byo byatumye uyu mukino usubikwa dore ko byagoranye gukuramo amazi yavaga ku mabati yisukiranya maze amakipe yombi ahagarika gukina.

Ikipe ya APR VC yari iyoboye umukino aho yari imaze gutsinda amaseti abiri kuri imwe ya REG VC ( 25-22, 25-20, 14-25) iseti ya kane ni yo yahaharitswe n’imvura.

Amategeko avuga iki iyo habaye igituma umukino uhagarara?

Visi Perezida wa Kabiri ushinzwe amarushanwa mu ishyirahamwe ry’umukino wa Volleyball mu Rwanda Bwana Ruterana Fernand Sauveur yasobanuye icyo amategeko ateganya mu gihe habaye ikibazo nk’iki.

Yagize ati "Iyo umukino umaze amasaha ane uhagaze nyuma yayo usubirwamo wose."

Ibi bivuze ko umukino wa APR VC na REG wongera gutangira bundi bushya.

Uko indi mikino yagenze

Abagore:

APR VC 3-2 KVC
17-25
25-23
25-16
21-25
17-15

UTB VC 3-0 KVC
25-18
25-16
25 -11

Imikino yasubitswe irasubukurwa kuri uyu wa Gatanu, iyo ikaba ari umukino wahuzaga APR VC na REG VC wahagaze, ndetse n’umukino uhuza UTB VC na Gisagara VC wari utaratangira.

Gahunda yose y’imikino y’abagabo

08:00 APR VS REG
10:00 UTB VS GISAGARA
16:00 APR VS GISAGARA
18:00 REG VS UTB

Abagore

12:00: RRA vs KVC
14:00: APR VC vs UTB

Biteganyijwe ko imikino ya nyuma izakinwa kuri uyu wa Gatandatu tariki 31Ukwakira 2020, aho amakipe abiri ya mbere ku rutonde azahatanira umwanya wa mbere, mu gihe iya Gatatu n’iya Kane zizakina zishaka umwanya wa Gatatu.

Shampiyona ya Volleyball iratangira kuri uyu wa Gatatu tariki ya 28 Ukwakira kugeza 31 Ukwakira 2020 ikazakinirwa muri Sitade nto i Remera.

Ikipe ya UTB y’abagabo iri gukina umwaka wayo wa kane muri shampiyona ya Volleyball mu Rwanda. Iyo kipe yakoze ibishoboka byose kugira ngo izegukane igikombe cy’uyu mwaka haba mu kugura abakinnyi, umutoza Nyirimana Fidèle wifuza guhesha ishema iyi kipe ndetse no gukomeza kuba ubukombe muri Volleyball yo mu Rwanda.

Urutonde rw’abakinnyi n’abatoza ba UTB VC y’abagabo

▪️ Nsabimana Mahoro Ivan
▪️ Ntagengwa Olivier
▪️ Murangwa Nelson
▪️ Muvunyi Fred
▪️ Sibomana Placide (Madson)
▪️ Sibomana Jean Paul
▪️ Mugisha Emmanuel
▪️ Musoni Fred
▪️ Nkurunziza John
▪️ Rukundo Bienvenue
▪️ Nzirimo Mandela
▪️ Karera Emile Dada
▪️ Irakoze Alain
▪️ Mutuyimana Aimable
▪️ Niyogisubizo Samuel (Tyson)

Abayobozi
▪️ Nyirimana Fidèle (Umutoza mukuru )
▪️ Hitayezu Emmanuel (Team manager)

UTB Volleyball Club y’abagore iri gukins umwaka wayo wa kabiri muri Volleyball mu Rwanda aho imaze gutwara ibikombe umunani bitandukanye harimo na shampiyona ya 2018/2019, ikaba ishaka kwisubiza iki gikombe.

Urutonde rw’abakinnyi n’abatoza ba UTB VC y’abagore

▪️ Nyirarukundo Christine
▪️ Irakoze Belise
▪️ Utegerejimana Claudette
▪️ Uwimbabazi Leah
▪️ Uwamariya Jacqueline
▪️ Muhoza Louise
▪️ Irahoza Patience
▪️ Mukandayisenga Benitha
▪️ Nzayisenga Charlotte
▪️ Mutoni Bertille

Ni imikino itangira kuri uyu wa Gatatu tariki ya 28 kugeza ku wa Gatandatu tariki 31 Ukwakira 2020 muri Stade nto (petit stade) i Remera. Amakipe ane yabaye aya mbere mu bagabo n’andi ane mu bagore ni yo azakina iri rushanwa.

Ayo makipe ni : Gisagara VC ,REG VC ,UTB VC na APR VC mu bagabo, naho mu bagore ni UTB VC, RRA VC, APR VC na KVC mu bagore.

Abagore:

Ku wa Gatatu tariki 28 Ukwakira 2020

09:00-11:00: RRA VC vs UTB VC
12:00-14:00: APR VC vs KVC

Kuwa Kane tariki 29 Ukwakirqa 2020

09:00-11:00: RRA VC vs APR VC
12:00-14:00: UTB vs KVC

Kuwa Gatanu tariki 30 Ukwakira 2020

09:00-11:00: RRA VC vs KVC
12:00-14:00: APR VC vs UTB VC

Kuwa Gatandatu tariki 31 Ukwakira 2020

09:00-11:00: iya Gatatu vs Iya Kane: Guhatanira umwanya wa Gatatu

15:00-17:00: iya mbere n’iya kabiri: Guhatanira umwanya wa mbere.

Abagabo:

Ku wa Gatatu tariki 28 Ukwakira 2020

15:00-17:00 : APR VC vs UTB VC
18:00-20:00: REG vs Gisagara VC

Kuwa Kane tariki 29 Ukwakira 2020

15:00-17:00: APR VC vs REG VC
18:00-20:00 : UTB VC vs Gisagara VC

Kuwa Gatanu tariki 30 Ukwakira 2020

15:00-17:00: APR VC vs Gisagara VC
18:00-20:00: REG VC vs UTB VC

Kuwa Gatandatu tariki 31 Ukwakira 2020

12:00-14:00: iya Gatatu n’iya kane : Guhatanira umwanya wa Gatatu

18:00-20:00: iya mbere n’iya kabiri: Iya mbere n’iya kabiri

Mu kiganiro cyahuje ubuyobozi bw’ishyirahamwe ry’umukino wa Volleyball mu Rwanda (FRVB) n’itangazamakuru ku wa Kabiri tariki 27 Ukwakira 2020 mu cyumba cy’Inama cya Minisiteri ya Siporo, umuyobozi wa FRVB Karekezi Leandre yavuze ko imyiteguro irimbanyije.

Yagize ati "Imyiteguro igeze kure, amakipe yamaze gupimwa, twamaze kuyageza aho agomba gucumbikirwa yahageze. Navuga ko igitinze ari umunsi nyirizina."

Ibihembo bizatangwa: Ikipe ya mbere izahembwa miliyoni y’amafaranga y’u Rwanda (1,000,000), iya kabiri ihembwe ibihumbi magana inani (800,000), iya Gatatu izahembwa ibihumbi magana atanu by’u Rwanda (500,000) mu bagabo n’abagore.

Ruterana Fernand Sauveur watorewe kuyobora Akarere ka Gatanu avuga ko ashishikajwe no guteza imbere Volleyball

Inama yabereyemo amatora yatangiye ku wa Gatandatu ahagana saa sita z’amanywa irangira mu rukerera rwo ku cyumweru saa kumi hifashishijwe ikoranabuhanga.

Ruterana Fernand Sauveur yari ahanganye n’umunyarwanda Nkurunziza Gustave wari usanzwe ayobora aka karere we wiyamamarije muri Tanzania nyuma y’uko abuze amahirwe yo gutangwa n’u Rwanda.

Nyuma yo gutsinda amatora, Ruterana Fernand yavuze ko icyo ashyize imbere ari ugukomeza guteza imbere volleyball. Yagize ati “Iyi ntsinzi nyituye Abanyarwanda by’umwihariko umuryango mugari wa volleyball wose . Iyo tutabagira mu bikorwa bitandukanye ngo bigaragarire amahanga ko hari ikizere batugirira ntibyari gukunda. Tuzafatanyiriza hamwe turusheho gukomeza guteza volleyball imbere mu Rwanda ndetse no muri zone. Ibitekerezo byanyu birakenewe ngo tubyubakireho.”

Inama Fernand yatorewemo yamaze amasaha 18

Abagize Inama y’Ubuyobozi ya CAVB batowe

Perezida:

1. Mrs Bouhra Hajij/ Maroc
Visi Perezida:
1.Zone I:Adnan BAKBAK /Libya
Zone II:Rodrigues ANTONIO CARLOS /Cape Verde
Zone III:Casimir SAWADOGO/ Burkina Faso
Zone IV:Dokony Adiker IDRISS/Tchad
Zone V:Waithaka KIONI/ Kenya
Zone VI:Fredreck NDLOVU /Zimbabwe

Abanyamuryango:

1. Habu GUMEL Nigeria
2. Sanga Issouf KONE Côte d’Ivoire
3. Daniel Koboa MOLAODI Botswana

Guteza imbere abagore:

1. Zone VI Agness Nakaonga KAKOMA Zambia
2. Zone VI Mpho PALIME Lesotho

Abayobozi b’uturere turindwi batowe:

1. Zone I :Mustapha LEMOUCHI Algeria
2. Zone II :Bai Dodou JALLOW Gambia
3. Zone III :Paul ATCHOE Ghana
4. Zone IV :Christian MATATA SHWITI Congo
5. Zone V:Fernand Sauveur RUTERANA
6. Zone VI:Khalid CASSAM Mozambique
7. Zone VII: Kayseeven TEEROOVENGADUM Mauritius

Nkurunziza Gustave wasimbuwe na Fernand yiyamamarije muri Tanzania

Ruterana Fernand Sauveur watorewe kuyobora Akarere ka Gatanu asanzwe ari Visi Perezida wa kabiri mu ishyirahamwe ry’umukino wa Volleyball mu Rwanda ushinzwe amarushanwa.

Imikino ya nyuma ya BK Basketball National League yabaye kuri uyu wa Gatandatu tariki ya 24 Ukwakira 2020.

Umukino wa nyuma mu bagabo wahuje REG BBC na Patriots BBC witabiriwe na Perezida wa Repubulika y’u Rwanda Paul Kagame, wanitabiriye umukino wa 1/2 wahuje REG BBC na APR BBC.

Ni imikino yabanjirijwe n’iyo gushaka umwanya wa Gatatu mu bagabo n’abagore. Mu bagore ikipe y’Ubumwe BBC yatwaye umwanya wa Gatatu itsinze 67 kuri 52 ya APR BBC. Mu bagabo IPRC Kigali yatsinze APR BBC amanota 87 kuri 79.

Uko amakipe yakurikiranye

Abagabo:

1. Patriots BBC
2. REG BBC
3. IPRC Kigali BBC
4. APR BBC

Abagore:

1.The Hoops Rwanda
2. IPRC Huye BBC
3. Ubumwe BBC
4. APR W BBC

Amakipe abiri yegukanye ibikombe azahagararira u Rwanda mu mikino mpuzampahanga. Patriots BBC izahagarariria u Rwanda muri Basketball Africa League mu gihe The Hoops Rwanda izahagarariria u Rwanda mu mikino y’Akarere ka Gatanu (Zone 5).

Banki ya Kigali ni we muterankunga wa shampiyona yatanze ibihembo ku makipe ane ya mbere. Ikipe ya mbere yahembwe miliyoni ebyiri z’amafaranga y’u Rwanda, iya kabiri ihabwa miliyoni imwe n’igice, iya Gatatu yahawe miliyoni imwe, iya kane ihabwa ibihumbi magana inani.

The Hoops Rwanda itwaye igikombe cyayo cya mbere itsinze IPRC Huye

Patriots BBC itwaye ibikombe by’imyaka itatu ikurikirana

Kureba andi mafoto menshi, kanda HANO

Inkuru bijyanye:

Perezida Kagame yarebye umukino wa nyuma wa shampiyona ya Basketball (Amafoto)

Patriots BBC ifite igikombe giheruka irashaka kucyisubiza

Ni imikino yabereye muri Kigali Arena ku wa Gatanu tariki 23 Ukwakira 2020. Mu bagore, ikipe ya IPRC Huye yageze ku mukino wa nyuma itsinze APR BBC amanota 67 kuri 53.

IPRC Huye

Nyuma yo kugera ku mukino wa nyuma bigoranye, bategereje ikipe iva hagati ya The Hoops Rwanda na Ubumwe BBC . Ikipe ya The Hoops Rwanda yageze ku mukino wayo wa nyuma ku nshuro ya kabiri yikurikiranya nyuma yo gutsinda Ubumwe BBC amanota 69 kuri 53.

The Hoops Rwanda yatsindiwe ku mikino ya nyuma umwaka ushize irashaka gukosora amakosa yakoze icyo gihe

Mu cyiciro cy’abagabo, ikipe ya REG BBC yageze ku mukino wa nyuma itsinze APR BBC amanota 75 kuri 68. Uyu mukino warebwe na Perezida wa Repubulika y’u Rwanda Paul Kagame .

Umukino wa nyuma wa 1/2 wahuje Patriots BBC ifite igikombe giheruka na IPRC Kigali. Uyu mukino warangiye Patriots BBC itsinze IPRC Kigali mu buryo bworoshye amanota 88 kuri 59.

Uko imikino yose yagenze

Abagore:

The Hoops Rwanda 69-53 Ubumwe BBC
REG BBC 75-68 APR BBC

Abagabo :

– REG BBC 75-68 APR BBC
– Patriots BBC 88-59 IPRC Kigali

Gahunda yo kuri uyu wa Gatandatu

Guhatanira umwanya wa Gatatu n’uwa Kane

– Abagore : 10:30: APR BBC vs Ubumwe BBC
Abagabo: 13:00: APR BBC vs IPRC Kigali

Umukino wa nyuma

Abagore :

15:30 : The Hoops Rwanda vs IPRC Huye

Abagabo:

18:00: REG BBC vs Patriots BBC

REG BBC irahura na Patriots BBC yayitwaye igikombe giheruka

Ikipe itwara igikombe mu bagabo irahembwa Miliyoni ebyiri z’amafaranga y’u Rwanda ikazahagararira u Rwanda mu mikino ya Basketball Africa League . Mu bagore ikipe itwara igikombe irahabwa Miliyoni ebyiri z’amafaranga y’u Rwanda ikazahagararira u Rwanda mu mikino y’akarere ka Gatanu ( Zone 5).

Perezida Kagame yarebye umukino wa APR BBC na REG BBC

Patriots BBC ishaka kwisubiza igikombe izikiranura na IPRC Kigali

Ayo makipe ni IPRC Kigali yabigezeho nyuma yo gutsinda UGB amanota 79 kuri 56, mu itsinda rya mbere ikipe ya REG BBC na yo yageze muri 1/2 nyuma yo gutsinda IPRC Musanze BBC 87 kuri 54.

Nyuma yo gusoza imikino y’itsinda rya mbere (A), REG BBC iyoboye itsinda n’amanota 6/6, ikurikirwa na IPRC Kigali BBC n’amanota 5, UGB ni ya 3 n’amanota 4 mu gihe IPRC Musanze BBC iri ku mwanya wa 4 n’amanota 3.

REG BBC na IPRC Kigali BBC zabonye itike ya ½ naho UGB na IPRC Musanze BBC zasezerewe.

Mu tsinda rya kabiri, Patriots BBC yakatishije tike y’imikino ya 1/2 nyuma yo gutsinda IPRC Huye BBC amanota 88 kuri 75, mu gihe ikipe ya APR BBC yazamukanye na Patriots BBC nyuma yo gutsinda Espoir BBC amanota 105 kuri 78.

IPRC Kigali yiteguye guha akazi gakomeye Patriots BBC muri kimwe cya kabiri

Imikino ya nyuma yo gusoza imikino mu itsinda rya kabiri (B), isize Patriots BBC iyoboye itsinda n’amanota 6/6, ikurikirwa na APR BBC n’amanota 5, IPRC Huye BBC ni ya 3 n’amanota 4 naho Espoir BBC iri ku mwanya wa 4 n’amanota 3.

Patriots BBC na APR BBC zibonye itike ya ½ naho IPRC Huye na Espoir BBC zasezerewe.

Gahunda y’imikino ya 1/2

Abagabo

– REG BBC vs APR BBC

– Patriots BBC vs IPRC Kigali BBC

APR BBC izakina na REG BBC muri kimwe cya kabiri

Abagore

IPRC Huye BBC vs APR BBC

The Hoops Rwanda vs Ubumwe BBC

Kuri uyu wa kane ni ikirihuko, imikino ikazakomeza ku wa Gatanu muri Kigali Arena nk’ibisanzwe.

Tubibutse ko imikino ya 1/2 n’umukino wa nyuma hazakinwa umukino umwe, ikipe izaba iya mbere mu bagabo ikazahagararira u Rwanda mu mikino ya Basketball Africa League, mu bagore ikipe izaba iya mbere izakina imikino y’akarere ka gatanu ( Zone 5).

Ni umukino wari ukomeye ku mpande zombi. Ni umukino IPRC Kigali yatangiye neza, dore ko yayoboye uduce tubiri twa mbere tw’umukino, aho mu gace ka mbere yatsinze amanota 25 kuri 23, agace ka kabiri IPRC Kigali itozwa na John Bahufite wahuraga n’ikipe yahoze atoza, yarangije igice cya mbere cy’umukino ikipe ye iyoboye n’amanota 47 kuri 46 ya REG BBC.

IPRC Kigali BBC

Uduce tubiri twa nyuma tw’umukino, REG BBC yerekanyemo ubukure ndetse n’ubunararibonye bw’abakinnyi barimo Belleck na Kaje Elie, aho yayoboye agace ka gatatu n’amanota 74 kuri 59 ya IPRC Kigali.

Agace ka kane IPRC Kigali BBC yazamuyemo amanota aho yatsinzemo amanota 23 kuri 16 ya REG BBC, ariko ikinyuranyo cy’agace ka gatatu gisigamo amanota umunani. Umukino wa mbere kuri REG BBC warangiye iwutsinze n’amanota 90 kuri 82 ya RP-IPRC Kigali.

REG BBC

Belleck Bell wa REG BBC ni we watsinze amanota menshi muri uyu mukino, aho yatsinze amanota 35, yakurikiwe na Amisi Saidi Carmelo wa IPRC Kigali watsinze amanota 23.

Uko imikino y’umunsi wa kabiri yagenze

Abagabo

– RP-IPRC Huye 65-63 Espoir BBC

– RP-IPRC Musanze BBC 54-77 UGB

– REG BBC RP 90-82 RP- PRC Kigali

Abagore

– RP-IPRC Huye BBC 81-39 APR WBBC

– Ubumwe BBC 67-83 The Hoops Rw

Gahunda y’umunsi wa gatatu wa shampiyona, kuwa kabiri tariki ya 20 Ukwakira 2020

-12:30: RP-IPRC Huye vs Ubumwe BBC (Abagore)

-15:00: UGB vs REG BBC

-18:00: The Hoops Rwanda -APR BBC (Abagore)

-20:00: Espoir BBC vs Patriots BBC

Iyi mikino iri kubera muri Kigali Arena